J10

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J10</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J10&coll=lithang">see text in Tibetan script</a></table>30.1a<br><font size=+1>

(ka) @#/ ! /stong phrag nyi shu lnga pa bzhugs so/ /[(黃) 第二般若兩萬五千頌第一部]</font><hr>30.1b<br><font size=+1>

@##/   /rgya gar skad du/  pany+tsa bing sha ti sA ha sri kA pradz+nyA pA ra mi tA/  bod skad du/ shes rab kyi pha rol tu phyin pa stong phrag nyi shu lnga pa/ dum po dang po/ bam po gcig pa/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das rgyal po'i khab kyi ri bya rgod 'phungs pa la/ dge slong lnga stong tsam gyi dge slong gi dge 'dun chen po dang thabs gcig ste/ thams cad kyang dgra bcom pa/ zag pa zad pa/ nyon mongs pa med pa/ dbang du gyur pa/ sems shin du rnam par grol ba/ shes rab shin du rnam par grol ba/ cang shes pa/ glang po chen po/ bya ba byas pa/ byed pa byas pa/ khur bor ba/ rang gi don rab tu thob pa/ srid par sbyor ba yongs su zad pa/ bka' yang dag</font><hr>30.2a<br><font size=+1>

pas sems shin du rnam par grol ba/ sems kyi dbang thams cad la pha rol du phyin pa'i mchog thob pa sha stag ste/ gang zag gcig ma gtogs pa ni/ 'di ltar slob pa rgyun du zhugs pa tshe dang ldan pa dga' bo'o/ /dge slong ma grags 'dzin dang / skye dgu'i bdag mo chen mo la sogs pa lnga brgya tsam dang / dge bsnyen dang / dge bsnyen ma shin tu mang ba kun kyang chos mthong ba sha stag dang / byang chub sems dpa' sems dpa' chen po tshad med grangs med pa thams cad kyang gzungs rab tu thob pa/ ting nge 'dzin rab tu thob pa/ stong pa nyid kyis rnam par spyod pa/ mtshan ma med pa'i spyod yul can/ rtog pa med pa'i smon lam dang ldan pa/ chos thams cad la mnyam pa nyid kyi bzod pa rab tu thob pa/ chags pa med pa'i gzungs rab tu thob pa/ thogs pa med pa'i spobs pa dang ldan pa/ bstan pa zad mi shes pa la so so yang dag par rig pa'i tshul khong du chud pa/ mngon par shes pa chen pos rnam par rtse ba/ mngon par shes pa shin du ma nyams pa/ mnyan par 'os pa'i tshig dang ldan pa/ le lo med cing brtson 'grus brtsams pa/ lus dang srog la mi lta ba/ tshul 'chos pa med pa/ kha gsag med pa/ grags pa dang / khe dang / bkur sti'i sems med pa/ zang zing med pa'i chos ston pa/ chos zab mo'i bzod pa dam pa rtogs par khong du chud pa/ mi 'jigs pa chen po thob pa/ yid yongs su zhum pa med pa/ bdud kyi las thams cad las yang dag par 'das pa/ las kyi sgrib pa rgyun chad pa/ las dang nyon mongs pa dang / phyir rgol ba rab tu bcom pa/ pha rol po'i rgol ba thams cad kyis zil gyis mi non pa/ nyan thos dang / rang sangs rgyas thams cad kyis rtogs par dka' ba/ chos rab tu rtogs pas rnam par dbye zhing bstan pa la mkhas pa bskal pa grangs med pa nas smon lam shin tu brtsams pa/ bzhin 'dzum pa dang ldan pa/ </font><hr>30.2b<br><font size=+1>

sngon du smra ba/ khro gnyer med pa/ snyan cing 'jam pa'i tshig dang ldan pa/ pha rol la tshigs su bcad pa'i dbyangs su brjod pa la mkhas pa/ spobs pa mi chod pa/ 'khor mtha' yas pa zil gyis gnon pa'i mi 'jigs pa dang ldan pa/ bskal pa bye ba mtha' yas par bstan pa'i ye shes kyi 'byung ba la mkhas pa/ chos thams cad sgyu ma dang / smig rgyu dang / chu zla dang / rmi lam dang / sgra brnyan dang / mig yor dang / nam mkha' dang / dri za'i grong khyer dang / sprul pa dang / gzugs brnyan lta bur khong du chud pa/ sems yongs su zhum pa med pa/ sems can thams cad kyi sems kyi rgyud dang / shes pa phra ba dang / spyod pa dang / mos pa khong du chud par bya ba la mkhas pa/ sems can thams cad la sdang ba med pa'i sems dang ldan pa/ bzod pa rlabs po che dang ldan pa/ chos thams cad mnyam pa nyid du rtogs par bya ba'i ye shes la mkhas pa/ chos nyid zab mo dang ldan pas gting dpag dka' ba/ rang gi sems la dbang rab tu thob pa/ chos thams cad la dbang shin du thob pa/ las dang nyon mongs pa dang lta ba'i sgrib pa thams cad las rnam par grol ba/ brten pa rtogs par bstan pa la mkhas pa/ rten cing 'brel bar 'byung ba'i tshul zad mi shes pa la zhugs pa/ lta ba dang / bag la nyal ba dang / kun nas ldang ba thams cad dang bral ba kun du sbyor ba thams cad spangs pa/ las dang nyon mongs pa thams cad spangs pa/ las dang / nyon mongs pa thams cad rab tu zhi bar bya ba la mkhas pa/ bden pa rab tu rtogs par bya ba'i ye shes la mkhas pa/ chos thams cad sgra brnyan dang 'dra bar rtag tu rgyun mi chad par mos pa/ chos kyi tshul bstan pa tshad med pa la 'jig pa med pa/ bdag nyid ji lta ba bzhin du khong du chud par bya ba la mkhas pa/ sangs rgyas kyi zhing mtha' yas pa rnam par dgod pa'i smon lam gyis 'gro ba yongs su zin pa/ 'jig</font><hr>30.3a<br><font size=+1>

rten gyi khams grangs med pa na bzhugs pa'i sangs rgyas rjes su dran pa'i ting nge 'dzin rtag tu rgyun mi chad par mngon du gyur pa/ sangs rgyas 'byung ba thams cad du nye bar 'gro ba la mkhas pa/ sangs rgyas dpag tu med pa la gsol ba gdab par mkhas pa/ sems can gyi lta ba sna tshogs kyis yongs su bskyed pa'i nyon mongs pa zhi bar bya ba la mkhas pa/ ting nge 'dzin brgya stong mngon par bsgrub pa la rnam par rtse ba'i ye shes rtogs par bya ba la mkhas pa/ yon tan brjod pa bskal pa mtha' yas par mi zad pa dang ldan pa sha stag dang thabs gcig ste/ 'di ltar byang chub sems dpa' sems dpa' chen po bzang skyong dang / rin chen 'byung gnas dang / rin chen snying po dang / rin chen byin pa dang / ded dpon dam pa dang / skyes bus byin dang / skyob sbed dang / chu bdag lha dang dbang pos byin dang / bzang po'i stobs dang / blo gros dam pa dang / 'phags pa'i blo gros dang / blo gros 'phel ba dang / blo gros mtha' yas dang / don yod mthong ba dang / sgrib med blo gros dang / rab tu zhugs pa dang / mthu dam pas rnam par gnon pa dang / brtson 'grus mtha' yas dang / rtag tu brtson pa dang / rtag tu sbyor ba dang / mi gtong brtson pa dang / nyi ma'i snying po dang / zla ba'i snying po dang / blo gros dpe med pa dang / spyan ras gzigs kyi dbang po dang / mthu chen po thob pa dang / 'jam dpal gzhon nur gyur pa dang / bdud kyi stobs rab tu 'joms pa dang / rdo rje blo gros dang / lag na rin chen phyag rgya dang / rtag tu lag brkyang dang / snying rje cher sems dang / rgyan chen po dang / rnam par bkod pa'i rgyal po dang / ri bo'i zom dang / byang chub sems dpa' sems dpa' chen po byams pa dang / de dag la sogs pa gzhan yang byang chub sems dpa' bye ba khrag khrig brgya stong du ma dag dang thabs gcig tu bzhugs so/ /de nas de'i tshe bcom ldan 'das nyid kyis gdan seng ge'i khri bshams nas sku drang por bsrang ste/ dgongs pa mngon du bzhag nas skyil mo dkrung</font><hr>30.3b<br><font size=+1>

bcas te bzhugs so/ /de na bzhugs nas ting nge 'dzin gang du ting nge 'dzin thams cad 'du ba dang / khongs su chud pa dang / rjes su 'brang ba dang / 'du bar 'gyur ba'i ting nge 'dzin ting nge 'dzin gyi rgyal po zhes bya ba la mnyam par bzhag go/ /de nas bcom ldan 'das dgongs shing yang dag par mkhyen pas ting nge 'dzin de las bzhengs te/ 'phrul gyi spyan gyis sangs rgyas kyi zhing 'di la rnam par gzigs so/ /de ltar gzigs nas sku thams cad nas 'od rab tu bkye ste/ de'i zhabs kyi mthil gnyis kyi 'khor lo rtsibs stong dang ldan pa gnyis las 'od zer bye ba khrag khrig brgya stong drug bcu drug bcu byung ngo / /zhabs gnyis kyi sor mo bcu las kyang 'od zer bye ba khrag khrig brgya stong drug bcu drug bcu byung ngo / /zhabs kyi long bu gnyis dang / zhabs byin pa gnyis dang / zhabs pus mo gnyis dang / zhabs brla gnyis dang / sku sta zur gnyis dang / sku lte ba'i dkyil 'khor dang / sku rtsib logs gnyis dang / thugs ka'i skyes bu chen po'i mtshan dpal gyi be'u las kyang 'od zer bye ba khrag khrig brgya stong drug bcu drug bcu byung ngo / /phyag gi sor mo bcu las kyang 'od zer bye ba khrag khrig brgya stong drug bcu drug bcu byung ngo / /de bzhin du phyag lag ngar gnyis dang / sku phrag pa gnyis dang / mgur dang / tshems mche ba bzhi dang / tshems bzhi bcu dang / spyan gnyis dang / snyan gnyis dang / shangs kyi sbubs gnyis dang / smin mtshams kyi mdzod spu dang / steng gi spyi gtsug dang / zhal gyi sgo nas kyang 'od zer bye ba khrag khrig brgya stong drug bcu drug bcu byung ste/ 'od zer bye ba khrag khrig brgya stong drug bcu po de dag thams cad kyis/ stong gsum gyi stong chen po'i 'jig rten gyi khams 'di dag thams cad snang ba chen pos khyab par byas te/ shar phyogs kyi 'jig rten gyi khams gang gA'i klung gi bye ma snyed snang ba chen pos khyab par byas so/ /lho dang nub dang byang dang byang shar dang shar lho dang lho nub dang nub byang gi phyogs mtshams dang 'og dang steng gi phyogs</font><hr>30.4a<br><font size=+1>

su phyogs re re zhing 'jig rten gyi khams gang gA'i klung gi bye ma snyed snang ba chen pos khyab par byas so/ /sems can gang gis 'od zer de mthong ba dang / 'od des gang la reg par gyur pa de dag thams cad kyang / bla na med pa yang dag par rdzogs pa'i byang chub tu nges par gyur to/ /de nas yang bcom ldan 'das kyi ba spu'i sgo thams cad nas 'od zer rab tu dgye ba mdzad de/ 'od des kyang stong gsum gyi stong chen po'i 'jig rten gyi khams 'di snang ba chen pos khyab par byas so/ /shar phyogs su 'jig rten gyi khams gang gA'i klung gi bye ma snyed snang ba chen pos khyab par byas so/ /lho dang nub dang byang dang byang shar dang shar lho dang lho nub dang nub byang gi phyogs mtshams dang 'og dang steng gi phyogs su phyogs re re zhing yang 'jig rten gyi khams gang gA'i klung gi bye ma snyed snang ba chen pos khyab par byas so/ /sems can gang gis 'od de mthong ba dang 'od des gang la reg par gyur pa de dag thams cad kyang / bla na med pa yang dag par rdzogs pa'i byang chub tu nges par gyur to/ /de nas yang bcom ldan 'das kyis de bzhin gshegs pa'i rang bzhin gyi 'od kyis stong gsum gyi stong chen po'i 'jig rten gyi khams 'di snang ba chen pos khyab par mdzad de/ shar phyogs su 'jig rten gyi khams gang gA'i klung gi bye ma snyed snang ba chen pos khyab par mdzad do/ /lho dang nub dang byang dang byang shar dang shar lho dang lho nub dang nub byang gi phyogs mtshams dang 'og dang steng gi phyogs su phyogs re re zhing 'jig rten gyi khams gang gA'i klung gi bye ma snyed snang ba chen pos khyab par mdzad do/ /sems can gang gis 'od de mthong ba dang / 'od des gang la reg par gyur pa de dag thams cad kyang / bla na med pa yang dag par rdzogs pa'i byang chub tu nges par gyur to/ /de nas bcom ldan 'das kyis zhal gyi sgo nas ljags kyi dbang po bkram ste/ stong gsum gyi stong chen po'i 'jig rten gyi khams 'di thams cad ljags kyi dbang pos khyab par mdzad nas zhal 'dzum pa mdzad do/ /ljags kyi dbang po de</font><hr>30.4b<br><font size=+1>

las kyang 'od zer kha dog sna tshogs bye ba khrag khrig brgya stong du ma 'thon te/ 'od zer de dag thams cad la pad mo mang po/ rin po che sna tshogs kyi rgyu las byung ba/ gser gyi mdog tu snang ba/ mdab ma stong dang ldan pa/ sna tshogs su 'dug pa/ blta na sdug pa/ yid du 'ong ba/ kha dog bzang ba/ dri zhim pa/ 'jam pa/ ka tsa lin di ka ltar reg na bde bar 'gyur ba sha stag kun nas gnas par gyur te/ pad mo de dag la yang de bzhin gshegs pa'i sku mang po bzhugs shing / 'di lta ste/ pha rol du phyin pa drug dang ldan pa'i chos bstan pa 'di nyid kyi chos ston pa mdzad de/ de dag shar phyogs kyi 'jig rten gyi khams gang gA'i klung gi bye ma snyed du gshegs shing de dag tu byon nas 'di lta ste/ pha rol du phyin pa drug dang ldan pa'i chos bstan pa 'di nyid kyi chos ston to/ /de dag lho dang nub dang byang dang byang shar dang shar lho dang lho nub dang nub byang gi phyogs mtshams dang 'og dang steng gi phyogs su phyogs re re zhing 'jig rten gyi khams gang gA'i klung gi bye ma snyed du gshegs shing / de dag tu byon nas kyang 'di lta ste/ pha rol du phyin pa drug dang ldan pa'i chos bstan pa 'di nyid kyi chos ston to/ /sems can gang gis chos de dag thos par gyur pa de dag thams cad kyang / bla na med pa yang dag par rdzogs pa'i byang chub tu nges par gyur to/ /de nas bcom ldan 'das kyis gdan seng ge'i khri de la bzhugs bzhin du sangs rgyas kyi ting nge 'dzin/ seng ge rnam par rol pa zhes bya ba la mnyam par bzhag ste/ rdzu 'phrul mngon par 'du mdzad do/ /rdzu 'phrul de mngon par 'du mdzad pas/ stong gsum gyi stong chen po'i 'jig rten gyi khams 'di rnam pa drug tu g.yos te/ g.yos so/ /rab tu g.yos so/ /kun tu g.yos so/ /'gul to/ /rab tu 'gul to/ /kun tu 'gul to/ /ldeg go/ /rab tu ldeg go/ /kun du ldeg go/ /chem chem/ rab tu chem chem/ kun du chem chem mo/ /'ur 'ur/ rab tu 'ur 'ur/ kun du 'ur 'ur ro/ /shig shig /rab tu shig shig /kun du shig shig go/ /</font><hr>30.5a<br><font size=+1>

shar mtho na ni nub dma'/ nub mtho na ni shar dma'/ byang mtho na ni lho dma'/ lho mtho na ni byang dma'/ mtha' mtho na ni dbus dma'/ dbus mtho na ni mtha' dma' ste/ dal bus bags kyis nyams su bde bar sems can thams cad la phan pa dang bde ba skyed par gyur to/ /de nas de'i tshe skad cig yud tsam thang cig la/ stong gsum gyi stong chen po'i 'jig rten gyi khams 'di na sems can dmyal ba dang / byol song gi skye gnas dang / gshin rje'i 'jig rten dang / mi khom pa dang / ngan song dang / ngan 'gro dang / log par ltung ba gang ji snyed yod pa de dag thams cad rgyun chad cing stongs par gyur te/ sems can de dag thams cad kyang / mi dang skal pa mnyam par skyes par gyur to/ /de bzhin du rgyal chen bzhi'i ris kyi lha dang / sum bcu rtsa gsum dang / mtshe ma dang / dga' ldan dang / 'phrul dga' dang / gzhan 'phrul dbang byed kyi lha dang / skal ba mnyam par skyes par gyur to/ /de nas lha de dag dang / mi de dag dga' ba dang / mos pa dang / nyams bde ba de nyid kyis sngon kyi tshe rabs rjes su dran par gyur te/ rjes su dran nas kyang dga' ba dang / mos pa dang nyams bde ba thob par gyur pa de dag bcom ldan 'das gang na ba der dong zhing phyin nas zhabs la phyag 'tshal te/ de bzhin gshegs pa dgra bcom pa yang dag par rdzogs pa'i sangs rgyas de dag la thal mo sbyor zhing 'dud par gyur to/ /shar phyogs kyi 'jig rten gyi khams gang gA'i klung gi bye ma snyed dang / lho phyogs dang / nub phyogs dang / byang phyogs dang / phyogs mtshams rnams dang / 'og dang / steng gi phyogs kyi phyogs re re zhing 'jig rten gyi khams gang gA'i klung gi bye ma snyed kyi sems can dmyal ba thams cad dang / byol song gi skye gnas thams cad dang / gshin rje'i 'jig rten thams cad kyang rgyun chad/ mi khom pa thams cad kyang nub par gyur te/ sems can de dag thams cad kyang mi dang lhar skal</font><hr>30.5b<br><font size=+1>

ba mnyam par skyes so/ /de nas mi de dag dang / lha de dag dga' ba dang / mos pa dang / nyams bde ba de nyid kyis sngon gyi tshe rabs rjes su dran par gyur te/ rjes su dran nas kyang dga' ba dang / mos pa dang nyams bde ba thob par gyur pa de dag /rang rang gi sangs rgyas kyi zhing de dag na/ de bzhin gshegs pa dgra bcom pa yang dag par rdzogs pa'i sangs rgyas gang bzhugs pa de dag gi drung du dong zhing phyin nas/ zhabs la phyag 'tshal te/ de bzhin gshegs pa dgra bcom pa yang dag par rdzogs pa'i sangs rgyas de dag la thal mo sbyor zhing 'dud par gyur to/ /de nas de'i tshe stong gsum gyi stong chen po'i 'jig rten gyi khams 'di na/ sems can dmus long ji snyed cig yod pa de dag thams cad kyang / mig gis gzugs mthong bar gyur to/ /'on pa rnams kyang rna bas sgra thos par gyur to/ /smyon pa rnams kyang dran pa thob par gyur to/ /sems 'khrugs pa rnams kyang 'khrug pa med pa'i sems thob par gyur to/ /gos med pa rnams kyang gos thob par gyur to/ /dbul po rnams kyang nor thob par gyur to/ /bkres pa rnams kyang zas thob par gyur to/ /skom pa rnams kyang btung ba thob par gyur to/ /nad kyis btab pa rnams kyang nad med par gyur to/ /lus nyams pa dang dbang po ma tshang ba rnams kyang lus dang dbang po tshang zhing rgyas par gyur to/ /ngal ba rnams kyang ngal sos par gyur te/ lus dang ngag dang / yid kyi las kyi mtha' dang / 'tsho ba mi dge ba ma spangs pa rnams kyang / lus dang ngag dang yid kyi las kyi mtha' dang 'tsho ba mi dge ba spangs par gyur to/ /sems can thams cad kyang sems can thams cad la dper na pha dang ma dang / phu nu dang sring mo dang mdza' ba dang gnyen pa dang / grogs po dang mtshungs pa'i sems kyis phan tshun sems mnyam pa nyid du gyur to/ /sems can thams cad kyang dge ba bcu'i las kyi lam dang ldan zhing tshangs par spyod pa dang / gtsang ba dang / nyes pa'i dri nga ba med de/ </font><hr>30.6a<br><font size=+1>

mi dge ba'i rtogs pa thams cad dang bral bar gyur to/ /de'i tshe sems can thams cad bde ba'i rnam pa 'di lta bu dang ldan par gyur te/ dper na dge slong bsam gtan gsum pa la snyoms par zhugs pa'i bde ba de lta bu'i bde ba thams cad dang ldan par gyur to/ /de'i tshe sems can thams cad rnam pa 'di lta bu'i shes rab dang ldan par gyur te/ 'di ltar sbyin pa ni dge ba'o/ /zhi ba ni dge ba'o/ /dul ba ni dge ba'o/ /sdom pa ni dge ba'o/ /dben pa ni dge ba'o/ /bag byed pa ni dge ba'o/ /byams pa ni dge ba'o/ /snying rje ni dge ba'o/ /tshangs par spyod pa spyad pa ni dge ba'o/ /srog chags su gyur pa thams cad la mi 'tshe ba 'di ni dge ba'o zhes bya bar shes par gyur to/ /de'i tshe bcom ldan 'das gdan seng ge'i khri de nyid la bzhugs pas 'di lta ste/ dper na nyi ma bsgribs pa med pa nam mkha'i dbyings yongs su dag pa la 'dug pa 'am/ zla ba nya ba'i zla ba'i dkyil 'khor ltar stong gsum gyi stong chen po'i 'jig rten gyi khams 'di ri rab dang bcas pa/ khor yug dang bcas pa/ lha'i gnas dang bcas pa/ dbang po dang bcas pa/ dbang byed dang bcas pa/ lha dang / lha ma yin gyi ris dang bcas pa/ tshangs pa dang bcas pa/ gtsang ma'i gnas dang bcas pa 'di zil gyis mnan te bzhugs na/ 'od dang sku mdog dang / gzi brjid dang / dpal gyis mdzes shing / lham me/ lhan ne/ lhang nge'o/ /ji ltar bcom ldan 'das kyis stong gsum gyi stong chen po'i 'jig rten gyi khams 'di zil gyis mnan te/ 'od dang / sku mdog dang / gzi brjid dang / dpal gyis mdzes shing / lham me/ lhan ne/ lhang nger bzhugs pa de bzhin du/ shar phyogs kyi 'jig rten gyi khams gang gA'i klung gi bye ma snyed zil gyi mnan te/ 'od dang / sku mdog dang / gzi brjid dang / dpal gyis mdzes shing / lham me/ lhan ne/ lhang nger bzhugs so/ /de bzhin du lho dang nub dang byang dang byang shar dang shar lho dang lho nub dang nub byang gi phyogs</font><hr>30.6b<br><font size=+1>

mtshams dang 'og dang steng gi phyogs kyi phyogs re re zhing 'jig rten gyi khams gang gA'i klung gi bye ma snyed zil gyis mnan te/ 'od dang / sku mdog dang / gzi brjid dang / dpal gyis mdzes shing / lham me/ lhan ne/ lhang nger bzhugs so/ /'di lta ste dper na/ ri'i rgyal po ri rab ri nag po gzhan thams cad zil gyis non par gnas pa ni mdzes shing lham me/ lhan ne/ lhang nge'o/ /'di lta ste dper na/ zla ba'i dkyil 'khor skar ma'i gzugs thams cad zil gyis non par gnas pa ni mdzes shing lham me/ lhan ne/ lhang nge'o/ /'di lta ste dper na/ nyi ma'i dkyil 'khor 'od gzhan thams cad zil gyis non par gnas pa ni mdzes shing / lham me/ lhan ne/ lhang nge'o/ /de bzhin du bcom ldan 'das phyogs bcu'i 'jig rten lha dang bcas pa/ dbang po dang bcas pa/ tshangs pa dang bcas pa/ gtsang ma'i gnas dang bcas pa/ zil gyis non par bzhugs pa yang 'od dang / sku mdog dang / gzi brjid dang dpal gyis mdzes shing / lham me/ lhan ne/ lhang nge'o/ /de nas yang bcom ldan 'das kyis stong gsum gyi stong chen po'i 'jig rten gyi khams 'dir/ bcom ldan 'das kyis rang bzhin gyi sku ci 'dra ba de bzhin du bstan to/ /de nas stong gsum gyi stong chen po'i 'jig rten gyi khams 'di'i gtsang ma'i gnas kyi lha'i ris dang / kun snang dang ba dang / tshangs ris dang / gzhan 'phrul dbang byed dang / 'phrul dga' dang / dga' ldan dang / mtshe ma dang / sum bcu rtsa gsum dang / rgyal chen bzhi'i ris kyi lha gang ji snyed pa de thams cad kyis/ de bzhin gshegs pa dgra bcom pa yang dag par rdzogs pa'i sangs rgyas gdan seng ge'i khri la bzhugs pa mthong nas/ dga' zhing spro ba dang / yid bde zhing rab tu dga' la nyams bde ba dang yid bde ba skyes nas/ lha rdzas kyi me tog dang / phreng ba dang / spos dang / byug pa dang / phye ma dang / lha rdzas kyi byug spos dang / lha rdzas kyi ud pa la dang / pad mo dang / ku mu da dang / pun da ri ka dang / </font><hr>30.7a<br><font size=+1>

na li na dang / sau gan d+hi dang / lha rdzas kyi me tog ge sar dang / ta ma la'i lo ma dang / lha rdzas kyi na bza' dang / rgyan dang / gdugs dang / rgyal mtshan dang / lha rdzas kyi ba dan mang po thogs nas/ bcom ldan 'das gang na ba der song ste phyin nas/ me tog dang / phreng ba dang / spos dang / byug pa dang / phye ma dang / byug spos dang / ud pa la dang / pad mo dang / ku mu da dang / pun da ri ka dang / na li na dang / sau gan d+hi dang / me tog ge sar dang / ta ma la'i lo ma dang / lha rdzas kyi na bza' dang / rgyan dang / gdugs dang / rgyal mtshan dang / lha'i ba dan dag gis bcom ldan 'das la gtor to/ /mngon par gtor to/ /mngon par rab tu gtor to/ /stong gsum gyi stong chen po'i 'jig rten gyi khams 'di na 'dul ba dang / snod du gyur pa'i mi ji snyed cig yod pa de dag kyang me tog chu las skyes pa dang / thang las skyes pa mang po khyer nas/ bcom ldan 'das gang na ba der dong ste phyin nas/ bcom ldan 'das la mchod pa byed par gyur to/ /me tog dang / phreng ba dang / spos dang / byug pa dang / phye ma la sogs pa dang / na bza' dang / rgyan dang / gdugs dang / rgyal mtshan dang / ba dan de dag thams cad kyang de ma thag tu/ bcom ldan 'das kyis byin gyis brlabs kyis/ bcom ldan 'das kyi dbu'i steng gi nam mkha' la me tog la sogs pa'i khang pa brtsegs pa/ stong gsum gyi stong chen po'i 'jig rten gyi khams tsam du reng nge gnas par gyur to/ /khang pa brtsegs pa de las kyang lha rdzas kyi me tog dang / dar gyi lda ldi mang po 'phyang bar gyur to/ /mngon par 'phyang bar gyur to/ /rab tu 'phyang bar gyur to/ /me tog dang / dar gyi lda ldi de dag gis stong gsum gyi stong chen po'i 'jig rten gyi khams 'di shin du mdzes par gyur to/ /bcom ldan 'das kyi 'od snang ba gser gyi kha dog lta bu des kyang shin du mdzes shing / lham me/ lhan ne/ lhang nger gyur to/ /stong gsum gyi stong chen po'i 'jig rten gyi khams 'dir ji lta ba de bzhin du/ shar</font><hr>30.7b<br><font size=+1>

phyogs kyi 'jig rten gyi khams gang gA'i klung gi bye ma snyed kyang / bcom ldan 'das kyi 'od snang ba des khyab cing gsal bar gyur to/ /lho dang nub dang byang dang byang shar dang shar lho dang lho nub dang nub byang gi phyogs mtshams dang 'og dang steng gi phyogs kyi phyogs re re zhing 'jig rten gyi khams gang gA'i klung gi bye ma snyed kyang / bcom ldan 'das kyi 'od snang ba des khyab cing gsal bar gyur to/ /de la 'dzam bu'i gling gi mi rnams kyis de bzhin gshegs pa'i sku blta bas chog mi shes pa mthong nas/ 'di snyam du sems par gyur te/ de bzhin gshegs pa bdag cag gi mdun na bzhugs shing chos ston to snyam mo/ /'dzam bu'i gling gi mi rnams ji ltar sems pa de bzhin du/ nub kyi ba glang spyod dang / shar gyi lus 'phags po dang / byang gi sgra mi snyan dang / rgyal chen bzhi'i ris kyi lha rnams dang / 'og min gyi lha rnams kyi bar dang / de bzhin du stong gi 'jig rten gyi khams dang / stong gnyis kyi 'jig rten gyi khams dang / stong gsum gyi stong chen po'i 'jig rten gyi khams kyi mi thams cad dang lha thams cad kyis/ de bzhin gshegs pa'i sku blta bas chog mi shes pa mthong nas 'di snyam du sems par gyur te/ de bzhin gshegs pa bdag cag gi mdun na bzhugs shing chos ston to snyam mo/ /de nas yang bcom ldan 'das kyis gdan seng ge'i khri de la bzhugs bzhin du/ 'od rab tu dgye ba mdzad de/ yang 'od des stong gsum gyi stong chen po'i 'jig rten gyi khams 'di rab tu snang bar gyur to/ /shar phyogs dang lho dang nub dang byang dang byang shar dang shar lho dang lho nub dang nub byang gi phyogs mtshams dang 'og dang steng gi phyogs kyi phyogs re re zhing 'jig rten gyi khams gang gA'i klung gi bye ma snyed rab tu snang bar gyur to/ /'od des stong gsum gyi stong chen po'i 'jig rten gyi khams 'di na sems can gang ji snyed cig yod pa de dag thams cad kyis/ shar phyogs kyi 'jig rten gyi khams gang gA'i klung gi bye ma snyed kyi de bzhin gshegs pa dgra bcom pa yang dag par rdzogs pa'i</font><hr>30.8a<br><font size=+1>

sangs rgyas nyan thos kyi dge 'dun dang bcas pa/ byang chub sems dpa'i 'khor dang bcas pa mang po mthong bar gyur to/ /shar phyogs kyi 'jig rten gyi khams gang gA'i klung gi bye ma snyed po de dag na/ sems can gang ji snyed 'khod pa de dag gis kyang / stong gsum gyi stong chen po'i 'jig rten gyi khams 'di na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa dge slong gi dge 'dun dang bcas pa byang chub sems dpa'i 'khor dang thabs gcig tu bzhugs pa mthong bar gyur to/ /de bzhin du lho dang nub dang byang dang byang shar dang shar lho dang lho nub dang nub byang gi phyogs mtshams dang 'og dang steng gi phyogs kyi phyogs re re zhing 'jig rten gyi khams gang gA'i klung gi bye ma snyed po de dag na/ sems can gang ji snyed 'khod pa de dag gis kyang stong gsum gyi stong chen po'i 'jig rten gyi khams 'di na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa dge slong gi dge 'dun dang bcas pa/ byang chub sems dpa'i 'khor dang thabs gcig tu bzhugs pa mthong bar gyur to/ /de nas shar phyogs logs su 'jig rten gyi khams gang gA'i klung gi bye ma snyed 'das pa kun gyi pha rol na/ 'jig rten gyi khams rin chen yod pa zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas rin chen 'byung gnas shes bya ba bzhugs shing 'tsho skyong ste/ de byang chub sems dpa' sems dpa' chen po rnams la shes rab kyi pha rol du phyin pa 'di nyid yang dag par ston pa mdzad do/ /de nas 'jig rten gyi khams de na byang chub sems dpa' sems dpa' chen po 'od zer kun nas 'byung ba zhes bya ba 'dug 'dug pas/ snang ba chen po de dang / sa cher g.yos pa de dang / de bzhin gshegs pa'i sku blta na chog mi shes pa de mthong nas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen 'byung gnas</font><hr>30.8b<br><font size=+1>

gang na ba der song ste phyin nas/ bcom ldan 'das de bzhin gshegs pa rin chen 'byung gnas de la 'di skad ces gsol to/ /bcom ldan 'das 'od chen po 'di lta bu 'jig rten du byung ba dang / dog sa 'di ltar cher g.yos pa dang / de bzhin gshegs pa'i sku 'di lta bu gda' ba 'di ci'i rgyu ci'i rkyen/ de skad ces gsol pa dang / bcom ldan 'das de bzhin gshegs pa rin chen 'byung gnas kyis/ byang chub sems dpa' sems dpa' chen po 'od zer kun nas 'byung ba la 'di skad ces bka' stsal to/ /rigs kyi bu 'di nas nub phyogs logs su 'jig rten gyi khams gang gA'i klung gi bye ma snyed 'das pa na/ 'jig rten gyi khams mi mjed ces bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba bzhugs shing 'tsho skyong ngo / /de byang chub sems dpa' sems dpa' chen po rnams la shes rab kyi pha rol du phyin pa ston te/ 'di ni de'i mthu yin te de 'dra'o/ /de nas byang chub sems dpa' sems dpa' chen po 'od zer kun nas 'byung bas/ bcom ldan 'das de bzhin gshegs pa rin chen 'byung gnas la 'di skad ces gsol to/ /bcom ldan 'das bdag kyang 'jig rten gyi khams mi mjed der/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de blta ba dang / de la phyag bgyi zhing bsnyen bkur ba dang / byang chub sems dpa' sems dpa' chen po de dag kun kyang phal cher gzhon nur gyur pa/ gzungs dang so so yang dag par rig pa bsgrub pa rab tu thob pa/ ting nge 'dzin dang snyoms par 'jug pa thams cad la dbang rab tu thob pa de dag blta ba'i slad du mchi'o/ /bcom ldan 'das de bzhin gshegs pa rin chen 'byung gnas kyis bka' stsal pa/ rigs kyi bu de ltar de'i dus la bab par shes na song shig /de nas de bzhin gshegs pa rin chen 'byung gnas kyis byang chub sems dpa' sems dpa' chen po 'od zer kun nas 'byung</font><hr>30.9a<br><font size=+1>

ba la pad mo rin po che sna tshogs kyi rgyu las byung ba/ gser gyi mdog can 'dab ma stong dang ldan pa stong bskur te/ rigs kyi bu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de la/ bcom ldan 'das snyun mi mnga' 'am/ gnod pa ma mchis sam/ zo mdog bde 'am/ sku nyams dang ldan nam/ bde ba dang dgyes par spyod dam zhes 'dri ste/ pad mo gser gyi mdog can 'dab ma stong dang ldan pa 'di dag kyang / bcom ldan 'das de bzhin gshegs pa rin chen 'byung gnas kyis/ bcom ldan 'das la mchod pa'i slad du bskur ro zhes kyang gyis la pad mo 'di dag gis gtor cig /rigs kyi bu sangs rgyas kyi zhing der bag yod par spyod cig /de ci'i phyir zhe na/ 'jig rten gyi khams der skyes pa'i byang chub sems dpa' sems dpa' chen po de dag ni mgu bar dka' ba yin gyis/ der nyams par gyur ta re/ de nas byang chub sems dpa' sems dpa' chen po 'od zer kun nas 'byung bas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen 'byung gnas de las/ pad mo gser gyi mdog can 'dab ma stong dang ldan pa de dag blangs te/ byang chub sems dpa' khyim pa dang / rab tu byung ba dang / khye'u dang bu mo'i gzugs su 'dug pa bye ba khrag khrig brgya stong du ma dang 'grogs te/ sangs rgyas kyi zhing de nas mi snang bar gyur nas/ shar phyogs kyi sangs rgyas bcom ldan 'das gang ji snyed bzhugs shing 'tsho skyong ba de dag thams cad la/ me tog dang spos dang bdug spos dang phreng ba dang byug pa dang phye ma dang na bza' dang rgyan dang gdugs dang rgyal mtshan dang ba dan dag gis rim gror bya ba dang / bkur stir bya ba dang / bsti stang du bya ba dang / mchod pa byed cing / byang chub sems dpa'i rdzu 'phrul chen po dang / byang chub sems dpa'i mthu chen pos/ bcom ldan 'das de bzhin gshegs pa dgra bcom pa yang</font><hr>30.9b<br><font size=+1>

dag par rdzogs pa'i sangs rgyas shAkya thub pa gang na ba der dong ste phyin nas/ bcom ldan 'das kyi zhabs gnyis la spyi bos phyag 'tshal te phyogs gcig tu 'khod do/ /phyogs gcig tu 'khod nas/ byang chub sems dpa' sems dpa' chen po 'od zer kun nas 'byung bas/ bcom ldan 'das la 'di skad ces gsol to/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen 'byung gnas/ bcom ldan 'das la snyun mi mnga' 'am/ gnod pa ma mchis sam/ zo mdog bde 'am/ sku nyams dang ldan nam/ bde ba dang dgyes par spyod dam zhes 'dri ste/ pad mo gser gyi mdog can 'dab ma stong dang ldan pa 'di dag kyang / bcom ldan 'das de bzhin gshegs pa rin chen 'byung gnas kyis/ bcom ldan 'das la mchod pa'i slad du bskur ro/ /de nas bcom ldan 'das de bzhin gshegs pa shAkya thub pas pad mo de dag bzhes nas/ shar phyogs kyi 'jig rten gyi khams gang gA'i klung gi bye ma snyed po de dag gi de bzhin gshegs pa dgra bcom pa yang dag par rdzogs pa'i sangs rgyas de dag gang na ba der gtor to/ /de nas pad mo de dag gis 'jig rten gyi khams de dag thams cad rgyas par khyab par gyur to/ /pad mo de dag la de bzhin gshegs pa'i sku mang po bzhugs shing / 'di ltar pha rol du phyin pa drug po 'di nyid las brtsams te chos ston to/ /chos bstan pa de sems can gang gis thos par gyur pa de dag thams cad bla na med pa yang dag par rdzogs pa'i byang chub tu nges par gyur to/ /byang chub sems dpa' khyim pa dang / rab tu byung ba dang / khye'u dang bu mo'i gzugs su 'dug pa de dag gis kyang / rang rang gi dge ba'i rtsa bas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa la rim gror byas so/ /bkur stir byas so/ /sti stang du byas so/ /mchod pa byas nas phyogs gcig tu 'khod do/ /de nas lho phyogs logs su 'jig</font><hr>30.10a<br><font size=+1>

rten gyi khams gang gA'i klung gi bye ma snyed 'das pa kun gyi pha rol na/ 'jig rten gyi khams mya ngan med pa zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas mya ngan med pa'i dpal zhes bya ba bzhugs shing 'tsho skyong ste/ da byang chub sems dpa' sems dpa' chen po rnams la shes rab kyi pha rol tu phyin pa 'di nyid yang dag par ston pa mdzad do/ /de nas 'jig rten gyi khams de na byang chub sems dpa' sems dpa' chen po mya ngan med pa zhes bya ba 'dug 'dug pas/ snang ba chen po de dang / sa cher g.yos pa de dang / de bzhin gshegs pa'i sku blta na chog mi shes pa de mthong nas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mya ngan med pa'i dpal gang na ba der song ste phyin nas/ bcom ldan 'das de bzhin gshegs pa mya ngan med pa'i dpal de la 'di skad ces gsol to/ /bcom ldan 'das 'od chen po 'di lta bu 'jig rten du byung ba dang / dog sa 'di ltar cher g.yos pa dang / de bzhin gshegs pa'i sku 'di lta bu gda' ba 'di ci'i rgyu ci'i rkyen/ de skad ces gsol pa dang / bcom ldan 'das de bzhin gshegs pa mya ngan med pa'i dpal gyis/ byang chub sems dpa' sems dpa' chen po mya ngan med pa la 'di skad ces bka' stsal to/ /rigs kyi bu 'di nas byang phyogs su 'jig rten gyi khams gang gA'i klung gi bye ma snyed 'das pa na/ 'jig rten gyi khams mi mjed ces bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba bzhugs shing 'tsho skyong ngo / /de byang chub sems dpa' sems dpa' chen po rnams la shes rab kyi pha rol du phyin pa ston te/ 'di ni de'i mthu yin te de 'dra'o/ /de nas byang chub sems dpa' sems dpa' chen po mya ngan med pas bcom ldan 'das de bzhin gshegs pa mya ngan med pa'i dpal la</font><hr>30.10b<br><font size=+1>

'di skad ces gsol to/ /bcom ldan 'das bdag kyang 'jig rten gyi khams mi mjed der/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de blta ba dang / de la phyag bgyi zhing bsnyen bkur ba dang / byang chub sems dpa' sems dpa' chen po de dag kun kyang phal cher gzhon nur gyur pa/ gzungs dang so so yang dag par rig pa bsgrub pa thob pa/ ting nge 'dzin dang snyoms par 'jug pa thams cad la dbang rab tu thob pa de dag blta ba'i slad du mchi'o/ /bcom ldan 'das de bzhin gshegs pa mya ngan med pa'i dpal gyis bka' stsal pa/ rigs kyi bu de ltar de'i dus la bab par shes na song shig /de nas de bzhin gshegs pa mya ngan med pa'i dpal gyis/ byang chub sems dpa' sems dpa' chen po mya ngan med pa la pad mo rin po che sna tshogs kyi rgyu las byung ba/ gser gyi mdog can 'dab ma stong dang ldan pa stong bskur te/ rigs kyi bu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de la/ bcom ldan 'das snyun mi mnga' 'am/ gnod pa ma mchis sam/ zo mdog bde 'am/ sku nyams dang ldan nam/ bde ba dang dgyes par spyod dam zhes 'dri ste/ pad mo gser gyi mdog can 'dab ma stong dang ldan pa 'di dag kyang / bcom ldan 'das de bzhin gshegs pa mya ngan med pa'i dpal gyis/ bcom ldan 'das la mchod pa'i slad du bskur ro zhes gyis la/ pad mo 'di dag gis gtor cig /rigs kyi bu sangs rgyas kyi zhing der bag yod par spyod cig /de ci'i phyir zhe na/ 'jig rten gyi khams der skyes pa'i byang chub sems dpa' sems dpa' chen po de dag ni mgu bar dka' ba yin gyis/ der nyams par gyur ta re/ de nas byang chub sems dpa' sems dpa' chen po mya ngan med pas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas</font><hr>30.11a<br><font size=+1>

mya ngan med pa'i dpal de las/ pad mo gser gyi mdog can 'dab ma stong dang ldan pa de dag blangs te/ byang chub sems dpa' khyim pa dang / rab tu byung ba dang / khye'u dang bu mo'i gzugs su 'dug pa bye ba khrag khrig brgya stong du ma dang 'grogs te/ sangs rgyas kyi zhing de nas mi snang bar gyur nas/ lho phyogs kyi sangs rgyas bcom ldan 'das gang ji snyed bzhugs shing 'tsho skyong ba de dag thams cad la/ me tog dang spos dang bdug spos dang phreng ba dang byug pa dang phye ma dang na bza' dang rgyan dang gdugs dang rgyal mtshan dang ba dan dag gis rim gror bya ba dang bkur stir bya ba dang / sti stang du bya ba dang mchod pa byed cing byang chub sems dpa'i rdzu 'phrul chen po dang byang chub sems dpa'i mthu chen pos/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa gang na ba der dong ste phyin nas/ bcom ldan 'das kyi zhabs gnyis la spyi bos phyag 'tshal te/ phyogs gcig tu 'khod do/ /phyogs gcig tu 'khod nas byang chub sems dpa' sems dpa' chen po mya ngan med pas/ bcom ldan 'das la 'di skad ces gsol to/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mya ngan med pa'i dpal/ bcom ldan 'das la snyun mi mnga' 'am/ gnod pa ma mchis sam/ zo mdog bde 'am/ sku nyams dang ldan nam/ bde ba dang dgyes par spyod dam zhes 'dri ste/ pad mo gser gyi mdog can 'dab ma stong dang ldan pa 'di dag kyang / bcom ldan 'das de bzhin gshegs pa mya ngan med pa'i dpal gyis/ bcom ldan 'das la mchod pa'i slad du bskur ro/ /de nas bcom ldan 'das de bzhin gshegs pa shAkya thub pas pad mo de dag bzhes nas/ lho phyogs kyi 'jig rten gyi khams gang gA'i klung gi bye ma snyed po de dag gi sangs rgyas bcom ldan 'das gang na ba der gtor to/ /de nas pad mo de dag gis 'jig rten gyi khams de dag thams cad rgyas par khyab par gyur te/ </font><hr>30.11b<br><font size=+1>

pad mo de dag la de bzhin gshegs pa'i sku mang po bzhugs shing / 'di ltar pha rol du phyin pa drug po 'di nyid las brtsams te chos ston to/ /chos bstan pa de sems can gang gis thos par gyur pa de dag thams cad kyang / bla na med pa yang dag par rdzogs pa'i byang chub tu nges par gyur to/ /byang chub sems dpa' khyim pa dang / rab tu byung ba dang / khye'u dang bu mo'i gzugs su 'dug pa de dag gis kyang rang rang gi dge ba'i rtsa bas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa la rim gror byas so/ /bkur stir byas so/ /sti stang du byas so/ /mchod pa byas nas phyogs gcig tu 'khod do/ /de nas nub phyogs logs su 'jig rten gyi khams gang gA'i klung gi bye ma snyed 'das pa kun gyi pha rol na/ 'jig rten gyi khams nye bar zhi ba zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas rin chen 'od 'phro zhes bya ba bzhugs shing 'tsho skyong ste/ de byang chub sems dpa' sems dpa' chen po rnams la shes rab kyi pha rol du phyin pa 'di nyid yang dag par ston pa mdzad do/ /de nas 'jig rten gyi khams de na byang chub sems dpa' sems dpa' chen po spyod pa'i blo gros zhes bya ba 'dug 'dug pas/ snang ba chen po de dang / sa cher g.yos pa de dang / de bzhin gshegs pa'i sku blta na chog mi shes pa de mthong nas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen 'od 'phro gang na ba der song ste phyin nas/ bcom ldan 'das de bzhin gshegs pa rin chen 'od 'phro de la 'di skad ces gsol to/ /bcom ldan 'das 'od chen po 'di lta bu 'jig rten du byung ba dang / dog sa 'di ltar cher g.yos pa dang / de bzhin gshegs pa'i sku 'di lta bu gda' ba 'di ci'i rgyu ci'i rkyen/ de skad ces gsol pa dang / bcom ldan 'das rin chen 'od 'phros/ byang chub sems dpa' sems dpa' chen po spyod pa'i blo gros la 'di skad ces bka' stsal to/ /rigs</font><hr>30.12a<br><font size=+1>

kyi bu 'di nas shar phyogs logs su 'jig rten gyi khams gang gA'i klung gi bye ma snyed 'das pa na/ 'jig rten gyis khams mi mjed ces bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba bzhugs shing 'tsho skyong ngo / /de byang chub sems dpa' sems dpa' chen po rnams la shes rab kyi pha rol tu phyin pa ston te/ 'di ni de'i mthu yin te de 'dra'o/ /de nas byang chub sems dpa' sems dpa' chen po spyod pa'i blo gros kyis/ bcom ldan 'das de bzhin gshegs pa rin chen 'od 'phro la 'di skad ces gsol to/ /bcom ldan 'das bdag kyang 'jig rten gyi khams mi mjed der/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de blta ba dang / de la phyag bgyi zhing bsnyen bkur ba dang / byang chub sems dpa' sems dpa' chen po de dag kun kyang phal cher gzhon nur gyur pa/ gzungs dang so so yang dag par rig pa bsgrub pa rab tu thob pa/ ting nge 'dzin dang snyoms par 'jug pa thams cad la dbang rab tu thob pa de dag blta ba'i slad du mchi'o/ /bcom ldan 'das de bzhin gshegs pa rin chen 'od 'phros bka' stsal pa/ rigs kyi bu de ltar de'i dus la bab par shes na song shig /de nas de bzhin gshegs pa rin chen 'od 'phros/ byang chub sems dpa' sems dpa' chen po spyod pa'i blo gros la/ pad mo rin po che sna tshogs kyi rgyu las byung ba/ gser gyi mdog can 'dab ma stong dang ldan pa stong bskur te/ rigs kyi bu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de la/ bcom ldan 'das snyun mi mnga' 'am/ gnod pa ma mchis sam/ zo mdog bde 'am/ sku nyams dang ldan nam/ bde ba dang dgyes par spyod dam zhes 'dri ste/ pad mo gser gyi mdog can 'dab ma stong dang ldan pa 'di dag kyang / bcom ldan 'das de bzhin</font><hr>30.12b<br><font size=+1>

gshegs pa rin chen 'od 'phros/ bcom ldan 'das la mchod pa'i slad du bskur ro zhes kyang gyis la/ pad mo 'di dag gis gtor cig /rigs kyi bu sangs rgyas kyi zhing der bag yod par spyod cig /de ci'i phyir zhe na/ 'jig rten gyi khams der skyes pa'i byang chub sems dpa' sems dpa' chen po de dag ni mgu bar dka' ba yin gyis/ der nyams par gyur ta re/ de nas byang chub sems dpa' sems dpa' chen po spyod pa'i blo gros kyis/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen 'od 'phro de las/ pad mo gser gyi mdog can 'dab ma stong dang ldan pa de dag blangs te/ byang chub sems dpa' khyim pa dang / rab tu byung ba dang / khye'u dang bu mo'i gzugs su 'dug pa bye ba khrag khrig brgya stong du ma dang 'grogs te/ sangs rgyas kyi zhing de nas mi snang bar gyur nas/ nub phyogs kyis sangs rgyas bcom ldan 'das gang ji snyed bzhugs shing 'tsho skyong ba de dag thams cad la me tog dang spos dang bdug spos dang phreng ba dang byug pa dang / phye ma dang na bza' dang rgyan dang gdugs dang rgyal mtshan dang ba dan dag gis rim gror bya ba dang bkur stir bya ba dang sti stang du bya ba dang / mchod pa byed cing / byang chub sems dpa'i rdzu 'phrul chen po dang byang chub sems dpa'i mthu chen pos/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa gang na ba der dong ste phyin nas/ bcom ldan 'das kyi zhabs gnyis la spyi bos phyag 'tshal te/ phyogs gcig tu 'khod do/ /phyogs gcig tu 'khod nas/ byang chub sems dpa' sems dpa' chen po spyod pa'i blo gros kyis/ bcom ldan 'das shAkya thub pa la 'di skad ces gsol to/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen 'od 'phro bcom ldan 'das la snyun mi mnga' 'am/ gnod pa ma mchis sam/ </font><hr>30.13a<br><font size=+1>

zo mdog bde 'am/ sku nyams dang ldan nam/ bde ba dang dgyes par spyod dam zhes 'dri ste/ pad mo gser gyi mdog can 'dab ma stong dang ldan pa 'di dag kyang / bcom ldan 'das de bzhin gshegs pa rin chen 'od 'phros/ bcom ldan 'das la mchod pa'i slad du bskur ro/ /de nas bcom ldan 'das de bzhin gshegs pa shAkya thub pas pad mo de dag bzhes nas/ nub phyogs kyi 'jig rten gyi khams gang gA'i klung gi bye ma snyed po de dag gi/[ ]de bzhin gshegs pa dgra bcom pa yang dag par rdzogs pa'i sangs rgyas de dag gang na ba der gtor to/ /de nas pad mo de dag gis 'jig rten gyi khams de dag thams cad rgyas par khyab par gyur to/ /pad mo de dag la de bzhin gshegs pa'i sku mang po bzhugs shing / 'di ltar pha rol du phyin pa drug po 'di nyid las brtsams te chos ston to/ /chos bstan pa de sems can gang gis thos par gyur pa de dag thams cad kyang / bla na med pa yang dag par rdzogs pa'i byang chub tu nges par gyur to/ /byang chub sems dpa' khyim pa dang rab tu byung ba dang / khye'u dang bu mo'i gzugs su 'dug pa de dag gis kyang rang rang gi dge ba'i rtsa bas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa la rim gror byas so/ /bkur stir byas so/ /sti stang du byas so/ /mchod pa byas nas phyogs gcig tu 'khod do/ /de nas byang phyogs logs su 'jig rten gyi khams gang gA'i klung gi bye ma snyed 'das pa kun gyi pha rol na/ 'jig rten gyi khams rgyal ba zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas rgyal ba'i dbang po zhes bya ba bzhugs shing 'tsho skyong ste/ de byang chub sems dpa' sems dpa' chen po rnams la shes rab kyi pha rol du phyin pa 'di nyid yang dag par ston pa mdzad do/ /de nas 'jig rten gyi khams de na byang chub sems dpa' sems dpa' chen po rgyal bas byin zhes bya ba 'dug 'dug pas/ </font><hr>30.13b<br><font size=+1>

snang ba chen po de dang / sa cher g.yos pa de dang / de bzhin gshegs pa'i sku blta na chog mi shes pa de mthong nas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rgyal ba'i dbang po gang na ba der song ste phyin nas/ bcom ldan 'das de bzhin gshegs pa rgyal ba'i dbang po de la 'di skad ces gsol to/ /bcom ldan 'das 'od chen po 'di lta bu 'jig rten du byung ba dang / dog sa 'di ltar cher g.yos pa dang / de bzhin gshegs pa'i sku 'di lta bu gda' ba 'di ci'i rgyu ci'i rkyen/ de skad ces gsol pa dang / bcom ldan 'das de bzhin gshegs pa rgyal ba'i dbang pos/ byang chub sems dpa' sems dpa' chen po rgyal bas byin la 'di skad ces bka' stsal to/ /rigs kyi bu 'di nas lho phyogs logs su 'jig rten gyi khams gang gA'i klung gi bye ma snyed 'das pa na/ 'jig rten gyi khams mi mjed ces bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba bzhugs shing 'tsho skyong ngo / /de byang chub sems dpa' sems dpa' chen po rnams la shes rab kyi pha rol tu phyin pa ston te/ 'di ni de'i mthu yin te de 'dra'o/ /de nas byang chub sems dpa' sems dpa' chen po rgyal bas byin gyis/ bcom ldan 'das de bzhin gshegs pa rgyal ba'i dbang po la 'di skad ces gsol to/ /bcom ldan 'das bdag kyang 'jig rten gyi khams mi mjed der/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de blta ba dang de la phyag bgyi zhing bsnyen bkur ba dang / byang chub sems dpa' sems dpa' chen po de dag kun kyang phal cher gzhon nur gyur pa/ gzungs dang so so yang dag par rig pa bsgrub pa rab tu thob pa/ ting nge 'dzin dang snyoms par 'jug pa thams cad la dbang rab tu thob pa de dag blta ba'i slad du mchi'o/ /bcom ldan 'das de bzhin gshegs pa rgyal ba'i dbang pos bka' stsal pa/ rigs kyi bu de ltar de'i dus la</font><hr>30.14a<br><font size=+1>

bab par shes na song shig /de nas de bzhin gshegs pa rgyal ba'i dbang pos/ byang chub sems dpa' sems dpa' chen po rgyal bas byin la/ pad mo rin po che sna tshogs kyi rgyu las byung ba/ gser gyi mdog can 'dab ma stong dang ldan pa stong bskur te/ rigs kyi bu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de la/ bcom ldan 'das snyun mi mnga' 'am/ gnod pa ma mchis sam/ zo mdog bde 'am/ sku nyams dang ldan nam/ bde ba dang dgyes par spyod dam zhes 'dri ste/ pad mo gser gyi mdog can 'dab ma stong dang ldan pa 'di dag kyang / bcom ldan 'das de bzhin gshegs pa rgyal ba'i dbang pos/ bcom ldan 'das la mchod pa'i slad du bskur ro zhes kyang gyis la/ pad mo 'di dag gis gtor cig /rigs kyi bu sangs rgyas kyi zhing der bag yod par spyod cig /de ci'i phyir zhe na/ 'jig rten gyi khams der skyes pa'i byang chub sems dpa' sems dpa' chen po de dag ni mgu bar dka' ba yin gyis/ der nyams par gyur ta re/ de nas byang chub sems dpa' sems dpa' chen po rgyal bas byin gyis/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rgyal ba'i dbang po de las/ pad mo gser gyi mdog can 'dab ma stong dang ldan pa de dag blangs te/ byang chub sems dpa' khyim pa dang rab tu byung ba dang khye'u dang bu mo'i gzugs su 'dug pa bye ba khrag khrig brgya stong du ma dang 'grogs te/ sangs rgyas kyi zhing de nas mi snang bar gyur nas/ byang phyogs kyi sangs rgyas bcom ldan 'das gang ji snyed bzhugs shing 'tsho skyong ba de dag thams cad la me tog dang spos dang bdug spos dang phreng ba dang byug pa dang phye ma dang na bza' dang rgyan dang gdugs dang rgyal mtshan dang ba dan dag gis rim gror bya ba dang / bkur stir bya ba dang sti stang du bya ba dang mchod pa byed cing / byang chub sems dpa'i rdzu 'phrul chen po dang / </font><hr>30.14b<br><font size=+1>

byang chub sems dpa'i mthu chen pos/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa gang na ba der dong ste phyin nas/ bcom ldan 'das kyi zhabs gnyis la spyi bos phyag 'tshal te/ phyogs gcig tu 'khod do/ /phyogs gcig tu 'khod nas/ byang chub sems dpa' sems dpa' chen po rgyal bas byin gyis/ bcom ldan 'das shAkya thub pa la 'di skad ces gsol to/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rgyal ba'i dbang pos/ bcom ldan 'das la snyun mi mnga' 'am/ gnod pa ma mchis sam/ zo mdog bde 'am/ sku nyams dang ldan nam/ bde ba dang dgyes par spyod dam zhes 'dri ste/ pad mo gser gyi mdog can 'dab ma stong dang ldan pa 'di dag kyang / bcom ldan 'das de bzhin gshegs pa rgyal ba'i dbang pos/ bcom ldan 'das la mchod pa'i slad du bskur ro/ /de nas bcom ldan 'das de bzhin gshegs pa shAkya thub pas pad mo de dag bzhes nas/ byang phyogs kyi 'jig rten gyi khams gang gA'i klung gi bye ma snyed po de dag gi sangs rgyas bcom ldan 'das gang na ba der gtor to/ /de nas pad mo de dag gis 'jig rten gyi khams de dag thams cad rgyas par khyab par gyur te/ pad mo de dag la de bzhin gshegs pa'i sku mang po bzhugs shing / 'di ltar pha rol du phyin pa drug po 'di nyid las brtsams te chos ston to/ /chos bstan pa de sems can gang gis thos par gyur pa de dag thams cad kyang / bla na med pa yang dag par rdzogs pa'i byang chub tu nges par gyur to/ /byang chub sems dpa' khyim pa dang rab tu byung ba dang khye'u dang bu mo'i gzugs su 'dug pa de dag gis kyang / rang rang gi dge ba'i rtsa bas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa la rim gror byas so/ /bkur stir byas so/ /bsti stang du</font><hr>30.15a<br><font size=+1>

byas so/ /mchod pa byas nas phyogs gcig tu 'khod do/ /de nas byang shar gyi phyogs mtshams su 'jig rten gyi khams gang gA'i klung gi bye ma snyed 'das pa kun gyi pha rol na/ 'jig rten gyi khams ting nge 'dzin gyis brgyan pa zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas ting nge 'dzin gyi glang po dam pa'i dpal zhes bya ba bzhugs shing 'tsho skyong ste/ de byang chub sems dpa' sems dpa' chen po rnams la shes rab kyi pha rol tu phyin pa 'di nyid yang dag par ston pa mdzad do/ /de nas 'jig rten gyi khams de na byang chub sems dpa' sems dpa' chen po rnam par rgyal bas rnam par gnon pa zhes bya ba 'dug 'dug pas/ snang ba chen po de dang / sa cher g.yos pa de dang / de bzhin gshegs pa'i sku blta na chog mi shes pa de mthong nas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas ting nge 'dzin gyi glang po dam pa'i dpal gang na ba der song ste phyin nas/ bcom ldan 'das de bzhin gshegs pa ting nge 'dzin gyi glang po dam pa'i dpal de la 'di skad ces gsol to/ /bcom ldan 'das 'od chen po 'di lta bu 'jig rten du byung ba dang / dog sa 'di ltar cher g.yos pa dang / de bzhin gshegs pa'i sku 'di lta bu gda' ba 'di ci'i rgyu ci'i rkyen/ de skad ces gsol pa dang / bcom ldan 'das de bzhin gshegs pa ting nge 'dzin gyi glang po dam pa'i dpal gyis/ byang chub sems dpa' sems dpa' chen po rnam par rgyal bas rnam par gnon pa la 'di skad ces bka' stsal to/ /rigs kyi bu 'di nas lho nub kyi phyogs mtshams logs su 'jig rten gyi khams gang gA'i klung gi bye ma snyed 'das pa na/ 'jig rten gyi khams mi mjed ces bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba bzhugs shing 'tsho skyong ngo / /de byang chub sems dpa' sems</font><hr>30.15b<br><font size=+1>

dpa' chen po rnams la shes rab kyi pha rol tu phyin pa ston te/ 'di ni de'i mthu yin te de 'dra'o/ /de nas byang chub sems dpa' sems dpa' chen po rnam par rgyal bas rnam par gnon pas/ bcom ldan 'das de bzhin gshegs pa ting nge 'dzin gyi glang po dam pa'i dpal la 'di skad ces gsol to/ /bcom ldan 'das bdag kyang 'jig rten gyi khams mi mjed der/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de blta ba dang / de la phyag bgyi zhing bsnyen bkur ba dang / byang chub sems dpa' sems dpa' chen po de dag kun kyang phal cher gzhon nur gyur pa gzungs dang / so so yang dag par rig pa bsgrub pa rab tu thob pa/ ting nge 'dzin dang snyoms par 'jug pa thams cad la dbang rab tu thob pa de dag blta ba'i slad du mchi'o/ /bcom ldan 'das ting nge 'dzin gyi glang po dam pa'i dpal gyis bka' stsal pa/ rigs kyi bu de ltar de'i dus la bab par shes na song shig / // [ ]shes rab kyi pha rol tu phyin pa stong phrag nyi shu lnga pa/ bam po gnyis pa/ de nas de bzhin gshegs pa ting nge 'dzin gyi glang po dam pa'i dpal gyis/ byang chub sems dpa' rnam par rgyal bas rnam par gnon pa la/ pad mo rin po che sna tshogs kyi rgyu las byung ba/ gser gyi mdog can 'dab ma stong dang ldan pa stong bskur te/ rigs kyi bu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de la/ bcom ldan 'das snyun mi mnga' 'am/ gnod pa ma mchis sam/ zo mdog bde 'am/ sku nyams dang ldan nam/ bde ba dang dgyes par spyod dam zhes 'dri ste/ pad mo gser gyi mdog can 'dab ma stong dang ldan pa 'di dag kyang / bcom ldan 'das de bzhin gshegs pa ting nge 'dzin gyi glang po dam pa'i dpal gyis/ bcom ldan 'das la mchod pa'i slad du bskur ro zhes kyang gyis la/ pad mo 'di dag gis gtor cig /rigs kyi bu sangs rgyas kyi zhing de la bag yod par spyod cig /</font><hr>30.16a<br><font size=+1>

de ci'i phyir zhe na/ 'jig rten gyi khams der skyes pa'i byang chub sems dpa' sems dpa' chen po de dag ni mgu bar dka' ba yin gyis der nyams par gyur ta re/ de nas byang chub sems dpa' sems dpa' chen po rnam par rgyal bas rnam par gnon pas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas ting nge 'dzin gyi glang po dam pa'i dpal de las/ pad mo gser gyi mdog can 'dab ma stong dang ldan pa de dag blangs te/ byang chub sems dpa' khyim pa dang rab tu byung ba dang / khye'u dang bu mo'i gzugs su 'dug pa bye ba khrag khrig brgya stong du ma dang 'grogs te/ sangs rgyas kyi zhing de nas mi snang bar gyur nas/ byang shar gyi phyogs mtshams kyi sangs rgyas bcom ldan 'das gang ji snyed bzhugs shing 'tsho skyong ba de dag thams cad la me tog dang / spos dang bdug spos dang phreng ba dang byug pa dang phye ma dang na bza' dang rgyan dang gdugs dang rgyal mtshan dang ba dan dag gis rim gror bya ba dang bkur stir bya ba dang sti stang du bya ba dang mchod pa byed cing / byang chub sems dpa'i rdzu 'phrul chen po dang byang chub sems dpa'i mthu chen pos/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa gang na ba der dong ste phyin nas/ bcom ldan 'das kyi zhabs gnyis la spyi bos phyag 'tshal te/ phyogs gcig tu 'khod do/ /phyogs gcig tu 'khod nas/ byang chub sems dpa' sems dpa' chen po rnam par rgyal bas rnam par gnon pas/ bcom ldan 'das shAkya thub pa la 'di skad ces gsol to/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas ting nge 'dzin gyi glang po dam pa'i dpal/ bcom ldan 'das la snyun mi mnga' 'am/ gnod pa ma mchis sam/ zo mdog bde 'am/ sku nyams dang ldan nam/ bde ba dang dgyes par spyod dam zhes 'dri ste/ pad mo gser gyi mdog can 'dab ma stong dang ldan pa 'di dag</font><hr>30.16b<br><font size=+1>

kyang / bcom ldan 'das de bzhin gshegs pa ting nge 'dzin gyi glang po dam pa'i dpal gyis/ bcom ldan 'das la mchod pa'i slad du bskur ro/ /de nas bcom ldan 'das de bzhin gshegs pa shAkya thub pas pad mo de dag bzhes nas/ byang shar gyi phyogs mtshams kyi 'jig rten gyi khams gang gA'i klung gi bye ma snyed po de dag gi /de bzhin gshegs pa dgra bcom pa yang dag par rdzogs pa'i sangs rgyas de dag gang na ba der gtor to/ /de nas pad mo de dag gis 'jig rten gyi khams de dag thams cad rgyas par khyab par gyur te/ pad mo de dag la de bzhin gshegs pa'i sku mang po bzhugs shing 'di ltar pha rol du phyin pa drug po 'di nyid las brtsams te chos ston to/ /chos bstan pa de sems can gang gis thos par gyur pa de dag thams cad kyang / bla na med pa yang dag par rdzogs pa'i byang chub tu nges par gyur to/ /byang chub sems dpa' khyim pa dang rab tu byung ba dang khye'u dang bu mo'i gzugs su 'dug pa de dag gis kyang rang rang gi dge ba'i rtsa bas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa la rim gror byas so/ /bkur stir byas so/ /sti stang du byas so/ /mchod pa byas nas phyogs gcig tu 'khod do/ /de nas shar lho'i phyogs mtshams kyi 'jig rten gyi khams gang gA'i klung gi bye ma snyed 'das pa kun gyi pha rol na/ 'jig rten gyi khams snying po byang chub kyi rgyan shin tu yid du 'ong ba zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas pad mo dam pa'i dpal zhes bya ba bzhugs shing 'tsho skyong ste/ de byang chub sems dpa' sems dpa' chen po rnams la shes rab kyi pha rol tu phyin pa 'di nyid yang dag par ston pa mdzad do/ /de nas 'jig rten gyi khams de na byang chub sems dpa' sems dpa' chen po lag na pad mo zhes bya ba 'dug 'dug pas/ snang ba chen po de dang sa cher g.yos pa de dang / de bzhin gshegs pa'i sku blta na chog mi shes pa de mthong</font><hr>30.17a<br><font size=+1>

nas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas pad mo dam pa'i dpal gang na ba der song ste phyin nas/ bcom ldan 'das de bzhin gshegs pa pad mo dam pa'i dpal de la 'di skad ces gsol to/ /bcom ldan 'das 'od chen po 'di lta bu 'jig rten du byung ba dang / dog sa 'di ltar cher g.yos pa dang / de bzhin gshegs pa'i sku 'di lta bu gda' ba 'di ci'i rgyu ci'i rkyen/ de skad ces gsol pa dang / bcom ldan 'das de bzhin gshegs pa pad mo dam pa'i dpal gyis/ byang chub sems dpa' sems dpa' chen po lag na pad mo la 'di skad ces bka' stsal to/ /rigs kyi bu 'di nas nub byang gi phyogs mtshams logs su 'jig rten gyi khams gang gA'i klung gi bye ma snyed 'das pa na/ 'jig rten gyi khams mi mjed ces bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba bzhugs shing 'tsho skyong ngo / /de byang chub sems dpa' sems dpa' chen po rnams la shes rab kyi pha rol du phyin pa ston te/ 'di ni de'i mthu yin te de 'dra'o/ /de nas byang chub sems dpa' sems dpa' chen po lag na pad mos/ bcom ldan 'das de bzhin gshegs pa pad mo dam pa'i dpal la 'di skad ces gsol to/ /bcom ldan 'das bdag kyang 'jig rten gyi khams mi mjed der/ bcom ldan 'das shAkya thub pa de blta ba dang / de la phyag bgyi zhing bsnyen bkur ba dang / byang chub sems dpa' sems dpa' chen po de dag kun kyang phal cher gzhon nur gyur pa/ gzungs dang so so yang dag par rig pa bsgrub pa rab tu thob pa/ ting nge 'dzin dang snyoms par 'jug pa thams cad la dbang rab tu thob pa de dag blta ba'i slad du mchi'o/ /bcom ldan 'das pad mo dam pa'i dpal gyis bka' stsal pa/ rigs kyi bu de ltar de'i dus la bab par shes na song shig /de nas de bzhin gshegs pa pad mo dam pa'i dpal gyis/ byang chub sems</font><hr>30.17b<br><font size=+1>

dpa' sems dpa' chen po lag na pad mo la/ pad mo rin po che sna tshogs kyi rgyu las byung ba/ gser gyi mdog can 'dab ma stong dang ldan pa stong bskur te/ rigs kyi bu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de la bcom ldan 'das snyun mi mnga' 'am/ gnod pa ma mchis sam/ zo mdog bde 'am/ sku nyams dang ldan nam/ bde ba dang dgyes par spyod dam zhes 'dri ste/ pad mo gser gyi mdog can 'dab ma stong dang ldan pa 'di dag kyang / bcom ldan 'das de bzhin gshegs pa pad mo dam pa'i dpal gyis/ bcom ldan 'das la mchod pa'i slad du bskur ro zhes kyang gyis la/ pad mo 'di dag gis gtor cig /rigs kyi bu sangs rgyas kyi zhing der bag yod par spyod cig /de ci'i phyir zhe na/ 'jig rten gyi khams der skyes pa'i byang chub sems dpa' sems dpa' chen po de dag ni mgu bar dka' ba yin gyis/ der nyams par gyur ta re/ de nas byang chub sems dpa' sems dpa' chen po lag na pad mos/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas pad mo dam pa'i dpal de las/ pad mo gser gyi mdog can 'dab ma stong dang ldan pa de dag blangs te/ byang chub sems dpa' khyim pa dang / rab tu byung ba dang khye'u dang bu mo'i gzugs su 'dug pa bye ba khrag khrig brgya stong du ma dang 'grogs te/ sangs rgyas kyi zhing de nas mi snang bar gyur nas/ shar lho'i phyogs mtshams kyi sangs rgyas bcom ldan 'das gang ji snyed bzhugs shing 'tsho skyong ba de dag thams cad la me tog dang spos dang bdug spos dang byug pa dang / phye ma dang na bza' dang rgyan dang gdugs dang rgyal mtshan dang ba dan dag gis rim gror bya ba dang bkur stir bya ba dang sti stang du bya ba dang / mchod pa byed cing / byang chub sems dpa'i rdzu 'phrul chen po dang byang chub sems dpa'i mthu chen pos/ bcom ldan 'das de bzhin gshegs pa dgra bcom pa yang dag par rdzogs pa'i sangs</font><hr>30.18a<br><font size=+1>

rgyas shAkya thub pa gang na ba der song ste phyin nas/ bcom ldan 'das kyis zhabs gnyis la spyi bos phyag 'tshal te/ phyogs gcig tu 'khod do/ /phyogs gcig tu 'khod nas/ byang chub sems dpa' sems dpa' chen po lag na pad mos/ bcom ldan 'das la 'di skad ces gsol to/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas pad mo dam pa'i dpal/ bcom ldan 'das la snyun mi mnga' 'am/ gnod pa ma mchis sam/ zo mdog bde 'am/ sku nyams dang ldan nam/ bde ba dang dgyes par spyod dam zhes 'dri ste/ pad mo gser gyi mdog can 'dab ma stong dang ldan pa 'di dag kyang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas pad mo dam pa'i dpal gyis/ bcom ldan 'das la mchod pa'i slad du bskur ro/ /de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pas pad mo de dag bzhes nas/ shar lho'i phyogs mtshams kyi 'jig rten gyi khams gang gA'i klung gi bye ma snyed po de dag gi de bzhin gshegs pa dgra bcom pa yang dag par rdzogs pa'i sangs rgyas de dag gang na ba der gtor to/ /de nas pad mo de dag gis 'jig rten gyi khams de dag thams cad rgyas par khyab par gyur te/ pad mo de dag la de bzhin gshegs pa'i sku mang po bzhugs shing / 'di ltar pha rol du phyin pa drug po 'di nyid las brtsams te chos ston to/ /chos bstan pa de sems can gang gis thos par gyur pa de dag thams cad kyang / bla na med pa yang dag par rdzogs pa'i byang chub tu nges par gyur to/ /byang chub sems dpa' khyim pa dang rab tu byung ba dang khye'u dang bu mo'i gzugs su 'dug pa de dag gis kyang / rang rang gi dge ba'i rtsa bas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa la rim gror byas so/ /bkur stir byas so/ /sti stang du</font><hr>30.18b<br><font size=+1>

byas so/ /mchod par byas nas phyogs gcig tu 'khod do/ /de nas lho nub kyi phyogs mtshams su 'jig rten gyi khams gang gA'i klung gi bye ma snyed 'das pa kun gyi pha rol na/ 'jig rten gyi khams rdul gyi tshogs dang bral ba zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas nyi ma'i dkyil 'khor snang ba dam pa'i dpal zhes bya ba bzhugs shing 'tsho skyong ste/ de byang chub sems dpa' sems dpa' chen po rnams la shes rab kyi pha rol du phyin pa 'di nyid yang dag par ston pa mdzad do/ /de nas 'jig rten gyi khams de na byang chub sems dpa' sems dpa' chen po nyi ma rab tu snang ba zhes bya ba 'dug 'dug pas/ snang ba chen po de dang / sa cher g.yos pa de dang / de bzhin gshegs pa'i sku blta na chog mi shes pa de mthong nas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas nyi ma'i dkyil 'khor snang ba dam pa'i dpal gang na ba der song ste phyin nas/ bcom ldan 'das de bzhin gshegs pa nyi ma'i dkyil 'khor snang ba dam pa'i dpal de la 'di skad ces gsol to/ /bcom ldan 'das 'od chen po 'di lta bu 'jig rten du byung ba dang / dog sa 'di ltar cher g.yos pa dang / de bzhin gshegs pa'i sku 'di lta bu gda' ba 'di ci'i rgyu ci'i rkyen/ de skad ces gsol pa dang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas nyi ma'i dkyil 'khor snang ba dam pa'i dpal gyis/ byang chub sems dpa' sems dpa' chen po nyi ma rab tu snang ba de la 'di skad ces bka' stsal to/ /rigs kyi bu 'di nas byang shar gyi phyogs mtshams logs su 'jig rten gyi khams gang gA'i klung gi bye ma snyed 'das pa na/ 'jig rten gyi khams mi mjed ces bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba bzhugs shing 'tsho skyong ngo / /de byang chub sems dpa' sems dpa' chen po rnams la shes</font><hr>30.19a<br><font size=+1>

rab kyi pha rol du phyin pa ston te/ 'di ni de'i mthu yin te de 'dra'o/ /de nas byang chub sems dpa' sems dpa' chen po nyi ma rab tu snang bas/ bcom ldan 'das nyi ma'i dkyil 'khor snang ba dam pa'i dpal la 'di skad ces gsol to/ /bcom ldan 'das bdag kyang 'jig rten gyi khams mi mjed der/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de blta ba dang / de la phyag bgyi zhing bsnyen bkur ba dang / byang chub sems dpa' sems dpa' chen po de dag kun kyang phal cher gzhon nur gyur pa/ gzungs dang so so yang dag par rig pa bsgrub pa rab tu thob pa/ ting nge 'dzin dang snyoms par 'jug pa thams cad la dbang rab tu thob pa de dag blta ba'i slad du mchi'o/ /bcom ldan 'das de bzhin gshegs pa nyi ma'i dkyil 'khor snang ba dam pa'i dpal gyis bka' stsal pa/ rigs kyi bu de ltar de'i dus la bab par shes na song shig /de nas de bzhin gshegs pa dgra bcom pa yang dag par rdzogs pa'i sangs rgyas nyi ma'i dkyil 'khor snang ba dam pa'i dpal gyis/ byang chub sems dpa' sems dpa' chen po nyi ma rab tu snang ba la/ pad mo rin po che sna tshogs kyi rgyu las byung ba/ gser gyi mdog can 'dab ma stong dang ldan pa stong bkur te/ rigs kyi bu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de la/ bcom ldan 'das snyun mi mnga' 'am/ gnod pa ma mchis sam/ zo mdog bde 'am/ sku nyams dang ldan nam/ bde ba dang dgyes par spyod dam zhes 'dri ste/ pad mo gser gyi mdog can 'dab ma stong dang ldan pa 'di dag kyang / bcom ldan 'das de bzhin gshegs pa nyi ma'i dkyil 'khor snang ba dam pa'i dpal gyis/ bcom ldan 'das la mchod pa'i slad du bskur ro zhes kyang gyis la/ pad mo 'di dag gis gtor cig / rigs kyi bu sangs rgyas kyi zhing der bag yod par spyod cig /de ci'i phyir zhe na/ 'jig rten gyi</font><hr>30.19b<br><font size=+1>

khams der skyes pa'i byang chub sems dpa' sems dpa' chen po de dag ni mgu bar dka' ba yin gyis/ der nyams par gyur ta re/ de nas byang chub sems dpa' sems dpa' chen po nyi ma rab tu snang bas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas nyi ma'i dkyil 'khor snang ba dam pa'i dpal de las/ pad mo gser gyi mdog can 'dab ma stong dang ldan pa de dag blangs te/ byang chub sems dpa' khyim pa dang rab tu byung ba dang khye'u dang bu mo'i gzugs su 'dug pa bye ba khrag khrig brgya stong du ma dang 'grogs te/ sangs rgyas kyi zhing de nas mi snang bar gyur nas/ lho nub kyi phyogs mtshams kyi sangs rgyas bcom ldan 'das gang ji snyed cig bzhugs shing 'tsho skyong ba de dag thams cad la me tog dang spos dang bdug spos dang / phreng ba dang byug pa dang phye ma dang na bza' dang rgyan dang gdugs dang rgyal mtshan dang ba dan dag gis rim gror bya ba dang bkur stir bya ba dang sti stang du bya ba dang mchod pa byed cing / byang chub sems dpa'i rdzu 'phrul chen po dang / byang chub sems dpa'i mthu chen pos/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa gang na ba der dong ste phyin nas/ bcom ldan 'das kyi zhabs gnyis la spyi bos phyag 'tshal te/ phyogs gcig tu 'khod do/ /phyogs gcig tu 'khod nas/ byang chub sems dpa' sems dpa' chen po nyi ma rab tu snang bas/ bcom ldan 'das la 'di skad ces gsol to/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas nyi ma'i dkyil 'khor snang ba dam pa'i dpal/ bcom ldan 'das la snyun mi mnga' 'am/ gnod pa ma mchis sam/ zo mdog bde 'am/ sku nyams dang ldan nam/ bde ba dang dgyes par spyod dam zhes 'dri ste/ pad mo gser gyi mdog can 'dab ma stong dang ldan pa 'di dag kyang / bcom ldan 'das de bzhin gshegs pa dgra bcom pa yang dag par rdzogs</font><hr>30.20a<br><font size=+1>

pa'i sangs rgyas nyi ma'i dkyil 'khor snang ba dam pa'i dpal gyis/ bcom ldan 'das la mchod pa'i slad du bskur ro/ /de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pas pad mo de dag bzhes nas/ lho nub kyi phyogs mtshams kyi 'jig rten gyi khams gang gA'i klung gi bye ma snyed po de dag gi de bzhin gshegs pa dgra bcom pa yang dag par rdzogs pa'i sangs rgyas de dag gang na ba der gtor to/ /de nas pad mo de dag gis 'jig rten gyi khams de dag thams cad rgyas par khyab par gyur te/ pad mo de dag la de bzhin gshegs pa'i sku mang po bzhugs shing / 'di ltar pha rol du phyin pa drug po 'di nyid las brtsams te chos ston to/ /chos bstan pa de sems can gang gis thos par gyur pa de dag thams cad kyang / bla na med pa yang dag par rdzogs pa'i byang chub tu nges par gyur to/ /byang chub sems dpa' khyim pa dang / rab tu byung ba dang / khye'u dang bu mo'i gzugs su 'dug pa de dag gis kyang rang rang gi dge ba'i rtsa bas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa la rim gror byas so/ /bkur stir byas so/ /sti stang du byas so/ /mchod par byas nas phyogs gcig tu 'khod do/ /de nas nub byang gi phyogs mtshams su 'jig rten gyi khams gang gA'i klung gi bye ma snyed 'das pa kun gyi pha rol na/ 'jig rten gyi khams dbang du gyur pa zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas gdugs dam pa zhes bya ba bzhugs shing 'tsho skyong ste/ de byang chub sems dpa' sems dpa' chen po rnams la shes rab kyi pha rol du phyin pa 'di nyid yang dag par ston pa mdzad do/ /de nas 'jig rten gyi khams de na byang chub sems dpa' sems dpa' chen po rin chen mchog ces bya ba 'dug 'dug pas/ snang ba chen po de dang sa cher g.yos pa de dang / de bzhin gshegs pa'i sku blta na chog mi shes pa de mthong nas/ </font><hr>30.20b<br><font size=+1>

bcom ldan 'das gdugs dam pa gang na ba der stong ste phyin nas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas gdugs dam pa de la 'di skad ces gsol to/ /bcom ldan 'das 'od chen po 'di lta bu 'jig rten du byung ba dang / dog sa 'di ltar cher g.yos pa dang / de bzhin gshegs pa'i sku 'di lta bu gda' ba 'di ci'i rgyu ci'i rkyen/ de skad ces gsol pa dang / bcom ldan 'das de bzhin gshegs pa gdugs dam pas/ byang chub sems dpa' sems dpa' chen po rin chen mchog la 'di skad ces bka' stsal to/ /rigs kyi bu 'di nas shar lho'i phyogs mtshams logs su 'jig rten gyi khams gang gA'i klung gi bye ma snyed 'das pa na/ 'jig rten gyi khams mi mjed ces bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba bzhugs shing 'tsho skyong ngo / /de byang chub sems dpa' sems dpa' chen po rnams la shes rab kyi pha rol du phyin pa ston te/ 'di ni de'i mthu yin te de 'dra'o/ /de nas byang chub sems dpa' sems dpa' chen po rin chen mchog gis/ bcom ldan 'das de bzhin gshegs pa gdugs dam pa la 'di skad ces gsol to/ /bcom ldan 'das bdag kyang 'jig rten gyi khams mi mjed der/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de blta ba dang / de la phyag bgyi zhing bsnyen bkur ba dang / byang chub sems dpa' sems dpa' chen po de dag kun kyang phal cher gzhon nur gyur pa/ gzungs dang so so yang dag par rig pa bsgrub pa rab tu thob pa/ ting nge 'dzin dang snyoms par 'jug pa thams cad la dbang rab tu thob pa de dag blta ba'i slad du mchi'o/ /bcom ldan 'das de bzhin gshegs pa gdugs dam pas bka' stsal pa/ rigs kyi bu de ltar de'i dus la bab par shes na song shig /de nas de bzhin gshegs pa dgra bcom pa yang</font><hr>30.21a<br><font size=+1>

dag par rdzogs pa'i sangs rgyas gdugs dam pas/ byang chub sems dpa' sems dpa' chen po rin chen mchog la/ pad mo rin po che sna tshogs kyi rgyu las byung ba/ gser gyi mdog can 'dab ma stong dang ldan pa stong bskur te/ rigs kyi bu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de la/ bcom ldan 'das snyun mi mnga' 'am/ gnod pa ma mchis sam/ zo mdog bde 'am/ sku nyams dang ldan nam/ bde ba dang dgyes par spyod dam zhes 'dri ste/ pad mo gser gyi mdog can 'dab ma stong dang ldan pa 'di dag kyang / bcom ldan 'das de bzhin gshegs pa gdugs dam pas/ bcom ldan 'das la mchod pa'i slad du bskur ro zhes kyang gyis la/ pad mo 'di dag gis gtor cig /rigs kyi bu sangs rgyas kyi zhing der bag yod par spyod cig /de ci'i phyir zhe na/ 'jig rten gyi khams der skyes pa'i byang chub sems dpa' sems dpa' chen po de dag ni mgu bar dka' ba yin gyis/ der nyams par gyur ta re/ de nas byang chub sems dpa' sems dpa' chen po rin chen mchog gis/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas gdugs dam pa de las/ pad mo gser gyi mdog can 'dab ma stong dang ldan pa de dag blangs te/ byang chub sems dpa' khyim pa dang / rab tu byung ba dang khye'u dang bu mo'i gzugs su 'dug pa bye ba khrag khrig brgya stong du ma dang 'grogs te/ sangs rgyas kyi zhing de nas mi snang bar gyur nas/ nub byang gi phyogs mtshams kyi sangs rgyas bcom ldan 'das gang ji snyed cig bzhugs shing 'tsho skyong ba de dag thams cad la me tog dang spos dang bdug spos dang phreng ba dang byug pa dang / phye ma dang na bza' dang rgyan dang gdugs dang rgyal mtshan dang ba dan dag gis rim gror bya ba dang bkur stir bya ba dang sti stang du bya ba dang mchod pa byed cing / byang chub sems dpa'i rdzu 'phrul chen po dang byang chub sems</font><hr>30.21b<br><font size=+1>

dpa'i mthu chen pos/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa gang na ba der dong ste phyin nas/ bcom ldan 'das kyi zhabs gnyis la spyi bos phyag 'tshal te phyogs gcig tu 'khod do/ /phyogs gcig tu 'khod nas/ byang chub sems dpa' sems dpa' chen po rin chen mchog gis/ bcom ldan 'das la 'di skad ces gsol to/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas gdugs dam pa/ bcom ldan 'das la snyun mi mnga' 'am/ gnod pa ma mchis sam/ zo mdog bde 'am/ sku nyams dang ldan nam/ bde ba dang dgyes par spyod dam zhes 'dri ste/ pad mo gser gyi mdog can 'dab ma stong dang ldan pa 'di dag kyang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas gdugs dam pas/ bcom ldan 'das la mchod pa'i slad du bskur ro/ /de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pas pad mo de dag bzhes nas/ nub byang gi phyogs mtshams kyi 'jig rten gyi khams gang gA'i klung gi bye ma snyed po de dag gi de bzhin gshegs pa dgra bcom pa yang dag par rdzogs pa'i sangs rgyas de dag gang na ba der gtor to/ /de nas pad mo de dag gis 'jig rten gyi khams de dag thams cad rgyas par khyab par gyur te/ pad mo de dag la de bzhin gshegs pa'i sku mang po bzhugs shing / 'di ltar pha rol du phyin pa drug po 'di nyid las brtsams te chos ston to/ /chos bstan pa de sems can gang gis thos par gyur pa de dag thams cad kyang / bla na med pa yang dag par rdzogs pa'i byang chub tu nges par gyur to/ /byang chub sems dpa' khyim pa dang rab tu byung ba dang khye'u dang bu mo'i gzugs su 'dug pa de dag gis kyang / rang rang gi dge ba'i</font><hr>30.22a<br><font size=+1>

rtsa bas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa la rim gror byas so/ /bkur stir byas so/ /sti stang du byas so/ /mchod par byas nas phyogs gcig tu 'khod do/ /de nas 'og gi phyogs su 'jig rten gyi khams gang gA'i klung gi bye ma snyed 'das pa kun gyi pha rol na/ 'jig rten gyi khams pad mo zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas pad mo'i dpal zhes bya ba bzhugs shing 'tsho skyong ste/ de byang chub sems dpa' sems dpa' chen po rnams la shes rab kyi pha rol du phyin pa 'di nyid yang dag par ston pa mdzad do/ /de nas 'jig rten gyi khams de na byang chub sems dpa' sems dpa' chen po pad mo dam pa zhes bya ba 'dug 'dug pas/ snang ba chen po de dang / sa cher g.yos pa de dang / de bzhin gshegs pa'i sku blta na chog mi shes pa de mthong nas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas pad mo'i dpal gang na ba der song ste phyin nas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas pad mo'i dpal de la 'di skad ces gsol to/ /bcom ldan 'das 'od chen po 'di lta bu 'jig rten du byung ba dang / dog sa 'di ltar cher g.yos pa dang / de bzhin gshegs pa'i sku 'di lta bu gda' ba 'di ci'i rgyu ci'i rkyen/ de skad ces gsol pa dang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas pad mo'i dpal gyis/ byang chub sems dpa' sems dpa' chen po pad mo dam pa la 'di skad ces bka' stsal to/ /rigs kyi bu 'di nas steng gi phyogs su 'jig rten gyi khams gang gA'i klung gi bye ma snyed 'das pa na/ 'jig rten gyi khams mi mjed</font><hr>30.22b<br><font size=+1>

ces bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba bzhugs shing 'tsho skyong ngo / /de byang chub sems dpa' sems dpa' chen po rnams la shes rab kyi pha rol du phyin pa ston te/ 'di ni de'i mthu yin te de 'dra'o/ /de nas byang chub sems dpa' sems dpa' chen po pad mo dam pas/ bcom ldan 'das de bzhin gshegs pa pad mo'i dpal la 'di skad ces gsol to/ /bcom ldan 'das bdag kyang 'jig rten gyi khams mi mjed der/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de blta ba dang / de la phyag bgyi zhing bsnyen bkur ba dang / byang chub sems dpa' sems dpa' chen po de dag kun kyang phal cher gzhon nur gyur pa/ gzungs dang so so yang dag par rig pa bsgrub pa rab tu thob pa/ ting nge 'dzin dang snyoms par 'jug pa thams cad la dbang rab tu thob pa de dag blta ba'i slad du mchi'o/ /bcom ldan 'das de bzhin gshegs pa pad mo'i dpal gyis bka' stsal pa/ rigs kyi bu de ltar de'i dus la bab par shes na song shig /de nas de bzhin gshegs pa dgra bcom pa yang dag par rdzogs pa'i sangs rgyas pad mo'i dpal gyis/ byang chub sems dpa' sems dpa' chen po pad mo dam pa la/ pad mo rin po che sna tshogs kyi rgyu las byung ba/ gser gyi mdog can 'dab ma stong dang ldan pa stong bskur ste/ rigs kyi bu bcom ldan 'das de bzhig gshegs pa dgra bcom pa yang dag par rdzogs pa'i sangs rgyas shAkya thub pa de la/ bcom ldan 'das snyun mi mnga' 'am/ gnod pa ma mchis sam/ zo mdog bde 'am/ sku nyams dang ldan nam/ bde ba dang dgyes par spyod dam zhes 'dri ste/ pad mo gser gyi mdog can 'dab ma stong dang ldan pa 'di dag kyang / bcom ldan 'das de bzhin gshegs pa pad mo'i dpal</font><hr>30.23a<br><font size=+1>

gyis/ bcom ldan 'das la mchod pa'i slad du bskur ro zhes kyang gyis la/ pad mo 'di dag gis gtor cig /rigs kyi bu sangs rgyas kyi zhing der bag yod par spyod cig /de ci'i phyir zhe na/ 'jig rten gyi khams der skyes pa'i byang chub sems dpa' sems dpa' chen po de dag ni mgu bar dka' ba yin gyis/ der nyams par gyur ta re/ de nas byang chub sems dpa' sems dpa' chen po pad mo dam pas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas pad mo'i dpal de las/ pad mo gser gyi mdog can 'dab ma stong dang ldan pa de dag blangs te/ byang chub sems dpa' khyim pa dang / rab tu byung ba dang / khye'u dang bu mo'i gzugs su 'dug pa bye ba khrag khrig brgya stong du ma dang 'grogs te/ sangs rgyas kyi zhing de nas mi snang bar gyur nas/ 'og gi phyogs kyi sangs rgyas bcom ldan 'das gang ji snyed cig bzhugs shing 'tsho skyong ba de dag thams cad la me tog dang spos dang bdug spos dang phreng ba dang byug pa dang phye ma dang na bza' dang rgyan dang gdugs dang rgyal mtshan dang ba dan dag gis rim gror bya ba dang bkur stir bya ba dang sti stang du bya ba dang mchod pa byed cing / byang chub sems dpa'i rdzu 'phrul chen po dang byang chub sems dpa'i mthu chen pos/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa gang na ba der song ste phyin nas/ bcom ldan 'das kyi zhabs gnyis la spyi bos phyag 'tshal te/ phyogs gcig tu 'khod do/ /phyogs gcig tu 'khod nas/ byang chub sems dpa' sems dpa' chen po pad mo dam pas/ bcom ldan 'das la 'di skad ces gsol to/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas pad mo'i dpal/ bcom ldan 'das la snyun mi mnga' 'am/ gnod pa ma mchis sam/ zo mdog</font><hr>30.23b<br><font size=+1>

bde 'am/ sku nyams dang ldan nam/ bde ba dang dgyes par spyod dam zhes 'dri ste/ pad mo gser gyi mdog can 'dab ma stong dang ldan pa 'di dag kyang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas pad mo'i dpal gyis/ bcom ldan 'das la mchod pa'i slad du bskur ro/ /de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pas pad mo de dag bzhes nas/ 'og gi phyogs kyi 'jig rten gyi khams gang gA'i klung gi bye ma snyed po de dag gi/[ ]de bzhin gshegs pa dgra bcom pa yang dag par rdzogs pa'i sangs rgyas de dag gang na ba der gtor to/ /de nas pad mo de dag gis 'jig rten gyi khams de dag thams cad rgyas par khyab par gyur te pad mo de dag la de bzhin gshegs pa'i sku mang po bzhugs shing / 'di ltar pha rol du phyin pa drug po 'di nyid las brtsams te chos ston to/ /chos bstan pa de sems can gang gis thos par gyur pa de dag thams cad kyang bla na med pa yang dag par rdzogs pa'i byang chub tu nges par gyur to/ /byang chub sems dpa' khyim pa dang rab tu byung ba dang / khye'u dang bu mo'i gzugs su 'dug pa de dag gis kyang rang rang gi dge ba'i rtsa bas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa la rim gror byas so/ /bkur stir byas so/ /sti stang du byas so/ /mchod par byas nas phyogs gcig tu 'khod do/ /de nas steng gi phyogs su 'jig rten gyi khams gang gA'i klung gi bye ma snyed 'das pa kun gyi pha rol na/ 'jig rten gyi khams mdangs dga' ba zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas dga' ba'i dpal zhes bya ba bzhugs shing 'tsho skyong ste/ de byang chub sems dpa' sems dpa' chen po rnams la shes rab kyi</font><hr>30.24a<br><font size=+1>

pha rol du phyin pa 'di nyid yang dag par ston pa mdzad do/ /de nas 'jig rten gyi khams de na byang chub sems dpa' sems dpa' chen po dga' bas byin pa zhes bya ba 'dug 'dug pas/ snang ba chen po de dang / sa cher g.yos pa de dang / de bzhin gshegs pa'i sku blta na chog mi shes pa de mthong nas/ bcom ldan 'das dga' ba'i dpal gang na ba der song ste phyin nas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas dga' ba'i dpal de la 'di skad ces gsol to/ /bcom ldan 'das 'od chen po 'di lta bu 'jig rten du byung ba dang / dog sa 'di ltar cher g.yos pa dang / de bzhin gshegs pa'i sku 'di lta bu gda' ba 'di ci'i rgyu ci'i rkyen/ de skad ces gsol pa dang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas dga' ba'i dpal gyis/ byang chub sems dpa' sems dpa' chen po dga' bas byin la 'di skad ces bka' stsal to/ /rigs kyi bu 'di nas 'og gi phyogs su 'jig rten gyi khams gang gA'i klung gi bye ma snyed 'das pa na/ 'jig rten gyi khams mi mjed ces bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba bzhugs shing 'tsho skyong ngo / /de byang chub sems dpa' sems dpa' chen po rnams la shes rab kyi pha rol du phyin pa ston te/ 'di ni de'i mthu yin te de 'dra'o/ /de nas byang chub sems dpa' sems dpa' chen po dga' bas byin pas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas dga' ba'i dpal la 'di skad ces gsol to/ /bcom ldan 'das bdag kyang 'jig rten gyi khams mi mjed der/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de blta ba</font><hr>30.24b<br><font size=+1>

dang de la phyag bgyi zhing bsnyen bkur ba dang / byang chub sems dpa' sems dpa' chen po de dag kun kyang phal cher gzhon nur gyur pa/ gzungs dang so so yang dag par rig pa bsgrub pa rab tu thob pa/ ting nge 'dzin dang snyoms par 'jug pa thams cad la dbang rab tu thob pa de dag blta ba'i slad du mchi'o/ /bcom ldan 'das de bzhin gshegs pa dga' ba'i dpal gyis bka' stsal pa/ rigs kyi bu de ltar de'i dus la bab par shes na song shig /de nas de bzhin gshegs pa dgra bcom pa yang dag par rdzogs pa'i sangs rgyas dga' ba'i dpal gyis/ byang chub sems dpa' sems dpa' chen po dga' bas byin pa la/ pad mo rin po che sna tshogs kyi rgyu las byung ba/ gser gyi mdog can 'dab ma stong dang ldan pa stong bskur te/ rigs kyi bu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de la/ bcom ldan 'das la snyun mi mnga' 'am/ gnod pa ma mchis sam/ zo mdog bde 'am/ sku nyams dang ldan nam/ bde ba dang dgyes par spyod dam zhes 'dri ste/ pad mo gser gyi mdog can 'dab ma stong dang ldan pa 'di dag kyang / bcom ldan 'das de bzhin gshegs pa dga' ba'i dpal gyis/ bcom ldan 'das la mchod pa'i slad du bskur ro zhes kyang gyis la/ pad mo 'di dag gis gtor cig /rigs kyi bu sangs rgyas kyi zhing der bag yod par spyod cig /de ci'i phyir zhe na/ 'jig rten gyi khams der skyes pa'i byang chub sems dpa' sems dpa' chen po de dag ni mgu bar dka' ba yin gyis/ der nyams par gyur ta re/ de nas byang chub sems dpa' sems dpa' chen po dga' bas byin pas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas dga' ba'i dpal de las/ pad mo gser gyi mdog can 'dab ma stong dang ldan pa de dag blangs te/ byang chub sems dpa' khyim pa dang / rab tu byung ba</font><hr>30.25a<br><font size=+1>

dang khye'u dang bu mo'i gzugs su 'dug pa bye ba khrag khrig brgya stong du ma dang 'grogs te/ sangs rgyas kyi zhing de nas mi snang bar gyur nas/ steng gi phyogs kyi sangs rgyas bcom ldan 'das gang ji snyed cig bzhugs shing 'tsho skyong ba de dag thams cad la me tog dang spos dang bdug spos dang phreng ba dang byug pa dang phye ma dang na bza' dang rgyan dang gdugs dang rgyal mtshan dang ba dan dag gis rim gror bya ba dang bkur stir bya ba dang sti stang du bya ba dang mchod pa byed cing / byang chub sems dpa'i rdzu 'phrul chen po dang byang chub sems dpa'i mthu chen pos/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa gang na ba der song ste phyin nas/ bcom ldan 'das kyi zhabs gnyis la spyi bos phyag 'tshal te/ phyogs gcig tu 'khod do/ /phyogs gcig tu 'khod nas/ byang chub sems dpa' sems dpa' chen po dga' bas byin pas/ bcom ldan 'das la 'di skad ces gsol to/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas dga' ba'i dpal/ bcom ldan 'das la snyun mi mnga' 'am/ gnod pa ma mchis sam/ zo mdog bde 'am/ sku nyams dang ldan nam/ bde ba dang dgyes par spyod dam zhes 'dri ste/ pad mo gser gyi mdog can 'dab ma stong dang ldan pa 'di dag kyang / bcom ldan 'das de bzhin gshegs pa dga' ba'i dpal gyis/ bcom ldan 'das la mchod pa'i slad du bskur ro/ /de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pas/ pad mo de dag bzhes nas/ steng gi phyogs kyi 'jig rten gyi khams gang gA'i klung gi bye ma snyed po de dag gi de bzhin gshegs pa dgra bcom pa yang dag par rdzogs pa'i sangs rgyas de dag gang na ba der gtor to/ /de nas pad mo de</font><hr>30.25b<br><font size=+1>

dag gis 'jig rten gyi khams de dag thams cad rgyas par khyab par gyur te/ pad mo de dag la de bzhin gshegs pa'i sku mang po bzhugs shing / 'di ltar pha rol du phyin pa drug po 'di nyid las brtsams te chos ston to/ /chos bstan pa de sems can gang gis thos par gyur pa de dag thams cad kyang / bla na med pa yang dag par rdzogs pa'i byang chub tu nges par gyur to/ /byang chub sems dpa' khyim pa dang rab tu byung ba dang / khye'u dang bu mo'i gzugs su 'dug pa de dag gis kyang rang rang gi dge ba'i rtsa bas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa la rim gror byas so/ /bkur stir byas so/ /sti stang du byas so/ /mchod pa byas nas phyogs gcig tu 'khod do/ /de nas de'i tshe skad cig yud tsam thang cig la/ stong gsum gyi stong chen po'i 'jig rten gyi khams 'di rin po che'i rang bzhin du kun nas gnas par gyur te/ me tog sil ma sna tshogs kyis kun nas gang ba dang / dar gyi lda ldi dang / chun po kun nas bres pa dang / snod sna tshogs nas bdug spos sna tshogs 'thul ba dang / dpag bsams kyi shing rgyan dang 'bras bu sna tshogs kyis yal ga'i rtse mo g.yur za ba dang / me tog gi shing dang 'bras bu'i shing dang spos kyi shing dang phreng ba'i shing dang phye ma'i shing dang / bdug spos kyi shing sna tshogs kyi rab tu brgyan pa kun nas gnas par gyur te/ 'di lta ste dper na/ de bzhin gshegs pa dgra bcom pa yang dag par rdzogs pa'i sangs rgyas me tog kun nas rgyas pa'i sangs rgyas kyi zhing gang na/ 'jam dpal gzhon nur gyur pa 'dug pa dang / lha'i bu blo gros shin du bstan pa dang / byang chub sems dpa' sems dpa' chen po gzhan yang gzi brjid chen po dag 'khod pa'i 'jig rten gyi khams pad mo can bzhin du gyur to/ /shes rab kyi pha rol tu phyin pa stong phrag nyi shu lnga pa las gleng</font><hr>30.26a<br><font size=+1>

gzhi'i le'u ste dang po'o// // de'i tshe de ltar bcom ldan 'das kyis 'jig rten lha dang bcas pa/ bdud dang bcas pa/ tshangs pa dang bcas pa/ dge sbyong dang bram ze'i skye dgu dang bcas pa/ lha dang mi dang lha ma yin du bcas pa mang po tshogs pa dang / byang chub sems dpa' sems dpa' chen po phal cher gzhon nur gyur pa mang po de dag 'dus par thugs su chud nas/ bcom ldan 'das kyis tshe dang ldan pa shA ra dwa ti'i bu la bka' stsal pa/ shA ra dwa ti'i bu 'di la byang chub sems dpa' sems dpa' chen po chos thams cad rnam pa thams cad du mngon par rdzogs par 'tshang rgya bar 'dod pas/ shes rab kyi pha rol du phyin pa la brtson par bya'o/ /de skad ces bka' stsal pa dang / tshe dang ldan pa shA ra dwa ti'i bus/ bcom ldan 'das la 'di skad ces gsol to/ /bcom ldan 'das byang chub sems dpa' sems dpa' chen po chos thams cad rnam pa thams cad du mngon par rdzogs par 'tshang rgya bar 'tshal bas ji ltar shes rab kyi pha rol du phyin pa la brtson par bgyi/ de skad ces gsol pa dang / bcom ldan 'das kyis tshe dang ldan pa shA ra dwa ti'i bu la 'di skad ces bka' stsal to/ /shA ra dwa ti'i bu 'di la byang chub sems dpa' sems dpa' chen pos gnas pa med pa'i tshul du shes rab kyi pha rol du phyin pa la gnas te/ sbyin pa dang gtong ba dang yongs su len pa mi dmigs pa'i phyir/ yongs su gtong ba med pa'i tshul gyis/ sbyin pa'i pha rol du phyin pa yongs su rdzogs par bya'o/ /ltung ba dang mi ltung ba bya ba med pa'i phyir/ tshul khrims kyi pha rol du phyin pa yongs su rdzogs par bya'o/ /'khrug pa med pa'i phyir/ bzod pa'i pha rol du phyin pa yongs su rdzogs par bya'o/ /lus dang sems kyi brtson 'grus nyams pa med pa'i phyir/ brtson 'grus kyi pha rol du phyin pa yongs su rdzogs par bya'o/ /ro myang ba med pa'i phyir/ bsam gtan gyi pha rol du phyin pa yongs su rdzogs par bya'o/ /chos thams cad mi dmigs pa'i</font><hr>30.26b<br><font size=+1>

phyir/ shes rab kyi pha rol du phyin pa yongs su rdzogs par bya'o/ /shA ra dwa ti'i bu byang chub sems dpa' sems dpa' chen pos shes rab kyi pha rol du phyin pa la gnas te/ dran pa mi dmigs pa'i phyir/ dran pa nye bar gzhag pa bzhi yongs su rdzogs par bya'o/ /yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa yongs su rdzogs par bya'o/ /stong pa nyid kyi ting nge 'dzin dang / mtshan ma med pa'i ting nge 'dzin dang / smon pa med pa'i ting nge 'dzin yongs su rdzogs par bya'o/ /bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / rnam par thar pa brgyad dang / mthar gyis gnas pa'i snyoms par 'jug pa dgu dang / mngon par shes pa lnga dang / rnam par bam pa'i 'du shes dang / 'bu can gyi 'du shes dang / rnam par rnags pa'i 'du shes dang / rnam par dmar ba'i 'du shes dang / rnam par sngos pa'i 'du shes dang / rnam par zos pa'i 'du shes dang / rnam par 'thor ba'i 'du shes dang / rus pa'i 'du shes dang / rnam par tshig pa'i 'du shes dang / zas mi 'thun pa'i 'du shes bsgom par bya'o/ /sangs rgyas rjes su dran pa dang / chos rjes su dran pa dang / dge 'dun rjes su dran pa dang / tshul khrims rjes su dran pa dang / gtong ba rjes su dran pa dang / lha rjes su dran pa dang / dbugs phyi nang du rgyu ba rjes su dran pa dang / skyo ba rjes su dran pa dang / 'chi ba rjes su dran pa dang / lus kyi rnam pa rjes su dran pa dang / mi rtag pa'i 'du shes dang / sdug bsngal gyi 'du shes dang / bdag med pa'i 'du shes dang / mi sdug pa'i 'du shes dang / 'chi ba'i 'du shes dang / 'jig rten thams cad la dga' bar mi bya ba'i 'du shes dang / 'jig rten thams cad la yid brtan du mi rung ba'i</font><hr>30.27a<br><font size=+1>

'du shes dang / sdug bsngal shes pa dang / kun 'byung ba shes pa dang / 'gog pa shes pa dang / lam shes pa dang / zad pa shes pa dang / mi skye ba shes pa dang / chos shes pa dang / rjes su 'gro ba shes pa dang / kun rdzob shes pa dang / 'dris pa shes pa dang / sgra ji bzhin shes pa bsgom par bya'o/ /rnam par rtog pa dang bcas/ rnam par dpyod pa dang bcas pa'i ting nge 'dzin dang / rnam par rtog pa med cing rnam par dpyod pa tsam gyi ting nge 'dzin dang / rnam par rtog pa med cing rnam par dpyod pa med pa'i ting nge 'dzin dang / yongs su ma shes pa yongs su shes par bya ba'i dbang po dang / kun shes pa'i dbang po dang / kun shes pa rig pa'i dbang po dang / zil gyis gnon pa'i skye mched dang / chub pa'i skye mched dang / bsdu ba'i dngos po bzhi dang / rnam par dgod pa bzhi dang / sa bcu dang / spyod pa bcu dang / bzod pa bcu dang / lhag pa'i bsam pa nyi shu dang / thams cad mkhyen pa'i ye shes dang / zhi gnas dang / lhag mthong shes pa dang / rig pa gsum dang / so so yang dag par rig pa bzhi dang / mi 'jigs pa bzhi dang / ma nyams pa'i mngon par shes pa lnga dang / pha rol du phyin pa drug dang / nor bdun dang / skyes bu chen po'i rnam par rtog pa brgyad dang / sems can gyi gnas dgu dang / de bzhin gshegs pa'i stobs bcu dang / sangs rgyas kyi chos ma 'dres pa bcwa brgyad dang / byams pa chen po dang / snying rje chen po dang / dga' ba chen po dang / btang snyoms chen po yongs su rdzogs par bya'o/ /rnam pa thams cad mkhyen pa'i ye shes rnam pa'i mchog thams cad dang ldan pa mngon par rdzogs par 'tshang brgya bar 'dod pa dang / lam gyi rnam pa shes pa dang / thams cad shes pa dang / sems can thams cad kyi sems dang / spyod pa dang / shes pa'i rnam pa'i shes</font><hr>30.27b<br><font size=+1>

pa nyid yongs su rdzogs par bya bar 'dod pa'i byang chub sems dpa' sems dpa' chen pos shes rab kyi pha rol du phyin pa la brtson par bya'o/ /bag chags kyi mtshams sbyor ba'i nyon mongs pa thams cad spang bar 'dod pa'i byang chub sems dpa' sems dpa' chen pos shes rab kyi pha rol du phyin pa la brtson par bya ste/ shA ra dwa ti'i bu de ltar byang chub sems dpa' sems dpa' chen pos shes rab kyi pha rol du phyin pa la bslab par bya'o/ /shA ra dwa ti'i bu byang chub sems dpa'i skyon med par 'jug par 'dod pa'i byang chub sems dpa' sems dpa' chen pos shes rab kyi pha rol du phyin pa la bslab par bya'o/ /nyan thos dang / rang sangs rgyas kyi sa shes par 'dod pa dang / sa de dag las 'da' bar 'dod pa dang / phyir mi ldog pa'i sa la gnas par 'dod pa dang / mngon par shes pa drug la gnas par 'dod pa dang / sems can thams cad kyi sems dang spyod pa rnam par g.yo ba shes par 'dod pa dang / nyan thos dang rang sangs rgyas thams cad kyi shes pa zil gyis gnon par 'dod pa dang / gzungs kyi sgo dang ting nge 'dzin gyi sgo mang po thob par 'dod pa'i byang chub sems dpa' sems dpa' chen pos shes rab kyi pha rol tu phyin pa la bslab par bya'o/ /nyan thos dang rang sangs rgyas kyi theg pa pa'i rigs kyi bu dang rigs kyi bu mo sbyin pa gtong ba thams cad kyi dge ba'i rtsa ba thams cad rjes su yi rang ba dang ldan pa'i sems bskyed pa gcig gis zil gyis gnan par 'dod pa dang / nyan thos dang rang sangs rgyas thams cad kyi tshul khrims dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba rjes su yi rang ba dang ldan pa'i sems bskyed pa gcig gis zil gyis gnan par 'dod pa dang / nyan thos dang rang sangs rgyas thams cad kyi bsam gtan dang / rnam par thar pa dang / ting nge 'dzin dang / snyoms par 'jug pa thams cad rjes su yi rang ba dang ldan pa'i sems bskyed pa</font><hr>30.28a<br><font size=+1>

gcig gis zil gyis gnan par 'dod pa'i byang chub sems dpa' sems dpa' chen pos shes rab kyi pha rol du phyin pa la bslab par bya'o/ /gzhan yang shA ra dwa ti'i bu byang chub sems dpa' sems dpa' chen po sems can thams cad kyi don tu sbyin pa chung ngu byin yang / thabs mkhas pas yongs su bsngo ba'i tshul gyis/ ji lta bur na tshad med grangs med dpag tu med par 'gyur snyam na 'ang / byang chub sems dpa' sems dpa' chen pos shes rab kyi pha rol du phyin pa la bslab par bya'o/ /de bzhin du sems can thams cad kyi don du tshul khrims chung ngu bsrungs/ bzod pa chung ngu bsgoms/ brtson 'grus chung ngu brtsams/ bsam gtan chung ngu la mnyam par gzhag /shes rab chung ngu bsgoms kyang / thabs mkhas pas yongs su bsngo ba'i tshul gyis/ ji lta bur na tshad med grangs med dpag tu med par 'gyur snyam na yang byang chub sems dpa' sems dpa' chen pos shes rab kyi pha rol du phyin pa la bslab par bya'o/ /shA ra dwa ti'i bu gzhan yang byang chub sems dpa' sems dpa' chen po sbyin pa'i pha rol du phyin pa la gnas par 'dod pa dang / sbyin pa'i pha rol du phyin pa yongs su rdzogs par bya bar 'dod pa dang / de bzhin du tshul khrims kyi pha rol du phyin pa la spyod par 'dod pa dang / tshul khrims kyi pha rol du phyin pa yongs su rdzogs par bya bar 'dod pa dang / bzod pa'i pha rol du phyin pa la spyod par 'dod pa dang / bzod pa'i pha rol tu phyin pa yongs su rdzogs par bya bar 'dod pa dang / brtson 'grus kyi pha rol du phyin pa la spyod par 'dod pa dang / brtson 'grus kyi pha rol du phyin pa yongs su rdzogs par bya bar 'dod pa dang / bsam gtan gyi pha rol du phyin pa la spyod par 'dod pa dang / bsam gtan gyi pha rol du phyin pa yongs su rdzogs par bya bar 'dod pa dang / shes rab kyi pha rol du</font><hr>30.28b<br><font size=+1>

phyin pa la spyod par 'dod pa dang / shes rab kyi pha rol du phyin pa yongs su rdzogs par bya bar 'dod pas/ shes rab kyi pha rol du phyin pa la bslab par bya'o/ /shA ra dwa ti'i bu gzhan yang byang chub sems dpa' sems dpa' chen po ji ltar na tshe rabs thams cad du bdag gis sangs rgyas kyi sku mthong bar 'gyur/ ji ltar na sangs rgyas kyis bskul bar 'gyur/ ji ltar na sangs rgyas kyis dgongs par 'gyur/ ji ltar na sangs rgyas mnyes par 'gyur/ ji ltar na sangs rgyas kyis yongs su gzung bar 'gyur snyam na yang / shes rab kyi pha rol du phyin pa la bslab par bya'o/ /shA ra dwa ti'i bu gzhan yang byang chub sems dpa' sems dpa' chen po sangs rgyas kyi sku yongs su bsgrub par 'dod pa dang / mi chen po'i mtshan sum bcu rtsa gnyis thob par 'dod pas/ shes rab kyi pha rol du phyin pa la bslab par bya'o/ /byang chub sems dpa' sems dpa' chen po dpe byad bzang po brgyad bcu thob par 'dod pa dang / tshe rabs thams cad du tshe rabs dran pa dang / byang chub kyi sems mi stor ba dang / byang chub sems dpa'i spyod pa mi nyams pa thob par 'dod pa dang / sdig to'i mdza' bo dang / sdig to'i grogs po thams cad spang bar 'dod pa dang / dge ba'i gshes gnyen sangs rgyas dang byang chub sems dpa' thams cad bsnyen bkur bar 'dod pa dang / bdud dang bdud kyi ris su gtogs pa'i lha thams cad pham par bya bar 'dod pa dang / sgrib pa thams cad rnam par sbyang bar 'dod pa dang / chos thams cad la bsgribs pa med pa thob par 'dod pas/ shes rab kyi pha rol du phyin pa la bslab par bya'o/ /shA ra dwa ti'i bu gzhan yang byang chub sems dpa' sems dpa' chen po byang chub sems dpa'i rigs yongs su bsgrub par 'dod pa dang / sangs rgyas kyi rigs bsgrub par 'dod pa dang / dkon mchog gsum gyi gdung rgyun mi gcad pa'i don du gnas par 'dod pas/ shes rab kyi pha</font><hr>30.29a<br><font size=+1>

rol du phyin pa la bslab par bya'o/ /shA ra dwa ti'i bu gzhan yang byang chub sems dpa' sems dpa' chen po gzhon nu'i sa thob par 'dod pa dang / sangs rgyas dang byang chub sems dpa' thams cad dang mi 'bral bar 'dod pa dang / byang chub sems dpa'i sa las 'da' bar 'dod pa dang / myur du de bzhin gshegs pa'i sa yongs su rdzogs par bya bar 'dod pas/ shes rab kyi pha rol du phyin pa la bslab par bya'o/ /shA ra dwa ti'i bu gzhan yang byang chub sems dpa' sems dpa' chen po dge ba'i rtsa ba rnam pa gang dang gang gis sangs rgyas bcom ldan 'das rnams la rim gror bya ba dang / bkur stir bya ba dang / sti stang du bya ba dang / mchod pa byed pa de lta bu'i dge ba'i rtsa ba de dag dang / rnam pa de dag phun sum tshogs par 'gyur bar dga' bas/ shes rab kyi pha rol du phyin pa la bslab par bya'o/ /shA ra dwa ti'i bu gzhan yang byang chub sems dpa' sems dpa' chen po sems can thams cad yongs su dga' bar bya bar 'dod pa dang / sems can thams cad kyi bsam pa yongs su rdzogs par bya bar 'dod pa dang / zas dang skom dang gos dang rgyan dang me tog dang bdug spos dang / phreng ba dang byug pa dang / phye ma dang mal cha dang stan dang gnas dang nad kyi rkyen sman dang yo byad dang nor dang 'bru dang lhab lhub dang nor bu dang mu tig dang baidUr+ya dang dung dang man shel dang / byi ru dang sa le sbram dang dngul dang bza' shing gi ra ba dang rgyal po'i srid la sogs pa yo byad dang / longs spyod thams cad kyis sems can thams cad yongs su tshim par bya'o snyam na yang / shes rab kyi pha rol du phyin pa la bslab par bya'o/ /shA ra dwa ti'i bu gzhan yang byang chub sems dpa' sems dpa' chen po phyogs thams cad kyi 'jig rten gyi khams gang gA'i klung gi bye ma snyed dag na/ sems can gang ji snyed cig yod pa de dag thams cad dge ba bcu'i las kyi lam la dgod par</font><hr>30.29b<br><font size=+1>

'dod pa dang / bsam gtan bzhi dang / tshad med pa bzhi dang / mngon par shes pa lnga dang / gsum la skyabs su 'gro ba dang / sangs rgyas dang / chos dang / dge 'dun la mos pa thob pa la dgod par 'dod pas shes rab kyi pha rol du phyin pa la bslab par bya'o// //shes rab kyi pha rol du phyin pa stong phrag nyi shu lnga pa/ bam po gsum pa/ shA ra dwa ti'i bu gzhan yang byang chub sems dpa' sems dpa' chen po 'jig rten gyi khams chos kyi dbyings kyis klas pa/ nam mkha'i dbyings kyi mthas gtugs pa'i sems can thams cad theg pa chen po la gzud par 'dod pa dang / sbyin pa'i pha rol du phyin pa la dgod par 'dod pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol tu phyin pa dang / bsam gtan gyi pha rol du phyin pa dang / shes rab kyi pha rol du phyin pa la dgod par 'dod pas shes rab kyi pha rol du phyin pa la bslab par bya'o/ /shA ra dwa ti'i bu gzhan yang byang chub sems dpa' sems dpa' chen po dge ba'i sems bskyed pa gcig 'ga' yang snying po byang chub la nam 'dug gi bar du mi zad par bya bar 'dod pas/ shes rab kyi pha rol du phyin pa la bslab par bya'o/ /shA ra dwa ti'i bu gzhan yang shar phyogs kyi 'jig rten gyi khams gang gA'i klung gi bye ma snyed dag na/ sangs rgyas bcom ldan 'das gang ji snyed bzhugs pa de dag thams cad bdag gi yon tan brjod par dga' ba'i byang chub sems dpa' sems dpa' chen pos shes rab kyi pha rol du phyin pa la bslab par bya'o/ /de bzhin du lho dang nub dang byang dang byang shar dang shar lho dang lho nub dang nub byang dang 'og dang steng gi phyogs kyi phyogs re re zhing 'jig rten gyi khams gang gA'i klung gi bye ma snyed dag na/ sangs rgyas bcom ldan 'das gang ji snyed bzhugs pa de dag thams cad bdag gi yon tan brjod par</font><hr>30.30a<br><font size=+1>

dga' ba'i byang chub sems dpa' sems dpa' chen pos shes rab kyi pha rol du phyin pa la bslab par bya'o/ /shA ra dwa ti'i bu gzhan yang shar phyogs kyi sangs rgyas kyi zhing gang gA'i klung gi bye ma snyed po de dag thams cad du sems bskyed pa gcig gis 'gro bar 'dod pa'i byang chub sems dpa' sems dpa' chen pos shes rab kyi pha rol du phyin pa la bslab par bya'o/ /de bzhin du lho dang nub dang byang dang byang shar dang shar lho dang / lho nub dang / nub byang dang 'og dang steng gi phyogs kyi phyogs re re zhing sangs rgyas kyi zhing gang gA'i klung gi bye ma snyed po de dag thams cad du sems bskyed pa gcig gis 'gro bar 'dod pa'i byang chub sems dpa' sems dpa' chen pos shes rab kyi pha rol du phyin pa la bslab par bya'o/ /shA ra dwa ti'i bu gzhan yang shar phyogs kyi sangs rgyas kyi zhing gang gA'i klung gi bye ma snyed po de dag thams cad du sgra gcig gi dbyangs kyis go bar bya bar 'dod pa'i byang chub sems dpa' sems dpa' chen pos shes rab kyi pha rol du phyin pa la bslab par bya'o/ /de bzhin du lho dang nub dang byang dang byang shar dang shar lho dang lho nub dang nub byang dang / 'og dang steng gi phyogs kyi phyogs re re zhing sangs rgyas kyi zhing gang gA'i klung gi bye ma snyed po de dag thams cad du sgra gcig gi dbyangs kyis go bar bya bar 'dod pa'i byang chub sems dpa' sems dpa' chen pos shes rab kyi pha rol du phyin pa la bslab par bya'o/ /shA ra dwa ti'i bu gzhan yang byang chub sems dpa' sems dpa' chen po sangs rgyas kyi skye ba rgyun mi gcad pa'i don tu gnas par 'dod pa dang / byang chub sems dpa'i rigs yongs su bsgrub par 'dod pa dang / sangs rgyas kyi rigs rgyun mi gcad pa'i don tu gnas par 'dod pas/ shes rab kyi pha rol du phyin pa la bslab par bya'o/ /shA ra dwa ti'i bu gzhan yang nang stong pa nyid la gnas par 'dod pa'i byang chub sems dpa'</font><hr>30.30b<br><font size=+1>

sems dpa' chen pos shes rab kyi pha rol du phyin pa la bslab par bya'o/ /de bzhin du phyi stong pa nyid dang / phyi nang stong pa nyid dang / stong pa nyid stong pa nyid dang / chen po stong pa nyid dang / don dam pa stong pa nyid dang / 'dus byas stong pa nyid dang / 'dus ma byas stong pa nyid dang / mtha' las 'das pa stong pa nyid dang / thog ma dang tha ma med pa stong pa nyid dang / dor ba med pa stong pa nyid dang / rang bzhin stong pa nyid dang / chos thams cad stong pa nyid dang / rang gi mtshan nyid stong pa nyid dang / mi dmigs pa stong pa nyid dang / dngos po med pa stong pa nyid dang / ngo bo nyid stong pa nyid dang / dngos po med pa'i ngo bo nyid stong pa nyid la gnas par 'dod pas shes rab kyi pha rol du phyin pa la bslab par bya'o/ /shA ra dwa ti'i bu gzhan yang byang chub sems dpa' sems dpa' chen po dmigs pa dang / dbang dang / de ma thag pa dang / rgyu'i rkyen khong du chud par 'dod pa dang / de bzhin nyid kyi rnam pa dang / mtshan nyid khong du chud par 'dod pas/ shes rab kyi pha rol du phyin pa la bslab par bya'o/ /shA ra dwa ti'i bu gzhan yang byang chub sems dpa' sems dpa' chen po chos thams cad kyi de bzhin nyid dang / ma nor ba de bzhin nyid dang / gzhan ma yin pa de bzhin nyid dang 'gyur ba med pa'i de bzhin nyid dang / yang dag pa ji lta ba'i de bzhin nyid khong du chud par 'dod pas shes rab kyi pha rol du phyin pa la bslab par bya'o/ /byang chub sems dpa' sems dpa' chen po chos thams cad kyi chos kyi dbyings khong du chud par 'dod pa dang / chos thams cad kyi yang dag pa'i mtha' khong du chud par 'dod pas/ shes rab kyi pha rol du phyin pa la bslab par bya'o/ /shA ra dwa ti'i bu gzhan yang byang chub sems dpa' sems dpa' chen po stong gsum gyi stong chen po'i 'jig rten gyi khams gang gA'i klung gi bye ma ji snyed cig yod pa de dag thams cad shes par</font><hr>30.31a<br><font size=+1>

'dod pas shes rab kyi pha rol du phyin pa la bslab par bya'o/ /byang chub sems dpa' sems dpa' chen po stong gsum gyi stong chen po'i 'jig rten gyi khams kyi rgya mtsho chen po dang chu klung dang chu klung chen po dang chu bran dang lteng ka dang mtsho dang / rdzing bu dang / lu ma dag gi chu'i phung po de dag thams cad skra'i rtse mo brgyar gshegs pas gyen du blang bar 'dod pa dang / de la gnas pa'i srog chags rnams la yang gnod par mi 'gyur bar 'dod pas/ shes rab kyi pha rol du phyin pa la bslab par bya'o/ /shA ra dwa ti'i bu gzhan yang byang chub sems dpa' sems dpa' chen po stong gsum gyi stong chen po'i 'jig rten gyi khams na me'i phung po ji snyed cig yod pa de dag thams cad 'di lta ste dper na/ bskal pa'i me ltar me lce gcig tu 'bar bar gyur na'ang / de ltar 'bar ba de kha'i dbugs gcig gis zhi bar bya bar 'dod pas shes rab kyi pha rol du phyin pa la bslab par bya'o/ /shA ra dwa ti'i bu gzhan yang byang chub sems dpa' sems dpa' chen po stong gsum gyi stong chen po'i 'jig rten gyi khams na/ rlung gi dkyil 'khor ji snyed cig yod pa stong gsum gyi stong chen po'i 'jig rten gyi khams 'di yang / 'di lta ste dper na/ phub ma spar gang la bya ba ltar gtor g.yang de/ rnam par 'jig par byed pa de lta bur rnam par 'thor ba chen po'i rlung gi dkyil 'khor sor mo gcig gi rtse mos yongs su khebs par bya bar 'dod pa dang / gzhil bar 'dod pas/ shes rab kyi pha rol du phyin pa la bslab par bya'o/ /shA ra dwa ti'i bu gzhan yang byang chub sems dpa' sems dpa' chen po stong gsum gyi stong chen po'i 'jig rten gyi khams kyi nam mkha'i dbyings ji tsam pa de thams cad dkyil mo dkrung gcig gis rgyas par dgang bar 'dod pas/ shes rab kyi pha rol du phyin pa la bslab par bya'o/ /shA ra dwa ti'i bu gzhan yang byang chub sems dpa' sems dpa' chen po stong gsum gyi stong chen po'i 'jig rten gyi khams</font><hr>30.31b<br><font size=+1>

na/ ri'i rgyal po ri rab dang khor yug dang khor yug chen po ji snyed cig yod pa de dag thams cad skra nyag ma gcig gis sbams te gyen tu bteg nas/ 'jig rten gyi khams tshad med grangs med par 'phang ngo snyam na yang / shes rab kyi pha rol du phyin pa la bslab par bya'o/ /shA ra dwa ti'i bu gzhan yang byang chub sems dpa' sems dpa' chen po stong gsum gyi stong chen po'i 'jig rten gyi khams kyi shing dang rtswa dang gel ba dang rtsi dang nags tshal mang po dang rdo dang bong ba dang gyo mo dang ri dang sa chen po'i lhun de dag thams cad rdul shin du phra ba'i tshul du shes par 'dod pas shes rab kyi pha rol du phyin pa la bslab par bya'o/ /shA ra dwa ti'i bu gzhan yang byang chub sems dpa' sems dpa' chen po shar phyogs kyi 'jig rten gyi khams gang gA'i klung gi bye ma snyed dag na/ sangs rgyas bcom ldan 'das byang chub sems dpa'i 'khor dang bcas pa/ nyan thos kyi dge 'dun dang bcas pa ji snyed cig bzhugs pa de dag thams cad bsod snyoms gcig gis khyed par bya bar 'dod pa dang / de bzhin du me tog gcig dang phreng ba gcig dang spos gcig dang byug pa gcig dang phye ma gcig dang / na bza' gcig dang rgyan gcig dang gdugs gcig dang rgyal mtshan gcig dang ba dan gcig gis rim gror bya bar 'dod pa dang / bkur stir bya bar 'dod pa dang sti stang du bya bar 'dod pa dang mchod par bya bar 'dod pas/ shes rab kyi pha rol du phyin pa la bslab par bya'o/ /de bzhin du byang chub sems dpa' sems dpa' chen po lho dang nub dang byang dang byang shar dang shar lho dang lho nub dang / nub byang dang 'og dang steng gi phyogs kyi phyogs re re zhing 'jig rten gyi khams gang gA'i klung gi bye ma snyed dag na/ sangs rgyas bcom ldan 'das byang chub sems dpa'i 'khor dang bcas pa/ nyan thos kyi dge 'dun dang bcas pa ji snyed cig bzhugs pa de dag thams cad</font><hr>30.32a<br><font size=+1>

bsod snyoms gcig gis khyed par bya bar 'dod pa dang / de bzhin du me tog gcig dang phreng ba gcig dang spos gcig dang byug pa gcig dang phye ma gcig dang / na bza' gcig dang rgyan gcig dang gdugs gcig dang rgyal mtshan gcig dang / ba dan gcig gis rim gror bya bar 'dod pa dang / bkur stir bya bar 'dod pa dang sti stang du bya bar 'dod pa dang mchod par bya bar 'dod pas shes rab kyi pha rol du phyin pa la bslab par bya'o/ /shA ra dwa ti'i bu gzhan yang byang chub sems dpa' sems dpa' chen po shar phyogs kyi 'jig rten gyi khams gang gA'i klung gi bye ma snyed dag na/ sems can ji snyed cig 'khod pa de dag thams cad tshul khrims kyi phung po la dgod par 'dod pa dang / ting nge 'dzin gyi phung po dang / shes rab kyi phung po dang / rnam par grol ba'i phung po dang / rnam par grol ba'i ye shes mthong ba'i phung po la dgod par 'dod pa dang / rgyun du zhugs pa'i 'bras bu la dgod par 'dod pa dang / lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub dang / phung po ma lus pa'i mya ngan las 'das pa'i dbyings kyi bar la dgod par 'dod pas/ shes rab kyi pha rol du phyin pa la bslab par bya'o/ /de bzhin du byang chub sems dpa' sems dpa' chen po lho dang nub dang byang dang byang shar dang shar lho dang lho nub dang nub byang dang 'og dang steng gi phyogs kyi phyogs re re zhing 'jig rten gyi khams gang gA'i klung gi bye ma snyed dag na/ sems can ji snyed cig 'khod pa de dag thams cad tshul khrims kyi phung po la dgod par 'dod pa dang / ting nge 'dzin gyi phung po dang / shes rab kyi phung po dang / rnam par grol ba'i phung po dang / rnam par grol ba'i ye shes mthong ba'i phung po la dgod par 'dod pa dang / rgyun du zhugs pa'i 'bras bu la dgod par 'dod pa dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub la dgod par 'dod pa</font><hr>30.32b<br><font size=+1>

dang / phung po ma lus pa'i mya ngan las 'das pa'i dbyings kyi bar la dgod par 'dod pas/ shes rab kyi pha rol du phyin pa la bslab par bya'o/ /shA ra dwa ti'i bu gzhan yang byang chub sems dpa' sems dpa' chen po phyogs bcu'i 'jig rten gyi khams thams cad na/ sems can ji snyed cig yod pa de dag thams cad nyan thos dang / rang sangs rgyas kyi theg pa dang / theg pa chen pos yongs su mya ngan las bzla bar 'dod pas/ shes rab kyi pha rol du phyin pa la bslab par bya'o/ /shA ra dwa ti'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod cing / sbyin pa gtong ba'i tshe 'di ltar bslab par bya ste/ sbyin pa rnam pa 'di ltar byin na ni 'bras bu chen por 'gyur/ sbyin pa 'di ltar byin na ni rgyal rigs che zhing mtho ba'i rigs su skye/ sbyin pa 'di ltar byin na ni bram ze che zhing mtho ba'i rigs su skye/ khyim bdag che zhing mtho ba'i rigs su skye/ sbyin pa 'di ltar byin na ni sbyin pa de nyid la gnas pas/ rgyal po chen po bzhi'i ris kyi lha'i nang du skye/ sbyin pa 'di ltar byin na ni/ sbyin pa de nyid la gnas pas/ sum bcu rtsa gsum dang / mtshe ma dang dga' ldan dang 'phrul dga' dang gzhan 'phrul dbang byed kyi lha'i nang du skye/ sbyin pa 'di ltar byin na ni sbyin pa de nyid la gnas pas/ bsam gtan dang po 'grub par 'gyur/ bsam gtan gnyis pa dang / gsum pa dang / bzhi pa 'grub par 'gyur/ nam mkha' mtha' yas skye mched kyi mnyam par gzhag pa la snyoms par 'jug par 'gyur/ rnam shes mtha' yas skye mched kyi mnyam par gzhag pa dang / cung zad med pa'i skye mched kyi mnyam par gzhag pa dang / 'du shes med 'du shes med min skye mched kyi mnyam par gzhag pa la snyoms par 'jug par 'gyur/ sbyin pa 'di ltar byin na ni/ byang chub kyi phyogs kyi chos sum bcu rtsa bdun 'byung bar 'gyur/ sbyin pa 'di</font><hr>30.33a<br><font size=+1>

ltar byin na ni/ stong pa nyid dang / mtshan ma med pa dang / smon pa med pa 'byung bar 'gyur/ sbyin pa 'di ltar byin na ni rgyun du zhugs pa'i 'bras bu thob par 'gyur/ lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub dang / bla na med pa yang dag par rdzogs pa'i byang chub thob par 'dod pas/ shes rab kyi pha rol du phyin pa la bslab par bya'o/ /shA ra dwa ti'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ thabs mkhas pas sbyin pa 'di ltar byin na ni/ sbyin pa'i pha rol du phyin pa yongs su rdzogs par byed do/ /de bzhin du tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa yongs su rdzogs par byed do zhes bya bar bslab par bya'o/ /de nas tshe dang ldan pa shA ra dwa ti'i bus/ bcom ldan 'das la 'di skad ces gsol to/ /bcom ldan 'das byang chub sems dpa' sems dpa' chen pos sbyin pa rnam pa ji lta bur stsal na/ sbyin pa'i pha rol du phyin pa yongs su rdzogs par bgyis pa lags/ ji ltar na tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa yongs su rdzogs par bgyis pa lags/ bcom ldan 'das kyis bka' stsal pa/ shA ra dwa ti'i bu sbyin pa dang / gtong ba dang yongs su len pa mi dmigs pa'i tshul gyis 'khor gsum yongs su dag pas/ sbyin pa'i pha rol du phyin pa yongs su rdzogs par byas pa yin/ de bzhin du ltung ba dang mi ltung ba bya ba med pa'i phyir/ tshul khrims kyi pha rol du phyin pa yongs su rdzogs par byas pa yin/ 'khrug pa med pa'i phyir/ </font><hr>30.33b<br><font size=+1>

bzod pa'i pha rol du phyin pa yongs su rdzogs par byas pa yin/ lus dang sems kyi brtson 'grus 'jig pa med pa'i phyir/ brtson 'grus kyi pha rol du phyin pa yongs su rdzogs par byas pa yin/ 'khrug pa dang rtog pa med pa'i phyir/ bsam gtan gyi pha rol du phyin pa yongs su rdzogs par byas pa yin/ chos thams cad rab tu shes pa mi dmigs pa'i tshul gyis/ shes rab kyi pha rol du phyin pa yongs su rdzogs par byas pa yin no/ /shA ra dwa ti'i bu gzhan yang byang chub sems dpa' sems dpa' chen po sangs rgyas bcom ldan 'das 'das pa dang ma byon pa dang da ltar byung ba rnams kyi sangs rgyas kyi yon tan thams cad shes par 'dod pa dang thob par 'dod pas/ shes rab kyi pha rol du phyin pa la bslab par bya'o/ /shA ra dwa ti'i bu gzhan yang byang chub sems dpa' sems dpa' chen po chos 'dus byas dang / 'dus ma byas rnams kyi pha rol du phyin par 'dod pas shes rab kyi pha rol du phyin pa la bslab par bya'o/ /byang chub sems dpa' sems dpa' chen po chos gang zag pa dang bcas pa dang zag pa med pa dang dge ba dang mi dge ba dang 'jig rten pa dang 'jig rten las 'das pa dang gzugs yod pa dang gzugs med pa dang lung bstan du yod pa dang / lung bstan du med pa dang nges pa dang ma nges pa dang 'byung ba dang mi 'byung ba dang 'grib pa'i tshul can dang khyad par gyi tshul can dang so so'i skye bo'i chos dang 'phags pa'i chos dang slob pa'i chos dang mi slob pa'i chos dang nyan thos dang rang sangs rgyas kyi chos dang byang chub sems dpa'i chos dang sangs rgyas kyi chos dang chos thams cad kyi pha rol du phyin par 'gro bar 'dod pas/ shes rab kyi pha rol du phyin pa la bslab par bya'o/ /shA ra dwa ti'i bu gzhan yang byang chub sems dpa' sems dpa' chen po chos 'das pa dang ma 'ongs pa dang da ltar byung ba thams cad kyi de bzhin nyid khong du chud par 'dod pas/ </font><hr>30.34a<br><font size=+1>

shes rab kyi pha rol du phyin pa la bslab par bya'o/ /shA ra dwa ti'i bu gzhan yang byang chub sems dpa' sems dpa' chen po de bzhin du chos thams cad kyi mi skye ba'i mthar phyin par 'dod pa dang / chos thams cad kyi yang dag pa'i mtha' rtogs par 'dod pas shes rab kyi pha rol du phyin pa la bslab par bya'o/ /shA ra dwa ti'i bu gzhan yang byang chub sems dpa' sems dpa' chen po nyan thos dang / rang sangs rgyas thams cad kyi sngon du 'gro bar 'dod pas shes rab kyi pha rol du phyin pa la bslab par bya'o/ /shA ra dwa ti'i bu gzhan yang byang chub sems dpa' sems dpa' chen po sangs rgyas bcom ldan 'das thams cad la rim gror bya bar 'dod pas shes rab kyi pha rol du phyin pa la bslab par bya'o/ /shA ra dwa ti'i bu gzhan yang byang chub sems dpa' sems dpa' chen po sangs rgyas bcom ldan 'das thams cad kyi nang gi 'khor du 'gyur bar 'dod pas shes rab kyi pha rol du phyin pa la bslab par bya'o/ /shA ra dwa ti'i bu gzhan yang byang chub sems dpa' sems dpa' chen po 'khor mang po dang ldan par 'dod pa dang / byang chub sems dpa'i 'khor thob par 'dod pas shes rab kyi pha rol du phyin pa la bslab par bya'o/ /shA ra dwa ti'i bu gzhan yang byang chub sems dpa' sems dpa' chen po sbyin bdag thams cad kyi sbyin pa yongs su dag par bya bar 'dod pas shes rab kyi pha rol du phyin pa la bslab par bya'o/ /shA ra dwa ti'i bu gzhan yang byang chub sems dpa' sems dpa' chen po sbyin pa la thogs pa med pa'i sems dang ldan par 'dod pa dang / tshul khrims ngan pa'i sems spang bar 'dod pa dang / gnod par sems pa'i yid dor bar 'dod pa dang / le lo'i sems dang / 'khrug pa'i sems dang / shes rab 'chal ba'i sems mi skyed par 'dod pas shes rab kyi pha rol du phyin pa la bslab par bya'o/ /shA ra dwa ti'i bu gzhan yang byang chub sems dpa' sems dpa' chen po sems can thams cad sbyin pa las byung ba'i bsod</font><hr>30.34b<br><font size=+1>

nams bya ba'i dngos po la dgod par 'dod pa dang / tshul khrims las byung ba dang / bsgom pa las byung ba dang / rim gro las byung ba dang / dngos po thams cad las byung ba'i bsod nams bya ba'i dngos po la dgod par 'dod pas shes rab kyi pha rol du phyin pa la bslab par bya'o/ /shA ra dwa ti'i bu gzhan yang byang chub sems dpa' sems dpa' chen po mig lnga rnam pa thams cad du yongs su bsgrub par 'dod pas shes rab kyi pha rol du phyin pa la bslab par bya'o/ /'di lta ste/ sha'i mig dang / lha'i mig dang / shes rab kyi mig dang / chos kyi mig dang / sangs rgyas kyi mig yongs su bsgrub par 'dod pas shes rab kyi pha rol du phyin pa la bslab par bya'o/ /shA ra dwa ti'i bu gzhan yang byang chub sems dpa' sems dpa' chen po shar phyogs kyi 'jig rten gyi khams gang gA'i klung gi bye ma snyed dag na/ sangs rgyas bcom ldan 'das gang ji snyed cig bzhugs pa de dag thams cad dang lho dang nub dang byang dang byang shar dang / shar lho dang lho nub dang nub byang dang 'og dang steng gi phyogs kyi phyogs re re zhing 'jig rten gyi khams gang gA'i klung gi bye ma snyed dag na/ sangs rgyas bcom ldan 'das ji snyed cig bzhugs pa de dag thams cad lha'i mig gis blta bar 'dod pa dang / sangs rgyas bcom ldan 'das de dag chos gang ston pa de thams cad lha'i rna bas mnyan par 'dod pa dang / sangs rgyas bcom ldan 'das de dag gis thugs sems kyis khong du chud par 'dod pa dang / sangs rgyas bcom ldan 'das de dag gi sngon gyi sbyor ba dang ldan pa'i byang chub sems dpa'i spyod pa rjes su dran par 'dod pa dang / sangs rgyas bcom ldan 'das de dag gi rdzu 'phrul dang / rnam par 'phrul pa rnam pa mang po mthong bar 'dod pas/ shes rab kyi pha rol du phyin pa la bslab par bya'o/ /shA ra dwa ti'i bu gzhan yang byang chub sems dpa' sems dpa' chen po sangs rgyas bcom ldan 'das de dag phyogs bcu kun gyi 'jig rten gyi khams su</font><hr>30.35a<br><font size=+1>

chos gang ston pa de dag thams cad dran pa'i stobs dang shugs gcad du mi chod pas yang dag par gzung bar 'dod pa dang / bla na med pa yang dag par rdzogs pa'i byang chub tu mngon par rdzogs par sangs rgyas kyi bar du de thams cad chud mi za bar bya bar 'dod pas shes rab kyi pha rol du phyin pa la bslab par bya'o/ /shA ra dwa ti'i bu gzhan yang byang chub sems dpa' sems dpa' chen po sangs rgyas bcom ldan 'das 'das pa dang ma byon pa dang da ltar byung ba rnams kyi sangs rgyas kyi zhing dang / sangs rgyas kyi zhing yongs su dag pa mang po mthong bar 'dod pa dang yongs su bsgrub par 'dod pas shes rab kyi pha rol du phyin pa la bslab par bya'o/ /shA ra dwa ti'i bu gzhan yang byang chub sems dpa' sems dpa' chen po de bzhin gshegs pa rnams kyi mdo dang / dbyangs kyis bsnyad pa dang / lung bstan pa dang / tshigs su bcad pa dang / ched du brjod pa dang / gleng gzhi dang / 'di ltar 'das pa dang / skyes pa'i rabs dang / shin du rgyas pa dang / rtogs pa brjod pa dang / gtan la dbab par bstan pa dang / chos rmad du byung ba nyan thos dang rang sangs rgyas kyi ma thos pa gang ji bstan kyang rung ste/ de dag thams cad thos par 'dod pa dang / gzung bar 'dod pa dang / bcang bar 'dod pa dang / klag par 'dod pa dang / yongs su chub par bya bar 'dod pa dang / ma nor bar nan tan du bya bar 'dod pa dang / gzhan la yang rgya cher bstan par 'dod pa dang / yang dag par bstan par 'dod pas/ shes rab kyi pha rol du phyin pa la bslab par bya'o/ /shA ra dwa ti'i bu gzhan yang byang chub sems dpa' sems dpa' chen po shar phyogs su sangs rgyas bcom ldan 'das thams cad kyi gsungs pa dang gsung ba dang gsung bar 'gyur ba dang / de bzhin du lho dang nub dang byang dang byang shar dang shar lho dang lho nub dang nub byang dang 'og dang steng gi phyogs su sangs rgyas bcom ldan</font><hr>30.35b<br><font size=+1>

'das thams cad kyis gsungs pa dang gsung ba dang gsung bar 'gyur ba gang ci yang rung ste/ de thams cad mnyan par 'dod pa dang / gzung bar 'dod pa dang / bcang bar 'dod pa dang / klag par 'dod pa dang / yongs su chub par bya bar 'dod pa dang / gzhan la yang dag par rgya cher rab tu bstan par 'dod pa dang / de la yang ma nor bar nan tan du bya bar 'dod pas shes rab kyi pha rol du phyin pa la bslab par bya'o/ /shA ra dwa ti'i bu gzhan yang byang chub sems dpa' sems dpa' chen po shar phyogs kyi 'jig rten gyi khams gang gA'i klung gi bye ma snyed dag na/ mun pa mun nag smag du gyur pa/ smag gis khyab pa/ nyi ma dang zla ba 'di ltar rdzu 'phrul che zhing 'di ltar gzi brjid che ba/ 'di ltar mthu che ba gnyis kyis kyang lham mer mi rung / lhan ner mi rung / lhang nger mi rung ba de lta bu thams cad snang bar bya bar 'dod pas shes rab kyi pha rol du phyin pa la bslab par bya'o/ /de bzhin du lho dang nub dang byang dang byang shar dang shar lho dang lho nub dang / nub byang dang 'og dang steng gi phyogs kyi phyogs re re zhing 'jig rten gyi khams gang gA'i klung gi bye ma snyed dag na/ mun pa mun nag smag du gyur pa/ smag gis khyab pa/ nyi ma dang zla ba 'di ltar rdzu 'phrul che zhing / 'di ltar gzi brjid che la/ 'di ltar mthu che ba gnyis kyis kyang lham mer mi rung / lhan ner mi rung / lhang nger mi rung ba de lta bu thams cad snang bar bya bar 'dod pas shes rab kyi pha rol du phyin pa la bslab par bya'o/ /shA ra dwa ti'i bu gzhan yang byang chub sems dpa' sems dpa' chen po shar phyogs kyi 'jig rten gyi khams gang gA'i klung gi bye ma ji snyed pa gang du sangs rgyas kyi sgra dang chos kyi sgra dang dge 'dun gyi sgra sems can rnams kyis mi thos pa de lta bu'i 'jig rten gyi khams dag tu sems can de dag thams cad kyis/ sangs rgyas dang chos dang dge 'dun gyi sgra thos par bya bar 'dod pa dang / yang dag pa'i lta ba la dgod par 'dod pas shes rab kyi pha rol du</font><hr>30.36a<br><font size=+1>

phyin pa la bslab par bya'o/ /de bzhin du byang chub sems dpa' sems dpa' chen po lho dang nub dang byang dang byang shar dang shar lho dang lho nub dang nub byang dang 'og dang steng gi phyogs kyi phyogs re re zhing 'jig rten gyi khams gang gA'i klung gi bye ma ji snyed pa gang du/ sangs rgyas kyi sgra dang chos kyi sgra dang dge 'dun gyi sgra sems can rnams kyis mi thos pa de lta bu'i 'jig rten gyi khams dag tu sems can de dag thams cad kyis/ sangs rgyas dang chos dang dge 'dun gyi sgra thos par bya bar 'dod pa dang / yang dag pa'i lta ba la dgod par 'dod pas shes rab kyi pha rol du phyin pa la bslab par bya'o/ /shA ra dwa ti'i bu gzhan yang byang chub sems dpa' sems dpa' chen po shar phyogs dang / lho dang nub dang byang dang byang shar dang shar lho dang / lho nub dang nub byang dang 'og dang steng gi phyogs kyi phyogs re re zhing 'jig rten gyi khams gang gA'i klung gi bye ma snyed dag na/ sems can long ba ji snyed cig yod pa de dag thams cad bdag gi mthus/ mig gis gzugs mthong ba dang / 'on pa rnams rna bas sgra thos pa dang / smyon pa rnams dran pa thob pa dang / gos med pa rnams gos thob pa dang / bkres pa dang skom pa rnams zas dang skom thob pa dang / nad pa rnams nad 'tsho bar 'gyur ba dang / btson ra dang khri mon na 'khod pa rnams bdag gis rdzu 'phrul dang bdag gi mthus dga' mgur 'dong du yod par bya'o snyam na yang / shes rab kyi pha rol du phyin pa la bslab par bya'o/ /ji ltar na phyogs bcu kun gyi phyogs re re'i 'jig rten gyi khams gang gA'i klung gi bye ma snyed dag na/ sems can mi khom pa dang / ngan song du lhung ba sems can dmyal ba pa 'am/ byol song gi skye gnas pa 'am/ gshin rje'i 'jig rten pa ji snyed cig yod pa de dag thams cad bdag gis mthus/ de nas shi 'phos nas mi'i lus thob par bya'o snyam ste/ </font><hr>30.36b<br><font size=+1>

sems can de dag thams cad tshul khrims la dgod par 'dod pa dang ting nge 'dzin dang shes rab dang rnam par grol ba dang / rnam par grol ba'i ye shes mthong ba la dgod par 'dod pa dang / rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub dang / bla na med pa yang dag par rdzogs pa'i byang chub la dgod par 'dod pa'i byang chub sems dpa' sems dpa' chen pos shes rab kyi pha rol du phyin pa la bslab par bya'o/ /shA ra dwa ti'i bu gzhan yang byang chub sems dpa' sems dpa' chen po de bzhin gshegs pa'i spyod lam la bslab par 'dod pa dang / de bzhin gshegs pa'i spyod pa dang / tshul rnam par dag pa dang / de bzhin gshegs pa'i sku'i phrin las dang gsung gi phrin las dang thugs kyi phrin las ye shes sngon du 'gro ba yongs su dag pa la bslab par 'dod pas shes rab kyi pha rol du phyin pa la bslab par bya'o/ /shA ra dwa ti'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe 'di ltar yongs su brtag par bya ste/ ji ltar na bdag gis glang po chen po'i lta stangs kyis bltas te/ sems can rnams la thogs pa med par chos bstan par 'gyur/ ji ltar na bdag seng ge chen po'i rnam par bsgyings pas rnam par sgying bar 'gyur/ ji ltar na bdag gis don yod pa'i rnam par gnas pas rnam par gnas par bya/ ji ltar na bdag sa chen po la sor bzhi tsam gyis rkang pas mi reg par 'gro bar 'gyur/ ji ltar na bdag gis pad mo 'dab ma stong dang ldan pa la rkang pa gnyis kyi mthil gzhag cing / rkang pa'i 'og na gnas pa'i srog chags rnams la mi gnod par 'gro bar bya/ ji ltar na bdag rkang pa'i mthil 'khor lo'i rtsibs stong dang ldan pa gnyis kyi sa chen po la rnam par bris te 'gro bar 'gyur/ ji ltar na bdag sa chen po la 'khor kun du 'khor lo tsam gyi khyon yongs su bskor cing 'chag sa na 'chag par 'gyur/ ji ltar na bdag sa chen</font><hr>30.37a<br><font size=+1>

po thams cad du rgyu zhing song yang / sa'i rdul gyi mi gos par 'gyur/ ji ltar na bdag dpag tshad gcig gam gnyis sam gsum 'am bzhi 'am lnga 'am bcu 'am nyi shu 'am sum bcu 'am bzhi bcu 'am lnga bcu 'am dpag tshad brgya 'am dpag tshad stong ngam dpag tshad brgya phrag stong nas dpag tshad tshad med pa 'am grangs med pa 'am/ bsam gyis mi khyab pa 'am mtshungs pa med pa 'am/ mtha' yas pa 'am/ kun du mtha' yas pa 'am/ gzhal du med pa 'am brjod du med pa'i yang brjod du med pa'i bar gyi sangs rgyas kyi zhing dag tu rgyus te song yang / lus dang sems la dub pa med par 'gyur snyam na yang shes rab kyi pha rol du phyin pa la bslab par bya'o/ /shA ra dwa ti'i bu gzhan yang byang chub sems dpa' sems dpa' chen po ji ltar na bdag gis rkang pa'i mthil 'khor lo'i rtsibs stong dang ldan pa gnyis nas 'od zer bye ba khrag khrig brgya phrag stong bkye ste/ mi khom pa dang ngan song gi sdug bsngal thams cad rab tu zhi bar byas nas/ sems can thams cad bde bar bya bar 'gyur snyam na yang shes rab kyi pha rol du phyin pa la bslab par bya'o/ /shA ra dwa ti'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe 'di ltar yongs su brtag par bya ste/ ji ltar na bdag rgyal po chen po bzhi'i ris kyi lha rnams dang / sum bcu rtsa gsum dang / mtshe ma dang / dga' ldan dang / 'phrul dga' dang / gzhan 'phrul dbang byed dang / tshangs ris dang / tshangs lha nye phan dang / tshangs pa kun 'khor dang / tshangs chen dang / snang ba dang / chung snang dang / tshad med snang ba dang / kun snang dang ba dang / dge ba dang / chung dge dang / tshad med dge ba dang / dge rgyas dang / che ba dang / chung che dang / tshad med che ba dang / 'bras bu che ba dang / mi che ba dang / mi gdung ba dang / gya nom snang ba dang / shin du mthong ba dang / 'og min gyi lha bye ba khrag khrig</font><hr>30.37b<br><font size=+1>

brgya stong du mas bskor cing mdun du bdar te snying po byang chub kyi shing drung du 'gro bar bya snyam na yang shes rab kyi pha rol du phyin pa la bslab par bya'o/ /shA ra dwa ti'i bu gzhan yang byang chub sems dpa' sems dpa' chen pos shes rab kyi pha rol du phyin pa la spyod pa'i tshe/ 'di ltar yongs su brtag par bya ste/ ji ltar na bdag byang chub kyi shing drung du 'dug pa'i tshe/ rgyal po chen po bzhi'i ris kyi lha dang sum bcu rtsa gsum dang / mtshe ma dang / dga' ldan dang / 'phrul dga' dang / gzhan 'phrul dbang byed dang / tshangs ris dang / tshangs lha nye phan dang / tshangs pa kun 'khor dang / tshangs chen dang / snang ba dang / chung snang dang / tshad med snang ba dang / kun snang dang ba dang / dge ba dang / chung dge dang / tshad med dge ba dang / dge rgyas dang / che ba dang / chung che dang / tshad med che ba dang / 'bras bu che ba dang / mi che ba dang / mi gdung ba dang / gya nom snang ba dang / shin du mthong ba dang / 'og min gyi lha rnams stan gding bar 'gyur snyam na yang shes rab kyi pha rol du phyin pa la bslab par bya'o/ /shA ra dwa ti'i bu gzhan yang byang chub sems dpa' sems dpa' chen pos shes rab kyi pha rol du phyin pa la spyod pa'i tshe/ 'di ltar yongs su brtag par bya ste/ ji ltar na bdag snying po byang chub la 'dug ste/ mtshan gyis legs par brgyan pa'i lag gis sa chen po la brdabs nas/ nag po'i phyogs bdud 'khor dang bcas pa shin du pham par bya snyam na yang shes rab kyi pha rol du phyin pa la bslab par bya'o/ /shA ra dwa ti'i bu gzhan yang byang chub sems dpa' sems dpa' chen pos shes rab kyi pha rol du phyin pa la spyod pa'i tshe 'di ltar yongs su brtag par bya ste/ ji ltar na bdag bla na med pa yang dag par rdzogs pa'i byang chub tu mngon par rdzogs par sangs rgyas nas/ 'gro ba dang 'greng ba dang 'dug pa dang nyal ba'i sa phyogs de dag rdo rje'i rang bzhin du 'dug par 'gyur snyam</font><hr>30.38a<br><font size=+1>

na yang / shes rab kyi pha rol du phyin pa la bslab par bya'o/ /shA ra dwa ti'i bu gzhan yang byang chub sems dpa' sems dpa' chen pos shes rab kyi pha rol du phyin pa la spyod pa'i tshe 'di ltar yongs su brtag par bya ste/ ji ltar na bdag nyi ma gang la mngon par byung ba de nyid kyi nyi ma la/ nag po'i phyogs 'khor dang bcas pa pham par byas te/ bla na med pa yang dag par rdzogs pa'i byang chub tu mngon par 'tshang rgya bar bya/ mngon par sangs rgyas nas ni ji ltar nyi ma de nyid la chos kyi 'khor lo bskor bar bya/ 'khor lo bskor nas ni ji ltar tshad med grangs med pa'i sems can rnams rdul dang bral te/ dri ma dang bral nas chos la chos kyi mig rnam par dag par bya/ tshad med grangs med pa'i sems can rnams ni ji ltar nye bar len pa med par zag pa rnams las sems rnam par grol bar bya/ tshad med grangs med pa'i sems can rnams ni ji ltar bla na med pa yang dag par rdzogs pa'i byang chub las phyir mi ldog par bya snyam na yang shes rab kyi pha rol du phyin pa la bslab par bya'o/ /shA ra dwa ti'i bu gzhan yang byang chub sems dpa' sems dpa' chen pos shes rab kyi pha rol du phyin pa la spyod pa'i tshe/ 'di ltar sems bskyed par bya ste/ ji ltar na bdag bla na med pa yang dag par rdzogs pa'i byang chub tu mngon par rdzogs par sangs rgyas pa'i tshe/ nyan thos kyi dge 'dun ni tshad med grangs med par 'gyur/ chos bstan pa gcig gis stan gcig pa'i dgra bcom pa ni tshad med grangs med par 'gyur/ byang chub sems dpa' sems dpa' chen po rnams ni bla na med pa yang dag par rdzogs pa'i byang chub las phyir mi ldog par 'gyur/ byang chub sems dpa'i dge 'dun ni tshad med grangs med par 'gyur/ tshe'i tshad ni dpag tu med par 'gyur/ 'od dpag tu med pa ni phun sum tshogs par 'gyur snyam na yang shes rab kyi pha rol du phyin pa</font><hr>30.38b<br><font size=+1>

la bslab par bya'o/ /shA ra dwa ti'i bu gzhan yang byang chub sems dpa' sems dpa' chen po ji ltar na bdag bla na med pa yang dag par rdzogs pa'i byang chub tu mngon par rdzogs par sangs rgyas pa'i tshe/ sangs rgyas kyi zhing der 'dod chags dang zhe sdang dang gti mug gi sgra yang mi grag par bya snyam na yang shes rab kyi pha rol du phyin pa la bslab par bya'o/ /shA ra dwa ti'i bu gzhan yang byang chub sems dpa' sems dpa' chen po ji ltar na bdag bla na med pa yang dag par rdzogs pa'i byang chub tu mngon par rdzogs par sangs rgyas pa'i tshe/ sangs rgyas kyi zhing de'i sems can thams cad la 'di ltar sbyin pa ni dge ba'o/ /dul ba ni dge ba'o/ /sdom pa ni dge ba'o/ /tshangs pa'i spyod pa ni dge ba'o/ /srog chags su gyur pa thams cad la 'tshe ba med pa ni dge ba'o zhes bya bar shes pa'i shes rab de lta bu dang ldan par 'gyur snyam na yang shes rab kyi pha rol du phyin pa la bslab par bya'o/ /byang chub sems dpa' sems dpa' chen po ji ltar na bdag yongs su mya ngan las 'das kyang / dam pa'i chos nub ces bya ba'i sgra yang mi grag par 'gyur snyam na yang shes rab kyi pha rol du phyin pa la bslab par bya'o/ /byang chub sems dpa' sems dpa' chen po ji ltar na bdag gi ming thos pa tsam gyis/ 'jig rten gyi khams gang gA'i klung gi bye ma snyed kyi sems can mang po bla na med pa yang dag par rdzogs pa'i byang chub tu nges par 'gyur snyam na yang shes rab kyi pha rol du phyin pa la bslab par bya'o/ /shA ra dwa ti'i bu gang gi tshe de ltar byang chub sems dpa' sems dpa' chen po shes rab kyi pha rol du phyin pa la spyod cing / yon tan 'di dag bsgrub par 'gyur ba de'i tshe/ rgyal po chen po bzhi yang gang sngon gyi de bzhin gshegs pa rnams la/ sngon gyi rgyal po chen po rnams kyis phul ba'i lhung bzed rnams bdag cag gis kyang 'di la dbul bar bya'o zhes dga' bar 'gyur ro/ /bdag cag</font><hr>30.39a<br><font size=+1>

gis 'di la rim gro dang sti stang du bya'o zhes sum bcu rtsa gsum pa'i lha rnams dang / mtshe ma dang / dga' ldan dang / 'phrul dga' dang / gzhan 'phrul dbang byed kyi lha rnams kyang dga' bar 'gyur ro/ /de ltar lha ma yin gyi ris rnams ni 'grib par 'gyur/ lha'i ris rnams ni 'phel bar 'gyur te/ 'di mngon par sangs rgyas nas chos kyi 'khor lo bskor ba'i don du bdag cag gis gsol ba gdab par bya'o zhes tshangs ris kyi lha rnams dang / kun snang dang ba dang / dge rgyas dang / 'bras bu che ba dang mi che ba dang / mi gdung ba dang / shin tu mthong ba dang / gya nom snang ba dang / 'og min gyi lha rnams kyang dga' bar 'gyur ro/ /shA ra dwa ti'i bu gang gi tshe/ byang chub sems dpa' sems dpa' chen po shes rab kyi pha rol du phyin pa la spyod cing / pha rol du phyin pa drug gis rnam par 'phel bar 'gyur ba de'i tshe/ byang chub sems dpa'i theg pa pa'i rigs kyi bu dang rigs kyi bu mo rnams kyang / bdag cag ni sems can chen po 'di'i pha dang ma dang phu nu dang sring mo dang chung ma dang bu dang bu mo dang mdza' bo dang blon po dang gnyen gshes dang grogs po dang gshes su 'gyur ro snyam ste/ dga' bar 'gyur ro/ /byang chub sems dpa' sems dpa' chen po de la btsun mo'i 'khor dbul lo zhes/ rgyal po chen po bzhi dang / rgyal po chen po bzhi'i ris kyi lha dang / sum bcu rtsa gsum dang / mtshe ma dang / dga' ldan dang / 'phrul dga' dang / gzhan 'phrul dbang byed dang / tshangs ris dang / tshangs lha nye phan dang / tshangs pa kun 'khor dang / tshangs chen dang / snang ba dang / chung snang dang / tshad med snang ba dang / kun snang dang ba dang / dge ba dang / chung dge dang / tshad med dge ba dang / dge rgyas dang / che ba dang / chung che dang / tshad med che ba dang / 'bras bu che ba dang / mi che ba dang / mi gdung ba dang / gya nom snang ba dang / shin du mthong ba dang / 'og min gyi lha rnams kyang dga' bar 'gyur te/ de ni</font><hr>30.39b<br><font size=+1>

sems can rnams byang chub la dgod pa'i phyir tshangs par spyod pa yin te/ 'du ba'i chos rnams kyis yongs su bsdu ba ma yin no/ /de ni 'di ltar smon te bdag gis sems dang po bskyed nas tshangs par spyad de/ tshangs par mi spyod pa med par bya'o/ /de ci'i phyir zhe na/ 'dod pa la sten pa ni tshangs pa'i 'jig rten du skye ba la yang bar du gcod na/ bla na med pa yang dag par rdzogs pa'i byang chub la lta ci smos/ de bas na byang chub sems dpa' sems dpa' chen pos ni mngon par byung nas tshangs par spyad de/ bla na med pa yang dag par rdzogs pa'i byang chub tu mngon par rdzogs par 'tshang rgya bar bya'i/ tshangs par mi spyod par mi bya'o/ /de skad ces bka' stsal pa dang / tshe dang ldan pa shA ra dwa ti'i bus bcom ldan 'das la 'di skad ces gsol to/ /ci lags/ bcom ldan 'das byang chub sems dpa' sems dpa' chen po la pha dang ma dang mchis brang dang bu dang bu mo gdon mi 'tshal bar 'tshal lam/ bcom ldan 'das kyis bka' stsal pa/ shA ra dwa ti'i bu byang chub sems dpa' sems dpa' chen po la la la ni pha dang ma gdon mi za bar dgos kyi bu dang bu mo dang chung ma mi dgos so/ /la la la ni pha dang ma dang chung ma dang bu dang bu mo dag kyang gdon mi za bar dgos so/ /shA ra dwa ti'i bu byang chub sems dpa' sems dpa' chen po la la ni sems dang po bskyed phyin chad tshangs par spyod pa yang dag par len te/ bla na med pa yang dag par rdzogs pa'i byang chub tu mngon par sangs rgyas kyi bar du gzhon nur gyur par 'khod do/ /byang chub sems dpa' sems dpa' chen po la la ni thabs mkhas pas sems can yongs su smin par bya ba'i phyir/ 'dod pa'i yon tan lnga la yongs su spyad de/ chung ma'i 'khor gyi nang nas mngon par byung nas/ bla na med pa yang dag par rdzogs pa'i byang chub tu mngon par 'tshang rgya'o/ /shA ra dwa ti'i bu byang chub sems dpa' sems dpa' chen po shes rab</font><hr>30.40a<br><font size=+1>

kyi pha rol du phyin pa zab mo la rnam par spyod pa/ 'dod pa'i nyon mongs pa dang bral ba/ la la ni sems can yongs su smin par bya ba'i phyir/ 'dod pa'i yon tan la yongs su spyod pa yang ston te nyams kyis yongs su spyod pa med do/ /shA ra dwa ti'i bu 'di lta ste dper na/ sgyu ma'i mkhan po 'am/ sgyu ma'i mkhan po'i mchan bu mkhas pa sgyu ma'i sngags dang sbyor thabs kyi tshul la shin du bslabs pa de lta bu zhig gis/ 'dod pa'i yon tan lnga mngon par sprul te/ 'dod pa'i yon tan lnga po de dag la bdag nyid rtse zhing dga' ba dang yongs su spyod pa bstan na/ shA ra dwa ti'i bu de la ji snyam du sems/ sgyu ma'i mkhan po dang / sgyu ma'i mkhan po'i mchan bu des 'dod pa'i yon tan lnga la yongs su spyod pa yod dam/ gsol pa/ bcom ldan 'das de lta bu ma mchis so/ /bcom ldan 'das kyis bka' stsal pa/ shA ra dwa ti'i bu de bzhin du byang chub sems dpa' sems dpa' chen po theg pa chen po'i sgyu ma la shin du bslabs pa/ chos nyid sgyu ma lta bus rnam par spyod pa rab tu thob pa/ nyon mongs pa thams cad dang bral ba dag kyang / 'dul ba'i sems can yongs su smin par bya ba'i phyir/ snying rje chen po'i dbang gis 'dod pa'i yon tan la yongs su spyod pa yang ston te/ de dag de dang 'grogs pa yang med/ des 'gro bar 'gyur ba yang med do/ /shA ra dwa ti'i bu byang chub sems dpa' sems dpa' chen po rnams ni rnam grangs du mas 'dod pa rnams la skyon du brjod de/ 'dod pa rnams ni kun nas 'bar ba'o/ /'dod pa rnams ni rab tu smad pa'o/ /'dod pa rnams ni gsod pa'o/ /'dod pa rnams ni dgra'o/ /'dod pa rnams ni phyir rgol ba'o/ /'dod pa rnams ni rtswa'i sgron ma lta bu'o/ /'dod pa rnams ni kim pa ka'i 'bras bu lta bu'o/ /'dod pa rnams ni ral gri'i so lta bu'o/ /'dod pa rnams ni me mdag spungs pa lta bu'o/ /'dod pa</font><hr>30.40b<br><font size=+1>

rnams ni dug gi lo ma lta bu'o/ /'dod pa rnams ni mchil pa lta bu'o/ /'dod pa rnams ni mi gtsang ba'i rlubs lta bu'o zhes de ltar shA ra dwa ti'i bu byang chub sems dpa' sems dpa' chen po rnams 'dod pa rnams yongs su shes kyang / sems can thabs mkhas pa ma yin pa rnams yongs su smin par bya ba'i don du 'dod pa'i yon tan lnga las skyo bar bya ba dang / 'dod pa'i yon tan lnga dang bral ba'i phyir 'dod pa'i yon tan lnga nye bar ston te/ de dag gis myos par 'gyur ba yang med/ bag med par 'gyur ba yang med/ 'dod pa'i rgyu dang 'dod pa'i gzhis sdig to'i las byed par 'gyur ba yang med do/ /de skad ces bka' stsal pa dang / tshe dang ldan pa shA ra dwa ti'i bus/ bcom ldan 'das la 'di skad ces gsol to/ /bcom ldan 'das ji ltar na byang chub sems dpa' sems dpa' chen pos shes rab kyi pha rol du phyin pa la spyad par bgyi/ bcom ldan 'das kyis bka' stsal pa/ shA ra dwa ti'i bu 'di la byang chub sems dpa' sems dpa' chen po shes rab kyi pha rol du phyin pa la spyod pa'i tshe/ byang chub sems dpa' yang dag par rjes su mi mthong ngo / /byang chub sems dpa'i ming yang yang dag par rjes su mi mthong ngo / /byang chub sems dpa'i spyod pa yang yang dag par rjes su mi mthong ngo / /shes rab kyi pha rol du phyin pa yang yang dag par rjes su mi mthong ngo / /shes rab kyi pha rol du phyin pa'i ming yang yang dag par rjes su mi mthong ngo / /spyod ces bya bar yang yang dag par rjes su mi mthong ngo / /mi spyod ces bya bar yang yang dag par rjes su mi mthong ngo / /spyod pa dang mi spyod pa zhes bya bar yang yang dag par rjes su mi mthong ngo / /spyod pa yang ma yin mi spyod pa yang ma yin zhes bya bar yang yang dag par rjes su mi mthong ngo / /gzugs kyang yang dag par rjes su mi mthong ngo / /tshor ba yang yang dag par rjes su mi mthong ngo / /'du shes kyang yang dag par rjes su mi mthong ngo / /</font><hr>30.41a<br><font size=+1>

'du byed kyang yang dag par rjes su mi mthong ngo / /rnam par shes pa yang yang dag par rjes su mi mthong ngo / /de ci'i phyir zhe na/ shA ra dwa ti'i bu de ni 'di ltar byang chub sems dpa' yang byang chub sems dpa'i rang bzhin gyis stong ngo / /byang chub sems dpa'i ming yang byang chub sems dpa'i ming gis stong ngo / /de ci'i phyir zhe na/ de'i rang bzhin ni de yin te/ de ni 'di ltar stong pa nyid kyis gzugs stong pa ma yin/ gzugs las gud na yang stong pa nyid med de/ gzugs nyid kyang stong pa nyid do/ /stong pa nyid kyang gzugs so/ /stong pa nyid kyis tshor ba stong pa ma yin/ tshor ba las gud na yang stong pa nyid med de/ tshor ba nyid kyang stong pa nyid do/ /stong pa nyid kyang tshor ba'o/ /stong pa nyid kyis 'du shes stong pa ma yin/ 'du shes las gud na yang stong pa nyid med de/ 'du shes nyid kyang stong pa nyid do/ /stong pa nyid kyang 'du shes so/ /stong pa nyid kyis 'du byed stong pa ma yin/ 'du byed las gud na yang stong pa nyid med de/ 'du byed nyid kyang stong pa nyid do/ /stong pa nyid kyang 'du byed do/ /stong pa nyid kyis rnam par shes pa stong pa ma yin/ rnam par shes pa las gud na yang stong pa nyid med de rnam par shes pa nyid kyang stong pa nyid do/ /stong pa nyid kyang rnam par shes pa'o/ /de ci'i phyir zhe na/ de ni 'di lta ste/ byang chub ces bya ba 'di yang ming tsam mo/ /'di lta ste/ byang chub sems dpa' zhes bya ba 'di yang ming tsam mo/ /'di lta ste/ stong pa nyid ces bya ba 'di yang ming tsam mo/ /'di lta ste/ gzugs dang tshor ba dang 'du shes dang 'du byed dang rnam par shes pa zhes bya ba 'di yang ming tsam mo/ /de yang 'di ltar gzugs ni sgyu ma lta bu'o/ /tshor ba dang 'du shes dang 'du byed dang rnam par shes pa ni sgyu ma lta bu'o/ /sgyu ma ni ming tsam ste/ phyogs na gnas pa yang ma yin/ yul na gnas pa yang ma yin pas/ sgyu ma mthong ba ni yod pa ma yin te/ byung ba ma yin/ log par gyur pa/ rang bzhin med pa/ ngo bo nyid med pa/ </font><hr>30.41b<br><font size=+1>

ma skyes pa/ ma 'gags pa/ gnas med pa/ 'phel ba med pa/ 'grib pa med pa/ kun nas nyon mongs pa med pa/ rnam par byang ba med pa ste/ de ltar spyod pa'i byang chub sems dpa' sems dpa' chen po ni chos gang yang skye ba yang dag par rjes su mi mthong ngo / /'gag pa yang dag par rjes su mi mthong ngo / /gnas pa yang dag par rjes su mi mthong ngo / /'phel ba yang dag par rjes su mi mthong ngo / /'grib pa yang dag par rjes su mi mthong ngo / /kun nas nyon mongs pa yang dag par rjes su mi mthong ngo / /rnam par byang ba yang dag par rjes su mi mthong ngo / /gzugs yang dag par rjes su mi mthong ngo / /tshor ba dang 'du shes dang 'du byed dang rnam par shes pa yang dag par rjes su mi mthong ngo / /gang la byang chub ces bya ba 'am byang chub sems dpa' zhes bya ba de yang yang dag par rjes su mi mthong ngo / /de ci'i phyir zhe na/ de ni 'di ltar chos rnams so so'i ming sgyu ma ste/ rnam par brtags pa de dag 'phral du byung ba'i ming yang yang dag pa ma yin pa las yongs su brtags pa tha snyad du brjod do/ /tha snyad kyi rgyus mngon par zhen par gyur pas/ de'i phyir byang chub sems dpa' sems dpa' chen po shes rab kyi pha rol du phyin pa la spyod pa'i tshe/ chos thams cad yang dag par rjes su mi mthong ste dmigs pa med do/ /yang dag par rjes su ma mthong la dmigs pa med pas rlom sems med do/ /mngon par zhen pa med do/ /shA ra dwa ti'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe 'di ltar yongs su rtog ste/ 'di ltar byang chub sems dpa' zhes bya ba 'di ni ming tsam mo/ /'di lta ste/ byang chub ces bya ba 'di ni ming tsam mo/ /'di lta ste/ sangs rgyas shes bya ba 'di ni ming tsam mo/ /'di lta ste/ shes rab kyi pha rol du phyin pa zhes bya ba 'di ni ming tsam mo/ /'di lta ste/ shes rab kyi pha rol du phyin pa la spyod do zhes bya ba</font><hr>30.42a<br><font size=+1>

'di ni ming tsam mo/ /'di lta ste/ gzugs zhes bya ba 'di ni ming tsam mo/ /'di lta ste/ tshor ba dang 'du shes dang 'du byed dang rnam par shes pa zhes bya ba 'di ni ming tsam mo/ /shA ra dwa ti'i bu 'di lta ste/ dper na bdag bdag ces bya ba ni tha snyad du brjod mod kyi/ de la yang dag pa ji lta ba bzhin du yongs su brtags na dmigs su med do/ /sems can sems can zhes bya ba ni tha snyad du brjod mod kyi/ de la yang dag pa ji lta ba bzhin du yongs su brtags na dmigs su med do/ /srog srog ces bya ba ni tha snyad du brjod mod kyi/ de la yang dag pa ji lta ba bzhin du yongs su brtags na mi dmigs pa stong pa nyid kyi phyir dmigs su med do/ /de bzhin du 'di lta ste dper na/ gso ba dang skyes bu dang gang zag dang shed can dang shed bdag dang byed pa po dang byed du 'jug pa po dang tshor ba po dang tshor bar byed pa po dang slong ba po dang kun du slong ba po dang shes pa po dang mthong ba po dang reg pa po dang / rnam par shes pa po zhes bya ba ni tha snyad du brjod mod kyi/ de la yang dag pa ji lta ba bzhin du yongs su brtags na/ mi dmigs pa stong pa nyid kyi phyir dmigs su med de/ ming dang brda tsam du tha snyad du brjod do/ /de bzhin du byang chub sems dpa' sems dpa' chen pos kyang shes rab kyi pha rol du phyin pa la spyod pa'i tshe/ byang chub sems dpa' yang dag par rjes su mi mthong ngo / /byang chub yang dag par rjes su mi mthong ngo / /sangs rgyas yang dag par rjes su mi mthong ngo / /shes rab kyi pha rol du phyin pa yang dag par rjes su mi mthong ngo / /shes rab kyi pha rol du phyin pa la spyod do zhes bya bar yang dag par rjes su mi mthong ngo / /gzugs yang dag par rjes su mi mthong ngo / /tshor ba dang 'du shes dang 'du byed dang rnam par shes pa yang dag par rjes su mi mthong ngo / /ming gang gis tha snyad du brjod pa'i ming de yang yang dag par rjes su mi mthong ste/ de ltar na shes rab kyi pha rol tu phyin pa la spyod pa'i</font><hr>30.42b<br><font size=+1>

byang chub sems dpa' sems dpa' chen po ni/ de bzhin gshegs pa'i shes rab ma gtogs par de ma yin pa'i shes rab nyan thos dang rang sangs rgyas thams cad kyi shes rab kyi bar du dmigs su med pa'i stong pa nyid nye bar bzung bas zil gyis gnon to/ /de ci'i phyir zhe na/ 'di ltar des gang gis mngon par chags par 'gyur ba de yang nye bar mi dmigs te/ shA ra dwa ti'i bu de ltar spyod pa'i byang chub sems dpa' sems dpa' chen po ni shes rab kyi pha rol du phyin pa la spyod pa yin no/ /shA ra dwa ti'i bu gal te 'dzam bu'i gling 'di dge slong shA ra dwa ti'i bu dang / maud gal gyi bu lta bu sha stag gis 'di lta ste dper na/ 'dam bu'i tshal lam sba'i tshal lam bu ram shing gi tshal lam smyig ma'i tshal lam 'bras kyi zhing ngam til gyi zhing ltar yongs su gang bar gyur kyang / de dag gi shes rab kyis byang chub sems dpa' sems dpa' chen po shes rab kyi pha rol du phyin pa la spyod pa'i shes rab kyi brgya'i char yang nye bar mi 'gro/ stong gi cha dang brgya stong nas bye ba brgya stong gi cha dang grangs dang cha dang bgrang ba dang dpe dang rgyur yang mi phod do/ /de ci'i phyir zhe na/ shA ra dwa ti'i bu de ni 'di ltar byang chub sems dpa' sems dpa' chen po'i shes rab ni/ sems can thams cad yongs su mya ngan las bzla ba'i don du nye bar gnas pa yin te/ nyan thos dang rang sangs rgyas kyi shes rab ni de lta ma yin no/ /shA ra dwa ti'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod pas/ nyin gcig tu yongs su bsgoms pa'i shes rab ji tsam pa des kyang nyan thos dang rang sangs rgyas thams cad kyi shes rab zil gyis mnan cing gnas te/ shA ra dwa ti'i bu 'dzam bu'i gling 'di dge slong shA ra dwa ti'i bu dang / maud gal gyi bu lta bu sha stag gis yongs su gang ba lta zhog gi /shA ra dwa ti'i bu gal te stong gsum gyi stong chen po'i 'jig rten gyi khams dge slong khyed 'dra ba sha</font><hr>30.43a<br><font size=+1>

stag gis yongs su gang bar gyur kyang / de dag gis shes rab kyis ni byang chub sems dpa' sems dpa' chen po shes rab kyi pha rol du phyin pa la spyod pa'i shes rab kyi brgya'i char yang nye bar mi 'gro/ stong gi cha dang brgya phrag stong gi cha dang bye ba brgya'i cha dang bye ba stong gi cha dang bye ba brgya phrag stong gi cha dang bye ba khrag khrig brgya'i cha dang bye ba khrag khrig stong gi cha dang bye ba khrag khrig brgya phrag stong gi cha dang grangs dang cha dang bgrang ba dang dper yang nye bar mi 'gro ste/ rgyur yang mi phod do/ /shA ra dwa ti'i bu stong gsum gyi stong chen po'i 'jig rten gyi khams lta zhog gi /shA ra dwa ti'i bu shar phyogs kyi 'jig rten gyi khams gang gA'i klung gi bye ma snyed cig /dge slong shA ra dwa ti'i bu dang / maud gal gyi bu lta bu sha stag gis yongs su gang bar gyur pa dang / lho dang nub dang byang dang byang shar dang shar lho dang lho nub dang nub byang dang 'og dang steng gi phyogs kyi phyogs re re zhing 'jig rten gyi khams gang gA'i klung gi bye ma snyed cig /dge slong shA ra dwa ti'i bu dang / maud gal gyi bu lta bu sha stag gis yongs su gang bar gyur kyang / de dag gi shes rab kyis ni byang chub sems dpa' sems dpa' chen po shes rab kyi pha rol du phyin pa la spyod pa'i shes rab nyin gcig tu bsgoms pa'i brgya'i char yang nye bar mi 'gro'o/ /stong gi cha dang brgya stong gi cha dang bye ba brgya stong gi cha dang bye ba brgya phrag stong gi cha dang bye ba khrag khrig brgya'i cha dang bye ba khrag khrig stong gi cha dang bye ba khrag khrig brgya phrag stong gi cha dang grangs dang cha dang bgrang ba dang dper yang nye bar mi 'gro ste rgyur yang mi phod do/ /shA ra dwa ti'i bus gsol pa/ bcom ldan 'das gang 'di nyan thos rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa'i shes rab dang / gang yang rang sangs rgyas dang / byang chub sems dpa' dang / de bzhin gshegs pa dgra bcom pa yang dag par rdzogs pa'i sangs rgyas kyi shes rab dang / shes rab de dag thams cad tha mi dad pa ste/ dbyer ma</font><hr>30.43b<br><font size=+1>

mchis/ stong pa dben pa rang bzhin gyis ma byung ba ngo bo nyid kyis stong pa ste/ bcom ldan 'das dbyer ma mchis shing / dben la ma skyes pa dang / rang bzhin gyis stong pa la ni khyad par ram bye brag tu bgyi ba mi dmigs na/ bcom ldan 'das de la ji ltar byang chub sems dpa' sems dpa' chen po shes rab kyi pha rol du phyin pa la spyod pas/ gdugs gcig tu bsgoms pa'i shes rab kyis nyan thos dang / rang sangs rgyas thams cad kyi shes rab zil gyis gnon par 'gyur ba lags/ bcom ldan 'das kyis bka' stsal pa/ shA ra dwa ti'i bu de ji snyam du sems/ byang chub sems dpa' sems dpa' chen po shes rab kyi pha rol du phyin pa la spyod pa'i shes rab nyin gcig tu bsgoms pa/ bdag gis lam gyi rnam pa shes pa nyid la spyad de/ sems can thams cad kyi don byas la chos thams cad rnam pa thams cad du mngon par sangs rgyas par byas te/ sems can thams cad yongs su mya ngan las bzla'o zhes don gang gi phyir sta gon du gnas pa de lta bu'i don du/ nyan thos dang rang sangs rgyas thams cad kyi shes rab sta gon du gnas sam/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ shA ra dwa ti'i bu de ji snyam du sems/ ji ga nyan thos dang rang sangs rgyas rnams 'di snyam du bdag cag gis/ bla na med pa yang dag par rdzogs pa'i byang chub tu mngon par rdzogs par sangs rgyas par byas te/ sems can thams cad phung po ma lus par mya ngan las 'das pa'i dbyings su yongs su mya ngan las bzla'o snyam du sems sam/ gsol pa/ bcom ldan 'das de ltar sems pa/ ma mchis so/ /bcom ldan 'das kyis bka' stsal pa/ de ltar shA ra dwa ti'i bu rnam grangs 'dis kyang de ltar khong du chud par bya ste/ gang 'di nyan thos dang rang sangs rgyas thams cad kyis shes rab dang / gang yang byang chub sems dpa' sems dpa' chen po'i shes rab las shes rab</font><hr>30.44a<br><font size=+1>

'di nye bar bzung na/ gang 'di nyan thos dang rang sangs rgyas thams cad kyi shes rab kyis brgya'i char yang nye bar mi 'gro'o/ /stong gi cha dang brgya phrag stong gi cha dang bye ba khrag khrig brgya'i cha dang bye ba khrag khrig stong gi cha dang bye ba khrag khrig brgya phrag stong gi cha dang grangs dang cha dang bgrang ba dang dper yang nye bar mi 'gro ste rgyur yang mi phod do/ /shA ra dwa ti'i bu 'di ji snyam du sems/ ji ga nyan thos dang rang sangs rgyas thams cad 'di snyam du bdag cag gis pha rol du phyin pa drug la spyad de/ sems can yongs su smin par byas la/ sangs rgyas kyi zhing yongs su dag par byas te/ de bzhin gshegs pa'i stobs bcu yongs su rdzogs par byas la/ mi 'jigs pa bzhi dang / so so yang dag par rig pa bzhi dang / byams pa chen po dang snying rje chen po dang / sangs rgyas kyi chos ma 'dres pa bcwa brgyad yongs su rdzogs par byas te/ bla na med pa yang dag par rdzogs pa'i byang chub tu mngon par rdzogs par sangs rgyas nas/ sems can tshad med grangs med pa yongs su mya ngan las bzla'o snyam du sems sam/ gsol pa/ bcom ldan 'das de ltar sems pa ma mchis so/ /bcom ldan 'das kyis bka' stsal pa/ shA ra dwa ti'i bu byang chub sems dpa' sems dpa' chen po ni 'di snyam du sems te/ bdag gis pha rol du phyin pa drug la spyad de/ sems can yongs su smin par byas la/ sangs rgyas kyi zhing yongs su dag par byas te/ de bzhin gshegs pa'i stobs bcu yongs su rdzogs par byas la/ mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad yongs su rdzogs par byas te/ bla na med pa yang dag par rdzogs pa'i byang chub tu mngon par rdzogs par sangs rgyas nas/ sems can tshad med grangs med pa yongs su mya ngan</font><hr>30.44b<br><font size=+1>

las bzla'o snyam du sems so/ /shA ra dwa ti'i bu 'di lta ste dper na/ srog chags kyi rigs me khyer ni 'di ltar bdag gi snang bas 'dzam bu'i gling kun du snang bar bya'o/ /bdag gis 'od kyis 'dzam bu'i gling rgyas par dgang bar bya'o snyam du mi sems so/ /shA ra dwa ti'i bu de bzhin du nyan thos dang rang sangs rgyas thams cad kyang / 'di ltar bdag cag gis pha rol du phyin pa drug la spyad de/ sems can yongs su smin par byas la/ sangs rgyas kyi zhing yongs su dag par byas te/ de bzhin gshegs pa'i stobs bcu yongs su rdzogs par byas la/ mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad yongs su rdzogs par byas te/ bla na med pa yang dag par rdzogs pa'i byang chub tu mngon par rdzogs par sangs rgyas nas/ sems can tshad med grangs med pa yongs su mya ngan las bzla bar bya'o snyam du mi sems so// //shes rab kyi pha rol du phyin pa stong phrag nyi shu lnga pa/ bam po bzhi pa/ shA ra dwa ti'i bu 'di lta ste dper na/ nyi ma'i dkyil 'khor 'char ba ni 'dzam bu'i gling thams cad snang bas rgyas par byed do/ /'dzam bu'i gling thams cad snang bas gsal bar byed do/ /shA ra dwa ti'i bu de bzhin du byang chub sems dpa' sems dpa' chen po pha rol du phyin pa drug la spyod pa yang / sems can yongs su smin par byas shing / sangs rgyas kyi zhing yongs su dag par byas nas/ de bzhin gshegs pa'i stobs bcu yongs su rdzogs par byas te/ mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / </font><hr>30.45a<br><font size=+1>

sangs rgyas kyi chos ma 'dres pa bcwa brgyad yongs su rdzogs par byas te/ bla na med pa yang dag par rdzogs pa'i byang chub tu mngon par rdzogs par sangs rgyas nas/ sems can tshad med grangs med pa yongs su mya ngan las bzla'o/ /de skad ces bka' stsal pa dang / tshe dang ldan pa shA ra dwa ti'i bus/ bcom ldan 'das la 'di skad ces gsol to/ /bcom ldan 'das ji ltar byang chub sems dpa' sems dpa' chen po nyan thos dang rang sangs rgyas kyi sa las 'das shing / phyir mi ldog pa'i byang chub sems dpa'i sa 'thob pa dang / byang chub kyi lam yongs su sbyong ba lags/ de skad ces gsol pa dang / bcom ldan 'das kyis tshe dang ldan pa shA ra dwa ti'i bu la 'di skad ces bka' stsal to/ /shA ra dwa ti'i bu 'di la byang chub sems dpa' sems dpa' chen po ni sems dang po bskyed pa nye bar bzung nas pha rol tu phyin pa drug la spyod pa'i tshe/ stong pa nyid dang / mtshan ma med pa dang / smon pa med pa'i chos la gnas te/ thabs mkhas pas/ nyan thos dang / rang sangs rgyas kyi sa las 'das nas/ phyir mi ldog pa'i byang chub sems dpa'i sa 'thob ste/ byang chub kyi lam yang spyod do/ /shA ra dwa ti'i bus gsol pa/ bcom ldan 'das sa gang la gnas pa'i byang chub sems dpa' sems dpa' chen po nyan thos dang / rang sangs rgyas thams cad kyi sbyin pa'i gnas su 'gyur ba lags/ bcom ldan 'das kyis bka' stsal pa/ shA ra dwa ti'i bu thog ma sems bskyed phyin chad/ byang chub sems dpa' sems dpa' chen po pha rol tu phyin pa drug la spyod pa ni/ snying po byang chub la 'dug gi bar du nyan thos dang rang sangs rgyas thams cad kyi sbyin pa'i gnas su gyur pa yin no/ /de ci'i phyir zhe na/ de ni shA ra dwa ti'i bu byang chub sems dpa' sems dpa' chen po yod pas/ dge ba'i chos thams cad 'jig rten du 'byung bar 'gyur te/ 'di ltar dge ba bcu'i las kyi lam rnams dang / </font><hr>30.45b<br><font size=+1>

bslab pa'i gnas lnga dang / yan lag brgyad dang ldan pa'i gso sbyin dang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / mngon par shes pa lnga dang / rjes su dran pa drug dang / pha rol du phyin pa rnams dang / stong pa nyid thams cad dang / dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa 'jig rten du 'byung bar 'gyur ro/ /'phags pa'i bden pa bzhi dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / ting nge 'dzin thams cad dang / gzungs kyi sgo thams cad 'jig rten du 'byung bar 'gyur ro/ /de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwo brgyad 'jig rten du 'byung bar 'gyur ro/ /shA ra dwa ti'i bu dge ba'i chos de dag la sogs pa mang po 'jig rten du 'byung bar 'gyur te/ dge ba'i chos de dag 'jig rten du byung bas/ rgyal rigs che zhing mtho ba dag yod pa yin/ bram ze'i rigs che zhing mtho ba dag yod pa yin/ khyim bdag gi rigs che zhing mtho ba dag yod pa yin/ rgyal po chen po bzhi'i ris kyi lha rnams yod pa yin/ sum bcu rtsa gsum dang / mtshe ma dang / dga' ldan dang / 'phrul dga' dang / gzhan 'phrul dbang byed kyi lha rnams yod pa yin/ tshangs ris kyi lha rnams yod pa yin/ tshangs lha nye phan gyi lha rnams dang / tshangs pa kun 'khor gyi lha rnams dang / tshangs chen gyi lha rnams dang / snang ba'i lha rnams dang / chung snang gi lha rnams dang / tshad med snang ba'i lha rnams dang / kun snang dang ba'i lha rnams dang / dge ba'i lha rnams</font><hr>30.46a<br><font size=+1>

dang / chung dge'i lha rnams dang / tshad med dge ba'i lha rnams dang / dge rgyas kyi lha rnams dang / che ba'i lha rnams dang / chung che'i lha rnams dang / tshad med che ba'i lha rnams dang / 'bras bu che ba'i lha rnams dang / mi che ba'i lha rnams dang / mi gdung ba'i lha rnams dang / shin du mthong ba'i lha rnams dang / gya nom snang ba'i lha rnams dang / 'og min gyi lha rnams yod pa yin/ nam mkha' mtha' yas skye mched kyi lha rnams dang / rnam shes mtha' yas skye mched kyi lha rnams dang / cung zad med pa'i skye mched kyi lha rnams dang / 'du shes med 'du shes med min skye mched kyi lha rnams yod pa yin/ rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa dang / rang sangs rgyas dang / byang chub sems dpa' sems dpa' chen po dang / de bzhin gshegs pa dgra bcom pa yang dag par rdzogs pa'i sangs rgyas rnams 'jig rten na yod pa yin no/ /gsol pa/ bcom ldan 'das de lta lags na/ byang chub sems dpa' sems dpa' chen po rnams sbyin pa yongs su sbyong ba lags sam/ bcom ldan 'das kyis bka' stsal pa/ shA ra dwa ti'i bu byang chub sems dpa' sems dpa' chen po rnams ni sbyin pa rnam grangs kyis yongs su sbyong ste/ de ci'i phyir zhe na/ byang chub sems dpa' sems dpa' chen po la ni sbyin pa kun kyang shin du dag pa ste/ de yang 'di ltar shA ra dwa ti'i bu byang chub sems dpa' sems dpa' chen po ni sbyin pa yongs su gtong ste/ ci'i sbyin pa yongs su gtong zhe na/ dge ba'i chos du ma'i sbyin pa yongs su gtong ste/ de 'di ltar dge ba bcu'i las kyi lam rnams dang / bslab pa'i gnas lnga dang / yan lag brgyad dang ldan pa'i gso sbyin dang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / mngon par shes pa lnga dang / rjes su dran pa drug dang / pha rol du phyin pa rnams dang / stong pa nyid thams</font><hr>30.46b<br><font size=+1>

cad dang / dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa dang / 'phags pa'i bden pa bzhi dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / ting nge 'dzin thams cad dang / gzungs kyi sgo thams cad dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad kyi sbyin pa yongs su gtong ngo / /gsol pa/ bcom ldan 'das byang chub sems dpa' sems dpa' chen pos ji ltar shes rab kyi pha rol tu phyin pa la brtson par bgyis na brtson zhes bgyi ba lags/ bcom ldan 'das kyis bka' stsal pa/ shA ra dwa ti'i bu 'di la byang chub sems dpa' sems dpa' chen po gzugs stong pa nyid la brtson na brtson zhes bya'o/ /tshor ba stong pa nyid dang / 'du shes stong pa nyid dang / 'du byed stong pa nyid dang / rnam par shes pa stong pa nyid la brtson na brtson zhes bya'o/ /mig stong pa nyid la brtson na brtson zhes bya'o/ /rna ba stong pa nyid dang / sna stong pa nyid dang / lce stong pa nyid dang / lus stong pa nyid dang / yid stong pa nyid la brtson na brtson zhes bya'o/ /gzugs stong pa nyid la brtson na brtson zhes bya'o/ /sgra stong pa nyid dang / dri stong pa nyid dang / ro stong pa nyid dang / reg stong pa nyid dang / chos stong pa nyid la brtson na brtson zhes bya'o/ /mig gi khams stong pa nyid dang / gzugs kyi khams stong pa nyid dang / mig gi rnam par shes pa'i khams stong pa nyid la brtson na brtson zhes bya'o/ /rna ba'i khams stong</font><hr>30.47a<br><font size=+1>

pa nyid dang / sgra'i khams stong pa nyid dang / rna ba'i rnam par shes pa'i khams stong pa nyid dang / sna'i khams stong pa nyid dang / dri'i khams stong pa nyid dang / sna'i rnam par shes pa'i khams stong pa nyid dang / lce'i khams stong pa nyid dang / ro'i khams stong pa nyid dang / lce'i rnam par shes pa'i khams stong pa nyid dang / lus kyi khams stong pa nyid dang / reg bya'i khams stong pa nyid dang / lus kyi rnam par shes pa'i khams stong pa nyid dang / yid kyi khams stong pa nyid dang / chos kyi khams stong pa nyid dang / yid kyi rnam par shes pa'i khams stong pa nyid la brtson na brtson zhes bya'o/ /sdug bsngal stong pa nyid dang / kun 'byung ba stong pa nyid dang / 'gog pa stong pa nyid dang / lam stong pa nyid la brtson na brtson zhes bya'o/ /ma rig pa stong pa nyid la brtson na brtson zhes bya'o/ /'du byed stong pa nyid dang / rnam par shes pa stong pa nyid dang / ming dang gzugs stong pa nyid dang / skye mched drug stong pa nyid dang / reg pa stong pa nyid dang / tshor ba stong pa nyid dang / sred pa stong pa nyid dang / len pa stong pa nyid dang / srid pa stong pa nyid dang / skye ba stong pa nyid dang / rga shi stong pa nyid la brtson na brtson zhes bya'o/ /chos thams cad stong pa nyid la brtson na brtson zhes bya'o/ /'dus byas dang / 'dus ma byas kyi chos gang ji snyed ming gdags su yod pa de dag thams cad stong pa nyid la brtson na brtson zhes bya'o/ /shA ra dwa ti'i bu gzhan yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe rang bzhin stong pa nyid la brtson na brtson zhes bya ste/ shA ra dwa ti'i bu de ltar byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ stong pa nyid bdun po 'di dag la brtson na brtson zhes bya'o/ /de stong pa nyid bdun po 'di dag gis shes rab kyi pha rol du phyin pa la brtson par byed kyang brtson zhe 'am mi brtson zhes mi brjod de/ </font><hr>30.47b<br><font size=+1>

de ci'i phyir zhe na/ 'di ltar des gzugs brtson zhes bya ba 'am mi brtson zhes bya bar yang dag par rjes su mi mthong ngo / /tshor ba dang 'du shes dang 'du byed dang rnam par shes pa brtson zhe 'am mi brtson zhes bya bar yang dag par rjes su mi mthong ngo / /gzugs skye ba'i chos can nam 'gag pa'i chos can du yang dag par rjes su mi mthong ngo / /tshor ba dang 'du shes dang 'du byed dang rnam par shes pa skye ba'i chos can nam 'gag pa'i chos can du yang dag par rjes su mi mthong ngo / /gzugs kun nas nyon mongs pa'i chos can nam/ rnam par byang ba'i chos can du yang dag par rjes su mi mthong ngo / /tshor ba dang / 'du shes dang 'du byed dang / rnam par shes pa kun nas nyon mongs pa'i chos can nam rnam par byang ba'i chos can du yang dag par rjes su mi mthong ngo / /gzugs ni tshor ba dang lhan cig kun du rgyu zhes bya bar yang dag par rjes su mi mthong ngo / /tshor ba dang 'du shes dang 'du byed ni rnam par shes pa dang lhan cig kun du rgyu zhes bya bar yang dag par rjes su mi mthong ngo / /rnam par shes pa ni 'du byed dang lhan cig kun du rgyu zhes bya bar yang dag par rjes su mi mthong ngo / /de ci'i phyir zhe na/ de ni 'di ltar chos gang yang chos gang dang yang lhan cig kun du rgyu ba med de/ rang bzhin gyis stong pa'i phyir 'gro ba med do/ /rnam par 'gro ba med do/ /'du ba med do/ /rnam par 'du ba med do/ /shA ra dwa ti'i bu gzugs kyi stong pa nyid gang yin pa de ni gzugs ma yin/ tshor ba'i stong pa nyid gang yin pa de ni tshor ba ma yin/ 'du shes kyi stong pa nyid gang yin pa de ni 'du shes ma yin/ 'du byed kyi stong pa nyid gang yin pa de ni 'du byed ma yin/ rnam par shes pa'i stong pa nyid gang yin pa de ni rnam par shes pa ma yin te/ 'di ltar gzugs kyi stong pa nyid gang yin pa de thogs par byed pa med do/ /tshor ba'i stong pa nyid gang yin pa de tshor bar mi byed do/ /'du</font><hr>30.48a<br><font size=+1>

shes kyi stong pa nyid gang yin pa de 'du shes su mi byed do/ /'du byed kyi stong pa nyid gang yin pa de mngon par 'du mi byed do/ /rnam par shes pa'i stong pa nyid gang yin pa de rnam par shes par mi byed do/ /de ci'i phyir zhe na/ shA ra dwa ti'i bu gzugs kyang gzhan ma yin la/ stong pa nyid kyang gzhan ma yin/ stong pa nyid kyang gzhan ma yin la/ gzugs kyang gzhan ma yin te/ gzugs nyid kyang stong pa nyid la/ stong pa nyid kyang gzugs so/ /tshor ba yang gzhan ma yin la stong pa nyid kyang gzhan ma yin/ stong pa nyid kyang gzhan ma yin la/ tshor ba yang gzhan ma yin te/ tshor ba nyid kyang stong pa nyid la/ stong pa nyid kyang tshor ba'o/ /'du shes kyang gzhan ma yin la/ stong pa nyid kyang gzhan ma yin/ stong pa nyid kyang gzhan ma yin la/ 'du shes kyang gzhan ma yin te/ 'du shes nyid kyang stong pa nyid la/ stong pa nyid kyang 'du shes so/ /'du byed rnams kyang gzhan ma yin la/ stong pa nyid kyang gzhan ma yin/ stong pa nyid kyang gzhan ma yin la/ 'du byed rnams kyang gzhan ma yin te/ 'du byed rnams kyang stong pa nyid la/ stong pa nyid kyang 'du byed rnams so/ /rnam par shes pa yang gzhan ma yin la/ stong pa nyid kyang gzhan ma yin/ stong pa nyid kyang gzhan ma yin la/ rnam par shes pa yang gzhan ma yin te/ rnam par shes pa nyid kyang stong pa nyid la/ stong pa nyid kyang rnam par shes pa'o/ /shA ra dwa ti'i bu stong pa nyid gang yin pa de ni mi skye mi 'gag cing / kun nas nyon mongs par 'gyur ba med/ rnam par byang ba med la/ 'grib pa med cing 'phel ba med pa ste/ de ni 'das pa yang ma yin/ ma 'ongs pa yang ma yin/ da ltar byung ba yang ma yin no/ /gang mi skye mi 'gag cing kun nas nyon mongs par 'gyur ba med/ rnam par byang ba med pa la/ mi 'grib mi 'phel te/ 'das pa yang ma yin/ ma 'ongs pa yang ma yin/ da ltar byung ba yang ma yin pa de la ni gzugs med do/ /tshor ba med do/ /'du shes med do/ /</font><hr>30.48b<br><font size=+1>

'du byed med do/ /rnam par shes pa med do/ /de la ni mig med do/ /rna ba med do/ /sna med do/ /lce med do/ /lus med do/ /yid med do/ /de la ni gzugs med do/ /sgra med do/ /dri med do/ /ro med do/ /reg bya med do/ /chos med do/ /de la ni sa'i khams med do/ /chu'i khams med do/ /me'i khams med do/ /rlung gi khams med do/ /nam mkha'i khams med do/ /rnam par shes pa'i khams med do/ /de la ni mig gi khams med do/ /gzugs kyi khams med do/ /mig gi rnam par shes pa'i khams med do/ /rna ba'i khams med do/ /sgra'i khams med do/ /rna ba'i rnam par shes pa'i khams med do/ /sna'i khams med do/ /dri'i khams med do/ /sna'i rnam par shes pa'i khams med do/ /lce'i khams med do/ /ro'i khams med do/ /lce'i rnam par shes pa'i khams med do/ /lus kyi khams med do/ /reg bya'i khams med do/ /lus kyi rnam par shes pa'i khams med do/ /yid kyi khams med do/ /chos kyi khams med do/ /yid kyi rnam par shes pa'i khams med do/ /de la ni ma rig pa med do/ /ma rig pa 'gag pa med do/ /'du byed med do/ /'du byed 'gag pa med do/ /rnam par shes pa med do/ /rnam par shes pa 'gag pa med do/ /ming dang gzugs med do/ /ming dang gzugs 'gag pa med do/ /skye mched drug med do/ /skye mched drug 'gag pa med do/ /reg pa med do/ /reg pa 'gag pa med do/ /tshor ba med do/ /tshor ba 'gag pa med do/ /sred pa med do/ /sred pa 'gag pa med do/ /len pa med do/ /len pa 'gag pa med do/ /srid pa med do/ /srid pa 'gag pa med do/ /skye ba med do/ /skye ba 'gag pa med do/ /rga shi med do/ /rga shi 'gag pa med do/ /de la ni sdug bsngal med do/ /sdug bsngal yongs su shes pa med do/ /kun 'byung ba med do/ /kun 'byung ba spang ba med do/ /'gog pa med do/ /'gog pa mngon du bya ba med do/ /lam med do/ /lam bsgom pa med do/ /de la ni thob par bya ba med do/ /mngon du shes par bya ba med do/ /rgyun du zhugs pa med do/ /rgyun du zhugs pa'i</font><hr>30.49a<br><font size=+1>

'bras bu med do/ /lan cig phyir 'ong ba med do/ /lan cig phyir 'ong ba'i 'bras bu med do/ /phyir mi 'ong ba med do/ /phyir mi 'ong ba'i 'bras bu med do/ /dgra bcom pa med do/ /dgra bcom pa'i 'bras bu med do/ /rang sangs rgyas med do/ /rang byang chub med do/ /de la ni byang chub sems dpa' med do/ /lam gyi rnam pa shes pa nyid med do/ /de la ni sangs rgyas med do/ /byang chub med do/ /shA ra dwa ti'i bu byang chub sems dpa' sems dpa' chen po de ltar spyod pa ni/ shes rab kyi pha rol tu phyin pa la brtson zhes bya ste/ de de ltar shes rab kyi pha rol tu phyin pa la spyod kyang / gzugs la brtson zhes bya ba 'am mi brtson zhes bya bar yang dag par rjes su mi mthong ngo / /tshor ba dang 'du shes dang 'du byed dang / rnam par shes pa la brtson zhes bya ba 'am mi brtson zhes bya bar yang dag par rjes su mi mthong ngo / /mig la brtson zhes bya ba 'am mi brtson zhes bya bar yang dag par rjes su mi mthong ngo / /rna ba dang sna dang lce dang lus dang yid la brtson zhes bya ba 'am mi brtson zhes bya bar yang dag par rjes su mi mthong ngo / /gzugs la brtson zhes bya ba 'am mi brtson zhes bya bar yang dag par rjes su mi mthong ngo / /sgra dang dri dang ro dang reg bya dang chos la brtson zhes bya ba 'am mi brtson zhes bya bar yang dag par rjes su mi mthong ngo / /mig gi khams la brtson zhes bya ba 'am mi brtson zhes bya bar yang dag par rjes su mi mthong ngo / /gzugs kyi khams dang / mig gi rnam par shes pa'i khams la brtson zhes bya ba 'am mi brtson zhes bya bar yang dag par rjes su mi mthong ngo / /yid kyi khams kyi bar la brtson zhes bya ba 'am mi brtson zhes bya bar yang dag par rjes su mi mthong ngo / /chos kyi khams dang yid kyi rnam par shes pa'i khams la brtson zhes bya ba 'am mi brtson zhes bya bar yang dag par rjes su mi mthong ngo / /sa'i khams la brtson zhes bya ba 'am mi brtson zhes bya bar yang</font><hr>30.49b<br><font size=+1>

dag par rjes su mi mthong ngo / /chu'i khams dang me'i khams dang rlung gi khams dang nam mkha'i khams dang rnam par shes pa'i khams la brtson zhes bya ba 'am mi brtson zhes bya bar yang dag par rjes su mi mthong ngo / /ma rig pa la brtson zhes bya ba 'am mi brtson zhes bya bar yang dag par rjes su mi mthong ngo / /'du byed dang rnam par shes pa dang ming dang gzugs dang skye mched drug dang reg pa dang tshor ba dang sred pa dang len pa dang srid pa dang skye ba dang rga shi la brtson zhes bya ba 'am mi brtson zhes bya bar yang dag par rjes su mi mthong ngo / /sbyin pa'i pha rol tu phyin pa la brtson zhes bya ba 'am mi brtson zhes bya bar yang dag par rjes su mi mthong ngo / /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la brtson zhes bya ba 'am mi brtson zhes bya bar yang dag par rjes su mi mthong ngo / /nang stong pa nyid la brtson zhes bya ba 'am mi brtson zhes bya bar yang dag par rjes su mi mthong ngo / /phyi stong pa nyid dang / phyi nang stong pa nyid dang / stong pa nyid stong pa nyid dang / chen po stong pa nyid dang / don dam pa stong pa nyid dang / 'dus byas stong pa nyid dang / 'dus ma byas stong pa nyid dang / mtha' las 'das pa stong pa nyid dang / thog ma dang tha ma med pa stong pa nyid dang / dor ba med pa stong pa nyid dang / rang bzhin stong pa nyid dang / chos thams cad stong pa nyid dang / rang gi mtshan nyid stong pa nyid dang / mi dmigs pa stong pa nyid dang / dngos po med pa stong pa nyid dang / ngo bo nyid stong pa nyid dang / dngos po med pa'i ngo bo nyid stong pa nyid la brtson zhes bya ba 'am mi brtson zhes bya bar yang dag par rjes su mi mthong ngo / /dran pa nye bar gzhag pa rnams la brtson zhes bya ba 'am mi brtson zhes bya bar yang dag par rjes su mi mthong ngo / /yang dag par spong ba rnams dang / rdzu 'phrul gyi rkang</font><hr>30.50a<br><font size=+1>

pa rnams dang / dbang po rnams dang / stobs rnams dang / byang chub kyi yan lag rnams dang / lam rnams dang / 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med dang / smon pa med pa dang / mngon par shes pa rnams la brtson zhes bya ba 'am mi brtson zhes bya bar yang dag par rjes su mi mthong ngo / /ting nge 'dzin thams cad dang / gzungs kyi sgo thams cad la brtson zhes bya ba 'am mi brtson zhes bya bar yang dag par rjes su mi mthong ngo / /de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwo brgyad la brtson zhes bya ba 'am mi brtson zhes bya bar yang dag par rjes su mi mthong ngo / /rnam pa thams cad mkhyen pa nyid kyi bar la brtson zhes bya ba 'am mi brtson zhes bya bar yang dag par rjes su mi mthong ngo / /shA ra dwa ti'i bu rnam grangs de lta bus na/ chos thams cad la brtson pa 'am mi brtson pa med pa'i phyir/ byang chub sems dpa' sems dpa' chen po shes rab kyi pha rol tu phyin pa la brtson zhes bya'o/ /shA ra dwa ti'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ stong pa nyid dang stong pa nyid du mi bsdud mi 'byed de/ stong pa nyid kyi rnal 'byor dang yang ma yin no/ /mtshan ma med pa dang / mtshan ma med par mi bsdud mi 'byed de/ mtshan ma med pa'i rnal 'byor dang yang ma yin no/ /smon pa med pa dang smon pa med par mi bsdud mi 'byed de/ smon pa med pa'i rnal 'byor dang yang ma yin no/ /de ci'i phyir zhe na/ de ni 'di ltar stong</font><hr>30.50b<br><font size=+1>

pa nyid la 'du ba 'am 'bral ba med do/ /mtshan ma med pa dang / smon pa med pa la 'du ba 'am 'bral ba med do/ /shA ra dwa ti'i bu de ltar brtson pa'i byang chub sems dpa' sems dpa' chen po ni shes rab kyi pha rol du phyin pa la brtson zhes bya'o/ /shA ra dwa ti'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ chos rnams kyi rang gi mtshan nyid stong pa nyid la 'jug ste/ de de ltar khong du chud par byed pas gzugs mi sbyor mi 'byed do/ /tshor ba dang 'du shes dang 'du byed dang rnam par shes pa mi sbyor mi 'byed do/ /rnam pa thams cad mkhyen pa nyid kyi bar du mi sbyor mi 'byed do/ /de ltar spyod pa'i byang chub sems dpa' sems dpa' chen po ni shes rab kyi pha rol du phyin pa la brtson zhes bya'o/ /shA ra dwa ti'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ gzugs dang sngon gyi mthar mi sbyor mi 'byed de/ de ni 'di ltar sngon gyi mtha' nyid kyang yang dag par rjes su mi mthong ngo / /gzugs dang phyi ma'i mthar mi sbyor mi 'byed de/ de ni 'di ltar phyi ma'i mtha' nyid kyang yang dag par rjes su mi mthong ngo / /gzugs dang da ltar byung bar mi sbyor mi 'byed de/ de ni 'di ltar da ltar byung ba nyid kyang yang dag par rjes su mi mthong ngo / /tshor ba dang 'du shes dang 'du byed dang rnam par shes pa dang sngon gyi mthar mi sbyor mi 'byed de/ de ni 'di ltar sngon gyi mtha' nyid kyang yang dag par rjes su mi mthong ngo / /rnam par shes pa dang phyi ma'i mthar mi sbyor mi 'byed de/ de ni 'di ltar phyi ma'i mtha' nyid kyang yang dag par rjes su mi mthong ngo / /rnam par shes pa dang da ltar byung bar mi sbyor mi 'byed de/ de ni 'di ltar da ltar byung ba nyid kyang yang dag par rjes su mi mthong ngo / /rnam pa thams cad mkhyen pa nyid kyi bar dang sngon gyi mthar mi sbyor mi 'byed</font><hr>30.51a<br><font size=+1>

de/ de ni 'di ltar sngon gyi mtha' nyid kyang yang dag par rjes su mi mthong ngo / /rnam pa thams cad mkhyen pa nyid dang phyi ma'i mthar mi sbyor mi 'byed de/ de ni 'di ltar phyi ma'i mtha' nyid kyang yang dag par rjes su mi mthong ngo / /rnam pa thams cad mkhyen pa nyid dang da ltar byung bar mi sbyor mi 'byed de/ de ni 'di ltar da ltar byung ba nyid kyang yang dag par rjes su mi mthong ngo / /shA ra dwa ti'i bu byang chub sems dpa' sems dpa' chen po de ltar spyod pa ni/ shes rab kyi pha rol tu phyin pa la brtson zhes bya'o/ /shA ra dwa ti'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ dus gsum mnyam pa nyid du stong pa nyid kyi phyir/ sngon gyi mtha' dang phyi ma'i mthar mi sbyor mi 'byed do/ /phyi ma'i mtha' dang sngon gyi mthar mi sbyor mi 'byed do/ /da ltar byung ba dang sngon gyi mtha' 'am phyi ma'i mthar mi sbyor mi 'byed do/ /sngon gyi mtha' 'am phyi ma'i mtha' dang da ltar byung bar mi sbyor mi 'byed do/ /shA ra dwa ti'i bu byang chub sems dpa' sems dpa' chen po de ltar spyod pa ni shes rab kyi pha rol tu phyin pa la brtson zhes bya'o/ /shA ra dwa ti'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ rnam pa 'di ltar brtson par byed de/ brtson pa/ des rnam pa thams cad mkhyen pa nyid 'das pa dang / mi sbyor mi 'byed do/ /de ni 'di ltar 'das pa nyid kyang yang dag par rjes su mi mthong ste/ yang dag par rjes su ma mthong na thams cad mkhyen pa nyid 'das pa dang sbyor ba 'am 'byed pa lta ga la yod/ thams cad mkhyen pa nyid ma 'ongs pa dang mi sbyor mi 'byed do/ /de ni 'di ltar ma 'ongs pa nyid kyang yang dag par rjes su mi mthong ste/ yang dag par rjes su ma mthong na/ thams cad mkhyen pa nyid ma 'ongs pa dang sbyor ba 'am 'byed </font><hr>30.51b<br><font size=+1>

pa lta ga la yod/ thams cad mkhyen pa nyid da ltar byung ba dang mi sbyor mi 'byed do/ /de ni 'di ltar da ltar byung ba nyid kyang yang dag par rjes su mi mthong ste/ yang dag par rjes su ma mthong na/ thams cad mkhyen pa nyid da ltar byung ba dang sbyor ba 'am 'byed pa lta ga la yod/ shA ra dwa ti'i bu byang chub sems dpa' sems dpa' chen po de ltar spyod pa ni/ shes rab kyi pha rol du phyin pa la brtson zhes bya'o/ /shA ra dwa ti'i bu gzhan yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ gzugs dang thams cad mkhyen pa nyid du mi sbyor mi 'byed do/ /de ni 'di ltar gzugs nyid kyang yang dag par rjes su mi mthong ste/ yang dag par rjes su ma mthong na gzugs dang thams cad mkhyen pa nyid du sbyor ba 'am 'byed pa lta ga la yod/ tshor ba dang 'du shes dang 'du byed dang rnam par shes pa dang thams cad mkhyen pa nyid du mi sbyor mi 'byed do/ /de ni 'di ltar rnam par shes pa nyid kyang yang dag par rjes su mi mthong ste/ yang dag par rjes su ma mthong na/ rnam par shes pa dang / thams cad mkhyen pa nyid du sbyor ba 'am 'byed pa lta ga la yod/ mig dang thams cad mkhyen pa nyid du mi sbyor mi 'byed do/ /mig nyid kyang yang dag par rjes su mi mthong ngo / /rna ba dang sna dang lce dang lus dang yid dang thams cad mkhyen pa nyid du mi sbyor mi 'byed do/ /yid nyid kyang yang dag par rjes su mi mthong ngo / /gzugs dang thams cad mkhyen pa nyid du mi sbyor mi 'byed do/ /gzugs nyid kyang yang dag par rjes su mi mthong ngo / /sgra dang dri dang ro dang reg bya dang chos dang thams cad mkhyen pa nyid du mi sbyor mi 'byed do/ /chos nyid kyang yang dag par rjes su mi mthong ngo / /mig gi khams dang / thams cad mkhyen pa nyid du mi sbyor mi 'byed do/ /mig gi khams nyid kyang yang dag par rjes su mi mthong ngo / /gzugs kyi khams dang / thams cad mkhyen pa nyid</font><hr>30.52a<br><font size=+1>

du mi sbyor mi 'byed do/ /gzugs kyi khams nyid kyang yang dag par rjes su mi mthong ngo / /mig gi rnam par shes pa'i khams dang thams cad mkhyen pa nyid du mi sbyor mi 'byed do/ /mig gi rnam par shes pa'i khams nyid kyang yang dag par rjes su mi mthong ngo / /yid kyi khams kyi bar dang thams cad mkhyen pa nyid du mi sbyor mi 'byed do/ /yid kyi khams nyid kyang yang dag par rjes su mi mthong ngo / /chos kyi khams dang thams cad mkhyen pa nyid du mi sbyor mi 'byed do/ /chos kyi khams nyid kyang yang dag par rjes su mi mthong ngo / /yid kyi rnam par shes pa'i khams dang thams cad mkhyen pa nyid du mi sbyor mi 'byed do/ /de ni 'di ltar yid kyi rnam par shes pa'i khams nyid kyang yang dag par rjes su mi mthong ste/ yang dag par rjes su mi mthong na/ yid kyi rnam par shes pa'i khams dang thams cad mkhyen pa nyid du sbyor ba 'am 'byed pa lta ga la yod/ sa'i khams dang chu'i khams dang me'i khams dang rlung gi khams dang nam mkha'i khams dang / rnam par shes pa'i khams dang thams cad mkhyen pa nyid du mi sbyor mi 'byed do/ /de ni 'di ltar rnam par shes pa'i khams nyid kyang yang dag par rjes su mi mthong ste/ yang dag par rjes su ma mthong na/ rnam par shes pa'i khams dang thams cad mkhyen pa nyid du sbyor ba 'am 'byed pa lta ga la yod/ ma rig pa dang thams cad mkhyen pa nyid du mi sbyor mi 'byed do/ /de ni 'di ltar ma rig pa nyid kyang yang dag par rjes su mi mthong ste/ yang dag par rjes su ma mthong na/ ma rig pa dang thams cad mkhyen pa nyid du sbyor ba 'am 'byed pa lta ga la yod/ 'du byed dang rnam par shes pa dang ming dang gzugs dang skye mched drug dang reg pa dang tshor ba dang sred pa dang len pa dang srid pa dang skye ba dang rga shi dang / thams cad mkhyen pa nyid du mi sbyor mi 'byed do/ /de ni 'di ltar rga shi nyid kyang yang dag par rjes su mi mthong ste/ yang dag par rjes su ma mthong na/ rga shi dang thams cad mkhyen pa nyid du sbyor ba 'am 'byed pa lta ga la yod/ shA ra</font><hr>30.52b<br><font size=+1>

dwa ti'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ sbyin pa'i pha rol du phyin pa dang / thams cad mkhyen pa nyid du mi sbyor mi 'byed do/ /sbyin pa'i pha rol du phyin pa nyid kyang yang dag par rjes su mi mthong ngo / /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol tu phyin pa dang / thams cad mkhyen pa nyid du mi sbyor mi 'byed do/ /shes rab kyi pha rol du phyin pa nyid kyang yang dag par rjes su mi mthong ngo / /nang stong pa nyid dang / dngos po med pa'i ngo bo nyid stong pa nyid kyi bar dang / thams cad mkhyen pa nyid du mi sbyor mi 'byed do/ /dngos po med pa'i ngo bo nyid stong pa nyid kyang yang dag par rjes su mi mthong ngo / /dran pa nye bar gzhag pa rnams dang / yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / lam rnams dang / thams cad mkhyen pa nyid du mi sbyor mi 'byed do/ /de ni 'di ltar lam rnams nyid kyang yang dag par rjes su mi mthong ngo / /'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa rnams dang / mthar gyis gnas pa'i snyoms par 'jug pa rnams dang / stong pa nyid dang / mtshan ma med pa dang / smon pa med pa dang / mngon par shes pa rnams dang / thams cad mkhyen pa nyid du mi sbyor mi 'byed do/ /mngon par shes pa nyid kyang yang dag par rjes su mi mthong ngo / /ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad dang thams</font><hr>30.53a<br><font size=+1>

cad mkhyen pa nyid du mi sbyor mi 'byed do/ /de ni 'di ltar sangs rgyas kyi chos ma 'dres pa nyid kyang yang dag par rjes su mi mthong ste/ yang dag par rjes su ma mthong na/ sangs rgyas kyi chos ma 'dres pa dang / thams cad mkhyen pa nyid du sbyor ba 'am 'byed pa lta ga la yod/ shA ra dwa ti'i bu byang chub sems dpa' sems dpa' chen po de ltar spyod pa ni/ shes rab kyi pha rol du phyin pa la brtson zhes bya'o/ /shA ra dwa ti'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ sangs rgyas dang thams cad mkhyen pa nyid du mi sbyor mi 'byed do/ /thams cad mkhyen pa nyid dang / sangs rgyas su mi sbyor mi 'byed do/ /de ni 'di ltar sangs rgyas nyid kyang yang dag par rjes su mi mthong ngo / /thams cad mkhyen pa nyid kyang yang dag par rjes su mi mthong ste/ yang dag par rjes su ma mthong na/ sbyor ba 'am 'byed pa lta ga la yod/ byang chub dang thams cad mkhyen pa nyid du mi sbyor mi 'byed do/ /thams cad mkhyen pa nyid dang byang chub tu mi sbyor mi 'byed do/ /de ni 'di ltar byang chub nyid kyang yang dag par rjes su mi mthong ngo / /rnam pa thams cad mkhyen pa nyid kyang yang dag par rjes su mi mthong ste/ yang dag par rjes su ma mthong na/ sbyor ba 'am 'byed pa lta ga la yod/ shA ra dwa ti'i bu byang chub sems dpa' sems dpa' chen po de ltar spyod pa ni shes rab kyi pha rol du phyin pa la brtson zhes bya'o/ /shA ra dwa ti'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ gzugs dngos po yod ces bya bar mi sbyor ro/ /gzugs dngos po med ces bya bar mi sbyor ro/ /tshor ba dang 'du shes dang 'du byed dang rnam par shes pa dngos po yod ces bya bar mi sbyor ro/ /rnam par shes pa dngos po med ces bya bar mi sbyor ro/ /byang chub sems dpa' sems dpa' chen po de ltar spyod pa ni shes rab</font><hr>30.53b<br><font size=+1>

kyi pha rol tu phyin pa la brtson zhes bya'o/ /shA ra dwa ti'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ gzugs rtag ces bya bar mi sbyor ro/ /gzugs mi rtag ces bya bar mi sbyor ro/ /tshor ba dang 'du shes dang 'du byed dang rnam par shes pa rtag ces bya bar mi sbyor ro/ /rnam par shes pa mi rtag ces bya bar mi sbyor ro/ /gzugs bde zhes bya bar mi sbyor ro/ /gzugs sdug bsngal zhes bya bar mi sbyor ro/ /tshor ba dang 'du shes dang 'du byed dang rnam par shes pa bde zhes bya bar mi sbyor ro/ /rnam par shes pa sdug bsngal zhes bya bar mi sbyor ro/ /gzugs bdag ces bya bar mi sbyor ro/ /gzugs bdag med ces bya bar mi sbyor ro/ /tshor ba dang 'du shes dang 'du byed dang rnam par shes pa bdag ces bya bar mi sbyor ro/ /rnam par shes pa bdag med ces bya bar mi sbyor ro/ /gzugs zhi zhes bya bar mi sbyor ro/ /gzugs ma zhi zhes bya bar mi sbyor ro/ /tshor ba dang 'du shes dang 'du byed dang rnam par shes pa zhi zhes bya bar mi sbyor ro/ /rnam par shes pa ma zhi zhes bya bar mi sbyor ro/ /gzugs stong zhes bya ba 'am mi stong zhes bya bar mi sbyor ro/ /tshor ba dang 'du shes dang 'du byed dang rnam par shes pa stong zhes bya ba 'am mi stong zhes bya bar mi sbyor ro/ /gzugs mtshan ma yod ces bya ba 'am mtshan ma med ces bya bar mi sbyor ro/ /tshor ba dang 'du shes dang 'du byed dang rnam par shes pa mtshan ma yod ces bya ba 'am mtshan ma med ces bya bar mi sbyor ro/ /gzugs smon pa yod ces bya ba 'am smon pa med ces bya bar mi sbyor ro/ /tshor ba dang 'du shes dang 'du byed dang rnam par shes pa smon pa yod ces bya ba 'am smon pa med ces bya bar mi sbyor ro/ /gzugs skye zhes bya ba 'am 'gag ces bya bar mi sbyor ro/ /tshor ba dang 'du shes dang 'du byed dang rnam par shes</font><hr>30.54a<br><font size=+1>

pa skye zhes bya ba 'am 'gag ces bya bar mi sbyor ro/ /gzugs 'das pa zhes bya bar mi sbyor ro/ /gzugs ma 'ongs pa zhes bya bar mi sbyor ro/ /gzugs da ltar byung ba zhes bya bar mi sbyor ro/ /tshor ba dang 'du shes dang 'du byed dang rnam par shes pa 'das pa zhes bya bar mi sbyor ro/ /rnam par shes pa ma 'ongs pa zhes bya bar mi sbyor ro/ /rnam par shes pa da ltar byung ba zhes bya bar mi sbyor ro/ /gzugs brtan zhes bya ba 'am mi brtan zhes bya bar mi sbyor ro/ /tshor ba dang 'du shes dang 'du byed dang rnam par shes pa brtan zhes bya ba 'am mi brtan zhes bya bar mi sbyor ro/ /de ni gzugs yod ces bya ba 'am med ces bya bar mi sbyor mi 'byed do/ /tshor ba dang 'du shes dang 'du byed dang rnam par shes pa yod ces bya ba 'am med ces bya bar mi sbyor mi 'byed do/ /rnam pa thams cad mkhyen pa nyid kyi bar du yod ces bya ba 'am med ces bya bar mi sbyor mi 'byed do/ /shes rab kyi pha rol du phyin pa la spyod pa'i tshe/ spyod ces bya bar mi dmigs so/ /mi spyod ces bya bar mi dmigs so/ /spyod kyang spyod la mi spyod kyang mi spyod ces bya bar mi dmigs so/ /spyod pa yang ma yin/ mi spyod pa yang ma yin zhes bya bar mi dmigs so/ /shA ra dwa ti'i bu byang chub sems dpa' sems dpa' chen po de ltar spyod pa ni shes rab kyi pha rol du phyin pa la brtson zhes bya'o/ /shA ra dwa ti'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ sbyin pa'i pha rol du phyin pa'i don du shes rab kyi pha rol du phyin pa la mi spyod do/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa'i don du/ shes rab kyi pha rol du phyin pa la mi spyod do/ /nang stong pa nyid nas/ dngos po med pa'i ngo bo nyid stong pa nyid kyi bar gyi don</font><hr>30.54b<br><font size=+1>

du shes rab kyi pha rol du phyin pa la mi spyod do/ /skye ba med pa stong pa nyid dang 'gag pa med pa stong pa nyid kyi don du shes rab kyi pha rol du phyin pa la mi spyod do/ /phyir mi ldog pa'i sa'i don du shes rab kyi pha rol du phyin pa la mi spyod do/ /sems can yongs su smin par bya ba dang / sangs rgyas kyi zhing yongs su dag par bya ba'i don du shes rab kyi pha rol tu phyin pa la mi spyod do/ /dran pa nye bar gzhag pa rnams dang / yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa'i don du shes rab kyi pha rol tu phyin pa la mi spyod do/ /'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams kyi don du shes rab kyi pha rol du phyin pa la mi spyod do/ /ting nge 'dzin rnams dang / gzungs kyi sgo rnams kyi don du shes rab kyi pha rol du phyin pa la mi spyod do/ /de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad kyi don du shes rab kyi pha rol du phyin pa la mi spyod do/ /de bzhin nyid dang chos kyi dbyings dang yang dag pa'i mtha'i don du shes rab kyi pha rol tu phyin pa la mi spyod do/ /de ci'i phyir zhe na/ byang chub sems dpa' sems dpa' chen po shes rab kyi pha rol du phyin pa la spyod pa ni/ chos gang la yang tha dad pa 'am/ bye brag gam/ khyad par du lta ba med de/ shA ra dwa ti'i bu byang chub sems dpa' sems dpa' chen po de ltar spyod pa ni/ shes rab kyi pha rol tu phyin pa la brtson zhes bya'o/ /de lha'i mig gi don du shes</font><hr>30.55a<br><font size=+1>

rab kyi pha rol du phyin pa la mi spyod do/ /lha'i rna ba dang / gzhan gyi sems shes pa dang / sngon gyi gnas dran pa dang / rdzu 'phrul gyi rnam pa dang / zag pa zad pa'i ye shes kyi don du shes rab kyi pha rol du phyin pa la mi spyod do/ /de ci'i phyir zhe na/ 'di ltar de shes rab kyi pha rol du phyin pa la spyod pa'i tshe/ shes rab kyi pha rol du phyin pa nyid kyang yang dag par rjes su mi mthong na/ byang chub sems dpa' lta ci smos te/ rnam pa thams cad du thams cad mngon par shes pa dmigs pa lta ga las 'ong / shA ra dwa ti'i bu byang chub sems dpa' sems dpa' chen po de ltar spyod pa ni shes rab kyi pha rol du phyin pa la brtson zhes bya'o/ /shA ra dwa ti'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ 'di snyam du bdag gis rdzu 'phrul gyi rkang pa rnams la gnas te/ shar phyogs kyi 'jig rten gyi khams gang gA'i klung gi bye ma snyed dag na/ sangs rgyas bcom ldan 'das gang ji snyed bzhugs pa de dag thams cad la rim gror bya'o/ /bkur stir bya'o/ /sti stang du bya'o/ /mchod par bya'o snyam du mi sems so/ /lho dang nub dang byang dang byang shar dang shar lho dang lho nub dang nub byang dang 'og dang steng gi phyogs kyi phyogs re re zhing 'jig rten gyi khams gang gA'i klung gi bye ma snyed dag na/ sangs rgyas bcom ldan 'das gang ji snyed bzhugs pa de dag thams cad la rim gror bya'o/ /bkur stir bya'o/ /sti stang du bya'o/ /mchod par bya'o snyam du mi sems so/ /de 'di ltar sangs rgyas bcom ldan 'das gang ci ston pa de dag thams cad lha'i rna bas mnyan par bya'o/ /'jig rten gyi khams de dag gi sems can rnams kyi sems sems kyis shes par bya'o/ /de dag gi sngon gyi gnas bdag gis rjes su dran par bya'o/ /lha'i mig gis sems can de dag 'chi 'pho ba dang skye ba dang / skyes par gyur pa rnams bdag gis mthong bar bya'o/ /sems can grangs med</font><hr>30.55b<br><font size=+1>

tshad med pa dag bdag gis yongs su mya ngan las bzla bar bya'o snyam du mi sems te/ shA ra dwa ti'i bu byang chub sems dpa' sems dpa' chen po de ltar spyod pa ni shes rab kyi pha rol du phyin pa la brtson zhes bya'o/ /shA ra dwa ti'i bu gzhan yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ bdud glags tshol zhing nyams bskyod pa rnams kyis kyang glags mi rnyed de/ 'jig rten pa dang / 'jig rten las 'das pa'i bya ba gang ji snyed cig yod pa de dag thams cad kyang lhun gyis grub pa dang / yongs su brtag pa med par 'thun par 'grub po/ /'jig rten pa'i nyon mongs pa gang ji snyed yod pa de dag thams cad kyang rab tu bsal bar 'gyur ro/ /shar phyogs kyi 'jig rten gyi khams gang gA'i klung gi bye ma snyed dag na/ sangs rgyas bcom ldan 'das gang ji snyed bzhugs pa de dag kyang / byang chub sems dpa' sems dpa' chen po de la/ nyan thos kyi sa 'am rang sangs rgyas kyi sar ltung du 'ong ngo zhes srung ba mdzad do/ /rgyal po chen po bzhi dang / sum bcu rtsa gsum gyi lha rnams dang / mtshe ma dang / dga' ldan dang / 'phrul dga' dang / gzhan 'phrul dbang byed kyi lha rnams dang / tshangs ris kyi lha rnams dang / tshangs lha nye phan dang / tshangs pa kun 'khor dang / tshangs chen dang / snang ba dang / chung snang dang / tshad med snang ba dang / kun snang dang ba dang / dge ba dang / chung dge dang / tshad med dge ba dang / dge rgyas dang / che ba dang / chung che dang / tshad med che ba dang / 'bras bu che ba dang / mi che ba dang / mi gdung ba dang / shin du mthong ba dang / gya nom snang ba dang / 'og min gyi lha rnams kyang byang chub sems dpa' sems dpa' chen po de la/ la la zhig bar chad byed par 'gyur du 'ong ngo zhes yongs su srung ba byed do/ /de la lus kyi skyon du bya ba gang ji snyed cig yod pa de dag kyang tshe 'di nyid la thams cad du thams cad med par 'gyur</font><hr>30.56a<br><font size=+1>

ro/ /de ci'i phyir zhe na/ de ni 'di ltar byang chub sems dpa' sems dpa' chen po de sems can thams cad la byams pas khyab par byed pa'i phyir ro/ /lho dang nub dang byang dang byang shar dang shar lho dang lho nub dang nub byang dang 'og dang steng gi phyogs kyi phyogs re re zhing 'jig rten gyi khams gang gA'i klung gi bye ma snyed dag na/ sangs rgyas bcom ldan 'das gang ji snyed bzhugs pa de dag kyang / byang chub sems dpa' sems dpa' chen po de la nyan thos kyi sa 'am rang sangs rgyas kyi sar ltung du 'ong ngo zhes yongs su srung ba mdzad do/ /rgyal po chen po bzhi dang / sum bcu rtsa gsum gyi lha rnams dang / mtshe ma dang / dga' ldan dang / 'phrul dga' dang / gzhan 'phrul dbang byed kyi lha rnams dang / tshangs ris kyi lha rnams dang / tshangs lha nye phan dang / tshangs pa kun 'khor dang / tshangs chen dang / snang ba dang / chung snang dang / tshad med snang ba dang / kun snang dang ba dang / dge ba dang / chung dge dang / tshad med dge ba dang / dge rgyas dang / che ba dang / chung che dang / tshad med che ba dang / 'bras bu che ba dang / mi che ba dang / mi gdung ba dang / shin du mthong ba dang / gya nom snang ba dang / 'og min gyi lha rnams kyang byang chub sems dpa' sems dpa' chen po de la/ la la zhig bar chad byed par 'gyur du 'ong ngo zhes yongs su srung ba byed do/ /de la lus kyi skyon du bya ba gang ji snyed cig yod pa de dag thams cad kyang / tshe 'di nyid la thams cad du thams cad med par 'gyur ro/ /de ci'i phyir zhe na/ de ni 'di ltar byang chub sems dpa' sems dpa' chen po de sems can thams cad la byams pas khyab par byed pa'i phyir ro/ /shA ra dwa ti'i bu byang chub sems dpa' sems dpa' chen po de ltar spyod pa ni shes rab kyi pha rol tu phyin pa la brtson zhes bya'o/ /shA ra dwa ti'i bu gzhan yang byang chub sems dpa' sems dpa' chen po shes rab kyi pha rol du phyin</font><hr>30.56b<br><font size=+1>

pa la spyod pa'i tshe gzungs kyi sgo dang / ting nge 'dzin gyi sgo dang / spobs pa dang / so so yang dag par rig pa'i sgo dag kyang tshegs mi che bar mngon du 'gyur ro/ /skye ba'i skye mched thams cad du yang de bzhin gshegs pa dgra bcom pa yang dag par rdzogs pa'i sangs rgyas rnams mnyes par byed par 'gyur te/ bla na med pa yang dag par rdzogs pa'i byang chub tu mngon par rdzogs par sangs rgyas kyi bar du/ sangs rgyas bcom ldan 'das de dag dang nam yang 'bral bar mi 'gyur ro/ /shA ra dwa ti'i bu gzhan yang byang chub sems dpa' sems dpa' chen pos shes rab kyi pha rol tu phyin pa la spyod pa ni/ 'di snyam du chos gang la la chos rnams la 'du ba 'am 'bral bar 'gyur ba 'am/ 'phrad pa 'am mi 'phrad par 'gyur ba de lta bu yod dam zhes bya bar mi sems so/ /de ci'i phyir zhe na/ 'di ltar des chos gang yang 'du ba 'am 'bral bar 'gyur ba 'am/ 'phrad pa 'am mi 'phrad par 'gyur ba de lta bu yang dag par rjes su mi mthong ngo / /shA ra dwa ti'i bu byang chub sems dpa' sems dpa' chen po de ltar spyod pa ni shes rab kyi pha rol du phyin pa la brtson zhes bya'o/ /shA ra dwa ti'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod pa ni 'di snyam du bdag gis chos kyi dbyings mngon par sangs rgyas par 'gyur ram/ 'on tam mi 'gyur zhes bya bar mi sems te/ de ci'i phyir zhe na/ chos kyi dbyings kyi chos kyi dbyings mngon par sangs rgyas pa med do/ /mngon par 'tshang rgya ba med do/ /mngon par 'tshang rgya bar 'gyur ba med do/ /shA ra dwa ti'i bu byang chub sems dpa' sems dpa' chen po de ltar spyod pa ni shes rab kyi pha rol tu phyin pa la brtson zhes bya'o/ /shA ra dwa ti'i bu gzhan yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ chos gang yang chos kyi dbyings dang / </font><hr>30.57a<br><font size=+1>

tha dad par yang dag par rjes su mi mthong ste/ shA ra dwa ti'i bu byang chub sems dpa' sems dpa' chen po de ltar spyod pa ni shes rab kyi pha rol du phyin pa la brtson zhes bya'o/ /shA ra dwa ti'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ chos kyi dbyings dang / chos rnams su bye brag tu bya ba mi byed de/ shA ra dwa ti'i bu byang chub sems dpa' sems dpa' chen po de ltar spyod pa ni shes rab kyi pha rol du phyin pa la brtson zhes bya'o/ /shA ra dwa ti'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod pa ni/ 'di snyam du chos kyi dbyings khong du chud par 'gyur ram 'on tam khong du chud par mi 'gyur zhes bya bar mi sems te/ de ni 'di ltar des chos gang gis chos gang khong du chud par bya ba de lta bu'i chos gang yang yang dag par rjes su mthong ba med do/ /de yang 'di ltar de ni chos kyi dbyings stong zhes bya bar mi sbyor/ mi stong zhes bya bar mi sbyor ro/ /shA ra dwa ti'i bu byang chub sems dpa' sems dpa' chen po de ltar spyod pa ni/ shes rab kyi pha rol du phyin pa la brtson zhes bya'o/ /shA ra dwa ti'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ gzugs dang stong pa nyid du mi sbyor/ stong pa nyid dang gzugs su mi sbyor ro/ /tshor ba dang 'du shes dang 'du byed dang rnam par shes pa dang stong pa nyid du mi sbyor/ stong pa nyid dang rnam par shes par mi sbyor ro/ /mig dang stong pa nyid du mi sbyor/ stong pa nyid dang mig tu mi sbyor ro/ /rna ba dang sna dang lce dang lus dang yid dang stong pa nyid du mi sbyor/ stong pa nyid dang yid du mi sbyor ro/ /gzugs dang stong pa nyid du mi sbyor/ stong pa nyid dang gzugs su mi sbyor ro/ /sgra dang dri dang ro dang reg bya dang chos dang stong pa nyid du mi sbyor/ stong pa nyid dang chos su mi sbyor ro/ /</font><hr>30.57b<br><font size=+1>

mig gi khams dang stong pa nyid du mi sbyor/ stong pa nyid dang mig gi khams su mi sbyor ro/ /gzugs kyi khams dang stong pa nyid du mi sbyor/ stong pa nyid dang gzugs kyi khams su mi sbyor ro/ /mig gi rnam par shes pa'i khams dang stong pa nyid du mi sbyor/ stong pa nyid dang mig gi rnam par shes pa'i khams su mi sbyor ro/ /rna ba'i khams dang / sgra'i khams dang / rna ba'i rnam par shes pa'i khams dang / sna'i khams dang / dri'i khams dang / sna'i rnam par shes pa'i khams dang / lce'i khams dang / ro'i khams dang / lce'i rnam par shes pa'i khams dang / lus kyi khams dang / reg bya'i khams dang / lus kyi rnam par shes pa'i khams dang / yid kyi khams dang / stong pa nyid du mi sbyor/ stong pa nyid dang yid kyi khams su mi sbyor ro/ /chos kyi khams dang stong pa nyid du mi sbyor stong pa nyid dang chos kyi khams su mi sbyor ro/ /yid kyi rnam par shes pa'i khams dang stong pa nyid du mi sbyor/ stong pa nyid dang yid kyi rnam par shes pa'i khams su mi sbyor ro/ /rnam pa thams cad mkhyen pa nyid kyi bar dang / stong pa nyid du mi sbyor/ stong pa nyid dang rnam pa thams cad mkhyen pa nyid du mi sbyor ro/ /de ci'i phyir zhe na/ shA ra dwa ti'i bu 'di lta ste/ stong pa nyid kyi rnal 'byor 'di ni rnal 'byor dam pa ste/ shA ra dwa ti'i bu byang chub sems dpa' sems dpa' chen po stong pa nyid la spyod pa ni nyan thos kyi sa 'am/ rang sangs rgyas kyi sar mi ltung ngo / /sangs rgyas kyi zhing yang yongs su dag par byed do/ /sems can rnams kyang yongs su smin par byed do/ /bla na med pa yang dag par rdzogs pa'i byang chub tu 'ang myur du mngon par 'tshang rgya'o/ /shA ra dwa ti'i bu rnal 'byor du bya ba gang ci yang rung ste/ de dag gi nang na shes rab kyi pha rol du phyin pa'i rnal 'byor de ni rab ces bya/ mchog dang / dam pa dang / phul dang / gtso bo dang / gya nom pa zhes bya'o/ /de ci'i phyir zhe na/ 'di lta ste/ shes rab kyi</font><hr>30.58a<br><font size=+1>

pha rol du phyin pa'i rnal 'byor 'di ni/ stong pa nyid dang mtshan ma med pa dang smon pa med pa'i rnal 'byor te/ bla na med pa'i rnal 'byor to/ /shA ra dwa ti'i bu de ltar brtson pa'i byang chub sems dpa' sems dpa' chen po ni lung bstan pa zhes bya ste/ bla na med pa yang dag par rdzogs pa'i byang chub tu nye bar gyur pa'o/ /shA ra dwa ti'i bu de ltar brtson pa'i byang chub sems dpa' sems dpa' chen po ni sems can tshad med grangs med pa'i don byed kyang / de 'di snyam du bdag ni shes rab kyi pha rol du phyin pa la brtson pa yin no zhe 'am brtson pa ma yin no zhes bya bar mi sems so/ /bdag la ni sangs rgyas bcom ldan 'das rnams lung ston pa mdzad do/ /bdag ni lung bstan pa la nye bar gyur to/ /bdag gis ni sangs rgyas kyi zhing yongs su sbyang bar bya'o/ /bdag gis ni sems can rnams yongs su smin par bya'o/ /bdag gis ni bla na med pa yang dag par rdzogs pa'i byang chub tu mngon par sangs rgyas te/ chos kyi 'khor lo bskor bar bya'o snyam du mi sems so/ /de ci'i phyir zhe na/ de ni 'di ltar de chos kyi dbyings la bye brag tu byed pa med do/ /de ni chos kyi dbyings las chos gang shes rab kyi pha rol du phyin pa la spyod pa 'am/ gang la sangs rgyas bcom ldan 'das rnams kyis lung bstan par bya ba 'am/ gang bla na med pa yang dag par rdzogs pa'i byang chub tu mngon par 'tshang rgya ba de lta bu'i chos gzhan gang yang yang dag par rjes su mi mthong ngo / /de ci'i phyir zhe na/ byang chub sems dpa' sems dpa' chen po de shes rab kyi pha rol du phyin pa la spyod pa'i tshe/ sems can gyi 'du shes mi skye'o/ /bdag dang srog dang 'gro ba dang gso ba dang skyes bu dang gang zag dang shed can dang shed bdag dang byed pa po dang tshor ba po dang shes pa po dang mthong ba po'i 'du shes mi skye'o/ /de ci'i phyir zhe na/ de ni 'di ltar sems can shin du skye ba med cing 'gag pa med pa'i phyir</font><hr>30.58b<br><font size=+1>

te/ sems can la ni skye ba dang 'gag pa med do/ /gang la skye ba dang 'gag pa med pa de/ shes rab kyi pha rol du phyin pa la spyod par yang ji ltar 'gyur te/ shA ra dwa ti'i bu de ltar spyod pa'i byang chub sems dpa' sems dpa' chen po ni sems can skye ba med pas shes rab kyi pha rol du phyin pa la spyod pa yin/ sems can stong pa nyid kyis shes rab kyi pha rol du phyin pa la spyod pa yin/ sems can mi dmigs pa dang / sems can dbyen pa dang / sems can rang bzhin med pa dang / sems can ngo bo nyid med pas shes rab kyi pha rol du phyin pa la spyod pa yin te/ shA ra dwa ti'i bu 'di ni byang chub sems dpa' sems dpa' chen po rnams kyi rnal 'byor dam pa ste/ 'di ltar stong pa nyid kyi rnal 'byor to/ /shA ra dwa ti'i bu 'di ni byang chub sems dpa' sems dpa' chen po shes rab kyi pha rol du phyin pa la spyod pa'i rnal 'byor te/ des de ma yin pa'i rnal 'byor rnams zil gyis mnan te/ gnas so/ /shA ra dwa ti'i bu rnal 'byor 'di la spyod pa'i byang chub sems dpa' sems dpa' chen po ni/ de bzhin gshegs pa'i stobs bcu mngon par bsgrub bo/ /mi 'jigs pa bzhi dang / so so yang dag par rig pa bzhi dang / byams pa chen po dang snying rje chen po dang / sangs rgyas kyi chos ma 'dres pa bcwa brgyad mngon par bsgrub bo/ /shA ra dwa ti'i bu byang chub sems dpa' sems dpa' chen po rnal 'byor 'di la spyod pa ni ser sna'i sems mi bskyed do/ /tshul khrims ngan pa'i sems dang / gnod par sems pa'i sems dang / le lo'i sems dang / 'khrug pa'i sems dang / shes rab 'chal ba'i sems mi skyed do/ /de skad ces bka' stsal pa dang / shA ra dwa ti'i bus bcom ldan 'das la 'di skad ces gsol to/ /bcom ldan 'das byang chub sems dpa' sems dpa' chen po gang shes rab kyi pha rol du phyin pa'i rnal 'byor 'dis spyod pa</font><hr>30.59a<br><font size=+1>

de gang nas shi 'phos te 'dir skyes pa lags/ 'di nas shi 'phos nas ni gang du skye bar 'gyur/ bcom ldan 'das kyis bka' stsal pa/ shA ra dwa ti'i bu byang chub sems dpa' sems dpa' chen po gang shes rab kyi pha rol du phyin pa'i rnal 'byor 'dis rnam par spyod pa de ni sangs rgyas kyi zhing gzhan nas shi 'phos te 'dir skyes pa 'am/ dga' ldan gyi lha'i ris dang mi'i nang nas shi 'phos te 'dir skyes par shes par bya'o/ /shA ra dwa ti'i bu de la byang chub sems dpa' sems dpa' chen po gang sangs rgyas kyi zhing gzhan nas shi 'phos te 'dir skyes pa de ni/ 'di ltar shes rab kyi pha rol du phyin pa'i rnal 'byor la/ rnal 'byor myur du 'grub pa ste/ tshe rabs 'di 'das nas kyang chos zab mo 'di dag de la mngon du 'gyur ro/ /de nas kyang shes rab kyi pha rol du phyin pa'i rnal 'byor la mnyam par gzhag go/ /sangs rgyas kyi zhing gang dang gang na/ de bzhin gshegs pa dgra bcom pa yang dag par rdzogs pa'i sangs rgyas rnams bzhugs shing 'tsho skyong ba de dang de dag tu yang skye bar 'gyur te/ de de bzhin gshegs pa dgra bcom pa yang dag par rdzogs pa'i sangs rgyas de dag la yang bsnyen bkur byed par 'gyur ro/ /shA ra dwa ti'i bu de la byang chub sems dpa' sems dpa' chen po gang dga' ldan gyi lha'i ris nas shi 'phos nas 'dir skyes pa de ni tshe gcig gis thogs pa ste/ de ni pha rol du phyin pa drug la nyams pa med pa'o/ /gzungs kyi sgo dang ting nge 'dzin gyi sgo thams cad kyang der ma 'dus pa med do/ /shA ra dwa ti'i bu byang chub sems dpa' sems dpa' chen po gang mi'i nang nas shi 'phos nas/ mi dang skal pa mnyam pa nyid du skyes pa de ni/ phyir mi ldog pa'i byang chub sems dpa' sems dpa' chen po ma gtogs par dbang po rtul ba yin te/ shes rab kyi pha rol</font><hr>30.59b<br><font size=+1>

du phyin pa'i rnal 'byor la yang myur du mnyam par gzhog pa ma yin no/ /de la gzungs kyi sgo dang / ting nge 'dzin gyi sgo rnams kyang myur du mngon du mi 'gyur ro/ /shA ra dwa ti'i bu gang khyod kyis de skad du/ byang chub sems dpa' sems dpa' chen po gang shes rab kyi pha rol du phyin pa'i rnal 'byor 'di la snyoms par 'jug pa de/ 'di nas shi 'phos nas gang du skye bar 'gyur zhes smras pa ni/ shA ra dwa ti'i bu byang chub sems dpa' sems dpa' chen po de sangs rgyas kyi zhing 'di nas shi 'phos nas/ gang na sangs rgyas bcom ldan 'das rnams bzhugs shing 'tsho skyong ba'i sangs rgyas kyi zhing de nas der 'gro ste/ nam bla na med pa yang dag par rdzogs pa'i byang chub tu mngon par sangs rgyas kyi bar du/ nam yang sangs rgyas bcom ldan 'das rnams dang 'bral bar mi 'gyur ro// //shes rab kyi pha rol du phyin pa stong phrag nyi shu lnga pa/ bam po lnga pa/ shA ra dwa ti'i bu byang chub sems dpa' sems dpa' chen po thabs la mi mkhas pa dag bsam gtan bzhi po la mnyam par gzhog cing / pha rol du phyin pa drug la yang spyod de/ de dag bsam gtan thob pas lha tshe rings po'i nang du skyes shing / gal te mi'i nang du skye ba thob nas/ sangs rgyas bcom ldan 'das de dag la bsnyen bkur byed na yang / de dag dbang po rtul zhing dbang po mi rno ba yang yod do/ /shA ra dwa ti'i bu gzhan yang byang chub sems dpa' sems dpa' chen po bsam gtan la yang mnyam par gzhog la/ shes rab kyi pha rol du phyin pa la yang spyod de/ de dag thabs la mi mkhas pas bsam gtan rnams spangs nas phyir 'dod pa'i khams su skye ba yang yod de/ shA ra dwa ti'i bu byang chub sems dpa' sems dpa' chen po de dag kyang dbang po rtul ba yin te/ dbang po rno ba ma yin no/ /shA ra dwa ti'i bu 'di ltar</font><hr>30.60a<br><font size=+1>

yang byang chub sems dpa' sems dpa' chen po bsam gtan dang po nas/ bzhi pa la yang snyoms par 'jug /byams pa la yang snyoms par 'jug snying rje dang dga' ba dang btang snyoms la yang snyoms par 'jug /nam mkha' mtha' yas skye mched la yang snyoms par 'jug /rnam shes mtha' yas skye mched dang / cung zad med pa'i skye mched dang / 'du shes med 'du shes med min skye mched la yang snyoms par 'jug /dran pa nye bar gzhag pa bzhi la yang snyoms par 'jug /yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa la yang snyoms par 'jug /snying rje chen po la yang snyoms par 'jug ste/ snying rje chen po dang ldan pa de dag thabs mkhas pas/ bsam gtan gyi dbang gis mi skye/ tshangs pa'i rnam par spyod pa'i dbang gis mi skye/ gzugs med pa'i snyoms par 'jug pa'i dbang gis mi skye ste/ sangs rgyas bcom ldan 'das rnams gang na bzhugs shing 'tsho skyong ba de dang de dag tu skye bar 'gyur ba yod do/ /de dag ni shes rab kyi pha rol tu phyin pa'i rnal 'byor dang yang ma bral bas/ bskal pa bzang po 'di nyid la bla na med pa yang dag par rdzogs pa'i byang chub tu mngon par 'tshang rgya'o/ /shA ra dwa ti'i bu gzhan yang byang chub sems dpa' sems dpa' chen po bsam gtan bzhi po la yang snyoms par 'jug /byams pa dang / snying rje dang / dga' ba dang / btang snyoms la yang snyoms par 'jug /nam mkha' mtha' yas skye mched dang / rnam shes mtha' yas skye mched dang / cung zad med pa'i skye mched dang / 'du shes med 'du shes med min skye mched la yang snyoms par 'jug cing de dag thabs mkhas pas/ bsam gtan dang / ting nge</font><hr>30.60b<br><font size=+1>

'dzin dang / snyoms par 'jug pa'i dbang gis mi skye ba yang yod de/ de dag ni phyir 'dod pa'i khams 'dir skyes kyang / rgyal rigs che zhing mtho ba 'am/ bram ze'i rigs che zhing mtho ba 'am/ khyim bdag gi rigs che zhing mtho ba'i rigs su skye ste/ de yang srid pa la brkam pa'i phyir ma yin gyi/ sems can yongs su smin par bya ba'i phyir ro/ /shA ra dwa ti'i bu 'di ltar yang byang chub sems dpa' sems dpa' chen po bsam gtan bzhi po la yang snyoms par 'jug /byams pa dang snying rje dang dga' ba dang btang snyoms la yang snyoms par 'jug /nam mkha' mtha' yas skye mched la yang snyoms par 'jug /rnam shes mtha' yas skye mched dang / cung zad med pa'i skye mched dang / 'du shes med 'du shes med min skye mched la yang snyoms par 'jug cing / de dag thabs mkhas pas bsam gtan dang ting nge 'dzin dang / snyoms par 'jug pa'i dbang gis mi skye ba yang yod de/ de dag ni rgyal po chen po bzhi'i ris kyi lha rnams dang / skal ba mnyam par bya'o/ /sum bcu rtsa gsum dang / mtshe ma dang / dga' ldan dang / 'phrul dga' dang / gzhan 'phrul dbang byed kyi lha rnams dang / skal ba mnyam par skyes te/ de dag na gnas shing sems can rnams yongs su smin par byed do/ /sangs rgyas kyi zhing yongs su dag par byed do/ /sangs rgyas bcom ldan 'das rnams kyang mnyes par byed do/ /shA ra dwa ti'i bu 'di ltar yang byang chub sems dpa' sems dpa' chen po shes rab kyi pha rol du phyin pa la spyod pa dag thabs mkhas pas/ bsam gtan bzhi po la yang snyoms par 'jug /byams pa dang snying rje dang dga' ba dang btang snyoms la yang snyoms par 'jug /nam mkha' mtha' yas skye mched la yang snyoms par 'jug /rnam shes mtha' yas skye mched dang / cung zad med pa'i skye mched dang / 'du shes med 'du shes med min</font><hr>30.61a<br><font size=+1>

skye mched la yang snyoms par 'jug pa yod de/ de dag ni 'di nas shi 'phos nas tshangs pa'i 'jig rten du skye'o/ /de dag de na yang tshangs pa tshangs chen dbang chen po dang ldan pa brgya phrag bcu la dbang sgyur ba de lta bu'i sems can gyi nang na yang mchog dam pa phul du bya bar 'gyur te/ de dag de na 'khod cing gang na de bzhin gshegs pa dgra bcom pa yang dag par rdzogs pa'i sangs rgyas rnams mngon par sangs rgyas shing chos kyi 'khor lo bskor ba bzhugs pa de lta bu'i sangs rgyas kyi zhing nas sangs rgyas kyi zhing du rgyu zhing dong ngo / /de bzhin gshegs pa dgra bcom pa yang dag par rdzogs pa'i sangs rgyas de dag la yang chos kyi 'khor lo bskor ba'i don du gsol ba gdab pa byed do/ /shA ra dwa ti'i bu 'di ltar yang byang chub sems dpa' sems dpa' chen po tshe gcig gis thogs pa/ shes rab kyi pha rol du phyin pa la spyod pa dag thabs mkhas pas/ bsam gtan bzhi po la yang snyoms par 'jug /byams pa dang snying rje dang dga' ba dang btang snyoms la yang snyoms par 'jug /nam mkha' mtha' yas skye mched la yang snyoms par 'jug /rnam shes mtha' yas skye mched dang / cung zad med pa'i skye mched dang / 'du shes med 'du shes med min skye mched la yang snyoms par 'jug /dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa la yang bsgom/ stong pa nyid dang / mtshan ma med pa dang smon pa med pa'i ting nge 'dzin la yang snyoms par 'jug cing / de dag gi dbang gis mi skye ba yang yod de/ de dag sangs rgyas bcom ldan 'das mngon du gyur pa rnams bsnyen bkur cing / de dag tu tshangs pa'i spyod pa spyad de/ dga' ldan gyi lha dang skal ba mnyam</font><hr>30.61b<br><font size=+1>

par skye ste/ de dag der tshe'i tshul bzhin du gnas nas/ dbang po ma nyams pa dang dran zhing shes bzhin du lha bye ba khrag khrig brgya stong du mas bskor te mdun du byas nas 'dir skye ba bstan te/ bla na med pa yang dag par rdzogs pa'i byang chub tu mngon par sangs rgyas nas sangs rgyas kyi zhing sna tshogs dag tu chos kyi 'khor lo bskor ba dag kyang yod do/ /shA ra dwa ti'i bu 'di ltar yang byang chub sems dpa' sems dpa' chen po mngon par shes pa drug thob pa dag 'dod pa'i khams su yang mi skye/ gzugs kyi khams dang gzugs med pa'i khams su yang mi skye bar/ de dag de bzhin gshegs pa dgra bcom pa yang dag par rdzogs pa'i sangs rgyas rnams la rim gro dang bkur sti dang sti stang dang mchod pa byed cing sangs rgyas kyi zhing nas sangs rgyas kyi zhing du 'dong ba dag kyang yod do/ /shA ra dwa ti'i bu 'di ltar yang byang chub sems dpa' sems dpa' chen po mngon par shes pa drug thob pa dag /mngon par shes pa drug po de dag gis rnam par rtse zhing sangs rgyas kyi zhing gang na/ theg pa chen po ma gtogs par nyan thos kyi theg pa dang rang sangs rgyas kyi theg pa'i sgra yang mi grag pa de lta bu'i sangs rgyas kyi zhing nas sangs rgyas kyi zhing du 'dong ba dag kyang yod do/ /shA ra dwa ti'i bu 'di ltar yang byang chub sems dpa' sems dpa' chen po mngon par shes pa drug thob pa dag /mngon par shes pa de dag gis rnam par rtse zhing sangs rgyas kyi zhing gang na/ sems can rnams kyi tshe dpag tu med pa de lta bu'i sangs rgyas kyi zhing nas/ sangs rgyas kyi zhing du 'dong ba dag kyang yod do/ /shA ra dwa ti'i bu 'di ltar yang byang chub sems dpa' sems dpa' chen po mngon par shes pa drug thob pa dag /'jig rten gyi khams gang na sangs rgyas kyi sgra mi grag pa dang / chos kyi sgra mi grag pa dang / dge 'dun gyi sgra mi grag pa de lta bu'i 'jig rten gyi khams nas/ </font><hr>30.62a<br><font size=+1>

'jig rten gyi khams su 'dong zhing sangs rgyas kyi legs pa brjod/ chos kyi legs pa brjod/ dge 'dun gyi legs pa brjod cing / sems can de dag kyang / sangs rgyas kyi sgra dang / chos kyi sgra dang / dge 'dun gyi sgra des sems dang bar gyur te/ gang na sangs rgyas bcom ldan 'das rnams bzhugs pa de dag tu skye bar 'gyur bar byed pa dag kyang yod do/ /shA ra dwa ti'i bu 'di ltar yang byang chub sems dpa' sems dpa' chen po dang po sems bskyed phyin chad/ bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / mngon par shes pa lnga dang / dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad dag kyang thob nas/ de dag nam yang 'dod pa'i khams su yang mi skye/ gzugs kyi khams dang / gzugs med pa'i khams su yang mi skye zhing / de dag tu yang sems can rnams kyi don byed pa yod do/ /shA ra dwa ti'i bu 'di ltar yang byang chub sems dpa' sems dpa' chen po pha rol du phyin pa drug la spyod pa dag /dang po sems bskyed pa nyid kyis byang chub sems dpa'i skyon med par bzhugs nas/ phyir mi ldog pa'i sa 'thob pa yang yod do/ /shA ra dwa ti'i bu 'di ltar yang byang chub sems dpa' sems dpa' chen po dang po sems bskyed pa nyid kyis/ bla na med pa yang dag par rdzogs pa'i byang chub tu mngon par 'tshang rgya zhing / mngon par sangs rgyas nas chos kyi 'khor lo bskor te/ sems can tshad med grangs med pa'i don byas nas/ phung po ma lus pa'i mya</font><hr>30.62b<br><font size=+1>

ngan las 'das pa'i dbyings su yongs su mya ngan las 'da' zhing / de dag yongs su mya ngan las 'das nas kyang / dam pa'i chos bskal pa 'am/ bskal pa bas lhag par gnas pa dag kyang yod do/ /shA ra dwa ti'i bu 'di ltar yang byang chub sems dpa' sems dpa' chen po dang po sems bskyed pa nyid kyis/ shes rab kyi pha rol du phyin pa'i rnal 'byor la snyoms par 'jug cing / de dag byang chub sems dpa' bye ba khrag khrig brgya stong du ma dang lhan cig /sangs rgyas kyi zhing nas sangs rgyas kyi zhing du/ sangs rgyas bcom ldan 'das rnams blta ba dang / sems can yongs su smin par bya ba dang / sangs rgyas kyi zhing yongs su dag par bya ba'i don du 'dong ba dag kyang yod do/ /shA ra dwa ti'i bu byang chub sems dpa' sems dpa' chen po shes rab kyi pha rol du phyin pa la spyod pa/ bsam gtan bzhi thob pa tshad med pa bzhi dang gzugs med pa'i snyoms par 'jug pa bzhi thob pa dag /bsam gtan dang tshad med pa dang / gzugs med pa'i snyoms par 'jug pa de dag gis tshul du mar rnam par rtse zhing / 'di lta ste/ bsam gtan dang po la snyoms par 'jug go/ /de dag bsam gtan dang po de las langs nas/ 'gog pa'i snyoms par 'jug pa la mnyam par gzhog go/ /'gog pa'i snyoms par 'jug pa las langs nas/ bsam gtan gnyis pa la snyoms par 'jug go/ /bsam gtan gnyis pa las langs nas/ 'gog pa'i snyoms par 'jug pa la mnyam par gzhog go/ /de las langs nas bsam gtan gsum pa la snyoms par 'jug go/ /de las langs nas 'gog pa'i snyoms par 'jug pa la mnyam par gzhog go/ /de las langs nas bsam gtan bzhi pa la snyoms par 'jug go/ /de las langs nas 'gog pa'i snyoms par 'jug pa la mnyam par gzhog go/ /de las</font><hr>30.63a<br><font size=+1>

langs nas nam mkha' mtha' yas skye mched la yang snyoms par 'jug go/ /de las langs nas 'gog pa'i snyoms par 'jug pa la mnyam par gzhog go/ /de las langs nas rnam shes mtha' yas skyed mched la snyoms par 'jug go/ /de las langs nas 'gog pa'i snyoms par 'jug pa la mnyam par gzhog go/ /de las langs nas cung zad med pa'i skye mched la snyoms par 'jug go/ /de las langs nas 'gog pa'i snyoms par 'jug pa la mnyam par gzhog go/ /de las langs nas 'du shes med 'du shes med min skye mched la snyoms par 'jug go/ /de las langs nas 'gog pa'i snyoms par 'jug pa la mnyam par gzhog go/ /shA ra dwa ti'i bu de ltar byang chub sems dpa' sems dpa' chen po shes rab kyi pha rol du phyin pa la spyod pa thabs mkhas pa dang ldan pa rnams bsam gtan dang / tshad med pa dang ting nge 'dzin dang snyoms par 'jug pa 'di dag yang dang yang du rnam par mnan cing snyoms par 'jug pa dag kyang yod do/ /shA ra dwa ti'i bu 'di ltar yang byang chub sems dpa' sems dpa' chen po dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa thob pa/ 'phags pa'i bden pa rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams thob pa/ ting nge 'dzin rnams dang / gzungs kyi sgo rnams thob pa/ de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad thob</font><hr>30.63b<br><font size=+1>

pa dag rnam par thar pa'i sgo gsum po thob kyang rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub thob par mi byed kyi/ shes rab kyi pha rol du phyin pa la spyod cing / thabs mkhas pas yongs su bzung bas 'phags pa'i lam yan lag brgyad pa sems can rnams la ston par byed de/ sems can de dag des rgyun du zhugs pa'i 'bras bu thob par 'gyur ba dang lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub thob par 'gyur bar byed pa dag kyang yod de/ shA ra dwa ti'i bu nyan thos dang rang sangs rgyas rnams kyi 'bras bu thob par bya ba'i ye shes gang yin pa de ni byang chub sems dpa' sems dpa' chen po'i bzod pa yin te/ shA ra dwa ti'i bu byang chub sems dpa' sems dpa' chen po gang shes rab kyi pha rol du phyin pa de lta bus de ltar rnam par spyod pa de dag ni phyir mi ldog pa yin par shes par bya'o/ /shA ra dwa ti'i bu 'di ltar yang byang chub sems dpa' sems dpa' chen po pha rol du phyin pa drug la gnas shing / dga' ldan gyi gnas yongs su sbyong ba dag kyang yod de/ shA ra dwa ti'i bu byang chub sems dpa' sems dpa' chen po de dag ni bskal pa bzang po par shes par bya'o/ /shA ra dwa ti'i bu 'di ltar yang byang chub sems dpa' sems dpa' chen po shes rab kyi pha rol du phyin pa la spyod pa/ bsam gtan bzhi thob pa/ tshad med pa bzhi dang / gzugs med pa'i snyoms par 'jug pa bzhi dang / byang chub kyi phyogs kyi chos sum bcu rtsa bdun thob pa/ mngon par shes pa drug thob pa/ de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad thob pa dag 'phags pa'i bden pa bzhi khong du chud par bya ba'i don du spyod kyang / bden pa bzhi rtogs par mi byed pa dag kyang yod de/ </font><hr>30.64a<br><font size=+1>

shA ra dwa ti'i bu byang chub sems dpa' sems dpa' chen po de dag ni tshe gcig gis thogs par shes par bya'o/ /shA ra dwa ti'i bu 'di ltar yang byang chub sems dpa' sems dpa' chen po pha rol du phyin pa drug la spyod pa dag 'jig rten gyi khams nas 'jig rten gyi khams su 'dong zhing / de dag gi sems can rnams byang chub tu yang dag par bskul ba byed cing / sangs rgyas kyi zhing yongs su dag par byed pa dag kyang yod de/ shA ra dwa ti'i bu byang chub sems dpa' sems dpa' chen po de dag ni bskal pa grangs med tshad med pas bla na med pa yang dag par rdzogs pa'i byang chub tu mngon par 'tshang rgya'o/ /shA ra dwa ti'i bu 'di ltar yang byang chub sems dpa' sems dpa' chen po pha rol tu phyin pa drug la gnas shing sems can rnams kyi don du rtag par brtson te/ nam yang gnod par 'gyur ba'i tshig mi smra/ gnod pa dang ldan pa'i lus kyi las dang / yid kyi las mi byed pa dag kyang yod do/ /shA ra dwa ti'i bu 'di ltar yang byang chub sems dpa' sems dpa' chen po pha rol du phyin pa drug la gnas shing sems can gyi don du rtag tu brtson pas/ sangs rgyas kyi zhing nas sangs rgyas kyi zhing du 'dong zhing / sems can rnams kyi ngan song gi lam gsum po rgyun gcod pa dag kyang yod do/ /shA ra dwa ti'i bu 'di ltar yang byang chub sems dpa' sems dpa' chen po pha rol du phyin pa drug la gnas shing sbyin pa'i pha rol du phyin pa lhur byas te/ sems can rnams kyi bde ba'i yo byad thams cad nye bar bsgrub cing / zas 'dod pa rnams la zas dang skom 'dod pa rnams la skom dang / bzhon pa 'dod pa rnams la bzhon pa dang / me tog dang / spos dang / phreng ba dang / byug pa dang mal stan dang gos dang rgyan dang 'tsho ba dang khyim 'dod pa rnams la khyim gyis yongs su sdud cing 'tsho ba'i yo byad skyon med pa yongs su sgrub pa dag kyang yod do/ /tshul khrims kyi pha rol du phyin pa lhur byas te/ sems can rnams lus</font><hr>30.64b<br><font size=+1>

dang ngag dang yid kyi sdom pa la rab tu 'god pa dag kyang yod do/ /bzod pa'i pha rol tu phyin pa lhur byas te/ sems can rnams khro ba med pa dang / gnod sems med pa la rab tu 'god pa dag kyang yod do/ /brtson 'grus kyi pha rol du phyin pa lhur byas te/ sems can rnams dge ba'i chos thams cad la mngon par brtson pa la rab tu 'god pa dag kyang yod do/ /bsam gtan gyi pha rol du phyin pa lhur byas te/ sems can rnams zhi gnas rtse gcig tu bya ba dang / 'dod pa las dben pa la rab tu 'god pa dag kyang yod do/ /shes rab kyi pha rol tu phyin pa lhur byas te/ sems can rnams chos thams cad la mngon par zhen pa med par 'god pa dag kyang yod do/ /shA ra dwa ti'i bu 'di ltar yang byang chub sems dpa' sems dpa' chen po pha rol du phyin pa drug la gnas shing / shes rab kyi pha rol du phyin pa lhur byas te/ de bzhin gshegs pa'i sku ci 'dra ba de 'dra ba'i lus su mngon par sprul te/ sems can dmyal ba'i sems can rnams dang / byol song gi skye gnas pa'i sems can rnams dang / gshin rje'i 'jig rten pa'i sems can rnams la ngan song thams cad las yang dag par bzla ba'i phyir chos ston pa dag kyang yod do/ /shA ra dwa ti'i bu 'di ltar yang byang chub sems dpa' sems dpa' chen po pha rol du phyin pa drug la gnas shing / sangs rgyas kyi sku ci 'dra ba de 'dra ba'i lus su mngon par sprul nas/ shar phyogs kyi sangs rgyas kyi zhing gang gA'i klung gi bye ma snyed dag tu 'dong zhing sems can rnams la chos ston pa dang / de bzhin gshegs pa rnams la bsnyen bkur byed pa dang / chos nyan cing byang chub sems dpa'i dge 'dun dang / sangs rgyas kyi zhing gi yon tan rnam par phye ba dag kyang mthong bar byed cing / de dag sangs rgyas kyi zhing de dag gi mtshan ma yongs su bzung ste/ de bas kyang rgya che ba khyad par du 'phags pa'i sangs rgyas kyi zhing mang po yongs su bsgrub cing / sangs</font><hr>30.65a<br><font size=+1>

rgyas kyi zhing de dag tu byang chub sems dpa' sems dpa' chen po tshe gcig gis thogs pa sha stag skye bar byed pa dag kyang yod do/ /de bzhin du lho dang nub dang byang dang byang shar dang shar lho dang lho nub dang nub byang dang 'og dang steng gi phyogs kyi phyogs re re zhing / sangs rgyas kyi zhing gang gA'i klung gi bye ma snyed dag tu dong zhing / sems can rnams la chos ston pa dang / de bzhin gshegs pa rnams la bsnyen bkur byed pa dang / chos nyan cing byang chub sems dpa'i dge 'dun dang / sangs rgyas kyi zhing gi yon tan rnam par phye ba dag kyang mthong bar byed cing / de dag sangs rgyas kyi zhing de dag gi mtshan ma yongs su bzung ste/ de bas kyang rgya che ba khyad par du 'phags pa'i sangs rgyas kyi zhing mang po yongs su sgrub cing / sangs rgyas kyi zhing de dag tu byang chub sems dpa' sems dpa' chen po tshe gcig gis thogs pa sha stag skye bar byed pa dag kyang yod do/ /shA ra dwa ti'i bu 'di ltar yang byang chub sems dpa' sems dpa' chen po pha rol du phyin pa drug la spyod pa'i tshe/ mi chen po'i mtshan sum bcu rtsa gnyis dang ldan par byas te/ dbang po gsal zhing yongs su dag pa dang ldan par gyur nas/ de dag lus yongs su dag pa de dag gis skye bo mang po dga' ba dang mos pa skyed de/ de dag 'gro ba mang po'i snying du sdug cing yid du 'ong ba dang / sems can de dag kyang sems mos par gyur pa'i dge ba'i rtsa ba de nyid kyis mthar gyis thegs pa gsum gyis yongs su mya ngan las 'da' bar byed pa dag kyang yod do/ /shA ra dwa ti'i bu byang chub sems dpa' sems dpa' chen po 'di ltar shes rab kyi pha rol du phyin pa la spyod pa'i tshe/ lus yongs su dag pa dang ngag yongs su dag pa dang yid yongs su dag pa la bslab par bya'o/ /shA ra dwa ti'i bu 'di ltar yang byang chub sems dpa' sems dpa' chen po pha rol du phyin pa drug la spyod pa dag dbang po shin</font><hr>30.65b<br><font size=+1>

du gsal ba thob nas/ de dag dbang po shin du gsal ba de dag gis bdag mi bstod cing gzhan mi smod pa dag kyang yod do/ /shA ra dwa ti'i bu 'di ltar yang byang chub sems dpa' sems dpa' chen po dang po sems bskyed phyin chad/ sbyin pa'i pha rol du phyin pa dang / tshul khrims kyi pha rol du phyin pa la gnas shing / phyir mi ldog pa'i sa ma thob kyi bar du nam yang dbul bar mi 'gyur zhing / log par 'gro ba dang ngan song du mi ltung ba dag kyang yod do/ /shA ra dwa ti'i bu 'di ltar yang byang chub sems dpa' sems dpa' chen po dang po sems bskyed phyin chad/ phyir mi ldog pa'i sa ma thob kyi bar du/ nam yang dge ba bcu'i las kyi lam mi gtong ba dag kyang yod do/ /shA ra dwa ti'i bu 'di ltar yang byang chub sems dpa' sems dpa' chen po sbyin pa'i pha rol du phyin pa dang / tshul khrims kyi pha rol du phyin pa la gnas shing / 'khor los sgyur ba'i rgyal por gyur nas/ de dag dge ba bcu'i las kyi lam rnams la sems can rab tu 'god pa dang / sbyin pa dang ngag snyan pas sems can yongs su sdud pa dag kyang yod do/ /shA ra dwa ti'i bu 'di ltar yang byang chub sems dpa' sems dpa' chen po sbyin pa'i pha rol du phyin pa dang / tshul khrims kyi pha rol du phyin pa la gnas shing / 'khor los sgyur ba'i rgyal srid yongs su bzung ste/ 'khor los sgyur ba'i rgyal srid brgya stong du ma la gnas shing de dag la gnas nas sangs rgyas bye ba khrag khrig brgya stong du ma mnyes par byed de/ sangs rgyas bcom ldan 'das de dag la yo byad thams cad dang / mchod pa sna tshogs kyis/ rim gro dang bkur sti dang sti stang dang mchod pa byed pa dag kyang yod do/ /shA ra dwa ti'i bu 'di ltar yang byang chub sems dpa' sems dpa' chen po pha rol du phyin pa drug la gnas shing / sems can log par lta ba'i mun pa can rnams la/ sangs rgyas kyi chos kyis snang bar byed cing</font><hr>30.66a<br><font size=+1>

bdag nyid kyang nam bla na med pa yang dag par rdzogs pa'i byang chub tu mngon par sangs ma rgyas kyi bar du/ sangs rgyas kyi chos snang ba de yang nam yang 'bral bar mi byed pa dag kyang yod de/ shA ra dwa ti'i bu 'di ni byang chub sems dpa' sems dpa' chen po sangs rgyas kyi chos la yang dag par byung ba yin no/ /shA ra dwa ti'i bu de lta bas na byang chub sems dpa' sems dpa' chen pos shes rab kyi pha rol du phyin pa la spyod pa'i tshe/ kha na ma tho ba dang bcas pa'i lus dang ngag dang yid kyi las rnams kyi go mi dbye'o/ /de skad ces bka' stsal pa dang / tshe dang ldan pa shA ra dwa ti'i bus/ bcom ldan 'das la 'di skad ces gsol to/ /bcom ldan 'das byang chub sems dpa' sems dpa' chen po'i lus kyi las kha na ma tho ba dang bcas pa dang / ngag gi las kha na ma tho ba dang bcas pa dang / yid kyi las kha na ma tho ba dang bcas pa gang lags/ bcom ldan 'das kyis bka' stsal pa/ shA ra dwa ti'i bu byang chub sems dpa' sems dpa' chen po 'di snyam du sems shing / 'di ni lus yin gyis des ni lus kyi las shig brtsam/ 'di ni ngag yin gyis des ni ngag gi las shig brtsam/ 'di ni yid yin gyis des ni yid kyi las shig brtsam snyam na/ de ni shA ra dwa ti'i bu byang chub sems dpa' sems dpa' chen po'i lus dang ngag dang yid kyi las rtsom pa kha na ma tho ba dang bcas pa'o/ /shA ra dwa ti'i bu byang chub sems dpa' sems dpa' chen po shes rab kyi pha rol du phyin pa la spyod pas ni lus gang dang ngag gang dang yid gang gis 'jungs pa'i sems bskyed pa 'am/ tshul khrims ngan pa'i sems bskyed pa'am/ gnod sems kyi sems bskyed pa'am/ le lo'i sems bskyed pa 'am/ 'khrug pa'i sems bskyed pa 'am/ shes rab 'chal pa'i sems bskyed par bya ba de lta bu'i lus mi dmigs so/ /ngag mi dmigs so/ /sems mi dmigs so/ /shA ra dwa ti'i bu byang chub</font><hr>30.66b<br><font size=+1>

sems dpa' sems dpa' chen po shes rab kyi pha rol du phyin pa la spyod pa'i tshe/ lus dang ngag dang yid kyi gnas ngan len skyed pa tsam du yang shes par mi bya ste/ de ni gnas med do/ /de ci'i phyir zhe na/ shA ra dwa ti'i bu de ni 'di ltar byang chub sems dpa' sems dpa' chen po shes rab kyi pha rol du phyin pa la spyod pa'i tshe/ lus dang ngag dang yid kyi gnas ngan len yongs su sbyong ste/ shA ra dwa ti'i bu 'di ni/ byang chub sems dpa' sems dpa' chen po rnams kyi lus dang ngag dang yid kyi las kha na ma tho ba med pa'o/ /gsol pa/ bcom ldan 'das ji ltar na byang chub sems dpa' sems dpa' chen po lus kyi gnas ngan len sbyong ba dang / ngag gi gnas ngan len sbyong ba dang / yid kyi gnas ngan len yongs su sbyong ba lags/ bcom ldan 'das kyis bka' stsal pa/ shA ra dwa ti'i bu gang gi tshe byang chub sems dpa' sems dpa' chen po lus mi dmigs pa dang / ngag dang sems mi dmigs pa de'i tshe na/ byang chub sems dpa' sems dpa' chen po lus dang ngag dang / yid kyi gnas ngan len yongs su sbyong ba yin no/ /shA ra dwa ti'i bu gzhan yang byang chub sems dpa' sems dpa' chen po sems dang po bskyed phyin chad/ dge ba bcu'i las kyi lam rnams yang dag par blangs te gnas shing / nyan thos kyi sems sam rang sangs rgyas kyi sems bskyed pa med par de rtag tu rgyun mi chad par sems can thams cad la snying rje chen po'i sems nye bar gzhog na/ de ni byang chub sems dpa' sems dpa' chen po'i lus dang ngag dang yid kyi gnas ngan len yongs su dag pa zhes ngas bshad do/ /shA ra dwa ti'i bu byang chub sems dpa' sems dpa' chen po shes rab kyi pha rol du phyin pa la spyod pa byang chub kyi lam yongs su sbyong zhing / sbyin pa'i pha rol du phyin pa la spyod pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson</font><hr>30.67a<br><font size=+1>

'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la spyod pa dag kyang yod do/ /gsol pa/ bcom ldan 'das byang chub sems dpa' sems dpa' chen po'i byang chub kyi lam gang lags/ bcom ldan 'das kyis bka' stsal pa/ byang chub sems dpa' sems dpa' chen po shes rab kyi pha rol du phyin pa la spyod pa'i tshe/ nam lus la dmigs pa med pa dang / ngag dang yid la dmigs pa med pa dang / sbyin pa'i pha rol du phyin pa la dmigs pa med pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la dmigs pa med pa dang / nyan thos kyi theg pa la dmigs pa med pa dang / rang sangs rgyas kyi theg pa la dmigs pa med pa dang / byang chub sems dpa'i theg pa dang / yang dag par rdzogs pa'i sangs rgyas kyi theg pa la dmigs pa med par gyur pa de ni/ shA ra dwa ti'i bu byang chub sems dpa' sems dpa' chen po'i byang chub kyi lam yin te/ de ltar chos thams cad la dmigs pa med cing blang ba med pa dang dor ba med pa'o/ /shA ra dwa ti'i bu byang chub sems dpa' sems dpa' chen po lam de lta bus pha rol du phyin pa drug la spyod cing nan tan du byed pa de dag ni sus kyang thub pa med do/ /gsol pa/ bcom ldan 'das byang chub sems dpa' sems dpa' chen po tshul ji lta bur spyod pa rnams thub pa ma mchis pa lags/ bcom ldan 'das kyis bka' stsal pa/ nam byang chub sems dpa' sems dpa' chen po shes rab kyi pha rol du phyin pa la spyod pa'i tshe/ gzugs la rlom sems med pa dang tshor ba dang 'du shes dang 'du byed dang rnam par shes pa la rlom sems med pa dang / mig dang gzugs la</font><hr>30.67b<br><font size=+1>

rlom sems med pa dang / rna ba dang sgra dang sna dang dri dang lce dang ro dang lus dang reg bya dang yid dang chos la rlom sems med pa dang / sa'i khams la rlom sems med pa dang / chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams la rlom sems med pa dang / mig gi khams la rlom sems med pa dang / gzugs kyi khams dang / mig gi rnam par shes pa'i khams la rlom sems med pa dang / rna ba'i khams dang / sgra'i khams dang / rna ba'i rnam par shes pa'i khams dang / sna'i khams dang / dri'i khams dang / sna'i rnam par shes pa'i khams dang / lce'i khams dang / ro'i khams dang / lce'i rnam par shes pa'i khams dang / lus kyi khams dang / reg bya'i khams dang / lus kyi rnam par shes pa'i khams dang / yid kyi khams la rlom sems med pa dang / chos kyi khams la rlom sems med pa dang / yid kyi rnam par shes pa'i khams la rlom sems med pa dang / rten cing 'brel bar 'byung ba la rlom sems med pa dang / sbyin pa'i pha rol du phyin pa la rlom sems med pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la rlom sems med pa dang / nang stong pa nyid la rlom sems med pa dang / dngos po med pa'i ngo bo nyid stong pa nyid kyi bar la rlom sems med pa dang / dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa la rlom sems med pa dang / 'phags pa'i bden pa bzhi la rlom sems med pa dang / bsam gtan bzhi la rlom sems med pa dang / tshad med pa bzhi dang / </font><hr>30.68a<br><font size=+1>

gzugs med pa'i snyoms par 'jug pa bzhi la rlom sems med pa dang / rnam par thar pa brgyad dang / mthar gyis gnas pa'i snyoms par 'jug pa dgu la rlom sems med pa dang / stong pa nyid dang / mtshan ma med pa dang / smon pa med pa la rlom sems med pa dang / mngon par shes pa rnams la rlom sems med pa dang / ting nge 'dzin rnams dang / gzungs kyi sgo rnams la rlom sems med pa dang / de bzhin gshegs pa'i stobs bcu la rlom sems med pa dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad la rlom sems med pa dang / rgyun du zhugs pa'i 'bras bu la rlom sems med pa dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid la rlom sems med pa dang / rang byang chub la rlom sems med pa dang / lam gyi rnam pa shes pa nyid la rlom sems med pa dang / bla na med pa yang dag par rdzogs pa'i byang chub la rlom sems med pa dang / 'khor ba dang mya ngan las 'das pa la rlom sems med par gyur pa de'i tshe/ byang chub sems dpa' sems dpa' chen po de ni pha rol du phyin pa drug gis rnam par 'phel ba yin te sus kyang thub pa med do/ /shA ra dwa ti'i bu 'di ltar yang byang chub sems dpa' sems dpa' chen po pha rol du phyin pa drug la gnas te/ thams cad mkhyen pa nyid kyi ye shes yongs su rdzogs par byed cing / ye shes de dang ldan pas nam yang ngan song rnams su mi skye/ mi dbul zhing phongs pa nyams su myong bar mi 'gyur te/ lus gang dang ldan pas lha dang mi dang lha ma yin du bcas pa'i 'jig rten gyi nang na smad par 'gyur ba de lta bu'i lus yongs su 'dzin par mi 'gyur ba dag kyang yod do/ /de nas tshe dang ldan pa shA ra dwa ti'i bus bcom ldan 'das la 'di skad ces gsol</font><hr>30.68b<br><font size=+1>

to/ /bcom ldan 'das de lta bu'i ye shes dang ldan pas/ byang chub sems dpa' sems dpa' chen po nam yang ngan song rnams su skye bar mi 'gyur ba dang / mi dbul zhing phongs pa nyams su myong bar mi 'gyur ba dang / lus gang dang ldan pas lha dang mi dang lha ma yin gyi nang na/ smad par 'gyur ba de lta bu'i lus yongs su 'dzin par mi 'gyur ba'i thams cad mkhyen pa'i ye shes de gang lags/ bcom ldan 'das kyis bka' stsal pa/ shA ra dwa ti'i bu byang chub sems dpa' sems dpa' chen po ye shes de lta bu dang ldan pas ni/ shar phyogs kyi 'jig rten gyi khams gang gA'i klung gi bye ma snyed kyi de bzhin gshegs pa dgra bcom pa yang dag par rdzogs pa'i sangs rgyas gang gA'i klung gi bye ma snyed kyang mthong ngo / /chos kyang nyan to/ /byang chub sems dpa'i dge 'dun dang / sangs rgyas kyi zhing gi yon tan rnam par phye ba dag kyang mthong ngo / /lho dang nub dang byang dang byang shar dang shar lho dang lho nub dang nub byang dang 'og dang steng gi phyogs kyi phyogs re re zhing 'jig rten gyi khams gang gA'i klung gi bye ma snyed kyi de bzhin gshegs pa dgra bcom pa yang dag par rdzogs pa'i sangs rgyas gang gA'i klung gi bye ma snyed kyang mthong ngo / /chos kyang nyan to/ /byang chub sems dpa'i dge 'dun dang / sangs rgyas kyi zhing gi yon tan rnam par phye ba dag kyang mthong ngo / /ye shes de lta bu dang ldan pa'i byang chub sems dpa' sems dpa' chen po ni sangs rgyas kyi 'du shes mi skyed do/ /chos kyi 'du shes dang dge 'dun gyi 'du shes mi skyed do/ /nyan thos kyi 'du shes dang rang sangs rgyas kyi 'du shes dang / byang chub sems dpa'i 'du shes dang / sangs rgyas kyi 'du shes mi skyed do/ /bdag gi 'du shes mi skyed do/ /gzhan gyi 'du shes mi skyed do/ /sangs rgyas kyi zhing gi 'du shes mi skyed do/ /ye shes de lta bu dang ldan pa'i byang chub sems dpa'</font><hr>30.69a<br><font size=+1>

sems dpa' chen po ni sbyin pa'i pha rol du phyin pa la spyod de/ sbyin pa'i pha rol du phyin pa mi dmigs so/ /tshul khrims kyi pha rol du phyin pa la spyod de/ tshul khrims kyi pha rol du phyin pa mi dmigs so/ /bzod pa'i pha rol du phyin pa la spyod de/ bzod pa'i pha rol du phyin pa mi dmigs so/ /brtson 'grus kyi pha rol du phyin pa la spyod de/ brtson 'grus kyi pha rol du phyin pa mi dmigs so/ /bsam gtan gyi pha rol du phyin pa la spyod de/ bsam gtan gyi pha rol du phyin pa mi dmigs so/ /shes rab kyi pha rol du phyin pa la spyod de/ shes rab kyi pha rol du phyin pa mi dmigs so/ /nang stong pa nyid sgom ste/ nang stong pa nyid mi dmigs so/ /dngos po med pa'i ngo bo nyid stong pa nyid kyi bar du sgom ste/ dngos po med pa'i ngo bo nyid stong pa nyid mi dmigs so/ /dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa sgom ste/ 'phags pa'i lam yan lag brgyad pa mi dmigs so/ /'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang mtshan ma med pa dang / smon pa med pa dang / mngon par shes pa rnams sgom ste/ mngon par shes pa rnams mi dmigs so/ /ting nge 'dzin rnams dang / gzungs kyi sgo rnams sgom ste/ gzungs kyi sgo rnams mi dmigs so/ /de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwo brgyad sgom ste/ sangs rgyas kyi chos ma 'dres pa bcwo brgyad mi dmigs so/ /</font><hr>30.69b<br><font size=+1>

rgyun du zhugs pa dang / lan gcig phyir 'ong ba dang / phyir mi 'ong ba dang / dgra bcom pa nyid dang / rang byang chub dang rnam pa thams cad mkhyen pa nyid kyi bar la sgom ste/ rnam pa thams cad mkhyen pa nyid mi dmigs so/ /shA ra dwa ti'i bu 'di ni byang chub sems dpa' sems dpa' chen po'i ye shes te/ ye shes de dang ldan pa'i byang chub sems dpa' sems dpa' chen po ni sangs rgyas kyi chos thams cad kyang yongs su rdzogs par byed de/ sangs rgyas kyi chos thams cad kyang yang dag par rjes su mi mthong ngo / /shA ra dwa ti'i bu 'di ltar yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ mig lnga rab tu 'thob pa dang / yongs su sbyong ba yod do/ /lnga gang zhe na/ 'di lta ste/ sha'i mig dang / lha'i mig dang / shes rab kyi mig dang / chos kyi mig dang / sangs rgyas kyi mig go/ /gsol pa/ bcom ldan 'das byang chub sems dpa' sems dpa' chen po'i sha'i mig yongs su dag pa gang lags/ bcom ldan 'das kyis bka' stsal pa/ shA ra dwa ti'i bu byang chub sems dpa' sems dpa' chen po sha'i mig gis dpag tshad brgya mthong ba yod do/ /shA ra dwa ti'i bu byang chub sems dpa' sems dpa' chen po'i sha'i mig gis dpag tshad nyis brgya dang / sum brgya dang / bzhi brgya dang / lnga brgya dang / stong gi bar du mthong ba yod do/ /shA ra dwa ti'i bu byang chub sems dpa' sems dpa' chen po'i sha'i mig gis 'dzam bu'i gling mthong ba yod do/ /sha'i mig gis gling gnyis dang / gling gsum dang / gling chen po bzhi pa'i 'jig rten gyi khams mthong ba yod do/ /sha'i mig gis stong gi 'jig rten gyi khams mthong ba yod do/ /sha'i mig gis stong gnyis kyi 'jig rten gyi khams mthong ba yod do/ /shA ra dwa ti'i bu byang chub sems dpa' sems dpa' chen po'i sha'i mig gis stong</font><hr>30.70a<br><font size=+1>

gsum gyi stong chen po'i 'jig rten gyi khams mthong ba yod do/ /shA ra dwa ti'i bu 'di ni byang chub sems dpa' sems dpa' chen po'i sha'i mig yongs su dag pa'o/ /gsol pa/ bcom ldan 'das byang chub sems dpa' sems dpa' chen po'i lha'i mig yongs su dag pa gang lags/ bcom ldan 'das kyis bka' stsal pa/ shA ra dwa ti'i bu rgyal po chen po bzhi'i ris kyi lha rnams kyi lha'i mig gang yin pa de ni byang chub sems dpas rab tu shes so/ /sum bcu rtsa gsum dang / mtshe ma dang / dga' ldan dang / 'phrul dga' dang / gzhan 'phrul dbang byed dang / tshangs ris dang / tshangs lha nye phan dang / tshangs pa kun 'khor dang / tshangs chen dang / snang ba dang / chung snang dang / tshad med snang ba dang / kun snang dang ba dang / dge ba dang / chung dge dang / tshad med dge ba dang / dge rgyas dang / che ba dang / chung che dang / tshad med che ba dang / 'bras bu che ba dang / mi che ba dang / mi gdung ba dang / shin du mthong ba dang / gya nom snang ba dang / 'og min gyi lha rnams kyi lha'i mig gang yin pa de ni byang chub sems dpas rab tu shes so/ /shA ra dwa ti'i bu byang chub sems dpa' sems dpa' chen po'i lha'i mig gang yin pa de ni rgyal po chen po bzhi'i ris kyi lha rnams kyis mi shes so/ /sum bcu rtsa gsum gyi lha rnams dang / mtshe ma dang / dga' ldan dang / 'phrul dga' dang / gzhan 'phrul dbang byed dang / tshangs ris dang / tshangs lha nye phan dang / tshangs pa kun 'khor dang / tshangs chen dang / snang ba dang / chung snang dang / tshad med snang ba dang / kun snang dang ba dang / dge ba dang / chung dge dang / tshad med dge ba dang / dge rgyas dang / che ba dang / chung che dang / tshad med che ba dang / 'bras bu che ba dang / mi che ba dang / mi gdung ba dang / shin du mthong ba dang / gya nom snang ba dang / 'og min gyi lha rnams kyis mi shes te/ lha'i mig de lta bu dang ldan pa'i byang chub sems dpa' sems dpa' chen</font><hr>30.70b<br><font size=+1>

po ni shar phyogs kyi 'jig rten gyi khams gang gA'i klung gi bye ma snyed kyi sems can rnams kyi 'chi 'pho dang skye ba rab tu shes so/ /lho dang nub dang byang dang byang shar dang shar lho dang lho nub dang nub byang dang 'og dang steng gi phyogs kyi phyogs re re zhing / 'jig rten gyi khams gang gA'i klung gi bye ma snyed kyi sems can rnams kyi 'chi 'pho dang skye ba rab tu shes so/ /shA ra dwa ti'i bu 'di ni byang chub sems dpa' sems dpa' chen po'i lha'i mig yongs su dag pa'o/ /gsol pa/ bcom ldan 'das byang chub sems dpa' sems dpa' chen po'i shes rab kyi mig yongs su dag pa gang lags/ bcom ldan 'das kyis bka' stsal pa/ shA ra dwa ti'i bu byang chub sems dpa' sems dpa' chen po'i shes rab kyi mig gang dang ldan pas/ 'dus byas sam 'dus ma byas sam/ dge ba 'am/ mi dge ba 'am/ kha na ma tho ba dang bcas pa 'am/ kha na ma tho ba med pa 'am/ kun nas nyon mongs pa 'am/ kun nas nyon mongs pa med pa 'am/ 'jig rten pa 'am 'jig rten las 'das pa 'am/ zag pa dang bcas pa 'am/ zag pa med pa'i chos gang yang mi shes pa med pa dang / shes rab kyi mig gang dang ldan pas/ chos gang yang ma mthong ba 'am/ ma thos pa 'am/ ma bsams pa 'am/ khong du ma chud pa med pa 'di ni/ shA ra dwa ti'i bu byang chub sems dpa' sems dpa' chen po'i shes rab kyi mig yongs su dag pa'o/ /gsol pa/ bcom ldan 'das byang chub sems dpa' sems dpa' chen po'i chos kyi mig yongs su dag pa gang lags/ bcom ldan 'das kyis bka' stsal pa/ shA ra dwa ti'i bu 'di la byang chub sems dpa' sems dpa' chen po'i chos kyi mig gis/ gang zag 'di ni dad pa'i rjes su 'gro ba/ gang zag 'di ni chos kyi rjes su 'gro ba/ gang zag 'di ni stong pa nyid la gnas pa ste/ gang zag 'di'i dbang po lnga ni rnam par thar pa'i sgo</font><hr>30.71a<br><font size=+1>

stong pa nyid kyis skye bar 'gyur ro/ /dbang po lngas de ma thag pa'i ting nge 'dzin thob par 'gyur ro/ /de ma thag pa'i ting nge 'dzin gyis rnam par grol ba'i ye shes mthong ba skye bar 'gyur ro/ /rnam par grol ba'i ye shes mthong bas/ 'jig tshogs la lta ba dang / the tshom dang tshul khrims dang / brtul zhugs snyoms pa'i kun du sbyor ba gsum rab tu spong bar 'gyur te/ gang zag 'di ni rgyun du zhugs pa zhes bya'o/ /des bsgom pa'i lam rab tu thob nas/ 'dod pa'i 'dod chags dang / gnod sems rab tu srabs par byed de/ gang zag 'di ni lan cig phyir 'ong ba'o/ /de lam de nyid de bas kyang shin du bsgoms nas/ 'dod pa'i 'dod chags dang / gnod sems rab tu spong ba thob par byed de/ gang zag 'di ni phyir mi 'ong ba'o/ /de lam de nyid de bas kyang shin du bsgoms pas/ gzugs kyi 'dod chags dang / gzugs med pa'i 'dod chags dang / ma rig pa dang / nga rgyal dang rgod pa rab tu spong ste/ gang zag 'di ni dgra bcom pa'o/ /gang zag 'di ni mtshan ma med pa la gnas pa ste/ gang zag 'di'i dbang po lnga ni rnam par thar pa'i sgo mtshan ma med pas skye bar 'gyur ro/ /dbang po lngas de ma thag pa'i ting nge 'dzin thob par 'gyur ro/ /de ma thag pa'i ting nge 'dzin gyis/ rnam par grol ba'i ye shes mthong ba skye bar 'gyur ba nas/ gang zag 'di ni dgra bcom pa'i bar zhes bya'o/ /gang zag 'di ni smon pa med pa la gnas pas/ 'di'i dbang po lnga ni rnam par thar pa'i sgo smon pa med pas skye bar 'gyur ro/ /dbang po lngas de ma thag pa'i ting nge 'dzin thob par 'gyur ro/ /de ma thag pa'i ting nge 'dzin gyis rnam par grol ba'i ye shes mthong ba skye bar 'gyur ba nas/ gang zag 'di ni dgra bcom pa'o zhes bya ba'i bar du rab tu shes te/ shA ra dwa ti'i bu 'di ni byang chub sems</font><hr>30.71b<br><font size=+1>

dpa' sems dpa' chen po'i chos kyi mig yongs su dag pa'o/ /shA ra dwa ti'i bu gzhan yang byang chub sems dpa' sems dpa' chen pos gang ci yang rung ste/ kun 'byung ba'i chos can de thams cad ni 'gag pa'i chos can no zhes bya bar shes pas/ dbang po lnga thob par 'gyur te/ 'di ni shA ra dwa ti'i bu byang chub sems dpa' sems dpa' chen po'i chos kyi mig yongs su dag pa'o/ /shA ra dwa ti'i bu gzhan yang byang chub sems dpa' sems dpa' chen po'i chos kyi mig gis byang chub sems dpa' sems dpa' chen po 'di ni sems dang po bskyed pa ste/ sbyin pa'i pha rol du phyin pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la spyod do/ /de'i rgyus dad pa'i dbang po dang / brtson 'grus kyi dbang po dang ldan te/ thabs mkhas pas ched du bsams te lus yongs su 'dzin to/ /dge ba'i rtsa bas bstan pas byang chub sems dpa' sems dpa' chen po 'di ni rgyal rigs che zhing mtho ba'i rigs su skye'o/ /bram ze che zhing mtho ba'i rigs dang / khyim bdag che zhing mtho ba'i rigs su skye'o/ /rgyal chen bzhi'i ris kyi lha'i nang du skye'o/ /sum bcu rtsa gsum gyi lha'i nang du skye'o/ /mtshe ma'i lha'i nang du skye'o/ /'ga' ldan gyi lha'i nang du skye'o/ /'phrul dga'i lha'i nang du skye'o/ /gzhan 'phrul dbang byed kyi lha'i nang du skye'o/ /de dag na gnas shing sems can rnams yongs su smin par byed par 'gyur te/ bde ba'i yo byad thams cad kyis de dag la rim gro byed par 'gyur ro/ /sangs rgyas kyi zhing yongs su dag par byed do/ /de bzhin gshegs pa dgra bcom pa yang dag par rdzogs pa'i sangs rgyas rnams la yang bsnyen bkur byed par 'gyur ro/ /rim gro dang bkur</font><hr>30.72a<br><font size=+1>

sti dang sti stang dang mchod pa byed par 'gyur ro/ /nyan thos kyi sa 'am rang sangs rgyas kyi sar yang mi ltung ngo / /byang chub sems dpa' sems dpa' chen po 'di ni bla na med pa yang dag par rdzogs pa'i byang chub tu mngon par rdzogs par sangs rgyas kyi bar du phyir mi ldog par 'gyur ro zhes bya bar rab tu shes te/ shA ra dwa ti'i bu 'di yang byang chub sems dpa' sems dpa' chen po'i chos kyi mig yongs su dag pa'o/ /shA ra dwa ti'i bu gzhan yang byang chub sems dpa' sems dpa' chen pos/ byang chub sems dpa' sems dpa' chen po 'di ni/ bla na med pa yang dag par rdzogs pa'i byang chub tu lung bstan pa'o/ /'di ni lung ma bstan pa'o/ /'di ni nges pa'o/ /'di ni ma nges pa'o/ /'di ni lung bstan par 'gyur ba'o/ /'di ni lung bstan par mi 'gyur ba'o/ /'di dag ni phyir mi ldog pa ste dbang thob pa'o/ /'di dag ni phyir mi ldog pa ma yin pa ste dbang ma thob pa'o/ /'di ni mngon par shes pa yongs su rdzogs pa'o/ /'di ni mngon par shes pa yongs su ma rdzogs pa'o/ /byang chub sems dpa' sems dpa' chen po 'di ni mngon par shes pa yongs su rdzogs pas shar phyogs kyi 'jig rten gyi khams gang gA'i klung gi bye ma snyed dag tu song zhing / de bzhin gshegs pa dgra bcom pa yang dag par rdzogs pa'i sangs rgyas rnams mnyes par byed do/ /rim gro dang bkur sti dang sti stang dang mchod pa byed do/ /lho dang nub dang byang dang byang shar dang shar lho dang lho nub dang nub byang dang 'og dang steng gi phyogs kyi phyogs re re zhing 'jig rten gyi khams gang gA'i klung gi bye ma snyed dag tu song zhing / de bzhin gshegs pa dgra bcom pa yang dag par rdzogs pa'i sangs rgyas rnams mnyes par byed do/ /rim gro dang bkur sti dang / sti stang dang mchod pa byed de/ 'dis ni mngon par shes pa thob par 'gyur ro/ /'dis</font><hr>30.72b<br><font size=+1>

ni mngon par shes pa 'thob par mi 'gyur ro/ /'di ni bzod pa thob pa'o/ /'di ni bzod pa thob pa ma yin no/ /'di ni dbang thob pa'o/ /'di ni dbang thob pa ma yin no/ /byang chub sems dpa' sems dpa' chen po 'di'i sangs rgyas kyi zhing ni yongs su dag par 'gyur ro/ /'di'i sangs rgyas kyi zhing ni yongs su dag par mi 'gyur ro/ /byang chub sems dpa' sems dpa' chen po 'di ni smon lam chen po dang ldan pa'o/ /'di ni smon lam chen po dang mi ldan pa'o/ /'dis ni sems can yongs su smin par byas so/ /'dis ni sems can yongs su smin par ma byas so/ /byang chub sems dpa' sems dpa' chen po 'di la ni phyogs bcu'i 'jig rten gyi khams gang gA'i klung gi bye ma snyed dag na/ sangs rgyas bcom ldan 'das rnams legs par brjod pa mdzad do/ /'di la ni legs par brjod pa mi mdzad do/ /byang chub sems dpa' sems dpa' chen po 'di dag ni sangs rgyas bcom ldan 'das rnams dang nye bar gnas par 'gyur ro/ /'di dag ni nye bar gnas par mi 'gyur ro/ /byang chub sems dpa' sems dpa' chen po 'di ni byang chub thob nas tshe dpag tu med par 'gyur ro/ /'di ni tshe dpag tu yod par 'gyur ro/ /'di'i 'od dang dbyangs dang dge slong gi dge 'dun ni tshad med par 'gyur ro/ /'di ni tshad yod par 'gyur ro/ /byang chub sems dpa' sems dpa' chen po 'di ni bla na med pa yang dag par rdzogs pa'i byang chub tu mngon par rdzogs par sangs rgyas nas/ byang chub sems dpa'i dge 'dun dang ldan par 'gyur ro/ /'di ni ldan par mi 'gyur ro/ /'di ni dka' ba spyod par 'gyur ro/ /'di ni spyod par mi 'gyur ro/ /'di ni srid pa tha ma pa'o/ /'di ni srid pa tha ma pa ma yin no/ /'di ni snying po byang chub la 'dug par 'gyur ro/ /'di ni 'dug par mi 'gyur ro/ /byang chub sems</font><hr>30.73a<br><font size=+1>

dpa' sems dpa' chen po 'di dag la ni bdud yod par 'gyur ro/ /'di dag la ni bdud yod par mi 'gyur ro zhes bya bar rab tu shes te/ de ltar na shA ra dwa ti'i bu byang chub sems dpa' sems dpa' chen po'i chos kyi mig yongs su dag pa yin no/ /gsol pa/ bcom ldan 'das byang chub sems dpa' sems dpa' chen po'i sangs rgyas kyi mig yongs su dag pa gang lags/ bcom ldan 'das kyis bka' stsal pa/ shA ra dwa ti'i bu byang chub sems dpa' sems dpa' chen po byang chub kyi sems kyi rjes la/ rdo rje lta bu'i ting nge 'dzin la mnyam par gzhag nas/ rnam pa thams cad mkhyen pa nyid thob par byed de de ni de bzhin gshegs pa'i stobs bcu dang ldan pa yin/ mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad dang / byams pa chen po dang / snying rje chen po dang / dga' ba chen po dang / btang snyoms chen po dang / sangs rgyas kyi rnam par thar pa bsgribs pa med pa dang ldan pa yin/ de ni de'i mig ste/ byang chub sems dpa' sems dpa' chen po'i mig de dang ldan pas/ rnam pa thams cad du ma mthong ba 'am/ ma thos pa 'am/ ma shes pa 'am/ khong du ma chud pa gang yang med de/ shA ra dwa ti'i bu 'di ni byang chub sems dpa' sems dpa' chen po bla na med pa yang dag par rdzogs pa'i byang chub tu mngon par sangs rgyas pa'i sangs rgyas kyi mig yongs su dag pa'o/ /shA ra dwa ti'i bu de ltar byang chub sems dpa' sems dpa' chen po mig lnga yongs su sbyang bar 'dod pa dang / thob par 'dod pas/ pha rol du phyin pa drug la brtson par bya'o/ /shA ra dwa ti'i bu de ci'i phyir zhe na/ 'di ltar pha rol du phyin pa drug tu dge ba'i chos thams cad ma 'dus pa med de/ nyan thos kyi chos dang rang sangs rgyas kyi chos dang / byang chub sems dpa'i</font><hr>30.73b<br><font size=+1>

chos dang / sangs rgyas kyi chos thams cad ma 'dus pa med do/ /shA ra dwa ti'i bu la la zhig yang dag par smra bas dge ba'i chos thams cad 'dus par brjod pa zhig du dgos na/ shes rab kyi pha rol du phyin pa yang dag par smra bas brjod do/ /de ci'i phyir zhe na/ shA ra dwa ti'i bu shes rab kyi pha rol du phyin pa ni pha rol du phyin pa thams cad dang mig lnga po 'di dag skyed pa'o/ /mig lnga po de dag la bslabs pa'i byang chub sems dpa' sems dpa' chen po rnams ni bla na med pa yang dag par rdzogs pa'i byang chub tu mngon par 'tshang rgya'o/ /shA ra dwa ti'i bu shes rab kyi pha rol du phyin pa 'di la spyod pa'i byang chub sems dpa' sems dpa' chen po ni mngon par shes pa'i pha rol du phyin pa rab tu 'thob ste/ rdzu 'phrul gyi rnam pa du ma nyams su myong bar byed do/ /de ni sa chen po 'di yang rab tu g.yo bar byed do/ /gcig tu gyur cing mang por 'gyur ro/ /mang por gyur cing gcig tu 'gyur ro/ /snang ba dang mi snang ba yang nyams su myong bar byed do/ /rtsig pa las thal ba dang ra ba las thal ba dang / ri las thal bar thogs pa med pa'i lus kyis 'gro ste/ dper na nam mkha' la bya ba bzhin no/ /nam mkha' la yang skyil mo dkrung gis 'gro ste/ dper na 'dab chags bya bzhin no/ /sa la yang gyen du 'byung ba dang / 'og tu 'dzul bar byed de/ dper na chu la bya ba bzhin no/ /chu la yang 'bying ba med par 'gro ste/ dper na sa la bya ba bzhin no/ /du bar 'thul zhing mer 'bar te/ dper na me'i phung po chen po bzhin no/ /nyi ma dang zla ba 'di dag 'di ltar rdzu 'phrul che la/ 'di ltar mthu che zhing / 'di ltar dbang che ba dag kyang lags pas byugs shing / tshangs pa'i 'jig rten gyi bar du lus kyis dbang sgyur te/ rdzu 'phrul des rlom sems su 'gyur ba med do/ /de ci'i phyir zhes na/ rang bzhin gyis stong pa</font><hr>30.74a<br><font size=+1>

dang rang bzhin gyis dben pa dang / rang bzhin gyis ma skyes pa'i phyir/ des rdzu 'phrul gang gis rlom sems su 'gyur ba'i rdzu 'phrul de lta bu mi dmigs te/ de thams cad mkhyen pa nyid yid la bya ba ma gtogs par rdzu 'phrul lam/ rdzu 'phrul mngon par bsgrub pa'i bsam pa tsam yang mi skyed do/ /shA ra dwa ti'i bu de ltar na byang chub sems dpa' sems dpa' chen po shes rab kyi pha rol du phyin pa la spyod pa'i tshe/ rdzu 'phrul gyi rnam pa du ma mngon du bya ba'i mngon par shes pa'i ye shes mngon par sgrub pa yin no/ /de lha'i rna ba'i khams rnam par dag pa mi las 'das pas/ lha dang mi gnyis ka'i sgra thos te/ lha'i rna ba'i khams des bdag ni sgra nyan ces bya bar rlom sems su 'gyur ba med do/ /de ni 'di ltar des rang bzhin stong pa dang / rang bzhin dben pa dang / rang bzhin ma skyes pa'i phyir/ rna ba dang sgra dmigs pa med de/ de thams cad mkhyen pa nyid yid la bya ba ma gtogs par lha'i rna ba'i khams la bsam pa yang mi skyed do/ /shA ra dwa ti'i bu de ltar na byang chub sems dpa' sems dpa' chen po shes rab kyi pha rol du phyin pa la spyod pa'i tshe/ lha'i rna ba'i khams mngon du bya ba'i mngon par shes pa'i ye shes mngon par bsgrub pa yin no// //shes rab kyi pha rol du phyin pa stong phrag nyi shu lnga pa/ bam po drug pa/ des sems can pha rol dang / gang zag pha rol gyi sems sems kyis yang dag pa ji lta ba bzhin du rab tu shes so/ /'dod chags dang ldan pa'i sems la/ 'dod chags dang ldan pa'i sems shes bya bar yang dag pa ji lta ba bzhin du rab tu shes so/ /'dod chags dang bral ba'i sems la/ 'dod chags dang bral ba'i sems zhes bya bar yang dag pa ji lta ba bzhin du rab tu shes so/ /zhe sdang dang ldan pa'i sems la zhe sdang dang ldan pa'i sems shes bya bar yang dag pa ji lta ba bzhin du rab tu shes</font><hr>30.74b<br><font size=+1>

so/ /zhe sdang med pa'i sems la zhe sdang med pa'i sems zhes bya bar yang dag pa ji lta ba bzhin du rab tu shes so/ /gti mug dang ldan pa'i sems la/ gti mug dang ldan pa'i sems zhes bya bar yang dag pa ji lta ba bzhin du rab tu shes so/ /gti mug dang bral ba'i sems la gti mug dang bral ba'i sems zhes bya bar yang dag pa ji lta ba bzhin du rab tu shes so/ /sred pa dang ldan pa'i sems la sred pa dang ldan pa'i sems zhes bya bar yang dag pa ji lta ba bzhin du rab tu shes so/ /sred pa dang bral ba'i sems la sred pa dang bral ba'i sems zhes bya bar yang dag pa ji lta ba bzhin du rab tu shes so/ /nye bar len pa dang bcas pa'i sems la nye bar len pa dang bcas pa'i sems zhes bya bar yang dag pa ji lta ba bzhin du rab tu shes so/ /nye bar len pa med pa'i sems la nye bar len pa med pa'i sems zhes bya bar yang dag pa ji lta ba bzhin du rab tu shes so/ /kun nas 'dus pa'i sems la kun nas 'dus pa'i sems zhes bya bar yang dag pa ji lta ba bzhin du rab tu shes so/ /rnam par 'phros pa'i sems la rnam par 'phros pa'i sems zhes bya bar yang dag pa ji lta ba bzhin du rab tu shes so/ /rgya chung ngu'i sems la rgya chung ngu'i sems zhes bya bar yang dag pa ji lta ba bzhin du rab tu shes so/ /rgya che ba'i sems la rgya che ba'i sems zhes bya bar yang dag pa ji lta ba bzhin du rab tu shes so/ /yangs pa'i sems la yangs pa'i sems zhes bya bar yang dag pa ji lta ba bzhin du rab tu shes so/ /che bar gyur pa'i sems la che bar gyur pa'i sems zhes bya bar yang dag pa ji lta ba bzhin du rab tu shes so/ /tshad med pa'i sems la tshad med pa'i sems zhes bya bar yang dag pa ji lta ba bzhin du rab tu shes so/ /mnyam par gzhag pa'i sems la mnyam par gzhag pa'i sems zhes bya bar yang dag pa ji lta ba bzhin du rab tu shes</font><hr>30.75a<br><font size=+1>

so/ /mnyam par ma bzhag pa'i sems la mnyam par ma bzhag pa'i sems zhes bya bar yang dag pa ji lta ba bzhin du rab tu shes so/ /rnam par grol ba'i sems la rnam par grol ba'i sems zhes bya bar yang dag pa ji lta ba bzhin du rab tu shes so/ /rnam par ma grol ba'i sems la rnam par ma grol ba'i sems zhes bya bar yang dag pa ji lta ba bzhin du rab tu shes so/ /zag pa dang bcas pa'i sems la zag pa dang bcas pa'i sems zhes bya bar yang dag pa ji lta ba bzhin du rab tu shes so/ /zag pa med pa'i sems la zag pa med pa'i sems zhes bya bar yang dag pa ji lta ba bzhin du rab tu shes so/ /nyon mongs pa dang bcas pa'i sems la nyon mongs pa dang bcas pa'i sems zhes bya bar yang dag pa ji lta ba bzhin du rab tu shes so/ /nyon mongs pa med pa'i sems la nyon mongs pa med pa'i sems zhes bya bar yang dag pa ji lta ba bzhin du rab tu shes so/ /bla na yod pa'i sems la bla na yod pa'i sems zhes bya bar yang dag pa ji lta ba bzhin du rab tu shes so/ /bla na med pa'i sems la bla na med pa'i sems zhes bya bar yang dag pa ji lta ba bzhin du rab tu shes te/ gzhan gyi sems shes pa des rlom sems su 'gyur ba yang med do/ /de ni 'di ltar sems de nyid bsam gyis mi khyab pa'i phyir te/ de ni bdag gis shes so zhes bya bar rlom sems med do/ /'di ltar rang bzhin stong pa dang / rang bzhin dben pa dang / rang bzhin ma skyes pa'i phyir/ gang gis rlom sems su 'gyur ba de lta bu'i sems mi dmigs te/ thams cad mkhyen pa nyid yid la bya ba ma gtogs par sems shes par bya ba'i bsam pa 'am/ sems shes pa mngon par bsgrub pa'i bsam pa tsam yang mi skyed do/ /shA ra dwa ti'i bu de ltar na byang chub sems dpa' sems dpa' chen</font><hr>30.75b<br><font size=+1>

po shes rab kyi pha rol du phyin pa la spyod cing / sems can thams cad kyi sems dang spyod pa mngon du bya ba'i mngon par shes pa'i ye shes mngon par sgrub pa yin no/ /de ni sngon gyi gnas rjes su dran pa mngon du bya ba'i mngon par shes pa'i ye shes rnam pa du ma mngon par bsgrub ste/ sems gcig kyang rjes su dran pa nas/ sems brgya'i bar du yang rjes su dran no/ /nyi ma gcig nas nyi ma brgya dang / zla ba gcig nas zla ba brgya dang / lo gcig nas lo brgya dang / bskal pa gcig nas bskal pa brgya dang / bskal pa brgya phrag du ma nas bskal pa stong phrag du ma dang / bskal pa bye ba khrag khrig brgya stong du ma rjes su dran te/ bdag ni de lta bu zhig na 'dug 'dug ste/ ming ni 'di zhes bya/ rus ni 'di zhes bya/ rigs ni 'di zhes bya/ kha zas ni 'di lta bu zhig za za/ yun ni 'di srid gcig tu 'dug 'dug /tshe'i mtha' ni 'di tsam zhig tu gyur te/ de ltar bdag de nas shi 'phos nas/ che ge mo zhig tu skyes so zhes bya ba nas/ de nas shi 'phos nas ni 'dir skyes so zhes bya ba'i bar du rnam pa dang bcas/ gtan tshigs dang bcas/ ngan rtags dang bcas par bdag dang gzhan gyi sngon gyi gnas rnam pa du mar rjes su dran te/ sngon gyi gnas rjes su dran pa mngon du bya ba'i mngon par shes pa'i ye shes des kyang rlom sems su 'gyur ba med do/ /de ni 'di ltar ye shes de ye shes ma yin te bsam gyis mi khyab pa'i phyir/ de ni bdag gis rab tu shes so zhes bya bar rlom sems med de/ 'di ltar des ye shes de nyid kyang rang bzhin stong pa dang / rang bzhin dben pa dang / rang bzhin ma skyes pa'i phyir/ gang gis rlom sems su 'gyur ba de lta bu'i ye shes mi dmigs so/ /de ni thams cad mkhyen pa nyid yid la bya ba ma gtogs par rjes su dran pa'i ye shes kyi don du bsam pa tsam yang mi skyed do/ /shA ra dwa ti'i bu de ltar</font><hr>30.76a<br><font size=+1>

na byang chub sems dpa' sems dpa' chen po shes rab kyi pha rol du phyin pa la spyod pa'i tshe/ sngon gyi gnas rjes su dran pa mngon du bya ba'i mngon par shes pa'i ye shes mngon par bsgrub pa yin no/ /de ni lha'i mig rnam par dag pa mi las 'das pas/ sems can 'chi 'pho ba dang / skye ba dang / kha dog sdug pa dang / kha dog mi sdug pa dang / bzang ba dang / ngan pa dang / ngan song na gnas pa dang / bde 'gro na gnas pa dag kyang rab tu shes te/ sems can 'di dag ni lus kyis ngan du spyod pa dang ldan/ ngag gis ngan du spyod pa dang ldan/ yid kyis ngan du spyod pa dang ldan pa/ 'phags pa rnams la skur pa 'debs pa log par lta ba rnams te/ de'i rgyu de'i rkyen gyis lus zhig nas ngan song dang ngan 'gro log par ltung ba sems can dmyal ba dag tu skye'o/ /sems can 'di dag ni lus kyis legs par spyod pa dang ldan/ ngag gis legs par spyod pa dang ldan/ yid kyis legs par spyod pa dang ldan pa/ 'phags pa la skur pa mi 'debs pa yang dag par lta ba rnams te/ de'i rgyu de'i rkyen gyis lus zhig nas/ bde 'gro mtho ris kyi 'jig rten du lha'i nang du skye bar 'gyur ro zhes bya bar rab tu shes te/ de ltar phyogs bcu kun gyi 'jig rten gyi khams chos kyi dbyings kyis klas pa/ nam mkha'i mthas gtugs pa dag gis 'gro ba drug tu gtogs pa rnams kyi skye ba dang 'chi 'pho yang dag pa ji lta ba bzhin du rab tu shes te/ ngas kyang rlom sems su 'gyur ba med do/ /de ni 'di ltar mig de mig ma yin zhing bsam gyis mi khyab pa'i phyir te/ de bdag gis mthong ngo zhes bya bar rlom sems med do/ /de yang 'di ltar rang bzhin stong pa dang / rang bzhin dben pa dang / rang bzhin ma skyes pa'i phyir/ gang gis rlom sems su 'gyur ba'i mig de lta bu des mi dmigs te/ de ni thams cad mkhyen pa nyid yid la byed pa ma</font><hr>30.76b<br><font size=+1>

gtogs par lha'i mig bsam pa 'am/ lha'i mig mngon par bsgrub pa'i bsam pa tsam yang mi skyed do/ /shA ra dwa ti'i bu de ltar na byang chub sems dpa' sems dpa' chen po shes rab kyi pha rol du phyin pa la spyod cing / lha'i mig mngon du bya ba'i mngon par shes pa'i ye shes mngon par bsgrub pa yin no/ /de ni zag pa zad pa mngon du bya ba'i mngon par shes pa'i ye shes mngon par bsgrub kyang / nyan thos kyi sa 'am rang sangs rgyas kyi sa thob par mi byed do/ /gang bla na med pa yang dag par rdzogs pa'i byang chub tu 'gyur ba de lta bu'i chos kyang gang yang mi mthong ngo / /de mngon par shes pa des kyang rdo rje lta bu'i ting nge 'dzin thob par byas nas/ bag chags kyi mtshams sbyor ba'i nyon mongs pa thams cad rab tu spong bar byed de/ zag pa zad pa mngon du bya ba'i mngon par shes pa des rlom sems su 'gyur ba med do/ /de ni 'di ltar ye shes de nyid ye shes ma yin zhing bsam gyis mi khyab pa'i phyir te/ de bdag gis rab tu shes so zhes bya bar rlom sems med do/ /de yang 'di ltar rang bzhin stong pa dang / rang bzhin dben pa dang / rang bzhin ma skyes pa'i phyir gang gis rlom sems su 'gyur ba'i zag pa zad pa'i ye shes mngon du bya ba'i mngon par shes pa de lta bu mi dmigs so/ /de ni thams cad mkhyen pa nyid yid la bya ba ma gtogs par zag pa zad pa'i ye shes kyi bsam pa 'am/ zag pa zad pa mngon du bya ba'i ye shes mngon par bsgrub pa'i bsam pa tsam yang mi skyed do/ /de ltar shA ra dwa ti'i bu byang chub sems dpa' sems dpa' chen po shes rab kyi pha rol du phyin pa la spyod pa'i tshe/ zag pa zad pa mngon du bya ba mngon par shes pa'i ye shes mngon par bsgrub pa yin no/ /shA ra dwa ti'i bu byang chub sems dpa' sems dpa' chen po shes rab kyi pha rol du phyin pa la de ltar spyod cing / mngon par shes pa drug yongs su</font><hr>30.77a<br><font size=+1>

rdzogs par byed pa ni/ bla na med pa yang dag par rdzogs pa'i byang chub kyis rnam par 'phel lo/ /shA ra dwa ti'i bu 'di ltar yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ sbyin pa'i pha rol du phyin pa la gnas shing / mtha' las 'das pa stong pa nyid kyi phyir chags pa med pa'i sems nye bar bzung nas rnam pa thams cad mkhyen pa nyid kyi lam sbyong ba dag kyang yod do/ /shA ra dwa ti'i bu 'di ltar yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ tshul khrims kyi pha rol du phyin pa la gnas shing / mtha' las 'das pa stong pa nyid kyi phyir/ ltung ba bya ba med par nye bar bzung bas rnam pa thams cad mkhyen pa nyid kyi lam sbyong ba dag kyang yod do/ /shA ra dwa ti'i bu 'di ltar yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ bzod pa'i pha rol du phyin pa la gnas shing / mtha' las 'das pa stong pa nyid kyi phyir/ mi 'khrug pa nye bar bzung bas rnam pa thams cad mkhyen pa nyid kyi lam sbyong ba dag kyang yod do/ /shA ra dwa ti'i bu 'di ltar yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ brtson 'grus kyi pha rol du phyin pa la gnas shing / mtha' las 'das pa stong pa nyid kyi phyir/ lus dang sems kyi brtson 'grus mi gzhig pa nye bar bzung bas rnam pa thams cad mkhyen pa nyid kyi lam sbyong ba dag kyang yod do/ /shA ra dwa ti'i bu 'di ltar yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ bsam gtan gyi pha rol du phyin pa la gnas shing / mtha' las 'das pa stong pa nyid kyi phyir/ 'khrug pa med pa'i sems nye bar bzung bas rnam pa thams cad mkhyen pa nyid kyi lam sbyong ba dag kyang yod do/ /</font><hr>30.77b<br><font size=+1>

shA ra dwa ti'i bu 'di ltar yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ shes rab kyi pha rol du phyin pa la gnas shing mtha' las 'das pa stong pa nyid kyi phyir/ shes rab 'chal pa'i sems mi dmigs pa nye bar bzung bas rnam pa thams cad mkhyen pa nyid kyi lam sbyong ba dag kyang yod do/ /shA ra dwa ti'i bu de ltar na byang chub sems dpa' sems dpa' chen po shes rab kyi pha rol du phyin pa la spyod pa'i tshe/ pha rol du phyin pa drug la gnas shing / mtha' las 'das pa stong pa nyid kyi phyir/ 'ong ba med pa dang 'gro ba med pa nye bar bzung ba dang / yongs su 'dzin pa med pa nye bar bzung bas rnam pa thams cad mkhyen pa nyid kyi lam yongs su sbyong ba yin no/ /de la sbyin pa ni yongs su 'dzin pa nye bar bzung ba las gdags so/ /tshul khrims ni tshul khrims ngan pa nye bar bzung ba las gdags so/ /bzod pa ni 'khrug pa nye bar bzung ba las gdags so/ /brtson 'grus ni le lo nye bar bzung ba las gdags so/ /ting nge 'dzin ni mnyam par ma bzhag pa nye bar bzung ba las gdags so/ /shes rab ni shes rab 'chal ba nye bar bzung ba las gdags so/ /de ni rgal to zhes bya bar rlom sems med do/ /ma rgal to zhes bya bar rlom sems med do/ /sbyin pa byed do zhes bya bar rlom sems med do/ /sbyin pa mi byed do zhes bya bar rlom sems med do/ /tshul khrims dang ldan no zhes bya bar rlom sems med do/ /tshul khrims ngan pa can no zhes bya bar rlom sems med do/ /bzod pa phun sum tshogs so zhes bya bar rlom sems med do/ /khro ba can no zhes bya bar rlom sems med do/ /brtson 'grus brtsams pa'o zhes bya bar rlom sems med do/ /le lo can no zhes bya bar rlom sems med do/ /mnyam par bzhag pa'o zhes bya bar rlom sems med do/ /mnyam par ma gzhag pa'o zhes bya bar rlom sems med</font><hr>30.78a<br><font size=+1>

do/ /shes rab dang ldan no zhes bya bar rlom sems med do/ /shes rab 'chal ba can no zhes bya bar rlom sems med do/ /spyos so zhes bya bar rlom sems med do/ /phyag byas so zhes bya bar rlom sems med do/ /rim gro byas so zhes bya bar rlom sems med do/ /rim gro ma byas so zhes bya bar rlom sems med do/ /de ci'i phyir zhe na/ shA ra dwa ti'i bu ma skyes pa ni spyos so zhes bya bar rlom sems med do/ /phyag byas so zhes bya bar rlom sems med do/ /rim gro byas so zhes bya bar rlom sems med do/ /rim gro ma byas so zhes bya bar rlom sems med do/ /de ci'i phyir zhe na/ 'di ltar shes rab kyi pha rol du phyin pa ni rlom sems thams cad yang dag par gcod pa'i phyir te/ 'di la shA ra dwa ti'i bu byang chub sems dpa' sems dpa' chen po shes rab kyi pha rol du phyin pa la spyod pa'i tshe/ yon tan ji snyed cig yod pa de dag ni nyan thos dang rang sangs rgyas thams cad la med de/ de yon tan 'di dag yongs su rdzogs par byed pa'i tshe/ sems can rnams kyang yongs su smin par byed/ sangs rgyas kyi zhing yang yongs su dag par byed/ rnam pa thams cad mkhyen pa nyid kyang thob par byed do/ /shA ra dwa ti'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ sems can thams cad la snyoms pa'i sems bskyed de/ sems can thams cad la mnyam pa'i sems bskyed nas chos thams cad mnyam pa nyid rab tu 'thob bo/ /chos thams cad mnyam pa nyid rab du thob nas/ chos thams cad mnyam pa nyid la sems can thams cad rab tu 'god do/ /de ni tshe 'di nyid la yang sangs rgyas bcom ldan 'das rnams kyi thugs su byon cing dben par bya ba yin te/ byang chub sems dpa' thams cad dang / nyan thos thams cad dang rang sangs rgyas thams cad kyis kyang yid du 'ong zhing dben par bya ba yin no/ /</font><hr>30.78b<br><font size=+1>

de ni skye ba gang dang gang du skyes kyang / de dang de dag tu nam yang mig gis yid du mi 'ong ba'i gzugs mi mthong ngo / /rna bas yid du mi 'ong ba'i sgra mi thos so/ /snas yid du mi 'ong ba'i dri mi tshor ro/ /lces yid du mi 'ong ba'i ro mi myong ngo / /lus kyis yid du mi 'ong ba'i reg bya mi reg go/ /yid kyis yid du mi 'ong ba'i chos rnam par rig pa med do/ /shA ra dwa ti'i bu byang chub sems dpa' sems dpa' chen po shes rab kyi pha rol du phyin pa la de ltar spyod pa ni/ bla na med pa yang dag par rdzogs pa'i byang chub las yongs su nyams par mi 'gyur ro/ /shes rab kyi pha rol du phyin pa bstan pa 'di bstan pa'i tshe/ dge slong sum brgyas gos gyon gyon pa/ bcom ldan 'das la yon du gsol te/ bla na med pa yang dag par rdzogs pa'i byang chub tu sems bskyed do/ /de nas bcom ldan 'das kyis de'i tshe/ dge slong rnams kyi bsam pa mkhyen nas zhal 'dzum pa mdzad do/ /de nas tshe dang ldan pa kun dga' bo stan de las langs te/ bla gos phrag pa gcig la gzar nas/ pus mo g.yas pa'i lha nga sa la btsugs te/ bcom ldan 'das gang na ba de logs su thal mo sbyar ba btud de/ bcom ldan 'das la 'di skad ces gsol to/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rnams ni rgyu dang rkyen ma mchis par bzhad pa mi mdzad na/ ci'i rgyu ci'i rkyen gyis zhal 'dzum pa mdzad/ de skad ces gsol pa dang / bcom ldan 'das kyis tshe dang ldan pa kun dga' bo la 'di skad ces bka' stsal to/ /kun dga' bo dge slong sum brgya po 'di dag ni bskal pa drug bcu rtsa gcig 'das nas/ bskal pa dpe skar ma lta bu la de bzhin gshegs pa dgra bcom pa yang dag par rdzogs pa'i sangs rgyas dpal chen po zhes bya ba sha stag 'jig rten du 'byung ngo / /'di dag ni 'di nas shi</font><hr>30.79a<br><font size=+1>

'phos nas/ de bzhin gshegs pa dgra bcom pa yang dag par rdzogs pa'i sangs rgyas mi sgul ba'i sangs rgyas kyi zhing du skye'o/ /'dod pa na spyod pa'i lha'i bu stong phrag drug bcus kyang / bla na med pa yang dag par rdzogs pa'i byang chub tu sems bskyed de/ de dag kyang de bzhin gshegs pa dgra bcom pa yang dag par rdzogs pa'i sangs rgyas byams pa mnyes par byed par 'gyur ro/ /de nyid du rab tu byung nas tshangs par spyad pa spyod par 'gyur te/ de bzhin gshegs pa byams pa des kyang / de dag bla na med pa yang dag par rdzogs pa'i byang chub tu lung bstan par 'gyur ro/ /de nas bcom ldan 'das kyis mthus/ de'i tshe 'khor bzhi po de dag 'di na 'khod bzhin du/ shar phyogs kyi sangs rgyas kyi zhing stong mthong bar gyur to/ /lho dang nub dang byang dang byang shar dang shar lho dang lho nub dang nub byang dang 'og dang steng gi phyogs kyi sangs rgyas kyi zhing stong mthong bar gyur to/ /'jig rten gyi khams de dag na sangs rgyas bcom ldan 'das de dag gi sangs rgyas kyi zhing gi yon tan rnam par phye ba gang ji lta bur mthong ba'i sangs rgyas kyi zhing gi yon tan rnam par phye ba de dag kyang / mi mjed kyi 'jig rten gyi khams 'di na yod par ma mthong ngo / /de nas 'khor de'i nang nas srog chags stong phrag bcus bdag cag gis las gang byas pas sangs rgyas kyi zhing de dag tu skye bar 'gyur ba de lta bu'i las spyad par bya'o zhes smon lam btab bo/ /de nas bcom ldan 'das kyis rigs kyi bu de dag gi bsam pa thugs su chud nas zhal 'dzum pa mdzad do/ /de nas tshe dang ldan pa kun dga' bo stan las langs te/ bla gos phrag pa gcig la gzar nas/ pus mo g.yas pa'i lha nga sa la btsugs te/ bcom ldan 'das gang na ba de logs su thal mo sbyar bas btud de/ bcom ldan 'das la 'di skad ces gsol to/ /bcom ldan 'das sangs rgyas bcom</font><hr>30.79b<br><font size=+1>

ldan 'das rnams ni rgyu dang rkyen ma mchis par bzhad pa mi mdzad na/ ci'i rgyu ci'i rkyen gyis zhal 'dzum pa mdzad/ bcom ldan 'das kyis bka' stsal pa/ kun dga' bo srog chags stong phrag bcu po 'di dag mthong ngam/ gsol pa/ bcom ldan 'das mthong ngo / /bcom ldan 'das kyis bka' stsal pa/ kun dga' bo srog chags stong phrag bcu po 'di dag ni 'di nas shi 'phos nas/ sangs rgyas kyi zhing de dag tu skye bar 'gyur ro/ /de bzhin gshegs pa dgra bcom pa yang dag par rdzogs pa'i sangs rgyas rnams dang yang nam du yang mi 'bral te/ phyi ma'i dus na de bzhin gshegs pa dgra bcom pa yang dag par rdzogs pa'i sangs rgyas rgyan gyi rgyal po zhes bya ba sha stag 'jig rten du 'byung bar 'gyur ro/ /de nas tshe dang ldan pa shA ra dwa ti'i bu dang / tshe dang ldan pa maud gal chen po'i bu dang / tshe dang ldan pa rab 'byor dang / tshe dang ldan pa shes pa'i bu gang po dang / tshe dang ldan pa 'od srung chen po dang / dge slong gzhan dag kyang kun kyis mngon par shes pa shin tu mang ba dag dang / byang chub sems dpa' sems dpa' chen po shin du mang ba dag dang / dge slong dang / dge slong ma dang / dge bsnyen dang / dge bsnyen ma shin du mang ba dag gis/ bcom ldan 'das la 'di skad ces gsol to/ /bcom ldan 'das 'di lta ste/ shes rab kyi pha rol du phyin pa 'di ni byang chub sems dpa' sems dpa' chen po rnams kyi pha rol du phyin pa chen po'o/ /bcom ldan 'das 'di lta ste/ shes rab kyi pha rol du phyin pa 'di ni byang chub sems dpa' sems dpa' chen po rnams kyi pha rol du phyin pa yangs pa'o/ /pha rol du phyin pa 'di ni dam pa'o/ /pha rol du phyin pa 'di ni rab bo/ /pha rol du phyin pa 'di ni phul lo/ /pha rol du phyin pa 'di ni mchog go/ /pha rol du phyin pa 'di ni gya nom pa'o/ /pha rol du phyin pa 'di ni bzang po'o/ /pha rol du phyin pa 'di ni bla na ma mchis pa'o/ /pha rol du phyin pa 'di ni ltag na ma mchis pa'o/ /pha rol du phyin</font><hr>30.80a<br><font size=+1>

pa 'di ni mnyam pa ma mchis pa'o/ /pha rol du phyin pa 'di ni mi mnyam pa dang mnyam pa'o/ /pha rol du phyin pa 'di ni 'dra ba ma mchis pa'o/ /pha rol du phyin pa 'di ni mtshungs pa ma mchis pa'o/ /pha rol du phyin pa 'di ni nam mkha'o/ /bcom ldan 'das byang chub sems dpa' sems dpa' chen po rnams kyi pha rol du phyin pa 'di ni rang gi mtshan nyid stong pa nyid do/ /bcom ldan 'das byang chub sems dpa' sems dpa' chen po rnams kyi pha rol du phyin pa 'di ni chos thams cad stong pa nyid do/ /bcom ldan 'das byang chub sems dpa' sems dpa' chen po rnams kyi pha rol du phyin pa 'di ni dngos po ma mchis pa'i ngo bo nyid stong pa nyid do/ /bcom ldan 'das byang chub sems dpa' sems dpa' chen po rnams kyi pha rol du phyin pa 'di ni yon tan thams cad yongs su rdzogs pa'o/ /bcom ldan 'das byang chub sems dpa' sems dpa' chen po rnams kyi pha rol du phyin pa 'di ni yon tan thams cad dang ldan pa'o/ /bcom ldan 'das 'di lta ste/ shes rab kyi pha rol du phyin pa 'di ni byang chub sems dpa' sems dpa' chen po rnams kyi pha rol du phyin pa thub pa ma mchis pa'o/ /bcom ldan 'das shes rab kyi pha rol du phyin pa 'di la spyod pa'i byang chub sems dpa' sems dpa' chen po rnams kyis ni/ mi mnyam pa dang mnyam pa'i sbyin pa yongs su btang ngo / /yongs su btong ngo / /yongs su btong bar 'gyur ro/ /de'i slad du mi mnyam pa dang mnyam pa'i sbyin pa'i pha rol du phyin pa yongs su rdzogs par gyur to/ /yongs su rdzogs so/ /yongs su rdzogs par 'gyur ro/ /de'i slad du mi mnyam pa dang mnyam pa'i lus thob par gyur to/ /thob bo/ /'thob par 'gyur ro/ /de'i slad du mi mnyam pa dang mnyam pa'i chos 'di lta ste/ bla na med pa yang dag par rdzogs pa'i byang chub thob par gyur to/ /thob bo/ /'thob par 'gyur ro/ /bcom ldan 'das shes rab kyi pha rol du phyin pa 'di la spyod pa'i byang chub</font><hr>30.80b<br><font size=+1>

sems dpa' sems dpa' chen po rnams kyis ni/ mi mnyam pa dang mnyam pa'i tshul khrims bsrungs so/ /srung ngo / /srung bar 'gyur ro/ /de'i slad du mi mnyam pa dang mnyam pa'i tshul khrims kyi pha rol du phyin pa yongs su rdzogs par gyur to/ /yongs su rdzogs so/ /yongs su rdzogs par 'gyur ro/ /de'i slad du mi mnyam pa dang mnyam pa'i lus thob par gyur to/ /thob bo/ /'thob par 'gyur ro/ /de'i slad du mi mnyam pa dang mnyam pa'i chos 'di lta ste/ bla na med pa yang dag par rdzogs pa'i byang chub thob par gyur to/ /thob bo/ /'thob par 'gyur ro/ /bcom ldan 'das shes rab kyi pha rol du phyin pa 'di la spyod pa'i byang chub sems dpa' sems dpa' chen po rnams kyis ni/ mi mnyam pa dang mnyam pa'i bzod pa bsgoms so/ /sgom mo/ /sgom par 'gyur ro/ /de'i slad du mi mnyam pa dang mnyam pa'i bzod pa'i pha rol du phyin pa yongs su rdzogs par gyur to/ /yongs su rdzogs so/ /yongs su rdzogs par 'gyur ro/ /de'i slad du mi mnyam pa dang mnyam pa'i lus thob par gyur to/ /thob bo/ /'thob par 'gyur ro/ /de'i slad du mi mnyam pa dang mnyam pa'i chos 'di lta ste/ bla na med pa yang dag par rdzogs pa'i byang chub thob par gyur to/ /thob bo/ /'thob par 'gyur ro/ /bcom ldan 'das shes rab kyi pha rol du phyin pa 'di la spyod pa'i byang chub sems dpa' sems dpa' chen po rnams kyis ni mi mnyam pa dang mnyam pa'i brtson 'grus brtsams so/ /rtsom mo/ /brtsom par 'gyur ro/ /de'i slad du mi mnyam pa dang mnyam pa'i brtson 'grus kyi pha rol du phyin pa yongs su rdzogs par gyur to/ /yongs su rdzogs so/ /yongs su rdzogs par 'gyur ro/ /de'i slad du mi mnyam pa dang mnyam pa'i lus thob par gyur to/ /thob bo/ /'thob par 'gyur ro/ /de'i slad du mi mnyam pa dang mnyam pa'i chos 'di lta ste/ bla na med pa yang dag par rdzogs pa'i byang chub thob par gyur to/ /thob bo/ /'thob par 'gyur ro/ /bcom ldan 'das shes</font><hr>30.81a<br><font size=+1>

rab kyi pha rol du phyin pa 'di la spyod pa'i byang chub sems dpa' sems dpa' chen po rnams kyis ni mi mnyam pa dang mnyam pa'i bsam gtan bskyed do/ /skyed do/ /skyed par 'gyur ro/ /de'i slad du mi mnyam pa dang mnyam pa'i bsam gtan gyi pha rol du phyin pa yongs su rdzogs par gyur to/ /yongs su rdzogs so/ /yongs su rdzogs par 'gyur ro/ /de'i slad du mi mnyam pa dang mnyam pa'i lus thob par gyur to/ /thob bo/ /'thob par 'gyur ro/ /de'i slad du mi mnyam pa dang mnyam pa'i chos 'di lta ste/ bla na med pa yang dag par rdzogs pa'i byang chub thob par gyur to/ /thob bo/ /'thob par 'gyur ro/ /bcom ldan 'das shes rab kyi pha rol du phyin pa 'di la spyod pa'i byang chub sems dpa' sems dpa' chen po rnams kyis ni/ mi mnyam pa dang mnyam pa'i shes rab kyi pha rol du phyin pa bsgoms so/ /sgom mo/ /sgom par 'gyur ro/ /de'i slad du mi mnyam pa dang mnyam pa'i shes rab kyi pha rol du phyin pa yongs su rdzogs par gyur to/ /yongs su rdzogs so/ /yongs su rdzogs par 'gyur ro/ /de'i slad du mi mnyam pa dang mnyam pa'i lus thob par gyur to/ /thob bo/ /'thob par 'gyur ro/ /de'i slad du mi mnyam pa dang mnyam pa'i chos 'di lta ste/ bla na med pa yang dag par rdzogs pa'i byang chub thob par gyur to/ /thob bo/ /'thob par 'gyur ro/ /bcom ldan 'das/ bcom ldan 'das kyis kyang shes rab kyi pha rol du phyin pa 'di nyid la spyad pas mi mnyam pa dang mnyam pa'i gzugs brnyes par gyur to/ /mi mnyam pa dang mnyam pa'i tshor ba dang 'du shes dang 'du byed dang mi mnyam pa dang mnyam pa'i rnam par shes pa brnyes par gyur to/ /mi mnyam pa dang mnyam pa'i byang chub tu mngon par byang chub nas/ mi mnyam pa dang mnyam pa'i chos kyi 'khor lo bskor bar gyur to/ /'das pa'i sangs rgyas bcom ldan 'das rnams dang / ma byon pa'i sangs rgyas bcom ldan</font><hr>30.81b<br><font size=+1>

