H82

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>H82</h1><td>(<a href="https://asianclassics.org/tibetan/" target="new2">e-text produced by ACIP</a>)<br><br><a href="verif2.php?id=H82&coll=lhasa">see text in Tibetan script</a></table>79a<br><font size=+1>


//rgya gar skad du/ AR+Ya sarba bud+d+ha ma hA ra ha s+yo pA ya kau sha l+ya dz+nyA nod ta ra bo d+hi satwa pa ri pr-i ts+tshA pa ri brta nA ma ma hA yA na sU tra/ bod skad du/ 'phags pa sangs rgyas thams cad kyi gsang chen thabs la mkhas pa byang chub sems dpa' ye shes dam pa'i zhus pas le'u zhes bya ba theg pa chen </font><hr>79b<br><font size=+1>


po'i mdo/ bam po dang po/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na/ slob pa dang mi slob pa'i dge slong brgyad stong gi dge slong gi dge 'dun chen po dang / byang chub sems dpa' sems dpa' chen po khri drug stong thams cad kyang mngon par shes pas mngon par shes pa/ gzungs thob pa/ spobs pa thogs pa med pa/ mngon par shes pa bsgrub pa la mkhas pa/ mi skye ba'i chos la bzod pa thob pa/ yon tan 'bum phrag du ma dang ldan pa'i byang chub sems dpa' sha stag dang thabs gcig tu bzhugs te/ de nas bcom ldan 'das phyem red kyi dus kyi tshe/ nang du yang dag 'jog las bzhengs nas ring po ma lon par 'khor 'bum phrag du mas yongs su bskor cing mdun gyis bltas nas chos ston te/ tshangs par spyod pa/ thog mar dge ba/ bar du dge ba/ tha mar dge ba/ don bzang po/ tshig 'bru bzang po/ ma 'dres pa/ yongs su rdzogs pa/ yongs su dag pa/ yongs su byang pa yang dag par ston to/ /de'i tshe na byang chub sems dpa' sems dpa' chen po ye shes dam pa zhes bya ba 'khor de nyid du 'dus te 'dug par gyur to/ /de nas byang chub sems dpa' sems dpa' chen po ye shes dam pa stan las </font><hr>80a<br><font size=+1>


@#/ /langs te/ bla gos phrag pa gcig tu gzar nas pus mo g.yas ba'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to/ /gal te zhus nas zhu ba lung bstan pa'i slad du/ bcom ldan 'das kyis bdag la skabs dbye bar gnang na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas la bdag phyogs 'ga' zhig zhu lags so/ /de skad ces gsol pa dang / bcom ldan 'das kyis byang chub sems dpa' sems dpa' chen po ye shes dam pa la 'di skad ces bka' stsal to/ /rigs kyi bu khyod ci dang ci 'dod pa de bzhin gshegs pa la dris shig dang / ngas dris pa de dang de nyid kyi lung bstan pas khyod kyi sems rangs par bya'o/ /de skad ces bka' stsal pa dang / bcom ldan 'das la byang chub sems dpa' sems dpa' chen po ye shes dam pas 'di skad ces gsol to/ /btsun pa bcom ldan 'das/ byang chub sems dpa' sems dpa' chen po rnams kyi thabs la mkhas pa thabs la mkhas pa zhes bgyi na/ thabs la mkhas pa de gang lags/ btsun pa bcom ldan 'das/ ci ltar na byang chub sems dpa' sems dpa' chen po thabs la mkhas pa lags/ de skad ces gsol pa dang </font><hr>80b<br><font size=+1>


bcom ldan 'das kyis byang chub sems dpa' sems dpa' chen po ye shes dam pa la 'di skad ces bka' stsal to/ /rigs kyi bu/ legs so/ /legs so/ /rigs kyi bu khyod kyis skye bo mang po la phan pa dang / skye bo mang po la bde ba dang / 'jig rten la snying brtse ba dang / lha rnams dang mi rnams kyi skye bo phal po che'i don dang / phan pa dang / bde ba dang / da ltar dang / ma 'ongs pa'i byang chub sems dpa' sems dpa' chen po rnams kyi shes pa rjes su yongs su bzung ba dang / sangs rgyas kyi chos thams cad yongs su rdzogs par bya ba dang / 'das pa dang / ma byon pa dang / da ltar byung ba'i sangs rgyas bcom ldan 'das rnams kyi dam pa'i chos yongs su gzung ba'i phyir zhugs te/ rigs kyi bu khyod de bzhin gshegs pa la byang chub sems dpa' rnams kyi thabs la mkhas pa yongs su 'dri bar sems pa ni/ rigs kyi bu/ yang khyod legs so/ /rigs kyi bu/ de'i phyir legs par rab tu nyon la tshul bzhin du yid la gzung zhig dang / ngas byang chub sems dpa' sems dpa' chen po rnams kyi thabs la mkhas pa khyod la bshad par bya'o/ /byang chub sems dpa' sems dpa' chen po ye shes dam pas/ bcom ldan 'das/ de bzhin no zhes gsol te/ bcom ldan 'das kyi ltar mnyan pa dang / bcom ldan 'das kyis de la 'di skad ces bka' stsal to/ /rigs kyi bu/ 'di la byang chub sems dpa' sems dpa' </font><hr>81a<br><font size=+1>


@#/ /chen po thabs la mkhas pa ni zan kham gcig tsam yang sems can thams cad la sbyin par byed do| |de ci'i phyir zhe na/ rigs kyi bu 'di la byang chub sems dpa' sems dpa' chen po thabs la mkhas pa ni gang gi tshe dud 'gro'i skye gnas su gyur pa la zan kham gcig tsam sbyin par byed na yang / de yang thams cad mkhyen pa nyid dang ldan pa'i sems kyis sbyin par byed cing / dge ba'i rtsa ba de yang sems can thams cad kyi sangs rgyas kyi chos yongs su rdzogs par bya bar yongs su bsngo ba'i phyir ro/ /de rgyu gnyis kyis ni sems can thams cad la yongs su bsngo bar byed de/ gnyis gang zhe na/ thams cad mkhyen pa nyid kyi sems dang / yongs su bsngo ba la mkhas pa nyid kyis te/ rigs kyi bu/ 'di ni byang chub sems dpa' sems dpa' chen po'i thabs la mkhas pa yin no/ /rigs kyi bu/ gzhan yang byang chub sems dpa' sems dpa' chen po'i thabs la mkhas pa ni gzhan gyis dge ba'i rtsa ba mngon par 'dus byas pa la rjes su yi rang bar byed cing / rjes su yi rangs nas kyang sems can thams cad la yongs su bsngo zhing btang ste yongs su bsngo bar yang byed do/ /de thams cad mkhyen pa nyid du yongs su bsngo ba'i dge ba'i rtsa ba des byang chub kyi sems dang bral ba'i sbyin pa po dang / sbyin bdag gang dag yin pa de dag kyang zil gyis gnon par byed la/ len pa po gang dag yin pa de dag </font><hr>81b<br><font size=+1>


kyang zil gyis gnon par byed de/ rigs kyi bu/ de yang byang chub sems dpa' sems dpa' chen po'i thabs la mkhas pa yin no/ /rigs kyi bu/ gzhan yang byang chub sems dpa' sems dpa' chen po thabs la mkhas pa ni phyogs bcu dag na me tog gi shing ljon pa dang / spos kyi shing ljon pa dang / me tog phreng dang / spos dang / phye ma dang / byug pa bdag gir ma byas shing yongs su ma bzung ba gang ji snyed pa de dag thams cad bsam pas yongs su bzung zhing yongs su bsdus nas/ sangs rgyas thams cad la 'bul bar byed cing / dge ba'i rtsa ba de yang sems can thams cad la gtong bar byed de/ yongs su btang nas kyang thams cad mkhyen pa nyid du yongs su bsngo bar byed do/ /phyogs bcu dag na me tog gi shing ljon pa dang / spos kyi shing ljon pa dang / me tog dang / me tog phreng dang / spos dang / phye ma dang / byug pa bdag gi dang bcas shing yongs su bzung ba dang bcas pa gang ji snyed pa de dag thams cad kyi dri rlung gis btab pa'i ngad de dag kyang byang chub sems dpa' thabs mkhas pas sangs rgyas thams cad la 'bul bar byed cing / dge ba'i rtsa ba de yang bdag dang sems can thams cad kyis thams cad mkhyen pa nyid yongs su rdzogs par bya ba'i phyir yongs su bsngo bar byed do/ /de thams cad mkhyen pa nyid du yongs su bsngos pa'i dge ba'i rtsa ba des tshul khrims dang / ting nge 'dzin dang / shes rab dang / rnam par grol ba dang / rnam par grol ba'i </font><hr>82a<br><font size=+1>


@#/ /ba'i ye shes mthong ba'i phung po dpag tu med pa thob par 'gyur te/ rigs kyi bu/ de yang byang chub sems dpa' sems dpa' chen po'i thabs la mkhas pa yin no/ /rigs kyi bu| gzhan yang byang chub sems dpa' sems dpa' chen po'i thabs la mkhas pa ni phyogs bcu'i 'jig rten gyi khams dag na/ sems can sdug bsngal gyi tshor ba myong bar 'gyur ba gang ji snyed pa de dag la byang chub sems dpa' thabs la mkhas pas sems can de dag gi sdug bsngal gyi tshor ba de dag thams cad bsdus te 'chags par byed cing / 'di ltar sems can de dag gi sdug bsngal gyi tshor ba gang dag yin pa de dag thams cad bdag gis lus la 'bab par 'gyur zhing / sems can de dag bde bar gyur cig ces go cha gyon par yang byed do/ /phyogs bcu kun gyi khams dag na/ sems can bde ba'i tshor ba myong bar 'gyur ba gang dag yin pa de dag la byang chub sems dpa' thabs mkhas pas de dag yang dag par bsdus te/ rjes su yi rang bar byed cing rjes su yi rangs nas kyang thams cad mkhyen pa nyid la dmigs pa'i sems bskyed pas/ sems can thams cad kyi sdug bsngal thams cad rab tu zhi bar bya ba'i phyir/ thams cad mkhyen pa nyid du yongs su bsngo bar byed do/ /de dge ba'i rtsa ba des sangs rgyas thams cad kyi bde ba'i yo byad rnams 'thob par 'gyur te/ rigs kyi bu/ de yang byang chub </font><hr>82b<br><font size=+1>


sems dpa' sems dpa' chen po'i thabs la mkhas pa yin no/ /rigs kyi bu/ gzhan yang byang chub sems dpa' sems dpa' chen po'i thabs la mkhas pa ni de bzhin gshegs pa gcig la phyag byas/ bkur stir byas/ bla mar byas/ mchod par byas/ bsnyen bkur byas nas/ 'di ltar so sor rtog par byed de/ sangs rgyas bcom ldan 'das rnams ni chos kyi dbyings gcig las nges par byung ba dang / tshul khrims gcig pa dang / ting nge 'dzin gcig pa dang / shes rab gcig pa dang / rnam par grol ba gcig pa dang / rnam par grol ba'i ye shes mthong ba gcig pa dang / ye shes gcig pa dang / rig pa gcig pa yin no zhes so sor rtog par byed do/ /des de ltar so sor brtags nas 'di ltar shes par byed de/ de bzhin gshegs pa gcig la phyag byas/ bkur stir byas| bla mar byas/ ri mor byas/ mchod pa byas/ bsnyen bkur byas pas ni de bzhin gshegs pa thams cad la phyag byas pa dang / bkur stir byas pa dang / bla mar byas pa dang / ri mor byas pa dang / mchod pa byas pa dang / bsnyen bkur byas par 'gyur ro snyam du shes par byed do/ /byang chub sems dpa' thabs la mkhas pa ni phyogs bcu'i sangs rgyas bcom ldan 'das de dag gi mchod pa 'byung bar 'gyur ba gang dag yin pa de dag thams cad bsam pas yongs su bzung nas/ thams cad mkhyen pa nyid du yongs su bsngo bar byed de/ rigs kyi bu /de yang byang chub </font><hr>83a<br><font size=+1>


@#/ /sems dpa' sems dpa' chen po'i thabs la mkhas pa yin no/ /rigs kyi bu/ gzhan yang byang chub sems dpa' sems dpa' chen po thabs la mkhas pa ni gang gi tshe blo rtul bar gyur na yang de bdag nyid khyad du gsod par mi byed cing / zhum par mi byed par/ de tha na tshig bzhi pa'i tshigs su bcad pa gcig tsam la yang mi 'jug par mi byed cing / de 'di ltar so sor rtog par byed de/ tshig bzhi pa'i tshigs su bcad pa gcig po 'di'i don gang yin pa de ni/ gsung rab tu gtogs pa thams cad kyi don yin no zhes so sor rtogs par byed do/ /des de ltar tshig bzhi pa'i tshigs su bcad pa gcig kha ton du bslabs nas/ zhum pa med pa'i sems kyis snying rje chen po bskyed de/ rnyed pa dang / bkur sti dang / grags pa 'dod pa med pas grong dang / grong khyer dang / grong rdal dang / yul 'khor dang / rgyal po'i pho brang 'khor dag tu skye bo mang po la tshig bzhi pa'i tshigs su bcad pa de rgya cher yang dag par ston par byed cing / 'di ltar smon lam 'debs par yang byed de/ sems can gang su dag gis bdag tshig bzhi pa'i tshigs su bcad pa 'di thos par gyur pa de dag thams cad bla na med pa yang dag par rdzogs pa'i byang chub tu nges par gyur cig ces smon lam 'debs par yang byed do/ /de'i dge ba'i rtsa ba thabs la mkhas pas yongs su zin </font><hr>83b<br><font size=+1>


pa des sems can thams cad kun dga' bo ltar mang du thos par 'gyur zhing / sangs rgyas kyi spobs pa nyid kyang 'thob par 'gyur te/ rigs kyi bu/ de yang byang chub sems dpa' sems dpa' chen po'i thabs la mkhas pa yin no/ /rigs kyi bu/ gzhan yang byang chub sems dpa' sems dpa' chen po'i thabs la mkhas pa ni gal te brgya la brgya lam na/ dbul por gyur na yang / des tha na gzhan gyi las kyang byas te/ kha zas nal ze gang tsam yang blangs nas zhum pa med pa'i sems kyis dge 'dun nam/ gang zag la 'bul bar yang byed do| |phul nas kyang de 'di ltar so sor rtog par byed de/ bcom ldan 'das kyis sems rgya chen pos byin na sbyin pa yang rgya chen por 'gyur ro zhes gsungs pas na/ 'di ltar bdag gi sbyin par byed pa'i chos 'di ni chung mod kyi/ thams cad mkhyen pa nyid kyi sems kyis byin pas dpag tu med par 'gyur ro snyam du so sor rtog par byed do/ /de thams cad mkhyen pa nyid kyi sems tshad med par gyur pa des kha zas nal ze gang tsam po de sbyin par byed cing / bdag gi dge ba'i rtsa ba 'dis bdag dang / sems can thams cad/ 'di lta ste/ dper na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa ji lta ba bzhin du skyes bu chen po'i mtshan ro bro ba'i mchog 'grub par 'gyur zhing / lag </font><hr>84a<br><font size=+1>


@#/ /na rin po che 'grub par gyur cig ces yongs su bsngo bar byed do/ /de dge ba'i rtsa ba thams cad mkhyen pa nyid du yongs su bsngos pa des/ byang chub kyi sems dang 'bral ba'i sems can rnams kyi sbyin pa las byung ba'i bsod nams bya ba'i dngos po yang zil gyis gnon par 'gyur la/ skyes bu chen po'i mtshan ro bro ba'i mchog kyang 'grub par 'gyur/ lag na rin po che yang 'grub par 'gyur te/ rigs kyi bu/ de yang byang chub sems dpa' sems dpa' chen po'i thabs la mkhas pa yin no/ /rigs kyi bu/ gzhan yang byang chub sems dpa' sems dpa' chen po thabs la mkhas pa ni/ gal te nyan thos dang / rang sangs rgyas rnams dang / nyan thos kyi theg pa ba rnams dang lhan cig gnas par gyur kyang de dag la dga' bar mi byed cing / gal te byang chub sems dpa' thabs la mkhas pas nyan thos dang / rang sangs rgyas rnams la bsnyen bkur lhag pa dag yod la/ bdag la de lta ma yin par mthong na yang de rgyu gnyis kyis bdag la rtog par byed de/ gnyis gang zhe na/ byang chub sems dpa' las nges par byung ba ni/ sangs rgyas bcom ldan 'das rnams yin la/ sangs rgyas bcom ldan 'das rnams nges par 'byung ba ni/ nyan thos dang / rang sangs rgyas rnams yin no/ /snyam du bdag nyid la rtog par byed cing / de 'di ltar so </font><hr>84b<br><font size=+1>


sor rtog par byed de/ 'di dag la bsnyen bkur ba lhag pa dag yod mod kyi/ 'on kyang 'dir ni bdag nyid shin tu mchog dang / shin tu gtso bo yin gyi 'di dag ni ma yin no/ /'di dag ni bdag gi pha'i nor gyi phung po la yongs su spyod par byed pa yin pas/ bdag gis 'di dag la dga' bar yang mi bya la/ 'di dag la phrag dog kyang mi bya'o snyam du so sor rtog par byed do// des lhag pa'i bsam pas sems bskyed pa des/ gang gis de bzhin gshegs pa la bsnyen bkur byas kyang khengs par mi 'gyur la bsnyen bkur ma byas kyang zhum par mi 'gyur zhing / sems can thams cad la thugs mnyam pa kun tu 'dzin par mdzad pa lta bu'i rjes su chags pa dang / khong khro ba spangs pa thob par 'gyur te/ rigs kyi bu/ de yang byang chub sems dpa' sems dpa' chen po'i thabs la mkhas pa yin no/ /rigs kyi bu/ gzhan yang byang chub sems dpa' sems dpa' chen po thabs la mkhas pa ni sbyin pa byin pas kyang pha rol tu phyin pa drug po thams cad yongs su rdzogs par byed do/ /ji ltar yongs su rdzogs par byed ce na/ 'di la byang chub sems dpa' sems dpa' chen po thabs la mkhas pa ni gang gi tshe slong mo ba mthong na de thams cad mkhyen pa nyid la dmigs te/ ser sna'i sems tshar gcod par byed cing / gtong ba chen po yang spel bar byed la/ sbyin no snyam pa'i sems kyang skyed par byed pa gang yin pa de ni de'i sbyin </font><hr>85a<br><font size=+1>


@#/ /pa'i pha rol tu phyin pa yin no/ /tshul khrims yang dag par blangs shing tshul khrims dang ldan pa la sbyin par byed pa dang / sems can tshul khrims 'chal pa gang dag yin pa de dag tshul khrims la 'god par byed cing sbyin pa byin nas/ 'di ltar bla na med pa yang dag par rdzogs pa'i byang chub la 'god par byed pa gang yin pa de ni de'i tshul khrims kyi pha rol tu phyin pa yin no/ /byams pa'i sems dang / phan pa'i sems dang / ma 'dres pa'i sems dang / mi 'khrugs pa'i sems dang / le lo med pa'i sems dang / rnyog pa med pa'i sems dang / snyoms pa'i sems kyis sbyin pa sbyin par byed pa gang yin pa de ni de'i bzod pa'i pha rol tu phyin pa yin no/ /bza' ba dang / btung ba dang / bldag pa dang / myang ba dag la mngon par gus pa yang dag par grub par byed cing rtsol bar byed pa dang / lus kyis zhal ta byed pa dang / sems kyis zhal ta byed pa dang / ldang ba dang / 'gro ba dang / 'ong bar byed pa gang yin pa de ni de'i brtson 'grus kyi pha rol tu phyin pa yin no/ /sbyin pa gang yin pa de la sems rtse gcig pa nyid dang / dga' ba dang / yid bde ba dang / mchog tu dga' ba'i bsam pa dang / rnam par g.yeng ba med pa gang yin pa de ni de'i bsam gtan gyi pha rol tu phyin pa yin no/ /sbyin pa sbyin nas chos nyid kyi rjes su yang dag par gzhol bar byed de/ sus byin/ </font><hr>85b<br><font size=+1>


su la byin/ ci zhig byin/ 'di'i rnam par smin pa sus myong bar 'gyur zhes chos nyid kyi rjes su yang dag par gzhol bar byed cing / des de ltar yongs su btsal nas kyang gang gis byin pa dang / gang la byin pa dang / ci zhig byin pa dang / de'i rnam par smin pa myong bar byed pa'i chos 'ga' yang mi dmigs pa gang yang yin pa de ni de'i shes rab kyi pha rol tu phyin pa yin te/ rigs kyi bu/ de ltar na byang chub sems dpa' sems dpa' chen po thabs la mkhas pa sbyin pa byin pas kyang pha rol tu phyin pa drug po thams cad yongs su rdzogs par byed pa yin no/ /de nas bcom ldan 'das la byang chub sems dpa' sems dpa' chen po ye shes dam pas 'di skad ces gsol to/ /btsun pa bcom ldan 'das/ de ltar byang chub sems dpa' sems dpa' chen po thabs la mkhas pas/ sbyin pa gang gis sems can rnams kyang 'khor ba las yongs su 'dzin par bgyid la/ sbyin pa de nyid kyis sangs rgyas kyi chos thams cad kyang yongs su 'dzin par bgyid pa'i byang chub sems dpa' sems dpa' chen po rnams kyi thabs la mkhas pas de ni ngo mtshar lags so/ /bcom ldan 'das kyis bka' stsal pa/ rigs kyi bu/ de de bzhin no/ /ji skad smras pa de bzhin te/ byang chub sems dpa' sems dpa' chen po thabs la mkhas pa ni/ thabs la mkhas pa dang / thabs la mkhas pa'i pha rol tu phyin pas sbyin pa </font><hr>86a<br><font size=+1>


@#/ /chung ngu yang chen por byed la/ chen po ni dpag tu med pa dang / grangs med par byed do/ /de nas bcom ldan 'das kyis yang byang chub sems dpa' sems dpa' chen po ye shes dam pa la 'di skad ces bka' stsal to/ /rigs kyi bu/ gzhan yang byang chub sems dpa' sems dpa' chen po thabs la mkhas pa ni gal te brgya la brgya lam na| sdig pa'i grogs po'i dbang ngam/ sems kun du rmongs pas nyes pa byung na yang / 'di ltar so sor slob ste/ gal te bdag phung po dang / khams dang / skye mched 'di dag nyid kyis yongs su mya ngan las 'das par gyur na ni da ltar bdag gis yongs su gdung bar bya dgos par 'gyur bas/ bdag gis 'di ltar go cha bgo bar bya ste/ bdag sems can rnams yongs su smin par bya ba'i phyir/ phyi ma'i mtha'i mu'i bar du 'khor bar 'khor bar bya ba la bdag gis sems zhum par mi bya/ 'jigs par mi bya/ sems skrag par mi bya| yongs su gdung bar mi bya zhing / ci lta ci ltar 'khor bar 'gyur ba de lta de ltar sems can yongs su smin par bya ba dang / nyes pa 'di yang chos bzhin du phyir bya zhing / phyin chad kyang nyes pa mi 'byung bar bya ba dang / bdag gis sems can thams cad kyang nyes pa las dbyung ba'i phyir chos bstan par bya'o zhes go cha gyon par byed do/ /rigs kyi bu/ yongs </font><hr>86b<br><font size=+1>


su brtag pa nye bar bzung na/ byang chub sems dpa' rab tu byung ba ni gal te rtsa ba'i nyes pa bzhi po thams cad byung bar gyur na yang thabs la mkhas pa des sel bar byed na/ rigs kyi bu nga ni byang chub sems dpa' la nyes pa med ces smra'o/ /de skad ces bka' stsal pa dang / bcom ldan 'das la byang chub sems dpa' sems dpa' chen po ye shes dam pas 'di skad ces gsol to/ /btsun pa bcom ldan 'das/ ji ltar na byang chub sems dpa' nongs pa dang bcas pa lags/ bcom ldan 'das kyis bka' stsal pa/ rigs kyi bu/ 'di ltar byang chub sems dpa' so sor thar pa'i bslab pa la slob par byed pa na/ bskal pa 'bum gyi bar du rtsa ba dang 'bras bu za bar byed cing / sems can thams cad kyis legs par smras pa dang / nyes par smras so cog bzod par byed du zin kyang / nyan thos dang / rang sangs rgyas dang ldan pa'i yid la byed pa dag gis gnas par gyur na/ rigs kyi bu/ de ni byang chub sems dpa'i rtsa ba'i nyes pa lci ba zhes bya ba'o/ /rigs kyi bu/ 'di lta ste/ dper na/ nyan thos kyi theg pa pa'i gang zag rtsa ba'i nyes pa byung bar gyur pa ni phung po dang / khams dang / skye mched de dag nyid kyis yongs su mya ngan las 'da' bar 'gyur ba'i skal ba med pa de bzhin du byang chub sems dpa' yang nyan thos dang / rang sangs rgyas dang ldan pa'i yid la byed pa dag ma bshags/ ma spangs kyi bar </font><hr>87a<br><font size=+1>


