rgya gar skad du/ rat+na tri swa sti gA thA/ bod skad du/ dkon mchog gsum gyi bkra shis kyi tshigs su bcad pa/ dkon mchog gsum la phyag 'tshal lo/ /che ba'i che mchog ston mchog bla na med/ /chos rje nyi ma rgyal ba'i byin brlabs kyis/ /bdud dang bgegs rigs gnod pa'i dgra zhi 367b ste/ /rtag tu dpal gnas nyin mtshan bkra shis shog /chos nyid bden pa'i chos mchog bla na med/ /dam chos bdud rtsi bden pa'i byin brlabs kyis/ /nyes pa'i skyon bral dge tshogs rnam 'phel ba/ /rtag tu dpal gnas nyin mtshan bkra shis shog /dge 'dun yon tan rin chen dpal 'bar ba/ /rgyal sras phan mdzad bden pa'i byin brlabs kyis/ /nyon mongs sdug bsngal gdung ba'i dgra zhi ste/ /rtag tu dpal gnas nyin mtshan bkra shis shog /tshangs dang lha dbang srung ma'i byin brlabs kyis/ /phan mdzad lha yi bkra shis gnas gyur te/ /bde legs bsam pa yid bzhin grub pa dang / /tshe ring nad med bde spyid ldan par shog /dkon mchog gsum gyi bkra shis kyi tshigs su bcad pa bcom ldan 'das kyis khyim bdag des pa la gsungs pa rdzogs so// //rgya gar gyi mkhan po dza ni mi tra dang / zhus chen gyi lo ts+tsha ba ban+d+he ye shes sdes bsgyur cing zhus te gtan la phab pa'o// //gsar bcug kha skong 'di rnams gong gi 'jug mtshams so sor pod che long 'khod zin stabs le tshan che rigs rgyud sde'i go rim bzhin 'jug ma bde nas 'di bas rim par bzhugs pa/ |