'das rnams dang / da ltar byung ba'i sangs rgyas bcom ldan 'das rnams kyis kyang shes rab kyi pha rol du phyin pa 'di nyid la spyad pas/ mi mnyam pa dang mnyam pa'i gzugs brnyes par gyur to/ /brnyes so/ /brnyes par 'gyur ro/ /mi mnyam pa dang mnyam pa'i tshor ba dang 'du shes dang 'du byed dang mi mnyam pa dang mnyam pa'i rnam par shes pa brnyes par gyur to/ /brnyes so/ /brnyes par 'gyur ro/ /mi mnyam pa dang mnyam pa'i byang chub tu mngon par sangs rgyas nas/ mi mnyam pa dang mnyam pa'i chos kyi 'khor lo bskor bar gyur to/ /skor ro/ /skor bar 'gyur ro/ /de lta lags pas/ bcom ldan 'das byang chub sems dpa' sems dpa' chen po chos thams cad kyi pha rol du phyin par 'tshal bas/ shes rab kyi pha rol du phyin pa la brtson par bgyi'o/ /bcom ldan 'das byang chub sems dpa' sems dpa' chen po gang shes rab kyi pha rol du phyin pa 'di la spyod pa de dag ni/ lha dang mi dang lha ma yin du bcas pa'i 'jig rten gyis phyag bgyi ba lags so/ /de skad ces gsol pa dang / bcom ldan 'das kyis nyan thos chen po de dag thams cad dang / byang chub sems dpa' sems dpa' chen po de dag thams cad la 'di skad ces bka' stsal to/ /rigs kyi bu dag de de bzhin no/ /de de bzhin te/ ji skad du smras pa bzhin no/ /byang chub sems dpa' sems dpa' chen po shes rab kyi pha rol du phyin pa 'di la spyod pa de dag ni/ lha dang / mi dang / lha ma yin du bcas pa'i 'jig rten gyis phyag bya bar 'os pa'o/ /de ci'i phyir zhe na/ byang chub sems dpa' sems dpa' chen po yod na/ mi'i 'jig rten 'jig rten du 'byung bar 'gyur ro/ /lha'i 'jig rten 'jig rten du 'byung bar 'gyur ro/ /rgyal rigs che zhing mtho ba'i rigs dang / bram ze che zhing mtho ba'i rigs dang / khyim bdag che zhing mtho ba'i rigs dang / 'khor los sgyur ba'i rgyal po dang / rgyal chen bzhi'i ris kyi</font><hr>30.82a<br><font size=+1>

lha rnams dang / sum bcu rtsa gsum pa dang / mtshe ma dang / dga' ldan dang / 'phrul dga' dang / gzhan 'phrul dbang byed dang / tshangs ris dang tshangs lha nye phan dang / tshangs pa kun 'khor dang / tshangs chen dang / snang ba dang / chung snang dang / tshad med snang ba dang / kun snang dang ba dang / dge ba dang / chung dge dang / tshad med dge ba dang / dge rgyas dang / che ba dang / chung che dang / tshad med che ba dang / 'bras bu che ba dang / mi che ba dang / mi gdung ba dang / shin du mthong ba dang / gya nom snang ba dang / 'og min gyi lha rnams 'jig rten du 'byung bar 'gyur ro/ /rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa dang / rang sangs rgyas rnams 'jig rten du 'byung bar 'gyur ro/ /byang chub sems dpa' sems dpa' chen po rnams dang / de bzhin gshegs pa dgra bcom pa yang dag par rdzogs pa'i sangs rgyas rnams 'jig rten du 'byung bar 'gyur ro/ /rigs kyi bu dag byang chub sems dpa' sems dpa' chen po yod na/ bza' ba dang / btung ba dang / bzhon pa dang / gos dang / mal cha dang khyim dang 'tsho ba dang nor bu dang mu tig dang dung dang man shel dang / byi ru dang gser dang dngul dag kyang 'jig rten du 'byung bar 'gyur ro/ /rigs kyi bu dag sems can rnams kyi bde ba'i yo byad mi'i rkyen dang / lha rdzas su bya ba 'am yang dag par bral ba'i bde ba'ang rung ste/ de dag thams cad kyang byang chub sems dpa' sems dpa' chen po yod na 'jig rten du 'byung bar 'gyur ro/ /de ci'i phyir zhe na/ rigs kyi bu dag byang chub sems dpa' ni byang chub sems dpa'i spyad pa spyod pa'i tshe pha rol du phyin pa drug la gnas te/ bdag sbyin pa yongs su gtong zhing gzhan yang sbyin pa la sbyor ro/ /bdag tshul khrims srung zhing gzhan yang tshul khrims la sbyor ro/ /bdag bzod pa sgom zhing gzhan yang bzod pa la sbyor ro/ /bdag brtson 'grus rtsom zhing gzhan yang brtson</font><hr>30.82b<br><font size=+1>

'grus la sbyor ro/ /bdag bsam gtan skyed cing / gzhan yang bsam gtan la sbyor ro/ /bdag shes rab sgom zhing gzhan yang shes rab sgom pa la sbyor ro/ /byang chub sems dpa' sems dpa' chen po la rten cing sems can rnams pha rol du phyin pa drug la spyod de/ de dag pha rol du phyin pa drug la spyod pas/ 'jig rten dang 'jig rten las 'das pa'i phun sum tshogs pa thams cad 'thob bo/ /rigs kyi bu dag de bas na byang chub sems dpa' sems dpa' chen po ni sems can thams cad la phan pa dang bde ba'i don du zhugs pa yin no/ /de nas bcom ldan 'das kyis de'i tshe zhal gyi sgo nas ljags kyi dbang po bkram ste stong gsum gyi stong chen po'i 'jig rten gyi khams 'di khyab par mdzad do/ /de nas de'i tshe ljags kyi dbang po de las 'od 'phro ba kha dog du ma dang kha dog sna tshogs su ldan pa mang po byung bar gyur to/ /de byung nas shar phyogs kyi 'jig rten gyi khams gang gA'i klung gi bye ma snyed snang ba chen pos rgyas par gyur ro/ /lho dang nub dang byang dang byang shar dang shar lho dang lho nub dang nub byang dang 'og dang steng gi phyogs kyi phyogs re re zhing / 'jig rten gyi khams gang gA'i klung gi bye ma snyed snang ba chen pos rgyas par gyur to/ /de nas shar phyogs kyi 'jig rten gyi khams gang gA'i klung gi bye ma snyed po de dag gi byang chub sems dpa' sems dpa' chen po dag gis 'od rnam par phye ba de mthong nas/ rang rang gi sangs rgyas kyi zhing gi sangs rgyas bcom ldan 'das la zhus te/ bcom ldan 'das 'di ltar 'jig rten gyi khams 'di dag snang ba chen pos bltam pa 'di su'i mthu lags zhes yongs su dris so/ /sangs rgyas bcom ldan 'das de dag gis bka' stsal pa/ rigs kyi bu dag 'di nas nub phyogs logs na 'jig rten gyi khams mi mjed ces bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba</font><hr>30.83a<br><font size=+1>

bzhugs te/ des zhal gyi sgo nas ljags kyi dbang po bkram ste/ byang chub sems dpa' sems dpa' chen po rnams la shes rab kyi pha rol du phyin pa bstan pa'i phyir/ 'jig rten gyi khams gang gA'i klung gi bye ma snyed po 'di dag snang ba chen pos khyab par mdzad do/ /byang chub sems dpa' sems dpa' chen po rnams la shes rab kyi pha rol du phyin pa bstan pa'i phyir/ phyogs bcu'i phyogs re re'i bar du 'jig rten gyi khams gang gA'i klung gi bye ma snyed po 'di dag snang ba chen pos khyab par mdzad do/ /de nas byang chub sems dpa' sems dpa' chen po de dag gis sangs rgyas bcom ldan 'das de dag la 'di skad ces gsol to/ /bcom ldan 'das de lta lags na bdag cag kyang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de blta ba dang de la phyag bgyi ba dang bsnyen bkur ba dang / byang chub sems dpa' sems dpa' chen po phyogs bcu nas 'dus pa de dag kyang blta ba dang / shes rab kyi pha rol du phyin pa de yang mnyan pa'i slad du mchi'o/ /sangs rgyas bcom ldan 'das de dag gis bka' stsal pa/ rigs kyi bu dag de'i dus la bab par shes na deng song shig /de nas byang chub sems dpa' sems dpa' chen po de dag gis/ de bzhin gshegs pa dgra bcom pa yang dag par rdzogs pa'i sangs rgyas de dag gi zhabs la spyi bos phyag 'tshal nas/ lan bdun du g.yas phyogs nas bskor ba byas te/ phyogs bcu nas gdugs dang rgyal mtshan dang lha'i ba dan dang / me tog dang phreng ba dang spos dang byug pa dang bdug pa dang phye ma dang na bza' dang gser gyi me tog dang dngul gyi me tog la sogs pa rnam pa du ma khyer te/ glu dang rol mo brdung ba dang dkrol ba mang pos/ bcom ldan 'das de bzhin gshegs pa dgra bcom pa yang dag par rdzogs pa'i</font><hr>30.83b<br><font size=+1>

sangs rgyas shAkya thub pa de gang na ba der 'dong ngo / /de nas rgyal chen bzhi'i ris kyi lha rnams dang / sum bcu rtsa gsum dang / mtshe ma dang / dga' ldan dang / 'phrul dga' dang / gzhan 'phrul dbang byed dang / tshangs ris dang / tshangs lha nye phan dang / tshangs pa kun 'khor dang / tshangs chen dang / snang ba dang / chung snang dang / tshad med snang ba dang / kun snang dang ba dang / dge ba dang / chung dge dang / tshad med dge ba dang / dge rgyas dang / che ba dang / chung che dang / tshad med che ba dang / 'bras bu che ba dang / gnas gtsang ma ba shin du mthong ba dang / gya nom snang ba dang / mi che ba dang / mi gdung ba dang / 'og min gyi lha rnams kyang lha rdzas kyi me tog dang / phreng ba dang / spos dang / byug pa dang / bdug pa dang / phye ma dang / lha rdzas kyi me tog ut+pa la dang / pad mo dang ku mu da dang pun da ri ka dang / lha rdzas kyi me tog man dA ra ba dang man dA ra ba chen po dang ke sa ra dang ta ma la'i lo ma mang po khyer te/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa gang na ba der dong ste/ de nas byang chub sems dpa' sems dpa' chen po de dag dang / lha de dag gis me tog dang phreng ba dang spos dang byug pa dang bdug pa dang phye ma dang na bza' dang gdugs dang rgyal mtshan dang lha'i ba dan de dag gis/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de la gtor to/ /mngon par gtor to/ /de nas me tog la sogs pa de dag stong gsum gyi stong chen po'i 'jig rten gyi khams 'di'i steng gi nam mkha' la mngon par 'phags te/ me tog gi khang pa brtsegs pa/ gru bzhi ka ba bzhi dang ldan pa/ cha kun du mnyam pa/ shin du rnam par phye ba/ mdangs dga' zhing yid du 'ong bar red de 'dug go/ /de nas 'khor de'i nang nas srog chags bye ba khrag khrig brgya stong du mas mi skye ba'i chos la bzod pa</font><hr>30.84a<br><font size=+1>

rab tu thob bo/ /de nas de dag stan las langs nas/ bcom ldan 'das gang na ba der thal mo sbyar bas btud de/ bcom ldan 'das la 'di skad ces gsol to/ /bcom ldan 'das bdag cag kyang ma 'ongs pa'i dus na/ de bzhin gshegs pa dgra bcom pa yang dag par rdzogs pa'i sangs rgyas kyis gang brnyes par gyur pa'i chos kyi rnam pa de lta bu thams cad thob par gyur te/ nyan thos kyi dge 'dun 'di lta bu ni yongs su bsdu bar bgyi'o/ /da ltar 'dir de bzhin gshegs pas chos ji ltar bstan pa de bzhin du/ 'khor 'di dang 'dra bar chos bstan par bgyi'o/ /zhes smon lam btab bo/ /de nas bcom ldan 'das kyis rigs kyi bu de dag gi bsam pa thugs su chud de/ chos thams cad la skye ba med pa dang / 'gag pa med pa dang / mngon par 'du bya ba med pa dang / 'byung ba med pa la bzod par gyur pa mkhyen nas zhal 'dzum pa mdzad do/ /de nas tshe dang ldan pa kun dga' bo stan las langs te/ bla gos phrag pa gcig la gzar nas pus mo g.yas pa'i lha nga sa la brtsugs te/ bcom ldan 'das gang na ba der thal mo sbyar bas btud de/ bcom ldan 'das la 'di skad ces gsol to/ /bcom ldan 'das sangs rgyas bcom ldan 'das rnams ni rgyu dang rkyen ma mchis par bzhad pa mi mdzad na/ ci'i rgyu ci'i rkyen gyis zhal 'dzum pa mdzad/ bcom ldan 'das kyis bka' stsal pa/ kun dga' bo 'khor 'di'i nang nas srog chags bye ba khrag khrig brgya phrag stong gis mi skye ba'i chos la bzod pa thob par gyur to/ /de dag ni ma 'ongs pa'i dus na bskal pa bye ba khrag khrig phrag drug bcu rtsa brgyad na bskal pa me tog gi 'byung gnas zhes bya ba la/ de bzhin gshegs pa dgra bcom pa yang dag par rdzogs pa'i sangs rgyas byang chub kyi yan lag me tog ces bya ba sha stag 'jig rten du 'byung bar 'gyur ro/ /</font><hr>30.84b<br><font size=+1>

shes rab kyi pha rol du phyin pa stong phrag nyi shu lnga pa las/ shA ri'i bu'i le'u ste gnyis pa'o// // de nas bcom ldan 'das kyis tshe dang ldan pa rab 'byor la bka' stsal pa/ rab 'byor khyod byang chub sems dpa' sems dpa' chen po rnams la shes rab kyi pha rol du phyin pa las rtsom ste/ ci nas byang chub sems dpa' sems dpa' chen po rnams shes rab kyi pha rol du phyin pa la 'byung bar 'gyur ba de lta bu'i chos kyi gtam bya bar spobs pa skyed cig /de nas byang chub sems dpa' sems dpa' chen po de dag dang / nyan thos chen po de dag dang / lha'i bu de dag 'di snyam du sems te/ tshe dang ldan pa rab 'byor 'di rang gi shes rab dang spobs pa tsam gyi stobs dang shugs kyi go cas/ byang chub sems dpa' sems dpa' chen po rnams la shes rab kyi pha rol du phyin pa ston tam/ 'on te sangs rgyas kyi mthus ston par 'gyur snyam pa dang / de nas tshe dang ldan pa rab 'byor gyis/ sangs rgyas kyi mthus byang chub sems dpa' sems dpa' chen po de dag dang / nyan thos chen po de dag dang / lha'i bu de dag gi sems kyi kun tu rtog pa sems kyis yongs su shes nas/ tshe dang ldan pa shA ra dwa ti'i bu la smras pa/ tshe dang ldan pa shA ra dwa ti'i bu bcom ldan 'das kyi nyan thos rnams ni gang ci smra yang rung / gang ci ston kyang rung / gang ci rjod kyang rung ste/ de thams cad de bzhin gshegs pa'i mthu'o/ /de bzhin gshegs pas chos gang bstan pa de thams cad kyang chos nyid dang mi 'gal lo/ /de ltar rigs kyi bu de dag ni chos bstan pa de la slob cing / chos nyid de lta bu mngon du byed do/ /shA ra dwa ti'i bu 'di ni de bzhin gshegs pa nyid byang chub sems dpa' sems dpa' chen po rnams la/ shes rab kyi pha rol du phyin pa thabs kyis ston pa mdzad kyi/ tshe dang ldan pa shA ra dwa ti'i bu byang chub sems dpa' sems dpa' chen po rnams la/ shes rab kyi pha rol du</font><hr>30.85a<br><font size=+1>

phyin pa bstan pa ni/ nyan thos dang / rang sangs rgyas thams cad kyi yul ma yin no/ /de nas tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das byang chub sems dpa' byang chub sems dpa' zhes bgyi na/ 'di lta ste/ byang chub sems dpa' zhes bgyi ba 'am/ shes rab kyi pha rol du phyin pa zhes bgyi ba 'di chos gang gi tshig bla dgas lags/ bcom ldan 'das byang chub sems dpa' zhes bgyi ba 'am/ shes rab kyi pha rol du phyin pa zhes bgyi ba de lta bu bdag gis yang dag par rjes su ma mthong ngo / /bcom ldan 'das de ltar bdag gis byang chub sems dpa' de dang / shes rab kyi pha rol du phyin pa de dang byang chub sems dpa'i ming de yang yang dag par rjes su ma mthong na/ byang chub sems dpa' sems dpa' chen po ni su zhig /shes rab kyi pha rol du phyin pa ni gang zhig la gdams shing rjes su bstan par bgyi/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor 'di lta ste/ shes rab kyi pha rol du phyin pa dang / byang chub sems dpa' dang / byang chub sems dpa'i ming du bya ba de dag ni ming tsam ste/ ming de ni nang na yang med/ phyi rol na yang med/ gnyis ka med par yang mi dmigs so/ /rab 'byor 'di lta ste dper na/ sems can sems can zhes bya bar ming du gdags pa'i ming de ni btags pa tsam ste/ btags pa'i chos gang yin pa de la ni/ ming dang brda tsam du tha snyad kyis gdags pa ma gtogs par skye ba 'am 'gag pa med de/ ming de ni nang na yang med/ phyi rol na yang med/ gnyis ka med par yang mi dmigs so/ /bdag dang srog dang / 'gro ba dang / gso ba dang / skyes bu dang / gang zag dang / shed can dang / shed bdag dang / byed pa po dang / byed du 'jug pa po dang / slong ba po dang / yongs su slong ba po dang / tshor ba po dang / </font><hr>30.85b<br><font size=+1>

tshor bar byed pa po dang / shes pa po dang / mthong ba po de dag thams cad kyang btags pa tsam ste/ btags pa'i chos gang yin pa de la ni ming dang brda tsam du tha snyad kyis bdags pa ma gtogs par skye ba 'am 'gag pa med de/ ming de ni nang na yang med/ phyi rol na yang med/ gnyis ka med par yang mi dmigs so/ /rab 'byor de bzhin du shes rab kyi pha rol du phyin pa gang yin pa dang / byang chub sems dpa' gang yin pa dang / byang chub sems dpa'i ming gang yin pa de dag thams cad kyang btags pa tsam ste/ btags pa'i chos gang yin pa de la ni/ ming dang brda tsam du tha snyad kyis bdags pa ma gtogs par/ skye ba 'am 'gag pa med de/ ming de ni nang na yang med/ phyi rol na yang med/ gnyis ka med par yang mi dmigs so/ /rab 'byor 'di lta ste/ dper na nang gi gzugs zhes ming du bya ba ni chos su btags pa tsam du zad de/ chos su btags pa de la ni ming dang brda tsam du tha snyad kyis gdags pa ma gtogs par skye ba 'am 'gag pa med de/ ming de ni nang na yang med/ phyi rol na yang med/ gnyis ka med par yang mi dmigs so/ /rab 'byor tshor ba dang / 'du shes dang / 'du byed dang rnam par shes pa zhes ming du bya ba ni chos su gdags pa tsam du zad de/ chos su btags pa de la ni ming dang brda tsam gyis tha snyad du gdags pa ma gtogs par skye ba 'am 'gag pa med de/ ming de ni nang na yang med/ phyi rol na yang med/ gnyis ka med par yang mi dmigs so/ /rab 'byor de bzhin du shes rab kyi pha rol du phyin pa dang / byang chub sems dpa' dang / byang chub sems dpa'i ming dang / chos de dag thams cad ni chos su gdags pa tsam du zad de/ chos su btags pa de la ni ming dang brda tsam gyis tha snyad du gdags pa ma gtogs par/ skye ba 'am 'gag pa med de/ ming de ni nang na yang med/ phyi rol na yang med/ gnyis ka</font><hr>30.86a<br><font size=+1>

med par yang mi dmigs so/ /rab 'byor mig ces bya ba 'di ni chos su gdags pa tsam du zad de/ chos su btags pa de la ni 'di lta ste/ mig ces ming dang brda tsam du tha snyad kyis gdags pa ma btogs par skye ba 'am 'gag pa med de/ ming de ni nang na yang med/ phyi rol na yang med/ gnyis ka med par yang mi dmigs so/ /rab 'byor rna ba dang / sna dang / lce dang / lus dang / yid ces bya ba 'di ni chos su gdags pa tsam du zad de/ chos su gtags pa de la ni 'di lta ste/ yid ces ming dang brda tsam du tha snyad kyis bdags pa ma gtogs par skye ba 'am 'gag pa med de/ ming de ni nang na yang med/ phyi rol na yang med/ gnyis ka med par yang mi dmigs so/ /rab 'byor gzugs zhes bya ba 'di ni chos su gdags pa tsam du zad de/ chos su btags pa de la ni/ 'di lta ste/ gzugs zhes ming dang brda tsam du tha snyad kyis gdags pa ma gtogs par skye ba 'am/ 'gag pa med de/ ming de ni nang na yang med/ phyi rol na yang med/ gnyis ka med par yang mi dmigs so/ /rab 'byor de bzhin du sgra dang / dri dang / ro dang / reg bya dang / chos zhes bya ba 'di ni chos su gdags pa tsam du zad de/ chos su btags pa de la ni 'di lta ste/ chos zhes ming dang brda tsam du tha snyad kyis gdags pa ma gtogs par/ skye ba 'am 'gag pa med de/ ming de ni nang na yang med/ phyi rol na yang med/ gnyis ka med par yang mi dmigs so/ /rab 'byor mig gi khams zhes bya ba 'di ni chos su gdags pa tsam du zad de/ chos su btags pa de la ni/ 'di lta ste/ mig gi khams zhes ming dang brda tsam du tha snyad kyis gdags pa ma gtogs par/ skye ba 'am 'gag pa med de/ ming de ni nang na yang med/ phyi rol na yang med/ gnyis ka med par yang mi dmigs so/ /rab 'byor gzugs kyi khams zhes bya ba 'di ni chos</font><hr>30.86b<br><font size=+1>

su gdags pa tsam du zad de/ chos su btags pa de la ni 'di lta ste/ gzugs kyi khams zhes ming dang brda tsam du tha snyad kyis gdags pa ma gtogs par skye ba 'am 'gag pa med de/ ming de ni nang na yang med/ phyi rol na yang med/ gnyis ka med par yang mi dmigs so/ /rab 'byor mig gi rnam par shes pa'i khams zhes bya ba 'di ni chos su gdags pa tsam du zad de/ chos su btags pa de la ni 'di lta ste/ mig gi rnam par shes pa'i khams zhes ming dang brda tsam du tha snyad kyis gdags pa ma gtogs par skye ba 'am/ 'gag pa med de/ ming de ni nang na yang med/ phyi rol na yang med/ gnyis ka med par yang mi dmigs so/ /rab 'byor rna ba'i khams dang / sgra'i khams dang / rna ba'i rnam par shes pa'i khams dang / sna'i khams dang / dri'i khams dang / sna'i rnam par shes pa'i khams dang / lce'i khams dang / ro'i khams dang / lce'i rnam par shes pa'i khams dang / lus kyi khams dang / reg bya'i khams dang / lus kyi rnam par shes pa'i khams dang / yid kyi khams dang / chos kyi khams dang / yid kyi rnam par shes pa'i khams zhes bya ba 'di ni chos su gdags pa tsam du zad de/ chos su btags pa de la ni 'di lta ste/ yid kyi rnam par shes pa'i khams zhes ming dang brda tsam du tha snyad kyis gdags pa ma gtogs par skye ba 'am 'gag pa med de/ ming de ni nang na yang med/ phyi rol na yang med/ gnyis ka med par yang mi dmigs so/ /rab 'byor de bzhin du gang 'di shes rab kyi pha rol du phyin pa zhes bya ba dang / byang chub sems dpa' zhes bya ba dang / byang chub sems dpa'i ming zhes bya ba de dag kyang chos su gdags pa tsam du zad de/ chos su btags pa de la ni 'di lta ste/ shes rab kyi pha rol du phyin pa zhes bya ba dang / byang chub sems dpa' zhes bya ba dang / byang chub sems dpa'i ming zhes bya bar ming dang brda tsam du tha snyad kyis gdags pa ma gtogs par/ skye ba 'am 'gag pa</font><hr>30.87a<br><font size=+1>

med de/ ming de ni nang na yang med/ phyi rol na yang med/ gnyis ka med par yang mi dmigs so/ /rab 'byor 'di lta ste dper na/ nang gi lus zhes bya ba 'di ni ming tsam du tha snyad kyis gdags pa ste/ mgo'i rus pa zhes ming du tha snyad gyis gdags pa dang / 'jing pa'i rus pa zhes ming du tha snyad kyis gdags pa dang / phrag pa'i rus pa dang / dpung pa'i rus pa dang / tshigs pa'i rus pa dang / rtsib ma'i rus pa dang / dpyi'i rus pa dang / bla'i rus pa dang / rje ngar gyi rus pa dang / rkang pa'i rus pa zhes ming du tha snyad kyis gdags pa de dag kyang / chos su gdags pa tsam du zad de/ chos su btags pa de la ni 'di lta ste/ mgo'i rus pa zhes bya ba dang / rkang pa'i rus pa zhes bya ba'i bar du ming dang brda tsam du tha snyad kyis gdags pa ma gtogs par skye ba 'am 'gag pa med de/ ming de ni nang na yang med/ phyi rol na yang med/ gnyis ka med par yang mi dmigs so/ /rab 'byor de bzhin du gang 'di shes rab kyi pha rol du phyin pa zhes bya ba dang / byang chub sems dpa' zhes bya ba dang / byang chub sems dpa'i ming du bya ba dag kyang chos su gdags pa tsam du zad de/ chos su btags pa de la ni ming dang brda tsam du tha snyad kyis gdags pa ma gtogs par skye ba 'am 'gag pa med de/ ming de ni nang na yang med/ phyi rol na yang med/ gnyis ka med par yang mi dmigs so/ /rab 'byor 'di lta ste/ dper na/ gang 'di phyi rol gyi rtswa dang / shing dang / yal ga dang / lo ma dang / 'dab ma zhes bya ba de dag thams cad kyang ming sna tshogs kyis tha snyad du brjod de/ de dag kyang ming dang brda tsam du tha snyad kyis gdags pa ma gtogs par skye ba 'am 'gag pa med de/ ming de ni nang na yang med/ phyi rol na yang med/ gnyis ka med par yang mi dmigs so/ /rab 'byor de bzhin du gang 'di shes rab kyi pha rol du phyin pa zhes bya ba dang / byang chub sems dpa' zhes bya ba dang / byang chub sems dpa'i</font><hr>30.87b<br><font size=+1>

ming zhes bya ba de dag kyang chos su gdags pa tsam du zad de/ chos su btags pa de la ni ming dang brda tsam du tha snyad kyis gdags pa ma gtogs par/ skye ba 'am 'gag pa med de/ ming de ni nang na yang med/ phyi rol na yang med/ gnyis ka med par yang mi dmigs so/ /rab 'byor 'di lta ste/ dper na/ 'das pa'i sangs rgyas bcom ldan 'das rnams kyi mtshan tsam zhig yod pa yang / mtshan de ni nang na yang med/ phyi rol na yang med/ gnyis ka med par yang mi dmigs so/ /rab 'byor 'di lta ste/ dper na/ rmi lam dang / sgra brnyan dang / gzugs brnyan dang / sgyu ma dang / smig rgyu dang / chu zla dang / de bzhin gshegs pa'i sprul pa'i chos de dag thams cad ni chos su gdags pa tsam du zad de/ chos su btags pa de ni ming dang brda tsam du tha snyad kyis gdags pa ma gtogs par skye ba 'am/ 'gag pa med de/ ming de ni nang na yang med/ phyi rol na yang med/ gnyis ka med par yang mi dmigs so/ /rab 'byor de bzhin du gang 'di shes rab kyi pha rol du phyin pa zhes bya ba dang / byang chub sems dpa' zhes bya ba dang / byang chub sems dpa'i ming zhes bya ba'i chos de dag thams cad ni chos su gdags pa tsam du zad de/ chos su btags pa de la ni ming dang brda tsam du tha snyad kyis gdags pa ma gtogs par/ skye ba 'am 'gag pa med de/ ming de ni nang na yang med/ phyi rol na yang med/ gnyis ka med par yang mi dmigs so/ /rab 'byor de ltar byang chub sems dpa' sems dpa' chen po shes rab kyi pha rol du phyin pa la spyod pa'i tshe/ ming dang brdar btags pa dang / gdams ngag tu btags pa dang / chos su btags pa la bslab par bya'o/ /rab 'byor byang chub sems dpa' sems dpa' chen po shes rab kyi pha rol du phyin pa la de ltar spyod pa ni gzugs zhes bya ba rtag par yang dag par rjes su mi mthong ngo / /gzugs zhes bya ba mi rtag par yang dag par rjes su mi mthong ngo / /gzugs zhes bya ba bde bar yang dag par rjes su mi mthong ngo / /gzugs zhes bya ba sdug bsngal bar yang dag par rjes su mi mthong ngo / /gzugs zhes bya ba bdag tu yang dag par rjes su mi mthong ngo / /gzugs zhes bya ba bdag med par yang dag par rjes su mi mthong ngo / /gzugs zhes bya ba zhi bar yang</font><hr>30.88a<br><font size=+1>

dag par rjes su mi mthong ngo / /gzugs zhes bya ba ma zhi bar yang dag par rjes su mi mthong ngo / /gzugs zhes bya ba stong par yang dag par rjes su mi mthong ngo / /gzugs zhes bya ba mi stong bar yang dag par rjes su mi mthong ngo / /gzugs zhes bya ba mtshan ma yod par yang dag par rjes su mi mthong ngo / /gzugs zhes bya ba mtshan ma med par yang dag par rjes su mi mthong ngo / /gzugs zhes bya ba smon pa yod par yang dag par rjes su mi mthong ngo / /gzugs zhes bya ba smon pa med par yang dag par rjes su mi mthong ngo / /gzugs zhes bya ba 'dus byas su yang dag par rjes su mi mthong ngo / /gzugs zhes bya ba 'dus ma byas su yang dag par rjes su mi mthong ngo / /gzugs zhes bya ba kun nas nyon mongs par yang dag par rjes su mi mthong ngo / /gzugs zhes bya ba rnam par byang bar yang dag par rjes su mi mthong ngo / /gzugs zhes bya ba skye bar yang dag par rjes su mi mthong ngo / /gzugs zhes bya ba 'gag par yang dag par rjes su mi mthong ngo / /gzugs zhes bya ba dben par yang dag par rjes su mi mthong ngo / /gzugs zhes bya ba mi dben par yang dag par rjes su mi mthong ngo / /gzugs zhes bya ba dge bar yang dag par rjes su mi mthong ngo / /gzugs zhes bya ba mi dge bar yang dag par rjes su mi mthong ngo / /gzugs zhes bya ba kha na ma tho ba dang bcas par yang dag par rjes su mi mthong ngo / /gzugs zhes bya ba kha na ma tho ba med par yang dag par rjes su mi mthong ngo / /gzugs zhes bya ba zag pa dang bcas par yang dag par rjes su mi mthong ngo / /gzugs zhes bya ba zag pa med par yang dag par rjes su mi mthong ngo / /gzugs zhes bya ba nyon mongs pa dang bcas par yang dag par rjes su mi mthong ngo / /gzugs zhes bya ba nyon mongs pa med par yang dag par rjes su mi mthong ngo / /gzugs zhes bya ba 'jig rten par yang dag par rjes su mi mthong ngo / /gzugs zhes bya ba 'jig rten las 'das par yang dag par rjes su mi mthong ngo / /gzugs zhes bya ba 'khor bar yang dag par rjes su mi mthong ngo / /gzugs zhes bya ba mya ngan las 'das par yang dag par rjes su mi mthong ngo / /tshor ba zhes bya ba dang / 'du shes zhes bya ba dang / 'du byed ces bya ba dang / rnam par shes pa zhes bya ba rtag par yang dag par rjes su mi mthong ngo / /rnam par</font><hr>30.88b<br><font size=+1>

shes pa zhes bya ba mi rtag par yang dag par rjes su mi mthong ngo / /rnam par shes pa zhes bya ba bde bar yang dag par rjes su mi mthong ngo / /rnam par shes pa zhes bya ba sdug bsngal bar yang dag par rjes su mi mthong ngo / /rnam par shes pa zhes bya ba bdag du yang dag par rjes su mi mthong ngo / /rnam par shes pa zhes bya ba bdag med par yang dag par rjes su mi mthong ngo / /rnam par shes pa zhes bya ba zhi bar yang dag par rjes su mi mthong ngo / /rnam par shes pa zhes bya ba ma zhi bar yang dag par rjes su mi mthong ngo / /rnam par shes pa zhes bya ba stong par yang dag par rjes su mi mthong ngo / /rnam par shes pa zhes bya ba mi stong par yang dag par rjes su mi mthong ngo / /rnam par shes pa zhes bya ba mtshan ma yod par yang dag par rjes su mi mthong ngo / /rnam par shes pa zhes bya ba mtshan ma med par yang dag par rjes su mi mthong ngo / /rnam par shes pa zhes bya ba smon pa yod par yang dag par rjes su mi mthong ngo / /rnam par shes pa zhes bya ba smon pa med par yang dag par rjes su mi mthong ngo / /rnam par shes pa zhes bya ba 'dus byas su yang dag par rjes su mi mthong ngo / /rnam par shes pa zhes bya ba 'dus ma byas su yang dag par rjes su mi mthong ngo / /rnam par shes pa zhes bya ba kun nas nyon mongs par yang dag par rjes su mi mthong ngo / /rnam par shes pa zhes bya ba rnam par byang bar yang dag par rjes su mi mthong ngo / /rnam par shes pa zhes bya ba skye bar yang dag par rjes su mi mthong ngo / /rnam par shes pa zhes bya ba 'gag par yang dag par rjes su mi mthong ngo / /rnam par shes pa zhes bya ba dben par yang dag par rjes su mi mthong ngo / /rnam par shes pa zhes bya ba mi dben par yang dag par rjes su mi mthong ngo / /rnam par shes pa zhes bya ba dge bar yang dag par rjes su mi mthong ngo / /rnam par shes pa zhes bya ba mi dge bar yang dag par rjes su mi mthong ngo / /rnam par shes pa zhes bya ba kha na ma tho ba dang bcas par yang dag par rjes su mi mthong ngo / /rnam par shes pa zhes bya ba kha na ma tho ba med par yang dag par rjes su mi mthong ngo / /rnam par shes pa zhes bya ba zag pa dang bcas par yang dag par rjes su mi mthong ngo / /rnam par shes pa zhes bya ba zag pa med par yang dag par rjes su mi mthong ngo / /rnam par shes pa zhes bya ba nyon mongs pa dang bcas par yang dag par rjes su mi mthong ngo / /rnam par shes pa zhes bya ba nyon mongs pa med par yang dag par rjes su mi mthong ngo / /rnam par shes pa</font><hr>30.89a<br><font size=+1>

zhes bya ba 'jig rten par yang dag par rjes su mi mthong ngo / /rnam par shes pa zhes bya ba 'jig rten las 'das par yang dag par rjes su mi mthong ngo / /rnam par shes pa zhes bya ba 'khor bar yang dag par rjes su mi mthong ngo / /rnam par shes pa zhes bya ba mya ngan las 'das par yang dag par rjes su mi mthong ngo // //shes rab kyi pha rol tu phyin pa stong phrag nyi shu lnga pa/ bam po bdun pa/ mig ces bya ba rtag par yang dag par rjes su mi mthong ngo / /mig ces bya ba mi rtag par yang dag par rjes su mi mthong ngo / /mig ces bya ba bde ba dang / sdug bsngal ba dang / bdag dang / bdag med pa dang / zhi ba dang / ma zhi ba dang / stong pa dang / mi stong pa dang / mtshan ma yod pa dang / mtshan ma med pa dang / smon pa yod pa dang / smon pa med pa dang / 'dus byas dang / 'dus ma byas dang / kun nas nyon mongs pa dang / rnam par byang ba dang / skye ba dang / 'gag pa dang / dben pa dang / mi dben pa dang / dge ba dang / mi dge ba dang / kha na ma tho ba dang bcas pa dang / kha na ma tho ba med pa dang / zag pa dang bcas pa dang / zag pa med pa dang / nyon mongs pa dang bcas pa dang / nyon mongs pa med pa dang / 'jig rten pa dang / 'jig rten las 'das pa dang / 'khor ba dang / mya ngan las 'das par yang dag par rjes su mi mthong ngo / /gzugs zhes bya ba rtag par yang dag par rjes su mi mthong ngo / /gzugs zhes bya ba mi rtag par yang dag par rjes su mi mthong ngo / /gzugs zhes bya ba bde ba dang / sdug bsngal ba dang / bdag dang / bdag med pa dang / zhi ba dang / ma zhi ba dang / stong pa dang / mi stong pa dang / mtshan ma yod pa dang / mtshan ma med pa dang / smon pa yod pa dang / smon pa med pa dang / 'dus byas dang / 'dus ma byas dang / kun nas nyon mongs pa dang / rnam par byang ba dang / skye ba dang / 'gag pa dang / dben pa dang / mi dben pa dang / dge ba dang / mi dge ba dang / kha na ma tho ba dang bcas pa dang / kha na ma tho ba med pa dang / zag pa dang bcas pa dang / zag pa med pa dang / nyon mongs pa dang bcas pa dang / nyon mongs pa med pa dang / 'jig</font><hr>30.89b<br><font size=+1>

rten pa dang / 'jig rten las 'das pa dang / 'khor ba dang / mya ngan las 'das par yang dag par rjes su mi mthong ngo / /mig gi rnam par shes pa zhes bya ba rtag par yang dag par rjes su mi mthong ngo / /mig gi rnam par shes pa zhes bya ba mi rtag par yang dag par rjes su mi mthong ngo / /mig gi rnam par shes pa zhes bya ba bde ba dang / sdug bsngal ba dang / bdag dang / bdag med pa dang / zhi ba dang / ma zhi ba dang / stong pa dang / mi stong pa dang / mtshan ma yod pa dang / mtshan ma med pa dang / smon pa yod pa dang / smon pa med pa dang / 'dus byas dang / 'dus ma byas dang / kun nas nyon mongs pa dang / rnam par byang ba dang / skye ba dang / 'gag pa dang / dben pa dang / mi dben pa dang / dge ba dang / mi dge ba dang / kha na ma tho ba dang bcas pa dang / kha na ma tho ba med pa dang / zag pa dang bcas pa dang / zag pa med pa dang / nyon mongs pa dang bcas pa dang / nyon mongs pa med pa dang / 'jig rten pa dang / 'jig rten las 'das pa dang / 'khor ba dang / mya ngan las 'das par yang dag par rjes su mi mthong ngo / /mig gi 'dus te reg pa zhes bya ba rtag par yang dag par rjes su mi mthong ngo / /mig gi 'dus te reg pa zhes bya ba mi rtag par yang dag par rjes su mi mthong ngo / /mig gi 'dus te reg pa zhes bya ba bde ba dang sdug bsngal ba dang / bdag dang bdag med pa dang / zhi ba dang / ma zhi ba dang / stong pa dang / mi stong pa dang / mtshan ma yod pa dang / mtshan ma med pa dang / smon pa yod pa dang / smon pa med pa dang / 'dus byas dang / 'dus ma byas dang / kun nas nyon mongs pa dang / rnam par byang ba dang / skye ba dang 'gag pa dang / dben pa dang / mi dben pa dang / dge ba dang / mi dge ba dang / kha na ma tho ba dang bcas pa dang / kha na ma tho ba med pa dang / zag pa dang bcas pa dang / zag pa med pa dang / nyon mongs pa dang bcas pa dang / nyon mongs pa med pa dang / 'jig rten pa dang / 'jig rten las 'das pa dang / 'khor ba dang / mya ngan las 'das par yang dag par rjes su mi mthong ngo / /gang yang mig dang / gzugs dang / mig gi rnam par shes pa 'dus te reg</font><hr>30.90a<br><font size=+1>

pa'i rkyen gyis byung ba'i tshor ba bde ba 'am sdug bsngal ba 'am/ bde ba yang ma yin/ sdug bsngal ba yang ma yin pa 'byung zhes bya ba de yang rtag pa dang mi rtag par yang dag par rjes su mi mthong ngo / /bde ba dang / sdug bsngal ba dang / bdag dang / bdag med pa dang / zhi ba dang / ma zhi ba dang / stong pa dang / mi stong pa dang / mtshan ma yod pa dang / mtshan ma med pa dang / smon pa yod pa dang / smon pa med pa dang / 'dus byas dang / 'dus ma byas dang / kun nas nyon mongs pa dang / rnam par byang ba dang / skye ba dang / 'gag pa dang / dben pa dang / mi dben pa dang / dge ba dang / mi dge ba dang / kha na ma tho ba dang bcas pa dang / kha na ma tho ba med pa dang / zag pa dang bcas pa dang / zag pa med pa dang / nyon mongs pa dang bcas pa dang / nyon mongs pa med pa dang / 'jig rten pa dang / 'jig rten las 'das pa dang / 'khor ba dang mya ngan las 'das par yang dag par rjes su mi mthong ngo / /rna ba zhes bya ba rtag par yang dag par rjes su mi mthong ngo / /rna ba zhes bya ba mi rtag par yang dag par rjes su mi mthong ngo / /rna ba zhes bya ba 'khor ba'i bar du yang dag par rjes su mi mthong ngo / /mya ngan las 'das par yang dag par rjes su mi mthong ngo / /sgra zhes bya ba rtag par yang dag par rjes su mi mthong ngo / /sgra zhes bya ba mi rtag par yang dag par rjes su mi mthong ngo / /sgra zhes bya ba 'khor ba'i bar du yang dag par rjes su mi mthong ngo / /mya ngan las 'das par yang dag par rjes su mi mthong ngo / /rna ba'i rnam par shes pa zhes bya ba rtag par yang dag par rjes su mi mthong ngo / /rna ba'i rnam par shes pa zhes bya ba mi rtag par yang dag par rjes su mi mthong ngo / /rna ba'i rnam par shes pa zhes bya ba 'khor ba'i bar du yang dag par rjes su mi mthong ngo / /mya ngan las 'das par yang dag par rjes su mi mthong ngo / /rna ba'i 'dus te reg pa zhes bya ba rtag par yang dag par rjes su mi mthong ngo / /rna ba'i 'dus te reg pa zhes bya ba mi rtag par yang dag par rjes su mi mthong ngo / /rna ba'i 'dus te reg pa zhes bya ba 'khor ba'i bar du yang dag par rjes su mi mthong ngo / /mya ngan las 'das par</font><hr>30.90b<br><font size=+1>

yang dag par rjes su mi mthong ngo / /gang yang rna ba dang / sgra dang / rna ba'i rnam par shes pa 'dus te reg pa'i rkyen gyis byung ba'i tshor ba bde ba 'am/ sdug bsngal ba 'am/ bde ba yang ma yin/ sdug bsngal ba yang ma yin pa 'byung zhes bya ba de yang rtag pa dang mi rtag par yang dag par rjes su mi mthong ngo / /bde ba dang sdug bsngal ba dang / bdag dang bdag med pa dang / zhi ba dang / ma zhi ba dang / stong pa dang / mi stong pa dang / mtshan ma yod pa dang / mtshan ma med pa dang / smon pa yod pa dang / smon pa med pa dang / 'dus byas dang / 'dus ma byas dang / kun nas nyon mongs pa dang / rnam par byang ba dang / skye ba dang / 'gag pa dang / dben pa dang / mi dben pa dang / dge ba dang / mi dge ba dang / kha na ma tho ba dang bcas pa dang / kha na ma tho ba med pa dang / zag pa dang bcas pa dang / zag pa med pa dang / nyon mongs pa dang bcas pa dang / nyon mongs pa med pa dang / 'jig rten pa dang / 'jig rten las 'das pa dang / 'khor ba dang / mya ngan las 'das par yang dag par rjes su mi mthong ngo / /sna zhes bya ba rtag par yang dag par rjes su mi mthong ngo / /sna zhes bya ba mi rtag par yang dag par rjes su mi mthong ngo / /sna zhes bya ba 'khor ba'i bar du yang dag par rjes su mi mthong ngo / /mya ngan las 'das par yang dag par rjes su mi mthong ngo / /dri zhes bya ba rtag par yang dag par rjes su mi mthong ngo / /dri zhes bya ba mi rtag par yang dag par rjes su mi mthong ngo / /dri zhes bya ba 'khor ba'i bar du yang dag par rjes su mi mthong ngo / /mya ngan las 'das par yang dag par rjes su mi mthong ngo / /sna'i rnam par shes pa zhes bya ba rtag par yang dag par rjes su mi mthong ngo / /sna'i rnam par shes pa zhes bya ba mi rtag par yang dag par rjes su mi mthong ngo / /sna'i rnam par shes pa zhes bya ba 'khor ba'i bar du yang dag par rjes su mi mthong ngo / /mya ngan las 'das par yang dag par rjes su mi mthong ngo / /sna'i 'dus te reg pa zhes bya ba rtag par yang dag par rjes su mi mthong ngo / /sna'i 'dus te reg pa zhes bya ba mi rtag par yang dag par rjes su mi mthong ngo / /sna'i</font><hr>30.91a<br><font size=+1>

'dus te reg pa zhes bya ba 'khor ba'i bar du yang dag par rjes su mi mthong ngo / /mya ngan las 'das par yang dag par rjes su mi mthong ngo / /gang yang sna dang / dri dang / sna'i rnam par shes pa 'dus te reg pa'i rkyen kyis byung ba'i tshor ba bde ba 'am/ sdug bsngal ba 'am/ bde ba yang ma yin/ sdug bsngal ba yang ma yin pa 'byung zhes bya ba de yang rtag pa dang / mi rtag par yang dag par rjes su mi mthong ngo / /bde ba dang / sdug bsngal ba dang / bdag dang / bdag med pa dang / zhi ba dang / ma zhi ba dang / stong pa dang / mi stong pa dang / mtshan ma yod pa dang / mtshan ma med pa dang / smon pa yod pa dang / smon pa med pa dang / 'dus byas dang / 'dus ma byas dang / kun nas nyon mongs pa dang / rnam par byang ba dang / skye ba dang / 'gag pa dang / dben pa dang / mi dben pa dang / dge ba dang / mi dge ba dang / kha na ma tho ba dang bcas pa dang / kha na ma tho ba med pa dang / zag pa dang bcas pa dang / zag pa med pa dang / nyon mongs pa dang bcas pa dang / nyon mongs pa med pa dang / 'jig rten pa dang / 'jig rten las 'das pa dang / 'khor ba dang mya ngan las 'das par yang dag par rjes su mi mthong ngo / /lce zhes bya ba rtag par yang dag par rjes su mi mthong ngo / /lce zhes bya ba mi rtag par yang dag par rjes su mi mthong ngo / /lce zhes bya ba 'khor ba'i bar du yang dag par rjes su mi mthong ngo / /mya ngan las 'das par yang dag par rjes su mi mthong ngo / /ro zhes bya ba rtag par yang dag par rjes su mi mthong ngo / /ro zhes bya ba mi rtag par yang dag par rjes su mi mthong ngo / /ro zhes bya ba 'khor ba'i bar du yang dag par rjes su mi mthong ngo / /mya ngan las 'das par yang dag par rjes su mi mthong ngo / /lce'i rnam par shes pa zhes bya ba rtag par yang dag par rjes su mi mthong ngo / /lce'i rnam par shes pa zhes bya ba mi rtag par yang dag par rjes su mi mthong ngo / /lce'i rnam par shes pa zhes bya ba 'khor ba'i bar du yang dag par rjes su mi mthong ngo / /mya ngan las 'das par yang dag</font><hr>30.91b<br><font size=+1>

par rjes su mi mthong ngo / /lce'i 'dus te reg pa zhes bya ba rtag par yang dag par rjes su mi mthong ngo / /lce'i 'dus te reg pa zhes bya ba mi rtag par yang dag par rjes su mi mthong ngo / /lce'i 'dus te reg pa zhes bya ba 'khor ba'i bar du yang dag par rjes su mi mthong ngo / /mya ngan las 'das par yang dag par rjes su mi mthong ngo / /gang yang lce dang / ro dang / lce'i rnam par shes pa 'dus te reg pa'i rkyen gyis byung ba'i tshor ba bde ba 'am/ sdug bsngal ba 'am/ bde ba yang ma yin/ sdug bsngal ba yang ma yin pa 'byung zhes bya ba de yang rtag pa dang / mi rtag par yang dag par rjes su mi mthong ngo / /bde ba dang / sdug bsngal ba dang / bdag dang / bdag med pa dang / zhi ba dang / ma zhi ba dang / stong pa dang / mi stong pa dang / mtshan ma yod pa dang / mtshan ma med pa dang / smon pa yod pa dang / smon pa med pa dang / 'dus byas dang 'dus ma byas dang / kun nas nyon mongs pa dang / rnam par byang ba dang / skye ba dang / 'gag pa dang / dben pa dang / mi dben pa dang / dge ba dang / mi dge ba dang / kha na ma tho ba dang bcas pa dang / kha na ma tho ba med pa dang / zag pa dang bcas pa dang / zag pa med pa dang / nyon mongs pa dang bcas pa dang / nyon mongs pa med pa dang / 'jig rten pa dang / 'jig rten las 'das pa dang / 'khor ba dang mya ngan las 'das par yang dag par rjes su mi mthong ngo / /lus shes bya ba rtag par yang dag par rjes su mi mthong ngo / /lus shes bya ba mi rtag par yang dag par rjes su mi mthong ngo / /lus zhes bya ba 'khor ba'i bar du yang dag par rjes su mi mthong ngo / /mya ngan las 'das par yang dag par rjes su mi mthong ngo / /reg bya zhes bya ba rtag par yang dag par rjes su mi mthong ngo / /reg bya zhes bya ba mi rtag par yang dag par rjes su mi mthong ngo / /reg bya zhes bya ba 'khor ba'i bar du yang dag par rjes su mi mthong ngo / /mya ngan las 'das par yang dag par rjes su mi mthong ngo / /lus kyi rnam par shes pa zhes bya ba rtag par yang dag par rjes su mi mthong ngo / /lus kyi rnam par shes pa zhes bya ba mi rtag par yang dag par rjes su mi mthong ngo / /lus kyi rnam par shes</font><hr>30.92a<br><font size=+1>

pa zhes bya ba 'khor ba'i bar du yang dag par rjes su mi mthong ngo / /mya ngan las 'das par yang dag par rjes su mi mthong ngo / /lus kyi 'dus te reg pa zhes bya ba rtag par yang dag par rjes su mi mthong ngo / /lus kyi 'dus te reg pa zhes bya ba mi rtag par yang dag par rjes su mi mthong ngo / /lus kyi 'dus te reg pa zhes bya ba 'khor ba'i bar du yang dag par rjes su mi mthong ngo / /mya ngan las 'das par yang dag par rjes su mi mthong ngo / /gang yang lus dang / reg bya dang / lus kyi rnam par shes pa 'dus te reg pa'i rkyen gyis byung ba'i tshor ba bde ba 'am/ sdug bsngal ba 'am/ bde ba yang ma yin/ sdug bsngal ba yang ma yin pa 'byung zhes bya ba de yang rtag pa dang / mi rtag par yang dag par rjes su mi mthong ngo / /bde ba dang / sdug bsngal ba dang / bdag dang / bdag med pa dang / zhi ba dang / ma zhi ba dang / stong pa dang / mi stong pa dang / mtshan ma yod pa dang / mtshan ma med pa dang / smon pa yod pa dang / smon pa med pa dang / 'dus byas dang / 'dus ma byas dang / kun nas nyon mongs pa dang / rnam par byang ba dang / skye ba dang / 'gag pa dang / dben pa dang / mi dben pa dang / dge ba dang / mi dge ba dang / kha na ma tho ba dang bcas pa dang / kha na ma tho ba med pa dang / zag pa dang bcas pa dang / zag pa med pa dang / nyon mongs pa dang bcas pa dang / nyon mongs pa med pa dang / 'jig rten pa dang / 'jig rten las 'das pa dang / 'khor ba dang / mya ngan las 'das par yang dag par rjes su mi mthong ngo / /yid ces bya ba rtag par yang dag par rjes su mi mthong ngo / /yid ces bya ba mi rtag par yang dag par rjes su mi mthong ngo / /yid ces bya ba 'khor ba'i bar du yang dag par rjes su mi mthong ngo / /mya ngan las 'das par yang dag par rjes su mi mthong ngo / /chos zhes bya ba rtag par yang dag par rjes su mi mthong ngo / /chos zhes bya ba mi rtag par yang dag par rjes su mi mthong ngo / /chos zhes bya ba 'khor ba'i bar du yang dag par rjes su mi mthong ngo / /mya ngan las 'das par yang dag par rjes su</font><hr>30.92b<br><font size=+1>

mi mthong ngo / /yid kyi rnam par shes pa zhes bya ba rtag par yang dag par rjes su mi mthong ngo / /yid kyi rnam par shes pa zhes bya ba mi rtag par yang dag par rjes su mi mthong ngo / /yid kyi rnam par shes pa zhes bya ba 'khor ba'i bar du yang dag par rjes su mi mthong ngo / /mya ngan las 'das par yang dag par rjes su mi mthong ngo / /yid kyi 'dus te reg pa zhes bya ba rtag par yang dag par rjes su mi mthong ngo / /yid kyi 'dus te reg pa zhes bya ba mi rtag par yang dag par rjes su mi mthong ngo / /yid kyi 'dus te reg pa zhes bya ba 'khor ba'i bar du yang dag par rjes su mi mthong ngo / /mya ngan las 'das par yang dag par rjes su mi mthong ngo / /gang yang yid dang / chos dang / yid kyi rnam par shes pa 'dus te reg pa'i rkyen gyis byung ba'i tshor ba bde ba 'am/ sdug bsngal ba 'am/ bde ba yang ma yin/ sdug bsngal ba yang ma yin pa 'byung zhes bya ba de yang rtag pa dang / mi rtag par yang dag par rjes su mi mthong ngo / /bde ba dang / sdug bsngal ba dang / bdag dang / bdag med pa dang / zhi ba dang / ma zhi ba dang / stong pa dang / mi stong pa dang / mtshan ma yod pa dang / mtshan ma med pa dang / smon pa yod pa dang / smon pa med pa dang / 'dus byas dang / 'dus ma byas dang / kun nas nyon mongs pa dang / rnam par byang ba dang / skye ba dang / 'gag pa dang / dben pa dang / mi dben pa dang / dge ba dang / mi dge ba dang / kha na ma tho ba dang bcas pa dang / kha na ma tho ba med pa dang / zag pa dang bcas pa dang / zag pa med pa dang / nyon mongs pa dang bcas pa dang / nyon mongs pa med pa dang / 'jig rten pa dang / 'jig rten las 'das pa dang / 'khor ba dang mya ngan las 'das par yang dag par rjes su mi mthong ngo / /de ci'i phyir zhe na/ byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ shes rab kyi pha rol tu phyin pa de dang / byang chub sems dpa' de dang / byang chub sems dpa'i ming de 'dus byas kyi khams na yod par yang dag par rjes su mi mthong ngo / /'dus ma</font><hr>30.93a<br><font size=+1>

byas kyi khams na yod par yang dag par rjes su mi mthong ngo / /de ci'i phyir zhe na/ de ni 'di ltar byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ chos de dag thams cad la mi rtog rnam par mi rtog ste/ de shes rab kyi pha rol tu phyin pa la spyod pa'i tshe/ rnam par mi rtog pa'i chos la gnas shing / dran pa nye bar gzhag pa rnams bsgom pa'i phyir/ shes rab kyi pha rol tu phyin pa la spyod de/ rnam pa thams cad mkhyen pa nyid yid la bya ba ma gtogs par/ shes rab kyi pha rol tu phyin pa nyid kyang yang dag par rjes su mi mthong ngo / /shes rab kyi pha rol tu phyin pa'i ming yang yang dag par rjes su mi mthong ngo / /byang chub sems dpa' yang yang dag par rjes su mi mthong ngo / /byang chub sems dpa'i ming yang yang dag par rjes su mi mthong ngo / /sangs rgyas kyang yang dag par rjes su mi mthong ngo / /sangs rgyas kyi ming yang yang dag par rjes su mi mthong ngo / /yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam dang / pha rol tu phyin pa rnams dang / stong pa nyid thams cad dang / 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyi gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa bcwa brgyad bsgom pa'i phyir/ shes rab kyi pha rol tu phyin pa la spyod de/ shes rab kyi pha rol du phyin pa nyid kyang yang dag par rjes su mi mthong ngo / /shes rab kyi pha rol tu phyin</font><hr>30.93b<br><font size=+1>

pa'i ming yang yang dag par rjes su mi mthong ngo / /byang chub sems dpa' yang yang dag par rjes su mi mthong ngo / /byang chub sems pa'i ming yang yang dag par rjes su mi mthong ngo / /sangs rgyas kyang yang dag par rjes su mi mthong ngo / /sangs rgyas kyi ming yang yang dag par rjes su mi mthong ngo / /de ci'i phyir zhe na/ byang chub sems dpa' sems dpa' chen po des shes rab kyi pha rol du phyin pa la spyod pa'i tshe/ chos rnams kyi chos kyi mtshan nyid shin du rtogs pa yin te/ chos rnams kyis chos kyi mtshan nyid gang yin pa de ni/ kun nas nyon mongs par mi 'gyur ro/ /rnam par byang bar mi 'gyur ro/ /rab 'byor de ltar byang chub sems dpa' sems dpa' chen pos shes rab kyi pha rol du phyin pa la spyod pa'i tshe/ ming dang brdar bya ba'i chos su gdags pa khong du chud par bya ste/ de ltar des ming dang brdar bya ba'i chos su gdags pa khong du chud na/ gzugs la chags par 'gyur ba med do/ /tshor ba dang / 'du shes dang / 'du byed dang / rnam par shes pa la chags par 'gyur ba med do/ /mig la chags par 'gyur ba med do/ /gzugs la chags par 'gyur ba med do/ /mig gi rnam par shes pa la chags par 'gyur ba med do/ /mig gi 'dus te reg pa la chags par 'gyur ba med do/ /gang yang mig dang / gzugs dang / mig gi rnam par shes pa 'dus te reg pa'i rkyen gyis tshor ba bde ba 'am/ sdug bsngal ba 'am/ bde ba yang ma yin/ sdug bsngal ba yang ma yin pa skye ba de la yang chags par 'gyur ba med do/ /rna ba la chags par 'gyur ba med do/ /sgra la chags par 'gyur ba med do/ /rna ba'i rnam par shes pa la chags par 'gyur ba med do/ /rna ba'i 'dus te reg pa la chags par 'gyur ba med do/ /gang yang rna ba dang / sgra dang / rna ba'i rnam par shes pa 'dus te reg pa'i rkyen gyis tshor ba bde ba 'am/ sdug bsngal ba 'am/ bde ba yang ma yin/ sdug bsngal ba yang ma yin pa skye ba de la yang chags par</font><hr>30.94a<br><font size=+1>

'gyur ba med do/ /sna la chags par 'gyur ba med do/ /dri la chags par 'gyur ba med do/ /sna'i rnam par shes pa la chags par 'gyur ba med do/ /sna'i 'dus te reg pa la chags par 'gyur ba med do/ /gang yang sna dang / dri dang / sna'i rnam par shes pa 'dus te reg pa'i rkyen gyis tshor ba bde ba 'am/ sdug bsngal ba 'am/ bde ba yang ma yin/ sdug bsngal ba yang ma yin pa skye ba de la yang chags par 'gyur ba med do/ /lce la chags par 'gyur ba med do/ /ro la chags par 'gyur ba med do/ /lce'i rnam par shes pa la chags par 'gyur ba med do/ /lce'i 'dus te reg pa la chags par 'gyur ba med do/ /gang yang lce dang / ro dang / lce'i rnam par shes pa 'dus te reg pa'i rkyen gyis tshor ba bde ba 'am/ sdug bsngal ba 'am/ bde ba yang ma yin/ sdug bsngal ba yang ma yin pa skye ba de la yang chags par 'gyur ba med do/ /lus la chags par 'gyur ba med do/ /reg bya la chags par 'gyur ba med do/ /lus kyi rnam par shes pa la chags par 'gyur ba med do/ /lus kyi 'dus te reg pa la chags par 'gyur ba med do/ /gang yang lus dang / reg bya dang / lus kyi rnam par shes pa 'dus te reg pa'i rkyen gyis tshor ba bde ba 'am sdug bsngal ba 'am/ bde ba yang ma yin/ sdug bsngal ba yang ma yin pa skye ba de la yang chags par 'gyur ba med do/ /yid la chags par 'gyur ba med do/ /chos la chags par 'gyur ba med do/ /yid kyi rnam par shes pa la chags par 'gyur ba med do/ /yid kyi 'dus te reg pa la chags par 'gyur ba med do/ /gang yang yid dang / chos dang / yid kyi rnam par shes pa 'dus te regs pa'i skyen gyis tshor ba bde ba 'am/ sdug bsngal ba 'am/ bde ba yang ma yin/ sdug bsngal ba yang ma yin pa skye ba de la yang chags par 'gyur ba med do/ /'dus byas kyi khams la chags par 'gyur ba med do/ /'dus ma byas kyi khams la chags par 'gyur ba med do/ /sbyin pa'i pha</font><hr>30.94b<br><font size=+1>

rol du phyin pa la chags par 'gyur ba med do/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la chags par 'gyur ba med do/ /de dag gi ming dang mtshan nyid la yang chags par 'gyur ba med do/ /byang chub sems dpa'i lus la yang chags par 'gyur ba med do/ /sha'i mig la chags par 'gyur ba med do/ /lha'i mig dang / shes rab kyi mig dang / chos kyi mig dang / sangs rgyas kyi mig la chags par 'gyur ba med do/ /mngon par shes pa rnams la chags par 'gyur ba med do/ /nang stong pa nyid la chags par 'gyur ba med do/ /phyi stong pa nyid la chags par 'gyur ba med do/ /phyi nang stong pa nyid la chags par 'gyur ba med do/ /dngos po med pa'i ngo bo nyid stong pa nyid gyi bar la chags par 'gyur ba med do/ /dran pa nye bar gzhag pa rnams la chags par 'gyur ba med do/ /yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa la chags par 'gyur ba med do/ /'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnam dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams la chags par 'gyur ba med do/ /ting nge 'dzin rnams dang / gzungs kyi sgo rnams la chags par 'gyur ba med do/ /de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwo brgyad la chags par 'gyur ba med do/ /de bzhin nyid la chags par 'gyur</font><hr>30.95a<br><font size=+1>

ba med do/ /yang dag pa'i mtha' la chags par 'gyur ba med do/ /chos kyi dbyings la chags par 'gyur ba med do/ /sems can yongs su smin par bya ba la chags par 'gyur ba med do/ /sangs rgyas kyi zhing yongs su dag par bya ba la chags par 'gyur ba med do/ /thabs mkhas pa la chags par 'gyur ba med do/ /de ci'i phyir zhe na/ de ni 'di ltar gang chags par byed pa 'am/ gang gis chags par byed pa 'am/ gang la chags par bya ba de lta bu'i chos thams cad med pa'i phyir ro/ /rab 'byor de ltar byang chub sems dpa' sems dpa' chen po shes rab kyi pha rol du phyin pa la spyod pa ni/ sbyin pa'i pha rol tu phyin pas rnam par 'phel lo/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pas rnam par 'phel lo/ /byang chub sems dpa'i skyon med par yang dag par 'jug par 'gyur ro/ /phyir mi ldog pa'i sa yongs su gnon par 'gyur ro/ /mngon par shes pa rnams yongs su rdzogs par 'gyur ro/ /mngon par shes pa rnams yongs su rdzogs par byas nas kyang / sems can yongs su smin par byed cing / sangs rgyas bcom ldan 'das rnams la rim gror bya ba dang / bkur stir bya ba dang / sti stang du bya ba dang / mchod pa byed cing / sangs rgyas kyi zhing yongs su dag par bya ba dang / sangs rgyas bcom ldan 'das rnams blta ba'i phyir/ sangs rgyas kyi zhing nas sangs rgyas kyi zhing du 'gro bar 'gyur ro/ /sangs rgyas bcom ldan 'das de dag mthong nas kyang / dge ba'i rtsa ba gang gis sangs rgyas bcom ldan 'das de dag la rim gror bya ba dang / bkur stir bya ba dang / sti stang du bya ba dang / mchod par bya bar 'dod pa'i dge ba'i rtsa ba de dag kyang mngon par 'byung bar 'gyur to/ /dge ba'i rtsa ba de dag gis</font><hr>30.95b<br><font size=+1>

kyang / sangs rgyas bcom ldan 'das de dag gi drung du skye bar 'gyur ro/ /sangs rgyas bcom ldan 'das de dag las chos kyang thos par 'gyur te/ ji skad du thos pa'i chos de dag kyang / nam bla na med pa yang dag par rdzogs pa'i byang chub tu mngon par sangs rgyas kyi bar du rgyun mi chad par 'gyur ro/ /gzungs kyi sgo rnams kyang thob par 'gyur ro/ /ting nge 'dzin gyi sgo rnams kyang thob par 'gyur ro/ /rab 'byor byang chub sems dpa' sems dpa' chen po shes rab kyi pha rol tu phyin pa la spyod pas/ ming dang brdar bya ba'i chos su gdags pa rnams de ltar khong du chud par bya'o/ /rab 'byor gang yang khyod kyis bcom ldan 'das byang chub sems dpa' byang chub sems dpa' zhes bgyi na zhes smras pa de la/ rab 'byor de ji snyam du sems/ gzugs byang chub sems dpa' yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ gzugs ma yin pa gzhan zhig byang chub sems dpa' yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ tshor ba dang / 'du shes dang / 'du byed dang / rnam par shes pa byang chub sems dpa' yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ tshor ba dang / 'du shes dang / 'du byed dang / rnam par shes pa ma yin pa gzhan zhig byang chub sems dpa' yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ gzugs la byang chub sems dpa' yod snyam 'am/ tshor ba dang / 'du shes dang / 'du byed dang / rnam par shes pa la byang chub sems dpa' yod snyam 'am/ gsol pa/ bcom ldan 'das de lta ma lags so/ /bcom</font><hr>30.96a<br><font size=+1>

ldan 'das kyis bka' stsal pa/ rab 'byor de ji snyam du sems/ byang chub sems dpa' la gzugs yod snyam 'am/ byang chub sems dpa' la tshor ba dang / 'du shes dang / 'du byed dang / rnam par shes pa yod snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ gzugs med pa zhig byang chub sems dpa' yin snyam 'am/ tshor ba dang / 'du shes dang / 'du byed dang / rnam par shes pa med pa zhig byang chub sems dpa' yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ mig byang chub sems dpa' yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ rna ba dang / sna dang / lce dang / lus dang / yid byang chub sems dpa' yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ mig ma yin pa gzhan zhig byang chub sems dpa' yin snyam 'am/ rna ba dang / sna dang / lce dang / lus dang / yid ma yin pa gzhan zhig byang chub sems dpa' yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ mig la byang chub sems dpa' yod snyam 'am/ rna ba dang / sna dang / lce dang / lus dang / yid la byang chub sems dpa' yod snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ mig byang chub sems dpa' la yod snyam 'am/ rna ba dang / sna dang / lce dang / lus dang / yid byang chub sems dpa' la yod snyam 'am/ </font><hr>30.96b<br><font size=+1>

gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ mig med pa zhig byang chub sems dpa' yin snyam 'am/ rna ba dang / sna dang / lce dang / lus dang / yid med pa zhig byang chub sems dpa' yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ gzugs byang chub sems dpa' yin snyam 'am/ sgra dang / dri dang / ro dang / reg bya dang / chos byang chub sems dpa' yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ gzugs ma yin pa gzhan zhig byang chub sems dpa' yin snyam 'am/ sgra dang / dri dang / ro dang / reg bya dang / chos ma yin pa gzhan zhig byang chub sems dpa' yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ gzugs la byang chub sems dpa' yod snyam 'am/ sgra dang / dri dang / ro dang / reg bya dang / chos la byang chub sems dpa' yod snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ byang chub sems dpa' la gzugs yod snyam 'am/ byang chub sems dpa' la sgra dang / dri dang / ro dang / reg bya dang / chos yod snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ gzugs med pa zhig byang chub sems dpa' yin snyam 'am/ sgra dang / dri dang / ro dang / reg bya dang / chos med pa zhig byang chub sems dpa' yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ mig gi khams byang chub</font><hr>30.97a<br><font size=+1>

sems dpa' yin snyam 'am/ gzugs kyi khams byang chub sems dpa' yin snyam 'am/ mig gi rnam par shes pa'i khams byang chub sems dpa' yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ rna ba'i khams dang / sgra'i khams dang / rna ba'i rnam par shes pa'i khams byang chub sems dpa' yin snyam 'am/ sna'i khams dang / dri'i khams dang / sna'i rnam par shes pa'i khams byang chub sems dpa' yin snyam 'am/ lce'i khams dang / ro'i khams dang / lce'i rnam par shes pa'i khams byang chub sems dpa' yin snyam 'am/ lus kyi khams dang / reg bya'i khams dang / lus kyi rnam par shes pa'i khams byang chub sems dpa' yin snyam 'am/ yid kyi khams dang / chos kyi khams dang / yid kyi rnam par shes pa'i khams byang chub sems dpa' yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ mig gi khams ma yin pa gzhan zhig byang chub sems dpa' yin snyam 'am/ gzugs kyi khams ma yin pa gzhan zhig byang chub sems dpa' yin snyam 'am/ mig gi rnam par shes pa'i khams ma yin pa gzhan zhig byang chub sems dpa' yin snyam 'am/ rna ba'i khams dang / sgra'i khams dang / rna ba'i rnam par shes pa'i khams dang / sna'i khams dang / dri'i khams dang / sna'i rnam par shes pa'i khams dang / lce'i khams dang / ro'i khams dang / lce'i rnam par shes pa'i khams dang / lus kyi khams dang / reg bya'i khams dang / lus kyi rnam par shes pa'i khams dang / yid kyi khams ma yin pa gzhan zhig byang chub sems dpa' yin snyam 'am/ chos kyi khams</font><hr>30.97b<br><font size=+1>

ma yin pa gzhan zhig byang chub sems dpa' yin snyam 'am/ yid kyi rnam par shes pa'i khams ma yin pa gzhan zhig byang chub sems dpa' yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ mig gi khams la byang chub sems dpa' yod snyam 'am/ gzugs kyi khams la byang chub sems dpa' yod snyam 'am/ mig gi rnam par shes pa'i khams la byang chub sems dpa' yod snyam 'am/ rna ba'i khams dang / sgra'i khams dang / rna ba'i rnam par shes pa'i khams dang / sna'i khams dang / dri'i khams dang / sna'i rnam par shes pa'i khams dang / lce'i khams dang / ro'i khams dang / lce'i rnam par shes pa'i khams dang / lus kyi khams dang / reg bya'i khams dang / lus kyi rnam par shes pa'i khams dang / yid kyi khams la byang chub sems dpa' yod snyam 'am/ chos kyi khams la byang chub sems dpa' yod snyam 'am/ yid kyi rnam par shes pa'i khams la byang chub sems dpa' yod snyam 'am/ gsol pa/ bcom ldan 'das de lta ma lagaso/ /bcom ldan 'das kyis bka' stsal pa/ rab 'byor de ji snyam du sems/ byang chub sems dpa' la mig gi khams yod snyam 'am/ byang chub sems dpa' la gzugs kyi khams yod snyam 'am/ byang chub sems dpa' la mig gi rnam par shes pa'i khams yod snyam 'am/ byang chub sems dpa' la rna ba'i khams dang sgra'i khams dang / rna ba'i rnam par shes pa'i khams dang / sna'i khams dang / dri'i khams dang / sna'i rnam par shes pa'i khams dang / lce'i khams dang / ro'i khams dang / lce'i rnam par shes pa'i khams dang / lus kyi khams dang / reg bya'i khams dang / lus kyi rnam par shes pa'i khams dang / byang chub sems dpa' la yid</font><hr>30.98a<br><font size=+1>

kyi khams yod snyam 'am/ byang chub sems dpa' la chos kyi khams yod snyam 'am/ byang chub sems dpa' la yid kyi rnam par shes pa'i khams yod snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ mig gi khams med pa zhig byang chub sems dpa' yin snyam 'am/ gzugs kyi khams med pa zhig byang chub sems dpa' yin snyam 'am/ mig gi rnam par shes pa'i khams med pa zhig byang chub sems dpa' yin snyam 'am/ rna ba'i khams med pa dang / sgra'i khams med pa dang / rna ba'i rnam par shes pa'i khams med pa dang / sna'i khams med pa dang / dri'i khams med pa dang / sna'i rnam par shes pa'i khams med pa dang / lce'i khams med pa dang / ro'i khams med pa dang / lce'i rnam par shes pa'i khams med pa dang / lus kyi khams med pa dang / reg bya'i khams med pa dang / lus kyi rnam par shes pa'i khams med pa dang / yid kyi khams med pa zhig byang chub sems dpa' yin snyam 'am/ chos kyi khams med pa zhig byang chub sems dpa' yin snyam 'am/ yid kyi rnam par shes pa'i khams med pa zhig byang chub sems dpa' yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ sa'i khams byang chub sems dpa' yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ chu'i khams byang chub sems dpa' yin snyam 'am/ me'i khams dang / rlung gi khams dang / nam mkha'i khams dang / rnam par shes pa'i khams byang chub sems dpa' yin snyam 'am/ gsol pa/ </font><hr>30.98b<br><font size=+1>

bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ sa'i khams ma yin pa gzhan zhig byang chub sems dpa' yin snyam 'am/ chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams ma yin pa gzhan zhig byang chub sems dpa' yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ sa'i khams la byang chub sems dpa' yod snyam 'am/ chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams la byang chub sems dpa' yod snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ byang chub sems dpa' la sa'i khams yod snyam 'am/ byang chub sems dpa' la chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams yod snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ sa'i khams med pa zhig byang chub sems dpa' yin snyam 'am/ chu'i khams med pa dang / me'i khams med pa dang / rlung gi khams med pa dang / nam mkha'i khams med pa dang / rnam par shes pa'i khams med pa zhig byang chub sems dpa' yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ ma rig pa byang chub sems dpa' yin snyam 'am/ 'du byed dang / rnam par shes pa dang / ming</font><hr>30.99a<br><font size=+1>

dang gzugs dang / skye mched drug dang / reg pa dang / tshor ba dang / sred pa dang / len pa dang / srid pa dang / skye ba dang / rga shi byang chub sems dpa' yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ ma rig pa ma yin pa gzhan zhig byang chub sems dpa' yin snyam 'am/ 'du byed dang / rnam par shes pa dang ming dang gzugs dang / skye mched drug dang / reg pa dang / tshor ba dang / sred pa dang / len pa dang / srid pa dang / skye ba dang / rga shi ma yin pa/ gzhan zhig byang chub sems dpa' yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ ma rig pa la byang chub sems dpa' yod snyam 'am/ rga shi'i bar la byang chub sems dpa' yod snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ byang chub sems dpa' la ma rig pa yod snyam 'am/ byang chub sems dpa' la rga shi'i bar du yod snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ ma rig pa med pa zhig byang chub sems dpa' yin snyam 'am/ rga shi'i bar du med pa zhig byang chub sems dpa' yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ gzugs kyi de bzhin nyid byang chub sems dpa' yin snyam 'am/ tshor ba'i de bzhin nyid dang / 'du shes kyi de bzhin nyid dang / 'du byed kyi de bzhin nyid dang / rnam par shes pa'i de bzhin nyid byang chub sems dpa' yin snyam 'am/ gsol pa/ bcom ldan 'das de lta ma lags so/ /</font><hr>30.99b<br><font size=+1>

bcom ldan 'das kyis bka' stsal pa/ rab 'byor de ji snyam du sems/ gzugs kyi de bzhin nyid ma yin pa gzhan zhig byang chub sems dpa' yin snyam 'am/ tshor ba'i de bzhin nyid dang / 'du shes kyi de bzhin nyid dang / 'du byed kyi de bzhin nyid dang / rnam par shes pa'i de bzhin nyid ma yin pa gzhan zhig byang chub sems dpa' yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ gzugs kyi de bzhin nyid la byang chub sems dpa' yod snyam 'am/ tshor ba'i de bzhin nyid dang / 'du shes kyi de bzhin nyid dang / 'du byed kyi de bzhin nyid dang / rnam par shes pa'i de bzhin nyid la byang chub sems dpa' yod snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ byang chub sems dpa' la gzugs kyi de bzhin nyid dang / tshor ba'i de bzhin nyid dang / 'du shes kyi de bzhin nyid dang / 'du byed kyi de bzhin nyid yod snyam 'am/ byang chub sems dpa' la rnam par shes pa'i de bzhin nyid yod snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ gzugs kyi de bzhin nyid med pa zhig byang chub sems dpa' yin snyam 'am/ tshor ba'i de bzhin nyid med pa dang / 'du shes kyi de bzhin nyid med pa dang / 'du byed kyi de bzhin nyid med pa dang / rnam par shes pa'i de bzhin nyid med pa zhig byang chub sems dpa' yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ mig gi de bzhin nyid byang chub sems dpa' yin snyam 'am/ rna ba'i de bzhin nyid dang / sna'i de bzhin nyid dang / </font><hr>30.100a<br><font size=+1>

lce'i de bzhin nyid dang / lus kyi de bzhin nyid dang / yid kyi de bzhin nyid byang chub sems dpa' yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ mig gi de bzhin nyid ma yin pa gzhan zhig byang chub sems dpa' yin snyam 'am/ rna ba'i de bzhin nyid dang / sna'i de bzhin nyid dang / lce'i de bzhin nyid dang / lus kyi de bzhin nyid dang / yid kyi de bzhin nyid ma yin pa gzhan zhig byang chub sems dpa' yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ mig gi de bzhin nyid la byang chub sems dpa' yod snyam 'am/ rna ba'i de bzhin nyid dang / sna'i de bzhin nyid dang / lce'i de bzhin nyid dang / lus kyi de bzhin nyid dang / yid kyi de bzhin nyid la byang chub sems dpa' yod snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ byang chub sems dpa' la mig gi de bzhin nyid yod snyam 'am/ byang chub sems dpa' la rna ba'i de bzhin nyid dang / sna'i de bzhin nyid dang / lce'i de bzhin nyid dang / lus kyi de bzhin nyid dang / yid kyi de bzhin nyid yod snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ mig gi de bzhin nyid med pa zhig byang chub sems dpa' yin snyam 'am/ rna ba'i de bzhin nyid med pa dang / sna'i de bzhin nyid med pa dang / lce'i de bzhin nyid med pa dang / lus kyi de bzhin nyid med pa dang / yid kyi de bzhin nyid med pa zhig byang chub sems dpa' yin snyam 'am/ gsol pa/ bcom ldan 'das</font><hr>30.100b<br><font size=+1>

de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ gzugs kyi de bzhin nyid byang chub sems dpa' yin snyam 'am/ sgra'i de bzhin nyid dang / dri'i de bzhin nyid dang / ro'i de bzhin nyid dang / reg gi de bzhin nyid dang / chos kyi de bzhin nyid byang chub sems dpa' yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ gzugs kyi de bzhin nyid ma yin pa gzhan zhig byang chub sems dpa' yin snyam 'am/ sgra'i de bzhin nyid dang / dri'i de bzhin nyid dang / ro'i de bzhin nyid dang / reg gi de bzhin nyid dang / chos kyi de bzhin nyid ma yin pa gzhan zhig byang chub sems dpa' yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ gzugs kyi de bzhin nyid la byang chub sems dpa' yod snyam 'am/ sgra'i de bzhin nyid dang / dri'i de bzhin nyid dang / ro'i de bzhin nyid dang / reg gi de bzhin nyid dang / chos kyi de bzhin nyid la byang chub sems dpa' yod snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ byang chub sems dpa' la gzugs kyi de bzhin nyid yod snyam 'am/ byang chub sems dpa' la sgra'i de bzhin nyid dang / dri'i de bzhin nyid dang / ro'i de bzhin nyid dang / reg gi de bzhin nyid yod snyam 'am/ byang chub sems dpa' la chos kyi de bzhin nyid yod snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ gzugs gyi de bzhin nyid med pa zhig byang chub sems dpa'</font><hr>30.101a<br><font size=+1>

yin snyam 'am/ sgra'i de bzhin nyid med pa dang / dri'i de bzhin nyid med pa dang / ro'i de bzhin nyid med pa dang / reg gi de bzhin nyid med pa dang / chos kyi de bzhin nyid med pa zhig byang chub sems dpa' yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ mig gi khams kyi de bzhin nyid byang chub sems dpa' yin snyam 'am/ gzugs kyi khams kyi de bzhin nyid byang chub sems dpa' yin snyam 'am/ mig gi rnam par shes pa'i khams kyi de bzhin nyid byang chub sems dpa' yin snyam 'am/ rna ba'i khams kyi de bzhin nyid dang / sgra'i khams kyi de bzhin nyid dang / rna ba'i rnam par shes pa'i khams kyi de bzhin nyid dang / sna'i khams kyi de bzhin nyid dang / dri'i khams kyi de bzhin nyid dang / sna'i rnam par shes pa'i khams kyi de bzhin nyid dang / lce'i khams kyi de bzhin nyid dang / ro'i khams kyi de bzhin nyid dang / lce'i rnam par shes pa'i khams kyi de bzhin nyid dang / lus kyi khams kyi de bzhin nyid dang / reg bya'i khams kyi de bzhin nyid dang / lus kyi rnam par shes pa'i khams kyi de bzhin nyid dang / yid kyi khams kyi de bzhin nyid byang chub sems dpa' yin snyam 'am/ chos kyi khams kyi de bzhin nyid byang chub sems dpa' yin snyam 'am/ yid kyi rnam par shes pa'i khams kyi de bzhin nyid byang chub sems dpa' yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ mig gi khams kyi de bzhin nyid ma yin pa gzhan zhig byang chub sems dpa' yin snyam 'am/ gzugs kyi khams kyi de bzhin nyid dang / mig gi rnam par shes pa'i khams kyi de bzhin nyid dang / rna ba'i khams kyi de bzhin nyid dang / sgra'i khams kyi de bzhin nyid dang / </font><hr>30.101b<br><font size=+1>

rna ba'i rnam par shes pa'i khams kyi de bzhin nyid dang / sna'i khams kyi de bzhin nyid dang / dri'i khams kyi de bzhin nyid dang / sna'i rnam par shes pa'i khams kyi de bzhin nyid dang / lce'i khams kyi de bzhin nyid dang / ro'i khams kyi de bzhin nyid dang / lce'i rnam par shes pa'i khams kyi de bzhin nyid dang / lus kyi khams kyi de bzhin nyid dang / reg bya'i khams kyi de bzhin nyid dang / lus kyi rnam par shes pa'i khams kyi de bzhin nyid dang / yid kyi khams kyi de bzhin nyid ma yin pa gzhan zhig byang chub sems dpa' yin snyam 'am/ chos kyi khams kyi de bzhin nyid ma yin pa gzhan zhig byang chub sems dpa' yin snyam 'am/ yid kyi rnam par shes pa'i khams kyi de bzhin nyid ma yin pa gzhan zhig byang chub sems dpa' yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ mig gi khams kyi de bzhin nyid la byang chub sems dpa' yod snyam 'am/ gzugs kyi khams kyi de bzhin nyid la byang chub sems dpa' yod snyam 'am/ mig gi rnam par shes pa'i khams kyi de bzhin nyid la byang chub sems dpa' yod snyam 'am/ rna ba'i khams kyi de bzhin nyid dang / sgra'i khams kyi de bzhin nyid dang / rna ba'i rnam par shes pa'i khams kyi de bzhin nyid dang / sna'i khams kyi de bzhin nyid dang / dri'i khams kyi de bzhin nyid dang / sna'i rnam par shes pa'i khams kyi de bzhin nyid dang / lce'i khams kyi de bzhin nyid dang / ro'i khams kyi de bzhin nyid dang / lce'i rnam par shes pa'i khams kyi de bzhin nyid dang / lus kyi khams kyi de bzhin nyid dang / reg bya'i khams kyi de bzhin nyid dang / lus kyi rnam par shes pa'i khams kyi de bzhin nyid dang / yid kyi khams kyi de bzhin nyid la byang</font><hr>30.102a<br><font size=+1>

chub sems dpa' yod snyam 'am/ chos kyi khams kyi de bzhin nyid la byang chub sems dpa' yod snyam 'am/ yid kyi rnam par shes pa'i khams kyi de bzhin nyid la byang chub sems dpa' yod snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ byang chub sems dpa' la mig gi khams kyi de bzhin nyid yod snyam 'am/ byang chub sems dpa' la gzugs kyi khams kyi de bzhin nyid yod snyam 'am/ byang chub sems dpa' la mig gi rnam par shes pa'i khams kyi de bzhin nyid yod snyam 'am/ byang chub sems dpa' la rna ba'i khams kyi de bzhin nyid dang / sgra'i khams kyi de bzhin nyid dang / rna ba'i rnam par shes pa'i khams kyi de bzhin nyid dang / sna'i khams kyi de bzhin nyid dang / dri'i khams kyi de bzhin nyid dang / sna'i rnam par shes pa'i khams kyi de bzhin nyid dang / lce'i khams kyi de bzhin nyid dang / ro'i khams kyi de bzhin nyid dang / lce'i rnam par shes pa'i khams kyi de bzhin nyid dang / lus kyi khams kyi de bzhin nyid dang / reg bya'i khams kyi de bzhin nyid dang / lus kyi rnam par shes pa'i khams kyi de bzhin nyid dang / yid kyi khams kyi de bzhin nyid yod snyam 'am/ byang chub sems dpa' la chos kyi khams kyi de bzhin nyid yod snyam 'am/ byang chub sems dpa' la yid kyi rnam par shes pa'i khams kyi de bzhin nyid yod snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ mig gi khams kyi de bzhin nyid med pa zhig byang chub sems dpa' yin snyam 'am/ gzugs kyi khams kyi de bzhin nyid med pa zhig </font><hr>30.102b<br><font size=+1>

byang chub sems dpa' yin snyam 'am/ mig gi rnam par shes pa'i khams kyi de bzhin nyid med pa zhig byang chub sems dpa' yin snyam 'am/ rna ba'i khams kyi de bzhin nyid med pa dang / sgra'i khams kyi de bzhin nyid med pa dang / rna ba'i rnam par shes pa'i khams kyi de bzhin nyid med pa dang / sna'i khams kyi de bzhin nyid med pa dang / dri'i khams kyi de bzhin nyid med pa dang / sna'i rnam par shes pa'i khams kyi de bzhin nyid med pa dang / lce'i khams kyi de bzhin nyid med pa dang / ro'i khams kyi de bzhin nyid med pa dang / lce'i rnam par shes pa'i khams kyi de bzhin nyid med pa dang / lus kyi khams kyi de bzhin nyid med pa dang / reg bya'i khams kyi de bzhin nyid med pa dang / lus kyi rnam par shes pa'i khams kyi de bzhin nyid med pa dang / yid kyi khams kyi de bzhin nyid med pa zhig byang chub sems dpa' yin snyam 'am/ chos kyi khams kyi de bzhin nyid med pa zhig byang chub sems dpa' yin snyam 'am/ yid kyi rnam par shes pa'i khams kyi de bzhin nyid med pa zhig byang chub sems dpa' yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ sa'i khams kyi de bzhin nyid byang chub sems dpa' yin snyam 'am/ chu'i khams kyi de bzhin nyid dang / me'i khams kyi de bzhin nyid dang / rlung gi khams kyi de bzhin nyid dang / nam mkha'i khams kyi de bzhin nyid dang / rnam par shes pa'i khams kyi de bzhin nyid byang chub sems dpa' yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ sa'i khams kyi de bzhin nyid ma yin pa gzhan zhig byang chub sems dpa' yin snyam 'am/ chu'i khams kyi de bzhin nyid dang / me'i khams kyi de bzhin nyid dang / rlung gi khams kyi de bzhin nyid dang / nam mkha'i khams kyi de bzhin nyid dang / rnam par shes pa'i khams kyi de bzhin</font><hr>30.103a<br><font size=+1>

nyid ma yin pa gzhan zhig byang chub sems dpa' yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ sa'i khams kyi de bzhin nyid la byang chub sems dpa' yod snyam 'am/ chu'i khams kyi de bzhin nyid dang / me'i khams kyi de bzhin nyid dang / rlung gi khams kyi de bzhin nyid dang / nam mkha'i khams kyi de bzhin nyid dang / rnam par shes pa'i khams kyi de bzhin nyid la byang chub sems dpa' yod snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ byang chub sems dpa' la sa'i khams kyi de bzhin nyid dang / chu'i khams kyi de bzhin nyid dang / me'i khams kyi de bzhin nyid dang / rlung gi khams kyi de bzhin nyid dang / nam mkha'i khams kyi de bzhin nyid yod snyam 'am/ byang chub sems dpa' la rnam par shes pa'i khams kyi de bzhin nyid yod snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ sa'i khams kyi de bzhin nyid med pa zhig byang chub sems dpa' yin snyam 'am/ chu'i khams kyi de bzhin nyid med pa dang / me'i khams kyi de bzhin nyid med pa dang / rlung gi khams kyi de bzhin nyid med pa dang / nam mkha'i khams kyi de bzhin nyid med pa dang / rnam par shes pa'i khams kyi de bzhin nyid med pa zhig byang chub sems dpa' yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ ma rig pa'i de bzhin nyid byang chub sems dpa' yin snyam 'am/ 'du byed kyi de bzhin nyid dang / rnam par shes pa'i de bzhin nyid dang / ming dang gzugs kyi de bzhin nyid dang / skye mched drug gi de bzhin nyid dang / reg pa'i de bzhin nyid dang / tshor ba'i de bzhin</font><hr>30.103b<br><font size=+1>

nyid dang / sred pa'i de bzhin nyid dang / len pa'i de bzhin nyid dang / srid pa'i de bzhin nyid dang / skye ba'i de bzhin nyid dang / rga shi'i de bzhin nyid byang chub sems dpa' yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ ma rig pa'i de bzhin nyid ma yin pa gzhan zhig byang chub sems dpa' yin snyam 'am/ 'du byed kyi de bzhin nyid dang / rnam par shes pa'i de bzhin nyid dang / ming dang gzugs kyi de bzhin nyid dang / skye mched drug gi de bzhin nyid dang / reg pa'i de bzhin nyid dang / tshor ba'i de bzhin nyid dang / sred pa'i de bzhin nyid dang / len pa'i de bzhin nyid dang / srid pa'i de bzhin nyid dang / skye ba'i de bzhin nyid dang / rga shi'i de bzhin nyid ma yin pa gzhan zhig byang chub sems dpa' yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ ma rig pa'i de bzhin nyid la byang chub sems dpa' yod snyam 'am/ 'du byed kyi de bzhin nyid dang / rnam par shes pa'i de bzhin nyid dang / ming dang gzugs kyi de bzhin nyid dang / skye mched drug gi de bzhin nyid dang / reg pa'i de bzhin nyid dang / tshor ba'i de bzhin nyid dang / sred pa'i de bzhin nyid dang / len pa'i de bzhin nyid dang / srid pa'i de bzhin nyid dang / skye ba'i de bzhin nyid dang / rga shi'i de bzhin nyid la byang chub sems dpa' yod snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ byang chub sems dpa' la ma rig pa'i de bzhin nyid dang / 'du byed kyi de bzhin nyid dang / rnam par shes pa'i de bzhin nyid dang / ming dang gzugs kyi de bzhin nyid dang / skye mched drug gi de bzhin nyid dang / reg pa'i de bzhin nyid dang / </font><hr>30.104a<br><font size=+1>

tshor ba'i de bzhin nyid dang / sred pa'i de bzhin nyid dang / len pa'i de bzhin nyid dang / srid pa'i de bzhin nyid dang / skye ba'i de bzhin nyid dang / rga shi'i de bzhin nyid yod snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ ma rig pa'i de bzhin nyid med pa zhig /byang chub sems dpa' yin snyam 'am/ 'du byed kyi de bzhin nyid med pa dang / rnam par shes pa'i de bzhin nyid med pa dang / ming dang gzugs kyi de bzhin nyid med pa dang / skye mched drug gi de bzhin nyid med pa dang / reg pa'i de bzhin nyid med pa dang / tshor ba'i de bzhin nyid med pa dang / sred pa'i de bzhin nyid med pa dang / len pa'i de bzhin nyid med pa dang / srid pa'i de bzhin nyid med pa dang skye ba'i de bzhin nyid med pa dang / rga shi'i de bzhin nyid med pa zhig byang chub sems dpa' yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor khyod kyis don gyi dbang gang zhig mthong na/ de skad du gzugs kyang byang chub sems dpa' ma yin/ gzugs ma yin pa gzhan yang byang chub sems dpa' ma yin/ gzugs la byang chub sems dpa' yod pa ma yin/ byang chub sems dpa' la yang gzugs yod pa ma yin/ gzugs med pa yang byang chub sems dpa' ma yin/ tshor ba dang / 'du shes dang / 'du byed dang / rnam par shes pa yang byang chub sems dpa' ma yin/ rnam par shes pa ma yin pa gzhan yang byang chub sems dpa' ma yin/ rnam par shes pa la yang byang chub sems dpa' yod pa ma yin/ byang chub sems dpa' la yang rnam par shes pa yod pa ma yin/ rnam par shes pa med pa yang byang chub sems dpa' ma yin/ mig dang / rna ba dang / sna dang / lce dang lus dang / yid dang / gzugs dang / </font><hr>30.104b<br><font size=+1>

sgra dang / dri dang / ro dang / reg dang / chos dang / mig gi khams dang / gzugs kyi khams dang mig gi rnam par shes pa'i khams dang / rna ba'i khams dang / sgra'i khams dang / rna ba'i rnam par shes pa'i khams dang / sna'i khams dang / dri'i khams dang / sna'i rnam par shes pa'i khams dang / lce'i khams dang / ro'i khams dang / lce'i rnam par shes pa'i khams dang / lus kyi khams dang / reg bya'i khams dang / lus kyi rnam par shes pa'i khams dang / yid kyi khams dang / chos kyi khams dang / yid kyi rnam par shes pa'i khams dang / sa'i khams dang / chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams dang / ma rig pa dang / 'du byed dang / rnam par shes pa dang / ming dang gzugs dang / skye mched drug dang / reg pa dang / tshor ba dang / sred pa dang / len pa dang / srid pa dang / skye ba dang / rga shi byang chub sems dpa' ma yin/ rga shi ma yin pa gzhan yang byang chub sems dpa' ma yin/ rga shi la byang chub sems dpa' yod pa ma yin/ byang chub sems dpa' la yang rga shi yod pa ma yin/ rga shi med pa yang byang chub sems dpa' ma yin/ gzugs kyi de bzhin nyid dang / tshor ba'i de bzhin nyid dang / 'du shes kyi de bzhin nyid dang / 'du byed kyi de bzhin nyid dang / rnam par shes pa'i de bzhin nyid dang / mig gi de bzhin nyid dang / rna ba'i de bzhin nyid dang / sna'i de bzhin nyid dang / lce'i de bzhin nyid dang / lus kyi de bzhin nyid dang / yid kyi de bzhin nyid dang / gzugs kyi de bzhin nyid dang / sgra'i de bzhin nyid dang / dri'i de bzhin nyid dang / ro'i de bzhin nyid dang / reg gi de bzhin nyid dang / chos kyi de bzhin nyid dang / mig gi khams kyi de bzhin nyid dang / gzugs kyi khams kyi de bzhin nyid dang / mig gi rnam par shes pa'i khams kyi de bzhin nyid dang / rna ba'i khams kyi de bzhin nyid dang / sgra'i khams kyi de</font><hr>30.105a<br><font size=+1>

bzhin nyid dang / rna ba'i rnam par shes pa'i khams kyi de bzhin nyid dang / sna'i khams kyi de bzhin nyid dang / dri'i khams kyi de bzhin nyid dang / sna'i rnam par shes pa'i khams kyi de bzhin nyid dang / lce'i khams kyi de bzhin nyid dang / ro'i khams kyi de bzhin nyid dang / lce'i rnam par shes pa'i khams kyi de bzhin nyid dang / lus kyi khams kyi de bzhin nyid dang / reg bya'i khams kyi de bzhin nyid dang / lus kyi rnam par shes pa'i khams kyi de bzhin nyid dang / yid kyi khams kyi de bzhin nyid dang / chos kyi khams kyi de bzhin nyid dang / yid kyi rnam par shes pa'i khams kyi de bzhin nyid dang / sa'i khams kyi de bzhin nyid dang / chu'i khams kyi de bzhin nyid dang / me'i khams kyi de bzhin nyid dang / rlung gi khams kyi de bzhin nyid dang / nam mkha'i khams kyi de bzhin nyid dang / rnam par shes pa'i khams kyi de bzhin nyid dang / ma rig pa'i de bzhin nyid dang / 'du byed kyi de bzhin nyid dang / rnam par shes pa'i de bzhin nyid dang / ming dang gzugs kyi de bzhin nyid dang / skye mched drug gi de bzhin nyid dang / reg pa'i de bzhin nyid dang / tshor ba'i de bzhin nyid dang / sred pa'i de bzhin nyid dang / len pa'i de bzhin nyid dang / srid pa'i de bzhin nyid dang / skye ba'i de bzhin nyid dang / rga shi'i de bzhin nyid kyang byang chub sems dpa' ma yin/ rga shi'i de bzhin nyid ma yin pa gzhan yang byang chub sems dpa' ma yin/ rga shi'i de bzhin nyid la yang byang chub sems dpa' yod pa ma yin/ byang chub sems dpa' la yang rga shi'i de bzhin nyid yod pa ma yin/ rga shi'i de bzhin nyid med pa yang byang chub sems dpa' ma yin no zhes zer// //shes rab kyi pha rol du phyin pa stong phrag nyi shu lnga pa/ bam po brgyad pa/ rab 'byor gyis gsol pa/ bcom ldan 'das byang chub sems dpa' shin du ma mchis shing mi dmigs na/ de la gzugs kyi tshig bla dgas byang chub sems dpar 'gyur ba lta ga la mchis/ gzugs ma lags pa</font><hr>30.105b<br><font size=+1>

gzhan byang chub sems dpar 'gyur ba lta yang ga la mchis/ gzugs la byang chub sems dpa' mchis par yang ga la 'gyur/ byang chub sems dpa' la gzugs ma mchis par yang ga la 'gyur/ gzugs ma mchis pa byang chub sems dpar 'gyur ba lta yang ga la mchis/ tshor ba dang / 'du shes dang / 'du byed dang / rnam par shes pa'i tshig bla dgas byang chub sems dpar 'gyur ba lta ga la mchis/ rnam par shes pa ma lags pa gzhan byang chub sems dpar 'gyur ba lta yang ga la mchis/ rnam par shes pa la byang chub sems dpa' mchis par yang ga la 'gyur/ byang chub sems dpa' la rnam par shes pa mchis par yang ga la 'gyur/ rnam par shes pa ma mchis pa byang chub sems dpar 'gyur ba lta yang ga la mchis/ bcom ldan 'das byang chub sems dpa' shin du ma mchis shing mi dmigs na/ de la mig dang / rna ba dang / sna dang / lce dang / lus dang / yid dang / gzugs dang / sgra dang / dri dang / ro dang / reg dang / chos dang / mig gi khams dang / gzugs kyi khams dang / mig gi rnam par shes pa'i khams dang / rna ba'i khams dang / sgra'i khams dang / rna ba'i rnam par shes pa'i khams dang / sna'i khams dang / dri'i khams dang / sna'i rnam par shes pa'i khams dang / lce'i khams dang / ro'i khams dang / lce'i rnam par shes pa'i khams dang / lus kyi khams dang / reg bya'i khams dang / lus kyi rnam par shes pa'i khams dang / yid kyi khams dang / chos kyi khams dang / yid kyi rnam par shes pa'i khams dang / sa'i khams dang / chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams dang / ma rig pa dang / 'du byed dang / rnam par shes pa dang / ming dang gzugs dang / skye mched drug dang / reg pa dang / tshor ba dang / sred pa dang / len pa dang / srid pa dang / skye ba</font><hr>30.106a<br><font size=+1>

dang / rga shi'i tshig bla dgas byang chub sems dpar 'gyur ba lta ga la mchis/ rga shi ma lags pa gzhan byang chub sems dpar 'gyur ba lta yang ga la mchis/ rga shi la byang chub sems dpa' mchis par yang ga la 'gyur/ byang chub sems dpa' la rga shi mchis par yang ga la 'gyur/ rga shi ma mchis pa byang chub sems dpar 'gyur ba lta yang ga la mchis/ bcom ldan 'das byang chub sems dpa' shin tu ma mchis shing mi dmigs na/ gzugs kyi de bzhin nyid kyi tshig bla dgas byang chub sems dpar 'gyur ba lta ga la mchis/ gzugs kyi de bzhin nyid ma lags pa gzhan byang chub sems dpar 'gyur ba lta yang ga la mchis/ gzugs kyi de bzhin nyid la byang chub sems dpa' mchis par yang ga la 'gyur/ byang chub sems dpa' la gzugs kyi de bzhin nyid mchis par yang ga la 'gyur/ gzugs kyi de bzhin nyid ma mchis pa byang chub sems dpar 'gyur ba lta yang ga la mchis/ tshor ba'i de bzhin nyid dang / 'du shes kyi de bzhin nyid dang / 'du byed kyi de bzhin nyid dang / rnam par shes pa'i de bzhin nyid dang / mig gi de bzhin nyid dang / rna ba'i de bzhin nyid dang / sna'i de bzhin nyid dang / lce'i de bzhin nyid dang / lus kyi de bzhin nyid dang / yid kyi de bzhin nyid dang / gzugs kyi de bzhin nyid dang / sgra'i de bzhin nyid dang / dri'i de bzhin nyid dang / ro'i de bzhin nyid dang / reg gi de bzhin nyid dang / chos kyi de bzhin nyid dang / mig gi khams kyi de bzhin nyid dang / gzugs kyi khams kyi de bzhin nyid dang / mig gi rnam par shes pa'i khams kyi de bzhin nyid dang / rna ba'i khams kyi de bzhin nyid dang / sgra'i khams kyi de bzhin nyid dang / rna ba'i rnam par shes pa'i khams kyi de bzhin nyid dang / sna'i khams kyi de bzhin nyid dang / dri'i khams kyi de bzhin nyid dang / sna'i rnam par shes pa'i khams kyi de</font><hr>30.106b<br><font size=+1>

bzhin nyid dang / lce'i khams kyi de bzhin nyid dang / ro'i khams kyi de bzhin nyid dang / lce'i rnam par shes pa'i khams kyi de bzhin nyid dang / lus kyi khams kyi de bzhin nyid dang / reg bya'i khams kyi de bzhin nyid dang / lus kyi rnam par shes pa'i khams kyi de bzhin nyid dang / yid kyi khams kyi de bzhin nyid dang / chos kyi khams kyi de bzhin nyid dang / yid kyi rnam par shes pa'i khams kyi de bzhin nyid dang / sa'i khams kyi de bzhin nyid dang / chu'i khams kyi de bzhin nyid dang / me'i khams kyi de bzhin nyid dang / rlung gi khams kyi de bzhin nyid dang / nam mkha'i khams kyi de bzhin nyid dang / rnam par shes pa'i khams kyi de bzhin nyid dang / ma rig pa'i de bzhin nyid dang / 'du byed kyi de bzhin nyid dang / rnam par shes pa'i de bzhin nyid dang / ming dang gzugs kyi de bzhin nyid dang / skye mched drug gi de bzhin nyid dang / reg pa'i de bzhin nyid dang / tshor ba'i de bzhin nyid dang / sred pa'i de bzhin nyid dang / len pa'i de bzhin nyid dang / srid pa'i de bzhin nyid dang / skye ba'i de bzhin nyid dang / rga shi'i de bzhin nyid kyi tshig bla dgas byang chub sems dpar 'gyur ba lta ga la mchis/ rga shi'i de bzhin nyid ma lags pa gzhan byang chub sems dpar 'gyur ba lta yang ga la mchis/ rga shi'i de bzhin nyid la byang chub sems dpa' mchis par yang ga la 'gyur/ byang chub sems dpa' la rga shi'i de bzhin nyid mchis par yang ga la 'gyur/ rga shi'i de bzhin nyid ma mchis pa byang chub sems dpar 'gyur ba lta yang ga la mchis te/ de ni gnas ma mchis so/ /bcom ldan 'das kyis bka' stsal pa/ rab 'byor legs so legs so/ /rab 'byor byang chub sems dpa' sems dpa' chen pos sems can mi dmigs pas shes rab kyi pha rol tu phyin pa mi dmigs pa la de ltar bslab par bya'o/ /rab 'byor gang yang 'di skad du 'di lta ste/ byang</font><hr>30.107a<br><font size=+1>

chub sems dpa' zhes bya ba de chos gang gi tshig bla dgas yin zhes zer ba ni/ rab 'byor de ji snyam du sems/ byang chub sems dpa' zhes bya ba 'di gzugs kyi tshig bla dgas yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ byang chub sems dpa' zhes bya ba 'di tshor ba dang / 'du shes dang / 'du byed dang / rnam par shes pa'i tshig bla dgas yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ byang chub sems dpa' zhes bya ba 'di gzugs rtag pa'i tshig bla dgas yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ byang chub sems dpa' zhes bya ba 'di gzugs mi rtag pa'i tshig bla dgas yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ byang chub sems dpa' zhes bya ba 'di tshor ba rtag pa dang / tshor ba mi rtag pa dang / 'du shes rtag pa dang / 'du shes mi rtag pa dang / 'du byed rtag pa dang / 'du byed mi rtag pa dang / rnam par shes pa rtag pa dang / rnam par shes pa mi rtag pa'i tshig bla dgas yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ byang chub sems dpa' zhes bya ba 'di gzugs bde ba'i tshig bla dgas yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ byang chub sems dpa' zhes bya ba 'di gzugs sdug bsngal ba'i tshig bla dgas yin snyam 'am/ gsol pa/ bcom ldan 'das</font><hr>30.107b<br><font size=+1>

de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ byang chub sems dpa' zhes bya ba 'di tshor ba bde ba dang / tshor ba sdug bsngal ba dang / 'du shes bde ba dang / 'du shes sdug bsngal ba dang / 'du byed bde ba dang / 'du byed sdug bsngal ba dang / rnam par shes pa bde ba dang / rnam par shes pa sdug bsngal ba'i tshig bla dgas yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ byang chub sems dpa' zhes bya ba 'di gzugs bdag yod pa'i tshig bla dgas yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ byang chub sems dpa' zhes bya ba 'di gzugs bdag med pa'i tshig bla dgas yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ byang chub sems dpa' zhes bya ba 'di tshor ba bdag yod pa dang / tshor ba bdag med pa dang / 'du shes bdag yod pa dang / 'du shes bdag med pa dang / 'du byed bdag yod pa dang / 'du byed bdag med pa dang / rnam par shes pa bdag yod pa dang / rnam par shes pa bdag med pa'i tshig bla dgas yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ byang chub sems dpa' zhes bya ba 'di gzugs zhi ba'i tshig bla dgas yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ byang chub sems dpa' zhes bya ba 'di gzugs ma zhi ba'i tshig bla dgas yin snyam 'am/ gsol pa/ bcom ldan 'das de lta ma lags so/ /</font><hr>30.108a<br><font size=+1>

bcom ldan 'das kyis bka' stsal pa/ rab 'byor de ji snyam du sems/ byang chub sems dpa' zhes bya ba 'di tshor ba zhi ba dang / tshor ba ma zhi ba dang / 'du shes zhi ba dang / 'du shes ma zhi ba dang / 'du byed zhi ba dang / 'du byed ma zhi ba dang / rnam par shes pa zhi ba dang / rnam par shes pa ma zhi ba'i tshig bla dgas yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyams du sems/ byang chub sems dpa' zhes bya ba 'di gzugs stong pa'i tshig bla dgas yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ byang chub sems dpa' zhes bya ba 'di gzugs mi stong pa'i tshig bla dgas yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ byang chub sems dpa' zhes bya ba 'di tshor ba stong pa dang / tshor ba mi stong pa dang / 'du shes stong pa dang / 'du shes mi stong pa dang / 'du byed stong pa dang / 'du byed mi stong pa dang / rnam par shes pa stong pa dang / rnam par shes pa mi stong pa'i tshig bla dgas yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ byang chub sems dpa' zhes bya ba 'di gzugs mtshan ma yod pa'i tshig bla dgas yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ byang chub sems dpa' zhes bya ba 'di gzugs mtshan ma med pa'i tshig bla dgas yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du</font><hr>30.108b<br><font size=+1>

sems/ byang chub sems dpa' zhes bya ba 'di tshor ba mtshan ma yod pa dang / tshor ba mtshan ma med pa dang / 'du shes mtshan ma yod pa dang / 'du shes mtshan ma med pa dang / 'du byed mtshan ma yod pa dang / 'du byed mtshan ma med pa dang / rnam par shes pa mtshan ma yod pa dang / rnam par shes pa mtshan ma med pa'i tshig bla dgas yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ byang chub sems dpa' zhes bya ba 'di gzugs smon pa yod pa'i tshig bla dgas yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ byang chub sems dpa' zhes bya ba 'di gzugs smon pa med pa'i tshig bla dgas yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ byang chub sems dpa' zhes bya ba 'di tshor ba smon pa yod pa dang / tshor ba smon pa med pa dang / 'du shes smon pa yod pa dang / 'du shes smon pa med pa dang / 'du byed smon pa yod pa dang / 'du byed smon pa med pa dang / rnam par shes pa smon pa yod pa dang / rnam par shes pa smon pa med pa'i tshig bla dgas yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor khyod don gyi dbang ci zhig la brten nas/ 'di skad du gzugs kyi tshig bla dgas byang chub sems dpa' ma yin zhes zer/ de bzhin du tshor ba dang / 'du shes dang / 'du byed dang / rnam par shes pa'i tshig bla dgas byang chub sems dpa' ma yin zhes zer/ de bzhin du gzugs rtag pa'i tshig bla dgas ma yin/ gzugs mi rtag pa'i tshig bla dgas ma yin/ gzugs bde ba'i tshig bla dgas ma yin/ gzugs sdug bsngal ba'i tshig bla dgas ma yin/ gzugs</font><hr>30.109a<br><font size=+1>

bdag yod pa'i tshig bla dgas ma yin/ gzugs bdag med pa'i tshig bla dgas ma yin/ gzugs zhi ba'i tshig bla dgas ma yin/ gzugs ma zhi ba'i tshig bla dgas ma yin/ gzugs stong pa'i tshig bla dgas ma yin/ gzugs mi stong pa'i tshig bla dgas ma yin/ gzugs mtshan ma yod pa'i tshig bla dgas ma yin/ gzugs mtshan ma med pa'i tshig bla dgas ma yin/ gzugs smon pa yod pa'i tshig bla dgas ma yin/ gzugs smon pa med pa'i tshig bla dgas ma yin/ de bzhin du tshor ba dang / 'du shes dang / 'du byed dang / rnam par shes pa rtag pa'i tshig bla dgas ma yin/ rnam par shes pa mi rtag pa'i tshig bla dgas ma yin/ rnam par shes pa bde ba'i tshig bla dgas ma yin/ rnam par shes pa sdug bsngal ba'i tshig bla dgas ma yin/ rnam par shes pa bdag yod pa'i tshig bla dgas ma yin/ rnam par shes pa bdag med pa'i tshig bla dgas ma yin/ rnam par shes pa zhi ba'i tshig bla dgas ma yin/ rnam par shes pa ma zhi ba'i tshig bla dgas ma yin/ rnam par shes pa stong pa'i tshig bla dgas ma yin/ rnam par shes pa mi stong ba'i tshig bla dgas ma yin/ rnam par shes pa mtshan ma yod pa'i tshig bla dgas ma yin/ rnam par shes pa mtshan ma med pa'i tshig bla dgas ma yin/ rnam par shes pa smon pa yod pa'i tshig bla dgas ma yin/ rnam par shes pa smon pa med pa'i tshig bla dgas byang chub sems dpa' ma yin zhes zer/ rab 'byor gyis gsol pa/ bcom ldan 'das gzugs shin du ma mchis shing mi dmigs na/ byang chub sems dpa' gzugs kyi tshig bla dgas su 'gyur ba lta ga la mchis/ tshor ba shin du ma mchis shing mi dmigs na/ byang chub sems dpa' tshor ba'i tshig bla dgas su 'gyur ba lta ga la mchis/ 'du shes shin du ma mchis shing mi</font><hr>30.109b<br><font size=+1>

dmigs na/ byang chub sems dpa' 'du shes kyi tshig bla dgas su 'gyur ba lta ga la mchis/ 'du byed shin du ma mchis shing mi dmigs na/ byang chub sems dpa' 'du byed kyi tshig bla dgas su 'gyur ba lta ga la mchis/ rnam par shes pa shin du ma mchis shing mi dmigs na/ byang chub sems dpa' rnam par shes pa'i tshig bla dgas su 'gyur ba lta ga la mchis/ bcom ldan 'das rtag pa shin du ma mchis shing mi dmigs/ mi rtag pa shin du ma mchis shing mi dmigs na/ byang chub sems dpa' gzugs rtag pa'i tshig bla dgas su 'gyur ba lta ga la mchis/ byang chub sems dpa' gzugs mi rtag pa'i tshig bla dgas su 'gyur ba lta ga la mchis/ byang chub sems dpa' tshor ba rtag pa'i tshig bla dgas su 'gyur ba lta ga la mchis/ tshor ba mi rtag pa'i tshig bla dgas su 'gyur ba lta ga la mchis/ 'du shes rtag pa'i tshig bla dgas su 'gyur ba lta ga la mchis/ 'du shes mi rtag pa'i tshig bla dgas su 'gyur ba lta ga la mchis/ 'du byed rtag pa'i tshig bla dgas su 'gyur ba lta ga la mchis/ 'du byed mi rtag pa'i tshig bla dgas su 'gyur ba lta ga la mchis/ rnam par shes pa rtag pa'i tshig bla dgas su 'gyur ba lta ga la mchis/ rnam par shes pa mi rtag pa'i tshig bla dgas su 'gyur ba lta ga la mchis/ bcom ldan 'das de bzhin du bde ba shin du ma mchis shing mi dmigs/ sdug bsngal shin du ma mchis shing mi dmigs na/ byang chub sems dpa' gzugs bde ba'i tshig bla dgas su 'gyur ba lta ga la mchis/ byang chub sems dpa' gzugs sdug bsngal ba'i tshig bla dgas su 'gyur ba lta ga la mchis/ byang chub sems dpa' tshor ba dang / 'du shes dang / 'du byed dang / rnam par shes pa bde ba'i tshig bla dgas su 'gyur ba lta ga la mchis/ byang chub sems dpa' rnam par shes pa sdug bsngal ba'i tshig bla dgas su 'gyur ba lta ga la mchis/ bcom ldan 'das bdag shin du ma mchis shing mi</font><hr>30.110a<br><font size=+1>

dmigs/ bdag med pa shin du ma mchis shing mi dmigs na/ byang chub sems dpa' gzugs bdag yod pa'i tshig bla dgas su 'gyur ba lta ga la mchis/ byang chub sems dpa' gzugs bdag med pa'i tshig bla dgas su 'gyur ba lta ga la mchis/ byang chub sems dpa' tshor ba dang / 'du shes dang / 'du byed dang / rnam par shes pa bdag yod pa'i tshig bla dgas su 'gyur ba lta ga la mchis/ byang chub sems dpa' rnam par shes pa bdag med pa'i tshig bla dgas su 'gyur ba lta ga la mchis/ bcom ldan 'das zhi ba shin du ma mchis shing mi dmigs/ ma zhi ba shin du ma mchis shing mi dmigs na/ byang chub sems dpa' gzugs zhi ba'i tshig bla dgas su 'gyur ba lta ga la mchis/ byang chub sems dpa' gzugs ma zhi ba'i tshig bla dgas su 'gyur ba lta ga la mchis/ byang chub sems dpa' tshor ba dang / 'du shes dang / 'du byed dang / rnam par shes pa zhi ba'i tshig bla dgas su 'gyur ba lta ga la mchis/ byang chub sems dpa' rnam par shes pa ma zhi ba'i tshig bla dgas su 'gyur ba lta ga la mchis/ bcom ldan 'das stong pa shin du ma mchis shing mi dmigs/ mi stong ba shin du ma mchis shing mi dmigs na/ byang chub sems dpa' gzugs stong ba'i tshig bla dgas su 'gyur ba lta ga la mchis byang chub sems dpa' gzugs mi stong ba'i tshig bla dgas su 'gyur ba lta ga la mchis/ byang chub sems dpa' tshor ba dang / 'du shes dang / 'du byed dang / rnam par shes pa stong ba'i tshig bla dgas su 'gyur ba lta ga la mchis/ byang chub sems dpa' rnam par shes pa mi stong ba'i tshig bla dgas su 'gyur ba lta ga la mchis/ bcom ldan 'das mtshan ma yod pa shin du ma mchis shing mi dmigs/ mtshan ma med pa shin du ma mchis shing mi dmigs na/ byang chub sems dpa' gzugs mtshan ma yod pa'i tshig bla dgas su 'gyur ba lta ga la mchis/ byang chub sems dpa' gzugs mtshan ma med pa'i tshig bla dgas su</font><hr>30.110b<br><font size=+1>

'gyur ba lta ga la mchis/ byang chub sems dpa' tshor ba dang / 'du shes dang / 'du byed dang / rnam par shes pa mtshan ma yod pa'i tshig bla dgas su 'gyur ba lta ga la mchis/ byang chub sems dpa' rnam par shes pa mtshan ma med pa'i tshig bla dgas su 'gyur ba lta ga la mchis/ bcom ldan 'das smon pa yod pa shin du ma mchis shing mi dmigs/ smon pa med pa shin du ma mchis shing mi dmigs na/ byang chub sems dpa' gzugs smon pa yod pa'i tshig bla dgas su 'gyur ba lta ga la mchis/ byang chub sems dpa' gzugs smon pa med pa'i tshig bla dgas su 'gyur ba lta ga la mchis/ byang chub sems dpa' tshor ba dang / 'du shes dang / 'du byed dang / rnam par shes pa smon pa yod pa'i tshig bla dgas su 'gyur ba lta ga la mchis/ byang chub sems dpa' rnam par shes pa smon pa med pa'i tshig bla dgas su 'gyur ba lta ga la mchis/ bcom ldan 'das kyis bka' stsal pa/ rab 'byor legs so legs so/ /rab 'byor byang chub sems dpa' sems dpa' chen po shes rab kyi pha rol du phyin pa la de ltar spyod pa'i tshe/ gzugs kyi tshig bla dgas mi dmigs pa dang / tshor ba dang / 'du shes dang / 'du byed dang / rnam par shes pa'i tshig bla dgas mi dmigs pa dang / gzugs rtag pa'i tshig bla dgas mi dmigs pa dang / gzugs mi rtag pa'i tshig bla dgas mi dmigs pa dang / tshor ba dang / 'du shes dang / 'du byed dang / rnam par shes pa rtag pa'i tshig bla dgas mi dmigs pa dang / rnam par shes pa mi rtag pa'i tshig bla dgas mi dmigs pa dang / gzugs bde ba'i tshig bla dgas mi dmigs pa dang / gzugs sdug bsngal ba'i tshig bla dgas mi dmigs pa dang / tshor ba dang / 'du shes dang / 'du byed dang / rnam par shes pa bde ba'i tshig bla dgas mi dmigs pa dang / rnam par shes pa sdug bsngal ba'i tshig bla dgas mi dmigs pa dang / gzugs bdag yod pa'i tshig bla dgas mi dmigs pa dang / gzugs bdag med pa'i tshig bla dgas mi dmigs pa dang / tshor ba dang / 'du shes dang / 'du byed dang / rnam par shes</font><hr>30.111a<br><font size=+1>

pa bdag yod pa'i tshig bla dgas mi dmigs pa dang / rnam par shes pa bdag med pa'i tshig bla dgas mi dmigs pa dang / gzugs zhi ba'i tshig bla dgas mi dmigs pa dang / gzugs ma zhi ba'i tshig bla dgas mi dmigs pa dang / tshor ba dang / 'du shes dang / 'du byed dang / rnam par shes pa zhi ba'i tshig bla dgas mi dmigs pa dang / rnam par shes pa ma zhi ba'i tshig bla dgas mi dmigs pa dang / gzugs stong pa'i tshig bla dgas mi dmigs pa dang / gzugs mi stong pa'i tshig bla dgas mi dmigs pa dang / tshor ba dang / 'du shes dang / 'du byed dang / rnam par shes pa stong pa'i tshig bla dgas mi dmigs pa dang / rnam par shes pa mi stong pa'i tshig bla dgas mi dmigs pa dang / gzugs mtshan ma yod pa'i tshig bla dgas mi dmigs pa dang / gzugs mtshan ma med pa'i tshig bla dgas mi dmigs pa dang / tshor ba dang / 'du shes dang / 'du byed dang / rnam par shes pa mtshan ma yod pa'i tshig bla dgas mi dmigs pa dang / rnam par shes pa mtshan ma med pa'i tshig bla dgas mi dmigs pa dang / gzugs smon pa yod pa'i tshig bla dgas mi dmigs pa dang / gzugs smon pa med pa'i tshig bla dgas mi dmigs pa dang / tshor ba dang / 'du shes dang / 'du byed dang / rnam par shes pa smon pa yod pa'i tshig bla dgas mi dmigs pa dang / rnam par shes pa smon pa med pa'i tshig bla dgas mi dmigs par shes rab kyi pha rol du phyin pa la bslab par bya'o/ /rab 'byor gang yang khyod 'di skad du bdag gis 'di lta ste/ byang chub sems dpa' zhes bya ba'i chos de lta bu yang dag par rjes su mi mthong ngo / /zhes zer ba ni/ rab 'byor chos kyis chos kyi dbyings yang dag par rjes su mi mthong ngo / /chos kyi dbyings kyis chos yang dag par rjes su mi mthong ste/ rab 'byor gzugs kyi dbyings kyis chos kyi dbyings yang dag par rjes su mi mthong ngo / /chos kyi dbyings kyis gzugs kyi dbyings yang dag par rjes su mi mthong ngo / /tshor ba'i dbyings kyis chos kyi</font><hr>30.111b<br><font size=+1>

dbyings yang dag par rjes su mi mthong ngo / /chos kyi dbyings kyis tshor ba'i dbyings yang dag par rjes su mi mthong ngo / /'du shes kyi dbyings kyis chos kyi dbyings yang dag par rjes su mi mthong ngo / /chos kyi dbyings kyis 'du shes kyi dbyings yang dag par rjes su mi mthong ngo / /'du byed kyi dbyings kyis chos kyi dbyings yang dag par rjes su mi mthong ngo / /chos kyi dbyings kyis 'du byed kyi dbyings yang dag par rjes su mi mthong ngo / /rnam par shes pa'i dbyings kyis chos kyi dbyings yang dag par rjes su mi mthong ngo / /chos kyi dbyings kyis rnam par shes pa'i dbyings yang dag par rjes su mi mthong ngo / /mig gi dbyings kyis chos kyi dbyings yang dag par rjes su mi mthong ngo / /chos kyi dbyings kyis mig gi dbyings yang dag par rjes su mi mthong ngo / /rna ba'i dbyings dang / sna'i dbyings dang / lce'i dbyings dang / lus kyi dbyings dang / yid kyi dbyings kyis chos kyi dbyings yang dag par rjes su mi mthong ngo / /chos kyi dbyings kyis yid kyi dbyings yang dag par rjes su mi mthong ngo / /rab 'byor 'dus byas kyi dbyings kyis 'dus ma byas kyi dbyings yang dag par rjes su mi mthong ngo / /'dus ma byas kyi dbyings kyis 'dus byas kyi dbyings yang dag par rjes su mi mthong ngo / /de ci'i phyir zhe na/ 'dus byas kyi dbyings ma yin par yang / 'dus ma byas kyi dbyings gdags par mi nus so/ /'dus ma byas kyi dbyings ma yin par yang 'dus byas kyi dbyings gdags par mi nus te/ rab 'byor de ltar na/ byang chub sems dpa' sems dpa' chen po shes rab kyi pha rol du phyin pa la spyod pa'i tshe/ chos gang yang yang dag par rjes su mi mthong ste/ yang dag par rjes su ma mthong bas/ mi 'jigs mi sngang skrag par mi 'gyur zhing / de'i sems chos gang la yang zhum par mi 'gyur/ yid 'gyod par mi 'gyur ro/ /rab 'byor de ci'i phyir zhe na/ 'di ltar byang chub sems dpa' sems dpa' chen po shes rab kyi pha rol du phyin pa la spyod pa'i tshe/ </font><hr>30.112a<br><font size=+1>

gzugs yang dag par rjes su mi mthong ngo / /tshor ba dang / 'du shes dang / 'du byed dang / rnam par shes pa yang dag par rjes su mi mthong ngo / /mig yang dag par rjes su mi mthong ngo / /rna ba dang / sna dang / lce dang / lus dang / yid yang dag par rjes su mi mthong ngo / /gzugs yang dag par rjes su mi mthong ngo / /sgra dang / dri dang / ro dang / reg dang / chos yang dag par rjes su mi mthong ngo / /sa'i khams yang dag par rjes su mi mthong ngo / /chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams yang dag par rjes su mi mthong ngo / /ma rig pa yang dag par rjes su mi mthong ngo / /'du byed dang / rnam par shes pa dang / ming dang gzugs dang / skye mched drug dang / reg pa dang / tshor ba dang / sred pa dang / len pa dang / srid pa dang / skye ba dang / rga shi yang dag par rjes su mi mthong ngo / /'dod chags yang dag par rjes su mi mthong ngo / /zhe sdang dang / gti mug yang dag par rjes su mi mthong ngo / /bdag yang dag par rjes su mi mthong ngo / /sems can dang / srog dang / gso ba dang / skyes bu dang / gang zag dang / shed can dang / shed bdag dang / byed pa po dang / byed du 'jug pa po dang / tshor ba po dang / tshor bar byed pa po dang / shes pa po dang / mthong ba po yang dag par rjes su mi mthong ngo / /'dod pa'i khams yang dag par rjes su mi mthong ngo / /gzugs kyi khams yang dag par rjes su mi mthong ngo / /gzugs med pa'i khams yang dag par rjes su mi mthong ngo / /nyan thos kyi sems yang dag par rjes su mi mthong ngo / /rang sangs rgyas kyi sems yang dag par rjes su mi mthong ngo / /byang chub sems dpa'i sems yang dag par rjes su mi mthong ngo / /nyan thos yang dag par rjes su mi mthong ngo / /nyan thos kyi chos yang dag par rjes su mi mthong ngo / /rang sangs rgyas yang dag par rjes su mi mthong</font><hr>30.112b<br><font size=+1>

ngo / /rang sangs rgyas kyi chos yang dag par rjes su mi mthong ngo / /byang chub sems dpa' yang dag par rjes su mi mthong ngo / /byang chub sems dpa'i chos yang dag par rjes su mi mthong ngo / /sangs rgyas yang dag par rjes su mi mthong ngo / /sangs rgyas kyi chos yang dag par rjes su mi mthong ngo / /byang chub yang dag par rjes su mi mthong ngo / /byang chub kyi chos yang dag par rjes su mi mthong ste/ 'jig rten pa dang / 'jig rten las 'das pa'i chos thams cad kyi bar du yang dag par rjes su mi mthong ngo / /de chos thams cad yang dag par rjes su ma mthong bas/ mi 'jigs mi sngang skrag par mi 'gyur ro/ /gsol pa/ bcom ldan 'das ci'i slad du byang chub sems dpa' sems dpa' chen po shes rab kyi pha rol du phyin pa la spyod pa'i tshe/ chos thams cad la sems zhum par mi 'gyur/ yongs su zhum par mi 'gyur ba lags/ bcom ldan 'das kyis bka' stsal pa/ rab 'byor de ni 'di ltar byang chub sems dpa' sems dpa' chen pos/ sems dang sems las byung ba'i chos yang dag par rjes su mi mthong ste/ rab 'byor de'i phyir byang chub sems dpa' sems dpa' chen po shes rab kyi pha rol du phyin pa la spyod pa'i tshe/ chos thams cad la sems zhum pa med cing yongs su zhum pa med do/ /gsol pa/ bcom ldan 'das ji ltar byang chub sems dpa' sems dpa' chen po yid yongs su skrag par mi 'gyur ba lags/ bcom ldan 'das kyis bka' stsal pa/ rab 'byor de ni 'di ltar byang chub sems dpa' sems dpa' chen pos yid dang / yid kyi khams yang dag par rjes su mi mthong ste/ rab 'byor de ltar na byang chub sems dpa' sems dpa' chen po'i yid yongs su skrag par mi 'gyur ro/ /rab 'byor byang chub sems dpa' sems dpa' chen pos de ltar chos thams cad mi dmigs pas/ shes rab kyi pha rol du phyin pa la bslab par bya ste/ </font><hr>30.113a<br><font size=+1>

rab 'byor gal te byang chub sems dpa' sems dpa' chen po shes rab kyi pha rol du phyin pa la spyod pa'i tshe/ shes rab kyi pha rol du phyin pa de yang mi dmigs/ byang chub sems dpa' de yang mi dmigs/ byang chub sems dpa'i ming de yang mi dmigs/ byang chub kyi sems de yang mi dmigs na/ de nyid byang chub sems dpa' sems dpa' chen po'i gdams ngag yin te/ de nyid rjes su bstan pa yin no/ /shes rab kyi pha rol du phyin pa stong phrag nyi shu lnga pa las le'u gsum pa'o// // de nas tshe dang ldan pa rab 'byor gyis/ bcom ldan 'das la 'di skad ces gsol to/ /bcom ldan 'das gzugs yongs su rtogs par 'tshal ba'i byang chub sems dpa' sems dpa' chen pos shes rab kyi pha rol du phyin pa la bslab par bgyi'o/ /bcom ldan 'das tshor ba dang / 'du shes dang / 'du byed dang / rnam par shes pa yongs su rtogs par 'tshal ba'i byang chub sems dpa' sems dpa' chen pos shes rab kyi pha rol du phyin pa la bslab par bgyi'o/ /bcom ldan 'das mig yongs su rtogs par 'tshal ba'i byang chub sems dpa' sems dpa' chen pos shes rab kyi pha rol du phyin pa la bslab par bgyi'o/ /rna ba dang / sna dang / lce dang / lus dang / yid yongs su rtogs par 'tshal ba'i byang chub sems dpa' sems dpa' chen pos shes rab kyi pha rol du phyin pa la bslab par bgyi'o/ /bcom ldan 'das gzugs yongs su rtogs par 'tshal ba'i byang chub sems dpa' sems dpa' chen pos shes rab kyi pha rol du phyin pa la bslab par bgyi'o/ /sgra dang / dri dang / ro dang / reg dang / chos yongs su rtogs par 'tshal ba'i byang chub sems dpa' sems dpa' chen pos shes rab kyi pha rol du phyin pa la bslab par bgyi'o/ /bcom ldan 'das mig gi rnam par shes pa yongs su rtogs par 'tshal ba'i byang chub sems dpa' sems dpa' chen pos shes rab kyi pha rol du phyin pa la bslab par bgyi'o/ /</font><hr>30.113b<br><font size=+1>

rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa yongs su rtogs par 'tshal ba'i byang chub sems dpa' sems dpa' chen pos shes rab kyi pha rol du phyin pa la bslab par bgyi'o/ /bcom ldan 'das mig gi 'dus te reg pa yongs su rtogs par 'tshal ba'i byang chub sems dpa' sems dpa' chen pos shes rab kyi pha rol du phyin pa la bslab par bgyi'o/ /rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa yongs su rtogs par 'tshal ba'i byang chub sems dpa' sems dpa' chen pos shes rab kyi pha rol du phyin pa la bslab par bgyi'o/ /bcom ldan 'das mig gi 'dus te reg pa'i rkyen gyis tshor ba yongs su rtogs par 'tshal ba'i byang chub sems dpa' sems dpa' chen pos shes rab kyi pha rol du phyin pa la bslab par bgyi'o/ /rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba yongs su rtogs par 'tshal ba'i byang chub sems dpa' sems dpa' chen pos shes rab kyi pha rol du phyin pa la bslab par bgyi'o/ /bcom ldan 'das ma rig pa yongs su rtogs par 'tshal ba'i byang chub sems dpa' sems dpa' chen pos shes rab kyi pha rol du phyin pa la bslab par bgyi'o/ /'du byed dang / rnam par shes pa dang / ming dang gzugs dang / skye mched drug dang / reg pa dang / tshor ba dang / sred pa dang / len pa dang / srid pa dang / skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa yongs su rtogs</font><hr>30.114a<br><font size=+1>

par 'tshal ba'i byang chub sems dpa' sems dpa' chen pos shes rab kyi pha rol du phyin pa la bslab par bgyi'o/ /bcom ldan 'das 'dod chags dang / zhe sdang dang / gti mug spang bar 'tshal ba'i byang chub sems dpa' sems dpa' chen pos shes rab kyi pha rol du phyin pa la bslab par bgyi'o/ /'jig tshogs su lta ba spang bar 'tshal ba dang / the tshom dang / tshul khrims dang / brtul zhugs snyems pa spang bar 'tshal ba'i byang chub sems dpa' sems dpa' chen pos shes rab kyi pha rol du phyin pa la bslab par bgyi'o/ /'dod pa'i 'dod chags dang / gnod sems spang bar 'tshal ba'i byang chub sems dpa' sems dpa' chen pos shes rab kyi pha rol du phyin pa la bslab par bgyi'o/ /gzugs kyi 'dod chags dang / gzugs med pa'i 'dod chags spang bar 'tshal ba'i byang chub sems dpa' sems dpa' chen pos shes rab kyi pha rol du phyin pa la bslab par bgyi'o/ /kun du sbyor ba dang / bag la nyal ba dang / kun nas ldang ba spang bar 'tshal ba'i byang chub sems dpa' sems dpa' chen pos shes rab kyi pha rol du phyin pa la bslab par bgyi'o/ /zas bzhi yongs su rtogs par 'tshal ba'i byang chub sems dpa' sems dpa' chen pos shes rab kyi pha rol du phyin pa la bslab par bgyi'o/ /sbyor ba bzhi dang / chu bo bzhi dang / mdud pa bzhi dang / nye bar len pa bzhi dang / phyin ci log bzhi spang bar 'tshal ba'i byang chub sems dpa' sems dpa' chen pos shes rab kyi pha rol du phyin pa la bslab par bgyi'o/ /mi dge ba bcu'i las kyi lam spang bar 'tshal ba'i byang chub sems dpa' sems dpa' chen pos shes rab kyi pha rol tu phyin pa la bslab par bgyi'o/ /dge ba bcu'i las kyi lam yongs su rdzogs par bgyi bar 'tshal ba'i byang chub sems dpa' sems dpa' chen pos shes rab kyi pha rol du phyin pa la bslab par bgyi'o/ /bsam gtan bzhi</font><hr>30.114b<br><font size=+1>

yongs su rdzogs par bgyi bar 'tshal ba'i byang chub sems dpa' sems dpa' chen pos shes rab kyi pha rol du phyin pa la bslab par bgyi'o/ /tshad med pa bzhi yongs su rdzogs par bgyi bar 'tshal ba'i byang chub sems dpa' sems dpa' chen pos shes rab kyi pha rol du phyin pa la bslab par bgyi'o/ /gzugs med pa'i snyoms par 'jug pa bzhi yongs su rdzogs par bgyi bar 'tshal ba'i byang chub sems dpa' sems dpa' chen pos shes rab kyi pha rol du phyin pa la bslab par bgyi'o/ /mngon par shes pa lnga yongs su rdzogs par bgyi bar 'tshal ba'i byang chub sems dpa' sems dpa' chen pos shes rab kyi pha rol du phyin pa la bslab par bgyi'o/ /sbyin pa'i pha rol du phyin pa yongs su rdzogs par bgyi bar 'tshal ba'i byang chub sems dpa' sems dpa' chen pos shes rab kyi pha rol du phyin pa la bslab par bgyi'o/ /tshul khrims kyi pha rol tu phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa yongs su rdzogs par bgyi bar 'tshal ba'i byang chub sems dpa' sems dpa' chen pos shes rab kyi pha rol du phyin pa la bslab par bgyi'o/ /nang stong pa nyid yongs su rdzogs par bgyi bar 'tshal ba'i byang chub sems dpa' sems dpa' chen pos shes rab kyi pha rol du phyin pa la bslab par bgyi'o/ /phyi stong pa nyid dang / phyi nang stong pa nyid dang / dngos po med pa'i ngo bo nyid stong pa nyid kyi bar du yongs su rdzogs par bgyi bar 'tshal ba'i byang chub sems dpa' sems dpa' chen pos shes rab kyi pha rol du phyin pa la bslab par bgyi'o/ /dran pa nye bar gzhag pa bzhi yongs su rdzogs par bgyi bar 'tshal ba'i byang chub sems dpa' sems dpa' chen pos shes rab kyi pha rol du phyin pa la bslab par bgyi'o/ /yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag</font><hr>30.115a<br><font size=+1>

bdun dang / 'phags pa'i lam yan lag brgyad pa yongs su rdzogs par bgyi bar 'tshal ba'i byang chub sems dpa' sems dpa' chen pos shes rab kyi pha rol du phyin pa la bslab par bgyi'o/ /stong pa nyid dang / mtshan ma med pa dang / smon pa med pa yongs su rdzogs par bgyi bar 'tshal ba'i byang chub sems dpa' sems dpa' chen pos shes rab kyi pha rol du phyin pa la bslab par bgyi'o/ /'phags pa'i bden pa bzhi dang / rnam par thar pa brgyad dang / mthar gyis gnas pa'i snyoms par 'jug pa dgu yongs su rdzogs par bgyi bar 'tshal ba'i byang chub sems dpa' sems dpa' chen pos shes rab kyi pha rol du phyin pa la bslab par bgyi'o/ /de bzhin gshegs pa'i stobs bcu yongs su rdzogs par bgyi bar 'tshal ba'i byang chub sems dpa' sems dpa' chen pos shes rab kyi pha rol du phyin pa la bslab par bgyi'o/ /mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad yongs su rdzogs par bgyi bar 'tshal ba'i byang chub sems dpa' sems dpa' chen pos shes rab kyi pha rol du phyin pa la bslab par bgyi'o/ /byang chub kyi yan lag dang ldan pa'i ting nge 'dzin la gnas te/ bsam gtan dang po las langs nas 'gog pa la mnyam par gzhag pa dang / de las langs nas/ bsam gtan gnyis pa la mnyam par gzhag pa dang / de las langs nas 'gog pa la mnyam par gzhag pa dang / de las langs nas bsam gtan gsum pa la mnyam par gzhag pa dang / de las langs nas 'gog pa la mnyam par gzhag pa dang / de las langs nas bsam gtan bzhi pa la mnyam par gzhag pa dang / de las langs nas 'gog pa la mnyam par gzhag pa dang / de las langs nas byams pa'i ting nge 'dzin la mnyam par gzhag pa dang / de las langs nas 'gog pa la mnyam par gzhag</font><hr>30.115b<br><font size=+1>

pa dang / de las langs nas snying rje'i ting nge 'dzin la mnyam par gzhag pa dang / de las langs nas 'gog pa la mnyam par gzhag pa dang / de las langs nas dga' ba'i ting nge 'dzin la mnyam par gzhag pa dang / de las langs nas 'gog pa la mnyam par gzhag pa dang / de las langs nas btang snyoms kyi ting nge 'dzin la mnyam par gzhag pa dang / de las langs nas 'gog pa la mnyam par gzhag pa dang / de las langs nas nam mkha' mtha' yas skye mched la mnyam par gzhag pa dang / de las langs nas 'gog pa la mnyam par gzhag pa dang / de las langs nas cung zad med pa'i skye mched la mnyam par gzhag pa dang / de las langs nas 'gog pa la mnyam par gzhag pa dang / de las langs nas rnam shes mtha' yas skye mched la mnyam par gzhag pa dang / de las langs nas 'gog pa la mnyam par gzhag pa dang / de las langs nas 'du shes med 'du shes med min skye mched la mnyam par gzhag par 'tshal ba dang / de las langs nas 'gog pa la mnyam par gzhag par 'tshal ba'i byang chub sems dpa' sems dpa' chen pos shes rab kyi pha rol du phyin pa la bslab par bgyi'o/ /seng ge rnam par bsgyings pa'i ting nge 'dzin la mnyam par gzhag par 'tshal ba'i byang chub sems dpa' sems dpa' chen pos shes rab kyi pha rol du phyin pa la bslab par bgyi'o/ /seng ge rnam par rtse ba'i ting nge 'dzin la mnyam par gzhag par 'tshal ba'i byang chub sems dpa' sems dpa' chen pos shes rab kyi pha rol du phyin pa la bslab par bgyi'o/ /gzungs kyi sgo dang / ting nge 'dzin gyi sgo thams cad thob par 'tshal ba'i byang chub sems dpa' sems dpa' chen pos shes rab kyi pha rol du phyin pa la bslab par bgyi'o/ /dpa' bar 'gro ba'i ting nge 'dzin la mnyam par gzhag par 'tshal ba'i byang chub sems dpa' sems dpa' chen pos shes rab kyi pha rol du phyin pa la bslab</font><hr>30.116a<br><font size=+1>

par bgyi'o/ /rin chen phyag rgya'i ting nge 'dzin dang / zla ba'i 'od kyi ting nge 'dzin dang / zla ba'i rgyal mtshan dpal gyi ting nge 'dzin dang / chos thams cad kyi phyag rgyar gyur pa'i ting nge 'dzin dang / spyan ras gzigs kyi phyag rgya'i ting nge 'dzin dang / chos thams cad kyi dbyings su nges pa'i ting nge 'dzin dang / nges pa'i rgyal mtshan dpal gyi ting nge 'dzin dang / rdo rje lta bu'i ting nge 'dzin dang / chos thams cad la 'jug pa'i sgo'i ting nge 'dzin dang / ting nge 'dzin gyi rgyal po'i ting nge 'dzin dang / rgyal po'i phyag rgya'i ting nge 'dzin dang / dpung rnam par bkod pa'i ting nge 'dzin dang / yang dag par 'phags pa'i ting nge 'dzin dang / chos thams cad kyi nges pa'i tshig gdon mi za bar 'jug pa'i ting nge 'dzin dang / chos thams cad shes par gnas pa la 'jug pa'i ting nge 'dzin dang / phyogs bcur rnam par lta ba'i ting nge 'dzin dang / gzungs kyi sgo thams cad kyi phyag rgya'i ting nge 'dzin dang / chos thams cad mnyam pa med pa'i ting nge 'dzin dang / chos thams cad yang dag par 'du ba'i rang bzhin phyag rgya'i ting nge 'dzin dang / nam mkha'i gnas la gnas pa'i ting nge 'dzin dang / 'khor gsum yongs su dag pa'i ting nge 'dzin dang / mngon par shes pa mi nyams pa'i ting nge 'dzin dang / snod du gyur pa'i ting nge 'dzin dang / rgyal mtshan rtse mo'i dpung rgyan gyi ting nge 'dzin dang / nyon mongs pa thams cad ma lus par sreg pa'i ting nge 'dzin dang / bdud bzhi'i dpung sel ba'i ting nge 'dzin dang / ye shes sgron ma'i ting nge 'dzin dang / stobs bcu'i stobs kyis 'phags pa'i ting nge 'dzin dang / nam mkha' ltar chags pa med pa'i rnam par grol ba gos pa med pa'i ting nge 'dzin la mnyam par gzhag par 'tshal ba'i byang chub sems dpa' sems dpa' chen pos shes rab kyi pha rol du phyin pa la bslab par bgyi'o/ /de ltar de dag dang / ting nge 'dzin gyi sgo gzhan dag thob par 'tshal ba'i byang chub</font><hr>30.116b<br><font size=+1>

sems dpa' sems dpa' chen pos kyang shes rab kyi pha rol du phyin pa la bslab par bgyi'o/ /bcom ldan 'das gzhan yang sems can thams cad kyi bsam pa yongs su rdzogs par bgyi bar 'tshal ba'i byang chub sems dpa' sems dpa' chen pos shes rab kyi pha rol du phyin pa la bslab par bgyi'o/ /bcom ldan 'das gzhan yang dge ba'i rtsa ba gang yongs su rdzogs pas ngan song rnams su mi ltung zhing / rigs dma' bar mi skye ba dang / nyan thos kyi sa dang / rang sangs rgyas kyi sa la mi gnas pa dang / byang chub sems dpa'i skyon chen por mi ltung ba de lta bu'i dge ba'i rtsa ba yongs su rdzogs par bgyi bar 'tshal ba'i byang chub sems dpa' sems dpa' chen pos shes rab kyi pha rol du phyin pa la bslab par bgyi'o/ /de nas tshe dang ldan pa shA ra dwa ti'i bus/ tshe dang ldan pa rab 'byor la 'di skad ces smras so/ /tshe dang ldan pa rab 'byor ji ltar na byang chub sems dpa' sems dpa' chen po skyon chen por ltung ba yin/ de skad ces smras pa dang / tshe dang ldan pa rab 'byor gyis/ tshe dang ldan pa shA ra dwa ti'i bu la 'di skad ces smras so/ /tshe dang ldan pa shA ra dwa ti'i bu nam byang chub sems dpa' sems dpa' chen po thabs mi mkhas pas pha rol du phyin pa drug la spyod cing / thabs mi mkhas pas/ stong pa nyid dang / mtshan ma med pa dang / smon pa med pa'i ting nge 'dzin la brten te/ nyan thos dang / rang sangs rgyas kyi sar yang mi ltung la/ byang chub sems dpa'i skyon med par yang mi 'jug pa 'di ni/ byang chub sems dpa' sems dpa' chen po'i skyon no/ /smras pa/ tshe dang ldan pa rab 'byor ci'i phyir na de byang chub sems dpa' sems dpa' chen po'i skyon du 'gyur/ rab 'byor gyis smras pa/ tshe dang ldan pa shA ra dwa ti'i bu/ byang chub sems dpa' sems dpa' chen po'i skyon zhes bya ba ni/ 'di lta ste/ chos la sred pa'o/ /smras pa/ tshe dang ldan pa rab 'byor chos la sred pa gang yin/ rab 'byor gyis smras pa/ tshe dang ldan pa shA ra dwa ti'i bu 'di la byang chub sems dpa' sems dpa' chen</font><hr>30.117a<br><font size=+1>

po shes rab kyi pha rol du phyin pa la spyod pa'i tshe/ gzugs stong zhes bya bar mngon par chags shing gnas te 'du shes pa dang / tshor ba dang / 'du shes dang / 'du byed dang / rnam par shes pa stong zhes bya bar mngon par chags shing gnas te 'du shes pa 'di ni/ tshe dang ldan pa shA ra dwa ti'i bu byang chub sems dpa' sems dpa' chen po 'thun pa'i chos la sred pa ste/ skyon du 'gyur ba'o/ /tshe dang ldan pa shA ra dwa ti'i bu gzhan yang byang chub sems dpa' sems dpa' chen po gzugs mi rtag ces bya bar mngon par chags shing gnas te 'du shes pa dang / tshor ba dang / 'du shes dang / 'du byed dang / rnam par shes pa mi rtag ces bya bar mngon par chags shing gnas te 'du shes pa dang / gzugs sdug bsngal ba'o zhes bya ba dang / tshor ba dang / 'du shes dang / 'du byed dang / rnam par shes pa sdug bsngal ba'o zhes bya ba dang / gzugs bdag med ces bya ba dang / tshor ba dang / 'du shes dang / 'du byed dang / rnam par shes pa bdag med ces bya ba dang / gzugs zhi zhes bya ba dang / tshor ba dang / 'du shes dang / 'du byed dang / rnam par shes pa zhi zhes bya ba dang / gzugs stong zhes bya ba dang / tshor ba dang / 'du shes dang / 'du byed dang / rnam par shes pa stong zhes bya ba dang / gzugs mtshan ma med ces bya ba dang / tshor ba dang / 'du shes dang / 'du byed dang / rnam par shes pa mtshan ma med ces bya ba dang / gzugs smon pa med ces bya bar mngon par chags shing gnas te 'du shes pa dang / tshor ba dang / 'du shes dang / 'du byed dang / rnam par shes pa smon pa med ces bya bar mngon par chags shing gnas te 'du shes pa 'di ni/ tshe dang ldan pa shA ra dwa ti'i bu byang chub sems dpa' sems dpa' chen po'i 'thun pa'i chos la sred pa ste/ skyon du 'gyur ba'o/ /gzugs 'di spang bar bya'o/ /'dis gzugs spang bar bya'o/ /tshor ba dang / 'du shes dang / 'du byed dang / rnam par shes pa 'di spang bar bya'o/ /</font><hr>30.117b<br><font size=+1>

'dis rnam par shes pa spang bar bya'o/ /sdug bsngal 'di yongs su shes par bya'o/ /'dis sdug bsngal yongs su shes par bya'o/ /kun 'byung ba 'di spang bar bya'o/ /'dis kun 'byung ba spang bar bya'o/ /'gog pa 'di sngon du bya'o/ /'dis 'gog pa mngon du bya'o/ /lam 'di bsgom par bya'o/ /'dis lam bsgom par bya'o/ /'di ni kun nas nyon mongs pa'o/ /'di ni rnam par byang ba'o/ /chos 'di dag ni bsten par bya ba'o/ /chos 'di dag ni bsten par mi bya ba'o/ /'di la ni byang chub sems dpa' sems dpa' chen pos spyad par bya'o/ /'di la ni spyad par mi bya'o/ /'di ni byang chub sems dpa'i lam mo/ /'di ni lam ma yin no/ /'di ni byang chub sems dpa'i bslab pa'o/ /'di ni bslab pa ma yin no/ /'di ni byang chub sems dpa'i sbyin pa'i pha rol du phyin pa'o/ /'di ni sbyin pa'i pha rol du phyin pa ma yin no/ /'di ni tshul khrims kyi pha rol du phyin pa'o/ /'di ni tshul khrims kyi pha rol du phyin pa ma yin no/ /'di ni bzod pa'i pha rol du phyin pa'o/ /'di ni bzod pa'i pha rol du phyin pa ma yin no/ /'di ni brtson 'grus kyi pha rol du phyin pa'o/ /'di ni brtson 'grus kyi pha rol du phyin pa ma yin no/ /'di ni bsam gtan gyi pha rol du phyin pa'o/ /'di ni bsam gtan gyi pha rol du phyin pa ma yin no/ /'di ni byang chub sems dpa'i shes rab kyi pha rol du phyin pa'o/ /'di ni shes rab kyi pha rol du phyin pa ma yin no/ /'di ni byang chub sems dpa'i thabs mkhas pa'o/ /'di ni thabs mkhas pa ma yin no/ /'di ni byang chub sems dpa'i skyon med pa'o/ /'di ni skyon du 'gyur ba'o/ /zhes bya bar chos de dag la mngon par chags shing gnas te 'du shes pa 'di ni/ byang chub sems dpa' sems dpa' chen po'i 'thun pa'i chos la sred pa ste skyon du 'gyur ba'o/ /smras pa tshe dang ldan pa rab 'byor byang chub sems dpa' sems dpa' chen po'i skyon med pa gang yin/ rab 'byor gyis smras pa/ tshe dang ldan pa shA</font><hr>30.118a<br><font size=+1>

ra dwa ti'i bu 'di la byang chub sems dpa' sems dpa' chen po shes rab kyi pha rol du phyin pa la spyod pa'i tshe/ nang stong pa nyid la phyi stong pa nyid yang dag par rjes su mi mthong / phyi stong pa nyid la nang stong pa nyid yang dag par rjes su mi mthong / phyi stong pa nyid la phyi nang stong pa nyid yang dag par rjes su mi mthong / phyi nang stong pa nyid la phyi stong pa nyid yang dag par rjes su mi mthong / phyi nang stong pa nyid la stong pa nyid stong pa nyid yang dag par rjes su mi mthong / stong pa nyid stong pa nyid la phyi nang stong pa nyid yang dag par rjes su mi mthong / stong pa nyid stong pa nyid la chen po stong pa nyid yang dag par rjes su mi mthong / chen po stong pa nyid la stong pa nyid stong pa nyid yang dag par rjes su mi mthong / chen po stong pa nyid la don dam pa stong pa nyid yang dag par rjes su mi mthong / don dam pa stong pa nyid la chen po stong pa nyid yang dag par rjes su mi mthong / don dam pa stong pa nyid la 'dus byas stong pa nyid yang dag par rjes su mi mthong / 'dus byas stong pa nyid la don dam pa stong pa nyid yang dag par rjes su mi mthong / 'dus byas stong pa nyid la 'dus ma byas stong pa nyid yang dag par rjes su mi mthong / 'dus ma byas stong pa nyid la 'dus byas stong pa nyid yang dag par rjes su mi mthong / 'dus ma byas stong pa nyid la thog ma dang tha ma med pa stong pa nyid yang dag par rjes su mi mthong / thog ma dang tha ma med pa stong pa nyid la 'dus ma byas stong pa nyid yang dag par rjes su mi mthong / thog ma dang tha ma med pa stong pa nyid la dor ba med pa stong pa nyid yang dag par rjes su mi mthong / dor ba med pa stong pa nyid la thog ma dang tha ma med pa stong pa nyid yang dag par rjes su mi mthong / dor ba med pa stong pa nyid la mtha' las 'das pa stong pa nyid yang dag par rjes su mi mthong / mtha' las 'das pa stong pa nyid la dor ba med pa stong pa nyid yang dag par rjes su mi mthong / mtha' las 'das pa stong pa nyid la rang bzhin</font><hr>30.118b<br><font size=+1>

stong pa nyid yang dag par rjes su mi mthong / rang bzhin stong pa nyid la mtha' las 'das pa stong pa nyid yang dag par rjes su mi mthong / rang bzhin stong pa nyid la rang gi mtshan nyid stong pa nyid yang dag par rjes su mi mthong / rang gi mtshan nyid stong pa nyid la rang bzhin stong pa nyid yang dag par rjes su mi mthong / rang gi mtshan nyid stong pa nyid la chos thams cad stong pa nyid yang dag par rjes su mi mthong / chos thams cad stong pa nyid la rang gi mtshan nyid stong pa nyid yang dag par rjes su mi mthong / chos thams cad stong pa nyid la mi dmigs pa stong pa nyid yang dag par rjes su mi mthong / mi dmigs pa stong pa nyid la chos thams cad stong pa nyid yang dag par rjes su mi mthong / mi dmigs pa stong pa nyid la dngos po med pa stong pa nyid yang dag par rjes su mi mthong / dngos po med pa stong pa nyid la mi dmigs pa stong pa nyid yang dag par rjes su mi mthong / dngos po med pa stong pa nyid la ngo bo nyid stong pa nyid yang dag par rjes su mi mthong / ngo bo nyid stong pa nyid la dngos po med pa stong pa nyid yang dag par rjes su mi mthong / ngo bo nyid stong pa nyid la dngos po med pa'i ngo bo nyid stong pa nyid yang dag par rjes su mi mthong / dngos po med pa'i ngo bo nyid stong pa nyid la/ ngo bo nyid stong pa nyid yang dag par rjes su mi mthong ste/ tshe dang ldan pa shA ra dwa ti'i bu byang chub sems dpa' sems dpa' chen po de ltar shes rab kyi pha rol du phyin pa la spyod na/ byang chub sems dpa'i skyon med par 'jug go/ /tshe dang ldan pa shA ra dwa ti'i bu gzhan yang byang chub sems dpa' sems dpa' chen pos shes rab kyi pha rol du phyin pa la spyod pa'i tshe/ rnam pa 'di ltar bslab par bya ste/ slob pa'i tshe ci nas kyang gzugs shes par bya ste/ gzugs des rlom sems su mi bya'o/ /tshor ba dang / 'du shes dang / 'du byed dang / rnam par shes pa shes par bya ste/ tshor ba de dang / 'du shes de dang / 'du byed de dang / rnam par shes pa des</font><hr>30.119a<br><font size=+1>

rlom sems su mi bya'o/ /mig shes par byas te mig des rlom sems su mi bya'o/ /rna ba dang / sna dang / lce dang / lus dang / yid shes par bya ste/ des rlom sems su mi bya'o/ /gzugs shes par bya ste/ des rlom sems su mi bya'o/ /sgra dang / dri dang / ro dang / reg dang / chos shes par bya ste/ des rlom sems su mi bya'o/ /mig gi rnam par shes pa shes par bya ste/ des rlom sems su mi bya'o/ /rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa shes par bya ste/ des rlom sems su mi bya'o/ /mig gi 'dus te reg pa shes par bya ste/ des rlom sems su mi bya'o/ /rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa shes par bya ste/ des rlom sems su mi bya'o/ /mig gi 'dus te reg pa'i rkyen gyis tshor ba shes par bya ste/ des rlom sems su mi bya'o/ /rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba shes par bya ste/ des rlom sems su mi bya'o/ /sa'i khams shes par bya ste/ des rlom sems su mi bya'o/ /chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams shes par bya ste/ des rlom sems su mi bya'o/ /ma rig pa shes par bya ste/ des rlom sems su mi bya'o/ /'du byed dang / rnam par shes pa dang / ming dang gzugs dang / skye mched drug dang / reg pa dang / tshor ba dang / sred pa dang / len pa dang / srid pa dang / skye ba dang / rga shi shes par bya ste/ des rlom sems su mi bya'o/ /sbyin pa'i pha rol du phyin pa shes par bya ste/ des rlom sems su mi bya'o/ /tshul khrims kyi pha rol du phyin pa dang / bzod pa'i pha rol du phyin pa dang / brtson</font><hr>30.119b<br><font size=+1>

'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa shes par bya ste/ shes rab kyi pha rol du phyin pa des rlom sems su mi bya'o/ /nang stong pa nyid shes par bya ste/ nang stong pa nyid des rlom sems su mi bya'o/ /dngos po med pa'i ngo bo nyid stong pa nyid kyi bar du shes par bya ste/ dngos po med pa'i ngo bo nyid stong pa nyid des rlom sems su mi bya'o/ /bsam gtan dang / tshad med pa dang / gzugs med pa'i snyoms par 'jug pa shes par bya ste/ de dag gis rlom sems su mi bya'o/ /mngon par shes pa rnams shes par bya ste/ de dag gis rlom sems su mi bya'o// //shes rab kyi pha rol du phyin pa stong phrag nyi shu lnga pa/ bam po dgu pa/ mig lnga shes par bya ste/ de dag gis rlom sems su mi bya'o/ /dran pa nye bar gzhag pa rnams shes par bya ste/ de dag gis rlom sems su mi bya'o/ /yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa shes par bya ste/ de dag gis rlom sems su mi bya'o/ /'phags pa'i bden pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / ting nge 'dzin rnams dang / gzungs kyi sgo rnams shes par bya ste/ de dag gis rlom sems su mi bya'o/ /de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad shes par bya ste/ de dag gis rlom sems su mi bya'o/ /tshe dang ldan pa shA ra dwa ti'i bu byang chub sems dpa' sems dpa' chen po de ltar shes rab kyi pha rol du phyin pa la spyod pa'i tshe/ byang chub kyi sems des kyang rlom sems su mi bya'o/ /mi mnyam pa dang mnyam pa'i sems kyis rlom</font><hr>30.120a<br><font size=+1>

sems su mi bya'o/ /rlabs po che'i sems kyis rlom sems su mi bya'o/ /de ci'i phyir zhe na/ 'di ltar sems de sems ma yin te/ sems kyi rang bzhin 'od gsal ba'i phyir ro/ /smras pa/ tshe dang ldan pa rab 'byor sems kyi rang bzhin 'od gsal ba gang yin/ rab 'byor gyis smras pa/ tshe dang ldan pa shA ra dwa ti'i bu sems gang 'dod chags dang yang mi ldan ma bral/ zhe sdang dang / gti mug dang / kun nas ldang ba dang / sgrib pa dang / gcod pa dang / bag la nyal ba dang / kun du sbyor ba dang / lta ba'i rnam pa dang / nyan thos dang / rang sangs rgyas kyi sems dang yang mi ldan ma bral ba 'di ni/ tshe dang ldan pa shA ra dwa ti'i bu byang chub sems dpa' sems dpa' chen po'i sems kyi rang bzhin 'od gsal ba'o/ /smras pa/ tshe dang ldan pa rab 'byor sems gang la sems ma yin no zhes bya ba de yod dam/ rab 'byor gyis smras pa/ tshe dang ldan pa shA ra dwa ti'i bu de ltar sems ma yin pa de la yod pa 'am med pa dmigs pa 'am yod par 'gyur ram/ smras pa/ tshe dang ldan pa rab 'byor de lta ma yin no/ /rab 'byor gyis smras pa/ tshe dang ldan pa shA ra dwa ti'i bu gal te de ltar sems ma yin pa de la yod pa 'am med pa zhes bya ba med cing mi dmigs na/ tshe dang ldan pa shA ra dwa ti'i bu khyod kyis de skad du sems gang la sems ma yin pa zhes bya ba de yod dam zhes phyir dris pa de 'thad par 'gyur ram/ smras pa/ tshe dang ldan pa rab 'byor sems ma yin pa gang yin/ rab 'byor gyis smras pa/ tshe dang ldan pa shA ra dwa ti'i bu sems ma yin pa ni 'gyur ba med cing rnam par rtog pa med pa ste/ de ni chos thams cad kyi de bzhin nyid de/ de la ni sems med pa/ bsam gyis mi khyab pa zhes bya'o/ /smras pa/ tshe dang ldan pa rab 'byor ci/ ji ltar sems la 'gyur ba med cing rnam par rtog pa med pa de bzhin du gzugs la yang 'gyur ba med cing rnam par rtog pa med pa yin nam/ de bzhin du tshor ba dang / 'du shes dang / 'du byed dang / rnam par shes pa</font><hr>30.120b<br><font size=+1>

la yang 'gyur ba med cing rnam par rtog pa med pa yin nam/ ji ltar sems la 'gyur ba med cing rnam par rtog pa med pa de bzhin du/ mig gi khams la yang 'gyur ba med cing rnam par rtog pa med pa yin nam/ gzugs kyi khams dang / mig gi rnam par shes pa'i khams la yang 'gyur ba med cing rnam par rtog pa med pa yin nam/ rna ba'i khams dang / sgra'i khams dang / rna ba'i rnam par shes pa'i khams dang / sna'i khams dang / dri'i khams dang / sna'i rnam par shes pa'i khams dang / lce'i khams dang / ro'i khams dang / lce'i rnam par shes pa'i khams dang / lus kyi khams dang / reg bya'i khams dang / lus kyi rnam par shes pa'i khams dang / yid kyi khams dang / chos kyi khams dang / yid kyi rnam par shes pa'i khams la yang 'gyur ba med cing rnam par rtog pa med pa yin nam/ skye mched dang / phung po dang / khams dang / rten cing 'brel bar 'byung ba dang / pha rol du phyin pa rnams dang / stong pa nyid thams cad dang / dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa brgyad dang / mthar gyi gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams la yang 'gyur ba med cing rnam par rtog pa med pa yin nam/ byams pa chen po dang / snying rje chen po dang / de bzhin gshegs pa'i stobs bcu dang / mi 'jig pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad la yang 'gyur ba med cing rnam par rtog pa med pa yin nam/ rnam pa thams cad</font><hr>30.121a<br><font size=+1>

mkhyen pa nyid kyi bar la yang 'gyur ba med cing rnam par rtog pa med pa yin nam/ rab 'byor gyis smras pa/ tshe dang ldan pa shA ra dwa ti'i bu de de bzhin te/ ji ltar sems la 'gyur ba med cing rnam par rtog pa med pa de bzhin du/ phung po dang / khams dang / skye mched drug dang / rten cing 'brel bar 'byung ba dang / pha rol du phyin pa rnams dang / stong pa nyid thams cad dang / byang chub kyi phyogs kyi chos rnams dang / 'phags pa'i bden pa bzhi dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / byams pa chen po dang / snying rje chen po dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad dang rnam pa thams cad mkhyen pa nyid kyi bar la yang 'gyur ba med cing rnam par rtog pa med do/ /de nas tshe dang ldan pa shA ra dwa ti'i bus/ tshe dang ldan pa rab 'byor la legs so zhes bya ba byin te/ tshe dang ldan pa rab 'byor legs so legs so/ /khyod ni bcom ldan 'das kyi sras thugs las skyes pa/ zhal nas byung ba/ chos las skyes pa/ chos kyis sprul pa/ chos kyi bgo skal ba/ zang zing gi bgo skal ba ma yin pa/ chos rnams la mngon sum gyi mig dang ldan pa/ lus mngon du gyur pa ste/ nyan thos nyon mongs pa med par rnam par spyod pa rnams kyi mchog tu/ bcom ldan 'das kyis gsungs te/ bstan pa 'di yang de'i tshul dang 'dra'o/ /tshe dang ldan pa rab 'byor byang chub sems dpa' sems dpa' chen pos kyang shes rab kyi pha rol du phyin pa la de bzhin du bslab par bya'o/ /byang chub sems dpa' sems dpa' chen po phyir mi ldog pa yang 'di las yongs su shes par bya'o/ /de ltar na byang chub</font><hr>30.121b<br><font size=+1>

sems dpa' sems dpa' chen po shes rab kyi pha rol du phyin pa dang ma bral bar shes par bya ste/ tshe dang ldan pa rab 'byor nyan thos kyi sa la slob par 'dod pas kyang / shes rab kyi pha rol du phyin pa 'di nyid nan tan du mnyan par bya'o/ /gzung bar bya'o/ /bcang bar bya'o/ /klag par bya'o/ /yongs su chub par bya'o/ /tshul bzhin du yid la bya'o/ /rang sangs rgyas kyi sa la slob par 'dod pas kyang / shes rab kyi pha rol du phyin pa 'di nyid nan tan du mnyan par bya'o/ /gzung bar bya'o/ /bcang bar bya'o/ /klag par bya'o/ /yongs su chub par bya'o/ /tshul bzhin du yid la bya'o/ /byang chub sems dpa'i sa dang / sangs rgyas kyi sa la slob par 'dod pa'i byang chub sems dpa' sems dpa' chen pos kyang shes rab kyi pha rol du phyin pa 'di nyid nan tan du mnyan par bya'o/ /gzung bar bya'o/ /bcang bar bya'o/ /klag par bya'o/ /yongs su chub par bya'o/ /tshul bzhin du yid la bya'o/ /de ci'i phyir zhe na/ shes rab kyi pha rol du phyin pa 'di las gang la byang chub sems dpa' sems dpa' chen po rnams dang / nyan thos dang / rang sangs rgyas rnams kyis rtag tu rgyun mi chad par bslab par bya ba'i theg pa gsum rgya cher bstan to/ /shes rab kyi pha rol du phyin pa stong phrag nyi shu lnga pa las le'u bzhi pa'o// // de nas tshe dang ldan pa rab 'byor gyis/ bcom ldan 'das la 'di skad ces gsol to/ /bcom ldan 'das de ltar bdag gis byang chub sems dpa' dang / shes rab kyi pha rol du phyin pa ma dmigs ma 'tshal te/ bcom ldan 'das de ltar bdag gis byang chub sems dpa' sems dpa' chen po dang / shes rab kyi pha rol du phyin pa ma dmigs/ ma 'tshal na/ byang chub sems dpa' sems dpa' chen po gang zhig shes rab kyi pha rol du phyin pa gang la gdams shing rjes su bstan par bgyi/ bcom ldan 'das de ltar bdag gis chos</font><hr>30.122a<br><font size=+1>

thams cad la 'phel ba dang 'grib pa ma dmigs ma 'tshal bar 'di lta ste/ ming tsam du byang chub sems dpa' zhe 'am/ shes rab kyi pha rol du phyin pa zhes bgyi bar 'phel ba dang 'grib par bgyis na/ de nyid bdag gi 'gyod par 'gyur ro/ /bcom ldan 'das ming de yang gnas pa ma mchis/ thug pa ma mchis/ byin gyis brlabs pa ma mchis te/ de ci'i slad du zhe na/ ming de ma mchis pas/ de ltar na ming de gnas pa ma mchis/ thug pa ma mchis/ byin gyis brlabs pa ma mchis te/ bcom ldan 'das bdag gis gzugs kyi 'phel ba dang / 'grib pa ma dmigs yang dag par rjes su ma mthong / tshor ba dang / 'du shes dang / 'du byed dang / rnam par shes pa'i 'phel ba dang 'grib pa ma dmigs/ yang dag par rjes su ma mthong na/ byang chub sems dpa' zhes gang la ming du gdags par bgyi/ bcom ldan 'das rnam par shes pa'i ming de yang gnas pa ma mchis/ thug pa ma mchis/ byin gyis brlabs pa ma mchis te/ de ci'i slad du zhe na/ ming de ma mchis pas/ de ltar na ming de gnas pa ma mchis/ thug pa ma mchis/ byin gyis brlabs pa ma mchis so/ /bcom ldan 'das bdag gis mig gi 'phel ba dang 'grib pa ma dmigs/ yang dag par rjes su ma mthong ste/ bcom ldan 'das de ltar bdag gis mig gi 'phel ba dang / 'grib pa ma dmigs/ yang dag par rjes su ma mthong na/ byang chub sems dpa' zhes gang la ming du gdags par bgyi/ bcom ldan 'das mig gi ming de yang gnas pa ma mchis thug pa ma mchis/ byin gyis brlabs pa ma mchis te/ de ci'i slad du zhe na/ ming de ma mchis pas/ de ltar na ming de gnas pa ma mchis/ thug pa ma mchis/ byin gyis brlabs pa ma mchis so/ /bcom ldan 'das bdag gis rna ba dang / sna dang / lce dang / lus dang / yid kyi 'phel ba dang / 'grib pa ma dmigs/ yang dag par rjes su ma mthong ste/ bcom ldan 'das de ltar bdag gis yid kyi 'phel ba dang 'grib pa ma</font><hr>30.122b<br><font size=+1>

dmigs/ yang dag par rjes su ma mthong na/ byang chub sems dpa' zhes gang la ming du gdags par bgyi/ bcom ldan 'das yid kyi ming de yang gnas pa ma mchis/ thug pa ma mchis/ byin gyis brlabs pa ma mchis te/ de ci'i slad du zhe na/ ming de ma mchis pas/ de ltar na ming de gnas pa ma mchis/ thug pa ma mchis/ byin gyis brlabs pa ma mchis so/ /bcom ldan 'das bdag gis gzugs kyi 'phel ba dang 'grib pa ma dmigs/ yang dag par rjes su ma mthong / sgra dang / dri dang / ro dang / reg dang / chos kyi 'phel ba dang / 'grib pa ma dmigs/ yang dag par rjes su ma mthong ste/ bcom ldan 'das de ltar bdag gis gzugs dang / sgra dang / dri dang / ro dang / reg dang / chos kyi 'phel ba dang 'grib pa ma dmigs/ yang dag par rjes su ma mthong na/ byang chub sems dpa' zhes gang la ming du gdags par bgyi/ bcom ldan 'das ming de yang gnas pa ma mchis/ thug pa ma mchis/ byin gyis brlabs pa ma mchis te/ de ci'i slad du zhe na/ ming de ma mchis pas/ de ltar na ming de gnas pa ma mchis/ thug pa ma mchis/ byin gyis brlabs pa ma mchis so/ /bcom ldan 'das bdag gis mig gi rnam par shes pa'i 'phel ba dang 'grib pa ma dmigs/ yang dag par rjes su ma mthong / rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa'i 'phel ba dang / 'grib pa ma dmigs/ yang dag par rjes su ma mthong ste/ bcom ldan 'das de ltar bdag gis mig gi rnam par shes pa dang / rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa'i 'phel ba dang 'grib pa ma dmigs/ yang dag par</font><hr>30.123a<br><font size=+1>

rjes su ma mthong na/ byang chub sems dpa' zhes gang la ming du gdags par bgyi/ bcom ldan 'das ming de yang gnas pa ma mchis/ thug pa ma mchis/ byin gyis brlabs pa ma mchis te/ de ci'i slad du zhe na/ ming de ma mchis pas/ de ltar na ming de gnas pa ma mchis/ thug pa ma mchis/ byin gyis brlabs pa ma mchis so/ /bcom ldan 'das bdag gis mig gi 'dus te reg pa'i 'phel ba dang 'grib pa ma dmigs/ yang dag par rjes su ma mthong / rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa'i 'phel ba dang / 'grib pa ma dmigs/ yang dag par rjes su ma mthong ste/ bcom ldan 'das de ltar bdag gis mig gi 'dus te reg pa dang / rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa'i 'phel ba dang 'grib pa ma dmigs/ yang dag par rjes su ma mthong na/ byang chub sems dpa' zhes gang la ming du gdags par bgyi/ bcom ldan 'das ming de yang gnas pa ma mchis/ thug pa ma mchis/ byin gyis brlabs pa ma mchis te/ de ci'i slad du zhe na/ ming de ma mchis pas/ de ltar na ming de gnas pa ma mchis/ thug pa ma mchis/ byin gyis brlabs pa ma mchis so/ /bcom ldan 'das bdag gis mig gi 'dus te reg pa'i rkyen gyis tshor ba'i 'phel ba dang 'grib pa ma dmigs/ yang dag par rjes su ma mthong / rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyis 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba'i 'phel ba</font><hr>30.123b<br><font size=+1>

dang / 'grib pa ma dmigs yang dag par rjes su ma mthong ste/ bcom ldan 'das bdag gis de ltar mig gi 'dus te reg pa'i rkyen gyis tshor ba'i 'phel ba dang 'grib pa ma dmigs/ yang dag par rjes su ma mthong / rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba'i 'phel ba dang 'grib pa ma dmigs yang dag par rjes su ma mthong na/ byang chub sems dpa' zhes gang la ming du gdags par bgyi/ bcom ldan 'das ming de yang gnas pa ma mchis/ thug pa ma mchis/ byin gyis brlabs pa ma mchis te/ de ci'i slad du zhe na/ ming de ma mchis pas de ltar na ming de gnas pa ma mchis thug pa ma mchis/ byin gyis brlabs pa ma mchis so/ /bcom ldan 'das bdag gis sa'i khams kyi 'phel ba dang / 'grib pa ma dmigs/ yang dag par rjes su ma mthong / chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams kyi 'phel ba dang 'grib pa ma dmigs/ yang dag par rjes su ma mthong / bcom ldan 'das bdag gis ma rig pa'i 'phel ba dang 'grib pa ma dmigs/ yang dag par rjes su ma mthong / 'du byed dang / rnam par shes pa dang / ming dang / gzugs dang / skye mched drug dang / reg pa dang / tshor ba dang / sred pa dang / len pa dang / srid pa dang / skye ba dang / rga shi'i 'phel ba dang 'grib pa ma dmigs yang dag par rjes su ma mthong / ma rig pa 'gag pa'i 'phel ba dang 'grib pa ma dmigs/ yang dag par rjes su ma mthong / 'du byed dang / rnam par shes pa dang / ming dang gzugs dang / skye mched drug dang / reg pa dang / tshor ba dang / sred pa dang / len pa dang / srid pa dang / skye ba dang / </font><hr>30.124a<br><font size=+1>

rga shi 'gag pa'i 'phel ba dang / 'grib pa ma dmigs/ yang dag par rjes su ma mthong / bcom ldan 'das bdag gis 'dod chags dang / zhe sdang dang / gti mug gis 'phel ba dang 'grib pa ma dmigs/ yang dag par rjes su ma mthong / bcom ldan 'das bdag gis lta ba'i rnam pa drug bcu rtsa gnyis kyi 'phel ba dang / 'grib pa ma dmigs/ yang dag par rjes su ma mthong / bcom ldan 'das de ltar na bdag gis bdag gi 'phel ba dang 'grib pa ma dmigs/ yang dag par rjes su ma mthong / sems can dang / srog dang / 'gro ba dang / gso ba dang / skyes bu dang / gang zag dang / shed can dang / shed bdag dang / byed pa po dang / tshor ba po dang / shes pa po dang / mthong ba po'i 'phel ba dang 'grib pa ma dmigs/ yang dag par rjes su ma mthong ste/ bcom ldan 'das de ltar na bdag gis mthong ba po'i 'phel ba dang 'grib pa ma dmigs/ yang dag par rjes su ma mthong na/ byang chub sems dpa' zhes gang la ming du gdags par bgyi/ bcom ldan 'das ming de yang gnas pa ma mchis/ thug pa ma mchis/ byin gyis brlabs pa ma mchis te/ de ci'i slad du zhe na/ ming de ma mchis pas/ de ltar na ming de gnas pa ma mchis/ thug pa ma mchis/ byin gyis brlabs pa ma mchis so/ /bcom ldan 'das bdag gis sbyin pa'i pha rol du phyin pa'i 'phel ba dang 'grib pa ma dmigs/ yang dag par rjes su ma mthong / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa'i 'phel ba dang /[ ]'grib pa ma dmigs yang dag par rjes su ma mthong / bcom ldan 'das bdag gis nang stong pa nyid kyi 'phel ba dang 'grib pa ma dmigs/ yang dag par rjes su ma mthong / dngos po med pa'i</font><hr>30.124b<br><font size=+1>

ngo bo nyid stong pa nyid kyi bar gyi 'phel ba dang / 'grib pa ma dmigs/ yang dag par rjes su ma mthong / bcom ldan 'das bdag gis dran pa nye bar gzhag pa rnams kyi 'phel ba dang 'grib pa ma dmigs/ yang dag par rjes su ma mthong / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa'i 'phel ba dang 'grib pa ma dmigs/ yang dag par rjes su ma mthong / bcom ldan 'das bdag gis stong pa nyid dang / mtshan ma med pa dang / smon pa med pa'i 'phel ba dang 'grib pa ma dmigs/ yang dag par rjes su ma mthong / bcom ldan 'das bdag gis bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi'i 'phel ba dang 'grib pa ma dmigs/ yang dag par rjes su ma mthong / bcom ldan 'das bdag gis sangs rgyas rjes su dran pa dang / chos rjes su dran pa dang / dge 'dun rjes su dran pa dang / tshul khrims rjes su dran pa dang / gtong ba rjes su dran pa dang / lha rjes su dran pa dang / lus kyi rnam pa rjes su dran pa dang / skyo ba rjes su dran pa'i 'phel ba dang 'grib pa ma dmigs/ yang dag par rjes su ma mthong / dbugs phyi nang du rgyu ba rjes su dran pa dang / 'chi ba rjes su dran pa'i 'phel ba dang 'grib pa ma dmigs/ yang dag par rjes su ma mthong / bcom ldan 'das bdag gis mig lnga dang / mngon par shes pa drug dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad kyi 'phel ba dang 'grib pa ma dmigs/ yang dag par rjes su ma mthong ste/ bcom ldan 'das de ltar bdag gis sangs rgyas kyi chos ma 'dres pa rnams kyi 'phel ba dang 'grib pa ma dmigs/ yang dag par rjes su ma mthong na/ byang chub sems dpa' zhes gang la ming du gdags par bgyi/ bcom ldan 'das ming de yang gnas pa ma mchis/ </font><hr>30.125a<br><font size=+1>

thug pa ma mchis/ byin gyis brlabs pa ma mchis te/ de ci'i slad du zhe na/ ming de ma mchis pas/ de ltar na ming de gnas pa ma mchis thug pa ma mchis/ byin gyis brlabs pa ma mchis so/ /bcom ldan 'das bdag gis rmi lam lta bu'i nye bar len pa'i phung po lnga'i 'phel ba dang 'grib pa ma dmigs/ yang dag par rjes su ma mthong / bcom ldan 'das bdag gis dben pa'i 'phel ba dang 'grib pa ma dmigs/ yang dag par rjes su ma mthong / sgyu ma lta bu dang / sgra brnyan lta bu dang / mig yor lta bu dang / gzugs brnyan lta bu dang / smig rgyu lta bu dang / chu zla lta bu dang / sprul pa lta bu'i nye bar len pa'i phung po lnga'i 'phel ba dang 'grib pa ma dmigs/ yang dag par rjes su ma mthong / zhi ba dang / skye ba ma mchis pa dang / 'gag pa ma mchis pa dang / 'byung ba ma mchis pa dang / mngon par 'du bgyi ba ma mchis pa dang / kun nas nyon mongs pa ma mchis pa dang / rnam par byang ba ma mchis pa'i 'phel ba dang 'grib pa ma dmigs/ yang dag par rjes su ma mthong / bcom ldan 'das bdag gis chos kyi dbyings kyi 'phel ba dang 'grib pa ma dmigs/ yang dag par rjes su ma mthong / de bzhin nyid dang / ma nor ba de bzhin nyid dang / gzhan ma yin pa de bzhin nyid dang / chos nyid dang / chos kyi dbyings dang / chos gnas pa nyid dang / chos skyon med pa nyid dang / yang dag pa'i mtha' dang / bsam gyis mi khyab pa'i dbyings kyi 'phel ba dang 'grib pa ma dmigs/ yang dag par rjes su ma mthong / bcom ldan 'das bdag gis dge ba dang mi dge ba'i chos kyi 'phel ba dang 'grib pa ma dmigs/ yang dag par rjes su ma mthong / 'jig rten dang 'jig rten las 'das pa'i chos rnams kyi 'phel ba dang 'grib pa ma dmigs/ yang dag par rjes su ma mthong / 'dus byas dang 'dus ma byas kyi chos rnams kyi 'phel ba dang 'grib pa ma dmigs/ yang dag par rjes su ma mthong / zag pa dang bcas</font><hr>30.125b<br><font size=+1>

pa dang / zag pa ma mchis pa'i 'phel ba dang 'grib pa ma dmigs/ yang dag par rjes su ma mthong / 'das pa dang ma 'ongs pa dang da ltar byung ba'i chos rnams kyi 'phel ba dang 'grib pa ma dmigs/ yang dag par rjes su ma mthong / bcom ldan 'das bdag gis 'das pa ma mchis pa dang / ma 'ongs pa ma mchis pa dang / da ltar byung ba ma mchis pa'i 'phel ba dang 'grib pa ma dmigs/ yang dag par rjes su ma mthong ste/ de la ci zhes bgyi zhe na/ de ni 'dus ma bgyis te/ 'dus ma bgyis pa ni 'das pa ma lags/ ma 'ongs pa ma lags/ da ltar byung ba ma lags so/ /bcom ldan 'das bdag gis 'dus ma bgyis kyi 'phel ba dang 'grib pa ma dmigs/ yang dag par rjes su ma mthong ste/ 'dus ma bgyis de yang gang zhe na/ gang la skye ba ma mchis/ gnas pa ma mchis/ 'jig pa ma mchis pa ste/ bcom ldan 'das bdag gis bcom ldan 'das kyi 'phel ba dang 'grib pa ma dmigs/ yang dag par rjes su ma mthong ngo / /bcom ldan 'das bdag gis shar phyogs kyi 'jig rten gyi khams gang gA'i klung gi bye ma snyed kyi de bzhin gshegs pa dgra bcom pa yang dag par rdzogs pa'i sangs rgyas nyan thos kyi dge 'dun dang bcas pa byang chub sems dpa' dang bcas pa'i 'phel ba dang 'grib pa ma dmigs yang dag par rjes su ma mthong ngo / /bcom ldan 'das bdag gis lho dang / nub dang / byang dang / byang shar dang / shar lho dang / lho nub dang / nub byang dang / 'og dang / steng gi phyogs kyi phyogs re re zhing 'jig rten gyi khams gang gA'i klung gi bye ma snyed kyi de bzhin gshegs pa dgra bcom pa yang dag par rdzogs pa'i sangs rgyas nyan thos kyi dge 'dun dang bcas pa/ byang chub sems dpa' dang bcas pa'i 'phel ba dang 'grib pa ma dmigs/ yang dag par rjes su ma mthong ngo / /bcom ldan 'das de ltar bdag gis de bzhin gshegs pa dgra bcom pa yang dag par rdzogs pa'i</font><hr>30.126a<br><font size=+1>

sangs rgyas nyan thos kyi dge 'dun dang bcas pa/ byang chub sems dpa' dang bcas pa rnams kyi 'phel ba dang 'grib pa ma dmigs yang dag par rjes su ma mthong na/ byang chub sems dpa' gang zhig shes rab kyi pha rol du phyin pa gang la gdams shing rjes su bstan par bgyi/ shes rab kyi pha rol du phyin pa ni gang zhig btags par bstan par bgyi/ bcom ldan 'das de bzhin gshegs pa'i mtshan de yang gnas pa ma mchis/ thug pa ma mchis/ byin gyis brlabs pa ma mchis/ dge 'dun gyi ming de dang / byang chub sems dpa'i ming de yang gnas pa ma mchis/ thug pa ma mchis/ byin gyis brlabs pa ma mchis te/ de ci'i slad du zhe na/ ming de ma mchis pas de ltar na ming de gnas pa ma mchis/ thug pa ma mchis/ byin gyis brlabs pa ma mchis so/ /bcom ldan 'das bdag gis chos thams cad kyi de bzhin nyid kyi 'phel ba dang 'grib pa mi dmigs yang dag par rjes su ma mthong ste/ bcom ldan 'das de ltar bdag gis chos thams cad kyi de bzhin nyid kyi 'phel ba dang 'grib pa ma dmigs yang dag par rjes su ma mthong na/ byang chub sems dpa' zhes gang la ming du gdags par bgyi/ bcom ldan 'das chos thams cad kyi de bzhin nyid kyi ming de yang gnas pa ma mchis/ thug pa ma mchis/ byin gyis brlabs pa ma mchis te/ de ci'i slad du zhe na/ ming de ma mchis pas/ de ltar na ming de gnas pa ma mchis/ thug pa ma mchis/ byin gyis brlabs pa ma mchis so/ /bcom ldan 'das gang yang 'di ltar 'di lta ste/ byang chub sems dpa' zhes chos kyi brdar bgyi ba dang / chos su gdags pa de yang phung po 'am/ khams sam/ skye mched dam/ sangs rgyas kyi chos ma 'dres pa bcwa brgyad kyi bar du gang du yang brjod du ma mchis te/ chos su gdags pa tsam du bas so/ /bcom ldan 'das 'di lta ste dper na/ </font><hr>30.126b<br><font size=+1>

rmi lam zhes bgyi ba'i ming ni gang gis kyang brjod tu ma mchis so/ /sgyu ma dang / sgra brnyan dang / mig yor dang / smig rgyu dang / chu zla dang / de bzhin gshegs pa'i sprul pa zhes bgyi ba'i ming ni gang gis kyang brjod tu ma mchis so/ /bcom ldan 'das 'di lta ste/ dper na/ nam mkha' zhes bgyi ba'i ming ni gang gis kyang brjod tu ma mchis so/ /sa zhes bgyi ba'i ming ni gang gis kyang brjod tu ma mchis so/ /chu dang / me dang / rlung zhes bgyi ba'i ming ni gang gis kyang brjod tu ma mchis so/ /de bzhin nyid ces bgyi ba'i ming ni gang gis kyang brjod tu ma mchis so/ /ma nor ba de bzhin nyid dang / gzhan ma yin pa de bzhin nyid dang / chos nyid dang / chos kyi dbyings dang / chos kyi gnas nyid dang / chos skyon med pa nyid dang / yang dag pa'i mtha' zhes bgyi ba'i ming ni gang gis kyang brjod tu ma mchis so/ /sbyin pa'i pha rol du phyin pa zhes bgyi ba'i ming ni gang gis kyang brjod du ma mchis so/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa zhes bgyi ba'i ming ni gang gis kyang brjod tu ma mchis so/ /tshul khrims zhes bgyi ba'i ming ni gang gis kyang brjod tu ma mchis so/ /ting nge 'dzin dang / shes rab dang / rnam par grol ba dang / rnam par grol ba'i ye shes mthong ba zhes bgyi ba'i ming ni gang gis kyang brjod du ma mchis so/ /rgyun du zhugs pa zhes bgyi ba'i ming ni gang gis kyang brjod tu ma mchis so/ /rgyun du zhugs pa'i chos zhes bgyi ba'i ming ni gang gis kyang brjod tu ma mchis so/ /lan gcig phyir 'ong ba dang / phyir mi 'ong ba dang / dgra bcom pa zhes bgyi ba'i ming ni gang gis kyang brjod du ma mchis so/ /dgra bcom pa'i chos zhes bgyi ba'i ming ni gang gis kyang brjod tu ma mchis so/ /rang sangs rgyas zhes bgyi ba'i ming ni gang gis kyang brjod tu ma mchis so/ /rang sangs rgyas kyi chos zhes bgyi ba'i ming ni gang gis kyang brjod du ma mchis so/ /byang chub sems dpa'</font><hr>30.127a<br><font size=+1>

zhes bgyi ba'i ming ni gang gis kyang brjod tu ma mchis so/ /byang chub sems dpa'i chos zhes bgyi ba'i ming ni gang gis kyang brjod du ma mchis so/ /yang dag par rdzogs pa'i sangs rgyas zhes bgyi ba'i ming ni gang gis kyang brjod tu ma mchis te/ yang dag par rdzogs pa'i sangs rgyas kyi chos zhes bgyi ba'i ming de yang dge ba 'am mi dge ba 'am/ kha na ma tho ba dang bcas pa 'am/ kha na ma tho ba ma mchis pa 'am/ rtag pa 'am mi rtag pa 'am/ bde ba 'am sdug bsngal ba 'am/ bdag gi 'am/ bdag ma mchis pa 'am/ zhi ba 'am/ ma zhi ba 'am/ dben pa 'am/ mi dben pa 'am/ dngos po 'am/ dngos po ma mchis pa gang gis kyang brjod tu ma mchis pas/ bcom ldan 'das bdag gis don gyi dbang de lta bu mthong ba'i slad tu/ de skad du bdag gis chos thams cad kyi 'phel ba dang 'grib pa ma dmigs/ yang dag par rjes su ma mthong bzhin du 'di lta ste/ byang chub sems dpa' zhes bgyi ba 'am/ shes rab kyi pha rol du phyin pa zhes bgyi bar ming du gdags pa ni bdag gi 'gyod par 'gyur ro zhes gsol to/ /bcom ldan 'das de ltar ming de ni gnas pa ma mchis/ thug pa ma mchis/ byin gyis brlabs pa ma mchis pa ste/ de ci'i slad du zhe na/ ming de ma mchis pas/ de ltar na ming de gnas pa ma mchis/ thug pa ma mchis/ byin gyis brlabs pa ma mchis pa'o/ /bcom ldan 'das de ltar na byang chub sems dpa' sems dpa' chen po la shes rab kyi pha rol du phyin pa brjod de/ rnam pa 'di dag dang / tshul 'di dag dang / mtshan ma 'di dag gis bstan pa'i tshe/ sems zhum par mi 'gyur/ yongs su zhum par mi 'gyur zhing / 'gyod pa ma mchis la/ mi 'jigs/ mi sngang zhing / skrag par mi 'gyur na/ byang chub sems dpa' sems dpa' chen po de ni nges par phyir mi ldog pa'i byang chub sems dpa'i sa la gnas par rtogs par bgyi ste/ gnas pa zhes bgyi ba ni/ gnas pa ma mchis pa'i tshul lo/ /bcom ldan 'das gzhan yang byang chub sems dpa'</font><hr>30.127b<br><font size=+1>

sems dpa' chen po shes rab kyi pha rol du phyin pa la spyod pa'i tshe/ des gzugs la gnas par mi bgyi'o/ /tshor ba dang / 'du shes dang / 'du byed dang / rnam par shes pa la gnas par mi bgyi'o/ /des mig la gnas par mi bgyi'o/ /rna ba dang / sna dang / lce dang / lus dang / yid la gnas par mi bgyi'o/ /des gzugs la gnas par mi bgyi'o/ /sgra dang / dri dang / ro dang / reg dang / chos la gnas par mi bgyi'o/ /des mig gi rnam par shes pa la gnas par mi bgyi'o/ /rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa la gnas par mi bgyi'o/ /des mig gi 'dus te reg pa la gnas par mi bgyi'o/ /rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa la gnas par mi bgyi'o/ /des mig gi 'dus te reg pa'i rkyen gyis tshor ba la gnas par mi bgyi'o/ /des rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba la gnas par mi bgyi'o/ /des sa'i khams la gnas par mi bgyi'o/ /des chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams la gnas par mi bgyi'o/ /des ma rig pa la gnas par mi bgyi'o/ /'du byed dang / rnam par shes pa dang / ming dang gzugs dang / skye mched drug dang / reg pa dang / tshor ba dang / sred pa dang / len pa dang / srid pa dang / skye ba dang / rga shi la gnas par mi bgyi'o/ /de ci'i slad du zhe na/ bcom ldan 'das de ni 'di ltar gzugs gzugs kyis stong ste/ gzugs kyi stong pa nyid gang lags pa de yang gzugs ma lags/ gzugs las gud na yang stong</font><hr>30.128a<br><font size=+1>

pa nyid ma mchis te/ gzugs nyid kyang stong pa nyid/ stong pa nyid kyang gzugs so/ /tshor ba tshor bas stong ste/ tshor ba'i stong pa nyid gang lags pa de yang tshor ba ma lags/ tshor ba las gud na yang stong pa nyid ma mchis te/ tshor ba nyid kyang stong pa nyid/ stong pa nyid kyang tshor ba'o/ /'du shes 'du shes kyis stong ste/ 'du shes kyi stong pa nyid gang lags pa de yang 'du shes ma lags/ 'du shes las gud na yang stong pa nyid ma mchis te/ 'du shes nyid kyang stong pa nyid/ stong pa nyid kyang 'du shes so/ /'du byed 'du byed kyis stong ste/ 'du byed kyi stong pa nyid gang lags pa de yang 'du byed ma lags/ 'du byed las gud na yang stong pa nyid ma mchis te/ 'du byed nyid kyang stong pa nyid stong pa nyid kyang 'du byed do/ /rnam par shes pa rnam par shes pas stong ste/ rnam par shes pa'i stong pa nyid gang lags pa de yang rnam par shes pa ma lags/ rnam par shes pa las gud na yang stong pa nyid ma mchis te/ rnam par shes pa nyid kyang stong pa nyid stong pa nyid kyang rnam par shes pa'o/ /bcom ldan 'das rnam grangs des na/ byang chub sems dpa' sems dpa' chen po shes rab kyi pha rol du phyin pa la gnas pa'i tshe/ des gzugs la gnas par mi bgyi'o/ /tshor ba dang / 'du shes dang / 'du byed dang / rnam par shes pa la gnas par mi bgyi'o/ /bcom ldan 'das de yang 'di ltar mig mig gis stong ste/ mig gi stong pa nyid gang lags pa de yang mig ma lags/ mig las gud na yang stong pa nyid ma mchis te/ mig nyid kyang stong pa nyid/ stong pa nyid kyang mig go/ /rna ba rna bas stong ste/ rna ba'i stong pa nyid gang lags pa de yang rna ba ma lags/ rna ba las gud na yang stong pa nyid ma mchis te/ rna ba nyid kyang stong pa nyid/ stong pa nyid kyang rna ba'o/ /sna snas stong ste/ sna'i stong pa nyid gang lags pa de yang sna ma lags/ sna las gud na yang stong pa</font><hr>30.128b<br><font size=+1>

nyid ma mchis te/ sna nyid kyang stong pa nyid/ stong pa nyid kyang sna'o/ /lce lces stong ste/ lce'i stong pa nyid gang lags pa de yang lce ma lags/ lce las gud na yang stong pa nyid ma mchis te/ lce nyid kyang stong pa nyid stong pa nyid kyang lce'o/ /lus lus kyis stong ste/ lus kyi stong pa nyid gang lags pa de yang lus ma lags/ lus las gud na yang stong pa nyid ma mchis te/ lus nyid kyang stong pa nyid/ stong pa nyid kyang lus so/ /yid yid kyis stong ste/ yid kyi stong pa nyid gang lags pa de yang yid ma lags/ yid las gud na yang stong pa nyid ma mchis te/ yid nyid kyang stong pa nyid/ stong pa nyid kyang yid do/ /gzugs gzugs kyis stong ste/ gzugs kyi stong pa nyid gang lags pa de yang gzugs ma lags/ gzugs las gud na yang stong pa nyid ma mchis te/ gzugs nyid kyang stong pa nyid/ stong pa nyid kyang gzugs so/ /sgra sgras stong ste sgra'i stong pa nyid gang lags pa de yang sgra ma lags/ sgra las gud na yang stong pa nyid ma mchis te/ sgra nyid kyang stong pa nyid/ stong pa nyid kyang sgra'o/ /dri dris stong ste/ dri'i stong pa nyid gang lags pa de yang dri ma lags/ dri las gud na yang stong pa nyid ma mchis te/ dri nyid kyang stong pa nyid/ stong pa nyid kyang dri'o/ /ro ros stong ste/ ro'i stong pa nyid gang lags pa de yang ro ma lags/ ro las gud na yang stong pa nyid ma mchis te/ ro nyid kyang stong pa nyid stong pa nyid kyang ro'o/ /reg reg gis stong ste/ reg gi stong pa nyid gang lags pa de yang reg ma lags/ reg las gud na yang stong pa nyid ma mchis te/ reg nyid kyang stong pa nyid/ stong pa nyid kyang reg go/ /chos chos kyis stong ste/ chos kyi stong pa nyid gang lags pa de yang chos ma lags/ chos las gud na yang stong pa nyid ma mchis te/ chos nyid kyang stong pa nyid stong pa nyid kyang chos so/ /mig gi rnam par shes pa mig gi rnam par shes pas stong ste/ mig gi rnam</font><hr>30.129a<br><font size=+1>

par shes pa'i stong pa nyid gang lags pa de yang mig gi rnam par shes pa ma lags/ mig gi rnam par shes pa las gud na yang stong pa nyid ma mchis te/ mig gi rnam par shes pa nyid kyang stong pa nyid/ stong pa nyid kyang mig gi rnam par shes pa'o/ /rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa yid kyi rnam par shes pas stong ste/ yid kyi rnam par shes pa'i stong pa nyid gang lags pa de yang yid kyi rnam par shes pa ma lags/ yid kyi rnam par shes pa las gud na yang stong pa nyid ma mchis te/ yid kyi rnam par shes pa nyid kyang stong pa nyid/ stong pa nyid kyang yid kyi rnam par shes pa'o/ /mig gi 'dus te reg pa mig gi 'dus te reg pas stong ste/ mig gi 'dus te reg pa'i stong pa nyid gang lags pa de yang mig gi 'dus te reg pa ma lags/ mig gi 'dus te reg las gud na yang stong pa nyid ma mchis te/ mig gi 'dus te reg pa nyid kyang stong pa nyid/ stong pa nyid kyang mig gi 'dus te reg pa'o/ /rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa yid kyi 'dus te reg pas stong ste/ yid kyi 'dus te reg pa'i stong pa nyid gang lags pa de yang yid kyi 'dus te reg pa ma lags/ yid kyi 'dus te reg pa las gud na yang stong pa nyid ma mchis te/ yid kyi 'dus te reg pa stong pa nyid kyang stong pa nyid stong pa nyid kyang yid kyi 'dus te reg pa'o/ /mig gi 'dus te reg pa'i rkyen gyis tshor ba mig gi 'dus te reg pa'i rkyen gyis tshor bas stong ste/ mig gi 'dus te reg pa'i rkyen gyis tshor ba'i stong pa nyid gang lags pa de yang mig gi 'dus te reg pa'i rkyen gyis tshor ba ma lags/ mig gi 'dus te reg</font><hr>30.129b<br><font size=+1>

pa'i rkyen gyis tshor ba las gud na yang stong pa nyid ma mchis te/ mig gi 'dus te reg pa'i rkyen gyis tshor ba nyid kyang stong pa nyid/ stong pa nyid kyang mig gi 'dus te reg pa'i rkyen gyis tshor ba'o/ /rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba yid kyi 'dus te reg pa'i rkyen gyis tshor bas stong ste/ yid kyi 'dus te reg pa'i rkyen gyis tshor ba'i stong pa nyid gang lags pa de yang / yid kyi 'dus te reg pa'i rkyen gyis tshor ba ma lags/ yid kyi 'dus te reg pa'i rkyen gyis tshor ba las gud na yang stong pa nyid ma mchis te/ yid kyi 'dus te reg pa'i rkyen gyis tshor ba nyid kyang stong pa nyid/ stong pa nyid kyang yid kyi 'dus te reg pa'i rkyen gyis tshor ba'o/ /sa'i khams sa'i khams kyis stong ste/ sa'i khams kyi stong pa nyid gang lags pa de yang sa'i khams ma lags/ sa'i khams las gud na yang stong pa nyid ma mchis te/ sa'i khams nyid kyang stong pa nyid/ stong pa nyid kyang sa'i khams so/ /chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams rnam par shes pa'i khams kyis stong ste/ rnam par shes pa'i khams kyi stong pa nyid gang lags pa de yang rnam par shes pa'i khams ma lags/ rnam par shes pa'i khams las gud na yang stong pa nyid ma mchis te/ rnam par shes pa'i khams nyid kyang stong pa nyid/ stong pa nyid kyang rnam par shes pa'i khams so/ /bcom ldan 'das ma rig pa ma rig pas stong ste/ ma rig pa'i stong pa nyid gang lags pa de yang ma rig pa ma lags/ ma rig pa las gud na yang stong pa nyid</font><hr>30.130a<br><font size=+1>

ma mchis te/ ma rig pa nyid kyang stong pa nyid/ stong pa nyid kyang ma rig pa'o/ /'du byed dang / rnam par shes pa dang / ming dang gzugs dang / skye mched drug dang / reg pa dang / tshor ba dang / sred pa dang / len pa dang / srid pa dang / skye ba dang / rga shi rga shis stong ste/ rga shi'i stong pa nyid gang lags pa de yang rga shi ma lags/ rga shi las gud na yang stong pa nyid ma mchis te/ rga shi nyid kyang stong pa nyid/ stong pa nyid kyang rga shi'o/ /bcom ldan 'das rnam grangs des na/ byang chub sems dpa' sems dpa' chen po shes rab kyi pha rol du phyin pa la spyod pa'i tshe/ ma rig pa la gnas par mi bgyi'o/ /'du byed dang / rnam par shes pa dang / ming dang gzugs dang / skye mched drug dang / reg pa dang / tshor ba dang / sred pa dang / len pa dang / srid pa dang / skye ba dang / rga shi la gnas par mi bgyi'o/ /bcom ldan 'das gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ sbyin pa'i pha rol du phyin pa la gnas par mi bgyi ste/ de ci'i slad du zhe na/ bcom ldan 'das de ni 'di ltar sbyin pa'i pha rol du phyin pa/ sbyin pa'i pha rol du phyin pas stong ste/ sbyin pa'i pha rol du phyin pa'i stong pa nyid gang lags pa de yang sbyin pa'i pha rol du phyin pa ma lags/ sbyin pa'i pha rol du phyin pa las gud na yang stong pa nyid ma mchis te/ sbyin pa'i pha rol du phyin pa nyid kyang stong pa nyid/ stong pa nyid kyang sbyin pa'i pha rol du phyin pa'o/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la gnas par mi bgyi ste/ de ci'i slad du zhe na/ de ni 'di ltar shes rab kyi pha rol du phyin pa shes rab kyi pha rol du phyin pas stong ste/ shes rab kyi pha rol du phyin pa'i stong pa nyid gang lags pa de yang shes rab kyi pha rol du phyin pa ma lags/ shes rab kyi pha rol du phyin pa las gud na</font><hr>30.130b<br><font size=+1>

yang stong pa nyid ma mchis te/ shes rab kyi pha rol tu phyin pa nyid kyang stong pa nyid/ stong pa nyid kyang shes rab kyi pha rol du phyin pa'o/ /bcom ldan 'das rnam grangs des na/ byang chub sems dpa' sems dpa' chen pos shes rab kyi pha rol du phyin pa la spyod pa'i tshe/ pha rol du phyin pa drug la gnas par mi bgyi'o/ /bcom ldan 'das gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ dran pa nye bar gzhag pa bzhi la gnas par mi bgyi ste/ de ci'i slad du zhe na/ bcom ldan 'das de ni 'di ltar dran pa nye bar gzhag pa rnams/ dran pa nye bar gzhag pa rnams kyis stong ste/ dran pa nye bar gzhag pa'i stong pa nyid gang lags pa de yang dran pa nye bar gzhag pa rnams ma lags/ dran pa nye bar gzhag pa rnams las gud na yang stong pa nyid ma mchis te/ dran pa nye bar gzhag pa rnams kyang stong pa nyid/ stong pa nyid kyang dran pa nye bar gzhag pa rnams so/ /yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa dang / 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / ting nge 'dzin dang / mngon par shes pa dang / de bzhin gshegs pa'i stobs bcu dang / mi 'jigs pa bzhi dang so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad la gnas par mi bgyi ste/ de ci'i slad tu zhe na/ bcom ldan 'das de ni 'di ltar sangs rgyas kyi chos ma 'dres pa rnams sangs</font><hr>30.131a<br><font size=+1>

rgyas kyi chos ma 'dres pa rnams kyis stong ste/ sangs rgyas kyi chos ma 'dres pa rnams kyi stong pa nyid gang lags pa de yang sangs rgyas gyi chos ma 'dres pa rnams ma lags/ sangs rgyas kyi chos ma 'dres pa rnams las gud na yang stong pa nyid ma mchis te/ sangs rgyas kyi chos ma 'dres pa rnams kyang stong pa nyid/ stong pa nyid kyang sangs rgyas kyi chos ma 'dres pa rnams so/ /bcom ldan 'das rnam grangs des na/ byang chub sems dpa' sems dpa' chen pos shes rab kyi pha rol du phyin pa la spyod pa'i tshe/ sangs rgyas kyi chos ma 'dres pa rnams la gnas par mi bgyi'o/ /bcom ldan 'das gzhan yang byang chub sems dpa' sems dpa' chen pos shes rab kyi pha rol du phyin pa la spyod pa'i tshe/ yi ge rnams la gnas par mi bgyi ste/ yi ge mngon par bsgrub pa la gnas par mi bgyi/ gcig tu brjod pa la gnas par mi bgyi/ gnyis su brjod pa la gnas par mi bgyi/ tha dad tu brjod pa la gnas par mi bgyi'o/ /de ci'i slad du zhe na/ bcom ldan 'das de ni 'di ltar yi ge rnams yi ge rnams kyis stong ste/ yi ge rnams kyi stong pa nyid gang lags pa de yang yi ge rnams ma lags/ yi ge rnams las gud na yang stong pa nyid ma mchis te/ yi ge rnams kyang stong pa nyid/ stong pa nyid kyang yi ge rnams so/ /bcom ldan 'das rnam grangs des na/ byang chub sems dpa' sems dpa' chen pos shes rab kyi pha rol du phyin pa la spyod pa'i tshe/ yi ge rnams la gnas par mi bgyi'o/ /bcom ldan 'das gzhan yang byang chub sems dpa' sems dpa' chen pos shes rab kyi pha rol du phyin pa la spyod pa'i tshe/ mngon par shes pa rnams la gnas par mi bgyi ste/ de ci'i slad du zhe na/ bcom ldan 'das de ni 'di ltar mngon par shes pa rnams mngon par shes pa rnams kyis stong ste/ mngon par shes pa rnams kyi stong pa nyid gang lags pa de yang / mngon par</font><hr>30.131b<br><font size=+1>

shes pa rnams ma lags/ mngon par shes pa rnams las gud na yang stong pa nyid ma mchis te/ mngon par shes pa nyid kyang stong pa nyid/ stong pa nyid kyang mngon par shes pa rnams so/ /bcom ldan 'das rnam grangs des na/ byang chub sems dpa' sems dpa' chen pos shes rab kyi pha rol du phyin pa la spyod pa'i tshe/ mngon par shes pa rnams la gnas par mi bgyi'o/ /ting nge 'dzin dang / gzungs kyi sgo rnams la gnas par mi bgyi ste/ de ci'i slad tu zhe na/ bcom ldan 'das de ni 'di ltar gzungs kyi sgo rnams gzungs kyi sgo rnams kyis stong ste/ gzungs kyi sgo rnams kyi stong pa nyid gang lags pa de yang gzungs kyi sgo rnams ma lags/ gzungs kyi sgo rnams las gud na yang stong pa nyid ma mchis te/ gzungs kyi sgo rnams kyang stong pa nyid/ stong pa nyid kyang gzungs kyi sgo rnams so/ /bcom ldan 'das rnam grangs des na/ byang chub sems dpa' sems dpa' chen pos shes rab kyi pha rol du phyin pa la spyod pa'i tshe/ gzungs kyi sgo rnams la gnas par mi bgyi'o/ /bcom ldan 'das gzhan yang byang chub sems dpa' sems dpa' chen pos shes rab kyi pha rol du phyin pa la spyod pa'i tshe/ gzugs mi rtag go zhes bgyi bar gnas par mi bgyi ste/ de ci'i slad du zhe na/ bcom ldan 'das de ni 'di ltar gzugs mi rtag pa/ gzugs mi rtag pa nyid kyistong ste/ gzugs mi rtag pa nyid kyi stong pa nyid gang lags pa de yang gzugs mi rtag pa nyid ma lags/ gzugs mi rtag pa nyid las gud na yang stong pa nyid ma mchis te/ gzugs mi rtag pa nyid kyang stong pa nyid/ stong pa nyid kyang gzugs mi rtag pa nyid do/ /bcom ldan 'das rnam grangs des na/ byang chub sems dpa' sems dpa' chen pos shes rab kyi pha rol du phyin pa la spyod pa'i tshe/ gzugs mi rtag go zhes bgyi bar gnas par mi bgyi'o/ /tshor ba dang / 'du shes dang / 'du byed dang / rnam par shes pa mi rtag go zhes bgyi bar gnas par mi bgyi ste/ </font><hr>30.132a<br><font size=+1>

de ci'i slad du zhe na/ bcom ldan 'das de ni 'di ltar rnam par shes pa mi rtag pa/ rnam par shes pa mi rtag pa nyid kyi stong ste/ rnam par shes pa mi rtag pa nyid kyi stong pa nyid gang lags pa de yang rnam par shes pa mi rtag pa nyid ma lags/ rnam par shes pa mi rtag pa nyid las gud na yang stong pa nyid ma mchis te/ rnam par shes pa mi rtag pa nyid kyang stong pa nyid/ stong pa nyid kyang rnam par shes pa mi rtag pa nyid do/ /bcom ldan 'das rnam grangs des na/ byang chub sems dpa' sems dpa' chen pos shes rab kyi pha rol du phyin pa la spyod pa'i tshe/ rnam par shes pa mi rtag go zhe bgyi bar gnas par mi bgyi'o/ /gzugs sdug bsngal lo zhes bgyi bar gnas par mi bgyi ste/ de ci'i slad tu zhe na/ de ni 'di ltar gzugs sdug bsngal ba nyid/ gzugs sdug bsngal ba nyid kyis stong ste/ gzugs sdug bsngal ba nyid kyi stong pa nyid gang lags pa de yang gzugs sdug bsngal ba nyid ma lags/ gzugs sdug bsngal ba nyid las gud na yang / stong pa nyid ma mchis te/ gzugs sdug bsngal ba nyid kyang stong pa nyid/ stong pa nyid kyang gzugs sdug bsngal ba nyid do/ /bcom ldan 'das rnam grangs des na/ byang chub sems dpa' sems dpa' chen pos shes rab kyi pha rol du phyin pa la spyod pa'i tshe/ gzugs sdug bsngal lo zhes bgyi bar gnas par mi bgyi'o/ /tshor ba dang / 'du shes dang / 'du byed dang / rnam par shes pa sdug bsngal lo zhes bgyi bar gnas par mi bgyi ste/ de ci'i slad du zhe na/ de ni 'di ltar rnam par shes pa sdug bsngal ba nyid/ rnam par shes pa sdug bsngal ba nyid kyis stong ste/ rnam par shes pa sdug bsngal ba nyid kyi stong pa nyid gang lags pa de yang / rnam par shes pa sdug bsngal ba nyid ma lags/ rnam par shes pa sdug bsngal ba nyid las gud na yang stong pa nyid ma mchis te/ rnam par shes pa sdug bsngal ba nyid kyang stong pa nyid/ stong pa nyid kyang rnam par shes pa sdug bsngal ba nyid do/ /bcom ldan 'das</font><hr>30.132b<br><font size=+1>

rnam grangs des na/ byang chub sems dpa' sems dpa' chen pos shes rab kyi pha rol du phyin pa la spyod pa'i tshe/ rnam par shes pa sdug bsngal lo zhes bgyi bar gnas par mi bgyi'o/ /gzugs bdag med ces bgyi bar gnas par mi bgyi ste/ de ci'i slad du zhe na/ bcom ldan 'das de ni 'di ltar gzugs bdag med pa nyid/ gzugs bdag med pa nyid kyis stong ste/ gzugs bdag med pa nyid kyi stong pa nyid gang lags pa de yang / gzugs bdag med pa nyid ma lags/ gzugs bdag med pa nyid las gud na yang stong pa nyid ma mchis te/ gzugs bdag med pa nyid kyang stong pa nyid/ stong pa nyid kyang gzugs bdag med pa nyid do/ /bcom ldan 'das rnam grangs des na/ byang chub sems dpa' sems dpa' chen pos shes rab kyi pha rol du phyin pa la spyod pa'i tshe/ gzugs bdag med do zhes bgyi bar gnas par mi bgyi'o/ /tshor ba dang / 'du shes dang / 'du byed dang / rnam par shes pa bdag med do zhes bgyi bar gnas par mi bgyi ste/ de ci'i slad du zhe na/ de ni 'di ltar rnam par shes pa bdag med pa nyid/ rnam par shes pa bdag med pa nyid kyis stong ste/ rnam par shes pa bdag med pa nyid kyi stong pa nyid gang lags pa de yang / rnam par shes pa bdag med pa nyid ma lags/ rnam par shes pa bdag med pa nyid las gud na yang stong pa nyid ma mchis te/ rnam par shes pa bdag med pa nyid kyang stong pa nyid stong pa nyid kyang rnam par shes pa bdag med pa nyid do/ /bcom ldan 'das rnam grangs des na/ byang chub sems dpa' sems dpa' chen pos shes rab kyi pha rol du phyin pa la spyod pa'i tshe/ rnam par shes pa bdag med do zhes bgyi bar gnas par mi bgyi'o// //shes rab kyi pha rol du phyin pa stong phrag nyi shu lnga pa/ bam po bcu pa/ gzugs zhi'o zhes bgyi bar gnas par mi bgyi ste/ de ci'i slad du zhe na/ bcom ldan</font><hr>30.133a<br><font size=+1>

'das de ni 'di ltar gzugs zhi ba nyid gzugs zhi ba nyid kyis stong ste/ gzugs zhi ba nyid kyi stong pa nyid gang lags pa de yang gzugs zhi ba nyid ma lags/ gzugs zhi ba nyid las gud na yang stong pa nyid ma mchis te/ gzugs zhi ba nyid kyang stong pa nyid/ stong pa nyid kyang gzugs zhi ba nyid do/ /bcom ldan 'das rnam grangs des na/ byang chub sems dpa' sems dpa' chen pos shes rab kyi pha rol du phyin pa la spyod pa'i tshe/ gzugs zhi'o zhes bgyi bar gnas par mi bgyi'o/ /tshor ba dang / 'du shes dang / 'du byed dang / rnam par shes pa zhi'o zhes bgyi bar gnas par mi bgyi ste/ de ci'i slad du zhe na/ bcom ldan 'das de ni 'di ltar rnam par shes pa zhi ba nyid/ rnam par shes pa zhi ba nyid kyis stong ste/ rnam par shes pa zhi ba'i stong pa nyid gang lags pa de yang / rnam par shes pa zhi ba nyid ma lags/ rnam par shes pa zhi ba nyid las gud na yang stong pa nyid ma mchis te/ rnam par shes pa zhi ba nyid kyang stong pa nyid/ stong pa nyid kyang rnam par shes pa zhi ba nyid do/ /bcom ldan 'das rnam grangs des na/ byang chub sems dpa' sems dpa' chen pos shes rab kyi pha rol du phyin pa la spyod pa'i tshe/ rnam par shes pa zhi ba'o zhes bgyi bar gnas par mi bgyi'o/ /gzugs stong ngo zhes bgyi bar gnas par mi bgyi ste/ de ci'i slad tu zhe na/ bcom ldan 'das de ni 'di ltar gzugs stong pa nyid/ gzugs stong pa nyid kyis stong ste/ gzugs stong pa nyid kyi stong pa nyid gang lags pa de yang / gzugs stong pa nyid ma lags/ gzugs stong pa nyid las gud na yang stong pa nyid ma mchis te/ gzugs stong pa nyid kyang stong pa nyid/ stong pa nyid kyang gzugs stong pa nyid do/ /bcom ldan 'das rnam grangs des na/ byang chub sems dpa' sems dpa' chen pos shes rab kyi pha rol du phyin pa la spyod pa'i tshe/ gzugs stong ngo zhes bgyi bar gnas par mi bgyi'o/ /tshor ba dang / 'du shes </font><hr>30.133b<br><font size=+1>

dang / 'du byed dang / rnam par shes pa stong ngo zhes bgyi bar gnas par mi bgyi ste/ de ci'i slad du zhe na/ bcom ldan 'das de ni 'di ltar rnam par shes pa stong pa nyid/ rnam par shes pa stong pa nyid kyis stong ste/ rnam par shes pa stong pa nyid kyi stong pa nyid gang lags pa de yang / rnam par shes pa stong pa nyid ma lags/ rnam par shes pa stong pa nyid las gud na yang / stong pa nyid ma mchis te/ rnam par shes pa stong pa nyid kyang stong pa nyid/ stong pa nyid kyang rnam par shes pa stong pa nyid do/ /bcom ldan 'das rnam grangs des na/ byang chub sems dpa' sems dpa' chen pos shes rab kyi pha rol du phyin pa la spyod pa'i tshe/ rnam par shes pa stong ngo zhes bgyi bar gnas par mi bgyi'o/ /gzugs mtshan ma med do zhes bgyi bar gnas par mi bgyi ste/ de ci'i slad du zhe na/ bcom ldan 'das de ni 'di ltar gzugs mtshan ma med pa nyid/ gzugs mtshan ma med pa nyid kyis stong ste/ gzugs mtshan ma med pa nyid kyi stong pa nyid gang lags pa de yang gzugs mtshan ma med pa nyid ma lags/ gzugs mtshan ma med pa nyid las gud na yang stong pa nyid ma mchis te/ gzugs mtshan ma med pa nyid kyang stong pa nyid/ stong pa nyid kyang gzugs mtshan ma med pa nyid do/ /bcom ldan 'das rnam grangs des na/ byang chub sems dpa' sems dpa' chen pos shes rab kyi pha rol du phyin pa la spyod pa'i tshe/ gzugs mtshan ma med do zhes bgyi bar gnas par mi bgyi'o/ /tshor ba dang / 'du shes dang / 'du byed dang / rnam par shes pa mtshan ma med do zhes bgyi bar gnas par mi bgyi ste/ de ci'i slad du zhe na/ bcom ldan 'das de ni 'di ltar rnam par shes pa mtshan ma med pa nyid/ rnam par shes pa mtshan ma med pa nyid kyis stong ste/ rnam par shes pa mtshan ma med pa nyid kyi stong pa nyid gang lags pa de yang / </font><hr>30.134a<br><font size=+1>

rnam par shes pa mtshan ma med pa nyid ma lags/ rnam par shes pa mtshan ma med pa nyid las gud na yang stong pa nyid ma mchis te/ rnam par shes pa mtshan ma med pa nyid kyang stong pa nyid/ stong pa nyid kyang rnam par shes pa mtshan ma med pa nyid do/ /bcom ldan 'das rnam grangs des na/ byang chub sems dpa' sems dpa' chen pos shes rab kyi pha rol du phyin pa la spyod pa'i tshe/ rnam par shes pa mtshan ma med do zhes bgyi bar gnas par mi bgyi'o/ /gzugs smon pa med do zhes bgyi bar gnas par mi bgyi ste/ de ci'i slad du zhe na/ bcom ldan 'das de ni 'di ltar gzugs smon pa med pa nyid/ gzugs smon pa med pa nyid kyis stong ste/ gzugs smon pa med pa nyid kyi stong pa nyid gang lags pa de yang / gzugs smon pa med pa nyid ma lags/ gzugs smon pa med pa nyid las gud na yang stong pa nyid ma mchis te/ gzugs smon pa med pa nyid kyang stong pa nyid/ stong pa nyid kyang gzugs smon pa med pa nyid do/ /bcom ldan 'das rnam grangs des na/ byang chub sems dpa' sems dpa' chen pos shes rab kyi pha rol du phyin pa la spyod pa'i tshe/ gzugs smon pa med do zhes bgyi bar gnas par mi bgyi'o/ /tshor ba dang 'du shes dang / 'du byed dang / rnam par shes pa smon pa med do zhes bgyi bar gnas par mi bgyi ste/ de ci'i slad du zhe na/ bcom ldan 'das de ni 'di ltar rnam par shes pa smon pa med pa nyid rnam par shes pa smon pa med pa nyid kyis stong ste/ rnam par shes pa smon pa med pa nyid kyi stong pa nyid gang lags pa de yang / rnam par shes pa smon pa med pa nyid ma lags/ rnam par shes pa smon pa med pa nyid las gud na yang stong pa nyid ma mchis te/ rnam par shes pa smon pa med pa nyid kyang stong pa nyid/ stong pa nyid kyang rnam par shes pa smon pa med pa nyid do/ /bcom ldan 'das rnam grangs des na/ byang chub sems dpa' sems dpa'</font><hr>30.134b<br><font size=+1>

chen pos shes rab kyi pha rol du phyin pa la spyod pa'i tshe/ rnam par shes pa smon pa med do zhes bgyi bar gnas par mi bgyi'o/ /gzugs dben no zhes bgyi bar gnas par mi bgyi ste/ de ci'i slad du zhe na/ bcom ldan 'das de ni 'di ltar gzugs dben pa nyid/ gzugs dben pa nyid kyis stong ste/ gzugs dben pa nyid kyi stong pa nyid gang lags pa de yang / gzugs dben pa nyid ma lags/ gzugs dben pa nyid las gud na yang stong pa nyid ma mchis te/ gzugs dben pa nyid kyang stong pa nyid/ stong pa nyid kyang gzugs dben pa nyid do/ /bcom ldan 'das rnam grangs des na/ byang chub sems dpa' sems dpa' chen pos shes rab kyi pha rol du phyin pa la spyod pa'i tshe/ gzugs dben no zhes bgyi bar gnas par mi bgyi'o/ /tshor ba dang / 'du shes dang / 'du byed dang / rnam par shes pa dben no zhes bgyi bar gnas par mi bgyi ste/ de ci'i slad tu zhe na/ bcom ldan 'das de ni 'di ltar rnam par shes pa dben pa nyid/ rnam par shes pa dben pa nyid kyis stong ste/ rnam par shes pa dben pa nyid kyi stong pa nyid gang lags pa de yang / rnam par shes pa dben pa nyid ma lags/ rnam par shes pa dben pa nyid las gud na yang stong pa nyid ma mchis te/ rnam par shes pa dben pa nyid kyang stong pa nyid/ stong pa nyid kyang rnam par shes pa dben pa nyid do/ /bcom ldan 'das rnam grangs des na/ byang chub sems dpa' sems dpa' chen pos shes rab kyi pha rol du phyin pa la spyod pa'i tshe/ rnam par shes pa dben no zhes bgyi bar gnas par mi bgyi'o/ /bcom ldan 'das gzhan yang byang chub sems dpa' sems dpa' chen pos shes rab kyi pha rol du phyin pa la spyod pa'i tshe/ de bzhin nyid la gnas par mi bgyi ste/ de ci'i slad du zhe na/ bcom ldan 'das de ni 'di ltar de bzhin nyid de bzhin nyid kyis stong ste/ de bzhin nyid kyi stong pa nyid</font><hr>30.135a<br><font size=+1>

gang lags pa de yang de bzhin nyid ma lags/ de bzhin nyid las gud na yang stong pa nyid ma mchis te/ de bzhin nyid kyang stong pa nyid/ stong pa nyid kyang de bzhin nyid do/ /bcom ldan 'das rnam grangs des na/ byang chub sems dpa' sems dpa' chen pos shes rab kyi pha rol du phyin pa la spyod pa'i tshe/ de bzhin nyid la gnas par mi bgyi'o/ /chos nyid la gnas par mi bgyi ste/ de ci'i slad du zhe na/ bcom ldan 'das de ni 'di ltar chos nyid chos nyid kyis stong ste/ chos nyid kyi stong pa nyid gang lags pa de yang chos nyid ma lags/ chos nyid las gud na yang stong pa nyid ma mchis te/ chos nyid kyang stong pa nyid/ stong pa nyid kyang chos nyid do/ /bcom ldan 'das rnam grangs des na/ byang chub sems dpa' sems dpa' chen pos shes rab kyi pha rol du phyin pa la spyod pa'i tshe/ chos nyid la gnas par mi bgyi'o/ /chos kyi dbyings la gnas par mi bgyi ste/ de ci'i slad du zhe na/ bcom ldan 'das de ni 'di ltar chos kyi dbyings/ chos kyi dbyings kyis stong ste/ chos kyi dbyings kyi stong pa nyid gang lags pa des yang chos kyi dbyings ma lags/ chos kyi dbyings las gud na yang stong pa nyid ma mchis te/ chos kyi dbyings kyang stong pa nyid/ stong pa nyid kyang chos kyi dbyings so/ /bcom ldan 'das rnam grangs des na/ byang chub sems dpa' sems dpa' chen pos shes rab kyi pha rol du phyin pa la spyod pa'i tshe/ chos kyi dbyings la gnas par mi bgyi'o/ /chos skyon med pa nyid la gnas par mi bgyi ste/ de ci'i slad du zhe na/ bcom ldan 'das de ni 'di ltar chos skyon med pa nyid chos skyon med pa nyid kyis stong ste/ chos skyon med pa nyid kyi stong pa nyid gang lags pa de yang / chos skyon med pa nyid ma lags/ chos skyon med pa nyid las gud na yang stong pa nyid ma</font><hr>30.135b<br><font size=+1>

mchis te/ chos skyon med pa nyid kyang stong pa nyid stong pa nyid kyang chos skyon med pa nyid do/ /bcom ldan 'das rnam grangs des na/ byang chub sems dpa' sems dpa' chen pos shes rab kyi pha rol du phyin pa la spyod pa'i tshe/ chos skyon med pa nyid la gnas par mi bgyi'o/ /yang dag pa'i mtha' la gnas par mi bgyi ste/ de ci'i slad du zhe na/ bcom ldan 'das de ni 'di ltar yang dag pa'i mtha' yang dag pa'i mthas stong ste/ yang dag pa'i mtha'i stong pa nyid gang lags pa de yang / yang dag pa'i mtha' ma lags/ yang dag pa'i mtha' las gud na yang stong pa nyid ma mchis te/ yang dag pa'i mtha' nyid kyang stong pa nyid/ stong pa nyid kyang yang dag pa'i mtha' nyid do/ /bcom ldan 'das rnam grangs des na/ byang chub sems dpa' sems dpa' chen pos shes rab kyi pha rol du phyin pa la spyod pa'i tshe/ yang dag pa'i mtha' la gnas par mi bgyi'o/ /bcom ldan 'das gal te byang chub sems dpa' sems dpa' chen pos shes rab kyi pha rol du phyin pa la spyod pa'i tshe/ thabs mi mkhas pas/ bdag du bgyi ba dang / bdag gir bgyi ba la gnas pa'i yid kyis gzugs la gnas na/ de gzugs mngon par 'du bgyi ba la spyod kyi/ shes rab kyi pha rol du phyin pa la mi spyod do/ /gal te tshor ba dang / 'du shes dang / 'du byed dang / rnam par shes pa la gnas na/ de rnam par shes pa mngon par 'du bgyi ba la spyod kyi/ shes rab kyi pha rol du phyin pa la mi spyod do/ /de ci'i slad du zhe na/ mngon par 'du bgyi ba la spyod pa'i byang chub sems dpa' sems dpa' chen pos ni shes rab kyi pha rol tu phyin pa yongs su zin par mi 'gyur/ shes rab kyi pha rol du phyin pa'i rnal 'byor la snyoms par 'jug par mi 'gyur te/ shes rab kyi pha rol du phyin pa yongs su rdzogs par ma gyur par/ rnam pa thams cad mkhyen pa nyid du 'byung bar mi 'gyur ro/ /bcom</font><hr>30.136a<br><font size=+1>

ldan 'das gal te byang chub sems dpa' sems dpa' chen po shes rab kyi pha rol du phyin pa la spyod pa'i tshe/ thabs mi mkhas pas/ bdag tu bgyi ba dang / bdag gir bgyi ba la gnas pa'i yid kyis/ yang dag pa'i mtha'i bar la gnas na/ de yang dag pa'i mtha'i mngon par 'du bgyi ba la spyod kyi/ shes rab kyi pha rol du phyin pa la mi spyod do/ /de ci'i slad du zhe na/ mngon par 'du bgyi ba la spyod pa'i byang chub sems dpa' sems dpa' chen pos ni shes rab kyi pha rol du phyin pa yongs su zin par mi 'gyur/ shes rab kyi pha rol du phyin pa'i rnal 'byor la snyoms par 'jug par mi 'gyur te/ shes rab kyi pha rol du phyin pa yongs su rdzogs par ma gyur par/ rnam pa thams cad mkhyen pa nyid du 'byung bar mi 'gyur ro/ /de ci'i slad du zhe na/ bcom ldan 'das 'di ltar gzugs ni yongs su bzung ba ma mchis pa ste/ gzugs kyi yongs su bzung ba ma mchis pa gang lags pa de yang rang bzhin gyis stong pa'i slad du gzugs ma lags/ tshor ba dang / 'du shes dang / 'du byed dang / rnam par shes pa ni yongs su bzung ba ma mchis pa ste/ rnam par shes pa'i yongs su bzung ba ma mchis pa gang lags pa de yang rang bzhin gyis stong pa'i slad du rnam par shes pa ma lags/ yang dag pa'i mtha'i bar du yongs su bzung ba ma mchis pa ste/ yang dag pa'i mtha'i yongs su bzung ba ma mchis pa gang lags pa de yang / rang bzhin gyis stong pa'i slad du yang dag pa'i mtha' ma lags te/ shes rab kyi pha rol du phyin pa de yang rang bzhin gyis stong pa'i slad du yongs su bzung ba ma mchis so/ /bcom ldan 'das byang chub sems dpa' sems dpa' chen po shes rab kyi pha rol du phyin pa la spyod pa'i tshe/ de ltar chos thams cad rang bzhin gyis stong pa nyid du yongs su brtag par bgyi ste/ ci nas kyang chos gang la yang yid rnam par mi rgyu ba de ltar yongs su brtag par bgyi'o/ /bcom ldan 'das 'di ni byang chub sems dpa' sems</font><hr>30.136b<br><font size=+1>

dpa' chen po'i ting nge 'dzin gyi dkyil 'khor chos thams cad yongs su ma bzung ba zhes bgyi ba ste/ rgya che ba/ phul du bgyi ba/ tshad ma mchis pa/ tshad ma mchis par nges pa/ nyan thos dang /[ ]rang sangs rgyas thams cad kyis mi 'phrogs shing / de dag dang thun mong ma lags pa ste/ ting nge 'dzin gyi dkyil 'khor de la spyod pa'i byang chub sems dpa' sems dpa' chen po ni rnam pa thams cad mkhyen pa nyid du 'byung bar 'gyur te/ rnam pa thams cad mkhyen pa nyid de yang nang stong pa nyid dang / phyi stong pa nyid dang / phyi nang stong pa nyid dang / stong pa nyid stong pa nyid dang / chen po stong pa nyid dang / don dam pa stong pa nyid dang / 'dus byas stong pa nyid dang / 'dus ma byas stong pa nyid dang / mtha' las 'das pa stong pa nyid dang / thog ma dang tha ma med pa stong pa nyid dang / dor ba med pa stong pa nyid dang / rang bzhin stong pa nyid dang / chos thams cad stong pa nyid dang / rang gi mtshan nyid stong pa nyid dang / mi dmigs pa stong pa nyid dang / dngos po med pa stong pa nyid dang / ngo bo nyid stong pa nyid dang / dngos po med pa'i ngo bo nyid stong pa nyid kyi slad du yongs su bzung ba ma mchis pa'o/ /de ci'i slad du zhe na/ de ni mtshan mas brjod pa ma lags pa ste/ de ni 'di ltar mtshan ma las nyon mongs pa 'byung ste/ mtshan ma de dag gang zhe na/ gzugs ni mtshan ma'o/ /tshor ba ni mtshan ma'o/ /'du shes ni mtshan ma'o/ /'du byed ni mtshan ma'o/ /rnam par shes pa ni mtshan ma'o/ /mig ni mtshan ma'o/ /rna ba dang / sna dang / lce dang / lus dang / yid ni mtshan ma'o/ /gzugs ni mtshan ma'o/ /sgra dang / dri dang / ro dang / reg dang / chos ni mtshan ma'o/ /mig gi rnam par shes pa ni mtshan ma'o/ /rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa ni mtshan ma'o/ /mig gi 'dus te reg pa ni mtshan ma'o/ /rna ba'i 'dus te reg pa dang / sna'i 'dus te reg pa dang / lce'i</font><hr>30.137a<br><font size=+1>

'dus te reg pa dang / lus kyi 'dus te reg pa dang / yid kyi 'dus te reg pa ni mtshan ma'o/ /mig gi 'dus te reg pa las byung ba'i tshor ba ni mtshan ma'o/ /rna ba'i 'dus te reg pa las byung ba'i tshor ba dang / sna'i 'dus te reg pa las byung ba'i tshor ba dang / lce'i 'dus te reg pa las byung ba'i tshor ba dang / lus kyi 'dus te reg pa las byung ba'i tshor ba dang / yid kyi 'dus te reg pa las byung ba'i tshor ba ni mtshan ma'o/ /sa'i khams ni mtshan ma'o/ /chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams ni mtshan ma'o/ /ma rig pa ni mtshan ma'o/ /'du byed dang / rnam par shes pa dang / ming dang gzugs dang / skye mched drug dang / reg pa dang / tshor ba dang / sred pa dang / len pa dang / srid pa dang / skye ba dang / rga shi ni mtshan ma'o/ /sbyin pa'i pha rol du phyin pa ni mtshan ma'o/ /tshul khrims kyi pha rol tu phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa ni mtshan ma'o/ /nang stong pa nyid ni mtshan ma'o/ /phyi stong pa nyid dang / phyi nang stong pa nyid ni mtshan ma'o/ /dngos po med pa'i ngo bo nyid stong pa nyid kyi bar ni mtshan ma'o/ /dran pa nye bar gzhag pa rnams ni mtshan ma'o/ /yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag bdun dang / 'phags pa'i lam yan lag brgyad pa dang / 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs</font><hr>30.137b<br><font size=+1>

pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad ni mtshan ma'o/ /yi ge rnams ni mtshan ma'o/ /gcig tu brjod pa ni mtshan ma'o/ /gnyis su brjod pa ni mtshan ma'o/ /tha dad du brjod pa ni mtshan ma ste/ de ni nyon mongs pa zhes bgyi'o/ /gal te de shes rab kyi pha rol du phyin pa de mtshan mar bzung ba zhig lags na ni/ kun du rgyu ba phreng ba can yang thams cad mkhyen pa'i ye shes 'di la dad pa thob par mi 'gyur ro/ /dad pa gang zhe na/ 'di lta ste/ shes rab kyi pha rol du phyin pa la yid ches pa dang / rtog pa dang / mos pa dang / rten pa dang / sems pa dang / 'jal ba dang dpyod pa ste/ de yang mtshan ma'i tshul du ma lags/ mtshan ma ma mchis pa'i tshul du yang ma lags so/ /de ltar na de ni mtshan ma dang mtshan ma ma mchis pa dang / yongs su bzung ba ma mchis pas yongs su bzung ba lags te/ kun du rgyu ba phreng ba can des kyang thams cad mkhyen pa'i ye shes 'di la mos par gyur nas/ dad pa'i rjes su 'brang bas nyi tshe ba'i ye shes kyis zhugs te/ de ltar zhugs nas gzugs yongs su ma bzung / tshor ba dang / 'du shes dang / 'du byed dang / rnam par shes pa yongs su ma bzung ngo / /de ni 'di ltar des rang gi mtshan nyid kyis stong pa'i chos thams cad la yongs su 'dzin pa ma dmigs te/ de ci'i slad du zhe na/ 'di ltar des ye shes de rtogs pa dang / thob par bgyi ba'i tshul gyis nang du yang dag par rjes su ma mthong / ye shes de rtogs pa dang / thob par bgyi ba'i tshul gyis phyi rol du yang dag par rjes su ma mthong / ye shes de rtogs pa dang / thob par bgyi ba'i tshul gyis phyi nang du yang dag par rjes su ma mthong / ye shes de rtogs pa dang / thob par bgyi ba'i tshul gyis de las gzhan du yang yang dag par rjes su ma mthong ngo / /de ci'i slad du zhe na/ 'di ltar des chos gang gis rtogs par bgyi ba dang / </font><hr>30.138a<br><font size=+1>

gang rtogs par bgyid pa dang / gang rtogs par bgyi ba de lta bu'i chos yang dag par rjes su ma mthong ste/ des ye shes de gzugs kyi nang du yang dag par rjes su ma mthong / ye shes de tshor ba dang / 'du shes dang / 'du byed dang / rnam par shes pa'i nang du yang dag par rjes su ma mthong / ye shes de gzugs kyi phyi rol du yang dag par rjes su ma mthong / ye shes de tshor ba dang / 'du shes dang / 'du byed dang / rnam par shes pa'i phyi rol du yang dag par rjes su ma mthong / ye shes de gzugs kyi phyi nang du yang dag par rjes su ma mthong / ye shes de tshor ba dang / 'du shes dang / 'du byed dang / rnam par shes pa'i phyi nang du yang dag par rjes su ma mthong / ye shes de gzugs ma lags pa gzhan du yang yang dag par rjes su ma mthong / ye shes de tshor ba dang / 'du shes dang / 'du byed dang / rnam par shes pa ma lags pa gzhan du yang yang dag par rjes su ma mthong / ye shes de yang dag pa'i mtha'i nang du yang yang dag par rjes su ma mthong / ye shes de yang dag pa'i mtha'i phyi rol du yang dag par rjes su ma mthong / ye shes de yang dag pa'i mtha'i phyi nang du yang dag par rjes su ma mthong / ye shes de yang dag pa'i mtha' ma lags pa gzhan du yang yang dag par rjes su ma mthong ngo / /rnam grangs 'di la kun du rgyu ba phreng ba can mos par gyur te/ de ltar mos par gyur na/ dad pa'i rjes su 'brang bas chos nyid tshad mar bgyis te/ chos thams cad mi dmigs pa'i slad du rnam pa thams cad mkhyen pa nyid kyi ye shes la zhugs par gyur te/ de de ltar mos par gyur nas/ des chos gang yang mtshan ma ma mchis pa dang / yid la bgyi ba ma mchis pa'i slad du yongs su bzung ba ma mchis te/ chos thams cad bzung du ma mchis/ gtang du ma mchis pa'i slad du yongs su gzung bar bgyi ba 'am/ gtang bar bgyi ba de lta bu'i chos gang yang des ma dmigs te/ chos thams cad la rlom sems </font><hr>30.138b<br><font size=+1>

ma mchis pa'i slad du/ de ni mya ngan las 'das pas kyang rlom sems su 'gyur ba ma mchis so/ /bcom ldan 'das de ltar gang chos thams cad yongs su bzung ba ma mchis pa'i slad du/ gzugs yongs su mi 'dzin pa dang / tshor ba dang / 'du shes dang / 'du byed dang / rnam par shes pa yongs su mi 'dzin pa dang / chos thams cad yongs su gzung ba ma mchis pa'i slad du/ skye mched dang / khams dang / rten cing 'brel bar 'byung ba dang / pha rol du phyin pa rnams dang / stong pa nyid thams cad dang / byang chub kyi phyogs kyi chos rnams dang / 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa rnams dang / mthar gyi gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad dang / mngon par 'du bgyi ba ma mchis pa dang / de bzhin nyid dang / chos nyid dang / chos kyi dbyings dang / chos kyi gnas nyid dang / chos skyon med pa nyid dang / yang dag pa'i mtha' yongs su mi 'dzin pa 'di ni pha rol ma mchis pa'i pha rol du phyin pas/ byang chub sems dpa' sems dpa' chen po rnams kyi pha rol du phyin pa'o/ /'on kyang smon lam yongs su ma rdzogs kyi bar du bar ma dor yongs su mya ngan las mi 'da' ste/ dran pa nye bar gzhag pa bzhi yongs su ma rdzogs/ yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag bdun dang / </font><hr>30.139a<br><font size=+1>

'phags pa'i lam yan lag brgyad pa yongs su ma rdzogs/ 'phags pa'i bden pa bzhi dang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad yongs su ma rdzogs par bar ma dor yongs su mya ngan las mi 'da'o/ /de ci'i slad du zhe na/ 'di ltar smon lam rnams ni smon lam ma lags/ dran pa nye bar gzhag pa rnams ni/ dran pa nye bar gzhag pa rnams ma lags/ yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang 'phags pa'i lam yan lag brgyad pa dang / 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad ni/ sangs rgyas kyi chos ma 'dres pa ma lags te/ de dag ni chos kyang ma lags/ chos ma lags pa yang ma lags so/ /bcom</font><hr>30.139b<br><font size=+1>

ldan 'das de ltar gang chos thams cad yongs su ma bzung ba'i slad du/ gzugs yongs su mi 'dzin pa dang / tshor ba dang / 'du shes dang / 'du byed dang / rnam par shes pa yongs su mi 'dzin pa dang / chos thams cad yongs su ma bzung ba'i slad du/ yang dag pa'i mtha'i bar du yongs su mi 'dzin pa 'di ni/ byang chub sems dpa' sems dpa' chen po'i shes rab kyi pha rol du phyin pa'o/ /bcom ldan 'das gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ rnam pa 'di ltar shes rab kyi pha rol tu phyin pa ni gang / shes rab kyi pha rol du phyin pa 'di ni gang gi/ shes rab kyi pha rol du phyin pa 'di ni ci zhig  /ci'i phyir na de la shes rab kyi pha rol du phyin pa zhes bya zhes yongs su brtag par bgyi ste/ byang chub sems dpa' sems dpa' chen po shes rab kyi pha rol du phyin pa la spyod pa'i tshe/ de de ltar yongs su rtog cing nye bar sems pa'i tshe/ chos gang med cing mi dmigs pa de ni shes rab kyi pha rol du phyin pa'o zhes gal te de ltar yang dag par rjes su mthong na/ de yang dag par rjes su mthong ba zhes bya ste/ de ci'i phyir zhe na/ bcom ldan 'das 'di ltar chos thams cad ni ma mchis mi dmigs so/ /gal te 'di ltar chos gang yod pa ma yin zhing mi dmigs pa de shes rab kyi pha rol du phyin pa yin nam zhes spyod na/ shes rab kyi pha rol du phyin pa la mi spyod do/ /de nas tshe dang ldan pa shA ra dwa ti'i bus/ tshe dang ldan pa rab 'byor la 'di skad ces smras so/ /tshe dang ldan pa rab 'byor chos gang rnams med cing mi dmigs pa yin/ rab 'byor gyis smras pa/ tshe dang ldan pa shA ra dwa ti'i bu/ nang stong pa nyid dang / phyi stong pa nyid dang / phyi nang stong pa nyid dang / stong pa nyid stong pa nyid dang / chen po stong pa nyid dang / </font><hr>30.140a<br><font size=+1>

don dam pa stong pa nyid dang / 'dus byas stong pa nyid dang / 'dus ma byas stong pa nyid dang / mtha' las 'das pa stong pa nyid dang / thog ma dang tha ma med pa stong pa nyid dang / dor ba med pa stong pa nyid dang / rang bzhin stong pa nyid dang / chos thams cad stong pa nyid dang / rang gi mtshan nyid stong pa nyid dang / mi dmigs pa stong pa nyid dang / dngos po med pa stong pa nyid dang / ngo bo nyid stong pa nyid dang / dngos po med pa'i ngo bo nyid stong pa nyid kyi phyir/ shes rab kyi pha rol du phyin pa med cing mi dmigs so/ /bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa yang med cing mi dmigs so/ /tshe dang ldan pa shA ra dwa ti'i bu/ nang stong pa nyid dang / phyi stong pa nyid dang / phyi nang stong pa nyid dang / stong pa nyid stong pa nyid dang / chen po stong pa nyid dang / don dam pa stong pa nyid dang / 'dus byas stong pa nyid dang / 'dus ma byas stong pa nyid dang / mtha' las 'das pa stong pa nyid dang / thog ma dang tha ma med pa stong pa nyid dang / dor ba med pa stong pa nyid dang / rang bzhin stong pa nyid dang / chos thams cad stong pa nyid dang / rang gi mtshan nyid stong pa nyid dang / mi dmigs pa stong pa nyid dang / dngos po med pa stong pa nyid dang / ngo bo nyid stong pa nyid dang / dngos po med pa'i ngo bo nyid stong pa nyid kyi phyir/ gzugs med cing mi dmigs so/ /tshor ba dang / 'du shes dang / 'du byed dang / rnam par shes pa med cing mi dmigs so/ /tshe dang ldan pa shA ra dwa ti'i bu nang stong pa nyid dang / phyi stong pa nyid dang / phyi nang stong pa nyid dang / stong pa nyid stong pa nyid dang / chen po stong pa nyid dang / don dam pa stong pa nyid dang / 'dus byas stong pa nyid dang / 'dus ma byas stong pa nyid dang / mtha' las</font><hr>30.140b<br><font size=+1>

'das pa stong pa nyid dang / thog ma dang tha ma med pa stong pa nyid dang / dor ba med pa stong pa nyid dang / rang bzhin stong pa nyid dang / chos thams cad stong pa nyid dang / rang gi mtshan nyid stong pa nyid dang / mi dmigs pa stong pa nyid dang / dngos po med pa stong pa nyid dang / ngo bo nyid stong pa nyid dang / dngos po med pa'i ngo bo nyid stong pa nyid kyi phyir/ skye mched rnams dang / khams rnams dang / rten cing 'brel bar 'byung ba med cing mi dmigs so/ /tshe dang ldan pa shA ra dwa ti'i bu nang stong pa nyid dang dngos po med pa'i ngo bo nyid stong pa nyid kyi bar gyi phyir/ pha rol du phyin pa rnams med cing mi dmigs so/ /byang chub kyi phyogs kyi chos sum bcu rtsa bdun med cing mi dmigs so/ /'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad med cing mi dmigs so/ /nang stong pa nyid dang / dngos po med pa'i ngo bo nyid stong pa nyid kyi bar gyi phyir rgyun du zhugs pa'i 'bras bu med cing mi dmigs so/ /lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub dang / lam gyi rnam pa shes pa nyid dang / rnam pa thams cad mkhyen pa nyid med cing mi dmigs so/ /nang stong pa nyid dang / dngos po med pa'i ngo bo nyid stong pa nyid kyi bar gyi phyir/ de bzhin nyid med cing mi dmigs so/ /chos nyid dang / chos kyi dbyings</font><hr>30.141a<br><font size=+1>

dang chos kyi gnas nyid dang / chos skyon med pa nyid dang / yang dag pa'i mtha' med cing mi dmigs so/ /nang stong pa nyid dang / dngos po med pa'i ngo bo nyid stong pa nyid kyi bar gyi phyir/ rgyun du zhugs pa yang med cing mi dmigs so/ /lan gcig phyir 'ong ba dang / phyir mi 'ong ba dang / dgra bcom pa dang / rang sangs rgyas dang / byang chub sems dpa' dang / sangs rgyas kyang med cing mi dmigs so/ /tshe dang ldan pa shA ra dwa ti'i bu nang dmigs su med pa'i phyir/ nang stong pa nyid med cing mi dmigs so/ /phyi dmigs su med pa'i phyir/ phyi stong pa nyid med cing mi dmigs so/ /phyi nang dmigs su med pa'i phyir/ phyi nang stong pa nyid med cing mi dmigs so/ /dngos po med pa'i ngo bo nyid stong pa nyid kyi bar du dmigs su med pa'i phyir/ dngos po med pa'i ngo bo nyid stong pa nyid med cing mi dmigs so/ /tshe dang ldan pa shA ra dwa ti'i bu byang chub sems dpa' sems dpa' chen po shes rab kyi pha rol du phyin pa la spyod pa'i tshe/ gal te de ltar rtog cing sems pa dang de ltar rtog cing sems pa'i tshe sems zhum pa med cing yongs su zhum pa med la/ mi 'jigs mi sngang skrag par mi 'gyur na/ byang chub sems dpa' sems dpa' chen po shes rab kyi pha rol du phyin pa dang ma bral bar shes par bya'o/ /smras pa/ tshe dang ldan pa rab 'byor ci'i phyir na/ byang chub sems dpa' sems dpa' chen po shes rab kyi pha rol du phyin pa dang ma bral bar shes par bya/ rab 'byor gyis smras pa/ tshe dang ldan pa shA ra dwa ti'i bu gzugs ni gzugs gyi rang bzhin dang bral ba ste/ de byang chub sems dpa' sems dpa' chen po shes rab kyi pha rol du phyin pa la spyod pa'i tshe/ yang dag pa ji lta ba bzhin du rab tu shes so/ /tshor ba</font><hr>30.141b<br><font size=+1>

ni tshor ba'i rang bzhin dang bral ba/ 'du shes ni 'du shes kyi rang bzhin dang bral ba/ 'du byed ni 'du byed kyi rang bzhin dang bral ba/ rnam par shes pa ni rnam par shes pa'i rang bzhin dang bral ba ste/ de byang chub sems dpa' sems dpa' chen po shes rab kyi pha rol du phyin pa la spyod pa'i tshe/ yang dag pa ji lta ba bzhin du rab tu shes so/ /tshe dang ldan pa shA ra dwa ti'i bu/ skye mched dang / khams dang / rten cing 'brel bar 'byung ba ni/ rten cing 'brel bar 'byung ba'i rang bzhin dang bral ba/ sbyin pa'i pha rol du phyin pa ni/ sbyin pa'i pha rol du phyin pa'i rang bzhin dang bral ba/ tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa ni/ shes rab kyi pha rol du phyin pa'i rang bzhin dang bral ba/ nang stong pa nyid ni nang stong pa nyid kyi rang bzhin dang bral ba/ dngos po med pa'i ngo bo nyid stong pa nyid kyi bar du/ dngos po med pa'i ngo bo nyid stong pa nyid kyi rang bzhin dang bral ba/ dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa dang / 'phags pa'i bden pa rnams dang / bsam gtan rnams dang / tshad med pa rnams gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyis sgo rnams dang / de bzhin gshegs pa'i stobs bcu dang / mi 'jigs pa bzhi</font><hr>30.142a<br><font size=+1>

dang / so so yang dag par rig pa bzhi dang / sangs rgyas kyi chos ma 'dres pa bcwa brgyad ni/ sangs rgyas kyi chos ma 'dres pa bcwa brgyad kyi rang bzhin dang bral ba/ rgyun du zhugs pa ni rgyun du zhugs pa'i rang bzhin dang bral ba/ lan gcig phyir 'ong ba dang / phyir mi 'ong ba dang / dgra bcom pa dang / rang byang chub dang / rnam pa thams cad mkhyen pa nyid kyi bar ni/ rnam pa thams cad mkhyen pa nyid kyi rang bzhin dang bral ba/ de bzhin nyid ni de bzhin nyid kyi rang bzhin dang bral ba/ ma nor ba de bzhin nyid dang gzhan ma yin pa de bzhin nyid dang / chos nyid dang / chos kyi dbyings dang / chos kyi gnas nyid dang / chos skyon med pa nyid dang / yang dag pa'i mtha' ni yang dag pa'i mtha'i rang bzhin dang bral ba ste/ de byang chub sems dpa' sems dpa' chen po shes rab kyi pha rol du phyin pa la spyod pa'i tshe/ yang dag pa ji lta ba bzhin du rab tu shes so/ /tshe dang ldan pa shA ra dwa ti'i bu de'i phyir byang chub sems dpa' sems dpa' chen po shes rab kyi pha rol du phyin pa dang ma bral bar shes par bya'o/ /smras pa/ tshe dang ldan pa rab 'byor gzugs kyi rang bzhin ni ji lta bu/ tshor ba dang / 'du shes dang / 'du byed dang / rnam par shes pa'i rang bzhin ni ji lta bu/ skye mched dang / khams dang / rten cing 'brel bar 'byung ba'i rang bzhin ni ji lta bu/ yang dag pa'i mtha'i bar gyi rang bzhin ni ji lta bu/ rab 'byor gyis smras pa/ tshe dang ldan pa shA ra dwa ti'i bu gzugs kyi rang bzhin ni dngos po med pa'o/ /tshor ba dang / 'du shes dang / 'du byed dang / rnam par shes pa'i rang bzhin ni dngos po med pa'o/ /skye mched dang / khams dang / rten cing 'brel bar 'byung ba'i rang bzhin ni dngos po med pa'o/ /yang dag pa'i mtha'i bar gyi rang bzhin ni dngos po med pa'o/ /tshe dang ldan pa shA ra dwa ti'i bu rnam</font><hr>30.142b<br><font size=+1>

grangs des na/ 'di ltar gzugs la gzugs kyi rang bzhin med pa dang / tshor ba dang / 'du shes dang / 'du byed dang / rnam par shes pa la rnam par shes pa'i rang bzhin med pa dang / skye mched rnams la skye mched kyi rang bzhin med pa dang / khams rnams la khams kyi rang bzhin med pa dang / rten cing 'brel bar 'byung ba la/ rten cing 'brel bar 'byung ba'i rang bzhin med pa dang / yang dag pa'i mtha'i bar la yang dag pa'i mtha'i rang bzhin med par shes par bya'o/ /tshe dang ldan pa shA ra dwa ti'i bu gzhan yang gzugs la gzugs kyi mtshan nyid med do/ /tshor ba dang / 'du shes dang / 'du byed dang / rnam par shes pa la rnam par shes pa'i mtshan nyid med do/ /skye mched rnams la skye mched kyi mtshan nyid med do/ /khams rnams la khams kyi mtshan nyid med do/ /rten cing 'brel bar 'byung ba la rten cing 'brel bar 'byung ba'i mtshan nyid med do/ /yang dag pa'i mtha'i bar la yang dag pa'i mtha'i mtshan nyid med do/ /mtshan nyid la yang mtshan nyid kyi rang bzhin med do/ /mtshan nyid kyi rang bzhin la yang mtshan nyid kyi rang bzhin med do/ /smras pa/ tshe dang ldan pa rab 'byor byang chub sems dpa' sems dpa' chen po gang bslab pa 'di la slob pa de/ rnam pa thams cad mkhyen pa nyid du 'byung bar 'gyur ram/ rab 'byor gyis smras pa/ tshe dang ldan pa shA ra dwa ti'i bu de de bzhin te/ byang chub sems dpa' sems dpa' chen po gang bslab pa 'di la slob pa de ni rnam pa thams cad mkhyen pa nyid du 'byung bar 'gyur ro/ /de ci'i phyir zhe na/ tshe dang ldan pa shA ra dwa ti'i bu de ni 'di ltar chos thams cad ma skyes ma byung ba'i phyir ro/ /smras pa/ tshe dang ldan pa rab 'byor ji ltar na chos thams cad ma skyes ma byung ba yin/ rab 'byor gyis smras pa/ </font><hr>30.143a<br><font size=+1>

tshe dang ldan pa shA ra dwa ti'i bu gzugs gzugs kyis stong ste/ de la skye ba yang mi dmigs/ 'byung ba yang mi dmigs so/ /tshor ba dang / 'du shes dang / 'du byed dang / rnam par shes pa rnam par shes pas stong ste/ de la skye ba yang mi dmigs/ 'byung ba yang mi dmigs so/ /yang dag pa'i mtha'i bar du yang dag pa'i mthas stong ste/ de la skye ba yang mi dmigs/ 'byung ba yang mi dmigs so/ /tshe dang ldan pa shA ra dwa ti'i bu byang chub sems dpa' sems dpa' chen po shes rab kyi pha rol du phyin pa la de ltar spyod pa ni/ rnam pa thams cad mkhyen pa nyid dang nye ba yin te/ de ji lta ji ltar rnam pa thams cad mkhyen pa nyid du nye bar gyur pa de lta de ltar/ lus yongs su dag pa dang / ngag yongs su dag pa dang / sems yongs su dag pa dang / mtshan yongs su dag pa 'thob par 'gyur ro/ /de ji lta ji ltar lus yongs su dag pa dang / ngag yongs su dag pa dang / sems yongs su dag pa dang / mtshan yongs su dag pa thob par 'gyur ba de lta de ltar byang chub sems dpa' sems dpa' chen po de ni 'dod chags dang ldan pa'i sems mi skyed do/ /zhe sdang dang ldan pa dang / gti mug dang ldan pa dang / nga rgyal dang ldan pa dang / g.yo dang rgyu dang ldan pa dang / phrag dog dang ser sna dang ldan pa dang / sred pa dang ldan pa dang / lta ba dang ldan pa'i sems mi skyed do/ /de 'dod chags kyi sems mi skyed cing / zhe sdang dang / gti mug dang / nga rgyal dang / g.yo dang / rgyu dang / phrag dog dang / ser sna dang / sred pa dang / lta ba dang / ldan pa'i sems mi skyed pas/ nam yang ma'i mngal du skye bar mi 'gyur te/ khor zug rtag par rdzus te skye bar 'gyur ro/ /sems can yongs su smin par bya ba'i don ma gtogs par/ nam yang ngan song rnams su skye bar mi 'gyur ro/ /de sems can</font><hr>30.143b<br><font size=+1>

yongs su smin par bya ba dang / sangs rgyas kyi zhing yongs su dag par byed cing / sangs rgyas kyi zhing nas sangs rgyas kyi zhing du 'gro ste/ nam bla na med pa yang dag par rdzogs pa'i byang chub tu mngon par rdzogs par sangs rgyas par gyur gyi bar du nam yang sangs rgyas bcom ldan 'das rnams dang bral bar mi 'gyur ro/ /de bas na tshe dang ldan pa shA ra dwa ti'i bu/ byang chub sems dpa' sems dpa' chen po yon tan dang legs pa 'di dag thob par 'dod pas/ shes rab kyi pha rol du phyin pa 'di nyid la brtson 'grus mi btang bar spyad par bya ste/ tshe dang ldan pa shA ra dwa ti'i bu byang chub sems dpa' sems dpa' chen po shes rab kyi pha rol du phyin pa la de ltar spyod pa ni/ rnam pa thams cad mkhyen pa nyid du nye bar gyur pa yin no/ /shes rab kyi pha rol du phyin pa stong phrag nyi shu lnga pa las le'u lnga pa'o// // de nas tshe dang ldan pa rab 'byor gyis/ bcom ldan 'das la 'di skad ces gsol to/ /bcom ldan 'das gal te byang chub sems dpa' sems dpa' chen po shes rab kyi pha rol du phyin pa la spyod pa'i tshe/ thabs mi mkhas pas/ gzugs la spyod na mtshan ma la spyod de/ shes rab kyi pha rol du phyin pa la spyod pa ma yin no/ /de bzhin du gal te tshor ba dang / 'du shes dang / 'du byed dang / rnam par shes pa la spyod na mtshan ma la spyod do/ /gal te gzugs rtag ces bgyi bar spyod na mtshan ma la spyod do/ /gal te tshor ba dang / 'du shes dang / 'du byed dang / rnam par shes pa rtag ces bgyi bar spyod na mtshan ma la spyod do/ /gal te gzugs mi rtag ces bgyi bar spyod na mtshan ma la spyod do/ /gal te tshor ba dang / 'du shes dang / 'du byed dang / rnam par shes pa mi rtag ces bgyi bar spyod na mtshan ma la spyod do/ /</font><hr>30.144a<br><font size=+1>

gal te gzugs bde zhes bgyi bar spyod na mtshan ma la spyod do/ /tshor ba dang / 'du shes dang / 'du byed dang / rnam par shes pa bde zhes bgyi bar spyod na mtshan ma la spyod do/ /gal te gzugs sdug bsngal zhes bgyi bar spyod na mtshan ma la spyod do/ /tshor ba dang / 'du shes dang / 'du byed dang / rnam par shes pa sdug bsngal zhes bgyi bar spyod na mtshan ma la spyod do/ /gal te gzugs bdag ces bgyi bar spyod na mtshan ma la spyod do/ /tshor ba dang / 'du shes dang / 'du byed dang / rnam par shes pa bdag ces gyi bar spyod na mtshan ma la spyod do/ /gal te gzugs bdag med ces bgyi bar spyod na mtshan ma la spyod do/ /tshor ba dang / 'du shes dang / 'du byed dang / rnam par shes pa bdag med ces bgyi bar spyod na mtshan ma la spyod do/ /gal te gzugs zhi zhes bgyi bar spyod na mtshan ma la spyod do/ /tshor ba dang / 'du shes dang / 'du byed dang / rnam par shes pa zhi zhes bgyi bar spyod na mtshan ma la spyod do/ /gal te gzugs ma zhi zhes bgyi bar spyod na mtshan ma la spyod do/ /tshor ba dang / 'du shes dang / 'du byed dang / rnam par shes pa ma zhi zhes bgyi bar spyod na mtshan ma la spyod do/ /gal te gzugs dben zhes bgyi bar spyod na mtshan ma la spyod do/ /tshor ba dang / 'du shes dang / 'du byed dang / rnam par shes pa dben zhes bgyi bar spyod na mtshan ma la spyod do/ /gal te gzugs mi dben zhes bgyi bar spyod na mtshan ma la spyod do/ /tshor ba dang / 'du shes dang / 'du byed dang / rnam par shes pa mi dben zhes bgyi bar spyod na mtshan ma la spyod do/ /bcom ldan 'das gal te byang chub sems dpa' sems dpa' chen po shes rab kyi pha rol du phyin pa la spyod pa'i tshe/ thabs mi mkhas</font><hr>30.144b<br><font size=+1>

pas/ skye mched dang / khams dang / rten cing 'brel bar 'byung ba dang / pha rol du phyin pa rnams dang / stong pa nyid thams cad dang / byang chub kyi phyogs kyi chos sum bcu rtsa bdun dang / 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa rnams dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad rtag pa dang / mi rtag pa dang / bde ba dang / sdug bsngal ba dang / bdag dang / bdag med pa dang / zhi ba dang / ma zhi ba dang / dben pa dang / mi dben pa zhes bgyi bar spyod na mtshan ma la spyod do/ /shes rab kyi pha rol du phyin pa la spyod pa ma lags so/ /bcom ldan 'das gal te byang chub sems dpa' sems dpa' chen po shes rab kyi pha rol du phyin pa la spyod pa'i tshe/ 'di snyam du bdag ni shes rab kyi pha rol tu phyin pa la spyod do zhes bgyi bar spyod na/ dmigs pa la spyod pa ste/ byang chub sems dpa' sems dpa' chen po de ni mtshan ma la spyod do/ /bcom ldan 'das gal te byang chub sems dpa' sems dpa' chen po 'di snyam du gang de ltar spyod pa ni/ shes rab kyi pha rol du phyin pa la spyod do/ /de ni shes rab kyi pha rol du phyin pa bsgom mo zhes bgyi bar spyod na yang mtshan ma nyid la spyod pa ste/ de ni byang chub sems dpa' sems dpa' chen po'i thabs mi mkhas par rig par bgyi'o/ /de nas tshe dang</font><hr>30.145a<br><font size=+1>

ldan pa shA ra dwa ti'i bus tshe dang ldan pa rab 'byor la 'di skad ces smras so/ /tshe dang ldan pa rab 'byor byang chub sems dpa' sems dpa' chen po'i thabs mi mkhas pa ji ltar rig par bya ba yin/ rab 'byor gyis smras pa/ tshe dang ldan pa shA ra dwa ti'i bu 'di ltar byang chub sems dpa' sems dpa' chen po shes rab kyi pha rol du phyin pa la spyod pa'i tshe/ gzugs la mos shing 'du shes te byin gyis rlob na/ de gzugs la mos shing 'du shes te byin gyis rlob pas/ gzugs mngon par 'du bya ba la spyod de/ de ni skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa las yongs su mi 'grol/ sdug bsngal chen po las yongs su mi 'grol bar brjod do/ /tshor ba dang / 'du shes dang / 'du byed dang / rnam par shes pa la/ mos shing 'du shes te byin gyis rlob na/ de rnam par shes pa la mos shing 'du shes te byin gyis rlob pas/ rnam par shes pa mngon par 'du bya ba la spyod de/ de ni skye ba dang / rga ba dang / na ba dang / 'chi ba dang / mya ngan dang / smre sngags 'don pa dang sdug bsngal ba dang / yid mi bde ba dang / 'khrug pa las yongs su mi 'grol/ sdug bsngal chen po las yongs su mi 'grol bar brjod do/ /gal te byang chub sems dpa' sems dpa' chen po shes rab kyi pha rol du phyin pa la spyod pa'i tshe/ mig la mos shing 'du shes te byin gyis rlob/ rna ba dang / sna dang / lce dang / lus dang / yid la mos shing 'du shes te byin gyis rlob/ gzugs la mos shing 'du shes te byin gyis rlob/ sgra dang / dri dang / ro dang / reg dang / chos la mos shing 'du shes te byin gyis rlob/ mig gi rnam par shes pa la mos shing 'du shes te byin gyis rlob/ rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa la mos shing 'du shes te byin gyis rlob/ </font><hr>30.145b<br><font size=+1>

mig gi 'dus te reg pa la mos shing 'du shes te byin gyis rlob/ rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa la mos shing 'du shes te byin gyis rlob/ mig gi 'dus te reg pa'i rkyen gyis tshor ba la mos shing 'du shes te byin gyis rlob/ rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba la mos shing 'du shes te byin gyis rlob/ ma rig pa la mos shing 'du shes te byin gyis rlob/ 'du byed dang / rnam par shes pa dang / ming dang gzugs dang / skye mched drug dang / reg pa dang / tshor ba dang / sred pa dang / len pa dang / srid pa dang / skye ba dang / rga shi la mos shing 'du shes te byin gyis rlob/ pha rol du phyin pa rnams dang / stong pa nyid thams cad dang / byang chub kyi phyogs kyi chos rnams dang / 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams dang / mig lnga dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad la mos shing 'du shes te byin gyis rlob na/ de sangs rgyas kyi chos ma 'dres pa bcwa brgyad la mos shing 'du shes te byin gyis brlobs pas/ sangs rgyas kyi chos ma 'dres pa bcwa brgyad mngon par 'du bya ba la spyod de/ de ni skye ba dang / rga ba dang / na ba dang / 'chi ba dang / </font><hr>30.146a<br><font size=+1>

mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa las yongs su mi 'grol/ sdug bsngal chen po las yongs su mi 'grol bar brjod do/ /tshe dang ldan pa shA ra dwa ti'i bu byang chub sems dpa' sems dpa' chen po de ni nyan thos kyi sa 'am/ rang sangs rgyas kyi sa yang mngon du bya ba'i skal pa med na/ bla na med pa yang dag par rdzogs pa'i byang chub tu mngon par 'tshang rgya ba lta ci smos te/ de ni gnas med do/ /tshe dang ldan pa shA ra dwa ti'i bu byang chub sems dpa' sems dpa' chen po shes rab kyi pha rol du phyin pa la de ltar spyod na/ thabs mi mkhas par shes par bya'o/ /smras pa/ tshe dang ldan pa rab 'byor byang chub sems dpa' sems dpa' chen po shes rab kyi pha rol du phyin pa la ji ltar spyod na thabs mkhas par shes par bya/ rab 'byor gyis smras pa/ tshe dang ldan pa shA ra dwa ti'i bu nam byang chub sems dpa' sems dpa' chen po shes rab kyi pha rol du phyin pa la spyod cing / gzugs la mi spyod/ tshor ba dang / 'du shes dang / 'du byed dang / rnam par shes pa la yang mi spyod/ gzugs kyi mtshan ma la mi spyod/ tshor ba dang / 'du shes dang / 'du byed dang / rnam par shes pa'i mtshan ma la mi spyod/ gzugs rtag ces bya bar mi spyod/ gzugs mi rtag ces bya ba dang / gzugs bde zhes bya ba dang / gzugs sdug bsngal zhes bya ba dang / gzugs bdag ces bya ba dang / gzugs bdag med ces bya ba dang / gzugs zhi zhes bya ba dang / gzugs ma zhi zhes bya ba dang / gzugs stong zhes bya ba dang / gzugs mi stong zhes bya ba dang / gzugs mtshan ma yod ces bya ba dang / gzugs mtshan ma med ces bya ba dang / gzugs smon pa yod ces bya ba dang / gzugs smon pa med ces bya ba dang / gzugs dben zhes bya ba dang / gzugs mi dben zhes bya bar mi spyod pa dang / tshor ba dang / 'du shes dang / </font><hr>30.146b<br><font size=+1>

'du byed dang / rnam par shes pa rtag ces bya bar mi spyod/ mi rtag ces bya ba dang / bde zhes bya ba dang / sdug bsngal zhes bya ba dang / bdag ces bya ba dang / bdag med ces bya ba dang / zhi zhes bya ba dang / ma zhi zhes bya ba dang / stong zhes bya ba dang / mi stong zhes bya ba dang / mtshan ma yod ces bya ba dang / mtshan ma med ces bya ba dang / smon pa yod ces bya ba dang / smon pa med ces bya ba dang / dben zhes bya ba dang / mi dben zhes bya bar mi spyod pa de'i tshe/ byang chub sems dpa' sems dpa' chen po thabs mkhas par shes par bya'o/ /de ci'i phyir zhe na/ tshe dang ldan pa shA ra dwa ti'i bu gzugs kyi stong pa nyid gang yin pa de yang gzugs ma yin/ stong pa nyid las gud na yang gzugs med/ gzugs las gud na yang stong pa nyid med de/ stong pa nyid kyang gzugs/ gzugs nyid kyang stong pa nyid do/ /tshor ba dang / 'du shes dang / 'du byed dang / rnam par shes pa'i stong pa nyid gang yin pa de yang rnam par shes pa ma yin/ stong pa nyid las gud na yang rnam par shes pa med/ rnam par shes pa las gud na yang stong pa nyid med de/ stong pa nyid kyang rnam par shes pa/ rnam par shes pa nyid kyang stong pa nyid do/ /skye mched dang / khams dang / rten cing 'brel bar 'byung ba dang / pha rol du phyin pa rnams dang / stong pa nyid thams cad dang / byang chub kyi phyogs kyi chos rnams dang / 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa rnams dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / </font><hr>30.147a<br><font size=+1>

sangs rgyas kyi chos ma 'dres pa bcwa brgyad kyi stong pa nyid gang yin pa de yang / sangs rgyas kyi chos rnams ma yin/ stong pa nyid las gud na yang sangs rgyas kyi chos rnams med/ sangs rgyas kyi chos rnams las gud na yang stong pa nyid med de/ stong pa nyid kyang sangs rgyas kyi chos rnams/ sangs rgyas kyi chos rnams kyang stong pa nyid do/ /tshe dang ldan pa shA ra dwa ti'i bu byang chub sems dpa' sems dpa' chen po shes rab kyi pha rol du phyin pa la de ltar spyod pa ni/ thabs mkhas par shes par bya'o// //shes rab kyi pha rol du phyin pa stong phrag nyi shu lnga pa/ bam po bcu gcig pa/ tshe dang ldan pa shA ra dwa ti'i bu byang chub sems dpa' sems dpa' chen po shes rab kyi pha rol du phyin pa la de ltar spyod pa ni/ bla na med pa yang dag par rdzogs pa'i byang chub tu mngon par 'tshang rgya ba'i skal ba yod do/ /de ni shes rab kyi pha rol du phyin pa la spyod kyang / spyod do zhes bya bar mi dmigs so/ /mi spyod do zhes bya bar mi dmigs so/ /spyod kyang spyod la mi spyod kyang mi spyod ces bya bar mi dmigs so/ /spyod pa 'ang ma yin mi spyod pa 'ang ma yin zhes bya bar mi dmigs so/ /smras pa/ tshe dang ldan pa rab 'byor ci'i phyir na/ byang chub sems dpa' sems dpa' chen po shes rab kyi pha rol du phyin pa la spyod pa'i tshe/ spyod ces bya bar yang mi dmigs mi spyod ces bya bar yang mi dmigs/ spyod kyang spyod la mi spyod kyang mi spyod ces bya bar yang mi dmigs/ spyod pa yang ma yin/ mi spyod pa yang ma yin zhes bya bar yang mi dmigs pa yin/ rab 'byor gyis smras pa/ tshe dang ldan pa shA ra dwa ti'i bu de ni 'di ltar shes rab kyi pha rol du phyin pa'i rang bzhin mi dmigs pa'i phyir te/ de ci'i phyir zhe na/ 'di ltar shes rab kyi pha rol du phyin pa ni dngos po med pa'i</font><hr>30.147b<br><font size=+1>

rang bzhin te/ tshe dang ldan pa shA ra dwa ti'i bu rnam grangs des na/ byang chub sems dpa' sems dpa' chen po shes rab kyi pha rol du phyin pa la spyod pa'i tshe/ spyod do zhes bya bar yang mi dmigs so/ /mi spyod do zhes bya bar yang mi dmigs so/ /spyod kyang spyod la mi spyod kyang mi spyod do zhes bya bar yang mi dmigs so/ /spyod pa 'ang ma yin/ mi spyod pa 'ang ma yin no zhes bya bar yang mi dmigs so/ /de ci'i phyir zhe na/ 'di ltar des chos thams cad dngos po med pa'i rang bzhin du khong du chud cing ma blangs pa'i phyir te/ de ltar byang chub sems dpa' sems dpa' chen po shes rab kyi pha rol du phyin pa la spyod pa na/ gal te sems ma zhum/ kun tu ma zhum/ mi skrag /kun tu mi skrag /kun tu skrag par mi 'gyur na/ tshe dang ldan pa shA ra dwa ti'i bu byang chub sems dpa' sems dpa' chen po de ni rnam pa thams cad mkhyen pa nyid dang nye bar gyur par rig par bya'o/ /rnam pa thams cad mkhyen pa nyid de yang chos thams cad ngo bo nyid med pa'i phyir/ gnyis su med gnyis su byar med do/ /de ni byang chub sems dpa' sems dpa' chen po rnams kyi ting nge 'dzin chos thams cad skye ba med pa zhes bya ba ste/ rgya che ba mchog tu bya ba tshad med par nges pa/ nyan thos dang rang sangs rgyas thams cad kyis mi 'phrogs pa ste/ ting nge 'dzin des rnam par spyod pa'i byang chub sems dpa' sems dpa' chen po ni myur du bla na med pa yang dag par rdzogs pa'i byang chub tu mngon par rdzogs par 'tshang rgya'o/ /smras pa/ tshe dang ldan pa rab 'byor ting nge 'dzin 'di 'ba' zhig gis rnam par spyod pa'i byang chub sems dpa' sems dpa' chen po ni myur du/ bla na med pa yang dag par rdzogs pa'i byang chub tu mngon par 'tshang rgya 'am/ 'on te de lta bu'i ting nge 'dzin gzhan dag kyang</font><hr>30.148a<br><font size=+1>

yod/ rab 'byor gyis smras pa/ tshe dang ldan pa shA ra dwa ti'i bu ting nge 'dzin gzhan dag la rnam par spyod pas kyang / byang chub sems dpa' sems dpa' chen po myur du bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ba yod do/ /smras pa/ tshe dang ldan pa rab 'byor ting nge 'dzin gzhan gang dag gis rnam par spyod pa'i byang chub sems dpa' sems dpa' chen po myur du bla na med pa yang dag par rdzogs pa'i byang chub tu mngon par rdzogs par 'tshang rgya ba yin/ rab 'byor gyis smras pa/ tshe dang ldan pa shA ra dwa ti'i bu byang chub sems dpa' sems dpa' chen po rnams kyi ting nge 'dzin dpa' bar 'gro ba zhes bya ba yod de/ ting nge 'dzin des rnam par spyod pa'i byang chub sems dpa' sems dpa' chen po ni myur du bla na med pa yang dag par rdzogs pa'i byang chub tu mngon par rdzogs par 'tshang rgya'o/ /de bzhin du rin chen phyag rgya zhes bya ba'i ting nge 'dzin yod do/ /seng ge rnam par rtse ba zhes bya ba'i ting nge 'dzin yod do/ /zla ba bzang po zhes bya ba'i ting nge 'dzin yod do/ /zla ba'i rgyal mtshan dpal zhes bya ba'i ting nge 'dzin yod do/ /chos thams cad las shin du 'phags pa zhes bya ba'i ting nge 'dzin yod do/ /chos thams cad kyi phyag rgya zhes bya ba'i ting nge 'dzin yod do/ /spyi gtsug rnam par lta ba zhes bya ba'i ting nge 'dzin yod do/ /chos kyi dbyings su nges pa zhes bya ba'i ting nge 'dzin yod do/ /nges pa'i rgyal mtshan dpal zhes bya ba'i ting nge 'dzin yod do/ /rdo rje zhes bya ba'i ting nge 'dzin yod do/ /chos thams cad la 'jug pa'i phyag rgya zhes bya ba'i ting nge 'dzin yod do/ /ting nge 'dzin la rgyal po ltar rab tu gnas pa zhes bya ba'i ting nge 'dzin yod do/ /'od zer rab tu 'gyed pa zhes bya ba'i</font><hr>30.148b<br><font size=+1>

ting nge 'dzin yod do/ /dpung rnam par bkod pa zhes bya ba'i ting nge 'dzin yod do/ /yang dag par 'phags pa zhes bya ba'i ting nge 'dzin yod do/ /nges pa'i tshig la gdon mi za bar 'jug pa zhes bya ba'i ting nge 'dzin yod do/ /tshig bla dgas la yang dag par 'jug pa zhes bya ba'i ting nge 'dzin yod do/ /phyogs rnam par lta ba zhes bya ba'i ting nge 'dzin yod do/ /phyag rgya yongs su 'dzin pa zhes bya ba'i ting nge 'dzin yod do/ /nyam pa med pa zhes bya ba'i ting nge 'dzin yod do/ /chos thams cad yang dag par 'du ba rgya mtsho'i phyag rgya zhes bya ba'i ting nge 'dzin yod do/ /nam mkha' rgyas par 'gengs pa zhes bya ba'i ting nge 'dzin yod do/ /rdo rje'i dkyil 'khor zhes bya ba'i ting nge 'dzin yod do/ /rgyal mtshan rtse mo'i dpung rgyan zhes bya ba'i ting nge 'dzin yod do/ /dbang po'i dpal zhes bya ba'i ting nge 'dzin yod do/ /rgyun gyi rjes su song ba zhes bya ba'i ting nge 'dzin yod do/ /seng ge rnam par bsgyings pa zhes bya ba'i ting nge 'dzin yod do/ /snrel zhi zhes bya ba'i ting nge 'dzin yod do/ /nyon mongs pa spong ba zhes bya ba'i ting nge 'dzin yod do/ /rnam par snang ba zhes bya ba'i ting nge 'dzin yod do/ /tshol ba med pa zhes bya ba'i ting nge 'dzin yod do/ /gnas la rten pa med pa zhes bya ba'i ting nge 'dzin yod do/ /sems med pa zhes bya ba'i ting nge 'dzin yod do/ /dri ma med pa'i sgron ma zhes bya ba'i ting nge 'dzin yod do/ /'od mtha' yas zhes bya ba'i ting nge 'dzin yod do/ /'od byed pa zhes bya ba'i ting nge 'dzin yod do/ /kun tu snang ba zhes bya ba'i ting nge 'dzin yod do/ /dag pa dam pa zhes bya ba'i ting nge 'dzin yod do/ /'od dri ma med pa zhes bya ba'i ting nge 'dzin yod do/ /dga' ba byed pa zhes bya ba'i ting nge 'dzin yod do/ /glog gi sgron ma zhes bya ba'i ting nge 'dzin yod do/ /zad mi shes pa zhes bya ba'i ting nge 'dzin yod do/ /mi pham pa zhes bya ba'i ting nge 'dzin yod do/ /</font><hr>30.149a<br><font size=+1>

gzi brjid yod pa zhes bya ba'i ting nge 'dzin yod do/ /zad pa dang bral ba zhes bya ba'i ting nge 'dzin yod do/ /mi g.yo ba zhes bya ba'i ting nge 'dzin yod do/ /'jigs pa med pa zhes bya ba'i ting nge 'dzin yod do/ /nyi ma'i sgron ma zhes bya ba'i ting nge 'dzin yod do/ /zla ba dri ma med pa zhes bya ba'i ting nge 'dzin yod do/ /shes rab sgron ma zhes bya ba'i ting nge 'dzin yod do/ /snang ba gsal ba zhes bya ba'i ting nge 'dzin yod do/ /snang ba byed pa zhes bya ba'i ting nge 'dzin yod do/ /bya ba byed pa zhes bya ba'i ting nge 'dzin yod do/ /ye shes dpal zhes bya ba'i ting nge 'dzin yod do/ /rdo rje lta bu zhes bya ba'i ting nge 'dzin yod do/ /sems gnas pa zhes bya ba'i ting nge 'dzin yod do/ /kun tu snang ba zhes bya ba'i ting nge 'dzin yod do/ /rab tu gnas pa zhes bya ba'i ting nge 'dzin yod do/ /rin chen mtha' zhes bya ba'i ting nge 'dzin yod do/ /chos dam pa'i phyag rgya zhes bya ba'i ting nge 'dzin yod do/ /chos thams cad mnyam pa nyid ces bya ba'i ting nge 'dzin yod do/ /dga' ba spong ba zhes bya ba'i ting nge 'dzin yod do/ /chos kyi 'phags pa zhes bya ba'i ting nge 'dzin yod do/ /rnam par 'thor ba zhes bya ba'i ting nge 'dzin yod do/ /chos thams cad kyi tshig rab tu 'byed pa zhes bya ba'i ting nge 'dzin yod do/ /yi ge mnyam par 'god pa zhes bya ba'i ting nge 'dzin yod do/ /yi ge dang bral ba zhes bya ba'i ting nge 'dzin yod do/ /dmigs pa gcod pa zhes bya ba'i ting nge 'dzin yod do/ /'gyur ba med pa zhes bya ba'i ting nge 'dzin yod do/ /rnam pa med pa zhes bya ba'i ting nge 'dzin yod do/ /ming nges par 'jug pa zhes bya ba'i ting nge 'dzin yod do/ /gnas med par spyod pa zhes bya ba'i ting nge 'dzin yod do/ /rab rib med pa zhes bya ba'i ting nge 'dzin yod do/ /spyod pa dang ldan pa zhes bya ba'i ting nge 'dzin</font><hr>30.149b<br><font size=+1>

yod do/ /g.yo ba med pa zhes bya ba'i ting nge 'dzin yod do/ /yul las rgal ba zhes bya ba'i ting nge 'dzin yod do/ /yon tan thams cad kyi tshogs su gyur pa zhes bya ba'i ting nge 'dzin yod do/ /sems med par gnas pa zhes bya ba'i ting nge 'dzin yod do/ /dge ba'i me tog rgyas shing gsal ba zhes bya ba'i ting nge 'dzin yod do/ /byang chub kyi yan lag yod pa zhes bya ba'i ting nge 'dzin yod do/ /spobs pa mtha' yas pa zhes bya ba'i ting nge 'dzin yod do/ /mi mnyam pa dang mnyam pa zhes bya ba'i ting nge 'dzin yod do/ /chos thams cad las 'da' ba zhes bya ba'i ting nge 'dzin yod do/ /yongs su gcod pa zhes bya ba'i ting nge 'dzin yod do/ /nem nur rnam par sel ba zhes bya ba'i ting nge 'dzin yod do/ /gnas su bya ba med pa zhes bya ba'i ting nge 'dzin yod do/ /gcig tu rnam par bkod pa zhes bya ba'i ting nge 'dzin yod do/ /rnam pa mngon par bsgrub pa zhes bya ba'i ting nge 'dzin yod do/ /rnam pa gcig tu 'gyur ba zhes bya ba'i ting nge 'dzin yod do/ /rnam par 'dor ba med pa zhes bya ba'i ting nge 'dzin yod do/ /srid pa'i gzhi thams cad rtogs par khong du chud pa zhes bya ba'i ting nge 'dzin yod do/ /brda dang sgra la 'jug pa zhes bya ba'i ting nge 'dzin yod do/ /sgra dbyangs kyi yi ge dang bral ba zhes bya ba'i ting nge 'dzin yod do/ /sgron ma 'bar ba zhes bya ba'i ting nge 'dzin yod do/ /mtshan nyid yongs su sbyong ba zhes bya ba'i ting nge 'dzin yod do/ /mngon par dmigs pa med pa zhes bya ba'i ting nge 'dzin yod do/ /rnam pa'i mchog thams cad dang ldan pa zhes bya ba'i ting nge 'dzin yod do/ /bde ba dang sdug bsngal thams cad la mngon par dga' ba med pa zhes bya ba'i ting nge 'dzin yod do/ /zad mi shes pa'i za ma tog ces bya ba'i ting nge 'dzin yod do/ /gzungs kyi blo gros zhes bya ba'i</font><hr>30.150a<br><font size=+1>

ting nge 'dzin yod do/ /yang dag pa dang / log pa thams cad yang dag par sel ba zhes bya ba'i ting nge 'dzin yod do/ /'gal ba dang 'gog pa thams cad yang dag par zhi bar byed pa zhes bya ba'i ting nge 'dzin yod do/ /'thun pa dang 'gal ba med pa zhes bya ba'i ting nge 'dzin yod do/ /'od dri ma med pa zhes bya ba'i ting nge 'dzin yod do/ /snying po dang ldan pa zhes bya ba'i ting nge 'dzin yod do/ /zla ba dri ma med par rgyas pa'i 'od ces bya ba'i ting nge 'dzin yod do/ /glog gi 'od ces bya ba'i ting nge 'dzin yod do/ /rgyan chen po zhes bya ba'i ting nge 'dzin yod do/ /rnam pa thams cad du 'od byed pa zhes bya ba'i ting nge 'dzin yod do/ /ting nge 'dzin mnyam pa nyid ces bya ba'i ting nge 'dzin yod do/ /rdul med cing rdul dang bral ba'i tshul dang ldan pa zhes bya ba'i ting nge 'dzin yod do/ /nyon mongs pa med par yang dag par gzhol ba zhes bya ba'i ting nge 'dzin yod do/ /nyon mongs pa dang bcas pa thams cad nyon mongs pa med par yang dag par gzhol ba zhes bya ba'i ting nge 'dzin yod do/ /gnas dmigs su med pa la brtson pa zhes bya ba'i ting nge 'dzin yod do/ /de bzhin nyid la gnas shing sems med pa zhes bya ba'i ting nge 'dzin yod do/ /lus kyi skyon yang dag par sel bas rab tu 'dul ba zhes bya ba'i ting nge 'dzin yod do/ /ngag gi skyon rnam par 'jig pas nam mkha' ltar gyur ba med pa zhes bya ba'i ting nge 'dzin yod do/ /shA ra dwa ti'i bu nam mkha' ltar chags pa med pas rnam par grol zhing gos pa med pa zhes bya ba'i ting nge 'dzin yod de/ ting nge 'dzin des rnam par spyod pa'i byang chub sems dpa' sems dpa' chen po ni myur du bla na med pa yang dag par rdzogs pa'i byang chub tu mngon par rdzogs par 'tshang rgya'o/ /tshe dang ldan pa shA ra dwa ti'i bu de dag ni byang chub sems dpa' sems dpa'</font><hr>30.150b<br><font size=+1>

chen po rnams kyi ting nge 'dzin te/ ting nge 'dzin de dag gis rnam par spyod pa'i byang chub sems dpa' sems dpa' chen po rnams ni myur du bla na med pa yang dag par rdzogs pa'i byang chub tu mngon par rdzogs par 'tshang rgya ste/ de ltar ting nge 'dzin dang / gzungs kyi sgo gang la bslabs pas/ byang chub sems dpa' sems dpa' chen po rnams myur du bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ba de lta bu tshad med grangs med pa gzhan dag kyang yod de/ de nas sangs rgyas kyi mthus/ tshe dang ldan pa rab 'byor gyis yang 'di skad ces smras so/ /tshe dang ldan pa shA ra dwa ti'i bu byang chub sems dpa' sems dpa' chen po gang ting nge 'dzin de dag gis rnam par spyod pa ni sngon gyi de bzhin gshegs pa dgra bcom pa yang dag par rdzogs pa'i sangs rgyas rnams kyis kyang / bla na med pa yang dag par rdzogs pa'i byang chub tu lung bstan to/ /da ltar phyogs bcu'i 'jig rten gyi khams gang gA'i klung gi bye ma snyed dag na/ de bzhin gshegs pa dgra bcom pa yang dag par rdzogs pa'i sangs rgyas bzhugs shing 'tsho skyong ba ji snyed cig bzhugs pa de dag gis kyang / byang chub sems dpa' sems dpa' chen po de bla na med pa yang dag par rdzogs pa'i byang chub tu lung bstan te/ byang chub sems dpa' sems dpa' chen po des ni ting nge 'dzin kyang yang dag par rjes su mi mthong ngo / /bdag ni snyoms par zhugs so zhes bya bar ting nge 'dzin des rlom sems su 'gyur ba yang med do/ /bdag ni snyoms par 'jug go/ /bdag gis mnyam par gzhag par bya'o/ /bdag ni mnyam par gzhag par gyur to zhes rlom sems su 'gyur ba med de/ de la rnam par rtog pa de dag thams cad med cing mi rgyu'o/ /smras</font><hr>30.151a<br><font size=+1>

pa/ tshe dang ldan pa rab 'byor ting nge 'dzin 'di dag la gnas pa'i byang chub sems dpa' sems dpa' chen po la de bzhin gshegs pa dgra bcom pa yang dag par rdzogs pa'i sangs rgyas rnams kyis lung bstan pa yod dam/ rab 'byor gyis smras pa/ tshe dang ldan pa shA ra dwa ti'i bu de ni med do/ /de ci'i phyir zhe na/ tshe dang ldan pa shA ra dwa ti'i bu shes rab kyi pha rol du phyin pa yang gzhan la/ ting nge 'dzin kyang gzhan/ byang chub sems dpa' yang gzhan zhes bya ba med kyi/ shes rab kyi pha rol du phyin pa nyid kyang ting nge 'dzin to/ /ting nge 'dzin nyid kyang byang chub sems dpa'o/ /byang chub sems dpa' nyid kyang ting nge 'dzin to/ /smras pa/ tshe dang ldan pa rab 'byor gal te de ltar ting nge 'dzin kyang gzhan byang chub sems dpa' yang gzhan zhes bya ba med/ byang chub sems dpa' yang gzhan la ting nge 'dzin kyang gzhan zhes bya ba med de/ chos thams cad mnyam pa nyid kyi phyir ting nge 'dzin nyid kyang byang chub sems dpa'/ byang chub sems dpa' nyid kyang ting nge 'dzin yin na/ de la ting nge 'dzin bstan par nus sam/ rab 'byor gyis smras pa/ tshe dang ldan pa shA ra dwa ti'i bu de ni ma yin no/ /smras pa/ tshe dang ldan pa rab 'byor rigs kyi bu de ting nge 'dzin de la 'du shes su byed dam/ rab 'byor gyis smras pa/ tshe dang ldan pa shA ra dwa ti'i bu 'du shes su byed pa med do/ /smras pa/ ji ltar de la 'du shes su byed par mi 'gyur/ rab 'byor gyis smras pa/ rtog pa med pa'i phyir ro/ /smras pa/ de la ji ltar rtog pa med pa yin/ rab 'byor gyis smras pa/ chos thams cad med pa'i phyir rtog pa med de/ de ltar na rigs kyi bu de ting nge 'dzin de la rtog pa med do/ /tshe dang ldan pa shA ra dwa ti'i bu rnam grangs des na/ rigs kyi bu de ting nge 'dzin de</font><hr>30.151b<br><font size=+1>

la rnam par shes par byed pa med do/ /'du shes su byed pa med do/ /smras pa/ ci'i phyir rnam par shes par byed pa med cing / 'du shes su 'gyur ba med/ rab 'byor gyis smras pa/ ting nge 'dzin de yang med la/ byang chub sems dpa' sems dpa' chen po de yang med pa'i phyir rnam par shes par byed pa med do/ /'du shes su 'gyur ba med do/ /de nas bcom ldan 'das kyis tshe dang ldan pa rab 'byor la legs so zhes bya ba gnang ste rab 'byor legs so legs so/ /tshig 'di ni legs par bshad do/ /ji ltar ngas nyon mongs pa med pa la rnam par spyod pa'i nyan thos kyi nang na mchog tu bshad pa des bshad pa ni 'di yin no/ /byang chub sems dpa' sems dpa' chen pos kyang de ltar shes rab kyi pha rol du phyin pa la bslab par bya'o/ /bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa la bslab par bya'o/ /byang chub kyi phyogs kyi chos rnams dang / sangs rgyas kyi chos ma 'dres pa bcwa brgyad kyi bar la bslab par bya'o/ /de nas tshe dang ldan pa shA ra dwa ti'i bus bcom ldan 'das la 'di skad ces gsol to/ /bcom ldan 'das de ltar slob pa'i byang chub sems dpa' sems dpa' chen po ni shes rab kyi pha rol du phyin pa la mi dmigs pa'i tshul gyis slob bo/ /bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa la mi dmigs pa'i tshul gyis slob bo/ /byang chub kyi phyogs kyi chos rnams dang / sangs rgyas kyi chos ma 'dres pa rnams kyi bar la mi dmigs pa'i tshul gyis slob bo/ /bcom ldan 'das kyis bka' stsal</font><hr>30.152a<br><font size=+1>

pa/ shA ra dwa ti'i bu byang chub sems dpa' sems dpa' chen po de ltar slob pa ni shes rab kyi pha rol du phyin pa la mi dmigs pa'i tshul gyis slob pa yin/ bsam gtan gyi pha rol du phyin pa dang / brtson 'grus kyi pha rol tu phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa la mi dmigs pa'i tshul gyis slob pa yin/ byang chub kyi phyogs kyi chos rnams dang / sangs rgyas kyi chos ma 'dres pa rnams kyi bar la mi dmigs pa'i tshul gyis slob pa yin no/ /shA ra dwa ti'i bus gsol pa/ bcom ldan 'das ci'i slad du mi dmigs pa lags/ bcom ldan 'das kyis bka' stsal pa/ shA ra dwa ti'i bu shin du rnam par dag pa'i phyir bdag mi dmigs so/ /sems can dang / 'gro ba dang / gso ba dang / skyes bu dang / gang zag dang / shed can dang / shed bdag dang / byed pa po dang / tshor ba po dang / shes pa po mi dmigs so/ /shin tu rnam par dag pa'i phyir ro/ /phung po dang / skye mched dang / khams dang / rten cing 'brel bar 'byung ba mi dmigs so/ /shin du rnam par dag pa'i phyir sdug bsngal mi dmigs so/ /shin tu rnam par dag pa'i phyir kun 'byung ba dang / 'gog pa dang / lam mi dmigs so/ /shin tu rnam par dag pa'i phyir 'dod pa'i khams mi dmigs so/ /shin du rnam par dag pa'i phyir gzugs kyi khams mi dmigs so/ /shin du rnam par dag pa'i phyir/ gzugs med pa'i khams mi dmigs so/ /shin du rnam par dag pa'i phyir pha rol du phyin pa rnams mi dmigs so/ /shin du rnam par dag pa'i phyir byang chub kyi phyogs kyi chos rnams dang / 'phags pa'i bden pa rnams dang / bsam gtan rnams dang / tshad med pa rnams dang / gzugs</font><hr>30.152b<br><font size=+1>

med pa'i snyoms par 'jug pa rnams dang / rnam par thar pa rnams dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa rnams mi dmigs so/ /shin du rnam par dag pa'i phyir/ rgyun du zhugs pa mi dmigs so/ /shin du rnam par dag pa'i phyir lan gcig phyir 'ong ba dang / phyir mi 'ong ba dang / dgra bcom pa dang / rang sangs rgyas mi dmigs so/ /shin du rnam par dag pa'i phyir byang chub sems dpa' mi dmigs so/ /shin du rnam par dag pa'i phyir byang chub mi dmigs so/ /shin tu rnam par dag pa'i phyir sangs rgyas mi dmigs so/ /gsol pa/ bcom ldan 'das rnam par dag pa gang lags/ bcom ldan 'das kyis bka' stsal pa/ chos thams cad ma skyes pa dang / mi 'gag pa dang / kun nas nyon mongs pa med pa dang / rnam par byang ba med pa dang / 'byung ba med pa dang / dmigs pa med pa dang / mngon par 'du bya ba med pa 'di ni rnam par dag pa zhes bya ste/ shA ra dwa ti'i bu de ltar na byang chub sems dpa' sems dpa' chen po chos thams cad mi dmigs pa'i tshul gyis slob pa yin no/ /gsol pa/ bcom ldan 'das de ltar slob pa'i byang chub sems dpa' sems dpa' chen po chos gang dang gang la slob pa lags/ bcom ldan 'das kyis bka' stsal pa/ shA ra dwa ti'i bu de ltar slob pa'i byang chub sems dpa' sems dpa' chen po ni chos gang la yang slob pa med do/ /de ci'i phyir zhe na/ shA ra dwa ti'i bu chos</font><hr>30.153a<br><font size=+1>

'di dag ni byis pa so so'i skye bos ji ltar mngon par chags par bya ba de lta bu'i rnam par yod pa ma yin no/ /gsol pa/ bcom ldan 'das 'o na chos 'di dag rnam pa gang gis mchis pa lags/ bcom ldan 'das kyis bka' stsal pa/ ji ltar med pa de ltar yod de/ de ltar yod pa ma yin pas/ de'i phyir med ces bya'o/ /gsol pa/ bcom ldan 'das de ci'i slad du mchis pa ma lags pa de la mchis pa zhes bgyi/ bcom ldan 'das kyis bka' stsal pa/ shA ra dwa ti'i bu gzugs nang stong pa nyid dang / dngos po med pa'i ngo bo nyid stong pa nyid kyi bar gyi phyir yod pa ma yin no/ /tshor ba dang / 'du shes dang / 'du byed dang / rnam par shes pa nang stong pa nyid dang / dngos po med pa'i ngo bo nyid stong pa nyid kyi bar gyi phyir yod pa ma yin no/ /byang chub kyi phyogs kyi chos rnams kyi bar du nang stong pa nyid dang / dngos po med pa'i ngo bo nyid stong pa nyid kyi bar gyi phyir yod pa ma yin no/ /sangs rgyas kyi chos ma 'dres pa bcwa brgyad kyi bar du nang stong pa nyid dang / dngos po med pa'i ngo bo nyid stong pa nyid kyi bar gyi phyir yod pa ma yin no/ /de la byis pa so so'i skye bo rnams med pa la mngon par zhen pas/ srid pa la mngon par zhen te/ de dag gis med pa yongs su brtags pas/ med pa la mngon par zhen cing / 'di lta ste/ chad pa dang / rtag pa'i mtha' gnyis la chags pas/ de dag mi shes mi mthong ste/ gang med pa'i chos de dag yongs su brtags nas/ ming dang gzugs la mngon par zhen pa de dag /dran pa nye bar gzhag pa rnams la mngon par zhen cing / sangs rgyas kyi chos ma 'dres pa rnams kyi bar la mngon par zhen to/ /de dag de ltar mngon par zhen pas yod pa ma yin pa'i chos rnams la yongs su rtog ste/  de dag</font><hr>30.153b<br><font size=+1>

mi shes mi mthong ngo / /ci mi shes mi mthong zhe na/ gzugs mi shes mi mthong ngo / /tshor ba dang / 'du shes dang / 'du byed dang / rnam par shes pa mi shes mi mthong ngo / /skye mched dang / khams dang / rten cing 'brel bar 'byung ba mi shes mi mthong ngo / /byang chub kyi phyogs kyi chos sum bcu rtsa bdun mi shes mi mthong ngo / /sangs rgyas kyi chos ma 'dres pa rnams kyi bar du mi shes mi mthong ngo / /de ltar de dag ni byis pa zhes bya ba'i grangs su 'dong ba ste/ de dag 'byung ba ma yin no/ /gang nas 'byung ba ma yin zhe na/ 'dod pa'i khams nas 'byung ba ma yin no/ /gzugs kyi khams nas 'byung ba ma yin no/ /gzugs med pa'i khams nas 'byung ba ma yin no/ /nyan thos dang rang sangs rgyas kyi sa nas 'byung ba ma yin no/ /de dag ni yid mi ches pa ste/ ji ltar yid mi ches zhe na/ gzugs gzugs kyis stong zhes bya bar yid mi ches so/ /byang chub kyi bar du byang chub kyis stong zhes bya bar yid mi ches so/ /de dag ni gnas pa ma yin pa ste/ ji ltar gnas pa ma yin zhe na/ sbyin pa'i pha rol du phyin pa la gnas pa ma yin/ tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la gnas pa ma yin/ phyir mi ldog pa'i sa la gnas pa ma yin/ sangs rgyas kyi chos ma 'dres pa rnams kyi bar la gnas pa ma yin no/ /de dag ni mngon par zhen pa ma yin te/ ji ltar mngon par zhen pa yin zhes na/ gzugs la mngon par zhen pa yin/ tshor ba dang / 'du shes dang / 'du byed dang / rnam par shes pa la mngon par zhen pa yin/ mig la mngon par zhen pa yin/ rna ba dang / sna dang / lce dang / lus dang / yid la mngon par zhen pa yin/ skye mched dang / khams dang / rten cing 'brel bar 'byung ba la mngon par zhen pa yin 'dod chags dang / zhe sdang dang / gti mug la mngon par zhen pa yin/ lta bar gyur pa rnams la mngon par zhen pa yin/ byang chub kyi bar</font><hr>30.154a<br><font size=+1>

la mngon par zhen pa yin te/ de'i phyir na byis pa zhes bya'o/ /gsol pa/ bcom ldan 'das de ltar slob pa'i byang chub sems dpa' sems dpa' chen po shes rab kyi pha rol du phyin pa la mi slob cing / rnam pa thams cad mkhyen pa nyid du mi 'byung ba lags sam/ bcom ldan 'das kyis bka' stsal pa/ shA ra dwa ti'i bu de ltar slob pa'i byang chub sems dpa' sems dpa' chen po shes rab kyi pha rol du phyin pa la mi slob pa yin/ rnam pa thams cad mkhyen pa nyid du mi 'byung ba yin no/ /gsol pa/ bcom ldan 'das ci'i slad du byang chub sems dpa' de shes rab kyi pha rol du phyin pa la mi slob pa lags/ rnam pa thams cad mkhyen pa nyid du mi 'byung ba lags/ bcom ldan 'das kyis bka' stsal pa/ shA ra dwa ti'i bu 'di la byang chub sems dpa' sems dpa' chen po thabs mi mkhas pas shes rab kyi pha rol du phyin pa la brtags shing mngon par zhen/ bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa la brtags shing mngon par zhen/ stong pa nyid thams cad dang / dran pa nye bar gzhag pa rnams dang / yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa la brtags shing mngon par zhen/ 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / </font><hr>30.154b<br><font size=+1>

mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad la brtags shing mngon par zhen/ rnam pa thams cad mkhyen pa nyid kyi bar la brtags shing mngon par zhen pas/ shA ra dwa ti'i bu rnam grangs des na/ byang chub sems dpa' sems dpa' chen po de ni shes rab kyi pha rol du phyin pa la mi slob pa yin/ rnam pa thams cad mkhyen pa nyid du mi 'byung ba yin no/ /gsol pa/ bcom ldan 'das de lta lags na/ byang chub sems dpa' sems dpa' chen po shes rab kyi pha rol du phyin pa la rnam pa gang gis slob par 'gyur ba lags/ ji ltar bslabs na rnam pa thams cad mkhyen pa nyid du 'byung ba lags/ bcom ldan 'das kyis bka' stsal pa/ shA ra dwa ti'i bu nam byang chub sems dpa' sems dpa' chen po shes rab kyi pha rol du phyin pa la spyod pa'i tshe/ shes rab kyi pha rol du phyin pa de mi dmigs/ yang dag par rjes su mi mthong zhing / shA ra dwa ti'i bu byang chub sems dpa' sems dpa' chen po shes rab kyi pha rol du phyin pa la de ltar spyod na/ rnam pa thams cad mkhyen pa nyid du mi dmigs pa'i tshul gyis 'byung ba yin no/ /bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa la spyod pa'i tshe/ sbyin pa'i pha rol du phyin pa de mi dmigs shing yang dag par rjes su mi mthong / rnam pa thams cad mkhyen pa nyid kyi bar la spyod pa'i tshe/ rnam pa thams cad mkhyen pa nyid de mi dmigs/ yang dag par rjes su mi mthong zhing / shA ra dwa ti'i bu byang chub sems dpa' sems dpa' chen po shes rab kyi pha rol du phyin pa la de ltar slob pa ni/ mi dmigs pa'i tshul gyis rnam pa thams cad mkhyen pa nyid du 'byung ngo / /shA ra dwa ti'i bu byang chub sems</font><hr>30.155a<br><font size=+1>

dpa' sems dpa' chen po de ltar shes rab kyi pha rol du phyin pa la spyod pa dang / de ltar shes rab kyi pha rol du phyin pa la slob pa ni/ mi dmigs pa'i tshul gyis rnam pa thams cad mkhyen pa nyid du 'byung ngo / /gsol pa/ bcom ldan 'das gang mi dmigs pa'i tshul gyis rnam pa thams cad mkhyen pa nyid du 'byung ba lags/ bcom ldan 'das kyis bka' stsal pa/ nang stong pa nyid mi dmigs pa'i tshul dang / dngos po med pa'i ngo bo nyid stong pa nyid kyi bar du mi dmigs pa'i tshul gyis rnam pa thams cad mkhyen pa nyid du 'byung bar shes par bya'o/ /shes rab kyi pha rol tu phyin pa stong phrag nyi shu lnga pa las le'u drug pa'o// // de nas tshe dang ldan pa rab 'byor gyis/ bcom ldan 'das la 'di skad ces gsol to/ /bcom ldan 'das la la zhig 'di skad du 'dri zhing / ci sgyu ma'i skyes bu 'di shes rab kyi pha rol du phyin pa la bslabs shing rnam pa thams cad mkhyen pa nyid du 'byung bar 'gyur ram/ rnam pa thams cad mkhyen pa nyid thob par 'gyur ram zhes mchi na/ bcom ldan 'das de skad du 'dri ba de la ji skad du bstan par bgyi/ ci sgyu ma'i skyes bu 'di bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa la bslabs shing / rnam pa thams cad mkhyen pa nyid du 'byung bar 'gyur ram/ sgyu ma'i skyes bu 'di byang chub kyi phyogs kyi chos rnams kyi bar la bslabs shing / rnam pa thams cad mkhyen pa nyid du 'byung bar 'gyur ram/ sgyu ma'i skyes bu 'di sangs rgyas kyi chos ma 'dres pa rnams kyi bar la bslabs shing / rnam pa thams cad mkhyen pa nyid du 'byung bar 'gyur ram/ rnam pa thams cad mkhyen pa nyid thob par 'gyur ram zhes mchi na/ bcom ldan 'das de skad du 'dri ba de la ji skad du bstan par bgyi/ bcom ldan</font><hr>30.155b<br><font size=+1>

'das kyis bka' stsal pa/ rab 'byor de lta bas na/ de khyod nyid la dris khyod kyis ji ltar bzod pa de ltar lung ston cig /rab 'byor de ji snyam du sems/ gzugs kyang gzhan la/ sgyu ma yang gzhan zhig yin snyam 'am/ tshor ba 'am/ 'du shes dang / 'du byed dang / rnam par shes pa yang gzhan la/ sgyu ma yang gzhan zhig yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ mig kyang gzhan la/ sgyu ma yang gzhan zhig yin snyam 'am/ rna ba dang / sna dang / lce dang / lus dang / yid kyang gzhan la/ sgyu ma yang gzhan zhig yin snyam 'am/ gzugs kyang gzhan la/ sgyu ma yang gzhan zhig yin snyam 'am/ sgra dang / dri dang / ro dang / reg dang / chos kyang gzhan la/ sgyu ma yang gzhan zhig yin snyam 'am/ mig gi rnam par shes pa yang gzhan la/ sgyu ma yang gzhan zhig yin snyam 'am/ rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa yang gzhan la/ sgyu ma yang gzhan zhig yin snyam 'am/ mig gi 'dus te reg pa yang gzhan la/ sgyu ma yang gzhan zhig yin snyam 'am/ rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa yang gzhan la/ sgyu ma yang gzhan zhig yin snyam 'am/ mig gi 'dus te reg pa'i rkyen gyis tshor ba yang gzhan la/ sgyu ma yang gzhan zhig yin snyam 'am/ rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis</font><hr>30.156a<br><font size=+1>

tshor ba yang gzhan la/ sgyu ma yang gzhan zhig yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ byang chub kyi phyogs kyi chos rnams kyi bar yang gzhan la/ sgyu ma yang gzhan zhig yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ sangs rgyas kyi chos ma 'dres pa bcwa brgyad kyi bar yang gzhan la/ sgyu ma yang gzhan zhig yin snyam 'am/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor de ji snyam du sems/ byang chub kyang gzhan la/ sgyu ma yang gzhan zhig yin snyam 'am/ gsol pa/ bcom ldan 'das de lta ma lags so/ /bcom ldan 'das gzugs kyang gzhan ma lags/ sgyu ma yang gzhan ma lags te/ gzugs nyid kyang sgyu ma/ sgyu ma nyid kyang gzugs so/ /bcom ldan 'das tshor ba dang / 'du shes dang / 'du byed dang / rnam par shes pa yang gzhan ma lags/ sgyu ma yang gzhan ma lags te/ rnam par shes pa nyid kyang sgyu ma/ sgyu ma nyid kyang rnam par shes pa'o/ /bcom ldan 'das mig kyang gzhan ma lags/ sgyu ma yang gzhan ma lags te/ mig nyid kyang sgyu ma/ sgyu ma nyid kyang mig go/ /bcom ldan 'das rna ba dang / sna dang / lce dang / lus dang / yid kyang gzhan ma lags/ sgyu ma yang gzhan ma lags te/ yid nyid kyang sgyu ma/ sgyu ma nyid kyang yid do/ /bcom ldan 'das gzugs kyang gzhan ma lags/ sgyu ma yang gzhan ma lags te/ gzugs nyid kyang sgyu ma/ sgyu ma nyid kyang gzugs so/ /bcom ldan 'das sgra dang / dri dang / ro dang / reg dang / chos kyang gzhan ma lags/ sgyu ma yang gzhan ma lags te/ chos nyid kyang sgyu ma/ sgyu ma nyid kyang chos so/ /bcom ldan 'das mig gi rnam par shes pa yang gzhan ma</font><hr>30.156b<br><font size=+1>

lags/ sgyu ma yang gzhan ma lags te/ mig gi rnam par shes pa nyid kyang sgyu ma/ sgyu ma nyid kyang mig gi rnam par shes pa'o/ /bcom ldan 'das rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa yang gzhan ma lags/ sgyu ma yang gzhan ma lags te/ yid kyi rnam par shes pa nyid kyang sgyu ma/ sgyu ma nyid kyang yid kyi rnam par shes pa'o/ /bcom ldan 'das mig gi 'dus te reg pa yang gzhan ma lags/ sgyu ma yang gzhan ma lags te/ mig gi 'dus te reg pa nyid kyang sgyu ma/ sgyu ma nyid kyang mig gi 'dus te reg pa'o/ /bcom ldan 'das rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa yang gzhan ma lags/ sgyu ma yang gzhan ma lags te/ yid kyi 'dus te reg pa nyid kyang sgyu ma/ sgyu ma nyid kyang yid kyi 'dus te reg pa'o/ /bcom ldan 'das mig gi 'dus te reg pa'i rkyen gyis tshor ba yang gzhan ma lags/ sgyu ma yang gzhan ma lags te/ mig gi 'dus te reg pa'i rkyen gyis tshor ba nyid kyang sgyu ma/ sgyu ma nyid kyang mig gi 'dus te reg pa'i rkyen gyis tshor ba'o/ /bcom ldan 'das rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba yang gzhan ma lags/ sgyu ma yang gzhan ma lags te/ yid kyi 'dus te reg pa'i rkyen gyis tshor ba nyid kyang sgyu ma/ sgyu ma nyid kyang yid kyi 'dus te reg pa'i rkyen gyis tshor ba'o/ /bcom ldan 'das byang chub kyi phyogs kyi chos rnams kyi bar yang gzhan ma lags/ sgyu ma yang gzhan ma lags te/ byang chub kyi phyogs kyi chos nyid kyang sgyu ma/ sgyu ma nyid kyang byang chub kyi phyogs kyi chos rnams so/ /bcom ldan</font><hr>30.157a<br><font size=+1>

'das sangs rgyas kyi chos ma 'dres pa bcwa brgyad kyi bar yang gzhan ma lags/ sgyu ma yang gzhan ma lags te/ sangs rgyas kyi chos ma 'dres pa nyid kyang sgyu ma/ sgyu ma nyid kyang sangs rgyas kyi chos ma 'dres pa rnams so/ /bcom ldan 'das byang chub kyi bar yang gzhan ma lags/ sgyu ma yang gzhan ma lags te/ byang chub nyid kyang sgyu ma/ sgyu ma nyid kyang byang chub bo/ /bcom ldan 'das kyis bka' stsal pa/ rab 'byor de ji snyam du sems/ sgyu ma la skye ba 'am/ 'gag pa yod dam/ gsol pa/ bcom ldan 'das de ni ma mchis so/ /bcom ldan 'das kyis bka' stsal pa/ rab 'byor de ji snyam du sems/ sgyu ma la kun nas nyon mongs pa 'am/ rnam par byang ba yod dam/ gsol pa/ bcom ldan 'das de ni ma mchis so/ /bcom ldan 'das kyis bka' stsal pa/ rab 'byor de ji snyam du sems/ gang la skye ba med cing 'gag pa med pa dang / kun nas nyon mongs pa med cing rnam par byang ba med pa de/ shes rab kyi pha rol du phyin pa la slob par 'gyur ram/ rnam pa thams cad mkhyen pa nyid du 'byung bar 'gyur ram/ rnam pa thams cad mkhyen pa nyid thob par 'gyur ram/ de bzhin du bsam gtan dang / brtson 'grus dang / bzod pa dang / tshul khrims dang / sbyin pa'i pha rol du phyin pa dang / nang stong pa nyid dang / dngos po med pa'i ngo bo nyid stong pa nyid kyi bar dang / byang chub kyi phyogs kyi chos sum bcu rtsa bdun nas/ sangs rgyas kyi chos ma 'dres pa bcwa brgyad kyi bar du bslabs nas/ rnam pa thams cad mkhyen pa nyid du 'byung bar 'gyur ram/ rnam pa thams cad mkhyen pa nyid thob par 'gyur ram/ gsol pa/ bcom ldan 'das de ni mi 'gyur ro/ /bcom ldan 'das kyis bka' stsal pa/ rab 'byor de ji snyam du sems/ nye bar len pa'i phung po lnga po 'di dag dang / sangs rgyas kyi chos ma 'dres pa bcwa brgyad kyi bar la/ 'di lta ste/ byang chub sems dpa' zhes bya bar 'du shes pa dang / brda dang / gdags pa dang / tha snyad du bya ba yin nam/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab</font><hr>30.157b<br><font size=+1>