@#/ /du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba'i skal ba med cing / sangs rgyas kyi sa thob par 'gyur ba'i skal pa med de/ de ni gnas med do/ /de nas bcom ldan 'das la tshe dang ldan pa kun dga' bos 'di skad ces gsol to/ /btsun pa bcom ldan 'das/ de bzhin gshegs pa ni sems can thams cad kyi ston pa lags te/ mi mkhyen pa'am/ ma gzigs pa'am/ thugs su ma chud pa'am/ mngon sum du ma mdzad pa cung zad kyang mi mnga' lags mod kyi/ 'on kyang de bzhin gshegs pas 'di skad ces dge slong gi nyes pa byung ba mthong na/ bcab par mi bya bar tshangs par spyod pa gzhan dag gam/ de bzhin gshegs pa'i spyan sngar smos shig ces bka' stsal lags pas/ btsun pa bcom ldan 'das/ bdag mnyan yod kyi grong khyer chen po 'dir mthar chags su bsod snyoms kyi slad du mchi ba na/ grong khyer gzhan zhig na byang chub sems dpa' tshogs can rab mchog rgyal po zhes bgyi ba khri'i steng na bud med cig dang lhan cig mchis pa mthong ba de dag byams pa dang ldan pa dang / nongs pa ma mchis pa'i sems kyis bcom ldan 'das la gsol lags so/ /tshe dang ldan pa kun dga' bos tshig de skad ces gsol nas/ ring po ma lon par de nas de'i mod las chen po </font><hr>87b<br><font size=+1>


'di rnam pa drug tu rab tu g.yos par gyur to/ /de nas de'i tshe byang chub sems dpa' tshogs can rab mchog rgyal po bcom ldan 'das kyi spyan sngar steng gi bar snang la ta la bdun srid tsam du 'phags te 'dug nas/ tshe dang ldan pa kun dga' bo la 'di skad ces smras so/ /tshe dang ldan pa kun dga' bo/ 'di ji snyam du sems/ nyes pa'i chos dang ldan pa bar snang la 'dug par nus snyam mam/ kun dga' bos smras pa/ rigs kyi bu/ de ni mi nus so/ /byang chub sems dpa' tshogs can rab mchog rgyal pos smras pa/ tshe dang ldan pa kun dga' bo/ 'on kyang de bzhin gshegs pa mngon du gyur pa 'di la ji ltar na byang chub sems dpa' nyes pa'i chos dang ldan pa dris shig /de nas tshe dang ldan pa kun dga' bo/ yul yul por gyur nas/ bcom ldan 'das kyi zhabs la gtugs te/ bcom ldan 'das la 'di skad ces gsol to/ /btsun pa bcom ldan 'das/ bdag gis gtso bo chen po 'di lta bu la nongs pa yongs su glengs pa gang lags pa'i nongs pa la nongs par 'chags shing mchis na/ btsun pa bcom ldan 'das kyis bdag gi nongs pa la nongs par bshags pa gang lags pa de/ nongs pa la nongs par yongs su gzung du gsol/ de nas bcom ldan 'das kyis tshe dang ldan pa kun dga' bo la 'di skad ces bka' stsal to/ /kun dga' bo khyod theg pa chen po la yang dag par zhugs pa'i skyes bu dam </font><hr>88a<br><font size=+1>


@#/ /pa dag la nyes pa'i 'du shes ma bskyed cing / kun dga' bo/ 'di lta ste/ dper na/ nyan thos kyi theg pa pa'i gang zag gcig pu zla med par zhi gnas kyis gnas pas gnas par byed pa ni zag pa zad pa mngon sum du bya ba la bar chad med par 'gyur ba de bzhin du/ kun dga' bo/ byang chub sems dpa' sems dpa' chen po thabs la mkhas pa thams cad mkhyen pa nyid kyi sems dang ldan pa bud med kyi 'khor dam pa'i nang na 'dug cing dga' ba dang / rtse ba dang / dga' mgur spyod par byed pa yang thams cad mkhyen pa nyid la bar du gcod pa med par rig par bya'o/ /de ci'i phyir zhe na/ kun dga' bo/ byang chub sems dpa' sems dpa' chen po thabs la mkhas pa ni dkon mchog gsum po'o/ /gsum gang zhe na| sangs rgyas dkon mchog dang / chos dkon mchog dang / dge 'dun dkon mchog dang / bla na med pa yang dag par rdzogs pa'i byang chub la ma bkod pa'i g.yog 'khor gang yin pa de mi 'dzin pa'i phyir ro/ /kun dga' bo/ gang gi tshe khyod kyis byang chub sems dpa'i theg pa pa'i rigs kyi bu'am rigs kyi bu mo thams cad mkhyen pa nyid kyi sems dang ma bral ba 'dod pa'i yon tan lnga po dag gis rtse ba dang / dga' ba dang / dga' mgur spyod par byed pa mthong na/ kun dga' bo/ khyod kyis skyes bu dam pa de ni de bzhin gshegs pa lta bu'i dbang </font><hr>88b<br><font size=+1>


po lnga dang ldan zhing gnas pa yin par shes par bya'o/ /kun dga' bo/ gang gi phyir byang chub sems dpa' tshogs can rab mchog rgyal po khri gcig gi steng na bud med dang lhan cig 'dug par gyur pa yang nyon cig /kun dga' bo/ bud med de ni 'das pa'i dus na tshe rabs lnga brgyar byang chub sems dpa' tshogs can rab mchog rgyal po'i chung mar gyur te/ de sngon gyi tshul bzhin ma yin pa de nyid kyis rigs kyi bu de la lhag par sems kyis 'brel par gyur kyang / byang chub sems dpa' tshogs can rab mchog rgyal po de'i dpal dang / gzi brjid dang / tshul khrims kyi stobs bskyed pa mthong nas/ gnas ngan len gyi tshig brjod par ma nus nas de gcig pu dben par 'dug pa na 'di lta bu'i sems bskyed par gyur te/ gal te byang chub sems dpa' tshogs can rab mchog rgyal po bdag dang lhan cig khri gcig gi steng na 'dug par gyur na bdag gis kyang bla na med pa yang dag par rdzogs pa'i byang chub tu sems bskyed par bya'o snyam mo/ /de nas byang chub sems dpa' tshogs can rab mchog rgyal pos sring mo de'i sems kyi yongs su rtog pa sems kyis shes nas/ de nyid kyi mtshan mo 'das pa dang snga dro'i dus kyi tshe sham thabs dang / chos gos bgos te/ lhung bzed thogs nas mnyan yod kyi grong khyer chen por bsod snyoms kyi phyir zhugs so/ /de mnyan yod kyi grong khyer chen por bsod snyoms kyi phyir rgyu ba na/ sring mo </font><hr>89a<br><font size=+1>


@#/ /de'i khyim ga la ba der zhugs nas/ nang gi sa'i khams gang yin pa dang / phyi rol gyi sa'i khams gang yin pa'i sa'i khams de dag ni gcig pa yin pa'i chos kyi sgo 'dis/ des sa dang mnyam pa'i sems kyis lag pa g.yas pas sring mo de bzung ste khri gcig la 'khod do/ /'khod ma thag tu des de'i tshi tshigs su bcad pa 'di yang smras so| |sangs rgyas 'dod pa bsngags mi mdzad/ /de ni byis pa'i spyod yul yin/ /'dod la sred pa spangs byas na/ /mi mchog sangs rgyas rnams su 'gyur/ /kun dga' bo/ de nas sring mo des tshigs su bcad pa de thos nas dga' ba dang mchog tu dga' ba skyes te/ khri de las babs nas byang chub sems dpa' tshogs can rab mchog rgyal po'i rkang pa la gtugs te/ de'i tshe tshigs su bcad pa 'di dag smras so/ /'dod gang sangs rgyas smad pa dag /slan chad don du gnyer mi bgyid/ /'dod la sred pa spangs bgyis nas/ /mi mchog sangs rgyas 'grub gyur cig/ bdag gi sems kyis gang bsams pa'i/ /nongs pa de ni khyod la 'chags/ /srog chags kun la sman slad du/ /bdag ni byang chub 'dun pa bskyed/ /kun dga' bo/ de ltar byang chub sems dpa' tshogs can rab mchog rgyal pos thabs la mkhas pa des/ sring mo de bla na med pa yang dag par rdzogs pa'i byang chub yang dag par bstan/ yang dag par gzengs </font><hr>89b<br><font size=+1>


bstod/ yang dag par 'dzin du bcug /yang dag par rab tu bzhag nas stan las langs te song ngo / /kun dga' bo/ de'i lhag pa'i bsam pa'i khyad par la ltos/ kun dga' bo/ nga ni sring mo de 'di nas shi 'phos nas bud med kyi lus bsgyur te/ bskal pa grangs med pa 'bum phrag dgu bcu rtsa dgu 'das pa'i 'og tu de bzhin gshegs pa dgra bcom pa yang dag par rdzogs pa'i sangs rgyas kun nas ldang ba dang bral ba zhes bya bar 'gyur te/ 'jig rten du 'byung bar 'gyur zhing / des byang chub 'thob pa'i sangs rgyas kyi zhing de na yang sems can mi dge pa'i kun nas ldang ba'i sems dang ldan pa 'ga' yang 'byung bar mi 'gyur bar lung ston to/ /kun dga' bo/ rnam grangs des kyang 'di ltar byang chub sems dpa' ni 'khor gang bzung na log par ltung ba'i chos su 'gyur ba de 'dzin par mi byed par rig par bya'o/ /de nas byang chub sems dpa' tshogs can rab mchog rgyal po bar snang de las babs te/ bcom ldan 'das kyi zhabs gnyis la mgo bos phyag 'tshal nas bcom ldan 'das la 'di skad ces gsol to/ /btsun pa bcom ldan 'das/ byang chub sems dpas ni thabs la mkhas pa dang / snying rje chen po la gnas par bgyi lags te/ btsun pa bcom ldan 'das/ 'di la bdag ni 'di snyam du/ gal te byang chub sems dpas ni sems can gcig gi dge ba'i rtsa ba yang dag par </font><hr>90a<br><font size=+1>


@#/ /bskyed pa'i slad du 'di lta bu'i nongs pa 'byung bar 'gyur zhing / nongs pa ji lta bu byung bas bskal pa 'bum gyi bar du sems can dmyal ba chen por bsreg par 'gyur yang / btsun pa bcom ldan 'das/ byang chub sems dpas ni nongs pa 'byung ba de dang / sems can dmyal ba'i sdug bsngal de la spro bar bgyi lags kyi/ sems can gcig po de'i dge ba'i rtsa ba yongs su btang ba la ni ma lags so snyam du sems lags so/ /de nas bcom ldan 'das kyis byang chub sems dpa' tshogs can rab mchog rgyal po la legs so zhes bya ba byin te/ skyes bu dam pa/ legs so/ /legs so/ /byang chub sems dpa' snying rje chen po de lta bu dang ldan pa ni nyes pa'i chos dang yang ldan par mi 'gyur la/ nyes pa thams cad spong bar yang byed do/ /de ci'i phyir zhe na/ rigs kyi bu/ ngas mngon par shes pa'i phyir te/ sngon 'das pa'i dus na bskal pa grangs med pa'i yang ches grangs med pa/ rgya che ba dpag tu med pa/ bsam gyis mi khyab pa de'i pha rol gyi yang ches pha rol tu gyur pa de'i tshe de'i dus na bram ze'i khye'u skar ma zhes bya ba zhig byung bar gyur te/ des lo bzhi khri nyis stong gi bar du nags 'dab dag tu tshangs par spyad pa spyad nas de lo bzhi khri nyis stong po de dag 'das pa dang rgyal po'i pho brang legs 'byor ces bya bar zhugs so/ /de </font><hr>90b<br><font size=+1>


grong khyer chen po der zhugs pa na tshong dpon gyi bu mo zhig gis bram ze'i khye'u gzugs bzang ba mdzes pa blta na sdug pa de mthong nas/ de 'dod pa la 'dod chags kyis kun nas dkris pa'i sems kyis bram ze'i khye'u de'i mdun du rab tu brgyugs te rkang pa la gtugs so/ /rigs kyi bu/ de nas bram ze'i khye'u skar ma des bu mo la 'di skad ces smras so/ /sring mo khyod ci 'dod/ des de la 'di skad ces smras so/ /bram ze'i khye'u/ kho mo ni khyod 'tshal lo/ /des de la 'di skad ces smras so/ /sring mo kho bo ni 'dod pa rnams don du gnyer ba ma yin gyi/ kho bo ni tshangs par spyod pa yin no/ /des de la 'di skad ces smras so/ /bram ze'i khye'u gal te khyod dang lhan cig tu 'grogs par mi 'gyur ba lta na bdag 'gum par 'gyur lags so/ /de nas bram ze'i khye'u skar ma 'di snyam du sems par gyur te/ bdag gis lo bzhi khri nyis stong gi bar du tshangs par spyod pa spyad nas/ deng brtul zhugs gzhig pa 'di ni bdag gi tshul dang mthun pa ma yin no snyam nas/ des bu mo de mthus spangs te bor nas gom pa bdun bor ba dang / de gom pa bdun pa la gnas pa'i tshe snying rje skyes par gyur nas/ 'di ltar bdag gi brtul zhugs bshig ste sems can dmyal bar 'gro bar gyur kyang / bdag gis sems can dmyal ba'i sdug bsngal myong bar gyur pa de bzod par bya zhing / bu mo 'di bde bar 'gyur ba dang 'chi ba'i dus byed </font><hr>91a<br><font size=+1>


@#/ /par mi 'gyur bar bya gor ma chags snyam mo/ /rigs kyi bu/ de nas bram ze'i khye'u skar ma de de nas phyir log ste lag pa g.yas pas bu mo de bzung nas/ de la 'di skad ces smras so/ /bzang mo/ longs shig dang / kho bos khyod ci 'dod pa bzhin du bya'o/ /de nas bram ze'i khye'u skar ma de lo bcu gnyis kyi bar du de'i khyim na gnas nas/ yang mngon par byung ste/ tshangs pa'i gnas pa bzhi bskyed nas/ de nas shi 'phos ma thag tu tshangs pa'i 'jig rten du skyes par gyur to/ /rigs kyi bu/ de'i tshe de'i dus na bram ze'i khye'u skar ma zhes bya bar gyur ba de gzhan zhig yin snyam du khyod yid gnyis dang / the tshom za bar gyur na/ khyod kyis de ltar mi blta'o/ /de ci'i phyir zhe na/ nga nyid de'i tshe de'i dus na bram ze'i khye'u skar ma zhes bya ba der gyur to/ /shAkya'i bu mo sa 'tsho ma ni de'i tshe de'i dus na tshong dpon gyi bu mor gyur to/ /rigs kyi bu/ ngas snying rje chen po dang ldan pa'i sems bskyed pa des cung zad tsam zhig 'dod pa dang ldan par byas pas kyang bskal pa khrir 'khor ba bsnyil zhing spangs par gyur to/ /rigs kyi bu/ sems can gzhan dag gi sems can dmyal par 'gro bar 'gyur ba'i las gang yin pa de yang byang chub sems dpa' thabs la mkhas pa la tshangs pa'i 'jig rten du skye bar 'gyur ba la ltos/ de nas bcom ldan 'das kyis yang </font><hr>91b<br><font size=+1>


byang chub sems dpa' sems dpa' chen po ye shes dam pa la 'di skad ces bka' stsal to/ /rigs kyi bu/ gal te dge slong shA ri'i bu dang / mo'u 'gal gyi bu dag thabs la mkhas pa yin par gyur na ni/ dge slong ko ka li ka yang sems can dmyal bar 'gro bar mi 'gyur ro/ /de ci'i phyir zhe na/ rigs kyi bu/ ngas mngon par shes pa'i phyir te/ sngon 'das pa'i dus na de bzhin gshegs pa dgra bcom pa yang dag par rdzogs pa'i sangs rgyas 'khor ba 'jig gi gsung rab la dge slong dri med ces bya ba chos smra ba zhig byung bar gyur to/ /de dgon pa'i phug cig la gnas so/ /de dang ha cang yang mi ring ba na drang srong lnga brgya zhig kyang gnas te/ de'i tshe na dus ma yin par sprin chen po 'dus shing char chen po bab par gyur to/ /de nas bud med gnyis shig grong bar gyi lam na 'dug pa de gnyis char pa de bskyab pa'i phyir/ dge slong dri med gnas pa'i phug tu zhugs te/ phug de nas phyir byung ba dang / drang srong lnga brgya tsam po de dag gis bud med gnyis dge slong dri med kyi phug nas phyir byung ba mthong ngo / /mthong nas kyang drang srong lnga brgya tsam po de dag 'di snyam du/ e ma'o dge slong dri med 'di ni sdig pa 'dod pa/ mi tshangs par spyod pa yin no snyam nas tha ba dang zhe sdang gi 'du shes skyes par gyur to/ /de nas dge slong dri med kyis drang srong lnga brgya tsam po de dag gi sems kyi yongs su rtog pa sems kyis shes nas/ de'i tshe steng gi </font><hr>92a<br><font size=+1>


@#/ /bar snang gi nam mkha' la ta la bdun srid tsam du mngon par 'phags te 'dug pa drang srong de dag gis mthong nas/ de dag 'di snyam du sems te/ bdag cag gi bstan bcos dag las ni mi tshangs par spyod pas ni steng gi bar snang la mngon par 'phags te 'dug par mi nus so zhes 'byung ngo snyam nas/ de dag gis de'i mod la dge slong dri med kyi rkang pa la yan lag lngas gtugs te nyes pa la nyes par bshags so/ /rigs kyi bu/ gal te dge slong dri med de'i tshe steng gi nam mkha' la mngon par 'phags te 'dug par ma gyur na ni/ drang srong lnga brgya tsam po de dag rang rang gi lus de nyid kyis sems can dmyal ba chen por lhung bar 'gyur ro/ /rigs kyi bu/ 'di ji snyam du sems/ de'i tshe de'i dus na dge slong dri med ces bya bar gyur pa de gzhan zhig yin snyam du khyod yid gnyis dang / the tshom za bar gyur na/ khyod kyis de ltar mi blta'o/ /de ci'i phyir zhe na/ byang chub sems dpa' byams pa 'di de'i tshe de'i dus na dge slong dri med ces bya bar der gyur to/ /rigs kyi bu/ rnam grangs des khyod kyis 'di ltar gal te dge slong shA ri'i bu dang / mo'u 'gal gyi bu gnyis de'i tshe steng gi bar snang la mngon par 'phags te 'dug par gyur na ni/ dge slong ko ka li ka yang sems can dmyal bar 'gro bar mi 'gyur bar rig par bya'o/ /rigs kyi bu/ rnam grangs des kyang </font><hr>92b<br><font size=+1>


khyod kyis 'di ltar gang du byang chub sems dpa' thabs la mkhas pa'i ye shes 'jug par 'gyur ba de ni nyan thos dang rang sangs rgyas thams cad kyis ma yin par rig par bya'o/ /rigs kyi bu| 'di lta ste/ dper na/ smad 'tshong ma sgyu rtsal drug cu rtsa bzhi'i bya ba shes shing legs par lobs pa ni de'i 'og tu nor 'dod pa'i phyir/ skyes bu gzhan gyi drung du ci nas kyang bdag nyid yongs su btang zhing dga' ba ston pa dang / ji srid du skyes bu des las 'dod pa don thams cad ma bsgrubs kyi bar du de la yo byad thams cad sri bar mi byed pa de lta de ltar de gnas par byed do| |de nas don bsgrubs zin pa'i 'og tu de la mi lta/ mi sems par spong bar byed cing / de gzhi de las 'gyod pa'i sems gcig tsam yang 'byung bar mi 'gyur ba de bzhin du/ rigs kyi bu| byang chub sems dpa' thabs la mkhas pa yang thabs la mkhas pa des sems can 'di dag yongs su smin par bya'o zhes bya bar shes te/ rnam grangs des sems can de dag gi bsam pa ji lta ba bzhin du drung du sbyor bar byed cing de dag la yo byad thams cad kyang mi sri bar byed do/ /sems can rnams kyi dge ba la dga' bas bdag nyid kyang yongs su gtong bar byed kyi/ yo byad la dga' bas ni ma yin no/ /gang gi tshe kye ma sems can 'di dag ni dge ba'i rtsa ba byas par gyur ba dag ste/ 'di dag gis phyir yongs su nyams par byed mi nus par shes </font><hr>93a<br><font size=+1>


@#/ /nas ni de'i 'og tu 'dod pa'i dga' ba dang rtsed mo thams cad la mi lta bar spangs te/ 'gro zhing de de dang 'brel ba'i sems la gnas par mi byed do| |rigs kyi bu/ 'di lta ste/ dper na/ mes yongs su gdungs pa'i sa bon rnams ni kha dog yongs su nyams par med kyang / myu gu 'byung ba'i skal ba ni med pa de bzhin du| rigs kyi bu/ byang chub sems dpa'i nyon mongs pa rnams kyang stong pa nyid dang / mtshan ma med pa dang / smon pa med pa dang / bdag med pa dang / shes rab kyi pha rol tu phyin pas yongs su gdungs na de 'dod pa'i dga' ba thams cad la yongs su spyod par byed kyang / log par ltung bar 'gro ba'i kun nas nyon mongs pa yongs su 'dzin par mi byed la/ sangs rgyas kyi kha dog las yongs su nyams par yang mi 'gyur ro/ /rigs kyi bu/ 'di lta ste/ dper na/ dud 'gro'i skye gnas su song ba'i srog chags bung ba ni me tog thams cad las dri snom zhing ro myang bar byed kyang / gang la yang rtag pa'i 'du shes sgom par mi byed/ gnas kyi sred pa skyed par mi byed cing / de dag las dri dang / 'dab ma dang / sdong bu dang / me tog 'phrog par mi byed pa de bzhin du/ rigs kyi bu/ byang chub sems dpa' thabs la mkhas pa yang sems can yongs su smin par bya ba'i phyir/ 'dod pa'i </font><hr>93b<br><font size=+1>


dga' ba dang rtsed mo thams cad la yongs su longs spyod par byed kyang / de dag la rtag pa'i 'du shes sgom par yang mi byed/ gnas kyi sred pa skyed par yang mi byed la/ bdag kyang smas par mi 'gyur/ gzhan yang smas par mi 'gyur bar byed do/ /rigs kyi bu/ 'di lta ste/ dper na/ nya pa shin tu legs par bslabs pa ni srad bu gcig la gzan ma btags te/ mchil pa byas nas mtsho chen po'i nang du 'dor ro/ /de srad bu legs par bsrungs pa gcig po des gang gi tshe 'dod pa de'i tshe na ma mtsho chen po nas mchil pa de 'dren par byed pa de bzhin du/ rigs kyi bu| byang chub sems dpa' thabs la mkhas pa yang stong pa nyid dang / mtshan ma med pa dang / smon pa med pa dang / bdag med pa dang / shes rab kyi pha rol tu phyin pa yongs su bsgoms pa'i sems can thams cad mkhyen pa nyid la brtan par gtad pas/ 'dod pa'i 'dam chen por 'jug par byed kyang / de thams cad mkhyen pa nyid kyi sems legs par bsrungs pa des| gang gi tshe 'dod pa de'i tshe na 'dod pa'i khams spangs te tshangs pa'i 'jig rten du skye bar byed do/ /rigs kyi bu/ 'di lta ste/ dper na/ skyes bu rig sngags dang / gsang sngags 'chang pa ni/ rgyal po'i mi rnams kyis gzung ste zhags pa lnga'i chings mas bcings par gyur kyang de ni gang gi tshe 'gro bar 'dod pa de'i tshe rig sngags dang gsang sngags kyi stobs bskyed pa </font><hr>94a<br><font size=+1>


@#/ /gcig gis chings ma de dag thams cad bcad nas/ gang du 'gro bar 'dod pa der 'gro bar byed pa de bzhin du/ rigs kyi bu/ byang chub sems dpa' thabs la mkhas pa yang sems can yongs su smin par bya ba'i phyir/ gang gi tshe 'dod pa'i yon tan lnga po de dag gis dga' ba myong bar byed cing de dag dang 'dre bar gnas par byed cing / de gang gi tshe 'dod pa de'i tshe na shes rab rig sngags dang gsang sngags kyi stobs bskyed pa dang / thams cad mkhyen pa nyid kyi sems legs par bsrungs pa gcig gis 'dod pa'i yon tan lnga'i chings ma de dag thams cad rab tu bcad de/ de nas shi 'phos nas tshangs pa'i 'jig rten du skye bar byed do/ /rigs kyi bu/ 'di lta ste/ dper na/ 'phong gi slob dpon legs par bslabs pa zhig ral gri rnon po ras bcos bus dkris pa gcig thogs te/ mgron po mang po sgrol bar byed pa de na sems can mi mkhas pa 'phong gi shes pa'i bya ba mi shes pa gang dag yin pa de dag ni/ 'phong gi slob dpon de la snying rje che ba dang / brnyas pa'i 'du shes skyed par byed cing / tshig 'di skad ces gzhu yang med/ ral gri yang med/ dong pa yang med| 'khor yang med pa 'dis ni 'gron po 'di dag bsgral bar mi nus te/ 'dis ni bdag nyid kyang thar bar byed mi nus na/ 'gron po thams cad bsgral ba dang / chom rkun pa'i sde pham </font><hr>94b<br><font size=+1>


par bya bar lta ci smos te/ de ni gnas med pas 'di ni tshul ma yin pas 'chi bar 'gyur ro zhes kyang zer bar gyur la/ de nas 'phong gi slob dpon de 'brog dgon par song ste/ chom rkun pa'i tshogs lhags par gyur pa na/ mda' gzhu thogs te/ go cha srab bgos nas mtshon cha de gzas te/ chom rkun pa rnams la 'debs par byed cing / des chom rkun pa de dag thams cad srog dang phral nas yang mtshon cha lag tu len par byed pa de bzhin du/ rigs kyi bu/ byang chub sems dpa' thabs la mkhas pa yang sems can yongs su smin par bya ba'i phyir/ shes rab kyi pha rol tu phyin pa'i mtshon cha legs par thogs te/ thabs la mkhas pas 'dod pa'i yon tan lnga po dag gis dga' ba dang rtse ba dang dga' mgur spyod par byed pa de ni/ nyan thos kyi theg pa pa gang dag de'i thabs la mkhas pa'i shes pa de khong du ma chud pa de dag gis de mthong ba'i tshe de dag de la ma dag pa dang snying rje skyed par byed cing / tshig 'di skad ces 'di ltar bag med pa'i gnas pas gnas pa 'dis ni bdag nyid kyang thar par byed mi nus na/ sems can thams cad bsgral ba lta ci smos shing / bdud kyi sde pham par byed pa lta ga la 'gyur te/ de ni gnas med pas de ni tshul ma yin pas 'chi bar 'gyur ro zhes kyang zer mod kyi/ byang chub sems dpa' thabs la mkhas pa dang / shes rab kyis legs par yongs su zin pa ni gang gi tshe 'dod pa de'i </font><hr>95a<br><font size=+1>