'byor de ji snyam du sems/ 'du shes dang / brda dang / gdags pa dang / tha snyad tsam gyis nye bar len pa'i phung po lnga po dang / sangs rgyas kyi chos ma 'dres pa bcwa brgyad kyi bar la skye ba 'am 'gag pa 'am/ kun nas nyon mongs pa 'am/ rnam par byang bar dmigs par 'gyur ram/ gsol pa/ bcom ldan 'das de ni mi 'gyur ro/ /bcom ldan 'das kyis bka' stsal pa/ rab 'byor de ji snyam du sems/ gang la 'du shes med cing brda med pa dang / gdags ba med pa dang / tha snyad med pa dang / ming med pa dang / ming du gdags pa med pa dang / lus med pa dang / lus kyi las med pa dang / ngag med pa dang / ngag gi las med pa dang / yid med pa dang / yid kyi las med pa dang / skye ba med pa dang / 'gag pa med pa dang / kun nas nyon mongs pa med pa dang / rnam par byang ba med pa shes rab kyi pha rol du phyin pa la bslabs shing / rnam pa thams cad mkhyen pa nyid du 'byung bar 'gyur ram/ rnam pa thams cad mkhyen pa nyid thob par 'gyur ram/ de bzhin du bsam gtan dang / brtson 'grus dang / bzod pa dang / tshul khrims dang / sbyin pa'i pha rol du phyin pa dang / nang stong pa nyid nas/ dngos po med pa'i ngo bo nyid stong pa nyid kyi bar dang /  byang chub kyi phyogs kyi chos sum bcu rtsa bdun nas/ sangs rgyas kyi chos ma 'dres pa bcwa brgyad kyi bar du bslabs nas/ rnam pa thams cad mkhyen pa nyid du 'byung bar 'gyur ram/ rnam pa thams cad mkhyen pa nyid thob bar 'gyur ram/ gsol pa/ bcom ldan 'das de ni mi 'gyur ro/ /bcom ldan 'das kyis bka' stsal pa/ rab 'byor de ltar byang chub sems dpa' sems dpa' chen po shes rab kyi pha rol du phyin pa la bslabs shing / mi dmigs pa'i tshul gyis rnam pa thams cad mkhyen pa nyid du 'byung ngo / /rnam pa thams cad mkhyen pa nyid thob par 'gyur ro/ /gsol pa/ bcom ldan 'das de ltar shes rab kyi pha rol du phyin pa la slob pa'i byang chub</font><hr>30.158a<br><font size=+1>

sems dpa' sems dpa' chen pos ni/ sgyu ma'i skyes bus bslab pa ltar bla na med pa yang dag par rdzogs pa'i byang chub tu bslab par bgyi'o/ /de ci'i slad du zhe na/ bcom ldan 'das de ni 'di lta ste/ phung po lnga po de nyid sgyu ma'i skyes bur rig par bgyi ba sha stag go/ /bcom ldan 'das kyis bka' stsal pa/ rab 'byor de ji snyam du sems/ phung po lnga po 'di dag shes rab kyi pha rol du phyin pa la bslabs shing / rnam pa thams cad mkhyen pa nyid du 'byung bar 'gyur ram/ gsol pa/ bcom ldan 'das de ni mi 'gyur ro/ /de ci'i slad du zhe na/ bcom ldan 'das de ni 'di ltar phung po lnga rnams ni dngos po ma mchis pa'i rang bzhin te/ dngos po ma mchis pa'i rang bzhin de ni dmigs su ma mchis so/ /bcom ldan 'das kyis bka' stsal pa/ rab 'byor de ji snyam du sems/ rmi lam lta bu'i phung po lnga po de dag shes rab kyi pha rol du phyin pa la bslabs shing / rnam pa thams cad mkhyen pa nyid du 'byung bar 'gyur ram/ gsol pa/ bcom ldan 'das de ni mi 'gyur ro/ /de ci'i slad du zhe na/ bcom ldan 'das de ni 'di ltar rmi lam ni dngos po ma mchis pa'i rang bzhin te/ dngos po ma mchis pa'i rang bzhin de ni dmigs su ma mchis so/ /bcom ldan 'das kyis bka' stsal pa/ rab 'byor de ji snyam du sems/ sgyu ma lta bu dang / sgra brnyan lta bu dang / mig yor lta bu dang / chu zla lta bu dang / smig rgyu lta bu dang / sprul pa lta bu'i phung po lnga po de dag shes rab kyi pha rol du phyin pa la bslabs shing / rnam pa thams cad mkhyen pa nyid du 'byung bar 'gyur ram/ gsol pa/ bcom ldan 'das de ni mi 'gyur ro/ /de ci'i slad du zhe na/ bcom ldan 'das de ni 'di ltar sgyu ma ni dngos po ma mchis pa'i rang bzhin/ sgra brnyan ni dngos po ma mchis pa'i rang bzhin/ mig yor ni dngos po ma mchis pa'i rang bzhin/ chu zla ni dngos po ma mchis pa'i rang bzhin smig rgyu ni dngos po ma mchis pa'i rang bzhin/ sprul pa ni dngos po ma mchis pa'i rang bzhin te/ </font><hr>30.158b<br><font size=+1>

dngos po ma mchis pa'i rang bzhin de ni dmigs su ma mchis so/ /bcom ldan 'das kyis bka' stsal pa/ rab 'byor de ni 'di ltar gzugs ni rmi lam lta bu/ tshor ba ni rmi lam lta bu/ 'du shes ni rmi lam lta bu/ 'du byed ni rmi lam lta bu/ rnam par shes pa ni rmi lam lta bu ste/ rnam par shes pa gang yin pa de ni dbang po drug go/ /de ni phung po lnga'o/ /rab 'byor gzugs ni sgyu ma lta bu'o/ /tshor ba dang / 'du shes dang / 'du byed dang / rnam par shes pa ni sgyu ma lta bu ste/ rnam par shes pa gang yin pa de ni dbang po drug go/ /de ni phung po lnga'o/ /rab 'byor gzugs ni sgra brnyan lta bu'o/ /tshor ba dang / 'du shes dang / 'du byed dang / rnam par shes pa ni sgra brnyan lta bu ste/ rnam par shes pa gang yin pa de ni dbang po drug go/ /de ni phung po lnga'o/ /rab 'byor gzugs ni mig yor lta bu'o/ /tshor ba dang / 'du shes dang / 'du byed dang / rnam par shes pa ni mig yor lta bu ste/ rnam par shes pa gang yin pa de ni dbang po drug go/ /de ni phung po lnga'o/ /rab 'byor gzugs ni chu zla lta bu'o/ /tshor ba dang / 'du shes dang / 'du byed dang / rnam par shes pa ni chu zla lta bu ste/ rnam par shes pa gang yin pa de ni dbang po drug go/ /de ni phung po lnga'o/ /rab 'byor gzugs ni smig rgyu lta bu'o/ /tshor ba dang / 'du shes dang / 'du byed dang / rnam par shes pa ni smig rgyu lta bu ste/ rnam par shes pa gang yin pa de ni dbang po drug go/ /de ni phung po lnga'o/ /rab 'byor gzugs ni sprul pa lta bu'o/ /tshor ba dang / 'du shes dang / 'du byed dang / rnam par shes pa ni sprul pa lta bu ste/ rnam par shes pa gang yin pa de ni dbang po drug go/ /de ni phung po lnga'o/ /de dag ni nang stong pa nyid kyi phyir mi dmigs so/ /dngos po med pa'i ngo bo nyid stong pa nyid kyi bar gyi phyir mi dmigs so/ /gsol pa/ bcom ldan 'das de lta lags na/ byang chub sems dpa' sems dpa' chen po theg pa la gsar du zhugs pas bstan pa 'di thos na 'jigs shing sngang ba dang / skrag</font><hr>30.159a<br><font size=+1>

par mi 'gyur lags grang / bcom ldan 'das kyis bka' stsal pa/ rab 'byor gal te byang chub sems dpa' sems dpa' chen po theg pa la gsar du zhugs pa yang yin la/ shes rab kyi pha rol du phyin pa la thabs kyang mi mkhas pa zhig ste/ dge ba'i bshes gnyen gyi lag tu yang ma 'ongs na/ 'jigs shing dngang ba dang / skrag par yang 'gyur ro/ /gsol pa/ bcom ldan 'das byang chub sems dpa' sems dpa' chen pos bstan pa 'di thos na mi 'jigs/ mi dngang mi skrag pa'i shes rab kyi pha rol du phyin pa la spyod pa'i thabs mkhas pa de gang lags/ bcom ldan 'das gyis bka' stsal pa/ rab 'byor 'di la byang chub sems dpa' sems dpa' chen po shes rab kyi pha rol du phyin pa la spyod pa'i tshe/ rnam pa thams cad mkhyen pa nyid dang ldan pa'i sems kyis gzugs mi rtag ces bya bar rtog ste/ de mi dmigs so/ /tshor ba dang / 'du shes dang / 'du byed dang / rnam par shes pa mi rtag ces bya bar rtog ste/ de mi dmigs so/ /rab 'byor de ni byang chub sems dpa' sems dpa' chen po shes rab kyi pha rol du phyin pa la spyod pa'i thabs mkhas pa'o/ /rab 'byor gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ rnam pa thams cad mkhyen pa nyid dang ldan pa'i sems kyis/ gzugs sdug bsngal zhes bya bar rtog ste/ de mi dmigs so/ /tshor ba dang / 'du shes dang / 'du byed dang / rnam par shes pa sdug bsngal zhes bya bar rtogs ste/ de mi dmigs so/ /rnam pa thams cad mkhyen pa nyid dang ldan pa'i sems kyi gzugs bdag med ces bya bar rtog ste de mi dmigs so/ /tshor ba dang / 'du shes dang / 'du byed dang / rnam par shes pa bdag med ces bya bar rtog ste/ de mi dmigs so/ /rnam pa thams cad mkhyen pa nyid dang ldan pa'i sems kyis/ gzugs zhi zhes bya bar rtog ste/ de mi dmigs so/ /tshor ba</font><hr>30.159b<br><font size=+1>

ba dang / 'du shes dang / 'du byed dang / rnam par shes pa zhi zhes bya bar rtog ste/ de mi dmigs so/ /rnam pa thams cad mkhyen pa nyid dang ldan pa'i sems kyis/ gzugs stong zhes bya bar rtog ste/ de mi dmigs so/ /tshor ba dang / 'du shes dang / 'du byed dang / rnam par shes pa stong zhes bya bar rtog ste/ de mi dmigs so/ /rnam pa thams cad mkhyen pa nyid dang ldan pa'i sems kyis/ gzugs mtshan ma med ces bya bar rtog ste/ de mi dmigs so/ /tshor ba dang / 'du shes dang / 'du byed dang / rnam par shes pa mtshan ma med ces bya bar rtog ste/ de mi dmigs so/ /rnam pa thams cad mkhyen pa nyid dang ldan pa'i sems kyis/ gzugs smon pa med ces bya bar rtog ste/ de mi dmigs so/ /tshor ba dang / 'du shes dang / 'du byed dang / rnam par shes pa smon pa med ces bya bar rtog ste/ de mi dmigs so/ /rnam pa thams cad mkhyen pa nyid dang ldan pa'i sems kyis/ gzugs mngon par 'du bya ba med ces bya bar rtog ste de mi dmigs so/ /tshor ba dang / 'du shes dang / 'du byed dang / rnam par shes pa mngon par 'du bya ba med ces bya bar rtog ste/ de mi dmigs so/ /rnam pa thams cad mkhyen pa nyid dang ldan pa'i sems kyis/ gzugs dben zhes bya bar rtog ste/ de mi dmigs so/ /tshor ba dang / 'du shes dang / 'du byed dang / rnam par shes pa dben zhes bya bar rtog ste/ de mi dmigs so/ /rab 'byor 'di ni byang chub sems dpa' sems dpa' chen po shes rab kyi pha rol du phyin pa la spyod pa'i thabs mkhas pa'o/ /rab 'byor gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ rnam pa thams cad mkhyen pa nyid dang ldan pa'i yid la bya bas gzugs mi rtag pa'i rnam par rtog par byed de/ de mi dmigs so/ /rnam pa thams cad mkhyen pa nyid dang ldan pa'i yid la bya bas/ tshor ba dang / 'du shes dang / 'du byed dang / rnam par</font><hr>30.160a<br><font size=+1>

shes pa mi rtag pa'i rnam par rtog par byed de/ de mi dmigs so/ /rnam pa thams cad mkhyen pa nyid dang ldan pa'i yid la bya bas/ gzugs sdug bsngal ba'i rnam par rtog par byed de/ de mi dmigs so/ /tshor ba dang / 'du shes dang / 'du byed dang / rnam par shes pa sdug bsngal ba'i rnam par rtog par byed de/ de mi dmigs so/ /rnam pa thams cad mkhyen pa nyid dang ldan pa'i yid la bya bas/ gzugs bdag med pa'i rnam par rtog par byed de/ de mi dmigs so/ /tshor ba dang / 'du shes dang / 'du byed dang / rnam par shes pa bdag med pa'i rnam par rtog par byed de/ de mi dmigs so/ /rnam pa thams cad mkhyen pa nyid dang ldan pa'i yid la bya bas/ gzugs zhi ba'i rnam par rtog par byed de/ de mi dmigs so/ /tshor ba dang / 'du shes dang / 'du byed dang / rnam par shes pa zhi ba'i rnam par rtog par byed de/ de mi dmigs so/ /rnam pa thams cad mkhyen pa nyid dang ldan pa'i yid la bya bas/ gzugs stong pa'i rnam par rtog par byed de/ de mi dmigs so/ /tshor ba dang / 'du shes dang / 'du byed dang / rnam par shes pa stong pa'i rnam par rtog par byed de/ de mi dmigs so/ /rnam pa thams cad mkhyen pa nyid dang ldan pa'i yid la bya bas/ gzugs mtshan ma med pa'i rnam par rtog par byed de/ de mi dmigs so/ /tshor ba dang / 'du shes dang / 'du byed dang / rnam par shes pa mtshan ma med pa'i rnam par rtog par byed de/ de mi dmigs so/ /rnam pa thams cad mkhyen pa nyid dang ldan pa'i yid la bya bas/ gzugs smon pa med pa'i rnam par rtog par byed de/ de mi dmigs so/ /tshor ba dang / 'du shes dang / 'du byed dang / rnam par shes pa smon pa med pa'i rnam par rtog par byed de/ de mi dmigs so/ /rnam pa thams cad mkhyen pa nyid dang ldan pa'i yid la bya bas/ gzugs mngon par 'du bya ba med pa'i rnam par rtog</font><hr>30.160b<br><font size=+1>

par byed de/ de mi dmigs so/ /tshor ba dang / 'du shes dang / 'du byed dang / rnam par shes pa mngon par 'du bya ba med pa'i rnam par rtog par byed de/ de mi dmigs so/ /rnam pa thams cad mkhyen pa nyid dang ldan pa'i yid la bya bas/ gzugs dben pa'i rnam par rtog par byed de/ de mi dmigs so/ /tshor ba dang / 'du shes dang / 'du byed dang / rnam par shes pa dben pa'i rnam par rtog par byed de/ de mi dmigs so/ /rab 'byor 'di ni byang chub sems dpa' sems dpa' chen po shes rab kyi pha rol du phyin pa la spyod pa'i thabs mkhas pa'o/ /rab 'byor byang chub sems dpa' sems dpa' chen po de ltar rtog pa de 'di snyam du sems te/ sems can thams cad la gzugs mi rtag ces bya bar de mi dmigs pa'i tshul gyis chos bstan to/ /tshor ba dang / 'du shes dang / 'du byed dang / rnam par shes pa mi rtag ces bya bar de mi dmigs pa'i tshul gyis chos bstan to/ /gzugs sdug bsngal ba dang / bdag med pa dang / zhi ba dang / stong pa dang / mtshan ma med pa dang / smon pa med pa dang / mngon par 'du bya ba med pa dang / dben zhes bya bar de mi dmigs pa'i tshul gyis chos bstan to/ /tshor ba dang / 'du shes dang / 'du byed dang / rnam par shes pa sdug bsngal ba dang / bdag med pa dang / zhi ba dang / stong pa dang / mtshan ma med pa dang / smon pa med pa dang / mngon par 'du bya ba med pa dang / dben zhes bya bar de mi dmigs pa'i tshul gyis chos bstan to snyam mo/ /rab 'byor 'di ni byang chub sems dpa' sems dpa' chen po'i sbyin pa'i pha rol du phyin pa nyams pa med pa ste/ de yod pas byang chub sems dpa' sems dpa' chen po mi 'jigs/ mi dngang skrag par mi 'gyur ro/ /rab 'byor gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ nyan thos dang / rang sangs rgyas</font><hr>30.161a<br><font size=+1>

kyi yid la bya ba dang mi ldan pas/ gzugs gang mi rtag pa'i rnam par yid la byed pa de mi dmigs pa'i tshul gyis yid la byed do/ /nyan thos dang / rang sangs rgyas kyi yid la bya ba dang mi ldan pas tshor ba dang 'du shes dang / 'du byed dang / rnam par shes pa mi rtag pa'i rnam par yid la byed pa de mi dmigs pa'i tshul gyis yid la byed do/ /nyan thos dang / rang sangs rgyas kyi yid la bya ba dang mi ldan pas/ gzugs gang sdug bsngal ba dang bdag med pa dang / zhi ba dang / stong pa dang / mtshan ma med pa dang / smon pa med pa dang / mngon par 'du bya ba med pa dang / dben pa'i rnam par yid la byed pa de mi dmigs pa'i tshul gyis yid la byed do/ /tshor ba dang / 'du shes dang / 'du byed dang / rnam par shes pa sdug bsngal ba dang / bdag med pa dang / zhi ba dang / stong pa dang / mtshan ma med pa dang / smon pa med pa dang / mngon par 'du bya ba med pa dang / dben pa'i rnam par yid la byed pa de mi dmigs pa'i tshul gyis yid la byed do/ /rab 'byor 'di ni byang chub sems dpa' sems dpa' chen po'i tshul khrims kyi pha rol du phyin pa nyams pa med pa ste/ de yod pas/ byang chub sems dpa' sems dpa' chen po mi 'jigs mi dngang skrag par mi 'gyur ro/ /rab 'byor gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ chos de dag la mi rtag pa'i rnam pa dang / sdug bsngal ba'i rnam pa dang / bdag med pa'i rnam pa dang / zhi ba'i rnam pa dang / stong pa nyid kyi rnam pa dang / mtshan ma med pa'i rnam pa dang / smon pa med pa'i rnam pa dang / mngon par 'du bya ba med pa'i rnam pa dang / dben pa'i rnam par rtog par byed pa dang / bzod pa dang / mos pa 'di ni byang chub sems dpa' sems dpa' chen po'i bzod pa'i pha rol du phyin pa ste/ de yod pas byang chub sems dpa' sems dpa' chen po mi 'jigs mi dngang / skrag par mi 'gyur ro/ /rab 'byor gzhan yang</font><hr>30.161b<br><font size=+1>

byang chub sems dpa' sems dpa' chen po shes rab kyi pha rol du phyin pa la spyod pa'i tshe/ rnam pa thams cad mkhyen pa nyid dang ldan pa'i yid la bya bas/ gzugs mi rtag ces bya bar de mi dmigs pa'i tshul gyis rab tu rtog go/ /tshor ba dang / 'du shes dang / 'du byed dang / rnam par shes pa mi rtag ces bya bar de mi dmigs pa'i tshul gyis rab tu rtog go/ /gzugs sdug bsngal zhes bya ba dang / bdag med ces bya ba dang / zhi zhes bya ba dang / stong zhes bya ba dang / mtshan ma med ces bya ba dang / smon pa med ces bya ba dang / mngon par 'du bya ba med ces bya ba dang / dben zhes bya bar de mi dmigs pa'i tshul gyis rab tu rtog go/ /tshor ba dang / 'du shes dang / 'du byed dang / rnam par shes pa mi rtag ces bya ba dang / sdug bsngal zhes bya ba dang / bdag med ces bya ba dang / zhi zhes bya ba dang / stong zhes bya ba dang / mtshan ma med ces bya ba dang / smon pa med ces bya ba dang / mngon par 'du bya ba med ces bya ba dang / dben zhes bya bar de mi dmigs pa'i tshul gyis rab tu rtog go/ /de ltar de dag la rnam pa thams cad mkhyen pa nyid dang ldan pa'i yid la bya bas mi gtong zhing / brtson 'grus mi 'dor ba 'di ni byang chub sems dpa' sems dpa' chen po de'i brtson 'grus kyi pha rol du phyin pa ste/ de yod pas byang chub sems dpa' sems dpa' chen po de mi 'jigs/ mi dngang skrag par mi 'gyur ro/ /rab 'byor gzhan yang byang chub sems dpa' sems dpa' chen po/ shes rab kyi pha rol du phyin pa la spyod pa'i tshe/ nam rnam pa thams cad mkhyen pa nyid dang ldan pa'i yid la bya bas/ gzugs mi rtag ces bya bar de mi dmigs pa'i tshul gyis rtog cing / nyan thos dang / rang sangs rgyas dang ldan pa'i yid la bya ba dang / mi dge ba'i chos de ma yin pa byang chub kyi gegs su 'gyur ba gzhan gyi skabs mi 'byed pa dang / gzugs sdug bsngal zhes</font><hr>30.162a<br><font size=+1>

bya ba dang / bdag med ces bya ba dang / zhi zhes bya ba dang / stong zhes bya ba dang / mtshan ma med ces bya ba dang / smon pa med ces bya ba dang / mngon par 'du bya ba med ces bya ba dang / dben zhes bya bar de mi dmigs pa'i tshul gyis rtog cing / nyan thos dang / rang sangs rgyas dang ldan pa'i yid la bya ba dang / mi dge ba de ma yin pa byang chub kyi gegs su 'gyur ba gzhan gyi go mi 'byed pa dang / tshor ba dang / 'du shes dang / 'du byed dang / rnam par shes pa mi rtag ces bya ba dang / sdug bsngal zhes bya ba dang / bdag med ces bya ba dang / zhi zhes bya ba dang / stong zhes bya ba dang / mtshan ma med ces bya ba dang / smon pa med ces bya ba dang / mngon par 'du bya ba med ces bya ba dang / dben zhes bya bar de mi dmigs pa'i tshul gyis rtog cing / nyan thos dang / rang sangs rgyas dang ldan pa'i yid la bya ba dang / mi dge ba de ma yin pa byang chub kyi gegs su 'gyur ba gzhan gyi go mi 'byed pa 'di ni/ byang chub sems dpa' sems dpa' chen po'i bsam gtan gyi pha rol du phyin pa ste/ de yod pas byang chub sems dpa' sems dpa' chen po de mi 'jigs mi dngang skrag par mi 'gyur ro// //shes rab kyi pha rol du phyin pa stong phrag nyi shu lnga pa/ bam po bcu gnyis pa/ rab 'byor gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ nam rnam pa thams cad mkhyen pa nyid dang ldan pa'i yid la bya bas rnam pa 'di ltar rab tu rtog ste/ gzugs kyi stong pa nyid kyis gzugs stong pa ma yin gyi/ gzugs nyid kyang stong pa nyid do/ /stong pa nyid kyang gzugs so/ /tshor ba dang / 'du shes dang / 'du byed dang / rnam par shes pa'i stong pa nyid kyis/ rnam par shes pa stong pa ma yin gyi/ rnam par shes pa nyid kyang stong pa nyid do/ /stong pa nyid kyang rnam par shes pa'o/ /mig gi stong pa nyid kyis/ mig stong pa ma yin gyis/ mig nyid kyang</font><hr>30.162b<br><font size=+1>

stong pa nyid do/ /stong pa nyid kyang mig go/ /rna ba dang / sna dang / lce dang / lus dang / yid kyi stong pa nyid kyis/ yid stong pa ma yin gyi/ yid nyid kyang stong pa nyid do/ /stong pa nyid kyang yid do/ /gzugs kyi stong pa nyid kyis gzugs stong pa ma yin gyi/ gzugs nyid kyang stong pa nyid do/ /stong pa nyid kyang gzugs so/ /sgra dang / dri dang / ro dang / reg dang / chos kyi stong pa nyid kyis/ chos stong pa ma yin gyi/ chos nyid kyang stong pa nyid do/ /stong pa nyid kyang chos so/ /mig gi rnam par shes pa'i stong pa nyid kyis/ mig gi rnam par shes pa stong pa ma yin gyi/ mig gi rnam par shes pa nyid kyang stong pa nyid do/ /stong pa nyid kyang mig gi rnam par shes pa'o/ /rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa'i stong pa nyid kyis/ yid kyi rnam par shes pa stong pa ma yin gyi/ yid kyi rnam par shes pa nyid kyang stong pa nyid do/ /stong pa nyid kyang yid kyi rnam par shes pa'o/ /mig gi 'dus te reg pa'i stong pa nyid kyis/ mig gi 'dus te reg pa stong pa ma yin gyi/ mig gi 'dus te reg pa nyid kyang stong pa nyid do/ /stong pa nyid kyang mig gi 'dus te reg pa'o/ /rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa'i stong pa nyid kyis/ yid kyi 'dus te reg pa stong pa ma yin gyi/ yid kyi 'dus te reg pa nyid kyang stong pa nyid do/ /stong pa nyid kyang yid kyi 'dus te reg pa'o/ /mig gi 'dus te reg pa'i rkyen gyis tshor ba'i stong pa nyid kyis/ mig gi 'dus te reg pa'i rkyen gyis tshor ba stong pa ma yin gyi/ mig gi 'dus te reg pa'i rkyen gyis/ tshor ba nyid kyang stong pa nyid do/ /stong pa nyid kyang / mig gi 'dus te reg pa'i rkyen gyis</font><hr>30.163a<br><font size=+1>

tshor ba'o/ /rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba'i stong pa nyid kyis/ yid kyi 'dus te reg pa'i rkyen gyis tshor ba stong pa ma yin gyi/ yid kyi 'dus te reg pa'i rkyen gyis tshor ba nyid kyang stong pa nyid do/ /stong pa nyid kyang yid kyi 'dus te reg pa'i rkyen gyis tshor ba'o/ /dran pa nye bar gzhag pa'i bar gyi stong pa nyid kyis/ dran pa nye bar gzhag pa stong pa ma yin gyi/ dran pa nye bar gzhag pa nyid kyang stong pa nyid do/ /stong pa nyid kyang dran pa nye bar gzhag pa'o/ /sangs rgyas kyi chos ma 'dres pa'i bar gyi stong pa nyid kyis/ sangs rgyas kyi chos ma 'dres pa stong pa ma yin gyi/ sangs rgyas kyi chos ma 'dres pa nyid kyang stong pa nyid do/ /stong pa nyid kyang ngo sangs rgyas kyi chos ma 'dres pa'o/ /rab 'byor 'di ni byang chub sems dpa' sems dpa' chen po'i shes rab kyi pha rol du phyin pa ste/ rab 'byor 'di ni byang chub sems dpa' sems dpa' chen po shes rab kyi pha rol du phyin pa la spyod pa'i thabs mkhas pa'o/ /thabs mkhas pa de dang ldan pa'i byang chub sems dpa' sems dpa' chen po ni bstan pa 'di thos na/ mi 'jigs mi dngang skrag par mi 'gyur ro/ /rab 'byor gyis gsol pa/ bcom ldan 'das dge ba'i bshes gnyen gyis yongs su zin pa'i byang chub sems dpa' sems dpa' chen pos shes rab kyi pha rol du phyin pa bstan pa 'di thos na/ mi 'jigs/ mi dngang / skrag par mi 'gyur ba'i dge ba'i bshes gnyen de gang lags/ bcom ldan 'das kyis bka' stsal pa/ rab 'byor byang chub sems dpa' sems dpa' chen po'i dge ba'i bshes gnyen</font><hr>30.163b<br><font size=+1>

ni gang / de la gzugs mi rtag ces bya bar de mi dmigs pa'i tshul gyis chos ston cing / dge ba'i rtsa ba thams cad kyang / rnam pa thams cad mkhyen pa nyid ma gtogs par nyan thos kyi sa 'am/ rang sangs rgyas kyi sar yongs su bsngor mi 'jug pa'o/ /tshor ba dang / 'du shes dang / 'du byed dang / rnam par shes pa mi rtag ces bya bar de mi dmigs pa'i tshul gyis chos ston cing / dge ba'i rtsa ba thams cad kyang / rnam pa thams cad mkhyen pa nyid ma gtogs par nyan thos kyi sa 'am/ rang sangs rgyas kyi sar yongs su bsngor mi 'jug pa ste/ rab 'byor 'di ni byang chub sems dpa' sems dpa' chen po'i dge ba'i bshes gnyen du rig par bya'o/ /rab 'byor gzhan yang byang chub sems dpa' sems dpa' chen po'i dge ba'i bshes gnyen ni gang de la/ gzugs sdug bsngal zhes bya bar de mi dmigs pa'i tshul gyis chos ston pa dang / tshor ba dang / 'du shes dang / 'du byed dang / rnam par shes pa sdug bsngal zhes bya bar/ de mi dmigs pa'i tshul gyis chos ston pa dang / gzugs bdag med ces bya bar de mi dmigs pa'i tshul gyis chos ston pa dang / tshor ba dang / 'du shes dang / 'du byed dang / rnam par shes pa bdag med ces bya bar de mi dmigs pa'i tshul gyis chos ston pa dang / gzugs zhi zhes bya bar de mi dmigs pa'i tshul gyis chos ston pa dang / tshor ba dang / 'du shes dang / 'du byed dang / rnam par shes pa zhi zhes bya bar de mi dmigs pa'i/ tshul gyis chos ston pa dang / gzugs stong zhes bya bar de mi dmigs pa'i tshul gyis chos ston pa dang / tshor ba dang / 'du shes dang / 'du byed dang / rnam par shes pa stong zhes bya bar de mi dmigs pa'i tshul gyis chos ston pa dang / gzugs mtshan ma med ces bya bar de mi dmigs pa'i tshul</font><hr>30.164a<br><font size=+1>

gyis chos ston pa dang / tshor ba dang / 'du shes dang / 'du byed dang / rnam par shes pa mtshan ma med ces bya bar de mi dmigs pa'i tshul gyis chos ston pa dang / gzugs smon pa med ces bya bar de mi dmigs pa'i tshul gyis chos ston pa dang / tshor ba dang / 'du shes dang / 'du byed dang / rnam par shes pa smon pa med ces bya bar de mi dmigs pa'i tshul gyis chos ston pa dang / gzugs mngon par 'du bya ba med ces bya bar de mi dmigs pa'i tshul gyis chos ston pa dang / tshor ba dang / 'du shes dang / 'du byed dang / rnam par shes pa mngon par 'du bya ba med ces bya bar de mi dmigs pa'i tshul gyis chos ston pa dang / gzugs dben zhes bya bar de mi dmigs pa'i tshul gyis chos ston pa dang / tshor ba dang / 'du shes dang / 'du byed dang / rnam par shes pa dben zhes bya bar de mi dmigs pa'i tshul gyis chos ston cing / dge ba'i rtsa ba thams cad kyang / rnam pa thams cad mkhyen pa nyid ma gtogs par/ nyan thos kyi sa 'am/ rang sangs rgyas kyi sar yongs su bsngor mi 'jug pa ste/ rab 'byor 'di ni byang chub sems dpa' sems dpa' chen po'i dge ba'i bshes gnyen du rig par bya'o/ /rab 'byor gzhan yang byang chub sems dpa' sems dpa' chen po'i dge ba'i bshes gnyen ni gang de la/ mig mi rtag ces bya bar de mi dmigs pa'i tshul gyis chos ston pa dang / rna ba dang / sna dang / lce dang / lus dang / yid mi rtag ces bya bar de mi dmigs pa'i tshul gyis chos ston pa dang / mig sdug bsngal zhes bya bar de mi dmigs pa'i tshul gyis chos ston pa dang / rna ba dang / sna dang / lce dang / lus dang / yid sdug bsngal zhes bya bar de mi dmigs pa'i tshul gyis chos ston pa dang / mig bdag med ces bya bar de mi dmigs pa'i tshul gyis chos ston pa dang / rna ba dang / sna dang / lce dang / lus dang / yid bdag med ces bya bar de mi dmigs pa'i tshul gyis</font><hr>30.164b<br><font size=+1>

chos ston pa dang / mig zhi zhes bya bar de mi dmigs pa'i tshul gyis chos ston pa dang / rna ba dang / sna dang / lce dang / lus dang / yid zhi zhes bya bar de mi dmigs pa'i tshul gyis chos ston pa dang / mig stong zhes bya bar de mi dmigs pa'i tshul gyis chos ston pa dang / rna ba dang / sna dang / lce dang / lus dang / yid stong zhes bya bar de mi dmigs pa'i tshul gyis chos ston pa dang / mig mtshan ma med ces bya bar de mi dmigs pa'i tshul gyis chos ston pa dang / rna ba dang / sna dang / lce dang / lus dang / yid mtshan ma med ces bya bar de mi dmigs pa'i tshul gyis chos ston pa dang / mig smon pa med ces bya bar de mi dmigs pa'i tshul gyis chos ston pa dang / rna ba dang / sna dang / lce dang / lus dang / yid smon pa med ces bya bar de mi dmigs pa'i tshul gyis chos ston pa dang / mig mngon par 'du bya ba med ces bya bar de mi dmigs pa'i tshul gyis chos ston pa dang / rna ba dang / sna dang / lce dang / lus dang / yid mngon par 'du bya ba med ces bya bar de mi dmigs pa'i tshul gyis chos ston pa dang / mig dben zhes bya bar de mi dmigs pa'i tshul gyis chos ston pa dang / rna ba dang / sna dang / lce dang / lus dang / yid dben zhes bya bar de mi dmigs pa'i tshul gyis chos ston cing dge ba'i rtsa ba de dag kyang / rnam pa thams cad mkhyen pa nyid ma gtogs par/ nyan thos kyi sa 'am/ rang sangs rgyas kyi sar yongs su bsngor mi 'jug pa'o/ /rab 'byor gzhan yang byang chub sems dpa' sems dpa' chen po dge ba'i bshes gnyen ni gang de la/ gzugs mi rtag ces bya bar de mi dmigs pa'i tshul gyis chos ston cing / dge ba'i rtsa ba thams cad kyang rnam pa thams cad mkhyen pa nyid ma gtogs par/ nyan thos kyi sa 'am/ rang sangs rgyas kyi sar yongs su bsngor mi 'jug pa dang / sgra dang / dri dang / ro dang / reg dang / chos mi rtag ces bya bar de mi dmigs pa'i tshul gyis chos ston cing / dge ba'i rtsa ba de dag</font><hr>30.165a<br><font size=+1>

kyang rnam pa thams cad mkhyen pa nyid ma gtogs par/ nyan thos kyi sa 'am/ rang sangs rgyas kyi sar yongs su bsngor mi 'jug pa dang / gzugs sdug bsngal zhes bya bar de mi dmigs pa'i tshul gyis chos ston pa dang / sgra dang / dri dang / ro dang / reg dang / chos sdug bsngal zhes bya bar de mi dmigs pa'i tshul gyis chos ston pa dang / gzugs bdag med ces bya bar de mi dmigs pa'i tshul gyis chos ston pa dang / sgra dang / dri dang / ro dang / reg dang / chos bdag med ces bya bar de mi dmigs pa'i tshul gyis chos ston pa dang / gzugs zhi zhes bya bar de mi dmigs pa'i tshul gyis chos ston pa dang / sgra dang / dri dang / ro dang / reg dang / chos zhi zhes bya bar de mi dmigs pa'i tshul gyis chos ston pa dang / gzugs stong zhes bya bar de mi dmigs pa'i tshul gyis chos ston pa dang / sgra dang / dri dang / ro dang / reg dang / chos stong zhes bya bar de mi dmigs pa'i tshul gyis chos ston pa dang / gzugs mtshan ma med ces bya bar de mi dmigs pa'i tshul gyis chos ston pa dang / sgra dang / dri dang / ro dang / reg dang chos mtshan ma med ces bya bar de mi dmigs pa'i tshul gyis chos ston pa dang / gzugs smon pa med ces bya bar de mi dmigs pa'i tshul gyis chos ston pa dang / sgra dang / dri dang / ro dang / reg dang / chos smon pa med ces bya bar de mi dmigs pa'i tshul gyis chos ston pa dang / gzugs mngon par 'du bya ba med ces bya bar de mi dmigs pa'i tshul gyis chos ston pa dang / sgra dang / dri dang / ro dang / reg dang / chos mngon par 'du bya ba med ces bya bar de mi dmigs pa'i tshul gyis chos ston pa dang / gzugs dben zhes bya bar de mi dmigs pa'i tshul gyis chos ston pa dang / sgra dang / dri dang / ro dang / reg dang / chos dben zhes bya bar de mi dmigs pa'i tshul gyis chos ston cing / dge ba'i rtsa ba de dag kyang rnam pa thams cad mkhyen pa nyid ma gtogs par/ nyan thos kyi sa 'am/ rang</font><hr>30.165b<br><font size=+1>

sangs rgyas kyi sar yongs su bsngor mi 'jug pa'o/ /rab 'byor gzhan yang byang chub sems dpa' sems dpa' chen po'i dge ba'i bshes gnyen ni gang de la/ mig gi rnam par shes pa mi rtag ces bya bar de mi dmigs pa'i tshul gyis chos ston cing / dge ba'i rtsa ba thams cad kyang rnam pa thams cad mkhyen pa nyid ma gtogs par/ nyan thos kyi sa 'am/ rang sangs rgyas kyi sar yongs su bsngor mi 'jug pa dang / rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa mi rtag ces bya bar de mi dmigs pa'i tshul gyis chos ston cing / dge ba'i rtsa ba thams cad kyang rnam pa thams cad mkhyen pa nyid ma gtogs par/ nyan thos kyi sa 'am/ rang sangs rgyas kyi sar yongs su bsngor mi 'jug pa dang / mig gi rnam par shes pa sdug bsngal zhes bya bar de mi dmigs pa'i tshul gyis chos ston pa dang / rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa sdug bsngal zhes bya bar de mi dmigs pa'i tshul gyis chos ston pa dang / mig gi rnam par shes pa bdag med ces bya bar de mi dmigs pa'i tshul gyis chos ston pa dang / rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa bdag med ces bya bar de mi dmigs pa'i tshul gyis chos ston pa dang / mig gi rnam par shes pa zhi zhes bya bar de mi dmigs pa'i tshul gyis chos ston pa dang / rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa zhi zhes bya bar de mi dmigs pa'i tshul gyis chos ston pa dang / mig gi rnam par shes pa stong zhes bya bar</font><hr>30.166a<br><font size=+1>

de mi dmigs pa'i tshul gyis chos ston pa dang / rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa stong zhes bya bar de mi dmigs pa'i tshul gyis chos ston pa dang / mig gi rnam par shes pa mtshan ma med ces bya bar de mi dmigs pa'i tshul gyis chos ston pa dang / rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa mtshan ma med ces bya bar de mi dmigs pa'i tshul gyis chos ston pa dang / mig gi rnam par shes pa smon pa med ces bya bar de mi dmigs pa'i tshul gyis chos ston pa dang / rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa smon pa med ces bya bar de mi dmigs pa'i tshul gyis chos ston pa dang / mig gi rnam par shes pa mngon par 'du bya ba med ces bya bar de mi dmigs pa'i tshul gyis chos ston pa dang / rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa mngon par 'du bya ba med ces bya bar de mi dmigs pa'i tshul gyis chos ston pa dang / mig gi rnam par shes pa dben zhes bya bar de mi dmigs pa'i tshul gyis chos ston pa dang / rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa dben zhes bya bar de mi dmigs pa'i tshul gyis chos ston cing / dge ba'i rtsa ba thams cad kyang rnam pa thams cad mkhyen pa nyid ma gtogs par/ nyan thos kyi sa 'am/ rang sangs rgyas kyi sar yongs su bsngor mi 'jug pa ste/ rab 'byor 'di ni byang chub sems dpa' sems dpa' chen po'i dge ba'i bshes gnyen</font><hr>30.166b<br><font size=+1>

du rig par bya'o/ /rab 'byor gzhan yang byang chub sems dpa' sems dpa' chen po'i dge ba'i bshes gnyen ni gang de la/ mig gi 'dus te reg pa mi rtag ces bya bar de mi dmigs pa'i tshul gyis chos ston cing / dge ba'i rtsa ba de dag kyang rnam pa thams cad mkhyen pa nyid ma gtogs par/ nyan thos kyi sa 'am/ rang sangs rgyas kyi sar yongs su bsngor mi 'jug pa dang / rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa mi rtag ces bya bar de mi dmigs pa'i tshul gyis chos ston cing / dge ba'i rtsa ba thams cad kyang rnam pa thams cad mkhyen pa nyid ma gtogs par/ nyan thos kyi sa 'am/ rang sangs rgyas kyi sar yongs su bsngor mi 'jug pa dang / mig gi 'dus te reg pa sdug bsngal zhes bya bar de mi dmigs pa'i tshul gyis chos ston pa dang / rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa sdug bsngal zhes bya bar de mi dmigs pa'i tshul gyis chos ston pa dang / mig gi 'dus te reg pa bdag med ces bya bar de mi dmigs pa'i tshul gyis chos ston pa dang / rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa bdag med ces bya bar de mi dmigs pa'i tshul gyis chos ston pa dang / mig gi 'dus te reg pa zhi zhes bya bar de mi dmigs pa'i tshul gyis chos ston pa dang / rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa zhi zhes bya bar de mi dmigs pa'i tshul gyis chos ston pa dang / mig gi 'dus te reg pa stong zhes bya bar de mi dmigs pa'i tshul gyis chos ston pa dang / rna ba'i 'dus te reg pa dang / sna'i 'dus te reg</font><hr>30.167a<br><font size=+1>

pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa stong zhes bya bar de mi dmigs pa'i tshul gyis chos ston pa dang / mig gi 'dus te reg pa mtshan ma med ces bya bar de mi dmigs pa'i tshul gyis chos ston pa dang / rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa mtshan ma med ces bya bar de mi dmigs pa'i tshul gyis chos ston pa dang / mig gi 'dus te reg pa smon pa med ces bya bar de mi dmigs pa'i tshul gyis chos ston pa dang / rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa smon pa med ces bya bar de mi dmigs pa'i tshul gyis chos ston pa dang / mig gi 'dus te reg pa mngon par 'du bya ba med ces bya bar de mi dmigs pa'i tshul gyis chos ston pa dang / rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa mngon par 'du bya ba med ces bya bar de mi dmigs pa'i tshul gyis chos ston pa dang / mig gi 'dus te reg pa dben zhes bya bar de mi dmigs pa'i tshul gyis chos ston pa dang / rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa dben zhes bya bar de mi dmigs pa'i tshul gyis chos ston cing / dge ba'i rtsa ba thams cad kyang rnam pa thams cad mkhyen pa nyid ma gtogs par/ nyan thos kyi sa 'am/ rang sangs rgyas kyi sar yongs su bsngor mi 'jug pa'o/ /rab 'byor gzhan yang byang chub sems dpa' sems dpa' chen po'i dge ba'i bshes gnyen ni gang de la/ mig gi 'dus te reg pa las byung ba'i tshor ba mi rtag ces bya bar de mi dmigs pa'i tshul gyis chos ston</font><hr>30.167b<br><font size=+1>

cing / dge ba'i rtsa ba de dag kyang rnam pa thams cad mkhyen pa nyid ma gtogs par nyan thos kyi sa 'am/ rang sangs rgyas kyi sar yongs su bsngor mi 'jug pa dang / rna ba'i 'dus te reg pa las byung ba'i tshor ba dang / sna'i 'dus te reg pa las byung ba'i tshor ba dang / lce'i 'dus te reg pa las byung ba'i tshor ba dang / lus kyi 'dus te reg pa las byung ba'i tshor ba dang / yid kyi 'dus te reg pa las byung ba'i tshor ba mi rtag ces bya bar de mi dmigs pa'i tshul gyis chos ston cing / dge ba'i rtsa ba thams cad kyang rnam pa thams cad mkhyen pa nyid ma gtogs par/ nyan thos kyi sa 'am/ rang sangs rgyas kyi sar yongs su bsngor mi 'jug pa dang / mig gi 'dus te reg pa las byung ba'i tshor ba sdug bsngal zhes bya bar de mi dmigs pa'i tshul gyis chos ston pa dang / rna ba'i 'dus te reg pa las byung ba'i tshor ba dang / sna'i 'dus te reg pa las byung ba'i tshor ba dang / lce'i 'dus te reg pa las byung ba'i tshor ba dang / lus kyi 'dus te reg pa las byung ba'i tshor ba dang / yid kyi 'dus te reg pa las byung ba'i tshor ba sdug bsngal zhes bya bar de mi dmigs pa'i tshul gyis chos ston pa dang / mig gi 'dus te reg pa las byung ba'i tshor ba bdag med ces bya bar de mi dmigs pa'i tshul gyis chos ston pa dang / rna ba'i 'dus te reg pa las byung ba'i tshor ba dang / sna'i 'dus te reg pa las byung ba'i tshor ba dang / lce'i 'dus te reg pa las byung ba'i tshor ba dang / lus kyi 'dus te reg pa las byung ba'i tshor ba dang / yid kyi 'dus te reg pa las byung ba'i tshor ba bdag med ces bya bar de mi dmigs pa'i tshul gyis chos ston pa dang / mig gi 'dus te reg pa las byung ba'i tshor ba zhi zhes bya bar de mi dmigs pa'i tshul gyis chos ston pa dang / rna ba'i 'dus te reg pa las byung ba'i tshor ba dang / sna'i 'dus te reg pa las byung ba'i tshor ba dang / lce'i 'dus te reg pa las byung</font><hr>30.168a<br><font size=+1>

ba'i tshor ba dang / lus kyi 'dus te reg pa las byung ba'i tshor ba dang / yid kyi 'dus te reg pa las byung ba'i tshor ba zhi zhes bya bar de mi dmigs pa'i tshul gyis chos ston pa dang / mig gi 'dus te reg pa las byung ba'i tshor ba stong zhes bya bar de mi dmigs pa'i tshul gyis chos ston pa dang / rna ba'i 'dus te reg pa las byung ba'i tshor ba dang / sna'i 'dus te reg pa las byung ba'i tshor ba dang / lce'i 'dus te reg pa las byung ba'i tshor ba dang / lus kyi 'dus te reg pa las byung ba'i tshor ba dang / yid kyi 'dus te reg pa las byung ba'i tshor ba stong zhes bya bar de mi dmigs pa'i tshul gyis chos ston pa dang / mig gi 'dus te reg pa las byung ba'i tshor ba mtshan ma med ces bya bar de mi dmigs pa'i tshul gyis chos ston pa dang / rna ba'i 'dus te reg pa las byung ba'i tshor ba dang / sna'i 'dus te reg pa las byung ba'i tshor ba dang / lce'i 'dus te reg pa las byung ba'i tshor ba dang / lus kyi 'dus te reg pa las byung ba'i tshor ba dang / yid kyi 'dus te reg pa las byung ba'i tshor ba mtshan ma med ces bya bar de mi dmigs pa'i tshul gyis chos ston pa dang / mig gi 'dus te reg pa las byung ba'i tshor ba smon pa med ces bya bar de mi dmigs pa'i tshul gyis chos ston pa dang / rna ba'i 'dus te reg pa las byung ba'i tshor ba dang / sna'i 'dus te reg pa las byung ba'i tshor ba dang / lce'i 'dus te reg pa las byung ba'i tshor ba dang / lus kyi 'dus te reg pa las byung ba'i tshor ba dang / yid kyi 'dus te reg pa las byung ba'i tshor ba smon pa med ces bya bar de mi dmigs pa'i tshul gyis chos ston pa dang / mig gi 'dus te reg pa las byung ba'i tshor ba mngon par 'du bya ba med ces bya bar de mi dmigs pa'i tshul gyis chos ston pa dang / rna ba'i 'dus te reg pa las byung ba'i tshor ba dang / sna'i 'dus te reg pa las byung ba'i</font><hr>30.168b<br><font size=+1>

tshor ba dang / lce'i 'dus te reg pa las byung ba'i tshor ba dang / lus kyi 'dus te reg pa las byung ba'i tshor ba dang / yid kyi 'dus te reg pa las byung ba'i tshor ba mngon par 'du bya ba med ces bya bar de mi dmigs pa'i tshul gyis chos ston pa dang / mig gi 'dus te reg pa las byung ba'i tshor ba dben zhes bya bar de mi dmigs pa'i tshul gyis chos ston pa dang / rna ba'i 'dus te reg pa las byung ba'i tshor ba dang / sna'i 'dus te reg pa las byung ba'i tshor ba dang / lce'i 'dus te reg pa las byung ba'i tshor ba dang / lus kyi 'dus te reg pa las byung ba'i tshor ba dang / yid kyi 'dus te reg pa las byung ba'i tshor ba dben zhes bya bar de mi dmigs pa'i tshul gyis chos ston cing / dge ba'i rtsa ba thams cad kyang rnam pa thams cad mkhyen pa nyid ma gtogs par/ nyan thos kyi sa 'am/ rang sangs rgyas kyi sar yongs su bsngor mi 'jug pa'o/ /rab 'byor gzhan yang byang chub sems dpa' sems dpa' chen po'i dge ba'i bshes gnyen ni gang de la/ byang chub kyi phyogs kyi chos rnams kyi bar du mi rtag ces bya bar de mi dmigs pa'i tshul gyis chos ston pa dang / sdug bsngal zhes bya ba dang / bdag med ces bya ba dang / zhi zhes bya ba dang / stong zhes bya ba dang / mtshan ma med ces bya ba dang / smon pa med ces bya ba dang / mngon par 'du bya ba med ces bya ba dang / dben zhes bya bar de mi dmigs pa'i tshul gyis chos ston pa dang / byang chub kyi phyogs kyi chos rnams bsgom pa'i phyir de mi dmigs pa'i tshul gyis chos ston cing / dge ba'i rtsa ba thams cad kyang rnam pa thams cad mkhyen pa nyid ma gtogs par/ nyan thos kyi sa 'am/ rang sangs rgyas kyi sar yongs su bsngor mi 'jug pa dang / sangs rgyas kyi chos ma 'dres pa rnams kyi bar du mi rtag ces bya bar de mi dmigs pa'i tshul gyis chos ston pa dang / sdug bsngal</font><hr>30.169a<br><font size=+1>

zhes bya ba dang / bdag med ces bya ba dang / zhi zhes bya ba dang / stong zhes bya ba dang / mtshan ma med ces bya ba dang / smon pa med ces bya ba dang / mngon par 'du bya ba med ces bya ba dang / dben zhes bya bar de mi dmigs pa'i tshul gyis chos ston pa dang / sangs rgyas kyi chos ma 'dres pa bsgom pa'i phyir/ de mi dmigs pa'i tshul gyis chos ston pa dang / rnam pa thams cad mkhyen pa nyid kyi bar du bsgom pa'i phyir/ de mi dmigs pa'i tshul gyis chos ston pa dang / byang chub kyi bar du bsgom pa'i phyir/ de mi dmigs pa'i tshul gyis chos ston cing / dge ba'i rtsa ba thams cad kyang rnam pa thams cad mkhyen pa nyid ma gtogs par/ nyan thos kyi sa 'am/ rang sangs rgyas kyi sar yongs su bsngor mi 'jug pa'o/ /rab 'byor 'di ni byang chub sems dpa' sems dpa' chen po'i dge ba'i bshes gnyen du shes par bya ste/ dge ba'i bshes gnyen des yongs su zin pa'i byang chub sems dpa' sems dpa' chen po de ni shes rab kyi pha rol du phyin pa 'di thos na/ mi 'jigs mi sngang / skrag par mi 'gyur ro/ /rab 'byor gyis gsol pa/ bcom ldan 'das ji ltar na/ byang chub sems dpa' sems dpa' chen po shes rab kyi pha rol du phyin pa la spyod pa'i tshe/ shes rab kyi pha rol du phyin pa bstan pa 'di thos na/ 'jigs shing dngang la skrag par 'gyur zhing / thabs mi mkhas ste/ sdig pa'i grogs po'i sug par lhung zhing / dge ba'i bshes gnyen gyis yongs su spangs pa lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po shes rab kyi pha rol du phyin pa la spyod pa'i tshe/ rnam pa thams cad mkhyen pa nyid dang ldan pa'i yid la bya ba med par/ shes rab kyi pha rol du phyin pa bsgom zhing</font><hr>30.169b<br><font size=+1>

dmigs te/ shes rab kyi pha rol du phyin pa des rlom sems su byed pa dang / bsam gtan gyi pha rol du phyin pa bsgom zhing dmigs te/ bsam gtan gyi pha rol du phyin pa des rlom sems su byed pa dang / brtson 'grus kyi pha rol du phyin pa bsgom zhing dmigs te/ brtson 'grus kyi pha rol du phyin pa des/ rlom sems su byed pa dang / bzod pa'i pha rol du phyin pa bsgom zhing dmigs te/ bzod pa'i pha rol du phyin pa des rlom sems su byed pa dang / tshul khrims kyi pha rol du phyin pa bsgom zhing dmigs te/ tshul khrims kyi pha rol du phyin pa des rlom sems su byed pa dang / sbyin pa'i pha rol du phyin pa bsgom zhing dmigs te/ sbyin pa'i pha rol du phyin pa des rlom sems su byed pa de lta bu ni/ rab 'byor byang chub sems dpa' sems dpa' chen po shes rab kyi pha rol du phyin pa la spyod pa'i thabs mi mkhas par rig par bya'o/ /rab 'byor gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ rnam pa thams cad mkhyen pa nyid dang ldan pa'i yid la bya ba med par/ gzugs nang stong pa zhes bya bar yid la byed/ gzugs phyi stong pa zhes bya bar yid la byed/ gzugs phyi nang stong pa zhes bya bar yid la byed/ gzugs dngos po med pa'i ngo bo nyid stong pa nyid kyi bar zhes bya bar yid la byed/ tshor ba dang / 'du shes dang / 'du byed dang / rnam par shes pa nang stong pa zhes bya bar yid la byed/ rnam par shes pa phyi stong pa zhes bya bar yid la byed/ rnam par shes pa phyi nang stong pa zhes bya bar yid la byed/ rnam par shes pa dngos po med pa'i ngo bo nyid stong pa nyid kyi bar zhes bya bar yid la byed cing / dmigs pa'i tshul gyis nang stong pa nyid de yang dmigs/ phyi</font><hr>30.170a<br><font size=+1>

stong pa nyid de yang dmigs/ phyi nang stong pa nyid de yang dmigs/ dngos po med pa'i ngo bo nyid stong pa nyid kyi bar du yang dmigs la/ stong pa nyid de dag gis kyang rlom sems su byed do/ /mig nang stong pa zhes bya bar yid la byed/ mig phyi stong pa zhes bya bar yid la byed/ mig phyi nang stong pa zhes bya bar yid la byed/ mig dngos po med pa'i ngo bo nyid stong pa nyid kyi bar zhes bya bar yid la byed/ rna ba dang / sna dang / lce dang / lus dang / yid nang stong pa zhes bya bar yid la byed/ yid phyi stong pa zhes bya bar yid la byed/ yid phyi nang stong pa zhes bya bar yid la byed/ yid dngos po med pa'i ngo bo nyid stong pa nyid kyi bar zhes bya bar yid la byed cing / dmigs pa'i tshul gyis nang stong pa nyid de yang dmigs/ phyi stong pa nyid de yang dmigs/ phyi nang stong pa nyid de yang dmigs/ dngos po med pa'i ngo bo nyid stong pa nyid kyi bar de yang dmigs la/ stong pa nyid de dag gis kyang rlom sems su byed do/ /gzugs nang stong pa zhes bya bar yid la byed/ gzugs phyi stong pa zhes bya bar yid la byed/ gzugs phyi nang stong pa zhes bya bar yid la byed/ gzugs dngos po med pa'i ngo bo nyid stong pa nyid kyi bar zhes bya bar yid la byed/[ ]sgra dang / dri dang ro dang reg dang chos nang stong pa zhes bya bar yid la byed/ chos phyi stong pa zhes bya bar yid la byed/ chos phyi nang stong pa zhes bya bar yid la byed/ chos dngos po med pa'i ngo bo nyid stong pa nyid kyi bar zhes bya bar yang yid la byed de/ dmigs pa'i tshul gyis nang stong pa nyid de yang dmigs/ phyi stong pa nyid de yang dmigs/ phyi nang stong pa nyid de yang dmigs/ dngos po med pa'i ngo bo nyid stong pa nyid kyi bar de yang dmigs la/ stong pa nyid de dag gis kyang rlom sems su byed do/ /</font><hr>30.170b<br><font size=+1>

mig gi rnam par shes pa nang stong pa zhes bya bar yid la byed/ mig gi rnam par shes pa phyi stong pa zhes bya bar yid la byed/ mig gi rnam par shes pa phyi nang stong pa zhes bya bar yid la byed/ mig gi rnam par shes pa dngos po med pa'i ngo bo nyid stong pa nyid kyi bar zhes bya bar yid la byed/ rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa nang stong pa zhes bya bar yid la byed/ yid kyi rnam par shes pa phyi stong pa zhes bya bar yid la byed/ yid kyi rnam par shes pa phyi nang stong pa zhes bya bar yid la byed/ yid kyi rnam par shes pa dngos po med pa'i ngo bo nyid stong pa nyid kyi bar zhes bya bar yid la byed cing / dmigs pa'i tshul gyis nang stong pa nyid de yang dmigs/ phyi stong pa nyid de yang dmigs/ phyi nang stong pa nyid de yang dmigs/ dngos po med pa'i ngo bo nyid stong pa nyid kyi bar de yang dmigs la/ stong pa nyid de dag gis kyang rlom sems su byed do/ /mig gi 'dus te reg pa nang stong pa zhes bya bar yid la byed/ mig gi 'dus te reg pa phyi stong pa zhes bya bar yid la byed/ mig gi 'dus te reg pa phyi nang stong pa zhes bya bar yid la byed/ mig gi 'dus te reg pa dngos po med pa'i ngo bo nyid stong pa nyid kyi bar zhes bya bar yid la byed/ rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa nang stong pa zhes bya bar yid la byed/ yid kyi 'dus te reg pa phyi stong pa zhes bya bar yid la byed/ yid kyi 'dus te reg pa phyi nang stong pa zhes bya bar yid la byed/ yid kyi 'dus te reg pa/ dngos po med pa'i ngo bo nyid stong pa nyid kyi bar zhes bya bar/ yid la byed cing / </font><hr>30.171a<br><font size=+1>

dmigs pa'i tshul gyis nang stong pa nyid de yang dmigs/ phyi stong pa nyid de yang dmigs/ phyi nang stong pa nyid de yang dmigs/ dngos po med pa'i ngo bo nyid stong pa nyid kyi bar de yang dmigs la/ stong pa nyid de dag gis kyang rlom sems su byed do/ /mig gi 'dus te reg pa'i rkyen gyis tshor ba nang stong pa zhes bya bar yid la byed/ mig gi 'dus te reg pa'i rkyen gyis tshor ba phyi stong pa zhes bya bar yid la byed/ mig gi 'dus te reg pa'i rkyen gyis tshor ba phyi nang stong pa zhes bya bar yid la byed/ mig gi 'dus te reg pa'i rkyen gyis tshor ba dngos po med pa'i ngo bo nyid stong pa nyid kyi bar zhes bya bar yid la byed/ rna ba'i 'dus te reg pa pa'i rkyen gyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba nang stong pa zhes bya bar yid la byed/ yid kyi 'dus te reg pa'i rkyen gyis tshor ba phyi stong pa zhes bya bar yid la byed/ yid kyi 'dus te reg pa'i rkyen gyis tshor ba phyi nang stong pa zhes bya bar yid la byed/ yid kyi 'dus te reg pa'i rkyen gyis tshor ba dngos po med pa'i ngo bo nyid stong pa nyid kyi bar zhes bya bar yid la byed cing / dmigs pa'i tshul gyis nang stong pa nyid de yang dmigs/ phyi stong pa nyid de yang dmigs/ phyi nang stong pa nyid de yang dmigs/ dngos po med pa'i ngo bo nyid stong pa nyid kyi bar de yang dmigs la/ stong pa nyid de dag gis kyang rlom sems su byed do/ /sa'i khams nang stong pa nyid ces bya bar yid la byed/ sa'i khams phyi stong pa nyid ces bya bar yid la byed/ sa'i khams phyi nang stong pa nyid ces bya bar yid la byed/ sa'i khams dngos po med pa'i ngo bo nyid stong pa</font><hr>30.171b<br><font size=+1>

nyid kyi bar zhes bya bar yid la byed/ chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams nang stong pa nyid ces bya bar yid la byed/ rnam par shes pa'i khams phyi stong pa nyid ces bya bar yid la byed/ rnam par shes pa'i khams phyi nang stong pa nyid ces bya bar yid la byed/ rnam par shes pa'i khams dngos po med pa'i ngo bo nyid stong pa nyid kyi bar zhes bya bar yid la byed/ ma rig pa nang stong pa nyid ces bya bar yid la byed/ ma rig pa phyi stong pa nyid ces bya bar yid la byed/ ma rig pa phyi nang stong pa nyid ces bya bar yid la byed/ ma rig pa dngos po med pa'i ngo bo nyid stong pa nyid kyi bar zhes bya bar yid la byed/ 'du byed dang / rnam par shes pa dang / ming dang gzugs dang / skye mched drug dang / reg pa dang / tshor ba dang / sred pa dang / len pa dang / srid pa dang / skye ba dang / rga shi nang stong pa nyid ces bya bar yid la byed/ rga shi phyi stong pa nyid ces bya bar yid la byed/ rga shi phyi nang stong pa nyid ces bya bar yid la byed/ rga shi dngos po med pa'i ngo bo nyid stong pa nyid kyi bar zhes bya bar yid la byed cing / dmigs pa'i tshul gyis nang stong pa nyid de yang dmigs/ phyi stong pa nyid de yang dmigs/ phyi nang stong pa nyid de yang dmigs/ dngos po med pa'i ngo bo nyid stong pa nyid kyi bar de yang dmigs la/ stong pa nyid de dag gis kyang rlom sems su byed do/ /rab 'byor gzhan yang byang chub sems dpa' sems dpa' chen po de shes rab kyi pha rol du phyin pa la spyod pa'i tshe/ rnam pa thams cad mkhyen pa nyid dang ldan pa'i yid la bya ba med par/ dran pa nye bar gzhag pa rnams bsgom ste/ dmigs pa'i tshul</font><hr>30.172a<br><font size=+1>

gyis dran pa nye bar gzhag pa de dag kyang dmigs la/ dran pa nye bar gzhag pa de dag gis kyang rlom sems su byed do/ /yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa dang / 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad bsgom ste/ dmigs pa'i tshul gyis sangs rgyas kyi chos ma 'dres pa de dag kyang dmigs la/ sangs rgyas kyi chos ma 'dres pa de dag gis kyang rlom sems su byed do/ /rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ de ltar thabs mi mkhas pas ni/ shes rab kyi pha rol du phyin pa bstan pa 'di thos na/ 'jigs shing dngang la skrag par 'gyur ro/ /gsol pa/ bcom ldan 'das ji ltar na byang chub sems dpa' sems dpa' chen po sdig pa'i grogs pos yongs su zin cing / shes rab kyi pha rol du phyin pa bstan pa 'di thos na 'jigs shing dngang la/ skrag par 'gyur zhing / sdig pa'i grogs po'i sug par lhung ba lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po'i sdig pa'i grogs po ni/ shes rab kyi pha rol du phyin pa la spyod pa mos pa med par byed cing / zlog par byed pa'o/ /bsam gtan</font><hr>30.172b<br><font size=+1>

gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa la spyod pa mos pa med par byed cing zlog par byed pa ste/ 'di ni de bzhin gshegs pas gsungs pa ma yin/ 'di ni chos ma yin/ 'di ni 'dul ba ma yin gyis/ 'di ni bslab par bya ba'i mi cha'o/ /mdo sde 'di dag ni rang bzor byas pa ste/ 'di dag ni mnyan par mi bya'o/ /gzung bar mi bya'o/ /bcang bar mi bya'o/ /klag par mi bya'o/ /kun chub par mi bya'o/ /tshul bzhin du yid la mi bya'o/ /'di dag ni gzhan la bstan par mi bya'o/ /zhes zer ba 'di ni/ rab 'byor byang chub sems dpa' sems dpa' chen po'i sdig pa'i grogs por rig par bya'o/ /rab 'byor gzhan yang byang chub sems dpa' sems dpa' chen po'i sdig pa'i grogs po ni/ 'di ltar bdud sdig to can sangs rgyas kyi cha byad du byas pa dag /byang chub sems dpa' sems dpa' chen po'i drung du 'ongs nas/ pha rol du phyin pa drug las zlog cing / mos pa med par byed de rigs kyi bu shes rab kyi pha rol du phyin pa bsgoms pas khyod la ci zhig bya/ bsam gtan gyi pha rol du phyin pa bsgoms pas khyod la ci zhig bya/ brtson 'grus kyi pha rol du phyin pa bsgoms pas khyod la ci zhig bya/ bzod pa'i pha rol du phyin pa bsgoms pas khyod la ci zhig bya/ tshul khrims kyi pha rol du phyin pa bsgoms pas khyod la ci zhig bya/ sbyin pa'i pha rol du phyin pa bsgoms pas khyod la ci zhig bya zhes zer ba 'ong ngo zhes bdud kyi las mi ston/ bdud kyi nyes pa mi ston pa 'di dag ni/ rab 'byor byang chub sems dpa' sems dpa' chen po'i sdig pa'i grogs por rig par bya'o/ /rab 'byor gzhan yang bdud sdig to can dag sangs rgyas kyi cha byad du byas shing / byang chub sems dpa' sems dpa' chen po'i drung du phyin te/ nyan thos dang ldan pa'i mdo dang / dbyangs kyis bsnyad pa dang / lung bstan pa dang / tshigs su</font><hr>30.173a<br><font size=+1>

bcad pa dang / ched du brjod pa dang / gling gzhi dang / 'di ltar 'das pa dang / skyes pa'i rabs dang / shin du rgyas pa dang / chos rmad du byung ba dang / rtogs pa brjod pa dang / gtan la bab par bstan pa dag ston to/ /'grel to/ /rnam par 'byed do/ /gsal bar byed do/ /yongs su ston to zhes bdud kyi las rnam pa 'di lta bu dag mi smra mi ston pa ni/ byang chub sems dpa' sems dpa' chen po'i sdig pa'i grog por rig par bya'o/ /rab 'byor gzhan yang bdud sdig to can dag sangs rgyas kyi cha byad du byas shing / byang chub sems dpa' sems dpa' chen po'i drung du phyin te/ 'di skad du rigs kyi bu khyod la ni byang chub kyi sems kyang cung zad kyang med/ khyod ni phyir mi ldog pa yang ma yin khyod kyis ni bla na med pa yang dag par rdzogs pa'i byang chub tu mngon par rdzogs par 'tshang rgya bar yang mi nus so/ /zhes zer ba 'di lta bu'i bdud kyi las dag mi smra mi ston pa ni/ rab 'byor byang chub sems dpa' sems dpa' chen po'i sdig pa'i grogs por rig par bya'o/ /rab 'byor gzhan yang bdud sdig to can dag sangs rgyas kyi cha byad du byas shing / byang chub sems dpa' sems dpa' chen po'i drung du phyin te/ 'di skad tu rigs kyi bu ni bdag gam bdag gis stong ngo / /rna ba dang / sna dang / lce dang / lus dang / yid ni bdag gam bdag gis stong ngo / /gzugs ni bdag gam bdag gis stong ngo / /sgra dang / dri dang / ro dang / reg dang / chos ni bdag gam bdag gis stong ngo / /mig gi rnam par shes pa ni bdag gam bdag gis stong ngo / /rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa ni bdag gam bdag gis stong ngo / /mig gi 'dus te reg pa ni bdag gam bdag gis stong ngo / /rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa ni bdag gam bdag gis stong ngo / /mig</font><hr>30.173b<br><font size=+1>

gi 'dus te reg pa'i rkyen gyis tshor ba ni bdag gam bdag gis stong ngo / /rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba ni bdag gam bdag gis stong ngo / /sbyin pa'i pha rol du phyin pa ni bdag gam bdag gis stong ngo / /tshul khrims kyi pha rol tu phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa ni bdag gam bdag gis stong ngo / /byang chub kyi phyogs kyi chos rnams kyi bar du ni bdag gam bdag gis stong ngo / /sangs rgyas kyi chos ma 'dres pa rnams kyi bar du ni bdag gam bdag gis stong na/ bla na med pa yang dag par rdzogs pa'i byang chub tu mngon par rdzogs par sangs rgyas te yang ci zhig bya zhes zer ba de lta bu'i bdud kyi las dag mi smra mi ston pa 'di ni/ byang chub sems dpa' sems dpa' chen po'i sdig pa'i grogs por rig par bya'o/ /rab 'byor gzhan yang bdud sdig to can dag sangs rgyas kyi cha byad du byas shing / byang chub sems dpa' sems dpa' chen po'i drung du phyin te/ 'di skad du rigs kyi bu shar phyogs ni sangs rgyas bcom ldan 'das dang / byang chub sems dpa' dang / nyan thos rnams kyis stong ste/ 'di la sangs rgyas zhes bya ba yang med do/ /byang chub sems dpa' zhes bya ba yang med do/ /nyan thos zhes bya ba yang med do/ /lho dang / nub dang / byang dang / byang shar dang / shar lho dang / lho nub dang / nub byang dang / 'og dang / steng gi phyogs bcu kun kyang sangs rgyas bcom ldan 'das dang / byang chub sems dpa' dang / nyan thos rnams kyis stong ste/ 'di la sangs rgyas zhes bya ba yang med do/ /byang chub sems dpa' zhes bya ba</font><hr>30.174a<br><font size=+1>

yang med do/ /nyan thos zhes bya ba yang med do zhes zer ba de lta bu'i bdud kyi las dag mi smra mi ston pa 'di ni/ byang chub sems dpa' sems dpa' chen po'i sdig pa'i grogs por rig par bya'o/ /rab 'byor gzhan yang bdud sdig to can dag nyan thos kyi cha byad du byas shing / byang chub sems dpa' sems dpa' chen po'i drung du phyin te/ rnam pa thams cad mkhyen pa nyid dang ldan pa'i yid la bya ba las zlog cing / nyan thos dang / rang sangs rgyas dang ldan pa'i yid la bya bas 'dems pa dang / rjes su ston pa de lta bu'i bdud kyi las dag mi smra mi ston pa 'di ni/ byang chub sems dpa' sems dpa' chen po'i sdig pa'i grogs por rig par bya'o/ /rab 'byor gzhan yang bdud sdig to can dag /mkhan po dang slob dpon gyi cha byad du byas shing / byang chub sems dpa' sems dpa' chen po'i drung du phyin te/ byang chub sems dpa'i spyod pa las zlog cing / rnam pa thams cad mkhyen pa nyid dang ldan pa'i yid la bya ba las zlog ste/ dran pa nye bar gzhag pa rnams la sbyor ba dang / yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa la sbyor ba dang / stong pa nyid dang / mtshan ma med pa dang / smon pa med pa'i bar gyi chos rnams la sbyor zhing / de ltar rigs kyi bu khyod kyis chos de dag yongs su bsgoms la/ nyan thos kyi sa mngon tu gyis shig /bla na med pa yang dag par rdzogs pa'i byang chub kyis khyod la ci zhig bya zhes zer ba de lta bu'i bdud kyi las dag mi smra mi ston pa 'di ni/ byang chub sems dpa' sems dpa' chen po'i sdig pa'i grogs por rig par bya'o/ /rab 'byor gzhan yang bdud sdig to can dag pha dang ma'i cha byad du byas shing / byang chub sems dpa' sems dpa' chen po'i drung du phyin te/ 'di skad du bla na med pa yang dag par rdzogs pa'i byang chub tu mngon par sangs rgyas pas khyod la ci zhig bya/ de'i</font><hr>30.174b<br><font size=+1>

don du ni bskal pa tshad med grangs med par 'khor ba na 'khor zhing / rkang lag dang mgo bcad pa tshad med pas nyon mongs par 'gyur gyis/ gang la rgyun du zhugs pa'i 'bras bu mngon du byar yod pa dang / lan gcig phyir 'ong ba'i 'bras bu mngon tu byar yod pa dang / phyir mi 'ong ba'i 'bras bu mngon du byar yod pa dang / dgra bcom pa'i 'bras bu mngon du byar yod pa de la brtson par gyis shig ces zer ba de lta bu'i bdud kyi las dag mi smra mi ston pa 'di ni/ byang chub sems dpa' sems dpa' chen po'i sdig pa'i grogs por rig par bya'o/ /rab 'byor gzhan yang bdud sdig to can dag dge slong gi cha byad du byas shing / byang chub sems dpa' sems dpa' chen po'i drung du phyin te/ gzugs mi rtag ces bya bar dmigs pa'i tshul gyis ston pa dang / gzugs sdug bsngal ba dang / bdag med pa dang / zhi ba dang / stong pa dang / mtshan ma med pa dang / smon pa med pa dang / mngon par 'du bya ba med pa dang / dben zhes bya bar dmigs pa'i tshul gyis ston pa dang / tshor ba dang / 'du shes dang / 'du byed dang / rnam par shes pa mi rtag ces bya bar dmigs pa'i tshul gyis ston pa dang / rnam par shes pa sdug bsngal ba dang / bdag med pa dang / zhi ba dang / stong pa dang / mtshan ma med pa dang / smon pa med pa dang / mngon par 'du bya ba med pa dang / dben zhes bya bar dmigs pa'i tshul gyis ston pa dang / mig mi rtag ces bya ba dang / sdug bsngal ba dang / bdag med pa dang / zhi ba dang / stong pa dang / mtshan ma med pa dang / smon pa med pa dang / mngon par 'du bya ba med pa dang / dben zhes bya bar dmigs pa'i tshul gyis ston pa dang / rna ba dang / sna dang / lce dang / lus dang / yid mi rtag ces bya ba dang / sdug bsngal ba dang / bdag med pa dang / zhi ba dang / stong pa dang / mtshan ma med pa dang / smon pa med pa dang / mngon par 'du bya ba med pa dang / dben zhes bya bar dmigs pa'i tshul gyis ston pa dang / gzugs mi rtag ces bya ba dang / gzugs sdug bsngal ba dang / bdag med pa dang / zhi ba dang / stong pa dang / mtshan ma med pa dang / </font><hr>30.175a<br><font size=+1>

smon pa med pa dang / mngon par 'du bya ba med pa dang / dben zhes bya bar dmigs pa'i tshul gyis ston pa dang / sgra dang / dri dang / ro dang / reg dang / chos mi rtag ces bya ba dang / sdug bsngal ba dang / bdag med pa dang / zhi ba dang / stong pa dang / mtshan ma med pa dang / smon pa med pa dang / mngon par 'du bya ba med pa dang / dben zhes bya bar dmigs pa'i tshul gyis ston pa dang / mig gi rnam par shes pa mi rtag ces bya ba dang / sdug bsngal ba dang / bdag med pa dang / zhi ba dang / stong pa dang / mtshan ma med pa dang / smon pa med pa dang / mngon par 'du bya ba med pa dang / dben zhes bya bar dmigs pa'i tshul gyis ston pa dang / rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa mi rtag ces bya ba dang / sdug bsngal ba dang / bdag med pa dang / zhi ba dang / stong pa dang / mtshan ma med pa dang / smon pa med pa dang / mngon par 'du bya ba med pa dang / dben zhes bya bar dmigs pa'i tshul gyis ston pa dang / mig gi 'dus te reg pa mi rtag ces bya ba dang / sdug bsngal ba dang / bdag med pa dang / zhi ba dang / stong pa dang / mtshan ma med pa dang / smon pa med pa dang / mngon par 'du bya ba med pa dang / dben zhes bya bar dmigs pa'i tshul gyis ston pa dang / rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa mi rtag ces bya ba dang / sdug bsngal ba dang / bdag med pa dang / zhi ba dang / stong pa dang / mtshan ma med pa dang / smon pa med pa dang / mngon par 'du bya ba med pa dang / dben zhes bya bar dmigs pa'i tshul gyis ston pa dang / mig gi 'dus te reg pa'i rkyen gyis tshor ba mi rtag ces bya ba dang / sdug bsngal ba dang / bdag med pa dang / zhi ba dang / stong pa dang / mtshan ma med pa dang / smon pa med pa dang / mngon par 'du bya ba med pa dang / dben zhes bya bar dmigs pa'i tshul gyis ston pa dang / rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen</font><hr>30.175b<br><font size=+1>

gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba mi rtag ces bya ba dang / sdug bsngal ba dang / bdag med pa dang / zhi ba dang / stong pa dang / mtshan ma med pa dang / smon pa med pa dang / mngon par 'du bya ba med pa dang / dben zhes bya bar dmigs pa'i tshul gyis ston pa dang / dran pa nye bar gzhag pa rnams kyi bar du mi rtag ces bya ba dang / sdug bsngal ba dang / bdag med pa dang / zhi ba dang / stong pa dang / mtshan ma med pa dang / smon pa med pa dang / mngon par 'du bya ba med pa dang / dben zhes bya bar dmigs pa'i tshul gyis ston pa dang / sangs rgyas kyi chos ma 'dres pa rnams kyi bar du mi rtag ces bya ba dang / sdug bsngal ba dang / bdag med pa dang / zhi ba dang / stong pa dang / mtshan ma med pa dang / smon pa med pa dang / mngon par 'du bya ba med pa dang / dben zhes bya bar dmigs pa'i tshul gyis ston pa de lta bu'i 'dud kyi las gyi rnam pa dag mi smra mi ston pa 'di ni/ byang chub sems dpa' sems dpa' chen po'i sdig pa'i grogs por rig par bya'o/ /de ltar byang chub sems dpa' sems dpa' chen pos sdig pa'i grogs po dag rig par bya ste/ de ltar shes nas kyang yongs su spang bar bya'o/ /shes rab kyi pha rol du phyin pa stong phrag nyi shu lnga pa las le'u bdun pa'o// // de nas tshe dang ldan pa rab 'byor gyis/ bcom ldan 'das la 'di skad ces gsol to/ /bcom ldan 'das byang chub sems dpa' byang chub sems dpa' zhes bgyi ba'i tshig 'di'i don gang lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor byang chub sems dpa'i tshig gi don ni/ tshig gi don med pa ste/ de ci'i phyir zhe na/ byang chub kyang ma skyes la/ sems can yang ma skyes pa'i phyir te/ rab 'byor byang chub la yang tshig med/ sems can la yang tshig med pas/ de'i phyir byang chub sems dpa'i tshig gi don ni/ tshig gi don med</font><hr>30.176a<br><font size=+1>

pa'o/ /rab 'byor 'di lta ste dper na/ nam mkha' la bya'i rjes med do/ /rab 'byor de bzhin du byang chub sems dpa'i tshig gi don med do/ /rab 'byor 'di lta ste dper na rmi lam na gnas med do/ /rab 'byor de bzhin du byang chub sems dpa'i tshig gi don med do/ /rab 'byor 'di lta ste dper na/ sgyu ma la gnas med do/ /rab 'byor de bzhin du byang chub sems dpa'i tshig gi don med do/ /rab 'byor 'di lta ste dper na/ smig rgyu la gnas med do/ /rab 'byor de bzhin du byang chub sems dpa'i tshig gi don med do/ /rab 'byor 'di lta ste dper na/ chu zla dang / sgra brnyan dang / mig yor dang / gzugs brnyan dang / de bzhin gshegs pa'i sprul pa la gnas med do/ /rab 'byor de bzhin du byang chub sems dpa'i tshig gi don med do/ /rab 'byor 'di lta ste dper na/ yang dag pa'i mtha' la gnas med do/ /rab 'byor de bzhin du byang chub sems dpa'i tshig gi don med do/ /rab 'byor 'di lta ste dper na/ ma nor ba de bzhin nyid dang / gzhan ma yin pa de bzhin nyid dang / chos nyid dang / chos kyi dbyings nyid dang / chos kyi gnas nyid dang / chos skyon med pa nyid la gnas med do/ /rab 'byor de bzhin du byang chub sems dpa'i tshig gi don med do/ /rab 'byor 'di lta ste dper na/ sgyu ma'i skyes bu'i gzugs la gnas med do/ /tshor ba dang / 'du shes dang / 'du byed dang / rnam par shes pa la gnas med do/ /rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i tshig gi don med do/ /rab 'byor 'di lta ste dper na/ sgyu ma'i skyes bu'i mig la gnas med do/ /rna ba dang / sna dang / lce dang / lus dang / yid la gnas med do/ /rab 'byor de bzhin du/ byang chub sems dpa' sems dpa' chen po shes rab kyi pha rol du phyin pa la spyod pa'i/ byang chub sems dpa'i tshig gi don med do/ /rab 'byor 'di lta ste dper na/ sgyu ma'i skyes bu'i gzugs la gnas med do/ /sgra dang / dri dang / </font><hr>30.176b<br><font size=+1>

ro dang / reg dang / chos la gnas med do/ /rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i tshig gi don med do/ /rab 'byor 'di lta ste dper na/ sgyu ma'i skyes bu'i mig gi rnam par shes pa la gnas med do/ /rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa la gnas med do/ /rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i tshig gi don med do/ /rab 'byor 'di lta ste dper na sgyu ma'i skyes bu'i mig gi 'dus te te reg pa la gnas med do/ /rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa la gnas med do/ /rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i tshig gi don med do/ /rab 'byor 'di lta ste dper na/ sgyu ma'i skyes bu'i mig gi 'dus te reg pa'i rkyen gyis tshor ba la gnas med do/ /rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba la gnas med do/ /rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i tshig gi don med do/ /rab 'byor 'di lta ste dper na/ sgyu ma'i skyes bu'i ma rig pa la gnas med do/ /'du byed dang / rnam par shes pa dang / ming dang gzugs dang / skye mched drug dang / reg pa dang / tshor ba dang / sred pa dang / len pa</font><hr>30.177a<br><font size=+1>

dang / srid pa dang / skye ba dang / rga shi la gnas med do/ /rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i tshig gi don med do/ /rab 'byor 'di lta ste dper na/ sgyu ma'i skyes bu'i sbyin pa'i pha rol du phyin pa la spyod pa'i tshig gi don med do/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la spyod pa'i tshig gi don med do/ /rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i tshig gi don med do// //shes rab kyi pha rol du phyin pa stong phrag nyi shu lnga pa/ bam po bcu gsum pa/ rab 'byor 'di lta ste dper na/ sgyu ma'i skyes bu'i nang stong pa nyid la spyod pa'i tshig gi don med do/ /phyi stong pa nyid dang / phyi nang stong pa nyid la spyod pa'i tshig gi don med do/ /dngos po med pa'i ngo bo nyid stong pa nyid kyi bar la spyod pa'i tshig gi don med do/ /rab 'byor de bzhin du/ byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i tshig gi don med do/ /rab 'byor 'di lta ste dper na/ sgyu ma'i skyes bu'i dran pa nye bar gzhag pa rnams dang / yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa dang / 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / mngon par shes pa rnams dang / ting nge 'dzin rnams dang / gzungs kyi sgo</font><hr>30.177b<br><font size=+1>

rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad la spyod pa'i tshig gi don med do/ /rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i tshig gi don med do/ /rab 'byor 'di lta ste/ dper na/ de bzhin gshegs pa dgra bcom pa yang dag par rdzogs pa'i sangs rgyas kyi gzugs la gnas med do/ /de ci'i phyir zhe na/ gzugs de med pa'i phyir te/ rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i tshig gi don med do/ /rab 'byor 'di lta ste dper na/ de bzhin gshegs pa dgra bcom pa yang dag par rdzogs pa'i sangs rgyas kyi tshor ba dang / 'du shes dang / 'du byed dang / rnam par shes pa la gnas med do/ /de ci'i phyir zhe na/ rnam par shes pa de med pa'i phyir te/ rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i tshig gi don med do/ /rab 'byor 'di lta ste dper na/ de bzhin gshegs pa dgra bcom pa yang dag par rdzogs pa'i sangs rgyas kyi mig la gnas med do/ /de ci'i phyir zhe na/ mig de med pa'i phyir te/ rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems pa'i tshig gi don med do/ /rab 'byor 'di lta ste dper na/ de bzhin gshegs pa dgra bcom pa yang dag par rdzogs pa'i sangs rgyas kyi rna ba dang / sna dang / lce dang / lus dang / yid la gnas med do/ /de ci'i phyir zhe na/ yid de med pa'i phyir te/ rab 'byor de bzhin du byang chub sems dpa' sems dpa' chen po shes rab</font><hr>30.178a<br><font size=+1>

kyi pha rol du phyin pa la spyod pa'i byang chub sems dpa'i tshig gi don med do/ /rab 'byor 'di lta ste dper na/ de bzhin gshegs pa dgra bcom pa yang dag par rdzogs pa'i sangs rgyas kyi gzugs la gnas med do/ /de ci'i phyir zhe na/ gzugs de med pa'i phyir te/ rab 'byor de bzhin du byang chub sems dpa' sems dpa' chen po shes rab kyi pha rol tu phyin pa la spyod pa'i byang chub sems dpa'i tshig gi don med do/ /rab 'byor 'di lta ste dper na/ de bzhin gshegs pa dgra bcom pa yang dag par rdzogs pa'i sangs rgyas kyi sgra dang / dri dang / ro dang / reg dang / chos la gnas med do/ /de ci'i phyir zhe na/ chos de med pa'i phyir te/ rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i tshig gi don med do/ /rab 'byor 'di lta ste dper na/ de bzhin gshegs pa dgra bcom pa yang dag par rdzogs pa'i sangs rgyas kyi mig gi rnam par shes pa la gnas med do/ /de ci'i phyir zhe na/ mig gi rnam par shes pa de med pa'i phyir te/ rab 'byor de bzhin du byang chub sems sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i tshig gi don med do/ /rab 'byor 'di lta ste dper na/ de bzhin gshegs pa dgra bcom pa yang dag par rdzogs pa'i sangs rgyas kyi/ rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa la gnas med do/ /de ci'i phyir zhe na/ yid kyi rnam par shes pa de med pa'i phyir te/ rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i tshig gi don med do/ /rab 'byor</font><hr>30.178b<br><font size=+1>

'di lta ste dper na/ de bzhin gshegs pa dgra bcom pa yang dag par rdzogs pa'i sangs rgyas kyi/ mig gi 'dus te reg pa la gnas med do/ /de ci'i phyir zhe na/ mig gi 'dus te reg pa de med pa'i phyir te/ rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i tshig gi don med do/ /rab 'byor 'di lta ste dper na/ de bzhin gshegs pa dgra bcom pa yang dag par rdzogs pa'i sangs rgyas kyi/ rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus gyi 'dus te reg pa dang / yid kyi 'dus te reg pa la gnas med do/ /de ci'i phyir zhe na/ yid kyi 'dus te reg pa de med pa'i phyir te/ rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i tshig gi don med do/ /rab 'byor 'di lta ste dper na/ de bzhin gshegs pa dgra bcom pa yang dag par rdzogs pa'i sangs rgyas kyi/ mig gi 'dus te reg pa'i rkyen gyis tshor ba la gnas med do/ /de ci'i phyir zhe na/ mig gi 'dus te reg pa'i rkyen gyis tshor ba de med pa'i phyir te/ rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i tshig gi don med do/ /rab 'byor 'di lta ste dper na/ de bzhin gshegs pa dgra bcom pa yang dag par rdzogs pa'i sangs rgyas kyi rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba la gnas med do/ /de ci'i phyir zhe na/ yid kyi 'dus te reg pa'i rkyen gyis tshor ba de med pa'i phyir te/ rab 'byor de bzhin du byang chub sems dpa' sems dpa' chen po shes rab</font><hr>30.179a<br><font size=+1>

kyi pha rol du phyin pa la spyod pa'i byang chub sems dpa'i tshig gi don med do/ /rab 'byor 'di lta ste dper na/ de bzhin gshegs pa dgra bcom pa yang dag par rdzogs pa'i sangs rgyas kyi ma rig pa la gnas med do/ /de ci'i phyir zhe na/ rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i tshig gi don med do/ /rab 'byor 'di lta ste dper na/ de bzhin gshegs pa dgra bcom pa yang dag par rdzogs pa'i sangs rgyas kyi 'du byed dang / rnam par shes pa dang / ming dang gzugs dang / skye mched drug dang / reg pa dang / tshor ba dang / sred pa dang / len pa dang / srid pa dang / skye ba dang / rga shi la gnas med do/ /de ci'i phyir zhe na/ rga shi de med pa'i phyir te/ rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i tshig gi don med do/ /rab 'byor 'di lta ste dper na/ de bzhin gshegs pa dgra bcom pa yang dag par rdzogs pa'i sangs rgyas kyi/ sbyin pa'i pha rol du phyin pa la gnas med do/ /de ci'i phyir zhe na/ sbyin pa'i pha rol du phyin pa de med pa'i phyir te/ rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i tshig gi don med do/ /rab 'byor 'di lta ste dper na/ de bzhin gshegs pa dgra bcom pa yang dag par rdzogs pa'i sangs rgyas kyi/ tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la gnas med do/ /de ci'i phyir zhe na/ shes rab kyi pha rol du phyin pa de med pa'i phyir te/ rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i tshig gi</font><hr>30.179b<br><font size=+1>

don med do/ /rab 'byor 'di lta ste/ dper na/ de bzhin gshegs pa dgra bcom pa yang dag par rdzogs pa'i sangs rgyas kyi/ nang stong pa nyid la gnas med do/ /de ci'i phyir zhe na/ nang stong pa nyid de med pa'i phyir te/ rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i tshig gi don med do/ /rab 'byor 'di lta ste dper na/ de bzhin gshegs pa dgra bcom pa yang dag par rdzogs pa'i sangs rgyas kyi/ dngos po med pa'i ngo bo nyid stong pa nyid kyi bar la gnas med do/ /de ci'i phyir zhe na/ dngos po med pa'i ngo bo nyid stong pa nyid de med pa'i phyir te/ rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i tshig gi don med do/ /rab 'byor 'di lta ste dper na/ de bzhin gshegs pa dgra bcom pa yang dag par rdzogs pa'i sangs rgyas kyi byang chub kyi phyogs kyi chos sum bcu rtsa bdun dang / 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad la gnas med do/ /de ci'i phyir zhe na/ sangs rgyas kyi chos ma 'dres pa de dag med pa'i phyir te/ rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i tshig gi don med do/ /rab 'byor 'di lta ste dper na/ 'dus ma byas kyi dbyings la/ 'dus byas kyi khams kyi gnas med do/ /'dus byas kyi khams la 'dus ma byas kyi dbyings kyi gnas med do/ /</font><hr>30.180a<br><font size=+1>

rab 'byor de bzhin du byang chub sems dpa' sems dpa' chen po shes rab kyi pha rol tu phyin pa la spyod pa'i byang chub sems dpa'i tshig gi don med do/ /rab 'byor 'di lta ste dper na/ skye ba med pa la gnas med do/ /'gag pa med pa dang / kun nas nyon mongs pa med pa dang / rnam par byang ba med pa dang / 'byung ba med pa dang / dmigs pa med pa la gnas med do/ /rab 'byor de bzhin du byang chub sems dpa' sems dpa' chen po shes rab kyi pha rol tu phyin pa la spyod pa'i byang chub sems dpa'i tshig gi don med do/ /gsol pa/ bcom ldan 'das gang gi skye ba ma mchis pa la gnas ma mchis/ 'gag pa ma mchis pa dang / kun nas nyon mongs pa ma mchis pa dang / rnam par byang ba ma mchis pa dang / mngon par 'du bgyi ba ma mchis pa dang / 'byung ba ma mchis pa dang / gang gi mi dmigs pa la gnas ma mchis pa lags/ bcom ldan 'das kyis bka' stsal pa/ rab 'byor gzugs skye ba med pa la gnas med do/ /gzugs 'gag pa med pa dang / gzugs kun nas nyon mongs pa med pa dang / gzugs rnam par byang ba med pa dang / gzugs mngon par 'du bya ba med pa dang / gzugs 'byung ba med pa dang / gzugs mi dmigs pa la gnas med do/ /tshor ba dang / 'du shes dang / 'du byed dang / rnam par shes pa skye ba med pa la gnas med do/ /rnam par shes pa 'gag pa med pa dang / rnam par shes pa kun nas nyon mongs pa med pa dang / rnam par shes pa rnam par byang ba med pa dang / rnam par shes pa mngon par 'du bya ba med pa dang / rnam par shes pa 'byung ba med pa dang / rnam par shes pa mi dmigs pa la</font><hr>30.180b<br><font size=+1>

gnas med do/ /skye mched dang / khams dang / rten cing 'brel bar 'byung ba skye ba med pa la gnas med do/ /skye mched dang / khams dang / rten cing 'brel bar 'byung ba 'gag pa med pa dang / kun nas nyon mongs pa med pa dang / rnam par byang ba med pa dang / mngon par 'du bya ba med pa dang / 'byung ba med pa dang / mi dmigs pa la gnas med do/ /byang chub kyi phyogs kyi chos rnams kyi bar dang / 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa rnams skye ba med pa la gnas med do/ /sangs rgyas kyi chos ma 'dres pa rnams 'gag pa med pa dang / kun nas nyon mongs pa med pa dang / rnam par byang ba med pa dang / mngon par 'du bya ba med pa dang / 'byung ba med pa dang / mi dmigs pa la gnas med do/ /rab 'byor de bzhin du byang chub sems dpa' sems dpa' chen po shes rab kyi pha rol tu phyin pa la spyod pa'i byang chub sems dpa'i tshig gi don med do/ /rab 'byor 'di lta ste dper na/ gzugs shin du rnam par dag pa la mtshan ma'i gnas med do/ /tshor ba dang / 'du shes dang / 'du byed dang / rnam par shes pa shin du rnam par dag pa la mtshan ma'i gnas med do/ /rab 'byor de bzhin du byang chub sems dpa' sems dpa' chen po shes</font><hr>30.181a<br><font size=+1>

rab kyi pha rol du phyin pa la spyod pa'i byang chub sems dpa'i tshig gi don med do/ /rab 'byor 'di lta ste dper na/ skye mched dang / khams dang / rten cing 'brel bar 'byung ba shin du rnam par dag pa la mtshan ma'i gnas med do/ /rab 'byor de bzhin du byang chub sems dpa' sems dpa' chen po shes rab kyi pha rol tu phyin pa la spyod pa'i byang chub sems dpa'i tshig gi don med do/ /dran pa nye bar gzhag pa'i bar du shin du rnam par dag pa la mtshan ma'i gnas med do/ /yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag rnams dang / 'phags pa'i lam yan lag brgyad pa dang / 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang so so yang dag par rig pa bzhi dang / sangs rgyas kyi chos ma 'dres pa shin du rnam par dag pa la mtshan ma'i gnas med do/ /rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i tshig gi don med do/ /rab 'byor 'di lta ste dper na/ bdag med pa'i phyir bdag shin tu rnam par dag pa la mtshan ma'i gnas med do/ /sems can dang / srog dang / 'gro ba dang / gso ba dang / skyes bu dang / gang zag dang / shed can dang / shed bdag dang / byed pa po</font><hr>30.181b<br><font size=+1>

dang / tshor ba po dang / shes pa po dang / mthong ba po med pa'i phyir/ sems can dang / srog dang / 'gro ba dang / gso ba dang / skyes bu dang / gang zag dang / shed can dang / shed bdag dang / byed pa po dang / tshor ba po dang / shes pa po dang / mthong ba po shin du rnam par dag pa la mtshan ma'i gnas med do/ /rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i tshig gi don med do/ /rab 'byor 'di lta ste dper na/ nyi ma'i dkyil 'khor mngon par 'char ba'i tshe/ mun pa'i gnas med do/ /rab 'byor de bzhin du/ byang chub sems dpa' sems dpa' chen po shes rab kyi pha rol tu phyin pa la spyod pa'i byang chub sems dpa'i tshig gi don med do/ /rab 'byor 'di lta ste dper na/ bskal pa'i me 'bar ba'i tshe/ 'du byed kyi rnam pa thams cad kyi gnas med do/ /rab 'byor de bzhin du byang chub sems dpa' sems dpa' chen po shes rab kyi pha rol tu phyin pa la spyod pa'i byang chub sems dpa'i tshig gi don med do/ /rab 'byor 'di lta ste dper na/ de bzhin gshegs pa dgra bcom pa yang dag par rdzogs pa'i sangs rgyas kyi tshul khrims la/ tshul khrims ngan pa'i gnas med do/ /rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i tshig gi don med do/ /rab 'byor 'di lta ste dper na/ de bzhin gshegs pa dgra bcom pa yang dag par rdzogs pa'i sangs rgyas kyi ting nge 'dzin la 'khrug pa'i gnas med do/ /rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i tshig gi don med do/ /rab 'byor 'di lta</font><hr>30.182a<br><font size=+1>

ste dper na/ de bzhin gshegs pa dgra bcom pa yang dag par rdzogs pa'i sangs rgyas kyi shes rab la/ shes rab 'chal ba'i gnas med do/ /rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i tshig gi don med do/ /rab 'byor 'di lta ste dper na/ de bzhin gshegs pa dgra bcom pa yang dag par rdzogs pa'i sangs rgyas kyi rnam par grol ba la/ rnam par ma grol ba'i gnas med do/ /rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i tshig gi don med do/ /rab 'byor 'di lta ste/ dper na/ de bzhin gshegs pa dgra bcom pa yang dag par rdzogs pa'i sangs rgyas kyi rnam par grol ba'i ye shes gzigs pa la/ rnam par grol ba'i ye shes ma gzigs pa'i gnas med do/ /rab 'byor de bzhin du byang chub sems dpa' sems dpa' chen po shes rab kyi pha rol tu phyin pa la spyod pa'i byang chub sems dpa'i tshig gi don med do/ /rab 'byor 'di lta ste dper na/ nyi ma dang zla ba'i 'od la gnas med do/ /rab 'byor de bzhin du byang chub sems dpa' sems dpa' chen po shes rab kyi pha rol tu phyin pa la spyod pa'i byang chub sems dpa'i tshig gi don med do/ /rab 'byor 'di lta ste dper na/ gza' dang / skar ma dang / nor bu rin po che dang / glog gi 'od la gnas med do/ /rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i tshig gi don med do/ /rab 'byor 'di lta ste dper na/ rgyal chen bzhi'i ris kyi lha rnams kyi 'od la gnas med do/ /sum bcu rtsa gsum gyi lha rnams dang / mtshe ma dang / </font><hr>30.182b<br><font size=+1>

dga' ldan dang / 'phrul dga' dang / gzhan 'phrul dbang byed dang / tshangs ris dang / tshangs lha nye phan dang / tshangs pa kun 'khor dang / tshangs chen dang / 'og min gyi bar gyi lha rnams kyi 'od la gnas med do/ /rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i tshig gi don med do/ /rab 'byor 'di lta ste dper na/ byang chub sems dpa' sems dpa' chen po rnams kyi 'od la gnas med do/ /de bzhin gshegs pa dgra bcom pa yang dag par rdzogs pa'i sangs rgyas rnams kyi 'od la gnas med do/ /rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa'i byang chub sems dpa'i tshig gi don med do/ /de ci'i phyir zhe na/ rab 'byor 'di ltar byang chub gang yin pa dang / byang chub sems dpa' dang / byang chub sems dpa'i tshig gi don gang yin pa'i chos de dag thams cad kyang ldan pa yang ma yin/ mi ldan pa yang ma yin te/ gzugs med pa/ bstan du med pa/ thogs pa med pa/ 'di ltar mtshan nyid med par mtshan nyid gcig pa sha stag ste/ rab 'byor byang sems dpa' sems dpa' chen po chos thams cad la ma chags pa dang / med pa yang dag pa nyid la bslab par bya'o/ /rab 'byor byang chub sems dpa' sems dpa' chen pos chos thams cad la rtog pa med cing / rnam par rtog pa med par yang rig par bya'o/ /gsol pa/ bcom ldan 'das chos thams cad ni gang lags/ bcom ldan 'das byang chub sems dpa' sems dpa' chen pos chos gang rnams kyi ma chags pa dang mchis pa ma lags pa yang dag pa nyid la ji ltar bslab par bgyi/ byang chub sems dpa' sems dpa' chen pos chos thams cad ni gang rnams rig par bgyi/ bcom ldan 'das kyis bka' stsal pa/ rab 'byor</font><hr>30.183a<br><font size=+1>

chos thams cad ces bya ba ni/ dge ba dang / mi dge ba dang / lung du ma stan pa dang / 'jig rten pa dang 'jig rten las 'das pa dang / zag pa dang bcas pa dang / zag pa med pa dang / 'dus byas dang / 'dus ma byas dang / kha na ma tho ba dang bcas pa dang / kha na ma tho ba med pa dang / thun mong dang / thun mong ma yin pa dag ste/ rab 'byor de dag ni chos thams cad ces bya ste/ byang chub sems dpa' sems dpa' chen pos kyang chos de dag thams cad la ma chags pa dang / med pa nyid la bslab par bya'o/ /byang chub sems dpa' sems dpa' chen pos shes par bya ba yang chos thams cad po de dag nyid do/ /gsol pa/ bcom ldan 'das 'jig rten pa'i dge ba'i chos gang lags/ bcom ldan 'das kyis bka' stsal pa/ rab 'byor 'jig rten pa'i chos dge ba zhes bya ba ni/ phar shes pa/ mar shes pa/ dge sbyong du shes pa/ bram zer shes pa/ rigs kyi nang na rgan pa la rim gro byed pa dang / sbyin pa las byung ba'i bsod nams kyi las kyi dngos po dang / tshul khrims las byung ba dang / bsgom pa las byung ba'i bsod nams kyi las kyi dngos po dang / nyams su blang ba dang ldan pa'i dngos po dang / dge ba bcu'i las kyi lam rnams dang / 'jig rten pa'i 'du shes dgu ste/ 'di ltar rnam par bam pa'i 'du shes dang / 'bu can gyi 'du shes dang / rnam par rnags pa'i 'du shes dang / rnam par dmar ba'i 'du shes dang / rnam par sngos pa'i 'du shes dang / rnam par zos pa'i 'du shes dang / rnam par 'thor ba'i 'du shes dang / rus pa'i 'du shes dang / rnam par tshig pa'i 'du shes dang / 'jig rten pa'i bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / mngon par shes pa lnga dang / 'jig rten pa'i rjes su dran pa bcu ste/ 'di ltar</font><hr>30.183b<br><font size=+1>

sangs rgyas rjes su dran pa dang / chos rjes su dran pa dang / dge 'dun rjes su dran pa dang / tshul khrims rjes su dran pa dang / gtong ba rjes su dran pa dang / lha rjes su dran pa dang / dbugs phyi nang du rgyu ba rjes su dran pa dang / lus kyi rnam pa rjes su dran pa dang / skyo ba rjes su dran pa dang / 'chi ba rjes su dran pa dag ste/ de dag ni 'jig rten pa'i chos dge ba zhes bya'o/ /gsol pa/ bcom ldan 'das 'jig rten pa'i chos mi dge ba gang lags/ bcom ldan 'das kyis bka' stsal pa/ mi dge ba bcu'i las kyi lam dag ste/ 'di ltar rab 'byor srog gcod pa ni 'jig rten pa'i chos mi dge ba'o/ /ma byin par len pa dang / 'dod pas log par g.yem pa dang / brdzun du smra ba dang / phra ma dang / zhe gcod pa dang / tshig kyal pa dang / chags sems dang / gnod sems dang / log par lta ba dang / khro ba dang / mdud par 'dzin pa dang / 'chab pa dang / 'tshig pa dang / 'tshe ba dang / phrag dog dang / ser sna dang / nga rgyal dang / log pa'i nga rgyal ste/ rab 'byor de dag ni 'jig rten pa'i chos mi dge ba'o/ /gsol pa/ bcom ldan 'das lung du ma bstan pa'i chos gang lags/ bcom ldan 'das kyis bka' stsal pa/ lus kyi las ni lung ma bstan pa'o/ /ngag gi las ni lung ma bstan pa'o/ /yid kyi las ni lung ma bstan pa'o/ /'byung ba chen po bzhi ni lung ma bstan pa'o/ /dbang po lnga ni lung ma bstan pa'o/ /skye mched drug ni lung ma bstan pa'o/ /gzugs med pa bzhir skyes pa ni lung ma bstan pa'o/ /phung po dang / khams dang / skye mched ni lung ma bstan pa'o/ /rnam par smin pa thams cad ni lung ma bstan pa ste/ rab 'byor de dag ni lung ma bstan pa'i chos su shes par bya'o/ /gsol pa/ bcom ldan 'das 'jig rten pa'i chos gang lags/ bcom ldan 'das kyis bka' stsal pa/ rab 'byor 'jig rten pa'i</font><hr>30.184a<br><font size=+1>

chos zhes bya ba ni/ phung po dang / skye mched dang / khams dang / dge ba bcu'i las kyi lam dang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / mngon par shes pa lnga dang / 'jig rten las 'das pa'i chos ma gtogs par/ de ma yin par 'jig rten pa'i chos gang ji snyed pa de dag ni 'jig rten pa'i chos zhes bya'o/ /gsol pa/ bcom ldan 'das 'jig rten las 'das pa'i chos gang lags/ bcom ldan 'das kyis bka' stsal pa/ rab 'byor 'jig rten las 'das pa'i chos zhes bya ba ni/ dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa dang / rnam par thar pa'i sgo stong pa nyid dang / mtshan ma med pa dang / smon pa med pa dang / ma shes pa yongs su shes par bya ba'i dbang po dang / yongs su shes pa'i dbang po dang / yongs su shes par rtogs pa'i dbang po dang / rtog pa dang bcas dpyod pa dang bcas pa'i ting nge 'dzin dang / rtog pa med pa la dpyod pa tsam kyi ting nge 'dzin dang / rtog pa med cing dpyod pa med pa'i ting nge 'dzin dang / rig pa dang / rnam par grol ba dang / dran pa dang / shes bzhin dang / tshul bzhin du yid la bya ba dang / rnam par thar pa brgyad de/ brgyad gang zhe na/ gzugs dang ldan pa gzugs mthong ba 'di ni/ rnam par thar pa dang po'o/ /nang gzugs med pa'i 'du shes dang ldan pas/ phyi rol gyi gzugs mthong ba 'di ni rnam par thar pa gnyis pa'o/ /sdug par mos par gyur pa 'di ni rnam par thar pa gsum pa'o/ /gzugs kyi 'du shes las yang dag par 'das te/ thogs pa'i 'du shes rnams nub par gyur cing / sna tshogs kyi 'du shes yid la mi byed pas/ nam mkha' mtha' yas so zhes te/ nam mkha' mtha' yas</font><hr>30.184b<br><font size=+1>

skye mched la nye bar bsgrubs te gnas pa 'di ni rnam par thar pa bzhi pa'o/ /de rnam pa thams cad du nam mkha' mtha' yas skye mched las yang dag par 'das te/ rnam par shes pa mtha' yas so zhes/ rnam shes mtha' yas skye mched la nye bar bsgrubs te gnas pa 'di ni rnam par thar pa lnga pa'o/ /de rnam pa thams cad du rnam shes mtha' yas skye mched las yang dag par 'das te/ cung zad ma yod do zhes/ cung zad med pa'i skye mched la nye bar bsgrubs te gnas pa 'di ni rnam par thar pa drug pa'o/ /de rnam pa thams cad du cung zad med pa'i skye mched las yang dag par 'das te/ 'du shes med 'du shes med min skye mched la nye bar bsgrubs te gnas pa 'di ni rnam par thar pa bdun pa'o/ /de rnam pa thams cad du 'du shes med 'du shes med min skye mched las yang dag par 'das te/ 'du shes dang / tshor ba 'gog pa la nye bar bsgrubs te gnas pa 'di ni rnam par thar pa brgyad pa'o/ /rnam par thar pa brgyad po de dag dang / mthar gyis gnas pa'i snyoms par 'jug pa dgu ste/ dgu gang zhe na/ 'di lta ste/ de 'dod pas dben/ sdig to mi dge ba'i chos kyis dben/ rtog pa dang bcas pa/ dpyod pa dang bcas pa/ dben pa las skyes pa'i dga' ba dang / bde ba can bsam gtan dang po la nye bar bsgrubs te gnas so/ /de rnam par rtog pa dang / rnam par dpyod pa nye bar zhi nas/ nang yongs su dang ste/ sems kyi rgyud gcig tu gyur pas/ rnam par rtog pa med pa/ rnam par dpyod pa med pa/ ting nge 'dzin las skyes pa'i dga' ba dang / bde ba can bsam gtan gnyis pa la nye bar bsgrubs te gnas so/ /de dga' ba las 'dod chags dang bral bas/ dran pa dang ldan zhing / shes bzhin du btang snyoms su gnas te/ bde ba lus kyis myong la/ 'phags pa rnams kyis de la dran pa dang ldan pa/ bde ba la rnam par spyod pa</font><hr>30.185a<br><font size=+1>

btang snyoms pa'o zhes brjod pa ste/ dga' ba med pa'i bsam gtan gsum pa la nye bar bsgrubs te gnas so/ /de bde ba yang spangs/ sdug bsngal ba yang spangs shing / yid bde ba dang / yid mi bde ba snga nas kyang nub pas/ bde ba yang med/ sdug bsngal ba yang med pa/ btang snyoms dang dran pas yongs su dag pa'i bsam gtan bzhi pa la nye bar bsgrubs te gnas so/ /de rnam pa thams cad du gzugs kyi 'du shes las yang dag par 'das te/ thogs pa'i 'du shes rnams nub par gyur cing / sna tshogs kyi 'du shes yid la mi byed pas/ nam mkha' mtha' yas so zhes te/ nam mkha' mtha' yas skye mched la nye bar bsgrubs te gnas so/ /de rnam pa thams cad du nam mkha' mtha' yas skye mched las yang dag par 'das te/ rnam par shes pa mtha' yas so zhes/ rnam shes mtha' yas skye mched la nye bar bsgrubs te gnas so/ /de rnam pa thams cad du rnam shes mtha' yas skye mched las yang dag par 'das te/ cung zad ma yod do zhes/ cung zad med pa'i skye mched la nye bar bsgrubs te gnas so/ /de rnam pa thams cad du cung zad med pa'i skye mched las yang dag par 'das te/ 'du shes med 'du shes med min skye mched la nye bar bsgrubs te gnas so/ /de rnam pa thams cad du 'du shes med 'du shes med min skye mched las yang dag par 'das te/ 'du shes dang / tshor ba 'gog pa la nye bar bsgrubs te gnas so/ /de ltar mthar gyis gnas pa'i snyoms par 'jug pa dgu po de dag dang / nang stong pa nyid dang / phyi stong pa nyid dang / phyi nang stong pa nyid dang / dngos po med pa'i ngo bo nyid stong pa nyid kyi bar dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig</font><hr>30.185b<br><font size=+1>

pa bzhi dang / sangs rgyas kyi chos ma 'dres pa bcwa brgyad dag ste/ de dag ni 'jig rten las 'das pa'i chos shes bya'o/ /gsol pa/ bcom ldan 'das zag pa dang bcas pa'i chos gang lags/ bcom ldan 'das kyis bka' stsal pa/ rab 'byor zag pa dang bcas pa'i chos zhes bya ba ni/ 'di lta ste/ phung po dang / skye mched dang / khams dang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / mngon par shes pa lnga dag ste/ de dag ni zag pa dang bcas pa'i chos zhes bya'o/ /gsol pa/ bcom ldan 'das zag pa ma mchis pa'i chos gang lags/ bcom ldan 'das kyis bka' stsal pa/ rab 'byor zag pa med pa'i chos ni/ dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa dang / 'phags pa'i bden pa bzhi dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / ting nge 'dzin thams cad dang / gzungs kyi sgo thams cad dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad dag ste/ de dag ni zag pa med pa'i chos zhes bya'o/ /gsol pa/ bcom ldan 'das 'dus byas kyi chos gang lags/ bcom ldan 'das kyis bka' stsal pa/ rab 'byor 'dus byas kyi chos zhes bya ba ni 'dod pa'i khams dang / gzugs kyi khams dang / gzugs med pa'i khams dang / gzhan yang de ma yin pa 'dus byas su gtog pa'i chos rnams/ byang chub kyi phyogs kyi chos sum bcu rtsa bdun dang / sangs</font><hr>30.186a<br><font size=+1>

rgyas kyi chos ma 'dres pa bcwa brgyad kyi bar dag ste/ de dag ni 'dus byas kyi chos zhes bya'o/ /gsol pa/ bcom ldan 'das 'dus ma byas kyi chos gang lags/ bcom ldan 'das kyis bka' stsal pa/ rab 'byor 'dus ma byas kyi chos zhes bya ba ni/ gang la skye ba med cing 'jig pa med pa dang / gnas pa las gzhan du 'gyur ba med pa ste/ 'dod chags zad pa/ zhe sdang zad pa/ gti mug zad pa/ de bzhin nyid ma nor ba de bzhin nyid/ gzhan ma yin pa de bzhin nyid/ chos nyid chos kyi dbyings nyid/ chos skyon med pa nyid/ bsam gyis mi khyabs pa'i dbyings/ yang dag pa'i mtha' ste/ rab 'byor de dag ni 'dus ma byas kyi chos zhes bya'o/ /gsol pa/ bcom ldan 'das thun mong gi chos gang lags/ bcom ldan 'das kyis bka' stsal pa/ rab 'byor thun mong gi chos zhes bya ba ni/ bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang mngon par shes pa lnga dag ste/ de dag ni byis pa so so'i skye bo rnams dang thun mongs gi chos zhes bya'o/ /gsol pa/ bcom ldan 'das thun mong ma lags pa'i chos gang lags/ bcom ldan 'das kyis bka' stsal pa/ rab 'byor thun mong ma yin pa'i chos zhes bya ba ni/ byang chub kyi phyogs kyi chos sum bcu rtsa bdun dang / sangs rgyas kyi chos ma 'dres pa bcwa brgyad kyi bar dag ste/ de dag ni thun mong ma yin pa'i chos zhes bya'o/ /de la byang chub sems dpa' sems dpa' chen po shes rab kyi pha rol du phyin pa la spyod pas/ rang gi mtshan nyid kyis stong pa'i chos thams cad la rtog pa med pas/ chags par mi bya'o/ /chos thams cad gnyis su med pa'i tshul gyis rtog pa med cing / rnam par rtog pa med pa'i phyir/ chos thams cad khong du chud par bya'o/ /</font><hr>30.186b<br><font size=+1>

de nas tshe dang ldan pa rab 'byor gyis/ bcom ldan 'das la 'di skad ces gsol to/ /bcom ldan 'das gang 'di byang chub sems dpa' sems dpa' chen po zhes bgyi ba de ci'i slad du/ byang chub sems dpa' la sems dpa' chen po zhes bgyi/ bcom ldan 'das kyis bka' stsal pa/ rab 'byor sems can gyi phung po chen po nges pa'i phul byed par 'gyur bas/ de'i phyir byang chub sems dpa' la sems dpa' chen po zhes bya'o/ /gsol pa/ bcom ldan 'das sems can gyi phung po chen po nges pa de lta bu'i phul/ byang chub sems dpa' sems dpa' chen po bgyid par 'gyur ba/ de lta bu'i sems can gyi phung po chen po nges pa gang lags/ bcom ldan 'das kyis bka' stsal pa/ rab 'byor sems can gyi phung po chen po zhes bya ba ni/ 'di lta ste/ rigs kyi sa dang / brgyad pa dang / rgyun tu zhugs pa dang / lan gcig phyir 'ong ba dang / phyir mi 'ong ba dang / dgra bcom pa dang / rang sangs rgyas dang / sems dang po bskyed pa'i byang chub sems dpa' dang / phyir mi ldog pa'i sa la gnas pa'i byang chub sems dpa' sems dpa' chen po'i bar dag ste/ rab 'byor de ni sems can gyi phung po nges pa zhes bya ste/ byang chub sems dpa' sems dpa' chen po ni de lta bu'i phul byed par 'gyur ro/ /de la byang chub sems dpa' sems dpa' chen pos rdo rje lta bu'i sems bskyed de/ sems can gyi phung po chen po nges pa'i phul zhes bya'o/ /gsol pa/ bcom ldan 'das rdo rje lta bu'i sems bskyed pa gang lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po 'di ltar sems bskyed de/ 'khor ba dpag tu med par sems can thams cad kyi don tu bdag gis go cha bgo bar bya'o/ /bdag gis bdog pa thams cad yongs su</font><hr>30.187a<br><font size=+1>

gtang bar bya'o/ /bdag gis sems can thams cad la sems mnyam pa nyid bskyed par bya'o/ /bdag gis sems can thams cad theg pa gsum gyis yongs su mya ngan las bzla bar bya'o/ /de ltar sems can thams cad yongs su mya ngan las bzlas kyang / sems can gang yang yongs su mya ngan las 'das pa med pas/ chos thams cad skye ba med pa dang / 'gag pa med pa bdag gis shes par bya'o/ /bdag gis ma 'dres pa'i rnam pa thams cad mkhyen pa nyid kyi sems kyis pha rol du phyin pa drug la spyod par bya'o/ /bdag gis chos rtogs pa thams cad kyi rjes su 'gro ba phun sum tshogs pa la bslab par bya'o/ /bdag gis chos kyi tshul gcig tu bsgrub pa khong du chud par bya'o/ /bdag gis phung po nas brtsams te pha rol du phyin pa rnams dang / byang chub kyi phyogs kyi chos rnams dang / bsam gtan dang / tshad med pa dang / gzugs med pa'i snyoms par 'jug pa dang / mngon par shes pa dang / stobs bcu dang / mi 'jigs pa bzhi dang / so so yang dag par rig pa dang / sangs rgyas kyi chos ma 'dres pa'i bar bsgrub pa khong du chud pa la bslab par bya'o/ /bdag gis chos dpag tu med pa thams cad yongs su bsgrub par bslab par bya'o/ /snyam du sems bskyed de/ rab 'byor 'di ni byang chub sems dpa' sems dpa' chen po'i sems bskyed pa rdo rje lta bu ste/ de de la gnas shing byang chub sems dpa' sems dpa' chen po sems can gyi phung po chen po nges pa'i phul mi dmigs pa'i tshul gyis byed do/ /rab 'byor gzhan yang byang chub sems dpa' sems dpa' chen po 'di ltar sems bskyed de/ sems can dmyal ba pa dang / byol song gi skye gnas pa dang / gshin rje'i 'jig rten pa'i sems can ji snyed</font><hr>30.187b<br><font size=+1>

cig sdug bsngal gyi tshor ba nyams su myong bar gyur pa'i sdug bsngal gyi tshor ba de dag thams cad sems can de dag gi don du bdag gis nyams su myong bar bya'o snyam du sems bskyed do/ /de la byang chub sems dpa' sems dpa' chen pos gang du 'di ltar sems bskyed par bya ste/ bdag gis sems can re re'i don tu yang bskal pa bye ba khrag khrig brgya stong mang por sems can gang yang / phung po ma lus pa'i mya ngan las 'das pa'i dbyings su yongs su mya ngan las ma bzlas kyi bar du/ sems can dmyal ba'i sdug bsngal de dag kyang bdag gis nyams su myong bar bya'o zhes/ thabs de lta bus sems can thams cad kyi don tu/ sems can thams cad phung po ma lus pa'i mya ngan las 'das pa'i dbyings su yongs su mya ngan las ma bzlas kyi bar du/ sems can dmyal ba'i sdug bsngal de dag thams cad kyang bdag gis nyams su myong bar bya'o/ /de nas gdod bdag gi don du dge ba'i rtsa ba bskyed de/ bskal pa bye ba khrag khrig brgya stong du mas byang chub kyi tshogs mang po bsags te/ bla na med pa yang dag par rdzogs pa'i byang chub tu mngon par rdzogs par 'tshang rgya bar bya'o snyam du sems bskyed par bya ste/ rab 'byor 'di ni byang chub sems dpa' sems dpa' chen po'i sems bskyed pa rdo rje lta bu ste/ de la gnas shing byang chub sems dpa' sems dpa' chen po sems can gyi phung po chen po nges pa'i phul mi dmigs pa'i tshul gyis byed do/ /rab 'byor gzhan yang byang chub sems dpa' sems dpa' chen pos rgyun mi 'chad par rlabs po che'i sems gang gis sems can thams cad kyi phul du 'gyur ba de lta bu'i sems rlabs po che bskyed par bya'o/ /de la byang chub sems dpa' sems dpa' chen po'i sems rlabs po</font><hr>30.188a<br><font size=+1>

che ni sems dang po bskyed phyin chad 'dod chags kyi sems mi bskyed/ zhe sdang gi sems mi bskyed/ gti mug gi sems mi bskyed/ gtse ba'i sems mi skyed/ nyan thos kyi sems dang / rang sangs rgyas kyi sems kyang mi bskyed pa ste/ 'di ni byang chub sems dpa' sems dpa' chen po'i sems rlabs po che'o/ /des sems can thams cad kyi phul byed kyang / sems rlabs po che des rlom sems su mi bya'o/ /rab 'byor gzhan yang byang chub sems dpa' sems dpa' chen pos mi sgul ba'i sems dang ldan par bya ste/ de la byang chub sems dpa' sems dpa' chen po'i sems mi sgul ba ni/ rnam pa thams cad mkhyen pa nyid dang ldan par yid la byed cing / des rlom sems su mi byed pa ste/ 'di ni byang chub sems dpa' sems dpa' chen po'i sems mi sgul ba'o/ /sems des sems can thams cad kyi phul du mi dmigs pa'i tshul gyis 'gyur ro/ /rab 'byor gzhan yang byang chub sems dpa' sems dpa' chen pos sems can thams cad la phan pa dang / bde ba'i sems bskyed par bya'o/ /de la byang chub sems dpa' sems dpa' chen po'i phan pa dang bde ba'i sems ni/ sems can thams cad skyob cing / sems can thams cad yongs su mi gtong la/ des rlom sems su 'gyur ba med pa ste/ rab 'byor 'di ni byang chub sems dpa' sems dpa' chen po'i phan pa dang bde ba'i sems te/ de la gnas shing / sems can gyi phung po chen po nges pa'i phul mi dmigs pa'i tshul gyis byed do/ /rab 'byor gzhan yang byang chub sems dpa' sems dpa' chen pos rtag tu rgyun mi chad par chos 'dod par bya'o/ /chos la dga' bar bya'o/ /chos la mos par bya'o/ /chos la mos pa'i rnal</font><hr>30.188b<br><font size=+1>

'byor la brtson par bya'o/ /de la chos gang zhe na/ chos thams cad dbyer med pa ste/ 'di ni chos zhes bya'o/ /de la chos 'dod pa gang zhe na/ gang chos de la 'dod cing mos pa ste/ 'di ni chos 'dod pa zhes bya'o/ /de la chos la dga' ba gang zhe na/ chos de la dga' zhing mngon par dga' ba ste/ 'di ni chos la dga' ba zhes bya'o/ /de la chos la mos pa gang zhe na/ gang chos de la yon tan du lta ba ste/ 'di ni chos la mos pa zhes bya'o/ /de la chos la mos pa'i rnal 'byor la brtson pa gang zhe na/ chos de nyid la bsgom zhing / mang du byed pa ste/ 'di ni chos la mos pa'i rnal 'byor la brtson pa zhes bya'o/ /rab 'byor de ltar byang chub sems dpa' sems dpa' chen po shes rab kyi pha rol du phyin pa la spyod pas/ sems can gyi phung po chen po nges pa'i phul du mi dmigs pa'i tshul gyis bya'o/ /rab 'byor gzhan yang byang chub sems dpa' sems dpa' chen po shes rab kyi pha rol du phyin pa la spyod pas/ nang stong pa nyid la gnas/ phyi stong pa nyid la gnas/ phyi nang stong pa nyid la gnas/ dngos po med pa'i ngo bo nyid stong pa nyid kyi bar la gnas te/ sems can gyi phung po chen po nges pa'i phul du 'gyur bar bya'o/ /rab 'byor gzhan yang byang chub sems dpa' sems dpa' chen po shes rab kyi pha rol du phyin pa la spyod pas/ byang chub kyi phyogs kyi chos rnams la gnas/ 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams</font><hr>30.189a<br><font size=+1>

dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa rnams dang / so so yang dag par rig pa rnams dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad kyi bar la gnas te sems can gyi phung po chen po nges pa'i phul du mi dmigs pa'i tshul gyis 'gyur bar bya'o/ /rab 'byor gzhan yang byang chub sems dpa' sems dpa' chen po shes rab kyi pha rol du phyin pa la spyod pas/ dpa' bar 'gro ba'i ting nge 'dzin la gnas/ nam mkha' ltar chags pa med pas rnam par grol zhing gos pa med pa'i ting nge 'dzin gyis bar la gnas te/ sems can gyi phung po chen po nges pa'i phul du mi dmigs pa'i tshul gyis 'gyur bar bya'o/ /rab 'byor chos de dag la gnas shing / byang chub sems dpa' sems dpa' chen po shes rab kyi pha rol du phyin pa la spyod pa de/ sems can gyi phung po chen po nges pa'i phul du byed pas/ de'i phyir byang chub sems dpa' sems dpa' chen po zhes bya'o/ /de nas tshe dang ldan pa shA ra dwa ti'i bus/ bcom ldan 'das la 'di skad ces gsol to/ /bcom ldan 'das don gang gi slad du byang chub sems dpa' sems dpa' chen po zhes bgyi ba 'di la bdag kyang spobs pa skye'o/ /bcom ldan 'das kyis bka' stsal pa/ shA ra dwa ti'i bu de la spobs pa skyed cig /shA ra dwa ti'i bus gsol pa/ bcom ldan 'das bdag tu lta ba dang / sems can du lta ba dang / srog tu lta ba dang / gang zag tu lta ba dang / gso ba dang / skyes bu dang / shed can dang / shed bdag dang / byed pa po dang / tshor ba po dang / shes pa po dang / mthong ba por lta ba dang / chad par lta ba dang / rtag par lta ba dang / yod par lta ba dang / med par lta ba dang / phung por lta ba dang / khams su lta ba dang / skye mched du lta ba</font><hr>30.189b<br><font size=+1>

dang / rten cing 'brel bar 'byung bar lta ba dang / pha rol du phyin pa dang / byang chub gyi phyogs kyi chos su lta ba dang / sangs rgyas kyi chos ma 'dres pa'i bar du lta ba dang / sems can yongs su smin par bya bar lta ba dang / sangs rgyas kyi zhing yongs su dag par bya bar lta ba dang / byang chub tu lta ba dang / sangs rgyas su lta ba dang / chos su lta ba dang / dge 'dun du lta ba dang / chos kyi 'khor lo bskor bar lta ba dang / yongs su mya ngan las 'da' bar lta ba rab tu spang ba'i slad du sems can rnams la chos ston pa bgyid kyang / de mi dmigs pa'i tshul gyis bgyid de/ de'i slad du byang chub sems dpa' sems dpa' chen po zhes bgyi'o/ /de nas tshe dang ldan pa rab 'byor gyis/ tshe dang ldan pa shA ra dwa ti'i bu la 'di skad ces smras so/ /tshe dang ldan pa shA ra dwa ti'i bu ci'i phyir na/ byang chub sems dpa' sems dpa' chen po gzugs su lta bar 'gyur ba yin/ tshor ba dang / 'du shes dang / 'du byed dang / rnam par shes par lta bar 'gyur ba yin/ mya ngan las 'da' ba'i bar du lta bar 'gyur ba yin/ smras pa/ tshe dang ldan pa rab 'byor 'di la byang chub sems dpa' sems dpa' chen po shes rab kyi pha rol du phyin pa la spyod cing / thabs mi mkhas pas/ gzugs la dmigs shing / dmigs pa'i tshul gyis lta ba bskyed do/ /tshor ba dang / 'du shes dang / 'du byed dang / rnam par shes par dmigs shing / dmigs pa'i tshul gyis lta ba skyed do/ /skye mched dang / khams dang / rten cing 'brel bar 'byung bar dmigs shing / dmigs pa'i tshul gyis lta ba bskyed do/ /pha rol du phyin pa rnams dang / stong pa nyid thams cad dang / dran pa nye bar gzhag pa rnams dang / yang dag par spong ba rnams dang / rdzu</font><hr>30.190a<br><font size=+1>

'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa dang / 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug par dmigs shing / dmigs pa'i tshul gyis lta ba skyed do/ /rnam par thar pa dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs dang / mi 'jigs pa dang / so so yang dag par rig pa dang / byams pa chen po dang / snying rje chen po dang / sangs rgyas kyi chos ma 'dres par dmigs shing / dmigs pa'i tshul gyis lta ba skyed do/ /yongs su mya ngan las 'da' ba'i bar du dmigs shing / dmigs pa'i tshul gyis lta ba skyed do/ /tshe dang ldan pa rab 'byor de'i phyir byang chub sems dpa' sems dpa' chen po gzugs su lta bar 'gyur ba yin/ tshor ba dang / 'du shes dang / 'du byed dang / rnam par shes par lta bar 'gyur ba yin/ yongs su mya ngan las 'da' ba'i bar du lta bar 'gyur ba yin te/ de la byang chub sems dpa' sems dpa' chen po shes rab kyi pha rol du phyin phyin pa la spyod pa'i tshe/ thabs mkhas pas/ lta ba'i rnam pa de dag spang ba'i phyir/ mi dmigs pa'i tshul gyis chos ston to/ /de nas tshe dang ldan pa rab 'byor gyis/ bcom ldan 'das la 'di skad ces gsol to/ /bcom ldan 'das don gang gi slad du byang chub sems dpa' sems dpa' chen po zhes bgyi ba de la bdag kyang spobs pa skye'o/ /bcom ldan 'das kyis bka' stsal pa/ rab 'byor khyod kyis</font><hr>30.190b<br><font size=+1>

spobs pa bskyed cig /rab 'byor gyis gsol pa/ bcom ldan 'das byang chub kyi sems mi mnyam pa dang mnyam pa'i sems/ nyan thos dang / rang sangs rgyas thams cad dang thun mong ma lags pa'i sems de lta bu la yang chags pa ma mchis pas/ de'i slad du byang chub sems dpa' sems dpa' chen po zhes bgyi'o/ /de ci'i slad du zhe na/ 'di ltar thams cad mkhyen pa nyid kyi sems de ni/ zag pa ma mchis shing khams gsum gyi khongs su chud pa ma mchis pa ste/ de ltar thams cad mkhyen pa nyid kyi sems zag pa ma mchis shing / khams gsum gyi khongs su chud pa ma mchis pa'i sems de la yang / rang bzhin stong pa nyid kyi slad du chags pa ma mchis pas/ de'i slad du byang chub sems dpa' ni sems dpa' chen po'i grangs su mchi'o/ /de ci'i slad du zhe na/ 'di ltar sems ni sems ma mchis pa ste/ sems ma mchis pa de la yang chags pa ma mchis so/ /de nas tshe dang ldan pa shA ra dwa ti'i bus/ tshe dang ldan pa rab 'byor la 'di skad ces smras so/ /tshe dang ldan pa rab 'byor byang chub sems dpa' sems dpa' chen po'i sems mi mnyam pa dang mnyam pa'i sems/ nyan thos dang / rang sangs rgyas thams cad dang thun mong ma yin pa'i sems gang yin/ rab 'byor gyis smras pa/ tshe dang ldan pa shA ra dwa ti'i bu 'di la byang chub sems dpa' sems dpa' chen po sems dang po bskyed phyin chad chos gang yang skye bar yang dag par rjes su mi mthong / 'gag pa dang / 'phel ba dang / 'grib pa dang / 'ong ba dang / 'gro ba dang / kun nas nyon mongs pa dang / rnam par byang bar yang dag par rjes su mi mthong ste/ tshe dang ldan pa shA ra dwa ti'i bu gang la skye ba med cing / 'gag pa med pa dang / 'phel ba med cing 'grib pa med pa dang / 'ong ba med cing 'gro ba med pa dang / kun nas nyon mongs</font><hr>30.191a<br><font size=+1>

pa med cing rnam par byang ba med pa de la/ nyan thos kyi sems med do/ /rang sangs rgyas kyi sems med do/ /byang chub sems dpa'i sems med do/ /yang dag par rdzogs pa'i sangs rgyas kyi sems med do/ /tshe dang ldan pa shA ra dwa ti'i bu 'di ni byang chub sems dpa' sems dpa' chen po'i sems mi mnyam pa dang mnyam pa ste/ nyan thos dang / rang sangs rgyas thams cad dang thun mong ma yin pa'i sems so/ /smras pa/ tshe dang ldan pa rab 'byor gang khyod kyis 'di skad du thams cad mkhyen pa nyid kyi sems zag pa med pa/ khongs su chud pa med pa/ de lta bu'i sems la yang chags pa med do zhes smras pa ni de lta yin te/ tshe dang ldan pa rab 'byor de bas gzugs kyang chags pa med do/ /tshor ba dang / 'du shes dang / 'du byed dang / rnam par shes pa yang chags pa med do/ /rnam pa thams cad mkhyen pa nyid kyi bar yang chags pa med do/ /smras pa/ tshe dang ldan pa shA ra dwa ti'i bu de de bzhin te/ gzugs kyang chags pa med do/ /tshor ba dang / 'du shes dang / 'du byed dang / rnam par shes pa yang chags pa med do/ /skye mched dang / khams dang / rten cing 'brel bar 'byung ba yang chags pa med do/ /byang chub kyi phyogs kyi chos rnams kyi bar yang chags pa med do/ /sangs rgyas kyi chos ma 'dres pa bcwa brgyad kyi bar yang chags pa med do/ /rnam pa thams cad mkhyen pa nyid kyi bar yang chags pa med do/ /smras pa/ tshe dang ldan pa rab 'byor khyod kyis 'di skad du/ thams cad mkhyen pa nyid kyi sems de yang zag pa med cing / khongs su chud pa med de zhes smras pa ni de lta yin te/ tshe dang ldan pa rab 'byor der yang mi zad de/ byis pa so so'i skye bo rnams kyi sems kyang / rang bzhin stong pa nyid kyi phyir zag pa med cing khongs su chud pa med do/ /nyan thos dang / rang sangs rgyas rnams kyi sems dang / </font><hr>30.191b<br><font size=+1>

sangs rgyas bcom ldan 'das rnams kyi thugs kyang / rang bzhin stong pa nyid kyi phyir zag pa med cing khongs su chud pa med do/ /rab 'byor gyis smras pa/ de yin te tshe dang ldan pa shA ra dwa ti'i bu byis pa so so'i skye bo rnams kyi sems kyang / rang bzhin stong pa nyid kyi phyir/ zag pa med cing khongs su chud pa med do/ /nyan thos dang / rang sangs rgyas rnams kyi sems kyang rang bzhin stong pa nyid kyi phyir zag pa med cing khongs su chud pa med do/ /sangs rgyas bcom ldan 'das rnams kyi thugs kyang / rang bzhin stong pa nyid kyi phyir zag pa med cing khongs su chud pa med do/ /smras pa/ tshe dang ldan pa rab 'byor de lta yin na/ gzugs kyang rang bzhin stong pa nyid kyi phyir/ zag pa med cing khongs su chud pa med do/ /tshor ba dang / 'du shes dang / 'du byed dang / rnam par shes pa yang rang bzhin stong pa nyid kyi phyir zag pa med cing khongs su chud pa med do/ /sangs rgyas kyi chos ma 'dres pa bcwa brgyad kyi bar yang rang bzhin stong pa nyid kyi phyir zag pa med cing khongs su chud pa med do/ /rnam pa thams cad mkhyen pa nyid kyi bar yang rang bzhin stong pa nyid kyi phyir zag pa med cing khongs su chud pa med do/ /rab 'byor gyis smras pa/ tshe dang ldan pa shA ra dwa ti'i bu ji skad du smras pa de bzhin te/ gzugs kyang rang bzhin stong pa nyid kyi phyir zag pa med cing khongs su chud pa med do/ /tshor ba dang / 'du shes dang / 'du byed dang / rnam par shes pa yang rang bzhin stong pa nyid kyi phyir zag pa med cing khongs su chud pa med do/ /sangs rgyas kyi chos ma 'dres pa rnams kyi bar yang rang bzhin stong pa nyid kyi phyir/ zag pa med cing khongs su chud pa med do/ /rnam pa thams cad mkhyen pa nyid kyi bar yang rang bzhin stong pa nyid kyi phyir zag pa med cing khongs su chud pa med do/ /smras pa/ tshe dang ldan pa</font><hr>30.192a<br><font size=+1>

rab 'byor gang yang khyod kyis 'di skad du/ sems med pa'i phyir/ sems de la yang chags pa med do zhes smras pa ni de lta yin te/ tshe dang ldan pa rab 'byor der yang ma zad de/ gzugs med pa yang gzugs la chags pa med do/ /tshor ba med pa dang / 'du shes med pa dang / 'du byed med pa dang / rnam par shes pa med pa yang rnam par shes pa la chags pa med do/ /byang chub kyi phyogs kyi chos rnams kyi bar du med pa yang byang chub kyi phyogs kyi chos rnams la chags pa med do/ /sangs rgyas kyi chos ma 'dres pa rnams kyi bar du med pa yang / sangs rgyas kyi chos ma 'dres pa rnams la chags pa med do/ /rnam pa thams cad mkhyen pa nyid kyi bar du med pa yang / rnam pa thams cad mkhyen pa nyid la chags pa med do/ /smras pa/ tshe dang ldan pa/ shA ra dwa ti'i bu de de bzhin te/ gzugs med pa yang gzugs la chags pa med do/ /tshor ba med pa dang / 'du shes med pa dang / 'du byed med pa dang / rnam par shes pa med pa yang / rnam par shes pa la chags pa med do/ /byang chub kyi phyogs kyi chos rnams kyi bar du med pa yang / byang chub kyi phyogs kyi chos rnams la chags pa med do/ /sangs rgyas kyi chos ma 'dres pa rnams kyi bar du med pa yang / sangs rgyas kyi chos ma 'dres pa rnams la chags pa med do/ /rnam pa thams cad mkhyen pa nyid kyi bar du med pa yang / rnam pa thams cad mkhyen pa nyid la chags pa med do/ /tshe dang ldan pa shA ra dwa ti'i bu byang chub sems dpa' sems dpa' chen po shes rab kyi pha rol du phyin pa la de ltar spyod pa ni/ byang chub kyi sems/ mi mnyam pa dang mnyam pa'i sems/ nyan thos dang / rang sangs rgyas thams cad dang thun mong ma yin pa'i sems des kyang / chos thams cad la chags pa med pa'i tshul gyis rlom sems su</font><hr>30.192b<br><font size=+1>

'gyur ba med do/ /mngon par chags par 'gyur ba med pas/ de'i phyir byang chub sems dpa' sems dpa' chen po zhes bya'o/ /de nas tshe dang ldan pa byams gang gi bus/ bcom ldan 'das la 'di skad ces gsol to/ /bcom ldan 'das don gang gi slad du byang chub sems dpa' sems dpa' chen po zhes bgyi ba de la bdag kyang spobs pa skye'o/ /bcom ldan 'das kyis bka' stsal pa/ gang po khyod kyis spobs pa bskyed cig /gang pos gsol pa/ bcom ldan 'das de ni go cha chen po bgos pa'i sems can lags te/ bcom ldan 'das de ni theg pa chen po la yang dag par zhugs pa'i sems can lags la/ de ni theg pa chen po la yang dag par gnas pa'i sems can lags pas/ de'i slad du byang chub sems dpa' sems dpa' chen po zhes bgyi'o/ /de nas tshe dang ldan pa shA ra dwa ti'i bus/ tshe dang ldan pa byams gang gi bu la 'di skad ces smras so/ /tshe dang ldan pa gang po ji tsam gyis na byang chub sems dpa' sems dpa' chen pos go cha chen po bgos shes bya/ gang pos smras pa/ tshe dang ldan pa shA ra dwa ti'i bu 'di la byang chub sems dpa' sems dpa' chen po ni sems can nyung zad nyi tshe zhig gi don tu sbyin pa'i pha rol du phyin pa la gnas shing / sbyin pa yongs su gtong ba ma yin gyi/ sems can thams cad kyi don du sbyin pa'i pha rol du phyin pa la spyod cing / sbyin pa yongs su gtong ngo / /sems can nyung zad nyi tshe'i phyir/ tshul khrims kyi pha rol tu phyin pa la gnas shing / tshul khrims srung ba ma yin gyi/ sems can thams cad kyi don tu tshul khrims kyi pha rol du phyin pa la spyod cing / tshul khrims srung ngo / /sems can nyung zad nyi tshe'i phyir/ bzod pa'i pha rol du phyin pa la gnas shing / bzod pa sgom pa ma yin gyi/ sems can thams cad</font><hr>30.193a<br><font size=+1>

kyi don tu bzod pa'i pha rol du phyin pa la spyod cing / bzod pa sgom mo/ /sems can nyung zad nyi tshe'i phyir/ brtson 'grus kyi pha rol du phyin pa la gnas shing / brtson 'grus rtsom pa ma yin gyi/ sems can thams cad kyi don tu/ brtson 'grus kyi pha rol du phyin pa la spyod cing / brtson 'grus rtsom mo/ /sems can nyung zad nyi tshe'i phyir/ bsam gtan gyi pha rol du phyin pa la gnas shing / bsam gtan skyed pa ma yin gyi/ sems can thams cad kyi don tu bsam gtan gyi pha rol du phyin pa la spyod cing / bsam gtan skyed do/ /sems can nyung zad nyi tshe'i phyir/ shes rab kyi pha rol du phyin pa la gnas shing / shes rab sgom pa ma yin gyi/ sems can thams cad kyi don tu/ shes rab kyi pha rol du phyin pa la spyod cing / shes rab sgom mo/ /byang chub sems dpa' sems dpa' chen po ni sems can 'di snyed cig phung po ma lus pa'i mya ngan las 'das pa'i dbyings su yongs su mya ngan las bzla bar bya'o/ /sems can 'di snyed cig ni yongs su mya ngan las bzla bar mi bya'o zhe 'am/ sems can 'di snyed cig ni byang chub tu dgod par bya'o/ /sems can 'di snyed ni byang chub tu dgod par mi bya'o zhes sems can yongs su dpag pas go cha mi gyon gyi/ byang chub sems dpa' sems dpa' chen po ni sems can thams cad kyi don tu go cha chen po gyon to/ /de 'di snyam du sems te/ bdag gis kyang sbyin pa'i pha rol du phyin pa yongs su rdzogs par bya'o/ /sems can thams cad kyang sbyin pa'i pha rol tu phyin pa la sbyar bar bya'o/ /bdag gis kyang tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa yongs su rdzogs par</font><hr>30.193b<br><font size=+1>

bya'o/ /sems can thams cad kyang shes rab kyi pha rol du phyin pa la sbyor bar bya'o/ /bdag kyang stong pa nyid thams cad dang / byang chub kyi phyogs kyi chos rnams dang / 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams la gnas par bya'o/ /sems can thams cad kyang gzugs med pa'i snyoms par 'jug pa la sbyar bar bya'o/ /bdag kyang rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad la gnas par bya'o/ /sems can thams cad kyang sangs rgyas kyi chos ma 'dres pa bcwa brgyad la sbyar bar bya'o zhes bya bar sems skyed de/ tshe dang ldan pa shA ra dwa ti'i bu de tsam gyis na/ byang chub sems dpa' sems dpa' chen po go cha chen po bgos pa zhes bya'o// //shes rab kyi pha rol du phyin pa stong phrag nyi shu lnga pa/ bam po bcu bzhi pa/ tshe dang ldan pa shA ra dwa ti'i bu gzhan yang byang chub sems dpa' sems dpa' chen po shes rab kyi pha rol du phyin pa spyod pa'i tshe/ sbyin pa gang yongs su gtong ba de dag nyan thos dang / rang sangs rgyas dang ldan pa'i yid la bya bas ma yin gyi/ rnam pa thams cad mkhyen pa nyid dang ldan pa'i yid la bya bas yongs su gtong ste/ dge ba'i rtsa ba de yang sems can thams cad dang thun mong du byas shing / bla na med pa yang dag par rdzogs pa'i byang chub tu yongs su bsngo ste/ 'di ni byang chub sems dpa' sems dpa' chen po shes rab kyi pha rol du phyin</font><hr>30.194a<br><font size=+1>

pa la spyod cing / sbyin pa yongs su gtong ba'i/ sbyin pa'i pha rol du phyin pa'i go cha'o/ /tshe dang ldan pa shA ra dwa ti'i bu gzhan yang byang chub sems dpa' sems dpa' chen po rnam pa thams cad mkhyen pa nyid dang ldan pa'i yid la bya bas/ sbyin pa yongs su gtong zhing nyan thos dang / rang sangs rgyas kyi sa'i don du yongs su mi bsngo ba 'di ni/ byang chub sems dpa' sems dpa' chen po shes rab kyi pha rol du phyin pa la spyod cing / sbyin pa yongs su gtong ba'i tshul khrims kyi pha rol du phyin pa'i go cha'o/ /tshe dang ldan pa shA ra dwa ti'i bu gzhan yang byang chub sems dpa' sems dpa' chen po rnam pa thams cad mkhyen pa nyid dang ldan pa'i yid la bya bas/ chos de dag la bzod pa dang / mos pa dang / rten pa 'di ni byang chub sems dpa' sems dpa' chen po shes rab kyi pha rol du phyin pa la spyod cing / sbyin pa yongs su gtong ba'i bzod pa'i pha rol du phyin pa'i go cha'o/ /tshe dang ldan pa shA ra dwa ti'i bu gzhan yang byang chub sems dpa' sems dpa' chen po sbyin pa yongs su gtong ba'i tshe/ rnam pa thams cad mkhyen pa nyid dang ldan pa'i yid la bya bas/ brtson 'grus nyam par mi byed pa 'di ni/ byang chub sems dpa' sems dpa' chen po shes rab kyi pha rol du phyin pa la spyod cing / sbyin pa yongs su gtong ba'i brtson 'grus kyi pha rol du phyin pa'i go cha'o/ /tshe dang ldan pa shA ra dwa ti'i bu gzhan yang byang chub sems dpa' sems dpa' chen po sbyin pa yongs su gtong ba'i tshe/ 'di ltar rnam pa thams cad mkhyen pa nyid dang ldan pa'i yid la bya bas/ sems rtse gcig tu byed cing / de la dmigs pa gcig pas/ nyan thos dang / rang sangs rgyas dang ldan pa'i sems bskyed pa rnams kyi go mi 'byed pa 'di ni/ byang chub sems dpa' sems dpa' chen po shes</font><hr>30.194b<br><font size=+1>

rab kyi pha rol du phyin pa la spyod cing / sbyin pa yongs su gtong ba'i/ bsam gtan gyi pha rol du phyin pa'i go cha'o/ /tshe dang ldan pa shA ra dwa ti'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod cing / sbyin pa yongs su gtong ba'i tshe/ rnam pa thams cad mkhyen pa nyid dang ldan pa'i yid la bya bas/ chos thams cad sgyu mar byas pa'i 'du shes nye bar gnas te/ sbyin pa yang mi dmigs/ gtong ba yang mi dmigs/ len pa yang mi dmigs par/ dge ba'i rtsa ba de yang sems can thams cad dang thun mong du byas shing / bla na med pa yang dag par rdzogs pa'i byang chub tu mi dmigs pa'i tshul gyis yongs su sngo ba 'di ni/ byang chub sems dpa' sems dpa' chen po shes rab kyi pha rol du phyin pa la spyod cing / sbyin pa yongs su gtong ba'i/ shes rab kyi pha rol du phyin pa'i go cha ste/ tshe dang ldan pa shA ra dwa ti'i bu nam byang chub sems dpa' sems dpa' chen po rnam pa thams cad mkhyen pa nyid dang ldan pa'i yid la bya bas/ pha rol du phyin pa de dag dang / sems can dang / byang chub la mtshan mar mi byed cing mi dmigs pa de ni/ byang chub sems dpa' sems dpa' chen po shes rab kyi pha rol du phyin pa la spyod cing / sbyin pa'i pha rol du phyin pa la spyod pa'i pha rol du phyin pa drug gi go cha chen po bgos par shes par bya'o/ /tshe dang ldan pa shA ra dwa ti'i bu gzhan yang byang chub sems dpa' sems dpa' chen po tshul khrims kyi pha rol du phyin pa la spyod cing / rnam pa thams cad mkhyen pa nyid dang ldan pa'i yid la bya bas/ sbyin pa gang yongs su gtong ba de dag thams cad sems can thams cad dang thun mongs du byas shing / bla na med pa yang dag par rdzogs pa'i byang chub tu mi dmigs pa'i tshul gyis yongs</font><hr>30.195a<br><font size=+1>

su bsngo ba 'di ni/ byang chub sems dpa' sems dpa' chen po tshul khrims kyi pha rol du phyin pa la spyod pa'i/ sbyin pa'i pha rol du phyin pa'i go cha'o/ /tshe dang ldan pa shA ra dwa ti'i bu gzhan yang byang chub sems dpa' sems dpa' chen po/ rnam pa thams cad mkhyen pa nyid dang ldan pa'i yid la bya bas/ tshul khrims kyi pha rol du phyin pa la spyod cing / nyan thos dang / rang sangs rgyas kyi sa la yang mos pa mi skyed na so so'i skye bo'i sa lta smos kyang ci dgos pa 'di ni/ byang chub sems dpa' sems dpa' chen po tshul khrims kyi pha rol du phyin pa la spyod pa'i tshul khrims kyi pha rol du phyin pa'i go cha'o/ /tshe dang ldan pa shA ra dwa ti'i bu gzhan yang byang chub sems dpa' sems dpa' chen po rnam pa thams cad mkhyen pa nyid dang ldan pa'i yid la bya bas/ tshul khrims kyi pha rol du phyin pa la spyod cing / chos de dag la bzod pa dang / mos pa dang / rten pa 'di ni byang chub sems dpa' sems dpa' chen po tshul khrims kyi pha rol du phyin pa la spyod pa'i bzod pa'i pha rol du phyin pa'i go cha'o/ /tshe dang ldan pa shA ra dwa ti'i bu gzhan yang byang chub sems dpa' sems dpa' chen po rnam pa thams cad mkhyen pa nyid dang ldan pa'i yid la bya bas/ tshul khrims kyi pha rol du phyin pa la spyod cing / brtson 'grus nyam par mi byed pa 'di ni/ byang chub sems dpa' sems dpa' chen po tshul khrims kyi pha rol du phyin pa la spyod pa'i/ brtson 'grus kyi pha rol du phyin pa'i go cha'o/ /tshe dang ldan pa shA ra dwa ti'i bu gzhan yang byang chub sems dpa' sems dpa' chen po rnam pa thams cad mkhyen pa nyid dang ldan pa'i yid la bya bas/ tshul khrims kyi pha rol du phyin pa la spyod cing gnas pa'i tshe/ nyan thos dang / rang sangs rgyas kyi sems kyi go mi 'byed cing / </font><hr>30.195b<br><font size=+1>

dge ba'i rtsa ba de yang sems can thams cad dang thun mong du byas te/ bla na med pa yang dag par rdzogs pa'i byang chub tu yongs su bsngo ba 'di ni/ byang chub sems dpa' sems dpa' chen po tshul khrims kyi pha rol du phyin pa la spyod pa'i/ bsam gtan gyi pha rol du phyin pa'i go cha'o/ /tshe dang ldan pa shA ra dwa ti'i bu gzhan yang byang chub sems dpa' sems dpa' chen po nyan thos dang / rang sangs rgyas dang ldan pa'i yid la bya bas ma yin gyi/ rnam pa thams cad mkhyen pa nyid dang ldan pa'i yid la bya bas/ tshul khrims kyi pha rol du phyin pa la spyod pa'i tshe/ chos thams cad sgyu mar byas pa'i 'du shes nye bar gnas shing / tshul khrim des rlom sems su mi byed de/ rang bzhin stong pa nyid kyi phyir/ tshul khrims de yang mi dmigs shing / dge ba'i rtsa ba de yang sems can thams cad dang thun mongs du byas te/ bla na med pa yang dag par rdzogs pa'i byang chub tu yongs su bsngo ba 'di ni/ byang chub sems dpa' sems dpa' chen po tshul khrims kyi pha rol du phyin pa la spyod pa'i/ shes rab kyi pha rol du phyin pa'i go cha'o/ /tshe dang ldan pa shA ra dwa ti'i bu gang byang chub sems dpa' sems dpa' chen po tshul khrims kyi pha rol du phyin pa la de ltar spyod pa ni/ pha rol du phyin pa drug po thams cad yongs su 'dzin te/ de'i phyir go cha chen po bgos zhes bya'o/ /tshe dang ldan pa shA ra dwa ti'i bu gzhan yang byang chub sems dpa' sems dpa' chen po bzod pa'i pha rol du phyin pa la spyod cing / nyan thos dang / rang sangs rgyas dang ldan pa'i yid la bya bas ma yin gyi/ rnam pa thams cad mkhyen pa nyid dang ldan pa'i yid la bya bas/ sbyin pa yongs su gtong zhing dge ba'i rtsa ba de yang / sems can thams cad dang thun mongs du byas shing / bla na med pa yang dag par rdzogs pa'i byang chub tu yongs su</font><hr>30.196a<br><font size=+1>

bsngo ba 'di ni/ byang chub sems dpa' sems dpa' chen po bzod pa'i pha rol du phyin pa la spyod pa'i/ sbyin pa'i pha rol du phyin pa'i go cha'o/ /tshe dang ldan pa shA ra dwa ti'i bu gzhan yang byang chub sems dpa' sems dpa' chen po bzod pa'i pha rol du phyin pa la spyod cing / nyan thos dang / rang sangs rgyas dang ldan pa'i yid la bya bas ma yin gyi/ rnam pa thams cad mkhyen pa nyid dang ldan pa'i yid la bya bas/ tshul khrims yongs su srung zhing / dge ba'i rtsa ba de yang / sems can thams cad dang thun mong du byas shing / bla na med pa yang dag par rdzogs pa'i byang chub tu yongs su bsngo ba 'di ni/ byang chub sems dpa' sems dpa' chen po bzod pa'i pha rol du phyin pa la spyod pa'i/ tshul khrims kyi pha rol tu phyin pa'i go cha'o/ /tshe dang ldan pa shA ra dwa ti'i bu gzhan yang byang chub sems dpa' sems dpa' chen po bzod pa'i pha rol du phyin pa la spyod cing / rnam pa thams cad mkhyen pa nyid dang ldan pa'i yid la bya bas/ chos de dag la bzod pa dang / mos pa dang / rten pa 'di ni byang chub sems dpa' sems dpa' chen po bzod pa'i pha rol du phyin pa la spyod pa'i/ bzod pa'i pha rol du phyin pa'i go cha'o/ /tshe dang ldan pa shA ra dwa ti'i bu gzhan yang byang chub sems dpa' sems dpa' chen po nyan thos dang / rang sangs rgyas dang ldan pa'i yid la bya bas ma yin gyi/ rnam pa thams cad mkhyen pa nyid dang ldan pa'i yid la bya bas/ bzod pa'i pha rol du phyin pa la spyod cing / brtson 'grus nyam par mi byed pa 'di ni/ byang chub sems dpa' sems dpa' chen po bzod pa'i pha rol tu phyin pa la spyod pa'i/ brtson 'grus kyi pha rol du phyin pa'i go cha'o/ /tshe dang ldan pa shA ra dwa ti'i bu gzhan yang byang chub sems dpa' sems dpa' chen po/ nyan thos dang / rang sangs</font><hr>30.196b<br><font size=+1>

rgyas dang ldan pa'i yid la bya bas ma yin gyi/ rnam pa thams cad mkhyen pa nyid dang ldan pa'i yid la bya bas/ bzod pa'i pha rol du phyin pa la spyod cing / sems rtse gcig tu byed pa 'di ni/ byang chub sems dpa' sems dpa' chen po bzod pa'i pha rol du phyin pa la spyod pa'i/ bsam gtan gyi pha rol du phyin pa'i go cha'o/ /tshe dang ldan pa shA ra dwa ti'i bu gzhan yang byang chub sems dpa' sems dpa' chen po nyan thos dang / rang sangs rgyas dang ldan pa'i yid la bya bas ma yin gyi/ rnam pa thams cad mkhyen pa nyid dang ldan pa'i yid la bya bas/ bzod pa'i pha rol du phyin pa la spyod cing / chos thams cad sgyu mar byas pa'i 'du shes nye bar gnas te/ bzod pa des rlom sems su mi byed cing bzod pa la mi dmigs pa 'di ni/ byang chub sems dpa' sems dpa' chen po bzod pa'i pha rol du phyin pa la spyod pa'i/ shes rab kyi pha rol du phyin pa'i go cha'o/ /tshe dang ldan pa shA ra dwa ti'i bu gang byang chub sems dpa' sems dpa' chen po rnam pa thams cad mkhyen pa nyid dang ldan pa'i yid la bya bas/ pha rol du phyin pa de dag dang / sems can dang / byang chub la mtshan mar mi byed cing / mi dmigs pa 'di ni/ byang chub sems dpa' sems dpa' chen po bzod pa'i pha rol du phyin pa la spyod pa'i/ pha rol du phyin pa drug gi go cha'o/ /tshe dang ldan pa shA ra dwa ti'i bu gzhan yang byang chub sems dpa' sems dpa' chen po brtson 'grus kyi pha rol du phyin pa la spyod cing / nyan thos dang / rang sangs rgyas dang ldan pa'i yid la bya bas ma yin gyi/ rnam pa thams cad mkhyen pa nyid dang ldan pa'i yid la bya bas/ sbyin pa yongs su gtong zhing / dge ba'i rtsa ba de yang sems can thams cad dang thun mong du byas te/ bla na med pa yang dag par rdzogs pa'i byang chub tu yongs su bsngo ba 'di ni/ byang chub sems dpa' sems dpa' chen po brtson</font><hr>30.197a<br><font size=+1>

'grus kyi pha rol du phyin pa la spyod pa'i/ sbyin pa'i pha rol du phyin pa'i go cha'o/ /tshe dang ldan pa shA ra dwa ti'i bu gzhan yang byang chub sems dpa' sems dpa' chen po brtson 'grus kyi pha rol du phyin pa la spyod cing / nyan thos dang / rang sangs rgyas dang ldan pa'i yid la bya bas ma yin gyi/ rnam pa thams cad mkhyen pa nyid dang ldan pa'i yid la bya bas/ tshul khrims srung zhing / dge ba'i rtsa ba de yang sems can thams cad dang thun mong du byas te/ bla na med pa yang dag par rdzogs pa'i byang chub tu yongs su bsngo ba 'di ni/ byang chub sems dpa' sems dpa' chen po brtson 'grus kyi pha rol du phyin pa la spyod pa'i/ tshul khrims kyi pha rol du phyin pa'i go cha'o/ /tshe dang ldan pa shA ra dwa ti'i bu gzhan yang byang chub sems dpa' sems dpa' chen po/ nyan thos dang / rang sangs rgyas dang ldan pa'i yid la bya bas ma yin gyi/ rnam pa thams cad mkhyen pa nyid dang ldan pa'i yid la bya bas/ brtson 'grus kyi pha rol du phyin pa la spyod cing / chos de dag la de ltar bzod pa dang / mos pa dang / rten pa 'di ni/ byang chub sems dpa' sems dpa' chen po brtson 'grus kyi pha rol du phyin pa la spyod pa'i/ bzod pa'i pha rol du phyin pa'i go cha'o/ /tshe dang ldan pa shA ra dwa ti'i bu gzhan yang byang chub sems dpa' sems dpa' chen po nyan thos dang / rang sangs rgyas dang ldan pa'i yid la bya bas ma yin gyi/ rnam pa thams cad mkhyen pa nyid dang ldan pa'i yid la bya bas/ brtson 'grus kyi pha rol du phyin pa la spyod cing / sems can thams cad kyi don du/ brtson 'grus nyam par mi byed cing brtun mi ngas pa 'di ni/ byang chub sems dpa' sems dpa' chen po brtson 'grus kyi pha rol du phyin pa la spyod pa'i/ brtson 'grus kyi pha rol du phyin pa'i go cha'o/ /tshe dang ldan pa shA ra dwa ti'i bu gzhan yang byang</font><hr>30.197b<br><font size=+1>

chub sems dpa' sems dpa' chen po/ nyan thos dang / rang sangs rgyas dang ldan pa'i yid la bya bas ma yin gyi/ rnam pa thams cad mkhyen pa nyid dang ldan pa'i yid la bya bas/ sems rtse gcig tu byed pa 'di ni/ byang chub sems dpa' sems dpa' chen po/ brtson 'grus kyi pha rol du phyin pa la spyod pa'i/ bsam gtan gyi pha rol du phyin pa'i go cha'o/ /tshe dang ldan pa shA ra dwa ti'i bu gzhan yang byang chub sems dpa' sems dpa' chen po/ nyan thos dang / rang sangs rgyas dang ldan pa'i yid la bya bas ma yin gyi/ rnam pa thams cad mkhyen pa nyid dang ldan pa'i yid la bya bas/ chos thams cad la sgyu mar byas pa'i 'du shes nye bar gnas te/ brtson 'grus des rlom sems su mi byed cing / brtson 'grus de yang mi dmigs te/ dge ba'i rtsa ba de yang sems can thams cad dang thun mong du byas shing / bla na med pa yang dag par rdzogs pa'i byang chub tu yongs su bsngo ba 'di ni/ byang chub sems dpa' sems dpa' chen po brtson 'grus kyi pha rol du phyin pa la spyod pa'i/ shes rab kyi pha rol du phyin pa'i go cha'o/ /tshe dang ldan pa shA ra dwa ti'i bu gang byang chub sems dpa' sems dpa' chen po rnam pa thams cad mkhyen pa nyid dang ldan pa'i yid la bya bas/ pha rol du phyin pa de dag dang / sems can dang / byang chub la mtshan mar mi byed cing / mi dmigs pa 'di ni/ byang chub sems dpa' sems dpa' chen po/ brtson 'grus kyi pha rol du phyin pa la spyod pa'i/ pha rol du phyin pa drug gi go cha'o/ /tshe dang ldan pa shA ra dwa ti'i bu gzhan yang byang chub sems dpa' sems dpa' chen po bsam gtan gyi pha rol du phyin pa la spyod cing / nyan thos dang / rang sangs rgyas dang ldan pa'i yid la bya bas ma yin gyi/ rnam pa thams cad mkhyen pa nyid dang ldan pa'i yid la bya bas/ sbyin pa yongs su gtong zhing / dge ba'i</font><hr>30.198a<br><font size=+1>

rtsa ba de yang sems can thams cad dang thun mong du byas te/ bla na med pa yang dag par rdzogs pa'i byang chub tu yongs su bsngo ba 'di ni/ byang chub sems dpa' sems dpa' chen po/ bsam gtan gyi pha rol du phyin pa la spyod pa'i/ sbyin pa'i pha rol du phyin pa'i go cha'o/ /tshe dang ldan pa shA ra dwa ti'i bu gzhan yang byang chub sems dpa' sems dpa' chen po/ bsam gtan gyi pha rol du phyin pa la spyod cing / nyan thos dang / rang sangs rgyas dang ldan pa'i yid la bya bas ma yin gyi/ rnam pa thams cad mkhyen pa nyid dang ldan pa'i yid la bya bas/ tshul khrims srung zhing / dge ba'i rtsa ba de yang / sems can thams cad dang thun mong du byas te/ bla na med pa yang dag par rdzogs pa'i byang chub tu yongs su bsngo ba 'di ni/ byang chub sems dpa' sems dpa' chen po bsam gtan gyi pha rol du phyin pa la spyod pa'i/ tshul khrims kyi pha rol du phyin pa'i go cha'o/ /tshe dang ldan pa shA ra dwa ti'i bu gzhan yang byang chub sems dpa' sems dpa' chen po bsam gtan gyi pha rol du phyin pa la spyod cing / nyan thos dang / rang sangs rgyas dang ldan pa'i yid la bya bas ma yin gyi/ rnam pa thams cad mkhyen pa nyid dang ldan pa'i yid la bya bas/ bzod pa yongs su sgom ste/ dge ba'i rtsa ba de yang sems can thams cad dang thun mong du byas shing / bla na med pa yang dag par rdzogs pa'i byang chub tu yongs su bsngo ba 'di ni/ byang chub sems dpa' sems dpa' chen po/ bsam gtan gyi pha rol du phyin pa la spyod pa'i/ bzod pa'i pha rol du phyin pa'i go cha'o/ /tshe dang ldan pa shA ra dwa ti'i bu gzhan yang byang chub sems dpa' sems dpa' chen po/ nyan thos dang / rang sangs rgyas dang ldan pa'i yid la bya bas ma yin gyi/ rnam pa thams cad mkhyen pa nyid dang ldan pa'i yid la bya bas/ bsam gtan gyi pha rol du phyin pa la spyod cing / </font><hr>30.198b<br><font size=+1>

brtson 'grus nyam par mi byed de/ de'i dge ba'i rtsa ba de yang / sems can thams cad dang thun mong du byas shing / bla na med pa yang dag par rdzogs pa'i byang chub tu yongs su bsngo ba 'di ni/ byang chub sems dpa' sems dpa' chen po'i bsam gtan gyi pha rol du phyin pa la spyod pa'i/ brtson 'grus kyi pha rol du phyin pa'i go cha'o/ /tshe dang ldan pa shA ra dwa ti'i bu gzhan yang byang chub sems dpa' sems dpa' chen po bsam gtan gyi pha rol du phyin pa la spyod cing / rnam pa thams cad mkhyen pa nyid dang ldan pa'i yid la bya ba la/ sems rtse gcig tu byed de/ de la dmigs pa gcig pa'i phyir/ nyan thos dang / rang sangs rgyas dang ldan pa'i yid la bya ba rnams kyi go mi 'byed cing / dge ba'i rtsa ba de yang sems can thams cad dang thun mong du byas te/ bla na med pa yang dag par rdzogs pa'i byang chub tu yongs su bsngo ba 'di ni/ byang chub sems dpa' sems dpa' chen po bsam gtan gyi pha rol du phyin pa la spyod pa'i/ bsam gtan gyi pha rol du phyin pa'i go cha'o/ /tshe dang ldan pa shA ra dwa ti'i bu gzhan yang byang chub sems dpa' sems dpa' chen po bsam gtan gyi pha rol du phyin pa la spyod cing / chos thams cad la sgyu mar byas pa'i 'du shes nye bar gnas te/ bsam gtan des kyang rlom sems su mi byed cing / bsam gtan de yang mi dmigs te/ dge ba'i rtsa ba de yang sems can thams cad dang thun mong du byas shing / bla na med pa yang dag par rdzogs pa'i byang chub tu yongs su bsngo ba 'di ni/ byang chub sems dpa' sems dpa' chen po bsam gtan gyi pha rol du phyin pa la spyod pa'i/ shes rab kyi pha rol du phyin pa'i go cha'o/ /tshe dang ldan pa shA ra dwa ti'i bu gang byang chub sems dpa' sems dpa' chen po/ rnam pa thams cad mkhyen pa nyid dang ldan pa'i yid la bya bas/ pha rol du phyin pa de dag dang / sems can</font><hr>30.199a<br><font size=+1>

dang / byang chub la mtshan mar mi byed cing / mi dmigs pa 'di ni/ byang chub sems dpa' sems dpa' chen po bsam gtan gyi pha rol du phyin pa la spyod pa'i/ pha rol du phyin pa drug gi go cha'o/ /tshe dang ldan pa shA ra dwa ti'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod cing / nyan thos dang / rang sangs rgyas dang ldan pa'i yid la bya bas ma yin gyi/ rnam pa thams cad mkhyen pa nyid dang ldan pa'i yid la bya bas/ 'khor gsum yongs su dag pa'i sbyin pa yongs su gtong zhing / dge ba'i rtsa ba de yang sems can thams cad dang thun mong du byas te/ bla na med pa yang dag par rdzogs pa'i byang chub tu yongs su bsngo ba 'di ni/ byang chub sems dpa' sems dpa' chen po shes rab kyi pha rol du phyin pa la spyod pa'i/ sbyin pa'i pha rol du phyin pa'i go cha'o/ /tshe dang ldan pa shA ra dwa ti'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod cing / nyan thos dang / rang sangs rgyas dang ldan pa'i yid la bya bas ma yin gyi/ rnam pa thams cad mkhyen pa nyid dang ldan pa'i yid la bya bas/ tshul khrims yongs su srung zhing / dge ba'i rtsa ba de yang sems can thams cad dang thun mong du byas te/ bla na med pa yang dag par rdzogs pa'i byang chub tu yongs su bsngo ba 'di ni/ byang chub sems dpa' sems dpa' chen po shes rab kyi pha rol du phyin pa la spyod pa'i/ tshul khrims kyi pha rol du phyin pa'i go cha'o/ /tshe dang ldan pa shA ra dwa ti'i bu gzhan yang byang chub sems dpa' sems dpa' chen po/ shes rab kyi pha rol du phyin pa la spyod cing / nyan thos dang / rang sangs rgyas dang ldan pa'i yid la bya bas ma yin gyi/ rnam pa thams cad mkhyen pa nyid dang ldan pa'i yid la bya bas/ chos de dag la de ltar</font><hr>30.199b<br><font size=+1>

bzod pa la gnas shing rten te/ dge ba'i rtsa ba de yang sems can thams cad dang thun mong du byas shing / bla na med pa yang dag par rdzogs pa'i byang chub tu yongs su bsngo ba 'di ni/ byang chub sems dpa' sems dpa' chen po shes rab kyi pha rol du phyin pa la spyod pa'i/ bzod pa'i pha rol du phyin pa'i go cha'o/ /tshe dang ldan pa shA ra dwa ti'i bu gzhan yang byang chub sems dpa' sems dpa' chen po/ nyan thos dang / rang sangs rgyas dang ldan pa'i yid la bya bas ma yin gyi/ rnam pa thams cad mkhyen pa nyid dang ldan pa'i yid la bya bas/ brtson 'grus nyam par mi byed cing / dge ba'i rtsa ba de yang sems can thams cad dang thun mongs du byas te/ bla na med pa yang dag par rdzogs pa'i byang chub tu yongs su bsngo ba 'di ni/ byang chub sems dpa' sems dpa' chen po shes rab kyi pha rol du phyin pa la spyod pa'i/ brtson 'grus kyi pha rol du phyin pa'i go cha'o/ /tshe dang ldan pa shA ra dwa ti'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod cing / nyan thos dang / rang sangs rgyas dang ldan pa'i yid la bya bas ma yin gyi/ rnam pa thams cad mkhyen pa nyid dang ldan pa'i yid la bya bas/ sems rtse gcig tu byed cing / dge ba'i rtsa ba de yang sems can thams cad dang thun mong du byas te/ bla na med pa yang dag par rdzogs pa'i byang chub tu yongs su bsngo ba 'di ni/ byang chub sems dpa' sems dpa' chen po shes rab kyi pha rol du phyin pa la spyod pa'i/ bsam gtan gyi pha rol du phyin pa'i go cha'o/ /tshe dang ldan pa shA ra dwa ti'i bu gzhan yang byang chub sems dpa' sems dpa' chen po shes rab kyi pha rol du phyin pa la spyod cing / chos thams cad la sgyu mar byas pa'i 'du shes nye bar gnas te/ nyan thos dang / rang sangs rgyas dang ldan pa'i yid la bya bas ma yin gyi/ rnam pa thams cad mkhyen pa nyid</font><hr>30.200a<br><font size=+1>

dang ldan pa'i yid la bya bas/ shes rab kyi pha rol du phyin pa la rlom sems su mi byed de/ dge ba'i rtsa ba de yang sems can thams cad dang thun mong du byas shing / bla na med pa yang dag par rdzogs pa'i byang chub tu yongs su bsngo ba 'di ni/ byang chub sems dpa' sems dpa' chen po shes rab kyi pha rol du phyin pa la spyod pa'i/ shes rab kyi pha rol du phyin pa'i go cha ste/ tshe dang ldan pa shA ra dwa ti'i bu gang byang chub sems dpa' sems dpa' chen po rnam pa thams cad mkhyen pa nyid dang ldan pa'i sems kyis/ pha rol du phyin pa 'di dag dang / sems can dang / byang chub la mtshan mar mi byed cing / mi dmigs pa 'di ni/ byang chub sems dpa' sems dpa' chen po shes rab kyi pha rol du phyin pa la spyod pa'i/ pha rol du phyin pa drug gi go cha chen po'o/ /tshe dang ldan pa shA ra dwa ti'i bu de ltar byang chub sems dpa' sems dpa' chen po/ pha rol du phyin pa re re la gnas shing / pha rol du phyin pa drug po thams cad yongs su rdzogs par byed do/ /tshe dang ldan pa shA ra dwa ti'i bu gzhan yang byang chub sems dpa' sems dpa' chen po bsam gtan dang / tshad med pa dang / gzugs med pa'i snyoms par 'jug pa rnams la yang mnyam par gzhog ste/ bsam gtan dang / tshad med pa dang / gzugs med pa'i snyoms par 'jug pa rnams kyi ro yang myong bar mi byed do/ /bsam gtan dang / tshad med pa dang / gzugs med pa de dag gis kyang mi 'phrogs te/ bsam gtan dang / tshad med pa dang / gzugs med pa'i snyoms par 'jug pa'i dbang gis kyang mi skye'o/ /tshe dang ldan pa shA ra dwa ti'i bu 'di ni byang chub sems dpa' sems dpa' chen po'i shes rab kyi pha rol du phyin pa/ thabs mkhas pa dang 'grogs pa'o/ /tshe dang ldan pa shA ra dwa ti'i bu gzhan yang byang chub sems dpa' sems dpa' chen po/ bsam gtan dang / tshad med pa dang / gzugs med pa'i snyoms</font><hr>30.200b<br><font size=+1>

par 'jug pa dag la dben pa mthong ba dang / stong pa nyid dang / mtshan ma med pa dang / smon pa med pa mthong bas mnyam par gzhog ste/ de dag gi dbang gis kyang mi skye/ yang dag pa'i mtha' mngon du yang mi byed de/ nyan thos dang / rang sangs rgyas thams cad kyang zil gyis gnon to/ /tshe dang ldan pa shA ra dwa ti'i bu 'di ni byang chub sems dpa' sems dpa' chen po shes rab kyi pha rol du phyin pa la spyod pa'i thabs mkhas pa'i go cha chen po ste/ tshe dang ldan pa shA ra dwa ti'i bu de ltar na/ byang chub sems dpa' sems dpa' chen po go cha chen po bgos pa zhes bya'o/ /tshe dang ldan pa shA ra dwa ti'i bu/ byang chub sems dpa' sems dpa' chen po de ltar go cha chen po bgos pa la/ shar phyogs dang / lho dang / nub dang / byang dang / byang shar dang / shar lho dang / lho nub dang / nub byang dang 'og dang / steng gi phyogs kyi phyogs re re'i 'jig rten gyi khams gang gA'i klung gi bye ma snyed dag na/ sangs rgyas bcom ldan 'das bzhugs pa rnams kyang ched du brjod pa ched du brjod cing / ming yongs su sgrog pa mdzad de/ 'jig rten gyi khams che ge mo zhig na/ byang chub sems dpa' sems dpa' chen po go cha chen po bgos pa 'di lta bu zhig sems can yongs su smin par byed do/ /sangs rgyas kyi zhing yongs su dag par byed do/ /rdzu 'phrul gyis rnam par rtse'o zhes sgra brjod pa mdzad de/ dbyangs rjes su sgrog go/ /smras pa/ tshe dang ldan pa gang po ji tsam gyis na/ byang chub sems dpa' sems dpa' chen po theg pa chen po la yang dag par zhugs zhes bya/ byang chub sems dpa' sems dpa' chen po'i theg pa chen po ni gang yin/ gang pos smras pa/ tshe dang ldan pa shA ra dwa ti'i bu 'di la byang chub sems dpa' sems dpa' chen po/ pha rol du phyin pa drug la spyod de/ de sbyin pa'i pha rol du phyin pa la spyod cing / 'dod pas dben/ sdig to mi dge ba'i chos kyis dben pa/ rtog pa dang</font><hr>30.201a<br><font size=+1>

bcas/ dpyod pa dang bcas pa/ dben pa las skyes pa'i dga' ba dang bde ba can/ bsam gtan dang po la nye bar bsgrubs te gnas so/ /de bzhin du bsam gtan gnyis pa dang / gsum pa dang / bzhi pa la nye bar bsgrubs te gnas so/ /de byams pa dang ldan pa'i sems rgya chen po/ shin du yangs pa/ mi gnyis pa/ tshad med pa/ gcugs med pa/ gnod pa med pa/ ltod pa med pa/ yongs su rdzogs pa shin du bsgoms pas/ 'jig rten chos kyi dbyings kyis klas pa/ nam mkha'i mthas gtugs pa'i phyogs bcur rgyas par bkang ste/ mos par byas shing / rnam par spyod do/ /de snying rje dang ldan pa dang / dga' ba dang ldan pa dang / btang snyoms dang ldan pa'i sems rgya chen po shin du yangs pa/ mi gnyis pa/ tshad med pa/ gcugs med pa/ gnod pa med pa/ ltod pa med pa/ yongs su rdzogs pa/ shin du bsgoms pas/ 'jig rten chos kyi dbyings kyis klas pa/ nam mkha'i mthas gtugs pa'i phyogs bcu rgyas par bkang ste/ mos par byas shing rnam par spyod do/ /de tshad med pa 'di dag dang / gzugs med pa na yod pa 'di dag la/ nam mkha'i rnam pa dang / tshul dang / mtshan mas mnyam par gzhog cing / rnam pa thams cad mkhyen pa nyid du yongs su bsngo ba 'di ni/ byang chub sems dpa' sems dpa' chen po'i sbyin pa'i pha rol du phyin pa'o/ /de bzhin du tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa ste/ tshe dang ldan pa shA ra dwa ti'i bu de ltar na/ byang chub sems dpa' sems dpa' chen po theg pa chen po la yang dag par zhugs pa zhes bya'o/ /tshe dang ldan pa shA ra dwa ti'i bu gzhan yang byang chub sems dpa' sems dpa' chen po byams pa dang ldan pa'i sems rgya chen po/ shin du yangs pa/ mi gnyis</font><hr>30.201b<br><font size=+1>

tshad med pa/ gcugs med pa/ gnod pa med pa/ ltod pa med pa/ yongs su rdzogs pa/ shin du bsgoms pas/ 'jig rten chos kyi dbyings kyis klas pa/ nam mkha'i mthas gtugs pa'i phyogs bcu rgyas par bkang ste/ mos par byas shing rnam par spyod do/ /snying rje dang ldan pa dang / dga' ba dang ldan pa dang / btang snyoms dang ldan pa'i sems rgya chen po/ shin du yangs pa/ mi gnyis pa/ tshad med pa/ gcugs med pa/ gnod pa med pa/ ltod pa med pa/ yongs su rdzogs pa/ shin du bsgoms pas/ 'jig rten chos kyi dbyings kyis klas pa/ nam mkha'i mthas gtugs pa'i phyogs bcu rgyas par bkang ste/ mos par byas shing rnam par spyod do/ /de 'dod pas dben/ sdig to mi dge ba'i chos kyis dben pa/ rtog pa dang bcas/ dpyod pa dang bcas pa/ dben pa las skyes pa'i dga' ba dang bde ba can/ bsam gtan dang po la nye bar bsgrubs te gnas so/ /de bzhin du bsam gtan gnyis pa dang / gsum pa dang / bzhi pa la nye bar bsgrubs te gnas so/ /nam mkha' mtha' yas skye mched dang / rnam shes mtha' yas skye mched dang / cung zad med pa'i skye mched dang / 'du shes med 'du shes med min skye mched la nye bar bsgrubs te gnas so/ /'di ni byang chub sems dpa' sems dpa' chen po'i ting nge 'dzin to/ /byang chub sems dpa' sems dpa' chen po de rnam pa thams cad mkhyen pa nyid dang ldan pa'i sems snying rje chen po sngon du 'gro bas/ nyon mongs pa rab tu spang ba'i phyir/ bsam gtan dang / tshad med pa dang / gzugs med pa'i snyoms par 'jug pa de dag gzhan la rjod cing / 'chad pa dang / ston cing 'grel la/ rnam par 'byed cing gsal bar byed de/ de dag gi ro dang / de dag gi skyon dang / 'byung ba yang tshul bzhin du ston pa 'di ni/ byang chub sems dpa' sems dpa' chen po'i sbyin pa'i pha rol du phyin pa'o/ /nam byang chub sems dpa'</font><hr>30.202a<br><font size=+1>

sems dpa' chen po rnam pa thams cad mkhyen pa nyid dang ldan pa'i yid la bya ba de dag gis/ bsam gtan dang / tshad med pa dang / gzugs med pa'i snyoms par 'jug pa de dag la mnyam par gzhog cing / rnam par ldang yang / 'di lta ste/ nyan thos sam/ rang sangs rgyas kyi sems sam/ sems bskyed pa gzhan gyi go mi 'byed pa 'di ni/ byang chub sems dpa' sems dpa' chen po'i tshul khrims kyi pha rol du phyin pa ma nyams pa'o/ /de ltar byang chub sems dpa' sems dpa' chen po rnam pa thams cad mkhyen pa nyid dang ldan pa'i yid la bya bas/ bsam gtan dang / tshad med pa dang / gzugs med pa'i snyoms par 'jug pa de dag gis rnam par spyod pa'i tshe 'di snyam ste/ sems can thams cad kyi nyon mongs pa zad par bya ba'i phyir/ chos bstan to snyam du sems shing / yid la bya ba de dag la bzod pa dang / mos pa dang / rtog pa dang / sems shing khong du chud par byed pa 'di ni/ byang chub sems dpa' sems dpa' chen po'i bzod pa'i pha rol du phyin pa'o/ /nam byang chub sems dpa' sems dpa' chen po rnam pa thams cad mkhyen pa nyid dang ldan pa'i yid la bya bas/ bsam gtan dang / tshad med pa dang / gzugs med pa'i snyoms par 'jug pa de dag gis rnam par spyod pa'i tshe/ sems can thams cad kyi don dang / rnam pa thams cad mkhyen pa nyid kyi phyir/ brtson 'grus nyam par mi byed pa 'di ni/ byang chub sems dpa' sems dpa' chen po'i brtson 'grus kyi pha rol du phyin pa'o/ /nam byang chub sems dpa' sems dpa' chen po rnam pa thams cad mkhyen pa nyid dang ldan pa'i yid la bya bas/ bsam gtan dang / rnam par thar pa dang / ting nge 'dzin dang / snyoms par 'jug pa rnams la mnyam par gzhog cing / rnam par ldang yang / nyan thos kyi sa 'am/ rang sangs rgyas kyi sar mi ltung ba 'di ni/ byang chub sems dpa' sems dpa' chen po'i bsam gtan gyi</font><hr>30.202b<br><font size=+1>

pha rol du phyin pa'o/ /nam byang chub sems dpa' sems dpa' chen po rnam pa thams cad mkhyen pa nyid dang ldan pa'i yid la bya bas bsam gtan dang po'i yan lag dang / bsam gtan gnyis pa dang / gsum pa dang / bzhi pa'i yan lag dang / bsam gtan gyi yan lag mi rtag pa'i rnam pa dang / sdug bsngal ba'i rnam pa dang / bdag med pa'i rnam pa dang / zhi ba'i rnam pa dang / stong pa'i rnam pa dang / mtshan ma med pa'i rnam pa dang / smon pa med pa'i rnam pa rab tu rtog kyang / bsam gtan dang / tshad med pa dang / gzugs med pa'i snyoms par 'jug pa de dag mi dmigs shing / de dag gis rlom sems med pa 'di ni/ byang chub sems dpa' sems dpa' chen po'i shes rab kyi pha rol du phyin pa ste/ tshe dang ldan pa shA ra dwa ti'i bu 'di ni byang chub sems dpa' sems dpa' chen po/ shes rab kyi pha rol du phyin pa la spyod pa'i theg pa chen po'o/ /de ltar na byang chub sems dpa' sems dpa' chen po theg pa chen po la yang dag par zhugs pa yin no/ /tshe dang ldan pa shA ra dwa ti'i bu gzhan yang byang chub sems dpa' sems dpa' chen po'i theg pa chen po ni/ rnam pa thams cad du byang chub kyi phyogs kyi chos sum bcu rtsa bdun sgom pa dang / rnam pa thams cad du 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa rnams dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa rnams sgom pa dang / rnam pa thams cad du/ rnam pa thams cad mkhyen pa nyid kyi bar du sgom pa ste/ tshe dang ldan</font><hr>30.203a<br><font size=+1>

pa shA ra dwa ti bu 'di ni/ byang chub sems dpa' sems dpa' chen po'i theg pa chen po'o/ /tshe dang ldan pa shA ra dwa ti'i bu gzhan yang byang chub sems dpa' sems dpa' chen po byams pa'i ting nge 'dzin la mnyam par gzhog cing / bdag gis sems can thams cad yongs su bskyab par bya'o zhes/ de la gzhol bar byed do/ /snying rje'i ting nge 'dzin la mnyam par gzhog cing / sems can rnams la snying rje ba dang / snying brtse ba'i nyams su byed do/ /dga' ba'i ting nge 'dzin la mnyam par gzhog cing / bdag nyid kyis sems can thams cad dgrol bar bya'o zhes sems can rnams la sems so/ /btang snyoms kyi ting nge 'dzin la mnyam par gzhog cing / sems can rnams kyi zag pa zad par bya ba la rab tu gzhol bar byed de/ 'di ni byang chub sems dpa' sems dpa' chen po tshad med pa rnams la spyod pa'i sbyin pa'i pha rol du phyin pa'o/ /nam byang chub sems dpa' sems dpa' chen po/ bsam gtan dang / tshad med pa rnams kyi rnam pa dang / tshul dang / mtshan ma la mnyam par gzhog cing / rnam par ldang yang / rnam pa thams cad mkhyen pa nyid du bsngo ba ma gtogs par nyan thos kyi sa dang / rang sangs rgyas kyi sar yongs su mi bsngo ba 'di ni/ byang chub sems dpa' sems dpa' chen po tshad med pa rnams la spyod pa'i/ tshul khrims kyi pha rol du phyin pa yongs su ma nyams pa'o/ /nam byang chub sems dpa' sems dpa' chen po bsam gtan dang / tshad med pa dang / gzugs med pa'i snyoms par 'jug pa de dag gis ma 'dres par rnam par spyod cing / sa gnyis po/ nyan thos kyi sa 'am/ rang sangs rgyas kyi sar 'dod pa mi skyed kyi/ rnam pa thams cad mkhyen pa nyid du mos shing dga' ba 'di ni/ byang chub sems dpa' sems dpa' chen po tshad med pa rnams la spyod pa'i/ bzod pa'i pha rol du phyin pa'o/ /nam byang chub sems dpa'</font><hr>30.203b<br><font size=+1>

sems dpa' chen po rnam pa thams cad mkhyen pa nyid dang ldan pa'i sems bskyed pas/ mi dge ba'i chos rnams rab tu spang ba dang / dge ba'i chos phun sum tshogs par bya ba'i don du/ brtson 'grus mi gtong bas rnam par spyod pa 'di ni/ byang chub sems dpa' sems dpa' chen po tshad med pa rnams la spyod pa'i brtson 'grus kyi pha rol du phyin pa'o/ /nam byang chub sems dpa' sems dpa' chen po bsam gtan dang / tshad med pa dang / gzugs med pa'i snyoms par 'jug pa 'di dag la yang mnyam par gzhog la/ bsam gtan dang / tshad med pa dang / gzugs med pa'i snyoms par 'jug pa'i dbang gis kyang mi skye zhing / de dag gi ro myong bar byed pa yang med la/ de dag gis 'phrogs par yang mi 'gyur ba 'di ni/ byang chub sems dpa' sems dpa' chen po tshad med pa rnams la spyod pa'i/ bsam gtan gyi pha rol du phyin pa'o/ /nam byang chub sems dpa' sems dpa' chen po rnam pa thams cad mkhyen pa nyid dang ldan pa'i yid la bya bas/ bsam gtan dang / tshad med pa dang / gzugs med pa'i snyoms par 'jug pa de dag la yang mnyam par gzhog cing / rnam par ldang la/ de dag la mi rtag pa'i rnam pa dang / sdug bsngal ba'i rnam pa dang / bdag med pa'i rnam pa dang / zhi ba'i rnam pa dang / stong pa'i rnam pa dang / mtshan ma med pa'i rnam pa dang / smon pa med pa'i rnam par rab tu rtog kyang / nyan thos dang / rang sangs rgyas kyi skyon med par yang 'jug par mi byed pa 'di ni/ byang chub sems dpa' sems dpa' chen po'i shes rab kyi pha rol du phyin pa ste/ tshe dang ldan pa shA ra dwa ti'i bu 'di ni byang chub sems dpa' sems dpa' chen po'i theg pa chen po'o/ /tshe dang ldan pa shA ra dwa ti'i bu gzhan yang byang chub sems dpa' sems dpa' chen po'i thegs pa chen po ni/ nang stong pa nyid shes kyang dmigs pa'i tshul gyis ma yin/ phyi stong pa nyid dang / phyi nang stong pa nyid dang / dngos po med pa'i</font><hr>30.204a<br><font size=+1>

ngo bo nyid stong pa nyid kyi bar du shes kyang / dmigs pa'i tshul gyis ma yin pa ste/ tshe dang ldan pa shA ra dwa ti'i bu 'di ni byang chub sems dpa' sems dpa' chen po'i theg pa chen po'o/ /tshe dang ldan pa shA ra dwa ti'i bu gzhan yang byang chub sems dpa' sems dpa' chen po'i theg pa chen po ni/ chos thams cad la sems rnam par mi 'khrug cing / mnyam par gzhag par shes pa ste/ tshe dang ldan pa shA ra dwa ti'i bu 'di ni byang chub sems dpa' sems dpa' chen po'i theg pa chen po'o/ /tshe dang ldan pa shA ra dwa ti'i bu gzhan yang byang chub sems dpa' sems dpa' chen po'i theg pa chen po ni/ rtag ces bya bas shes pa mi 'jug /mi rtag pa dang / bde ba dang / sdug bsngal ba dang / bdag dang / bdag med pa dang / sdug pa dang / mi sdug ces bya bar shes pa mi 'jug pa ste/ tshe dang ldan pa shA ra dwa ti'i bu 'di ni/ de mi dmigs pa'i tshul du/ byang chub sems dpa' sems dpa' chen po'i theg pa chen po'o/ /tshe dang ldan pa shA ra dwa ti'i bu gzhan yang byang chub sems dpa' sems dpa' chen po'i theg pa chen po ni/ gang 'das pa'i dus la ye shes mi 'jug pa dang / ma 'ongs pa'i dus la ye shes mi 'jug pa dang / da ltar byung ba'i dus la ye shes mi 'jug pa ste/ de yang mi dmigs pa'i tshul gyis/ dus gsum la ye shes mi 'jug pa 'di ni/ tshe dang ldan pa shA ra dwa ti'i bu 'di yang byang chub sems dpa' sems dpa' chen po'i theg pa chen po'o/ /tshe dang ldan pa shA ra dwa ti'i bu gzhan yang byang chub sems dpa' sems dpa' chen po'i theg pa chen po ni/ 'dod pa'i khams su shes pa 'jug par mi byed/ gzugs dang / gzugs med pa'i khams su shes pa 'jug par mi byed la/ 'dod pa dang / gzugs dang / gzugs med pa'i khams mi shes pa yang med pa ste/ tshe dang ldan pa shA ra dwa ti'i bu 'di yang / de mi dmigs pa'i tshul gyis/ byang chub sems dpa' sems</font><hr>30.204b<br><font size=+1>

dpa' chen po'i theg pa chen po'o/ /tshe dang ldan pa shA ra dwa ti'i bu gzhan yang byang chub sems dpa' sems dpa' chen po'i theg pa chen po ni/ 'jig rten pa dang / 'jig rten las 'das pa'i chos la yang shes pa 'jug par mi byed/ zag pa dang bcas pa dang / zag pa med pa dang / 'dus byas dang / 'dus ma byas kyi chos la yang shes pa 'jug par mi byed kyang / 'jig rten pa dang / 'jig rten las 'das pa'i chos mi shes pa yang med/ zag pa dang bcas pa dang / zag pa med pa dang / 'dus byas dang / 'dus ma byas kyi chos rnams kyang mi shes pa med pa ste/ tshe dang ldan pa shA ra dwa ti'i bu 'di yang de mi dmigs pa'i tshul du/ byang chub sems dpa' sems dpa' chen po'i theg pa chen po'o/ /smras pa/ tshe dang ldan pa gang po ji tsam gyis na/ byang chub sems dpa' sems dpa' chen po theg pa chen po la gnas zhes bya/ gang pos smras pa/ tshe dang ldan pa shA ra dwa ti'i bu 'di la byang chub sems dpa' sems dpa' chen po shes rab kyi pha rol du phyin pa la spyod pa'i tshe/ sbyin pa'i pha rol du phyin pa la yang dag par gnas kyang / des sbyin pa yang mi dmigs/ sbyin pa'i pha rol du phyin pa la yang mi dmigs/ byang chub sems dpa' yang mi dmigs/ len pa yang mi dmigs/ yid la byed pa de dag kyang mi dmigs te/ de ltar na byang chub sems dpa' sems dpa' chen po mi dmigs pa'i tshul gyis/ sbyin pa'i pha rol du phyin pa la yang dag par gnas zhes bya'o/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol tu phyin pa dang / shes rab kyi pha rol du phyin pa la spyod pa'i tshe/ shes rab kyi pha rol du phyin pa la yang dag par gnas kyang / des dge ba'i chos kyang mi dmigs/ mi dge ba dang / 'jig rten pa dang / 'jig rten las 'das pa dang / 'dus byas dang / 'dus ma byas dang / zag pa dang bcas pa dang / zag pa med pa'i</font><hr>30.205a<br><font size=+1>

chos kyang mi dmigs shing / shes rab kyang mi dmigs/ shes rab kyi pha rol du phyin pa yang mi dmigs/ byang chub sems dpa' yang mi dmigs/ yid la bya ba de dag kyang mi dmigs te/ de ltar na byang chub sems dpa' sems dpa' chen po mi dmigs pa'i tshul gyis/ shes rab kyi pha rol du phyin pa la yang dag par gnas zhes bya'o/ /tshe dang ldan pa shA ra dwa ti'i bu gzhan yang byang chub sems dpa' sems dpa' chen po rnam pa thams cad mkhyen pa nyid dang ldan pa'i yid la bya ba ma 'dres pas/ bsgom pa rnam par bsgom pa'i don du de mi dmigs pa'i tshul gyis/ nang stong pa nyid sgom mo/ /rnam pa thams cad mkhyen pa nyid dang ldan pa'i yid la bya ba ma 'dres pas/ bsgom pa rnam par bsgom pa'i don du/ de mi dmigs pa'i tshul gyis phyi stong pa nyid sgom mo/ /rnam pa thams cad mkhyen pa nyid dang ldan pa'i yid la bya ba ma 'dres pas/ bsgom pa rnam par bsgom pa'i don du/ de mi dmigs pa'i tshul gyis phyi nang stong pa nyid sgom mo/ /rnam pa thams cad mkhyen pa nyid dang ldan pa'i yid la bya ba ma 'dres pas/ bsgom pa rnam par bsgom pa'i don du de mi dmigs pa'i tshul gyis/ dngos po med pa'i ngo bo nyid stong pa nyid kyi bar du sgom mo/ /tshe dang ldan pa shA ra dwa ti'i bu gzhan yang byang chub sems dpa' sems dpa' chen po rnam pa thams cad mkhyen pa nyid dang ldan pa'i yid la bya ba ma 'dres pas bsgom pa rnam par bsgom pa'i don du/ de mi dmigs pa'i tshul gyis/ byang chub kyi phyogs kyi chos rnams sgom mo/ /rnam pa thams cad mkhyen pa nyid dang ldan pa'i yid la bya ba ma 'dres pas/ bsgom pa rnam par bsgom pa'i don du/ de mi dmigs pa'i tshul gyis/ 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms</font><hr>30.205b<br><font size=+1>

par 'jug pa dgu dang / stong pa nyid dang / mtshan ma med pa dang / smon pa med pa'i ting nge 'dzin sgom mo/ /rnam pa thams cad mkhyen pa nyid dang ldan pa'i yid la bya ba ma 'dres pas/ bsgom pa rnam par bsgom pa'i don du/ de mi dmigs pa'i tshul gyis/ mngon par shes pa rnams dang / ting nge 'dzin rnams dang / gzungs kyi sgo rnams sgom mo/ /rnam pa thams cad mkhyen pa nyid dang ldan pa'i yid la bya ba ma 'dres pas bsgom pa rnam par bsgom pa'i don du/ de mi dmigs pa'i tshul gyis/ de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad sgom mo/ /tshe dang ldan pa shA ra dwa ti'i bu de ltar na byang chub sems dpa' sems dpa' chen po theg pa chen po la yang dag par gnas zhes bya'o/ /tshe dang ldan pa shA ra dwa ti'i bu gzhan yang byang chub sems dpa' sems dpa' chen pos 'di ltar byang chub sems dpa' dmigs su med pa'i phyir/ 'di lta ste/ byang chub sems dpa' zhes bya ba 'di ni tha snyad tsam du zad do zhes bya bar shes so/ /gzugs dmigs su med pa'i phyir gzugs zhes bya ba 'di ni ming tsam du zad do/ /tshor ba dang / 'du shes dang / 'du byed dang / rnam par shes pa dmigs su med pa'i phyir/ rnam par shes pa zhes bya ba 'di ni ming tsam du zad do/ /mig mi dmigs pa'i phyir/ mig ces bya ba 'di ni ming tsam du zad do/ /de bzhin du rna ba dang / sna dang / lce dang / lus dang / yid mi dmigs pa'i phyir/ yid ces bya ba 'di ni ming tsam du zad do/ /skye mched dang khams dang / rten cing 'brel bar 'byung ba dmigs su med pa'i phyir/ rten cing 'brel ba 'byung ba zhes bya ba 'di ni ming tsam du zad do/ /sbyin pa'i pha rol du phyin pa dmigs su med pa'i phyir/ sbyin pa'i pha rol du phyin pa zhes bya ba 'di ni ming tsam du zad</font><hr>30.206a<br><font size=+1>

do/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa dmigs su med pa'i phyir/ shes rab kyi pha rol du phyin pa zhes bya ba 'di ni ming tsam du zad do/ /nang stong pa nyid dmigs su med pa'i phyir/ nang stong pa nyid ces bya ba 'di ni ming tsam du zad do/ /phyi stong pa nyid dmigs su med pa'i phyir/ phyi stong pa nyid ces bya ba 'di ni ming tsam du zad do/ /phyi nang stong pa nyid dmigs su med pa'i phyir/ phyi nang stong pa nyid ces bya ba 'di ni ming tsam du zad do/ /dngos po med pa'i ngo bo nyid stong pa nyid kyi bar du dmigs su med pa'i phyir/ dngos po med pa'i ngo bo nyid stong pa nyid ces bya ba 'di ni ming tsam du zad do/ /byang chub kyi phyogs kyi chos rnams dmigs su med pa'i phyir/ byang chub kyi phyogs kyi chos rnams zhes bya ba 'di ni ming tsam du zad do/ /'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa rnams dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams dmigs su med pa'i phyir/ sangs rgyas kyi chos ma 'dres pa bcwa brgyad ces bya ba 'di ni ming tsam du zad do/ /de bzhin nyid dmigs su med pa'i phyir/ de bzhin nyid ces bya ba 'di ni ming tsam du zad do/ /ma nor ba de bzhin nyid dang / gzhan ma yin pa de bzhin nyid dang / chos nyid dang / chos kyi dbyings nyid dang / chos kyi gnas nyid dang / chos skyon med pa nyid dang / yang dag pa'i mtha' dmigs su med pa'i phyir/ yang</font><hr>30.206b<br><font size=+1>

dag pa'i mtha' zhes bya ba 'di ni ming tsam du zad do/ /byang chub dmigs su med pa'i phyir/ byang chub ces bya ba 'di ni ming tsam du zad do/ /sangs rgyas dmigs su med pa'i phyir/ sangs rgyas zhes bya ba 'di ni ming tsam du zad do/ /zhes bya bar yang dag par shes te/ tshe dang ldan pa/ shA ra dwa ti'i bu de ltar na/ byang chub sems dpa' sems dpa' chen po theg pa chen po la yang dag par gnas zhes bya'o/ /tshe dang ldan pa shA ra dwa ti'i bu/ gzhan yang byang chub sems dpa' sems dpa' chen po sems dang po bskyed pa nas/ snying po byang chub la 'dug gi bar du/ mngon par shes pa thams cad yongs su rdzogs par byas shing / sems can yongs su smin par byed do/ /sangs rgyas bcom ldan 'das rnams la mchod pa dang / rim gro bya ba'i phyir/ tshul gang la gang 'os pa de dag gis/ sangs rgyas bcom ldan 'das rnams la rim gror bya ba dang / bkur stir bya ba dang / sti stang du bya ba dang / mchod pa'i phyir/ sangs rgyas kyi zhing nas sangs rgyas kyi zhing du 'gro'o/ /sangs rgyas bcom ldan 'das de dag las kyang / 'di lta ste/ byang chub sems dpa'i theg pa 'di nyid kyi chos nyan to/ /de byang chub sems dpa'i theg pa la gnas te/ sangs rgyas kyi zhing nas sangs rgyas kyi zhing du 'gro zhing / sangs rgyas kyi zhing yongs su dag par byed sems can rnams yongs su smin par byed kyang de la sangs rgyas kyi zhing gi 'du shes kyang mi 'byung / sems can gyi 'du shes kyang mi 'byung / sangs rgyas kyi 'du shes kyang mi 'byung ngo / /de gnyis su med pa'i sa la gnas shing / lus ji lta bus sems can rnams kyi don bya ba'i mthu yod pa de lta bu'i lus ched du bsams shing yongs su 'dzin to/ /de nam rnam pa thams cad mkhyen pa nyid kyi ye shes thob par ma gyur gyi bar du/ theg pa de dang nam du yang mi 'bral te/ des rnam pa thams cad mkhyen pa nyid kyi ye shes thob nas kyang / nyan thos dang / rang sangs rgyas thams cad dang / lha dang / klu dang / </font><hr>30.207a<br><font size=+1>

gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang mi ma yin pa dang bcas pa'i 'jig rten gyis bskor bar mi nus pa'i chos kyi 'khor lo rab tu skor ro/ /de bla na med pa yang dag par rdzogs pa'i byang chub tu mngon par rdzogs par sangs rgyas nas/ shar phyogs kyi 'jig rten gyi khams gang gA'i klung gi bye ma snyed dag na/ sangs rgyas bcom ldan 'das bzhugs pa rnams yon tan brjod pa mdzad cing / 'jig rten gyi khams che ge mo zhig tu/ byang chub sems dpa' sems dpa' chen po/ theg pa chen po bla na med pa'i theg pa/ theg pa'i mchog la gnas pa 'di zhes bya ba zhig /rnam pa thams cad mkhyen pa nyid thob ste/ rnam pa thams cad mkhyen pa nyid thob nas kyang / chos kyi 'khor lo skor bar byed do zhes grags pa sgrog cing / dbyangs su brjod pa mdzad do/ /lho dang / nub dang / byang dang / byang shar dang / shar lho dang / lho nub dang / nub byang dang / 'og dang / steng gi phyogs kyi phyogs re re zhing / 'jig rten gyi khams gang gA'i klung gi bye ma snyed dag na/ sangs rgyas bcom ldan 'das bzhugs pa rnams yon tan brjod pa mdzad cing / 'jig rten gyi khams che ge mo zhig tu/ byang chub sems dpa' sems dpa' chen po theg pa chen po/ bla na med pa'i theg pa/ theg pa'i mchog la gnas pa 'di zhes bya ba zhig /rnam pa thams cad mkhyen pa nyid thob ste/ rnam pa thams cad mkhyen pa nyid thob nas kyang / chos kyi 'khor lo skor bar byed do zhes grags pa sgrog cing / dbyangs su brjod pa mdzad do/ /de ltar na tshe dang ldan pa shA ra dwa ti'i bu byang chub sems dpa' sems dpa' chen po theg pa chen po la yang dag par gnas zhes bya'o/ /de nas tshe dang ldan pa rab 'byor gyis/ bcom ldan 'das la 'di skad ces gsol to/ /bcom ldan 'das go cha chen po bgos so/ /go cha chen po bgos so zhes bgyi na/ bcom ldan 'das ci tsam gyis na/ byang chub sems dpa' sems dpa' chen po go cha chen po</font><hr>30.207b<br><font size=+1>

bgos zhes bgyi ba lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor 'di la byang chub sems dpa' sems dpa' chen po theg pa chen po'i go cha chen po gyon cing / 'di lta ste/ sbyin pa'i pha rol du phyin pa'i go cha bgos/ tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa'i go cha bgos/ nang stong pa nyid kyi go cha bgos/ phyi stong pa nyid kyi go cha bgos/ phyi nang stong pa nyid kyi go cha bgos/ dngos po med pa'i ngo bo nyid stong pa nyid kyi bar gyi go cha bgos/ dran pa nye bar gzhag pa'i go cha bgos/ yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam gyi go cha bgos/ 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs gyi sgo dang / de bzhin gshegs pa'i stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa bcwa brgyad kyi go cha bgos/ rnam pa thams cad mkhyen pa nyid kyi go cha bgos/ sangs rgyas kyi sku'i go cha bgos nas/ stong gsum gyi stong chen po'i 'jig rten gyi khams 'di snang bas rgyas par bkang ste/ shar phyogs kyi 'jig rten gyi khams gang gA'i klung gi bye ma snyed snang bas rgyas par 'gengs so/ /lho phyogs dang / nub phyogs dang / byang phyogs dang / byang shar dang / shar lho dang / lho nub dang / nub byang dang / 'og dang / steng gi phyogs kyi phyogs re re zhing / 'jig rten gyi khams gang gA'i klung gi bye ma snyed snang bas rgyas par 'gengs so/ /stong gsum gyi stong chen po'i 'jig rten gyi khams 'di rnam pa drug tu rab tu</font><hr>30.208a<br><font size=+1>

skyod de/ shar phyogs kyi 'jig rten gyi khams gang gA'i klung gi bye ma snyed rnam pa drug tu rab tu skyod do/ /lho phyogs dang / nub phyogs dang / byang phyogs dang / byang shar dang / shar lho dang / lho nub dang / nub byang dang / 'og dang / steng gi phyogs kyi phyogs re re zhing / 'jig rten gyi khams gang gA'i klung gi bye ma snyed rnam pa drug tu rab tu bskyod do/ /des stong gsum gyi stong chen po'i 'jig rten gyi khams 'di na/ sems can dmyal ba'i me'i phung po ji snyed cig yod pa de dag thams cad med par byas te/ de bzhin gshegs pa dgra bcom pa yang dag par rdzogs pa'i sangs rgyas de la phyag 'tshal lo zhes bya ba'i sgra rjod do/ /dbyangs sgrog go/ /de'i tshe sems can dmyal ba pa'i sems can de dag kyang / sangs rgyas kyi sgra de thos nas/ dga' ba dang / bde ba thob ste/ de dag dga' ba dang / bde ba des sems can dmyal ba de dag nas rnam par ldang ngo / /de dag sems can dmyal ba de dag nas rnam par langs nas sangs rgyas kyi zhing gang dang gang na/ sangs rgyas bcom ldan 'das rnams bzhugs shing 'tsho skyong ba de dang de dag du skye'o/ /de bzhin du byol song gi skye gnas pa'i sems can rnams dang / gshin rje'i 'jig rten pa'i sems can de dag nas rnam par ldang ngo / /de dag byol song gi skye gnas dang / gshin rje'i 'jig rten de dag nas rnam par langs nas/ sangs rgyas kyi zhing gang dang gang na sangs rgyas bcom ldan 'das rnams bzhugs shing 'tsho skyong ba de dang de dag tu skye'o/ /rab 'byor 'di lta ste/ dper na/ sgyu ma'i mkhan po 'am/ sgyu ma'i mkhan po'i mchan bu mkhas pa zhig gis/ lam po che'i bzhi mdor 'dug ste/ skye bo mang po'i tshogs kyi mdun du/ sems can dmyal ba dang / byol song gi skye gnas dang / gshin rje'i 'jig rten dag cig mngon par sprul la/ de ltar mngon par sprul nas/ ngan song gi sems can de dag la sangs rgyas kyi sgra dang / chos kyi sgra dang / dge 'dun gyi sgra sgrog par 'gyur te/ de nas sprul pa</font><hr>30.208b<br><font size=+1>

de dag sangs rgyas kyi sgra dang / chos kyi sgra dang / dge 'dun gyi sgra des sems can dmyal ba dang byol song gi skye gnas dang / gshin rje'i 'jig rten de dag nas rnam par langs par gyur na/ rab 'byor de la ji snyam du sems/ sgyu ma'i mkhan po dang / sgyu ma'i mkhan po'i mchan bu des/ sems can gang yang sems can dmyal ba dang / byol song gi skye gnas dang / gshin rje'i 'jig rten de dag nas rnam par bslang ba yod dam/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor de bzhin du byang chub sems dpa' sems dpa' chen pos phyogs bcu'i 'jig rten gyi khams tshad med grangs med pa'i sems can rnams/ ngan song gsum las yongs su bkrol yang / sems can gang yang yongs su grol bar byas pa med do/ /de ci'i phyir zhe na/ rab 'byor sgyu ma'i chos nyid nye bar bzung na/ chos rnams kyi chos nyid kyis/ de bzhin pa'i phyir te/ rab 'byor de ltar na byang chub sems dpa' sems dpa' chen po go cha chen po bgos zhes bya'o/ /rab 'byor gzhan yang byang chub sems dpa' sems dpa' chen po go cha chen po bgos pa ni/ sbyin pa'i pha rol du phyin pa la gnas shing / stong gsum gyi stong chen po'i 'jig rten gyi khams bai dUr+ya'i rgyu las byung ba/ mngon par sprul par byed do/ /de ltar bai dUr+ya'i rgyu las byung ba mngon par sprul nas/ 'khor los sgyur ba'i srid mngon par sprul par byed do/ /de ltar 'khor los sgyur ba'i srid mngon par sprul nas/ zas 'dod pa rnams la zas kyi sbyin pa byed do/ /skom 'dod pa rnams la skom/ bzhon pa 'dod pa rnams la bzhon pa/ gos 'dod pa rnams la gos/ me tog 'dod pa rnams la me tog /phreng ba 'dod pa rnams la phreng ba/ spos 'dod pa rnams la spos/ byug pa 'dod pa rnams la byug pa/ mal cha 'dod pa rnams la mal cha/ khyim 'dod pa rnams la khyim/ 'tsho ba 'dod pa rnam la</font><hr>30.209a<br><font size=+1>

'tsho ba/ yo byad 'dod pa rnams la yo byad/ nad kyi rkyen rtsi dang yo byad 'dod pa rnams la/ rtsi dang yo byad kyi sbyin pa byed do/ /nor bu dang / mu tig dang / bai dUr+ya dang / dung dang / man shel dang / byi ru dang / gser dang / dngul 'dod pa rnams la/ nor bu dang mu tig dang / bai dUr+ya dang / dung dang / man shel dang / byi ru dang / gser dang / dngul gyi sbyin pa byed cing / mi'i yo byad gang ci yang rung ba'i bar du sbyin pa byed de/ des de ltar zas 'dod pa rnams la ni zas byin/ mi'i yo byad gang ci yang rung ba'i bar du byin nas/ sems can de dag la 'di lta ste/ pha rol du phyin pa drug dang ldan pa'i chos bstan pa 'di nyid kyi chos ston to/ /sems can de dag gis kyang chos bstan pa de thos nas/ bla na med pa yang dag par rdzogs pa'i byang chub tu sangs ma rgyas kyi bar du/ pha rol du phyin pa drug dang nam yang 'bral bar mi 'gyur ro/ /rab 'byor 'di lta ste/ dper na/ sgyu ma'i mkhan po 'am/ sgyu ma'i mkhan po'i mchan bu mkhas pa zhig gis/ lam po che'i bzhi mdor 'dug ste/ skye bo mang po'i tshogs kyi mdun du/ skye bo mang po'i tshogs zhig mngon par sprul te/ zas 'dod pa rnams la zas byin/ mi'i yo byad gang ci yang rung ba'i bar du byin na/ rab 'byor de la ji snyam du sems/ sgyu ma'i mkhan po 'am/ sgyu ma'i mkhan po'i mchan bu des sems can gang la yang ci yang byin pa yod dam/ gsol pa/ bcom ldan 'das de ni ma mchis so/ /bcom ldan 'das kyis bka' stsal pa/ rab 'byor de bzhin du byang chub sems dpa' sems dpa' chen pos/ 'khor los sgyur ba'i rgyal srid mngon par sprul te/ zas 'dod pa rnams la ni zas byin/ mi'i yo byad gang ci yang rung ba'i bar du byin yang / sems can gang la yang ci yang byin pa med do/ /de ci'i phyir zhe na/ rab 'byor de ni sgyu ma'i chos nyid nye bar bzung na/ chos rnams kyi chos nyid kyis de bzhin pa'i phyir te/ rab 'byor de lta bu'i byang chub sems</font><hr>30.209b<br><font size=+1>

dpa' sems dpa' chen po ni go cha chen po bgos pa zhes bya'o/ /rab 'byor gzhan yang byang chub sems dpa' sems dpa' chen po tshul khrims kyi pha rol du phyin pa la gnas shing / ched du bsams te/ skye bo yongs su bzung bas/ 'khor los sgyur ba'i rigs su skye zhing / de 'khor los sgyur ba'i dbang phyug de la gnas nas/ sems can rnams dge ba bcu'i las kyi lam la rab tu 'god do/ /bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / mngon par shes pa lnga dang / byang chub kyi phyogs kyi chos rnams dang / stong pa nyid dang / mtshan ma med pa dang / smon pa med pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / 'phags pa'i bden pa bzhi dang / ting nge 'dzin dang / gzungs kyi sgo thams cad dang / de bzhin gshegs pa'i stobs bcu dang mi 'jig pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad la sems can rnams rab tu 'god de/ sems can de dag kyang bla na med pa yang dag par rdzogs pa'i byang chub tu mngon par sangs rgyas par ma gyur gyi bar du/ chos bstan pa de dang nam yang 'bral bar mi 'gyur ro/ /rab 'byor 'di lta ste/ dper na/ sgyu ma'i mkhan po 'am/ sgyu ma'i mkhan po'i mchan bu mkhas pa zhig gis/ lam po che'i bzhi mdor 'dug ste/ skye bo mang po'i tshogs kyi mdun du/ skye bo mang po'i tshogs zhig mngon par sprul te/ sems can de dag dge ba bcu'i las kyi lam la bkod dam/ sangs rgyas kyi chos ma 'dres pa bcwa brgyad kyi bar la bkod na/ rab 'byor de la ji snyam du sems/ sgyu ma'i mkhan po 'am/ sgyu ma'i mkhan po'i mchan bu mkhas pa des/ sems can gang yang dge ba bcu'i las kyi lam la bkod pa yod dam/ sangs rgyas</font><hr>30.210a<br><font size=+1>

kyi chos ma 'dres pa bcwa brgyad kyi bar la bkod pa yod dam/ gsol pa/ bcom ldan 'das de ni ma mchis so/ /bcom ldan 'das kyis bka' stsal pa/ rab 'byor de bzhin du byang chub sems dpa' sems dpa' chen pos sems can tshad med grangs med pa/ dge ba bcu'i las kyi lam la rab tu bkod de/ sangs rgyas kyi chos ma 'dres pa bcwa brgyad kyi bar la bkod kyang / sems can gang yang de dag la bkod pa med do/ /rab 'byor de ci'i phyir zhe na/ de ni sgyu ma'i chos nyid nye bar bzung na/ chos rnams kyi chos nyid kyis de bzhin pa'i phyir te/ rab 'byor de lta bu'i byang chub sems dpa' sems dpa' chen po go cha chen po bgos pa zhes bya'o// //shes rab kyi pha rol du phyin pa stong phrag nyi shu lnga pa/ bam po bcwa lnga pa/ rab 'byor gzhan yang byang chub sems dpa' sems dpa' chen po bzod pa'i pha rol du phyin pa la gnas te/ sems can thams cad bzod pa'i pha rol tu phyin pa la sbyor zhing rab tu 'god do/ /rab 'byor ji ltar na byang chub sems dpa' sems dpa' chen po bzod pa'i pha rol tu phyin pa la gnas shing / sems can thams cad bzod pa'i pha rol du phyin pa la sbyor zhing rab tu 'god pa yin zhe na/ rab 'byor 'di la byang chub sems dpa' sems dpa' chen po sems dang po bskyed pa nas nye bar bzung ste/ brgya la sems can thams cad bdag la rdo dang / dbyig pas rdeg cing / mtshon gyis 'debs kyang / de la bdag gis 'khrug pa'i sems 'ga' tsam yang bskyed par mi bya'o/ /zhes go cha gyon cing / sems can thams cad kyang bzod pa de 'dra ba la rab tu 'god do/ /rab 'byor 'di lta ste dper na/ sgyu ma'i mkhan po 'am/ sgyu ma'i mkhan po'i mchan bu mkhas pa zhig gis/ </font><hr>30.210b<br><font size=+1>

lam po che'i bzhi mdor 'dug ste/ skye bo mang po'i tshogs kyi mdun du/ skye bo mang po'i tshogs zhig mngon par sprul te/ bzod pa'i pha rol du phyin pa la sbyor ba dang / rab tu dgod par byas na/ rab 'byor de la ji snyam du sems/ sgyu ma'i mkhan po 'am/ sgyu ma'i mkhan po'i mchan bu mkhas pa des/ sems can gang yang bzod pa'i pha rol du phyin pa la bkod pa yod dam/ gsol pa/ bcom ldan 'das de ni ma mchis so/ /bcom ldan 'das kyis bka' stsal pa/ rab 'byor de bzhin du byang chub sems dpa' sems dpa' chen pos sems can tshad med/ grangs med pa/ bzod pa'i pha rol du phyin pa la bkod kyang / sems can gang yang bzod pa'i pha rol du phyin pa la bkod pa med do/ /de ci'i phyir zhe na/ rab 'byor de ni sgyu ma'i chos nyid nye bar bzung na/ chos rnams kyi chos nyid kyis de bzhin pa'i phyir te/ rab 'byor de lta bu'i byang chub sems dpa' sems dpa' chen po ni go cha chen po bgos pa zhes bya'o/ /rab 'byor gzhan yang byang chub sems dpa' sems dpa' chen po brtson 'grus kyi pha rol du phyin pa la gnas shing / sems can thams cad brtson 'grus kyi pha rol du phyin pa la yang dag par skul zhing gzhog go/ /'god do/ /rab 'byor ji ltar na byang chub sems dpa' sems dpa' chen po brtson 'grus kyi pha rol du phyin pa la gnas shing / sems can thams cad brtson 'grus kyi pha rol tu phyin pa la yang dag par bskul ba dang / gzhog cing 'god pa yin zhe na/ rab 'byor 'di la byang chub sems dpa' sems dpa' chen po rnam pa thams cad mkhyen pa nyid dang ldan pa'i sems bskyed pas/ sems can thams cad lus dang / sems kyi brtson 'grus la yang dag par bskul zhing gzhog go/ /'god do/ /rab 'byor 'di lta ste/ dper na/ sgyu ma'i mkhan po 'am/ </font><hr>30.211a<br><font size=+1>

sgyu ma'i mkhan po'i mchan bu mkhas pa zhig gis/ lam po che'i bzhi mdor 'dug ste/ skye bo mang po'i tshogs kyi mdun du/ skye bo mang po'i tshogs zhig mngon par sprul te/ lus dang sems kyi brtson 'grus la bkod na/ rab 'byor de la ji snyams du sems/ sgyu ma'i mkhan po 'am/ sgyu ma'i mkhan po'i mchan bu mkhas pa des/ sems can gang yang lus dang sems kyi brtson 'grus la bkod pa yod dam/ gsol pa/ bcom ldan 'das de ni ma mchis so/ /bcom ldan 'das kyis bka' stsal pa/ rab 'byor de bzhin du byang chub sems dpa' sems dpa' chen pos sems can tshad med grangs med pa/ lus dang sems kyi brtson 'grus la bkod kyang / sems can gang yang lus dang / sems kyi brtson 'grus la bkod pa med do/ /de ci'i phyir zhe na/ rab 'byor de ni sgyu ma'i chos nyid nye bar bzung na/ chos rnams kyi chos nyid kyis de bzhin pa'i phyir te/ rab 'byor de lta bu'i byang chub sems dpa' sems dpa' chen po ni go cha chen po bgos pa zhes bya'o/ /rab 'byor gzhan yang byang chub sems dpa' sems dpa' chen po bsam gtan gyi pha rol du phyin pa la gnas shing / sems can thams cad bsam gtan gyi pha rol du phyin pa la yang dag par skul zhing gzhog go/ /'god do/ /rab 'byor ji ltar na byang chub sems dpa' sems dpa' chen po bsam gtan gyi pha rol du phyin pa la gnas te/ sems can thams cad bsam gtan gyi pha rol du phyin pa la yang dag par skul ba dang / gzhog cing 'god pa yin zhe na/ rab 'byor 'di la byang chub sems dpa' sems dpa' chen po chos thams cad kyi chos nyid la gnas shing / chos gang la yang 'khrug pa 'am/ 'khrug pa med par yang dag par rjes su mi mthong na/ bsam gtan gyi pha rol du phyin pa la gnas pa</font><hr>30.211b<br><font size=+1>

yin te/ de bzhin du sems can thams cad kyang bsam gtan gyi pha rol du phyin pa la yang dag par skul zhing gzhog pa dang / 'god pa byed de/ de ltar yang dag par bskul ba rnams kyang / nam bla na med pa yang dag par rdzogs pa'i byang chub tu mngon par rdzogs par sangs rgyas par ma gyur gyi bar du/ nam yang bsam gtan gyi pha rol du phyin pa dang bral bar mi 'gyur ro/ /rab 'byor 'di lta ste dper na/ sgyu ma'i mkhan po 'am/ sgyu ma'i mkhan po'i mchan bu mkhas pa zhig gis lam po che'i bzhi mdor 'dug ste/ skye bo mang po'i tshogs kyi mdun du/ skye bo mang po'i tshogs shig mngon par sprul te/ bsam gtan gyi pha rol du phyin pa la bkod na/ rab 'byor 'di la ji snyam du sems/ sgyu ma'i mkhan po 'am/ sgyu ma'i mkhan po'i mchan bu mkhas pa des/ sems can gang yang bsam gtan gyi pha rol du phyin pa la bkod pa yod dam/ gsol pa/ bcom ldan 'das de ni ma mchis so/ /bcom ldan 'das kyis bka' stsal pa/ rab 'byor de bzhin du byang chub sems dpa' sems dpa' chen po/ sems can thams cad bsam gtan gyi pha rol du phyin pa la bkod kyang / sems can gang yang bsam gtan gyi pha rol du phyin pa la bkod pa med do/ /de ci'i phyir zhe na/ rab 'byor de ni sgyu ma'i chos nyid nye bar bzung na/ chos rnams kyi chos nyid kyis de bzhin pa'i phyir te/ rab 'byor de lta bu'i byang chub sems dpa' sems dpa' chen po ni go cha chen po bgos pa zhes bya'o/ /rab 'byor gzhan yang byang chub sems dpa' sems dpa' chen po shes rab kyi pha rol du phyin pa la gnas shing / sems can thams cad shes rab kyi pha rol du phyin pa la yang dag par skul shing gzhog go/ /'god do/ /rab 'byor ji ltar na byang chub sems dpa' sems dpa' chen po shes rab kyi pha rol du phyin pa la gnas shing / sems can thams cad shes</font><hr>30.212a<br><font size=+1>

rab kyi pha rol du phyin pa la yang dag par skul ba dang / gzhog cing 'god pa yin zhe na/ rab 'byor 'di la byang chub sems dpa' sems dpa' chen po shes rab kyi pha rol du phyin pa la spyod pa'i tshe/ chos gang yang skye ba 'am/ 'gag pa 'am/ kun nas nyon mongs pa 'am/ rnam par byang ba 'am/ tshu rol tam/ pha rol mi dmigs te/ rab 'byor de ltar na byang chub sems dpa' sems dpa' chen po/ shes rab kyi pha rol du phyin pa la gnas pa yin te/ de de bzhin du sems can thams cad kyang shes rab kyi pha rol du phyin pa la yang dag par skul zhing gzhog go/ /'god do/ /rab 'byor 'di lta ste dper na/ sgyu ma'i mkhan po 'am/ sgyu ma'i mkhan po'i mchan bu mkhas pa zhig gis/ lam po che'i bzhi mdor 'dug ste/ skye bo mang po'i tshogs kyi mdun du/ skye bo mang po'i tshogs zhig mngon par sprul nas/ shes rab kyi pha rol du phyin pa la yang dag par bskul te/ bzhag cing bkod na/ rab 'byor de la ji snyam du sems/ sgyu ma'i mkhan po 'am/ sgyu ma'i mkhan po'i mchan bu des/ sems can gang yang shes rab kyi pha rol du phyin pa la bkod pa yod dam/ gsol pa/ bcom ldan 'das de ni ma mchis so/ /bcom ldan 'das kyis bka' stsal pa/ rab 'byor de bzhin du byang chub sems dpa' sems dpa' chen pos sems can thams cad shes rab kyi pha rol du phyin pa la bkod kyang / sems can gang yang shes rab kyi pha rol du phyin pa la bkod pa med do/ /de ci'i phyir zhe na/ rab 'byor de ni sgyu ma'i chos nyid nye bar bzung na/ chos rnams kyi chos nyid kyis de bzhin pa'i phyir te/ rab 'byor de lta bu'i byang chub sems dpa' sems dpa' chen po ni go cha chen po bgos pa zhes bya'o/ /rab 'byor gzhan yang byang chub sems dpa' sems dpa' chen po go cha chen po bgos shing / shar phyogs kyi 'jig rten gyi khams</font><hr>30.212b<br><font size=+1>

gang gA'i klung gi bye ma snyed dag tu song zhing / ji ltar bdag sbyin pa'i pha rol du phyin pa la gnas pa de bzhin du/ 'jig rten gyi khams de dag na/ sems can ji snyed cig 'khod pa de dag thams cad kyang / sbyin pa'i pha rol du phyin pa la yang dag par skul zhing gzhog go/ /'god do/ /ji ltar bdag tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang shes rab kyi pha rol du phyin pa la gnas pa de bzhin du/ 'jig rten gyi khams de dag na/ sems can ji snyed cig 'khod pa de dag thams cad kyang / shes rab kyi pha rol du phyin pa la yang dag par skul zhing gzhog go/ /'god do/ /'di lta ste/ pha rol du phyin pa drug po 'di nyid kyi chos kyang ston te/ sems can de dag kyang chos de thos nas/ bla na med pa yang dag par rdzogs pa'i byang chub tu mngon par sangs ma rgyas kyi bar du/ pha rol du phyin pa drug dang nam yang 'bral bar mi 'gyur ro/ /lho dang / nub dang / byang dang / byang shar dang / shar lho dang / lho nub dang / nub byang dang / 'og dang / steng gi phyogs kyi phyogs re re zhing / 'jig rten gyi khams gang gA'i klung gi bye ma snyed dag tu song zhing / ji ltar bdag sbyin pa'i pha rol du phyin pa la gnas pa dang / shes rab kyi pha rol du phyin pa'i bar la gnas pa de bzhin du/ 'jig rten gyi khams de dag na sems can ji snyed cig yod pa de dag thams cad kyang / sbyin pa'i pha rol du phyin pa la yang dag par skul zhing gzhog go/ /'god do/ /de bzhin du tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la yang dag par skul zhing gzhog go/ /'god do/ /'di lta ste/ pha rol du phyin pa drug po 'di nyid kyi chos kyang ston to/ /sems can</font><hr>30.213a<br><font size=+1>

de dag kyang chos de thos nas/ bla na med pa yang dag par rdzogs pa'i byang chub tu mngon par sangs ma rgyas kyi bar du/ pha rol du phyin pa drug dang / nam yang 'bral bar mi 'gyur ro/ /rab 'byor 'di lta ste dper na/ sgyu ma'i mkhan po 'am/ sgyu ma'i mkhan po'i mchan bu mkhas pa zhig gis/ lam po che'i bzhi mdor 'dug ste/ skye bo mang po'i tshogs kyi mdun du/ skye bo mang po'i tshogs zhig mngon par sprul te/ pha rol du phyin pa drug la yang dag par bskul zhing bzhag ste/ bkod par gyur na/ rab 'byor de la ji snyam du sems/ sgyu ma'i mkhan po 'am/ sgyu ma'i mkhan po'i mchan bu des/ sems can gang yang pha rol du phyin pa drug la yang dag par bskul cing bzhag ste/ bkod pa yod dam/ gsol pa/ bcom ldan 'das de ni ma mchis so/ /bcom ldan 'das kyis bka' stsal pa/ rab 'byor de bzhin du byang chub sems dpa' sems dpa' chen pos/ shar phyogs kyi 'jig rten gyi khams gang gA'i klung gi bye ma snyed dang / lho dang / nub dang / byang dang / byang shar dang / shar lho dang / lho nub dang / nub byang dang 'og dang / steng gi phyogs kyi phyogs re re zhing / 'jig rten gyi khams gang gA'i klung gi bye ma snyed kyi sems can gang ji snyed yod pa de dag thams cad pha rol du phyin pa drug la bkod kyang / sems can gang yang pha rol du phyin pa drug la bkod pa med do/ /de ci'i phyir zhe na/ rab 'byor sgyu ma'i chos nyid nye bar bzung na/ chos rnams kyi chos nyid kyis de bzhin pa'i phyir te/ rab 'byor de ltar na/ byang chub sems dpa' sems dpa' chen po go cha chen po bgos pa zhes bya'o/ /rab 'byor gzhan yang byang chub sems dpa' chen po go cha chen po bgos pa ni/ rnam pa thams cad mkhyen pa nyid dang ldan pa'i sems kyis rnam par spyod cing / sems bskyed pa gzhan gyi go mi 'byed de/ bdag gis sems can 'di snyed cig ni sbyin pa'i pha rol du phyin pa la</font><hr>30.213b<br><font size=+1>

dgod par bya'o/ /'di snyed cig ni dgod par mi bya'o/ /bdag gis sems can 'di snyed cig ni tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la dgod par bya'o/ /'di snyed cig ni dgod par mi bya'o/ /bdag gis sems can 'di snyed cig ni byang chub kyi phyogs kyi chos sum bcu rtsa bdun la dgod par bya'o/ /'di snyed cig ni dgod par mi bya'o/ /bdag gis sems can 'di snyed cig ni sangs rgyas kyi chos ma 'dres pa bcwa brgyad kyi bar la dgod par bya'o/ /'di snyed cig ni dgod par mi bya'o/ /bdag gis sems can 'di snyed cig ni rgyun du zhugs pa'i 'bras bu la dgod par bya'o/ /'di snyed cig ni dgod par mi bya'o/ /bdag gis sems can 'di snyed cig ni lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid la dgod par bya'o/ /'di snyed cig ni dgod par mi bya'o/ /bdag gis sems can 'di snyed cig ni rang byang chub la dgod par bya'o/ /'di snyed cig ni dgod par mi bya'o/ /bdag gis sems can 'di snyed cig ni rnam pa thams cad mkhyen pa nyid la dgod par bya'o/ /'di snyed cig ni dgod par mi bya'o zhes bya bar sems bskyed pa'i go mi 'byed kyi de 'di snyam du sems te/ bdag gis sems can tshad med/ grangs med pa/ sbyin pa'i pha rol du phyin pa la dgod par bya'o/ /bdag gis sems can tshad med grangs med pa/ tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la dgod par bya'o/ /nang stong pa nyid la dgod par bya'o/ /phyi stong pa nyid la dgod par bya'o/ /dngos po med pa'i ngo bo nyid stong pa nyid kyi bar la dgod par bya'o/ /byang chub kyi phyogs kyi chos sum bcu rtsa bdun la</font><hr>30.214a<br><font size=+1>

dgod par bya'o/ /'phags pa'i bden pa bzhi dang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / rnam par thar pa brgyad dang / mthar gyis gnas pa'i snyoms par 'jug pa dgu dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa lnga dang / ting nge 'dzin thams cad dang / gzungs kyi sgo thams cad la dgod par bya'o/ /de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad la dgod par bya'o/ /rgyun du zhugs pa'i 'bras bu la dgod par bya'o/ /lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid la dgod par bya'o/ /rang byang chub la dgod par bya'o/ /rnam pa thams cad mkhyen pa nyid la dgod par bya'o zhes bya bar sems bskyed do/ /rab 'byor 'di lta ste/ dper na/ sgyu ma'i mkhan po 'am/ sgyu ma'i mkhan po'i mchan bu mkhas pa zhig gis/ lam po che'i bzhi mdor 'dug ste/ skye bo mang po'i tshogs kyi mdun du/ skye bo mang po'i tshogs zhig mngon par sprul te/ 'di snyam du bdag gis sems can tshad med/ grangs med pa 'di dag pha rol du phyin pa drug la dgod par bya'o/ /rnam pa thams cad mkhyen pa nyid kyi bar la dgod par bya'o snyam du sems bskyed par gyur na/ rab 'byor de la ji snyam du sems/ sgyu ma'i mkhan po 'am/ sgyu ma'i mkhan po'i mchan bu des/ sems can gang yang pha rol du phyin pa drug la dgod par byas pa yod dam/ rnam pa thams cad mkhyen pa nyid kyi bar la dgod par byas pa yod dam/ gsol pa/ bcom ldan 'das de ni ma mchis so/ /bcom ldan 'das kyis bka' stsal pa/ rab 'byor de bzhin du byang chub sems dpa' sems dpa' chen pos/ </font><hr>30.214b<br><font size=+1>

sems can tshad med grangs med pa/ pha rol du phyin pa drug dang / rnam pa thams cad mkhyen pa nyid kyi bar la dgod par sems bskyed kyang / sems can gang gi don du yang sems bskyed pa med de/ de ci'i phyir zhe na/ rab 'byor sgyu ma'i chos nyid nye bar bzung na/ chos rnams kyi chos nyid kyis de bzhin pa'i phyir te/ rab 'byor de ltar na byang chub sems dpa' sems dpa' chen po go cha chen po bgos pa zhes bya'o/ /rab 'byor gyis gsol pa/ bcom ldan 'das bdag gis bcom ldan 'das kyis gsungs pa'i don 'tshal te/ byang chub sems dpa' sems dpa' chen pos ni/ rang gi mtshan nyid stong pa nyid kyi slad du/ go cha ma mchis pa'i go cha bgos par rig par bgyi'o/ /de ci'i slad du zhe na/ bcom ldan 'das de ni 'di ltar gzugs gzugs kyis stong ngo / /tshor ba dang / 'du shes dang / 'du byed dang / rnam par shes pa rnam par shes pas stong ngo / /mig mig gis stong ngo / /de bzhin du rna ba dang / sna dang / lce dang / lus dang / yid yid kyis stong ngo / /gzugs gzugs kyis stong ngo / /sgra dang / dri dang / ro dang / reg dang / chos chos kyis stong ngo / /mig gi rnam par shes pa mig gi rnam par shes pas stong ngo / /rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa yid kyi rnam par shes pas stong ngo / /mig gi 'dus te reg pa mig gi 'dus te reg pas stong ngo / /rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa yid kyi 'dus te reg pas stong ngo / /mig gi 'dus te reg pa'i rkyen gyis tshor ba/ mig gi 'dus te reg pa'i rkyen gyis tshor bas stong ngo / /rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg pa'i rkyen</font><hr>30.215a<br><font size=+1>

gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor bas stong ngo / /sbyin pa'i pha rol du phyin pa ni/ sbyin pa'i pha rol du phyin pas stong ngo / /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyis pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa/ shes rab kyi pha rol du phyin pas stong ngo / /nang stong pa nyid nang stong pa nyid kyis stong ngo / /dngos po med pa'i ngo bo nyid stong pa nyid kyi bar dngos po med pa'i ngo bo nyid stong pa nyid kyis stong ngo / /byang chub kyi phyogs kyi chos sum bcu rtsa bdun/ byang chub kyi phyogs kyi chos sum bcu rtsa bdun gyis stong ngo / /'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa rnams/ sangs rgyas kyi chos ma 'dres pa rnams kyis stong ngo / /bcom ldan 'das byang chub sems dpa' yang byang chub sems dpas stong ngo / /go cha chen po yang go cha chen pos stong ste/ bcom ldan 'das rnam grangs des na/ byang chub sems dpa' sems dpa' chen pos go cha ma mchis pa'i go cha bgos par rig par bgyi'o/ /bcom ldan 'das kyis bka' stsal pa/ rab 'byor ji skad du smras pa de bzhin te/ de de bzhin no/ /de ci'i phyir zhe na/ rab 'byor de ni rnam pa thams</font><hr>30.215b<br><font size=+1>

cad mkhyen pa nyid kyang ma byas/ rnam par ma byas/ mngon par ma byas/ byang chub sems dpa' sems dpa' chen pos gang gi don du go cha chen po bgos pa'i sems can de dag kyang ma byas/ rnam par ma byas/ mngon par ma byas so/ /gsol pa/ bcom ldan 'das ci'i slad du rnam pa thams cad mkhyen pa nyid ma bgyis/ rnam par ma bgyis/ mngon par ma bgyis pa lags/ byang chub sems dpa' sems dpa' chen pos gang gi don du go cha bgos pa'i sems can de dag kyang ci'i slad du ma bgyis/ rnam par ma bgyis/ mngon par ma bgyis pa lags/ bcom ldan 'das kyis bka' stsal pa/ rab 'byor byed pa po dmigs su med pa'i phyir/ rnam pa thams cad mkhyen pa nyid ma byas/ rnam par ma byas/ mngon par ma byas so/ /byang chub sems dpa' sems dpa' chen pos gang gi don du go cha chen po bgos pa'i sems can de dag kyang ma byas/ rnam par ma byas/ mngon par ma byas so/ /de ci'i phyir zhe na/ rab 'byor 'di ltar gzugs mi byed/ rnam par mi byed/ mngon par mi byed do/ /tshor ba dang / 'du shes dang / 'du byed dang / rnam par shes pa mi byed/ rnam par mi byed/ mngon par mi byed do/ /rab 'byor mig mi byed/ rnam par mi byed/ mngon par mi byed do/ /rna ba dang / sna dang / lce dang / lus dang / yid mi byed/ rnam par mi byed/ mngon par mi byed do/ /rab 'byor gzugs mi byed/ rnam par mi byed/ mngon par mi byed do/ /sgra dang / dri dang / ro dang / reg dang / chos mi byed rnam par mi byed mngon par mi byed do/ /rab 'byor mig gi rnam par shes pa mi byed rnam par mi byed mngon par mi byed do/ /rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa mi byed/ rnam par mi byed/ mngon par</font><hr>30.216a<br><font size=+1>

mi byed do/ /rab 'byor mig gi 'dus te reg pa mi byed/ rnam par mi byed/ mngon par mi byed do/ /rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa mi byed/ rnam par mi byed/ mngon par mi byed do/ /rab 'byor mig gi 'dus te reg pa'i rkyen gyis tshor ba mi byed/ rnam par mi byed/ mngon par mi byed do/ /rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba mi byed/ rnam par mi byed/ mngon par mi byed do/ /rab 'byor bdag ni mi byed/ rnam par mi byed/ mngon par mi byed de/ de ci'i phyir zhe na/ de shin du mi dmigs pa'i phyir ro/ /rab 'byor sems can ni mi byed/ rnam par mi byed/ mngon par mi byed de/ de ci'i phyir zhe na/ de shin du mi dmigs pa'i phyir ro/ /gso ba dang / skyes bu dang / gang zag dang / shed can dang / shed bdag dang / byed pa po dang / tshor ba po dang / shes pa po dang / mthong ba po ni mi byed/ rnam par mi byed/ mngon par mi byed de/ de ci'i phyir zhe na/ de shin du mi dmigs pa'i phyir ro/ /rab 'byor rmi lam ni mi byed/ rnam par mi byed/ mngon par mi byed de/ de ci'i phyir zhe na/ de shin du mi dmigs pa'i phyir ro/ /sgyu ma dang / sgra brnyan dang / mig yor dang / gzugs brnyan dang / smig rgyu dang / sprul pa ni mi byed/ rnam par mi byed/ mngon par mi byed de/ de ci'i phyir zhe na/ de shin du mi dmigs pa'i phyir ro/ /rab 'byor sbyin pa'i pha rol du phyin pa ni mi byed/ rnam par mi byed/ mngon par mi byed de/ de ci'i phyir zhe na/ de shin du mi dmigs pa'i phyir ro/ /rab 'byor tshul khrims kyi pha rol du phyin pa dang / bzod pa'i pha rol du phyin pa dang / brtson 'grus</font><hr>30.216b<br><font size=+1>

kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa ni mi byed/ rnam par mi byed/ mngon par mi byed de/ de ci'i phyir zhe na/ de shin du mi dmigs pa'i phyir ro/ /rab 'byor nang stong pa nyid ni mi byed/ rnam par mi byed/ mngon par mi byed do/ /rab 'byor dngos po med pa'i ngo bo nyid stong pa nyid kyi bar du mi byed/ rnam par mi byed/ mngon par mi byed de/ de ci'i phyir zhe na/ de shin du mi dmigs pa'i phyir ro/ /rab 'byor byang chub kyi phyogs kyi chos sum bcu rtsa bdun ni mi byed/ rnam par mi byed mngon par mi byed de/ de ci'i phyir zhe na/ de shin du mi dmigs pa'i phyir ro/ /'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad ni mi byed/ rnam par mi byed/ mngon par mi byed de/ de ci'i phyir zhe na/ de shin du mi dmigs pa'i phyir ro/ /rab 'byor de bzhin nyid ni mi byed/ rnam par mi byed/ mngon par mi byed de/ de ci'i phyir zhe na/ de shin du mi dmigs pa'i phyir ro/ /ma nor ba de bzhin nyid dang / gzhan ma yin pa de bzhin nyid dang / chos nyid dang / chos kyi dbyings dang / chos kyi gnas nyid dang / chos skyon med pa nyid dang / yang dag pa'i mtha' dang / bsam gyis mi khyab pa'i dbyings ni mi byed/ rnam par mi byed/ mngon par mi byed de/ de ci'i phyir zhe na/ de shin du mi dmigs pa'i phyir ro/ /rab 'byor byang chub ni mi byed/ rnam par mi byed/ mngon par</font><hr>30.217a<br><font size=+1>

mi byed de/ de ci'i phyir zhe na/ de shin du mi dmigs pa'i phyir ro/ /rab 'byor rnam pa thams cad mkhyen pa nyid ni mi byed/ rnam par mi byed/ mngon par mi byed de/ de ci'i phyir zhe na/ de shin du mi dmigs pa'i phyir ro/ /rab 'byor rnam grangs des na/ 'di ltar rnam pa thams cad mkhyen pa nyid de ma byas/ rnam par ma byas/ mngon par ma byas par rig par bya'o/ /byang chub sems dpa' sems dpa' chen pos gang gi don du go cha chen po bgos pa'i sems can de dag kyang ma byas/ rnam par ma byas/ mngon par ma byas par rig par bya'o/ /rab 'byor de ltar na byang chub sems dpa' sems dpa' chen po go cha chen po bgos pa ni/ go cha med pa'i go cha chen po bgos pa zhes bya'o/ /gsol pa/ bcom ldan 'das bdag gis bcom ldan 'das kyis gsungs pa'i don 'tshal te/ bcom ldan 'das gzugs ni ma bcings ma grol ba'o/ /tshor ba dang / 'du shes dang / 'du byed dang / rnam par shes pa ni ma bcings ma grol ba'o/ /de nas tshe dang ldan pa byams gang gi bus/ tshe dang ldan pa rab 'byor la 'di skad ces smras so/ /tshe dang ldan pa rab 'byor gzugs ma bcings ma grol ba yin nam/ tshor ba dang / 'du shes dang / 'du byed dang / rnam par shes pa ma bcings ma grol ba yin nam/ smras pa tshe dang ldan pa gang po de de bzhin te/ tshe dang ldan pa gang po gzugs ni ma bcings ma grol ba'o/ /tshor ba dang / 'du shes dang / 'du byed dang / rnam par shes pa ni ma bcings ma grol ba'o/ /gang pos smras pa/ tshe dang ldan pa rab 'byor de ltar ma bcings ma grol ba'i gzugs gang yin/ de ltar ma bcings ma grol ba'i tshor ba dang / 'du shes dang / 'du byed dang / rnam par shes pa gang yin/ smras pa/ tshe dang ldan pa gang po/ gang 'di rmi lam lta bu'i gzugs de ni ma bcings ma grol ba'o/ /gang 'di rmi lam lta bu'i tshor ba dang / 'du shes dang / </font><hr>30.217b<br><font size=+1>

'du byed dang / rnam par shes pa de ni ma bcings ma grol ba'o/ /gang 'di sgyu ma lta bu dang / sgra brnyan lta bu dang / mig yor lta bu dang / gzugs brnyan lta bu dang / smig rgyu lta bu dang / sprul pa lta bu'i gzugs de ni ma bcings ma grol ba'o/ /gang 'di sprul pa lta bu'i tshor ba dang / 'du shes dang / 'du byed dang / sprul pa lta bu'i rnam par shes pa de ni ma bcings ma grol ba'o/ /tshe dang ldan pa gang po 'das pa'i gzugs ni ma bcings ma grol ba'o/ /'das pa'i tshor ba dang / 'du shes dang / 'du byed dang / rnam par shes pa ni ma bcings ma grol ba'o/ /tshe dang ldan pa gang po ma 'ongs pa'i gzugs ni ma bcings ma grol ba'o/ /ma 'ongs pa'i tshor ba dang / 'du shes dang / 'du byed dang / rnam par shes pa ni ma bcings ma grol ba'o/ /tshe dang ldan pa gang po da ltar byung ba'i gzugs ni ma bcings ma grol ba'o/ /da ltar byung ba'i tshor ba dang / 'du shes dang / 'du byed dang / rnam par shes pa ni ma bcings ma grol ba'o/ /de ci'i phyir zhe na/[ ]tshe dang ldan pa gang po gzugs med pa'i phyir/ gzugs ma bcings ma grol ba'o/ /tshor ba dang / 'du shes dang / 'du byed dang / rnam par shes pa med pa'i phyir/ rnam par shes pa ma bcings ma grol ba'o/ /tshe dang ldan pa gang po gzugs dben pa'i phyir/ gzugs ma bcings ma grol ba'o/ /tshor ba dang / 'du shes dang / 'du byed dang / rnam par shes pa dben pa'i phyir/ rnam par shes pa ma bcings ma grol ba'o/ /tshe dang ldan pa gang po gzugs ma skyes pa'i phyir/ gzugs ma bcings ma grol ba'o/ /tshor ba dang / 'du shes dang / 'du byed dang / rnam par shes pa ma skyes pa'i phyir/ rnam par shes pa ma bcings ma grol ba'o/ /tshe dang ldan pa gang po dge ba'i gzugs ni ma bcings ma grol ba'o/ /dge ba'i tshor ba dang / 'du shes</font><hr>30.218a<br><font size=+1>

dang / 'du byed dang / rnam par shes pa ni ma bcings ma grol ba'o/ /tshe dang ldan pa gang po mi dge ba'i gzugs ni ma bcings ma grol ba'o/ /mi dge ba'i tshor ba dang / 'du shes dang / 'du byed dang / rnam par shes pa ni ma bcings ma grol ba'o/ /tshe dang ldan pa gang po lung du ma bstan pa'i gzugs ni ma bcings ma grol ba'o/ /lung du ma bstan pa'i tshor ba dang / 'du shes dang / 'du byed dang / rnam par shes pa ni ma bcings ma grol ba'o/ /tshe dang ldan pa gang po 'jig rten pa'i gzugs ni ma bcings ma grol ba'o/ /'jig rten pa'i tshor ba dang / 'du shes dang / 'du byed dang / rnam par shes pa ni ma bcings ma grol ba'o/ /tshe dang ldan pa gang po 'jig rten las 'das pa'i gzugs ni ma bcings ma grol ba'o/ /'jig rten las 'das pa'i tshor ba dang / 'du shes dang / 'du byed dang / rnam par shes pa ni ma bcings ma grol ba'o/ /tshe dang ldan pa gang po zag pa dang bcas pa'i gzugs ni ma bcings ma grol ba'o/ /zag pa dang bcas pa'i tshor ba dang / 'du shes dang / 'du byed dang / rnam par shes pa ni ma bcings ma grol ba'o/ /tshe dang ldan pa gang po zag pa med pa'i gzugs ni ma bcings ma grol ba'o/ /zag pa med pa'i tshor ba dang / 'du shes dang / 'du byed dang / rnam par shes pa ni ma bcings ma grol ba ste/ tshe dang ldan pa gang po/ de ci'i phyir zhe na/ gzugs med pa'i phyir/ gzugs ma bcings ma grol ba'o/ /tshor ba dang / 'du shes dang / 'du byed dang / rnam par shes pa med pa'i phyir/ rnam par shes pa ma bcings ma grol ba'o/ /gzugs dben pa'i phyir/ gzugs ma bcings ma grol ba'o/ /tshor ba dang / 'du shes dang / 'du byed dang / rnam par shes pa dben pa'i phyir/ rnam par shes pa ma bcings ma grol ba'o/ /gzugs ma skyes pa'i phyir/ gzugs ma bcings ma grol ba'o/ /tshor ba dang / 'du shes dang / 'du byed dang / </font><hr>30.218b<br><font size=+1>

rnam par shes pa ma skyes pa'i phyir/ rnam par shes pa ma bcings ma grol ba'o/ /tshe dang ldan pa gang po chos thams cad kyang ma bcings ma grol ba ste/ med pa'i phyir ma bcings ma grol ba'o/ /dben pa'i phyir ma bcings ma grol ba'o/ /ma skyes pa'i phyir ma bcings ma grol ba ste/ tshe dang ldan pa gang po sbyin pa'i pha rol tu phyin pa ni ma bcings ma grol ba'o/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa ni ma bcings ma grol ba ste/ tshe dang ldan pa gang po med pa'i phyir/ sbyin pa'i pha rol du phyin pa ni ma bcings ma grol ba'o/ /dben pa'i phyir ma bcings ma grol ba'o/ /ma skyes pa'i phyir ma bcings ma grol ba'o/ /med pa'i phyir/ tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa ni ma bcings ma grol ba ste/ dben pa'i phyir ma bcings ma grol ba'o/ /ma skyes pa'i phyir ma bcings ma grol ba'o/ /tshe dang ldan pa gang po nang stong pa nyid kyang ma bcings ma grol ba'o/ /phyi stong pa nyid kyang ma bcings ma grol ba'o/ /phyi nang stong pa nyid kyang ma bcings ma grol ba'o/ /dngos po med pa'i ngo bo nyid stong pa nyid kyi bar yang ma bcings ma grol ba'o/ /tshe dang ldan pa gang po med pa'i phyir nang stong pa nyid ma bcings ma grol ba'o/ /dben pa'i phyir ma bcings ma grol ba'o/ /ma skyes pa'i phyir ma bcings ma grol ba'o/ /med pa'i phyir phyi stong pa nyid ma bcings ma grol ba'o/ /dben pa'i phyir ma bcings ma grol ba'o/ /ma skyes pa'i phyir ma bcings ma grol ba'o/ /med pa'i phyir phyi nang stong pa nyid ma bcings ma grol ba'o/ /dben pa'i phyir ma bcings ma grol ba'o/ /ma skyes pa'i phyir ma bcings ma grol ba'o/ /med pa'i phyir dngos po med pa'i ngo bo nyid stong pa nyid</font><hr>30.219a<br><font size=+1>

stong pa nyid kyi bar du ma bcings ma grol ba'o/ /dben pa'i phyir ma bcings ma grol ba'o/ /ma skyes pa'i phyir ma bcings ma grol ba'o/ /tshe dang ldan pa gang po byang chub kyi phyogs kyi chos sum bcu rtsa bdun yang ma bcings ma grol ba ste/ tshe dang ldan pa gang po med pa'i phyir byang chub kyi phyogs kyi chos sum bcu rtsa bdun ma bcings ma grol ba'o/ /dben pa'i phyir ma bcings ma grol ba'o/ /ma skyes pa'i phyir ma bcings ma grol ba'o/ /tshe dang ldan pa gang po de bzhin gshegs pa'i stobs bcu'i bar dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa rnams ma bcings ma grol ba ste/ tshe dang ldan pa gang po med pa'i phyir/ sangs rgyas kyi chos ma 'dres pa ma bcings ma grol ba'o/ /dben pa'i phyir ma bcings ma grol ba'o/ /ma skyes pa'i phyir ma bcings ma grol ba'o/ /tshe dang ldan pa gang po rnam pa thams cad mkhyen pa nyid kyi bar du ma bcings ma grol ba ste/ tshe dang ldan pa gang po med pa'i phyir rnam pa thams cad mkhyen pa nyid ma bcings ma grol ba'o/ /dben pa'i phyir ma bcings ma grol ba'o/ /ma skyes pa'i phyir ma bcings ma grol ba'o/ /tshe dang ldan pa gang po byang chub sems dpa' yang ma bcings ma grol ba ste/ tshe dang ldan pa gang po med pa'i phyir ma bcings ma grol ba'o/ /dben pa'i phyir ma bcings ma grol ba'o/ /ma skyes pa'i phyir ma bcings ma grol ba'o/ /tshe dang ldan pa gang po de bzhin nyid kyang ma bcings ma grol ba'o/ /ma nor ba de bzhin nyid dang / gzhan ma yin pa de bzhin nyid dang / chos nyid dang / chos kyi dbyings dang / chos kyi gnas nyid dang / chos skyon med pa nyid dang / yang dag pa'i mtha' yang ma bcings ma grol ba ste/ tshe dang ldan pa gang po med pa'i phyir/ de bzhin nyid ma bcings ma grol ba'o/ /dben pa'i phyir ma bcings ma grol ba'o/ /ma skyes pa'i phyir ma bcings ma grol ba'o/ /med pa'i phyir</font><hr>30.219b<br><font size=+1>

yang dag pa'i mtha'i bar du ma bcings ma grol ba'o/ /dben pa'i phyir ma bcings ma grol ba'o/ /ma skyes pa'i phyir ma bcings ma grol ba'o/ /tshe dang ldan pa gang po 'dus ma byas kyang ma bcings ma grol ba ste/ tshe dang ldan pa gang po med pa'i phyir 'dus ma byas ma bcings ma grol ba'o/ /dben pa'i phyir ma bcings ma grol ba'o/ /ma skyes pa'i phyir ma bcings ma grol ba'o/ /tshe dang ldan pa gang po 'di ni byang chub sems dpa' sems dpa' chen po rnams kyi ma bcings ma grol ba zhes bya ba'i chos kyi sgo ste/ de ni sbyin pa'i pha rol du phyin pa ma bcings ma grol ba'o/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa ma bcings ma grol ba'o/ /rnam pa thams cad mkhyen pa nyid kyi bar du ma bcings ma grol ba'o/ /byang chub sems dpa' ma bcings ma grol ba'o/ /sangs rgyas ma bcings ma grol ba'o/ /de bzhin nyid ma bcings ma grol ba'o/ /ma nor ba de bzhin nyid dang / gzhan ma yin pa de bzhin nyid dang / chos nyid dang / chos kyi dbyings dang / chos kyi gnas nyid dang / chos skyon med pa nyid dang / yang dag pa'i mtha' ma bcings ma grol ba'o/ /'dus ma byas ma bcings ma grol ba'o/ /de ma bcings ma grol ba'i sbyin pa'i pha rol du phyin pa la gnas/ tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la gnas nas/ ma bcings ma grol ba'i rnam pa thams cad mkhyen pa nyid kyi bar la gnas/ ma bcings ma grol ba'i de bzhin nyid la gnas/ ma bcings ma grol ba'i ma nor ba de bzhin nyid dang / ma bcings ma grol ba'i gzhan ma yin pa de bzhin nyid dang / ma bcings ma grol ba'i chos nyid dang ma bcings ma grol ba'i chos kyi dbyings dang / ma bcings ma</font><hr>30.220a<br><font size=+1>

grol ba'i chos skyon med pa nyid dang / ma bcings ma grol ba'i yang dag pa'i mtha' la gnas/ ma bcings ma grol ba'i 'dus ma byas pa la gnas te/ ma bcings ma grol ba de/ ma bcings ma grol ba'i sems can rnams yongs su smin par byed do/ /ma bcings ma grol ba de/ sangs rgyas kyi zhing yongs su dag par byed do/ /ma bcings ma grol ba de/ ma bcings ma grol ba'i sangs rgyas bcom ldan 'das rnams la bsnyen bkur byed do/ /ma bcings ma grol ba de/ ma bcings/ ma grol ba'i chos nyan to/ /ma bcings ma grol ba de ma bcings ma grol ba'i sangs rgyas bcom ldan 'das rnams dang nam yang 'bral bar mi 'gyur ro/ /ma bcings ma grol ba de/ ma bcings ma grol ba'i mngon par shes pa rnams dang nam yang 'bral bar mi 'gyur ro/ /ma bcings ma grol ba de/ ma bcings ma grol ba'i mig lnga dang nam yang 'bral bar mi 'gyur ro/ /ma bcings ma grol ba des/ ma bcings ma grol ba'i gzungs rnams dang nam yang 'bral bar mi 'gyur ro/ /ma bcings ma grol ba de/ ma bcings ma grol ba'i ting nge 'dzin rnams dang nam yang 'bral bar mi 'gyur ro/ /ma bcings ma grol ba de/ ma bcings ma grol ba'i lam gyi rnam pa shes pa nyid grol bar mi 'gyur ro/ /ma bcings ma grol ba de/ ma bcings ma grol ba'i rnam pa thams cad mkhyen pa nyid du mngon par rdzogs par 'tshang rgya bar 'gyur ro/ /ma bcings ma grol ba de/ ma bcings ma grol ba'i chos kyi 'khor lo skor bar 'gyur ro/ /ma bcings ma grol ba de/ ma bcings ma grol ba'i sems can rnams theg pa gsum la rab du 'god par 'gyur te/ tshe dang ldan pa gang po de ltar na byang chub sems dpa' sems dpa' chen po ma bcings ma grol ba de pha rol du phyin pa drug po ma bcings ma grol bas/ med pa dang / dben pa dang / skye ba med pa nye bar bzung zhing / chos thams cad khong du chud par byed do/ /tshe dang ldan pa gang po de ltar na byang chub sems dpa' sems dpa' chen po ma bcings ma grol</font><hr>30.220b<br><font size=+1>

ba theg pa chen po'i go cha chen po bgos par rig par bya'o/ /de nas tshe dang ldan pa rab 'byor gyis/ bcom ldan 'das la 'di skad ces gsol to/ /bcom ldan 'das byang chub sems dpa' sems dpa' chen po'i theg pa chen po gang lags/ bcom ldan 'das ji tsam gyis na/ byang chub sems dpa' sems dpa' chen po theg pa chen po la yang dag par zhugs par rig par bgyi ba lags/ theg pa chen po de ni gang nas byung ba lags/ theg pa de ni gang du gnas par 'gyur ba lags/ theg pa des ni su zhig 'byung bar 'gyur/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor gang khyod de skad du/ byang chub sems dpa' sems dpa' chen po'i theg pa chen po gang zhes zer ba ni/ rab 'byor pha rol du phyin pa drug ni/ byang chub sems dpa' sems dpa' chen po'i theg pa chen po ste/ drug gang zhe na/ sbyin pa'i pha rol du phyin pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa'o/ /gsol pa/ bcom ldan 'das byang chub sems dpa' sems dpa' chen po'i sbyin pa'i pha rol du phyin pa gang lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po rnam pa thams cad mkhyen pa nyid dang ldan pa'i yid la bya bas don du gnyer ba rnams la/ phyi nang gi dngos po'i sbyin pa yongs su gtong ste/ sbyin pa de yang sems can thams cad dang thun mong du byas shing / bla na med pa yang dag par rdzogs pa'i byang chub tu mi dmigs pa'i tshul gyis yongs su bsngo ba 'di ni/ byang chub sems dpa' sems dpa' chen po'i sbyin pa'i pha rol du phyin pa'o/ /gsol pa/ bcom ldan 'das byang chub sems dpa' sems dpa' chen po'i tshul khrims kyi pha rol du phyin pa gang lags/ </font><hr>30.221a<br><font size=+1>

bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po rnam pa thams cad mkhyen pa nyid dang ldan pa'i sems bskyed pas/ bdag kyang dge ba bcu'i las kyi lam yang dag par blangs shing gnas la/ sems can pha rol kyang dge ba bcu'i las kyi lam la mi dmigs pa'i tshul gyis yang dag par skul ba dang / gzhog pa dang / rab tu 'god pa 'di ni byang chub sems dpa' sems dpa' chen po'i tshul khrims kyi pha rol du phyin pa yongs su ma nyams pa'o/ /gsol pa/ bcom ldan 'das byang chub sems dpa' sems dpa' chen po'i bzod pa'i pha rol du phyin pa gang lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po/ rnam pa thams cad mkhyen pa nyid dang ldan pa'i sems bskyed pas/ bdag kyang bzod pa phun sum tshogs pa yin la/ gzhan yang mi dmigs pa'i tshul gyis bzod pa la yang dag par skul ba 'di ni/ byang chub sems dpa' sems dpa' chen po'i bzod pa'i pha rol du phyin pa'o/ /gsol pa/ bcom ldan 'das byang chub sems dpa' sems dpa' chen po'i brtson 'grus kyi pha rol du phyin pa gang lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po rnam pa thams cad mkhyen pa nyid dang ldan pa'i sems bskyed pas/ bdag kyang pha rol du phyin pa drug la brtson pa mi 'dor zhing / gzhan yang pha rol du phyin pa drug la mi dmigs pa'i tshul gyis sbyor ba 'di ni/ byang chub sems dpa' sems dpa' chen po'i brtson 'grus kyi pha rol du phyin pa'o/ /gsol pa/ bcom ldan 'das byang chub sems dpa' sems dpa' chen po'i bsam gtan gyi pha rol du phyin pa gang lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po bdag kyang rnam pa thams cad mkhyen pa nyid dang ldan pa'i sems bskyed pas/ bsam gtan</font><hr>30.221b<br><font size=+1>

rnams la thabs mkhas par mnyam par gzhog kyang / de dag gi dbang gis mi skye zhing / gzhan yang bsam gtan rnams la mi dmigs pa'i tshul gyis yang dag par skul ba 'di ni/ byang chub sems dpa' sems dpa' chen po'i bsam gtan gyi pha rol du phyin pa'o/ /gsol pa/ bcom ldan 'das byang chub sems dpa' sems dpa' chen po'i shes rab kyi pha rol du phyin pa gang lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po rnam pa thams cad mkhyen pa nyid dang ldan pa'i sems bskyed pas/ bdag kyang chos thams cad la mngon par chags pa med par/ chos thams cad kyi rang bzhin yang dmigs pa med pa'i tshul gyis rtogs par byed cing / sems can rnams kyang chos thams cad la mngon par chags pa med pa dang / chos thams cad kyi rang bzhin rtogs par bya ba la/ mi dmigs pa'i tshul gyis yang dag par skul zhing gzhog pa dang / rab tu 'god pa 'di ni byang chub sems dpa' sems dpa' chen po'i shes rab kyi pha rol du phyin pa ste/ de ni rab 'byor byang chub sems dpa' sems dpa' chen po'i theg pa chen po'o/ /rab 'byor gzhan yang byang chub sems dpa' sems dpa' chen po'i theg pa chen po ni/ 'di lta ste/ nang stong pa nyid dang / phyi stong pa nyid dang / phyi nang stong pa nyid dang / stong pa nyid stong pa nyid dang / chen po stong pa nyid dang / don dam pa stong pa nyid dang / 'dus byas stong pa nyid dang 'dus ma byas stong pa nyid dang / mtha' las 'das pa stong pa nyid dang / thog ma dang tha ma med pa stong pa nyid dang / dor ba med pa stong pa nyid dang / rang bzhin stong pa nyid dang / chos thams cad stong pa nyid dang / rang gi mtshan nyid stong pa nyid dang / mi dmigs pa stong pa nyid dang / dngos po med pa stong pa nyid dang / ngo bo nyid stong pa nyid dang / dngos po med pa'i ngo bo nyid stong pa nyid de/ de la nang stong pa nyid gang zhe na/ nang gi</font><hr>30.222a<br><font size=+1>

chos zhes bya ba ni/ mig dang / rna ba dang / sna dang / lce dang / lus dang / yid de/ de la mi rtag mi 'jig pa'i phyir te/ mig mig gis stong ngo / /de ci'i phyir zhe na/ de'i rang bzhin de yin pa'i phyir ro/ /mi rtag mi 'jig pa'i phyir/ rna ba dang / sna dang / lce dang / lus dang / yid yid kyis stong ngo / /de ci'i phyir zhe na/ de'i rang bzhin de yin pa'i phyir te/ 'di ni nang stong pa nyid do/ /de la phyi stong pa nyid gang zhe na/ phyi'i chos zhes bya ba ni/ gzugs dang / sgra dang / dri dang / ro dang / reg dang / chos rnams te/ de la mi rtag mi 'jig pa'i phyir/ gzugs gzugs kyis stong ngo / /de ci'i phyir zhe na/ de'i rang bzhin de yin pa'i phyir ro/ /de bzhin du mi rtag mi 'jig pa'i phyir/ sgra dang / dri dang / ro dang / reg dang / chos chos kyis stong ngo / /de ci'i phyir zhe na/ de'i rang bzhin de yin pa'i phyir te/ 'di ni phyi stong pa nyid ces bya'o/ /de la phyi nang stong pa nyid gang zhe na/ nang gi skye mched drug dang / phyi'i skye mched drug dang / 'di dag ni phyi nang gi chos zhes bya ste/ de la mi rtag mi 'jig pa'i phyir/ nang gi chos rnams phyi'i chos rnams kyis stong ngo / /de ci'i phyir zhe na/ de'i rang bzhin de yin pa'i phyir ro/ /phyi'i chos rnams nang gi chos rnams kyis stong ngo / /de ci'i phyir zhe na/ de'i rang bzhin de yin pa'i phyir te/ 'di ni phyi nang stong pa nyid ces bya'o/ /de la stong pa nyid stong pa nyid gang zhe na/ mi rtag mi 'jig pa'i phyir/ chos rnams kyi stong pa nyid gang yin pa'i stong pa nyid des stong pa nyid stong ngo / /de ci'i phyir zhe na/ de'i rang bzhin de yin pa'i phyir te/ 'di ni stong pa nyid stong pa nyid ces bya'o/ /de la chen po stong pa nyid gang zhe na/ mi rtag mi 'jig pa'i phyir/ shar phyogs shar phyogs kyis stong / lho phyogs lho phyogs kyis stong / nub phyogs nub phyogs kyis stong / byang phyogs byang phyogs kyis stong / 'og gi phyogs 'og gi phyogs kyis stong / steng gi phyogs steng gi phyogs kyis stong / phyogs</font><hr>30.222b<br><font size=+1>

mtshams rnams phyogs mtshams rnams kyis stong ngo / /de ci'i phyir zhe na/ de'i rang bzhin de yin pa'i phyir te/ 'di ni chen po stong pa nyid ces bya'o/ /de la don dam pa stong pa nyid gang zhe na/ don dam pa ni mya ngan las 'das pa ste/ mi rtag mi 'jig pa'i phyir/ mya ngan las 'das pa de yang mya ngan las 'das pas stong ngo / /de ci'i phyir zhe na/ de'i rang bzhin de yin pa'i phyir te/ 'di ni don dam pa stong pa nyid ces bya'o/ /de la 'dus byas stong pa nyid gang zhe na/ 'dus byas zhes bya ba ni 'dod pa'i khams dang / gzugs kyi khams dang / gzugs med pa'i khams te/ de la mi rtag mi 'jig pa'i phyir/ 'dod pa'i khams 'dod pa'i khams kyis stong ngo / /gzugs kyi khams gzugs kyi khams kyis stong ngo / /gzugs med pa'i khams gzugs med pa'i khams kyis stong ngo / /de ci'i phyir zhe na/ de'i rang bzhin de yin pa'i phyir te/ 'di ni 'dus byas stong pa nyid ces bya'o/ /de la 'dus ma byas stong pa nyid gang zhe na/ 'dus ma byas zhes bya ba ni gang la skye ba med pa dang / 'gag pa med pa dang / gnas pa las gzhan du 'gyur ba med pa 'di ni 'dus ma byas zhes bya ste/ mi rtag mi 'jig pa'i phyir/ 'dus ma byas de ni 'dus ma byas kyis stong ngo / /de ci'i phyir zhe na/ de'i rang bzhin de yin pa'i phyir te/ 'di ni 'dus ma byas stong pa nyid ces bya'o/ /de la mtha' las 'das pa stong pa nyid gang zhe na/ gang la mtha' mi dmigs pa de ni mtha' las 'das pa ste/ mi rtag mi 'jig pa'i phyir/ mtha' las 'das pa mtha' las 'das pas stong ngo / /de ci'i phyir zhe na/ de'i rang bzhin de yin pa'i phyir te/ 'di ni mtha' las 'das pa stong pa nyid ces bya'o/ /de la thog ma dang tha ma med pa stong pa nyid gang zhe na/ gang la thog ma mi dmigs shing / tha ma yang mi dmigs pa de la 'gro ba mi dmigs/ 'ong ba yang mi dmigs te/ mi rtag mi 'jig pa'i phyir/ thog ma dang tha ma med pa/ thog ma dang tha ma med pas stong ngo / /de ci'i phyir zhe na/ </font><hr>30.223a<br><font size=+1>

de'i rang bzhin de yin pa'i phyir te/ 'di ni thog ma dang tha ma med pa stong pa nyid ces bya'o/ /de la dor ba med pa stong pa nyid gang zhe na/ gang la gang yang dor ba med pa ste/ mi rtag mi 'jig pa'i phyir/ dor ba med pa dor ba med pas stong ngo / /de ci'i phyir zhe na/ de'i rang bzhin de yin pa'i phyir te/ 'di ni dor ba med pa stong pa nyid ces bya'o/ /de la rang bzhin stong pa nyid gang zhe na/ 'dus byas sam/ 'dus ma byas kyang rung ste/ chos thams cad kyi rang bzhin gang yin pa de ni/ nyan thos rnams kyis ma byas/ rang sangs rgyas rnams kyis ma byas/ byang chub sems dpa' sems dpa' chen po rnams kyis ma byas/ de bzhin gshegs pa dgra bcom pa yang dag par rdzogs pa'i sangs rgyas rnams kyis ma byas te/ mi rtag mi 'jig pa'i phyir/ rang bzhin rang bzhin gyis stong ngo / /de ci'i phyir zhe na/ de'i rang bzhin de yin pa'i phyir te/ 'di ni rang bzhin stong pa nyid ces bya'o/ /de la chos thams cad stong pa nyid gang zhe na/ chos thams cad ces bya ba ni/ gzugs dang / tshor ba dang / 'du shes dang / 'du byed dang / rnam par shes pa dang / mig dang / rna ba dang / sna dang / lce dang / lus dang / yid dang / gzugs dang / sgra dang / dri dang / ro dang / reg dang / chos dang / mig gi rnam par shes pa dang / rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa dang / mig gi 'dus te reg pa dang / rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa dang / mig gi 'dus te reg pa'i rkyen gyis tshor ba dang / rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis</font><hr>30.223b<br><font size=+1>

tshor ba dang / gzugs yod pa'i chos dang / gzugs med pa'i chos dang / 'dus byas kyi chos dang / 'dus ma byas kyi chos te/ 'di dag ni chos thams cad ces bya'o/ /de la mi rtag mi 'jig pa'i phyir/ chos thams cad chos thams cad kyis stong ngo / /de ci'i phyir zhe na/ de'i rang bzhin de yin pa'i phyir te/ 'di ni chos thams cad stong pa nyid ces bya'o/ /de la rang gi mtshan nyid stong pa nyid gang zhe na/ gzugs ni 'jig pa'i mtshan nyid/ tshor ba ni myong ba'i mtshan nyid/ 'du shes ni 'dzin pa'i mtshan nyid/ 'du byed ni mngon par 'du byed pa'i mtshan nyid/ rnam par shes pa ni rnam par rig pa'i mtshan nyid de/ mi rtag mi 'jig pa'i phyir/ 'dus byas kyi chos rnams kyi mtshan nyid gang yin pa dang / 'dus ma byas kyi chos rnams kyi mtshan nyid gang yin pa'i rang rang gi mtshan nyid de dag gis/ chos de dag thams cad stong ngo / /de ci'i phyir zhe na/ de dag gi rang bzhin ni de yin pa'i phyir te/ 'di ni rang gi mtshan nyid stong pa nyid ces bya'o/ /de la mi dmigs pa stong pa nyid gang zhe na/ gang la 'das pa mi dmigs pa dang / ma 'ongs pa mi dmigs pa dang / da ltar byung ba'i gnas mi dmigs pa ste/ mi rtag mi 'jig pa'i phyir/ mi dmigs pa mi dmigs pas stong ngo / /de ci'i phyir zhe na/ de'i rang bzhin de yin pa'i phyir te/ 'di ni mi dmigs pa stong pa nyid ces bya'o/ /de la dngos po med pa'i ngo bo nyid stong pa nyid gang zhe na/ chos thams cad rten cing 'brel bar 'byung ba'i phyir/ 'dus pa'i ngo bo nyid med de/ mi rtag mi 'jig pa'i phyir/ 'dus pa 'dus pas stong ngo / /de ci'i phyir zhe na/ de'i rang bzhin de yin pa'i phyir te/ 'di ni dngos po med pa'i ngo bo nyid stong pa nyid ces bya'o// //shes rab kyi pha rol du phyin pa stong phrag nyi shu lnga pa/ bam po bcu drug pa/ rab 'byor gzhan yang dngos po ni dngos pos stong ngo / /dngos po med pa ni dngos po</font><hr>30.224a<br><font size=+1>

med pas stong ngo / /rang bzhin ni rang bzhin gyis stong ngo / /gzhan gyi dngos po ni gzhan gyi dngos pos stong ngo / /de la dngos po dngos po zhes bya ba gang zhe na/ phung po lnga ste/ phung po de dag kyang phung po rnams kyis stong pas/ de ltar na dngos po dngos pos stong ngo / /ji ltar na dngos po med pa dngos po med pas stong zhe na/ dngos po med pa zhes bya ba ni/ 'dus ma byas ste/ 'dus ma byas de yang 'dus ma byas kyis stong pas/ de ltar na dngos po med pa dngos po med pas stong ngo / /ji ltar na rang bzhin rang bzhin gyis stong zhe na/ rang bzhin zhes bya ba ni/ ngo bo nyid ma nor ba ste/ de la stong pa nyid gang yin pa de ni shes pas ma byas/ mthong bas ma byas te/ 'di ni rang bzhin stong pa nyid do/ /de la gzhan gyi dngos po stong pa nyid gang zhe na/ de bzhin gshegs pa rnams byung yang rung / de bzhin gshegs pa rnams ma byung yang rung ste/ chos kyi gnas nyid dang / chos nyid dang / chos kyi dbyings dang / chos skyon med pa nyid dang / de bzhin nyid dang / ma nor ba de bzhin nyid dang / gzhan ma yin pa de bzhin nyid dang / yang dag pa'i mtha' ni de bzhin du gnas pa ste/ de ltar chos de dag gzhan gyis stong pa gang yin pa de ni gzhan gyi dngos po stong pa nyid ces bya ste/ rab 'byor 'di ni byang chub sems dpa' sems dpa' chen po'i theg pa chen po'o/ /rab 'byor gzhan yang byang chub sems dpa' sems dpa' chen po ni/ 'di lta ste/ dpa' bar 'gro ba zhes bya ba'i ting nge 'dzin dang / rin chen phyag rgya zhes bya ba'i ting nge 'dzin dang / seng ge rnam par rtse ba zhes bya ba'i ting nge 'dzin dang / zla ba bzang po zhes bya ba'i ting nge 'dzin dang / zla ba'i rgyal mtshan dpal zhes bya ba'i ting nge 'dzin dang / chos thams cad las shin du 'phags pa zhes bya ba'i ting nge 'dzin dang / chos thams cad kyi phyag rgya zhes bya ba'i ting nge 'dzin dang / spyi gtsug rnam par lta ba zhes bya ba'i ting nge 'dzin dang / chos</font><hr>30.224b<br><font size=+1>

kyi dbyings su nges pa zhes bya ba'i ting nge 'dzin dang / nges pa'i rgyal mtshan dpal zhes bya ba'i ting nge 'dzin dang / rdo rje zhes bya ba'i ting nge 'dzin dang / chos thams cad la 'jug pa'i phyag rgya zhes bya ba'i ting nge 'dzin dang / ting nge 'dzin gyi rgyal po ltar rab tu gnas pa zhes bya ba'i ting nge 'dzin dang / 'od zer rab tu 'gyed pa zhes bya ba'i ting nge 'dzin dang / dpung rnam par bkod pa zhes bya ba'i ting nge 'dzin dang / yang dag par 'phags pa zhes bya ba'i ting nge 'dzin dang / nges pa'i tshig la gdon mi za bar 'jug pa zhes bya ba'i ting nge 'dzin dang / tshig bla dgas la yang dag par 'jug pa zhes bya ba'i ting nge 'dzin dang / phyogs la rnam par lta ba zhes bya ba'i ting nge 'dzin dang / phyag rgya yongs su 'dzin pa zhes bya ba'i ting nge 'dzin dang / nyam pa med pa zhes bya ba'i ting nge 'dzin dang / chos thams cad yang dag par 'du ba rgya mtsho'i phyag rgya zhes bya ba'i ting nge 'dzin dang / nam mkha' rgyas par 'gengs pa zhes bya ba'i ting nge 'dzin dang / rdo rje'i dkyil 'khor ces bya ba'i ting nge 'dzin dang / rgyal mtshan rtse mo'i dpung rgyan ces bya ba'i ting nge 'dzin dang / dbang po'i dpal zhes bya ba'i ting nge 'dzin dang / rgyun gyi rjes su song ba zhes bya ba'i ting nge 'dzin dang / seng ge rnam par bsgyings pa zhes bya ba'i ting nge 'dzin dang / snrel zhi zhes bya ba'i ting nge 'dzin dang / nyon mongs pa spong ba zhes bya ba'i ting nge 'dzin dang / rnam par snang ba zhes bya ba'i ting nge 'dzin dang / tshol ba med pa zhes bya ba'i ting nge 'dzin dang / gnas la rten pa med pa zhes bya ba'i ting nge 'dzin dang / sems med pa zhes bya ba'i ting nge 'dzin dang / dri ma med pa'i sgron ma zhes bya ba'i ting nge 'dzin dang / 'od mtha' yas pa zhes bya ba'i ting nge 'dzin dang / kun du snang ba zhes bya ba'i ting nge 'dzin dang / dag pa dam pa zhes bya ba'i ting nge 'dzin dang / 'od dri ma med pa zhes bya ba'i ting nge 'dzin dang / dga' ba byed pa zhes bya ba'i ting nge 'dzin dang / glog gi sgron ma zhes bya ba'i ting nge</font><hr>30.225a<br><font size=+1>

'dzin dang / zad mi shes pa zhes bya ba'i ting nge 'dzin dang / mi 'pham pa zhes bya ba'i ting nge 'dzin dang / gzi brjid yod pa zhes bya ba'i ting nge 'dzin dang / zad pa dang bral ba zhes bya ba'i ting nge 'dzin dang / mi g.yo ba zhes bya ba'i ting nge 'dzin dang / 'jig pa med pa zhes bya ba'i ting nge 'dzin dang / nyi ma'i sgron ma zhes bya ba'i ting nge 'dzin dang / zla ba dri ma med pa zhes bya ba'i ting nge 'dzin dang / shes rab sgron ma zhes bya ba'i ting nge 'dzin dang / snang ba gsal ba zhes bya ba'i ting nge 'dzin dang / snang ba byed pa zhes bya ba'i ting nge 'dzin dang / bya ba byed pa zhes bya ba'i ting nge 'dzin dang / ye shes dpal zhes bya ba'i ting nge 'dzin dang / rdo rje lta bu zhes bya ba'i ting nge 'dzin dang / sems gnas pa zhes bya ba'i ting nge 'dzin dang / kun tu snang ba zhes bya ba'i ting nge 'dzin dang / rab tu gnas pa zhes bya ba'i ting nge 'dzin dang / rin chen mtha' zhes bya ba'i ting nge 'dzin dang / chos dam pa'i phyag rgya zhes bya ba'i ting nge 'dzin dang / chos thams cad mnyam pa nyid ces bya ba'i ting nge 'dzin dang / dga' ba spong ba zhes bya ba'i ting nge 'dzin dang / chos kyis 'phags pa zhes bya ba'i ting nge 'dzin dang / rnam par 'thor ba zhes bya ba'i ting nge 'dzin dang / chos thams cad kyi tshig rab tu 'byed pa zhes bya ba'i ting nge 'dzin dang / yi ge mnyam par 'god pa zhes bya ba'i ting nge 'dzin dang / yi ge dang bral ba zhes bya ba'i ting nge 'dzin dang / dmigs pa gcod pa zhes bya ba'i ting nge 'dzin dang / 'gyur ba med pa zhes bya ba'i ting nge 'dzin dang / rnam pa med pa zhes bya ba'i ting nge 'dzin dang / ming nges par 'jug pa zhes bya ba'i ting nge 'dzin dang / gnas med par spyod pa zhes bya ba'i ting nge 'dzin dang / rab rib med pa zhes bya ba'i ting nge 'dzin dang / spyod pa dang ldan pa zhes bya ba'i ting nge 'dzin dang / g.yo ba med pa zhes bya ba'i ting nge 'dzin dang / yul las rgal ba zhes bya ba'i ting nge 'dzin dang / yon tan thams cad kyi tshogs su gyur pa zhes bya ba'i ting nge 'dzin dang / </font><hr>30.225b<br><font size=+1>

sems med par gnas pa zhes bya ba'i ting nge 'dzin dang / dge ba'i me tog rgyas shing gsal ba zhes bya ba'i ting nge 'dzin dang / byang chub kyi yan lag yod pa zhes bya ba'i ting nge 'dzin dang / spobs pa mtha' yas pa zhes bya ba'i ting nge 'dzin dang / mi mnyam pa dang mnyam pa zhes bya ba'i ting nge 'dzin dang / chos thams cad las 'da' ba zhes bya ba'i ting nge 'dzin dang / yongs su gcod pa zhes bya ba'i ting nge 'dzin dang / nem nur rnam par sel ba zhes bya ba'i ting nge 'dzin dang / gnas su bya ba med pa zhes bya ba'i ting nge 'dzin dang / gcig tu rnam par bkod pa zhes bya ba'i ting nge 'dzin dang / rnam pa mngon par sgrub pa zhes bya ba'i ting nge 'dzin dang / rnam pa gcig tu gyur pa zhes bya ba'i ting nge 'dzin dang / rnam pa 'dor ba med pa zhes bya ba'i ting nge 'dzin dang / rtogs pas srid pa'i gzhi thams cad khong du chud pa zhes bya ba'i ting nge 'dzin dang / brda dang sgra la 'jug pa zhes bya ba'i ting nge 'dzin dang / sgra dbyangs kyi yi ge dang bral ba zhes bya ba'i ting nge 'dzin dang / sgron ma 'bar ba zhes bya ba'i ting nge 'dzin dang / mtshan nyid yongs su sbyong ba zhes bya ba'i ting nge 'dzin dang / mngon par dmigs pa med pa zhes bya ba'i ting nge 'dzin dang / rnam pa'i mchog thams cad dang ldan pa zhes bya ba'i ting nge 'dzin dang / bde ba dang sdug bsngal thams cad la mngon par dga' ba med pa zhes bya ba'i ting nge 'dzin dang / zad mi shes pa'i za ma tog ces bya ba'i ting nge 'dzin dang / gzungs kyi blo gros zhes bya ba'i ting nge 'dzin dang / yang dag pa dang log pa thams cad yang dag par sel ba zhes bya ba'i ting nge 'dzin dang / 'gal ba dang 'gog pa thams cad yang dag par zhi bar byed pa zhes bya ba'i ting nge 'dzin dang / 'thun pa dang 'gal ba med pa zhes bya ba'i ting nge 'dzin dang / 'od dri ma med pa zhes bya ba'i ting nge 'dzin dang / snying po dang ldan pa zhes bya ba'i ting nge 'dzin dang / zla ba dri ma med par rgyas pa'i 'od ces bya ba'i ting nge 'dzin dang / glog gi 'od ces bya ba'i ting nge 'dzin dang / rgyan</font><hr>30.226a<br><font size=+1>

chen po zhes bya ba'i ting nge 'dzin dang / rnam pa thams cad du 'od byed pa zhes bya ba'i ting nge 'dzin dang / ting nge 'dzin mnyam pa nyid ces bya ba'i ting nge 'dzin dang / rdul med cing rdul dang bral ba'i tshul dang ldan pa zhes bya ba'i ting nge 'dzin dang / nyon mongs pa med par yang dag par gzhol ba zhes bya ba'i ting nge 'dzin dang / nyon mongs pa dang bcas pa thams cad nyon mongs pa med par yang dag par gzhol ba zhes bya ba'i ting nge 'dzin dang / gnas dmigs su med pa la brtson pa zhes bya ba'i ting nge 'dzin dang / de bzhin nyid la gnas shing sems med pa zhes bya ba'i ting nge 'dzin dang / lus kyi skyon yang dag par sel ba zhes bya ba'i ting nge 'dzin dang / ngag gi skyon rnam par 'jig pas nam mkha' ltar gyur pa zhes bya ba'i ting nge 'dzin dang / nam mkha' ltar chags pa med pas rnam par grol zhing gos pa med pa zhes bya ba'i ting nge 'dzin to/ /de la dpa' bar 'gro ba zhes bya ba'i ting nge 'dzin gang zhe na/ ting nge 'dzin de ni ting nge 'dzin thams cad kyi spyod yul la spyod pa ste/ 'di ni dpa' bar 'gro ba zhes bya ba'i ting nge 'dzin to/ /de la rin chen phyag rgya zhes bya ba'i ting nge 'dzin gang zhe na/ ting nge 'dzin des ting nge 'dzin thams cad rgyas btab pa lta bur 'gyur ba ste/ 'di ni rin chen phyag rgya zhes bya ba'i ting nge 'dzin to/ /de las seng ge rnam par rtse ba zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad kyis rnam par rtse ba ste/ 'di ni seng ge rnam par rtse ba zhes bya ba'i ting nge 'dzin to/ /de la zla ba bzang po zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad snang bar byed pa ste/ 'di ni zla ba bzang po zhes bya ba'i ting nge 'dzin to/ /de la zla ba'i rgyal mtshan dpal zhes bya ba'i ting nge 'dzin gang zhe na/ ting nge 'dzin de ni ting nge 'dzin thams cad kyi rgyal mtshan 'dzin pa ste/ 'di ni zla ba'i rgyal mtshan</font><hr>30.226b<br><font size=+1>

dpal zhes bya ba'i ting nge 'dzin to/ /de la chos thams cad las shin du 'phags pa zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad kyis mngon par 'phags pa ste/ 'di ni chos thams cad las shin du 'phags pa zhes bya ba'i ting nge 'dzin to/ /de la spyi gtsug rnam par lta ba zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad kyi spyi gtsug rnam par lta ba ste/ 'di ni spyi gtsug rnam par lta ba zhes bya ba'i ting nge 'dzin to/ /de la chos kyi dbyings su nges pa zhes bya ba'i ting nge 'dzin gang zhe na/ ting nge 'dzin de la gnas shing / chos kyi dbyings su rtogs par 'gro ba ste/ 'di ni chos kyi dbyings su nges pa zhes bya ba'i ting nge 'dzin to/ /de la nges pa'i rgyal mtshan dpal zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad kyi rgyal mtshan nges pa 'dzin pa ste/ 'di ni de sangs rgyal mtshan dpal zhes bya ba'i ting nge 'dzin to/ /de la rdo rje zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad 'jig par mi 'gyur ba ste/ 'di ni rdo rje zhes bya ba'i ting nge 'dzin to/ /de la chos thams cad la 'jug pa'i phyag rgya zhes bya ba'i ting nge 'dzin gang zhe na/ ting nge 'dzin de la gnas shing / chos thams cad kyi phyag rgya la 'jug pa ste/ 'di ni chos thams cad la 'jug pa'i phyag rgya zhes bya ba'i ting nge 'dzin to/ /de la ting nge 'dzin la rgyal po ltar rab tu gnas pa zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad la rgyal po ltar rab tu gnas pa ste/ 'di ni ting nge 'dzin la rgyal po ltar rab tu gnas pa zhes bya ba'i ting nge 'dzin to/ /de la 'od zer rab tu 'gyed pa zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad kyi 'od zer rab tu 'gyed pa ste/ 'di ni 'od zer rab tu 'gyed pa zhes bya ba'i ting nge 'dzin</font><hr>30.227a<br><font size=+1>

to/ /de la dpung rnam par bkod pa zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad kyi stobs rnam par 'god pa ste/ 'di ni dpung rnam par bkod pa zhes bya ba'i ting nge 'dzin to/ /de la yang dag par 'phags pa zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad yang dag par 'phags par 'gyur ba ste/ 'di ni yang dag par 'phags pa zhes bya ba'i ting nge 'dzin to/ /de la nges pa'i tshig la gdon mi za bar 'jug pa zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad kyi nges pa'i tshig bstan pa la 'jug pa ste/ 'di ni nges pa'i tshig la gdon mi za bar 'jug pa zhes bya ba'i ting nge 'dzin to/ /de la tshig bla dgas la yang dag par 'jug pa zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad kyi tshig bla dgas la 'jug pa ste/ 'di ni tshig bla dgas la yang dag par 'jug pa zhes bya ba'i ting nge 'dzin to/ /de la phyogs rnam par lta ba zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad kyi phyogs rnam par lta ba ste/ 'di ni phyogs rnam par lta ba zhes bya ba'i ting nge 'dzin to/ /de la phyag rgya yongs su 'dzin pa zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad kyi phyag rgya yongs su 'dzin pa ste/ 'di ni phyag rgya yongs su 'dzin pa zhes bya ba'i ting nge 'dzin to/ /de la nyam pa med pa zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad nyam par mi 'gyur ba ste/ 'di ni nyam pa med pa zhes bya ba'i ting nge 'dzin to/ /de la chos thams cad yang dag par 'du ba rgya mtsho'i phyag rgya zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad 'du zhing khongs su chud par 'dong ba ste/ 'di ni</font><hr>30.227b<br><font size=+1>

chos thams cad yang dag par 'du ba rgya mtsho'i phyag rgya zhes bya ba'i ting nge 'dzin to/ /de la nam mkha' rgyas par 'gengs pa zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad kyis nam mkha' rgyas par 'gengs pa ste/ 'di ni nam mkha' rgyas par 'gengs pa zhes bya ba'i ting nge 'dzin to/ /de la rdo rje'i dkyil 'khor zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad kyi dkyil 'khor yongs su 'dzin pa ste/ 'di ni rdo rje'i dkyil 'khor ces bya ba'i ting nge 'dzin to/ /de la rgyal mtshan gyi rtse mo'i dpung rgyan ces bya ba'i ting nge 'dzin gang zhe na/ ting nge 'dzin de la gnas shing / ji ltar rgyal mtshan dam pa bzhin/ ting nge 'dzin thams cad las 'phags pa ste/ 'di ni rgyal mtshan gyi rtse mo'i dpung rgyan ces bya ba'i ting nge 'dzin to/ /de la dbang po'i dpal zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad kyi dbang dam pa thob pa ste/ 'di ni dbang po'i dpal zhes bya ba'i ting nge 'dzin to/ /de la rgyun gyi rjes su song ba zhes bya ba'i ting nge 'dzin gang zhe na/ ting nge 'dzin de la gnas shing / rgyun gyi rjes su ma log par yang dag par zhugs pa ste/ 'di ni rgyun gyi rjes su song ba zhes bya ba'i ting nge 'dzin to/ /de la seng ge rnam par bsgyings pa zhes bya ba'i ting nge 'dzin gang zhe na/ ting nge 'dzin de la gnas shing / rdul dang dri ma thams cad rab tu spang ba'i dbang du gyur cing / ji ltar seng ge'i rgyal po bzhin dbang thob pas bsgyings pa lta bu ste/ 'di ni seng ge rnam par bsgyings pa zhes bya ba'i ting nge 'dzin to/ /de la snrel zhi zhes bya ba'i ting nge 'dzin gang zhe na/ ting nge 'dzin de la gnas shing / 'khor ba'i chos rnams rgyun gcod par byed pa ste/ 'di ni snrel zhi zhes bya ba'i ting nge 'dzin to/ /de la nyon mongs pa spong ba zhes bya ba'i ting nge 'dzin gang zhe na/ ting nge 'dzin de la gnas shing / nyon mongs pa thams cad kyi dri ma rab tu</font><hr>30.228a<br><font size=+1>

sel ba ste/ 'di ni nyon mongs pa spong ba zhes bya ba'i ting nge 'dzin to/ /de la rnam par snang ba zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad lham me/ lhan ne/ lhang nger byed pa ste/ 'di ni rnam par snang ba zhes bya ba'i ting nge 'dzin to/ /de la tshol ba med pa zhes bya ba'i ting nge 'dzin gang zhe na/ ting nge 'dzin de la gnas shing / chos gang yang tshol ba med pa ste/ 'di ni tshol ba med pa zhes bya ba'i ting nge 'dzin to/ /de la gnas la rten pa med pa zhes bya ba'i ting nge 'dzin gang zhe na/ ting nge 'dzin de la gnas shing / chos gang yang gnas la rten par yang dag par rjes su mi mthong ba ste/ 'di ni gnas la rten pa med pa zhes bya ba'i ting nge 'dzin to/ /de la sems med pa zhes bya ba'i ting nge 'dzin gang zhe na/ ting nge 'dzin de la gnas shing / sems kyang mi 'byung / sems las byung ba rnams kyang mi rgyu ba ste/ 'di ni sems med pa zhes bya ba'i ting nge 'dzin to/ /de la dri ma med pa'i sgron ma zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad kyi sgron ma dri ma med par byed pa ste/ 'di ni dri ma med pa'i sgron ma zhes bya ba'i ting nge 'dzin to/ /de la 'od mtha' yas pa zhes bya ba'i ting nge 'dzin gang zhe na/ ting nge 'dzin de la gnas shing / 'od mtha' yas par byed pa ste/ 'di ni 'od mtha' yas pa zhes bya ba'i ting nge 'dzin to/ /de la 'od byed pa zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin 'di thob ma thag tu/ ting nge 'dzin thams cad kyi 'od byed pa ste/ 'di ni 'od byed pa zhes bya ba'i ting nge 'dzin to/ /de la kun du snang ba zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin de thob ma thag tu ting nge 'dzin thams cad kyi sgo snang bar byed pa ste/ 'di ni kun du snang ba zhes bya ba'i ting nge 'dzin to/ /de la dag pa dam pa zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad kyi dag pa mnyam pa nyid 'thob pa ste/ 'di ni dag pa dam pa zhes bya</font><hr>30.228b<br><font size=+1>

ba'i ting nge 'dzin to/ /de la 'od dri ma med pa zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad kyi dri ma sel ba ste/ 'di ni 'od dri ma med pa zhes bya ba'i ting nge 'dzin to/ /de la dga' ba byed pa zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad kyi dga' ba nyams su myong bar 'gyur ba ste/ 'di ni dga' ba byed pa zhes bya ba'i ting nge 'dzin to/ /de la glog gi sgron ma zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad kyi sgron ma byed pa ste/ 'di ni glog gi sgron ma zhes bya ba'i ting nge 'dzin to/ /de la zad mi shes pa zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad zad shes pa dang ma zad mi shes pa yang dag par rjes su mi mthong ba ste/ 'di ni zad mi shes pa zhes bya ba'i ting nge 'dzin to/ / de la gzi brjid yod pa zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad kyi gzi brjid dang / dpal gyis 'bar bar 'gyur ba ste/ 'di ni gzi brjid yod pa zhes bya ba'i ting nge 'dzin to/ /de la zad pa dang bral ba zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad zad mi shes par rjes su mthong nas/ rdul tsam yang yang dag par rjes su mi mthong ba de ltar mthong ba ste/ 'di ni zad pa dang bral ba zhes bya ba'i ting nge 'dzin to/ /de la mi g.yo ba zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad mi g.yo/ mi 'gul/ rab tu mi 'byed/ rlom sems su mi byed pa ste/ 'di ni mi g.yo ba zhes bya ba'i ting nge 'dzin to/ /de la 'jig pa med pa zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad 'jig par yang dag par rjes su mi mthong ba ste/ 'di ni 'jig pa med pa zhes bya ba'i ting nge 'dzin to/ /de la nyi ma'i sgron ma zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad</font><hr>30.229a<br><font size=+1>

kyi sgo snang bar byed pa ste/ 'di ni nyi ma'i sgron ma zhes bya ba'i ting nge 'dzin to/ /de la zla ba dri ma med pa zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad mun pa med par byed pa ste/ 'di ni zla ba dri ma med pa zhes bya ba'i ting nge 'dzin to/ / de la snang ba gsal ba zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad kyi so so yang dag par rig pa bzhi rab tu 'thob pa ste/ 'di ni snang ba gsal ba zhes bya ba'i ting nge 'dzin to/ /de la snang ba byed pa zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad kyi sgo snang bar byed pa ste/ 'di ni snang ba byed pa zhes bya ba'i ting nge 'dzin to/ /de la bya ba byed pa zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad kyi bya ba rnams byed pa ste/ 'di ni bya ba byed pa zhes bya ba'i ting nge 'dzin to/ /de la ye shes dpal zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad kyi ye shes dpal yang dag par rjes su mthong ba ste/ 'di ni ye shes dpal zhes bya ba'i ting nge 'dzin to/ /de la rdo rje lta bu zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad la ting nge 'dzin nyid kyang / yang dag par rjes su mi mthong bar khong du chud par byed pa ste/ 'di ni rdo rje lta bu zhes bya ba'i ting nge 'dzin to/ /de la sems gnas pa zhes bya ba'i ting nge 'dzin gang zhe na/ ting nge 'dzin de la gnas shing / sems mi g.yo/ rnam par mi g.yo/ rnam par mi ldog yongs su yid 'chad par mi 'gyur/ nyams su mi bde ba med la/ de la sems zhes bya ba ni 'di yin zhes bya bar sems mi 'byung ba ste/ 'di ni sems gnas pa zhes bya ba'i ting nge 'dzin to/ /de la kun du snang ba zhes bya ba'i ting nge 'dzin gang zhe na/ ting nge 'dzin de la gnas shing ting nge 'dzin thams cad snang bar yang dag par rjes su mthong ba ste/ 'di ni kun du</font><hr>30.229b<br><font size=+1>

snang ba zhes bya ba'i ting nge 'dzin to/ /de la rab tu gnas pa zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad la rab tu gnas par 'gyur ba ste/ 'di ni rab tu gnas pa zhes bya ba'i ting nge 'dzin to/ /de la rin chen mtha' zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad rin chen mtha' ltar kun nas snang ba ste/ 'di ni rin chen mtha' zhes bya ba'i ting nge 'dzin to/ /de la chos dam pa'i phyag rgya zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad phyag rgya med pa'i mthas phyag rgyas btab par nye bar bzung bas phyag rgyas btab par 'gyur ba ste/ 'di ni chos dam pa'i phyag rgya zhes bya ba'i ting nge 'dzin to/ /de la chos thams cad mnyam pa nyid ces bya ba'i ting nge 'dzin gang zhe na/ ting nge 'dzin de la gnas shing / chos gang yang mnyam pa nyid du ma chud pa med par yang dag par rjes su mthong ba ste/ 'di ni chos thams cad mnyam pa nyid ces bya ba'i ting nge 'dzin to/ /de la dga' ba spong ba zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad dang chos thams cad kyi dga' ba spong ba ste/ 'di ni dga' ba spong ba zhes bya ba'i ting nge 'dzin to/ /de la chos kyis 'phags pa zhes bya ba'i ting nge 'dzin gang zhe na/ ting nge 'dzin de la gnas shing / chos thams cad kyi mun pa sel ba dang / ting nge 'dzin thams cad kyis mngon par 'phags par 'gyur ba ste/ 'di ni chos kyis 'phags pa zhes bya ba'i ting nge 'dzin to/ /de la rnam par 'thor ba zhes bya ba'i ting nge 'dzin gang zhe na/ ting nge 'dzin de la gnas shing / chos thams cad rnam par 'thor ba ste/ 'di ni rnam par 'thor ba zhes bya ba'i ting nge 'dzin to/ /de la chos thams cad kyi tshig rab tu 'byed pa zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad dang / chos thams cad kyi tshig rab tu 'byed pa ste/ 'di ni chos thams cad kyi tshig rab tu</font><hr>30.230a<br><font size=+1>

'byed pa zhes bya ba'i ting nge 'dzin to/ /de la yi ge mnyam par 'god pa zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad kyi yi ge mnyam pa nyid rab tu 'thob pa ste/ 'di ni yi ge mnyam par 'god pa zhes bya ba'i ting nge 'dzin to/ /de la yi ge dang bral ba zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad kyi yi ge gcig kyang dmigs su med pa ste/ 'di ni yi ge dang bral ba zhes bya ba'i ting nge 'dzin to/ /de la dmigs pa gcod pa zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad kyi dmigs pa 'chad par 'gyur ba ste/ 'di ni dmigs pa gcod pa zhes bya ba'i ting nge 'dzin to/ /de la 'gyur ba med pa zhes bya ba'i ting nge 'dzin gang zhe na/ ting nge 'dzin de la gnas shing / chos thams cad 'gyur bar mi dmigs pa ste/ 'di ni 'gyur ba med pa zhes bya ba'i ting nge 'dzin to/ /de la rnam pa med pa zhes bya ba'i ting nge 'dzin gang zhe na/ ting nge 'dzin de la gnas shing / chos thams cad kyi rnam pa tsam yang dmigs pa med pa ste/ 'di ni rnam pa med pa zhes bya ba'i ting nge 'dzin to/ /de la ming nges par 'jug pa zhes bya ba'i ting nge 'dzin gang zhe na/ ting nge 'dzin de la gnas shing / nges pa'i tshig thams cad ni yang dag par dmigs su med cing / tha snyad la ltos pa tsam mo zhes rtogs par 'jug pa ste/ 'di ni ming nges par 'jug pa zhes bya ba'i ting nge 'dzin to/ /de la gnas med par spyod pa zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin de thams cad kyi gnas dmigs pa med pa ste/ 'di ni gnas med par spyod pa zhes bya ba'i ting nge 'dzin to/ /de la rab rib med pa zhes bya ba'i ting nge 'dzin gang zhe na/ ting nge 'dzin de la gnas shing / chos thams cad kyi rab rib rnam par sel ba ste/ 'di ni rab rib med pa</font><hr>30.230b<br><font size=+1>

zhes bya ba'i ting nge 'dzin to/ /de la spyod pa dang ldan pa zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad kyi spyod pa yang dag par rjes su mi mthong ba ste/ 'di ni spyod pa dang ldan pa zhes bya ba'i ting nge 'dzin to/ /de la g.yo ba med pa zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad g.yo ba med par yang dag par rjes su mthong ba ste/ 'di ni g.yo ba med pa zhes bya ba'i ting nge 'dzin to/ /de la yul las rgal ba zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad kyi spyod yul las yang dag par 'da' ba ste/ 'di ni yul las rgal ba zhes bya ba'i ting nge 'dzin to/ /de la yon tan thams cad kyi tshogs su gyur pa zhes bya ba'i ting nge 'dzin gang zhe na/ ting nge 'dzin de la gnas shing / chos thams cad dang / ting nge 'dzin thams cad kyi yon tan gyi tshogs rjes su 'thob pa ste/ 'di ni yon tan thams cad kyi tshogs su gyur pa zhes bya ba'i ting nge 'dzin to/ /de la sems med par gnas pa zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad la sems mi 'jug pa ste/ 'di ni sems med par gnas pa zhes bya ba'i ting nge 'dzin to/ /de la dge ba'i me tog rgyas shing gsal ba zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad kyi dge ba'i me tog rgyas shing gsal ba rab tu 'thob pa ste/ 'di ni dge ba'i me tog rgyas shing gsal ba zhes bya ba'i ting nge 'dzin to/ /de la byang chub kyi yan lag yod pa zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad kyi byang chub kyi yan lag rab tu 'thob pa ste/ 'di ni byang chub kyi yan lag yod pa zhes bya ba'i ting nge 'dzin to/ /de la spobs pa mtha' yas pa zhes bya ba'i ting nge 'dzin gang zhe na/ ting nge 'dzin de la</font><hr>30.231a<br><font size=+1>

gnas shing / ting nge 'dzin thams cad la spobs pa mtha' yas pa rab tu 'thob pa ste/ 'di ni spobs pa mtha' yas pa zhes bya ba'i ting nge 'dzin to/ /de la mi mnyam pa dang mnyam pa zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad la mi mnyam pa dang mnyam pa rab tu 'thob pa ste/ 'di ni mi mnyam pa dang / mnyam pa zhes bya ba'i ting nge 'dzin to/ /de la chos thams cad las 'da' ba zhes bya ba'i ting nge 'dzin gang zhe na/ ting nge 'dzin de la gnas shing / khams gsum pa thams cad las yang dag par 'da' ba ste/ 'di ni chos thams cad las 'da' ba zhes bya ba'i ting nge 'dzin to/ /de la yongs su gcod pa zhes bya ba'i ting nge 'dzin gang zhe na/ ting nge 'dzin de la gnas shing / chos thams cad dang / ting nge 'dzin thams cad kyi rgyud mthong ba ste/ 'di ni yongs su gcod pa zhes bya ba'i ting nge 'dzin to/ /de la nem nur rnam par sel ba zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad dang / chos thams cad la nem nur rnam par sel ba rab tu 'thob pa ste/ 'di ni nem nur rnam par sel ba zhes bya ba'i ting nge 'dzin to/ /de la gnas su bya ba med pa zhes bya ba'i ting nge 'dzin gang zhe na/ ting nge 'dzin de la gnas shing / chos thams cad kyi gnas yang dag par rjes su mi mthong ba ste/ 'di ni gnas su bya ba med pa zhes bya ba'i ting nge 'dzin to/ /de la gcig tu rnam par bkod pa zhes bya ba'i ting nge 'dzin gang zhe na/ ting nge 'dzin de la gnas shing / chos gang yang gnyis su yang dag par rjes su mi mthong ba ste/ 'di ni gcig tu rnam par bkod pa zhes bya ba'i ting nge 'dzin to/ /de la rnam pa mngon par sgrub pa zhes bya ba'i ting nge 'dzin gang zhe na/ ting nge 'dzin de la gnas shing / chos thams cad dang / ting nge 'dzin thams cad kyi rnam pa mngon par sgrub pa yang dag par rjes su mi mthong ba ste/ 'di ni rnam pa mngon par sgrub pa zhes bya ba'i ting nge 'dzin to/ /de la rnam pa gcig tu gyur pa zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad kyi rnam pa yang dag par rjes su mi mthong ba ste/ 'di ni rnam pa gcig tu gyur pa zhes bya ba'i ting nge 'dzin to/ /de la rnam pa 'dor ba med pa zhes</font><hr>30.231b<br><font size=+1>

bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad gnyis su med par yang dag par rjes su mthong ba ste/ 'di ni rnam pa 'dor ba med pa zhes bya ba'i ting nge 'dzin to/ /de la rtogs pas srid pa'i gzhi thams cad khong du chud pa zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad rtogs par byed pa'i ye shes la zhugs nas/ de la zhugs pa'i phyir khong du mi chud pa gang yang med pa ste/ 'di ni rtogs pas srid pa'i gzhi thams cad khong du chud pa zhes bya ba'i ting nge 'dzin to/ /de la brda dang sgra la 'jug pa zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad kyi brda dang sgra la 'jug pa ste/ 'di ni brda dang sgra la 'jug pa zhes bya ba'i ting nge 'dzin to/ /de la sgra dbyangs kyi yi ge dang bral ba zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad kyi yi ge dang bral bar rjes su mthong ba ste/ 'di ni sgra dbyangs kyi yi ge dang bral ba zhes bya ba'i ting nge 'dzin to/ /de la sgron ma 'bar ba zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad kyi gzi brjid kyis lham me/ lhan ne/ lhang nger byed pa ste/ 'di ni sgron ma 'bar ba zhes bya ba'i ting nge 'dzin to/ /de la mtshan nyid yongs su sbyong ba zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad kyi mtshan nyid yongs su dag par 'gyur bar byed pa ste/ 'di ni mtshan nyid yongs su sbyong ba zhes bya ba'i ting nge 'dzin to/ /de la mngon par dmigs pa med pa zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad mngon par dmigs pa med par yang dag par rjes su mthong ba ste/ 'di ni mngon par dmigs pa med pa zhes bya ba'i ting nge 'dzin to/ /de la rnam pa'i mchog thams cad dang ldan pa zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad rnam pa'i mchog thams cad dang ldan par 'gyur ba ste/ 'di ni rnam pa'i mchog thams cad dang ldan pa</font><hr>30.232a<br><font size=+1>

zhes bya ba'i ting nge 'dzin to/ /de la bde ba dang sdug bsngal thams cad la mngon par dga' ba med pa zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad la bde ba dang / sdug bsngal yang dag par rjes su mi mthong ba ste/ 'di ni bde ba dang sdug bsngal thams cad la mngon par dga' ba med pa zhes bya ba'i ting nge 'dzin to/ /de la zad mi shes pa'i za ma tog ces bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad zad du rung bar yang dag par rjes su ma mthong ba ste/ 'di ni zad mi shes pa'i za ma tog ces bya ba'i ting nge 'dzin to/ /de la gzungs kyi blo gros zhes bya ba'i ting nge 'dzin gang zhe na/ ting nge 'dzin de la gnas shing / gzungs thams cad yongs su 'dzin pa ste/ 'di ni gzungs kyi blo gros zhes bya ba'i ting nge 'dzin to/ /de la yang dag pa dang log pa thams cad yang dag par sel ba zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad yang dag pa dang log par yang dag par rjes su mi mthong ba ste/ 'di ni yang dag pa dang log pa thams cad yang dag par sel ba zhes bya ba'i ting nge 'dzin to/ /de la 'gal ba dang 'gog pa thams cad yang dag par zhi bar byed pa zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad 'gal ba dang 'gog pa yang dag par rjes su mi mthong ba ste/ 'di ni 'gal ba dang 'gog pa thams cad yang dag par zhi bar byed pa zhes bya ba'i ting nge 'dzin to/ /de la 'thun pa dang 'gal ba med pa zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad la 'thun pa dang 'gal ba yang dag par rjes su mi mthong ba ste/ 'di ni 'thun pa dang 'gal ba med pa zhes bya ba'i ting nge 'dzin to/ /de la 'od dri ma med pa zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad kyi 'od kyi dkyil 'khor mi dmigs pa ste/ 'di ni 'od dri ma med pa zhes bya ba'i ting nge 'dzin to/ /de la snying po dang ldan pa zhes bya ba'i ting nge 'dzin gang zhe na/ ting nge 'dzin de la</font><hr>30.232b<br><font size=+1>

gnas shing / ting nge 'dzin thams cad kyi snying po yang dag par rjes su mi mthong ba ste/ 'di ni snying po dang ldan pa zhes bya ba'i ting nge 'dzin to/ /de la zla ba dri ma med par rgyas pa'i 'od ces bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad 'di lta ste/ dper na zla ba nya ba'i dkyil 'khor ltar yongs su rgyas par 'gyur ba ste/ 'di ni zla ba dri ma med par rgyas pa'i 'od ces bya ba'i ting nge 'dzin to/ /de la glog gi 'od ces bya ba'i ting nge 'dzin gang zhe na/ ting nge 'dzin de la gnas shing / dag cing gsal ba'i 'od kyis sems can gyi ris snang bar byas shing / mun pa mun nag gi che ba gdug pa sel bar byed pa ste/ 'di ni glog gi 'od ces bya ba'i ting nge 'dzin to/ /de la rgyan chen po zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad rgyan chen po dang ldan par 'gyur ba ste/ 'di ni rgyan chen po zhes bya ba'i ting nge 'dzin to/ /de la rnam pa thams cad du 'od byed pa zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad snang bar byed pa ste/ 'di ni rnam pa thams cad du 'od byed pa zhes bya ba'i ting nge 'dzin to/ /de la ting nge 'dzin mnyam pa nyid ces bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad la 'khrug pa yang mi dmigs/ rtse gcig kyang mi dmigs pa ste/ 'di ni ting nge 'dzin mnyam pa nyid ces bya ba'i ting nge 'dzin to/ /de la rdul med cing rdul dang bral ba'i tshul dang ldan pa zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin dang chos thams cad rdul can dang / rdul dang bral bar mnyam pa nyid du rtogs pa ste/ 'di ni rdul med cing rdul dang bral ba'i tshul dang ldan pa zhes bya ba'i ting nge 'dzin to/ /de la nyon mongs pa med par yang dag par gzhol ba zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad nyon mongs pa med par 'gyur ba ste/ 'di ni nyon mongs pa med par yang dag par gzhol ba zhes bya ba'i ting nge 'dzin to/ /de la nyon mongs pa dang bcas pa thams cad nyon mongs pa med par</font><hr>30.233a<br><font size=+1>

yang dag par gzhol ba zhes bya ba'i ting nge 'dzin gang zhe na ting nge 'dzin de la gnas shing / nyon mongs pa dang bcas pa thams cad nyon mongs pa med par yang dag par gzhol ba 'thob par 'gyur ba ste/ 'di ni nyon mongs pa dang bcas pa thams cad nyon mongs pa med par yang dag par gzhol ba zhes bya ba'i ting nge 'dzin to/ /de la gnas dmigs su med pa la brtson pa zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad kyi kun gzhi nye bar mi dmigs pa ste/ 'di ni gnas dmigs su med pa la brtson pa zhes bya ba'i ting nge 'dzin to/ /de la de bzhin nyid la gnas shing / sems med pa zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad kyi de bzhin nyid las phyir mi ldog pa ste/ 'di ni de bzhin nyid la gnas shing / sems med pa zhes bya ba'i ting nge 'dzin to/ /de la lus kyi skyon yang dag par sel ba zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad kyi lus mi dmigs pa ste/ 'di ni lus kyi skyon yang dag par sel ba zhes bya ba'i ting nge 'dzin to/ /de la ngag gi skyon rnam par 'jig pas nam mkha' ltar gyur pa zhes bya ba'i ting nge 'dzin gang zhe na/ ting nge 'dzin de la gnas shing / ting nge 'dzin thams cad kyi ngag gi las/ mi dmigs pa ste/ 'di ni ngag gi skyon rnam par 'jig pas nam mkha' ltar gyur pa zhes bya ba'i ting nge 'dzin to/ /de la nam mkha' ltar chags pa med pas/ rnam par grol zhing gos pa med pa zhes bya ba'i ting nge 'dzin gang zhe na/ ting nge 'dzin de la gnas shing / chos thams cad nam mkha' ltar chags pa med pas/ rnam par grol zhing gos pa med pa 'thob pa ste/ 'di ni nam mkha' ltar chags pa med pas/ rnam par grol zhing gos pa med pa zhes bya ba'i ting nge 'dzin to/[ ]/ rab 'byor 'di ni byang chub sems dpa' sems dpa' chen po shes rab kyi pha rol du phyin pa la spyod pa'i theg pa chen po'o/ /shes rab kyi pha rol du phyin pa stong phrag nyi shu lnga pa las le'u brgyad pa'o// //</font><hr>30.233b<br><font size=+1>

rab 'byor gzhan yang byang chub sems dpa' sems dpa' chen po'i theg pa chen po 'di lta ste/ dran pa nye bar gzhag pa bzhi ste/ bzhi gang zhe na/ lus dran pa nye bar gzhag pa dang / tshor ba dran pa nye bar gzhag pa dang / sems dran pa nye bar gzhag pa dang / chos dran pa nye bar gzhag pa'o/ /de la lus dran pa nye bar gzhag pa gang zhe na/ rab 'byor 'di la byang chub sems dpa' sems dpa' chen po nang gi lus la de mi dmigs pa'i tshul gyis lus kyi rjes su lta zhing / brtson 'grus can shes bzhin dang ldan pa/ dran pa dang ldan pas/ 'jig rten gyi chags sems dang / yid mi bde ba rnam par bsal cing rnam par spyod kyang / lus dang ldan pa'i rnam par rtog pa rnams la rnam par mi rtog go/ /phyi'i lus la de mi dmigs pa'i tshul gyis/ lus kyi rjes su lta zhing / brtson 'grus can shes bzhin dang ldan pa/ dran pa dang ldan pas/ 'jig rten gyi chags sems dang / yid mi bde ba rnam par bsal cing rnam par spyod kyang / lus dang ldan pa'i rnam par rtog pa rnams la rnam par mi rtog go/ /phyi nang gi lus la de mi dmigs pa'i tshul gyis lus kyi rjes su lta zhing / brtson 'grus can shes bzhin dang ldan pa/ dran pa dang ldan pas/ 'jig rten gyi chags sems dang / yid mi bde ba rnam par bsal cing rnam par spyod kyang / lus dang ldan pa'i rnam par rtog pa rnams la rnam par mi rtog go/ /nang gi tshor ba dang / sems dang / chos la de mi dmigs pa'i tshul gyis chos kyi rjes su lta zhing / brtson 'grus can shes bzhin dang ldan pa/ dran pa dang ldan pas/ 'jig rten kyi chags sems dang / yid mi bde ba rnam par bsal cing rnam par spyod kyang / chos dang ldan pa'i rnam par rtog pa rnams la rnam par mi rtog go/ /phyi'i tshor ba dang / sems dang / chos la de mi dmigs pa'i tshul gyis chos kyi rjes su lta zhing / brtson 'grus can shes bzhin dang ldan pa dran pa dang ldan pas/ 'jig rten gyi chags sems dang / yid mi bde ba rnam par bsal cing rnam par spyod kyang / chos dang ldan pa'i rnam par rtog pa rnams la rnam par mi rtog go/ /phyi nang gi tshor ba dang sems dang / </font><hr>30.234a<br><font size=+1>

chos la de mi dmigs pa'i tshul gyis chos kyi rjes su lta zhing / brtson 'grus can shes bzhin dang ldan pa/ dran pa dang ldan pas/ 'jig rten gyi chags sems dang / yid mi bde ba rnam par bsal cing rnam par spyod kyang / chos dang ldan pa'i rnam par rtog pa rnams la rnam par mi rtog go/ /rab 'byor ji ltar na byang chub sems dpa' sems dpa' chen po nang gi lus la lus kyi rjes su lta zhing / rnam par spyod pa yin zhe na/ rab 'byor 'di la byang chub sems dpa' sems dpa' chen po 'gro na 'gro'o zhes bya bar rab tu shes so/ /'greng na 'greng ngo zhes bya bar rab tu shes so/ /'dug na 'dug go zhes bya bar rab tu shes so/ /nyal na nyal lo zhes bya bar rab tu shes ste/ de'i lus nyams bde ba 'am/ mi bde yang rung / lus ji lta ji ltar gnas pa/ de lta de ltar des rab tu shes so/ /rab 'byor de ltar na byang chub sems dpa' sems dpa' chen po nang gi lus la de mi dmigs pa'i tshul gyis/ lus kyi rjes su lta zhing brtson 'grus can/ shes bzhin dang ldan pa/ dran pa dang ldan pas/ 'jig rten gyi chags sems dang / yid mi bde ba rnam par bstsal cing rnam par spyod do/ /rab 'byor gzhan yang byang chub sems dpa' sems dpa' chen po nang gi lus la de mi dmigs pa'i tshul gyis/ lus kyi rjes su lta zhing rnam par spyod do/ /de 'gro 'am 'ong yang shes bzhin du spyod pa yin/ lta 'am/ rnam par lta yang / shes bzhin du spyod pa yin/ bskum 'am/ brkyang yang shes bzhin du spyod pa yin/ sbyar ma dang / lhung bzed 'chang zhing spyod kyang shes bzhin du spyod pa yin/ zos pa dang / 'chos pa dang / 'thungs pa dang / myangs pa la yang shes bzhin du spyod pa yin/ nyal ba dang / gnyid kyi mya myo bsal ba yang shes bzhin du spyod pa yin/ 'gro ba dang / 'ong ba dang / 'greng ba dang / 'dug pa dang / gnyid kyis log pa dang / ma log pa dang / smra ba dang / mi smra ba dang / nang du yang dag 'jog la yang shes bzhin du spyod pa yin te/ rab 'byor de ltar na byang chub sems dpa' sems dpa' chen po shes</font><hr>30.234b<br><font size=+1>

rab kyi pha rol du phyin pa la spyod pa'i tshe/ nang gi lus la de mi dmigs pa'i tshul gyis lus kyi rjes su lta zhing / brtson 'grus can shes bzhin dang ldan pa/ dran pa dang ldan pas/ 'jig rten gyi chags sems dang / yid mi bde ba rnam par bstsal cing rnam par spyod do/ /rab 'byor gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ dran zhing dbugs nang du rgyu na yang / dran zhing dbugs nang du rgyu'o zhes bya bar rab tu shes so/ /dran zhing dbugs phyir rgyu na yang / dran zhing dbugs phyir rgyu'o zhes bya bar rab tu shes so/ /dbugs nang du ring du rgyu na yang / dbugs nang du ring du rgyu'o zhes bya bar rab tu shes so/ /dbugs phyir ring du rgyu na yang dbugs phyir ring du rgyu'o zhes bya bar rab tu shes so/ /dbugs nang du thung ngu rgyu na yang / dbugs nang du thung ngu rgyu'o zhes bya bar rab tu shes so/ /dbugs phyir thung ngu rgyu na yang / dbugs phyir thung ngu rgyu'o zhes bya bar rab tu shes ste/ rab 'byor 'di lta ste dper na/ rdza mkhan 'khor lo bskor ba 'am/ rdza mkhan 'khor lo bskor ba'i mchan bu mkhas pa ni ring du bskor na ring du bskor ro zhes bya bar rab tu shes so/ /thung du bskor na thung du bskor ro zhes bya bar rab tu shes so/ /rab 'byor de bzhin du byang chub sems dpa' sems dpa' chen po yang shes rab kyi pha rol tu phyin pa la spyod pa'i tshe/ dran par dbugs nang du rgyus na yang / dran par dbugs nang du rgyus so zhes bya bar rab tu shes so/ /dran par dbugs phyir rgyus na yang / dran par dbugs phyir rgyus so zhes bya bar rab tu shes so/ /dbugs ring du nang du rgyus na yang / dbugs ring du nang du rgyus so zhes bya bar rab tu shes so/ /dbugs ring du phyir rgyus na yang / dbugs ring du phyir rgyus so zhes bya bar rab tu shes so/ /dbugs thung du nang du rgyus na yang / dbugs thung du nang du rgyus so zhes bya bar rab tu shes so/ /dbugs thung du phyir rgyus</font><hr>30.235a<br><font size=+1>

na yang / dbugs thung du phyir rgyus so zhes bya bar rab tu shes te/ rab 'byor de ltar na byang chub sems dpa' sems dpa' chen po shes rab kyi pha rol du phyin pa la spyod pa'i tshe/ nang gi lus la de mi dmigs pa'i tshul gyis lus kyi rjes su lta zhing / brtson 'grus can shes bzhin dang ldan pa/ dran pa dang ldan pas/ 'jig rten gyi chags sems dang / yid mi bde ba rnam par bsal zhing rnam par spyod do/ /rab 'byor gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ lus 'di la sa'i khams dang / chu'i khams dang / me'i khams dang / rlung gi khams kyang yod do zhes bya bar khams kyi rnam pa yang dag pa ji lta ba bzhin du rab tu rtog ste/ rab 'byor 'di lta ste/ dper na/ ba lang gi shen pa 'am/ ba lang gi shen pa'i mchan bu mkhas pas/ mtshon rnon po thogs te/ ba lang bsad cing bag bzhir gshegs te/ so sor phye nas 'greng ngam 'dug ste/ de la rab tu rtog pa de bzhin du/ byang chub sems dpa' sems dpa' chen po shes rab kyi pha rol du phyin pa la spyod pa yang / lus 'di la sa'i khams dang / chu'i khams dang / me'i khams dang / rlung gi khams kyang yod do zhes bya bar khams kyi rnam pa yang dag pa ji lta ba bzhin du rtog ste/ rab 'byor de ltar na byang chub sems dpa' sems dpa' chen po shes rab kyi pha rol du phyin pa la spyod cing / 'greng ngam 'dug ste/ nang gi lus la de mi dmigs pa'i tshul gyis lus kyi rjes su lta zhing / brtson 'grus can shes bzhin dang ldan pa/ dran pa dang ldan pas/ 'jig rten gyi chags sems dang / yid mi bde ba rnam par bsal cing rnam par spyod do/ /rab 'byor gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe lus 'di nyid la rkang pa'i mthil yan cad/ klad pa dang / skra man cad/ sen mo dang / spu dang / pags pa yan cad/ mi gtsang ba sna tshogs kyis gang bar yang dag pa ji lta ba bzhin du rtog ste/ lus 'di la skra dang / spu dang / sen mo dang / pags pa dang / glog</font><hr>30.235b<br><font size=+1>

pa dang / sha dang / chu ba dang / khrag dang / rus pa dang / rkang dang / snying dang / mkhal ma dang / mchin pa dang / glo ba dang / mtsher pa dang / long ka dang / rgyu ma dang / gnye ma dang / nang grol dang / gcin dang / phyi sa dang / mchi ma dang / rngul dang / tshil dang / snabs dang / ngar snabs dang / rnag dang / mkhris pa dang / bad kan dang / chu ser dang / kha chu dang / dri ma dang / klad pa dang / klad rgyas dang / rngu ma dang / rna spabs dag kyang yod do zhes bya bar yang dag pa ji lta ba bzhin du rab tu rtog ste/ rab 'byor 'di lta ste/ dper na/ chun pa'i sgye snod til dang / yungs kar dang / sran chung dang / bal sran dang / nas dang / gro dang / 'bras dang / 'bru sna tshogs kyis gang ba/ mig dang ldan pa'i mi zhig gis phye ste bltas na/ 'di ni til lo/ /'di ni yungs kar ro/ /'di ni sran chung ngo / /'di ni bal sran no/ /'di ni nas so/ /'di ni gro'o/ /'di ni 'bras so/ /'di dag ni de ma yin pa'i 'bru gzhan no zhes bya bar rab tu shes so/ /rab 'byor de bzhin du byang chub sems dpa' sems dpa' chen po yang lus 'di nyid la rkang pa'i mthil yan cad/ skra dang / spyi bo man cad/ sen mo dang / spu dang / pags pa yan chad/ mi gtsang ba sna tshogs kyis gang bar yang dag pa ji lta ba bzhin du rab tu rtog ste/ lus 'di la skra dang / spu dang / sen mo dang / pags pa dang / glog pa dang / sha dang / chu ba dang / khrag dang / rus pa dang / rkang dang / snying dang / mkhal ma dang / mchin pa dang / glo ba dang / mtsher pa dang / long ka dang / rgyu ma dang / gnye ma dang / nang grol dang / gcin dang / phyi sa dang / mchi ma dang / rngul dang / tshil dang / snabs dang / ngar snabs dang / rnag dang / mkhris pa dang / bad kan dang / chu ser dang / kha chu dang / dri ma dang / klad pa dang / klad rgyas dang / rngu ma dang / rna spabs dag kyang yod do zhes bya bar yang dag pa ji lta ba bzhin du rab tu rtog go/ /rab 'byor de ltar na byang chub sems dpa' sems dpa' chen po shes rab kyi pha rol du phyin pa la spyod pa'i tshe/ nang gi lus la de mi dmigs pa'i tshul gyis lus kyi rjes su lta zhing / brtson 'grus can shes bzhin dang ldan pa/ dran pa dang ldan pas/ 'jig</font><hr>30.236a<br><font size=+1>

rten gyi chags sems dang / yid mi bde ba rnam par bsal cing rnam par spyod do/ /rab 'byor gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ nam dur khrod na yod pa'i gzugs sna tshogs dur khrod du bor ba/ ro'i mal du bsnyal ba/ shi nas zhag gcig lon pa 'am/ shi nas zhag gnyis lon pa 'am/ shi nas zhag gsum lon pa 'am/ shi nas zhag bzhi lon pa 'am/ shi nas zhag lnga lon pa 'am/ rnam par bam pa 'am/ rnam par sngos pa 'am/ rnam par rnag pa 'am/ rnam par zos pa 'am/ rnam par 'thor ba mthong na/ de lus 'di nyid kyi tshul yang de dang sbyor te/ lus 'di yang 'di lta bu'i chos can/ 'di lta bu'i rang bzhin can te/ chos nyid 'di las ma 'das pa'o zhes bya bar nye bar sbyor ro/ /rab 'byor de ltar na byang chub sems dpa' sems dpa' chen po shes rab kyi pha rol du phyin pa la spyod pa'i tshe/ phyi'i lus la de mi dmigs pa'i tshul gyis lus kyi rjes su lta zhing / brtson 'grus can shes bzhin dang ldan pa/ dran pa dang ldan pas/ 'jig rten gyi chags sems dang / yid mi bde ba rnam par bsal cing rnam par spyod do/ /rab 'byor gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ nam dur khrod du bor ba'i ro shi nas zhag drug lon pa 'am/ shi nas zhag bdun lon pa bya rog gam/ khwa 'am/ 'ol ba 'am/ bya rgod dam/ spyang ki 'am/ wa 'am/ khyi 'am/ de ma yin pa'i srog chags kyi rigs sna tshogs kyis bza' ba mthong ba de'i tshe/ de lus 'di nyid kyi tshul yang de dang sbyor te/ lus 'di nyid kyang 'di lta bu'i chos can/ 'di lta bu'i rang bzhin can te/ chos nyid 'di lta bu las ma 'das so/ /zhes bya bar nye bar rtog go/ /rab 'byor de ltar na byang chub sems dpa' sems dpa' chen po shes rab kyi pha rol du phyin pa la spyod pa'i tshe/ phyi'i lus la de mi dmigs pa'i tshul gyis lus kyi</font><hr>30.236b<br><font size=+1>

rjes su lta zhing / brtson 'grus can shes bzhin dang ldan pa/ dran pa dang ldan pas/ 'jig rten gyi chags sems dang / yid mi bde ba rnam par bsal cing rnam par spyod do/ /rab 'byor gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ nam dur khrod du bor ba'i ro rnam par zos pa/ mi gtsang ba/ rnags pa/ rnam par sungs pa mthong ba de'i tshe/ lus 'di nyid kyi tshul yang de dang sbyor te/ lus 'di yang 'di lta bu'i chos can/ 'di lta bu'i rang bzhin can te/ 'di lta bu'i chos nyid las ma 'das pa'o/ /zhes bya bar nye bar rtog go/ /rab 'byor de ltar na byang chub sems dpa' sems dpa' chen po shes rab kyi pha rol du phyin pa la spyod pa'i tshe/ phyi'i lus la de mi dmigs pa'i tshul gyis lus kyi rjes su lta zhing / brtson 'grus can shes bzhin dang ldan pa/ dran pa dang ldan pas/ 'jig rten gyi chags sems dang / yid mi bde ba rnam par bsal cing rnam par spyod do/ /rab 'byor gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ nam dur khrod kyi rus pa/ keng rus sha ra ri dang / khrag ra ri chags pa/ rgyus pas brang breng du 'brel ba mthong ba de'i tshe/ de lus 'di nyid kyi tshul yang de dang sbyor te/ lus 'di yang 'di lta bu'i chos can/ 'di lta bu'i rang bzhin can te/ 'di lta bu'i chos nyid las ma 'das pa'o zhes bya bar nye bar rtog go/ /rab 'byor de ltar na byang chub sems dpa' sems dpa' chen po shes rab kyi pha rol du phyin pa la spyod pa'i tshe/ phyi'i lus la de mi dmigs pa'i tshul gyis lus kyi rjes su lta zhing / brtson 'grus can shes bzhin dang ldan pa/ dran pa dang ldan pas 'jig rten gyi chags sems dang / yid mi bde ba rnam par bsal cing rnam par spyod do/ /rab 'byor gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ nam dur khrod kyi rus pa keng rus</font><hr>30.237a<br><font size=+1>

sha dang / khrag med pa/ rgyus pa'i gzungs med pa/ dung gi mdog ltar gyur pa mthong ba de'i tshe/ de lus 'di nyid kyi tshul yang de dang nye bar sbyor te/ lus 'di nyid kyang 'di lta bu'i chos can 'di lta bu'i rang bzhin can te/ 'di lta bu'i chos nyid las ma 'das pa'o zhes bya bar nye bar rtog go/ /rab 'byor de ltar na byang chub sems dpa' sems dpa' chen po shes rab kyi pha rol du phyin pa la spyod pa'i tshe/ phyi'i lus la de mi dmigs pa'i tshul gyis lus kyi rjes su lta zhing / brtson 'grus can shes bzhin dang ldan pa/ dran pa dang ldan pas/ 'jig rten gyi chags sems dang / yid mi bde ba rnam par bsal cing rnam par spyod do// //shes rab kyi pha rol du phyin pa stong phrag nyi shu lnga pa/ bam po bcu bdun pa/ rab 'byor gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ nam dur khrod kyi rus pa/ keng rus gzungs med pa/ gyes pa/ dung gi mdog ltar gyur pa/ sa la rnam par 'thor ba mthong ba de'i tshe/ de lus 'di nyid kyi tshul yang de dang nye bar stor te/ lus 'di yang 'di lta bu'i chos can/ 'di lta bu'i rang bzhin can te/ 'di lta bu'i chos nyid las ma 'das pa'o zhes bya bar nye bar rtog go/ /rab 'byor de ltar na byang chub sems dpa' sems dpa' chen po shes rab kyi pha rol du phyin pa la spyod pa'i tshe/ phyi'i lus la de mi dmigs pa'i tshul gyis lus kyi rjes su lta zhing / brtson 'grus can shes bzhin dang ldan pa/ dran pa dang ldan pas/ 'jig rten gyi chags sems dang / yid mi bde ba rnam par bsal cing rnam par spyod do/ /rab 'byor gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ nam dur khrod kyi rus pa sa la/ phyogs dang phyogs mtshams su rnam par 'thor ba/ rkang pa'i rus pa rnams kyang gzhan du 'thor/ byin pa'i rus pa rnams kyang gzhan du 'thor/ brla'i rus pa rnams kyang gzhan du 'thor/ dpyi'i</font><hr>30.237b<br><font size=+1>

rus pa rnams kyang gzhan du 'thor/ tshigs pa'i rus pa rnams kyang gzhan du 'thor/ rtsib ma'i rus pa rnams kyang gzhan du 'thor/ mjing pa'i rus pa rnams kyang gzhan du 'thor/ mgo'i rus pa rnams kyang gzhan du 'thor ba mthong na/ de lus 'di nyid kyi tshul yang de dang sbyor te/ lus 'di yang 'di lta bu'i chos can/ 'di lta bu'i rang bzhin can te/ chos nyid 'di lta bu las ma 'das pa'o zhes bya bar nye bar rtog go/ /rab 'byor de ltar na byang chub sems dpa' sems dpa' chen po shes rab kyi pha rol du phyin pa la spyod pa'i tshe/ phyi'i lus la de mi dmigs pa'i tshul gyis lus kyi rjes su lta zhing / brtson 'grus can shes bzhin dang ldan pa/ dran pa dang ldan pas/ 'jig rten gyi chags sems dang / yid mi bde ba rnam par bsal cing rnam par spyod do/ /rab 'byor gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ nam dur khrod kyi rus pa lo du ma lon pa/ rlung dang nyi mas gdungs pa/ dung gi mdog ltar gyur pa mthong ba de'i tshe/ de lus 'di nyid kyang de dang nye bar sbyor te/ lus 'di yang 'di lta bu'i chos can te/ 'di lta bu'i chos nyid las ma 'das pa'o zhes bya bar nye bar rtog go/ /rab 'byor de ltar na byang chub sems dpa' sems dpa' chen po shes rab kyi pha rol du phyin pa la spyod pa'i tshe/ phyi'i lus la de mi dmigs pa'i tshul gyis lus kyi rjes su lta zhing / brtson 'grus can shes bzhin dang ldan pa/ dran pa dang ldan pas/ 'jig rten gyi chags sems dang / yid mi bde ba rnam par bsal cing rnam par spyod do/ /rab 'byor gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ nam dur khrod kyi rus pa lo du ma lon pa rab rib snang ba/ sngon por gyur pa/ thi ba'i mdog ltar gyur pa/ zegs pa/ brul ba/ sa'i rdul dang 'dran 'dren du gyur pa mthong ba de'i tshe/ de lus 'di nyid kyi tshul yang de dang sbyor te/ lus 'di nyid kyang 'di lta bu'i chos can/ 'di lta bu'i rang bzhin can te/ 'di lta bu'i chos nyid las ma 'das pa'o zhes bya bar nye bar rtog go/ /rab 'byor de ltar na byang chub sems</font><hr>30.238a<br><font size=+1>

dpa' sems dpa' chen po shes rab kyi pha rol du phyin pa la spyod pa'i tshe/ nang gi lus la de mi dmigs pa'i tshul gyis lus kyi rjes su lta/ phyi'i lus dang / phyi nang gi lus 'di la de mi dmigs pa'i tshul gyis lus kyi rjes su lta zhing / brtson 'grus can shes bzhin dang ldan pa/ dran pa dang ldan pas/ 'jig rten gyi chags sems dang / yid mi bde ba rnam par bsal cing rnam par spyod do/ /nang gi tshor ba dang / phyi'i tshor ba dang / phyi nang gi tshor ba la de mi dmigs pa'i tshul gyis tshor ba'i rjes su lta/ nang gi sems dang / phyi'i sems dang / phyi nang gi sems la de mi dmigs pa'i tshul gyis sems kyi rjes su lta/ nang gi chos dang / phyi'i chos dang / phyi nang gi chos la de mi dmigs pa'i tshul gyis chos kyi rjes su lta zhing / brtson 'grus can/ shes bzhin dang ldan pa/ dran pa dang ldan pas/ 'jig rten gyi chags sems dang / yid mi bde ba rnam par bstsal cing rnam par spyod do/ /rab 'byor 'di yang byang chub sems dpa' sems dpa' chen po'i theg pa chen po'o/ /rab 'byor gzhan yang byang chub sems dpa' sems dpa' chen po'i theg pa chen po ni/ 'di ltar yang dag par spong ba bzhi ste/ bzhi gang zhe na/ rab 'byor 'di la byang chub sems dpa' sems dpa' chen po shes rab kyi pha rol du phyin pa la spyod pa'i tshe/ sdig to mi dge ba'i chos ma skyes pa rnams mi bskyed pa'i phyir/ de mi dmigs pa'i tshul gyis mos par bskyed cing rtsol lo/ /brtson 'grus rtsom mo/ /sems kyi mthu bskyed do/ /yang dag par smon lam 'debs so/ /sdig to mi dge ba'i chos skyes pa rnams spang ba'i phyir/ de mi dmigs pa'i tshul gyis mos pa bskyed cing rtsol lo/ /brtson 'grus rtsom mo/ /sems kyi mthu bskyed do/ /yang dag par smon lam 'debs so/ /dge ba'i chos ma skyes pa rnams bskyed pa'i phyir/ de mi dmigs pa'i tshul gyis mos pa bskyed cing rtsol lo/ /brtson 'grus rtsom mo/ /sems kyi mthu bskyed do/ /yang dag par smon lam 'debs so/ /dge ba'i chos skyes pa'i rnams gnas pa dang / phyir zhing bsgom pa dang / nyams par mi 'gyur ba dang / yongs su rdzogs par bya ba'i phyir/ de mi dmigs pa'i tshul gyis mos pa bskyed cing rtsol lo/ /brtson 'grus rtsom mo/ /sems kyi mthu bskyed do/ /yang dag par smon</font><hr>30.238b<br><font size=+1>

lam 'debs te/ rab 'byor 'di yang byang chub sems dpa' sems dpa' chen po'i theg pa chen po'o/ /rab 'byor gzhan yang byang chub sems dpa' sems dpa' chen po'i theg pa chen po ni/ 'di ltar rdzu 'phrul gyi rkang pa bzhi ste/ bzhi gang zhe na/ rab 'byor 'di la byang chub sems dpa' sems dpa' chen po shes rab kyi pha rol du phyin pa la spyod pa'i tshe/ mos pa'i ting nge 'dzin spong ba'i 'du byed dang / ldan pa'i rdzu 'phrul gyi rkang pa dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spong bas yongs su grub pa sgom mo/ /brtson 'grus kyi ting nge 'dzin spong ba'i 'du byed dang ldan pa'i rdzu 'phrul gyi rkang pa dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spong bas yongs su grub pa sgom mo/ /sems kyi ting nge 'dzin spong ba'i 'du byed dang ldan pa'i rdzu 'phrul gyi rkang pa dben pa la gnas pa/ 'dod chags dang bral ba la gnas pa/ 'gog pa la gnas pa rnam par spong bas yongs su grub pa sgom mo/ /dpyod pa'i ting nge 'dzin spong ba'i 'du byed dang ldan pa'i rdzu 'phrul gyi rkang pa dben pa la gnas pa/ 'dod chags dang bral ba la gnas pa/ 'gog pa la gnas pa rnam par spong bas yongs su grub pa sgom ste/ rab 'byor 'di yang de mi dmigs pa'i tshul gyis byang chub sems dpa' sems dpa' chen po'i theg pa chen po'o/ /rab 'byor gzhan yang byang chub sems dpa' sems dpa' chen po'i theg pa chen po ni/ 'di ltar dbang po lnga ste/ lnga gang zhe na/ dad pa'i dbang po dang / brtson 'grus kyi dbang po dang / dran pa'i dbang po dang / ting nge 'dzin gyi dbang po dang / shes rab kyi dbang po ste/ rab 'byor 'di yang de mi dmigs pa'i tshul gyis/ byang chub sems dpa' sems dpa' chen po'i theg pa chen po'o/ /rab 'byor gzhan yang byang chub sems dpa'</font><hr>30.239a<br><font size=+1>

sems dpa' chen po'i theg pa chen po ni/ 'di ltar stobs lnga ste/ lnga gang zhe na/ dad pa'i stobs dang / brtson 'grus kyi stobs dang / dran pa'i stobs dang / ting nge 'dzin gyi stobs dang / shes rab kyi stobs te/ rab 'byor 'di yang de mi dmigs pa'i tshul gyis byang chub sems dpa' sems dpa' chen po'i theg pa chen po'o/ /rab 'byor gzhan yang byang chub sems dpa' sems dpa' chen po'i theg pa chen po ni/ 'di ltar byang chub kyi yan lag bdun ste/ bdun gang zhe na/ dran pa yang dag byang chub kyi yan lag dben pa la gnas pa/ 'dod chags dang bral ba la gnas pa/ 'gog pa la gnas pa rnam par spong bas/ yongs su grub pa de mi dmigs pa'i tshul gyis sgom mo/ /chos rnam par 'byed pa yang dag byang chub kyi yan lag dang / brtson 'grus yang dag byang chub kyi yan lag dang / dga' ba yang dag byang chub kyi yan lag dang / shin du sbyangs pa yang dag byang chub kyi yan lag dang / ting nge 'dzin yang dag byang chub kyi yan lag dang / btang snyoms yang dag byang chub kyi yan lag dben pa la gnas pa/ 'dod chags dang bral ba la gnas pa/ 'gog pa la gnas pa rnam par spong bas/ yongs su grub pa de mi dmigs pa'i tshul gyis sgom ste/ rab 'byor 'di yang byang chub sems dpa' sems dpa' chen po'i theg pa chen po'o/ /rab 'byor gzhan yang byang chub sems dpa' sems dpa' chen po'i theg pa chen po ni/ 'di ltar 'phags pa'i lam yan lag brgyad pa ste/ de yang gang zhe na/ yang dag pa'i lta ba dben pa la gnas pa/ 'dod chags dang bral ba la gnas pa/ 'gog pa la gnas pa rnam par spong bas/ yongs su grub pa de mi dmigs pa'i tshul gyis sgom mo/ /yang dag pa'i rtog pa dang / yang dag pa'i ngag dang / yang dag pa'i las</font><hr>30.239b<br><font size=+1>

kyi mtha' dang / yang dag pa'i 'tsho ba dang / yang dag pa'i rtsol ba dang / yang dag pa'i dran pa dang / yang dag pa'i ting nge 'dzin dben pa la gnas pa/ 'dod chags dang bral ba la gnas pa/ 'gog pa la gnas pa rnam par spong bas/ yongs su grub pa de mi dmigs pa'i tshul gyis sgom ste/ rab 'byor 'di yang byang chub sems dpa' sems dpa' chen po'i theg pa chen po'o/ /rab 'byor gzhan yang byang chub sems dpa' sems dpa' chen po'i theg pa chen po ni 'di ltar/ ting nge 'dzin gsum ste/ gsum gang zhe na/ stong pa nyid kyi ting nge 'dzin dang / mtshan ma med pa'i ting nge 'dzin dang / smon pa med pa'i ting nge 'dzin to/ /de la stong pa nyid kyi ting nge 'dzin gang zhe na/ chos thams cad rang gi mtshan nyid kyis stong pa nyid du rtog pa'i tshe/ sems gnas pa stong pa nyid rnam par thar pa'i sgo ste/ 'di ni stong pa nyid kyi ting nge 'dzin ces bya'o/ /de la mtshan ma med pa'i ting nge 'dzin gang zhe na/ chos thams cad mtshan ma med par rtog pa'i tshe/ sems gnas pa mtshan ma med pa rnam par thar pa'i sgo ste/ 'di ni mtshan ma med pa'i ting nge 'dzin ces bya'o/ /de la smon pa med pa'i ting nge 'dzin gang zhe na/ chos thams cad mngon par 'du bya ba med do/ /zhes mngon par 'du mi byed pa'i tshe/ sems gnas pa smon pa med pa rnam par thar pa'i sgo ste/ 'di ni smon pa med pa'i ting nge 'dzin ces bya'o/ /rnam par thar pa'i sgo gsum po de dag la zhum pa med par dran par bya ste/ rab 'byor 'di yang de mi dmigs pa'i tshul gyis byang chub sems dpa' sems dpa' chen po'i theg pa chen po'o/ /rab 'byor gzhan yang byang chub sems dpa' sems dpa' chen po'i theg pa chen po ni/ 'di ltar shes pa bcu gcig ste/ bcu gcig gang zhe na/ sdug bsngal shes pa dang / kun 'byung ba shes pa dang / 'gog pa shes</font><hr>30.240a<br><font size=+1>

pa dang / lam shes pa dang / zad pa shes pa dang mi skye ba shes pa dang / chos shes pa dang rjes su rtogs pa shes pa dang kun rdzob shes pa dang / 'dris pa shes pa dang / sgra ji bzhin shes pa'o/ /de la sdug bsngal shes pa gang zhe na/ sdug bsngal mi skye bar shes pa'o/ /de la kun 'byung ba shes pa gang zhe na/ kun 'byung ba spong bar shes pa'o/ /de la 'gog pa shes pa gang zhe na/ sdug bsngal 'gog par shes pa'o/ /de la lam shes pa gang zhe na/ 'phags pa'i lam yan lag brgyad pa shes pa'o/ /de la zad pa shes pa gang zhe na/ 'dod chags dang / zhe sdang dang / gti mug zad par shes pa'o/ /de la mi skye ba shes pa gang zhe na/ srid pa'i rgyud skye ba med par shes pa'o/ /de la chos shes pa gang zhe na/ phung po lnga sgyu mar yongs su rtogs shing shes pa'o/ /de la rjes su rtogs pa shes pa gang zhe na/ skye mched dang / khams dang / rten cing 'brel bar 'byung ba mi rtag ces bya bar shes pa'o/ /de la kun rdzob shes pa gang zhe na/ sems can gzhan dang gang zag gzhan gyi sems sems kyis shes pa'o/ /de la 'dris pa shes pa gang zhe na/ gang gis lam shes pa dang / yongs su byang ba shes pa'o/ /de la sgra ji bzhin shes pa gang zhe na/ de bzhin gshegs pa'i rnam pa thams cad mkhyen pa nyid kyi ye shes te/ rab 'byor 'di yang de mi dmigs pa'i tshul gyis byang chub sems dpa' sems dpa' chen po'i theg pa chen po'o/ /rab 'byor gzhan yang byang chub sems dpa' sems dpa' chen po'i theg pa chen po ni/ 'di ltar dbang po gsum ste/ gsum gang zhe na/ yongs su ma shes pa yongs su shes par bya'o/ /zhes bya ba'i dbang po dang / yongs su shes pa'i dbang po dang / yongs su shes pas rtogs pa'i dbang po'o/ /de la yongs su ma shes par yongs su shes par bya'o zhes bya ba'i dbang po gang zhe na/ slob pa'i gang zag mngon par rtogs par ma gyur pa rnams kyi dad pa'i dbang po dang / </font><hr>30.240b<br><font size=+1>

brtson 'grus kyi dbang po dang / dran pa'i dbang po dang / ting nge 'dzin gyi dbang po dang / shes rab kyi dbang po yongs su snang bar ma gyur pa 'di ni/ yongs su ma shes pa yongs su shes par bya'o zhes bya ba'i dbang po'o/ /de la yongs su shes pa'i dbang po gang zhe na/ gang zag slob pa yongs su shes par gyur pa rnams kyi dad pa'i dbang po dang / brtson 'grus kyi dbang po dang / dran pa'i dbang po dang / ting nge 'dzin gyi dbang po dang / shes rab kyi dbang po ste/ 'di ni yongs su shes pa'i dbang po shes bya'o/ /de la yongs su shes pas rtogs pa'i dbang po gang zhe na/ gang zag mi slob pa dgra bcom pa dang / rang sangs rgyas dang / byang chub sems dpa' dang de bzhin gshegs pa rnams kyi dad pa'i dbang po dang / brtson 'grus kyi dbang po dang / dran pa'i dbang po dang / ting nge 'dzin gyi dbang po dang / shes rab kyi dbang po ste/ rab 'byor 'di ni yongs su shes pas rtogs pa'i dbang po zhes bya ste/ rab 'byor 'di yang mi dmigs pa'i tshul gyis byang chub sems dpa' sems dpa' chen po'i theg pa chen po'o/ /rab 'byor gzhan yang byang chub sems dpa' sems dpa' chen po'i theg pa chen po ni/ 'di ltar ting nge 'dzin gsum ste/ gsum gang zhe na/ rtog pa dang bcas shing dpyod pa dang bcas pa'i ting nge 'dzin dang / rtog pa med la dpyod pa tsam gyi ting nge 'dzin dang / rtog pa med cing dpyod pa med pa'i ting nge 'dzin to/ /de la rtog pa dang bcas shing dpyod pa dang bcas pa'i ting nge 'dzin gang zhe na/ rab 'byor 'di la byang chub sems dpa' sems dpa' chen po 'dod pas dben/ sdig to mi dge ba'i chos kyis dben pa/ rtog pa dang bcas pa/ dpyod pa dang bcas pa/ dben pa las skyes pa'i dga' ba dang bde ba can/ bsam gtan dang po la nye bar bsgrubs shing gnas pa 'di ni/ rtog pa dang bcas shing dpyod pa dang bcas pa'i ting nge 'dzin to/ /de la rtog pa med pa la dpyod pa tsam</font><hr>30.241a<br><font size=+1>

gyi ting nge 'dzin gang zhe na/ bsam gtan dang po dang / bsam gtan gnyis pa'i bar ste/ 'di ni rtog pa myed pa la dpyod pa tsam gyi ting nge 'dzin ces bya'o/ /de la rtog pa myed cing dpyod pa med pa'i ting nge 'dzin gang zhe na/ bsam gtan gnyis pa dang / gsum pa dang / bzhi pa dang / nam mkha' mtha' yas skye mched dang / rnam shes mtha' yas skye mched dang cung zad med pa'i skye mched dang / 'du shes med 'du shes med min skye mched dang / 'du shes dang tshor ba 'gog pa'i snyoms par 'jug pa ste/ 'di ni mi rtog mi dpyod pa'i ting nge 'dzin ces bya'o/ /rab 'byor 'di yang mi dmigs pa'i tshul gyis byang chub sems dpa' sems dpa' chen po'i theg pa chen po'o/ /rab 'byor gzhan yang byang chub sems dpa' sems dpa' chen po'i theg pa chen po ni/ 'di ltar rjes su dran pa bcu ste/ bcu gang zhe na/ 'di lta ste/ sangs rgyas rjes su dran pa dang / chos rjes su dran pa dang / dge 'dun rjes su dran pa dang / tshul khrims rjes su dran pa dang / gtong ba rjes su dran pa dang / lha rjes su dran pa dang / dbugs phyi nang du rgyu ba rjes su dran pa dang / skye ba rjes su dran pa dang / 'chi ba rjes su dran pa dang / lus kyi rnam pa rjes su dran pa ste/ rab 'byor 'di yang de mi dmyigs pa'i tshul gyis byang chub sems dpa' sems dpa' chen po'i theg pa chen po'o/ /rab 'byor gzhan yang byang chub sems dpa' sems dpa' chen po'i theg pa chen po ni/ 'di lta ste/ bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / rnam par thar pa brgyad dang / mthar gyis gnas pa'i snyoms par 'jug pa dgu ste/ de la bsam gtan bzhi gang zhe na/ 'di la byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ 'dod pas dben/ sdig to mi dge ba'i chos kyis dben pa/ rtog pa dang bcas dpyod pa dang bcas pa/ </font><hr>30.241b<br><font size=+1>

dben pa las skyes pa'i dga' ba dang bde ba can bsam gtan dang po la nye bar bsgrubs te gnas so/ /de rnam par rtog pa dang rnam par dpyod pa nye bar zhi nas/ nang yongs su dang ste/ sems kyi rgyud gcig tu gyur pas/ rtog pa med pa/ dpyod pa med pa'i ting nge 'dzin las skyes pa'i dga' ba dang bde ba can/ bsam gtan gnyis pa la nye bar bsgrubs te gnas so/ /de dga' ba las 'dod chags dang bral bas dran pa dang ldan zhing / shes bzhin du btang snyoms la gnas te/ bde ba lus kyis myong la/ 'phags pa rnams kyis de la dran pa dang ldan pa/ bde ba la rnam par spyod pa/ btang snyoms pa'o zhes brjod pa ste/ dga' ba med pa'i bsam gtan gsum pa la nye bar bsgrubs te gnas so/ /de bde ba yang spangs sdug bsngal ba yang spangs shing / yid bde ba dang yid mi bde ba snga nas kyang nub pas/ bde ba yang med sdug bsngal ba yang med pa/ btang snyoms dang dran pas yongs su dag pa'i bsam gtan bzhi pa la mi dmigs pa'i tshul gyis nye bar bsgrubs shing gnas te/ de dag ni bsam gtan bzhi pa'o/ /de la tshad med pa bzhi gang zhe na/ rab 'byor 'di la byang chub sems dpa' sems dpa' chen po shes rab kyi pha rol du phyin pa la spyod pa'i tshe/ byams pa dang ldan pa'i sems rgya chen po shin du yangs pa/ mi gnyis pa/ tshad med pa/ gcugs med pa/ gnod pa med pa/ ltod pa med pa/ yongs su rdzogs pa/ shin du bsgoms pas/ 'jig rten chos kyi dbyings kyis klas pa/ nam mkha'i mthas gtugs pa'i phyogs bcu rgyas par bkang ste mos par byas shing / mi dmyigs pa'i tshul gyis rnam par spyod do/ /snying rje dang ldan pa dang / dga' ba dang ldan pa dang / btang snyoms dang ldan pa'i sems rgya chen po shin du yangs pa/ mi gnyis pa/ tshad med pa/ gcugs med pa/ gnod pa med pa/ ltod pa med pa yongs su rdzogs</font><hr>30.242a<br><font size=+1>

pa/ shin du bsgoms pas/ 'jig rten chos kyi dbyings kyis klas pa/ nam mkha'i mthas gtugs pa'i phyogs bcu rgyas par bkang ste/ mos par byas shing / mi dmigs pa'i tshul gyis rnam par spyod de/ de dag ni tshad med pa bzhi'o/ /de la gzugs med pa'i snyoms par 'jug pa bzhi gang zhe na/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ rnam pa thams cad du gzugs kyi 'du shes las yang dag par 'das te/ thogs pa'i 'dub shes rnams nub par gyur cing / sna tshogs kyi 'du shes yid la mi byed pas/ nam mkha' mtha' yas so zhes te/ nam mkha' mtha' yas skye mched la nye bar bsgrubs te gnaso/[ ]/ de rnam pa thams cad du nam mkha' mtha' yas skye mched las yang dag par 'das te/ rnam par shes pa mtha' yas so zhes/ rnam shes mtha' yas skye mched la nye bar bsgrubs te gnas so/ /de rnam pa thams cad du rnam shes mtha' yas skye mched las yang dag par 'das te/ cung zad ma yod do zhes cung zad med pa'i skye mched la nye bar bsgrubs te gnas so/ /de rnam pa thams cad du cung zad med pa'i skye mched las yang dag par 'das te/ 'du shes med 'du shes med min skye mched la nye bar bsgrubs te gnas so/ /de dag ni gzugs med pa'i snyoms par 'jug pa bzhi'o/ /de la rnam par thar pa brgyad gang zhe na/ gzugs can gyis gzugs rnams mthong ba 'di ni rnam par thar pa dang po'o/ /nang gzugs med pa'i 'du shes dang ldan pas/ phyi rol gyi gzugs rnams mthong ba 'di ni/ rnam par thar pa gnyis pa'o/ /bzang bar mos pa 'di ni rnam par thar pa gsum pa'o/ /de rnam pa thams cad du gzugs kyi 'du shes las yang dag par 'das te/ thogs pa'i 'du shes rnams nub par gyur cing / sna tshogs kyi 'du shes yid la mi byed pas/ nam mkha' mtha' yas so zhes te/ nam mkha'</font><hr>30.242b<br><font size=+1>

mtha' yas skye mched la nye bar bsgrubs te gnas so/ /de rnam pa thams cad du nam mkha' mtha' yas skye mched las yang dag par 'das te/ rnam par shes pa mtha' yas so zhes/ rnam shes mtha' yas skye mched la nye bar bsgrubs te gnas so/ /de rnam pa thams cad du rnam shes mtha' yas skye mched las yang dag par 'das te/ cung zad ma yod do zhes cung zad med pa'i skye mched la nye bar bsgrubs te gnas so/ /de rnam pa thams cad du cung zad med pa'i skye mched las yang dag par 'das te/ 'du shes med 'du shes med min skye mched la nye bar bsgrubs te gnas so/ /de rnam pa thams cad du 'du shes med 'du shes med min skye mched las yang dag par 'das te/ 'du shes dang tshor ba 'gog pa'i bar la de mi dmigs pa'i tshul gyis nye bar bsgrubs te gnas so/ /de dag ni rnam par thar pa brgyad do/ /de la mthar gyis gnas pa'i snyoms par 'jug pa dgu gang zhe na/ rab 'byor 'di la byang chub sems dpa' sems dpa' chen po shes rab kyi pha rol du phyin pa la spyod pa'i tshe/ 'dod pas dben/ sdig to mi dge ba'i chos kyis dben pa/ rtog pa dang bcas pa/ dpyod pa dang bcas pa/ dben pa las skyes pa'i dga' ba dang bde ba can bsam gtan dang po la nye bar bsgrubs te gnas so/ /de rnam par rtog pa dang / rnam par spyod pa nye bar zhi nas/ nang yongs su dang ste/ sems kyi rgyud gcig tu gyur pas/ rtog pa med pa/ dpyod pa med pa/ ting nge 'dzin las skyes pa'i dga' ba dang bde ba can/ bsam gtan gnyis pa la nye bar bsgrubs te gnas so/ /de dga' ba las 'dod chags dang bral ba dang / dran pa dang ldan zhing shes bzhin du btang snyoms su gnas te/ bde ba lus kyis myong la/ 'phags pa rnams kyis de la dran pa dang ldan pa/ bde ba la rnam par spyod pa/ btang snyoms pa'o zhes brjod pa ste/ dga' ba med</font><hr>30.243a<br><font size=+1>

pa'i bsam gtan gsum pa la nye bar bsgrubs te gnas so/ /de bde ba yang spangs/ sdug bsngal ba yang spangs shing yid bde ba dang / yid mi bde ba snga nas kyang nub pas/ bde ba yang med/ sdug bsngal ba yang med pa/ btang snyoms dang dran pas yongs su dag pa/ bsam gtan bzhi pa la nye bar bsgrubs te gnas so/ /de rnam pa thams cad du gzugs kyi 'du shes las yang dag par 'das te/ thogs pa'i 'du shes rnams nub par gyur cing / sna tshogs kyi 'du shes yid la mi byed pas/ nam mkha' mtha' yas so zhes te/ nam mkha' mtha' yas skye mched la nye bar sgrubs te gnas so/ /de rnam pa thams cad du nam mkha' mtha' yas skye mched las yang dag par 'das te/ rnam par shes pa mtha' yas so zhes/ rnam shes mtha' yas skye mched la nye bar bsgrubs te gnas so/ /de rnam pa thams cad du rnam shes mtha' yas skye mched las yang dag par 'das te/ cung zad ma yod do zhes cung zad med pa'i skye mched la nye bar bsgrubs te gnas so/ /de rnam pa thams cad du cung zad med pa'i skye mched las yang dag par 'das te/ 'du shes med 'du shes med min skye mched la nye bar bsgrubs te gnas so/ /de rnam pa thams cad du 'du shes med 'du shes med min skye mched las yang dag par 'das te/ 'du shes dang / tshor ba 'gog pa'i bar la de mi dmigs pa'i tshul gyis nye bar bsgrubs shing gnas te/ de dag ni mthar gyis gnas pa'i snyoms par 'jug pa dgu'o/ /rab 'byor gzhan yang byang chub sems dpa' sems dpa' chen po'i theg pa chen po ni 'di ltar de bzhin gshegs pa'i stobs bcu ste/ bcu gang zhe na/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ gnas la yang gnas su yang dag pa ji lta ba bzhin du rab tu shes so/ /gnas ma yin pa la yang gnas ma yin par yang dag pa ji lta ba bzhin du rab tu shes so/ /</font><hr>30.243b<br><font size=+1>

'das pa dang / ma 'ongs pa dang / da ltar byung ba'i las dang / las yongs su len pa'i rnam par smin pa gnas kyi rnam pa dang / rgyu'i rnam pa yang dag pa ji lta ba bzhin du rab tu shes so/ /'jig rten gyi khams ni sna tshogs can te/ 'jig rten gyi khams ni du ma pa'o zhes bya bar yang dag pa ji lta ba bzhin du rab tu shes so/ /sems can gzhan dang / gang zag gzhan gyi mos pa sna tshogs dang / mos pa du ma yang dag pa ji lta ba bzhin du rab tu shes so/ /sems can gzhan yang / gang zag gzhan gyi dbang po rab dang / tha ma shes par bya ba yang dag pa ji lta ba bzhin du rab tu shes so/ /kun du 'gro ba'i lam yang dag pa ji lta ba bzhin du rab tu shes so/ /dbang po dang / stobs dang / byang chub kyi yan lag dang / bsam gtan dang / rnam par thar pa dang / ting nge 'dzin dang / snyoms par 'jug pa dang / kun nas nyon mongs pa dang / rnam par byang ba rnam par dgod pa yang dag pa ji lta ba bzhin du rab tu shes so/ /de rnam pa du mar sngon gyis gnas rjes su dran te/ tshe rabs gcig kyang rjes su dran pa nas/ rnam pa dang bcas/ mal dang bcas/ gtan tshigs dang bcas pa'i bar du/ rnam pa du mar sngon gyi gnas rjes su dran no/ /de lha'i mig rnam par dag pa mi las 'das pas sems can 'chi 'pho dang / skye ba dag kyang yang dag pa ji lta ba bzhin du rab tu shes so/ /zag pa zad pa'i phyir sems rnam par grol ba dang / shes rab rnam par grol ba/ zag pa med pa/ rang gi mngon par shes pas mngon par bya ste/ nye bar bsgrubs shing rnam par spyod do/ /bdag gi skye ba ni zad do/ /bdag gis tshangs par spyod pa ni spyad do/ /bya ba ni byas so/ /rnam pa 'di lta bu gzhan ni med do zhes bya bar rab tu shes te/ rab 'byor 'di yang de mi dmigs pa'i tshul gyis byang chub sems dpa' sems dpa' chen po'i theg pa chen po'o/ /rab 'byor gzhan yang byang chub sems dpa' sems dpa' chen po'i theg pa chen po ni 'di </font><hr>30.244a<br><font size=+1>

'di ltar mi 'jigs pa bzhi ste/ bzhi gang zhe na/ bdag gis yang dag par rdzogs par sangs rgyas so zhes dam bcas na/ de la chos 'di rnams mngon par sangs ma rgyas so zhes bya bar bdag la dge sbyong ngam/ bram ze 'am/ lha 'am/ bdud dam/ tshangs pa 'am/ gzhan su yang rung ste/ 'jig rten na chos dang ldan par rgol bar 'gyur ro zhes bya ba'i rgyu yang yang dag par rjes su mi mthong ste/ rgyu yang yang dag par rjes su ma mthong bas/ de la bdag bde ba thob pa dang / bag tsha ba med pa thob pa dang / mi 'jigs pa thob par rnam par spyod de/ khyu mchog rlabs po che'i gnas su dam bca'o/ /'khor gyi nang du seng ge'i sgra bsgrag go/ /tshangs pa'i 'khor lo 'jig rten na/ dge sbyong ngam/ bram ze 'am/ lha 'am/ bdud dam/ tshangs pa 'am/ gzhan sus kyang rung ste/ chos dang ldan par bskor bar mi nus pa/ bdag gis rab du bskor bar bya'o/ /bdag zag pa zad do zhes dam bcas na/ de la zag pa 'di rnams yongs su zad par ma gyur to zhes bya bar/ bdag la dge sbyong ngam/ bram ze 'am/ lha 'am/ bdud dam/ tshangs pa 'am/ gzhan su yang rung ste/ 'jig rten na chos dang ldan par rgol bar 'gyur ro zhes bya ba'i rgyu yang yang dag par rjes su mi mthong ste/ rgyu yang dag par rjes su ma mthong bas/ de la bdag bde ba thob pa dang / bag tsha ba med pa thob pa dang / mi 'jigs pa thob par rnam par spyod de/ khyu mchog rlabs po che'i gnas su dam bca'o/ /'khor gyi nang du seng ge'i sgra bsgrag go/ /tshangs pa'i 'khor lo 'jig rten na dge sbyong ngam/ bram ze 'am/ lha 'am/ bdud dam/ tshangs pa 'am/ gzhan sus kyang rung ste/ chos dang ldan par bskor bar mi nus pa/ bdag gis rab tu bskor bar bya'o/ /gang yang bdag gis bar chad kyi chos su bstan pa de dag la bsten nas/ bar chad kyi chos su mi 'gyur ba de lta bu'i gnas med de/ de'i phyir bdag la dge sbyong</font><hr>30.244b<br><font size=+1>

ngam/ bram ze 'am/ lha 'am/ bdud dam/ tshangs pa 'am/ gzhan su yang rung ste/ 'jig rten na chos dang ldan par rgol bar 'gyur ro zhes bya ba'i rgyu yang yang dag par rjes su mi mthong ste/ rgyu yang dag par rjes su ma mthong bas/ de la bdag bde ba thob pa dang / bag tsha ba med pa thob pa dang / mi 'jigs pa thob par rnam par spyod de/ khyu mchog rlabs po che'i gnas su dam bca'o/ /'khor gyi nang du seng ge'i sgra bsgrag go/ /tshangs pa'i 'khor lo 'jig rten na dge sbyong ngam/ bram ze 'am/ lha 'am/ bdud dam/ tshangs pa 'am/ gzhan sus kyang rung ste/ chos dang ldan par bskor bar mi nus pa/ bdag gis rab tu bskor bar bya'o/ /gang yang bdag gis lam 'phags pa'i 'byung ba rtogs par 'gyur ba/ de byed pa'i sdug bsngal yang dag par zad par 'gyur bar bstan pa de dag la nan tan byas na/ sdug bsngal yang dag par zad par 'gyur bar mi 'byung ngo zhes bya ba de lta bu'i gnas med do/ /de'i phyir bdag la dge sbyong ngam/ bram ze 'am/ lha 'am/ bdud dam/ tshangs pa 'am/ gzhan su yang rung ste/ 'jig rten na chos dang ldan par rgol bar 'gyur ro zhes bya ba'i rgyu yang yang dag par rjes su mi mthong ste/ rgyu yang dag par rjes su ma mthong bas/ de la bdag bde ba thob pa dang / bag tsha ba med pa thob pa dang / mi 'jigs pa thob par rnam par spyod de/ khyu mchog brlabs po che'i gnas su dam bca'o/ /'khor gyi nang du seng ge'i sgra bsgrag go/ /tshangs pa'i 'khor lo 'jig rten na dge sbyong ngam/ bram ze 'am/ lha 'am/ bdud dam/ tshangs pa 'am/ gzhan sus kyang rung ste/ chos dang ldan par bskor bar mi nus pa bdag gis rab tu bskor bar bya'o zhes bya ba ste/ rab 'byor 'di yang de mi dmigs pa'i tshul gyis/ byang chub sems dpa' sems dpa' chen po'i theg pa chen po'o/ /rab 'byor gzhan yang byang chub sems dpa' sems dpa' chen po'i theg pa chen po ni/ 'di ltar so so yang</font><hr>30.245a<br><font size=+1>

dag par rig pa bzhi ste/ bzhi gang zhe na/ don so so yang dag par rig pa dang / chos so so yang dag par rig pa dang / nges pa'i tshig so so yang dag par rig pa dang / spobs pa so so yang dag par rig pa ste/ rab 'byor 'di yang de mi dmigs pa'i tshul gyis byang chub sems dpa' sems dpa' chen po'i theg pa chen po'o/ /rab 'byor gzhan yang byang chub sems dpa' sems dpa' chen po'i theg pa chen po ni/ 'di ltar sangs rgyas kyi chos ma 'dres pa bcwa brgyad de/ bco brgyad gang zhe na/ gang gi nam la de bzhin gshegs pa bla na med pa yang dag par rdzogs pa'i byang chub tu mngon par rdzogs par sangs rgyas pa dang / gang gi nam la lha dang bcas pa'i 'jig rten bdud dang bcas pa/ tshangs pa dang bcas pa/ dge sbyong dang bram zer bcas pa'i skye dgu dang / lha dang mi dang / lha ma yin du bcas pa/ sdug bsngal zad par 'gyur ba'i lam gyis rjes su bstan te/ phung po ma lus pa'i mya ngan 'das pa'i dbyings su yongs su mya ngan las 'das par gyur pa de'i bar du/ de bzhin gshegs pa la 'khrul pa mi mnga'o/ /ca co mi mnga'o/ /dgongs pa nyams pa mi mnga'o/ /'du shes sna tshogs mi mnga'o/ /thugs mnyam par ma gzhag pa mi mnga'o/ /ma brtags pa'i btang snyoms mi mnga'o/ /mos pa yongs su nyams pa mi mnga'o/ /brtson 'grus yongs su nyams pa mi mnga'o/ /dgongs pa yongs su nyams pa mi mnga'o/ /ting nge 'dzin yongs su nyams pa mi mnga'o/ /shes rab yongs su nyams pa mi mnga'o/ /rnam par grol ba yongs su nyams pa mi mnga'o/ /rnam par grol ba'i ye shes gzigs pa yongs su nyams pa mi mnga'o/ /sku'i phrin las thams cad ye shes sngon du 'gro ba ste/ ye shes kyi rjes su 'brang ngo / /gsung gi phrin las thams cad ye shes sngon du 'gro ba ste/ ye shes kyi rjes su 'brang ngo / /thugs kyi phrin las thams cad ye shes sngon du 'gro ba ste/ ye shes kyi rjes su 'brang ngo / /</font><hr>30.245b<br><font size=+1>

'das pa'i dus la ma thogs ma chags pa'i ye shes gzigs pa 'jug go/ /ma 'ongs pa'i dus la ma thogs ma chags pa'i ye shes gzigs pa 'jug go/ /da ltar byung ba'i dus la ma thogs ma chags pa'i ye shes gzigs pa 'jug pa ste/ rab 'byor 'di yang de mi dmigs pa'i tshul gyis byang chub sems dpa' sems dpa' chen po'i theg pa chen po'o/ /rab 'byor gzhan yang byang chub sems dpa' sems dpa' chen po'i theg pa chen po ni/ 'di ltar gzung kyi sgo rnams te/ de yang yi ge mnyam pa nyid dang / brjod pa mnyam pa nyid dang / yi ge'i sgo dang / yi ge la 'jug pa ste/ de la yi ge'i sgo dang / yi ge la 'jug pa gang zhe na/ a zhes bya ba ni ma skyes pa'i phyir chos thams cad kyi sgo'o/ /ra zhes bya ba ni rdul dang bral ba'i phyir chos thams cad kyi sgo'o/ /pa zhes bya ba ni don dam pa stong pa'i phyir chos thams cad kyi sgo'o/ /tsa zhes bya ba ni 'chi 'pho dang skye ba mi dmigs pa'i phyir/ chos thams cad 'chi 'pho dang skye ba med pas/ chos thams cad kyi sgo'o/ /na zhes bya ba ni ming dang bral zhing / ming gi rang bzhin ma thob ma stor bas/ chos thams cad kyi sgo'o/ /lA zhes bya ba ni 'jig rten las 'das shing / srid pa'i 'khri shing dang rgyu dang / rkyen yang dag par bcom pa'i phyir chos thams cad kyi sgo'o/ /dA zhes bya ba ni dul ba dang dul ba'i gnas su yongs su nges pa'i phyir chos thams cad kyi sgo'o/ /bA zhes bya ba ni bcings pa dang bral ba'i phyir chos thams cad kyi sgo'o/ /Ta zhes bya ba ni dkrugs ma dang bral ba'i phyir chos thams cad kyi sgo'o/ /sa zhes bya ba ni chags pa mi dmigs pas chags par mi 'gyur ro/ /'ching bar mi 'gyur ba'i phyir chos thams cad kyi sgo'o/ /ba zhes bya ba ni ngag gi lam dang sgra yang dag par chad pa'i phyir chos thams cad kyi sgo'o/ /ta zhes bya ba ni de bzhin nyid las ma g.yos pa'i phyir chos thams cad kyi sgo'o/ /ya zhes bya ba ni yang dag pa ji lta ba bzhin du dmigs su med pa'i phyir chos thams cad kyi sgo'o/ /sta zhes bya ba ni khengs pa dmigs su med pa'i phyir chos thams</font><hr>30.246a<br><font size=+1>

cad kyi sgo'o/ /ka zhes bya ba ni byed pa po mi dmigs pa'i phyir/ chos thams cad kyi sgo'o/ /sa zhes bya ba ni mnyam pa nyid mi dmigs pas/ mnyam pa nyid las mi 'da' ba'i phyir chos thams cad kyi sgo'o/ /ma zhes bya ba ni bdag gir bya ba mi dmigs pa'i phyir chos thams cad kyi sgo'o/ /ga zhes bya ba ni 'gro ba mi dmigs pa'i phyir chos thams cad kyi sgo'o/ /tha zhes bya ba ni gnas mi dmigs pa'i phyir chos thams cad kyi sgo'o/ /dzA zhes bya ba ni skye ba mi dmigs pa'i phyir chos thams cad kyi sgo'o/ /shwa zhes bya ba ni dbugs dmigs su med pa'i phyir chos thams cad kyi sgo'o/ /d+ha zhes bya ba ni chos kyi dbyings dmigs su med pa'i phyir chos thams cad kyi sgo'o/ /sha zhes bya ba ni zhi gnas dmigs su med pa'i phyir chos thams cad kyi sgo'o/ /kha zhes bya ba ni nam mkha' dang mnyam pas dmigs su med pa'i phyir/ chos thams cad kyi sgo'o/ /k+Sha zhes bya ba ni zad pa mi dmigs pa'i phyir chos thams cad kyi sgo'o/ /sta zhes bya ba ni bstod pa mi dmigs pa'i phyir chos thams cad kyi sgo'o/ /dzA zhes bya ba ni ye shes mi dmigs pa'i phyir chos thams cad kyi sgo'o/ /rta zhes bya ba ni nyon mongs pa mi dmigs pa'i phyir/ chos thams cad kyi sgo'o/ /ha zhes bya ba ni rgyu mi dmigs pa'i phyir chos thams cad kyi sgo'o/ /b+ha zhes bya ba ni 'jigs pa med pa'i phyir chos thams cad kyi sgo'o/ /tsha zhes bya ba ni mdog mi dmigs pa'i phyir chos thams cad kyi sgo'o/ /sma zhes bya ba ni dran pa mi dmyigs pa'i phyir chos thams cad kyi sgo'o/ /hwa zhes bya ba ni bod pa mi dmigs pa'i phyir chos thams cad kyi sgo'o/ /t+sa zhes bya ba ni mos pa mi dmigs pa'i phyir chos thams cad kyi sgo'o/ /g+ha zhes bya ba ni stug po mi dmigs pa'i phyir chos thams cad kyi sgo'o/ /tha zhes bya ba ni bsgrubs pa mi dmigs pa'i phyir chos thams cad kyi sgo'o/ /Na zhes bya ba ni nyon mongs pa med pas gang yang 'gro ba med cing 'ong ba med de/ gnas pa med cing 'dug pa med la/ </font><hr>30.246b<br><font size=+1>

nyal bar 'gyur ba med pas/ rnam par mi rtog pa'i phyir chos thams cad kyi sgo'o/ /pha zhes bya ba ni 'bras bu dmigs su med pa'i phyir chos thams cad kyi sgo'o/ /ska zhes bya ba ni phung po dmigs su med pa'i phyir/ chos thams cad kyi sgo'o/ /yas zhes bya ba ni mi bde ba mi dmigs pa'i phyir chos thams cad kyi sgo'o/ /tsa zhes bya ba ni spyod pa mi dmigs pa'i phyir chos thams cad kyi sgo'o/ /Ta zhes bya ba ni sdug bsngal mi dmigs pa dang / mthar thug par gnas par 'chi 'pho med cing / skye ba med pa'i phyir chos thams cad kyi sgo'o/ /D+ha zhes bya ba ni g.yog pa mi dmigs pa'i phyir/ chos thams cad kyi sgo ste/ de yan cad ni yi ge'i tha snyad med do/ /de ci'i phyir zhe na/ de ni 'di ltar gang la yang gang gis tha snyad du bya ba dang / gang gis brjod pa dang / gang gis bstan pa dang / gang bri ba dang / gang snang ba dang / gang klag par bya ba de lta bu'i ming gang yang med do/ /rab 'byor 'di lta ste/ chos thams cad ni dper na/ nam mkha' bzhin du khongs su chud par bya ste/ rab 'byor 'di ni gzungs kyi sgo la 'jug pa/ a la sogs pa'i yi ge bstan pa la 'jug pa'o/ /rab 'byor byang chub sems dpa' sems dpa' chen po gang gis/ a la stsogs pa'i yi ge la mkhas par bya ba 'di yongs su shes na/ de ni sgra gang la yang chags par mi 'gyur zhing / thams cad chos nyid kyis yang dag par sgrub par 'gyur te/ sgra shes par bya ba la mkhas pa thob par 'gyur ro/ /rab 'byor byang chub sems dpa' gang gis/ a la sogs pa'i yi ge la 'jug pa'i phyag rgya 'di dang / a la sogs pa'i yi ge la 'jug pa'i phyag rgya'i tshig 'di dag thos te/ thos nas kyang 'dzin pa dang / 'chang ba dang / klog pa dang / kun chub par byed cing / gzhan la yang tshul dang ldan pa'i blos ston na/ de la legs pa nyi shu yod par shes par bya'o/ /nyi shu gang zhe na/ 'di lta ste/ dran pa dang ldan/ blo gros dang ldan/ rtogs</font><hr>30.247a<br><font size=+1>

pa dang ldan/ blo dang ldan dga' ba dang ldan/ ngo tsha shes pa dang ldan/ spobs pa dang ldan par 'gyur ba dang / gzungs kyi sgo 'di yang nyon mongs pa med par 'thob cing / the tshom med par 'gyur la/ gzhan las sgra'i ngag snyan pa thos kyang chags par 'gyur ba med cing / zhe gcod pa'i tshig thos kyang khong khro bar mi 'gyur bas/ mtho ba med cing dma' ba med de/ tshul bzhin du gnas par 'gyur ba dang / sgra la mkhas par 'gyur ba dang / phung po la mkhas par 'gyur ba dang / khams la mkhas par 'gyur ba dang / skye mched la mkhas par 'gyur ba dang / bden pa la mkhas par 'gyur ba dang / rten cing 'brel bar 'byung ba la mkhas pa ste/ rgyu la mkhas shing rkyen la mkhas par 'gyur ba dang / chos nyid la mkhas par 'gyur ba dang / dbang po rab dang tha ma shes par bya ba la mkhas par 'gyur ba dang / 'chi 'pho ba dang / skye ba shes par bya ba la mkhas par 'gyur ba dang / lha'i rna ba'i shes pa la mkhas par 'gyur ba dang / pha rol gyi sems shes par bya ba la mkhas par 'gyur ba dang / sngon gyi gnas rjes su dran pa shes par bya ba la mkhas par 'gyur ba dang / rdzu 'phrul gyi rnam pa shes par bya ba la mkhas par 'gyur ba dang / zag pa zad pa shes par bya ba la mkhas par 'gyur ba dang / gnas dang gnas ma yin pa bstan pa shes par bya ba mkhas par 'gyur ba dang / 'gro ba la mkhas shing ldog pa la mkhas par 'gyur ba dang / spyod lam la mkhas par 'gyur ba dang / khrel yod pa dang / ngo tsha shes pa la mkhas pa yang 'thob par 'gyur te/ rab 'byor gzungs kyi sgo a la sogs pa'i yi ge la 'jug pa 'di yang de mi dmigs pa'i tshul gyis byang chub sems dpa' sems dpa' chen po'i theg pa chen po'o/ /shes rab kyi pha rol tu phyin pa stong phrag nyi shu lnga pa las le'u dgu pa'o// // rab 'byor gang yang khyod 'di skad du ji ltar na/ byang chub sems dpa' sems dpa' chen po theg pa chen po la yang dag par</font><hr>30.247b<br><font size=+1>

zhugs pa yin zhes zer ba ni/ rab 'byor 'di la byang chub sems dpa' sems dpa' chen po pha rol du phyin pa drug la spyod cing / sa nas sar 'phar te/ rab 'byor ji ltar na byang chub sems dpa' sems dpa' chen po pha rol du phyin pa drug la spyod cing / sa nas sar 'phar ba yin zhe na/ 'di lta ste/ chos thams cad 'pho ba med pas/ chos gang yang 'ong ba med cing / 'gro ba med de/ 'pho ba 'am nye bar 'pho ba med do/ /'on kyang chos thams cad kyi sa gang yin pa de la rlom sems su byed pa 'am/ sems pa med par sa yongs su sbyong ba yang mi byed pa ma yin la sa de yang yang dag par rjes su mi mthong ngo / /de la byang chub sems dpa' sems dpa' chen po'i sa yongs su sbyong ba gang zhe na/ rab 'byor sa dang po la gnas pa'i byang chub sems dpa' sems dpa' chen pos sa yongs su sbyang ba bcu po 'di dag bya ste/ bcu gang zhe na/ de mi dmigs pa'i tshul gyis lhag pa'i bsam pa la sogs pa yongs su sbyang ba dang / mtshan ma mi dmigs pa'i phyir/ phan pa'i dngos po yongs su sbyang zhing / sems can mi dmigs pa'i phyir/ sems can thams cad la sems mnyam pa nyid yongs su sbyang ba dang / sbyin pa dang / gtong ba dang / len pa mi dmigs pa'i phyir/ gtong ba yongs su sbyang ba dang / des rlom sems su mi bya ba'i phyir/ dge ba'i bshes gnyen bsten pa yongs su sbyang ba dang / chos thams cad mi dmigs pa'i phyir/ chos btsal ba yongs su sbyang ba dang / khyim mi dmigs pa'i phyir yang dang yang 'byung ba yongs su sbyang ba dang / mtshan dang / dpe byad bzang po'i mtshan ma mi dmigs pa'i phyir/ sangs rgyas kyi sku la mos pa yongs su sbyang ba dang / chos kyi rnam pa mi dmigs pa'i phyir/ chos rnam par dbye ba yongs su sbyang ba dang / chos kyi yang dag pa nyid mi dmigs pa'i phyir/ nga rgyal dang khengs pa bsal ba yongs su sbyang ba dang / tshig mi dmigs pa'i</font><hr>30.248a<br><font size=+1>

phyir bden pa'i tshig yongs su sbyang ba ste/ rab 'byor yongs su sbyang ba bcu po de dag ni/ byang chub sems dpa' sems dpa' chen po/ sa dang po la gnas pas bya ba dag go/ /rab 'byor gzhan yang byang chub sems dpa' sems dpa' chen po'i sa gnyis pa la gnas pas/ chos brgyad po 'di dag yang dang yang yid la bya zhing / de dag la nan tan du bya'o/ /brgyad gang zhe na/ 'di lta ste/ tshul khrims yongs su dag pa dang / byas pa shes shing drin du bzo ba dang / bzod pa'i mthu la gnas pa dang / rab tu dga' zhing spro ba myong bar bya ba dang / sems can thams cad yongs su mi gtong ba dang / snying rje chen po mngon du bya ba dang / bla ma la bsnyen bkur zhing dad pas gus par bya ba dang / pha rol du phyin pa rnams la brtson zhing tshol ba ste/ rab 'byor chos brgyad po de dag ni byang chub sems dpa' sems dpa' chen po sa gnyis pa la gnas pas/ yang dang yang yid la bya zhing / de dag la nan tan du bya ba dag go/ /rab 'byor gzhan yang byang chub sems dpa' sems dpa' chen po sa gsum pa la gnas pas/ chos lnga la gnas par bya ste/ lnga gang zhe na/ 'di lta ste/ mang du thos pas mi ngoms shing / de la yang yi ge la mngon par ma zhen pa dang / zang zing med par chos kyi sbyin pa rnam par 'byed cing des kyang rlom sems su mi 'gyur ba dang / sangs rgyas kyi zhing yongs su dag par bya ba'i dge ba'i rtsa ba bskyed cing yongs su bsngo yang / des rlom sems su mi 'gyur ba dang / dpag tu med pa'i 'khor bas yongs su skyo ba med cing / des kyang rlom sems su mi 'gyur ba dang / ngo tsha shes shing khrel yod pa la gnas kyang / des rlom sems su mi 'gyur ba ste/ rab 'byor chos lnga po de dag ni/ byang chub sems dpa' sems dpa' chen po sa gsum pa la gnas par bya ba dag go/ /rab 'byor gzhan yang byang chub sems dpa' sems</font><hr>30.248b<br><font size=+1>

dpa' chen po sa bzhi pa la gnas pas/ chos bcu po 'di dag yongs su blangs shing gnas par bya ste/ de dag yongs su btang bar mi bya'o/ /bcu gang zhe na/ 'di lta ste/ dgon pa la gnas pa dang / 'dod pa chung ba dang / chog shes pa dang / sbyangs pa'i yon tan gyi sdom pa mi btang ba dang / bslab pa yongs su mi btang ba dang / 'dod pa'i yon tan la smad pa dang / mya ngan las 'da' ba dang ldan pa'i sems bskyed pa dang / rdzas thams cad yongs su btang ba dang / sems zhum pa med pa dang / dngos po thams cad la ltos pa med pa ste/ rab 'byor chos bcu po de dag ni/ byang chub sems dpa' sems dpa' chen po sa bzhi pa la gnas pas/ yongs su btang bar mi bya zhing / yang dag par blangs te gnas par bya ba dag go/ /rab 'byor gzhan yang byang chub sems dpa' sems dpa' chen po sa lnga pa la gnas pas/ chos drug po 'di dag yongs su spang bar bya ste/ drug gang zhe na/ 'di ltar khyim pa dang bsten pa yongs su spang bar bya ba dang / dge slong ma dang bsten pa dang / rigs la ser sna byed pa dang / 'du 'dzi'i gnas dang / gnod sems dang / bdag bstod cing gzhan smod pa ste/ chos drug po de dag ni yongs su spang bar bya'o/ /yang chos brgyad yongs su spang bar bya ste/ 'di ltar mi dge ba bcu'i las kyi lam rnams yongs su spang bar bya'o/ /lhag pa'i nga rgyal dang khengs pa dang / phyin ci log rnams dang / the tsom dang 'dod chags dang / zhe sdang dang / gti mug nyam rangasu gzhug pa yongs su spang bar bya'o/ /chos brgyad po de dag ni byang chub sems dpa' sems dpa' chen po sa lnga pa la gnas pas yongs su spang bar bya'o/ /rab 'byor gzhan yang byang chub sems dpa' sems dpa' chen po sa drug pa la gnas pas/ chos drug yongs su rdzogs par bya ste/ 'di ltar pha rol du phyin pa drug go/ /gzhan yang chos drug yongs su spang bar bya ste/ drug gang zhe na/ nyan thos kyi sems</font><hr>30.249a<br><font size=+1>

yongs su spang bar bya'o/ /rang sangs rgyas kyi sems yongs su spang bar bya'o/ /sred pa'i sems yongs su spang bar bya'o/ /slong mo ba mthong na zhums pa med par bya ste/ zhums pa'i sems yongs su spang bar bya'o/ /dngos po thams cad yongs su btang bas yid mi bde bar mi bya ste/ yid mi bde ba yongs su spang bar bya'o/ /slongs mo ba mthong na slongs mo bas 'khrug par mi bya ste/ 'khrug pa'i sems yongs su spang bar bya'o/ /rab 'byor chos drug po de dag ni byang chub sems dpa' sems dpa' chen po sa drug pa la gnas pas yongs su spang bar bya'o/ /rab 'byor gzhan yang byang chub sems dpa' sems dpa' chen po sa bdun pa la gnas pas chos nyi shu mi bya ste/ nyi shu gang zhe na/ 'di lta ste/ bdag tu 'dzin par mi bya'o/ /sems can du 'dzin pa dang / srog tu 'dzin pa dang / gang zag tu 'dzin pa dang / chad par 'dzin pa dang / rtag par 'dzin pa dang / mtshan ma'i 'du shes dang / rgyur lta ba dang / ming dang gzugs la mngon par chags pa dang / phung po la mngon par chags pa dang / khams la mngon par chags pa dang / skye mched la mngon par chags pa dang / khams gsum la mngon par chags pa dang / khams gsum la mngon par zhen pa dang / khams gsum la rten pa dang / khams gsum la gnas pa dang / sangs rgyas la rten pa'i lta ba la mngon par chags pa dang / chos la rten pa'i lta ba la mngon par chags pa dang / dge 'dun la rten pa'i lta ba la mngon par chags pa dang / tshul khrims la rten pa'i lta ba la mngon par chags pa dang / chos rnams stong ngo zhes zhum par 'gyur ba dang / stong pa nyid dang 'gal ba ste rab 'byor chos nyi shu po de dag ni byang chub sems dpa' sems dpa' chen po sa bdun pa la gnas pas mi bya'o des chos nyi shu po 'di dag yongs su rdzogs par bya ste/ nyi shu gang zhe na 'di lta ste stong pa nyid rtogs par bya ba dang / mtshan ma med pa mngon du bya ba dang / smon pa med pa shes par bya ba dang / 'khor</font><hr>30.249b<br><font size=+1>

gsum yongs su dag pa dang / sems can thams cad la snying rje zhing snying brtse ba dang / sems can de dag la brnyas par mi bya ba dang / chos thams cad mnyam pa nyid du lta ba yang dag pa'i tshul rab tu rtogs shing / des rlom sems su mi bya ba dang / mi skye ba la bzod pa dang / mi skye ba shes pa dang / chos thams cad tshul gcig tu bstan pa dang / rtog pa yang dag par bsal ba dang / lta ba rnam par zlog pa dang / nyon mongs pa rnam par zlog pa dang / zhi gnas dang lhag mthong gi sa dang / dul ba'i sems dang / zhi ba'i sems dang / thogs pa med pa dang / byams pa'i skabs shes pa dang / gang du 'dod pa'i zhing du 'gro ba ste/ rab 'byor chos nyi shu po de dag ni byang chub sems dpa' sems dpa' chen po sa bdun pa la gnas pas yongs su rdzogs par bya'o/ /rab 'byor gzhan yang byang chub sems dpa' chen po sa brgyad pa la gnas pas/ chos bzhi po 'di dag yongs su rdzogs par bya ste/ bzhi gang zhe na/ 'di ltar/ sems can thams cad kyi sems khong du chub par bya ba dang / mngon par shes pas rnam par rtse ba dang / sangs rgyas kyi zhing blta zhing / sangs rgyas kyi zhing ji ltar mthong ba de dag yongs su bsgrub pa dang / sangs rgyas bsnyen bkur zhing / sangs rgyas kyi sku yang dag pa ji lta ba bzhin du rtag pa ste/ rab 'byor chos bzhi po de dag ni byang chub sems dpa' sems dpa' chen po sa brgyad pa la gnas pas yongs su rdzogs par bya'o/ /rab 'byor gzhan yang byang chub sems dpa' sems dpa' chen po sa brgyad po la gnas pas chos bzhi yongs su rdzogs par bya ste/ bzhi gang zhe na/ 'di lta ste/ dbang po rab dang / tha ma shes pa dang / sangs rgyas kyi zhing yongs su sbyang ba dang / sgyu ma lta bu'i ting nge 'dzin la yang dang yang mnyam par gzhag pa dang / sems can rnams kyi dge ba'i rtsa ba ji lta ji ltar 'grub par 'gyur ba de lta de ltar lus yongs su sgrub pa'i phyir/  </font><hr>30.250a<br><font size=+1>

ched du bsam shing srid pa nye bar len pa ste/ rab 'byor chos bzhi po de dag ni byang chub sems dpa' sems dpa' chen po sa brgyad pa la gnas pas yongs su rdzogs par bya ba'o/ /rab 'byor gzhan yang byang chub sems dpa' sems dpa' chen po sa dgu pa la gnas pas/ chos bcu gnyis yongs su rdzogs par bya ste/ bcu gnyis gang zhe na/ 'di ltar smon lam mtha' yas pa yongs su bzung ste/ ji lta ji ltar smon pa de lta de ltar phun sum tshogs par 'gyur ba dang / lha dang / klu dang gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po'i skad shes pa dang / yongs su rdzogs pa'i spobs pas nges par bstan pa shes pa dang / ma'i mngal du 'gro ba phun sum tshogs pa dang / rigs phun sum tshogs pa dang / rgyud phun sum tshogs pa dang / rus phun sum tshogs pa dang / 'khor phun sum tshogs pa dang / tshe phun sum tshogs pa dang / mngon par 'byung ba phun sum tshogs pa dang / byang chub kyi shing gi rgyan phun sum tshogs pa dang / yon tan thams cad yongs su rdzogs pa phun sum tshogs pa ste/ rab 'byor chos bcu gnyis po de dag ni byang chub sems dpa' sems dpa' chen po sa dgu pa la gnas pas yongs su rdzogs par bya'o/ /rab 'byor sa bcu pa la gnas pa'i byang chub sems dpa' sems dpa' chen po ni de bzhin gshegs pa nyid du brjod do/ /de skad ces bka' stsal pa dang / tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das byang chub sems dpa' sems dpa' chen po sa dang po la gnas pa'i lhag pa'i bsam pa la stsogs pa yongs su sbyang ba gang lags/ bcom ldan 'das kyis bka' stsal pa/ rab 'byor byang chub sems dpa' sems dpa' chen po rnam pa thams cad mkhyen pa nyid dang ldan pa'i sems bskyed pas/ dge ba'i rtsa ba mang po yongs su dag par sdud</font><hr>30.250b<br><font size=+1>

pa 'di ni/ byang chub sems dpa' sems dpa' chen po'i lhag pa'i bsam pa yongs su sbyang ba'o/ /de la byang chub sems dpa' sems dpa' chen po'i sems can thams cad la sems mnyam pa nyid yongs su sbyang ba gang zhe na/ rnam pa thams cad mkhyen pa nyid dang ldan pa'i sems bskyed pas/ tshad med pa bzhi po byams pa dang / snying rje dang / dga' ba dang / btang snyoms mngon par bsgrub pa 'di ni/ byang chub sems dpa' sems dpa' chen po'i sems can thams cad la sems mnyam pa nyid yongs su sbyang ba'o/ /de la byang chub sems dpa' sems dpa' chen po'i gtong ba yongs su sbyang ba gang zhe na/ sems can thams cad la rnam par rtog pa med par sbyin pa yongasu gtong ba ste/ 'di ni byang chub sems dpa' sems dpa' chen po'i gtong ba yongs su sbyang ba'o/ /de la byang chub sems dpa' sems dpa' chen po'i dge ba'i bshes gnyen bsten pa yongs su sbyang ba gang zhe na/ 'di lta ste/ gang de la rnam pa thams cad mkhyen pa nyid du yang dag par bskul ba dang / gzhog pa dang / rab tu gzhog par byed pa de dag ni/ byang chub sems dpa' sems dpa' chen po'i dge ba'i bshes gnyen te/ dge ba'i bshes gnyen de dag la bsten pa dang / rim gror bya ba dang / bkur stir bya ba dang bsti stang du bya ba ste/ 'di ni byang chub sems dpa' sems dpa' chen po'i dge ba'i bshes gnyen bsten pa yongs su sbyang ba'o/ /de la byang chub sems dpa' sems dpa' chen po'i chos btsal ba yongs su sbyang ba gang zhe na/ rnam pa thams cad mkhyen pa nyid dang ldan pa'i sems bskyed pas chos tshol zhing / nyan thos kyi sa dang / rang sangs rgyas kyi sar mi ltung ba 'di ni/ byang chub sems dpa' sems dpa' chen po'i chos btsal ba yongs su sbyang ba'o/ /de la byang chub sems dpa' sems dpa' chen po'i yang dang yang 'byung ba yongs su sbyang ba gang zhe na/ tshe rabs thams</font><hr>30.251a<br><font size=+1>

cad du 'du 'dzi med par 'byung zhing / de bzhin gshegs pa'i bstan pa la rab tu 'byung yang / de la bar chad byed pa gang yang med pa 'di ni byang chub sems dpa' sems dpa' chen po'i yang dang yang 'byung ba yongs su sbyang ba'o/ /de la byang chub sems dpa' sems dpa' chen po'i sangs rgyas kyi sku la mos pa yongs su sbyang ba gang zhe na/ sangs rgyas kyi sku mthong nas/ nam rnam pa thams cad mkhyen pa nyid thob par ma gyur gyi bar du/ sangs rgyas yid la bya ba dang nam yang 'bral bar mi 'gyur ba ste/ 'di ni byang chub sems dpa' sems dpa' chen po'i sangs rgyas kyi sku la mos pa yongs su sbyang ba'o/ /de la byang chub sems dpa' sems dpa' chen po'i chos rnam par dbye ba yongs su sbyang ba gang zhe na/ byang chub sems dpa' sems dpa' chen po de de bzhin gshegs pa mngon du gyur pa yongs su mya ngan las 'das pa'i tshe/ sems can rnams la chos ston cing / thog mar yang dge/ bar du yang dge/ tha mar yang dge/ yi ge bzang po/ don bzang po/ ma 'dres pa/ yongs su rdzogs pa/ yongs su dag pa/ yongs su byang ba/ tshangs pa'i spyod pa 'di lta ste/ mdo dang dbyangs kyis bsnyad pa dang / lung bstan pa dang / tshigs su bcad pa dang / ched du brjod pa dang / gleng gzhi dang / 'di ltar 'das pa dang skyes pa'i rabs dang / shin du rgyas pa dang / rmad du byung ba dang / rtogs pa brjod pa dang / gtan la phab par bstan pa dag yang dag par ston pa ste/ 'di ni byang chub sems dpa' sems dpa' chen po'i chos rnam par dbye ba yongs su sbyang ba'o/ /de la byang chub sems dpa' sems dpa' chen po'i nga rgyal dang / khengs pa bsal ba yongs su sbyang ba gang zhe na/ nga rgyal dang khengs pa ji ltar bsal ba des/ nam yang rigs dma' bar mi skye ba 'di ni/ byang chub sems dpa' sems dpa' chen po'i nga rgyal dang khengs pa bsal ba yongs su sbyang ba'o// //shes rab kyi pha rol du phyin pa stong phrag nyi shu </font><hr>30.251b<br><font size=+1>

lnga pa/ bam po bcwa brgyad pa/ de la byang chub sems dpa' sems dpa' chen po'i bden pa'i tshig yongs su sbyang ba gang zhe na/ 'di lta ste/ ji skad du smras pa de ltar byed pa ste/ 'di ni byang chub sems dpa' sems dpa' chen po'i bden pa'i tshig yongs su sbyang ba'o/ /rab 'byor de dag ni byang chub sems dpa' sems dpa' chen po sa dang po la gnas pa'i yongs su sbyang ba bcu'o/ /rab 'byor de la byang chub sems dpa' sems dpa' chen po sa'i gnyis pa la gnas ba'i tshul khrims yongs su dag pa gang zhe na/ 'di lta ste/ nyan thos dang / rang sangs rgyas kyi sems yid la mi byed cing / de ma yin pa'i tshul khrims ngan par byed pa dang / byang chub kyi gegs su 'gyur ba'i chos gzhan dag kyang yid la mi byed pa ste/ 'di ni byang chub sems dpa' sems dpa' chen po'i tshul khrims yongs su dag pa'o/ /de la byang chub sems dpa' sems dpa' chen po'i byas pa shes shing drin du gzo ba gang zhe na/ byang chub sems dpa' sems dpa' chen po byang chub sems dpa'i spyad pa spyod pa'i tshe/ phan pa chung ngu zhig byas kyang 'khor ba zad kyi bar du chud mi gzon na mang po lta ci smos te/ 'di ni byang chub sems dpa' sems dpa' chen po'i byas pa shes shing drin du gzo ba'o/ /de la byang chub sems dpa' sems dpa' chen po'i bzod pa'i mthu la gnas pa gang zhe na/ sems can thams cad la gnod sems med cing / 'tshe ba med pa'i sems te/ 'di ni byang chub sems dpa' sems dpa' chen po'i bzod pa'i mthu la gnas pa'o/ /de la byang chub sems dpa' sems dpa' chen po'i rab tu dga' zhing spro ba myong bar bya ba gang zhe na/ 'di lta ste/ sems can thams cad theg pa gsum la yongs su smin par byed pa ste/ 'di ni byang chub sems dpa' sems dpa' chen po'i rab tu dga' zhing spro ba myong bar bya'o/ /de la byang chub sems dpa' sems dpa' chen po'i sems can thams cad yongs su mi gtang ba gang zhe na/ 'di ltar sems can thams cad yongs su</font><hr>30.252a<br><font size=+1>

skyob pa ste/ 'di ni byang chub sems dpa' sems dpa' chen po'i sems can thams cad yongs su mi gtang ba'o/ /de la byang chub sems dpa' sems dpa' chen po'i snying rje chen po mngon du bya ba gang zhe na/ byang chub sems dpa' sems dpa' chen po byang chub sems dpa'i spyad pa spyod pa'i tshe/ 'di snyam du sems shing / bdag gis sems can re re'i don du yang / bskal pa gang gA'i klung gi bye ma snyed du/ sems can dmyal bar gnas par bya ste/ sems can thams cad sangs rgyas kyi ye shes la ma bkod kyi bar du de dag tu gtub cing gshegs pa dang / brdung zhing btso ba dang / bsreg pa la sogs pa nyams su myong bar bya'o snyam nas/ de bzhin du sems can thams cad kyi don du spro zhing skyo ba med pa ste/ 'di ni byang chub sems dpa' sems dpa' chen po'i snying rje chen po mngon du bya ba'o/ /de la byang chub sems dpa' sems dpa' chen po'i bla ma bsnyen bkur zhing / dad pas gus par bya ba gang zhe na/ 'di ltar bla ma rnams la ston pa'i 'du shes su byed pa ste/ 'di ni byang chub sems dpa' sems dpa' chen po'i bla ma la bsnyen bkur zhing dad pas gus par bya ba'o/ /de la byang chub sems dpa' sems dpa' chen po'i pha rol tu phyin pa rnams la brtson zhing tshol ba gang zhe na/ 'di lta ste/ las gzhan med par sems can thams cad yongs su smin par bya ba'i phyir/ las gzhan med par pha rol du phyin pa rnams yongs su tshol ba ste/ 'di ni byang chub sems dpa' sems dpa' chen po'i pha rol du phyin pa rnams la brtson zhing tshol ba'o/ /de la byang chub sems dpa' sems dpa' chen po'i mang du thos pas mi ngoms pa gang zhe na/ 'di lta ste/ sangs rgyas bcom ldan 'das rnams kyis 'jig rten gyi khams 'di 'am/ phyogs bcu kun gyi 'jig rten gyi khams su gang ci bstan pa de dag thams cad yongs su gzung bar bya'o/ /</font><hr>30.252b<br><font size=+1>

zhes mi ngoms pa ste/ 'di ni byang chub sems dpa' sems dpa' chen po'-i mang du thos pas mi ngoms pa'o/ /de la byang chub sems dpa' sems dpa' chen po'i zang zing med par chos kyi sbyin pa rnam par 'byed pa gang zhe na/ byang chub sems dpa' sems dpa' chen po chos ston pa'i tshe/ chos kyi sbyin pa des chung ngu na byang chub tu yang re ba med pa ste/ 'di ni byang chub sems dpa' sems dpa' chen po'i zang zing med par chos kyi sbyin pa rnam par 'byed pa'o/ /de la byang chub sems dpa' sems dpa' chen po'i sangs rgyas kyi zhing yongs su dag par bya ba'i dge ba'i rtsa ba bskyed cing yongs su bsngo ba gang zhe na/ dge ba'i rtsa ba gang dang gang gis/ sangs rgyas kyi zhing yongs su dag par byed cing / bdag dang gzhan gyi sems kyi zhing yongs su sbyong ba'i tshe/ dge ba'i rtsa ba de dag yongs su bsngo ba ste/ 'di ni byang chub sems dpa' sems dpa' chen po'-i sangs rgyas kyi zhing yongs su dag par bya ba'i dge ba'i rtsa ba bskyed cing yongs su bsngo ba'o/ /de la byang chub sems dpa' sems dpa' chen po'i dpag tu med pa'i 'khor bas yongs su skyo ba med pa gang zhe na/ dge ba'i rtsa ba gang gis nye bar brten na/ sems can yongs su smin par 'gyur ba dang / sangs rgyas kyi zhing yongs su dag par 'gyur ba de lta bu'i dge ba'i rtsa ba nye bar ston cing / rnam pa thams cad mkhyen pa nyid yongs su ma rdzogs kyi bar du/ nam yang skyo bar mi 'gyur ba 'di ni/ byang chub sems dpa' sems dpa' chen po'-i dpag tu med pa'i 'khor bas yongs su skyo ba med pa'o/ /de la byang chub sems dpa' sems dpa' chen po'i ngo tsha shes shing khrel yod pa la gnas pa gang zhe na/ 'di lta ste/ nyan thos dang / rang sangs rgyas kyi sems la smod pa ste/ 'di ni byang chub sems dpa' sems dpa' chen po'-i ngo tsha shes shing khrel yod pa la gnas pa'o/ /de la byang chub sems dpa' sems dpa' chen po'i dgon pa la</font><hr>30.253a<br><font size=+1>

gnas pa yongs su mi gtong ba gang zhe na/ nyan thos dang / rang sangs rgyas kyi sa las 'da' ba ste/ 'di ni byang chub sems dpa' sems dpa' chen po'i dgon pa la gnas pa yongs su mi gtang ba'o/ /de la byang chub sems dpa' sems dpa' chen po'i 'dod pa chung ba gang zhe na/ byang chub sems dpa' sems dpa' chen po'-i byang chub la yang 'dod pa mi skyed pa ste/ 'di ni byang chub sems dpa' sems dpa' chen po'i 'dod pa chung ba'o/ /de la byang chub sems dpa' sems dpa' chen po'-i chog shes pa gang zhe na/ rnam pa thams cad mkhyen pa nyid thob kyang rlom sems su mi byed pa ste/ 'di ni byang chub sems dpa' sems dpa' chen po'-i chog shes pa'o/ /de la byang chub sems dpa' sems dpa' chen po'-i sbyangs pa'i yon tan gyi sdom pa mi gtang ba gang zhe na/ 'di ltar chos zab mo rnams la rtogs par gzhog pa'i bzod pa ste/ 'di ni byang chub sems dpa' sems dpa' chen po'i sbyangs pa'i yon tan gyi sdom pa mi gtang ba'o/ /de la byang chub sems dpa' sems dpa' chen po'i bslab pa yongs su mi gtang ba gang zhe na/ bslab pa thams cad rgyu ba med pa ste/ 'di ni byang chub sems dpa' sems dpa' chen po'i bslab pa yongs su mi gtang ba'o/ /de la byang chub sems dpa' sems dpa' chen po'i 'dod pa'i yon tan la smad pa gang zhe na/ 'dod pa'i sems mi skyed pa ste/ 'di ni byang chub sems dpa' sems dpa' chen po'i 'dod pa'i yon tan la smad pa'o/ /de la byang chub sems dpa' sems dpa' chen po'i mya ngan las 'da' ba dang ldan pa'i sems bskyed pa gang zhe na/ 'di ltar chos thams cad mngon par 'du byed pa med pa ste/ 'di ni byang chub sems dpa' sems dpa' chen po'i mya ngan las 'da' ba dang ldan pa'i sems bskyed pa'o/ /de la byang chub sems</font><hr>30.253b<br><font size=+1>

dpa' sems dpa' chen po'i rdzas thams cad yongs su gtang ba gang zhe na/ phyi nang gi chos thams cad la 'dzin pa med pa ste/ 'di ni byang chub sems dpa' sems dpa' chen po'i rdzas thams cad yongs su gtang ba'o/ /de la byang chub sems dpa' sems dpa' chen po'-i sems zhum pa med pa gang zhe na/ rnam par shes pa gnas pa la/ de'i sems mi gnas pa ste/ 'di ni byang chub sems dpa' sems dpa' chen po'-i sems zhum pa med pa'o/ /de la byang chub sems dpa' sems dpa' chen po'i dngos po thams cad la ltos pa med pa gang zhe na/ dngos po thams cad yid la mi byed pa ste/ 'di ni byang chub sems dpa' sems dpa' chen po'i dngos po thams cad la ltos pa med pa'o/ /de la byang chub sems dpa' sems dpa' chen po'i khyim pa dang bsten pa yongs su spang bar bya ba gang zhe na/ 'di lta ste/ sangs rgyas kyi zhing nas sangs rgyas kyi zhing du 'gro zhing rdzus te skye ba dang / mgo bregs shing / ngur smrig gi gos bgo ba ste/ 'di ni byang chub sems dpa' sems dpa' chen po'i khyim pa dang bsten pa yongs su spang bar bya ba'o/ /de la byang chub sems dpa' sems dpa' chen po'-i dge slong ma dang bsten pa yongs su spang ba gang zhe na/ dge slong ma dang se gol gtogs pa tsam du yang lhan cig mi gnas shing / de'i rgyus yongs su skom pa'i sems mi skyed de/ de'i rgyus gos 'thob par mi byed pa 'di ni/ byang chub sems dpa' sems dpa' chen po'i dge slong ma dang bsten pa yongs su spang bar bya ba'o/ /de la byang chub sems dpa' sems dpa' chen po'i rigs la ser sna byed pa yongs su spang ba gang zhe na/ rab 'byor 'di la byang chub sems dpa' sems dpa' chen po'-i 'di ltar sems bskyed par bya ste/ gang bdag gis sems can thams cad la bde ba'i rnam pa bsgrub par bya ba de dang / sems can 'di dag rang rang gi bsod</font><hr>30.254a<br><font size=+1>

nams kyis bde bar gyur na/ de la bdag gis ser sna'i sems bskyed par mi bya'o zhes bya ba 'di ni/ byang chub sems dpa' sems dpa' chen po'i rigs la ser sna byed pa yongs su spang bar bya'o/ /de la ji ltar na byang chub sems dpa' sems dpa' chen pos 'du 'dzi'i gnas yongs su spang bar bya ba yin zhe na/ byang chub sems dpa' sems dpa' chen po'i 'du 'dzi'i gnas gang du gnas pas/ nyan thos sam/ rang sangs rgyas yod pa 'am/ de dang ldan pa'i gtam 'byung bar 'gyur ba 'am/ de dang ldan pa'i sems bskyed pa skye bar 'gyur ba de lta bur/ byang chub sems dpa' sems dpa' chen pos gnas par mi bya ste/ 'di ni byang chub sems dpa' sems dpa' chen po'i 'du 'dzi'i gnas yongs su spang ba'o/ /de la ji ltar na byang chub sems dpa' sems dpa' chen pos gnod sems yongs su spang bar bya ba yin zhe na/ gnod sems dang / 'tshe ba'i sems kyi skabs mi 'byed cing / thab mo'i sems sam/ rtsod pa'i sems kyi go mi 'byed pa ste/ 'di ni byang chub sems dpa' sems dpa' chen po'i gnod sems yongs su spang ba'o/ /de la byang chub sems dpa' sems dpa' chen po'i bdag bstod pa yongs su spang ba gang zhe na/ nang gi chos rnams yang dag par rjes su mi mthong ba ste/ 'di ni byang chub sems dpa' sems dpa' chen po'i bdag bstod pa yongs su spang ba'o/ /de la byang chub sems dpa' sems dpa' chen po'i gzhan smod pa yongs su spong ba gang zhe na/ 'di lta ste/ phyi rol gyi chos rnams yang dag par rjes su mi mthong ba ste/ 'di ni byang chub sems dpa' sems dpa' chen po'i gzhan smod pa yongs su spang ba'o/ /de la ji ltar na byang chub sems dpa' sems dpa' chen pos mi dge ba bcu'i las kyi lam yongs su spang bar bya ba yin zhe na de dag ni 'di ltar bde 'gro la yang bar du gcod na/ 'phags pa'i lam la lta ci smos te/ bla na med pa yang dag par</font><hr>30.254b<br><font size=+1>

rdzogs pa'i byang chub la lta smos kyang ci dgos kyis/ spang bar bya'o zhes spong ba ste/ 'di ni byang chub sems dpa' sems dpa' chen po'i mi dge ba bcu'i las kyi lam yongs su spang bar bya ba'o/ /de la ji ltar na byang chub sems dpa' sems dpa' chen pos lhag pa'i nga rgyal yongs su spang bar bya ba yin zhe na/ de ni 'di ltar des chos gang yang yang dag par rjes su mthong ba med na/ gang gis nga rgyal du 'gyur ba'i lhag pa lta ci smos shes nga rgyal du mi byed pa ste/ 'di ni byang chub sems dpa' sems dpa' chen po'i lhag pa'i nga rgyal yongs su spang bar bya ba'o/ /de la ji ltar na byang chub sems dpa' sems dpa' chen pos khengs pa yongs su spang bar bya ba yin zhe na de ni 'di ltar des gang la khengs pa skye bar 'gyur ba de lta bu'i dngos po yang yang dag par rjes su mi mthong ste/ 'di ni byang chub sems dpa' sems dpa' chen po'i khengs pa yongs su spang bar bya ba'o/ /de la ji ltar na byang chub sems dpa' sems dpa' chen pos phyin ci log rnams yongs su spang bar bya ba yin zhe na/ dngos por mi dmigs pa ste/ 'di ni byang chub sems dpa' sems dpa' chen po'i phyin ci log rnams yongs su spang bar bya ba'o/ /de la ji ltar na byang chub sems dpa' sems dpa' chen po'i 'dod chags dang / zhe sdang dang / gti mug nyam rangs su mi 'dor ba yin zhe na/ de ni 'di ltar des 'dod chags dang / zhe sdang dang / gti mug yang dag par rjes su mi mthong ba ste/ 'di ni byang chub sems dpa' sems dpa' chen po'i 'dod chags dang / zhe sdang dang / gti mug nyam rangs su mi 'dor ba'o/ /de la sa drug la chos drug yongs su rdzogs par bya ba gang zhe na/ 'di ltar pha rol du phyin pa drug ste/ sbyin pa'i pha rol tu phyin pa dang / tshul khrims kyi pha rol du phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol du phyin pa dang / shes rab kyi pha rol tu phyin pa yongs su</font><hr>30.255a<br><font size=+1>

rdzogs par bya ste/ de ci'i phyir zhe na/ de ni 'di ltar pha rol du phyin pa drug po 'di dag la gnas te/ sangs rgyas bcom ldan 'das rnams dang / nyan thos dang / rang sangs rgyas rnams shes par bya ba'i rgya mtsho lnga'i pha rol du phyin par gyur to/ /phyin to/ /phyin par 'gyur ro/ /lnga gang zhe na/ 'di lta ste/ 'das pa dang / ma 'ongs pa dang / da ltar byung ba dang / brjod du med pa dang / 'dus ma byas te/ de ltar byang chub sems dpa' sems dpa' chen po pha rol du phyin pa drug yongs su rdzogs par bya'o/ /de la ji ltar na byang chub sems dpa' sems dpa' chen pos chos drug yongs su spang bar bya ba yin zhe na/ 'di ltar de ni byang chub kyi lam ma yin pas/ nyan thos kyi sems yongs su spang bar bya'o/ /'di ltar de ni byang chub kyi lam ma yin pas/ rang sangs rgyas kyi sems yongs su spang bar bya'o/ /'di ltar de ni byang chub kyi lam ma yin pas srid pa'i sems yongs su spang bar bya'o/ /'di ltar de ni byang chub kyi lam ma yin pas/ slong mo ba mthong na sems zhum pa mi bskyed do/ /'di ltar de ni byang chub kyi lam ma yin pas/ dngos po thams cad yongs su btang bas yid mi bde bar mi bya'o/ /'di ltar de ni byang chub kyi lam ma yin pas/ thog ma sems bskyed nas/ kha za yag gi sems su mi bya'i/ sbyin pa yongs su gtang bar bya'o zhes bya ba ste/ de ltar byang chub sems dpa' sems dpa' chen pos chos drug yongs su spang bar bya'o/ /de la ji ltar na byang chub sems dpa' sems dpa' chen pos bdag tu 'dzin par mi bya zhe na/ de ni 'di ltar bdag shin du med pa'i phyir te/ de ltar byang chub sems dpa' sems dpa' chen pos bdag tu 'dzin par mi bya'o/ /de la ji ltar na sems can dang / srog dang / gang zag tu 'dzin par mi bya zhe na/ de ni 'di ltar de dag shin du med pa'i phyir te/ de ltar byang chub sems dpa' sems dpa' chen pos sems can dang / </font><hr>30.255b<br><font size=+1>

srog dang / gang zag tu 'dzin par mi bya'o/ /de la ji ltar na byang chub sems dpa' sems dpa' chen pos chad par 'dzin par mi bya zhe na de ni 'di ltar chos thams cad shin du ma skyes pa'i phyir/ chos gang yang chad pa med pa'i phyir te/ de ltar byang chub sems dpa' sems dpa' chen pos chad par 'dzin par mi bya'o/ /de la ji ltar na byang chub sems dpa' sems dpa' chen pos rtag par 'dzin par mi bya zhe na/ de ni 'di ltar chos gang la skye ba med pa de la/ rtag pa dang chad pa med pa'i phyir te/ de ltar byang chub sems dpa' sems dpa' chen pos rtag par 'dzin par mi bya'o/ /de la ji ltar na byang chub sems dpa' sems dpa' chen pos mtshan ma'i 'du shes su mi bya zhe na/ de ni 'di ltar kun nas nyon mongs pa shin du med pa'i phyir te/ de ltar byang chub sems dpa' sems dpa' chen pos mtshan ma'i 'du shes su mi bya'o/ /de la ji ltar na byang chub sems dpa' sems dpa' chen pos rgyur blta bar mi bya zhe na/ de ni 'di ltar lta ba de yang dag par rjes su mi mthong ba'i phyir te/ de ltar byang chub sems dpa' sems dpa' chen pos rgyur blta bar mi bya'o/ /de la ji ltar na byang chub sems dpa' sems dpa' chen pos ming dang gzugs la mngon par chags par mi bya zhe na/ de ni 'di ltar des de'i dngos po yang dag par rjes su mi mthong ba'i phyir te/ de ltar byang chub sems dpa' sems dpa' chen pos ming dang gzugs la mngon par chags par mi bya'o/ /de la ji ltar na byang chub sems dpa' sems dpa' chen pos/ phung po dang / skye mched dang / khams la mngon par chags par mi bya zhe na/ de ni 'di ltar chos de dag shin du med pa'i phyir te/ de ltar byang chub sems dpa' sems dpa' chen pos/ phung po dang / skye mched dang / khams la mngon par chags par mi bya'o/ /de la ji ltar na byang chub sems dpa' sems dpa'</font><hr>30.256a<br><font size=+1>

chen pos khams gsum la mngon par chags par mi bya zhe na/ de ni 'di ltar de'i rang bzhin med pa'i phyir te/ de ltar byang chub sems dpa' sems dpa' chen pos/ khams gsum la mngon par chags par mi bya'o/ /de la ji ltar na byang chub sems dpa' sems dpa' chen pos khams gsum la mngon par zhen par mi bya zhe na/ de ni 'di ltar de'i dngos po med cing mi dmigs pa'i phyir te/ de ltar byang chub sems dpa' sems dpa' chen pos khams gsum la mngon par zhen par mi bya'o/ /de la ji ltar na byang chub sems dpa' sems dpa' chen pos khams gsum la brten pa dang gnas par mi bya zhe na/ de ni 'di ltar de'i dngos po med pa'i phyir te/ de ltar byang chub sems dpa' sems dpa' chen pos khams gsum la brten pa dang gnas par mi bya'o/ /de la ji ltar na byang chub sems dpa' sems dpa' chen pos sangs rgyas la brten pa'i lta ba la mngon par chags par mi bya zhe na/ de ni 'di ltar sangs rgyas su lta ba la brten pas/ sangs rgyas mthong bar mi 'gyur ba'i phyir te/ de ltar byang chub sems dpa' sems dpa' chen pos sangs rgyas la brten pa'i lta ba la mngon par chags par mi bya'o/ /de la ji ltar na byang chub sems dpa' sems dpa' chen pos chos la rten pa'i lta ba la mngon par chags par mi bya zhe na/ de ni 'di ltar chos su lta ba la brten pas/ chos mthong bar mi 'gyur ba'i phyir te/ de ltar byang chub sems dpa' sems dpa' chen pos chos la brten pa'i lta ba la mngon par chags par mi bya'o/ /de la ji ltar na byang chub sems dpa' sems dpa' chen pos dge 'dun la brten pa'i lta ba la mngon par chags par mi bya zhe na/ de ni 'di ltar dge 'dun du lta ba la brten pas/ dge 'dun mthong bar mi 'gyur ba'i phyir te/ de ltar na byang chub sems dpa' sems dpa' chen pos dge 'dun la brten pa'i lta ba la mngon par chags par mi bya'o/ /de la ji ltar na byang chub sems dpa'</font><hr>30.256b<br><font size=+1>

sems dpa' chen pos tshul khrims la brten pa'i lta ba la mngon par chags par mi bya zhe na/ de ni 'di ltar tshul khrims su lta ba la brten pas/ tshul khrims rnam par dag par mi 'gyur ba'i phyir te/ de ltar byang chub sems dpa' sems dpa' chen pos tshul khrims la brten pa'i lta ba la mngon par chags par mi bya'o/ /de la ji ltar na byang chub sems dpa' sems dpa' chen pos chos rnams stong ngo zhes zhum par mi bya zhe na/ de ni 'di ltar chos thams cad stong pa nyid kyis stong pa ma yin gyis/ rang gi mtshan nyid kyis stong pa'i phyir te/ de ltar byang chub sems dpa' sems dpa' chen pos chos rnams stong ngo zhes zhum par mi bya'o/ /de la ji ltar na byang chub sems dpa' sems dpa' chen pos stong pa nyid dang 'gal bar mi bya zhe na/ de ni 'di ltar chos thams cad stong pa bas/ stong pa nyid ni stong pa nyid dang 'gal bar mi byed pa'i phyir te/ de ltar byang chub sems dpa' sems dpa' chen pos stong pa nyid dang 'gal bar mi bya'o/ /de la ji ltar na byang chub sems dpa' sems dpa' chen pos stong pa nyid yongs su rdzogs par bya ba yin zhe na/ rang gi mtshan nyid stong pa nyid yongs su rdzogs pa ni/ byang chub sems dpa' sems dpa' chen po'i stong pa nyid yongs su rdzogs pa'o/ /de la ji ltar na byang chub sems dpa' sems dpa' chen pos mtshan ma med pa mngon du bya ba yin zhe na/ 'di lta ste/ mtshan ma thams cad yid la mi byed pa'i phyir te/ de ni byang chub sems dpa' sems dpa' chen po'i mtshan ma med pa mngon du bya ba'o/ /de la ji ltar na byang chub sems dpa' sems dpa' chen po'i smon pa med pa shes pa yin zhe na/ de ni khams gsum thams cad du sems mi 'jug pa ste/ de ni byang chub sems dpa' sems dpa' chen po'i smon pa med pa shes pa'o/ /de la ji ltar na byang chub sems dpa' sems dpa' chen po'i 'khor gsum yongs su dag</font><hr>30.257a<br><font size=+1>

pa yin zhe na/ dge ba bcu'i las kyi lam yongs su rdzogs pa ste/ de ni byang chub sems dpa' sems dpa' chen po'i 'khor gsum yongs su dag pa'o/ /de la ji ltar na byang chub sems dpa' sems dpa' po'i sems can thams cad la snying rje zhing snying brtse ba yongs su rdzogs pa yin zhe na/ snying rje chen po rab tu 'thob pa ste/ de ltar byang chub sems dpa' sems dpa' chen pos sems can thams cad la snying rje zhing snying brtse ba yongs su rdzogs par bya'o/ /de la ji ltar na byang chub sems dpa' sems dpa' chen pos sems can thams cad la brnyas par mi bya zhe na/ byams pa yongs su rdzogs pa'i phyir te/ de ltar byang chub sems dpa' sems dpa' chen pos sems can thams cad la brnyas par mi bya'o/ /de la ji ltar byang chub sems dpa' sems dpa' chen pos chos thams cad la mnyam pa nyid du lta ba gang zhe na/ chos thams cad la bsnan pa dang / dbri ba med pa ste/ de ni byang chub sems dpa' sems dpa' chen po'i chos thams cad la mnyam pa nyid du lta bas so/ /de la byang chub sems dpa' sems dpa' chen po'i yang dag pa'i tshul rab tu rtogs pa gang zhe na/ chos thams cad tshul gcig tu rtogs kyang / rtogs pa med pa de ni byang chub sems dpa' sems dpa' chen po'i yang dag pa'i tshul rab tu rtogs pa'o/ /de la byang chub sems dpa' sems dpa' chen po'i mi skye ba la bzod pa gang zhe na/ chos thams cad skye ba med pa dang / 'gag pa med pa dang / mngon par 'du bya ba med pa la bzod pa ste/ de ni byang chub sems dpa' sems dpa' chen po'i mi skye ba la bzod pa'o/ /de la byang chub sems dpa' sems dpa' chen po'i mi skye ba shes pa gang zhe na/ ming dang gzugs mi skye ba shes pa ste/ de ni byang chub sems dpa' sems dpa' chen po'i mi skye ba shes pa'o/ /de la byang chub sems dpa' sems dpa' chen po'i chos thams cad tshul</font><hr>30.257b<br><font size=+1>

gcig tu bstan pa gang zhe na/ gnyis la yongs su rgyu ba med pa ste/ de ni byang chub sems dpa' sems dpa' chen po'i chos thams cad tshul gcig tu bstan pa'o/ /de la byang chub sems dpa' sems dpa' chen po'i rtogs pa yang dag par bsal ba gang zhe na/ chos thams cad la rnam par rtog pa med pa ste/ de ni byang chub sems dpa' sems dpa' chen po'i rtog pa yang dag par bsal ba'o/ /de la byang chub sems dpa' sems dpa' chen po'i lta ba rnam par bzlog pa gang zhe na/ nyan thos kyi sa dang / rang sangs rgyas kyi sa rnam par spong ba ste/ de ni byang chub sems dpa' sems dpa' chen po'i lta ba rnam par bzlog pa'o/ /de la byang chub sems dpa' sems dpa' chen po'i nyon mongs pa rnam par bzlog pa gang zhe na/ bag chags kyi mtshams sbyor ba'i nyon mongs pa thams cad zad pa ste/ de ni byang chub sems dpa' sems dpa' chen po'i nyon mongs pa rnam par bzlog pa'o/ /de la byang chub sems dpa' sems dpa' chen po'i zhi gnas dang lhag mthong gi sa gang zhe na/ 'di lta ste/ rnam pa thams cad mkhyen pa nyid kyi ye shes te/ de ni byang chub sems dpa' sems dpa' chen po'i zhi gnas dang lhag mthong gi sa'o/ /de la byang chub sems dpa' sems dpa' chen po'i dul ba'i sems gang zhe na/ khams gsum la dga' bar sems pa med pa ste/ de ni byang chub sems dpa' sems dpa' chen po'i dul ba'i sems so/ /de la byang chub sems dpa' sems dpa' chen po'i zhi ba'i sems gang zhe na/ dbang po drug yang dag par 'dus pa ste/ de ni byang chub sems dpa' sems dpa' chen po'i zhi ba'i sems so/ /de la byang chub sems dpa' sems dpa' chen po'i thogs pa med pa'i ye shes gang zhe na/ 'di lta ste/ sangs rgyas kyi spyan thob pa ste/ de ni byang chub sems dpa' sems dpa' chen po'i thogs pa med pa'i ye shes so/ /de la byang chub sems dpa' sems dpa' chen po'i byams pa'i skabs shes</font><hr>30.258a<br><font size=+1>

pa gang zhe na/ skye mched drug gi btang snyoms te/ de ni byang chub sems dpa' sems dpa' chen po'i byams pa'i skabs shes pa'o/ /de la byang chub sems dpa' sems dpa' chen po'i gang du 'dod pa'i zhing du 'gro ba gang zhe na/ 'khor gyi dkyil 'khor de dang de dag tu lus ston pa ste/ de ni byang chub sems dpa' sems dpa' chen po'i gang du 'dod pa'i zhing du 'gro ba'o/ /de la byang chub sems dpa' sems dpa' chen po'i sems can thams cad kyi sems khongs du chud pa gang zhe na/ sems gcig gis sems can thams cad kyi sems dang sems las byung ba rab tu shes pa'o/ /de la byang chub sems dpa' sems dpa' chen po'i mngon par shes pas rnam par brtse ba gang zhe na/ mngon par shes pa rnams kyis rnam par rtse zhing / sangs rgyas kyi zhing nas sangs rgyas kyi zhing du sangs rgyas blta ba'i don du 'gro yang / de la sangs rgyas kyi 'du shes su mi 'gyur ba ste/ 'di ni byang chub sems dpa' sems dpa' chen po'i mngon par shes pas rtse ba'o/ /de la byang chub sems dpa' sems dpa' chen po'i sangs rgyas kyi zhing blta ba gang zhe na/ sangs rgyas kyi zhing gcig na 'dug cing dpag tu med pa'i sangs rgyas kyi zhing mthong yang / de la sangs rgyas kyi zhing gi 'du shes su mi 'gyur ba ste/ de ni byang chub sems dpa' sems dpa' chen po'i sangs rgyas kyi zhing blta ba'o/ /de la byang chub sems dpa' sems dpa' chen po'i sangs rgyas kyi zhing de dag ji ltar mthong ba bzhin du yongs su bsgrub pa gang zhe na/ stong gsum gyi stong chen po'i 'jig rten gyi khams kyi dbang phyug 'khor los sgyur ba'i sa la gnas te/ stong gsum gyi stong chen po'i 'jig rten gyi khams yongs su gtong zhing / des rlom sems su mi byed pa ste/ de ni byang chub sems dpa' sems dpa' chen po'i sangs rgyas kyi zhing ji ltar mthong ba bzhin du bsgrub pa'o/ /de la byang chub sems dpa'</font><hr>30.258b<br><font size=+1>

sems dpa' chen po'i sangs rgyas bsnyen bkur ba gang zhe na/ sems can thams cad la phan gdags pa'i don du chos la bsnyen bkur ba ste/ de ni byang chub sems dpa' sems dpa' chen po'i sangs rgyas bsnyen bkur ba'o/ /de la byang chub sems dpa' sems dpa' chen po'i sangs rgyas kyi sku yang dag pa ji lta ba bzhin du brtag pa gang zhe na/ chos kyi sku yang dag pa ji lta ba bzhin du rtogs par byed pa ste/ de ni byang chub sems dpa' sems dpa' chen po'i sangs rgyas kyi sku yang dag pa ji lta ba bzhin du brtag pa'o/ /de la byang chub sems dpa' sems dpa' chen po'i dbang po rab dang tha ma shes pa gang zhe na/ stobs bcu la gnas shing / sems can thams cad kyi dbang po yongs su rdzogs par shes pa ste/ de ni byang chub sems dpa' sems dpa' chen po'i dbang po rab dang tha ma shes pa'o/ /de la byang chub sems dpa' sems dpa' chen po'i sangs rgyas kyi zhing yongs su sbyang ba gang zhe na/ mi dmigs pa'i tshul gyis sems can thams cad kyi sems yongs su sbyong ba ste/ de ni byang chub sems dpa' sems dpa' chen po'i sangs rgyas kyi zhing yongs su sbyang ba'o/ /de la byang chub sems dpa' sems dpa' chen po'i sgyu ma lta bu'i ting nge 'dzin gang zhe na/ ting nge 'dzin gang la gnas pas/ byang chub sems dpa' sems dpa' chen po'i bya ba thams cad byed kyang / de'i sems chos gang la yang mi 'jug pa ste/ de ni byang chub sems dpa' sems dpa' chen po'i sgyu ma lta bu'i ting nge 'dzin to/ /de la byang chub sems dpa' sems dpa' chen po'i yang dang yang mnyam par gzhag pa gang zhe na/ byang chub sems dpa' sems dpa' chen po'i rnam par smin pa las skyes pa'i ting nge 'dzin te/ de ni byang chub sems dpa' sems dpa' chen po'i yang dang yang mnyam par gzhag pa'o/ /de la ji ltar na byang chub sems dpa' sems dpa' chen po'i sems can rnams kyi dge ba'i</font><hr>30.259a<br><font size=+1>

rtsa ba/ ji lta ji ltar 'grub pa de lta de ltar lus yongs su grub pa yin zhe na/ 'di la byang chub sems dpa' sems dpa' chen po sems can rnams ji lta ji ltar yongs su smin par 'gyur ba/ de lta de ltar ched du bsam shing / lus yongs su 'dzin pa ste/ de ni byang chub sems dpa' sems dpa' chen po'i sems can rnams kyi dge ba'i rtsa ba/ ji lta ji ltar 'grub pa de lta de ltar lus yongs su grub pa'o/ /de la ji ltar na byang chub sems dpa' sems dpa' chen po'i ched du bsams shing srid pa nye bar len pa yin zhe na/ 'di lta ste/ sems can yongs su smin par bya ba'i phyir te/ de ni byang chub sems dpa' sems dpa' chen po'i ched du bsams shing srid pa nye bar len pa'o/ /de la ji ltar na byang chub sems dpa' sems dpa' chen po ji lta ji ltar smon pa/ de lta de ltar phun sum tshogs par 'gyur ba yin zhe na/ de la byang chub sems dpa' sems dpa' chen po pha rol du phyin pa drug yongs su rdzogs pa'i phyir te/ de ni byang chub sems dpa' sems dpa' chen po'i ji lta ji ltar smon pa de lta de ltar phun sum tshogs par 'gyur ba'o/ /de la ji ltar na byang chub sems dpa' sems dpa' chen po lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po'i skad shes par bya ba khong du chud par bya ba yin zhe na/ 'di lta ste/ nges pa'i tshig so so yang dag par rig pas khong du chud pa ste/ de ni byang chub sems dpa' sems dpa' chen po'i sems can thams cad kyi skad shes par bya ba khong du chud pa'o/ /de la ji ltar na byang chub sems dpa' sems dpa' chen pos yongs su rdzogs pa'i spobs pas nges par bstan pa shes par bya ba rtogs pa yin zhe na/ 'di lta ste/ spobs pa so so yang dag par rig pas khong du chud pa ste/ de ni byang chub sems dpa' sems dpa' chen po'i yongs su rdzogs pa'i spobs pas nges par bstan pa</font><hr>30.259b<br><font size=+1>

shes par bya ba rtogs pa'o/ /de la byang chub sems dpa' sems dpa' chen po'i ma'i mngal du 'gro ba phun sum tshogs pa gang zhe na/ 'di la byang chub sems dpa' sems dpa' chen po tshe rabs thams cad du rdzus shing skye ba ste/ de ni byang chub sems dpa' sems dpa' chen po'i ma'i mngal du 'gro ba phun sum tshogs pa'i de la byang chub sems dpa' sems dpa' chen po'i rigs phun sum tshogs pa gang zhe na/ byang chub sems dpa' sems dpa' chen po'i rigs chen por skye ba ste/ de ni byang chub sems dpa' sems dpa' chen po'i rigs phun sum tshogs pa'o/ /de la byang chub sems dpa' sems dpa' chen po'i rgyud phun sum tshogs pa gang zhe na/ byang chub sems dpa' sems dpa' chen po rgyal rigs che zhing mtho ba 'am/ bram ze'i rigs che zhing mtho bar skye ba ste/ de ni byang chub sems dpa' sems dpa' chen po'i rgyud phun sum tshogs pa'o/ /de la byang chub sems dpa' sems dpa' chen po'i rus phun sum tshogs pa gang zhe na/ byang chub sems dpa' sems dpa' chen po gang gi rigs sngon gyi byang chub sems dpa' rnams byung bar gyur pa de'i rigs su skye ba ste/ de ni byang chub sems dpa' sems dpa' chen po'i rus phun sum tshogs pa'o/ /de la byang chub sems dpa' sems dpa' chen po'i 'khor phun sum tshogs pa gang zhe na/ byang chub sems dpa' sems dpa' chen po byang chub la sems can rnams bkod cing / byang chub sems dpa'i 'khor dang ldan pa nyid du 'gyur ba de ni/ byang chub sems dpa' sems dpa' chen po'i 'khor phun sum tshogs pa'o/ /de la byang chub sems dpa' sems dpa' chen po'i tshe phun sum tshogs pa gang zhe na/ byang chub sems dpa' sems dpa' chen po skyes ma thag tu/ 'jig rten gyi khams snang bas rgyas par bkang ste/ de dag rnam pa drug tu g.yo bar byed pa ste/ de ni byang chub</font><hr>30.260a<br><font size=+1>

sems dpa' sems dpa' chen po'i tshe phun sum tshogs pa'o/ /de la byang chub sems dpa' sems dpa' chen po'i mngon par 'byung ba phun sum tshogs pa gang zhe na/ byang chub sems dpa' sems dpa' chen po rab tu 'byung ba'i phyir/ sems can bye ba khrag khrig brgya stong du ma dang lhan cig tu mngon par 'byung zhing / sems can de dag kyang theg pa gsum la nges par 'byung ba ste/ de ni byang chub sems dpa' sems dpa' chen po'i mngon par 'byung ba phun sum tshogs pa'o/ /de la byang chub sems dpa' sems dpa' chen po'i byang chub kyi shing gi rgyan phun sum tshogs pa gang zhe na/ byang chub sems dpa' sems dpa' chen po'i byang chub kyi shing gi rtsa ba gser gyi rgyu las byung ba yin/ lhun bai dUr+yar 'dug pa yin/ yal ga rin po che bdun gyi rang bzhin las grub pa yin/ me tog dang / lo ma rin po che thams cad las gyur pa yin/ shing de'i dri zhim po dang / 'od bzang pos 'jig rten gyi khams mtha' yas pa rgyas par 'geng ba yin te/ de ni byang chub sems dpa' sems dpa' chen po'i byang chub kyi shing gi rgyan phun sum tshogs pa'o/ /de la byang chub sems dpa' sems dpa' chen po'i yon tan thams cad yongs su rdzogs pa phun sum tshogs pa gang zhe na/ byang chub sems dpa' sems dpa' chen po'i sems can yongs su smin par bya ba rnam par dag pa dang / sangs rgyas kyi zhing rnam par dag pa ste/ de ni byang chub sems dpa' sems dpa' chen po'i yon tan thams cad yongs su rdzogs pa phun sum tshogs pa'o/ /de la byang chub sems dpa' sems dpa' chen po'i sa bcu la gnas pa de bzhin gshegs pa nyid ces bya ba gang zhe na/ byang chub sems dpa' sems dpa' chen po gang gis pha rol du phyin pa thams cad yongs su rdzogs par gyur pa dang / de bzhin gshegs pa'i stobs bcu dang / mi 'jigs pa bzhi dang / so so yang dag</font><hr>30.260b<br><font size=+1>

par rig pa bzhi dang / sangs rgyas kyi chos ma 'dres pa bcwa brgyad dang / rnam pa thams cad mkhyen pa nyid kyi ye shes dang / bag chags kyi mtshams sbyor ba'i nyon mongs pa thams cad spangs pa dang / snying rje chen po dang / sangs rgyas kyi chos thams cad kyang yongs su rdzogs par gyur pa dag ste/ rab 'byor de ltar na byang chub sems dpa' sems dpa' chen po sa bcu la gnas pa ni de bzhin gshegs pa nyid ces bya'o/ /rab 'byor de la byang chub sems dpa' sems dpa' chen po'i sa bcu gang zhe na/ rab 'byor de ni byang chub sems dpa' sems dpa' chen po thabs mkhas pas/ pha rol du phyin pa rnams la spyod pa dang / stong pa nyid thams cad dang / byang chub kyi phyogs kyi chos sum bcu rtsa bdun dang / 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad la spyod pa'i tshe/ dkar po rnam par mthong ba'i sa las yang dag par 'da'/ rigs kyi sa dang / brgyad pa'i sa dang / mthong ba'i sa dang / bsrabs pa'i sa dang / 'dod chags dang bral ba'i sa dang / byas pa rtogs pa'i sa dang / nyan thos kyi sa dang / rang sangs rgyas kyi sa dang / byang chub sems dpa'i sa las yang dag par 'das te/ rab 'byor de ltar na byang chub sems dpa' sems dpa' chen pos sa dgu las yongs su 'das pa nas/ sangs rgyas kyi sa la gnas pa ste/ rab 'byor de ni byang chub sems dpa' sems</font><hr>30.261a<br><font size=+1>

dpa' chen po'i sa bcu pa'o/ /rab 'byor de ltar na byang chub sems dpa' sems dpa' chen po theg pa chen po la yang dag par zhugs par rig par bya'o/ /rab 'byor khyod kyis gang yang 'di skad du theg pa de gang nas 'byung bar 'gyur zhes smras pa de ni/ de mi dmigs pa'i tshul gyis khams gsum nas 'byung bar 'gyur ro/ /rnam pa thams cad mkhyen pa nyid du gnas par 'gyur ro/ /de ci'i phyir zhe na/ rab 'byor de ni 'di ltar theg pa chen po gang yin pa dang / rnam pa thams cad mkhyen pa nyid gang yin pa'i chos de gnyis ka yang ldan pa yang ma yin/ mi ldan pa yang ma yin/ gzugs med pa/ bstan du med pa/ thogs pa med pa ste/ 'di ltar mtshan nyid med par mtshan nyid gcig pa'o/ /de ci'i phyir zhe na/ rab 'byor mtshan nyid med pa'i chos ni 'byung ba 'am/ 'byung bar 'gyur ba 'am/ byung bar gyur pa med de/ rab 'byor gang mtshan nyid med pa'i chos rnams 'byung bar 'dod pa de ni chos kyi dbyings 'byung bar 'dod du zad do/ /rab 'byor gang mtshan nyid med pa'i chos rnams 'byung bar 'dod pa de ni/ de bzhin nyid 'byung bar 'dod du zad do/ /rab 'byor gang mtshan nyid med pa'i chos rnams 'byung bar 'dod pa de ni/ yang dag pa'i mtha' 'byung bar 'dod du zad do/ /rab 'byor gang mtshan nyid med pa'i chos rnams 'byung bar 'dod pa de ni/ bsam gyis mi khyab pa'i dbyings 'byung bar 'dod du zad do/ /rab 'byor gang mtshan nyid med pa'i chos rnams 'byung bar 'dod pa de ni/ nam mkha'i dbyings 'byung bar 'dod du zad do/ /rab 'byor gang mtshan nyid med pa'i chos rnams 'byung bar 'dod pa de ni/ 'dod chags zad pa'i dbyings 'byung bar 'dod du zad do/ /rab 'byor gang mtshan nyid med pa'i chos rnams 'byung bar 'dod pa de ni/ rab tu byang ba'i dbyings 'byung bar 'dod du zad do/ /rab 'byor gang mtshan nyid med pa'i chos rnams 'byung bar 'dod pa de ni/ 'dod chags dang bral ba'i dbyings</font><hr>30.261b<br><font size=+1>

'byung bar 'dod du zad do/ /rab 'byor gang mtshan nyid med pa'i chos rnams 'byung bar 'dod pa de ni/ 'gog pa'i dbyings 'byung bar 'dod du zad do/ /rab 'byor gang mtshan nyid med pa'i chos rnams 'byung bar 'dod pa de ni/ gzugs stong pa nyid 'byung bar 'dod du zad do/ /rab 'byor gang mtshan nyid med pa'i chos rnams 'byung bar 'dod pa de ni/ tshor ba stong pa nyid dang 'du shes stong pa nyid dang / 'du byed stong pa nyid dang / rnam par shes pa stong pa nyid 'byung bar 'dod du zad do/ /de ci'i phyir zhe na/ rab 'byor gzugs stong pa nyid ni khams gsum nas 'byung ba med do/ /rnam pa thams cad mkhyen pa nyid du gnas pa med do/ /tshor ba stong pa nyid dang 'du shes stong pa nyid dang / 'du byed stong pa nyid dang / rnam par shes pa stong pa nyid ni khams gsum nas 'byung ba med do/ /rnam pa thams cad mkhyen pa nyid du gnas pa med do/ /de ci'i phyir zhe na/ 'di ltar gzugs gzugs kyis stong ba'i phyir ro/ /tshor ba dang / 'du shes dang / 'du byed dang / rnam par shes pa rnam par shes pas stong ba'i phyir ro/ /rab 'byor gang mtshan nyid med pa'i chos rnams 'byung bar 'dod pa de ni/ mig stong pa nyid 'byung bar 'dod du zad do/ /rab 'byor gang mtshan nyid med pa'i chos rnams 'byung bar 'dod pa de ni/ rna ba stong pa nyid dang / sna stong pa nyid dang / lce stong pa nyid dang / lus stong pa nyid dang / yid stong pa nyid 'byung bar 'dod du zad do/ /de ci'i phyir zhe na/ rab 'byor mig stong pa nyid ni khams gsum nas 'byung ba med do rnam pa thams cad mkhyen pa nyid du gnas pa med do/ /rna ba stong pa nyid dang / sna stong pa nyid dang / lce stong pa nyid dang / lus stong pa nyid dang / yid stong pa nyid ni khams gsum nas 'byung ba med do/ /rnam pa thams cad mkhyen pa nyid du gnas pa med do/ /rab 'byor de ci'i phyir zhe na/ 'di ltar mig mig gis stong pa'i phyir ro/ /rna ba dang / sna dang / lce dang / lus dang / yid yid kyis stong ba'i</font><hr>30.262a<br><font size=+1>

phyir ro/ /rab 'byor gang mtshan nyid med pa'i chos rnams 'byung bar 'dod pa de ni/ gzugs stong pa nyid 'byung bar 'dod du zad do/ /rab 'byor gang mtshan nyid med pa'i chos rnams 'byung bar 'dod pa de ni/ sgra stong pa nyid dang / dri stong pa nyid dang / ro stong pa nyid dang / reg stong pa nyid dang / chos stong pa nyid 'byung bar 'dod du zad do/ /de ci'i phyir zhe na/ rab 'byor gzugs stong pa nyid ni khams gsum nas 'byung ba med do/ /rnam pa thams cad mkhyen pa nyid du gnas pa med do/ /sgra dang / dri dang / ro dang / reg dang / chos stong pa nyid ni khams gsum nas 'byung ba med do/ /rnam pa thams cad mkhyen pa nyid du gnas pa med do/ /rab 'byor de ci'i phyir zhe na/ 'di ltar gzugs gzugs kyis stong ba'i phyir ro/ /sgra dang / dri dang / ro dang / reg dang / chos chos kyis stong ba'i phyir ro/ /rab 'byor gang mtshan nyid med pa'i chos rnams 'byung bar 'dod pa de ni/ mig gi rnam par shes pa stong pa nyid 'byung bar 'dod du zad do/ /rab 'byor gang mtshan nyid med pa'i chos rnams 'byung bar 'dod pa de ni/ rna ba'i rnam par shes pa stong pa nyid dang / sna'i rnam par shes pa stong pa nyid dang / lce'i rnam par shes pa stong pa nyid dang lus kyi rnam par shes pa stong pa nyid dang / yid kyi rnam par shes pa stong pa nyid 'byung bar 'dod du zad do/ /de ci'i phyir zhe na/ rab 'byor mig gi rnam par shes pa stong pa nyid ni khams gsum nas 'byung ba med do/ /rnam pa thams cad mkhyen pa nyid du gnas pa med do/ /rna ba'i rnam par shes pa stong pa nyid dang / sna'i rnam par shes pa stong pa nyid dang / lce'i rnam par shes pa stong pa nyid dang / lus kyi rnam par shes pa stong pa nyid dang / yid kyi rnam par shes pa stong pa nyid ni khams gsum nas 'byung ba med do/ /rnam pa thams cad mkhyen pa nyid du gnas pa med do/ /rab 'byor de ci'i phyir zhe na/ 'di ltar mig gi rnam par shes pa mig gi rnam par shes pas stong pa'i phyir ro/ /</font><hr>30.262b<br><font size=+1>

rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa yid kyi rnam par shes pas stong ba'i phyir ro/ /rab 'byor gang mtshan nyid med pa'i chos rnams 'byung bar 'dod pa de ni/ mig gi 'dus te reg pa stong pa nyid 'byung bar 'dod du zad do/ /rab 'byor gang mtshan nyid med pa'i chos rnams 'byung bar 'dod pa de ni/ rna ba'i 'dus te reg pa stong pa nyid dang / sna'i 'dus te reg pa stong pa nyid dang / lce'i 'dus te reg pa stong pa nyid dang / lus kyi 'dus te reg pa stong pa nyid dang / yid kyi 'dus te reg pa stong pa nyid 'byung bar 'dod du zad do/ /de ci'i phyir zhe na/ rab 'byor mig gi 'dus te reg pa stong pa nyid ni khams gsum nas 'byung ba med do/ /rnam pa thams cad mkhyen pa nyid du gnas pa med do/ /rna ba'i 'dus te reg pa stong pa nyid dang / sna'i 'dus te reg pa stong pa nyid dang / lce'i 'dus te reg pa stong pa nyid dang / lus kyi 'dus te reg pa stong pa nyid dang / yid kyi 'dus te reg pa stong pa nyid ni khams gsum nas 'byung ba med do/ /rnam pa thams cad mkhyen pa nyid du gnas pa med do/ /rab 'byor de ci'i phyir zhe na/ 'di ltar mig gi 'dus te reg pa mig gi 'dus te reg pas stong pa'i phyir ro/ /rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa yid kyi 'dus te reg pas stong ba'i phyir ro/ /rab 'byor gang mtshan nyid med pa'i chos rnams 'byung bar 'dod pa de ni/ mig gi 'dus te reg pa'i rkyen gyis tshor ba stong pa nyid 'byung bar 'dod du zad do/ /rab 'byor gang mtshan nyid med pa'i chos rnams 'byung bar 'dod pa de ni/ rna ba'i 'dus te reg pa'i rkyen gyis tshor ba stong pa nyid dang / sna'i 'dus te reg pa'i rkyen gyis tshor ba stong pa nyid dang / lce'i 'dus te reg pa'i rkyen gyis tshor ba stong</font><hr>30.263a<br><font size=+1>

pa nyid dang / lus kyi 'dus te reg pa'i rkyen gyis tshor ba stong pa nyid dang / yid kyi 'dus te reg pa'i rkyen kyis tshor ba stong pa nyid 'byung bar 'dod du zad do/ /de ci'i phyir zhe na/ rab 'byor de ni mig gi 'dus te reg pa'i rkyen gyis tshor ba stong pa nyid ni khams gsum nas 'byung ba med do/ /rnam pa thams cad mkhyen pa nyid du gnas pa med do/ /rna ba'i 'dus te reg pa'i rkyen gyis tshor ba stong pa nyid dang / sna'i 'dus te reg pa'i rkyen gyis tshor ba stong pa nyid dang / lce'i 'dus te reg pa'i rkyen gyis tshor ba stong pa nyid dang / lus kyi 'dus te reg pa'i rkyen gyis tshor ba stong pa nyid dang / yid kyi 'dus te reg pa'i rkyen gyis tshor ba stong pa nyid ni khams gsum nas 'byung ba med do/ /rnam pa thams cad mkhyen pa nyid du gnas pa med do/ /rab 'byor de ci'i phyir zhe na/ 'di ltar mig gi 'dus te reg pa'i rkyen gyis tshor ba mig gi 'dus te reg pa'i rkyen gyis tshor bas stong pa'i phyir ro/ /rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba yid kyi 'dus te reg pa'i rkyen gyis tshor bas stong pa'i phyir ro/ /rab 'byor gang mtshan nyid med pa'i chos rnams 'byung bar 'dod pa de ni/ rmi lam 'byung bar 'dod du zad do/ /rab 'byor gang mtshan nyid med pa'i chos rnams 'byung bar 'dod pa de ni/ sgyu ma dang / smig rgyu dang / sgra brnyan dang / mig yor dang / de bzhin gshegs pa'i sprul pa 'byung bar 'dod du zad do/ /de ci'i phyir zhe na/ rab 'byor rmi lam ni khams gsum nas 'byung ba med do/ /rnam pa thams cad mkhyen pa nyid du gnas pa med do/ /sgyu ma dang / smig rgyu dang / sgra brnyan dang / mig yor dang / de bzhin gshegs pa'i sprul pa ni khams gsum nas 'byung ba med do/ /rnam pa thams</font><hr>30.263b<br><font size=+1>

cad mkhyen pa nyid du gnas pa med do/ /rab 'byor de ci'i phyir zhe na/ 'di ltar rmi lam ni rmi lam gyis stong ba'i phyir ro/ /sgyu ma dang / smig rgyu dang / sgra brnyan dang / mig yor dang / de bzhin gshegs pa'i sprul pa ni de bzhin gshegs pa'i sprul pas stong pa'i phyir ro/ /rab 'byor gang mtshan nyid med pa'i chos rnams 'byung bar 'dod pa de ni sbyin pa'i pha rol du phyin pa 'byung bar 'dod du zad do/ /rab 'byor gang mtshan nyid med pa'i chos rnams 'byung bar 'dod pa de ni/ tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa 'byung bar 'dod du zad do/ /de ci'i phyir zhe na/ rab 'byor sbyin pa'i pha rol du phyin pa'i ngo bo nyid ni khams gsum nas 'byung ba med do/ /rnam pa thams cad mkhyen pa nyid du gnas pa med do/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa'i ngo bo nyid ni khams gsum nas 'byung ba med do/ /rnam pa thams cad mkhyen pa nyid du gnas pa med do/ /rab 'byor de ci'i phyir zhe na/ 'di ltar sbyin pa'i pha rol du phyin pa'i ngo bo nyid ni/ sbyin pa'i pha rol du phyin pa'i ngo bo nyid kyis stong pa'i phyir ro/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyis pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa'i ngo bo nyid ni/ shes rab kyi pha rol du phyin pa'i ngo bo nyid kyis stong pa'i phyir ro/ /rab 'byor gang mtshan nyid med pa'i chos rnams 'byung bar 'dod pa de ni nang stong pa nyid 'byung bar 'dod du zad do/ /rab 'byor gang mtshan nyid med pa'i chos rnams 'byung bar 'dod pa de ni/ phyi stong pa nyid 'byung bar 'dod du zad do/ /rab 'byor</font><hr>30.264a<br><font size=+1>

gang mtshan nyid med pa'i chos rnams 'byung bar 'dod pa de ni/ phyi nang stong pa nyid 'byung bar 'dod du zad do/ /rab 'byor gang mtshan nyid med pa'i chos rnams 'byung bar 'dod pa de ni/ dngos po med pa'i ngo bo nyid stong pa nyid kyi bar du 'byung bar 'dod du zad do/ /de ci'i phyir zhe na/ rab 'byor nang stong pa nyid ni khams gsum nas 'byung ba med do/ /rnam pa thams cad mkhyen pa nyid du gnas pa med do/ /phyi stong pa nyid ni khams gsum nas 'byung ba med do/ /rnam pa thams cad mkhyen pa nyid du gnas pa med do/ /phyi nang stong pa nyid ni khams gsum nas 'byung ba med do/ /rnam pa thams cad mkhyen pa nyid du gnas pa med do/ /dngos po med pa'i ngo bo nyid stong pa nyid kyis bar ni khams gsum nas 'byung ba med do/ /rnam pa thams cad mkhyen pa nyid du gnas pa med do/ /rab 'byor de ci'i phyir zhe na/ 'di ltar nang stong pa nyid nang stong pa nyid kyis stong pa'i phyir ro/ /phyi stong pa nyid phyi stong pa nyid kyis stong pa'i phyir ro/ /phyi nang stong pa nyid phyi nang stong pa nyid kyis stong pa'i phyir ro/ /dngos po med pa'i ngo bo nyid stong pa nyid kyi bar du/ dngos po med pa'i ngo bo nyid stong pa nyid kyis stong pa'i phyir ro/ /rab 'byor gang mtshan nyid med pa'i chos rnams 'byung bar 'dod pa de ni/ dran pa nye bar gzhag pa rnams 'byung bar 'dod du zad do/ /rab 'byor gang mtshan nyid med pa'i chos rnams 'byung bar 'dod pa de ni/ yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa 'byung bar 'dod du zad do/ /de ci'i phyir zhe na/ rab 'byor dran pa nye bar gzhag pa rnams kyi ngo bo nyid ni khams gsum nas 'byung ba med do/ /rnam pa thams cad mkhyen pa nyid du gnas pa med do/ /yang dag par spong ba rnams dang / rdzu 'phrul gyi rkang pa rnams dang dbang</font><hr>30.264b<br><font size=+1>

po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa'i ngo bo nyid ni khams gsum nas 'byung ba med do/ /rnam pa thams cad mkhyen pa nyid du gnas pa med do/ /rab 'byor de ci'i phyir zhe na/ 'di ltar dran pa nye bar gzhag pa rnams kyi ngo bo nyid ni/ dran pa nye bar gzhag pa rnams kyis stong pa'i phyir ro/ /yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa'i ngo bo nyid ni/ 'phags pa'i lam yan lag brgyad pa'i ngo bo nyid kyis stong pa'i phyir ro/ /rab 'byor gang mtshan nyid med pa'i chos rnams 'byung bar 'dod pa de ni/ 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa 'byung bar 'dod du zad do/ /de ci'i phyir zhe na/ rab 'byor 'phags pa'i bden pa rnams kyi ngo bo nyid ni khams gsum 'byung ba med do/ /rnam pa thams cad mkhyen pa nyid du gnas pa med do/ /bsam gtan rnams kyi ngo bo nyid dang / tshad med pa rnams kyi ngo bo nyid dang / gzugs med pa'i snyoms par 'jug pa rnams kyi ngo bo nyid dang / rnam par thar pa brgyad kyi ngo bo nyid dang / mthar gyis gnas pa'i snyoms par 'jug pa dgu'i ngo bo nyid dang / stong pa nyid dang / mtshan ma med pa dang / smon pa med pa'i ngo bo nyid ni khams gsum nas 'byung ba med do/ /rnam pa thams cad mkhyen pa nyid du gnas pa med do/ /de ci'i phyir zhe na/ 'di ltar 'phags pa'i bden pa rnams kyi ngo bo nyid ni/ 'phags pa'i bden pa rnams kyi ngo bo nyid kyis stong pa'i phyir ro/ /bsam gtan gyi ngo bo nyid dang / tshad med pa rnams</font><hr>30.265a<br><font size=+1>

kyi ngo bo nyid dang / gzugs med pa'i snyoms par 'jug pa rnams kyi ngo bo nyid dang / rnam par thar pa brgyad kyi ngo bo nyid dang / mthar gyis gnas pa'i snyoms par 'jug pa dgu'i ngo bo nyid dang / stong pa nyid dang / mtshan ma med pa dang / smon pa med pa'i ngo bo nyid ni/ smon pa med pa'i ngo bo nyid kyis stong pa'i phyir ro/ /rab 'byor gang mtshan nyid med pa'i chos rnams 'byung bar 'dod pa de ni/ mngon par shes pa rnams dang / ting nge 'dzin rnams dang / gzungs kyi sgo rnams 'byung bar 'dod du zad do/ /de ci'i phyir zhe na/ rab 'byor mngon par shes pa rnams kyi ngo bo nyid ni khams gsum nas 'byung ba med do/ /rnam pa thams cad mkhyen pa nyid du gnas pa med do/ /ting nge 'dzin rnams dang / gzungs kyi sgo rnams kyi ngo bo nyid ni khams gsum nas 'byung ba med do/ /rnam pa thams cad mkhyen pa nyid du gnas pa med do/ /rab 'byor de ci'i phyir zhe na/ 'di ltar mngon par shes pa rnams kyi ngo bo nyid ni/ mngon par shes pa rnams kyi ngo bo nyid kyis stong pa'i phyir ro/ /ting nge 'dzin rnams kyi ngo bo nyid dang / gzungs kyi sgo rnams kyi ngo bo nyid ni/ gzungs kyi sgo rnams kyi ngo bo nyid kyis stong pa'i phyir ro/ /rab 'byor gang mtshan nyid med pa'i chos rnams 'byung bar 'dod pa de ni/ de bzhin gshegs pa'i stobs bcu 'byung bar 'dod du zad do/ /mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad 'byung bar 'dod du zad do/ /de ci'i phyir zhe na/ rab 'byor de bzhin gshegs pa'i stobs bcu'i ngo bo nyid ni khams gsum nas 'byung ba med do/ /rnam pa thams cad mkhyen pa nyid du gnas pa med do/ /mi 'jigs pa bzhi'i ngo bo nyid dang / so so yang dag par rig pa bzhi'i ngo bo ny-id dang / sangs rgyas kyi chos ma 'dres pa bcwa brgyad kyi ngo bo nyid ni khams gsum nas 'byung ba med do/ /rnam pa thams cad mkhyen pa nyid du gnas pa med do/ /rab 'byor de ci'i</font><hr>30.265b<br><font size=+1>

phyir zhe na/ de ni 'di ltar de bzhin gshegs pa'i stobs rnams kyi ngo bo nyid ni/ de bzhin gshegs pa'i stobs rnams kyi ngo bo nyid kyis stong pa'i phyir ro/ /mi 'jigs pa bzhi'i ngo bo nyid dang / so so yang dag par rig pa bzhi'i ngo bo nyid dang / sangs rgyas kyi chos ma 'dres pa bcwa brgyad kyi ngo bo nyid ni/ sangs rgyas kyi chos ma 'dres pa bcwa brgyad kyi ngo bo nyid kyis stong pa'i phyir ro/ /rab 'byor gang mtshan nyid med pa'i chos rnams 'byung bar 'dod pa de ni/ dgra bcom pa zag pa zad pa skye bar 'dod du zad do/ /rab 'byor gang mtshan nyid med pa'i chos rnams 'byung bar 'dod pa de ni/ rang sangs rgyas skye bar 'dod du zad do/ /rab 'byor gang mtshan nyid med pa'i chos rnams 'byung bar 'dod pa de ni/ byang chub sems dpa' skye bar 'dod du zad do/ /rab 'byor gang mtshan nyid med pa'i chos rnams 'byung bar 'dod pa de ni/ de bzhin gshegs pa dgra bcom pa yang dag par rdzogs pa'i sangs rgyas 'byung bar 'dod du zad do/ /de ci'i phyir zhe na/ rab 'byor dgra bcom pa zag pa zad pa ni khams gsum nas 'byung ba med do/ /rnam pa thams cad mkhyen pa nyid du gnas pa med do/ /rang sangs rgyas dang / byang chub sems dpa' dang / de bzhin gshegs pa dgra bcom pa yang dag par rdzogs pa'i sangs rgyas ni khams gsum nas 'byung ba med do/ /rnam pa thams cad mkhyen pa nyid du gnas pa med do/ /rab 'byor de ci'i phyir zhe na/ 'di ltar dgra bcom pa'i ngo bo nyid ni/ dgra bcom pa'i ngo bo nyid kyis stong ba'i phyir ro/ /rang sangs rgyas dang / byang chub sems dpa' dang / de bzhin gshegs pa'i ngo bo nyid ni/ de bzhin gshegs pa'i ngo bo nyid kyis stong pa'i phyir ro/ /rab 'byor gang mtshan nyid med pa'i chos rnams 'byung bar 'dod pa de ni/ rgyun du zhugs pa'i 'bras bu 'byung bar 'dod du zad do/ /rab 'byor gang mtshan nyid med pa'i chos rnams 'byung bar 'dod pa de ni/ lan cig phyir 'ong ba'i 'bras bu dang / phyir mi 'ong ba'i 'bras bu dang / </font><hr>30.266a<br><font size=+1>

dgra bcom pa nyid dang / rang byang chub dang / lam gyi rnam pa shes pa nyid dang / rnam pa thams cad mkhyen pa nyid 'byung bar 'dod du zad do/ /de ci'i phyir zhe na/ rab 'byor rgyun du zhugs pa'i 'bras bu ni khams gsum nas 'byung ba med do/ /rnam pa thams cad mkhyen pa nyid du gnas pa med do/ /lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub dang / lam gyi rnam pa shes pa nyid dang / rnam pa thams cad mkhyen pa nyid ni khams gsum nas 'byung ba med do/ /rnam pa thams cad mkhyen pa nyid du gnas pa med do/ /rab 'byor de ci'i phyir zhe na/ 'di ltar rgyun tu zhugs pa'i 'bras bu'i ngo bo nyid ni/ rgyun du zhugs pa'i 'bras bu'i ngo bo nyid kyis stong pa'i phyir ro/ /lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang rang byang chub dang / lam gyi rnam pa shes pa nyid dang / rnam pa thams cad mkhyen pa nyid kyi ngo bo nyid ni rnam pa thams cad mkhyen pa nyid kyi ngo bo nyid kyis stong pa'i phyir ro/ /rab 'byor gang mtshan nyid med pa'i chos rnams 'byung bar 'dod pa de ni/ ming 'byung bar 'dod du zad do/ /rab 'byor gang mtshan nyid med pa'i chos rnams 'byung bar 'dod pa de ni/ mtshan ma 'byung bar 'dod du zad do/ /rab 'byor gang mtshan nyid med pa'i chos rnams 'byung bar 'dod pa de ni/ brda 'byung bar 'dod du zad do/ /rab 'byor gang mtshan nyid med pa'i chos rnams 'byung bar 'dod pa de ni/ tha snyad 'byung bar 'dod du zad do/ /rab 'byor gang mtshan nyid med pa'i chos rnams 'byung bar 'dod pa de ni/ gdags pa 'byung bar 'dod du zad do/ /de ci'i phyir zhe na/ rab 'byor ming stong pa nyid ni khams gsum nas 'byung ba med do/ /rnam pa thams cad mkhyen pa nyid du gnas pa med do/ /mtshan ma stong pa nyid ni khams gsum nas 'byung ba med do/ /rnam pa thams cad mkhyen pa nyid du gnas pa med do/ /brda stong pa nyid ni khams gsum</font><hr>30.266b<br><font size=+1>

nas 'byung ba med do/ /rnam pa thams cad mkhyen pa nyid du gnas pa med do/ /tha snyad stong pa nyid ni khams gsum nas 'byung ba med do/ /rnam pa thams cad mkhyen pa nyid du gnas pa med do/ /gdags pa stong pa nyid ni khams gsum nas 'byung ba med do/ /rnam pa thams cad mkhyen pa nyid du gnas pa med do/ /rab 'byor de ci'i phyir zhe na/ 'di ltar ming stong pa nyid ni ming stong pa nyid kyi ngo bo nyid kyis stong pa'i phyir ro/ /mtshan ma stong pa nyid mtshan ma stong pa nyid kyi ngo bo nyid kyis stong pa'i phyir ro/ /brda stong pa nyid brda stong pa nyid kyi ngo bo nyid kyis stong pa'i phyir ro/ /tha snyad stong pa nyid tha snyad stong pa nyid kyi ngo bo nyid kyis stong pa'i phyir ro/ /gdags pa stong pa nyid gdags pa stong pa nyid kyi ngo bo nyid kyis stong pa'i phyir ro/ /rab 'byor gang mtshan nyid med pa'i chos rnams 'byung bar 'dod pa de ni/ skye ba med pa 'byung bar 'dod du zad do/ /rab 'byor gang mtshan nyid med pa'i chos rnams 'byung bar 'dod pa de ni/ 'gag pa med pa dang / kun nas nyon mongs pa med pa dang / rnam par byang ba med pa dang / mngon par 'du bya ba med pa 'byung bar 'dod du zad do/ /de ci'i phyir zhe na/ rab 'byor skye ba med pa'i ngo bo nyid ni khams gsum nas 'byung ba med do/ /rnam pa thams cad mkhyen pa nyid du gnas pa med do/ /'gag pa med pa dang / kun nas nyon mongs pa med pa dang / rnam par byang ba med pa dang / mngon par 'du bya ba med pa'i ngo bo nyid ni khams gsum nas 'byung ba med do/ /rnam pa thams cad mkhyen pa nyid du gnas pa med do/ /rab 'byor de ci'i phyir zhe na/ 'di ltar skye ba med pa ni skye ba med pa'i ngo bo nyid kyis stong pa'i phyir ro/ /'gag pa med pa dang / kun nas nyon mongs pa med pa dang / rnam par byang ba med pa dang / mngon par 'du bya ba med pa ni/ mngon par 'du bya ba med pa'i ngo bo nyid kyis stong pa'i phyir ro/ /rab 'byor de ltar rnam grangs des na/ 'di ltar theg pa chen po</font><hr>30.267a<br><font size=+1>

ni khams gsum nas 'byung ba med/ rnam pa thams cad mkhyen pa nyid du gnas pa med par shes par bya ste/ gnas pa med pa de ni bskyod du med pa'o// //shes rab kyi pha rol du phyin pa stong phrag nyi shu lnga pa/ bam po bcu dgu pa/ rab 'byor gzhan yang khyod kyis gang 'di skad du/ theg pa chen po de gang du gnas par 'gyur zhes smras pa de/ theg pa chen po de gang du yang gnas par 'gyur ba med de/ de ci'i phyir zhe na/ 'di ltar chos thams cad ni gnas mi dmigs pa'i phyir mi gnas pa ste/ rab 'byor de ltar theg pa chen po de ni mi gnas pa'i tshul gyis gnas so/ /rab 'byor 'di lta ste/ dper na/ chos kyi dbyings ni gnas pa yang ma yin/ mi gnas pa yang ma yin no/ /rab 'byor de bzhin du theg pa chen po de yang gnas pa yang ma yin/ mi gnas pa yang ma yin no/ /rab 'byor 'di lta ste/ dper na/ de bzhin nyid dang / yang dag pa'i mtha' dang / bsam gyis mi khyab pa'i dbyings ni gnas pa yang ma y-in/ mi gnas pa yang ma yin no/ /rab 'byor de bzhin du theg pa chen po de yang gnas pa yang ma yin/ mi gnas pa yang ma yin no/ /de ci'i phyir zhe na/ rab 'byor chos kyi dbyings kyi ngo bo nyid la gnas pa 'am/ mi gnas pa med do/ /de bzhin nyid dang / yang dag pa'i mtha' dang / bsam gyis mi khyab pa'i dbyings kyi ngo bo nyid la ni gnas pa 'am/ mi gnas pa med do/ /de ci'i phyir zhe na/ rab 'byor de ni 'di ltar chos kyi dbyings chos kyi dbyings kyi ngo bo nyid kyis stong ba'i phyir ro/ /de bzhin nyid de bzhin nyid kyi ngo bo nyid kyis stong pa'i phyir ro/ /yang dag pa'i mtha' yang dag pa'i mtha'i ngo bo nyid kyis stong ba'i phyir ro/ /bsam gyis mi khyab pa'i dbyings/ bsam gyis mi khyab pa'i dbyings kyi ngo bo nyid kyis stong ba'i phyir ro/ /rab 'byor 'di lta ste/ dper na/ nam mkha'i dbyings ni gnas pa yang ma yin/ mi gnas pa yang ma yin no/ /</font><hr>30.267b<br><font size=+1>

rab 'byor de bzhin du theg pa chen po de yang gnas pa yang ma yin/ mi gnas pa yang ma yin no/ /rab 'byor 'di lta ste/ dper na/ 'dod chags zad pa'i dbyings ni gnas pa yang ma yin mi gnas pa yang ma yin no/ /de bzhin du theg pa chen po de yang gnas pa yang ma yin/ mi gnas pa yang ma yin no/ /rab 'byor 'di lta ste/ dper na/ rab tu byang ba'i dbyings dang / 'dod chags dang bral ba'i dbyings dang / 'gog pa'i dbyings la ni gnas pa 'am/ mi gnas pa med do/ /rab 'byor de bzhin du theg pa chen po de yang gnas pa yang ma yin/ mi gnas pa yang ma yin no/ /de ci'i phyir zhe na/ nam mkha'i dbyings kyi ngo bo nyid la ni gnas pa 'am/ mi gnas pa med do/ /'dod chags zad pa'i dbyings dang / rab tu byang ba'i dbyings dang / 'dod chags dang bral ba'i dbyings dang / 'gog pa'i dbyings kyi ngo bo nyid la ni gnas pa 'am/ mi gnas pa med do/ /de ci'i phyir zhe na/ rab 'byor de ni 'di ltar nam mkha'i dbyings nam mkha'i dbyings kyi rang bzhin gyis stong ba'i phyir ro/ /'dod chags zad pa'i dbyings 'dod chags zad pa'i dbyings kyi rang bzhin gyis stong ba'i phyir ro/ /rab tu byang ba'i dbyings rab tu byang ba'i dbyings kyi rang bzhin gyis stong ba'i phyir ro/ /'dod chags dang bral ba'i dbyings 'dod chags dang bral ba'i dbyings kyi rang bzhin gyis stong ba'i phyir ro/ /'gog pa'i dbyings 'gog pa'i dbyings kyi rang bzhin gyis stong ba'i phyir ro/ /rab 'byor 'di lta ste/ dper na/ gzugs stong pa nyid ni gnas pa yang ma yin/ mi gnas pa yang ma yin no/ /rab 'byor de bzhin du theg pa chen po de yang gnas pa yang ma yin/ mi gnas pa yang ma yin no/ /rab 'byor 'di lta ste/ dper na/ tshor ba stong pa nyid dang / 'du shes stong pa nyid dang / 'du byed stong pa nyid dang / rnam par shes pa stong pa nyid ni gnas pa yang ma yin/ mi gnas pa yang ma yin no/ /</font><hr>30.268a<br><font size=+1>

rab 'byor de bzhin du theg pa chen po de yang gnas pa yang ma yin/ mi gnas pa yang ma yin no/ /de ci'i phyir zhe na/ rab 'byor gzugs kyi ngo bo nyid la ni gnas pa 'am/ mi gnas pa med do/ /tshor ba dang / 'du shes dang / 'du byed dang / rnam par shes pa'i ngo bo nyid la ni gnas pa 'am/ mi gnas pa med do/ /de ci'i phyir zhe na/ rab 'byor de ni 'di ltar gzugs gzugs kyis stong pa'i phyir ro/ /tshor ba dang / 'du shes dang / 'du byed dang / rnam par shes pa rnam par shes pas stong pa'i phyir ro/ /rab 'byor 'di lta ste dper na/ mig stong pa nyid ni gnas pa yang ma yin/ mi gnas pa yang ma yin no/ /rab 'byor de bzhin du theg pa chen po de yang gnas pa yang ma yin mi gnas pa yang ma yin no/ /rab 'byor 'di lta ste dper na/ rna ba stong pa nyid dang / sna stong pa nyid dang / lce stong pa nyid dang / lus stong pa nyid dang / yid stong pa nyid ni gnas pa yang ma yin/ mi gnas pa yang ma yin no/ /rab 'byor de bzhin du theg pa chen po de yang gnas pa yang ma yin/ mi gnas pa yang ma yin no/ /de ci'i phyir zhe na/ mig gi ngo bo nyid la ni gnas pa 'am mi gnas pa med do/ /rna ba dang / sna dang / lce dang / lus dang / yid kyi ngo bo nyid la ni gnas pa 'am mi gnas pa med do/ /de ci'i phyir zhe na/ rab 'byor de ni 'di ltar mig mig gis stong pa'i phyir ro/ /rna ba dang / sna dang / lce dang / lus dang / yid ni yid kyis stong pa'i phyir ro/ /rab 'byor 'di lta ste dper na/ gzugs stong pa nyid ni gnas pa yang ma yin/ mi gnas pa yang ma yin no/ /rab 'byor de bzhin du theg pa chen po de yang gnas pa yang ma yin mi gnas pa yang ma yin no/ /rab 'byor 'di lta ste dper na/ sgra stong pa nyid dang / dri stong pa nyid dang / ro stong pa nyid dang / reg stong pa nyid dang / chos stong pa nyid ni gnas pa yang ma yin mi gnas pa yang ma yin no/ /rab 'byor de bzhin du theg pa chen po de yang gnas pa yang ma</font><hr>30.268b<br><font size=+1>

yin mi gnas pa yang ma yin no/ /de ci'i phyir zhe na/ rab 'byor gzugs kyi ngo bo nyid la ni gnas pa 'am mi gnas pa med do/ /sgra dang / dri dang / ro dang / reg dang / chos kyi ngo bo nyid la ni gnas pa 'am mi gnas pa med do/ /de ci'i phyir zhe na/ rab 'byor de ni 'di ltar gzugs gzugs kyis stong pa'i phyir ro/ /sgra dang / dri dang / ro dang / reg dang / chos chos kyis stong pa'i phyir ro/ /rab 'byor 'di lta ste dper na/ mig gi rnam par shes pa stong pa nyid ni gnas pa yang ma yin/ mi gnas pa yang ma yin no/ /rab 'byor de bzhin du theg pa chen po de yang gnas pa yang ma yin/ mi gnas pa yang ma yin no/ /rab 'byor 'di lta ste dper na/ rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa stong pa nyid ni gnas pa yang ma yin/ mi gnas pa yang ma yin no/ /rab 'byor de bzhin du theg pa chen po de yang gnas pa yang ma yin/ mi gnas pa yang ma yin no/ /de ci'i phyir zhe na/ rab 'byor mig gi rnam par shes pa'i ngo bo nyid la ni gnas pa 'am mi gnas pa med do/ /rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa'i ngo bo nyid la ni gnas pa 'am mi gnas pa med do/ /de ci'i phyir zhe na/ rab 'byor de ni 'di ltar mig gi rnam par shes pa mig gi rnam par shes pas stong pa'i phyir ro/ /rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa yid kyi rnam par shes pas stong pa'i phyir ro/ /rab 'byor 'di lta ste dper na/ myig gi 'dus te reg pa stong pa nyid ni gnas pa yang ma yin mi gnas pa yang ma yin no/ /rab 'byor de bzhin du theg pa chen po de yang</font><hr>30.269a<br><font size=+1>

gnas pa yang ma yin/ mi gnas pa yang ma yin no/ /rab 'byor 'di lta ste/ dper na/ rna ba'i 'dus te reg pa stong pa nyid dang / sna'i 'dus te reg pa stong pa nyid dang / lce'i 'dus te reg pa stong pa nyid dang / lus kyi 'dus te reg pa stong pa nyid dang / yid kyi 'dus te reg pa stong pa nyid ni gnas pa yang ma yin/ mi gnas pa yang ma yin no/ /rab 'byor de bzhin du theg pa chen po de yang gnas pa yang ma yin/ mi gnas pa yang ma yin no/ /de ci'i phyir zhe na/ rab 'byor mig gi 'dus te reg pa'i ngo bo nyid la ni gnas pa 'am mi gnas pa med do/ /rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa'i ngo bo nyid la ni gnas pa 'am mi gnas pa med do/ /rab 'byor de ci'i phyir zhe na de ni 'di ltar mig gi 'dus te reg pa mig gi 'dus te reg pas stong pa'i phyir ro/ /rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa yid kyi 'dus te reg pas stong pa'i phyir ro/ /rab 'byor 'di lta ste/ dper na/ mig gi 'dus te reg pa'i rkyen gyis tshor ba stong pa nyid ni gnas pa yang ma yin/ mi gnas pa yang ma yin no/ /rab 'byor de bzhin du theg pa chen po de yang gnas pa yang ma yin/ mi gnas pa yang ma yin no/ /rab 'byor 'di lta ste/ dper na/ rna ba'i 'dus te reg pa'i rkyen gyis tshor ba stong pa nyid dang / sna'i 'dus te reg pa'i rkyen gyis tshor ba stong pa nyid dang / lce'i 'dus te reg pa'i rkyen gyis tshor ba stong pa nyid dang / lus kyi 'dus te reg pa'i rkyen gyis tshor ba stong pa ny-id dang / yid kyi 'dus te reg pa'i rkyen gyis tshor ba stong pa nyid ni gnas pa yang ma yin/ mi gnas pa yang ma yin no/ /rab 'byor de bzhin du theg pa chen po de yang gnas pa yang ma yin/ mi gnas pa yang ma yin no/ /de ci'i phyir zhe na/ rab 'byor mig gi</font><hr>30.269b<br><font size=+1>

'dus te reg pa'i rkyen gyis tshor ba'i ngo bo nyid la ni gnas pa 'am mi gnas pa med do/ /rna ba'i 'dus te reg pa'i rkyen gyis tshor ba'i ngo bo nyid dang / sna'i 'dus te reg pa'i rkyen gyis tshor ba'i ngo bo nyid dang / lce'i 'dus te reg pa'i rkyen gyis tshor ba'i ngo bo nyid dang / lus kyi 'dus te reg pa'i rkyen gyis tshor ba'i ngo bo nyid dang / yid kyi 'dus te reg pa'i rkyen gyis tshor ba'i ngo bo nyid la ni gnas pa 'am mi gnas pa med do/ /de ci'i phyir zhe na/ rab 'byor de ni 'di ltar mig gi 'dus te reg pa'i rkyen gyis tshor ba/ mig gi 'dus te reg pa'i rkyen gyis tshor bas stong pa'i phyir ro/ /rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba yid kyi 'dus te reg pa'i rkyen gyis tshor bas stong pa'i phyir ro/ /rab 'byor 'di lta ste dper na/ rmi lam ni gnas pa yang ma yin mi gnas pa yang ma yin no/ /rab 'byor de bzhin du theg pa chen po de yang gnas pa yang ma yin mi gnas pa yang ma yin no/ /rab 'byor 'di lta ste dper na sgyu ma dang smig rgyu dang sgra brnyan dang mig yor dang gzugs brnyan dang / sprul pa ni gnas pa yang ma yin mi gnas pa yang ma yin no/ /rab 'byor de bzhin du theg pa chen po de yang gnas pa yang ma yin mi gnas pa yang ma yin no/ /de ci'i phyir zhe na/ rab 'byor rmi lam gyi ngo bo nyid la ni gnas pa 'am mi gnas pa med do/ /sgyu ma'i ngo bo nyid dang smig rgyu'i ngo bo nyid dang / sgra brnyan gyi ngo bo nyid dang mig yor gyi ngo bo nyid dang / gzugs brnyan gyi ngo bo nyid dang / de bzhin gshegs pa'i sprul pa'i ngo bo nyid la ni gnas pa 'am mi gnas pa med do/ /de ci'i phyir zhe na/ rab 'byor de ni 'di ltar rmi lam rmi lam gyis stong pa'i phyir ro/ /sgyu ma sgyu mas stong pa'i phyir ro/ /smig rgyu smig rgyus stong pa'i phyir ro/ /sgra brnyan sgra brnyan gyis stong pa'i phyir ro/ /mig yor mig yor gyis stong pa'i</font><hr>30.270a<br><font size=+1>

phyir ro/ /gzugs brnyan gzugs brnyan gyis stong pa'i phyir ro/ /de bzhin gshegs pa'i sprul pa de bzhin gshegs pa'i sprul pas stong pa'i phyir ro/ /rab 'byor 'di lta ste/ dper na sbyin pa'i pha rol du phyin pa ni gnas pa yang ma yin/ mi gnas pa yang ma yin no/ /rab 'byor de bzhin du theg pa chen po de yang gnas pa yang ma yin/ mi gnas pa yang ma yin no/ /rab 'byor 'di lta ste dper na/ tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa ni gnas pa yang ma yin/ mi gnas pa yang ma yin no/ /rab 'byor de bzhin du theg pa chen po de yang gnas pa yang ma yin/ mi gnas pa yang ma yin no/ /rab 'byor de ci'i phyir zhe na/ sbyin pa'i pha rol du phyin pa'i ngo bo nyid la ni gnas pa 'am/ mi gnas pa med do/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa'i ngo bo nyid la ni gnas pa 'am mi gnas pa med do/ /rab 'byor de ci'i phyir zhe na/ de ni 'di ltar sbyin pa'i pha rol du phyin pa/ sbyin pa'i pha rol du phyin pas stong pa'i phyir ro/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa/ shes rab kyi pha rol du phyin pas stong pa'i phyir ro/ /rab 'byor 'di lta ste dper na/ nang stong pa nyid ni gnas pa yang ma yin/ mi gnas pa yang ma yin no/ /rab 'byor de bzhin du theg pa chen po de yang gnas pa yang ma yin/ mi gnas pa yang ma yin no/ /rab 'byor 'di lta ste dper na/ dngos po med pa'i ngo bo nyid stong pa nyid kyi bar ni gnas pa yang ma yin/ mi gnas pa yang ma yin no/ /rab 'byor de bzhin du theg pa chen po</font><hr>30.270b<br><font size=+1>

de yang gnas pa yang ma yin/ mi gnas pa yang ma yin no/ /de ci'i phyir zhe na/ rab 'byor nang stong pa nyid kyi ngo bo nyid la ni gnas pa 'am mi gnas pa med do/ /dngos po med pa'i ngo bo nyid stong pa nyid kyi bar gyi ngo bo nyid la ni gnas pa 'am mi gnas pa med do/ /de ci'i phyir zhe na/ rab 'byor de ni 'di ltar nang stong pa nyid nang stong pa nyid kyis stong pa'i phyir ro/ /dngos po med pa'i ngo bo nyid stong pa nyid kyi bar du/ dngos po med pa'i ngo bo nyid stong pa nyid kyis stong pa'i phyir ro/ /rab 'byor 'di lta ste/ dper na/ dran pa nye bar gzhag pa rnams ni gnas pa yang ma yin/ mi gnas pa yang ma yin no/ /rab 'byor de bzhin du theg pa chen po de yang gnas pa yang ma yin mi gnas pa yang ma yin no/ /rab 'byor 'di lta ste/ dper na/ yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa ni gnas pa yang ma yin mi gnas pa yang ma yin no/ /rab 'byor de bzhin du theg pa chen po de yang gnas pa yang ma yin/ mi gnas pa yang ma yin no/ /de ci'i phyir zhe na/ rab 'byor dran pa nye bar gzhag pa rnams kyi ngo bo nyid la ni gnas pa 'am mi gnas pa med do/ /yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa'i ngo bo nyid la ni gnas pa 'am mi gnas pa med do/ /de ci'i phyir zhe na/ rab 'byor de ni 'di ltar dran pa nye bar gzhag pa rnams/ dran pa nye bar gzhag pa rnams kyis stong pa'i phyir ro/ /yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa ni/ 'phags pa'i lam yan lag brgyad pas stong pa'i phyir ro/ /rab 'byor 'di lta ste/ </font><hr>30.271a<br><font size=+1>

dper na/ 'phags pa'i bden pa rnams ni gnas pa yang ma yin/ mi gnas pa yang ma yin no/ /rab 'byor de bzhin du theg pa chen po de yang gnas pa yang ma yin/ mi gnas pa yang ma yin no/ /rab 'byor 'di lta ste/ dper na/ bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams ni gnas pa yang ma yin/ mi gnas pa yang ma yin no/ /rab 'byor de bzhin du theg pa chen po de yang gnas pa yang ma yin/ mi gnas pa yang ma yin no/ /de ci'i phyir zhe na/ rab 'byor 'phags pa'i bden pa'i ngo bo nyid la ni gnas pa 'am mi gnas pa med do/ /bsam gtan dang tshad med pa dang / gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams kyi ngo bo nyid la ni gnas pa 'am mi gnas pa med do/ /de ci'i phyir zhe na/ rab 'byor de ni 'di ltar 'phags pa'i bden pa rnams/ 'phags pa'i bden pa rnams kyis stong pa'i phyir ro/ /bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa rnams dang / mthar gyis gnas pa'i snyoms par 'jug pa rnams dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams/ gzungs kyi sgo rnams kyistong pa'i phyir ro/ /rab 'byor 'di lta ste dper na/ de bzhin gshegs pa'i stobs bcu ni gnas pa yang ma yin/ mi gnas pa yang ma yin no/ /rab 'byor</font><hr>30.271b<br><font size=+1>

de bzhin du theg pa chen po de yang gnas pa yang ma yin/ mi gnas pa yang ma yin no/ /rab 'byor 'di lta ste/ dper na/ mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad ni gnas pa yang ma yin mi gnas pa yang ma yin no/ /rab 'byor de bzhin du theg po de yang gnas pa ma yin mi gnas pa yang ma yin no/ /de ci'i phyir zhe na/ rab 'byor de bzhin gshegs pa'i stobs bcu'i ngo bo nyid la ni gnas pa 'am mi gnas pa med do/ /mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa bcwa brgyad kyi ngo bo nyid la ni gnas pa 'am mi gnas pa med do/ /de ci'i phyir zhe na/ rab 'byor de ni 'di ltar de bzhin gshegs pa'i stobs bcu de bzhin gshegs pa'i stobs rnams kyis stong pa'i phyir ro/ /mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad/ sangs rgyas kyi chos ma 'dres pa rnams kyis stong pa'i phyir ro/ /rab 'byor 'di lta ste/ dper na/ dgra bcom pa zag pa zad pa ni gnas pa yang ma yin/ mi gnas pa yang ma yin no/ /rang sangs rgyas ni gnas pa yang ma yin/ mi gnas pa yang ma yin no/ /rab 'byor de bzhin du theg pa chen po de yang gnas pa yang ma yin mi gnas pa yang ma yin no/ /de ci'i phyir zhe na/ rab 'byor dgra bcom pa'i ngo bo nyid la ni gnas pa 'am mi gnas pa med do/ /rang sangs rgyas kyis ngo bo nyid la ni gnas pa 'am mi gnas pa med do/ /de ci'i phyir zhe na/ rab 'byor de ni 'di ltar dgra bcom pa'i ngo bo nyid/ dgra bcom pa'i ngo bo nyid kyis stong pa'i phyir ro/ /rang sangs rgyas kyi ngo bo nyid/ rang sangs rgyas kyi ngo bo nyid kyis stong pa'i phyir ro/ /rab 'byor 'di lta ste/ dper na/ byang chub sems dpa' ni gnas pa yang ma yin/ mi gnas pa yang ma yin no/ /de bzhin gshegs pa dgra bcom pa yang dag par</font><hr>30.272a<br><font size=+1>

rdzogs pa'i sangs rgyas ni gnas pa yang ma yin mi gnas pa yang ma yin no/ /rab 'byor de bzhin du theg pa chen po de yang gnas pa yang ma yin mi gnas pa yang ma yin no/ /de ci'i phyir zhe na/ rab 'byor byang chub sems dpa'i ngo bo nyid la ni gnas pa 'am mi gnas pa med do/ /de bzhin gshegs pa'i ngo bo nyid la ni gnas pa 'am mi gnas pa med do/ /de ci'i phyir zhe na/ rab 'byor de ni 'di ltar byang chub sems dpa'i ngo bo nyid/ byang chub sems dpa'i ngo bo nyid kyis stong pa'i phyir ro/ /de bzhin gshegs pa'i ngo bo nyid de bzhin gshegs pa'i ngo bo nyid kyis stong pa'i phyir ro/ /rab 'byor 'di lta ste dper na/ rgyun du zhugs pa'i 'bras bu ni gnas pa yang ma yin/ mi gnas pa yang ma yin no/ /lan cig phyir 'ong ba dang / phyir mi 'ong ba dang / dgra bcom pa nyid ni gnas pa yang ma yin/ mi gnas pa yang ma yin no/ /rang byang chub ni gnas pa yang ma yin/ mi gnas pa yang ma yin no/ /rab 'byor de bzhin du theg pa chen po de yang gnas pa yang ma yin/ mi gnas pa yang ma yin no/ /de ci'i phyir zhe na/ rab 'byor rgyun tu zhugs pa'i 'bras bu'i ngo bo nyid la ni gnas pa 'am mi gnas pa med do/ /lan cig phyir 'ong ba dang / phyir mi 'ong ba dang / dgra bcom pa nyid kyi ngo bo nyid la ni gnas pa 'am mi gnas pa med do/ /rang byang chub kyi ngo bo nyid la ni/ gnas pa 'am mi gnas pa med do/ /de ci'i phyir zhe na/ rab 'byor de ni 'di ltar rgyun du zhugs pa'i 'bras bu'i ngo bo nyid/ rgyun du zhugs pa'i 'bras bu'i ngo bo nyid kyis stong ba'i phyir ro/ /lan cig phyir 'ong ba dang / phyir mi 'ong ba dang dgra bcom pa nyid kyi ngo bo nyid/ dgra bcom pa nyid kyi ngo bo nyid kyis stong ba'i phyir ro/ /rang byang chub kyi ngo bo nyid rang byang chub kyi ngo bo nyid kyis stong pa'i phyir ro/ /rab 'byor 'di lta ste/ dper na/ lam gyi rnam</font><hr>30.272b<br><font size=+1>

pa shes pa nyid ni gnas pa yang ma yin/ mi gnas pa yang ma yin no/ /rnam pa thams cad mkhyen pa nyid ni gnas pa yang ma yin/ mi gnas pa yang ma yin no/ /rab 'byor de bzhin du theg pa chen po de yang gnas pa yang ma yin/ mi gnas pa yang ma yin no/ /de ci'i phyir zhe na/ rab 'byor lam gyi rnam pa shes pa nyid kyi ngo bo nyid la ni gnas pa 'am/ mi gnas pa med do/ /rnam pa thams cad mkhyen pa nyid kyi ngo bo nyid la ni gnas pa 'am mi gnas pa med do/ /de ci'i phyir zhe na/ rab 'byor de ni 'di ltar lam gyi rnam pa shes pa nyid kyi ngo bo nyid/ lam gyi rnam pa shes pa'i ngo bo nyid kyis stong pa'i phyir ro/ /rnam pa thams cad mkhyen pa nyid kyi ngo bo nyid/ rnam pa thams cad mkhyen pa nyid kyi ngo bo nyid kyis stong pa'i phyir ro/ /rab 'byor 'di lta ste dper na/ ming ni gnas pa yang ma yin/ mi gnas pa yang ma yin no/ /rab 'byor de bzhin du theg pa chen po de yang gnas pa yang ma yin mi gnas pa yang ma yin no/ /rab 'byor 'di lta ste dper na/ mtshan ma dang / brda dang / tha snyad dang / gdags pa ni gnas pa yang ma yin/ mi gnas pa yang ma yin no/ /rab 'byor de bzhin du theg pa chen po de yang gnas pa yang ma yin mi gnas pa yang ma yin no/ /de ci'i phyir zhe na/ rab 'byor ming gi ngo bo nyid la ni gnas pa 'am mi gnas pa med do/ /mtshan ma dang / brda dang / tha snyad dang / gdags pa'i ngo bo nyid la ni gnas pa 'am mi gnas pa med do/ /de ci'i phyir zhe na rab 'byor ming gi ngo bo nyid/ ming gi ngo bo nyid kyis stong pa'i phyir ro/ /mtshan ma'i ngo bo nyid mtshan ma'i ngo bo nyid kyis stong pa'i phyir ro/ /brda'i ngo bo nyid brda'i ngo bo nyid kyis stong pa'i phyir ro/ /tha snyad kyi ngo bo nyid tha snyad kyi ngo bo nyid kyis stong pa'i phyir ro/ /gdags pa'i ngo bo nyid kyi gdags pa'i ngo bo nyid kyis stong pa'i phyir ro/ /rab 'byor 'di lta ste dper na/ skye ba med pa ni gnas pa yang ma yin mi gnas pa yang ma yin no/ /rab 'byor de bzhin du theg pa chen po de yang gnas pa yang ma yin/ </font><hr>30.273a<br><font size=+1>

mi gnas pa yang ma yin no/ /rab 'byor 'di lta ste dper na/ 'gag pa med pa dang / kun nas nyon mongs pa med pa dang / rnam par byang ba med pa ni gnas pa yang ma yin/ mi gnas pa yang ma yin no/ /rab 'byor de bzhin du theg pa chen po de yang gnas pa yang ma yin/ mi gnas pa yang ma yin no/ /de ci'i phyir zhe na/ rab 'byor skye ba med pa'i ngo bo nyid la ni gnas pa 'am mi gnas pa med do/ /'gag pa med pa dang / kun nas nyon mongs pa med pa dang rnam par byang ba med pa'i ngo bo nyid la gnas pa 'am mi gnas pa med do/ /de ci'i phyir zhe na/ rab 'byor de ni 'di ltar skye ba med pa'i ngo bo nyid skye ba med pa'i ngo bo nyid kyi stong pa'i phyir ro/ /'gag pa med pa'i ngo bo nyid 'gag pa med pa'i ngo bo nyid kyis stong pa'i phyir ro/ /kun nas nyon mongs pa med pa'i ngo bo nyid kun nas nyon mongs pa med pa'i ngo bo nyid kyis stong pa'i phyir ro/ /rnam par byang ba med pa'i ngo bo nyid rnam par byang ba med pa'i ngo bo nyid kyis stong pa'i phyir ro/ /rab 'byor 'di lta ste dper na/ mngon par 'du bya ba med pa ni gnas pa yang ma yin/ mi gnas pa yang ma yin no/ /rab 'byor de bzhin du theg pa chen po de yang gnas pa yang ma yin/ mi gnas pa yang ma yin no/ /de ci'i phyir zhe na/ rab 'byor mngon par 'du bya ba med pa'i ngo bo nyid la ni gnas pa 'am mi gnas pa med do/ /de ci'i phyir zhe na/ rab 'byor de ni 'di ltar mngon par 'du bya ba med pa'i ngo bo nyid mngon par 'du bya ba med pa'i ngo bo nyid kyis stong pa'i phyir ro/ /rab 'byor rnam grangs des na/ theg pa chen po de ni mi gnas par gnas pa'i tshul dang / bskyod du med pa'i tshul gyis gang du yang gnas par 'gyur ba med do/ /rab 'byor gang yang khyod kyis 'di skad du theg pa des su zhig 'byung bar 'gyur zhes smras pa ni/ theg pa des su yang 'byung bar 'gyur ba med do/ /de ci'i phyir zhe na/ rab 'byor de ni 'di ltar theg pa de gang yin</font><hr>30.273b<br><font size=+1>

pa dang / gang 'byung bar 'gyur ba dang / gang gis 'byung bar 'gyur ba dang / gang nas 'byung bar 'gyur ba'i chos de dag thams cad med cing mi dmigs pa'i phyir te/ de ltar chos thams cad med cing mi dmigs na/ chos gang zhig chos gang gis 'byung bar 'gyur/ de ci'i phyir zhe na/ rab 'byor de ni 'di ltar bdag shin du rnam par dag pa dang / sems can dang / srog dang / 'gro ba dang / gso ba dang / skyes bu dang / gang zag dang / shed can dang / shed bdag dang / byed pa po dang / tshor ba po dang / shes pa po dang / mthong ba po shin du rnam par dag pa'i phyir ro/ /mtha' las 'das pas bdag dmyigs su med do/ /mtha' las 'das pas sems can dang / srog dang 'gro ba dang / gso ba dang / skyes bu dang / gang zag dang / shed can dang / shed bdag dang / byed pa po dang / tshor ba po dang / shes pa po dang / mthong ba po dmyigs su med do/ /shin du rnam par dag pa'i phyir/ chos kyi dbyings dmyigs su med do/ /shin du rnam par dag pa'i phyir/ de bzhin nyid dang / yang dag pa'i mtha' dang / bsam gyis mi khyab pa'i dbyings dmyigs su med do/ /shin du rnam par dag pa'i phyir/ phung po rnams dmyigs su med do/ /shin du rnam par dag pa'i phyir/ skye mched dang / khams rnams dmyigs su med do/ /shin du rnam par dag pa'i phyir/ rten cing 'brel bar 'byung ba dmyigs su med do/ /shin du rnam par dag pa'i phyir/ sbyin pa'i pha rol du phyin pa dmyigs su med do/ /sh-in du rnam par dag pa'i phyir/ tshul khrims kyi pha rol du phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa dmyigs su med do/ /shin du rnam par dag pa'i phyir/ nang stong pa nyid dmyigs su med do/ /shin du rnam par dag pa'i phyir/ dngos po med pa'i ngo bo nyid stong pa nyid kyi bar du dmyigs su med do/ /shin du rnam par dag pa'i phyir/ dran pa nye bar</font><hr>30.274a<br><font size=+1>

gzhag pa rnams dmyigs su med do/ /shin du rnam par dag pa'i phyir/ yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa dmyigs su med do/ /shin du rnam par dag pa'i phyir/ 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa rnams dang / rnam par thar pa rnams dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dmyigs su med do/ /shin du rnam par dag pa'i phyir/ de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad dmyigs su med do/ /shin du rnam par dag pa'i phyir/ rgyun du zhugs pa dmyigs su med do/ /shin du rnam par dag pa'i phyir/ lan cig phyir 'ong ba dang / phyir mi 'ong ba dang / dgra bcom pa dang / rang sangs rgyas dmyigs su med do/ /shin du rnam par dag pa'i phyir/ byang chub sems dpa' dmyigs su med do/ /shin du rnam par dag pa'i phyir/ de bzhin gshegs pa dgra bcom pa yang dag par rdzogs pa'i sangs rgyas dmyigs su med do/ /shin du rnam par dag pa'i phyir/ rgyun du zhugs pa'i 'bras bu dmyigs su med do/ /shin du rnam par dag pa'i phyir/ lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub dmigs su med do/ /shin du rnam par dag pa'i phyir/ lam gyi rnam pa shes pa nyid dang / rnam pa thams cad mkhyen pa nyid dmigs su med do/ /shin du rnam par dag pa'i phyir/ skye ba med pa dmigs su med do/ /shin du rnam pa'i phyir/ 'gag pa</font><hr>30.274b<br><font size=+1>

pa med pa dang / kun nas nyon mongs pa med pa dang / rnam par byang ba med pa dang / mngon par 'du bya ba med pa dmyigs su med do/ /shin du rnam par dag pa'i phyir/ sngon gyi mtha' dmigs su med do/ /shin du rnam par dag pa'i phyir/ phyi ma'i mtha' dmigs su med do/ /shin du rnam par dag pa'i phyir/ da ltar byung ba dmigs su med do/ /sh-in du rnam par dag pa'i phyir/ 'ong ba dang / 'gro ba dang / gnas pa dang / 'chi 'pho dang / skye ba dang / 'grib pa dang / 'phel ba dmigs su med do/ /gang mi dmyigs pas thams cad dmigs su med pa yin zhe na/ chos kyi dbyings mi dmigs pas chos kyi dbyings dmigs su med do/ /de ci'i phyir zhe na/ rab 'byor chos kyi dbyings dmigs su med pa ni/ dmigs pa yang ma yin/ mi dmigs pa yang ma yin no/ /de bzhin nyid mi dmyigs pas/ de bzhin nyid dmigs su med do/ /de ci'i phyir zhe na/ rab 'byor de bzhin nyid dmigs su med pa ni/ dmigs pa yang ma yin/ mi dmyigs pa yang ma yin no/ /yang dag pa'i mtha' mi dmigs pas/ yang dag pa'i mtha' dmigs su med do/ /de ci'i phyir zhe na/ rab 'byor yang dag pa'i mtha' dmigs su med pa ni/ dmigs pa yang ma yin/ mi dmigs pa yang ma yin no/ /bsam gyis mi khyab pa'i dbyings mi dmigs pas/ bsam gyis mi khyab pa'i dbyings dmigs su med do/ /de ci'i phyir zhe na/ rab 'byor bsam gyis mi khyab pa'i dbyings dmigs su med pa ni/ dmigs pa yang ma yin/ mi dmigs pa yang ma yin no/ /phung po dang / skye mched dang / khams mi dmigs pas/ phung po dang / skye mched dang / khams dmigs su med do/ /de ci'i phyir zhe na/ rab 'byor phung po dang / skye mched dang / khams dmigs su med pa ni/ dmyigs pa yang ma yin/ mi dmigs pa yang ma yin no/ /rten cing 'brel bar 'byung ba mi dmigs pas/ rten cing 'brel bar 'byung ba dmigs su med do/ /de ci'i phyir zhe na/ rab 'byor rten cing 'brel bar 'byung ba</font><hr>30.275a<br><font size=+1>

dmigs su med pa ni/ dmigs pa yang ma yin/ mi dmigs pa yang ma yin no/ /sbyin pa'i pha rol du phyin pa mi dmigs pas/ sbyin pa'i pha rol du phyin pa dmigs su med do/ /de ci'i phyir zhe na/ rab 'byor sbyin pa'i pha rol du phyin pa dmyigs su med pa ni/ dmigs pa yang ma yin/ mi dmigs pa yang ma yin no/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa mi dmigs pas/ shes rab kyi pha rol du phyin pa dmigs su med do/ /de ci'i phyir zhe na/ rab 'byor shes rab kyi pha rol du phyin pa dmigs su med pa ni/ dmigs pa yang ma yin/ mi dmigs pa yang ma yin no/ /nang stong pa nyid mi dmyigs pas/ nang stong pa nyid dmigs su med do/ /de ci'i phyir zhe na/ rab 'byor nang stong pa nyid dmigs su med pa ni/ dmigs pa yang ma yin/ mi dmigs pa yang ma yin no/ /dngos po med pa'i ngo bo nyid stong pa nyid kyi bar du mi dmyigs pas/ dngos po med pa'i ngo bo nyid stong pa nyid dmigs su med do/ /de ci'i phyir zhe na/ rab 'byor dngos po med pa'i ngo bo nyid stong pa nyid dmigasu med pa ni/ dmigs pa yang ma yin/ mi dmigs pa yang ma yin no/ /dran pa nye bar gzhag pa rnams mi dmigs pas/ dran pa nye bar gzhag pa rnams dmigs su med do/ /de ci'i phyir zhe na/ rab 'byor dran pa nye bar gzhag pa rnams dmigs su med pa ni/ dmigs pa yang ma yin/ mi dmyigs pa yang ma yin no/ /yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa mi dmigs pas/ 'phags pa'i lam yan lag brgyad pa dmigs su med do/ /de ci'i phyir zhe na/ rab 'byor 'phags pa'i lam yan lag</font><hr>30.275b<br><font size=+1>

brgyad pa dmigs su med pa ni/ dmigs pa yang ma yin/ mi dmigs pa yang ma yin no/ /'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / dang / rnam par thar pa rnams dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams mi dmigs pas/ gzungs kyi sgo rnams dmigs su med do/ /de ci'i phyir zhe na/ rab 'byor gzungs kyi sgo rnams dmigs su med pa ni/ dmigs pa yang ma yin/ mi dmigs pa yang ma yin no/ /de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad mi dmigs pas/ sangs rgyas kyi chos ma 'dres pa rnams dmigs su med do/ /de ci'i phyir zhe na/ rab 'byor sangs rgyas kyi chos ma 'dres pa rnams dmigs su med pa ni/ dmigs pa yang ma yin/ mi dmigs pa yang ma yin no/ /rgyun du zhugs pa mi dmigs pas/ rgyun du zhugs pa dmigs su med do/ /de ci'i phyir zhe na/ rab 'byor rgyun du zhugs pa dmigs su med pa ni/ dmigs pa yang ma yin/ mi dmigs pa yang ma yin no/ /lan gcig phyir 'ong ba dang / phyir mi 'ong ba dang / dgra bcom pa mi dmigs pas dgra bcom pa dmigs su med do/ /de ci'i phyir zhe na/ rab 'byor dgra bcom pa dmigs su med pa ni/ dmigs pa yang ma yin/ mi dmigs pa yang ma yin no/ /rang sangs rgyas mi dmigs pas/ rang sangs rgyas dmigs su med do/ /de ci'i phyir zhe na/ rab 'byor rang sangs rgyas dmigs su med pa ni/ dmigs pa yang ma yin/ mi dmigs pa yang ma yin no/ /byang chub sems dpa' mi dmigs pas/ byang chub sems dpa' dmigs su med do/ /de ci'i phyir zhe na rab 'byor</font><hr>30.276a<br><font size=+1>

byang chub sems dpa' dmigs su med pa ni/ dmigs pa yang ma yin/ mi dmigs pa yang ma yin no/ /de bzhin gshegs pa mi dmigs pas/ de bzhin gshegs pa dmigs su med do/ /de ci'i phyir zhe na/ rab 'byor de bzhin gshegs pa dmigs su med pa ni dmigs pa yang ma yin/ mi dmigs pa yang ma yin no/ /rgyun du zhugs pa'i 'bras bu mi dmigs pas/ rgyun du zhugs pa'i 'bras bu dmigs su med do/ /de ci'i phyir zhe na/ rab 'byor rgyun du zhugs pa'i 'bras bu dmigs su med pa ni dmigs pa yang ma yin/ mi dmigs pa yang ma yin no/ /lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid mi dmigs pas/ dgra bcom pa nyid dmigs su med do/ /de ci'i phyir zhe na/ rab 'byor dgra bcom pa nyid dmigs su med pa ni dmigs pa yang ma yin/ mi dmigs pa yang ma yin no/ /rang byang chub mi dmigs pas/ rang byang chub dmigs su med do/ /de ci'i phyir zhe na/ rab 'byor rang byang chub dmigs su med pa ni/ dmigs pa yang ma yin/ mi dmigs pa yang ma yin no/ /lam gyi rnam pa shes pa nyid mi dmigs pas/ lam gyi rnam pa shes pa nyid dmigs su med do/ /de ci'i phyir na/ rab 'byor lam gyi rnam pa shes pa nyid dmigs su med pa ni/ dmigs pa yang ma yin/ mi dmigs pa yang ma yin no/ /rnam pa thams cad mkhyen pa nyid mi dmigs pas/ rnam pa thams cad mkhyen pa nyid dmigs su med do/ /de ci'i phyir zhe na/ rab 'byor rnam pa thams cad mkhyen pa nyid dmigs su med pa ni/ dmigs pa yang ma yin/ mi dmigs pa yang ma yin no/ /skye ba med pa mi dmigs pas/ skye ba med pa dmigs su med do/ /de ci'i phyir zhe na/ rab 'byor skye ba med pa dmigs su med pa ni/ dmigs pa yang ma yin/ mi dmigs pa yang ma yin no/ /'gag pa med pa mi dmigs pas/ 'gag pa med pa dmigs su med do/ /de ci'i phyir zhe na/ rab 'byor 'gag pa med pa dmigs su med pa n-i/ </font><hr>30.276b<br><font size=+1>

dmigs pa yang ma yin/ mi dmigs pa yang ma yin no/ /kun nas nyon mongs pa med pa mi dmigs pas/ kun nas nyon mongs pa med pa dmigs su med do/ /de ci'i phyir zhe na/ rab 'byor kun nas nyon mongs pa med pa dmigs su med pa ni/ dmigs pa yang ma yin/ mi dmigs pa yang ma yin no/ /rnam par byang ba med pa mi dmigs pas/ rnam par byang ba med pa dmigs su med do/ /de ci'i phyir zhe na/ rab 'byor rnam par byang ba med pa dmigs su med pa ni dmig pa yang ma yin/ mi dmigs pa yang ma yin no/ /mngon par 'du bya ba mi dmigs pas/ mngon par 'du bya ba med pa dmigs su med do/ /de ci'i phyir zhe na rab 'byor mngon par 'du bya ba med pa dmigs su med pa ni/ dmigs pa yang ma yin/ mi dmigs pa yang ma yin no/ /de bzhin du sngon gyi mtha' dang / phyi ma'i mtha' dang / da ltar byung ba dang / 'ong ba dang / 'gro ba dang / gnas pa dang / 'chi 'pho dang / skye ba dang / 'grib pa dang / 'phel ba mi dmigs pas/ 'phel ba dmigs su med do/ /de ci'i phyir zhe na/ rab 'byor 'phel ba dmigs su med pa ni/ dmigs pa yang ma yin/ mi dmigs pa yang ma yin no/ /sa dang po mi dmigs pas/ sa dang po dmigs su med do/ /de ci'i phyir zhe na/ rab 'byor sa dang po dmigs su med pa ni/ dmigs pa yang ma yin mi dmigs pa yang ma yin no/ /sa gnyis pa dang / sa gsum pa dang / sa bzhi pa dang / sa lnga pa dang / sa drug pa dang / sa bdun pa dang / sa brgyad pa dang / sa dgu pa dang / sa bcu pa mi dmigs pas/ sa bcu pa dmigs su med do/ /de ci'i phyir zhe na rab 'byor sa bcu pa dmigs su med pa ni/ dmigs pa yang ma yin/ mi dmigs pa yang ma yin no/ /de la sa dang po ni gang / sa gnyis pa dang / sa gsum pa dang / sa bzhi pa dang / sa lnga pa dang / sa drug pa dang / sa bdun pa dang / sa brgyad pa dang / sa dgu pa dang / sa bcu pa ni gang zhe na/ 'di lta ste/ dkar po rnam par mthong ba'i sa dang / rigs kyi sa dang / brgyad pa'i sa dang / mthong ba'i sa dang / bsrabs pa'i sa dang / 'dod chags dang bral ba'i sa dang / byas pa rtogs pa'i sa dang / </font><hr>30.277a<br><font size=+1>

rang sangs rgyas kyi sa dang byang chub sems dpa'i sa dang sangs rgyas kyi sa ste nang stong pa nyid kyi phyir sa dang po dmigs su med do/ /dngos po med pa'i ngo bo nyid stong pa nyid kyi bar gyi phyir/ sa dang po dmigs su med do/ /nang stong pa nyid kyi phyir sa bcu'i bar du dmigs su med do/ /dngos po med pa'i ngo bo nyid stong pa nyid kyi bar gyi phyir/ sa bcu'i bar du dmigs su med do/ /de ci'i phyir zhe na/ rab 'byor shin du rnam par dag pa'i phyir/ sa dang po dmigs su med pa ni/ dmigs pa yang ma yin/ mi dmigs pa yang ma yin no/ /sa bcu pa'i bar du dmigs su med pa ni/ dmigs pa yang ma yin/ mi dmigs pa yang ma yin no/ /shin du rnam par dag pa nye bar bzung na/ nang stong pa nyid kyi phyir/ sems can yongs su smin par bya ba dmigs su med do/ /shin du rnam par dag pa nye bar bzung na/ dngos po med pa'i ngo bo nyid stong pa nyid kyi bar gyi phyir/ sems can yongs su smin par bya ba dmigs su med do/ /shin du rnam par dag pa nye bar bzung na/ nang stong pa nyid kyi phyir/ sangs rgyas kyi zhing yongs su dag par bya ba dmigs su med do/ /shin du rnam par dag pa nye bar bzung na/ dngos po med pa'i ngo bo nyid stong pa nyid kyi bar gyi phyir sangs rgyas kyi zhing yongs su dag par bya ba dmigs su med do/ /shin du rnam par dag pa nye bar bzung na/ nang stong pa nyid kyi phyir/ mig lnga dmigs su med do/ /shin du rnam par dag pa nye bar bzung na/ dngos po med pa'i ngo bo nyid stong pa nyid kyi bar gyi phyir/ mig lnga dmigs su med do/ /rab 'byor de ltar na byang chub sems dpa' sems dpa' chen po shes rab kyi pha rol du phyin pa la spyod cing / chos thams cad mi dmigs pa'i tshul gyis/ theg pa chen pos rnam pa thams cad mkhyen pa nyid du 'byung bar 'gyur ro/ /shes rab kyi pha rol du phyin pa stong phrag nyi shu lnga pa las le'u bcu pa'o// //de nas tshe dang ldan pa rab 'byor gyis/ bcom ldan 'das la 'di skad ces gsol to/ /bcom ldan 'das theg pa chen po theg pa chen po zhes bgyi ba ni/ lha dang mi dang / lha ma yin du bcas pa'i 'jig rten zil gyis mnan te 'byung bar</font><hr>30.277b<br><font size=+1>

'gyur bas/ de'i slad du theg pa chen po zhes bgyi'o/ /bcom ldan 'das theg pa de ni nam mkha' dang mnyam pa ste/ ji ltar nam mkha' sems can grangs dang tshad ma mchis pa'i go 'byed pa de bzhin du theg pa chen po 'di yang sems can grangs dang tshad ma mchis pa'i go 'byed pas/ bcom ldan 'das rnam grangs des na/ byang chub sems dpa' sems dpa' chen po rnams kyi theg pa chen po ste/ theg pa chen po de la 'gro ba dang 'ong ba zhes bgyi ba 'am/ gnas pa yang ma mchis/ sngon gyi mtha' dang / phyi ma'i mtha' dang / dbus zhes bgyi ba yang ma mchis so/ /bcom ldan 'das 'di lta ste/ dper na/ nam mkha' la 'gro ba 'am 'ong ba zhes bgyi ba yang ma mchis la/ gnas pa yang ma mchis pa de bzhin du/ theg pa chen po 'di la yang 'gro ba mi dmigs/ 'ong ba mi dmigs/ gnas pa mi dmigs so/ /bcom ldan 'das 'di lta ste/ dper na/ nam mkha' ni dus gsum mnyam pa nyid kyi slad du/ sngon gyi mtha' mi dmigs/ phyi ma'i mtha' mi dmigs/ dbus mi dmigs so/ /de bzhin du theg pa chen po 'di yang dus gsum mnyam pa nyid kyi slad du/ sngon gyi mtha' mi dmigs/ phyi ma'i mtha' mi dmigs/ dbus mi dmigs so/ /bcom ldan 'das 'di lta ste/ theg pa chen po 'di ni dus gsum mnyam pa nyid kyi theg pa pas/ de'i slad du theg pa chen po theg pa chen po zhes bgyi'o/ /bcom ldan 'das kyis bka' stsal pa/ rab 'byor de de bzhin no/ /de de bzhin te/ 'di lta ste/ pha rol du phyin pa drug po 'di dag ni/ byang chub sems dpa' sems dpa' chen po'i theg pa chen po ste/ sbyin pa'i pha rol du phyin pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa ste/ 'di ni byang chub sems dpa' sems dpa' chen po'i theg pa chen po zhes bya'o/ /rab 'byor gzhan yang byang chub sems dpa' sems dpa' chen </font><hr>30.278a<br><font size=+1>

po'i theg pa chen po ni 'di lta ste/ gzungs kyi sgo rnams dang / ting nge 'dzin gyi sgo thams cad de/ dpa' bar 'gro ba'i ting nge 'dzin dang / nam mkha' ltar chags pa med pas/ rnam par grol zhing gos pa med pa'i ting nge 'dzin gyi bar du ste/ 'di ni byang chub sems dpa' sems dpa' chen po'i theg pa chen po zhes bya'o/ /rab 'byor gzhan yang byang chub sems dpa' sems dpa' chen po'i theg pa chen po ni/ 'di lta ste/ nang stong pa nyid dang / dngos po med pa'i ngo bo nyid stong pa nyid kyi bar du ste/ 'di ni byang chub sems dpa' sems dpa' chen po'i theg pa chen po'o/ /rab 'byor gzhan yang byang chub sems dpa' sems dpa' chen po'i theg pa chen po ni/ 'di lta ste/ dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa dang / 'phags pa'i bden pa bzhi dang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / snying rje chen po dang / sangs rgyas kyi chos ma 'dres pa bcwa brgyad dag ste/ 'di ni byang chub sems dpa' sems dpa' chen po'i theg pa chen po'o/ /rab 'byor gang yang khyod kyis 'di skad du theg pa de ni lha dang / mi dang lha ma yin du bcas pa'i 'jig rten zil gyis mnan te 'byung bar 'gyur ro/ /zhes smras pa ni/ lha dang mi dang lha ma yin du bcas pa'i 'jig rten gang zhe na/ 'di lta ste/ 'dod pa'i khams dang / gzugs yod pa'i khams dang / gzugs med pa'i khams te/ rab 'byor gal te 'dod</font><hr>30.278b<br><font size=+1>

pa'i khams de bzhin/ ma nor ba de bzhin gzhan ma yin pa de bzhin te/ phyin ci log ma yin la bden pa yang dag pa ste/ ji lta ba bzhin du rtag cing brtan la/ ther zug mi 'gyur ba'i chos can gyi dngos po zhig yin na ni/ theg pa chen po 'dis kyang / lha dang / mi dang / lha ma yin du bcas pa'i 'jig rten zil gyis mnan cing 'byung bar mi 'gyur te/ rab 'byor 'dod pa'i khams de rnam par brtags pa/ rnam par bskyed pa/ yongs su bsgrub pa ste/ mi rtag cing mi brtan la/ ther zug ma yin 'gyur ba'i chos can te/ dngos po med pas de'i phyir theg pa chen po 'dis/ lha dang mi dang / lha ma yin du bcas pa'i 'jig rten zil gyis mnan te 'byung ba yin no/ /rab 'byor gal te gzugs kyi khams de bzhin/ ma nor ba de bzhin gzhan ma yin pa de bzhin te/ phyin ci log ma yin la bden pa yang dag pa ste/ ji lta ba bzhin du rtag cing brtan la/ ther zug mi 'gyur ba'i chos can gyi dngos po zhig yin na ni/ theg pa chen po 'dis kyang / lha dang mi dang lha ma yin du bcas pa'i 'jig rten zil gyis mnan cing 'byung bar mi 'gyur te/ rab 'byor gzugs kyi khams de rnam par brtags pa/ rnam par bskyed pa/ yongs su bsgrubs pa ste/ mi rtag cing mi brtan la/ ther zug ma yin 'gyur ba'i chos can te/ dngos po med pas de'i phyir theg pa chen po 'dis/ lha dang mi dang / lha ma yin du bcas pa'i 'jig rten zil gyis mnan te 'byung ba yin no/ /rab 'byor gal te gzugs med pa'i khams de bzhin/ ma nor ba de bzhin/ gzhan ma yin pa de bzhin te/ phyin ci log ma yin la/ bden pa yang dag pa ste/ ji lta ba bzhin du rtag cing brtan la/ ther zug mi 'gyur ba'i chos can gyi dngos po zhig yin na ni/ theg pa chen po 'dis kyang / </font><hr>30.279a<br><font size=+1>

lha dang mi dang / lha ma yin du bcas pa'i 'jig rten zil gyis mnan cing 'byung bar mi 'gyur te/ rab 'byor gzugs med pa'i khams de rnam par brtags pa rnam par bskyed pa/ yongs su bsgrub pa ste/ mi rtag cing mi brtan la/ ther zug ma yin 'gyur ba'i chos can te/ dngos po med pas de'i phyir theg pa chen po 'dis/ lha dang mi dang lha ma yin du bcas pa'i 'jig rten zil gyis mnan te 'byung ba yin no/ /rab 'byor gal te gzugs de bzhin/ ma nor ba de bzhin/ gzhan ma yin pa de bzhin te/ phyin ci log ma yin la/ bden pa yang dag pa ste/ ji lta ba bzhin du rtag cing brtan la/ ther zug mi 'gyur ba'i chos can gyi dngos po zhig yin na ni/ theg pa chen po 'dis kyang / lha dang mi dang lha ma yin du bcas pa'i 'jig rten zil gyis mnan cing 'byung bar mi 'gyur te/ rab 'byor gzugs de rnam par brtags pa/ rnam par bskyed pa/ yongs su bsgrubs pa ste/ mi rtag cing mi brtan la/ ther zug ma yin 'gyur ba'i chos can te/ dngos po med pas de'i phyir theg pa chen po 'dis/ lha dang mi dang lha ma yin du bcas pa'i 'jig rten zil gyis mnan te 'byung ba yin no/ /tshor ba dang 'du shes dang 'du byed dang / rnam par shes pa de bzhin/ ma nor ba de bzhin/ gzhan ma yin pa de bzhin te/ phyin ci log ma yin la/ bden pa yang dag pa ste/ ji lta ba bzhin du rtag cing brtan la/ ther zug mi 'gyur ba'i chos can gyi dngos po zhig yin na ni/ theg pa chen po 'dis kyang / lha dang mi dang lha ma yin du bcas pa'i 'jig rten zil gyis mnan cing 'byung bar mi 'gyur te/ rab 'byor rnam par shes pa de rnam par brtags pa/ rnam par bskyed pa/ yongs su bsgrubs pa ste/ mi rtag cing mi brtan la/ ther zug ma yin 'gyur ba'i chos can te/ dngos po med pas/ de'i</font><hr>30.279b<br><font size=+1>

phyir theg pa chen po 'dis/ lha dang / mi dang / lha ma yin du bcas pa'i 'jig rten zil gyis mnan te 'byung ba yin no/ /rab 'byor gal te mig de bzhin/ ma nor ba de bzhin/ gzhan ma yin pa de bzhin te/ phyin ci log ma yin la/ bden pa yang dag pa ste/ ji lta ba bzhin du rtag cing brtan la/ ther zug mi 'gyur ba'i chos can gyi dngos po zhig yin na ni/ theg pa chen po 'dis kyang / lha dang mi dang lha ma yin du bcas pa'i 'jig rten zil gyis mnan cing 'byung bar mi 'gyur te/ rab 'byor mig de rnam par brtags pa/ rnam par bskyed pa/ yongs su bsgrubs pa ste/ mi rtag cing mi brtan la/ ther zug ma yin 'gyur ba'i chos can te/ dngos po med pas de'i phyir theg pa chen po 'dis/ lha dang mi dang lha ma yin du bcas pa'i 'jig rten zil gyis mnan te 'byung ba yin no/ /rab 'byor gal te rna ba dang / sna dang lce dang lus dang / yid de bzhin/ ma nor ba de bzhin/ gzhan ma yin pa de bzhin te/ phyin ci log ma yin la/ bden pa yang dag pa ste/ ji lta ba bzhin du rtag cing brtan la/ ther zug mi 'gyur ba'i chos can gyi dngos po zhig yin na ni/ theg pa chen po 'dis kyang / lha dang mi dang lha ma yin du bcas pa'i 'jig rten zil gyis mnan cing 'byung bar mi 'gyur te/ rab 'byor yid de rnam par brtags pa/ rnam par bskyed pa/ yongs su bsgrubs pa ste/ mi rtag cing mi brtan la/ ther zug ma yin 'gyur ba'i chos can te/ dngos po med pas de'i phyir theg pa chen po 'dis/ lha dang mi dang lha ma yin du bcas pa'i 'jig rten zil gyis mnan te 'byung ba yin no/ /rab 'byor gal te gzugs de bzhin/ ma nor ba de bzhin/ gzhan ma yin pa de bzhin te/ phyin ci log ma yin la/ bden pa yang dag pa ste/ ji lta ba bzhin du rtag cing brtan la/ ther zug mi 'gyur</font><hr>30.280a<br><font size=+1>

ba'i chos can gyi dngos po zhig yin na ni/ theg pa chen po 'dis kyang / lha dang mi dang lha ma yin du bcas pa'i 'jig rten zil gyis mnan cing 'byung bar mi 'gyur te/ rab 'byor gzugs de rnam par brtags pa/ rnam par bskyed pa/ yongs su bsgrubs pa ste/ mi rtag cing mi brtan la/ ther zug ma yin 'gyur ba'i chos can te/ dngos po med pas de'i phyir/ theg pa chen po 'dis/ lha dang mi dang / lha ma yin du bcas pa'i 'jig rten zil gyis mnan te 'byung ba yin no/ /rab 'byor gal te sgra dang / dri dang ro dang reg dang / chos de bzhin/ ma nor ba de bzhin/ gzhan ma yin pa de bzhin te/ phyin ci log ma yin la/ bden pa yang dag pa ste/ ji lta ba bzhin du rtag cing brtan la/ ther zug mi 'gyur ba'i chos can gyi dngos po zhig yin na ni/ theg pa chen po 'dis kyang / lha dang mi dang lha ma yin du bcas pa'i 'jig rten zil gyis mnan cing 'byung bar mi 'gyur te/ rab 'byor chos de rnam par brtags pa/ rnam par bskyed pa/ yongs su bsgrubs pa ste/ mi rtag cing mi brtan la/ ther zug ma yin 'gyur ba'i chos can te/ dngos po med pas de'i phyir theg pa chen po 'dis/ lha dang mi dang lha ma yin du bcas pa'i 'jig rten zil gyis mnan te 'byung ba yin no/ /rab 'byor gal te mig gi rnam par shes pa de bzhin/ ma nor ba de bzhin/ gzhan ma yin pa de bzhin te/ phyin ci log ma yin la bden pa yang dag pa ste/ ji lta ba bzhin du rtag cing brtan la/ ther zug mi 'gyur ba'i chos can gyi dngos po zhig yin na ni/ theg pa chen po 'dis kyang / lha dang mi dang / lha ma yin du bcas pa'i 'jig rten zil gyis mnan cing 'byung bar mi 'gyur te/ rab 'byor mig gi rnam par shes pa de rnam par brtags pa/ rnam par</font><hr>30.280b<br><font size=+1>

bskyed pa/ yongs su bsgrubs pa ste/ mi rtag cing mi brtan la/ ther zug ma yin 'gyur ba'i chos can te/ dngos po med pas de'i phyir theg pa chen po 'dis/ lha dang mi dang lha ma yin du bcas pa'i 'jig rten zil gyis mnan te 'byung ba yin no/ /rab 'byor gal te rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa de bzhin/ ma nor ba de bzhin gzhan ma yin pa de bzhin te/ phyin ci log ma yin la bden pa yang dag pa ste/ ji lta ba bzhin du rtag cing brtan la ther zug mi 'gyur ba'i chos can gyi dngos po zhig yin na ni/ theg pa chen po 'dis kyang lha dang mi dang lha ma yin du bcas pa'i 'jig rten zil gyis mnan cing 'byung bar mi 'gyur te/ rab 'byor yid kyi rnam par shes pa de rnam par brtags pa rnam par bskyed pa/ yongs su bsgrubs pa ste mi rtag cing mi brtan la/ ther zug ma yin 'gyur ba'i chos can te dngos po med pas de'i phyir theg pa chen po 'dis/ lha dang mi dang lha ma yin du bcas pa'i 'jig rten zil gyis mnan te 'byung ba yin no// //shes rab kyi pha rol du phyin pa stong phrag nyi shu lnga pa/ bam po nyi shu pa/ rab 'byor gal te mig gi 'dus te reg pa de bzhin ma nor ba de bzhin/ gzhan ma yin pa de bzhin te/ phyin ci log ma yin la bden pa yang dag pa ste/ ji lta ba bzhin du rtag cing brtan la ther zug mi 'gyur ba'i chos can gyi dngos po zhig yin na ni/ theg pa chen po 'dis kyang lha dang mi dang lha ma yin du bcas pa'i 'jig rten zil gyis mnan cing 'byung bar mi 'gyur te/ rab 'byor mig gi 'dus te reg pa de rnam par brtags pa/ rnam par bskyed pa yongs su bsgrubs pa ste/ mi rtag cing mi brtan la ther zug ma yin 'gyur ba'i chos can te dngos po med pas de'i phyir theg pa chen po 'dis/ lha dang mi dang lha ma yin du bcas pa'i 'jig rten zil gyis mnan te 'byung ba yin no/ /rab 'byor gal te rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa de bzhin/ ma nor ba de bzhin/ gzhan ma yin pa de bzhin te/ phyin ci log ma yin la/ bden</font><hr>30.281a<br><font size=+1>

pa yang dag pa ste/ ji lta ba bzhin du rtag cing brtan la/ ther zug mi 'gyur ba'i chos can gyi dngos po zhig yin na ni/ theg pa chen po 'dis kyang / lha dang mi dang lha ma yin du bcas pa'i 'jig rten zil gyis mnan cing 'byung bar mi 'gyur te/ rab 'byor yid kyi 'dus te reg pa de rnam par brtags pa/ rnam par bskyed pa/ yongs su bsgrubs pa ste/ mi rtag cing mi brtan la/ ther zug ma yin 'gyur ba'i chos can te/ dngos po med pas de'i phyir theg pa chen po 'dis/ lha dang mi dang lha ma yin du bcas pa'i 'jig rten zil gyis mnan te 'byung ba yin no/ /rab 'byor gal te mig gi 'dus te reg pa'i rkyen gyis tshor ba de bzhin ma nor ba de bzhin/ gzhan ma yin pa de bzhin te/ phyin ci log ma yin la/ bden pa yang dag pa ste/ ji lta ba bzhin du rtag cing brtan la ther zug mi 'gyur ba'i chos can gyi dngos po zhig yin na ni/ theg pa chen po 'dis kyang / lha dang mi dang lha ma yin du bcas pa'i 'jig rten zil gyis mnan cing 'byung bar mi 'gyur te/ rab 'byor mig gi 'dus te reg pa'i rkyen gyis tshor ba de rnam par brtags pa/ rnam par bskyed pa/ yongs su bsgrubs pa ste/ mi rtag cing mi brtan la/ ther zug ma yin 'gyur ba'i chos can te/ dngos po med pas de'i phyir theg pa chen po 'dis/ lha dang mi dang lha ma yin du bcas pa'i 'jig rten zil gyis mnan te 'byung ba yin no/ /rab 'byor gal te rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba de bzhin/ ma nor ba de bzhin gzhan ma yin pa de bzhin te/ phyin ci log ma yin la/ bden pa yang dag pa ste/ ji lta ba bzhin du rtag cing brtan la/ ther zug mi 'gyur ba'i chos can gyi dngos po zhig yin na ni/ theg pa chen po 'dis kyang lha dang mi dang lha ma yin du bcas pa'i 'jig rten zil gyis mnan cing 'byung bar mi 'gyur te/ rab 'byor yid kyi 'dus te reg pa'i rkyen gyis tshor ba de rnam par brtags pa/ rnam par bskyed pa/ yongs su bsgrubs pa ste/ mi rtag cing mi brtan la/ ther zug ma yin 'gyur ba'i chos can te/ dngos po med pas de'i phyir theg pa chen po 'dis kyang lha dang / mi dang lha ma yin du bcas pa'i 'jig rten zil gyis</font><hr>30.281b<br><font size=+1>

mnan te 'byung ba yin no/ /rab 'byor gal te sa'i khams de bzhin/ ma nor ba de bzhin/ gzhan ma yin pa de bzhin te/ phyin ci log ma yin la/ bden pa yang dag pa ste/ ji lta ba bzhin du rtag cing brtan la/ ther zug mi 'gyur ba'i chos can gyi dngos po zhig yin na ni/ theg pa chen po 'dis kyang / lha dang mi dang lha ma yin du bcas pa'i 'jig rten zil gyis mnan cing 'byung bar mi 'gyur te/ rab 'byor sa'i khams de rnam par brtags pa/ rnam par bskyed pa yongs su bsgrubs pa ste/ mi rtag cing mi brtan brtan la/ ther zug ma yin 'gyur ba'i chos can te/ dngos po med pas de'i phyir theg pa chen po 'dis/ lha dang mi dang lha ma yin du bcas pa'i 'jig rten zil gyis mnan te/ 'byung ba yin no/ /rab 'byor gal te chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams de bzhin/ ma nor ba de bzhin/ gzhan ma yin pa de bzhin te/ phyin ci log ma yin la/ bden pa yang dag pa ste/ ji lta ba bzhin du rtag cing brtan la/ ther zug mi 'gyur ba'i chos can gyi dngos po zhig yin na ni/ theg pa chen po 'dis kyang / lha dang mi dang lha ma yin du bcas pa'i 'jig rten zil gyis mnan cing 'byung bar mi 'gyur te/ rab 'byor rnam par shes pa'i khams de rnam par brtags pa/ rnam par bskyed pa/ yongs su bsgrubs pa ste/ mi rtag cing mi brtan la/ ther zug ma yin 'gyur ba'i chos can te/ dngos po med pas de'i phyir theg pa chen po 'dis/ lha dang mi dang lha ma yin du bcas pa'i 'jig rten zil gyis mnan te 'byung ba yin no/ /rab 'byor gal te ma rig pa dang / 'du byed dang / rnam par shes pa dang / ming dang gzugs dang / skye mched drug dang / reg pa dang tshor ba dang / sred pa dang len pa dang srid pa dang skye ba dang / rga shi de bzhin/ ma nor ba de bzhin/ gzhan ma yin pa de bzhin te/ phyin ci log ma yin la/ bden pa yang dag pa ste/ ji lta ba bzhin du rtag cing brtan la/ ther zug mi 'gyur ba'i chos can gyi dngos po zhig yin na ni/ theg pa chen po 'dis kyang / lha dang mi dang lha ma yin du bcas pa'i 'jig rten zil gyis mnan cing 'byung bar mi 'gyur te/ rab 'byor rga shi de rnam par brtags pa/ rnam par bskyed pa/ yongs su bsgrubs pa ste/ mi rtag cing mi brtan la/ </font><hr>30.282a<br><font size=+1>

ther zug ma yin 'gyur ba'i chos can te/ dngos po med pas de'i phyir theg pa chen po 'dis/ lha dang / mi dang / lha ma yin du bcas pa'i 'jig rten zil gyis mnan te 'byung ba yin no/ /rab 'byor gal te sbyin pa'i pha rol du phyin pa dngos po yod pa zhig yin te/ dngos po med pa ma yin na ni/ theg pa chen po 'dis kyang / lha dang / mi dang / lha ma yin du bcas pa'i 'jig rten zil gyis mnan cing 'byung bar mi 'gyur te/ rab 'byor sbyin pa'i pha rol du phyin pa dngos po med la/ dngos po ma yin pas/ de'i phyir theg pa chen po 'dis/ lha dang / mi dang / lha ma yin du bcas pa'i 'jig rten zil gyis mnan cing 'byung ba yin no/ /rab 'byor gal te tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa dngos po yod pa zhig yin te/ dngos po med pa ma yin na ni/ theg pa chen po 'dis kyang / lha dang / mi dang / lha ma yin du bcas pa'i 'jig rten zil gyis mnan cing 'byung bar mi 'gyur te/ rab 'byor shes rab kyi pha rol du phyin pa dngos po med la/ dngos po ma yin pas de'i phyir theg pa chen po 'dis/ lha dang / mi dang / lha ma yin du bcas pa'i 'jig rten zil gyis mnan cing 'byung ba yin no/ /rab 'byor gal te nang stong pa nyid dngos po yod pa zhig yin te/ dngos po med pa ma yin na ni/ theg pa chen po 'dis kyang / lha dang / mi dang / lha ma yin du bcas pa'i 'jig rten zil gyis mnan cing 'byung bar mi 'gyur te/ rab 'byor nang stong pa nyid dngos po med la/ dngos po ma yin pas/ de'i phyir theg pa chen po 'dis/ lha dang / mi dang / lha ma yin du bcas pa'i 'jig rten zil gyis mnan cing 'byung ba yin no/ /rab 'byor gal te phyi stong pa nyid dngos po yod pa zhig yin te/ dngos po med pa ma yin na ni/ theg pa chen po 'dis kyang / lha dang / mi dang / lha ma yin du bcas pa'i 'jig rten zil gyis mnan</font><hr>30.282b<br><font size=+1>

cing 'byung bar mi 'gyur te/ rab 'byor phyi stong pa nyid dngos po med la/ dngos po ma yin pas/ de'i phyir theg pa chen po 'dis/ lha dang / mi dang / lha ma yin du bcas pa'i 'jig rten zil gyis mnan cing 'byung ba yin no/ /rab 'byor gal te phyi nang stong pa nyid dngos po yod pa zhig yin te/ dngos po med pa ma yin na ni/ theg pa chen po 'dis kyang / lha dang / mi dang / lha ma yin du bcas pa'i 'jig rten zil gyis mnan cing 'byung bar mi 'gyur te/ rab 'byor phyi nang stong pa nyid dngos po med la/ dngos po ma yin pas/ de'i phyir theg pa chen po 'dis/ lha dang / mi dang / lha ma yin du bcas pa'i 'jig rten zil gyis mnan cing 'byung ba yin no/ /rab 'byor gal te dngos po med pa'i ngo bo nyid stong pa nyid kyi bar du/ dngos po yod pa zhig yin te/ dngos po med pa ma yin na ni/ theg pa chen po 'dis kyang lha dang / mi dang / lha ma yin du bcas pa'i 'jig rten zil gyis mnan cing 'byung bar mi 'gyur te/ rab 'byor dngos po med pa'i ngo bo nyid stong pa nyid dngos po med la/ dngos po ma yin pas/ de'i phyir theg pa chen po 'dis/ lha dang / mi dang / lha ma yin du bcas pa'i 'jig rten zil gyis mnan te 'byung ba yin no/ /rab 'byor gal te dran pa nye bar gzhag pa rnams dngos po yod pa zhig yin te/ dngos po med pa ma yin na ni/ theg pa chen po 'dis kyang / lha dang / mi dang / lha ma yin du bcas pa'i 'jig rten zil gyis mnan cing 'byung bar mi 'gyur te/ rab 'byor dran pa nye bar gzhag pa rnams dngos po med la/ dngos po ma yin pas/ de'i phyir theg pa chen po 'dis/ lha dang / mi dang / lha ma yin du bcas pa'i 'jig rten zil gyis mnan cing 'byung ba yin no/ /rab 'byor gal te yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa dngos po yod pa zhig yin te/ dngos po med pa ma yin</font><hr>30.283a<br><font size=+1>

na ni/ theg pa chen po 'dis kyang / lha dang / mi dang / lha ma yin du bcas pa'i 'jig rten zil gyis mnan cing 'byung bar mi 'gyur te/ rab 'byor 'phags pa'i lam yan lag brgyad pa dngos po med la/ dngos po ma yin pas/ de'i phyir theg pa chen po 'dis/ lha dang / mi dang / lha ma yin du bcas pa'i 'jig rten zil gyis mnan cing 'byung ba yin no/ /rab 'byor gal te 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dngos po yod pa zhig yin te/ dngos po med pa ma yin na ni/ theg pa chen po 'dis kyang / /lha dang / mi dang / lha ma yin du bcas pa'i 'jig rten zil gyis mnan cing 'byung bar mi 'gyur te/ rab 'byor gzungs kyi sgo rnams dngos po med la/ dngos po ma yin pas/ de'i phyir theg pa chen po 'dis/ lha dang / mi dang / lha ma yin du bcas pa'i 'jig rten zil gyis mnan cing 'byung ba yin no/ /rab 'byor gal te de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad dngos po yod pa zhig yin te/ dngos po med pa ma yin na ni/ theg pa chen po 'dis kyang / lha dang / mi dang / lha ma yin du bcas pa'i 'jig rten zil gyis mnan cing 'byung bar mi 'gyur te/ rab 'byor sangs rgyas kyi chos ma 'dres pa bcwa brgyad dngos po med la/ dngos po ma yin pas/ de'i phyir theg pa chen po 'dis/ lha dang / mi dang / lha ma yin du bcas pa'i 'jig rten zil gyis mnan cing 'byung ba yin no/ /rab 'byor gal te rigs kyi sa'i chos dngos po yod pa zhig yin te/ dngos po med pa ma yin na ni/ theg pa chen po 'dis kyang / lha dang / mi dang / lha ma yin</font><hr>30.283b<br><font size=+1>

du bcas pa'i 'jig rten zil gyis mnan cing 'byung bar mi 'gyur te/ rab 'byor rigs kyi sa'i chos dngos po med la/ dngos po ma yin pas/ de'i phyir theg pa chen po 'dis/ lha dang / mi dang / lha ma yin du bcas pa'i 'jig rten zil gyis mnan cing 'byung ba yin no/ /rab 'byor gal te brgyad pa'i sa'i chos dang / rgyun du zhugs pa'i chos dang / lan gcig phyir 'ong ba'i chos dang / phyir mi 'ong ba'i chos dang / dgra bcom pa'i chos dang / rang sangs rgyas kyi chos dang / byang chub sems dpa'i chos dang / sangs rgyas kyi chos dngos po yod pa zhig yin te/ dngos po med pa ma yin na ni/ theg pa chen po 'dis kyang / lha dang / mi dang / lha ma yin du bcas pa'i 'jig rten zil gyis mnan cing 'byung bar mi 'gyur te/ rab 'byor sangs rgyas kyi chos dngos po med la/ dngos po yod pa ma yin pas/ de'i phyir theg pa chen po 'dis/ lha dang / mi dang / lha ma yin du bcas pa'i 'jig rten zil gyis mnan cing 'byung ba yin no/ /rab 'byor gal te rigs kyi sa dngos po yod pa zhig yin te/ dngos po med pa ma yin na ni/ theg pa chen po 'dis kyang / lha dang / mi dang / lha ma yin du bcas pa'i 'jig rten zil gyis mnan cing 'byung bar mi 'gyur te/ rab 'byor rigs kyi sa dngos po med la/ dngos po ma yin pas/ de'i phyir theg pa chen po 'dis/ lha dang / mi dang / lha ma yin du bcas pa'i 'jig rten zil gyis mnan cing 'byung ba yin no/ /rab 'byor gal te brgyad pa dang / rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa dang / rang sangs rgyas dang / byang chub sems dpa' dang / de bzhin gshegs pa dgra bcom pa yang dag par rdzogs pa'i sangs rgyas dngos po yod pa zhig yin te/ dngos po med pa ma yin na ni/ theg pa chen po 'dis kyang / lha dang mi dang lha ma yin du bcas pa'i 'jig rten zil gyis mnan cing 'byung bar mi 'gyur te/ rab 'byor de bzhin gshegs pa dgra bcom pa yang dag par rdzogs pa'i sangs rgyas dngos po</font><hr>30.284a<br><font size=+1>

med la/ dngos po ma yin pas/ de'i phyir theg pa chen po 'dis/ lha dang mi dang lha ma yin du bcas pa'i 'jig rten zil gyis mnan cing 'byung ba yin no/ /rab 'byor gal te chos kyi dbyings dngos po yod pa zhig yin te/ dngos po med pa ma yin na ni/ theg pa chen po 'dis kyang / lha dang mi dang lha ma yin du bcas pa'i 'jig rten zil gyis mnan cing 'byung bar mi 'gyur te/ rab 'byor chos kyi dbyings dngos po med la/ dngos po ma yin pas/ de'i phyir theg pa chen po 'dis/ lha dang mi dang / lha ma yin du bcas pa'i 'jig rten zil gyis mnan cing 'byung ba yin no/ /rab 'byor gal te de bzhin nyid dang / yang dag pa'i mtha' dang / bsam gyis mi khyab pa'i dbyings dngos po yod pa zhig yin te/ dngos po med pa ma yin na ni/ theg pa chen po 'dis kyang / lha dang mi dang / lha ma yin du bcas pa'i 'jig rten zil gyis mnan cing 'byung bar mi 'gyur te/ rab 'byor bsam gyis mi khyab pa'i dbyings dngos po med la/ dngos po ma yin pas/ de'i phyir theg pa chen po 'dis/ lha dang mi dang lha ma yin du bcas pa'i 'jig rten zil gyis mnan cing 'byung ba yin no/ /rab 'byor gal te lha dang / mi dang lha ma yin du bcas pa'i 'jig rten dngos po yod pa zhig yin te/ dngos po med pa ma yin na ni/ theg pa chen po 'dis kyang / lha dang mi dang lha ma yin du bcas pa'i 'jig rten zil gyis mnan cing 'byung bar mi 'gyur te/ rab 'byor lha dang mi dang lha ma yin du bcas pa'i 'jig rten dngos po med la/ dngos po ma yin pas/ de'i phyir theg pa chen po 'dis/ lha dang mi dang lha ma yin du bcas pa'i 'jig rten zil gyis mnan cing 'byung ba yin no/ /rab 'byor gal te byang chub sems dpa' sems dpa' chen pos sems dang po bskyed phyin chad snying po byang chub tu 'dug gi bar du/ sems bskyed pa ji snyed cig byung ba de dag dngos po yod pa zhig yin te/ dngos po med pa ma yin na ni/ theg pa chen po 'dis kyang / lha dang mi dang lha ma</font><hr>30.284b<br><font size=+1>

yin du bcas pa'i 'jig rten zil gyis mnan cing 'byung bar mi 'gyur te/ rab 'byor byang chub sems dpa' sems dpa' chen pos/ sems dang po bskyed phyin cad snying po byang chub tu 'dug gi bar du/ sems bskyed pa ji snyed cig byung ba de dag dngos po med la/ dngos po ma yin pas/ de'i phyir theg pa chen po 'dis/ lha dang mi dang lha ma yin du bcas pa'i 'jig rten zil gyis mnan cing 'byung ba yin no/ /rab 'byor gal te byang chub sems dpa' sems dpa' chen po'i/ ye shes rdo rje lta bu dngos po yod pa zhig yin te/ dngos po med pa ma yin na ni/ theg pa chen po 'dis kyang / lha dang mi dang lha ma yin du bcas pa'i 'jig rten zil gyis mnan cing 'byung bar mi 'gyur te/ rab 'byor byang chub sems dpa' sems dpa' chen po'i ye shes rdo rje lta bu dngos po med la/ dngos po ma yin pas/ de'i phyir theg pa chen po 'dis/ lha dang mi dang / lha ma yin du bcas pa'i 'jig rten zil gyis mnan cing 'byung ba yin no/ /rab 'byor gal te byang chub sems dpa' sems dpa' chen po'i ye shes rdo rje lta bu dngos po yod pa zhig yin te/ dngos po med pa ma yin na ni/ byang chub sems dpa' sems dpa' chen pos kyang bag chags kyi mtshams sbyor ba'i nyon mongs pa thams cad dngos po med par khong du chud cing / rnam pa thams cad mkhyen pa nyid thob par yang mi 'gyur/ lha dang mi dang lha ma yin du bcas pa'i 'jig rten zil gyis mnan cing 'byung bar mi 'gyur te/ rab 'byor byang chub sems dpa' sems dpa' chen po'i ye shes rdo rje lta bu dngos po med la/ dngos po ma yin pas/ de'i phyir byang chub sems dpa' sems dpa' chen pos bag chags kyi mtshams sbyor ba'i nyon mongs pa thams cad dngos po med par khong du chud de/ rnam pa thams cad mkhyen pa nyid kyang 'thob/ lha dang mi dang lha ma yin du bcas pa'i 'jig rten zil gyis mnan cing 'byung ba yin no/ /rab 'byor gal te de bzhin gshegs pa dgra bcom pa yang dag par</font><hr>30.285a<br><font size=+1>

rdzogs pa'i sangs rgyas kyi mi chen po'i mtshan sum bcu rtsa gnyis dngos po med pa ma yin te/ dngos po yod pa zhig yin na ni/ de bzhin gshegs pa dgra bcom pa yang dag par rdzogs pa'i sangs rgyas kyis kyang / lha dang mi dang lha ma yin du bcas pa'i 'jig rten zil gyis mnan cing gzi brjid dang / dpal gyis lham mer mi 'gyur/ lhan ner mi 'gyur/ lhang nger mi 'gyur te/ rab 'byor de bzhin gshegs pa dgra bcom pa yang dag par rdzogs pa'i sangs rgyas kyi mi chen po'i mtshan sum bcu rtsa gnyis dngos po med la dngos po ma yin pas/ de bzhin gshegs pa dgra bcom pa yang dag par rdzogs pa'i sangs rgyas kyis/ lha dang mi dang lha ma yin du bcas pa'i 'jig rten zil gyis mnan te/ gzi brjid dang / dpal gyi lham me/ lhan ne lhang nger gyur pa yin no/ /rab 'byor gal te de bzhin gshegs pa dgra bcom pa yang dag par rdzogs pa'i sangs rgyas kyi 'od dngos po yod pa zhig yin te/ dngos po med pa ma yin na ni/ de bzhin gshegs pa dgra bcom pa yang dag par rdzogs pa'i sangs rgyas kyis 'jig rten gyi khams gang gA'i klung gi bye ma snyed snang bas rgyas par mi mdzad de/ rab 'byor de bzhin gshegs pa dgra bcom pa yang dag par rdzogs pa'i sangs rgyas kyi 'od dngos po med de/ dngos po ma yin pas/ de'i phyir de bzhin gshegs pa dgra bcom pa yang dag par rdzogs pa'i sangs rgyas 'jig rten gyi khams gang gA'i klung gi bye ma snyed dag 'od kyis rgyas par 'gengs pa mdzad do/ /rab 'byor gal te de bzhin gshegs pa dgra bcom pa yang dag par rdzogs pa'i sangs rgyas kyi gsung yan lag drug bcu dang ldan pa dngos po yod pa zhig yin te/ dngos po med pa ma yin na ni/ de bzhin gshegs pa dgra bcom pa yang dag par rdzogs pa'i sangs rgyas/ phyogs bcu'i 'jig rten gyi khams gang gA'i klung gi bye ma snyed gsung gis mngon par go bar yang mi mdzad de/ rab 'byor de bzhin gshegs pa dgra bcom pa yang dag par rdzogs pa'i sangs rgyas kyi gsung yan lag drug</font><hr>30.285b<br><font size=+1>

bcu dang ldan pa dngos po med la/ dngos po ma yin pas/ de'i phyir de bzhin gshegs pa dgra bcom pa yang dag par rdzogs pa'i sangs rgyas phyogs bcu'i 'jig rten gyi khams gang gA'i klung gi bye ma snyed gsung gis mngon par go bar mdzad do/ /rab 'byor gal te de bzhin gshegs pa dgra bcom pa yang dag par rdzogs pa'i sangs rgyas kyi chos kyi 'khor lo dngos po yod pa zhig yin te/ dngos po med pa ma yin na ni/ de bzhin gshegs pa dgra bcom pa yang dag par rdzogs pa'i sangs rgyas kyi chos kyi 'khor lo dge sbyong ngam/ bram ze 'am/ lha 'am bdud dam/ tshangs pa 'am sus kyang rung ste/ 'jig rten du chos dang ldan par bskor bar mi nus pa bskor bar yang nus te/ rab 'byor de bzhin gshegs pa dgra bcom pa yang dag par rdzogs pa'i sangs rgyas kyi chos kyi 'khor lo dngos po med de dngos po ma yin pas/ de'i phyir de bzhin gshegs pa dgra bcom pa yang dag par rdzogs pa'i sangs rgyas kyis chos kyi 'khor lo dge sbyong ngam/ bram ze 'am/ lha 'am bdud dam/ tshangs pa 'am/ sus kyang rung ste/ 'jig rten du chos dang ldan par bskor bar mi nus pa rab tu bskor ro/ /rab 'byor gal te de bzhin gshegs pa dgra bcom pa yang dag par rdzogs pa'i sangs rgyas kyis gang gi don du chos kyi 'khor lo bskor ba'i sems can de dag dngos po yod pa zhig yin te/ dngos po med pa ma yin na ni/ sems can de dag phung po ma lus pa'i mya ngan las 'das pa'i dbyings su yongs su mya ngan 'da' bar yang mi 'gyur te/ rab 'byor de bzhin gshegs pa dgra bcom pa yang dag par rdzogs pa'i sangs rgyas kyis gang gi don du chos kyi 'khor lo bskor ba'i sems can de dag dngos po med de/ dngos po ma yin pas/ de'i phyir sems can rnams phung po ma lus pa'i mya ngan las 'das pa'i dbyings su yongs su mya ngan las 'das so/ /yongs su mya ngan las 'da'o/ /yongs su mya ngan las 'da' bar 'gyur ro/ /rab 'byor gang yang khyod kyis 'di skad du theg pa de ni nam mkha' dang mnyam pa'o zhes smras pa ni/ de de bzhin no/ /rab 'byor</font><hr>30.286a<br><font size=+1>

de de bzhin te/ theg pa de ni nam mkha' dang mnyam pa'o/ /rab 'byor 'di lta ste dper na/ nam mkha' la ni shar phyogs dmigs su med do/ /lho dang nub dang byang dang bla dang 'og dang / phyogs mtshams dmigs su med do/ /rab 'byor de bzhin du theg pa chen po de ni shar phyogs dmigs su med do/ /lho dang nub dang byang dang bla dang 'og dang phyogs mtshams dmigs su med de/ de'i phyir theg pa de ni nam mkha' dang mnyam pa zhes bya'o/ /rab 'byor 'di lta ste dper na/ nam mkha' ni ring po ma yin/ thung ngu ma yin/ zlum po ma yin/ gru bzhi ma yin/ mnyam pa ma yin mi mnyam pa ma yin no/ /rab 'byor de bzhin du theg pa chen po de yang ring po ma yin/ thung ngu ma yin/ zlum po ma yin/ gru bzhi ma yin/ mnyam pa ma yin/ mi mnyam pa ma yin te/ de'i phyir theg pa de ni nam mkha' dang mnyam pa zhes bya'o/ /rab 'byor 'di lta ste dper na/ nam mkha' ni sngon po ma yin/ ser po ma yin/ dmar po ma yin/ dkar po ma yin/ le brgan ma yin/ shel dang dngul gyi mdog ma yin no/ /rab 'byor de bzhin du theg pa chen po de yang sngon po ma yin/ ser po ma yin/ dmar po ma yin/ dkar po ma yin/ le brgan ma yin/ shel dang dngul gyi mdog ma yin te/ de'i phyir theg pa chen po de ni nam mkha' dang mnyam pa zhes bya'o/ /rab 'byor 'di lta ste dper na/ nam mkha' ni 'das pa ma yin/ ma 'ongs pa ma yin/ da ltar byung ba ma yin no/ /rab 'byor de bzhin du theg pa chen po de yang 'das pa ma yin ma 'ongs pa ma yin/ da ltar byung ba ma yin te/ de'i phyir theg pa de ni nam mkha' dang mnyam pa zhes bya'o/ /rab 'byor 'di lta ste dper na/ nam mkha' la ni 'grib pa med do/ /'phel ba med do/ /'bri ba med do/ /rab 'byor de bzhin du theg pa chen po de yang 'grib pa med 'phel ba med 'bri ba med de/ de'i phyir theg pa chen po de ni nam mkha' dang mnyam pa zhes bya'o/ /rab 'byor 'di lta ste dper na/ nam mkha' la kun nas nyon mongs pa med do/ /rnam par byang ba med do/ /rab 'byor de bzhin</font><hr>30.286b<br><font size=+1>

du theg pa chen po de la yang kun nas nyon mongs pa med/ rnam par byang ba med de/ de'i phyir theg pa de ni nam mkha' dang mnyam pa zhes bya'o/ /rab 'byor 'di lta ste dper na/ nam mkha' la skye ba med do/ /'gag pa med do/ /gnas pa med do/ /mthar thug pa med do/ /gnas pa las gzhan du 'gyur ba mi dmigs so/ /rab 'byor de bzhin du theg pa chen po de la yang skye ba med do/ /'gag pa med do/ /gnas pa med do/ /mtha' thug pa med do/ /gnas pa las gzhan du 'gyur ba mi dmigs te/ de'i phyir theg pa de ni nam mkha' dang mnyam pa zhes bya'o/ /rab 'byor 'di lta ste dper na/ nam mkha' ni dge ba ma yin/ mi dge ba ma yin/ lung du ma bstan pa ma yin no/ /rab 'byor de bzhin du theg pa chen po de yang dge ba ma yin/ mi dge ba ma yin/ lung du ma bstan pa ma yin te/ de'i phyir theg pa de ni nam mkha' dang mnyam pa zhes bya'o/ /rab 'byor 'di lta ste dper na/ nam mkha' ni mthong ba ma yin/ thos pa ma yin/ rig pa ma yin/ rnam par shes pa ma yin no/ /rab 'byor de bzhin du theg pa chen po de yang mthong ba ma yin/ thos pa ma yin/ rig pa ma yin/ rnam par shes pa ma yin te/ de'i phyir theg pa de ni nam mkha' dang mnyam pa zhes bya'o/ /rab 'byor 'di lta ste dper na/ nam mkha' ni shes par bya ba yang ma yin/ shes par mi bya ba yang ma yin/ rnam par shes par bya ba yang ma yin/ yongs su shes par bya ba yang ma yin/ mngon du bya ba yang ma yin/ spang ba yang ma yin/ sgom pa yang ma yin no/ /rab 'byor de bzhin du theg pa chen po de yang shes par bya ba yang ma yin/ shes par mi bya ba yang ma yin/ rnam par shes par bya ba yang ma yin/ yongs su shes par bya ba yang ma yin/ mngon du bya ba yang ma yin/ spang ba yang ma yin/ sgom pa yang ma yin te/ de'i phyir theg pa de ni nam mkha' dang mnyam zhes bya'o/ /rab 'byor 'di lta ste dper na/ nam mkha' ni rnam par smin pa yang ma yin no/ /rnam par smin pa'i chos can yang ma yin no/ /rab 'byor de bzhin du theg pa chen po de yang rnam par smin pa yang ma yin/ rnam par smin pa'i chos</font><hr>30.287a<br><font size=+1>

can yang ma yin te/ de'i phyir theg pa de ni nam mkha' dang mnyam pa zhes bya'o/ /rab 'byor 'di lta ste dper na/ nam mkha' ni 'dod pa'i khams kyi khongs su chud pa ma yin/ gzugs kyi khams kyi khongs su chud pa ma yin/ gzugs med pa'i khams kyi khongs su chud pa ma yin no/ /rab 'byor de bzhin du theg pa chen po de yang 'dod pa'i khams kyi khongs su chud pa ma yin/ gzugs kyi khams kyi khongs su chud pa ma yin/ gzugs med pa'i khams kyi khongs su chud pa ma yin te/ de'i phyir theg pa de ni nam mkha' dang mnyam zhes bya'o/ /rab 'byor 'di lta ste dper na/ nam mkha' ni 'dod chags dang ldan pa ma yin/ 'dod chags dang bral ba ma yin/ zhe sdang dang ldan pa ma yin/ zhe sdang dang bral ba ma yin/ gti mug dang ldan pa ma yin/ gti mug dang bral ba ma yin no/ /rab 'byor de bzhin du theg pa chen po de yang 'dod chags dang ldan pa ma yin/ 'dod chags dang bral ba ma yin/ zhe sdang dang ldan pa ma yin/ zhe sdang dang bral ba ma yin/ gti mug dang ldan pa ma yin/ gti mug dang bral ba ma yin te/ de'i phyir theg pa de ni nam mkha' dang mnyam pa zhes bya'o/ /rab 'byor 'di lta ste dper na/ nam mkha' la ni sems dang po bskyed pa med do/ /gnyis pa med do/ /gsum pa med do/ /bzhi pa med do/ /lnga pa med do/ /drug pa med do/ /bdun pa med do/ /brgyad pa med do/ /dgu pa med do/ /sems bcu pa bskyed pa med do/ /rab 'byor de bzhin du theg pa chen po de yang sems dang po bskyed pa med do/ /gnyis pa med do/ /gsum pa med do/ /bzhi pa med do/ /lnga pa med do/ /drug pa med do/ /bdun pa med do/ /brgyad pa med do/ /dgu pa med do/ /sems bcu pa bskyed pa med de/ de'i phyir theg pa de ni nam mkha' dang mnyam pa zhes bya'o/ /rab 'byor 'di lta ste dper na/ nam mkha' la ni dkar po rnam par mthong ba'i sa med do/ /rigs kyi sa med do/ /brgyad pa'i sa med do/ /mthong ba'i sa med do/ /bsrabs pa'i sa med do/ /'dod chags dang bral ba'i sa med do/ /byas pa rtogs pa'i sa med do/ /rab 'byor de bzhin du theg pa chen po de la yang dkar po rnam par mthong ba'i sa</font><hr>30.287b<br><font size=+1>

med do/ /rigs kyi sa med do/ /brgyad pa'i sa med do/ /mthong ba'i sa med do/ /bsrabs pa'i sa med do/ /'dod chags dang bral ba'i sa med do/ /byas pa rtogs pa'i sa med de/ de'i phyir theg pa de ni nam mkha' dang mnyam pa zhes bya'o/ /rab 'byor 'di lta ste dper na/ nam mkha' la ni rgyun tu zhugs pa'i 'bras bu med do/ /lan gcig phyir 'ong ba'i 'bras bu med do/ /phyir mi 'ong ba'i 'bras bu med do/ /dgra bcom pa nyid med do/ /rab 'byor de bzhin du theg pa chen po de la yang rgyun du zhugs pa'i 'bras bu med do/ /lan gcig phyir 'ong ba'i 'bras bu med do/ /phyir mi 'ong ba'i 'bras bu med do/ /dgra bcom pa nyid med do/ /de'i phyir theg pa de ni nam mkha' dang mnyam pa zhes bya'o/ /rab 'byor 'di lta ste dper na/ nam mkha' la ni nyan thos kyi sa med do/ /rang sangs rgyas kyi sa med do/ /byang chub sems dpa'i sa med do/ /yang dag par rdzogs pa'i sangs rgyas kyi sa med do/ /rab 'byor de bzhin du theg pa chen po de la yang nyan thos kyi sa med do/ /rang sangs rgyas kyi sa med do/ /byang chub sems dpa'i sa med do/ /yang dag par rdzogs pa'i sangs rgyas kyi sa med de/ de'i phyir theg pa de ni nam mkha' dang mnyam pa zhes bya'o/ /rab 'byor 'di lta ste dper na/ nam mkha' ni gzugs dang ldan pa ma yin/ gzugs med pa ma yin/ bstan du yod pa ma yin/ bstan du med pa ma yin/ thogs pa yod pa ma yin/ thogs pa med pa ma yin/ ldan pa ma yin/ mi ldan pa ma yin no/ /rab 'byor de bzhin du theg pa chen po de yang gzugs dang ldan pa ma yin/ gzugs med pa ma yin/ bstan du yod pa ma yin/ bstan du med pa ma yin/ thogs pa yod pa ma yin/ thogs pa med pa ma yin/ ldan pa ma yin/ mi ldan pa ma yin te/ de'i phyir theg pa de ni nam mkha' dang mnyam pa zhes bya'o/ /rab 'byor 'di lta ste dper na/ nam mkha' ni rtag pa ma yin/ mi rtag pa ma yin/ bde ba ma yin/ sdug bsngal ba ma yin/ bdag yod pa ma yin/ bdag med pa ma yin/ sdug pa ma yin/ mi sdug pa ma yin no/ /rab 'byor de bzhin du theg pa chen po de yang rtag pa ma yin/ mi rtag pa ma yin/ </font><hr>30.288a<br><font size=+1>

bde ba ma yin/ sdug bsngal ba ma yin/ bdag yod pa ma yin/ bdag med pa ma yin/ sdug pa ma yin/ mi sdug pa ma yin te/ de'i phyir theg pa de ni nam mkha' dang mnyam pa zhes bya'o/ /rab 'byor 'di lta ste dper na/ nam mkha' ni stong pa ma yin/ mi stong pa ma yin/ mtshan ma yod pa ma yin/ mtshan ma med pa ma yin/ smon pa yod pa ma yin/ smon pa med pa ma yin no/ /rab 'byor de bzhin du theg pa chen po de yang stong pa ma yin/ mi stong pa ma yin/ mtshan ma yod pa ma yin/ mtshan ma med pa ma yin/ smon pa yod pa ma yin/ smon pa med pa ma yin/ de'i phyir theg pa de ni nam mkha' dang mnyam pa zhes bya'o/ /rab 'byor 'di lta ste dper na/ nam mkha' ni zhi ba ma yin/ ma zhi ba ma yin/ dben pa ma yin/ mi dben pa ma yin no/ /rab 'byor de bzhin du theg pa chen po de yang zhi ba ma yin/ ma zhi ba ma yin/ dben pa ma yin/ mi dben pa ma yin te/ de'i phyir theg pa de ni nam mkha' dang mnyam pa zhes bya'o/ /rab 'byor 'di lta ste dper na/ nam mkha' ni snang ba ma yin/ mun pa ma yin no/ /rab 'byor de bzhin du theg pa chen po de yang snang ba ma yin/ mun pa ma yin te/ de'i phyir theg pa de ni nam mkha' dang mnyam pa zhes bya'o/ /rab 'byor 'di lta ste dper na/ nam mkha' ni dmigs su yod pa ma yin/ dmigs su med pa ma yin no/ /rab 'byor de bzhin du theg pa chen po de yang dmigs su yod pa ma yin/ dmigs su med pa ma yin te/ de'i phyir theg pa de ni nam mkha' dang mnyam pa zhes bya'o/ /rab 'byor 'di lta ste dper na nam mkha' ni brjod du yod pa ma yin/ brjod du med pa ma yin no/ /rab 'byor de bzhin du theg pa chen po de yang brjod du yod pa yang ma yin brjod du med pa yang ma yin te/ de'i phyir theg pa chen po de ni nam mkha' dang mnyam pa zhes bya'o/ /rab 'byor rnam grangs des kyang theg pa de ni nam mkha' dang mnyam pa ste/ 'di ltar theg pa chen po'o/ /rab 'byor gang yang khyod kyis 'di skad du/ ji ltar na nam mkha' sems can tshad med grangs med pa'i go 'byed pa de bzhin du/ theg pa chen po de yang sems can tshad med grangs med pa'i go 'byed do zhes smras pa ni/ de de</font><hr>30.288b<br><font size=+1>

bzhin no/ /rab 'byor de de bzhin te/ ji ltar nam mkha' sems can tshad med grangs med pa'i go 'byed pa de bzhin du/ theg pa chen po 'di yang sems can tshad med grangs med pa'i go 'byed do/ /de ci'i phyir zhe na/ rab 'byor sems can med pa'i phyir/ nam mkha' med par rig par bya'o/ /nam mkha' med pa'i phyir/ theg pa chen po med par rig par bya ste/ rab 'byor rnam grangs 'dis kyang theg pa chen po de/ sems can tshad med grangs med pa'i go 'byed do/ /de ci'i phyir zhe na/ rab 'byor de ni 'di ltar sems can gang yin pa dang / theg pa chen po gang yin pa de dag thams cad kyang dmigs su med pa'i phyir ro/ /de ci'i phyir zhe na/ rab 'byor sems can tshad med pa'i phyir/ nam mkha' tshad med par rig par bya'o/ /nam mkha' tshad med pa'i phyir/ theg pa chen po tshad med par rig par bya ste/ rab 'byor rnam grangs 'dis kyang theg pa chen po de/ sems can tshad med grangs med pa'i go 'byed do/ /de ci'i phyir zhe na/ rab 'byor de ni 'di ltar sems can gang yin pa dang / nam mkha' gang yin pa dang / theg pa chen po gang yin pa de dag thams cad kyang dmigs su med pa'i phyir ro/ /de ci'i phyir zhe na/ rab 'byor sems can dpag tu med pa'i phyir/ nam mkha' dpag tu med par rig par bya'o/ /nam mkha' dpag tu med pa'i phyir/ theg pa chen po dpag tu med par rig par bya ste/ rab 'byor rnam grangs 'dis kyang theg pa chen po de/ sems can tshad med grangs med pa'i go 'byed do/ /de ci'i phyir zhe na/ rab 'byor de ni 'di ltar sems can gang yin pa dang / nam mkha' gang yin pa dang theg pa chen po gang yin pa de dag thams cad kyang dmigs su med pa'i phyir ro/ /rab 'byor gzhan yang sems can med pa'i phyir/ chos kyi dbyings med par rig par bya'o/ /chos kyi dbyings med pa'i phyir/ nam mkha' med par rig par bya'o/ /nam mkha' med pa'i phyir/ theg pa chen po med par rig par bya'o/ /theg pa chen po med pa'i phyir/ mi 'jal ba med par rig par bya'o/ /mi 'jal ba med pa'i phyir/ mi 'grangs pa med par rig par bya'o/ /mi 'grangs pa med pa'i phyir/ mi dpogs pa med par rig par bya'o/ /</font><hr>30.289a<br><font size=+1>

mi dpogs pa med pa'i phyir/ chos thams cad med par rig par bya'o/ /rab 'byor rnam grangs des kyang / theg pa chen po de sems can tshad med grangs med pa'i go 'byed do/ /de ci'i phyir zhe na/ rab 'byor de ni 'di ltar sems can gang yin pa dang / chos kyi dbyings gang yin pa dang / nam mkha' gang yin pa dang / theg pa chen po gang yin pa dang / mi 'jal ba gang yin pa dang / mi 'grangs pa gang yin pa dang / mi dpogs pa gang yin pa dang / chos thams cad gang yin pa de dag thams cad kyang dmigs su med pa'i phyir ro/ /rab 'byor gzhan yang sems can med pa'i phyir/ de bzhin nyid med par rig par bya'o/ /de bzhin nyid med pa'i phyir/ nam mkha' med par rig par bya'o/ /nam mkha' med pa'i phyir/ theg pa chen po med par rig par bya'o/ /theg pa chen po med pa'i phyir/ mi 'jal ba med par rig par bya'o/ /mi 'jal ba med pa'i phyir/ mi 'grangs pa med par rig par bya'o/ /mi 'grangs pa med pa'i phyir/ mi dpogs pa med par rig par bya'o/ /mi dpogs pa med pa'i phyir/ chos thams cad med par rig par bya ste/ rnam grangs des kyang theg pa chen po de/ sems can tshad med grangs med pa'i go 'byed do/ /de ci'i phyir zhe na/ rab 'byor de ni 'di ltar sems can gang yin pa dang / de bzhin nyid gang yin pa dang / nam mkha' gang yin pa dang / theg pa chen po gang yin pa dang / mi 'jal ba gang yin pa dang / mi 'grangs pa gang yin pa dang / mi dpogs pa gang yin pa dang / chos thams cad gang yin pa de dag thams cad kyang dmigs su med pa'i phyir ro/ /rab 'byor gzhan yang bdag med pa'i phyir/ sems can dang / srog dang / 'gro ba dang / gso ba dang / skyes bu dang gang zag dang / shed can dang / shed bdag dang / byed pa po dang / tshor ba po dang / shes pa po dang / mthong ba po med par rig par bya'o/ /mthong ba po med pa'i phyir/ yang dag pa'i mtha' med par rig par bya'o/ /yang dag pa'i mtha' med pa'i phyir/ nam mkha' med par rig par bya'o/ /nam mkha' med pa'i phyir/ theg pa chen po med par rig par bya'o/ /theg pa chen po med pa'i phyir/ mi 'jal ba med par rig par bya'o/ /mi 'jal</font><hr>30.289b<br><font size=+1>

ba med pa'i phyir/ mi 'grangs pa med par rig par bya'o/ /mi 'grangs pa med pa'i phyir/ mi dpogs pa med par rig par bya'o/ /mi dpogs pa med pa'i phyir/ chos thams cad med par rig par bya'o/ /rab 'byor rnam grangs des kyang theg pa chen po de ni/ sems can tshad med grangs med pa'i go 'byed do/ /de ci'i phyir zhe na/ rab 'byor de ni 'di ltar bdag gang yin pa dang / sems can gang yin pa dang / shes pa po dang / mthong ba po'i bar du gang yin pa dang / yang dag pa'i mtha' gang yin pa dang / nam mkha' gang yin pa dang / theg pa chen po gang yin pa dang / mi 'jal ba gang yin pa dang / mi 'grangs pa gang yin pa dang / mi dpogs pa gang yin pa dang / chos thams cad gang yin pa de dag thams cad kyang dmigs su med pa'i phyir ro/ /rab 'byor gzhan yang bdag med pa'i phyir/ sems can med par rig par bya'o/ /sems can med pa'i phyir/ shes pa po'i bar du med par rig par bya'o/ /shes pa po med pa'i phyir/ mthong ba po med par rig par bya'o/ /mthong ba po med pa'i phyir/ bsam gyis mi khyab pa'i dbyings med par rig par bya'o/ /bsam gyis mi khyab pa'i dbyings med pa'i phyir/ gzugs med par rig par bya'o/ /gzugs med pa'i phyir/ tshor ba dang 'du shes dang / 'du byed dang / rnam par shes pa med par rig par bya'o/ /rnam par shes pa med pa'i phyir/ nam mkha' med par rig par bya'o/ /nam mkha' med pa'i phyir/ theg pa chen po med par rig par bya'o/ /theg pa chen po med pa'i phyir/ mi 'jal ba med par rig par bya'o/ /mi 'jal ba med pa'i phyir/ mi 'grangs pa med par rig par bya'o/ /mi 'grangs pa med pa'i phyir/ mi dpogs pa med par rig par bya'o/ /mi dpogs pa med pa'i phyir/ chos thams cad med par rig par bya'o/ /rab 'byor rnam grangs des kyang / theg pa chen po de ni sems can tshad med grangs med pa'i go 'byed do/ /de ci'i phyir zhe na/ rab 'byor de ni 'di ltar bdag gang yin pa dang / sems can gang yin pa dang / shes pa po dang / mthong ba po'i bar du gang yin pa dang / bsam gyis mi khyab pa'i dbyings gang yin pa dang / gzugs gang yin pa dang / tshor ba dang / </font><hr>30.290a<br><font size=+1>

'du shes dang / 'du byed dang / rnam par shes pa gang yin pa dang / nam mkha' gang yin pa dang / theg pa chen po gang yin pa dang / mi 'jal ba gang yin pa dang / mi 'grangs pa gang yin pa dang / mi dpogs pa gang yin dang / chos thams cad gang yin pa de dag thams cad kyang dmigs su med pa'i phyir ro/ /rab 'byor gzhan yang bdag med pa'i phyir sems can med par rig par bya'o/ /sems can med pa'i phyir/ shes pa po'i bar du med par rig par bya'o/ /shes pa po med pa'i phyir/ mthong ba po med par rig par bya'o/ /mthong ba po med pa'i phyir/ bsam gyis mi khyab pa'i dbyings med par rig par bya'o/ /bsam gyis mi khyab pa'i dbyings med pa'i phyir/ mig med par rig par bya'o/ /mig med pa'i phyir/ rna ba dang / sna dang / lce dang / lus dang yid med par rig par bya'o/ /yid med pa'i phyir/ nam mkha' med par rig par bya'o/ /nam mkha' med pa'i phyir/ theg pa chen po med par rig par bya'o/ /theg pa chen po med pa'i phyir/ mi 'jal ba med par rig par bya'o/ /mi 'jal ba med pa'i phyir/ mi 'grangs pa med par rig par bya'o/ /mi 'grangs pa med pa'i phyir/ mi dpogs pa med par rig par bya'o/ /mi dpogs pa med pa'i phyir/ chos thams cad med par rig par bya'o/ /rab 'byor rnam grangs des kyang / theg pa chen po de sems can tshad med grangs med pa'i go 'byed do/ /de ci'i phyir zhe na/ rab 'byor de ni 'di ltar bdag gang yin pa dang / sems can gang yin pa dang / srog gang yin pa dang / shes pa po dang / mthong ba po'i bar du gang yin pa dang / bsam gyi mi khyab pa'i dbyings gang yin pa dang / mig gang yin pa dang / rna ba dang / sna dang / lce dang / lus dang / yid gang yin pa dang / nam mkha' gang yin pa dang / theg pa chen po gang yin pa dang / mi 'jal ba gang yin pa dang / mi 'grangs pa gang yin pa dang / mi dpogs pa gang yin pa dang / chos thams cad gang yin pa de dag thams cad kyang dmigs su med pa'i phyir ro/ /rab 'byor gzhan yang bdag med pa'i phyir/ sems can med par rig par bya'o/ /sems</font><hr>30.290b<br><font size=+1>

can med pa'i phyir/ shes pa po'i bar du med par rig par bya'o/ /shes pa po med pa'i phyir/ mthong ba po med par rig par bya'o/ /mthong ba po med pa'i phyir/ bsam gyis mi khyab pa'i dbyings med par rig par bya'o/ /bsam gyis mi khyab pa'i dbyings med pa'i phyir/ gzugs med par rig par bya'o/ /gzugs med pa'i phyir/ sgra dang / dri dang / ro dang / reg dang / chos med par rig par bya'o/ /chos med pa'i phyir/ nam mkha' med par rig par bya'o/ /nam mkha' med pa'i phyir/ theg pa chen po med par rig par bya'o/ /theg pa chen po med pa'i phyir/ mi 'jal ba med par rig par bya'o/ /mi 'jal ba med pa'i phyir/ mi 'grangs pa med par rig par bya'o/ /mi 'grangs pa med pa'i phyir/ mi dpogs pa med par rig par bya'o/ /mi dpogs pa med pa'i phyir/ chos thams cad med par rig par bya'o/ /rab 'byor rnam grangs des kyang / theg pa chen po de sems can tshad med grangs med pa'i go 'byed do/ /de ci'i phyir zhe na/ rab 'byor de ni 'di ltar bdag gang yin pa dang / sems can gang yin pa dang / srog gang yin pa dang / shes pa po dang / mthong ba po'i bar du gang yin pa dang / bsam gyis mi khyab pa'i dbyings gang yin pa dang / gzugs gang yin pa dang / sgra dang / dri dang / ro dang reg dang / chos gang yin pa dang / nam mkha' gang yin pa dang / theg pa chen po gang yin pa dang / mi 'jal ba gang yin pa dang / mi 'grangs pa gang yin pa dang / mi dpogs pa gang yin pa dang / chos thams cad gang yin pa de dag thams cad kyang dmigs su med pa'i phyir ro/ /rab 'byor gzhan yang bdag med pa'i phyir/ sems can med par rig par bya'o/ /sems can med pa'i phyir/ shes pa po'i bar du med par rig par bya'o/ /shes pa po med pa'i phyir/ mthong ba po med par rig par bya'o/ /mthong ba po med pa'i phyir/ bsam gyis mi khyab pa'i dbyings med par rig par bya'o/ /bsam gyis mi khyab pa'i dbyings med pa'i phyir/ mig gi rnam par shes pa med par rig par bya'o/ /mig gi rnam</font><hr>30.291a<br><font size=+1>

par shes pa med pa'i phyir/ rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa med par rig par bya'o/ /yid kyi rnam par shes pa med pa'i phyir/ nam mkha' med par rig par bya'o/ /nam mkha' med pa'i phyir/ theg pa chen po med par rig par bya'o/ /theg pa chen po med pa'i phyir/ mi 'jal ba med par rig par bya'o/ /mi 'jal ba med pa'i phyir/ mi 'grangs pa med par rig par bya'o/ /mi 'grangs pa med pa'i phyir/ mi dpogs pa med par rig par bya'o/ /mi dpogs pa med pa'i phyir/ chos thams cad med par rig par bya'o/ /rab 'byor rnam grangs des kyang / theg pa chen po de sems can tshad med grangs med pa'i go 'byed do/ /de ci'i phyir zhe na/ rab 'byor de ni 'di ltar bdag gang yin pa dang / sems can gang yin pa dang / srog gang yin pa dang / shes pa po dang / mthong ba po'i bar du gang yin pa dang / bsam gyis mi khyab pa'i dbyings gang yin pa dang / mig gi rnam par shes pa gang yin pa dang / rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa gang yin pa dang / nam mkha' gang yin pa dang / theg pa chen po gang yin pa dang / mi 'jal ba gang yin pa dang / mi 'grangs pa gang yin pa dang / mi dpogs pa gang yin pa dang / chos thams cad gang yin pa de dag thams cad kyang dmigs su med pa'i phyir ro/ /rab 'byor gzhan yang bdag med pa'i phyir/ sems can med par rig par bya'o/ /sems can med pa'i phyir/ shes pa po'i bar du med par rig par bya'o/ /shes pa po med pa'i phyir/ mthong ba po med par rig par bya'o/ /mthong ba po med pa'i phyir/ bsam gyis mi khyab pa'i dbyings med par rig par bya'o/ /bsam gyis mi khyab pa'i dbyings med pa'i phyir/ mig gi 'dus te reg pa med par rig par bya'o/ /mig gi 'dus te reg pa med pa'i phyir/ rna ba'i 'dus te reg pa dang / sna'i 'dus te reg pa dang / </font><hr>30.291b<br><font size=+1>

lce'i 'dus te reg pa dang / lus kyi 'dus te reg pa dang / yid kyi 'dus te reg pa med par rig par bya'o/ /yid kyi 'dus te reg pa med pa'i phyir/ nam mkha' med par rig par bya'o/ /nam mkha' med pa'i phyir/ theg pa chen po med par rig par bya'o/ /theg pa chen po med pa'i phyir/ mi 'jal ba med par rig par bya'o/ /mi 'jal ba med pa'i phyir/ mi 'grangs pa med par rig par bya'o/ /mi 'grangs pa med pa'i phyir/ mi dpogs pa med par rig par bya'o/ /mi dpogs pa med pa'i phyir/ chos thams cad med par rig par bya'o/ /rab 'byor rnam grangs des kyang theg pa chen po de sems can tshad med grangs med pa'i go 'byed do/ /de ci'i phyir zhe na/ rab 'byor de ni 'di ltar bdag gang yin pa dang / sems can gang yin pa dang / srog gang yin pa dang / shes pa po dang / mthong ba po'i bar du gang yin pa dang / bsam gyis mi khyab pa'i dbyings gang yin pa dang / mig gi 'dus te reg pa gang yin pa dang / rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa gang yin pa dang / nam mkha' gang yin pa dang / theg pa chen po gang yin pa dang / mi 'jal ba gang yin pa dang / mi 'grangs pa gang yin pa dang / mi dpogs pa gang yin pa dang / chos thams cad gang yin pa de dag thams cad kyang dmigs su med pa'i phyir ro/ /rab 'byor gzhan yang bdag med pa'i phyir/ sems can med par rig par bya'o/ /sems can med pa'i phyir/ shes pa po'i bar du med par rig par bya'o/ /shes pa po med pa'i phyir/ mthong ba po med par rig par bya'o/ /mthong ba po med pa'i phyir/ bsam gyis mi khyab pa'i dbyings med par rig par bya'o/ /bsam gyis mi khyab pa'i dbyings med pa'i phyir/ mig gi 'dus te reg pa'i rkyen gyis tshor ba med par rig par bya'o/ /mig gi 'dus te reg pa'i rkyen gyis tshor ba med</font><hr>30.292a<br><font size=+1>

pa'i phyir/ rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba med par rig par bya'o/ /yid kyi 'dus te reg pa'i rkyen gyis tshor ba med pa'i phyir/ nam mkha' med par rig par bya'o/ /nam mkha' med pa'i phyir/ theg pa chen po med par rig par bya'o/ /theg pa chen po med pa'i phyir/ mi 'jal ba med par rig par bya'o/ /mi 'jal ba med pa'i phyir/ mi 'grangs pa med par rig par bya'o/ /mi 'grangs pa med pa'i phyir/ mi dpogs pa med par rig par bya'o/ /mi dpogs pa med pa'i phyir/ chos thams cad med par rig par bya'o/ /rab 'byor rnam grangs des kyang / theg pa chen po de sems can tshad med grangs med pa'i go 'byed do/ /de ci'i phyir zhe na/ rab 'byor de ni 'di ltar bdag gang yin pa dang / sems can gang yin pa dang / srog gang yin pa dang / shes pa po dang / mthong ba po'i bar du gang yin pa dang / bsam gyis mi khyab pa'i dbyings gang yin pa dang / mig gi 'dus te reg pa'i rkyen gyis tshor ba gang yin pa dang / rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba gang yin pa dang / nam mkha' gang yin pa dang / theg pa chen po gang yin pa dang / mi 'jal ba gang yin pa dang / mi 'grangs pa gang yin pa dang / mi dpogs pa gang yin pa dang / chos thams cad gang yin pa de dag thams cad kyang dmigs su med pa'i phyir ro/ /rab 'byor gzhan yang bdag med pa'i phyir/ sems can med par rig par bya'o/ /sems can med pa'i phyir/ shes pa po'i bar du med par rig par bya'o/ /shes pa po med pa'i phyir/ mthong ba po med</font><hr>30.292b<br><font size=+1>

par rig par bya'o/ /mthong ba po med pa'i phyir/ bsam gyis mi khyab pa'i dbyings med par rig par bya'o/ /bsam gyis mi khyab pa'i dbyings med pa'i phyir/ sa'i khams med par rig par bya'o/ /sa'i khams med pa'i phyir/ chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams med par rig par bya'o/ /rnam par shes pa'i khams med pa'i phyir/ nam mkha' med par rig par bya'o/ /nam mkha' med pa'i phyir theg pa chen po med par rig par bya'o/ /theg pa chen po med pa'i phyir/ mi 'jal ba med par rig par bya'o/ /mi 'jal ba med pa'i phyir/ mi 'grangs pa med par rig par bya'o/ /mi 'grangs pa med pa'i phyir/ mi dpogs pa med par rig par bya'o/ /mi dpogs pa med pa'i phyir/ chos thams cad med par rig par bya'o/ /rab 'byor rnam grangs des kyang / theg pa chen po de sems can tshad med grangs med pa'i go 'byed do/ /de ci'i phyir zhe na/ rab 'byor de ni 'di ltar bdag gang yin pa dang / sems can gang yin pa dang / srog gang yin pa dang / shes pa po dang / mthong ba po'i bar du gang yin pa dang / bsam gyis mi khyab pa'i dbyings gang yin pa dang / sa'i khams gang yin pa dang / chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams gang yin pa dang / nam mkha' gang yin pa dang / theg pa chen po gang yin pa dang / mi 'jal ba gang yin pa dang / mi 'grangs pa gang yin pa dang / mi dpogs pa gang yin pa dang / chos thams cad gang yin pa de dag thams cad kyang dmigs su med pa'i phyir ro/ /rab 'byor gzhan yang bdag med pa'i phyir/ sems can med par rig par bya'o/ /sems can med pa'i phyir/ shes pa po'i bar du med par rig par bya'o/ /shes pa po med pa'i phyir/ mthong ba po med par rig par bya'o/ /mthong ba po med pa'i phyir/ bsam gyis mi khyab pa'i dbyings med par rig par bya'o/ /bsam gyis mi khyab pa'i dbyings med pa'i phyir/ ma rig pa</font><hr>30.293a<br><font size=+1>

med par rig par bya'o/ /ma rig pa med pa'i phyir/ 'du byed dang / rnam par shes pa dang / ming dang gzugs dang / skye mched drug dang / reg pa dang / tshor ba dang / sred pa dang / len pa dang / srid pa dang / skye ba dang / rga shi med par rig par bya'o/ /rga shi med pa'i phyir/ nam mkha' med par rig par bya'o/ /nam mkha' med pa'i phyir/ theg pa chen po med par rig par bya'o/ /theg pa chen po med pa'i phyir/ mi 'jal ba med par rig par bya'o/ /mi 'jal ba med pa'i phyir/ mi 'grangs pa med par rig par bya'o/ /mi 'grangs pa med pa'i phyir/ mi dpogs pa med par rig par bya'o/ /mi dpogs pa med pa'i phyir/ chos thams cad med par rig par bya'o/ /rab 'byor rnam grangs des kyang / theg pa chen po de sems can tshad med grangs med pa'i go 'byed do/ /de ci'i phyir zhe na/ rab 'byor de ni 'di ltar bdag gang yin pa dang / sems can gang yin pa dang / srog gang yin pa dang / shes pa po dang / mthong ba po'i bar du gang yin pa dang / bsam gyis mi khyab pa'i dbyings gang yin pa dang / ma rig pa gang yin pa dang / 'du byed dang / rnam par shes pa dang / ming dang gzugs dang / skye mched drug dang / reg pa dang / tshor ba dang / sred pa dang / len pa dang / srid pa dang / skye ba dang / rga shi gang yin pa dang / nam mkha' gang yin pa dang / theg pa chen po gang yin pa dang / mi 'jal ba gang yin pa dang / mi 'grangs pa gang yin pa dang / mi dpogs pa gang yin pa dang / chos thams cad gang yin pa de dag thams cad kyang dmigs su med pa'i phyir ro// //ye d+harmA he tu pra b+ha bA he tun+te ShAn+ta thA ga to h+ya ba data/ te ShAny+tsa yo ni ro d+ha e ba~M` bA dI ma hA shra ma Na:/ /mang+ga la~M b+ha wan+tu/  # 
</font><hr>31.1a<br><font size=+1>

(kha) @#/ ! /stong phrag nyi shu lnga pa bzhugs so/ /[(黃) 第二般若兩萬五千頌第二部]</font><hr>31.1b<br><font size=+1>

shes rab kyi pha rol du phyin pa stong phrag nyi shu lnga pa/ dum bu gnyis pa/ bam po nyi shu gcig pa/ rab 'byor gzhan yang bdag med pa'i phyir/ sems can med par rig par bya'o/ /sems can med pa'i phyir/ shes pa po'i bar du med par rig par bya'o/ /shes pa po med pa'i phyir/ mthong ba po med par rig par bya'o/ /mthong ba po med pa'i phyir/ bsam gyis mi khyab pa'i dbyings med par rig par bya'o/ /bsam gyis mi khyab pa'i dbyings med pa'i phyir/ sbyin pa'i pha rol du phyin pa med par rig par bya'o/ /sbyin pa'i pha rol du phyin pa med pa'i phyir/ tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi</font><hr>31.2a<br><font size=+1>

pha rol du phyin pa med par rig par bya'o/ /shes rab kyi pha rol du phyin pa med pa'i phyir/ nam mkha' med par rig par bya'o/ /nam mkha' med pa'i phyir/ theg pa chen po med par rig par bya'o/ /theg pa chen po med pa'i phyir/ mi 'jal ba med par rig par bya'o/ /mi 'jal ba med pa'i phyir/ mi 'grangs pa med par rig par bya'o/ /mi 'grangs pa med pa'i phyir/ mi dpogs pa med par rig par bya'o/ /mi dpogs pa med pa'i phyir/ chos thams cad med par rig par bya'o/ /rab 'byor rnam grangs des kyang theg pa chen po de sems can tshad med grangs med pa'i go 'byed do/ /de ci'i phyir zhe na/ rab 'byor de ni 'di ltar bdag gang yin pa dang / sems can gang yin pa dang / srog gang yin pa dang / shes pa po dang mthong ba po'i bar du gang yin pa dang / bsam gyis mi khyab pa'i dbyings gang yin pa dang / sbyin pa'i pha rol du phyin pa gang yin pa dang / tshul khrims kyi pha rol du phyin pa gang yin pa dang / bzod pa'i pha rol du phyin pa gang yin pa dang / brtson 'grus kyi pha rol du phyin pa gang yin pa dang / bsam gtan gyi pha rol du phyin pa gang yin pa dang / shes rab kyi pha rol du phyin pa gang yin pa dang / nam mkha' gang yin pa dang / theg pa chen po gang yin pa dang / mi 'jal ba gang yin pa dang / mi 'grangs pa gang yin pa dang / mi dpogs pa gang yin pa dang / chos thams cad gang yin pa de dag thams cad kyang dmigs su med pa'i phyir ro/ /rab 'byor gzhan yang bdag med pa'i phyir/ sems can med par rig par bya'o/ /sems can med pa'i phyir/ shes pa po'i bar du med par rig par bya'o/ /shes pa po med pa'i phyir/ mthong ba po med par rig par bya'o/ /mthong ba po med pa'i phyir/ bsam gyis mi khyab pa'i dbyings med par rig par</font><hr>31.2b<br><font size=+1>

bya'o/ /bsam gyis mi khyab pa'i dbyings med pa'i phyir/ nang stong pa nyid med par rig par bya'o/ /nang stong pa nyid med pa'i phyir/ phyi stong pa nyid med par rig par bya'o/ /phyi stong pa nyid med pa'i phyir/ phyi nang stong pa nyid med par rig par bya'o/ /phyi nang stong pa nyid med pa'i phyir/ dngos po med pa'i ngo bo nyid stong pa nyid kyi bar du med par rig par bya'o/ /dngos po med pa'i ngo bo nyid stong pa nyid med pa'i phyir/ nam mkha' med par rig par bya'o/ /nam mkha' med pa'i phyir/ theg pa chen po med par rig par bya'o/ /theg pa chen po med pa'i phyir/ mi 'jal ba med par rig par bya'o/ /mi 'jal ba med pa'i phyir/ mi 'grangs pa med par rig par bya'o/ /mi 'grangs pa med pa'i phyir/ mi dpogs pa med par rig par bya'o/ /mi dpogs pa med pa'i phyir/ chos thams cad med par rig par bya'o/ /rab 'byor rnam grangs des kyang theg pa chen po de sems can tshad med grangs med pa'i go 'byed do/ /de ci'i phyir zhe na/ rab 'byor de ni 'di ltar bdag gang yin pa dang / sems can gang yin pa dang / srog gang yin pa dang / shes pa po dang / mthong ba po'i bar du gang yin pa dang / bsam gyis mi khyab pa'i dbyings gang yin pa dang / nang stong pa nyid gang yin pa dang / phyi stong pa nyid gang yin pa dang / phyi nang stong pa nyid gang yin pa dang / dngos po med pa'i ngo bo nyid stong pa nyid kyi bar du gang yin pa dang / nam mkha' gang yin pa dang / theg pa chen po gang yin pa dang / mi 'jal ba gang yin pa dang / mi 'grangs pa gang yin pa dang / mi dpogs pa gang yin pa dang / chos thams cad gang yin pa de dag thams cad kyang dmigs su med pa'i phyir ro/ /rab 'byor gzhan yang bdag med pa'i phyir/ </font><hr>31.3a<br><font size=+1>

sems can med par rig par bya'o/ /sems can med pa'i phyir/ shes pa po'i bar du med par rig par bya'o/ /shes pa po med pa'i phyir/ mthong ba po med par rig par bya'o/ /mthong ba po med pa'i phyir/ bsam gyis mi khyab pa'i dbyings med par rig par bya'o/ /bsam gyis mi khyab pa'i dbyings med pa'i phyir/ dran pa nye bar gzhag pa med par rig par bya'o/ /dran pa nye bar gzhag pa med pa'i phyir/ yang dag par spong ba med par rig par bya'o/ /yang dag par spong ba med pa'i phyir/ rdzu 'phrul gyi rkang pa med par rig par bya'o/ /rdzu 'phrul gyi rkang pa med pa'i phyir/ dbang po med par rig par bya'o/ /dbang po med pa'i phyir/ stobs med par rig par bya'o/ /stobs med pa'i phyir/ byang chub kyi yan lag med par rig par bya'o/ /byang chub kyi yan lag med pa'i phyir/ lam med par rig par bya'o/ /lam med pa'i phyir/ nam mkha' med par rig par bya'o/ /nam mkha' med pa'i phyir/ theg pa chen po med par rig par bya'o/ /theg pa chen po med pa'i phyir/ mi 'jal ba med par rig par bya'o/ /mi 'jal ba med pa'i phyir/ mi 'grangs pa med par rig par bya'o/ /mi 'grangs pa med pa'i phyir/ mi dpogs pa med par rig par bya'o/ /mi dpogs pa med pa'i phyir/ chos thams cad med par rig par bya'o/ /rab 'byor rnam grangs des kyang theg pa chen po de sems can tshad med grangs med pa'i go 'byed do/ /de ci'i phyir zhe na/ rab 'byor de ni 'di ltar bdag gang yin pa dang / sems can gang yin pa dang / srog gang yin pa dang / shes pa po dang / mthong ba po'i bar du gang yin pa dang / bsam gyis mi khyab pa'i dbyings gang yin pa dang / dran pa nye bar gzhag pa gang yin pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / </font><hr>31.3b<br><font size=+1>

'phags pa'i lam yan lag brgyad pa gang yin pa dang / nam mkha' gang yin pa dang / theg pa chen po gang yin pa dang / mi 'jal ba gang yin pa dang / mi 'grangs pa gang yin pa dang / mi dpogs pa gang yin pa dang / chos thams cad gang yin pa de dag thams cad kyang dmigs su med pa'i phyir ro/ /rab 'byor gzhan yang bdag med pa'i phyir/ sems can med par rig par bya'o/ /sems can med pa'i phyir/ shes pa po'i bar du med par rig par bya'o/ /shes pa po med pa'i phyir/ mthong ba po med par rig par bya'o/ /mthong ba po med pa'i phyir/ bsam gyis mi khyab pa'i dbyings med par rig par bya'o/ /bsam gyis mi khyab pa'i dbyings med pa'i phyir/ 'phags pa'i bden pa med par rig par bya'o/ /'phags pa'i bden pa med pa'i phyir/ bsam gtan med par rig par bya'o/ /bsam gtan med pa'i phyir/ tshad med pa med par rig par bya'o/ /tshad med pa med pa'i phyir/ gzugs med pa'i snyoms par 'jug pa med par rig par bya'o/ /gzugs med pa'i snyoms par 'jug pa med pa'i phyir/ rnam par thar pa med par rig par bya'o/ /rnam par thar pa med pa'i phyir/ mthar kyis gnas pa'i snyoms par 'jug pa med par rig par bya'o/ /mthar kyis gnas pa'i snyoms par 'jug pa med pa'i phyir/ rnam par thar pa'i sgo stong pa nyid dang / mtshan ma med pa dang / smon pa med pa med par rig par bya'o/ /rnam par thar pa'i sgo stong pa nyid dang / mtshan ma med pa dang / smon pa med pa med pa'i phyir/ mngon par shes pa med par rig par bya'o/ /mngon par shes pa med pa'i phyir/ ting nge 'dzin med par rig par bya'o/ /ting nge 'dzin med pa'i phyir/ gzungs kyi sgo med par rig par bya'o/ /</font><hr>31.4a<br><font size=+1>

gzungs kyi sgo med pa'i phyir/ de bzhin gshegs pa'i stobs med par rig par bya'o/ /de bzhin gshegs pa'i stobs med pa'i phyir/ mi 'jigs pa med par rig par bya'o/ /mi 'jigs pa med pa'i phyir/ so so yang dag par rig pa med par rig par bya'o/ /so so yang dag par rig pa med pa'i phyir/ snying rje chen po med par rig par bya'o/ /snying rje chen po med pa'i phyir/ sangs rgyas kyi chos ma 'dres pa med par rig par bya'o/ /sangs rgyas kyi chos ma 'dres pa med pa'i phyir/ nam mkha' med par rig par bya'o/ /nam mkha' med pa'i phyir/ theg pa chen po med par rig par bya'o/ /theg pa chen po med pa'i phyir/ mi 'jal ba med par rig par bya'o/ /mi 'jal ba med pa'i phyir/ mi 'grangs pa med par rig par bya'o/ /mi 'grangs pa med pa'i phyir/ mi dpogs pa med par rig par bya'o/ /mi dpogs pa med pa'i phyir/ chos thams cad med par rig par bya'o/ /rab 'byor rnam grangs des kyang theg pa chen po de sems can tshad med grangs med pa'i go 'byed do/ /de ci'i phyir zhe na/ rab 'byor de ni 'di ltar bdag gang yin pa dang / sems can gang yin pa dang / srog gang yin pa dang / shes pa po gang yin pa dang / mthong ba po'i bar du gang yin pa dang / bsam gyis mi khyab pa'i dbyings gang yin pa dang / 'phags pa'i bden pa gang yin pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar kyis gnas pa'i snyoms par 'jug pa dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / de bzhin</font><hr>31.4b<br><font size=+1>

gshegs pa'i stobs dang / mi 'jigs pa dang / so so yang dag par rig pa dang / snying rje chen po dang / sangs rgyas kyi chos ma 'dres pa gang yin pa dang / nam mkha' gang yin pa dang / theg pa chen po gang yin pa dang / mi 'jal ba gang yin pa dang / mi 'grangs pa gang yin pa dang / mi dpogs pa gang yin pa dang / chos thams cad gang yin pa de dag thams cad kyang dmigs su med pa'i phyir ro/ /rab 'byor gzhan yang bdag med pa'i phyir/ sems can med par rig par bya'o/ /sems can med pa'i phyir/ shes pa po'i bar du med par rig par bya'o/ /shes pa po med pa'i phyir/ mthong ba po med par rig par bya'o/ /mthong ba po med pa'i phyir/ bsam gyis mi khyab pa'i dbyings med par rig par bya'o/ /bsam gyis mi khyab pa'i dbyings med pa'i phyir/ rigs kyi sa med par rig par bya'o/ /rigs kyi sa med pa'i phyir/ brgyad pa'i sa med par rig par bya'o/ /brgyad pa'i sa med pa'i phyir/ mthong ba'i sa med par rig par bya'o/ /mthong ba'i sa med pa'i phyir/ bsrabs pa'i sa med par rig par bya'o/ /bsrabs pa'i sa med pa'i phyir/ 'dod chags dang bral ba'i sa med par rig par bya'o/ /'dod chags dang bral ba'i sa med pa'i phyir/ byas pa rtogs pa'i sa med par rig par bya'o/ /byas pa rtogs pa'i sa med pa'i phyir/ nam mkha' med par rig par bya'o/ /nam mkha' med pa'i phyir/ theg pa chen po med par rig par bya'o/ /theg pa chen po med pa'i phyir/ mi 'jal ba med par rig par bya'o/ /mi 'jal ba med pa'i phyir/ mi 'grangs pa med par rig par bya'o/ / mi 'grangs pa med pa'i phyir/ mi dpogs pa med par rig par bya'o/ /</font><hr>31.5a<br><font size=+1>

mi dpogs pa med pa'i phyir/ chos thams cad med par rig par bya'o/ /rab 'byor rnam grangs des kyang theg pa chen po de sems can tshad med grangs med pa'i go 'byed do/ /de ci'i phyir zhe na/ rab 'byor de ni 'di ltar bdag gang yin pa dang / sems can gang yin pa dang / srog gang yin pa dang / shes pa po dang mthong ba po'i bar du gang yin pa dang / bsam gyis mi khyab pa'i dbyings gang yin pa dang / rigs kyi sa gang yin pa dang / brgyad pa'i sa gang yin pa dang / mthong ba'i sa gang yin pa dang / bsrabs pa'i sa gang yin pa dang / 'dod chags dang bral ba'i sa gang yin pa dang / byas pa rtogs pa'i sa gang yin pa dang / nam mkha' gang yin pa dang / theg pa chen po gang yin pa dang / mi 'jal ba gang yin pa dang / mi 'grangs pa gang yin pa dang / mi dpogs pa gang yin pa dang / chos thams cad gang yin pa de dag thams cad kyang dmigs su med pa'i phyir ro/ /rab 'byor gzhan yang bdag med pa'i phyir/ sems can med par rig par bya'o/ /sems can med pa'i phyir/ shes pa po'i bar du med par rig par bya'o/ /shes pa po med pa'i phyir/ mthong ba po med par rig par bya'o/ /mthong ba po med pa'i phyir/ bsam gyis mi khyab pa'i dbyings med par rig par bya'o/ /bsam gyis mi khyab pa'i dbyings med pa'i phyir/ rgyun du zhugs pa med par rig par bya'o/ /rgyun du zhugs pa med pa'i phyir/ lan gcig phyir 'ong ba med par rig par bya'o/ /lan gcig phyir 'ong ba med pa'i phyir/ phyir mi 'ong ba med par rig par bya'o/ /phyir mi 'ong ba med pa'i phyir/ dgra bcom pa med par rig par bya'o/ /dgra bcom pa med pa'i phyir/ nam mkha'</font><hr>31.5b<br><font size=+1>

med par rig par bya'o/ /nam mkha' med pa'i phyir/ theg pa chen po med par rig par bya'o/ /theg pa chen po med pa'i phyir/ mi 'jal ba med par rig par bya'o/ /mi 'jal ba med pa'i phyir/ mi 'grangs pa med par rig par bya'o/ /mi 'grangs pa med pa'i phyir/ mi dpogs pa med par rig par bya'o/ /mi dpogs pa med pa'i phyir/ chos thams cad med par rig par bya'o/ /rab 'byor rnam grangs des kyang theg pa chen po de sems can tshad med grangs med pa'i go 'byed do/ /de ci'i phyir zhe na/ rab 'byor de ni 'di ltar bdag gang yin pa dang / sems can gang yin pa dang / srog gang yin pa dang / shes pa po dang mthong ba po'i bar du gang yin pa dang / bsam gyis mi khyab pa'i dbyings gang yin pa dang / rgyun du zhugs pa gang yin pa dang / lan gcig phyir 'ong ba gang yin pa dang / phyir mi 'ong ba gang yin pa dang / dgra bcom pa gang yin pa dang / nam mkha' gang yin pa dang / theg pa chen po gang yin pa dang / mi 'jal ba gang yin pa dang / mi 'grangs pa gang yin pa dang / mi dpogs pa gang yin pa dang / chos thams cad gang yin pa de dag thams cad kyang dmigs su med pa'i phyir ro/ /rab 'byor gzhan yang bdag med pa'i phyir/ sems can med par rig par bya'o/ /sems can med pa'i phyir/ shes pa po'i bar du med par rig par bya'o/ /shes pa po med pa'i phyir/ mthong ba po med par rig par bya'o/ /mthong ba po med pa'i phyir/ bsam gyis mi khyab pa'i dbyings med par rig par bya'o/ /bsam gyis mi khyab pa'i dbyings med pa'i phyir/ rang sangs rgyas med par rig par bya'o/ /rang sangs rgyas med</font><hr>31.6a<br><font size=+1>

pa'i phyir/ yang dag par rdzogs pa'i sangs rgyas med par rig par bya'o/ /yang dag par rdzogs pa'i sangs rgyas med pa'i phyir/ nam mkha' med par rig par bya'o/ /nam mkha' med pa'i phyir/ theg pa chen po med par rig par bya'o/ /theg pa chen po med pa'i phyir/ mi 'jal ba med par rig par bya'o/ /mi 'jal ba med pa'i phyir/ mi 'grangs pa med par rig par bya'o/ /mi 'grangs pa med pa'i phyir/ mi dpogs pa med par rig par bya'o/ /mi dpogs pa med pa'i phyir/ chos thams cad med par rig par bya'o/ /rab 'byor rnam grangs des kyang theg pa chen po de sems can tshad med grangs med pa'i go 'byed do/ /de ci'i phyir zhe na/ rab 'byor de ni 'di ltar bdag gang yin pa dang / sems can gang yin pa dang / srog gang yin pa dang / shes pa po dang mthong ba po'i bar du gang yin pa dang / bsam gyis mi khyab pa'i dbyings gang yin pa dang / rang sangs rgyas gang yin pa dang / yang dag par rdzogs pa'i sangs rgyas gang yin pa dang / nam mkha' gang yin pa dang / theg pa chen po gang yin pa dang / mi 'jal ba gang yin pa dang / mi 'grangs pa gang yin pa dang / mi dpogs pa gang yin pa dang / chos thams cad gang yin pa de dag thams cad kyang dmigs su med pa'i phyir ro/ /rab 'byor gzhan yang bdag med pa'i phyir/ sems can med par rig par bya'o/ /sems can med pa'i phyir/ shes pa po'i bar du med par rig par bya'o/ /shes pa po med pa'i phyir/ mthong ba po med par rig par bya'o/ /mthong ba po med pa'i phyir/ bsam gyis mi khyab pa'i</font><hr>31.6b<br><font size=+1>

dbyings med par rig par bya'o/ /bsam gyis mi khyab pa'i dbyings med pa'i phyir/ nyan thos kyi theg pa med par rig par bya'o/ /nyan thos kyi theg pa med pa'i phyir/ rang sangs rgyas kyi theg pa med par rig par bya'o/ /rang sangs rgyas kyi theg pa med pa'i phyir/ rnam pa thams cad mkhyen pa nyid med par rig par bya'o/ /rnam pa thams cad mkhyen pa nyid med pa'i phyir/ nam mkha' med par rig par bya'o/ /nam mkha' med pa'i phyir/ theg pa chen po med par rig par bya'o/ /theg pa chen po med pa'i phyir/ mi 'jal ba med par rig par bya'o/ /mi 'jal ba med pa'i phyir/ mi 'grangs pa med par rig par bya'o/ /mi 'grangs pa med pa'i phyir/ mi dpogs pa med par rig par bya'o/ /mi dpogs pa med pa'i phyir/ chos thams cad med par rig par bya'o/ /rab 'byor rnam grangs des kyang theg pa chen po de sems can tshad med grangs med pa'i go 'byed do/ /de ci'i phyir zhe na/ rab 'byor de ni 'di ltar bdag gang yin pa dang / sems can gang yin pa dang / srog gang yin pa dang / shes pa po dang mthong ba po'i bar du gang yin pa dang / bsam gyis mi khyab pa'i dbyings gang yin pa dang / nyan thos kyi theg pa gang yin pa dang / rang sangs rgyas kyi theg pa gang yin pa dang / rnam pa thams cad mkhyen pa nyid gang yin pa dang / nam mkha' gang yin pa dang / theg pa chen po gang yin pa dang / mi 'jal ba gang yin pa dang / mi 'grangs pa gang yin pa dang / mi dpogs pa gang yin pa dang / chos thams cad gang yin pa de dag thams cad kyang dmigs su med pa'i phyir ro/ /rab 'byor 'di lta ste dper na/ mya ngan las 'das pa'i dbyings ni/ sems can grangs med tshad med dpag tu med pa'i go 'byed do/ /</font><hr>31.7a<br><font size=+1>

de bzhin du theg pa chen po de yang sems can grangs med tshad med dpag tu med pa'i go 'byed do/ /rab 'byor nam mkha' ni sems can grangs med tshad med dpag tu med pa'i go 'byed do/ /de bzhin du theg pa chen po de yang sems can grangs med tshad med dpag tu med pa'i go 'byed do/ /rab 'byor gang yang / khyod kyis 'di skad du theg pa chen po de la 'ong ba 'am/ 'gro ba zhes bya ba yang med/ gnas pa zhes bya ba yang med/ gnas pa zhes bya ba yang med do zhes smras pa ni/ rab 'byor de de bzhin no de de bzhin de/ theg pa chen po de la 'gro ba 'am 'ong ba yang med de gnas pa yang med do/ /de ci'i phyir zhe na/ rab 'byor chos thams cad ni g.yo ba med pa ste/ de dag gang nas kyang 'ong ba med do/ /gang du yang 'dong ba med do/ /gar yang gnas par 'gyur ba med do/ /de ci'i phyir zhe na/ rab 'byor de ni 'di ltar gzugs ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /tshor ba dang 'du shes dang 'du byed dang rnam par shes pa ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /de ci'i phyir zhe na/ rab 'byor gzugs kyi rang bzhin ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /tshor ba dang 'du shes dang 'du byed dang rnam par shes pa'i rang bzhin ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /rab 'byor gzugs kyi de bzhin nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /tshor ba dang 'du shes dang 'du byed dang / rnam par shes pa'i de bzhin nyid ni gang nas kyang 'ong ba med/ gang du yang 'gro ba med/ gar yang gnas</font><hr>31.7b<br><font size=+1>

par 'gyur ba med do/ /gzugs kyi ngo bo nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /tshor ba dang 'du shes dang 'du byed dang rnam par shes pa'i ngo bo nyid ni gang nas kyang 'ong ba med/ gang du yang 'gro ba med gar yang gnas par 'gyur ba med do/ /gzugs kyi mtshan nyid ni gang nas kyang 'ong ba med gang du yang 'gro ba med gar yang gnas par 'gyur ba med do/ /tshor ba dang 'du shes dang 'du byed dang rnam par shes pa'i mtshan nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /mig ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /rna ba dang sna dang lce dang lus dang yid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /de ci'i phyir zhe na/ rab 'byor mig gi rang bzhin ni/ gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /rna ba dang sna dang lce dang lus dang yid kyi rang bzhin ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /mig gi de bzhin nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /rna ba dang sna dang lce dang lus dang yid kyi de bzhin nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /mig gi ngo bo nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /rna ba dang sna dang lce dang lus dang yid kyi ngo bo nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /mig gi mtshan nyid ni gang nas kyang 'ong ba med/ gang du yang 'gro ba med/ gar yang gnas par</font><hr>31.8a<br><font size=+1>

'gyur ba med do/ /rna ba dang sna dang lce dang lus dang yid kyi mtshan nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /gzugs ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /sgra dang dri dang ro dang reg dang chos ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /de ci'i phyir zhe na/ rab 'byor gzugs kyi rang bzhin ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /sgra dang dri dang ro dang reg dang chos kyi rang bzhin ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /gzugs kyi de bzhin nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /sgra dang dri dang ro dang reg dang chos kyi de bzhin nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /gzugs kyi ngo bo nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /sgra dang dri dang ro dang reg dang chos kyi ngo bo nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /gzugs kyi mtshan nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /sgra dang dri dang ro dang reg dang chos kyi mtshan nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /mig gi rnam par shes pa ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa ni gang nas kyang 'ong ba med/ gang du yang 'gro ba med/ gar yang</font><hr>31.8b<br><font size=+1>

gnas par 'gyur ba med do/ /de ci'i phyir zhe na rab 'byor mig gi rnam par shes pa'i rang bzhin ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa'i rang bzhin ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /mig gi rnam par shes pa'i de bzhin nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa'i de bzhin nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do mig gi rnam par shes pa'i ngo bo nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa'i ngo bo nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /mig gi rnam par shes pa'i mtshan nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa'i mtshan nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /mig gi 'dus te reg pa ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / </font><hr>31.9a<br><font size=+1>

lus kyi 'dus te reg pa dang / yid kyi 'dus te reg pa ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /de ci'i phyir zhe na/ rab 'byor mig gi 'dus te reg pa'i rang bzhin ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa'i rang bzhin ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /mig gi 'dus te reg pa'i de bzhin nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa'i de bzhin nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /mig gi 'dus te reg pa'i ngo bo nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa'i ngo bo nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /mig gi 'dus te reg pa'i mtshan nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa'i mtshan nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /mig gi 'dus te reg pa'i rkyen gyis tshor ba ni gang nas kyang 'ong ba med/ gang du yang 'gro ba med/ gar yang gnas par</font><hr>31.9b<br><font size=+1>

'gyur ba med do/ /rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba ni gang nas kyang 'ong ba med gang du yang 'gro ba med gar yang gnas par 'gyur ba med do/ /de ci'i phyir zhe na/ rab 'byor mig gi 'dus te reg pa'i rkyen gyis tshor ba'i rang bzhin ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba'i rang bzhin ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /mig gi 'dus te reg pa'i rkyen gyis tshor ba'i de bzhin nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba'i de bzhin nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /mig gi 'dus te reg pa'i rkyen gyis tshor ba'i ngo bo nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba'i ngo bo nyid ni gang nas kyang 'ong ba med/ gang du yang 'gro ba med/ gar yang gnas par</font><hr>31.10a<br><font size=+1>

'gyur ba med do/ /mig gi 'dus te reg pa'i rkyen gyis tshor ba'i mtshan nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba'i mtshan nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /sa'i khams ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /chu'i khams dang me'i khams dang rlung gi khams dang / nam mkha'i khams dang rnam par shes pa'i khams ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /de ci'i phyir zhe na/ rab 'byor sa'i khams kyi rang bzhin ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /chu'i khams dang me'i khams dang rlung gi khams dang / nam mkha'i khams dang rnam par shes pa'i khams kyi rang bzhin ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /sa'i khams kyi de bzhin nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /chu'i khams dang me'i khams dang rlung gi khams dang nam mkha'i khams dang rnam par shes pa'i khams kyi de bzhin nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /sa'i khams kyi ngo bo nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /chu'i khams dang me'i khams dang rlung gi khams dang nam mkha'i khams dang rnam par shes pa'i khams kyi ngo bo nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /sa'i khams kyi mtshan nyid ni gang nas kyang 'ong ba med/ </font><hr>31.10b<br><font size=+1>

gang du yang 'gro ba med/ gar yang gnas par 'gyur ba med do/ /chu'i khams dang me'i khams dang rlung gi khams dang nam mkha'i khams dang rnam par shes pa'i khams kyi mtshan nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /ma rig pa ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /'du byed dang rnam par shes pa dang / ming dang gzugs dang skye mched drug dang reg pa dang tshor ba dang sred pa dang len pa dang srid pa dang skye ba dang rga shi ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /de ci'i phyir zhe na/ rab 'byor ma rig pa'i rang bzhin ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /'du byed dang rnam par shes pa dang ming dang gzugs dang skye mched drug dang reg pa dang tshor ba dang sred pa dang len pa dang srid pa dang skye ba dang rga shi'i rang bzhin ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /ma rig pa'i de bzhin nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /'du byed dang rnam par shes pa dang ming dang gzugs dang skye mched drug dang reg pa dang tshor ba dang sred pa dang len pa dang srid pa dang skye ba dang rga shi'i de bzhin nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /ma rig pa'i ngo bo nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /'du byed dang rnam par shes pa dang ming dang gzugs dang skye mched drug dang reg pa dang tshor ba dang sred pa dang len pa dang srid pa dang skye ba dang rga shi'i ngo bo nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /ma rig pa'i mtshan nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /'du byed dang rnam par shes pa dang ming dang gzugs dang skye mched drug</font><hr>31.11a<br><font size=+1>

dang reg pa dang tshor ba dang sred pa dang len pa dang srid pa dang skye ba dang rga shi'i mtshan nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /sbyin pa'i pha rol du phyin pa ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /de ci'i phyir zhe na/ rab 'byor sbyin pa'i pha rol du phyin pa'i rang bzhin ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa'i rang bzhin ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /sbyin pa'i pha rol du phyin pa'i de bzhin nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa'i de bzhin nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /sbyin pa'i pha rol du phyin pa'i ngo bo nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa'i ngo bo nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /sbyin pa'i pha rol du phyin pa'i mtshan nyid ni gang nas kyang 'ong ba med/ gang du yang 'gro ba med/ gar yang</font><hr>31.11b<br><font size=+1>

gnas par 'gyur ba med do/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa'i mtshan nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /nang stong pa nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /phyi stong pa nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /phyi nang stong pa nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /dngos po med pa'i ngo bo nyid stong pa nyid kyi bar du ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /de ci'i phyir zhe na/ rab 'byor nang stong pa nyid kyi rang bzhin ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /phyi stong pa nyid kyi rang bzhin ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /phyi nang stong pa nyid kyi rang bzhin ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /dngos po med pa'i ngo bo nyid stong pa nyid kyi bar gyi rang bzhin ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /nang stong pa nyid kyi de bzhin nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /phyi stong pa nyid kyi de bzhin nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /phyi nang stong pa nyid kyi de bzhin nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /dngos po med pa'i ngo bo nyid stong pa nyid kyi bar gyi de bzhin nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /nang stong pa nyid kyi ngo bo nyid ni gang nas kyang 'ong ba med/ gang du yang 'gro ba med/ gar yang gnas par 'gyur</font><hr>31.12a<br><font size=+1>

ba med do/ /phyi stong pa nyid kyi ngo bo nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /phyi nang stong pa nyid kyi ngo bo nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /dngos po med pa'i ngo bo nyid stong pa nyid kyi bar gyi ngo bo nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /nang stong pa nyid kyi mtshan nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /phyi nang stong pa nyid kyi mtshan nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /phyi nang stong pa nyid kyi mtshan nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /dngos po med pa'i ngo bo nyid stong pa nyid kyi mtshan nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /dran pa nye bar gzhag pa rnams ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /yang dag par spong ba rnams dang rdzu 'phrul gyi rkang pa rnams dang / dbang po rnams dang stobs rnams dang / byang chub kyi yan lag rnams dang / 'phags pa'i lam yan lag brgyad pa ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /de ci'i phyir zhe na/ rab 'byor dran pa nye bar gzhag pa rnams kyi rang bzhin ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /'phags pa'i lam yan lag brgyad pa'i bar gyi rang bzhin nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /dran pa nye bar gzhag pa rnams kyi de bzhin nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /'phags pa'i lam yan lag brgyad pa'i bar gyi de bzhin nyid ni</font><hr>31.12b<br><font size=+1>

gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /dran pa nye bar gzhag pa rnams kyi ngo bo nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /'phags pa'i lam yan lag brgyad pa'i bar gyi ngo bo nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /dran pa nye bar gzhag pa rnams kyi mtshan nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /'phags pa'i lam yan lag brgyad pa'i bar gyi mtshan nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /'phags pa'i bden pa dang / bsam gtan dang tshad med pa dang / gzugs med pa'i snyoms par 'jug pa dang / rnam par thar pa dang mthar gyis gnas pa'i snyoms par 'jug pa dang / stong pa nyid dang mtshan ma med pa dang smon pa med pa dang mngon par shes pa dang ting nge 'dzin rnams ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /de ci'i phyir zhe na/ rab 'byor ting nge 'dzin rnams kyi rang bzhin dang / ting nge 'dzin rnams kyi de bzhin nyid dang / ting nge 'dzin rnams kyi ngo bo nyid dang / ting nge 'dzin rnams kyi mtshan nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /gzungs kyi sgo rnams dang / de bzhin gshegs pa'i stobs bcu dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa bcwa brgyad ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /de ci'i phyir zhe na/ rab 'byor sangs rgyas kyi chos ma 'dres pa rnams kyi rang bzhin dang / sangs rgyas kyi chos ma 'dres pa rnams kyi de bzhin nyid dang / sangs rgyas kyi chos ma 'dres pa rnams kyi ngo bo nyid dang / sangs rgyas kyi chos ma 'dres pa rnams kyi mtshan nyid ni gang nas kyang 'ong ba med/ </font><hr>31.13a<br><font size=+1>

gang du yang 'gro ba med/ gar yang gnas par 'gyur ba med do/ /rab 'byor chos kyi dbyings ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /de ci'i phyir zhe na/ rab 'byor chos kyi dbyings kyi rang bzhin ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /chos kyi dbyings kyi de bzhin nyid dang / chos kyi dbyings kyi ngo bo nyid dang / chos kyi dbyings kyi mtshan nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /rab 'byor de bzhin nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /de ci'i phyir zhe na/ rab 'byor de bzhin nyid kyi rang bzhin ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /de bzhin nyid kyi de bzhin nyid dang / de bzhin nyid kyi ngo bo nyid dang / de bzhin nyid kyi mtshan nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /rab 'byor yang dag pa'i mtha' ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /de ci'i phyir zhe na/ rab 'byor yang dag pa'i mtha'i rang bzhin ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /yang dag pa'i mtha'i de bzhin nyid dang / yang dag pa'i mtha'i ngo bo nyid dang / yang dag pa'i mtha'i mtshan nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /rab 'byor bsam gyis mi khyab pa'i dbyings ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /de ci'i phyir zhe na/ rab</font><hr>31.13b<br><font size=+1>

'byor bsam gyis mi khyab pa'i dbyings kyi rang bzhin ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /bsam gyis mi khyab pa'i dbyings kyi de bzhin nyid dang / bsam gyis mi khyab pa'i dbyings kyi ngo bo nyid dang / bsam gyis mi khyab pa'i dbyings kyi mtshan nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /rab 'byor byang chub ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /de ci'i phyir zhe na/ rab 'byor byang chub kyi rang bzhin ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /byang chub kyi de bzhin nyid dang / byang chub kyi ngo bo nyid dang / byang chub kyi mtshan nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /rab 'byor sangs rgyas ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /de ci'i phyir zhe na/ rab 'byor sangs rgyas kyi rang bzhin ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /sangs rgyas kyi de bzhin nyid dang / sangs rgyas kyi ngo bo nyid dang / sangs rgyas kyi mtshan nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /rab 'byor 'dus byas ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /de ci'i phyir zhe na/ rab 'byor 'dus byas kyi rang bzhin ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /'dus byas kyi de bzhin nyid dang / 'dus byas kyi ngo bo nyid dang / 'dus byas kyi mtshan nyid ni gang nas kyang 'ong ba</font><hr>31.14a<br><font size=+1>

med/ gang du yang 'gro ba med/ gar yang gnas par 'gyur ba med do/ /rab 'byor 'dus ma byas ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /de ci'i phyir zhe na/ rab 'byor 'dus ma byas kyi rang bzhin ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /'dus ma byas kyi de bzhin nyid dang / 'dus ma byas kyi ngo bo nyid dang / 'dus ma byas kyi mtshan nyid ni gang nas kyang 'ong ba med/ gang du yang 'gro ba med/ gar yang gnas par 'gyur ba med do/ /rab 'byor de ltar theg pa chen po de ni 'ong ba med/ 'gro ba yang med/ gnas pa yang med do/ /rab 'byor gang yang khyod kyis 'di skad du theg pa de la sngon gyi mtha' yang mi dmigs so/ /phyi ma'i mtha' yang mi dmigs/ dbus kyang mi dmigs te/ 'di ni dus gsum mnyam pa nyid ces bya ba'i theg pa ste/ theg pa chen po zhes bya'o zhes smras pa ni de de bzhin no/ /de de bzhin te/ theg pa 'di la sngon gyi mtha' yang mi dmigs/ phyi ma'i mtha' yang mi dmigs/ dbus kyang mi dmigs te/ dus gsum mnyam pa nyid ces bya ba'i theg pa ste/ de'i phyir na theg pa chen po zhes bya'o/ /de ci'i phyir zhe na/ rab 'byor de ni 'di ltar 'das pa'i dus kyang 'das pa'i dus kyis stong ngo / /ma 'ongs pa'i dus kyang ma 'ongs pa'i dus kyis stong ngo / /da ltar byung ba'i dus kyang da ltar byung ba'i dus kyis stong ngo / /dus gsum mnyam pa nyid kyang dus gsum mnyam pa nyid kyis stong ngo / /theg pa chen po de yang theg pa chen pos stong ngo / /byang chub sems dpa' yang byang chub sems dpas stong ngo / /rab 'byor stong pa nyid la gcig ces bya ba med do/ /gnyis sam gsum 'am bzhi 'am lnga 'am drug gam bdun nam brgyad dam dgu 'am bcu zhes bya ba med do/ /tha dad ces bya ba med do/ /de lta bas na 'di ni byang chub</font><hr>31.14b<br><font size=+1>

sems dpa' sems dpa' chen po rnams kyi mnyam pa nyid kyi theg pa ste/ de la mnyam pa dang mi mnyam pa mi dmigs so/ /de la 'dod chags dang / 'dod chags dang bral ba yang mi dmigs so/ /zhe sdang dang zhe sdang med pa yang mi dmigs so/ /gti mug dang gti mug med pa yang mi dmigs so/ /ming dang ming med pa yang mi dmigs so/ /'dus byas dang 'dus ma byas kyang mi dmigs so/ /dge ba dang mi dge ba yang mi dmigs so/ /kha na ma tho ba yod pa dang kha na ma tho ba med pa yang mi dmigs so/ /zag pa dang bcas pa dang / zag pa med pa yang mi dmigs so/ /kun nas nyon mongs pa dang / kun nas nyon mongs pa med pa yang mi dmigs so/ /'jig rten pa dang / 'jig rten las 'das pa yang mi dmigs so/ /skye ba dang / 'gag pa yang mi dmigs so/ /kun nas nyon mongs pa dang / rnam par byang ba yang mi dmigs so/ /de la rtag pa dang / mi rtag pa yang mi dmigs so/ /bde ba dang / sdug bsngal ba yang mi dmigs so/ /bdag dang / bdag med pa yang mi dmigs so/ /zhi ba dang / ma zhi ba yang mi dmigs so/ /'dod pa'i khams dang / 'dod pa'i khams las yang dag par 'da' ba yang mi dmigs so/ /gzugs kyi khams dang / gzugs kyi khams las yang dag par 'da' ba yang mi dmigs so/ /gzugs med pa'i khams dang / gzugs med pa'i khams las yang dag par 'da' ba yang mi dmigs so/ /'khor ba dang / mya ngan las 'das pa yang mi dmigs so/ /de ci'i phyir zhe na/ 'di ltar de'i rang bzhin mi dmigs pa'i phyir te/ rab 'byor 'das pa'i gzugs ni 'das pa'i gzugs kyis stong ngo / /rab 'byor 'das pa'i tshor ba dang / 'du shes dang 'du byed dang 'das pa'i rnam par shes pa ni 'das pa'i rnam par shes pas stong ngo / /rab 'byor ma 'ongs pa'i gzugs ni ma 'ongs pa'i gzugs kyis stong ngo / /rab 'byor ma 'ongs pa'i tshor ba dang / </font><hr>31.15a<br><font size=+1>

'du shes dang 'du byed dang ma 'ongs pa'i rnam par shes pa ni ma 'ongs pa'i rnam par shes pas stong ngo / /rab 'byor da ltar byung ba'i gzugs ni da ltar byung ba'i gzugs kyis stong ngo / /rab 'byor da ltar byung ba'i tshor ba dang 'du shes dang 'du byed dang da ltar byung ba'i rnam par shes pa ni da ltar byung ba'i rnam par shes pas stong ngo / /de ci'i phyir zhe na/ stong pa nyid la 'das pa'i gzugs dmigs su med de/ stong pa nyid kyang stong pa nyid kyis stong pas dmigs su med na/ stong pa nyid la 'das pa'i gzugs dmigs par 'gyur ba lta ci zhig smos/ stong pa nyid la 'das pa'i tshor ba dang 'du shes dang 'du byed dang stong pa nyid la 'das pa'i rnam par shes pa dmigs su med de/ stong pa nyid kyang stong pa nyid kyis stong pas dmigs su med na/ stong pa nyid la 'das pa'i tshor ba dang 'du shes dang 'du byed dang rnam par shes pa dmigs par 'gyur ba lta ci zhig smos/ stong pa nyid la ma 'ongs pa'i gzugs dmigs su med de/ stong pa nyid kyang stong pa nyid kyis stong pas dmigs su med na/ stong pa nyid la ma 'ongs pa'i gzugs dmigs par 'gyur ba lta ci zhig smos/ stong pa nyid la ma 'ongs pa'i tshor ba dang 'du shes dang 'du byed dang stong pa nyid la ma 'ongs pa'i rnam par shes pa dmigs su med de/ stong pa nyid kyang stong pa nyid kyis stong pas dmigs su med na/ stong pa nyid la ma 'ongs pa'i tshor ba dang 'du shes dang 'du byed dang rnam par shes pa dmigs par 'gyur ba lta ci zhig smos/ stong pa nyid la da ltar byung ba'i gzugs dmigs su med do/ /stong pa nyid kyang stong pa nyid kyis stong pas dmigs su med na/ stong pa nyid la da ltar byung ba'i gzugs dmigs par 'gyur ba lta ci zhig smos/ stong pa nyid la da ltar byung ba'i tshor ba dang 'du shes dang 'du byed dang rnam par shes pa dmigs su med do/ /stong pa nyid kyang stong pa nyid kyis stong pas</font><hr>31.15b<br><font size=+1>

dmigs su med na/ stong pa nyid la da ltar byung ba'i tshor ba dang 'du shes dang 'du byed dang rnam par shes pa dmigs par 'gyur ba lta ci zhig smos/ rab 'byor sbyin pa'i pha rol tu phyin pa ni sngon gyi mthar mi dmigs/ sbyin pa'i pha rol tu phyin pa ni phyi ma'i mthar mi dmigs/ sbyin pa'i pha rol tu phyin pa ni da ltar byung bar mi dmigs/ sbyin pa'i pha rol tu phyin pa ni dus gsum mnyam pa nyid la mi dmigs te/ de ci'i phyir zhe na/ rab 'byor mnyam pa nyid la 'das pa'i dus mi dmigs/ mnyam pa nyid la ma 'ongs pa'i dus mi dmigs/ mnyam pa nyid la da ltar byung ba'i dus mi dmigs te/ mnyam pa nyid kyang mnyam pa nyid la mi dmigs na/ mnyam pa nyid la 'das pa'i dus dmigs pa lta ci zhig smos/ ma 'ongs pa'i dus dang / da ltar byung ba'i dus dmigs pa lta ci zhig smos/ rab 'byor tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa ni sngon gyi mtha' mi dmigs/ shes rab kyi pha rol tu phyin pa ni phyi ma'i mtha' mi dmigs/ shes rab kyi pha rol tu phyin pa ni da ltar byung bar mi dmigs/ shes rab kyi pha rol tu phyin pa ni dus gsum mnyam pa nyid la mi dmigs te/ de ci'i phyir zhe na/ rab 'byor mnyam pa nyid la 'das pa'i dus mi dmigs/ mnyam pa nyid la ma 'ongs pa'i dus mi dmigs/ mnyam pa nyid la da ltar byung ba'i dus mi dmigs te/ mnyam pa nyid kyang mnyam pa nyid la mi dmigs na/ mnyam pa nyid la 'das pa'i dus dmigs pa lta ci zhig smos/ ma 'ongs pa'i dus dang / da ltar byung ba'i dus dmigs pa lta ci zhig smos/ rab 'byor nang stong pa nyid ni sngon gyi mtha' mi dmigs/ nang stong pa nyid ni phyi ma'i mtha' mi dmigs/ nang stong pa nyid ni da ltar byung bar mi dmigs/ </font><hr>31.16a<br><font size=+1>

nang stong pa nyid ni dus gsum mnyam pa nyid la mi dmigs te/ de ci'i phyir zhe na/ rab 'byor mnyam pa nyid la 'das pa'i dus mi dmigs/ mnyam pa nyid la ma 'ongs pa'i dus mi dmigs/ mnyam pa nyid la da ltar byung ba'i dus mi dmigs te/ mnyam pa nyid kyang mnyam pa nyid la mi dmigs na/ mnyam pa nyid la 'das pa'i dus dmigs pa lta ci zhig smos/ ma 'ongs pa'i dus dang / da ltar byung ba'i dus dmigs pa lta ci zhig smos/ rab 'byor dngos po med pa'i ngo bo nyid stong pa nyid kyi bar ni sngon gyi mthar mi dmigs/ dngos po med pa'i ngo bo nyid stong pa nyid ni phyi ma'i mthar mi dmigs/ dngos po med pa'i ngo bo nyid stong pa nyid ni da ltar byung bar mi dmigs/ dngos po med pa'i ngo bo nyid stong pa nyid ni dus gsum mnyam pa nyid la mi dmigs te/ de ci'i phyir zhe na/ rab 'byor mnyam pa nyid la 'das pa'i dus mi dmigs/ mnyam pa nyid la ma 'ongs pa'i dus mi dmigs/ mnyam pa nyid la da ltar byung ba'i dus mi dmigs te/ mnyam pa nyid kyang mnyam pa nyid la mi dmigs na/ mnyam pa nyid la 'das pa'i dus dmigs pa lta ci zhig smos/ ma 'ongs pa'i dus dang / da ltar byung ba'i dus dmigs pa lta ci zhig smos/ rab 'byor dran pa nye bar gzhag pa rnams ni sngon gyi mthar mi dmigs/ dran pa nye bar gzhag pa rnams ni phyi ma'i mthar mi dmigs/ dran pa nye bar gzhag pa rnams ni da ltar byung bar mi dmigs/ dran pa nye bar gzhag pa rnams ni dus gsum mnyam pa nyid la mi dmigs te/ de ci'i phyir zhe na/ rab 'byor mnyam pa nyid la 'das pa'i dus mi dmigs/ mnyam pa nyid la ma 'ongs pa'i dus mi dmigs/ mnyam pa nyid la da ltar byung ba'i dus mi dmigs te/ mnyam pa nyid kyang mnyam pa nyid la mi dmigs na/ mnyam pa nyid la 'das pa'i dus dmigs pa lta ci zhig smos/ ma 'ongs pa'i dus dang / da ltar</font><hr>31.16b<br><font size=+1>

byung ba'i dus dmigs pa lta ci zhig smos/ rab 'byor yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa ni sngon gyi mthar mi dmigs/ 'phags pa'i lam yan lag brgyad pa ni phyi ma'i mthar mi dmigs/ 'phags pa'i lam yan lag brgyad pa ni da ltar byung bar mi dmigs/ 'phags pa'i lam yan lag brgyad pa ni dus gsum mnyam pa nyid la mi dmigs te/ de ci'i phyir zhe na/ rab 'byor mnyam pa nyid la 'das pa'i dus mi dmigs/ mnyam pa nyid la ma 'ongs pa'i dus mi dmigs/ mnyam pa nyid la da ltar byung ba'i dus mi dmigs te/ mnyam pa nyid kyang mnyam pa nyid la mi dmigs na/ mnyam pa nyid la 'das pa'i dus dmigs pa lta ci zhig smos/ ma 'ongs pa'i dus dang / da ltar byung ba'i dus dmigs pa lta ci zhig smos/ rab 'byor 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar kyis gnas pa'i snyoms par 'jug pa dgu dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwo brgyad ni sngon gyi mthar mi dmigs/ sangs rgyas kyi chos ma 'dres pa bcwa brgyad ni phyi ma'i mthar mi dmigs/ sangs rgyas kyi chos ma 'dres pa bcwa brgyad ni da ltar byung bar mi dmigs/ sangs rgyas kyi chos ma 'dres pa bcwa brgyad ni dus gsum mnyam pa nyid la mi dmigs te/ de ci'i phyir zhe na/ rab 'byor mnyam pa nyid la 'das</font><hr>31.17a<br><font size=+1>

pa'i dus mi dmigs/ mnyam pa nyid la ma 'ongs pa'i dus mi dmigs/ mnyam pa nyid la da ltar byung ba'i dus mi dmigs te/ mnyam pa nyid kyang mnyam pa nyid la mi dmigs na/ mnyam pa nyid la 'das pa'i dus dmigs pa lta ci zhig smos/ ma 'ongs pa'i dus dang / da ltar byung ba'i dus dmigs pa lta ci zhig smos/ rab 'byor gzhan yang so so'i skye bo ni sngon gyi mthar mi dmigs/ so so'i skye bo ni phyi ma'i mthar mi dmigs/ so so'i skye bo ni da ltar byung bar mi dmigs/ so so'i skye bo ni dus gsum mnyam pa nyid la mi dmigs te/ de ci'i phyir zhe na/ sems can dmigs su med pa'i phyir ro/ /rab 'byor gzhan yang nyan thos ni sngon gyi mthar mi dmigs/ nyan thos ni phyi ma'i mthar mi dmigs/ nyan thos ni da ltar byung bar mi dmigs/ nyan thos ni dus gsum mnyam pa nyid la mi dmigs te/ de ci'i phyir zhe na/ sems can dmigs su med pa'i phyir ro/ /rab 'byor gzhan yang rang sangs rgyas ni sngon gyi mthar mi dmigs/ rang sangs rgyas ni phyi ma'i mthar mi dmigs/ rang sangs rgyas ni da ltar byung bar mi dmigs/ rang sangs rgyas ni dus gsum mnyam pa nyid la mi dmigs te/ de ci'i phyir zhe na/ sems can dmigs su med pa'i phyir ro/ /rab 'byor gzhan yang byang chub sems dpa' ni sngon gyi mthar mi dmigs/ byang chub sems dpa' ni phyi ma'i mthar mi dmigs/ byang chub sems dpa' ni da ltar byung bar mi dmigs/ byang chub sems dpa' ni dus gsum mnyam pa nyid la mi dmigs te/ de ci'i phyir zhe na/ sems can dmigs su med pa'i phyir ro/ /shes rab kyi pha rol tu phyin pa stong phrag nyi shu lnga pa/ bam po nyi shu gnyis pa/ rab 'byor gzhan yang de bzhin gshegs pa ni sngon gyi mthar mi dmigs/ de bzhin gshegs pa ni phyi ma'i mthar mi dmigs/ de bzhin gshegs pa ni da ltar</font><hr>31.17b<br><font size=+1>

byung bar mi dmigs/ de bzhin gshegs pa ni dus gsum mnyam pa nyid la mi dmigs te/ de ci'i phyir zhe na/ sems can dmigs su med pa'i phyir ro/ /rab 'byor de ltar na byang chub sems dpa' sems dpa' chen pos shes rab kyi pha rol tu phyin pa la gnas te/ dus gsum mnyam pa nyid la bslabs shing / rnam pa thams cad mkhyen pa nyid yongs su rdzogs par bya ste/ rab 'byor 'di ni byang chub sems dpa' sems dpa' chen po'i theg pa chen po dus gsum mnyam pa nyid ces bya ba ste/ de la gnas shing byang chub sems dpa' sems dpa' chen po lha dang mi dang lha ma yin du bcas pa'i 'jig rten zil gyis mnan te/ rnam pa thams cad mkhyen pa nyid du 'byung ngo / /de nas tshe dang ldan pa rab 'byor kyis bcom ldan 'das la 'di skad ces gsol to/ /bcom ldan 'das bcom ldan 'das kyis de ltar byang chub sems dpa' sems dpa' chen po rnams kyi theg pa chen po dus gsum mnyam pa nyid ces bgyi ba 'di legs par gsungs pa ni legs shing dge ba ste/ bcom ldan 'das theg pa chen po 'di la bslabs shing / 'das pa'i byang chub sems dpa' sems dpa' chen po rnams kyis kyang / rnam pa thams cad mkhyen pa nyid thob bo/ /bcom ldan 'das ma 'ongs pa'i byang chub sems dpa' sems dpa' chen po rnams kyis kyang / shes rab kyi pha rol tu phyin pa 'di nyid la bslabs shing / rnam pa thams cad mkhyen pa nyid thob par 'gyur ro/ /bcom ldan 'das phyogs bcu'i 'jig rten gyi khams tshad dang grangs ma mchis pa dag na/ dpag tu ma mchis pa'i byang chub sems dpa' sems dpa' chen po mchis pa rnams kyang theg pa chen po 'di nyid la bslabs shing / rnam pa thams cad mkhyen pa nyid thob par 'gyur ro/ /bcom ldan 'das de'i slad du dus gsum mnyam pa nyid ces bgyi ba 'di ni/ byang chub sems dpa' sems dpa' chen po rnams kyi theg pa</font><hr>31.18a<br><font size=+1>

chen po'o/ /de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor de de bzhin no/ /de de bzhin te/ theg pa chen po 'di nyid la bslabs shing / 'das pa dang ma byon pa dang da ltar byung ba'i de bzhin gshegs pa dgra bcom pa yang dag par rdzogs pa'i sangs rgyas rnams kyis rnam pa thams cad mkhyen pa nyid brnyes par gyur to/ /brnyes so/ /brnyes par 'gyur ro/ /shes rab kyi pha rol tu phyin pa stong phrag nyi shu lnga pa las le'u bcu gcig pa'o// // de nas tshe dang ldan pa byams gang gi bus/ bcom ldan 'das la 'di skad ces gsol to/ /bcom ldan 'das gnas brtan rab 'byor 'di ni/ de bzhin gshegs pa dgra bcom pa yang dag par rdzogs pa'i sangs rgyas kyis shes rab kyi pha rol du phyin pa'i slad du bsko ba mdzad pas/ 'di ni theg pa chen po bstan pa tsam du sems so/ /de nas tshe dang ldan pa rab 'byor gyis/ bcom ldan 'das la 'di skad ces gsol to/ /bcom ldan 'das bdag cag gis shes rab kyi pha rol du phyin pa dang 'gal bar theg pa chen po bstan par ma gyur lags grang / bcom ldan 'das kyis bka' stsal pa/ rab 'byor de ltar gyur pa med de/ rab 'byor khyod ni shes rab kyi pha rol du phyin pa dang rjes su 'thun par theg pa chen po ston to/ /de ci'i phyir zhe na/ rab 'byor de ni 'di ltar dge ba'i chos gang yang rung ste/ nyan thos kyi chos sam rang sangs rgyas kyi chos sam byang chub sems dpa'i chos sam/ sangs rgyas kyi chos de dag thams cad kyang shes rab kyi pha rol du phyin pa'i nang du 'dus shing khongs su chud do/ /rab 'byor gyis gsol pa/ bcom ldan 'das dge ba'i chos byang chub kyi phyogs gang shes rab kyi pha rol du phyin pa'i nang du 'dus shing khongs su chud pa de lta bu'i nyan thos kyi chos dang / rang sangs rgyas kyi chos dang byang chub sems dpa'i</font><hr>31.18b<br><font size=+1>

chos dang / sangs rgyas kyi chos de dag gang lags/ bcom ldan 'das kyis bka' stsal pa/ 'di lta ste/ dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa dang 'phags pa'i bden pa bzhi dang / rnam par thar pa'i sgo stong pa nyid dang / mtshan ma med pa dang / smon pa med pa dang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / mngon par shes pa drug dang / sbyin pa'i pha rol du phyin pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyis pha rol du phyin pa dang / shes rab kyi pha rol du phyin pa dang / nang stong pa nyid dang / phyi stong pa nyid dang / phyi nang stong pa nyid dang / dngos po med pa'i ngo bo nyid stong pa nyid kyi bar dang / ting nge 'dzin thams cad dang / gzungs kyi sgo thams cad dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / dga' ba chen po dang / btang snyoms chen po dang / sangs rgyas kyi chos ma 'dres pa bcwa brgyad dang / mi mnyam pa'i chos nyid dang / rtag tu btang snyoms kyi rnam par spyod pa ste/ rab 'byor de dag ni dge ba'i chos byang chub kyi phyogs gang shes rab kyi pha rol du phyin pa'i nang du 'du zhing khongs su chud par 'dod pa ste/ nyan thos kyi chos dang / rang sangs rgyas kyi chos dang / byang chub sems dpa'i chos dang / sangs rgyas kyi chos so/ /de ci'i phyir zhe na/ rab 'byor 'di ltar theg pa chen po gang yin pa dang / shes rab kyi pha rol du phyin pa gang yin pa dang / bsam gtan gyi pha rol du phyin pa gang yin pa dang / brtson 'grus kyi pha rol du phyin pa gang yin pa dang / bzod pa'i pha rol du phyin pa gang yin pa dang / tshul khrims</font><hr>31.19a<br><font size=+1>

kyi pha rol du phyin pa gang yin pa dang / sbyin pa'i pha rol du phyin pa gang yin pa dang / gzugs gang yin pa dang / tshor ba gang yin pa dang / 'du shes gang yin pa dang / 'du byed gang yin pa dang / rnam par shes pa gang yin pa dang / mig gang yin pa dang / gzugs gang yin pa dang / mig gi rnam par shes pa gang yin pa dang / mig gi 'dus te reg pa gang yin pa dang / mig gi 'dus te reg pa'i rkyen gyis tshor ba gang yin pa dang / rna ba gang yin pa dang / sgra gang yin pa dang / rna ba'i rnam par shes pa gang yin pa dang / rna ba'i 'dus te reg pa gang yin pa dang / rna ba'i 'dus te reg pa'i rkyen gyis tshor ba gang yin pa dang / sna gang yin pa dang / dri gang yin pa dang / sna'i rnam par shes pa gang yin pa dang / sna'i 'dus te reg pa gang yin pa dang / sna'i 'dus te reg pa'i rkyen gyis tshor ba gang yin pa dang / lce gang yin pa dang / ro gang yin pa dang / lce'i rnam par shes pa gang yin pa dang / lce'i 'dus te reg pa gang yin pa dang / lce'i 'dus te reg pa'i rkyen gyis tshor ba gang yin pa dang / lus gang yin pa dang / reg gang yin pa dang / lus kyi rnam par shes pa gang yin pa dang / lus kyi 'dus te reg pa gang yin pa dang / lus kyi 'dus te reg pa'i rkyen gyis tshor ba gang yin pa dang / yid gang yin pa dang / chos gang yin pa dang / yid kyi rnam par shes pa gang yin pa dang / yid kyi 'dus te reg pa gang yin pa dang / yid kyi 'dus te reg pa'i rkyen gyis tshor ba gang yin pa dang / ma rig pa gang yin pa dang / 'du byed dang rnam par shes pa dang ming dang gzugs dang skye mched drug dang reg pa dang tshor ba dang sred pa dang len pa dang srid pa dang skye ba dang rga shi gang yin pa dang sbyin pa'i pha rol du phyin pa gang yin pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa gang yin pa dang / nang stong pa nyid gang yin pa dang / phyi stong pa nyid gang yin pa dang / phyi</font><hr>31.19b<br><font size=+1>

nang stong pa nyid gang yin pa dang / dngos po med pa'i ngo bo nyid stong pa nyid kyi bar du gang yin pa dang / dran pa nye bar gzhag pa rnams gang yin pa dang / yang dag par spong ba rnams gang yin pa dang / rdzu 'phrul gyi rkang pa rnams gang yin pa dang / dbang po rnams gang yin pa dang / stobs rnams gang yin pa dang / byang chub kyi yan lag rnams gang yin pa dang / 'phags pa'i lam yan lag brgyad pa gang yin pa dang / 'phags pa'i bden pa rnams gang yin pa dang / bsam gtan rnams gang yin pa dang / tshad med pa rnams gang yin pa dang / gzugs med pa'i snyoms par 'jug pa rnams gang yin pa dang / mngon par shes pa drug gang yin pa dang / zil gyis gnon pa'i skye mched brgyad gang yin pa dang / rgyas pa'i skye mched bcu gang yin pa dang / rnam par thar pa brgyad gang yin pa dang / mthar gyis gnas pa'i snyoms par 'jug pa dgu gang yin pa dang / sdug bsngal gang yin pa dang / kun 'byung ba gang yin pa dang / 'gog pa gang yin pa dang / lam gang yin pa dang / rnam par thar pa'i sgo stong pa nyid dang / mtshan ma med pa dang / smon pa med pa gang yin pa dang / ting nge 'dzin gang yin pa dang / gzungs kyi sgo gang yin pa dang / de bzhin gshegs pa'i stobs bcu gang yin pa dang / mi 'jigs pa bzhi gang yin pa dang / so so yang dag par rig pa bzhi gang yin pa dang / snying rje chen po gang yin pa dang / sangs rgyas kyi chos ma 'dres pa bcwa brgyad gang yin pa dang / 'dod pa'i khams gang yin pa dang / gzugs kyi khams gang yin pa dang / gzugs med pa'i khams gang yin pa dang / dge ba'i chos gang yin pa dang / mi dge ba'i chos gang yin pa dang / zag pa dang bcas pa'i chos gang yin pa dang / zag pa med pa'i chos gang yin pa dang / 'jig rten pa'i chos gang yin pa dang / 'jig rten las 'das pa'i chos gang yin pa dang / 'dus byas kyi chos gang yin pa dang / 'dus ma byas kyi chos gang yin</font><hr>31.20a<br><font size=+1>

pa dang / de bzhin gshegs pa gang yin pa dang / de bzhin gshegs pas bstan pa'i chos gang yin pa dang / 'dul ba gang yin pa dang / chos kyi dbyings gang yin pa dang / de bzhin nyid gang yin pa dang / yang dag pa'i mtha' gang yin pa dang / bsam gyis mi khyab pa'i dbyings gang yin pa dang / mya ngan las 'das pa'i dbyings gang yin pa'i chos de dag thams cad ni ldan pa yang ma yin/ mi ldan pa yang ma yin te/ gzugs med pa/ bstan tu med pa/ thogs pa myed pa/ 'di ltar mtshan nyid med par mtshan nyid gcig pa sha stag ste/ rab 'byor rnam grangs 'dis na/ khyod shes rab kyi pha rol du phyin pa dang 'thun par theg pa chen po ston to/ /de ci'i phyir zhe na/ theg pa chen po yang gzhan la/ shes rab kyi pha rol du phyin pa yang gzhan zhes bya ba med de/ de ltar na theg pa chen po dang / shes rab kyi pha rol du phyin pa yang gnyis su med de gnyis su byar med do/ /theg pa chen po yang gzhan la/ bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa yang gzhan zhes bya ba med de/ de ltar na theg pa chen po dang / sbyin pa'i pha rol du phyin pa yang gnyis su med de gnyis su byar med do/ /theg pa chen po yang gzhan la/ nang stong pa nyid kyang gzhan zhes bya ba med/ dngos po myed pa'i ngo bo nyid stong pa nyid kyi bar du yang gzhan zhes bya ba med de/ de ltar na theg pa chen po dang / nang stong pa nyid dang / dngos po med pa'i ngo bo nyid stong pa nyid kyi bar yang gnyis su med de gnyis su byar med do/ /theg pa chen po yang gzhan la/ dran pa nye bar gzhag pa rnams kyang gzhan zhes bya ba med de/ de ltar na theg pa chen po dang / dran pa nye bar gzhag pa rnams kyang gnyis su med de gnyis su byar med do/ /theg pa chen po yang gzhan la/ yang dag par</font><hr>31.20b<br><font size=+1>

spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa yang gzhan zhes bya ba med de/ de ltar na theg pa chen po dang / yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa yang gnyis su med de gnyis su byar med do/ /theg pa chen po yang gzhan la/ 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa dang / mthar kyis gnas pa'i snyoms par 'jug pa dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams kyang gzhan zhes bya ba med de/ de ltar na theg pa chen po dang / gzungs kyi sgo rnams kyang gnyis su med de gnyis su byar med do/ /theg pa chen po yang gzhan la/ de bzhin gshegs pa'i stobs bcu yang gzhan/ mi 'jigs pa dang / so so yang dag par rig pa dang / sangs rgyas kyi chos ma 'dres pa bcwa brgyad kyang gzhan zhes bya ba med de/ de ltar na theg pa chen po dang / sangs rgyas kyi chos ma 'dres pa yang gnyis su med de gnyis su byar med do/ /rab 'byor rnam grangs des na theg pa chen po bstan pas shes rab kyi pha rol du phyin pa bstan par 'gyur ro/ /shes rab kyi pha rol du phyin pa bstan pas theg pa chen po bstan par 'gyur ro/ /de nas tshe dang ldan pa rab 'byor gyis/ bcom ldan 'das la 'di skad ces gsol to/ /bcom ldan 'das 'di ltar yang byang chub sems dpa' ni sngon gyi mthar mi dmigs so/ /byang chub sems dpa' ni phyi ma'i mthar mi dmigs so/ /byang chub sems dpa' ni dbus su mi dmigs te/ </font><hr>31.21a<br><font size=+1>

gzugs kun tu mtha' yas pa'i slad du/ byang chub sems dpa' kun tu mtha' yas par rig par bgyi'o/ /tshor ba dang 'du shes dang 'du byed dang rnam par shes pa kun tu mtha' yas pa'i slad du/ byang chub sems dpa' kun tu mtha' yas par rig par bgyi ste/ gzugs byang chub sems dpa' zhes bgyi ba de lta bu yang ma mchis mi dmigs so/ /tshor ba dang 'du shes dang / 'du byed dang rnam par shes pa zhes bgyi ba de lta bu yang ma mchis mi dmigs te/ bcom ldan 'das de ltar bdag gis byang chub sems dpa' thams cad du thams cad/ rnam pa thams cad du thams cad yang dag par rjes su ma mthong ste ma dmigs na/ byang chub sems dpa' gang zhig shes rab kyi pha rol du phyin pa la gdams shing rjes su bstan par bgyi/ byang chub sems dpa' nyid kyang ril gyis yang dag par rjes su ma mthong ma dmigs na/ byang chub sems dpa' gang zhig shes rab kyi pha rol du phyin pa la gdams shing rjes su bstan par bgyi/ bcom ldan 'das byang chub sems dpa' zhes bgyi ba 'di ni ming tsam du bas te/ bcom ldan 'das ji ltar bdag bdag ces bgyi yang bdag la mngon par 'grub pa ma mchis so/ /bcom ldan 'das de bzhin du byang chub sems dpa' byang chub sems dpa' zhes bgyi yang / byang chub sems dpa' la mngon par 'grub pa ma mchis so/ /de ltar rang bzhin ma mchis pa'i chos rnams la gang mngon par 'grub pa'i gzugs lta yang ga la zhig mchis/ gang mngon par 'grub pa'i tshor ba dang 'du shes dang 'du byed dang rnam par shes pa lta yang ga la zhig mchis/ bcom ldan 'das gang mngon par ma grub pa de ni gzugs ma lags/ gang mngon par ma grub pa de ni tshor ba dang 'du shes dang 'du byed dang rnam par shes pa ma lags te/ bcom ldan 'das de lta lags la/ mngon par ma grub pa las gud na yang gang byang chub tu spyod par 'gyur ba'i byang chub sems dpa' sems dpa' chen</font><hr>31.21b<br><font size=+1>

po dmigs su ma mchis na mngon par ma grub pa mngon par ma grub pa'i shes rab kyi pha rol du phyin pa la gdams su mchis sam/ gal te de ltar bstan pa'i tshe byang chub sems dpa' sems dpa' chen po'i sems mi 'jum/ yongs su mi 'jum/ 'gyod par mi 'gyur zhing / yid mi 'jigs/ mi sngang skrag par mi 'gyur na/ byang chub sems dpa' sems dpa' chen po de ni shes rab kyi pha rol du phyin pa la spyod do/ /de nas tshe dang ldan pa shA ra dwa ti'i bus/ tshe dang ldan pa rab 'byor la 'di skad ces smras so/ /tshe dang ldan pa rab 'byor ci'i phyir na/ byang chub sems dpa' sems dpa' chen po sngon gyi mthar dmigs su med pa yin/ phyi ma'i mthar dmigs su med pa yin/ dbus su dmigs su med pa yin/ tshe dang ldan pa rab 'byor ci'i phyir na/ gzugs kun tu mtha' yas pa'i phyir/ byang chub sems dpa' kun tu mtha' yas par rig par bya ba yin/ tshor ba dang 'du shes dang 'du byed dang rnam par shes pa kun tu mtha' yas pa'i phyir byang chub sems dpa' kun tu mtha' yas par rig par bya ba yin/ tshe dang ldan pa rab 'byor ci'i phyir na/ gzugs byang chub sems dpa' zhes bya ba de lta bu yang med cing mi dmigs pa yin/ tshor ba dang 'du shes dang 'du byed dang rnam par shes pa byang chub sems dpa' zhes bya ba de lta bu yang med cing mi dmigs pa yin/ tshe dang ldan pa rab 'byor ci'i phyir na/ de skad du de ltar byang chub sems dpa' sems dpa' chen po thams cad du thams cad rnam pa thams cad du thams cad yang dag par rjes su ma mthong ma dmigs na/ byang chub sems dpa' gang zhig shes rab kyi pha rol du phyin pa la gdams shing rjes su bstan par bgyi zhes smra/ tshe dang ldan pa rab 'byor ci'i phyir na/ de skad du byang chub sems dpa' nyid kyang ril gyis yang dag par rjes su ma mthong ma dmigs na/ byang chub sems dpa' sems dpa' chen po gang zhig shes rab kyi pha rol du phyin pa gang la gdams shing rjes su bstan </font><hr>31.22a<br><font size=+1>

par bgyi zhes smra/ tshe dang ldan pa rab 'byor ci'i phyir na/ de skad du bcom ldan 'das byang chub sems dpa' sems dpa' chen po zhes bgyi ba 'di ni ming tsam du bas so zhes smra/ tshe dang ldan pa rab 'byor ci'i phyir na/ de skad du ji ltar bdag bdag ces bgyi ba yang / bdag ni mngon par grub pa ma mchis so/ /bcom ldan 'das de bzhin du byang chub sems dpa' byang chub sems dpa' zhes bgyi ba yang / byang chub sems dpa' ni mngon par grub pa ma mchis so/ /de ltar chos thams cad dngos po ma mchis pa'i rang bzhin la/ gzugs mngon par grub pa lta yang gang zhig mchis/ tshor ba dang 'du shes dang 'du byed dang rnam par shes pa mngon par grub pa lta yang gang zhig mchis/ gang mngon par ma grub pa de ni gzugs ma lags so/ /gang mngon par ma grub pa de ni tshor ba dang 'du shes dang 'du byed dang rnam par shes pa ma lags so zhes smra/ tshe dang ldan pa rab 'byor ci'i phyir na/ de skad du mngon par ma grub pa zhig mngon par ma grub pa'i shes rab kyi pha rol du phyin pa la gdams shing rjes su bstan par bgyi 'am zhes smra/ tshe dang ldan pa rab 'byor ci'i phyir na/ de skad du mngon par ma grub pa las gud na yang byang chub sems dpa' sems dpa' chen po zhes bgyi ba dmigs su ma mchis so zhes smra/ tshe dang ldan pa rab 'byor ci'i phyir na/ de skad du gal te de ltar bstan pa'i tshe/ byang chub sems dpa' sems dpa' chen po'i sems mi 'jum/ yongs su mi 'jum/ 'gyod par mi 'gyur zhing / yid mi 'jigs mi sngang skrag par mi 'gyur na/ byang chub sems dpa' sems dpa' chen po de ni shes rab kyi pha rol du phyin pa de la spyod do zhes smra/ de skad ces smras pa dang / tshe dang ldan pa rab 'byor gyis/ tshe dang ldan pa shA ra dwa ti'i bu la 'di skad ces smras so/ /tshe dang ldan pa shA ra dwa ti'i bu sems can med pa'i phyir/ byang chub sems dpa' sngon gyi</font><hr>31.22b<br><font size=+1>

mthar mi dmigs so/ /sems can stong pa dang / sems can dben pa dang / sems can rang bzhin med pa'i phyir/ byang chub sems dpa' sngon gyi mthar mi dmigs so/ /tshe dang ldan pa shA ra dwa ti'i bu sems can med pa'i phyir/ byang chub sems dpa' phyi ma'i mthar mi dmigs so/ /sems can stong pa dang / sems can dben pa dang / sems can rang bzhin med pa'i phyir/ byang chub sems dpa' phyi ma'i mthar mi dmigs so/ /tshe dang ldan pa shA ra dwa ti'i bu sems can med pa'i phyir/ byang chub sems dpa' dbus su mi dmigs so/ /sems can stong pa dang / sems can dben pa dang / sems can rang bzhin med pa'i phyir/ byang chub sems dpa' dbus su mi dmigs so/ /tshe dang ldan pa shA ra dwa ti'i bu/ de ci'i phyir zhe na/ sems can med pa dang / sems can stong pa dang / sems can dben pa dang / sems can rang bzhin med pa la sngon gyi mtha' mi dmigs so/ /phyi ma'i mtha' mi dmigs so/ /dbus su mi dmigs so/ /sems can med pa yang gzhan/ sems can stong pa yang gzhan/ sems can dben pa yang gzhan/ sems can rang bzhin med pa yang gzhan zhig yin la/ byang chub sems dpa' yang gzhan zhig ste/ sngon gyi mtha' yang gzhan/ phyi ma'i mtha' yang gzhan/ dbus kyang gzhan zhes bya ba med de/ tshe dang ldan pa shA ra dwa ti'i bu de ltar na sems can med pa gang yin pa dang / sems can stong pa gang yin pa dang / sems can dben pa gang yin pa dang / sems can rang bzhin med pa gang yin pa dang / byang chub sems dpa' gang yin pa dang / sngon gyi mtha' gang yin pa dang / phyi ma'i mtha' gang yin pa dang / dbus gang yin pa de dag thams cad kyang gnyis su med de gnyis su byar med do/ /tshe dang ldan pa shA ra dwa ti'i bu gzugs med pa'i phyir/ byang chub sems dpa' sngon gyi mthar mi dmigs so/ /tshor ba dang 'du shes dang 'du byed dang rnam par shes pa med pa'i phyir/ byang chub sems dpa' sngon gyi</font><hr>31.23a<br><font size=+1>

mthar mi dmigs so/ /gzugs stong pa nyid kyi phyir/ byang chub sems dpa' sngon gyi mthar mi dmigs so/ /tshor ba dang 'du shes dang 'du byed dang / rnam par shes pa stong pa nyid kyi phyir byang chub sems dpa' sngon gyi mthar mi dmigs so/ /gzugs dben pa'i phyir/ byang chub sems dpa' sngon gyi mthar mi dmigs so/ /tshor ba dang 'du shes dang 'du byed dang rnam par shes pa dben pa'i phyir/ byang chub sems dpa' sngon gyi mthar mi dmigs so/ /gzugs ngo bo nyid med pa'i phyir/ byang chub sems dpa' sngon gyi mthar mi dmigs so/ /tshor ba dang 'du shes dang 'du byed dang rnam par shes pa ngo bo nyid med pa'i phyir/ byang chub sems dpa' sngon gyi mthar mi dmigs so/ /gzugs med pa'i phyir byang chub sems dpa' phyi ma'i mthar mi dmigs so/ /tshor ba dang 'du shes dang 'du byed dang rnam par shes pa med pa'i phyir/ byang chub sems dpa' phyi ma'i mthar mi dmigs so/ /gzugs stong pa nyid kyi phyir byang chub sems dpa' phyi ma'i mthar mi dmigs so/ /tshor ba dang 'du shes dang 'du byed dang rnam par shes pa stong pa nyid kyi phyir byang chub sems dpa' phyi ma'i mthar mi dmigs so/ /gzugs dben pa'i phyir/ byang chub sems dpa' phyi ma'i mthar mi dmigs so/ /tshor ba dang 'du shes dang 'du byed dang rnam par shes pa dben pa'i phyir/ byang chub sems dpa' phyi ma'i mthar mi dmigs so/ /gzugs ngo bo nyid med pa'i phyir/ byang chub sems dpa' phyi ma'i mthar mi dmigs so/ /tshor ba dang 'du shes dang 'du byed dang rnam par shes pa ngo bo nyid med pa'i phyir/ byang chub sems dpa' phyi ma'i mthar mi dmigs so/ /gzugs med pa'i phyir/ byang chub sems dpa' dbus su mi dmigs so/ /tshor ba dang 'du shes dang 'du byed dang rnam par shes pa med pa'i phyir/ byang chub sems dpa' dbus su mi</font><hr>31.23b<br><font size=+1>

dmigs so/ /gzugs stong pa nyid kyi phyir/ byang chub sems dpa' dbus su mi dmigs so/ /tshor ba dang 'du shes dang 'du byed dang rnam par shes pa stong pa nyid kyi phyir/ byang chub sems dpa' dbus su mi dmigs so/ /gzugs dben pa'i phyir/ byang chub sems dpa' dbus su mi dmigs so/ /tshor ba dang 'du shes dang 'du byed dang rnam par shes pa dben pa'i phyir/ byang chub sems dpa' dbus su mi dmigs so/ /gzugs ngo bo nyid med pa'i phyir/ byang chub sems dpa' dbus su mi dmigs so/ /tshor ba dang 'du shes dang 'du byed dang rnam par shes pa ngo bo nyid med pa'i phyir/ byang chub sems dpa' dbus su mi dmigs so/ /de ci'i phyir zhe na/ tshe dang ldan pa shA ra dwa ti'i bu gzugs dang / tshor ba dang 'du shes dang 'du byed dang rnam par shes pa med pa dang /[ ]gzugs dang tshor ba dang 'du shes dang 'du byed dang rnam par shes pa stong pa nyid dang /[ ]gzugs dang tshor ba dang 'du shes dang 'du byed dang rnam par shes pa dben pa dang /[ ]gzugs dang tshor ba dang 'du shes dang 'du byed dang rnam par shes pa ngo bo nyid med pa la sngon gyi mtha' mi dmigs/ phyi ma'i mtha' mi dmigs/ dbus mi dmigs te/ gzugs dang tshor ba dang 'du shes dang 'du byed dang rnam par shes pa med pa dang stong pa nyid dang dben pa dang ngo bo nyid med pa yang gzhan ma yin/ byang chub sems dpa' yang gzhan ma yin/ sngon gyi mtha' yang gzhan ma yin/ phyi ma'i mtha' yang gzhan ma yin/ dbus kyang gzhan ma yin no/ /tshe dang ldan pa shA ra dwa ti'i bu de ltar na gzugs dang / tshor ba dang 'du shes dang 'du byed dang rnam par shes pa med pa dang / stong pa nyid dang dben pa dang ngo bo nyid med pa gang yin pa dang byang chub sems dpa' gang yin pa dang / sngon gyi mtha' gang yin pa dang / phyi ma'i mtha' gang yin pa dang / dbus gang yin pa de dag thams cad kyang</font><hr>31.24a<br><font size=+1>

gnyis su med de gnyis su byar med do/ /tshe dang ldan pa shA ra dwa ti'i bu skye mched dang / khams dang rten cing 'brel bar 'byung ba med pa'i phyir/ byang chub sems dpa' sngon gyi mthar mi dmigs so/ /skye mched dang / khams dang / rten cing 'brel bar 'byung ba stong pa nyid kyi phyir/ byang chub sems dpa' sngon gyi mthar mi dmigs so/ /skye mched dang / khams dang / rten cing 'brel bar 'byung ba dben pa'i phyir/ byang chub sems dpa' sngon gyi mthar mi dmigs so/ /skye mched dang / khams dang / rten cing 'brel bar 'byung ba ngo bo nyid med pa'i phyir/ byang chub sems dpa' sngon gyi mthar mi dmigs so/ /skye mched dang khams dang / rten cing 'brel bar 'byung ba med pa'i phyir/ byang chub sems dpa' phyi ma'i mthar mi dmigs so/ /skye mched dang khams dang / rten cing 'brel bar 'byung ba stong pa nyid kyi phyir/ byang chub sems dpa' phyi ma'i mthar mi dmigs/ skye mched dang khams dang / rten cing 'brel bar 'byung ba dben pa'i phyir/ byang chub sems dpa' phyi ma'i mthar mi dmigs so/ /skye mched dang / khams dang / rten cing 'brel bar 'byung ba ngo bo nyid med pa'i phyir/ byang chub sems dpa' phyi ma'i mthar mi dmigs so/ /skye mched dang khams dang / rten cing 'brel bar 'byung ba med pa'i phyir/ byang chub sems dpa' dbus su mi dmigs so/ /skye mched dang khams dang / rten cing 'brel bar 'byung ba stong pa nyid kyi phyir/ byang chub sems dpa' dbus su mi dmigs so/ /skye mched dang khams dang / rten cing 'brel bar 'byung ba dben pa'i phyir/ byang chub sems dpa' dbus su mi dmigs so/ /skye mched dang khams dang / rten cing 'brel bar 'byung ba ngo bo nyid med pa'i phyir/ byang chub sems dpa' dbus su mi dmigs so/ /de ci'i phyir zhe na/ tshe dang ldan pa shA ra dwa ti'i bu skye mched dang khams dang / rten</font><hr>31.24b<br><font size=+1>

cing 'brel bar 'byung ba med pa dang stong pa nyid dben pa dang ngo bo nyid med pa la sngon gyi mtha' mi dmigs/ phyi ma'i mtha' mi dmigs/ dbus mi dmigs te/ skye mched dang khams dang / rten cing 'brel bar 'byung ba med pa dang / stong pa nyid dang / dben pa dang / ngo bo nyid med pa yang gzhan ma yin/ byang chub sems dpa' yang gzhan ma yin/ sngon gyi mtha' yang gzhan ma yin/ phyi ma'i mtha' yang gzhan ma yin/ dbus kyang gzhan ma yin no/ /tshe dang ldan pa shA ra dwa ti'i bu de ltar na/ skye mched dang khams dang / rten cing 'brel bar 'byung ba med pa dang / stong pa nyid dang dben pa dang / ngo bo nyid med pa gang yin pa dang / byang chub sems dpa' gang yin pa dang / sngon gyi mtha' gang yin pa dang / phyi ma'i mtha' gang yin pa dang / dbus gang yin pa de dag thams cad kyang gnyis su med de gnyis su byar med do/ /tshe dang ldan pa shA ra dwa ti'i bu sbyin pa'i pha rol du phyin pa med pa'i phyir/ byang chub sems dpa' sngon gyi mthar mi dmigs so/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa med pa'i phyir/ byang chub sems dpa' sngon gyi mthar mi dmigs so/ /sbyin pa'i pha rol du phyin pa stong pa nyid kyi phyir/ byang chub sems dpa' sngon gyi mthar mi dmigs so/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa stong pa nyid kyi phyir/ byang chub sems dpa' sngon gyi mthar mi dmigs so/ /sbyin pa'i pha rol du phyin pa dben pa'i phyir/ byang chub sems dpa' sngon gyi mthar mi dmigs so/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du</font><hr>31.25a<br><font size=+1>

phyin pa dang / bsam gtan gyi pha rol du phyin pa dang / shes rab kyi pha rol du phyin pa dben pa'i phyir/ byang chub sems dpa' sngon gyi mthar mi dmigs so/ /sbyin pa'i pha rol du phyin pa ngo bo nyid med pa'i phyir/ byang chub sems dpa' sngon gyi mthar mi dmigs so/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa ngo bo nyid med pa'i phyir/ byang chub sems dpa' sngon gyi mthar mi dmigs so/ /sbyin pa'i pha rol du phyin pa med pa'i phyir/ byang chub sems dpa' phyi ma'i mthar mi dmigs so/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa med pa'i phyir/ byang chub sems dpa' phyi ma'i mthar mi dmigs so/ /sbyin pa'i pha rol du phyin pa stong pa nyid kyi phyir/ byang chub sems dpa' phyi ma'i mthar mi dmigs so/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa stong pa nyid kyi phyir/ byang chub sems dpa' phyi ma'i mthar mi dmigs so/ /sbyin pa'i pha rol du phyin pa dben pa'i phyir/ byang chub sems dpa' phyi ma'i mthar mi dmigs so/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa dben pa'i phyir/ byang chub sems dpa' phyi ma'i mthar mi dmigs so/ /sbyin pa'i pha rol du phyin pa ngo bo nyid med pa'i phyir/ byang chub sems dpa' phyi ma'i</font><hr>31.25b<br><font size=+1>

mthar mi dmigs so/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa ngo bo nyid med pa'i phyir/ byang chub sems dpa' phyi ma'i mthar mi dmigs so/ /sbyin pa'i pha rol du phyin pa med pa'i phyir/ byang chub sems dpa' dbus su mi dmigs so/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa med pa'i phyir/ byang chub sems dpa' dbus su mi dmigs so/ /sbyin pa'i pha rol du phyin pa stong pa nyid kyi phyir/ byang chub sems dpa' dbus su mi dmigs so/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa stong pa nyid kyi phyir/ byang chub sems dpa' dbus su mi dmigs so/ /sbyin pa'i pha rol du phyin pa dben pa'i phyir/ byang chub sems dpa' dbus su mi dmigs so/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol tu phyin pa dben pa'i phyir/ byang chub sems dpa' dbus su mi dmigs so/ /sbyin pa'i pha rol du phyin pa ngo bo nyid med pa'i phyir/ byang chub sems dpa' dbus su mi dmigs so/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa ngo bo nyid med pa'i phyir/ byang chub sems dpa' dbus su mi dmigs</font><hr>31.26a<br><font size=+1>

so/ /de ci'i phyir zhe na/ tshe dang ldan pa shA ra dwa ti'i bu sbyin pa'i pha rol du phyin pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa med pa dang / stong pa nyid dang / dben pa dang / ngo bo nyid med pa la sngon gyi mtha' mi dmigs/ phyi ma'i mtha' mi dmigs/ dbus mi dmigs te/ sbyin pa'i pha rol du phyin pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa med pa dang stong pa nyid dang / dben pa dang / ngo bo nyid med pa yang gzhan ma yin/ byang chub sems dpa' yang gzhan ma yin/ sngon gyi mtha' yang gzhan ma yin/ phyi ma'i mtha' yang gzhan ma yin/ dbus kyang gzhan ma yin no/ /tshe dang ldan pa shA ra dwa ti'i bu de ltar na/ sbyin pa'i pha rol du phyin pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa med pa dang / stong pa nyid dang / dben pa dang / ngo bo nyid med pa gang yin pa dang / byang chub sems dpa' gang yin pa dang / sngon gyi mtha' gang yin pa dang / phyi ma'i mtha' gang yin pa dang / dbus gang yin pa de dag thams cad kyang gnyis su med de gnyis su byar med do/ /tshe dang ldan pa shA ra dwa ti'i bu nang stong pa nyid med pa'i phyir/ byang chub sems dpa' sngon gyi mthar mi dmigs so/ /dngos po med pa'i ngo bo nyid stong pa nyid kyi bar du med pa'i phyir/ byang chub sems dpa' sngon gyi mthar mi dmigs so/ /nang stong pa nyid stong pa nyid</font><hr>31.26b<br><font size=+1>

kyi phyir/ byang chub sems dpa' sngon gyi mthar mi dmigs so/ /dngos po med pa'i ngo bo nyid stong pa nyid kyi bar du stong pa nyid kyi phyir/ byang chub sems dpa' sngon gyi mthar mi dmigs so/ /nang stong pa nyid dben pa'i phyir/ byang chub sems dpa' sngon gyi mthar mi dmigs so/ /dngos po med pa'i ngo bo nyid stong pa nyid kyi bar du dben pa'i phyir/ byang chub sems dpa' sngon gyi mthar mi dmigs so/ /nang stong pa nyid ngo bo nyid med pa'i phyir/ byang chub sems dpa' sngon gyi mthar mi dmigs so/ /dngos po med pa'i ngo bo nyid stong pa nyid kyi bar du ngo bo nyid med pa'i phyir/ byang chub sems dpa' sngon gyi mthar mi dmigs so/ /nang stong pa nyid med pa'i phyir/ byang chub sems dpa' phyi ma'i mthar mi dmigs so/ /dngos po med pa'i ngo bo nyid stong pa nyid kyi bar du med pa'i phyir/ byang chub sems dpa' phyi ma'i mthar mi dmigs so/ /nang stong pa nyid stong pa nyid kyi phyir/ byang chub sems dpa' phyi ma'i mthar mi dmigs so/ /dngos po med pa'i ngo bo nyid stong pa nyid kyi bar du stong pa nyid kyi phyir/ byang chub sems dpa' phyi ma'i mthar mi dmigs so/ /nang stong pa nyid dben pa'i phyir/ byang chub sems dpa' phyi ma'i mthar mi dmigs so/ /dngos po med pa'i ngo bo nyid stong pa nyid kyi bar du dben pa'i phyir/ byang chub sems dpa' phyi ma'i mthar mi dmigs so/ /nang stong pa nyid ngo bo nyid med pa'i phyir/ byang chub sems dpa' phyi ma'i mthar mi dmigs so/ /dngos po med pa'i ngo bo nyid stong pa nyid kyi bar du ngo bo nyid med pa'i phyir/ byang chub sems dpa' phyi ma'i mthar mi dmigs so/ /nang stong pa nyid med pa'i phyir/ byang chub sems dpa' dbus su mi dmigs so/ /dngos po med pa'i ngo bo nyid stong pa nyid kyi bar du med pa'i phyir/ byang chub sems dpa'</font><hr>31.27a<br><font size=+1>

dbus su mi dmigs so/ /nang stong pa nyid stong pa nyid kyi phyir/ byang chub sems dpa' dbus su mi dmigs so/ /dngos po med pa'i ngo bo nyid stong pa nyid kyi bar du stong pa nyid kyi phyir/ byang chub sems dpa' dbus su mi dmigs so/ /nang stong pa nyid dben pa'i phyir/ byang chub sems dpa' dbus su mi dmigs so/ /dngos po med pa'i ngo bo nyid stong pa nyid kyi bar du dben pa'i phyir/ byang chub sems dpa' dbus su mi dmigs so/ /nang stong pa nyid ngo bo nyid med pa'i phyir/ byang chub sems dpa' dbus su mi dmigs so/ /dngos po med pa'i ngo bo nyid stong pa nyid kyi bar du ngo bo nyid med pa'i phyir/ byang chub sems dpa' dbus su mi dmigs so/ /de ci'i phyir zhe na/ tshe dang ldan pa shA ra dwa ti'i bu/ nang stong pa nyid dang / dngos po med pa'i ngo bo nyid stong pa nyid kyi bar du med pa dang / stong pa nyid dang / dben pa dang / ngo bo nyid med pa la sngon gyi mtha' mi dmigs/ phyi ma'i mtha' mi dmigs/ dbus mi dmigs te/ nang stong pa nyid dang / dngos po med pa'i ngo bo nyid stong pa nyid kyi bar du med pa dang / stong pa nyid dang / dben pa dang / ngo bo nyid med pa yang gzhan ma yin/ byang chub sems dpa' yang gzhan ma yin/ sngon gyi mtha' yang gzhan ma yin/ phyi ma'i mtha' yang gzhan ma yin/ dbus kyang gzhan ma yin no/ /tshe dang ldan pa shA ra dwa ti'i bu de ltar na/ nang stong pa nyid dang / dngos po med pa'i ngo bo nyid stong pa nyid kyi bar du med pa dang / stong pa nyid dang / dben pa dang / ngo bo nyid med pa gang yin pa dang / byang chub sems dpa' gang yin pa dang / sngon gyi mtha' gang yin pa dang / phyi ma'i mtha' gang yin pa dang / dbus gang yin pa de dag thams cad kyang gnyis su med de gnyis su byar med do/ /</font><hr>31.27b<br><font size=+1>

tshe dang ldan pa shA ra dwa ti'i bu/ dran pa nye bar gzhag pa med pa'i phyir/ byang chub sems dpa' sngon gyi mthar mi dmigs so/ /yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar kyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs gyi sgo dang / stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa med pa'i phyir/ byang chub sems dpa' sngon gyi mthar mi dmigs so/ /dran pa nye bar gzhag pa stong pa nyid kyi phyir/ byang chub sems dpa' sngon gyi mthar mi dmigs so/ /yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam dang / 'phags pa'i bden pa dang /  ting nge 'dzin dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar kyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa stong pa nyid kyi phyir/ byang chub sems dpa' sngon gyi mthar mi dmigs so/ /dran pa nye bar gzhag pa dben pa'i phyir/ byang chub sems dpa' sngon gyi mthar mi dmigs so/ /yang dag par spong ba dang / rdzu 'phrul</font><hr>31.28a<br><font size=+1>

gyi rkang pa dang / dbang po dang / stobs dang / byang chub kyi yan lag dang / lam dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar kyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs gyi sgo dang / stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa dben pa'i phyir/ byang chub sems dpa' sngon gyi mthar mi dmigs so/ /dran pa nye bar gzhag pa ngo bo nyid med pa'i phyir/ byang chub sems dpa' sngon gyi mthar mi dmigs so/ /yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa ngo bo nyid med pa'i phyir/ byang chub sems dpa' sngon gyi mthar mi dmigs so/ /dran pa nye bar gzhag pa med pa'i phyir/ byang chub sems dpa' phyi ma'i mthar mi dmigs so/ /yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam dang / 'phags pa'i bden pa dang / </font><hr>31.28b<br><font size=+1>

bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar kyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa med pa'i phyir/ byang chub sems dpa' phyi ma'i mthar mi dmigs so/ /dran pa nye bar gzhag pa stong pa nyid kyi phyir/ byang chub sems dpa' phyi ma'i mthar mi dmigs so/ /yang dag par spong ba dang / rdzu 'phrul kyi rkang pa dang / dbang po dang / stobs dang / byang chub kyi yan lag dang / lam dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar kyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa stong pa nyid kyi phyir/ byang chub sems dpa' phyi ma'i mthar mi dmigs so/ /dran pa nye bar gzhag pa dben pa'i phyir/ byang chub sems dpa' phyi ma'i mthar mi dmigs so/ /yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms</font><hr>31.29a<br><font size=+1>

par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa dben pa'i phyir/ byang chub sems dpa' phyi ma'i mthar mi dmigs so/ /dran pa nye bar gzhag pa ngo bo nyid med pa'i phyir/ byang chub sems dpa' phyi ma'i mthar mi dmigs so/ /yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar kyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa ngo bo nyid med pa'i phyir/ byang chub sems dpa' phyi ma'i mthar mi dmigs so/ /dran pa nye bar gzhag pa med pa'i phyir/ byang chub sems dpa' dbus su mi dmigs so/ /yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar kyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi</font><hr>31.29b<br><font size=+1>

sgo dang / stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa med pa'i phyir/ byang chub sems dpa' dbus su mi dmigs so/ /dran pa nye bar gzhag pa stong pa nyid kyi phyir/ byang chub sems dpa' dbus su mi dmigs so/ /yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar kyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa stong pa nyid kyi phyir/ byang chub sems dpa' dbus su mi dmigs so/ /dran pa nye bar gzhag pa dben pa'i phyir/ byang chub sems dpa' dbus su mi dmigs so/ /yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar kyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa dben pa'i phyir/ byang chub sems dpa' dbus su mi dmigs so/ /dran pa nye bar gzhag pa</font><hr>31.30a<br><font size=+1>

ngo bo nyid med pa'i phyir/ byang chub sems dpa' dbus su mi dmigs so/ /yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar kyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa ngo bo nyid med pa'i phyir/ byang chub sems dpa' dbus su mi dmigs so/ /de ci'i phyir zhe na/ tshe dang ldan pa shA ra dwa ti'i bu dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar kyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa dang / stong pa nyid dang / dben pa dang / ngo bo nyid med pa la sngon gyi mtha' mi dmigs/ phyi ma'i mtha' mi dmigs/ dbus mi dmigs te/ dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa dang / 'phags pa'i bden pa dang / bsam</font><hr>31.30b<br><font size=+1>

gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar kyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa med pa dang / stong pa nyid dang / dben pa dang / ngo bo nyid med pa yang gzhan ma yin/ byang chub sems dpa' yang gzhan ma yin/ sngon gyi mtha' yang gzhan ma yin/ phyi ma'i mtha' yang gzhan ma yin/ dbus kyang gzhan ma yin no/ /tshe dang ldan pa shA ra dwa ti'i bu de ltar na/ sangs rgyas kyi chos ma 'dres pa'i bar du med pa dang / stong pa nyid dang / dben pa dang / ngo bo nyid med pa gang yin pa dang / byang chub sems dpa' gang yin pa dang / sngon gyi mtha' gang yin pa dang / phyi ma'i mtha' gang yin pa dang / dbus gang yin pa de dag thams cad kyang gnyis su med de gnyis su byar med do/ /tshe dang ldan pa shA ra dwa ti'i bu gzhan yang chos kyi dbyings med pa'i phyir/ byang chub sems dpa' sngon gyi mthar mi dmigs so/ /de bzhin nyid dang / yang dag pa'i mtha' dang / bsam gyis mi khyab pa'i dbyings med pa'i phyir/ byang chub sems dpa' sngon gyi mthar mi dmigs so/ /chos kyi dbyings stong pa nyid kyi phyir/ byang chub sems dpa' sngon gyi mthar mi dmigs so/ /de bzhin nyid dang / yang dag pa'i mtha' dang / bsam gyis mi khyab pa'i dbyings stong pa nyid kyi phyir/ byang chub sems dpa' sngon gyi mthar mi dmigs so/ /chos kyi dbyings dben pa'i phyir/ byang chub sems dpa' sngon gyi mthar mi dmigs so/ /de bzhin nyid dang / yang dag pa'i mtha' dang / bsam gyis mi khyab pa'i dbyings dben pa'i phyir/ byang chub sems dpa' sngon gyi mthar mi dmigs so/ /</font><hr>31.31a<br><font size=+1>

chos kyi dbyings ngo bo nyid med pa'i phyir/ byang chub sems dpa' sngon gyi mthar mi dmigs so/ /de bzhin nyid dang / yang dag pa'i mtha' dang / bsam gyis mi khyab pa'i dbyings ngo bo nyid med pa'i phyir/ byang chub sems dpa' sngon gyi mthar mi dmigs so/ /chos kyi dbyings med pa'i phyir/ byang chub sems dpa' phyi ma'i mthar mi dmigs so/ /de bzhin nyid dang / yang dag pa'i mtha' dang / bsam gyis mi khyab pa'i dbyings med pa'i phyir/ byang chub sems dpa' phyi ma'i mthar mi dmigs so/ /chos kyi dbyings stong pa nyid kyi phyir/ byang chub sems dpa' phyi ma'i mthar mi dmigs so/ /de bzhin nyid dang / yang dag pa'i mtha' dang / bsam gyis mi khyab pa'i dbyings stong pa nyid kyi phyir/ byang chub sems dpa' phyi ma'i mthar mi dmigs so/ /chos kyi dbyings dben pa'i phyir/ byang chub sems dpa' phyi ma'i mthar mi dmigs so/ /de bzhin nyid dang / yang dag pa'i mtha' dang / bsam gyis mi khyab pa'i dbyings dben pa'i phyir/ byang chub sems dpa' phyi ma'i mthar mi dmigs so/ /chos kyi dbyings ngo bo nyid med pa'i phyir/ byang chub sems dpa' phyi ma'i mthar mi dmigs so/ /de bzhin nyid dang / yang dag pa'i mtha' dang / bsam gyis mi khyab pa'i dbyings ngo bo nyid med pa'i phyir/ byang chub sems dpa' phyi ma'i mthar mi dmigs so/ /chos kyi dbyings med pa'i phyir/ byang chub sems dpa' dbus su mi dmigs so/ /de bzhin nyid dang / yang dag pa'i mtha' dang / bsam gyis mi khyab pa'i dbyings med pa'i phyir/ byang chub sems dpa' dbus su mi dmigs so/ /chos kyi dbyings stong pa nyid kyi phyir/ byang chub sems dpa' dbus su mi dmigs so/ /de bzhin nyid dang / yang dag pa'i mtha' dang / bsam gyis mi khyab pa'i dbyings stong pa nyid kyi phyir/ byang chub sems dpa' dbus su mi dmigs</font><hr>31.31b<br><font size=+1>

so/ /chos kyi dbyings dben pa'i phyir/ byang chub sems dpa' dbus su mi dmigs so/ /de bzhin nyid dang / yang dag pa'i mtha' dang / bsam gyis mi khyab pa'i dbyings dben pa'i phyir/ byang chub sems dpa' dbus su mi dmigs so/ /chos kyi dbyings ngo bo nyid med pa'i phyir/ byang chub sems dpa' dbus su mi dmigs so/ /de bzhin nyid dang / yang dag pa'i mtha' dang / bsam gyis mi khyab pa'i dbyings ngo bo nyid med pa'i phyir/ byang chub sems dpa' dbus su mi dmigs so/ /de ci'i phyir zhe na/ tshe dang ldan pa shA ra dwa ti'i bu/ chos kyi dbyings med pa dang / de bzhin nyid dang / yang dag pa'i mtha' dang / bsam gyis mi khyab pa'i dbyings med pa dang / chos kyi dbyings dang / de bzhin nyid dang / yang dag pa'i mtha' dang / bsam gyis mi khyab pa'i dbyings stong pa nyid dang / dben pa dang / ngo bo nyid med pa la sngon gyi mtha' mi dmigs/ phyi ma'i mtha' mi dmigs/ dbus mi dmigs te/ chos kyi dbyings med pa yang gzhan ma yin/ de bzhin nyid dang / yang dag pa'i mtha' dang / bsam gyis mi khyab pa'i dbyings med pa yang gzhan ma yin/ chos kyi dbyings dang / de bzhin nyid dang / yang dag pa'i mtha' dang / bsam gyis mi khyab pa'i dbyings stong pa nyid dang / dben pa dang / ngo bo nyid med pa yang gzhan ma yin/ byang chub sems dpa' yang gzhan ma yin/ sngon gyi mtha' yang gzhan ma yin/ phyi ma'i mtha' yang gzhan ma yin/ dbus kyang gzhan ma yin no/ /tshe dang ldan pa shA ra dwa ti'i bu de ltar na/ chos kyi dbyings med pa gang yin pa dang / de bzhin nyid dang / yang dag pa'i mtha' dang / bsam gyis mi khyab pa'i dbyings med pa gang yin pa dang / chos kyi dbyings dang / de bzhin nyid dang / yang dag pa'i mtha' dang / bsam gyis mi khyab pa'i dbyings stong pa nyid dang / dben pa dang / ngo bo nyid med pa gang yin pa dang / </font><hr>31.32a<br><font size=+1>

byang chub sems dpa' gang yin pa dang / sngon gyi mtha' gang yin pa dang / phyi ma'i mtha' gang yin pa dang / dbus gang yin pa de dag thams cad kyang gnyis su med de gnyis su byar med do/ /tshe dang ldan pa shA ra dwa ti'i bu gzhan yang nyan thos med pa'i phyir/ byang chub sems dpa' sngon gyi mthar mi dmigs so/ /nyan thos stong pa nyid dang / dben pa dang / ngo bo nyid med pa'i phyir/ byang chub sems dpa' sngon gyi mthar mi dmigs so/ /nyan thos med pa'i phyir/ byang chub sems dpa' phyi ma'i mthar mi dmigs so/ /nyan thos stong pa nyid dang / dben pa dang / ngo bo nyid med pa'i phyir/ byang chub sems dpa' phyi ma'i mthar mi dmigs so/ /nyan thos med pa'i phyir/ byang chub sems dpa' dbus su mi dmigs so/ /nyan thos stong pa nyid dang / dben pa dang / ngo bo nyid med pa'i phyir/ byang chub sems dpa' dbus su mi dmigs so/ /de ci'i phyir zhe na/ tshe dang ldan pa shA ra dwa ti'i bu nyan thos med pa dang / nyan thos stong pa nyid dang / nyan thos dben pa dang / nyan thos ngo bo nyid med pa la sngon gyi mtha' mi dmigs/ phyi ma'i mtha' mi dmigs/ dbus mi dmigs te/ nyan thos med pa yang gzhan ma yin/ nyan thos stong pa nyid dang / dben pa dang / ngo bo nyid med pa yang gzhan ma yin/ byang chub sems dpa' yang gzhan ma yin/ sngon gyi mtha' yang gzhan ma yin/ phyi ma'i mtha' yang gzhan ma yin/ dbus kyang gzhan ma yin no/ /tshe dang ldan pa shA ra dwa ti'i bu de ltar na/ nyan thos dang med pa gang yin pa dang / stong pa nyid dang / dben pa dang / ngo bo nyid med pa gang yin pa dang / byang chub sems dpa' gang yin pa dang / sngon gyi mtha' gang yin pa dang / phyi ma'i mtha' gang yin pa dang / dbus gang yin pa de dag thams cad kyang gnyis su med de gnyis su byar med do/ /tshe dang</font><hr>31.32b<br><font size=+1>

ldan pa shA ra dwa ti'i bu gzhan yang rang sangs rgyas med pa'i phyir/ byang chub sems dpa' sngon gyi mthar mi dmigs so/ /rang sangs rgyas stong pa nyid dang / dben pa dang / ngo bo nyid med pa'i phyir/ byang chub sems dpa' sngon gyi mthar mi dmigs so/ /rang sangs rgyas med pa'i phyir/ byang chub sems dpa' phyi ma'i mthar mi dmigs so/ /rang sangs rgyas stong pa nyid dang / dben pa dang / ngo bo nyid med pa'i phyir/ byang chub sems dpa' phyi ma'i mthar mi dmigs so/ /rang sangs rgyas med pa'i phyir/ byang chub sems dpa' dbus su mi dmigs so/ /rang sangs rgyas stong pa nyid dang / dben pa dang / ngo bo nyid med pa'i phyir/ byang chub sems dpa' dbus su mi dmigs so/ /de ci'i phyir zhe na/ tshe dang ldan pa shA ra dwa ti'i bu rang sangs rgyas med pa dang / rang sangs rgyas stong pa nyid dang / rang sangs rgyas dben pa dang / rang sangs rgyas ngo bo nyid med pa la sngon gyi mtha' mi dmigs/ phyi ma'i mtha' mi dmigs/ dbus mi dmigs te/ rang sangs rgyas med pa yang gzhan ma yin/ rang sangs rgyas stong pa nyid dang / dben pa dang / ngo bo nyid med pa yang gzhan ma yin/ byang chub sems dpa' yang gzhan ma yin/ sngon gyi mtha' yang gzhan ma yin/ phyi ma'i mtha' yang gzhan ma yin/ dbus kyang gzhan ma yin no/ /tshe dang ldan pa shA ra dwa ti'i bu de ltar na/ rang sangs rgyas med pa gang yin pa dang / rang sangs rgyas stong pa nyid dang / dben pa dang / ngo bo nyid med pa gang yin pa dang / byang chub sems dpa' gang yin pa dang / sngon gyi mtha' gang yin pa dang / phyi ma'i mtha' gang yin pa dang / dbus gang yin pa de dag thams cad kyang gnyis su med de gnyis su byar med do// //shes rab kyi pha rol du phyin pa stong phrag nyi shu lnga pa/ bam po nyi shu gsum pa/ tshe dang ldan pa shA ra dwa ti'i bu/ </font><hr>31.33a<br><font size=+1>

gzhan yang byang chub sems dpa' med pa'i phyir/ byang chub sems dpa' sngon gyi mthar mi dmigs so/ /byang chub sems dpa' stong pa nyid dang / dben pa dang / ngo bo nyid med pa'i phyir/ byang chub sems dpa' sngon gyi mthar mi dmigs so/ /byang chub sems dpa' med pa'i phyir/ byang chub sems dpa' phyi ma'i mthar mi dmigs so/ /byang chub sems dpa' stong pa nyid dang / dben pa dang / ngo bo nyid med pa'i phyir/ byang chub sems dpa' phyi ma'i mthar mi dmigs so/ /byang chub sems dpa' med pa'i phyir/ byang chub sems dpa' dbus su mi dmigs so/ /byang chub sems dpa' stong pa nyid dang / dben pa dang / ngo bo nyid med pa'i phyir/ byang chub sems dpa' dbus su mi dmigs so/ /de ci'i phyir zhe na/ tshe dang ldan pa shA ra dwa ti'i bu byang chub sems dpa' med pa dang / byang chub sems dpa' stong pa nyid dang / dben pa dang / ngo bo nyid med pa la sngon gyi mtha' mi dmigs/ phyi ma'i mtha' mi dmigs/ dbus mi dmigs te/ byang chub sems dpa' med pa yang gzhan ma yin/ byang chub sems dpa' stong pa nyid dang / dben pa dang / ngo bo nyid med pa yang gzhan ma yin/ byang chub sems dpa' yang gzhan ma yin/ sngon gyi mtha' yang gzhan ma yin/ phyi ma'i mtha' yang gzhan ma yin/ dbus kyang gzhan ma yin no/ /tshe dang ldan pa shA ra dwa ti'i bu de ltar na/ byang chub sems dpa' med pa gang yin pa dang / byang chub sems dpa' stong pa nyid dang / dben pa dang / ngo bo nyid med pa gang yin pa dang / byang chub sems dpa' gang yin pa dang / sngon gyi mtha' gang yin pa dang / phyi ma'i mtha' gang yin pa dang / dbus gang yin pa de dag thams cad kyang gnyis su med de gnyis su byar med do/ /tshe dang ldan pa shA ra dwa ti'i bu gzhan yang thams cad mkhyen pa med pa'i phyir/ </font><hr>31.33b<br><font size=+1>

byang chub sems dpa' sngon gyi mthar mi dmigs so/ /thams cad mkhyen pa stong pa nyid dang / dben pa dang / ngo bo nyid med pa'i phyir/ byang chub sems dpa' sngon gyi mthar mi dmigs so/ /thams cad mkhyen pa med pa'i phyir/ byang chub sems dpa' phyi ma'i mthar mi dmigs so/ /thams cad mkhyen pa stong pa nyid dang / dben pa dang / ngo bo nyid med pa'i phyir/ byang chub sems dpa' phyi ma'i mthar mi dmigs so/ /thams cad mkhyen pa med pa'i phyir/ byang chub sems dpa' dbus su mi dmigs so/ /thams cad mkhyen pa stong pa nyid dang / dben pa dang / ngo bo nyid med pa'i phyir/ byang chub sems dpa' dbus su mi dmigs so/ /de ci'i phyir zhe na/ tshe dang ldan pa shA ra dwa ti'i bu thams cad mkhyen pa med pa dang / thams cad mkhyen pa stong pa nyid dang / dben pa dang / ngo bo nyid med pa la sngon gyi mtha' mi dmigs/ phyi ma'i mtha' mi dmigs/ dbus mi dmigs te/ thams cad mkhyen pa nyid med pa yang gzhan ma yin/ thams cad mkhyen pa nyid stong pa nyid dang / dben pa dang / ngo bo nyid med pa yang gzhan ma yin/ byang chub sems dpa' yang gzhan ma yin/ sngon gyi mtha' yang gzhan ma yin/ phyi ma'i mtha' yang gzhan ma yin/ dbus kyang gzhan ma yin no/ /tshe dang ldan pa shA ra dwa ti'i bu de ltar na/ thams cad mkhyen pa med pa gang yin pa dang / thams cad mkhyen pa stong pa nyid dang / dben pa dang / ngo bo nyid med pa gang yin pa dang / byang chub sems dpa' gang yin pa dang / sngon gyi mtha' gang yin pa dang / phyi ma'i mtha' gang yin pa dang / dbus gang yin pa de dag thams cad kyang gnyis su med de gnyis su byar med do/ /tshe dang ldan pa shA ra dwa ti'i bu rnam grangs des na/ byang chub sems dpa' sngon gyi mthar mi dmigs so/ /byang chub sems dpa' phyi ma'i mtha' dang / dbus su mi dmigs so/ /tshe dang</font><hr>31.34a<br><font size=+1>

ldan pa shA ra dwa ti'i bu gang yang 'di skad du ci'i phyir na/ gzugs kun tu mtha' yas pa'i phyir/ byang chub sems dpa' kun tu mtha' yas par rig par bya'o/ /tshor ba dang 'du shes dang 'du byed dang / rnam par shes pa kun tu mtha' yas pa'i phyir/ byang chub sems dpa' kun tu mtha' yas par rig par bya zhes zer ba ni/ tshe dang ldan pa shA ra dwa ti'i bu gzugs ni nam mkha' dang mnyam/ tshor ba dang 'du shes dang 'du byed dang / rnam par shes pa ni nam mkha' dang mnyam pa ste/ de ci'i phyir zhe na/ tshe dang ldan pa shA ra dwa ti'i bu 'di lta ste dper na/ nam mkha' la ni sngon gyi mtha' mi dmigs/ phyi ma'i mtha' dang dbus mi dmigs te/ mtha' yas kun tu mtha' yas pa'i phyir/ nam mkha' zhes ming du brjod do/ /tshe dang ldan pa shA ra dwa ti'i bu de bzhin du gzugs stong pa nyid kyi phyir/ gzugs kyi sngon gyi mtha' mi dmigs/ phyi ma'i mtha' dang dbus mi dmigs/ tshor ba dang 'du shes dang 'du byed dang rnam par shes pa stong pa nyid kyi phyir/ rnam par shes pa'i sngon gyi mtha' mi dmigs/ phyi ma'i mtha' dang / dbus mi dmigs te/ stong pa nyid la mtha' 'am/ dbus mi dmigs so/ /tshe dang ldan pa shA ra dwa ti'i bu rnam grangs des na/ gzugs kun tu mtha' yas/ tshor ba dang 'du shes dang 'du byed dang rnam par shes pa kun du mtha' yas pa'i phyir/ byang chub sems dpa' kun du mtha' yas par rig par bya'o/ /tshe dang ldan pa shA ra dwa ti'i bu skye mched rnams dang / khams rnams dang / rten cing 'brel bar 'byung ba dang / pha rol du phyin pa rnams dang / stong pa nyid thams cad dang / byang chub kyi phyogs kyi chos dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa</font><hr>31.34b<br><font size=+1>

dgu dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa rnams ni nam mkha' dang mnyam pa ste/ de ci'i phyir zhe na/ tshe dang ldan pa shA ra dwa ti'i bu 'di ltar dper na/ nam mkha' la ni sngon gyi mtha' mi dmigs phyi ma'i mtha' mi dmigs/ dbus mi dmigs te/ mtha' yas kun tu mtha' yas pa'i phyir/ nam mkha' zhes ming du brjod do/ /tshe dang ldan pa shA ra dwa ti'i bu de bzhin du sangs rgyas kyi chos ma 'dres pa stong pa nyid kyi phyir/ sangs rgyas kyi chos ma 'dres pa rnams sngon gyi mtha' mi dmigs/ phyi ma'i mtha' mi dmigs/ dbus mi dmigs te/ stong pa nyid la mtha' 'am dbus mi dmigs so/ /tshe dang ldan pa shA ra dwa ti'i bu rnam grangs des na/ sangs rgyas kyi chos ma 'dres pa kun tu mtha' yas pa'i phyir/ byang chub sems dpa' kun tu mtha' yas par rig par bya'o/ /tshe dang ldan pa shA ra dwa ti'i bu gang yang 'di skad du ci'i phyir na/ gzugs byang chub sems dpa' zhes bya ba de lta bu yang med cing mi dmigs/ tshor ba dang 'du shes dang 'du byed dang rnam par shes pa byang chub sems dpa' zhes bya ba de lta bu yang med cing mi dmigs shes zer ba ni/ tshe dang ldan pa shA ra dwa ti'i bu gzugs ni gzugs kyis stong / tshor ba dang 'du shes dang 'du byed dang rnam par shes pa ni rnam par shes pas stong ste/ de ci'i phyir zhe na/ stong pa nyid la gzugs med stong pa nyid la byang chub sems dpa' med/ stong pa nyid la tshor ba dang 'du shes dang 'du byed dang rnam par shes pa med/ stong pa nyid la byang chub sems dpa' med do/ /tshe dang ldan pa shA ra dwa ti'i bu rnam grangs des na/ gzugs byang chub</font><hr>31.35a<br><font size=+1>

sems dpa' zhes bya ba de lta bu yang med cing mi dmigs so/ /tshor ba dang 'du shes dang 'du byed dang rnam par shes pa byang chub sems dpa' zhes bya ba de lta bu yang med cing mi dmigs so/ /tshe dang ldan pa shA ra dwa ti'i bu gzhan yang sbyin pa'i pha rol du phyin pa ni/ sbyin pa'i pha rol du phyin pas stong ste/ de ci'i phyir zhe na/ stong pa nyid la sbyin pa'i pha rol du phyin pa med/ byang chub sems dpa' med do/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa ni shes rab kyi pha rol du phyin pas stong ste/ de ci'i phyir zhe na/ stong pa nyid la shes rab kyi pha rol du phyin pa med/ byang chub sems dpa' med do/ /tshe dang ldan pa shA ra dwa ti'i bu gzhan yang nang stong pa nyid ni nang stong pa nyid kyis stong ste/ de ci'i phyir zhe na/ stong pa nyid la nang stong pa nyid med/ byang chub sems dpa' med do/ /phyi stong pa nyid dang phyi nang stong pa nyid dang / dngos po med pa'i ngo bo nyid stong pa nyid kyi bar du/ dngos po med pa'i ngo bo nyid stong pa nyid kyis stong ste/ de ci'i phyir zhe na/ stong pa nyid la dngos po med pa'i ngo bo nyid stong pa nyid med/ byang chub sems dpa' med do/ /tshe dang ldan pa shA ra dwa ti'i bu gzhan yang dran pa nye bar gzhag pa rnams ni/ dran pa nye bar gzhag pa rnams kyis stong / yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa ni/ 'phags pa'i lam yan lag brgyad pas stong ste/ de ci'i phyir zhe na/ stong pa nyid la dran pa nye bar gzhag pa med/ yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / </font><hr>31.35b<br><font size=+1>

'phags pa'i lam yan lag brgyad pa med/ byang chub sems dpa' med do/ /'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar kyis gnas pa'i snyoms par 'jug pa dgu dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams ni sangs rgyas kyi chos ma 'dres pa rnams kyis stong ste/ de ci'i phyir zhe na/ stong pa nyid la 'phags pa'i bden pa dang / sangs rgyas kyi chos ma 'dres pa rnams kyi bar du med/ byang chub sems dpa' med do/ /chos kyi dbyings ni chos kyi dbyings kyis stong / de bzhin nyid ni de bzhin nyid kyis stong / yang dag pa'i mtha' ni yang dag pa'i mthas stong / bsam gyis mi khyab pa'i dbyings ni bsam gyis mi khyab pa'i dbyings kyis stong / thams cad shes pa nyid ni thams cad shes pa nyid kyis stong / lam gyi rnam pa shes pa nyid ni lam gyi rnam pa shes pa nyid kyis stong / rnam pa thams cad mkhyen pa nyid ni rnam pa thams cad mkhyen pa nyid kyis stong ste/ de ci'i phyir zhe na/ stong pa nyid la chos kyi dbyings dang / rnam pa thams cad mkhyen pa nyid kyi bar du med/ byang chub sems dpa' med do/ /nyan thos kyi theg pa ni nyan thos kyi theg pas stong / rang sangs rgyas kyi theg pa ni rang sangs rgyas kyi theg pas stong / sangs rgyas kyi theg pa ni sangs rgyas kyi theg pas stong / nyan thos ni nyan thos kyis stong / rang sangs rgyas ni rang sangs rgyas kyis stong / de bzhin gshegs pa ni de bzhin gshegs pas stong ste/ de ci'i phyir zhe na/ </font><hr>31.36a<br><font size=+1>

stong pa nyid la nyan thos kyi theg pa med/ sangs rgyas kyi theg pa'i bar du med/ nyan thos med/ de bzhin gshegs pa'i bar du med/ byang chub sems dpa' med do/ /tshe dang ldan pa shA ra dwa ti'i bu rnam grangs des na/ gzugs byang chub sems dpa' zhes bya ba de lta bu yang med cing mi dmigs so/ /tshor ba dang 'du shes dang 'du byed dang rnam par shes pa byang chub sems dpa' zhes bya ba de lta bu yang med cing mi dmigs so/ /tshe dang ldan pa shA ra dwa ti'i bu gang yang 'di skad du bdag gis byang chub sems dpa' thams cad du thams cad rnam pa thams cad du thams cad mi dmigs na/ byang chub sems dpa' ni gang zhig /shes rab kyi pha rol du phyin pa ni gang zhig la gdams shing rjes su bstan par bya zhes zer ba/ ci'i phyir de skad du smra zhes zer ba ni/ tshe dang ldan pa shA ra dwa ti'i bu gzugs ni gzugs la med cing mi dmigs so/ /gzugs ni tshor ba la med cing mi dmigs so/ /tshor ba ni tshor ba la med cing mi dmigs so/ /tshor ba ni gzugs la med cing mi dmigs so/ /gzugs dang / tshor ba ni 'du shes la med cing mi dmigs so/ /'du shes ni 'du shes la med cing mi dmigs so/ /'du shes ni gzugs dang / tshor ba la med cing mi dmigs so/ /gzugs dang / tshor ba dang / 'du shes ni 'du byed rnams la med cing mi dmigs so/ /'du byed rnams ni 'du byed rnams la med cing mi dmigs so/ /'du byed rnams ni gzugs dang tshor ba dang 'du shes la med cing mi dmigs so/ /gzugs dang tshor ba dang 'du shes dang 'du byed rnams ni rnam par shes pa la med cing mi dmigs so/ /rnam par shes pa ni rnam par shes pa la med cing mi dmigs so/ /rnam par shes pa ni gzugs dang tshor ba dang 'du</font><hr>31.36b<br><font size=+1>

shes dang 'du byed rnams la med cing mi dmigs so/ /tshe dang ldan pa shA ra dwa ti'i bu mig ni mig la med cing mi dmigs so/ /mig ni rna ba la med cing mi dmigs so/ /rna ba ni rna ba la med cing mi dmigs so/ /rna ba ni mig la med cing mi dmigs so/ /mig dang rna ba ni sna la med cing mi dmigs so/ /sna ni sna la med cing mi dmigs so/ /sna ni mig dang rna ba la med cing mi dmigs so/ /mig dang rna ba dang sna ni lce la med cing mi dmigs so/ /lce ni lce la med cing mi dmigs so/ /lce ni mig dang rna ba dang / sna la med cing mi dmigs so/ /mig dang rna ba dang sna dang lce ni lus la med cing mi dmigs so/ /lus ni lus la med cing mi dmigs so/ /lus ni mig dang rna ba dang sna dang lce la med cing mi dmigs so/ /mig dang rna ba dang sna dang lce dang lus ni yid la med cing mi dmigs so/ /yid ni yid la med cing mi dmigs so/ /yid ni mig dang rna ba dang sna dang lce dang lus la med cing mi dmigs so/ /gzugs ni gzugs la med cing mi dmigs so/ /gzugs ni sgra la med cing mi dmigs so/ /sgra ni sgra la med cing mi dmigs so/ /sgra ni gzugs la med cing mi dmigs so/ /gzugs dang sgra ni dri la med cing mi dmigs so/ /dri ni dri la med cing mi dmigs so/ /dri ni gzugs dang sgra la med cing mi dmigs so/ gzugs dang sgra dang dri ni ro la med cing mi dmigs so/ /ro ni ro la med cing mi dmigs so/ /ro ni gzugs dang sgra dang dri la med cing mi dmigs so/ /gzugs dang sgra dang dri dang ro ni reg la med cing mi dmigs so/ /reg ni reg la med cing mi dmigs so/ /reg ni gzugs dang / sgra dang dri dang ro la med cing mi dmigs so/ /gzugs dang sgra dang dri dang ro dang reg ni chos la med cing mi dmigs so/ /chos ni chos la med cing mi dmigs so/ /chos ni gzugs dang / sgra dang</font><hr>31.37a<br><font size=+1>

dri dang ro dang reg la med cing mi dmigs so/ /mig gi rnam par shes pa ni mig gi rnam par shes pa la med cing mi dmigs so/ /mig gi rnam par shes pa ni rna ba'i rnam par shes pa la med cing mi dmigs so/ /rna ba'i rnam par shes pa ni rna ba'i rnam par shes pa la med cing mi dmigs so/ /rna ba'i rnam par shes pa ni mig gi rnam par shes pa la med cing mi dmigs so/ /mig gi rnam par shes pa dang / rna ba'i rnam par shes pa ni sna'i rnam par shes pa la med cing mi dmigs so/ /sna'i rnam par shes pa ni sna'i rnam par shes pa la med cing mi dmigs so/ /sna'i rnam par shes pa ni mig gi rnam par shes pa dang / rna ba'i rnam par shes pa la med cing mi dmigs so/ /mig gi rnam par shes pa dang / rna ba'i rnam par shes pa dang / sna'i rnam par shes pa ni lce'i rnam par shes pa la med cing mi dmigs so/ /lce'i rnam par shes pa ni lce'i rnam par shes pa la med cing mi dmigs so/ /lce'i rnam par shes pa ni mig gi rnam par shes pa dang / rna ba'i rnam par shes pa dang / sna'i rnam par shes pa la med cing mi dmigs so/ /mig gi rnam par shes pa dang / rna ba'i rnam par shes pa dang / sna'i rnam par shes pa dang / lce'i rnam par shes pa ni lus kyi rnam par shes pa la med cing mi dmigs so/ /lus kyi rnam par shes pa ni lus kyi rnam par shes pa la med cing mi dmigs so/ /lus kyi rnam par shes pa ni mig gi rnam par shes pa dang / rna ba'i rnam par shes pa dang / sna'i rnam par shes pa dang / lce'i rnam par shes pa la med cing mi dmigs so/ /mig gi rnam par shes pa dang / rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa ni yid kyi rnam par shes pa la med cing</font><hr>31.37b<br><font size=+1>

mi dmigs so/ /yid kyi rnam par shes pa ni yid kyi rnam par shes pa la med cing mi dmigs so/ /yid kyi rnam par shes pa ni mig gi rnam par shes pa dang / rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa la med cing mi dmigs so/ /mig gi 'dus te reg pa ni/ mig gi 'dus te reg pa la med cing mi dmigs so/ /mig gi 'dus te reg pa ni/ rna ba'i 'dus te reg pa la med cing mi dmigs so/ /rna ba'i 'dus te reg pa ni rna ba'i 'dus te reg pa la med cing mi dmigs so/ /rna ba'i 'dus te reg pa ni/ mig gi 'dus te reg pa la med cing mi dmigs so/ /mig gi 'dus te reg pa dang / rna ba'i 'dus te reg pa ni/ sna'i 'dus te reg pa la med cing mi dmigs so/ /sna'i 'dus te reg pa ni/ sna'i 'dus te reg pa la med cing mi dmigs so/ /sna'i 'dus te reg pa ni/ mig gi 'dus te reg pa dang / rna ba'i 'dus te reg pa la med cing mi dmigs so/ /mig gi 'dus te reg pa dang / rna ba'i 'dus te reg pa dang / sna'i 'dus te reg pa ni/ lce'i 'dus te reg pa la med cing mi dmigs so/ /lce'i 'dus te reg pa ni/ lce'i 'dus te reg pa la med cing mi dmigs so/ /lce'i 'dus te reg pa ni/ mig gi 'dus te reg pa dang / rna ba'i 'dus te reg pa dang / sna'i 'dus te reg pa la med cing mi dmigs so/ /mig gi 'dus te reg pa dang / rna ba'i 'dus te reg pa dang / sna'i 'dus te reg pa dang / lce'i 'dus te reg pa ni/ lus kyi 'dus te reg pa la med cing mi dmigs so/ /lus kyi 'dus te reg pa ni/ lus kyi 'dus te reg pa la med cing mi dmigs so/ /lus kyi 'dus te reg pa ni/ mig gi 'dus te reg pa dang / rna ba'i 'dus te reg pa dang / sna'i 'dus te reg pa dang / lce'i 'dus te reg pa la med cing mi dmigs so/ /mig gi 'dus te reg pa dang / rna ba'i 'dus te reg pa dang / sna'i 'dus te reg pa dang / lce'i</font><hr>31.38a<br><font size=+1>