@#/ /tshe na| shes rab kyi mtshon des nyon mongs pa'i dra ba thams cad bral zhing rab tu gtubs nas/ shes rab dang lhan cig tu sangs rgyas kyi zhing bud med dang bral ba dang / 'khrig pa dang bral ba shin tu yongs su dag pa dag tu 'gro bar byed do/ /gtam 'di brjod par gyur pa de'i tshe na/ byang chub sems dpa' sems dpa' chen po dga' bar byed ces bya ba mnyan yod kyi grong khyer chen por bsod snyoms kyi phyir zhugs par gyur te/ de mnyan yod kyi grong khyer chen por bsod snyoms spyod pa na/ tshong dpon zhig gis khyim du phyin pa dang| tshong dpon de la bu mo dpal yon can gyi mchog ces bya ba phyug chung zhig yod par gyur pa khang bzang gi steng na 'dug pa des/ dge slong de'i skad thos nas bsod snyoms thogs te/ byang chub sems dpa' dga' byed ga la ba der song ngo / /de nas bu mo dpal yon can gyi mchog gis byang chub sems dpa' dga' byed mthong ma thag tu 'dod chags kyis kun nas dkris pa'i sems kyis dpe byad las byad bzhin dang / sgra skad dang / kha dog gi mtshan ma bzung ba dang / de 'dod chags kyis kun nas dkris pa'i sems dang / 'dod chags kyis kun nas bslangs pa'i sems dang / 'dod chags kyis yongs su gtugs pa'i sems dang / 'dod chags kyis yongs su gdungs pa'i sems kyis bsregs pas lus rdul bar gyur nas/ 'greng </font><hr>95b<br><font size=+1>


bzhin du 'chi ba'i dus byas par gyur to/ /byang chub sems dpa' dga' byed kyang bu mo dpal yon can gyi mchog mthong nas/ tshul bzhin ma yin pa yid la byed pa'i rnam par rtog pa 'di lta ste/ 'dod chags dang bcas pa'i sems skyes par gyur nas/ yud tsam zhig na de la dran pa 'di lta bu skyes par gyur te/ chos gang la chags par 'gyur ba'i chos de gang yin/ ci mig mig la chags sam/ mig ni chags pa ma yin te/ g.yo ba med pa/ byed pa med pa/ sems pa med pa/ 'dus byas pa/ rim pa bdun pa/ sha'i ri lu yin te/ mig de ni rang bzhin gyis stong pa'i phyir te/ sems par mi byed/ tshor bar mi byed do/ /rna ba dang / sna dang / lce dang / lus dang / yid dang / pags pa dang / mdog dang / sha yang de dang 'dra ste/ des rkang mthil yan chad klad pa man chad kyi bar la so sor brtags na nang dang / phyi rol na gang chags par 'gyur ba'am/ sdang bar 'gyur ba'am/ rmongs par 'gyur ba'i chos 'ga' yang ma dmigs so/ /des ma dmigs nas 'dod chags kyi sems de dang bral bar gyur cing / des sems kyis yang dag pa ji lta ba bzhin du so sor brtags pas/ chos thams cad ma skyes par rig nas mi skye ba'i chos la bzod pa thob par gyur to/ /de dga' ba dang mchog tu dga' ba de nyid kyis steng gi bar snang la ta la bdun srid tsam du mngon par 'phags te/ mnyan yod kyi grong khyer chen po la lan bdun bskor ba byas nas nam </font><hr>96a<br><font size=+1>


@#/ /mkha' de nyid nas rgyal bu rgyal byed kyi tshal ga la ba dang / bcom ldan 'das ga la ba der song ngo // //bam po gnyis pa/ bcom ldan 'das kyis byang chub sems dpa' sems dpa' chen po dga' byed steng gi bar snang las ngang pa'i rgyal po ltar chags pa med par 'ong ba gzigs so/ /gzigs nas kyang tshe dang ldan pa kun dga' bo la bka' stsal pa/ kun dga' bo/ khyod kyis byang chub sems dpa' sems dpa' chen po dga' byed steng gi bar snang las ngang pa'i rgyal po ltar chags pa med par 'ong bar mthong ngam/ kun dga' bos gsol pa/ bcom ldan 'das/ mthong lags so/ /bcom ldan 'das kyis bka' stsal pa/ kun dga' bo/ byang chub sems dpa' sems dpa' chen po dga' byed 'dis ni 'dod chags kyi sems la brten te/ chos thams cad yongs su btsal pas/ bdud kyi sde btul cing chos kyi 'khor lo bskor to/ /de nas bu mo dpal yon can gyi mchog 'chi ba'i dus byas na bud med kyi lus spangs te/ mtho ris kyi 'jig rten du skyes pa'i lus thob cing / sum cu rtsa gsum pa'i lha rnams dang skal ba mnyam par skyes so/ /skyes ma thag tu de la rin po che sna bdun las byas pa'i gzhal med khang dpag tshad bcu gnyis pa yang byung bar gyur/ de'i rim gro byed pa'i bsnyen bkur ma lha'i bu mo khri bzhi stong yang nye bar gnas par </font><hr>96b<br><font size=+1>


gyur to/ /de'i mod la des bdag gis las ci zhig byas shing bsags pas 'dir skyes par gyur snyam du bsams pa dang / de 'di snyam du gyur te/ bdag ni mnyan yod kyi grong khyer chen por tshong dpon gyi bu mor gyur pa las/ de na bdag gis kun tu chags pa'i sems kyis byang chub sems dpa' sems dpa' chen po dga' byed la bltas pa dang / bdag 'dod pa'i 'dod chags kyi kun nas dkris pa'i sems kyis 'chi ba'i dus byas nas bud med kyi lus brjes te/ bdag gis 'dir skyes pa'i lus thob cing / bdag la 'byor pa dpag tu med pa 'di lta bu dag kyang byung bar gyur to snyam nas/ sngon gyi las rjes su dran pa'i shes pa yang skyes par gyur to/ /de nas lha'i bu de 'di snyam du sems te/ 'dod chags kyi sems las kyang rnam par smin pa 'di lta bu 'byung bar 'gyur na/ bdag gis dad pa'i sems kyis byang chub sems dpa' sems dpa' chen po dga' byed la phyag byas shing bsnyen bkur byas na lta smos kyang ci dgos te/ bdag 'dod pas dga' ba dang / rtse ba dang / dga' mgur spyod cing / bag med pa'i gnas pas gnas pa ni bdag gi tshul dang mthun pa ma yin zhing mi rigs kyi/ bdag bcom ldan 'das ga la ba dang| byang chub sems dpa' sems dpa' chen po dga' byed ga la ba der 'gro bar bya gor ma chag snyam mo/ /de nas lha'i bu des 'khor lnga brgya tsam dang lhan cig tu lha'i me tog dang / spos </font><hr>97a<br><font size=+1>


@#/ /dang| me tog phreng dang / byug pa dag thogs te/ bcom ldan 'das dang / byang chub sems dpa' sems dpa' chen po dga' byed ga la ba der song nas/ kha dog shin tu 'phags pa shin tu 'phags pa'i snang ba chen pos rgyal bu rgyal byed kyi tshal snang bar byas te/ lha'i me tog dang / spos dang / me tog phreng dang / byug pa dag gis bcom ldan 'das la mchod pa byas nas/ bcom ldan 'das kyi zhabs la mgo bos phyag 'tshal te/ byang chub sems dpa' sems dpa' chen po dga' byed dang / byang chub sems dpa' thams cad dang / dge slong gi dge 'dun gyi rkang pa la yang mgo bos phyag 'tshal nas bcom ldan 'das la lan bdun bskor ba byas/ bcom ldan 'das kyi spyan sngar thal mo pug pug por sbyar nas| de'i tshe tshigs su bcad pa 'di dag gsol to/ /sangs rgyas mi mchog rnams ni bsam mi khyab/ /byang chub mchog la zhugs rnams bsam mi khyab/ /bde gshegs rnams kyi chos kyang bsam mi khyab/ /grags chen rnams kyi spyod pa'ang bsam mi khyab/ /mnyan yod du ni bdag sngon bu mor gyur/ /tshong dpon bu mo dpal yon mchog ces bgyi/ /mdzes shing thog mar phyug chung gyur pa lags/ /pha ma'i glo bar mchi zhing rab tu byams/ /sangs rgyas sras po smad par ma gyur pa/ /mthu chen dga' byed ces bgyi gang lags pa/ /bsod nams spyod cing mnyan yod </font><hr>97b<br><font size=+1>


rgyu ba'i tshe/ /de ni bdag gi pha yi khyim du mchis/ /skad snyan yid du mchi ba thos gyur nas/ /bdag chags sems kyis bsod snyoms thogs nas ni/ /de bzhin gshegs pa'i sras po gang lags pa| |dga' byed mthu chen ga la mchis par mchis/ /mthong ma thag tu bdag ni 'dod chags dang / /ldan pa tshul bzhin ma lags sems skyes te/ /gal te ji ltar bsam bzhin ma mjal na/ /srog la mi lta dgum pa'i dus bgyi snyam/ /tshul bzhin ma lags 'dod pas rab gdungs nas/ /de la bka' mchid brjod par bgyi ba dang / /bsod snyoms stsol ba'i rngo yang ma thogs nas/ /rdul byung der ni 'greng bzhin gum par gyur/ /bcom ldan bdag ni 'chi 'phor gyur pa'i tshe/ /skad cig de la bud med lus spangs te/ /shi 'phos mtho ris 'jig rten skyes gyur nas/ / bdag gis 'od gsal skyes pa 'di nyid thob/ /rin chen sna tshogs blta na sdug pa yi/ /gzhal med khang mchog mdzes pa grub gyur cing / /bdag gi g.yog 'khor lha yi bu mo ni/ / khri dang bzhi stong tshang ba'ang byung bar gyur/ /bdag la sems bzang byung bar gyur pa ni/ /sug las gang gi rnam smin 'di 'dra ba/ /rjes su dran nas ngan bu 'di snyam bgyid/ /chags bcas sems kyi rnam smin 'di 'dra ste/ /dga' byed yid dga' 'od gsal mkhas pa la/ /chags bcas sems kyis bdag gis bltas gyur pas/ /sug las de yi rnam smin bzang po </font><hr>98a<br><font size=+1>


@#/ /des| |ngan bu gzi brjid mthu stobs 'di 'dra bas/ /chags bcas sems kyi rnam smin 'di 'dra na/ /gang gis de la mchod bgyis ci smos te/ /gang la bder gshegs mkhyen pa 'jug gyur pa/ /de ni nyan thos rang rgyal sa ma lags/ /ngan bu de bzhin gshegs pa'i spyan sngar ni/ /sangs rgyas ye shes mchog rab bsgrub pa dang / /bskal pa gang+gA'i bye snyed spyad par bgyi/ /bdag gi dam bcas 'di ni spang mi bgyi/ /dge ba'i bshes gnyen dga' byed dam pa la/ /chos kyi mchod pa mchog gis mchod par bgyi/ /gang dag byang chub 'tshal ba ma gtogs par/ /gzhan gyi 'di la 'dren rnams mchod mi 'gyur/ /bud med gang dag 'dod chags sems kyis ni/ /bdag la rtog pa bud med lus bsgyur nas/ /de kun 'jigs med skyes pa thob 'gyur bar/ /byang chub spyad mchog dam pa spyad par bgyi/ /lus rngul shi bar gyur pa mthong nas ni/ /bu mo'i pha ma cho nges 'debs byed cing / /dge sbyong de yis byad stems byas snyam ste/ /ngu zhing dge sbyong rnams la mi snyan brjod/ /sangs rgyas mthu yis lha yi bu de ni/ /song nas pha ma dag la tshig smras pa/ /dge sbyong la ni zhe sdang khro ma byed/ / yun ring sdug bsngal 'grub par ma byed cig /bu mo dpal yon shi 'phos gang yin de/ /sum cu rtsa gsum skal ba mnyam gyur cing / /des ni bud med lus kyang spangs byas te/ /de </font><hr>98b<br><font size=+1>


ni lha yi bu pho 'od gsal gyur/ /bde bar gshegs pa'i spyan sngar khyed deng la/ /khro ba'i sems kyis nyes pa 'di shogs shig /sangs rgyas mi mchog rnams ni ma gtogs par/ /sems can rnams kyi dpung gnyen gnas gzhan med/ /'jigs med de yis legs par bskul byas pas/ /pha ma gnyis kyis sangs rgyas sgra thos nas/ /nye du'i tshogs dang lhan cig 'grogs gyur te/ / shAkya thub pa'i spyan sngar dong bar gyur/ /mi mchog zhabs la spyi bos phyag 'tshal te/ /khro ba'i sems kyis nyes pa bshags byas nas/ /de bzhin gshegs la gus dang bcas byas te/ /bde gshegs rang 'byung la ni zhu zhus pas/ /ji tsam gyis na 'dren pa mchod par 'gyur/ /chos dang dge 'dun ji ltar mchod pa lags/ /zhus pa de yi lan ni stsal du gsol/ /thos nas de bzhin gnas bgyi gzhan ma lags/ /rgyal bas de dag bsam pa dag mkhyen nas/ /'jig rten mgon pos 'di skad bka' stsal to/ /gang zhig sangs rgyas thams cad mchod 'dod pa/ /de yis brten par byang chub sems skyed cig /bu mo'i pha dang ma dang nye du ni/ /lnga brgya tshang ba nyung ba ma yin pas/ /skyes bu khyu mchog de yi gsung thos nas/ /byang chub phyir ni sems kyang brtan par bskyed// rgyal bas kun dga' bzang la bka' stsal pa/ /kun dga' ji skad bshad pa 'di nyon cig /byang chub sems dpa'i spyod pa bsam yas te/ /shes rab thabs la mkhas pa'ang de bzhin no/ / </font><hr>99a<br><font size=+1>


@#/ /dga' byed smon lam yang dang yang 'debs pa/ /bud med gang dag chags pa'i sems kyis ni/ /bdag la rtog pa bud med lus spangs nas/ /de dag myur du skyes bu 'jigs med shog /bud med gcig min gnyis dang gsum min te/ /bye ba khrag khrig stong phrag mang po rnams/ /gang dag dga' byed la ni chags gyur pa/ /de dag thams cad shi 'phos skyes par gyur/ /kun dga' 'dod chags bskyed pa gang gis ni/ /sems can gzhan dag sems dmyal 'gro 'gyur ba/ /de yis dpa' rnams mtho ris 'gro 'gyur zhing / /sems par gyur pa'i yon tan de 'dra ltos/ /lha'i bu gang gis nga la mchod byas te/ /gus dang bcas pas byang chub mchog zhugs pa/ /des ni sangs rgyas bye mang mchod byas nas/ /rgyal ba blta na mdzes zhes bya bar 'gyur/ /lnga brgya gang dag byang chub zhugs gyur pa/ /de dag mi mchog rnams su 'byung 'gyur bas/ /gang la dad byas bde ba bsam yas pa'i/ /'jig rten mgon la su zhig gus mi byed/ /gang dag nyon mongs rnams kyang bde byin na/ /gang dag gus byed de la ci smos pa/ /grags chen sman gyi rgyal po lta bu yis/ /byang chub sems dpa' rnams la su sdang bskyed/ /de nas bcom ldan 'das la tshe dang ldan pa kun dga' bos 'di skad ces gsol to/ /btsun pa bcom ldan 'das/ 'di lta ste/ dper bgyi na/ sems can rab tu sdang ba'i sems </font><hr>99b<br><font size=+1>


dang ldan pa'am/ dang ba'i sems dang ldan pa'am/ chags pa'i sems dang ldan pa'am/ chos kyi bar du gcod pa'i sems dang ldan pa gang la la dag ri'i rgyal po ri rab kyi drung du mchis na/ de dag thams cad 'di lta ste/ gser gyi kha dog tu kha dog gcig par 'gyur ba de bzhin du/ btsun pa bcom ldan 'das/ sems can rab tu sdang ba'i sems dang ldan pa'am/ dang ba'i sems dang ldan pa'am/ chags pa'i sems dang ldan pa'am/ chos kyi bar du gcod pa'i sems dang ldan pa gang la la dag byang chub sems dpa' rnams kyi drung du mchis nas de dag thams cad 'di lta ste/ thams cad mkhyen pa nyid kyi sems kyi kha dog tu sems gcig tu 'gyur lags pas/ btsun pa bcom ldan 'das/ bdag ni deng slan chad byang chub sems dpa' thams cad ri'i rgyal po ri rab dang 'dra bar 'dzin lags so/ /btsun pa bcom ldan 'das/ 'di lta ste/ dper bgyi na/ sman gyi rigs chen po blta mdzes zhes bgyi ba mchis te/ sems can rab tu sdang ba'i sems dang ldan pa'am/ dang ba'i sems dang ldan pa'i sems can bro nad sna tshogs kyis thibs pa gang la la dag gis de mthong na/ de dag thams cad kyi bro nad rnams rab tu zhi bar 'gyur ba de bzhin du/ btsun pa bcom ldan 'das/ sems can gang dag rab tu sdang ba'i sems dang ldan pa'am/ dang ba'i sems dang ldan pa dag /byang chub sems dpa' rnams kyi drung du </font><hr>100a<br><font size=+1>


@#/ /mchis na/ /de dag thams cad kyi 'dod chags dang / zhe sdang dang / gti mug dang / nyon mongs pa'i bro nad rnams kyang rab tu zhi bar 'gyur lags so/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo/ ji skad smras pa de bzhin te legs so/ /legs so/ /zhes bya ba byin no/ /de nas bcom ldan 'das la tshe dang ldan pa 'od srung chen pos 'di skad ces gsol to/ /btsun pa bcom ldan 'das/ gang gi slad du byang chub sems dpa' sems dpa' chen po rnams de ltar zhi ba'i ting 'dzin gyi gnas dag gis kyang gnas par bgyid la/ sems can rnams la snying brtse ba'i slad du 'dod pa'i khams na yang kun du gda' ba dang / stong pa nyid dang / mtshan ma ma mchis pa dang / smon pa ma mchis pa dang / mngon par 'du bgyi ba ma mchis pa'i chos rnams kyis kyang gnas par bgyid la/ nyan thos dang / rang sangs rgyas kyi chos rnams la yang reg par mi bgyid pa dang / snying rje chen po yang kun du bskyed par bgyid la/ thams cad mkhyen pa nyid kyi sems la yang 'jug par bgyid pa de ni/ btsun pa bcom ldan 'das/ byang chub sems dpa' sems dpa' chen po rnams kyi ngo mtshar lags te/ bde bar gshegs pa de ni mchog tu ngo mtshar lags so/ /btsun pa bcom ldan 'das/ </font><hr>100b<br><font size=+1>


byang chub sems dpa' sems dpa' chen po gang dag chags pa thams cad bsrung bar bgyid cing / 'di lta ste/ gzugs dang / sgra dang / dri dang / ro dang / reg bya'i chags pa dag la spyad par bgyid kyang / de dag la chags par yang mi 'gyur ba de dag ni thabs la mkhas pa bsam gyis mi khyab pa la gnas pa lags te/ btsun pa bcom ldan 'das/ bdag byang chub sems dpa' sems dpa' chen po rnams las brtsams te/ dpe 'ga' zhig brjod par spobs lags so/ /bde bar gshegs pa/ spobs lags so/ /bcom ldan 'das kyis bka' stsal pa/ 'od srung chen po/ khyod spobs par gyis shig /'od srung chen pos gsol pa/ btsun pa bcom ldan 'das/ 'di lta ste/ dper bgyi na/ 'brog dgon pa chen po zhig mchis par gyur la/ 'brog dgon pa chen po de yang srid pa'i rtse mo dang mnyam pa'i ra ba mchis par gyur cing / 'brog dgon pa chen po der yang srog chags 'bum phrag du ma zhig zhugs par gyur la/ 'brog dgon pa chen po de la yang chab sgo ni gcig cig mchis par gyur cing / 'brog dgon pa chen po de dang ha cang yang mi ring ba zhig na grong khyer chen po 'byor pa rgyas pa/ gtsang ba/ lo legs pa| skye bo dang mi mang pos kun du gtams pa/ nyams dga' ba zhig kyang mchis par gyur la/ grong khyer chen po de la yang chab sgo ni gcig cig mchis par gyur cing / gang dag grong khyer chen </font><hr>101a<br><font size=+1>


@#/ /po dar zhugs par gyur pa de dag ni dga' ba dang mgu ba ma mchis par gyur la/ grong khyer chen po de na yang mtho gang tsam gyi tshad kyi shul shin tu dog cing nyam nga ba zhig kyang mchis shing / de'i g.yas g.yon na/ khru 'bum tsam mchis pa'i g.yang sa chen po dag kyang mchis par gyur la/ de nas 'brog dgon pa chen po de'i dbus nas sems can mkhas pa/ zhi ba/ glo ba gzhungs pa/ sems can thams cad la don du gyur par 'tshal ba/ bde bar 'tshal ba/ grub pa dang bde bar 'tshal ba/ sman par 'tshal ba/ snying rje chen po dang ldan pa gcig cig byung bar gyur nas/ de 'brog dgon pa chen po der 'di skad ces/ kye grogs po dag /kho bo ni khyed cag gi yongs su skyob pa yin te/ 'brog dgon pa chen po 'di nas ha cang mi ring ba na grong khyer chen po 'byor pa rgyas pa/ bde ba lo legs pa/ nyams dga' ba zhig yod de/ gang dag der zhugs par gyur pa de ni rga ba med pa dang / 'chi ba med par 'gyur zhing / sems can dpag tu med pa rnams skye bo dang / rga ba dang / na ba dang / 'chi ba las yang dag par 'da' bar bya ba'i phyir chos ston par yang 'gyur bas/ sems can shes pa dang ldan pa dag tshur shog /grong khyer chen po der 'dong ngo zhes sgra bsgrags shing skad kyis go bar bgyis par gyur na/ de na sems can dman pa la mos shing nges par 'byung </font><hr>101b<br><font size=+1>


ba'i bsam pa can gang dag lags pa de dag ni 'di skad ces bdag cag 'di nas kyang mi g.yo bar gdams shing rjes su bstan par yang 'tshal la/ bdag cag 'di na gnas bzhin du grong khyer de na mchis pa'i yon tan de dag kyang 'byung bar gyur cig ces mchis lags so/ /sems can rgya chen po la mos pa gang dag lags pa de dag ni 'di skad ces bdag cag ni khyod ji lta ba de bzhin du grong khyer der mchi'o/ /zhes mchi lags so/ /sems can bsod nams chung ba gang dag lags pa de dag ni sgra de nyan cing thos nas kyang dad par mi bgyid cing / skyes bu mkhas pa'i rang bzhin can de'i slad bzhin du mchi bar mi bgyi lags te/ de nas skyes bu mkhas pa'i rang bzhin can de 'brog dgon pa chen po de nas slar byung ba dang / des shul de yang mthong bar gyur/ des mtho gang tsam gyi shul shin tu dog cing nyam nga ba de yang mthong bar gyur/ shul de'i g.yas g.yon na khru 'bum tsam mchis pa g.yang sa chen po de dag kyang mthong bar gyur nas/ des g.yas g.yon gyi g.yang sa chen po de dag rtsig pa dang / spang leb kyis bkum ste/ rkang lag bzhis 'phye zhing shul de las 'da' bar bgyid la/ g.yas g.yon du yang mi blta bar slang bzhin du phyir rgol ba sgra 'byin cing 'jigs pa ston pa dag mchi yang slar yang mi blta la/ skyo zhing yid byung ba yang ma mchis par shul der mchi bar 'gyur ba dang / ji lta </font><hr>102a<br><font size=+1>