'dus te reg pa dang / lus kyi 'dus te reg pa ni/ yid kyi 'dus te reg pa la med cing mi dmigs so/ /yid kyi 'dus te reg pa ni/ yid kyi 'dus te reg pa la med cing mi dmigs so/ /yid kyi 'dus te reg pa ni/ mig gi 'dus te reg pa dang / rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa la med cing mi dmigs so/ /mig gi 'dus te reg pa las byung ba'i tshor ba ni/ mig gi 'dus te reg pa las byung ba'i tshor ba la med cing mi dmigs so/ /mig gi 'dus te reg pa las byung ba'i tshor ba ni/ rna ba'i 'dus te reg pa las byung ba'i tshor ba la med cing mi dmigs so/ /rna ba'i 'dus te reg pa las byung ba'i tshor ba ni rna ba'i 'dus te reg pa las byung ba'i tshor ba la med cing mi dmigs so/ /rna ba'i 'dus te reg pa las byung ba'i tshor ba ni/ mig gi 'dus te reg pa las byung ba'i tshor ba la med cing mi dmigs so/ /mig gi 'dus te reg pa las byung ba'i tshor ba dang / rna ba'i 'dus te reg pa las byung ba'i tshor ba ni/ sna'i 'dus te reg pa las byung ba'i tshor ba la med cing mi dmigs so/ /sna'i 'dus te reg pa las byung ba'i tshor ba ni/ sna'i 'dus te reg pa las byung ba'i tshor ba la med cing mi dmigs so/ /sna'i 'dus te reg pa las byung ba'i tshor ba ni/ mig gi 'dus te reg pa las byung ba'i tshor ba dang / rna ba'i 'dus te reg pa las byung ba'i tshor ba la med cing mi dmigs so/ /mig gi 'dus te reg pa las byung ba'i tshor ba dang / rna ba'i 'dus te reg pa las byung ba'i tshor ba dang / sna'i 'dus te reg pa las byung ba'i tshor ba ni/ lce'i 'dus te reg pa las byung ba'i tshor ba la med cing mi dmigs so/ /lce'i 'dus te reg pa las byung ba'i tshor ba ni/ lce'i 'dus te reg pa las byung ba'i tshor ba la</font><hr>31.38b<br><font size=+1>

med cing mi dmigs so/ /lce'i 'dus te reg pa las byung ba'i tshor ba ni/ mig gi 'dus te reg pa las byung ba'i tshor ba dang / rna ba'i 'dus te reg pa las byung ba'i tshor ba dang / sna'i 'dus te reg pa las byung ba'i tshor ba la med cing mi dmigs so/ /mig gi 'dus te reg pa las byung ba'i tshor ba dang / rna ba'i 'dus te reg pa las byung ba'i tshor ba dang / sna'i 'dus te reg pa las byung ba'i tshor ba dang / lce'i 'dus te reg pa las byung ba'i tshor ba ni/ lus kyi 'dus te reg pa las byung ba'i tshor ba la med cing mi dmigs so/ /lus kyi 'dus te reg pa las byung ba'i tshor ba ni/ lus kyi 'dus te reg pa las byung ba'i tshor ba la med cing mi dmigs so/ /lus kyi 'dus te reg pa las byung ba'i tshor ba ni/ mig gi 'dus te reg pa las byung ba'i tshor ba dang / rna ba'i 'dus te reg pa las byung ba'i tshor ba dang / sna'i 'dus te reg pa las byung ba'i tshor ba dang / lce'i 'dus te reg pa las byung ba'i tshor ba la med cing mi dmigs so/ /mig gi 'dus te reg pa las byung ba'i tshor ba dang / rna ba'i 'dus te reg pa las byung ba'i tshor ba dang / sna'i 'dus te reg pa las byung ba'i tshor ba dang / lce'i 'dus te reg pa las byung ba'i tshor ba dang / lus kyi 'dus te reg pa las byung ba'i tshor ba ni yid kyi 'dus te reg pa las byung ba'i tshor ba la med cing mi dmigs so/ /yid kyi 'dus te reg pa las byung ba'i tshor ba ni/ yid kyi 'dus te reg pa las byung ba'i tshor ba la med cing mi dmigs so/ /yid kyi 'dus te reg pa las byung ba'i tshor ba ni/ mig gi 'dus te reg pa las byung ba'i tshor ba dang / rna ba'i 'dus te reg pa las byung ba'i tshor ba dang / sna'i 'dus te reg pa las byung ba'i tshor ba dang / lce'i 'dus te reg pa las byung ba'i tshor ba dang / </font><hr>31.39a<br><font size=+1>

lus kyi 'dus te reg pa las byung ba'i tshor ba la med cing mi dmigs so/ /sbyin pa'i pha rol du phyin pa ni/ sbyin pa'i pha rol du phyin pa la med cing mi dmigs so/ /de bzhin du tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa ni/ shes rab kyi pha rol du phyin pa la med cing mi dmigs so/ /sbyin pa'i pha rol du phyin pa la yang / shes rab kyi pha rol du phyin pa'i bar med cing mi dmigs so/ /shes rab kyi pha rol du phyin pa la yang / sbyin pa'i pha rol du phyin pa'i bar du med cing mi dmigs so/ /nang stong pa nyid ni nang stong pa nyid la med cing mi dmigs so/ /nang stong pa nyid ni dngos po med pa'i ngo bo nyid stong pa nyid kyi bar la med cing mi dmigs so/ /dngos po med pa'i ngo bo nyid stong pa nyid ni/ dngos po med pa'i ngo bo nyid stong pa nyid la med cing mi dmigs so/ /dngos po med pa'i ngo bo nyid stong pa nyid stong pa nyid ni nang stong pa nyid kyi bar la med cing mi dmigs so/ /dran pa nye bar gzhag pa rnams ni/ dran pa nye bar gzhag pa rnams la med cing mi dmigs so/ /dran pa nye bar gzhag pa ni/ yang dag par spong ba la med cing mi dmigs so/ /lam gyi bar ni lam la med cing mi dmigs so/ /lam ni dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang stobs dang byang chub kyi yan lag la med cing mi dmigs so/ /'phags pa'i bden pa rnams ni 'phags pa'i bden pa rnams la med cing mi dmigs so/ /'phags pa'i bden pa rnams ni/ bsam gtan rnams la med cing mi dmigs so/ /gzungs</font><hr>31.39b<br><font size=+1>

kyi sgo rnams kyi bar ni/ gzungs kyi sgo rnams la med cing mi dmigs so/ /gzungs kyi sgo rnams ni 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin rnams la med cing mi dmigs so/ /de bzhin gshegs pa'i stobs bcu ni/ de bzhin gshegs pa'i stobs bcu la med cing mi dmigs so/ /de bzhin gshegs pa'i stobs bcu ni/ mi 'jigs pa bzhi la med cing mi dmigs so/ /sangs rgyas kyi chos ma 'dres pa bcwa brgyad kyi bar ni/ sangs rgyas kyi chos ma 'dres pa bcwa brgyad la med cing mi dmigs so/ /sangs rgyas kyi chos ma 'dres pa bcwa brgyad ni/ de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi la med cing mi dmigs so/ /rigs kyi sa'i chos ni/ rigs kyi sa'i chos la med cing mi dmigs so/ /rigs kyi sa'i chos dang / brgyad pa'i chos la med cing mi dmigs so/ /dgra bcom pa'i bar gyi chos ni/ dgra bcom pa'i bar gyi chos la med cing mi dmigs so/ /dgra bcom pa'i chos ni/ rigs kyi sa'i chos dang / brgyad pa'i chos dang / rgyun du zhugs pa'i chos dang / lan gcig phyir 'ong ba'i chos dang / phyir mi 'ong ba'i chos la med cing mi dmigs so/ /so so'i skye bo'i sa ni/ so so'i skye bo'i sa la med cing mi dmigs so/ /so so'i skye bo'i sa ni/ rigs kyi sa la med cing mi dmigs so/ /yang dag par rdzogs pa'i sangs rgyas kyi sa'i bar ni yang dag par rdzogs pa'i sangs rgyas kyi sa la med cing mi dmigs so/ /yang dag par</font><hr>31.40a<br><font size=+1>

rdzogs pa'i sangs rgyas kyi sa ni/ so so'i skye bo'i sa dang / rigs kyi sa dang / brgyad pa'i sa dang / mthong ba'i sa dang / bsrabs pa'i sa dang / 'dod chags dang bral ba'i sa dang / byas pa rtogs pa'i sa dang / rang sangs rgyas kyi sa dang byang chub sems dpa'i sa la med cing mi dmigs so/ /thams cad shes pa nyid ni thams cad shes pa nyid la med cing mi dmigs so/ /thams cad shes pa nyid ni/ lam gyi rnam pa shes pa nyid la med cing mi dmigs so/ /rnam pa thams cad mkhyen pa nyid kyi bar ni/ rnam pa thams cad mkhyen pa nyid la med cing mi dmigs so/ /rnam pa thams cad mkhyen pa nyid ni/ thams cad shes pa nyid dang / lam gyi rnam pa shes pa nyid la med cing mi dmigs so/ /rgyun du zhugs pa ni rgyun du zhugs pa la med cing mi dmigs so/ /rgyun du zhugs pa ni lan gcig phyir 'ong ba la med cing mi dmigs so/ /de bzhin gshegs pa'i bar ni de bzhin gshegs pa la med cing mi dmigs so/ /de bzhin gshegs pa ni rgyun du zhugs pa dang / lan gcig phyir 'ong ba dang / phyir mi 'ong ba dang / dgra bcom pa dang / rang sangs rgyas dang / byang chub sems dpa' la med cing mi dmigs so/ /byang chub sems dpa' ni byang chub sems dpa' la med cing mi dmigs so/ /byang chub sems dpa' ni shes rab kyi pha rol du phyin pa la med cing mi dmigs so/ / shes rab kyi pha rol du phyin pa ni/ shes rab kyi pha rol du phyin pa la med cing mi dmigs so/ /shes rab kyi pha rol du phyin pa ni/ byang chub sems dpa' la med cing mi dmigs so/ /byang chub sems dpa' dang / shes rab kyi pha rol du phyin pa ni/ gdams shing rjes su bstan pa la med cing mi dmigs so/ /gdams shing rjes su bstan pa ni/ gdams shing rjes su bstan pa la med cing mi</font><hr>31.40b<br><font size=+1>

dmigs so/ /gdams shing rjes su bstan pa ni/ byang chub sems dpa' dang / shes rab kyi pha rol du phyin pa la med cing mi dmigs so/ /tshe dang ldan pa shA ra dwa ti'i bu de ltar na chos thams cad med cing dmigs su med pas/ byang chub sems dpa' med cing dmigs su med do/ /tshe dang ldan pa shA ra dwa ti'i bu gang yang 'di skad du ci'i phyir na/ 'di lta ste/ byang chub sems dpa' zhes bya ba 'di ni ming tsam yin zhes zer ba ni/ tshe dang ldan pa shA ra dwa ti'i bu 'di lta ste/ byang chub sems dpa' zhes bya ba 'di ni glo bur du ming du btags pa ste/ de'i phyir na 'di lta ste/ byang chub sems dpa' zhes bya ba 'di ni ming tsam zhes bya'o/ /tshe dang ldan pa shA ra dwa ti'i bu 'di lta ste/ gzugs shes bya ba dang / tshor ba zhes bya ba dang / 'du shes shes bya ba dang / 'du byed ces bya ba dang / rnam par shes pa zhes bya ba 'di ni glo bur du ming du btags pa ste/ 'di ltar ming ni gang nas kyang mi 'ong / gang du yang mi 'gro/ gang na yang mi gnas so/ /ming tsam zhes bya ba gang yin pa de ni gzugs ma yin/ tshor ba ma yin/ 'du shes ma yin/ 'du byed ma yin/ rnam par shes pa ma yin no/ /de ci'i phyir zhe na/ 'di ltar ming ni ming gi rang bzhin gyis stong ngo / /stong pa gang yin pa de ni ming ma yin te/ de'i phyir 'di lta ste/ byang chub sems dpa' zhes bya ba 'di ni ming tsam zhes bya'o/ /tshe dang ldan pa shA ra dwa ti'i bu 'di lta ste/ skye mched ces bya ba dang / khams shes bya ba dang / rten cing 'brel bar 'byung ba zhes bya ba 'di ni/ glo bur du ming du btags pa ste/ 'di ltar ming ni gang nas kyang mi 'ong / gang du yang mi 'gro/ gang na yang mi gnas so/ /ming tsam zhes bya ba gang yin pa de ni skye mched ma yin/ khams ma yin/ rten cing 'brel bar 'byung ba ma yin no/ /de ci'i phyir zhe na/ 'di ltar ming ni ming gi rang bzhin gyis stong ngo / /</font><hr>31.41a<br><font size=+1>

stong pa gang yin pa de ni ming ma yin te/ de'i phyir 'di lta ste/ byang chub sems dpa' zhes bya ba 'di ni ming tsam zhes bya ba'o/ /tshe dang ldan pa shA ra dwa ti'i bu gzhan yang 'di lta ste/ sbyin pa'i pha rol du phyin pa 'di ni ming tsam ste/ ming la yang sbyin pa'i pha rol du phyin pa med/ sbyin pa'i pha rol du phyin pa la yang ming med do/ /de ci'i phyir zhe na/ 'di ltar ming gang yin pa dang / sbyin pa'i pha rol du phyin pa gang yin pa de gnyis ka yang med cing mi dmigs te/ de'i phyir 'di lta ste/ byang chub sems dpa' zhes bya ba 'di ni ming tsam mo/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa 'di ni ming tsam ste/ ming la yang shes rab kyi pha rol du phyin pa med/ shes rab kyi pha rol du phyin pa la yang ming med do/ /de ci'i phyir zhe na/ 'di ltar ming gang yin pa dang / shes rab kyi pha rol du phyin pa gang yin pa de gnyis ka yang med cing mi dmigs te/ de'i phyir 'di lta ste/ byang chub sems dpa' zhes bya ba 'di ni ming tsam mo/ /'di lta ste/ nang stong pa nyid 'di ni ming tsam ste/ ming la yang nang stong pa nyid med/ nang stong pa nyid la yang ming med do/ /de ci'i phyir zhe na/ 'di ltar ming gang yin pa dang / nang stong pa nyid gang yin pa de gnyis ka yang med cing mi dmigs te/ de'i phyir 'di lta ste/ byang chub sems dpa' zhes bya ba 'di ni ming tsam mo/ /dngos po med pa'i ngo bo nyid stong pa nyid kyi bar 'di ni ming tsam ste/ ming la yang dngos po med pa'i ngo bo nyid stong pa nyid med/ dngos po med pa'i ngo bo nyid stong pa nyid la yang ming med do/ /de ci'i phyir zhe na/ 'di ltar ming gang yin pa dang / dngos po med pa'i ngo bo nyid stong pa nyid gang yin pa de gnyis ka yang med cing mi dmigs te/ de'i phyir</font><hr>31.41b<br><font size=+1>

'di lta ste/ byang chub sems dpa' zhes bya ba 'di ni ming tsam mo/ /tshe dang ldan pa shA ra dwa ti'i bu rnam grangs des na/ 'di lta ste/ byang chub sems dpa' zhes bya ba 'di ni ming tsam zhes bya'o/ /tshe dang ldan pa shA ra dwa ti'i bu 'di lta ste/ dran pa nye bar gzhag pa rnams shes bya ba 'di ni glo bur du ming du btags pa ste/ ming la yang dran pa nye bar gzhag pa rnams med/ dran pa nye bar gzhag pa rnams la yang ming med do/ /de ci'i phyir zhe na/ 'di ltar ming gang yin pa dang / dran pa nye bar gzhag pa rnams gang yin pa de gnyis ka yang med cing mi dmigs te/ de'i phyir 'di lta ste/ byang chub sems dpa' zhes bya ba 'di ni ming tsam mo/ /tshe dang ldan pa shA ra dwa ti'i bu 'di lta ste/ yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa zhes bya ba 'di ni glo bur du ming du btags pa ste/ ming la yang 'phags pa'i lam yan lag brgyad pa med/ 'phags pa'i lam yan lag brgyad pa la yang ming med do/ /de ci'i phyir zhe na/ 'di ltar ming gang yin pa dang / 'phags pa'i lam yan lag brgyad pa gang yin pa de gnyis ka yang med cing mi dmigs te/ de'i phyir 'di lta ste/ byang chub sems dpa' zhes bya ba 'di ni ming tsam mo/ /tshe dang ldan pa shA ra dwa ti'i bu 'di lta ste/ 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dgu dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs</font><hr>31.42a<br><font size=+1>

pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad ces bya ba 'di ni glo bur du ming du btags pa ste/ ming la yang sangs rgyas kyi chos ma 'dres pa rnams med/ sangs rgyas kyi chos ma 'dres pa rnams la yang ming med do/ /de ci'i phyir zhe na/ 'di ltar ming gang yin pa dang / sangs rgyas kyi chos ma 'dres pa rnams gang yin pa de gnyis ka yang med cing mi dmigs te/ de'i phyir 'di lta ste/ byang chub sems dpa' zhes bya ba 'di ni ming tsam mo/ /tshe dang ldan pa shA ra dwa ti'i bu 'di lta ste/ rnam pa thams cad mkhyen pa nyid ces bya ba 'di ni glo bur du ming du btags pa ste/ ming la yang rnam pa thams cad mkhyen pa nyid med/ rnam pa thams cad mkhyen pa nyid la yang ming med do/ /de ci'i phyir zhe na/ 'di ltar ming gang yin pa dang / rnam pa thams cad mkhyen pa nyid gang yin pa de gnyis ka yang med cing mi dmigs te/ de'i phyir 'di lta ste/ byang chub sems dpa' zhes bya ba 'di ni ming tsam mo/ /tshe dang ldan pa shA ra dwa ti'i bu gang yang 'di skad du/ 'di ltar bdag bdag ces bya ste/ bdag shin du mngon par ma grub po/ /'di lta ste/ sems can dang / srog dang / 'gro ba dang / gso ba dang / skyes bu dang / gang zag dang / shed can dang / shed bdag dang / byed pa po dang / tshor ba po dang / shes pa po dang / mthong ba po mthong ba po zhes bya ste/ mthong ba po shin du mngon par ma grub po zhes/ ci'i phyir de skad ces smras shes zer ba ni/ tshe dang ldan pa shA ra dwa ti'i bu bdag shin du med cing mi dmigs na/ de mngon par 'grub par 'gyur ba lta ga la yod/ mthong ba po'i bar du shin du med cing mi dmigs na/ de mngon par 'grub par 'gyur ba lta ga la yod/ gzugs shin du med cing mi dmigs na/ de mngon par 'grub par 'gyur ba lta ga la yod/ </font><hr>31.42b<br><font size=+1>

tshor ba dang 'du shes dang 'du byed dang rnam par shes pa shin du med cing mi dmigs na/ de mngon par 'grub par 'gyur ba lta ga la yod/ mig shin du med cing mi dmigs na/ de mngon par 'grub par 'gyur ba lta ga la yod/ rna ba dang sna dang lce dang lus dang yid shin du med cing mi dmigs na/ de mngon par 'grub par 'gyur ba lta ga la yod/ gzugs shin du med cing mi dmigs na/ de mngon par 'grub par 'gyur ba lta ga la yod/ sgra dang dri dang ro dang reg dang chos shin du med cing mi dmigs na/ de mngon par 'grub par 'gyur ba lta ga la yod/ mig gi rnam par shes pa shin du med cing mi dmigs na/ de mngon par 'grub par 'gyur ba lta ga la yod/ rna ba'i rnam par shes pa dang / sna'i rnam par shes pa dang lce'i rnam par shes pa dang lus kyi rnam par shes pa dang yid kyi rnam par shes pa shin du med cing mi dmigs na/ de mngon par 'grub par 'gyur ba lta ga la yod/ mig gi 'dus te reg pa shin du med cing mi dmigs na/ de mngon par 'grub par 'gyur ba lta ga la yod/ rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa shin du med cing mi dmigs na/ de mngon par 'grub par 'gyur ba lta ga la yod/ mig gi 'dus te reg pa las byung ba'i tshor ba shin du med cing mi dmigs na/ de mngon par 'grub par 'gyur ba lta ga la yod/ rna ba'i 'dus te reg pa las byung ba'i tshor ba dang / sna'i 'dus te reg pa las byung ba'i tshor ba dang / lce'i 'dus te reg pa las byung ba'i tshor ba dang / lus kyi 'dus te reg pa las byung ba'i tshor ba dang / yid kyi 'dus te reg pa las byung ba'i tshor ba shin du med cing mi dmigs na/ de mngon par 'grub par 'gyur ba lta ga la yod/ sa'i khams</font><hr>31.43a<br><font size=+1>

shin du med cing mi dmigs na/ de mngon par 'grub par 'gyur ba lta ga la yod/ chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams shin du med cing mi dmigs na/ de mngon par 'grub par 'gyur ba lta ga la yod/ ma rig pa shin du med cing mi dmigs na/ de mngon par 'grub par 'gyur ba lta ga la yod/ 'du byed dang rnam par shes pa dang ming dang gzugs dang skye mched drug dang reg pa dang tshor ba dang sred pa dang len pa dang srid pa dang skye ba dang rga shi shin du med cing mi dmigs na/ de mngon par 'grub par 'gyur ba lta ga la yod/ sbyin pa'i pha rol du phyin pa shin du med cing mi dmigs na/ de mngon par 'grub par 'gyur ba lta ga la yod/ tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa shin du med cing mi dmigs na/ de mngon par 'grub par 'gyur ba lta ga la yod/ nang stong pa nyid shin du med cing mi dmigs na/ de mngon par 'grub par 'gyur ba lta ga la yod/ dngos po med pa'i ngo bo nyid stong pa nyid kyi bar du shin du med cing mi dmigs na/ de mngon par 'grub par 'gyur ba lta ga la yod/ dran pa nye bar gzhag pa rnams shin du med cing mi dmigs na/ de mngon par 'grub par 'gyur ba lta ga la yod/ yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa shin du med cing mi dmigs na/ de mngon par 'grub par 'gyur ba lta ga la yod/ 'phags pa'i bden pa rnams dang / bsam gtan rnams</font><hr>31.43b<br><font size=+1>

dang tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar kyis gnas pa'i snyoms par 'jug pa dgu dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad shin du med cing mi dmigs na/ de mngon par 'grub par 'gyur ba lta ga la yod/ nyan thos shin du med cing mi dmigs na/ de mngon par 'grub par 'gyur ba lta ga la yod/ rang sangs rgyas shin du med cing mi dmigs na/ de mngon par 'grub par 'gyur ba lta ga la yod/ byang chub sems dpa' shin du med cing mi dmigs na/ de mngon par 'grub par 'gyur ba lta ga la yod/ de bzhin gshegs pa dgra bcom pa yang dag par rdzogs pa'i sangs rgyas shin du med cing mi dmigs na/ de mngon par 'grub par 'gyur ba lta ga la yod/ tshe dang ldan pa shA ra dwa ti'i bu rnam grangs des na/ bdag bdag ces kyang bya ste/ bdag shin du mngon par grub pa med do/ /tshe dang ldan pa shA ra dwa ti'i bu gzhan yang gang chos thams cad kyang de bzhin du dngos po med pa'i ngo bo nyid yin nam zhes zer ba de ni/ tshe dang ldan pa shA ra dwa ti'i bu de de bzhin te/ de ci'i phyir zhe na/ 'di lta ste/ tshe dang ldan pa shA ra dwa ti'i bu 'du ba las byung ba'i ngo bo nyid med do/ /shA ra dwa ti'i bus smras pa/ tshe dang ldan pa rab 'byor gang la 'du ba las byung ba'i ngo bo nyid med pa yin/ smras pa/ gzugs la 'du ba las byung ba'i ngo bo nyid med do/ /tshor ba dang</font><hr>31.44a<br><font size=+1>

'du shes dang 'du byed dang rnam par shes pa la 'du ba las byung ba'i ngo bo nyid med do/ /tshe dang ldan pa shA ra dwa ti'i bu mig la 'du ba las byung ba'i ngo bo nyid med do/ /rna ba dang sna dang lce dang lus dang / yid la 'du ba las byung ba'i ngo bo nyid med do/ /gzugs la 'du ba las byung ba'i ngo bo nyid med do/ /sgra dang dri dang ro dang reg dang chos la 'du ba las byung ba'i ngo bo nyid med do/ /mig gi rnam par shes pa la 'du ba las byung ba'i ngo bo nyid med do/ /rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa la 'du ba las byung ba'i ngo bo nyid med do/ /mig gi 'dus te reg pa la 'du ba las byung ba'i ngo bo nyid med do/ /rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa la 'du ba las byung ba'i ngo bo nyid med do/ /mig gi 'dus te reg pa las byung ba'i tshor ba la 'du ba las byung ba'i ngo bo nyid med do/ /rna ba'i 'dus te reg pa las byung ba'i tshor ba dang / sna'i 'dus te reg pa las byung ba'i tshor ba dang / lce'i 'dus te reg pa las byung ba'i tshor ba dang / lus kyi 'dus te reg pa las byung ba'i tshor ba dang / yid kyi 'dus te reg pa las byung ba'i tshor ba la 'du ba las byung ba'i ngo bo nyid med do/ /sa'i khams la 'du ba las byung ba'i ngo bo nyid med do/ /chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams la 'du ba las byung ba'i ngo bo nyid med do/ /ma rig pa la 'du ba las byung ba'i ngo bo nyid med do/ /'du byed dang rnam par shes pa dang ming dang gzugs dang skye mched drug dang reg pa dang tshor ba dang</font><hr>31.44b<br><font size=+1>

sred pa dang len pa dang srid pa dang skye ba dang rga shi la 'du ba las byung ba'i ngo bo nyid med do/ /sbyin pa'i pha rol du phyin pa la 'du ba las byung ba'i ngo bo nyid med do/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la 'du ba las byung ba'i ngo bo nyid med do/ /nang stong pa nyid la 'du ba las byung ba'i ngo bo nyid med do/ /phyi stong pa nyid la 'du ba las byung ba'i ngo bo nyid med do/ /phyi nang stong pa nyid la 'du ba las byung ba'i ngo bo nyid med do/ /dngos po med pa'i ngo bo nyid stong pa nyid kyi bar la 'du ba las byung ba'i ngo bo nyid med do/ /dran pa nye bar gzhag pa rnams la 'du ba las byung ba'i ngo bo nyid med do/ /yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa la 'du ba las byung ba'i ngo bo nyid med do/ /'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar kyis gnas pa'i snyoms par 'jug pa dgu dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa rnams la 'du ba las byung ba'i ngo bo nyid med do/ /de ci'i phyir zhe na/ tshe dang ldan pa shA ra dwa ti'i bu rnam grangs</font><hr>31.45a<br><font size=+1>

des na/ chos thams cad ni dngos po med pa'i ngo bo nyid do/ /tshe dang ldan pa shA ra dwa ti'i bu gzhan yang chos thams cad ni mi rtag pa ste/ gang dang yang bral bas ma yin no/ /smras pa/ tshe dang ldan pa rab 'byor chos thams cad mi rtag pa ste/ gang dang yang bral bas ma yin pa de dag gang yin/ smras pa/ tshe dang ldan pa shA ra dwa ti'i bu gzugs mi rtag pa ste/ gang dang yang bral bas ma yin no/ /tshor ba dang 'du shes dang 'du byed dang rnam par shes pa mi rtag pa ste/ gang dang yang bral bas ma yin no/ /mig mi rtag pa ste/ gang dang yang bral bas ma yin no/ /rna ba dang sna dang lce dang lus dang yid mi rtag pa ste/ gang dang yang bral bas ma yin no/ /gzugs mi rtag pa ste/ gang dang yang bral bas ma yin no/ /sgra dang dri dang ro dang reg dang chos mi rtag pa ste/ gang dang yang bral bas ma yin no/ /mig gi rnam par shes pa mi rtag pa ste/ gang dang yang bral bas ma yin no/ /rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa mi rtag pa ste/ gang dang yang bral bas ma yin no/ /mig gi 'dus te reg pa mi rtag pa ste/ gang dang yang bral bas ma yin no/ /rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa mi rtag pa ste/ gang dang yang bral bas ma yin no/ /mig gi 'dus te reg pa'i rkyen kyis tshor ba mi rtag pa ste/ gang dang yang bral bas ma yin no/ /rna ba'i 'dus te reg pa'i rkyen kyis tshor ba dang / sna'i 'dus te reg pa'i rkyen kyis tshor ba dang / lce'i 'dus te reg pa'i rkyen kyis tshor ba dang / lus kyi 'dus te reg pa'i rkyen kyis tshor ba dang / yid kyi 'dus te reg pa'i rkyen</font><hr>31.45b<br><font size=+1>

kyis tshor ba mi rtag pa ste/ gang dang yang bral bas ma yin no/ /sa'i khams mi rtag pa ste/ gang dang yang bral bas ma yin no/ /chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams mi rtag pa ste/ gang dang yang bral bas ma yin no/ /ma rig pa mi rtag pa ste/ gang dang yang bral bas ma yin no/ /'du byed dang rnam par shes pa dang ming dang gzugs dang skye mched drug dang reg pa dang tshor ba dang sred pa dang len pa dang srid pa dang skye ba dang rga shi mi rtag pa ste/ gang dang yang bral bas ma yin no/ /sbyin pa'i pha rol du phyin pa mi rtag pa ste/ gang dang yang bral bas ma yin no/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa mi rtag pa ste/ gang dang yang bral bas ma yin no/ /nang stong pa nyid mi rtag pa ste/ gang dang yang bral bas ma yin no/ /phyi stong pa nyid mi rtag pa ste/ gang dang yang bral bas ma yin no/ /phyi nang stong pa nyid mi rtag pa ste/ gang dang yang bral bas ma yin no/ /dngos po med pa'i ngo bo nyid stong pa nyid kyi bar du mi rtag pa ste/ gang dang yang bral bas ma yin no/ /dran pa nye bar gzhag pa rnams mi rtag pa ste/ gang dang yang bral bas ma yin no/ /yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa mi rtag pa ste/ gang dang yang bral bas ma yin no/ /'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar kyis</font><hr>31.46a<br><font size=+1>

gnas pa'i snyoms par 'jug pa rnams dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad mi rtag pa ste/ gang dang yang bral bas ma yin no/ /de ci'i phyir zhe na/ tshe dang ldan pa shA ra dwa ti'i bu 'di ltar mi rtag pa gang yin pa de ni dngos po med pa dang zad pa ste/ tshe dang ldan pa shA ra dwa ti'i bu rnam grangs des na/ chos thams cad ni mi rtag pa ste/ gang dang yang bral bas ma yin no/ /tshe dang ldan pa shA ra dwa ti'i bu gzhan yang chos thams cad ni sdug bsngal ba/ chos thams cad ni bdag med pa/ chos thams cad ni zhi ba/ chos thams cad ni stong pa/ chos thams cad ni mtshan ma med pa/ chos thams cad ni smon pa med pa ste/ gang dang yang bral bas ma yin no/ /de ci'i phyir zhe na/ tshe dang ldan pa shA ra dwa ti'i bu 'di ltar smon pa med pa gang yin pa de ni dngos po med pa dang zad pa ste/ tshe dang ldan pa shA ra dwa ti'i bu rnam grangs des na/ chos thams cad ni smon pa med pa ste/ gang dang yang bral bas ma yin no/ /tshe dang ldan pa shA ra dwa ti'i bu gzhan yang chos thams cad ni dge ba/ chos thams cad ni kha na ma tho ba med pa/ chos thams cad ni zag pa med pa/ chos thams cad ni nyon mongs pa med pa/ chos thams cad ni rnam par byang ba/ chos thams cad ni 'jig rten las 'das pa/ chos thams cad ni 'dus ma byas pa ste/ gang dang yang bral bas ma yin no/ /de ci'i phyir zhe na/ tshe dang ldan pa shA ra dwa ti'i bu 'di ltar gang 'dus ma byas pa de ni dngos po med pa dang zad pa ste/ </font><hr>31.46b<br><font size=+1>

tshe dang ldan pa shA ra dwa ti'i bu rnam grangs des na/ chos thams cad ni 'dus ma byas pa ste/ gang dang yang bral bas ma yin no/ /tshe dang ldan pa shA ra dwa ti'i bu gzhan yang chos thams cad ni mi rtag pa ma yin 'jig pa ma yin no/ /smras pa/ tshe dang ldan pa rab 'byor ci'i phyir chos thams cad rtag pa ma yin 'jig pa ma yin/ rab 'byor gyis smras pa/ tshe dang ldan pa shA ra dwa ti'i bu gzugs rtag pa ma yin 'jig pa ma yin te/ de ci'i phyir zhe na/ de'i rang bzhin ni de yin no/ /tshor ba dang 'du shes dang 'du byed dang rnam par shes pa rtag pa ma yin/ 'jig pa ma yin te/ de ci'i phyir zhe na/ de'i rang bzhin ni de yin no/ /tshe dang ldan pa shA ra dwa ti'i bu mig rtag pa ma yin/ 'jig pa ma yin te/ de ci'i phyir zhe na/ de'i rang bzhin ni de yin no/ /rna ba dang sna dang lce dang lus dang yid rtag pa ma yin/ 'jig pa ma yin te/ de ci'i phyir zhe na/ de'i rang bzhin ni de yin no/ /tshe dang ldan pa shA ra dwa ti'i bu gzugs rtag pa ma yin/ 'jig pa ma yin te/ de ci'i phyir zhe na/ de'i rang bzhin ni de yin no/ /sgra dang dri dang ro dang reg dang chos rtag pa ma yin/ 'jig pa ma yin te/ de ci'i phyir zhe na/ de'i rang bzhin ni de yin no/ /tshe dang ldan pa shA ra dwa ti'i bu mig gi rnam par shes pa rtag pa ma yin/ 'jig pa ma yin te/ de ci'i phyir zhe na/ de'i rang bzhin ni de yin no/ /rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa rtag pa ma yin/ 'jig pa ma yin te/ de ci'i phyir zhe na/ de'i rang bzhin ni de yin no/ /tshe dang ldan pa shA ra dwa ti'i bu mig gi 'dus te reg pa rtag pa ma yin/ 'jig pa ma yin te/ de ci'i phyir zhe na/ de'i rang bzhin ni de yin no/ /rna ba'i 'dus te</font><hr>31.47a<br><font size=+1>

reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa rtag pa ma yin/ 'jig pa ma yin te/ de ci'i phyir zhe na/ de'i rang bzhin ni de yin no/ /tshe dang ldan pa shA ra dwa ti'i bu mig gi 'dus te reg pa'i rkyen kyis tshor ba rtag pa ma yin/ 'jig pa ma yin te/ de ci'i phyir zhe na/ de'i rang bzhin ni de yin no/ /rna ba'i 'dus te reg pa'i rkyen kyis tshor ba dang / sna'i 'dus te reg pa'i rkyen kyis tshor ba dang / lce'i 'dus te reg pa'i rkyen kyis tshor ba dang / lus kyi 'dus te reg pa'i rkyen kyis tshor ba dang / yid kyi 'dus te reg pa'i rkyen kyis tshor ba rtag pa ma yin/ 'jig pa ma yin te/ de ci'i phyir zhe na/ de'i rang bzhin ni de yin no/ /tshe dang ldan pa shA ra dwa ti'i bu sa'i khams rtag pa ma yin/ 'jig pa ma yin te/ de ci'i phyir zhe na/ de'i rang bzhin ni de yin no/ /chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams rtag pa ma yin/ 'jig pa ma yin te/ de ci'i phyir zhe na/ de'i rang bzhin ni de yin no/ /tshe dang ldan pa shA ra dwa ti'i bu ma rig pa rtag pa ma yin/ 'jig pa ma yin te/ de ci'i phyir zhe na/ de'i rang bzhin ni de yin no/ /'du byed dang rnam par shes pa dang ming dang gzugs dang skye mched drug dang reg pa dang tshor ba dang sred pa dang len pa dang srid pa dang skye ba dang rga shi rtag pa ma yin/ 'jig pa ma yin te/ de ci'i phyir zhe na/ de'i rang bzhin ni de yin no/ /tshe dang ldan pa shA ra dwa ti'i bu sbyin pa'i pha rol du phyin pa rtag pa ma yin/ 'jig pa ma yin te/ de ci'i phyir zhe na/ de'i rang bzhin ni de yin no/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol tu phyin</font><hr>31.47b<br><font size=+1>

pa dang / shes rab kyi pha rol du phyin pa rtag pa ma yin/ 'jig pa ma yin te/ de ci'i phyir zhe na/ de'i rang bzhin ni de yin no/ /tshe dang ldan pa shA ra dwa ti'i bu nang stong pa nyid rtag pa ma yin/ 'jig pa ma yin te/ de ci'i phyir zhe na/ de'i rang bzhin ni de yin no/ /phyi stong pa nyid rtag pa ma yin/ 'jig pa ma yin te/ de ci'i phyir zhe na/ de'i rang bzhin ni de yin no/ /phyi nang stong pa nyid rtag pa ma yin/ 'jig pa ma yin te/ de ci'i phyir zhe na/ de'i rang bzhin ni de yin no/ /dngos po med pa'i ngo bo nyid stong pa nyid kyi bar du rtag pa ma yin/ 'jig pa ma yin te/ de ci'i phyir zhe na/ de'i rang bzhin ni de yin no/ /tshe dang ldan pa shA ra dwa ti'i bu byang chub kyi phyogs kyi chos sum bcu rtsa bdun rtag pa ma yin/ 'jig pa ma yin te/ de ci'i phyir zhe na/ de'i rang bzhin ni de yin no/ /sangs rgyas kyi chos ma 'dres pa bcwa brgyad kyi bar du rtag pa ma yin/ 'jig pa ma yin te/ de ci'i phyir zhe na/ de'i rang bzhin ni de yin no/ /tshe dang ldan pa shA ra dwa ti'i bu dge ba'i chos dang / mi dge ba'i chos dang / 'dus byas kyi chos dang / 'dus ma byas kyi chos dang / zag pa dang bcas pa'i chos dang / zag pa med pa'i chos rtag pa ma yin/ 'jig pa ma yin te/ de ci'i phyir zhe na/ de'i rang bzhin ni de yin no/ /tshe dang ldan pa shA ra dwa ti'i bu rnam grangs des na chos thams cad ni dngos po med pa'i ngo bo nyid do// //shes rab kyi pha rol du phyin pa stong phrag nyi shu lnga pa/ bam po nyi shu bzhi pa/ tshe dang ldan pa shA ra dwa ti'i bu gang yang 'di skad du/ ci'i phyir gzugs mngon par ma grub/ ci'i phyir tshor ba dang / 'du shes dang 'du byed dang / rnam par shes pa mngon par ma grub ces smras shes zer ba ni/ tshe dang ldan pa shA ra dwa ti'i bu de ni de bzhin te/ </font><hr>31.48a<br><font size=+1>

de ci'i phyir zhe na/ tshe dang ldan pa shA ra dwa ti'i bu 'di ltar gzugs ni mngon par 'du ma byas pa'o/ /tshor ba dang 'du shes dang 'du byed dang rnam par shes pa ni mngon par 'du ma byas pa ste/ de ci'i phyir zhe na/ 'di ltar de dag la mngon par 'du byed pa med do/ /tshe dang ldan pa shA ra dwa ti'i bu mig ni mngon par 'du ma byas pa ste/ de ci'i phyir zhe na/ 'di ltar de la mngon par 'du byed pa med do/ /rna ba dang sna dang lce dang lus dang yid ni mngon par 'du ma byas pa ste/ de ci'i phyir zhe na/ 'di ltar de dag la mngon par 'du byed pa med do/ /gzugs ni mngon par 'du ma byas pa ste/ de ci'i phyir zhe na/ 'di ltar de la mngon par 'du byed pa med do/ /sgra dang dri dang ro dang reg dang chos ni mngon par 'du ma byas pa ste/ de ci'i phyir zhe na/ 'di ltar de dag la mngon par 'du byed pa med do/ /tshe dang ldan pa shA ra dwa ti'i bu mig gi rnam par shes pa ni mngon par 'du ma byas pa ste/ de ci'i phyir zhe na/ 'di ltar de la mngon par 'du byed pa med do/ /rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang yid kyi rnam par shes pa ni mngon par 'du ma byas pa ste/ de ci'i phyir zhe na/ 'di ltar de dag la mngon par 'du byed pa med do/ /mig gi 'dus te reg pa ni mngon par 'du ma byas pa ste/ de ci'i phyir zhe na/ de ni 'di ltar de la mngon par 'du byed pa med do/ /rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa ni mngon par 'du ma byas pa ste/ de ci'i phyir zhe na/ 'di ltar de dag la mngon par 'du byed pa med do/ /tshe dang ldan pa shA ra dwa ti'i bu mig gi 'dus te reg pa'i rkyen kyis tshor ba ni mngon par 'du ma byas pa ste/ de ci'i phyir zhe na/ </font><hr>31.48b<br><font size=+1>

'di ltar de la mngon par 'du byed pa med do/ /rna ba'i 'dus te reg pa'i rkyen kyis tshor ba dang / sna'i 'dus te reg pa'i rkyen kyis tshor ba dang / lce'i 'dus te reg pa'i rkyen kyis tshor ba dang / lus kyi 'dus te reg pa'i rkyen kyis tshor ba dang / yid kyi 'dus te reg pa'i rkyen kyis tshor ba ni mngon par 'du ma byas pa ste/ de ci'i phyir zhe na/ 'di ltar de dag la mngon par 'du byed pa med do/ /tshe dang ldan pa shA ra dwa ti'i bu sa'i khams ni mngon par 'du ma byas pa ste/ de ci'i phyir zhe na/ 'di ltar de la mngon par 'du byed pa med do/ /chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams ni mngon par 'du ma byas pa ste/ de ci'i phyir zhe na/ 'di ltar de dag la mngon par 'du byed pa med do/ /tshe dang ldan pa shA ra dwa ti'i bu ma rig pa ni mngon par 'du ma byas pa ste/ de ci'i phyir zhe na/ 'di ltar de la mngon par 'du byed pa med do/ /'du byed dang rnam par shes pa dang ming dang gzugs dang skye mched drug dang reg pa dang tshor ba dang sred pa dang len pa dang srid pa dang skye ba dang rga shi ni mngon par 'du ma byas pa ste/ de ci'i phyir zhe na/ de ni 'di ltar de dag la mngon par 'du byed pa med do/ /tshe dang ldan pa shA ra dwa ti'i bu sbyin pa'i pha rol du phyin pa ni mngon par 'du ma byas pa ste/ de ci'i phyir zhe na/ 'di ltar de la mngon par 'du byed pa med do/ /tshul khrims kyi pha rol du phyin pa dang / bzod pa'i pha rol du phyin pa dang brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa ni mngon par 'du ma byas pa ste/ de ci'i phyir zhe na/ 'di ltar de dag la mngon par 'du byed pa med do/ /tshe dang ldan pa shA ra dwa ti'i bu nang stong pa nyid ni mngon par 'du ma byas pa ste/ de ci'i phyir zhe na/ 'di ltar de la mngon par 'du byed pa med do/ /</font><hr>31.49a<br><font size=+1>

dngos po med pa'i ngo bo nyid stong pa nyid kyi bar ni mngon par 'du ma byas pa ste/ de ci'i phyir zhe na/ 'di ltar de dag mngon par 'du byed pa med do/ /tshe dang ldan pa shA ra dwa ti'i bu byang chub kyi phyogs kyi chos sum bcu rtsa bdun ni mngon par 'du ma byas pa ste/ de ci'i phyir zhe na/ 'di ltar de dag la mngon par 'du byed pa med do/ /sangs rgyas kyi chos ma 'dres pa bcwa brgyad kyi bar ni mngon par 'du ma byas pa ste/ de ci'i phyir zhe na/ 'di ltar de dag la mngon par 'du byed pa med do/ /tshe dang ldan pa shA ra dwa ti'i bu rnam grangs des na/ gzugs mngon par ma grub bo/ /tshor ba dang 'du shes dang 'du byed dang rnam par shes pa mngon par ma grub bo/ /tshe dang ldan pa shA ra dwa ti'i bu gang yang 'di skad du ci'i phyir na/ tshe dang ldan pa rab 'byor mngon par ma grub pa de gzugs ma yin tshor ba dang 'du shes dang 'du byed dang rnam par shes pa ma yin zhes smras shes zer ba ni/ tshe dang ldan pa shA ra dwa ti'i bu de ni de bzhin te/ de ci'i phyir zhe na/ 'di ltar tshe dang ldan pa shA ra dwa ti'i bu gzugs rang bzhin gyis stong pa ste/ rang bzhin gyis stong pa gang yin pa de la skye ba med cing 'jig pa med do/ /gang la skye ba med cing 'jig pa med pa de la gnas pa las gzhan du 'gyur ba med do/ /tshor ba dang 'du shes dang 'du byed dang rnam par shes pa rang bzhin gyis stong pa ste/ rang bzhin gyis stong pa gang yin pa de la skye ba med cing 'jig pa med do/ /gang la skye ba med cing 'jig pa med pa de la gnas pa las gzhan du 'gyur ba med do/ /mig rang bzhin gyis stong pa ste/ rang bzhin gyis stong pa gang yin pa de la skye ba med cing 'jig pa med do/ /gang la skye ba med cing 'jig pa med pa de la gnas pa las gzhan du 'gyur ba med do/ /rna ba dang sna dang lce dang lus dang yid rang bzhin gyis stong pa ste/ rang bzhin gyis stong pa gang yin pa de la skye ba med</font><hr>31.49b<br><font size=+1>

'jig pa med do/ /gang la skye ba med cing 'jig pa med pa de la gnas pa las gzhan du 'gyur ba med do/ /gzugs rang bzhin gyis stong pa ste/ rang bzhin gyis stong pa gang yin pa de la skye ba med cing 'jig pa med do/ /gang skye ba med cing 'jig pa med pa de la gnas pa las gzhan du 'gyur ba med do/ /sgra dang dri dang ro dang reg dang chos rang bzhin gyis stong pa ste/ rang bzhin gyis stong pa gang yin pa de la skye ba med cing 'jig pa med do/ /gang la skye ba med cing 'jig pa med pa de la gnas pa las gzhan du 'gyur ba med do/ /mig gi rnam par shes pa rang bzhin gyis stong pa ste/ rang bzhin gyis stong pa gang yin pa de la skye ba med cing 'jig pa med do/ /gang la skye ba med cing 'jig pa med pa de la gnas pa las gzhan du 'gyur ba med do/ /rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa rang bzhin gyis stong pa ste/ rang bzhin gyis stong pa gang yin pa de la skye ba med cing 'jig pa med do/ /gang la skye ba med cing 'jig pa med pa de la gnas pa las gzhan du 'gyur ba med do/ /mig gi 'dus te reg pa rang bzhin gyis stong pa ste/ rang bzhin gyis stong pa gang yin pa de la skye ba med cing 'jig pa med do/ /gang la skye ba med cing 'jig pa med pa de la gnas pa las gzhan du 'gyur ba med do/ /rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa rang bzhin gyis stong pa ste/ rang bzhin gyis stong pa gang yin pa de la skye ba med cing 'jig pa med do/ /gang la skye ba med cing 'jig pa med pa de la gnas pa las gzhan du 'gyur ba med do/ /mig gi 'dus te reg pa'i rkyen kyis tshor ba rang bzhin gyis stong pa ste/ rang bzhin gyis stong pa gang yin pa de la skye ba med cing 'jig pa med do/ /gang la skye ba med cing 'jig pa med pa de la</font><hr>31.50a<br><font size=+1>

gnas pa las gzhan du 'gyur ba med do/ /rna ba'i 'dus te reg pa'i rkyen kyis tshor ba dang / sna'i 'dus te reg pa'i rkyen kyis tshor ba dang / lce'i 'dus te reg pa'i rkyen kyis tshor ba dang / lus kyi 'dus te reg pa'i rkyen kyis tshor ba dang / yid kyi 'dus te reg pa'i rkyen kyis tshor ba rang bzhin gyis stong pa ste/ rang bzhin gyis stong pa gang yin pa de la skye ba med cing 'jig pa med do/ /gang la skye ba med cing 'jig pa med pa de la gnas pa las gzhan du 'gyur ba med do/ /sa'i khams rang bzhin gyis stong pa ste/ rang bzhin gyis stong pa gang yin pa de la skye ba med cing 'jig pa med do/ /gang la skye ba med cing 'jig pa med pa de la gnas pa las gzhan du 'gyur ba med do/ /chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams rang bzhin gyis stong pa ste/ rang bzhin gyis stong pa gang yin pa de la skye ba med cing 'jig pa med do/ /gang la skye ba med cing 'jig pa med pa de la gnas pa las gzhan du 'gyur ba med do/ /ma rig pa rang bzhin gyis stong pa ste/ rang bzhin gyis stong pa gang yin pa de la skye ba med cing 'jig pa med do/ /gang la skye ba med cing 'jig pa med pa de la gnas pa las gzhan du 'gyur ba med do/ /'du byed dang rnam par shes pa dang / ming dang gzugs dang skye mched drug dang reg pa dang tshor ba dang sred pa dang len pa dang srid pa dang skye ba dang rga shi rang bzhin gyis stong pa ste/ rang bzhin gyis stong pa gang yin pa de la skye ba med cing 'jig pa med do/ /gang la skye ba med cing 'jig pa med pa de la gnas pa las gzhan du 'gyur ba med do/ /sbyin pa'i pha rol du phyin pa rang bzhin gyis stong pa ste/ rang bzhin gyis stong pa gang yin pa de la skye ba med cing 'jig pa med do/ /gang la skye ba med cing 'jig pa med pa de la gnas pa las gzhan du 'gyur ba med do/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa rang bzhin gyis stong pa ste/ </font><hr>31.50b<br><font size=+1>

rang bzhin gyis stong pa gang yin pa de la skye ba med cing 'jig pa med do/ /gang la skye ba med cing 'jig pa med pa de la gnas pa las gzhan du 'gyur ba med do/ /nang stong pa nyid rang bzhin gyis stong pa ste/ rang bzhin gyis stong pa gang yin pa de la skye ba med cing 'jig pa med do/ /gang la skye ba med cing 'jig pa med pa de la gnas pa las gzhan du 'gyur ba med do/ /dngos po med pa'i ngo bo nyid stong pa nyid kyi bar du rang bzhin gyis stong pa ste/ rang bzhin gyis stong pa gang yin pa de la skye ba med cing 'jig pa med do/ /gang la skye ba med cing 'jig pa med pa de la gnas pa las gzhan du 'gyur ba med do/ /byang chub kyi phyogs kyi chos sum bcu rtsa bdun rang bzhin gyis stong pa ste/ rang bzhin gyis stong pa gang yin pa de la skye ba med cing 'jig pa med do/ /gang la skye ba med cing 'jig pa med pa de la gnas pa las gzhan du 'gyur ba med do/ /sangs rgyas kyi chos ma 'dres pa bcwa brgyad kyi bar du rang bzhin gyis stong pa ste/ rang bzhin gyis stong pa gang yin pa de la skye ba med cing 'jig pa med do/ /gang la skye ba med cing 'jig pa med pa de la gnas pa las gzhan du 'gyur ba med do/ /tshe dang ldan pa shA ra dwa ti'i bu rnam grangs des na/ gang mngon par 'du ma byas pa de gzugs ma yin no/ /gang mngon par 'du ma byas pa de tshor ba dang 'du shes dang 'du byed dang rnam par shes pa ma yin no/ /gang mngon par 'du ma byas pa de mig ma yin no/ /gang mngon par 'du ma byas pa de rna ba dang / sna dang lce dang lus dang yid ma yin no/ /gang mngon par 'du ma byas pa de gzugs ma yin no/ /gang mngon par 'du ma byas pa de sgra dang dri dang ro dang reg dang chos ma yin no/ /gang mngon par 'du ma byas pa de mig gi rnam par shes pa ma yin no/ /gang mngon par 'du ma byas pa de rna ba'i rnam par shes pa dang / sna'i rnam par shes pa dang lce'i rnam par shes pa dang lus kyi rnam par shes pa dang yid kyi rnam par shes pa ma yin no/ /gang mngon par 'du ma byas pa de mig gi 'dus te reg pa ma yin no/ /gang mngon par 'du</font><hr>31.51a<br><font size=+1>

ma byas pa de rna ba'i 'dus te reg pa dang / sna'i 'dus te reg pa dang lce'i 'dus te reg pa dang lus kyi 'dus te reg pa dang yid kyi 'dus te reg pa ma yin no/ /gang mngon par 'du ma byas pa de mig gi 'dus te reg pa'i rkyen kyis tshor ba ma yin no/ /gang mngon par 'du ma byas pa de rna ba'i 'dus te reg pa'i rkyen kyis tshor ba dang / sna'i 'dus te reg pa'i rkyen kyis tshor ba dang / lce'i 'dus te reg pa'i rkyen kyis tshor ba dang / lus kyi 'dus te reg pa'i rkyen kyis tshor ba dang / yid kyi 'dus te reg pa'i rkyen kyis tshor ba ma yin no/ /gang mngon par 'du ma byas pa de sa'i khams ma yin no/ /gang mngon par 'du ma byas pa de chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams ma yin no/ /gang mngon par 'du ma byas pa de ma rig pa ma yin no/ /gang mngon par 'du ma byas pa de 'du byed dang rnam par shes pa dang ming dang gzugs dang skye mched drug dang reg pa dang tshor ba dang sred pa dang len pa dang / srid pa dang skye ba dang rga shi ma yin no/ /gang mngon par 'du ma byas pa de sbyin pa'i pha rol du phyin pa ma yin no/ /gang mngon par 'du ma byas pa de tshul khrims kyi pha rol du phyin pa dang bzod pa'i pha rol du phyin pa dang brtson 'grus kyi pha rol du phyin pa dang bsam gtan gyi pha rol du phyin pa dang shes rab kyi pha rol du phyin pa ma yin no/ /gang mngon par 'du ma byas pa de nang stong pa nyid ma yin no/ /gang mngon par 'du ma byas pa de dngos po med pa'i ngo bo nyid stong pa nyid kyi bar du ma yin no/ /gang mngon par 'du ma byas pa de byang chub kyi phyogs kyi chos sum bcu rtsa bdun ma yin no/ /gang mngon par 'du ma byas pa de sangs rgyas kyi chos ma 'dres pa rnams kyi bar du ma yin no/ /gang mngon par 'du ma byas pa de rnam pa thams cad mkhyen pa nyid ma yin no/ /tshe dang ldan pa shA ra dwa ti'i bu gang yang 'di skad du/ ci'i phyir na mngon par ma grub pa/ shes rab kyi pha rol du phyin pa mngon par ma grub pa la ji ltar gdams shing rjes su bstan</font><hr>31.51b<br><font size=+1>

par bya zhes smras zhes zer ba ni/ tshe dang ldan pa shA ra dwa ti'i bu 'di ltar mngon par ma grub pa gang yin pa de shes rab kyi pha rol du phyin pa'o/ /shes rab kyi pha rol du phyin pa gang yin pa de mngon par ma grub pa ste/ de ltar na mngon par ma grub pa dang / shes rab kyi pha rol du phyin pa zhes bya ba'i chos de gnyis ni gnyis su med de gnyis su byar myed do/ /tshe dang ldan pa shA ra dwa ti'i bu rnam grangs des na/ 'di skad du mngon par ma grub pa/ shes rab kyi pha rol du phyin pa mngon par ma grub pa la ji ltar gdams shing rjes su bstan par bya zhes smras so/ /tshe dang ldan pa shA ra dwa ti'i bu gang yang 'di skad du ci'i phyir na/ mngon par ma grub pa ma gtogs par gang byang chub tu spyod pa'i byang chub sems dpa' de lta bu mi dmigs so/ /zhes smras shes zer ba ni/ tshe dang ldan pa shA ra dwa ti'i bu 'di ltar byang chub sems dpa' sems dpa' chen po shes rab kyi pha rol du phyin pa la spyod pa'i tshe/ mngon par ma grub pa yang gzhan la/ byang chub sems dpa' yang gzhan du yang dag par rjes su mi mthong ste/ de ltar na mngon par ma grub pa dang / byang chub sems dpa' zhes bya ba'i chos de gnyis ni gnyis su med de gnyis su byar med do/ /mngon par ma grub pa ma gtogs par gzugs yang dag par rjes su mi mthong ste/ de ltar na mngon par ma grub pa dang / gzugs shes bya ba'i chos de gnyis ni gnyis su med de gnyis su byar med do/ /mngon par ma grub pa ma gtogs par tshor ba dang 'du shes dang 'du byed dang / rnam par shes pa yang dag par rjes su mi mthong ste/ de ltar na mngon par ma grub pa dang / rnam par shes pa zhes bya ba'i chos de gnyis ni gnyis su med de gnyis su byar med do/ /mngon par ma grub pa ma gtogs pa mig yang dag par rjes su mi mthong ste/ de ltar na mngon par ma grub pa dang / mig ces bya ba'i chos de gnyis ni gnyis su med de gnyis su byar med do/ /mngon par ma grub pa ma gtogs par rna ba dang sna dang lce dang lus dang yid yang dag par rjes su mi mthong ste/ de ltar na mngon par ma grub pa dang / yid ces bya ba'i chos de gnyis ni gnyis su med de</font><hr>31.52a<br><font size=+1>

gnyis su byar med do/ /mngon par ma grub pa ma gtogs par gzugs yang dag par rjes su mi mthong ste/ de ltar na mngon par ma grub pa dang / gzugs shes bya ba'i chos de gnyis ni gnyis su med de gnyis su byar med do/ /mngon par ma grub pa ma gtogs par/ sgra dang dri dang ro dang reg dang chos yang dag par rjes su mi mthong ste/ de ltar na mngon par ma grub pa dang / chos shes bya ba'i chos de gnyis ni gnyis su med de gnyis su byar med do/ /mngon par ma grub pa ma gtogs par/ mig gi rnam par shes pa yang dag par rjes su mi mthong ste/ de ltar na mngon par ma grub pa dang / mig gi rnam par shes pa zhes bya ba'i chos de gnyis ni gnyis su med de gnyis su byar med do/ /mngon par ma grub pa ma gtogs par/ rna ba'i rnam par shes pa dang sna'i rnam par shes pa dang lce'i rnam par shes pa dang / lus kyi rnam par shes pa dang yid kyi rnam par shes pa yang dag par rjes su mi mthong ste/ de ltar na mngon par ma grub pa dang / yid kyi rnam par shes pa zhes bya ba'i chos de gnyis ni gnyis su med de gnyis su byar med do/ /mngon par ma grub pa ma gtogs par/ mig gi 'dus te reg pa yang dag par rjes su mi mthong ste/ de ltar na mngon par ma grub pa dang / mig gi 'dus te reg pa zhes bya ba'i chos de gnyis ni gnyis su med de gnyis su byar med do/ /mngon par ma grub pa ma gtogs par/ rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa yang dag par rjes su mi mthong ste/ de ltar na mngon par ma grub pa dang / yid kyi 'dus te reg pa zhes bya ba'i chos de gnyis ni gnyis su med de gnyis su byar med do/ /mngon par ma grub pa ma gtogs par/ mig gi 'dus te reg pa'i rkyen kyis tshor ba yang dag par rjes su mi mthong ste/ de ltar na mngon par ma grub pa dang / mig gi 'dus te reg pa'i rkyen kyis tshor ba zhes bya ba'i chos de gnyis ni gnyis su med de gnyis su byar</font><hr>31.52b<br><font size=+1>

med do/ /mngon par ma grub pa ma gtogs par/ rna ba'i 'dus te reg pa'i rkyen kyis tshor ba dang / sna'i 'dus te reg pa'i rkyen kyis tshor ba dang / lce'i 'dus te reg pa'i rkyen kyis tshor ba dang / lus kyi 'dus te reg pa'i rkyen kyis tshor ba dang / yid kyi 'dus te reg pa'i rkyen kyis tshor ba yang dag par rjes su mi mthong ste/ de ltar na mngon par ma grub pa dang / yid kyi 'dus te reg pa'i rkyen kyis tshor ba zhes bya ba'i chos de gnyis ni gnyis su med de gnyis su byar med do/ /mngon par ma grub pa ma gtogs par/ sa'i khams yang dag par rjes su mi mthong ste/ de ltar na mngon par ma grub pa dang / sa'i khams shes bya ba'i chos de gnyis ni gnyis su med de gnyis su byar med do/ /mngon par ma grub pa ma gtogs par/ chu'i khams dang me'i khams dang rlung gi khams dang nam mkha'i khams dang / rnam par shes pa'i khams yang dag par rjes su mi mthong ste/ de ltar na mngon par ma grub pa dang / rnam par shes pa'i khams shes bya ba'i chos de gnyis ni gnyis su med de gnyis su byar med do/ /mngon par ma grub pa ma gtogs par/ ma rig pa yang dag par rjes su mi mthong ste/ de ltar na mngon par ma grub pa dang / ma rig pa zhes bya ba'i chos de gnyis ni gnyis su med de gnyis su byar med do/ /mngon par ma grub pa ma gtogs par/ 'du byed dang rnam par shes pa dang ming dang gzugs dang skye mched drug dang reg pa dang tshor ba dang sred pa dang len pa dang srid pa dang skye ba dang rga shi yang dag par rjes su mi mthong ste/ de ltar na mngon par ma grub pa dang / rga shi zhes bya ba'i chos de gnyis ni gnyis su med de gnyis su byar med do/ /mngon par ma grub pa ma gtogs par/ sbyin pa'i pha rol du phyin pa yang dag par rjes su mi mthong ste/ de ltar na mngon par ma grub pa dang / sbyin pa'i pha rol du phyin pa zhes bya ba'i chos de gnyis ni gnyis su med de gnyis su byar med do/ /mngon par ma grub pa ma gtogs par/ tshul khrims kyi pha rol du phyin pa dang bzod pa'i pha rol du phyin pa</font><hr>31.53a<br><font size=+1>

pa dang brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa yang dag par rjes su mi mthong ste/ de ltar na mngon par ma grub pa dang / shes rab kyi pha rol du phyin pa zhes bya ba'i chos de gnyis ni gnyis su med de gnyis su byar med do/ /mngon par ma grub pa ma gtogs par/ nang stong pa nyid yang dag par rjes su mi mthong ste/ de ltar na mngon par ma grub pa dang / nang stong pa nyid ces bya ba'i chos de gnyis ni gnyis su med de gnyis su byar med do/ /mngon par ma grub pa ma gtogs par/ dngos po med pa'i ngo bo nyid stong pa nyid kyi bar du yang dag par rjes su mi mthong ste/ de ltar na mngon par ma grub pa dang / dngos po med pa'i ngo bo nyid stong pa nyid ces bya ba'i chos de gnyis ni gnyis su med de gnyis su byar med do/ /mngon par ma grub pa ma gtogs par/ dran pa nye bar gzhag pa rnams yang dag par rjes su mi mthong ste/ de ltar na mngon par ma grub pa dang / dran pa nye bar gzhag pa rnams shes bya ba'i chos de gnyis ni gnyis su med de gnyis su byar med do/ /mngon par ma grub pa ma gtogs par/ yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa yang dag par rjes su mi mthong ste/ de ltar na mngon par ma grub pa dang / 'phags pa'i lam yan lag brgyad pa zhes bya ba'i chos de gnyis ni gnyis su med de gnyis su byar med do/ /mngon par ma grub pa ma gtogs par/ 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar kyis gnas pa'i snyoms par 'jug pa dang / stong pa nyid dang mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs dang mi 'jigs pa dang so so yang dag par rig pa dang / sangs rgyas kyi chos ma 'dres pa rnams yang</font><hr>31.53b<br><font size=+1>

dag par rjes su mi mthong ste/ de ltar na mngon par ma grub pa dang / sangs rgyas kyi chos ma 'dres pa rnams shes bya ba'i chos de gnyis ni gnyis su med de gnyis su byar med do/ /mngon par ma grub pa ma gtogs par/ rnam pa thams cad mkhyen pa nyid kyi bar du yang dag par rjes su mi mthong ste/ de ltar na mngon par ma grub pa dang / rnam pa thams cad mkhyen pa nyid ces bya ba'i chos de gnyis ni gnyis su med de gnyis su byar med do/ /tshe dang ldan pa shA ra dwa ti'i bu rnam grangs des na/ mngon par ma grub pa ma gtogs par/ gang byang chub du spyod pa'i byang chub sems dpa' de lta bu mi dmigs so/ /tshe dang ldan pa shA ra dwa ti'i bu gang yang 'di skad du ci'i phyir na de ltar bstan pa'i tshe/ byang chub sems dpa' sems dpa' chen po gal te mi 'jigs mi sngang skrag par mi 'gyur na/ byang chub sems dpa' sems dpa' chen po shes rab kyi pha rol du phyin pa la spyod do zhes smras shes zer ba ni/ tshe dang ldan pa shA ra dwa ti'i bu de ltar byang chub sems dpa' sems dpa' chen pos/ chos thams cad byed pa med par yang dag par rjes su mthong la/ chos thams cad rmi lam dang 'dra bar yang dag par rjes su mthong ngo / /chos thams cad sgyu ma dang 'dra ba/ smig rgyu dang 'dra ba sgra brnyan dang 'dra ba mig yor dang 'dra ba/ sprul pa dang 'dra bar yang dag par rjes su mthong bas tshe dang ldan pa shA ra dwa ti'i bu rnam grangs des na/ byang chub sems dpa' sems dpa' chen po shes rab kyi pha rol du phyin pa la spyod pa'i tshe/ bstan pa 'di thos na mi 'jigs mi sngang skrag par mi 'gyur ro/ /de nas tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das gang gi tshe/ byang chub sems dpa' sems dpa' chen po shes rab kyi pha rol du phyin pa la spyod cing / chos de dag la 'di ltar yongs su rtog pa de'i tshe 'di ni gzugs shes bgyi bar gzugs la mi dmigs shing mi len mi gnas te/ mngon par zhen par mi</font><hr>31.54a<br><font size=+1>

bgyid la 'dogs par mi bgyid do/ /de'i tshe 'di ni tshor ba dang 'du shes dang 'du byed dang rnam par shes pa zhes bgyi bar rnam par shes pa la mi dmigs shing / mi len mi gnas te/ mngon par zhen par mi bgyid la 'dogs par mi bgyid do/ /de'i tshe 'di ni mig ces bgyi bar mig la mi dmigs shing mi len mi gnas te/ mngon par zhen par mi bgyid la 'dogs par mi bgyid do/ /de'i tshe 'di ni rna ba dang sna dang lce dang lus dang yid ces bgyi bar yid la mi dmigs shing mi len mi gnas te/ mngon par zhen par mi bgyid la 'dogs par mi bgyid do/ /de'i tshe 'di ni gzugs shes bgyi bar gzugs la mi dmigs shing mi len mi gnas te/ mngon par zhen par mi bgyid la 'dogs par mi bgyid do/ /de'i tshe 'di ni sgra dang dri dang ro dang reg dang chos shes bgyi bar chos la mi dmigs shing mi len mi gnas te/ mngon par zhen par mi bgyid la 'dogs par mi bgyid do/ /de'i tshe 'di ni mig gi rnam par shes pa zhes bgyi bar mig gi rnam par shes pa la mi dmigs shing mi len mi gnas te/ mngon par zhen par mi bgyid la 'dogs par mi bgyid do/ /de'i tshe 'di ni rna ba'i rnam par shes pa dang sna'i rnam par shes pa dang lce'i rnam par shes pa dang / lus kyi rnam par shes pa dang yid kyi rnam par shes pa zhes bgyi bar/ yid kyi rnam par shes pa la mi dmigs shing mi len mi gnas te/ mngon par zhen par mi bgyid la 'dogs par mi bgyid do/ /de'i tshe 'di ni mig gi 'dus te reg pa zhes bgyi bar mig gi 'dus te reg pa la mi dmigs shing mi len mi gnas te/ mngon par zhen par mi bgyid la 'dogs par mi bgyid do/ /de'i tshe 'di ni rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang yid kyi 'dus te reg pa zhes bgyi bar yid kyi 'dus te reg pa la mi dmigs shing</font><hr>31.54b<br><font size=+1>

mi len mi gnas te/ mngon par zhen par mi bgyid la 'dogs par mi bgyid do/ /de'i tshe 'di ni mig gi 'dus te reg pa'i rkyen gyis tshor ba zhes bgyi bar/ mig gi 'dus te reg pa'i rkyen gyis tshor ba la mi dmigs shing mi len mi gnas te/ mngon par zhen par mi bgyid la 'dogs par mi bgyid do/ /de'i tshe 'di ni rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba zhes bgyi bar/ yid kyi 'dus te reg pa'i rkyen gyis tshor ba la mi dmigs shing mi len mi gnas te/ mngon par zhen par mi bgyid la 'dogs par mi bgyid do/ /bcom ldan 'das gang gi tshe byang chub sems dpa' sems dpa' chen po shes rab kyi pha rol du phyin pa la spyod cing / chos de dag la 'di ltar yongs su rtog pa de'i tshe 'di ni sbyin pa'i pha rol du phyin pa zhes bgyi ba sbyin pa'i pha rol du phyin pa la mi dmigs shing mi len mi gnas te/ mngon par zhen par mi bgyid la 'dogs par mi bgyid do/ /de'i tshe 'di ni tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa zhes bgyi bar shes rab kyi pha rol du phyin pa la mi dmigs shing mi len mi gnas te/ mngon par zhen par mi bgyid la 'dogs par mi bgyid do/ /de'i tshe 'di ni nang stong pa nyid ces bgyi bar nang stong pa nyid la mi dmigs shing mi len mi gnas te/ mngon par zhen par mi bgyid la 'dogs par mi bgyid do/ /de'i tshe 'di ni dngos po med pa'i ngo bo nyid stong pa nyid kyi bar zhes bgyi bar dngos po med pa'i ngo bo nyid stong pa nyid la mi dmigs shing mi len mi gnas te/ mngon par zhen par mi bgyid la 'dogs par mi bgyid do/ /bcom ldan 'das byang chub sems dpa' sems dpa' chen po shes</font><hr>31.55a<br><font size=+1>

rab kyi pha rol du phyin pa la spyod cing / chos de dag la 'di ltar yongs su rtog pa de'i tshe/ 'di ni dran pa nye bar gzhag pa rnams shes bgyi bar/ dran pa nye bar gzhag pa rnams la mi dmigs shing mi len mi gnas te/ mngon par zhen par mi bgyid la 'dogs par mi bgyid do/ /yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa zhes bgyi bar/ 'phags pa'i lam yan lag brgyad pa la mi dmigs shing mi len mi gnas te/ mngon par zhen par mi bgyid la 'dogs par mi bgyid do/ /de'i tshe 'di ni 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyi gnas pa'i snyoms par 'jug pa dang / stong pa nyid dang mtshan ma med pa dang / smon pa med pa dang mngon par shes pa rnams shes bgyi bar mngon par shes pa rnams la mi dmigs shing mi len mi gnas te/ mngon par zhen par mi bgyid la 'dogs par mi bgyid do/ /de'i tshe 'di ni de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad ces bgyi bar sangs rgyas kyi chos ma 'dres pa rnams la mi dmigs shing mi len mi gnas te/ mngon par zhen par mi bgyid la 'dogs par mi bgyid do/ /bcom ldan 'das gzhan yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ 'di dag ni ting nge 'dzin dang / gzungs kyi sgo zhes bgyi bar ting nge 'dzin dang / gzungs kyi sgo thams cad la mi dmigs shing mi len mi gnas te/ mngon par zhen par mi bgyid la 'dogs par mi bgyid do/ /de ci'i slad du zhe na/ 'di ltar byang chub sems dpa' sems dpa' chen po shes rab kyi pha rol du phyin pa la spyod pa'i tshe/ gzugs yang dag par rjes su mi mthong / </font><hr>31.55b<br><font size=+1>

tshor ba dang 'du shes dang / 'du byed dang rnam par shes pa yang dag par rjes su mi mthong ngo / /mig yang dag par rjes su mi mthong / /skye mched dang khams dang rten cing 'brel bar 'byung ba yang dag par rjes su mi mthong / pha rol du phyin pa rnams yang dag par rjes su mi mthong / stong pa nyid thams cad yang dag par rjes su mi mthong / byang chub kyi phyogs kyi chos thams cad yang dag par rjes su mi mthong / 'phags pa'i bden pa dang bsam gtan dang tshad med pa dang gzugs med pa'i snyoms par 'jug pa dang / rnam par thar pa dang mthar gyis gnas pa'i snyoms par 'jug pa dang / stong pa nyid dang mtshan ma med pa dang smon pa med pa dang / mngon par shes pa dang / ting nge 'dzin dang gzungs kyi sgo dang de bzhin gshegs pa'i stobs bcu dang mi 'jigs pa bzhi dang / so so yang dag par rig pa bzhi dang sangs rgyas kyi chos ma 'dres pa bcwa brgyad yang dag par rjes su mi mthong / rnam pa thams cad mkhyen pa nyid kyi bar du yang dag par rjes su mi mthong ngo / /bcom ldan 'das de ci'i slad du zhe na/ de ni 'di ltar gzugs kyi ma skyes pa gang lags pa de gzugs ma lags te/ de ltar na gzugs dang ma skyes pa de gnyis su ma mchis te/ gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar ma skyes pa ni gcig ma lags gnyis ma lags/ mang ba ma lags tha dad pa ma lags te/ de'i slad du gzugs kyi ma skyes pa gang lags pa de gzugs ma lags so/ /bcom ldan 'das tshor ba dang 'du shes dang 'du byed dang rnam par shes pa'i ma skyes pa gang lags pa de/ rnam par shes pa ma lags te de ltar na rnam par shes pa dang ma skyes pa de gnyis su ma mchis te gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar ma skyes pa ni gcig ma lags gnyis ma lags mang ba ma lags tha dad pa ma lags te/ de'i slad du rnam</font><hr>31.56a<br><font size=+1>

par shes pa'i ma skyes pa gang lags pa de rnam par shes pa ma lags so/ /bcom ldan 'das mig gi ma skyes pa gang lags pa de mig ma lags te/ de ltar na mig dang ma skyes pa de gnyis su ma mchis te gnyis su bgyir ma mchis so/ /de ci'i slad du zhe na bcom ldan 'das de ni 'di ltar ma skyes pa ni gcig ma lags gnyis ma lags mang ba ma lags tha dad pa ma lags te/ de'i slad du mig gi ma skyes pa gang lags pa de mig ma lags so/ /bcom ldan 'das rna ba dang sna dang lce dang lus dang yid kyi ma skyes pa gang lags pa de yid ma lags te/ de ltar na yid dang ma skyes pa de gnyis su ma mchis te/ gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar ma skyes pa ni gcig ma lags gnyis ma lags mang ba ma lags tha dad pa ma lags te/ de'i slad du yid kyi ma skyes pa gang lags pa de yid ma lags so/ /bcom ldan 'das gzugs kyi ma skyes pa gang lags pa de gzugs ma lags te/ de ltar na gzugs dang ma skyes pa de gnyis su ma mchis te gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar ma skyes pa ni gcig ma lags gnyis ma lags mang ba ma lags tha dad pa ma lags te/ de'i slad du gzugs kyi ma skyes pa gang lags pa de gzugs ma lags so/ /bcom ldan 'das sgra dang dri dang ro dang reg dang chos kyi ma skyes pa gang lags pa de/ chos ma lags te de ltar na chos dang ma skyes pa de gnyis su ma mchis te gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar ma skyes pa ni gcig ma lags gnyis ma lags mang ba ma lags tha dad pa ma lags te/ de'i slad du chos kyi ma skyes pa gang lags pa de chos ma lags so/ /bcom ldan 'das mig gi rnam par shes pa'i ma skyes pa gang lags pa de mig gi rnam par shes pa ma lags</font><hr>31.56b<br><font size=+1>

te de ltar na mig gi rnam par shes pa dang / ma skyes pa de gnyis su ma mchis te/ gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar ma skyes pa ni gcig ma lags gnyis ma lags mang ba ma lags tha dad pa ma lags te/ de'i slad du mig gi rnam par shes pa'i ma skyes pa gang lags pa de mig gi rnam par shes pa ma lags so/ /bcom ldan 'das rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa'i ma skyes pa gang lags pa de yid kyi rnam par shes pa ma lags te/ de ltar na yid kyi rnam par shes pa dang / ma skyes pa de gnyis su ma mchis te/ gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar ma skyes pa ni gcig ma lags gnyis ma lags mang ba ma lags tha dad pa ma lags te/ de'i slad du yid kyi rnam par shes pa'i ma skyes pa gang lags pa de yid kyi rnam par shes pa ma lags so/ /bcom ldan 'das mig gi 'dus te reg pa'i ma skyes pa gang lags pa de mig gi 'dus te reg pa ma lags te/ de ltar na mig gi 'dus te reg pa dang / ma skyes pa de gnyis su ma mchis te gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar ma skyes pa ni gcig ma lags gnyis ma lags mang ba ma lags tha dad pa ma lags te/ de'i slad du mig gi 'dus te reg pa'i ma skyes pa gang lags pa de mig gi 'dus te reg pa ma lags so/ /bcom ldan 'das rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang yid kyi 'dus te reg pa'i ma skyes pa gang lags pa de/ yid kyi 'dus te reg pa ma lags te/ de ltar na yid kyi 'dus te reg pa dang / ma skyes pa de gnyis su ma mchis te/ </font><hr>31.57a<br><font size=+1>

gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar ma skyes pa ni gcig ma lags gnyis ma lags mang ba ma lags tha dad pa ma lags te/ de'i slad du yid kyi 'dus te reg pa'i ma skyes pa gang lags pa de/ yid kyi 'dus te reg pa ma lags so/ /bcom ldan 'das mig gi 'dus te reg pa'i rkyen gyis tshor ba'i ma skyes pa gang lags pa de/ mig gi 'dus te reg pa'i rkyen gyis tshor ba ma lags te/ de ltar na mig gi 'dus te reg pa'i rkyen gyis tshor ba dang / ma skyes pa de gnyis su ma mchis te gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar ma skyes pa ni gcig ma lags gnyis ma lags mang ba ma lags tha dad pa ma lags te/ de'i slad du mig gi 'dus te reg pa'i rkyen gyis tshor ba'i ma skyes pa gang lags pa de mig gi 'dus te reg pa'i rkyen gyis tshor ba ma lags so/ /bcom ldan 'das rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba'i ma skyes pa gang lags pa de/ yid kyi 'dus te reg pa'i rkyen gyis tshor ba ma lags te/ de ltar na yid kyi 'dus te reg pa'i rkyen gyis tshor ba dang / ma skyes pa de gnyis su ma mchis te gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar ma skyes pa ni gcig ma lags gnyis ma lags mang ba ma lags tha dad pa ma lags te/ de'i slad du yid kyi 'dus te reg pa'i rkyen kyis tshor ba'i ma skyes pa gang lags pa de yid kyi 'dus te reg pa'i rkyen gyis tshor ba ma lags so/ /bcom ldan 'das sa'i khams kyi ma skyes pa gang lags pa de sa'i khams ma lags te/ de ltar na sa'i khams dang ma</font><hr>31.57b<br><font size=+1>

skyes pa de gnyis su ma mchis te gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar ma skyes pa ni gcig ma lags gnyis ma lags mang ba ma lags tha dad pa ma lags te/ de'i slad du sa'i khams kyi ma skyes pa gang lags pa de sa'i khams ma lags so/ /bcom ldan 'das chu'i khams dang me'i khams dang rlung gi khams dang / nam mkha'i khams dang rnam par shes pa'i khams kyi ma skyes pa gang lags pa de rnam par shes pa'i khams ma lags te/ de ltar na rnam par shes pa'i khams dang ma skyes pa de gnyis su ma mchis te gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar ma skyes pa ni gcig ma lags gnyis ma lags mang ba ma lags tha dad pa ma lags te/ de'i slad du rnam par shes pa'i khams kyi ma skyes pa gang lags pa de rnam par shes pa'i khams ma lags so/ /bcom ldan 'das ma rig pa'i ma skyes pa gang lags pa de/ ma rig pa ma lags te de ltar na ma rig pa dang ma skyes pa de gnyis su ma mchis te/ gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar ma skyes pa ni gcig ma lags gnyis ma lags mang ba ma lags tha dad pa ma lags te/ de'i slad du ma rig pa'i ma skyes pa gang lags pa de ma rig pa ma lags so/ /bcom ldan 'das 'du byed dang rnam par shes pa dang ming dang gzugs dang skye mched drug dang reg pa dang tshor ba dang / sred pa dang len pa dang srid pa dang skye ba dang rga shi'i ma skyes pa gang lags pa de/ rga shi ma lags te de ltar na rga shi dang ma skyes pa de gnyis su ma mchis te gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar ma skyes pa ni gcig ma lags gnyis ma lags mang ba ma lags tha dad pa ma lags te/ de'i slad du rga shi'i ma skyes pa gang lags pa de rga</font><hr>31.58a<br><font size=+1>

shi ma lags so/ /bcom ldan 'das sbyin pa'i pha rol du phyin pa'i ma skyes pa gang lags pa de/ sbyin pa'i pha rol du phyin pa ma lags te/ de ltar na sbyin pa'i pha rol du phyin pa dang / ma skyes pa de gnyis su ma mchis te gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar ma skyes pa ni gcig ma lags gnyis ma lags mang ba ma lags tha dad pa ma lags te/ de'i slad du sbyin pa'i pha rol tu phyin pa'i ma skyes pa gang lags pa de sbyin pa'i pha rol du phyin pa ma lags so/ /bcom ldan 'das tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa'i ma skyes pa gang lags pa de/ shes rab kyi pha rol tu phyin pa ma lags te/ de ltar na shes rab kyi pha rol du phyin pa dang / ma skyes pa de gnyis su ma mchis te gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar ma skyes pa ni gcig ma lags gnyis ma lags mang ba ma lags tha dad pa ma lags te/ de'i slad du shes rab kyi pha rol du phyin pa'i ma skyes pa gang lags pa de shes rab kyi pha rol du phyin pa ma lags so/ /bcom ldan 'das nang stong pa nyid kyi ma skyes pa gang lags pa de nang stong pa nyid ma lags te/ de ltar na nang stong pa nyid dang / ma skyes pa de gnyis su ma mchis te gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar ma skyes pa ni gcig ma lags gnyis ma lags mang ba ma lags tha dad pa ma lags te/ de'i slad du nang stong pa nyid kyi ma skyes pa gang lags pa de nang stong pa nyid ma lags so/ /bcom ldan 'das dngos po med pa'i ngo bo nyid stong pa nyid kyi bar gyi ma skyes pa gang lags pa de dngos po med pa'i ngo bo nyid stong pa nyid ma lags te de ltar na</font><hr>31.58b<br><font size=+1>

dngos po med pa'i ngo bo nyid stong pa nyid dang / ma skyes pa de gnyis su ma mchis te gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar ma skyes pa ni gcig ma lags gnyis ma lags/ mang ba ma lags tha dad pa ma lags te/ de'i slad du dngos po med pa'i ngo bo nyid stong pa nyid kyi ma skyes pa gang lags pa de dngos po med pa'i ngo bo nyid stong pa nyid ma lags so/ /bcom ldan 'das dran pa nye bar gzhag pa rnams kyi ma skyes pa gang lags pa de dran pa nye bar gzhag pa rnams ma lags te/ de ltar na dran pa nye bar gzhag pa rnams dang / ma skyes pa de gnyis su ma mchis te/ gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar ma skyes pa ni gcig ma lags gnyis ma lags mang ba ma lags tha dad pa ma lags te/ de'i slad du dran pa nye bar gzhag pa rnams kyi ma skyes pa gang lags pa de dran pa nye bar gzhag pa rnams ma lags so/ /bcom ldan 'das yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa'i ma skyes pa gang lags pa de/ 'phags pa'i lam yan lag brgyad pa ma lags te/ de ltar na 'phags pa'i lam yan lag brgyad pa dang ma skyes pa de gnyis su ma mchis te gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar ma skyes pa ni gcig ma lags gnyis ma lags mang ba ma lags tha dad pa ma lags te/ de'i slad du 'phags pa'i lam yan lag brgyad pa'i ma skyes pa gang lags pa de 'phags pa'i lam yan lag brgyad pa ma lags so/ /bcom ldan 'das 'phags pa'i bden pa dang / bsam gtan dang tshad med pa dang / gzugs med pa'i snyoms par 'jug</font><hr>31.59a<br><font size=+1>

pa dang rnam par thar pa dang / mthar gyis gnas pa'i snyoms par 'jug pa dang / stong pa nyid dang mtshan ma med pa dang smon pa med pa dang / mngon par shes pa dang ting nge 'dzin dang / gzungs kyi sgo dang / de bzhin gshegs pa'i stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa bcwa brgyad kyi ma skyes pa gang lags pa de sangs rgyas kyi chos ma 'dres pa rnams ma lags te/ de ltar na sangs rgyas kyi chos ma 'dres pa rnams dang / ma skyes pa de gnyis su ma mchis te gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar ma skyes pa ni gcig ma lags gnyis ma lags mang ba ma lags tha dad pa ma lags te/ de'i slad du sangs rgyas kyi chos ma 'dres pa rnams kyi ma skyes pa gang lags pa de sangs rgyas kyi chos ma 'dres pa rnams ma lags so/ /bcom ldan 'das de bzhin nyid kyi ma skyes pa gang lags pa de de bzhin nyid ma lags te/ de ltar na de bzhin nyid dang ma skyes pa de gnyis su ma mchis te/ gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar ma skyes pa ni gcig ma lags gnyis ma lags mang ba ma lags tha dad pa ma lags te/ de'i slad du de bzhin nyid kyi ma skyes pa gang lags pa de de bzhin nyid ma lags so/ /bcom ldan 'das chos nyid dang chos kyi dbyings dang / chos skyon med pa nyid dang / yang dag pa'i mtha' dang bsam gyis mi khyab pa'i dbyings dang / thams cad shes pa nyid dang lam gyi rnam pa shes pa nyid dang rnam pa thams cad mkhyen pa nyid kyi ma skyes pa gang lags pa de rnam pa thams cad mkhyen pa nyid ma lags te/ de ltar na rnam pa thams cad mkhyen pa nyid dang ma skyes pa de gnyis su ma mchis te/ </font><hr>31.59b<br><font size=+1>

gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar ma skyes pa ni gcig ma lags gnyis ma lags/ mang ba ma lags tha dad pa ma lags te/ de'i slad du rnam pa thams cad mkhyen pa nyid kyi ma skyes pa gang lags pa dang / rnam pa thams cad mkhyen pa nyid ma lags so/ /bcom ldan 'das gzugs kyi 'grib pa gang lags pa de ni gzugs ma lags te/ de ltar na gzugs dang 'grib pa de gnyis su ma mchis te gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar 'grib pa ni/ gcig ma lags gnyis ma lags mang ba ma lags tha dad pa ma lags te/ de'i slad du gzugs kyi 'grib pa gang lags pa de gzugs ma lags so/ /bcom ldan 'das tshor ba dang 'du shes dang 'du byed dang rnam par shes pa'i 'grib pa gang lags pa de ni rnam par shes pa ma lags te/ de ltar na rnam par shes pa dang / 'grib pa de gnyis su ma mchis te/ gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar 'grib pa ni gcig ma lags gnyis ma lags mang ba ma lags tha dad pa ma lags te/ de'i slad du rnam par shes pa'i 'grib pa gang lags pa de rnam par shes pa ma lags so/ /bcom ldan 'das mig gi 'grib pa gang lags pa de ni mig ma lags te/ de ltar na mig dang 'grib pa de gnyis su ma mchis te/ gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar 'grib pa ni gcig ma lags gnyis ma lags mang ba ma lags tha dad pa ma lags te/ de'i slad du mig gi 'grib pa gang lags pa de mig ma lags so/ /bcom ldan 'das rna ba dang sna dang lce dang lus dang yid kyi 'grib pa gang lags pa de ni yid ma lags te/ </font><hr>31.60a<br><font size=+1>

de ltar na yid dang 'grib pa de gnyis su ma mchis te/ gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar 'grib pa ni gcig ma lags gnyis ma lags mang ba ma lags tha dad pa ma lags te/ de'i slad du yid kyi 'grib pa gang lags pa de yid ma lags so/ /bcom ldan 'das gzugs kyi 'grib pa gang lags pa de ni gzugs ma lags te/ de ltar na gzugs dang 'grib pa de gnyis su ma mchis te/ gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar 'grib pa ni gcig ma lags gnyis ma lags mang ba ma lags tha dad pa ma lags te/ de'i slad du gzugs kyi 'grib pa gang lags pa de gzugs ma lags so/ /bcom ldan 'das sgra dang dri dang ro dang reg dang chos kyi 'grib pa gang lags pa de ni chos ma lags te/ de ltar na chos dang 'grib pa de gnyis su ma mchis te gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar 'grib pa ni gcig ma lags gnyis ma lags mang ba ma lags tha dad pa ma lags te/ de'i slad du chos kyi 'grib pa gang lags pa de chos ma lags so/ /bcom ldan 'das mig gi rnam par shes pa'i 'grib pa gang lags pa de ni mig gi rnam par shes pa ma lags te/ de ltar na mig gi rnam par shes pa dang 'grib pa de gnyis su ma mchis te gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar 'grib pa ni gcig ma lags gnyis ma lags mang ba ma lags tha dad pa ma lags te/ de'i slad du mig gi rnam par shes pa'i 'grib pa gang lags pa de mig gi rnam par shes pa ma lags so/ /bcom ldan 'das rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam</font><hr>31.60b<br><font size=+1>

par shes pa'i 'grib pa gang lags pa de ni yid kyi rnam par shes pa ma lags te/ de ltar na yid kyi rnam par shes pa dang 'grib pa de gnyis su ma mchis te/ gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar 'grib pa ni gcig ma lags gnyis ma lags mang ba ma lags tha dad pa ma lags te/ de'i slad du yid kyi rnam par shes pa'i 'grib pa gang lags pa de yid kyi rnam par shes pa ma lags so/ /bcom ldan 'das mig gi 'dus te reg pa'i 'grib pa gang lags pa de ni mig gi 'dus te reg pa ma lags te/ de ltar na mig gi 'dus te reg pa dang / 'grib pa de gnyis su ma mchis te/ gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar 'grib pa ni gcig ma lags gnyis ma lags mang ba ma lags/ tha dad pa ma lags te/ de'i slad du mig gi 'dus te reg pa'i 'grib pa gang lags pa de mig gi 'dus te reg pa ma lags so/ /bcom ldan 'das rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa'i 'grib pa gang lags pa de ni yid kyi 'dus te reg pa ma lags te/ de ltar na yid kyi 'dus te reg pa dang 'grib pa de gnyis su ma mchis te gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar 'grib pa ni gcig ma lags gnyis ma lags mang ba ma lags tha dad pa ma lags te/ de'i slad du yid kyi 'dus te reg pa'i 'grib pa gang lags pa de yid kyi 'dus te reg pa ma lags so/ /bcom ldan 'das mig gi 'dus te reg pa'i rkyen gyis tshor ba'i 'grib pa gang lags pa de ni mig gi 'dus te reg pa'i rkyen gyis tshor ba ma lags te/ de ltar na mig gi 'dus te reg pa'i rkyen gyis tshor ba dang / 'grib pa de gnyis su ma mchis te/ </font><hr>31.61a<br><font size=+1>

gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar 'grib pa ni gcig ma lags gnyis ma lags mang ba ma lags tha dad pa ma lags te/ de'i slad du mig gi 'dus te reg pa'i rkyen gyis tshor ba'i 'grib pa gang lags pa de/ mig gi 'dus te reg pa'i rkyen gyis tshor ba ma lags so/ /bcom ldan 'das rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba'i 'grib pa gang lags pa de ni yid kyi 'dus te reg pa'i rkyen gyis tshor ba ma lags te/ de ltar na yid kyi 'dus te reg pa'i rkyen gyis tshor ba dang / 'grib pa de gnyis su ma mchis te gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar 'grib pa ni gcig ma lags gnyis ma lags mang ba ma lags tha dad pa ma lags te/ de'i slad du yid kyi 'dus te reg pa'i rkyen kyis tshor ba'i 'grib pa gang lags pa de yid kyi 'dus te reg pa'i rkyen kyis tshor ba ma lags so/ /bcom ldan 'das sa'i khams kyi 'grib pa gang lags pa de ni/ sa'i khams ma lags te/ de ltar na sa'i khams dang / 'grib pa dang gnyis su ma mchis te/ gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar 'grib pa ni gcig ma lags gnyis ma lags mang ba ma lags tha dad pa ma lags te/ de'i slad du sa'i khams kyi 'grib pa gang lags pa de sa'i khams ma lags so/ /bcom ldan 'das chu'i khams dang / me'i khams dang rlung gi khams dang / nam mkha'i khams dang / rnam par shes pa'i khams kyi 'grib pa gang lags pa de ni rnam par shes pa'i khams ma lags te/ de ltar na rnam par shes pa'i khams</font><hr>31.61b<br><font size=+1>

'grib pa de gnyis su ma mchis te gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar 'grib pa ni gcig ma lags gnyis ma lags mang ba ma lags tha dad pa ma lags te/ de'i slad du rnam par shes pa'i khams kyi 'grib pa gang lags pa de rnam par shes pa'i khams ma lags so/ /bcom ldan 'das ma rig pa'i 'grib pa gang lags pa de ni ma rig pa ma lags te/ de ltar na ma rig pa dang 'grib pa de gnyis su ma mchis te gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar 'grib pa ni gcig ma lags gnyis ma lags mang ba ma lags tha dad pa ma lags te de'i slad du ma rig pa'i 'grib pa gang lags pa de ma rig pa ma lags so/ /bcom ldan 'das 'du byed dang rnam par shes pa dang ming dang gzugs dang skye mched drug dang / reg pa dang tshor ba dang sred pa dang len pa dang srid pa dang skye ba dang rga shi'i 'grib pa gang lags pa de ni rga shi ma lags te/ de ltar na rga shi dang 'grib pa de gnyis su ma mchis te gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar 'grib pa ni gcig ma lags gnyis ma lags mang ba ma lags tha dad pa ma lags te/ de'i slad du rga shi'i 'grib pa gang lags pa de rga shi ma lags so/ /shes rab kyi pha rol du phyin pa stong phrag nyi shu lnga pa/ bam po nyi shu lnga pa/ bcom ldan 'das sbyin pa'i pha rol tu phyin pa'i 'grib pa gang lags pa de ni/ sbyin pa'i pha rol du phyin pa ma lags te/ de ltar na sbyin pa'i pha rol du phyin pa dang 'grib pa de gnyis su ma mchis te gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar 'grib pa ni gcig ma lags gnyis ma lags mang ba ma lags tha dad pa ma lags te/ de'i slad</font><hr>31.62a<br><font size=+1>

du sbyin pa'i pha rol du phyin pa'i 'grib pa gang lags pa de/ sbyin pa'i pha rol du phyin pa ma lags so/ /bcom ldan 'das tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa'i 'grib pa gang lags pa de ni/ shes rab kyi pha rol du phyin pa ma lags te/ de ltar na shes rab kyi pha rol du phyin pa dang / 'grib pa de gnyis su ma mchis te gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar 'grib pa ni gcig ma lags gnyis ma lags mang ba ma lags tha dad pa ma lags te/ de'i slad du shes rab kyi pha rol du phyin pa'i 'grib pa gang lags pa de/ shes rab kyi pha rol du phyin pa ma lags so/ /bcom ldan 'das nang stong pa nyid kyi 'grib pa gang lags pa de ni nang stong pa nyid ma lags te/ de ltar na nang stong pa nyid dang / 'grib pa de gnyis su ma mchis te/ gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar 'grib pa ni gcig ma lags gnyis ma lags mang ba ma lags tha dad pa ma lags te/ de'i slad du nang stong pa nyid kyi 'grib pa gang lags pa de nang stong pa nyid ma lags so/ /bcom ldan 'das dngos po med pa'i ngo bo nyid stong pa nyid kyi bar gyi 'grib pa gang lags pa de ni/ dngos po med pa'i ngo bo nyid stong pa nyid ma lags te/ de ltar na dngos po med pa'i ngo bo nyid stong pa nyid dang / 'grib pa de gnyis su ma mchis te gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar 'grib pa ni gcig ma lags gnyis ma lags mang ba ma lags tha dad pa ma lags te/ de'i slad</font><hr>31.62b<br><font size=+1>

du dngos po med pa'i ngo bo nyid stong pa nyid kyi 'grib pa gang lags pa de/ dngos po med pa'i ngo bo nyid stong pa nyid ma lags so/ /bcom ldan 'das dran pa nye bar gzhag pa rnams kyi 'grib pa gang lags pa de ni dran pa nye bar gzhag pa rnams ma lags te/ de ltar na dran pa nye bar gzhag pa rnams dang / 'grib pa de gnyis su ma mchis te gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar 'grib pa ni gcig ma lags gnyis ma lags mang ba ma lags tha dad pa ma lags te/ de'i slad du dran pa nye bar gzhag pa'i 'grib pa gang lags pa de/ dran pa nye bar gzhag pa rnams ma lags so/ /bcom ldan 'das yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa'i 'grib pa gang lags pa de ni/ 'phags pa'i lam yan lag brgyad pa ma lags te/ de ltar na 'phags pa'i lam yan lag brgyad pa dang / 'grib pa de gnyis su ma mchis te gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar 'grib pa ni gcig ma lags gnyis ma lags mang ba ma lags tha dad pa ma lags te/ de'i slad du 'phags pa'i lam yan lag brgyad pa'i 'grib pa gang lags pa de 'phags pa'i lam yan lag brgyad pa ma lags so/ /bcom ldan 'das 'phags pa'i bden pa dang / bsam gtan dang tshad med pa dang / gzugs med pa'i snyoms par 'jug pa dang / stong pa nyid dang mtshan ma med pa dang / smon pa med pa dang / mngon par shes pa dang ting nge 'dzin dang / gzungs kyi sgo dang de bzhin gshegs pa'i stobs bcu dang mi 'jigs pa dang so so yang dag par rig pa dang / </font><hr>31.63a<br><font size=+1>

sangs rgyas kyi chos ma 'dres pa bcwa brgyad kyi 'grib pa gang lags pa de ni/ sangs rgyas kyi chos ma 'dres pa bcwa brgyad ma lags te/ de ltar na sangs rgyas kyi chos ma 'dres pa rnams dang / 'grib pa de gnyis su ma mchis te/ gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar 'grib pa ni gcig ma lags gnyis ma lags mang ba ma lags tha dad pa ma lags te/ de'i slad du sangs rgyas kyi chos ma 'dres pa rnams kyi 'grib pa gang lags pa de ni/ sangs rgyas kyi chos ma 'dres pa rnams ma lags so/ /bcom ldan 'das de bzhin du de bzhin nyid dang / ma nor ba de bzhin nyid dang gzhan ma yin pa de bzhin nyid dang / chos nyid dang chos kyi dbyings dang chos kyi gnas nyid dang / chos mi 'gyur ba nyid dang yang dag pa'i mtha' dang bsam gyis mi khyab pa'i dbyings nas/ rnam pa thams cad mkhyen pa nyid kyi bar gyi 'grib pa gang lags pa de ni rnam pa thams cad mkhyen pa nyid ma lags te/ de ltar na rnam pa thams cad mkhyen pa nyid dang 'grib pa de gnyis su ma mchis te/ gnyis su bgyir ma mchis so/ /de ci'i slad du zhe na/ bcom ldan 'das de ni 'di ltar 'grib pa ni gcig ma lags gnyis ma lags mang ba ma lags tha dad pa ma lags te/ de'i slad du rnam pa thams cad mkhyen pa nyid 'grib pa gang lags pa de/ rnam pa thams cad mkhyen pa nyid ma lags so/ /bcom ldan 'das gang yang gzugs shes bgyi ba 'di ni gnyis su ma mchis shing / nyam pa ma mchis pa'i chos kyi rnam grangs su bgyis pa'o/ /gang yang tshor ba dang 'du shes dang 'du byed dang rnam par shes pa zhes bgyi ba 'di ni gnyis su ma mchis shing gnyis su nyam pa ma mchis pa'i chos kyi rnam grangs su bgyis pa'o/ /gang yang mig ces bgyi ba 'di ni gnyis su ma mchis shing</font><hr>31.63b<br><font size=+1>

nyam pa ma mchis pa'i chos kyi rnam grangs su bgyis pa'o/ /gang yang rna ba dang sna dang lce dang lus dang yid ces bgyi ba 'di ni gnyis su ma mchis shing / nyam pa ma mchis pa'i chos kyi rnam grangs su bgyis pa'o/ /gang yang gzugs shes bgyi ba 'di ni gnyis su ma mchis shing / nyam pa ma mchis pa'i chos kyi rnam grangs su bgyis pa'o/ /gang yang sgra dang dri dang ro dang reg dang chos shes bgyi ba 'di ni gnyis su ma mchis shing / nyam pa ma mchis pa'i chos kyi rnam grangs su bgyis pa'o/ /gang yang mig gi rnam par shes pa zhes bgyi ba 'di ni gnyis su ma mchis shing / nyam pa ma mchis pa'i chos kyi rnam grangs su bgyis pa 'o/ /gang yang rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa zhes bgyi ba 'di ni gnyis su ma mchis shing / nyam pa ma mchis pa'i chos kyi rnam grangs su bgyis pa'o/ /gang yang mig gi 'dus te reg pa zhes bgyi ba 'di ni gnyis su ma mchis shing / nyam pa ma mchis pa'i chos kyi rnam grangs su bgyis pa'o/ /gang yang rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa zhes bgyi ba 'di ni gnyis su ma mchis shing / nyam pa ma mchis pa'i chos kyi rnam grangs su bgyis pa'o/ /gang yang mig gi 'dus te reg pa'i rkyen gyis tshor ba zhes bgyi ba 'di ni gnyis su ma mchis shing / nyam pa ma mchis pa'i chos kyi rnam grangs su bgyis pa'o/ /gang yang rna ba'i 'dus te reg pa'i rkyen kyis tshor ba dang / sna'i 'dus te reg pa'i rkyen kyis tshor ba dang / lce'i 'dus te reg pa'i rkyen kyis tshor ba dang / lus kyi 'dus te reg pa'i rkyen kyis tshor ba dang / yid kyi</font><hr>31.64a<br><font size=+1>

'dus te reg pa'i rkyen gyis tshor ba zhes bgyi ba 'di ni gnyis su ma mchis shing / nyam pa ma mchis pa'i chos kyi rnam grangs su bgyis pa'o/ /gang yang dran pa nye bar gzhag pa rnams shes bgyi ba'i bar 'di ni gnyis su ma mchis shing / nyam pa ma mchis pa'i chos kyi rnam grangs su bgyis pa'o/ /gang yang 'phags pa'i lam yan lag brgyad pa zhes bgyi ba 'di ni gnyis su ma mchis shing / nyam pa ma mchis pa'i chos kyi rnam grangs su bgyis pa'o/ /gang yang sangs rgyas kyi chos ma 'dres pa bcwa brgyad ces bgyi ba'i bar 'di ni gnyis su ma mchis shing / nyam pa ma mchis pa'i chos kyi rnam grangs su bgyi pa'o/ /gang yang rnam pa thams cad mkhyen pa nyid ces bgyi ba'i bar 'di ni gnyis su ma mchis shing / nyam pa ma mchis pa'i chos kyi rnam grangs su bgyis pa'o/ /shes rab kyi pha rol du phyin pa stong phrag nyi shu lnga pa las le'u bcu gnyis pa'o// // de nas tshe dang ldan pa shA ra dwa ti'i bus/ tshe dang ldan pa rab 'byor la 'di skad ces smras so/ /tshe dang ldan pa rab 'byor byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ chos 'di dag la ni ji ltar yongs su rtog /tshe dang ldan pa rab 'byor byang chub sems dpa' ni gang / shes rab kyi pha rol du phyin pa ni gang / yongs su brtag pa ni gang de skad ces smras pa dang / tshe dang ldan pa rab 'byor gyis tshe dang ldan pa shA ra dwa ti'i bu la 'di skad ces smras so/ /tshe dang ldan pa shA ra dwa ti'i bu gang yang 'di skad du byang chub sems dpa' gang zhes zer ba ni gang gi phyir sems can byang chub yin pa de'i phyir byang chub sems dpa' zhes bya'o/ /byang chub des kyang chos thams cad kyi rnam pa shes te chos de dag la mngon par chags pa med do/ /chos gang gi rnam pa shes she na/ gzugs kyi rnam</font><hr>31.64b<br><font size=+1>

pa shes te/ de la mngon par chags pa med do/ /tshor ba dang 'du shes dang 'du byed dang rnam par shes pa'i rnam pa shes te/ de la mngon par chags pa med do/ /skye mched dang khams dang rten cing 'brel bar 'byung ba'i rnam pa shes te/ de la mngon par chags pa med do/ /pha rol du phyin pa rnams dang / stong pa nyid thams cad dang / byang chub kyi phyogs kyi chos sum bcu rtsa bdun kyi rnam pa shes te/ de la mngon par chags pa med do/ /'phags pa'i bden pa dang / bsam gtan dang tshad med pa dang / gzugs med pa'i snyoms par 'jug pa dang rnam par thar pa dang / mthar gyis gnas pa'i snyoms par 'jug pa dang stong pa nyid dang mtshan ma med pa dang smon pa med pa dang mngon par shes pa dang / ting nge 'dzin dang gzungs kyi sgo dang de bzhin gshegs pa'i stobs bcu dang / mi 'jigs pa rnams dang so so yang dag par rig pa rnams dang / sangs rgyas kyi chos ma 'dres pa bcwa brgyad kyi rnam pa shes te/ de la mngon par chags pa med do/ /smras pa tshe dang ldan pa rab 'byor chos thams cad kyi rnam pa gang yin/ rab 'byor gyis smras pa/ tshe dang ldan pa shA ra dwa ti'i bu rnam pa gang dang tshul gang dang mtshan ma gang gis chos rnams rnam pa yod par bya ba ste/ 'di ltar 'dus byas dang 'dus ma byas kyi chos rnams gzugs sam sgra 'am dri 'am ro 'am reg gam phyi nang gi chos kyang shes te/ rnam pa gang dang tshul gang dang mtshan ma gang gis rnam par yod par bya ba 'di dag ni chos thams cad kyi rnam pa zhes bya'o/ /tshe dang ldan pa shA ra dwa ti'i bu gang yang 'di skad du/ shes rab kyi pha rol tu phyin pa gang zhes zer ba ni/ tshe dang ldan pa shA ra dwa ti'i bu gang la shes rab kyi pha rol du phyin pa zhes bya ba de ni ring du song ba ste/ gang las ring du song ba zhes bya zhe na/ tshe dang ldan pa shA ra dwa ti'i bu phung po rnams las ring du song bas na/ de'i</font><hr>31.65a<br><font size=+1>

phyir ring du song ba zhes bya'o/ /skye mched rnams dang / khams rnams las ring du song bas na/ de'i phyir ring du song ba zhes bya'o/ /nyon mongs pa thams cad dang / lta ba'i rnam pa thams cad dang / 'gro ba drug las ring du song bas na/ de'i phyir ring du song ba zhes bya'o/ /sbyin pa'i pha rol du phyin pa las ring du song bas na/ de'i phyir ring du song ba zhes bya'o/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa las ring du song bas na/ de'i phyir ring du song ba zhes bya'o/ /nang stong pa nyid las ring du song bas na/ de'i phyir ring du song ba zhes bya'o/ /phyi stong pa nyid las ring du song bas na/ de'i phyir ring du song ba zhes bya'o/ /phyi nang stong pa nyid las ring du song bas na/ de'i phyir ring du song ba zhes bya'o/ /dngos po med pa'i ngo bo nyid stong pa nyid kyi bar las ring du song bas na/ de'i phyir ring du song ba zhes bya'o/ /dran pa nye bar gzhag pa rnams las ring du song bas na/ de'i phyir ring du song ba zhes bya'o/ /yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa las ring du song bas na/ de'i phyir ring du song ba zhes bya'o/ /'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa rnams dang / mthar gyis gnas pa'i snyoms par 'jug pa rnams dang / stong pa nyid dang mtshan ma med pa dang / </font><hr>31.65b<br><font size=+1>

smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams las ring du song bas na/ de'i phyir ring du song ba zhes bya'o/ /de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams las ring du song bas na/ de'i phyir ring du song ba zhes bya'o/ /rnam pa thams cad mkhyen pa nyid kyi bar las ring du song bas na/ de'i phyir ring du song ba zhes bya'o/ /tshe dang ldan pa shA ra dwa ti'i bu rnam grangs des na/ ring du song ba ste/ de ni shes rab kyi pha rol du phyin pa'o/ /tshe dang ldan pa shA ra dwa ti'i bu gang yang 'di skad du yongs su brtag pa gang zhes zer ba ni/ tshe dang ldan pa shA ra dwa ti'i bu 'di la byang chub sems dpa' sems dpa' chen po shes rab kyi pha rol du phyin pa la spyod pa'i tshe/ gzugs rtag ces bya ba dang / mi rtag ces bya bar yongs su mi rtog go/ /bde zhes bya ba dang sdug bsngal zhes bya bar yongs su mi rtog go/ /bdag ces bya ba dang bdag med ces bya bar yongs su mi rtog go/ /sdug ces bya ba dang mi sdug ces bya bar yongs su mi rtog go/ /stong zhes bya ba dang mi stong zhes bya bar yongs su mi rtog go/ /mtshan ma yod ces bya ba dang / mtshan ma med ces bya bar yongs su mi rtog go/ /smon pa yod ces bya ba dang / smon pa med ces bya bar yongs su mi rtog go/ /zhi zhes bya ba dang ma zhi zhes bya bar yongs su mi rtog go/ /dben zhes bya ba dang mi dben zhes bya bar yongs su mi rtog go/ /tshor ba dang 'du shes dang 'du byed dang rnam par shes pa rtag ces bya ba dang / mi rtag ces bya bar yongs su mi rtog go/ /bde zhes bya ba dang sdug bsngal zhes bya bar yongs su mi rtog go/ /bdag ces bya ba dang bdag med ces bya bar yongs su</font><hr>31.66a<br><font size=+1>

mi rtog go/ /sdug ces bya ba dang mi sdug ces bya bar yongs su mi rtog go/ /stong zhes bya ba dang mi stong zhes bya bar yongs su mi rtog go/ /mtshan ma yod ces bya ba dang / mtshan ma med ces bya bar yongs su mi rtog go/ /smon pa yod ces bya ba dang / smon pa med ces bya bar yongs su mi rtog go/ /zhi zhes bya ba dang ma zhi zhes bya bar yongs su mi rtog go/ /dben zhes bya ba dang mi dben zhes bya bar yongs su mi rtog go/ /mig rtag ces bya ba dang / mi rtag ces bya bar yongs su mi rtog go/ /bde zhes bya ba dang sdug bsngal zhes bya bar yongs su mi rtog go/ /bdag ces bya ba dang bdag med ces bya bar yongs su mi rtog go/ /sdug ces bya ba dang mi sdug ces bya bar yongs su mi rtog go/ /stong zhes bya ba dang mi stong zhes bya bar yongs su mi rtog go/ /mtshan ma yod ces bya ba dang mtshan ma med ces bya bar yongs su mi rtog go/ /smon pa yod ces bya ba dang smon pa med ces bya bar yongs su mi rtog go/ /zhi zhes bya ba dang ma zhi zhes bya bar yongs su mi rtog go/ /dben zhes bya ba dang mi dben zhes bya bar yongs su mi rtog go/ /rna ba dang sna dang lce dang lus dang yid rtag ces bya ba dang mi rtag ces bya bar yongs su mi rtog go/ /bde zhes bya ba dang sdug bsngal zhes bya bar yongs su mi rtog go/ /bdag ces bya ba dang bdag med ces bya bar yongs su mi rtog go/ /sdug ces bya ba dang mi sdug ces bya bar yongs su mi rtog go/ /stong zhes bya ba dang mi stong zhes bya bar yongs su mi rtog go/ /mtshan ma yod ces bya ba dang mtshan ma med ces bya bar yongs su mi rtog go/ /smon pa yod ces bya ba dang smon pa med ces bya bar yongs su mi rtog go/ /zhi zhes bya ba dang ma zhi zhes bya bar yongs su mi rtog go/ /dben zhes bya ba dang mi dben zhes bya bar yongs su mi rtog go/ /gzugs rtag ces bya ba dang mi rtag ces bya bar yongs su mi rtog go/ /bde zhes bya ba dang sdug bsngal zhes bya bar yongs su mi rtog go/[ ]/ </font><hr>31.66b<br><font size=+1>

bdag ces bya ba dang bdag med ces bya bar yongs su mi rtog go/ /sdug ces bya ba dang mi sdug ces bya bar yongs su mi rtog go/ /stong zhes bya ba dang mi stong zhes bya bar yongs su mi rtog go/ /mtshan ma yod ces bya ba dang mtshan ma med ces bya bar yongs su mi rtog go/ /smon pa yod ces bya ba dang smon pa med ces bya bar yongs su mi rtog go/ /zhi zhes bya ba dang ma zhi zhes bya bar yongs su mi rtog go/ /dben zhes bya ba dang mi dben zhes bya bar yongs su mi rtog go/ /sgra dang dri dang ro dang reg dang chos rtag ces bya ba dang mi rtag ces bya bar yongs su mi rtog go/ /bde zhes bya ba dang sdug bsngal zhes bya bar yongs su mi rtog go/ /bdag ces bya ba dang bdag med ces bya bar yongs su mi rtog go/ /sdug ces bya ba dang mi sdug ces bya bar yongs su mi rtog go/ /stong zhes bya ba dang mi stong zhes bya bar yongs su mi rtog go/ /mtshan ma yod ces bya ba dang mtshan ma med ces bya bar yongs su mi rtog go/ /smon pa yod ces bya ba dang smon pa med ces bya bar yongs su mi rtog go/ /zhi zhes bya ba dang ma zhi zhes bya bar yongs su mi rtog go/ /dben zhes bya ba dang mi dben zhes bya bar yongs su mi rtog go/ /mig gi rnam par shes pa rtag ces bya ba dang mi rtag ces bya bar yongs su mi rtog go/ /bde zhes bya ba dang sdug bsngal zhes bya bar yongs su mi rtog go/ /bdag ces bya ba dang bdag med ces bya bar yongs su mi rtog go/ /sdug ces bya ba dang mi sdug ces bya bar yongs su mi rtog go/ /stong zhes bya ba dang mi stong zhes bya bar yongs su mi rtog go/ /mtshan ma yod ces bya ba dang mtshan ma med ces bya bar yongs su mi rtog go/ /smon pa yod ces bya ba dang smon pa med ces bya bar yongs su mi rtog go/ /zhi zhes bya ba dang ma zhi zhes bya bar yongs su mi rtog go/ /dben zhes bya ba dang mi dben zhes bya bar yongs</font><hr>31.67a<br><font size=+1>

su mi rtog go/ /rna ba'i rnam par shes pa dang / sna'i rnam par shes pa dang / lce'i rnam par shes pa dang lus kyi rnam par shes pa dang / yid kyi rnam par shes pa rtag ces bya ba dang mi rtag ces bya bar yongs su mi rtog go/ /bde zhes bya ba dang sdug bsngal zhes bya bar yongs su mi rtog go/ /bdag ces bya ba dang bdag med ces bya bar yongs su mi rtog go/ /sdug ces bya ba dang mi sdug ces bya bar yongs su mi rtog go/ /stong zhes bya ba dang mi stong zhes bya bar yongs su mi rtog go/ /mtshan ma yod ces bya ba dang mtshan ma med ces bya bar yongs su mi rtog go/ /smon pa yod ces bya ba dang smon pa med ces bya bar yongs su mi rtog go/ /zhi zhes bya ba dang ma zhi zhes bya bar yongs su mi rtog go/ /dben zhes bya ba dang mi dben zhes bya bar yongs su mi rtog go/ /mig gi 'dus te reg pa rtag ces bya ba dang mi rtag ces bya bar yongs su mi rtog go/ /bde zhes bya ba dang sdug bsngal zhes bya bar yongs su mi rtog go/ /bdag ces bya ba dang bdag med ces bya bar yongs su mi rtog go/ /sdug ces bya ba dang mi sdug ces bya bar yongs su mi rtog go/ /stong zhes bya ba dang mi stong zhes bya bar yongs su mi rtog go/ /mtshan ma yod ces bya ba dang / mtshan ma med ces bya bar yongs su mi rtog go/ /smon pa yod ces bya ba dang smon pa med ces bya bar yongs su mi rtog go/ /zhi zhes bya ba dang ma zhi zhes bya bar yongs su mi rtog go/ /dben zhes bya ba dang mi dben zhes bya bar yongs su mi rtog go/ /rna ba'i 'dus te reg pa dang / sna'i 'dus te reg pa dang lce'i 'dus te reg pa dang / lus kyi 'dus te reg pa dang yid kyi 'dus te reg pa rtag ces bya ba dang mi rtag ces bya bar yongs su mi rtog go/ /bde zhes bya ba dang sdug bsngal zhes bya bar yongs su mi rtog go/ /bdag ces bya ba dang bdag med ces bya bar yongs su mi rtog go/ /sdug ces bya ba dang mi</font><hr>31.67b<br><font size=+1>

sdug ces bya bar yongs su mi rtog go/ /stong zhes bya ba dang mi stong zhes bya bar yongs su mi rtog go/ /mtshan ma yod ces bya ba dang mtshan ma med ces bya bar yongs su mi rtog go/ /smon pa yod ces bya ba dang smon pa med ces bya bar yongs su mi rtog go/ /zhi zhes bya ba dang ma zhi zhes bya bar yongs su mi rtog go/ /dben zhes bya ba dang mi dben zhes bya bar yongs su mi rtog go/ /mig gi 'dus te reg pa'i rkyen kyis tshor ba rtag ces bya ba dang mi rtag ces bya bar yongs su mi rtog go/ /bde zhes bya ba dang sdug bsngal zhes bya bar yongs su mi rtog go/ /bdag ces bya ba dang bdag med ces bya bar yongs su mi rtog go/ /sdug ces bya ba dang mi sdug ces bya bar yongs su mi rtog go/ /stong zhes bya ba dang mi stong zhes bya bar yongs su mi rtog go/ /mtshan ma yod ces bya ba dang mtshan ma med ces bya bar yongs su mi rtog go/ /smon pa yod ces bya ba dang smon pa med ces bya bar yongs su mi rtog go/ /zhi zhes bya ba dang ma zhi zhes bya bar yongs su mi rtog go/ /dben zhes bya ba dang mi dben zhes bya bar yongs su mi rtog go/ /rna ba'i 'dus te reg pa'i rkyen gyis tshor ba dang sna'i 'dus te reg pa'i rkyen kyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen kyis tshor ba dang / yid kyi 'dus te reg pa'i rkyen kyis tshor ba rtag ces bya ba dang mi rtag ces bya bar yongs su mi rtog go/ /bde zhes bya ba dang sdug bsngal zhes bya bar yongs su mi rtog go/ /bdag ces bya ba dang bdag med ces bya bar yongs su mi rtog go/ /sdug ces bya ba dang mi sdug ces bya bar yongs su mi rtog go/ /stong zhes bya ba dang mi stong zhes bya bar yongs su mi rtog go/ /mtshan ma yod ces bya ba dang mtshan ma med ces bya bar yongs su mi rtog go/ /smon pa yod ces bya ba dang smon pa med ces bya bar yongs su mi rtog go/ /</font><hr>31.68a<br><font size=+1>

zhi zhes bya ba dang ma zhi zhes bya bar yongs su mi rtog go/ /dben zhes bya ba dang mi dben zhes bya bar yongs su mi rtog go/ /sa'i khams rtag ces bya ba dang mi rtag ces bya bar yongs su mi rtog go/ /bde zhes bya ba dang sdug bsngal zhes bya bar yongs su mi rtog go/ /bdag ces bya ba dang bdag med ces bya bar yongs su mi rtog go/ /sdug ces bya ba dang mi sdug ces bya bar yongs su mi rtog go/ /stong zhes bya ba dang mi stong zhes bya bar yongs su mi rtog go/ /mtshan ma yod ces bya ba dang mtshan ma med ces bya bar yongs su mi rtog go/ /smon pa yod ces bya ba dang smon pa med ces bya bar yongs su mi rtog go/ /zhi zhes bya ba dang ma zhi zhes bya bar yongs su mi rtog go/ /dben zhes bya ba dang mi dben zhes bya bar yongs su mi rtog go/ /chu'i khams dang me'i khams dang rlung gi khams dang nam mkha'i khams dang rnam par shes pa'i khams rtag ces bya ba dang / mi rtag ces bya bar yongs su mi rtog go/ /bde zhes bya ba dang sdug bsngal zhes bya bar yongs su mi rtog go/ /bdag ces bya ba dang bdag med ces bya bar yongs su mi rtog go/ /sdug ces bya ba dang mi sdug ces bya bar yongs su mi rtog go/ /stong zhes bya ba dang mi stong zhes bya bar yongs su mi rtog go/ /mtshan ma yod ces bya ba dang mtshan ma med ces bya bar yongs su mi rtog go/ /smon pa yod ces bya ba dang smon pa med ces bya bar yongs su mi rtog go/ /zhi zhes bya ba dang ma zhi zhes bya bar yongs su mi rtog go/ /dben zhes bya ba dang mi dben zhes bya bar yongs su mi rtog go/ /ma rig pa rtag ces bya ba dang mi rtag ces bya bar yongs su mi rtog go/ /bde zhes bya ba dang sdug bsngal zhes bya bar yongs su mi rtog go/ /bdag ces bya ba dang bdag med ces bya bar yongs su mi rtog go/ /</font><hr>31.68b<br><font size=+1>

sdug ces bya ba dang mi sdug ces bya bar yongs su mi rtog go/ /stong zhes bya ba dang mi stong zhes bya bar yongs su mi rtog go/ /mtshan ma yod ces bya ba dang mtshan ma med ces bya bar yongs su mi rtog go/ /smon pa yod ces bya ba dang smon pa med ces bya bar yongs su mi rtog go/ /zhi zhes bya ba dang ma zhi zhes bya bar yongs su mi rtog go/ /dben zhes bya ba dang mi dben zhes bya bar yongs su mi rtog go/ /'du byed dang rnam par shes pa dang ming dang gzugs dang skye mched drug dang reg pa dang tshor ba dang / sred pa dang len pa dang srid pa dang skye ba dang rga shi rtag ces bya ba dang mi rtag ces bya bar yongs su mi rtog go/ /bde zhes bya ba dang sdug bsngal zhes bya bar yongs su mi rtog go/ /bdag ces bya ba dang / bdag med ces bya bar yongs su mi rtog go/ /sdug ces bya ba dang mi sdug ces bya bar yongs su mi rtog go/ /stong zhes bya ba dang mi stong zhes bya bar yongs su mi rtog go/ /mtshan ma yod ces bya ba dang mtshan ma med ces bya bar yongs su mi rtog go/ /smon pa yod ces bya ba dang smon pa med ces bya bar yongs su mi rtog go/ /zhi zhes bya ba dang ma zhi zhes bya bar yongs su mi rtog go/ /dben zhes bya ba dang mi dben zhes bya bar yongs su mi rtog go/ /sbyin pa'i pha rol du phyin pa rtag ces bya ba dang / mi rtag ces bya bar yongs su mi rtog go/ /bde zhes bya ba dang sdug bsngal zhes bya bar yongs su mi rtog go/ /bdag ces bya ba dang bdag med ces bya bar yongs su mi rtog go/ /sdug ces bya ba dang mi sdug ces bya bar yongs su mi rtog go/ /stong zhes bya ba dang mi stong zhes bya bar yongs su mi rtog go/ /mtshan ma yod ces bya ba dang mtshan ma med ces bya bar yongs su mi rtog go/ /smon pa yod ces bya ba dang smon pa med ces bya bar yongs su mi rtog go/ /zhi zhes bya ba dang ma zhi zhes bya bar yongs su mi rtog go/ /</font><hr>31.69a<br><font size=+1>

dben zhes bya ba dang mi dben zhes bya bar yongs su mi rtog go/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa rtag ces bya ba dang mi rtag ces bya bar yongs su mi rtog go/ /bde zhes bya ba dang sdug bsngal zhes bya bar yongs su mi rtog go/ /bdag ces bya ba dang bdag med ces bya bar yongs su mi rtog go/ /sdug ces bya ba dang mi sdug ces bya bar yongs su mi rtog go/ /stong zhes bya ba dang mi stong zhes bya bar yongs su mi rtog go/ /mtshan ma yod ces bya ba dang mtshan ma med ces bya bar yongs su mi rtog go/ /smon pa yod ces bya ba dang smon pa med ces bya bar yongs su mi rtog go/ /zhi zhes bya ba dang ma zhi zhes bya bar yongs su mi rtog go/ /dben zhes bya ba dang mi dben zhes bya bar yongs su mi rtog go/ /nang stong pa nyid rtag ces bya ba dang mi rtag ces bya bar yongs su mi rtog go/ /bde zhes bya ba dang sdug bsngal zhes bya bar yongs su mi rtog go/ /bdag ces bya ba dang bdag med ces bya bar yongs su mi rtog go/ /sdug ces bya ba dang mi sdug ces bya bar yongs su mi rtog go/ /stong zhes bya ba dang mi stong zhes bya bar yongs su mi rtog go/ /mtshan ma yod ces bya ba dang mtshan ma med ces bya bar yongs su mi rtog go/ /smon pa yod ces bya ba dang smon pa med ces bya bar yongs su mi rtog go/ /zhi zhes bya ba dang ma zhi zhes bya bar yongs su mi rtog go/ /dben zhes bya ba dang mi dben zhes bya bar yongs su mi rtog go/ /dngos po med pa'i ngo bo nyid stong pa nyid kyi bar du rtag ces bya ba dang mi rtag ces bya bar yongs su mi rtog go/ /bde zhes bya ba dang sdug bsngal zhes bya bar yongs su mi rtog go/ /bdag ces bya ba dang bdag med ces bya bar yongs su mi rtog go/ /sdug ces bya ba dang mi sdug ces bya bar yongs su mi rtog go/ /stong zhes</font><hr>31.69b<br><font size=+1>

bya ba dang mi stong zhes bya bar yongs su mi rtog go/ /mtshan ma yod ces bya ba dang mtshan ma med ces bya bar yongs su mi rtog go/ /smon pa yod ces bya ba dang smon pa med ces bya bar yongs su mi rtog go/ /zhi zhes bya ba dang ma zhi zhes bya bar yongs su mi rtog go/ /dben zhes bya ba dang mi dben zhes bya bar yongs su mi rtog go/ /dran pa nye bar gzhag pa rnams rtag ces bya ba dang mi rtag ces bya bar yongs su mi rtog go/ /bde zhes bya ba dang sdug bsngal zhes bya bar yongs su mi rtog go/ /bdag ces bya ba dang bdag med ces bya bar yongs su mi rtog go/ /sdug ces bya ba dang mi sdug ces bya bar yongs su mi rtog go/ /stong zhes bya ba dang mi stong zhes bya bar yongs su mi rtog go/ /mtshan ma yod ces bya ba dang mtshan ma med ces bya bar yongs su mi rtog go/ /smon pa yod ces bya ba dang smon pa med ces bya bar yongs su mi rtog go/ /zhi zhes bya ba dang ma zhi zhes bya bar yongs su mi rtog go/ /dben zhes bya ba dang mi dben zhes bya bar yongs su mi rtog go/ /yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa rtag ces bya ba dang / mi rtag ces bya bar yongs su mi rtog go/ /bde zhes bya ba dang sdug bsngal zhes bya bar yongs su mi rtog go/ /bdag ces bya ba dang bdag med ces bya bar yongs su mi rtog go/ /sdug ces bya ba dang mi sdug ces bya bar yongs su mi rtog go/ /stong zhes bya ba dang mi stong zhes bya bar yongs su mi rtog go/ /mtshan ma yod ces bya ba dang mtshan ma med ces bya bar yongs su mi rtog go/ /smon pa yod ces bya ba dang smon pa med ces bya bar yongs su mi rtog go/ /zhi zhes bya ba dang ma zhi zhes bya bar yongs su mi rtog go/ /dben zhes bya ba dang mi dben zhes bya bar yongs su mi rtog go/ /'phags pa'i bden pa rnams dang / bsam gtan</font><hr>31.70a<br><font size=+1>

rnams dang tshad med pa rnams dang gzugs med pa'i snyoms par 'jug pa rnams dang / rnam par thar pa rnams dang mthar gyis gnas pa'i snyoms par 'jug pa rnams dang / rnam par thar pa'i sgo stong pa nyid dang mtshan ma med pa dang smon pa med pa dang mngon par shes pa rnams dang ting nge 'dzin rnams dang / gzungs kyi sgo rnams dang / de bzhin gshegs pa'i stobs rnams dang mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams rtag ces bya ba dang mi rtag ces bya bar yongs su mi rtog go/ /bde zhes bya ba dang sdug bsngal zhes bya bar yongs su mi rtog go/ /bdag ces bya ba dang bdag med ces bya bar yongs su mi rtog go/ /sdug ces bya ba dang mi sdug ces bya bar yongs su mi rtog go/ /stong zhes bya ba dang mi stong zhes bya bar yongs su mi rtog go/ /mtshan ma yod ces bya ba dang mtshan ma med ces bya bar yongs su mi rtog go/ /smon pa yod ces bya ba dang smon pa med ces bya bar yongs su mi rtog go/ /zhi zhes bya ba dang ma zhi zhes bya bar yongs su mi rtog go/ /dben zhes bya ba dang mi dben zhes bya bar yongs su mi rtog go/ /rnam pa thams cad mkhyen pa nyid kyi bar du rtag ces bya ba dang mi rtag ces bya bar yongs su mi rtog go/ /bde zhes bya ba dang sdug bsngal zhes bya bar yongs su mi rtog go/ /bdag ces bya ba dang bdag med ces bya bar yongs su mi rtog go/ /sdug ces bya ba dang mi sdug ces bya bar yongs su mi rtog go/ /stong zhes bya ba dang mi stong zhes bya bar yongs su mi rtog go/ /mtshan ma yod ces bya ba dang mtshan ma med ces bya bar yongs su mi rtog go/ /smon pa yod ces bya ba dang smon pa med ces bya bar yongs su mi rtog go/ /zhi zhes bya ba dang ma zhi zhes bya bar yongs su mi rtog go/ /dben zhes bya ba dang mi dben zhes bya bar yongs su mi rtog go/ /'di lta ste tshe dang ldan pa shA ra dwa ti'i bu</font><hr>31.70b<br><font size=+1>

byang chub sems dpa' sems dpa' chen po shes rab kyi pha rol du phyin pa la spyod pa'i tshe/ chos 'di dag la yongs su rtog pa med pa'i tshul gyis de ltar yongs su rtog go/ /smras pa tshe dang ldan pa rab 'byor ci'i phyir na de skad du/ gzugs kyi ma skyes pa gang yin pa de ni gzugs ma yin/ tshor ba dang 'du shes dang 'du byed dang rnam par shes pa'i ma skyes pa gang yin pa de ni rnam par shes pa ma yin zhes zer/ tshe dang ldan pa rab 'byor ci'i phyir na/ de skad du skye mched dang khams dang rten cing 'brel bar 'byung ba dang / pha rol du phyin pa rnams dang / stong pa nyid thams cad dang / byang chub kyi phyogs kyi chos thams cad dang 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa rnams dang mthar gyis gnas pa'i snyoms par 'jug pa rnams dang / rnam par thar pa'i sgo stong pa nyid dang / mtshan ma med pa dang smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams dang rnam pa thams cad mkhyen pa nyid kyi ma skyes pa gang yin pa de ni rnam pa thams cad mkhyen pa nyid ma yin zhes zer/ rab 'byor kyis smras pa tshe dang ldan pa shA ra dwa ti'i bu gzugs ni gzugs kyis stong ste/ gang stong pa de ni gzugs ma yin te/ skye ba med do/ /tshe dang ldan pa shA ra dwa ti'i bu rnam grangs des na/ gzugs kyi ma skyes pa gang yin pa de ni gzugs ma yin no/ /tshe dang ldan pa shA ra dwa ti'i bu tshor ba dang 'du shes dang 'du byed dang rnam par shes pa ni rnam par shes pas stong ste/ gang stong pa de</font><hr>31.71a<br><font size=+1>

ni rnam par shes pa ma yin te skye ba med do/ /tshe dang ldan pa shA ra dwa ti'i bu rnam grangs des na/ rnam par shes pa'i ma skyes pa gang yin pa de rnam par shes pa ma yin no/ /tshe dang ldan pa shA ra dwa ti'i bu skye mched dang khams dang rten cing 'brel bar 'byung ba ni rten cing 'brel bar 'byung bas stong ste/ gang stong pa de ni rten cing 'brel bar 'byung ba ma yin te skye ba med do/ /tshe dang ldan pa shA ra dwa ti'i bu rnam grangs des na/ rten cing 'brel bar 'byung ba'i ma skyes pa gang yin pa de rten cing 'brel bar 'byung ba ma yin no/ /tshe dang ldan pa shA ra dwa ti'i bu sbyin pa'i pha rol du phyin pa ni/ sbyin pa'i pha rol du phyin pas stong ste/ gang stong pa de ni sbyin pa'i pha rol du phyin pa ma yin te skye ba med do/ /tshe dang ldan pa shA ra dwa ti'i bu rnam grangs des na/ sbyin pa'i pha rol du phyin pa'i ma skyes pa gang yin pa de sbyin pa'i pha rol du phyin pa ma yin no/ /tshe dang ldan pa shA ra dwa ti'i bu tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa ni shes rab kyi pha rol du phyin pas stong ste/ gang stong pa de ni shes rab kyi pha rol du phyin pa ma yin te skye ba med do/ /tshe dang ldan pa shA ra dwa ti'i bu rnam grangs des na/ shes rab kyi pha rol du phyin pa'i ma skyes pa gang yin pa de ni shes rab kyi pha rol du phyin pa ma yin no/ /tshe dang ldan pa shA ra dwa ti'i bu nang stong pa nyid ni nang stong pa nyid kyis stong ste/ gang stong pa de ni nang stong pa nyid ma yin te skye ba med do/ /tshe dang ldan pa shA ra dwa ti'i bu rnam grangs des na/ nang stong pa nyid kyi ma skyes pa gang yin pa de nang stong pa nyid ma yin no/ /tshe dang ldan pa shA ra dwa ti'i bu phyi stong pa nyid ni phyi stong pa nyid kyis stong ste/ gang stong pa de ni phyi stong pa nyid ma yin te skye ba med do/ /tshe dang ldan pa shA ra dwa ti'i bu rnam grangs des na/ phyi stong pa nyid kyi ma skyes pa gang yin pa de phyi stong pa nyid ma yin no/ /tshe dang ldan pa shA ra dwa ti'i</font><hr>31.71b<br><font size=+1>

bu phyi nang stong pa nyid ni phyi nang stong pa nyid kyis stong ste/ gang stong pa de ni phyi nang stong pa nyid ma yin te skye ba med do/ /tshe dang ldan pa shA ra dwa ti'i bu rnam grangs des na/ phyi nang stong pa nyid kyi ma skyes pa gang yin pa de phyi nang stong pa nyid ma yin no/ /tshe dang ldan pa shA ra dwa ti'i bu dngos po med pa'i ngo bo nyid stong pa nyid kyi bar ni/ dngos po med pa'i ngo bo nyid stong pa nyid kyis stong ste/ gang stong pa de ni dngos po med pa'i ngo bo nyid stong pa nyid ma yin te skye ba med do/ /tshe dang ldan pa shA ra dwa ti'i bu rnam grangs des na/ dngos po med pa'i ngo bo nyid stong pa nyid kyi ma skyes pa gang yin pa de dngos po med pa'i ngo bo nyid stong pa nyid ma yin no/ /tshe dang ldan pa shA ra dwa ti'i bu dran pa nye bar gzhag pa rnams ni dran pa nye bar gzhag pa rnams kyis stong ste/ gang stong pa de ni dran pa nye bar gzhag pa rnams ma yin te skye ba med do/ /tshe dang ldan pa shA ra dwa ti'i bu rnam grangs des na/ dran pa nye bar gzhag pa rnams kyi ma skyes pa gang yin pa de dran pa nye bar gzhag pa rnams ma yin no/ /tshe dang ldan pa shA ra dwa ti'i bu yang dag par spong ba rnams dang / rdzu 'phrul gyi rkang pa rnams dang / dbang po rnams dang stobs rnams dang / byang chub kyi yan lag rnams dang /[ ]'phags pa'i lam yan lag brgyad pa ni/ 'phags pa'i lam yan lag brgyad pas stong ste/ gang stong pa de ni 'phags pa'i lam yan lag brgyad pa ma yin te skye ba med do/ /tshe dang ldan pa shA ra dwa ti'i bu rnam grangs des na/ 'phags pa'i lam yan lag brgyad pa'i ma skyes pa gang yin pa de/ 'phags pa'i lam yan lag brgyad pa ma yin no/ /tshe dang ldan pa shA ra dwa ti'i bu 'phags pa'i bden pa rnams dang / bsam gtan rnams dang tshad med pa rnams dang / gzugs med pa'i snyoms par 'jug pa rnams dang / rnam par thar pa rnams dang mthar gyis gnas pa'i snyoms par 'jug pa rnams dang / rnam par thar pa'i sgo stong pa nyid dang mtshan ma med</font><hr>31.72a<br><font size=+1>

pa dang smon pa med pa dang mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams ni/ sangs rgyas kyi chos ma 'dres pa rnams kyis stong ste/ gang stong pa de ni sangs rgyas kyi chos ma 'dres pa rnams ma yin te skye ba med do/ /tshe dang ldan pa shA ra dwa ti'i bu rnam grangs des na/ sangs rgyas kyi chos ma 'dres pa rnams kyi ma skyes pa gang yin pa de sangs rgyas kyi chos ma 'dres pa rnams ma yin no/ /tshe dang ldan pa shA ra dwa ti'i bu rnam pa thams cad mkhyen pa nyid kyi bar du/ rnam pa thams cad mkhyen pa nyid kyis stong ste/ gang stong pa de ni rnam pa thams cad mkhyen pa nyid ma yin te/ skye ba med do/ /tshe dang ldan pa shA ra dwa ti'i bu rnam grangs des na/ rnam pa thams cad mkhyen pa nyid kyi ma skyes pa gang yin pa de/ rnam pa thams cad mkhyen pa nyid ma yin no/ /smras pa tshe dang ldan pa rab 'byor ci'i phyir na 'di skad du/ gzugs kyi 'grib pa gang yin pa de ni gzugs ma yin no/ /tshor ba dang 'du shes dang 'du byed dang rnam par shes pa'i 'grib pa gang yin pa de ni rnam par shes pa ma yin no/ /skye mched dang khams dang rten cing 'brel bar 'byung ba dang pha rol du phyin pa thams cad dang / stong pa nyid thams cad dang / byang chub kyi phyogs kyi chos rnams dang / 'phags pa'i bden pa dang / bsam gtan dang tshad med pa dang / gzugs med pa'i snyoms par 'jug pa dang rnam par thar pa dang / mthar gyis gnas pa'i snyoms par 'jug pa dang / rnam par thar pa'i sgo stong pa nyid dang / mtshan ma med pa dang smon pa med pa dang mngon par shes pa dang ting nge 'dzin dang / gzungs kyi sgo dang / </font><hr>31.72b<br><font size=+1>

de bzhin gshegs pa'i stobs dang / mi 'jigs pa dang so so yang dag par rig pa dang / sangs rgyas kyi chos ma 'dres pa rnams kyi 'grib pa gang yin pa de ni/ sangs rgyas kyi chos ma 'dres pa rnams ma yin/ rnam pa thams cad mkhyen pa nyid kyi bar gyi 'grib pa gang yin pa de ni/ rnam pa thams cad mkhyen pa nyid ma yin zhes zer/ rab 'byor kyis smras pa/ tshe dang ldan pa shA ra dwa ti'i bu 'di ltar 'grib pa gang yin pa dang gzugs gang yin pa dang / gnyis su med pa gang yin pa dang / 'grib pa gang yin pa dang / tshor ba dang 'du shes dang 'du byed dang rnam par shes pa gang yin pa dang / gnyis su byar med pa gang yin pa'i chos de dag thams cad kyang ldan pa yang ma yin/ mi ldan pa yang ma yin gzugs med pa bltar med pa thogs pa med pa ste/ 'di ltar mtshan nyid med par mtshan nyid gcig pa'o/ /'grib pa gang yin pa dang / skye mched dang khams dang rten cing 'brel bar 'byung ba gang yin pa dang / gnyis su byar med pa'i chos gang yin pa de dag thams cad kyang ldan pa yang ma yin/ mi ldan pa yang ma yin gzugs med pa bltar med pa thogs pa med pa ste/ 'di ltar mtshan nyid med par mtshan nyid gcig pa'o/ /'grib pa gang yin pa dang pha rol du phyin pa rnams dang / stong pa nyid thams cad dang byang chub kyi phyogs kyi chos rnams dang / 'phags pa'i bden pa rnams dang bsam gtan rnams dang / tshad med pa rnams dang gzugs med pa'i snyoms par 'jug pa rnams dang / rnam par thar pa rnams dang mthar gyis gnas pa'i snyoms par 'jug pa rnams dang / rnam par thar pa'i sgo stong pa nyid dang / mtshan ma med pa dang smon pa med pa dang mngon par shes pa rnams dang / ting nge 'dzin rnams dang / gzungs kyi sgo rnams dang de bzhin gshegs pa'i stobs rnams dang / </font><hr>31.73a<br><font size=+1>

mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams dang rnam pa thams cad mkhyen pa nyid kyi bar gang yin pa dang / gnyis su byar med pa'i chos gang yin pa de dag thams cad kyang ldan pa yang ma yin mi ldan pa yang ma yin gzugs med pa bltar med pa thogs pa med pa ste/ 'di ltar mtshan nyid med par mtshan nyid gcig pa'o/ /tshe dang ldan pa shA ra dwa ti'i bu rnam grangs des na/ gzugs kyi 'grib pa gang yin pa de yang gzugs ma yin/ tshor ba dang 'du shes dang 'du byed dang rnam par shes pa'i 'grib pa gang yin pa de yang rnam par shes pa ma yin/ skye mched dang khams dang rten cing 'brel bar 'byung ba'i 'grib pa gang yin pa de yang rten cing 'brel bar 'byung ba ma yin/ pha rol du phyin pa rnams dang stong pa nyid thams cad dang / byang chub kyi phyogs kyi chos rnams dang / 'phags pa'i bden pa rnams dang bsam gtan rnams dang tshad med pa rnams dang gzugs med pa'i snyoms par 'jug pa rnams dang / rnam par thar pa rnams dang mthar kyis gnas pa'i snyoms par 'jug pa rnams dang / rnam par thar pa'i sgo stong pa nyid dang mtshan ma med pa dang / smon pa med pa dang mngon par shes pa rnams dang / ting nge 'dzin rnams dang gzungs kyi sgo rnams dang / de bzhin gshegs pa'i stobs rnams dang mi 'jigs pa rnams dang / so so yang dag par rig pa rnams dang sangs rgyas kyi chos ma 'dres pa rnams dang / rnam pa thams cad mkhyen pa nyid kyi bar gyi 'grib pa gang yin pa de yang rnam pa thams cad mkhyen pa nyid ma yin no/ /smras pa/ rab 'byor ci'i phyir na de skad du gang 'di gzugs shes bya ba de ni gnyis su med pa'i grangs su byas pa'o/ /gang 'di tshor ba dang 'du shes dang 'du byed dang rnam par shes pa zhes bya ba de ni gnyis su med pa'i grangs su byas pa'o/ /</font><hr>31.73b<br><font size=+1>

gang 'di rnam pa thams cad mkhyen pa nyid kyi bar zhes bya ba de ni gnyis su med pa'i grangs su byas pa'o/ /zhes zer/ rab 'byor kyis smras pa/ tshe dang ldan pa shA ra dwa ti'i bu 'di ltar gzugs kyang gzhan ma yin/ ma skyes pa yang gzhan ma yin te/ ma skyes pa nyid kyang gzugs/ gzugs nyid kyang ma skyes pa te/ tshe dang ldan pa shA ra dwa ti'i bu rnam grangs des na/ 'di gzugs shes bya ba de ni gnyis su med pa'i grangs su byas pa'o/ /'di ltar tshor ba dang 'du shes dang 'du byed dang rnam par shes pa yang gzhan ma yin ma skyes pa yang gzhan ma yin te/ ma skyes pa nyid kyang rnam par shes pa rnam par shes pa nyid kyang ma skyes pa ste/ tshe dang ldan pa shA ra dwa ti'i bu rnam grangs des na/ gang 'di rnam par shes pa zhes bya ba 'di ni gnyis su med pa'i grangs su byas pa'o/ /'di ltar skye mched dang khams dang rten cing 'brel bar 'byung ba dang / pha rol du phyin pa rnams dang / stong pa nyid thams cad dang / byang chub kyi phyogs kyi chos rnams dang / 'phags pa'i bden pa dang bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa rnams dang / mthar kyis gnas pa'i snyoms par 'jug pa rnams dang / rnam par thar pa'i sgo stong pa nyid dang / mtshan ma med pa dang smon pa med pa dang / mngon par shes pa rnams dang ting nge 'dzin rnams dang / gzungs kyi sgo rnams dang / de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams kyang gzhan ma yin/ ma skyes pa yang gzhan ma yin te/ ma skyes pa nyid kyang sangs rgyas kyi chos ma 'dres pa rnams/ sangs rgyas kyi chos ma 'dres pa nyid kyang ma skyes pa ste/ tshe dang ldan pa shA ra dwa ti'i bu rnam grangs</font><hr>31.74a<br><font size=+1>

des na/ gang 'di sangs rgyas kyi chos ma 'dres pa rnams shes bya ba de ni gnyis su med pa'i grangs su byas pa'o/ /'di ltar rnam pa thams cad mkhyen pa nyid kyi bar yang gzhan ma yin/ ma skyes pa yang gzhan ma yin te/ ma skyes pa nyid kyang rnam pa thams cad mkhyen pa nyid/ rnam pa thams cad mkhyen pa nyid kyang ma skyes pa ste/ tshe dang ldan pa shA ra dwa ti'i bu rnam grangs des na/ gang 'di rnam pa thams cad mkhyen pa nyid ces bya ba de ni gnyis su med pa'i grangs su byas pa'o/ /de nas tshe dang ldan pa rab 'byor kyis bcom ldan 'das la 'di skad ces gsol to/ /bcom ldan 'das gang gi tshe na/ byang chub sems dpa' sems dpa' chen po shes rab kyi pha rol du phyin pa la spyod cing / chos de dag la de ltar yongs su rtog pa de'i tshe/ shin du rnam par dag pa'i slad du gzugs kyi ma skyes pa mthong bar 'gyur/ shin du rnam par dag pa'i slad du/ tshor ba dang / 'du shes dang 'du byed dang rnam par shes pa'i ma skyes pa mthong bar 'gyur/ shin du rnam par dag pa'i slad du/ skye mched rnams dang khams rnams dang rten cing 'brel bar 'byung ba rnams kyi ma skyes pa mthong bar 'gyur/ shin du rnam par dag pa'i slad du sbyin pa'i pha rol du phyin pa'i ma skyes pa mthong bar 'gyur/ shin du rnam par dag pa'i slad du tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa'i ma skyes pa mthong bar 'gyur/ shin du rnam par dag pa'i slad du/ nang stong pa nyid kyi ma skyes pa mthong bar 'gyur shin du rnam par dag pa'i slad du/ dngos po med pa'i ngo bo nyid stong pa nyid kyi bar gyi ma skyes pa mthong bar 'gyur/ shin du rnam par dag pa'i slad du dran pa nye bar gzhag pa rnams kyi ma skyes pa mthong bar 'gyur/ shin du rnam par dag pa'i slad du/ yang dag par spong ba</font><hr>31.74b<br><font size=+1>

rnams dang rdzu 'phrul gyi rkang pa rnams dang / dbang po rnams dang stobs rnams dang / byang chub kyi yan lag rnams dang / 'phags pa'i lam yan lag brgyad pa'i ma skyes pa mthong bar 'gyur/ shin du rnam par dag pa'i slad du 'phags pa'i bden pa rnams dang / bsam gtan rnams dang tshad med pa rnams dang / gzugs med pa'i snyoms par 'jug pa rnams dang / rnam par thar pa rnams dang mthar kyis gnas pa'i snyoms par 'jug pa rnams dang / rnam par thar pa'i sgo stong pa nyid dang / mtshan ma med pa dang / smon pa med pa dang mngon par shes pa rnams dang / ting nge 'dzin rnams dang gzungs kyi sgo rnams dang / de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa bcwa brgyad kyi ma skyes pa mthong bar 'gyur/ shin du rnam par dag pa'i slad du rnam pa thams cad mkhyen pa nyid kyi bar gyi ma skyes pa mthong bar 'gyur/ shin du rnam par dag pa'i slad du/ so so'i skye bo'i ma skyes pa mthong bar 'gyur/ shin du rnam par dag pa'i slad du/ so so'i skye bo'i chos rnams kyi ma skyes pa mthong bar 'gyur/ shin du rnam par dag pa'i slad du/ rgyun du zhugs pa dang rgyun du zhugs pa'i chos rnams kyi ma skyes pa mthong bar 'gyur/ shin du rnam par dag pa'i slad du/ lan gcig phyir 'ong ba dang lan gcig phyir 'ong ba'i chos rnams dang / phyir mi 'ong ba dang phyir mi 'ong ba'i chos rnams dang / dgra bcom pa dang dgra bcom pa'i chos rnams dang / rang sangs rgyas dang rang sangs rgyas kyi chos rnams dang / byang chub sems dpa' dang byang chub sems dpa'i chos rnams dang / sangs rgyas kyi ma skyes pa mthong bar 'gyur/ shin du rnam par dag pa'i slad du/ sangs rgyas kyi chos rnams kyi ma skyes pa mthong bar 'gyur ro/ /de nas tshe dang</font><hr>31.75a<br><font size=+1>

ldan pa shA ra dwa ti'i bus/ tshe dang ldan pa rab 'byor la 'di skad ces smras so/ /tshe dang ldan pa rab 'byor gyis smras pa'i don bdag gis shes pa ltar na/ gzugs kyang ma skyes la tshor ba dang 'du shes dang 'du byed dang rnam par shes pa yang ma skyes/ skye mched rnams kyang ma skyes/ khams rnams kyang ma skyes/ rten cing 'brel bar 'byung ba rnams kyang ma skyes/ pha rol du phyin pa rnams kyang ma skyes/ stong pa nyid thams cad kyang ma skyes/ byang chub kyi phyogs kyi chos sum bcu rtsa bdun yang ma skyes/ 'phags pa'i bden pa rnams dang bsam gtan rnams dang / tshad med pa rnams dang / gzugs med pa'i snyoms par 'jug pa rnams kyang ma skyes/ rnam par thar pa rnams dang / mthar kyis gnas pa'i snyoms par 'jug pa rnams dang / rnam par thar pa'i sgo stong pa nyid dang / mtshan ma med pa dang smon pa med pa yang ma skyes/ mngon par shes pa rnams dang / ting nge 'dzin rnams dang gzungs kyi sgo rnams kyang ma skyes/ de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa bcwa brgyad kyang ma skyes/ rnam pa thams cad mkhyen pa nyid kyi bar yang ma skyes/ so so'i skye bo yang ma skyes/ so so'i skye bo'i chos rnams kyang ma skyes/ rgyun du zhugs pa yang ma skyes/ rgyun du zhugs pa'i chos kyang ma skyes/ lan gcig phyir 'ong ba yang ma skyes/ lan gcig phyir 'ong ba'i chos kyang ma skyes/ phyir mi 'ong ba yang ma skyes/ phyir mi 'ong ba'i chos kyang ma skyes/ dgra bcom pa yang ma skyes/ dgra bcom pa'i chos kyang ma skyes/ rang sangs rgyas kyang ma skyes/ rang sangs rgyas kyi chos kyang ma skyes/ byang chub sems dpa' yang ma skyes/ </font><hr>31.75b<br><font size=+1>

byang chub sems dpa'i chos kyang ma skyes/ sangs rgyas kyang ma skyes/ sangs rgyas kyi chos kyang ma skyes pa yin na/ tshe dang ldan pa rab 'byor de ltar gal te gzugs kyang skye ba med/ sangs rgyas kyi chos ma 'dres pa bcwa brgyad kyi bar yang skye ba med/ rnam pa thams cad mkhyen pa nyid kyi bar yang skye ba med/ so so'i skye bo yang skye ba med/ so so'i skye bo'i chos kyang skye ba med/ rgyun du zhugs pa dang rgyun du zhugs pa'i chos kyang skye ba med/ lan gcig phyir 'ong ba dang lan gcig phyir 'ong ba'i chos kyang skye ba med/ phyir mi 'ong ba dang phyir mi 'ong ba'i chos kyang skye ba med/ dgra bcom pa dang dgra bcom pa'i chos kyang skye ba med/ rang sangs rgyas dang rang sangs rgyas kyi chos kyang skye ba med/ byang chub sems dpa' yang skye ba med/ byang chub sems dpa'i chos kyang skye ba med/ sangs rgyas kyang skye ba med/ sangs rgyas kyi chos kyang skye ba med na ni/ nyan thos kyi theg pa pa rnams kyis kyang / rgyun du zhugs pa'i 'bras bu dang / lan gcig phyir 'ong ba'i 'bras bu dang / phyir mi 'ong ba'i 'bras bu dang dgra bcom pa nyid thob zin par 'gyur ro/ /rang sangs rgyas kyi theg pa pa rnams kyis kyang / rang sangs rgyas kyi byang chub thob zin par 'gyur ro/ /byang chub sems dpa' sems dpa' chen pos kyang / rnam pa thams cad mkhyen pa nyid thob zin par 'gyur ro/ /'gro ba lnga rnams kyang tha mi dad par 'gyur ro/ /byang chub sems dpa' sems dpa' chen pos kyang byang chub rnam pa lnga thob zin par 'gyur ro/ /tshe dang ldan pa rab 'byor gal te chos thams cad ma skyes pa yin na/ ci'i phyir rgyun du zhugs pas ni/ kun du sbyor ba gsum spang ba'i phyir/ lam bsgoms lan gcig phyir 'ong bas ni 'dod</font><hr>31.76a<br><font size=+1>

chags dang / zhe sdang dang gti mug bsrabs pa'i phyir lam bsgoms/ phyir mi 'ong bas ni dam pa ma yin pa'i cha can gyi/ kun du sbyor ba lnga spang ba'i phyir lam bsgoms/ dgra bcom pas ni bla ma'i cha can gyi/ kun du sbyor ba rnams spang ba'i phyir lam bsgoms/ rang sangs rgyas kyi theg pa la zhugs pas ni/ rang byang chub kyi don du lam bsgoms/ ci'i phyir byang chub sems dpa' sems dpa' chen po ni/ sems can rnams kyi don du de ltar sdug bsngal nyams su myong bar byed cing dka' ba'i spyad pa spyod cing / ci'i phyir de bzhin gshegs pas ni/ bla na med pa yang dag par rdzogs pa'i byang chub tu mngon par rdzogs par sangs rgyas/ ci'i phyir de bzhin gshegs pas ni/ chos kyi 'khor lo bskor/ de skad ces smras pa dang / tshe dang ldan pa rab 'byor gyis tshe dang ldan pa shA ra dwa ti'i bu la 'di skad ces smras so/ /tshe dang ldan pa shA ra dwa ti'i bu bdag ni chos ma skyes pa la 'thob pa yod pa dang / khong du chud pa yod par mi 'dod do/ /ma skyes pa la rgyun du zhugs pa yod par mi 'dod do/ /rgyun du zhugs pa'i 'bras bu yod par mi 'dod do/ /ma skyes pa la lan gcig phyir 'ong ba yod par mi 'dod do/ /lan gcig phyir 'ong ba'i 'bras bu yod par mi 'dod do/ /ma skyes pa la phyir mi 'ong ba yod par mi 'dod do/ /phyir mi 'ong ba'i 'bras bu yod par mi 'dod do/ /ma skyes pa la dgra bcom pa yod par mi 'dod do/ /dgra bcom pa nyid mngon du bya ba yod par mi 'dod do/ /ma skyes pa la rang sangs rgyas yod par mi 'dod do/ /rang byang chub yod par mi 'dod do/ /tshe dang ldan pa shA ra dwa ti'i bu bdag ni byang chub sems dpa' sems dpa' chen po/ /dka' ba'i spyad pa spyod pa yod par mi 'dod do/ /byang chub sems</font><hr>31.76b<br><font size=+1>

dpa' sems dpa' chen po yang dka' ba spyod pa'i 'du shes kyis mi spyod do/ /de ci'i phyir zhe na/ tshe dang ldan pa shA ra dwa ti'i bu sdug bsngal gyi 'du shes bskyed na/ sems can tshad med grangs med pa'i don bya bar mi nus kyi/ tshe dang ldan pa shA ra dwa ti'i bu sems can rnams la mar 'du shes bskyed pa dang / phar 'du shes bskyed pa dang / bdag tu 'du shes bskyed pa dang / bur 'du shes bskyed pas/ sems can grangs med tshad med pa'i don bya ba de yang mi dmigs pa'i tshul du nus par 'gyur ro/ /byang chub sems dpa' sems dpa' chen po ni 'di ltar sems bskyed de/ ji ltar bdag bdag ces bya ba yang de ni thams cad du thams cad rnam pa thams cad du thams cad med cing mi dmigs pa de bzhin du phyi nang gi chos rnams la yang 'du shes bskyed de/ de ltar 'du shes bskyed kyang dga' ba'i 'du shes mi bskyed do/ /de ci'i phyir zhe na/ 'di ltar de ni chos gang yang mi len mi gnas pa'i phyir ro/ /tshe dang ldan pa shA ra dwa ti'i bu bdag ni ma skyes pa la de bzhin gshegs pa yod par mi 'dod do/ /bla na med pa yang dag par rdzogs pa'i byang chub kyang yod par mi 'dod do/ /de bzhin gshegs pas chos kyi 'khor lo bskor ba ltar na/ ma skyes pa'i chos kyis 'thob pa 'am 'thob par bya ba med do/ /smras pa tshe dang ldan pa rab 'byor khyod chos skyes pas 'thob par 'dod dam/ 'on tam ma skyes pa'i chos kyis 'thob par 'dod/ rab 'byor gyis smras pa/ tshe dang ldan pa shA ra dwa ti'i bu bdag ni skyes pa'i chos kyis kyang 'thob par yang mi 'dod do/ /ma skyes pa'i chos kyis kyang 'thob par mi 'dod do/ /smras pa tshe dang ldan pa rab 'byor 'o na 'thob pa med la mngon par rtogs pa med dam/ rab 'byor gyis smras pa/ tshe dang ldan pa shA ra dwa ti'i bu 'thob par yang yod/ mngon par rtogs pa</font><hr>31.77a<br><font size=+1>

yang yod de/ gnyis kyis ma yin gyi/ tshe dang ldan pa shA ra dwa ti'i bu 'thob pa 'am mngon par rtogs pa ni 'jig rten gyi tha snyad kyis gdags pa'o/ /rgyun du zhugs pa 'am/ lan gcig phyir 'ong ba 'am/ phyir mi 'ong ba 'am/ dgra bcom pa 'am/ rang sangs rgyas sam/ byang chub sems dpa' 'am/ sangs rgyas dag kyang 'jig rten gyi tha snyad kyis gdags pa ste/ don dam par ni 'thob pa 'am/ mngon par rtogs pa 'am/ rgyun du zhugs pa 'am/ lan gcig phyir 'ong ba 'am/ phyir mi 'ong ba 'am/ dgra bcom pa 'am/ rang sangs rgyas sam/ byang chub sems dpa' 'am/ sangs rgyas su gdags pa med do/ /smras pa tshe dang ldan pa rab 'byor thob pa dang / mngon par rtogs par bya ba 'jig rten gyi tha snyad du yod pa de bzhin du 'gro ba lnga dag kyang 'jig rten gyi tha snyad du tha dad kyi don dam par ma yin nam/ smras pa tshe dang ldan pa shA ra dwa ti'i bu de de bzhin te/ ji ltar thob pa dang / mngon par rtogs par 'jig rten gyi tha snyad du yod pa de bzhin du/ 'gro ba lnga dag kyang 'jig rten gyi tha snyad du tha dad kyi don dam par ma yin no/ /de ci'i phyir zhe na/ tshe dang ldan pa shA ra dwa ti'i bu don dam par ni las kyang med/ las kyi rnam par smin pa yang med/ skye ba yang med 'gag pa yang med/ kun nas nyon mongs pa yang med/ rnam par byang ba yang med do/ /smras pa tshe dang ldan pa rab 'byor ma skyes pa'i chos skye bar 'gyur ram/ 'on tam skyes pa'i chos skye bar 'gyur/ rab 'byor gyis smras pa/ tshe dang ldan pa shA ra dwa ti'i bu bdag ni ma skyes pa'i chos kyang skye bar mi 'dod do/ /skyes pa'i chos kyang skye bar mi 'dod do/[ ]/shes rab kyi pha rol du phyin pa stong phrag nyi shu lnga pa/ bam po nyi shu drug pa/ smras pa tshe dang ldan pa rab 'byor ma skyes pa'i</font><hr>31.77b<br><font size=+1>

chos skye bar mi 'dod pa gang yin/ rab 'byor gyis smras pa/ tshe dang ldan pa shA ra dwa ti'i bu bdag ni gzugs ma skyes pa rang bzhin gyis stong pa skye bar mi 'dod do/ /tshe dang ldan pa shA ra dwa ti'i bu bdag ni tshor ba dang 'du shes dang 'du byed dang rnam par shes pa ma skyes pa rang bzhin gyis stong pa skye bar mi 'dod do/ /tshe dang ldan pa shA ra dwa ti'i bu bdag ni skye mched rnams dang / khams rnams dang / rten cing 'brel bar 'byung ba rnams dang / pha rol du phyin pa rnams dang / stong pa nyid thams cad dang / byang chub kyi phyogs kyi chos rnams dang / 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa rnams dang / mthar gyis gnas pa'i snyoms par 'jug pa rnams dang / rnam par thar pa'i sgo stong pa nyid dang / mtshan ma med pa dang smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams ma skyes pa rang bzhin gyis stong pa skye bar mi 'dod do/ /tshe dang ldan pa shA ra dwa ti'i bu bdag ni rnam pa thams cad mkhyen pa nyid kyi bar du ma skyes pa rang bzhin gyis stong pa skye bar mi 'dod do/ /smras pa tshe dang ldan pa rab 'byor chos skyes pa skye bar mi 'dod pa gang / smras pa tshe dang ldan pa shA ra dwa ti'i bu bdag ni gzugs skyes pa rang bzhin gyis stong pa skye bar mi 'dod do/ /tshe dang ldan pa shA ra dwa ti'i bu bdag ni tshor ba dang 'du shes dang 'du byed dang rnam par shes pa skyes pa/ rang bzhin gyis stong pa skye bar mi 'dod do/ /tshe dang ldan pa shA ra dwa ti'i bu bdag ni skye</font><hr>31.78a<br><font size=+1>

mched dang khams dang rten cing 'brel bar 'byung ba dang / pha rol du phyin pa rnams dang stong pa nyid thams cad dang / byang chub kyi phyogs kyi chos rnams dang / 'phags pa'i bden pa rnams dang bsam gtan rnams dang / tshad med pa rnams dang gzugs med pa'i snyoms par 'jug pa rnams dang / rnam par thar pa rnams dang mthar kyis gnas pa'i snyoms par 'jug pa rnams dang / rnam par thar pa'i sgo stong pa nyid dang mtshan ma med pa dang / smon pa med pa dang mngon par shes pa rnams dang / ting nge 'dzin rnams dang / gzungs kyi sgo rnams dang de bzhin gshegs pa'i stobs rnams dang / mi 'jigs pa rnams dang so so yang dag par rig pa rnams dang / sangs rgyas kyi chos ma 'dres pa rnams skyes pa rang bzhin gyis stong pa skye bar mi 'dod do/ /tshe dang ldan pa shA ra dwa ti'i bu bdag ni rnam pa thams cad mkhyen pa nyid kyi bar du skyes pa rang bzhin gyis stong pa skye bar mi 'dod do/ /smras pa tshe dang ldan pa rab 'byor skye ba skye 'am/ 'on tam skye ba mi skye/ smras pa tshe dang ldan pa shA ra dwa ti'i bu skye ba yang mi skye mi skye ba yang mi skye'o/ /de ci'i phyir zhe na/ 'di ltar tshe dang ldan pa shA ra dwa ti'i bu skye ba gang yin pa dang skye ba med pa gang yin pa'i chos de gnyis ka yang ldan pa yang ma yin/ mi ldan pa yang ma yin/ gzugs med pa bltar med pa/ thogs pa med pa ste/ 'di ltar mtshan nyid med par mtshan nyid gcig pa'o/ /tshe dang ldan pa shA ra dwa ti'i bu de ltar rnam grangs des na/ skye ba yang mi skye mi skye ba yang mi skye'o/ /shA ra dwa ti'i bus smras pa/ tshe dang ldan pa rab 'byor ma skyes pa'i chos ma skyes pa'i chos shes bya bar brjod par khyod kyis spobs na/ tshe dang ldan pa rab 'byor ma skyes pa rnams kyi skye ba med pa la yang brjod du spobs par</font><hr>31.78b<br><font size=+1>

'gyur ram/ rab 'byor gyis smras pa/ tshe dang ldan pa shA ra dwa ti'i bu ma skyes pa'i chos ma skyes pa'i chos shes bya ba brjod par khyod kyis spobs so zhes zer ba ni/ tshe dang ldan pa shA ra dwa ti'i bu ma skyes pa'i chos ma skyes pa'i chos shes bya ba brjod pa la bdag gis spobs pa med do/ /tshe dang ldan pa shA ra dwa ti'i bu chos ma skyes pa rnams kyi skye ba med pa yang bdag gis brjod par spobs pa med de/ de ci'i phyir zhe na/ tshe dang ldan pa shA ra dwa ti'i bu 'di ltar ma skyes pa'i chos gang yin pa dang / skye ba med pa gang yin pa dang / spobs pa gang yin pa dang / brjod pa gang yin pa dang / mi skye ba gang yin pa'i chos de dag thams cad kyang ldan pa yang ma yin/ mi ldan pa yang ma yin/ gzugs med pa bltar med pa thogs pa med pa ste/ 'di ltar mtshan nyid med par mtshan nyid gcig pa dag go/ /smras pa tshe dang ldan pa rab 'byor brjod pa ni skye ba med ces bya ba yin te/ spobs pa yang skye ba med la chos kyang skye ba med de/ gang las brtsams shing brjod par spobs pa'i chos de dag kyang skye ba med pa yin nam/ rab 'byor kyis smras pa tshe dang ldan pa shA ra dwa ti'i bu de de bzhin te/ brjod pa ni ma skyes pa'o/ /spobs pa ni ma skyes pa'o/ /chos ni ma skyes pa'o gang las brtsams te smra bar spobs pa'i chos de dag kyang ma skyes pa'o/ /de ci'i phyir zhe na/ tshe dang ldan pa shA ra dwa ti'i bu de ni 'di ltar gzugs skye ba med do/ /tshor ba dang 'du shes dang 'du byed dang rnam par shes pa skye ba med do/ /mig skye ba med do/ /rna ba dang sna dang lce dang lus dang yid skye ba med do/ /gzugs skye ba med do/ /sgra dang dri dang ro dang reg dang chos skye ba med do/ /mig gi rnam par shes pa skye ba med do/ /rna ba'i rnam par shes pa dang sna'i rnam par shes pa dang / lce'i rnam par shes pa dang lus kyi rnam par shes pa dang / </font><hr>31.79a<br><font size=+1>

yid kyi rnam par shes pa skye ba med do/ /mig gi 'dus te reg pa skye ba med do/ /rna ba'i 'dus te reg pa dang sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa skye ba med do/ /mig gi 'dus te reg pa'i rkyen kyi tshor ba skye ba med do/ /rna ba'i 'dus te reg pa'i rkyen kyis tshor ba dang / sna'i 'dus te reg pa'i rkyen kyis tshor ba dang / lce'i 'dus te reg pa'i rkyen kyis tshor ba dang / lus kyi 'dus te reg pa'i rkyen kyis tshor ba dang / yid kyi 'dus te reg pa'i rkyen kyis tshor ba skye ba med do/ /sa'i khams skye ba med do/ /chu'i khams skye ba med do/ /me'i khams dang / rlung gi khams dang / nam mkha'i khams dang / rnam par shes pa'i khams skye ba med do/ /ma rig pa skye ba med do 'du byed dang rnam par shes pa dang / ming dang gzugs dang skye mched drug dang reg pa dang tshor ba dang sred pa dang len pa dang / srid pa dang skye ba dang rga shi skye ba med do/ /sbyin pa'i pha rol du phyin pa skye ba med do/ /tshul khrims kyi pha rol du phyin pa dang / bzod pa'i pha rol du phyin pa dang brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol tu phyin pa skye ba med do/ /nang stong pa nyid skye ba med do/ /phyi stong pa nyid skye ba med do/ /phyi nang stong pa nyid skye ba med do/ /dngos po med pa'i ngo bo nyid stong pa nyid kyi bar du skye ba med do/ /dran pa nye bar gzhag pa rnams skye ba med do/ /yang dag par spong ba rnams dang / rdzu 'phrul gyi rkang pa rnams dang / dbang po rnams dang stobs rnams dang / byang chub kyi yan lag rnams dang / 'phags pa'i lam yan lag brgyad pa skye ba med do/ /'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams</font><hr>31.79b<br><font size=+1>

dang / rnam par thar pa rnams dang / mthar gyis gnas pa'i snyoms par 'jug pa rnams dang / rnam par thar pa'i sgo stong pa nyid dang / mtshan ma med pa dang / smon pa med pa dang mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs rnams dang mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams skye ba med do/ /tshe dang ldan pa shA ra dwa ti'i bu rnam grangs des na/ brjod pa ni skye ba med pa ste/ spobs pa yang skye ba med la chos kyang skye ba med de gang las brtsams shing brjod par spobs pa'i chos de dag kyang skye ba med pa'o/ /smras pa tshe dang ldan pa rab 'byor ni chos smra ba'i nang na mchog tu bya bar 'os pa ste/ de ci'i phyir zhe na/ 'di ltar gnas brtan rab 'byor ni gang dang gang yongs su dris pa de dang de la thogs pa med do/ /rab 'byor gyis smras pa tshe dang ldan pa shA ra dwa ti'i bu de ni bcom ldan 'das kyi nyan thos/ chos thams cad la gnas pa med pa dag gi chos nyid de/ de dag ni gang dang gang yongs su dris pa de dang de la thogs pa med do/ /de ci'i phyir zhe na/ 'di ltar chos thams cad ni mi gnas pa'i phyir ro/ /smras pa tshe dang ldan pa rab 'byor ji ltar na chos thams cad stong pa nyid mi gnas pa yin/ rab 'byor gyis smras pa/ tshe dang ldan pa shA ra dwa ti'i bu gzugs rang bzhin gyis stong pa ste/ de ni nang na yang mi gnas phyi rol na yang mi gnas/ gnyis ka med par yang mi dmigs so/ /tshe dang ldan pa shA ra dwa ti'i bu tshor ba dang 'du shes dang 'du byed dang rnam par shes pa ni rang bzhin gyis stong pa ste/ de ni nang na yang mi gnas phyi rol na yang mi gnas gnyis ka med par yang mi dmigs so/ /tshe dang ldan pa shA ra dwa ti'i bu mig ni rang bzhin gyis stong pa ste/ de ni nang na yang mi gnas phyi rol na yang mi gnas gnyis ka med par yang mi dmigs so/ /tshe dang ldan pa shA ra dwa ti'i bu rna ba dang sna dang lce dang</font><hr>31.80a<br><font size=+1>

lus dang yid ni rang bzhin gyis stong pa ste/ de ni nang na yang mi gnas phyi rol na yang mi gnas gnyis ka med par yang mi dmigs so/ /tshe dang ldan pa shA ra dwa ti'i bu gzugs ni rang bzhin gyis stong pa ste/ de ni nang na yang mi gnas phyi rol na yang mi gnas gnyis ka med par yang mi dmigs so/ /tshe dang ldan pa shA ra dwa ti'i bu sgra dang dri dang ro dang reg dang chos ni rang bzhin gyis stong pa ste/ de ni nang na yang mi gnas phyi rol na yang mi gnas gnyis ka med par yang mi dmigs so/ /tshe dang ldan pa shA ra dwa ti'i bu mig gi rnam par shes pa ni rang bzhin gyis stong pa ste/ de ni nang na yang mi gnas phyi rol na yang mi gnas gnyis ka med par yang mi dmigs so/ /tshe dang ldan pa shA ra dwa ti'i bu rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa ni rang bzhin gyis stong pa ste/ de ni nang na yang mi gnas phyi rol na yang mi gnas gnyis ka med par yang mi dmigs so/ /tshe dang ldan pa shA ra dwa ti'i bu mig gi 'dus te reg pa ni rang bzhin gyis stong pa ste/ de ni nang na yang mi gnas phyi rol na yang mi gnas gnyis ka med par yang mi dmigs so/ /tshe dang ldan pa shA ra dwa ti'i bu rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa ni rang bzhin gyis stong pa ste/ de ni nang na yang mi gnas phyi rol na yang mi gnas gnyis ka med par yang mi dmigs so/ /tshe dang ldan pa shA ra dwa ti'i bu mig gi 'dus te reg pa'i rkyen gyis tshor ba ni rang bzhin gyis stong pa ste/ de ni nang na yang mi gnas phyi rol na yang mi gnas gnyis ka med par yang mi dmigs so/ /tshe dang ldan pa shA ra dwa ti'i bu rna ba'i 'dus te</font><hr>31.80b<br><font size=+1>

reg pa'i rkyen kyis tshor ba dang sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba ni rang bzhin gyis stong pa ste/ de ni nang na yang mi gnas phyi rol na yang mi gnas gnyis ka med par yang mi dmigs so/ /tshe dang ldan pa shA ra dwa ti'i bu sa'i khams ni rang bzhin gyis stong pa ste/ de ni nang na yang mi gnas phyi rol na yang mi gnas gnyis ka med par yang mi dmigs so/ /tshe dang ldan pa shA ra dwa ti'i bu chu'i khams dang me'i khams dang rlung gi khams dang nam mkha'i khams dang / rnam par shes pa'i khams ni rang bzhin gyis stong pa ste/ de ni nang na yang mi gnas phyi rol na yang mi gnas/ gnyis ka med par yang mi dmigs so/ /tshe dang ldan pa shA ra dwa ti'i bu ma rig pa ni rang bzhin gyis stong pa ste/ de ni nang na yang mi gnas phyi rol na yang mi gnas gnyis ka med par yang mi dmigs so/ /tshe dang ldan pa shA ra dwa ti'i bu 'du byed dang rnam par shes pa dang ming dang gzugs dang skye mched drug dang reg pa dang tshor ba dang / sred pa dang len pa dang srid pa dang skye ba dang rga shi ni rang bzhin gyis stong pa ste/ de ni nang na yang mi gnas phyi rol na yang mi gnas gnyis ka med par yang mi dmigs so/ /tshe dang ldan pa shA ra dwa ti'i bu sbyin pa'i pha rol du phyin pa ni rang bzhin gyis stong pa ste/ de ni nang na yang mi gnas phyi rol na yang mi gnas gnyis ka med par yang mi dmigs so/ /tshe dang ldan pa shA ra dwa ti'i bu tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa ni/ rang bzhin gyis</font><hr>31.81a<br><font size=+1>

stong pa ste/ de ni nang na yang mi gnas phyi rol na yang mi gnas gnyis ka med par yang mi dmigs so/ /tshe dang ldan pa shA ra dwa ti'i bu nang stong pa nyid ni rang bzhin gyis stong pa ste/ de ni nang na yang mi gnas phyi rol na yang mi gnas gnyis ka med par yang mi dmigs so/ /tshe dang ldan pa shA ra dwa ti'i bu dngos po med pa'i ngo bo nyid stong pa nyid kyi bar ni rang bzhin gyis stong pa ste/ de ni nang na yang mi gnas phyi rol na yang mi gnas gnyis ka med par yang mi dmigs so/ /tshe dang ldan pa shA ra dwa ti'i bu dran pa nye bar gzhag pa rnams ni rang bzhin gyis stong pa ste/ de ni nang na yang mi gnas phyi rol na yang mi gnas gnyis ka med par yang mi dmigs so/ /tshe dang ldan pa shA ra dwa ti'i bu yang dag par spong ba rnams dang / rdzu 'phrul gyi rkang pa rnams dang dbang po rnams dang stobs rnams dang byang chub kyi yan lag rnams dang / 'phags pa'i lam yan lag brgyad pa ni rang bzhin gyis stong pa ste/ de ni nang na yang mi gnas phyi rol na yang mi gnas gnyis ka med par yang mi dmigs so/ /'phags pa'i bden pa rnams dang / bsam gtan rnams dang tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang mthar gyis gnas pa'i snyoms par 'jug pa dgu dang / stong pa nyid dang mtshan ma med pa dang smon pa med pa dang / mngon par shes pa rnams dang ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang mi 'jigs pa bzhi dang so so yang dag par rig pa bzhi dang / sangs rgyas kyi chos ma 'dres pa bcwa brgyad ni rang bzhin gyis stong pa ste/ de ni nang na yang mi gnas phyi rol na yang mi gnas gnyis</font><hr>31.81b<br><font size=+1>

ka med par yang mi dmigs so/ /tshe dang ldan pa shA ra dwa ti'i bu rnam pa thams cad mkhyen pa nyid kyi bar ni rang bzhin gyis stong pa ste/ de ni nang na yang mi gnas phyi rol na yang mi gnas gnyis ka med par yang mi dmigs so/ /tshe dang ldan pa shA ra dwa ti'i bu rnam grangs des na/ chos thams cad ni rang bzhin gyis stong pa nyid kyi phyir mi gnas so/ /tshe dang ldan pa shA ra dwa ti'i bu byang chub sems dpa' sems dpa' chen po pha rol du phyin pa drug la spyod pas/ de ltar gzugs yongs su sbyang bar bya'o/ /tshor ba dang 'du shes dang 'du byed dang rnam par shes pa yongs su sbyang bar bya'o/ /skye mched dang / khams dang / rten cing 'brel bar 'byung ba yongs su sbyang bar bya'o/ /pha rol du phyin pa rnams dang / stong pa nyid thams cad dang / byang chub kyi phyogs kyi chos sum bcu rtsa bdun dang / 'phags pa'i bden pa rnams dang / bsam gtan rnams dang tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar kyis gnas pa'i snyoms par 'jug pa dgu dang / stong pa nyid dang mtshan ma med pa dang / smon pa med pa dang mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang mi 'jigs pa bzhi dang / so so yang dag par rig pa bzhi dang / byams pa chen po dang snying rje chen po dang / sangs rgyas kyi chos ma 'dres pa bcwa brgyad yongs su sbyang bar bya'o/ /rnam pa thams cad mkhyen pa nyid kyi bar du yongs su sbyang bar bya'o/ /de nas tshe dang ldan pa shA ra dwa ti'i bus tshe dang ldan pa rab 'byor la 'di skad ces smras so/ /tshe dang ldan pa rab 'byor ji ltar na/ </font><hr>31.82a<br><font size=+1>

byang chub sems dpa' sems dpa' chen po pha rol du phyin pa drug la spyod pa'i tshe/ byang chub kyi lam yongs su sbyong ba yin/ rab 'byor gyis smras pa tshe dang ldan pa/ shA ra dwa ti'i bu sbyin pa'i pha rol du phyin pa ni 'jig rten pa yang yod/ 'jig rten las 'das pa yang yod/ tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang bsam gtan gyi pha rol du phyin pa dang / shes rab kyi pha rol du phyin pa ni 'jig rten pa yang yod/ 'jig rten las 'das pa yang yod do smras pa tshe dang ldan pa rab 'byor 'jig rten pa'i sbyin pa'i pha rol du phyin pa ni gang 'jig rten las 'das pa ni gang / rab 'byor gyis smras pa tshe dang ldan pa shA ra dwa ti'i bu 'di la byang chub sems dpa' sems dpa' chen po sbyin pa byed cing / sbyin bdag tu gyur pa dge sbyong dang bram ze dang phongs pa dang / ltogs pa dang 'dron pa dang / slong ba zas 'dod pa la ni zas/ skom dang theg pa dang gos dang / me tog dang phreng ba dang spos dang byug pa dang gnas dang mal stan dang yo byad dang sman dang mi'i yo byad gzhan gang ci yang rung ba'i bar du yongs su gtong ste/ bu pho 'dod pa la ni bu pho yongs su gtong bu mo 'dod pa la ni bu mo/ chung ma 'dod pa la ni chung ma/ rgyal srid 'dod pa la ni rgyal srid/ mgo 'dod pa la ni mgo yan lag dang nying lag 'dod pa la ni yan lag dang nying lag /sha dang khrag dang rkang 'dod pa la ni sha dang khrag dang rkang yongs su gtong ste/ de yang gnas shing yongs su gtong la/ de 'di snyam du bdag ni yongs su gtong ba'o/ /'di ni len pa'o/ /'di ni sbyin pa'o/ /bdag ni ser sna med pa'o/ /bdag ni sbyin pa'i bdag po'o/ /bdag ni bdog pa thams cad gtong ba'o/ /bdag ni sangs rgyas kyi</font><hr>31.82b<br><font size=+1>

bka' bzhin du byed pa'o/ /bdag ni sbyin pa'i pha rol du phyin pa la spyod pa'o zhes zer te/ sbyin pa de byin nas kyang dmigs pa'i tshul gyis/ sems can thams cad dang thun mong du byas te/ bla na med pa yang dag par rdzogs pa'i byang chub tu bsngo zhing / bdag gi sbyin pa'i 'bras bu 'dis sems can 'di dag tshe 'di nyid la bde ba dang nye bar len pa med par/ yongs su mya ngan las 'das par gyur cig ces yongs su bsngo ste/ de chags pa gsum la chags shing / sbyin pa de yongs su gtong ngo / /gsum gang zhe na 'di ltar bdag du 'du shes pa dang / gzhan du 'du shes pa dang sbyin par 'du shes pa 'di gsum la chags nas/ sbyin pa de dag yongs su gtong ste/ 'di ni 'jig rten pa'i sbyin pa'i pha rol du phyin pa zhes bya'o/ /ci'i phyir 'jig rten pa'i sbyin pa'i pha rol du phyin pa zhes bya zhe na/ de ni 'di ltar 'jig rten las mi g.yo mi 'phags mi 'da' bas de'i phyir 'jig rten pa'i sbyin pa'i pha rol du phyin pa zhes bya'o/ /de la 'jig rten las 'das pa'i sbyin pa'i pha rol du phyin pa gang zhe na/ 'di ltar 'khor gsum yongs su dag pa ste/ de la 'khor gsum yongs su dag pa gang zhe na/ tshe dang ldan pa shA ra dwa ti'i bu 'di la byang chub sems dpa' sems dpa' chen po sbyin pa gtong ba'i tshe/ bdag mi dmigs len pa mi dmigs sbyin pa mi dmigs rnam par smin pa la yang dga' bar mi byed pa ste/ tshe dang ldan pa shA ra dwa ti'i bu 'di ni byang chub sems dpa' sems dpa' chen po'i 'khor gsum yongs su dag pa'o/ /tshe dang ldan pa shA ra dwa ti'i bu gzhan yang byang chub sems dpa' sems dpa' chen po sbyin pa yongs su gtong zhing / sbyin pa de sems can thams cad la gtong ste/ sems can de dag kyang mi dmigs par/ bla na med pa yang dag par rdzogs</font><hr>31.83a<br><font size=+1>

pa'i byang chub tu bsngo zhing / mtshan ma cung zad kyang yang dag par rjes su mi mthong ba 'di ni/ tshe dang ldan pa shA ra dwa ti'i bu 'jig rten las 'das pa'i sbyin pa'i pha rol du phyin pa zhes bya'o/ /ci'i phyir 'jig rten las 'das pa'i sbyin pa'i pha rol du phyin pa zhes bya zhe na/ de ni 'di ltar 'jig rten las g.yo zhing 'phags la 'da' bas/ de'i phyir 'jig rten las 'das pa'i sbyin pa'i pha rol du phyin pa zhes bya'o/ /tshe dang ldan pa shA ra dwa ti'i bu tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa ni 'jig rten pa yang yod/ 'jig rten las 'das pa yang yod de/ de la 'jig rten pa'i tshul khrims kyi pha rol du phyin pa gang zhe na/ tshe dang ldan pa shA ra dwa ti'i bu 'di la byang chub sems dpa' sems dpa' chen po tshul khrims srung zhing / de yang gnas pas srung ste/ de 'di snyam du bdag ni sems can thams cad kyi don du tshul khrims srung ngo / /'di ni tshul khrims so/ /bdag ni sangs rgyas kyi bka' bzhin byed do zhes bya ba nas de 'di ltar bdag tu 'du shes pa dang / gzhan du 'du shes pa dang tshul khrims su 'du shes pa dang / chags pa 'di dag gsum zhes bya ba'i bar la chags shing / tshul khrims srung ste/ 'di ni 'jig rten pa'i tshul khrims kyi pha rol du phyin pa zhes bya'o/ /de ci'i phyir 'jig rten pa'i tshul khrims kyi pha rol du phyin pa zhes bya zhe na/ de ni 'di ltar 'jig rten las mi g.yo mi 'phags mi 'da' bas/ de'i phyir 'jig rten pa zhes bya'o/ /de la 'jig rten las 'das pa'i tshul khrims kyi pha rol du phyin pa gang zhe na/ 'di ltar 'khor gsum yongs su dag pa ste/ de la 'khor gsum yongs su dag pa gang zhe na/ </font><hr>31.83b<br><font size=+1>

tshe dang ldan pa shA ra dwa ti'i bu 'di la byang chub sems dpa' sems dpa' chen po'i tshul khrims srung ba'i tshe/ bdag mi dmigs sems can mi dmigs/ tshul khrims mi dmigs/ rnam par smin pa la yang dga' bar mi byed cing tshul khrims de yang sems can thams cad la gtong ste/ sems can de dag kyang mi dmigs par bla na med par yang dag par rdzogs pa'i byang chub tu bsngo zhing / mtshan ma cung zad kyang yang dag par rjes su mi mthong ba 'di ni/ 'jig rten las 'das pa'i tshul khrims kyi pha rol du phyin pa zhes bya ste/ de ni 'di ltar 'jig rten las g.yo zhing 'phags la 'da' bas/ de'i phyir 'jig rten las 'das pa zhes bya'o/ /de la 'jig rten pa'i bzod pa'i pha rol du phyin pa gang zhe na/ tshe dang ldan pa shA ra dwa ti'i bu 'di la byang chub sems dpa' sems dpa' chen po bzod pa sgom zhing / de yang gnas pas sgom ste/ de 'di snyam du bdag ni sems can thams cad kyi don du bzod pa bsgom mo/ /'di ni bzod pa'o/ /bdag ni sangs rgyas kyi bka' bzhin byed do zhes bya ba nas de 'di ltar bdag du 'du shes pa dang / gzhan du 'du shes pa dang / bzod par 'du shes pa dang / chags pa 'di gsum zhes bya ba'i bar la chags shing bzod pa sgom ste/ 'di ni 'jig rten pa'i bzod pa'i pha rol du phyin pa zhes bya'o/ /de ci'i phyir 'jig rten pa'i bzod pa'i pha rol du phyin pa zhes bya zhe na/ de ni 'di ltar 'jig rten las mi g.yo mi 'phags mi 'da' bas/ de'i phyir 'jig rten pa zhes bya'o/ /de la 'jig rten las 'das pa'i bzod pa'i pha rol du phyin pa gang zhe na/ 'di ltar 'khor gsum yongs su dag pa ste/ de la 'khor gsum yongs su dag pa gang zhe na/ tshe dang ldan pa shA ra dwa ti'i bu 'di la byang chub sems dpa' sems dpa' chen po bzod pa sgom pa'i tshe/ bdag mi dmigs sems can mi dmigs bzod pa mi dmigs/ rnam par smin</font><hr>31.84a<br><font size=+1>

pa la yang dga' bar mi byed cing / bzod pa de yang sems can thams cad la gtong ste/ sems can de dag kyang mi dmigs par bla na med pa yang dag par rdzogs pa'i byang chub tu bsngo zhing mtshan ma cung zad kyang yang dag par rjes su mi mthong ba 'di ni/ 'jig rten las 'das pa'i bzod pa'i pha rol du phyin pa zhes bya ste/ de ni 'di ltar 'jig rten las g.yo zhing 'phags la 'da' bas/ de'i phyir 'jig rten las 'das pa zhes bya'o/ /de la 'jig rten pa'i brtson 'grus kyi pha rol du phyin pa gang zhe na/ tshe dang ldan pa shA ra dwa ti'i bu 'di la byang chub sems dpa' sems dpa' chen po brtson 'grus rtsom zhing / de yang gnas pas rtsom te/ de 'di snyam du bdag ni sems can thams cad kyi don du brtson 'grus rtsom mo/ /'di ni lus so/ /'di ni sems so 'di ni brtson 'grus so/ /bdag ni sangs rgyas kyi bka' bzhin du byed do zhes bya ba nas de 'di ltar bdag du 'du shes pa dang gzhan du 'du shes pa dang brtson 'grus su 'du shes pa dang / chags pa 'di gsum zhes bya ba'i bar la chags shing brtson 'grus rtsom ste/ 'di ni 'jig rten pa'i brtson 'grus kyi pha rol du phyin pa zhes bya'o/ /de ci'i phyir 'jig rten pa'i brtson 'grus kyi pha rol du phyin pa zhes bya zhe na/ de ni 'di ltar 'jig rten las mi g.yo mi 'phags mi 'da' bas/ de'i phyir 'jig rten pa zhes bya'o/ /de la 'jig rten las 'das pa'i brtson 'grus kyi pha rol du phyin pa gang zhe na/ 'di ltar 'khor gsum yongs su dag pa ste/ de la 'khor gsum yongs su dag pa gang zhe na/ tshe dang ldan pa shA ra dwa ti'i bu 'di la byang chub sems dpa' sems dpa' chen po brtson 'grus rtsom pa'i tshe/ bdag mi dmigs sems can mi dmigs brtson 'grus mi dmigs/ rnam par smin pa la yang dga' bar mi byed cing / brtson 'grus de yang sems can thams cad la gtong ste/ </font><hr>31.84b<br><font size=+1>

sems can de dag kyang mi dmigs par bla na med pa yang dag par rdzogs pa'i byang chub tu bsngo zhing / mtshan ma cung zad kyang yang dag par rjes su mi mthong ba 'di ni/ 'jig rten las 'das pa'i brtson 'grus kyi pha rol du phyin pa zhes bya ste/ de ni 'di ltar 'jig rten las g.yo zhing 'phags la 'da' bas/ de'i phyir 'jig rten las 'das pa zhes bya'o/ /de la 'jig rten pa'i bsam gtan gyi pha rol du phyin pa gang zhe na/ tshe dang ldan pa shA ra dwa ti'i bu 'di la byang chub sems dpa' sems dpa' chen po bsam gtan la snyoms par 'jug cing / de yang gnas pas snyoms par 'jug ste/ de 'di snyam du bdag ni sems can thams cad kyi don du bsam gtan la snyoms par 'jug go/ /'di ni bsam gtan no/ /bdag ni sangs rgyas kyi bka' bzhin byed do zhes bya ba nas de 'di ltar bdag du 'du shes pa dang gzhan du 'du shes pa dang bsam gtan du 'du shes pa dang / chags pa 'di gsum zhes bya ba'i bar la chags shing bsam gtan la snyoms par 'jug ste/ 'di ni 'jig rten pa'i bsam gtan gyi pha rol du phyin pa zhes bya'o/ /de ci'i phyir 'jig rten pa'i bsam gtan gyi pha rol du phyin pa zhes bya zhe na/ de ni 'di ltar 'jig rten las mi g.yo mi 'phags mi 'da' bas/ de'i phyir 'jig rten pa zhes bya'o/ /de la 'jig rten las 'das pa'i bsam gtan gyi pha rol du phyin pa gang zhe na/ 'di ltar 'khor gsum yongs su dag pa ste/ de la 'khor gsum yongs su dag pa gang zhe na/ tshe dang ldan pa shA ra dwa ti'i bu 'di la byang chub sems dpa' sems dpa' chen po bsam gtan la snyoms par 'jug pa'i tshe/ bdag mi dmigs sems can mi dmigs bsam gtan mi dmigs rnam par smin</font><hr>31.85a<br><font size=+1>

pa la yang dga' bar mi byed do/ /bsam gtan de yang sems can thams cad la gtong ste/ sems can de dag kyang mi dmigs par bla na med pa yang dag par rdzogs pa'i byang chub tu bsngo zhing / mtshan ma cung zad kyang yang dag par rjes su mi mthong ba 'di ni/ 'jig rten las 'das pa'i bsam gtan gyi pha rol du phyin pa zhes bya ste/ de ni 'di ltar 'jig rten las g.yo zhing 'phags la 'da' bas/ de'i phyir 'jig rten las 'das pa zhes bya'o/ /de la 'jig rten pa'i shes rab kyi pha rol du phyin pa gang zhe na/ tshe dang ldan pa shA ra dwa ti'i bu 'di la byang chub sems dpa' sems dpa' chen po shes rab sgom zhing / de yang gnas pas sgom ste/ de 'di snyam du bdag ni sems can thams cad kyi don du shes rab sgom mo/ /'di ni shes rab po/ /bdag ni sangs rgyas kyi bka' bzhin byed do zhes bya ba nas/ de 'di ltar bdag tu 'du shes pa dang / gzhan du 'du shes pa dang / shes rab tu 'du shes pa dang chags pa 'di gsum zhes bya ba'i bar la chags shing / shes rab sgom ste/ 'di ni 'jig rten pa'i shes rab kyi pha rol tu phyin pa zhes bya'o/ /de ci'i phyir 'jig rten pa'i shes rab kyi pha rol du phyin pa zhes bya zhe na/ de ni 'di ltar 'jig rten las mi g.yo mi 'phags mi 'da' bas/ de'i phyir 'jig rten pa zhes bya'o/ /de la 'jig rten las 'das pa'i shes rab kyi pha rol du phyin pa gang zhe na/ 'di ltar 'khor gsum yongs su dag pa ste/ de la 'khor gsum yongs su dag pa gang zhe na/ tshe dang ldan pa shA ra dwa ti'i bu 'di la byang chub sems dpa' sems dpa' chen po shes rab kyi pha rol du phyin pa sgom pa'i tshe/ bdag mi dmigs sems can mi dmigs/ </font><hr>31.85b<br><font size=+1>

shes rab mi dmigs rnam par smin pa la yang dga' bar mi byed cing / shes rab de yang sems can thams cad la gtong ste/ sems can de dag kyang mi dmigs par bla na med pa yang dag par rdzogs pa'i byang chub tu bsngo zhing / mtshan ma cung zad kyang yang dag par rjes su mi mthong ba 'di ni/ 'jig rten las 'das pa'i shes rab kyi pha rol du phyin pa zhes bya ste/ de ni 'di ltar 'jig rten las g.yo zhing 'phags la 'da' bas/ de'i phyir 'jig rten las 'das pa zhes bya'o/ /tshe dang ldan pa shA ra dwa ti'i bu de ltar na byang chub sems dpa' sems dpa' chen po pha rol du phyin pa drug la spyod cing / byang chub kyi lam yongs su sbyong ba yin no/ /smras pa tshe dang ldan pa rab 'byor byang chub sems dpa' sems dpa' chen po'i byang chub kyi lam gang yin/ rab 'byor gyis smras pa/ tshe dang ldan pa shA ra dwa ti'i bu sbyin pa'i pha rol du phyin pa ni byang chub sems dpa' sems dpa' chen po'i byang chub kyi lam mo/ /tshul khrims kyi pha rol tu phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa ni byang chub sems dpa' sems dpa' chen po'i byang chub kyi lam mo/ /tshe dang ldan pa shA ra dwa ti'i bu nang stong pa nyid ni byang chub sems dpa' sems dpa' chen po'i byang chub kyi lam mo/ /phyi stong pa nyid ni byang chub sems dpa' sems dpa' chen po'i byang chub kyi lam mo/ /phyi nang stong pa nyid ni byang chub sems dpa' sems dpa' chen po'i byang chub kyi lam mo/ /dngos po med pa'i ngo bo nyid stong pa nyid kyi bar ni byang chub sems dpa' sems dpa'</font><hr>31.86a<br><font size=+1>

chen po'i byang chub kyi lam mo/ /tshe dang ldan pa shA ra dwa ti'i bu dran pa nye bar gzhag pa bzhi ni/ byang chub sems dpa' sems dpa' chen po'i byang chub kyi lam mo/ /yang dag par spong ba bzhi dang / rdzu 'phrul gyi rkang pa bzhi dang / dbang po lnga dang stobs lnga dang / byang chub kyi yan lag bdun dang / 'phags pa'i lam yan lag brgyad pa ni byang chub sems dpa' sems dpa' chen po'i byang chub kyi lam mo/ /tshe dang ldan pa shA ra dwa ti'i bu 'phags pa'i bden pa bzhi ni/ byang chub sems dpa' sems dpa' chen po'i byang chub kyi lam mo/ /bsam gtan bzhi dang tshad med pa bzhi dang / gzugs med pa'i snyoms par 'jug pa bzhi dang / rnam par thar pa brgyad dang / mthar kyis gnas pa'i snyoms par 'jug pa dgu dang / stong pa nyid dang / mtshan ma med pa dang smon pa med pa dang / mngon par shes pa lnga dang ting nge 'dzin thams cad dang / gzungs kyi sgo thams cad ni byang chub sems dpa' sems dpa' chen po'i byang chub kyi lam mo/ /de bzhin gshegs pa'i stobs bcu ni byang chub sems dpa' sems dpa' chen po'i byang chub kyi lam mo/ /mi 'jigs pa bzhi dang so so yang dag par rig pa bzhi dang / byams pa chen po dang / snying rje chen po dang sangs rgyas kyi chos ma 'dres pa bcwa brgyad ni byang chub sems dpa' sems dpa' chen po'i byang chub kyi lam mo/ /smras pa tshe dang ldan pa rab 'byor legs so legs so/ /byang chub kyi lam 'di pha rol du phyin pa gang gi mthu yin/ rab 'byor gyis smras pa tshe dang ldan pa shA ra dwa ti'i bu de ni shes rab kyi pha rol du phyin pa'i mthu ste/ de ci'i phyir zhe na/ tshe dang ldan pa</font><hr>31.86b<br><font size=+1>

shA ra dwa ti'i bu de ni 'di ltar shes rab kyi pha rol du phyin pa ni nyan thos kyi chos dang / rang sangs rgyas kyi chos dang / byang chub sems dpa'i chos dang sangs rgyas kyi chos dang / dge ba'i chos thams cad skyed pa'o/ /tshe dang ldan pa shA ra dwa ti'i bu shes rab kyi pha rol du phyin pa ni nyan thos kyi chos dang / rang sangs rgyas kyi chos dang byang chub sems dpa'i chos dang / sangs rgyas kyi chos dang dge ba'i chos thams cad yongs su sdud cing yang dag par sdud pa'o/ /tshe dang ldan pa shA ra dwa ti'i bu sngon gyi de bzhin gshegs pa dgra bcom pa yang dag par rdzogs pa'i sangs rgyas rnams kyis kyang shes rab kyi pha rol du phyin pa 'di la spyad de/ bla na med pa yang dag par rdzogs pa'i byang chub tu mngon par sangs rgyas so/ /tshe dang ldan pa shA ra dwa ti'i bu ma byon pa'i de bzhin gshegs pa dgra bcom pa yang dag par rdzogs pa'i sangs rgyas rnams kyis kyang / shes rab kyi pha rol du phyin pa 'di nyid la spyod cing / bla na med pa yang dag par rdzogs pa'i byang chub tu mngon par rdzogs par 'tshang rgya'o/ /tshe dang ldan pa shA ra dwa ti'i bu phyogs bcu'i 'jig rten gyi khams na/ de bzhin gshegs pa dgra bcom pa yang dag par rdzogs pa'i sangs rgyas gang ji snyed gcig bzhugs shing 'tsho skyong ba de dag gis kyang / shes rab kyi pha rol du phyin pa 'di nyid la spyad de/ bla na med pa yang dag par rdzogs pa'i byang chub tu mngon par rdzogs par sangs rgyas so/ /tshe dang ldan pa shA ra dwa ti'i bu gal te shes rab kyi pha rol du phyin pa bshad pa'i tshe/ byang chub sems dpa' sems dpa' chen po nem nur 'am/ rmongs par mi 'gyur na/ tshe dang ldan</font><hr>31.87a<br><font size=+1>

pa shA ra dwa ti'i bu byang chub sems dpa' sems dpa' chen po de ni 'di ltar sems can thams cad bskyab pa dang / sems can thams cad yongs su mi gtong ba'i phyir/ de mi dmigs pa'i tshul gyis rnam par spyod pa 'di rnam par spyod par shes par bya'o/ /byang chub sems dpa' sems dpa' chen po de ni 'di ltar/ snying rje chen po yid la bya ba'i yid la bya ba de dang ma bral bar shes par bya'o/ /smras pa tshe dang ldan pa rab 'byor rnam par spyod pa 'dis rnam par spyod cing 'di lta ste/ snying rje chen po yid la bya ba'i yid la bya ba de dang ma bral bas/ byang chub sems dpa' sems dpa' chen por 'dod na/ tshe dang ldan pa rab 'byor de lta na ni sems can thams cad kyang byang chub sems dpar 'gyur ro/ /de ci'i phyir zhe na/ tshe dang ldan pa rab 'byor sems can thams cad kyang yid la bya ba dang ni ma bral lo/ /rab 'byor kyis smras pa tshe dang ldan pa shA ra dwa ti'i bu legs so legs so/ /dri'o dri'o snyam pa'i don de nyid tshe dang ldan pa shA ra dwa ti'i bus yang dag pa'i tshig brjod pas yongs su bzung ngo / /de ci'i phyir zhe na/ 'di ltar tshe dang ldan pa shA ra dwa ti'i bu sems can med pa'i phyir/ yid la byed pa med par rig par bya'o/ /sems can dngos po med pa'i phyir yid la byed pa dngos po med par rig par bya'o/ /sems can rang bzhin med pa'i phyir yid la byed pa rang bzhin med par rig par bya'o/ /sems can stong pa nyid kyi phyir yid la byed pa stong pa nyid du rig par bya'o/ /sems can dben pa'i phyir yid la byed pa dben par rig par bya'o/ /sems can mngon par rdzogs par 'tshang mi rgya ba'i phyir yid la byed pa mngon par rdzogs par 'tshang mi rgya bar</font><hr>31.87b<br><font size=+1>

rig par bya'o/ /tshe dang ldan pa shA ra dwa ti'i bu gzugs med pa'i phyir yid la byed pa med par rig par bya'o/ /gzugs dngos po med pa'i phyir yid la byed pa dngos po med par rig par bya'o/ /gzugs rang bzhin med pa'i phyir yid la byed pa rang bzhin med par rig par bya'o/ /gzugs stong pa nyid kyi phyir yid la byed pa stong pa nyid du rig par bya'o/ /gzugs dben pa'i phyir yid la byed pa dben par rig par bya'o/ /gzugs mngon par rdzogs par 'tshang mi rgya ba'i phyir/ yid la byed pa mngon par rdzogs par 'tshang mi rgya bar rig par bya'o/ /tshe dang ldan pa shA ra dwa ti'i bu tshor ba dang 'du shes dang / 'du byed dang rnam par shes pa med pa'i phyir yid la byed pa med par rig par bya'o/ /rnam par shes pa dngos po med pa'i phyir yid la byed pa dngos po med par rig par bya'o/ /rnam par shes pa rang bzhin med pa'i phyir yid la byed pa rang bzhin med par rig par bya'o/ /rnam par shes pa stong pa nyid kyi phyir yid la byed pa stong pa nyid du rig par bya'o/ /rnam par shes pa dben pa'i phyir yid la byed pa dben par rig par bya'o/ /rnam par shes pa mngon par rdzogs par 'tshang mi rgya ba'i phyir/ yid la byed pa mngon par rdzogs par 'tshang mi rgya bar rig par bya'o/ /tshe dang ldan pa shA ra dwa ti'i bu skye mched dang / khams dang rten cing 'brel bar 'byung ba med pa'i phyir yid la byed pa med par rig par bya'o/ /rten cing 'brel bar 'byung ba dngos po med pa'i phyir yid la byed pa dngos po med par rig par bya'o/ /rten cing 'brel bar 'byung ba rang bzhin med pa'i phyir yid la byed pa rang bzhin med par rig par bya'o/ /rten cing 'brel bar 'byung ba stong pa nyid kyi phyir yid la byed pa stong pa nyid du rig par bya'o/ /rten cing 'brel bar 'byung ba dben pa'i phyir yid la byed</font><hr>31.88a<br><font size=+1>

pa dben par rig par bya'o/ /rten cing 'brel par 'byung ba mngon par rdzogs par 'tshang mi rgya ba'i phyir/ yid la byed pa mngon par rdzogs par 'tshang mi rgya bar rig par bya'o/ /tshe dang ldan pa shA ra dwa ti'i bu sbyin pa'i pha rol tu phyin pa med pa'i phyir yid la byed pa med par rig par bya'o/ /sbyin pa'i pha rol du phyin pa dngos po med pa'i phyir yid la byed pa dngos po med par rig par bya'o/ /sbyin pa'i pha rol tu phyin pa rang bzhin med pa'i phyir yid la byed pa rang bzhin med par rig par bya'o/ /sbyin pa'i pha rol du phyin pa stong pa nyid kyi phyir yid la byed pa stong pa nyid du rig par bya'o/ /sbyin pa'i pha rol du phyin pa dben pa'i phyir yid la byed pa dben par rig par bya'o/ /sbyin pa'i pha rol du phyin pa mngon par rdzogs par 'tshang mi rgya ba'i phyir/ yid la byed pa mngon par rdzogs par 'tshang mi rgya bar rig par bya'o/ /tshe dang ldan pa shA ra dwa ti'i bu tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa med pa'i phyir yid la byed pa med par rig par bya'o/ /shes rab kyi pha rol du phyin pa dngos po med pa'i phyir yid la byed pa dngos po med par rig par bya'o/ /shes rab kyi pha rol du phyin pa rang bzhin med pa'i phyir yid la byed pa rang bzhin med par rig par bya'o/ /shes rab kyi pha rol du phyin pa stong pa nyid kyi phyir yid la byed pa stong pa nyid du rig par bya'o/ /shes rab kyi pha rol tu phyin pa dben pa'i phyir yid la byed pa dben par rig par bya'o/ /shes rab kyi pha rol du phyin pa mngon par rdzogs par 'tshang mi rgya ba'i phyir yid la byed pa mngon par rdzogs par 'tshang</font><hr>31.88b<br><font size=+1>

mi rgya bar rig par bya'o/ /tshe dang ldan pa shA ra dwa ti'i bu nang stong pa nyid yid la byed pa med par rig par bya'o/ /nang stong pa nyid dngos po med pa'i phyir yid la byed pa dngos po med par rig par bya'o/ /nang stong pa nyid rang bzhin med pa'i phyir yid la byed pa rang bzhin med par rig par bya'o/ /nang stong pa nyid stong pa nyid kyi phyir yid la byed pa stong pa nyid du rig par bya'o/ /nang stong pa nyid dben pa'i phyir yid la byed pa dben par rig par bya'o/ /nang stong pa nyid mngon par rdzogs par 'tshang mi rgya ba'i phyir yid la byed pa mngon par rdzogs par 'tshang mi rgya bar rig par bya'o/ /tshe dang ldan pa shA ra dwa ti'i bu dngos po med pa'i ngo bo nyid stong pa nyid kyi bar du med pa'i phyir yid la byed pa med par rig par bya'o/ /dngos po med pa'i ngo bo nyid stong pa nyid dngos po med pa'i phyir yid la byed pa dngos po med par rig par bya'o/ /dngos po med pa'i ngo bo nyid stong pa nyid rang bzhin med pa'i phyir yid la byed pa rang bzhin med par rig par bya'o/ /dngos po med pa'i ngo bo nyid stong pa nyid kyi phyir yid la byed pa stong pa nyid du rig par bya'o/ /dngos po med pa'i ngo bo nyid stong pa nyid dben pa'i phyir yid la byed pa dben par rig par bya'o/ /dngos po med pa'i ngo bo nyid stong pa nyid mngon par rdzogs par 'tshang mi rgya ba'i phyir/ yid la byed pa mngon par rdzogs par 'tshang mi rgya bar rig par bya'o/ /tshe dang ldan pa shA ra dwa ti'i bu dran pa nye bar gzhag pa med pa'i phyir/ yid la byed pa med par rig par bya'o/ /dran pa nye bar gzhag pa dngos po med pa'i phyir/ yid la byed pa dngos po med par rig par bya'o/ /dran pa nye bar gzhag pa rang bzhin med pa'i phyir yid la byed pa rang bzhin med par rig par bya'o/ /dran pa nye bar gzhag pa stong pa nyid kyi phyir yid la byed pa stong pa nyid du rig par bya'o/ /dran pa nye bar gzhag pa</font><hr>31.89a<br><font size=+1>

dben pa'i phyir yid la byed pa dben par rig par bya'o/ /dran pa nye bar gzhag pa mngon par rdzogs par 'tshang mi rgya ba'i phyir/ yid la byed pa mngon par rdzogs par 'tshang mi rgya bar rig par bya'o/ /tshe dang ldan pa shA ra dwa ti'i bu yang dag par spong ba dang / rdzu 'phrul gyi rkang pa dang dbang po dang / stobs dang byang chub kyi yan lag dang / 'phags pa'i lam yan lag brgyad pa med pa'i phyir yid la byed pa med par rig par bya'o/ /'phags pa'i lam yan lag brgyad pa dngos po med pa'i phyir yid la byed pa dngos po med par rig par bya'o/ /'phags pa'i lam yan lag brgyad pa rang bzhin med pa'i phyir yid la byed pa rang bzhin med par rig par bya'o/ /'phags pa'i lam yan lag brgyad pa stong pa nyid kyi phyir yid la byed pa stong pa nyid du rig par bya'o/ /'phags pa'i lam yan lag brgyad pa dben pa'i phyir yid la byed pa dben par rig par bya'o/ /'phags pa'i lam yan lag brgyad pa mngon par rdzogs par 'tshang mi rgya ba'i phyir/ yid la byed pa mngon par rdzogs par 'tshang mi rgya bar rig par bya'o/ /'phags pa'i bden pa rnams dang bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa rnams dang / mthar kyis gnas pa'i snyoms par 'jug pa dgu dang / stong pa nyid dang mtshan ma med pa dang smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang so so yang dag par rig pa bzhi dang / byams pa chen po dang snying rje chen po dang / sangs rgyas kyi chos ma 'dres pa med pa'i phyir yid la byed pa med par rig par bya'o/ /sangs</font><hr>31.89b<br><font size=+1>

rgyas kyi chos ma 'dres pa dngos po med pa'i phyir yid la byed pa dngos po med par rig par bya'o/ /sangs rgyas kyi chos ma 'dres pa rang bzhin med pa'i phyir yid la byed pa rang bzhin med par rig par bya'o/ /sangs rgyas kyi chos ma 'dres pa stong pa nyid kyi phyir yid la byed pa stong pa nyid du rig par bya'o/ /sangs rgyas kyi chos ma 'dres pa dben pa'i phyir yid la byed pa dben par rig par bya'o/ /sangs rgyas kyi chos ma 'dres pa mngon par rdzogs par 'tshang mi rgya ba'i phyir/ yid la byed pa mngon par rdzogs par 'tshang mi rgya bar rig par bya'o/ /tshe dang ldan pa shA ra dwa ti'i bu byang chub kyi bar du med pa'i phyir yid la byed pa med par rig par bya'o/ /byang chub dngos po med pa'i phyir yid la byed pa dngos po med par rig par bya'o/ /byang chub rang bzhin med pa'i phyir yid la byed pa rang bzhin med par rig par bya'o/ /byang chub stong pa nyid kyi phyir yid la byed pa stong pa nyid du rig par bya'o/ /byang chub dben pa'i phyir yid la byed pa dben par rig par bya'o byang chub mngon par rdzogs par 'tshang mi rgya ba'i phyir/ yid la byed pa mngon par rdzogs par 'tshang mi rgya bar rig par bya'o/ /tshe dang ldan pa shA ra dwa ti'i bu rnam grangs des na/ byang chub sems dpa' sems dpa' chen po 'di lta ste/ snying rje chen po yid la byed pa nyid dang mi 'bral bar rig par bya'o/ /de nas bcom ldan 'das kyis tshe dang ldan pa rab 'byor la 'di skad ces legs so zhes bya ba gnang ste/ rab 'byor legs so legs so/ /de ltar de bzhin gshegs pa'i mthus rab 'byor khyod ji ltar ston pa de bzhin du/ byang chub sems dpa' sems dpa' chen po rnams la shes rab kyi pha rol du phyin pa bstan par bya'o/ /byang chub sems dpa' sems</font><hr>31.90a<br><font size=+1>

dpa' chen pos kyang ji ltar khyod kyis bstan pa de bzhin du shes rab kyi pha rol du phyin pa la bslab par bya'o/ /shes rab kyi pha rol du phyin pa'i le'u 'di tshe dang ldan pa rab 'byor kyis smras pa'i tshe/ stong gsum gyi stong chen po'i 'jig rten gyi khams 'di rnam pa drug du g.yos te/ g.yos so rab tu g.yos so/ /kun du g.yos so/ /'gul to rab tu 'gul to kun du 'gul to/ /ldeg go rab tu ldeg go/ /kun du ldeg go/ /chem chem rab tu chem chem/ kun du chem chem/ 'ur 'ur rab tu 'ur 'ur/ kun du 'ur 'ur ro/ /shar phyogs dma' bar gyur na nub phyogs mtho bar gyur to/ /shar phyogs mtho bar gyur na nub phyogs dma' bar gyur to/ /byang phyogs dma' bar gyur na lho phyogs mtho bar gyur to/ /lho phyogs dma' bar gyur na byang phyogs mtho bar gyur to/ /dbus dma' bar gyur na mtha' mtho bar gyur to/ /mtha' dma' bar gyur na dbus mtho bar gyur to/ /de nas bcom ldan 'das kyis de'i tshe 'dzum pa mdzad do/ /de nas tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das ci'i rgyu ci'i rkyen kyis 'dzum pa mdzad/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor ji ltar nga 'jig rten gyi khams mi mjed 'di na shes rab kyi pha rol du phyin pa ston pa de bzhin du/ shar phyogs kyi 'jig rten gyi khams tshad med grangs med pa dag na yang / de bzhin gshegs pa dgra bcom pa yang dag par rdzogs pa'i sangs rgyas rnams/ </font><hr>31.90b<br><font size=+1>

shes rab kyi pha rol du phyin pa 'di nyid byang chub sems dpa' sems dpa' chen po rnams la ston pa mdzad do/ /rab 'byor ji ltar nga 'jig rten gyi khams mi mjed 'di na shes rab kyi pha rol du phyin pa ston pa de bzhin du/ lho dang nub dang byang dang byang shar dang shar lho dang / lho nub dang nub byang dang 'og dang steng gi phyogs kyi phyogs re re'i 'jig rten gyi khams tshad med grangs med pa dag na yang / de bzhin gshegs pa dgra bcom pa yang dag par rdzogs pa'i sangs rgyas rnams/ shes rab kyi pha rol du phyin pa 'di nyid byang chub sems dpa' sems dpa' chen po rnams la ston pa mdzad do/ /shes rab kyi pha rol du phyin pa bstan pa 'di bshad pa'i tshe/ lha dang mi'i skye dgu khrag khrig phrag bcu gnyis mi skye ba'i chos la bzod pa skyes so/ /phyogs bcu kun tu 'jig rten gyi khams su sangs rgyas bcom ldan 'das rnams kyis/ shes rab kyi pha rol du phyin pa 'di bstan pa'i tshe yang / sems can tshad med grangs med pa dag bla na med pa yang dag par rdzogs pa'i byang chub tu sems skyes so/ /shes rab kyi pha rol du phyin pa stong phrag nyi shu lnga pa las/ rab 'byor kyi le'u ste bcu gsum pa'o// // de nas stong gsum gyi stong chen po'i 'jig rten gyi khams 'di na/ rgyal chen bzhi'i ris kyi lha ji snyed cig yod pa de dag thams cad kyang / lha bye ba khrag khrig brgya stong du ma dang lhan cig 'khor de nyid du 'dus par gyur/ stong gsum gyi stong chen po'i 'jig rten gyi khams na/ lha'i dbang po brgya byin ji snyed yod pa de dag thams cad</font><hr>31.91a<br><font size=+1>

kyang lha'i bu bye ba khrag khrig brgya stong du ma dang lhan cig 'khor de nyid du 'dus par gyur/ stong gsum gyi stong chen po'i 'jig rten gyi khams na/ lha'i bu rab mtshe ma ji snyed yod pa dang / lha'i bu rab dga' ldan ji snyed yod pa dang / lha'i bu rab 'phrul dga' ji snyed yod pa dang / lha'i bu gzhan 'phrul dbang byed ji snyed yod pa de dag thams cad kyang lha'i bu bye ba khrag khrig brgya stong du ma dang lhan cig 'khor de nyid du 'dus par gyur/ stong gsum gyi stong chen po'i 'jig rten gyi khams na/ tshangs pa ji snyed yod pa de dag thams cad kyang / lha'i bu bye ba khrag khrig brgya stong du ma dang lhan cig 'khor de nyid du 'dus par gyur/ stong gsum gyi stong chen po'i 'jig rten gyi khams na/ gnas gtsang ma'i bar gyi lha'i bu ji snyed yod pa de dag thams cad kyang / lha'i bu bye ba khrag khrig brgya stong du ma dang lhan cig 'khor de nyid du 'dus par gyur te/ rgyal chen bzhi'i ris kyi lha rnams kyi las kyi rnam par smin pa las skyes pa'i lus kyi 'od gang yin pa dang / sum bcu rtsa gsum gyi lha dang / mtshe ma'i lha dang dga' ldan gyi lha dang / 'phrul dga'i lha dang / gzhan 'phrul dbang byed kyi lha dang / tshangs ris kyi lha dang / kun snang dang ba'i lha dang / dge rgyas kyi lha dang / 'bras bu che ba'i lha dang / gnas gtsang ma'i lha rnams kyi las kyi rnam par smin pa las skyes pa'i lus kyi 'od gang yin pa de dag gis/ de bzhin gshegs pa'i rang bzhin kyi 'od kyi brgya'i char yang nye bar ma song / stong gi char yang nye bar ma song / brgya stong gi char yang nye bar ma song / bye ba khrag khrig brgya stong gi char yang nye bar</font><hr>31.91b<br><font size=+1>

ma song / grangs dang cha dang bgrang ba dang dper yang ma bzod de/ 'di lta ste dper na 'dzam bu na da'i gser gyi drung na/ lcags nag po 'am mgal dum lham me ma yin lhan ne ma yin lhang nge ma yin pa de bzhin du/ de bzhin gshegs pa'i rang bzhin gyi 'od kyi drung na/ lha'i las kyi rnam par smin pa las skyes pa'i 'od de dag thams cad lham me ma yin/ lhan ne ma yin lhang nge ma yin gyi/ de bzhin gshegs pa'i 'od 'ba' shig de dag gi nang na dam par snang ngo / /gtso bor snang ngo gya nom par snang ngo / /'phags par snang ngo / /mchog tu snang ngo rab tu snang ngo / /phul du snang ngo bla na med par snang ngo / /gong na med par snang ngo / /de nas lha'i dbang po brgya byin gyis tshe dang ldan pa rab 'byor la 'di skad ces smras so/ /btsun pa rab 'byor stong gsum gyi stong chen po'i 'jig rten gyi khams na/ rgyal chen bzhi'i ris kyi lha dang / sum bcu rtsa gsum gyi lha dang / mtshe ma'i lha dang dga' ldan gyi lha dang / 'phrul dga'i lha dang gzhan 'phrul dbang byed kyi lha dang / tshangs ris kyi lha dang gnas gtsang ma'i ris kyi bar gyi lha gang ji snyed pa de dag thams cad shes rab kyi pha rol du phyin pa gtan la bab par bstan pa thos par 'dod na/ chos nyan par 'dod pa'i phyir lhags na/ byang chub sems dpa' sems dpa' chen pos ni ji ltar shes rab kyi pha rol du phyin pa la gnas par bya/ byang chub sems dpa' sems dpa' chen po'i shes rab kyi pha rol du phyin pa ni gang yin/ byang chub sems dpa' sems dpa' chen pos shes rab kyi pha rol tu phyin pa la ni ji ltar bslab par bya/ de skad ces smras pa dang / tshe dang ldan pa rab 'byor gyis lha'i dbang po brgya byin la 'di skad ces smras so/ /shes rab kyi pha rol du phyin pa stong phrag nyi shu lnga pa/ </font><hr>31.92a<br><font size=+1>

bam po nyi shu bdun pa/ kau shi ka de'i phyir shin du legs par nyon la yid la gyis shig dang / sangs rgyas kyi mthu dang sangs rgyas kyi byin gyis brlabs kyis/ byang chub sems dpa' sems dpa' chen po rnams kyi shes rab kyi pha rol du phyin pa dang / byang chub sems dpa' sems dpa' chen po shes rab kyi pha rol du phyin pa la ji ltar gnas par bya ba dang / ji ltar bslab par bya ba dang lha'i bu gang gis bla na med pa yang dag par rdzogs pa'i byang chub tu sems ma skyes pa de dag gis kyang / bla na med pa yang dag par rdzogs pa'i byang chub tu sems bskyed par bya ba bstan par bya'o/ /gang yang dag par skyon med par zhugs par gyur pa de dag ni bla na med pa yang dag par rdzogs pa'i byang chub tu sems bskyed pa'i mthu med do/ /de ci'i phyir zhe na/ de dag gis 'khor ba'i rgyun gyis mtshams bcad pa'i phyir te/ 'on kyang gal te de dag bla na med pa yang dag par rdzogs pa'i byang chub tu sems bskyed na de dag la yang rjes su yi rang ngo / /khyad par du 'phags pa'i chos rnams las khyad par du 'phags pa'i chos rnams 'thob par 'gyur bas/ de dag gis dge ba'i phyogs la bdag ni bar chad mi byed do/ /kau shi ka de la byang chub sems dpa' sems dpa' chen po'i/ shes rab kyi pha rol du phyin pa gang zhe na/ kau shi ka 'di la byang chub sems dpa' sems dpa' chen pos rnam pa thams cad mkhyen pa nyid dang ldan pa'i sems bskyed pas/ de mi dmigs pa'i tshul gyis gzugs ni mi rtag par yid la bya'o/ /gzugs ni sdug bsngal ba dang bdag med pa dang zhi ba dang dben pa dang nad dang shu ba dang zug ngu dang sdig pa dang na ba dang dgra dang 'jig pa'i chos can dang / mi brtan pa dang 'jig pa dang 'jigs pa dang 'go ba'i nad dang / stong pa nyid dang bdag gi med pa dang yid brtan du mi rung ba dang / gnod par yid la bya'o rnam pa thams cad</font><hr>31.92b<br><font size=+1>

mkhyen pa nyid dang ldan pa'i sems bskyed pas/ de mi dmigs pa'i tshul gyis tshor ba dang / 'du shes dang 'du byed dang rnam par shes pa ni mi rtag par yid la bya'o/ /rnam par shes pa ni sdug bsngal ba dang / bdag med pa dang zhi ba dang dben pa dang nad dang shu ba dang zug rngu dang sdig pa dang na ba dang dgra dang 'jig pa'i chos can dang / mi brtan pa dang 'jig pa dang 'jigs pa dang 'go ba'i nad dang / stong pa nyid dang bdag gi med pa dang yid brtan du mi rung ba dang / gnod par yid la bya'o/ /rnam pa thams cad mkhyen pa nyid dang ldan pa'i sems bskyed pas/ de mi dmigs pa'i tshul gyis mig ni mi rtag par yid la bya'o/ /mig ni sdug bsngal ba dang bdag med pa dang / zhi ba dang dben pa dang nad dang shu ba dang zug rngu dang sdig pa dang na ba dang dgra dang 'jig pa'i chos can dang / mi brtan pa dang 'jig pa dang 'jigs pa dang 'go ba'i nad dang stong pa nyid dang bdag gi med pa dang / yid brtan du mi rung ba dang gnod par yid la bya'o/ /rnam pa thams cad mkhyen pa nyid dang ldan pa'i sems bskyed pas de mi dmigs pa'i tshul gyi rna ba dang sna dang lce dang lus dang yid ni mi rtag par yid la bya'o/ /yid ni sdug bsngal ba dang bdag med pa dang zhi ba dang dben pa dang nad dang shu ba dang zug rngu dang sdig pa dang na ba dang dgra dang 'jig pa'i chos can dang mi brtan pa dang 'jig pa dang 'jigs pa dang 'go ba'i nad dang stong pa nyid dang bdag gi med pa dang / yid brtan du mi rung ba dang gnod par yid la bya'o/ /rnam pa thams cad mkhyen pa nyid dang ldan pa'i sems bskyed pas/ de mi dmigs pa'i tshul gyi gzugs ni mi rtag par yid la bya'o/ /gzugs ni sdug bsngal ba dang bdag med pa dang zhi ba dang dben pa dang / nad dang shu ba dang zug rngu dang sdig pa dang na ba dang dgra dang 'jig pa'i chos can dang mi brtan pa dang 'jig pa dang 'jigs pa dang 'go ba'i nad dang stong pa nyid dang bdag gi med pa dang yid brtan du mi rung ba dang / gnod par yid la bya'o/ /rnam pa thams cad mkhyen pa nyid dang ldan pa'i sems skyed pas de mi dmigs pa'i tshul gyis sgra dang dri dang ro dang reg dang chos ni mi rtag par yid la bya'o/ /chos ni sdug bsngal ba dang</font><hr>31.93a<br><font size=+1>

bdag med pa dang zhi ba dang dben pa dang nad dang shu ba dang zug rngu dang sdig pa dang na ba dang / dgra dang 'jig pa'i chos can dang mi brtan pa dang 'jig pa dang 'jigs pa dang 'go ba'i nad dang stong pa nyid dang bdag gi med pa dang yid brtan du mi rung ba dang / gnod par yid la bya'o rnam pa thams cad mkhyen pa nyid dang ldan pa'i sems bskyed pas/ de mi dmigs pa'i tshul gyis mig gi rnam par shes pa ni mi rtag par yid la bya'o/ /mig gi rnam par shes pa ni sdug bsngal ba dang bdag med pa dang zhi ba dang dben pa dang / nad dang shu ba dang zug rngu dang sdig pa dang na ba dang dgra dang 'jig pa'i chos can dang mi brtan pa dang 'jig pa dang 'jigs pa dang 'go ba'i nad dang stong pa nyid dang bdag gi med pa dang yid brtan du mi rung ba dang gnod par yid la bya'o/ /rnam pa thams cad mkhyen pa nyid dang ldan pa'i sems bskyed pas/ de mi dmigs pa'i tshul gyi rna ba'i rnam par shes pa dang sna'i rnam par shes pa dang / lce'i rnam par shes pa dang lus kyi rnam par shes pa dang / yid kyi rnam par shes pa ni mi rtag par yid la bya'o yid kyi rnam par shes pa ni sdug bsngal ba dang bdag med pa dang zhi ba dang dben pa dang nad dang shu ba dang / zug rngu dang sdig pa dang na ba dang dgra dang 'jig pa'i chos can dang mi brtan pa dang 'jig pa dang 'jigs pa dang 'go ba'i nad dang stong pa nyid dang bdag gi med pa dang yid brtan du mi rung ba dang gnod par yid la bya'o/ /rnam pa thams cad mkhyen pa nyid dang ldan pa'i sems bskyed pas de mi dmigs pa'i tshul gyis mig gi 'dus te reg pa ni mi rtag par yid la bya'o/ /mig gi 'dus te reg pa ni sdug bsngal ba dang bdag med pa dang zhi ba dang dben pa dang nad dang shu ba dang zug rngu dang sdig pa dang na ba dang dgra dang 'jig pa'i chos can dang mi brtan pa dang 'jig pa dang 'jigs pa dang 'go ba'i nad dang stong pa nyid dang bdag gi med pa dang yid brtan du mi rung ba dang / gnod par yid la bya'o rnam pa thams cad mkhyen pa nyid dang ldan pa'i sems bskyed pas/ de mi dmigs pa'i tshul gyis rna ba'i 'dus te reg pa dang sna'i 'dus te reg pa dang / lce'i 'dus te reg pa dang lus kyi 'dus te reg pa dang yid kyi 'dus te reg pa ni mi rtag par yid la bya'o/ /yid kyi 'dus te reg pa ni</font><hr>31.93b<br><font size=+1>

sdug bsngal ba dang bdag med pa dang zhi ba dang dben pa dang nad dang shu ba dang zug rngu dang sdig pa dang / na ba dang dgra dang 'jig pa'i chos can dang / mi brtan pa dang 'jig pa dang 'jigs pa dang 'go ba'i nad dang stong pa nyid dang bdag gi med pa dang yid brtan du mi rung ba dang gnod par yid la bya'o rnam pa thams cad mkhyen pa nyid dang ldan pa'i sems bskyed pas de mi dmigs pa'i tshul gyis mig gi 'dus te reg pa'i rkyen gyi tshor ba ni mi rtag par yid la bya'o/ /mig gi 'dus te reg pa'i rkyen gyis tshor ba ni sdug bsngal ba dang bdag med pa dang zhi ba dang dben pa dang nad dang shu ba dang zug rngu dang sdig pa dang na ba dang dgra dang 'jig pa'i chos can dang / mi brtan pa dang 'jig pa dang 'jigs pa dang 'go ba'i nad dang stong pa nyid dang bdag gi med pa dang yid brtan du mi rung ba dang / gnod par yid la bya'o/ /rnam pa thams cad mkhyen pa nyid dang ldan pa'i sems skyed pas de mi dmigs pa'i tshul gyis rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang lce'i 'dus te reg pa'i rkyen gyis tshor ba dang lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba ni mi rtag par yid la bya'o/ /yid kyi 'dus te reg pa'i rkyen gyis tshor ba ni sdug bsngal ba dang bdag med pa dang zhi ba dang / dben pa dang nad dang shu ba dang zug rngu dang sdig pa dang na ba dang dgra dang 'jig pa'i chos can dang mi brtan pa dang 'jig pa dang 'jigs pa dang 'go ba'i nad dang stong pa nyid dang bdag gi med pa dang yid brtan du mi rung ba dang gnod par yid la bya'o/ /rnam pa thams cad mkhyen pa nyid dang ldan pa'i sems bskyed pas/ de mi dmigs pa'i tshul gyis sa'i khams ni mi rtag par yid la bya'o/ /sa'i khams ni sdug bsngal ba dang bdag med pa dang zhi ba dang dben pa dang nad dang shu ba dang zug rngu dang sdig pa dang na ba dang dgra dang 'jig pa'i chos can dang mi brtan pa dang 'jig pa dang 'jigs pa dang 'go ba'i nad dang stong pa nyid dang bdag gi med pa dang yid brtan du mi rung ba dang gnod par yid la bya'o/ /rnam pa thams cad mkhyen pa nyid dang ldan pa'i sems skyed pa de mi dmigs pa'i tshul gyis chu'i khams dang me'i khams dang rlung gi khams dang nam mkha'i khams dang / rnam par shes pa'i khams ni mi rtag par yid la bya'o rnam par shes pa'i khams ni sdug bsngal ba dang bdag med pa dang zhi ba dang dben pa dang nad dang shu ba dang zug rngu</font><hr>31.94a<br><font size=+1>

dang sdig pa dang / na ba dang dgra dang 'jig pa'i chos can dang / mi brtan pa dang 'jig pa dang 'jigs pa dang 'go ba'i nad dang stong pa nyid dang bdag gi med pa dang yid brtan du mi rung ba dang / gnod par yid la bya'o/ /rnam pa thams cad mkhyen pa nyid dang ldan pa'i sems bskyed pas/ de mi dmigs pa'i tshul gyis/ ma rig pa ni mi rtag par yid la bya'o/ /ma rig pa ni sdug bsngal ba dang / bdag med pa dang zhi ba dang dben pa dang nad dang shu ba dang zug rngu dang sdig pa dang na ba dang dgra dang 'jig pa'i chos can dang / mi brtan pa dang 'jig pa dang 'jigs pa dang 'go ba'i nad dang stong pa nyid dang bdag gi med pa dang yid brtan du mi rung ba dang gnod par yid la bya'o/ /rnam pa thams cad mkhyen pa nyid dang ldan pa'i sems bskyed pas/ de mi dmigs pa'i tshul gyis/ 'du byed dang rnam par shes pa dang / ming dang gzugs dang skye mched drug dang reg pa dang tshor ba dang sred pa dang len pa dang srid pa dang skye ba dang rga shi ni mi rtag par yid la bya'o/ /rga shi ni sdug bsngal ba dang bdag med pa dang zhi ba dang dben pa dang nad dang shu ba dang zug rngu dang sdig pa dang na ba dang dgra dang 'jig pa'i chos can dang mi brtan pa dang 'jig pa dang 'jigs pa dang 'go ba'i nad dang stong pa nyid dang bdag gi med pa dang yid brtan du mi rung ba dang gnod par yid la bya'o/ /de bzhin du rnam pa thams cad mkhyen pa nyid dang ldan pa'i sems bskyed pas de mi dmigs pa'i tshul gyis/ ma rig pa 'gag pa dang 'du byed dang rnam par shes pa dang ming dang gzugs dang skye mched drug dang / reg pa dang tshor ba dang sred pa dang len pa dang srid pa dang skye ba dang rga shi dang mya ngan dang smre sngags 'don pa dang sdug bsngal ba dang yid mi bde ba dang / 'khrug pa 'gag pa ni bdag med par yid la bya'o/ /de bzhin du zhi ba dang dben pa dang stong pa nyid dang mtshan ma med pa dang smon pa med pa dang mngon par 'du bya ba med par yid la bya'o/ /kau shi ka gzhan yang byang chub sems dpa' sems dpa' chen po ni rnam pa thams cad mkhyen pa nyid dang ldan pa'i sems bskyed pas de mi dmigs pa'i tshul gyis/ sbyin pa'i</font><hr>31.94b<br><font size=+1>

pha rol du phyin pa la spyod do/ /rnam pa thams cad mkhyen pa nyid dang ldan pa'i sems bskyed pas de mi dmigs pa'i tshul gyis/ tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la spyod do/ /kau shi ka gzhan yang byang chub sems dpa' sems dpa' chen po ni rnam pa thams cad mkhyen pa nyid dang ldan pa'i sems bskyed pas de mi dmigs pa'i tshul gyis/ dran pa nye bar gzhag pa bzhi sgom mo/ /rnam pa thams cad mkhyen pa nyid dang ldan pa'i sems bskyed pas/ de mi dmigs pa'i tshul gyis yang dag par spong ba bzhi dang / rdzu 'phrul gyi rkang pa bzhi dang / dbang po lnga dang stobs lnga dang byang chub kyi yan lag bdun dang / 'phags pa'i lam yan lag brgyad pa sgom mo/ /rnam pa thams cad mkhyen pa nyid dang ldan pa'i sems bskyed pas/ de mi dmigs pa'i tshul gyis 'phags pa'i bden pa bzhi dang / bsam gtan bzhi dang / tshad med pa bzhi dang gzugs med pa'i snyoms par 'jug pa bzhi dang rnam par thar pa brgyad dang / mthar kyis gnas pa'i snyoms par 'jug pa dgu dang / rnam par thar pa'i sgo stong pa nyid dang / mtshan ma med pa dang smon pa med pa dang mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang snying rje chen po dang sangs rgyas kyi chos ma 'dres pa bcwa brgyad sgom mo/ /kau shi ka gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ 'di ltar yang dag par slob ste/ chos rnams mngon par rlan par byed pa dang / yongs su rlan par byed pa dang yongs su rdzogs par byed pa dang yongs su rgyas par byed pa dang yongs su dpyod par byed pa de dag ni chos kho nar zad de/ de la bdag gam bdag gi med do/ /de ci'i phyir zhe na/ de ni 'di ltar byang</font><hr>31.95a<br><font size=+1>

chub sems dpa' sems dpa' chen po'i yongs su bsngo ba'i sems gang yin pa de yang byang chub kyi sems dang 'grogs pa ma yin/ byang chub kyi sems gang yin pa de yang yongs su bsngo ba'i sems dang 'grogs pa ma yin te/  kau shi ka yongs su bsngo ba'i sems gang yin pa de ni byang chub kyi sems la med cing mi dmigs/ byang chub kyi sems gang yin pa de ni yongs su bsngo ba'i sems la med cing mi dmigs te/  kau shi ka gang de ltar chos thams cad la yang rab tu rtog la/ chos gang la yang rnam par rgyu ba med pa 'di ni byang chub sems dpa' sems dpa' chen po'i shes rab kyi pha rol du phyin pa'o/ /de skad ces smras pa dang / lha'i dbang po brgya byin gyis tshe dang ldan pa rab 'byor la 'di skad ces smras so/ /btsun pa rab 'byor ji ltar na yongs su bsngo ba'i sems byang chub kyi sems dang 'grogs pa ma yin/ ji ltar na byang chub kyi sems yongs su bsngo ba'i sems dang 'grogs pa ma yin/ ji ltar na yongs su bsngo ba'i sems byang chub kyi sems la med cing mi dmigs/ ji ltar na byang chub kyi sems yongs su bsngo ba'i sems la med cing mi dmigs rab 'byor gyis smras pa/ kau shi ka yongs su bsngo ba'i sems gang yin pa de ni sems ma yin/ byang chub kyi sems gang yin pa de yang sems ma yin te/ de ltar na sems ma yin pa gang yin pa de ni bsam gyis mi khyab pa'o/ /bsam gyis mi khyab pa gang yin pa de ni sems ma yin pa ste/ sems ma yin pa de ni sems ma yin par yang yongs su bsngo ba med/ bsam gyis mi khyab pa yang bsam gyis mi khyab par yongs su bsngo ba med de/ de ltar na sems ma yin pa gang yin pa de ni bsam gyis mi khyab pa'o/ /bsam gyis mi khyab pa gang yin pa de ni sems ma yin pa ste/ gang de ltar chos thams cad la yang so sor rtog la/ chos gang la yang mngon par zhen pa med cing mi dmigs pa 'di ni/ kau shi ka byang chub sems dpa' sems dpa' chen po'i shes rab kyi pha rol du phyin pa'o/ /de nas bcom ldan 'das kyis/ tshe dang ldan pa rab 'byor la bka' stsal pa/ </font><hr>31.95b<br><font size=+1>

rab 'byor khyod de ltar byang chub sems dpa' sems dpa' chen po rnams la/ shes rab kyi pha rol du phyin pa ston cing mos pa skyed pa legs so legs so/ /rab 'byor legs so legs so/ /rab 'byor kyis gsol pa/ bcom ldan 'das bdag gis ni bka' drin dran par bgyis te/ bka' drin mi dran par mi bgyi'o/ /de ci'i slad du zhe na/ de ni 'di ltar sngon gyi de bzhin gshegs pa dgra bcom pa yang dag par rdzogs pa'i sangs rgyas rnams bzhugs pa'i tshe/ de dag gi nyan thos de dag gis de bzhin gshegs pa dgra bcom pa yang dag par rdzogs pa'i sangs rgyas sngon byang chub sems dpar gyur pa'i tshe/ pha rol du phyin pa drug la gdams pa dang / rjes su bstan par bgyis te/ dgyes pa dang yang dag par bskul ba dang legs par gzeng bstod pa dang / rab tu dgyes pa dang gzhag pa dang / shin du brtan par bgyis pas/ sngon byang chub sems dpar gyur pa'i tshe/ pha rol du phyin pa drug la bslab pa mdzad de/ bcom ldan 'das kyis bla na med pa yang dag par rdzogs pa'i byang chub tu mngon par rdzogs par sangs rgyas so/ /bcom ldan 'das de bzhin du bdag gis kyang byang chub sems dpa' sems dpa' chen po rnams pha rol du phyin pa drug la gdams par bgyi'o/ /rjes su bstan par bgyi'o/ /dga' bar bgyi'o/ /yang dag par bskul bar bgyi'o/ /legs par gzeng bstod par bgyi'o/ /rab tu dga' bar bgyi'o/ /dgod par bgyi'o/ /shin du brtan par bgyi'o/ /bdag gis byang chub sems dpa' sems dpa' chen po pha rol du phyin pa drug la de ltar gdams pa dang / rjes su bstan pa dang dga' bar bgyis pa dang / yang dag par bskul ba dang legs par gzeng bstod pa dang rab tu dga' bar bgyis pa dang bkod pa dang shin du brtan pa dag kyang bla na med pa yang dag par rdzogs pa'i byang chub tu mngon par 'tshang rgya bar 'gyur ro/ /de nas tshe dang ldan pa rab 'byor gyis/ lha'i dbang po brgya byin la 'di skad ces smras so/ /kau shi ka de'i phyir shin du legs par nyon la yid la zung shig dang / ji ltar byang chub sems dpa' sems dpa' chen pos shes rab kyi pha rol du phyin pa</font><hr>31.96a<br><font size=+1>

la gnas par bya ba dang ji ltar mi gnas par bya ba bdag gis bshad do/ /kau shi ka gzugs ni gzugs kyis stong ngo / /tshor ba dang 'du shes dang 'du byed dang rnam par shes pa ni rnam par shes pas stong ngo / /byang chub sems dpa' ni byang chub sems dpas stong ngo / /kau shi ka de ltar na gzugs stong pa nyid dang / tshor ba dang 'du shes dang 'du byed dang rnam par shes pa stong pa nyid dang byang chub sems dpa' stong pa nyid de la gnyis su med cing gnyis su byar med do/ /kau shi ka byang chub sems dpa' sems dpa' chen pos shes rab kyi pha rol du phyin pa la de ltar gnas par bya'o/ /kau shi ka gzhan yang mig ni mig gis stong ngo / /rna ba dang sna dang lce dang lus dang yid ni yid kyis stong ngo / /byang chub sems dpa' ni byang chub sems dpas stong ngo / /kau shi ka de ltar na mig stong pa nyid dang / rna ba dang sna dang lce dang / lus dang yid stong pa nyid dang byang chub sems dpa' stong pa nyid de la gnyis su med cing gnyis su byar med do/ /kau shi ka gzhan yang gzugs ni gzugs kyis stong ngo / /sgra dang dri dang ro dang reg dang chos ni chos kyis stong ngo / /byang chub sems dpa' ni byang chub sems dpas stong ngo / /kau shi ka de ltar na gzugs stong pa nyid dang sgra dang dri dang ro dang reg dang chos stong pa nyid dang byang chub sems dpa' stong pa nyid de la gnyis su med cing gnyis su byar med do/ /kau shi ka gzhan yang mig gi rnam par shes pa ni mig gi rnam par shes pas stong ngo / /rna ba'i rnam par shes pa dang sna'i rnam par shes pa dang lce'i rnam par shes pa dang lus kyi rnam par shes pa dang yid kyi rnam par shes pa ni yid kyi rnam par shes pas stong ngo / /byang chub sems dpa' ni byang chub sems dpas stong ngo / /kau shi ka de ltar na mig gi rnam par shes pa stong pa nyid dang rna ba'i rnam par shes pa dang sna'i rnam par shes pa dang lce'i rnam par shes pa dang lus kyi rnam par shes pa dang yid kyi rnam par shes pa stong pa nyid dang / byang chub sems dpa' stong pa nyid de la gnyis su med cing gnyis su byar med do/ /kau shi ka gzhan yang mig gi 'dus te reg pa ni mig gi 'dus te reg pas stong ngo / /rna ba'i 'dus te reg pa</font><hr>31.96b<br><font size=+1>

dang sna'i 'dus te reg pa dang lce'i 'dus te reg pa dang lus kyi 'dus te reg pa dang yid kyi 'dus te reg pa ni yid kyi 'dus te reg pas stong ngo / /byang chub sems dpa' ni byang chub sems dpas stong ngo / /kau shi ka de ltar na mig gi 'dus te reg pa stong pa nyid dang / rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa stong pa nyid dang / byang chub sems dpa' stong pa nyid de la gnyis su med cing gnyis su byar med do/ /kau shi ka gzhan yang mig gi 'dus te reg pa las byung ba'i tshor ba ni mig gi 'dus te reg pa las byung ba'i tshor bas stong ngo / /rna ba'i 'dus te reg pa las byung ba'i tshor ba dang / sna'i 'dus te reg pa las byung ba'i tshor ba dang / lce'i 'dus te reg pa las byung ba'i tshor ba dang / lus kyi 'dus te reg pa las byung ba'i tshor ba dang / yid kyi 'dus te reg pa las byung ba'i tshor ba ni yid kyi 'dus te reg pa las byung ba'i tshor bas stong ngo / /byang chub sems dpa' ni byang chub sems dpas stong ngo / /kau shi ka de ltar na mig gi 'dus te reg pa las byung ba'i tshor ba stong pa nyid dang / rna ba'i 'dus te reg pa las byung ba'i tshor ba dang / sna'i 'dus te reg pa las byung ba'i tshor ba dang / lce'i 'dus te reg pa las byung ba'i tshor ba dang / lus kyi 'dus te reg pa las byung ba'i tshor ba dang / yid kyi 'dus te reg pa las byung ba'i tshor ba stong pa nyid dang / byang chub sems dpa' stong pa nyid de la gnyis su med cing gnyis su byar med do/ /kau shi ka byang chub sems dpa' sems dpa' chen pos shes rab kyi pha rol du phyin pa la de ltar gnas par bya'o/ /kau shi ka gzhan yang sa'i khams ni sa'i khams kyis stong ngo / /chu'i khams dang me'i khams dang rlung gi khams dang nam mkha'i khams dang rnam par shes pa'i khams ni rnam par shes pa'i khams kyis stong ngo / /byang chub sems dpa' ni byang chub sems dpas stong ngo / /kau shi ka de ltar na sa'i khams stong pa nyid dang chu'i khams dang me'i khams dang rlung gi khams dang nam mkha'i khams dang rnam par shes</font><hr>31.97a<br><font size=+1>

pa'i khams stong pa nyid dang / byang chub sems dpa' stong pa nyid de la gnyis su med cing gnyis su byar med do/ /kau shi ka byang chub sems dpa' sems dpa' chen pos shes rab kyi pha rol du phyin pa la de ltar gnas par bya'o/ /kau shi ka gzhan yang ma rig pa ni ma rig pas stong ngo / /'du byed dang rnam par shes pa dang ming dang gzugs dang skye mched drug dang reg pa dang tshor ba dang sred pa dang len pa dang srid pa dang skye ba dang rga shi ni rga shis stong ngo / /byang chub sems dpa' ni byang chub sems dpas stong ngo / /kau shi ka de ltar na ma rig pa stong pa nyid dang / 'du byed dang rnam par shes pa dang ming dang gzugs dang skye mched drug dang reg pa dang tshor ba dang sred pa dang len pa dang srid pa dang skye ba dang rga shi stong pa nyid dang byang chub sems dpa' stong pa nyid de la gnyis su med cing gnyis su byar med do/ /kau shi ka byang chub sems dpa' sems dpa' chen pos shes rab kyi pha rol du phyin pa la de ltar gnas par bya'o/ /kau shi ka gzhan yang ma rig pa 'gags pa ni ma rig pa 'gags pas stong ngo / /de bzhin du 'du byed dang rnam par shes pa dang ming dang gzugs dang skye mched drug dang reg pa dang tshor ba dang sred pa dang len pa dang srid pa dang skye ba dang rga shi 'gags pa ni rga shi 'gags pas stong ngo / /byang chub sems dpa' ni byang chub sems dpas stong ste de ltar na ma rig pa 'gags pa stong pa nyid dang / rga shi 'gags pa stong pa nyid dang byang chub sems dpa' stong pa nyid de la gnyis su med cing gnyis su byar med de/ kau shi ka byang chub sems dpa' sems dpa' chen pos shes rab kyi pha rol du phyin pa la de ltar gnas par bya'o/ /kau shi ka gzhan yang sbyin pa'i pha rol du phyin pa ni sbyin pa'i pha rol du phyin pas stong ngo / /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa ni shes rab kyi pha rol</font><hr>31.97b<br><font size=+1>

du phyin pas stong ngo / /byang chub sems dpa' ni byang chub sems dpas stong ngo / /kau shi ka de ltar na sbyin pa'i pha rol du phyin pa stong pa nyid dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa stong pa nyid dang / byang chub sems dpa' stong pa nyid de la gnyis su med cing gnyis su byar med do/ /kau shi ka byang chub sems dpa' sems dpa' chen pos shes rab kyi pha rol du phyin pa la de ltar gnas par bya'o/ /kau shi ka gzhan yang nang stong pa nyid ni nang stong pa nyid kyis stong ngo / /dngos po med pa'i ngo bo nyid stong pa nyid kyi bar ni dngos po med pa'i ngo bo nyid stong pa nyid kyi bar gyis stong ngo / /byang chub sems dpa' ni byang chub sems dpas stong ngo / /kau shi ka de ltar na nang stong pa nyid stong pa nyid dang / dngos po med pa'i ngo bo nyid stong pa nyid kyi bar stong pa nyid dang / byang chub sems dpa' stong pa nyid de la gnyis su med cing gnyis su byar med de/ kau shi ka byang chub sems dpa' sems dpa' chen pos shes rab kyi pha rol du phyin pa la de ltar gnas par bya'o/ /kau shi ka gzhan yang dran pa nye bar gzhag pa rnams ni dran pa nye bar gzhag pa rnams kyis stong ngo / /yang dag par spong ba dang rdzu 'phrul gyi rkang pa dang / dbang po dang stobs dang byang chub kyi yan lag dang 'phags pa'i lam yan lag brgyad pa ni 'phags pa'i lam yan lag brgyad pas stong ngo / /byang chub sems dpa' ni byang chub sems dpas stong ngo / /kau shi ka de ltar na dran pa nye bar gzhag pa stong pa nyid dang / yang dag par spong ba dang rdzu 'phrul gyi rkang pa dang dbang po dang stobs dang byang chub kyi yan lag dang / 'phags pa'i lam yan lag brgyad pa stong pa nyid dang /  byang chub sems dpa' stong pa nyid de la gnyis su med cing gnyis su byar med do/ /kau shi ka byang chub sems dpa' sems dpa' chen pos shes rab kyi pha rol du phyin pa la de ltar gnas par bya'o/ /kau shi ka 'phags pa'i bden pa rnams dang / </font><hr>31.98a<br><font size=+1>

bsam gtan rnams dang tshad med pa rnams dang / gzugs med pa'i snyoms par 'jug pa rnams dang rnam par thar pa rnams dang mthar kyis gnas pa'i snyoms par 'jug pa dgu dang stong pa nyid dang mtshan ma med pa dang smon pa med pa dang mngon par shes pa rnams dang / ting nge 'dzin rnams dang gzungs kyi sgo rnams dang / de bzhin gshegs pa'i stobs bcu dang mi 'jigs pa bzhi dang so so yang dag par rig pa bzhi dang / sangs rgyas kyi chos ma 'dres pa rnams ni sangs rgyas kyi chos ma 'dres pa rnams kyis stong ngo / /byang chub sems dpa' ni byang chub sems dpas stong ngo / /kau shi ka de ltar na 'phags pa'i bden pa stong pa nyid dang / sangs rgyas kyi chos ma 'dres pa'i bar stong pa nyid dang /  byang chub sems dpa' stong pa nyid de la gnyis su med cing gnyis su byar med do/ /kau shi ka byang chub sems dpa' sems dpa' chen pos shes rab kyi pha rol du phyin pa la de ltar gnas par bya'o/ /kau shi ka gzhan yang nyan thos kyi theg pa ni nyan thos kyi theg pas stong ngo / /rang sangs rgyas kyi theg pa ni rang sangs rgyas kyi theg pas stong ngo / /sangs rgyas kyi theg pa ni sangs rgyas kyi theg pas stong ngo / /byang chub sems dpa' ni byang chub sems dpas stong ngo / /kau shi ka de ltar na nyan thos kyi theg pa stong pa nyid dang / rang sangs rgyas kyi theg pa stong pa nyid dang / sangs rgyas kyi theg pa stong pa nyid dang / byang chub sems dpa' stong pa nyid de la gnyis su med cing gnyis su byar med de/ kau shi ka byang chub sems dpa' sems dpa' chen pos shes rab kyi pha rol du phyin pa la de ltar gnas par bya'o/ /kau shi ka gzhan yang nyan thos ni nyan thos kyis stong ngo / /rang sangs rgyas ni rang sangs rgyas kyis stong ngo / /sangs rgyas ni sangs rgyas kyis stong ngo / /byang chub sems dpa' ni byang chub sems dpas stong ngo / /kau shi ka de ltar na nyan thos stong pa nyid dang / rang sangs rgyas stong pa nyid dang / sangs rgyas stong pa nyid dang / byang chub sems dpa' stong pa nyid de la gnyis su med cing gnyis su byar med de/ </font><hr>31.98b<br><font size=+1>

kau shi ka byang chub sems dpa' sems dpa' chen pos shes rab kyi pha rol du phyin pa la de ltar gnas par bya'o/ /kau shi ka gzhan yang rgyun du zhugs pa'i 'bras bu ni rgyun du zhugs pa'i 'bras bus stong ngo / /lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub dang lam gyi rnam pa shes pa nyid dang / rnam pa thams cad mkhyen pa nyid ni rnam pa thams cad mkhyen pa nyid kyis stong ngo / /byang chub sems dpa' ni byang chub sems dpas stong ngo kau shi ka de ltar na rgyun du zhugs pa'i 'bras bu stong pa nyid dang /  lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang rang byang chub dang lam gyi rnam pa shes pa nyid dang / rnam pa thams cad mkhyen pa nyid stong pa nyid dang / byang chub sems dpa' stong pa nyid de la gnyis su med cing gnyis su byar med do/ /kau shi ka byang chub sems dpa' sems dpa' chen pos shes rab kyi pha rol du phyin pa la de ltar gnas par bya'o/ /de nas lha'i dbang po brgya byin gyis gnas brtan rab 'byor la 'di skad ces smras so/ /btsun pa rab 'byor ji ltar na byang chub sems dpa' sems dpa' chen po shes rab kyi pha rol du phyin pa la spyod pas gnas par mi bya/ rab 'byor gyis smras pa/ kau shi ka 'di la byang chub sems dpa' sems dpa' chen pos shes rab kyi pha rol du phyin pa la spyod pa'i tshe/ dmigs pa'i tshul gyis gzugs la gnas par mi bya'o/ /tshor ba dang 'du shes dang 'du byed dang rnam par shes pa la gnas par mi bya'o/ /dmigs pa'i tshul gyis mig la gnas par mi bya'o/ /rna ba dang sna dang lce dang lus dang yid la gnas par mi bya'o/ /dmigs pa'i tshul gyis gzugs la gnas par mi bya'o/ /sgra dang dri dang ro dang reg dang chos la gnas par mi bya'o/ /dmigs pa'i tshul gyis mig gi rnam par shes pa la gnas par mi bya'o/ /rna ba'i rnam par shes pa dang / sna'i rnam par shes pa dang / lce'i rnam par shes pa dang / </font><hr>31.99a<br><font size=+1>

lus kyi rnam par shes pa dang / yid kyi rnam par shes pa la gnas par mi bya'o/ /dmigs pa'i tshul gyis mig gi 'dus te reg pa la gnas par mi bya'o/ /rna ba'i 'dus te reg pa dang / sna'i 'dus te reg pa dang / lce'i 'dus te reg pa dang lus kyi 'dus te reg pa dang yid kyi 'dus te reg pa la gnas par mi bya'o/ /dmigs pa'i tshul gyis mig gi 'dus te reg pa las byung ba'i tshor ba la gnas par mi bya'o/ /rna ba'i 'dus te reg pa las byung ba'i tshor ba dang / sna'i 'dus te reg pa las byung ba'i tshor ba dang / lce'i 'dus te reg pa las byung ba'i tshor ba dang lus kyi 'dus te reg pa las byung ba'i tshor ba dang / yid kyi 'dus te reg pa las byung ba'i tshor ba la gnas par mi bya'o/ /dmigs pa'i tshul gyis sa'i khams la gnas par mi bya'o/ /chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams la gnas par mi bya'o/ /dmigs pa'i tshul gyis ma rig pa la gnas par mi bya'o/ /'du byed dang rnam par shes pa dang ming dang gzugs dang skye mched drug dang reg pa dang tshor ba dang sred pa dang len pa dang srid pa dang skye ba dang rga shi la gnas par mi bya'o/ /dmigs pa'i tshul gyis sbyin pa'i pha rol du phyin pa la gnas par mi bya'o/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la gnas par mi bya'o/ /dmigs pa'i tshul gyis nang stong pa nyid la gnas par mi bya'o/ /dngos po med pa'i ngo bo nyid stong pa nyid kyi bar la gnas par mi bya'o/ /dmigs pa'i tshul gyis dran pa nye bar bzhag pa rnams la gnas par mi bya'o/ /yang dag par spong ba dang rdzu 'phrul gyi rkang pa dang dbang po dang stobs dang byang chub kyi yan lag dang 'phags pa'i lam yan lag brgyad pa la gnas par mi bya'o/ /dmigs pa'i tshul gyis 'phags pa'i bden pa rnams dang bsam</font><hr>31.99b<br><font size=+1>

gtan rnams dang tshad med pa rnams dang gzugs med pa'i snyoms par 'jug pa rnams dang / rnam par thar pa rnams dang mthar kyis gnas pa'i snyoms par 'jug pa dgu dang / stong pa nyid dang mtshan ma med pa dang smon pa med pa dang mngon par shes pa rnams dang ting nge 'dzin rnams dang gzungs kyi sgo rnams dang de bzhin gshegs pa'i stobs bcu dang mi 'jigs pa bzhi dang so so yang dag par rig pa bzhi dang byams pa chen po dang snying rje chen po dang sangs rgyas kyi chos ma 'dres pa bcwa brgyad la gnas par mi bya'o/ /dmigs pa'i tshul gyis nyan thos kyi theg pa la gnas par mi bya'o/ /dmigs pa'i tshul gyis rang sangs rgyas kyi theg pa la gnas par mi bya'o/ /dmigs pa'i tshul gyis sangs rgyas kyi theg pa la gnas par mi bya'o/ /dmigs pa'i tshul gyis rgyun du zhugs pa'i 'bras bu la gnas par mi bya'o/ /dmigs pa'i tshul gyis lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang rang byang chub dang / sangs rgyas nyid la gnas par mi bya'o/ /dmigs pa'i tshul gyis thams cad shes pa nyid la gnas par mi bya'o/ /dmigs pa'i tshul gyis lam gyi rnam pa shes pa nyid dang / rnam pa thams cad mkhyen pa nyid la gnas par mi bya'o/ /dmigs pa'i tshul gyis gzugs shes bya bar gnas par mi bya'o/ /dmigs pa'i tshul gyis tshor ba dang / 'du shes dang 'du byed dang rnam par shes pa zhes bya bar gnas par mi bya'o/ /dmigs pa'i tshul gyis skye mched dang khams dang rten cing 'brel bar 'byung ba zhes bya bar gnas par mi bya'o/ /dmigs pa'i tshul gyis sbyin pa'i pha rol du phyin pa zhes bya bar gnas par mi bya'o/ /dmigs pa'i tshul gyis tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang shes rab kyi pha rol du</font><hr>31.100a<br><font size=+1>

phyin pa zhes bya bar gnas par mi bya'o/ /dmigs pa'i tshul gyis nang stong pa nyid ces bya bar gnas par mi bya'o/ /dmigs pa'i tshul gyis dngos po med pa'i ngo bo nyid stong pa nyid kyi bar zhes bya bar gnas par mi bya'o/ /dmigs pa'i tshul gyis dran pa nye bar gzhag pa rnams shes bya bar gnas par mi bya'o/ /dmigs pa'i tshul gyis yang dag par spong ba rnams dang rdzu 'phrul gyi rkang pa rnams dang / dbang po rnams dang stobs rnams dang byang chub kyi yan lag rnams dang 'phags pa'i lam yan lag brgyad pa zhes bya bar gnas par mi bya'o/ /dmigs pa'i tshul gyis 'phags pa'i bden pa rnams dang bsam gtan rnams dang tshad med pa rnams dang gzugs med pa'i snyoms par 'jug pa rnams dang rnam par thar pa rnams dang mthar gyis gnas pa'i snyoms par 'jug pa rnams dang stong pa nyid dang mtshan ma med pa dang smon pa med pa dang mngon par shes pa dang ting nge 'dzin dang gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang so so yang dag par rig pa bzhi dang byams pa chen po dang snying rje chen po dang sangs rgyas kyi chos ma 'dres pa rnams shes bya bar gnas par mi bya'o/ /dmigs pa'i tshul gyis rgyun du zhugs pa'i 'bras bu zhes bya bar gnas par mi bya'o/ /dmigs pa'i tshul gyis lan gcig phyir 'ong ba'i 'bras bu dang phyir mi 'ong ba'i 'bras bu dang dgra bcom pa nyid dang rang byang chub dang lam gyi rnam pa shes pa nyid dang / rnam pa thams cad mkhyen pa nyid ces bya bar gnas par mi bya'o/ /dmigs pa'i tshul gyis gzugs rtag ces bya ba dang mi rtag ces bya bar gnas par mi bya'o/ /gzugs bde zhes bya ba dang sdug bsngal zhes bya ba dang / bdag ces bya ba dang bdag med ces bya ba dang sdug ces bya ba dang mi sdug ces bya ba dang zhi zhes bya ba dang ma zhi zhes bya ba dang dben zhes bya ba dang mi dben zhes bya ba dang stong zhes bya ba dang mi stong zhes bya ba dang mtshan ma yod ces bya ba dang mtshan ma med</font><hr>31.100b<br><font size=+1>

ces bya ba dang smon pa yod ces bya ba dang smon pa med ces bya bar gnas par mi bya'o/ /dmigs pa'i tshul gyis tshor ba dang 'du shes dang 'du byed dang rnam par shes pa rtag ces bya ba dang mi rtag ces bya bar gnas par mi bya'o/ /dmigs pa'i tshul gyis rnam par shes pa bde zhes bya ba dang sdug bsngal zhes bya ba dang bdag ces bya ba dang bdag med ces bya ba dang sdug ces bya ba dang mi sdug ces bya ba dang zhi zhes bya ba dang ma zhi zhes bya ba dang dben zhes bya ba dang mi dben zhes bya ba dang stong zhes bya ba dang mi stong zhes bya ba dang mtshan ma yod ces bya ba dang mtshan ma med ces bya ba dang smon pa yod ces bya ba dang smon pa med ces bya bar gnas par mi bya'o/ /dmigs pa'i tshul gyis skye mched dang khams dang rten cing 'brel bar 'byung ba rtag ces bya ba dang mi rtag ces bya bar gnas par mi bya'o/ /dmigs pa'i tshul gyis rten cing 'brel bar 'byung ba bde zhes bya ba dang sdug bsngal zhes bya ba dang bdag ces bya ba dang bdag med ces bya ba dang sdug ces bya ba dang mi sdug ces bya ba dang zhi zhes bya ba dang ma zhi zhes bya ba dang dben zhes bya ba dang mi dben zhes bya ba dang stong zhes bya ba dang mi stong zhes bya ba dang mtshan ma yod ces bya ba dang mtshan ma med ces bya ba dang smon pa yod ces bya ba dang smon pa med ces bya bar gnas par mi bya'o/ /dmigs pa'i tshul gyis sbyin pa'i pha rol du phyin pa rtag ces bya ba dang mi rtag ces bya bar gnas par mi bya'o/ /dmigs pa'i tshul gyis sbyin pa'i pha rol du phyin pa bde zhes bya ba dang / sdug bsngal zhes bya ba dang bdag ces bya ba dang bdag med ces bya ba dang / sdug ces bya ba dang mi sdug ces bya ba dang / zhi zhes bya ba dang ma zhi zhes bya ba dang / dben zhes bya ba dang mi dben zhes bya ba dang stong zhes bya ba dang / mi stong zhes bya ba dang / mtshan ma yod ces bya ba dang mtshan ma med ces bya ba dang / smon pa yod ces bya ba dang smon pa med ces bya bar gnas par mi bya'o/ /dmigs pa'i tshul gyis</font><hr>31.101a<br><font size=+1>

tshul khrims kyi pha rol du phyin pa dang bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa rtag ces bya ba dang / mi rtag ces bya bar gnas par mi bya'o/ /dmigs pa'i tshul gyis shes rab kyi pha rol du phyin pa bde zhes bya ba dang sdug bsngal zhes bya ba dang bdag ces bya ba dang bdag med ces bya ba dang / sdug ces bya ba dang mi sdug ces bya ba dang / zhi zhes bya ba dang ma zhi zhes bya ba dang / dben zhes bya ba dang mi dben zhes bya ba dang / stong zhes bya ba dang mi stong zhes bya ba dang / mtshan ma yod ces bya ba dang mtshan ma med ces bya ba dang / smon pa yod ces bya ba dang smon pa med ces bya bar gnas par mi bya'o/ /dmigs pa'i tshul gyis nang stong pa nyid rtag ces bya ba dang / mi rtag ces bya bar gnas par mi bya'o/ /dmigs pa'i tshul gyis nang stong pa nyid bde zhes bya ba dang / sdug bsngal zhes bya ba dang bdag ces bya ba dang bdag med ces bya ba dang / sdug ces bya ba dang mi sdug ces bya ba dang / zhi zhes bya ba dang ma zhi zhes bya ba dang / dben zhes bya ba dang mi dben zhes bya ba dang / stong zhes bya ba dang mi stong zhes bya ba dang / mtshan ma yod ces bya ba dang mtshan ma med ces bya ba dang / smon pa yod ces bya ba dang smon pa med ces bya bar gnas par mi bya'o/ /dmigs pa'i tshul gyis dngos po med pa'i ngo bo nyid stong pa nyid kyi bar rtag ces bya ba dang mi rtag ces bya bar gnas par mi bya'o/ /dmigs pa'i tshul gyis dngos po med pa'i ngo bo nyid stong pa nyid kyi bar bde zhes bya ba dang / sdug bsngal zhes bya ba dang bdag ces bya ba dang bdag med ces bya ba dang / sdug ces bya ba dang mi sdug ces bya ba dang / zhi zhes bya ba dang ma zhi zhes bya ba dang / dben zhes bya ba dang mi dben zhes bya ba dang / stong zhes bya ba dang mi stong zhes bya ba dang / mtshan ma yod ces bya ba dang</font><hr>31.101b<br><font size=+1>

mtshan ma med ces bya ba dang smon pa yod ces bya ba dang smon pa med ces bya bar gnas par mi bya'o/ /dmigs pa'i tshul gyis dran pa nye bar gzhag pa rtag ces bya ba dang / mi rtag ces bya bar gnas par mi bya'o/ /dmigs pa'i tshul gyis dran pa nye bar gzhag pa bde zhes bya ba dang sdug bsngal zhes bya ba dang / bdag ces bya ba dang bdag med ces bya ba dang / sdug ces bya ba dang mi sdug ces bya ba dang / zhi zhes bya ba dang ma zhi zhes bya ba dang / dben zhes bya ba dang mi dben zhes bya ba dang / stong zhes bya ba dang mi stong zhes bya ba dang mtshan ma yod ces bya ba dang mtshan ma med ces bya ba dang / smon pa yod ces bya ba dang smon pa med ces bya bar gnas par mi bya'o/ /dmigs pa'i tshul gyis yang dag par spong ba dang / rdzu 'phrul gyi rkang pa dang / dbang po dang stobs dang byang chub kyi yan lag dang 'phags pa'i lam yan lag brgyad pa dang / 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa rnams dang / mthar kyis gnas pa'i snyoms par 'jug pa dgu dang / stong pa nyid dang mtshan ma med pa dang smon pa med pa dang mngon par shes pa rnams dang ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang sangs rgyas kyi chos ma 'dres pa bcwa brgyad rtag ces bya ba dang mi rtag ces bya bar gnas par mi bya'o/ /dmigs pa'i tshul gyis sangs rgyas kyi chos ma 'dres pa bcwa brgyad bde zhes bya ba dang / sdug bsngal zhes bya ba dang bdag ces bya ba dang / bdag med ces bya ba dang / sdug ces bya ba dang mi sdug ces bya ba dang zhi zhes bya ba dang ma zhi zhes bya ba dang / dben zhes bya ba dang mi dben zhes bya ba dang / stong zhes bya ba dang mi stong zhes bya ba dang / mtshan ma yod ces bya ba dang mtshan ma med ces bya ba dang / </font><hr>31.102a<br><font size=+1>

smon pa yod ces bya ba dang smon pa med ces bya bar gnas par mi bya'o/ /dmigs pa'i tshul gyis rnam pa thams cad mkhyen pa nyid kyi bar rtag ces bya ba dang / mi rtag ces bya bar gnas par mi bya'o/ /dmigs pa'i tshul gyis rnam pa thams cad mkhyen pa nyid kyi bar bde zhes bya ba dang / sdug bsngal zhes bya ba dang / bdag ces bya ba dang bdag med ces bya ba dang sdug ces bya ba dang / mi sdug ces bya ba dang zhi zhes bya ba dang ma zhi zhes bya ba dang / dben zhes bya ba dang mi dben zhes bya ba dang / stong zhes bya ba dang mi stong zhes bya ba dang / mtshan ma yod ces bya ba dang mtshan ma med ces bya ba dang / smon pa yod ces bya ba dang smon pa med ces bya bar gnas par mi bya'o/ /kau shi ka gzhan yang rgyun du zhugs pa'i 'bras bu 'dus ma byas las gdags shes bya bar dmigs pa'i tshul gyis gnas par mi bya'o/ /lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang rang byang chub dang bla na med pa yang dag par rdzogs pa'i byang chub 'dus ma byas las gdags shes bya bar dmigs pa'i tshul gyis gnas par mi bya'o rgyun du zhugs pa sbyin pa'i gnas ces bya bar dmigs pa'i tshul gyis gnas par mi bya'o/ /lan gcig phyir 'ong ba dang phyir mi 'ong ba dang / dgra bcom pa dang rang byang chub dang de bzhin gshegs pa dgra bcom pa yang dag par rdzogs pa'i sangs rgyas sbyin pa'i gnas shes bya bar dmigs pa'i tshul gyis gnas par mi bya'o/ /kau shi ka gzhan yang byang chub sems dpa' sems dpa' chen pos sa dang po la dmigs pa'i tshul gyis gnas par mi bya'o/ /sa gnyis pa dang sa gsum pa dang sa bzhi pa dang sa lnga pa dang sa drug pa dang sa bdun pa dang sa brgyad pa dang sa dgu pa dang sa bcu pa la dmigs pa'i tshul gyis gnas par mi bya'o/ /de ci'i phyir zhe na/ gnas pa ni mi brtan par 'gyur ba'i phyir ro/ /kau shi ka gzhan yang byang chub sems </font><hr>31.102b<br><font size=+1>

dpa' sems dpa' chen pos sems dang po bskyed pa la gnas te/ sbyin pa'i pha rol du phyin pa yongs su rdzogs par bya'o/ /zhes bya bar dmigs pa'i tshul gyis gnas par mi bya'o/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa yongs su rdzogs par bya'o zhes bya bar dmigs pa'i tshul gyis gnas par mi bya'o/ /dran pa nye bar gzhag pa rnams yongs su rdzogs par bya'o zhes bya bar dmigs pa'i tshul gyis gnas par mi bya'o/ /yang dag par spong ba rnams dang rdzu 'phrul gyi rkang pa rnams dang dbang po rnams dang stobs rnams dang byang chub kyi yan lag rnams dang 'phags pa'i lam yan lag brgyad pa yongs su rdzogs par bya'o zhes bya bar dmigs pa'i tshul gyis gnas par mi bya'o/ /byang chub sems dpa' sems dpa' chen pos byang chub sems dpa'i skyon med par 'jug par bya'o zhes bya bar dmigs pa'i tshul gyis gnas par mi bya'o/ /byang chub sems dpa'i skyon med par zhugs nas/ phyir mi ldog pa'i sa la gnas par bya'o/ /byang chub sems dpa'i mngon par shes pa lnga yongs su rdzogs par bya'o/ /byang chub sems dpa'i mngon par shes pa lnga la gnas te/ sangs rgyas bcom ldan 'das rnams la blta ba dang / phyag bya ba dang mchod pa dang bsnyen bkur ba dang chos mnyan pa dang thos nas kyang de bzhin nyid du gzhan la bstan par bya ba'i phyir/ sangs rgyas kyi zhing tshad med grangs med par 'gro'o/ /sangs rgyas bcom ldan 'das de dag gi zhing ci 'dra ba de 'dra ba nyid du yongs su bsgrub par bya'o/ /sems can rnams byang chub tu yongs su smin par bya'o/ /'jig rten gyi khams tshad med grangs med par song ste/ de bzhin gshegs pa dgra bcom pa yang dag par rdzogs pa'i sangs rgyas rnams la me tog dang phreng ba dang dri dang byug pa dang phye ma dang chos gos dang gdugs dang rgyal mtshan dang ba dan mang pos rim gror bya'o/ /bkur bstir bya'o/ /sti</font><hr>31.103a<br><font size=+1>

stang du bya'o/ /mchod par bya'o/ /de bzhin gshegs pa de dag la na bza' bye ba khrag khrig brgya stong mang po dag gis kyang mchod par bya'o/ /zhes bya ba de ltar yang dmigs pa'i tshul gyis gnas par mi bya'o/ /sems can tshad med grangs med pa bla na med pa yang dag par rdzogs pa'i byang chub tu rab tu dgod par bya'o zhes bya bar dmigs pa'i tshul gyis gnas par mi bya'o/ /mig lnga bsgrub par bya ste/ lnga gang zhe na sha'i mig dang lha'i mig dang shes rab kyi mig dang chos kyi mig dang sangs rgyas kyi mig bsgrub par bya'o/ /ting nge 'dzin thams cad yongs su bsgrub par bya'o/ /ting nge 'dzin gang dang gang gis rnam par rtse bar 'dod pa'i ting nge 'dzin de dang des rnam par rtse bar bya'o/ /gzungs kyi sgo thams cad yongs su bsgrub par bya'o/ /de bzhin gshegs pa'i stobs bcu yongs su bsgrub par bya'o/ /mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad yongs su bsgrub par bya'o zhes bya bar dmigs pa'i tshul gyis gnas par mi bya'o/ /lus la skyes bu chen po'i mtshan sum bcu rtsa gnyis yongs su bsgrub par bya'o/ /dpe byad bzang po brgyad bcu yongs su bsgrub par bya'o zhes bya bar dmigs pa'i tshul gyis gnas par mi bya'o/ /dad pa'i rjes su 'brang ba'o zhes bya bar dmigs pa'i tshul gyis gnas par mi bya'o/ /chos kyi rjes su 'brang ba'o brgyad pa'o rgyun du zhugs pa'o po zos na lan bdun pa'o rigs nas rigs su 'gro ba'o gcig gis chod pa'o gang zag mgo mnyam pa'o tshe zad pa'o nyon mongs pa zad pa'o zhes bya bar dmigs pa'i tshul gyis gnas par mi bya'o/ /rgyun du zhugs pa'o zhes bya bar dmigs pa'i tshul gyis gnas par mi bya'o lan gcig phyir 'ong ba ste 'jig rten 'dir lan gcig phyir 'ongs nas sdug bsngal mthar 'byin to phyir mi 'ong ba'i 'bras bu mngon du bya ba'i phyir zhugs pa'o phyir mi 'ong ba ste de nyid</font><hr>31.103b<br><font size=+1>

du yongs su mya ngan las 'da' ba'o dgra bcom pa'i 'bras bu mngon du bya ba'i phyir zhugs pa'o dgra bcom pa ste/ tshe 'di nyid la phung po ma lus pa'i mya ngan las 'das pa'i dbyings su mya ngan las 'da' ba'o/ /rang sangs rgyas so zhes bya bar dmigs pa'i tshul gyis gnas par mi bya'o/ /nyan thos kyi sa dang rang sangs rgyas kyi sa las bzlas te byang chub sems dpa'i sa la gnas par bya'o/ /lam gyi rnam pa shes pa nyid kyi ye shes dang / rnam pa thams cad mkhyen pa nyid kyi ye shes la gnas par bya'o zhes bya bar dmigs pa'i tshul gyis gnas par mi bya'o/ /rnam pa thams cad du chos thams cad mngon par rdzogs par sangs rgyas nas/ bag chags kyi mtshams sbyor ba'i nyon mongs pa thams cad zad par bya'o/ /bla na med pa yang dag par rdzogs par sangs rgyas nas chos kyi 'khor lo bskor bar bya'o/ /sangs rgyas kyi bya ba byas te/ 'jig rten gyi khams tshad med grangs med par song ste/ sems can rnams yongs su mya ngan las bzla'o zhes bya bar dmigs pa'i tshul gyis gnas par mi bya'o/ /rdzu 'phrul gyi rkang pa bzhi la gnas te ting nge 'dzin gang la snyoms par zhugs pas/ bskal pa gang gA'i klung gi bye ma snyed du gnas par 'gyur ba de lta bu'i ting nge 'dzin la mnyam par gzhag go zhes bya bar dmigs pa'i tshul gyis gnas par mi bya'o/ /bdag gi tshe ni tshad med par gyur cig ces bya bar dmigs pa'i tshul gyis gnas par mi bya'o/ /bdag gis skyes bu chen po'i mtshan sum bcu rtsa gnyis las mtshan re re zhing yang / bsod nams brgyas yongs su grub par gyur cig ces bya bar dmigs pa'i tshul gyis gnas par mi bya'o/ /shar phyogs kyi 'jig rten gyi khams gang gA'i klung gi bye ma snyed la rgya ji tsam yod pa dang / lho dang nub dang byang dang byang shar dang shar lho dang lho nub dang / nub byang gi 'jig rten gyi khams gang gA'i klung gi bye ma snyed la rgya ji tsam yod pa de tsam gyi tha grur bdag gis sangs rgyas kyi zhing gcig</font><hr>31.104a<br><font size=+1>

bsgrub bo zhes bya bar dmigs pa'i tshul gyis gnas par mi bya'o/ /bdag gis stong gsum gyi stong chen po'i 'jig rten gyi khams rdo rje'i rgyu las grub par gyur cig ces bya bar dmigs pa'i tshul gyis gnas par mi bya'o/ /bdag gis byang chub kyi shing gi dri sems can gang gis tshor yang rung ste/ de dag la 'dod chags dang zhe sdang dang gti mug gi gnod pa med par gyur cig  /nyan thos kyi sems dang rang sangs rgyas kyi sems bskyed par ma gyur cig ces bya bar dmigs pa'i tshul gyis gnas par mi bya'o/ /de dag thams cad kyang bla na med pa yang dag par rdzogs pa'i byang chub tu nges par gyur cig ces bya ba dang / sems can gang gis byang chub kyi shing gi dri de tshor bar gyur pa de dag gis lus sam sems la nad gang yang med par gyur cig ces bya bar dmigs pa'i tshul gyis gnas par mi bya'o/ /bdag gis sangs rgyas kyi zhing der gzugs kyi sgra yod par ma gyur cig ces bya bar/ dmigs pa'i tshul gyis gnas par mi bya'o/ /tshor ba dang 'du shes dang 'du byed dang rnam par shes pa'i sgra yod par ma gyur cig ces/ bya bar dmigs pa'i tshul gyis gnas par mi bya'o/ /khams dang skye mched dang rten cing 'brel bar 'byung ba'i sgra yod par ma gyur cig ces/ bya bar dmigs pa'i tshul gyis gnas par mi bya'o/ /sbyin pa'i pha rol du phyin pa'i sgra yod par ma gyur cig  /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa'i sgra yod par ma gyur cig  /nang stong</font><hr>31.104b<br><font size=+1>

pa nyid kyi sgra yod par ma gyur cig  /phyi stong pa nyid kyi sgra yod par ma gyur cig   /phyi nang stong pa nyid kyi sgra yod par ma gyur cig  /dngos po med pa'i ngo bo nyid stong pa nyid kyi bar gyi sgra yod par ma gyur cig ces bya bar dmigs pa'i tshul gyis gnas par mi bya'o/ /dran pa nye bar gzhag pa rnams kyi sgra yod par ma gyur cig  /yang dag par spong ba dang / rdzu 'phrul gyi rkang pa dang / dbang po dang stobs dang / byang chub kyi yan lag dang / 'phags pa'i lam yan lag brgyad pa'i sgra yod par ma gyur cig  /'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa rnams dang / mthar gyis gnas pa'i snyoms par 'jug pa rnams dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa dang ting nge 'dzin dang / gzungs kyi sgo dang de bzhin gshegs pa'i stobs dang / mi 'jigs pa dang / so so yang dag par rig pa dang / byams pa chen po dang / snying rje chen po dang / sangs rgyas kyi chos ma 'dres pa rnams kyi sgra yod par ma gyur cig ces bya bar dmigs pa'i tshul gyis gnas par mi bya'o/ /rgyun tu zhugs pa'i sgra yod par ma gyur cig  /lan gcig phyir 'ong ba'i sgra dang / phyir mi 'ong ba'i sgra dang / dgra bcom pa'i sgra yod par ma gyur cig ces bya bar dmigs pa'i tshul gyis gnas par mi bya'o/ /rang sangs rgyas kyi sgra yod par ma gyur cig  /byang chub sems dpa'i sgra yod par ma gyur cig   /sangs rgyas kyi sgra yod par ma gyur cig ces bya bar dmigs pa'i tshul gyis gnas par mi bya'o/ /de ci'i phyir zhe na/ 'di ltar de bzhin gshegs pa dgra bcom pa yang dag par rdzogs</font><hr>31.105a<br><font size=+1>

pa'i sangs rgyas kyis/ bla na med pa yang dag par rdzogs pa'i byang chub tu mngon par rdzogs par sangs rgyas kyang chos thams cad mi dmigs pa'i phyir te/ kau shi ka de ltar byang chub sems dpa' sems dpa' chen pos shes rab kyi pha rol tu phyin pa la dmigs pa'i tshul gyis gnas par mi bya'o/ /de nas tshe dang ldan pa shA ra dwa ti'i bu 'di snyam ste/ ji ltar byang chub sems dpa' sems dpa' chen po shes rab kyi pha rol du phyin pa la gnas par bya snyam pa dang / de nas tshe dang ldan pa rab 'byor kyis/ tshe dang ldan pa shA ra dwa ti'i bu'i sems kyi rnam par rtog pa sems kyis yongs su shes nas/ tshe dang ldan pa shA ra dwa ti'i bu la smras pa/ tshe dang ldan pa shA ra dwa ti'i bu de ji snyam du sems/ de bzhin gshegs pa dgra bcom pa yang dag par rdzogs pa'i sangs rgyas ci zhig la gnas/ smras pa tshe dang ldan pa rab 'byor de bzhin gshegs pa ni ci la yang gnas pa ma yin no/ /tshe dang ldan pa rab 'byor de bzhin gshegs pa dgra bcom pa yang dag par rdzogs pa'i sangs rgyas kyi thugs ni/ sbyin pa'i pha rol du phyin pa la mi gnas/ tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la mi gnas so/ /de gzugs la mi gnas so/ /tshor ba dang 'du shes dang 'du byed dang rnam par shes pa la mi gnas so/ /skye mched dang khams dang / rten cing 'brel bar 'byung ba la mi gnas/ nang stong pa nyid la mi gnas phyi stong pa nyid la mi gnas/  phyi nang stong pa nyid la mi gnas/ dngos po med pa'i ngo bo nyid stong pa nyid kyi bar la mi gnas so/ /shes rab kyi pha rol du phyin pa stong phrag nyi shu lnga pa/ bam po nyer brgyad pa/ </font><hr>31.105b<br><font size=+1>

byang chub kyi phyogs kyi chos sum bcu rtsa bdun la mi gnas so/ /'phags pa'i bden pa dang / bsam gtan dang tshad med pa dang / gzugs med pa'i snyoms par 'jug pa dang / rnam par thar pa brgyad dang mthar gyis gnas pa'i snyoms par 'jug pa dgu dang / stong pa nyid dang mtshan ma med pa dang / smon pa med pa dang mngon par shes pa dang / ting nge 'dzin dang gzungs kyi sgo rnams la mi gnas/ de bzhin gshegs pa'i stobs bcu dang mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad la mi gnas so/ /rnam pa thams cad mkhyen pa nyid la mi gnas so/ /rab 'byor gyis smras pa tshe dang ldan pa shA ra dwa ti'i bu byang chub sems dpa' sems dpa' chen pos ni/ ji ltar de bzhin gshegs pa dgra bcom pa yang dag par rdzogs pa'i sangs rgyas gzugs la gnas pa yang ma yin/ mi gnas pa yang ma yin/ tshor ba dang 'du shes dang 'du byed dang / rnam par shes pa la gnas pa yang ma yin mi gnas pa yang ma yin/ mig la gnas pa yang ma yin mi gnas pa yang ma yin/ rna ba dang sna dang lce dang lus dang yid la gnas pa yang ma yin/ mi gnas pa yang ma yin/ gzugs la gnas pa yang ma yin mi gnas pa yang ma yin/ sgra dang dri dang ro dang reg dang chos la gnas pa yang ma yin mi gnas pa yang ma yin/ mig gi rnam par shes pa la gnas pa yang ma yin/ mi gnas pa yang ma yin/ rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang yid kyi rnam par shes pa la gnas pa yang ma yin/ mi gnas pa yang ma yin/ mig gi 'dus te reg pa la gnas pa yang ma yin/ mi gnas pa yang ma yin/ </font><hr>31.106a<br><font size=+1>

rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa la gnas pa yang ma yin mi gnas pa yang ma yin/ mig gi 'dus te reg pa'i rkyen gyis tshor ba la gnas pa yang ma yin/ mi gnas pa yang ma yin/ rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba la gnas pa yang ma yin mi gnas pa yang ma yin/ sa'i khams la gnas pa yang ma yin mi gnas pa yang ma yin/ chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams la gnas pa yang ma yin mi gnas pa yang ma yin/ ma rig pa la gnas pa yang ma yin/ mi gnas pa yang ma yin/ 'du byed dang rnam par shes pa dang / ming dang gzugs dang skye mched drug dang / reg pa dang tshor ba dang sred pa dang / len pa dang srid pa dang skye ba dang / rga shi la gnas pa yang ma yin mi gnas pa yang ma yin/ sbyin pa'i pha rol du phyin pa la gnas pa yang ma yin/ mi gnas pa yang ma yin/ tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la gnas pa yang ma yin/ mi gnas pa yang ma yin/ nang stong pa nyid la gnas pa yang ma yin mi gnas pa yang ma yin/ dngos po med pa'i ngo bo nyid stong pa nyid kyi bar la gnas pa yang ma yin/ mi gnas pa yang ma yin/ dran pa nye bar gzhag pa rnams la</font><hr>31.106b<br><font size=+1>

gnas pa yang ma yin mi gnas pa yang ma yin/ yang dag par spong ba dang / rdzu 'phrul gyi rkang pa dang / dbang po dang stobs dang / byang chub kyi yan lag dang / 'phags pa'i lam yan lag brgyad pa la gnas pa yang ma yin mi gnas pa yang ma yin/ 'phags pa'i bden pa dang / bsam gtan dang tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang mtshan ma med pa dang / smon pa med pa dang mngon par shes pa dang / ting nge 'dzin dang gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad la gnas pa yang ma yin/ mi gnas pa yang ma yin/ rnam pa thams cad mkhyen pa nyid kyi bar la gnas pa yang ma yin/ mi gnas pa yang ma yin pa de ltar shes rab kyi pha rol tu phyin pa la gnas par bya ste/ tshe dang ldan pa shA ra dwa ti'i bu byang chub sems dpa' sems dpa' chen pos shes rab kyi pha rol du phyin pa la de ltar mi dmigs pa'i tshul gyis bslab par bya'o/ /gnas par bya'o/ /de nas 'khor de'i nang nas lha'i bu kha cig 'di snyam du sems par gyur te/ gang gnod sbyin rnams kyi gnod sbyin gyi tshig dang / gnod sbyin gyi skad dang gnod sbyin gyi sgra dang / gnod sbyin gyi brjod pa de dag ni smras par gyur na/ shes par rung gi/ gang 'phags pa rab 'byor shes rab kyi pha rol du phyin pa 'chad pa dang brjod pa dang ston pa dang / rnam par 'byed pa dang gsal bar byed pa dang / gtan la bab par ston pa de ni shes par mi rung ngo / /de nas tshe dang ldan pa rab 'byor gyis/ lha'i bu de dag gi sems kyi rnam par</font><hr>31.107a<br><font size=+1>

rtog pa de sems kyis yongs su shes nas/ lha'i bu de dag la smras pa/ lha'i bu dag gang smras pa/ de shes par mi rung ngam/ lha'i bu rnams kyis smras pa/ 'phags pa rab 'byor shes par mi rung ngo / /rab 'byor gyis smras pa/ lha'i bu dag 'di ltar yi ge gcig kyang ma brjod kyis/ gang ma brjod pa de ni thos par mi rung ngo / /gang thos par mi rung ba de ni shes par mi rung ngo / /de ci'i phyir zhe na/ shes rab kyi pha rol du phyin pa ni yi ge ma yin te/ de la su yang ston pa dang nyan pa dang / shes par byed pa med de/ de ci'i phyir zhe na/ lha'i bu dag de bzhin gshegs pa dgra bcom pa yang dag par rdzogs pa'i sangs rgyas rnams kyi byang chub ni yi ge med pa'o/ /lha'i bu dag 'di lta ste dper na/ de bzhin gshegs pa dgra bcom pa yang dag par rdzogs pa'i sangs rgyas rnams kyi sprul pa zhig sprul te/ sprul pa des kyang dge slong dang / dge slong ma dang dge bsnyen dang / dge bsnyen ma'i 'khor bzhi mngon par sprul la de nas sprul pa des sprul pa'i 'khor bzhi po de dag la chos bstan par gyur na/ lha'i bu dag de la ji snyam du sems/ 'khor der sus kyang bstan par gyur pa 'am/ sus kyang thos par gyur pa 'am/ sus kyang shes par gyur pa yod dam/ smras pa tshe dang ldan pa btsun pa rab 'byor de ni med do/ /rab 'byor gyis smras pa/ lha'i bu dag de bzhin du chos thams cad kyang sprul pa lta bu ste/ de la sus kyang bstan pa med do/ /sus kyang thos pa med do/ /sus kyang shes pa med do lha'i bu dag 'di lta ste dper na skyes bu gnyid kyis log pa'i rmi lam na/ de bzhin gshegs pa dgra bcom pa yang dag par rdzogs pa'i sangs rgyas shig chos ston pa mthong na lha'i bu dag de la ji snyam du sems/ de la bstan pa 'am/ </font><hr>31.107b<br><font size=+1>

thos pa 'am/ shes par gyur pa yod dam/ smras pa/ btsun pa rab 'byor de ni med do/ /rab 'byor gyis smras pa/ lha'i bu dag de bzhin du chos thams cad kyang rmi lam lta bu ste/ de la sus kyang bstan pa med do/ /sus kyang thos pa med do/ /sus kyang shes pa med do/ /lha'i bu dag 'di lta ste dper na/ skyes bu gnyis shig ri'i sul du 'khod de/ sangs rgyas kyi legs pa yang brjod chos dang dge 'dun gyi legs pa yang brjod la de gnyis las sgra brnyan gyi dbyangs byung na/ lha'i bu dag de la ji snyam du sems/ sgra brnyan gcig po des sgra brnyan gnyis pa'i sgra shes par gyur pa yod dam/ smras pa btsun pa rab 'byor de ni med do/ /rab 'byor kyis smras pa/ lha'i bu dag de bzhin du chos thams cad kyang sgra brnyan lta bu ste/ de la sus kyang bstan pa med do/ /sus kyang thos pa med do/ /sus kyang shes pa med do/ /lha'i bu dag 'di lta ste dper na/ sgyu ma'i mkhan po 'am/ sgyu ma'i mkhan po'i mchan bu mkhas pa zhig gis lam po che'i bzhi mdor/ de bzhin gshegs pa dgra bcom pa yang dag par rdzogs pa'i sangs rgyas shig mngon par sprul te/ dge slong dang / dge slong ma dang dge bsnyen dang / dge bsnyen ma'i 'khor bzhi yang mngon par sprul nas/ des sprul pa'i 'khor bzhi la chos bstan na lha'i bu dag de la ji snyam du sems/ de la sus kyang bstan pa 'am thos pa 'am/ shes par gyur pa yod dam smras pa/ btsun pa rab 'byor de ni med do/ /rab 'byor gyis smras pa lha'i bu dag de bzhin du chos thams cad kyang sgyu ma lta bu ste/ de la sus kyang bstan pa med do/ /sus kyang thos pa med do sus kyang shes pa med do/ /de nas lha'i bu de dag 'di snyam du sems par gyur te/ kye ma gnas brtan rab 'byor 'di ni gsal</font><hr>31.108a<br><font size=+1>

bar byed pa ste/ kye ma 'phags pa rab 'byor 'di ni shes rab kyi pha rol du phyin pa gsal bar byed kyang / zab pa bas kyang shin du zab pa ston/ phra ba bas kyang shin du phra ba la 'jug go/ /de nas tshe dang ldan pa rab 'byor gyis/ lha'i bu de dag gi sems kyi rnam par rtog pa sems kyi yongs su shes te/ lha'i bu de dag la 'di skad ces smras so/ /lha'i bu dag gzugs ni zab pa ma yin/ phra ba ma yin/ tshor ba dang / 'du shes dang / 'du byed dang / rnam par shes pa ni zab pa ma yin/ phra ba ma yin no/ /de ci'i phyir zhe na/ gzugs kyi rang bzhin ni zab pa ma yin phra ba ma yin no/ /tshor ba dang / 'du shes dang / 'du byed dang / rnam par shes pa'i rang bzhin ni zab pa ma yin phra ba ma yin/ mig ni zab pa ma yin phra ba ma yin no/ /rna ba dang sna dang lce dang lus dang / yid ni zab pa ma yin phra ba ma yin no/ /de ci'i phyir zhe na/ mig gi rang bzhin ni zab pa ma yin phra ba ma yin no/ /rna ba dang sna dang lce dang / lus dang yid kyi rang bzhin ni zab pa ma yin/ phra ba ma yin no/ /gzugs ni zab pa ma yin phra ba ma yin no/ /sgra dang dri dang ro dang reg dang / chos ni zab pa ma yin/ phra ba ma yin no/ /de ci'i phyir zhe na/ gzugs kyi rang bzhin ni zab pa ma yin/ phra ba ma yin no/ /sgra dang dri dang ro dang reg dang / chos kyi rang bzhin ni zab pa ma yin phra ba ma yin no/ /mig gi rnam par shes pa ni zab pa ma yin/ phra ba ma yin no/ /rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa ni zab pa ma yin phra ba ma yin no/ /de ci'i phyir zhe na/ mig gi rnam par shes pa'i de bzhin ni zab pa ma yin/ phra ba ma yin no/ /rna ba'i rnam par shes pa'i rang bzhin dang / sna'i</font><hr>31.108b<br><font size=+1>

rnam par shes pa'i rang bzhin dang / lce'i rnam par shes pa'i rang bzhin dang / lus kyi rnam par shes pa'i rang bzhin dang / yid kyi rnam par shes pa'i rang bzhin ni zab pa ma yin/ phra ba ma yin no/ /mig gi 'dus te reg pa ni zab pa ma yin phra ba ma yin no/ /rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa ni zab pa ma yin phra ba ma yin no/ /de ci'i phyir zhe na/ mig gi 'dus te reg pa'i rang bzhin ni zab pa ma yin/ phra ba ma yin no/ /rna ba'i 'dus te reg pa'i rang bzhin dang / sna'i 'dus te reg pa'i rang bzhin dang / lce'i 'dus te reg pa'i rang bzhin dang / lus kyi 'dus te reg pa'i rang bzhin dang / yid kyi 'dus te reg pa'i rang bzhin ni zab pa ma yin/ phra ba ma yin no/ /mig gi 'dus te reg pa'i rkyen gyis tshor ba ni zab pa ma yin phra ba ma yin no/ /rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyis 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba ni zab pa ma yin/ phra ba ma yin no/ /de ci'i phyir zhe na/ mig gi 'dus te reg pa'i rkyen gyis tshor ba'i rang bzhin ni zab pa ma yin phra ba ma yin no/ /rna ba'i 'dus te reg pa'i rkyen gyis tshor ba'i rang bzhin dang / sna'i 'dus te reg pa'i rkyen gyis tshor ba'i rang bzhin dang / lce'i 'dus te reg pa'i rkyen gyis tshor ba'i rang bzhin dang / lus kyis 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba'i rang bzhin ni zab pa ma yin phra ba ma yin no/ /sa'i khams ni zab pa ma yin/ phra ba ma yin no/ /chu'i khams dang / </font><hr>31.109a<br><font size=+1>

me'i khams dang / rlung gi khams dang / nam mkha'i khams dang / rnam par shes pa'i khams ni zab pa ma yin phra ba ma yin no/ /de ci'i phyir zhe na/ sa'i khams kyi rang bzhin ni zab pa ma yin phra ba ma yin no/ /chu'i khams kyi rang bzhin dang / me'i khams kyi rang bzhin dang / rlung gi khams kyi rang bzhin dang / nam mkha'i khams kyi rang bzhin dang / rnam par shes pa'i khams kyi rang bzhin ni zab pa ma yin phra ba ma yin no/ /ma rig pa ni zab pa ma yin phra ba ma yin no/ /'du byed dang rnam par shes pa dang / ming dang gzugs dang skye mched drug dang / reg pa dang tshor ba dang / sred pa dang / len pa dang / srid pa dang skye ba dang rga shi ni zab pa ma yin/ phra ba ma yin no/ /de ci'i phyir zhe na/ ma rig pa'i rang bzhin ni zab pa ma yin phra ba ma yin no/ /'du byed kyi rang bzhin dang / rnam par shes pa'i rang bzhin dang / ming dang gzugs kyi rang bzhin dang / skye mched drug gi rang bzhin dang / reg pa'i rang bzhin dang / tshor ba'i rang bzhin dang / sred pa'i rang bzhin dang len pa'i rang bzhin dang / srid pa'i rang bzhin dang / skye ba'i rang bzhin dang / rga shi'i rang bzhin ni zab pa ma yin/ phra ba ma yin no/ /sbyin pa'i pha rol tu phyin pa ni zab pa ma yin/ phra ba ma yin no/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol tu phyin pa dang / bsam gtan gyi pha rol du phyin pa dang / shes rab kyi pha rol du phyin pa ni zab pa ma yin phra ba ma yin no/ /de ci'i phyir zhe na/ sbyin pa'i pha rol du phyin pa'i rang bzhin ni zab pa ma yin phra ba ma yin no/ /tshul khrims kyi pha rol du phyin pa'i rang bzhin dang / bzod pa'i pha rol du phyin pa'i rang bzhin dang / brtson 'grus kyi pha rol du phyin pa'i rang bzhin dang / bsam gtan gyi pha rol du</font><hr>31.109b<br><font size=+1>

phyin pa'i rang bzhin dang / shes rab kyi pha rol du phyin pa'i rang bzhin ni zab pa ma yin/ phra ba ma yin no/ /nang stong pa nyid ni zab pa ma yin/ phra ba ma yin no/ /dngos po med pa'i ngo bo nyid stong pa nyid kyi bar ni zab pa ma yin/ phra ba ma yin no/ /de ci'i phyir zhe na/ nang stong pa nyid kyi rang bzhin ni zab pa ma yin/ phra ba ma yin no/ /dngos po med pa'i ngo bo nyid stong pa nyid kyi bar gyi rang bzhin ni zab pa ma yin/ phra ba ma yin no/ /dran pa nye bar gzhag pa rnams ni zab pa ma yin/ phra ba ma yin no/ /yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa ni zab pa ma yin phra ba ma yin no/ /de ci'i phyir zhe na/ dran pa nye bar gzhag pa'i rang bzhin ni zab pa ma yin/ phra ba ma yin no/ /yang dag par spong ba dang / rdzu 'phrul gyi rkang pa dang dbang po dang / stobs dang byang chub kyi yan lag dang / 'phags pa'i lam yan lag brgyad pa'i rang bzhin ni zab pa ma yin/ phra ba ma yin no/ /'phags pa'i bden pa rnams ni zab pa ma yin phra ba ma yin no/ /bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa rnams dang / mthar gyis gnas pa'i snyoms par 'jug pa rnams dang / rnam par thar pa'i sgo stong pa nyid dang / mtshan ma med pa dang smon pa med pa dang / mngon par shes pa rnams dang ting nge 'dzin rnams dang / gzungs kyi sgo rnams ni zab pa ma yin phra ba ma yin no/ /de ci'i phyir zhe na/ 'phags pa'i bden pa'i rang bzhin ni zab pa ma yin phra ba ma yin no/ /bsam gtan dang tshad med pa dang / gzugs med pa'i snyoms par 'jug pa</font><hr>31.110a<br><font size=+1>

dang / rnam par thar pa dang / mthar gyis gnas pa'i snyoms par 'jug pa dang / rnam par thar pa'i sgo stong pa nyid dang / mtshan ma med pa dang / smon pa med pa dang mngon par shes pa dang ting nge 'dzin dang / gzungs kyi sgo'i rang bzhin ni zab pa ma yin phra ba ma yin no/ /de bzhin gshegs pa'i stobs bcu ni zab pa ma yin/ phra ba ma yin no/ /mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad dang / rnam pa thams cad mkhyen pa nyid kyi bar ni zab pa ma yin phra ba ma yin no/ /de ci'i phyir zhe na/ de bzhin gshegs pa'i stobs kyi rang bzhin ni zab pa ma yin phra ba ma yin no/ /mi 'jigs pa dang so so yang dag par rig pa dang / sangs rgyas kyi chos ma 'dres pa dang / rnam pa thams cad mkhyen pa nyid kyi bar gyi rang bzhin ni zab pa ma yin phra ba ma yin no/ /de nas lha'i bu de dag 'di snyam du sems par gyur te/ chos bstan pa 'di la ni gzugs su btags pa med do/ /tshor ba dang 'du shes dang 'du byed dang / rnam par shes par btags pa med do/ /chos bstan pa 'di la ni skye mched dang / khams dang rten cing 'brel bar 'byung bar btags pa med do/ /chos bstan pa 'di la ni sbyin pa'i pha rol du phyin par btags pa med do/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol tu phyin par btags pa med do/ /chos bstan pa 'di la ni nang stong pa nyid du btags pa med do/ /dngos po med pa'i ngo bo nyid stong pa nyid kyi bar du btags pa med do/ /chos bstan pa 'di la ni byang chub kyi</font><hr>31.110b<br><font size=+1>

phyogs kyi chos sum bcu rtsa bdun du btags pa med do/ /'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa rnams dang / mthar gyis gnas pa'i snyoms par 'jug pa rnams dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa bcwa brgyad du btags pa med do/ /chos bstan pa 'di la ni rgyun du zhugs par btags pa med do/ /rgyun du zhugs pa'i 'bras bur btags pa med do/ /lan cig phyir 'ong ba dang lan cig phyir 'ong ba'i 'bras bu dang / phyir mi 'ong ba dang / phyir mi 'ong ba'i 'bras bu dang / dgra bcom pa nyid dang rang sangs rgyas rnams dang / rang byang chub dang / byang chub sems dpa'i sa rnams dang / sangs rgyas dang byang chub du btags pa med do/ /yi ger btags pa med do/ /snyam pa dang de nas tshe dang ldan pa rab 'byor gyis lha'i bu de dag la 'di skad ces smras so/ /lha'i bu dag de de bzhin no/ /de de bzhin te/ de bzhin gshegs pa'i byang chub ni brjod du med do/ /smrar med do/ /de ni sus kyang bstan pa med do/ /sus kyang thos pa med do/ /sus kyang shes pa med do/ /lha'i bu dag de lta bas na la la zhig rgyun du zhugs pa'i 'bras bu la gnas par 'dod cing / rgyun du zhugs pa'i 'bras bu mngon du bya bar 'dod na yang bzod pa 'di la mi rten du mi rung ngo / /la la zhig lan gcig phyir 'ong ba'i</font><hr>31.111a<br><font size=+1>

'bras bu dang phyir mi 'ong ba'i 'bras bu dang / dgra bcom pa nyid dang / rang byang chub dang / la la zhig bla na med pa yang dag par rdzogs pa'i byang chub la gnas par 'dod cing / bla na med pa yang dag par rdzogs pa'i byang chub mngon du bya bar 'dod na yang / bzod pa 'di la mi rten du mi rung ngo / /lha'i bu dag de ltar byang chub sems dpa' sems dpa' chen pos sems dang po bskyed nas brjod pa dang / mnyan du med pa'i phyir shes rab kyi pha rol du phyin pa la gnas par bya'o/ /shes rab kyi pha rol du phyin pa stong phrag nyi shu lnga pa las/ le'u bcu bzhi pa'o// //  de nas lha'i bu de dag 'di snyam du sems par gyur te/ gnas brtan rab 'byor la chos mnyan pa rnams pa ji lta bu dag btsal bar bya snyam pa dang / de nas tshe dang ldan pa rab 'byor gyis/ lha'i bu de dag gi sems kyi rnam par rtog pa sems kyis yongs su shes nas/ lha'i bu de dag la 'di skad ces smras so/ /lha'i bu dag bdag gis chos bstan pa ni sgyu ma lta bu ste/ lha'i bu dag bdag la chos nyan pa yang sgyu ma lta bur btsal bar bya'o/ /lha'i bu bdag gi chos bstan pa 'di sprul pa lta bu ste/ bdag la chos nyan pa yang sprul pa lta bur btsal bar bya ste/ de dag ni ci yang nyan pa med cing ci yang mngon du byed pa med do/ /de nas lha'i bu de dag gis tshe dang ldan pa rab 'byor la 'di skad ces smras so/ /btsun pa rab 'byor ci sems can de dag sgyu ma lta bu ste/ chos nyan pa de dag sgyu ma lta bu yin nam/ sems can de dag sprul pa lta bu ste/ chos nyan pa de dag sprul pa lta bu yin nam/ rab 'byor gyis smras pa/ lha'i bu dag de de bzhin no/ /de de bzhin te/ </font><hr>31.111b<br><font size=+1>

sems can de dag ni sgyu ma lta bu ste/ chos nyan pa de dag kyang sgyu ma lta bu'o/ /sems can de dag ni sprul pa lta bu ste/ chos nyan pa de dag kyang sprul pa lta bu'o/ /lha'i bu dag sems can de dag rmi lam lta bu sgyu ma lta bu 'o/ /lha'i bu dag gzugs kyang rmi lam lta bu sgyu ma lta bu'o/ /lha'i bu dag tshor ba dang 'du shes dang / 'du byed dang rnam par shes pa yang rmi lam lta bu sgyu ma lta bu'o/ /lha'i bu dag mig kyang rmi lam lta bu sgyu ma lta bu'o/ /rna ba dang sna dang lce dang lus dang / yid kyang rmi lam lta bu sgyu ma lta bu'o/ /gzugs kyang rmi lam lta bu sgyu ma lta bu'o/ /sgra dang dri dang ro dang reg dang / chos kyang rmi lam lta bu sgyu ma lta bu'o/ /mig gi rnam par shes pa yang rmi lam lta bu sgyu ma lta bu'o/ /rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa yang rmi lam lta bu sgyu ma lta bu'o/ /mig gi 'dus te reg pa yang rmi lam lta bu sgyu ma lta bu'o/ /rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa yang rmi lam lta bu sgyu ma lta bu'o/ /mig gi 'dus te reg pa las byung ba'i tshor ba yang rmi lam lta bu sgyu ma lta bu'o/ /rna ba'i 'dus te reg pa las byung ba'i tshor ba dang / sna'i 'dus te reg pa las byung ba'i tshor ba dang / lce'i 'dus te reg pa las byung ba'i tshor ba dang / lus kyi 'dus te reg pa las byung ba'i tshor ba dang / yid kyi 'dus te reg pa las byung ba'i tshor ba yang rmi lam lta bu sgyu ma lta bu'o/ /sa'i khams kyang rmi lam lta bu sgyu ma lta bu'o/ /chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams kyang rmi lam lta bu sgyu ma lta bu'o/ /ma rig pa</font><hr>31.112a<br><font size=+1>

yang rmi lam lta bu sgyu ma lta bu'o/ /'du byed dang rnam par shes pa dang / ming dang gzugs dang / skye mched drug dang / reg pa dang tshor ba dang / sred pa dang len pa dang / srid pa dang skye ba dang / rga shi yang rmi lam lta bu sgyu ma lta bu'o/ /sbyin pa'i pha rol du phyin pa yang rmi lam lta bu sgyu ma lta bu'o/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa yang rmi lam lta bu sgyu ma lta bu'o/ /nang stong pa nyid kyang rmi lam lta bu sgyu ma lta bu'o/ /dngos po med pa'i ngo bo nyid stong pa nyid kyi bar du yang rmi lam lta bu sgyu ma lta bu'o/ /dran pa nye bar gzhag pa rnams kyang rmi lam lta bu sgyu ma lta bu'o/ /yang dag par spong ba rnams dang / rdzu 'phrul gyi rkang pa rnams dang / dbang po rnams dang stobs rnams dang / byang chub kyi yan lag rnams dang / 'phags pa'i lam yan lag brgyad pa yang rmi lam lta bu sgyu ma lta bu'o/ /'phags pa'i bden pa rnams dang / bsam gtan rnams dang tshad med pa rnams dang / gzugs med pa'i snyoms par 'jug pa rnams dang / rnam par thar pa rnams dang / mthar gyis gnas pa'i snyoms par 'jug pa rnams dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang so so yang dag par rig pa bzhi dang / sangs rgyas kyi chos ma 'dres pa rnams kyang rmi lam lta bu sgyu ma lta bu'o/ /rgyun du zhugs pa'i 'bras bu yang rmi lam lta bu sgyu ma lta bu'o/ /lan gcig phyir 'ong ba'i 'bras bu dang / phyir mi</font><hr>31.112b<br><font size=+1>

'ong ba'i 'bras bu dang / dgra bcom pa nyid dang / rang byang chub kyang rmi lam lta bu sgyu ma lta bu'o/ /lha'i bu yang dag par rdzogs pa'i byang chub kyang rmi lam lta bu sgyu ma lta bu'o/ /de nas lha'i bu de dag gis tshe dang ldan pa rab 'byor la 'di skad ces smras so/ /btsun pa rab 'byor byang chub kyang rmi lam lta bu sgyu ma lta bur bshad na/ mya ngan las 'das pa yang ci rmi lam lta bu sgyu ma lta bur bshad dam/ rab 'byor gyis smras pa/ lha'i bu dag bdag ni mya ngan las 'das pa yang rmi lam lta bu sgyu ma lta bur smra ste/ de bas gal te mya ngan las 'das pa las khyad par du 'phags pa'i chos gzhan zhig yod na yang / de la bdag ni rmi lam lta bu sgyu ma lta bur smra'o/ /de ci'i phyir zhe na/ lha'i bu dag de ni 'di ltar rmi lam lta bu dang / sgyu ma lta bu dang / mya ngan las 'das pa de la gnyis su med cing gnyis su byar med do/ /de nas tshe dang ldan pa shA ra dwa ti'i bu dang / tshe dang ldan pa maud gal gyi bu chen po dang / tshe dang ldan pa mdzod ldan chen po dang / tshe dang ldan pa ka t+ya'i bu chen po dang / tshe dang ldan pa byams gang gi bu dang / tshe dang ldan pa 'od srung chen po dang / byang chub sems dpa' stong phrag du mas/ tshe dang ldan pa rab 'byor la 'di skad ces smras so/ /btsun pa rab 'byor shes rab kyi pha rol du phyin pa 'di ltar zab pa/ 'di ltar blta dka' ba 'di ltar rtogs par dka' ba 'di ltar zhi ba 'di ltar gsal ba 'di ltar phra ba 'di ltar bzang ba 'di la su dag yid ches par 'gyur/ de nas tshe dang ldan pa rab 'byor gyis nyan thos chen po de dag dang / byang chub sems dpa' sems dpa' chen po de dag la 'di skad ces smras so/ /tshe dang ldan pa dag phyir mi ldog pa'i byang chub sems dpa' sems dpa' chen po rnams/ shes rab kyi pha rol du phyin pa 'di ltar zab pa 'di ltar shin</font><hr>31.113a<br><font size=+1>

du brtag dka' ba 'di ltar phra ba/ 'di ltar gsal ba/ 'di ltar rtogs par dka' ba/ 'di ltar zhi ba 'di ltar bzang ba/ 'di ltar shin du 'phags pa 'di ltar mkhas shing shes pas rig par bya ba 'di la yid ches par 'gyur ro/ /bden pa mthong ba'i gang zag gam/ dgra bcom pa zag pa zad pa bsam pa yongs su rdzogs pa 'am/ sngon gyi rgyal ba la bya ba byas pa'i sems can sangs rgyas bye ba mang po la dge ba'i rtsa ba bskyed bskyed pa dag dang / rigs kyi bu dang rigs kyi bu mo dge ba'i bshes gnyen gyis yongs su zin pa gang shes rab kyi pha rol du phyin pa 'di ltar zab pa/ 'di ltar brtag dka' ba/ 'di ltar brtag pa'i spyod yul ma yin pa/ 'di ltar blta dka' ba 'di ltar rtogs par dka' ba/ 'di ltar zhi ba/ 'di ltar shin du 'phags pa mkhas shing shes pas rig par bya ba 'di la yid ches par 'gyur ba de dag ni/ gzugs stong zhes bya bar rnam par rtog par mi 'gyur/ stong pa nyid gzugs shes bya bar rnam par rtog par mi 'gyur ro/ /tshor ba dang 'du shes dang 'du byed dang / rnam par shes pa stong zhes bya bar rnam par rtog par mi 'gyur/ stong pa nyid rnam par shes pa zhes bya bar rnam par rtog par mi 'gyur ro/ /gzugs mtshan ma med ces bya bar rnam par rtog par mi 'gyur/ mtshan ma med pa gzugs shes bya bar rnam par rtog par mi 'gyur ro/ /tshor ba dang 'du shes dang / 'du byed dang / rnam par shes pa mtshan ma med ces bya bar rnam par rtog par mi 'gyur/ mtshan ma med pa rnam par shes pa zhes bya bar rnam par rtog par mi 'gyur ro/ /gzugs smon pa med ces bya bar rnam par rtog par mi 'gyur/ smon pa med pa gzugs shes bya bar rnam par rtog par mi 'gyur ro/ /tshor ba dang</font><hr>31.113b<br><font size=+1>

'du shes dang / 'du byed dang / rnam par shes pa smon pa med ces bya bar rnam par rtog par mi 'gyur/ smon pa med pa rnam par shes pa zhes bya bar rnam par rtog par mi 'gyur ro/ /gzugs skye ba med ces bya bar rnam par rtog par mi 'gyur/ skye ba med pa gzugs shes bya bar rnam par rtog par mi 'gyur ro/ /tshor ba dang 'du shes dang 'du byed dang / rnam par shes pa skye ba med ces bya bar rnam par rtog par mi 'gyur/ skye ba med pa rnam par shes pa zhes bya bar rnam par rtog par mi 'gyur ro/ /gzugs 'gag pa med ces bya bar rnam par rtog par mi 'gyur/ 'gag pa med pa gzugs shes bya bar rnam par rtog par mi 'gyur ro/ /tshor ba dang 'du shes dang / 'du byed dang / rnam par shes pa 'gag pa med ces bya bar rnam par rtog par mi 'gyur/ 'gag pa med pa rnam par shes pa zhes bya bar rnam par rtog par mi 'gyur ro/ /gzugs zhi zhes bya bar rnam par rtog par mi 'gyur/ zhi ba gzugs shes bya bar rnam par rtog par mi 'gyur ro/ /tshor ba dang / 'du shes dang / 'du byed dang / rnam par shes pa zhi zhes bya bar rnam par rtog par mi 'gyur/ zhi ba rnam par shes pa zhes bya bar rnam par rtog par mi 'gyur ro/ /gzugs dben zhes bya bar rnam par rtog par mi 'gyur/ dben pa gzugs shes bya bar rnam par rtog par mi 'gyur ro/ /tshor ba dang / 'du shes dang / 'du byed dang / rnam par shes pa dben zhes bya bar rnam par rtog par mi 'gyur/ dben pa rnam par shes pa zhes bya bar rnam par rtog par mi 'gyur ro/ /mig stong zhes bya bar rnam par rtog par mi 'gyur/ stong pa nyid mig ces bya bar rnam par rtog par mi 'gyur ro/ /rna ba dang sna dang / lce dang lus dang / yid stong zhes bya bar rnam par rtog par mi 'gyur/ stong pa nyid yid ces bya bar rnam par rtog par</font><hr>31.114a<br><font size=+1>

mi 'gyur ro/ /mig mtshan ma med ces bya bar rnam par rtog par mi 'gyur/ mtshan ma med pa mig ces bya bar rnam par rtog par mi 'gyur ro/ /rna ba dang / sna dang / lce dang lus dang / yid mtshan ma med ces bya bar rnam par rtog par mi 'gyur/ mtshan ma med pa yid ces bya bar rnam par rtog par mi 'gyur ro/ /mig smon pa med ces bya bar rnam par rtog par mi 'gyur/ smon pa med pa mig ces bya bar rnam par rtog par mi 'gyur ro/ /rna ba dang sna dang / lce dang lus dang / yid smon pa med ces bya bar rnam par rtog par mi 'gyur/ smon pa med pa yid ces bya bar rnam par rtog par mi 'gyur ro/ /mig skye ba med ces bya bar rnam par rtog par mi 'gyur/ skye ba med pa mig ces bya bar rnam par rtog par mi 'gyur ro/ /rna ba dang / sna dang / lce dang / lus dang / yid skye ba med ces bya bar rnam par rtog par mi 'gyur/ skye ba med pa yid ces bya bar rnam par rtog par mi 'gyur ro/ /mig 'gag pa med ces bya bar rnam par rtog par mi 'gyur/ 'gag pa med pa mig ces bya bar rnam par rtog par mi 'gyur ro/ /rna ba dang / sna dang / lce dang / lus dang / yid 'gag pa med ces bya bar rnam par rtog par mi 'gyur/ 'gag pa med pa yid ces bya bar rnam par rtog par mi 'gyur ro/ /mig zhi zhes bya bar rnam par rtog par mi 'gyur/ zhi ba mig ces bya bar rnam par rtog par mi 'gyur ro/ /rna ba dang / sna dang / lce dang lus dang / yid 'gag pa med ces bya bar rnam par rtog par mi 'gyur/ 'gag pa med pa yid ces bya bar rnam par rtog par mi 'gyur ro/ /mig zhi zhes bya bar rnam par rtog par mi 'gyur/ zhi ba mig ces bya bar rnam par rtog par mi 'gyur ro/ /rna ba dang / sna dang lce dang / </font><hr>31.114b<br><font size=+1>

lus dang yid zhi zhes bya bar rnam par rtog par mi 'gyur/ zhi ba yid ces bya bar rnam par rtog par mi 'gyur ro/[ ]/mig dben zhes bya bar rnam par rtog par mi 'gyur/ dben pa mig ces bya bar rnam par rtog par mi 'gyur ro/ /rna ba dang / sna dang lce dang / lus dang yid dben zhes bya bar rnam par rtog par mi 'gyur/ dben pa yid ces bya bar rnam par rtog par mi 'gyur ro/ /gzugs stong zhes bya bar rnam par rtog par mi 'gyur/ stong pa nyid gzugs shes bya bar rnam par rtog par mi 'gyur ro/ /sgra dang / dri dang / ro dang / reg dang chos stong zhes bya bar rnam par rtog par mi 'gyur/ stong pa nyid chos zhes bya bar rnam par rtog par mi 'gyur ro/ /gzugs mtshan ma med ces bya bar rnam par rtog par mi 'gyur/ mtshan ma med pa gzugs shes bya bar rnam par rtog par mi 'gyur ro/ /sgra dang / dri dang / ro dang / reg dang / chos mtshan ma med ces bya bar rnam par rtog par mi 'gyur/ mtshan ma med pa chos shes bya bar rnam par rtog par mi 'gyur ro/ /gzugs smon pa med ces bya bar rnam par rtog par mi 'gyur/ smon pa med pa gzugs shes bya bar rnam par rtog par mi 'gyur ro/ /sgra dang / dri dang / ro dang / reg dang / chos smon pa med ces bya bar rnam par rtog par mi 'gyur/ smon pa med pa chos shes bya bar rnam par rtog par mi 'gyur ro/ /gzugs skye ba med ces bya bar rnam par rtog par mi 'gyur/ skye ba med pa gzugs shes bya bar rnam par rtog par mi 'gyur ro/ /sgra dang / dri dang / ro dang / reg dang / chos skye ba med ces bya bar rnam par rtog par mi 'gyur/ skye ba med pa chos shes bya bar rnam par rtog par mi 'gyur ro/ /gzugs 'gag pa med ces bya bar rnam par rtog par mi 'gyur/ 'gag pa med pa gzugs shes bya</font><hr>31.115a<br><font size=+1>

bar rnam par rtog par mi 'gyur ro/ /sgra dang / dri dang / ro dang / reg dang / chos 'gag pa med ces bya bar rnam par rtog par mi 'gyur/ 'gag pa med pa chos shes bya bar rnam par rtog par mi 'gyur ro/ /gzugs zhi zhes bya bar rnam par rtog par mi 'gyur/ zhi ba gzugs shes bya bar rnam par rtog par mi 'gyur ro/ /sgra dang / dri dang / ro dang / reg dang / chos zhi zhes bya bar rnam par rtog par mi 'gyur ro/ zhi ba chos shes bya bar rnam par rtog par mi 'gyur ro/ /gzugs dben zhes bya bar rnam par rtog par mi 'gyur/ dben pa gzugs shes bya bar rnam par rtog par mi 'gyur ro/ /sgra dang / dri dang / ro dang / reg dang / chos dben zhes bya bar rnam par rtog par mi 'gyur/ dben pa chos shes bya bar rnam par rtog par mi 'gyur ro/ /mig gi rnam par shes pa stong shes bya bar rnam par rtog par mi 'gyur/ stong pa nyid mig gi rnam par shes pa zhes bya bar rnam par rtog par mi 'gyur ro/ /rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa stong zhes bya bar rnam par rtog par mi 'gyur/ stong pa nyid yid kyi rnam par shes pa zhes bya bar rnam par rtog par mi 'gyur ro/ /mig gi rnam par shes pa mtshan ma med ces bya bar rnam par rtog par mi 'gyur/ mtshan ma med pa mig gi rnam par shes pa zhes bya bar rnam par rtog par mi 'gyur ro/ /rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa mtshan ma med ces bya bar rnam par rtog par mi 'gyur/ mtshan ma med pa yid kyi rnam par shes pa zhes bya bar rnam par rtog par mi 'gyur ro/ /mig gi</font><hr>31.115b<br><font size=+1>

rnam par shes pa smon pa med ces bya bar rnam par rtog par mi 'gyur/ smon pa med pa mig gi rnam par shes pa zhes bya bar rnam par rtog par mi 'gyur ro/ /rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa smon pa med ces bya bar rnam par rtog par mi 'gyur/ smon pa med pa yid kyi rnam par shes pa zhes bya bar rnam par rtog par mi 'gyur ro/ /mig gi rnam par shes pa skye ba med ces bya bar rnam par rtog par mi 'gyur/ skye ba med pa mig gi rnam par shes pa zhes bya bar rnam par rtog par mi 'gyur ro/ /rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa skye ba med ces bya bar rnam par rtog par mi 'gyur/ skye ba med pa yid kyi rnam par shes pa zhes bya bar rnam par rtog par mi 'gyur ro/ /mig gi rnam par shes pa 'gag pa med ces bya bar rnam par rtog par mi 'gyur/ 'gag pa med pa mig gi rnam par shes pa zhes bya bar rnam par rtog par mi 'gyur ro/ /rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa 'gag pa med ces bya bar rnam par rtog par mi 'gyur/ 'gag pa med pa yid kyi rnam par shes pa zhes bya bar rnam par rtog par mi 'gyur ro/ /mig gi rnam par shes pa zhi zhes bya bar rnam par rtog par mi 'gyur/ zhi ba mig gi rnam par shes pa zhes bya bar rnam par rtog par mi 'gyur ro/ /rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa zhi zhes bya bar rnam par rtog par</font><hr>31.116a<br><font size=+1>

mi 'gyur/ zhi ba yid kyi rnam par shes pa zhes bya bar rnam par rtog par mi 'gyur ro/ /mig gi rnam par shes pa dben zhes bya bar rnam par rtog par mi 'gyur/ dben pa mig gi rnam par shes pa zhes bya bar rnam par rtog par mi 'gyur ro/ /rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa dben zhes bya bar rnam par rtog par mi 'gyur/ dben pa yid kyi rnam par shes pa zhes bya bar rnam par rtog par mi 'gyur ro/ /mig gi 'dus te reg pa stong zhes bya bar rnam par rtog par mi 'gyur/ stong pa nyid mig gi 'dus te reg pa zhes bya bar rnam par rtog par mi 'gyur ro/ /rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa stong zhes bya bar rnam par rtog par mi 'gyur/ stong pa nyid yid kyi 'dus te reg pa zhes bya bar rnam par rtog par mi 'gyur ro/ /mig gi 'dus te reg pa mtshan ma med ces bya bar rnam par rtog par mi 'gyur/ mtshan ma med pa mig gi 'dus te reg pa zhes bya bar rnam par rtog par mi 'gyur ro/ /rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa mtshan ma med ces bya bar rnam par rtog par mi 'gyur/ mtshan ma med pa yid kyi 'dus te reg pa zhes bya bar rnam par rtog par mi 'gyur ro/ /mig gi 'dus te reg pa smon pa med ces bya bar rnam par rtog par mi 'gyur/ smon pa med pa mig gi 'dus te reg pa zhes bya bar rnam par rtog par mi 'gyur ro/ /rna ba'i 'dus te reg pa dang / sna'i 'dus te reg pa dang / </font><hr>31.116b<br><font size=+1>

lce'i 'dus te reg pa dang / lus kyi 'dus te reg pa dang / yid kyi 'dus te reg pa smon pa med ces bya bar rnam par rtog par mi 'gyur/ smon pa med pa yid kyi 'dus te reg pa zhes bya bar rnam par rtog par mi 'gyur ro/ /mig gi 'dus te reg pa skye ba med ces bya bar rnam par rtog par mi 'gyur/ skye ba med pa mig gi 'dus te reg pa zhes bya bar rnam par rtog par mi 'gyur ro/ /rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa skye ba med ces bya bar rnam par rtog par mi 'gyur/ skye ba med pa yid kyi 'dus te reg pa zhes bya bar rnam par rtog par mi 'gyur ro/ /mig gi 'dus te reg pa 'gag pa med ces bya bar rnam par rtog par mi 'gyur/ 'gag pa med pa mig gi 'dus te reg pa zhes bya bar rnam par rtog par mi 'gyur ro/ /rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa 'gag pa med ces bya bar rnam par rtog par mi 'gyur/ 'gag pa med pa yid kyi 'dus te reg pa zhes bya bar rnam par rtog par mi 'gyur ro/ /mig gi 'dus te reg pa zhi zhes bya bar rnam par rtog par mi 'gyur/ zhi ba mig gi 'dus te reg pa zhes bya bar rnam par rtog par mi 'gyur ro/ /rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa zhi zhes bya bar rnam par rtog par mi 'gyur/ zhi ba yid kyi 'dus te reg pa zhes bya bar rnam par rtog par mi 'gyur ro/ /mig gi 'dus te reg pa dben zhes bya bar rnam par rtog par mi 'gyur/ dben pa mig gi 'dus te reg pa zhes bya bar rnam par rtog par mi 'gyur ro/ /rna ba'i 'dus te reg pa dang / </font><hr>31.117a<br><font size=+1>

sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa dben zhes bya bar rnam par rtog par mi 'gyur/ dben pa yid kyi 'dus te reg pa zhes bya bar rnam par rtog par mi 'gyur ro/ /mig gi 'dus te reg pa las byung ba'i tshor ba stong zhes bya bar rnam par rtog par mi 'gyur/ stong pa nyid mig gi 'dus te reg pa las byung ba'i tshor ba zhes bya bar rnam par rtog par mi 'gyur ro/ /rna ba'i 'dus te reg pa las byung ba'i tshor ba dang / sna'i 'dus te reg pa las byung ba'i tshor ba dang / lce'i 'dus te reg pa las byung ba'i tshor ba dang / lus kyi 'dus te reg pa las byung ba'i tshor ba dang / yid kyi 'dus te reg pa las byung ba'i tshor ba stong zhes bya bar rnam par rtog par mi 'gyur/ stong pa nyid yid kyi 'dus te reg pa las byung ba'i tshor ba zhes bya bar rnam par rtog par mi 'gyur ro/ /mig gi 'dus te reg pa las byung ba'i tshor ba mtshan ma med ces bya bar rnam par rtog par mi 'gyur/ mtshan ma med pa mig gi 'dus te reg pa las byung ba'i tshor ba zhes bya bar rnam par rtog par mi 'gyur ro/ /rna ba'i 'dus te reg pa las byung ba'i tshor ba dang / sna'i 'dus te reg pa las byung ba'i tshor ba dang / lce'i 'dus te reg pa las byung ba'i tshor ba dang / lus kyi 'dus te reg pa las byung ba'i tshor ba dang / yid kyi 'dus te reg pa las byung ba'i tshor ba mtshan ma med ces bya bar rnam par rtog par mi 'gyur/ mtshan ma med pa yid kyi 'dus te reg pa las byung ba'i tshor ba zhes bya bar rnam par rtog par mi 'gyur ro/ /mig gi 'dus te reg pa las byung ba'i tshor ba smon pa med ces bya bar rnam par rtog par mi 'gyur/ smon pa med pa mig gi 'dus te reg pa las byung ba'i tshor ba zhes bya bar rnam par rtog par mi 'gyur ro/ /rna ba'i 'dus te reg pa las</font><hr>31.117b<br><font size=+1>

byung ba'i tshor ba dang / sna'i 'dus te reg pa las byung ba'i tshor ba dang / lce'i 'dus te reg pa las byung ba'i tshor ba dang / lus kyi 'dus te reg pa las byung ba'i tshor ba dang / yid kyi 'dus te reg pa las byung ba'i tshor ba smon pa med ces bya bar rnam par rtog par mi 'gyur/ smon pa med pa yid kyi 'dus te reg pa las byung ba'i tshor ba zhes bya bar rnam par rtog par mi 'gyur ro/ /mig gi 'dus te reg pa las byung ba'i tshor ba skye ba med ces bya bar rnam par rtog par mi 'gyur/ skye ba med pa mig gi 'dus te reg pa las byung ba'i tshor ba zhes bya bar rnam par rtog par mi 'gyur ro/ /rna ba'i 'dus te reg pa las byung ba'i tshor ba dang / sna'i 'dus te reg pa las byung ba'i tshor ba dang / lce'i 'dus te reg pa las byung ba'i tshor ba dang / lus kyi 'dus te reg pa las byung ba'i tshor ba dang / yid kyi 'dus te reg pa las byung ba'i tshor ba skye ba med ces bya bar rnam par rtog par mi 'gyur/ skye ba med pa yid kyi 'dus te reg pa las byung ba'i tshor ba zhes bya bar rnam par rtog par mi 'gyur ro/ /mig gi 'dus te reg pa las byung ba'i tshor ba 'gag pa med ces bya bar rnam par rtog par mi 'gyur/ 'gag pa med pa mig gi 'dus te reg pa las byung ba'i tshor ba zhes bya bar rnam par rtog par mi 'gyur ro/ /rna ba'i 'dus te reg pa las byung ba'i tshor ba dang / sna'i 'dus te reg pa las byung ba'i tshor ba dang / lce'i 'dus te reg pa las byung ba'i tshor ba dang / lus kyi 'dus te reg pa las byung ba'i tshor ba dang / yid kyi 'dus te reg pa las byung ba'i tshor ba 'gag pa med ces bya bar rnam par rtog par mi 'gyur/ 'gag pa med pa yid kyi 'dus te reg pa las byung ba'i tshor ba zhes bya bar rnam par rtog par mi 'gyur ro/ /mig gi 'dus te reg pa las byung ba'i tshor ba zhi zhes bya bar rnam par rtog par mi 'gyur/ zhi ba mig gi 'dus te reg pa las byung ba'i</font><hr>31.118a<br><font size=+1>

tshor ba zhes bya bar rnam par rtog par mi 'gyur ro/ /rna ba'i 'dus te reg pa las byung ba'i tshor ba dang / sna'i 'dus te reg pa las byung ba'i tshor ba dang / lce'i 'dus te reg pa las byung ba'i tshor ba dang / lus kyi 'dus te reg pa las byung ba'i tshor ba dang / yid kyi 'dus te reg pa las byung ba'i tshor ba zhi zhes bya bar rnam par rtog par mi 'gyur/ zhi ba yid kyi 'dus te reg pa las byung ba'i tshor ba zhes bya bar rnam par rtog par mi 'gyur ro/ /mig gi 'dus te reg pa las byung ba'i tshor ba dben zhes bya bar rnam par rtog par mi 'gyur/ dben pa mig gi 'dus te reg pa las byung ba'i tshor ba zhes bya bar rnam par rtog par mi 'gyur ro/ /rna ba'i 'dus te reg pa las byung ba'i tshor ba dang / sna'i 'dus te reg pa las byung ba'i tshor ba dang / lce'i 'dus te reg pa las byung ba'i tshor ba dang / lus kyi lus te 'dus te reg pa las byung ba'i tshor ba dang / yid kyi 'dus te reg pa las byung ba'i tshor ba dben zhes bya bar rnam par rtog par mi 'gyur/ dben pa yid kyi 'dus te reg pa las byung ba'i tshor ba zhes bya bar rnam par rtog par mi 'gyur ro/ /sa'i khams stong zhes bya bar rnam par rtog par mi 'gyur/ stong pa nyid sa'i khams shes bya bar rnam par rtog par mi 'gyur ro/ /chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams stong zhes bya bar rnam par rtog par mi 'gyur/ stong pa nyid rnam par shes pa'i khams shes bya bar rnam par rtog par mi 'gyur ro/ /sa'i khams mtshan ma med ces bya bar rnam par rtog par mi 'gyur/ mtshan ma med pa sa'i khams shes bya bar rnam par rtog par mi 'gyur ro/ /</font><hr>31.118b<br><font size=+1>

chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams mtshan ma med ces bya bar rnam par rtog par mi 'gyur/ mtshan ma med pa rnam par shes pa'i khams shes bya bar rnam par rtog par mi 'gyur ro/ /sa'i khams smon pa med ces bya bar rnam par rtog par mi 'gyur/ smon pa med pa sa'i khams shes bya bar rnam par rtog par mi 'gyur ro/ /chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams smon pa med ces bya bar rnam par rtog par mi 'gyur/ smon pa med pa rnam par shes pa'i khams shes bya bar rnam par rtog par mi 'gyur ro/ sa'i khams skye ba med ces bya bar rnam par rtog par mi 'gyur/ skye ba med pa sa'i khams shes bya bar rnam par rtog par mi 'gyur ro/ /chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams skye ba med ces bya bar rnam par rtog par mi 'gyur/ skye ba med pa rnam par shes pa'i khams shes bya bar rnam par rtog par mi 'gyur ro/  /sa'i khams 'gag pa med ces bya bar rnam par rtog par mi 'gyur/ 'gag pa med pa sa'i khams shes bya bar rnam par rtog par mi 'gyur ro/ /chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams 'gag pa med ces bya bar rnam par rtog par mi 'gyur/ 'gag pa med pa rnam par shes pa'i khams shes bya bar rnam par rtog par mi 'gyur ro/ /sa'i khams zhi zhes bya bar rnam par rtog par mi 'gyur/ zhi ba sa'i khams shes bya bar rnam par rtog par mi 'gyur ro/ /chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams zhi zhes bya bar rnam par rtog par mi 'gyur/ zhi ba rnam par shes pa'i khams shes bya bar rnam par rtog par mi 'gyur ro/ /sa'i khams dben zhes bya bar rnam par rtog par mi 'gyur/ dben pa sa'i khams shes bya bar rnam par rtog par mi 'gyur ro/ /chu'i khams dang / me'i khams dang / rlung gi khams dang / nam mkha'i khams dang / </font><hr>31.119a<br><font size=+1>

sa'i khams dben zhes bya bar rnam par rtog par mi 'gyur/ dben pa sa'i khams shes bya bar rnam par rtog par mi 'gyur ro chu'i khams dang me'i khams dang rlung gi khams dang / nam mkha'i khams dang rnam par shes pa'i khams dben zhes bya bar rnam par rtog par mi 'gyur dben pa rnam par shes pa'i khams shes bya bar rnam par rtog par mi 'gyur ro/ /rnam par shes pa'i khams zhi zhes bya bar rnam par rtog par mi 'gyur zhi ba rnam par shes pa'i khams shes bya bar rnam par mi 'gyur ro//ma rig pa stong zhes bya ba rnam par rtog par mi 'gyur/ stong pa nyid ma rig pa zhes bya bar rnam par rtog par mi 'gyur ro/ /'du byed dang / rnam par shes pa dang / ming dang gzugs dang / skye mched drug dang / reg pa dang tshor ba dang sred pa dang len pa dang / srid pa dang skye ba dang / rga shi stong zhes bya bar rnam par rtog par mi 'gyur/ stong pa nyid rga shi zhes bya bar rnam par rtog par mi 'gyur ro/ /ma rig pa mtshan ma med ces bya bar rnam par rtog par mi 'gyur/ mtshan ma med pa ma rig pa zhes bya bar rnam par rtog par mi 'gyur ro/ /'du byed dang rnam par shes pa dang ming dang gzugs dang / skye mched drug dang / reg pa dang tshor ba dang / sred pa dang len pa dang / srid pa dang skye ba dang / rga shi mtshan ma med ces bya bar rnam par rtog par mi 'gyur/ mtshan ma med pa rga shi zhes bya bar rnam par rtog par mi 'gyur ro/ /ma rig pa smon pa med ces bya bar rnam par rtog par mi 'gyur/ smon pa med pa ma rig pa zhes bya bar rnam par rtog par mi 'gyur ro/ /'du byed dang / rnam par shes pa dang / ming dang gzugs dang / skye mched drug dang / reg pa dang / tshor ba dang / sred pa dang / len pa dang / srid pa dang / skye ba dang / rga shi smon pa med ces bya bar rnam par rtog par mi 'gyur/ smon pa med pa rga shi zhes bya bar rnam par rtog par mi 'gyur ro/ /ma rig pa skye ba med ces bya bar rnam par rtog par mi 'gyur/ skye ba med pa ma rig pa zhes bya bar rnam par rtog par mi 'gyur ro/ /'du byed dang / rnam par shes</font><hr>31.119b<br><font size=+1>

pa dang ming dang gzugs dang / skye mched drug dang / reg pa dang / tshor ba dang / sred pa dang len pa dang / srid pa dang skye ba dang / rga shi skye ba med ces bya bar rnam par rtog par mi 'gyur/ skye ba med pa rga shi zhes bya bar rnam par rtog par mi 'gyur ro/ /ma rig pa 'gag pa med ces bya bar rnam par rtog par mi 'gyur/ 'gag pa med pa ma rig pa zhes bya bar rnam par rtog par mi 'gyur ro/ /'du byed dang / rnam par shes pa dang / ming dang gzugs dang / skye mched drug dang / reg pa dang tshor ba dang / sred pa dang len pa dang / srid pa dang skye ba dang / rga shi 'gag pa med ces bya bar rnam par rtog par mi 'gyur/ 'gag pa med pa rga shi zhes bya bar rnam par rtog par mi 'gyur ro/ /ma rig pa zhi zhes bya bar rnam par rtog par mi 'gyur/ zhi ba ma rig pa zhes bya bar rnam par rtog par mi 'gyur ro/ /'du byed dang rnam par shes pa dang / ming dang gzugs dang skye mched drug dang / reg pa dang tshor ba dang / sred pa dang / len pa dang / srid pa dang / skye ba dang / rga shi zhi zhes bya bar rnam par rtog par mi 'gyur/ zhi ba rga shi zhes bya bar rnam par rtog par mi 'gyur ro/ /ma rig pa dben zhes bya bar rnam par rtog par mi 'gyur/ dben pa ma rig pa zhes bya bar rnam par rtog par mi 'gyur ro/ /'du byed dang / rnam par shes pa dang / ming dang gzugs dang skye mched drug dang / reg pa dang tshor ba dang / sred pa dang len pa dang / srid pa dang skye ba dang / rga shi dben zhes bya bar rnam par rtog par mi 'gyur/ dben pa rga shi zhes bya bar rnam par rtog par mi 'gyur ro/ /shes rab kyi pha rol du phyin pa stong phrag nyi shu lnga pa/ bam po nyer dgu pa/ sbyin pa'i pha rol du phyin pa stong zhes bya bar rnam par rtog par mi 'gyur/ stong pa</font><hr>31.120a<br><font size=+1>

nyid sbyin pa'i pha rol du phyin pa zhes bya bar rnam par rtog par mi 'gyur ro/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa stong zhes bya bar rnam par rtog par mi 'gyur/ stong pa nyid shes rab kyi pha rol du phyin pa zhes bya bar rnam par rtog par mi 'gyur ro/ /sbyin pa'i pha rol du phyin pa mtshan ma med ces bya bar rnam par rtog par mi 'gyur/ mtshan ma med pa sbyin pa'i pha rol du phyin pa zhes bya bar rnam par rtog par mi 'gyur ro/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa mtshan ma med ces bya bar rnam par rtog par mi 'gyur/ mtshan ma med pa shes rab kyi pha rol du phyin pa zhes bya bar rnam par rtog par mi 'gyur ro/ /sbyin pa'i pha rol du phyin pa smon pa med ces bya bar rnam par rtog par mi 'gyur/ smon pa med pa sbyin pa'i pha rol du phyin pa zhes bya bar rnam par rtog par mi 'gyur ro/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa smon pa med ces bya bar rnam par rtog par mi 'gyur/ smon pa med pa shes rab kyi pha rol du phyin pa zhes bya bar rnam par rtog par mi 'gyur ro/ /sbyin pa'i pha rol du phyin pa skye ba med ces bya bar rnam par rtog par mi 'gyur/ skye ba med pa sbyin pa'i pha rol du phyin pa zhes bya bar rnam par rtog par mi 'gyur ro/ /tshul khrims kyi pha rol du phyin pa dang / bzod pa'i pha rol du phyin pa dang / </font><hr>31.120b<br><font size=+1>

brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa skye ba med ces bya bar rnam par rtog par mi 'gyur/ skye ba med pa shes rab kyi pha rol du phyin pa zhes bya bar rnam par rtog par mi 'gyur ro/ /sbyin pa'i pha rol du phyin pa 'gag pa med ces bya bar rnam par rtog par mi 'gyur/ 'gag pa med pa sbyin pa'i pha rol du phyin pa zhes bya bar rnam par rtog par mi 'gyur ro/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa 'gag pa med ces bya bar rnam par rtog par mi 'gyur/ 'gag pa med pa shes rab kyi pha rol du phyin pa zhes bya bar rnam par rtog par mi 'gyur ro/ /sbyin pa'i pha rol du phyin pa zhi zhes bya bar rnam par rtog par mi 'gyur/ zhi ba sbyin pa'i pha rol du phyin pa zhes bya bar rnam par rtog par mi 'gyur ro/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa zhi zhes bya bar rnam par rtog par mi 'gyur/ zhi ba shes rab kyi pha rol du phyin pa zhes bya bar rnam par rtog par mi 'gyur ro/ /sbyin pa'i pha rol du phyin pa dben zhes bya bar rnam par rtog par mi 'gyur/ dben pa sbyin pa'i pha rol du phyin pa zhes bya bar rnam par rtog par mi 'gyur ro/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa dben zhes bya bar rnam par rtog par mi 'gyur/ dben pa shes rab kyi pha rol du phyin</font><hr>31.121a<br><font size=+1>

pa shes bya bar rnam par rtog par mi 'gyur ro/ /nang stong pa nyid stong zhes bya bar rnam par rtog par mi 'gyur/ stong pa nyid nang stong pa nyid ces bya bar rnam par rtog par mi 'gyur ro/ /dngos po med pa'i ngo bo nyid stong pa nyid kyi bar stong zhes bya bar rnam par rtog par mi 'gyur/ stong pa nyid dngos po med pa'i ngo bo nyid stong pa nyid ces bya bar rnam par rtog par mi 'gyur ro/ /nang stong pa nyid mtshan ma med ces bya bar rnam par rtog par mi 'gyur/ mtshan ma med pa nang stong pa nyid ces bya bar rnam par rtog par mi 'gyur ro/ /dngos po med pa'i ngo bo nyid stong pa nyid kyi bar mtshan ma med ces bya bar rnam par rtog par mi 'gyur/ mtshan ma med pa dngos po med pa'i ngo bo nyid stong pa nyid ces bya bar rnam par rtog par mi 'gyur ro/ /nang stong pa nyid smon pa med ces bya bar rnam par rtog par mi 'gyur/ smon pa med pa nang stong pa nyid ces bya bar rnam par rtog par mi 'gyur ro/ /dngos po med pa'i ngo bo nyid stong pa nyid kyi bar smon pa med ces bya bar rnam par rtog par mi 'gyur/ smon pa med pa dngos po med pa'i ngo bo nyid stong pa nyid ces bya bar rnam par rtog par mi 'gyur ro/ /nang stong pa nyid skye ba med ces bya bar rnam par rtog par mi 'gyur/ skye ba med pa nang stong pa nyid ces bya bar rnam par rtog par mi 'gyur ro/ /dngos po med pa'i ngo bo nyid stong pa nyid kyi bar skye ba med ces bya bar rnam par rtog par mi 'gyur/ skye ba med pa dngos po med pa'i ngo bo nyid stong pa nyid ces bya bar rnam par rtog par mi 'gyur ro/ /nang stong pa nyid 'gag pa med ces bya bar rnam par rtog par mi 'gyur/ 'gag pa med pa nang stong pa nyid ces bya bar rnam par rtog par mi 'gyur ro/ /dngos po med pa'i ngo bo nyid stong pa nyid kyi bar 'gag pa</font><hr>31.121b<br><font size=+1>

med ces bya bar rnam par rtog par mi 'gyur/ 'gag pa med pa dngos po med pa'i ngo bo nyid stong pa nyid ces bya bar rnam par rtog par mi 'gyur ro/ /nang stong pa nyid zhi zhes bya bar rnam par rtog par mi 'gyur/ zhi ba nang stong pa nyid ces bya bar rnam par rtog par mi 'gyur ro/ /dngos po med pa'i ngo bo nyid stong pa nyid kyi bar zhi zhes bya bar rnam par rtog par mi 'gyur/ zhi ba dngos po med pa'i ngo bo nyid stong pa nyid ces bya bar rnam par rtog par mi 'gyur ro/ /nang stong pa nyid dben zhes bya bar rnam par rtog par mi 'gyur/ dben pa nang stong pa nyid ces bya bar rnam par rtog par mi 'gyur ro/ /dngos po med pa'i ngo bo nyid stong pa nyid kyi bar dben zhes bya bar rnam par rtog par mi 'gyur/ dben pa dngos po med pa'i ngo bo nyid stong pa nyid ces bya bar rnam par rtog par mi 'gyur ro/ /dran pa nye bar gzhag pa rnams stong zhes bya bar rnam par rtog par mi 'gyur/ stong pa nyid dran pa nye bar gzhag pa rnams shes bya bar rnam par rtog par mi 'gyur ro/ /yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa stong zhes bya bar rnam par rtog par mi 'gyur/ stong pa nyid 'phags pa'i lam yan lag brgyad pa zhes bya bar rnam par rtog par mi 'gyur ro/ /dran pa nye bar gzhag pa rnams mtshan ma med ces bya bar rnam par rtog par mi 'gyur/ mtshan ma med pa dran pa nye bar gzhag pa rnams shes bya bar rnam par rtog par mi 'gyur ro/ /yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs</font><hr>31.122a<br><font size=+1>

rnams dang / byang chub kyi yan lag rnams dang / 'phags pa'i lam yan lag brgyad pa mtshan ma med ces bya bar rnam par rtog par mi 'gyur/ mtshan ma med pa 'phags pa'i lam yan lag brgyad pa zhes bya bar rnam par rtog par mi 'gyur ro/ /dran pa nye bar gzhag pa rnams smon pa med ces bya bar rnam par rtog par mi 'gyur/ smon pa med pa dran pa nye bar gzhag pa rnams shes bya bar rnam par rtog par mi 'gyur ro/ /yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa smon pa med ces bya bar rnam par rtog par mi 'gyur/ smon pa med pa 'phags pa'i lam yan lag brgyad pa zhes bya bar/ rnam par rtog par mi 'gyur ro/ /dran pa nye bar gzhag pa rnams skye ba med ces bya bar rnam par rtog par mi 'gyur/ skye ba med pa dran pa nye bar gzhag pa rnams shes bya bar rnam par rtog par mi 'gyur ro/ /yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa skye ba med ces bya bar rnam par rtog par mi 'gyur/ skye ba med pa 'phags pa'i lam yan lag brgyad pa zhes bya bar rnam par rtog par mi 'gyur ro/ /dran pa nye bar gzhag pa rnams 'gag pa med ces bya bar rnam par rtog par mi 'gyur/ 'gag pa med pa dran pa nye bar gzhag pa rnams shes bya bar rnam par rtog par mi 'gyur ro/ /yang dag</font><hr>31.122b<br><font size=+1>

par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa 'gag pa med ces bya bar rnam par rtog par mi 'gyur/ 'gag pa med pa 'phags pa'i lam yan lag brgyad pa zhes bya bar rnam par rtog par mi 'gyur ro/ /dran pa nye bar gzhag pa rnams zhi zhes bya bar rnam par rtog par mi 'gyur/ zhi ba dran pa nye bar gzhag pa rnams shes bya bar rnam par rtog par mi 'gyur ro/ /yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa zhi zhes bya bar rnam par/ rtog par mi 'gyur/ zhi ba 'phags pa'i lam yan lag brgyad pa zhes bya bar rnam par rtog par mi 'gyur ro/ /dran pa nye bar gzhag pa rnams dben zhes bya bar rnam par rtog par mi 'gyur/ dben pa dran pa nye bar gzhag pa rnams shes bya bar rnam par rtog par mi 'gyur ro/ /yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa dben zhes bya bar rnam par rtog par mi 'gyur/ dben pa 'phags pa'i lam yan lag brgyad pa zhes bya bar rnam par rtog par mi 'gyur ro/ /</font><hr>31.123a<br><font size=+1>

'phags pa'i bden pa rnams stong zhes bya bar rnam par rtog par mi 'gyur/ stong pa nyid 'phags pa'i bden pa rnams shes bya bar rnam par rtog par mi 'gyur ro/ /sangs rgyas kyi chos ma 'dres pa bcwa brgyad kyi bar stong zhes bya bar rnam par rtog par mi 'gyur/ stong pa nyid sangs rgyas kyi chos ma 'dres pa bcwo brgyad ces bya bar rnam par rtog par mi 'gyur ro/ /'phags pa'i bden pa rnams mtshan ma med ces bya bar rnam par rtog par mi 'gyur/ mtshan ma med pa 'phags pa'i bden pa rnams shes bya bar rnam par rtog par mi 'gyur ro/ /sangs rgyas kyi chos ma 'dres pa bcwa brgyad kyi bar mtshan ma med ces bya bar rnam par rtog par mi 'gyur/ mtshan ma med pa sangs rgyas kyi chos ma 'dres pa bcwa brgyad ces bya bar rnam par rtog par mi 'gyur ro/ /'phags pa'i bden pa rnams smon pa med ces bya bar rnam par rtog par mi 'gyur/ smon pa med pa 'phags pa'i bden pa rnams shes bya bar rnam par rtog par mi 'gyur ro/ /sangs rgyas kyi chos ma 'dres pa bcwa brgyad kyi bar smon pa med ces bya bar rnam par rtog par mi 'gyur/ smon pa med pa sangs rgyas kyi chos ma 'dres pa bcwa brgyad ces bya bar rnam par rtog par mi 'gyur ro/ /'phags pa'i bden pa rnams skye ba med ces bya bar rnam par rtog par</font><hr>31.123b<br><font size=+1>

mi 'gyur/ skye ba med pa 'phags pa'i bden pa rnams shes bya bar rnam par rtog par mi 'gyur ro/ /sangs rgyas kyi chos ma 'dres pa bcwa brgyad kyi bar skye ba med ces bya bar rnam par rtog par mi 'gyur/ skye ba med pa sangs rgyas kyi chos ma 'dres pa bcwa brgyad ces bya bar rnam par rtog par mi 'gyur ro/ /'phags pa'i bden pa rnams 'gag pa med ces bya bar rnam par rtog par mi 'gyur/ 'gag pa med pa 'phags pa'i bden pa rnams shes bya bar rnam par rtog par mi 'gyur ro/ /sangs rgyas kyi chos ma 'dres pa bcwa brgyad kyi bar 'gag pa med ces bya bar rnam par rtog par mi 'gyur/ 'gag pa med pa sangs rgyas kyi chos ma 'dres pa bcwa brgyad ces bya bar rnam par rtog par mi 'gyur ro/ /'phags pa'i bden pa rnams zhi zhes bya bar rnam par rtog par mi 'gyur/ zhi ba 'phags pa'i bden pa rnams shes bya bar rnam</font><hr>31.124a<br><font size=+1>

par rtog par mi 'gyur ro/ /sangs rgyas kyi chos ma 'dres pa bcwa brgyad kyi bar zhi zhes bya bar rnam par rtog par mi 'gyur/ zhi ba sangs rgyas kyi chos ma 'dres pa bcwa brgyad ces bya bar rnam par rtog par mi 'gyur ro/ /'phags pa'i bden pa rnams dben zhes bya bar rnam par rtog par mi 'gyur/ dben pa 'phags pa'i bden pa rnams shes bya bar rnam par rtog par mi 'gyur ro/ /sangs rgyas kyi chos ma 'dres pa bcwa brgyad kyi bar dben zhes bya bar rnam par rtog par mi 'gyur/ dben pa sangs rgyas kyi chos ma 'dres pa bcwa brgyad ces bya bar rnam par rtog par mi 'gyur ro/ /rgyun du zhugs pa'i 'bras bu stong zhes bya bar rnam par rtog par mi 'gyur/ stong pa nyid rgyun du zhugs pa'i 'bras bu zhes bya bar rnam par rtog par mi 'gyur ro/ /lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub dang / rnam pa thams cad mkhyen pa nyid stong zhes bya bar rnam par rtog par mi 'gyur/ stong pa nyid rnam pa thams cad mkhyen pa nyid ces bya bar rnam par rtog par mi 'gyur ro/ /rgyun du zhugs pa'i 'bras bu mtshan ma med ces bya bar rnam par rtog par mi 'gyur/ mtshan ma med pa rgyun du zhugs pa'i 'bras bu zhes bya bar rnam par rtog par mi 'gyur ro/ /lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub dang / rnam pa thams cad mkhyen pa nyid mtshan ma med ces bya bar rnam par rtog par mi 'gyur/ mtshan ma med pa rnam pa thams cad mkhyen pa nyid ces bya bar rnam par</font><hr>31.124b<br><font size=+1>

rtog par mi 'gyur ro/ /rgyun du zhugs pa'i 'bras bu smon pa med ces bya bar rnam par rtog par mi 'gyur/ smon pa med pa rgyun du zhugs pa'i 'bras bu zhes bya bar rnam par rtog par mi 'gyur ro/ /lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub dang / rnam pa thams cad mkhyen pa nyid smon pa med ces bya bar rnam par rtog par mi 'gyur/ smon pa med pa rnam pa thams cad mkhyen pa nyid ces bya bar rnam par rtog par mi 'gyur ro/ /rgyun du zhugs pa'i 'bras bu skye ba med ces bya bar rnam par rtog par mi 'gyur/ skye ba med pa rgyun du zhugs pa'i 'bras bu zhes bya bar rnam par rtog par mi 'gyur ro/ /lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub dang / rnam pa thams cad mkhyen pa nyid skye ba med ces bya bar rnam par rtog par mi 'gyur/ skye ba med pa rnam pa thams cad mkhyen pa nyid ces bya bar rnam par rtog par mi 'gyur ro/ /rgyun du zhugs pa'i 'bras bu 'gag pa med ces bya bar rnam par rtog par mi 'gyur/ 'gag pa med pa rgyun du zhugs pa'i 'bras bu zhes bya bar rnam par rtog par mi 'gyur ro/ /lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub dang / rnam pa thams cad mkhyen pa nyid 'gag pa med ces bya bar rnam par rtog par mi 'gyur/ 'gag pa med pa rnam pa thams cad mkhyen pa nyid ces bya bar rnam par rtog par mi 'gyur ro/ /rgyun du zhugs pa'i 'bras bu zhi zhes bya bar rnam par rtog par mi 'gyur/ zhi ba rgyun du zhugs pa'i 'bras bu zhes bya bar rnam par rtog par mi 'gyur ro/ /lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub dang / rnam pa thams cad</font><hr>31.125a<br><font size=+1>

mkhyen pa nyid zhi zhes bya bar rnam par rtog par mi 'gyur/ zhi ba rnam pa thams cad mkhyen pa nyid ces bya bar rnam par rtog par mi 'gyur ro/ /rgyun du zhugs pa'i 'bras bu dben zhes bya bar rnam par rtog par mi 'gyur/ dben pa rgyun du zhugs pa'i 'bras bu zhes bya bar rnam par rtog par mi 'gyur ro/ /lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub dang / rnam pa thams cad mkhyen pa nyid dben zhes bya bar rnam par rtog par mi 'gyur/ dben pa rnam pa thams cad mkhyen pa nyid ces bya bar rnam par rtog par mi 'gyur ro/ /'dus byas kyi khams stong zhes bya bar rnam par rtog par mi 'gyur/ stong pa nyid 'dus byas kyi khams shes bya bar rnam par rtog par mi 'gyur ro/ /'dus byas kyi khams mtshan ma med ces bya bar rnam par rtog par mi 'gyur/ mtshan ma med pa 'dus byas kyi khams shes bya bar rnam par rtog par mi 'gyur ro/ /'dus byas kyi khams smon pa med ces bya bar rnam par rtog par mi 'gyur/ smon pa med pa 'dus byas kyi khams shes bya bar rnam par rtog par mi 'gyur ro/ /'dus byas kyi khams skye ba med ces bya bar rnam par rtog par mi 'gyur/ skye ba med pa 'dus byas kyi khams shes bya bar rnam par rtog par mi 'gyur ro/ /'dus byas kyi khams 'gag pa med ces bya bar rnam par rtog par mi 'gyur/ 'gag pa med pa 'dus byas kyi khams shes bya bar rnam par rtog par mi 'gyur ro/ /'dus byas kyi khams zhi zhes bya bar rnam par rtog par mi 'gyur/ zhi ba 'dus byas kyi khams shes bya bar rnam par rtog par mi 'gyur ro/ /'dus byas kyi khams dben zhes bya bar rnam par rtog par mi 'gyur/ dben pa 'dus byas kyi khams shes bya bar rnam par rtog par mi 'gyur ro/ /'dus ma byas kyi khams stong zhes bya bar rnam par rtog par</font><hr>31.125b<br><font size=+1>

mi 'gyur/ stong pa nyid 'dus ma byas kyi khams shes bya bar rnam par rtog par mi 'gyur ro/ /'dus ma byas kyi khams mtshan ma med ces bya bar rnam par rtog par mi 'gyur/ mtshan ma med pa 'dus ma byas kyi khams shes bya bar rnam par rtog par mi 'gyur ro/ /'dus ma byas kyi khams smon pa med ces bya bar rnam par rtog par mi 'gyur/ smon pa med pa 'dus ma byas kyi khams shes bya bar rnam par rtog par mi 'gyur ro/ /'dus ma byas kyi khams skye ba med ces bya bar rnam par rtog par mi 'gyur/ skye ba med pa 'dus ma byas kyi khams shes bya bar rnam par rtog par mi 'gyur ro/ /'dus ma byas kyi khams 'gag pa med ces bya bar rnam par rtog par mi 'gyur/ 'gag pa med pa 'dus ma byas kyi khams shes bya bar rnam par rtog par mi 'gyur ro/ /'dus ma byas kyi khams zhi zhes bya bar rnam par rtog par mi 'gyur/ /zhi ba 'dus ma byas kyi khams shes bya bar rnam par rtog par mi 'gyur ro/ /'dus ma byas kyi khams dben zhes bya bar rnam par rtog par mi 'gyur/ dben pa 'dus ma byas kyi khams shes bya bar rnam par rtog par mi 'gyur ro/ /lha'i bu dag rnam grangs des na shes rab kyi pha rol du phyin pa de ltar zab pa nas/ de ltar shin du 'phags pa/ de ltar mkhas shing shes pas rig par bya ba'i bar de la/ yid ches par byed pa su yang med do/ /de ci'i phyir zhe na/ de ni 'di ltar 'di la chos gang yang ma brjod ma bshad de/ ji ltar 'di la chos gang yang ma brjod ma bshad pa de bzhin du/ 'di la sems can gang yang yid ches par mi byed do/ /de nas tshe dang ldan pa shA ra dwa ti'i bus/ tshe dang ldan pa rab 'byor la 'di skad ces smras so/ /tshe dang ldan pa rab 'byor 'o na shes rab kyi pha rol du phyin pa 'di las theg pa gsum po nyan thos kyi theg pa dang / rang sangs rgyas kyi theg pa dang yang dag par rdzogs pa'i sangs rgyas kyi theg pa rnams</font><hr>31.126a<br><font size=+1>

kyang rgya cher rnam par ma bkod dam/ byang chub sems dpa' sems dpa' chen po rnams yongs su gzung ba yang ma bstan tam/ sems dang po bskyed pa nas/ sems bcu pa bskyed pa'i bar gyi byang chub sems dpa'i lam 'di lta ste/ sbyin pa'i pha rol du phyin pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa dang / stong pa nyid thams cad dang / dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang stobs lnga dang / byang chub kyi yan lag bdun dang / 'phags pa'i lam yan lag brgyad pa dang / 'phags pa'i bden pa bzhi dang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / rnam par thar pa brgyad dang / mthar gyis gnas pa'i snyoms par 'jug pa dgu dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa lnga dang / ting nge 'dzin thams cad dang / gzungs kyi sgo thams cad dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad kyang ma bstan tam/ byang chub sems dpa' sems dpa' chen po rnams kyi mngon par shes pa dang / rdzu 'phrul gyis rnam par rtse ba rnams kyang ma bstan tam/ de nas byang chub sems dpa' sems dpa' chen po rnams kyang shes rab kyi pha rol du phyin pa la spyod cing rdzus te skye bar 'gyur zhes mi bya 'am/ des na mngon par shes pa rnams la yongs su nyam pa med pa'i chos can du 'gyur zhes mi bya 'am/ sangs rgyas kyi zhing nas sangs rgyas</font><hr>31.126b<br><font size=+1>

kyi zhing du 'dong zhing / dge ba'i rtsa ba gang gis sangs rgyas bcom ldan 'das de dag la rim gror bya ba dang / bkur stir bya ba dang / sti stang du bya ba dang / mchod par bya bar 'dod pa de lta bu'i dge ba'i rtsa ba de dag kyang phun sum tshogs par 'gyur zhes mi bya 'am/ sangs rgyas bcom ldan 'das de dag las chos gang thos pa de yang rnam pa thams cad mkhyen pa nyid thob par ma gyur gyi bar du nam yang rgyun chad par mi 'gyur ro zhes mi bya 'am/ 'khrug pa med pa dang / mnyam par gzhag pa med pa'i tshul gyis rtag tu mnyam par gzhag par 'gyur ro zhes mi bya 'am/ thogs pa med pa'i spobs pa dang / rgyun 'chad pa med pa'i spobs pa dang / mnyam par gzhag pa'i spobs pa dang / rigs pa'i spobs pa dang / 'brel ba'i spobs pa dang / don dang ldan pa'i spobs pa dang / 'jig rten thams cad las mngon par 'phags shing khyad zhugs pa'i spobs pa dang yang ldan par 'gyur zhes mi bya 'am/ rab 'byor gyis smras pa/ tshe dang ldan pa shA ra dwa ti'i bu/ de de bzhin no/ /ji skad du smras pa de de bzhin te/ shes rab kyi pha rol du phyin pa 'di las theg pa gsum po nyan thos kyi theg pa dang / rang sangs rgyas kyi theg pa dang / yang dag par rdzogs pa'i sangs rgyas kyi theg pa rnams kyang rgya cher bstan to/ /byang chub sems dpa' sems dpa' chen po yongs su gzung ba yang bstan/ 'jig rten thams cad las mngon par 'phags shing khyad zhugs pa'i spobs pa dang ldan pa'i bar du yang 'gyur zhes bya'o/ /de yang mi dmigs pa'i tshul gyis te/ gang mi dmigs pa'i tshul gyis shes na/ bdag mi dmigs pa'i tshul dang / sems can dang / srog dang / 'gro ba dang / gso ba dang / skyes bu dang / gang zag dang / shed can dang / shed bdag dang / byed pa po dang / tshor ba po</font><hr>31.127a<br><font size=+1>

dang / shes pa po dang / mthong ba po mi dmigs pa'i tshul dang / gzugs mi dmigs pa'i tshul dang / tshor ba dang 'du shes dang / 'du byed dang / rnam par shes pa mi dmigs pa'i tshul dang / mig mi dmigs pa'i tshul dang / rna ba dang sna dang / lce dang / lus dang / yid mi dmigs pa'i tshul dang / gzugs mi dmigs pa'i tshul dang / sgra dang / dri dang / ro dang / reg dang / chos mi dmigs pa'i tshul dang / mig gi rnam par shes pa mi dmigs pa'i tshul dang / rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa mi dmigs pa'i tshul dang / mig gi 'dus te reg pa mi dmigs pa'i tshul dang / rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa mi dmigs pa'i tshul dang / mig gi 'dus te reg pa las byung ba'i tshor ba mi dmigs pa'i tshul dang / rna ba'i 'dus te reg pa las byung ba'i tshor ba dang / sna'i 'dus te reg pa las byung ba'i tshor ba dang / lce'i 'dus te reg pa las byung ba'i tshor ba dang / lus kyi 'dus te reg pa las byung ba'i tshor ba dang / yid kyi 'dus te reg pa las byung ba'i tshor ba mi dmigs pa'i tshul dang / sa'i khams mi dmigs pa'i tshul dang / chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams mi dmigs pa'i tshul dang / ma rig pa mi dmigs pa'i tshul dang / 'du byed dang / rnam par shes pa dang / ming dang gzugs dang / skye mched drug dang / reg pa dang / </font><hr>31.127b<br><font size=+1>

tshor ba dang / sred pa dang / len pa dang / srid pa dang / skye ba dang / rga shi mi dmigs pa'i tshul dang / sbyin pa'i pha rol du phyin pa mi dmigs pa'i tshul dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa mi dmigs pa'i tshul dang / nang stong pa nyid mi dmigs pa'i tshul dang / dngos po med pa'i ngo bo nyid stong pa nyid kyi bar du mi dmigs pa'i tshul dang / dran pa nye bar gzhag pa rnams mi dmigs pa'i tshul dang / yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa mi dmigs pa'i tshul dang / 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa rnams dang / mthar gyis gnas pa'i snyoms par 'jug pa rnams dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad mi dmigs pa'i tshul dang / rnam pa thams cad mkhyen pa nyid kyi bar du mi dmigs pa'i tshul gyis rnam pa de lta bur 'gyur ro/ /de nas tshe dang ldan pa shA ra dwa ti'i bus/ tshe dang ldan pa rab 'byor la 'di skad ces smras so/ /</font><hr>31.128a<br><font size=+1>

tshe dang ldan pa rab 'byor ci'i phyir na shes rab kyi pha rol du phyin pa 'di las mi dmigs pa'i tshul gyis theg pa gsum rgya cher bstan/ ci'i phyir na mi dmigs pa'i tshul gyis byang chub sems dpa' sems dpa' chen po/ yongs su gzung ba bstan ci'i phyir na mi dmigs pa'i tshul gyis 'jig rten thams cad las mngon par 'phags shing khyad zhugs pa'i spobs pa dang ldan pa'i bar du yin/ de skad ces smras pa dang / tshe dang ldan pa rab 'byor gyis/ tshe dang ldan pa shA ra dwa ti'i bu la 'di skad ces smras so/ /tshe dang ldan pa shA ra dwa ti'i bu nang stong pa nyid dang / phyi stong pa nyid dang / phyi nang stong pa nyid kyi phyir mi dmigs pa'i tshul gyis theg pa gsum rgya cher bstan to/ /dngos po med pa'i ngo bo nyid stong pa nyid kyi bar gyi phyir mi dmigs pa'i tshul gyis theg pa gsum rgya cher bstan to/ /nang stong pa nyid dang / phyi stong pa nyid dang / phyi nang stong pa nyid kyi phyir mi dmigs pa'i tshul gyis byang chub sems dpa' sems dpa' chen po rnams yongs su gzung ba bstan to/ /mi dmigs pa'i tshul gyis byang chub sems dpa' sems dpa' chen po rnams 'jig rten thams cad las mngon par 'phags shing khyad zhugs pa'i spobs pa'i bar dang yang ldan par 'gyur ro/ /shes rab kyi pha rol du phyin pa stong phrag nyi shu lnga pa las/ le'u bcwa lnga pa'o// // de nas lha'i dbang po brgya byin 'di snyam du sems par gyur te/ gnas brtan rab 'byor gyis de ltar chos kyi char pa 'di phab ste bstan na/ de la bdag gis kyang shes rab kyi pha rol du phyin pa 'di la mchod pa bya ba'i phyir/ me tog mang po mngon par sprul te/ sangs rgyas bcom ldan 'das dang / byang chub sems dpa' sems dpa' chen po rnams dang / </font><hr>31.128b<br><font size=+1>

dge slong gi dge 'dun rnams dang / gnas brtan rab 'byor la gtor bar bya'o/ /mngon par gtor bar bya'o/ /rab tu gtor bar bya'o snyam mo/ /de nas stong gsum gyi stong chen po'i 'jig rten gyi khams 'di na rgyal chen bzhi'i ris kyi lha dang / 'og min gyi bar gyi lha ji snyed yod pa de dag kyang 'di snyam du sems par gyur te/ de ltar gnas brtan rab 'byor gyis chos kyi char pa 'di phab ste bstan na/ de la bdag cag gis shes rab kyi pha rol du phyin pa 'di la mchod pa bya ba'i phyir/ me tog mang po mngon par sprul te/ sangs rgyas bcom ldan 'das rnams dang / byang chub sems dpa' sems dpa' chen po rnams dang / dge slong gi dge 'dun rnams dang / gnas brtan rab 'byor la gtor bar bya'o/ /mngon par gtor bar bya'o/ /rab tu gtor bar bya'o snyam mo/ /de nas lha'i dbang po brgya byin dang / stong gsum gyi stong chen po'i 'jig rten gyi khams kyi rgyal chen bzhi'i ris kyi lha dang / 'og min gyi bar gyi lha de dag thams cad kyang / shes rab kyi pha rol du phyin pa 'di la mchod pa bya ba'i phyir/ lha rdzas kyi me tog man dA ra ba mang po mngon par sprul te/ sangs rgyas bcom ldan 'das dang / byang chub sems dpa' sems dpa' chen po rnams dang / dge slong gi dge 'dun rnams dang / gnas brtan rab 'byor la 'thor bar gyur to/ /mngon par 'thor bar gyur to/ /rab tu 'thor bar gyur to/ /me tog de dag gis gtor ma thag tu stong gsum gyi stong chen po'i 'jig rten gyi khams 'di'i gzhi me tog gis khebs par gyur nas/ steng gi bar snang la yang me tog gi khang pa brtsegs pa/ stong gsum gyi stong chen po'i 'jig rten gyi khams tsam mdangs dga' zhing yid du 'ong ba kun nas gnas par gyur to/ /de nas gnas brtan rab 'byor 'di snyam du sems par gyur te 'di ltar lha rnams kyis mngon par gtor ba'i me tog 'di</font><hr>31.129a<br><font size=+1>

dag ni bdag gis sngon chad lha'i gnas thams cad na yang yod par ma mthong ste/ me tog 'di dag ni sprul pa'o/ /'di ltar lha'i bu dag gis mngon par gtor ba'i me tog 'di dag ni ldum bu las byung ba ma yin/ chu las skyes pa ma yin/ thang las skyes pa ma yin no/ /'di ltar lha'i bu dag gis mngon par gtor ba'i me tog 'di dag ni yid las byung ba ste/ me tog 'di dag ni ldum bu las byung ba ma yin no snyam pa dang / de nas lha'i dbang po brgya byin gyis gnas brtan rab 'byor la 'di skad ces smras so/ /btsun pa rab 'byor me tog 'di dag ni ma byung ba ste/ me tog 'di dag ni yid las byung ba ma yin no/ /ldum bu las byung ba ma yin no snyam mo/ /rab 'byor gyis smras pa/ kau shi ka de skad du me tog 'di dag ma byung ma skyes pa ste/ me tog 'di dag yid las byung ba ma yin/ ldum bu las byung ba ma yin no zhes zer ba ni/ kau shi ka de ltar ma skyes pa ni me tog kyang ma yin no/ /brgya byin gyis smras pa/ btsun pa rab 'byor me tog 'di dag nyi tshe ma byung bar zad dam/ 'on tam gzugs kyang ma byung / tshor ba dang / 'du shes dang / 'du byed dang / rnam par shes pa yang ma byung ba yin/ rab 'byor gyis smras pa/ kau shi ka me tog 'di dag nyi tshe ma byung bar ma zad kyi/ kau shi ka gzugs kyang ma byung ba ste/ gang ma byung ba de ni gzugs ma yin no/ /kau shi ka tshor ba dang / 'du shes dang 'du byed dang / rnam par shes pa yang ma byung ba ste/ gang ma byung ba de ni rnam par shes pa ma yin no/ /kau shi ka mig ni ma byung ba ste/ gang ma byung ba de ni mig ma yin no/ /kau shi ka rna ba dang / sna dang lce dang lus dang / yid ni ma byung ba ste/ gang ma byung ba de ni yid ma yin no/ /kau shi ka gzugs ni ma byung ba ste/ gang ma byung ba de ni gzugs ma yin no/ /kau shi ka sgra dang / dri dang / ro dang / reg dang chos ni ma byung ba ste/ gang ma</font><hr>31.129b<br><font size=+1>

byung ba de ni chos ma yin no/ /kau shi ka mig gi rnam par shes pa ni ma byung ba ste/ gang ma byung ba de ni mig gi rnam par shes pa ma yin no/ /kau shi ka rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa ni ma byung ba ste/ gang ma byung ba de ni yid kyi rnam par shes pa ma yin no/ /kau shi ka mig gi 'dus te reg pa ni ma byung ba ste/ gang ma byung ba de ni mig gi 'dus te reg pa ma yin no/ /kau shi ka rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa ni ma byung ba ste/ gang ma byung ba de ni yid kyi 'dus te reg pa ma yin no/ /kau shi ka mig gi 'dus te reg pa las byung ba'i tshor ba ni ma byung ba ste/ gang ma byung ba de ni mig gi 'dus te reg pa las byung ba'i tshor ba ma yin no/ /kau shi ka rna ba'i 'dus te reg pa las byung ba'i tshor ba dang / sna'i 'dus te reg pa las byung ba'i tshor ba dang / lce'i 'dus te reg pa las byung ba'i tshor ba dang / lus kyi 'dus te reg pa las byung ba'i tshor ba dang / yid kyi 'dus te reg pa las byung ba'i tshor ba ni ma byung ba ste/ gang ma byung ba de ni yid kyi 'dus te reg pa las byung ba'i tshor ba ma yin no/ /kau shi ka sa'i khams ni ma byung ba ste/ gang ma byung ba de ni sa'i khams ma yin no/ /kau shi ka chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams ni ma byung ba ste/ gang ma byung ba de ni rnam par shes pa'i khams ma yin no/ /kau shi ka ma rig pa ni ma byung ba ste/ gang ma byung ba de ni ma rig pa ma yin no/ /kau shi ka 'du byed dang / rnam par shes pa dang ming dang gzugs dang / skye mched drug dang / </font><hr>31.130a<br><font size=+1>

reg pa dang / tshor ba dang / sred pa dang / len pa dang / srid pa dang skye ba dang / rga shi ni ma byung ba ste/ gang ma byung ba de ni rga shi ma yin no/ /kau shi ka sbyin pa'i pha rol du phyin pa ni ma byung ba ste/ gang ma byung ba de ni sbyin pa'i pha rol du phyin pa ma yin no/ /kau shi ka tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa ni ma byung ba ste/ gang ma byung ba de ni shes rab kyi pha rol du phyin pa ma yin no/ /kau shi ka nang stong pa nyid ni ma byung ba ste/ gang ma byung ba de ni nang stong pa nyid ma yin no/ /kau shi ka dngos po med pa'i ngo bo nyid stong pa nyid kyi bar ni ma byung ba ste/ gang ma byung ba de ni dngos po med pa'i ngo bo nyid stong pa nyid ma yin no/ /kau shi ka dran pa nye bar gzhag pa rnams ni ma byung ba ste/ gang ma byung ba de ni dran pa nye bar gzhag pa rnams ma yin no/ /kau shi ka yang dag par spong ba dang / rdzu 'phrul gyi rkang pa dang / dbang po dang stobs dang / byang chub kyi yan lag dang / 'phags pa'i lam yan lag brgyad pa ni ma byung ba ste/ gang ma byung ba de ni 'phags pa'i lam yan lag brgyad pa ma yin no/ /kau shi ka 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs dang / mi 'jigs pa dang / so so yang dag par rig pa dang / byams pa chen po dang / snying rje chen po dang / sangs rgyas kyi chos ma 'dres pa rnams ni</font><hr>31.130b<br><font size=+1>

ma byung ba ste/ gang ma byung ba de ni sangs rgyas kyi chos ma 'dres pa rnams ma yin no/ /kau shi ka rgyun du zhugs pa'i 'bras bu ni ma byung ba ste/ gang ma byung ba de ni rgyun du zhugs pa'i 'bras bu ma yin no/ /kau shi ka lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub ni ma byung ba ste/ gang ma byung ba de ni rang byang chub ma yin no/ /kau shi ka rnam pa thams cad mkhyen pa nyid ni ma byung ba ste/ gang ma byung ba de ni rnam pa thams cad mkhyen pa nyid ma yin no/ /kau shi ka rgyun du zhugs pa ni ma byung ba ste/ gang ma byung ba de ni rgyun du zhugs pa ma yin no/ /kau shi ka lan gcig phyir 'ong ba dang / phyir mi 'ong ba dang / dgra bcom pa nyid ni ma byung ba ste/ gang ma byung ba de ni dgra bcom pa ma yin no/ /kau shi ka rang sangs rgyas ni ma byung ba ste/ gang ma byung ba de ni rang sangs rgyas ma yin no/ /kau shi ka byang chub sems dpa' ni ma byung ba ste/ gang ma byung ba de ni byang chub sems dpa' ma yin no/ /kau shi ka de bzhin gshegs pa ni ma byung ba ste/ gang ma byung ba de ni de bzhin gshegs pa ma yin no/ /de nas lha'i dbang po brgya byin 'di snyam du sems par gyur te/ kye ma gnas brtan rab 'byor 'di ltar btags pa dang yang mi 'gal la/ chos nyid kyang ston pa ni/ shes rab zab bo/ /de nas bcom ldan 'das kyis lha'i dbang po brgya byin la bka' stsal pa/ de de bzhin no/ /kau shi ka de de bzhin te/ gnas brtan rab 'byor 'di ni shes rab zab mo dang ldan pa ste/ de ltar btags pa dang yang mi 'gal la/ chos nyid kyang ston to/ /de nas lha'i dbang po brgya byin gyis gsol pa/ bcom ldan 'das ji ltar gnas brtan rab 'byor</font><hr>31.131a<br><font size=+1>

'di btags pa dang yang mi 'gal/ chos nyid kyang ston pa lags/ de skad ces gsol pa dang / bcom ldan 'das kyis lha'i dbang po brgya byin la 'di skad ces bka' stsal to/ /kau shi ka gzugs ni btags pa tsam mo/ /btags pa tsam gang yin pa de ni chos nyid de/ de ni gnas brtan rab 'byor gyis mi 'gal ba bstan to/ /kau shi ka tshor ba dang / 'du shes dang 'du byed dang / rnam par shes pa ni btags pa tsam mo/ /btags pa tsam gang yin pa de ni chos nyid de/ de ni gnas brtan rab 'byor gyis mi 'gal ba bstan to/ /kau shi ka de ci'i phyir zhe na/ chos rnams kyi chos nyid gang yin pa de ni mi 'gal rnam par mi 'gal lo/ /gang mi 'gal rnam par mi 'gal ba de ni gnas brtan rab 'byor gyis bstan te 'gal ba med do/ /kau shi ka skye mched dang khams dang rten cing 'brel bar 'byung ba ni btags pa tsam mo/ /btags pa tsam gang yin pa de ni chos nyid de/ de ni gnas brtan rab 'byor gyis mi 'gal ba bstan to/ /kau shi ka de ci'i phyir zhe na/ chos nyid gang yin pa de ni mi 'gal rnam par mi 'gal lo/ /gang mi 'gal rnam par mi 'gal ba de ni gnas brtan rab 'byor gyis bstan te 'gal ba med do/ /kau shi ka sbyin pa'i pha rol du phyin pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa dang / nang stong pa nyid dang / dngos po med pa'i ngo bo nyid stong pa nyid kyi bar dang / dran pa nye bar gzhag pa rnams dang / yang dag par spong ba rnams dang rdzu 'phrul gyi rkang</font><hr>31.131b<br><font size=+1>

pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa dang / 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad ni btags pa tsam mo/ /btags pa tsam gang yin pa de ni chos nyid de/ de ni gnas brtan rab 'byor gyis mi 'gal bar bstan to/ /kau shi ka de ci'i phyir zhe na/ chos rnams kyi chos nyid gang yin pa de ni mi 'gal rnam par mi 'gal lo/ /gang mi 'gal rnam par mi 'gal ba de ni gnas brtan rab 'byor gyis bstan te 'gal ba med do/ /rgyun du zhugs pa'i 'bras bu dang / /lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub ni btags pa tsam mo/ /btags pa tsam gang yin pa de ni chos nyid de/ de ni gnas brtan rab 'byor gyis mi 'gal bar bstan to/ /kau shi ka rnam pa thams cad mkhyen pa nyid ni btags pa tsam mo/ /btags pa tsam gang yin pa de ni chos nyid de/ de ni gnas brtan rab 'byor gyis mi 'gal bar bstan to/ /kau shi ka rgyun du zhugs pa ni btags pa tsam mo/ /btags pa tsam gang yin pa de ni chos nyid de/ de ni gnas</font><hr>31.132a<br><font size=+1>

brtan rab 'byor gyis mi 'gal bar bstan to/ /kau shi ka lan gcig phyir 'ong ba dang / phyir mi 'ong ba dang / dgra bcom pa dang / rang sangs rgyas dang / byang chub sems dpa' dang / yang dag par rdzogs pa'i sangs rgyas ni btags pa tsam mo/ /btags pa tsam gang yin pa de ni chos nyid de/ de ni gnas brtan rab 'byor gyis mi 'gal bar bstan to/ /kau shi ka de ci'i phyir zhe na/ chos rnams kyi chos nyid gang yin pa de ni mi 'gal rnam par mi 'gal lo/ /gang mi 'gal rnam par mi 'gal ba de ni gnas brtan rab 'byor gyis bstan te 'gal ba med do/ /kau shi ka de ltar na gnas brtan rab 'byor ni btags pa dang yang 'gal bar mi byed la chos nyid kyang ston to/ /de nas tshe dang ldan pa rab 'byor gyis lha'i dbang po brgya byin la 'di skad ces smras so/ /kau shi ka de de bzhin no/ /de de bzhin te/ bcom ldan 'das kyis kyang chos thams cad ni btags pa tsam du bstan to/ /kau shi ka byang chub sems dpa' sems dpa' chen pos kyang de ltar chos thams cad btags pa tsam du rig par bya ste/ shes rab kyi pha rol du phyin pa la bslab par bya'o/ /kau shi ka byang chub sems dpa' sems dpa' chen po de ltar slob pa ni gzugs la mi slob ste/ de ci'i phyir zhe na/ 'di ltar des gang la bslab par bya ba'i gzugs de yang dag par rjes su mi mthong ngo / /tshor ba dang 'du shes dang / 'du byed dang / rnam par shes pa la mi slob ste/ de ci'i phyir zhe na/ 'di ltar des gang la bslab par bya ba'i rnam par shes pa de yang dag par rjes su mi mthong ngo / /byang chub sems dpa' sems dpa' chen po de ltar slob pa ni mig la mi slob ste/ de ci'i phyir zhe na/  </font><hr>31.132b<br><font size=+1>

'di ltar des gang la bslab par bya ba'i mig de yang dag par rjes su mi mthong ngo / /rna ba dang / sna dang lce dang / lus dang yid la mi slob ste/ de ci'i phyir zhe na/ 'di ltar des gang la bslab par bya ba'i yid de yang dag par rjes su mi mthong ngo / /byang chub sems dpa' sems dpa' chen po de ltar slob pa ni gzugs la mi slob ste/ de ci'i phyir zhe na/ 'di ltar des gang la bslab par bya ba'i gzugs de yang dag par rjes su mi mthong ngo / /sgra dang / dri dang / ro dang / reg dang / chos la mi slob ste/ de ci'i phyir zhe na/ 'di ltar des gang la bslab par bya ba'i chos de yang dag par rjes su mi mthong ngo / /byang chub sems dpa' sems dpa' chen po de ltar slob pa ni mig gi rnam par shes pa la mi slob ste/ de ci'i phyir zhe na/ 'di ltar des gang la bslab par bya ba'i mig gi rnam par shes pa de yang dag par rjes su mi mthong ngo / /rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa la mi slob ste/ de ci'i phyir zhe na/ 'di ltar des gang la bslab par bya ba'i yid kyi rnam par shes pa de yang dag par rjes su mi mthong ngo / /byang chub sems dpa' sems dpa' chen po de ltar slob pa ni mig gi 'dus te reg pa la mi slob ste/ de ci'i phyir zhe na/ 'di ltar des gang la bslab par bya ba'i mig gi 'dus te reg pa de yang dag par rjes su mi mthong ngo / /rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa la mi slob ste/ de ci'i phyir zhe na/ 'di ltar des gang la bslab par bya ba'i yid kyi 'dus te reg pa de yang dag par rjes su mi mthong ngo / /byang chub sems</font><hr>31.133a<br><font size=+1>

dpa' sems dpa' chen po de ltar slob pa ni mig gi 'dus te reg pa'i rkyen gyis tshor ba la mi slob ste/ de ci'i phyir zhe na/ 'di ltar des gang la bslab par bya ba'i mig gi 'dus te reg pa'i rkyen gyis tshor ba de yang dag par rjes su mi mthong ngo / /rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba la mi slob ste/ de ci'i phyir zhe na/ 'di ltar des gang la bslab par bya ba'i yid kyi 'dus te reg pa'i rkyen gyis tshor ba de yang dag par rjes su mi mthong ngo / /byang chub sems dpa' sems dpa' chen po de ltar slob pa ni sa'i khams la mi slob ste/ de ci'i phyir zhe na/ 'di ltar des gang la bslab par bya ba'i sa'i khams de yang dag par rjes su mi mthong ngo / /chu dang me dang / rlung dang / nam mkha' dang / rnam par shes pa'i khams la mi slob ste/ de ci'i phyir zhe na/ 'di ltar des gang la bslab par bya ba'i rnam par shes pa'i khams de yang dag par rjes su mi mthong ngo / /byang chub sems dpa' sems dpa' chen po de ltar slob pa ni ma rig pa la mi slob ste/ de ci'i phyir zhe na/ 'di ltar des gang la bslab par bya ba'i ma rig pa de yang dag par rjes su mi mthong ngo / /'du byed dang / rnam par shes pa dang / ming dang gzugs dang / skye mched drug dang / reg pa dang / tshor ba dang / sred pa dang / len pa dang / srid pa dang / skye ba dang / rga shi la mi slob ste/ de ci'i phyir zhe na/ 'di ltar des gang la bslab par bya ba'i rga shi de yang dag par rjes su mi mthong ngo / /byang chub sems dpa' sems dpa' chen po de ltar slob pa ni/ sbyin pa'i pha rol du phyin pa la mi slob ste/ de ci'i phyir zhe na/ 'di ltar des gang la bslab par</font><hr>31.133b<br><font size=+1>

bya ba'i sbyin pa'i pha rol du phyin pa de yang dag par rjes su mi mthong ngo / /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la mi slob ste/ de ci'i phyir zhe na/ 'di ltar des gang la bslab par bya ba'i shes rab kyi pha rol du phyin pa de yang dag par rjes su mi mthong ngo / /byang chub sems dpa' sems dpa' chen po de ltar slob pa ni/ nang stong pa nyid la mi slob ste/ de ci'i phyir zhe na/ 'di ltar des gang la bslab par bya ba'i nang stong pa nyid de yang dag par rjes su mi mthong ngo / /dngos po med pa'i ngo bo nyid stong pa nyid kyi bar la mi slob ste/ de ci'i phyir zhe na/ 'di ltar des gang la bslab par bya ba'i dngos po med pa'i ngo bo nyid stong pa nyid kyi bar de yang dag par rjes su mi mthong ngo / /byang chub sems dpa' sems dpa' chen po de ltar slob pa ni/ dran pa nye bar gzhag pa bzhi la mi slob ste/ de ci'i phyir zhe na/ 'di ltar des gang la bslab par bya ba'i dran pa nye bar gzhag pa de dag yang dag par rjes su mi mthong ngo / /yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa la mi slob ste/ de ci'i phyir zhe na/ 'di ltar des gang la bslab par bya ba'i 'phags pa'i lam yan lag brgyad pa de yang dag par rjes su mi mthong ngo / /'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs</font><hr>31.134a<br><font size=+1>

kyi sgo dang / de bzhin gshegs pa'i stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa rnams la mi slob ste/ de ci'i phyir zhe na/ 'di ltar des gang la bslab par bya ba'i sangs rgyas kyi chos ma 'dres pa de dag yang dag par rjes su mi mthong ngo / /rgyun du zhugs pa'i 'bras bu dang / lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub nyid la mi slob/ lam gyi rnam pa shes pa nyid la mi slob/ rnam pa thams cad mkhyen pa nyid la mi slob ste/ de ci'i phyir zhe na/ 'di ltar des gang la bslab par bya ba'i rnam pa thams cad mkhyen pa nyid de yang dag par rjes su mi mthong ngo / /de nas lha'i dbang po brgya byin gyis/ gnas brtan rab 'byor la 'di skad ces smras so/ /btsun pa rab 'byor byang chub sems dpa' sems dpa' chen pos ci'i phyir na/ gzugs yang dag par rjes su mi mthong / ci'i phyir na tshor ba dang / 'du shes dang / 'du byed dang / rnam par shes pa yang dag par rjes su mi mthong / ci'i phyir na skye mched dang / khams dang / rten cing 'brel bar 'byung ba yang dag par rjes su mi mthong / ci'i phyir na pha rol du phyin pa rnams dang / stong pa nyid thams cad dang / byang chub kyi phyogs kyi chos rnams yang dag par rjes su mi mthong / ci'i phyir na 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / </font><hr>31.134b<br><font size=+1>

so so yang dag par rig pa bzhi dang / sangs rgyas kyi chos ma 'dres pa bcwa brgyad yang dag par rjes su mi mthong / rnam pa thams cad mkhyen pa nyid kyi bar du yang dag par rjes su mi mthong / rab 'byor gyis smras pa/ kau shi ka de ni 'di ltar gzugs gzugs kyis stong ngo / /tshor ba tshor bas stong ngo / /'du shes 'du shes kyis stong ngo / /'du byed 'du byed kyis stong ngo / /rnam par shes pa rnam par shes pas stong ngo / /skye mched dang / khams dang / rten cing 'brel bar 'byung ba rten cing 'brel bar 'byung bas stong ngo / /pha rol du phyin pa rnams dang / stong pa nyid thams cad dang / byang chub kyi phyogs kyi chos sum bcu rtsa bdun dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad dang / rnam pa thams cad mkhyen pa nyid kyi bar rnam pa thams cad mkhyen pa nyid kyis stong ngo / /kau shi ka gzugs stong pa nyid kyis gzugs stong pa nyid yang dag par rjes su mi mthong ngo / /tshor ba stong pa nyid kyis tshor ba stong pa nyid yang dag par rjes su mi mthong ngo / /'du shes stong pa nyid kyis 'du shes stong pa nyid yang dag par rjes su mi mthong ngo / /'du byed stong pa nyid kyis 'du byed stong pa nyid yang dag par rjes su mi mthong ngo / /</font><hr>31.135a<br><font size=+1>

rnam par shes pa stong pa nyid kyis rnam par shes pa stong pa nyid yang dag par rjes su mi mthong ngo / /rnam pa thams cad mkhyen pa nyid kyi bar gyi stong pa nyid kyis/ rnam pa thams cad mkhyen pa nyid kyis stong pa nyid yang dag par rjes su mi mthong ngo / /kau shi ka de ltar gang stong pa nyid 'di la slob pa de ni gnyis su med pas stong pa nyid la slob pa ste/ de gnyis su byar med par gzugs stong pa nyid la slob bo/ /de gnyis su byar med par tshor ba stong pa nyid dang / 'du shes stong pa nyid dang / 'du byed stong pa nyid dang / rnam par shes pa stong pa nyid la slob po/ /de gnyis su byar med par skye mched dang / khams dang / rten cing 'brel bar 'byung ba stong pa nyid la slob bo/ /de gnyis su byar med par pha rol du phyin pa rnams dang / stong pa nyid thams cad dang / byang chub kyi phyogs kyi chos sum bcu rtsa bdun dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang de bzhin gshegs pa'i stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa rnams dang / rnam pa thams cad mkhyen pa nyid kyi bar stong pa nyid la slob po/ /kau shi ka gzugs stong pa nyid la gang gnyis su byar med par slob pa dang / tshor ba dang / 'du shes dang / 'du byed dang / rnam par shes pa stong pa nyid la gang gnyis su byar med par slob pa dang / rnam pa thams cad mkhyen pa nyid kyi bar stong pa nyid la gang gnyis su byar med par slob pa de ni/ gnyis su byar med par sbyin pa'i pha</font><hr>31.135b<br><font size=+1>

rol du phyin pa la slob po/ /de gnyis su byar med par tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la slob po/ /de ni gnyis su byar med par nang stong pa nyid la slob po/ /dngos po med pa'i ngo bo nyid stong pa nyid kyi bar la slob po/ /de ni gnyis su byar med par dran pa nye bar gzhag pa rnams la slob po/ /de ni gnyis su byar med par yang dag par spong ba dang / rdzu 'phrul gyi rkang pa dang / dbang po dang / stobs dang byang chub kyi yan lag dang / 'phags pa'i lam yan lag brgyad pa la slob po/ /de ni gnyis su byar med par 'phags pa'i bden pa dang / bsam gtan dang / tshad med pa dang gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa rnams la slob po/ /de ni gnyis su byar med par rgyun du zhugs pa'i 'bras bu dang / lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub dang / sangs rgyas nyid dang / thams cad mkhyen pa nyid dang / rnam pa thams cad mkhyen pa nyid la slob po/ /gnyis su byar med par sbyin pa'i pha rol du phyin pa la gang slob pa dang / gnyis su byar med par tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la</font><hr>31.136a<br><font size=+1>

gang slob pa dang / gnyis su byar med par nang stong pa nyid la gang slob pa dang / gnyis su byar med par dngos po med pa'i ngo bo nyid stong pa nyid kyi bar la gang slob pa dang / gnyis su byar med par dran pa nye bar gzhag pa rnams la gang slob pa dang / gnyis su byar med par 'phags pa'i lam yan lag brgyad pa'i bar la gang slob pa dang / gnyis su byar med par sangs rgyas kyi chos ma 'dres pa bcwa brgyad kyi bar la gang slob pa dang / gnyis su byar med par rgyun du zhugs pa'i 'bras bu la gang slob pa dang / gnyis su byar med par dgra bcom pa nyid kyi bar la gang slob pa dang / gnyis su byar med par rang byang chub la gang slob pa dang / gnyis su byar med par sangs rgyas nyid la gang slob pa dang / gnyis su byar med par thams cad mkhyen pa nyid la gang slob pa dang / gnyis su byar med par rnam pa thams cad mkhyen pa nyid kyi bar la gang slob pa de ni/ gnyis su byar med par sangs rgyas kyi chos grangs med tshad med pa la slob po/ /gnyis su byar med par sangs rgyas kyi chos grangs med tshad med pa la gang slob pa de ni/ gzugs 'phel bar bya ba dang 'grib par bya ba'i phyir mi slob po/ /tshor ba dang / 'du shes dang / 'du byed dang / rnam par shes pa 'phel bar bya ba dang 'grib par bya ba'i phyir mi slob po/ /skye mched dang / khams 'phel bar bya ba dang 'grib par bya ba'i phyir mi slob po/ /rten cing 'brel bar 'byung ba 'phel bar bya ba dang 'grib par bya ba'i phyir mi slob po/ /sbyin pa'i pha rol du phyin pa 'phel bar bya ba dang 'grib par bya ba'i phyir mi slob po/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du</font><hr>31.136b<br><font size=+1>

phyin pa dang / shes rab kyi pha rol du phyin pa 'phel bar bya ba dang 'grib par bya ba'i phyir mi slob po/ /nang stong pa nyid dang / phyi stong pa nyid dang / phyi nang stong pa nyid dang / dngos po med pa'i ngo bo nyid stong pa nyid kyi bar 'phel bar bya ba dang 'grib par bya ba'i phyir mi slob po/ /dran pa nye bar gzhag pa rnams 'phel bar bya ba dang 'grib par bya ba'i phyir mi slob po/ /yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa 'phel bar bya ba dang 'grib par bya ba'i phyir mi slob po/ /'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa rnams dang / mthar gyis gnas pa'i snyoms par 'jug pa rnams dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa bcwa brgyad 'phel bar bya ba dang 'grib par bya ba'i phyir mi slob po/ /rnam pa thams cad mkhyen pa nyid kyi bar 'phel bar bya ba dang 'grib par bya ba'i phyir mi slob po/ /de ltar gang gzugs 'phel bar bya ba dang 'grib par bya ba'i phyir mi slob pa dang / tshor ba dang / 'du shes dang 'du byed dang / rnam par shes pa 'phel bar bya ba dang 'grib par bya ba'i phyir mi slob pa dang rnam pa thams cad mkhyen pa nyid kyi bar 'phel bar bya ba dang 'grib par bya ba'i phyir mi slob pa de ni/ gzugs yongs su gzung ba dang / med par bya ba'i phyir mi slob bo tshor ba dang 'du shes dang / </font><hr>31.137a<br><font size=+1>

'du byed dang / rnam par shes pa yongs su gzung ba dang / med par bya ba'i phyir mi slob po/ /skye mched dang khams dang / rten cing 'brel par 'byung ba yongs su gzung ba dang / med par bya ba'i phyir mi slob po/ /pha rol du phyin pa rnams dang / stong pa nyid thams cad dang / byang chub kyi phyogs kyi chos sum bcu rtsa bdun dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang mtshan ma med pa dang / smon pa med pa dang / mngon par shes pa dang ting nge 'dzin dang / gzungs kyi sgo dang de bzhin gshegs pa'i stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa rnams yongs su gzung ba dang / med par bya ba'i phyir mi slob bo/ /rnam pa thams cad mkhyen pa nyid kyi bar yongs su gzung ba dang med par bya ba'i phyir mi slob po/ /shes rab kyi pha rol du phyin pa stong phrag nyi shu lnga pa/ bam po sum bcu pa/ de nas tshe dang ldan pa shA ra dwa ti'i bus tshe dang ldan pa rab 'byor la 'di skad ces smras so/ /tshe dang ldan pa rab 'byor de ltar slob pa'i byang chub sems dpa' sems dpa' chen po gzugs yongs su gzung ba dang / med par bya ba'i phyir mi slob pa yin nam/ tshor ba dang / 'du shes dang / 'du byed dang / rnam par shes pa yongs su gzung ba dang / med par bya ba'i phyir mi slob pa yin nam/ rnam pa thams cad mkhyen pa nyid kyi bar du yongs su gzung ba dang / med par bya ba'i phyir mi slob pa yin nam/ rab 'byor gyis smras pa/ tshe dang ldan pa shA ra dwa ti'i bu de ltar slob pa'i</font><hr>31.137b<br><font size=+1>

byang chub sems dpa' sems dpa' chen po ni gzugs yongs su gzung ba dang / med par bya ba'i phyir mi slob po/ /tshor ba dang 'du shes dang / 'du byed dang / rnam par shes pa yongs su gzung ba dang med par bya ba'i phyir mi slob po/ /rnam pa thams cad mkhyen pa nyid kyi bar du yongs su gzung ba dang med par bya ba'i phyir mi slob po/ /smras pa tshe dang ldan pa rab 'byor byang chub sems dpa' sems dpa' chen po ci'i phyir na gzugs yongs su gzung ba dang / med par bya ba'i phyir mi slob pa yin/ ci'i phyir na tshor ba dang / 'du shes dang / 'du byed dang / rnam par shes pa yongs su gzung ba dang / med par bya ba'i phyir mi slob pa yin/ ci'i phyir na rnam pa thams cad mkhyen pa nyid kyi bar du yongs su bzung ba dang / med par bya ba'i phyir mi slob pa yin/ rab 'byor gyis smras pa/ tshe dang ldan pa shA ra dwa ti'i bu de ni 'di ltar gzugs la yongs su 'dzin pa med de/ phyi nang stong pa nyid kyi phyir gzugs la gzugs yongs su mi 'dzin to/ /de ni 'di ltar tshor ba dang / 'du shes dang / 'du byed dang / rnam par shes pa la yongs su 'dzin pa med de/ phyi nang stong pa nyid kyi phyir rnam par shes pa la rnam par shes pa yongs su mi 'dzin to/ /de ni 'di ltar skye mched dang / khams dang rten cing 'brel bar 'byung ba yongs su 'dzin pa med de/ phyi nang stong pa nyid kyi phyir rten cing 'brel bar 'byung ba la rten cing 'brel bar 'byung ba yongs su mi 'dzin to/ /de ni 'di ltar pha rol du phyin pa rnams dang / stong pa nyid thams cad dang byang chub kyi phyogs kyi chos rnams dang / 'phags pa'i bden pa rnams dang / bsam gtan rnams dang / tshad med pa rnams dang / gzugs myed pa'i snyoms par 'jug pa rnams dang / rnam par thar pa rnams</font><hr>31.138a<br><font size=+1>

dang / mthar gyis gnas pa'i snyoms par 'jug pa rnams dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams yongs su 'dzin pa med de/ phyi nang stong pa nyid kyi phyir sangs rgyas kyi chos ma 'dres pa rnams la/ sangs rgyas kyi chos ma 'dres pa rnams yongs su mi 'dzin to/ /de ni 'di ltar rnam pa thams cad mkhyen pa nyid kyi bar la yongs su 'dzin pa med de/ phyi nang stong pa nyid kyi phyir rnam pa thams cad mkhyen pa nyid la/ rnam pa thams cad mkhyen pa nyid yongs su mi 'dzin to/ /tshe dang ldan pa shA ra dwa ti'i bu de ltar na/ byang chub sems dpa' sems dpa' chen po chos thams cad la yongs su 'dzin pa med pa'i tshul gyis/ rnam pa thams cad mkhyen pa nyid du 'byung ngo / /smras pa tshe dang ldan pa rab 'byor de ltar slob pa'i byang chub sems dpa' sems dpa' chen po/ /shes rab kyi pha rol tu phyin pa la bslabs shing / rnam pa thams cad mkhyen pa nyid du 'byung ba yin nam/ rab 'byor gyis smras pa/ tshe dang ldan pa shA ra dwa ti'i bu de ltar slob pa'i byang chub sems dpa' sems dpa' chen po ni shes rab kyi pha rol du phyin pa la bslabs shing / chos thams cad la yongs su 'dzin pa med pa'i tshul gyis/ rnam pa thams cad mkhyen pa nyid du 'byung ngo / /smras pa tshe dang ldan pa rab 'byor de ltar slob pa'i byang chub sems dpa' sems dpa' chen po chos thams cad yongs su gzung ba dang / med par bya ba'i phyir bslabs shing</font><hr>31.138b<br><font size=+1>

rnam pa thams cad mkhyen pa nyid du ji ltar 'byung bar 'gyur/ rab 'byor gyis smras pa/ tshe dang ldan pa shA ra dwa ti'i bu 'di la byang chub sems dpa' sems dpa' chen po shes rab kyi pha rol du phyin pa la spyod pa'i tshe/ gzugs kyi skye ba mi mthong / 'gag pa dang / blang ba dang dor ba dang / kun nas nyon mongs pa dang / rnam par byang ba dang / sogs pa dang / 'bri ba dang 'grib pa dang / 'phel ba mi mthong ste/ de ci'i phyir zhe na/ de ni 'di ltar gzugs gzugs kyi rang bzhin gyis med cing mi dmigs so/ /tshor ba dang 'du shes dang / 'du byed dang / rnam par shes pa'i skye ba mi mthong 'gag pa dang / blang ba dang / dor ba dang kun nas nyon mongs pa dang / rnam par byang ba dang / sogs pa dang / 'bri ba dang 'grib pa dang / 'phel ba mi mthong ste/ de ci'i phyir zhe na/ de ni 'di ltar rnam par shes pa rnam par shes pa'i rang bzhin gyis med cing mi dmigs so/ /skye mched dang / khams dang / rten cing 'brel bar 'byung ba dang / pha rol du phyin pa rnams dang / stong pa nyid thams cad dang / byang chub gyi phyogs kyi chos sum bcu rtsa bdun dang / 'phags pa'i bden pa dang / bsam gtan dang tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang mtshan ma med pa dang / smon pa med pa dang mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs rnams dang / mi 'jigs pa dang / so so yang dag par rig pa dang / sangs rgyas kyi chos ma 'dres pa rnams dang / rnam pa thams cad mkhyen pa nyid kyi bar gyi skye ba mi mthong / 'gag pa dang / blang ba dang / dor ba dang / kun</font><hr>31.139a<br><font size=+1>

nas nyon mongs pa dang / rnam par byang ba dang / sogs pa dang / 'bri ba dang 'grib pa dang / 'phel ba mi mthong ste/ de ci'i phyir zhe na/ de ni 'di ltar rnam pa thams cad mkhyen pa nyid rnam pa thams cad mkhyen pa nyid kyi rang bzhin gyis med cing mi dmigs so/ /tshe dang ldan pa shA ra dwa ti'i bu de ltar na byang chub sems dpa' sems dpa' chen po chos thams cad skye ba med pa dang / 'gag pa med pa dang / blang ba med pa dang / dor ba med pa dang / kun nas nyon mongs pa med pa dang / rnam par byang ba med pa dang / sogs pa med pa dang / 'bri ba med pa dang / 'grib pa med pa dang / 'phel ba med pa'i phyir mi slob/ mi 'byung ba'i tshul gyis shes rab kyi pha rol du phyin pa la bslabs shing / rnam pa thams cad mkhyen pa nyid du 'byung ngo / /de nas lha'i dbang po brgya byin gyis/ tshe dang ldan pa shA ra dwa ti'i bu la 'di skad ces smras so/ /btsun pa shA ra dwa ti'i bu byang chub sems dpa' sems dpa' chen po rnams kyi shes rab kyi pha rol du phyin pa gang nas btsal bar bya/ shA ra dwa ti'i bus smras pa/ lha'i dbang po byang chub sems dpa' sems dpa' chen po rnams kyi shes rab kyi pha rol du phyin pa ni/ rab 'byor gyi le'u las btsal bar bya'o/ /de nas lha'i dbang po brgya byin gyis/ tshe dang ldan pa rab 'byor la 'di skad ces smras so/ /btsun pa rab 'byor 'phags pa shA ra dwa ti'i bus 'di skad du byang chub sems dpa' sems dpa' chen po rnams kyi shes rab kyi pha rol du phyin pa ni rab 'byor gyi le'u las btsal bar bya'o zhes smras te/ de ni khyod kyi mthu'o/ /khyod kyi byin gyis brlabs so/ /rab 'byor gyis smras pa/ kau shi ka 'di ni bdag gi mthu ma yin/ 'di ni bdag gi byin gyis brlabs ma yin no/ /</font><hr>31.139b<br><font size=+1>

brgya byin gyis smras pa/ btsun pa rab 'byor 'o na de su'i mthu/ de su'i byin gyis brlabs/ rab 'byor gyis smras pa/ kau shi ka de ni de bzhin gshegs pa'i mthu'o/ /de ni de bzhin gshegs pa'i byin gyis brlabs so/ /brgya byin gyis smras pa/ btsun pa rab 'byor chos thams cad byin gyis brlabs med na/ ci'i phyir de skad du/ 'di ni de bzhin gshegs pa'i mthu'o/ /'di ni de bzhin gshegs pa'i byin gyis brlabs so/ /zhes smra byin gyis brlabs med pa'i chos nyid las gud na yang de bzhin gshegs pa mi dmigs la/ de bzhin nyid las gud na yang de bzhin gshegs pa yod par mi dmigs so/ /rab 'byor gyis smras pa/ kau shi ka de de bzhin no/ /de de bzhin te/ byin gyis brlabs med pa'i chos nyid las gud na yang de bzhin gshegs pa yod par mi dmigs la/ de bzhin nyid las gud na yang de bzhin gshegs pa yod par mi dmigs so/ /byin gyis brlabs med pa'i chos nyid la yang de bzhin gshegs pa mi dmigs la/ de bzhin gshegs pa la yang byin gyis brlabs med pa'i chos mi dmigs so/ /de bzhin nyid la yang de bzhin gshegs pa mi dmigs so/ /de bzhin gshegs pa la yang de bzhin nyid mi dmigs so/ /gzugs kyi de bzhin nyid la yang de bzhin gshegs pa mi dmigs so/ /de bzhin gshegs pa la yang gzugs kyi de bzhin nyid mi dmigs so/ /gzugs kyi chos nyid la yang de bzhin gshegs pa mi dmigs so/ /de bzhin gshegs pa la yang gzugs kyi chos nyid mi dmigs so/ /tshor ba dang / 'du shes dang / 'du byed dang / rnam par shes pa'i de bzhin nyid la yang de bzhin gshegs pa mi dmigs so/ /de bzhin gshegs pa la yang rnam par shes pa'i de bzhin nyid mi dmigs so/ /rnam par</font><hr>31.140a<br><font size=+1>

shes pa'i chos nyid la yang de bzhin gshegs pa mi dmigs so/ /de bzhin gshegs pa la yang rnam par shes pa'i chos nyid mi dmigs so/ /skye mched dang / khams dang rten cing 'brel bar 'byung ba dang / pha rol du phyin pa rnams dang / stong pa nyid thams cad dang / byang chub kyi phyogs kyi chos sum bcu rtsa bdun dang / 'phags pa'i bden pa dang / bsam gtan dang tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang mtshan ma med pa dang / smon pa med pa dang mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa dang / rnam pa thams cad mkhyen pa nyid kyi bar gyi de bzhin nyid la yang de bzhin gshegs pa mi dmigs so/ /de bzhin gshegs pa la yang rnam pa thams cad mkhyen pa nyid kyi de bzhin nyid mi dmigs so/ /rnam pa thams cad mkhyen pa nyid kyi chos nyid la yang de bzhin gshegs pa mi dmigs so/ /de bzhin gshegs pa la yang rnam pa thams cad mkhyen pa nyid kyi chos nyid mi dmigs so/ /kau shi ka de bzhin gshegs pa gang yin pa de ni gzugs kyi de bzhin nyid dang ldan pa yang ma yin bral ba yang ma yin no/ /gzugs kyi chos nyid dang ldan pa yang ma yin/ bral ba yang ma yin no/ /gzugs kyi de bzhin nyid ma yin pa gzhan dang ldan pa yang ma yin bral ba yang ma yin no/ /gzugs kyi chos nyid ma yin pa gzhan dang ldan pa yang ma yin/ bral ba yang ma yin no/ /tshor ba dang / 'du shes dang / 'du byed dang / rnam par shes pa'i de bzhin</font><hr>31.140b<br><font size=+1>

nyid dang ldan pa yang ma yin bral ba yang ma yin no/ /rnam par shes pa'i chos nyid dang ldan pa yang ma yin bral ba yang ma yin no/ /rnam par shes pa'i de bzhin nyid ma yin pa gzhan dang ldan pa yang ma yin bral ba yang ma yin no/ /rnam par shes pa'i chos nyid ma yin pa gzhan dang ldan pa yang ma yin bral ba yang ma yin no/ /kau shi ka de bzhin gshegs pa gang yin pa de ni rnam pa thams cad mkhyen pa nyid kyi bar gyi de bzhin nyid dang ldan pa yang ma yin bral ba yang ma yin no/ /rnam pa thams cad mkhyen pa nyid kyi chos nyid dang ldan pa yang ma yin bral ba yang ma yin no/ /rnam pa thams cad mkhyen pa nyid kyi de bzhin nyid ma yin pa gzhan dang ldan pa yang ma yin bral ba yang ma yin no/ /rnam pa thams cad mkhyen pa nyid kyi chos nyid ma yin pa gzhan dang ldan pa yang ma yin bral ba yang ma yin no/ /kau shi ka 'di ni gang chos 'di dag thams cad dang ldan pa yang ma yin bral ba yang ma yin pa de'i mthu ste/ byin gyis brlabs med pa'i tshul gyis de'i byin gyis brlabs so/ /kau shi ka gang yang 'di skad du byang chub sems dpa' sems dpa' chen pos shes rab kyi pha rol du phyin pa gang nas btsal bar bya zhes zer ba ni/ kau shi ka gzugs las kyang btsal bar mi bya/ gzugs las gzhan du yang btsal bar mi bya'o/ /tshor ba dang / 'du shes dang / 'du byed dang / rnam par shes pa las kyang btsal bar mi bya/ rnam par shes pa las gzhan du yang btsal bar mi bya'o/ /de ci'i phyir zhe na/ kau shi ka de ni 'di ltar gzugs gang yin pa dang tshor ba dang / 'du shes dang / 'du byed dang / rnam par shes pa gang yin pa dang / byang chub sems dpa' gang yin pa dang / shes rab kyi pha rol du phyin pa gang yin pa dang / btsal ba gang</font><hr>31.141a<br><font size=+1>

yin pa'i chos de dag thams cad ni ldan pa yang ma yin/ mi ldan pa yang ma yin no/ /gzugs med pa bltar med pa/ thogs pa med pa mtshan nyid gcig pa ste/ 'di ltar mtshan nyid med pa'o/ /kau shi ka gzhan yang byang chub sems dpa' sems dpa' chen pos/ shes rab kyi pha rol du phyin pa ni skye mched dang / khams dang / rten cing 'brel bar 'byung ba las kyang btsal bar mi bya/ pha rol du phyin pa rnams dang / stong pa nyid thams cad dang / byang chub kyi phyogs kyi chos rnams dang / 'phags pa'i bden pa dang / bsam gtan dang / tshad med pa dang gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa rnams dang / rnam pa thams cad mkhyen pa nyid kyi bar las kyang btsal bar mi bya/ rnam pa thams cad mkhyen pa nyid las gzhan du yang btsal bar mi bya'o/ /de ci'i phyir zhe na/ kau shi ka de ni 'di ltar rnam pa thams cad mkhyen pa nyid gang yin pa dang / byang chub sems dpa' gang yin pa dang / shes rab kyi pha rol du phyin pa gang yin pa dang / btsal ba gang yin pa'i chos de dag thams cad ni ldan pa yang ma yin mi ldan pa yang ma yin/ gzugs med pa/ bltar med pa/ thogs pa med pa/ mtshan nyid gcig pa ste/ 'di ltar mtshan nyid med pa'o/ /de ci'i phyir zhe na/ kau shi ka de ni 'di ltar gzugs kyang shes rab kyi pha rol du</font><hr>31.141b<br><font size=+1>

phyin pa ma yin/ gzugs las gud na yang shes rab kyi pha rol du phyin pa med do/ /gzugs kyi de bzhin nyid kyang shes rab kyi pha rol du phyin pa ma yin/ gzugs kyi de bzhin nyid las gud na yang shes rab kyi pha rol du phyin pa med do/ /gzugs kyi chos nyid kyang shes rab kyi pha rol du phyin pa ma yin/ gzugs kyi chos nyid las gud na yang shes rab kyi pha rol du phyin pa med do/ /tshor ba dang / 'du shes dang 'du byed dang / rnam par shes pa yang shes rab kyi pha rol du phyin pa ma yin/ rnam par shes pa las gud na yang shes rab kyi pha rol du phyin pa med do/ /rnam par shes pa'i de bzhin nyid kyang shes rab kyi pha rol du phyin pa ma yin/ rnam par shes pa'i de bzhin nyid las gud na yang shes rab kyi pha rol du phyin pa med do/ /rnam par shes pa'i chos nyid kyang shes rab kyi pha rol du phyin pa ma yin/ rnam par shes pa'i chos nyid las gud na yang shes rab kyi pha rol du phyin pa med do/ /skye mched dang / khams dang / rten cing 'brel bar 'byung ba dang / pha rol du phyin pa rnams dang / stong pa nyid thams cad dang / byang chub kyi phyogs kyi chos sum bcu rtsa bdun dang / 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa rnams dang / mthar gyis gnas pa'i snyoms par 'jug pa rnams dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs rnams dang / mi 'jigs pa rnams dang / so so yang dag par</font><hr>31.142a<br><font size=+1>

rig pa rnams dang / sangs rgyas kyi chos ma 'dres pa rnams dang / rnam pa thams cad mkhyen pa nyid kyi bar yang shes rab kyi pha rol du phyin pa ma yin/ rnam pa thams cad mkhyen pa nyid las gud na yang shes rab kyi pha rol du phyin pa med do/ /rnam pa thams cad mkhyen pa nyid kyi de bzhin nyid kyang shes rab kyi pha rol du phyin pa ma yin/ rnam pa thams cad mkhyen pa nyid kyi de bzhin nyid las gud na yang shes rab kyi pha rol du phyin pa med do/ /rnam pa thams cad mkhyen pa nyid kyi chos nyid kyang shes rab kyi pha rol du phyin pa ma yin/ rnam pa thams cad mkhyen pa nyid kyi chos nyid las gud na yang shes rab kyi pha rol du phyin pa med do/ /de ci'i phyir zhe na/ kau shi ka de ni 'di ltar chos de dag thams cad med cing mi dmigs pa ste/ de ltar chos thams cad med cing mi dmigs pas na gzugs kyang shes rab kyi pha rol du phyin pa ma yin/ gzugs las gud na yang shes rab kyi pha rol du phyin pa med do/ /gzugs kyi de bzhin nyid kyang shes rab kyi pha rol du phyin pa ma yin/ gzugs kyi de bzhin nyid las gud na yang shes rab kyi pha rol du phyin pa med do/ /gzugs kyi chos nyid kyang shes rab kyi pha rol du phyin pa ma yin/ gzugs kyi chos nyid las gud na yang shes rab kyi pha rol du phyin pa med do/ /tshor ba dang / 'du shes dang / 'du byed dang / rnam par shes pa yang shes rab kyi pha rol du phyin pa ma yin/ rnam par shes pa las gud na yang shes rab kyi pha rol du phyin pa med do/ /rnam par shes pa'i de bzhin nyid kyang shes rab kyi pha rol du phyin pa ma yin/ rnam par shes pa'i de bzhin nyid las gud na yang shes rab kyi pha rol du phyin pa med do/ /</font><hr>31.142b<br><font size=+1>

rnam par shes pa'i chos nyid kyang shes rab kyi pha rol du phyin pa ma yin/ rnam par shes pa'i chos nyid las gud na yang shes rab kyi pha rol du phyin pa med do/ /rnam pa thams cad mkhyen pa nyid kyi bar yang shes rab kyi pha rol du phyin pa ma yin/ rnam pa thams cad mkhyen pa nyid las gud na yang shes rab kyi pha rol du phyin pa med do/ /rnam pa thams cad mkhyen pa nyid kyi de bzhin nyid kyang shes rab kyi pha rol du phyin pa ma yin/ rnam pa thams cad mkhyen pa nyid kyi de bzhin nyid las gud na yang shes rab kyi pha rol du phyin pa med do/ /rnam pa thams cad mkhyen pa nyid kyi chos nyid kyang shes rab kyi pha rol du phyin pa ma yin/ rnam pa thams cad mkhyen pa nyid kyi chos nyid las gud na yang shes rab kyi pha rol du phyin pa med do/ /de nas lha'i dbang po brgya byin gyis/ gnas brtan rab 'byor la 'di skad ces smras so/ /btsun pa rab 'byor byang chub sems dpa' sems dpa' chen po rnams kyi pha rol du phyin pa 'di ni che ba ste/ 'di ltar shes rab kyi pha rol du phyin pa'o/ /btsun pa rab 'byor byang chub sems dpa' sems dpa' chen po rnams kyi pha rol du phyin pa 'di ni tshad med pa ste/ 'di ltar shes rab kyi pha rol du phyin pa'o/ /btsun pa rab 'byor byang chub sems dpa' sems dpa' chen po rnams kyi pha rol du phyin pa 'di ni mtha' yas pa ste/ 'di ltar shes rab kyi pha rol du phyin pa'o/ /de la bslabs shing rgyun du zhugs pa rnams kyis ni/ rgyun du zhugs pa'i 'bras bu thob po/ /'thob bo/ /thob par 'gyur ro/ /lan gcig phyir 'ong ba dang / phyir mi 'ong ba dang / dgra bcom pa rnams kyis ni/ dgra bcom pa nyid thob po/ /'thob po thob par 'gyur ro/ /rang sangs rgyas rnams ni rang byang chub tu mngon par sangs rgyas so/ /</font><hr>31.143a<br><font size=+1>

mngon par 'tshang rgya'o/ /mngon par 'tshang rgya bar 'gyur ro/ /de la bslabs shing byang chub sems dpa' sems dpa' chen po rnams ni sems can yongs su smin par byas/ sangs rgyas kyi zhing yongs su dag par byas nas/ bla na med pa yang dag par rdzogs pa'i byang chub tu mngon par rdzogs par sangs rgyas so/ /mngon par rdzogs par 'tshang rgya'o/ /mngon par rdzogs par 'tshang rgya bar 'gyur ro/ /rab 'byor gyis smras pa/ kau shi ka de de bzhin no/ /de de bzhin te/ byang chub sems dpa' sems dpa' chen po rnams kyi pha rol du phyin pa 'di ni che ba ste/ 'di ltar shes rab kyi pha rol du phyin pa'o/ /byang chub sems dpa' sems dpa' chen po rnams kyi pha rol du phyin pa 'di ni tshad med pa ste/ 'di ltar shes rab kyi pha rol du phyin pa'o/ /byang chub sems dpa' sems dpa' chen po rnams kyi pha rol du phyin pa 'di ni mtha' yas pa ste/ 'di ltar shes rab kyi pha rol du phyin pa'o/ /de la bslabs shing rgyun du zhugs pa rnams kyis ni/ rgyun du zhugs pa'i 'bras bu thob po/ /'thob bo/ /thob par 'gyur ro/ /lan gcig phyir 'ong ba dang / phyir mi 'ong ba dang / dgra bcom pa rnams kyis ni/ dgra bcom pa nyid thob po/ /'thob bo thob par 'gyur ro/ /rang sangs rgyas rnams kyis ni/ rang byang chub tu mngon par sangs rgyas so/ /mngon par 'tshang rgya'o/ /mngon par 'tshang rgya bar 'gyur ro/ /de la bslabs shing byang chub sems dpa' sems dpa' chen po rnams ni/ sems can rnams yongs su smin par byas/ sangs rgyas kyi zhing yongs su dag par byas nas/ bla na med pa yang dag par rdzogs pa'i byang chub tu mngon par rdzogs par sangs rgyas so/ /mngon par rdzogs par 'tshang rgya'o/ /mngon par rdzogs par 'tshang rgya bar 'gyur ro/ /kau shi ka gzugs</font><hr>31.143b<br><font size=+1>

rgya che ba'i phyir byang chub sems dpa' sems dpa' chen po rnams kyi pha rol du phyin pa 'di rgya che ba yin te/ de ci'i phyir zhe na/ kau shi ka de ni 'di ltar gzugs kyi sngon gyi mtha' mi dmigs/ phyi ma'i mtha' mi dmigs/ dbus mi dmigs so/ /kau shi ka tshor ba dang / 'du shes dang / 'du byed dang / rnam par shes pa rgya che ba'i phyir/ byang chub sems dpa' sems dpa' chen po rnams kyi pha rol du phyin pa 'di ni rgya che ba yin te/ de ci'i phyir zhe na/ kau shi ka de ni 'di ltar rnam par shes pa'i sngon gyis mtha' mi dmigs/ phyi ma'i mtha' mi dmigs/ dbus mi dmigs so/ /skye mched dang / khams dang / rten cing 'brel bar 'byung ba dang / pha rol du phyin pa rnams dang / stong pa nyid thams cad dang / byang chub kyi phyogs kyi chos sum bcu rtsa bdun dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa dang / rnam pa thams cad mkhyen pa nyid kyi bar du rgya che ba'i phyir/ byang chub sems dpa' sems dpa' chen po rnams kyi pha rol du phyin pa 'di ni rgya che ba yin te/ de ci'i phyir zhe na/ kau shi ka de ni 'di ltar rnam pa thams cad mkhyen pa nyid kyi sngon gyi mtha' mi dmigs/ phyi ma'i mtha' mi dmigs/ dbus mi dmigs so/ /kau shi ka rnam grangs des na byang chub sems dpa' sems dpa' chen po rnams kyi pha rol du phyin pa 'di ni rgya che ba ste/ 'di ltar shes rab kyi pha rol du phyin pa'o/ /</font><hr>31.144a<br><font size=+1>

kau shi ka gzugs tshad med pa'i phyir/ byang chub sems dpa' sems dpa' chen po rnams kyi pha rol du phyin pa tshad med pa ste/ de ci'i phyir zhe na/ kau shi ka de ni 'di ltar gzugs kyi tshad ni dmigs su med do/ /kau shi ka 'di lta ste dper na/ nam mkha'i tshad ni dmigs su med do/ /kau shi ka de bzhin du gzugs kyi tshad kyang dmigs su med do/ /nam mkha' tshad med pa'i phyir gzugs tshad med do gzugs tshad med pa'i phyir shes rab kyi pha rol du phyin pa tshad med do/ /kau shi ka tshor ba tshad med pa dang 'du shes tshad med pa dang / 'du byed tshad med pa dang / rnam par shes pa tshad med pa'i phyir/ byang chub sems dpa' sems dpa' chen po rnams kyi shes rab kyi pha rol du phyin pa tshad med pa ste/ de ci'i phyir zhe na/ kau shi ka de ni 'di ltar rnam par shes pa'i tshad ni dmigs su med do/ /kau shi ka 'di lta ste dper na/ nam mkha'i tshad ni dmigs su med do/ /kau shi ka de bzhin du rnam par shes pa'i tshad ni dmigs su med do/ /nam mkha' tshad med pa'i phyir rnam par shes pa tshad med do/ /rnam par shes pa tshad med pa'i phyir/ shes rab kyi pha rol du phyin pa tshad med do/ /kau shi ka skye mched dang / khams dang / rten cing 'brel par 'byung ba dang / pha rol du phyin pa rnams dang / stong pa nyid thams cad dang / byang chub kyi phyogs kyi chos sum bcu rtsa bdun dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa</font><hr>31.144b<br><font size=+1>

rnams dang /  rnam pa thams cad mkhyen pa nyid kyi bar du tshad med pa'i phyir/ byang chub sems dpa' sems dpa' chen po rnams kyi pha rol du phyin pa 'di tshad med pa ste/ de ci'i phyir zhe na/ kau shi ka de ni 'di ltar rnam pa thams cad mkhyen pa nyid kyi tshad ni dmigs su med do/ /kau shi ka 'di lta ste dper na/ nam mkha'i tshad ni dmigs su med do/ /kau shi ka de bzhin du rnam pa thams cad mkhyen pa nyid kyi tshad kyang dmigs su med do/ /nam mkha' tshad med pa'i phyir rnam pa thams cad mkhyen pa nyid tshad med do/ /rnam pa thams cad mkhyen pa nyid tshad med pa'i phyir shes rab kyi pha rol du phyin pa tshad med do/ /kau shi ka rnam grangs des na/ byang chub sems dpa' sems dpa' chen po rnams kyi pha rol du phyin pa de ni tshad med pa ste/ 'di ltar shes rab kyi pha rol du phyin pa'o/ /kau shi ka gzugs mtha' yas pa'i phyir byang chub sems dpa' sems dpa' chen po rnams kyi pha rol du phyin pa 'di mtha' yas pa ste/ de ci'i phyir zhe na/ kau shi ka de ni 'di ltar gzugs kyi mtha' dang dbus mi dmigs so/ /tshor ba dang 'du shes dang 'du byed dang rnam par shes pa mtha' yas pa'i phyir byang chub sems dpa' sems dpa' chen po rnams kyi pha rol du phyin pa 'di mtha' yas pa ste/ de ci'i phyir zhe na/ kau shi ka de ni 'di ltar rnam par shes pa mtha' dang dbus mi dmigs so/ /skye mched dang / khams dang / rten cing 'brel bar 'byung ba dang / pha rol du phyin pa rnams dang / stong pa nyid thams cad dang / byang chub kyi phyogs kyi chos sum bcu rtsa bdun dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa bcwa brgyad dang / rnam pa thams cad</font><hr>31.145a<br><font size=+1>

mkhyen pa nyid kyi bar du mtha' yas pa'i phyir/ byang chub sems dpa' sems dpa' chen po rnams kyi pha rol du phyin pa 'di mtha' yas pa ste/ de ci'i phyir zhe na/ kau shi ka de ni 'di ltar rnam pa thams cad mkhyen pa nyid kyi mtha' dang dbus mi dmigs so/ /kau shi ka rnam grangs des na byang chub sems dpa' sems dpa' chen po rnams kyi pha rol du phyin pa 'di ni gzugs mtha' yas pa dang / tshor ba dang 'du shes dang / 'du byed dang / rnam par shes pa mtha' yas pa dang / rnam pa thams cad mkhyen pa nyid kyi bar mtha' yas pa'i phyir/ mtha' yas pa ste/ de ni 'di ltar shes rab kyi pha rol du phyin pa'o/ /kau shi ka gzhan yang dmigs pa mtha' yas pa'i phyir/ byang chub sems dpa' sems dpa' chen po rnams kyi pha rol du phyin pa 'di mtha' yas pa ste/ de ni 'di ltar shes rab kyi pha rol du phyin pa'o/ /brgya byin gyis smras pa/ btsun pa rab 'byor de rnam pa gang gis na dmigs pa mtha' yas pa'i phyir/ byang chub sems dpa' sems dpa' chen po rnams kyi pha rol du phyin pa 'di mtha' yas pa ste/ de ni 'di ltar shes rab kyi pha rol du phyin pa'o/ /kau shi ka gzhan yang chos dmigs pa mtha' yas pa'i phyir/ byang chub sems dpa' sems dpa' chen po rnams kyi pha rol du phyin pa 'di mtha' yas pa ste/ de ni 'di ltar shes rab kyi pha rol du phyin pa'o/ /brgya byin gyis smras pa/ btsun pa rab 'byor de rnam pa gang gis na/ chos dmigs pa mtha' yas pa'i phyir/ byang chub sems dpa' sems dpa' chen po rnams kyi pha rol du phyin pa 'di mtha' yas pa ste/ 'di ltar shes rab kyi pha rol du phyin pa yin zhes bya/ rab 'byor gyis smras pa/ </font><hr>31.145b<br><font size=+1>

kau shi ka chos kyi dbyings mtha' yas pa'i phyir/ byang chub sems dpa' sems dpa' chen po rnams kyi pha rol du phyin pa 'di mtha' yas pa ste/ de ni 'di ltar shes rab kyi pha rol du phyin pa'o/ /kau shi ka gzhan yang de bzhin nyid dmigs pa med pas mtha' yas pa'i phyir/ byang chub sems dpa' sems dpa' chen po rnams kyi pha rol du phyin pa 'di mtha' yas pa ste/ de ni 'di ltar shes rab kyi pha rol du phyin pa'o/ /brgya byin gyis smras pa/ btsun pa rab 'byor de rnam pa gang gis na dmigs pa mtha' yas pa'i phyir/ byang chub sems dpa' sems dpa' chen po rnams kyi pha rol du phyin pa 'di mtha' yas pa ste/ 'di ltar shes rab kyi pha rol du phyin pa yin zhes bya/ rab 'byor gyis smras pa/ kau shi ka de ni 'di ltar de bzhin nyid mtha' yas pa'i phyir/ dmigs pa mtha' yas so/ /dmigs pa mtha' yas pa'i phyir de bzhin nyid mtha' yas so/ /kau shi ka de bzhin nyid dang / dmigs pa mtha' yas pa'i phyir/ byang chub sems dpa' sems dpa' chen po rnams kyi pha rol du phyin pa 'di mtha' yas so/ /kau shi ka gzhan yang sems can mtha' yas pa'i phyir/ byang chub sems dpa' sems dpa' chen po rnams kyi pha rol du phyin pa 'di mtha' yas so/ /brgya byin gyis smras pa/ btsun pa rab 'byor de rnam pa gang gis na/ sems can mtha' yas pa'i phyir/ byang chub sems dpa' sems dpa' chen po rnams kyi pha rol du phyin pa 'di mtha' yas pa yin zhes bya/ rab 'byor gyis smras pa/ kau shi ka de ji snyam du sems/ 'di lta ste sems can sems can zhes bya ba de chos gang gi tshig bla dgas yin/ brgya byin gyis smras pa/ btsun pa rab 'byor de ni chos kyi tshig</font><hr>31.146a<br><font size=+1>

bla dgas kyang ma yin/ chos ma yin pa'i tshig bla dgas kyang ma yin te/ 'di ltar sems can sems can zhes bya ba 'di ni blo bur du ming du btags pa/ dngos po med par ming du btags pa/ dmigs pa med par ming du btags pa'o/ /rab 'byor gyis smras pa/ kau shi ka de ji snyam du sems/ shes rab kyi pha rol du phyin pa 'di las sems can du bshad pa gang yang yod dam/ brgya byin gyis smras pa/ btsun pa rab 'byor de ni med do/ /rab 'byor gyis smras pa/ kau shi ka gang la sems can du bshad pa gang yang med pa de la/ sems can mtha' yas pa yod de/ kau shi ka gal te de bzhin gshegs pa dgra bcom pa yang dag par rdzogs pa'i sangs rgyas bskal pa gang gA'i klung gi bye ma snyed du bzhugs te/ sems can sems can zhes gsung du brjod na/ kau shi ka de ji snyam du sems/ de la sems can gang yang skye ba 'am/ 'gag par gyur pa yod dam/ smras pa btsun pa rab 'byor de ni med de/ de ci'i phyir zhe na/ sems can thog ma nas rnam par dag pa'i phyir ro/ /rab 'byor gyis smras pa/ kau shi ka de ltar rnam grangs des na/ sems can mtha' yas pa'i phyir/ shes rab kyi pha rol du phyin pa mtha' yas par rig par bya'o/ /de nas dbang po dang bcas pa'i lha rnams dang / tshangs pa dang bcas pa'i lha rnams dang / skye dgu'i bdag po dang bcas pa'i lha rnams dang / skyes pa dang bud med du bcas pa dag gis lan gsum du ched du brjod pa ched du brjod de/ gang gnas brtan rab 'byor gyis 'di ltar de bzhin gshegs pa 'byung ba'i don du/ de bzhin gshegs pa'i byin gyis brlabs pa dang / mthus bshad</font><hr>31.146b<br><font size=+1>

cing brjod de bstan pa'i chos 'di ni kye ma legs par bshad do/ /kye ma chos 'di ni legs par bshad do/ /kye ma chos kyi chos nyid 'di ni legs par bshad do/ /bcom ldan 'das bdag cag gis byang chub sems dpa' sems dpa' chen po gang shes rab kyi pha rol du phyin pa 'di dang ma bral ba de ni/ de bzhin gshegs pa nyid du gzung bar bgyi'o/ /chos gang yang dmigs su ma mchis te/ gzugs sam/ tshor ba 'am/ 'du shes sam/ 'du byed dam/ rnam par shes pa 'am/ rnam pa thams cad mkhyen pa nyid kyi bar ram/ chos gang yang dmigs su ma mchis kyis kyang theg pa gsum rnam par dgod pa mchis te/ gsum gang zhe na 'di lta ste/ nyan thos kyi theg pa dang / rang sangs rgyas kyi theg pa dang / yang dag par rdzogs pa'i sangs rgyas kyi theg pa'o/ /de nas bcom ldan 'das kyis dbang po dang bcas pa rnams la bka' stsal pa/ lha'i bu dag de de bzhin no/ /ji skad du smras pa de de bzhin te/ chos gang yang dmigs su med de/ gzugs sam/ tshor ba 'am/ 'du shes sam/ 'du byed dam/ rnam par shes pa 'am/ rnam pa thams cad mkhyen pa nyid kyi bar ram/ chos gang yang mi dmigs mod kyi theg pa gsum rnam par dgod pa yang yod de/ gsum gang zhe na/ nyan thos kyi theg pa dang / rang sangs rgyas kyi theg pa dang / bla na med pa yang dag par rdzogs pa'i sangs rgyas kyi theg pa'o/ /lha'i bu dag byang chub sems dpa' sems dpa' chen po gang mi dmigs pa'i tshul gyis/ shes rab kyi pha rol du phyin pa 'di dang ma bral ba de ni/ de bzhin gshegs pa nyid du gzung bar bya'o/ /de ci'i phyir zhe na/ de ni 'di ltar shes rab kyi pha rol du phyin pa 'di las theg pa gsum rgya cher bstan te/ </font><hr>31.147a<br><font size=+1>

gsum gang zhe na/ 'di ltar nyan thos kyi theg pa dang / rang sangs rgyas kyi theg pa dang / yang dag par rdzogs pa'i sangs rgyas kyi theg pa bshad do/ /pha rol du phyin pa rnams dang / stong pa nyid thams cad dang / dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam dang 'phags pa'i bden pa dang bsam gtan dang / tshad med pa dang gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa dang / rnam pa thams cad mkhyen pa nyid kyi bar las gzhan du yang de bzhin gshegs pa mi dmigs so/ /lha'i bu dag byang chub sems dpa' sems dpa' chen po ni chos 'di dag thams cad la slob pa ste/ sbyin pa'i pha rol du phyin pa la slob po/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la slob po/ /nang stong pa nyid la slob bo/ /dngos po med pa'i ngo bo nyid stong pa nyid kyi bar la slob po/ /dran pa nye bar gzhag pa la slob po/ /yang dag par spong ba dang / rdzu 'phrul gyi rkang pa dang / dbang po dang stobs dang byang chub kyi yan lag dang / lam dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i</font><hr>31.147b<br><font size=+1>

snyoms par 'jug pa dgu dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa dang / rnam pa thams cad mkhyen pa nyid kyi bar la slob bo/ /lha'i bu dag de bas na byang chub sems dpa' sems dpa' chen po shes rab kyi pha rol du phyin pa 'di dang mi 'bral bar/ spyod pa de ni de bzhin gshegs pa nyid ces bya ste/ lha'i bu dag gang gi tshe/ de bzhin gshegs pa dgra bcom pa yang dag par rdzogs pa'i sangs rgyas mar me mdzad kyi zhabs 'bring byed cing / rgyal po'i khab pad mo yod pa'i nang gi tshong 'dus kyi dbus na 'dug pa'i tshe/ sbyin pa'i pha rol du phyin pa dang bral bar ma gyur to/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa dang / nang stong pa nyid dang / dngos po med pa'i ngo bo nyid stong pa nyid kyi bar dang / dran pa nye bar gzhag pa rnams dang / yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / lam rnams dang / 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / rnam par thar pa'i sgo stong pa nyid dang / mtshan ma med pa dang / smon pa med pa dang mngon par shes pa</font><hr>31.148a<br><font size=+1>

rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams dang / byams pa chen po dang / snying rje chen po dang / sangs rgyas kyi chos ma 'dres pa rnams dang yang bral bar ma gyur te/ de mi dmigs pa'i tshul gyis sangs rgyas kyi chos tshad med pa gzhan dag dang yang bral bar ma gyur to/ /lha'i bu dag de'i tshe de bzhin gshegs pa dgra bcom pa yang dag par rdzogs pa'i sangs rgyas mar me mdzad kyis/ nga la khye'u khyod ni ma 'ongs pa'i dus kyi bskal pa grangs med pa na/ bskal pa bzang po'i tshe/ 'jig rten gyi khams 'di nyid du shAkya thub pa zhes bya ba de bzhin gshegs pa dgra bcom pa yang dag par rdzogs pa'i sangs rgyas mkhyen pa dang rkang par ldan pa/ bde bar gshegs pa 'jig rten mkhyen pa/ bla na med pa/ skyes bu 'dul ba'i kha lo sgyur ba/ lha dang mi rnams kyi ston pa/ sangs rgyas bcom ldan 'das su 'gyur ro/ /zhes bla na med pa yang dag par rdzogs pa'i byang chub tu lung bstan to/ /de nas lha'i bu de dag gis bcom ldan 'das la 'di skad ces gsol to/ /bcom ldan 'das byang chub sems dpa' sems dpa' chen po rnams kyi shes rab kyi pha rol du phyin pa 'di de ltar gzugs mi len mi 'dor ba'i tshul dang / tshor ba dang / 'du shes dang / 'du byed dang / rnam par shes pa mi len mi 'dor ba'i tshul dang / skye mched dang / khams dang / rten cing 'brel bar 'byung ba dang / pha rol du phyin pa rnams dang / stong pa nyid thams cad dang / byang chub kyi phyogs kyi chos rnams dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par</font><hr>31.148b<br><font size=+1>

'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang gzungs kyi sgo dang de bzhin gshegs pa'i stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa bcwa brgyad dang /  rnam pa thams cad mkhyen pa nyid kyi bar du mi len mi 'dor ba'i tshul gyis/ byang chub sems dpa' sems dpa' chen po rnams kyi rnam pa thams cad mkhyen pa nyid 'thun par yongs su 'dzin pa ni ngo mtshar che'o/ /de nas bcom ldan 'das kyis dge slong dang dge slong ma dang dge bsnyen dang / dge bsnyen ma'i 'khor bzhi dang / byang chub sems dpa' sems dpa' chen po rnams dang / rgyal chen bzhi'i ris kyi lha'i bu dang / 'og min gyi bar gyi lha'i bu de dag 'dus shing tshogs par mkhyen nas/ de dag thams cad dpang du btsugs te/ lha'i dbang po brgya byin la bka' stsal pa/ kau shi ka byang chub sems dpa' sems dpa' chen po 'am/ dge slong ngam/ dge slong ma 'am/ dge bsnyen nam/ dge bsnyen ma 'am/ rigs kyi bu 'am rigs kyi bu mo 'am/ lha'i bu 'am lha'i bu mo gang shes rab kyi pha rol du phyin pa 'di 'dzin pa dang / 'chang ba dang / klog pa dang / kun chub par byed pa dang / sgom pa dang / gzhan la rgya cher 'chad pa dang / tshul bzhin du yid la byed cing rnam pa thams cad mkhyen pa nyid kyi sems dang yang mi 'bral ba de dag ni/ bdud sdig to can dang / bdud kyi ris kyi lha rnams kyis glags rnyed par mi 'gyur ro/ /de ci'i phyir zhe na/ de ni 'di ltar rigs kyi bu dang / rigs kyi bu mo de dag gis gzugs stong pa nyid shin du byin gyis brlabs par 'gyur/ tshor ba dang / 'du shes dang / 'du byed dang / </font><hr>31.149a<br><font size=+1>

rnam par shes pa stong pa nyid shin du byin gyis brlabs par 'gyur ro/ /de ci'i phyir zhe na/ de ni 'di ltar stong pa nyid kyis stong pa nyid la glags mi rnyed/ mtshan ma med pas mtshan ma med pa la glags mi rnyed/ smon pa med pas smon pa med pa la glags mi rnyed do/ /de ni 'di ltar rigs kyi bu 'am rigs kyi bu mo de dag gis skye mched dang khams dang / rten cing 'brel bar 'byung ba dang / pha rol du phyin pa rnams dang / stong pa nyid thams cad dang / byang chub kyi phyogs kyi chos rnams dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa rnams dang / rnam pa thams cad mkhyen pa nyid kyi bar du stong pa nyid shin du byin gyis brlabs par 'gyur ro/ /de ci'i phyir zhe na/ de ni 'di ltar stong pa nyid kyis stong pa nyid la glags mi rnyed/ mtshan ma med pas mtshan ma med pa la glags mi rnyed/ smon pa med pas smon pa med pa la glags mi rnyed do/ /de ci'i phyir zhe na/ de ni 'di ltar gang gis glags rnyed par 'gyur ba dang / gang du glags rnyed par 'gyur ba dang / gang la glags rnyed par 'gyur ba de dag gis ngo bo nyid med do/ /kau shi ka rigs kyi bu 'am rigs kyi bu mo de dag la ni mi 'am/ mi ma yin pa glags lta zhing glags tshol ba dag gis glags rnyed par mi 'gyur ro/ /de ci'i phyir zhe na/ </font><hr>31.149b<br><font size=+1>

de ni 'di ltar rigs kyi bu dang rigs kyi bu mo de dag gis de mi dmigs pa'i tshul gyis/ sems can thams cad la byams pa dang / snying rje dang / dga' ba dang / btang snyoms shin du bsgoms pa'i phyir ro/ /rigs kyi bu 'am rigs kyi bu mo de dag ni nyam nga ba mi spongs pas dus byed par yang mi 'gyur te/ de ci'i phyir zhe na/ de ni 'di ltar rigs kyi bu dang rigs kyi bu mo sbyin pa'i pha rol du phyin pa la spyod pa de dag gis/ sems can thams cad la yang dag pa'i rim gros bsnyen bkur byas pa'i phyir ro/ /kau shi ka gang yang stong gsum gyi stong chen po'i 'jig rten gyi khams na/ rgyal chen bzhi'i ris kyi lha dang / sum bcu rtsa gsum gyi lha dang / mtshe ma dang dga' ldan dang / 'phrul dga' dang / gzhan 'phrul dbang byed dang / kun snang dang ba dang / dge rgyas dang / 'bras bu che ba'i lha rnams bla na med pa yang dag par rdzogs pa'i byang chub tu yang dag par zhugs pa ji snyed cig yod pa dang / lha'i bu gang gis shes rab kyi pha rol du phyin pa 'di ma thos pa dang / ma bzung ba dang / ma bcangs pa dang / kun chub par ma byas pa de dag gis kyang / shes rab kyi pha rol du phyin pa 'di mnyan par bya'o/ /bzung bar bya'o/ /bcang bar bya'o/ /klag par bya'o/ /kun chub par bya'o/ /tshul bzhin du yid la bya'o/ /rnam pa thams cad mkhyen pa'i sems dang ma bral bar bya'o/ /kau shi ka gzhan yang rigs kyi bu dang rigs kyi bu mo gang shes rab kyi pha rol du phyin pa 'di 'dzin cing 'chang ba dang / klog cing kun chub par byed pa dang / tshul bzhin du yid la byed cing rnam pa thams cad mkhyen pa'i sems dang yang ma bral bar byed cing de dag ni khyim stong pa na 'dug kyang rung / bla gab med pa na 'dug kyang rung / lam gol ba na 'dug kyang rung ste/ 'jigs pa 'am sngang bar mi 'gyur ro/ /de ci'i phyir zhe na/ </font><hr>31.150a<br><font size=+1>

'di ltar rigs kyi bu dang / rigs kyi bu mo de dag gis nang stong pa nyid de mi dmigs pa'i tshul gyis shin du bsgoms so/ /phyi stong pa nyid dang / phyi nang stong pa nyid dang / dngos po med pa'i ngo bo nyid stong pa nyid kyi bar du de mi dmigs pa'i tshul gyis shin du bsgoms so/ /de nas de'i tshe stong gsum gyi stong chen po'i 'jig rten gyi khams na/ rgyal chen bzhi'i ris kyi lha dang / sum bcu rtsa gsum gyi lha dang / mtshe ma dang / dga' ldan dang / 'phrul dga' dang / gzhan 'phrul dbang byed dang / gnas gtsang ma'i ris kyi bar gyi lha ji snyed cig yod pa de dag thams cad kyis bcom ldan 'das la 'di skad ces gsol to/ /bcom ldan 'das bdag cag gis rigs kyi bu dang rigs kyi bu mo gang shes rab kyi pha rol du phyin pa 'di la mos shing 'dzin pa dang / 'chang ba dang / klog pa dang / kun chub par bgyid pa dang / tshul bzhin du yid la bgyid cing / gzhan la yang rgya cher ston pa dang / rnam pa thams cad mkhyen pa nyid du yid la bgyid pa dang / mi 'bral ba de dag la rtag tu rgyun mi chad par bsrung ba dang / bskyang ba dang / bskyab par bgyi'o/ /de ci'i slad du zhe na/ bcom ldan 'das byang chub sems dpa' sems dpa' chen po mchis na/ sems can dmyal ba rnams kyang rgyun chad par 'gyur/ byol song gi skye gnas dang / gshin rje'i 'jig rten dang / lha las phongs pa dang / mi las dbul ba dang / nad dang gnod pa dang / 'go ba'i nad thams cad kyang rgyun chad cing 'jig pa ma mchis par 'gyur/ mu ge'i mya ngam thams cad kyang rgyun chad par 'gyur/ byang chub sems dpa' sems dpa' chen po mchis na/ dge ba bcu'i las kyi lam rnams 'jig rten du 'byung bar 'gyur/ bsam gtan bzhi 'jig rten du 'byung bar 'gyur/ tshad med pa bzhi 'jig rten du 'byung bar 'gyur/ gzugs med pa'i snyoms</font><hr>31.150b<br><font size=+1>

par 'jug pa bzhi 'jig rten du 'byung bar 'gyur/ mngon par shes pa lnga 'jig rten du 'byung bar 'gyur/ sbyin pa'i pha rol du phyin pa 'jig rten du 'byung bar 'gyur/ tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa 'jig rten du 'byung bar 'gyur/ nang stong pa nyid dang dngos po med pa'i ngo bo nyid stong pa nyid kyi bar du 'jig rten du 'byung bar 'gyur/ dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang stobs dang / byang chub kyi yan lag dang / 'phags pa'i lam yan lag brgyad pa dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / rnam par thar pa'i sgo stong pa nyid dang / mtshan ma med pa dang smon pa med pa dang / mngon par shes pa dang / ting nge 'dzin dang / gzungs kyi sgo dang de bzhin gshegs pa'i stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa rnams dang / rnam pa thams cad mkhyen pa nyid kyi bar du 'jig rten du 'byung bar 'gyur/ byang chub sems dpa' sems dpa' chen po mchis na/ rgyal rigs che zhing mtho ba rnams mchis par 'gyur/ bram ze'i rigs che zhing mtho ba rnams dang / khyim bdag gi rigs che zhing mtho ba rnams dang / 'khor los sgyur ba'i rgyal po dang / rgyal chen bzhi'i ris kyi lha rnams dang / 'og min gyi bar gyi lha rnams mchis par 'gyur/ byang chub sems dpa' sems dpa' chen po mchis na/ rgyun du zhugs pa'i 'bras bu dang / rgyun du zhugs pa mchis par 'gyur/ lan gcig phyir 'ong ba'i 'bras bu dang / lan gcig phyir 'ong ba mchis par</font><hr>31.151a<br><font size=+1>

'gyur/ phyir mi 'ong ba'i 'bras bu dang / phyir mi 'ong ba mchis par 'gyur/ dgra bcom pa nyid dang / dgra bcom pa mchis par 'gyur/ rang byang chub dang / rang sangs rgyas mchis par 'gyur/ byang chub sems dpa' sems dpa' chen po mchis na/ sems can yongs su smin pa mchis par 'gyur/ sangs rgyas kyi zhing yongs su dag pa mchis par 'gyur/ 'jig rten du de bzhin gshegs pa dgra bcom pa yang dag par rdzogs pa'i sangs rgyas 'byung bar 'gyur/ chos kyi 'khor lo skor ba mchis par 'gyur/ sangs rgyas dkon mchog dang / chos dkon mchog dang / dge 'dun dkon mchog 'byung bar 'gyur/ bcom ldan 'das rnam grangs des na/ lha dang / mi dang lha ma yin du bcas pa'i 'jig rten gyis/ byang chub sems dpa' sems dpa' chen po la bsrung ba dang / bskyang ba dang / bskyab par bgyi'o/ /de skad ces gsol pa dang / bcom ldan 'das kyis lha'i dbang po brgya byin la 'di skad ces bka' stsal to/ /kau shi ka de de bzhin no/ /de de bzhin te/ byang chub sems dpa' sems dpa' chen po yod na/ sems can dmyal ba dang / byol song gi skye gnas dang gshin rje'i 'jig rten thams cad rgyun chad par 'gyur ro/ /lha las phongs pa dang / mi las dbul ba dang / nad dang gnod pa dang / 'go ba'i nad thams cad rgyun chad pa dang / 'jig pa dang med par 'gyur ro/ /mu ge'i mya ngam thams cad rgyun chad par 'gyur ro/ /byang chub sems dpa' sems dpa' chen po yod na/ dge ba bcu'i las kyi lam 'jig rten du 'byung bar 'gyur ro/ /bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / mngon par shes pa lnga 'jig rten du 'byung bar 'gyur ro/ /pha rol du phyin pa rnams dang / stong pa nyid thams cad dang / byang chub kyi phyogs kyi chos rnams dang / </font><hr>31.151b<br><font size=+1>

'phags pa'i bden pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang mtshan ma med pa dang / smon pa med pa dang / mngon par shes pa dang / ting nge 'dzin dang gzungs kyi sgo dang / de bzhin gshegs pa'i stobs dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad dang / rnam pa thams cad mkhyen pa nyid kyi bar du 'jig rten du 'byung bar 'gyur ro/ /byang chub sems dpa' sems dpa' chen po yod na/ rgyal rigs che zhing mtho ba dang / bram ze'i rigs che zhing mtho ba dang / khyim bdag gi rigs che zhing mtho ba yod par 'gyur ro/ /'khor los sgyur ba'i rgyal po dang / rgyal chen bzhi'i ris kyi lha rnams dang / 'og min gyi bar gyi lha rnams yod par 'gyur ro/ /byang chub sems dpa' sems dpa' chen po yod na/ rgyun du zhugs pa'i 'bras bu dang / rgyun du zhugs pa yod par 'gyur ro/ /lan gcig phyir 'ong ba'i 'bras bu dang / lan gcig phyir 'ong ba yod par 'gyur ro/ /phyir mi 'ong ba'i 'bras bu dang / phyir mi 'ong ba yod par 'gyur ro/ /dgra bcom pa nyid dang / dgra bcom pa yod par 'gyur ro/ /rang byang chub dang rang sangs rgyas yod par 'gyur ro/ /byang chub sems dpa' sems dpa' chen po yod na/ sems can yongs su smin pa yod par 'gyur ro/ /sangs rgyas kyi zhing yongs su dag pa yod par 'gyur ro/ /'jig rten du de bzhin gshegs pa dgra bcom pa yang dag par rdzogs pa'i sangs rgyas 'byung bar 'gyur ro/ /chos kyi 'khor lo skor ba yod par 'gyur ro/ /sangs rgyas dang chos dang dge 'dun dkon mchog 'byung bar 'gyur ro/ /de bas na lha dang mi dang lha ma yin du bcas pa'i 'jig rten gyis/ byang chub sems dpa' sems dpa'</font><hr>31.152a<br><font size=+1>

chen po la rim gror bya'o/ /bkur sti dang sti stang du bya'o/ /mchod par bya'o/ /rtag tu rgyun mi chad par de la bsrung ba dang / bskyang ba dang bskyab par bya'o/ /kau shi ka gang yang byang chub sems dpa' sems dpa' chen po la rim gror bya ba dang / bkur stir bya ba dang / sti stang du bya ba dang / mchod par bya bar sems pa de ni de la rim gror bya ba dang / bkur stir bya ba dang / sti stang du bya ba dang mchod par bya bar sems so/ /de bas na lha dang / mi dang lha ma yin du bcas pa'i 'jig rten gyis/ byang chub sems dpa' sems dpa' chen po la rim gror bya'o/ /bkur stir bya'o/ /sti stang du bya'o mchod par bya'o/ /rtag tu rgyun mi chad par de la bsrung ba dang / bskyang ba dang bskyab par bya'o/ /kau shi ka stong gsum gyi stong chen po'i 'jig rten gyi khams 'di lta ste dper na 'dam bu'i tshal lam/ smyig ma'i tshal lam/ bu ram shing gi tshal lam/ 'od ma'i tshal lam/ rtsi skyang gi byings sam/ 'bras kyi zhing ngam til gyi zhing bzhin du nyan thos dang / rang sangs rgyas kyis gang bar gyur la de dag la rigs kyi bu 'am rigs kyi bu mo gang la la zhig gis/ nam 'tsho'i bar du yo byad thams cad kyis rim gror byas pa dang / bkur stir byas pa dang / sti stang du byas pa dang / mchod par byas pa bas/ gang la las byang chub sems dpa' sems dpa' chen po/ sems dang po bskyed pa pha rol du phyin pa drug dang ma bral ba zhig la/ rim gror byas/ bkur stir byas/ sti stang du byas/ mchod par byas na/ de ni de bas bsod nams ches mang du 'phel lo/ /de ci'i phyir zhe na/ 'di ltar kau shi ka nyan thos dang / rang sangs rgyas de dag yod na/ </font><hr>31.152b<br><font size=+1>

byang chub sems dpa' sems dpa' chen po 'jig rten du 'byung bar 'gyur ba ma yin/ de bzhin gshegs pa dgra bcom pa yang dag par rdzogs pa'i sangs rgyas 'jig rten du 'byung bar 'gyur ba ma yin gyi/ kau shi ka byang chub sems dpa' sems dpa' chen po yod na/ nyan thos dang / rang sangs rgyas thams cad 'jig rten na yod par 'gyur ro/ /de bzhin gshegs pa dgra bcom pa yang dag par rdzogs pa'i sangs rgyas rnams 'jig rten du 'byung bar 'gyur ro/ /kau shi ka de bas na lha dang / mi dang / lha ma yin du bcas pa'i 'jig rten gyis/ byang chub sems dpa' sems dpa' chen po la rim gror bya'o/ /bkur stir bya'o/ /sti stang du bya'o/ /mchod par bya'o/ /rtag tu rgyun mi chad par de la bsrung ba dang / bskyang ba dang / bskyab par bya'o/ /shes rab kyi pha rol du phyin pa stong phrag nyi shu lnga pa las/ le'u bcu drug pa'o// // de nas lha'i dbang po brgya byin gyis/ bcom ldan 'das la 'di skad ces gsol to/ /bcom ldan 'das de ltar byang chub sems dpa' sems dpa' chen po shes rab kyi pha rol du phyin pa 'di/ 'dzin pa dang / 'chang ba dang / klog pa dang / kun chub par bgyid pa dang / tshul bzhin du yid la bgyid pa de dag gis/ tshe 'di la 'thob pa'i yon tan 'di dag yongs su zin par 'gyur zhing / sems can rnams yongs su smin par bgyid pa dang / sangs rgyas kyi zhing yongs su dag par bgyid pa dang / sangs rgyas bcom ldan 'das la bsnyen bkur ba'i slad du/ sangs rgyas kyi zhing nas sangs rgyas kyi zhing du mchi ba dang / dge ba'i rtsa ba gang</font><hr>31.153a<br><font size=+1>

gis sangs rgyas bcom ldan 'das de dag la rim gror bgyi ba dang / bkur stir bgyi ba dang / sti stang du bgyi ba dang / mchod par bgyi bar 'tshal ba de lta bu'i dge ba'i rtsa ba de dag kyang phun sum tshogs par 'gyur ba dang / sangs rgyas bcom ldan 'das de dag las chos gang thos pa de dag kyang / bla na med pa yang dag par rdzogs pa'i byang chub tu mngon par rdzogs par sangs rgyas par ma gyur gyi bar du dran pa mi nyams pa dang / rigs phun sum tshogs pa yongs su 'dzin pa dang / skyid pa phun sum tshogs pa dang / tshe phun sum tshogs pa dang / 'khor phun sum tshogs pa dang / mtshan phun sum tshogs pa dang / 'od phun sum tshogs pa dang / mig phun sum tshogs pa dang / dbyangs phun sum tshogs pa dang / ting nge 'dzin phun sum tshogs pa dang / gzungs phun sum tshogs pa yongs su 'dzin pa dang / thabs mkhas pas bdag kyang / sangs rgyas kyi skur mngon par sprul cing / 'jig rten gyi khams nas 'jig rten gyi khams su mngon par mchi ba dang / gang du sangs rgyas bcom ldan 'das skye zhing 'byung bar ma gyur pa de dang de dag du mchis shing / sbyin pa'i pha rol du phyin pa'i yon tan brjod pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa'i yon tan rjod pa dang / nang stong pa nyid dang / dngos po med pa'i ngo bo nyid stong pa nyid kyi bar gyi yon tan rjod pa dang / dran pa nye bar gzhag pa rnams kyi yon tan rjod pa dang / yang dag par spong ba dang / rdzu 'phrul</font><hr>31.153b<br><font size=+1>

gyi rkang pa dang / dbang po dang stobs dang / byang chub kyi yan lag dang / 'phags pa'i lam yan lag brgyad pa dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa'i yon tan rjod pa dang / thabs mkhas pas sems can rnams la chos ston pa dang / sems can rnams nyan thos kyi theg pa dang / rang sangs rgyas kyi theg pa dang / sangs rgyas kyi theg pa dang / theg pa gsum la 'dul ba ni ngo mtshar che'o/ /de nas lha'i dbang po brgya byin gyis/ bcom ldan 'das la 'di skad ces gsol to/ /bcom ldan 'das de ltar shes rab kyi pha rol du phyin pa 'di yongs su bzung na/ pha rol du phyin pa drug po thams cad yongs su bzung bar 'gyur ba dang / stong pa nyid thams cad dang / dran pa nye bar gzhag pa dang / yang dag par spong ba dang rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / rnam par thar pa'i sgo stong pa nyid dang / mtshan</font><hr>31.154a<br><font size=+1>

ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa rnams dang / rnam pa thams cad mkhyen pa nyid kyi bar du yongs su gzung bar 'gyur ba ngo mtshar che'o/ /de skad ces gsol pa dang / bcom ldan 'das kyis lha'i dbang po brgya byin la 'di skad ces bka' stsal to/ /kau shi ka de de bzhin no/ /de de bzhin te/ shes rab kyi pha rol du phyin pa yongs su bzung bas/ pha rol du phyin pa thams cad yongs su gzung bar 'gyur ro/ /stong pa nyid thams cad dang / byang chub kyi phyogs kyi chos rnams dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad dang / rnam pa thams cad mkhyen pa nyid kyi bar du yongs su gzung bar 'gyur ro/ /kau shi ka gzhan yang shes rab kyi pha rol du phyin pa 'di bzung ba dang / yongs su bzung ba dang / bcangs pa dang / blags pa dang / kun chub par byed pa dang / tshul bzhin du yid la byed na/  rigs kyi bu 'am rigs kyi bu mo de dag gis tshe 'di la yon tan gang dang gang yongs su zin par 'gyur ba de dag bstan gyis/ shin du legs par nyon la yid la gyis shig /bcom ldan 'das de ltar bgyi'o zhes nas/ lha'i dbang po brgya byin bcom ldan 'das la phyir nyan to/ /bcom ldan</font><hr>31.154b<br><font size=+1>

'das kyis de la 'di skad ces bka' stsal to/ /kau shi ka mu stegs can gzhan dang mu stegs spyod pa dang / kun du rgyu ba dang bdud dam bdud kyi ris su gtogs pa'i lha 'am/ gang zag nga rgyal can la la zhig /shes rab kyi pha rol du phyin pa 'di la brgal bar 'dod pa dang / 'di dang dbral bar 'dod pa dang / 'di la brtsad par 'dod pa dang / brgal bar 'dod pa zhig byung na/ brgal bar 'dod pa dang / dbral bar 'dod pa dang / brtsad par 'dod pa dang brgal bar 'dod pa de dag gis rgal ba dang / dbral bar 'dod pa dang brtsad par 'dod pa dang / dgal bar 'dod pa de dag gi rgol ba dang dbral bar bya ba dang / brtsad pa dang / dgal bar byed pa gang dang gang byung ba kun kyang myur du nub cing med par gyur te/ brgal bar dga' ba dang / dbral bar dga' ba dang / brtsad par dga' ba dang / dgal bar dga' ba de dag gi bsam pa yang yongs su rdzogs par mi 'gyur ro/ /de ci'i phyir zhe na/ kau shi ka de ni 'di ltar byang chub sems dpa' sems dpa' chen po yun ring por pha rol du phyin pa drug la spyod pa'i tshe/ gang gi don du sems can rnams yun ring por 'thab pa dang / rtsod pa dang 'khrug pa dang / shags su gyur pa'i phyi nang gi chos de dag byang chub sems dpa' sems dpa' chen pos yongs su btang ste/ sems can de dag sbyin pa'i pha rol du phyin pa la rab tu bkod pa'i phyir ro/ /gang gi don du sems can de dag yun ring por tshul khrims ngan par 'gyur ba'i phyi nang gi chos de dag  /byang chub sems dpa' sems dpa' chen pos yongs su btang ste/ sems can de dag tshul khrims kyi pha rol du phyin pa la rab tu bkod pa'i phyir ro/ /gang gi don du sems can de dag yun ring por khro ba dang / gnod sems dang / 'tshe bar gyur pa'i phyi nang gi chos de dag byang chub sems dpa' sems dpa' chen pos yongs su btang ste/ sems can de dag bzod pa'i pha rol du phyin pa la rab tu bkod pa'i phyir ro/ /gang gi don du sems can de dag yun ring por le lo byed par gyur pa'i phyi nang gi chos de dag  /byang chub sems dpa'</font><hr>31.155a<br><font size=+1>

sems dpa' chen pos yongs su btang ste/ sems can de dag brtson 'grus kyi pha rol du phyin pa la rab tu bkod pa'i phyir ro/ /gang gi don du sems can de dag yun ring por sems g.yengs par gyur pa'i phyi nang gi chos de dag byang chub sems dpa' sems dpa' chen pos yongs su btang ste/ sems can de dag bsam gtan gyi pha rol du phyin pa la rab tu bkod pa'i phyir ro/ /gang gi don du sems can de dag yun ring por shes rab 'chal par gyur pa'i phyi nang gi chos de dag /byang chub sems dpa' sems dpa' chen pos yongs su btang ste/ shes rab kyi pha rol du phyin pa la rab tu bkod pa dang / yang dag par bskul ba'i phyir ro/ /kau shi ka gang gi don du sems can de dag 'di lta ste/ bag la nyal ba dang / kun nas ldang bas 'khor ba na 'khor bar gyur pa'i bag la nyal ba dang / kun nas ldang ba de dag byang chub sems dpa' sems dpa' chen pos rnam par bcil te/ sems can de dag bsam gtan bzhi la yang dag par bskul ba'i phyir ro/ /tshad med pa bzhi dang / gzugs med pa'i snyoms par 'jug pa bzhi dang / mngon par shes pa lnga dang / dran pa nye bar gzhag pa bzhi dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa dang / 'phags pa'i bden pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa la yang dag par bskul ba'i phyir ro/ /rgyun du zhugs pa'i 'bras bu dang / lan gcig phyir 'ong ba'i 'bras bu dang / phyir mi 'ong ba'i 'bras</font><hr>31.155b<br><font size=+1>

bu dang / dgra bcom pa nyid dang / rang byang chub dang / bla na med pa yang dag par rdzogs pa'i byang chub la yang dag par bskul ba'i phyir ro/ /kau shi ka de ltar byang chub sems dpa' sems dpa' chen po byang chub sems dpa'i spyad pa spyod pa'i tshe/ de la yon tan de dag 'byung ste/ tshe rabs gzhan la yang bla na med pa yang dag par rdzogs pa'i byang chub tu mngon par rdzogs par sangs rgyas nas/ chos kyi 'khor lo bskor te/ sems can rnams/ smon lam gyi tshul bzhin du rab tu bkod nas/ phung po ma lus pa'i mya ngan las 'das pa'i dbyings su yongs su mya ngan las 'das par 'gyur te/ kau shi ka de ni byang chub sems dpa' sems dpa' chen po rnams kyi tshe rabs gzhan la 'byung ba'i yon tan dang / legs pa dag go/ /kau shi ka gzhan yang sa'i phyogs gang na rigs kyi bu 'am rigs kyi bu mo shes rab kyi pha rol du phyin pa 'di 'dzin cing 'chang ba dang / klog cing kun chub par byed pa dang tshul bzhin du yid la byed pa yod pa'i sa'i phyogs der bdud dam/ bdud kyi ris su gtogs pa'i lha 'am/ mu stegs can gzhan dang kun du rgyu ba 'am/ gang zag nga rgyal can rnams kyis shes rab kyi pha rol du phyin pa 'di la sems g.yeng bar bya ba 'am/ rgal ba 'am/ brtsad pa 'am/ 'gal ba 'am/ med par bya ba'i phyir 'ong bar mi nus te de'i gong du de dag la yon tan dang legs par 'gyur ba ni/ shes rab kyi pha rol du phyin pa 'di mnyan pa dang gzung ba dang bsgom pa dang / theg pa gsum gyis byung nas/ sdug bsngal mthar 'byin par 'gyur ro/ /kau shi ka 'di lta ste dper na/ rtsi ma g+hi zhes bya ba dug thams cad zhi bar byed pa yod de/ der sbrul lam srog chags bkres pas mnar cing / zas tshol ba zhig gis srog chags kyi rigs la la mthong bar gyur te/ des srog chags kyi rigs de bza' ba'i phyir/ de'i rjes su 'brangs te bsnyags par gyur na/ de nas srog chags kyi rigs de 'chi bas 'jigs shing skrag ste/ </font><hr>31.156a<br><font size=+1>

rtsi ma g+hi gang na yod pa der song na/ de nas sbrul de rtsi de'i dri tshor ba tsam gyis phyir ldog par 'gyur ro/ /de ci'i phyir zhe na/ kau shi ka de ltar sbrul gyi gdug pa zil gyis gnon pa de ni rtsi ma g+hi'i rtsi'i yon tan te/ kau shi ka rtsi ma g+hi de ni de lta bu'i mthu dang ldan no/ /kau shi ka de bzhin du rigs kyi bu'am rigs kyi bu mo gang la la shes rab kyi pha rol du phyin pa 'di 'dzin cing 'chang ba dang / klog cing kun chub par byed pa dang / tshul bzhin du yid la byed pa de la ni/ kau shi ka rgol ba dang rtsod pa dang / 'gal bar byed pa gang dang gang byung ba de dag thams cad shes rab kyi pha rol du phyin pa'i gzi brjid dang / shes rab kyi pha rol du phyin pa'i mthus de dag nye bar zhi ba dang med par 'gyur te/ gang dang gang nas byung ba de dang de nyid du med par 'gyur zhing rnam par 'phel bar mi 'gyur ro/ /de ci'i phyir zhe na/ kau shi ka de ni 'di ltar shes rab kyi pha rol du phyin pa ni sdig to mi dge ba'i chos thams cad nye bar zhi bar byed pa ste/ rnam par 'phel bar byed pa ma yin no/ /sdig to mi dge ba'i chos gang thams cad nye bar zhi bar byed cing rnam par 'phel bar byed pa ma yin zhe na/ 'di lta ste 'dod chags dang / zhe sdang dang / gti mug nye bar zhi bar byed de rnam par 'phel bar byed pa ma yin no/ /ma rig pa dang 'du byed dang / rnam par shes pa dang / ming dang gzugs dang / skye mched drug dang / reg pa dang / tshor ba dang / sred pa dang / len pa dang / srid pa dang / skye ba dang / rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa dang / sdug bsngal gyi phung po chen po 'ba' shig gi bar du nye bar zhi bar byed de/ rnam par 'phel bar byed pa ma yin no/ /bar du gcod pa dang / sgrib pa dang / bag la nyal ba dang / kun nas ldang ba dang / bdag tu lta ba dang / sems can dang srog dang 'gro ba dang / gso ba dang skyes bu dang / gang zag dang / shed can dang / shed bdag dang / byed pa po dang / tshor ba po dang / shes pa po dang / mthong ba por lta ba dang / </font><hr>31.156b<br><font size=+1>

chad par lta ba dang / rtag par lta ba dang / yod par lta ba dang / med par lta ba dang / lta ba'i rnam pa thams cad dang / ser sna dang / tshul khrims ngan pa dang / gnod sems dang / le lo dang 'khrug pa dang / shes rab 'chal pa dang / rtag par 'du shes pa dang / bde bar 'du shes pa dang / bdag du 'du shes pa dang sdug par 'du shes pa dang / sred pas sred pa'i rnam par spyod pa dang / gzugs su 'dzin pa dang / tshor ba dang / 'du shes dang / 'du byed dang / rnam par shes par 'dzin pa dang / sbyin pa'i pha rol du phyin par 'dzin pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin par 'dzin pa dang / nang stong pa nyid du 'dzin pa dang / dngos po med pa'i ngo bo nyid stong pa nyid kyi bar du 'dzin pa dang / dran pa nye bar gzhag par 'dzin pa dang / yang dag par spong ba dang / rdzu 'phrul gyi rkang pa dang dbang po dang / stobs dang byang chub kyi yan lag dang / 'phags pa'i lam yan lag brgyad par 'dzin pa dang / 'phags pa'i bden pa dang bsam gtan dang / tshad med pa dang gzugs med pa'i snyoms par 'jug pa dang / rnam par thar pa brgyad dang mthar gyis gnas pa'i snyoms par 'jug pa dgu dang / rnam par thar pa'i sgo stong pa nyid dang mtshan ma med pa dang smon pa med pa dang / mngon par shes pa dang ting nge 'dzin dang / gzungs kyi sgo dang de bzhin gshegs pa'i stobs dang / mi 'jigs pa dang so so yang dag par rig pa dang / sangs rgyas kyi chos ma 'dres par 'dzin pa dang / rnam pa thams cad mkhyen pa nyid kyi bar du 'dzin pa nye bar zhi bar byed de/ rnam par 'phel bar byed pa ma yin no/ /mya ngan las 'das par 'dzin pa nye bar zhi bar byed de/ rnam par 'phel bar byed pa ma yin no/ /kau shi ka shes rab kyi pha rol du phyin pa 'di ni sdig to mi dge ba'i chos de dag thams cad zhi bar byed pa yin te/ </font><hr>31.157a<br><font size=+1>

rnam par 'phel bar byed pa ma yin no/ /kau shi ka stong gsum gyi stong chen po'i 'jig rten gyi khams na/ rgyal po chen po bzhi dang lha'i dbang po brgya byin dang mi mjed kyi bdag po tshangs pa dang / 'og min gyi lha'i bar de dag thams cad kyang / rigs kyi bu 'am rigs kyi bu mo gang / shes rab kyi pha rol tu phyin pa 'di 'dzin cing 'chang ba dang / klog cing kun chub par byed pa dang / tshul bzhin du yid la byed pa de la rtag tu rgyun mi chad par bsrung ba dang bskyab pa dang / bskyang bar byed do/ /shes rab kyi pha rol du phyin pa stong phrag nyi shu lnga pa/ bam po sum bcu gcig pa/ phyogs bcu'i 'jig rten gyi khams na/ sangs rgyas bcom ldan 'das gang bzhugs shing 'tsho skyong ba de dag kyang rigs kyi bu 'am rigs kyi bu mo gang shes rab kyi pha rol du phyin pa 'di 'dzin cing 'chang ba dang / klog cing kun chub par byed pa dang / tshul bzhin du yid la byed pa de la rtag tu rgyun mi chad par bsrung ba dang bskyab pa dang / bskyang bar mdzad de de ni mi dge ba'i chos rnams yongs su spangs shing / dge ba'i chos rnams rnam par 'phel bar 'gyur te de ltar mi dmigs pa'i tshul gyis/ sbyin pa'i pha rol du phyin pas rnam par 'phel bar 'gyur gyi yongs su 'grib par mi 'gyur ro mi dmigs pa'i tshul gyis/ tshul khrims kyi pha rol du phyin pa dang / bzod pa'i pha rol du phyin pa dang brtson 'grus kyi pha rol du phyin pa dang / bsam gtan gyi pha rol du phyin pa dang shes rab kyi pha rol du phyin pas rnam par 'phel bar 'gyur gyi yongs su 'grib par mi 'gyur ro/ /mi dmigs pa'i tshul gyis nang stong pa nyid kyi rnam par 'phel bar 'gyur gyi/ yongs su 'grib par mi 'gyur ro/ /mi dmigs pa'i tshul gyis dngos po med pa'i ngo bo nyid stong pa nyid kyi bar du rnam par 'phel bar 'gyur gyi/ yongs su 'grib par mi 'gyur ro/ /mi dmigs pa'i tshul gyis dran pa nye bar gzhag pa rnams kyis rnam par 'phel bar 'gyur gyi/ yongs su 'grib</font><hr>31.157b<br><font size=+1>

par mi 'gyur ro/ /mi dmigs pa'i tshul gyis yang dag par spong ba dang / rdzu 'phrul gyi rkang pa dang dbang po dang stobs dang / byang chub kyi yan lag dang 'phags pa'i lam yan lag brgyad pas rnam par 'phel bar 'gyur gyi yongs su 'grib par mi 'gyur ro/ /'phags pa'i bden pa dang bsam gtan dang / tshad med pa dang gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / rnam par thar pa'i sgo stong pa nyid dang mtshan ma med pa dang / smon pa med pa dang mngon par shes pa dang / ting nge 'dzin dang gzungs kyi sgo dang / de bzhin gshegs pa'i stobs dang mi 'jigs pa dang / so so yang dag par rig pa dang / sangs rgyas kyi chos ma 'dres pa dang rnam pa thams cad mkhyen pa nyid kyi bar gyis rnam par 'phel bar 'gyur gyi/ yongs su 'grib par mi 'gyur ro/ /de'i tshig blang bar 'os pa dang ldan par 'gyur ro/ /tshig ran pa dang ldan par 'gyur ro/ /tshig 'chal pa med pa dang ldan par 'gyur ro/ /khro bas zil gyis non pa med par 'gyur ro nga rgyal gyis zil gyis non pa med par 'gyur ro/ /ser sna can dang phrag dog can du mi 'gyur ro/ /bdag kyang srog gcod pa spong bar 'gyur/ gzhan yang srog gcod pa spong ba la yang dag par skul bar 'gyur ro/ /srog gcod pa spong ba'i legs pa brjod par 'gyur/ gzhan gyis srog gcod pa spangs na yang de dag gi legs pa brjod cing rjes su dga' bar 'gyur ro/ /bdag kyang ma byin par len pa dang / 'dod pas log par g.yem pa dang / rdzun du smra ba dang phra ma dang zhe gcod pa dang / tshig kyal pa dang chags sems dang / gnod sems dang log par lta ba spangs par 'gyur/ gzhan yang log par lta ba spong ba la yang dag par skul bar 'gyur/ log par lta ba spong ba'i legs pa brjod par 'gyur/ gzhan gyis log par lta ba spangs na yang de dag gi legs pa brjod cing rjes su dga' bar 'gyur ro/ /</font><hr>31.158a<br><font size=+1>

bdag kyang sbyin pa'i pha rol du phyin pa la 'jug par 'gyur/ gzhan yang sbyin pa'i pha rol du phyin pa la yang dag par skul bar 'gyur/ sbyin pa'i pha rol du phyin pa'i legs pa rjod par 'gyur/ gzhan sbyin pa'i pha rol du phyin pa la 'jug na yang de dag gi legs pa rjod cing rjes su dga' bar 'gyur ro/ /bdag kyang tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la 'jug par 'gyur ro/ /gzhan yang shes rab kyi pha rol du phyin pa la yang dag par skul bar 'gyur/ shes rab kyi pha rol du phyin pa'i legs pa rjod par 'gyur/ gzhan yang shes rab kyi pha rol du phyin pa la 'jug na yang de dag gi legs pa rjod cing rjes su dga' bar 'gyur ro/ /bdag kyang nang stong pa nyid sgom par 'gyur/ gzhan yang nang stong pa nyid sgom pa la yang dag par skul bar 'gyur/ nang stong pa nyid kyi legs pa rjod par 'gyur/ gzhan nang stong pa nyid sgom na yang de dag gi legs pa rjod cing rjes su dga' bar 'gyur ro/ /bdag kyang dngos po med pa'i ngo bo nyid stong pa nyid kyi bar du sgom par 'gyur/ gzhan yang dngos po med pa'i ngo bo nyid stong pa nyid la yang dag par skul bar 'gyur/ dngos po med pa'i ngo bo nyid stong pa nyid kyi legs pa rjod par 'gyur/ gzhan dngos po med pa'i ngo bo nyid stong pa nyid sgom na yang de dag gi legs pa rjod cing rjes su dga' bar 'gyur ro/ /bdag kyang ting nge 'dzin thams cad la snyoms par 'jug par 'gyur/ gzhan yang ting nge 'dzin thams cad la snyoms par 'jug par yang dag par skul bar 'gyur/ ting nge 'dzin thams cad la snyoms par 'jug pa'i legs pa rjod par 'gyur/ gzhan ting nge 'dzin thams cad la snyoms par 'jug na yang de dag gi legs pa</font><hr>31.158b<br><font size=+1>

rjod cing rjes su dga' bar 'gyur ro/ /bdag kyang gzungs rnams thob par 'gyur/ gzhan yang gzungs rnams thob par bya ba la yang dag par skul bar 'gyur/ gzungs rnams thob par byed pa'i legs pa rjod par 'gyur/ gzhan gyis gzungs rnams thob na yang de dag gi legs pa rjod cing rjes su dga' bar 'gyur ro/ /bdag kyang bsam gtan dang po la snyoms par 'jug par 'gyur/ gzhan yang bsam gtan dang po la yang dag par skul bar 'gyur/ bsam gtan dang po'i legs pa rjod par 'gyur/ gzhan bsam gtan dang po la snyoms par 'jug na yang de dag gi legs pa rjod cing rjes su dga' bar 'gyur ro/ /bdag kyang bsam gtan gnyis pa dang / gsum pa dang bzhi pa la snyoms par 'jug par 'gyur/ gzhan yang bsam gtan bzhi pa la yang dag par skul bar 'gyur/ bsam gtan bzhi pa'i legs pa rjod par 'gyur/ gzhan bsam gtan bzhi pa la snyoms par 'jug na yang de dag gi legs pa rjod cing rjes su dga' bar 'gyur ro/ /bdag kyang byams pa la snyoms par 'jug par 'gyur/ gzhan yang byams pa la snyoms par 'jug pa la yang dag par skul bar 'gyur/ byams pa la snyoms par 'jug pa'i legs pa rjod par 'gyur/ gzhan byams pa la snyoms par 'jug na yang de dag gi legs pa rjod cing rjes su dga' bar 'gyur ro/ /bdag kyang snying rje dang dga' ba dang btang snyoms la snyoms par 'jug par 'gyur/ gzhan yang btang snyoms la snyoms par 'jug pa yang dag par skul bar 'gyur btang snyoms la snyoms par 'jug pa'i legs pa rjod par 'gyur/ /gzhan btang snyoms la snyoms par 'jug na yang de dag gi legs pa rjod cing rjes su dga' bar 'gyur ro/ /bdag kyang nam mkha' mtha' yas skye mched la snyoms par 'jug par 'gyur/ gzhan yang nam mkha' mtha' yas skye mched la snyoms par 'jug par yang dag par skul bar 'gyur/ nam mkha' mtha' yas skye mched la snyoms par 'jug pa'i legs pa rjod par 'gyur/ gzhan nam mkha' mtha' yas skye mched la snyoms par 'jug na yang de dag gi</font><hr>31.159a<br><font size=+1>

legs pa rjod cing rjes su dga' bar 'gyur ro/ /bdag kyang rnam shes mtha' yas skye mched dang / chung zad med pa'i skye mched dang / 'du shes med 'du shes med min skye mched la snyoms par 'jug par 'gyur/ gzhan yang 'du shes med 'du shes med min skye mched la snyoms par 'jug par yang dag par skul bar 'gyur/ 'du shes med 'du shes med min skye mched la snyoms par 'jug pa'i legs pa rjod par 'gyur/ gzhan 'du shes med 'du shes med min skye mched la snyoms par 'jug na yang de dag gi legs pa rjod cing rjes su dga' bar 'gyur ro/ /bdag kyang dran pa nye bar gzhag pa sgom par 'gyur/ gzhan yang dran pa nye bar gzhag pa sgom pa la yang dag par skul bar 'gyur/ dran pa nye bar gzhag pa sgom pa'i legs pa rjod par 'gyur/ gzhan dran pa nye bar gzhag pa sgom na yang de dag gi legs pa rjod cing rjes su dga' bar 'gyur ro/ /bdag kyang yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa sgom par 'gyur/ gzhan yang 'phags pa'i lam yan lag brgyad pa sgom pa la yang dag par skul bar 'gyur/ 'phags pa'i lam yan lag brgyad pa sgom pa'i legs pa rjod par 'gyur/ gzhan 'phags pa'i lam yan lag brgyad pa sgom na yang de dag gi legs pa rjod cing rjes su dga' bar 'gyur ro/ /bdag kyang stong pa nyid dang / mtshan ma med pa dang / smon pa med pa'i ting nge 'dzin sgom par 'gyur/ gzhan yang stong pa nyid dang / mtshan ma med pa dang / smon pa med pa'i ting nge 'dzin la yang dag par skul bar 'gyur/ stong pa nyid dang / mtshan ma med pa dang / smon pa med pa'i ting nge 'dzin gyi legs pa rjod par 'gyur/ gzhan stong pa nyid dang / mtshan ma med pa dang / smon pa med pa'i ting nge 'dzin sgom na yang de dag gi legs pa rjod cing rjes su dga' bar 'gyur ro/ /bdag kyang</font><hr>31.159b<br><font size=+1>

rnam par thar pa brgyad la lugs dang 'thun pa dang / lugs dang mi 'thun par snyoms par 'jug par 'gyur/ gzhan yang rnam par thar pa brgyad la yang dag par skul bar 'gyur/ rnam par thar pa brgyad kyi legs pa rjod par 'gyur/ gzhan rnam par thar pa brgyad la lugs dang mthun pa dang / lugs dang mi mthun par snyoms par 'jug na yang de dag gi legs pa rjod cing rjes su dga' bar 'gyur ro/ /bdag kyang mthar gyis gnas pa'i snyoms par 'jug pa dgu la snyoms par 'jug par 'gyur/ gzhan yang mthar gyis gnas pa'i snyoms par 'jug pa dgu la snyoms par 'jug par yang dag par skul bar 'gyur/ mthar gyis gnas pa'i snyoms par 'jug pa dgu'i legs pa rjod par 'gyur/ gzhan mthar gyis gnas pa'i snyoms par 'jug pa dgu la snyoms par 'jug na yang de dag gi legs pa rjod cing rjes su dga' bar 'gyur ro/ /bdag kyang de bzhin gshegs pa'i stobs bcu la snyoms par 'jug par 'gyur/ gzhan yang de bzhin gshegs pa'i stobs bcu la yang dag par skul bar 'gyur/ de bzhin gshegs pa'i stobs bcu'i legs pa rjod par 'gyur/ gzhan de bzhin gshegs pa'i stobs bcu la snyoms par 'jug na yang de dag gi legs pa rjod cing rjes su dga' bar 'gyur ro/ /bdag kyang mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad sgrub par 'gyur/ gzhan yang sangs rgyas kyi chos ma 'dres pa bcwa brgyad sgrub pa la yang dag par skul bar 'gyur/ sangs rgyas kyi chos ma 'dres pa bcwa brgyad sgrub pa'i legs pa rjod par 'gyur/ gzhan sangs rgyas kyi chos ma 'dres pa bcwa brgyad sgrub na yang de dag gi legs pa rjod cing rjes su dga' bar 'gyur ro/ /bdag kyang yongs su mi nyam pa'i chos dang / rtag tu btang snyoms dang / lam gyi rnam pa shes pa nyid dang / </font><hr>31.160a<br><font size=+1>

rnam pa thams cad mkhyen pa nyid thob par 'gyur/ gzhan yang rnam pa thams cad mkhyen pa nyid thob par bya ba la yang dag par skul bar 'gyur/ rnam pa thams cad mkhyen pa nyid kyi legs pa rjod par 'gyur/ gzhan rnam pa thams cad mkhyen pa nyid thob par byed na yang de dag gi legs pa rjod cing rjes su dga' bar 'gyur ro/ /de pha rol du phyin pa drug la spyod pa'i tshe/ sbyin pa yongs su gtong yang sems can thams cad dang thun mong du byas shing / mi dmigs pa'i tshul gyis/ bla na med pa yang dag par rdzogs pa'i byang chub tu yongs su bsngo bar 'gyur ro/ /tshul khrims srung ba dang / bzod pa sgom pa dang / brtson 'grus rtsom pa dang / bsam gtan la snyoms par 'jug pa dang / shes rab sgom yang de dag sems can thams cad dang thun mong du byas shing / mi dmigs pa'i tshul gyis bla na med pa yang dag par rdzogs pa'i byang chub tu yongs su bsngo bar 'gyur ro/ /rigs kyi bu 'am/ rigs kyi bu mo de ltar pha rol du phyin pa drug la spyod pa'i tshe/ dran pa skye bar 'gyur te/ gal te bdag gis sbyin pa ma btang na ngan song gi rgyud du skye bar 'gyur te/ bdag gis sems can yongs su smin par yang mi 'gyur/ sangs rgyas kyi zhing yongs su dag par yang mi 'gyur/ rnam pa thams cad mkhyen pa nyid thob par yang mi 'gyur ro/ /gal te bdag gis tshul khrims ma bsrungs na ngan song gsum du skye bar 'gyur te/ mi'i lus 'thob par yang mi 'gyur/ bdag gis sems can yongs su smin par yang mi 'gyur/ sangs rgyas kyi zhing yongs su dag par yang mi 'gyur/ rnam pa thams cad mkhyen pa nyid thob par yang mi 'gyur ro/ /gal te bdag gis bzod pa ma bsgoms na/ bdag gis dbang po rnams kyang nyams par 'gyur/ bdag gi bzhin gyi dkyil 'khor yang</font><hr>31.160b<br><font size=+1>

gzi med par 'gyur/ gzugs phun sum tshogs pa yang 'thob par mi 'gyur te/ gzugs phun sum tshogs pa gang gis byang chub sems dpa'i spyad pa spyod pa'i tshe/ mthong ma thag tu sems can rnams bla na med pa yang dag par rdzogs pa'i byang chub tu gdon mi za bar 'gyur ba de lta bu yang med par 'gyur te/ gzugs phun sum tshogs pas sems can yongs su smin par yang mi 'gyur/ sangs rgyas kyi zhing yongs su dag par yang mi 'gyur/ rnam pa thams cad mkhyen pa nyid thob par yang mi 'gyur ro/ /gal te le lor gyur na bdag gis byang chub kyi lam thob par yang mi nus/ sems can yongs su smin par yang mi 'gyur/ sangs rgyas kyi zhing yongs su dag par yang mi 'gyur/ rnam pa thams cad mkhyen pa nyid thob par yang mi 'gyur ro/ /gal te sems 'khrugs par gyur na bdag gis ting nge 'dzin gang gis sems can yongs su smin par 'gyur ba de lta bu'i ting nge 'dzin bskyed par mi nus/ bdag gis sangs rgyas kyi zhing yongs su dag par yang mi 'gyur/ rnam pa thams cad mkhyen pa nyid thob par yang mi 'gyur ro/ /gal te shes rab 'chal par gyur na bdag gis shes rab dang thabs mkhas pas nyan thos kyi sa dang / rang sangs rgyas kyi sa las bzlas te/ sems can rnams yongs su smin par byas nas sangs rgyas kyi zhing yongs su dag par sbyangs te/ rnam pa thams cad mkhyen pa nyid thob par bya bar yang mi nus so zhes te/ 'di ltar yang dag par slob ste/ de ltar bdag gis ser sna'i dbang gis sbyin pa'i pha rol tu phyin pa yongs su rdzogs par mi bya ba ni mi rigs mi cha'o/ /tshul khrims ngan pa'i dbang gis tshul khrims kyi pha rol du phyin pa dang / gnod sems kyi dbang gis bzod pa'i pha rol du phyin pa dang / le lo'i dbang gis brtson 'grus kyi pha rol du phyin pa dang / 'khrug pa'i dbang gis bsam gtan gyi pha rol du phyin pa dang / shes rab 'chal ba'i dbang gis shes rab kyi pha rol du phyin pa</font><hr>31.161a<br><font size=+1>

yongs su rdzogs par mi bya ba ni mi rigs mi cha ste/ pha rol du phyin pa drug yongs su rdzogs par ma byas par ni rnam pa thams cad mkhyen pa nyid du 'byung bar mi 'gyur ro zhes bya ba dran pa skye bar 'gyur te/ kau shi ka de ltar rigs kyi bu 'am rigs kyi bu mo gang shes rab kyi pha rol du phyin pa 'di 'dzin cing 'chang ba dang / klog cing kun chub par byed pa dang / tshul bzhin du yid la byed cing rnam pa thams cad mkhyen pa nyid kyi sems dang mi 'bral ba de dag gis/ tshe 'di dang tshe rabs gzhan la yon tan 'di dag 'thob par 'gyur ro/ /brgya byin gyis gsol pa/ bcom ldan 'das shes rab kyi pha rol du phyin pa 'di de ltar byang chub sems dpa' sems dpa' chen po rnams yongs su 'dul ba dang / nga rgyal ma mchis par 'gyur ba'i don du nye bar gnas pa ngo mtshar che'o/ /bcom ldan 'das kyis bka' stsal pa/ kau shi ka de ji ltar na shes rab kyi pha rol du phyin pa 'di byang chub sems dpa' sems dpa' chen po rnams yongs su 'dul ba dang / nga rgyal med pa'i don du nye bar gnas pa yin/ brgya byin gyis gsol pa/ bcom ldan 'das 'di la byang chub sems dpa' sems dpa' chen po 'jig rten pa'i sbyin pa'i pha rol du phyin pa la spyod pa'i tshe/ sangs rgyas bcom ldan 'das rnams dang / rang sangs rgyas dang / nyan thos rnams la sbyin pa yongs su gtong ba bgyid cing 'di snyam du/ 'di ltar bdag ni sangs rgyas bcom ldan 'das rnams dang / rang sangs rgyas rnams dang / nyan thos rnams dang nyam thag pa dang 'gron po dang slong ba rnams la sbyin pa yongs su gtong ngo snyam du sems na de thabs mi mkhas pa'i sbyin pa des nga rgyal du 'gyur ro/ /'jig rten pa'i tshul khrims kyi pha rol du phyin pa la spyod pa'i tshe 'di snyam du 'di ltar bdag ni tshul khrims kyi pha rol du phyin pa la spyod do/ /bdag ni tshul khrims kyi pha rol du phyin pa yongs su rdzogs par byed do snyam na yang / de des nga rgyal du 'gyur ro/ /'jig rten pa'i bzod pa'i pha rol du phyin pa la spyod pa'i tshe 'di snyam du 'di ltar bdag ni bzod pa'i pha rol du phyin pa la spyod do/ /</font><hr>31.161b<br><font size=+1>

bdag ni bzod pa'i pha rol du phyin pa yongs su rdzogs par byed do snyam na yang de des nga rgyal du 'gyur ro/ /'jig rten pa'i brtson 'grus kyi pha rol du phyin pa la spyod pa'i tshe/ 'di snyam du 'di ltar bdag ni brtson 'grus kyi pha rol du phyin pa la spyod do/ /bdag ni brtson 'grus kyi pha rol du phyin pa yongs su rdzogs par byed do snyam na yang de des nga rgyal du 'gyur ro/ /'jig rten pa'i bsam gtan gyi pha rol du phyin pa la spyod pa'i tshe/ 'di snyam du 'di ltar bdag ni bsam gtan gyi pha rol du phyin pa la spyod do/ /bdag ni bsam gtan gyi pha rol du phyin pa yongs su rdzogs par byed do/ /snyam na yang de des nga rgyal du 'gyur ro/ /'jig rten pa'i shes rab kyi pha rol du phyin pa la spyod pa'i tshe/ 'di snyam du 'di ltar bdag ni shes rab kyi pha rol du phyin pa la spyod do/ /bdag ni shes rab kyi pha rol du phyin pa sgom mo snyam na yang de thabs mi mkhas pa'i slad du 'jig rten pa'i shes rab kyi pha rol du phyin pa de des nga rgyal du 'gyur ro/ /dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang stobs dang / byang chub kyi yan lag dang / 'phags pa'i lam yan lag brgyad pa dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / rnam par thar pa'i sgo stong pa nyid dang mtshan ma med pa dang smon pa med pa dang / mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad dang / rnam pa thams cad mkhyen pa nyid kyi bar du thob par bya'o snyam du sems na yang / de bdag tu bgyi ba la mngon par chags pas nga rgyal du 'gyur ro/ /bcom ldan 'das byang chub sems</font><hr>31.162a<br><font size=+1>

sems dpa' sems dpa' chen po de ltar 'jig rten pa'i chos rnams la spyod pa'i tshe/ bdag du bgyi ba la mngon par chags pas nga rgyal du 'gyur te/ de la ni shes rab kyi pha rol du phyin pa yongs su 'dul ba dang / nga rgyal ma mchis pa'i slad du nye bar gnas so/ /bcom ldan 'das 'di la byang chub sems dpa' sems dpa' chen po 'jig rten las 'das pa'i sbyin pa'i pha rol du phyin pa la spyod pa'i tshe/ shes rab kyi pha rol du phyin pa shin du bsgoms pa'i slad du sbyin pa yang mi dmigs/ gtong ba yang mi dmigs len pa yang mi dmigs te/ bcom ldan 'das de ltar shes rab kyi pha rol du phyin pa ni/ sbyin pa'i pha rol du phyin pa la spyod pa'i byang chub sems dpa' sems dpa' chen po yongs su 'dul ba dang / nga rgyal ma mchis pa'i slad du nye bar gnas so/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la spyod pa'i tshe/ shes rab kyi pha rol du phyin pa la shin du bsgoms pa'i slad du/ shes rab du yang mi dmigs/ shes rab dang ldan pa yang mi dmigs te/ bcom ldan 'das de ltar na shes rab kyi pha rol du phyin pa ni shes rab kyi pha rol du phyin pa la spyod pa'i byang chub sems dpa' sems dpa' chen po yongs su 'dul ba dang / nga rgyal ma mchis pa'i slad du nye bar gnas so/ /de dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa rnams dang / rnam pa thams cad mkhyen pa nyid sgom yang / shes rab kyi pha rol du phyin pa shin du bsgoms</font><hr>31.162b<br><font size=+1>

pa'i slad du dmigs pa ma mchis te/ bcom ldan 'das de ltar na shes rab kyi pha rol du phyin pa ni/ byang chub sems dpa' sems dpa' chen po yongs su 'dul ba dang / nga rgyal ma mchis pa'i slad du nye bar gnas so/ /shes rab kyi pha rol du phyin pa stong phrag nyi shu lnga pa las/ le'u bcu bdun pa'o// // de nas bcom ldan 'das kyis lha'i dbang po brgya byin la 'di skad ces bka' stsal to/ /kau shi ka rigs kyi bu 'am/ rigs kyi bu mo gang shes rab kyi pha rol du phyin pa zab mo 'di 'dzin cing 'chang ba dang / klog cing kun chub par byed pa dang / kha ton du byed cing tshul bzhin du yid la byed pa zhig 'thab mo'i nang du 'dug cing g.yul ngor chas pa'i tshe/ der gal te rigs kyi bu 'am rigs kyi bu mo gang shes rab kyi pha rol du phyin pa/ zab mo 'di kha ton du byas nas song ste 'dug na/ rigs kyi bu 'am/ rigs kyi bu mo de pham par mi nus te/ gdon mi za bar rgyal bar 'gyur ro/ /rgyal nas ma smas ma nyams par 'thab mo de las thar bar 'gyur te/ kau shi ka rigs kyi bu 'am rigs kyi bu mo gang shes rab kyi pha rol du phyin pa zab mo 'di kha ton du byed cing g.yul ngor song song ba las/ srog gi bar chad du 'gyur ba ni mi srid de/ gnas med skabs med de/ gal te de'i lus la/ la la zhig gis mdas 'phangs sam/ mtshon gyis btab na lus la phog cing 'dzug par mi 'gyur ro/ /de ci'i phyir zhe na/ rigs kyi bu 'am rigs kyi bu mo des yun ring por pha rol du phyin pa drug la spyad de/ shes rab kyi pha rol du phyin pa 'di nyid la brten shes rab kyi pha rol du phyin pa 'di nyid la bsgoms te/ bdag gi 'dod chags kyi mtshon dang / 'dod chags kyi mda' yang bcom/ gzhan gyi 'dod chags kyi mtshon dang / 'dod chags</font><hr>31.163a<br><font size=+1>

kyi mda' yang bcom/ bdag gi zhe sdang gi mtshon dang / zhe sdang gi mda' yang bcom/ gzhan gyi zhe sdang gi mtshon dang / zhe sdang gi mda' yang bcom/ bdag gi gti mug gi mtshon dang / gti mug gi mda' yang bcom/ gzhan gyi gti mug gi mtshon dang / gti mug gi mda' yang bcom/ bdag gi lta ba'i rnam pa'i mtshon dang / lta ba'i rnam pa'i mda' yang bcom/ gzhan gyi lta ba'i rnam pa'i mtshon dang / lta ba'i rnam pa'i mda' yang bcom/ bdag gi kun nas ldang ba'i mtshon dang / kun nas ldang ba'i mda' yang bcom/ gzhan gyi kun nas ldang ba'i mtshon dang / kun nas ldang ba'i mda' yang bcom/ bdag gi bag la nyal ba'i mtshon dang / bag la nyal ba'i mda' yang bcom/ gzhan gyi bag la nyal ba'i mtshon dang / bag la nyal ba'i mda' yang bcom pa'i phyir te/ kau shi ka rnam grangs des na/ rigs kyi bu 'am rigs kyi bu mo g.yul du phyin pa'i tshe/ lus la mtshon nam mdas phog cing zug par mi 'gyur ro/ /kau shi ka gzhan yang gal te rigs kyi bu 'am rigs kyi bu mo shes rab kyi pha rol du phyin pa zab mo 'di 'dzin cing 'chang ba dang / klog cing kun chub par byed pa dang tshul bzhin du yid la byed cing / rnam pa thams cad mkhyen pa nyid kyi sems dang yang mi 'bral na/ de la la la zhig gis dug gis gtor tam/ byad byas sam/ me'i 'obs su brjod dam/ mtshon gyis btab bam/ dug blud dam/ chur bor yang rung ste/ de dag thams cad kyis de la gnod par mi 'gyur ro/ /de ci'i phyir zhe na/ kau shi ka 'di ltar shes rab kyi pha rol du phyin pa 'di ni rig sngags chen mo'o/ /kau shi ka 'di ltar shes rab kyi pha rol du phyin pa 'di ni rig sngags bla na med pa'o/ /kau shi ka 'di ltar shes rab kyi pha rol du phyin pa 'di ni rig sngags gong na med pa ste/ rig sngags 'di la slob pa'i rigs kyi bu 'am</font><hr>31.163b<br><font size=+1>

rigs kyi bu mo ni bdag la yang gnod par mi byed/ gzhan la yang gnod par mi byed/ gnyis ka la yang gnod par mi byed do/ /de ci'i phyir zhe na/ 'di ltar de 'di la slob pa'i tshe bdag mi dmigs so mthong ba po'i bar du mi dmigs so gzugs mi dmigs so/ /tshor ba dang 'du shes dang / 'du byed dang rnam par shes pa mi dmigs so/ /skye mched dang khams dang / rten cing 'brel bar 'byung ba dang pha rol du phyin pa rnams dang /  stong pa nyid thams cad dang / byang chub kyi phyogs kyi chos rnams dang / 'phags pa'i bden pa dang bsam gtan dang / tshad med pa dang gzugs med pa'i snyoms par 'jug pa dang / rnam par thar pa brgyad dang mthar gyis gnas pa'i snyoms par 'jug pa dgu dang / rnam par thar pa'i sgo stong pa nyid dang / mtshan ma med pa dang smon pa med pa dang / mngon par shes pa dang ting nge 'dzin dang / gzungs kyi sgo dang stobs bcu dang / mi 'jigs pa dang so so yang dag par rig pa dang sangs rgyas kyi chos ma 'dres pa rnams dang / rnam pa thams cad mkhyen pa nyid kyi bar du mi dmigs so/ /de ltar mi dmigs pas na bdag la yang gnod par mi byed/ gzhan la yang gnod par mi byed gnyis ka la yang gnod par mi byed de bla na med pa yang dag par rdzogs pa'i byang chub thob cing / sems can thams cad kyi sems la rnam par lta bar 'gyur ro/ /de ci'i phyir zhe na/ 'das pa dang ma byon pa dang da ltar byung ba'i de bzhin gshegs pa dgra bcom pa yang dag par rdzogs pa'i sangs rgyas rnams kyis kyang rig sngags 'di nyid la bslabs te/ bla na med pa yang dag par rdzogs pa'i byang chub tu mngon par rdzogs par sangs rgyas so/[ ]/kau shi ka gzhan yang shes rab kyi pha rol du phyin pa 'di gzung ba ma byas kha ton ma byas/ klag pa dang kun chub par ma byas tshul bzhin du yid la ma byas kyang / gang na bri shing 'chang ba'i khyim 'am grong ngam grong rdal lam grong khyer der ni mi'am mi ma yin pa glags lta bas glags rnyed par mi 'gyur ro de ci'i phyir</font><hr>31.164a<br><font size=+1>

zhe na de ni 'di ltar shes rab kyi pha rol du phyin pa 'di mchod pa'i phyir/ stong gsum gyi stong chen po'i 'jig rten gyi khams kyi rgyal chen bzhi'i ris kyi lha'i bu dang / sum bcu rtsa gsum dang / mtshe ma dang / dga' ldan dang / 'phrul dga' dang / gzhan 'phrul dbang byed dang / tshangs ris dang / tshangs lha nye phan dang / tshangs pa kun 'khor dang / 'og min gyi bar gyi lha'i bu dang / 'jig rten gyi khams tshad med grangs med pa'i rgyal chen bzhi'i ris kyi lha'i bu dang / sum bcu rtsa gsum dang / mtshe ma dang / dga' ldan dang / 'phrul dga' dang / gzhan 'phrul dbang byed dang / tshangs ris dang / tshangs lha nye phan dang / tshangs pa kun 'khor dang / 'og min gyi bar gyi lha'i bu gang ji snyed yod pa de dag kyang rigs kyi bu 'am/ rigs kyi bu mo gang gis shes rab kyi pha rol du phyin pa zab mo 'di bris shing / bcangs pa de dag la rtag tu rgyun mi chad par bsrung ba dang / bskyab pa dang / bskyang ba byed de/ lha'i bu de dag 'ongs nas kyang shes rab kyi pha rol du phyin pa 'di la rim gro dang / bkur sti dang / sti stang dang / mchod par byas shing 'dong bar 'gyur te/ kau shi ka de ltar gang la las shes rab kyi pha rol du phyin pa 'di bris te/ bcangs na de la tshe 'di'i yon tan dang / legs pa 'di dag yod par 'gyur ro/ /kau shi ka 'di lta ste/ dper na/ snying po byang chub bam/ snying po byang chub kyi 'khor tam/ snying po byang chub kyi nang na byol song gi skye gnas su gtogs pa'i srog chags sam/ mir gyur pa gang su 'dug kyang rung ste/ de dag la mi 'am mi ma yin pas gtse ba 'am/ tho 'tsham par mi nus so/ /de ci'i phyir zhe na/ sngon gyi de bzhin gshegs pa dgra bcom pa yang dag par rdzogs pa'i sangs rgyas rnams kyis kyang de la bzhugs nas bla na med pa yang dag par rdzogs pa'i byang chub tu mngon par rdzogs par sangs rgyas so/ /gang ma byon pa dang / da ltar byung ba'i de bzhin gshegs pa dgra bcom pa yang dag par rdzogs pa'i sangs rgyas</font><hr>31.164b<br><font size=+1>

de dag kyang / de nyid du bzhugs shing bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro/ /da ltar phyogs bcu'i 'jig rten gyi khams na/ de bzhin gshegs pa dgra bcom pa yang dag par rdzogs pa'i sangs rgyas gang bzhugs pa de dag kyang de nyid la bzhugs te/ bla na med pa yang dag par rdzogs pa'i byang chub tu mngon par rdzogs par sangs rgyas so/ /de bzhin gshegs pa dgra bcom pa yang dag par rdzogs pa'i sangs rgyas de dag thams cad kyis/ bla na med pa yang dag par rdzogs pa'i byang chub tu mngon par rdzogs par sangs rgyas nas kyang / sems can thams cad 'jigs pa med pa dang / khon med pa dang / gcugs med par nan tan mdzad nas/ sems can tshad med grangs med pa lha dang mi'i phun sum tshogs pa la bkod par gyur to/ /bkod do/ /dgod par 'gyur ro/ /rgyun du zhugs pa'i 'bras bu dang / lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub dang / bla na med pa yang dag par rdzogs pa'i byang chub la bkod par gyur to/ /bkod do/ /dgod par 'gyur ro/ /kau shi ka de ci'i phyir zhe na/ shes rab kyi pha rol du phyin pa 'di nyid kyis sa'i phyogs de sems can thams cad kyi mchod rten du byas pas me tog dang / phreng ba dang / spos dang / byug pa dang / phye ma dang / na bza' dang / gdugs dang / rgyal mtshan dang / ba dan mang pos phyag bya ba dang / gdud pa dang / sti stang du bya ba dang / rim gror bya ba dang / mchod par bya ba dang / bkur stir bya bar gyur to/ /brgya byin gyis gsol pa/ bcom ldan 'das rigs kyi bu 'am/ rigs kyi bu mo gang la las shes rab kyi pha rol du phyin pa 'di bris shing glegs bam du bgyis te bcangs la/ de la me tog dang / phreng ba dang / spos dang / byug pa dang / phye ma dang / na bza' dang / gdugs dang / rgyal mtshan dang / ba dan mang pos rim gro dang / bkur sti dang / sti stang dang / mchod pa bgyis pa dang / gang la las de bzhin</font><hr>31.165a<br><font size=+1>

gshegs pa dgra bcom pa yang dag par rdzogs pa'i sangs rgyas yongs su mya ngan las 'das pa'i de bzhin gshegs pa'i sku gdung rnams rin po che sna bdun gyi mchod rten du stsal te/ mchod dam/ rin po che sna bdun gyi snod du stsal te/ de la me tog dang / phreng ba dang / spos dang / byug pa dang / phye ma dang / na bza' dang / gdugs dang / rgyal mtshan dang / ba dan mang pos rim gro dang / bkur sti dang / sti stang dang / mchod pa bgyis na/ de gnyis las gang gi bsod nams kyi phung po mang du 'phel ba lags/ bcom ldan 'das kyis bka' stsal pa/ kau shi ka de bas na de khyod nyid la dris/ khyod kyis ji ltar bzod pa de bzhin du lung ston cig /kau shi ka de ji snyam du sems/ de bzhin gshegs pa dgra bcom pa yang dag par rdzogs pa'i sangs rgyas kyis/ rnam pa thams cad mkhyen pa nyid brnyes pa dang / sku 'di lta bu mngon par grub pa de lam gang la bslabs pas/ de bzhin gshegs pa dgra bcom pa yang dag par rdzogs pa'i sangs rgyas kyis/ rnam pa thams cad mkhyen pa nyid brnyes te/ sku 'di lta bu mngon par grub par gyur/ brgya byin gyis gsol pa/ bcom ldan 'das shes rab kyi pha rol du phyin pa 'di nyid la bslabs te/ de bzhin gshegs pa dgra bcom pa yang dag par rdzogs pa'i sangs rgyas kyis/ rnam pa thams cad mkhyen pa nyid brnyes te sku 'di lta bu yang mngon par grub bo/ /bcom ldan 'das kyis bka' stsal pa/ kau shi ka de de bzhin no/ /de de bzhin te/ ngas shes rab kyi pha rol du phyin pa 'di nyid la bslabs nas/ rnam pa thams cad mkhyen pa nyid brnyes so/ /sku 'di 'dra ba yang mngon par grub bo/ /kau shi ka nga'i sku 'di brnyes pa ni/ de bzhin gshegs pa de bzhin gshegs pa zhes bya ba'i grangs su yang mi 'gro ste/ rnam pa thams cad mkhyen pa nyid brnyes pas/ de bzhin gshegs pa de bzhin gshegs pa zhes bya ba'i grangs su 'gro'o/ /kau shi ka rnam pa thams cad mkhyen pa nyid ni shes rab kyi pha rol du phyin pa las byung ngo / /</font><hr>31.165b<br><font size=+1>

kau shi ka de ltar lus 'di ni rnam pa thams cad mkhyen pa nyid kyi ye shes kyi gzhi ste/ gzhi de la brten nas de bzhin gshegs pa dgra bcom pa yang dag par rdzogs pa'i sangs rgyas kyis/ rnam pa thams cad mkhyen pa nyid brnyes so/ /de lta bas na sku 'di ni rnam pa thams cad mkhyen pa nyid kyi ye shes de'i gzhir gyur pas/ sems can thams cad kyi mchod rten du gyur cing phyag bya ba dang / sti stang du bya ba dang / mchod par bya ba dang / rim gror bya ba dang / bkur stir bya bar gyur te/ kau shi ka de yongs su mya ngan las 'das nas/ sku gdung mchod pa yang sku la mchod pa nyid du 'gyur gyi/ chos la mchod par mi 'gyur ro/ /kau shi ka rigs kyi bu 'am/ rigs kyi bu mo gang la las shes rab kyi pha rol du phyin pa 'di bris te 'dzin cing 'chang ba dang / klog cing kun chub par byed pa dang / tshul bzhin du yid la byed pa dang / me tog dang / phreng ba dang / spos dang / byug pa dang / phye ma dang / na bza' dang / gdugs dang / rgyal mtshan dang / ba dan mang pos rim gro dang / bkur sti dang / sti stang dang / mchod pa byas pas ni/ rnam pa thams cad mkhyen pa nyid kyi ye shes la mchod pa byas par 'gyur ro/ /kau shi ka de bas na rigs kyi bu 'am/ rigs kyi bu mo dad pa de bzhin gshegs pa la mchod par 'dod pas/ shes rab kyi pha rol du phyin pa 'di nyid bris te/ gzung bar bya'o/ /bcang bar bya'o/ /klog par bya'o/ /kun chub par bya'o/ /tshul bzhin du yid la bya'o/ /me tog dang / phreng ba dang / spos dang / byug pa dang / phye ma dang / na bza' dang / gdugs dang / rgyal mtshan dang / ba dan mang pos rim gror bya'o/ /bkur stir bya'o/ /sti stang du bya'o/ /mchod par bya'o/ /kau shi ka gang la las de bzhin gshegs pa yongs su mya ngan las 'das pa'i sku gdung rin po che sna bdun gyi mchod rten du bcug gam/ rin po che sna bdun gyi snod du blugs shing gces par byas te/ de la me tog dang / phreng ba dang / spos dang / byug pa dang / phye ma dang / na bza' dang / gdugs dang / rgyal mtshan dang / ba dan mang pos rim gro dang / bkur sti dang / sti stang dang mchod</font><hr>31.166a<br><font size=+1>

pa byas pa bas/ gang gis shes rab kyi pha rol du phyin pa 'di bris te/ bzung ba dang / kun chub par byas pa dang / tshul bzhin du yid la byas pa dang / me tog dang / phreng ba dang / spos dang / byug pa dang / phye ma dang / na bza' dang / gdugs dang / rgyal mtshan dang / ba dan mang pos rim gro dang / bkur sti dang / sti stang dang / mchod pa byas na/ 'di nyid de bas bsod nams ches mang du 'phel lo/ /kau shi ka de ci'i phyir zhe na/ pha rol du phyin pa lnga yang 'di las byung ngo / /nang stong pa nyid dang / dngos po med pa'i ngo bo nyid stong pa nyid kyi bar yang 'di las byung ngo / /dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa bcwa brgyad kyang 'di las byung ngo / /sems can yongs su smin par bya ba yang 'di las byung ngo / /sangs rgyas kyi zhing phun sum tshogs pa yang 'di las byung ngo / /byang chub sems dpa' sems dpa' chen po'i rigs phun sum tshogs pa dang / gzugs phun sum tshogs pa dang / longs spyod phun sum tshogs pa dang / 'khor phun sum tshogs pa yang 'di las byung ngo / /byams pa chen po yang 'di las byung ngo / /snying rje chen po yang 'di las byung ngo / /rgyal rigs che zhing mtho ba dang / bram ze'i rigs che zhing mtho ba dang / khyim bdag gi rigs che zhing mtho ba dang / rgyal chen bzhi'i ris kyi lha'i bu dang / sum bcu rtsa gsum dang / mtshe ma dang / dga' ldan dang / 'phrul dga' dang / gzhan 'phrul dbang byed dang / 'og min gyi bar gyi lha rnams kyang 'di las byung ngo / /rgyun du</font><hr>31.166b<br><font size=+1>

zhugs pa dang / lan gcig phyir 'ong ba dang / phyir mi 'ong ba dang / dgra bcom pa dang / rang sangs rgyas dang / byang chub sems dpa' dang / de bzhin gshegs pa dgra bcom pa yang dag par rdzogs pa'i sangs rgyas rnams kyi rnam pa thams cad mkhyen pa nyid kyang 'di las byung ngo / /brgya byin gyis gsol pa/ bcom ldan 'das 'dzam bu'i gling gi mi gang shes rab kyi pha rol du phyin pa 'di la rim gro mi bgyid/ bkur sti mi bgyid/ sti stang mi bgyid/ mchod par mi bgyid pa de dag gis shes rab kyi pha rol du phyin pa la mchod pa de ltar mthu che bar ma 'tshal tam/ bcom ldan 'das kyis bka' stsal pa/ kau shi ka de ji snyam du sems/ 'dzam bu'i gling gi mi de dag las sangs rgyas la mos pa mi phyed pa dang ldan pa dang / gang chos dang / dge 'dun la mos pa mi phyed pa dang ldan pa dang / gang sangs rgyas la nem nur med pa dang / gang chos dang / dge 'dun la nem nur med pa dang / gang sangs rgyas la shin du rton pa dang / gang chos dang / dge 'dun la shin du rton pa de lta bu ni ji snyed cig yod/ brgya byin gyis gsol pa/ bcom ldan 'das 'dzam bu'i gling gi mi gang sangs rgyas la mos pa mi phyed pa dang ldan pa dang / gang chos dang / dge 'dun la mos pa mi phyed pa dang ldan pa dang / gang sangs rgyas la nem nur ma mchis pa dang / gang chos dang dge 'dun la nem nur ma mchis pa dang / gang sangs rgyas la shin du rton pa dang / gang chos dang / dge 'dun la shin du rton pa de lta bu ni nyung ngo / /bcom ldan 'das kyis bka' stsal pa/ kau shi ka de ji snyam du sems/ 'dzam bu'i gling gi mi las byang chub kyi phyogs kyi chos sum bcu rtsa bdun thob pa ni ji snyed cig yod/ rnam par thar pa'i sgo gsum thob pa ni ji snyed cig yod/ rnam par thar pa brgyad thob pa de lta bu ni ji snyed cig yod/ mthar gyis gnas pa'i snyoms par 'jug pa dgu thob pa de lta bu ni ji snyed cig yod/ so so yang dag par rig pa bzhi thob pa de lta bu ni ji snyed cig yod/ mngon par shes pa drug thob pa de lta bu ni ji snyed cig yod/ 'dzam bu'i gling gi mi las kun du sbyor ba gsum spangs pa'i phyir/ </font><hr>31.167a<br><font size=+1>

rgyun du zhugs par gyur pa de lta bu ni ji snyed cig yod/ 'dod chags dang / zhe sdang dang / gti mug bsrabs pa'i phyir/ lan gcig phyir 'ong bar gyur pa de lta bu ni ji snyed cig yod/ dam pa ma yin pa'i cha'i kun du sbyor ba lnga spangs pa'i phyir/ phyir mi 'ong bar gyur pa de lta bu ni ji snyed cig yod/ bla ma'i cha'i kun du sbyor ba lnga spangs pa'i phyir/ dgra bcom par gyur pa de lta bu ni ji snyed cig yod/ rang byang chub tu yang dag par zhugs par gyur pa de lta bu ni ji snyed cig yod/ bla na med pa yang dag par rdzogs pa'i byang chub tu yang dag par zhugs pa de lta bu ni ji snyed cig yod/ brgya byin gyis gsol pa/ 'dzam bu'i gling gi mi la byang chub kyi phyogs kyi chos sum bcu rtsa bdun thob pa de lta bu ni ches nyung ngo / /de bas kyang rnam par thar pa'i sgo gsum thob pa de lta bu ni ches nyung ngo / /de bas kyang rnam par thar pa brgyad thob pa de lta bu ni ches nyung ngo / /de bas kyang mthar gyis gnas pa'i snyoms par 'jug pa dgu thob pa de lta bu ni ches nyung ngo / /de bas kyang so so yang dag par rig pa bzhi thob pa de lta bu ni ches nyung ngo / /de bas kyang mngon par shes pa drug thob pa de lta bu ni ches nyung ngo / /de bas kyang 'dzam bu'i gling gi mi las kun du sbyor ba gsum spangs pa'i slad du/ rgyun du zhugs par gyur pa de lta bu ni ches nyung ngo / /de bas kyang 'dod chags dang / zhe sdang dang / gti mug bsrabs pa'i slad du/ lan gcig phyir 'ong bar gyur pa de lta bu ni ches nyung ngo / /de bas kyang dam pa ma lags pa'i cha'i kun du sbyor ba lnga spangs pa'i slad du/ phyir mi 'ong bar gyur pa de lta bu ni ches nyung ngo / /de bas kyang bla ma'i cha'i kun du sbyor ba lnga spangs pa'i slad du/ dgra bcom par gyur pa de lta bu ni ches nyung ngo / /de bas kyang rang byang chub tu yang dag par zhugs pa de lta bu ni ches nyung ngo / /de bas kyang 'dzam bu'i gling gi mi las bla na med pa yang dag par rdzogs pa'i byang chub tu yang dag par zhugs par gyur pa de lta bu ni ches nyung ngo / /bcom ldan 'das kyis bka' stsal pa/ kau shi ka de de bzhin no/ /de de bzhin te/ 'dzam</font><hr>31.167b<br><font size=+1>

bu'i gling gi mi de dag las/ sangs rgyas la mos pa mi phyed pa dang ldan pa dang / chos la mos pa mi phyed pa dang ldan pa dang / dge 'dun la mos pa mi phyed pa dang ldan pa dang / sangs rgyas la nem nur med pa dang / chos la nem nur med pa dang / dge 'dun la nem nur med pa de lta bu ni ches nyung ngo / /de bas kyang sangs rgyas la shin du rton pa dang / chos la shin du rton pa dang / dge 'dun la shin du rton pa de lta bu ni ches nyung ngo / /de bas kyang byang chub kyi phyogs kyi chos sum bcu rtsa bdun thob pa de lta bu ni ches nyung ngo / /de bas kyang rgyun du zhugs par gyur pa de lta bu ni ches nyung ngo / /de bas kyang lan gcig phyir 'ong bar gyur pa de lta bu ni ches nyung ngo / /de bas kyang phyir mi 'ong bar gyur pa de lta bu ni ches nyung ngo / /de bas kyang dgra bcom par gyur pa de lta bu ni ches nyung ngo / /de bas kyang rang byang chub tu yang dag par zhugs pa de lta bu ni ches nyung ngo / /de bas kyang bla na med pa yang dag par rdzogs pa'i byang chub tu yang dag par zhugs par gyur pa de lta bu ni ches nyung ngo / /de bas kyang byang chub tu spyod par gyur pa de lta bu ni ches nyung ngo / /de ci'i phyir zhe na/ de ni 'di ltar sngon 'khor ba na 'khor ba'i tshe/ sangs rgyas ma mthong ba dang / chos ma thos pa dang / dge 'dun la bsnyen ma bkur ba dang / sbyin pa ma byin pa dang / tshul khrims ma bsrungs pa dang / bzod pa ma bsgoms pa dang / brtson 'grus ma brtsams pa dang / bsam gtan ma bsgoms pa dang / shes rab ma bsgoms pa dang / sbyin pa'i pha rol du phyin pa ma thos ma bsgoms pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa ma thos ma bsgoms pa dang / nang stong pa nyid ma thos ma bsgoms pa dang / dngos po med pa'i ngo bo nyid stong pa nyid kyi bar du ma thos ma bsgoms pa dang / dran pa nye bar gzhag pa rnams ma thos ma bsgoms pa dang / 'phags pa'i lam yan lag brgyad pa'i bar du ma thos ma bsgoms pa dang / </font><hr>31.168a<br><font size=+1>

sangs rgyas kyi chos ma 'dres pa rnams kyi bar du ma thos ma bsgoms pa dang / rnam pa thams cad mkhyen pa nyid kyi bar du ma thos ma bsgoms pa'i phyir ro/ /kau shi ka rnam grangs des na 'di ltar 'dzam bu'i gling gis sems can las/ sangs rgyas la mos pa mi phyed pa dang ldan pa dang / chos la mos pa mi phyed pa dang ldan pa dang / dge 'dun la mos pa mi phyed pa dang ldan pa de lta bu ni ches nyung ste/ de bas kyang rang byang chub tu yang dag par zhugs par gyur pa'i bar du ches nyung ngo / /de bas kyang bla na med pa yang dag par rdzogs pa'i byang chub tu yang dag par zhugs par gyur pa ches nyung ngo / /de bas kyang bsam pa dag pas byang chub tu spyod pa ni ches nyung bar rig par bya'o/ /kau shi ka mi rnams lta zhog gi/ de ji snyam du sems/ 'dzam bu'i gling gi srog chags rnams las/ byang chub kyi phyogs kyi chos sum bcu rtsa bdun thob pa dang / rnam par thar pa'i sgo gsum thob pa dang / rnam par thar pa brgyad thob pa dang / mthar gyis gnas pa'i snyoms par 'jug pa dgu thob pa dang / so so yang dag par rig pa bzhi thob pa dang / mngon par shes pa drug thob pa de lta bu ni ji snyed cig yod/ 'dzam bu'i gling gi srog chags rnams las/ kun du sbyor ba gsum spangs pa'i phyir/ rgyun du zhugs par gyur pa dang / 'dod chags dang / zhe sdang dang / gti mug bsrabs pa'i phyir/ lan gcig phyir 'ong bar gyur pa dang / dam pa ma yin pa'i cha'i kun du sbyor ba lnga spangs pa'i phyir/ phyir mi 'ong bar gyur pa dang / bla ma'i cha'i kun du sbyor ba lnga spangs pa'i phyir/ dgra bcom par gyur pa dang / rang byang chub tu yang dag par zhugs pa de lta bu ni ji snyed cig yod/ 'dzam bu'i gling gi srog chags rnams las bla na med pa yang dag par rdzogs pa'i byang chub la nem nur med pa dang / sangs rgyas dang / chos dang / dge 'dun la nem nur med pa ni ji snyed cig yod/ 'dzam bu'i gling gi srog chags rnams las mar shes pa dang / phar shes pa dang / dge sbyong du shes pa dang / bram zer shes pa dang / rigs kyi gtso bo la rim gro byed pa</font><hr>31.168b<br><font size=+1>

dang / sbyin pa sbyin pa dang / tshul khrims bsrung ba dang / gso sbyin la gnas pa dang / 'dod pa la kha na ma tho bar 'du shes shing rnam par spyod pa dang / de bzhin du mi rtag par 'du shes pa dang / bdag med par 'du shes pa dang / mi gtsang bar 'du shes pa dang / 'jig rten thams cad du mngon par dga' ba med par 'du shes pa ni ji snyed cig yod/ 'dzam bu'i gling gi srog chags rnams las/ bla na med pa yang dag par rdzogs pa'i byang chub tu yang dag par zhugs pa ni ji snyed cig yod/ brgya byin gyis gsol pa/ bcom ldan 'das 'dzam bu'i gling gi srog chags rnams las/ byang chub kyi phyogs kyi chos sum bcu rtsa bdun thob pa dang / rnam par thar pa'i sgo gsum thob pa dang / rnam par thar pa brgyad thob pa dang / mthar gyis gnas pa'i snyoms par 'jug pa dgu thob pa dang / so so yang dag par rig pa bzhi thob pa dang / mngon par shes pa drug thob pa dang / kun du sbyor ba gsum spangs pa'i slad du/ rgyun du zhugs par gyur pa dang / 'dod chags dang / zhe sdang dang / gti mug bsrabs pa'i slad du/ lan gcig phyir 'ong bar gyur pa dang / dam pa ma lags pa'i cha'i kun du sbyor ba lnga spangs pa'i slad du/ phyir mi 'ong bar gyur pa dang / bla ma'i cha'i kun du sbyor ba lnga spangs pa'i slad du/ dgra bcom par gyur pa dang / rang byang chub tu yang dag par zhugs pa de lta bu ni shin du nyung ngo / /bcom ldan 'das 'dzam bu'i gling gi srog chags las/ bla na med pa yang dag par rdzogs pa'i byang chub tu yang dag par zhugs pa de lta bu ni de bas kyang ches nyung ngo / /bcom ldan 'das kyis bka' stsal pa/ kau shi ka de de bzhin no/ /de de bzhin te/ ji skad smras pa de bzhin te/ kau shi ka 'dzam bu'i gling gi srog chags las/ byang chub kyi phyogs kyi chos sum bcu rtsa bdun thob pa dang / rnam par thar pa'i sgo gsum thob pa dang / rnam par thar pa brgyad thob pa dang / mthar gyis gnas pa'i snyoms par 'jug pa dgu thob pa dang / so so yang dag par rig pa bzhi thob pa dang / mngon par shes</font><hr>31.169a<br><font size=+1>

pa drug thob pa dang / kun du sbyor ba gsum spangs pa'i phyir/ rgyun du zhugs pa thob pa dang / 'dod chags dang / zhe sdang dang / gti mug bsrabs pa'i phyir/ lan gcig phyir 'ong bar gyur pa dang / dam pa ma yin pa'i cha'i kun du sbyor ba lnga spangs pa'i phyir/ phyir mi 'ong bar gyur pa dang / bla ma'i cha can gyi kun du sbyor ba lnga spangs pa'i phyir/ dgra bcom par gyur pa dang / rang byang chub tu yang dag par zhugs pa dang / bla na med pa yang dag par rdzogs pa'i byang chub tu yang dag par zhugs pa de lta bu ni nyung ste/ de bas kyang gang bla na med pa yang dag par rdzogs pa'i byang chub tu spyod pa de lta bu ni ches nyung ngo / /de bas kyang bla na med pa yang dag par rdzogs pa'i byang chub tu mngon par rdzogs par 'tshang rgya bar 'dod pa de lta bu ni ches nyung ngo / /kau shi ka ngas 'di nas sangs rgyas kyi spyan bsgribs pa med pas/ shar phyogs kyi 'jig rten gyi khams gang gA'i klung gi bye ma snyed dag na/ sems can tshad med grangs med pa bla na med pa yang dag par rdzogs pa'i byang chub tu spyod kyang shes rab kyi pha rol du phyin pa'i thabs mkhas pa dang mi ldan pas/ de las gcig gam gnyis shig phyir mi ldog pa'i sa la gnas par 'gyur gyi/ de las phal cher nyan thos dang / rang sangs rgyas kyi sa la gnas par 'gyur ba mthong ngo / /de ci'i phyir zhe na/ kau shi ka bla na med pa yang dag par rdzogs pa'i byang chub ni le lo can/ brtson 'grus med pa/ bsam pa zhan pa/ mos pa dma' ba/ shes rab 'chal pa can rnams kyis bsgrub dka'o/ /kau shi ka ngas 'di nas sangs rgyas kyi spyan bsgribs pa med pas/ lho dang / nub dang / byang dang / byang shar dang / shar lho dang / lho nub dang / nub byang dang / 'og dang / steng gi phyogs kyi 'jig rten gyi khams gang gA'i klung gi bye ma snyed dag na/ sems can tshad med grangs med pa bla na med pa yang dag par rdzogs pa'i byang chub tu spyod kyang / shes rab kyi pha rol du phyin pa'i thabs mkhas pa dang mi ldan pas/ de las gcig gam gnyis shig phyir mi ldog pa'i sa la gnas par 'gyur gyi de las phal cher nyan thos</font><hr>31.169b<br><font size=+1>

dang rang sangs rgyas kyi sa la gnas par 'gyur ba mthong ngo / /de ci'i phyir zhe na/ kau shi ka bla na med pa yang dag par rdzogs pa'i byang chub ni le lo can/ brtson 'grus med pa/ bsam pa zhan pa mos pa dma' ba/ shes rab 'chal pa can rnams kyis bsgrub par dka'o/ /kau shi ka de bas na rigs kyi bu 'am/ rigs kyi bu mo gang bla na med pa yang dag par rdzogs pa'i byang chub tu yang dag par zhugs pa de dag myur zhing bde bar/ bla na med pa yang dag par rdzogs pa'i byang chub tu mngon par rdzogs par 'tshang rgya bar 'dod na/ yang dang yang du shes rab kyi pha rol du phyin pa 'di la mnyan par bya'o/ /gzung bar bya'o/ /bcang bar bya'o/ /klag par bya'o/ /kun chub par bya'o/ /tshul bzhin du yid la bya'o/ /de dag gis shes rab kyi pha rol du phyin pa 'di gzung zhing bcang ba dang / klog cing kun chub pa dang / tshul bzhin du yid la byas shing bris te/ me tog dang / bdug spos dang / phreng ba dang / spos dang / byug pa dang / phye ma dang / na bza' dang / gdugs dang / rgyal mtshan dang / ba dan mang pos rim gror bya'o/ /bkur stir bya'o/ /sti stang du bya'o/ /mchod par bya'o/ /dge ba'i chos gang ji snyed pa gzhan yang shes rab kyi pha rol du phyin pa 'di'i nang du 'du ste/ de dag kyang gzung bar bya/ bcang bar bya/ klag par bya/ kun chub par bya/ tshul bzhin du yid la bya ste/ 'di ltar sbyin pa'i pha rol du phyin pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa dang / nang stong pa nyid dang / dngos po med pa'i ngo bo nyid stong pa nyid kyi bar dang / dran pa nye bar gzhag pa rnams dang / 'phags pa'i lam yan lag brgyad pa'i bar dang / sangs rgyas kyi chos ma 'dres pa bcwa brgyad kyi bar dang / gzhan yang sangs rgyas kyi chos tshad med pa gang ji snyed shes rab kyi pha rol du phyin pa 'di'i nang du 'dus pa de dag kyang gzung bar bya'o/ /bcang bar bya'o/ /klag par bya'o/ /kun chub par</font><hr>31.170a<br><font size=+1>

bya'o/ /tshul bzhin du yid la bya'o/ /de ci'i phyir zhe na/ kau shi ka de ni 'di ltar rigs kyi bu 'am/ rigs kyi bu mo de dag 'di ltar shes par 'gyur te/ de bzhin gshegs pa sngon byang chub sems dpa'i spyad pa spyod pa'i tshe yang / 'di ltar shes rab kyi pha rol du phyin pa dang / bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa dang / nang stong pa nyid dang / dngos po med pa'i ngo bo nyid stong pa nyid kyi bar dang / dran pa nye bar gzhag pa bzhi dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs dang / mi 'jigs pa dang / so so yang dag par rig pa dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad po 'di dag dang / gzhan yang sangs rgyas kyi chos tshad med pa dag la bslab pa mdzad kyis/ bdag cag gis kyang de'i rjes su bslab par bya'o/ /'di lta ste/ shes rab kyi pha rol du phyin pa 'di ni bdag cag gi ston pa'o/ /sangs rgyas kyi chos gzhan tshad med pa'i bar du yang bdag cag gi ston pa ste/ de ni sangs rgyas bcom ldan 'das rnams kyis bstan pa'o/ /rang sangs rgyas dang / dgra bcom pa dang / phyir mi 'ong ba dang / lan gcig phyir 'ong ba dang / rgyun du zhugs pa rnams kyis bstan pa yang 'di yin te/ shes rab kyi pha rol du phyin pa'o/ /shes rab kyi pha rol du phyin pa 'di</font><hr>31.170b<br><font size=+1>

la slob slob pa dang / bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa la slob slob pa dang / nang stong pa nyid la slob slob pa dang / dngos po med pa'i ngo bo nyid stong pa nyid kyi bar la slob slob pa dang / dran pa nye bar gzhag pa rnams la slob slob pa dang / 'phags pa'i lam yan lag brgyad pa'i bar la slob slob pa dang / sangs rgyas kyi chos ma 'dres pa rnams kyi bar la slob slob pa dang / rnam pa thams cad mkhyen pa nyid kyi bar la slob slob pa'i sangs rgyas bcom ldan 'das rnams dang / rang sangs rgyas rnams dang / dgra bcom pa rnams dang / phyir mi 'ong ba rnams dang / lan gcig phyir 'ong ba rnams dang / rgyun du zhugs pa rnams kyis kyang pha rol du phyin par gyur to/ /pha rol du phyin to/ /pha rol du phyin par 'gyur ro zhes bya bar shes par 'gyur ro/ /kau shi ka de bas na rigs kyi bu 'am/ rigs kyi bu mo de dag gis de bzhin gshegs pa bzhugs kyang rung / de bzhin gshegs pa yongs su mya ngan las 'das kyang rung ste/ shes rab kyi pha rol du phyin pa 'di nyid la brten par bya'o/ /de ci'i phyir zhe na/ kau shi ka shes rab kyi pha rol du phyin pa 'di nyid nyan thos dang / rang sangs rgyas dang / byang chub sems dpa' sems dpa' chen po thams cad kyi rten yin te/ lha dang mi dang / lha ma yin gyi skye dgu'i bar gyi rten yin no/ /de dag gis bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa dang / rnam pa thams cad mkhyen pa nyid kyi bar la brten par bya ste/ de ci'i phyir zhe na/ kau shi ka rnam pa thams cad mkhyen pa nyid 'di ni nyan thos dang / rang sangs rgyas dang / byang chub sems dpa' sems dpa' chen po thams cad kyi rten yin te/ lha dang / mi dang / lha ma yin gyi skye dgu'i bar gyi rten yin no// /</font><hr>31.171a<br><font size=+1>

shes rab kyi pha rol du phyin pa stong phrag nyi shu lnga pa/ bam po sum bcu gnyis pa/ kau shi ka rigs kyi bu 'am/ rigs kyi bu mo gang la la zhig gis/ de bzhin gshegs pa yongs su mya ngan las 'das nas/ mchod pa'i phyir rin po che sna bdun gyis mchod rten 'phang du dpag tshad tsam la/ rgyar dpag tshad phyed pa byas te/ de la nam 'tsho'i bar du lha rdzas kyi me tog dang / phreng ba dang / spos dang / byug pa dang / phye ma dang / chos gos dang / na bza' dang / gdugs dang / rgyal mtshan dang / ba dan dang / lha rdzas kyi sil snyan mang pos rim gror byas/ bkur stir byas/ sti stang du byas/ mchod par byas na/ kau shi ka de la ji snyam du sems/ de'i phyir rigs kyi bu 'am/ rigs kyi bu mo de'i bsod nams mang du 'phel lam/ brgya byin gyis gsol pa/ bcom ldan 'das mang ngo / /bde bar gshegs pa mang ngo / /bcom ldan 'das kyis bka' stsal pa/ kau shi ka de bas kyang rigs kyi bu 'am/ rigs kyi bu mo gang shes rab kyi pha rol du phyin pa 'di bris shing 'dzin pa dang / 'chang ba dang / klog pa dang / kun chub par byed pa dang / tshul bzhin du yid la byed pa dang / gzhan la yang rgya cher ston cing / rnam pa thams cad mkhyen pa nyid kyi sems dang yang mi 'bral la/ gong du me tog dang / phreng ba dang / spos dang / byug pa dang / phye ma dang / na bza' dang / gdugs dang / rgyal mtshan dang / ba dan dang / sil snyan sna tshogs kyis rim gror byed/ bkur stir byed/ sti stang du byed/ mchod par byed na/ de'i bsod nams ches mang du 'phel lo/ /kau shi ka mchod rten gcig lta zhog gi/ /kau shi ka gal te rigs kyi bu 'am/ rigs kyi bu mo gang la la zhig gis/ de bzhin gshegs pa yongs su mya ngan las 'das nas mchod pa'i phyir 'dzam bu'i gling 'di rin po che sna bdun las byas pa'i mchod rten 'phang du dpag tshad tsam la/ rgyar dpag tshad phyed pas yongs su bkang ste/ de dag la nam 'tsho'i bar du lha rdzas kyi me tog dang / phreng ba dang / spos dang / byug pa dang / phye ma dang / chos gos dang / </font><hr>31.171b<br><font size=+1>

na bza' dang / gdugs dang / rgyal mtshan dang / ba dan dang / lha rdzas kyi sil snyan mang pos rim gror byas/ bkur stir byas/ sti stang du byas/ mchod par byas na/ kau shi ka de la ji snyam du sems/ de'i phyir rigs kyi bu 'am/ rigs kyi bu mo de'i bsod nams mang du 'phel lam/ brgya byin gyis gsol pa/ bcom ldan 'das mang ngo / /bde bar gshegs pa mang ngo / /bcom ldan 'das kyis bka' stsal pa/ kau shi ka de bas kyang rigs kyi bu 'am/ rigs kyi bu mo gang shes rab kyi pha rol du phyin pa 'di bris shing 'dzin pa dang / 'chang ba dang / klog pa dang / kun chub par byed pa dang / tshul bzhin du yid la byed cing / rnam pa thams cad mkhyen pa nyid kyi sems dang yang mi 'bral la/ gong du me tog dang / phreng ba dang / spos dang / byug pa dang / phye ma dang / na bza' dang / gdugs dang / rgyal mtshan dang / ba dan dang / sil snyan sna tshogs kyis rim gror byed/ bkur stir byed/ sti stang du byed/ mchod par byed na/ de'i bsod nams ches mang du 'phel lo/ /kau shi ka 'dzam bu'i gling 'di de bzhin gshegs pa'i mchod rten gyis yongs su bkang ba lta zhog gi/ kau shi ka gal te rigs kyi bu 'am/ rigs kyi bu mo gang la la zhig gis/ de bzhin gshegs pa yongs su mya ngan las 'das nas/ mchod pa'i phyir gling bzhi pa'i 'jig rten gyi khams 'di rin po che sna bdun las byas pa'i mchod rten 'phang du dpag tshad tsam la/ rgyar dpag tshad phyed pas yongs su bkang ste/ de dag la nam 'tsho'i bar du lha rdzas kyi me tog dang / phreng ba dang / spos dang / byug pa dang / phye ma dang / chos gos dang / na bza' dang / gdugs dang / rgyal mtshan dang / ba dan dang / lha rdzas kyi sil snyan mang pos rim gror byas/ bkur stir byas/ sti stang du byas/ mchod par byas na/ kau shi ka de la ji snyam du sems/ de'i phyir rigs kyi bu 'am/ rigs kyi bu mo de'i bsod nams mang du 'phel lam/ brgya byin gyis gsol pa/ bcom ldan 'das mang ngo / /bde bar gshegs pa mang ngo / /bcom</font><hr>31.172a<br><font size=+1>

ldan 'das kyis bka' stsal pa/ kau shi ka de bas kyang rigs kyi bu 'am/ rigs kyi bu mo gang shes rab kyi pha rol du phyin pa 'di glegs bam du byas te/ 'dzin pa dang / 'chang ba dang / klog pa dang / kun chub par byed pa dang / tshul bzhin du yid la byed pa dang / bris shing me tog dang / phreng ba dang / spos dang / byug pa dang / phye ma dang / na bza' dang / gdugs dang / rgyal mtshan dang / ba dan dang / sil snyan sna tshogs kyis rim gror byed/ bkur stir byed/ sti stang du byed/ mchod par byed na/ de'i bsod nams ches mang du 'phel lo/ /kau shi ka gling bzhi pa'i 'jig rten gyi khams de bzhin gshegs pa'i mchod rten gyis yongs su bkang ba lta zhog gi/[ ]kau shi ka gal te rigs kyi bu 'am/ rigs kyi bu mo gang la la zhig gis/ de bzhin gshegs pa yongs su mya ngan las 'das nas mchod pa'i phyir/ stong gi 'jig rten gyi khams byur bu 'di rin po che sna bdun las byas pa'i mchod rten 'phang du dpag tshad tsam la/ rgyar dpag tshad phyed pas yongs su bkang ste/ de dag la nam 'tsho'i bar du lha rdzas kyi me tog dang / phreng ba dang / spos dang / byug pa dang / phye ma dang / na bza' dang / gdugs dang / rgyal mtshan dang / ba dan dang / lha rdzas kyi sil snyan mang pos rim gror byas/ bkur stir byas/ sti stang du byas/ mchod par byas na/ kau shi ka de la ji snyam du sems/ de'i phyir rigs kyi bu 'am/ rigs kyi bu mo de'i bsod nams mang du 'phel lam/ brgya byin gyis gsol pa/ bcom ldan 'das mang ngo / /bde bar gshegs pa mang ngo / /bcom ldan 'das kyis bka' stsal pa/ kau shi ka de bas kyang rigs kyi bu 'am/ rigs kyi bu mo gang shes rab kyi pha rol du phyin pa 'di glegs bam du byas shing 'dzin pa dang / 'chang ba dang / klog pa dang / kun chub par byed pa dang / tshul bzhin du yid la byed pa dang / bris shing me tog dang / phreng ba dang / spos dang byug pa dang / phye ma dang / na bza' dang / gdugs dang / rgyal mtshan dang / ba dan dang / sil snyan sna tshogs</font><hr>31.172b<br><font size=+1>

kyis rim gror byed/ bkur stir byed/ sti stang du byed/ mchod par byed na/ de'i bsod nams ches mang du 'phel lo/ /kau shi ka stong gi 'jig rten gyi khams byur bu de bzhin gshegs pa'i mchod rten gyis yongs su bkang ba lta zhog gi/ kau shi ka gal te rigs kyi bu 'am/ rigs kyi bu mo gang la la zhig gis/ de bzhin gshegs pa yongs su mya ngan las 'das nas mchod pa'i phyir/ 'jig rten gyi khams 'bring po stong gnyis pa 'di rin po che sna bdun las byas pa'i mchod rten 'phang du dpag tshad tsam la/ rgyar dpag tshad phyed pas yongs su bkang ste/ de dag la nam 'tsho'i bar du lha rdzas kyi me tog dang / phreng ba dang / spos dang / byug pa dang / phye ma dang / na bza' dang / gdugs dang / rgyal mtshan dang / ba dan dang / sil snyan mang pos rim gror byas/ bkur stir byas/ sti stang du byas/ mchod par byas na/ kau shi ka de la ji snyam du sems/ de'i phyir rigs kyi bu'am/ rigs kyi bu mo de de'i bsod nams mang du 'phel lam/ brgya byin gyis gsol pa/ bcom ldan 'das mang ngo / bde bar gshegs pa mang ngo / /bcom ldan 'das kyis bka' stsal pa/ kau shi ka de bas kyang rigs kyi bu'am/ rigs kyi bu mo gang shes rab kyi pha rol du phyin pa 'di bris shing 'dzin pa dang / 'chang ba dang / klog pa dang / kun chub par byed pa dang / tshul bzhin du yid la byed cing / me tog dang / phreng ba dang / spos dang / byug pa dang / phye ma dang / na bza' dang / gdugs dang / rgyal mtshan dang / ba dan dang / sil snyan sna tshogs kyis rim gror byed/ bkur stir byed/ sti stang du byed/ mchod par byed na/ de'i bsod nams ches mang du 'phel lo/ /kau shi ka 'jig rten gyi khams 'bring po stong gnyis pa 'di/ de bzhin gshegs pa'i mchod rten gyis yongs su bkang ba lta zhog gi/ kau shi ka gal te rigs kyi bu 'am/ rigs kyi bu mo gang la la zhig gis/ de bzhin gshegs pa yongs su mya ngan las 'das nas mchod pa'i phyir/ stong gsum gyi stong chen po'i 'jig rten gyi khams rin po che sna bdun las byas</font><hr>31.173a<br><font size=+1>

pa'i mchod rten 'phang du dpag tshad tsam la/ rgyar dpag tshad phyed pas yongs su bkang ste/ de dag la nam 'tsho'i bar du lha rdzas kyi me tog dang / phreng ba dang / spos dang / byug pa dang / phye ma dang / na bza' dang / gdugs dang / rgyal mtshan dang / ba dan dang / lha rdzas kyi sil snyan mang pos rim gror byas/ bkur stir byas/ sti stang du byas/ mchod par byas na/ kau shi ka de la ji snyam du sems/ rigs kyi bu 'am/ rigs kyi bu mo de'i bsod nams mang du 'phel lam/ brgya byin gyis gsol pa/ bcom ldan 'das mang ngo / /bde bar gshegs pa mang ngo / /bcom ldan 'das kyis bka' stsal pa/  kau shi ka de bas kyang rigs kyi bu 'am/ rigs kyi bu mo gang shes rab kyi pha rol du phyin pa 'di bris shing 'dzin pa dang / 'chang ba dang / klog pa dang / kun chub par byed pa dang / tshul bzhin du yid la byed cing / me tog dang / phreng ba dang / spos dang / byug pa dang / phye ma dang / na bza' dang / gdugs dang / rgyal mtshan dang / ba dan dang / sil snyan sna tshogs kyis rim gror byed/ bkur stir byed/ sti stang du byed/ mchod par byed na/ de'i bsod nams ches mang du 'phel lo/ /kau shi ka stong gsum gyi stong chen po'i 'jig rten gyi khams de bzhin gshegs pa'i mchod rten gyis yongs su bkang ba lta zhog gi/ kau shi ka stong gsum gyi stong chen po'i 'jig rten gyi khams na/ sems can ji snyed yod pa de dag las sems can re res/ de bzhin gshegs pa yongs su mya ngan las 'das nas mchod pa'i phyir/ rin po che sna bdun las byas pa'i mchod rten 'phang du dpag tshad tsam la/ rgyar dpag tshad phyed pa sha stag byas te/ de dag la nam 'tsho'i bar du lha rdzas kyi me tog dang / phreng ba dang / spos dang / byug pa dang / phye ma dang / na bza' dang / gdugs dang / rgyal mtshan dang / ba dan dang / lha rdzas kyi sil snyan mang pos rim gror byas/ bkur stir byas/ sti stang du byas/ mchod par byas pa bas/ rigs kyi bu 'am/ rigs kyi bu mo gang la las/ shes rab</font><hr>31.173b<br><font size=+1>

kyi pha rol du phyin pa 'di bris shing bzung ba dang / bcangs pa dang / blags pa dang / kun chub par byas pa dang / tshul bzhin du yid la byas pa dang / rnam pa thams cad mkhyen pa nyid kyi sems dang yang ma bral bar byas te/ de la me tog dang / phreng ba dang / spos dang / byug pa dang / phye ma dang / na bza' dang / gdugs dang / rgyal mtshan dang / ba dan dang /  sil snyan sna tshogs kyis rim gror byas/ bkur stir byas/ sti stang du byas/ mchod par byas na/ de nyid bsod nams ches mang du 'phel lo/ /brgya byin gyis gsol pa/ bcom ldan 'das de de lags so/ /bde bar gshegs pa de de lags te/ bcom ldan 'das shes rab kyi pha rol du phyin pa la rim gror bgyis pa dang / bkur bstir bgyis pa dang /  sti stang du bgyis pa dang / mchod par bgyis pas ni/ 'das pa dang / ma byon pa dang / da ltar byung ba'i de bzhin gshegs pa dgra bcom pa yang dag par rdzogs pa'i sangs rgyas rnams la rim gror bgyis pa dang / bkur bstir bgyis pa dang / sti stang du bgyis pa dang / mchod par bgyis par 'gyur ro/ /shar phyogs kyi 'jig rten gyi khams gang gA'i klung gi bye ma snyed na/ sems can ji snyed cig mchis pa de dag las/ sems can re res kyang de bzhin gshegs pa yongs su mya ngan las 'das nas mchod pa'i slad du/ rin po che sna bdun las bgyis pa'i mchod rten 'phang du dpag tshad tsam la/ rgyar dpag tshad phyed pa sha stag bgyis te/ de dag la bskal pa 'am/ bskal pa'i lhag mar lha rdzas kyi me tog dang / phreng ba dang / spos dang / byug pa dang / phye ma dang / na bza' dang / gdugs dang / rgyal mtshan dang / ba dan dang / lha rdzas kyi sil snyan sna tshogs kyis rim gror bgyis/ bkur stir bgyis/ sti stang du bgyis/ mchod par bgyis pa dang / lho dang / nub dang / byang dang / byang shar dang / shar lho dang / lho nub dang / nub byang dang / 'og dang / steng gi phyogs kyi phyogs re re zhing 'jig rten gyi khams gang gA'i klung gi bye ma snyed na/ sems can ji snyed</font><hr>31.174a<br><font size=+1>

cig mchis pa de dag las/ sems can re res kyang de bzhin gshegs pa yongs su mya ngan las 'das nas mchod pa'i slad du/ rin po che sna bdun las bgyis pa'i mchod rten 'phang du dpag tshad tsam la/ rgyar dpag tshad phyed pa sha stag bgyis te/ de dag la bskal pa 'am/ bskal pa'i lhag mar lha rdzas kyi me tog dang / phreng ba dang / spos dang / byug pa dang / phye ma dang / na bza' dang / gdugs dang / rgyal mtshan dang / ba dan dang / lha rdzas kyi sil snyan sna tshogs kyis rim gror bgyis/ bkur stir bgyis/ sti stang du bgyis/ mchod par bgyis na/ bcom ldan 'das de la ji ltar dgongs/ de'i slad du rigs kyi bu 'am/ rigs kyi bu mo de dag gi bsod nams mang du 'phel ba lags sam/ bcom ldan 'das kyis bka' stsal pa/ kau shi ka mang ngo / /brgya byin gyis gsol pa/ bcom ldan 'das de bas kyang rigs kyi bu 'am/ rigs kyi bu mo gang shes rab kyi pha rol du phyin pa 'di bris shing 'dzin pa dang / 'chang ba dang / klog pa dang / kun chub par bgyid cing / de la me tog dang / phreng ba dang / spos dang / byug pa dang / phye ma dang / na bza' dang / gdugs dang / rgyal mtshan dang / ba dan dang / sil snyan sna tshogs kyis rim gror bgyis/ bkur stir bgyis/ sti stang du bgyis/ mchod par bgyis na/ de'i bsod nams ches mang du 'phel lo/ /de ci'i slad du zhe na/ bcom ldan 'das shes rab kyi pha rol du phyin pa 'di'i nang du dge ba'i chos thams cad 'dus te/ 'di ltar dge ba bcu'i las kyi lam dang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / sbyin pa'i pha rol du phyin pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa dang / nang stong pa nyid dang / dngos po med pa'i ngo bo nyid stong pa nyid kyi bar dang / dran pa nye bar gzhag pa rnams dang / yang dag par spong ba rnams dang / rdzu 'phrul gyi rkang pa</font><hr>31.174b<br><font size=+1>

rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa dang / rnam par thar pa'i sgo stong pa nyid dang / mtshan ma med pa dang / smon pa med pa dang / 'phags pa'i bden pa dang / sdug bsngal ba dang / kun 'byung ba dang / 'gog pa dang / lam bzhi dang / mngon par shes pa drug dang / rnam par thar pa brgyad dang / mthar gyis gnas pa'i snyoms par 'jug pa dgu dang / ting nge 'dzin thams cad dang / gzungs kyi sgo thams cad dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad dang / rnam pa thams cad mkhyen pa nyid kyi bar du yang 'dus so/ /de ni sangs rgyas bcom ldan 'das rnams kyi bstan pa ste/ de la bslabs shing 'das pa dang / ma byon pa dang / da ltar byung ba'i nyan thos dang / rang sangs rgyas dang / sangs rgyas bcom ldan 'das thams cad kyis chos thams cad kyi pha rol du phyin par gyur to/ /phyin to/ /phyin par 'gyur ro/ /shes rab kyi pha rol du phyin pa stong phrag nyi shu lnga pa las le'u bcwa brgyad pa'o//   // de nas bcom ldan 'das kyis/ lha'i dbang po brgya byin la 'di skad ces bka' stsal to/ /kau shi ka de de bzhin no/ /de de bzhin te/ rigs kyi bu 'am/ rigs kyi bu mo de dag gi bsod nams mang du 'phel lo/ /gang gis shes rab kyi pha rol du phyin pa 'di bris shing glegs bam du byas te 'dzin cing 'chang ba dang / klog cing kun chub par byed pa dang / tshul bzhin du yid la byed cing / gong du me tog dang / phreng ba dang / spos dang / byug pa dang / phye ma dang / na bza' dang / gdugs dang / rgyal mtshan dang / ba dan dang / sil snyan sna tshogs kyis rim gror byas/ bkur stir byas/ sti stang du byas/ mchod par byas na/ de'i phyir rigs kyi bu 'am/ rigs kyi bu mo de dag gi bsod nams ni tshad med grangs med bsam gyis mi khyab</font><hr>31.175a<br><font size=+1>

mtshungs pa med/ dpag tu med par 'phel lo/ /de ci'i phyir zhe na/ kau shi ka shes rab kyi pha rol du phyin pa las byung ba ni/ de bzhin gshegs pa dgra bcom pa yang dag par rdzogs pa'i sangs rgyas rnams kyi rnam pa thams cad mkhyen pa nyid do/ /shes rab kyi pha rol du phyin pa las byung ba ni pha rol du phyin pa lnga dang / nang stong pa nyid dang / dngos po med pa'i ngo bo nyid stong pa nyid kyi bar dang / dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams dang / byams pa chen po dang / snying rje chen po dang / sangs rgyas kyi chos ma 'dres pa rnams dang / de bzhin gshegs pa'i spyan lnga dang / sems can yongs su smin pa dang / sangs rgyas kyi zhing yongs su dag pa'o/ /kau shi ka shes rab kyi pha rol du phyin pa las byung ba ni/ thams cad shes pa nyid dang / lam gyi rnam pa shes pa dang / rnam pa thams cad mkhyen pa nyid do/ /kau shi ka shes rab kyi pha rol du phyin pa las byung ba ni nyan thos kyi theg pa dang / rang sangs rgyas kyi theg pa dang / theg pa chen po'o/ /kau shi ka shes rab kyi pha rol du phyin pa las byung ba ni bla na med pa yang dag par rdzogs pa'i byang chub bo/ /kau shi ka de bas na rigs kyi bu 'am/ rigs kyi bu mo gang la las shes rab kyi pha rol du phyin pa 'di bris te/ glegs bam du byas shing 'dzin pa dang / 'chang ba dang / klog pa dang / kun chub</font><hr>31.175b<br><font size=+1>

par byed pa dang / tshul bzhin du yid la byed cing / me tog dang / phreng ba dang / spos dang / byug pa dang / phye ma dang / na bza' dang / gdugs dang / rgyal mtshan dang / ba dan dang / sil snyan sna tshogs kyis rim gror byas/ bkur stir byas/ sti stang du byas/ mchod par byas na/ bsod nams mngon par 'du bya ba 'di la bsod nams mngon par 'du bya ba snga mas brgya'i char yang nye bar mi 'gro'o/ /stong gi cha dang / brgya phrag stong gi cha dang bye ba'i cha dang / bye ba brgya'i cha dang / bye ba stong gi cha dang / bye ba brgya phrag stong gi cha dang / grangs dang / cha dang / bgrang ba dang / dper yang nye bar mi 'gro/ rgyur yang mi bzod do/ /de ci'i phyir zhe na/ kau shi ka shes rab kyi pha rol du phyin pa 'di ji srid du 'dzam bu'i gling du gnas pa de srid du/ sangs rgyas dkon mchog nub par mi 'gyur ro/ /chos dkon mchog nub par mi 'gyur ro/ /dge 'dun dkon mchog nub par mi 'gyur ro/ /de srid du dge ba bcu'i las kyi lam dang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / mngon par shes pa lnga dang / sbyin pa'i pha rol du phyin pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa dang / nang stong pa nyid dang / dngos po med pa'i ngo bo nyid stong pa nyid kyi bar dang / dran pa nye bar gzhag pa rnams dang / yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa dang / 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa rnams dang / mthar gyis gnas pa'i snyoms par 'jug pa dgu dang / rnam par thar pa'i sgo stong pa nyid dang / mtshan ma med pa dang / smon pa med pa dang / </font><hr>31.176a<br><font size=+1>

mngon par shes pa dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad dang / rnam pa thams cad mkhyen pa nyid kyi bar du 'jig rten du 'byung bar 'gyur ro/ /de srid du rgyal rigs che zhing mtho ba rnams dang / bram ze'i rigs che zhing mtho ba rnams dang / khyim bdag gi rigs che zhing mtho ba rnams dang / rgyal chen bzhi'i ris kyi lha rnams dang / sum bcu rtsa gsum dang / mtshe ma dang / dga' ldan dang / 'phrul dga' dang / gzhan 'phrul dbang byed dang / 'og min gyi bar gyi lha rnams 'jig rten du 'byung bar 'gyur ro/ /rgyun du zhugs pa rnams dang / lan gcig phyir 'ong ba rnams dang / phyir mi 'ong ba rnams dang / dgra bcom pa rnams dang / rang sangs rgyas rnams dang / yang dag par rdzogs pa'i sangs rgyas rnams 'jig rten du 'byung bar 'gyur ro/ /byang chub sems dpa' sems dpa' chen po rnams 'byung ba yod do/ /bla na med pa'i sangs rgyas kyi ye shes dang / chos kyi 'khor lo bskor ba dang / sems can yongs su smin pa dang / sangs rgyas kyi zhing yongs su dag pa yod do/ /de nas stong gsum gyi stong chen po'i 'jig rten gyi khams 'di na/ rgyal chen bzhi'i ris kyi lha rnams dang / 'og min gyi bar gyi lha gang ji snyed yod pa de dag la/ lha'i dbang po brgya byin gyis smras pa/ grogs po dag shes rab kyi pha rol du phyin pa gzung bar bya'o/ /bcang bar bya'o/ /klag par bya'o/ /kun chub par bya'o/ /tshul bzhin du yid la bya'o/ /grogs po dag shes rab kyi pha rol du phyin pa 'di bzung ba dang / bcangs pa dang / blags pa dang / kun chub par byas pa dang / tshul bzhin du yid la byas pas ni/ sangs rgyas kyi tshul rgyun chad par mi 'gyur ro/ /chos kyi tshul rgyun chad par mi 'gyur ro/ /dge 'dun gyi tshul rgyun</font><hr>31.176b<br><font size=+1>

chad par mi 'gyur ro/ /grogs po dag dkon mchog gsum gyi tshul rgyun ma chad na/ pha rol du phyin pa thams cad 'jig rten du 'byung bar 'gyur ro/ /nang stong pa nyid dang / dngos po med pa'i ngo bo nyid stong pa nyid kyi bar dang / dran pa nye bar gzhag pa rnams dang / yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa dang / 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa rnams dang / mthar gyis gnas pa'i snyoms par 'jug pa rnams dang / rnam par thar pa'i sgo stong pa nyid dang /  mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / /de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams dang / byang chub sems dpa'i spyod pa dang / rgyun du zhugs pa'i 'bras bu dang / lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub dang / bla na med pa yang dag par rdzogs pa'i byang chub 'jig rten du 'byung bar 'gyur ro/ /de nas bcom ldan 'das kyis lha'i dbang po brgya byin la bka' stsal pa/ kau shi ka khyod kyis shes rab kyi pha rol du phyin pa 'di zung shig  /chongs shig  /lhogs shig  /kun chub par gyis shig  /kau shi ka shes rab kyi pha rol du phyin pa 'di tshul bzhin du yid la gyis shig  /de ci'i phyir zhe na/ kau shi ka nam lha ma yin rnams 'di snyam du sems shing / sum bcu rtsa gsum gyi lha rnams dang thab mo bya'o/ /sum bcu rtsa gsum gyi lha rnams dang mtshams brdal lo snyam na de'i tshe/ kau shi ka khyod kyis shes rab kyi pha rol du phyin pa 'di yid kyis soms la kha ton gyis shig  /tshul</font><hr>31.177a<br><font size=+1>

bzhin du yid la gyis shig dang des lha ma yin gyi bsam pa de dag phyir nub par 'gyur te/ sems bskyed pa de dag slos shing rnam par 'phel bar mi 'gyur ro/ /lha'i bu dang lha'i bu mo gang dag shi 'pho ba'i tshe/ nam bdag cag ngan song du skye bar mthong na yang / kau shi ka khyod kyis de dag gi mdun du shes rab kyi pha rol du phyin pa 'di kha ton du gyis shig dang / de dag gis shes rab kyi pha rol du phyin pa thos pa'i dge ba'i rtsa ba dang / shes rab kyi pha rol du phyin pa la mos pas lha'i gnas de nyid du skye bar 'gyur ro/ /de ci'i phyir zhe na/ kau shi ka shes rab kyi pha rol du phyin pa 'di thos pa ni de ltar don dang ldan pa ste/ rigs kyi bu 'am/ rigs kyi bu mo gang su yang rung ste/ de dag gis shes rab kyi pha rol du phyin pa 'di thos par gyur pa de dag thams cad kyang dge ba'i rtsa ba des mthar gyis bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro/ /de ci'i phyir zhe na/ kau shi ka de ni 'di ltar 'das pa'i dus kyi de bzhin gshegs pa dgra bcom pa yang dag par rdzogs pa'i sangs rgyas nyan thos kyi dge 'dun dang bcas pa ji snyed cig byung ba de dag kyang / shes rab kyi pha rol du phyin pa 'di la bslabs nas/ phung po ma lus pa'i mya ngan las 'das pa'i dbyings su yongs su mya ngan las 'das so/ /ma 'ongs pa'i dus kyi de bzhin gshegs pa dgra bcom pa yang dag par rdzogs pa'i sangs rgyas nyan thos kyi dge 'dun dang bcas pa ji snyed cig 'byung ba de dag kyang shes rab kyi pha rol du phyin pa 'di nyid la bslabs shing / bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro/ /da ltar phyogs bcu'i 'jig rten gyi khams na/ de bzhin gshegs pa dgra bcom pa yang dag par rdzogs pa'i sangs rgyas nyan thos kyi dge 'dun dang bcas pa ji snyed cig bzhugs shing 'tsho skyong ba de dag thams cad kyang shes rab kyi pha rol du phyin pa 'di nyid bslabs te/ bla na med pa yang dag par</font><hr>31.177b<br><font size=+1>

rdzogs pa'i byang chub tu mngon par rdzogs par sangs rgyas so/ /de ci'i phyir zhe na/ kau shi ka de ni 'di ltar shes rab kyi pha rol du phyin pa 'di'i nang du nyan thos kyi chos sam/ rang sangs rgyas kyi chos sam/ byang chub sems dpa'i chos sam/ /sangs rgyas kyi chos kyang rung ste/ byang chub kyi phyogs kyi chos thams cad 'dus so/ /brgya byin gyis gsol pa/ bcom ldan 'das 'di lta ste shes rab kyi pha rol du phyin pa 'di ni rig sngags chen mo'o/ /bcom ldan 'das 'di lta ste/ shes rab kyi pha rol du phyin pa 'di ni bla na med pa'i rig sngags so/ /bcom ldan 'das 'di lta ste/ shes rab kyi pha rol du phyin pa 'di ni mi mnyam pa dang mnyam pa'i rig sngags so/ /de ci'i slad du zhe na/ bcom ldan 'das de ni 'di ltar shes rab kyi pha rol du phyin pa ni mi dge ba'i chos thams cad spong ba'o/ /dge ba'i chos thams cad sgrub pa'o/ /bcom ldan 'das kyis bka' stsal pa/ kau shi ka de de bzhin no/ /de de bzhin te/ kau shi ka 'di ltar shes rab kyi pha rol du phyin pa 'di ni rig sngags chen mo'o/ /kau shi ka 'di lta ste shes rab kyi pha rol du phyin pa 'di ni bla na med pa'i rig sngags so/ /kau shi ka 'di lta ste/ shes rab kyi pha rol du phyin pa 'di ni mi mnyam pa dang mnyam pa'i rig sngags so/ /de ci'i phyir zhe na/ kau shi ka de ni 'di ltar 'das pa dang / ma byon pa dang / da ltar phyogs bcu'i 'jig rten gyi khams na/ de bzhin gshegs pa dgra bcom pa yang dag par rdzogs pa'i sangs rgyas ji snyed cig bzhugs shing 'tsho skyong ba de dag kyang rig sngags 'di nyid la brten te/ bla na med pa yang dag par rdzogs pa'i byang chub tu mngon par rdzogs par sangs rgyas par gyur to/ /mngon par rdzogs par sangs rgyas so/ /mngon par rdzogs par 'tshang rgya bar 'gyur ro/ /de ci'i phyir zhe na/ kau shi ka de ni 'di ltar rig sngags 'di yod na/ dge ba bcu'i las kyi lam rnams 'jig rten na yod pa yin/ bsam gtan bzhi dang / </font><hr>31.178a<br><font size=+1>

tshad med pa bzhi dang / gzugs med pa'i snyoms par 'jug pa bzhi dang / mngon par shes pa lnga 'jig rten na yod pa yin/ pha rol du phyin pa thams cad dang / stong pa nyid thams cad dang / dran pa nye bar gzhag pa rnams dang / yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa dang / 'phags pa'i bden pa rnams dang / rnam par thar pa rnams dang / mthar gyis gnas pa'i snyoms par 'jug pa rnams dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams dang / byams pa chen po dang / snying rje chen po dang / sangs rgyas kyi chos ma 'dres pa rnams 'jig rten na yod pa yin/ chos kyi dbyings 'jig rten na yod pa yin/ yang dag pa'i mtha' dang / de bzhin nyid dang / ma nor ba de bzhin nyid dang / gzhan ma yin pa de bzhin nyid dang / chos nyid dang / chos kyi gnas nyid dang / chos skyon med pa nyid 'jig rten na yod pa yin/ mig lnga 'jig rten na yod pa yin/ rgyun du zhugs pa'i 'bras bu 'jig rten na yod pa yin/ lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub 'jig rten na yod pa yin/ thams cad shes pa nyid 'jig rten na yod pa yin/ lam gyi rnam pa shes pa nyid dang / rnam pa thams cad mkhyen pa nyid 'jig rten na yod pa yin/ kau shi ka byang chub sems dpa' yod na dge ba bcu'i las kyi lam rnams 'jig rten na gdags su yod pa yin/ rnam pa thams cad mkhyen pa nyid kyi bar du 'jig rten na gdags su yod pa yin/ rgyun du zhugs pa 'jig rten na gdags su yod pa yin/ lan gcig phyir 'ong ba dang / phyir mi 'ong ba dang / dgra bcom pa dang / </font><hr>31.178b<br><font size=+1>

rang sangs rgyas 'jig rten na gdags su yod pa yin/ de bzhin gshegs pa dgra bcom pa yang dag par rdzogs pa'i sangs rgyas 'jig rten na gdags su yod pa yin no/ /kau shi ka 'di lta ste dper na/ zla ba'i dkyil 'khor yod na rtsi dang / rgyu skar dang / skar ma thams cad gdags su yod do/ /kau shi ka de bzhin du byang chub sems dpa'i zla ba'i dkyil 'khor yod na/ dge ba'i spyod pa dang / yang dag pa'i spyod pa dang / dge ba bcu'i las kyi lam dang / pha rol du phyin pa thams cad dang / stong pa nyid thams cad dang / dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa dang / sangs rgyas kyi chos ma 'dres pa'i rtsi thams cad gdags su yod do/ /slob pa dang mi slob pa dang / nyan thos dang / rang sangs rgyas kyi rgyu skar dang / skar ma thams cad kyang gdags su yod do/ /de bzhin gshegs pa dgra bcom pa yang dag par rdzogs pa'i sangs rgyas kyang 'jig rten na yod par 'gyur ro/ /gang gi tshe sangs rgyas bcom ldan 'das rnams 'jig rten du ma byung ba de'i tshe na yang / byang chub sems dpa' sems dpa' chen po rnams/ sems can rnams la 'jig rten pa dang / 'jig rten las 'das pa'i chos ston to/ /de ci'i phyir zhe na/ byang chub sems dpa' las byung ba ni nyan thos kyi theg pa dang / rang sangs rgyas kyi theg pa dang / theg pa chen po rnams te/ byang chub sems dpa' sems dpa' chen po thabs la mkhas pa gang dang ldan</font><hr>31.179a<br><font size=+1>

pas/ pha rol du phyin pa drug la spyod pa dang / stong pa nyid thams cad la spyod pa dang / byang chub kyi phyogs kyi chos sum bcu rtsa bdun la spyod pa dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / rnam par thar pa'i sgo gsum la spyod pa dang / mngon par shes pa drug dang / stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad la spyod pa dang /  nyan thos kyi sar mi ltung ba dang / rang sangs rgyas kyi sa mngon du mi byed pa dang / sems can yongs su smin par byed pa dang / sangs rgyas kyi zhing yang yongs su dag par byed pa dang / tshe phun sum tshogs pa yang yongs su 'dzin pa dang / sems can phun sum tshogs pa yongs su 'dzin pa dang / sangs rgyas kyi zhing phun sum tshogs pa yongs su 'dzin pa dang / byang chub sems dpa' phun sum tshogs pa yongs su 'dzin pa dang / rnam pa thams cad mkhyen pa nyid rjes su thob par byed pa'i thabs mkhas pa de yang / shes rab kyi pha rol du phyin pa las byung bar rig par bya'o/ /kau shi ka gzhan yang rigs kyi bu 'am/ rigs kyi bu mo gang shes rab kyi pha rol du phyin pa 'di 'dzin pa dang / 'chang ba dang / klog pa dang / kun chub par byed pa dang / tshul bzhin du yid la byed pa de ni tshe 'di'i yon tan 'di dag dang / tshe rabs gzhan gyi yon tan 'di dag dang yang ldan par 'gyur ro/ /brgya byin gyis gsol pa/ bcom ldan 'das rigs kyi bu 'am/ rigs kyi bu mo gang shes rab kyi pha rol du phyin pa 'di 'dzin pa dang / 'chang ba dang / klog pa dang / kun chub par bgyid pa dang / tshul bzhin du yid la bgyid pa de tshe 'di'i yon tan gang dang ldan par 'gyur ba lags/ bcom ldan 'das kyis bka' stsal pa/ kau shi ka rigs kyi bu 'am/ rigs kyi bu mo gang shes rab kyi pha rol du</font><hr>31.179b<br><font size=+1>

phyin pa 'di 'dzin pa dang / 'chang ba dang / klog pa dang / kun chub par byed pa dang / tshul bzhin du yid la byed pa de sngon gyi las kyi rnam par smin pa ma gtogs par/ dug gis dus byed par mi 'gyur ro/ /mtshon gyis dus byed par mi 'gyur ro/ /mes dus byed par mi 'gyur ro/ /chus dus byed par mi 'gyur ro/ /nad brgya rtsa gcig gi bar gyis dus byed par mi 'gyur ro/ /rgyal po dang bla mas gnod par bya ba zhig byung ba las/ gal te rigs kyi bu 'am/ rigs kyi bu mo shes rab kyi pha rol du phyin pa 'di kha ton du byed cing / rgyal po'i pho brang du song na/ de la glags tshol ba de dag gis glags mi rnyed de/ rgyal po'i bu dang / rgyal po'i blon po chen po dag kyang gtam dri ba dang / gtam bya bar sems shing / dga' bar bya bar sems par 'gyur ro/ /de ci'i phyir zhe na/ de ni shes rab kyi pha rol du phyin pa 'di nyid kyi gzi brjid dang mthus de ltar sems so/ /gal te rigs kyi bu 'am/ rigs kyi bu mo gang shes rab kyi pha rol du phyin pa 'di nyid kha ton du byed cing / rgyal po'i pho brang du song na/ de la rgyal po'i bu 'am rgyal po'i blon po chen po dag kyang dga' ba'i tshig gis gtam dri ba dang / gtam bya bar sems shing dga' bar bya bar sems par 'gyur ro/ /de ci'i phyir zhe na/ kau shi ka de ni 'di ltar rigs kyi bu 'am/ rigs kyi bu mo de dag gis sems can thams cad la byams pa'i sems nye bar gzhag  /snying rje'i sems dang / dga' ba'i sems dang / btang snyoms kyi sems nye bar gzhag pa'i phyir te/ kau shi ka rigs kyi bu 'am/ rigs kyi bu mo gang shes rab kyi pha rol du phyin pa 'di 'dzin pa dang / 'chang ba dang / klog pa dang / kun chub par byed pa dang / tshul bzhin du yid la byed pa de ni/ tshe 'di'i yon tan de dag dang ldan par 'gyur ro/ /kau shi ka tshe rabs gzhan gyi yon tan gang dag dang yang ldan par 'gyur zhe na/ 'di lta ste nam yang dge ba bcu'i las kyi lam dang bral bar mi 'gyur te/ bsam gtan bzhi dang / tshad med pa bzhi dang / </font><hr>31.180a<br><font size=+1>

gzugs med pa'i snyoms par 'jug pa bzhi dang / pha rol du phyin pa drug dang / byang chub kyi phyogs kyi chos sum bcu rtsa bdun dang / 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa rnams dang / mthar gyis gnas pa'i snyoms par 'jug pa rnams dang / rnam par thar pa'i sgo gsum dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams dang bral bar mi 'gyur ro/ /de sems can rnams yongs su smin par bya ba'i smon lam gyi dbang ma gtogs par/ nam yang sems can dmyal ba dang / byol song gi skye gnas dang / gshin rje'i 'jig rten du mi skye'o/ /de nam yang yan lag nyams pa can du mi 'gyur/ nam yang dbul po'i rigs su mi skye/ smyig ma mkhan gyi rigs sam/ sme sha can gyi rigs sam/ mgar ba 'am/ phyag dar ba 'am/ shen pa 'am/ phag gsod pa'i rigs sam/ dmangs rigs su mi skye ste/ rtag tu rgyun mi chad par mi chen po'i mtshan sum bcu rtsa gnyis dang ldan par 'gyur/ 'jig rten gyi khams gang na/ sangs rgyas bcom ldan 'das rnams bzhugs shing 'tsho skyong ba'i 'jig rten gyi khams de dag tu rdzus shing skye bar 'gyur te/ nam yang byang chub sems dpa'i mngon par shes pa dang bral bar mi 'gyur ro/ /de 'dod na sangs rgyas bcom ldan 'das rnams la blta ba dang phyag bya ba dang / bsnyen bkur ba dang / chos mnyan pa'i phyir/ sangs rgyas kyi zhing nas sangs rgyas kyi zhing du 'gro bar 'gyur te/ de sangs rgyas kyi zhing nas sangs rgyas kyi zhing du 'gro zhing / sems can rnams kyang yongs su smin par byed/ sangs rgyas kyi zhing yang yongs su dag par byed do/ /kau shi ka de bas na rigs kyi bu 'am/ rigs kyi bu mo yon tan 'di dag phun sum tshogs</font><hr>31.180b<br><font size=+1>

par 'dod pas/ shes rab kyi pha rol du phyin pa 'di gzung bar bya/ bcang bar bya/ klag par bya/ kun chub par bya/ tshul bzhin du yid la bya/ rnam pa thams cad mkhyen pa nyid kyi sems dang ma bral bar bya'o/ /de dag ni nam bla na med pa yang dag par rdzogs pa'i byang chub tu mngon par rdzogs par sangs rgyas kyi bar du tshe 'di'i yon tan dang / tshe rabs gzhan gyi yon tan de dag dang ldan par 'gyur ro/ /shes rab kyi pha rol du phyin pa stong phrag nyi shu lnga pa las/ le'u bcu dgu pa'o// // de nas mu stegs can gzhan dang / kun du rgyu ba glags blta ba'i bsam pa can brgya tsam zhig /bcom ldan 'das gang na ba de logs su dong ba dang / de nas lha'i dbang po brgya byin 'di snyam du sems par gyur te/ mu stegs can gzhan dang / kun du rgyu ba brgya po glags blta ba'i bsam pa can 'di dag bcom ldan 'das gang na ba der dong nas de la bdag gis ci nas kyang shes rab kyi pha rol du phyin pa brjod pas/ mu stegs can gzhan dang / kun du rgyu ba 'di dag bcom ldan 'das kyi drung du dong nas/ bar chad byed par mi 'gyur bar bdag gis bcom ldan 'das las shes rab kyi pha rol du phyin pa 'di las ji snyed cig gzung ba de dag kha ton du bya'o snyam nas/ de nas lha'i dbang po brgya byin gyis/ bcom ldan 'das las shes rab kyi pha rol du phyin pa las ji snyed bzung ba de dag kha ton du brjod do/ /de nas mu stegs can gzhan dang / kun du rgyu ba de dag rgyang ring po ring po nas/ bcom ldan 'das la g.yas phyogs su bskor ba byas nas/ lam de nyid dang sgo de nyid nas phyir dong ngo / /de nas tshe dang ldan pa shA ra dwa ti'i bu 'di snyam du sems par gyur te/ de ltar mu stegs can gzhan dang / kun du rgyu ba de dag gis/ rgyang ring po ring po nas bcom ldan 'das la g.yas phyogs nas bskor ba byas te/ lam de nyid dang sgo de nyid nas phyir dong na/ de ci'i rgyu zhig snyam pa dang / de nas bcom ldan 'das kyis tshe dang ldan pa shA ra dwa ti'i bu'i sems kyi kun du</font><hr>31.181a<br><font size=+1>

rtog pa thugs kyis thugs su chud nas/ tshe dang ldan pa shA ra dwa ti'i bu la bka' stsal pa/ shA ra dwa ti'i bu de ni lha'i dbang po brgya byin gyis/ shes rab kyi pha rol du phyin pa yang dag par bsams pas/ de'i phyir mu stegs can gzhan dang / kun du rgyu ba 'di dag rgyang ring po ring po nas nga la g.yas phyogs su bskor ba byas te/ lam de nyid dang sgo de nyid nas phyir dong ba yin no/ /shA ra dwa ti'i bu mu stegs can gzhan dang / kun du rgyu ba 'di dag las 'ga' tsam yang dkar po'i sems dang ldan par ma mthong ste/ mu stegs can gzhan dang / kun du rgyu ba 'di dag thams cad ni gnod par bya ba'i sems dang ldan pa/ glags blta ba'i bsam pa can sha stag ste/ 'khor 'dir 'ong bar sems pa sha stag kyang / shA ra dwa ti'i bu ngas ni 'jig rten lha dang bcas pa/ bdud dang bcas pa/ tshangs par bcas pa dang / dge sbyong dang bram zer bcas pa'i skye dgu'i nang na/ gang shes rab kyi pha rol du phyin pa 'di bstan pa'i tshe/ zhe sdang ba'i sems sam/ glags blta ba'i bsam pas nye bar 'gro ba ma mthong ste/ de ni gnas med do/ /de ci'i phyir zhe na/ shA ra dwa ti'i bu de ni 'di ltar stong gsum gyi stong chen po'i 'jig rten gyi khams 'di na rgyal chen bzhi'i ris kyi lha'i bu dang / 'og min gyi bar gyi lha'i bu gang ji snyed cig yod pa dang / nyan thos dang / rang sangs rgyas gang ji snyed cig yod pa dang / byang chub sems dpa' gang ji snyed cig yod pa de dag gis shes rab kyi pha rol du phyin pa 'di yongs su bzung ngo / /de ci'i phyir zhe na/ 'di ltar de dag thams cad ni shes rab kyi pha rol du phyin pa las byung ba sha stag go/ /shA ra dwa ti'i bu gzhan yang shar phyogs kyi 'jig rten gyi khams gang gA'i klung gi bye ma snyed dag na/ sangs rgyas bcom ldan 'das nyan thos kyi dge 'dun dang bcas pa ji snyed cig bzhugs pa dang / rang sangs rgyas dang / byang chub sems dpa' sems dpa' chen po dang / lha dang / klu dang / gnod sbyin dang / dri dang / lha ma yin dang / nam mkha' lding</font><hr>31.181b<br><font size=+1>

dang / mi 'am ci dang / lto 'phye chen po gang ji snyed cig yod pa de dag thams cad kyis kyang shes rab kyi pha rol du phyin pa 'di yongs su bzung ngo / /de ci'i phyir zhe na/ 'di ltar de dag thams cad ni shes rab kyi pha rol du phyin pa las byung ba sha stag go/ /lho dang / nub dang / byang dang / byang shar dang / shar lho dang / lho nub dang / nub byang dang / 'og dang steng gi phyogs kyi phyogs re re'i 'jig rten gyi khams gang gA'i klung gi bye ma snyed dag na/ sangs rgyas bcom ldan 'das nyan thos kyi dge 'dun dang bcas pa ji snyed cig bzhugs pa dang / rang sangs rgyas dang / byang chub sems dpa' sems dpa' chen po dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po gang ji snyed cig yod pa de dag thams cad kyis kyang shes rab kyi pha rol du phyin pa 'di yongs su bzung ngo / /de ci'i phyir zhe na/ 'di ltar de dag thams cad ni shes rab kyi pha rol du phyin pa las byung ba sha stag go/ /de nas bdud sdig to can 'di snyam du sems par gyur te/ de bzhin gshegs pa dgra bcom pa yang dag par rdzogs pa'i sangs rgyas kyi 'khor bzhi po 'di dag kyang mngon du gyur/ 'dod pa la spyod pa dang / gzugs la spyod pa'i lha 'di dag kyang mngon du gyur pa las/ 'dir ni gdon mi za bar byang chub sems dpa' sems dpa' chen po rnams bla na med pa yang dag par rdzogs pa'i byang chub tu lung ston par 'gyur gyis/ de la bdag gis bcom ldan 'das gang na ba der song ste bar chad bya'o snyam nas/ bdud sdig to can gyis dpung gi tshogs yan lag bzhi pa mngon par sprul nas/ bcom ldan 'das gang na ba der 'gro 'dod par gyur pa dang / de nas lha'i dbang po brgya byin 'di snyam du sems par gyur to/ /kye ma bdud sdig to can 'di dpung gi tshogs yan lag bzhi pa mngon par sprul cing / bcom ldan 'das gang na ba der 'gro bar 'dod la/ bdud sdig to can gyi dpung gi tshogs yan lag bzhi rnam par bkod pa 'di ni/ rgyal po bi ma bi sa ra'i dpung gi tshogs</font><hr>31.182a<br><font size=+1>

yan lag bzhi pa rnam par bkod pas kyang de tsam mi phod/ rgyal po sde rab tu pham byed dang / shAkya rnams dang / li tsa bi rnams kyi dpung gi tshogs yan lag bzhi pa rnam par bkod pas kyang de tsam mi phod de/ bdud sdig to can 'di ni yun ring po nas bcom ldan 'das la yang glags lta zhing glags tshol/ sems can yang dag par brtson pa rnams la yang gtse ba'i bsam pa can yin gyis/ bdag gis shes rab kyi pha rol du phyin pa 'di yang dag par bsam par bya'o/ /dran pas brjod par bya'o snyam nas/ lha'i dbang po brgya byin gyis/ shes rab kyi pha rol du phyin pa 'di yang dag par bsams te/ dran pas gsal bar brjod pa dang / lha'i dbang po brgya byin gyis/ ji lta ji ltar shes rab kyi pha rol du phyin pa 'di gsal bar brjod pa de lta de ltar/ bdud sdig can de dag lam de nyid dang sgo de nyid nas phyir log go/ /de nas 'khor de na rgyal chen bzhi'i ris kyi lha'i bu dang / 'og min gyi bar gyi lha ji snyed cig 'khod pa de dag gis/ lha rdzas kyi me tog dang / na bza' mang po mngon par sprul nas/ bar snang gi nam mkha' la 'khod bzhin du/ bcom ldan 'das gang na ba der gtor te/ mngon par gtor nas tshig 'di skad du brjod do/ /'dzam bu'i gling gi mi 'di rnams shes rab kyi pha rol du phyin pa 'di la yun ring por spyod par gyur cig /'dzam bu'i gling gi mi 'di dag ji srid du shes rab kyi pha rol du phyin pa 'di la spyod pa de srid du/ de bzhin gshegs pa dgra bcom pa yang dag par rdzogs pa'i sangs rgyas kyang nub par mi 'gyur la/ dam pa'i chos yun ring du gnas shing / dge 'dun dkon mchog kyang 'jig rten du 'byung bar 'gyur zhe'o stong gsum gyi stong chen po'i 'jig rten gyi khams dang / phyogs bcu'i 'jig rten gyi khams kyi bar gyi de bzhin gshegs pa dgra bcom pa yang dag par rdzogs pa'i sangs rgyas kyang nub par mi 'gyur la/ dam pa'i chos kyang yun ring por gnas shing / dge 'dun dkon mchog kyang 'jig rten du 'byung bar 'gyur zhe'o/ /byang chub sems</font><hr>31.182b<br><font size=+1>

dpa' sems dpa' chen po rnams kyi spyod pa khyad par du 'phags pa yang yod par 'gyur zhe'o/ /phyogs gang na rigs kyi bu 'am/ rigs kyi bu mo de dag gis shes rab kyi pha rol du phyin pa 'di bris shing glegs bam du byas te 'chang ba'i phyogs de ni snang ba dang ldan par rig par bya'o/ /phyogs de ni mgon dang bcas shing mun pa dang bral bar rig par bya'o/ /de nas bcom ldan 'das kyis lha'i dbang po brgya byin dang / 'og min gyi bar gyi lha'i bu de dag la 'di skad ces bka' stsal to/ /kau shi ka de de bzhin te de de bzhin no/ /lha'i bu dag de de bzhin no/ /de de bzhin te/ ji srid du 'dzam bu'i gling gi mi rnams shes rab kyi pha rol du phyin pa 'di la spyod pa de srid du/ de bzhin gshegs pa dgra bcom pa yang dag par rdzogs pa'i sangs rgyas kyang nub par mi 'gyur la/ dam pa'i chos kyang yun ring du gnas shing / dge 'dun dkon mchog kyang 'jig rten du 'byung bar 'gyur ro/ /stong gsum gyi stong chen po'i 'jig rten gyi khams dang / phyogs bcu kun gyi 'jig rten gyi khams kyi bar gyi de bzhin gshegs pa dgra bcom pa yang dag par rdzogs pa'i sangs rgyas rnams kyang nub par mi 'gyur la/ dam pa'i chos kyang yun ring du gnas shing / dge 'dun dkon mchog kyang 'jig rten du 'byung bar 'gyur ro/ /byang chub sems dpa' sems dpa' chen po rnams kyi spyod pa khyad par du 'phags pa yang yod par 'gyur ro/ /phyogs gang na rigs kyi bu 'am/ rigs kyi bu mo de dag gis shes rab kyi pha rol du phyin pa 'di bris shing glegs bam du byas te 'chang ba'i phyogs de ni snang ba dang ldan par ngas shes so/ /phyogs de ni mgon dang bcas shing mun pa dang bral bar ngas shes so/ /de nas lha'i bu de dag gis lha rdzas kyi me tog mang po mngon par sprul nas/ bcom ldan 'das gang na ba der mngon par gtor te/ 'di skad kyi tshig brjod do/ /bcom ldan 'das rigs kyi bu 'am/ rigs kyi bu mo gang la la/ shes rab kyi pha rol du phyin pa 'di 'dzin pa dang / 'chang ba dang / klog pa dang / </font><hr>31.183a<br><font size=+1>

kun chub par bgyid cing / tshul bzhin du yid la bgyid pa de la bdud dam/ bdud kyi rigs su gtogs pa'i lha glags tshol ba rnams kyis glags mi rnyed do/ /bcom ldan 'das bdag cag gis kyang rigs kyi bu 'am/ rigs kyi bu mo de la rtag tu rgyun mi chad par bsrung ba dang / bskyab pa dang / bskyang bar bgyi'o/ /de ci'i slad du zhe na/ rigs kyi bu 'am/ rigs kyi bu mo gang shes rab kyi pha rol du phyin pa 'di 'dzin cing 'chang ba dang / klog cing kun chub par bgyid pa dang / tshul bzhin du yid la bgyid pa de ni ston pa 'am/ ston pa dang mtshungs pa tsam du bdag cag sems so/ /de nas lha'i dbang po brgya byin gyis/ bcom ldan 'das la 'di skad ces gsol to/ /bcom ldan 'das rigs kyi bu 'am/ rigs kyi bu mo gang shes rab kyi pha rol du phyin pa 'di 'dzin cing 'chang ba dang / klog cing kun chub par bgyid pa dang / tshul bzhin du yid la bgyid pa de dag ni dge ba'i rtsa ba dma' ba dang ldan pa ma lags te/ bcom ldan 'das rigs kyi bu 'am/ rigs kyi bu mo gang shes rab kyi pha rol du phyin pa 'di 'dzin cing 'chang ba dang / klog cing kun chub par bgyid pa dang / tshul bzhin du yid la byed pa de dag ni sngon gyi rgyal ba la bgyi ba bgyid pa lags so/ /bcom ldan 'das rigs kyi bu 'am/ rigs kyi bu mo gang shes rab kyi pha rol du phyin pa 'di 'dzin cing 'chang ba dang / klog cing kun chub par bgyid pa dang / tshul bzhin du yid la bgyid pa de dag ni/ sangs rgyas mang po la bsnyen bkur bgyis par 'gyur/ dge ba'i bshes gnyen gyis yongs su bzung bar 'gyur ro/ /bcom ldan 'das de ci'i slad du zhe na/ 'di lta ste/ shes rab kyi pha rol du phyin pa 'di las/ rnam pa thams cad mkhyen pa nyid btsal bar bgyi'o/ /bcom ldan 'das 'di lta ste/ rnam pa thams cad mkhyen pa nyid las shes rab kyi pha rol du phyin pa btsal bar bgyi'o/ /de ci'i slad du zhe na/ bcom ldan 'das de ni 'di ltar shes rab kyi pha rol du phyin pa yang gzhan la/ rnam pa thams cad mkhyen pa nyid kyang gzhan ma lags/ rnam pa thams cad mkhyen pa nyid kyang gzhan la/ shes rab</font><hr>31.183b<br><font size=+1>

kyi pha rol du phyin pa yang gzhan ma lags te/ shes rab kyi pha rol du phyin pa dang / rnam pa thams cad mkhyen pa nyid de la gnyis su ma mchis te gnyis su bgyir ma mchis so/ /bcom ldan 'das kyis bka' stsal pa/ kau shi ka de de bzhin no/ /de de bzhin te/ kau shi ka shes rab kyi pha rol du phyin pa las byung ba ni de bzhin gshegs pa dgra bcom pa yang dag par rdzogs pa'i sangs rgyas rnams kyi rnam pa thams cad mkhyen pa nyid do/ /rnam pa thams cad mkhyen pa nyid las byung ba ni shes rab kyi pha rol du phyin pa'o/ /de ci'i phyir zhe na/ kau shi ka de ni 'di ltar shes rab kyi pha rol du phyin pa yang gzhan la/ rnam pa thams cad mkhyen pa nyid kyang gzhan ma yin/ rnam pa thams cad mkhyen pa nyid kyang gzhan la/ shes rab kyi pha rol du phyin pa yang gzhan ma yin te/ de ltar shes rab kyi pha rol du phyin pa dang / rnam pa thams cad mkhyen pa nyid de la gnyis su med de gnyis su byar med do/ /shes rab kyi pha rol du phyin pa stong phrag nyi shu lnga pa las le'u nyi shu pa'o// // de nas tshe dang ldan pa dga' bos/ bcom ldan 'das la 'di skad ces gsol to/ /bcom ldan 'das kyis ji ltar shes rab kyi pha rol du phyin pa'i ming yongs su brjod par mdzad pa de ltar/ sbyin pa'i pha rol du phyin pa'i ming yang yongs su brjod pa ma mdzad/ de ltar tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / de ltar bsam gtan gyi pha rol du phyin pa'i ming yang yongs su brjod pa ma mdzad do/ /de ltar na nang stong pa nyid dang / dngos po med pa'i ngo bo nyid stong pa nyid kyi bar gyi ming yang yongs su brjod pa ma mdzad do/ /de ltar dran pa nye bar gzhag pa rnams kyi ming yang yongs su brjod pa ma mdzad do/ /de ltar yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa'i ming yang yongs su brjod pa ma mdzad do/ /de ltar 'phags</font><hr>31.184a<br><font size=+1>

pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams kyi ming yang yongs su brjod pa ma mdzad do/ /de ltar rnam par thar pa brgyad dang / mthar gyis gnas pa'i snyoms par 'jug pa dgu dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa rnams dang /  ting nge 'dzin rnams dang / gzungs kyi sgo rnams kyi ming yang yongs su brjod pa ma mdzad do/ /de ltar de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa rnams kyi ming yang yongs su brjod pa ma mdzad do/ /bcom ldan 'das kyis bka' stsal pa/ dga' bo shes rab kyi pha rol du phyin pa 'di ni 'di lta ste/ pha rol du phyin pa lnga dang / stong pa nyid thams cad dang / byang chub kyi phyogs kyi chos sum bcu rtsa bdun dang / 'phags pa'i bden pa bzhi dang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / rnam par thar pa brgyad dang / mthar gyis gnas pa'i snyoms par 'jug pa dgu dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad dag gi thog mar 'gro'o/ /kun du 'dren pa'o/ /dga' bo de ji snyam du sems/ rnam pa thams cad mkhyen pa nyid du yongs su ma sngos pa'i sbyin pa/ sbyin pa'i pha rol du phyin pa yin nam/ rnam pa thams cad mkhyen pa nyid du yongs su ma bsngos pa'i tshul khrims dang / bzod pa dang / brtson 'grus dang / bsam gtan dang / shes rab shes rab kyi pha rol du phyin pa yin nam/ gsol pa/ bcom ldan 'das de ni ma lags na/ bcom</font><hr>31.184b<br><font size=+1>

ldan 'das rnam pa thams cad mkhyen pa nyid du ji ltar yongs su bsngos pa'i sbyin pa/ sbyin pa'i pha rol du phyin pa lags/ rnam pa thams cad mkhyen pa nyid du ji ltar yongs su bsngos pa'i tshul khrims dang / bzod pa dang / brtson 'grus dang / bsam gtan dang / shes rab ni shes rab kyi pha rol du phyin pa lags/ bcom ldan 'das kyis bka' stsal pa dga' bo gnyis su med pa'i tshul gyis/ rnam pa thams cad mkhyen pa nyid du yongs su bsngos pa'i sbyin pa ni/ sbyin pa'i pha rol du phyin pa yin no/ /dga' bo gnyis su med pa'i tshul gyis/ rnam pa thams cad mkhyen pa nyid du yongs su bsngos pa'i tshul khrims dang / bzod pa dang / brtson 'grus dang / bsam gtan dang / shes rab ni shes rab kyi pha rol du phyin pa yin no/ /mi skye ba'i tshul dang / mi dmigs pa'i tshul gyis/ rnam pa thams cad mkhyen pa nyid du yongs su bsngos pa'i sbyin pa ni/ sbyin pa'i pha rol du phyin pa yin no/ /mi skye ba dang / mi dmigs pa'i tshul gyis/ rnam pa thams cad mkhyen pa nyid du yongs su bsngos pa'i tshul khrims dang / bzod pa dang / brtson 'grus dang / bsam gtan dang / shes rab ni shes rab kyi pha rol du phyin pa yin no/ /gsol pa/ bcom ldan 'das ji ltar gnyis su ma mchis pa'i tshul dang / mi skye ba'i tshul dang / mi dmigs pa'i tshul gyis/ rnam pa thams cad mkhyen pa nyid du yongs su bsngos pa'i sbyin pa ni/ sbyin pa'i pha rol du phyin pa lags/ ji ltar gnyis su ma mchis pa'i tshul dang / mi skye ba'i tshul dang mi dmigs pa'i tshul gyis/ rnam pa thams cad mkhyen pa nyid du yongs su bsngos pa'i tshul khrims dang / bzod pa dang / brtson 'grus dang / bsam gtan dang / shes rab ni shes rab kyi pha rol du phyin pa lags/ bcom ldan 'das kyis bka' stsal pa/ gzugs gnyis su med pa'i tshul gyis tshor ba dang / 'du shes dang / 'du byed dang / rnam par shes pa gnyis su med pa'i tshul dang / byang chub kyi bar du gnyis su med pa'i tshul gyis de ltar 'gyur ro/ /gsol pa/ bcom ldan 'das</font><hr>31.185a<br><font size=+1>

ji ltar gzugs gnyis su ma mchis pa'i tshul dang / ji ltar tshor ba dang / 'du shes dang / 'du byed dang / rnam par shes pa gnyis su ma mchis pa'i tshul dang / ji ltar byang chub kyi bar du gnyis su ma mchis pa'i tshul lags/ bcom ldan 'das kyis bka' stsal pa/ dga' bo 'di ltar gzugs ni gzugs kyis stong ngo / /tshor ba dang / 'du shes dang / 'du byed dang / rnam par shes pa ni rnam par shes pas stong ste/ de ci'i phyir zhe na/ 'di ltar gzugs dang / tshor ba dang / 'du shes dang / 'du byed dang / rnam par shes pa dang / pha rol du phyin pa 'di dag gnyis su med de gnyis su byar med do/ /byang chub kyi bar ni byang chub kyis stong ngo / /de ci'i phyir zhe na/ de ni 'di ltar byang chub dang / pha rol du phyin pa 'di dag gnyis su med de gnyis su byar med do/ /dga' bo de lta bas na pha rol du phyin pa lnga po 'di dag gi thog mar 'gro ba ni shes rab kyi pha rol du phyin pa nyid do/ /stong pa nyid thams cad dang / byang chub kyi phyogs kyi chos sum bcu rtsa bdun dang / 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / rnam par thar pa'i sgo gsum dang / mngon par shes pa drug dang / ting nge 'dzin thams cad dang / gzungs kyi sgo thams cad dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad dang / byang chub kyi bar gyi thog mar 'gro ba ni shes rab kyi pha rol du phyin pa nyid do/ /dga' bo 'di lta ste/ dper na/ sa chen po la sa bon btab pa rgyu rkyen tshogs par gyur nas/ rnam par 'phel bar 'gyur ba yang / sa chen po ni de dag gi gnas te/ sa chen po de la rten cing sa bon de dag skye bar 'gyur ro/ /de bzhin du shes rab kyi pha rol du phyin pa la rten cing / pha rol du phyin pa thams cad dang / stong pa nyid thams cad dang / byang chub kyi phyogs kyi chos</font><hr>31.185b<br><font size=+1>

sum bcu rtsa bdun dang / 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / rnam par thar pa'i sgo gsum dang / mngon par shes pa drug dang / ting nge 'dzin rnams dang / gzungs kyi sgo rnams rnam par 'phel lo/ /de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / snying rje chen po dang / sangs rgyas kyi chos ma 'dres pa bcwa brgyad rnam par 'phel lo/ /thams cad shes pa nyid dang / lam gyi rnam pa shes pa nyid dang / rnam pa thams cad mkhyen pa nyid rnam par 'phel te/ dga' bo rnam pa thams cad mkhyen pa nyid la rten cing / pha rol du phyin pa lnga rnams rnam par 'phel lo/ /rnam pa thams cad mkhyen pa nyid la rten cing / stong pa nyid thams cad rnam par 'phel lo/ /rnam pa thams cad mkhyen pa nyid la rten cing / dran pa nye bar gzhag pa bzhi rnam par 'phel lo/ /rnam pa thams cad mkhyen pa nyid la rten cing / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa rnam par 'phel lo/ /rnam pa thams cad mkhyen pa nyid la rten cing / 'phags pa'i bden pa bzhi dang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / rnam par thar pa brgyad dang / mthar gyis gnas pa'i snyoms par 'jug pa dgu dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / snying rje chen po dang / sangs rgyas kyi chos ma 'dres pa bcwa brgyad rnam par 'phel lo/ /rnam pa thams cad mkhyen pa nyid la rten cing / </font><hr>31.186a<br><font size=+1>

thams cad shes pa nyid dang / lam gyi rnam pa shes pa nyid dang / rnam pa thams cad mkhyen pa nyid rnam par 'phel lo/ /dga' bo de lta bas na shes rab kyi pha rol du phyin pa ni/ pha rol du phyin pa lnga po 'di dag yongs su sgrub pa'o/ /stong pa nyid thams cad yongs su sgrub pa'o/ /dran pa nye bar gzhag pa bzhi yongs su sgrub pa'o/ /yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa yongs su sgrub pa'o/ /'phags pa'i bden pa bzhi dang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / rnam par thar pa brgyad dang / mthar gyis gnas pa'i snyoms par 'jug pa dgu dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / /de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / snying rje chen po dang / sangs rgyas kyi chos ma 'dres pa bcwa brgyad yongs su sgrub pa'o/ /thams cad shes pa nyid dang / lam gyi rnam pa shes pa nyid dang / rnam pa thams cad mkhyen pa nyid yongs su sgrub pa'o/ /shes rab kyi pha rol du phyin pa stong phrag nyi shu lnga pa/ bam po sum bcu gsum pa/ de nas lha'i dbang po brgya byin gyis/ bcom ldan 'das la 'di skad ces gsol to/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyis shes rab kyi pha rol du phyin pa'i yon tan gang / bdag gis bcom ldan 'das las thos te/ rigs kyi bu 'am/ rigs kyi bu mo gang shes rab kyi pha rol du phyin pa 'di 'dzin pa dang / 'chang ba dang / klog pa dang / kun chub par bgyid pa dang / tshul bzhin du yid la bgyid pa'i yon tan gang ji snyed cig mchis pa dang / shes rab kyi pha rol du phyin pa 'di'i yon tan gang ji snyed cig bdag gis/ bcom ldan 'das las bzung ste/ bcangs pa dang / blags pa dang / </font><hr>31.186b<br><font size=+1>

kun chub par bgyid pa dang / spel ba de dag thams cad ni bka' ma stsal te/ bcom ldan 'das shes rab kyi pha rol du phyin pa bzung ba dang / bcangs pa dang / blags pa dang / spel ba dang / tshul bzhin du yid la bgyis pas ni/ dge ba bcu'i las kyi lam rnams 'jig rten du 'byung bar 'gyur ro/ /bsam gtan bzhi 'jig rten du 'byung bar 'gyur ro/ /tshad med pa bzhi dang / gzugs med pa'i snyoms par 'jug pa bzhi dang / mngon par shes pa lnga 'jig rten du 'byung bar 'gyur ro/ /sbyin pa'i pha rol du phyin pa 'jig rten du 'byung bar 'gyur ro/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa 'jig rten du 'byung bar 'gyur ro/ /nang stong pa nyid 'jig rten du 'byung bar 'gyur ro/ /dngos po med pa'i ngo bo nyid stong pa nyid kyi bar du 'jig rten du 'byung bar 'gyur ro/ /dran pa nye bar gzhag pa bzhi 'jig rten du 'byung bar 'gyur ro/ /'phags pa'i lam yan lag brgyad pa'i bar du 'jig rten du 'byung bar 'gyur ro/ /sangs rgyas kyi chos ma 'dres pa bcwa brgyad kyi bar du 'jig rten du 'byung bar 'gyur ro/ /bcom ldan 'das shes rab kyi pha rol du phyin pa bzung ba dang / bcangs pa dang / blags pa dang / kun chub par bgyis pa dang / tshul bzhin du yid la bgyis pas/ rgyal rigs che zhing mtho ba rnams 'jig rten du 'byung bar 'gyur ro/ /bram ze'i rigs che zhing mtho ba rnams 'jig rten du 'byung bar 'gyur ro/ /khyim bdag gi rigs che zhing mtho ba rnams 'jig rten du 'byung bar 'gyur ro/ /rgyal chen bzhi'i ris kyi lha rnams 'jig rten na mchis so/ /'og min gyi bar gyi lha rnams 'jig rten na mchis so/ /bcom ldan 'das shes rab kyi pha rol du phyin pa bzung ba dang / bcangs pa dang / blags pa dang / kun chub par bgyis pa dang / tshul bzhin du yid la bgyis pas ni/ rgyun du zhugs pa rnams 'jig rten du mchis so/ /lan gcig phyir 'ong ba dang / phyir mi 'ong ba dang / dgra bcom pa rnams</font><hr>31.187a<br><font size=+1>

'jig rten na mchis so/ /rang sangs rgyas rnams 'jig rten na mchis so/ /byang chub sems dpa' sems dpa' chen po rnams 'jig rten na mchis so/ /bcom ldan 'das shes rab kyi pha rol du phyin pa bzung ba dang / bcangs pa dang / blags pa dang / kun chub par bgyis pa dang / tshul bzhin du yid la bgyis pas ni de bzhin gshegs pa dgra bcom pa yang dag par rdzogs pa'i sangs rgyas kyang 'jig rten du 'byung bar 'gyur ro/ /bcom ldan 'das kyis bka' stsal pa/ kau shi ka rigs kyi bu 'am/ rigs kyi bu mo gang gis shes rab kyi pha rol du phyin pa 'di bzung ba dang / bcangs pa dang / blags pa dang / kun chub par byas pa dang / tshul bzhin du yid la byas pa de'i yon tan ni/ der zad par yang ma bshad de/ kau shi ka de ci'i phyir zhe na/ rigs kyi bu 'am/ rigs kyi bu mo gang shes rab kyi pha rol du phyin pa 'di 'dzin pa dang / 'chang ba dang / klog pa dang / kun chub par byed pa dang / tshul bzhin du yid la byed pa dang / rnam pa thams cad mkhyen pa nyid kyi sems dang ma bral bar byed pa de dag ni tshul khrims kyi phung po tshad med pa dang ldan par 'gyur ro/ /rigs kyi bu 'am/ rigs kyi bu mo gang shes rab kyi pha rol du phyin pa 'di 'dzin pa dang / 'chang ba dang / klog pa dang / kun chub par byed pa dang / tshul bzhin du yid la byed pa dang / rnam pa thams cad mkhyen pa nyid kyi sems dang ma bral bar byed pa de dag ni/ ting nge 'dzin gyi phung po dang / shes rab kyi phung po dang / rnam par grol ba'i phung po dang / rnam par grol ba'i ye shes mthong ba'i phung po tshad med pa dang ldan par 'gyur ro/ /kau shi ka rigs kyi bu 'am/ rigs kyi bu mo gang shes rab kyi pha rol du phyin pa 'di 'dzin pa dang / 'chang ba dang / klog pa dang / kun chub par byed pa dang / tshul bzhin du yid la byed pa dang / rnam pa thams cad mkhyen pa nyid kyi sems dang ma bral bar byed pa de dag ni/ de bzhin gshegs pa'i don du zhugs par rig par bya'o/ /kau shi ka nyan thos dang / rang sangs rgyas thams cad kyi tshul khrims kyi phung po dang / ting nge 'dzin gyi phung po dang / shes rab kyi phung po dang / rnam par grol ba'i phung po dang / rnam par grol ba'i ye shes mthong ba'i phung po dang / gang yang rigs kyi bu dang / rigs kyi bu mo de dag gi tshul khrims kyi phung po dang / ting nge 'dzin gyi phung po dang / shes rab kyi phung po dang / rnam par grol ba'i phung po dang / rnam par grol ba'i ye shes mthong ba'i phung po las/ kau shi ka tshul khrims kyi phung po dang / ting nge 'dzin gyi phung po dang / </font><hr>31.187b<br><font size=+1>

shes rab kyi phung po dang / rnam par grol ba'i phung po dang / rnam par grol ba'i ye shes mthong ba'i phung po 'di la ni/ nyan thos dang / rang sangs rgyas thams cad kyi tshul khrims kyi phung po dang / shes rab kyi phung po dang / ting nge 'dzin gyi phung po dang / rnam par grol ba'i phung po dang / rnam par grol ba'i ye shes mthong ba'i phung pos brgya'i char yang nye bar mi 'gro'o/ /stong gi char yang nye bar mi 'gro'o/ /brgya phrag stong gi char yang nye bar mi 'gro'o/ /bye ba'i char yang nye bar mi 'gro'o/ /bye ba brgya'i char yang nye bar mi 'gro'o/ /bye ba stong gi char yang nye bar mi 'gro'o/ /bye ba brgya phrag stong gi char yang nye bar mi 'gro'o/ /bye ba khrag khrig brgya phrag stong gi char yang nye bar mi 'gro'o/ /grangs su yang nye bar mi 'gro'o/ /char yang nye bar mi 'gro'o/ /bgrang bar yang nye bar mi 'gro'o/ /dper yang nye bar mi 'gro'o/ /rgyur yang mi bzod do/ /de ci'i phyir zhe na/ de ni 'di ltar rigs kyi bu dang / rigs kyi bu mo de dag nyan thos dang / rang sangs rgyas kyi sa las sems rnam par grol yang chos gang yongs su shes pa med do/ /kau shi ka rigs kyi bu dang / rigs kyi bu mo gang shes rab kyi pha rol du phyin pa 'di bris shing 'dzin pa dang / 'chang ba dang / klog pa dang / kun chub par byed pa dang / tshul bzhin du yid la byed pa de la/ me tog dang / phreng ba dang / spos dang / byug pa dang / phye ma dang / na bza' dang / gdugs dang / rgyal mtshan dang / ba dan dang / sil snyan sna tshogs kyis rim gror byed pa dang / bkur stir byed pa dang / sti stang du byed pa dang / mchod par byed pa de dag tshe 'di nyid dang / tshe rabs phyi ma la yon tan de dag kyang / rnam pa de bzhin du 'thob par ngas bshad do/ /brgya byin gyis gsol pa/ bcom ldan 'das rigs kyi bu 'am/ rigs kyi bu mo gang shes rab kyi pha rol du phyin pa 'di 'dzin pa dang / 'chang ba dang / klog pa dang / kun chub par bgyid pa dang / tshul bzhin du yid la bgyid cing / rnam pa thams cad mkhyen pa nyid kyi sems dang ma bral bar bgyid pa dang / shes rab kyi pha rol du phyin pa 'di bris shing / me tog dang / phreng ba dang / spos dang / byug pa dang / phye ma dang / na bza' dang / gdugs dang / rgyal mtshan dang / ba dan dang / sil snyan sna tshogs kyis rim gror bgyid pa dang / bkur stir bgyid pa dang / sti stang</font><hr>31.188a<br><font size=+1>

du bgyid pa dang / mchod par bgyid pa de la ni/ bdag gis kyang rtag tu rgyun mi 'chad par bsrung ba dang / bskyab pa dang / bskyang ba bgyi'o/ /bcom ldan 'das kyis bka' stsal pa/ kau shi ka rigs kyi bu 'am/ rigs kyi bu mo shes rab kyi pha rol du phyin pa 'di/ kha ton du byed pa'i tshe/ lha'i bu brgya stong mang po dga' ba'i yid kyis chos nyan pa'i phyir 'ongs te/ rigs kyi bu 'am rigs kyi bu mo de shes rab kyi pha rol tu phyin pa dang ldan pa'i chos ston pa'i tshe yang / lha'i bu de dag spobs pa nye bar bsgrub par sems so/ /chos smra ba de dag smra ba snyom par gyur na yang / lha'i bu de dag chos kyi rim gro de nyid kyi spobs pa nye bar bsgrub par sems te/ kau shi ka rigs kyi bu 'am/ rigs kyi bu mo gang shes rab kyi pha rol du phyin pa 'di 'dzin pa dang / 'chang ba dang / klog pa dang / kun chub par byed pa dang / tshul bzhin du yid la byed pa dang / bris shing me tog dang / phreng ba dang / bdug spos dang / byug pa dang / phye ma dang / na bza' dang / gdugs dang / rgyal mtshan dang / ba dan dang / sil snyan sna tshogs kyis rim gror byed pa dang / bkur stir byed pa dang / sti stang du byed pa dang / mchod par byed pa de dag gis tshe 'di'i yon tan 'di yang yongs su zin par 'gyur ro/ /kau shi ka gzhan yang rigs kyi bu 'am/ rigs kyi bu mo de dag 'khor bzhi la shes rab kyi pha rol du phyin pa ston pa'i tshe/ la la zhig bdag la glan ka tshol zhing glags lta bar gyur du 'ong ngo / /zhes bya bar zhum pa med par 'gyur ro/ /de ci'i phyir zhe na/ de ni 'di ltar rigs kyi bu 'am/ rigs kyi bu mo de la shes rab kyi pha rol tu phyin pa 'di nyid bsrung ba dang / bskyab pa dang / bskyang ba byed do/ /de ci'i phyir zhe na/ 'di ltar shes rab kyi pha rol du phyin pa 'di la ni/ 'jig rten</font><hr>31.188b<br><font size=+1>

pa dang / 'jig rten las 'das pa dang / zag pa dang bcas pa dang / zag pa med pa dang / thun mong dang / thun mong ma yin pa dang / dge ba dang / mi dge ba dang / 'dus byas dang / 'dus ma byas dang / nyan thos kyi chos dang / rang sangs rgyas kyi chos dang / byang chub sems dpa'i chos dang / sangs rgyas kyi chos thams cad kyang tha mi dad do/ /de ci'i phyir zhe na/ 'di ltar 'di ni dge ba'i chos thams cad kyi gter yin la/ rigs kyi bu 'am rigs kyi bu mo de yang / nang stong pa nyid la gnas/ dngos po med pa'i ngo bo nyid stong pa nyid kyi bar la gnas pas/ shes rab kyi pha rol tu phyin pa la glags lta ba de yang yang dag par rjes su mi mthong / shes rab kyi pha rol du phyin pa la gang glags lta ba de yang yang dag par rjes su mi mthong / shes rab kyi pha rol du phyin pa la gang glags lta bar bya ba de yang yang dag par rjes su mi mthong ste/ de ltar shes rab kyi pha rol du phyin pas yongs su bzung ba'i phyir/ rigs kyi bu 'am/ rigs kyi bu mo de la sus kyang glags lta ba med do/ /kau shi ka gzhan yang rigs kyi bu 'am/ rigs kyi bu mo gang shes rab kyi pha rol du phyin pa 'di 'dzin cing 'chang ba dang / klog cing kun chub par byed pa dang / tshul bzhin du yid la byed pa de'i sems zhum par mi 'gyur/ yongs su zhum par mi 'gyur/ 'jigs par mi 'gyur/ sngang bar mi 'gyur/ skrag par mi 'gyur ro/ /de ci'i phyir zhe na/ de ni 'di ltar rigs kyi bu 'am/ rigs kyi bu mo de la sus kyang glags lta ba med do/ /kau shi ka gzhan yang rigs kyi bu 'am/ rigs kyi bu mo shes rab kyi pha rol du phyin pa 'di 'dzin cing 'chang ba dang / klog cing kun chub par byed pa dang / tshul bzhin du yid la byed pa de'i sems zhum par mi 'gyur/ yongs su</font><hr>31.189a<br><font size=+1>

zhum par mi 'gyur/ 'jigs par mi 'gyur/ sngang bar mi 'gyur/ skrag par mi 'gyur ro/ /de ci'i phyir zhe na/ de ni 'di ltar rigs kyi bu 'am/ rigs kyi bu mo de dag gis gang zhum par 'gyur ba 'am/ yongs su zhum par 'gyur ba 'am/ 'jigs par 'gyur ba 'am/ skrag par 'gyur ba de lta bu'i dngos po yang dag par rjes su ma mthong ba'i phyir te/ kau shi ka rigs kyi bu 'am/ rigs kyi bu mo gang shes rab kyi pha rol du phyin pa 'di 'dzin pa dang / 'chang ba dang / klog pa dang / kun chub par byed pa dang / tshul bzhin du yid la byed pa dang / bris shing de la me tog dang / phreng ba dang / spos dang / byug pa dang / phye ma dang / na bza' dang / gdugs dang / rgyal mtshan dang / ba dan dang / sil snyan sna tshogs kyis rim gror byed pa dang / bkur stir byed pa dang / sti stang du byed pa dang / mchod par byed pa de dag gis tshe 'di'i yon tan 'di dag yongs su zin par 'gyur ro/ /kau shi ka gzhan yang rigs kyi bu 'am/ rigs kyi bu mo gang la la shes rab kyi pha rol du phyin pa 'di 'dzin pa dang / 'chang ba dang / klog pa dang / kun chub par byed pa dang / tshul bzhin du yid la byed pa dang / bris shing de la me tog dang / phreng ba dang / spos dang / byug pa dang / phye ma dang / na bza' dang / gdugs dang / rgyal mtshan dang / ba dan dang / sil snyan sna tshogs kyis rim gror byed pa dang / bkur stir byed pa dang / sti stang du byed pa dang / mchod par byed pa de ni pha dang ma dang / gnyen bshes dang / rgyal po dang / blon po dang / dge sbyong dang / bram ze dag gis dgongs par bya ba yin/ phyogs bcu'i 'jig rten gyi khams na/ sangs rgyas bcom ldan 'das gang ji snyed cig bzhugs pa dang / byang chub sems dpa' sems dpa' chen po rnams dang / rang sangs rgyas dang / dgra bcom pa dang / slob pa dang / mi slob pa thams cad kyis kyang dben cing yid du 'ong bar bya ba yin/ 'jig rten lha dang bcas pa/ </font><hr>31.189b<br><font size=+1>

bdud dang bcas pa/ tshangs pa dang bcas pa dang / dge sbyong dang / bram zer bcas pa'i skye dgu dang / lha dang / mi dang / lha ma yin du bcas pas kyang dgongs shing yid du 'ong bar bya ba yin/ spobs pa mi 'phrogs par 'gyur ba yin/ sbyin pa'i pha rol du phyin pa mi 'phrogs par 'gyur ba yin/ tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol tu phyin pa mi 'phrogs par 'gyur ba yin/ nang stong pa nyid sgom pa mi 'phrogs par 'gyur ba yin/ dngos po med pa'i ngo bo nyid stong pa nyid kyi bar du bsgom pa mi 'phrogs par 'gyur ba yin/ dran pa nye bar gzhag pa bsgom pa mi 'phrogs par 'gyur ba yin/ yang dag par spong ba dang / rdzu 'phrul gyi rkang pa dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa sgom pa mi 'phrogs par 'gyur ba yin/ 'phags pa'i bden pa bzhi dang bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / rnam par thar pa brgyad dang / mthar gyis gnas pa'i snyoms par 'jug pa dgu dang / rnam par thar pa'i sgo gsum dang / mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / snying rje chen po dang / sangs rgyas kyi chos ma 'dres pa bcwa brgyad bsgom pa mi 'phrogs par 'gyur ba yin/ sems can yongs su smin par bya ba mi 'phrogs pa dang / sangs rgyas kyi zhing yongs su dag par bya ba mi 'phrogs pa dang / rnam pa thams cad mkhyen pa nyid bsgom pa mi 'phrogs par 'gyur ba yin/ gzhan gyis phyir rgol ba ji snyed byung ba la yang chos dang mthun par lan gdab pa'i mthu yod pa yin te/ kau shi ka rigs kyi bu 'am/ </font><hr>31.190a<br><font size=+1>

rigs kyi bu mo gang shes rab kyi pha rol du phyin pa 'di 'dzin pa dang / 'chang ba dang / klog pa dang / kun chub par byed pa dang / tshul bzhin du yid la byed cing / rnam pa thams cad mkhyen pa nyid kyi sems dang yang ma bral bar byed pa dang / bris shing de la me tog dang / phreng ba dang / spos dang / byug pa dang / phye ma dang / na bza' dang / gdugs dang / rgyal mtshan dang / ba dan dang / sil snyan sna tshogs kyis rim gror byed pa dang / bkur stir byed pa dang / sti stang du byed pa dang / mchod par byed pa des tshe 'di'i yon tan 'di dag kyang yongs su zin par 'gyur ro/ /kau shi ka gzhan yang rigs kyi bu 'am/ rigs kyi bu mo gang shes rab kyi pha rol tu phyin pa 'di bris shing glegs bam du byas te 'chang ba dang / stong gsum gyi stong chen po'i 'jig rten gyi khams kyi rgyal chen bzhi'i ris kyi lha'i bu/ bla na med pa yang dag par rdzogs pa'i byang chub tu yang dag par zhugs pa dang / sum bcu rtsa gsum dang / mtshe ma dang / dga' ldan dang / 'phrul dga' dang / gzhan 'phrul dbang byed dang / tshangs ris dang / tshangs lha nye phan dang / tshangs pa kun 'khor dang / tshangs chen dang / snang ba dang / chung snang dang / tshad med snang ba dang / kun snang dang ba dang / dge ba dang / chung dge dang / tshad med dge ba dang / dge rgyas dang / che ba dang / chung che ba dang / tshad med che ba dang / 'bras bu che ba'i lha bla na med pa yang dag par rdzogs pa'i byang chub tu yang dag par zhugs pa de dag kyang der dong zhing / shes rab kyi pha rol du phyin pa 'di klag pa dang / gzung ba dang / kun chub par bya ba dang / phyag bya ba dang / gdud pa byas shing / phyir 'dong bar sems so/ /gnas gtsang ma'i ris mi che ba dang / mi gdung ba dang / shin du mthong ba dang / gya nom snang ba dang / 'og min gyi lha'i bu de dag kyang der dong zhing / shes rab kyi pha rol du phyin pa 'di klag pa dang / gzung ba dang / kun chub par bya ba dang / phyag bya ba</font><hr>31.190b<br><font size=+1>

gdud pa byas shing phyir 'dong bar sems so/ /kau shi ka phyogs bcu'i 'jig rten gyi khams kyi rgyal chen bzhi'i ris kyi lha'i bu bla na med pa yang dag par rdzogs pa'i byang chub tu yang dag par zhugs pa dang / sum bcu rtsa gsum dang / mtshe ma dang / dga' ldan dang / 'phrul dga' dang / gzhan 'phrul dbang byed dang / tshangs ris kyi lha dang / tshangs lha nye phan dang / tshangs pa kun 'khor dang / tshangs chen dang / snang ba dang / chung snang dang / tshad med snang ba dang / kun snang dang ba dang / dge ba dang / chung dge dang / tshad med dge ba dang / dge rgyas dang / che ba dang / chung che dang / tshad med che ba dang / 'bras bu che ba'i lha'i bu bla na med pa yang dag par rdzogs pa'i byang chub tu yang dag par zhugs pa dang / gnas gtsang ma'i ris mi che ba dang / mi gdung ba dang / shin tu mthong ba dang / gya nom snang ba dang / 'og min gyi lha dang / de ma yin pa'i lha dang / klu dang gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po gzi brjid chen po gzi brjid che bar bya ba mang po de dag kyang der dong zhing / shes rab kyi pha rol du phyin pa 'di klag pa dang / gzung ba dang / kun chub par bya ba dang / phyag bya ba dang / gdud pa byas shing phyir 'dong bar sems so/ /kau shi ka de la rigs kyi bu 'am/ rigs kyi bu mo de dag gis kyang sems 'di ltar bskyed par bya ste/ phyogs bcu'i 'jig rten gyi khams kyi rgyal chen bzhi'i ris kyi lha'i bu rnams dang / 'bras bu che ba'i bar gyi lha bla na med pa yang dag par rdzogs pa'i byang chub tu yang dag par zhugs pa dang / gnas gtsang ma'i ris mi che ba dang / mi gdung ba dang / shin du mthong ba dang / gya nom snang ba dang / 'og min gyi bar gyi lha dang / de ma yin pa'i lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po gzi brjid chen po shes rab kyi pha rol du phyin pa 'di klag pa dang / gzung ba dang / kun chub par bya ba dang / phyag bya ba dang / mchod pa</font><hr>31.191a<br><font size=+1>

bya ba'i phyir lhags pa de dag la chos kyi sbyin pa 'di byin par gyur cig ces sems bskyed par bya ste/ de dag kyang shes rab kyi pha rol du phyin pa 'di klags pa dang / bzung ba dang / bcangs pa dang / kun chub par bya ba dang / mchod pa byas shing / phyag byas te/ gdud pa byas nas phyir 'dong ngo / /kau shi ka rigs kyi bu 'am/ rigs kyi bu mo de la/ stong gsum gyi stong chen po'i 'jig rten gyi khams 'di'i rgyal chen bzhi'i ris kyi lha rnams dang / 'og min gyi bar gyi lha dag dang / phyogs bcu'i 'jig rten gyi khams kyi rgyal chen bzhi'i ris kyi lha rnams dang / 'og min gyi bar gyi lha de dag kyang bsrung ba dang / bskyab pa dang / bskyang ba byed de/ kau shi ka de la las kyi rnam par smin pa ma gtogs par/ glags lta ba rnams kyis glags mi rnyed do/ /kau shi ka rigs kyi bu 'am/ rigs kyi bu mo des tshe 'di'i yon tan de lta bu dag kyang / yongs su zin par 'gyur ro/ /lha'i bu gang bla na med pa yang dag par rdzogs pa'i byang chub tu yang dag par zhugs pa de dag kyang / der shes rab kyi pha rol du phyin pa 'di la mchod pa bya ba dang / rigs kyi bu dang / rigs kyi bu mo de dag la bsrung ba dang / bskyab pa dang / bskyang ba bya ba'i don du 'dong bar sems te/ de ci'i phyir zhe na/ kau shi ka de ni 'di ltar rigs kyi bu 'am/ rigs kyi bu mo de dag ni bla na med pa yang dag par rdzogs pa'i byang chub tu yang dag par zhugs pa ste/ sems can thams cad bskyab pa dang / sems can thams cad yongs su smin par bya ba dang / sems can thams cad la phan pa dang / bde ba'i don du nye bar gnas pa'i phyir ro/ /brgya byin gyis gsol pa/ bcom ldan 'das rigs kyi bu 'am/ rigs kyi bu mo des 'dir phyogs bcu kun gyi 'jig rten gyi khams nas/ shes rab kyi pha rol du phyin pa 'di klags pa dang / bzung ba dang / bcang ba dang / kun chub par bya ba dang / phyag</font><hr>31.191b<br><font size=+1>

bya ba dang / gdud pa dang / rim gror bya ba dang / bkur stir bya ba dang / sti stang du bya ba dang / mchod pa'i phyir rgyal chen bzhi'i ris kyi lha rnams dang / 'og min gyi bar gyi lha dag 'dir 'ongs so zhes bgyi bar ji ltar 'tshal bar 'gyur/ bcom ldan 'das kyis bka' stsal pa/ kau shi ka gal te shes rab kyi pha rol du phyin pa 'di gang du gzhag par snang ba chen po byung bar rigs kyi bu 'am/ rigs kyi bu mos mthong na/ rigs kyi bu dang / rigs kyi bu mo des 'dir ni lha mthu chen po mthu chen po/ rdzu 'phrul che ba dbang che ba/ gzi brjid che ba dag shes rab kyi pha rol du phyin pa 'di klag pa dang / gzung ba dang / kun chub par bya ba dang / phyag bya ba dang / gdud pa bya ba dang / rim gror bya ba dang / bkur stir bya ba dang / sti stang du bya ba dang / mchod pa'i phyir lhags so/ /zhes bya bar nges par khong du chud par bya'o/ /kau shi ka gzhan yang gal te rigs kyi bu 'am/ rigs kyi bu mos lha rdzas kyi dri ma las 'das pa/ sngon chad de lta bu tshor ma myong ba tshor na/ rigs kyi bu 'am/ rigs kyi bu mo des 'di ni lha mthu chen po mthu chen po/ rdzu 'phrul che ba dbang che ba dang / gzi brjid che ba dag shes rab kyi pha rol du phyin pa 'di klags pa dang / bcang ba dang / kun chub par bya ba dang / phyag bya ba dang / gdud pa bya ba dang / rim gror bya ba dang / bkur stir bya ba dang / sti stang du bya ba dang / mchod pa'i phyir lhags so zhes bya bar nges par khong du chud par bya'o/ /kau shi ka gzhan yang gal te rigs kyi bu 'am/ rigs kyi bu mo gtsang sbra'i spyod pa dang ldan na/ de'i gtsang sbra'i spyod pa des/ lha de dag kyang nye bar 'ongs shing / shes rab kyi pha rol du phyin pa 'di klag pa dang / gzung ba dang / kun chub par bya ba dang / rim gror bya ba dang / bkur stir bya ba dang / sti stang du bya ba dang / mchod par byas nas shin du dga' ba'i yid du 'gyur ro/ /gnas de na lha mthu chung ngu ji snyed cig gnas pa de dag kyang lha mthu chen po mthu chen po de dag gi gzi brjid dang / dpal dang / zil mi bzod pa'i phyir gnas de nas gud du 'dong bar sems</font><hr>31.192a<br><font size=+1>

so/ /ji lta ji ltar lha mthu chen po mthu chen po/ rdzu 'phrul che ba dang / dbang che ba de dag nye bar 'ong bar sems pa/ de lta de ltar rigs kyi bu 'am/ rigs kyi bu mo de yang mos pa rgya chen po dang ldan par 'gyur ro/ /de'i gnas kyi 'khor kun du yang gtsang sbra med pa'i spyod pa mi rgyu bar byas te/ rigs kyi bu 'am/ rigs kyi bu mo des shes rab kyi pha rol du phyin pa 'di la mchod pa'i las kyi phyir de'i 'khor kyi sa yang spos chu'i chag chag gis btab po/ /me tog dang / spos kyis gtor ro/ /bdug spos 'thul ba'i snod gzhag go/ /dar gyi lda ldi dang / gos kyi bla re bre zhing sa'i phyogs de yang rnam pa du mas brgyan par bya'o/ /kau shi ka rigs kyi bu 'am/ rigs kyi bu mo de la ngal zhing chad par 'gyur ba med de/ rigs kyi bu 'am/ rigs kyi bu mo de ni lus bde ba dang / lus yang ba dang / lus gsal ba yang nyams su myong bar 'gyur ro/ /rigs kyi bu 'am/ rigs kyi bu mo des ni sems bde ba dang / sems yang ba dang / sems gsal ba yang nyams su myong bar 'gyur ro/ /de nas nub mo nyal na yang shes rab kyi pha rol du phyin pa 'di la bsam pas mos par byas na/ sdig to'i rmi lam mthong bar mi 'gyur ro/ /des mthong na yang de bzhin gshegs pa dgra bcom pa yang dag par rdzogs pa'i sangs rgyas mi chen po'i mtshan sum bcu rtsa gnyis mnga' ba/ dpe byad bzang po brgyad bcus kun du brgyan pa/ sku gser gyi mdog tu bzhugs pa/ dge slong gi dge 'dun gyis kun nas bskor ba/ byang chub sems dpa'i tshogs kyis mdun du bdar ba/ chos ston pa mthong bar 'gyur te/ de bzhin gshegs pa de las 'di lta ste/ pha rol du phyin pa drug dang / stong pa nyid thams cad dang / byang chub kyi phyogs kyi chos sum bcu rtsa bdun dang / sangs rgyas kyi chos ma 'dres pa bcwa brgyad kyi chos bstan pa'ang thos par 'gyur ro/ /pha rol du phyin pa drug po de'i don rnam par phye ba yang thos par 'gyur ro/ /stong pa nyid thams cad dang / byang chub kyi phyogs kyi chos sum bcu rtsa bdun dang / sangs rgyas kyi chos ma 'dres pa bcwa brgyad kyi bar de dag gi don rnam par phye ba yang thos par</font><hr>31.192b<br><font size=+1>

'gyur ro/ /byang chub kyi shing yang mthong bar 'gyur ro/ /byang chub sems dpa' sems dpa' chen po byang chub kyi shing drung du 'gro ba yang mthong bar 'gyur ro/ /bla na med pa yang dag par rdzogs pa'i byang chub tu mngon par rdzogs par 'tshang rgya ba yang mthong bar 'gyur ro/ /de ltar mngon par rdzogs par sangs rgyas nas chos kyi 'khor lo bskor ba yang mthong bar 'gyur ro/ /byang chub sems dpa' brgya stong mang po chos yang dag par 'gro ba byed cing / rnam pa thams cad mkhyen pa nyid ni 'di ltar yongs su bsgrub par bya'o/ sems can mang po ni 'di ltar yongs su smin par bya'o/ /sangs rgyas kyi zhing ni 'di ltar yongs su bzung bar bya'o/ /bdud 'khor dang bcas pa ni 'di ltar pham par bya'o zhes zer ba dag kyang mthong bar 'gyur ro/ /shar phyogs kyi sangs rgyas bye ba khrag khrig brgya stong mang po'i sgra yang thos par 'gyur ro/ /lho dang / nub dang / byang dang / byang shar dang / shar lho dang / lho nub dang / nub byang dang / 'og dang / steng gi phyogs kyi sangs rgyas bye ba khrag khrig brgya stong mang po'i sgra yang thos par 'gyur te/ 'jig rten gyi khams che ge mo zhig na ni/ de bzhin gshegs pa dgra bcom pa yang dag par rdzogs pa'i sangs rgyas che ge mo zhig bzhugs te/ byang chub sems dpa' bye ba khrag khrig brgya stong 'di snyed cig dang / nyan thos bye ba khrag khrig brgya stong 'di snyed cig gis bskor cing mdun du byas te chos ston to zhes bya ba'i sgra thos par 'gyur ro/ /shar phyogs kyi sangs rgyas bye ba khrag khrig brgya stong mang po yongs su mya ngan las 'da' ba dag kyang mthong bar 'gyur/ steng gi phyogs kyi bar gyi sangs rgyas bye ba khrag khrig brgya stong mang po yongs su mya ngan las 'da' ba dag kyang mthong bar 'gyur te/ mchod rten rin po che sna bdun las byas pa bye ba khrag khrig brgya stong mang po yang mthong bar 'gyur ro/ /de bzhin gshegs pa'i mchod rten de dag kyang me tog dang / spos dang / phreng ba dang / bdug spos dang / byug pa dang / </font><hr>31.193a<br><font size=+1>

phye ma dang / na bza' dang / gdugs dang / rgyal mtshan dang / ba dan dang / mchod pa sna tshogs mang pos rim gror bya ba dang / bkur stir bya ba dang / sti stang du bya ba dang / mchod par bya ba mthong bar 'gyur ro/ /kau shi ka de ltar rigs kyi bu 'am/ rigs kyi bu mo de dag gis rmi lam bzang po de lta bu dag mthong bar 'gyur te/ de dag bde bar nyal zhing bde bar ldang bar 'gyur ro/ /de'i lus kyang mdangs dang ldan par 'gyur ro/ /lus la yang ba'i nyams yod par 'gyur zhing / lci ba'i nyams med par 'gyur/ zas la cher chags pa med par 'gyur/ gos la chags pa med par 'gyur/ nad kyi rkyen sman dang / yo byad la chags pa med par 'gyur/ zas kyi 'du shes chung bar 'gyur/ gos kyi 'du shes chung bar 'gyur/ nad kyi rkyen sman dang / yo byad kyi 'du shes kyang chung bar 'gyur ro/ /kau shi ka de ni 'di ltar dper na/ rnal 'byor la spyod pa'i dge slong ting nge 'dzin las langs pa'i sems yid la bya bas yongs su brlan pa ni/ zas la cher chags pa med pa yin/ zas kyi 'du shes chung ba yin/ kau shi ka de bzhin du rigs kyi bu 'am/ rigs kyi bu mo de dag kyang zas la cher chags pa med par 'gyur ro/ /zas kyi 'du shes chung bar 'gyur ro/ /de ci'i phyir zhe na/ de la mi ma yin pa rnams lus la mdangs nye bar sgrub bo/ /shar phyogs dang / lho dang / nub dang / byang dang / byang shar dang / shar lho dang / lho nub dang / nub byang dang / 'og dang / steng gi phyogs kyi sangs rgyas bcom ldan 'das gang ji snyed pa dang / byang chub sems dpa' gang ji snyed pa dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po gang ji snyed yod pa de dag kyang de'i lus la mdangs nye bar sgrub bo/ /kau shi ka rigs kyi bu 'am/ rigs kyi bu mo tshe 'di nyid la yon tan 'di dag yongs su bzung bar 'dod pas/ shes rab kyi pha rol du phyin pa 'di nyid la nan tan du mnyan par bya'o/ /bzung bar bya'o/ /bcang bar bya'o/ /klag par</font><hr>31.193b<br><font size=+1>

bya'o/ /kun chub par bya'o/ /tshul bzhin du yid la bya'o/ /rnam pa thams cad mkhyen pa nyid kyi sems dang yang mi 'bral bar bya'o/ /kau shi ka de ste rigs kyi bu 'am/ rigs kyi bu mo de dag gis shes rab kyi pha rol du phyin pa 'di ma bzung / ma bcangs/ ma blags/ kun chub par ma byas/ tshul bzhin du yid la ma byas na yang / rigs kyi bu 'am rigs kyi bu mo de dag gis shes rab kyi pha rol du phyin pa 'di bris shing / glegs bam du byas te/ me tog dang / phreng ba dang / spos dang / byug pa dang / phye ma dang / gos dang / gdugs dang / rgyal mtshan dang / ba dan dang / sil snyan sna tshogs kyis rim gror bya'o/ /bkur stir bya'o/ /sti stang du bya'o/ /mchod par bya'o/ /kau shi ka de ltar na rigs kyi bu 'am/ rigs kyi bu mo de dag skye bo mang po la phan pa dang / skye bo mang po la bde ba'i don du zhugs pa yin/ kau shi ka rigs kyi bu 'am/ rigs kyi bu mo gang la la shes rab kyi pha rol du phyin pa 'di bzung ba dang / bcang ba dang / blag pa dang / kun chub par bya ba dang / tshul bzhin du yid la byed cing bris te/ me tog dang / phreng ba dang / spos dang / byug pa dang / phye ma dang / chos gos dang / gdugs dang / rgyal mtshan dang / ba dan dang / sil snyan sna tshogs kyis rim gror byed/ bkur stir byed/ sti stang du byed/ mchod par byed na/ rigs kyi bu 'am/ rigs kyi bu mo de'i bsod nams ches mang du 'phel gyi/ phyogs bcu kun gyi 'jig rten gyi khams na/ de bzhin gshegs pa dgra bcom pa yang dag par rdzogs pa'i sangs rgyas nyan thos kyi dge 'dun dang bcas pa bzhugs pa rnams la/ nam 'tsho'i bar du na bza' dang / bshos dang / gzims cha dang / snyun gyi rkyen sman dang / yo byad mang pos rim gror byas/ bkur stir byas/ sti stang du byas/ mchod par byas pa dang / de bzhin gshegs pa dgra bcom pa yang dag par rdzogs pa'i sangs rgyas nyan thos kyi dge 'dun dang bcas pa de dag mya ngan las 'das nas kyang / rin po che sna bdun las byas pa'i mchod rten brtsigs te/ nam 'tsho'i bar du me tog</font><hr>31.194a<br><font size=+1>

dang / phreng ba dang / spos dang / byug pa dang / phye ma dang / chos gos dang / gdugs dang / rgyal mtshan dang / ba dan dang / sil snyan sna tshogs kyis rim gror byas/ bkur stir byas/  sti stang du byas/ mchod par byas pas ni ma yin no/ /shes rab kyi pha rol du phyin pa stong phrag nyi shu lnga pa las le'u nyi shu gcig pa'o// // de nas bcom ldan 'das kyis/ lha'i dbang po brgya byin la bka' stsal pa/ kau shi ka khyod kyis 'dzam bu'i gling de bzhin gshegs pa'i sku gdung gis byur bur gang ba zhig kyang rnyed/ shes rab kyi pha rol du phyin pa 'di glegs bam du bris pa zhig kyang la las byin na/ de las gang blang bar bya/ brgya byin gyis gsol pa/ bcom ldan 'das gal te bdag 'dzam bu'i gling de bzhin gshegs pa'i sku gdung gis byur bur gtams pa zhig kyang la las stsal/ shes rab kyi pha rol du phyin pa 'di glegs bam du bris pa zhig kyang la las stsal na/ shes rab kyi pha rol du phyin pa 'di nyid bdag gis blang bar bgyi'o/ /de ci'i slad du zhe na/ bcom ldan 'das de bzhin gshegs pa'i sku gdung de dag la bdag rim gro ma mchis pa yang ma lags/ mi ston pa yang ma lags/ btsun par mi bgyid pa yang ma lags te/ bcom ldan 'das bdag ni de bzhin gshegs pa'i sku gdung la rim gro bgyi bar mi 'tshal ba 'am/ bkur stir bgyi bar mi 'tshal ba 'am/ sti stang du bgyi bar mi 'tshal ba 'am/ mchod par bgyi bar mi 'tshal ba yang ma lags na/ bcom ldan 'das de bzhin gshegs pa'i sku gdung de dag kyang / shes rab kyi pha rol du phyin pa las byung ba ste/ de'i slad du de bzhin gshegs pa'i sku gdung rnams kyang rim gror bgyi ba lags/ bkur stir bgyi ba lags/ sti stang du bgyi ba lags/ mchod par bgyi ba lags so/ /sku gdung de dag ni shes rab kyi pha rol du phyin pas bsgrubs pa ste/ de'i slad du de bzhin gshegs pa'i sku gdung de dag kyang mchod pa mnga'o/ /bcom ldan 'das nam bdag de bzhin gshegs pa'i sku gdung la lha rdzas kyi</font><hr>31.194b<br><font size=+1>

me tog dang / phreng ba dang / spos dang / byug pa dang / phye ma dang / na bza' dang / gdugs dang / rgyal mtshan dang / ba dan dang / lha rdzas kyi sil snyan sna tshogs kyis rim gror bgyid cing / bkur stir bgyid pa dang / sti stang du bgyid pa dang mchod par bgyid pa'i tshe yang / de bzhin gshegs pa'i sku gdung de dag shes rab kyi pha rol du phyin pa las byung ba lags pas na/ lha dang / mi dang / lha ma yin du bcas pa'i 'jig rten gyis rim gror bgyi ba lags/ bkur stir bgyi ba lags/ sti stang du bgyi ba lags/ mchod par bgyi ba lags pas bsrung zhing rim gro dang / bkur sti dang / sti stang dang / mchod par bgyid do/ /de nas tshe dang ldan pa shA ra dwa ti'i bus/ lha'i dbang po brgya byin la 'di skad ces smras so/ /kau shi ka shes rab kyi pha rol du phyin pa 'di ni gzung du med pa/ gzugs med pa/ bltar med pa/ thogs pa med pa/ mtshan nyid gcig pa ste/ 'di ltar mtshan nyid med pa yin na/ de la khyod ji ltar na shes rab kyi pha rol du phyin pa gzung du med pa/ gzugs med pa/ bltar med pa/ thogs pa med pa/ mtshan nyid gcig pa ste/ 'di ltar mtshan nyid med pa la gzung bar sems/ de ci'i phyir zhe na/ shes rab kyi pha rol du phyin pa 'di 'dzin pa dang / dor bar bya ba'i phyir nye bar gnas pa ma yin/ 'grib pa'i phyir ma yin/ 'phel ba'i phyir ma yin/ bskyed pa'i phyir ma yin/ bskyung ba'i phyir ma yin/ 'bri ba'i phyir ma yin/ bsnan pa'i phyir ma yin/ kun nas nyon mongs pa'i phyir ma yin/ rnam par byang ba'i phyir ma yin/ sangs rgyas kyi chos rnams nye bar sgrub pa ma yin/ so so'i skye bo'i chos rnams 'dor ba ma yin/  byang chub sems dpa'i chos rnams dang / rang sangs rgyas kyi chos rnams dang / nyan thos kyi chos rnams dang / slob pa dang / mi slob pa'i chos rnams nye bar sgrub pa ma yin/ so so'i skye bo'i chos rnams 'dor ba ma yin/ 'dus ma byas kyi dbyings nye bar sgrub pa ma yin/ 'dus byas kyi khams 'dor bar byed pa ma yin/ sbyin pa'i pha rol</font><hr>31.195a<br><font size=+1>

du phyin pa nye bar sgrub pa ma yin/ bsam gtan gyi pha rol du phyin pa'i bar du nye bar sgrub pa ma yin/ nang stong pa nyid nye bar sgrub pa ma yin/ dngos po med pa'i ngo bo nyid stong pa nyid kyi bar du nye bar sgrub pa ma yin/ dran pa nye bar gzhag pa rnams nye bar sgrub pa ma yin/ yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa nye bar sgrub pa ma yin/ 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs dang / mi 'jigs pa dang / so so yang dag par rig pa dang / byams pa chen po dang /  snying rje chen po dang / sangs rgyas kyi chos ma 'dres pa rnams nye bar sgrub pa ma yin/ rnam pa thams cad mkhyen pa nyid kyi bar du nye bar sgrub pa ma yin no/ /brgya byin gyis smras pa/ btsun pa shA ra dwa ti'i bu de de bzhin no/ /de de bzhin te/ btsun pa shA ra dwa ti'i bu gang gis de ltar shes rab kyi pha rol du phyin pa ni/ sangs rgyas kyi chos rnams nye bar sgrub pa ma yin/ so so'i skye bo'i chos rnams 'dor bar byed pa ma yin/ rnam pa thams cad mkhyen pa nyid kyi bar du nye bar sgrub pa ma yin no zhes bya bar shes pa de ni/ shes rab kyi pha rol du phyin pa la spyod pa yin no/ /shes rab kyi pha rol du phyin pa la sgom pa yin no/ /shes rab kyi pha rol du phyin pa ni gnyis su shes par bya ba ma yin te/ shes rab kyi pha rol du phyin pa ni mi gnyis pa'o/ /bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa ni gnyis su shes par bya ba ma yin te/ </font><hr>31.195b<br><font size=+1>

sbyin pa'i pha rol du phyin pa ni mi gnyis pa'o/ /de nas bcom ldan 'das kyis lha'i dbang po brgya byin la legs so zhes bya ba gnang ste/ kau shi ka legs so legs so/ /de de bzhin te/ ji skad du smras pa bzhin no/ /shes rab kyi pha rol du phyin pa ni gnyis su shes par bya ba ma yin te/ de ci'i phyir zhe na/ shes rab kyi pha rol du phyin pa ni mi gnyis pa'o/ /bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa ni gnyis su shes par bya ba ma yin te/ de ci'i phyir zhe na/ sbyin pa'i pha rol du phyin pa ni mi gnyis pa'o/ /kau shi ka gang shes rab kyi pha rol du phyin pa la gnyis su 'dod pa de ni/ chos kyi dbyings la gnyis su 'dod du zad do/ /de ci'i phyir zhe na/ kau shi ka de ni 'di ltar chos kyi dbyings dang / shes rab kyi pha rol du phyin pa de la gnyis su med de gnyis su byar med do/ /kau shi ka gang bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa la gnyis su 'dod pa de ni/ chos kyi dbyings la gnyis su 'dod du zad do/ /de ci'i phyir zhe na/ de ni 'di ltar chos kyi dbyings dang / sbyin pa'i pha rol du phyin pa de la gnyis su med de gnyis su byar med do/ /kau shi ka gang shes rab kyi pha rol du phyin pa la gnyis su 'dod pa de ni/ de bzhin nyid dang / yang dag pa'i mtha' dang / bsam gyis mi khyab pa'i dbyings la gnyis su 'dod du zad do/ /de ci'i phyir zhe na/ kau shi ka de ni 'di ltar de bzhin nyid dang / yang dag pa'i mtha' dang / bsam gyis mi khyab pa'i dbyings dang / shes rab kyi pha rol du phyin pa de la gnyis su med de gnyis su byar med do/ /kau shi ka gang bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa la gnyis</font><hr>31.196a<br><font size=+1>

su 'dod pa de ni/ de bzhin nyid dang / yang dag pa'i mtha' dang / bsam gyis mi khyab pa'i dbyings la gnyis su 'dod du zad do/ /de ci'i phyir zhe na/ de bzhin nyid dang / yang dag pa'i mtha' dang / bsam gyis mi khyab pa'i dbyings dang / sbyin pa'i pha rol du phyin pa la gnyis su med de gnyis su byar med do/ /de nas lha'i dbang po brgya byin gyis/ bcom ldan 'das la 'di skad ces gsol to/ /bcom ldan 'das shes rab kyi pha rol du phyin pa 'di ni lha dang / mi dang / lha ma yin du bcas pa'i 'jig rten gyis phyag bgyi bar 'os pa ste/ de la bslabs pas ni/ byang chub sems dpa' sems dpa' chen po rnams bla na med pa yang dag par rdzogs pa'i byang chub tu mngon par rdzogs par sangs rgyas so/ /mngon par rdzogs par 'tshang rgya'o/ /mngon par rdzogs par 'tshang rgya bar 'gyur ro/ /bcom ldan 'das gang gi tshe bdag chos bzang po'i lha'i 'khor du bdag nyid kyi/ lha'i dbang po'i stan la mchis par gyur pa de'i tshe/ der lha'i bu gang ji snyed bdag gi rim gro la mchis pa de dag kun kyang bdag la mchod pa bgyid de/ nam der bdag ma mchis shing / stan de la ma mchis pa de'i tshe yang lha'i bu de dag 'khor der mchis shing / lha'i dbang po brgya byin stan 'di la 'dug cing / sum bcu rtsa gsum gyi lha rnams la chos ston to zhes stan de la g.yas phyogs su bskor ba bgyis cing phyag 'tshal te slar mchi'o/ /bcom ldan 'das de bzhin du gang na shes rab kyi pha rol du phyin pa 'di bris shing 'chang ba dang / kha ton du bgyid cing gzhan la yang rgya cher ston pa der/ phyogs bcu'i 'jig rten gyi khams na/ lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po ji snyed cig mchis pa de dag kyang / de bzhin gshegs pa dgra bcom pa yang dag par rdzogs pa'i sangs rgyas rnams ni 'di las byung ngo / /nyan thos dang / rang sangs rgyas thams cad kyang 'di las byung ngo / /sems can thams</font><hr>31.196b<br><font size=+1>

cad kyi bde ba'i yo byad thams cad kyang 'di las byung ngo zhes/ shes rab kyi pha rol du phyin pa la phyag bgyis shing gdud pa bgyis nas slar mchi bar 'gyur ro/ /de bzhin gshegs pa'i sku gdung rnams mchod pa mnga' ba yang / shes rab kyi pha rol du phyin pas yongs su bsgrubs pa'i slad du/ mchod pa mnga' ste/ de ci'i slad du zhe na/ bcom ldan 'das byang chub sems dpa' sems dpa' chen po byang chub sems dpa'i spyad pa spyod pa'i tshe/ shes rab kyi pha rol du phyin pa ni thams cad mkhyen pa'i ye shes kyi gzhir gyur to/ /rgyur gyur to/ /rkyen du gyur to/ /yongs su sgrub par gyur to/ /bcom ldan 'das de lta bas na cha de gnyis las bdag ni shes rab kyi pha rol du phyin pa 'di nyid len to/ /bcom ldan 'das gang gi tshe bdag gis shes rab kyi pha rol du phyin pa 'di blangs te/ chos kyi khongs su gtogs pa'i yid kyis kha ton bgyid pa de'i tshe 'jigs pa 'am/ bag tsha ba'i mtshan ma tsam yang yang dag par rjes su mi mthong ngo / /bcom ldan 'das de ci'i slad du zhe na/ shes rab kyi pha rol du phyin pa ni mtshan ma ma mchis/ rtags ma mchis brjod du ma mchis pa ste/ bcom ldan 'das shes rab kyi pha rol du phyin pa ni smos su ma mchis pa'o/ /bcom ldan 'das bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa ni mtshan ma ma mchis/ rtags ma mchis brjod du ma mchis pa ste/ bcom ldan 'das pha rol du phyin pa de dag ni smos su ma mchis pa'o/ /bcom ldan 'das rnam pa thams cad mkhyen pa nyid kyi bar ni mtshan ma ma mchis/ rtags ma mchis brjod du ma mchis pa ste/ bcom ldan 'das rnam pa thams cad mkhyen pa nyid ni smos su ma mchis pa'o/ /bcom ldan 'das gal te shes rab kyi pha rol du phyin pa mtshan ma ma mchis pa zhig lags te/ mtshan ma ma mchis pa ma lags</font><hr>31.197a<br><font size=+1>

na ni/ de bzhin gshegs pa dgra bcom pa yang dag par rdzogs pa'i sangs rgyas kyis/ chos thams cad la mtshan ma ma mchis pa dang / rtags ma mchis pa dang / brjod du ma mchis pa dang / smos su ma mchis par thugs su chud de/ bla na med pa yang dag par rdzogs pa'i byang chub tu mngon par rdzogs par sangs rgyas nas sems can rnams la mtshan ma ma mchis pa dang / rtags ma mchis pa dang / brjod du ma mchis pa dang / smos su ma mchis pa'i chos mi ston to/ /bcom ldan 'das 'di ltar shes rab kyi pha rol du phyin pa mtshan ma ma mchis/ rtags ma mchis/ brjod du ma mchis/ smos su ma mchis pas/ de'i slad du de bzhin gshegs pas chos thams cad mtshan ma ma mchis pa dang / rtags ma mchis pa dang / brjod du ma mchis pa dang / smos su ma mchis par thugs su chud de/ bla na med pa yang dag par rdzogs pa'i byang chub tu mngon par rdzogs par sangs rgyas nas sems can rnams la mtshan ma ma mchis pa dang / rtags ma mchis pa dang / brjod du ma mchis pa dang / smos su ma mchis pa'i chos bstan to/ /bcom ldan 'das de bas na shes rab kyi pha rol du phyin pa 'di ni lha dang / mi dang / lha ma yin du bcas pa'i 'jig rten gyis/ me tog dang / phreng ba dang / spos dang / byug pa dang / phye ma dang / na bza' dang / gdugs dang / rgyal mtshan dang / ba dan dang / sil snyan sna tshogs kyis rim gro dang / bkur sti dang / sti stang dang / mchod par bgyi bar 'os pa'o/ /bris shing me tog dang / phreng ba dang / spos dang / byug pa dang / phye ma dang / na bza' dang / gdugs dang / rgyal mtshan dang / ba dan dang / sil snyan sna tshogs kyis rim gro dang / bkur sti dang / sti stang dang / mchod par bgyi bar 'os pa'o/ /bcom ldan 'das gang la la zhig shes rab kyi pha rol du phyin pa 'di 'dzin cing 'chang ba dang / klog cing kun chub pa dang / tshul bzhin du yid la bgyid pa dang / de bris shing me tog dang / phreng ba dang / spos dang / byug pa dang / </font><hr>31.197b<br><font size=+1>

phye ma dang / na bza' dang / gdugs dang / rgyal mtshan dang / ba dan dang / sil snyan sna tshogs kyis rim gro dang / bkur sti dang / sti stang dang / mchod pa bgyid pa de ni nam bla na med pa yang dag par rdzogs pa'i byang chub tu mngon par rdzogs par sangs rgyas kyi bar du des sems can dmyal ba'i rgyud kyi dogs pa ma mchis par bgyi'o/ /byol song gi skye gnas dang / gshin rje'i 'jig rten gyi rgyud kyi dogs pa ma mchis par bgyi'o/ /nyan thos kyi sa dang / rang sangs rgyas kyi sa'i dogs pa ma mchis par bgyi'o/ /de ni de bzhin gshegs pa mthong ba dang yang mi 'bral bar 'gyur/ sems can yongs su smin par bgyi ba dang yang mi 'bral bar 'gyur te/ de bzhin gshegs pa dgra bcom pa yang dag par rdzogs pa'i sangs rgyas de dag la me tog dang / phreng ba dang / spos dang / byug pa dang / phye ma dang / na bza' dang / gdugs dang / rgyal mtshan dang / ba dan dang / sil snyan sna tshogs kyis rim gro dang / bkur sti dang / sti stang dang / mchod par bgyid cing sangs rgyas kyi zhing nas sangs rgyas kyi zhing du mchi bar 'gyur ro/ /bcom ldan 'das gzhan yang gal te stong gsum gyi stong chen po'i 'jig rten gyi khams 'di de bzhin gshegs pa'i sku gdung gis byur bur gtams pa zhig kyang stsal la/ shes rab kyi pha rol du phyin pa 'di yang bris te stsal na/ bcom ldan 'das dkon mchog de gnyis las bdag ni shes rab kyi pha rol du phyin pa 'di nyid len to/ /bcom ldan 'das de ci'i slad du zhe na/ 'di las byung ba ni de bzhin gshegs pa rnams dang / de bzhin gshegs pa'i sku gdung rnams te/ de bas na de bzhin gshegs pa'i sku gdung de dag kyang rim gror bgyi ba dang / bkur bstir bgyi ba dang / sti stang du bgyi zhing mchod par bgyi ba lags te/ rigs kyi bu 'am rigs kyi bu mo de dag gis/ de dag la rim gror bgyis/ bkur stir bgyis/ sti stang du bgyis/ mchod par bgyis na/ log par ltung ba dang / ngan song du mchi bar mi 'gyur te/ lha dang mi'i phun sum</font><hr>31.198a<br><font size=+1>

tshogs pa myong nas/ smon lam gyi tshul bzhin du nyan thos kyi theg pa 'am/ rang sangs rgyas kyi theg pa 'am/ yang dag par rdzogs pa'i sangs rgyas kyi theg pas yongs su mya ngan las 'das par 'gyur ro/ /bcom ldan 'das de lta bas na gang de bzhin gshegs pa mthong ba dang / shes rab kyi pha rol du phyin pa bris pa mthong ba de ni mi 'dra ba ma mchis so/ /de ci'i slad du zhe na/ bcom ldan 'das de ni 'di ltar shes rab kyi pha rol du phyin pa dang / de bzhin gshegs pa la gnyis su ma mchis te gnyis su bgyir ma mchis so/ /bcom ldan 'das gzhan yang gang de bzhin gshegs pa dgra bcom pa yang dag par rdzogs pa'i sangs rgyas kyis cho 'phrul rnam pa gsum la bzhugs te/ mdo dang / dbyangs kyis bsnyad pa dang / lung bstan pa dang / chos gtan la dbab pa bstan pa'i bar du gsungs te bshad pa dang / rigs kyi bu 'am rigs kyi bu mo la las/ shes rab kyi pha rol du phyin pa 'di bzung zhing kun chub par bgyis te/ gzhan la bstan pa de gnyis kyang mi 'dra ba ma mchis so/ /bcom ldan 'das de ci'i slad du zhe na/ 'di las byung ba ni de bzhin gshegs pa dgra bcom pa yang dag par rdzogs pa'i sangs rgyas rnams so/ /'di las byung ba ni cho 'phrul rnam pa gsum mo/ /'di las byung ba ni mdo dang / dbyangs kyis bsnyad pa dang / lung bstan pa dang / chos gtan la dbab pa bstan pa'i bar dag go/ /bcom ldan 'das gzhan yang shar phyogs kyi de bzhin gshegs pa dgra bcom pa yang dag par rdzogs pa'i sangs rgyas gang gA'i klung gi bye ma snyed mang po dang / lho dang / nub dang / byang dang / byang shar dang / shar lho dang / lho nub dang / nub byang dang / 'og dang / steng gi phyogs kyi phyogs re re zhing / de bzhin gshegs pa dgra bcom pa yang dag par rdzogs pa'i sangs rgyas gang gA'i klung gi bye ma snyed mang pos cho 'phrul rnam pa gsum la bzhugs te/ mdo dang / dbyangs kyis bsnyad pa dang / lung bstan pa dang / chos gtan</font><hr>31.198b<br><font size=+1>

la dbab pa bstan pa'i bar du gsungs te bshad pa dang / rigs kyi bu 'am/ rigs kyi bu mo gang la las/ shes rab kyi pha rol du phyin pa 'di bzung zhing kun chub par bgyis te/ gzhan la bstan pa de gnyis kyang mi 'dra ba ma mchis so/ /de ci'i slad du zhe na/ 'di las byung ba ni phyogs bcu'i de bzhin gshegs pa dgra bcom pa yang dag par rdzogs pa'i sangs rgyas rnams so/ /'di las byung ba ni cho 'phrul rnam pa gsum mo/ /'di las byung ba ni mdo dang dbyangs kyis bsnyad pa dang / lung bstan pa dang / chos gtan la dbab pa bstan pa'i bar dag go/ /bcom ldan 'das gzhan yang phyogs bcu'i phyogs re re zhing 'jig rten gyi khams gang gA'i klung gi bye ma snyed kyi de bzhin gshegs pa dgra bcom pa yang dag par rdzogs pa'i sangs rgyas de dag la/ me tog dang / phreng ba dang / spos dang / byug pa dang / phye ma dang / na bza' dang / gdugs dang / rgyal mtshan dang / ba dan dang / sil snyan sna tshogs kyis rim gro dang / bkur sti dang / sti stang dang / mchod pa bgyis pa dang / shes rab kyi pha rol du phyin pa 'di glegs bam du bris shing / me tog dang / phreng ba dang / spos dang / byug pa dang / phye ma dang / na bza' dang / gdugs dang / rgyal mtshan dang / ba dan dang / sil snyan sna tshogs kyis rim gro dang / bkur sti dang / sti stang dang / mchod pa bgyis par yang mi 'dra ba ma mchis so/ /de ci'i slad du zhe na/ 'di las byung ba ni de bzhin gshegs pa dgra bcom pa yang dag par rdzogs pa'i sangs rgyas rnams so/ /bcom ldan 'das gzhan yang rigs kyi bu 'am/ rigs kyi bu mo gang shes rab kyi pha rol du phyin pa 'di 'dzin cing 'chang ba dang / klog cing kun chub par byed pa dang / tshul bzhin du yid la bgyid cing / gzhan la yang rgya cher ston pa des ni/ sems can dmyal ba'i rgyud kyi dogs pa ma mchis par bgyi'o/ /byol song gi skye gnas dang / gshin rje'i 'jig rten gyi rgyud kyi dogs pa ma mchis par bgyi'o/ /nyan thos kyi sa dang / rang sangs rgyas kyi sa'i</font><hr>31.199a<br><font size=+1>

dogs pa ma mchis par bgyi'o/ /de ci'i slad du zhe na/ 'di ltar rigs kyi bu 'am/ rigs kyi bu mo de ni phyir mi ldog pa'i sa la gnas par rig par bgyi'o/ /de ci'i slad du zhe na/ de ni 'di ltar shes rab kyi pha rol du phyin pa 'di bris shing 'dzin to/ /'chang ngo / /klog go/ /kun chub par bgyid do/ /tshul bzhin du yid la bgyid do/ /bris pa de la yang me tog dang / phreng ba dang / spos dang / byug pa dang / phye ma dang / na bza' dang / gdugs dang / rgyal mtshan dang / ba dan dang / sil snyan sna tshogs kyis rim gror bgyid/ bkur stir bgyid/ sti stang du bgyid/ mchod par bgyid do/ /bcom ldan 'das de ltar na shes rab kyi pha rol du phyin pa 'di ni 'jigs pa thams cad zhi bar bgyid pa'o/ /nad thams cad rab tu sel ba'o/ /bcom ldan 'das gzhan yang rigs kyi bu dang rigs kyi bu mo gang shes rab kyi pha rol du phyin pa 'di bris shing 'dzin pa dang / 'chang ba dang / klog pa dang / kun chub par bgyid pa dang / de la me tog dang / phreng ba dang / spos dang / byug pa dang / phye ma dang / na bza' dang / gdugs dang / rgyal mtshan dang / ba dan dang / sil snyan sna tshogs kyis rim gro dang / bkur sti dang / sti stang dang / mchod par bgyis pa des ni/ gang nas kyang 'jigs pa 'byung ba'i dogs pa ma mchis par bgyi'o/ /bcom ldan 'das 'di lta ste dper na/ skyes bu nor gyi bdag po zhig 'jigs nas/ rgyal po la gnas shing rgyal po la rten na/ de rgyal po la gnas shing rgyal po la rten pas/ sus 'jigs pa de dag nyid kyang de la brten pas/ de dag gis 'jigs par mi 'gyur ro/ /de ci'i slad du zhe na/ bcom ldan 'das de ni 'di ltar gsha' ste/ gang rgyal po la brten pa ni mthu dang ldan pa la brten pa'o/ /bcom ldan 'das de bzhin du de bzhin gshegs pa'i sku gdung de dag kyang / shes rab kyi pha rol du phyin pas yongs su bsgrubs pas na mchod pa mnga'o/ /bcom ldan 'das rnam pa thams cad mkhyen pa'i ye shes gang lags pa de yang / shes rab kyi pha rol du phyin pas yongs su bsgrubs par blta'o/ /bcom</font><hr>31.199b<br><font size=+1>

ldan 'das de lta bas na bdag gis cha de gnyis las/ shes rab kyi pha rol du phyin pa 'di nyid blang bar bgyi'o/ /bcom ldan 'das de ci'i slad du zhe na/ 'di las byung ba ni de bzhin gshegs pa'i sku gdung rnams so/ /'di las byung ba ni mi chen po'i mtshan sum bcu rtsa gnyis so/ /'di las byung ba ni de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad do/ /'di las byung ba ni byams pa chen po dang / snying rje chen po'o/ /bcom ldan 'das 'di las byung ba ni pha rol du phyin pa lnga ste/ de dag pha rol du phyin pa'i ming 'thob bo/ /'di las byung ba ni de bzhin gshegs pa'i rnam pa thams cad mkhyen pa nyid kyi bar te/ bcom ldan 'das grong ngam/ grong rdal lam/ grong khyer ram/ khams sam/ rgyal po'i gnas sam/ stong gsum gyi stong chen po'i 'jig rten gyi khams gang na/ shes rab kyi pha rol du phyin pa 'di 'dzin cing 'chang ba dang / klog cing kun chub par bgyid pa dang / bris shing rim gro dang / bkur sti dang / sti stang dang / mchod pa bgyid pa de dag tu mi 'am mi ma lags pa glags lta zhing glags tshol ba rnams kyis glags rnyed par mi 'gyur te/ sems can de dag thams cad kyang theg pa gsum las/ theg pa gang yang rung bas mthar gyis yongs su mya ngan las 'das pa'i chos can du 'gyur ro/ /bcom ldan 'das de lta bas na/ shes rab kyi pha rol du phyin pa 'di ni don chen po dang ldan pa ste/ stong gsum gyi stong chen po'i 'jig rten gyi khams na/ de ltar sems can rnams kyi sangs rgyas kyi don du nye bar gnas so/ /bcom ldan 'das 'jig rten gyi khams gang na shes rab kyi pha rol du phyin pa 'di mchis pa'i/ 'jig rten gyi khams der ni sangs rgyas byung ba dang 'dra bar blta'o/ /bcom ldan 'das 'di lta ste dper na/ nor bu rin po che chen po mi dpogs rin chen ces bgyi ba mchis te/ de ni nor bu rin po che chen po'i</font><hr>31.200a<br><font size=+1>

yon tan rnam pa 'di lta bu dag dang ldan te/ nor bu rin po che de gang dang gang du gzhag pa de dang der/ mi ma lags pa rnams kyis glags mi rnyed do/ /mi ma lags pas zin pa'i skyes pa 'am/ bud med kyang nor bu rin po che de bstan na/ mi ma lags pa de nor bu rin po che chen po de'i gzi brjid mi bzod de myur du 'pho zhing mi gnas so/ /mkhris pas gdungs pa'i lus la nor bu rin po che chen po de btags na/ mkhris pa de'ang 'byong bar 'gyur ro/ /rlung gis mnar ba'i lus la nor bu rin po che chen po de btags na/ rlung de'ang 'byang bar 'gyur ro/ /bad kan gyis non pa'i lus la nor bu rin po che chen po de btags na/ bad kan de'ang zhi bar 'gyur ro/ /'dus pa'i nad kyis btab pa'i lus la nor bu rin po che chen po btags na/ 'dus pa'i nad de'ang zhi bar 'gyur zhing rnam par mi 'phel lo/ /nub mo ni nor bu rin po che chen po de snang bar bgyid do/ /tsha ba'i dus na ni nor bu rin po che chen po de phyogs gang du bzhag pa'i phyogs de bsil bar bgyid do/ /grang ba'i dus na ni nor bu rin po che chen po de phyogs gang du bzhag pa'i phyogs de dro bar bgyid do/ /nor bu rin po che chen po de dog sa'i phyogs gang du bzhag pa'i phyogs de yang / ha cang yang mi dro ha cang yang mi grang zhing ran pa phun sum tshogs par bgyid do/ /nor bu rin po che chen po de dog sa'i phyogs gang du bzhag pa'i dog sa'i phyogs der sbrul lam/ de ma lags pa'i sdig pa la sogs pa gdug pa dang / gzhan dag kyang rgyu bar mi 'gyur ro/ /shes rab kyi pha rol du phyin pa stong phrag nyi shu lnga pa/ bam po sum bcu bzhi pa/ bcom ldan 'das skyes pa 'am/ bud med la la zhig sbrul gdug pas zin pa la/ nor bu rin po che chen po de bstan na/ des de mthong ma thag tu dug de yang byang bar 'gyur ro/ /bcom ldan 'das nor bu rin po che chen po de ni yon tan gyi rnam pa 'di lta bu dag dang ldan te/ skyes pa 'am/ </font><hr>31.200b<br><font size=+1>

bud med la la zhig 'brum bus btab bam mig rab rib can du gyur te/ mig gi nad dam/ rna ba'i nad dam/ sna'i nad dam/ lce'i nad dam/ lkog ma'i nad dam/ lus kyi nad cig byung ba las de'i lus la nor bu rin po che chen po de btags na de dag gi 'brum bu 'am/ rab rib bam/ mig gi nad dam/ rna ba'i nad dam/ sna'i nad dam/ lce'i nad dam/ lkog ma'i nad dam/ lus kyi nad de dag kyang zhi bar 'gyur ro/ /bcom ldan 'das nor bu rin po che chen po de ni yon tan gyi rnam pa 'di lta bu dag dang yang ldan no/ /gal te nor bu rin po che chen po de dag chab rnyog pa can gyi nang du stsal na/ de'i mod la chab de thams cad kyang yan lag brgyad dang ldan zhing kha dog gcig par 'gyur ro/ /gal te nor bu rin po che chen po de gos sngon pos dkris te chab kyi nang du stsal na/ chab de yang de'i rang bzhin nyid du 'gyur ro/ /gal te nor bu rin po che chen po de gos ser po 'am/ dmar po 'am/ dkar po 'am/ leb rgan nam/ shel gyi kha dog gam/ gos gzhan rnam pa sna tshogs kyis nor bu rin po che chen po de dkris te chab kyi nang du stsal na/ chab de yang de'i rang bzhin nyid du 'gyur ro/ /chab de la rnyog pa mchis pa yang / nor bu rin po che chen po des dang ste/ bcom ldan 'das nor bu rin po che chen po de ni yon tan gyi rnam pa de lta bu dag dang / gzhan yang rnam pa mang po dag dang ldan no/ /bcom ldan 'das shes rab kyi pha rol du phyin pa 'di yang lha rdzas kyi nor bu rin po che chen po de dang 'dra bar yon tan thams cad kyi 'byung gnas su gyur pa ste/ sdig pa thams cad sel ba'o/ /de nas tshe dang ldan pa dga' bos/ lha'i dbang po brgya byin la 'di skad ces smras so/ /kau shi ka de ji snyam du sems/ nor bu rin po che chen po de lha rdzas shig yin nam/ 'on tam nor bu rin po che chen po de 'dzam bu'i gling gi mi rnams la yang yod/ brgya byin gyis smras pa/ btsun pa dga' bo nor bu rin po che chen po de ni lha rdzas te/ btsun pa dga' bo 'dzam bu'i gling gi mi rnams</font><hr>31.201a<br><font size=+1>

la nor bu rin po che gang yod pa de dag ni chung zhing lci/ lha rdzas kyi nor bu rin po che de dag ni che zhing yang ste/ 'dzam bu'i gling gi mi rnams kyi nor bu rin po che chen po de dag ni lha rdzas ltar yan lag de dag gis yongs su rdzogs pa ma yin te/ 'dzam bu'i gling gi nor bu rin po che de dag gis ni/ lha rdzas kyi nor bu rin po che chen po de'i grangs sam/ cha 'am/ bgrang ba 'am/ dpe 'am/ rgyur yang nye bar mi 'gro'o/ /de nas yang lha'i dbang po brgya byin gyis bcom ldan 'das la 'di skad ces gsol to/ /bcom ldan 'das nor bu rin po che chen po de snod la la zhig gi nang du stsal pa las/ snod de nas phyung yang snod de ni nor bu rin po che de'i yon tan gyis yid du mchi bar 'gyur te/ gzhan yang snod de la mos pa skyed do/ /bcom ldan 'das de bzhin du shes rab kyi pha rol du phyin pa 'di gang na mchis pa de'i/ rigs kyi bu 'am rigs kyi bu mo dag gi lus sam sems kyi sdug bsngal dang / gnod pa mi las gyur pa 'am/ mi ma lags pa las gyur pa thams cad kyang ma mchis par 'gyur te/ bcom ldan 'das nor bu rin po che chen po zhes bgyi ba ni shes rab kyi pha rol du phyin pa'i tshig bla dgas so/ /rnam pa thams cad mkhyen pa'i ye shes kyi tshigs bla dgas so/ /bcom ldan 'das shes rab kyi pha rol du phyin pa'i yon tan lta ji snyed cig brjod par bgyi ste/ shes rab kyi pha rol du phyin pa'i yon tan ni tshad ma mchis so/ /de bzhin gshegs pa'i sku gdung de dag kyang shes rab kyi pha rol du phyin pa'i snod do/ /bcom ldan 'das bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa dang / nang stong pa nyid dang / dngos po med pa'i ngo bo nyid stong pa nyid kyi bar dang / dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / </font><hr>31.201b<br><font size=+1>