@#/ /ji ltar mchi bar 'gyur ba de lta de ltar grong khyer de mthong bar yang 'gyur la/ ji lta ji ltar mthong ba de lta de ltar de'i 'jigs pa dang / 'jigs su rung ba thams cad kyang ma mchis par 'gyur zhing / grong khyer der zhugs na rga ba dang / 'gum pa dang / bro nad ma mchis par 'gyur la/ sems can dpag tu ma mchis pa rnams kyi don bgyid cing / skye ba dang / rga ba dang / bro 'tshal ba dang / 'gum pa las yang dag par bzla ba'i slad du chos ston par bgyid pa zhig mchis na/ btsun pa bcom ldan 'das/ de la 'brog dgon pa chen po zhes bgyi ba de ni 'khor ba'i dgon pa'i tshig bla dwags lags so/ /srid pa'i rtse mo dang mnyam pa'i ra ba zhes bgyi ba de ni ma rig pa dang / srid pa'i tshig bla dwags lags so/ /'brog dgon pa chen po der yang srog chags 'bum phrag du ma zhugs par gyur la zhes bgyi ba de ni byis pa so so'i skye bo thams cad kyi tshig bla dwags lags so/ /'brog dgon pa chan po de la yang chab sgo ni gcig cig mchis par gyur cing zhes bgyi ba de ji lta ba de bzhin du ni bgrod pa gcig pa'i shul blta bar bgyi lags so/ /skyes bu mkhas pa'i rang bzhin can zhes bgyi ba ji lta ba de bzhin du ni byang chub sems dpa' sems dpa' chen po rnams blta bar bgyi lags so/ /sems can dman pa la mos shing nges par 'byung ba'i bsam pa can gnas de las kyang mi g.yo la/ grong khyer </font><hr>102b<br><font size=+1>


gyi yon tan yang 'tshal ba de dag ji lta ba de bzhin du ni nyan thos dang / rang sangs rgyas thams cad blta bar bgyi lags so/ /sems can rgya chen po la mos pa tshig 'di skad ces bdag cag ni khyod ji lta ba bzhin du grong khyer der mchi lags so/ /zhes mchi ba de dag ji lta ba de bzhin du ni/ byang chub sems dpa' sems dpa' chen po gzhan dag blta bar bgyi lags so/ /sems can bsod nams chung ngu sgra de nyan cing thos nas kyang dad par mi bgyid pa gang lags pa de dag ni gzhan mu stegs can spyod pa pa dang / kun du rgyu de dag gi tshig bla dwags so/ /'brog dgon pa chen po de nas slar byung ba zhes bgyi ba ji lta ba de bzhin du thams cad mkhyen pa nyid du nges par bsngos pa'i sems kyis brtson 'grus brtsams pa blta bar bgyi lags so/ /mtho gang tsam gyi tshad kyi shul zhes bgyi ba de ji lta ba de bzhin du ni chos kyi dbyings blta bar bgyi lags so/ /de'i g.yas g.yon na khru 'bum tsam mchis pa'i g.yang sa chen po zhes bgyi ba de ji lta ba de bzhin du ni nyan thos dang rang sangs rgyas thams cad kyi sa rnams blta bar bgyi lags so/ /g.yas g.yon gyi g.yang sa de dag rtsig pa dang spang leb kyis bkum ste zhes bgyi ba de ji lta ba de bzhin du ni shes rab kyi pha rol tu phyin pa dang thabs la mkhas pa blta bar bgyi lags so/ /rkang lag bzhis 'phye zhing shul de las yang dag par 'da' bar bgyid la/ zhes bgyi ba de bzhin du </font><hr>103a<br><font size=+1>


@#/ /ni byang chub sems dpa' bsdu ba'i dngos po bzhis sems can dpag tu ma mchis pa rnams sdud cing yang dag par 'da' bar bgyid pa dag blta bar bgyi lags so| |slad bzhin du phyir rgol ba sgra 'byin cing 'jigs pa ston pa dag mchi yang zhes bgyi ba de ji lta ba de bzhin du ni bdud dang bdud kyi ris kyi lha'i bu rnams kyang blta bar bgyi la/ de bzhin du sems can sdig pa la mngon par zhen pa yongs su nyon mongs pa can gyi las kun du spyod par bgyid pa gang dag byang chub sems dpa' de dag la 'phya ba dang smod par bgyid pa de dag kyang blta bar bgyi lags so/ /slar yang mi lta la zhes bgyi ba de ni bzod pa'i pha rol tu phyin pa dang / lhag pa'i bsam pas sems bskyed pa'i tshig bla dwags so/ /g.yas g.yon du yang mi blta bar zhes bgyi ba de ni nyan thos dang rang sangs rgyas kyi sa la mi dga' ba dang / thams cad mkhyen pa'i ye shes kyi tshig bla dwags lags so/ /grong khyer chen po zhes bgyi ba de ni thams cad mkhyen pa nyid kyi grong khyer gyi tshig bla dwags lags so/ /ji lta ji ltar mchi bar 'gyur ba de lta de ltar grong khyer de mthong bar yang 'gyur la zhes bgyi ba de ni de bzhin gshegs pa bsnyen pa thams cad dang bral ba'i tshig bla dwags dang / de bzhin du byang chub sems dpa' sangs rgyas kyi yon tan mthong ba dang / sangs rgyas kyi spyod pa dang / ye shes nges </font><hr>103b<br><font size=+1>


par rtog par bgyid pa dang / shes rab kyi pha rol tu phyin pa dang / thabs mkhas pa la shin tu legs par slob pa'i tshig bla dwags lags so/ /ji lta ji ltar mthong ba de lta de ltar de'i 'jigs pa dang / 'jigs su rung ba thams cad ma mchis par 'gyur zhing zhes bgyi ba de ni/ sems can thams cad 'jigs pa ma mchis shing the tshom dang bral bar 'gyur ba'i tshig bla dwags lags so| |grong khyer der zhugs na/ rga ba dang / 'gum pa dang / bro nad ma mchis par 'gyur zhing / sems can dpag tu ma mchis pa rnams kyi don bgyi la/ skye ba dang / rga ba dang / bro nad dang / 'gum pa las yang dag par bzla ba'i slad du chos ston par yang bgyid ces bgyi ba de ni/ de bzhin gshegs pa dgra bcom pa yang dag par rdzogs pa'i sangs rgyas kyi tshig bla dwags lags so/ /btsun pa bcom ldan 'das/ byang chub sems dpa' sems dpa' chen po ni ye shes dang ldan lags te/ btsun pa bcom ldan 'das/ bdag byang chub sems dpa' sems dpa' chen po thams cad la phyag 'tshal lags so/ /de nas bcom ldan 'das kyis tshe dang ldan pa 'od srung chen po la legs so zhes bya ba byin te/ 'od srung / legs so/ /legs so/ /'od srung khyod kyis de ltar byang chub sems dpa' sems dpa' chen po rnams la spro ba bskyed pa ni yang khyod legs te/ 'od srung khyod kyis dpe brjod pa des lha dang mi rnams kyi skye rgu las srog chags khri nyis </font><hr>104a<br><font size=+1>


@#/ /stong gis bla na med pa yang dag par rdzogs pa'i byang chub tu sems bskyed do/ /'od srung / byang chub sems dpa' sems dpa' chen po rnams ni thabs la mkhas pa legs par bslabs pa/ yon tan dpag tu med pa dang ldan pa yin te/ 'od srung / byang chub sems dpa' sems dpa' chen po ni gang gis bdag la gnod par 'gyur ba'am/ gzhan la gnod par 'gyur ba de lta bu'i las mi byed cing / tshig gang gis bdag dang gzhan la gdung bar 'gyur ba de lta bu'i tshig kyang mi smra'o/ /de skad ces bka' stsal pa dang / bcom ldan 'das la byang chub sems dpa' sems dpa' chen po ye shes dam pas 'di skad ces gsol to/ /btsun pa bcom ldan 'das kyis de skad du byang chub sems dpa' ni tshig gang gis bdag dang gzhan la gdung bar 'gyur ba de lta bu'i tshig mi smra'o zhes bka' stsal lags na/ bcom ldan 'das/ 'o na ci'i slad du byang chub sems dpa' skye ba gcig gis thogs pa bram ze'i khye'u 'od zer phreng zhes bgyi bar gyur pa na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mar me mdzad kyi gsung rab la 'di skad ces/ dge sbyong mgo reg mthong bas kho bo la ci zhig bya/ byang chub ni mchog tu rnyed par dka' ba yin pas/ dge sbyong mgo reg la byang chub ga la yod ces gsungs na/ bcom ldan 'das kyis de </font><hr>104b<br><font size=+1>


skad ces gsungs pa de ci las dgongs te/ de skad gsungs lags/ de skad ces gsol pa dang / bcom ldan 'das kyis byang chub sems dpa' sems dpa' chen po ye shes dam pa la 'di skad ces bka' stsal to/ /rigs kyi bu/ de bzhin gshegs pa dang / byang chub sems dpa' rnams kyi spyod pa'i tshad rab tu rnam par dbye bas khyod la ci zhig bya/ thong zhig /de ci'i phyir zhe na/ rigs kyi bu| byang chub sems dpa' sems dpa' chen po rnams ni thabs la mkhas pa bsam gyis mi khyab pa dang ldan pas skyes bu dam pa de dag ni ji lta ji ltar sems can yongs su smin par 'gyur ba de lta de ltar gnas par byed pa'i phyir ro/ /rigs kyi bu/ de lta mod kyi 'on kyang legs par rab tu nyon la tshul bzhin du yid la gzung zhig dang / thabs la mkhas pa'i pha rol tu phyin pa la 'jug pa zhes bya ba'i chos kyi rnam grangs bshad par bya'o/ /ji ltar byang chub sems dpas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mar me mdzad tshun chad du/ thabs la mkhas pa bsam gyis mi khyab pa bstan pa gang yin pa de dag las phyogs tsam zhig bstan par bya ste/ rigs kyi bu/ gang gi tshe byang chub sems dpa' de bzhin gshegs pa dgra bcom pa yang dag par rdzogs pa'i sangs rgyas mar me mdzad mthong ma thag tu mi skye ba'i chos la bzod pa thob pa'i bar der byang chub sems </font><hr>105a<br><font size=+1>


@#/ /dpa' ni 'khrug pa med pa dang / ca co med pa dang / brjed pa med pa dang / sems rnam par g.yeng ba med pa dang / shes rab nyams pa med pa yin te/ rigs kyi bu| mi skye ba'i chos la bzod pa thob pa'i byang chub sems dpa' ni 'dod na zhag bdun gyis kyang byang chub mngon par rdzogs par 'tshang rgya bar yang 'gyur/ 'dod na bskal pas kyang byas chub mngon par rdzogs par 'tshang rgya bar 'gyur/ 'dod na bskal pa brgyas kyang byang chub mngon par rdzogs par 'tshang rgya bar 'gyur/ 'dod na bskal pa stong gis kyang byang chub mngon par rdzogs par 'tshang rgya bar 'gyur/ 'dod na bskal pa 'bum gyis kyang byang chub mngon par rdzogs par 'tshang rgya bar 'gyur te/ byang chub sems dpa' de ni sems can rnams yongs su smin par bya ba'i phyir/ 'dod na bsam bzhin du srid pa la len cing 'gro bar yang byed do/ /de ni thabs la mkhas pa dang shes rab kyi stobs bskyed pas gang gi tshe 'dod pa de'i tshe na/ bla na med pa yang dag par rdzogs pa'i byang chub mngon par rdzogs par 'tshang rgya bar byed cing / 'dod na phyi ma'i mtha'i mur thug pa'i bskal ba brgya phrag mang por yang yid yongs su skyo ba med par gnas par byed de/ de ni byang chub sems dpa'i thabs la mkhas pa yin no/ /rigs kyi bu/ gzhan yang nyan thos kyang zhi ba'i ting nge 'dzin </font><hr>105b<br><font size=+1>


dag la snyoms par 'jug la/ byang chub sems dpa' yang zhi ba'i ting nge 'dzin la snyoms par 'jug cing ldang bar byed mod kyi/ de'i lus g.yo bar yang mi 'gyur/ sems g.yo bar yang mi 'gyur ro/ /nyan thos ni bdag nyid yongs su mya ngan las 'da' ba kho nar shes par byed kyi/ byang chub sems dpa' ni zhi ba'i ting nge 'dzin dag la snyoms par 'jug kyang bsdu ba'i dngos po bzhis sems can rnams bsdu ba'i brtson 'grus rgyun mi gcod cing / pha rol tu phyin pa drug gis sems can yongs su smin par byed la/ sems can rnams yongs su smin par byed pa na snying rje chen po skyed par yang byed de/ de yang byang chub sems dpa'i thabs la mkhas pa yin no/ /rigs kyi bu/ gzhan yang byang chub sems dpa' ni 'dod na dga' ldan gyi gnas na 'dug bzhin du bla na med pa yang dag par rdzogs pa'i byang chub mngon par rdzogs par 'tshang rgya zhing chos kyi 'khor lo skor ba yang byed nus mod kyi/ byang chub sems dpa' 'di snyam du sems te/ 'dzam bu'i gling pa'i mi rnams kyis ni chos mnyan pa'i phyir dga' ldan gyi gnas su 'dzeg par mi nus la/ lha rnams kyis ni chos mnyan pa'i phyir 'dzam bu'i gling du 'bab par nus so snyam nas/ de'i phyir byang chub sems dpa' 'dzam bu'i gling du byang chub mngon par rdzogs par sangs rgyas te/ de yang byang chub sems dpa'i thabs la mkhas pa yin </font><hr>106a<br><font size=+1>


@#/ /no| |rigs kyi bu/ gzhan yang byang chub sems dpa' ni 'dod na dga' ldan gyi gnas nas shi 'phos nas ma'i mngal du ma zhugs shing / mngal gyi dri mas ma reg pa kho nar de'i skad cig de nyid la byang chub mngon par rdzogs par 'tshang rgya zhing chos kyi 'khor lo skor bar nus mod kyi/ de la sems can kha cig 'di snyam du 'di lha'am/ klu'am/ gnod sbyin nam/ dri za'am/ sprul pa zhig gam/ 'di ga las 'ongs pa zhig snyam du nem nur dang / yid gnyis dang / the tshom skye bar 'gyur ta/ de dag nem nur dang / yid gnyis dang / the tshom skye bar gyur na nyon mongs pa yongs su zad par bya ba'i phyir chos nyan par mi byed/ shes par mi byed/ brtson 'grus rtsom par mi byed pas/ byang chub sems dpas mngal na gnas pa bstan pa'i rgyu de yin/ rkyen de yin no/ /rigs kyi bu khyod 'di snyam du byang chub sems dpa' mngal gyi gnas su zhugs snyam na khyod kyis de ltar mi blta'o/ /de ci'i phyir zhe na/ byang chub sems dpa'i ting nge 'dzin dri ma med pa zhes bya ba yod de/ byang chub sems dpa' dga' ldan gyi gnas na gnas bzhin du de la snyoms par zhugs shing yongs su bstan nas/ ting nge 'dzin de las ma langs bzhin du dga' ldan gyi gnas nyid nas byang chub kyi snying po la 'dug mod kyi/ dga' ldan gyi lha rnams kyis de na de ma mthong bas byang chub sems dpa'i ting </font><hr>106b<br><font size=+1>


nge 'dzin las langs so snyam du shes par zad do/ /byang chub sems dpa' ni dga' ldan gyi gnas nas mi g.yo bzhin du sprul pa dag gis 'pho ba dang / skye ba dang / mngon par 'byung ba dang / dka' ba spyod pa'i byang thams cad kun du ston par byed de/ de dag thams cad ni byang chub sems dpas sprul pa dag gis kun tu bstan pa yin no/ /de ci'i phyir zhe na/ rigs kyi bu/ byang chub sems dpa' ni kun spyod pa gtsang ba yin pas/ phyir mngal gyi gnas su mi 'gro ba'i phyir te/ de yang byang chub sems dpa'i thabs la mkhas pa yin no/ /ci'i phyir byang chub sems dpa' glang po che thal kar du bsgyur te ma'i mngal du 'jug pa ston par byed ce na/ de ni dkar po'i phyogs kyi tshig bla dwags yin no/ /de ci'i phyir zhe na/ byang chub sems dpa' ni sems can thams cad las khyad par du 'phags pa yin pas na/ des ni ci nas kyang lha'am/ mi gzhan gang la yang med pa de lta bu kho nas mngal du 'jug par bstan par bya dgos pa'i phyir te/ de yang byang chub sems dpa'i thabs la mkhas pa yin no/ /ci'i phyir byang chub sems dpa' zla ba bcur ma'i mngal na gnas shing dgur ma yin zhe na/ sems can gang dag 'di snyam du/ kye ma gzhon nu 'di mngal na gnas pa'i dus yongs su ma rdzogs pas dbang po ma tshang bar gyur to snyam du sems pa'i sems can de dag gi the tshom gcad pa dang / mngal gyi dus dang / dbang po yongs su rdzogs </font><hr>107a<br><font size=+1>


@#/ /pa kun du bstan par bya ba'i phyir/ byang chub sems dpa' zla ba bcur ma'i mngal na gnas kyi/ dgur ni ma yin no/ /byang chub sems dpa' zla ba bcur ma'i mngal na gnas pa na yang lha rnams byang chub sems dpa' la blta ba dang / phyag bya ba dang / bsnyen bkur bya ba'i phyir 'ong bar 'gyur zhing / de dag gis byang chub sems dpa' ma'i mngal na gnas pa'i tshe byang chub sems dpa'i longs spyod rin po che bkod pa'i khang pa brtsegs pa lha'i longs spyod thams cad las yang dag par 'das pa mthong nas/ lha'i bu sa ya phrag gnyis dang / bzhi 'bum gyis bla na med pa yang dag par rdzogs pa'i byang chub tu sems bskyed par gyur te/ de yang byang chub sems dpa'i thabs la mkhas pa yin no/ / ci'i phyir byang chub sems dpa' ma'i mchan brtol te/ mngal gyi gnas nas 'byung ba kun du ston par byed ce na/ sems can gang dag 'di snyam du byang chub sems dpa' ni pha dang ma'i mer mer po las skyes pa yin gyi/ brdzus te skyes pa ma yin no snyam du sems pa'i sems can de dag the tshom gcad pa'i phyir ma'i mchan brtol te mngal gyi gnas na 'byung ba kun du bstan to/ /byung ma thag tu yum lha mo sgyu 'phrul gyi lus la yang rma med cing sgros med la/ byang chub sems dpa' mngal na gnas pa'i tshe/ yum lha mo sgyu 'phrul gyis bde ba myong bar </font><hr>107b<br><font size=+1>


gyur pa gang yin pa de lta bu'i bde ba ni sngon nam yang ma reg cing / sngon nam yang ma myong ba ste/ de yang byang chub sems dpa'i thabs la mkhas pa yin no/ /ci'i phyir byang chub sems dpa' dgon par btsas shing grong du ma yin zhe na/ byang chub sems dpa' ni yun ring po nas dgon pa'i bsngags pa brjod pa dang / dben pa la dga' ba dang / kun spyod pa gtsang ba grong du btsas na lha dang / klu dang / gnod sbyin rnams kyang lha'i phye ma dang / spos dang / me tog phreng ba dang / byug pa dang / me tog dag gis shin tu 'phags pa'i mchod pa byed par mi 'gyur ba dang| ser skya'i gnas kyi grong khyer na gnas pa'i mi rnams kyang rgyags pa dang bag med pa skye bar 'gyur ba'i phyir te/ gang gi phyir byang chub sems dpa' dgon par btsas shing grong du ma yin pa'i rgyu ni de yin/ rkyen ni de yin no/ /ci'i phyir byang chub sems dpa'i yum gyis shing blag sha'i yal ga la bzung ste/ bang mal ma byed par byang chub sems dpa' btsas par byas she na/ sems can gang dag 'di snyam du yum lha mo sgyu 'phrul ni ci lta bur bud med gzhan dag bzhin du sdug bsngal gyi tshor bas reg cing byang chub sems dpa' btsas so snyam du sems pa'i sems can de dag the tshom gcad pa dang bde bar btsas pa kun tu bstan par bya ba'i phyir/ yum lha mo sgyu 'phrul gyis shing blag sha'i yal ga la bzung ste/ bang mal ma bcas par </font><hr>108a<br><font size=+1>


@#/ /byang chub sems dpa' btsas par byas so/ /ci'i phyir byang chub sems dpa' ma'i mchan g.yas pa brtol te/ dran pa dang shes bzhin gyis mngal gyi gnas nas byung zhing skye gnas nas kyang ma yin/ lus kyi phyogs gzhan dag kyang ma yin zhe na/ byang chub sems dpa' ni kun spyod pa gtsang ba dang / 'jig rten gsum thams cad las khyad par du 'phags pa dang / 'dul ba'i sems can rnams gdul ba'i phyir/ des na ji ltar sems can dman pa gzhan dag bzhin du ma'i mngal du brten cing gnas pa ma yin pa dang / btsas pa ma yin pa de ltar skye ba bstan par bya dgos pa'i phyir te/ des na byang chub sems dpa' ma'i mchan g.yas pa brtol te/ dran pa dang shes bzhin gyis mngal gyi gnas nas byung zhing / byang chub sems dpa' btsas ma thag tu yum lha mo sgyu 'phrul gyi mchan yang rma med cing sgros med par gyur te/ de yang byang chub sems dpa'i thabs la mkhas pa yin no/ /ci'i phyir byang chub sems dpa' btsas ma thag tu lha'i dbang po brgya byin gyis bzung la/ mir gyur pa gzhan dag gis ma yin zhe na/ de ni byang chub sems dpa'i dge ba'i rtsa ba 'bar bas lha rnams 'dun par byas pas/ lha'i dbang po brgya byin gyis bdag gis byang chub sems dpa' btsas ma thag tu gos rin po ches gzung bar bya'o zhes sngon smon lam btab pa'i phyir/ de na byang chub </font><hr>108b<br><font size=+1>


sems dpa' la mchod pa'i las rgya chen po la brtson par byed pa yin te/ de yang byang chub sems dpa'i thabs la mkhas pa yin no/ /ci'i phyir byang chub sems dpa' btsas ma thag tu yongs su ma bzung bar gom pa bdun 'dor par byed la/ drug kyang ma yin/ brgyad kyang ma yin zhe na/ byang chub sems dpa' ni ji ltar gzhan sus kyang sngon ma bstan pa de lta bu'i rdzu 'phrul gyi stobs kyi brtson 'grus chen po dang / skyes bu dam pa'i rtsal gdon mi za bar kun du bstan par bya dgos pa dang / gom pa bdun bor bas sems can gang dag gi don gom pa drug gis kyang mi chog la/ brgyad ni lhag par 'gyur bas na/ de'i phyir byang chub sems dpa' btsas ma thag tu yongs su ma bzung bar gom pa bdun 'dor bar byed la/ drug kyang ma yin/ brgyad kyang ma yin te| de yang byang chub sems dpa'i thabs la mkhas pa yin no/ /ci'i phyir byang chub sems dpa' gom pa bdun 'dor ba ni/ tshig 'di skad ces nga ni 'jig rten na thu bo yin no/ /nga ni 'jig rten na gtso bo yin te/ skye ba dang / rga ba dang / na ba dang / 'chi ba mthar dbyung bar bya'o zhes rjod par byed ce na/ rigs kyi bu/ 'khor de na brgya byin dang / tshangs pa dang / lha'i bu dbang che par grags pa dag 'dus par gyur te 'khod la/ nga rgyal gyis khengs pa de dag 'di snyam du/ bdag cag ni ches bla ma yin gyi/ byang chub sems dpa' 'di ni de lta ma yin no snyam du sems shing </font><hr>109a<br><font size=+1>


@#/ /'dud par mi byed/ rab tu 'dud par mi byed/ phyag 'tshal bar mi byed/ rab tu phyag 'tshal bar mi byed pas na/ des na byang chub sems dpa' 'di snyam du sems te/ brgya byin dang / tshangs pa dang / lha'i bu 'di dag yun ring por don med pa dang / gnod pa dang / sdug bsngal dang / log par ltung bar 'gyur ro snyam nas de'i phyir byang chub sems dpas tshig 'di skad ces nga ni 'jig rten na thu bo yin no/ /nga ni 'jig rten na gtso bo yin te/ skye ba dang / rga ba dang / na ba dang / 'chi ba mthar 'byung bar bya'o zhes smras te/ tshig gi sgra des stong gsum gyi stong chen po'i 'jig rten gyi khams 'di go bar gyur nas/ lha'i bu gang dag der ma lhags pa de dag kyang sgra de thos nas lhags par gyur cing / de nas lha'i bu de dag dang / brgya byin dang / tshangs pa dag yid byung ba skyes shing ngo mtshar du 'dzin par gyur nas/ gus pa dang bcas pas thal mo pug pug por sbyar te/ byang chub sems dpa' la mngon par 'dud cing phyag 'tshal bar byed de/ gang gi phyir byang chub sems dpa' tshig 'di skad ces nga ni 'jig rten na gtso bo yin te/ skye ba dang / rga ba dang / na ba dang / 'chi ba mthar 'byung bar bya'o zhes smras pa'i rgyu ni de yin/ rkyen ni de yin no/ /byang chub sems dpa'i tshig de ni yang dag pa yin te/ de yang byang chub sems dpa'i thabs la mkhas pa yin no/ /ci'i phyir </font><hr>109b<br><font size=+1>


byang chub sems dpa' btsas ma thag tu gad mo cher rgod par byed ce na/ rigs kyi bu/ byang chub sems dpa' la ni 'dod chags dang lhan cig skyes pa'am/ zhe sdang dang lhan cig skyes pa'am/ gti mug dang lhan cig skyes pa rgod pa'i gad mo yang med/ rta gad du rgod pa yang med mod kyi/ 'on kyang byang chub sems dpa' 'di snyam du sems te/ byang chub sems dpa' 'di dag gis ni bdag dang lhan cig tu byang chub tu sems bskyed pa las bdag gis ni byang chub thob par gyur gyi/ sems can 'di dag ni le lo'i dbang gis 'khor ba'i thibs por gnas par gyur pas/ kye ma sems can 'di dag thams cad ni thams cad mkhyen pa nyid thob par bya ba'i phyir snying rje bgrod par bya ba'i chos thams cad la brtson 'grus rtsom par mi byed pa yin no zhes de ltar snying rje chen po bskyed pa na| sems can de dag gis byang chub sems dpa' ni bsam pa yongs su rdzogs pa yin par rig la/ bdag cag ni dman pa dang bag med pa yin par rig nas/ de dag da bdag la phyag 'tshal bar 'gyur ro snyam nas/ de'i phyir de'i tshe byang chub sems dpa' gad mo cher rgod par byed de/ de yang byang chub sems dpa'i thabs la mkhas pa yin no/ /ci'i phyir byang chub sems dpa' dri med par btsas ma thag tu brgya byin dang / tshangs pa dag gis 'khru bar byed ce na/ rigs kyi bu/ de ni brgya byin dang / tshangs pa dag mchod pa'i las byed pa yang yin la/ 'jig rten na </font><hr>110a<br><font size=+1>


@#/ /yang khye'u dag btsas ma thag tu gdon mi za bar khrus byed pa dag yod pas/ byang chub sems dpas kyang 'jig rten shes pa'i rjes su gdon mi za bar 'jug par bya dgos pas na don gyi dbang de mthong ba'i phyir/ byang chub sems dpa' btsas ma thag tu brgya byin dang / tshangs pa dag gis 'khru bar byed de/ de yang byang chub sems dpa'i thabs la mkhas pa yin no/ /ci'i phyir byang chub sems dpa' dgon par btsas ma thag kho nar byang chub kyi snying por mi 'gro bar ci'i phyir grong du 'jug ce na/ dbang po rnams yongs su smin pa kun tu bstan pa dang / btsun mo'i 'khor gyi bya ba kun du bstan pa dang / dga' ba dang rtse mo dag kun tu bstan nas kyang / gling chen po bzhi la mi blta bar spangs te mngon par 'byung ba kun tu bstan par bya ba dang / 'di ltar sems can gzhan dag kyang bdag gi rjes su slob pa na/ 'dod pa'i dga' ba dang / rtsed mo dang / longs spyod dang / 'khor rgya chen po dag spangs te rab tu 'byung ba'i phyir/ mngon par 'byung bar 'gyur bar bya ba'i phyir te/ gang gi phyir byang chub sems dpa' dgon par btsas ma thag kho nar byang chub kyi snying por mi 'gro bar/ grong du zhugs nas mngon par 'byung bar byed pa'i rgyu ni de yin/ rkyen ni de yin te/ da yang byang chub sems dpa'i thabs la mkhas pa yin no/ /ci'i phyir byang chub sems </font><hr>110b<br><font size=+1>


dpa' btsas nas zhag bdun lon nas yum lha mo sgyu 'phrul 'chi ba'i dus byed par gyur ce na/ de la ni byang chub sems dpa' btsas pa'i nyes pa med de/ yum lha mo sgyu 'phrul nyid tshe zad nas dus las 'das pa yin gyi/ byang chub sems dpa'i nyes pa ma yin te/ 'di ltar byang chub sems dpa' dga' ldan gyi gnas mchog na gnas pa nyid kyi tshe na lha'i mig rnam par dag pas yum lha mo sgyu 'phrul gyi tshe la so sor brtags na/ byang chub sems dpas yum lha mo sgyu 'phrul gyi tshe'i lhag ma ni zla ba bcu dang zhag bdun las ma las par shes nas/ de'i 'og tu byang chub sems dpa' dga' ldan gyi gnas mchog nas shi 'phos te ma'i mngal du zhugs pa yin pas/ rigs kyi bu/ rnam grangs des na khyod kyis 'di ltar yum lha mo sgyu 'phrul nyid tshe zad nas 'chi ba'i dus byas par zad kyi/ byang chub sems dpa' btsas pa'i nyes pa ma yin par rig par bya ste/ de yang byang chub sems dpa'i thabs la mkhas pa yin no/ /ci'i phyir byang chub sems dpas yi ge dang / lag rtsis dang / bstan bcos dang / grangs dang / rtsis dang / ral gri'i thabs dang / mda' gzhu'i thabs dang / 'gyed stobs dang / gyad kyi 'dzin stangs dang / skar ma'i dpyad dang / dga' ba dang / rtsed mo dag legs par bslab ce na/ 'jig rten dang rjes su mthun par bya ba'i phyir te/ 'di ltar byang chub sems dpas dang po nyid nas </font><hr>111a<br><font size=+1>


@#/ /gang la legs par bslab par ma byas pa'i bzo'am/ gsang sngags sam/ rig sngags sam/ bstan bcos sam/ bro gar ram/ glu'am/ rol mo'i sgra'am/ bzhad gad dam/ 'jo sgeg gam/ dga' ba'am/ rtsed mo kun du bstan par bya ba ni stong gsum gyi stong chen po'i 'jig rten gyi khams na 'ga' yang med mod kyi/ 'on kyang byang chub sems dpa' la ni btsas ma thag kho nar 'jig rten dang 'jig rten las 'das pa'i bzo dang las kyi gnas thams cad mngon du 'gyur ro/ /de ci'i phyir zhe na/ sngon shin tu legs par bslabs pa dang / dge ba'i rtsa ba yongs su smin pa'i dbang gi stobs bskyed pa'i phyir te/ de yang byang chub sems dpa'i thabs la mkhas pa yin no/ /ci'i phyir byang chub sems dpa' srid pa tha ma la btsun mo dang sras dang g.yog 'khor len par byed ce na/ rigs kyi bu/ byang chub sems dpa' ni 'dod pa don du gnyer ba ma yin no/ /de ci'i phyir zhe na/ de'i gnas skabs na skyes bu dam pa ni 'dod chags dang bral ba'i phyir te/ 'on kyang byang chub sems dpa' srid pa tha ma pas btsun mo dang / sras dang / bu'i 'khor gdon mi za bar bstan par bya dgos te/ sems can gang dag 'di snyam du/ byang chub sems dpa' ni skyes bu dam pa ma yin gyi/ za ma'i rigs shig yin no snyam du sems par gyur na/ de dag yun ring por don </font><hr>111b<br><font size=+1>


med pa dang / gnod pa dang / sdug bsngal ba dang / log par ltung bar 'gyur bas sems can de dag gi the tshom gcad pa dang / 'di lta ste/ sras sgra gcan zin kun tu bstan par bya ba'i phyir byang chub sems dpas shAkya'i bu mo sa 'tsho ma blangs so/ /gang dag 'di snyam du sras sgra gcan zin ni yab dang yum gyi mer mer po las skyes pa yin no snyam du sems na de ltar mi blta'o/ / de ci'i phyir zhe na/ sgra gcan zin 'dis ni sngon 'di skad du bdag srid pa tha ma pa'i bur gyur cig ces smon lam btab pas na sgra gcan zin ni lha nas shi 'phos nas 'dir brdzus te skyes pa yin gyi/ pha dang ma'i mer mer po las skyes pa ma yin pa'i phyir ro/ /shAkya'i bu mos 'tsho ma yang sngon gyi smon lam gyi dbang gis blangs pa yin te/ des de bzhin gshegs pa mar me mdzad kyi spyan sngar/ bram ze'i khye'u khyod srid pa tha ma par gyur pa na bdag gi khyim thab tu gyur la/ bdag kyang khyod kyi btsun mor gyur cig ces smon lam btab pa'i phyir ro/ / de'i tshe na byang chub sems dpas kyang 'di skad ces/ bzang mo nga ni 'dod pa rnams don du gnyer ba ma yin mod kyi/ 'on kyang nga khyod kyi bsam pa ji lta ba bzhin du gyur ces ut+pa la'i phyir khas blangs te/ sangs rgyas kyi spyan sngar dge ba'i rtsa ba bskyed pa de ni mi slu ba yin pas na/ byang chub sems dpas shAkya'i bu mos 'tsho ma blangs so/ /gzhan yang byang chub sems </font><hr>112a<br><font size=+1>


@#/ /dpa' srid pa tha ma pas ni btsun mo'i 'khor dang / g.yog 'khor gdon mi za bar kun tu bstan par bya dgos te 'di ltar shAkya'i bu mo sa 'tsho mas kyang byang chub sems dpa'i gzugs phun sum tshogs pa dang / lha'i mchod pa phun sum tshogs pa dang / mngon par 'byung ba phun sum tshogs pa mthong nas 'di skad du/ kye ma bdag kyang yon tan gyi chos 'di lta bu dang ldan par gyur cig ces lhag pa'i bsam pas bla na med pa yang dag par rdzogs pa'i byang chub tu sems bskyed par gyur pa'i phyir te/ de ltar na shAkya'i bu mo sa 'tsho ma byang chub kyi sems brtan par bskyed du gzhug pa'i phyir yang byang chub sems dpas shAkya'i bu mo sa 'tsho ma blangs so/ /gzhan yang sems can gang dag 'dod pa dang / bran dang / chung ma dang / las kyi mtha' dang / khang khyim dang / nor rdzas kyi 'du 'dzis spangs nas yongs su 'dzin pa spangs te/ rab tu 'byung bar mi nus pa'i sems can de dag la 'dod pa'i sred pa dang / longs spyod dang / nor rdzas dang / chung ma la mi lta bar kun du bstan par bya ba'i phyir yang byang chub sems dpas shAkya'i bu mo sa 'tsho ma blangs nas khang khyim dang / nor rdzas dang / chung ma dang / 'khor rnams la mi lta bar spangs te mngon par byung na/ sems can de dag kyang 'di snyam du gzhon nu don thams cad grub pa 'di yang de </font><hr>112b<br><font size=+1>


ltar btsun mo dang / nor rdzas dang / 'khor dang / longs spyod rgya chen po dag la mi lta bar spangs te rab tu byung na de'i phyir/ bdag cag kyang ci'i phyir rab tu 'byung bar mi bya snyam du sems par bya ba'i phyir ro// //bam po gsum pa/ gzhan yang byang chub sems dpas sngon byang chub sems dpa'i spyad pa spyod pa na/ bud med gzhon nu bsnyen bkur ma gang dag dge ba'i chos rnams kyis yongs su smin par byas shing / yid gcugs par gyur pa de dag gis 'di skad ces bdag cag khyod srid pa tha ma par gyur pa'i bar tshun chad kyi btsun mor gyur cig ces smon lam btab pas na/ de dag gis dkar po'i chos rgya cher sman par bya ba'i phyir yang byang chub sems dpas 'khor rnams blangs te/ de na byang chub sems dpa' btsun mo'i 'khor gyi nang du gnas pas/ bud med bzhi khri nyis stong ni/ bla na med pa yang dag par rdzogs pa'i byang chub tu yongs su smin par byas so/ /lhag ma rnams ni log par mi ltung ba'i chos can du byas te/ rnam grangs des kyang byang chub sems dpas 'khor rnams blangs so/ /gzhan yang bud med gang dag 'dod chags kyi yongs su gdung ba chen pos yongs su gdung bar gyur pa de dag gis byang chub sems dpa' mthong ma thag tu bdag nyid 'dod chags dang bral bar kun du shes par bya ba'i phyir ro/ /gzhan yang byang chub sems dpas bdag nyid kyi chu zheng dang / kha dog dang / </font><hr>113a<br><font size=+1>


@#/ /dbyibs ci 'dra ba de 'dra ba'i sprul pa mngon par sprul nas/ sprul pa de dang bud med de dag lhan cig dga' ba dang rtse ba dang dga' mgur spyod par byed pa na/ de dag so so nas 'di snyam du bdag ni byang chub sems dpa' dang lhan cig dga' ba dang rtse ba dang dga' mgur spyod par byed do snyam du sems par zad kyi/ byang chub sems dpa' ni bsam gtan gyi dga' ba'i gnas pas gnas par byed do/ /sprul pa'i 'dod pa'i longs spyod ji lta ba bzhin du de bzhin gshegs pa dgra bcom pa yang dag par rdzogs pa'i sangs rgyas mar me mdzad tshun chad nas/ byang chub sems dpa'i 'dod pa'i longs spyod kyang de dang 'dra bar blta bar bya'o/ /shAkya'i bu 'dun pa dang / rta bsngags ldan gnyis kyang de gnyis kyi sngon gyi smon lam nyid yin par blta bar bya ste/ de yang byang chub sems dpa'i thabs la mkhas pa yin par blta bar bya'o/ /ci'i phyir byang chub sems dpa' shing 'dzam bu'i grib ma la bsam gtan byed ce na/ byang chub sems dpa' de na gnas pas lha bye ba phrag bdun cu brtul ba dang / yab dang yum dag yang dag par bstan par bya ba dang / byang chub sems dpa' bdag rab tu 'byung ba'i phyir mngon par 'byung ba dang / shes rab che ba nyid gdon mi za bar kun tu bstan par bya dgos pa dang / shing 'dzam bu'i grib mas ma btang ba nyid kyang kun du </font><hr>113b<br><font size=+1>


bstan par bya ba'i phyir te/ gang gi phyir byang chub sems dpa' shing 'dzam bu'i grib ma la bsam gtan byed pa'i rgyu ni de yin/ rkyen ni de yin te/ de yang byang chub sems dpa'i thabs la mkhas pa yin no/ /byang chub sems dpa' dga' ba dang rtsed mo thams cad don du mi gnyer bar ci'i phyir skyed mos tshal gyi sar byung zhe na/ rgan po dang / nad pa dang / shi ba kun tu bstan par bya ba dang / nye du rnams kyis 'di ltar byang chub sems dpa' ni nye du rnams mi 'dod pa ma yin gyi/ rga ba dang / na ba dang / 'chi bas 'jigs shing skrag pa dang / khyim na gnas pa ni nyes pa mang po'i skyon chags pas gnas pa ma yin par rig nas/ mngon par byung ba yin no zhes shes par 'gyur ba kun du bstan par bya ba dang / sems can thams cad kyang rga ba dang| na ba dang / 'chi bas 'jigs pa kun du bstan par bya ba'i phyir te/ de'i phyir na byang chub sems dpa' dga' ba dang rtsed mo don du mi gnyer bar yang skyed mos tshal gyi sar byung ste| de yang byang chub sems dpa'i thabs la mkhas pa yin no/ /ci'i phyir byang chub sems dpa' nam phyed kyi dus kyi tshe mngon par byung la nyin mo ma yin zhe na/ sems can rnams gang la gnas na/ dge ba'i rtsa ba dag 'phel bar 'gyur ba'i dge ba'i rtsa ba kun du bstan par bya ba'i phyir te/ dkar po'i chos don du gnyer ba'i rigs kyi bus ni bde ba rgya chen po ji snyed </font><hr>114a<br><font size=+1>


@#/ /pa yang yongs su spangs te/ nam phyed kyi dus kyi tshe na ma dris/ mi ltos par mngon par 'byung ba bya ba dang / bde ba'i yo byad ji snyed pa dag kyang yongs su spang bar bya ba dang / dkar po'i phyogs yongs su nyams par mi bya ba'i phyir te/ de yang byang chub sems dpa'i thabs la mkhas pa yin no/ /ci'i phyir byang chub sems dpas skye bo rnams ni lha rnams kyis gnyid log par byas te mngon par byung zhe na/ skye bo rnams ni lha rnams kyis gnyid log par byas pas lha rnams kyis nyes par kun tu bstan pa'i phyir te/ byang chub sems dpa' la nye du rnams dang / skye bo rnams tha ba dang zhe sdang gi sems bskyed par gyur na/ de dag la yun ring bor don med pa dang / gnod pa dang / sdug bsngal ba dang / log par ltung bar 'gyur gyi/ de dag gis skye bo rnams lha rnams kyis gnyid log par byas shing / lha rnams kyis sgo phye ste bar snang la khyer bas/ de ni byang chub sems dpas ma nyes so zhes shes par gyur na/ de dag byang chub sems dpa' la dad pa rgya chen po thob par 'gyur bas don gyi dbang de mthong ba'i phyir/ skye bo rnams gnyid log par byas nas mngon par byung ste/ de yang byang chub sems dpa'i thabs la mkhas pa yin no/ /ci'i phyir byang chub sems dpas rta dang rgyan rnams shAkya'i bu 'dun pa la phyir bskur zhe na/ 'di lta ste/ chog shes pa </font><hr>114b<br><font size=+1>


kun tu bstan par bya ba'i phyir te/ gzhan dag 'di skad ces byang chub sems dpa' ni dngos po thams cad la mi lta bar rab tu byung bas na gser dang dngul dag don du gnyer ba ma yin no zhes brjod par bya ba dang / gzhan yang byang chub sems dpas phyi ma'i skye bo dag rjes su slob tu gzhug par bya ba'i phyir te/ 'di ltar gang dag bstan pa 'di la rab tu 'byung bar 'gyur ba de dag gis ni nga'i rjes su bslabs shing / dngos po thams cad la mi lta bar 'phags pa'i rigs bzhi la brten nas rab tu 'byung bar bya ste/ rab tu 'byung bas ni dang po kho na nas 'tsho ba la ltos shing rab tu 'byung bar mi bya'o zhes bstan par bya ba'i phyir te/ de yang byang chub sems dpa'i thabs la mkhas pa yin no/ /ci'i phyir byang chub sems dpa' bdag nyid kyis ral gris skra bregs te rab tu byung zhe na/ rigs kyi bu/ 'di ltar gang gis byang chub sems dpa'i dpal dang gzi brjid zil gyis mnan te skra 'breg par bzod pa'i lha'am/ klu'am/ gnod sbyin nam/ dri za'am/ mi'am/ mi ma yin pa ni stong gsum gyi stong chen po'i 'jig rten gyi khams na 'ga' yang med pa dang / byang chub sems dpa' de nyid rab tu 'byung ba don du gnyer bas na/ dad pa dang ldan pa yin no zhes kun tu bstan pa dang / bdag nyid kyis skra bregs te rab tu byung na rgyal po zas gtsang yang sus nga yi bu'i skra bregs pa de chad pas gcad do </font><hr>115a<br><font size=+1>


@#/ /zhes mi dga' bar mi 'gyur ba dang / byang chub sems dpa' bdag nyid kyis rang gi ral gris skra bregs so zhes rgyal po zas gtsang gis thos nas/ cang mi zer bar 'gyur bar bya ba'i phyir te/ de yang byang chub sems dpa'i thabs la mkhas pa yin no/ /de nas bcom ldan 'das kyis yang byang chub sems dpa' ye shes dam pa la bka' stsal pa/ rigs kyi bu/ gzhan yang gang gi phyir byang chub sems dpas lo drug tu dka' ba spyod pa spyad pa yang nyon cig /'di ltar byang chub sems dpas ni thabs la mkhas pas sems can rnams mi dge ba'i las kyi bya ba dag la nges par skyo bar bya zhing 'dun par bya ba'i phyir te/ rigs kyi bu/ 'di ltar byang chub sems dpas de bzhin gshegs pa dgra bcom pa yang dag par rdzogs pa'i sangs rgyas 'od srung gi gsung rab la tshig 'di skad ces/ dge sbyong mgo reg mthong bas kho bo la ci zhig bya/ byang chub ni mchog tu rnyed par dka' ba yin pas/ dge sbyong mgo reg la byang chub ga la yod ces smras pa de yang byang chub sems dpa'i thabs la mkhas pa dang / ldem po'i ngag yin par blta bar bya ste/ las kyi sgrib pa de'i rgyus byang chub sems dpas lo drug tu dka' ba spyod pa spyad do/ /byang chub sems dpas ci las bsams te tshig de skad ces smras she na/ rigs kyi bu/ de'i tshe de'i dus na de bzhin gshegs pa </font><hr>115b<br><font size=+1>


dgra bcom pa yang dag par rdzogs pa'i sangs rgyas 'od srung gi gsung rab la bram ze'i khye'u 'od zer phreng de la/ ne'u ldangs bram ze'i rigs shing sA la chen po lta bu'i bu byang chub sems dpa'i theg pa la yang dag par zhugs pa lnga zhig yod pa de dag sdig pa'i grogs po'i dbang dang / sdig pa'i grogs po dang phrad pas byang chub kyi sems de dag brjed par gyur nas/ de'i tshe na rigs kyi bu lnga po de dag mu stegs can gyi brtul zhugs spyod par gyur cing / sangs rgyas kyi brtul zhugs mi spyod pa dang / mu stegs can gyi gsang sngags la brtson cing / sangs rgyas kyi gsang sngags la mi brtson pa dang / mu stegs can la mos shing / mu stegs can gyi dbang gis byang chub ni bdag cag la yod de/ bdag cag kyang sangs rgyas yin no zhes bdag nyid ston pa yin par khas 'che bar byed do/ /bram ze'i khye'u 'od zer phreng gis rigs kyi bu de dag snod yin par rig nas de thabs la mkhas pas/ bram ze'i rigs shing sA la chen po lta bu'i bu lnga po de dag rim gyis mu stegs can de dag gi drung nas phyir bzlog par 'dod pas/ des thabs la mkhas pas rdza mkhan bum byed la tshig 'di skad ces/ dge sbyong mgo reg mthong bas kho bo la ci zhig bya/ byang chub ni mchog tu rnyed par dka' ba yin pas/ dge sbyong mgo reg la byang chub ga la yod ces smras te/ rigs kyi bu/ de'i tshe bram ze'i khye'u 'od zer phreng des phyogs gzhan zhig tu bram ze'i </font><hr>116a<br><font size=+1>


@#/ /rigs shing sA la chen po lta bu'i bu lnga po de dag dang lhan cig tu 'khod do/ /de nas rdza mkhan bum byed des phyogs de ga la ba der song ste/ de bzhin gshegs pa dgra bcom pa yang dag par rdzogs pa'i sangs rgyas 'od srung gi bsngags pa brjod cing bsngags pa brjod nas/ bram ze'i khye'u 'od zer phreng la 'di skad ces smras so/ /kye 'od zer phreng / tshur shog /de bzhin gshegs pa dgra bcom pa yang dag par rdzogs pa'i sangs rgyas 'od srung gi spyan sngar 'dong ngo / /rigs kyi bu/ de nas bram ze'i khye'u 'od zer phreng 'di snyam du sems te/ kye ma bram ze'i khye'u 'di dag ni dge ba'i rtsa ba yongs su ma smin pa yin pas/ gal te bdag gis de bzhin gshegs pa dgra bcom pa yang dag par rdzogs pa'i sangs rgyas 'od srung dang / byang chub kyi bsngags pa brjod cing / mu stegs can rnams kyi bsngags pa ma yin pa brjod par gyur na/ rigs kyi bu 'di dag yongs su dogs par gyur nas de bzhin gshegs pa dgra bcom pa yang dag par rdzogs pa'i sangs rgyas 'od srung gi spyan sngar 'gro bar mi 'gyur ba'i gnas de lta bu yod do snyam nas/ bram ze'i khye'u 'od zer phreng de sngar dam bcas pa de nyid rjes su bsrung bzhin du/ shes rab kyi pha rol tu phyin pa'i rgyu mthun thabs la mkhas pas tshig 'di skad ces/ dge sbyong mgo reg mthong bas </font><hr>116b<br><font size=+1>


kho bo la ci zhig bya/ byang chub ni mchog tu rnyed par dka' ba yin pas/ dge sbyong mgo reg la byang chub ga la yod ces smras so/ /ji ltar na shes rab kyi pha rol tu phyin pa'i rgyu mthun pa'i thabs la mkhas pa yin zhe na/ shes rab kyi pha rol tu phyin pa la spyod pa'i byang chub sems dpa' la ni byang chub kyi 'du shes kyang med/ sangs rgyas kyi 'du shes kyang med/ sangs rgyas zhes bya ba'i sangs rgyas kyang yang dag par rjes su mi mthong / byang chub kyang yang dag par rjes su mi mthong ste/ byang chub ni nang du yang dag par rjes su mi mthong / byang chub ni phyi rol du yang dag par rjes su mi mthong / byang chub ni nang dang phyi rol du yang dag par rjes su mi mthong ba'i phyir ro/ /de ltar chos thams cad ma skyes mi dmigs pa'i phyir/ byang chub ni gtan stong pa nyid yin pas bram ze'i khye'u 'od zer phreng gis shes rab kyi pha rol tu phyin pa'i rgyu mthun pa'i thabs la mkhas pa des tshig 'di skad ces/ dge sbyong mgo reg mthong bas kho bo la ci zhig bya/ byang chub ni mchog tu rnyed par dka' ba yin pas/ dge sbyong mgo reg la byang chub ga la yod ces smras so/ /de nas dus gzhan zhig gi tshe na bram ze'i khye'u 'od zer phreng de ne'u ldangs lnga po de dag dang chu 'gram zhig na 'khod par gyur pa dang / de nas sangs rgyas kyi mthus rigs kyi bu de dag gdul ba'i dbang gi phyir/ rdza mkhan bum byed chu 'gram de ga la ba der song </font><hr>117a<br><font size=+1>


@#/ /ste/ bram ze'i khye'u 'od zer phreng de la 'di skad ces smras so/ /kye 'od zer phreng / tshur shog /sangs rgyas bcom ldan 'das rnams 'jig rten du 'byung ba ni shin tu rnyed par dka' ba yin gyi/ de bzhin gshegs pa dgra bcom pa yang dag par rdzogs pa'i sangs rgyas 'od srung la blta ba dang / phyag bya ba dang / bsnyen bkur bya ba'i phyir 'dong ngo| |bram ze'i khye'u 'od zer phreng gis smras pa/ dge sbyong sgre bo mthong bas kho bo la ci zhig bya/ byang chub ni mchog tu rnyed par dka' ba yin pas/ dge sbyong mgo reg la byang chub ga la yod ces smras te/ bram ze'i khye'u 'od zer phreng de de bzhin gshegs pa la blta ba dang / phyag bya ba dang / bsnyen bkur bya ba'i phyir 'gror ma btub pa dang / de nas rdza mkhan bum byed des bram ze'i khye'u 'od zer phreng gi thor to nas bzung ste/ de bzhin gshegs pa dgra bcom pa yang dag par rdzogs pa'i sangs rgyas 'od srung ga la ba der khrid de song ngo / /bram ze'i khye'u lnga po de dag gis kyang bram ze'i khye'u 'od zer phreng yongs su bskor te yid 'dun par byas nas/ de bzhin gshegs pa dgra bcom pa yang dag par rdzogs pa'i sangs rgyas 'od srung ga ba la der dong ngo / /de nas bram ze'i rigs shing sA la chen po lta bu'i bu log par lta ba'i khyim du skyes pa lnga po de dag cher 'dun par gyur nas/ 'di snyam du 'di ltar bram ze'i khye'u </font><hr>117b<br><font size=+1>