'phags pa'i lam yan lag brgyad pa dang / 'phags pa'i bden pa rnams dang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / rnam par thar pa brgyad dang / mthar gyis gnas pa'i snyoms par 'jug pa dgu dang / rnam par thar pa'i sgo gsum dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad dang / thams cad shes pa nyid dang / lam gyi rnam pa shes pa nyid dang / rnam pa thams cad mkhyen pa nyid kyi ye shes dang / de bzhin nyid dang / ma nor ba de bzhin nyid dang / gzhan ma yin pa de bzhin nyid dang / chos nyid dang / chos kyi dbyings dang / chos kyi gnas nyid dang / chos mi 'gyur ba nyid dang / yang dag pa'i mtha' dang / bsam gyis mi khyab pa'i dbyings dang / bag chags kyi mtshams sbyor ba'i nyon mongs pa thams cad spangs pa dang / rtag tu btang snyoms la gnas pa dang / mi nyam pa'i chos nyid kyi yon tan ni ji snyed cig brjod par bgyi ste/ mi nyam pa'i chos nyid kyi yon tan ni tshad ma mchis so/ /de bzhin gshegs pa'i sku gdung de dag kyang mi nyam pa'i chos nyid kyi snod do/ /de bas na de bzhin gshegs pa'i sku gdung de dag ni mchod pa mnga'o/ /bcom ldan 'das de bzhin gshegs pa'i sku gdung de dag ni pha rol du phyin pa rin po che'i snod do/ /de bzhin gshegs pa'i sku gdung de dag ni pha rol du phyin pa kun nas nyon mongs pa ma mchis pa rnam par byang ba ma mchis pa dang / pha rol du phyin pa mi skye mi 'gag pa dang / pha rol du phyin pa blang ba ma mchis dor ba ma mchis pa dang / pha rol du phyin pa 'bri ba ma mchis bsnan pa ma mchis pa dang / pha rol du phyin pa 'ong ba ma mchis 'gro ba ma mchis/ gnas pa ma mchis pa'i snod do/ de bas na de bzhin gshegs pa'i sku gdung de dag ni mchod pa mnga'o/ /bcom ldan 'das de bzhin gshegs pa'i sku gdung de dag ni pha rol du phyin pa'i chos nyid</font><hr>31.202a<br><font size=+1>

kyi snod de/ de bzhin gshegs pa'i sku gdung de dag ni pha rol du phyin pa'i chos nyid kyis yongs su bsgoms pa'o/ /de bas na de bzhin gshegs pa mya ngan las 'das kyang / de bzhin gshegs pa'i sku gdung de dag ni mchod pa mnga'o/ /gzhan yang stong gsum gyi stong chen po'i 'jig rten gyi khams de bzhin gshegs pa'i sku gdung gis byur bur yongs su gtams pa lta zhog /bcom ldan 'das gal te phyogs bcu'i 'jig rten gyi khams gang gA'i klung gi bye ma snyed cig /de bzhin gshegs pa'i sku gdung gis byur bur gtams pa dang / shes rab kyi pha rol du phyin pa glegs bam du bris pa zhig stsal na/ bcom ldan 'das rnam pa de gnyis las bdag ni shes rab kyi pha rol du phyin pa 'di nyid len to/ /de ci'i slad du zhe na/ bcom ldan 'das 'di las byung ba ni/ de bzhin gshegs pa dgra bcom pa yang dag par rdzogs pa'i sangs rgyas kyi sku gdung rnams te mchod pa mnga'o/ /bcom ldan 'das shes rab kyi pha rol du phyin pa yongs su bsgoms pas na/ de bzhin gshegs pa'i sku gdung de dag mchod pa mnga' ste/ bcom ldan 'das rigs kyi bu 'am/ rigs kyi bu mo gang de bzhin gshegs pa'i sku gdung rnams la rim gror bgyid pa dang / bkur stir bgyid pa dang / sti stang du bgyid pa dang / mchod par bgyid pa yang dge ba'i rtsa ba de'i mtha' mi dmigs shing / rgyal rigs che zhing mtho ba 'am/ bram ze'i rigs che zhing mtho ba 'am/ khyim bdag gi rigs che zhing mtho ba 'am/ rgyal chen bzhi'i ris kyi lha 'am/ sum bcu rtsa gsum mam/ mtshe ma 'am/ dga' ldan nam/ 'phrul dga' 'am/ gzhan 'phrul dbang byed kyi lha'i nang du mi dang / lha'i phun sum tshogs pa dang / bde ba myong nas dge ba'i rtsa ba de nyid kyis sdug bsngal gyi mthar 'byung ste/ de bzhin gshegs pa'i sku gdung mchod pa'i 'bras bu lta de tsam du bas kyi/ shes rab kyi pha rol du phyin pa 'di bzung zhing bcangs pa dang / blags shing kun chub par bgyis pa dang / tshul bzhin du yid la</font><hr>31.202b<br><font size=+1>

bgyis na/ sbyin pa'i pha rol du phyin pa yongs su rdzogs par 'gyur ro/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa yongs su rdzogs par 'gyur ro/ /nang stong pa nyid yongs su rdzogs par 'gyur ro/ /dngos po med pa'i ngo bo nyid stong pa nyid kyi bar du yongs su rdzogs par 'gyur ro/ /byang chub kyi phyogs kyi chos sum bcu rtsa bdun yongs su rdzogs par 'gyur ro/ /sangs rgyas kyi chos ma 'dres pa bcwa brgyad kyi bar du yongs su rdzogs par 'gyur ro/ /de ched du bsams te lus yongs su 'dzin par 'gyur ro/ /lus de dag gis sems can yongs su smin par bgyid par 'gyur te/ 'khor los sgyur ba'i lus sam/ /rgyal rigs che zhing mtho ba 'am/ bram ze'i rigs che zhing mtho ba 'am/ khyim bdag gi rigs che zhing mtho ba'i lus sam/ brgya byin gyi gzugs sam/ tshangs pa'i gzugs sam/ ngal bso po'i gzugs kyang rung ste/ de lus de dag gis sems can yongs su smin par bgyid par 'gyur ro/ /nyan thos kyi sa dang / rang sangs rgyas kyi sa las 'das te/ byang chub sems dpa'i skyon med par 'jug par 'gyur ro/ /byang chub sems dpa'i skyon med par zhugs nas/ byang chub sems dpa'i mngon par shes pa 'thob par 'gyur ro/ /byang chub sems dpa'i mngon par shes pa thob nas/ sangs rgyas kyi zhing nas sangs rgyas kyi zhing du mchi bar 'gyur ro/ /bcom ldan 'das de bas na bdag ni de bzhin gshegs pa'i sku gdung la rim gro ma mchis pa yang ma lags/ glo ba mchis pa yang ma mchis/ mchod par mi 'tshal ba yang ma lags/ gzung bar mi 'tshal ba yang ma lags te/ bcom ldan 'das shes rab kyi pha rol du phyin pa 'di ni rigs kyi bu 'am/ rigs kyi bu mo rnams kyis rim gro dang / bkur sti dang / sti stang dang / mchod pa bgyis na</font><hr>31.203a<br><font size=+1>

sangs rgyas kyi chos thams cad kyi rgyu shin du bsags pa lags/ phun sum tshogs pa thams cad kyang yongs su zin par 'gyur/ de bzhin gshegs pa'i sku gdung rnams la yang rim gro dang / bkur sti dang / sti stang dang / mchod pa bgyid par 'gyur ro/ /bcom ldan 'das gzhan yang phyogs bcu'i 'jig rten gyi khams tshad dang grangs ma mchis pa dag na/ de bzhin gshegs pa dgra bcom pa yang dag par rdzogs pa'i sangs rgyas ji snyed cig bzhugs shing 'tsho skyong ba dang / chos ston pa de dag chos kyi sku dang / gzugs kyi sku dang / ye shes kyi skur mthong bar 'tshal zhing mchod par 'tshal bas/ shes rab kyi pha rol du phyin pa 'di nyid gzung bar bgyi/ bcang bar bgyi/ klag par bgyi/ kun chub par bgyi/ mchod par bgyi/ gzhan la yang rgya cher yang dag par bstan par bgyi/ tshul bzhin du yang yid la bgyid ste/ rigs kyi bu 'am/ rigs kyi bu mo des ni phyogs bcu'i 'jig rten gyi khams grangs dang / tshad ma mchis pa'i de bzhin gshegs pa dgra bcom pa yang dag par rdzogs pa'i sangs rgyas rnams mthong bar 'gyur ro/ /de bas na rigs kyi bu 'am/ rigs kyi bu mo shes rab kyi pha rol du phyin pa la spyod pa des/ chos nyid du sangs rgyas rjes su dran pa bsgom par bgyi'o/ /bcom ldan 'das gzhan yang rigs kyi bu 'am/ rigs kyi bu mo de bzhin gshegs pa dgra bcom pa yang dag par rdzogs pa'i sangs rgyas de dag mthong bar 'tshal bas/ shes rab kyi pha rol du phyin pa 'di gzung bar bgyi/ bcang bar bgyi/ klag par bgyi/ kun chub par bgyi/ mchod par bgyi/ gzhan la yang rgya cher yang dag par bstan par bgyi/ chos nyid tshul bzhin du yang yid la bgyi'o/ /bcom ldan 'das gnyis po 'di dag ni chos nyid de/ gnyis gang zhe na/ 'dus byas kyi chos rnams kyi chos nyid dang / 'dus ma byas kyi chos rnams kyi chos nyid do/ /bcom ldan 'das de la 'dus byas kyi chos rnams kyi chos nyid gang lags she na/ nang stong pa nyid kyi</font><hr>31.203b<br><font size=+1>

ye shes dang / phyi stong pa nyid kyi ye shes dang / phyi nang stong pa nyid kyi ye shes dang / dngos po med pa'i ngo bo nyid stong pa nyid kyi bar gyi ye shes dang / byang chub kyi phyogs kyi chos sum bcu rtsa bdun gyi ye shes dang / 'phags pa'i bden pa bzhi dang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / rnam par thar pa brgyad dang / mthar gyis gnas pa'i snyoms par 'jug pa dgu dang / rnam par thar pa'i sgo stong pa nyid dang / mtshan ma med pa dang / smon pa med pa'i ye shes dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / snying rje chen po dang / sangs rgyas kyi chos ma 'dres pa bcwa brgyad kyi ye shes dang / dge ba dang mi dge ba'i chos rnams kyi ye shes dang / zag pa med pa dang / zag pa dang bcas pa'i chos rnams kyi ye shes dang / 'jig rten pa dang / 'jig rten las 'das pa'i chos rnams kyi ye shes gang lags pa de ni/ 'dus byas kyi chos rnams kyi chos nyid ces bgyi'o/ /de la 'dus ma byas kyi chos rnams kyi chos nyid gang lags she na/ de ni gang la skye ba ma mchis pa dang / 'gag pa ma mchis pa dang / gnas pa ma mchis pa dang / gnas pa las gzhan du 'gyur ba ma mchis pa dang / kun nas nyon mongs pa ma mchis pa dang / rnam par byang ba ma mchis pa dang / 'phel ba ma mchis pa dang / 'grib pa ma mchis pa ste/ de ni chos thams cad kyi ngo bo nyid do/ /chos thams cad kyi ngo bo nyid gang lags she na/ chos thams cad ni dngos po ma mchis pa'i ngo bo nyid de/ 'di ni 'dus ma byas kyi chos rnams kyi chos nyid ces bgyi'o/ /bcom ldan 'das kyis bka' stsal pa/ kau shi ka de de bzhin no/ /de de bzhin te/ 'das pa'i dus kyi de bzhin gshegs pa dgra bcom pa yang dag par rdzogs pa'i sangs rgyas gang ji snyed cig byung ba de dag kyang / shes rab kyi pha rol du phyin pa 'di nyid la rten te/ bla na med pa yang dag par rdzogs pa'i byang chub tu</font><hr>31.204a<br><font size=+1>

mngon par rdzogs par sangs rgyas so/ /ma 'ongs pa'i dus kyi de bzhin gshegs pa dgra bcom pa yang dag par rdzogs pa'i sangs rgyas gang ji snyed cig 'byung ba de dag kyang / shes rab kyi pha rol du phyin pa 'di nyid la rten cing / bla na med pa yang dag par rdzogs pa'i byang chub tu mngon par rdzogs par 'tshang rgya'o/ /da ltar byung ba'i phyogs bcu'i 'jig rten gyi khams tshad med grangs med pa dag na/ de bzhin gshegs pa dgra bcom pa yang dag par rdzogs pa'i sangs rgyas gang ji snyed cig bzhugs shing 'tsho skyong ba dang / chos ston pa de dag kyang shes rab kyi pha rol du phyin pa 'di nyid la brten te/ bla na med pa yang dag par rdzogs pa'i byang chub tu mngon par rdzogs par sangs rgyas so/ /'das pa'i dus kyi de bzhin gshegs pa dgra bcom pa yang dag par rdzogs pa'i sangs rgyas rnams kyi nyan thos gang ji snyed cig byung ba dang / ma byon pa'i de bzhin gshegs pa dgra bcom pa yang dag par rdzogs pa'i sangs rgyas rnams kyi nyan thos gang ji snyed cig 'byung ba dang / da ltar byung ba'i de bzhin gshegs pa dgra bcom pa yang dag par rdzogs pa'i sangs rgyas rnams kyi nyan thos gang ji snyed cig yod pa de dag gis kyang / shes rab kyi pha rol du phyin pa 'di nyid la brten te/ rgyun du zhugs pa'i 'bras bu dang / lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid thob bo/ /'thob bo/ /thob par 'gyur ro/ /'das pa'i dus kyi rang sangs rgyas gang ji snyed cig byung ba dang / ma 'ongs pa'i dus kyi rang sangs rgyas gang ji snyed cig 'byung ba dang / da ltar byung ba'i 'jig rten gyi khams grangs med tshad med pa dag na/ rang sangs rgyas gang ji snyed cig 'khod cing 'tsho skyong ba de dag gis kyang / shes rab kyi pha rol du phyin pa 'di nyid la brten te rang byang chub thob bo/ /'thob bo/ /thob par 'gyur ro/ /de ci'i phyir zhe na/ 'di ltar shes rab kyi pha rol du phyin pa 'di las theg pa gsum po thams cad</font><hr>31.204b<br><font size=+1>

rgya cher bstan te/ de dag kyang mtshan ma med pa'i tshul dang / dmigs pa med pa'i tshul dang / skye ba med pa'i tshul dang / 'gag pa med pa'i tshul dang / kun nas nyon mongs pa med pa dang / rnam par byang ba med pa'i tshul dang / mngon par 'du bya ba med pa'i tshul dang / len pa med pa dang / 'dor ba med pa'i tshul dang / 'bri ba med pa dang / bsnan pa med pa'i tshul dang / blang ba med pa dang / spang ba med pa'i tshul gyis bstan te/ de yang 'jig rten gyi tha snyad kyi tshul gyis bstan gyi/ don dam par ni ma yin no/ /de ci'i phyir zhe na/ shes rab kyi pha rol du phyin pa ni ring du song ba ma yin/ pha rol du phyin pa ma yin te/ shes rab kyi pha rol du phyin pa ni tshu rol ma yin/ pha rol ma yin/ thang ma yin/ thang du 'dug pa ma yin/ gshong du 'dug pa ma yin/ mnyam pa ma yin/ mi mnyam pa ma yin/ mtshan ma ma yin/ mtshan ma med pa ma yin/ 'jig rten pa ma yin/ 'jig rten las 'das pa ma yin/ 'dus byas ma yin/ 'dus ma byas ma yin/ dge ba ma yin/ mi dge ba ma yin/ 'das pa ma yin/ ma 'ongs pa ma yin/ da ltar byung ba ma yin te/ kau shi ka shes rab kyi pha rol du phyin pa ni sangs rgyas kyi chos rnams nye bar sgrub pa ma yin te/ dgra bcom pa'i bar gyi chos rnams dang / rang sangs rgyas kyi chos rnams nye bar sgrub pa ma yin/ /so so'i skye bo'i chos rnams 'dor ba ma yin no/ /brgya byin gyis gsol pa/ bcom ldan 'das shes rab kyi pha rol du phyin pa 'di ni pha rol du phyin pa chen po ste/ bcom ldan 'das byang chub sems dpa' sems dpa' chen po shes rab kyi pha rol du phyin pa 'di la spyod pa rnams ni/ sems can thams cad kyi sems dang spyod pa yang 'tshal te/ sems can du dmigs pa ma mchis so/ /sems can du gdags par dmigs pa ma mchis so/ /bdag dang / sems can dang / srog dang / 'gro ba dang / gso ba dang / skyes bu dang / gang zag dang / shed can dang / shed bdag dang / byed pa po dang / tshor ba po dang / shes pa po dang / mthong ba por dmigs pa ma mchis so/ /gzugs su</font><hr>31.205a<br><font size=+1>

dmigs pa ma mchis/ tshor ba dang / 'du shes dang / 'du byed dang / rnam par shes par dmigs pa ma mchis so/ /mig du dmigs pa ma mchis/ yid kyi bar du dmigs pa ma mchis so/ /gzugs su dmigs pa ma mchis/ chos kyi bar du dmigs pa ma mchis so/ /mig gi rnam par shes par dmigs pa ma mchis/ yid kyi rnam par shes pa'i bar du dmigs pa ma mchis so/ /mig gi 'dus te reg par dmigs pa ma mchis/ yid kyi 'dus te reg pa'i bar du dmigs pa ma mchis so/ /mig gi 'dus te reg pa las byung ba'i tshor bar dmigs pa ma mchis/ yid kyi 'dus te reg pa las byung ba'i tshor ba'i bar du dmigs pa ma mchis so/ /sa'i khams su dmigs pa ma mchis so/ /chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams su dmigs pa ma mchis so/ /ma rig par dmigs pa ma mchis/ 'du byed dang / rnam par shes pa dang / ming dang gzugs dang / skye mched drug dang / reg pa dang / tshor ba dang / sred pa dang / len pa dang / srid pa dang / skye ba dang / rga shir dmigs pa ma mchis so/ /sbyin pa'i pha rol du phyin par dmigs pa ma mchis/ tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin par dmigs pa ma mchis so/ /nang stong pa nyid du dmigs pa ma mchis/ dngos po med pa'i ngo bo nyid stong pa nyid kyi bar du dmigs pa ma mchis so/ /dran pa nye bar gzhag pa rnams su dmigs pa ma mchis/ yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad par dmigs pa ma mchis so/ /'phags pa'i bden pa rnams su dmigs pa ma mchis so/ /bsam gtan dang / tshad med pa dang / gzugs med pa'i snyoms par 'jug pa rnams su dmigs pa ma mchis so/ /rnam par thar</font><hr>31.205b<br><font size=+1>

pa brgyad du dmigs pa ma mchis/ mthar gyis gnas pa'i snyoms par 'jug pa dgu dang / rnam par thar pa'i sgo gsum dang / mngon par shes pa rnams su dmigs pa ma mchis so/ /ting nge 'dzin rnams su dmigs pa ma mchis so/ /gzungs kyi sgo rnams su dmigs pa ma mchis so/ /de bzhin gshegs pa'i stobs rnams su dmigs pa ma mchis/ mi 'jigs pa rnams dang / so so yang dag par rig pa rnams dang / snying rje chen po dang / sangs rgyas kyi chos ma 'dres pa rnams su dmigs pa ma mchis so/ /rgyun du zhugs pa'i 'bras bur dmigs pa ma mchis/ lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid du dmigs pa ma mchis so/ /rang byang chub tu dmigs pa ma mchis so/ /lam gyi rnam pa shes pa nyid dang / byang chub dang / sangs rgyas dang / sangs rgyas kyi chos su dmigs pa ma mchis te/ shes rab kyi pha rol du phyin pa ni dmigs pa'i tshul du nye bar gnas pa ma lags so/ /de ci'i slad du zhe na/ de ni 'di ltar gang gis dmigs par bgyi ba dang / gang la dmigs par bgyi ba dang / gang du dmigs par bgyi ba de lta bu'i ngo bo nyid de la ma mchis so/ /bcom ldan 'das kyis bka' stsal pa/ kau shi ka de de bzhin no/ /de de bzhin te/ byang chub sems dpa' sems dpa' chen po des mi dmigs pa'i tshul du/ shes rab kyi pha rol du phyin pa la yun ring por spyad pas/ des byang chub kyang mi dmigs na/ sangs rgyas lta ci smos/ sangs rgyas kyi chos lta yang ci smos/  brgya byin gyis gsol pa/ bcom ldan 'das byang chub sems dpa' sems dpa' chen po shes rab kyi pha rol du phyin pa la spyod kyi de ma lags pa'i pha rol du phyin pa gzhan la mi spyod dam/ bcom ldan 'das kyis bka' stsal pa/ kau shi ka byang chub sems dpa' sems dpa' chen po ni pha rol du phyin pa drug po kun la yang / de mi dmigs pa'i tshul gyis spyod de/ des sbyin pa yang mi dmigs/ gtong ba yang mi dmigs/ len pa yang mi dmigs so/ /tshul khrims kyang mi dmigs/ tshul khrims dang</font><hr>31.206a<br><font size=+1>

ldan pa yang mi dmigs/ tshul khrims ngan pa yang mi dmigs so/ /bzod pa yang mi dmigs/ bzod pa dang ldan pa yang mi dmigs/ gnod sems kyang mi dmigs so/ /brtson 'grus kyang mi dmigs/ brtson 'grus dang ldan pa yang mi dmigs/ le lo yang mi dmigs so/ /bsam gtan yang mi dmigs/ bsam gtan dang ldan pa yang mi dmigs/ 'khrug pa yang mi dmigs so/ /shes rab kyang mi dmigs/ shes rab dang ldan pa yang mi dmigs/ shes rab 'chal pa yang mi dmigs so/ /kau shi ka 'on kyang shes rab kyi pha rol du phyin pa ni gzugs mi dmigs pa'i tshul dang / tshor ba dang / 'du shes dang / 'du byed dang / rnam par shes pa mi dmigs pa'i tshul dang / rna ba dang / sna dang /  lce dang / lus dang / yid mi dmigs pa'i tshul dang / gzugs mi dmigs pa'i tshul dang / sgra dang / dri dang / ro dang / reg dang / chos mi dmigs pa'i tshul dang / mig gi rnam par shes pa mi dmigs pa'i tshul dang / rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa mi dmigs pa'i tshul dang / mig gi 'dus te reg pa mi dmigs pa'i tshul dang / rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa mi dmigs pa'i tshul dang / mig gi 'dus te reg pa las byung ba'i tshor ba mi dmigs pa'i tshul dang / rna ba'i 'dus te reg pa las byung ba'i tshor ba dang / sna'i 'dus te reg pa las byung ba'i tshor ba dang / lce'i 'dus te reg pa las byung ba'i tshor ba dang / lus kyi 'dus te reg pa las byung ba'i tshor ba dang / yid kyi 'dus te reg pa las byung ba'i tshor ba mi dmigs pa'i tshul dang / sa'i khams mi dmigs pa'i tshul dang / chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams mi dmigs pa'i tshul dang / ma rig pa mi dmigs pa'i tshul dang / 'du byed dang / rnam par shes pa dang / ming dang gzugs dang / skye mched drug dang / reg pa dang / tshor ba dang / sred pa dang / len pa</font><hr>31.206b<br><font size=+1>

dang / srid pa dang / skye ba dang / rga shi mi dmigs pa'i tshul dang / sbyin pa'i pha rol du phyin pa mi dmigs pa'i tshul dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa mi dmigs pa'i tshul dang / nang stong pa nyid mi dmigs pa'i tshul dang / dngos po med pa'i ngo bo nyid stong pa nyid kyi bar du mi dmigs pa'i tshul dang / byang chub kyi phyogs kyi chos sum bcu rtsa bdun mi dmigs pa'i tshul dang / /'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams mi dmigs pa'i tshul dang / rnam par thar pa brgyad dang / mthar gyis gnas pa'i snyoms par 'jug pa dgu dang / rnam par thar pa'i sgo gsum dang / mngon par shes pa lnga dang / ting nge 'dzin thams cad dang / gzungs kyi sgo thams cad mi dmigs pa'i tshul dang / de bzhin gshegs pa'i stobs bcu dang / mi 'jigs pa dang / so so yang dag par rig pa bzhi dang / snying rje chen po dang / sangs rgyas kyi chos ma 'dres pa bcwa brgyad mi dmigs pa'i tshul dang / rgyun du zhugs pa'i 'bras bu dang / lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub dang / lam gyi rnam pa shes pa nyid dang / rnam pa thams cad mkhyen pa nyid mi dmigs pa'i tshul dang / chos thams cad mi dmigs pa'i tshul gyis/ byang chub sems dpa' sems dpa' chen po sbyin pa yongs su gtong ba'i sbyin pa'i pha rol du phyin pa yongs su rdzogs par bya ba la sngon du 'gro ba'o/ /shes rab kyi pha rol du phyin pa ni byang chub sems dpa' sems dpa' chen po tshul khrims bsrung ba'i/ tshul khrims kyi pha rol du phyin pa yongs su rdzogs par bya ba la sngon du 'gro ba'o/ /shes rab kyi pha rol du phyin pa ni byang chub sems dpa' sems dpa' chen po bzod pa yongs su sgrub pa'i/ bzod pa'i pha rol du phyin pa yongs su rdzogs par bya ba la sngon du 'gro ba'o/ /</font><hr>31.207a<br><font size=+1>

shes rab kyi pha rol du phyin pa ni byang chub sems dpa' sems dpa' chen po brtson 'grus rtsom pa'i/ brtson 'grus kyi pha rol du phyin pa yongs su rdzogs par bya ba la sngon du 'gro ba'o/ /shes rab kyi pha rol du phyin pa ni byang chub sems dpa' sems dpa' chen po bsam gtan la snyoms par 'jug pa'i/ bsam gtan gyi pha rol du phyin pa yongs su rdzogs par bya ba la sngon du 'gro ba'o/ /shes rab kyi pha rol du phyin pa ni byang chub sems dpa' sems dpa' chen po chos la rnam par lta ba'i shes rab kyi pha rol du phyin pa yongs su rdzogs par bya ba la sngon du 'gro ba'o/ /kau shi ka 'di lta ste dper na/ 'dzam bu'i gling gi shing rnams lo ma sna tshogs can/ me tog sna tshogs can/ 'bras bu sna tshogs can/ dbyibs sna tshogs can/ chu zheng sna tshogs can du 'khod kyang / de dag gi grib ma la khyad par ram bye brag mi dmigs te/ gzhan du na grib ma grib ma zhes bya ba'i grangs su 'gro bar zad do/ /kau shi ka de bzhin du pha rol du phyin pa lnga shes rab kyi pha rol du phyin pas yongs su zin pa/ thams cad mkhyen pa'i ye shes su yongs su bsngos pa rnams la yang khyad par ram bye brag mi dmigs so/ /brgya byin gyis gsol pa/ bcom ldan 'das shes rab kyi pha rol du phyin pa ni yon tan thams cad yongs su rdzogs par bgyid pa'i slad du/ yon tan chen po dang ldan pa'o/ /bcom ldan 'das shes rab kyi pha rol du phyin pa ni yon tan tshad ma mchis pa dang ldan pa'i slad du/ tshad ma mchis pa'i yon tan dang ldan pa'o/ /bcom ldan 'das shes rab kyi pha rol du phyin pa ni yon tan mu ma mchis pa dang ldan pa'i slad du/ yon tan kun du mtha' yas pa dang ldan pa'o/ /bcom ldan 'das rigs kyi bu 'am/ rigs kyi bu mo gang la la zhig gis/ shes rab kyi pha rol du phyin pa 'di bris shing glegs bam du bgyis te/ bcangs pa dang / me tog dang / phreng ba dang / spos dang / byug pa dang / phye ma dang / na bza' dang / gdugs dang / rgyal mtshan dang / ba dan dang / sil snyan sna tshogs kyis rim gror bgyis/ bkur stir bgyis/ sti stang du bgyis/ mchod par bgyis te/ de nas gong du</font><hr>31.207b<br><font size=+1>

ji skad bstan pa bzhin du/ shes rab kyi pha rol du phyin pa tshul bzhin du yid la bgyis pa dang / rigs kyi bu 'am rigs kyi bu mo gang la las/ shes rab kyi pha rol du phyin pa 'di glegs bam du bgyis te/ gzhan la stsal na/ de gnyis las gang gi bsod nams cher 'phel bar 'gyur/ bcom ldan 'das kyis bka' stsal pa/ kau shi ka de bas na khyod nyid la dris/ khyod kyis ji ltar bzod pa de ltar lung ston cig  /kau shi ka de ji snyam du sems/ rigs kyi bu 'am/ rigs kyi bu mo la las/ de bzhin gshegs pa'i sku gdung mang po la me tog dang / phreng ba dang / spos dang / byug pa dang / phye ma dang / na bza' dang / gdugs dang / rgyal mtshan dang / ba dan dang / sil snyan sna tshogs kyis rim gror byas/ bkur stir byas/ sti stang du byas/ mchod par byas pa dang / rigs kyi bu 'am rigs kyi bu mo la las/ de bzhin gshegs pa'i sku gdung yungs kar gyi 'bru tsam zhig gzhan la byin te bgo bshar byas pa dang / rigs kyi bu 'am rigs kyi bu mo la las/ de bzhin gshegs pa'i sku gdung yungs kar gyi 'bru tsam po de blangs te/ me tog dang / phreng ba dang / spos dang / byug pa dang / phye ma dang / na bza' dang / gdugs dang / rgyal mtshan dang / ba dan dang / sil snyan sna tshogs kyis rim gror byas/ bkur stir byas/ sti stang du byas/ mchod par byas na/ de dag las gang gi bsod nams cher 'phel ba yin/ brgya byin gyis gsol pa/ bcom ldan 'das bdag gis bcom ldan 'das kyis gsungs pa'i don 'tshal te/ de la rigs kyi bu 'am rigs kyi bu mo gang gis/ de bzhin gshegs pa'i sku gdung mang po la me tog dang / phreng ba dang / spos dang / byug pa dang / phye ma dang / na bza' dang / gdugs dang / rgyal mtshan dang ba dan dang sil snyan sna tshogs kyis rim gror bgyis/ bkur stir bgyis/ sti stang du bgyis/ mchod par bgyis pa bas gang la las de bzhin gshegs pa'i sku gdung yungs kar gyi 'bru tsam gzhan la stsal na/ 'di ni de bas bsod nams ches mang du 'phel lo/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas</font><hr>31.208a<br><font size=+1>

kyis kyang don de nyid gzigs te/ rdo rje lta bu'i ting nge 'dzin la mnyam par gzhag nas/ rdo rje lta bu'i sku bshig ste/ sems can gyi ris na/ de bzhin gshegs pa'i ring bsrel gyis 'dul ba'i sems can mchis pa rnams kyi slad du thugs rje chen po bskyed de/ de bzhin gshegs pa'i sku gdung du byin gyis brlabs so/ /bcom ldan 'das gang la las chung ngu na/ de bzhin gshegs pa'i sku gdung yungs kar gyi 'bru tsam la/ mchod pa sna tshogs kyis mchod pa bgyis na/ de dag thams cad kyang dge ba'i rtsa ba de'i mthar ma thug par sdug bsngal gyi mthar 'byin par 'gyur ro/ /bcom ldan 'das kyis bka' stsal pa/ kau shi ka de de bzhin no/ /de de bzhin te/ kau shi ka rigs kyi bu 'am rigs kyi bu mo la las/ shes rab kyi pha rol du phyin pa 'di glegs bam du byas te/ me tog dang / phreng ba dang / spos dang / byug pa dang / phye ma dang / na bza' dang / gdugs dang / rgyal mtshan dang / ba dan dang / sil snyan sna tshogs kyis rim gror byas/ bkur stir byas/ sti stang du byas/ mchod par byas pa bas/ gang la las shes rab kyi pha rol du phyin pa 'di bris te chos kyi dga' bas gzhan la byin na/ rigs kyi bu 'am/ rigs kyi bu mo de ni bsod nams cher 'phel lo/ /kau shi ka gzhan yang rigs kyi bu 'am rigs kyi bu mo la las/ shes rab kyi pha rol du phyin pa ji skad du bstan pa bzhin du/ gzhan gyi drung du song ste bshad cing bstan pa dang / brjod cing bkrol ba dang / rnam par phye ste gsal bar byas na/ rigs kyi bu 'am rigs kyi bu mo de ni/ rigs kyi bu 'am rigs kyi bu mo snga ma de dag pas/ bsod nams cher 'phel te/ de ni ston pa yin par bsam mo/ /bla ma'i gnas mkhas pa tshangs pa mtshungs par spyod pa la la zhig yin par bsam mo/ /de ci'i phyir zhe na/ kau shi ka de ni shes rab kyi pha rol du phyin pa 'di nyid ston pa yin te/ ston pa ni gzhan/ shes rab kyi pha rol du phyin pa ni gzhan zhes bya ba med kyi/ shes rab kyi pha rol tu phyin pa nyid kyang ston pa/ ston pa nyid kyang shes rab kyi pha rol du phyin pa'o/ /de ci'i phyir zhe na/ shes rab kyi pha rol du phyin pa 'di nyid</font><hr>31.208b<br><font size=+1>

la bslabs pas/ 'das pa dang / ma byon pa dang / da ltar byung ba'i de bzhin gshegs pa dgra bcom pa yang dag par rdzogs pa'i sangs rgyas rnams kyis/ bla na med pa yang dag par rdzogs pa'i byang chub tu mngon par rdzogs par sangs rgyas so/ /mngon par rdzogs par 'tshang rgya'o/ /mngon par rdzogs par 'tshang rgya bar 'gyur ro/ /tshangs pa mtshungs par spyod pa de dag kyang phyir mi ldog pa'i byang chub sems dpa' rnams las gud na med de/ de dag kyang shes rab kyi pha rol du phyin pa 'di nyid la bslabs shing / bla na med pa yang dag par rdzogs pa'i byang chub tu mngon par rdzogs par sangs rgyas so/ /mngon par rdzogs par 'tshang rgya'o/ /mngon par rdzogs par 'tshang rgya bar 'gyur ro/ /kau shi ka shes rab kyi pha rol du phyin pa 'di nyid la bslabs shing / nyan thos kyi theg pa pa rnams kyis kyang rgyun du zhugs pa'i 'bras bu thob bo/ /'thob bo/ /thob par 'gyur ro/ /dgra bcom pa nyid kyi bar du thob bo/ /'thob bo/ /thob par 'gyur ro/ /rang sangs rgyas kyi theg pa pa rnams kyis kyang / shes rab kyi pha rol du phyin pa 'di nyid la bslabs shing / rang byang chub tu mngon par rdzogs par sangs rgyas so/ /mngon par rdzogs par 'tshang rgya'o/ /mngon par rdzogs par 'tshang rgya bar 'gyur ro/ /byang chub sems dpa' sems dpa' chen po rnams kyang / shes rab kyi pha rol du phyin pa 'di nyid la bslabs shing / byang chub sems dpa'i skyon med par zhugs so/ /'jug go/ /'jug par 'gyur ro/ /bla na med pa yang dag par rdzogs pa'i byang chub tu mngon par rdzogs par sangs rgyas so/ /mngon par rdzogs par 'tshang rgya'o/ /mngon par rdzogs par 'tshang rgya bar 'gyur ro/ /kau shi ka de bas na rigs kyi bu 'am rigs kyi bu mo/ de bzhin gshegs pa dgra bcom pa yang dag par rdzogs pa'i sangs rgyas rnams la/ me tog dang / phreng ba dang / spos dang / byug pa dang / phye ma dang / na bza' dang / gdugs dang / rgyal mtshan dang / ba dan dang / sil snyan sna tshogs kyis mngon du rim gror bya bar 'dod pa dang / bkur stir bya bar 'dod pa dang / sti stang du bya bar 'dod</font><hr>31.209a<br><font size=+1>

pa dang mchod par bya bar 'dod pas/ shes rab kyi pha rol du phyin pa 'di bris te/ me tog dang / phreng ba dang / spos dang / byug pa dang / phye ma dang / na bza' dang /  gdugs dang / rgyal mtshan dang / ba dan dang / sil snyan sna tshogs kyis rim gror bya'o/ /bkur stir bya'o/ /sti stang du bya'o/ /mchod par bya'o/ /kau shi ka ngas don de nyid kyi dbang yang dag par mthong ste/ bla na med pa yang dag par rdzogs pa'i byang chub tu mngon par rdzogs par sangs rgyas nas 'di snyam ste/ gang zhig la bdag gis rim gro dang / bkur sti dang / sti stang dang / mchod pa byas te/ brten cing rnam par spyad par bya snyam na yang / kau shi ka de la ngas 'jig rten lha dang bcas pa/ bdud dang bcas pa/ tshangs pa dang bcas pa/ dge sbyong dang bram zer bcas pa'i skye dgu dang / lha dang / mi dang / lha ma yin du bcas pa'i nang na/ nga dang 'dra ba 'am/ lhag pa yang dag par rjes su ma mthong nas/ de la ngas 'di snyam du bsams te/ de lta yin na bdag gis chos zhi ba bzang po gang bdag nyid kyis mngon par sangs rgyas pa de nyid la rim gro dang / bkur sti dang / sti stang dang / mchod pa byas te/ brten cing rnam par spyad par bya'o snyam du bsams so/ /kau shi ka chos de yang gang zhe na/ 'di lta ste/ shes rab kyi pha rol du phyin pa 'di nyid yin te/ kau shi ka de ltar nga nyid kyang shes rab kyi pha rol du phyin pa 'di la rim gror byed/ bkur stir byed/ sti stang du byed/ mchod par byed de/ de ltar rim gro dang / bkur sti dang / sti stang dang / mchod pa byas shing rnam par spyod na/ kau shi ka rigs kyi bu 'am rigs kyi bu mo/ bla na med pa yang dag par rdzogs pa'i byang chub tu mngon par rdzogs par 'tshang rgya bar 'dod pas/ shes rab kyi pha rol du phyin pa la me tog dang / phreng ba dang / spos dang / byug pa dang / phye ma dang / na bza' dang / gdugs dang / rgyal mtshan dang / ba dan dang / sil snyan sna tshogs kyis rim gror bya ba dang / bkur stir bya ba dang / sti stang du bya ba dang / mchod par bya ba lta ci smos/ nyan thos kyi theg pa pa'i rigs kyi bu 'am rigs kyi bu mo dang / rang sangs</font><hr>31.209b<br><font size=+1>

rgyas kyi theg pa pa'i rigs kyi bu 'am/ rigs kyi bu mo de dag gis shes rab kyi pha rol du phyin pa 'di nyid la me tog dang / phreng ba dang / spos dang / byug pa dang / phye ma dang / na bza' dang / gdugs dang / rgyal mtshan dang / ba dan dang /  sil snyan sna tshogs kyis rim gror bya ba dang / bkur stir bya ba dang / sti stang du bya ba dang / mchod par bya ba lta ci smos/ de ci'i phyir zhe na/ shes rab kyi pha rol du phyin pa las byung ba ni/ byang chub sems dpa' sems dpa' chen po rnams so/ /byang chub sems dpa' las byung ba ni de bzhin gshegs pa dgra bcom pa yang dag par rdzogs pa'i sangs rgyas rnams so/ /de bzhin gshegs pa dgra bcom pa yang dag par rdzogs pa'i sangs rgyas rnams las byung ba ni nyan thos dang / rang sangs rgyas rnams so/ /kau shi ka de lta bas na byang chub sems dpa'i theg pa pa'i rigs kyi bu dang / rigs kyi bu mo 'am/ nyan thos kyi theg pa pa 'am/ rang sangs rgyas kyi theg pa pa'i rigs kyi bu dang / rigs kyi bu mos/ shes rab kyi pha rol du phyin pa 'di nyid la me tog dang / phreng ba dang / spos dang / byug pa dang / phye ma dang / na bza' dang / gdugs dang / rgyal mtshan dang / ba dan dang / sil snyan sna tshogs kyis rim gror bya'o/ /bkur stir bya'o/ /sti stang du bya'o/ /mchod par bya'o/ /de ltar de la slob pa'i rigs kyi bu 'am rigs kyi bu mo de dag ni/ bla na med pa yang dag par rdzogs pa'i byang chub tu mngon par rdzogs par sangs rgyas so/ /mngon par rdzogs par 'tshang rgya'o/ /mngon par rdzogs par 'tshang rgya bar 'gyur ro/ /nyan thos kyi theg pa pa rnams kyis kyang dgra bcom pa nyid thob bo/ /'thob bo/ /thob par 'gyur ro/ /rang sangs rgyas kyi theg pa pa rnams kyis kyang / rang sangs rgyas kyi byang chub thob bo/ /'thob bo/ /thob par 'gyur ro/ /shes rab kyi pha rol du phyin pa stong phrag nyi shu lnga pa las/ le'u nyi shu gnyis pa'o// // de nas bcom ldan 'das kyis lha'i dbang po brgya byin la bka' stsal pa/ kau shi ka rigs kyi bu 'am rigs kyi bu mo la la zhig gis gal te 'dzam</font><hr>31.210a<br><font size=+1>

bu'i gling gi sems can de dag dge ba bcu'i las kyi lam la bkod par gyur na/ kau shi ka de ji snyam du sems/ rigs kyi bu 'am rigs kyi bu mo de/ de'i rgyus bsod nams mang du 'phel bar 'gyur ram/ gsol pa/ bcom ldan 'das mang ngo / /bcom ldan 'das kyis bka' stsal pa/ kau shi ka de bas kyang la la zhig gis shes rab kyi pha rol du phyin pa 'di'i glegs bam klag pa 'am bri ba 'am kha ton bya ba'i phyir gzhan la byin na bsod nams ches mang du 'phel lo/ /de ci'i phyir zhe na/ shes rab kyi pha rol du phyin pa 'di las zag pa med pa'i chos gang la rigs kyi bu 'am rigs kyi bu mo slob cing yang dag pa'i skyon med par zhugs par gyur pa dang / 'jug pa dang 'jug par 'gyur ba dang / dgra bcom pa nyid kyi bar du thob par gyur pa dang / 'thob pa dang thob par 'gyur ba dang / rang sangs rgyas kyi theg pa pa rnams kyis rang sangs rgyas kyi byang chub thob par gyur pa dang / 'thob pa dang thob par 'gyur ba dang / bla na med pa yang dag par rdzogs pa'i byang chub tu yang dag par zhugs pa rnams kyis byang chub sems dpa'i skyon med par zhugs pa dang / 'jug pa dang 'jug par 'gyur ba dang / bla na med pa yang dag par rdzogs pa'i byang chub tu mngon par rdzogs par sangs rgyas pa dang / mngon par rdzogs par 'tshang rgya ba dang / mngon par rdzogs par 'tshang rgya bar 'gyur ba de lta bu'i chos mang po rgya cher bstan to/ /kau shi ka zag pa med pa'i chos de dag kyang gang zhe na/ 'di lta ste/ sbyin pa'i pha rol du phyin pa dang / shes rab kyi pha rol du phyin pa'i bar dang / nang stong pa nyid dang dngos po med pa'i ngo bo nyid stong pa nyid kyi bar dang / byang chub kyi phyogs kyi chos sum bcu rtsa bdun dang / 'phags pa'i bden pa bzhi dang / rnam par thar pa brgyad dang / mthar gyis gnas pa'i snyoms par 'jug pa dgu dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa drug dang / ting nge 'dzin thams cad dang gzungs kyi sgo thams cad dang de bzhin gshegs pa'i stobs bcu dang / </font><hr>31.210b<br><font size=+1>

mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad dang /  byams pa chen po dang snying rje chen po dang dga' ba chen po dang / btang snyoms chen po dag ste sangs rgyas kyi chos tshad med pa gzhan dag kyang rgya cher bstan to/ /kau shi ka rigs kyi bu 'am rigs kyi bu mo la la zhig gis/ sems can gcig cig rgyun du zhugs pa'i 'bras bu la bzhag na/ de'i bsod nams ches mang du 'phel gyi/ 'dzam bu'i gling gi sems can rnams dge ba bcu'i las kyi lam la bkod pas ni ma yin no/ /de ci'i phyir zhe na/ kau shi ka dge ba bcu'i las kyi lam la bkod pa'i sems can rnams ni/ sems can dmyal ba dang byol song gi skye gnas dang gshin rje'i 'jig rten nas yongs su grol ba ma yin no/ /kau shi ka rgyun du zhugs pa'i 'bras bu la bkod pa'i sems can ni/ sems can dmyal ba dang byol song gi skye gnas dang gshin rje'i 'jig rten nas yongs su grol ba'i phyir te lan gcig phyir 'ong ba'i 'bras bu dang phyir mi 'ong ba'i 'bras bu dang dgra bcom pa nyid la bkod pa lta ci smos/ kau shi ka gang la las 'dzam bu'i gling gi sems can rnams rgyun du zhugs pa'i 'bras bu la bkod pa dang / dgra bcom pa nyid kyi bar la bkod pa bas la la zhig gis sems can gcig cig rang byang chub la bzhag na de'i bsod nams ches mang du 'phel lo/ /rigs kyi bu 'am rigs kyi bu mo la la zhig gis 'dzam bu'i gling gi sems can thams cad rang byang chub la bkod pa bas rigs kyi bu 'am rigs kyi bu mo la la zhig gis sems can gcig cig bla na med pa yang dag par rdzogs pa'i byang chub la bzhag na de'i bsod nams ches mang du 'phel lo/ /de ci'i phyir zhe na/ sems can gcig po bla na med pa yang dag par rdzogs pa'i byang chub tu gzhog pa de ni sangs rgyas kyi tshul rgyun mi 'chad pa'i don du zhugs pa'i phyir ro/ /de yang ci'i phyir zhe na/ kau shi ka byang chub sems dpa' las byung ba ni rgyun tu zhugs pa dang dgra bcom pa nyid kyi bar dang rang sangs rgyas rnams so/ /kau</font><hr>31.211a<br><font size=+1>

shi ka byang chub sems dpa' las byung ba ni de bzhin gshegs pa dgra bcom pa yang dag par rdzogs pa'i sangs rgyas rnams so/ /kau shi ka rnam grangs des na/ 'di ltar byang chub sems dpa' rnams kyang mchod cing rim gror bya ba yin te/ 'jig rten lha dang bcas pa bdud dang bcas pa tshangs pa dang bcas pa dang / dge sbyong dang bram zer bcas pa'i skye dgus me tog dang phreng ba dang spos dang byug pa dang phye ma dang na bza' dang gdugs dang rgyal mtshan dang ba dan dang sil snyan sna tshogs kyis rim gror bya ba dang bkur stir bya ba dang / sti stang du bya ba dang / mchod par bya ba yin par shes par bya'o/ /kau shi ka rigs kyi bu 'am rigs kyi bu mo la la zhig gis 'dzam bu'i gling gi sems can thams cad dge ba bcu'i las kyi lam la bkod par gyur na/ kau shi ka de ji snyam du sems rigs kyi bu 'am rigs kyi bu mo de'i bsod nams de'i rgyus mang du 'phel lam/ brgya byin gyis gsol pa/ bcom ldan 'das mang ngo / /bde bar gshegs pa mang ngo / /bcom ldan 'das kyis bka' stsal pa/ kau shi ka de bas kyang rigs kyi bu 'am rigs kyi bu mo gang gis/ shes rab kyi pha rol du phyin pa 'di glegs bam bri ba 'am klag pa 'am kha ton du bya ba'i phyir gzhan la byin na/ bsod nams ches mang du 'phel lo/ /de ci'i phyir zhe na/ shes rab kyi pha rol du phyin pa 'di las zag pa med pa'i chos rnams rgya cher bstan te/ de dag la bslabs shing / rigs kyi bu dang rigs kyi bu mo dag yang dag pa'i skyon med par zhugs par gyur to/ /'jug go 'jug par 'gyur ro/ /dgra bcom pa nyid kyi bar du thob bo/ /'thob bo/ /thob par 'gyur ro/ /rang sangs rgyas kyi theg pa pa rnams kyis/ rang byang chub thob par gyur to/ /'thob bo/ /thob par 'gyur ro/ /byang chub sems dpa' sems dpa' chen po rnams kyang / yang dag pa'i skyon med par zhugs par gyur to 'jug go 'jug par 'gyur ro/ /bla na med pa yang dag par rdzogs pa'i byang chub tu mngon par rdzogs</font><hr>31.211b<br><font size=+1>

par sangs rgyas so/ /mngon par rdzogs par 'tshang rgya'o/ /mngon par rdzogs par 'tshang rgya bar 'gyur ro/ /kau shi ka zag pa med pa'i chos de dag kyang gang zhe na/ 'di lta ste/ pha rol du phyin pa drug dang stong pa nyid thams cad dang / byang chub kyi phyogs kyi chos sum bcu rtsa bdun dang 'phags pa'i bden pa bzhi dang bsam gtan rnams dang tshad med pa rnams dang gzugs med pa'i snyoms par 'jug pa rnams dang rnam par thar pa brgyad dang mthar gyis gnas pa'i snyoms par 'jug pa dgu dang / rnam par thar pa'i sgo gsum dang mngon par shes pa drug dang ting nge 'dzin thams cad dang gzungs kyi sgo thams cad dang de bzhin gshegs pa'i stobs bcu dang / mi 'jigs pa bzhi dang so so yang dag par rig pa bzhi dang sangs rgyas kyi chos ma 'dres pa bcwa brgyad dang byams pa chen po dang snying rje chen po dang dga' ba chen po dang btang snyoms chen po dag ste/ sangs rgyas kyi chos tshad med pa gzhan dag kyang rgya cher bstan to/ /kau shi ka rnam grangs des kyang rigs kyi bu 'am rigs kyi bu mo gang gis/ shes rab kyi pha rol du phyin pa 'di glegs bam du byas te/ klags pa dang / bri ba dang / kha ton du bya ba'i phyir gzhan la byin na/ de ni bsod nams ches mang du 'phel bar shes par bya'o/ /de ci'i phyir zhe na/ kau shi ka shes rab kyi pha rol du phyin pa 'di las chos thams cad rgya cher bstan te/ de dag yod pas rgyal rigs che zhing mtho ba rnams yod do/ /bram ze'i rigs che zhing mtho ba dang / khyim bdag gi rigs che zhing mtho ba rnams yod do/ /rgyal chen bzhi'i ris kyi lha rnams yod do/ /sum bcu rtsa gsum dang mtshe ma dang dga' ldan dang 'phrul dga' dang gzhan 'phrul dbang byed kyi lha rnams dang tshangs ris dang tshangs lha nye phan dang tshangs pa kun 'khor dang tshangs chen dang 'og min gyi bar gyi lha rnams dang nam mkha' mtha' yas skye mched dang / 'du shes med 'du shes med min skye mched kyi bar gyi lha rnams yod do/ /pha rol du phyin pa thams cad yod do/ /</font><hr>31.212a<br><font size=+1>

stong pa nyid thams cad yod do/ /byang chub kyi phyogs kyi chos sum bcu rtsa bdun yod do/ /'phags pa'i bden pa rnams dang bsam gtan rnams dang tshad med pa rnams dang gzugs med pa'i snyoms par 'jug pa rnams yod do/ /rnam par thar pa brgyad dang mthar kyis gnas pa'i snyoms par 'jug pa dgu yod do/ /rnam par thar pa'i sgo gsum dang mngon par shes pa rnams yod do/ /ting nge 'dzin rnams dang gzungs kyi sgo rnams yod do/ /de bzhin gshegs pa'i stobs rnams dang mi 'jigs pa rnams dang so so yang dag par rig pa rnams dang byams pa chen po dang snying rje chen po dang sangs rgyas kyi chos ma 'dres pa rnams yod do/ /rnam pa thams cad mkhyen pa nyid kyi bar du yod do/ /rgyun du zhugs pa dang / lan cig phyir 'ong ba dang phyir mi 'ong ba dang dgra bcom pa dang rang sangs rgyas rnams yod do/ /byang chub sems dpa' sems dpa' chen po rnams yod do/ /de bzhin gshegs pa dgra bcom pa yang dag par rdzogs pa'i sangs rgyas rnams yod do/ /kau shi ka 'dzam bu'i gling gi sems can rnams dge ba bcu'i las kyi lam la bkod pa dang / rang byang chub kyi bar la bkod pa lta zhog gi/ kau shi ka gling bzhi pa'i 'jig rten gyi khams kyi sems can ji snyed pa de dag /rigs kyi bu 'am rigs kyi bu mo la las/ dge ba bcu'i las kyi lam la rab tu bkod na/ kau shi ka de ji snyam du sems/ rigs kyi bu 'am rigs kyi bu mo de'i bsod nams de'i rgyus mang du 'phel lam/ gsol pa/ bcom ldan 'das mang ngo / /bde bar gshegs pa mang ngo / /bcom ldan 'das kyis bka' stsal pa/ kau shi ka de bas kyang rigs kyi bu 'am rigs kyi bu mo gang gis/ shes rab kyi pha rol du phyin pa 'di'i glegs bam klag pa dang bri ba dang kha ton du bya ba'i phyir gzhan la byin na bsod nams ches mang du 'phel lo/ /de ci'i phyir zhe na/ kau shi ka de ni 'di ltar shes rab kyi pha rol du phyin pa las skyes pa ni nyan thos dang rang sangs rgyas dang byang chub sems dpa'i chos thams</font><hr>31.212b<br><font size=+1>

cad dang sangs rgyas kyi chos thams cad do/ /kau shi ka gling chen po bzhi pa'i 'jig rten gyi khams kyi sems can rnams dge ba bcu'i las kyi lam la bkod pa dang / rang byang chub kyi bar la bkod pa lta zhog gi/ kau shi ka stong gi 'jig rten gyi khams byur bu'i sems can ji snyed cig yod pa de dag /rigs kyi bu 'am rigs kyi bu mo la las/ dge ba bcu'i las kyi lam la rab tu bkod/ rang byang chub kyi bar la rab tu bkod na/ kau shi ka de ji snyam du sems rigs kyi bu 'am rigs kyi bu mo de'i bsod nams de'i rgyus mang du 'phel lam/ gsol pa/ bcom ldan 'das mang ngo / /bde bar gshegs pa mang ngo / /bcom ldan 'das kyis bka' stsal pa/ kau shi ka de bas rigs kyi bu 'am rigs kyi bu mo gang gis/ shes rab kyi pha rol du phyin pa 'di'i glegs bam klag pa dang bri ba dang kha ton du bya ba'i phyir gzhan la byin na/ bsod nams ches mang du 'phel lo/ /kau shi ka stong gi 'jig rten gyi khams byur bu lta zhog gi/ kau shi ka stong gnyis pa 'jig rten gyi khams 'bring po'i sems can ji snyed pa de dag  /rigs kyi bu 'am rigs kyi bu mo la las dge ba bcu'i las kyi lam la rab tu bkod pa dang / rang byang chub kyi bar la rab tu bkod pa na/ kau shi ka de ji snyam du sems/ rigs kyi bu 'am rigs kyi bu mo de'i bsod nams de'i rgyus mang du 'phel lam/ gsol pa/ bcom ldan 'das mang ngo / /bde bar gshegs pa mang ngo / /bcom ldan 'das kyis bka' stsal pa/ kau shi ka de bas rigs kyi bu 'am rigs kyi bu mo gang gis/ shes rab kyi pha rol du phyin pa 'di'i glegs bam bri ba dang klag pa dang kha ton du bya ba'i phyir gzhan la byin na/ bsod nams ches mang du 'phel lo/ /kau shi ka stong gnyis pa 'jig rten gyi khams 'bring po lta zhog gi/ kau shi ka stong gsum gyi stong chen po'i 'jig rten gyi khams kyi sems can ji snyed pa de dag /rigs kyi bu 'am rigs kyi bu mo la las/ dge ba bcu'i las kyi lam la rab tu bkod pa dang / rang byang chub kyi bar la rab tu bkod pa na/ </font><hr>31.213a<br><font size=+1>

kau shi ka de ji snyam du sems/ rigs kyi bu 'am rigs kyi bu mo de'i bsod nams de'i rgyus mang du 'phel lam/ gsol pa/ bcom ldan 'das mang ngo / /bde bar gshegs pa mang ngo / /bcom ldan 'das kyis bka' stsal pa/ kau shi ka de bas rigs kyi bu 'am rigs kyi bu mo gang gis/  shes rab kyi pha rol du phyin pa 'di'i glegs bam bri ba dang klag pa dang kha ton du bya ba'i phyir gzhan la byin na/ bsod nams ches mang du 'phel lo/ /kau shi ka stong gsum gyi stong chen po'i 'jig rten gyi khams lta zhog gi/ kau shi ka phyogs bcu'i phyogs re re zhing 'jig rten gyi khams gang gA'i klung gi bye ma snyed dag na/ sems can ji snyed cig yod pa de dag /rigs kyi bu 'am rigs kyi bu mo la las dge ba bcu'i las kyi lam la rab tu bkod pa dang / rang byang chub kyi bar la rab tu bkod na/ kau shi ka de ji snyam du sems/ rigs kyi bu 'am rigs kyi bu mo de'i bsod nams de'i rgyus mang du 'phel lam/ gsol pa/ bcom ldan 'das mang ngo / /bde bar gshegs pa mang ngo / /bcom ldan 'das kyis bka' stsal pa/ kau shi ka de bas rigs kyi bu 'am rigs kyi bu mo gang gis/ shes rab kyi pha rol du phyin pa 'di'i glegs bam bri ba dang klag pa dang kha ton du bya ba'i phyir gzhan la byin na/ bsod nams ches mang du 'phel lo/ /de ci'i phyir zhe na/ kau shi ka de ni 'di ltar shes rab kyi pha rol du phyin pa 'di las zag pa med pa'i chos rnams rgya cher bstan te/ de dag bslabs shing / rigs kyi bu 'am rigs kyi bu mo dag  /yang dag pa'i skyon med par zhugs par 'gyur ro/ /'jug go 'jug par 'gyur ro/ /dgra bcom pa nyid kyi bar du thob par gyur to/ /'thob bo/ /thob par 'gyur ro/ /rang byang chub thob par gyur to/ /'thob bo/ /thob par 'gyur ro/ /byang chub sems dpa' sems dpa' chen po rnams kyang / byang chub sems dpa'i skyon med par zhugs par gyur to/ /'jug go 'jug par 'gyur ro/ /bla na med pa yang dag par rdzogs pa'i byang chub tu mngon par rdzogs par sangs rgyas so/ /</font><hr>31.213b<br><font size=+1>

mngon par rdzogs par 'tshang rgya'o/ /mngon par rdzogs par 'tshang rgya bar 'gyur ro/ /kau shi ka zag pa med pa'i chos de dag kyang gang zhe na/ 'di lta ste/ pha rol du phyin pa rnams dang nang stong pa nyid dang dngos po med pa'i ngo bo nyid stong pa nyid kyi bar dang / byang chub kyi phyogs kyi chos sum bcu rtsa bdun dang 'phags pa'i bden pa dang bsam gtan dang tshad med pa dang gzugs med pa'i snyoms par 'jug pa dang / rnam par thar pa brgyad dang mthar kyis gnas pa'i snyoms par 'jug pa dgu dang / rnam par thar pa'i sgo gsum dang mngon par shes pa drug dang ting nge 'dzin thams cad dang gzungs kyi sgo thams cad dang / de bzhin gshegs pa'i stobs bcu dang mi 'jigs pa bzhi dang / so so yang dag par rig pa bzhi dang sangs rgyas kyi chos ma 'dres pa bcwa brgyad kyi bar dang sangs rgyas kyi chos tshad med pa'i bar gzhan dag kyang rgya cher bstan to/ /kau shi ka rnam grangs des kyang rigs kyi bu 'am rigs kyi bu mo gang gis shes rab kyi pha rol du phyin pa 'di glegs bam du bris shing klag pa dang bri ba dang kha ton du bya ba'i phyir gzhan la byin na/ de bas 'di'i bsod nams ches mang du 'phel bar shes par bya'o/ /de ci'i phyir zhe na kau shi ka de ni 'di ltar shes rab kyi pha rol du phyin pa 'di las chos thams cad rgya cher bstan te/ de dag yod pas rgyal rigs che zhing mtho ba dang bram ze'i rigs che zhing mtho ba dang / khyim bdag gi rigs che zhing mtho ba dang rgyal chen bzhi'i ris kyi lha rnams yod do/ /sum bcu rtsa gsum dang mtshe ma dang dga' ldan dang 'phrul dga' dang / gzhan 'phrul dbang byed kyi lha rnams dang / tshangs ris dang tshangs lha nye phan dang tshangs pa kun 'khor dang tshangs chen dang 'og min gyi bar gyi lha rnams dang / nam mkha' mtha' yas skye mched dang 'du shes med 'du shes med min skye mched kyi bar gyi lha rnams yod do/ /pha rol du phyin pa rnams yod do/ /nang stong pa nyid yod do/ /dngos po med pa'i ngo bo nyid stong pa nyid kyi bar du yod do/ /byang chub kyi phyogs kyi chos sum bcu rtsa bdun yod do/ /sangs rgyas kyi chos ma 'dres</font><hr>31.214a<br><font size=+1>

pa bcwa brgyad kyi bar du yod do/ /thams cad shes pa nyid yod do/ /lam gyi rnam pa shes pa nyid dang rnam pa thams cad mkhyen pa nyid yod do/ /rgyun du zhugs pa rnams yod do/ /lan gcig phyir 'ong ba dang / phyir mi 'ong ba dang / dgra bcom pa dang rang sangs rgyas rnams yod do/ /byang chub sems dpa' sems dpa' chen po rnams yod do/ /de bzhin gshegs pa dgra bcom pa yang dag par rdzogs pa'i sangs rgyas yod do/ /kau shi ka gzhan yang 'dzam bu'i gling gi mi ji snyed pa de dag rigs kyi bu 'am rigs kyi bu mo la las/ bsam gtan bzhi la bkod/ tshad med pa bzhi la bkod/ gzugs med pa'i snyoms par 'jug pa bzhi la bkod/ mngon par shes pa lnga la bkod na/ kau shi ka de ji snyad du sems/ rigs kyi bu 'am rigs kyi bu mo de'i bsod nams de'i rgyus mang du 'phel lam/ gsol pa/ bcom ldan 'das mang ngo / /bde bar gshegs pa mang ngo / /bcom ldan 'das kyis bka' stsal pa/ kau shi ka de bas rigs kyi bu 'am/ rigs kyi bu mo gang gis/ shes rab kyi pha rol du phyin pa 'di'i glegs bam klag pa dang bri ba dang kha ton du bya ba'i phyir gzhan la byin na/ bsod nams ches mang du 'phel lo/ /de ci'i phyir zhe na/ kau shi ka de ni 'di ltar shes rab kyi pha rol du phyin pa 'di las chos thams cad rgya cher bstan to/ /kau shi ka 'dzam bu'i gling lta zhog  /gling chen po bzhi'i 'jig rten gyi khams kyang lta zhog  /stong gi 'jig rten gyi khams kyang lta zhog  /stong gnyis kyi 'jig rten gyi khams kyang lta zhog  /stong gsum gyi stong chen po'i 'jig rten gyi khams lta yang zhog gi/ kau shi ka shar phyogs kyi 'jig rten gyi khams gang gA'i klung gi bye ma snyed kyi sems can ji snyed pa dang / lho dang nub dang byang dang byang shar dang shar lho dang lho nub dang nub byang dang 'og dang / steng gi phyogs kyi phyogs re re zhing / 'jig rten gyi khams gang gA'i klung gi bye ma snyed sems can ji snyed pa de dag  /rigs kyi bu 'am rigs kyi bu mo la las/ bsam gtan bzhi la bkod/ tshad med pa bzhi la bkod/ gzugs med</font><hr>31.214b<br><font size=+1>

pa'i snyoms par 'jug pa bzhi la bkod/ mngon par shes pa lnga la bkod na/ kau shi ka de ji snyam du sems/ rigs kyi bu 'am rigs kyi bu mo de'i bsod nams de'i rgyus mang du 'phel lam/ gsol pa/ bcom ldan 'das mang ngo / /bde bar gshegs pa mang ngo / /bcom ldan 'das kyis bka' stsal pa/ kau shi ka de bas rigs kyi bu 'am rigs kyi bu mo gang gis/ shes rab kyi pha rol du phyin pa 'di'i glegs bam klag pa dang bri ba dang kha ton du bya ba'i phyir gzhan la byin na/ bsod nams ches mang du 'phel lo/ /de ci'i phyir zhe na/ kau shi ka de ni 'di ltar shes rab kyi pha rol du phyin pa 'di las zag pa med pa'i chos rnams rgya cher bstan te/ de dag la bslabs shing / rigs kyi bu 'am rigs kyi bu mo dag yang dag pa'i skyon med par zhugs par gyur to/ /'jug go/ /'jug par 'gyur ro/ /rgyun du zhugs pa'i 'bras bu thob par gyur to/ /'thob bo/ /thob par 'gyur ro/ /dgra bcom pa nyid kyi bar du thob par gyur to/ /'thob bo/ /thob par 'gyur ro/ /rang byang chub thob par gyur to/ /'thob bo/ thob par 'gyur ro/ /byang chub sems dpa' sems dpa' chen po rnams kyang / byang chub sems dpa'i skyon med par zhugs par gyur to/ /'jug go 'jug par 'gyur ro/ /bla na med pa yang dag par rdzogs pa'i byang chub tu mngon par rdzogs par sangs rgyas so/ /mngon par rdzogs par 'tshang rgya'o/ /mngon par rdzogs par 'tshang rgya bar 'gyur ro/ /kau shi ka gzhan yang rigs kyi bu 'am rigs kyi bu mo gang la las shes rab kyi pha rol du phyin pa 'di 'dzin pa dang 'chang ba dang klog pa dang kun chub par byed pa dang tshul bzhin du yid la byed na/ de'i bsod nams ches mang du 'phel gyi/ 'dzam bu'i gling gi sems can rnams dang / stong gsum gyi stong chen po'i 'jig rten gyi khams kyi bar gyi sems can dang / phyogs bcu kun gyi phyogs re re zhing / 'jig rten gyi khams gang gA'i klung gi bye ma snyed kyi sems can ji snyed pa de dag /dge ba bcu'i las kyi lam la</font><hr>31.215a<br><font size=+1>

bkod pa dang bsam gtan bzhi dang tshad med pa bzhi dang gzugs med pa'i snyoms par 'jug pa bzhi dang / mngon par shes pa lnga la bkod pas ni ma yin no/ /de la tshul bzhin du yid la byed pa ni 'di yin te/ gnyis la spyod pa yang ma yin/ mi gnyis pa la spyod pa yang ma yin pa'i blos/ shes rab kyi pha rol du phyin pa 'di 'dzin pa dang kun chub par byed pa dang 'chang ba dang klog pa dang tshul bzhin du yid la byed pa'o/ /gnyis la spyod pa yang ma yin/ mi gnyis pa la spyod pa yang ma yin pa'i blos/ bsam gtan gyi pha rol du phyin pa dang brtson 'grus kyi pha rol du phyin pa dang bzod pa'i pha rol du phyin pa dang tshul khrims kyi pha rol du phyin pa dang sbyin pa'i pha rol du phyin pa 'dzin pa dang kun chub par byed pa dang 'chang ba dang klog pa dang tshul bzhin du yid la byed pa'o/ /gnyis la spyod pa yang ma yin mi gnyis pa la spyod pa yang ma yin pa'i blos/ nang stong pa nyid 'dzin pa dang / kun chub par byed pa dang 'chang ba dang klog pa dang tshul bzhin du yid la byed pa'o/ /gnyis la spyod pa yang ma yin/ mi gnyis pa la spyod pa yang ma yin pa'i blos/ dngos po med pa'i ngo bo nyid stong pa nyid kyi bar du tshul bzhin du yid la byed pa'o// //shes rab kyi pha rol du phyin pa stong phrag nyi shu lnga pa/ bam po sum bcu lnga pa/ gnyis la spyod pa yang ma yin mi gnyis pa la spyod pa yang ma yin pa'i blos/ dran pa nye bar gzhag pa dang / yang dag par spong ba dang rdzu 'phrul gyi rkang pa dang dbang po dang stobs dang byang chub kyi yan lag dang / 'phags pa'i lam yan lag brgyad pa tshul bzhin du yid la byed pa'o/ /gnyis la spyod pa yang ma yin/ mi gnyis pa la spyod pa yang ma yin pa'i blos/ sangs rgyas kyi chos ma 'dres pa rnams kyi bar du tshul bzhin du yid la byed pa'o/ /gnyis la spyod pa yang ma yin/ mi gnyis pa la spyod pa yang ma yin pa'i blos/ rnam pa thams cad mkhyen pa nyid kyi bar du</font><hr>31.215b<br><font size=+1>

tshul bzhin du yid la byed pa'o/ /kau shi ka gzhan yang rigs kyi bu dang / rigs kyi bu mo la la zhig  /shes rab kyi pha rol du phyin pa 'di gzhan la rnam grangs du mar rgya cher brjod cing ston la/ 'chad cing 'grel pa dang / rnam par 'byed cing gsal bar byed la/ yang dag par ston cing de'i don gtan la dbab pa ston pa byed na/ kau shi ka de la shes rab kyi pha rol du phyin pa'i don ni 'di yin te/ shes rab kyi pha rol du phyin pa ni gnyis su blta ba ma yin/ gnyis su med par blta ba ma yin/ mtshan mar ma yin/ mtshan ma med par ma yin/ blang bar ma yin/ dor bar ma yin/ dbri bar ma yin/ bsnan par ma yin/ kun nas nyon mongs par ma yin/ rnam par byang bar ma yin/ skye bar ma yin/ 'gag par ma yin/ gzung bar ma yin/ mi gzung bar ma yin/ len par ma yin/ dor bar ma yin gnas par ma yin/ mi gnas par ma yin/ yang dag par ma yin/ log par ma yin/ ldan par ma yin/ mi ldan par ma yin/ 'dre bar ma yin/ mi 'dre bar ma yin/ rkyen du ma yin/ rkyen med par ma yin/ chos su ma yin/ chos ma yin par ma yin/ de bzhin nyid du ma yin de bzhin nyid ma yin par ma yin/ yang dag pa'i mtha' ma yin/ yang dag pa'i mtha' ma yin par ma yin te/ 'di ni gnyis su med pa'i don to/ /rigs kyi bu 'am rigs kyi bu mo gang shes rab kyi pha rol du phyin pa 'di gzhan la rgya cher brjod cing ston la/ 'chad cing 'grel pa dang / rnam par 'byed cing gsal bar byed la/ yang dag par ston par byed cing / de'i don gtan la dbab par ston na/ bsod nams mang du 'phel gyi/ bdag 'ba' shig gis bzung ba 'am/ kun chub par byas pa 'am/ bcangs pa 'am/ blags pa 'am/ tshul bzhin du yid la byas pas ni ma yin no/ /kau shi ka gzhan yang rigs kyi bu 'am rigs kyi bu mo gang la la zhig bdag nyid kyang shes rab kyi pha rol du phyin pa 'dzin cing kun chub par byed de/ 'chang zhing</font><hr>31.216a<br><font size=+1>

klog la tshul bzhin du yid la byed cing / gzhan la yang rgya cher brjod cing ston la/ 'chad cing 'grel pa dang / rnam par 'byed cing gsal bar byed la/ yang dag par ston par byed cing / de'i don gtan la dbab par ston na/ kau shi ka rigs kyi bu 'am rigs kyi bu mo de'i bsod nams ni shin du mang du 'phel lo/ /brgya byin gyis gsol pa/ bcom ldan 'das rigs kyi bu 'am rigs kyi bu mos/ shes rab kyi pha rol du phyin pa de ltar don dang ldan la yi ge dang ldan par bstan par bgyi 'am/ bcom ldan 'das kyis bka' stsal pa/ kau shi ka rigs kyi bu 'am rigs kyi bu mos/ shes rab kyi pha rol du phyin pa de ltar don dang ldan yi ge dang ldan par bstan par bya ste/ kau shi ka de ltar ston pa'i rigs kyi bu 'am rigs kyi bu mo ni bsod nams kyi phung po tshad med grangs med pa dang ldan par 'gyur ro/ /kau shi ka gal te rigs kyi bu 'am rigs kyi bu mo la las phyogs bcu kun gyi phyogs re re zhing / de bzhin gshegs pa dgra bcom pa yang dag par rdzogs pa'i sangs rgyas tshad med grangs med pa dag la/ nam 'tsho'i bar du me tog dang phreng ba dang spos dang byug pa dang phye ma dang na bza' dang gdugs dang rgyal mtshan dang ba dan dang sil snyan sna tshogs dang bde ba'i yo byad thams cad kyis rim gror byas pa dang bkur stir byas pa dang sti stang du byas pa dang mchod pa byas pa bas/ kau shi ka rigs kyi bu 'am rigs kyi bu mo la la zhig gis/ shes rab kyi pha rol du phyin pa 'di gzhan la rgya cher don dang ldan yi ge dang ldan par/ rnam grangs du mar brjod de bstan pa dang / bshad de bkrol zhing rnam par phye ste gsal ba dang / yang dag par bstan pa byas na/ rigs kyi bu 'am rigs kyi bu mo de'i bsod nams de ni ches mang du 'phel lo/ /de ci'i phyir zhe na/ shes rab kyi pha rol du phyin pa 'di la bslabs te/ 'das pa dang ma byon pa dang da ltar byung ba'i de bzhin gshegs pa dgra bcom pa yang dag par</font><hr>31.216b<br><font size=+1>

rdzogs pa'i sangs rgyas rnams kyis/ bla na med pa yang dag par rdzogs pa'i byang chub tu mngon par rdzogs par sangs rgyas so/ /mngon par rdzogs par 'tshang rgya'o/ /mngon par rdzogs par 'tshang rgya bar 'gyur ro/ /kau shi ka gzhan yang rigs kyi bu 'am rigs kyi bu mo gang la las/ bskal pa tshad med grangs med par dmigs pa'i tshul gyis/ sbyin pa'i pha rol du phyin pa dang tshul khrims kyi pha rol du phyin pa dang bzod pa'i pha rol du phyin pa dang / brtson 'grus kyi pha rol du phyin pa dang bsam gtan gyi pha rol du phyin pa dang / shes rab kyi pha rol du phyin pa la spyod pa bas ni/ gang la la shes rab kyi pha rol du phyin pa 'di'i don dang ldan yi ge dang ldan par mi dmigs pa'i tshul gyis/ gzhan la rgya cher brjod cing ston la 'chad cing rnam par 'god pa dang / rab tu 'god cing rnam par 'byed la/ gsal bar byed cing yang dag par ston pa byed na/ de'i bsod nams ches mang du 'phel lo/ /de la dmigs pa ni 'di yin te/ kau shi ka 'di la byang chub sems dpa' dmigs pa'i tshul gyis sbyin pa gtong zhing 'di snyam du bdag ni sbyin pa gtong ngo / /sbyin pa ni 'di gtong ngo / /'di la ni sbyin par bya'o snyam na/ des sbyin pa de ltar btang bas sbyin pa nyid du 'gyur gyi/ sbyin pa'i pha rol du phyin pa ma yin no/ /bdag ni tshul khrims srung ngo / /tshul khrims ni 'di srung ngo snyam na/ des tshul khrims de ltar bsrungs pas/ tshul khrims nyid du 'gyur gyi/ tshul khrims kyi pha rol du phyin pa ma yin no/ /bdag ni bzod pa sgom mo/ /bzod pa 'di sgom mo snyam na/ des bzod pa de ltar bsgoms pas bzod pa nyid du 'gyur gyi/ bzod pa'i pha rol du phyin pa ma yin no/ /bdag ni brtson 'grus rtsom mo/ /'di'i don du brtson 'grus brtsam mo snyam na/ des brtson 'grus de ltar brtsams pas/ brtson 'grus nyid du 'gyur gyi/ brtson 'grus kyi pha rol du phyin pa ma yin no/ /bdag ni bsam gtan rnams la snyoms par</font><hr>31.217a<br><font size=+1>

'jug go/ /bsam gtan ni 'di dag la mnyam par gzhag go snyam na/ des bsam gtan la de ltar mnyam par bzhag pas/ bsam gtan nyid du 'gyur gyi/ bsam gtan gyi pha rol du phyin pa ma yin no/ /bdag ni shes rab sgom mo/ /shes rab ni 'di bsgom mo snyam na des shes rab de ltar bsgom pas/ shes rab nyid du 'gyur gyi/ shes rab kyi pha rol du phyin pa ma yin no/ /kau shi ka rigs kyi bu 'am rigs kyi bu mo de ltar dmigs pa la spyad pas ni/  sbyin pa'i pha rol du phyin pa yongs su rdzogs par mi 'gyur ro/ /tshul khrims dang bzod pa de dang brtson 'grus dang bsam gtan dang / shes rab kyi pha rol du phyin pa yongs su rdzogs par mi 'gyur ro/ /brgya byin gyis gsol pa/ bcom ldan 'das byang chub sems dpa' sems dpa' chen pos ji ltar spyad na/ sbyin pa'i pha rol du phyin pa yongs su rdzogs par 'gyur/ ji ltar spyad na tshul khrims kyi pha rol du phyin pa yongs su rdzogs par 'gyur/ ji ltar spyad na bzod pa'i pha rol du phyin pa yongs su rdzogs par 'gyur/ ji ltar spyad na brtson 'grus kyi pha rol du phyin pa yongs su rdzogs par 'gyur/ ji ltar spyad na bsam gtan gyi pha rol du phyin pa yongs su rdzogs par 'gyur/ ji ltar spyad na shes rab kyi pha rol du phyin pa yongs su rdzogs par 'gyur/ bcom ldan 'das kyis bka' stsal pa/ kau shi ka 'di la byang chub sems dpa' sems dpa' chen po sbyin pa gtong ba'i tshe/ yongs su gtong ba mi dmigs/ sbyin pa dang len pa mi dmigs so/ /tshul khrims srung ba'i tshe/ tshul khrims dang tshul khrims yang dag par blang bar mi dmigs so/ /bzod pa sgom pa'i tshe/ bzod pa dang bzod pa bsgom pa mi dmigs so/ /brtson 'grus rtsom pa'i tshe/ brtson</font><hr>31.217b<br><font size=+1>

'grus dang / brtson 'grus rtsom pa mi dmigs so/ /bsam gtan la snyoms par 'jug pa'i tshe/ bsam gtan dang bsam gtan sgom pa mi dmigs so/ /shes rab sgom pa'i tshe/ shes rab dang shes rab bsgom pa dang / shes rab dang ldan pa mi dmigs so/ /kau shi ka de ltar spyod pa'i byang chub sems dpa' sems dpa' chen pos ni/ sbyin pa'i pha rol du phyin pa yongs su rdzogs par 'gyur ro/ /tshul khrims kyi pha rol du phyin pa dang bzod pa'i pha rol du phyin pa dang brtson 'grus kyi pha rol du phyin pa dang / bsam gtan gyi pha rol du phyin pa dang shes rab kyi pha rol du phyin pa yongs su rdzogs par 'gyur ro/ /kau shi ka rigs kyi bu 'am rigs kyi bu mo de ltar khong du chud pa med par/ shes rab kyi pha rol du phyin pa don dang ldan yi ge dang ldan par bstan par bya'o/ /bsam gtan gyi pha rol du phyin pa dang brtson 'grus kyi pha rol du phyin pa dang bzod pa'i pha rol du phyin pa dang tshul khrims kyi pha rol du phyin pa dang sbyin pa'i pha rol du phyin pa bstan par bya'o/ /de ci'i phyir zhe na/ kau shi ka ma 'ongs pa'i dus na/ rigs kyi bu 'am rigs bu mo la la/ byang chub sems dpa'i theg pa pa rnams la shes rab kyi pha rol du phyin pa'i gzugs brnyan ston pa 'byung ste/ der rigs kyi bu 'am rigs kyi bu mo gang / bla na med pa yang dag par rdzogs pa'i byang chub tu zhugs pa de dag gis kyang / gzugs brnyan de thos nas/ lam ston par 'gyur te/ de dag la shes rab kyi pha rol du phyin pa 'di don dang ldan yi ge dang ldan par bstan par bya'o/ /brgya byin gyis gsol pa/ bcom ldan 'das shes rab kyi pha rol du phyin pa'i gzugs brnyan gang lags/ bcom ldan 'das kyis bka' stsal pa/ kau shi ka 'di la rigs kyi bu 'am rigs kyi bu mo dag  /shes rab kyi pha rol du phyin pa bstan to snyam zhing de dag gzugs brnyan ston pa byed pa'o/ /brgya byin gyis gsol pa/ ji ltar na rigs kyi bu 'am rigs kyi bu mo de dag shes rab kyi</font><hr>31.218a<br><font size=+1>

pha rol du phyin pa'i gzugs brnyan ston pa lags/ bcom ldan 'das kyis bka' stsal pa/ kau shi ka 'di la rigs kyi bu 'am rigs kyi bu mo de dag shes rab kyi pha rol du phyin pa ston par byed pa'i tshe/ shes rab kyi pha rol du phyin pa'i gzugs brnyan ston te/ de la 'di ni shes rab kyi pha rol du phyin pa'i gzugs brnyan te/ 'di ltar gzugs mi rtag go zhes bya bar ston/ gzugs sdug bsngal lo zhes bya ba dang / bdag med do zhes bya ba dang / mi sdug go zhes bya bar ston/ tshor ba dang 'du shes dang 'du byed dang / rnam par shes pa mi rtag go zhes bya bar ston/ tshor ba dang 'du shes dang 'du byed dang / rnam par shes pa sdug bsngal lo zhes bya ba dang / bdag med do zhes bya ba dang / mi sdug go zhes bya bar ston cing / 'di skad du gang de ltar spyod pa ni shes rab kyi pha rol du phyin pa la spyod do zhes brjod de/ su la bstan pa de dag kyang gzugs mi rtag ces bya bar rtog par 'gyur ro/ /gzugs sdug bsngal zhes bya ba dang bdag med ces bya ba dang mi sdug ces bya bar rtog par 'gyur ro/ /tshor ba dang 'du shes dang 'du byed dang rnam par shes pa mi rtag ces bya bar rtog par 'gyur ro/ /tshor ba dang 'du shes dang 'du byed dang rnam par shes pa sdug bsngal zhes bya ba dang bdag med ces bya ba dang mi sdug ces bya bar rtog par 'gyur ro/ /de ltar de dag gzugs mi rtag go zhes bya bar rtog pa dang gzugs sdug bsngal lo zhes bya ba dang bdag med do zhes bya ba dang / mi sdug go zhes bya ba dang /  tshor ba dang 'du shes dang 'du byed dang rnam par shes pa mi rtag go zhes bya ba dang tshor ba dang 'du shes dang 'du byed dang rnam par shes pa sdug bsngal lo zhes bya ba dang bdag med do zhes bya ba dang mi sdug go zhes bya bar rtog pas/ shes rab kyi pha rol du phyin pa'i gzugs brnyan la spyod par 'gyur ro/ /myig mi rtag go zhes bya bar ston/ mig sdug bsngal lo zhes bya ba dang bdag med do zhes bya ba dang mi sdug go zhes</font><hr>31.218b<br><font size=+1>

bya bar ston/ rna ba dang sna dang lce dang lus dang yid mi rtag go zhes bya bar ston/ rna ba dang sna dang lce dang lus dang yid sdug bsngal lo zhes bya ba dang bdag med do zhes bya ba dang mi sdug go zhes bya bar ston/ gzugs mi rtag go zhes bya bar ston/ gzugs sdug bsngal lo zhes bya ba dang bdag med do zhes bya ba dang mi sdug go zhes bya bar ston/ sgra dang dri dang ro dang reg dang chos mi rtag go zhes bya bar ston/ sgra dang dri dang ro dang reg dang chos sdug bsngal lo zhes bya ba dang bdag med do zhes bya ba dang mi sdug go zhes bya bar ston/ mig gi rnam par shes pa mi rtag go zhes bya bar ston/ mig gi rnam par shes pa sdug bsngal lo zhes bya ba dang / bdag med do zhes bya ba dang mi sdug go zhes bya bar ston/ rna ba'i rnam par shes pa dang sna'i rnam par shes pa dang lce'i rnam par shes pa dang lus kyi rnam par shes pa dang yid kyi rnam par shes pa sdug bsngal lo zhes bya ba dang bdag med do zhes bya ba dang / mi sdug go zhes bya bar ston/ mig gi 'dus te reg pa mi rtag go zhes bya bar ston/ mig gi 'dus te reg pa sdug bsngal lo zhes bya ba dang bdag med do zhes bya ba dang mi sdug go zhes bya bar ston/ rna ba'i 'dus te reg pa dang / sna'i 'dus te reg pa dang lce'i 'dus te reg pa dang lus kyi 'dus te reg pa dang / yid kyi 'dus te reg pa mi rtag go zhes bya bar ston rna ba'i 'dus te reg pa dang sna'i 'dus te reg pa dang lce'i 'dus te reg pa dang lus kyi 'dus te reg pa dang yid kyi 'dus te reg pa sdug bsngal lo zhes bya ba dang bdag med do zhes bya ba dang / mi sdug go zhes bya bar ston/ mig gi 'dus te reg pa'i rkyen gyis tshor ba mi rtag go zhes bya bar ston/ mig gi 'dus te reg pa'i rkyen gyis tshor ba sdug bsngal lo zhes bya ba dang bdag med do zhes bya ba dang / mi sdug go zhes bya bar ston/ rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba</font><hr>31.219a<br><font size=+1>

dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba mi rtag go zhes bya bar ston/ rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen kyis tshor ba dang / yid kyi 'dus te reg pa'i rkyen gyis tshor ba sdug bsngal lo zhes bya ba dang / bdag med do zhes bya ba dang / mi sdug go zhes bya bar ston/ sa'i khams mi rtag go zhes bya bar ston/ sa'i khams sdug bsngal lo zhes bya ba dang / mi sdug go zhes bya bar ston/ chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams mi rtag go zhes bya bar ston/ chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams sdug bsngal lo zhes bya ba dang / bdag med do zhes bya ba dang / mi sdug go zhes bya bar ston/ ma rig pa mi rtag go zhes bya bar ston/ ma rig pa sdug bsngal lo zhes bya ba dang / bdag med do zhes bya ba dang / mi sdug go zhes bya bar ston/ 'du byed dang rnam par shes pa dang ming dang gzugs dang skye mched drug dang reg pa dang tshor ba dang sred pa dang len pa dang srid pa dang skye ba dang rga shi mi rtag go zhes bya bar ston/ 'du byed dang rnam par shes pa dang ming dang gzugs dang skye mched drug dang reg pa dang tshor ba dang sred pa dang len pa dang srid pa dang / skye ba dang rga shi sdug bsngal lo zhes bya ba dang bdag med do zhes bya ba dang mi sdug go zhes bya bar ston/ sbyin pa'i pha rol du phyin pa mi rtag go zhes bya bar ston/ sbyin pa'i pha rol du phyin pa sdug bsngal lo zhes bya ba dang bdag med do zhes bya ba dang mi sdug go zhes bya bar ston/ tshul khrims kyi pha rol du phyin pa dang / bzod pa'i pha rol du phyin pa dang / </font><hr>31.219b<br><font size=+1>

brtson 'grus kyi pha rol du phyin pa dang bsam gtan gyi pha rol du phyin pa dang / shes rab kyi pha rol du phyin pa mi rtag go zhes bya bar ston/ tshul khrims kyi pha rol du phyin pa dang bzod pa'i pha rol du phyin pa dang brtson 'grus kyi pha rol du phyin pa dang bsam gtan gyi pha rol du phyin pa dang / shes rab kyi pha rol du phyin pa sdug bsngal lo zhes bya ba dang / bdag med do zhes bya ba dang / mi sdug go zhes bya bar ston/ nang stong pa nyid mi rtag go zhes bya bar ston/ nang stong pa nyid sdug bsngal lo zhes bya ba dang / bdag med do zhes bya ba dang / mi sdug go zhes bya bar ston/ dngos po med pa'i ngo bo nyid stong pa nyid kyi bar du mi rtag go zhes bya bar ston/ dngos po med pa'i ngo bo nyid stong pa nyid kyi bar du sdug bsngal lo zhes bya ba dang / bdag med do zhes bya ba dang / mi sdug go zhes bya bar ston/ dran pa nye bar gzhag pa rnams mi rtag go zhes bya bar ston/ dran pa nye bar gzhag pa rnams sdug bsngal lo zhes bya ba dang bdag med do zhes bya ba dang mi sdug go zhes bya bar ston/ yang dag par spong ba dang rdzu 'phrul gyi rkang pa dang dbang po dang stobs dang byang chub kyi yan lag dang / 'phags pa'i lam yan lag brgyad pa mi rtag go zhes bya bar ston/ yang dag par spong ba dang rdzu 'phrul gyi rkang pa dang dbang po dang stobs dang byang chub kyi yan lag dang 'phags pa'i lam yan lag brgyad pa sdug bsngal lo zhes bya ba dang / bdag med do zhes bya ba dang mi sdug go zhes bya bar ston/ sangs rgyas kyi chos ma 'dres pa rnams kyi bar du mi rtag go zhes bya bar ston/ sangs rgyas kyi chos ma 'dres pa rnams sdug bsngal lo zhes bya ba dang bdag med do zhes bya ba dang mi sdug go zhes bya bar ston/ rnam pa thams cad mkhyen pa nyid kyi bar du mi rtag go zhes bya bar ston/ rnam pa thams cad mkhyen pa nyid sdug bsngal lo zhes bya ba dang / bdag med do zhes bya ba dang mi sdug go zhes bya bar ston cing / 'di skad du gang de ltar ston pa ni shes</font><hr>31.220a<br><font size=+1>

rab kyi pha rol du phyin pa la spyod do zhes rjod de/ su la bstan pa de dag kyang gzugs mi rtag ces bya bar rtog par 'gyur ro/ /gzugs sdug bsngal lo zhes bya ba dang / bdag med ces bya ba dang / mi sdug ces bya bar rnam par rtog par 'gyur ro/ /rnam pa thams cad mkhyen pa nyid kyi bar du mi rtag ces bya bar rtog par 'gyur ro/ /rnam pa thams cad mkhyen pa nyid sdug bsngal lo zhes bya ba dang / bdag med ces bya ba dang / mi sdug ces bya bar rtog par 'gyur ro/ /de ltar de dag rnam pa thams cad mkhyen pa nyid mi rtag go zhes bya bar rtog pa dang / rnam pa thams cad mkhyen pa nyid sdug bsngal lo zhes bya bar rtog pa dang / bdag med do zhes bya bar rtog pa dang / mi sdug go zhes bya bar rtog pas shes rab kyi pha rol du phyin pa'i gzugs brnyan la spyod par 'gyur te/ kau shi ka de ni shes rab kyi pha rol du phyin pa la spyod pa'i gzugs brnyan no/ /kau shi ka gzhan yang rigs kyi bu 'am rigs kyi bu mo de dag shes rab kyi pha rol du phyin pa ston na 'di ltar ston te/ tshur rigs kyi bu shes rab kyi pha rol du phyin pa sgoms shig  /khyod kyis shes rab kyi pha rol du phyin pa bsgoms dang / byang chub sems dpa'i sa dang po la gnas par 'gyur ro/ /sa bcu pa'i bar la gnas par 'gyur ro/ /tshur rigs kyi bu bsam gtan gyi pha rol du phyin pa dang brtson 'grus kyi pha rol du phyin pa dang bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa sgoms shig[ ]/ khyod kyis sbyin pa'i pha rol du phyin pa bsgoms dang / byang chub sems dpa'i sa dang po la gnas par 'gyur ro/ /sa bcu pa'i bar la gnas par 'gyur ro zhes/ de yang mtshan ma'i tshul dang / dmigs pa'i tshul gyis ston te/ de dus kyi 'du shes kyis shes rab kyi pha rol du phyin pa sgom par 'gyur te/ kau shi ka de ni shes rab kyi pha rol du phyin pa'i gzugs brnyan no/ /kau shi ka gzhan yang rigs kyi bu 'am rigs kyi bu mo de dag byang chub sems dpa'i theg pa</font><hr>31.220b<br><font size=+1>

pa'i rigs kyi bu 'am/ rigs kyi bu mo dag la shes rab kyi pha rol du phyin pa 'di ltar ston te/ tshur rigs kyi bu khyod kyis shes rab kyi pha rol du phyin pa sgoms shig /rigs kyi bu khyod kyis shes rab kyi pha rol du phyin pa bsgoms na/ nyan thos kyi sa las 'da' bar 'gyur ro/ /rang sangs rgyas kyi sa las 'da' bar 'gyur ro zhes ston te/ kau shi ka de ni shes rab kyi pha rol du phyin pa'i gzugs brnyan no/ /kau shi ka gzhan yang rigs kyi bu 'am rigs kyi bu mo de dag /byang chub sems dpa'i theg pa pa'i rigs kyi bu 'am rigs kyi bu mo de dag la shes rab kyi pha rol du phyin pa ston pa na 'di ltar ston te/ tshur rigs kyi bu khyod kyis shes rab kyi pha rol du phyin pa sgoms shig  /rigs kyi bu khyod kyis shes rab kyi pha rol du phyin pa bsgoms dang / byang chub sems dpa'i skyon med par 'jug par 'gyur ro/ /mi skye ba'i chos la bzod pa thob par 'gyur ro/ /khyod kyis de ltar mi skye ba'i chos la bzod pa thob pa dang / byang chub sems dpa'i mngon par shes pa la gnas te/ de bzhin gshegs pa dgra bcom pa yang dag par rdzogs pa'i sangs rgyas rnams la/ rim gro dang bkur sti dang sti stang dang mchod par byed cing / sangs rgyas kyi zhing nas sangs rgyas kyi zhing du 'gro bar 'gyur ro zhes/ rigs kyi bu 'am rigs kyi bu mo de dag  /byang chub sems dpa'i theg pa pa'i rigs kyi bu 'am rigs kyi bu mo de dag la ston na 'di skad ston te/ rigs kyi bu dag su shes rab kyi pha rol du phyin pa 'dzin pa dang / 'chang ba dang klog cing kun chub par byed pa dang / tshul bzhin du yid la byed pa de ni bsod nams kyi phung po tshad med grangs med dpag tu med par 'gyur ro zhes zer te/ de ltar ston pa'i rigs kyi bu 'am rigs kyi bu 'am/ rigs kyi bu mo de dag ni/ shes rab kyi pha rol du phyin pa'i gzugs brnyan ston to/ /kau shi ka gzhan yang rigs kyi bu 'am rigs kyi bu mo de dag byang chub sems dpa'i theg pa pa'i rigs kyi bu 'am rigs kyi bu mo</font><hr>31.221a<br><font size=+1>

de dag la 'di ltar ston to/ /tshur rigs kyi bu khyod kyis 'das pa dang / ma byon pa dang / da ltar byung ba'i de bzhin gshegs pa dgra bcom pa yang dag par rdzogs pa'i sangs rgyas rnams kyis thugs dang po bskyed pa nas phung po ma lus pa'i mya ngan las 'das pa'i dbyings su yongs su mya ngan las 'das pa'i bar gyi/ dge ba'i rtsa ba gang ji snyed pa de dag thams cad gcig tu bsdus te/ rjes su dga' bar gyis la/ bla na med pa yang dag par rdzogs pa'i byang chub tu yongs su bsngos shig ces/ rigs kyi bu 'am rigs kyi bu mo de dag de ltar ston cing / shes rab kyi pha rol du phyin pa'i gzugs brnyan ston to/ /brgya byin gyis gsol pa/ bcom ldan 'das ji ltar ston pa'i rigs kyi bu dang / rigs kyi bu mo de dag byang chub sems dpa'i theg pa pa'i rigs kyi bu 'am rigs kyi bu mo de dag la/ shes rab kyi pha rol du phyin pa'i gzugs brnyan mi ston pa lags/ bcom ldan 'das kyis bka' stsal pa/ kau shi ka 'di la rigs kyi bu 'am rigs kyi bu mo dag byang chub sems dpa'i theg pa pa'i rigs kyi bu 'am rigs kyi bu mo dag la shes rab kyi pha rol du phyin pa 'di ltar ston te/ tshur rigs kyi bu khyod kyis shes rab kyi pha rol du phyin pa sgoms shig gzugs mi rtag ces bya bar yang dag par rjes su ma lta shig /de ci'i phyir zhe na/ gzugs ni rang bzhin gyis stong ste/ gzugs kyi rang bzhin gang yin pa de ni dngos po med pa'o/ /dngos po med pa gang yin pa de ni shes rab kyi pha rol du phyin pa ste/ shes rab kyi pha rol du phyin pa gang yin pa de la ni gzugs rtag ces bya 'am/ gzugs mi rtag ces bya ba mi dmigs so/ /de la gzugs nyid kyang med na rtag pa 'am mi rtag pa lta ga la yod ces ston te/ kau shi ka de ltar ston pa'i rigs kyi bu 'am rigs kyi bu mo de dag ni shes rab kyi pha rol du phyin pa'i gzugs brnyan mi ston to/ /</font><hr>31.221b<br><font size=+1>

kau shi ka gzhan yang rigs kyi bu dang / rigs kyi bu mo de dag byang chub sems dpa'i theg pa pa'i rigs kyi bu dang / rigs kyi bu mo de dag la shes rab kyi pha rol du phyin pa 'di ltar ston te/ tshur rigs kyi bu khyod kyis shes rab kyi pha rol du phyin pa sgoms shig  /tshor ba mi rtag ces bya bar yang dag par rjes su ma lta shig  /'du shes dang 'du byed dang / rnam par shes pa mi rtag ces bya bar yang dag par rjes su ma lta shig /de ci'i phyir zhe na/ rnam par shes pa ni rang bzhin gyis stong ste/ rnam par shes pa'i rang bzhin gang yin pa de ni dngos po med pa'o/ /dngos po med pa gang yin pa de ni shes rab kyi pha rol du phyin pa ste/ shes rab kyi pha rol du phyin pa gang yin pa de la ni/ rnam par shes pa rtag ces bya ba 'am/ mi rtag ces bya ba mi dmigs so/ /de la rnam par shes pa nyid kyang med na/ rtag pa 'am mi rtag pa lta ga la yod ces ston te/ kau shi ka de ltar ston pa'i rigs kyi bu 'am/ rigs kyi bu mo de dag ni shes rab kyi pha rol du phyin pa'i gzugs brnyan mi ston to/ /kau shi ka gzhan yang rigs kyi bu 'am/ rigs kyi bu mo de dag byang chub sems dpa'i theg pa pa'i rigs kyi bu dang rigs kyi bu mo de dag la/ shes rab kyi pha rol du phyin pa 'di ltar ston te/ tshur rigs kyi bu khyod kyis shes rab kyi pha rol du phyin pa sgoms shig  /rnam pa thams cad mkhyen pa nyid kyi bar du mi rtag ces bya bar yang dag par rjes su ma lta shig /de ci'i phyir zhe na/ rnam pa thams cad mkhyen pa nyid ni rang bzhin gyis stong ste/ rnam pa thams cad mkhyen pa nyid kyi rang bzhin gang yin pa de ni dngos po med pa'o/ /dngos po med pa gang yin pa de ni shes rab kyi pha rol du phyin pa ste/ shes rab kyi pha rol du phyin pa gang yin pa de la ni/ rnam pa thams cad mkhyen pa nyid rtag ces bya ba 'am/ mi rtag ces bya ba mi dmigs so/ /de la rnam pa thams cad mkhyen pa nyid kyang med na/ rtag pa 'am mi rtag</font><hr>31.222a<br><font size=+1>

pa lta ga la yod ces ston te/ kau shi ka de ltar ston pa'i rigs kyi bu 'am rigs kyi bu mo de dag ni shes rab kyi pha rol du phyin pa'i gzugs brnyan mi ston to/ /kau shi ka gzhan yang rigs kyi bu dang rigs kyi bu mo de dag kyang / byang chub sems dpa'i theg pa pa'i rigs kyi bu 'am rigs kyi bu mo de dag la/ shes rab kyi pha rol du phyin pa 'di ltar ston te/ tshur rigs kyi bu shes rab kyi pha rol du phyin pa sgoms shig  /chos gang las kyang yongs su 'da' bar ma byed cig  /chos gang la yang gnas gnas par ma byed cig  /de ci'i phyir zhe na/ de ni 'di ltar shes rab kyi pha rol du phyin pa la chos gang las 'da' bar bya ba 'am/ gang la gnas par bya ba'i chos de lta bu med do/ /de ci'i phyir zhe na/ kau shi ka de ni 'di ltar chos thams cad ni rang bzhin gyis stong ste/ rang bzhin gyis stong pa'i chos gang yin pa de ni dngos po med pa'o/ /dngos po med pa gang yin pa de ni shes rab kyi pha rol du phyin pa ste/ shes rab kyi pha rol du phyin pa gang yin pa de la ni blang bar bya ba 'am/ dor bar bya ba 'am/ bskyed par bya ba 'am/ dgag par bya ba'i chos gang yang med do zhes ston te/ kau shi ka de ltar ston pa'i rigs kyi bu 'am rigs kyi bu mo de dag ni/ shes rab kyi pha rol du phyin pa'i gzugs brnyan mi ston to/ /kau shi ka de bas na rigs kyi bu 'am rigs kyi bu mos de ltar shes rab kyi pha rol du phyin pa'i don bstan par bya ste/ kau shi ka de ltar ston pa'i rigs kyi bu 'am rigs kyi bu mo dag gi bsod nams kyi phung po ni ches mang du 'phel gyi/ rigs kyi bu 'am rigs kyi bu mo snga ma dag gi ni ma yin no/ /kau shi ka gzhan yang 'dzam bu'i gling gi sems can ji snyed pa de dag /rigs kyi bu 'am rigs kyi bu mo la la zhig gis/ rgyun tu zhugs pa'i 'bras bu la bkod na/ kau shi ka de ji snyam du sems/ rigs</font><hr>31.222b<br><font size=+1>

kyi bu 'am rigs kyi bu mo de'i bsod nams de'i rgyus mang du 'phel lam/ gsol pa/ bcom ldan 'das mang ngo / /bde bar gshegs pa mang ngo / /bcom ldan 'das kyis bka' stsal pa/ kau shi ka de bas kyang rigs kyi bu 'am rigs kyi bu mo gang gis shes rab kyi pha rol du phyin pa 'di don dang ldan yi ge dang ldan par gzhan la rgya cher brjod de bstan pa dang / bshad de bkrol zhing rnam par phye ste gsal ba dang / yang dag par bstan pa byas pa dang / 'di skad du tshur rigs kyi bu khyod kyis shes rab kyi pha rol du phyin pa zung shig  /kun chub par gyis shig  /chongs shig  /lhogs shig  /tshul bzhin du yid la gyis shig  /ji ltar bstan pa'i shes rab kyi pha rol du phyin pa la nan tan du gyis shig ces bsgo na/ ches de'i bsod nams mang du 'phel lo/ /de ci'i phyir zhe na/ kau shi ka shes rab kyi pha rol du phyin pa 'di las/ rgyun tu zhugs pa rnams yod par 'gyur ro/ /kau shi ka 'dzam bu'i gling gi sems can lta yang zhog  /gling chen po bzhi'i 'jig rten gyi khams kyi sems can lta yang zhog /stong gi 'jig rten gyi khams byur bu'i sems can lta yang zhog /stong gnyis kyi 'jig rten gyi khams 'bring po'i sems can lta yang zhog /stong gsum gyi stong chen po'i 'jig rten gyi khams kyi sems can rgyun du zhugs pa'i 'bras bu la bkod pa lta yang zhog gi/ kau shi ka phyogs bcu'i phyogs re re zhing / gang gA'i klung gi bye ma snyed kyi 'jig rten gyi khams kyi sems can ji snyed pa de dag rigs kyi bu 'am rigs kyi bu mo la la zhig gis rgyun tu zhugs pa'i 'bras bu la bkod na/ kau shi ka de ji snyam du sems/ rigs kyi bu 'am rigs kyi bu mo de'i bsod nams de'i rgyus mang du 'phel lam/ gsol pa/ bcom ldan 'das mang ngo / /bde bar gshegs pa mang ngo / /bcom ldan</font><hr>31.223a<br><font size=+1>

'das kyis bka' stsal pa/ kau shi ka de bas kyang rigs kyi bu 'am rigs kyi bu mo gang gis/ shes rab kyi pha rol du phyin pa 'di don dang ldan yi ge dang ldan par gzhan la rgya cher brjod de bstan pa dang / bshad de bkrol zhing rnam par phye ste gsal ba dang yang dag par bstan pa byas pa dang / 'di skad du tshur rigs kyi bu khyod kyis shes rab kyi pha rol du phyin pa zung shig  /kun chub par gyis shig  /chongs shig  /lhogs shig  /tshul bzhin du yid la gyis shig  /ji ltar bstan pa'i shes rab kyi pha rol du phyin pa la nan tan du gyis shig ces bsgo na/ ches de'i bsod nams mang du 'phel lo/ /de ci'i phyir zhe na/ kau shi ka shes rab kyi pha rol du phyin pa 'di las rgyun tu zhugs pa rnams yod par 'gyur ro/ /kau shi ka gzhan yang 'dzam bu'i gling gi sems can ji snyed pa de dag rigs kyi bu 'am rigs kyi bu mo la la zhig gis/ lan cig phyir 'ong ba'i 'bras bu la bkod/ phyir mi 'ong ba'i 'bras bu dang / dgra bcom pa nyid dang / rang byang chub la rab tu bkod na/ kau shi ka de ji snyam du sems/ rigs kyi bu 'am rigs kyi bu mo de'i bsod nams de'i rgyus mang du 'phel lam/ gsol pa/ bcom ldan 'das mang ngo / /bde bar gshegs pa mang ngo / /bcom ldan 'das kyis bka' stsal pa/ kau shi ka de bas kyang rigs kyi bu 'am rigs kyi bu mo gang gis/ shes rab kyi pha rol du phyin pa 'di don dang ldan yi ge dang ldan par gzhan la rgya cher brjod de bstan pa dang / bshad de bkrol zhing rnam par phye ste gsal ba dang / yang dag par bstan pa byas pa dang / 'di skad du tshur rigs kyi bu khyod kyis shes rab kyi pha rol du phyin pa zung shig /kun chub par gyis shig  /chongs shig /lhogs shig  /tshul bzhin du yid la gyis shig /ji ltar bstan pa'i shes rab kyi pha rol du phyin pa la nan tan du gyis shig ces bsgo na/ ches bsod nams mang du 'phel lo/ /de ci'i phyir zhe</font><hr>31.223b<br><font size=+1>

na/ kau shi ka shes rab kyi pha rol du phyin pa 'di las/ lan gcig phyir 'ong ba dang / phyir mi 'ong ba dang / dgra bcom pa nyid dang / rang sangs rgyas rnams yod par 'gyur ro/ /kau shi ka 'dzam bu'i gling gi sems can lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub la bkod pa lta yang zhog /gling chen po bzhi'i 'jig rten gyi khams kyi sems can lta yang zhog  /stong gi 'jig rten gyi khams byur bu'i sems can lta yang zhog /stong gnyis kyi 'jig rten gyi khams 'bring po'i sems can lta yang zhog  /stong gsum gyi stong chen po'i 'jig rten gyi khams kyi sems can lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub la bkod pa lta yang zhog gi/ phyogs bcu'i phyogs re re zhing gang gA'i klung gi bye ma snyed kyi 'jig rten gyi khams kyi sems can ji snyed pa de dag /rigs kyi bu 'am rigs kyi bu mo la la zhig gis/ lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub la bkod na/ kau shi ka de ji snyam du sems/ rigs kyi bu 'am rigs kyi bu mo de'i bsod nams de'i rgyus mang du 'phel lam/ gsol pa/ bcom ldan 'das mang ngo / bde bar gshegs pa mang ngo / /bcom ldan 'das kyis bka' stsal pa/ kau shi ka de bas kyang rigs kyi bu 'am rigs kyi bu mo gang gis/ shes rab kyi pha rol du phyin pa 'di don dang ldan yi ge dang ldan par gzhan la rgya cher brjod de bstan pa dang / bshad de bkrol zhing rnam par phye ste gsal ba dang / yang dag par bstan pa byas pa dang / 'di skad du tshur rigs kyi bu khyod kyis shes rab kyi pha rol du phyin pa zung shig  /kun chub par gyis shig /chongs shig /lhogs shig /tshul bzhin du yid la gyis shig /ji ltar bstan pa'i shes rab kyi pha rol du phyin pa la nan tan du gyis shig ces bsgo na/ ches de'i bsod nams mang du</font><hr>31.224a<br><font size=+1>

'phel lo/ /de ci'i phyir zhe na/ kau shi ka shes rab kyi pha rol du phyin pa 'di las/ lan gcig phyir 'ong ba dang / phyir mi 'ong ba dang / dgra bcom pa nyid dang / rang sangs rgyas rnams yod par 'gyur ro/ /kau shi ka gzhan yang 'dzam bu'i gling gi sems can ji snyed pa de dag /rigs kyi bu 'am rigs kyi bu mo la la zhig gis bla na med pa yang dag par rdzogs pa'i byang chub tu yang dag par bskul ba byas na/ kau shi ka de ji snyam du sems/ rigs kyi bu 'am rigs kyi bu mo de'i bsod nams de'i rgyus mang du 'phel lam/ gsol pa/ bcom ldan 'das mang ngo / /bde bar gshegs pa mang ngo / /bcom ldan 'das kyis bka' stsal pa/ kau shi ka de bas kyang rigs kyi bu 'am rigs kyi bu mo gang gis/ shes rab kyi pha rol du phyin pa 'di don dang ldan yi ge dang ldan par gzhan la rgya cher brjod de bstan pa dang / bshad de bkrol zhing rnam par phye ste gsal ba dang / yang dag par bstan pa byas pa dang / 'di skad du tshur rigs kyi bu khyod kyis shes rab kyi pha rol du phyin pa zung shig /kun chub par gyis shig /chongs shig /lhogs shig /tshul bzhin du yid la gyis shig /ji ltar bstan pa'i shes rab kyi pha rol du phyin pa la nan tan du gyis shig /rigs kyi bu khyod gang gi tshe shes rab kyi pha rol du phyin pa ji ltar bstan pa la nan tan byed pa de'i tshe/ rigs kyi bu khyod shes rab kyi pha rol du phyin pa la slob par 'gyur ro/ /rigs kyi bu khyod gang gi tshe shes rab kyi pha rol du phyin pa la slob par gyur pa de'i tshe/ khyod kyis thams cad mkhyen pa nyid kyi chos rnams thob par 'gyur ro/ /gang gi tshe khyod kyis thams cad mkhyen pa nyid kyi chos rnams thob par gyur pa de'i tshe/ khyod kyi shes rab kyi pha rol du phyin pa bsgom pa de bas kyang yongs su rdzogs par 'gyur ro/ /gang gi tshe khyod kyi shes rab kyi pha rol du phyin pa bsgom pa de dag kyang yongs su rdzogs par gyur pa de'i tshe/ khyod bla na med pa yang dag par rdzogs pa'i byang chub du mngon par rdzogs par 'tshang</font><hr>31.224b<br><font size=+1>

rgya'o zhes bsgo na/ ches de'i bsod nams mang du 'phel lo/ /de ci'i phyir zhe na/ kau shi ka 'di las byung ba ni sems dang po bskyed pa'i byang chub sems dpa' sems dpa' chen po rnams so/ /kau shi ka 'dzam bu'i gling gi sems can bla na med pa yang dag par rdzogs pa'i byang chub tu yang dag par bskul ba byas pa lta yang zhog  /gling chen po bzhi'i 'jig rten gyi khams kyi sems can lta yang zhog  /stong gi 'jig rten gyi khams byur bu'i sems can lta yang zhog  /stong gnyis kyi 'jig rten gyi khams 'bring po'i sems can lta yang zhog  /stong gsum gyi stong chen po'i 'jig rten gyi khams kyi sems can ji snyed pa de dag bla na med pa yang dag par rdzogs pa'i byang chub tu yang dag par bskul ba byas pa lta yang zhog gi/ kau shi ka phyogs bcu'i phyogs re re zhing / gang gA'i klung gi bye ma snyed kyi 'jig rten gyi khams kyi sems can ji snyed pa de dag /rigs kyi bu 'am rigs kyi bu mo la la zhig gis bla na med pa yang dag par rdzogs pa'i byang chub tu yang dag par bskul ba byas na/ kau shi ka de ji snyam du sems rigs kyi bu 'am rigs kyi bu mo de'i bsod nams de'i rgyus mang du 'phel lam/ gsol pa/ bcom ldan 'das mang ngo / /bde bar gshegs pa mang ngo / /bcom ldan 'das kyis bka' stsal pa/ kau shi ka de bas kyang rigs kyi bu 'am rigs kyi bu mo gang gis/ shes rab kyi pha rol du phyin pa 'di don dang ldan yi ge dang ldan par gzhan la rgya cher brjod de bstan pa dang / bshad de bkrol zhing rnam par phye ste gsal ba dang / yang dag par bstan pa byas pa dang / 'di skad du tshur rigs kyi bu khyod kyis shes rab kyi pha rol du phyin pa 'di zung shig /kun chub par gyis shig /chongs shig /lhogs shig /tshul bzhin du yid la gyis shig /ji ltar bstan pa'i shes rab kyi pha rol du phyin pa la nan tan du gyis shig /rigs kyi bu khyod gang gi tshe</font><hr>31.225a<br><font size=+1>

shes rab kyi pha rol du phyin pa ji ltar bstan pa la nan tan byed pa de'i tshe/ rigs kyi bu khyod shes rab kyi pha rol du phyin pa la slob par 'gyur ro/ /rigs kyi bu khyod gang gi tshe shes rab kyi pha rol du phyin pa la slob par gyur pa de'i tshe/ khyod kyis thams cad mkhyen pa nyid kyi chos rnams thob par 'gyur ro/ /gang gi tshe khyod kyis thams cad mkhyen pa nyid kyi chos rnams thob par gyur pa de'i tshe/ khyod kyi shes rab kyi pha rol du phyin pa bsgom pa de bas kyang yongs su rdzogs par 'gyur ro/ /gang gi tshe khyod kyi shes rab kyi pha rol du phyin pa bsgom pa de bas kyang yongs su rdzogs par gyur pa de'i tshe/ khyod bla na med pa yang dag par rdzogs pa'i byang chub tu mngon par rdzogs par 'tshang rgya'o zhes bsgo na/ ches de'i bsod nams mang du 'phel lo/ /de ci'i phyir zhe na/ kau shi ka 'di las byung ba ni sems dang po bskyed pa'i byang chub sems dpa' sems dpa' chen po rnams so/ /kau shi ka gzhan yang 'dzam bu'i gling gi sems can ji snyed pa de dag rigs kyi bu 'am rigs kyi bu mo la la zhig gis/ phyir mi ldog pa'i sa la bkod na/ kau shi ka de ji snyam du sems/ rigs kyi bu 'am rigs kyi bu mo de'i bsod nams de'i rgyus mang du 'phel lam/ gsol pa/ bcom ldan 'das mang ngo / /bde bar gshegs pa mang ngo / /bcom ldan 'das kyis bka' stsal pa/ kau shi ka de bas kyang rigs kyi bu 'am rigs kyi bu mo gang gis/ shes rab kyi pha rol du phyin pa 'di don dang ldan yi ge dang ldan par gzhan la rgya cher brjod de bstan pa dang / bshad de bkrol zhing rnam par phye ste gsal ba dang / yang dag par bstan pa byas pa dang / 'di skad du tshur rigs kyi bu khyod kyis shes rab kyi pha rol du phyin pa zung shig /kun chub par gyis shig /chongs shig /lhogs shig /tshul bzhin du yid la gyis shig /ji ltar bstan</font><hr>31.225b<br><font size=+1>

pa'i shes rab kyi pha rol du phyin pa la nan tan du gyis shig /rigs kyi bu khyod gang gi tshe/ ji ltar bstan pa'i shes rab kyi pha rol du phyin pa la nan tan du byed pa de'i tshe/ rigs kyi bu khyod shes rab kyi pha rol du phyin pa la slob par 'gyur ro/ /rigs kyi bu khyod gang gi tshe/ shes rab kyi pha rol du phyin pa la slob par gyur pa de'i tshe khyod kyis thams cad mkhyen pa nyid kyi chos rnams thob par 'gyur ro/ /gang gi tshe khyod kyis thams cad mkhyen pa nyid kyi chos rnams thob par gyur pa de'i tshe/ khyod kyi shes rab kyi pha rol du phyin pa bsgom pa de bas kyang yongs su rdzogs par 'gyur ro/ /gang gi tshe khyod kyi shes rab kyi pha rol du phyin pa bsgom pa de bas kyang yongs su rdzogs par gyur pa de'i tshe/ khyod bla na med pa yang dag par rdzogs pa'i byang chub tu mngon par rdzogs par 'tshang rgya'o zhes bsgo na/ ches de'i bsod nams mang du 'phel lo/ /de ci'i phyir zhe na/ kau shi ka 'di las byung ba ni byang chub sems dpa' sems dpa' chen po rnams kyi phyir mi ldog pa'i sa'o/ /kau shi ka 'dzam bu'i gling gi sems can rnams phyir mi ldog pa'i sa la bkod pa lta yang zhog /gling chen po bzhi'i 'jig rten gyi khams kyi sems can lta yang zhog /stong gi 'jig rten gyi khams byur bu'i sems can lta yang zhog /stong gnyis kyi 'jig rten gyi khams 'bring po'i sems can lta yang zhog /stong gsum gyi stong chen po'i 'jig rten gyi khams kyi sems can ji snyed pa de dag phyir mi ldog pa'i sa la bkod pa lta yang zhog gi/ kau shi ka phyogs bcu'i phyogs re re zhing gang gA'i klung gi bye ma snyed kyi 'jig rten gyi khams kyi sems can ji snyed pa de dag /rigs kyi bu 'am rigs kyi bu mo la la zhig gis phyir mi ldog pa'i sa la bkod na/ kau shi ka de ji snyam du sems/ rigs kyi bu 'am rigs kyi bu mo de'i bsod nams de'i rgyus mang du 'phel lam/ gsol pa/ bcom ldan 'das</font><hr>31.226a<br><font size=+1>

mang ngo / /bde bar gshegs pa mang ngo / /bcom ldan 'das kyis bka' stsal pa/ kau shi ka de bas kyang rigs kyi bu 'am rigs kyi bu mo gang gis/ shes rab kyi pha rol du phyin pa 'di don dang ldan yi ge dang ldan par gzhan la rgya cher brjod de bstan pa dang / bshad de bkrol zhing rnam par phye ste gsal ba dang / yang dag par bstan pa byas pa dang / 'di skad du tshur rigs kyi bu khyod kyis shes rab kyi pha rol du phyin pa zung shig /kun chub par gyis shig /chongs shig /lhogs shig /tshul bzhin du yid la gyis shig /ji ltar bstan pa'i shes rab kyi pha rol du phyin pa la nan tan du gyis shig /rigs kyi bu khyod gang gi tshe ji ltar bstan pa'i shes rab kyi pha rol du phyin pa la nan tan du byed pa de'i tshe/ rigs kyi bu khyod shes rab kyi pha rol du phyin pa la slob par 'gyur ro/ /rigs kyi bu khyod gang gi tshe shes rab kyi pha rol du phyin pa la slob par gyur pa de'i tshe/ khyod kyis thams cad mkhyen pa nyid kyi chos rnams thob par 'gyur ro/ /gang gi tshe khyod kyis thams cad mkhyen pa nyid kyi chos rnams thob par gyur pa de'i tshe/ khyod bla na med pa yang dag par rdzogs pa'i byang chub tu mngon par rdzogs par 'tshang rgya'o zhes bsgo na/ ches de'i bsod nams mang du 'phel lo/ /de ci'i phyir zhe na/ kau shi ka shes rab kyi pha rol du phyin pa las byung ba ni/ byang chub sems dpa' sems dpa' chen po rnams phyir mi ldog pa'i sa'o/ /kau shi ka gzhan yang 'dzam bu'i gling gi sems can ji snyed pa de dag thams cad bla na med pa yang dag par rdzogs pa'i byang chub tu yang dag par zhugs par gyur te/ de dag la rigs kyi bu 'am rigs kyi bu mo la la zhig gis/ shes rab kyi pha rol du phyin pa 'di don dang ldan yi ge dang ldan par rgya cher brjod de bstan pa dang / bshad de bkrol zhing rnam par phye ste gsal ba dang / yang dag par bstan pa byas pa dang / </font><hr>31.226b<br><font size=+1>

'di skad du tshur rigs kyi bu khyod kyis shes rab kyi pha rol du phyin pa zung shig /kun chub par gyis shig /chongs shig /lhogs shig /tshul bzhin du yid la gyis shig /ji ltar bstan pa'i shes rab kyi pha rol du phyin pa la nan tan du gyis shig /rigs kyi bu khyod gang gi tshe/ ji ltar bstan pa'i shes rab kyi pha rol du phyin pa la nan tan du byed pa de'i tshe/ rigs kyi bu khyod shes rab kyi pha rol du phyin pa la slob par 'gyur ro/ /rigs kyi bu khyod gang gi tshe shes rab kyi pha rol du phyin pa la slob par gyur pa de'i tshe/ khyod kyis thams cad mkhyen pa nyid kyi chos rnams thob par 'gyur ro/ /gang gi tshe khyod kyis thams cad mkhyen pa nyid kyi chos rnams thob par gyur pa de'i tshe/ khyod bla na med pa yang dag par rdzogs pa'i byang chub tu mngon par rdzogs par 'tshang rgya'o zhes bsgo na/ ches de'i bsod nams mang du 'phel lo/ /kau shi ka 'dzam bu'i gling gi sems can rnams bla na med pa yang dag par rdzogs pa'i byang chub tu yang dag par zhugs pa lta yang zhog /gling bzhi pa'i 'jig rten gyi khams kyi sems can lta yang zhog /stong gi 'jig rten gyi khams byur bu'i sems can lta yang zhog /stong gnyis kyi 'jig rten gyi khams 'bring po'i sems can lta yang zhog /stong gsum gyi stong chen po'i 'jig rten gyi khams kyi sems can ji snyed pa de dag bla na med pa yang dag par rdzogs pa'i byang chub tu yang dag par zhugs pa lta yang zhog /kau shi ka phyogs bcu'i phyogs re re zhing gang gA'i klung gi bye ma snyed kyi 'jig rten gyi khams kyi sems can ji snyed pa de dag thams cad bla na med pa yang dag par rdzogs pa'i byang chub tu yang dag par zhugs par gyur te/ de dag la rigs kyi bu 'am rigs kyi bu mo la la zhig gis/ shes rab kyi pha rol du phyin pa 'di don dang ldan yi ge dang ldan par rgya cher brjod de bstan pa dang / bshad de bkrol zhing rnam par phye ste gsal ba dang / </font><hr>31.227a<br><font size=+1>

yang dag par bstan pa byas pa dang / 'di skad du tshur rigs kyi bu khyod kyis shes rab kyi pha rol du phyin pa zung shig /kun chub par gyis shig /chongs shig /lhogs shig /tshul bzhin du yid la gyis shig /ji ltar bstan pa'i shes rab kyi pha rol du phyin pa la nan tan du gyis shig /rigs kyi bu khyod gang gi tshe ji ltar bstan pa'i shes rab kyi pha rol du phyin pa la nan tan du byed pa de'i tshe/ rigs kyi bu khyod shes rab kyi pha rol du phyin pa la slob par 'gyur ro/ /rigs kyi bu khyod gang gi tshe/ shes rab kyi pha rol du phyin pa la slob par gyur pa de'i tshe/ khyod kyis thams cad mkhyen pa nyid kyi chos rnams thob par 'gyur ro/ /gang gi tshe khyod kyis thams cad mkhyen pa nyid kyi chos rnams thob par gyur pa de'i tshe/ khyod bla na med pa yang dag par rdzogs pa'i byang chub tu mngon par rdzogs par 'tshang rgya'o zhes bsgo na/ ches de'i bsod nams mang du 'phel lo/ /kau shi ka gzhan yang 'dzam bu'i gling gi sems can ji snyed pa de dag thams cad bla na med pa yang dag par rdzogs pa'i byang chub las phyir mi ldog par gyur te/ byang chub sems dpa' sems dpa' chen po de dag la rigs kyi bu 'am rigs kyi bu mo la la zhig gis/ shes rab kyi pha rol du phyin pa 'di don dang ldan yi ge dang ldan par rgya cher brjod de bstan pa dang / bshad de bkrol zhing rnam par phye ste gsal ba dang / yang dag par bstan pa byas pa bas/ de'i nang nas byang chub sems dpa' sems dpa' chen po la la zhig 'di skad du/ bdag myur du bla na med pa yang dag par rdzogs pa'i byang chub tu mngon par rdzogs par 'tshang rgya'o zhes zer la/ rigs kyi bu 'am rigs kyi bu mo la la zhig gis/ de la shes rab kyi pha rol du phyin pa 'di don dang ldan yi ge dang ldan par rgya cher brjod de bstan na/ rigs kyi bu 'am rigs kyi bu mo de'i bsod nams ches mang du 'phel lo/ /kau shi ka 'dzam</font><hr>31.227b<br><font size=+1>

bu'i gling gi sems can rnams bla na med pa yang dag par rdzogs pa'i byang chub las phyir mi ldog par gyur pa lta yang zhog /gling bzhi pa'i 'jig rten gyi khams kyi sems can lta yang zhog /stong gi 'jig rten gyi khams byur bu'i sems can lta yang zhog /stong gnyis kyi 'jig rten gyi khams 'bring po'i sems can lta yang zhog /stong gsum gyi stong chen po'i 'jig rten gyi khams kyi sems can rnams bla na med pa yang dag par rdzogs pa'i byang chub las phyir mi ldog par gyur pa lta yang zhog gi /kau shi ka phyogs bcu'i phyogs re re zhing gang gA'i klung gi bye ma snyed kyi 'jig rten gyi khams kyi sems can ji snyed pa de dag thams cad bla na med pa yang dag par rdzogs pa'i byang chub las phyir mi ldog par gyur te/ byang chub sems dpa' sems dpa' chen po de dag la/ rigs kyi bu 'am rigs kyi bu mo la la zhig gis/ shes rab kyi pha rol du phyin pa 'di don dang ldan yi ge dang ldan par rgya cher brjod de bstan pa dang / bshad de bkrol zhing rnam par phye ste gsal ba dang / yang dag par bstan pa byas pa bas/ de'i nang nas byang chub sems dpa' sems dpa' chen po la la zhig 'di skad du/ bdag myur du bla na med pa yang dag par rdzogs pa'i byang chub tu mngon par rdzogs par 'tshang rgya'o zhes zer la/ rigs kyi bu 'am rigs kyi bu mo la la zhig gis/ de la shes rab kyi pha rol du phyin pa 'di don dang ldan yi ge dang ldan par rgya cher brjod de bstan na/ rigs kyi bu 'am rigs kyi bu mo de'i bsod nams ches mang du 'phel lo/ /de ci'i phyir zhe na/ phyir mi ldog pa'i byang chub sems dpa' sems dpa' chen po de dag ni nges pa ste/ rdzogs pa'i byang chub du gzhol zhing bla na med pa yang dag par rdzogs pa'i byang chub las phyir ldog par mi 'gyur bas na/ de dag la ni de tsam du chos bstan kyang mi dgos kyi/ 'di ni 'khor ba nas 'byung bar 'dod la/ snying rje chen</font><hr>31.228a<br><font size=+1>

pos mnar ba'i phyir ro/ /de nas lha'i dbang po brgya byin gyis/ bcom ldan 'das la 'di skad ces gsol to/ /bcom ldan 'das ji lta ji ltar byang chub sems dpa' sems dpa' chen po bla na med pa yang dag par rdzogs pa'i byang chub tu nye bar gyur pa de lta de ltar byang chub sems dpa' sems dpa' chen po de sbyin pa'i pha rol du phyin pa la gdams shing rjes su bstan par bgyi'o/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la gdams shing rjes su bstan par bgyi'o/ /nang stong pa nyid la gdams shing rjes su bstan par bgyi'o/ /dngos po med pa'i ngo bo nyid stong pa nyid kyi bar la gdams shing rjes su bstan par bgyi'o/ /dran pa nye bar gzhag pa rnams dang / yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa la gdams shing rjes su bstan par bgyi'o/ /'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / rnam par thar pa'i sgo gsum dang / mngon par shes pa rnams dang / ting nge 'dzin rnams dang / gzungs kyi sgo rnams la gdams shing rjes su bstan par bgyi'o/ /de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad la gdams shing rjes su bstan par bgyi'o/ /gos dang bsod snyoms dang mal cha dang nad kyi rkyen sman dang yo byad kyis kyang rjes su gzung bar bgyi ste/ byang chub sems dpa' sems dpa' chen po</font><hr>31.228b<br><font size=+1>

de la chos kyis bsdu ba dang / zang zing gis bsdu bas rjes su 'dzin pa'i rigs kyi bu 'am rigs kyi bu mo de dag gi bsod nams ni ches mang du 'phel gyi/ rigs kyi bu dang rigs kyi bu mo snga ma dag ni ma lags so/ /de ci'i slad du zhe na/ bcom ldan 'das de ni yong yang de ltar 'gyur te/ byang chub sems dpa' sems dpa' chen po gang lags pa de ni pha rol du phyin pa rnams la gdams shing rjes su bstan pa'o/ /stong pa nyid thams cad dang byang chub kyi phyogs kyi chos thams cad dang / 'phags pa'i bden pa rnams dang bsam gtan rnams dang tshad med pa rnams dang gzugs med pa'i snyoms par 'jug pa rnams la gdams shing rjes su bstan pa'o/ /rnam par thar pa brgyad dang mthar gyis gnas pa'i snyoms par 'jug pa dgu dang rnam par thar pa'i sgo gsum dang mngon par shes pa rnams dang ting nge 'dzin rnams dang gzungs kyi sgo rnams la gdams shing rjes su bstan pa'o/ /de bzhin gshegs pa'i stobs bcu dang mi 'jigs pa bzhi dang so so yang dag par rig pa bzhi dang byams pa chen po dang snying rje chen po dang sangs rgyas kyi chos ma 'dres pa bcwa brgyad la gdams shing rjes su bstan pa'o/ /de nas tshe dang ldan pa rab 'byor gyis/ lha'i dbang po brgya byin la smras pa/ kau shi ka de ltar khyod byang chub sems dpa' rnams kyis mos pa bskyed pa dang / byang chub sems dpa' rnams la phan 'dogs pa dang yongs su skyong ba legs so/ legs so/ /kau shi ka khyod kyis de bzhin du bya'o/ /'phags pa nyan thos gang sems can rnams la phan 'dogs par 'dod pa des kyang / byang chub sems dpa' sems dpa' chen po rnams bla na med pa yang dag par rdzogs pa'i byang chub tu mos pa bskyed par bya'o/ /byang chub sems dpa' rnams zang zing dang / chos kyis phan gdags pas phan gdags shing yongs su skyong bar bya'o/ /de ci'i phyir zhe na/ kau shi ka bcom ldan 'das kyi</font><hr>31.229a<br><font size=+1>

nyan thos kyi dge 'dun ni 'di lta ste/ byang chub sems dpa' sems dpa' chen po de dag las 'byung ngo / /gal te byang chub sems dpa' sems dpa' chen po bla na med pa yang dag par rdzogs pa'i byang chub tu sems mi bskyed na/ byang chub sems dpa' sems dpa' chen po pha rol du phyin pa drug po 'di dag la slob pa ma yin/ nang stong pa nyid dang dngos po med pa'i ngo bo nyid stong pa nyid kyi bar dang byang chub kyi phyogs kyi chos sum bcu rtsa bdun dang 'phags pa'i bden pa rnams dang bsam gtan rnams dang tshad med pa rnams dang gzugs med pa'i snyoms par 'jug pa rnams dang / rnam par thar pa brgyad dang mthar kyis gnas pa'i snyoms par 'jug pa dgu dang / rnam par thar pa'i sgo gsum dang mngon par shes pa rnams dang ting nge 'dzin rnams dang gzungs kyi sgo rnams dang de bzhin gshegs pa'i stobs rnams dang mi 'jigs pa rnams dang so so yang dag par rig pa rnams dang sangs rgyas kyi chos ma 'dres pa bcwa brgyad la slob pa ma yin te/ bla na med pa yang dag par rdzogs pa'i byang chub tu mngon par rdzogs par 'tshang rgya bar mi 'gyur ro/ /bla na med pa yang dag par rdzogs pa'i byang chub tu mngon par rdzogs par 'tshang rgya bar ma gyur na/ rang sangs rgyas dang / nyan thos rnams kyang yod par mi 'gyur ro/ /kau shi ka byang chub sems dpa' sems dpa' chen po ni pha rol du phyin pa drug po 'di dag la yang slob la/ stong pa nyid thams cad dang byang chub kyi phyogs kyi chos sum bcu rtsa bdun dang 'phags pa'i bden pa rnams dang bsam gtan rnams dang tshad med pa rnams dang gzugs med pa'i snyoms par 'jug pa rnams dang rnam par thar pa brgyad dang mthar kyis gnas pa'i snyoms par 'jug pa dgu dang rnam par thar pa'i sgo gsum dang mngon par shes pa rnams dang ting nge 'dzin rnams dang gzungs kyi sgo rnams</font><hr>31.229b<br><font size=+1>

dang de bzhin gshegs pa'i stobs rnams dang mi 'jigs pa rnams dang so so yang dag par rig pa rnams dang sangs rgyas kyi chos ma 'dres pa bcwa brgyad la yang slob pas/ de ltar byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya ste/ bla na med pa yang dag par rdzogs pa'i byang chub tu mngon par rdzogs par sangs rgyas pa dang / 'jig rten gyi khams thams cad du sems can dmyal ba rnams rgyun chad par 'gyur ro/ /byol song gi skye gnas dang / gshin rje'i 'jig rten rnams rgyun chad par 'gyur ro/ /lha ma yin gyi ris kyang yongs su 'grib par 'gyur ro/ /lha'i ris kyang mngon par 'phel bar 'gyur ro/ /rgyal rigs che zhing mtho ba rnams 'jig rten du 'byung bar 'gyur ro/ /bram ze'i rigs che zhing mtho ba rnams dang / khyim bdag gi rigs che zhing mtho ba rnams 'jig rten du 'byung bar 'gyur ro/ /rgyal chen bzhi'i ris kyi lha rnams 'jig rten du 'byung bar 'gyur ro/ /sum bcu rtsa gsum gyi lha rnams dang / mtshe ma dang dga' ldan dang 'phrul dga' dang / gzhan 'phrul dbang byed kyi lha rnams 'jig rten du 'byung bar 'gyur ro/ /tshangs ris dang tshangs lha nye phan dang / tshangs pa kun 'khor dang tshangs chen dang snang ba dang chung snang dang tshad med snang ba dang kun snang dang ba dang dge ba dang chung dge dang tshad med dge ba dang dge rgyas dang che ba dang chung che dang tshad med che ba dang 'bras bu che ba dang mi che ba dang mi gdung ba dang shin du mthong ba dang gya nom snang ba dang 'og min gyi lha rnams 'jig rten du 'byung bar 'gyur ro/ /nam mkha' mtha' yas skye mched dang rnam shes mtha' yas skye mched dang cung zad med pa'i skye mched dang 'du shes med 'du shes med min skye mched kyi lha rnams 'jig rten du 'byung bar 'gyur ro/ /sbyin pa'i pha rol du phyin</font><hr>31.230a<br><font size=+1>

pa 'jig rten du 'byung bar 'gyur ro/ /tshul khrims kyi pha rol du phyin pa dang bzod pa'i pha rol du phyin pa dang brtson 'grus kyi pha rol du phyin pa dang bsam gtan gyi pha rol du phyin pa dang / shes rab kyi pha rol du phyin pa 'jig rten du 'byung bar 'gyur ro/ /nang stong pa nyid 'jig rten du 'byung bar 'gyur ro/ /dngos po med pa'i ngo bo nyid stong pa nyid kyi bar du 'jig rten du 'byung bar 'gyur ro/ /byang chub kyi phyogs kyi chos sum bcu rtsa bdun dang 'phags pa'i bden pa rnams dang / bsam gtan rnams dang tshad med pa rnams dang gzugs med pa'i snyoms par 'jug pa rnams dang / rnam par thar pa brgyad dang mthar gyis gnas pa'i snyoms par 'jug pa dgu dang / rnam par thar pa'i sgo gsum dang mngon par shes pa rnams dang / ting nge 'dzin rnams dang gzungs kyi sgo rnams 'jig rten du 'byung bar 'gyur ro/ /de bzhin gshegs pa'i stobs bcu dang mi 'jigs pa bzhi dang so so yang dag par rig pa bzhi dang byams pa chen po dang / snying rje chen po dang sangs rgyas kyi chos ma 'dres pa bcwa brgyad 'jig rten du 'byung bar 'gyur ro/ /nyan thos kyi theg pa 'jig rten du 'byung bar 'gyur ro/ /rang sangs rgyas kyi theg pa 'jig rten du 'byung bar 'gyur ro/ /theg pa chen po 'jig rten du 'byung bar 'gyur ro/ /shes rab kyi pha rol du phyin pa stong phrag nyi shu lnga pa las/ brgya byin gyi le'u ste nyi shu gsum pa'o// // de nas byang chub sems dpa' sems dpa' chen po byams pas/ gnas brtan rab 'byor la smras pa/ btsun pa rab 'byor byang chub sems dpa' sems dpa' chen po'i rjes su yi rang ba dang ldan pa'i bsod nams bya ba'i dngos po gang yin pa dang / byang chub sems dpa' sems dpa' chen po bsod nams bya ba'i dngos po sems can thams cad dang thun mong du byas te/ de mi dmigs pa'i tshul gyis/ bla na med pa yang dag par rdzogs pa'i byang chub tu yongs su bsngo</font><hr>31.230b<br><font size=+1>

ba gang yin pa dang / sems can thams cad kyi rjes su yi rang ba dang ldan pa'i bsod nams bya ba'i dngos po dang nyan thos kyi theg pa pa rnams dang rang sangs rgyas kyi theg pa pa rnams kyi sbyin pa las byung ba'i bsod nams bya ba'i dngos po dang / tshul khrims las byung ba dang / bsgom pa las byung ba'i bsod nams bya ba'i dngos po gang yin pa de dag las/ byang chub sems dpa' sems dpa' chen po'i rjes su yi rang ba dang ldan pa'i bsod nams bya ba'i dngos po sems can thams cad dang thun mong du byas te/ bla na med pa yang dag par rdzogs pa'i byang chub tu yongs su bsngos pa 'di nyid rab ces bya'o/ /dam pa zhes bya'o/ /gtso bo zhes bya'o/ /mchog ces bya'o/ /phul zhes bya'o/ /gya nom pa zhes bya'o/ /bla na med pa zhes bya'o/ /gong na med pa zhes bya'o/ /mnyam pa med pa zhes bya'o/ /mi mnyam pa dang mnyam pa zhes bya'o/ /shes rab kyi pha rol du phyin pa stong phrag nyi shu lnga pa/ bam po sum bcu drug pa/ de ci'i phyir zhe na/ 'di ltar nyan thos dang rang sangs rgyas kyi theg pa pa rnams kyi sbyin pa las byung ba'i bsod nams bya ba'i dngos po dang tshul khrims las byung ba dang bsgom pa las byung ba'i bsod nams bya ba'i dngos po ni bdag gdul ba dang / bdag zhi bar bya ba dang bdag yongs su mya ngan las bzla ba'i phyir nye bar gnas pa ste/ dran pa nye bar gzhag pa rnams dang 'phags pa'i lam yan lag brgyad pa'i bar dang / 'phags pa'i bden pa bzhi dang bsam gtan bzhi dang / tshad med pa bzhi dang gzugs med pa'i snyoms par 'jug pa bzhi dang rnam par thar pa'i sgo stong pa nyid dang mtshan ma med pa dang smon pa med pa dang rnam par thar pa brgyad dang mthar kyis gnas pa'i snyoms par 'jug pa dgu dang / so so yang dag par rig pa bzhi dang mngon par shes pa drug dag kyang / bdag gdul ba dang / bdag zhi bar bya ba dang bdag yongs su mya ngan las bzla</font><hr>31.231a<br><font size=+1>

ba'i phyir nye bar gnas par zad kyi/ byang chub sems dpa' ni sems can thams cad gdul ba dang / zhi bar bya ba dang / yongs su mya ngan las bzla ba'i phyir rjes su yi rang ba dang ldan pa'i bsod nams bya ba'i dngos po sems can thams cad dang thun mong du byas shing / mi dmigs pa'i tshul gyis bla na med pa yang dag par rdzogs pa'i byang chub tu yongs su bsngo'o/ /de nas tshe dang ldan pa rab 'byor gyis byang chub sems dpa' sems dpa' chen po byams pa la 'di skad ces smras so/ /de ltar byang chub sems dpa' sems dpa' chen pos shar phyogs kyi 'jig rten gyi khams grangs med tshad med dpag tu med pa dag gi/ 'jig rten gyi khams re rer yang sangs rgyas bcom ldan 'das tshad med grangs med pa yongs su mya ngan las 'das par gyur pa de dag dang / lho dang nub dang byang dang byang shar dang shar lho dang lho nub dang nub byang dang 'og dang steng gi phyogs kyi phyogs re re zhing / 'jig rten gyi khams grangs med tshad med dpag tu med pa dag gi/ 'jig rten gyi khams re rer yang sangs rgyas bcom ldan 'das grangs med tshad med pa yongs su mya ngan las 'das par gyur pa de dag thugs dang po bskyed pa nas bla na med pa yang dag par rdzogs pa'i byang chub tu mngon par rdzogs par sangs rgyas pa'i bar dang / phung po ma lus pa'i mya ngan las 'das pa'i dbyings su yongs su mya ngan las 'das pa'i bar gyi dam pa'i chos kyi bar du dge ba'i rtsa ba pha rol du phyin pa drug dang ldan pa gang ji snyed cig yod pa dang / nyan thos kyi theg pa la yang dag par zhugs pa de dag gi sbyin pa las byung ba'i bsod nams bya ba'i dngos po dang / tshul khrims las byung ba dang / bsgom pa las byung ba'i bsod nams bya ba'i dngos po dang slob pa de dag gi dge ba'i rtsa ba zag pa med pa dag dang mi slob pa de dag gi dge ba'i rtsa ba zag pa</font><hr>31.231b<br><font size=+1>

med pa dag dang / de bzhin gshegs pa dgra bcom pa yang dag par rdzogs pa'i sangs rgyas de dag gi tshul khrims kyi phung po dang / ting nge 'dzin kyi phung po dang shes rab kyi phung po dang rnam par grol ba'i phung po dang rnam par grol ba'i ye shes gzigs pa'i phung po dang phan par bzhed pa dang thugs rje chen po dang / sangs rgyas kyi chos grangs med tshad med pa dang sangs rgyas bcom ldan 'das de dag gis chos gang bstan pa dang chos bstan pa de la bslabs shing rgyun tu zhugs pa'i 'bras bu thob pa dang / lan gcig phyir 'ong ba'i 'bras bu thob pa dang phyir mi 'ong ba'i 'bras bu thob pa dang / dgra bcom pa nyid dang rang byang chub thob pa dang byang chub sems dpa'i skyon med par zhugs pa de dag gi dge ba'i rtsa ba gang ji snyed pa dang / gang gis de bzhin gshegs pa de dag bzhugs kyang rung / yongs su mya ngan las 'das kyang rung ste/ de dag la dge ba'i rtsa ba gang ji snyed cig bskyed pa/ de thams cad gcig tu bsdus te/ rjes su yi rang ba'i mchog gtso bo dam pa/ rab phul gya nom pa bla na med pa/ gong na med pa/ mnyam pa med pa/ mi mnyam pa dang mnyam pas rjes su yi rang ste/ de ltar rjes su yi rang nas/ rjes su yi rang ba dang ldan pa'i bsod nams bya ba'i dngos po de/ sems can thams cad dang thun mong du byas te/ bla na med pa yang dag par rdzogs pa'i byang chub sgrub par gyur cig ces/ bla na med pa yang dag par rdzogs pa'i byang chub tu yongs su bsngos na/ de ltar byang chub sems dpa'i theg pa la yang dag par zhugs pa des de skad du smras te/ sems kyi rnam pa de lta bus yongs su bsngos na/ dmigs pa gang dang dngos po gang dag gis sems de lta bu skyes par gyur pa'i dngos po de dag dang / dmigs pa de dag rigs kyi bu de dag gis ji ltar mtshan mar byas pa de bzhin du dmigs su yod pa yin nam/ byams pas smras pa byang chub sems dpa'i theg pa pa'i</font><hr>31.232a<br><font size=+1>

rigs kyi bu de dag gis ji ltar mtshan mar byas te/ bla na med pa yang dag par rdzogs pa'i byang chub tu yongs su bsngos pa de bzhin du/ dngos po de dag dang / dmigs pa de dag dmigs su yod pa ma yin no/ /rab 'byor gyis smras pa/ gal te de ltar dngos po med pa de dag dmigs su med na/ sangs rgyas bcom ldan 'das phyogs bcu'i 'jig rten gyi khams na bzhugs pa de dag dang / de dag gi thugs dang po bskyed pa nas/ dam pa'i chos gnas pa'i bar gyi dge ba'i rtsa ba dang / nyan thos dang / rang sangs rgyas kyi theg pa la gnas pa'i rigs kyi bu dang / rigs kyi bu mo de dag gi dge ba'i rtsa ba gang ji snyed pa dang / slob pa rnams kyi dge ba'i rtsa ba gang ji snyed pa dang / mi slob pa rnams kyi dge ba'i rtsa ba gang ji snyed pa de dag thams cad gcig tu bsdus gsogs te/ bla na med pa yang dag par rdzogs pa'i byang chub tu mtshan ma'i tshul gyis yongs su bsngos na/ ji ltar mi rtag pa la rtag go zhes bya bar 'du shes phyin ci log dang / sems phyin ci log pa dang / lta ba phyin ci log tu gyur pa dang / sdug bsngal ba la bde zhes bya ba dang / bdag med pa la bdag ces bya ba dang / mi gtsang ba la gtsang zhes bya bar 'du shes phyin ci log pa dang / sems phyin ci log pa dang / lta ba phyin ci log tu gyur pa de ltar de'i 'du shes phyin ci log du ma gyur tam/ de lta yin yang thams cad dngos po ji lta ba dang / dmigs pa ji lta bar byang chub kyang de bzhin/ sems kyang de bzhin sbyin pa'i pha rol du phyin pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa yang de bzhin/ gzugs dang tshor ba dang 'du shes dang 'du byed dang / rnam par shes pa yang de bzhin/ myig dang / rna ba dang sna dang lce dang lus dang / yid kyang de bzhin/ gzugs dang sgra dang dri dang ro dang reg dang chos kyang de bzhin/ khams</font><hr>31.232b<br><font size=+1>

dang skye mched dang rten cing 'brel bar 'byung ba yang de bzhin/ nang stong pa nyid dang / dngos po med pa'i ngo bo nyid stong pa nyid kyi bar yang de bzhin/ dran pa nye bar gzhag pa rnams dang / 'phags pa'i lam yan lag brgyad pa'i bar yang de bzhin/ 'phags pa'i bden pa rnams dang / bsam gtan rnams dang tshad med pa rnams dang / gzugs med pa'i snyoms par 'jug pa rnams dang rnam par thar pa brgyad dang / mthar gyis gnas pa'i snyoms par 'jug pa dgu dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad kyang de bzhin te/ gal te de ltar dngos po ji lta ba dang / dmigs pa ji lta bar byang chub kyang de bzhin/ sems kyang de bzhin/ sbyin pa'i pha rol du phyin pa yang de bzhin/ tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa yang de bzhin/ nang stong pa nyid dang / dngos po med pa'i ngo bo nyid stong pa nyid kyi bar yang de bzhin/ dran pa nye bar gzhag pa rnams dang / yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa dang / 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / rnam par thar pa'i sgo gsum dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa</font><hr>31.233a<br><font size=+1>

bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad kyang de bzhin na ni/ bla na med pa yang dag par rdzogs pa'i byang chub tu yongs su bsngo ba'i dngos po de ni gang zhig yin/ dmigs pa de ni gang zhig yin/ byang chub de ni gang zhig yin/ sems de ni gang zhig yin/ dge ba'i rtsa ba de dag ni gang zhig yin/ rjes su yi rang ba dang ldan pa'i bsod nams bya ba'i dngos po de ni gang zhig yin/ byams pas smras pa/ gal te byang chub sems dpa' pha rol du phyin pa drug la spyod spyod pa/ sangs rgyas mang po la bsnyen bkur cing dge ba'i rtsa ba bskyed par 'gyur ba dang / dge ba'i bshes gnyen gyis kyang yongs su zin pa dang / rang gi mtshan nyid kyis stong pa'i chos thams cad la bslab pa de dag ni/ dngos po de dag dang / dmigs pa de dag dang / sangs rgyas bcom ldan 'das de dag dang / dge ba'i rtsa ba de dag dang / rjes su yi rang ba dang ldan pa'i bsod nams bya ba'i dngos po de dag mtshan mar byas shing / bla na med pa yang dag par rdzogs pa'i byang chub tu yongs su mi bsngo'o/ /de dag ni 'di ltar yongs su bsngo ste gnyis kyi tshul kyis ma yin no/ /gnyis su med pa'i tshul gyis ma yin no/ /mtshan ma'i tshul gyis ma yin no/ /mtshan ma med pa'i tshul gyis ma yin no/ /dmigs pa'i tshul gyis ma yin no/ /dmigs su med pa'i tshul gyis ma yin no/ /nyon mongs pa'i tshul gyis ma yin no/ /rnam par byang ba'i tshul gyis ma yin no/ /skye ba'i tshul gyis ma yin no/ /'gag pa'i tshul gyis ma yin no/ /gal te byang chub sems dpa' de dag pha rol du phyin pa drug la spyod spyod pa yang ma yin/ sangs rgyas mang po la bsnyen bkur byed byed pa yang ma yin/ dge ba'i rtsa ba bskyed par gyur pa yang ma yin/ dge ba'i bshes gnyen gyis yongs su zin pa yang ma yin/ rang gi mtshan nyid kyis stong pa'i chos thams cad la bslabs par gyur pa yang ma yin/ de dag ni dngos po de dag dang / dmigs pa</font><hr>31.233b<br><font size=+1>

de dag dang / sangs rgyas bcom ldan 'das de dag dang / dge ba'i rtsa ba de dag dang / rjes su yi rang ba dang ldan pa'i sems bskyed pa de dag la mtshan mar byas shing / bla na med pa yang dag par rdzogs pa'i byang chub tu yongs su bsngo bar 'gyur te/ btsun pa rab 'byor shes rab kyi pha rol du phyin pa de ltar bstan pa ni/ theg pa la gsar du zhugs pa'i byang chub sems dpa'i mdun du mi bshad do/ /bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa de ltar bstan pa ni/ theg pa la gsar du zhugs pa'i byang chub sems dpa'i mdun du mi bshad do/ /nang stong pa nyid dang / dngos po med pa'i ngo bo nyid stong pa nyid kyi bar dang / dran pa nye bar gzhag pa rnams dang / yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa de ltar bstan pa ni/ theg pa la gsar du zhugs pa'i byang chub sems dpa'i mdun du mi bshad do/ /'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar kyis gnas pa'i snyoms par 'jug pa dgu dang / stong pa nyid dang mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad de ltar bstan pa ni/ theg pa la gsar du zhugs pa'i byang chub sems dpa'i mdun du mi bshad do/ /thams cad shes pa nyid dang / lam gyi rnam pa shes pa nyid dang / rnam pa thams cad mkhyen pa nyid de ltar</font><hr>31.234a<br><font size=+1>

bstan pa ni/ theg pa la gsar du zhugs pa'i byang chub sems dpa'i mdun du mi bshad do/ /rang gi mtshan nyid kyis stong pa'i chos rnams de ltar bstan pa ni/ theg pa la gsar du zhugs pa'i byang chub sems dpa'i mdun du mi bshad do/ /de ci'i phyir zhe na/ de ni de la dad pa tsam 'am/ dga' ba tsam 'am/ mos pa tsam 'am/ gus pa tsam zhig yod pa de yang med par 'gyur ba'i phyir te/ phyir mi ldog pa'i byang chub sems dpa' sems dpa' chen po'i mdun du bshad cing bstan to/ /dge ba'i bshes gnyen gyis yongs su zin pa dang / sngon gyi rgyal ba la bya ba byas pa dang / dge ba'i rtsa ba bskyed pa dang / sangs rgyas mang po la bsnyen bkur byed byed pa'i mdun du shes rab kyi pha rol du phyin pa de ltar bstan pa 'di bshad par bya'o/ /bstan par bya'o/ /bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa de ltar bstan pa bshad par bya'o/ /bstan par bya'o/ /nang stong pa nyid dang / dngos po med pa'i ngo bo nyid stong pa nyid kyi bar du de ltar bstan pa bshad par bya'o/ /bstan par bya'o/ /dran pa nye bar gzhag pa rnams dang / yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa dang / 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / snying rje chen</font><hr>31.234b<br><font size=+1>

po dang / sangs rgyas kyi chos ma 'dres pa bcwa brgyad de ltar bstan pa bshad par bya'o/ /bstan par bya'o/ /thams cad shes pa nyid dang / lam gyi rnam pa shes pa nyid dang / rnam pa thams cad mkhyen pa nyid de ltar bstan par bshad par bya'o/ /bstan par bya'o/ /de'i mdun du rang gis mtshan nyid kyi stong pa'i chos rnams bshad par bya'o/ /bstan par bya'o/ /des ni de thos na mi 'jigs mi dngang skrag par myi 'gyur te/ rab 'byor byang chub sems dpa' sems dpa' chen pos rjes su yi rang ba dang ldan pa'i bsod nams bya ba'i dngos po yang bla na med pa yang dag par rdzogs pa'i byang chub tu de ltar yongs su bsngo bar bya'o/ /rab 'byor gyis smras pa/ byams pa sems gang gis rjes su yi rang zhing / dge ba'i rtsa ba de dag bla na med pa yang dag par rdzogs pa'i byang chub tu yongs su bsngo bar bya ba'i sems de ni zad cing 'gags la med de rnam par gyur la/ dngos po de dag dang / dmigs pa de dag dang / dge ba'i rtsa ba de dag kyang zad cing 'gags la med de rnam par gyur na/ rjes su yi rang ba dang ldan pa'i sems de ni gang zhig /dngos po de dag ni gang zhig /dmigs pa de dag ni gang zhig dge ba'i rtsa ba de dag ni gang zhig /bla na med pa yang dag par rdzogs pa'i byang chub tu yongs su bsngo bar bya/ ci sems kyis sems yongs su bsngo 'am/ de ltar sems kyis sems yongs su bsngo na ni/ sems gnyis 'phrad par 'gyur ba med de/ sems kyi rang bzhin gang yin pa de yang yongs su bsngo bar mi nus so/ /gal te byang chub sems dpa' sems dpa' chen po shes rab kyi pha rol du phyin pa la spyod pa'i tshe/ 'di ltar shes rab kyi pha rol du phyin pa ni dngos po med pa'o/ /bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa ni dngos</font><hr>31.235a<br><font size=+1>

po med pa'o/ /nang stong pa nyid dang / dngos po med pa'i ngo bo nyid stong pa nyid kyi bar ni dngos po med pa'o/ /dran pa nye bar gzhag pa rnams dang / yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa ni dngos po med pa'o/ /'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa rnams dang / mthar gyis gnas pa'i snyoms par 'jug pa rnams dang / stong pa nyid dang / mtshan ma med pa dang / smon pa med pa dang / mngon par shes pa rnams ni dngos po med pa'o/ /ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang /[ ]byams pa chen po dang /[ ]snying rje chen po dang / sangs rgyas kyi chos ma 'dres pa bcwa brgyad ni dngos po med pa'o/ /rgyun tu zhugs pa'i 'bras bu dang / lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub dang / thams cad shes pa nyid dang / lam gyi rnam pa shes pa nyid dang / rnam pa thams cad mkhyen pa nyid ni dngos po med pa'o zhes bya bar shes na/ de ltar byang chub sems dpa' sems dpa' chen pos rjes su yi rang ba dang ldan pa'i bsod nams bya ba'i dngos po bla na med pa yang dag par rdzogs pa'i byang chub tu yongs su bsngo bar bya'o/ /gal te de ltar yongs su bsngo na bla na med pa yang dag par rdzogs pa'i byang chub tu yongs su bsngos par 'gyur ro/ /de nas lha'i dbang po brgya byin gyis/ gnas brtan rab 'byor la smras pa/ btsun pa rab 'byor theg pa la gsar du zhugs pa'i byang chub sems dpa' sems dpa' chen pos bstan pa 'di thos na/ 'jigs shing sngang ba 'am/ skrag par mi 'gyur ram btsun pa rab 'byor</font><hr>31.235b<br><font size=+1>

ji ltar theg pa la gsar du zhugs pa'i byang chub sems dpa' sems dpa' chen pos dge ba'i rtsa ba de dag bla na med pa yang dag par rdzogs pa'i byang chub tu yongs su bsngo bar bya/ ji ltar na des rjes su yi rang ba dang ldan pa'i bsod nams bya ba'i dngos po yongs su bzung zhing / bla na med pa yang dag par rdzogs pa'i byang chub tu yongs su bsngos pa ma yin/ de nas tshe dang ldan pa rab 'byor gyis/ byang chub sems dpa' sems dpa' chen po byams pa la dmigs nas/ lha'i dbang po brgya byin la 'di skad ces smras so/ /kau shi ka gal te theg pa la gsar du zhugs pa'i byang chub sems dpa' sems dpa' chen po de shes rab kyi pha rol du phyin pa la spyod cing / shes rab kyi pha rol du phyin pa de yang mi dmigs pa'i tshul dang / mtshan ma med pa'i tshul gyis 'dzin par byed/ bsam gtan gyi pha rol du phyin pa dang / /brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa la spyod cing sbyin pa'i pha rol du phyin pa de yang mi dmigs pa'i tshul dang / mtshan ma med pa'i tshul gyis 'dzin par byed/ nang stong pa nyid la spyod cing / nang stong pa nyid de yang mi dmigs pa'i tshul dang / mtshan ma med pa'i tshul gyis 'dzin par byed/ dngos po med pa'i ngo bo nyid stong pa nyid kyi bar la spyod cing / dngos po med pa'i ngo bo nyid stong pa nyid de yang mi dmigs pa'i tshul dang / mtshan ma med pa'i tshul gyis 'dzin par byed/ dran pa nye bar gzhag pa rnams la spyod cing / dran pa nye bar gzhag pa de dag kyang mi dmigs pa'i tshul dang / mtshan ma med pa'i tshul gyis 'dzin par byed/ yang dag par spong ba dang / rdzu 'phrul gyi rkang pa dang / dbang po dang / stobs dang byang chub kyi yan lag dang / 'phags pa'i lam yan lag brgyad pa la spyod cing / 'phags pa'i lam yan lag brgyad</font><hr>31.236a<br><font size=+1>

pa de yang mi dmigs pa'i tshul dang / mtshan ma med pa'i tshul gyis 'dzin par byed/ 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang /[ ]snying rje chen po dang / sangs rgyas kyi chos ma 'dres pa bcwa brgyad la spyod cing / sangs rgyas kyi chos ma 'dres pa bcwa brgyad po de yang mi dmigs pa'i tshul dang / mtshan ma med pa'i tshul gyis 'dzin par byed/ thams cad shes pa nyid dang / lam gyi rnam pa shes pa nyid dang / rnam pa thams cad mkhyen pa nyid la spyod cing / rnam pa thams cad mkhyen pa nyid de yang mi dmigs pa'i tshul dang / mtshan ma med pa'i tshul gyis 'dzin par byed na/ des shes rab kyi pha rol du phyin pa la mos pa mang ba dang / bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa la mos pa mang ba dang / nang stong pa nyid la mos pa mang ba dang / dngos po med pa'i ngo bo nyid stong pa nyid kyi bar la mos pa mang ba dang / byang chub kyi phyogs kyi chos sum bcu rtsa bdun la mos pa mang ba dang / 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams la mos pa mang ba dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa la mos pa mang ba dang / </font><hr>31.236b<br><font size=+1>

mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad la mos pa mang ba dang / thams cad shes pa nyid dang / lam gyi rnam pa shes pa nyid dang / rnam pa thams cad mkhyen pa nyid la mos pa mang bar 'gyur ro/ /dge ba'i bshes gnyen gyis yongs su zin par 'gyur ro/ /dge ba'i bshes gnyen de dag kyang pha rol du phyin pa drug po 'di dag don dang ldan yi ge dang ldan par ston par 'gyur te/ de yang byang chub sems dpa'i skyon med par chud kyi bar du/ ci nas kyang shes rab kyi pha rol du phyin pa dang bral bar mi 'gyur ba de ltar ston to/ /bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa dang bral bar mi 'gyur ba de ltar ston to/ /stong pa nyid thams cad dang / byang chub kyi phyogs kyi chos sum bcu rtsa bdun dang / 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa lnga dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang /[ ]byams pa chen po dang /[ ]snying rje chen po dang / sangs rgyas kyi chos ma 'dres pa bcwa brgyad dang bral bar mi 'gyur ba de ltar ston to/ /de la bdud kyi las rnams kyang ston par 'gyur ro/ /des bdud kyi las de dag thos nas 'grib pa 'am/ 'phel ba</font><hr>31.237a<br><font size=+1>

med par 'gyur ro/ /de ci'i phyir zhe na/ de ni 'di ltar bdud kyi las de dag la ngo bo nyid med do/ /de ni byang chub sems dpa'i skyon med par chud kyi bar du/ sangs rgyas bcom ldan 'das rnams dang bral bar mi 'gyur te/ de dag la yang dge ba'i rtsa ba bskyed par 'gyur ro/ /dge ba'i rtsa ba de dag gis kyang byang chub sems dpa'i rigs yongs su 'dzin par 'gyur ro/ /byang chub sems dpa'i rigs de dag yang bla na med pa yang dag par rdzogs pa'i byang chub mngon par rdzogs par sangs rgyas kyi bar du nam yang bral bar mi 'gyur ro/ /kau shi ka gzhan yang byang chub sems dpa' sems dpa' chen po theg pa la gsar du zhugs pa'i/ shar phyogs dang / lho phyogs dang / nub phyogs dang / byang phyogs dang / byang shar dang / shar lho dang / lho nub dang / nub byang dang / 'og dang / steng gi phyogs kyi phyogs re re zhing 'jig rten gyi khams grangs med tshad med pa dag na/ de bzhin gshegs pa dgra bcom pa yang dag par rdzogs pa'i sangs rgyas tshad med grangs med pa bzhugs shing 'tsho skyong ba dang / chos ston pa'i sangs rgyas bcom ldan 'das spros pa'i tshul chad par gyur pa/ tshig gi lam nyams pa mi mnga' ba/ khur bor ba/ grong gi tsher ma rab tu bsal ba/ srid pa kun du sbyor ba yongs su chad pa/ yang dag par yongs su mkhyen pas/ thugs shin du rnam par grol ba'i sangs rgyas bcom ldan 'das nyan thos kyi dge 'dun dang bcas pa de dag gis bsod nams mngon par 'du mdzad pa dang / de dag du rgyal rigs che zhing mtho ba 'am/ bram ze'i rigs che zhing mtho ba 'am/ khyim bdag gi rigs che zhing mtho ba 'am/ rgyal chen bzhi'i ris kyi lha 'am/ sum bcu rtsa gsum 'am/ mtshe ma 'am/ dga' ldan nam 'phrul dga' 'am/ gzhan 'phrul dbang byed dam/ tshangs ris sam/ tshangs lha nye phan nam/ tshangs pa kun 'khor tam/ tshangs chen nam/ snang ba 'am/ chung snang ngam/ tshad med snang ba 'am/ kun snang</font><hr>31.237b<br><font size=+1>

dang ba 'am/ dge ba 'am/ chung dge 'am/ tshad med dge ba 'am/ dge rgyas sam/ che ba 'am/ chung che 'am/ tshad med che ba 'am/ 'bras bu che ba 'am/ mi che ba 'am/ mi gdung ba 'am/ shin tu mthong ba 'am/ gya nom snang ba 'am/ 'og myin gyi lha rnams sam/ sus kyang rung ste/ dge ba'i rtsa ba ji snyed cig bskyed pa de dag thams cad mngon par bsdus te gcig tu brtul nas tshad bzung ste/ rjes su yi rang ba'i rab dam pa/ mchog phul/ gtso bo gya nom pa bla na med pa/ gong na med pa/ mnyam pa med pa/ mi mnyam pa dang mnyam pas rjes su yi rang bar byas te/ rjes su yi rang bar byas nas kyang / sems can thams cad dang thun mong du byas te/ bla na med pa yang dag par rdzogs pa'i byang chub tu yongs su bsngo bar bya'o/ /de nas byang chub sems dpa' sems dpa' chen po byams pas/ tshe dang ldan pa rab 'byor la 'di skad ces smras so/ /gal te theg pa la gsar du zhugs pa'i byang chub sems dpa' sems dpa' chen po de/ sangs rgyas bcom ldan 'das de dag dang / sangs rgyas bcom ldan 'das de dag gi nyan thos kyi dge 'dun rnams kyi dge ba'i rtsa ba de dag thams cad la sems shing bsams nas/ rjes su yi rang ba'i rab dam pa/ mchog phul gtso bo gya nom pa/ bla na med pa/ gong na med pa/ mnyam pa med pa/ mi mnyam pa dang mnyam pas rjes su yi rang ba dang / bla na med pa yang dag par rdzogs pa'i byang chub tu yongs su bsngo bar byed na/ ji ltar byang chub sems dpa' sems dpa' chen po 'du shes phyin ci log tu mi 'gyur ba yin/ sems phyin ci log tu mi 'gyur ba yin/ lta ba phyin ci log tu mi 'gyur ba yin/ rab 'byor gyis smras pa/ byams pa gal te byang chub sems dpa' sems dpa' chen po de/ sangs rgyas bcom ldan 'das nyan thos dang bcas pa de dag la sems kyang / de la sangs rgyas su 'du shes par mi 'gyur/ nyan thos su 'du shes par mi 'gyur/ dge ba'i rtsa bar 'du shes par mi 'gyur zhing / sems gang</font><hr>31.238a<br><font size=+1>

gis yongs su bsngo ba'i sems de la yang sems kyi 'du shes su mi 'gyur na/ de ltar yongs su bsngo ba'i byang chub sems dpa' sems dpa' chen po la 'du shes phyin ci log tu 'gyur ba med do/ /sems phyin ci log tu 'gyur ba med do/ /lta ba phyin ci log tu 'gyur ba med do/ /gal te byang chub sems dpa' sems dpa' chen po de/ sangs rgyas bcom ldan 'das nyan thos dang bcas pa de dag dang / dge ba'i rtsa ba de dag la sems shing / mtshan mar 'dzin la mtshan mar bzung nas/ bla na med pa yang dag par rdzogs pa'i byang chub tu yongs su bsngo na/ de ni byang chub sems dpa' sems dpa' chen po'i 'du shes phyin ci log tu 'gyur ro/ /sems phyin ci log tu 'gyur ro/ /lta ba phyin ci log tu 'gyur ro/ /gal te byang chub sems dpa' sems dpa' chen po de sems gang gis/ sangs rgyas bcom ldan 'das nyan thos dang bcas pa de dag dang / dge ba'i rtsa ba de dag la sems pa'i sems de la yang dag par sems shing / 'di ltar zad pa la zad ces bya bar shes la/ gang zad pa des yongs su bsngo bar mi nus te/ sems gang gis yongs su bsngo ba'i sems de nyid kyi chos nyid kyang de yin la/ chos gang la yongs su bsngo ba'i chos de'i chos nyid kyang de yin no zhes/ gal te de ltar yongs su bsngo na/ yang dag par yongs su bsngo ba ste log pa ma yin no/ /de ltar byang chub sems dpa' sems dpa' chen pos dge ba'i rtsa ba rnams yongs su bsngo bar bya'o/ /gal te byang chub sems dpa' sems dpa' chen pos 'das pa dang / ma byon pa dang / da ltar byung ba'i sangs rgyas bcom ldan 'das rnams kyi thugs dang po bskyed pa nas/ dam pa'i chos gnas pa'i bar gyi dge ba'i rtsa ba gang ji snyed pa dang / nyan thos dang / rang sangs rgyas de dag gi dge ba'i rtsa ba gang ji snyed pa dang / de dag tu so so'i skye bo mang pos dge ba'i rtsa ba gang ji snyed cig bskyed pa dang / chos bstan pa gang ji snyed cig thos pa dang / de dag tu lha dang / klu</font><hr>31.238b<br><font size=+1>

dang gnod sbyin dang dri za dang lha ma yin dang / nam mkha' lding dang / mi'am ci dang / lto 'phye chen po dag gis dge ba'i rtsa ba gang ji snyed cig bskyed pa dang / rgyal rigs che zhing mtho ba rnams sam/ bram ze'i rigs che zhing mtho ba rnams sam/ khyim bdag gi rigs che zhing mtho ba rnams sam/ rgyal chen bzhi'i ris kyi lha rnams sam/ 'og min gyi bar gyi lha rnams kyis dge ba'i rtsa ba gang ji snyed cig bskyed pa dang / dam pa'i chos ji snyed cig thos te/ bla na med pa yang dag par rdzogs pa'i byang chub tu sems bskyed pa de dag thams cad mngon par bsdus te/ gcig tu brtul nas tshad bzung ste/ rjes su yi rang ba'i rab/ mchog phul/ dam pa/ gya nom pa/ bla na med pa/ gong na med pa/ mnyam pa med pa/ mi mnyam pas rjes su yi rang nas/ de thams cad bla na med pa yang dag par rdzogs pa'i byang chub tu yongs su bsngo zhing / gal te 'di ltar chos de dag ni zad do/ /'gags so/ /med do/ /rnam par gyur to/ /gang la yongs su bsngo ba'i sems de yang rang bzhin gyis stong pa'o zhes/ gal te de ltar yongs su bsngo na/ bla na med pa yang dag par rdzogs pa'i byang chub tu yongs su bsngos pa yin no/ /gal te 'di ltar chos kyis chos yongs su bsngo bar mi bya ste/ de ci'i phyir zhe na/ de ni 'di ltar chos thams cad rang bzhin gyis stong ngo zhes bya bar shes la/ gal te de ltar yongs su bsngo na/ bla na med pa yang dag par rdzogs pa'i byang chub tu yongs su bsngos pa de dag ni de ltar na/ byang chub byang chub sems dpa' sems dpa' chen po shes rab kyi pha rol du phyin pa la spyod pa dang / bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa la spyod pa'i tshe/ 'du shes phyin ci log tu mi 'gyur ro/ /sems phyin ci log tu mi 'gyur ro/ /lta ba phyin ci log tu mi 'gyur ro/ /de ci'i phyir zhe na/ de ni 'di ltar byang chub sems</font><hr>31.239a<br><font size=+1>

dpa' sems dpa' chen po de yongs su bsngo ba la mngon par chags pa med do/ /dge ba'i rtsa ba de dag la yang mngon par chags pa med do/ /byang chub de yang yang dag par rjes su mi mthong ngo / /gang la chags par 'gyur ba'i byang chub kyi sems de yang yang dag par rjes su mi mthong ste/ 'di ni byang chub sems dpa' sems dpa' chen po'i yongs su bsngo ba bla na med pa'o/[ ]/gal te byang chub sems dpa' sems dpa' chen pos bsod nams bya ba'i dngos po mngon par 'du bya ba de phung po dang / khams dang / skye mched rnams dben par shes te/ shes rab kyi pha rol du phyin pas dben par shes/ bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pas dben par shes/ nang stong pa nyid kyis dben par shes/ dngos po med pa'i ngo bo nyid stong pa nyid kyi bar gyis dben par shes/ byang chub kyi phyogs kyi chos sum bcu rtsa bdun gyis dben par shes/ 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar kyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa dang / mngon par shes pa dang / ting nge 'dzin dang / gzungs kyi sgo rnams kyis dben par shes/ de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad kyis dben par shes na/ rab 'byor de ltar byang chub sems dpa' sems dpa' chen pos bsod nams bya ba'i dngos po mngon par 'du bya ba de/ bla na med pa yang dag par rdzogs</font><hr>31.239b<br><font size=+1>

pa'i byang chub tu yongs su bsngos pa yin no/ /gal te de byang chub sems dpa' sems dpa' chen pos rjes su yi rang ba dang ldan pa'i bsod nams bya ba'i dngos po mngon par 'du bya ba de/ rjes su yi rang ba dang ldan pa'i bsod nams bya ba'i dngos po mngon par 'du bya ba de nyid kyi ngo bo nyid kyis dben par shes te/ sangs rgyas bcom ldan 'das de dag ni sangs rgyas kyi ngo bo nyid kyis dben no/ /dge ba'i rtsa ba de dag ni dge ba'i rtsa ba'i ngo bo nyid kyis dben no/ /mngon par 'du bya ba de dag ni mngon par 'du bya ba'i ngo bo nyid kyis dben no/ /byang chub kyi sems de ni byang chub kyi sems kyi ngo bo nyid kyis dben no/ /yongs su bsngo ba ni yongs su bsngo ba'i ngo bo nyid kyis dben no/ /byang chub ni byang chub kyi ngo bo nyid kyis dben no/ /shes rab kyi pha rol du phyin pa ni shes rab kyi pha rol du phyin pa'i ngo bo nyid kyis dben no/ /bsam gtan gyi pha rol du phyin pa ni bsam gtan gyi pha rol du phyin pa'i ngo bo nyid kyis dben no/ /brtson 'grus kyi pha rol du phyin pa ni brtson 'grus kyi pha rol du phyin pa'i ngo bo nyid kyis dben no/ /bzod pa'i pha rol du phyin pa ni bzod pa'i pha rol du phyin pa'i ngo bo nyid kyis dben no/ /tshul khrims kyi pha rol du phyin pa ni tshul khrims kyi pha rol du phyin pa'i ngo bo nyid kyis dben no/ /sbyin pa'i pha rol du phyin pa ni sbyin pa'i pha rol du phyin pa'i ngo bo nyid kyis dben no/ /nang stong pa nyid ni nang stong pa nyid kyi ngo bo nyid kyis dben no/ /phyi stong pa nyid ni phyi stong pa nyid kyi ngo bo nyid kyis dben no/ /phyi nang stong pa nyid ni phyi nang stong pa nyid kyi ngo bo nyid kyis dben no/ /dngos po med pa'i ngo bo nyid stong pa nyid kyi bar ni/ dngos po med pa'i ngo bo nyid stong pa nyid kyi bar gyi ngo bo nyid kyis dben no/ /byang chub kyi phyogs kyi chos sum bcu rtsa bdun ni/ byang chub kyi phyogs kyi chos sum bcu rtsa bdun gyi</font><hr>31.240a<br><font size=+1>

ngo bo nyid kyis dben no/ /'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams ni gzungs kyi sgo rnams kyi ngo bo nyid kyis dben no/ /de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa rnams ni sangs rgyas kyi chos ma 'dres pa rnams kyi ngo bo nyid kyis dben no zhes bya bar shes na/ byang chub sems dpa' sems dpa' chen po des dben pa'i shes rab kyi pha rol du phyin pa la de ltar spyad par bya ste/ 'di ni byang chub sems dpa' sems dpa' chen po'i shes rab kyi pha rol du phyin pa'o/ /gzhan yang byang chub sems dpa' sems dpa' chen pos sangs rgyas bcom ldan 'das nyan thos kyi dge 'dun dang bcas pa yongs su mya ngan las 'das pa de dag gi dge ba'i rtsa ba de dag yongs su bsngo na/ 'di ltar yongs su bsngo bar bya ste/ sangs rgyas bcom ldan 'das de dag ji ltar yongs su mya ngan las 'das pa de bzhin du/ dge ba'i rtsa ba 'di dag kyang yongs su mya ngan las 'das pa ste/ dge ba'i rtsa ba de dag ji lta ba bzhin du yongs su bsngo ba 'di yang yongs su mya ngan las 'das pa'o/ /sems gang gis bsngo ba'i sems de yang de dang tshul 'thun te/ de'i ngo bo nyid do zhes/ gal te de ltar shes na/ bla na med pa yang dag par rdzogs pa'i byang chub tu yongs su bsngos pa yin te/ de ltar yongs su bsngo na/ 'du shes phyin ci log tu mi 'gyur ro/ /sems phyin ci log tu mi 'gyur ro/ /lta ba phyin ci log tu mi 'gyur ro/ /gal te byang chub sems dpa' sems dpa'</font><hr>31.240b<br><font size=+1>

chen po shes rab kyi pha rol du phyin pa la spyod pa'i tshe/ mtshan ma'i tshul gyis sangs rgyas bcom ldan 'das de dag gi dge ba'i rtsa ba de dag yongs su shes na/ bla na med pa yang dag par rdzogs pa'i byang chub tu yongs su bsngo ba ma yin no/ /'das pa'i sangs rgyas bcom ldan 'das ji snyed pa de dag kyang mtshan ma ma yin/ mtshan ma'i yul ma yin no/ /des gal te de ltar sems na yang mtshan mar byed pa yin gyis/ dge ba'i rtsa ba de dag bla na med pa yang dag par rdzogs pa'i byang chub tu yongs su bsngo ba ma yin te/ de ltar na de'i 'du shes phyin ci log tu 'gyur ro/ /sems phyin ci log tu 'gyur ro/ /lta ba phyin ci log tu 'gyur ro/ /gal te byang chub sems dpa' sems dpa' chen pos/ sangs rgyas bcom ldan 'das de dag dang / dge ba'i rtsa ba de dag dang mngon par 'du bya ba de dag dang / sems bskyed pa de dag yongs su shes pa med cing mtshan mar mi byed na/ dge ba'i rtsa ba de dag bla na med pa yang dag par rdzogs pa'i byang chub tu yongs su bsngo ba yin te/ de ltar na byang chub sems dpa' sems dpa' chen po'i 'du shes phyin ci log tu mi 'gyur ro/ /sems phyin ci log tu mi 'gyur ro/ /lta ba phyin ci log tu mi 'gyur ro/ /byams pas smras pa/ btsun pa rab 'byor ji ltar na byang chub sems dpa' sems dpa' chen pos dge ba'i rtsa ba de dag la mtshan mar mi byed cing / bla na med pa yang dag par rdzogs pa'i byang chub tu yongs su bsngo ba yin/ rab 'byor gyis smras pa/ byang chub sems dpa' sems dpa' chen pos shes rab kyi pha rol du phyin pa 'di la thabs mkhas pa de dag bslab par bya ste/ shes rab kyi pha rol du phyin pa las byang chub sems dpa' sems dpa' chen po'i thabs mkhas pa rig par bya'o/ /shes rab kyi pha rol du phyin pa la ma rten par bsod nams bya ba'i dngos po yongs su bsngo bar mi nus so/ /byams pas smras pa/ sangs rgyas bcom ldan 'das de dag kyang shes</font><hr>31.241a<br><font size=+1>

rab kyi pha rol du phyin pa la med de mi dmigs so zhes bya ba dang / dge ba'i rtsa ba de dag dang / mngon par 'du bya ba de dag dang / gang gis bla na med pa yang dag par rdzogs pa'i byang chub tu yongs su bsngo ba'i sems bskyed pa de dag kyang med de mi dmigs so zhes bya ba 'di skyon du smos par mi 'gyur ram snyam na/ de la byang chub sems dpa' sems dpa' chen pos shes rab kyi pha rol du phyin pa la spyod pa'i tshe/ 'di ltar yongs su brtag par bya ste/ bdag gi lus de dag kyang 'gags par gyur/ dge ba'i rtsa ba de dag dang / mngon par 'du bya ba de dag dang / sems bskyed pa de dag kyang 'gags par gyur na/ bdag ni sangs rgyas bcom ldan 'das de dag dang / dge ba'i rtsa ba de dag dang / mngon par 'du bya ba de dag dang / sems bskyed pa de dag la mtshan mar byas shing rnam par rtog pa lta/ de bzhin gshegs pa dgra bcom pa yang dag par rdzogs pa'i sangs rgyas rnams kyis ni/ de ltar mtshan ma'i tshul gyis yongs su bsngo ba la rjes su dgyes pa dang / mngon par bsngags pa ma mdzad do/ /de ci'i phyir zhe na/ de ltar sangs rgyas bcom ldan 'das yongs su mya ngan las 'das pa rnams mtshan mar byas shing / rnam par brtags te dmigs pa ni/ de'i dmigs pa chen por 'gyur te/ de bas na byang chub sems dpa' sems dpa' chen po dge ba'i rtsa ba de dag yongs su bsngo bar 'dod pas/ mi dmigs shing mtshan ma med par byas te yongs su bsngo bar bya'o/ /de bzhin gshegs pa dgra bcom pa yang dag par rdzogs pa'i sangs rgyas rnams kyis ni dmigs pa'i 'du shes can dang / mtshan ma'i 'du shes can gyi yongs su bsngo ba de ni don che bar ma gsungs so/ /de ci'i phyir zhe na/ yongs su bsngo ba de ni dug can zug rngu can te/ 'di lta ste dper na kha zas bsod pa/ kha dog phun sum tshogs pa/ dri phun sum tshogs pa zhig yod kyang dug</font><hr>31.241b<br><font size=+1>

dang 'dres par gyur na/ kha dog dang dri dang / ro yid du 'ong ba yang yin mod kyi 'on kyang dug can du zad na/ de la skyes bu byis pa'i ngang tshul can/ shes rab 'chal pa'i ngang tshul can ni bza' bar sems te/ des de zos na yang kha dog dang / dri dang / ro zhim par tshor mod kyi/ sdug bsngal dang / sdug bsngal gyi rnam par smin par 'gyur ro/ /de bzhin du 'di la log par rig pa dang / log par shes pa dang / log par bslabs pa las don ma rtogs mi shes shing 'di skad du ston te/ tshur rigs kyi bu khyod kyis 'das pa dang / ma byon pa dang / da ltar byung ba'i sangs rgyas bcom ldan 'das rnams kyi thugs dang po bskyed pa nas nye bar bzung ste/ bla na med pa yang dag par rdzogs pa'i byang chub tu mngon par rdzogs par sangs rgyas kyi bar dang / phung po ma lus pa'i mya ngan las 'das pa'i dbyings su yongs su mya ngan las 'das kyi bar dang / dam pa'i chos nub par ma gyur gyi bar du shes rab kyi pha rol du phyin pa la spyod de/ dge ba'i rtsa ba gang ji snyed cig mngon par 'du mdzad par gyur pa dang / bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa la spyad de/ dge ba'i rtsa ba gang ji snyed cig mngon par 'du mdzad par gyur pa dang / mngon par 'du mdzad pa dang / mngon par 'du mdzad par 'gyur ba dang bsam gtan bzhi la bsgoms pa dang / tshad med pa bzhi dang / gzugs med pa'i snyoms par 'jug pa bzhi dang / mngon par shes pa lnga dang / byang chub kyi phyogs kyi chos sum bcu rtsa bdun dang / 'phags pa'i bden pa bzhi dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / ting nge 'dzin dang / gzungs kyi sgo rnams dang / de bzhin gshegs pa'i stobs bcu dang / </font><hr>31.242a<br><font size=+1>

mi 'jigs pa bzhi dang / so so yang dag par rig pa bzhi dang / byams pa chen po dang /[ ]snying rje chen po dang / sangs rgyas kyi chos ma 'dres pa bcwa brgyad la bsgoms te/ dge ba'i rtsa ba gang ji snyed cig mngon par 'du mdzad par gyur pa dang / mngon par 'du mdzad pa dang / mngon par 'du mdzad par 'gyur ba dang / dge ba'i rtsa ba mngon par 'du mdzad pa gang dag gis/ sangs rgyas kyi zhing mang po yongs su dag par gyur pa dang / yongs su dag pa dang / yongs su dag par 'gyur ba dang / sems can mang po yongs su smin par mdzad par gyur pa dang / yongs su smin par mdzad pa dang / yongs su smin par mdzad par 'gyur ba dang / sangs rgyas bcom ldan 'das de dag gi tshul khrims kyi phung po dang / ting nge 'dzin gyi phung po dang / shes rab kyi phung po dang / rnam par grol ba'i phung po dang / rnam par grol ba'i ye shes gzigs pa'i phung po dang / rnam pa thams cad mkhyen pa nyid kyi ye shes dang / mi nyam pa'i chos nyid dang / rtag tu btang snyoms su gnas pa dang / nyan thos de dag gi dge ba'i rtsa ba zag pa med pa rnams dang / gang gis der dge ba'i rtsa ba de dag la rjes su yi rang bar gyur pa dang / rjes su yi rang ba dang / rjes su yi rang bar 'gyur ba dang / sangs rgyas bcom ldan 'das de dag gis rang sangs rgyas rnams lung bstan par gyur pa dang / lung bstan pa dang / lung bstan par 'gyur ba dang / der lha dang / klu dang gnod sbyin dang / dri za dang lha ma yin dang nam mkha' lding dang mi 'am ci dang / lto 'phye chen po dag gis dge ba'i rtsa ba bskyed par gyur pa dang / bskyed pa dang / bskyed par gyur ba de dag thams cad mngon par bsdus te/ gcig tu brtul la tshad bzung ste/ bla na med pa yang dag par rdzogs pa'i byang chub tu yongs su bsngos shig ces bya bar ston te/ de ltar bsngo ba des mtshan ma'i tshul dang dmigs pa'i tshul gyis yongs su bsngos na/ dug du 'gyur ba yin no/ /'di lta ste dper na/ zas dug</font><hr>31.242b<br><font size=+1>

can de dang 'dra bar dmigs pa'i 'du shes can la yongs su bsngo ba med do/ /de ci'i phyir zhe na/ dmigs pa ni dug dang bcas pa ste/ mtshan ma dang bcas pa/ rgyu dang bcas pa/ rkyen dang bcas pa ste/ de de ltar yongs su bsngos na/ de bzhin gshegs pa la skur par 'gyur/ de bzhin gshegs pas gsungs pa bzhin du smra ba yang ma yin/ chos bzhin du smra ba yang ma yin par 'gyur te/ de la byang chub sems dpa'i theg pa pa'i rigs kyi bu 'am/ rigs kyi bu mos ji ltar na 'das pa dang / ma byon pa dang / da ltar byung ba'i sangs rgyas bcom ldan 'das rnams kyi dge ba'i rtsa ba rnams la rjes su yi rang ste/ yongs su bsngo bar bya/ ji ltar na phyogs bcu'i 'jig rten gyi khams thams cad kyi 'das pa dang / ma byon pa dang / da ltar byung ba'i sangs rgyas bcom ldan 'das rnams kyis thugs dang po bskyed pa nas nye bar bzung ste/ bla na med pa yang dag par rdzogs pa'i byang chub tu mngon par rdzogs par sangs rgyas kyi bar dang / phung po ma lus pa'i mya ngan las 'das pa'i dbyings su yongs su mya ngan las 'das pa'i bar dang / dam pa'i chos nub par ma gyur gyi bar du shes rab kyi pha rol du phyin pa la spyod de/ dge ba'i rtsa ba gang ji snyed cig mngon par 'du mdzad par gyur pa dang / mngon par 'du mdzad pa dang / mngon par 'du mdzad par 'gyur ba dang / bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa la spyod de/ dge ba'i rtsa ba gang ji snyed cig mngon par 'du mdzad par gyur pa dang / mngon par 'du mdzad pa dang / mngon par 'du mdzad par 'gyur ba dang / bsam gtan bzhi la bsgoms pa dang / tshad med pa bzhi dang / gzugs med pa'i snyoms par 'jug pa bzhi dang / mngon par shes pa lnga dang / byang chub kyi phyogs kyi chos sum bcu rtsa bdun dang / 'phags pa'i bden pa bzhi dang / rnam par</font><hr>31.243a<br><font size=+1>

thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad la bsgoms te/ dge ba'i rtsa ba gang ji snyed cig mngon par 'du mdzad par gyur pa dang / mngon par 'du mdzad pa dang / mngon par 'du mdzad par 'gyur ba dang / dge ba'i rtsa ba mngon par 'du mdzad pa gang dag gis/ sangs rgyas kyi zhing mang po yongs su dag par gyur pa dang / yongs su dag pa dang / yongs su dag par 'gyur ba dang / sems can mang po yongs su smin par mdzad par gyur pa dang / yongs su smin par mdzad pa dang / yongs su smin par mdzad par 'gyur ba dang / sangs rgyas bcom ldan 'das de dag gi tshul khrims kyi phung po dang / ting nge 'dzin gyi phung po dang / shes rab kyi phung po dang / rnam par grol ba'i phung po dang / rnam par grol ba'i ye shes gzigs pa'i phung po dang / rnam pa thams cad mkhyen pa nyid kyi ye shes dang / mi nyam pa'i chos nyid dang / rtag tu btang snyoms su gnas pa dang / nyan thos de dag gi dge ba'i rtsa ba zag pa med pa rnams dang / gang gis der dge ba'i rtsa ba de dag la rjes su yi rang bar gyur pa dang / rjes su yi rang ba dang / rjes su yi rang bar 'gyur ba dang / sangs rgyas bcom ldan 'das de dag gis/ rang sangs rgyas rnams lung bstan par gyur pa dang / lung bstan pa dang / lung bstan par 'gyur ba dang / de ltar lha dang klu dang gnod sbyin dang dri za dang lha ma yin dang / nam mkha' lding dang / mi 'am ci dang lto 'phye chen po de dag gis dge ba'i rtsa ba bskyed par gyur pa dang / bskyed pa dang / skyed par 'gyur ba rnams la rjes su yi rang ste/ yongs su bsngos na dge ba'i rtsa ba de dag</font><hr>31.243b<br><font size=+1>

bla na med pa yang dag par rdzogs pa'i byang chub tu yongs su bsngos par 'gyur ba snyam du bslab par mi bya'o/ /rab 'byor gyis smras pa/ byams pa 'di la byang chub sems dpa'i theg pa pa'i rigs kyi bu 'am/ rigs kyi bu mo shes rab kyi pha rol du phyin pa la spyod pa/ de bzhin gshegs pa la skur par 'gyur ba med par 'dod pas/ 'di ltar yongs su bsngo bar bya ste/ ji ltar de bzhin gshegs pa dgra bcom pa yang dag par rdzogs pa'i sangs rgyas de dag gis sangs rgyas kyi ye shes bla na med pas/ dge ba'i rtsa ba de dag gi ngang tshul gang yin pa dang / rang bzhin gang yin pa dang / mtshan nyid gang yin pa thugs su chud de/ mkhyen la rab tu mkhyen cing chos nyid gang gis yod pa de bzhin du/ bdag gis rjes su yi rang bar bya'o/ /ji ltar sangs rgyas bcom ldan 'das de dag gis thugs su chud pa de bzhin du/ bdag gis bla na med pa yang dag par rdzogs pa'i byang chub tu yongs su bsngo'o zhes/ de ltar byang chub sems dpa'i theg pa pa'i rigs kyi bu 'am rigs kyi bu mos/ dge ba'i rtsa ba de dag bla na med pa yang dag par rdzogs pa'i byang chub tu yongs su bsngo bar bya ste/ de ltar yongs su bsngos na/ de bzhin gshegs pa la skur bar mi 'gyur/ de bzhin gshegs pas gsungs pa bzhin du smra ba dang / chos bzhin du smra bar 'gyur ro/ /de ltar spyod pa'i byang chub sems dpa' sems dpa' chen po'i yongs su bsngo ba de dug med cing bdud rtsi'i mthar phyin par 'gyur ro/ /gzhan yang byang chub sems dpa'i theg pa pa'i rigs kyi bu 'am/ rigs kyi bu mo shes rab kyi pha rol du phyin pa la spyod pa'i tshe/ dge ba'i rtsa ba rnams 'di ltar yongs su bsngo bar bya ste/ ji ltar gzugs 'dod pa'i khams dang / gzugs kyi khams dang / gzugs med pa'i khams kyi khongs su chud pa ma yin te/ gang khongs su chud pa ma yin pa de ni 'das pa yang ma yin/ ma 'ongs pa yang ma yin/ da ltar byung ba yang ma yin no/ /  </font><hr>31.244a<br><font size=+1>

tshor ba dang 'du shes dang / 'du byed dang / rnam par shes pa 'dod pa'i khams dang / gzugs kyi khams dang / gzugs med pa'i khams kyi khongs su chud pa ma yin te/ gang khongs su chud pa ma yin pa de ni 'das pa yang ma yin/ ma 'ongs pa yang ma yin/ da ltar byung ba yang ma yin no/ /skye mched rnams dang / khams rnams dang / rten cing 'brel bar 'byung ba 'dod pa'i khams dang / gzugs kyi khams dang / gzugs med pa'i khams kyi khongs su chud pa ma yin te/ gang khongs su chud pa ma yin pa de ni 'das pa yang ma yin/ ma 'ongs pa yang ma yin/ da ltar byung ba yang ma yin no/ /shes rab kyi phyin pa 'dod pa'i khams dang / gzugs kyi khams dang / gzugs med pa'i khams kyi khongs su chud pa ma yin te/ gang khongs su chud pa ma yin pa de ni 'das pa yang ma yin/ ma 'ongs pa yang ma yin/ da ltar byung ba yang ma yin no/ /bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa 'dod pa'i khams dang / gzugs kyi khams dang / gzugs med pa'i khams kyi khongs su chud pa ma yin te/ gang khongs su chud pa ma yin pa de ni 'das pa yang ma yin/ ma 'ongs pa yang ma yin/ da ltar byung ba yang ma yin no/ /nang stong pa nyid dang / dngos po med pa'i ngo bo nyid stong pa nyid kyi bar du 'dod pa'i khams dang / gzugs kyi khams dang / gzugs med pa'i khams kyi khongs su chud pa ma yin te/ gang khongs su chud pa ma yin pa de ni 'das pa yang ma yin/ ma 'ongs pa yang ma yin/ da ltar byung ba yang ma yin no/ /byang chub kyi phyogs kyi chos sum bcu rtsa bdun 'dod pa'i khams dang / gzugs kyi khams dang / gzugs med pa'i khams kyi khongs su chud pa ma yin te/ gang khongs</font><hr>31.244b<br><font size=+1>

su chud pa ma yin pa de ni 'das pa yang ma yin/ ma 'ongs pa yang ma yin/ da ltar byung ba yang ma yin no/ /'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar kyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad 'dod pa'i khams dang / gzugs kyi khams dang / gzugs med pa'i khams kyi khongs su chud pa ma yin te/ gang khongs su chud pa ma yin pa de ni 'das pa yang ma yin/ ma 'ongs pa yang ma yin/ da ltar byung ba yang ma yin no/ /de bzhin nyid dang / ma nor ba de bzhin nyid dang / gzhan ma yin pa de bzhin nyid dang / chos nyid dang / chos kyi dbyings dang / chos kyi gnas nyid dang / chos skyon med pa nyid dang / yang dag pa'i mtha' dang / bsam gyis mi khyab pa'i dbyings 'dod pa'i khams dang / gzugs kyi khams dang / gzugs med pa'i khams kyi khongs su chud pa ma yin te/ gang khongs su chud pa ma yin pa de ni 'das pa yang ma yin/ ma 'ongs pa yang ma yin/ da ltar byung ba yang ma yin no/ /tshul khrims dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba dang / rnam pa thams cad mkhyen pa nyid dang / mi nyam pa'i chos nyid dang / rtag tu btang snyoms su gnas pa gang 'dod pa'i khams dang / gzugs kyi khams dang / gzugs med pa'i khams kyi khongs su chud pa ma yin te/ gang khongs su chud pa</font><hr>31.245a<br><font size=+1>

ma yin pa de ni 'das pa yang ma yin/ ma 'ongs pa yang ma yin/ da ltar byung ba yang ma yin no/ /de ci'i phyir zhe na/ 'di ltar de ni khongs su ma chud pa'i phyir te/ de bzhin du yongs su bsngo ba yang khongs su chud pa ma yin te/ gang khongs su chud pa ma yin pa de ni 'das pa yang ma yin/ ma 'ongs pa yang ma yin/ da ltar byung ba yang ma yin no/ /chos gang la yongs su bsngo ba'i chos de yang khongs su chud pa ma yin te/ gang khongs su chud pa ma yin pa de ni 'das pa yang ma yin/ ma 'ongs pa yang ma yin/ da ltar byung ba yang ma yin no/ /gang yongs su bsngo ba de yang khongs su chud pa ma yin te/ gang khongs su chud pa ma yin pa de ni 'das pa yang ma yin/ ma 'ongs pa yang ma yin/ da ltar byung ba yang ma yin no/ /sangs rgyas bcom ldan 'das de dag kyang khongs su chud pa ma yin te/ gang khongs su chud pa ma yin pa de ni 'das pa yang ma yin/ ma 'ongs pa yang ma yin/ da ltar byung ba yang ma yin no/ /sangs rgyas bcom ldan 'das de dag gi dge ba'i rtsa ba de dag kyang khongs su chud pa ma yin pa de ni 'das pa yang ma yin/ ma 'ongs pa yang ma yin/ da ltar byung ba yang ma yin no/ /nyan thos de dag dang / rang sangs rgyas de dag kyang khongs su chud pa ma yin/ de dag gis dge ba'i rtsa ba de dag kyang khongs su chud pa ma yin te/ gang khongs su chud pa ma yin pa de ni 'das pa yang ma yin/ ma 'ongs pa yang ma yin/ da ltar byung ba yang ma yin no/ /gal te byang chub sems dpa' sems dpa' chen po shes rab kyi pha rol du phyin pa la spyod pa'i tshe/ de ltar gzugs gang 'dod pa'i khams dang / gzugs kyi khams dang / gzugs med pa'i khams kyi khongs su chud pa ma yin pa de ni 'das pa yang ma yin no/ ma 'ongs pa yang ma yin/ da ltar byung ba yang ma yin te/ de ni mtshan ma'i tshul lam/ dmigs pa'i tshul gyis yongs su bsngo bar mi nus so/ /</font><hr>31.245b<br><font size=+1>

de ci'i phyir zhe na/ de la rang bzhin med do/ /gang la rang bzhin med pa de ni dngos po med pa ste/ dngos po med pa ni dngos po med pas yongs su bsngo bar mi nus so/ /tshor ba dang / 'du shes dang / 'du byed dang / rnam par shes pa gang 'dod pa'i khams dang / gzugs kyi khams dang / gzugs med pa'i khams kyi khongs su chud pa ma yin pa de ni 'das pa yang ma yin/ ma 'ongs pa yang ma yin/ da ltar byung ba yang ma yin te/ de ni mtshan ma'i tshul lam/ dmigs pa'i tshul gyis yongs su bsngo bar mi nus so/ /de ci'i phyir zhe na/ de la rang bzhin med do/ /gang la rang bzhin med pa de ni dngos po med pa ste/ dngos po med pa ni dngos po med pas yongs su bsngo bar mi nus so/ /skye mched dang khams dang rten cing 'brel par 'byung ba dang / sbyin pa'i pha rol du phyin pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa dang / nang stong pa nyid dang / phyi stong pa nyid dang / phyi nang stong pa nyid dang / dngos po med pa'i ngo bo nyid stong pa nyid kyi bar dang / byang chub kyi phyogs kyi chos sum bcu rtsa bdun dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa brgyad dang / mthar kyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad dang / thams cad shes pa nyid dang / lam gyi rnam pa shes pa nyid dang / rnam pa thams cad mkhyen pa nyid dang / mi nyam pa'i chos nyid dang / rtag tu btang snyoms su gnas pa</font><hr>31.246a<br><font size=+1>

gang 'dod pa'i khams dang / gzugs kyi khams dang / gzugs med pa'i khams kyi khongs su chud pa ma yin pa de ni 'das pa yang ma yin/ ma 'ongs pa yang ma yin/ da ltar byung ba yang ma yin te/ de ni mtshan ma'i tshul lam/ dmigs pa'i tshul gyis yongs su bsngo bar mi nus so/ /de ci'i phyir zhe na/ de la rang bzhin med do/ /gang la rang bzhin med pa de ni dngos po med pa ste/ dngos po med pa ni dngos po med pas yongs su bsngo bar mi nus so zhes/ de ltar shes na byang chub sems dpa' sems dpa' chen po ni bsngo ba la dug med pa yin te/ bdud rtsi'i mthar phyin par 'gyur ro/ /byang chub sems dpa'i theg pa pa'i rigs kyi bu 'am rigs kyi bu mo mtshan ma'i tshul lam/ dmigs pa'i tshul gyis dge ba'i rtsa ba de dag yongs su bsngo na/ de ni log par yongs su bsngo ba yin gyi yang dag par yongs su bsngo ba ma yin no/ /log par yongs su bsngo ba ni sangs rgyas bcom ldan 'das rnams kyis mi bsngags pa yin te/ gang sangs rgyas bcom ldan 'das rnams kyis ma bsngags pa'i yongs su bsngo ba des ni/ de'i sbyin pa'i pha rol du phyin pa yongs su rdzogs par mi 'gyur ro/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa yongs su rdzogs par mi 'gyur ro/ /nang stong pa nyid dang / phyi stong pa nyid dang / phyi nang stong pa nyid dang / dngos po med pa'i ngo bo nyid stong pa nyid kyi bar dang / byang chub kyi phyogs kyi chos sum bcu rtsa bdun dang / 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang mtshan ma med pa dang / smon pa med pa dang / mngon par shes pa rnams dang / ting nge 'dzin rnams</font><hr>31.246b<br><font size=+1>

dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad yongs su rdzogs par mi 'gyur ro/ /shes rab kyi pha rol du phyin pa stong phrag nyi shu lnga pa/ bam po sum bcu bdun pa/ pha rol du phyin pa drug yongs su rdzogs par mi 'gyur ba dang / nang stong pa nyid dang / phyi stong pa nyid dang / phyi nang stong pa nyid dang / dngos po med pa'i ngo bo nyid stong pa nyid kyi bar dang / byang chub kyi phyogs kyi chos sum bcu rtsa bdun dang / 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang mtshan ma med pa dang smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad yongs su rdzogs par mi 'gyur ba des ni/ sangs rgyas kyi zhing yongs su dag par mi 'gyur/ sems can rnams yongs su smin par mi 'gyur ro/ /gang gis sangs rgyas kyi zhing yongs su dag par ma gyur pa dang / sems can rnams yongs su smin par ma gyur pa de ni/ bla na med pa yang dag par rdzogs pa'i byang chub tu mngon par rdzogs par 'tshang rgya bar mi 'gyur ro/ /de ci'i phyir zhe na/ de ltar yongs su bsngo ba de ni dug dang bcas pa'i phyir ro/ /gzhan yang byang chub sems dpa' sems dpa' chen pos shes rab kyi pha rol du phyin pa la spyod pa'i tshe/ 'di ltar yongs su brtag par bya ste/ ji ltar sangs rgyas bcom ldan 'das de dag gis chos nyid 'dis dge ba'i rtsa ba de dag yongs su bsngo bar bya ste/ de ltar yongs su bsngos nas yongs su bsngo ba'i rab tu 'gyur</font><hr>31.247a<br><font size=+1>

ro zhes bya bar thugs su chud pa de bzhin du bdag gis kyang chos nyid des bla na med pa yang dag par rdzogs pa'i byang chub tu yongs su bsngo bar bya'o zhes yongs su brtag par bya'o/ /de nas bcom ldan 'das kyis/ tshe dang ldan pa rab 'byor la bka' stsal pa/ rab 'byor legs so/ /legs so/ /rab 'byor de ltar khyod byang chub sems dpa' sems dpa' chen po rnams kyi yongs su bsngo ba'i phung po mtshan ma med pa'i tshul dang / dmigs pa med pa'i tshul dang / skye ba med pa'i tshul dang / 'gags pa med pa'i tshul dang / kun nas nyon mongs pa med pa'i tshul dang / rnam par byang ba med pa'i tshul dang / dngos po med pa'i ngo bo nyid kyi tshul dang / rang gi mtshan nyid stong pa nyid kyi tshul dang / ngo bo nyid stong pa nyid kyi tshul dang / chos kyi dbyings kyi tshul dang / de bzhin nyid kyi tshul dang / gzhan ma yin pa de bzhin nyid kyi tshul gyis ston pa ni/ rab 'byor khyod ston pa'i bya ba byed pa yin no/ /rab 'byor gal te stong gsum gyi stong chen po'i 'jig rten gyi khams 'di'i sems can de dag thams cad dge ba bcu'i las kyi lam thob par gyur/ bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / mngon par shes pa lnga thob par gyur na/ rab 'byor de ji snyam du sems/ sems can de dag gis bsod nams de'i rgyus mang du 'phel lam/ gsol pa/ bcom ldan 'das mang ngo / /bde bar gshegs pa mang ngo / /bcom ldan 'das kyis bka' stsal pa/ rab 'byor de bas kyang / rigs kyi bu 'am rigs kyi bu mo gang dge ba'i rtsa ba rnams chags pa med par yongs su bsngo bas yongs su bsngos pa'i bsod nams ni ches mang du 'phel lo/ /rab 'byor de ltar na rigs kyi bu 'am rigs kyi bu mo de'i dge ba'i rtsa ba yongs su bsngo ba de ni rab zhes bya'o/ /gtso bo zhes bya'o/ /dam pa zhes bya'o/ /phul zhes bya'o/ /mchog ces bya'o/ /gya nom pa zhes bya'o/ /bla na med pa zhes bya'o/ /gong na med pa zhes bya'o/ /rab 'byor gzhan yang stong gsum gyi</font><hr>31.247b<br><font size=+1>

stong chen po'i 'jig rten gyi khams 'di na/ sems can ji snyed cig yod pa de dag thams cad rgyun tu zhugs par gyur/ lan gcig phyir 'ong ba dang / phyir mi 'ong ba dang / dgra bcom par gyur te/ rigs kyi bu 'am rigs kyi bu mo la la zhig gis/ sems can rgyun tu zhugs par gyur pa dang / lan cig phyir 'ong ba dang / phyir mi 'ong ba dang / dgra bcom par gyur pa de dag thams cad la nam 'tsho'i bar du gos dang / bsod snyoms dang / mal cha dang nad kyi rkyen rtsi dang / yo byad mang pos rim gror byas/ bkur stir byas/ sti stang du byas/ mchod par byas na/ rab 'byor de ji snyam du sems/ rigs kyi bu 'am rigs kyi bu mo de'i bsod nams de'i rgyus mang du 'phel lam/ gsol pa/ bcom ldan 'das mang ngo / /bde bar gshegs pa mang ngo / /bcom ldan 'das kyis bka' stsal pa/ rab 'byor de bas kyang rigs kyi bu 'am rigs kyi bu mo gang dge ba'i rtsa ba rnams chags pa med par yongs su bsngo bas/ yongs su bsngo ba'i bsod nams ni ches mang du 'phel lo/ /rab 'byor de ltar na rigs kyi bu 'am rigs kyi bu mo de'i dge ba'i rtsa ba yongs su bsngo ba de ni rab ces bya'o/ /gtso bo zhes bya'o/ /dam pa zhes bya'o/ /phul zhes bya'o/ /mchog ces bya'o/ /gya nom pa zhes bya'o/ /bla na med pa zhes bya'o/ /gong na med pa zhes bya'o/ /rab 'byor gzhan yang stong gsum gyi stong chen po'i 'jig rten gyi khams na/ sems can ji snyed cig yod pa de dag thams cad rang sangs rgyas su gyur te/ de la rigs kyi bu 'am rigs kyi bu mo la la zhig gis gos dang / bsod snyoms dang / mal cha dang nad kyi rkyen rtsi dang / yo byad mang pos rim gror byas/ bkur bstir byas sti stang du byas/ mchod par byas na/ rab 'byor de ji snyam du sems/ rigs kyi bu 'am rigs kyi bu mo de'i bsod nams de'i rgyus mang du 'phel lam/ gsol pa/ bcom ldan 'das mang ngo / /bde bar gshegs pa mang ngo / /bcom ldan 'das kyis bka' stsal pa/ rab 'byor de bas kyang rigs kyi bu 'am rigs kyi bu mo gang dge ba'i rtsa ba</font><hr>31.248a<br><font size=+1>

rnams chags pa med pa'i yongs su bsngo bas yongs su bsngo ba de'i bsod nams ni ches mang du 'phel lo/ /rab 'byor de ltar na rigs kyi bu 'am rigs kyi bu mo de'i dge ba'i rtsa ba yongs su bsngo ba de ni rab ces bya'o/ /gtso bo zhes bya'o/ /dam pa zhes bya'o/ /phul zhes bya'o/ /mchog ces bya'o/ /gya nom pa zhes bya'o/ /bla na med pa zhes bya'o/ /gong na med pa zhes bya'o/ /rab 'byor gzhan yang stong gsum gyi stong chen po'i 'jig rten gyi khams na/ sems can ji snyed cig yod pa de dag thams cad bla na med pa yang dag par rdzogs pa'i byang chub tu yang dag par zhugs par gyur te/ de la shar phyogs kyi 'jig rten gyi khams gang gA'i klung gi bye ma snyed na/ sems can ji snyed cig yod pa de dag thams cad kyis/ byang chub sems dpa' sems dpa' chen po re re la yang gos dang / bsod snyoms dang / mal cha dang / nad kyi rkyen rtsi dang / yo byad mang pos bskal pa gang gA'i klung gi bye ma snyed du rim gror byas/ bkur stir byas/ sti stang du byas/ mchod par byas te/ bde ba'i yo byad thams cad kyis bsnyen bkur byas pa dang / lho dang nub dang byang dang byang shar dang shar lho dang lho nub dang nub byang dang 'og dang steng gi phyogs re re zhing 'jig rten gyi khams gang gA'i klung gi bye ma snyed na/ sems can ji snyed cig yod pa de dag thams cad kyis/ byang chub sems dpa' sems dpa' chen po re re la yang gos dang / bsod snyoms dang / mal cha dang / nad kyi rkyen rtsi dang / yo byad mang pos bskal pa gang gA'i klung gi bye ma snyed du rim gror byas/ bkur stir byas/ sti stang du byas/ mchod par byas te/ bde ba'i yo byad thams cad kyis bsnyen bkur byas na/ rab 'byor de ji snyam du sems/ rigs kyi bu 'am rigs kyi bu mo de dag gi bsod nams de'i rgyus mang du 'phel lam/ gsol pa/ bcom ldan 'das mang ngo / /bde bar gshegs pa mang ngo / /bcom ldan 'das de ni tshad ma mchis/ grangs ma mchis/ dpag tu ma mchis te/ bcom ldan 'das bsod nams bgyi ba'i dngos po</font><hr>31.248b<br><font size=+1>

de'i dpe bgyi bar yang dka'o/ /bcom ldan 'das gal te bsod nams bgyi ba'i dngos po de la/ gzugs mchis su lags na ni/ 'jig rten gyi khams gang gA'i klung gi bye ma snyed du yang shong bar mi 'gyur ro/ /bcom ldan 'das kyis bka' stsal pa/ rab 'byor legs so legs so/ /de de bzhin te/ ji skad du smras pa de bzhin no/ /rab 'byor de bas kyang rigs kyi bu 'am rigs kyi bu mo gang dge ba'i rtsa ba rnams chags pa med pa'i yongs su bsngo bas/ bla na med pa yang dag par rdzogs pa'i byang chub tu yongs su bsngo ba de'i bsod nams ches mang du 'phel te/ rab 'byor de ltar na rigs kyi bu 'am rigs kyi bu mo de'i dge ba'i rtsa ba yongs su bsngo ba 'di ni rab ces bya'o/ /gtso bo zhes bya'o/ /dam pa zhes bya'o/ /phul zhes bya'o/ /mchog ces bya'o/ /gya nom pa zhes bya'o/ /bla na med pa zhes bya'o/ /gong na med pa zhes bya'o/ /rab 'byor chags pa med pa'i yongs su bsngo ba 'di la dge ba'i rtsa ba snga ma des brgya'i char yang nye bar mi 'gro'o/ /stong gi cha dang brgya stong gi cha dang / bye ba brgya'i cha dang / bye ba stong gi cha dang / bye ba brgya stong gi cha dang / bye ba khrag khrig brgya stong gi cha dang / grangs dang cha dang bgrang ba dang dpe dang / rgyur yang mi bzod do/ /de ci'i phyir zhe na/ de ni 'di ltar rigs kyi bu 'am rigs kyi bu mo gang dge ba bcu'i las kyi lam dang ldan par gyur pa dang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / mngon par shes pa lnga dang ldan par gyur pa de dag ni dmigs pa'i 'du shes can no/ /de ltar sems can thams cad rgyun tu zhugs par gyur pa dang / sems can thams cad lan cig phyir 'ong ba dang / phyir mi 'ong ba dang / dgra bcom par gyur pa dang / sems can thams cad rang sangs rgyas su gyur pa de dag la gos dang / bsod snyoms dang / mal cha dang nad kyi rkyen rtsi dang / yo byad mang pos rim gror byed/ bkur bstir byed/ sti stang du byed/ mchod par byed pa'i rigs kyi bu rigs kyi bu</font><hr>31.249a<br><font size=+1>

mo de dag kyang dmigs pa'i 'du shes can no/ /de nas rgyal po chen po bzhi rgyal chen bzhi'i ris kyi lha'i bu stong phrag nyi shu dang 'grogs te thal mo sbyar nas dga' ba'i yid kyis bcom ldan 'das la phyag 'tshal te 'di skad ces gsol to/ /kye ma bcom ldan 'das de ltar byang chub sems dpa' sems dpa' chen po rnams thabs mkhas pas/ dmigs su ma mchis pa'i tshul dang / chags pa ma mchis pa'i tshul dang / mtshan ma ma mchis pa'i tshul dang / bgyid pa ma mchis pa'i tshul gyis/ dge ba'i rtsa ba de dag bla na med pa yang dag par rdzogs pa'i byang chub tu yongs su bsngo zhing / ci nas kyang gnyis su mi 'gyur ba dang gnyis ma lags par yang mi 'gyur ba de ltar yongs su bsngo ba de ni byang chub sems dpa' sems dpa' chen po rnams kyi yongs su bsngo ba shin tu che'o/ /de nas lha'i dbang po brgya byin sum bcu rtsa gsum gyi ris kyi lha'i bu stong phrag du ma dang 'grogs te/ lha rdzas kyi me tog dang phreng ba dang spos dang byug pa dang phye ma dang na bza' dang / gdugs dang rgyal mtshan dang / lha rdzas kyi ba dan mang po thogs te/ lha rdzas kyi rol mo byed cing / lha rdzas kyi me tog dang / phreng ba dang spos dang byug pa dang phye ma dang na bza' dang / gdugs dang rgyal mtshan dang / lha rdzas kyi ba dan de dag gis/ bcom ldan 'das la mchod pa byas nas/ 'di skad kyi tshig brjod do/ /bcom ldan 'das de ltar byang chub sems dpa' sems dpa' chen po rnams thabs mkhas pas dmigs su ma mchis pa'i tshul dang / mtshan ma ma mchis pa'i tshul dang / bgyid pa ma mchis pa'i tshul gyis/ dge ba'i rtsa ba de dag bla na med pa yang dag par rdzogs pa'i byang chub tu yongs su bsngo zhing / ci nas kyang gnyis su mi 'gyur ba dang / gnyis ma lags par yang mi 'gyur ba de ltar yongs su bsngo ba de ni/ byang chub sems dpa' sems dpa' chen po rnams kyi yongs su bsngo ba shin tu che'o/ /de nas lha'i bu rab mtshe ma dang rab dga' ldan</font><hr>31.249b<br><font size=+1>

dang rab 'phrul dga' dang lha'i bu dbang byed kyang lha'i bu stong phrag du ma dang 'grogs te/ lha rdzas kyi me tog dang phreng ba dang spos dang byug pa dang phye ma dang / na bza' dang gdugs dang / rgyal mtshan dang ba dan mang po thogs te lha rdzas kyi rol mo byed cing / lha rdzas kyi me tog dang phreng ba dang spos dang byug pa dang phye ma dang na bza' dang gdugs dang rgyal mtshan dang lha rdzas kyi ba dan de dag gis bcom ldan 'das la mchod nas 'di skad kyi tshig brjod do/ /bcom ldan 'das de ltar byang chub sems dpa' sems dpa' chen po thabs mkhas pas/ dmigs su ma mchis pa'i tshul dang mtshan ma ma mchis pa'i tshul dang / bgyid pa ma mchis pa'i tshul gyis dge ba'i rtsa ba de dag bla na med pa yang dag par rdzogs pa'i byang chub tu yongs su bsngo zhing / ci nas kyang gnyis su mi 'gyur ba dang / gnyis ma lags par yang mi 'gyur ba de ltar yongs su bsngo ba de ni/ byang chub sems dpa' sems dpa' chen po rnams kyi yongs su bsngo ba shin tu che'o/ de nas tshangs ris kyi lha bye ba khrag khrig brgya stong du ma bcom ldan 'das gang na ba der lhags nas/ bcom ldan 'das kyi zhabs gnyis la spyi bos phyag 'tshal te/ bcom ldan 'das de ltar byang chub sems dpa' sems dpa' chen po shes rab kyi pha rol du phyin pa dang / thabs mkhas pas yongs su bzung ba de dag gis/ rigs kyi bu dang rigs kyi bu mo snga ma thabs mkhas pa dang mi ldan pa/ dmigs pa'i spyod pa can de dag ni dge ba'i rtsa ba de dag zil gyis mnan pa ngo mtshar che'o zhes sgrar bsgrags te dbyangs su brjod do/ /tshangs lha nye phan dang tshangs pa kun 'khor dang / snang ba dang chung snang dang tshad med snang ba dang / kun snang dang ba dang dge ba dang chung dge dang tshad med dge ba dang dge rgyas dang 'bras bu che ba dang / gnas gtsang ma'i lha bye ba khrag khrig brgya stong du ma bcom ldan 'das gang na ba der lhags nas/ bcom ldan 'das kyi zhabs gnyis la spyi</font><hr>31.250a<br><font size=+1>

bos phyag 'tshal te/ bcom ldan 'das de ltar byang chub sems dpa' sems dpa' chen po shes rab kyi pha rol du phyin pa dang / thabs mkhas pas yongs su bzung ba de dag gis rigs kyi bu dang rigs kyi bu mo snga ma thabs mkhas pa dang mi ldan pa dmigs pa'i spyod pa can de dag gi dge ba'i rtsa ba de dag zil gyis mnan pa ngo mtshar che'o zhes sgrar bsgrags te dbyangs su brjod do/ /de nas bcom ldan 'das kyis rgyal chen bzhi'i ris kyi lha rnams dang / gnas gtsang ma'i ris kyi bar gyi lha rnams la bka' stsal pa/ lha'i bu dag gal te stong gsum gyi stong chen po'i 'jig rten gyi khams kyi sems can ji snyed pa de dag thams cad bla na med pa yang dag par rdzogs pa'i byang chub tu zhugs par gyur te/ phyogs bcu'i de bzhin gshegs pa dgra bcom pa yang dag par rdzogs pa'i sangs rgyas 'das pa dang / ma byon pa dang / da ltar byung ba de dag thams cad dang / nyan thos dang rang sangs rgyas de dag gi sems dang po bskyed pa nas/ dam pa'i chos gnas pa'i bar gyi sangs rgyas bcom ldan 'das de dag nyan thos de dag dang / rang sangs rgyas de dag dang / sems can thams cad kyi sbyin pa'i pha rol du phyin pa 'am/ tshul khrims kyi pha rol du phyin pa 'am/ bzod pa'i pha rol du phyin pa 'am/ brtson 'grus kyi pha rol du phyin pa 'am/ bsam gtan gyi pha rol du phyin pa 'am/ shes rab kyi pha rol du phyin pa 'am/ sbyin pa 'am/ tshul khrims sam/ bzod pa 'am/ brtson 'grus sam/ bsam gtan nam/ shes rab bam/ tshul khrims kyi phung po 'am/ ting nge 'dzin gyi phung po 'am/ shes rab kyi phung po 'am/ rnam par grol ba'i phung po 'am/ rnam par grol ba'i ye shes mthong ba'i phung po 'am/ sangs rgyas kyi chos tshad med pa gzhan dag kyang rung ste/ de dag thams cad gcig tu bsdus nas/ rjes su yi rang bar byas la/ de ltar rjes su yi rang nas kyang / dmigs pa'i tshul gyis bla na med pa yang dag par rdzogs pa'i byang chub tu yongs su</font><hr>31.250b<br><font size=+1>

bsngos pa bas/ rigs kyi bu 'am rigs kyi bu mo gang bla na med pa yang dag par rdzogs pa'i byang chub tu yang dag par zhugs par gyur te/ des 'das pa dang / ma byon pa dang / da ltar byung ba'i sangs rgyas bcom ldan 'das nyan thos dang rang sangs rgyas su bcas pa dag gi sems dang po bskyed pa nas/ dam pa'i chos gnas pa'i bar gyi/ sbyin pa'i pha rol du phyin pa 'am/ tshul khrims kyi pha rol du phyin pa 'am/ bzod pa'i pha rol du phyin pa 'am/ brtson 'grus kyi pha rol du phyin pa 'am/ bsam gtan gyi pha rol du phyin pa 'am/ shes rab kyi pha rol du phyin pa 'am/ gzhan yang sangs rgyas kyi chos tshad med pa'i bar de dag thams cad gcig tu bsdus te/ dmigs su med pa'i tshul dang / gnyis su med pa'i tshul dang / mtshan ma med pa'i tshul dang / chags pa med pa'i tshul dang / byed pa med pa'i tshul du rjes su yi rang ba'i rab kyis rjes su yi rang ba dang / rjes su yi rang ba'i gtso bo dang / dam pa dang mchog dang phul dang gya nom pa dang bla na med pa dang gong na med pa dang mnyam pa med pa dang mi mnyam pa dang mnyam pas rjes su yi rang nas/ rjes su yi rang ba dang ldan pa'i dge ba'i rtsa ba de mi dmigs pa'i tshul dang / gnyis su med pa'i tshul dang / mtshan ma med pa'i tshul dang / chags pa med pa'i tshul dang / byed pa med pa'i tshul gyis bla na med pa yang dag par rdzogs pa'i byang chub tu yongs su bsngo na/ rigs kyi bu 'am rigs kyi bu mo de ni rigs kyi bu 'am rigs kyi bu mo snga ma de dag bas bsod nams ches mang du 'phel te/ dge ba'i rtsa ba 'di la ni dge ba'i rtsa ba snga ma des brgya'i char yang nye bar mi 'gro'o/ /rgyu'i bar du yang mi bzod do/ /byang chub sems dpa' sems dpa' chen po'i dmigs su med pa'i tshul gyis yongs su bsngo ba 'di ni mchog ces bya'o/ /mi mnyam pa dang mnyam pa'i bar zhes bya'o/ /de nas tshe dang ldan pa rab 'byor gyis/ bcom ldan 'das la 'di skad ces gsol to/ /bcom ldan 'das kyis gang de skad du rigs kyi bu 'am rigs kyi bu mo gang dag gis/ dge ba'i rtsa ba de dag thams cad mngon</font><hr>31.251a<br><font size=+1>

par bsdus te gcig tu brtul nas tshad bzung ste/ rjes su yi rang ba'i rab kyis rjes su yi rang ba dang / rjes su yi rang ba mi mnyam pa dang mnyam pa'i bar gyis/ rjes su yi rang bar byed do zhes bka' stsal pa/ bcom ldan 'das ji tsam gyis na rjes su yi rang ba'i dam par 'gyur/ ji tsam gyis na rjes su yi rang ba'i mi mnyam pa dang mnyam pa'i bar du 'gyur ba lags/ bcom ldan 'das kyis bka' stsal pa/ nam rigs kyi bu 'am rigs kyi bu mo de 'das pa dang / ma byon pa dang / da ltar byung ba'i de bzhin gshegs pa dgra bcom pa yang dag par rdzogs pa'i sangs rgyas nyan thos kyi dge 'dun dang bcas pa rnams dang / rang sangs rgyas de dag dang / sems can thams cad kyi dge ba'i rtsa ba de dag mi len mi gtong ba dang / mi rlom mi 'jum zhing / dmigs pa yang ma yin/ mi dmigs pa yang ma yin la/ de 'di snyam du 'di la chos gang yang skye ba yang med/ 'gags pa yang med/ nyon mongs par 'gyur ba yang med/ rnam par byang bar 'gyur ba yang med de/ chos de dag la 'grib pa yang med/ 'phel ba yang med/ 'ong ba yang med/ phung por 'gyur ba yang med do zhes rnam grangs de lta bus 'das pa dang / ma 'ongs pa dang / da ltar byung ba'i chos rnams kyi de bzhin nyid dang / ma nor ba de bzhin nyid dang / gzhan ma yin pa de bzhin nyid dang / chos nyid dang / chos kyi gnas nyid dang / chos skyon med pa nyid ji lta ba de ltar bdag gis rjes su yi rang bar bya'o/ /rjes su yi rang nas bla na med pa yang dag par rdzogs pa'i byang chub tu yongs su bsngo'o zhes de ltar yongs su bsngo ba'i byang chub sems dpa' sems dpa' chen po'i rjes su yi rang ba de ni dam par 'gyur te/ rjes su yi rang ba de dag ni mi mnyam pa dang mnyam pa'i bar du 'gyur ro/ /rab 'byor rjes su yi rang ba 'di la ni de ma yin pa'i rjes su yi rang ba gzhan thams cad kyis brgya'i char yang nye bar mi 'gro'o/ /rgyu'i bar du yang mi bzod de/ rjes su yi rang ba 'di ni de ma yin pa'i rjes su yi rang ba gzhan dag bas rab ces bya'o/ /gtso bo zhes bya'o/ /dam pa zhes bya'o/ /mchog</font><hr>31.251b<br><font size=+1>

ces bya'o/ /phul zhes bya'o/ /gya nom pa zhes bya'o/ /bla na med pa zhes bya'o/ /gong na med pa zhes bya'o/ /mnyam pa med pa zhes bya'o/ /mi mnyam pa dang mnyam pa zhes bya'o/ /rab 'byor gzhan yang byang chub sems dpa'i theg pa pa'i rigs kyi bu 'am/ rigs kyi bu mos 'das pa dang / ma byon pa dang / da ltar byung ba'i de bzhin gshegs pa dgra bcom pa yang dag par rdzogs pa'i sangs rgyas de dag dang / nyan thos dang / rang sangs rgyas su bcas pa de dag gi sems dang po bskyed pa nas/ dam pa'i chos gnas pa'i bar gyi sbyin pa'i pha rol du phyin pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol tu phyin pa dang ldan pa'i dge ba'i rtsa ba dang / gzhan yang sangs rgyas kyi chos tshad med pa'i bar dang / sems can thams cad kyi dge ba'i rtsa ba ji snyed pa de dag thams cad la rjes su yi rang bar 'dod na/  'di ltar rjes su yi rang bar bya'o/ /rnam par grol ba ji lta ba de lta bu ni gzugs so/ /rnam par grol ba ji lta ba de lta bu ni tshor ba dang / 'du shes dang 'du byed dang rnam par shes pa rnams so/ /rnam par grol ba ji lta ba de lta bu ni skye mched rnams dang / khams rnams so/ /rnam par grol ba ji lta ba de lta bu ni rten cing 'brel bar 'byung ba'o/ /rnam par grol ba ji lta ba de lta bu ni sbyin pa'i pha rol du phyin pa'o/ /rnam par grol ba ji lta ba de lta bu ni tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa'o/ /rnam par grol ba ji lta ba de lta bu ni nang stong pa nyid dang / dngos po med pa'i ngo bo nyid stong pa nyid kyi bar ro/ /rnam par grol ba ji lta ba de lta bu ni byang chub kyi phyogs kyi chos rnams so/ /rnam par grol ba ji lta ba de lta bu ni 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams so/ /</font><hr>31.252a<br><font size=+1>

rnam par grol ba ji lta ba de lta bu ni rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams so/ /rnam par grol ba ji lta ba de lta bu ni ting nge 'dzin rnams dang / gzungs kyi sgo rnams so/ /rnam par grol ba ji lta ba de lta bu ni de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad do/ /rnam par grol ba ji lta ba de lta bu ni rnam par grol ba'i ye shes mthong ba'o/ /rnam par grol ba ji lta ba de lta bu ni rnam par grol ba'i ye shes mthong ba'i phung po'o/ /rnam par grol ba ji lta ba de lta bu ni mos pa'o/ /rnam par grol ba ji lta ba de lta bu ni rjes su yi rang ba'o/ /rnam par grol ba ji lta ba de lta bu ni 'das pa dang / ma 'ongs pa dang / da ltar byung ba'i chos rnams so/ /rnam par grol ba ji lta ba de lta bu ni sangs rgyas bcom ldan 'das de dag go/ /rnam par grol ba ji lta ba de lta bu ni sangs rgyas bcom ldan 'das de dag gi yongs su mya ngan las 'das pa'o/ /rnam par grol ba ji lta ba de lta bu ni sangs rgyas bcom ldan 'das de dag gi nyan thos rnams dang / nyan thos de dag gi yongs su mya ngan las 'das pa'o/ /rnam par grol ba ji lta ba de lta bu ni rang sangs rgyas rnams dang / rang sangs rgyas de dag gi yongs su mya ngan las 'das pa'o/ /rnam par grol ba ji lta ba de lta bu ni sangs rgyas bcom ldan 'das de dag gi chos nyid do/ /rnam par grol ba ji lta ba de lta bu ni nyan thos dang / rang sangs rgyas de dag gi chos nyid do/ /rnam par grol ba ji lta ba de lta bu ni chos rnams kyi chos nyid do zhes/ de ltar chos ma chags pa dang / ma bcings pa dang / ma grol ba dang / ma zhen pa dang kun nas nyon mongs pa med pa dang rnam par byang ba med pa rnams kyi chos nyid dang / chos ma skyes pa dang yongs su ma skyes pa dang / ma byung ba dang ma 'gags pa'i chos nyid ji lta ba de bzhin du 'pho ba med pa dang / 'jig</font><hr>31.252b<br><font size=+1>

pa med pa nye bar bzung ste/ bla na med pa yang dag par rdzogs pa'i byang chub tu yongs su bsngo ste/ rab 'byor 'di ni byang chub sems dpa' sems dpa' chen po rnams kyi rjes su yi rang ba'i rab bo/ /rjes su yi rang ba'i mi mnyam pa dang mnyam pa'i bar ro/ /rab 'byor rjes su yi rang ba de dang ldan pa'i byang chub sems dpa' sems dpa' chen po ni myur du bla na med pa yang dag par rdzogs pa'i byang chub tu mngon par rdzogs par 'tshang rgya'o/ /rab 'byor gzhan yang shar phyogs kyi 'jig rten gyi khams gang gA'i klung gi bye ma snyed dag na/ sangs rgyas bcom ldan 'das nyan thos kyi dge 'dun dang bcas pa gang ji snyed cig bzhugs pa dang / 'tsho skyong zhing chos ston pa dang / lho dang nub dang byang dang byang shar dang shar lho dang lho nub dang nub byang dang 'og dang steng gi phyogs kyi phyogs re re zhing 'jig rten gyi khams gang gA'i klung gi bye ma snyed dag na/ sangs rgyas bcom ldan 'das nyan thos kyi dge 'dun dang bcas pa gang ji snyed cig bzhugs pa dang / 'tsho skyong zhing chos ston pa'i de bzhin gshegs pa dgra bcom pa yang dag par rdzogs pa'i sangs rgyas nyan thos kyi dge 'dun dang bcas pa de dag la/ byang chub sems dpa'i theg pa pa'i rigs kyi bu 'am/ rigs kyi bu mo la la zhig gis/ nam 'tsho'i bar du na bza' dang / bsod snyoms dang / gzims cha dang / snyun gyi rkyen rtsi dang / yo byad mang po dang / bde ba'i yo byad thams cad kyis rim gror byas/ bkur stir byas/ sti stang du byas/ mchod par byas pa dang / sangs rgyas bcom ldan 'das de dag yongs su mya ngan las 'das nas kyang / de dag gi ring bsrel la nyin mtshan du me tog dang phreng ba dang spos dang byug pa dang phye ma dang na bza' dang gdugs dang / rgyal mtshan dang ba dan mang pos rim gror bya ba dang bkur stir bya ba dang sti stang du bya ba dang / mchod par bya ba'i don du nyams su len cing / de dmigs pa'i tshul gyis/ tshul khrims srung ba dang / de dmigs pa'i tshul gyis bzod pa bsgom pa dang / de dmigs pa'i tshul gyis brtson 'grus rtsom pa dang / </font><hr>31.253a<br><font size=+1>

de dmigs pa'i tshul gyis bsam gtan la snyoms par 'jug pa dang / de dmigs pa'i tshul gyis shes rab bsgom pa bas/ rigs kyi bu 'am rigs kyi bu mo bla na med pa yang dag par rdzogs pa'i byang chub tu yang dag par zhugs pa gang sbyin pa'i pha rol du phyin pa la mi dmigs pa'i tshul gyis spyod pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la mi dmigs pa'i tshul gyis spyod pa'i tshe/ thabs mkhas pas dge ba'i rtsa ba de dag bla na med pa yang dag par rdzogs pa'i byang chub tu yongs su bsngos na/ bsod nams mngon par 'du bya ba dang / dge ba mngon par 'du bya ba 'di la ni/ bsod nams mngon par 'du bya ba snga mas brgya'i char yang nye bar mi 'gro/ rgyu'i bar du yang mi bzod de/ yongs su bsngo ba de nyid rab ces bya'o/ /gong na med pa'i bar zhes bya'o/ /rab 'byor de ltar mi dmigs pa'i tshul gyis byang chub sems dpa' sems dpa' chen pos/ sbyin pa'i pha rol du phyin pa la spyod pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la spyod pa'i tshe/ thabs mkhas pas dge ba'i rtsa ba de dag bla na med pa yang dag par rdzogs pa'i byang chub tu yongs su bsngo bar bya'o/ /shes rab kyi pha rol du phyin pa stong phrag nyi shu lnga pa las/ yongs su bsngo ba'i le'u ste nyi shu bzhi pa'o// // de nas tshe dang ldan pa shA ra dwa ti'i bus/ bcom ldan 'das la 'di skad ces gsol to/ /bcom ldan 'das shes rab kyi pha rol du phyin pa ni shin du rnam par dag pa'i slad du snang bar bgyid pa'o/ /bcom ldan 'das shes rab kyi pha rol du phyin pa ni phyag bgyi bar 'os pa'o/ /bcom ldan 'das shes rab kyi pha rol du phyin pa la bdag phyag 'tshal lo/ /bcom</font><hr>31.253b<br><font size=+1>

ldan 'das shes rab kyi pha rol du phyin pa ni khams gsum pa thams cad kyis ma gos pa'o/ /bcom ldan 'das shes rab kyi pha rol du phyin pa ni nyon mongs pa dang lta ba'i mun pa thams cad bstsal pa la rab rib ma mchis par bgyid pa'o/ /bcom ldan 'das shes rab kyi pha rol du phyin pa ni byang chub kyi phyogs kyi chos rnams kyi nang na mchog tu bgyid pa'o/ /bcom ldan 'das shes rab kyi pha rol du phyin pa ni 'jigs pa dang / gnod pa dang / 'tshe ba thams cad rab tu byang ba'i slad du bde bar bgyid pa'o/ /bcom ldan 'das shes rab kyi pha rol du phyin pa ni sems can thams cad kyi mig lnga yongs su thob par bgyid pa la snang bar bgyid pa'o/ /bcom ldan 'das shes rab kyi pha rol du phyin pa ni sems can shul gol bar zhugs pa rnams kyi mtha' las zlog pa'i slad du shul ston pa'o/ /bcom ldan 'das shes rab kyi pha rol du phyin pa ni bag chags kyi mtshams sbyor ba'i nyon mongs pa thams cad spang ba la thams cad mkhyen pa nyid du bgyid pa'o/ /bcom ldan 'das shes rab kyi pha rol du phyin pa ni sangs rgyas kyi chos skyed pa ste/ byang chub sems dpa' sems dpa' chen po rnams kyi ma'o/ /bcom ldan 'das shes rab kyi pha rol du phyin pa ni rang gi mtshan nyid stong pa nyid kyi slad du ma skyes ma 'gags pa'o/ /bcom ldan 'das shes rab kyi pha rol du phyin pa ni mi rtag mi 'jig pa'i slad du 'khor ba'i gnyen po'o/ /bcom ldan 'das shes rab kyi pha rol du phyin pa ni chos rin po che thams cad stobs pa'i slad du/ sems can mgon ma mchis pa rnams kyi mgon bgyid pa'o/ /bcom ldan 'das shes rab kyi pha rol du phyin pa ni thub pa ma mchis pa'i slad du stobs bcu bgyid pa'o/ /bcom ldan 'das shes rab kyi pha rol du phyin pa ni 'gro ba dang ldog pa ma mchis pa'i slad du/ rnam pa bcu gnyis rgyud gsum du 'khor ba'i chos kyi 'khor lo bskor ba'o/ /bcom ldan 'das shes rab kyi pha rol du phyin pa ni dngos po ma mchis pa'i ngo bo nyid stong pa</font><hr>31.254a<br><font size=+1>

nyid kyi slad du chos thams cad kyi ngo bo nyid ston pa'o/ /bcom ldan 'das byang chub sems dpa'i theg pa pa 'am/ nyan thos sam/ nyan thos kyi theg pa pa 'am/ rang sangs rgyas sam/ rang sangs rgyas kyi theg pa pas/ ji ltar shes rab kyi pha rol du phyin pa la gnas par bgyi/ bcom ldan 'das kyis bka' stsal pa/ shA ra dwa ti'i bu ston pa la ji lta ba de bzhin du shes rab kyi pha rol du phyin pa la gnas par bya'o/ /ston pa la ji ltar phyag bya ba de bzhin du shes rab kyi pha rol du phyin pa la phyag bya'o/ /de ci'i phyir zhe na/ shes rab kyi pha rol du phyin pa 'di nyid ston pa yin te/ ston pa yang gzhan ma yin/ shes rab kyi pha rol du phyin pa yang gzhan ma yin/ ston pa nyid kyang shes rab kyi pha rol du phyin pa/ shes rab kyi pha rol du phyin pa nyid kyang ston pa'o/ /de'i phyir shes rab kyi pha rol du phyin pa las de bzhin gshegs pa dgra bcom pa yang dag par rdzogs pa'i sangs rgyas rnams 'byung ngo / /byang chub sems dpa' sems dpa' chen po rnams dang / rang sangs rgyas dang / dgra bcom pa dang / phyir mi 'ong ba dang / lan gcig phyir 'ong ba dang / rgyun tu zhugs pa rnams 'byung ngo / /de'i phyir shes rab kyi pha rol du phyin pa las dge ba bcu'i las kyi lam rnams 'byung ngo / /bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / mngon par shes pa lnga dang / sbyin pa'i pha rol du phyin pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa dang / nang stong pa nyid dang / phyi stong pa nyid dang / phyi nang stong pa nyid dang / dngos po med pa'i ngo bo nyid stong pa nyid kyi bar dang / byang chub kyi phyogs kyi chos sum bcu rtsa bdun dang / 'phags pa'i bden pa bzhi dang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / rnam par thar pa brgyad dang / mthar</font><hr>31.254b<br><font size=+1>

gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad dang / thams cad shes pa nyid dang / lam gyi rnam pa shes pa nyid dang / rnam pa thams cad mkhyen pa nyid 'byung ngo / /de nas lha'i dbang po brgya byin 'di snyam du gyur te/ btsun pa shA ra dwa ti'i bu zhu ba 'di ni gang las skyes/ ci'i rgyu snyam pa dang / de nas tshe dang ldan pa shA ra dwa ti'i bus/ lha'i dbang po brgya byin la 'di skad ces smras so/ /kau shi ka byang chub sems dpa' sems dpa' chen po shes rab kyi pha rol du phyin pas yongs su bzung ba rnams ni thabs mkhas pas/ 'das pa dang / ma byon pa dang / da ltar byung ba'i sangs rgyas bcom ldan 'das de dag gi thugs dang po bskyed pa nas/ dam pa'i chos gnas pa'i bar gyi sangs rgyas bcom ldan 'das nyan thos kyi dge 'dun dang bcas pa dang / rang sangs rgyas dang bcas pa de dag dang / sems can thams cad kyi dge ba'i rtsa ba de dag thams cad gcig tu bsdus te/ rnam pa thams cad mkhyen pa nyid du yongs su bsngo ba nas bdag gi zhu ba skyes so/ /kau shi ka byang chub sems dpa' sems dpa' chen po rnams ni shes rab kyi pha rol du phyin pa 'di ni/ sbyin pa'i pha rol du phyin pa zil gyis gnon to/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa zil gyis gnon to/ /kau shi ka 'di lta ste dper na/ dmus long brgya 'am/ stong ngam/ brgya phrag stong yang rung ste/ dmigs bu med pas lam du 'jug par yang mi nus na/ grong khyer du 'gro bar lta ga la nus/ kau shi ka de bzhin du pha rol du phyin pa lnga po 'di dag ni dmus long lta bur gyur pa ste/ shes rab kyi pha rol du phyin pa</font><hr>31.255a<br><font size=+1>

med na/ de dag la dmigs su med pas byang chub kyi lam yang skyed mi nus na/ rnam pa thams cad mkhyen pa nyid kyi grong khyer du 'jug par lta ga la nus/ kau shi ka pha rol du phyin pa lnga nam shes rab kyi pha rol du phyin pas yongs su zin par gyur pa de'i tshe/ mig dang ldan par 'gyur te/ pha rol du phyin pa lnga po 'di dag ni shes rab kyi pha rol du phyin pas yongs su bzung na/ pha rol du phyin pa'i ming 'thob bo/ /de nas lha'i dbang po brgya byin gyis/ tshe dang ldan pa shA ra dwa ti'i bu la 'di skad ces smras so/ /btsun pa shA ra dwa ti'i bus gang 'di skad du/ pha rol du phyin pa lnga po 'di dag shes rab kyi pha rol du phyin pas yongs su bzung na/ pha rol du phyin pa'i ming 'thob bo zhes smras na/ btsun pa shA ra dwa ti'i bu de ni der yang ma zad de/ pha rol du phyin pa lnga ni sbyin pa'i pha rol du phyin pas yongs su bzung yang pha rol du phyin pa'i ming 'thob bo/ /pha rol du phyin pa lnga ni tshul khrims dang bzod pa dang brtson 'grus dang / bsam gtan gyi pha rol du phyin pas yongs su bzung yang pha rol du phyin pa'i ming 'thob bo/ /smras pa de lta ma yin te/ kau shi ka de ni de lta ma yin no/ /pha rol du phyin pa lnga ni sbyin pa'i pha rol du phyin pas yongs su bzung bas/ pha rol du phyin pa'i ming 'thob par mi 'gyur pha rol du phyin pa lnga ni tshul khrims dang bzod pa dang / brtson 'grus dang bsam gtan gyi pha rol du phyin pas yongs su bzung bas/ pha rol du phyin pa'i ming 'thob par mi 'gyur gyi/ shes rab kyi pha rol du phyin pas yongs su bzung ba'i pha rol du phyin pa lnga ni/ pha rol du phyin pa'i ming 'thob ste/ kau shi ka shes rab kyi pha rol du phyin pa la gnas pa'i byang chub sems dpa' sems dpa' chen po ni/ sbyin pa'i pha rol du phyin pas yongs su rdzogs par byed do/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa yongs su rdzogs par byed do/ /kau shi ka de bas na</font><hr>31.255b<br><font size=+1>

shes rab kyi pha rol du phyin pa ni/ pha rol du phyin pa lnga po 'di dag gi rab ces bya'o/ /gtso bo dang dam pa dang mchog dang phul dang gya nom pa dang bla na med pa dang gong na med pa zhes bya'o/ /de nas tshe dang ldan pa shA ra dwa ti'i bus/ bcom ldan 'das la 'di skad ces gsol to/ /bcom ldan 'das shes rab kyi pha rol du phyin pa de ji ltar mngon par bsgrub par bgyi/ bcom ldan 'das kyis bka' stsal pa/ shA ra dwa ti'i bu gzugs mngon par bsgrub pa med pa'i phyir/ shes rab kyi pha rol du phyin pa mngon par bsgrub par bya'o/ /tshor ba dang 'du shes dang 'du byed dang rnam par shes pa mngon par bsgrub pa med pa'i phyir/ shes rab kyi pha rol du phyin pa mngon par bsgrub par bya'o/ /skye mched dang khams dang / rten cing 'brel par 'byung ba rnams mngon par bsgrub pa med pa'i phyir/ shes rab kyi pha rol du phyin pa mngon par bsgrub par bya'o/ /sbyin pa'i pha rol du phyin pa mngon par bsgrub pa med pa'i phyir/ shes rab kyi pha rol du phyin pa mngon par bsgrub par bya'o/ /tshul khrims dang bzod pa dang brtson 'grus dang / bsam gtan gyi pha rol du phyin pa mngon par bsgrub pa med pa'i phyir/ shes rab kyi pha rol du phyin pa mngon par bsgrub par bya'o/ /nang stong pa nyid mngon par bsgrub pa med pa'i phyir/ shes rab kyi pha rol du phyin pa mngon par bsgrub par bya'o/ /dngos po med pa'i ngo bo nyid stong pa nyid kyi bar du mngon par bsgrub pa med pa'i phyir/ shes rab kyi pha rol du phyin pa mngon par bsgrub par bya'o/ /byang chub kyi phyogs kyi chos sum bcu rtsa bdun mngon par bsgrub pa med pa'i phyir/ shes rab kyi pha rol du phyin pa mngon par bsgrub par bya'o/ /'phags pa'i bden pa rnams dang / bsam gtan rnams dang tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang</font><hr>31.256a<br><font size=+1>

mtshan ma med pa dang / smon pa med pa dang mngon par shes pa rnams dang / ting nge 'dzin rnams dang gzungs kyi sgo rnams dang / de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams dang / byams pa chen po dang / snying rje chen po dang / sangs rgyas kyi chos ma 'dres pa rnams mngon par bsgrub pa med pa'i phyir/ shes rab kyi pha rol du phyin pa mngon par bsgrub par bya'o/ /thams cad shes pa nyid dang lam gyi rnam pa shes pa nyid dang / rnam pa thams cad mkhyen pa nyid mngon par bsgrub pa med pa'i phyir/ shes rab kyi pha rol du phyin pa mngon par bsgrub par bya'o/ /de bzhin du chos thams cad mngon par bsgrub pa med pa'i phyir/ shes rab kyi pha rol du phyin pa mngon par bsgrub par bya'o/ /gsol pa/ bcom ldan 'das ji ltar gzugs mngon par bsgrub pa ma mchis pa'i slad du/ shes rab kyi pha rol du phyin pa mngon par bsgrub par bgyi/ ji ltar chos thams cad kyi bar du mngon par bsgrub pa ma mchis pa'i slad du/ shes rab kyi pha rol du phyin pa mngon par bsgrub par bgyi/ bcom ldan 'das kyis bka' stsal pa/ gzugs mngon par 'du bya ba med pa dang / gzugs skye ba med pa dang / gzugs 'gag pa med pa dang / gzugs dmigs pa med pa dang / gzugs 'jig pa med pas/ shes rab kyi pha rol du phyin pa mngon par bsgrub par bya'o/ /chos thams cad kyi bar du mngon par 'du bya ba med pa dang / skye ba med pa dang 'gag pa med pa dang / dmigs pa med pa dang / 'jig pa med pas shes rab kyi pha rol du phyin pa mngon par bsgrub par bya'o/ /gsol pa/ bcom ldan 'das de ltar mngon par bsgrubs pa'i shes rab kyi pha rol du phyin pa chos gang thob par bgyid/ bcom ldan 'das kyis bka' stsal pa/ shA ra dwa ti'i bu de ltar mngon par bsgrubs pa'i shes rab kyi pha rol du phyin pa ni chos gang yang thob par mi byed do/ /nam chos gang yang thob par mi byed pa de'i tshe/ shes rab kyi pha rol du phyin pa'i grangs su 'gro'o/ /gsol pa/ bcom ldan 'das chos thams cad thob par mi bgyid pa gang lags/ bcom ldan 'das kyis bka' stsal pa/ mi dge ba'i chos rnams thob par mi byed do/ /dge ba'i chos rnams thob par mi byed do/ /'jig rten pa dang</font><hr>31.256b<br><font size=+1>

'jig rten las 'das pa dang / zag pa dang bcas pa dang / zag pa med pa dang / kha na ma tho ba dang bcas pa dang / kha na ma tho ba med pa dang / 'dus byas dang / 'dus ma byas kyi chos rnams thob par mi byed do/ /de ci'i phyir zhe na/ shes rab kyi pha rol du phyin pa ni chos gang gi phyir yang dmigs pa'i tshul gyis nye bar mi gnas te/ de'i phyir chos gang yang thob par byed pa ma yin no/ /de nas lha'i dbang po brgya byin gyis/ bcom ldan 'das la 'di skad ces gsol to/ /bcom ldan 'das ci lags/ shes rab kyi pha rol du phyin pa 'di rnam pa thams cad mkhyen pa nyid kyang thob par mi bgyid dam/ bcom ldan 'das kyis bka' stsal pa/ kau shi ka gang de skad du ci lags/ shes rab kyi pha rol du phyin pa 'di rnam pa thams cad mkhyen pa nyid kyang thob par mi bgyid dam zhes zer ba ni/ kau shi ka de de bzhin no/ /de de bzhin te/ shes rab kyi pha rol du phyin pa ni rnam pa thams cad mkhyen pa nyid kyang thob par mi byed/ dmigs par mi byed do/ /brgya byin gyis gsol pa/ bcom ldan 'das ji ltar na shes rab kyi pha rol du phyin pa rnam pa thams cad mkhyen pa nyid kyang thob par mi bgyid/ dmigs par mi bgyid pa lags/ bcom ldan 'das kyis bka' stsal pa/ kau shi ka shes rab kyi pha rol du phyin pa ni ming ji lta ba dang / mtshan ma ji lta ba dang / mngon par 'du byed pa ji lta ba de bzhin du thob par mi byed pa yin no/ /brgya byin gyis gsol pa/ bcom ldan 'das 'o na ji ltar thob par bgyid pa lags/ bcom ldan 'das kyis bka' stsal pa/ mi dmigs pa dang / mi len pa dang mi gnas pa dang / mi 'dor ba dang / mngon par chags pa med pa de ltar thob par byed de/ gang yang thob par byed pa med do/ /kau shi ka de ltar na shes rab kyi pha rol du phyin pa ni chos thams cad thob par mi byed de/ gang yang thob par mi byed do/ /brgya byin gyis gsol pa/ bcom ldan 'das de ltar shes rab kyi pha rol du phyin pa 'di chos thams cad skye ba ma mchis pa dang / 'gag pa ma mchis pa dang / mngon par 'du bgyi ba ma mchis pa dang / dmigs pa ma mchis pa dang / </font><hr>31.257a<br><font size=+1>

'jig pa ma mchis pa'i slad du nye bar gnas pa ngo mtshar che'o/ /de nas tshe dang ldan pa rab 'byor gyis/ bcom ldan 'das la 'di skad ces gsol to/ /bcom ldan 'das gal te byang chub sems dpa' sems dpa' chen po shes rab kyi pha rol du phyin pa la spyod pa'i tshe/ de ltar shes rab kyi pha rol du phyin pa ni chos thams cad thob par bgyid pa'o/ /shes rab kyi pha rol du phyin pa ni chos thams cad thob par mi bgyid pa'o zhes de lta bu'i 'du shes su gyur na/ bcom ldan 'das byang chub sems dpa' sems dpa' chen po de ni shes rab kyi pha rol du phyin pa 'dor ba lags so/ /bcom ldan 'das byang chub sems dpa' sems dpa' chen po de ni shes rab kyi pha rol du phyin pa ring du bgyid pa lags so/ /bcom ldan 'das kyis bka' stsal pa/ rab 'byor rnam grangs gang gis byang chub sems dpa' sems dpa' chen po shes rab kyi pha rol du phyin pa 'dor bar byed pa dang / shes rab kyi pha rol du phyin pa ring du byed pa de lta bu'i rnam grangs yod do/ /gal te byang chub sems dpa' sems dpa' chen po shes rab kyi pha rol du phyin pa la spyod pa'i tshe/ kye ma shes rab kyi pha rol du phyin pa 'di ni gsob bo/ /kye ma shes rab kyi pha rol du phyin pa 'di ni gsog go/ /kye ma shes rab kyi pha rol du phyin pa 'di ni snying po med pa'o snyam du de ltar 'du shes na/ byang chub sems dpa' sems dpa' chen po shes rab kyi pha rol du phyin pa 'dor bar byed pa'o/ /byang chub sems dpa' sems dpa' chen po shes rab kyi pha rol du phyin pa ring du byed pa'o/ /rab 'byor de ni rnam grangs gang gis byang chub sems dpa' sems dpa' chen po shes rab kyi pha rol du phyin pa 'dor bar byed pa dang / byang chub sems dpa' sems dpa' chen po shes rab kyi pha rol du phyin pa ring du byed pa'i rnam grangs so/ /gsol pa/ bcom ldan</font><hr>31.257b<br><font size=+1>

'das shes rab kyi pha rol du phyin pa la yid ches pas chos gang la yid ches par mi 'gyur ba lags/ bcom ldan 'das kyis bka' stsal pa/ rab 'byor shes rab kyi pha rol du phyin pa la yid ches pas/ gzugs la yid ches par mi 'gyur ro/ /tshor ba dang 'du shes dang 'du byed dang / rnam par shes pa la yid ches par mi 'gyur ro/ /myig la yid ches par mi 'gyur ro/ /rna ba dang sna dang lce dang lus dang / yid la yid ches par mi 'gyur ro/ /gzugs la yid ches par mi 'gyur ro/ /sgra dang dri dang ro dang reg dang chos la yid ches par mi 'gyur ro/ /mig gi rnam par shes pa la yid ches par mi 'gyur ro/ /rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa la yid ches par mi 'gyur ro/ /mig gi 'dus te reg pa la yid ches par mi 'gyur ro/ /rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang yid kyi 'dus te reg pa la yid ches par mi 'gyur ro/ /mig gi 'dus te reg pa'i rkyen gyis tshor ba la yid ches par mi 'gyur ro/ /rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba la yid ches par mi 'gyur ro/ /sa'i khams la yid ches par mi 'gyur ro/ /chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams la yid ches par mi 'gyur ro/ /ma rig pa dang 'du byed dang rnam par shes pa dang ming dang gzugs dang skye mched drug dang / reg pa dang tshor ba dang sred pa dang len pa dang srid pa dang skye ba dang rga shi</font><hr>31.258a<br><font size=+1>

la yid ches par mi 'gyur ro/ /sbyin pa'i pha rol du phyin pa la yid ches par mi 'gyur ro/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la yid ches par mi 'gyur ro/ /nang stong pa nyid la yid ches par mi 'gyur ro/ /phyi stong pa nyid dang / phyi nang stong pa nyid la yid ches par mi 'gyur ro/ /dngos po med pa'i ngo bo nyid stong pa nyid kyi bar la yid ches par mi 'gyur ro/ /byang chub kyi phyogs kyi chos sum bcu rtsa bdun la yid ches par mi 'gyur ro/ /'phags pa'i bden pa bzhi dang / bsam gtan bzhi dang / tshad med pa bzhi dang gzugs med pa'i snyoms par 'jug pa bzhi dang / rnam par thar pa brgyad dang mthar gyis gnas pa'i snyoms par 'jug pa dgu dang / stong pa nyid dang mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / snying rje chen po dang / sangs rgyas kyi chos ma 'dres pa bcwa brgyad la yid ches par mi 'gyur ro/ /rgyun tu zhugs pa'i 'bras bu la yid ches par mi 'gyur ro/ /lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid la yid ches par mi 'gyur ro/ /rang byang chub la yid ches par mi 'gyur ro/ /lam gyi rnam pa shes pa nyid la yid ches par mi 'gyur ro/ /rnam pa thams cad mkhyen pa nyid la yid ches par mi 'gyur ro/ /gsol pa/ bcom ldan 'das ji ltar na shes rab kyi pha rol du phyin pa la yid ches pas/ gzugs la yid ches par mi 'gyur ba lags/ rnam pa thams cad mkhyen pa nyid kyi bar la yid ches par mi 'gyur ba lags/ bcom ldan 'das kyis bka' stsal pa/ </font><hr>31.258b<br><font size=+1>

rab 'byor gzugs mi dmigs pas shes rab kyi pha rol du phyin pa la yid ches par 'gyur/ rnam pa thams cad mkhyen pa nyid kyi bar du mi dmigs pas/ shes rab kyi pha rol du phyin pa la yid ches par 'gyur te/ de ltar na shes rab kyi pha rol du phyin pa la yid ches pas/ gzugs la yid ches par mi 'gyur ro/ /rnam pa thams cad mkhyen pa nyid kyi bar la yid ches par mi 'gyur ro/ /gsol pa/ bcom ldan 'das 'di ltar shes rab kyi pha rol du phyin pa 'di ni pha rol du phyin pa chen mo'o/ /bcom ldan 'das kyis bka' stsal pa/ rab 'byor de ji snyam du sems/ rgyu gang gis na shes rab kyi pha rol du phyin pa 'di pha rol du phyin pa chen mo yin/ gsol pa/ bcom ldan 'das shes rab kyi pha rol du phyin pa ni gzugs che bar mi bgyid/ chung bar mi bgyid/ tshor ba dang / 'du shes dang 'du byed dang / rnam par shes pa che bar mi bgyid/ chung bar mi bgyid/ skye mched dang khams dang rten cing 'brel bar 'byung ba che bar mi bgyid/ chung bar mi bgyid/ sbyin pa'i pha rol du phyin pa che bar mi bgyid/ chung bar mi bgyid/ tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa che bar mi bgyid/ chung bar mi bgyid/ nang stong pa nyid che bar mi bgyid/ chung bar mi bgyid/ phyi stong pa nyid dang / phyi nang stong pa nyid dang / dngos po med pa'i ngo bo nyid stong pa nyid kyi bar che bar mi bgyid/ chung bar mi bgyid/ byang chub kyi phyogs kyi chos sum bcu rtsa bdun che bar mi bgyid/ chung bar mi bgyid/ 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma</font><hr>31.259a<br><font size=+1>

med pa dang / smon pa med pa dang / mngon par shes pa rnams che bar mi bgyid/ chung bar mi bgyid/ ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad che bar mi bgyid/ chung bar mi bgyid/ rgyun tu zhugs pa'i 'bras bu che bar mi bgyid/ chung bar mi bgyid/ lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub che bar mi bgyid/ chung bar mi bgyid/ lam gyi rnam pa shes pa nyid dang / byang chub dang sangs rgyas dang / sangs rgyas kyi chos rnams che bar mi bgyid/ chung bar mi bgyid/ gzhan yang shes rab kyi pha rol du phyin pa ni gzugs 'du bar mi bgyid/ yangs par mi bgyid/ tshor ba dang / 'du shes dang 'du byed dang rnam par shes pa 'du bar mi bgyid/ yangs par mi bgyid/ byang chub dang sangs rgyas dang sangs rgyas kyi chos rnams kyi bar du 'du bar mi bgyid/ yangs par mi bgyid/ gzhan yang shes rab kyi pha rol du phyin pa ni gzugs tshad mchis par mi bgyid/ tshad ma mchis par mi bgyid/ byang chub dang sangs rgyas dang / sangs rgyas kyi chos rnams kyi bar du tshad mchis par mi bgyid/ tshad ma mchis par mi bgyid/ gzhan yang shes rab kyi pha rol du phyin pa ni/ gzugs rgya chen por mi bgyid/ rgya chung ngur mi bgyid/ byang chub dang sangs rgyas dang sangs rgyas kyi chos rnams kyi bar du rgya chen por mi bgyid/ rgya chung ngur mi bgyid/ gzhan yang shes rab kyi pha rol du phyin pa ni/ gzugs mthu dang ldan par mi bgyid/ mthu ma mchis par mi bgyid/ byang chub dang sangs rgyas dang sangs rgyas kyi chos rnams kyi bar du mthu dang ldan par mi bgyid/ mthu ma mchis par mi bgyid de/ bcom ldan</font><hr>31.259b<br><font size=+1>

'das rnam grangs des na 'di lta ste/ shes rab kyi pha rol du phyin pa 'di ni byang chub sems dpa' sems dpa' chen po rnams kyi pha rol du phyin pa chen mo'o/ /bcom ldan 'das gal te byang chub sems dpa' sems dpa' chen po theg pa la gsar du zhugs pas shes rab kyi pha rol du phyin pa la brten nas/ bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa la brten nas/ shes rab kyi pha rol du phyin pa ni gzugs che bar mi byed/ chung bar mi byed do/ /byang chub dang / sangs rgyas dang sangs rgyas kyi chos rnams kyi bar du che bar mi byed/ chung bar mi byed do/ /gzugs mthu dang ldan pa'i bar du mi byed de/ mthu med par mi byed do/ /byang chub dang sangs rgyas dang sangs rgyas kyi chos rnams kyi bar du mthu dang ldan par mi byed/ mthu med par mi byed do zhes bgyi bar 'du shes su gyur na/ bcom ldan 'das de ltar 'du shes su gyur pa'i byang chub sems dpa' sems dpa' chen po ni shes rab kyi pha rol du phyin pa la spyod pa ma lags so/ /de ci'i slad du zhe na/ gang gzugs che bar bgyid pa 'am/ chung bar bgyid pa de ni shes rab kyi pha rol du phyin pa dang mthun pa'i 'bras bu ma lags so/ /byang chub dang sangs rgyas dang sangs rgyas kyi chos rnams kyi bar du che bar bgyid pa 'am/ chung bar bgyid pa de ni shes rab kyi pha rol du phyin pa dang / 'thun pa'i 'bras bu ma lags so/ /gang gzugs mthu dang ldan pa'i bar du bgyid pa 'am/ mthu ma mchis par bgyid pa de ni shes rab kyi pha rol du phyin pa dang 'thun pa'i 'bras bu ma lags so/ /gang byang chub dang / sangs rgyas dang / sangs rgyas kyi chos rnams kyi bar du mthu dang ldan pa 'am/ mthu ma mchis par bgyid pa de ni shes rab kyi pha rol du phyin pa dang 'thun pa'i 'bras bu ma lags te/ bcom ldan 'das</font><hr>31.260a<br><font size=+1>

gang de ltar shes rab kyi pha rol du phyin pa la spyod pa'i tshe/ gzugs che bar bgyid pa 'am/ chung bar bgyid pa 'am/ byang chub dang / sangs rgyas dang / sangs rgyas kyi chos rnams kyi bar du che bar bgyid pa 'am/ chung bar bgyid pa 'am/ gang gzugs mthu dang ldan pa'i bar du bgyid pa 'am/ mthu ma mchis par bgyid pa 'am/ byang chub dang / sangs rgyas dang / sangs rgyas kyi chos rnams kyi bar du mthu dang ldan pa'i bar du bgyid pa 'am/ mthu ma mchis pa'i bar du bgyid pa de ni de'i dmigs pa chen por 'gyur ro/ /de ci'i slad du zhe na/ dmigs pa'i 'du shes can la byang chub ces bgyi ba ma mchis te/ de ni 'di ltar sems can skye ba ma mchis pa'i slad du/ shes rab kyi pha rol du phyin pa skye ba ma mchis par blta'o/ /gzugs skye ba ma mchis pa'i slad du/ shes rab kyi pha rol du phyin pa skye ba ma mchis par blta'o/ /tshor ba dang 'du shes dang 'du byed dang / rnam par shes pa skye ba ma mchis pa dang / byang chub dang sangs rgyas dang / sangs rgyas kyi chos rnams kyi bar du skye ba ma mchis pa'i slad du/ shes rab kyi pha rol du phyin pa skye ba ma mchis par blta'o/ /sems can rang bzhin ma mchis pa'i slad du/ shes rab kyi pha rol du phyin pa rang bzhin ma mchis par blta'o/ /gzugs rang bzhin ma mchis pa'i slad du/ shes rab kyi pha rol du phyin pa rang bzhin ma mchis par blta'o/ /tshor ba dang / 'du shes dang 'du byed dang / rnam par shes pa rang bzhin ma mchis pa dang / byang chub dang / sangs rgyas dang / sangs rgyas kyi chos rnams kyi bar du rang bzhin ma mchis pa'i slad du/ shes rab kyi pha rol du phyin pa rang bzhin ma mchis par blta'o/ /sems can dngos po ma mchis pa'i slad du/ shes rab kyi pha rol du phyin pa dngos po ma mchis par blta'o/ /gzugs dngos po ma mchis pa'i slad du/ </font><hr>31.260b<br><font size=+1>

shes rab kyi pha rol du phyin pa dngos po ma mchis par blta'o/ /tshor ba dang 'du shes dang 'du byed dang rnam par shes pa dngos po ma mchis pa dang / byang chub dang sangs rgyas dang / sangs rgyas kyi chos rnams kyi bar du dngos po ma mchis pa'i slad du/ shes rab kyi pha rol du phyin pa dngos po ma mchis par blta'o/ /sems can stong pa nyid kyi slad du/ shes rab kyi pha rol du phyin pa stong pa nyid du blta'o/ /gzugs stong pa nyid kyi slad du/ shes rab kyi pha rol du phyin pa stong pa nyid du blta'o/ /tshor ba dang 'du shes dang 'du byed dang / rnam par shes pa stong pa nyid dang / byang chub dang sangs rgyas dang / sangs rgyas kyi chos rnams kyi bar du stong pa nyid kyi slad du/ shes rab kyi pha rol du phyin pa stong pa nyid du blta'o/ /sems can dben pa'i slad du/ shes rab kyi pha rol du phyin pa dben par blta'o/ /gzugs dben pa'i slad du/ shes rab kyi pha rol du phyin pa dben par blta'o/ /tshor ba dang 'du shes dang 'du byed dang rnam par shes pa dben pa dang / byang chub dang / sangs rgyas dang / sangs rgyas kyi chos rnams kyi bar du dben pa'i slad du/ shes rab kyi pha rol du phyin pa dben par blta'o/ /sems can ma mchis pa'i slad du/ shes rab kyi pha rol du phyin pa ma mchis par blta'o/ /gzugs ma mchis pa'i slad du/ shes rab kyi pha rol du phyin pa ma mchis par blta'o/ /tshor ba dang 'du shes dang 'du byed dang rnam par shes pa ma mchis pa dang / byang chub dang / sangs rgyas dang / sangs rgyas kyi chos rnams kyi bar du ma mchis pa'i slad du/ shes rab kyi pha rol du phyin pa ma mchis par blta'o/ /sems can bsam gyis mi khyab pa'i slad du/ shes rab kyi pha rol du phyin pa bsam gyis mi khyab par blta'o/ /gzugs bsam gyis mi khyab pa'i slad du/ shes rab kyi pha rol du phyin pa bsam gyis mi khyab par blta'o/ /tshor ba dang 'du shes dang 'du byed dang / rnam</font><hr>31.261a<br><font size=+1>

par shes pa bsam gyis mi khyab pa dang / byang chub dang sangs rgyas dang sangs rgyas kyi chos rnams kyi bar du bsam gyis mi khyab pa'i slad du/ shes rab kyi pha rol du phyin pa bsam gyis mi khyab par blta'o/ /sems can rnam par 'jig pa ma mchis pa'i slad du/ shes rab kyi pha rol du phyin pa rnam par 'jig pa ma mchis par blta'o/ /gzugs rnam par 'jig pa ma mchis pa'i slad du/ shes rab kyi pha rol du phyin pa rnam par 'jig pa ma mchis par blta'o/ /tshor ba dang 'du shes dang 'du byed dang / rnam par shes pa rnam par 'jig pa ma mchis pa dang / byang chub dang sangs rgyas dang / sangs rgyas kyi chos rnams kyi bar du rnam par 'jig pa ma mchis pa'i slad du/ shes rab kyi pha rol du phyin pa rnam par 'jig pa ma mchis par blta'o/ /sems can mngon par rdzogs par 'tshang rgya ba ma mchis pa'i slad du/ shes rab kyi pha rol du phyin pa mngon par rdzogs par 'tshang rgya ba ma mchis par blta'o/ /gzugs mngon par rdzogs par 'tshang rgya ba ma mchis pa'i slad du/ shes rab kyi pha rol du phyin pa mngon par rdzogs par 'tshang rgya ba ma mchis par blta'o/ /tshor ba dang 'du shes dang 'du byed dang / rnam par shes pa mngon par rdzogs par 'tshang rgya ba ma mchis pa dang / byang chub dang sangs rgyas dang sangs rgyas kyi chos rnams kyi bar du mngon par rdzogs par 'tshang rgya ba ma mchis pa'i slad du/ shes rab kyi pha rol du phyin pa mngon par rdzogs par 'tshang rgya ba ma mchis par blta'o/ /sems can gyi stobs yongs su 'grub pa ma mchis pa'i slad du/ shes rab kyi pha rol du phyin pa'i stobs yongs su 'grub pa ma mchis par blta'o/[ ]/ gzugs kyi stobs yongs su 'grub pa ma mchis pa'i slad du/ shes rab kyi pha rol du phyin pa'i stobs yongs su 'grub pa ma mchis par blta'o/ /tshor ba dang 'du shes dang 'du byed dang rnam par shes pa'i stobs yongs su</font><hr>31.261b<br><font size=+1>

'grub pa ma mchis pa dang / byang chub dang sangs rgyas dang sangs rgyas kyi chos rnams kyi bar gyi stobs yongs su 'grub pa ma mchis pa'i slad du/ shes rab kyi pha rol du phyin pa'i stobs yongs su 'grub pa ma mchis par blta'o/ /bcom ldan 'das rnam grangs des kyang 'di lta ste/ shes rab kyi pha rol du phyin pa 'di ni byang chub sems dpa' sems dpa' chen po rnams kyi pha rol du phyin pa chen mo'o/ /shes rab kyi pha rol du phyin pa stong phrag nyi shu lnga pa las/ le'u nyi shu lnga pa'o// // de nas tshe dang ldan pa shA ra dwa ti'i bus/ bcom ldan 'das la 'di skad ces gsol to/ /bcom ldan 'das byang chub sems dpa' sems dpa' chen po gang shes rab kyi pha rol du phyin pa zab mo 'di la/ mos par 'gyur ba de gang nas shi 'phos te 'dir mchis pa lags/ rigs kyi bu 'am rigs kyi bu mo de ji srid cig nas bla na med pa yang dag par rdzogs pa'i byang chub tu zhugs pa lags/ de bzhin gshegs pa dgra bcom pa yang dag par rdzogs pa'i sangs rgyas ni ji snyed cig bsnyen bkur ba lags/ gang shes rab kyi pha rol du phyin pa zab mo 'di la don dang tshul gyis mos par 'gyur ba de sbyin pa'i pha rol du phyin pa la ni yun ring po ji srid cig nas spyod pa lags/ tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la ni yun ring po ji srid cig nas spyad pa lags/ bcom ldan 'das kyis bka' stsal pa/ shA ra dwa ti'i bu byang chub sems dpa' sems dpa' chen po de ni phyogs bcu'i 'jig rten gyi khams kyi de bzhin gshegs pa dgra bcom pa yang dag par rdzogs pa'i sangs rgyas tshad med grangs med pa bsnyen bkur nas 'dir 'ongs shing 'dir skyes pa ste/ shA ra dwa ti'i bu byang chub sems dpa' sems dpa' chen po de ni bskal pa bye ba khrag khrig</font><hr>31.262a<br><font size=+1>

brgya stong grangs med tshad med dpag tu med par sbyin pa'i pha rol tu phyin pa la spyad pa'o/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la spyad pa'o/ /de ni bskal pa bye ba khrag khrig brgya stong grangs med tshad med dpag tu med pa nas/ bla na med pa yang dag par rdzogs pa'i byang chub tu yang dag par zhugs pa ste/ de sems dang po bskyed phyin cad sbyin pa'i pha rol du phyin pa la spyod cing 'dir 'ongs pa'o/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la spyod cing 'dir 'ongs pa'o/ /des de nas bzung ste/ de bzhin gshegs pa dgra bcom pa yang dag par rdzogs pa'i sangs rgyas grangs med tshad med dpag tu med pa/ bsam gyis mi khyab pa mtshungs pa med pa bsnyen bkur nas/ 'dir 'ongs shing 'dir skyes pa ste/ shA ra dwa ti'i bu byang chub sems dpa' sems dpa' chen po des shes rab kyi pha rol du phyin pa 'di mthong ngam thos na/ bdag gi ston pa mthong ngo zhes bya bar sems bskyed par 'gyur ro/ /bdag gi ston pa thos so zhes bya bar sems bskyed par 'gyur ro/ /shA ra dwa ti'i bu byang chub sems dpa' sems dpa' chen po/ de ni shes rab kyi pha rol du phyin pa 'di la mi gnyis pa dang / dmigs pa'i tshul du don dang tshul gyis rjes su 'brang bar 'gyur ro/ /de nas tshe dang ldan pa rab 'byor gyis/ bcom ldan 'das la 'di skad ces gsol to/ /bcom ldan 'das shes rab kyi pha rol du phyin pa la mnyan pa 'am lta bar nus lags sam/ bcom ldan 'das kyis bka'</font><hr>31.262b<br><font size=+1>

stsal pa/ rab 'byor de ni ma yin no/ /rab 'byor shes rab kyi pha rol du phyin pa la ni nyan pa med do/ /lta ba med do/ /shes rab kyi pha rol du phyin pa nyid kyang mi nyan mi lta'o/ /chos la sems med pa'i phyir shes rab kyi pha rol du phyin pa ni de dag gis mi thos mi mthong ngo / /de bzhin du chos la sems med pa'i phyir bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa ni de dag gis mi thos mi mthong ngo / /chos la sems med pa'i phyir nang stong pa nyid ni de dag gis mi thos mi mthong ngo / /chos la sems med pa'i phyir dngos po med pa'i ngo bo nyid stong pa nyid kyi bar ni de dag gis mi thos mi mthong ngo / /chos la sems med pa'i phyir dran pa nye bar gzhag pa rnams ni de dag gis mi thos mi mthong ngo / /chos la sems med pa'i phyir yang dag par spong ba rnams dang / rdzu 'phrul gyi rkang pa rnams dang / dbang po rnams dang stobs rnams dang / byang chub kyi yan lag rnams dang / 'phags pa'i lam yan lag brgyad pa ni de dag gis mi thos mi mthong ngo / /chos la sems med pa'i phyir 'phags pa'i bden pa rnams dang / bsam gtan rnams dang tshad med pa rnams dang / gzugs med pa'i snyoms par 'jug pa rnams dang / rnam par thar pa rnams dang / mthar gyis gnas pa'i snyoms par 'jug pa rnams dang / stong pa nyid dang mtshan ma med pa dang / smon pa med pa dang mngon par shes pa rnams ni de dag gis mi thos mi mthong ngo / /chos la sems med pa'i phyir/ ting nge 'dzin rnams dang / gzungs kyi sgo rnams dang / de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams ni de dag gis mi</font><hr>31.263a<br><font size=+1>

thos mi mthong ngo / /chos la sems med pa'i phyir rgyun tu zhugs pa'i 'bras bu ni de dag gis mi thos mi mthong ngo / /chos la sems med pa'i phyir lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub ni de dag gis mi thos mi mthong ngo / /chos la sems med pa'i phyir lam gyi rnam pa shes pa nyid dang / byang chub dang sangs rgyas dang / sangs rgyas kyi chos ni de dag gis mi thos mi mthong ngo // //shes rab kyi pha rol du phyin pa stong phrag nyi shu lnga pa/ bam po sum bcu brgyad pa/ gsol pa bcom ldan 'das byang chub sems dpa' sems dpa' chen po gang shes rab kyi pha rol du phyin pa zab mo 'di la brtson par bgyid pa de/ yun ring po ji srid cig nas spyod spyod pa lags/ bcom ldan 'das kyis bka' stsal pa/ rab 'byor de ni rnam par phye zhing bshad dgos pa ste/ rab 'byor byang chub sems dpa' sems dpa' chen po la la sems dang po bskyed pa nas nye bar bzung ste/ shes rab kyi pha rol du phyin pa zab mo 'di la de mi dmigs pa'i tshul gyis brtson par byed pa dang / bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa la brtson par byed cing 'phel ba dang 'grib par mthong ba med pas/ chos gang yang mi spong ste/ nam yang pha rol du phyin pa drug dang 'bral bar mi 'gyur la/ sangs rgyas bcom ldan 'das rnams dang yang 'bral bar mi 'gyur zhing dge ba'i rtsa ba gang gis/ sangs rgyas bcom ldan 'das de dag la rim gro dang / bkur sti dang sti stang dang / mchod pa bya bar 'dod pa'i dge ba'i rtsa ba de dag kyang / sems bskyed pa tsam gyis 'grub par 'gyur te</font><hr>31.263b<br><font size=+1>

sangs rgyas kyi zhing nas sangs rgyas kyi zhing du 'gro zhing / nam yang ma'i mngal du mi skye la/ nam yang mngon par shes pa rnams dang mi 'bral zhing / nyon mongs pa gang dang yang mi 'grogs la/ nyan thos kyi sems dang / rang sangs rgyas kyi sems dang lhan cig mi gnas shing / sems can yongs su smin par bya ba dang / sangs rgyas kyi zhing yongs su dag par byed cing / sangs rgyas kyi zhing nas sangs rgyas kyi zhing du 'gro ba de lta bu'i rnam grangs yod de/ rab 'byor byang chub sems dpa' sems dpa' chen po de lta bu dag ni/ shes rab kyi pha rol du phyin pa zab mo 'di la brtson par byed do/ /rab 'byor gzhan yang byang chub sems dpa'i theg pa pa'i rigs kyi bu 'am rigs kyi bu mo gang gis/ sangs rgyas brgya phrag mang po dang / sangs rgyas stong phrag mang po dang / sangs rgyas bye ba khrag khrig brgya phrag mang po mthong zhing / de dag gi drung du dmigs pa'i tshul gyis sbyin pa byin pa dang / tshul khrims bsrungs pa dang / bzod pa bsgoms pa dang / brtson 'grus brtsams pa dang / bsam gtan bskyed pa dang / shes rab bsgoms pa yod de/ de dag ni shes rab kyi pha rol du phyin pa zab mo 'di bstan pa'i tshe/ 'khor de nas gud du 'dong ste/ byang chub sems dpa'i theg pa pa'i rigs kyi bu 'am rigs kyi bu mo de dag ni/ shes rab kyi pha rol du phyin pa zab mo 'di bstan pa'i tshe/ rim 'gro med pa'i sangs rgyas bcom ldan 'das/ de dag gi drung nas gud du 'dong ba'o/ /de ci'i phyir zhe na/ de ni 'di ltar byang chub sems dpa'i theg pa pa'i rigs kyi bu 'am rigs kyi bu mo de dag ni/ shes rab kyi pha rol du phyin pa 'di bstan pa'i tshe/ 'khor de nas gud du 'dong 'dong ba ste de dag ni da ltar byung ba'i tshe yang shes rab kyi pha rol du phyin pa zab mo 'di bstan pa'i tshe/ 'khor de nas gud du 'dong bar 'gyur te/ lus dang sems kyis 'thun par spyod par mi 'gyur ro/ /de dag ni shes rab 'chal par 'gyur ba'i las gsogs pa yin te/ de dag gis</font><hr>31.264a<br><font size=+1>

shes rab 'chal bar 'gyur ba'i las byas shing bsags pa des/ shes rab kyi pha rol du phyin pa 'di bstan pa'i tshe/ spong bar 'gyur te de dag gis shes rab kyi pha rol du phyin pa 'di spangs pas/ 'das pa dang / ma byon pa dang / da ltar byung ba'i sangs rgyas bcom ldan 'das rnams kyi rnam pa thams cad mkhyen pa nyid spangs par 'gyur te/ de dag rnam pa thams cad mkhyen pa nyid spangs pa las byung ba'i las mngon par 'du byas shing bstsags pa dang / chos brlag par 'gyur ba'i las byas shing bstsags pa des/ lo mang po dang / lo brgya phrag mang po dang / lo stong phrag mang po dang / lo bye ba khrag khrig brgya stong phrag mang po'i bar du sems can dmyal bar bsregs par 'gyur ro/ /de dag sems can dmyal ba chen po nas/ sems can dmyal ba chen por 'dong bar 'gyur te/ de dag sems can dmyal ba chen po nas sems can dmyal ba chen por 'dong ba'i tshe/ mes yongs su 'jig pa 'am/ chus yongs su 'jig pa 'am/ rlung gis yongs su 'jig pa 'byung bar 'gyur te/ de dag de ltar mes yongs su 'jig pa 'am/ chus yongs su 'jig pa 'am/ rlung gis yongs su 'jig pa 'byung ba'i tshe yang / 'jig rten gyi khams gzhan dag gi sems can dmyal ba chen po de dag du 'phong bar 'gyur te/ de dag du skye bar 'gyur de dag du bsreg par 'gyur ro/ /der 'phongs te der skyes nas kyang / sems can dmyal ba chen po nas/ sems can dmyal ba chen por 'dong bar 'gyur te/ de dag sems can dmyal ba chen po nas/ sems can dmyal ba chen por 'dong ba'i tshe/ mes yongs su 'jig pa 'am/ chus yongs su 'jig pa 'am/ rlung gi yongs su 'jig pa 'byung ste/ de dag de ltar mes yongs su 'jig pa 'am/ chus yongs su 'jig pa 'am/ rlung gis</font><hr>31.264b<br><font size=+1>

yongs su 'jig pa 'byung ba'i tshe yang / shar phyogs kyi sems can dmyal ba chen po de dag du 'phangs par 'gyur/ lho dang nub dang / byang dang byang shar dang / shar lho dang / lho nub dang nub byang dang 'og dang / steng gi phyogs kyi sems can dmyal ba chen po dag du 'phang bar 'gyur ro/ /de dag du yang sems can dmyal ba chen po nas/ sems can dmyal ba chen por 'dong bar 'gyur te/ der yang mes yongs su 'jig pa 'am/ chus yongs su 'jig pa 'am/ rlung gis yongs su 'jig pa 'byung ba ste/ de dag de ltar mes yongs su 'jig pa 'am/ chus yongs su 'jig pa 'am/ rlung gis yongs su 'jig pa 'byung ba'i tshe/ de nas shi 'phos nas chos 'jig par 'gyur ba'i las de ma zad pas yang 'dir skyes te/ de dag yang sems can dmyal ba chen po nas sems can dmyal ba chen por 'dong bar 'gyur ro/ /de dag der skyes nas kyang sems can dmyal ba chen po de dag du sems can dmyal ba'i sdug bsngal nyams su 'bab par 'gyur ro/ /de dag du yang mes yongs su 'jig pa 'am/ chus yongs su 'jig pa 'am/ rlung gis yongs su 'jig pa ma byung gi bar du/ sems can dmyal ba'i sdug bsngal de dag myong bar 'gyur ro/ /de dag mes yongs su 'jig pa 'am/ chus yongs su 'jig pa 'am/ rlung gis yongs su 'jig pa byung nas kyang / de dag nas shi 'phos te/ shar phyogs kyi 'jig rten gyi khams dag du/ byol song gi skye gnas pa rnams dang / skal pa mnyam par skye bar 'gyur ro/ /lho dang nub dang byang dang byang shar dang / shar lho dang lho nub dang nub byang dang 'og dang / steng gi phyogs kyi 'jig rten gyi khams dag du byol song gi skye gnas pa rnams dang skal pa mnyam par skye bar 'gyur ro/ /de dag yang phyogs bcu kun gyi 'jig rten gyi khams kyi bar du gshin rje'i 'jig rten du skye bar 'gyur ro/ /de dag der skyes nas sdug bsngal mang po myong bar 'gyur ba'i</font><hr>31.265a<br><font size=+1>

las zad nas/ ci ste brgya la mir skye ba thob na yang / chos 'jig par 'gyur ba'i las byas pa dang bsags pa dang bsgrubs pa dang / tshang pa dang / rdzogs pa'i rnam par smin pa des/ de dag gang dang gang du skye ba de dang der dmus long gi rigs su skye bar 'gyur/ phyag dar ba'i rigs su skye bar 'gyur/ gdol pa'i rigs su skye bar 'gyur/ smyig ma mkhan gyi rigs su skye bar 'gyur/ de dag der skyes nas kyang dmus long du 'gyur ba yin/ zha bor 'gyur ba yin/ sna med par 'gyur ba yin/ lce med par 'gyur ba yin/ lag pa med par 'gyur ba yin/ rkang pa med par 'gyur ba yin/ mdze can du 'gyur ba yin/ sha bkra can du 'gyur ba yin/ sgur por 'gyur ba yin/ gang na sangs rgyas kyi sgra med pa dang / chos kyi sgra med pa dang / dge 'dun gyi sgra med pa de dag du rtag tu skye bar 'gyur ba yin no/ /de nas tshe dang ldan pa shA ra dwa ti'i bus/ bcom ldan 'das la 'di skad ces gsol to/ /bcom ldan 'das mtshams ma mchis pa lngas ni/ chos 'jig par 'gyur ba'i sug las bgyis pa dang / bstsags pa 'di'i gzugs brnyan tsam du yang ma spyod do/ /bcom ldan 'das kyis bka' stsal pa/ shA ra dwa ti'i bu 'di ni gang shes rab kyi pha rol du phyin pa zab mo 'di bstan cing bshad pa'i tshe/ phyir spang bar sems shing 'di skad du/ 'di la khyed dang bdag cag gis bslab par mi bya ste/ 'di ni chos ma yin no/ /'di ni 'dul ba ma yin no/ /'di ni ston pa'i bstan pa ma yin no/ /'di ni de bzhin gshegs pa dgra bcom pa yang dag par rdzogs pa'i sangs rgyas kyis gsungs pa ma yin no zhes zer zhing de bdag nyid kyang phyir spong la/ sems can gzhan yang mos pa med par byed cing / </font><hr>31.265b<br><font size=+1>

bdag gis bsam pa nyams par byas nas/ gzhan gyi bsam pa nyams par byed pa bdag gis bsam pa gdug par byas nas/ gzhan gyi bsam pa gdug par bya bar dga' ba/ bdag nyid chud gzon cing gzhan chud gsan par dga' ba/ bdag nyid shes rab kyi pha rol du phyin pa zab mo mi shes mi rig pas phyir spang bar 'dod la/ gzhan yang de bzhin du 'dzin du 'jug pa/ de'i chos 'jig par 'gyur ba'i las byas shing bstsags pa lta la/ des gzugs brnyan du yang 'gyur re skan/ shA ra dwa ti'i bu ngas ni gang zag de lta bu thos par bya bar yang ma gnang na 'phrad par lta ci smos te/ 'grogs par lta smos kyang mi smos so/ /de ci'i phyir zhe na/ shA ra dwa ti'i bu gang zag de lta bu dag ni chos la skyon 'dogs par rig par bya ste/ shA ra dwa ti'i bu gang zag de lta bu ni blo ngan pa'i tshul can/ phyogs nag po'i tshul can du rig par bya'o/ /shA ra dwa ti'i bu gang zag de lta bu dag gi ngag mnyan par sems pa 'am/ de dag la yid ches par bya bar sems pa de dag kyang tshul ma yin pa'i 'jigs pas 'phung bar 'gyur ro/ /shA ra dwa ti'i bu gang shes rab kyi pha rol du phyin pa la skyon 'dogs pa de ni/ chos la skyon 'dogs par rig par bya ste/ sems can dmyal ba pa 'am/ byol song gi skye gnas pa 'am/ gshin rje'i 'jig rten par rig par bya'o/ /gsol pa bcom ldan 'das chos la skyon 'dogs pa'i gang zag der skyes pa de'i lus kyi tshad da dung ma gsungs so/ /bcom ldan 'das kyis bka' stsal pa/ shA ra dwa ti'i bu chos la skyon 'dogs pa'i gang zag der skyes pa'i lus kyi tshad ni ma gleng shig  /de ci'i phyir zhe na/ gang zag chos la skyon 'dogs pa de'i lus kyi tshad thos na/ mod la khrag tu skyug par 'gyur ba 'am/ 'chi ba 'am/ srog la 'bab pa'i sdug bsngal lam/ </font><hr>31.266a<br><font size=+1>

mya ngan gyi zug rngu skye ba 'am/ ldum bu brngas pa ltar skam zhing rnyis par 'gyur du 'ong ste/ gang zag der skyes pa'i lus kyi tshad ni thos na yang nyes pa de lta bu yod pa de tsam ste/ de'i lus kyi tshad ni de yin no/ /zhes nas bcom ldan 'das kyis tshe dang ldan pa shA ra dwa ti'i bu la skabs dbye ba ma mdzad do/ /gsol pa bcom ldan 'das kyis bstan du gsol/ chos 'jig par 'gyur ba'i sug las bgyis shing bstsags pa des/ chos la skyon 'dogs pa'i gang zag lus 'di 'dra ba yongs su 'dzin par 'gyur ro zhes bgyi bas ni/ ma byung ba'i skye bo rnams la snang ba bgyis par 'gyur ro/ /bcom ldan 'das kyis bka' stsal pa/ shA ra dwa ti'i bu de ni chos 'jig par 'gyur ba'i las byas pa dang / bsags pa dang tshang bar byas pa dang /  rdzogs par byas pa dang yongs su bzung ba dang / yongs su bskang ba des/ 'di srid cig du sems can dmyal bar sdug bsngal myong bar 'gyur ro/ /'di srid cig du byol song gi nang du sdug bsngal myong bar 'gyur ro/ /'di srid cig tu gshin rje'i 'jig rten du sdug bsngal myong bar 'gyur ro zhes byas pa de nyid kyis kyang / ma byung ba'i skye bo rnams la snang ba byas par 'gyur ro/ /gsol pa bcom ldan 'das de de lags so/ /bde bar gshegs pa de de lags so/ /bcom ldan 'das de nyid kyis kyang bkar zhing rigs dang ldan pa'i gang zag rnams nongs pa spong zhing / bdag cag gis de lta bu'i sdug bsngal nyams su myong bar 'gyur du 'ong ngo zhes srog gi don du yang dam pa'i chos mi spong ngo / /de nas tshe dang ldan pa rab 'byor gyis/ bcom ldan 'das la 'di skad ces gsol to/ /bcom ldan</font><hr>31.266b<br><font size=+1>

'das rigs kyi bu 'am rigs kyi bu mo dag gis gang zag dam pa'i chos spong ba'i nongs pa brjod pa 'di thos na/ bdag cag kyang ngan song dag du sdug bsngal gyi rnam pa de lta bu myong du 'ong ngo / /de bzhin gshegs pa mi mthong ba dang / chos mi thos pa dang / dge 'dun bsnyen cing bkur du med par 'gyur du 'ong ngo / /sangs rgyas 'byung ba med pa'i sangs rgyas kyi zhing du skyes su 'ong ngo / /mi 'phongs par 'gyur du 'ong ngo / /shin du 'jungs pa'i sems dang ldan par 'gyur du 'ong ngo zhes bgyi bar/ lus dang ngag dang yid kyi las shin du bsdam par bgyi'o/ /yang tshe dang ldan pa rab 'byor gyis/ bcom ldan 'das la 'di skad ces gsol to/ /bcom ldan 'das tshig gi las bgyis shing bstsags pa ni/ chos 'jig par 'gyur ba'i las bgyis shing bsags par 'gyur ro/ /bcom ldan 'das kyis bka' stsal pa/ rab 'byor tshig gi las byas shing bsags pas/ chos 'jig par 'gyur ba'i las byas shing bsags par 'gyur te/ rab 'byor skyes bu glen pa shes rab kyi pha rol du phyin pa 'di la skyon gdags par sems shing / phyir spong bar sems pa de dag kyang chos dang 'dul ba de nyid la rab tu 'byung bar mi 'gyur ro/ /rab 'byor shes rab kyi pha rol du phyin pa la skyon btags shing phyir spangs pas/ sangs rgyas bcom ldan 'das rnams kyi byang chub la skyon btags shing phyir spangs par 'gyur ro/ /sangs rgyas kyi byang chub la skyon btags shing phyir spangs pas/ 'das pa dang / ma byon pa dang / da ltar byung ba'i sangs rgyas bcom ldan 'das rnams kyi rnam pa thams cad mkhyen pa nyid la skyon btags shing phyir spangs par 'gyur ro/ /rnam pa thams cad mkhyen pa nyid la skyon btags shing phyir spangs pas/ chos la skyon btags shing phyir spangs par</font><hr>31.267a<br><font size=+1>

'gyur ro/ /chos phyir spangs pas dge 'dun phyir spangs par 'gyur ro/ /dge 'dun phyir spangs pas/ 'jig rten pa'i yang dag pa'i lta ba phyir spangs par 'gyur ro/ /'jig rten pa'i yang dag pa'i lta ba phyir spangs pas/ sbyin pa'i pha rol du phyin pa phyir spangs par 'gyur ro/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa phyir spangs par 'gyur ro/ /nang stong pa nyid phyir spangs par 'gyur ro/ /dngos po med pa'i ngo bo nyid stong pa nyid kyi bar du phyir spangs par 'gyur ro/ /dran pa nye bar gzhag pa bzhi phyir spangs par 'gyur ro/ /'phags pa'i lam yan lag brgyad pa'i bar du phyir spangs par 'gyur ro/ /'phags pa'i bden pa bzhi dang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi phyir spangs par 'gyur ro/ /rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa lnga phyir spangs par 'gyur ro/ /ting nge 'dzin thams cad dang / gzungs kyi sgo thams cad dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad phyir spangs par 'gyur ro/ /thams cad shes pa nyid dang / lam gyi rnam pa shes pa nyid dang / rnam pa thams cad mkhyen pa nyid phyir spangs par 'gyur ro/ /rnam pa thams cad mkhyen pa nyid phyir spangs pas/ bsod nams ma yin pa'i phung po tshad med grangs med dpag tu med pa yongs su gzung bar 'gyur ro/ /bsod nams</font><hr>31.267b<br><font size=+1>

ma yin pa'i phung po tshad med grangs med dpag tu med pa yongs su bzung bas/ sems can dmyal ba dang / byol song dang / yi dgas kyi nang du sdug bsngal ba dang / yid mi bde ba tshad med grangs med dpag tu med pa myong bar 'gyur ro/ /rab 'byor gyis gsol pa/ bcom ldan 'das skyes bu glen pa gang shes rab kyi pha rol du phyin pa 'di slar spong ba de dag rnam pa du zhig gis/ shes rab kyi pha rol du phyin pa zab mo 'di slar spong bar 'gyur/ /bcom ldan 'das kyis bka' stsal pa/ rab 'byor skyes bu glen pa de dag rnam pa bzhis shes rab kyi pha rol du phyin pa phyir spong bar 'gyur ro/ /gsol pa bzhi gang dang gang zhig lags/ bcom ldan 'das kyis bka' stsal pa/ skyes bu glen pa gang shes rab kyi pha rol du phyin pa zab mo 'di spong ba de dag ni bdud kyis byin gyis brlabs pa yin te/ rab 'byor rgyu dang po des na/ shes rab kyi pha rol du phyin pa zab mo 'di la phyir spong bar 'gyur ro/ /chos zab mo rnams la yid ches pa dang / dad cing mos pa med pa yin te/ rgyu gnyis pa des na shes rab kyi pha rol du phyin pa zab mo 'di la phyir spong bar 'gyur ro/ /rab 'byor skyes bu glen pa de dag ni sdig pa'i grogs po'i lag du song ba yin te/ brtson 'grus med cing phung po lnga la mngon par zhen pas/ rgyu gsum pa des na/ shes rab kyi pha rol du phyin pa zab mo 'di la phyir spong bar 'gyur ro/ /rab 'byor skyes bu glen pa de dag ni zhe sdang gi spyod pa can yin te/ de dag bdag bstod cing gzhan smod par gyur pas/ rgyu bzhi pa des na shes rab kyi pha rol du phyin pa zab mo 'di la phyir spong bar 'gyur te/ rab 'byor rnam pa bzhi po de dag gis skyes bu glen pa de dag shes rab kyi pha rol du phyin pa zab</font><hr>31.268a<br><font size=+1>

mo 'di la phyir spong bar 'gyur ro/ /gsol pa bcom ldan 'das shes rab kyi pha rol du phyin pa 'di ni brtson 'grus chung ba dang / dge ba'i rtsa ba dang mi ldan zhing sdig pa'i grogs po'i sug par mchis pa rnams kyis mos par dka'o/ /bcom ldan 'das kyis bka' stsal pa/ rab 'byor de de bzhin te/ shes rab kyi pha rol du phyin pa zab mo 'di ni brtson 'grus chung ba dang / dge ba'i rtsa ba dang mi ldan zhing sdig pa'i grogs po'i lag tu lhung ba rnams kyis mos par dka'o/ /gsol pa bcom ldan 'das de ltar mos par dka' ba'i shes rab kyi pha rol du phyin pa de ji tsam du zab pa lags/ /bcom ldan 'das kyis bka' stsal pa/ rab 'byor gzugs ni ma bcings ma grol ba ste/ de ci'i phyir zhe na/ rab 'byor gzugs la rang bzhin med pa ni gzugs so/ /tshor ba dang / 'du shes dang / 'du byed dang / rnam par shes pa ni ma bcings ma grol ba ste/ de ci'i phyir zhe na/ rab 'byor rnam par shes pa la rang bzhin med pa ni rnam par shes pa'o/ /rab 'byor skye mched dang khams dang / rten cing 'brel bar 'byung ba ma bcings ma grol ba'o/ /de ci'i phyir zhe na/ rten cing 'brel bar 'byung ba la rang bzhin med pa ni rten cing 'brel bar 'byung ba'o/ /sbyin pa'i pha rol du phyin pa ni ma bcings ma grol ba ste/ de ci'i phyir zhe na/ rab 'byor sbyin pa'i pha rol du phyin pa la rang bzhin med pa ni/ sbyin pa'i pha rol du phyin pa'o/ /rab 'byor tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa ni ma bcings ma grol ba ste/ de ci'i phyir zhe na/ rab 'byor shes rab kyi pha rol du</font><hr>31.268b<br><font size=+1>

phyin pa la rang bzhin med pa ni/ shes rab kyi pha rol du phyin pa'o/ /rab 'byor nang stong pa nyid ni ma bcings ma grol ba ste/ de ci'i phyir zhe na/ rab 'byor nang stong pa nyid la rang bzhin med pa ni nang stong pa nyid do/ /rab 'byor phyi stong pa nyid ni ma bcings ma grol ba ste/ de ci'i phyir zhe na/ rab 'byor phyi stong pa nyid la rang bzhin med pa ni phyi stong pa nyid do/ /rab 'byor phyi nang stong pa nyid ni ma bcings ma grol ba ste/ de ci'i phyir zhe na/ rab 'byor phyi nang stong pa nyid la rang bzhin med pa ni phyi nang stong pa nyid do/ /rab 'byor dngos po med pa'i ngo bo nyid stong pa nyid kyi bar ni ma bcings ma grol ba ste/ de ci'i phyir zhe na/ rab 'byor dngos po med pa'i ngo bo nyid stong pa nyid la rang bzhin med pa ni/ dngos po med pa'i ngo bo nyid stong pa nyid do/ /rab 'byor dran pa nye bar gzhag pa rnams ni ma bcings ma grol ba ste/ de ci'i phyir zhe na/ rab 'byor dran pa nye bar gzhag pa rnams la rang bzhin med pa ni/ dran pa nye bar gzhag pa rnams so/ /rab 'byor yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa ni ma bcings ma grol ba ste/ de ci'i phyir zhe na/ rab 'byor 'phags pa'i lam yan lag brgyad pa la rang bzhin med pa ni/ 'phags pa'i lam yan lag brgyad pa'o/ /rab 'byor 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams ni ma bcings ma grol ba ste/ de ci'i phyir zhe na/ rab 'byor gzugs med pa'i snyoms par 'jug pa rnams la rang bzhin med pa ni/ gzugs</font><hr>31.269a<br><font size=+1>

med pa'i snyoms par 'jug pa rnams so/ /rab 'byor rnam par thar pa rnams dang / mthar gyis gnas pa'i snyoms par 'jug pa rnams dang / stong pa nyid dang / mtshan ma med pa dang / smon pa med pa dang / mngon par shes pa rnams ni ma bcings ma grol ba ste/ de ci'i phyir zhe na/ rab 'byor mngon par shes pa rnams la rang bzhin med pa ni mngon par shes pa rnams so/ /rab 'byor ting nge 'dzin rnams dang / gzungs kyi sgo rnams dang / de bzhin gshegs pa'i stobs rnams dang mi 'jigs pa rnams dang / so so yang dag par rig pa rnams dang / byams pa chen po dang / snying rje chen po dang / sangs rgyas kyi chos ma 'dres pa rnams ni ma bcings ma grol ba ste/ de ci'i phyir zhe na/ rab 'byor sangs rgyas kyi chos ma 'dres pa rnams la rang bzhin med pa ni/ sangs rgyas kyi chos ma 'dres pa rnams so/ /rab 'byor thams cad shes pa nyid dang / lam gyi rnam pa shes pa nyid dang / rnam pa thams cad mkhyen pa nyid ni ma bcings ma grol ba ste/ de ci'i phyir zhe na/ rab 'byor rnam pa thams cad mkhyen pa nyid la rang bzhin med pa ni/ rnam pa thams cad mkhyen pa nyid do/ /rab 'byor gzugs kyi sngon gyi mtha' ni ma bcings ma grol ba ste/ de ci'i phyir zhe na/ rab 'byor sngon gyi mtha' dngos po med pa'i rang bzhin ni gzugs so/ /rab 'byor tshor ba dang 'du shes dang 'du byed dang rnam par shes pa'i sngon gyi mtha' ni ma bcings ma grol ba ste/ de ci'i phyir zhe na/ rab 'byor sngon gyi mtha' dngos po med pa'i rang bzhin ni rnam par shes pa'o/ rab 'byor rnam pa thams cad mkhyen pa nyid kyi bar gyi sngon gyi mtha' ni ma bcings ma grol ba ste/ de ci'i phyir zhe na/ rab 'byor</font><hr>31.269b<br><font size=+1>

sngon gyi mtha' dngos po med pa'i rang bzhin ni/ rnam pa thams cad mkhyen pa nyid do/ /rab 'byor gzugs kyi phyi ma'i mtha' ni ma bcings ma grol ba ste/ de ci'i phyir zhe na/ rab 'byor phyi ma'i mtha' dngos po med pa'i rang bzhin ni gzugs so/ /rab 'byor tshor ba dang / 'du shes dang / 'du byed dang / rnam par shes pa'i phyi ma'i mtha' ma bcings ma grol ba ste/ de ci'i phyir zhe na/ rab 'byor phyi ma'i mtha' dngos po med pa'i rang bzhin ni rnam par shes pa'o/ /rab 'byor rnam pa thams cad mkhyen pa nyid kyi bar gyi phyi ma'i mtha' ni ma bcings ma grol ba ste/ de ci'i phyir zhe na/ rab 'byor phyi ma'i mtha' dngos po med pa'i rang bzhin ni rnam pa thams cad mkhyen pa nyid do/ /rab 'byor gzugs kyi da ltar byung ba ni ma bcings ma grol ba ste/ de ci'i phyir zhe na/ rab 'byor da ltar byung ba dngos po med pa'i rang bzhin ni gzugs so/ /rab 'byor tshor ba dang / 'du shes dang / 'du byed dang rnam par shes pa'i da ltar byung ba ni ma bcings ma grol ba ste/ de ci'i phyir zhe na/ rab 'byor da ltar byung ba dngos po med pa'i rang bzhin ni rnam par shes pa'o/ /rab 'byor rnam pa thams cad mkhyen pa nyid kyi bar gyi da ltar byung ba ni ma bcings ma grol ba ste/ de ci'i phyir zhe na/ rab 'byor da ltar byung ba'i dngos po med pa'i rang bzhin ni rnam pa thams cad mkhyen pa nyid do/ /gsol pa bcom ldan 'das shes rab kyi pha rol du phyin pa ni brtson 'grus chung ba dge ba'i rtsa ba ma bskyed pa/ sdig pa'i grogs po'i sug par lhung ba/ bdud kyi dbang du gyur pa le lo can/ brtson 'grus btang ba/ dran pa nyams pa/ shes bzhin dang mi ldan pa rnams kyis mos par dka'o/ bcom ldan 'das kyis bka'</font><hr>31.270a<br><font size=+1>

stsal pa/ rab 'byor de de bzhin te/ rab 'byor shes rab kyi pha rol du phyin pa ni brtson 'grus chung ba dge ba'i rtsa ba ma bskyed pa/ sdig pa'i grogs po'i lag du lhung ba/ bdud kyi dbang du gyur pa le lo can/ brtson 'grus btang ba/ dran pa nyams pa/ shes bzhin dang mi ldan pa rnams kyis mos par dka'o/ /rab 'byor gzhan yang gzugs rnam par dag pa gang yin pa de ni/ 'bras bu rnam par dag pa'o/ /tshor ba dang 'du shes dang 'du byed dang rnam par shes pa rnam par dag pa gang yin pa de ni 'bras bu rnam par dag pa'o/ /skye mched dang khams dang rten cing 'brel bar 'byung ba rnam par dag pa gang yin pa de ni 'bras bu rnam par dag pa'o/ /sbyin pa'i pha rol du phyin pa rnam par dag pa gang yin pa de ni/ 'bras bu rnam par dag pa'o/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa rnam par dag pa gang yin pa de ni 'bras bu rnam par dag pa'o/ /nang stong pa nyid rnam par dag pa gang yin pa de ni 'bras bu rnam par dag pa'o/ /dngos po med pa'i ngo bo nyid stong pa nyid kyi bar rnam par dag pa gang yin pa de ni 'bras bu rnam par dag pa'o/ /byang chub kyi phyogs kyi chos sum bcu rtsa bdun rnam par dag pa gang yin pa de ni/ 'bras bu rnam par dag pa'o/ /'phags pa'i bden pa dang / bsam gtan dang tshad med pa dang / gzugs med pa'i snyoms par 'jug pa rnams rnam par dag pa gang yin pa de ni/ 'bras bu rnam par dag pa'o/ rnam par thar pa brgyad dang / mthar gyis gnas pa'i snyoms par 'jug pa dgu dang / </font><hr>31.270b<br><font size=+1>

stong pa nyid dang / mtshan ma med pa dang / smon pa med pa dang / mngon par shes pa rnams rnam par dag pa gang yin pa de ni/ 'bras bu rnam par dag pa'o/ /ting nge 'dzin rnams dang / gzungs kyi sgo rnams rnam par dag pa gang yin pa de ni 'bras bu rnam par dag pa'o/ /de bzhin gshegs pa'i stobs bcu dang / mi 'jigs pa bzhi dang so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad rnam par dag pa gang yin pa de ni/ 'bras bu rnam par dag pa'o/ /thams cad shes pa nyid dang / lam gyi rnam pa shes pa nyid dang / rnam pa thams cad mkhyen pa nyid rnam par dag pa gang yin pa de ni/ 'bras bu rnam par dag pa'o/ /rab 'byor gzhan yang gzugs yongs su dag pa gang yin pa de ni shes rab kyi pha rol tu phyin pa yongs su dag pa/ shes rab kyi pha rol du phyin pa yongs su dag pa gang yin pa de ni gzugs yongs su dag pa ste/ de ltar na gzugs yongs su dag pa dang / shes rab kyi pha rol du phyin pa yongs su dag pa 'di la gnyis su med de gnyis su byar med so so ma yin tha mi dad do/ /tshor ba dang 'du shes dang 'du byed dang rnam par shes pa yongs su dag pa gang yin pa de ni/ shes rab kyi pha rol du phyin pa yongs su dag pa/ shes rab kyi pha rol du phyin pa yongs su dag pa gang yin pa de ni/ rnam par shes pa yongs su dag pa ste/ de ltar na rnam par shes pa yongs su dag pa dang / shes rab kyi pha rol du phyin pa yongs su dag pa 'di la gnyis su med de/ gnyis su byar med so so ma yin tha mi dad do/ /rnam pa thams cad mkhyen pa nyid kyi bar du yongs su dag pa gang yin pa de ni/ shes rab kyi pha rol du phyin pa yongs su dag pa/ shes rab kyi pha rol du phyin pa yongs su dag pa gang yin pa de ni/ rnam pa thams cad</font><hr>31.271a<br><font size=+1>

mkhyen pa nyid yongs su dag pa ste/ de ltar na rnam pa thams cad mkhyen pa nyid yongs su dag pa dang / shes rab kyi pha rol du phyin pa yongs su dag pa 'di la gnyis su med de gnyis su byar med so so ma yin tha mi dad do/ /rab 'byor gzhan yang bdag rnam par dag pa gang yin pa de ni/ gzugs rnam par dag pa/ gzugs rnam par dag pa gang yin pa de ni/ bdag rnam par dag pa ste/ de ltar na bdag rnam par dag pa dang / gzugs rnam par dag pa 'di la gnyis su med de gnyis su byar med so so ma yin tha mi dad do/ /bdag rnam par dag pa gang yin pa de ni/ tshor ba dang 'du shes dang 'du byed dang / rnam par shes pa rnam par dag pa/ rnam par shes pa rnam par dag pa gang yin pa de ni/ bdag rnam par dag pa ste/ de ltar na bdag rnam par dag pa dang / rnam par shes pa rnam par dag pa 'di la gnyis su med de gnyis su byar med so so ma yin tha mi dad do/ /bdag rnam par dag pa gang yin pa de ni/ rnam pa thams cad mkhyen pa nyid kyi bar du rnam par dag pa/ rnam pa thams cad mkhyen pa nyid rnam par dag pa gang yin pa de ni/ bdag rnam par dag pa ste/ de ltar na bdag rnam par dag pa dang / rnam pa thams cad mkhyen pa nyid rnam par dag pa 'di la gnyis su med de gnyis su byar med so so ma yin tha mi dad do/ /sems can dang / srog dang gso ba dang / skyes bu dang gang zag dang / shed can dang shed bdag dang / byed pa po dang tshor ba po dang / shes pa po dang / mthong ba po rnam par dag pa gang yin pa de ni/ gzugs rnam par dag pa/ gzugs rnam par dag pa gang yin pa de ni/ mthong ba po rnam par dag pa ste/ de ltar na mthong ba po rnam par dag pa dang / gzugs rnam par dag pa 'di la gnyis su med de gnyis su byar med so so ma yin</font><hr>31.271b<br><font size=+1>

tha mi dad do/ /sems can dang / mthong ba po'i bar du rnam par dag pa gang yin pa de ni/ tshor ba dang 'du shes dang / 'du byed dang rnam par shes pa rnam par dag pa dang / rnam par shes pa rnam par dag pa gang yin pa de ni/ rnam par shes pa rnam par dag pa gang yin pa de ni mthong ba po rnam par dag pa ste/ de ltar na mthong ba po rnam par dag pa dang / rnam par shes pa rnam par dag pa 'di la gnyis su med de gnyis su byar med so so ma yin tha mi dad do/ /sems can dang mthong ba po'i bar du rnam par dag pa gang yin pa de ni/ rnam pa thams cad mkhyen pa nyid kyi bar du rnam par dag pa/ rnam pa thams cad mkhyen pa nyid rnam par dag pa gang yin pa de ni/ mthong ba po rnam par dag pa ste/ de ltar na mthong ba po rnam par dag pa dang / rnam pa thams cad mkhyen pa nyid rnam par dag pa 'di la gnyis su med de gnyis su byar med so so ma yin tha mi dad do/ /rab 'byor gzhan yang bdag yongs su dag pas/ gzugs yongs su dag pa/ gzugs yongs su dag pas/ bdag yongs su dag pa ste/ de ltar na bdag yongs su dag pa dang / gzugs yongs su dag pa 'di la gnyis su med de gnyis su byar med so so ma yin tha mi dad do/ /bdag yongs su dag pas tshor ba dang 'du shes dang 'du byed dang rnam par shes pa yongs su dag pa/ rnam par shes pa yongs su dag pas bdag yongs su dag pa ste/ de ltar na bdag yongs su dag pa dang / rnam par shes pa yongs su dag pa 'di la gnyis su med de gnyis su byar med so so ma yin tha mi dad do/ /bdag yongs su dag pas/ rnam pa thams cad mkhyen pa nyid kyi bar du yongs su dag pa/ rnam pa thams cad mkhyen pa nyid yongs su dag pas/ bdag yongs su dag pa ste/ </font><hr>31.272a<br><font size=+1>

de ltar na bdag yongs su dag pa dang / rnam pa thams cad mkhyen pa nyid yongs su dag pa 'di la gnyis su med de gnyis su byar med so so ma yin tha mi dad do/ /sems can dang / mthong ba po'i bar du yongs su dag pas/ gzugs yongs su dag pa/ gzugs yongs su dag pas/ mthong ba po'i bar du yongs su dag pa ste/ de ltar na mthong ba po yongs su dag pa dang / gzugs yongs su dag pa 'di la gnyis su med de gnyis su byar med so so ma yin tha mi dad do/ /sems can dang mthong ba po'i bar du yongs su dag pas/ rnam pa thams cad mkhyen pa nyid kyi bar du yongs su dag pa/ rnam pa thams cad mkhyen pa nyid yongs su dag pas/ mthong ba po yongs su dag pa ste/ de ltar na mthong ba po yongs su dag pa dang / rnam pa thams cad mkhyen pa nyid yongs su dag pa 'di la gnyis su med de gnyis su byar med so so ma yin tha mi dad do/ /rab 'byor gzhan yang 'dod chags rnam par dag pas/ gzugs rnam par dag pa/ gzugs rnam par dag pas/ 'dod chags rnam par dag pa ste/ de ltar na 'dod chags rnam par dag pa dang / gzugs rnam par dag pa 'di la gnyis su med de gnyis su byar med so so ma yin tha mi dad do/ /'dod chags rnam par dag pas/ rnam pa thams cad mkhyen pa nyid kyi bar du rnam par dag pa/ rnam pa thams cad mkhyen pa nyid rnam par dag pas/ 'dod chags rnam par dag pa ste/ de ltar na 'dod chags rnam par dag pa dang / rnam pa thams cad mkhyen pa nyid rnam par dag pa 'di la gnyis su med de gnyis su byar med so so ma yin tha mi dad do/ /zhe sdang rnam par dag pas/ gzugs rnam par dag pa/ gzugs rnam par dag</font><hr>31.272b<br><font size=+1>

pa/ gzugs rnam par dag pas/ zhe sdang rnam par dag pa ste/ de ltar na zhe sdang rnam par dag pa dang / gzugs rnam par dag pa 'di la gnyis su med de gnyis su byar med so so ma yin tha mi dad do/ /zhe sdang rnam par dag pas/ rnam pa thams cad mkhyen pa nyid kyi bar du rnam par dag pa/ rnam pa thams cad mkhyen pa nyid rnam par dag pas/ zhe sdang rnam par dag pa ste/ de ltar na zhe sdang rnam par dag pa dang / rnam pa thams cad mkhyen pa nyid rnam par dag pa 'di la gnyis su med de gnyis su byar med so so ma yin tha mi dad do/ /gti mug rnam par dag pas/ gzugs rnam par dag pa/ gzugs rnam par dag pas/ gti mug rnam par dag pa ste/ de ltar na gti mug rnam par dag pa dang / gzugs rnam par dag pa 'di la gnyis su med de gnyis su byar med so so ma yin tha mi dad do/ /gti mug rnam par dag pas/ rnam pa thams cad mkhyen pa nyid kyi bar du rnam par dag pa/ rnam pa thams cad mkhyen pa nyid rnam par dag pas/ gti mug rnam par dag pa ste/ de ltar na gti mug rnam par dag pa dang / rnam pa thams cad mkhyen pa nyid rnam par dag pa 'di la gnyis su myed de gnyis su byar med so so ma yin tha mi dad do/ /rab 'byor gzhan yang 'dod chags yongs su dag pas/ gzugs yongs su dag pa/ gzugs yongs su dag pas/ 'dod chags yongs su dag pa ste/ de ltar na 'dod chags yongs su dag pa dang / gzugs yongs su dag pa 'di la gnyis su med de gnyis su byar med so so ma yin tha mi dad do/ /'dod chags yongs su dag pas/ rnam pa thams cad mkhyen pa nyid kyi bar du yongs su dag pa/ rnam pa thams cad mkhyen pa nyid</font><hr>31.273a<br><font size=+1>

yongs su dag pas/ 'dod chags yongs su dag pa ste/ de ltar na 'dod chags yongs su dag pa dang / rnam pa thams cad mkhyen pa nyid yongs su dag pa 'di la gnyis su med de gnyis su byar med so so ma yin tha mi dad do/ /zhe sdang yongs su dag pas/ gzugs yongs su dag pa/ gzugs yongs su dag pas/ zhe sdang yongs su dag pa ste/ de ltar na zhe sdang yongs su dag pa dang / gzugs yongs su dag pa 'di la gnyis su med de gnyis su byar med so so ma yin tha mi dad do/ /zhe sdang yongs su dag pas/ rnam pa thams cad mkhyen pa nyid kyi bar du yongs su dag pa/ rnam pa thams cad mkhyen pa nyid yongs su dag pas/ zhe sdang yongs su dag pa ste/ de ltar na zhe sdang yongs su dag pa dang / rnam pa thams cad mkhyen pa nyid yongs su dag pa 'di la gnyis su med de gnyis su byar med so so ma yin tha mi dad do/ /gti mug yongs su dag pas/ gzugs yongs su dag pa/ gzugs yongs su dag pas/ gti mug yongs su dag pa ste/ de ltar na gti mug yongs su dag pa dang / gzugs yongs su dag pa 'di la gnyis su med de gnyis su byar med so so ma yin tha mi dad do/ /gti mug yongs su dag pas/ gzugs yongs su dag pa/ gzugs yongs su dag pas/ gti mug yongs su dag pa ste/ de ltar na gti mug yongs su dag pa dang / gzugs yongs su dag pa 'di la gnyis su med de gnyis su byar med so so ma yin tha mi dad do/ /gti mug yongs su dag pas/ rnam pa thams cad mkhyen pa nyid kyi bar du yongs su dag pa/ rnam pa thams cad mkhyen pa nyid yongs su dag pas/ gti mug yongs su dag pa ste/ de ltar na gti mug yongs su dag pa dang / rnam pa thams cad mkhyen</font><hr>31.273b<br><font size=+1>

pa nyid yongs su dag pa 'di la gnyis su med de gnyis su byar med so so ma yin tha mi dad do/ /rab 'byor gzhan yang ma rig pa rnam par dag pas/ 'du byed rnam par dag pa/ 'du byed rnam par dag pas/ ma rig pa rnam par dag pa ste/ de ltar na ma rig pa rnam par dag pa dang / 'du byed rnam par dag pa 'di la gnyis su med de gnyis su byar med so so ma yin tha mi dad do/ /'du byed rnam par dag pas/ rnam par shes pa rnam par dag pa/ rnam par shes pa rnam par dag pas/ ming dang gzugs rnam par dag pa/ ming dang gzugs rnam par dag pas/ skye mched drug rnam par dag pa/ skye mched drug rnam par dag pas/ reg pa rnam par dag pa/ reg pa rnam par dag pas/ tshor ba rnam par dag pa/ tshor ba rnam par dag pas/ sred pa rnam par dag pa/ sred pa rnam par dag pas/ len pa rnam par dag pa/ len pa rnam par dag pas srid pa rnam par dag pa/ srid pa rnam par dag pas/ skye ba rnam par dag pa/ skye ba rnam par dag pas/ rga shi rnam par dag pa/ rga shi rnam par dag pas/ skye ba rnam par dag pa ste/ de ltar na skye ba rnam par dag pa dang / rga shi rnam par dag pa 'di la gnyis su med de gnyis su byar med so so ma yin tha mi dad do/ /rga shi rnam par dag pas/ shes rab kyi pha rol du phyin pa rnam par dag pa/ shes rab kyi pha rol du phyin pa rnam par dag pas/ rga shi rnam par dag pa ste/ de ltar na rga shi rnam par dag pa dang / shes rab kyi pha rol du phyin pa rnam par dag pa 'di la gnyis su med de gnyis su byar med so so ma yin tha mi dad do/ /shes rab kyi pha rol du phyin pa rnam par dag pas/ bsam gtan gyi pha rol du phyin pa rnam par dag pa/ bsam gtan gyi pha rol du phyin pa rnam par dag pas/ brtson 'grus kyi pha rol du phyin pa rnam par dag pa/ brtson 'grus kyi pha rol du phyin pa rnam par dag pas/ bzod pa'i pha rol du phyin pa rnam par dag pa/ bzod pa'i pha rol du</font><hr>31.274a<br><font size=+1>

phyin pa rnam par dag pas/ tshul khrims kyi pha rol du phyin pa rnam par dag pa/ tshul khrims kyi pha rol du phyin pa rnam par dag pas/ sbyin pa'i pha rol du phyin pa rnam par dag pa/ sbyin pa'i pha rol du phyin pa rnam par dag pas/ tshul khrims kyi pha rol du phyin pa rnam par dag pa ste/ de ltar na sbyin pa'i pha rol du phyin pa rnam par dag pa dang / tshul khrims kyi pha rol du phyin pa rnam par dag pa 'di la gnyis su med de gnyis su byar med so so ma yin tha mi dad do/ /sbyin pa'i pha rol du phyin pa rnam par dag pas/ nang stong pa nyid rnam par dag pa/ nang stong pa nyid rnam par dag pas/ sbyin pa'i pha rol du phyin pa rnam par dag pa ste/ de ltar na sbyin pa'i pha rol du phyin pa rnam par dag pa dang / nang stong pa nyid rnam par dag pa 'di la gnyis su med de gnyis su byar med so so ma yin tha mi dad do/ /nang stong pa nyid rnam par dag pas/ phyi stong pa nyid rnam par dag pa/ phyi stong pa nyid rnam par dag pas/ phyi nang stong pa nyid rnam par dag pa/ phyi nang stong pa nyid rnam par dag pas/ ngo bo nyid stong pa nyid kyi bar du rnam par dag pa/ ngo bo nyid stong pa nyid kyi bar du rnam par dag pas/ dngos po med pa'i ngo bo nyid stong pa nyid rnam par dag pa/ dngos po med pa'i ngo bo nyid stong pa nyid rnam par dag pas/ ngo bo nyid stong pa nyid rnam par dag pa ste/ de ltar na ngo bo nyid stong pa nyid rnam par dag pa dang / dngos po med pa'i ngo bo nyid stong pa nyid rnam par dag pa 'di la gnyis su med de gnyis su byar med so so ma yin tha mi dad do/ /dngos po med pa'i ngo bo nyid stong pa nyid rnam par dag pas/ dran pa nye bar gzhag pa rnam par dag pa/ dran pa nye bar gzhag pa rnam par dag pas/ dngos po med pa'i ngo bo nyid stong pa nyid rnam par dag pa ste/ de ltar na dngos po med pa'i ngo bo nyid</font><hr>31.274b<br><font size=+1>

stong pa nyid rnam par dag pa dang / dran pa nye bar gzhag pa rnam par dag pa 'di la gnyis su med de gnyis su byar med so so ma yin tha mi dad do/ /dran pa nye bar gzhag pa rnam par dag pas/ yang dag par spong ba rnam par dag pa/ yang dag par spong ba rnam par dag pas/ rdzu 'phrul gyi rkang pa rnam par dag pa/ rdzu 'phrul gyi rkang pa rnam par dag pas/ dbang po rnam par dag pa/ dbang po rnam par dag pas/ stobs rnam par dag pa/ stobs rnam par dag pas/ byang chub kyi yan lag rnam par dag pa/ byang chub kyi yan lag rnam par dag pas/ lam rnam par dag pa/ lam rnam par dag pas/ byang chub kyi yan lag rnam par dag pa ste/ de ltar na byang chub kyi yan lag rnam par dag pa dang / lam rnam par dag pa 'di la gnyis su med de gnyis su byar med so so ma yin tha mi dad do/ /lam rnam par dag pas/ 'phags pa'i bden pa rnam par dag pa/ 'phags pa'i bden pa rnam par dag pas/ bsam gtan rnam par dag pa/ bsam gtan rnam par dag pas/ tshad med pa rnam par dag pa/ tshad med pa rnam par dag pas/ gzugs med pa'i snyoms par 'jug pa rnam par dag pa/ gzugs med pa'i snyoms par 'jug pa rnam par dag pas/ rnam par thar pa brgyad rnam par dag pa/ rnam par thar pa brgyad rnam par dag pas/ mthar gyis gnas pa'i snyoms par 'jug pa dgu rnam par dag pa/ mthar gyis gnas pa'i snyoms par 'jug pa rnam par dag pas/ stong pa nyid dang / mtshan ma med pa dang / smon pa med pa rnam par dag pa/ stong pa nyid dang / mtshan ma med pa dang / smon pa med pa rnam par dag pas/ mngon par shes pa rnam par dag pa/ mngon par shes</font><hr>31.275a<br><font size=+1>

pa rnam par dag pas/ ting nge 'dzin rnam par dag pa/ ting nge 'dzin rnam par dag pas/ gzungs kyi sgo rnam par dag pa/ gzungs kyi sgo rnam par dag pas/  de bzhin gshegs pa'i stobs rnam par dag pa/ de bzhin gshegs pa'i stobs rnam par dag pas/ mi 'jigs pa rnam par dag pa/ mi 'jigs pa rnam par dag pas/ so so yang dag par rig pa rnam par dag pa/ so so yang dag par rig pa rnam par dag pas/ sangs rgyas kyi chos ma 'dres pa rnam par dag pa/ sangs rgyas kyi chos ma 'dres pa rnam par dag pas/ thams cad shes pa nyid rnam par dag pa/ thams cad shes pa nyid rnam par dag pas/ lam gyi rnam pa shes pa nyid rnam par dag pa/ lam gyi rnam pa shes pa nyid rnam par dag pas/ rnam pa thams cad mkhyen pa nyid rnam par dag pa/ rnam pa thams cad mkhyen pa nyid rnam par dag pas/ lam gyi rnam pa shes pa nyid rnam par dag pa ste/ de ltar na lam gyi rnam pa shes pa nyid rnam par dag pa dang / rnam pa thams cad mkhyen pa nyid rnam par dag pa 'di la gnyis su med de gnyis su byar med so so ma yin tha mi dad do/ /rab 'byor gzhan yang shes rab kyi pha rol du phyin pa rnam par dag pas/ gzugs rnam par dag pa/ gzugs rnam par dag pas/ rnam pa thams cad mkhyen pa nyid rnam par dag pa ste/ de ltar na shes rab kyi pha rol du phyin pa rnam par dag pa dang / gzugs rnam par dag pa dang / rnam pa thams cad mkhyen pa nyid rnam par dag pa 'di la gnyis su med de gnyis su byar med so so ma yin tha mi dad do/ /shes rab kyi pha rol du phyin pa rnam par dag pas/ tshor ba dang / 'du shes dang / 'du byed dang / rnam par shes pa rnam par dag pa/ rnam par shes pa rnam par</font><hr>31.275b<br><font size=+1>

dag pas/ rnam pa thams cad mkhyen pa nyid rnam par dag pa ste/ de ltar na shes rab kyi pha rol du phyin pa rnam par dag pa dang /  rnam par shes pa rnam par dag pa dang / rnam pa thams cad mkhyen pa nyid rnam par dag pa 'di la gnyis su med de gnyis su byar med so so ma yin tha mi dad do/ /shes rab kyi pha rol du phyin pa rnam par dag pas/ mig rnam par dag pa/ mig rnam par dag pas/ rnam pa thams cad mkhyen pa nyid rnam par dag pa ste/ de ltar na shes rab kyi pha rol du phyin pa rnam par dag pa dang / mig rnam par dag pa dang / rnam pa thams cad mkhyen pa nyid rnam par dag pa 'di la gnyis su med de gnyis su byar med so so ma yin tha mi dad do/ /shes rab kyi pha rol du phyin pa rnam par dag pas/ rna ba dang / sna dang / lce dang / lus dang / yid rnam par dag pa/ yid rnam par dag pas/ rnam pa thams cad mkhyen pa nyid rnam par dag pa ste/ de ltar na shes rab kyi pha rol du phyin pa rnam par dag pa dang / yid rnam par dag pa dang / rnam pa thams cad mkhyen pa nyid rnam par dag pa 'di la gnyis su med de gnyis su byar med so so ma yin tha mi dad do/ /shes rab kyi pha rol du phyin pa rnam par dag pas/ gzugs rnam par dag pa/ gzugs rnam par dag pas/ rnam pa thams cad mkhyen pa nyid rnam par dag pa ste/ de ltar na shes rab kyi pha rol du phyin pa rnam par dag pa dang / gzugs rnam par dag pa dang / rnam pa thams cad mkhyen pa nyid rnam par dag pa 'di la gnyis su med de gnyis su byar med so so ma yin tha mi dad do/ /shes rab kyi pha rol du phyin pa rnam par dag pas/ sgra dang dri dang / ro dang reg dang chos rnam par dag pa/ chos rnam par dag pas rnam pa</font><hr>31.276a<br><font size=+1>

thams cad mkhyen pa nyid rnam par dag pa ste/ de ltar na shes rab kyi pha rol du phyin pa rnam par dag pa dang / chos rnam par dag pa dang / rnam pa thams cad mkhyen pa nyid rnam par dag pa 'di la gnyis su med de gnyis su byar med so so ma yin tha mi dad do/ /shes rab kyi pha rol du phyin pa rnam par dag pas/ mig gi rnam par shes pa rnam par dag pa/ mig gi rnam par shes pa rnam par dag pas/ rnam pa thams cad mkhyen pa nyid rnam par dag pa ste/ de ltar na shes rab kyi pha rol du phyin pa rnam par dag pa dang / mig gi rnam par shes pa rnam par dag pa dang / rnam pa thams cad mkhyen pa nyid rnam par dag pa 'di la gnyis su med de gnyis su byar med so so ma yin tha mi dad do/ /shes rab kyi pha rol du phyin pa rnam par dag pas/ rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa rnam par dag pa/ yid kyi rnam par shes pa rnam par dag pas/ rnam pa thams cad mkhyen pa nyid rnam par dag pa ste/ de ltar na shes rab kyi pha rol du phyin pa rnam par dag pa dang / yid kyi rnam par shes pa rnam par dag pa dang / rnam pa thams cad mkhyen pa nyid rnam par dag pa 'di la gnyis su med de gnyis su byar med so so ma yin tha mi dad do/ /shes rab kyi pha rol du phyin pa rnam par dag pas/ mig gi 'dus te reg pa rnam par dag pa/ mig gi 'dus te reg pa rnam par dag pas/ rnam pa</font><hr>31.276b<br><font size=+1>

thams cad mkhyen pa nyid rnam par dag pa ste/ de ltar na shes rab kyi pha rol du phyin pa rnam par dag pa dang / mig gi 'dus te reg pa rnam par dag pa dang / rnam pa thams cad mkhyen pa nyid rnam par dag pa 'di la gnyis su med de gnyis su byar med so so ma yin tha mi dad do/ /shes rab kyi pha rol du phyin pa rnam par dag pas/ rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa rnam par dag pa/ yid kyi 'dus te reg pa rnam par dag pas/ rnam pa thams cad mkhyen pa nyid rnam par dag pa ste/ de ltar na shes rab kyi pha rol du phyin pa rnam par dag pa dang / yid kyi 'dus te reg pa rnam par dag pa dang / rnam pa thams cad mkhyen pa nyid rnam par dag pa 'di la gnyis su med de gnyis su byar med so so ma yin tha mi dad do/ /shes rab kyi pha rol du phyin pa rnam par dag pas/ mig gi 'dus te reg pa'i rkyen kyis tshor ba rnam par dag pa/ mig gi 'dus te reg pa'i rkyen gyis tshor ba rnam par dag pas/ rnam pa thams cad mkhyen pa nyid rnam par dag pa ste/ de ltar na shes rab kyi pha rol du</font><hr>31.277a<br><font size=+1>

phyin pa rnam par dag pa dang / mig gi 'dus te reg pa'i rkyen kyis tshor ba rnam par dag pa dang / rnam pa thams cad mkhyen pa nyid rnam par dag pa 'di la gnyis su med de gnyis su byar med so so ma yin tha mi dad do/ /shes rab kyi pha rol du phyin pa rnam par dag pas/ rna ba'i 'dus te reg pa'i rkyen kyis tshor ba dang / sna'i 'dus te reg pa'i rkyen kyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba rnam par dag pa/ yid kyi 'dus te reg pa'i rkyen gyis tshor ba rnam par dag pas/ rnam pa thams cad mkhyen pa nyid rnam par dag pa ste/ de ltar na shes rab kyi pha rol du phyin pa rnam par dag pa dang / yid kyi 'dus te reg pa'i rkyen gyis tshor ba rnam par dag pa dang / rnam pa thams cad mkhyen pa nyid rnam par dag pa 'di la gnyis su med de gnyis su byar med so so ma yin tha mi dad do/ /bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa rnam par dag pas/ gzugs rnam par dag pa/ gzugs rnam par dag pas/ rnam pa thams cad mkhyen pa nyid rnam par dag pa ste/ de ltar na sbyin pa'i pha rol du phyin pa rnam par dag pa dang / gzugs rnam par dag pa dang / rnam pa thams cad mkhyen pa nyid rnam par dag pa 'di la gnyis su med de gnyis su byar med so so ma yin tha mi dad do/ /sbyin pa'i pha rol du phyin pa rnam par dag pas/ tshor ba dang 'du shes dang / 'du byed dang rnam par shes pa rnam par dag pa/ rnam par shes pa rnam par dag pas/ </font><hr>31.277b<br><font size=+1>

rnam pa thams cad mkhyen pa nyid rnam par dag pa ste/ de ltar na sbyin pa'i pha rol du phyin pa rnam par dag pa dang / rnam par shes pa rnam par dag pa dang / rnam pa thams cad mkhyen pa nyid rnam par dag pa 'di la gnyis su med de gnyis su byar med so so ma yin tha mi dad do/ /sbyin pa'i pha rol du phyin pa rnam par dag pas/ mig rnam par dag pa/ mig rnam par dag pas/ rnam pa thams cad mkhyen pa nyid rnam par dag pa ste/ de ltar na sbyin pa'i pha rol du phyin pa rnam par dag pa dang / mig rnam par dag pa dang / rnam pa thams cad mkhyen pa nyid rnam par dag pa 'di la gnyis su med de gnyis su byar med so so ma yin tha mi dad do/ /sbyin pa'i pha rol du phyin pa rnam par dag pas/ rna ba dang sna dang lce dang lus dang / yid rnam par dag pa/ yid rnam par dag pas/ rnam pa thams cad mkhyen pa nyid rnam par dag pa ste/ de ltar na sbyin pa'i pha rol du phyin pa rnam par dag pa dang / yid rnam par dag pa dang / rnam pa thams cad mkhyen pa nyid rnam par dag pa 'di la gnyis su med de gnyis su byar med so so ma yin tha mi dad do/ /sbyin pa'i pha rol du phyin pa rnam par dag pas/ gzugs rnam par dag pa/ gzugs rnam par dag pas/ rnam pa thams cad mkhyen pa nyid rnam par dag pa ste/ de ltar na sbyin pa'i pha rol du phyin pa rnam par dag pa dang / gzugs rnam par dag pa dang / rnam pa thams cad mkhyen pa nyid rnam par dag pa 'di la gnyis su med de gnyis su byar med so so ma yin tha mi dad do/ /sbyin pa'i pha rol du phyin pa rnam par dag pas/ sgra dang dri dang ro dang reg dang chos rnam par dag pa/ chos rnam par dag pas/ rnam pa thams cad mkhyen pa nyid</font><hr>31.278a<br><font size=+1>

rnam par dag pa ste/ de ltar na sbyin pa'i pha rol du phyin pa rnam par dag pa dang / chos rnam par dag pa dang / rnam pa thams cad mkhyen pa nyid rnam par dag pa 'di la gnyis su med de gnyis su byar med so so ma yin tha mi dad do/ /sbyin pa'i pha rol du phyin pa rnam par dag pas/ mig gi rnam par shes pa rnam par dag pa/ mig gi rnam par shes pa rnam par dag pas/ rnam pa thams cad mkhyen pa nyid rnam par dag pa ste/ de ltar na sbyin pa'i pha rol du phyin pa rnam par dag pa dang / mig gi rnam par shes pa rnam par dag pa dang / rnam pa thams cad mkhyen pa nyid rnam par dag pa 'di la gnyis su med de gnyis su byar med so so ma yin tha mi dad do/ /sbyin pa'i pha rol du phyin pa rnam par dag pas/ rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa rnam par dag pa/ yid kyi rnam par shes pa rnam par dag pas/ rnam pa thams cad mkhyen pa nyid rnam par dag pa ste/ de ltar na sbyin pa'i pha rol du phyin pa rnam par dag pa dang / yid kyi rnam par shes pa rnam par dag pa dang / rnam pa thams cad mkhyen pa nyid rnam par dag pa 'di la gnyis su med de gnyis su byar med so so ma yin tha mi dad do/ /sbyin pa'i pha rol du phyin pa rnam par dag pas/ mig gi 'dus te reg pa rnam par dag pa/ mig gi 'dus te reg pa rnam par dag pas/ rnam pa thams cad mkhyen pa nyid rnam par dag pa ste/ de ltar na sbyin pa'i pha rol du phyin pa rnam par dag pa dang / mig gi 'dus te reg pa rnam par dag pa dang / rnam pa thams cad mkhyen pa nyid rnam par dag pa 'di la gnyis su med de gnyis su byar med so so ma yin tha mi dad do/ /sbyin pa'i pha rol du phyin pa rnam</font><hr>31.278b<br><font size=+1>

par dag pas/ rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa rnam par dag pa/ yid kyi 'dus te reg pa rnam par dag pas/ rnam pa thams cad mkhyen pa nyid rnam par dag pa ste/ de ltar na sbyin pa'i pha rol du phyin pa rnam par dag pa dang / yid kyi 'dus te reg pa rnam par dag pa dang / rnam pa thams cad mkhyen pa nyid rnam par dag pa 'di la gnyis su med de gnyis su byar med so so ma yin tha mi dad do/ /sbyin pa'i pha rol du phyin pa rnam par dag pas/ mig gi 'dus te reg pa'i rkyen gyis tshor ba rnam par dag pa/ mig gi 'dus te reg pa'i rkyen gyis tshor ba rnam par dag pas/ rnam pa thams cad mkhyen pa nyid rnam par dag pa ste/ de ltar na sbyin pa'i pha rol du phyin pa rnam par dag pa dang / mig gi 'dus te reg pa'i rkyen gyis tshor ba rnam par dag pa dang / rnam pa thams cad mkhyen pa nyid rnam par dag pa 'di la gnyis su med de gnyis su byar med so so ma yin tha mi dad do/ /sbyin pa'i pha rol du phyin pa rnam par dag pas/ rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba rnam par dag pa/ yid kyi 'dus te reg pa'i rkyen gyis tshor ba rnam par dag pas/ rnam pa thams cad mkhyen pa nyid rnam par dag pa ste/ de ltar na sbyin pa'i pha rol du phyin pa rnam par dag pa dang / yid kyi 'dus te reg pa'i rkyen gyis tshor ba rnam par dag pa dang / rnam pa thams cad mkhyen pa nyid rnam par dag pa 'di la gnyis su med de gnyis su byar med so so ma yin tha mi dad do/ /nang stong pa nyid rnam par dag pas/ gzugs rnam par dag pa/ gzugs rnam par dag pas/ rnam pa thams cad mkhyen pa nyid rnam par dag pa ste/ de ltar na nang stong</font><hr>31.279a<br><font size=+1>

pa nyid rnam par dag pa dang / gzugs rnam par dag pa dang / rnam pa thams cad mkhyen pa nyid rnam par dag pa 'di la gnyis su med de gnyis su byar med so so ma yin tha mi dad do/ /nang stong pa nyid rnam par dag pas/ yid kyi 'dus te reg pa'i rkyen gyis tshor ba'i bar du rnam par dag pa/ yid kyi 'dus te reg pa'i rkyen gyis tshor ba rnam par dag pas/ rnam pa thams cad mkhyen pa nyid rnam par dag pa ste/ de ltar na nang stong pa nyid rnam par dag pa dang / yid kyi 'dus te reg pa'i rkyen gyis tshor ba rnam par dag pa dang / rnam pa thams cad mkhyen pa nyid rnam par dag pa 'di la gnyis su med de gnyis su byar med so so ma yin tha mi dad do/ /dngos po med pa'i ngo bo nyid stong pa nyid kyi bar du rnam par dag pas/ gzugs rnam par dag pa/ gzugs rnam par dag pas/ rnam pa thams cad mkhyen pa nyid rnam par dag pa ste/ de ltar na dngos po med pa'i ngo bo nyid stong pa nyid rnam par dag pa dang / gzugs rnam par dag pa dang / rnam pa thams cad mkhyen pa nyid rnam par dag pa 'di la gnyis su med de gnyis su byar med so so ma yin tha mi dad do/ /dngos po med pa'i ngo bo nyid stong pa nyid rnam par dag pas/ yid kyi 'dus te reg pa'i rkyen gyis tshor ba'i bar du rnam par dag pa/ yid kyi 'dus te reg pa'i rkyen gyis tshor ba rnam par dag pas/ rnam pa thams cad mkhyen pa nyid rnam par dag pa ste/ de ltar na dngos po med pa'i ngo bo nyid stong pa nyid rnam par dag pa dang / yid kyi 'dus te reg pa'i rkyen gyis tshor ba rnam par dag pa dang / rnam pa thams cad mkhyen pa nyid rnam par dag pa 'di la gnyis su med de gnyis su byar med so so ma yin tha mi dad do/ /dran pa nye bar gzhag pa rnam par dag pas/ gzugs rnam par dag pa/ gzugs rnam par dag pas/ rnam pa thams cad mkhyen pa nyid rnam par dag pa ste/ de ltar na dran pa nye bar gzhag pa rnam par dag pa dang / gzugs rnam par dag pa dang / rnam pa thams cad mkhyen pa nyid rnam</font><hr>31.279b<br><font size=+1>

par dag pa 'di la gnyis su med de gnyis su byar med so so ma yin tha mi dad do/ /dran pa nye bar gzhag pa rnam par dag pas/ yid kyi 'dus te reg pa'i rkyen gyis tshor ba'i bar du rnam par dag pa/ yid kyi 'dus te reg pa'i rkyen gyis tshor ba rnam par dag pa/ rnam pa thams cad mkhyen pa nyid rnam par dag pa ste/ de ltar na dran pa nye bar gzhag pa rnam par dag pa dang / yid kyi 'dus te reg pa'i rkyen gyis tshor ba rnam par dag pa dang / rnam pa thams cad mkhyen pa nyid rnam par dag pa 'di la gnyis su med de gnyis su byar med so so ma yin tha mi dad do/ /'phags pa'i lam yan lag brgyad pa'i bar du rnam par dag pas/ gzugs rnam par dag pa/ gzugs rnam par dag pas/ rnam pa thams cad mkhyen pa nyid rnam par dag pa ste/ de ltar na 'phags pa'i lam yan lag brgyad pa rnam par dag pa dang / gzugs rnam par dag pa dang / rnam pa thams cad mkhyen pa nyid rnam par dag pa 'di la gnyis su med de gnyis su byar med so so ma yin tha mi dad do/ /'phags pa'i lam yan lag brgyad pa'i bar du rnam par dag pas/ yid kyi 'dus te reg pa'i rkyen gyis tshor ba'i bar du rnam par dag pa/ yid kyi 'dus te reg pa'i rkyen gyis tshor ba rnam par dag pas/ rnam pa thams cad mkhyen pa nyid rnam par dag pa ste/ de ltar na 'phags pa'i lam yan lag brgyad pa rnam par dag pa dang / yid kyi 'dus te reg pa'i rkyen gyis tshor ba rnam par dag pa dang / rnam pa thams cad mkhyen pa nyid rnam par dag pa 'di la gnyis su med de gnyis su byar med so so ma yin tha mi dad do/ /'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / </font><hr>31.280a<br><font size=+1>

ting nge 'dzin dang / gzungs kyi sgo dang / de bzhin gshegs pa'i stobs dang / mi 'jigs pa dang / so so yang dag par rig pa dang / byams pa chen po dang / snying rje chen po dang / sangs rgyas kyi chos ma 'dres pa rnam par dag pas/ gzugs rnam par dag pa/ gzugs rnam par dag pas/ rnam pa thams cad mkhyen pa nyid rnam par dag pa ste/ de ltar na sangs rgyas kyi chos ma 'dres pa rnam par dag pa dang / gzugs rnam par dag pa dang / rnam pa thams cad mkhyen pa nyid rnam par dag pa 'di la gnyis su med de gnyis su byar med so so ma yin tha mi dad do/ /'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs dang / mi 'jigs pa dang / so so yang dag par rig pa dang / byams pa chen po dang / snying rje chen po dang / sangs rgyas kyi chos ma 'dres pa rnam par dag pas/ yid kyi 'dus te reg pa'i rkyen gyis tshor ba'i bar du rnam par dag pa/ yid kyi 'dus te reg pa'i rkyen gyis tshor ba rnam par dag pas/ rnam pa thams cad mkhyen pa nyid rnam par dag pa ste/ de ltar na sangs rgyas kyi chos ma 'dres pa rnam par dag pa dang / yid kyi 'dus te reg pa'i rkyen gyis tshor ba rnam par dag pa dang / rnam pa thams cad mkhyen pa nyid rnam par dag pa 'di la gnyis su med de gnyis su byar med so so ma yin tha mi dad do/ /rgyun du zhugs pa'i 'bras bu rnam par dag pas/ gzugs rnam par dag pa/ gzugs rnam par dag pas/ rnam pa thams cad</font><hr>31.280b<br><font size=+1>

mkhyen pa nyid rnam par dag pa ste/ de ltar na rgyun du zhugs pa'i 'bras bu rnam par dag pa dang / gzugs rnam par dag pa dang / rnam pa thams cad mkhyen pa nyid rnam par dag pa 'di la gnyis su med de gnyis su byar med so so ma yin tha mi dad do/ /shes rab kyi pha rol du phyin pa stong phrag nyi shu lnga pa/ bam po sum bcu dgu pa/ rgyun du zhugs pa'i 'bras bu rnam par dag pas/ yid kyi 'dus te reg pa'i rkyen gyis tshor ba'i bar du rnam par dag pa/ yid kyi 'dus te reg pa'i rkyen gyis tshor ba rnam par dag pas/ rnam pa thams cad mkhyen pa nyid rnam par dag pa ste/ de ltar na rgyun du zhugs pa'i 'bras bu rnam par dag pa dang / yid kyi 'dus te reg pa'i rkyen gyis tshor ba rnam par dag pa dang / rnam pa thams cad mkhyen pa nyid rnam par dag pa 'di la gnyis su med de gnyis su byar med so so ma yin tha mi dad do/ /lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub rnam par dag pas/ gzugs rnam par dag pa/ gzugs rnam par dag pas/ rnam pa thams cad mkhyen pa nyid rnam par dag pa ste/ de ltar na rang byang chub rnam par dag pa dang / gzugs rnam par dag pa dang / rnam pa thams cad mkhyen pa nyid rnam par dag pa 'di la gnyis su med de gnyis su byar med so so ma yin tha mi dad do/ /lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub rnam par dag pas/ yid kyi 'dus te reg pa'i rkyen gyis tshor ba'i bar du rnam par dag pa/ yid kyi 'dus te reg pa'i rkyen gyis tshor ba rnam par dag pas/ rnam pa thams cad mkhyen pa nyid rnam par dag pa ste/ de ltar na rang byang chub rnam par dag pa dang / yid kyi 'dus te reg</font><hr>31.281a<br><font size=+1>

pa'i rkyen gyis tshor ba rnam par dag pa dang / rnam pa thams cad mkhyen pa nyid rnam par dag pa 'di la gnyis su med de gnyis su byar med so so ma yin tha mi dad do/ /lam gyi rnam pa shes pa nyid rnam par dag pas/ gzugs rnam par dag pa/ gzugs rnam par dag pas/ rnam pa thams cad mkhyen pa nyid rnam par dag pa ste/ de ltar na lam gyi rnam pa shes pa nyid rnam par dag pa dang / gzugs rnam par dag pa dang / rnam pa thams cad mkhyen pa nyid rnam par dag pa 'di la gnyis su med de gnyis su byar med so so ma yin tha mi dad do/ /lam gyi rnam pa shes pa nyid rnam par dag pas/ yid kyi 'dus te reg pa'i rkyen gyis tshor ba'i bar du rnam par dag pa/ yid kyi 'dus te reg pa'i rkyen gyis tshor ba rnam par dag pas/ rnam pa thams cad mkhyen pa nyid rnam par dag pa ste/ de ltar na lam gyi rnam pa shes pa nyid rnam par dag pa dang / yid kyi 'dus te reg pa'i rkyen gyis tshor ba rnam par dag pa dang / rnam pa thams cad mkhyen pa nyid rnam par dag pa 'di la gnyis su med de gnyis su byar med so so ma yin tha mi dad do/ /rnam pa thams cad mkhyen pa nyid rnam par dag pas/ gzugs rnam par dag pa/ gzugs rnam par dag pas/ rnam pa thams cad mkhyen pa nyid rnam par dag pa ste/ de ltar na rnam pa thams cad mkhyen pa nyid rnam par dag pa dang / gzugs rnam par dag pa dang / rnam pa thams cad mkhyen pa nyid rnam par dag pa 'di la gnyis su med de gnyis su byar med so so ma yin tha mi dad do/ /rnam pa thams cad mkhyen pa nyid rnam par dag pas/ yid kyi 'dus te reg pa'i rkyen gyis tshor ba'i bar du rnam par dag pa/ yid kyi 'dus te reg pa'i rkyen gyis tshor ba rnam par dag pas/ rnam pa thams</font><hr>31.281b<br><font size=+1>

cad mkhyen pa nyid rnam par dag pa ste/ de ltar na rnam pa thams cad mkhyen pa nyid rnam par dag pa dang / yid kyi 'dus te reg pa'i rkyen gyis tshor ba rnam par dag pa dang / rnam pa thams cad mkhyen pa nyid rnam par dag pa 'di la gnyis su med de gnyis su byar med so so ma yin tha mi dad do/ /rab 'byor gzhan yang rnam pa thams cad mkhyen pa nyid rnam par dag pas/ gzugs rnam par dag pa/ gzugs rnam par dag pas/ shes rab kyi pha rol du phyin pa rnam par dag pa ste/ de ltar na rnam pa thams cad mkhyen pa nyid rnam par dag pa dang / gzugs rnam par dag pa dang / shes rab kyi pha rol du phyin pa rnam par dag pa 'di la gnyis su med de gnyis su byar med so so ma yin tha mi dad do/ /rnam pa thams cad mkhyen pa nyid rnam par dag pas/ tshor ba dang / 'du shes dang / 'du byed dang / rnam par shes pa rnam par dag pa/ rnam par shes pa rnam par dag pas/ shes rab kyi pha rol du phyin pa rnam par dag pa ste/ de ltar na rnam pa thams cad mkhyen pa nyid rnam par dag pa dang / rnam par shes pa rnam par dag pa dang / shes rab kyi pha rol du phyin pa rnam par dag pa 'di la gnyis su med de gnyis su byar med so so ma yin tha mi dad do/ /rnam pa thams cad mkhyen pa nyid rnam par dag pas/ yid kyi 'dus te reg pa'i rkyen gyis tshor ba'i bar du rnam par dag pa/ yid kyi 'dus te reg pa'i rkyen gyis tshor ba rnam par dag pas/ shes rab kyi pha rol du phyin pa rnam par dag pa ste/ de ltar na rnam pa thams cad mkhyen pa nyid rnam par dag pa dang / yid kyi 'dus te reg pa'i rkyen gyis tshor ba rnam par dag pa dang / shes rab kyi pha rol du phyin pa rnam par dag pa 'di la gnyis su med de gnyis su byar med so so ma yin tha mi dad do/ /rnam pa thams cad mkhyen pa nyid rnam par dag pas/ gzugs rnam par dag pa/ gzugs rnam par dag pas/ bsam gtan gyi pha rol du phyin pa dang / brtson</font><hr>31.282a<br><font size=+1>

'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa rnam par dag pa ste/ de ltar na rnam pa thams cad mkhyen pa nyid rnam par dag pa dang / gzugs rnam par dag pa dang / sbyin pa'i pha rol du phyin pa rnam par dag pa 'di la gnyis su med de gnyis su byar med so so ma yin tha mi dad do/ /rnam pa thams cad mkhyen pa nyid rnam par dag pas/ yid kyi 'dus te reg pa'i rkyen gyis tshor ba'i bar du rnam par dag pa/ yid kyi 'dus te reg pa'i rkyen gyis tshor ba rnam par dag pas/ bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa rnam par dag pa ste/ de ltar na rnam pa thams cad mkhyen pa nyid rnam par dag pa dang / yid kyi 'dus te reg pa'i rkyen kyis tshor ba rnam par dag pa dang / sbyin pa'i pha rol du phyin pa rnam par dag pa 'di la gnyis su med de gnyis su byar med so so ma yin tha mi dad do/ /rab 'byor gzhan yang 'dus byas rnam par dag pas/ 'dus ma byas rnam par dag pa ste/ de ltar na 'dus byas rnam par dag pa dang / 'dus ma byas rnam par dag pa 'di la gnyis su med de gnyis su byar med so so ma yin tha mi dad do/ /rab 'byor gzhan yang 'das pa rnam par dag pas/ ma 'ongs pa dang / da ltar byung ba rnam par dag pa ste/ de ltar na 'das pa rnam par dag pa ste/ ma 'ongs pa dang / da ltar byung ba rnam par dag pa 'di la gnyis su med de gnyis su byar med so so ma yin tha mi dad do/ /ma 'ongs pa rnam par dag pas/ 'das pa dang / da ltar byung ba rnam par dag pa ste/ de ltar na ma 'ongs pa rnam par dag pa dang / 'das pa dang / da ltar byung ba rnam par dag pa 'di la gnyis su med de gnyis su byar med</font><hr>31.282b<br><font size=+1>

so so ma yin tha mi dad do/ /da ltar byung ba rnam par dag pas/ 'das pa dang ma 'ongs pa rnam par dag pa ste/ de ltar na da ltar byung ba rnam par dag pa dang / 'das pa dang ma 'ongs pa rnam par dag pa 'di la gnyis su med de gnyis su byar med so so ma yin tha mi dad do/ /shes rab kyi pha rol du phyin pa stong phrag nyi shu lnga pa las sems can dmyal ba'i le'u ste/ le'u nyi shu drug pa'o// // de nas tshe dang ldan pa shA ra dwa ti'i bus bcom ldan 'das la 'di skad ces gsol to/ /bcom ldan 'das rnam par dag pa 'di ni zab bo/ /bcom ldan 'das kyis bka' stsal pa/ shin du rnam par dag pa'i phyir ro/ /shA ra dwa ti'i bus gsol pa gang shin du rnam par dag pa'i slad du/ rnam par dag pa zab pa lags/ bcom ldan 'das kyis bka' stsal pa/ shA ra dwa ti'i bu gzugs rnam par dag pa'i phyir/ rnam par dag pa zab bo/ /tshor ba dang 'du shes dang 'du byed dang / rnam par shes pa rnam par dag pa'i phyir/ rnam par dag pa zab bo/ /mig rnam par dag pa'i phyir/ rnam par dag pa zab bo/ /rna ba dang sna dang lce dang lus dang / yid rnam par dag pa'i phyir/ rnam par dag pa zab bo/ /gzugs rnam par dag pa'i phyir/ rnam par dag pa zab bo/ /sgra dang dri dang ro dang reg dang / chos rnam par dag pa'i phyir/ rnam par dag pa zab bo/ /mig gi rnam par shes pa rnam par dag pa'i phyir/ rnam par dag pa zab bo/ /rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa rnam par dag pa'i phyir/ rnam par dag pa zab bo/ /mig gi 'dus te reg pa rnam par dag pa'i phyir rnam par dag pa zab bo/ /rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa rnam par dag pa'i phyir/ rnam par dag pa zab bo/ /mig gi</font><hr>31.283a<br><font size=+1>