'od zer phreng 'di/ de bzhin gshegs pa dgra bcom pa yang dag par rdzogs pa'i sangs rgyas 'od srung la blta ba dang / phyag bya ba dang / bsnyen bkur bya ba dang / drung du 'gro ba dang / dge ba'i chos yongs su rdzogs par bya ba'i phyir/ rdza mkhan bum byed 'dis thor to nas bzung bzhin du yang bdag nyid kyi srog yongs su btang ste/ de bzhin gshegs pa dgra bcom pa yang dag par rdzogs pa'i sangs rgyas 'od srung gi spyan sngar 'gro bar 'gyur ba'i sangs rgyas de ni ci 'dra ba zhig yin/ sangs rgyas kyi chos de ni ci 'dra ba zhig yin snyam nas/ de nas bram ze'i rigs shing sA la chen po lta bu'i bu lnga po de dag gis 'dun par byas nas/ de bzhin gshegs pa dgra bcom pa yang dag par rdzogs pa'i sangs rgyas 'od srung la blta ba'i phyir de bzhin gshegs pa 'od srung gi thad du dong ngo / /de dag gis de bzhin gshegs pa dgra bcom pa yang dag par rdzogs pa'i sangs rgyas 'od srung mthong ma thag tu sngon gyi dge ba'i rtsa bas yang dag par bskul bas dad pa thob par gyur to/ /de dag gis dad pa thob nas bram ze'i khye'u 'od zer phreng la smras pa/ ston pa'i yon tan 'di lta bu dag khyod kyis sngon chad kho bo cag la ma smras so zhes spyos so// rigs kyi bu de nas bram ze'i rigs shing sA la chen po lta bu lnga po de dag gis/ de bzhin gshegs pa dgra bcom pa yang dag par rdzogs pa'i sangs rgyas 'od srung gi dpal dang gzi brjid </font><hr>118a<br><font size=+1>


@#/ /kyang mthong / spobs pa yang thos/ tshangs pa'i sgra dbyangs bsgrags pa yang thos nas lhag pa'i bsam pas bla na med pa yang dag par rdzogs pa'i byang chub tu sems bskyed do/ /rigs kyi bu/ de nas de bzhin gshegs pa dgra bcom pa yang dag par rdzogs pa'i sangs rgyas 'od srung gis rigs kyi bu de dag gi lhag pa'i bsam pa thugs su chud nas/ de'i tshe byang chub sems dpa'i sde snod kyi rnam grangs phyir mi ldog pa'i 'khor lo'i gzungs rdo rje'i tshig chos thams cad skye ba med pa zhes bya ba de lta de ltar yang dag par bstan par mdzad de/ des rigs kyi bu lnga po de dag gis mi skye ba'i chos la bzod pa thob par gyur to/ /rigs kyi bu/ de ltar na nga ni sangs rgyas kyi ye shes thogs pa mi mnga' bas/ khyed cag la gal te bram ze'i khye'u 'od zer phreng des/ rigs kyi bu de dag gi mdun du de bzhin gshegs pa dgra bcom pa yang dag par rdzogs pa'i sangs rgyas 'od srung gi bsngags pa brjod cing| mu stegs can rnams kyi bsngags pa ma yin pa brjod par gyur na ni/ des ni rigs kyi bu de dag de bzhin gshegs pa dgra bcom pa yang dag par rdzogs pa'i sangs rgyas 'od srung gi spyan sngar 'gro ba'i nas dang skabs kyang med na/ dad pa thob par 'gyur ba lta ci smos te/ de ni gnas med do/ /zhes lung ston to/ /rigs kyi bu/ de ltar na byang chub </font><hr>118b<br><font size=+1>


sems dpa'i theg pa la yang dag par zhugs pa'i rigs kyi bu lnga po de dag yongs su smin par bya ba'i phyir/ bram ze'i khye'u 'od zer phreng gis shes rab kyi pha rol tu phyin pa'i rgyu mthun pa'i thabs la mkhas pas tshig 'di skad ces/ dge sbyong mgo reg mthong bas kho bo la ci zhig bya/ byang chub ni mchog tu rnyed par dka' ba yin pas/ dge sbyong mgo reg la byang chub ga la yod ces smras par zad kyi/ rigs kyi bu/ phyir mi ldog pa'i byang chub sems dpa' ni sangs rgyas la nem nur med cing / byang chub la yang som nyi med/ sangs rgyas kyi chos rnams la yang som nyi med de/ de yang byang chub sems dpa'i thabs la mkhas pa yin no/ /rigs kyi bu/ byang chub sems dpa' de dag yongs su smin par byas shing / las kyi rnam par smin pa bstan pa gang yin pa'i las kyi rnam par smin pa des kyang / ngas lo drug tu dka' ba spyod pa spyad par gyur pas/ sems can mi shes par spyod pa gzhan dag gis ni dge sbyong dang bram ze tshul khrims dang ldan pa dag la/ lkog nas tshig rtsub po smras la/ de dag gis shes kyang rung / mi shes kyang rung / shes pa dang ldan yang rung / shes pa dang mi ldan yang rung ste/ brjod par gyur na de dag yun ring por don med pa dang / gnod pa dang / sdug bsngal ba dang / log par ltung bar 'gyur bas na/ sems can de dag la las kyi bya ba bstan pa'i phyir/ de bzhin </font><hr>119a<br><font size=+1>


@#/ /gshegs pas de la de'i las kun du ston par zad kyi/ byang chub sems dpa' la ni las kyi sgrib pa cung zad kyang med do/ /gzhan yang sems can gang dag dge sbyong dang / bram ze tshul khrims dang ldan pa dag la tshig rtsub po smras nas/ bdag la ni thar pa'i skal ba med do snyam nas/ 'gyod pa la gnas shing phyin chad rtsol bar mi byed pa'i sems can de dag gi 'gyod pa bsal bar bya ba'i phyir yang las de kun tu bstan to/ /de dag 'di snyam du byang chub sems dpa' skye ba gcig gis thogs pas/ de bzhin gshegs pa dgra bcom pa yang dag par rdzogs pa'i sangs rgyas 'od srung gi gsung rab la 'di skad ces/ byang chub ni mchog tu rnyed par dka' ba yin pas/ dge sbyong mgo reg la byang chub ga la yod ces smras kyang / de la rnam par grol ba'i skal ba yod par gyur na/ bdag cag mi shes pa rnams lta smos kyang ci dgos snyam du sems shing / de dag sdig pa'i las kyi nyes pa de yang 'chags la/ gzhan dag kyang mngon par 'du mi byed par gyur ba'i phyir ro/ /rigs kyi bu/ gzhan yang mu stegs can dag gdul ba'i phyir/ byang chub sems dpas lo drug tu dka' ba spyad pa kun tu bstan gyi/ las kyi sgrib pa'i rgyus ni ma yin no/ /de ci'i phyir zhe na/ dge sbyong dang / bram ze rgya shug dang / til dang / 'bras 'bru gcig tsam za zhing zas </font><hr>119b<br><font size=+1>


gzhan mi za bas rnam par dag par 'gyur bar 'dod pa dag yod pas de dag tshar gcad pa'i phyir/ byang chub sems dpas 'phags pa'i lam lam brten par rgya shug dang / til dang / 'bras 'bru gcig tsam gyi zas ngan pa za bas rnam par dag par mi nus par bstan pa'i phyir te/ 'di ltar byang chub sems dpas tshig 'di skad ces byang chub ni mchog tu rnyed par dka' ba yin pas/ dge sbyong mgo reg la byang chub ga la yod ces smras pa'i rgyu ni de yin/ rkyen ni de yin te/ las kyi bya ba de la dmigs nas lo drug tu dka' ba spyad pa bstan to/ /byang chub sems dpas lo drug tu dka' ba spyad pa bstan pas/ lha dang phyi rol pa'i drang srong ngan pa la mos pa sa ya phrag bzhi dang / nyis 'bum yang kha zas ngan pa des btul nas/ de dag gis ye shes mngon par rtogs par 'gyur te/ de yang byang chub sems dpa'i thabs la mkhas pa yin no/ /ci'i phyir byang chub sems dpas zas la yongs su longs spyad de/ lus kyi stobs dang / shugs dang| mthu yang dag par bskyed nas/ byang chub kyi shing drung du song gi/ lus nyams pa dang / lus nyam chung bzhin du ma song zhe na/ byang chub sems dpas ni zas ma zos shing / lus nyams pa dang / lus nyam chung bas kyang / byang chub mngon par rdzogs par 'tshang rgya bar nus na/ zas ngan pa zos pa lta ci smos te/ 'on kyang skye bo phyi ma dge ba'i rtsa ba yongs su ma smin </font><hr>120a<br><font size=+1>


@#/ /pa zas mi za bas byang chub yongs su btsal bar sems pa de dag bkres pa'i yongs su gdungs pas ye shes bsgrub par mi nus pa de dag la snying brtse ba'i phyir byang chub sems dpa' zas la yongs su longs spyad do/ /de ci'i phyir zhe na/ bde bar gyur pa rnams kyis ni chos rnams mngon par brjod par nus kyi/ sdug bsngal bar gyur pa rnams kyis ni mi nus pas/ ngas sems can de dag la bde bas ye shes rtogs par kun du bstan par bya ba'i phyir te/ ji lta zhe na/ byang chub sems dpa' nyid kyang grong mi'i bu mo'i zas la yongs su longs spyad nas/ zas kyi bde ba nyid kyis byang chub 'thob bo zhes sems can rnams nga'i rjes su slob par 'gyur ba'i phyir ro/ /de na byang chub sems dpas grong mi'i bu mo'i legs skyes ma'i byang chub kyi phyogs kyi chos rnams yongs su rdzogs par bya ba dang / skye bo phyi ma rnams la rjes su snying brtse ba'i phyir/ byang chub sems dpas de'i kha zas yongs su longs spyod nas byang chub thob par kun tu bstan par zad kyi/ rigs kyi bu/ byang chub sems dpas ni bsam gtan dang / ting nge 'dzin gyi dga' ba dang / mchog tu dga' ba gcig gis kyang bskal pa 'bum phrag mang por kha zas med par gnas par nus te/ de yang byang chub sems dpa'i thabs la mkhas pa yin no/ /ci'i phyir byang chub sems dpa' </font><hr>120b<br><font size=+1>


rtswa dag slong bar byed ce na/ sngon gyi de bzhin gshegs pa de dag kyang rtswa gding ba la mos shing / gdan la gdu ba ma yin pas/ chog shes pa nyid kyi phyir dang / rtswa 'tshong bkra shis pa'i byang chub kyi phyogs kyi chos rnams yongs su rdzogs par bya ba'i phyir ro/ /des kyang byang chub sems dpa' la rtswa dag phul nas bla na med pa yang dag par rdzogs pa'i byang chub tu sems bskyed pas na/ de yang ma 'ongs pa'i dus na de bzhin gshegs pa dgra bcom pa yang dag par rdzogs pa'i sangs rgyas rdul bral zhes bya bar 'gyur ro zhes ngas lung bstan te/ de yang byang chub sems dpa'i thabs la mkhas pa yin no/ /ci'i phyir byang chub sems dpa' byang chub kyi shing drung du 'dug nas/ bdud sdig can ma 'ongs par myur ba myur bar byang chub mngon par rdzogs par 'tshang rgya bar mi byed ce na/ rigs kyi bu/ byang chub sems dpas skabs ma phye bar bdud sdig can byang chub kyi shing drung du 'ong ba ni gnas med cing skabs med de/ de ni gnas med mod kyi/ rigs kyi bu/ 'on kyang byang chub sems dpa' byang chub kyi shing drung du 'dug pa na 'di snyam du sems te/ gling chen po bzhi pa'i 'dod pa'i khams 'di na dbang phyug ni su yin| sems can 'di dag ni su'i dbang du song snyam pa dang / de 'di snyam du sems te/ de ni bdud sdig can yin te/ de'i dbang du song ngo snyam nas/ de na byang chub sems dpa' 'di snyam du sems </font><hr>121a<br><font size=+1>


@#/ /te| bdag gis bdud sdig can dang g.yul sprad de/ de las rgyal bar byas na 'dod pa'i khams kyang rgyal bar gyur la/ bdud kyi 'khor mang po yang 'du bar 'gyur/ gnod sbyin gyi 'khor dang / srin po'i 'khor dang / dri za'i 'khor dang / lha ma yin gyi 'khor kyang 'du bar 'gyur zhing / 'khor mang po 'dus pa dag gis byang chub sems dpa'i seng ge rnam par rtse ba mthong na/ bla na med pa yang dag par rdzogs pa'i byang chub tu sems bskyed cing smon lam 'debs par yang 'gyur la/ gzhan gang dag gis mthong ba de dag la yang yongs su mya ngan las 'das pa'i bar gyi rgyur 'gyur ro snyam ste/ rigs kyi bu/ de nas byang chub sems dpa' byang chub kyi shing drung na 'dug pas mdzod spu nas 'od rab tu bkye'o/ /'od des stong gsum gyi stong chen po'i 'jig rten gyi khams 'di snang bar byas shing / nyi ma dang zla ba'i 'od dag kyang yongs su gtugs te/ bdud kyi gnas thams cad spa bkong nas 'od de las sgra 'di lta bu byung ngo / /shAkya'i sras po de shAkya'i khab nas mngon par byung ste/ de ni byang chub mngon par rdzogs par 'tshang rgya bar 'gyur bas/ bdud kyi yul las yang dag par 'da' zhing| sems can brgya stong dpag tu med pa gzhan dag kyang bdud kyi yul las yang dag par 'da' bar byed par 'gyur bas/ bdud kyi phyogs nyung ba dang / bdud kyi 'khor nyung bar </font><hr>121b<br><font size=+1>


'gyur gyi/ khyod song la de dang g.yul sprod cig /rigs kyi bu/ de nas 'od des bdud sdig can la yang dag par bskul ba na de mya ngan gyi zug rngu chen pos gzir bar gyur te/ khro zhing rngam bzhin du de'i mod la dpung gi tshogs yan lag bzhi pa/ bshams shing bsdus nas byang chub kyi shing drung ga la ba der song ste/ byang chub sems dpa' la bgegs bya ba'i phyir/ dpag tshad sum cu rtsa gnyis kyi khor yug tu bdud kyi dmag gis gang bar byas so/ /de nas byang chub sems dpas shes rab chen po dang / byams pa chen po dang / snying rje chen po la gnas nas shes rab rin po che las nges par 'byung ba'i phyag gser gyi kha dog lta bus sa gzhi chen po la brdabs te/ byams pa'i stobs kyis bdud kyi sde thams cad pham par mdzad do/ /bdud kyi sde pham par mdzad ma thag tu/ lha dang / klu dang / gnod sbyin dang / dri za dang / mi'am ci dang / lto 'phye chen po dang / grul bum bye ba phrag brgyad cu rtsa bzhis byang chub sems dpa'i dpal dang / gzi brjid dang / sku mdog dang / gzugs dang / dbyibs kyang mthong / stobs dang / shugs dang / mthu dang / seng ge rnam par rtse ba yang mthong nas/ bla na med pa yang dag par rdzogs pa'i byang chub tu sems bskyed par gyur te/ de yang byang chub sems dpa'i thabs la mkhas pa yin no/ /ci'i phyir de bzhin gshegs pa byang chub brnyes nas zhag bdun du skyil mo krung </font><hr>122a<br><font size=+1>


@#/ /mi 'jig par shing gi rgyal po la spyan mi 'dzum par gzigs she na/ de na gzugs na spyod pa'i lha'i bu rab tu zhi bar spyod pa dag kyang 'khod la/ de dag gis de bzhin gshegs pa skyil mo krung gis bzhugs pa mthong nas dga' ba dang / dang ba dang / mchog tu dga' ba chen po skyes shing / dga' ba dang / dang ba dang / mchog tu dga' ba skyes pa de dag 'di snyam du sems te/ bdag cag gis dge sbyong gau ta ma'i sems ci la brten pa nges par brtag par bya'o snyam nas/ de dag gis zhag bdun du sems gcig tu bsdus te brtags kyang / de bzhin gshegs pa'i thugs ci la brten pa ma rtogs nas de dag dga' ba dang / dang ba dang / mchog tu dga' ba chen po skyes nas/ lha'i bu sum khri nyis stong gis bdag cag kyang ma 'ongs pa'i dus na 'di ltar rab tu zhi ba'i spyod pas byang chub kyi shing la rtog par gyur cig ces/ bla na med pa yang dag par rdzogs pa'i byang chub tu sems bskyed par gyur te/ gang gi phyir de bzhin gshegs pas byang chub brnyes nas zhag bdun du skyil mo krung mi 'jig par shing gi rgyal po la spyan mi 'dzum par gzigs pa'i rgyu ni de yin| rkyen ni de yin te/ de ni de bzhin gshegs pa'i thabs la mkhas pa yin no/ /ci'i phyir de bzhin gshegs pas bskal pa grangs med pa nas rnam par thar pa'i sgos sems can </font><hr>122b<br><font size=+1>


thams cad dbugs phyung zhing mgron du gnyer nas/ tshangs pas gsol ba ma btab par chos ston par mi mdzad ce na/ rigs kyi bu/ 'di la de bzhin gshegs pa 'di snyam du dgongs te/ lha dang mir bcas pa'i 'jig rten ni phal cher tshangs pa la brten cing / tshangs pa gtso bor 'dzin pa yin pas/ de dag 'di snyam du bdag cag ni tshangs pas sprul to/ /bdag cag ni tshangs pa las skyes te| tshangs pa ma gtogs par 'jig rten gyi byed pa po gzhan yang med la/ ston pa yang gzhan med do snyam du sems pas/ de na de bzhin gshegs pa 'di snyam du dgongs te/ bdag gis tshangs pa 'ong bar byas shing tshangs pa la bsdad de/ tshangs pas phyag byas na tshangs pa la brten pa lha dang bcas pa'i 'jig rten yang de bzhin gshegs pa la phyag 'tshal bar 'gyur la/ tshangs pas gsol ba btab na de bzhin gshegs pa chos ston par mdzad kyi/ ma gsol bar bstan na/ de dag nga'i chos kyang 'dzin du ma nges so snyam du dgongs pa'i phyir te/ tshangs pa yang de bzhin gshegs pa nyid kyi mthus/ 'di lta ste/ chos kyi 'khor lo bskor bar gsol ba gdab pa'i phyir 'ongs par zad kyi/ tshangs pa nyid la ni bdag gis de bzhin gshegs pa la gsol ba gdab par bya'o zhes yid la byed pa'i sems gcig tsam yang med do/ /de ltar na tshangs pa la brten pa'i sems can rnams kyi tshangs pa la nges par spang ba'i phyir/ de bzhin gshegs pas </font><hr>123a<br><font size=+1>


@#/ /tshangs pa 'ong bar mdzad cing / tshangs pa la bzhes te/ gang gi tshe tshangs pas chos kyi 'khor lo bskor bar bskul ba'i phyir/ de bzhin gshegs pa la gsol ba btab pa de'i tshe na tshangs pa drug khri brgyad stong gis/ sangs rgyas bcom ldan 'das 'di ni sems can thams cad kyi mchog yin no/ /'di ni gtso bo yin no/ /'di ni rab mchog yin te| bdag cag kyang ye shes 'di lta bu dang / yon tan 'di lta bu dang ldan par gyur cig /ces bla na med pa yang dag par rdzogs pa'i byang chub tu sems bskyed par 'gyur te/ de yang de bzhin gshegs pa'i thabs la mkhas pa yin no/ /de nas bcom ldan 'das kyi yang byang chub sems dpa' ye shes dam pa la bka' stsal pa/ rigs kyi bu/ de bzhin gshegs pas sems can rnams la las kyi rgyud bcu po 'di dag bstan pa de yang byang chub sems dpa' dang / de bzhin gshegs pa'i thabs la mkhas pa yin par yang blta bar bya| ldem po'i ngag yin par yang blta bar bya ste/ rigs kyi bu/ byang chub sems dpa' ni mi dge ba tha na skra'i rtse mo'i cha shas tsam du phra ba 'ga' dang ldan na yang byang chub kyi snying por byang chub kyi shing drung du 'dug nas/ bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ba'i gnas med/ skabs ma yin te/ de ni gnas med </font><hr>123b<br><font size=+1>


do| |de ci'i phyir zhe na/ rigs kyi bu/ de bzhin gshegs pa ni dge ba'i chos thams cad dang ldan zhing / mi dge ba'i chos spang pa thams cad spangs pa ste/ rigs kyi bu/ de bzhin gshegs pa la ni sdig pa'i las mngon par 'du bya ba'i lhag ma ma spangs pa bag chags kyi mtshams sbyor ba tsam 'di mi mnga' na/ las kyi sgrib pa lta smos kyang ci dgos te/ de ni gnas med pa'i phyir ro/ / 'on kyang sems can gang dag las kyi rnam par smin pa chud gzon cing / las kyi rnam par smin pa la ma dad pa'i sems can de dag la las kyi rnam par smin pa kun tu bstan par bya ba'i phyir/ de bzhin gshegs pa las kyi rgyud ston par yang mdzad de/ chos kyi bdag po nga la yang las kyi rnam par smin par 'gyur na/ khyed cag la lta ci'i phyir las rnam par smin par mi 'gyur zhes de dag la las kyi rnam par smin pa kun tu bstan par bya ba'i phyir/ de bzhin gshegs pa las kyi rgyud ston par mdzad kyi/ de bzhin gshegs pa la ni las kyi sgrib pa cung zad kyang mi mnga'o/ /rigs kyi bu/ 'di lta ste/ dper na/ yi ge dang / grangs dang / lag rtsis legs par bslabs pa'i slob dpon ni byis pa rnams bslabs pa'i don du byis pa rnams bod pa'i tshul gyis/ yi ge'i phyi mo dag klog tu 'jug par zad de/ de ni de la mi shes pa dang / sgrib pa med mod kyi/ 'on kyang byis pa rnams kyis bdag la thos nas ci nas kyang yi ge dang / grangs dang / lag rtsis dang / bgrang ba dag gi </font><hr>124a<br><font size=+1>


@#/ /rjes su slob cing / byang bar bya ba de'i ched du yi ge'i phyi mo dag klog tu 'jug pa de bzhin du/ rigs kyi bu/ de bzhin gshegs pa chos thams cad la legs par bslabs pa de yang ji lta ji ltar sems can gzhan dag gi las yongs su dag par 'gyur ba de lta de ltar gsung zhing / de lta de ltar las nye bar ston par yang mdzad do/ /rigs kyi bu/ 'di lta ste| dper na/ sman pa nad thams cad rab tu zhi par bya ba la legs par bslabs pa ni/ nad med bzhin du sems can nad pa rnams kyi mdun du sman tsha ba dag gi ro myang bar byed cing bsngags brjod par yang byed/ rab tu bsngags pa rjod par yang byed de/ nad pa rnams kyis de mthong nas sman tsha ba de dag 'thung bar byed/ yongs su longs spyod par byed cing / de dag nad de dag las yongs su thar par 'gyur ba de bzhin du/ rigs kyi bu/ de bzhin gshegs pa sman pa'i rgyal po chen po nyon mongs pa'i nad thams cad las yongs su thar pa/ chos thams cad la sgrib pa mi mnga' ba brnyes pa yang las dge ba dang / mi dge ba 'di'i 'bras bu rnam par smin pa ni 'di yin no zhes las kun tu ston par mdzad cing / ji ltar na sems can rnams las kyi sgrib pas 'jigs shing skrag pa dang / lus kyi las dang / ngag gi las dang / yid kyi las yongs su dag par 'gyur snyam nas/ bsam bzhin du las kun tu ston par yang mdzad do/ /rigs kyi bu/ </font><hr>124b<br><font size=+1>


'di lta ste/ dper na/ tshong dpon gyi bu'am/ khyim bdag gi bu btsas nas ring po ma lon pa zhig la pha dang ma dag gis ma ma zhig byin par gyur na/ ma ma de nad med par gyur bzhin du 'di lta ste| khye'u de'i 'o ma yongs su dag par bya'o snyam nas/ sman kha ba dang bska ba dag so sor brtags shing 'thung bar byed pa de bzhin du/ rigs kyi bu/ de bzhin gshegs pa 'jig rten thams cad kyi yab kyang snyun mi mnga' ba brnyes bzhin du/ las kyi bya ba chud gson pa'i sems can yongs su smin par bya ba'i phyir las kun du ston par mdzad de/ las che ge mo zhig gi rnam par smin pa ni 'di yin no zhes thos nas sems can de dag yid byung ba thob par 'gyur zhing / de dag yid byung na sdig pa'i las mngon par 'du byed par mi 'gyur te/ de yang de bzhin gshegs pa pa'i thabs la mkhas pa yin no/ /de nas bcom ldan 'das kyis yang byang chub sems dpa' ye shes dam pa la bka' stsal pa/ rigs kyi bu/ sngon byung ba 'das pa'i dus na de bzhin gshegs pa dgra bcom pa yang dag rdzogs pa'i sangs rgyas mar me mdzad kyi pha rol gyi yang ches pha rol na/ tshong pa nor 'dod pa lnga brgya tsam zhig rgya mtsho chen por zhugs pa dang / de'i tshe na mgron pa de dag nyid kyi nang na mi las nag po byed pa'i sdig pa'i las byed pa/ 'phong rtsal gyi rig pa legs par bslabs pa/ chom rkun byed pa/ tshong pa'i cha lugs kyis gzhan gyi nor 'phrog pa zhig kyang </font><hr>125a<br><font size=+1>


@#/ /gru bo che de nyid kyi nang du zhugs par gyur to/ /de nas de snyam du sems te/ bdag gis gang gi tshe tshong pa 'di dag don grub cing / bya ba byas pa de'i tshe na tshong pa 'di dag thams cad srog dang phral la nor rdzas kyi rnam pa thams cad khyer te/ 'dzam bu'i gling du 'gro'o snyam du sems so/ /rigs kyi bu/ de nas tshong dpon de dag don grub ste/ pha rol tu 'gro 'dod par gyur pa dang / de nas mi g.yo can gyi rang bzhin can de 'di snyam du sems te/ da ni bdag gis tshong pa 'di dag thams cad srog dang phral la nor rdzas kyi rnam pa 'di dag khyer te/ 'dzam bu'i gling du 'gro ba'i dus la bab bo snyam pa dang / de'i tshe na ded dpon snying rje chen po dang ldan pa zhes bya ba zhig kyang gru bo che de nyid kyi nang du zhugs par gyur te/ de nas ded dpon snying rje chen po dang ldan pa zhes bya ba de gnyid log ste/ rmi lam rmi ba na rgya mtsho chen po de nyid na gnas pa'i lha gang yin pa des de'i rmi lam du bstan pa/ mgron pa de nyid kyi nang nas ming ni 'di zhes bya/ gzugs ni 'di 'dra/ cha byad dang / kha dog dang dbyibs ni 'di 'dra ba/ chom rkun pa/ 'khu ba/ gzhan gyi nor 'phrog pa zhig 'dug pa des 'di ltar sems bskyed de/ bdag gis tshong pa 'di dag thams cad srog dang phral la/ nor rdzas kyi rnam pa 'di dag thams cad khyer te/ 'dzam bu'i gling du 'gro'o snyam du sems pas gal te mi </font><hr>125b<br><font size=+1>


'dis tshong pa 'di dag srog dang phral bar gyur na ni/ de'i tshe sdig pa'i las dam po byas par 'gyur ro/ /de ci'i phyir zhe na/ 'di ltar tshong pa lnga brgya tsam po 'di dag thams cad ni bla na med pa yang dag par rdzogs pa'i byang chub la yang dag par zhugs shing / byang chub las phyir mi ldog pa sha stag yin pa'i phyir te/ gal te mi 'dis byang chub sems dpa' 'di dag bsad par gyur na| de las kyi sgrib pa'i nyes pa des byang chub sems dpa' re re'i phyir yang / byang chub sems dpa' gcig gis yun ring po ji srid kyis bla na med pa yang dag par rdzogs pa'i byang chub yang dag par bsgrub par 'gyur ba'i yun ring po de srid du sems can dmyal ba chen po rnams su bsreg par 'gyur bas/ de la ded dpon khyod kyis de lta bu las brten te/ ci nas kyang mi 'dis tshong pa lnga brgya tsam po 'di dag gsad par mi 'gyur ba dang / 'di yang sems can dmyal ba chen po rnams su 'gro bar mi 'gyur ba de lta bu'i thabs la mkhas pa bsam par gyis shig ces bstan to| |rigs kyi bu/ de nas ded dpon snying rje chen po dang ldan pa de sod nas 'di snyam du sems te/ mi 'dis tshong pa lnga brgya tsam po 'di dag kyang gsad par mi 'gyur la/ 'di yang sems can dmyal ba chen po rnams su 'gro bar mi 'gyur ba'i thabs ci yod snyam nas de zhag bdun gyi bar du 'dzam bu'i gling du 'gro ba dang / mi mthun pa'i rlung langs te sdod pa'i tshe/ zhag bdun du su la </font><hr>126a<br><font size=+1>


@#/ /yang mi smra bar sems pa la zhugs par gyur pa na de 'di snyam du sems te/ 'di la tshong pa 'di dag kyang gsad par mi 'gyur la/ mi 'di yang sems can dmyal ba chen po rnams su 'gro bar mi 'gyur ba'i thabs ni mi 'di nyid srog dbral bar bya ba ma gtogs par gzhan med do snyam nas de 'di snyam du sems te/ gal te bdag gis don 'di tshong pa thams cad la bsgrags par gyur na ni 'di dag gis rab tu sdang ba'i sems kyis mi 'di yang srog dang phral zhing bsad par gyur la/ 'di dag thams cad kyang sems can dmyal ba rnams su 'gro bar 'gyur ro snyam nas/ de yang 'di snyam du sems te/ 'di ltar bdag gis mi 'di srog dang phral na gzhi des bdag bskal pa 'bum du sems can dmyal ba chen po rnams su bsregs par 'gyur yang bdag gis sems can dmyal ba chen po'i sdug bsngal myong bar 'gyur ba de la spro bar bya'i/ tshong pa lnga brgya tsam po 'di dag srog dang bral bar gyur na yang mi rung mi 'di la sdig pa'i las de snyed cig rab tu 'phel bar gyur na yang mi rung bas/ bdag rang gis mi 'di srog dang dbral bar bya'o snyam nas/ rigs kyi bu/ de ltar ded dpon snying rje chen po dang ldan pa des/ tshong pa lnga brgya tsam po de dag kun tu bsrung ba dang / mi de yang sems can dmyal ba chen po rnams su 'gro ba las kun du bsrung ba'i phyir snying rje chen po de dang / thabs </font><hr>126b<br><font size=+1>


la mkhas pa des bsam bzhin du chom rkun pa'i mi de mdung thung gis btab ste srog dang phral nas/ mgron pa thams cad kyang don grub cing / rang rang gi grong khyer du phyin par gyur to/ /rigs kyi bu| de'i tshe de'i dus na ded dpon snying rje chen po dang ldan pa zhes bya bar gyur pa de gzhan zhig yin snyam du khyod yid gnyis dang the tshom za bar gyur na de ltar mi blta'o/ /de ci'i phyir zhe na/ nga nyid de'i tshe de'i dus na ded dpon snying rje chen po dang ldan pa zhes bya ba der gyur pa'i phyir ro/ /tshong pa lnga brgya tsam po gang dag gru bo che de nyid du zhugs par gyur pa de dag ni gang dag bskal pa bzang po 'di la bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba/ bskal pa bzang po'i byang chub sems dpa' lnga brgya yin no/ /rigs kyi bu| ngas thabs la mkhas pa de dang / snying rje chen po des bskal pa 'bum du 'khor ba bsnyil te bor bar gyur to/ /chom rkun pa de yang de nas shi 'phos nas/ mtho ris kyi 'jig rten du skyes so| |rigs kyi bu/ 'di ji snyam du sems/ gang gi phyir thabs la mkhas pa de dang / snying rje chen po des bskal pa 'bum gyi bar du 'khor ba bsnyil te bor bar gyur pa'i don de/ byang chub sems dpa'i las kyi sgrib pa yin par blta snyam na/ khyod kyis de ltar mi blta ste/ 'di ni thabs la mkhas pa nyid yin par blta bar bya'o// //bam po bzhi pa ste tha ma/ rigs </font><hr>127a<br><font size=+1>


@#/ /kyi bu| de bzhin gshegs pas sems can las kyi bya ba la gzud pa'i phyir thabs la mkhas pas/ seng ldeng gi tshal pa zhabs la zug par bstan te/ de bzhin gshegs pa la seng ldeng tshal pas zug pa gang yin pa de yang sangs rgyas kyi mthu nyid yin par blta bar bya'o/ /de ci'i phyir zhe na/ de bzhin gshegs pa'i sku ni rdo rje mkhregs pa ltar mi shigs pa'i sku yin pa'i phyir ro/ /rigs kyi bu/ 'on kyang mnyan yod kyi grong khyer chen po 'di nyid na srid pa tha ma pa'i mi nyi shu dang / mi nyi shu po de dag nyid kyi dgra bo mi nyi shu zhig kyang yod par gyur te/ de nas mi dgra bo nyi shu po de dag rang rang gi sgyu dag gis 'di lta bu'i rnam par rtog pa skyes par gyur te/ bdag cag gis mdza' bshes ltar bcos te/ rang rang gi dgra bo rnams kyi khyim du zhugs la/ de dag srog dang dbral bar bya'o snyam du bsams te/ gcig la gcig tshig tu ni ma smras so/ /rigs kyi bu/ de nas sangs rgyas kyi mthus/ srid pa tha ma pa'i mi nyi shu po gang yin pa de dag dang / mi de dag gi dgra bo gsod pa po'i mi nyi shu po gang dag yin pa de dag /de bzhin gshegs pa dgra bcom pa yang dag par rdzogs pa'i sangs rgyas ga la ba der dong ngo / /rigs kyi bu/ de nas de bzhin gshegs pa dgra bcom pa yang dag par rdzogs pa'i sangs rgyas kyis mi bzhi bcu po de dag gdul ba'i dbang gi phyir dang / skye bo phal po </font><hr>127b<br><font size=+1>


che gzhan dag kyang gdul ba'i dbang gi phyir/ gnas brtan mo'u 'gal gyi bu chen po la bka' stsal pa/ mo'u 'gal gyi bu chen po/ deng sa phyogs 'di nas seng ldeng gi tshal pa zhig 'byung bar 'gyur te| des de bzhin gshegs pa'i zhabs g.yas pa'i mthil du zug par 'gyur ro/ /de bzhin gshegs pas 'di skad ces bka' stsal nas ring po ma lon par de nas de'i mod las phyogs de nyid nas seng ldeng gi tshal pa rnon po mtho gang tsam gyi tshad gcig byung bar gyur to/ /de nas bcom ldan 'das la gnas brtan mo'u 'gal gyi bu chen pos 'di skad ces gsol to/ /bcom ldan 'das| bdag gis seng ldeng gi tshal pa 'di 'jig rten gyi khams gzhan du dor bar bgyi lags so/ /ngas de la 'di skad ces bka' stsal to/ /mo'u 'gal gyi bu chen po khyod kyis seng ldeng gi tshal pa 'di sa phyogs gzhan du 'dor bar mi nus so/ /rigs kyi bu/ de nas gnas brtan mo'u 'gal gyi bu chen pos stobs kyi shugs kyis seng ldeng gi tshal pa de bzung ba dang / 'di ltar stong gsum gyi stong chen po'i 'jig rten gyi khams 'di kha gyen du bltas te rab tu g.yos par gyur kyang / seng ldeng gi tshal pa de ni tha na skra'i rtse mo'i cha shas tsam yang mi 'gul lo/ /rigs kyi bu/ de nas de bzhin gshegs pa'i rdzu 'phrul gyi stobs kyis rgyal chen bzhi'i ris kyi lha rnams kyi gnas su gshegs pa dang / seng ldeng gi tshal pa de yang rgyal chen bzhi'i ris kyi lha'i gnas su 'ongs </font><hr>128a<br><font size=+1>


@#/ /so| |de nas de bzhin gshegs pa sum cu rtsa gsum pa'i lha rnams kyi gnas su ri rab kyi steng du gshegs pa dang / seng ldeng gi tshal pa de yang ri rab kyi steng du 'ongs so/ /de nas de bzhin gshegs pa 'thab bral dang / dga' ldan dang / 'phrul dga' dang / gzhan 'phrul dbang byed kyi lha rnams kyi gnas su yang gshegs/ tshangs pa'i 'jig rten gyi bar du yang gshegs pa dang / seng ldeng gi tshal pa de yang tshangs pa'i 'jig rten gyi bar du 'ongs so/ /de nas de bzhin gshegs pa tshangs pa'i 'jig rten nas babs te/ gdan la bzhugs pa dang / seng ldeng gi tshal pa de yang tshangs pa'i 'jig rten nas babs te/ bcom ldan 'das kyi spyan sngar 'dug go /rigs kyi bu/ de nas de bzhin gshegs pas phyag g.yas pas zhabs g.yas pa bzung ste/ seng ldeng gi tshal pa rtse mo ya gcig sa la zug la/ rtse mo ya gcig sa las gyen du lta ba de'i steng du zhabs bzhag go /bcom ldan 'das kyis seng ldeng gi tshal pa'i steng du zhabs bzhag ma thag tu de'i mod la stong gsum gyi stong chen po'i 'jig rten gyi khams 'di rab tu g.yos par gyur to/ /de nas nga la gnas brtan kun dga' bos 'di skad ces gsol to/ /btsun pa bcom ldan 'das/ bcom ldan 'das kyis sngon 'phrin las kyi sgrib pa ci zhig mdzad lags na/ de'i rnam par smin pa 'di lta bur gyur lags/ ngas de </font><hr>128b<br><font size=+1>


la 'di skad ces bka' stsal to/ /kun dga' bo/ sngon nga rgya mtsho chen po'i nang du song ba na tshong pa g.yo can gcig mdud thung gis btab ste/ srog dang phral bar gyur pas 'di ni las de'i lhag ma yin no/ /rigs kyi bu/ de nas mi nyi shu po de dag gsod par 'dod pa'i mi mdza' bshes ltar bcos pa mi nyi shu po gang dag yin pa de dag 'di snyam du sems te/ de bzhin gshegs pa chos kyi bdag po la yang las kyi rnam par smin par 'gyur na/ bdag cag la lta ci'i phyir rnam par smin par mi 'gyur snyam nas/ de dag de'i mod la de bzhin gshegs pa'i spyan sngar/ btsun pa bcom ldan 'das/ bdag cag kyang srog chags 'gums pa dang / rjes su 'gums par 'tshal ba lags te/ bdag cag bcom ldan 'das kyi spyan sngar nongs pa de dag nongs par 'chags shing mchis na/ btsun pa bcom ldan 'das kyis bdag cag gi nongs pa la nongs par bshags pa de dag rjes su gzung du gsol zhes nyes pa la nyes par bshags so/ / de bzhin gshegs pas de dag la las kyi bya ba dang / las zad par 'gyur ba las brtsams te/ de lta de ltar chos bstan pas/ mi bzhi bcu po gang dag yin pa de dag gis ni ye shes mngon par rtogs par gyur to/ /srog chags gzhan bzhi khris ni chos mngon par rtogs par gyur to/ /gang gi phyir de bzhin gshegs pa dgra bcom pa yang dag par rdzogs pa'i sangs rgyas kyi </font><hr>129a<br><font size=+1>


@#/ /zhabs la seng ldeng gi tshal pa zug par gyur pa'i rgyu ni de yin/ rkyen ni de yin te/ de yang byang chub sems dpa' dang / de bzhin gshegs pa'i thabs la mkhas pa yin no/ /ci'i phyir de bzhin gshegs pa snyun dang bral ba sman pa'i rgyal po 'tsho byed las bkru sman ud pa la ha sta gan d+ha bslangs te gsol bar mdzad ce na/ rigs kyi bu/ de'i tshe na so sor thar pa'i bslab pa bcas nas ring po ma lon pa zhig na/ dge slong rnam par grol bar 'gyur ba'i srid pa tha ma pa lnga brgya zhig nags khrod cig na gnas pa de dag la 'di ltar sman bkus te bor bas 'tsho bar mi nus pa de lta bu'i nad byung bar gyur nas/ de dag de bzhin gshegs pa la gus pas sman gzhan bsten par mi byed/ tshol bar mi byed do/ / rigs kyi bu/ de nas de bzhin gshegs pa 'di snyam du dgongs te/ ngas dge slong de dag sman gzhan tshol zhing bsten par rjes su gnang bar bya ba'i thabs ni ci yod/ rnam grangs ni ci yod snyam du dgongs so/ /de ci'i phyir zhe na/ 'di ltar gal te de bzhin gshegs pas dge slong rnams la sman gzhan dag rjes su ma gnang na/ phyi ma'i dus kyi tshe dge slong rnams 'phags pa'i rigs kyi rjes su 'jug par mi 'gyur zhing / 'phags pa'i rigs bral bar 'gyur ba'i phyir te/ de bas na de bzhin gshegs pas thabs mkhas pas sman pa'i rgyal po 'tsho byed </font><hr>129b<br><font size=+1>


las bkru sman ud pa la ha sta gan d+ha bslangs te gsol pa dang / de nas gnas gtsang ma'i ris kyi lha'i bu rnams kyis dge slong de dag la 'di skad ces smras so/ /tshe dang ldan pa khyed cag sman dag gzhan tshol la 'chi ba'i dus byed par mi 'gyur bar gyis shig /dge slong de dag gis 'di skad ces smras so/ /lha'i bu dag/ kho bo cag ni de bzhin gshegs pa'i bslab pa las yang dag par 'da' ba'i mthu med cing dbang med pa yin pas/ shi bar gyur kyang kho bo cag ni de bzhin gshegs pa'i bslab pa las yang dag par 'da' bar mi byed do/ /de nas gnas gtsang ma'i ris kyi lha'i bu rnams kyis dge slong de dag la 'di skad ces smras so/ /tshe dang ldan pa dag /de bzhin gshegs pa chos kyi bdag po de nyid kyis kyang sman bkus te bor ba spangs nas sman gzhan btsal gyi/ khyed cag kyang sman gzhan tshol cig /de nas dge slong de dag 'gyod pa dang bral nas sman gzhan btsal te bstan pa dang / de dag nad de las yongs su thar nas/ nad dang bral ba de dag gis zhag bdun gyis dgra bcom pa nyid mngon du byas so/ /rigs kyi bu/ gal te de bzhin gshegs pas sman gzhan btsal ba ma mdzad du zin na/ dge slong de dag kyang sman gzhan tshol bar mi byed pas/ de dag nad de las thar pa dang / nyon mongs pa las grol zhing dgra bcom pa nyid 'thob par 'gyur ba'i gnas med de/ skabs ma yin zhing de na gnas med </font><hr>130a<br><font size=+1>


@#/ /de| de yang de bzhin gshegs pa'i thabs la mkhas pa yin no/ /ci'i phyir de bzhin gshegs pa bsod nams thams cad dang ldan pa grong du bsod snyoms kyi phyir| ji ltar lhung bzed bkrus pas zhugs pa bzhin du phyir yang byung bar gyur ce na/ rigs kyi bu/ de la de bzhin gshegs pa la ni las kyi sgrib pa cung zad kyang mi mnga' mod kyi/ 'on kyang de bzhin gshegs pas ni skye bo phyi ma rnams la thugs brtse ba dang / rjes su bsrung bar bya dgos te/ dge slong bsod snyoms pa gang la la dag grong dang / grong khyer dang / grong rdal dang| yul 'khor dang / rgyal po'i pho brang 'khor dag tu bsod snyoms kyi phyir zhugs pa na/ de dag bdag nyid bsod nams chung bas bsod snyoms mi rnyed pa de'i tshe na/ de dag de bzhin gshegs pa yid la byed par 'gyur te/ de bzhin gshegs pa bsod nams thams cad kyi gzi brjid kyis mngon par 'phags pa de nyid kyang grong du bsod snyoms kyi phyir ci ltar lhung bzed bkrus pas zhugs pa de bzhin du bsod snyoms ma rnyed par phyir byung bar gyur na/ bdag cag dge ba'i rtsa ba chung ngu dang ldan pa rnams la lta smos kyang ci dgos te/ de bas na bdag cag bsod snyoms ma rnyed pas yid chad pa bskyed par mi bya'o snyam du sems par 'gyur ba'i phyir te/ don gyi dbang de gzigs pas na/ de bzhin gshegs pa bsod snyoms kyi phyir </font><hr>130b<br><font size=+1>


ji ltar lhung bzed bkrus pas grong du zhugs pa bzhin du phyir yang byung bar gyur to/ /gzhan yang gang la la dag 'di skad ces gang dag gis de bzhin gshegs pa la bsod snyoms ma phul ba'i bram ze dang / khyim bdag de dag ni bdud sdig can gyis byin gyis brlabs so zhes smra na/ rigs kyi bu/ de ltar mi blta'o/ /de ci'i phyir zhe na/ bdud sdig can gyis ni de bzhin gshegs pa la bar chad bya bar mi nus pa'i phyir te/ gzhan du na de bzhin gshegs pa nyid kyi byin gyis brlabs kyis bdud sdig can gyis bram ze dang khyim bdag de dag byin gyis brlabs par zad kyi/ rang gi blos ni ma yin no/ /de la de bzhin gshegs pa la ni las kyi sgrib pa cung zad kyang mi mnga' mod kyi/ sems can de dag nyid yongs su smin par bya ba'i phyir/ de bzhin gshegs pa ji ltar lhung bzed bkrus pas grong du zhugs pa bzhin du phyir yang byung bar gyur to/ /zhal zas bcad pa de'i tshe na de bzhin gshegs pa dang / dge slong gi dge 'dun la yid mi bde ba med cing / sngon ji lta ba bzhin du phyis kyang de bzhin te/ mtho ba yang med/ dma' ba yang med par gyur to/ /de nas de'i mod la lha'i bu bdun khris dad pa thob par gyur nas/ de bzhin gshegs pa la rab tu btud pa dang / de bzhin gshegs pas kyang de dag la ci nas kyang de dag thams cad chos rnams la chos kyi mig rdul med cing dri ma dang bral pa rnam par dag par 'gyur ba de lta de </font><hr>131a<br><font size=+1>


@#/ /ltar chos bstan to/ /bram ze dang / khyim bdag de dag gis kyang dus gzhan gyi tshe na ston pa bcom ldan 'das kyi yon tan dang / chog shes pa dag thos nas/ bcom ldan 'das kyi spyan sngar lhags te/ nyes pa la nyes par bshags pa dang / de bzhin gshegs pas kyang de dag la 'phags pa'i bden pa bzhis gtam yang dag par bstan pa mdzad pas/ de nas lha dang / mi rnams kyi skye dgu las srog chags khri nyis stong chos rnams la chos kyi mig rdul med cing dri ma dang bral ba rnam par dag pa ste/ gang gi phyir de bzhin gshegs pa bram ze'i grong shing sA la chen po can du bsod snyoms kyi phyir ji ltar lhung bzed bkrus pas zhugs pa bzhin du phyir byung ba'i rgyu ni de yin/ rkyen ni de yin/ de yang de bzhin gshegs pa'i thabs la mkhas pa yin no/ /ci'i phyir bram ze'i bu mo dregs mas shing gi gzhong bu lto bar bcings te/ dge sbyong khyod kyis kho mo sbrum par byas kyi/ kho mo la zas dang gos byin cig ces de bzhin gshegs pa la skur pa btab par gyur ce na/ rigs kyi bu/ de bzhin gshegs pa la ni las kyi sgrib pa cung zad kyang mi mnga' ste/ de bzhin gshegs pas bram ze'i bu mo dregs ma 'jig rten gyi khams gang+gA'i klung gi bye ma snyed du 'phang bar yang spyod mod kyi/ de bzhin gshegs pas de mkhyen bzhin du btang snyoms mdzad </font><hr>131b<br><font size=+1>


cing thabs la mkhas pas las kyi bya ba kun tu bstan par mdzad do/ /de ci'i phyir zhe na/ phyi ma'i dus na bstan pa 'di la rab tu byung ba'i dge slong dag byung bar gyur te/ de dag la yang dag pa ma yin pa'i skur pa btab pas de dag 'gyod pa dang sems zhum par 'gyur zhing / de dag mngon par mi dga' ba dang / nyams pa la 'jug par 'gyur bas/ de dag skur pa btab pa'i tshe na 'di skad du de bzhin gshegs pa dkar po'i chos thams cad dang ldan pa nyid kyis kyang skur pa brnyes par gyur na/ bdag cag gis lta ci'i phyir mi rnyed ces de bzhin gshegs pa rjes su dran par byed cing / de dag de'i tshe na skur pa de zil gyis mnan nas tshangs par spyod pa yongs su dag pa yongs su byang ba spyod par 'gyur ba dang / nyams pa la 'jug par mi 'gyur bar bya ba'i phyir ro/ /bram ze'i bu mo dregs ma ni re zhig sdig pa'i las kun du rgyas pa dang / rang bzhin gyi ma dad pa mang ba yin pas/ de ltar las kyi sgrib pas bsgribs pa des na phung po dang / khams dang / skye mched de dag nyid kyis bstan pa 'di la gdon mi za bar rma 'byin par byed pa yin te/ de sdig pa'i las kun tu rgyas pa des/ gal te rmi lam na de bzhin gshegs pa la skur pa btab par gyur na yang / de gnyid kyis sad pa'i tshe na dri mar yang 'gyur ro/ /rigs kyi bu/ gal te de bzhin gshegs pas thabs 'ga' zhig gis de mi </font><hr>132a<br><font size=+1>


@#/ /dge ba'i las mngon par 'du byed pa de las bzlog par spyod na ni bzlog par yang mdzad la/ de bzhin gshegs pas bsrung bar spyod na bsrung bar yang mdzad do/ /de ci'i phyir zhe na/ de bzhin gshegs pas sems can 'ga' yang yongs su ma btang ba'i phyir te/ de yang de bzhin gshegs pa'i thabs la mkhas pa yin no/ /ci'i phyir de bzhin gshegs pa thams cad mkhyen pas/ kun tu rgyu mdzes ma kun tu rgyu dag gis sreg \ SROG?\ dang phral te rgyal bu rgyal byed kyi tshal gyi 'obs kyi nang du bor ba btang snyoms su mdzad ce na/ de bzhin gshegs pa ni thams cad mkhyen pa thogs pa mi mnga' ba'i ye shes gzigs pa dang ldan pa yin pas/ de bzhin gshegs pas de de ltar 'gyur bar mkhyen cing / de bzhin gshegs pas de lta bu'i byin gyis brlabs byin gyis rlob par yang spyod mod kyi/ kun tu rgyu mdzes ma nyid tshe'i tshad zad cing / gdon mi za bar gzhan gyi gnod pas tshul ma yin pas 'chi ba'i dus byed par 'gyur ba'i phyir te/ rnam grangs des na gzhan mu stegs can dag 'di ltar sangs rgyas kyi ye shes de ni ji lta ji ltar sems can rnams kyi dkar po'i chos rnam par 'phel ba dang / dge ba'i rtsa ba rnam par 'phel bar 'gyur ba dang / ji lta ji ltar de la gzhag par bya ba de lta de ltar de la 'jog par mdzad do/ /zhes bdag nyid kyi rang gi nyes pas shin tu tshar gcod </font><hr>132b<br><font size=+1>


par 'gyur ro/ /de'i tshe bcom ldan 'das zhag bdun gyi bar du grong khyer du ma zhugs par lha bye ba phrag drug cu btul nas/ zhag bdun po de 'das pa dang / bcom ldan 'das kyi thad du 'khor bzhi po dag lhags nas/ bcom ldan 'das kyis ci nas kyang srog chags brgyad khri bzhi stong dag ye shes mthong ba skyes par gyur pa de lta de ltar de dag la chos bstan te/ de yang de bzhin gshegs pa'i thabs la mkhas pa yin no/ /ci'i phyir de bzhin gshegs pa dge slong gi dge 'dun dang bcas pa nyon mongs med kyi ljongs su dbyar gnas par zhal gyis bzhes pa na/ zla ba gsum du skye bo rnams la bag phab ste/ bram ze nyon mongs med kyi rta chas kyi nas dag gsol ce na/ rigs kyi bu/ de bzhin gshegs pas ji ltar khyim bdag des de bzhin gshegs pa dge slong gi dge 'dun dang bcas pa spyan drangs nas ri mo mi byed par yang mkhyen mod kyi/ des mkhyen bzhin du dang du blangs shing btang snyoms su mdzad do/ /de ci'i phyir zhe na/ de bzhin gshegs pa dge slong gi dge 'dun dang bcas pas/ dbyar zla ba gsum du gang dag gi rta chas kyi nas dag gsol ba'i rta lnga brgya po gang dag yin pa de dag thams cad ni byang chub sems dpa'i theg pa la yang dag par zhugs pa/ sngon gyi rgyal ba la lhag par bya ba byas pa sha stag yin te/ de dag sdig pa'i grogs po'i dbang gis sdig pa'i las dang / las dman pa byas shing mngon </font><hr>133a<br><font size=+1>


@#/ /par 'dus byas pas/ las des de dag dud 'gro'i skye gnas su skyes te/ rta lnga brgya po de dag gi nang na rta cang shes gcig yod pa gang yin pa de ni byang chub sems dpa'i nyi ma'i snying po zhes bya ba smon lam gyis bsam bzhin du der skyes pa yin la/ rta lnga brgya po de dag thams cad kyang sngon mir gyur pa na/ byang chub sems dpa' nyi ma'i snying po de nyid kyis byang chub yang dag par 'dzin du bcug pa yin pas/ de de dag yongs su thar par bya ba dang / yongs su smin par bya ba'i phyir der skyes te/ rta cang shes de nyid kyi mthus rta lnga brgya po de dag thams cad kyis sngon gyi tshe rabs rjes su dran par gyur cing / de dag gi byang chub kyi sems de yang mngon du gyur pa'i phyir te/ rigs kyi bu/ de lta bas na de bzhin gshegs pa byang chub sems dpa' rtar gyur pa lnga brgya po de dag la thugs brtse ba'i phyir/ de bzhin gshegs pa dud 'gro'i skye gnas su skyes pa de dag gi don du dbyar zla ba gsum der gnas par zhal gyis bzhes so/ /de na rta lnga brgya po dag gi rta chas kyi nas gang dag yin pa de dag las phyed phyed ni dge slong lnga brgya po dag la 'bul lo/ /rta cang shes kyi chas kyi nas gang dag yin pa de dag las phyed ni de bzhin gshegs pa la 'bul lo/ /phyed ni rta cang shes de nyid za zhing / rta cang shes des rta'i skad kyis/ rta lnga brgya po de dag thams cad </font><hr>133b<br><font size=+1>


sdig pa 'chags su bcug cing / sangs rgyas la sogs pa dge slong gi dge 'dun de dag la phyag 'tshal du yang bcug go /rta cang shes des rta lnga brgya po de dag la 'di skad ces khyed kyi chas kyi nas dag las phyed phyed de bzhin gshegs pa dang / dge slong gi dge 'dun gyis gsol to zhes go bar yang byas so/ /de ltar rta lnga brgya po de dag gis sdig pa bshags shing / sangs rgyas la sogs pa dge slong gi dge 'dun la dad pa bskyed nas/ zla ba gsum po de dag 'das pa'i 'og tu dus gzhan gyi tshe na rta lnga brgya po de dag thams cad shi 'phos te/ dga' ldan gyi lha rnams dang skal ba mnyam par skyes nas/ lhar gyur pa de dag gis kyang de bzhin gshegs pa la zhal zas 'phul zhing bkur stir byas/ bla mar byas/ ri mor byas/ mchod pa byas pa dang / de bzhin gshegs pas kyang de dag la ci nas kyang / de dag bla na med pa yang dag par rdzogs pa'i byang chub tu nges par 'gyur ba de lta de ltar chos bstan to/ /rta lnga brgya po de dag 'dul zhing 'tsho bar byed pa'i rta rdzi gang yin pa de yang de bzhin gshegs pas rang sangs rgyas rab tu sems dul zhes bya bar 'gyur zhes lung bstan to/ /de bzhin gshegs pas rta cang shes de yang sangs rgyas bcom ldan 'das dpag tu med pa la mchod pa byas shing / byang chub kyi phyogs kyi chos rnams yongs su rdzogs par byas nas/ de bzhin gshegs pa dgra bcom </font><hr>134a<br><font size=+1>


@#/ /pa yang dag par rdzogs pa'i sangs rgyas rab tu sems dul zhes bya bar 'gyur te 'jig rten du 'byung bar 'gyur ro zhes lung bstan to/ /rigs kyi bu/ de lta mod kyi| mi'i kha zas gang yin pa de dag ni de bzhin gshegs pa la mi bsod pa cung zad kyang med de/ rigs kyi bu/ yongs su brtag par nye bar bzung na/ gal te de bzhin gshegs pas shing dang / bong ba dang / gseg ma dang / gyo mo dag zhal zas kyi phyir yongs su longs spyad par gyur na yang shing dang / bong ba dang / gseg ma dang / gyo mo la sogs pa de dag gi ro de lta bu dang / ro bro ba'i mchog gi khyad par gang dag yin pa de lta bu dag ni/ stong gsum gyi stong chen po'i 'jig rten gyi khams na yang 'ga' yang med do/ /de ci'i phyir zhe na/ rigs kyi bu| 'di ltar de bzhin gshegs pa ni skyes bu chen po'i mtshan ro bro ba'i mchog dang ldan pa yin pas na/ de bzhin gshegs pa'i sku la zhal zas mi bsod pa thams cad gsol ma thag tu yang / lha'i kha zas las yang dag par 'das pa'i ro dang ldan par 'gyur ba'i phyir te/ rigs kyi bu/ de'i phyir rnam grangs des na khyed kyis 'di ltar de bzhin gshegs pa'i zhal zas thams cad ni bsod pa yin par rig par bya'o/ /rigs kyi bu/ de'i tshe na dge slong kun dga' bo 'di snyam du/ de bzhin gshegs pa 'khor los bsgyur ba'i rgyal srid spangs te rab tu byung </font><hr>134b<br><font size=+1>


nas| da rta chas kyi nas dag gsol bar mdzad pa lta zhes yid mi bde bar gyur pa dang / de bzhin gshegs pas de'i sems la rnam par gzigs nas/ kun dga' bo/ 'di ci'i ro yin shes sam zhes nas kyi 'bru gcig byin pa dang / des de zos nas ngo mtshar du 'dzin par 'gyur te/ nga la 'di skad ces bcom ldan 'das bdag ni rgyal po'i khyim du skyes shing rgyal po'i khyim du legs par rgyas pa lags na/ bcom ldan 'das/ bdag gis ro'i mchog 'di lta bu ni sngon chad ma 'tshal/ ma myong lags so/ zhes zer te/ de'i byin gyis dge slong kun dga' bo zas gzhan mi za bar dge ba dang bde bas zhag bdun 'das par gyur to/ /rigs kyi bu/ rnam grangs des na khyod kyis 'di ltar de ni de bzhin gshegs pa'i thabs la mkhas pa yin gyi/ las kyi sgrib pa ma yin par rig par bya'o/ /rigs kyi bu/ gzhan yang sems can gang dag dge sbyong dang / bram ze tshul khrims dang ldan pa dag mgron du gnyer la/ sems rnam par g.yengs pas ri mo mi byed pa'i sems can de dag la ji skad smras pa de bzhin byed pa nyid kun du bstan par bya ba'i phyir/ las kyi rgyud de lta bu dag tu ston par mdzad do/ /rigs kyi bu/ gang gis de bzhin gshegs pa spyan drangs la/ ri mo ma byas pa de yang de bzhin gshegs pas log par ltung bar mi 'gyur ba'i chos su lung bstan pa'i de bzhin gshegs pa rnams kyi de bzhin gshegs </font><hr>135a<br><font size=+1>


@#/ /pa'i chos nyid la ltos/ rigs kyi bu/ gzhan yang de bzhin gshegs pa dang thabs gcig tu dbyar zla ba gsum gnas par khas blangs pa'i dge slong lnga brgya po gang dag gis/ rta chas kyi nas zos pa de dag las/ dge slong bzhi bcu ni 'dod chags spyod pa dang / sdug pa'i mtshan ma spyod pa yin pas/ gal te de'i tshe na de dag gis zas bsod pa dag zos par gyur na/ de dag gi 'dod chags dang ldan pa'i rnam par rtog pa shin tu shas chen po dag skye bar 'gyur ba zhig na/ de dag gis zas ngan pa zos pa des 'dod chags kyi kun nas ldang ba de dag srab cing med par 'gyur te/ de dag gis 'dod chags kyi kun nas ldang ba dag rnam par bsal nas/ de dag thams cad kyis zla ba gsum po de dag 'das nas zhag bdun gyis dgra bcom pa nyid thob par gyur to/ /rigs kyi bu/ de lta bas na dge slong lnga brgya po de dag gdul ba'i dbang gi phyir dang / byang chub sems dpa' de dag yongs su smin par bya ba'i phyir/ de bzhin gshegs pas thabs la mkhas pa des/ zla ba gsum du rta chas kyi nas dag gsol bar zad kyi/ las kyi sgrib pa'i nyes pa ni ma yin te/ de yang de bzhin gshegs pa'i thabs la mkhas pa yin no/ /ci'i phyir de bzhin gshegs pa gso sbyong la bzhugs pa na/ 'od srung / nga ni ro rgyab na bas khyod kyis byang chub kyi yan lag dag </font><hr>135b<br><font size=+1>


shod cig ces bka' stsal ce na/ rigs kyi bu/ de'i tshe na lha'i bu nyan thos kyis 'dul ba gang dag sngon dge slong 'od srung gis sangs rgyas dang / chos dang / dge 'dun dang / bag yod pa'i bya ba dag la yang dang yang du dad pa bskyed cing / yang dag par 'dzin du bcug pa brgyad stong 'khor de nyid du 'dus par gyur te 'dug pas/ lha'i bu de dag gis sngon yang byang chub kyi yan lag gi gtam dag thos la/ lha'i bu de dag la dge slong 'od srung ma gtogs par gal te sangs rgyas 'bum gyis chos bstan par gyur kyang de dag gis chos bstan pa kun shes par mi 'gyur bas na/ de'i phyir dge slong 'od srung gis byang chub kyi yan lag rab tu dbye ba rgya cher bshad pas lha'i bu brgyad stong po de dag gis ye shes mngon par rtogs par gyur to/ /gzhan yang sems can gang la la dag nad kyis gnod par gyur cing / nad par gyur nas/ chos nyan du ma 'ongs shing chos mi nyan pa'i sems can chos ma thos pa de dag 'di snyam du/ de bzhin gshegs pa chos kyi bdag po de yang byang chub kyi yan lag gi gtam dag gsan nas/ snyun nad las yongs su thar bar gyur na/ bdag cag gis ci'i phyir chos mnyan par mi bya snyam du sems par yang 'gyur te/ rigs kyi bu| de ltar na lha'i bu de dag gdul ba'i dbang gi phyir dang / sems can nad pa rnams chos la gus pa kun du bstan par bya ba'i phyir/ de bzhin gshegs pas tshig 'di skad ces/ </font><hr>136a<br><font size=+1>


@#/ /'od srung / nga ni ro rgyab na bas/ khyod kyis byang chub kyi yan lag dag shod cig ces gsungs par zad kyi/ de bzhin gshegs pa'i sku la snyun mnga' ba ni ma yin no/ /de ci'i phyir zhe na/ rigs kyi bu/ de bzhin gshegs pa dgra bcom pa yang dag par rdzogs pa'i sangs rgyas rnams ni chos kyi sku yin te/ de dag la 'byung ba'i lus rags pa yongs su grub pa med pa'i phyir te/ de yang de bzhin gshegs pa'i thabs la mkhas pa yin no/ /ci'i phyir de bzhin gshegs pas shAkya rnams rab tu rnam par 'jig par gyur pa na/ tshig 'di skad ces/ kun dga' bo/ nga klad pa na zhing mi bde'o zhes gsungs she na/ rigs kyi bu/ de ni sems can gang la la dag de bzhin gshegs pas nye du rnams kyi srid pa'i rtse mo'i bar gyi sdug bsngal gyi phung po mthar mdzad pa mi shes pa'i sems can de dag 'di snyam du/ gang gi phyir de bzhin gshegs pa 'jig rten la phan pa'i phyir rab tu byung nas/ rgyal po'i gdung rgyud thams cad chud zos kyang des nye du rnams yongs su ma bskyabs pa las na/ de bzhin gshegs pa ni nye du rnams la phan par bzhed pa yang ma yin/ don du bzhed pa yang ma yin/ bde bar bzhed par yang ma yin/ grub pa dang bde bar bzhed pa yang ma yin no/ /snyam du sems par mi 'gyur bar sems can de dag gi sems gzung ba'i phyir/ de </font><hr>136b<br><font size=+1>


bzhin gshegs pas gnas brtan kun dga' bo la tshig 'di skad ces nga klad pa na zhing mi bde'o zhes gsungs so/ /rigs kyi bu/ gang gi tshe de bzhin gshegs pas gnas brtan kun dga' bo la tshig 'di skad ces/ kun dga' bo/ nga klad pa na zhing mi bde'o zhes gsungs pa de'i tshe na/ lha'i bu chad par smra ba sum stong 'dus par gyur pa dang / sems can srog gcod par rab tu mang po dag kyang 'dus par gyur pas/ de na sems can chad par smra ba de dag dang / sems can srog gcod pa de dag las kyi bya ba la gzud pa'i phyir/ de bzhin gshegs pas srog gcod pa'i dbang gis de bzhin gshegs pa'i dbu snyung zhing mi bde'o zhes las kyi rgyud de kun tu bstan to/ /de na de bzhin gshegs pas gsung gi 'phrin las brjod pa de bstan pa na/ lha dang mi rnams kyi skye dgu las srog chags khri btul bar gyur te/ de yang de bzhin gshegs pa'i thabs la mkhas pa yin no/ /ci'i phyir de bzhin gshegs pa bram ze b+ha ra dwa dzas spyo ba rnam pa brgyas spyos pa na de bzhin gshegs pa spyo ba de dag dang du len par mdzad ce na/ rigs kyi bu/ de bzhin gshegs pas ni bram ze b+ha ra dwa dza spyo bar byed pa la phyir spyo ba'am/ yang na de phyogs gzhan du 'phang ba'am/ yang na de de bzhin gshegs pa la tshig gcig tsam gyis spyo bar yang mi spobs pa de ltar byin gyi rlabs kyis byin gyis brlab par yang spyod mod kyi/ 'on kyang 'khor der lha dang mi mang po 'dus par </font><hr>137a<br><font size=+1>


@#/ /gyur pa de dag gis de bzhin gshegs pa'i ma zhum pa dang / ma khengs pa dang / thugs mnyam pa dang / phan pa'i dngos po dang / mnyen pa dang / des \ NGES?\ pa dang / sngon gyi ji lta bar phyis kyang de bzhin pas bzod pa'i stobs bskyed pa mthong nas/ srog chags bzhi stong gis bla na med pa yang dag par rdzogs pa'i byang chub tu sems bskyed par gyur te/ de bzhin gshegs pas don gyi dbang de gzigs pas na/ bram ze b+ha ra dwa dzas spyos pa btang snyoms su bzhag go /des kyang spyo bar byed pa bram ze b+ha ra dwa dza de bzhin gshegs pa la sems dad par gyur nas/ sangs rgyas la skyabs su song zhing yongs su mya ngan las 'da' ba'i bar gyi sa bon bskyed par gyur te/ de yang de bzhin gshegs pa'i thabs la mkhas pa yin no| |rigs kyi bu /gang gi phyir byang chub sems dpa'i skye ba thams cad dang / srid pa thams cad du lhas byin yang dang yang du rjes su 'brang bar gyur pa de yang byang chub sems dpa'i thabs la mkhas pa yin no/ /de ci'i phyir zhe na/ lhas byin la brten nas nga pha rol tu phyin pa drug po dag yongs su rdzogs shing / sems can dpag tu med pa rnams kyi don kyang byas pa'i phyir ro/ /rnam grangs gang gis she na/ rigs kyi bu/ 'di la gang gi tshe sems can rnams bde ba dang ldan pa gyur cing / gang gi tshe sbyin pa yang mi shes/ len pa </font><hr>137b<br><font size=+1>


po yang mi shes pa de'i tshe na lhas byin byang chub sems dpa'i drung du 'ongs te/ bu dag kyang slong bar byed/ chung ma dag kyang slong bar byed/ rgyal srid dag kyang slong bar byed/ lag pa dang / rkang pa dag dang / mig dang / mgo yang slong bar byed cing / de dag la sogs pa dka' ba dang / sems can rnams la bde ba skyed par byed pa gzhan gang yang rung ba dag kyang slong bar byed do/ / byang chub sems dpas zhum pa med par de dag sbyin par byed pa de sems can dpag tu med pa dag gis mthong nas dga' ba dang / dad pa dang / mchog tu dga' ba skyes te spro ba bskyed nas/ 'di ji lta ba bzhin du bdag cag kyang de bzhin du gyur cig /ces de dag sbyin pa la mos shing byang chub tu smon lam 'debs par yang byed do/ /gzhan yang lhas byin dang sems can dpag tu med pa gang dag tshul khrims 'dral bar 'dod pa de dag gis/ byang chub sems dpa' tshul khrims mi 'dral ba mthong nas/ de dag kyang tshul khrims yang dag par len par byed pa dang / sems can de dag byang chub sems dpa'i rjes su slob pa na bzod pa phun sum tshogs pa de mthong nas/ de dag la spyos sam/ brgyad bkag gam/ brdegs na yang 'khrug par mi 'gyur zhing / bzod pa yongs su rdzogs par 'gyur te/ rnam grangs des kyang sems can rnams kyi don byas pa yin no/ /gang gi tshe lhas byin gyis de bzhin gshegs pa bgrongs pa'i phyir bshed ma ba'i mi dag sbad </font><hr>138a<br><font size=+1>


@#/ /pa dang| de bzhin gshegs pa bgrongs pa'i phyir glang po che gdug pa nor skyong sbad pa dang / de bzhin gshegs pa bgrongs pa'i phyir de bzhin gshegs pa la rdo 'phangs pa gang yin pa de yang de bzhin gshegs pa'i thabs la mkhas pa yin par lta bar bya'i/ las kyi sgrib pa'i nyes pa ni ma yin no/ /de ci'i phyir zhe na/ thabs la mkhas pa de la brten nas sems can dpag tu med pa dag gi don mdzad pa'i phyir te/ rigs kyi bu/ mdor na lhas byin de ni nga'i ston pa phan par 'dod pa yin no/ /las kyi rgyud bcu po thams cad kyang de bzhin gshegs pa'i thabs la mkhas pa yin par lta bar bya'i/ las kyi sgrib pa'i nyes pa ni ma yin no/ /de ci'i phyir zhe na/ sems can las kyi bya ba dang / rnam par smin pa chud gson pa rnams las kyi bya ba dang / rnam par smin pa la 'jug par bya ba'i phyir/ de bzhin gshegs pas thabs la mkhas pas/ sems can rnams la las che ge mo zhig gi rnam par smin pa ni 'di yin no/ /las che ge mo zhig gi rnam par smin pa ni 'di yin no zhes las kyi rgyud kun du bstan te/ de thos na sems can rnams mi dge ba'i las kyi sgrib pa dang / dge ba'i las la sgrib pa dang / dge ba'i las mngon par 'du bya ba la mi g.yel bar spyod par 'gyur ba'i phyir ro/ /rigs kyi bu/ thabs la mkhas pa bstan pa 'di ni gsang bar bya ba yin te/ sems can dman </font><hr>138b<br><font size=+1>


pa dge ba'i rtsa ba chung ngu rnams kyi mdun du brjod par mi bya/ bstan par mi bya/ bshad par mi bya/ bklag par mi bya'o/ /de ci'i phyir zhe na/ bstan pa 'di ni nyan thos dang / rang sangs rgyas thams cad kyis yang ma yin no/ byis pa so so'i skye bo dman pa la mos pa rnams kyi lta smos kyang ci dgos pa'i phyir ro/ /de ci'i phyir zhe na/ de dag ni thabs la mkhas pa 'di la ma bslabs pa'i phyir ro| |de ci'i phyir zhe na/ de dag la 'dis don du 'gyur ba med de/ thabs la mkhas pa bstan pa 'di'i snod du 'gyur ba dang / gang dag gis bstan pa 'di la bslab par bya ba ni byang chub sems dpa' sems dpa' chen po rnams ma gtogs par gzhan 'ga' yang med pa'i phyir ro/ /rigs kyi bu/ 'di lta ste/ dper na/ mtshan mo mun pa mun gnag gi nang du 'bru mar gyi mar me phyung na/ khyim gyi snod thams cad snang bar gyur pa de bzhin du/ rigs kyi bu/ byang chub sems dpas kyang thabs la mkhas pa bstan pa 'di thos na/ sems can thams cad byang chub sems dpa'i spyod pa la 'jug par mthong zhing / bdag gis kyang 'di la bslab par byas nas byang chub sems dpa'i spyod pa thams cad dang / sangs rgyas kyi spyod pa thams cad la 'jug cing 'gro bar 'gyur te/ de ni legs par yang dag par brtson pas sla'o snyam du sems pa dang / de thabs la mkhas pa de dag la legs par bslabs pa dang / sems can </font><hr>139a<br><font size=+1>


@#/ /rnams smas par mi byed pa de lta bu'i ming du yang 'gyur ro/ /rigs kyi bu khyod mos par bya/ khyod kyis khong du chud par bya ste/ rigs kyi bu'am/ rigs kyi bu mo byang chub don du gnyer bas ni gang nas thabs la mkhas pa'i pha rol tu phyin pa bstan pa 'di rna lam du grag par 'gyur ba'i dpag tshad 'bum du yang 'gro bar bya'o/ /de ci'i phyir zhe na/ 'di ltar byang chub sems dpas thabs la mkhas pa bstan pa 'di thos na snang ba thob par 'gyur zhing / the tshom dang bral ba dang / nem nur dang bral bar 'gyur ba'i phyir ro/ /de nas lha dang bcas pa'i 'jig rten dang / 'khor bzhi po gang dag chos kyi rnam grangs 'di'i snod du gyur pa 'khor der 'dus par gyur pa de dag gis ni bcom ldan 'das kyis gsungs pa'i chos kyi rnam grangs 'di thos par gyur to/ /gang dag snod du ma gyur cing mi shes pa 'khor der 'dus par gyur pa de dag la ni chos kyi rnam grangs 'di rna lam du grag par yang ma gyur to/ /chos kyi rnam grangs 'di bshad pa na srog chags bdun khri nyis stong dag bla na med pa yang dag par rdzogs pa'i byang chub tu sems skyes so/ /de nas bcom ldan 'das la tshe dang ldan pa kun dga' bos 'di skad ces gsol to/ /btsun pa bcom ldan 'das/ chos kyi rnam grangs 'di'i ming ci lags/ 'di ji ltar gzung bar bgyi/ bcom ldan 'das kyis bka' stsal pa/ kun dga' bo de'i phyir </font><hr>139b<br><font size=+1>


khyod kyis chos kyi rnam grangs 'di ni thabs la mkhas pa'i pha rol tu phyin pa bstan pa zhes bya bar gzung zhig /thabs la mkhas pa'i le'u zhes bya bar yang gzung zhig /thabs la mkhas pa bstan pa zhes bya bar yang gzung zhig /sangs rgyas thams cad kyi gsang chen thabs la mkhas pa'i le'u zhes bya bar yang gzung zhig /bcom ldan 'das kyis de skad ces bka' stsal nas/ tshe dang ldan pa kun dga' bo dang / byang chub sems dpa' sems dpa' chen po ye shes dam pa dang / nyan thos kyi theg pa dang / rang sangs rgyas kyi theg pa dang / byang chub sems dpa'i theg pa la yang dag par zhugs pa'i dge bsnyen dang / dge bsnyen ma dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ /'phags pa dkon mchog brtsegs pa chen po'i chos kyi rnam grangs le'u stong phrag brgya pa las/ sangs rgyas thams cad kyi gsang chen thabs la mkhas pa/ byang chub sems dpa' ye shes dam pas zhus pa zhes bya ba'i le'u ste/ 'dus pa sum cu rtsa brgyad pa rdzogs so// //rgya gar gyi mkhan po dzi na mi tra dang / su ren+d+ra bo d+hi dang / zhu chen gyi lots+tsha ba zhang ye shes sde la sogs pas bsgyur cing gtan la phab pa// </font><hr>

</table>