'dus te reg pa'i rkyen gyis tshor ba rnam par dag pa'i phyir/ rnam par dag pa zab bo/ /rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyis 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba rnam par dag pa'i phyir/ rnam par dag pa zab bo/ /sa'i khams rnam par dag pa'i phyir/ rnam par dag pa zab bo/ /chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams rnam par dag pa'i phyir/ rnam par dag pa zab bo/ /ma rig pa rnam par dag pa'i phyir rnam par dag pa zab bo/ /'du byed dang rnam par shes pa dang / ming dang gzugs dang / skye mched drug dang / reg pa dang tshor ba dang sred pa dang len pa dang srid pa dang skye ba dang / rga shi rnam par dag pa'i phyir rnam par dag pa zab bo/ /sbyin pa'i pha rol du phyin pa rnam par dag pa'i phyir/ rnam par dag pa zab bo/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa rnam par dag pa'i phyir/ rnam par dag pa zab bo/ /nang stong pa nyid rnam par dag pa'i phyir/ rnam par dag pa zab bo/ /dngos po med pa'i ngo bo nyid stong pa nyid kyi bar du rnam par dag pa'i phyir/ rnam par dag pa zab bo/ /dran pa nye bar gzhag pa rnam par dag pa'i phyir/ rnam par dag pa zab bo/ /yang dag par spong ba dang / rdzu 'phrul gyi rkang pa dang / dbang po dang stobs dang / byang chub kyi yan lag dang / 'phags pa'i lam yan lag brgyad pa rnam par dag pa'i phyir/ rnam par dag pa zab bo/ /'phags pa'i bden pa dang / bsam gtan dang tshad med pa dang / gzugs med pa'i snyoms par</font><hr>31.283b<br><font size=+1>

'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa bcwa brgyad rnam par dag pa'i phyir/ rnam par dag pa zab bo/ /thams cad shes pa nyid dang / lam gyi rnam pa shes pa nyid dang / rnam pa thams cad mkhyen pa nyid rnam par dag pa'i phyir/ rnam par dag pa zab bo/ /gsol pa bcom ldan 'das rnam par dag pa ni snang ba'o/ /bcom ldan 'das kyis bka' stsal pa/ shin du rnam par dag pa'i phyir ro/ /shA ra dwa ti'i bus gsol pa bcom ldan 'das gang rnam par dag pa'i slad du/ rnam par dag par snang ba lags/ bcom ldan 'das kyis bka' stsal pa/ shA ra dwa ti'i bu gzugs rnam par dag pa'i phyir/ rnam par dag pa snang ba'o/ /tshor ba dang 'du shes dang 'du byed dang / rnam par shes pa rnam par dag pa'i phyir/ rnam par dag pa snang ba'o/ /mig rnam par dag pa'i phyir/ rnam par dag pa snang ba'o/ /rna ba dang sna dang lce dang lus dang yid rnam par dag pa'i phyir/ rnam par dag pa snang ba'o/ /gzugs rnam par dag pa'i phyir/ rnam par dag pa snang ba'o/ /sgra dang dri dang ro dang reg dang / chos rnam par dag pa'i phyir/ rnam par dag pa snang ba'o/ /mig gi rnam par shes pa rnam par dag pa snang ba'o/ /rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa rnam par dag pa'i phyir/ rnam par dag pa snang ba'o/ /mig gi 'dus te reg pa rnam par dag pa'i phyir/ rnam par dag pa snang ba'o/ /rna ba'i 'dus te reg pa dang / sna'i 'dus te reg pa dang / </font><hr>31.284a<br><font size=+1>

lce'i 'dus te reg pa dang / lus kyi 'dus te reg pa dang / yid kyi 'dus te reg pa rnam par dag pa'i phyir/ rnam par dag pa snang ba'o/ /mig gi 'dus te reg pa'i rkyen gyis tshor ba rnam par dag pa'i phyir rnam par dag pa snang ba'o/ /rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba rnam par dag pa'i phyir/ rnam par dag pa snang ba'o/ /sa'i khams rnam par dag pa'i phyir/ rnam par dag pa snang ba'o/ /chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams rnam par dag pa'i phyir/ rnam par dag pa snang ba'o/ /ma rig pa rnam par dag pa'i phyir/ rnam par dag pa snang ba'o/ /'du byed dang / rnam par shes pa dang / ming dang gzugs dang skye mched drug dang / reg pa dang tshor ba dang sred pa dang / len pa dang / srid pa dang skye ba dang / rga shi rnam par dag pa'i phyir/ rnam par dag pa snang ba'o/ /shes rab kyi pha rol du phyin pa rnam par dag pa'i phyir/ rnam par dag pa snang ba'o/ /bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa rnam par dag pa'i phyir/ rnam par dag pa snang ba'o/ /nang stong pa nyid rnam par dag pa'i phyir/ rnam par dag pa snang ba 'o/ /dngos po med pa'i ngo bo nyid stong pa nyid kyi bar du rnam par dag pa'i phyir/ rnam par dag pa snang ba'o/ /dran pa nye bar gzhag pa rnam par dag pa'i phyir/ rnam par dag pa snang ba'o/ /yang dag par</font><hr>31.284b<br><font size=+1>

spong ba dang / rdzu 'phrul gyi rkang pa dang / dbang po dang stobs dang / byang chub kyi yan lag dang / 'phags pa'i lam yan lag brgyad pa rnam par dag pa'i phyir/ rnam par dag pa snang ba'o/ /'phags pa'i bden pa dang / bsam gtan dang tshad med pa dang / gzugs med pa'i snyoms par 'jug pa rnam par dag pa'i phyir/ rnam par dag pa snang ba'o/ /rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang mtshan ma med pa dang / smon pa med pa dang / mngon par shes pa rnam par dag pa'i phyir rnam par dag pa snang ba'o/ /ting nge 'dzin dang gzungs kyi sgo dang / de bzhin gshegs pa'i stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa bcwa brgyad rnam par dag pa'i phyir/ rnam par dag pa snang ba'o/ /thams cad shes pa nyid dang / lam gyi rnam pa shes pa nyid dang / rnam pa thams cad mkhyen pa nyid rnam par dag pa'i phyir/ rnam par dag pa snang ba'o/ /gsol pa bcom ldan 'das rnam par dag pa ni nying gi mtshams sbyor ba ma mchis pa'o/ /bcom ldan 'das kyis bka' stsal pa/ shin du rnam par dag pa'i phyir ro/ /shA ra dwa ti'i bus gsol pa bcom ldan 'das gang la nying gi mtshams sbyor ba ma mchis pa rnam par dag pa lags/ bcom ldan 'das kyis bka' stsal pa/ gzugs la 'pho ba med cing nying gi mtshams sbyor ba med pa ni rnam par dag pa'o/ /tshor ba dang 'du shes dang 'du byed dang / rnam par shes pa la 'pho ba med cing nying gi mtshams sbyor ba med pa ni rnam par dag pa'o/ /rnam pa thams cad mkhyen pa nyid kyi bar du 'pho ba med cing nying gi mtshams sbyor ba med pa ni rnam par dag pa'o/ /gsol pa bcom ldan 'das rnam par dag pa ni/ kun nas nyon mongs pa ma mchis pa'o/ /bcom ldan 'das kyis bka' stsal pa/ </font><hr>31.285a<br><font size=+1>

shin du rnam par dag pa'i phyir ro/ /shA ra dwa ti'i bus gsol pa bcom ldan 'das gang la kun nas nyon mongs pa ma mchis pa'i slad du/ kun nas nyon mongs pa ma mchis pa rnam par dag pa lags/ bcom ldan 'das kyis bka' stsal pa/ /gzugs rang bzhin gyis 'od gsal ba'i phyir rnam par dag pa kun nas nyon mongs pa med pa'o/ /tshor ba dang 'du shes dang 'du byed dang / rnam par shes pa rang bzhin gyis 'od gsal ba'i phyir rnam par dag pa kun nas nyon mongs pa med pa'o/ /rnam pa thams cad mkhyen pa nyid kyi bar du rang bzhin gyis 'od gsal ba'i phyir/ rnam par dag pa kun nas nyon mongs pa med pa'o/ /gsol pa bcom ldan 'das rnam par dag pa ni thob par bgyi ba dang / mngon par rtogs par bgyi ba ma mchis pa'o/ /bcom ldan 'das kyis bka' stsal pa/ shA ra dwa ti'i bu shin du rnam par dag pa'i phyir ro/ /gsol pa bcom ldan 'das gang la thob par bgyi ba ma mchis pa dang / mngon par rtogs par bgyi ba ma mchis pa rnam par dag pa lags/ bcom ldan 'das kyis bka' stsal pa/ gzugs thob par bya ba med pa dang / mngon par rtogs par bya ba med pa ni rnam par dag pa'o/ /tshor ba dang 'du shes dang 'du byed dang / rnam par shes pa thob par bya ba med pa dang / mngon par rtogs par bya ba med pa ni rnam par dag pa'o/ /rnam pa thams cad mkhyen pa nyid kyi bar du thob par bya ba med pa dang / mngon par rtogs par bya ba med pa ni rnam par dag pa'o/ /gsol pa bcom ldan 'das rnam par dag pa ni mngon par ma grub pa'o/ /bcom ldan 'das kyis bka' stsal pa/ shA ra dwa ti'i bu shin du rnam par dag pa'i phyir ro/ /gsol pa bcom ldan 'das gang mngon par ma grub pa rnam par dag pa lags/ bcom ldan 'das kyis bka' stsal pa/ shA ra dwa ti'i bu gzugs mngon par ma grub pa</font><hr>31.285b<br><font size=+1>

pa ni rnam par dag pa'o/ /tshor ba dang 'du shes dang 'du byed dang / rnam par shes pa mngon par ma grub pa ni rnam par dag pa'o/ /rnam pa thams cad mkhyen pa nyid kyi bar du mngon par ma grub pa ni rnam par dag pa'o/ /gsol pa bcom ldan 'das rnam par dag pa ni 'dod pa'i khams su skye ba ma lags so/ /bcom ldan 'das kyis bka' stsal pa/ shA ra dwa ti'i bu shin du rnam par dag pa'i phyir ro/ /gsol pa bcom ldan 'das ci'i slad du rnam par dag pa 'dod pa'i khams su skye ba ma lags/ bcom ldan 'das kyis bka' stsal pa/ shA ra dwa ti'i bu 'dod pa'i khams rang bzhin gyis mi dmigs pa'i phyir rnam par dag pa ni skye ba ma yin no/ /gsol pa bcom ldan 'das rnam par dag pa ni gzugs kyi khams su skye ba ma lags so/ /bcom ldan 'das kyis bka' stsal pa/ shA ra dwa ti'i bu shin du rnam par dag pa'i phyir ro/ /gsol pa/ bcom ldan 'das ci'i slad du rnam par dag pa gzugs kyi khams su skye ba ma lags/ bcom ldan 'das kyis bka' stsal pa/ shA ra dwa ti'i bu gzugs kyi khams rang bzhin gyis mi dmigs pa'i phyir/ rnam par dag pa ni skye ba ma yin no/ /gsol pa bcom ldan 'das rnam par dag pa ni gzugs med pa'i khams su skye ba ma lags so/ /bcom ldan 'das kyis bka' stsal pa/ shA ra dwa ti'i bu shin du rnam par dag pa'i phyir ro/ /gsol pa bcom ldan 'das ci'i slad du rnam par dag pa gzugs med pa'i khams su skye ba ma lags/ bcom ldan 'das kyis bka' stsal pa/ shA ra dwa ti'i bu gzugs med pa'i khams rang bzhin gyis mi dmigs pa'i phyir/ rnam par dag pa ni skye ba ma yin no/ /gsol pa bcom ldan 'das rnam par dag pa ni 'tshal ba ma mchis pa'o/ /bcom ldan 'das kyis bka' stsal pa/ shA ra</font><hr>31.286a<br><font size=+1>

dwa ti'i bu shin du rnam par dag pa'i phyir ro/ /gsol pa bcom ldan 'das ji ltar na rnam par dag pa 'tshal ba ma mchis pa lags/ bcom ldan 'das kyis bka' stsal pa/ shA ra dwa ti'i bu chos la sems med pa'i phyir rnam par dag pa la shes pa med do/ /gsol pa bcom ldan 'das rnam par dag pas gzugs ma 'tshal to/ /bcom ldan 'das kyis bka' stsal pa/ shA ra dwa ti'i bu shin du rnam par dag pa'i phyir ro/ /gsol pa bcom ldan 'das ji ltar na rnam par dag pas gzugs ma 'tshal ba lags/ bcom ldan 'das kyis bka' stsal pa/  rang gi mtshan nyid stong pa nyid kyi phyir rnam par dag pas gzugs mi shes so/ /gsol pa bcom ldan 'das rnam par dag pas tshor ba dang / 'du shes dang 'du byed dang / rnam par shes pa ma 'tshal to/ /bcom ldan 'das kyis bka' stsal pa/ shA ra dwa ti'i bu shin du rnam par dag pa'i phyir ro/ /shA ra dwa ti'i bus gsol pa/ bcom ldan 'das ji ltar na rnam par dag pas/ tshor ba dang 'du shes dang / 'du byed dang rnam par shes pa ma 'tshal ba lags/ bcom ldan 'das kyis bka' stsal pa/ shA ra dwa ti'i bu rang gi mtshan nyid stong pa nyid kyi phyir/ rnam par dag pas tshor ba dang 'du shes dang 'du byed dang / rnam par shes pa mi shes so/ /gsol pa bcom ldan 'das rnam par dag pas chos thams cad ma 'tshal to/ /bcom ldan 'das kyis bka' stsal pa/ shA ra dwa ti'i bu shin du rnam par dag pa'i phyir ro/ /gsol pa bcom ldan 'das ji ltar na rnam par dag pas chos thams cad ma 'tshal ba lags/ bcom ldan 'das kyis bka' stsal pa/ shA ra dwa ti'i bu rang gi mtshan nyid stong pa nyid kyi phyir/ rnam par dag pas chos thams cad mi shes so/ /gsol pa bcom ldan 'das shes rab kyi pha rol du phyin pa ni rnam pa thams cad mkhyen pa nyid la sman par mi bgyid/ gnod par mi bgyid do/ /bcom ldan 'das kyis bka' stsal pa/ shA ra dwa ti'i bu shin du rnam par dag pa'i phyir ro/ /gsol pa/ </font><hr>31.286b<br><font size=+1>

bcom ldan 'das ji ltar na shes rab kyi pha rol du phyin pa rnam pa thams cad mkhyen pa nyid la sman par mi bgyid/ gnod par mi bgyid pa lags/ bcom ldan 'das kyis bka' stsal pa/ shA ra dwa ti'i bu chos kyi dbyings 'dug pa nyid kyi phyir/ shes rab kyi pha rol du phyin pa rnam pa thams cad mkhyen pa nyid la phan par mi byed/ gnod par mi byed do/ /gsol pa bcom ldan 'das shes rab kyi pha rol du phyin pa rnam par dag pa ni chos gang yang yongs su len pa ma mchis so/ /bcom ldan 'das kyis bka' stsal pa/ shA ra dwa ti'i bu shin du rnam par dag pa'i phyir ro/ /gsol pa bcom ldan 'das ji ltar na shes rab kyi pha rol du phyin pa rnam par dag pa chos gang yang yongs su len pa ma mchis pa lags/ bcom ldan 'das kyis bka' stsal pa/ shA ra dwa ti'i bu chos kyi dbyings mi g.yo ba'i phyir/ shes rab kyi pha rol du phyin pa rnam par dag pa chos gang yang yongs su len pa med do/ /de nas tshe dang ldan pa rab 'byor gyis/ bcom ldan 'das la 'di skad ces gsol to/ /bcom ldan 'das bdag rnam par dag pa'i slad du gzugs rnam par dag pa'o/ /bcom ldan 'das kyis bka' stsal pa/ rab 'byor shin du rnam par dag pa'i phyir ro/ /gsol pa bcom ldan 'das ci'i slad du na bdag rnam par dag pas gzugs rnam par dag pa lags/ bcom ldan 'das kyis bka' stsal pa/ rab 'byor shin du rnam par dag pa'i phyir te/ bdag med pa'i phyir gzugs med pa ni shin du rnam par dag pa'o/ /gsol pa bcom ldan 'das bdag rnam par dag pa'i slad du/ tshor ba dang 'du shes dang 'du byed dang / rnam par shes pa rnam par dag pa'o/ /bcom ldan 'das</font><hr>31.287a<br><font size=+1>

kyis bka' stsal pa/ rab 'byor shin du rnam par dag pa'i phyir ro/ /gsol pa bcom ldan 'das ci'i slad du na bdag rnam par dag pas tshor ba dang / 'du shes dang / 'du byed dang / rnam par shes pa rnam par dag pa lags/ bcom ldan 'das kyis bka' stsal pa/ rab 'byor shin du rnam par dag pa'i phyir te/ bdag med pa'i phyir tshor ba dang / 'du shes dang 'du byed dang rnam par shes pa med pa ni shin du rnam par dag pa'o/ /gsol pa bcom ldan 'das bdag rnam par dag pa'i slad du/ skye mched dang khams dang / rten cing 'brel bar 'byung ba rnam par dag pa'o/ /bcom ldan 'das kyis bka' stsal pa/ rab 'byor shin du rnam par dag pa'i phyir ro/ /gsol pa bcom ldan 'das ci'i slad du na bdag rnam par dag pas skye mched dang khams dang rten cing 'brel bar 'byung ba rnam par dag pa lags/ bcom ldan 'das kyis bka' stsal pa/ rab 'byor shin du rnam par dag pa'i phyir te/ bdag med pa'i phyir skye mched dang khams dang / rten cing 'brel bar 'byung ba med pa ni shin du rnam par dag pa'o/ /gsol pa bcom ldan 'das bdag rnam par dag pa'i slad du/ sbyin pa'i pha rol du phyin pa rnam par dag pa'o/ /bcom ldan 'das bdag rnam par dag pa'i slad du/ tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa rnam par dag pa'o/ /bcom ldan 'das bdag rnam par dag pa'i slad du nang stong pa nyid rnam par dag pa'o/ /bcom ldan 'das bdag rnam par dag pa'i slad du/ dngos po med pa'i ngo bo nyid stong pa nyid kyi bar du rnam par dag pa'o/ /bcom ldan 'das bdag rnam par dag</font><hr>31.287b<br><font size=+1>

pa'i slad du/ dran pa nye bar gzhag pa rnam par dag pa'o/ /bcom ldan 'das bdag rnam par dag pa'i slad du/ yang dag par spong ba dang / rdzu 'phrul gyi rkang pa dang / dbang po dang / stobs dang byang chub kyi yan lag dang / 'phags pa'i lam yan lag brgyad pa rnam par dag pa'o/ /bcom ldan 'das bdag rnam par dag pa'i slad du/ 'phags pa'i bden pa dang / bsam gtan dang tshad med pa dang / gzugs med pa'i snyoms par 'jug pa rnam par dag pa'o/ /bcom ldan 'das bdag rnam par dag pa'i slad du/ rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang mtshan ma med pa dang / smon pa med pa dang mngon par shes pa rnam par dag pa'o/ /bcom ldan 'das bdag rnam par dag pa'i slad du/ ting nge 'dzin dang / gzungs kyi sgo rnam par dag pa'o/ /bcom ldan 'das bdag rnam par dag pa'i slad du/ de bzhin gshegs pa'i stobs dang / mi 'jigs pa dang / so so yang dag par rig pa rnam par dag pa'o/ /bcom ldan 'das bdag rnam par dag pa'i slad du/ sangs rgyas kyi chos ma 'dres pa bcwa brgyad rnam par dag pa'o/ /bcom ldan 'das kyis bka' stsal pa/ rab 'byor shin du rnam par dag pa'i phyir ro/ /gsol pa bcom ldan 'das ci'i slad du na bdag rnam par dag pas/ sangs rgyas kyi chos ma 'dres pa bcwa brgyad rnam par dag pa lags/ bcom ldan 'das kyis bka' stsal pa/ rab 'byor shin du rnam par dag pa'i phyir te/ bdag med pa'i phyir sangs rgyas kyi chos ma 'dres pa bcwa brgyad med pa ni shin du rnam par dag pa'o/ /gsol pa/ bcom ldan 'das bdag rnam par dag pa'i slad du/ rgyun du zhugs pa'i 'bras bu rnam par dag pa'o/ /bcom ldan 'das bdag rnam par dag pa'i slad du/ lan cig phyir 'ong ba'i 'bras bu rnam par dag pa'o/ /bcom ldan 'das bdag rnam par dag pa'i slad du/ phyir mi</font><hr>31.288a<br><font size=+1>

'ong ba'i 'bras bu rnam par dag pa'o/ /bcom ldan 'das bdag rnam par dag pa'i slad du/ dgra bcom pa nyid rnam par dag pa'o/ /bcom ldan 'das bdag rnam par dag pa'i slad du/ rang byang chub rnam par dag pa'o/ /bcom ldan 'das bdag rnam par dag pa'i slad du/ byang chub rnam par dag pa'o/ /bcom ldan 'das kyis bka' stsal pa/ rab 'byor shin du rnam par dag pa'i phyir ro/ /gsol pa/ bcom ldan 'das ci'i slad du bdag rnam par dag pas/ rgyun du zhugs pa'i 'bras bu rnam par dag pa lags/ ci'i slad du bdag rnam par dag pas/ lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub rnam par dag pa lags/ bcom ldan 'das kyis bka' stsal pa/ rang gi mtshan nyid stong pa nyid kyi phyir ro/ /gsol pa bcom ldan 'das bdag rnam par dag pa'i slad du/ lam gyi rnam pa shes pa nyid rnam par dag pa'o/ /bcom ldan 'das bdag rnam par dag pa'i slad du/ rnam pa thams cad mkhyen pa nyid rnam par dag pa'o/ /bcom ldan 'das kyis bka' stsal pa/ rab 'byor shin du rnam par dag pa'i phyir ro/ /gsol pa bcom ldan 'das ci'i slad du bdag rnam par dag pas/ lam gyi rnam pa shes pa nyid rnam par dag pa lags/ ci'i slad du bdag rnam par dag pas/ rnam pa thams cad mkhyen pa nyid rnam par dag pa lags/ bcom ldan 'das kyis bka' stsal pa/ rang gi mtshan nyid stong pa nyid kyi phyir ro/ /gsol pa bcom ldan 'das gnyis su ma mchis shing rnam par dag pa ni thob par bgyi ba ma lags/ mngon par rtogs par bgyi ba ma lags so/ /bcom ldan 'das kyis bka' stsal pa/ rab 'byor shin du rnam par dag pa'i phyir ro/ /gsol pa bcom ldan 'das ci'i slad du gnyis su ma mchis shing / rnam par dag pa ni thob par bgyi ba</font><hr>31.288b<br><font size=+1>

ma lags/ mngon par rtogs par bgyi ba ma lags/ bcom ldan 'das kyis bka' stsal pa/ kun nas nyon mongs pa med cing rnam par byang ba med pa'i phyir ro/ /gsol pa/ bcom ldan 'das bdag kun du mtha' yas pa'i slad du gzugs kun du mtha' yas pa'o/ /bcom ldan 'das kyis bka' stsal pa/ rab 'byor shin du rnam par dag pa'i phyir ro/ /gsol pa bcom ldan 'das ci'i slad du bdag kun du mtha' yas pas gzugs kun du mtha' yas pa rnam par dag pa lags/ bcom ldan 'das kyis bka' stsal pa/ mtha' las 'das pa stong pa nyid dang / thog ma dang tha ma med pa stong pa nyid kyi phyir ro/ /gsol pa bcom ldan 'das bdag kun du mtha' yas pa'i slad du tshor ba dang 'du shes dang 'du byed dang / rnam par shes pa kun du mtha' yas pa'o/ /bcom ldan 'das kyis bka' stsal pa/ rab 'byor shin du rnam par dag pa'i phyir ro/ /gsol pa bcom ldan 'das ci'i slad du bdag kun du mtha' yas pas tshor ba dang 'du shes dang 'du byed dang / rnam par shes pa kun du mtha' yas pa rnam par dag pa lags/ bcom ldan 'das kyis bka' stsal pa/ mtha' las 'das pa stong pa nyid dang / thog ma dang tha ma med pa stong pa nyid kyi phyir ro/ /gsol pa/ bcom ldan 'das bdag kun du mtha' yas pa'i slad du/ rnam pa thams cad mkhyen pa nyid kyi bar du kun du mtha' yas pa'o/ /bcom ldan 'das kyis bka' stsal pa/ rab 'byor shin du rnam par dag pa'i phyir ro/ /gsol pa bcom ldan 'das ci'i slad du/ bdag kun du mtha' yas pas/ rnam pa thams cad mkhyen pa nyid kun du mtha' yas pa rnam par dag pa lags/ bcom ldan 'das kyis bka' stsal pa/ mtha' las 'das pa stong pa nyid dang / thog ma dang tha ma med pa stong pa nyid kyi phyir ro/ /gsol pa bcom ldan</font><hr>31.289a<br><font size=+1>

'das gang de ltar rtogs pa ni byang chub sems dpa' sems dpa' chen po'i shes rab kyi pha rol du phyin pa'o/ /bcom ldan 'das kyis bka' stsal pa/ rab 'byor shin du rnam par dag pa'i phyir ro/ /gsol pa/ bcom ldan 'das ci'i slad du gang de ltar rtogs pa de byang chub sems dpa' sems dpa' chen po'i shes rab kyi pha rol du phyin pa lags/ bcom ldan 'das kyis bka' stsal pa/ lam gyi rnam pa shes pa nyid kyi phyir ro/ /gsol pa/ bcom ldan 'das gal te byang chub sems dpa' sems dpa' chen po shes rab kyi pha rol du phyin pa la spyod pa'i tshe/ tshu rol gyi 'gram 'am/ pha rol gyi 'gram 'am/ gnyis kyi dbus na mi gnas na/ de ni byang chub sems dpa' sems dpa' chen po'i shes rab kyi pha rol du phyin pa'o/ /bcom ldan 'das kyis bka' stsal pa/ rab 'byor shin du rnam par dag pa'i phyir ro/ /gsol pa/ bcom ldan 'das ci'i slad du/ byang chub sems dpa' sems dpa' chen po shes rab kyi pha rol du phyin pa la spyod pa'i tshe/ tshu rol gyi 'gram 'am/ pha rol gyi 'gram 'am/ gnyis ka'i dbus na mi gnas shing shin du rnam par dag pa lags/ bcom ldan 'das kyis bka' stsal pa/ rab 'byor dus gsum mnyam pa nyid kyi phyir ro/ /gsol pa bcom ldan 'das gal te byang chub sems dpa'i theg pa pa'i rigs kyi bu 'am rigs kyi bu mo thabs mi mkhas pas/ shes rab kyi pha rol du phyin pa 'di la dmigs pa'i tshul du 'du shes su bgyid pa ni/ shes rab kyi pha rol du phyin pa gsog du 'byin pa'o/ /shes rab kyi pha rol du phyin pa ring du spong ba'o/ /bcom ldan 'das kyis bka' stsal pa/ rab 'byor de de bzhin te/ rab 'byor legs so legs so/ /rab 'byor</font><hr>31.289b<br><font size=+1>

de ni ming du yang chags pa yin/ mtshan mar yang chags pa yin/ gsol pa bcom ldan 'das ji ltar na ming du yang chags shing mtshan mar yang chags pa lags/ bcom ldan 'das kyis bka' stsal pa/ rab 'byor 'di la rigs kyi bu 'am rigs kyi bu mo byang chub sems dpa'i theg pa pa shes rab kyi pha rol du phyin pa la/ ming du 'dzin tam mtshan mar 'dzin na/ de ni shes rab kyi pha rol du phyin pa la ming dang mtshan mar 'dzin cing / shes rab kyi pha rol du phyin pa la chags pas/ shes rab kyi pha rol du phyin pa gsog du 'byin to/ /shes rab kyi pha rol du phyin pa ring du spong ngo / /rab 'byor gal te rigs kyi bu 'am rigs kyi bu mo byang chub sems dpa'i theg pa pa shes rab kyi pha rol du phyin pa la mtshan mar 'dzin cing / de shes rab kyi pha rol du phyin pa la mtshan mar bzung nas/ shes rab kyi pha rol du phyin pas/ rlom sems su byed na/ de shes rab kyi pha rol du phyin pas rlom sems su byed cing / shes rab kyi pha rol du phyin pa la chags pas/ shes rab kyi pha rol du phyin pa gsog du 'byin to/ /shes rab kyi pha rol du phyin pa ring du spong ngo / /rab 'byor gyis gsol pa/ bcom ldan 'das byang chub sems dpa' sems dpa' chen po rnams la shes rab kyi pha rol du phyin pa 'di yang de ltar legs par bshad cing legs par bstan la chags pa dang ma chags pa de dag kyang ma mchis pa ngo mtshar che'o/ /de nas tshe dang ldan pa shA ra dwa ti'i bus/ tshe dang ldan pa rab 'byor la 'di skad ces smras so/ /tshe dang ldan pa rab 'byor byang chub sems dpa' sems dpa' chen po rnams kyi chags pa ni gang yin/ ma chags pa ni gang yin rab 'byor gyis smras pa/ tshe dang ldan pa shA ra dwa ti'i</font><hr>31.290a<br><font size=+1>

'di la byang chub sems dpa'i theg pa pa'i rigs kyi bu 'am rigs kyi bu mo thabs mi mkhas pas/ gzugs stong pa'o zhes bya bar 'du shes na chags pa'o/ /tshor ba dang 'du shes dang 'du byed dang / rnam par shes pa stong pa'o zhes bya bar 'du shes na chags pa'o/ /skye mched dang / khams dang / rten cing 'brel par 'byung ba stong pa'o zhes bya bar 'du shes na chags pa'o/ /sbyin pa'i pha rol du phyin pa stong pa'o zhes bya bar 'du shes na chags pa'o/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa stong pa'o/ /zhes bya bar 'du shes na chags pa'o/ /nang stong pa nyid stong pa'o zhes bya bar 'du shes na chags pa'o/ /dngos po med pa'i ngo bo nyid stong pa nyid kyi bar du stong pa'o zhes bya bar 'du shes na chags pa'o/ /dran pa nye bar gzhag pa rnams stong pa'o zhes bya bar 'du shes na chags pa'o/ /yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa stong pa'o zhes bya bar 'du shes na chags pa'o/ /'phags pa'i bden pa rnams stong pa'o zhes bya bar 'du shes na chags pa'o/ /bsam gtan dang / tshad med pa dang / gzugs med pa'i snyoms par 'jug pa rnams stong pa'o/ /zhes bya bar 'du shes na chags pa'o/ /rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang mngon par shes pa</font><hr>31.290b<br><font size=+1>

rnams stong pa'o zhes bya bar 'du shes na chags pa'o/ /ting nge 'dzin dang gzungs kyi sgo dang / de bzhin gshegs pa'i stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa bcwa brgyad stong pa'o zhes bya bar 'du shes na chags pa'o/ /rnam pa thams cad mkhyen pa nyid kyi bar du stong pa'o zhes bya bar 'du shes na chags pa'o/ /tshe dang ldan pa shA ra dwa ti'i bu gzhan yang byang chub sems dpa'i theg pa pa'i rigs kyi bu 'am rigs kyi bu mo thabs mi mkhas pas 'das pa'i chos rnams la/ 'das pa'i chos shes bya bar 'du shes na chags pa'o/ /ma 'ongs pa'i chos rnams la ma 'ongs pa'i chos shes bya bar 'du shes na chags pa'o/ /da ltar byung ba'i chos rnams la da ltar byung ba'i chos shes bya bar 'du shes na chags pa'o/ /tshe dang ldan pa shA ra dwa ti'i bu gzhan yang byang chub sems dpa'i theg pa pa'i rigs kyi bu 'am rigs kyi bu mo dmigs pa'i tshul du/ sems dang po bskyed pa nas nye bar bzung ba nas/ sbyin pa'i pha rol du phyin pa la spyod na chags pa'o/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la spyod na chags pa'o/ /nang stong pa nyid la spyod na chags pa'o/ /dngos po med pa'i ngo bo nyid stong pa nyid kyi bar la spyod na chags pa'o/ /dran pa nye bar gzhag pa rnams la spyod na chags pa'o/ /yang dag par spong ba dang / rdzu 'phrul gyi rkang pa dang / dbang po dang stobs dang / byang chub kyi yan lag dang / 'phags pa'i lam yan lag brgyad pa la spyod na chags pa'o/ /'phags pa'i bden pa rnams la spyod na chags pa'o/ /bsam gtan dang tshad med</font><hr>31.291a<br><font size=+1>

pa dang / gzugs med pa'i snyoms par 'jug pa rnams la spyod na chags pa'o/ /rnam par thar pa dang / mthar gyis gnas pa'i snyoms par 'jug pa dang / stong pa nyid dang mtshan ma med pa dang / smon pa med pa dang / mngon par shes pa rnams la spyod na chags pa'o/ /ting nge 'dzin dang / gzungs kyi sgo dang / de bzhin gshegs pa'i stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa bcwa brgyad la spyod na chags pa'o/ /rnam pa thams cad mkhyen pa nyid kyi bar la spyod na chags pa'o/ /tshe dang ldan pa shA ra dwa ti'i bu gang yang 'di skad du byang chub sems dpa' sems dpa' chen po shes rab kyi pha rol du phyin pa la spyod pa rnams kyi chags pa med pa gang zhes zer ba ni/ tshe dang ldan pa shA ra dwa ti'i bu 'di la byang chub sems dpa' sems dpa' chen po thabs mkhas pa/ shes rab kyi pha rol du phyin pa la spyod pa ni/ gzugs la gzugs shes bya ba 'du shes pa med do/ /tshor ba dang 'du shes dang / 'du byed dang / rnam par shes pa la rnam par shes pa zhes bya bar 'du shes pa med do/ /'das pa'i chos rnams la 'das pa'i chos shes bya bar 'du shes pa med do/ /ma 'ongs pa'i chos rnams la ma 'ongs pa'i chos shes bya bar 'du shes pa med do/ /da ltar byung ba'i chos rnams la da ltar byung ba'i chos shes bya bar 'du shes pa med do/ /tshe dang ldan pa shA ra dwa ti'i bu byang chub sems dpa' sems dpa' chen po thabs mkhas pa shes rab kyi pha rol du phyin pa la spyod pa ni/ 'di snyam du bdag gis sbyin pa zhig sbyin no/ /'di la sbyin pa 'di lta bu zhig sbyin zhe 'am/ bdag gis ni tshul khrims shig bsrung ngo / /tshul khrims 'di lta bu zhig bsrung ngo zhe 'am bdag gis ni bzod pa</font><hr>31.291b<br><font size=+1>

zhig bsgom mo/ /bzod pa 'di lta bu zhig bsgom mo zhe 'am/ bdag gis ni brtson 'grus shig brtsam mo/ /brtson 'grus 'di lta bu zhig brtsam mo zhe 'am/ bdag gis ni bsam gtan zhig la mnyam par gzhag go/ /bsam gtan 'di lta bu zhig la mnyam par gzhag go zhe 'am/ bdag gis ni shes rab cig bsgom mo/ /shes rab 'di lta bu zhig bsgom mo zhe 'am bdag gis ni bsod nams zhig bskyed do/ /bsod nams 'di lta bu zhig bskyed do/ /bsod nams 'di tsam zhig bskyed do/ /zhe 'am bdag gis ni byang chub sems dpa'i skyon med par chud par bya'o zhe 'am/ bdag gis ni sangs rgyas kyi zhing yongs su dag par bya'o/ /zhe 'am bdag gis ni sems can yongs su smin par bya'o zhe 'am/ bdag gis ni rnam pa thams cad mkhyen pa nyid thob par bya'o snyam du sems pa med de/ tshe dang ldan pa shA ra dwa ti'i bu byang chub sems dpa' sems dpa' chen po thabs mkhas pas shes rab kyi pha rol du phyin pa la spyod pa la ni/ rnam par rtog pa de lta bu thams cad dang nang stong pa nyid dang / phyi stong pa nyid dang / phyi nang stong pa nyid dang / stong pa nyid stong pa nyid dang / chen po stong pa nyid dang don dam pa stong pa nyid dang / 'dus byas stong pa nyid dang / 'dus ma byas stong pa nyid dang / mtha' las 'das pa stong pa nyid dang / thog ma dang tha ma med pa stong pa nyid dang / dor ba med pa stong pa nyid dang / rang bzhin stong pa nyid dang / chos thams cad stong pa nyid dang / rang gi mtshan nyid stong pa nyid dang / mi dmigs pa stong pa nyid dang / dngos po med pa stong pa nyid dang / ngo bo nyid stong pa nyid dang / dngos po med pa'i ngo bo nyid stong pa nyid kyi phyir med cing mi rgyu ste/ tshe dang ldan pa shA ra dwa ti'i bu de dag ni byang chub sems dpa' sems dpa' chen po'i thabs mkhas pa/ shes rab kyi pha rol du phyin pa la spyod pa'i chags pa med pa dag go/ /de nas lha'i dbang po brgya byin gyis/ tshe dang ldan pa rab 'byor la 'di skad ces</font><hr>31.292a<br><font size=+1>

smras so/ /btsun pa rab 'byor rnam grangs gang gis na/ byang chub sems dpa'i theg pa pa'i rigs kyi bu 'am rigs kyi bu mo rnams kyis chags par 'gyur ba yin de skad ces smras pa dang / tshe dang ldan pa rab 'byor gyis lha'i dbang po brgya byin la 'di skad ces smras so/ /kau shi ka 'di la byang chub sems dpa'i theg pa pa'i rigs kyi bu dang rigs kyi bu mo sems su 'du shes pa dang / sbyin pa'i pha rol du phyin par 'du shes pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin par 'du shes pa dang / nang stong pa nyid du 'du shes pa dang / phyi stong pa nyid du 'du shes pa dang / phyi nang stong pa nyid du 'du shes pa dang / dngos po med pa'i ngo bo nyid stong pa nyid kyi bar du 'du shes pa dang / dran pa nye bar gzhag pa rnams su 'du shes pa dang / yang dag par spong ba dang / rdzu 'phrul gyi rkang pa dang dbang po dang stobs dang / byang chub kyi yan lag dang / 'phags pa'i lam yan lag brgyad par 'du shes pa dang / 'phags pa'i bden pa dang bsam gtan dang / tshad med pa dang / gzugs med pa'i snyoms par 'jug pa rnams su 'du shes pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang mtshan ma med pa dang / smon pa med pa dang / mngon par shes pa rnams su 'du shes pa dang / ting nge 'dzin dang / gzungs kyi sgo rnams su 'du shes pa dang / de bzhin gshegs pa'i stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa bcwa brgyad du 'du shes pa dang / sangs rgyas bcom ldan 'das su 'du shes par gyur te/ sangs rgyas la bskyed pa'i dge ba dag du 'du shes nas/ dge ba'i rtsa ba de dag mngon par bsdus te gcig tu brtul nas/ bla na med pa yang dag par rdzogs pa'i byang chub tu yongs su</font><hr>31.292b<br><font size=+1>

bsngo zhing / yongs su bsngo ba der yang 'du shes pa de dag ni/ kau shi ka byang chub sems dpa'i theg pa pa'i rigs kyi bu dang rigs kyi bu mo rnams kyi chags pa ste/ chags pa de dag la chags par gyur na/ chags pa med pa'i shes rab kyi pha rol du phyin pa la spyod par mi nus so/ /de ci'i phyir zhe na/ de ni kau shi ka gzugs kyi rang bzhin yongs su bsngo bar mi nus so/ /tshor ba dang 'du shes dang 'du byed dang / rnam par shes pa'i rang bzhin yongs su bsngo bar mi nus so/ /skye mched dang khams dang / rten cing 'brel par 'byung ba'i rang bzhin yongs su bsngo bar mi nus so/ /pha rol du phyin pa rnams kyi rang bzhin yongs su bsngo bar mi nus so/ /stong pa nyid thams cad kyi rang bzhin yongs su bsngo bar mi nus so/ /byang chub kyi phyogs kyi chos sum bcu rtsa bdun gyi rang bzhin yongs su bsngo bar mi nus so/ /'phags pa'i bden pa dang / bsam gtan dang tshad med pa dang / gzugs med pa'i snyoms par 'jug pa rnams kyi rang bzhin yongs su bsngo bar mi nus so/ /rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang smon pa med pa dang / mngon par shes pa rnams kyi rang bzhin yongs su bsngo bar mi nus so/ /ting nge 'dzin dang / gzungs kyi sgo dang / de bzhin gshegs pa'i stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa bcwa brgyad kyi rang bzhin yongs su bsngo bar mi nus so/ /rgyun du zhugs pa'i 'bras bu dang / lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub kyi rang bzhin yongs su bsngo bar mi nus so/ /lam</font><hr>31.293a<br><font size=+1>

gyi rnam pa shes pa nyid dang / rnam pa thams cad mkhyen pa nyid kyi rang bzhin yongs su bsngo bar mi nus so/ /kau shi ka gzhan yang byang chub sems dpa' sems dpa' chen pos gzhan zhig /bla na med pa yang dag par rdzogs pa'i byang chub du yang dag par bstan tam/ yang dag par bskul lam/ yang dag par spro ba bskyed dam/ yang dag par rab tu dga' bar byas na yang dag par rjes su song ba'i yid kyis gzhan yang dag par bstan par bya'o/ /yang dag par bskul bar bya'o/ /yang dag par spro ba bskyed par bya'o/ /yang dag par dga' ba bskyed par bya'o/ /de yang ci nas kyang sbyin pa'i pha rol du phyin pa la spyod pa'i tshe/ bdag ni sbyin pa'i pha rol du phyin pa la spyod do zhes bya bar rnam par rtog par mi 'gyur ba dang / bdag ni tshul khrims kyi pha rol du phyin pa la spyod do/ /bdag ni bzod pa'i pha rol du phyin pa la spyod do/ /bdag ni brtson 'grus kyi pha rol du phyin pa la spyod do/ /bdag ni bsam gtan gyi pha rol du phyin pa la spyod do/ /bdag ni shes rab kyi pha rol du phyin pa la spyod do/ zhes bya bar rnam par rtog par mi 'gyur ba dang / bdag ni nang stong pa nyid la spyod do/ /bdag ni phyi stong pa nyid la spyod do/ /bdag ni phyi nang stong pa nyid la spyod do/ /bdag ni dngos po med pa'i ngo bo nyid stong pa nyid kyi bar la spyod do/ /bdag ni byang chub kyi phyogs kyi chos sum bcu rtsa bdun la spyod do/ /bdag ni 'phags pa'i bden pa rnams la spyod do/ /bdag ni bsam gtan dang tshad med pa dang / gzugs med pa'i snyoms par 'jug pa rnams la spyod do/ /bdag ni rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / </font><hr>31.293b<br><font size=+1>

mtshan ma med pa dang / smon pa med pa dang / mngon par shes pa rnams la spyod do/ /bdag ni ting nge 'dzin rnams dang / gzungs kyi sgo rnams la spyod do/ /bdag ni de bzhin gshegs pa'i stobs dang / mi 'jigs pa bzhi dang / so so yang dag par rig pa dang / sangs rgyas kyi chos ma 'dres pa bcwa brgyad la spyod do zhes bya bar rnam par rtog par mi 'gyur ba dang / bdag ni rnam pa thams cad mkhyen pa nyid kyi bar la spyod do zhes bya bar rnam par rtog par mi 'gyur ba de ltar yang dag par bstan par bya/ yang dag par bskul bar bya/ yang dag par spro ba bskyed par bya/ yang dag par dga' ba bskyed par bya ste/ de ltar spyod pa'i rigs kyi bu 'am rigs kyi bu mos/ gzhan bla na med pa yang dag par rdzogs pa'i byang chub tu yang dag par bstan par bya'o/ /yang dag par bskul bar bya'o/ /yang dag par spro ba bskyed par bya'o/ /yang dag par dga' ba bskyed par bya'o/ /de yang dag par bstan pa de dang / yang dag par bskul ba de dang / yang dag par spro ba bskyed par bya ba de dang / yang dag par dga' ba bskyed par bya ba des/ gzhan yang dag par ston cing yang dag par bskul ba dang / yang dag par spro ba skyed cing yang dag par dga' bar byed pa'i tshe/ rma 'byung bar mi 'gyur zhing / sangs rgyas kyis gnang ba'i yang dag par bskul bas yang dag par bskul ba yin te/ de ltar na rigs kyi bu 'am rigs kyi bu mo des chags pa'i mtha' thams cad yongs su spangs pa yin no/ /de nas bcom ldan 'das kyis tshe dang ldan pa rab 'byor la legs so zhes bya ba gnang ste/ rab 'byor de ltar khyod byang chub sems dpa' sems dpa' chen po rnams la chags pa'i rnam pa de lta bu dag ston pa legs</font><hr>31.294a<br><font size=+1>

so legs so/ /rab 'byor de bas na khyod la chags pa'i rnam pa de bas kyang phra ba bstan par byas/ de shin du legs par nyon la yid la zung shig dang bstan par bya'o/ /bcom ldan 'das de ltar bgyi'o zhes nas/ tshe dang ldan pa rab 'byor bcom ldan 'das la phyir nyan to/ /bcom ldan 'das kyis de la 'di skad ces bka' stsal to/ /rab 'byor 'di la rigs kyi bu 'am rigs kyi bu mo bla na med pa yang dag par rdzogs pa'i byang chub tu yang dag par zhugs pa/ de bzhin gshegs pa dgra bcom pa yang dag par rdzogs pa'i sangs rgyas mtshan mar yid la byed na/ rab 'byor ji tsam du mtshan mar gyur pa de tsam du chags pa'o/ /gang yang 'das pa dang / ma byon pa dang / da ltar byung ba'i de bzhin gshegs pa dgra bcom pa yang dag par rdzogs pa'i sangs rgyas chags pa thams cad dang bral ba de dag gi thugs dang po bskyed pa nas/ dam pa'i chos gnas pa'i bar gyi dge ba'i rtsa ba gang ji snyed pa de dag thams cad mtshan mar yid la byed cing / yid la byas nas bla na med pa yang dag par rdzogs pa'i byang chub tu yongs su bsngo na/ rab 'byor ji tsam du mtshan mar yid la byed pa de tsam du chags pa'o/ /gang yang de bzhin gshegs pa'i nyan thos de dag dang / de ma yin pa'i sems can gzhan rnams kyi dge ba'i rtsa ba gang ji snyed pa de thams cad kyang mtshan mar byas te/ bla na med pa yang dag par rdzogs pa'i byang chub tu yongs su bsngo na/ rab 'byor ji tsam du mtshan mar yid la byed pa de tsam du chags pa'o/ /de ci'i phyir zhe na/ de bzhin gshegs pa de dag ni mtshan mar yid la bya ba ma yin te/ de bzhin gshegs pa de dag gi dge ba'i rtsa ba yang mtshan mar yid la bya ba ma yin no/ /gsol pa bcom ldan 'das</font><hr>31.294b<br><font size=+1>

shes rab kyi pha rol du phyin pa ni zab bo/ /bcom ldan 'das kyis bka' stsal pa/ rab 'byor chos thams cad rang bzhin gyis rnam par dben pa'i phyir ro/ /gsol pa bcom ldan 'das shes rab kyi pha rol du phyin pa la phyag 'tshal lo/ /bcom ldan 'das kyis bka' stsal pa/ rab 'byor de ni 'di ltar shes rab kyi pha rol du phyin pa ma byas mngon par 'du ma byas pa ste/ de ni sus kyang mngon par 'tshang rgya bar bya bar mi nus so/ /gsol pa/ bcom ldan 'das chos thams cad ni mngon par sangs ma rgyas pa'o/ /bcom ldan 'das kyis bka' stsal pa/ rab 'byor de ni 'di ltar chos kyi rang bzhin ni gnyis ma yin te/ chos kyi rang bzhin ni gcig tu zad do/ /rab 'byor chos kyi rang bzhin ni gcig po gang yin pa de ni rang bzhin ma yin no/ /gang rang bzhin ma yin pa de ni ma byas pa'o/ /gang ma byas pa de ni mngon par 'dus ma byas pa'o/ /rab 'byor de ltar na byang chub sems dpa' sems dpa' chen pos/ chos kyi rang bzhin gcig po gang rang bzhin ma yin pa ma byas pa mngon par 'dus ma byas pa shes na chags pa'i rnam pa thams cad yongs su spangs pa yin no/ /gsol pa bcom ldan 'das shes rab kyi pha rol du phyin pa ni rtogs par dka' ba'o/ /bcom ldan 'das kyis bka' stsal pa/ rab 'byor de ni 'di ltar shes rab kyi pha rol du phyin pa ni sus kyang ma mthong ma rtogs/ rnam par mi shes mngon par sangs ma rgyas pa'i phyir ro/ /gsol pa bcom ldan 'das shes rab kyi pha rol du phyin pa ni bsam gyis mi khyab pa'o/ /bcom ldan 'das kyis bka' stsal pa/ rab 'byor de ni 'di ltar sems kyis ma shes so/ /gzugs dang / tshor ba dang / 'du shes dang / 'du byed dang / rnam par shes pas ma shes so/ /skye</font><hr>31.295a<br><font size=+1>

mched dang khams dang rten cing 'brel bar 'byung bas ma shes so/ /pha rol du phyin pa rnams dang stong pa nyid rnams dang / byang chub kyi phyogs kyi chos rnams dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa rnams kyis ma shes so/ /rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang mtshan ma med pa dang / smon pa med pa dang mngon par shes pa rnams kyis ma shes so/ /ting nge 'dzin dang / gzungs kyi sgo rnams kyis ma shes so/ /de bzhin gshegs pa'i stobs dang / mi 'jigs pa dang / so so yang dag par rig pa rnams dang / sangs rgyas kyi chos ma 'dres pa bcwa brgyad kyis ma shes so/ /rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub kyis ma shes so/ /lam gyi rnam pa shes pa nyid dang / rnam pa thams cad mkhyen pa nyid kyis ma shes so/ /shes rab kyi pha rol du phyin pa stong phrag nyi shu lnga pa las/ chos thams cad rnam par dag pa'i le'u ste nyi shu rtsa bdun pa'o// // de nas tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das shes rab kyi pha rol du phyin pa ni bgyid pa ma mchis pa'o/ /bcom ldan 'das kyis bka' stsal pa/ rab 'byor byed pa po mi dmigs pa'i phyir ro/ /rab 'byor de bzhin du gzugs mi dmigs pa dang / tshor ba dang 'du shes dang 'du byed dang / rnam par shes pa mi dmigs pa dang / rnam pa thams cad mkhyen pa nyid kyi bar du mi dmyigs pa'i phyir ro/ /gsol pa bcom ldan 'das 'di la byang chub sems dpa'</font><hr>31.295b<br><font size=+1>

sems dpa' chen po shes rab kyi pha rol du phyin pa la spyod pas rnam pa ji ltar spyad par bgyi/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po shes rab kyi pha rol du phyin pa la spyod pa'i tshe/ gal te gzugs la mi spyod na/ shes rab kyi pha rol du phyin pa la spyod do/ /gal te tshor ba dang 'du shes dang 'du byed dang / rnam par shes pa la mi spyod na/ shes rab kyi pha rol du phyin pa la spyod do/ /gal te skye mched dang khams dang / rten cing 'brel bar 'byung ba la mi spyod na/ shes rab kyi pha rol du phyin pa la spyod do/ /gal te pha rol du phyin pa thams cad dang / stong pa nyid thams cad dang / byang chub kyi phyogs kyi chos sum bcu rtsa bdun dang / 'phags pa'i bden pa dang / bsam gtan dang tshad med pa dang / gzugs med pa'i snyoms par 'jug pa la mi spyod na/ shes rab kyi pha rol du phyin pa la spyod do/ /gal te rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang mtshan ma med pa dang / smon pa med pa dang / mngon par shes pa rnams la mi spyod na/ shes rab kyi pha rol du phyin pa la spyod do/ /gal te ting nge 'dzin dang / gzungs kyi sgo rnams la mi spyod na/ shes rab kyi pha rol du phyin pa la spyod do/ /gal te de bzhin gshegs pa'i stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa bcwa brgyad la mi spyod na/ shes rab kyi pha rol du phyin pa la spyod do/ /gal te thams cad shes pa nyid dang / lam gyi rnam pa shes pa nyid dang / rnam pa thams cad mkhyen pa nyid la mi spyod na/ shes rab kyi pha rol du phyin pa la spyod do/ /gal te gzugs rtag ces bya ba 'am/ mi rtag ces</font><hr>31.296a<br><font size=+1>

bya bar mi spyod na/ shes rab kyi pha rol du phyin pa la spyod do/ /gal te tshor ba dang 'du shes dang 'du byed dang / rnam par shes pa rtag ces bya ba 'am/ mi rtag ces bya bar mi spyod na/ shes rab kyi pha rol du phyin pa la spyod do/ /gal te rnam pa thams cad mkhyen pa nyid kyi bar du rtag ces bya ba 'am/ mi rtag ces bya bar mi spyod na/ shes rab kyi pha rol du phyin pa la spyod do/ /gal te gzugs bde zhes bya ba 'am/ sdug bsngal zhes bya bar mi spyod na/ shes rab kyi pha rol du phyin pa la spyod do/ /gal te tshor ba dang 'du shes dang 'du byed dang / rnam par shes pa bde zhes bya ba 'am/ sdug bsngal zhes bya bar mi spyod na/ shes rab kyi pha rol du phyin pa la spyod do/ /gal te rnam pa thams cad mkhyen pa nyid kyi bar du bde zhes bya ba 'am/ sdug bsngal zhes bya bar mi spyod na/ shes rab kyi pha rol du phyin pa la spyod do/ /gal te gzugs bdag ces bya ba 'am/ bdag med ces bya bar mi spyod na/ shes rab kyi pha rol du phyin pa la spyod do/ /gal te tshor ba dang 'du shes dang 'du byed dang rnam par shes pa bdag ces bya ba 'am/ bdag med ces bya bar mi spyod na/ shes rab kyi pha rol du phyin pa la spyod do/ /gal te rnam pa thams cad mkhyen pa nyid kyi bar du bdag ces bya ba 'am/ bdag med ces bya bar mi spyod na/ shes rab kyi pha rol du phyin pa la spyod do/ /gal te gzugs sdug ces bya ba 'am/ mi sdug ces bya bar mi spyod na/ shes rab kyi pha rol du phyin pa la spyod do/ /gal te tshor ba dang 'du shes dang 'du byed dang / rnam par shes pa sdug ces bya ba 'am/ mi sdug ces bya bar mi spyod na/ shes rab kyi pha rol du phyin pa la spyod do/ /</font><hr>31.296b<br><font size=+1>

gal te rnam pa thams cad mkhyen pa nyid kyi bar du sdug ces bya ba 'am/ mi sdug ces bya bar mi spyod na/ shes rab kyi pha rol du phyin pa la spyod do/ /de ci'i phyir zhe na/ gang rtag pa 'am mi rtag pa 'am/ bde ba 'am sdug bsngal ba 'am/ bdag gam bdag med pa 'am/ sdug pa 'am mi sdug par 'gyur ba de lta bu'i gzugs med do/ /gang rtag pa 'am/ mi rtag pa 'am bde ba 'am/ sdug bsngal ba 'am/ bdag gam/ bdag med pa 'am/ sdug pa 'am mi sdug par 'gyur ba de lta bu'i tshor ba dang 'du shes dang / 'du byed dang rnam par shes pa med do/ /gang rtag pa 'am mi rtag pa 'am/ bde ba 'am sdug bsngal ba 'am/ bdag gam bdag med pa 'am/ sdug pa 'am mi sdug par 'gyur ba de lta bu'i rnam pa thams cad mkhyen pa nyid kyi bar du med do/ /shes rab kyi pha rol du phyin pa stong phrag nyi shu lnga pa/ bam po bzhi bcu pa/ rab 'byor gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ gal te gzugs yongs su ma rdzogs so zhes bya bar mi spyod na/ shes rab kyi pha rol du phyin pa la spyod do/ /tshor ba dang / 'du shes dang / 'du byed dang / rnam par shes pa yongs su ma rdzogs so zhes bya bar mi spyod na/ shes rab kyi pha rol du phyin pa la spyod do/ /gal te skye mched dang khams dang rten cing 'brel par 'byung ba yongs su ma rdzogs so zhes bya bar mi spyod na/ shes rab kyi pha rol du phyin pa la spyod do/ /pha rol du phyin pa thams cad dang / stong pa nyid thams cad yongs su ma rdzogs so zhes bya bar mi spyod na/ shes rab kyi pha rol du phyin pa la spyod do/ /dran pa nye bar gzhag pa rnams yongs su ma rdzogs so zhes bya bar</font><hr>31.297a<br><font size=+1>

mi spyod na/ shes rab kyi pha rol tu phyin pa la spyod do/ /yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa yongs su ma rdzogs so zhes bya bar mi spyod na/ shes rab kyi pha rol du phyin pa la spyod do/ /'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug par dgu dang / stong pa nyid dang / mtshan ma med pa dang / smon pa med pa dang / mngon par shes pa rnams yongs su ma rdzogs so zhes bya bar mi spyod na/ shes rab kyi pha rol du phyin pa la spyod do/ /gal te ting nge 'dzin rnams dang / gzungs kyi sgo rnams yongs su ma rdzogs so zhes bya bar mi spyod na/ shes rab kyi pha rol du phyin pa la spyod do/ /gal te de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad yongs su ma rdzogs so zhes bya bar mi spyod na/ shes rab kyi pha rol du phyin pa la spyod do/ /rnam pa thams cad mkhyen pa nyid kyi bar du yongs su ma rdzogs so zhes bya bar mi spyod na/ shes rab kyi pha rol du phyin pa la spyod do/ /de ci'i phyir zhe na/ gzugs yongs su ma rdzogs pa gang yin pa de gzugs ma yin no zhes bya bar de ltar yang mi spyod na/ shes rab kyi pha rol du phyin pa la spyod do/ /tshor ba dang 'du shes dang / 'du byed dang / rnam par shes pa yongs su ma rdzogs pa gang yin pa de rnam par shes pa ma yin no zhes</font><hr>31.297b<br><font size=+1>

bya ba de ltar yang mi spyod na/ shes rab kyi pha rol du phyin pa la spyod do/ /rnam pa thams cad mkhyen pa nyid kyi bar du/ yongs su ma rdzogs pa gang yin pa de/ rnam pa thams cad mkhyen pa nyid ma yin no zhes bya bar de ltar yang mi spyod na/ shes rab kyi pha rol du phyin pa la spyod do/ /gsol pa/ bcom ldan 'das de ltar de bzhin gshegs pa dgra bcom pa yang dag par rdzogs pa'i sangs rgyas kyis/ byang chub sems dpa'i theg pa pa'i rigs kyi bu dang rigs kyi bu mo rnams la chags pa dang ma chags pa legs par bstan pa 'di ngo mtshar to/ /bcom ldan 'das kyis bka' stsal pa/ rab 'byor de de bzhin no/ /de de bzhin te/ de bzhin gshegs pa dgra bcom pa yang dag par rdzogs pa'i sangs rgyas kyis/ byang chub sems dpa'i theg pa pa'i rigs kyi bu dang rigs kyi bu mo rnams la chags pa dang / ma chags pa legs par bstan to/ /rab 'byor gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ gal te gzugs chags pa 'am ma chags pa zhes bya bar mi spyod na/ shes rab kyi pha rol du phyin pa la spyod do/ /tshor ba dang / 'du shes dang / 'du byed dang / rnam par shes pa chags pa 'am/ ma chags pa zhes bya bar mi spyod na/ shes rab kyi pha rol du phyin pa la spyod do/ /gal te skye mched dang khams dang / rten cing 'brel par 'byung ba chags pa 'am/ ma chags pa zhes bya bar mi spyod na/ shes rab kyi pha rol du phyin pa la spyod do/ /sbyin pa'i pha rol du phyin pa chags pa 'am/ ma chags pa zhes bya bar mi spyod na/ shes rab kyi pha rol du phyin pa la spyod do/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha</font><hr>31.298a<br><font size=+1>

rol du phyin pa dang / shes rab kyi pha rol du phyin pa la chags pa 'am/ ma chags pa zhes bya bar mi spyod na/ shes rab kyi pha rol du phyin pa la spyod do/ /nang stong pa nyid chags pa 'am/ ma chags pa zhes bya bar mi spyod na/ shes rab kyi pha rol du phyin pa la spyod do/ /dngos po med pa'i ngo bo nyid stong pa nyid kyi bar du chags pa 'am/ ma chags pa zhes bya bar mi spyod na/ shes rab kyi pha rol du phyin pa la spyod do/ /byang chub kyi phyogs kyi chos sum bcu rtsa bdun chags pa 'am/ ma chags pa zhes bya bar mi spyod na/ shes rab kyi pha rol du phyin pa la spyod do/ /'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang mtshan ma med pa dang / smon pa med pa dang / mngon par shes pa rnams chags pa 'am ma chags pa zhes bya bar mi spyod na/ shes rab kyi pha rol du phyin pa la spyod do/ /ting nge 'dzin rnams dang gzungs kyi sgo rnams chags pa 'am/ ma chags pa zhes bya bar mi spyod na/ shes rab kyi pha rol du phyin pa la spyod do/ /de bzhin gshegs pa'i stobs bcu dang mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad chags pa 'am ma chags pa zhes bya bar mi spyod na/ shes rab kyi pha rol du phyin pa la spyod do/ /rnam pa thams cad mkhyen pa nyid kyi bar du chags pa 'am/ ma chags pa zhes bya bar mi spyod na/ shes rab kyi pha rol du phyin pa la spyod do/ /rab 'byor byang chub sems dpa' sems dpa' chen po de</font><hr>31.298b<br><font size=+1>

ltar spyod na/ gzugs chags pa 'am/ ma chags pa zhes bya bar 'du shes pa med do/ /tshor ba dang / 'du shes dang / 'du byed dang / rnam par shes pa chags pa 'am/ ma chags pa zhes bya bar 'du shes pa med do/ /skye mched dang khams dang / rten cing 'brel bar 'byung ba chags pa 'am/ ma chags pa zhes bya bar 'du shes pa med do/ /pha rol du phyin pa thams cad dang / stong pa nyid thams cad dang / byang chub kyi phyogs kyi chos sum bcu rtsa bdun chags pa 'am/ ma chags pa zhes bya bar 'du shes pa med do/ /'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang mtshan ma med pa dang / smon pa med pa dang / mngon par shes pa rnams chags pa 'am/ ma chags pa zhes bya bar 'du shes pa med do/ /ting nge 'dzin rnams dang / gzungs kyi sgo rnams chags pa 'am/ ma chags pa zhes bya bar 'du shes pa med do/ /de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad chags pa 'am/ ma chags pa zhes bya bar 'du shes pa med do/ /rgyun du zhugs pa'i 'bras bu chags pa 'am/ ma chags pa zhes bya bar 'du shes pa med do/ /lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid chags pa 'am/ ma chags pa</font><hr>31.299a<br><font size=+1>

zhes bya bar 'du shes pa med do/ /rang byang chub chags pa 'am/ ma chags pa zhes bya bar 'du shes pa med do/ /bla na med pa yang dag par rdzogs pa'i byang chub chags pa 'am/ ma chags pa zhes bya bar 'du shes pa med do/ /gsol pa bcom ldan 'das de ltar chos zab mo 'di bstan kyang yongs su mi 'grib/ ma bstan kyang yongs su mi 'grib/ bstan kyang mi 'phel/ ma bstan kyang mi 'phel ba ngo mtshar che'o/ /bcom ldan 'das kyis bka' stsal pa/ de de bzhin no/ /rab 'byor de de bzhin te/ chos zab mo 'di bstan kyang yongs su mi 'grib/ ma bstan kyang yongs su mi 'grib/ bstan kyang mi 'phel ma bstan kyang mi 'phel lo/ /rab 'byor 'di lta ste dper na/ de bzhin gshegs pa dgra bcom pa yang dag par rdzogs pa'i sangs rgyas nam 'tsho'i bar du bzhugs shing / nam mkha'i legs pa 'am/ ma legs pa brjod kyang / nam mkha' ni legs pa brjod pas yongs su 'phel ba med do/ /nyes pa brjod pas yongs su 'grib pa med do/ /nam mkha' ni legs pa brjod kyang chags par 'gyur ba 'phel ba med do/ /nyes pa brjod kyang khong khro bar 'gyur ba med do/ /rab 'byor 'di lta ste dper na/ sgyu ma'i skyes bu ni legs pa brjod kyang 'phel ba med do/ /nyes pa brjod kyang yongs su 'grib pa med do/ /legs pa brjod kyang chags par 'gyur ba med do/ /nyes pa brjod kyang khong khro bar 'gyur ba med do/ /rab 'byor de bzhin du chos rnams kyi chos nyid gang yin pa de bstan kyang de bzhin/ ma bstan kyang de bzhin no/ /gsol pa/ bcom ldan 'das byang chub sems dpa' sems dpa' chen po shes rab kyi pha rol du phyin pa la spyod cing / shes rab kyi</font><hr>31.299b<br><font size=+1>

pha rol du phyin pa bstan pa'i tshe zhum pa dang / g.yeng bar mi 'gyur ba dang / shes rab kyi pha rol du phyin pa 'di la brtson par bgyid cing bla na med pa yang dag par rdzogs pa'i byang chub las phyir mi ldog pa ni dka' ba bgyid pa'o/ /de ci'i slad du zhe na/ bcom ldan 'das 'di lta ste/ byang chub sems dpa' sems dpa' chen po rnams kyi shes rab kyi pha rol du phyin pa bsgom pa 'di ni nam mkha' bsgom pa ste/ nam mkha' la ni gzugs ma mchis so/ /tshor ba dang / 'du shes dang / 'du byed dang / rnam par shes pa ma mchis so/ /nam mkha' la ni skye mched dang / khams dang / rten cing 'brel par 'byung ba ma mchis so/ /nam mkha' la ni sbyin pa'i pha rol du phyin pa ma mchis so/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa ma mchis so/ /nam mkha' la ni nang stong pa nyid ma mchis so/ /dngos po med pa'i ngo bo nyid stong pa nyid kyi bar du ma mchis so/ /nam mkha' la ni dran pa nye bar gzhag pa rnams ma mchis so/ /yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa ma mchis so/ /nam mkha' la ni 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams ma mchis so/ /nam mkha' la ni ting nge 'dzin rnams dang / gzungs kyi sgo rnams ma mchis so/ /nam mkha' la ni de bzhin gshegs pa'i stobs bcu dang / mi 'jigs</font><hr>31.300a<br><font size=+1>

pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad ma mchis so/ /nam mkha' la ni rgyun du zhugs pa'i 'bras bu ma mchis so/ /lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub ma mchis so/ /nam mkha' la ni bla na med pa yang dag par rdzogs pa'i byang chub ma mchis so/ /bcom ldan 'das byang chub sems dpa' sems dpa' chen po gang gis go cha 'di 'tshal ba de dag ni phyag bgyi bar 'os pa'o/ /bcom ldan 'das gang gis go cha 'di 'tshal ba de dag ni nam mkha'i don du brtson par mos/ 'bad par mos/ rtsol bar mos pa dag ste/ bcom ldan 'das gang gis sems can rnams kyi slad du go cha 'tshal ba de dag ni nam mkha' yongs su smin par 'tshal zhing yongs su grol bar 'tshal ba'o/ /bcom ldan 'das byang chub sems dpa' sems dpa' chen po nam mkha' lta bu'i chos rnams kyi slad du go cha 'tshal ba de dag ni go cha chen po 'tshal ba'o/ /bcom ldan 'das sems can rnams kyi don du go cha 'tshal ba de dag ni nam mkha' bar snang la gdeg par 'tshal ba'o/ /bcom ldan 'das byang chub sems dpa' sems dpa' chen po gang sems can rnams kyi slad du bla na med pa yang dag par rdzogs pa'i byang chub tu yang dag par zhugs pa de dag ni brtson 'grus chen po thob pa'o/ /bcom ldan 'das byang chub sems dpa' sems dpa' chen po gang sems can rnams kyi don du/ bla na med pa yang dag par rdzogs pa'i</font><hr>31.300b<br><font size=+1>

byang chub tu zhugs pa de dag ni go cha chen po 'tshal ba'o/ /bcom ldan 'das byang chub sems dpa' sems dpa' chen po gang nam mkha' lta bu'i chos rnams kyi slad du/ bla na med pa yang dag par rdzogs pa'i byang chub tu mngon par rdzogs par 'tshang rgya bar 'tshal ba de dag ni/ dpa' bo bsam gyis mi khyab mtshungs pa ma mchis pa'i go cha 'tshal ba'o/ /de ci'i slad du zhe na/ bcom ldan 'das gal te stong gsum gyi stong chen po'i 'jig rten gyi khams 'di/ 'di lta ste dper na/ 'dam bu'i byings sam/ 'od ma'i tshal lam/ bu ram shing gi tshal lam/ smyig ma'i tshal lam/ 'bras kyi zhing ngam/ til gyi zhing bzhin du de bzhin gshegs pa mang pos yongs su gang bar gyur la/ de bzhin gshegs pa de dag gis kyang bskal pa 'am/ bskal pa'i lhag mar chos bstan te de bzhin gshegs pa re res sems can tshad ma mchis/ grangs ma mchis pa yongs su mya ngan las bzlas kyang / bcom ldan 'das sems can gyi khams la 'grib pa 'am/ gang bar mi gda'o/ /de ci'i slad du zhe na/ sems can ma mchis pa dang / sems can dben pa'i slad du ste/ de bzhin du gal te phyogs bcu'i phyogs re re zhing yang / 'jig rten gyi khams gang gA'i klung gi bye ma snyed dag 'di lta ste dper na/ 'dam bu'i byings sam/ 'od ma'i tshal lam/ bu ram shing gi tshal lam/ smyig ma'i tshal lam/ 'bras kyi zhing ngam/ til gyi zhing bzhin du de bzhin gshegs pa mang pos yongs su gang bar gyur la de bzhin gshegs pa de dag gis kyang bskal pa 'am/ bskal pa'i lhag mar chos bstan te/ de bzhin gshegs pa re res sems can tshad ma mchis/ grangs ma</font><hr>31.301a<br><font size=+1>

mchis pa yongs su mya ngan las bzlas kyang / sems can gyi khams la 'grib pa'am gang bar mi gda'o/ /de ci'i slad du zhe na/ sems can ma mchis pa dang / sems can dben pa'i slad du ste/ bcom ldan 'das rnam grangs des na bdag 'di skad du sems can rnams kyi slad du/ bla na med pa yang dag par rdzogs pa'i byang chub tu mngon par rdzogs par 'tshang rgya bar 'tshal ba de dag ni nam mkha' yongs su smin par bgyi bar 'tshal zhing yongs su dgrol bar 'tshal ba lags zhes mchi'o/ /de nas dge slong gcig cig 'di snyam du gyur te/ gang la chos gang yang skye ba dang 'gag pa yang med la/ tshul khrims kyi phung po yang yod/ ting nge 'dzin gyi phung po dang / shes rab kyi phung po dang / rnam par grol ba'i phung po dang / rnam par grol ba'i ye shes mthong ba'i phung po yang yod/ rgyun du zhugs pa'i 'bras bu yang yod/ lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub kyang yod/ bla na med pa yang dag par rdzogs pa'i byang chub kyang yod/ rgyun du zhugs pa yang yod/ lan gcig phyir 'ong ba dang / phyir mi 'ong ba dang / dgra bcom pa dang / rang sangs rgyas kyang yod/ de bzhin gshegs pa dgra bcom pa yang dag par rdzogs pa'i sangs rgyas kyang yod/ sangs rgyas dkon mchog dang / chos dkon mchog dang / dge 'dun dkon mchog kyang yod/ chos kyi 'khor lo bskor ba yang yod pa'i bcom ldan 'das ma shes rab kyi pha rol du phyin pa la phyag 'tshal lo snyam pa dang / de nas lha'i dbang po brgya byin gyis/ tshe dang ldan pa rab 'byor la 'di skad ces smras so/ /btsun pa rab 'byor byang chub</font><hr>31.301b<br><font size=+1>

sems dpa' sems dpa' chen po gang shes rab kyi pha rol du phyin pa zab mo 'di la brtson par byed pa zhig yod na/ de gang la brtson par byed pa yin/ rab 'byor gyis smras pa/ kau shi ka gang shes rab kyi pha rol du phyin pa 'di la bslab par sems pa de ni nam mkha' stong pa la brtson pa'o/ /de nas lha'i dbang po brgya byin gyis/ bcom ldan 'das la 'di skad ces gsol to/ /bcom ldan 'das rigs kyi bu 'am rigs kyi bu mo gang shes rab kyi pha rol du phyin pa 'di 'dzin pa dang / 'chang ba dang / klog pa dang / kun chub par bgyid pa dang / tshul bzhin du yid la bgyid pa de la bdag gis bsrung ba dang / bskyang ba dang / bskyab pa ji lta bu zhig bgyi/ bcom ldan 'das kyis bdag la bka' stsal du gsol/ de nas tshe dang ldan pa rab 'byor gyis/ lha'i dbang po brgya byin la 'di skad ces smras so/ /kau shi ka khyod kyis gang la bsrung ba dang / bskyang ba dang / bskyab par bya ba'i chos de lta bu yang dag par rjes su mthong ngam/ smras pa btsun pa rab 'byor bdag gis gang la bsrung ba dang / bskyang ba dang / bskyab par bya ba'i chos de lta bu yang dag par rjes su ma mthong ngo / /rab 'byor gyis smras pa/ kau shi ka gal te rigs kyi bu 'am rigs kyi bu mo ji skad du bstan pa'i shes rab kyi pha rol du phyin pa la gnas na/ de nyid de'i bsrung ba dang / bskyang ba dang / bskyab par 'gyur ro/ /gal te ji skad du bstan pa'i shes rab kyi pha rol du phyin pa dang bral bar gyur na/ de la mi 'am mi ma yin pa glags tshol ba rnams kyi glags rnyed par 'gyur ro/ /gang ji skad du bstan pa'i shes rab kyi pha rol du phyin pa la mi gnas pa'i rigs kyi bu 'am rigs kyi bu mo de ni/ shes rab kyi pha rol du phyin pa dang bral bar</font><hr>31.302a<br><font size=+1>

rig par bya'o/ /kau shi ka byang chub sems dpa' sems dpa' chen po shes rab kyi pha rol du phyin pa la spyod pa rnams bsrung ba dang / bskyang ba dang / bskyab par gang sems pa de ni nam mkha' la bsrung ba dang / bskyang ba dang / bskyab par sems pa ste/ de ni bsam pa ltar mi 'grub cing dub pa'i skal ba can du 'gyur ro/ /kau shi ka de ji snyam du sems/ khyod kyi sgyu ma dang / smig rgyu dang / rmyi lam dang / sgra brnyan dang / myig yor dang / sprul pa la bsrung ba dang / bskyang ba dang / bskyab par nus sam/ brgya byin gyis smras pa/ btsun pa rab 'byor de ni mi nus so/ /smras pa/ kau shi ka de bzhin du byang chub sems dpa' sems dpa' chen po shes rab kyi pha rol du phyin pa la spyod pa rnams/ bsrung ba dang / bskyang ba dang / bskyab par gang sems pa de ni bsam pa ltar mi 'grub cing dub pa'i skal ba can du 'gyur ro/ /kau shi ka de ji snyam du sems/ khyod kyis de bzhin gshegs pa 'am/ de bzhin gshegs pa'i sprul pa la bsrung ba dang / bskyang ba dang / bskyab par nus sam/ brgya byin gyis smras pa/ btsun pa rab 'byor de ni mi nus so/ /smras pa kau shi ka de bzhin du byang chub sems dpa' sems dpa' chen po shes rab kyi pha rol du phyin pa la spyod pa rnams bsrung ba dang / bskyang ba dang / bskyab par gang sems pa de ni bsam pa ltar mi 'grub cing dub pa'i skal pa can du 'gyur ro/ /kau shi ka de ji snyam du sems/ khyod kyis chos kyi dbyings dang / yang dag pa'i mtha' dang / de bzhin nyid dang / bsam gyis mi khyab pa'i dbyings la bsrung ba dang / bskyang ba dang bskyab par nus sam/ brgya byin gyis smras pa/ btsun</font><hr>31.302b<br><font size=+1>

pa rab 'byor de ni mi nus so/ /smras pa/ kau shi ka de bzhin du byang chub sems dpa' sems dpa' chen po/ /shes rab kyi pha rol du phyin pa la spyod pa rnams bsrung ba dang / /skyang ba dang bskyab par gang sems pa de ni bsam pa ltar mi 'grub cing dub pa'i skal ba can du 'gyur ro/ /de nas lha'i dbang po brgya byin gyis/ tshe dang ldan pa rab 'byor la 'di skad ces smras so/ /btsun pa rab 'byor ji tsam gyis na/ byang chub sems dpa' sems dpa' chen po shes rab kyi pha rol du phyin pa la spyod pas/ rmi lam lta bu'i chos dang / sgyu ma lta bu dang / smig rgyu lta bu dang / sgra brnyan lta bu dang / mig yor lta bu dang / sprul pa lta bu'i chos rnams yongs su shes pa dang / de ltar yongs su shes pas/ byang chub sems dpa' sems dpa' chen po rmi lam rlom sems su mi byed/ rmi lam gyis rlom sems su mi byed/ rmi lam la rlom sems su mi byed do/ /sprul pa'i bar du rlom sems su mi byed/ sprul pas rlom sems su mi byed/ sprul pa la rlom sems su mi byed pa yin/ rab 'byor gyis smras pa/ kau shi ka gal te byang chub sems dpa' sems dpa' chen po shes rab kyi pha rol du phyin pa la spyod pa'i tshe/ gzugs rlom sems su mi byed/ gzugs kyis rlom sems su mi byed/ gzugs la rlom sems su mi byed na/ de rmi lam rlom sems su mi byed/ rmi lam gyis rlom sems su mi byed/ rmi lam la rlom sems su mi byed do/ /sprul pa'i bar du rlom sems su mi byed/ sprul pas rlom sems su mi byed/ sprul pa la rlom sems su mi byed do/ /tshor ba dang / 'du shes dang / </font><hr>31.303a<br><font size=+1>

'du byed dang / rnam par shes pa rlom sems su mi byed/ rnam par shes pas rlom sems su mi byed/ rnam par shes pa la rlom sems su mi byed do/ /de rmi lam rlom sems mi byed/ de rmi lam la rlom sems su mi byed/ rmi lam gyis rlom sems su mi byed/ rmi lam la rlom sems su mi byed do/ /sprul pa'i bar du rlom sems su mi byed/ sprul pas rlom sems su mi byed/ sprul pa la rlom sems su mi byed do/ /skye mched dang khams dang / rten cing 'brel bar 'byung ba rlom sems su mi byed/ rten cing 'brel bar 'byung bas rlom sems su mi byed/ rten cing 'brel bar 'byung ba la rlom sems su mi byed na/ de rmi lam rlom sems su mi byed/ rmi lam gyis rlom sems su mi byed/ rmi lam la rlom sems su mi byed do/ /sprul pa'i bar du rlom sems su mi byed/ sprul pas rlom sems su mi byed/ sprul pa la rlom sems su mi byed do/ /pha rol du phyin pa thams cad dang / stong pa nyid thams cad dang / byang chub kyi phyogs kyi chos sum bcu rtsa bdun rlom sems su mi byed/ byang chub kyi phyogs kyi chos sum bcu rtsa bdun gyis rlom sems su mi byed/ byang chub kyi phyogs kyi chos sum bcu rtsa bdun la rlom sems su mi byed na/ de rmi lam rlom sems su mi byed/ rmi lam gyis rlom sems su mi byed/ rmi lam la rlom sems su mi byed do/ /sprul pa'i bar du rlom sems su mi byed/ sprul pas rlom sems su mi byed/ sprul pa la rlom sems su mi byed do/ /'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa</font><hr>31.303b<br><font size=+1>

brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams rlom sems su mi byed/ mngon par shes pa rnams kyis rlom sems su mi byed/ mngon par shes pa rnams la rlom sems su mi byed na/ de rmi lam rlom sems su mi byed/ rmi lam gyis rlom sems su mi byed/ rmi lam la rlom sems su mi byed do/ /sprul pa'i bar du rlom sems su mi byed/ sprul pas rlom sems su mi byed/ sprul pa la rlom sems su mi byed do/ /ting nge 'dzin rnams dang / gzungs kyi sgo rnams rlom sems su mi byed/ gzungs kyi sgo rnams kyis rlom sems su mi byed/ gzungs kyi sgo rnams la rlom sems su mi byed na/ de rmi lam rlom sems su mi byed/ rmi lam gyis rlom sems su mi byed/ rmi lam la rlom sems su mi byed do/ /sprul pa'i bar du rlom sems su mi byed/ sprul pas rlom sems su mi byed/ sprul pa la rlom sems su mi byed do/ /de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad rlom sems su mi byed/ sangs rgyas kyi chos ma 'dres pa rnams kyis rlom sems su mi byed/ sangs rgyas kyis chos ma 'dres pa rnams la rlom sems su mi byed na/ de rmi lam rlom sems su mi byed/ rmi lam gyis rlom sems su mi byed/ rmi lam la rlom sems su mi byed do/ /sprul pa'i bar du rlom sems su mi byed/ sprul pas rlom sems su mi byed/ </font><hr>31.304a<br><font size=+1>

sprul pa la rlom sems su mi byed do/ /rnam pa thams cad mkhyen pa nyid kyi bar du rlom sems su mi byed/ rnam pa thams cad mkhyen pa nyid kyis rlom sems su mi byed/ rnam pa thams cad mkhyen pa nyid la rlom sems su mi byed na/ de rmi lam rlom sems su mi byed/ rmi lam gyis rlom sems su mi byed/ rmi lam la rlom sems su mi byed do/ /sprul pa'i bar du rlom sems su mi byed/ sprul pas rlom sems su mi byed/ sprul pa la rlom sems su mi byed do/ /de nas sangs rgyas kyi mthus stong gsum gyi stong chen po'i 'jig rten gyi khams 'di na/ rgyal chen bzhi'i ris kyi lha dang / sum bcu rtsa gsum pa'i lha dang / mtshe ma dang dga' ldan dang / 'phrul dga' dang / gzhan 'phrul dbang byed dang / tshangs ris dang / tshangs lha nye phan dang / tshangs pa kun 'khor dang / gnas gtsang ma'i ris kyi bar gyi lha'i bu gang ji snyed cig yod pa de dag thams cad lha rdzas kyi tsan dan gyi phye mas/ bcom ldan 'das la mngon par 'thor zhing / bcom ldan 'das gang na ba der dong ste/ lhags nas/ bcom ldan 'das kyi zhabs gnyis la spyi bos phyag 'tshal te/ phyogs gcig du 'khod do/ /de nas rgyal po chen po bzhi dang / lha'i dbang po brgya byin dang / mi mjed kyi bdag po tshangs pa dang / gnas gtsang ma'i ris kyi bar gyi lha rnams kyis/ sangs rgyas kyi mthus shar phyogs kyi sangs rgyas stong yi ge 'di dag nyid kyi chos ston pa/ mtshan 'di nyid mnga' ba/ dge slong rab 'byor ces bya ba sha stag gis shes rab kyi pha rol du phyin pa zab mo 'di nyid dang / shes rab kyi pha rol du phyin pa'i le'u 'di nyid zhu ba dang / de nas lha'i dbang po brgya byin gyis/ shes rab kyi pha rol du</font><hr>31.304b<br><font size=+1>

phyin pa'i le'u 'di nyid zhu zhing yongs su 'dri ba sems kyis mthong bar gyur to/ /lho dang nub dang / byang dang byang shar dang / shar lho dang / lho nub dang / nub byang dang / 'og dang steng gi phyogs kyi phyogs re re zhing yang / sangs rgyas stong yi ge 'di dag nyid kyis chos ston pa mtshan 'di nyid mnga' ba/ dge slong rab 'byor ces bya ba sha stag gis/ shes rab kyi pha rol du phyin pa zab mo 'di nyid dang / shes rab kyi pha rol du phyin pa'i le'u 'di nyid zhu ba dang / de nas lha'i dbang po brgya byin gyis/ shes rab kyi pha rol du phyin pa'i le'u 'di nyid zhu zhing yongs su 'dri ba sems kyis mthong bar gyur to/ /de nas bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor byang chub sems dpa' sems dpa' chen po byams pa yang sa'i phyogs 'di nyid du/ bla na med pa yang dag par rdzogs pa'i byang chub tu mngon par rdzogs par sangs rgyas te/ shes rab kyi pha rol du phyin pa 'di nyid ston cing 'chad par 'gyur ro/ /gang yang bskal pa bzang po 'di la de bzhin gshegs pa dgra bcom pa yang dag par rdzogs pa'i sangs rgyas 'byung ba de dag kyang / sa'i phyogs 'di nyid du bla na med pa yang dag par rdzogs pa'i byang chub tu mngon par rdzogs par sangs rgyas te/ shes rab kyi pha rol du phyin pa 'di nyid ston cing 'chad par 'gyur ro/ /gsol pa/ bcom ldan 'das rnam pa gang dang / rtags gang dang / mtshan ma gang gis byang chub sems dpa' sems dpa' chen po byams pa bla na med pa yang dag par rdzogs pa'i byang chub tu mngon par sangs rgyas nas/ shes rab kyi pha rol du phyin pa 'di nyid ston cing 'chad par 'gyur/ de skad ces gsol pa dang / bcom ldan 'das</font><hr>31.305a<br><font size=+1>

kyis tshe dang ldan pa rab 'byor la 'di skad ces bka' stsal to/ /'di la rab 'byor byang chub sems dpa' sems dpa' chen po byams pa bla na med pa yang dag par rdzogs pa'i byang chub tu mngon par sangs rgyas nas/ gzugs rtag ces bya ba 'am/ mi rtag ces bya bar chos ston par mi 'gyur ro/ /gzugs bde zhes bya ba 'am/ sdug bsngal zhes bya ba 'am/ gzugs bdag ces bya ba 'am/ bdag med ces bya ba 'am/ gzugs sdug ces bya ba 'am/ mi sdug ces bya bar chos ston par mi 'gyur ro/ /gzugs zhi zhes bya ba 'am/ ma zhi zhes bya bar chos ston par mi 'gyur ro/ /gzugs bcings shes bya ba 'am/ grol zhes bya bar chos ston par mi 'gyur ro/ /gzugs 'das shes bya ba 'am/ ma 'ongs shes bya ba 'am/ da ltar byung ba zhes bya bar chos ston par mi 'gyur ro/ /tshor ba dang / 'du shes dang / 'du byed dang / rnam par shes pa rtag ces bya ba 'am/ mi rtag ces bya bar chos ston par mi 'gyur ro/ /rnam par shes pa bde zhes bya ba 'am/ sdug bsngal zhes bya ba 'am/ rnam par shes pa bdag ces bya ba 'am/ bdag med ces bya ba 'am/ rnam par shes pa sdug ces bya ba 'am/ mi sdug ces bya bar chos ston par mi 'gyur ro/ /rnam par shes pa zhi zhes bya ba 'am/ ma zhi zhes bya bar chos ston par mi 'gyur ro/ /rnam par shes pa bcings shes bya ba 'am/ grol zhes bya bar chos ston par mi 'gyur ro/ /rnam par shes pa 'das shes bya ba 'am/ ma 'ongs shes bya ba 'am/ da ltar byung zhes bya bar chos ston par mi 'gyur ro/ /skye mched dang khams dang / rten cing 'brel bar 'byung ba rtag ces bya ba 'am/ mi rtag ces bya bar chos ston par mi 'gyur ro/ /rten cing 'brel</font><hr>31.305b<br><font size=+1>

bar 'byung ba bde zhes bya ba 'am/ sdug bsngal zhes bya ba 'am/ rten cing 'brel bar 'byung ba bdag ces bya ba 'am/ bdag med ces bya ba 'am/ rten cing 'brel par 'byung ba sdug ces bya ba 'am/ mi sdug ces bya bar chos ston par mi 'gyur ro/ /rten cing 'brel bar 'byung ba zhi zhes bya ba 'am/ ma zhi zhes bya bar chos ston par mi 'gyur ro/ /rten cing 'brel bar 'byung ba bcings shes bya ba 'am/ grol zhes bya bar chos ston par mi 'gyur ro/ /rten cing 'brel par 'byung ba 'das shes bya ba 'am/ ma 'ongs shes bya ba 'am/ da ltar byung zhes bya bar chos ston par mi 'gyur ro/ /pha rol du phyin pa thams cad dang / stong pa nyid thams cad dang / byang chub kyi phyogs kyi chos sum bcu rtsa bdun rtag ces bya ba 'am/ mi rtag ces bya bar chos ston par mi 'gyur ro/ /byang chub kyi phyogs kyi chos sum bcu rtsa bdun bde zhes bya ba 'am/ sdug bsngal zhes bya ba 'am/ byang chub kyi phyogs kyi chos sum bcu rtsa bdun bdag ces bya ba 'am/ bdag med ces bya ba 'am/ byang chub kyi phyogs kyi chos sum bcu rtsa bdun sdug ces bya ba 'am/ mi sdug ces bya bar chos ston par mi 'gyur ro/ /byang chub kyi phyogs kyi chos sum bcu rtsa bdun zhi zhes bya ba 'am/ ma zhi zhes bya bar chos ston par mi 'gyur ro/ /byang chub kyi phyogs kyi chos sum bcu rtsa bdun bcings shes bya ba 'am/ grol zhes bya bar chos ston par mi 'gyur ro/ /byang chub kyi phyogs kyi chos sum bcu rtsa bdun 'das shes bya ba 'am/ ma 'ongs shes bya ba 'am/ da ltar byung zhes bya bar chos ston par mi 'gyur ro/ /'phags pa'i bden pa rnams dang / bsam gtan rnams dang / tshad med pa rnams dang / gzugs med</font><hr>31.306a<br><font size=+1>

pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams rtag ces bya ba 'am/ mi rtag ces bya bar chos ston par mi 'gyur ro/ /mngon par shes pa rnams bde zhes bya ba 'am/ sdug bsngal zhes bya ba 'am/ mngon par shes pa rnams bdag ces bya ba 'am/ bdag med ces bya ba 'am/ mngon par shes pa rnams sdug ces bya ba 'am/ mi sdug ces bya bar chos ston par mi 'gyur ro/ /mngon par shes pa rnams zhi zhes bya ba 'am/ ma zhi zhes bya bar chos ston par mi 'gyur ro/ /mngon par shes pa rnams bcings shes bya ba 'am/ grol zhes bya bar chos ston par mi 'gyur ro/ /mngon par shes pa rnams 'das shes bya ba 'am/ ma 'ongs shes bya ba 'am/ da ltar byung zhes bya bar chos ston par mi 'gyur ro/ /ting nge 'dzin rnams dang / gzungs kyi sgo rnams rtag ces bya ba 'am/ mi rtag ces bya bar chos ston par mi 'gyur ro/ /gzungs kyi sgo rnams bde zhes bya ba 'am/ sdug bsngal zhes bya ba 'am/ gzungs kyi sgo rnams bdag ces bya ba 'am/ bdag med ces bya ba 'am/ gzungs kyi sgo rnams sdug ces bya ba 'am/ mi sdug ces bya bar chos ston par mi 'gyur ro/ /gzungs kyi sgo rnams zhi zhes bya ba 'am/ ma zhi zhes bya bar chos ston par mi 'gyur ro/ /gzungs kyi sgo rnams bcings shes bya ba 'am/ grol zhes bya ba chos ston par mi 'gyur ro/ /gzungs kyi sgo rnams 'das shes bya ba 'am/ ma 'ongs shes bya ba 'am/ </font><hr>31.306b<br><font size=+1>

da ltar byung zhes bya bar chos ston par mi 'gyur ro/ /de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams rtag ces bya ba 'am/ mi rtag ces bya bar chos ston par mi 'gyur ro/ /sangs rgyas kyi chos ma 'dres pa rnams bde zhes bya ba 'am/ sdug bsngal zhes bya ba 'am/ sangs rgyas kyi chos ma 'dres pa rnams bdag ces bya ba 'am/ bdag med ces bya ba 'am/ sangs rgyas kyi chos ma 'dres pa rnams sdug ces bya 'am/ mi sdug ces bya bar chos ston par mi 'gyur ro/ /sangs rgyas kyi chos ma 'dres pa rnams zhi zhes bya ba 'am/ ma zhi zhes bya bar chos ston par mi 'gyur ro/ /sangs rgyas kyi chos ma 'dres pa rnams bcings shes bya ba 'am/ grol zhes bya bar chos ston par mi 'gyur ro/ /sangs rgyas kyi chos ma 'dres pa rnams 'das shes bya ba 'am/ ma 'ongs shes bya ba 'am/ da ltar byung zhes bya bar chos ston par mi 'gyur ro/ /rnam pa thams cad mkhyen pa nyid kyi bar du rtag ces bya ba 'am/ mi rtag ces bya bar chos ston par mi 'gyur ro/ /rnam pa thams cad mkhyen pa nyid bde zhes bya ba 'am/ sdug bsngal zhes bya ba 'am/ rnam pa thams cad mkhyen pa nyid bdag ces bya ba 'am/ bdag med ces bya ba 'am/ rnam pa thams cad mkhyen pa nyid sdug ces bya ba 'am/ mi sdug ces bya bar chos ston par mi 'gyur ro/ /rnam pa thams cad mkhyen pa nyid zhi zhes bya ba 'am/ ma zhi zhes bya bar chos ston par mi 'gyur ro/ /rnam pa thams cad mkhyen pa nyid bcings shes bya ba 'am/ grol zhes bya bar chos ston par mi</font><hr>31.307a<br><font size=+1>

'gyur ro/ /rnam pa thams cad mkhyen pa nyid 'das shes bya ba 'am/ ma 'ongs shes bya ba 'am/ da ltar byung ba zhes bya bar chos ston par mi 'gyur ro/ /gsol pa/ bcom ldan 'das byang chub sems dpa' sems dpa' chen po byams pa bla na med pa yang dag par rdzogs pa'i byang chub tu mngon par rdzogs par sangs rgyas nas/ chos ni ji ltar ston par 'gyur ston nas ji zhig ston par 'gyur/ bcom ldan 'das kyis bka' stsal pa/ gzugs shin du rnam par dag go zhes shin du rnam par dag pa'i chos ston par 'gyur ro/ /tshor ba dang / 'du shes dang / 'du byed dang rnam par shes pa shin du rnam par dag go/ /zhes shin du rnam par dag pa'i chos ston par 'gyur ro/ /skye mched dang khams dang / rten cing 'brel bar 'byung ba shin du rnam par dag go/ /zhes shin du rnam par dag pa'i chos ston par 'gyur ro/ /pha rol du phyin pa thams cad dang / stong pa nyid thams cad dang / byang chub kyi phyogs kyi chos sum bcu rtsa bdun shin du rnam par dag go/ /zhes shin du rnam par dag pa'i chos ston par 'gyur ro/ /'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams shin du rnam par dag go/ /zhes bya bar shin du rnam par dag pa'i chos ston par 'gyur ro/ /ting nge 'dzin rnams dang / gzungs kyi sgo rnams shin du rnam par dag go/ /zhes shin du rnam par dag pa'i chos ston par 'gyur ro/ /de bzhin</font><hr>31.307b<br><font size=+1>

gshegs pa'i stobs rnams dang / mi 'jigs pa rnams dang / so so yang dag par rig pa rnams dang / sangs rgyas kyis chos ma 'dres pa rnams shin du rnam par dag go/ /zhes shin du rnam par dag pa'i chos ston par 'gyur ro/ /rnam pa thams cad mkhyen pa nyid kyi bar du shin du rnam par dag go/ /zhes shin du rnam par dag pa'i chos ston par 'gyur ro/ /gsol pa/ bcom ldan 'das shes rab kyi pha rol du phyin pa ni yongs su dag pa'o/ /bcom ldan 'das kyis bka' stsal pa/ rab 'byor gzugs yongs su dag pa'i phyir/ shes rab kyi pha rol du phyin pa yongs su dag pa'o/ /tshor ba dang / 'du shes dang / 'du byed dang / rnam par shes pa yongs su dag pa'i phyir/ shes rab kyi pha rol du phyin pa yongs su dag pa'o/ /rab 'byor skye mched dang / khams dang / rten cing 'brel bar 'byung ba yongs su dag pa'i phyir/ shes rab kyi pha rol du phyin pa yongs su dag pa'o/ /pha rol du phyin pa thams cad dang / stong pa nyid thams cad dang / byang chub kyi phyogs kyi chos sum bcu rtsa bdun yongs su dag pa'i phyir/ shes rab kyi pha rol du phyin pa yongs su dag pa'o/ /'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa rnams yongs su dag pa'i phyir/ shes rab kyi pha rol du phyin pa yongs su dag pa'o/ /ting nge 'dzin dang / gzungs kyi sgo rnams yongs su dag pa'i phyir/ shes rab kyi pha rol du phyin pa yongs su dag pa'o/ /de bzhin gshegs pa'i stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa bcwa brgyad yongs su dag pa'i phyir/ shes rab</font><hr>31.308a<br><font size=+1>

kyi pha rol du phyin pa yongs su dag pa'o/ /rnam pa thams cad mkhyen pa nyid kyi bar du yongs su dag pa'i phyir/ shes rab kyi pha rol du phyin pa yongs su dag pa'o/ /gsol pa bcom ldan 'das ji ltar na gzugs yongs su dag pa'i slad du/ shes rab kyi pha rol du phyin pa yongs su dag pa lags/ ji ltar na tshor ba dang / 'du shes dang / 'du byed dang / rnam par shes pa yongs su dag pa'i slad du/ shes rab kyi pha rol du phyin pa yongs su dag pa lags/ ji ltar na skye mched dang khams dang / rten cing 'brel bar 'byung ba yongs su dag pa'i slad du/ shes rab kyi pha rol du phyin pa yongs su dag pa lags/ ji ltar na pha rol du phyin pa thams cad dang stong pa nyid thams cad dang / byang chub kyi phyogs kyi chos sum bcu rtsa bdun yongs su dag pa'i slad du/ shes rab kyi pha rol du phyin pa yongs su dag pa lags/ ji ltar na 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang mtshan ma med pa dang / smon pa med pa dang / mngon par shes pa rnams yongs su dag pa'i slad du/ shes rab kyi pha rol du phyin pa yongs su dag pa lags/ ji ltar na ting nge 'dzin dang / gzungs kyi sgo rnams yongs su dag pa'i slad du/ shes rab kyi pha rol du phyin pa yongs su dag pa lags/ ji ltar na de bzhin gshegs pa'i stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa bcwa brgyad yongs su dag pa'i slad du/ shes rab kyi pha rol du phyin pa yongs su dag pa lags/ ji ltar na rnam pa thams cad mkhyen pa nyid kyi bar du yongs su dag pa'i slad du/ shes rab kyi pha rol du phyin pa yongs su dag pa lags/ bcom ldan 'das kyis bka' stsal pa/ rab 'byor gzugs la skye ba med pa dang / 'gag pa med pa dang / kun nas nyon</font><hr>31.308b<br><font size=+1>

mongs pa med pa dang / rnam par byang ba med pa ni gzugs yongs su dag pa'o/ /tshor ba dang / 'du shes dang / 'du byed dang / rnam par shes pa la skye ba med pa dang / 'gag pa med pa dang / kun nas nyon mongs pa med pa dang / rnam par byang ba med pa ni rnam par shes pa yongs su dag pa'o/ /skye mched dang khams dang / rten cing 'brel bar 'byung ba la skye ba med pa dang / 'gag pa med pa dang / kun nas nyon mongs pa med pa dang / rnam par byang ba med pa ni rten cing 'brel bar 'byung ba yongs su dag pa'o/ /pha rol du phyin pa thams cad dang / stong pa nyid thams cad dang / byang chub kyi phyogs kyi chos sum bcu rtsa bdun la skye ba med pa dang / 'gag pa med pa dang / kun nas nyon mongs pa med pa dang / rnam par byang ba med pa ni/ byang chub kyi phyogs kyi chos sum bcu rtsa bdun yongs su dag pa'o/ /'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa rnams dang / mthar gyis gnas pa'i snyoms par 'jug pa rnams dang / stong pa nyid dang mtshan ma med pa dang / smon pa med pa dang / mngon par shes pa rnams la skye ba med pa dang / 'gag pa med pa dang / kun nas nyon mongs pa med pa dang / rnam par byang ba med pa ni mngon par shes pa yongs su dag pa'o/ /ting nge 'dzin rnams dang / gzungs kyi sgo rnams la skye ba med pa dang / 'gag pa med pa dang / kun nas nyon mongs pa med pa dang / rnam par byang ba med pa ni gzungs kyi sgo yongs su dag pa'o/ /de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa bcwa brgyad la skye ba med pa dang / 'gag pa med pa dang / kun nas nyon mongs pa med pa dang / rnam par byang ba med pa ni sangs rgyas kyi chos</font><hr>31.309a<br><font size=+1>

ma 'dres pa bcwa brgyad yongs su dag pa'o/ /rnam pa thams cad mkhyen pa nyid kyi bar la skye ba med pa dang / 'gag pa med pa dang / kun nas nyon mongs pa med pa dang / rnam par byang ba med pa ni rnam pa thams cad mkhyen pa nyid yongs su dag pa'o/ /rab 'byor gzhan yang nam mkha' yongs su dag pa'i phyir/ shes rab kyi pha rol du phyin pa yongs su dag pa'o/ /gsol pa bcom ldan 'das ji ltar na nam mkha' yongs su dag pa'i slad du/ shes rab kyi pha rol du phyin pa yongs su dag pa lags/ bcom ldan 'das kyis bka' stsal pa/ skye ba med pa dang / 'gag pa med pa dang / kun nas nyon mongs pa med pa dang / rnam par byang ba med pa'i phyir nam mkha' yongs su dag pa ste/ rab 'byor nam mkha' la 'gro ba med pa'i phyir/ shes rab kyi pha rol du phyin pa yongs su dag pa'o/ /gsol pa/ bcom ldan 'das ji ltar na nam mkha' la 'gro ba ma mchis pa'i slad du/ shes rab kyi pha rol du phyin pa yongs su dag pa lags/ bcom ldan 'das kyis bka' stsal pa/ rab 'byor nam mkha' gzung du med pa'i phyir/ shes rab kyi pha rol du phyin pa yongs su dag pa'o/ /rab 'byor nam mkha' la tha snyad med pa'i phyir/ shes rab kyi pha rol du phyin pa yongs su dag pa'o/ /gsol pa/ bcom ldan 'das ji ltar nam mkha' la tha snyad ma mchis pa'i slad du/ shes rab kyi pha rol du phyin pa yongs su dag pa lags/ bcom ldan 'das kyis bka' stsal pa/ rab 'byor 'di lta ste dper na/ nam mkha'i sgra brnyan gnyis kyi sgra ltar/ nam mkha' la tha snyad med pa'i phyir/ shes rab kyi pha rol du phyin pa yongs su dag pa'o/ /rab 'byor nam mkha' brjod du med pa'i phyir/ shes rab kyi pha rol du phyin pa yongs su dag pa'o/ /gsol pa/ </font><hr>31.309b<br><font size=+1>

bcom ldan 'das ji ltar na nam mkha' brjod du ma mchis pa'i slad du/ shes rab kyi pha rol du phyin pa yongs su dag pa lags/ bcom ldan 'das kyis bka' stsal pa/ rab 'byor nam mkha' la ni gang yang brjod du med do/ /rab 'byor de bzhin du nam mkha' brjod du med pa'i phyir/ shes rab kyi pha rol du phyin pa yongs su dag pa'o/ /rab 'byor gzhan yang nam mkha' dmigs su med pa'i phyir/ shes rab kyi pha rol du phyin pa yongs su dag pa'o/ /gsol pa/ bcom ldan 'das ji ltar nam mkha' dmigs su ma mchis pa'i slad du/ shes rab kyi pha rol du phyin pa yongs su dag pa lags/ bcom ldan 'das kyis bka' stsal pa/ rab 'byor nam mkha' la gang yang dmigs su med do/ /rab 'byor de bzhin du nam mkha' dmigs su med pa'i phyir/ shes rab kyi pha rol du phyin pa yongs su dag pa'o/ /rab 'byor gzhan yang chos thams cad skye ba med pa dang / 'gag pa med pa dang / kun nas nyon mongs pa med pa dang / rnam par byang ba med pa'i phyir/ shes rab kyi pha rol du phyin pa yongs su dag pa'o/ /gsol pa/ bcom ldan 'das ji ltar na chos thams cad skye ba ma mchis pa dang / 'gag pa ma mchis pa dang / kun nas nyon mongs pa ma mchis pa dang / rnam par byang ba ma mchis pa'i slad du/ shes rab kyi pha rol du phyin pa yongs su dag pa lags/ bcom ldan 'das kyis bka' stsal pa/ rab 'byor chos thams cad shin du rnam par dag pa'i phyir/ shes rab kyi pha rol du phyin pa yongs su dag pa'o/ /rab 'byor gyis gsol pa/ bcom ldan 'das rigs kyi bu 'am rigs kyi bu mo gang la la zhig shes rab kyi pha rol du phyin pa 'di 'dzin pa dang / 'chang ba dang / klog pa dang / tshul bzhin du yid la bgyid na/ bcom ldan 'das de la mig gi nad</font><hr>31.310a<br><font size=+1>

'byung bar mi 'gyur ro/ /rna ba'i nad dang / sna'i nad dang / lce'i nad dang / lus kyi nad dang / yan lag ma tshang bar mi 'gyur ro/ /lus ngan par mi 'gyur ro/ /rgas pas 'khogs pa'i lus su mi 'gyur ro/ /rigs kyi bu 'am rigs kyi bu mo de ni bde ba mi spongs pas dus byed par mi 'gyur ro/ /de'i slad bzhin du lha brgya stong mang po 'brang bar 'gyur te/ rgyal chen bzhi'i ris kyi lha rnams dang / gnas gtsang ma'i ris kyi bar gyi lha rnams kyang slad bzhin du 'brang bar 'gyur ro/ /gang na chos smra ba'i rigs kyi bu 'am rigs kyi bu mo de shes rab kyi pha rol du phyin pa 'di ston pa der yang / tshes brgyad dang / bcu bzhi dang / bcwa lnga dag la lha'i tshogs chen po 'du bar 'gyur ro/ /rigs kyi bu 'am rigs kyi bu mo de yang shes rab kyi pha rol du phyin pa 'di ston pa'i tshe/ bsod nams mang du 'phel bar 'gyur te/ rigs kyi bu 'am rigs kyi bu mo de'i bsod nams kyi phung po rab tu mang ba/ tshad ma mchis pa/ grangs ma mchis pa bsam gyis mi khyab pa/ mtshungs pa ma mchis pa/ gzhal du ma mchis pa/ dpag tu ma mchis pa/ rab tu 'phel bar 'gyur ro/ /bcom ldan 'das kyis bka' stsal pa/ rab 'byor de de bzhin no/ /de de bzhin te/ rigs kyi bu 'am rigs kyi bu mo gang tshes brgyad dang / bcu bzhi dang bcwa lnga dag la shes rab kyi pha rol du phyin pa 'di lha'i 'khor gyi mdun du ston pa'i rigs kyi bu 'am rigs kyi bu mo de'i bsod nams mang du 'phel te/ bsod nams kyi phung po mang po dang / tshad med pa grangs med pa/ bsam gyis mi khyab pa mtshungs pa med pa gzhal du med pa dpag tu med pa rab tu 'phel bar 'gyur ro/ /rab 'byor de ci'i phyir zhe na/ 'di lta ste/ shes rab kyi pha rol du phyin pa 'di ni rin po che'o/ /rab 'byor</font><hr>31.310b<br><font size=+1>

de la shes rab kyi pha rol tu phyin pa rin po che ni 'di yin te/ sems can dmyal ba las yongs su grol bar byed pa'o/ /byol song gi skye gnas dang / gshin rje'i 'jig rten dang / mi dang lha dbul po las yongs su grol bar byed pa'o/ /rgyal rigs che zhing mtho ba'i rigs 'byin pa'o/ /bram ze che zhing mtho ba'i rigs 'byin pa'o/ /khyim bdag che zhing mtho ba'i rigs 'byin pa'o/ /rgyal chen bzhi 'i ris kyi lha'i skye ba'i skye mched 'byin pa'o/ /'du shes med 'du shes med myin skye mched kyi bar gyi lha'i skye ba'i skye mched 'byin pa'o/ /rgyun du zhugs pa'i 'bras bu 'byin pa'o/ lan gcig phyir 'ong ba'i 'bras bu dang / phyir mi 'ong ba'i 'bras bu 'byin pa'o/ /dgra bcom pa nyid dang / rang byang chub 'byin pa'o/ /yang dag par rdzogs pa'i byang chub 'byin pa'o/ /de ci'i phyir zhe na/ de ni 'di ltar shes rab kyi pha rol du phyin pa 'di las dge ba bcu'i las kyi lam rgyas par bstan te/ de la bslabs pas rgyal rigs che zhing mtho ba rnams yod do/ /bram ze'i rigs che zhing mtho ba rnams yod do/ /khyim bdag gi rigs che zhing mtho ba rnams yod do/ /rgyal chen bzhi'i ris kyi lha rnams yod do/ /sum bcu rtsa gsum dang / mtshe ma dang / dga' ldan dang / 'phrul dga' dang gzhan 'phrul dbang byed kyi lha rnams yod do/ /tshangs ris dang / tshangs lha nye phan dang / tshangs pa kun 'khor dang / tshangs chen dang / snang ba dang / chung snang dang / tshad med snang ba dang / kun snang dang ba dang / dge ba dang / chung dge dang / tshad med dge ba dang / dge rgyas dang /  che ba dang / chung che ba dang / tshad med che ba dang / 'bras bu che ba dang / mi che ba dang mi gdung ba dang / shin du mthong ba dang / gya nom snang ba dang / 'og myin gyi</font><hr>31.311a<br><font size=+1>

lha rnams yod do/ /nam mkha' mtha' yas skye mched kyi lha rnams yod do/ /rnam shes mtha' yas skye mched dang / chung zad med pa'i skye mched dang / 'du shes med 'du shes med min skye mched kyi lha rnams yod do/ /rgyun du zhugs pa'i 'bras bu dang / lan gcig phyir 'ong ba'i 'bras bu dang / phyir mi 'ong ba'i 'bras bu yod do/ /dgra bcom pa nyid dang / rang byang chub yod do/ /bla na med pa yang dag par rdzogs pa'i byang chub yod do/ /shes rab kyi pha rol du phyin pa 'di yod na/ bsam gtan bzhi yod do/ /tshad med pa bzhi dang / gzugs med pa'i snyoms par 'jug pa bzhi yod do/ /byang chub kyi phyogs kyi chos sum bcu rtsa bdun yod do/ /sbyin pa'i pha rol du phyin pa yod do/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa yod do/ /nang stong pa nyid yod do/ /dngos po med pa'i ngo bo nyid stong pa nyid kyi bar du yod do/ /'phags pa'i bden pa bzhi dang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / rnam par thar pa brgyad dang / mthar gyis gnas pa'i snyoms par 'jug pa dgu dang / rnam par thar pa'i sgo gsum dang / mngon par shes pa rnams yod do/ /ting nge 'dzin thams cad dang / gzungs kyi sgo thams cad yod do/ /de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad yod do/ /rnam pa thams cad mkhyen pa nyid kyi bar du yod do/ /de yang 'di ltar shes rab kyi pha rol du phyin pa 'di las</font><hr>31.311b<br><font size=+1>

chos de thams cad rgya cher bstan te/ de la bslabs na rgyal rigs che zhing mtho ba rnams yod do/ /bram ze'i rigs che zhing mtho ba rnams yod do/ /khyim bdag gi rigs che zhing mtho ba rnams yod do/ /rgyal chen bzhi'i ris kyi lha rnams yod do/ /sum bcu rtsa gsum dang / mtshe ma dang dga' ldan dang / 'phrul dga' dang gzhan 'phrul dbang byed dang / tshangs ris dang / tshangs lha nye phan dang / tshangs pa kun 'khor dang / tshangs chen dang / snang ba dang / chung snang dang / tshad med snang ba dang / kun snang dang ba dang / dge ba dang chung dge dang tshad med dge ba dang / dge rgyas dang che ba dang / chung che dang tshad med che ba dang / 'bras bu che ba dang / mi che ba dang mi gdung ba dang / shin du mthong ba dang / gya nom snang ba dang / 'og min gyi lha rnams yod do/ /nam mkha' mtha' yas skye mched dang / rnam shes mtha' yas skye mched dang / chung zad med pa'i skye mched dang / 'du shes med 'du shes med myin skye mched kyi lha rnams yod do/ /rgyun du zhugs pa rnams yod do/ /lan cig phyir 'ong ba dang / phyir mi 'ong ba rnams dang / dgra bcom pa rnams dang / rang sangs rgyas rnams yod do/ /byang chub sems dpa' rnams yod do/ /de bzhin gshegs pa dgra bcom pa yang dag par rdzogs pa'i sangs rgyas rnams yod do/ /de bas na de ni pha rol du phyin pa rin po che zhes bya'o/ /pha rol du phyin pa rin po che de la ni chos gang yang skye ba 'am/ 'gag pa 'am/ kun nas nyon mongs pa 'am/ rnam par byang ba 'am/ yongs su gzung ba 'am/ dor ba med do/ /de ci'i phyir zhe na/ de ni 'di ltar gang skye ba 'am/ 'gag pa 'am/ kun nas nyon mongs pa 'am/ rnam par byang ba 'am/ yongs su gzung ba 'am/ dor bar bya ba'i chos de lta bu med do/ /rab 'byor pha rol du phyin pa rin po che 'di la ni dge ba 'am/ mi dge ba 'am/ </font><hr>31.312a<br><font size=+1>

'jig rten pa 'am/ 'jig rten las 'das pa 'am/ zag pa dang bcas pa'am/ zag pa med pa 'am/ 'dus byas sam/ 'dus ma byas kyi chos gang yang dmigs su med de/ rab 'byor rnam grangs nges kyang pha rol du phyin pa rin po che ni dmigs su med do/ /rab 'byor pha rol du phyin pa rin po che la ni gang gis kyang 'go ba med do/ /de ci'i phyir zhe na/ de ni 'di ltar gang 'go bar 'gyur ba'i chos de lta bu dmigs su med do/ /rab 'byor de'i phyir na pha rol du phyin pa 'di ni 'go ba med pa'i pha rol du phyin pa rin po che'o/ /rab 'byor gal te byang chub sems dpa' sems dpa' chen po shes rab kyi pha rol du phyin pa la spyod pa'i tshe/ de ltar 'du shes par yang mi byed la/ de ltar mi rtog cing de ltar mi dmigs te/ de ltar 'gro bar yang mi byed na/ shes rab kyi pha rol du phyin pa la spyod pa ste/ shes rab kyi pha rol du phyin pa la sgom pa'o/ /de ni sangs rgyas bcom ldan 'das rnams mnyes par byed pa'o/ /sangs rgyas bcom ldan 'das rnams mngon par bsams shing / sangs rgyas bcom ldan 'das de dag la rim gror bya ba dang / bkur stir bya ba dang / sti stang du bya ba dang / mchod par bya ba'i phyir sangs rgyas kyi zhing nas sangs rgyas kyi zhing du 'gro ste/ sems can yongs su smin par bya ba dang / sangs rgyas kyi zhing yongs su spyod par byed cing / sangs rgyas kyi zhing nas/ sangs rgyas kyi zhing du 'gro'o/ /rab 'byor shes rab kyi pha rol du phyin pa 'di ni chos gang yang ston pa 'am/ rnam par ston pa 'am/ yongs su ston pa 'am/ 'dzin par byed pa 'am/ 'byin par byed pa 'am/ </font><hr>31.312b<br><font size=+1>

skye bar byed pa 'am/ 'gag par byed pa 'am/ kun nas nyon mongs par byed pa 'am/ rnam par byang bar byed pa 'am/ 'grib par byed pa 'am/ 'phel bar byed pa 'am/ 'das pa dang / ma 'ongs pa dang da ltar byung bar byed pa med do/ /rab 'byor de ltar shes rab kyi pha rol du phyin pa 'di ni/ 'dod pa'i khams las 'da' bar byed pa ma yin/ gnas par byed pa ma yin/ gzugs kyi khams las 'da' bar byed pa ma yin/ gnas par byed pa ma yin/ gzugs med pa'i khams las 'da' bar byed pa ma yin/ gnas par byed pa ma yin/ sbyin pa'i pha rol du phyin pa sgrub pa ma yin 'dor ba ma yin/ tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa sgrub pa ma yin/ 'dor ba ma yin/ nang stong pa nyid sgrub pa ma yin/ 'dor ba ma yin/ dngos po med pa'i ngo bo nyid stong pa nyid kyi bar du sgrub pa ma yin/ 'dor ba ma yin/ byang chub kyi phyogs kyi chos sum bcu rtsa bdun sgrub pa ma yin/ 'dor ba ma yin/ 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams sgrub pa ma yin/ 'dor ba ma yin/ rnam par thar pa dang / mthar gyis gnas pa'i snyoms par 'jug pa dang / stong pa nyid dang mtshan ma med pa dang / smon pa med pa dang / mngon par shes pa rnams sgrub pa ma yin/ 'dor ba ma yin/ </font><hr>31.313a<br><font size=+1>

ting nge 'dzin rnams dang / gzungs kyi sgo rnams sgrub pa ma yin/ 'dor ba ma yin/ de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams dang / byams pa chen po dang / snying rje chen po dang / sangs rgyas kyi chos ma 'dres pa rnams sgrub pa ma yin/ 'dor ba ma yin/ rgyun du zhugs pa'i 'bras bu sgrub pa ma yin/ 'dor ba ma yin/ lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid sgrub pa ma yin/ 'dor ba ma yin/ rang byang chub sgrub pa ma yin/ 'dor ba ma yin/ lam gyi rnam pa shes pa nyid sgrub pa ma yin/ 'dor ba ma yin/ rnam pa thams cad mkhyen pa nyid sgrub pa ma yin/ 'dor ba ma yin no// //ye d+harmA he tu pra b+ha bA he tu na te/ Sha na ta thA ga /to h+ya ba da ta/ te Shany+tsa yo ni ro d+ha/ e ba~M` bA dI ma hA shra ma NaH zhus so// //dge'o// //bkra shis par gyur gcig /  
 
</font><hr>32.1a<br><font size=+1>

(ga) @#/ ! /stong phrag nyi shu lnga pa bzhugs so/ /[(黃) 第二般若兩萬五千頌第三部]</font><hr>32.1b<br><font size=+1>

shes rab kyi pha rol tu phyin pa stong phrag nyi shu lnga pa/ bam po bzhi bcu gcig pa/ shes rab kyi pha rol du phyin pa 'di ni 'dus byas kyi khams 'dor ba ma yin/ 'dus ma byas kyi khams sgrubs pa ma yin no/ /de ci'i phyir zhe na/ de bzhin gshegs pa rnams byung yang rung / de bzhin gshegs pa rnams ma byung yang rung / chos rnams kyi chos nyid dang / chos kyi dbyings dang / chos kyi gnas nyid dang / chos skyon med pa de ni de bzhin du gnas pa yin te de ni de bzhin gshegs pas mngon par rdzogs par sangs rgyas so/ /mngon par thugs su chud do/ /mngon par rdzogs par sangs rgyas te/ mngon par rdzogs par thugs su chud nas kyang gsung ngo / /ston to/ /brjod do/ /'grel to/ /rnam par 'byed do/ /gsal bar mdzad do/ /yang dag par ston to/ /de nas lha'i bu stong phrag mang po steng gi bar snang la 'khod nas</font><hr>32.2a<br><font size=+1>

lhung lhung ldegs kyi sgra phyung ste/ lha rdzas kyi me tog ut+pal dang / pad mo dang / ku mu da dang / puN Da ri ka dang / mAn dA ra ba dang / mAn dA ra ba chen po 'thor zhing 'di skad kyi tshig brjod par gyur to/ /kye ma shes rab kyi pha rol du phyin pa 'di bstan pas/ lha'i bu stong phrag du ma skye ba med pa'i chos la bzod pa skyes par gyur te/ 'dzam bu'i gling du chos kyi 'khor lo gnyis pa bskor ba mthong ngo / /de nas bcom ldan 'das kyis gnas brtan rab 'byor la bka' stsal pa/ rab 'byor dngos po med pa'i ngo bo nyid stong pa nyid kyi phyir/ 'di ni chos kyi 'khor lo gnyis su bskor ba yang ma yin/ gcig tu bskor ba yang ma yin no/ /shes rab kyi pha rol du phyin pa 'di yang chos gang yang 'khor ba 'am/ mi 'khor bar bya ba'i phyir nye bar gnas pa ma yin no/ /gsol pa/ bcom ldan 'das de ltar shes rab kyi pha rol du phyin pa 'di chos gang yang 'khor bar bgyi ba 'am/ mi 'khor bar bgyi ba'i slad du/ nye bar mi gnas pa'i dngos po ma mchis pa'i ngo bo nyid stong pa nyid de gang lags/ bcom ldan 'das kyis bka' stsal pa/ rab 'byor shes rab kyi pha rol du phyin pa shes rab kyi pha rol du phyin pas stong ngo / /bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa sbyin pa'i pha rol du phyin pas stong ngo / /nang stong pa nyid nang stong pa nyid kyis stong ngo / /dngos po med pa'i ngo bo nyid stong pa nyid kyi bar du dngos po med pa'i ngo bo nyid stong pa nyid kyis stong ngo / /dran pa nye bar gzhag pa rnams dran pa nye bar gzhag pa rnams kyis stong ngo / /yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa 'phags pa'i lam yan lag brgyad</font><hr>32.2b<br><font size=+1>

pas stong ngo / /'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams mngon par shes pa rnams kyis stong ngo / /ting nge 'dzin rnams dang / gzungs kyi sgo rnams gzungs kyi sgo rnams kyis stong ngo / /de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams dang / byams pa chen po dang / snying rje chen po dang / sangs rgyas kyi chos ma 'dres pa rnams sangs rgyas kyi chos ma 'dres pa rnams kyis stong ngo / /rgyun du zhugs pa'i 'bras bu rgyun du zhugs pa'i 'bras bus stong ngo / /lan cig phyir 'ong ba'i 'bras bu dang / phyir mi 'ong ba'i 'bras bu phyir mi 'ong ba'i 'bras bus stong ngo / /dgra bcom pa nyid dgra bcom pa nyid kyis stong ngo / /rang byang chub rang byang chub kyis stong ngo / /lam gyi rnam pa shes pa nyid lam gyi rnam pa shes pa nyid kyis stong ngo / /rnam pa thams cad mkhyen pa nyid rnam pa thams cad mkhyen pa nyid kyis stong ngo / /gsol pa/ bcom ldan 'das byang chub sems dpa' sems dpa' chen po rnams kyi pha rol du phyin pa 'di ni chen mo ste/ 'di ltar shes rab kyi pha rol du phyin pa rang bzhin gyis stong pa'o/ /de ni chos thams cad kyang chos thams cad kyis stong la/ byang chub sems dpa' sems dpa' chen po rnams kyang / shes rab kyi pha rol du phyin pa la gnas shing / bla na med pa yang dag par rdzogs pa'i byang chub tu mngon par rdzogs par 'tshang rgya yang / chos gang yang mngon par rdzogs par 'tshang rgya bar ma mchis/ chos kyi 'khor lo yang bskor la chos gang yang 'khor ba 'am mi 'khor ba 'am rab tu 'khor bar bgyid pa ma mchis te/ de dag gis chos gang yang yongs su mthong ba 'am yongs su ma mthong ba</font><hr>32.3a<br><font size=+1>

ma mchis so/ /de ci'i slad du zhe na/ de ni 'di ltar gang 'khor bar bgyi ba 'am mi 'khor bar bgyi ba 'am rab tu 'khor bar bgyi ba'i chos de lta bu dmigs su ma mchis te/ de ni 'di ltar chos thams cad kyang shin du mngon par ma grub pa'o/ /de ci'i slad du zhe na/ stong pa nyid ni 'khor bar bgyid pa 'am/ mi 'khor bar bgyid pa ma lags so/ /mtshan ma ma mchis pa ni 'khor bar bgyid pa 'am mi 'khor bar bgyid pa ma lags so/ /smon pa ma mchis pa ni 'khor bar bgyid pa 'am mi 'khor bar bgyid pa ma lags so/ /de ltar na shes rab kyi pha rol du phyin pa bstan pa dang / rab tu bstan pa dang / bsgrags pa dang rab tu dgod pa dang gzhag pa dang / rnam par dbye ba dang / rnam par dgrol ba dang smos pa dang gsal bar bgyi ba dang yang dag par bstan pa 'di ni shes rab kyi pha rol du phyin pa bstan pa yongs su dag pa'o/ /shes rab kyi pha rol du phyin pa bstan pa de yang sus kyang ma bstan sus kyang ma bzung ngo / /gang sus kyang ma bstan sus kyang ma bzung ba de ni sus kyang mngon du ma bgyis so/ /gang sus kyang mngon du ma bgyis pa de la ni yongs su mya ngan las 'da' ba ma mchis te/ chos bstan pa 'di la gang su yang sbyin pa'i gnas su 'gyur ba ma mchis so/ /shes rab kyi pha rol du phyin pa stong phrag nyi shu lnga pa las le'u nyi shu brgyad pa'o// // de nas tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das 'di lta ste/ shes rab kyi pha rol du phyin pa 'di ni ma mchis pa'i pha rol du phyin pa'o/ /bcom ldan 'das kyis bka' stsal pa/ nam mkha' med pa'i phyir ro/ /gsol pa/ bcom ldan 'das 'di lta ste/ shes rab kyi pha rol du phyin pa 'di ni mnyam pa nyid kyi pha rol du phyin pa'o/ /bcom ldan 'das kyis bka' stsal pa/ chos thams cad mnyam pa nyid kyi phyir ro/ /gsol pa/ bcom ldan 'das 'di lta ste/ shes rab kyi pha rol du phyin pa 'di ni rnam par dben pa'i pha rol du phyin pa'o/ /bcom ldan 'das kyis bka' stsal pa/ mtha' las 'das</font><hr>32.3b<br><font size=+1>

pa stong pa nyid kyi phyir ro/ /gsol pa/ bcom ldan 'das 'di lta ste/ shes rab kyi pha rol du phyin pa 'di ni thub pa med pa'i pha rol du phyin pa'o/ /bcom ldan 'das kyis bka' stsal pa/ chos thams cad dmigs su med pa'i phyir ro/ /gsol pa/ bcom ldan 'das 'di lta ste/ shes rab kyi pha rol du phyin pa 'di ni gnas ma mchis pa'i pha rol du phyin pa'o/ /bcom ldan 'das kyis bka' stsal pa/ ming dang lus med pa'i phyir ro/ /gsol pa/ bcom ldan 'das 'di lta ste/ shes rab kyi pha rol du phyin pa 'di ni nam mkha'i pha rol du phyin pa'o/ /bcom ldan 'das kyis bka' stsal pa/ dbugs phyi nang du rgyu ba med pa'i phyir ro/ /gsol pa/ bcom ldan 'das 'di lta ste/ shes rab kyi pha rol du phyin pa 'di ni brjod du ma mchis pa'i pha rol du phyin pa'o/ /bcom ldan 'das kyis bka' stsal pa/ rnam par rtog pa dang / rnam par dpyod pa dmigs su med pa'i phyir ro/ /gsol pa/ bcom ldan 'das 'di lta ste/ shes rab kyi pha rol tu phyin pa 'di ni ming ma mchis pa'i pha rol du phyin pa'o/ /bcom ldan 'das kyis bka' stsal pa/ tshor ba dang / 'du shes dang 'du byed dang / rnam par shes pa dmigs su med pa'i phyir ro/ /gsol pa/ bcom ldan 'das 'di lta ste/ shes rab kyi pha rol du phyin pa 'di ni 'gro ba ma mchis pa'i pha rol du phyin pa'o/ /bcom ldan 'das kyis bka' stsal pa/ chos thams cad 'gro ba med pa'i phyir ro/ /gsol pa/ bcom ldan 'das 'di lta ste/ shes rab kyi pha rol du phyin pa 'di ni mi 'phrogs pa'i pha rol du phyin pa'o/ /bcom ldan 'das kyis bka' stsal pa/ chos thams cad gzung du med pa'i phyir ro/ /gsol pa/ bcom ldan 'das 'di lta ste/ shes rab kyi pha rol du phyin pa 'di ni skad cig pa ma mchis pa'i pha rol du phyin pa'o/ /bcom ldan 'das kyis bka' stsal pa/ chos thams cad byang zhing zad pa'i phyir ro/ /gsol pa/ bcom ldan 'das 'di lta ste/ shes rab kyi pha rol du phyin pa 'di ni skye ba ma mchis pa'i pha rol du phyin pa'o/ /bcom ldan 'das kyis bka' stsal pa/ chos thams cad skye ba dang</font><hr>32.4a<br><font size=+1>

'gag pa med pa'i phyir ro/ /gsol pa/ bcom ldan 'das 'di lta ste/ shes rab kyi pha rol du phyin pa 'di ni byed pa po ma mchis pa'i pha rol du phyin pa'o/ /bcom ldan 'das kyis bka' stsal pa/ byed pa po dmigs su med pa'i phyir ro/ /gsol pa bcom ldan 'das 'di lta ste/ shes rab kyi pha rol du phyin pa 'di ni shes pa po ma mchis pa'i pha rol du phyin pa'o/ /bcom ldan 'das kyis bka' stsal pa/ shes pa po dmigs su med pa'i phyir ro/ /gsol pa/ bcom ldan 'das 'di lta ste/ shes rab kyi pha rol du phyin pa 'di ni 'pho ba ma mchis pa'i pha rol du phyin pa'o/ /bcom ldan 'das kyis bka' stsal pa/ 'chi ba dang skye ba dmigs su med pa'i phyir ro/ /gsol pa/ bcom ldan 'das 'di lta ste/ shes rab kyi pha rol tu phyin pa 'di ni 'jig pa ma mchis pa'i pha rol du phyin pa'o/ /bcom ldan 'das kyis bka' stsal pa/ chos thams cad 'jig pa med pa'i phyir ro/ /gsol pa/ bcom ldan 'das 'di lta ste/ shes rab kyi pha rol du phyin pa 'di ni rmi lam gyi pha rol du phyin pa'o/ /bcom ldan 'das kyis bka' stsal pa/ rmi lam mthong ba dmigs su med pa'i phyir ro/ /gsol pa/ bcom ldan 'das 'di lta ste/ shes rab kyi pha rol du phyin pa 'di ni sgra brnyan gyi pha rol du phyin pa'o/ /bcom ldan 'das kyis bka' stsal pa/ nyan pa dang / sgrar brjod pa dmigs su med pa'i phyir ro/ /gsol pa/ bcom ldan 'das 'di lta ste/ shes rab kyi pha rol du phyin pa 'di ni mig yor gyi pha rol du phyin pa'o/ /bcom ldan 'das kyis bka' stsal pa/ me long gi bzhin dmigs su med pa'i phyir ro/ /gsol pa/ bcom ldan 'das 'di lta ste/ shes rab kyi pha rol du phyin pa 'di ni smig rgyu'i pha rol du phyin pa'o/ /bcom ldan 'das kyis bka' stsal pa/ chu 'bab pa dmigs su med pa'i phyir ro/ /gsol pa/ bcom ldan 'das 'di lta ste/ shes rab kyi pha rol du phyin pa 'di ni sgyu ma'i pha rol du phyin pa'o/ /bcom ldan 'das kyis bka' stsal pa/ /mtshan ma dmigs su med pa'i phyir ro/ /gsol pa/ bcom ldan 'das 'di lta ste/ </font><hr>32.4b<br><font size=+1>

shes rab kyi pha rol du phyin pa 'di ni rmongs pa ma mchis pa'i pha rol du phyin pa'o/ /bcom ldan 'das kyis bka' stsal pa/ ma rig pa'i mun pa dmigs su med pa'i phyir ro/ /gsol pa/ bcom ldan 'das 'di lta ste/ shes rab kyi pha rol du phyin pa 'di ni kun nas nyon mongs pa ma mchis pa'i pha rol du phyin pa'o/ /bcom ldan 'das kyis bka' stsal pa/ kun nas nyon mongs pa dmigs su med pa'i phyir ro/ /gsol pa/ bcom ldan 'das 'di lta ste/ shes rab kyi pha rol du phyin pa 'di ni rnam par byang ba ma mchis pa'i pha rol du phyin pa'o/ /bcom ldan 'das kyis bka' stsal pa/ nyon mongs pa med pa'i phyir ro/ /gsol pa/ bcom ldan 'das 'di lta ste/ shes rab kyi pha rol du phyin pa 'di ni dmigs su ma mchis pa'i pha rol du phyin pa'o/ /bcom ldan 'das kyis bka' stsal pa/ gnas dmigs su med pa'i phyir ro/ /gsol pa/ bcom ldan 'das 'di lta ste/ shes rab kyi pha rol du phyin pa 'di ni spros pa ma mchis pa'i pha rol du phyin pa'o/ /bcom ldan 'das kyis bka' stsal pa/ spros pa thams cad yang dag par bcom pa'i phyir ro/ /gsol pa/ bcom ldan 'das 'di lta ste/ shes rab kyi pha rol du phyin pa 'di ni rlom sems ma mchis pa'i pha rol du phyin pa'o/ /bcom ldan 'das kyis bka' stsal pa/ rlom sems thams cad yang dag par bcom pa'i phyir ro/ /gsol pa/ bcom ldan 'das 'di lta ste/ shes rab kyi pha rol du phyin pa 'di ni mi g.yo ba'i pha rol du phyin pa'o/ /bcom ldan 'das kyis bka' stsal pa/ chos kyi dbyings gnas pa nyid kyi phyir ro/ /gsol pa/ bcom ldan 'das 'di lta ste/ shes rab kyi pha rol du phyin pa 'di ni 'dod chags dang bral ba'i pha rol du phyin pa'o/ /bcom ldan 'das kyis bka' stsal pa/ chos thams cad ma nor ba yang dag pa nyid du mngon par 'tshang rgya bar byed pa'i phyir ro/ /gsol pa/ bcom ldan 'das 'di lta ste/ shes rab kyi pha rol du phyin pa 'di ni kun nas ldang ba ma mchis pa'i pha rol du</font><hr>32.5a<br><font size=+1>

phyin pa'o/ /bcom ldan 'das kyis bka' stsal pa/ chos thams cad rnam par rtog pa med pa'i phyir ro/ /gsol pa/ bcom ldan 'das 'di lta ste/ shes rab kyi pha rol du phyin pa 'di ni zhi ba'i pha rol du phyin pa'o/ /bcom ldan 'das kyis bka' stsal pa/ chos thams cad mtshan ma med cing dmigs su med pa'i phyir ro/ /gsol pa/ bcom ldan 'das 'di lta ste/ shes rab kyi pha rol du phyin pa 'di ni 'dod chags ma mchis pa'i pha rol du phyin pa'o/ /bcom ldan 'das kyis bka' stsal pa/ 'dod chags dmigs su med pa'i phyir ro/ /gsol pa/ bcom ldan 'das 'di lta ste/ shes rab kyi pha rol du phyin pa 'di ni zhe sdang ma mchis pa'i pha rol du phyin pa'o/ /bcom ldan 'das kyis bka' stsal pa/ zhe sdang yod pa ma yin pa'i phyir ro/ /gsol pa/ bcom ldan 'das 'di lta ste/ shes rab kyi pha rol du phyin pa 'di ni gti mug ma mchis pa'i pha rol du phyin pa'o/ /bcom ldan 'das kyis bka' stsal pa/ mi shes pa'i mun pa thams cad sel ba'i phyir ro/ /gsol pa/ bcom ldan 'das 'di lta ste/ shes rab kyi pha rol du phyin pa 'di ni nyon mongs pa ma mchis pa'i pha rol du phyin pa'o/ /bcom ldan 'das kyis bka' stsal pa/ yongs su rtog pa med pa'i phyir ro/ /gsol pa/ bcom ldan 'das 'di lta ste/ shes rab kyi pha rol du phyin pa 'di ni sems can ma mchis pa'i pha rol du phyin pa'o/ /bcom ldan 'das kyis bka' stsal pa/ sems can med pa'i phyir ro/ /gsol pa/ bcom ldan 'das 'di lta ste/ shes rab kyi pha rol du phyin pa 'di ni rab tu spangs pa'i pha rol du phyin pa'o/ /bcom ldan 'das kyis bka' stsal pa/ chos thams cad kun nas ldang ba med pa'i phyir ro/ /gsol pa/ bcom ldan 'das 'di lta ste/ shes rab kyi pha rol du phyin pa 'di ni mtha' gnyis su mi 'gyur ba'i pha rol du phyin pa'o/ /bcom ldan 'das kyis bka' stsal pa/ mtha' rnam par spong ba'i phyir ro/ /gsol pa/ bcom ldan 'das 'di lta ste/ </font><hr>32.5b<br><font size=+1>

shes rab kyi pha rol du phyin pa 'di ni tha mi dad pa'i pha rol du phyin pa'o/ /bcom ldan 'das kyis bka' stsal pa/ chos thams cad 'dres pa med pa'i phyir ro/ /gsol pa/ bcom ldan 'das 'di lta ste/ shes rab kyi pha rol du phyin pa 'di ni nyams pa ma mchis pa'i pha rol du phyin pa'o/ /bcom ldan 'das kyis bka' stsal pa/ nyan thos dang / rang sangs rgyas kyi sa las 'da' bar byed pa'i phyir ro/ /gsol pa/ bcom ldan 'das 'di lta ste/ shes rab kyi pha rol du phyin pa 'di ni rnam par rtog pa ma mchis pa'i pha rol du phyin pa'o/ /bcom ldan 'das kyis bka' stsal pa/ rnam par rtog pa thams cad dmigs su med pa'i phyir ro/ /gsol pa/ bcom ldan 'das 'di lta ste/ shes rab kyi pha rol du phyin pa 'di ni ming ma mchis pa'i pha rol du phyin pa'o/ /bcom ldan 'das kyis bka' stsal pa/ chos thams cad kyi tshad dmigs su med pa'i phyir ro/ /gsol pa/ bcom ldan 'das 'di lta ste/ shes rab kyi pha rol du phyin pa 'di ni nam mkha'i pha rol du phyin pa'o/ /bcom ldan 'das kyis bka' stsal pa/ chos thams cad la chags pa med pa'i phyir ro/ /gsol pa/ bcom ldan 'das 'di lta ste/ shes rab kyi pha rol tu phyin pa 'di ni mi rtag pa'i pha rol du phyin pa'o/ /bcom ldan 'das kyis bka' stsal pa/ chos thams cad 'jig pa med pa'i phyir ro/ /gsol pa/ bcom ldan 'das 'di lta ste/ shes rab kyi pha rol du phyin pa 'di ni sdug bsngal gyi pha rol du phyin pa'o/ /bcom ldan 'das kyis bka' stsal pa/ chos thams cad tshol bar sbyor ba med pa'i phyir ro/ /gsol pa/ bcom ldan 'das 'di lta ste/ shes rab kyi pha rol du phyin pa 'di ni bdag ma mchis pa'i pha rol du phyin pa'o/ /bcom ldan 'das kyis bka' stsal pa/ chos thams cad la mngon par chags pa med pa'i phyir ro/ /gsol pa/ bcom ldan 'das 'di lta ste/ shes rab kyi pha rol du phyin pa 'di ni stong pa nyid kyi pha rol du phyin pa'o/ /bcom ldan 'das kyis bka' stsal pa/  </font><hr>32.6a<br><font size=+1>

chos thams cad dmigs su med pa'i phyir ro/ /gsol pa/ bcom ldan 'das 'di lta ste/ shes rab kyi pha rol du phyin pa 'di ni mtshan nyid ma mchis pa'i pha rol du phyin pa'o/ /bcom ldan 'das kyis bka' stsal pa/ chos thams cad mngon par grub pa med pa'i phyir ro/ /gsol pa/ bcom ldan 'das 'di lta ste/ shes rab kyi pha rol du phyin pa 'di ni nang stong pa nyid kyi pha rol du phyin pa'o/ /bcom ldan 'das kyis bka' stsal pa/ nang gi chos dmigs su med pa'i phyir ro/ /gsol pa/ bcom ldan 'das 'di lta ste/ shes rab kyi pha rol du phyin pa 'di ni phyi stong pa nyid kyi pha rol du phyin pa'o/ /bcom ldan 'das kyis bka' stsal pa/ phyi'i chos dmigs su med pa'i phyir ro/ /gsol pa/ bcom ldan 'das 'di lta ste/ shes rab kyi pha rol du phyin pa 'di ni phyi nang stong pa nyid kyi pha rol du phyin pa'o/ /bcom ldan 'das kyis bka' stsal pa/ phyi nang gi chos dmigs su med pa'i phyir ro/ /gsol pa/ bcom ldan 'das 'di lta ste/ shes rab kyi pha rol du phyin pa 'di ni stong pa nyid stong pa nyid kyi pha rol du phyin pa'o/ /bcom ldan 'das kyis bka' stsal pa/ stong pa nyid stong pa nyid dmigs su med pa'i phyir ro/ /gsol pa/ bcom ldan 'das 'di lta ste/ shes rab kyi pha rol du phyin pa 'di ni chen po stong pa nyid kyi pha rol du phyin pa'o/ /bcom ldan 'das kyis bka' stsal pa/ chen po stong pa nyid dmigs su med pa'i phyir ro/ /gsol pa/ bcom ldan 'das 'di lta ste/ shes rab kyi pha rol du phyin pa 'di ni don dam pa stong pa nyid kyi pha rol du phyin pa'o/ /bcom ldan 'das kyis bka' stsal pa/ don dam pa stong pa nyid dmigs su med pa'i phyir ro/ /gsol pa/ bcom ldan 'das 'di lta ste/ shes rab kyi pha rol du phyin pa 'di ni 'dus byas stong pa nyid kyi pha rol du phyin pa'o/ /bcom ldan 'das kyis bka' stsal pa/ 'dus byas stong pa nyid dmigs su med pa'i phyir ro/ /gsol pa/ bcom ldan 'das 'di lta ste/ shes rab kyi pha rol du phyin pa 'di ni 'dus ma byas stong pa nyid kyi pha rol du phyin pa'o/ /bcom ldan</font><hr>32.6b<br><font size=+1>

'das kyis bka' stsal pa/ 'dus ma byas stong pa nyid dmigs su med pa'i phyir ro/ /gsol pa/ bcom ldan 'das 'di lta ste/ shes rab kyi pha rol du phyin pa 'di ni mtha' las 'das pa stong pa nyid kyi pha rol du phyin pa'o/ /bcom ldan 'das kyis bka' stsal pa/ mtha' las 'das pa stong pa nyid dmigs su med pa'i phyir ro/ /gsol pa/ bcom ldan 'das 'di lta ste/ shes rab kyi pha rol du phyin pa 'di ni thog ma dang tha ma med pa stong pa nyid kyi pha rol du phyin pa'o/ /bcom ldan 'das kyis bka' stsal pa/ thog ma dang tha ma med pa stong pa nyid dmigs su med pa'i phyir ro/ /gsol pa/ bcom ldan 'das 'di lta ste/ shes rab kyi pha rol du phyin pa 'di ni dor ba med pa stong pa nyid kyi pha rol du phyin pa'o/ /bcom ldan 'das kyis bka' stsal pa/ dor ba med pa stong pa nyid dmigs su med pa'i phyir ro/ /gsol pa/ bcom ldan 'das 'di lta ste/ shes rab kyi pha rol du phyin pa 'di ni rang bzhin stong pa nyid kyi pha rol du phyin pa'o/ /bcom ldan 'das kyis bka' stsal pa/ 'dus byas dang / 'dus ma byas kyi chos dmigs su med pa'i phyir ro/ /gsol pa/ bcom ldan 'das 'di lta ste/ shes rab kyi pha rol du phyin pa 'di ni chos thams cad stong pa nyid kyi pha rol du phyin pa'o/ /bcom ldan 'das kyis bka' stsal pa/ phyi nang gi chos dmigs su med pa'i phyir ro/ /gsol pa/ bcom ldan 'das 'di lta ste/ shes rab kyi pha rol du phyin pa 'di ni rang gi mtshan nyid stong pa nyid kyi pha rol du phyin pa'o/ /bcom ldan 'das kyis bka' stsal pa/ rang gi mtshan nyid stong pa nyid dben pa'i phyir ro/ /gsol pa/ bcom ldan 'das 'di lta ste/ shes rab kyi pha rol du phyin pa 'di ni mi dmigs pa stong pa nyid kyi pha rol du phyin pa'o/ /bcom ldan 'das kyis bka' stsal pa/ mi dmigs pa stong pa nyid dben pa'i phyir ro/ /gsol pa/ bcom ldan 'das 'di lta ste/ shes rab kyi pha rol du phyin pa 'di ni dngos po med pa stong pa nyid kyi pha rol du phyin pa'o/ /bcom ldan 'das kyis bka' stsal pa/ </font><hr>32.7a<br><font size=+1>

dngos po med pa'i chos nyid kyi phyir ro/ /gsol pa/ bcom ldan 'das 'di lta ste/ shes rab kyi pha rol du phyin pa 'di ni ngo bo nyid stong pa nyid kyi pha rol du phyin pa'o/ /bcom ldan 'das kyis bka' stsal pa/ chos rnams ngo bo nyid kyis dben pa'i phyir ro/ /gsol pa/ bcom ldan 'das 'di lta ste/ shes rab kyi pha rol du phyin pa 'di ni dngos po med pa'i ngo bo nyid stong pa nyid kyi pha rol du phyin pa'o/ /bcom ldan 'das kyis bka' stsal pa/ dngos po med pa'i ngo bo nyid stong pa nyid dmigs su med pa'i phyir ro/ /gsol pa/ bcom ldan 'das 'di lta ste/ shes rab kyi pha rol du phyin pa 'di ni dran pa nye bar gzhag pa'i pha rol du phyin pa'o/ /bcom ldan 'das kyis bka' stsal pa/ lus dang tshor ba dang sems dang chos dmigs su med pa'i phyir ro/ /gsol pa/ bcom ldan 'das 'di lta ste/ shes rab kyi pha rol du phyin pa 'di ni yang dag par spong ba'i pha rol du phyin pa'o/ /bcom ldan 'das kyis bka' stsal pa/ dge ba dang / mi dge ba'i chos dmigs su med pa'i phyir ro/ /gsol pa/ bcom ldan 'das 'di lta ste/ shes rab kyi pha rol du phyin pa 'di ni rdzu 'phrul gyi rkang pa'i pha rol du phyin pa'o/ /bcom ldan 'das kyis bka' stsal pa/ rdzu 'phrul gyi rkang pa bzhi dmigs su med pa'i phyir ro/ /gsol pa/ bcom ldan 'das 'di lta ste/ shes rab kyi pha rol du phyin pa 'di ni dbang po'i pha rol du phyin pa'o/ /bcom ldan 'das kyis bka' stsal pa/ dbang po lnga dmigs su med pa'i phyir ro/ /gsol pa/ bcom ldan 'das 'di lta ste/ shes rab kyi pha rol du phyin pa 'di ni stobs kyi pha rol du phyin pa'o/ /bcom ldan 'das kyis bka' stsal pa/ stobs lnga dmigs su med pa'i phyir ro/ /gsol pa/ bcom ldan 'das 'di lta ste/ shes rab kyi pha rol du phyin pa 'di ni byang chub kyi yan lag gi pha rol du phyin pa'o/ /bcom ldan 'das kyis bka' stsal pa/ byang chub kyi yan lag bdun dmigs su med pa'i phyir ro/ /gsol pa/ bcom ldan 'das 'di lta ste/ </font><hr>32.7b<br><font size=+1>

shes rab kyi pha rol du phyin pa 'di ni lam gyi pha rol du phyin pa'o/ /bcom ldan 'das kyis bka' stsal pa/ 'phags pa'i lam yan lag brgyad pa dmigs su med pa'i phyir ro/ /gsol pa/ bcom ldan 'das 'di lta ste/ shes rab kyi pha rol du phyin pa 'di ni stong pa nyid kyi pha rol du phyin pa'o/ /bcom ldan 'das kyis bka' stsal pa/ stong pa nyid kyi rnam pa dang / rnam par dben pa'i rnam pa dmigs su med pa'i phyir ro/ /gsol pa/ bcom ldan 'das 'di lta ste/ shes rab kyi pha rol du phyin pa 'di ni mtshan ma ma mchis pa'i pha rol du phyin pa'o/ /bcom ldan 'das kyis bka' stsal pa/ zhi ba'i rnam pa dmigs su med pa'i phyir ro/ /gsol pa/ bcom ldan 'das 'di lta ste/ shes rab kyi pha rol du phyin pa 'di ni smon pa med pa'i pha rol du phyin pa'o/ /bcom ldan 'das kyis bka' stsal pa/ smon pa med pa dmigs su med pa'i phyir ro/ /gsol pa/ bcom ldan 'das 'di lta ste/ shes rab kyi pha rol du phyin pa 'di ni rnam par thar pa'i pha rol du phyin pa'o/ /bcom ldan 'das kyis bka' stsal pa/ rnam par thar pa brgyad dmigs su med pa'i phyir ro/ /gsol pa/ bcom ldan 'das 'di lta ste/ shes rab kyi pha rol du phyin pa 'di ni mthar gyis gnas pa'i snyoms par 'jug pa'i pha rol du phyin pa'o/ /bcom ldan 'das kyis bka' stsal pa/ mthar gyis gnas pa'i snyoms par 'jug pa dgu dmigs su med pa'i phyir ro/ /gsol pa/ bcom ldan 'das 'di lta ste/ shes rab kyi pha rol du phyin pa 'di ni sbyin pa'i pha rol du phyin pa'o/ /bcom ldan 'das kyis bka' stsal pa/ sbyin pa dang / ser sna dmigs su med pa'i phyir ro/ /gsol pa/ bcom ldan 'das 'di lta ste/ shes rab kyi pha rol du phyin pa 'di ni tshul khrims kyi pha rol du phyin pa'o/ /bcom ldan 'das kyis bka' stsal pa/ tshul khrims dang / tshul khrims ngan pa dmigs su med pa'i phyir ro/ /gsol pa/ bcom ldan 'das 'di lta ste/ shes rab kyi pha rol du phyin pa 'di ni bzod pa'i pha rol du phyin pa'o/ /bcom ldan 'das kyis</font><hr>32.8a<br><font size=+1>

bka' stsal pa/ gnod sems dang bzod pa dmigs su med pa'i phyir ro/ /gsol pa/ bcom ldan 'das 'di lta ste/ shes rab kyi pha rol du phyin pa 'di ni brtson 'grus kyi pha rol du phyin pa'o/ /bcom ldan 'das kyis bka' stsal pa/ le lo dang brtson 'grus dmigs su med pa'i phyir ro/ /gsol pa/ bcom ldan 'das 'di lta ste/ shes rab kyi pha rol du phyin pa 'di ni bsam gtan gyi pha rol du phyin pa'o/ /bcom ldan 'das kyis bka' stsal pa/ bsam gtan dang 'khrug pa dmigs su med pa'i phyir ro/ /gsol pa/ bcom ldan 'das 'di lta ste/ shes rab kyi pha rol du phyin pa 'di ni shes rab kyi pha rol du phyin pa'o/ /bcom ldan 'das kyis bka' stsal pa/ shes rab dang 'chal pa'i shes rab dmigs su med pa'i phyir ro/ /gsol pa/ bcom ldan 'das 'di lta ste/ shes rab kyi pha rol du phyin pa 'di ni stobs bcu'i pha rol du phyin pa'o/ /bcom ldan 'das kyis bka' stsal pa/ chos thams cad thub pa med pa'i phyir ro/ /gsol pa/ bcom ldan 'das 'di lta ste/ shes rab kyi pha rol du phyin pa 'di ni mi 'jigs pa bzhi'i pha rol du phyin pa'o/ /bcom ldan 'das kyis bka' stsal pa/ lam gyi rnam pa shes pa nyid kyi ye shes zhum pa med pa'i phyir ro/ /gsol pa/ bcom ldan 'das 'di lta ste/ shes rab kyi pha rol du phyin pa 'di ni so so yang dag par rig pa bzhi'i pha rol du phyin pa'o/ /bcom ldan 'das kyis bka' stsal pa/ rnam pa thams cad mkhyen pa nyid chags pa med pa dang / thogs pa med pa'i phyir ro/ /gsol pa/ bcom ldan 'das 'di lta ste/ shes rab kyi pha rol du phyin pa 'di ni sangs rgyas kyi chos ma 'dres pa bcwa brgyad kyi pha rol du phyin pa'o bcom ldan 'das kyis bka' stsal pa/ nyan thos dang / rang sangs rgyas kyi chos thams cad las yang dag par 'das pa'i phyir ro/ /gsol pa/ bcom ldan 'das 'di lta ste/ shes rab kyi pha rol du phyin pa 'di ni de bzhin gshegs pa'i pha rol du phyin pa'o/ /bcom ldan 'das kyis bka' stsal pa/ brjod pa thams</font><hr>32.8b<br><font size=+1>

cad kyi de bzhin nyid kyi phyir ro/ /gsol pa/ bcom ldan 'das 'di lta ste/ shes rab kyi pha rol du phyin pa 'di ni rang byung gi pha rol du phyin pa'o/ /bcom ldan 'das kyis bka' stsal pa/ chos thams cad la dbang bsgyur ba'i phyir ro/ /gsol pa/ bcom ldan 'das 'di lta ste/ shes rab kyi pha rol du phyin pa 'di ni sangs rgyas kyi pha rol du phyin pa'o/ /bcom ldan 'das kyis bka' stsal pa/ chos thams cad rnam pa thams cad tu mngon par rdzogs par 'tshang rgya ba'i phyir ro/ /shes rab kyi pha rol du phyin pa stong phrag nyi shu lnga pa las/ le'u nyi shu dgu pa'o// // de nas lha'i dbang po brgya byin 'di snyam du gyur te/ shes rab kyi pha rol du phyin pa 'di rigs kyi bu dang / rigs kyi bu mo gang gi rna lam du grag pa de dag ni sngon gyi rgyal ba la bsnyen bkur byas pa'o/ /shes rab kyi pha rol du phyin pa 'di sems can gang gi rna lam du grag pa de dag ni de bzhin gshegs pa la dge ba'i rtsa ba bskyed pa'o/ /shes rab kyi pha rol du phyin pa 'di sems can gang gi rna lam du grag pa de dag ni dge ba'i bshes gnyen gyis yongs su gzung ba'o/ /gang 'dzin cing 'chang ba dang / klog cing kun chub par byed pa dang / tshul bzhin du yid la byed cing gzung ba dang / bcang ba dang / klag pa dang / kun chub par byas nas kyang / de bzhin nyid du shes rab kyi pha rol du phyin pa la nan tan du byed pa lta ci smos te/ rigs kyi bu 'am rigs kyi bu mo gang shes rab kyi pha rol du phyin pa 'di thos nas mi 'jigs mi sngang skrag par mi 'gyur ba de dag gis/ sngon gyi de bzhin gshegs pa dgra bcom pa yang dag par rdzogs pa'i sangs rgyas rnams la yongs su dris so/ /yongs su zhus so/ /rigs kyi bu 'am rigs kyi bu mo gang gis shes rab kyi pha rol du phyin pa 'di thos nas mi 'jigs mi sngang skrag par mi 'gyur la 'dzin cing 'chang ba dang klog cing kun chub par byed pa dang / tshul bzhin du yid la byed pa de dag gis ni bskal pa bye ba mang por sbyin pa'i pha rol du phyin pa la spyod do/ /tshul khrims dang bzod pa dang brtson 'grus dang bsam gtan dang shes rab kyi pha rol du phyin pa la spyod do snyam pa dang / </font><hr>32.9a<br><font size=+1>

de nas tshe dang ldan pa shA ra dwa ti'i bus/ bcom ldan 'das la 'di skad ces gsol to/ /bcom ldan 'das rigs kyi bu 'am rigs kyi bu mo gang shes rab kyi pha rol du phyin pa zab mo 'di thos nas/ mi 'jigs mi sngang skrag par mi 'gyur la/ 'dzin cing 'chang ba dang / klog cing kun chub par bgyid pa dang / tshul bzhin du yid la bgyid pa de dag ni phyir mi ldog pa'i byang chub sems dpa' sems dpa' chen po dang 'dra bar gzung bar bgyi'o/ /de ci'i slad du zhe na/ bcom ldan 'das shes rab kyi pha rol du phyin pa 'di ni zab pa ste/ sngon pha rol du phyin pa drug la ma spyad pas ni/ shes rab kyi pha rol du phyin pa zab mo 'di thos nas kyang mos par bgyi bar mi nus so/ /bcom ldan 'das rigs kyi bu 'am rigs kyi bu mo gang shes rab kyi pha rol du phyin pa zab mo 'di thos nas spang bar sems pa dag gis ni sngon gyi mthar yang shes rab kyi pha rol du phyin pa zab mo 'di spangs par gyur to/ /de ci'i slad du zhe na/ de ni 'di ltar rigs kyi bu 'am rigs kyi bu mo de dag shes rab kyi pha rol du phyin pa zab mo 'di bshad pa'i tshe/ dad pa dang mos pa ma mchis pa'i slad du ste/ rigs kyi bu 'am rigs kyi bu mo de dag gis sngon gyi mthar yang sangs rgyas bcom ldan 'das rnams dang / byang chub sems dpa' sems dpa' chen po rnams dang / nyan thos rnams la bsnyen bkur ma bgyis te/ sbyin pa'i pha rol du phyin pa la ni ji ltar spyad par bgyi/ tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la ni ji ltar spyad par bgyi/ nang stong pa nyid ni ji ltar bsgom par bgyi/ dngos po med pa'i ngo bo nyid stong pa nyid kyi bar ni ji ltar bsgom par bgyi/ dran pa nye bar gzhag pa rnams ni ji ltar bsgom par bgyi/ yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa ni ji ltar bsgom par bgyi/ 'phags pa'i bden pa rnams dang / bsam</font><hr>32.9b<br><font size=+1>

gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams ni ji ltar bsgom par bgyi/ ting nge 'dzin rnams dang / gzungs kyi sgo rnams ni ji ltar bsgom par bgyi/ de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa bcwa brgyad ni ji ltar bsgom par bgyi zhes yongs su ma zhus/ yongs su ma dris so/ /de nas lha'i dbang po brgya byin gyis/ tshe dang ldan pa shA ra dwa ti'i bu la 'di skad ces smras so/ /btsun pa shA ra dwa ti'i bu shes rab kyi pha rol du phyin pa 'di ni shin du zab na/ shes rab kyi pha rol du phyin pa zab mo 'di bstan pa'i tshe/ sngon ma spyad pa'i byang chub sems dpa' sems dpa' chen po mos par mi 'gyur ba lta ngo mtshar kyang ci che/ sbyin pa'i pha rol du phyin pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa dang / nang stong pa nyid dang / phyi stong pa nyid dang / phyi nang stong pa nyid dang / dngos po med pa'i ngo bo nyid stong pa nyid kyi bar dang / byang chub kyi phyogs kyi chos sum bcu rtsa bdun dang / 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad dang / rnam pa thams cad mkhyen pa nyid kyi</font><hr>32.10a<br><font size=+1>

bar la mos par mi 'gyur ba lta ngo mtshar kyang ci che/ btsun pa shA ra dwa ti'i bu shes rab kyi pha rol du phyin pa la phyag 'tshal lo/ /gang shes rab kyi pha rol du phyin pa la phyag 'tshal ba de ni thams cad mkhyen pa'i ye shes la phyag 'tshal ba'o/ /de nas bcom ldan 'das kyis lha'i dbang po brgya byin la bka' stsal pa/ de de bzhin no/ /kau shi ka de de bzhin te/ gang shes rab kyi pha rol du phyin pa la phyag 'tshal ba ni thams cad mkhyen pa'i ye shes la phyag 'tshal ba'o/ /de ci'i phyir zhe na/ kau shi ka 'di las byung ba ni sangs rgyas bcom ldan 'das rnams kyi rnam pa thams cad mkhyen pa nyid do/ /rnam pa thams cad mkhyen pa nyid kyi ye shes las ni shes rab kyi pha rol du phyin pa brjod do/ /kau shi ka thams cad mkhyen pa nyid la gnas par 'dod pa'i rigs kyi bu 'am rigs kyi bu mos shes rab kyi pha rol du phyin pa la gnas par bya'o/ /lam gyi rnam pa shes pa nyid kyi ye shes bsgrub par 'dod pa dang / bag chags kyi mtshams sbyor ba'i nyon mongs pa thams cad spang bar 'dod pa dang / chos kyi 'khor lo bskor bar 'dod pa'i rigs kyi bu 'am rigs kyi bu mos shes rab kyi pha rol du phyin pa la brtson par bya'o/ /sems can rnams rgyun du zhugs pa'i 'bras bu la dgod par 'dod pa dang / lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid la dgod par 'dod pa dang / rang byang chub la dgod par 'dod pa dang / bla na med pa yang dag par rdzogs pa'i byang chub la dgod par 'dod pa'i rigs kyi bu 'am rigs kyi bu mos shes rab kyi pha rol du phyin pa la brtson par bya'o/ /sems can rnams 'tshang rgya ba nyid la dgod par 'dod pa'i rigs kyi bu 'am rigs kyi bu mos shes rab kyi pha rol du phyin pa la brtson par bya'o/ /khams gsum gyi phul du 'gyur bar 'dod pa'i rigs kyi bu 'am rigs kyi bu mos shes rab kyi pha rol du phyin pa la brtson par bya'o/ /bdud thams cad pham par bya bar 'dod pa'i rigs kyi bu 'am rigs kyi bu mos shes rab kyi pha rol du phyin pa la</font><hr>32.10b<br><font size=+1>

brtson par bya'o/ /dge slong gi dge 'dun bsdu bar 'dod pa'i rigs kyi bu 'am rigs kyi bu mos shes rab kyi pha rol du phyin pa la brtson par bya'o/ /de skad ces bka' stsal pa dang lha'i dbang po brgya byin gyis/ bcom ldan 'das la 'di skad ces gsol to/ /bcom ldan 'das ji ltar na byang chub sems dpa' sems dpa' chen po shes rab kyi pha rol du phyin pa la gnas pa lags/ ji ltar na bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa la gnas pa lags/ bcom ldan 'das ji ltar na byang chub sems dpa' sems dpa' chen po shes rab kyi pha rol du phyin pa la spyod pa'i tshe/ sbyin pa'i pha rol du phyin pa la brtson par bgyid pa lags/ tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la brtson par bgyid pa lags/ ji ltar na nang stong pa nyid la brtson par bgyid pa lags/ ji ltar na dngos po med pa'i ngo bo nyid stong pa nyid kyi bar la brtson par bgyid pa lags/ ji ltar na byang chub kyi phyogs kyi chos sum bcu rtsa bdun la brtson par bgyid pa lags/ ji ltar na 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang mtshan ma med pa dang / smon pa med pa dang / mngon par shes pa rnams la brtson par bgyid pa lags/ ji ltar na ting nge 'dzin rnams dang / gzungs kyi sgo rnams la brtson par bgyid pa lags/ ji ltar na de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad la brtson par bgyid pa lags/ bcom ldan 'das kyis bka' stsal</font><hr>32.11a<br><font size=+1>

pa/ kau shi ka de ltar khyod de bzhin gshegs pa dgra bcom pa yang dag par rdzogs pa'i sangs rgyas la don 'di yongs su zhu bar sems pa legs so legs so/ /kau shi ka khyod kyi spobs pa 'di yang sangs rgyas kyi byin gyis brlabs kyis byung ngo / /kau shi ka 'di la byang chub sems dpa' sems dpa' chen po shes rab kyi pha rol du phyin pa la spyod pa'i tshe/ gzugs la mi gnas te/ /gang gi tshe gzugs la mi gnas pa de'i tshe/ gzugs la brtson par byed pa yin no/ /tshor ba dang 'du shes dang 'du byed dang / rnam par shes pa la mi gnas te/ gang gi tshe rnam par shes pa la mi gnas pa de'i tshe/ rnam par shes pa la brtson par byed pa yin no/ /mig la mi gnas te/ gang gi tshe mig la mi gnas pa de'i tshe/ mig la brtson par byed pa yin no/ /rna ba dang sna dang lce dang lus dang yid la mi gnas te/ gang gi tshe yid la mi gnas pa de'i tshe/ yid la brtson par byed pa yin no/ /gzugs la mi gnas te/ gang gi tshe gzugs la mi gnas pa de'i tshe/ gzugs la brtson par byed pa yin no/ /sgra dang dri dang ro dang reg dang chos la mi gnas te/ gang gi tshe chos la mi gnas pa de'i tshe/ chos la brtson par byed pa yin no/ /mig gi rnam par shes pa la mi gnas/ mig gi 'dus te reg pa la mi gnas/ mig gi 'dus te reg pa'i rkyen gyis tshor ba la mi gnas/ rna ba dang sna dang lce dang lus dang yid kyi rnam par shes pa la mi gnas/ yid kyi 'dus te reg pa la mi gnas/ yid kyi 'dus te reg pa'i rkyen gyis tshor ba la mi gnas te/ gang gi tshe yid kyi 'dus te reg pa'i rkyen gyis tshor ba la mi gnas pa de'i tshe/ yid kyi 'dus te reg pa'i rkyen gyis tshor ba la brtson par byed pa yin no/ /sa'i khams la mi gnas te/ gang gi tshe sa'i khams la mi gnas pa de'i tshe/ sa'i khams la brtson par byed pa yin no/ /chu'i khams dang me'i khams dang / rlung gi khams dang nam mkha'i khams dang rnam par shes pa'i khams la mi gnas te/ gang gi tshe rnam par shes pa'i khams la mi gnas pa de'i tshe/ rnam par shes pa'i</font><hr>32.11b<br><font size=+1>

khams la brtson par byed pa yin no/ /ma rig pa la mi gnas te/ gang gi tshe ma rig pa la mi gnas pa de'i tshe/ ma rig pa la brtson par byed pa yin no/ /'du byed dang / rnam par shes pa dang ming dang gzugs dang skye mched drug dang reg pa dang tshor ba dang / sred pa dang len pa dang srid pa dang skye ba dang rga shi la mi gnas te/ gang gi tshe rga shi la mi gnas pa de'i tshe/ rga shi la brtson par byed pa yin no/ /sbyin pa'i pha rol du phyin pa la mi gnas te/ gang gi tshe sbyin pa'i pha rol du phyin pa la mi gnas pa de'i tshe/ sbyin pa'i pha rol du phyin pa la brtson par byed pa yin no/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la mi gnas te/ gang gi tshe shes rab kyi pha rol du phyin pa la mi gnas pa de'i tshe/ shes rab kyi pha rol du phyin pa la brtson par byed pa yin no/ /nang stong pa nyid la mi gnas te/ gang gi tshe nang stong pa nyid la mi gnas pa de'i tshe/ nang stong pa nyid la brtson par byed pa yin no/ /dngos po med pa'i ngo bo nyid stong pa nyid kyi bar la mi gnas te/ gang gi tshe dngos po med pa'i ngo bo nyid stong pa nyid la mi gnas pa de'i tshe/ dngos po med pa'i ngo bo nyid stong pa nyid la brtson par byed pa yin no/ /dran pa nye bar gzhag pa rnams la mi gnas te/ gang gi tshe dran pa nye bar gzhag pa rnams la mi gnas pa de'i tshe/ dran pa nye bar gzhag pa rnams la brtson par byed pa yin no/ /yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa la mi gnas te/ gang gi tshe 'phags pa'i lam yan lag brgyad pa la mi gnas pa de'i tshe/ 'phags pa'i lam yan lag brgyad pa la brtson par byed pa yin no/ /'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams la mi gnas te/ gang gi tshe</font><hr>32.12a<br><font size=+1>

gzugs med pa'i snyoms par 'jug pa rnams la mi gnas pa de'i tshe/ gzugs med pa'i snyoms par 'jug pa rnams la brtson par byed pa yin no/ /rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams la mi gnas te/ gang gi tshe mngon par shes pa rnams la mi gnas pa de'i tshe/ mngon par shes pa rnams la brtson par byed pa yin no/ /ting nge 'dzin rnams dang / gzungs kyi sgo rnams la mi gnas te/ gang gi tshe gzungs kyi sgo rnams la mi gnas pa de'i tshe/ gzungs kyi sgo rnams la brtson par byed pa yin no/ /de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad la mi gnas te/ gang gi tshe sangs rgyas kyi chos ma 'dres pa bcwa brgyad la mi gnas pa de'i tshe/ sangs rgyas kyi chos ma 'dres pa bcwa brgyad la brtson par byed pa yin no/ /rgyun du zhugs pa'i 'bras bu dang / lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub la mi gnas te/ gang gi tshe rang byang chub la mi gnas pa de'i tshe/ rang byang chub la brtson par byed pa yin no/ /lam gyi rnam pa shes pa nyid dang / rnam pa thams cad mkhyen pa nyid la mi gnas te/ gang gi tshe rnam pa thams cad mkhyen pa nyid la mi gnas pa de'i tshe/ rnam pa thams cad mkhyen pa nyid la brtson par byed pa yin no/ /de ci'i phyir zhe na/ kau shi ka de ni 'di ltar gang la gnas par bya ba dang / gang la brtson par bya ba de lta bu'i gzugs mi dmigs so/ /gang la gnas par bya ba dang / gang la brtson par bya ba de lta bu'i tshor ba dang / 'du shes dang 'du byed dang / rnam par shes pa mi dmigs so/ /gang la gnas par bya ba dang / gang la brtson par bya ba de lta bu'i skye mched dang / khams dang rten cing 'brel bar 'byung ba mi dmigs so/ /gang la gnas par bya ba dang / gang</font><hr>32.12b<br><font size=+1>

la brtson par bya ba de lta bu'i pha rol du phyin pa thams cad dang / stong pa nyid thams cad dang / byang chub kyi phyogs kyi chos sum bcu rtsa bdun mi dmigs so/ /gang la gnas par bya ba dang / gang la brtson par bya ba de lta bu'i 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams mi dmigs so/ /ting nge 'dzin rnams dang / gzungs kyi sgo rnams mi dmigs so/ /de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad mi dmigs so/ /rgyun du zhugs pa'i 'bras bu dang / lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub mi dmigs so/ /lam gyi rnam pa shes pa nyid dang / rnam pa thams cad mkhyen pa nyid mi dmigs so/ /rab 'byor gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ gzugs la mi sbyor mi 'byed de/ gang gi tshe gzugs la mi sbyor mi 'byed pa de'i tshe/ gzugs la brtson par byed pa yin no/ /tshor ba dang 'du shes dang 'du byed dang rnam par shes pa la mi sbyor mi 'byed de/ gang gi tshe rnam par shes pa la mi sbyor mi 'byed pa de'i tshe/ rnam par shes pa la brtson par byed pa yin no/ /skye mched dang khams dang rten cing 'brel bar 'byung ba la mi sbyor mi 'byed de/ gang gi tshe rten cing 'brel bar 'byung ba la mi sbyor mi 'byed pa de'i tshe/ rten cing 'brel bar 'byung ba la brtson par byed pa yin no/ /pha rol du phyin pa thams cad dang / stong pa nyid thams cad dang / byang chub kyi phyogs kyi chos sum bcu rtsa bdun la mi sbyor mi 'byed de/ gang gi tshe byang chub kyi phyogs kyi chos sum bcu rtsa bdun la mi sbyor</font><hr>32.13a<br><font size=+1>

mi 'byed pa de'i tshe/ byang chub kyi phyogs kyi chos sum bcu rtsa bdun la brtson par byed pa yin no/ /'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams la mi sbyor mi 'byed de/ gang gi tshe mngon par shes pa rnams la mi sbyor mi 'byed pa de'i tshe/ mngon par shes pa rnams la brtson par byed pa yin no/ /ting nge 'dzin rnams dang / gzungs kyi sgo rnams la mi sbyor mi 'byed de/ gang gi tshe gzungs kyi sgo rnams la mi sbyor mi 'byed pa de'i tshe/ gzungs kyi sgo rnams la brtson par byed pa yin no/ /de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad la mi sbyor mi 'byed de/ gang gi tshe sangs rgyas kyi chos ma 'dres pa bcwa brgyad la mi sbyor mi 'byed pa de'i tshe/ sangs rgyas kyi chos ma 'dres pa bcwa brgyad la brtson par byed pa yin no/ /rnam pa thams cad mkhyen pa nyid kyi bar la mi sbyor mi 'byed de/ gang gi tshe rnam pa thams cad mkhyen pa nyid la mi sbyor mi 'byed pa de'i tshe/ rnam pa thams cad mkhyen pa nyid la brtson par byed pa yin no/ /de ci'i phyir zhe na/ de ni 'di ltar byang chub sems dpa' sems dpa' chen po de shes rab kyi pha rol du phyin pa la spyod pa'i tshe/ gzugs sngon gyi mthar mi dmigs so/ /gzugs phyi ma'i mthar mi dmigs so/ /gzugs dbus su mi dmigs so/ /tshor ba dang 'du shes dang 'du byed dang / rnam par shes pa sngon gyi mthar mi dmigs so/ /rnam par shes pa phyi ma'i mthar mi dmigs so/ /rnam par shes pa dbus su mi dmigs so/ /skye mched dang khams dang rten cing 'brel bar 'byung ba sngon gyi mthar mi dmigs so/ /rten cing 'brel bar 'byung ba</font><hr>32.13b<br><font size=+1>

phyi ma'i mthar mi dmigs so/ /rten cing 'brel bar 'byung ba dbus su mi dmigs so/ /pha rol du phyin pa thams cad dang stong pa nyid thams cad dang byang chub kyi phyogs kyi chos sum bcu rtsa bdun sngon gyi mthar mi dmigs so/ /byang chub kyi phyogs kyi chos sum bcu rtsa bdun phyi ma'i mthar mi dmigs so/ /byang chub kyi phyogs kyi chos sum bcu rtsa bdun dbus su mi dmigs so/ /'phags pa'i bden pa rnams dang / bsam gtan rnams dang / tshad med pa rnams dang gzugs med pa'i snyoms par 'jug pa rnams dang rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang mtshan ma med pa dang smon pa med pa dang / mngon par shes pa rnams sngon gyi mthar mi dmigs so/ /mngon par shes pa rnams phyi ma'i mthar mi dmigs so/ /mngon par shes pa rnams dbus su mi dmigs so/ /ting nge 'dzin rnams dang gzungs kyi sgo rnams sngon gyi mthar mi dmigs so/ /gzungs kyi sgo rnams phyi ma'i mthar mi dmigs so/ /gzungs kyi sgo rnams dbus su mi dmigs so/ /de bzhin gshegs pa'i stobs bcu dang / mi 'jigs pa bzhi dang so so yang dag par rig pa bzhi dang byams pa chen po dang / snying rje chen po dang / sangs rgyas kyi chos ma 'dres pa bcwa brgyad sngon gyi mthar mi dmigs so/ /sangs rgyas kyi chos ma 'dres pa bcwa brgyad phyi ma'i mthar mi dmigs so/ /sangs rgyas kyi chos ma 'dres pa bcwa brgyad dbus su mi dmigs so/ /rnam pa thams cad mkhyen pa nyid kyi bar du sngon gyi mthar mi dmigs so/ /rnam pa thams cad mkhyen pa nyid phyi ma'i mthar mi dmigs so/ /rnam pa thams cad mkhyen pa nyid dbus su mi dmigs so/ /de nas tshe dang ldan pa shA ra dwa ti'i bus/ bcom ldan 'das la 'di skad ces gsol to/ /bcom ldan 'das shes rab kyi pha rol du phyin pa ni zab bo/ /bcom ldan 'das kyis bka' stsal pa/ shA ra dwa ti'i bu gzugs kyi de bzhin nyid zab pa'i phyir/ shes rab kyi pha rol du phyin pa zab bo/ /shA ra dwa ti'i bu tshor ba</font><hr>32.14a<br><font size=+1>

dang / 'du shes dang 'du byed dang rnam par shes pa'i de bzhin nyid zab pa'i phyir/ shes rab kyi pha rol du phyin pa zab bo/ /shA ra dwa ti'i bu skye mched dang khams dang rten cing 'brel bar 'byung ba'i de bzhin nyid zab pa'i phyir/ shes rab kyi pha rol du phyin pa zab bo/ /pha rol du phyin pa thams cad dang / stong pa nyid thams cad dang / byang chub kyi phyogs kyi chos sum bcu rtsa bdun gyi de bzhin nyid zab pa'i phyir/ shes rab kyi pha rol du phyin pa zab bo/ /'phags pa'i bden pa dang / bsam gtan dang tshad med pa dang gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang mtshan ma med pa dang / smon pa med pa dang mngon par shes pa dang ting nge 'dzin dang / gzungs kyi sgo rnams kyi de bzhin nyid zab pa'i phyir/ shes rab kyi pha rol du phyin pa zab bo/ /de bzhin gshegs pa'i stobs bcu dang / mi 'jigs pa bzhi dang so so yang dag par rig pa bzhi dang / sangs rgyas kyi chos ma 'dres pa bcwa brgyad kyi de bzhin nyid zab pa'i phyir/ shes rab kyi pha rol du phyin pa zab bo/ /rnam pa thams cad mkhyen pa nyid kyi bar gyi de bzhin nyid zab pa'i phyir/ shes rab kyi pha rol du phyin pa zab bo/ /gsol pa/ bcom ldan 'das shes rab kyi pha rol du phyin pa 'di ni gting dpag dka'o/ /bcom ldan 'das kyis bka' stsal pa/ shA ra dwa ti'i bu gzugs gting dpag dka' ba'i phyir/ shes rab kyi pha rol du phyin pa gting dpag dka'o/ /tshor ba dang 'du shes dang 'du byed dang / rnam par shes pa gting dpag dka' ba'i phyir/ shes rab kyi pha rol du phyin pa gting dpag dka'o/ /skye mched dang khams dang rten cing 'brel bar 'byung ba gting dpag dka' ba'i phyir/ shes rab kyi pha rol du phyin pa gting dpag dka'o/ /pha rol du phyin pa thams cad dang stong pa nyid thams cad dang / byang chub kyi phyogs kyi chos sum bcu rtsa bdun gting dpag dka' ba'i</font><hr>32.14b<br><font size=+1>

phyir/ shes rab kyi pha rol du phyin pa gting dpag dka'o/ /'phags pa'i bden pa dang bsam gtan dang tshad med pa dang gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams gting dpag dka' ba'i phyir/ shes rab kyi pha rol du phyin pa gting dpag dka'o/ /ting nge 'dzin dang gzungs kyi sgo rnams gting dpag dka' ba'i phyir/ shes rab kyi pha rol du phyin pa gting dpag dka'o/ /de bzhin gshegs pa'i stobs bcu dang / mi 'jigs pa bzhi dang so so yang dag par rig pa bzhi dang / sangs rgyas kyi chos ma 'dres pa bcwa brgyad gting dpag dka' ba'i phyir/ shes rab kyi pha rol du phyin pa gting dpag dka'o/ /rnam pa thams cad mkhyen pa nyid kyi bar du gting dpag dka' ba'i phyir/ shes rab kyi pha rol du phyin pa gting dpag dka'o/ /gsol pa/ bcom ldan 'das shes rab kyi pha rol du phyin pa ni tshad ma mchis pa'o/ /bcom ldan 'das kyis bka' stsal pa/ shA ra dwa ti'i bu gzugs tshad med pa'i phyir/ shes rab kyi pha rol du phyin pa tshad med do/ /shA ra dwa ti'i bu tshor ba dang / 'du shes dang 'du byed dang / rnam par shes pa tshad med pa'i phyir/ shes rab kyi pha rol du phyin pa tshad med do/ /shA ra dwa ti'i bu skye mched dang khams dang rten cing 'brel bar 'byung ba tshad med pa'i phyir/ shes rab kyi pha rol du phyin pa tshad med do/ /pha rol du phyin pa thams cad dang stong pa nyid thams cad dang / byang chub kyi phyogs kyi chos sum bcu rtsa bdun tshad med pa'i phyir/ shes rab kyi pha rol du phyin pa tshad med do/ /'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang stong pa nyid dang mtshan ma med pa dang smon pa med pa dang / mngon par shes pa tshad med pa'i phyir/ </font><hr>32.15a<br><font size=+1>

shes rab kyi pha rol du phyin pa tshad med do/ /ting nge 'dzin dang gzungs kyi sgo tshad med pa'i phyir/ shes rab kyi pha rol du phyin pa tshad med do/ /de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad tshad med pa'i phyir/ shes rab kyi pha rol du phyin pa tshad med do/ /rnam pa thams cad mkhyen pa nyid kyi bar du tshad med pa'i phyir/ shes rab kyi pha rol du phyin pa tshad med do/ /gsol pa/ bcom ldan 'das ji ltar na byang chub sems dpa' sems dpa' chen po shes rab kyi pha rol du phyin pa la spyod pa lags/ bcom ldan 'das kyis bka' stsal pa/ shA ra dwa ti'i bu byang chub sems dpa' sems dpa' chen po shes rab kyi pha rol du phyin pa la spyod pa'i tshe/ gal te gzugs zab ces bya bar mi spyod na/ shes rab kyi pha rol du phyin pa la spyod do/ /gal te tshor ba dang 'du shes dang 'du byed dang rnam par shes pa zab ces bya bar mi spyod na/ shes rab kyi pha rol du phyin pa la spyod do/ /skye mched dang / khams dang rten cing 'brel bar 'byung ba zab ces bya bar mi spyod na/ shes rab kyi pha rol du phyin pa la spyod do/ /pha rol du phyin pa thams cad dang / stong pa nyid thams cad dang / byang chub kyi phyogs kyi chos sum bcu rtsa bdun zab ces bya bar mi spyod na/ shes rab kyi pha rol du phyin pa la spyod do/ /'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams zab ces bya bar mi spyod na/ shes rab kyi pha rol du phyin pa la spyod do/ /ting nge 'dzin rnams dang / gzungs kyi sgo rnams zab ces bya bar mi spyod na/ shes rab kyi pha rol du phyin pa la spyod do/ /</font><hr>32.15b<br><font size=+1>

de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad zab ces bya bar mi spyod na/ shes rab kyi pha rol du phyin pa la spyod do/ /rnam pa thams cad mkhyen pa nyid kyi bar du zab ces bya bar mi spyod na/ shes rab kyi pha rol du phyin pa la spyod do/ /shes rab kyi pha rol du phyin pa stong phrag nyi shu lnga pa/ bam po bzhi bcu gnyis pa/ de ci'i phyir zhe na/ shA ra dwa ti'i bu gzugs kyi zab pa nyid gang yin pa de ni/ gzugs ma yin no/ /tshor ba dang 'du shes dang 'du byed dang / rnam par shes pa'i zab pa nyid gang yin pa de ni/ rnam par shes pa ma yin no/ /skye mched dang khams dang rten cing 'brel bar 'byung ba'i zab pa nyid gang yin pa de ni/ rten cing 'brel bar 'byung ba ma yin no/ /pha rol du phyin pa thams cad dang / stong pa nyid thams cad dang / byang chub kyi phyogs kyi chos sum bcu rtsa bdun gyi zab pa nyid gang yin pa de ni/ byang chub kyi phyogs kyi chos sum bcu rtsa bdun ma yin no/ /'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams kyi zab pa nyid gang yin pa de ni/ mngon par shes pa rnams ma yin no/ /ting nge 'dzin rnams dang / gzungs kyi sgo rnams kyi zab pa nyid gang yin pa de ni/ gzungs kyi sgo rnams ma yin no/ /de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad kyi zab pa nyid gang yin pa de ni/ sangs rgyas kyi chos ma 'dres pa bcwa brgyad ma yin no/ /rnam pa thams cad mkhyen pa nyid kyi bar gyi zab pa nyid</font><hr>32.16a<br><font size=+1>

gang yin pa de ni/ rnam pa thams cad mkhyen pa nyid ma yin no/ /shA ra dwa ti'i bu byang chub sems dpa' sems dpa' chen po shes rab kyi pha rol du phyin pa la spyod pa'i tshe/ gal te gzugs gting dpag dka'o zhes bya bar mi spyod na/ shes rab kyi pha rol du phyin pa la spyod do/ /gal te tshor ba dang 'du shes dang 'du byed dang rnam par shes pa gting dpag dka'o zhes bya bar mi spyod na/ shes rab kyi pha rol du phyin pa la spyod do/ /skye mched dang khams dang / rten cing 'brel bar 'byung ba gting dpag dka'o zhes bya bar mi spyod na/ shes rab kyi pha rol tu phyin pa la spyod do/ /pha rol du phyin pa thams cad dang stong pa nyid thams cad dang / byang chub kyi phyogs kyi chos sum bcu rtsa bdun gting dpag dka'o zhes bya bar mi spyod na/ shes rab kyi pha rol du phyin pa la spyod do/ /'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams gting dpag dka'o zhes bya bar mi spyod na/ shes rab kyi pha rol du phyin pa la spyod do/ /ting nge 'dzin rnams dang gzungs kyi sgo rnams gting dpag dka'o zhes bya bar mi spyod na/ shes rab kyi pha rol du phyin pa la spyod do/ /de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad gting dpag dka'o zhes bya bar mi spyod na/ shes rab kyi pha rol tu phyin pa la spyod do/ /rnam pa thams cad mkhyen pa nyid kyi bar du gting dpag dka'o zhes bya bar mi spyod na/ shes rab kyi pha rol tu phyin pa la spyod do/ /de ci'i phyir zhe na/ shA ra dwa ti'i bu gzugs kyi gting dpag dka' ba gang yin pa de ni/ gzugs ma yin no/ /tshor ba dang / 'du shes dang / 'du byed dang / rnam par shes pa'i gting dpag dka' ba gang yin pa de ni/ </font><hr>32.16b<br><font size=+1>

rnam par shes pa ma yin no/ /rnam pa thams cad mkhyen pa nyid kyi bar gyi gting dpag dka' ba gang yin pa de ni/ rnam pa thams cad mkhyen pa nyid ma yin no/ /shA ra dwa ti'i bu gzhan yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ gal te gzugs tshad med do zhes bya bar mi spyod na/ shes rab kyi pha rol du phyin pa la spyod do/ /gal te tshor ba dang 'du shes dang / 'du byed dang rnam par shes pa tshad med do zhes bya bar mi spyod na/ shes rab kyi pha rol du phyin pa la spyod do/ /skye mched dang khams dang rten cing 'brel bar 'byung ba tshad med do zhes bya bar mi spyod na/ shes rab kyi pha rol du phyin pa la spyod do/ /pha rol du phyin pa thams cad dang stong pa nyid thams cad dang / byang chub kyi phyogs kyi chos sum bcu rtsa bdun tshad med do zhes bya bar mi spyod na/ shes rab kyi pha rol du phyin pa la spyod do/ /'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang mtshan ma med pa dang smon pa med pa dang / mngon par shes pa rnams tshad med do zhes bya bar mi spyod na/ shes rab kyi pha rol du phyin pa la spyod do/ /ting nge 'dzin rnams dang gzungs kyi sgo rnams tshad med do zhes bya bar mi spyod na/ shes rab kyi pha rol du phyin pa la spyod do/ /de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad tshad med do zhes bya bar mi spyod na/ shes rab kyi pha rol du phyin pa la spyod do/ /rnam pa thams cad mkhyen pa nyid kyi bar du tshad med do zhes bya bar mi spyod na/ shes rab kyi pha rol du phyin pa la spyod do/ /de ci'i phyir zhe na/ shA ra dwa ti'i bu gzugs kyi tshad med pa gang yin pa de ni/ gzugs ma yin no/ /tshor ba dang 'du shes dang / 'du byed dang rnam par shes pa'i tshad med pa gang yin pa de ni/ rnam par shes pa ma yin no/ /rnam pa thams cad mkhyen pa nyid kyi bar du tshad med pa gang yin pa de ni/ rnam pa thams cad mkhyen pa nyid ma yin no/ /shA ra dwa ti'i</font><hr>32.17a<br><font size=+1>

bus gsol pa/ kye ma bcom ldan 'das shes rab kyi pha rol du phyin pa 'di ni de ltar zab bo/ /de ltar gting dpag dka'o/ /de ltar rtogs par dka'o/ /bcom ldan 'das de ltar shes rab kyi pha rol du phyin pa 'di ni de ltar tshad ma mchis pa'o/ /bcom ldan 'das 'di ni byang chub sems dpa' sems dpa' chen po theg pa la gsar du zhugs pa'i mdun du bshad par mi bgyi ste/ shes rab kyi pha rol du phyin pa zab mo 'di thos nas/ 'jigs sngang shing skrag par 'gyur du mchi'o/ /the tshom dang nem nur 'tshal du mchi'o/ /mos pa ma mchis par 'gyur du mchi'o/ /bcom ldan 'das phyir mi ldog pa'i byang chub sems dpa' sems dpa' chen po'i mdun du shes rab kyi pha rol du phyin pa zab mo 'di bstan par bgyi ste/ des ni shes rab kyi pha rol du phyin pa zab mo 'di thos nas mi 'jigs mi sngang skrag par mi 'gyur ro/ /the tshom dang nem nur 'tshal bar mi 'gyur te/ thos nas kyang gong nas gong du mos pa dang 'dzin pa dang / 'chang ba dang klog pa dang kun chub par bgyid pa dang / tshul bzhin du yid la bgyid par 'gyur ro/ /de nas lha'i dbang po brgya byin gyis/ tshe dang ldan pa shA ra dwa ti'i bu la 'di skad ces smras so/ /btsun pa shA ra dwa ti'i bu gal te theg pa la gsar du zhugs pa'i byang chub sems dpa' sems dpa' chen po'i mdun du shes rab kyi pha rol du phyin pa zab mo 'di bshad na nyes pa cir 'gyur/ shA ra dwa ti'i bus smras pa/ kau shi ka gal te theg pa la gsar du zhugs pa'i byang chub sems dpa' sems dpa' chen po'i mdun du shes rab kyi pha rol du phyin pa zab mo 'di bshad na/ de shes rab kyi pha rol du phyin pa zab mo 'di thos nas/ 'jigs par 'gyur/ sngang bar 'gyur/ skrag par 'gyur te/ phyir ldog par 'gyur ro/ /spong bar 'gyur ro/ /de ni mos par yang mi 'gyur te/ kau shi ka theg pa la gsar du zhugs pa'i byang chub sems dpa' sems dpa' chen po des shes rab kyi pha rol du phyin pa 'di thos nas/ spangs pa'i phyir de log par ltung bar 'gyur ba'i las mngon par 'du byed cing sogs par 'gyur te las byas</font><hr>32.17b<br><font size=+1>

pa dang bsags pa des kyang / bla na med pa yang dag par rdzogs pa'i byang chub tu mngon par rdzogs par 'tshang rgya bar yang dka' ba de lta bu'i gnas yod do/ /brgya byin gyis smras pa/ btsun pa shA ra dwa ti'i bu byang chub sems dpa' sems dpa' chen po lung ma bstan pa/ shes rab kyi pha rol du phyin pa zab mo 'di thos nas/ mi 'jigs mi sngang skrag par mi 'gyur ba lta yod dam/ smras pa/ kau shi ka byang chub sems dpa' sems dpa' chen po gang shes rab kyi pha rol du phyin pa zab mo 'di thos nas/ mi 'jigs mi sngang skrag par mi 'gyur ba de dag ni ring po mi thogs par bla na med pa yang dag par rdzogs pa'i byang chub tu lung bstan par 'gyur te/ de bzhin gshegs pa dgra bcom pa yang dag par rdzogs pa'i sangs rgyas gcig gam/ gnyis las mi 'da' bar bla na med pa yang dag par rdzogs pa'i byang chub kyi bar du lung bstan par 'gyur ro/ /de nas bcom ldan 'das kyis tshe dang ldan pa shA ra dwa ti'i bu la bka' stsal pa/ shA ra dwa ti'i bu de de bzhin no/ /de de bzhin te/ shA ra dwa ti'i bu byang chub sems dpa' sems dpa' chen po gang shes rab kyi pha rol du phyin pa zab mo 'di thos nas/ mi 'jigs mi sngang skrag par mi 'gyur zhing thos nas kyang gong nas gong du 'dzin pa dang / 'chang ba dang klog pa dang kun chub par byed pa dang / ji ltar bstan pa'i shes rab kyi pha rol du phyin pa la gnas pa de dag ni yun ring po nas theg pa la yang dag par zhugs pa'o/ /pha rol du phyin pa drug la spyad pa'o/ /sangs rgyas mang po la bsnyen bkur byas pa'o/ /shA ra dwa ti'i bus gsol pa/ bcom ldan 'das de'i dpe gsal bar bdag gis spobs so/ /bde bar gshegs pa de'i dpe gsal bar bdag gis spobs so/ /bcom ldan 'das kyis bka' stsal pa/ shA ra dwa ti'i bu khyod kyis spobs pa skyed cig /shA ra dwa ti'i bus gsol pa/ bcom ldan 'das 'di lta ste dper na/ byang chub sems dpa'i theg pa pa'i rigs kyi bu 'am rigs kyi bu mo'i rmi lam na shes rab kyi pha rol du</font><hr>32.18a<br><font size=+1>

phyin pa bsgom zhing bsam gtan la snyoms par 'jug pa dang / brtson 'grus rtsom pa dang / bzod pa bsgrubs pa dang / tshul khrims bsrung ba dang / sbyin pa yongs su gtong ba nas/ snying po byang chub la mchis pa'i bar du gyur na yang bcom ldan 'das rigs kyi bu 'am rigs kyi bu mo de ni bla na med pa yang dag par rdzogs pa'i byang chub tu nye bar gyur par rig par bgyi na/ bcom ldan 'das byang chub sems dpa' sems dpa' chen po gnyid kyis ma log pa zhig gis/ shes rab kyi pha rol du phyin pa bsgoms pa dang / bsam gtan la mnyam par bzhag pa dang / brtson 'grus brtsams pa dang / bzod pa bsgrubs pa dang / tshul khrims bsrungs pa dang / sbyin pa yongs su btang ba lta smos kyang ci 'tshal te/ bcom ldan 'das rigs kyi bu 'am rigs kyi bu mo de ni bla na med pa yang dag par rdzogs pa'i byang chub tu nye bar gyur par rig par bgyi'o/ /bcom ldan 'das gang gis shes rab kyi pha rol du phyin pa zab mo 'di thos par gyur te/ thos nas kyang 'dzin cing de bzhin nyid tu nan tan du bgyid pa de dag ni/ dge ba'i rtsa ba yongs su smin pa ste/ bcom ldan 'das byang chub sems dpa' gang shes rab kyi pha rol du phyin pa zab mo 'di 'dzin cing 'chang ba dang / klog cing kun chub par bgyid pa dang / tshul bzhin du yid la bgyid pa de dag ni yun ring po nas/ theg pa la yang dag par zhugs shing dge ba'i rtsa ba bskyed pa'o/ /sangs rgyas mang po bsnyen bkur ba'o/ /dge ba'i bshes gnyen gyis yongs su bzung ba'o/ /bcom ldan 'das rigs kyi bu dang rigs kyi bu mo de dag ni bla na med pa yang dag par rdzogs pa'i byang chub tu lung bstan pa dang nye bar gyur pa ste/ bla na med pa yang dag par rdzogs pa'i byang chub tu lung bstan par 'gyur ro/ /bcom ldan 'das rigs kyi bu dang / rigs kyi bu mo gang shes rab kyi pha rol du phyin pa zab mo 'di 'thad cing 'thad par gyur nas kyang 'dzin pa dang 'chang ba dang klog pa dang kun chub par bgyid</font><hr>32.18b<br><font size=+1>

pa dang / tshul bzhin du yid la bgyid pa'i rigs kyi bu dang / rigs kyi bu mo de dag ni bla na med pa yang dag par rdzogs pa'i byang chub las phyir mi ldog par rig par bgyi ba dag go/ /bcom ldan 'das 'di lta ste dper na/ skyes bu la la 'brog dgon pa dpag tshad brgya pa zhig nas 'byung ngam/ 'brog dgon pa dpag tshad nyis brgya pa dang / sum brgya pa dang / bzhi brgya pa dang / lnga brgya pa nas 'byung ba zhig mchis la/ de 'byung ba'i tshe grong dang / grong khyer dang grong rdal dang khams dang rgyal po'i pho brang 'khor gyi snga ltas ba lang rdzi 'am/ phyugs rdzi 'am/ sa mtshams sam/ bza' shing gi ra ba phun sum tshogs pa 'am/ nags tshal phun sum tshogs pa mthong ngam/ de ma lags pa gzhan yang mtshan ma gang gis grong ngam grong khyer ram grong rdal lam khams sam/ rgyal po'i pho brang 'khor mchis par mngon pa'i snga ltas de lta bu dag mthong na/ de 'di snyam du gyur te/ snga ltas 'di dag snang ba lags na/ 'di nas grong ngam/ grong khyer ram/ grong rdal lam/ khams sam/ rgyal po'i pho brang 'khor ni nye'o snyam ste/ dbugs phyin par 'gyur zhing / de la de slan chad rkun po'i 'jigs pa 'am/ chom po'i 'jigs pa 'am/ gcan zan khro bo'i 'jigs pa 'am/ bkres pa dang / skom pa'i 'jigs pa ma mchis so/ /bcom ldan 'das de bzhin du byang chub sems dpa' sems dpa' chen po la gang gi tshe/ shes rab kyi pha rol du phyin pa zab mo 'di 'thad par gyur te/ 'thad par gyur nas kyang 'dzin pa dang / 'chang ba dang klog pa dang / kun chub par bgyid pa dang / tshul bzhin du yid la bgyid na/ bcom ldan 'das de'i tshe byang chub sems dpa' sems dpa' chen po de ni lung bstan pa la nye bar gyur par rig par bgyi ba ste/ ring por mi thogs par bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro/ /byang chub sems dpa' sems dpa' chen po des/ de slan chad nyan thos kyi sa 'am/ rang sangs rgyas kyi sas 'jigs par mi bgyi'o/ /de ci'i slad</font><hr>32.19a<br><font size=+1>

du zhe na/ 'di lta ste shes rab kyi pha rol du phyin pa zab mo 'di blta ba dang / phyag bgyi ba dang / mnyan du mchis pa de nyid bla na med pa yang dag par rdzogs pa'i byang chub kyi snga ltas so/ /bcom ldan 'das kyis bka' stsal pa/ shA ra dwa ti'i bu de de bzhin no/ /de de bzhin te/ shA ra dwa ti'i bu khyod kyis da rung yang sangs rgyas kyi mthus spobs pa bskyed cig /gsol pa/ bcom ldan 'das 'di lta ste dper na/ skyes bu la la zhig rgya mtsho mching rnams chen po blta bar 'tshal nas/ de rgya mtsho chen po blta ba'i slad du/ de ji lta ji ltar rgya mtsho chen po dang nye bar mchis pa de lta de ltar ldum bu 'am ldum bu'i mtshan ma 'am/ ri 'am/ ri'i mtshan ma mthong na/ des 'di nas rgya mtsho chen po thag nye ste/ 'di nas rgya mtsho chen po ring po med do/ /de ci'i phyir zhe na/ rgya mtsho chen po ni bags kyis gzhol ba ste/ 'di nas rgya mtsho chen po'i drung du da ni ring po med do/ /de dang nye ba na ni ldum bu 'am/ ldum bu'i mtshan ma 'am/ ri 'am ri'i mtshan ma gang yang med do zhes bgyi bar rig go/ /de ltar skyes bu de'i mig gis rgya mtsho chen po ma mthong du lags kyang / des bdag ni rgya mtsho chen po dang nye bar gyur to/ /rgya mtsho chen po ni 'di na yod do/ /rgya mtsho chen po ni 'di phan chad mi ring ngo zhes bgyi bar rtogs par 'tshal to/ /bcom ldan 'das de bzhin du shes rab kyi pha rol du phyin pa zab mo 'di nyan cing 'dzin pa dang / 'chang zhing klog pa dang / kun chub par bgyid pa dang / tshul bzhin du yid la bgyid pa'i byang chub sems dpa' sems dpa' chen pos kyang / bdag de bzhin gshegs pa dgra bcom pa yang dag par rdzogs pa'i sangs rgyas kyis khyod bskal pa ni 'di snyed cig /bskal pa brgya phrag ni 'di snyed cig /bskal pa stong phrag ni 'di snyed cig /bskal pa brgya stong gi phrag ni 'di snyed cig /bskal pa bye ba khrag khrig brgya stong gi phrag ni 'di snyed cig na/ bla na med pa yang dag par rdzogs pa'i byang chub tu mngon par 'tshang rgya bar 'gyur ro zhes bla na med pa yang dag</font><hr>32.19b<br><font size=+1>

par rdzogs pa'i byang chub tu mngon sum du lung bstan pas da dung lung ma bstan gyis kyang / bdag ni bla na med pa yang dag par rdzogs pa'i byang chub tu lung bstan pa dang nye bar gnas par blta'o/ /de ci'i slad du zhe na/ de ni 'di ltar bdag gis shes rab kyi pha rol du phyin pa zab mo 'di blta ba dang / phyag bya ba dang / bsnyen bkur du yod la mnyan du yod do/ /thos nas kyang gzung du yod do/ /bcang du yod/ klag du yod/ kun chub par byar yod/ tshul bzhin du yid la byar yod do zhes bgyi bar rig par bgyi'o/ /bcom ldan 'das 'di lta ste dper na/ dpyid kyi dus la bab ste/ rtsi shing gi lo ma dang 'dab ma lhags nas kha dog gyur pa'i tshe/ 'dzam bu'i gling gi mi rnams kyis/ ring po mi thogs par lo ma dang me tog dang 'bras bu 'byung bar 'gyur ro/ /de ci'i slad du zhe na/ de ni 'di ltar snga ltas 'di dag rtsi shing las snang ngo zhes bgyi bar 'tshal bar bgyi ste/ gang gi tshe rtsi shing rnams lo ma dang me tog dang / 'bras bu phun sum tshogs par gyur pa de'i tshe yang bud med dang skyes pa dang khye'u dang / bu mo dag gis rtsi shing gi lo ma dang me tog dang / 'bras bu phun sum tshogs pa de dag mthong nas/ nyams bde bar 'gyur ro/ /bcom ldan 'das de bzhin du byang chub sems dpa' sems dpa' chen po yang gang gi tshe/ shes rab kyi pha rol du phyin pa zab mo 'di blta ba dang / phyag bgyi ba dang / bsnyen bkur ba dang / mnyan du mchis te/ thos nas kyang 'dzin cing 'chang ba dang / klog cing kun chub par bgyid pa dang / tshul bzhin du yid la bgyid pa de'i tshe/ /bcom ldan 'das byang chub sems dpa' sems dpa' chen po de ni dge ba'i rtsa ba yongs su smin par rig par bgyi'o/ /bcom ldan 'das byang chub sems dpa' sems dpa' chen po de ni sangs rgyas mang po la bsnyen bkur bgyis par rig par bgyi'o/ /bcom ldan 'das byang chub sems dpa' sems dpa' chen po des kyang 'di ltar bdag gis shes rab kyi pha rol du phyin pa zab mo 'di blta ba</font><hr>32.20a<br><font size=+1>

dang / phyag bya ba dang bsnyen bkur ba dang / mnyan du yod pa dang / ji skad du bstan pa'i shes rab kyi pha rol du phyin pa la nan tan byar yod pa ni/ sngon gyi dge ba'i rtsa bas bla na med pa yang dag par rdzogs pa'i byang chub tu nye bar gyur to zhes bgyi bar 'tshal bar bgyi'o/ /de na lha'i bu sngon sangs rgyas mthong ba ji snyed gcig mchis pa de dag kyang / byang chub sems dpa' sems dpa' chen po de'i snga ltas de dag mthong nas/ sngon gyi byang chub sems dpa' sems dpa' chen po rnams lung bstan par 'gyur ba la yang snga ltas 'di dag byung gis/ byang chub sems dpa' sems dpa' chen po 'di 'ang ring por mi thogs par bla na med pa yang dag par rdzogs pa'i byang chub tu lung bstan par 'gyur ro zhes dga' zhing spro la/ yid bde zhing nyams bde bar 'gyur ro/ /bcom ldan 'das 'di lta ste dper na/ bud med sbrum pa ni ji lta ji ltar btsar nye ba de lta de ltar lus 'gyur te/ de lta de ltar slar zhing lus ngal la rgyud zhan zhing mi dga' la kha zas yi gar mi mchi zhing rmugs pa dang / gnyid kyang chung du 'gyur te/ nyams mi bde ba des smra ba nyung zhing / bsten pa'i ngang tshul ma mchis la/ sngon gyi tshul bzhin ma lags pa'i yid la bgyid pa bsten pa dang bsnyen pa des rnam pa de lta bu'i tshor ba myong bar 'gyur te/ bud med gzhan dag gis bud med de'i mtshan ma ji lta ji ltar mthong ba las bud med 'di ni ring po mi thogs par btsa' bar 'gyur ro zhes bgyi bar 'tshal to/ /bcom ldan 'das de bzhin du byang chub sems dpa' sems dpa' chen po dge ba'i rtsa ba bskyed pa/ sangs rgyas mang po la bsnyen bkur ba/ legs pa'i spyod pa spyad pa/ dge ba'i bshes gnyen gyis yongs su bzung ba/ dge ba'i rtsa ba yongs su smin pa rnams la yang / shes rab kyi pha rol du phyin pa zab mo 'di 'thad par 'gyur te/ 'thad par gyur nas kyang 'dzin cing 'chang ba dang / klog cing kun chub par bgyid pa dang / tshul bzhin</font><hr>32.20b<br><font size=+1>

du yid la bgyid na/ bcom ldan 'das byang chub sems dpa' sems dpa' chen po de dag ring po mi thogs par bla na med pa yang dag par rdzogs pa'i byang chub tu lung bstan par 'gyur bar rig par bgyi'o/ /bcom ldan 'das kyis bka' stsal pa/ shA ra dwa ti'i bu legs so legs so/ /shA ra dwa ti'i bu khyod kyis spobs pa de ni sangs rgyas kyi mthus skyes so/ /de nas tshe dang ldan pa rab 'byor gyis/ bcom ldan 'das la 'di skad ces gsol to/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rnams kyis byang chub sems dpa' sems dpa' chen po de dag de ltar legs par yongs su gzung ba ni ngo mtshar che'o/ /bcom ldan 'das kyis bka' stsal pa/ rab 'byor 'di ltar byang chub sems dpa' sems dpa' chen po de dag ni skye bo mang po la phan pa dang / skye bo mang po la bde ba dang / 'jig rten la snying brtse ba dang / lha dang mi'i tshogs skye bo phal po che'i don dang / phan pa dang bde ba'i phyir/ bla na med pa yang dag par rdzogs pa'i byang chub tu yang dag par 'jug ste/ de dag byang chub sems dpa'i spyad pa spyod pa'i tshe/ bsdu ba'i dngos po bzhis sems can brgya stong mang po la phan 'dogs te/ bzhi gang zhe na/ sbyin pa dang / snyan par smra ba dang / don du spyod pa dang / don 'thun par spyod pa ste/ de dag gis sems can rnams dge ba bcu'i las kyi lam la yang dag par bskul lo/ /bdag kyang bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi la snyoms par 'jug la gzhan yang bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi la yang dag par bskul lo/ /bdag kyang sbyin pa yongs su gtong la/ gzhan yang sbyin pa la yang dag par bskul lo/ /bdag kyang tshul khrims srung la/ gzhan yang tshul khrims la yang dag par bskul lo/ /bdag kyang bzod pa bsgom la/ gzhan yang bzod pa la yang dag</font><hr>32.21a<br><font size=+1>

par bskul lo/ /bdag kyang brtson 'grus rtsom la/ gzhan yang brtson 'grus la yang dag par bskul lo/ /bdag kyang bsam gtan la snyoms par 'jug la/ gzhan yang bsam gtan la yang dag par bskul lo/ /bdag kyang shes rab sgom la/ gzhan yang shes rab sgom pa la yang dag par bskul lo/ /de dag shes rab kyi pha rol du phyin pa la gnas shing / thabs mkhas pas sems can rnams rgyun du zhugs pa'i 'bras bu la rab tu 'god kyang bdag rgyun du zhugs pa'i 'bras bu thob par mi byed do/ /gzhan lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub la rab tu 'god kyang / bdag rang byang chub mngon du mi byed do/ /bdag kyang sbyin pa'i pha rol du phyin pa la spyod la/ byang chub sems dpa' gzhan stong phrag du ma dag kyang / sbyin pa'i pha rol du phyin pa la yang dag par bskul lo/ /bdag kyang tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la spyod la/ byang chub sems dpa' gzhan stong phrag du ma dag kyang / tshul khrims dang bzod pa dang brtson 'grus dang bsam gtan dang / shes rab kyi pha rol du phyin pa la yang dag par bskul lo/ /bdag kyang phyir mi ldog pa'i sa yongs su gnon la/ gzhan yang phyir mi ldog pa'i sa la rab tu 'god do/ /bdag kyang sangs rgyas kyi zhing yongs su dag par byed la/ gzhan yang sangs rgyas kyi zhing yongs su dag par bya ba la yang dag par bskul lo/ /bdag kyang sems can yongs su smin par byed la/ gzhan yang sems can yongs su smin par bya ba la yang dag par bskul lo/ /bdag kyang byang chub sems dpa'i mngon par shes pa skyed la/ gzhan yang byang chub sems dpa'i mngon par shes pa la yang dag par bskul lo/ /bdag kyang gzungs kyi sgo yongs su sbyong la/ gzhan yang gzungs kyi sgo yongs su sbyong</font><hr>32.21b<br><font size=+1>

ba la yang dag par bskul lo/ /bdag kyang spobs pa phun sum tshogs pa thob par byed la/ gzhan yang spobs pa phun sum tshogs pa la yang dag par bskul lo/ /bdag kyang gzugs phun sum tshogs pa yongs su 'dzin la/ gzhan yang gzugs phun sum tshogs pa thob par bya ba la yang dag par bskul lo/ /bdag kyang mtshan phun sum tshogs pa yongs su 'dzin la/ gzhan yang mtshan phun sum tshogs pa thob par bya ba la yang dag par bskul lo/ /bdag kyang gzhon nu'i sa phun sum tshogs pa yongs su 'dzin la gzhan yang gzhon nu'i sa phun sum tshogs pa la yang dag par bskul lo/ /bdag kyang byang chub kyi phyogs kyi chos sum bcu rtsa bdun sgom la/ gzhan yang byang chub kyi phyogs kyi chos sum bcu rtsa bdun la yang dag par bskul lo/ /bdag kyang 'phags pa'i bden pa bzhi dang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa lnga sgom la/ gzhan yang mngon par shes pa lnga la yang dag par bskul lo/ /bdag kyang ting nge 'dzin thams cad dang / gzungs kyi sgo thams cad sgom la/ gzhan yang gzungs kyi sgo thams cad la yang dag par bskul lo/ /bdag kyang de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad sgrub la/ gzhan yang sangs rgyas kyi chos ma 'dres pa bcwa brgyad la yang dag par bskul lo/ /bdag kyang rnam pa thams cad mkhyen pa nyid thob par byed la/ gzhan yang rnam pa thams cad mkhyen pa nyid la yang dag par bskul lo/ /bdag kyang bag chags kyi mtshams sbyor ba'i nyon mongs pa thams cad rab tu spong la/ gzhan yang bag</font><hr>32.22a<br><font size=+1>

chags kyi mtshams sbyor ba'i nyon mongs pa thams cad spong ba la yang dag par bskul lo/ /bdag kyang chos kyi 'khor lo skor la/ gzhan yang chos kyi 'khor lo bskor ba la yang dag par bskul lo/ /de skad ces bka' stsal pa dang / /tshe dang ldan pa rab 'byor gyis/ bcom ldan 'das la 'di skad ces gsol to/ /de ltar byang chub sems dpa' sems dpa' chen po yon tan mang po dang ldan pa de dag sems can thams cad kyi slad du/ shes rab kyi pha rol du phyin pa la spyod cing / bla na med pa yang dag par rdzogs pa'i byang chub tu mngon par rdzogs par 'tshang rgya ba ni/ bcom ldan 'das ngo mtshar to/ /bde bar gshegs pa ngo mtshar to/ /bcom ldan 'das ji ltar na byang chub sems dpa' sems dpa' chen po rnams kyi shes rab kyi pha rol du phyin pa sgom pa yongs su rdzogs par 'gyur ba lags/ bcom ldan 'das kyis bka' stsal pa/ rab 'byor byang chub sems dpa' sems dpa' chen po shes rab kyi pha rol du phyin pa la spyod pa'i tshe/ nam gzugs kyi 'phel ba yang dag par rjes su ma mthong ba dang / tshor ba dang 'du shes dang 'du byed dang / rnam par shes pa'i 'phel ba yang dag par rjes su ma mthong ba de'i tshe/ byang chub sems dpa' sems dpa' chen po'i shes rab kyi pha rol du phyin pa bsgom pa yongs su rdzogs par 'gyur ro/ /rab 'byor byang chub sems dpa' sems dpa' chen po shes rab kyi pha rol du phyin pa la spyod pa'i tshe/ nam skye mched dang khams dang / rten cing 'brel bar 'byung ba'i 'phel ba yang dag par rjes su ma mthong ba dang / pha rol du phyin pa thams cad dang / stong pa nyid thams cad dang / byang chub kyi phyogs kyi chos sum bcu rtsa bdun gyi 'phel ba yang dag par rjes su ma mthong ba de'i tshe/ byang chub sems dpa' sems dpa' chen po'i shes rab kyi pha rol du phyin pa bsgom</font><hr>32.22b<br><font size=+1>

pa yongs su rdzogs par 'gyur ro/ /nam 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams kyi 'phel ba yang dag par rjes su ma mthong ba de'i tshe/ byang chub sems dpa' sems dpa' chen po'i shes rab kyi pha rol du phyin pa bsgom pa yongs su rdzogs par 'gyur ro/ /nam ting nge 'dzin rnams dang / gzungs kyi sgo rnams kyi 'phel ba yang dag par rjes su ma mthong ba de'i tshe/ byang chub sems dpa' sems dpa' chen po'i shes rab kyi pha rol du phyin pa bsgom pa yongs su rdzogs par 'gyur ro/ /nam de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad kyi 'phel ba yang dag par rjes su ma mthong ba de'i tshe/ byang chub sems dpa' sems dpa' chen po'i shes rab kyi pha rol du phyin pa bsgom pa yongs su rdzogs par 'gyur ro/ /rab 'byor byang chub sems dpa' sems dpa' chen po shes rab kyi pha rol du phyin pa la spyod pa'i tshe/ rnam pa thams cad mkhyen pa nyid kyi bar gyi 'phel ba yang dag par rjes su ma mthong ba de'i tshe/ byang chub sems dpa' sems dpa' chen po'i shes rab kyi pha rol du phyin pa bsgom pa yongs su rdzogs par 'gyur ro/ /rab 'byor byang chub sems dpa' sems dpa' chen po shes rab kyi pha rol du phyin pa la spyod pa'i tshe/ nam gzugs kyi 'grib pa yang dag par rjes su ma mthong ba dang / tshor ba dang / 'du shes dang 'du byed dang / rnam par shes pa'i 'grib pa yang dag par rjes su ma mthong ba de'i tshe/ byang chub sems dpa' sems dpa' chen po'i shes rab kyi pha rol du phyin pa bsgom</font><hr>32.23a<br><font size=+1>

pa yongs su rdzogs par 'gyur ro/ /nam skye mched dang khams dang rten cing 'brel bar 'byung ba'i 'grib pa yang dag par rjes su ma mthong ba de'i tshe/ byang chub sems dpa' sems dpa' chen po'i shes rab kyi pha rol du phyin pa bsgom pa yongs su rdzogs par 'gyur ro/ /nam pha rol du phyin pa thams cad dang stong pa nyid thams cad dang byang chub kyi phyogs kyi chos sum bcu rtsa bdun gyi 'grib pa yang dag par rjes su ma mthong ba de'i tshe/ byang chub sems dpa' sems dpa' chen po'i shes rab kyi pha rol du phyin pa bsgom pa yongs su rdzogs par 'gyur ro/ /nam 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams kyi 'grib pa yang dag par rjes su ma mthong ba de'i tshe/ byang chub sems dpa' sems dpa' chen po'i shes rab kyi pha rol du phyin pa bsgom pa yongs su rdzogs par 'gyur ro/ /nam ting nge 'dzin rnams dang / gzungs kyi sgo rnams kyi 'grib pa yang dag par rjes su ma mthong ba de'i tshe/ byang chub sems dpa' sems dpa' chen po'i shes rab kyi pha rol du phyin pa bsgom pa yongs su rdzogs par 'gyur ro/ /nam de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad kyi 'grib pa yang dag par rjes su ma mthong ba de'i tshe/ byang chub sems dpa' sems dpa' chen po'i shes rab kyi pha rol du phyin pa bsgom pa yongs su rdzogs par 'gyur ro/ /nam rnam pa thams cad mkhyen pa nyid kyi bar gyi 'grib pa yang dag par rjes su ma mthong ba de'i tshe/ byang chub sems dpa' sems dpa' chen po'i shes rab kyi pha</font><hr>32.23b<br><font size=+1>

rol du phyin pa bsgom pa yongs su rdzogs par 'gyur ro/ /rab 'byor gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ chos shes bya bar yang dag par rjes su mi mthong / chos ma yin zhes bya bar yang dag par rjes su mi mthong / 'das shes bya bar yang dag par rjes su mi mthong / ma 'ongs shes bya bar yang dag par rjes su mi mthong / da ltar byung zhes bya bar yang dag par rjes su mi mthong / dge zhes bya ba dang mi dge zhes bya ba dang / lung du ston zhes bya ba dang / lung du mi ston ces bya bar yang dag par rjes su mi mthong / 'dus byas zhes bya ba dang 'dus ma byas shes bya bar yang dag par rjes su mi mthong / 'dod pa'i khams shes bya bar yang dag par rjes su mi mthong / gzugs kyi khams shes bya bar yang dag par rjes su mi mthong / gzugs med pa'i khams shes bya bar yang dag par rjes su mi mthong / sbyin pa'i pha rol du phyin pa zhes bya bar yang dag par rjes su mi mthong / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa zhes bya bar yang dag par rjes su mi mthong / rnam pa thams cad mkhyen pa nyid kyi bar zhes bya bar yang dag par rjes su mi mthong ba de'i tshe/ byang chub sems dpa' sems dpa' chen po'i shes rab kyi pha rol du phyin pa bsgom pa yongs su rdzogs par 'gyur ro/ /de ci'i phyir zhe na/ rab 'byor de ni 'di ltar chos rnams kyi chos kyi mtshan nyid dang / phyir ldog pa med pa dang gsog dang gsob dang snying po med pa dang / dbang du gyur pa dang byed pa med pa dang srog med pa'i phyir ro/ /gsol pa/ bcom ldan 'das bsam gyis mi khyab pa bstan to/ /bcom ldan 'das kyis bka' stsal pa/ rab 'byor gzugs bsam gyis mi khyab pa'i phyir/ bsam</font><hr>32.24a<br><font size=+1>

gyis mi khyab pa bstan to/ /tshor ba dang 'du shes dang 'du byed dang / rnam par shes pa bsam gyis mi khyab pa'i phyir/ bsam gyis mi khyab pa bstan to/ /rab 'byor skye mched dang khams dang rten cing 'brel bar 'byung ba bsam gyis mi khyab pa'i phyir/ bsam gyis mi khyab pa bstan to/ /rab 'byor sbyin pa'i pha rol du phyin pa bsam gyis mi khyab pa'i phyir/ bsam gyis mi khyab pa bstan to/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa bsam gyis mi khyab pa'i phyir/ bsam gyis mi khyab pa bstan to/ /rab 'byor nang stong pa nyid bsam gyis mi khyab pa'i phyir/ bsam gyis mi khyab pa bstan to/ /dngos po med pa'i ngo bo nyid stong pa nyid kyi bar du bsam gyis mi khyab pa'i phyir/ bsam gyis mi khyab pa bstan to/ /rab 'byor byang chub kyi phyogs kyi chos sum bcu rtsa bdun bsam gyis mi khyab pa'i phyir/ bsam gyis mi khyab pa bstan to/ /'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang stong pa nyid dang mtshan ma med pa dang / smon pa med pa dang / mngon par shes pa rnams bsam gyis mi khyab pa'i phyir/ bsam gyis mi khyab pa bstan to/ /ting nge 'dzin dang / gzungs kyi sgo bsam gyis mi khyab pa'i phyir/ bsam gyis mi khyab pa bstan to/ /de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad bsam gyis mi khyab pa'i phyir/ bsam gyis mi khyab pa bstan to/ /rab 'byor rnam pa thams cad mkhyen pa nyid kyi</font><hr>32.24b<br><font size=+1>

bar du bsam gyis mi khyab pa'i phyir/ bsam gyis mi khyab pa bstan to/ /rab 'byor byang chub sems dpa' sems dpa' chen po shes rab kyi pha rol du phyin pa la spyod pa'i tshe/ gal te gzugs bsam gyis mi khyab ces bya bar 'du shes pa med/ tshor ba dang 'du shes dang 'du byed dang / rnam par shes pa bsam gyis mi khyab ces bya bar 'du shes pa med na/ shes rab kyi pha rol du phyin pa yongs su rdzogs par byed pa'o/ /byang chub sems dpa' sems dpa' chen po shes rab kyi pha rol du phyin pa la spyod pa'i tshe/ gal te skye mched dang / khams dang rten cing 'brel bar 'byung ba bsam gyis mi khyab ces bya bar 'du shes pa med na/ shes rab kyi pha rol du phyin pa yongs su rdzogs par byed pa'o/ /pha rol du phyin pa thams cad dang / stong pa nyid thams cad dang / byang chub kyi phyogs kyi chos sum bcu rtsa bdun bsam gyis mi khyab ces bya bar 'du shes pa med na/ shes rab kyi pha rol du phyin pa yongs su rdzogs par byed pa'o/ /gal te 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang mtshan ma med pa dang / smon pa med pa dang / mngon par shes pa rnams bsam gyis mi khyab ces bya bar 'du shes pa med na/ shes rab kyi pha rol du phyin pa yongs su rdzogs par byed pa'o/ /gal te ting nge 'dzin rnams dang / gzungs kyi sgo rnams bsam gyis mi khyab ces bya bar 'du shes pa med na/ shes rab kyi pha rol du phyin pa yongs su rdzogs par byed pa'o/ /gal te de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad bsam gyis mi khyab ces bya bar 'du shes pa</font><hr>32.25a<br><font size=+1>

med na/ shes rab kyi pha rol du phyin pa yongs su rdzogs par byed pa'o/ /gal te rnam pa thams cad mkhyen pa nyid kyi bar du bsam gyis mi khyab ces bya bar 'du shes pa med na/ shes rab kyi pha rol du phyin pa yongs su rdzogs par byed pa'o/ /gsol pa/ bcom ldan 'das shes rab kyi pha rol du phyin pa zab mo 'di la su zhig mos par 'gyur ba lags/ bcom ldan 'das kyis bka' stsal pa/ byang chub sems dpa' sems dpa' chen po gang pha rol du phyin pa drug la spyad pa/ dge ba'i rtsa ba bskyed par gyur pa/ sangs rgyas mang po la bsnyen bkur ba/ dge ba'i bshes gnyen gyis yongs su bzung ba de dag ni/ shes rab kyi pha rol du phyin pa zab mo 'di la mos par 'gyur ro/ /gsol pa/ bcom ldan 'das ji tsam gyis na/ byang chub sems dpa' sems dpa' chen po pha rol du phyin pa drug la spyad pa dang dge ba'i rtsa ba bskyed pa dang / sangs rgyas mang po bsnyen bkur ba dang / dge ba'i bshes gnyen gyis yongs su bzung ba lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po shes rab kyi pha rol du phyin pa la spyod pa'i tshe/ gzugs su mi rtog rnam par mi rtog go/ /gzugs kyi mtshan mar mi rtog rnam par mi rtog go/ /gzugs kyi rang bzhin du mi rtog rnam par mi rtog go/ /tshor ba dang 'du shes dang 'du byed dang rnam par shes par mi rtog rnam par mi rtog go/ /rnam par shes pa'i mtshan mar mi rtog rnam par mi rtog go/ /rnam par shes pa'i rang bzhin du mi rtog rnam par mi rtog go/ /skye mched dang / khams dang rten cing 'brel bar 'byung bar mi rtog rnam par mi rtog go/ /rten cing 'brel bar 'byung ba'i mtshan mar mi rtog rnam par mi rtog go/ /rten cing 'brel bar 'byung ba'i rang bzhin du mi rtog rnam par mi rtog go/ /'dod pa'i khams su</font><hr>32.25b<br><font size=+1>

mi rtog rnam par mi rtog go/ /'dod pa'i khams kyi mtshan mar mi rtog rnam par mi rtog go/ /'dod pa'i khams kyi rang bzhin du mi rtog rnam par mi rtog go/ /gzugs kyi khams su mi rtog rnam par mi rtog go/ /gzugs kyi khams kyi mtshan mar mi rtog rnam par mi rtog go/ /gzugs kyi khams kyi rang bzhin du mi rtog rnam par mi rtog go/ /gzugs med pa'i khams su mi rtog rnam par mi rtog go/ /gzugs med pa'i khams kyi mtshan mar mi rtog rnam par mi rtog go/ /gzugs med pa'i khams kyi rang bzhin du mi rtog rnam par mi rtog go/ /sbyin pa'i pha rol du phyin par mi rtog rnam par mi rtog go/ /sbyin pa'i pha rol du phyin pa'i mtshan mar mi rtog rnam par mi rtog go/ /sbyin pa'i pha rol du phyin pa'i rang bzhin du mi rtog rnam par mi rtog go/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / /shes rab kyi pha rol du phyin par mi rtog rnam par mi rtog go/ /shes rab kyi pha rol du phyin pa'i mtshan mar mi rtog rnam par mi rtog go/ /shes rab kyi pha rol du phyin pa'i rang bzhin du mi rtog rnam par mi rtog go/ /nang stong pa nyid du mi rtog rnam par mi rtog go/ /nang stong pa nyid kyi mtshan mar mi rtog rnam par mi rtog go/ /nang stong pa nyid kyi rang bzhin du mi rtog rnam par mi rtog go/ /dngos po med pa'i ngo bo nyid stong pa nyid kyi bar du mi rtog rnam par mi rtog go/ /dngos po med pa'i ngo bo nyid stong pa nyid kyi mtshan mar mi rtog rnam par mi rtog go/ /dngos po med pa'i ngo bo nyid stong pa nyid kyi rang bzhin du mi rtog rnam par mi rtog go/ /byang chub kyi phyogs kyi chos sum bcu rtsa bdun du mi rtog rnam par mi rtog go/ /byang chub kyi phyogs kyi chos</font><hr>32.26a<br><font size=+1>

sum bcu rtsa bdun gyi mtshan mar mi rtog rnam par mi rtog go/ /byang chub kyi phyogs kyi chos sum bcu rtsa bdun gyi rang bzhin du mi rtog rnam par mi rtog go/ /'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams su mi rtog rnam par mi rtog go/ /mngon par shes pa rnams kyi mtshan mar mi rtog rnam par mi rtog go/ /mngon par shes pa rnams kyi rang bzhin du mi rtog rnam par mi rtog go/ /ting nge 'dzin rnams dang / gzungs kyi sgo rnams su mi rtog rnam par mi rtog go/ /gzungs kyi sgo rnams kyi mtshan mar mi rtog rnam par mi rtog go/ /gzungs kyi sgo rnams kyi rang bzhin du mi rtog rnam par mi rtog go/ /de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad du mi rtog rnam par mi rtog go/ /sangs rgyas kyi chos ma 'dres pa'i mtshan mar mi rtog rnam par mi rtog go/ /sangs rgyas kyi chos ma 'dres pa'i rang bzhin du mi rtog rnam par mi rtog go/ /rnam pa thams cad mkhyen pa nyid kyi bar du mi rtog rnam par mi rtog go/ /rnam pa thams cad mkhyen pa nyid kyi mtshan mar mi rtog rnam par mi rtog go/ /rnam pa thams cad mkhyen pa nyid kyi rang bzhin du mi rtog rnam par mi rtog go/ /de ci'i phyir zhe na/ rab 'byor de ni 'di ltar gzugs bsam gyis mi khyab bo/ /tshor ba dang 'du shes dang 'du byed dang rnam par shes pa bsam gyis mi khyab bo/ /skye mched dang / khams dang rten cing 'brel bar</font><hr>32.26b<br><font size=+1>

'byung ba bsam gyis mi khyab bo/ /pha rol du phyin pa thams cad dang / stong pa nyid thams cad dang / byang chub kyi phyogs kyi chos sum bcu rtsa bdun bsam gyis mi khyab bo/ 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams bsam gyis mi khyab bo/ /ting nge 'dzin rnams dang gzungs kyi sgo rnams bsam gyis mi khyab bo/ /de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad bsam gyis mi khyab bo/ /rnam pa thams cad mkhyen pa nyid kyi bar du bsam gyis mi khyab bo/ /rab 'byor de ltar na byang chub sems dpa' sems dpa' chen po pha rol du phyin pa drug la spyad pa dang / dge ba'i rtsa ba bskyed pa dang / sangs rgyas mang po bsnyen bkur ba dang / dge ba'i bshes gnyen gyis yongs su bzung ba yin no/ /rab 'byor gyis gsol pa/ bcom ldan 'das shes rab kyi pha rol du phyin pa ni zab bo/ /bcom ldan 'das kyis bka' stsal pa/ rab 'byor gzugs zab pa'i phyir/ shes rab kyi pha rol du phyin pa zab bo/ /tshor ba dang 'du shes dang 'du byed dang / rnam par shes pa zab pa'i phyir/ shes rab kyi pha rol du phyin pa zab bo/ /skye mched dang / khams dang rten cing 'brel bar 'byung ba zab pa'i phyir/ shes rab kyi pha rol du phyin pa zab bo/ /pha rol du phyin pa thams cad dang / stong pa nyid thams cad dang / byang chub kyi phyogs kyi chos sum bcu rtsa bdun zab pa'i phyir/ shes</font><hr>32.27a<br><font size=+1>

rab kyi pha rol du phyin pa zab bo/ /'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang mngon par shes pa rnams zab pa'i phyir/ shes rab kyi pha rol du phyin pa zab bo/ /ting nge 'dzin dang / gzungs kyi sgo rnams zab pa'i phyir/ shes rab kyi pha rol du phyin pa zab bo/ /de bzhin gshegs pa'i stobs dang mi 'jigs pa dang / so so yang dag par rig pa dang / sangs rgyas kyi chos ma 'dres pa rnams zab pa'i phyir/ shes rab kyi pha rol du phyin pa zab bo/ /rnam pa thams cad mkhyen pa nyid kyi bar du zab pa'i phyir/ shes rab kyi pha rol du phyin pa zab bo/ /gsol pa/ bcom ldan 'das shes rab kyi pha rol du phyin pa ni rin po che'i phung po ste/ chos rin po che'i phung po rnams sgrub pa'o/ /de ni 'di lta ste/ dge ba bcu'i las kyi lam dang bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / mngon par shes pa lnga bsgrub pa'o/ /dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa sgrub pa'o/ /'phags pa'i bden pa bzhi dang rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams sgrub pa'o/ /de bzhin gshegs pa'i</font><hr>32.27b<br><font size=+1>

stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad sgrub pa'o/ /rgyun du zhugs pa'i 'bras bu dang / lan cig phyir 'ong ba'i 'bras bu dang phyir mi 'ong ba'i 'bras bu dang / dgra bcom pa nyid dang / rang byang chub sgrub bo/ /rnam pa thams cad mkhyen pa nyid kyi bar du sgrub pa'o/ /gsol ba/ bcom ldan 'das shes rab kyi pha rol du phyin pa ni chos kyi 'khor lo skor ba'o/ /bcom ldan 'das gzugs dag pa dang tshor ba dang 'du shes dang 'du byed dang rnam par shes pa dag pa dang / skye mched dang khams dang rten cing 'brel bar 'byung ba dag pa dang / pha rol du phyin pa thams cad dang / stong pa nyid thams cad dang / byang chub kyi phyogs kyi chos sum bcu rtsa bdun dag pa dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa dag pa dang / ting nge 'dzin dang / gzungs kyi sgo dag pa dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad dag pa dang / rnam pa thams cad mkhyen pa nyid kyi bar du dag pa'i slad du/ shes rab kyi pha rol du phyin pa ni dag pa'i phung po'o/ /bcom ldan 'das shes rab kyi pha rol du phyin pa zab mo de lta bu bstan pa'i tshe/ bar chad mang du mi 'byung ba ni ngo mtshar che'o/ /bcom ldan 'das kyis bka' stsal pa/ rab 'byor de de bzhin no/ /rab 'byor de de bzhin te/ rab 'byor/ shes rab kyi pha rol du phyin pa zab mo</font><hr>32.28a<br><font size=+1>

'di la bar chad mang po 'byung ste/ de bas na rigs kyi bu dang rigs kyi bu mos shes rab kyi pha rol du phyin pa zab mo 'di 'dri ba dang klag pa dang bstan pa dang / tshul bzhin du yid la bya zhing bsgom par bya ba la bar chad du mi 'gyur bar bri na yang myur du bri bar bya'o/ /klag pa dang bstan pa dang / tshul bzhin du yid la bya zhing bsgom na yang myur du bsgom mo/ /rab 'byor de bas na gal te rigs kyi bu dang rigs kyi bu mos shes rab kyi pha rol du phyin pa zab mo 'di zla ba gcig gis bris par byas na yang / des de bzhin du bri bar bya'o/ /gal te zla ba gnyis sam/ gal te zla ba gsum 'am/ gal te zla ba bzhi 'am/ gal te zla ba lnga 'am/ gal te zla ba drug gam/ gal te lo'i bar gyis bri bar byas na/ yang de bzhin du bri bar bya'o/ /gal te zla ba gcig gis bstan pa dang / lung dbog pa dang / kha ton bya ba dang / tshul bzhin du yid la bya ba dang / bsgom par byas na yang de bzhin du bsgom par bya'o/ /gal te lo'i bar gyis bsgom par byas na yang de bzhin du bsgom par bya'o/ /de ci'i phyir zhe na/ rab 'byor de ni 'di ltar rin po che chen po la bar chad mang du 'byung ngo / /gsol pa/ bcom ldan 'das shes rab kyi pha rol du phyin pa zab mo 'di ci nas kyang mi bri ba dang / mi klag pa dang / mi bstan pa dang / kha ton mi bgyi ba dang / yid la mi bgyid pa dang / mi bsgom pa'i slad du bdud sdig to can dag bar chad mi bgyid pa ngo mtshar che'o/ /bcom ldan 'das kyis bka' stsal pa/ rab 'byor shes rab kyi pha rol du phyin pa zab mo 'di la ci nas kyang mi bri ba dang / mi klag pa dang / mi bstan pa dang / tshul bzhin du yid la mi bya ba dang / mi bsgom pa'i phyir/ bdud sdig to can dag bar chad mi byed pa yang ma yin mod kyi/ byang chub</font><hr>32.28b<br><font size=+1>

sems dpa' sems dpa' chen po shes rab kyi pha rol du phyin pa zab mo 'di 'dri ba dang / klog pa dang kha ton byed pa dang / sgom pa rnams la bar chad bya bar mi nus so/ /de nas tshe dang ldan pa shA ra dwa ti'i bus/ bcom ldan 'das la 'di skad ces gsol to/ /bcom ldan 'das ci'i mthus na/ byang chub sems dpa' sems dpa' chen pos shes rab kyi pha rol du phyin pa zab mo 'di 'dri ba dang / klog pa dang kha ton du bgyi ba dang / tshul bzhin du yid la bgyi ba dang / bsgom pa la bdud sdig to can bgegs bgyid par mi 'gyur/ bcom ldan 'das kyis bka' stsal pa/ shA ra dwa ti'i bu sangs rgyas kyi mthus byang chub sems dpa' sems dpa' chen po shes rab kyi pha rol du phyin pa zab mo 'di 'dri ba dang / klog pa dang kha ton du byed pa dang / tshul bzhin du yid la byed pa dang / sgom pa dag la bdud sdig to can gyis bar chad bya bar mi nus so/ /shA ra dwa ti'i bu phyogs bcu kun gyi 'jig rten gyi khams dag na/ sangs rgyas bcom ldan 'das gang ji snyed cig bzhugs shing 'tsho skyong ba dang / chos ston pa de dag gi mthus kyang / byang chub sems dpa' sems dpa' chen po shes rab kyi pha rol du phyin pa zab mo 'di 'dri ba dang / klog pa dang ston pa dang kha ton du byed pa dang / tshul bzhin du yid la byed pa dang / sgom pa de dag la bdud sdig to can gyis bar chad bya bar mi nus so/ /sangs rgyas bcom ldan 'das de dag kyang byang chub sems dpa' sems dpa' chen po de dag la dgongs shing yongs su 'dzin pa mdzad de/ sangs rgyas bcom ldan 'das de dag gis yongs su bzung ba'i byang chub sems dpa' sems dpa' chen po de dag shes rab kyi pha rol du phyin pa zab mo 'di 'dri ba dang / klog pa dang / ston</font><hr>32.29a<br><font size=+1>

pa dang kha ton du byed pa dang tshul bzhin du yid la byed pa dang / sgom pa de dag la bdud sdig to can gyis bar chad bya bar mi nus so/ /de ci'i phyir zhe na/ shA ra dwa ti'i bu sangs rgyas kyis yongs su zin pa'i byang chub sems dpa' sems dpa' chen po rnams kyi dge ba'i chos yongs su btsal ba la bdud sdig to can gyis bar chad bya bar mi nus so/ /shA ra dwa ti'i bu de ni gang de ltar phyogs bcu kun gyi 'jig rten gyi khams tshad med grangs med pa dag na/ de bzhin gshegs pa dgra bcom pa yang dag par rdzogs pa'i sangs rgyas tshad med grangs med pa bzhugs shing 'tsho skyong ba dang / chos ston pa de dag byang chub sems dpa' sems dpa' chen po shes rab kyi pha rol du phyin pa zab mo 'di 'bri ba la dgongs pa mdzad pa dang / klog cing ston pa dang / kha ton du byed pa dang / tshul bzhin du yid la byed pa dang / sgom pa la dgongs pa mdzad pa ni chos nyid kyis de bzhin te/ shA ra dwa ti'i bu rigs kyi bu dang rigs kyi bu mo shes rab kyi pha rol du phyin pa zab mo 'di 'bri zhing klog pa dang / ston cing tshul bzhin du yid la byed pa dang / sgom pa des kyang bdag ni sangs rgyas kyi mthus/ shes rab kyi pha rol du phyin pa zab mo 'di 'dri'o/ /klog go/ /ston to/ /kha ton du byed do/ /tshul bzhin du yid la byed do/ /sgom mo zhes bya bar khong du chud par bya'o/ /gsol pa/ bcom ldan 'das rigs kyi bu 'am rigs kyi bu mo gang su yang rung ste/ shes rab kyi pha rol du phyin pa zab mo 'di 'dri ba dang klog pa dang ston pa dang kha ton du bgyid pa dang / tshul bzhin du yid la bgyid pa dang / sgom mo 'tshal kun kyang sangs rgyas kyi mthu lags sam/ kun kyang sangs rgyas kyi gzungs lags sam/ bcom ldan 'das</font><hr>32.29b<br><font size=+1>

kyis bka' stsal pa/ shA ra dwa ti'i bu de de bzhin no/ /de de bzhin te/ ji skad du smras pa bzhin te/ rigs kyi bu 'am rigs kyi bu mo gang su 'ang rung ste/ shes rab kyi pha rol du phyin pa zab mo 'di 'dri zhing klog pa dang / ston cing kha ton du byed pa dang / tshul bzhin du yid la byed cing sgom pa de thams cad kyang sangs rgyas kyi mthu yin par rig par bya'o/ /de thams cad kyang sangs rgyas kyi gzungs yin par rig par bya'o/ /gsol pa/ bcom ldan 'das rigs kyi bu 'am rigs kyi bu mo gang shes rab kyi pha rol du phyin pa zab mo 'di 'dri zhing klog pa dang / ston cing kha ton du bgyid pa dang / tshul bzhin du yid la bgyid cing sgom pa de dag ni shar phyogs nas phyogs bcu kun gyi bar gyi 'jig rten gyi khams tshad dang grangs ma mchis pa na/ sangs rgyas bcom ldan 'das tshad dang grangs ma mchis pa bzhugs shing 'tsho skyong ba dang chos ston pa de dag gis mkhyen te/ gang shes rab kyi pha rol du phyin pa zab mo 'di 'dri zhing klog pa dang / ston cing kha ton bgyid pa dang / tshul bzhin du yid la bgyid cing sgom pa de dag ni/ sangs rgyas bcom ldan 'das de dag gis sangs rgyas kyi spyan gyis gzigs so/ /thugs su chud do/ /bcom ldan 'das kyis bka' stsal pa/ shA ra dwa ti'i bu de de bzhin no/ /de de bzhin te/ rigs kyi bu 'am rigs kyi bu mo gang shes rab kyi pha rol du phyin pa zab mo 'di 'dri zhing klog pa dang / ston cing kha ton du byed pa dang / tshul bzhin du yid la byed cing sgom pa de dag ni shar phyogs nas phyogs bcu kun gyi bar gyi 'jig rten gyi khams tshad dang grangs med pa na/ sangs rgyas bcom ldan 'das tshad med grangs med pa bzhugs shing 'tsho skyong ba dang / chos ston pa de dag gis mkhyen te/ sangs rgyas kyi</font><hr>32.30a<br><font size=+1>

spyan gyis gzigs so/ /thugs su chud do/ /shes rab kyi pha rol du phyin pa stong phrag nyi shu lnga pa/ bam po bzhi bcu gsum pa/ shA ra dwa ti'i bu de la byang chub sems dpa'i theg pa pa'i rigs kyi bu 'am rigs kyi bu mo de dag shes rab kyi pha rol du phyin pa zab mo 'di 'dzin pa dang / 'chang ba dang klog pa dang kun chub par byed pa dang tshul bzhin du yid la byed pa dang / sgom pa dang / de bzhin du nan tan byed pa de dag gis kyang 'di ltar bdag cag ni bla na med pa yang dag par rdzogs pa'i byang chub tu nye bar gyur to zhes bya bar rig par bya'o/ /shA ra dwa ti'i bu gang yang byang chub sems dpa'i theg pa pa'i rigs kyi bu 'am rigs kyi bu mo shes rab kyi pha rol du phyin pa zab mo 'di bris shing glegs bam du byas te 'chang ba de dag kyang shes rab kyi pha rol du phyin pa zab mo 'di la mos pa mang bar 'gyur te/ de dag shes rab kyi pha rol du phyin pa zab mo 'di la me tog dang phreng ba dang spos dang byug pa dang phye ma dang na bza' dang gdugs dang rgyal mtshan dang ba dan mang pos rim gror byed/ bkur stir byed sti stang du byed/ mchod par byed do/ /de ltar rigs kyi bu dang rigs kyi bu mo gang shes rab kyi pha rol du phyin pa zab mo 'di bris shing 'chang ba de dag kyang don che ba dang legs pa che ba dang 'bras bu che ba dang / rnam par smin pa che bar 'gyur te/ shA ra dwa ti'i bu rigs kyi bu dang rigs kyi bu mo de dag ni phyir mi ldog pa'i sa yongs su non gyi bar du dge ba'i rtsa ba des nam yang ngan song du skye bar mi 'gyur ro/ /nam yang sangs rgyas bcom ldan 'das rnams dang bral bar mi 'gyur ro/ /shA ra dwa ti'i bu rigs kyi bu dang rigs kyi bu mo de dag bla na med pa yang dag par rdzogs pa'i byang chub tu mngon par rdzogs par sangs rgyas kyi bar du dge ba'i rtsa ba de nyid kyis pha rol du phyin pa drug dang nam yang bral bar mi 'gyur ro/ /nang stong pa nyid dang nam yang bral bar mi 'gyur ro/ /dngos po med pa'i ngo bo nyid stong pa nyid kyi bar dang nam yang bral bar mi 'gyur ro/ /</font><hr>32.30b<br><font size=+1>

dran pa nye bar gzhag pa rnams dang / yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang 'phags pa'i lam yan lag brgyad pa dang nam yang bral bar mi 'gyur ro/ /'phags pa'i bden pa rnams dang / bsam gtan rnams dang tshad med pa rnams dang / gzugs med pa'i snyoms par 'jug pa rnams dang rnam par thar pa brgyad dang mthar gyis gnas pa'i snyoms par 'jug pa dgu dang stong pa nyid dang mtshan ma med pa dang smon pa med pa dang mngon par shes pa rnams dang / nam yang bral bar mi 'gyur ro/ /ting nge 'dzin rnams dang gzungs kyi sgo rnams dang nam yang bral bar mi 'gyur ro/ /de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad dang nam yang bral bar mi 'gyur ro/ /shA ra dwa ti'i bu shes rab kyi pha rol du phyin pa 'di de bzhin gshegs pa mya ngan las 'das nas/ lho phyogs kyi rgyud na spyod par 'gyur te/ de na byang chub sems dpa'i theg pa pa'i dge slong dang dge slong ma dang dge bsnyen dang dge bsnyen ma dag mos pa dam pas shes rab kyi pha rol du phyin pa zab mo 'di 'bri bar 'gyur/ 'dzin par 'gyur/ 'chang bar 'gyur/ klog par 'gyur/ kun chub par byed par 'gyur/ tshul bzhin du yid la byed par 'gyur te/ me tog dang phreng ba dang spos dang byug pa dang phye ma dang na bza' dang gdugs dang rgyal mtshan dang ba dan mang pos rim gror byed/ bkur stir byed/ sti stang du byed/ mchod par byed par 'gyur ro/ /de dag dge ba'i rtsa ba des nam yang ngan song log par ltung bar mi 'dong ste/ de dag gis lha dang mi'i phun sum tshogs pa myong zhing pha rol du phyin pa drug gis mngon par 'phags par 'gyur ro/ /de dag pha rol</font><hr>32.31a<br><font size=+1>

du phyin pa drug po de dag gis mngon par 'phags par gyur nas/ sangs rgyas bcom ldan 'das rnams la rim gro dang bkur sti dang sti stang dang mchod pa byed cing / nyan thos kyi theg pa 'am/ rang sangs rgyas kyi theg pa 'am/ bla na med pa yang dag par rdzogs pa'i sangs rgyas kyi theg pa 'am/ theg pa gsum pos rim gyis mya ngan las 'da' bar 'gyur ro/ /shA ra dwa ti'i bu de ltar shes rab kyi pha rol du phyin pa zab mo 'di lho phyogs kyi rgyud nas/ yul brta ni na spyod par 'gyur te/ de na yang byang chub sems dpa'i theg pa pa'i dge slong dang / dge slong ma dang / dge bsnyen dang / dge bsnyen ma dag mos pa dam pas shes rab kyi pha rol du phyin pa zab mo 'di 'bri bar 'gyur/ 'dzin par 'gyur/ 'chang bar 'gyur/ klog par 'gyur/ kun chub par byed par 'gyur/ tshul bzhin du yid la byed par 'gyur/ me tog dang / phreng ba dang / spos dang / byug pa dang / phye ma dang na bza' dang gdugs dang rgyal mtshan dang ba dan mang pos rim gror byed/ bkur stir byed sti stang du byed mchod par byed par 'gyur te/ de dag dge ba'i rtsa ba des nam yang ngan song log par ltung bar mi 'dong ste/ de dag gis lha dang mi'i phun sum tshogs pa myong zhing pha rol du phyin pa drug gis mngon par 'phags par 'gyur ro/ /de dag pha rol du phyin pa drug gis mngon par 'phags par gyur nas/ sangs rgyas bcom ldan 'das rnams la rim gro dang bkur sti dang sti stang dang mchod pa byed cing / nyan thos kyi theg pa 'am/ rang sangs rgyas kyi theg pa 'am/ bla na med pa yang dag par rdzogs pa'i sangs rgyas kyi theg pa 'am/ theg pa gsum pos rim gyis mya ngan las 'da' bar 'gyur ro/ /shA ra dwa ti'i bu de ltar shes rab kyi pha rol du phyin pa zab mo 'di yul brta ni nas byang phyogs</font><hr>32.31b<br><font size=+1>

kyi rgyud na spyod par 'gyur te/ de na yang byang chub sems dpa'i theg pa pa'i dge slong dang dge slong ma dang dge bsnyen dang dge bsnyen ma dag mos pa dam pas shes rab kyi pha rol du phyin pa zab mo 'di 'bri bar 'gyur/ 'dzin par 'gyur/ 'chang bar 'gyur/ klog par 'gyur/ kun chub par byed par 'gyur/ tshul bzhin du yid la byed par 'gyur/ me tog dang phreng ba dang spos dang byug pa dang phye ma dang na bza' dang gdugs dang rgyal mtshan dang ba dan mang po dag gis rim gror byed/ bkur stir byed/ sti stang du byed/ mchod par byed par 'gyur te/ de dag dge ba'i rtsa ba des nam yang ngan song log par ltung bar mi 'dong ste/ de dag gis lha dang mi'i phun sum tshogs pa myong zhing pha rol du phyin pa drug gis mngon par 'phags par 'gyur ro/ /de dag pha rol du phyin pa drug po de dag gis mngon par 'phags par gyur nas/ sangs rgyas bcom ldan 'das rnams la rim gro dang / bkur sti dang sti stang dang mchod pa byed cing / nyan thos kyi theg pa 'am/ rang sangs rgyas kyi theg pa 'am/ bla na med pa yang dag par rdzogs pa'i sangs rgyas kyi theg pa 'am/ theg pa gsum pos rim gyis mya ngan las 'da' bar 'gyur ro/ /shA ra dwa ti'i bu de ltar shes rab kyi pha rol du phyin pa zab mo 'di lho phyogs kyi rgyud dang / byang phyogs kyi rgyud na/ phyi ma'i dus phyi ma'i tshe/ lnga brgya tha ma la/ sangs rgyas kyi bya ba byed par 'gyur ro/ /de ci'i phyir zhe na/ shA ra dwa ti'i bu de ni 'di ltar de bzhin gshegs pa'i dgongs pa gang yin pa de ni/ shes rab kyi pha rol du phyin pa'o/ /shes rab kyi pha rol du phyin pa gang yin pa de ni de bzhin gshegs pa'i dgongs pa'o/ /shA ra dwa ti'i bu chos dang 'dul ba dar la bab pa'i tshe/ dam pa'i chos nub par mi 'gyur te/ chos de yang gang zhe na 'di lta ste/ shes rab kyi pha rol du phyin pa 'di'o/ /shA ra dwa ti'i bu rigs kyi bu 'am rigs kyi bu mo gang shes rab kyi pha rol du phyin pa</font><hr>32.32a<br><font size=+1>

zab mo 'di 'dzin pa dang 'chang ba dang klog pa dang kun chub par byed pa dang / tshul bzhin du yid la byed pa dang / de bzhin nyid du nan tan du byed pa de dag la ni ngas dgongs so/ /shA ra dwa ti'i bu rigs kyi bu 'am rigs kyi bu mo gang shes rab kyi pha rol tu phyin pa zab mo 'di 'bri zhing bris nas kyang / me tog dang phreng ba dang spos dang byug pa dang phye ma dang na bza' dang gdugs dang rgyal mtshan dang ba dan mang pos rim gror byed/ bkur stir byed/ sti stang du byed/ mchod par byed pa de dag kyang ngas dgongs te/ shA ra dwa ti'i bu rigs kyi bu 'am rigs kyi bu mo de dag ni dge ba'i rtsa ba des nam yang ngan song log par ltung bar mi 'dong ste/ de dag lha dang mi'i bde ba phun sum tshogs pa myong zhing pha rol tu phyin pa drug gis mngon par 'phags par 'gyur ro/ /de dag pha rol tu phyin pa drug po de dag gis mngon par 'phags par gyur nas/ sangs rgyas bcom ldan 'das rnams la rim gro dang / bkur sti dang sti stang dang mchod pa byed cing / nyan thos kyi theg pa 'am/ rang sangs rgyas kyi theg pa 'am/ bla na med pa yang dag par rdzogs pa'i sangs rgyas kyi theg pa 'am/ theg pa gsum pos rim gyis mya ngan las 'da' bar 'gyur ro/ /de ci'i phyir zhe na/ shA ra dwa ti'i bu rigs kyi bu dang rigs kyi bu mo de dag ni de bzhin gshegs pas sangs rgyas kyi spyan gyis gzigs so/ /shA ra dwa ti'i bu rigs kyi bu dang rigs kyi bu mo de dag ni de bzhin gshegs pas brjod do/ /shA ra dwa ti'i bu rigs kyi bu dang rigs kyi bu mo de dag ni de bzhin gshegs pas bstod do/ /bsngags so/ /shA ra dwa ti'i bu rigs kyi bu dang rigs kyi bu mo de dag ni phyogs bcu'i de bzhin gshegs pa dgra bcom pa yang dag par rdzogs pa'i sangs rgyas bzhugs shing 'tsho skyong ba dang / chos ston pa'i de bzhin</font><hr>32.32b<br><font size=+1>

gshegs pa dgra bcom pa yang dag par rdzogs pa'i sangs rgyas de dag gis kyang sangs rgyas kyi spyan gyis gzigs so/ /rigs kyi bu dang rigs kyi bu mo de dag ni de bzhin gshegs pa dgra bcom pa yang dag par rdzogs pa'i sangs rgyas de dag gis brjod do/ /bstod do/ /bsngags so/ /gsol pa/ bcom ldan 'das shes rab kyi pha rol tu phyin pa zab mo 'di slad ma'i dus slad ma'i tshe na/ byang phyogs su rgyas par 'gyur ro/ /bcom ldan 'das kyis bka' stsal pa/ shA ra dwa ti'i bu de de bzhin no/ /de de bzhin te/ shA ra dwa ti'i bu shes rab kyi pha rol tu phyin pa zab mo 'di phyi ma'i dus phyi ma'i tshe na/ byang phyogs su rgyas par 'gyur te/ de la shA ra dwa ti'i bu phyi ma'i dus phyi ma'i tshe na rigs kyi bu dang rigs kyi bu mo de dag shes rab kyi pha rol tu phyin pa zab mo 'di nyan par 'gyur te/ thos nas kyang mos par 'gyur ro/ /mos par byas nas kyang 'bri ba dang / 'dzin pa dang 'chang ba dang klog pa dang kun chub par byed pa dang / tshul bzhin du yid la byed cing de bzhin nyid du nan tan du byed par 'gyur ro/ /shA ra dwa ti'i bu byang chub sems dpa' sems dpa' chen po gang shes rab kyi pha rol tu phyin pa zab mo 'di nyan cing / thos nas kyang mos par byed pa dang / mos par byas nas 'bri zhing 'dzin pa dang 'chang zhing klog pa dang kun chub par byed cing tshul bzhin du yid la byed pa dang / de bzhin nyid du nan tan du byed pa de dag ni yun ring po nas theg pa la yang dag par zhugs pa dang / sangs rgyas mang po la bsnyen bkur ba dang / dge ba'i bshes gnyen gyis yongs su bzung ba dang / dge ba'i rtsa ba bskyed par rig par bya'o/ /gsol pa bcom ldan 'das slad ma'i dus slad ma'i tshe na/ byang gi phyogs cha der byang chub sems dpa'i theg pa pa'i rigs kyi bu dang rigs kyi bu mo gang shes rab kyi pha rol tu phyin pa zab mo</font><hr>32.33a<br><font size=+1>

'di nyan cing thos nas mos par bgyid pa dang / mos par bgyis nas 'bri zhing 'dzin pa dang 'chang zhing klog pa dang kun chub par bgyid cing tshul bzhin du yid la bgyid pa dang / de bzhin nyid du nan tan du bgyid pa de lta bu ji snyed gcig 'byung bar 'gyur/ bcom ldan 'das kyis bka' stsal pa/ shA ra dwa ti'i bu phyi ma'i dus phyi ma'i tshe na/ byang gi phyogs cha der byang chub sems dpa'i theg pa pa'i rigs kyi bu dang rigs kyi bu mo ni mang du 'byung ste/ shA ra dwa ti'i bu byang chub sems dpa'i theg pa pa'i rigs kyi bu dang rigs kyi bu mo shes rab kyi pha rol tu phyin pa zab mo 'di bstan pa'i tshe/ mi 'jum yongs su mi 'jum mi 'jigs mi sngang skrag par mi 'gyur ba de lta bu ni mang ngo / /de ci'i phyir zhe na/ rigs kyi bu dang rigs kyi bu mo de dag gis de bzhin gshegs pa dgra bcom pa yang dag par rdzogs pa'i sangs rgyas mang po'i rjes su 'brangs pa dang / rigs kyi bu dang rigs kyi bu mo de dag gis de bzhin gshegs pa dgra bcom pa yang dag par rdzogs pa'i sangs rgyas mang po la yongs su zhus/ yongs su dris pa'i phyir te/ de yang ci'i phyir zhe na/ rigs kyi bu dang rigs kyi bu mo de dag ni shes rab kyi pha rol tu phyin pa yongs su rdzogs par 'gyur ro/ /rigs kyi bu dang rigs kyi bu mo de dag ni bsam gtan gyi pha rol tu phyin pa dang / brtson 'grus kyi pha rol tu phyin pa dang / bzod pa'i pha rol tu phyin pa dang / tshul khrims kyi pha rol tu phyin pa dang / sbyin pa'i pha rol du phyin pa yongs su rdzogs par 'gyur ro/ /rigs kyi bu dang rigs kyi bu mo de dag ni nang stong pa nyid yongs su rdzogs par 'gyur ro/ /rigs kyi bu dang rigs kyi bu mo de dag ni dngos po med pa'i ngo bo nyid stong pa nyid kyi bar du yongs su rdzogs par 'gyur ro/ /rigs kyi bu dang rigs kyi</font><hr>32.33b<br><font size=+1>

bu mo de dag ni dran pa nye bar bzhag pa yongs su rdzogs par 'gyur ro/ /rigs kyi bu dang rigs kyi bu mo de dag ni yang dag par spong ba dang / rdzu 'phrul gyi rkang pa dang / dbang po dang stobs dang byang chub kyi yan lag dang 'phags pa'i lam yan lag brgyad pa yongs su rdzogs par 'gyur ro/ /rigs kyi bu dang rigs kyi bu mo de dag ni 'phags pa'i bden pa dang bsam gtan dang tshad med pa dang gzugs med pa'i snyoms par 'jug pa dang rnam par thar pa brgyad dang mthar gyis gnas pa'i snyoms par 'jug pa dgu dang stong pa nyid dang / mtshan ma med pa dang smon pa med pa dang mngon par shes pa yongs su rdzogs par 'gyur ro/ /rigs kyi bu dang rigs kyi bu mo de dag ni ting nge 'dzin dang gzungs kyi sgo yongs su rdzogs par 'gyur ro/ /rigs kyi bu dang rigs kyi bu mo de dag ni de bzhin gshegs pa'i stobs bcu dang mi 'jigs pa bzhi dang so so yang dag par rig pa bzhi dang / sangs rgyas kyi chos ma 'dres pa bcwa brgyad yongs su rdzogs par 'gyur ro/ /shA ra dwa ti'i bu rigs kyi bu dang rigs kyi bu mo de dag ni dge ba'i rtsa bas nye bar brtan par 'gyur te/ bla na med pa yang dag par rdzogs pa'i byang chub kyi don du skye bo mang po'i don byed par 'gyur ro/ /de ci'i phyir zhe na/ de ni 'di ltar shA ra dwa ti'i bu rigs kyi bu dang rigs kyi bu mo de dag la ni ngas rnam pa thams cad mkhyen pa nyid dang ldan pa'i gtam brjod do/ /'das pa'i dus na de bzhin gshegs pa dgra bcom pa yang dag par rdzogs pa'i sangs rgyas gang ji snyed cig byung ba'i sangs rgyas bcom ldan 'das de dag gis kyang / rigs kyi bu dang rigs kyi bu mo de dag la rnam pa thams cad mkhyen pa nyid dang ldan pa'i gtam brjod de/ de dag tshe 'das nas kyang 'di lta ste/ bla na med pa yang dag par rdzogs pa'i byang chub nyid kyi don du sbyod pa nyid tu 'gyur te de dag gzhan la yang 'di lta ste/ bla na</font><hr>32.34a<br><font size=+1>

med pa yang dag par rdzogs pa'i byang chub kyi don du rnam pa de lta bu nyid brjod par 'gyur ro/ /shA ra dwa ti'i bu rigs kyi bu dang rigs kyi bu mo de dag ni mnyam par bzhag par 'gyur te/ de dag ni bdud dam bdud kyi rigs kyi lha rnams kyis kyang / bla na med pa yang dag par rdzogs pa'i byang chub las bzlog par mi nus na/ sdig to la mos pa dang / sdig to'i spyod pa can shes rab kyi pha rol tu phyin pa zab mo 'di la spong ba gzhan gyis lta ci smos/ shA ra dwa ti'i bu byang chub sems dpa'i theg pa pa'i rigs kyi bu dang rigs kyi bu mo de dag ni shes rab kyi pha rol du phyin pa zab mo 'di thos nas/ dga' zhing nyams bde ba rgya chen po skye bar 'gyur ro/ /bla na med pa yang dag par rdzogs pa'i byang chub kyi don du skye bo mang po yang dge ba'i chos la 'god par 'gyur ro/ /rigs kyi bu dang rigs kyi bu mo de dag gis ni nga'i mdun du 'di skad du/ bcom ldan 'das bdag cag byang chub sems dpa'i spyad pa spyod pa'i tshe/ srog chags brgya phrag mang po dang srog chags stong phrag mang po dang / srog chags brgya stong phrag mang po byang chub tu rab tu dgod par bgyi'o/ /yang dag par bstan par bgyi'o/ /yang dag par bskul bar bgyi'o/ /yang dag par gzeng bstod par bgyi'o/ /yang dag par dga' bar bgyi'o/ /phyir mi ldog par lung bstan par bgyi'o zhes bya ba'i tshig smras so/ /de ci'i phyir zhe na/ shA ra dwa ti'i bu rigs kyi bu dang rigs kyi bu mo de dag gi tshig ni/ sems la sems kyis rnam par bltas te ngas rjes su dgyes pa mdzad do/ /shA ra dwa ti'i bu 'das pa'i de bzhin gshegs pa dgra bcom pa yang dag par rdzogs pa'i sangs rgyas rnams kyi spyan sngar yang / rigs kyi bu dang rigs kyi bu mo de dag gis 'di skad du/ bdag cag byang chub sems dpa'i spyad pa spyod pa'i tshe/ srog chags brgya phrag mang po dang / srog chags stong phrag mang po dang / srog chags brgya stong phrag mang po byang chub tu dgod par bgyi'o/ /yang dag par bstan par bgyi'o/ /yang dag par bskul bar bgyi'o/ /yang dag par gzeng</font><hr>32.34b<br><font size=+1>

bstod par bgyi'o/ /yang dag par dga' bar bgyi'o/ /phyir mi ldog par lung bstan par bgyi'o zhes bya ba'i tshig smras so/ /de ci'i phyir zhe na/ 'das pa'i de bzhin gshegs pa dgra bcom pa yang dag par rdzogs pa'i sangs rgyas de dag gis kyang rigs kyi bu dang rigs kyi bu mo de dag gi tshig ni/ sems la thugs kyis rnam par gzigs te/ rjes su dgyes par mdzad do/ /shA ra dwa ti'i bu rigs kyi bu dang rigs kyi bu mo de dag byang chub sems dpa'i spyad pa spyod pa'i tshe/ srog chags brgya phrag mang po dang / srog chags stong phrag mang po dang / srog chags brgya stong phrag mang po bla na med pa yang dag par rdzogs pa'i byang chub tu rab tu 'god par 'gyur/ yang dag par ston par 'gyur/ yang dag par skul bar 'gyur/ yang dag par gzeng bstod par 'gyur/ yang dag par dga' bar byed par 'gyur/ phyir mi ldog par lung ston par 'gyur ro/ /shA ra dwa ti'i bu rigs kyi bu dang rigs kyi bu mo de dag ni gzugs dang sgra dang dri dang ro dang reg la mos pa rlabs po cher 'gyur te/ de dag sbyin pa rlabs po che gtong bar 'gyur/ sbyin pa rlabs po che gtong zhing dge ba'i rtsa ba rlabs po che mngon par 'du byed par 'gyur ro/ /de dag dge ba'i rtsa ba rlabs po che mngon par 'du byas nas/ rnam par smin pa rlabs po che yongs su 'dzin par 'gyur ro/ /de dag rnam par smin pa rlabs po che yongs su bzung nas/ sems can de dag nyid kyi don du rnam par smin pa rlabs po che las de bas kyang ches rlabs che ba'i rnam par smin pa yongs su 'dzin par 'gyur ro/ /de ltar phyi 'am nang gi dngos po de dag kyang sems can de dag nyid la yongs su gtong bar 'gyur te/ de dag dge ba'i rtsa ba de nyid kyis/ sangs rgyas kyi zhing gzhan gang na/ de bzhin gshegs pa dgra bcom pa yang dag par rdzogs pa'i sangs rgyas bzhugs shing 'tsho skyong ba dang / 'di lta ste/ shes rab kyi pha rol du phyin pa zab mo 'di nyid kyi chos ston pa mngon du gyur pa de lta bu'i sangs rgyas kyi zhing dag pa la brten par 'gyur ro/ /de dag</font><hr>32.35a<br><font size=+1>

gi de bzhin gshegs pa dgra bcom pa yang dag par rdzogs pa'i sangs rgyas de rnams las/ shes rab kyi pha rol tu phyin pa zab mo 'di mngon sum du thos nas/ sangs rgyas kyi zhing de dag du'ang srog chags brgya phrag mang po dang / srog chags stong phrag mang po dang / srog chags brgya stong phrag mang po bla na med pa yang dag par rdzogs pa'i byang chub tu yang dag par ston par 'gyur ro/ /yang dag par skul bar 'gyur ro/ /yang dag par gzeng bstod par 'gyur ro/ /yang dag par dga' bar byed par 'gyur ro/ /gsol pa/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyis 'das pa dang / ma 'ongs pa dang da ltar byung ba'i chos rnams las/ chos gang thugs su ma chud pa de lta bu gang yang ma mchis la/ de bzhin nyid dang / chos nyid gang thugs su ma chud pa de lta bu gang yang ma mchis te/ sems can rnams kyi sems thugs su ma chud pa de lta bu gang yang ma mchis pa ni ngo mtshar che ste/ 'di ltar 'das pa'i de bzhin gshegs pa rnams kyi byang chub sems dpa' rnams kyang yongs su mkhyen to/ /'das pa'i de bzhin gshegs pa rnams kyang yongs su mkhyen to/ /'das pa'i de bzhin gshegs pa rnams kyi sangs rgyas kyi zhing dang / nyan thos rnams kyang yongs su mkhyen to/ /ma byon pa'i de bzhin gshegs pa rnams kyi byang chub sems dpa' rnams kyang yongs su mkhyen to/ /ma byon pa'i de bzhin gshegs pa rnams kyi sangs rgyas kyi zhing dang / nyan thos rnams kyang yongs su mkhyen to/ /da ltar byung ba'i de bzhin gshegs pa rnams kyi byang chub sems dpa' rnams kyang yongs su mkhyen to/ /da ltar byung ba'i de bzhin gshegs pa rnams kyi sangs rgyas kyi zhing dang / nyan thos rnams kyang yongs su mkhyen to/ /phyogs bcu'i 'jig rten gyi khams na de bzhin gshegs pa dgra bcom pa yang dag par rdzogs pa'i sangs rgyas gang ji snyed cig bzhugs shing 'tsho skyong ba dang / chos ston pa'i de bzhin gshegs pa dgra bcom pa yang dag par</font><hr>32.35b<br><font size=+1>

rdzogs pa'i sangs rgyas de dag gi byang chub sems dpa' rnams kyang yongs su mkhyen to/ /sangs rgyas kyi zhing dang / nyan thos rnams kyang yongs su mkhyen to/ /bcom ldan 'das gang yang byang chub sems dpa' sems dpa' chen po pha rol du phyin pa drug po 'di dag gi slad du brtson par bgyid cing / pha rol du phyin pa drug po 'di dag tshol ba dang / yongs su tshol ba'i tshe/ rigs kyi bu dang rigs kyi bu mo pha rol tu phyin pa drug po 'di dag tshol ba dang / yongs su tshol ba las kyang / la las ni btsal ba las pha rol tu phyin pa drug po 'di dag thob par 'gyur/ la las ni thob par mi 'gyur ro/ /bcom ldan 'das kyis bka' stsal pa/ shA ra dwa ti'i bu de ni de lta ma yin te/ rigs kyi bu dang rigs kyi bu mo brtson 'grus mi gtong ba de dag kun gyis kyang pha rol tu phyin pa drug po 'di dag thams cad 'grub par 'gyur ro/ /de ci'i phyir zhe na/ shA ra dwa ti'i bu de ni 'di ltar rigs kyi bu dang rigs kyi bu mo de dag pha rol tu phyin pa drug po 'di dag gi don du brtson par byed pa'i phyir ro/ /gsol pa/ ci lags bcom ldan 'das rigs kyi bu dang rigs kyi bu mo de dag gis mdo sde zab mo zab mo pha rol du phyin pa drug dang ldan pa 'di dag kun kyang 'grub par 'gyur ram/ bcom ldan 'das kyis bka' stsal pa/ shA ra dwa ti'i bu rigs kyi bu dang rigs kyi bu mo de dag gis mdo sde zab mo zab mo pha rol du phyin pa drug dang ldan pa 'di dag mi 'grub par 'gyur ba de lta bu'i gnas med/ skabs med do/ /de ci'i phyir zhe na/ shA ra dwa ti'i bu de ltar bla na med pa yang dag par rdzogs pa'i byang chub tu sems can rnams yang dag par ston cing yang dag par skul ba dang / yang dag par gzeng bstod pa dang / yang dag par dga' bar byed pa dang / 'god cing rab tu gzhog pa las kyang de bzhin du 'gyur te/ shA ra dwa ti'i bu rigs kyi bu dang rigs kyi bu mo de dag tshe 'das nas kyang pha rol du phyin pa drug po 'di dag 'grub par 'gyur ro/ /de dag ni nam yang sangs rgyas kyi zhing yongs</font><hr>32.36a<br><font size=+1>

su dag par ma byas/ sems can yongs su smin par ma byas/ bla na med pa yang dag par rdzogs pa'i byang chub tu mngon par rdzogs par sangs rgyas par ma gyur gyi bar du ji skad du bstan pa'i pha rol du phyin pa drug po de dag las brtson 'grus nyams par mi byed do/ /shes rab kyi pha rol du phyin pa stong phrag nyi shu lnga pa las/ le'u sum bcu pa'o// // de nas tshe dang ldan pa rab 'byor gyis/ bcom ldan 'das la 'di skad ces gsol to/ /bcom ldan 'das rigs kyi bu dang rigs kyi bu mo gang bla na med pa yang dag par rdzogs pa'i byang chub tu zhugs pa/ pha rol du phyin pa drug la spyod pa/ sems can yongs su smin par bgyid pa/ sangs rgyas kyi zhing yongs su 'dzin pa de dag gi yon tan yongs su brjod pa ni 'di dag lags na/ bcom ldan 'das rigs kyi bu dang rigs kyi bu mo bla na med pa yang dag par rdzogs pa'i byang chub tu spyod pa de dag la bar chad tu 'gyur ba ji lta bu dag mchis/ bcom ldan 'das kyis bka' stsal pa/ rab 'byor spobs pa ha cang 'phyi ste skye na/ rab 'byor de ni byang chub sems dpa' sems dpa' chen pos bdud kyi las su rig par bya'o/ /gsol pa/ bcom ldan 'das ci'i slad tu spobs pa ha cang 'phyi ste skye bar 'gyur/ de ni ci'i slad du byang chub sems dpa' sems dpa' chen pos bdud kyi las su rig par bgyi/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po shes rab kyi pha rol du phyin pa la spyod pa'i tshe/ shes rab kyi pha rol du phyin pa dka' bar yongs su rdzogs par byed/ bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa dka' bar yongs su rdzogs par byed na/ </font><hr>32.36b<br><font size=+1>

rab 'byor rnam grangs des shin du 'phyi ste spobs pa skye bar 'gyur ro/ /de ni byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang shin du myur bar spobs pa skye na/ de ni byang chub sems dpa' sems dpa' chen pos bdud kyi las su rig par bya'o/ /gsol pa/ bcom ldan 'das ci'i slad du shin du myur bar spobs pa skye bar 'gyur/ de ni ci'i slad du byang chub sems dpa' sems dpa' chen pos bdud kyi las su rig par bgyi/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po sbyin pa'i pha rol tu phyin pa la spyod pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol tu phyin pa dang / shes rab kyi pha rol tu phyin pa la spyod pa'i tshe/ thabs mi mkhas pas/ ha cang myur bar spobs pa skye la/ des rlom sems su byed na/ rab 'byor rnam grangs des spobs pa ha cang myur bar skye ba ste/ byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang glal zhing shes rab kyi pha rol du phyin pa 'di 'dri na/ de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang dgod cing 'dri na/ de yang byang chub sems dpa' sems dpa' chen pos bdud kyi las su rig par bya'o/ /rab 'byor phan tshun steg cing 'dri na/ de yang byang chub sems dpa' sems dpa' chen pos bdud kyi las su rig par bya'o/ /sems g.yengs shing 'dri na/ de yang byang chub sems dpa' sems dpa' chen pos bdud kyi las su rig par bya'o/ /yi ge gzhan la chags shing tshig gi don mi shes par 'dri na/ de yang byang chub sems dpa' sems dpa' chen pos bdud kyi las su</font><hr>32.37a<br><font size=+1>

rig par bya'o/ /'di'i ro ma myong nas stan las langs te 'gro na/ de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang glal zhing lung 'bog na/ de yang byang chub sems dpa' sems dpa' chen pos bdud kyi las su rig par bya'o/ /glal zhing kha ton byed dam 'dzin tam klog gam ston tam glal zhing tshul bzhin du yid la byed na/ de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang phan tshun dgod cing 'dzin tam/ 'chang ngam klog gam kun chub par byed dam/ tshul bzhin du yid la byed na/ de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang phan tshun steg cing 'dzin tam/ 'chang ngam klog gam kun chub par byed dam/ tshul bzhin du yid la byed na/ de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang sems g.yeng bas 'dzin tam 'chang ngam klog gam kun chub par byed dam/ tshul bzhin du yid la byed na/ de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang yi ge gzhan dang gzhan la chags shing 'dzin tam/ 'chang ngam klog gam kun chub par byed dam/ tshul bzhin du yid la byed na/ de yang byang chub sems dpa' sems dpa' chen pos bdud kyi las su rig par bya'o/ /de skad ces bka' stsal pa dang / tshe dang ldan pa rab 'byor gyis/ bcom ldan 'das la 'di skad ces gsol to/ /bcom ldan 'das kyis gang 'di skad du/ 'di'i ro ma myong nas stan las langs te 'gro na/ de yang byang chub sems dpa' sems dpa' chen pos bdud kyi las su rig par bya'o/ /zhes bka' stsal na/ bcom ldan 'das ci'i slad du 'di'i ro mi myong bar 'gyur/ bcom ldan 'das kyis bka' stsal pa/ rab 'byor de ni</font><hr>32.37b<br><font size=+1>

'di ltar byang chub sems dpa' sems dpa' chen po sngon shes rab kyi pha rol tu phyin pa dang / bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol tu phyin pa dang / tshul khrims kyi pha rol tu phyin pa dang / sbyin pa'i pha rol du phyin pa la ma spyad pa de dag shes rab kyi pha rol du phyin pa zab mo 'di bstan pa'i tshe/ shes rab kyi pha rol du phyin pa 'di las bdag cag lung ma bstan to zhes ma dad pa'i yid kyis stan las langs shing 'dong ste/ rab 'byor de yang byang chub sems dpa' sems dpa' chen pos bdud kyi las su rig par bya'o/ /gsol pa/ bcom ldan 'das ci'i slad du/ shes rab kyi pha rol du phyin pa las lung ma bstan pa de dag stan las langs shing mchi bar 'gyur/ bcom ldan 'das kyis bka' stsal pa/ rab 'byor byang chub sems dpa' sems dpa' chen po skyon med par ma chud pa ni/ bla na med pa yang dag par rdzogs pa'i byang chub tu lung mi bstan te/ de la bdag ni shes rab kyi pha rol du phyin pa 'di las mi 'byung ngo / /bdag gi ming yang yongs su ma brjod do/ /zhes dad par mi 'gyur na/ rab 'byor de yang byang chub sems dpa' sems dpa' chen pos bdud kyi las su rig par bya'o/ /gsol pa/ bcom ldan 'das ci'i slad du/ shes rab kyi pha rol du phyin pa zab mo 'di las/ byang chub sems dpa' sems dpa' chen po de dag gi ming yongs su ma brjod pa lags/ bcom ldan 'das kyis bka' stsal pa/ rab 'byor byang chub sems dpa' sems dpa' chen po lung ma bstan pa rnams kyi ming ni yongs su mi brjod de/ de la bdag gi ming yang 'di las mi 'byung / bdag gang du skyes pa'i grong ngam/ grong khyer ram/ grong rdal gyi ming yang mi 'byung ngo zhes/ de shes rab kyi pha rol du phyin pa mi mnyan to snyam byed cing / 'khor de nas 'gro bar sems na/ sems bskyed pa des ji lta ji ltar 'gro bar sems shing / gom pa ji snyed gcig bor ba de snyed kyi bskal pa yongs su 'dzin par 'gyur te/ de dag la gzod brtson par bya dgos so/ /de shes rab kyi pha rol du</font><hr>32.38a<br><font size=+1>

phyin pa bor zhing / mdo sde gang rnam pa thams cad mkhyen pa nyid kyi ye shes yongs su mi sgrub pa de dag kun chub par bya bar sems te/ des na byang chub sems dpa'i theg pa pa'i rigs kyi bu dang rigs kyi bu mo de dag rnam pa thams cad mkhyen pa nyid kyi shing gi rtsa ba spangs te/ de nyid kyi yal ga dang 'dab ma dang lo ma la 'ju bar sems par gyur pa dag ste/ rab 'byor de yang byang chub sems dpa' sems dpa' chen pos bdud kyi las su rig par bya'o/ /gsol pa/ bcom ldan 'das rnam pa thams cad mkhyen pa nyid kyi ye shes yongs su mi sgrub pa'i mdo sde kun chub par bgyi bar sems par 'gyur ba de dag gang lags/ bcom ldan 'das kyis bka' stsal pa/ mdo sde gang nyan thos dang ldan pa 'am/ rang sangs rgyas dang ldan pa de dag ste/ 'di ltar dran pa nye bar bzhag pa bzhi dang yang dag par spong ba bzhi dang rdzu 'phrul gyi rkang pa bzhi dang dbang po lnga dang stobs lnga dang / byang chub kyi yan lag bdun dang 'phags pa'i lam yan lag brgyad pa dang rnam par thar pa'i sgo stong pa nyid dang mtshan ma med pa dang smon pa med pa ste/ de dag la gnas shing rigs kyi bu dang rigs kyi bu mo dag rgyun du zhugs pa'i 'bras bu 'thob pa dang / lan gcig phyir 'ong ba'i 'bras bu dang phyir mi 'ong ba'i 'bras bu dang / dgra bcom pa nyid 'thob pa dang / rang byang chub 'thob par 'gyur gyi/ bla na med pa yang dag par rdzogs pa'i byang chub 'thob par mi 'gyur ba ste/ rab 'byor de dag ni nyan thos dang / rang sangs rgyas dang ldan pa'i mdo sde gang la shes rab kyi pha rol du phyin pa bor zhing / kun chub par bya bar sems pa ste/ rnam pa thams cad mkhyen pa nyid kyi ye shes yongs su mi sgrub pa'o/ /de ci'i phyir zhe na/ rab 'byor byang chub sems dpa' sems dpa' chen po shes rab kyi pha rol du phyin pa las byung ba ni/ 'jig rten pa dang 'jig rten las 'das pa'i chos kyis 'byung bar 'gyur te/ rab 'byor shes rab kyi pha</font><hr>32.38b<br><font size=+1>

rol du phyin pa la slob pa'i byang chub sems dpa' sems dpa' chen po rnams ni 'jig rten pa dang / 'jig rten las 'das pa'i chos rnams la slob pa yin no/ /rab 'byor 'di lta ste dper na/ khyi la la zhig rje bo'i zan nar ma bor te/ las mi las zan btsal bar sems pa dang 'dra bar de bzhin du/ rab 'byor ma 'ongs pa'i dus na byang chub sems dpa'i theg pa pa'i rigs kyi bu dang rigs kyi bu mo shes rab kyi pha rol tu phyin pa zab mo sangs rgyas kyi chos thams cad kyi rtsa bar gyur pa 'di bor te/ yal ga dang lo ma dang / 'dab ma lta bu'i mdo sde nyan thos dang / rang sangs rgyas dang ldan pa dag la brten par sems pa 'byung ste/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang ma 'ongs pa'i dus na byang chub sems dpa'i theg pa pa'i rigs kyi bu dang rigs kyi bu mo gang shes rab kyi pha rol du phyin pa zab mo 'di bor nas/ khe dang bkur sti'i phyir nyan thos dang / rang sangs rgyas dang ldan pa'i mdo sde rnams kun chub par bya bar sems pa 'byung ste/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor 'di lta ste dper na/ mi la la zhig glang po 'dod la/ des glang po rnyed kyang / glang po'i rjes btsal bar sems pa yod na/ rab 'byor de ji snyam du sems/ skyes bu de mkhas pa'i ngang tshul can yin nam/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor de bzhin du/ byang chub sems dpa'i theg pa pa'i gang zag gang shes rab kyi pha rol du phyin pa zab mo 'di bor zhing mdo sde gang nyan thos dang / rang sangs rgyas dang ldan pa de dag btsal bar sems pa dag kyang dpe de dang 'dra bar rig par bya ste/ rab 'byor de yang</font><hr>32.39a<br><font size=+1>

byang chub sems dpa' sems dpa' chen pos bdud kyi las su rig par bya'o/ /rab 'byor 'di lta ste dper na/ mi zhig rgya mtsho chen po blta bar 'dod la/ ba lang gi rjes btsal bar sems shing / des ba lang gi rmig rjes mthong nas kyang 'di snyam du/ rgya mtsho chen po'i tshad 'di dang mnyam 'am/ mi mnyam snyam na/ rab 'byor de ji snyam du sems/ skyes bu de mkhas pa'i ngang tshul can yin nam/ gsol pa/ bcom ldan 'das de ni ma lags so/ /bde bar gshegs pa de ni ma lags so/ /bcom ldan 'das kyis bka' stsal pa/ rab 'byor de bzhin du byang chub sems dpa'i theg pa pa'i rigs kyi bu dang rigs kyi bu mo gang gis shes rab kyi pha rol du phyin pa zab mo 'di thos shing rnyed kyang / shes rab kyi pha rol du phyin pa zab mo 'di bor zhing spangs te/ nyan thos dang / rang sangs rgyas dang ldan pa'i mdo sde dag bzung ba dang / kun chub par bya bar sems pa de dag kyang rnam pa de ltar rig par bya ste/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor 'di lta ste dper na/ phywa mkhan nam phywa mkhan gyi slob ma rnam par rgyal ba'i khang pa'i tshad du khang pa zhig dbub cing bslang bar 'dod de/ nyi ma dang zla ba'i gzhal med khang yongs su btsal bar sems shing / nyi ma dang zla ba'i gzhal med khang las tshad blang bar sems na/ rab 'byor de ji snyam du sems/ skyes bu des nyi ma dang zla ba'i gzhal med khang gi tshad kyis rnam par rgyal ba'i khang pa'i tshad dang dpe tshul bzung ste/ de dang 'dra ba'i khang pa dbub par nus sam/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor de ji snyam du sems/ phywa mkhan nam phywa mkhan gyi slob ma de mkhas pa'i ngang tshul can</font><hr>32.39b<br><font size=+1>

yin nam/ gsol pa/ bcom ldan 'das skyes bu de ni byis pa'i ngang tshul can du rig par bgyi ste/ mkhas pa'i ngang tshul can ma lags so/ /bcom ldan 'das kyis bka' stsal pa/ rab 'byor de bzhin du ma 'ongs pa'i dus na/ byang chub sems dpa'i theg pa pa'i rigs kyi bu dang rigs kyi bu mo la la shes rab kyi pha rol du phyin pa zab mo 'di thos shing rnyed nas kyang / shes rab kyi pha rol du phyin pa zab mo 'di bor zhing spangs te/ nyan thos dang / rang sangs rgyas dang ldan pa'i mdo sde dag las rnam pa thams cad mkhyen pa nyid yongs su btsal bar sems pa 'byung na/ rab 'byor de la ji snyam du sems/ byang chub sems dpa'i theg pa pa'i rigs kyi bu dang / rigs kyi bu mo de dag mkhas pa'i ngang tshul can yin nam/ gsol pa/ bcom ldan 'das de ni ma lags so/ /bde bar gshegs pa de ni ma lags so/ /bcom ldan 'das kyis bka' stsal pa/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor 'di lta ste dper na/ skyes bu la la zhig 'khor los bsgyur ba'i rgyal po mthong bar 'dod la/ des khams kyi rgyal phran mthong nas 'di snyam du 'khor los bsgyur ba'i rgyal po kha dog dang dbyibs ci 'dra ba zhig yod ces/ des khams kyi rgyal phran mthong ba'i kha dog dang / dbyibs kyi mtshan ma gzung bar bsams te/ 'di skad du 'khor los bsgyur ba'i rgyal po de'i kha dog dang / dbyibs dang tshul dang mtshan ma yang / sa'i bdag po 'di 'dra ba zhig yod grang zhes zer na/ rab 'byor de ji snyam du sems/ skyes bu de mkhas pa'i ngang tshul can yin nam/ gsol pa/ bcom ldan 'das de ni ma lags so/ /bde bar gshegs pa de ni ma lags so/ /bcom ldan 'das kyis bka' stsal pa/ rab 'byor de bzhin du ma 'ongs pa'i dus na/ byang chub sems dpa'i theg pa pa'i rigs kyi bu 'am rigs kyi bu mo gang la la shes rab kyi pha rol du phyin pa zab mo 'di thos shing rnyed</font><hr>32.40a<br><font size=+1>

nas kyang shes rab kyi pha rol tu phyin pa zab mo 'di bor zhing spangs te/ nyan thos dang / rang sangs rgyas dang ldan pa'i mdo sde dag las/ rnam pa thams cad mkhyen pa nyid yongs su btsal bar sems pa 'byung na/ rab 'byor de ji snyam du sems/ byang chub sems dpa'i theg pa pa'i rigs kyi bu dang / rigs kyi bu mo de dag mkhas pa'i ngang tshul can yin nam/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor 'di lta ste dper na/ skyes bu shin tu bkres pa la la zhig gis/ ro brgya dang ldan pa'i kha zas rnyed kyang / drug bcu pa'i kha zas btsal bar sems shing / des kha zas ro brgya dang ldan pa de bor nas/ drug bcu pa'i kha zas la bza' bar bsams na/ rab 'byor de ji snyam du sems/ skyes bu de mkhas pa'i ngang tshul can yin nam/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor de bzhin du ma 'ongs pa'i dus na/ byang chub sems dpa'i theg pa pa'i rigs kyi bu 'am rigs kyi bu mo de dag shes rab kyi pha rol du phyin pa zab mo 'di thos shing rnyed nas kyang / shes rab kyi pha rol du phyin pa zab mo 'di bor zhing spangs te/ nyan thos dang / rang sangs rgyas dang ldan pa'i mdo sde dag las/ rnam pa thams cad mkhyen pa nyid yongs su btsal bar sems pa byung na/ rab 'byor de ji snyam du sems/ byang chub sems dpa'i theg pa pa'i rigs kyi bu dang rigs kyi bu mo de dag mkhas pa'i ngang tshul can yin nam/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor 'di lta ste</font><hr>32.40b<br><font size=+1>

dper na/ skyes bu la la zhig gis nor bu rin po che rin thang med pa rnyed nas/ nor bu mching bu dang bsgrun par bsams na/ rab 'byor de ji snyam du sems/ skyes bu de mkhas pa'i ngang tshul can yin nam/ gsol pa/ bcom ldan 'das de ni ma lags so/ /bde bar gshegs pa de ni ma lags so/ /bcom ldan 'das kyis bka' stsal pa/ rab 'byor de bzhin du ma 'ongs pa'i dus na/ byang chub sems dpa'i theg pa pa'i rigs kyi bu dang rigs kyi bu mo gang la la shes rab kyi pha rol du phyin pa zab mo 'di thos shing rnyed nas kyang / shes rab kyi pha rol du phyin pa zab mo bor zhing spangs te/ nyan thos dang / rang sangs rgyas dang ldan pa'i mdo sde dag las/ rnam pa thams cad mkhyen pa nyid yongs su btsal bar sems pa 'byung na/ rab 'byor de ji snyam du sems/ byang chub sems dpa'i theg pa pa'i rigs kyi bu dang rigs kyi bu mo de dag mkhas pa'i ngang tshul can yin nam/ gsol pa/ bcom ldan 'das de ni ma lags so/ /bde bar gshegs pa de ni ma lags so/ bcom ldan 'das kyis bka' stsal pa/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang rigs kyi bu dang rigs kyi bu mo de dag shes rab kyi pha rol du phyin pa zab mo 'di 'dri ba'i tshe/ spobs pa mang po gang gis shes rab kyi pha rol du phyin pa zab mo 'di 'dri ba'i dkrugs mar 'gyur ba de lta bu skye bar 'gyur ba 'di ltar/ gzugs kyi spobs pa dang / sgra dang dri dang ro dang reg dang chos kyi spobs pa dang / sbyin pa'i spobs pa dang / tshul khrims dang bzod pa dang brtson 'grus dang bsam gtan dang shes rab kyi spobs pa dang / 'dod pa'i khams kyi spobs pa dang / gzugs kyi khams kyi spobs pa dang / gzugs med pa'i khams kyi spobs pa dang / lung dbog pa dang / kha ton du bya ba'i spobs pa dang / rim gror bya ba'i spobs pa dang / dran pa nye bar gzhag pa'i spobs pa dang / yang dag par spong ba dang / rdzu 'phrul gyi rkang pa dang dbang po</font><hr>32.41a<br><font size=+1>

dang stobs dang byang chub kyi yan lag dang lam gyi spobs pa dang bsam gtan dang rnam par thar pa dang ting nge 'dzin dang snyoms par 'jug pa'i spobs pa dang / nang stong pa nyid kyi spobs pa dang / dngos po med pa'i ngo bo nyid stong pa nyid kyi bar gyi spobs pa dang / sbyin pa'i pha rol du phyin pa'i spobs pa dang / tshul khrims kyi pha rol du phyin pa dang bzod pa'i pha rol du phyin pa dang /[ ]brtson 'grus kyi pha rol du phyin pa dang / bsam gtan gyi pha rol du phyin pa dang shes rab kyi pha rol du phyin pa'i spobs pa dang / stobs dang mi 'jigs pa dang so so yang dag par rig pa dang / sangs rgyas kyi chos ma 'dres pa'i spobs pa dang / bla na med pa yang dag par rdzogs pa'i byang chub kyi bar gyi spobs pa skye bar 'gyur ro/ /de ci'i phyir zhe na/ rab 'byor shes rab kyi pha rol du phyin pa ni spobs pa med pas rnam par byang ba'o/ /rab 'byor shes rab kyi pha rol tu phyin pa ni bsam gyis mi khyab pa'o/ /rab 'byor shes rab kyi pha rol du phyin pa ni sems med pa'o/ /rab 'byor shes rab kyi pha rol du phyin pa ni skye ba med cing 'gag pa med pa'o/ /rab 'byor shes rab kyi pha rol tu phyin pa ni kun nas nyon mongs pa med cing rnam par byang ba med pa'o/ /rab 'byor shes rab kyi pha rol tu phyin pa ni 'khrug pa med pa'o/ /rab 'byor shes rab kyi pha rol du phyin pa ni brjod du med pa'o/ /rab 'byor shes rab kyi pha rol tu phyin pa ni rnam par byang ba med pa'o/ /rab 'byor shes rab kyi pha rol du phyin pa ni dmigs pa med pa'o/ /de ci'i phyir zhe na/ rab 'byor chos de dag ni shes rab kyi pha rol tu phyin pa zab mo 'di la med cing mi dmigs te/ rab 'byor gal te byang chub sems dpa'i theg pa pa'i rigs kyi bu 'am rigs kyi bu mo shes rab kyi pha rol du phyin pa zab mo 'di 'dri ba'i tshe/ chos de dag gis 'khrug par gyur na/ rab 'byor de yang byang chub sems dpa'i theg pa pa'i rigs kyi bu 'am rigs kyi bu mo de dag gi bdud kyi</font><hr>32.41b<br><font size=+1>

las su rig par bya'o/ /de skad ces bka' stsal pa dang / tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das shes rab kyi pha rol du phyin pa bri bar nus lags sam/ bcom ldan 'das kyis bka' stsal pa/ rab 'byor de lta ma yin no/ /rab 'byor de ci'i phyir zhe na/ shes rab kyi pha rol du phyin pa'i ngo bo nyid yod pa ma yin te mi dmigs so/ /bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa'i ngo bo nyid yod pa ma yin te mi dmigs so/ /stong pa nyid thams cad dang / byang chub kyi phyogs kyi chos sum bcu rtsa bdun gyi ngo bo nyid yod pa ma yin te/ mi dmigs so/ /'phags pa'i bden pa rnams dang / bsam gtan rnams dang tshad med pa rnams dang gzugs med pa'i snyoms par 'jug pa rnams dang / rnam par thar pa brgyad dang mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang smon pa med pa dang mngon par shes pa rnams kyi ngo bo nyid yod pa ma yin te mi dmigs so/ /ting nge 'dzin rnams dang gzungs kyi sgo rnams kyi ngo bo nyid yod pa ma yin te mi dmigs so/ /de bzhin gshegs pa'i stobs rnams dang mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams kyi ngo bo nyid yod pa ma yin te mi dmigs so/ /rnam pa thams cad mkhyen pa nyid kyi bar gyi ngo bo nyid yod pa ma yin te mi dmigs so/ /ngo bo nyid mi dmigs pa gang yin pa de ni dngos po med pa'o/ /dngos po med pa gang yin pa de ni shes rab kyi pha rol du phyin pa ste/ dngos po med pas dngos po med pa bri bar mi nus so/ /rab 'byor gal te byang chub sems dpa'i theg pa pa'i rigs kyi bu dang rigs kyi bu mo</font><hr>32.42a<br><font size=+1>

gang la las shes rab kyi pha rol du phyin pa zab mo 'di dngos po med ces bya bar 'du shes na/ de yang bdud kyi las su rig par bya'o/ /gsol pa/ bcom ldan 'das byang chub sems dpa'i theg pa pa'i rigs kyi bu 'am rigs kyi bu mo gang la la shes rab kyi pha rol du phyin pa zab mo 'di yi ger bris nas/ shes rab kyi pha rol du phyin pa zab mo 'di bdag gis bris so zhes mchi na/ de ni shes rab kyi pha rol du phyin pa zab mo 'di la yi ger mngon par chags pa lags te/ bcom ldan 'das shes rab kyi pha rol du phyin pa ni yi ge ma mchis pa'o/ /bsam gtan gyi pha rol du phyin pa ni yi ge ma mchis pa'o/ /brtson 'grus kyi pha rol du phyin pa ni yi ge ma mchis pa'o/ /bzod pa'i pha rol du phyin pa ni yi ge ma mchis pa'o/ /tshul khrims kyi pha rol du phyin pa ni yi ge ma mchis pa'o/ /sbyin pa'i pha rol du phyin pa ni yi ge ma mchis pa'o/ /gsol pa/ bcom ldan 'das gzugs ni yi ge ma mchis pa'o/ /tshor ba dang 'du shes dang 'du byed dang rnam par shes pa ni yi ge ma mchis pa'o/ /skye mched dang khams dang rten cing 'brel bar 'byung ba ni yi ge ma mchis pa'o/ /nang stong pa nyid ni yi ge ma mchis pa'o/ /dngos po med pa'i ngo bo nyid stong pa nyid kyi bar du ni yi ge ma mchis pa'o/ /byang chub kyi phyogs kyi chos sum bcu rtsa bdun ni yi ge ma mchis pa'o/ /'phags pa'i bden pa rnams dang bsam gtan rnams dang tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang stong pa nyid dang mtshan ma med pa dang / smon pa med pa dang / mngon par shes pa rnams ni yi ge ma mchis pa'o/ /ting nge 'dzin rnams dang / gzungs kyi sgo rnams ni yi ge ma mchis pa'o/ /de bzhin gshegs pa'i stobs rnams dang mi 'jigs pa rnams dang so so yang dag par rig pa rnams dang / sangs rgyas kyi chos ma 'dres pa rnams ni yi ge ma</font><hr>32.42b<br><font size=+1>

mchis pa'o/ /rnam pa thams cad mkhyen pa nyid kyi bar ni yi ge ma mchis pa'o/ /bcom ldan 'das gal te byang chub sems dpa'i theg pa pa'i rigs kyi bu dang rigs kyi bu mo yi ge ma mchis pa'i shes rab kyi pha rol du phyin pa la mngon par chags par bgyid la/ yi ge ma mchis pa'i bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa la mngon par chags par bgyid pa dang / yi ge ma mchis pa'i nang stong pa nyid la mngon par chags par bgyid pa dang / dngos po med pa'i ngo bo nyid stong pa nyid kyi bar la mngon par chags par bgyid pa dang / yi ge ma mchis pa'i byang chub kyi phyogs kyi chos sum bcu rtsa bdun la mngon par chags par bgyid pa dang / 'phags pa'i bden pa rnams dang bsam gtan rnams dang / tshad med pa rnams dang / gzugs med pa'i snyoms par 'jug pa rnams dang rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang mtshan ma med pa dang smon pa med pa dang / mngon par shes pa rnams la mngon par chags par bgyid pa dang / ting nge 'dzin rnams dang gzungs kyi sgo rnams la mngon par chags par bgyid pa dang / de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams la mngon par chags par bgyid pa dang / yi ge ma mchis pa'i rnam pa thams cad mkhyen pa nyid kyi bar la mngon par chags par bgyid na/ de yang byang chub sems dpa' sems dpa' chen pos bdud kyi las su rig par bgyi'o/ /bcom ldan 'das kyis bka' stsal pa/ rab 'byor de de bzhin te/ de de bzhin no/ /rab 'byor gzhan yang byang chub sems dpa'i theg pa pa'i rigs kyi bu 'am rigs kyi bu mos shes rab kyi pha rol du phyin pa zab mo 'di 'dri ba dang / kha ton byed pa dang / zhu ba dang 'dzin pa dang klog pa dang / kun chub par byed pa dang / tshul</font><hr>32.43a<br><font size=+1>

bzhin du yid la byed pa dang / sgom pa'i tshe yul gyi yid la bya ba mang po skyed na/ rab 'byor de yang byang chub sems dpa' sems dpa' chen pos bdud kyi las su rig par bya'o/ /shes rab kyi pha rol du phyin pa stong phrag nyi shu lnga pa/ bam po bzhi bcu bzhi pa/ rab 'byor gzhan yang byang chub sems dpa'i theg pa pa'i rigs kyi bu 'am rigs kyi bu mo shes rab kyi pha rol du phyin pa zab mo 'di 'dri ba dang kha ton bya ba dang / zhu ba dang 'dzin pa dang klog pa dang kun chub par byed pa dang tshul bzhin du yid la byed pa dang / sgom pa'i tshe grong gi yid la bya ba dang / grong rdal gyi yid la bya ba dang khams kyi yid la bya ba dang / rgyal po'i pho brang 'khor gyi yid la bya ba dang khyim gyi yid la bya ba dang / mkhan po'i yid la bya ba dang / pha dang ma dang phu nu dang sring mo dang / gnyen bshes dang ldan pa'i yid la bya ba dang / rkun po dang ldan pa'i yid la bya ba dang / phyag dar pa dang ldan pa'i yid la bya ba dang / 'jig rten dang ldan pa'i yid la bya ba dang / stu 'tshong ma dang ldan pa dang / bud med dang ldan pa'i yid la bya ba dang / yid la bya ba gzhan mang po skye na/ rab 'byor shes rab kyi pha rol du phyin pa zab mo 'di 'dri ba dang 'chang ba dang klog pa dang lung 'bog pa dang kha ton byed pa dang tshul bzhin du yid la byed pa'i tshe/ bar chad bya ba'i phyir bdud sdig to can 'khrug par 'gyur ba nye bar sbyor te/ de dag kyang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang byang chub sems dpa'i theg pa pa'i rigs kyi bu dang rigs kyi bu mo shes rab kyi pha rol du phyin pa zab mo 'di 'dri ba'i tshe/ khe dang bkur bsti dang / tshigs su bcad pa dang chos gos dang zas dang mal cha dang / nad kyi rkyen rtsi dang yo byad mang po byung la/ byang chub sems dpa'i theg pa pa'i rigs kyi bu 'am rigs kyi bu mo shes rab kyi pha rol du phyin pa zab mo 'di 'dri ba dang / lung 'bog pa dang kha</font><hr>32.43b<br><font size=+1>

ton byed pa dang tshul bzhin du yid la byed pa'i tshe/ de dag gi ro myong bar byed na/ rab 'byor de yang byang chub sems dpa' sems dpa' chen pos bdud kyi las su rig par bya ste/ shes rab kyi pha rol tu phyin pa zab mo 'di 'dri ba dang lung 'bog pa dang kha ton byed pa dang / tshul bzhin du yid la byed pa'i tshe/ bar chad de lta bu dag 'byung bar 'gyur ro/ /rab 'byor gzhan yang byang chub sems dpa'i theg pa pa'i rigs kyi bu dang rigs kyi bu mo shes rab kyi pha rol du phyin pa zab mo 'di 'dri ba dang lung 'bog pa dang kha ton byed pa dang tshul bzhin du yid la byed pa dang sgom pa'i tshe/ bdud sdig to can dag mdo sde zab mo gang nyan thos dang / rang sangs rgyas dang ldan pa dran pa nye bar bzhag pa rnams dang / 'phags pa'i lam yan lag brgyad pa'i bar dang / rnam par thar pa'i sgo stong pa nyid dang mtshan ma med pa dang smon pa med pa dag nye bar bsnyen par byed de/ de la byang chub sems dpa'i theg pa pa'i rigs kyi bu dang rigs kyi bu mos thabs mkhas pas bdud kyis bsnyen pa'i mdo sde zab mo de dag la 'dod pa mi bskyed do/ /rab 'byor de ci'i phyir zhe na/ de dag ni rnam pa thams cad mkhyen pa nyid thob par byed pa ma yin no/ /rab 'byor de la byang chub sems dpa' thabs mi mkhas pa dag ni/ shes rab kyi pha rol tu phyin pa zab mo 'di thos nas spang bar sems te/ de la ngas byang chub sems dpa' sems dpa' chen po rnams la thabs mkhas pa yang rgya cher bstan te/ shes rab kyi pha rol du phyin pa zab mo 'di las kyang / thabs mkhas pa rgya cher btsal bar bya'o/ /rab 'byor de ltar byang chub sems dpa'i theg pa pa'i rigs kyi bu dang / rigs kyi bu mo shes rab kyi pha rol du phyin pa zab mo 'di bor zhing nyan thos dang / rang sangs rgyas dang ldan pa'i mdo sde dag las thabs mkhas pas btsal bar sems pa yod na/ rab 'byor de yang byang chub sems dpa' sems dpa' chen pos bdud kyi las su rig par bya'o/ /</font><hr>32.44a<br><font size=+1>

shes rab kyi pha rol du phyin pa stong phrag nyi shu lnga pa las le'u sum bcu gcig pa'o// // rab 'byor gzhan yang chos nyan pa ni shes rab kyi pha rol du phyin pa zab mo 'di bri ba dang / lung 'bog pa dang / kha ton bya bar dga' la/ chos smra ba ni phyi shol byed na/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang chos smra ba ni/ shes rab kyi pha rol du phyin pa zab mo 'di bri ba dang lung 'bog pa dang kha ton bya bar phyi shol mi byed la/ chos nyan pa ni yul gzhan du 'gro na/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang chos nyan pa ni/ shes rab kyi pha rol du phyin pa zab mo 'di bri ba dang lung 'bog pa dang kha ton bya bar 'dod la/ chos smra ba ni yul gzhan du 'gro na/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang chos smra ba ni/ khe dang bkur sti dang tshigs su bcad pa lhur len cing / gos dang zas dang mal cha dang nad kyi rkyen rtsi dang / yo byad lhur len la/ chos nyan pa ni 'dod pa chung zhing chog shes la/ rab du dben zhing brtson 'grus brtsams pa/ dran pa nye bar gzhag pa/ mi g.yeng ba/ sems rtse gcig tu 'dus pa/ shes rab dang ldan pa zhig ste/ khe dang bkur stis 'jigs na/ rab 'byor de yang shes rab kyi pha rol du phyin pa zab mo 'di 'dri ba dang lung 'bog pa dang kha ton byed pa'i rgyu rkyen mi ldan pa ste/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang chos smra ba ni 'dod pa chung zhing chog shes la rab tu dben zhing / brtson 'grus brtsams pa/ dran pa nye bar gzhag pa/ mi g.yeng ba/ sems rtse gcig tu 'dus pa shes rab dang ldan pa zhig ste/ </font><hr>32.44b<br><font size=+1>

khe dang bkur stis 'jigs la/ chos nyan pa ni 'dod pa che zhing sdig to 'dod la/ khe dang bkur sti dang tshigs su bcad pa lhur len cing / gos dang zas dang mal cha dang nad kyi rkyen rtsi dang / yo byad lhur len na/ rab 'byor de yang shes rab kyi pha rol du phyin pa zab mo 'di 'dri ba dang lung 'bog pa dang kha ton byed pa'i rgyu rkyen mi ldan pa ste/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang chos smra ba ni dgon pa pa/ bsod snyoms pa/ phyag dar khrod pa/ zas phyis mi len pa/ stan gcig pa/ ci thob pa'i bsod snyoms len pa/ dur khrod pa/ bla gab med pa/ shing drung pa/ cog pu pa/ gzhi ji bzhin pa/ chos gos gsum par gyur la/ chos nyan pa ni dgon pa pa ma yin/ bsod snyoms pa ma yin/ phyag dar khrod pa ma yin/ zas phyis mi len pa ma yin/ stan gcig pa ma yin/ ci thob pa'i bsod snyoms len pa ma yin/ dur khrod pa ma yin/ bla gab med pa ma yin/ shing drung pa ma yin/ cog bu pa ma yin/ gzhi ji bzhin pa ma yin/ chos gos gsum pa ma yin/ rab 'byor de yang shes rab kyi pha rol du phyin pa zab mo 'di 'dri ba dang / lung 'bog pa dang / kha ton byed pa'i rgyu rkyen mi ldan pa ste/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang chos nyan pa ni dgon pa pa dang / chos gos gsum pa'i bar du gyur la/ chos smra ba ni dgon pa pa ma yin/ chos gos gsum pa'i bar du ma yin/ rab 'byor de yang shes rab kyi pha rol du phyin pa zab mo 'di 'dri ba dang / lung 'bog pa dang / kha ton byed pa'i rgyu rkyen mi ldan pa ste/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang chos nyan pa ni dad cing bsam pa dge la/ shes rab kyi pha rol du phyin</font><hr>32.45a<br><font size=+1>

pa zab mo 'di bri bar 'dod/ lung 'bog par 'dod/ kha ton bya bar 'dod la/ chos smra ba ni ma dad pa/ tshul khrims ngan pa can/ sdig pa'i chos can zhig ste/ shes rab kyi pha rol du phyin pa zab mo 'di bri bar mi 'dod/ lung 'bog par mi 'dod/ kha ton byed par mi 'dod na/ rab 'byor de yang shes rab kyi pha rol du phyin pa zab mo 'di 'dri ba dang / lung 'bog pa dang / kha ton byed pa'i rgyu rkyen mi ldan pa ste/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang chos smra ba ni dad cing bsam pa dge la/ shes rab kyi pha rol du phyin pa zab mo 'di bri ba dang / kha ton byed pa'i bar du 'dod la/ chos nyan pa ni ma dad na/ rab 'byor de yang shes rab kyi pha rol du phyin pa zab mo 'di 'dri ba dang / lung 'bog pa dang / kha ton byed pa'i rgyu rkyen mi ldan pa ste/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang chos smra ba ni bdog pa thams cad yongs su gtong zhing sems la chags pa med la/ chos nyan pa ni ser sna can chags pa'i sems dang ldan zhing 'jungs par gyur na/ rab 'byor de yang shes rab kyi pha rol du phyin pa zab mo 'di 'dri ba dang / lung 'bog pa dang / kha ton byed pa'i rgyu rkyen mi ldan pa ste/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang chos nyan pa ni bdog pa thams cad yongs su gtong zhing sems la chags pa med la/ chos smra ba ni ser sna can chags pa'i sems dang ldan zhing 'jungs par gyur na/ rab 'byor de yang shes rab kyi pha rol du phyin pa zab mo 'di 'dri ba dang / lung 'bog pa dang / kha ton byed pa'i rgyu rkyen mi ldan pa ste/ rab 'byor de yang byang chub sems dpa' sems dpa'</font><hr>32.45b<br><font size=+1>

chen pos bdud kyi las su rig par bya'o/ /rab 'byor gzhan yang chos nyan pa ni/ chos smra ba la gos dang / zas dang / mal cha dang / nad kyi rkyen rtsi dang / yo byad yongs su gtong bar 'dod la/ chos smra ba ni len par mi 'dod na/ rab 'byor de yang shes rab kyi pha rol du phyin pa zab mo 'di 'dri ba dang lung 'bog pa dang / kha ton byed pa'i rgyu rkyen mi ldan pa ste/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang chos smra ba ni glengs pa tsam gyis shes la/ chos nyan pa ni dkri dgos shing tshig lhur len par gyur na/ rab 'byor de yang shes rab kyi pha rol du phyin pa zab mo 'di 'dri ba dang / lung 'bog pa dang / kha ton byed pa'i rgyu rkyen mi ldan pa ste/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang chos nyan pa ni glengs pa tsam gyis shes la/ chos smra ba ni dkri dgos shing tshig lhur len par gyur na/ rab 'byor de yang shes rab kyi pha rol du phyin pa zab mo 'di 'dri ba dang / lung 'bog pa dang / kha ton byed pa'i rgyu rkyen mi ldan pa ste/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang chos smra ba ni mdo dang dbyangs kyis bsnyad pa dang / lung bstan pa dang / tshigs su bcad pa dang / ched du brjod pa dang / gleng gzhi dang / 'di ltar 'das pa dang / skyes pa'i rabs dang / shin du rgyas pa dang chos rmad du byung ba dang / rtogs pa brjod pa dang gtan la bab pa bstan pa'i chos kyi khyad par shes la/ chos nyan pa ni mdo dang dbyangs kyis bsnyad pa dang lung bstan pa dang / tshigs su bcad pa dang / ched du brjod pa dang / gleng gzhi dang 'di ltar 'das pa dang / skyes pa'i rabs dang shin du rgyas pa dang / chos rmad du byung ba dang rtogs pa brjod pa dang / gtan la bab pa bstan pa'i chos</font><hr>32.46a<br><font size=+1>

kyi khyad par mi shes na/ rab 'byor de yang shes rab kyi pha rol du phyin pa zab mo 'di 'dri ba dang / lung 'bog pa dang kha ton byed pa'i rgyu rkyen mi ldan pa ste/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang chos nyan pa ni mdo dang / dbyangs kyis bsnyad pa dang / lung bstan pa dang gtan la bab par bstan pa'i chos kyi bar gyi khyad par shes la/ chos smra ba ni mdo dang dbyangs kyis bsnyad pa dang lung bstan pa dang gtan la bab par bstan pa'i chos kyi bar gyi khyad par mi shes na/ rab 'byor de yang shes rab kyi pha rol du phyin pa zab mo 'di 'dri ba dang / lung 'bog pa dang kha ton byed pa'i rgyu rkyen mi ldan pa ste/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang chos smra ba ni pha rol du phyin pa drug dang ldan la/ chos nyan pa ni pha rol du phyin pa drug dang mi ldan na/ rab 'byor de'ang shes rab kyi pha rol du phyin pa zab mo 'di 'dri ba dang lung 'bog pa dang / kha ton byed pa'i rgyu rkyen mi ldan pa ste/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang chos nyan pa ni pha rol du phyin pa drug dang ldan la/ chos smra ba ni pha rol du phyin pa drug dang mi ldan na/ rab 'byor de'ang shes rab kyi pha rol du phyin pa zab mo 'di 'dri ba dang / lung 'bog pa dang kha ton byed pa'i rgyu rkyen mi ldan pa ste/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang chos smra ba ni pha rol du phyin pa drug la thabs mkhas la chos nyan pa ni pha rol du phyin pa drug la thabs mi mkhas na/ rab 'byor de yang shes rab kyi pha rol du phyin pa zab mo 'di 'dri ba dang / lung 'bog pa dang kha ton byed pa'i rgyu rkyen mi ldan pa ste/ rab 'byor de yang byang chub sems</font><hr>32.46b<br><font size=+1>

dpa' sems dpa' chen pos bdud kyi las su rig par bya'o/ /rab 'byor gzhan yang chos nyan pa ni pha rol du phyin pa drug la thabs mkhas la/ chos smra ba ni pha rol du phyin pa drug la thabs mi mkhas na/ rab 'byor de yang shes rab kyi pha rol du phyin pa zab mo 'di 'dri ba dang lung 'bog pa dang / kha ton byed pa'i rgyu rkyen mi ldan pa ste/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang chos smra ba ni gzungs thob par gyur la/ chos nyan pa ni gzungs ma thob na/ rab 'byor de yang shes rab kyi pha rol du phyin pa zab mo 'di 'dri ba dang / lung 'bog pa dang / kha ton byed pa'i rgyu rkyen mi ldan pa ste/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang chos nyan pa ni gzungs thob par gyur la/ chos smra ba ni gzungs ma thob na/ rab 'byor de yang shes rab kyi pha rol du phyin pa zab mo 'di 'dri ba dang / lung 'bog pa dang / kha ton byed pa'i rgyu rkyen mi ldan pa ste/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang chos smra ba ni bri bar 'dod/ klag par 'dod/ lung 'bog par 'dod/ kha ton bya bar 'dod/ bsgom par bya bar 'dod la/ chos nyan pa ni bri bar mi 'dod/ klag par mi 'dod/ lung 'bog par mi 'dod/ kha ton bya bar mi 'dod/ mnyan par mi 'dod na/ rab 'byor de yang shes rab kyi pha rol du phyin pa zab mo 'di 'dri ba dang / lung 'bog pa dang / kha ton byed pa'i rgyu rkyen mi ldan pa ste/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang chos nyan pa ni bri bar 'dod/ mnyan pa'i bar du 'dod la/ chos smra ba ni bri bar mi 'dod/ bsgom pa'i bar du mi</font><hr>32.47a<br><font size=+1>

'dod par gyur na/ rab 'byor de yang shes rab kyi pha rol du phyin pa zab mo 'di 'dri ba dang / lung 'bog pa dang / kha ton byed pa'i rgyu rkyen mi ldan pa ste/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang chos smra ba ni 'dod pa'i srid pa dang bral/ gnod sems dang snyoms pa dang / gnyid dang 'gyod pa dang bral/ the tshom dang bral la/ chos nyan pa ni 'dod pa'i sred pa dang bcas/ gnod sems dang snyoms pa dang gnyid dang / 'gyod pa dang bcas/ the tshom dang bcas par gyur na/ rab 'byor de yang shes rab kyi pha rol du phyin pa zab mo 'di 'dri ba dang / lung 'bog pa dang kha ton byed pa'i rgyu rkyen mi ldan pa ste/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang chos nyan pa ni 'dod pa'i sred pa dang bral/ gnod sems dang snyom pa dang / gnyid dang 'gyod pa dang bral/ the tshom dang bral la/ chos smra ba ni 'dod pa'i sred pa dang bcas/ gnod sems dang snyoms pa dang gnyid dang 'gyod pa dang bcas/ the tshom dang bcas par gyur na/ rab 'byor de yang shes rab kyi pha rol du phyin pa zab mo 'di 'dri ba dang / lung 'bog pa dang kha ton byed pa'i rgyu rkyen mi ldan pa ste/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang shes rab kyi pha rol du phyin pa zab mo 'di 'dri ba dang / klog pa dang lung 'bog pa dang kha ton byed pa dang / 'chang ba dang tshul bzhin du yid la byed pa de'i tshe/ la la zhig der 'ongs te sems can dmyal ba'i mi snyan pa brjod/ byol song gi skye gnas pa dang / gshin rje'i 'jig rten dang / yi dgas kyi yul gyi mi snyan pa brjod cing / sems can dmyal ba ni 'di lta bur sdug bsngal lo/ /byol song gi skye gnas ni 'di lta bur sdug bsngal lo/ /</font><hr>32.47b<br><font size=+1>

yi dgas kyi yul ni 'di lta bur sdug bsngal lo/ /khyod kyi sdug bsngal 'di nyid du mthar phyin par gyis shig /gang la sdug bsngal stong phrag mang po nyams su myong bar 'gyur ba'i bla na med pa yang dag par rdzogs pa'i byang chub kyis khyod la ci zhig bya/ khyod yun ring pos 'khor ba na 'khor bar gyur ta re zhes zer na/ rab 'byor de'ang shes rab kyi pha rol du phyin pa zab mo 'di 'dri ba dang / lung 'bog pa dang / kha ton byed pa'i rgyu rkyen mi ldan pa ste/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang shes rab kyi pha rol du phyin pa zab mo 'di 'dri ba dang / klog pa dang lung 'bog pa dang / kha ton byed pa dang 'chang ba dang tshul bzhin du yid la byed pa'i tshe/ la la zhig der 'ongs te rgyal chen bzhi'i ris kyi lha rnams kyi legs pa brjod/ sum bcu rtsa gsum dang mtshe ma dang / dga' ldan dang 'phrul dga' dang / gzhan 'phrul dbang byed kyi lha rnams kyi legs pa brjod/ 'du shes med 'du shes med min skye mched kyi bar gyi lha rnams kyi legs pa brjod cing / 'dod pa'i khams ni 'dod pa la longs spyod pas 'di ltar bde'o/ /gzugs kyi khams ni bsam gtan dang snyoms par 'jug pa rnams kyis 'di ltar bde'o/ /gzugs med pa'i khams ni snyoms par 'jug pa rnams kyis 'di ltar bde ste/ de dag kyang mi rtag cing sdug bsngal la bdag med do/ /rnam par 'gyur ba'i chos can/ zad pa'i chos can/ 'jig pa'i chos can/ skye ba'i chos can/ 'gag pa'i chos can yin gyis/ khyod kyi 'di nyid du rgyun du zhugs pa'i 'bras bu thob par gyis shig /lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid thob par gyis shig /'di nyid du rang byang chub thob par gyis shig /phyin chad 'khor ba na ma 'khor bar gyis shig ces zer</font><hr>32.48a<br><font size=+1>

na/ rab 'byor de yang shes rab kyi pha rol du phyin pa zab mo 'di 'dri ba dang / lung 'bog pa dang kha ton byed pa'i rgyu rkyen mi ldan pa ste/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang chos smra ba ni gcig pu ste/ zla med cing bdag gis byed pa yin la/ chos nyan pa ni 'khor gyi nang na gnas na/ rab 'byor de'ang shes rab kyi pha rol du phyin pa zab mo 'di 'dri ba dang / lung 'bog pa dang kha ton byed pa'i rgyu rkyen mi ldan pa ste/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang chos nyan pa ni gcig pu ste/ zla med cing bdag gis byed pa yin la chos smra ba ni 'khor gyi nang na gnas na/ rab 'byor de yang shes rab kyi pha rol du phyin pa zab mo 'di 'dri ba dang / lung 'bog pa dang kha ton byed pa'i rgyu rkyen mi ldan pa ste/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang chos smra ba ni gcig pu ste/ zla med cing bdag gis byed pa yin la/ chos nyan pa ni tshogs yongs su sdud na/ rab 'byor de'ang shes rab kyi pha rol du phyin pa zab mo 'di 'dri ba dang / lung 'bog pa dang kha ton byed pa'i rgyu rkyen mi ldan pa ste/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang chos nyan pa ni gcig pu ste/ zla med cing bdag gis byed pa yin la/ chos smra ba ni tshogs yongs su sdud na/ rab 'byor de yang shes rab kyi pha rol du phyin pa zab mo 'di 'dri ba dang / lung 'bog pa dang / kha ton byed pa'i rgyu rkyen mi ldan pa ste/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang chos smra ba ni 'di skad du su 'ang phyi bzhin du 'brang ba de shes rab kyi pha rol du phyin pa 'dir sbyin no zhes</font><hr>32.48b<br><font size=+1>

zer la/ chos nyan pa ni phyi bzhin mi 'brang na/ rab 'byor de yang shes rab kyi pha rol du phyin pa zab mo 'di 'dri ba dang / lung 'bog pa dang / kha ton byed pa'i rgyu rkyen mi ldan pa ste/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang chos nyan pa ni/ chos smra ba'i phyi bzhin 'brang bar 'dod la/ chos smra ba ni drung du 'gro ba'i skabs mi 'byed na/ rab 'byor de yang shes rab kyi pha rol du phyin pa zab mo 'di 'dri ba dang lung 'bog pa dang kha ton byed pa'i rgyu rkyen mi ldan pa ste/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang chos smra ba ni zang zing cung zad kyi phyir/ shes rab kyi pha rol du phyin pa zab mo 'di 'drir gzhug par 'dod/ klog tu gzhug par 'dod/ lung 'bog par 'dod/ kha ton byed du gzhug par 'dod/ smra bar 'dod la/ chos nyan pa ni zang zing cung zad kyi phyir drung du 'gro bar ma mos na/ rab 'byor de'ang shes rab kyi pha rol du phyin pa zab mo 'di 'dri ba dang / lung 'bog pa dang / kha ton byed pa'i rgyu rkyen mi ldan pa ste/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang chos nyan pa ni zang zing cung zad kyi phyir/ shes rab kyi pha rol du phyin pa zab mo 'di 'dri bar 'dod/ mnyan pa'i bar du 'dod la/ chos smra ba ni zang zing cung zad kyi phyir/ shes rab kyi pha rol du phyin pa sbyin par mi 'dod/ nyan par gzhug pa'i bar du mi 'dod na/ rab 'byor de yang shes rab kyi pha rol du phyin pa zab mo 'di 'dri ba dang / lung 'bog pa dang kha ton byed pa'i rgyu rkyen mi ldan pa ste/ rab 'byor de yang byang chub sems dpa' sems dpa' chen pos bdud kyi las su rig par bya'o/ /</font><hr>32.49a<br><font size=+1>

rab 'byor gzhan yang chos smra ba ni srog gi bar chad du 'gyur ba'i phyogs der 'gro bar 'dod la/ chos nyan pa ni der 'gro bar mi 'dod na/ rab 'byor de yang shes rab kyi pha rol du phyin pa zab mo 'di 'dri ba dang / lung 'bog pa dang / kha ton byed pa'i rgyu rkyen mi ldan pa ste/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang chos nyan pa ni gang du srog gi bar chad du 'gyur ba'i phyogs der 'gro bar 'dod la/ chos smra ba ni der 'gro bar mi 'dod na/ rab 'byor de yang shes rab kyi pha rol du phyin pa zab mo 'di 'dri ba dang / lung 'bog pa dang kha ton byed pa'i rgyu rkyen mi ldan pa ste/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang chos smra ba ni gang na zas dkon pa dang / chu dkon pa'i phyogs der 'gro bar 'dod la chos nyan pa ni 'gro bar mi 'dod na/ rab 'byor de yang shes rab kyi pha rol du phyin pa zab mo 'di 'dri ba dang / lung 'bog pa dang / kha ton byed pa'i rgyu rkyen mi ldan pa ste/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang chos nyan pa ni gang na zas dkon pa dang / chu dkon pa'i phyogs der 'gro bar 'dod la/ chos smra ba ni der 'gro bar mi 'dod na/ rab 'byor de yang shes rab kyi pha rol du phyin pa zab mo 'di 'dri ba dang / lung 'bog pa dang / kha ton byed pa'i rgyu rkyen mi ldan pa ste/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang chos smra ba ni gang na zas mod pa dang / chu mod pa'i phyogs der 'gro bar 'dod la/ chos nyan pa yang rjes su 'brang na/ des de la 'di skad du rigs kyi bu khyod zang zing gi don du song ste ci rung</font><hr>32.49b<br><font size=+1>

legs par bsam pa sems par gyis shig /zas thob ma thob dang bsod mi bsod kyis 'gyod par gyur ta re zhes zer na/ de'i phyir chos ston pa des kyang / thabs phra mos chos la spang ba byas par 'gyur te/ de yang mi dga' zhing 'di snyam du 'du shes te/ 'di ni sbyin par 'dod pa'i mtshan ma ma yin gyi/ spong ba'i mtshan ma yin no snyam na/ rab 'byor de yang shes rab kyi pha rol du phyin pa zab mo 'di 'dri ba dang / lung 'bog pa dang / kha ton byed pa'i rgyu rkyen mi ldan pa ste/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang dge slong chos smra ba ni gang na rkun po'i 'jigs pa dang / chom po'i 'jigs pa dang / rngon pa'i 'jigs pa dang / gcan zan khro bo'i 'jigs pa dang / sbrul gyi 'jigs pa dang / 'brog dgon pa'i 'jigs pa yod pa der 'gro bar 'dod la/ chos nyan pa dag kyang chos kyi don du chos kyis skom zhing rjes su 'brang na/ dge slong chos smra bas chos nyan pa de dag la 'di skad smras te/ rigs kyi bu dag khyed gang na rkun po'i 'jigs pa dang / chom po'i 'jigs pa dang / rngon pa'i 'jigs pa dang / gcan zan khro bo'i 'jigs pa dang / sbrul gyi 'jigs pa dang / 'brog dgon pa'i 'jigs pa yod pa der dong ste ci rung zhes/ de ltar dge slong chos smra ba des chos mi bstan pa'i phyir/ shes rab kyi pha rol du phyin pa zab mo 'di 'drir gzhug par mi 'dod/ klog tu gzhug par mi 'dod/ lung 'bog par mi 'dod/ kha ton byed du gzhug par mi 'dod/ nyan du gzhug par mi 'dod par gyur la/ de dag gis dge slong chos smra ba'i tshig de thos nas/ mi dga' zhing mi dga' ba'i tshul can du gyur te/ dge slong chos smra ba gang na ba der 'gro bar mi 'dod na/ rab 'byor de'ang shes rab kyi pha rol du phyin pa zab mo 'di 'dri ba dang / lung 'bog pa dang / kha ton byed pa'i rgyu rkyen mi ldan pa ste/ rab 'byor de yang byang chub sems dpa' sems dpa' chen pos bdud</font><hr>32.50a<br><font size=+1>

kyi las su rig par bya'o/ /rab 'byor gzhan yang dge slong chos smra ba bsod snyoms gtong ba'i grong khyer gtso bor byed par gyur te/ de bsod snyoms gtong ba'i grong khyer gtso bor gyur pas/ bsod snyoms gtong ba'i grong khyer de dag yang dang yang blta bar sems shing / der yang dang yang blta bas chos nyan pa phyir zlog cing / tshe dang ldan pa dag ngas ni bsod snyoms gtong ba'i grong blta dgos te/ bsod snyoms gtong ba'i grong du 'gro dgos so zhes nas/ des chos nyan pa de dag phyir zlog pas phyir dong na/ rab 'byor de'ang shes rab kyi pha rol du phyin pa zab mo 'di 'dri ba dang / lung 'bog pa dang kha ton byed pa'i rgyu rkyen mi ldan pa ste/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang bdud sdig to can dge slong gi cha byad du byas shing / ci nas kyang shes rab kyi pha rol du phyin pa zab mo 'di su yang 'dri bar mi 'gyur ba dang / lung 'bog par mi 'gyur ba dang / kha ton byed par mi 'gyur ba dang / tshul bzhin du yid la byed par mi 'gyur ba de lta de ltar thabs sbyor ro/ /de skad ces bka' stsal pa dang / tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das ci'i slad du bdud sdig to can dag dge slong gi cha byad du bgyis shing / ci nas kyang shes rab kyi pha rol du phyin pa zab mo 'di su yang 'dri bar mi 'gyur ba dang / lung 'bog par mi 'gyur ba dang / kha ton bgyid par mi 'gyur ba dang / tshul bzhin du yid la bgyid par mi 'gyur ba de lta de ltar thabs sbyor ba lags/ bcom ldan 'das kyis bka' stsal pa/ rab 'byor 'di la bdud sdig to can dag dge slong gi cha byad du byas shing 'di skad du nged kyis ji ltar khong du chud pa 'di ni/ shes rab kyi pha rol du phyin pa 'di yin te/ ji skad du khyod klog pa de ni shes rab kyi pha rol du phyin pa ma yin no/ /zhes dbyen byed</font><hr>32.50b<br><font size=+1>

cing zlog la mos pa med par byed do/ /rab 'byor de la bdud sdig to can gyis de ltar dbyen byas pa'i tshe/ byang chub sems dpa' gang lung ma bstan pa de dag ni the tshom skye bar 'gyur te/ de dag the tshom du gyur nas/ shes rab kyi pha rol du phyin pa zab mo 'di mi 'dri bar 'gyur/ mi klog par 'gyur lung mi 'bog par 'gyur/ kha ton mi byed par 'gyur/ mi sgom par 'gyur/ tshul bzhin du yid la mi byed par 'gyur te/ rab 'byor de yang shes rab kyi pha rol du phyin pa zab mo 'di 'dri ba dang / lung 'bog pa dang / kha ton byed pa'i rgyu rkyen mi ldan pa ste/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang bdud sdig to can dag dge slong gi cha byad du byas nas/ byang chub sems dpa' sems dpa' chen po'i drung du 'ongs shing / 'di skad du byang chub sems dpa' sems dpa' chen po gang shes rab kyi pha rol du phyin pa zab mo 'di la spyod pa de ni yang dag pa'i mtha' mngon du byed par 'gyur te/ rgyun du zhugs pa'i 'bras bu thob par 'gyur ro/ /de ni lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid thob par 'gyur ro/ /de ni rang byang chub thob par 'gyur ro/ /zhes zer na/ des tshig de thos nas shes rab kyi pha rol du phyin pa la mi spyod na/ rab 'byor de yang shes rab kyi pha rol du phyin pa zab mo 'di 'dri ba dang / lung 'bog pa dang / kha ton byed pa'i rgyu rkyen mi ldan pa ste/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang shes rab kyi pha rol du phyin pa zab mo 'di ston pa'i tshe/ bar chad du 'gyur ba'i bdud kyi las mang du 'byung ste/ bdud kyi las de dag byang chub sems dpa' sems dpa' chen pos bdud kyi las su rig par bya'o/ /rig par byas nas rnam par spang bar bya'o/ /de skad ces</font><hr>32.51a<br><font size=+1>

bka' stsal pa dang / tshe dang ldan pa rab 'byor gyis/ bcom ldan 'das la 'di skad ces gsol to/ /bcom ldan 'das bdud kyi las byang chub sems dpa' sems dpa' chen pos rig par bgyi ste/ spang bar bgyi ba de dag gang lags/ bcom ldan 'das kyis bka' stsal pa/ rab 'byor shes rab kyi pha rol du phyin pa'i gzugs brnyan ni bdud kyi las/ bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa'i gzugs brnyan ni bdud kyi las te/ de dag byang chub sems dpa' sems dpa' chen pos rig par bya ste/ rnam par spang bar bya'o/ /rab 'byor gzhan yang nyan thos kyi theg pa dang ldan pa dang / rang sangs rgyas dang ldan pa'i mdo sde dag kyang / byang chub sems dpa' sems dpa' chen pos bdud kyi las su rig par bya ste/ rnam par spang bar bya'o/ /rab 'byor gzhan yang nang stong pa nyid dang / phyi stong pa nyid dang / phyi nang stong pa nyid dang / dngos po med pa'i ngo bo nyid stong pa nyid kyi bar dang / dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa dang / 'phags pa'i bden pa bzhi dang / rnam par thar pa'i sgo stong pa nyid dang / mtshan ma med pa dang / smon pa med pa gang gis rgyun du zhugs pa'i 'bras bu 'thob par 'gyur ba dang / lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub 'thob par 'gyur ba de dag kyang / bdud sdig to can dag dge slong gi cha byad du byas shing / byang chub sems dpa' sems dpa' chen po la nye bar bsnyen te/ de yang de la dga' ba skyed na/ rab 'byor de yang shes rab kyi pha rol du phyin pa</font><hr>32.51b<br><font size=+1>

zab mo 'di 'dri ba dang / lung 'bog pa dang / kha ton byed pa'i rgyu rkyen mi ldan pa ste/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang bdud sdig to can dag sangs rgyas kyi cha byad du lus gser kyi kha dog dang / mi chen po'i mtshan sum bcu rtsa gnyis dang / 'od 'dom gang bar ldan par byas shing / byang chub sems dpa' sems dpa' chen po'i drung du 'ongs te/ de la byang chub sems dpa' sems dpa' chen po'i mos pa skyed do/ /des mos pa bskyed nas rnam pa thams cad mkhyen pa nyid las yongs su nyam par 'gyur te/ rab 'byor de yang shes rab kyi pha rol du phyin pa zab mo 'di 'dri ba dang / lung 'bog pa dang / kha ton byed pa'i rgyu rkyen mi ldan pa ste/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang bdud sdig to can dag rigs kyi bu 'am rigs kyi bu mo de'i mdun du sangs rgyas la stsogs pa dge slong gi dge 'dun nye bar ston to/ /des de la 'dod pa bskyed cing bdag kyang ma 'ongs pa'i dus na de de bzhin gshegs pa dgra bcom pa yang dag par rdzogs pa'i sangs rgyas 'di lta bur shog shig /ji ltar de bzhin gshegs pa 'dis tshogs yongs su bsdus pa de bzhin du bdag gis kyang / tshogs yongs su bsdu bar bya'o/ /de bzhin gshegs pa 'dis chos ji ltar ston pa de bzhin du bdag gis kyang chos bstan par bgyi'o/ /zhes de de la 'dod pa bskyed pas/ rnam pa thams cad mkhyen pa nyid las yongs su nyam par 'gyur te/ rab 'byor de yang shes rab kyi pha rol du phyin pa zab mo 'di 'dri ba dang / lung 'bog pa dang / kha ton byed pa'i rgyu rkyen mi ldan pa ste/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor gzhan yang bdud sdig to can dag byang chub sems dpa' brgya</font><hr>32.52a<br><font size=+1>

phrag du ma/ byang chub sems dpa' stong phrag du ma/ byang chub sems dpa' brgya stong phrag du ma/ sbyin pa'i pha rol du phyin pa la spyod pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la spyod pa de lta bu dag nye bar ston te/ de yang byang chub sems dpa'i theg pa pa de dag la 'dod pa bskyed par 'gyur ro/ /des de dag la 'dod pa bskyed nas rnam pa thams cad mkhyen pa nyid las yongs su nyam par 'gyur te/ rab 'byor de yang shes rab kyi pha rol du phyin pa zab mo 'di 'dri ba dang / klog pa dang lung 'bog pa dang kha ton byed pa dang / sgom pa dang / tshul bzhin du yid la byed pa'i rgyu rkyen mi ldan pa ste/ rab 'byor de yang byang chub sems dpa' sems dpa' chen pos bdud kyi las su rig par bya'o/ /rab 'byor de ci'i phyir zhe na/ shes rab kyi pha rol du phyin pa zab mo 'di la gzugs med do/ /tshor ba dang 'du shes dang 'du byed dang rnam par shes pa med do/ /skye mched dang khams dang / rten cing 'brel bar 'byung ba med do/ /pha rol du phyin pa rnams med do/ /stong pa nyid rnams med do/ /byang chub kyi phyogs kyi chos rnams med do/ /'phags pa'i bden pa rnams med do/ /bsam gtan rnams med do/ /tshad med pa rnams med do/ /gzugs med pa'i snyoms par 'jug pa rnams med do/ /rnam par thar pa brgyad med do/ /mthar gyis gnas pa'i snyoms par 'jug pa dgu med do/ /rnam par thar pa'i sgo stong pa nyid dang / mtshan ma med pa dang / smon pa med pa med do/ /mngon par shes pa rnams med do/ /ting nge 'dzin rnams med do/ /gzungs kyi sgo rnams med do/ /de bzhin gshegs pa'i stobs bcu med do/ /mi 'jigs pa bzhi med do/ /so so yang dag par rig pa bzhi med do/ /byams pa chen po med do/ /snying rje chen po med do/ /</font><hr>32.52b<br><font size=+1>

sangs rgyas kyi chos ma 'dres pa bcwa brgyad med do/ /rgyun du zhugs pa'i 'bras bu med do/ /lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub med do/ /bla na med pa yang dag par rdzogs pa'i byang chub med do/ /rab 'byor gang la gzugs med pa dang tshor ba dang 'du shes dang / 'du byed dang rnam par shes pa med pa dang / skye mched med pa dang khams med pa dang / rten cing 'brel bar 'byung ba med pa dang / pha rol du phyin pa rnams med pa dang / stong pa nyid rnams med pa dang / byang chub kyi phyogs kyi chos rnams med pa dang / 'phags pa'i bden pa rnams med pa dang / bsam gtan rnams med pa dang / tshad med pa rnams med pa dang / gzugs med pa'i snyoms par 'jug pa rnams med pa dang / rnam par thar pa brgyad med pa dang / mthar gyis gnas pa'i snyoms par 'jug pa dgu med pa dang / rnam par thar pa'i sgo stong pa nyid dang / mtshan ma med pa dang / smon pa med pa med pa dang / mngon par shes pa rnams med pa dang ting nge 'dzin rnams med pa dang / gzungs kyi sgo rnams med pa dang de bzhin gshegs pa'i stobs rnams med pa dang mi 'jigs pa rnams med pa dang / so so yang dag par rig pa rnams med pa dang / snying rje chen po med pa dang / sangs rgyas kyi chos ma 'dres pa rnams med pa dang / rgyun du zhugs pa'i 'bras bu med pa dang / lan gcig phyir 'ong ba'i 'bras bu dang phyir mi 'ong ba'i 'bras bu dang / dgra bcom pa nyid dang / rang byang chub med pa dang / bla na med pa yang dag par rdzogs pa'i byang chub med pa de la sangs rgyas med do/ /byang chub sems dpa' med do/ /rang sangs rgyas med do/ /nyan thos med do/ /de ci'i phyir zhe na/ rab 'byor chos thams cad ni rang bzhin gyis stong ngo / /rab 'byor gzhan yang shes rab kyi pha rol du phyin pa 'di ni bar chad du 'gyur ba mang ba ste/ rigs kyi bu 'am rigs kyi bu mo shes rab kyi pha rol du phyin pa zab mo 'di 'dri ba dang / klog pa dang</font><hr>32.53a<br><font size=+1>

lung 'bog pa dang / kha ton byed pa dang ston pa dang / tshul bzhin du yid la byed pa de dag la yang bar chad tu 'gyur ba med do/ /rab 'byor 'di lta ste dper na/ 'dzam bu'i gling 'di'i rin po che gser dang nor bu dang mu tig dang bai dUr+ya dang / dung dang man shel dang byi ru dang dngul dang sa le sbram gang ji snyed cig yod pa de dag ni bar chad du 'gyur ba mang zhing / phyir rgol ba mang ba dag go/ /rab 'byor de bzhin du rigs kyi bu 'am rigs kyi bu mo shes rab kyi pha rol du phyin pa zab mo 'di 'dri ba dang / klog pa dang lung 'bog pa dang / kha ton byed pa dang ston pa dang / tshul bzhin du yid la byed pa de dag la yang bdud kyi las mang po 'byung bar 'gyur ro/ /bar chad mang po 'byung bar 'gyur ro/ /phyir rgol ba mang po 'byung bar 'gyur ro/ /rab 'byor gyis gsol pa/ bcom ldan 'das de ni de bzhin no/ /bde bar gshegs pa de ni de bzhin te/ 'dzam bu'i gling 'di'i rin po che gser dang nor bu dang mu tig dang bai dUr+ya dang dung dang man shel dang byi ru dang dngul dang / sa le sbram gang ji snyed cig mchis pa de dag ni bar chad du 'gyur ba mang zhing slar rgol ba mang ba lags so/ /bcom ldan 'das de bzhin du rigs kyi bu 'am rigs kyi bu mo shes rab kyi pha rol du phyin pa zab mo 'di 'dri ba dang / klog pa dang lung 'bog pa dang kha ton bgyid pa dang / ston pa dang tshul bzhin du yid la bgyid pa de dag la yang bdud kyi las mang po 'byung bar 'gyur ro/ /bar chad mang po 'byung bar 'gyur ro/ /slar rgol ba mang po 'byung bar 'gyur ro/ /de ci'i slad du zhe na/ bcom ldan 'das skyes bu glen pa gang rigs kyi bu dang rigs kyi bu mo shes rab kyi pha rol du phyin pa zab mo 'di 'dri ba dang / klog pa dang lung 'bog pa dang kha ton bgyid pa dang ston pa dang / tshul bzhin du yid la bgyid pa dag gis bar chad bgyid pa ni bdud kyis byin gyis brlabs pa ste/ bcom ldan 'das skyes bu glen pa de dag ni blo chung zhing blo zhan par 'gyur ro/ /bcom ldan 'das skyes bu glen pa gang rigs kyi bu dang rigs kyi bu mo shes rab</font><hr>32.53b<br><font size=+1>

kyi pha rol du phyin pa zab mo 'di 'dri ba dang / klog pa dang lung 'bog pa dang / kha ton bgyid pa dang ston pa dang / tshul bzhin du yid la bgyid pa de dag gi bar chad bgyid pa de dag ni/ blo rgya shin du chung bar 'gyur te/ sangs rgyas kyi chos rlabs po che dag la de dag gi sems mi 'jug go/ /de dag ni shes rab kyi pha rol du phyin pa zab mo 'di mi 'dri/ mi klog lung mi 'bog /kha ton mi bgyid/ mi sgom tshul bzhin du yid la mi bgyid de/ gzhan 'dri zhing klog pa dang kha ton bgyid pa dang / ston pa dang / tshul bzhin du yid la bgyid pa dag la yang bar chad bgyid par 'gyur ro/ /bcom ldan 'das kyis bka' stsal pa/ rab 'byor de de bzhin no/ /de de bzhin te/ rigs kyi bu 'am rigs kyi bu mo gang shes rab kyi pha rol du phyin pa zab mo 'di mi 'dri/ mi klog lung mi 'bog /kha ton mi byed/ mi sgom tshul bzhin du yid la mi byed cing / gzhan 'dri ba dang klog pa dang / lung 'bog pa dang / kha ton byed pa dang / ston pa dang tshul bzhin du yid la byed pa de dag gi bar chad byed pa de dag ni bdud kyis byin gyis brlabs pa/ theg pa la gsar du zhugs pa/ dge ba'i rtsa ba ma bskyed pa/ dge ba'i rtsa ba shin du chung ba/ sngon gyi rgyal ba la dge ba'i rtsa ba ma bsgrubs pa/ dge ba'i bshes gnyen gyis yongs su ma zin pa dag ste/ rigs kyi bu dang rigs kyi bu mo de dag ni blo chung zhing blo zhan par 'gyur ro/ /rigs kyi bu dang rigs kyi bu mo gang shes rab kyi pha rol du phyin pa 'di mi 'dri mi klog /lung mi 'bog /kha ton mi byed/ mi sgom/ tshul bzhin du yid la mi byed cing / gzhan 'dri ba dang / klog pa dang lung 'bog pa dang kha ton byed pa dang / ston pa dang tshul bzhin du yid la byed pa de dag gi bar chad byed pa de dag ni blo rgya shin du chung bar 'gyur te/ sangs rgyas kyi chos rlabs po che dag la de dag gi sems mi 'jug go/ /rab 'byor shes rab kyi pha rol du phyin pa zab mo 'di 'dri ba dang / klog pa dang / lung 'bog pa dang / kha ton byed pa dang ston pa dang / tshul bzhin du yid la byed pa dag la bdud kyi las 'di dag 'byung mod kyi/ 'on kyang</font><hr>32.54a<br><font size=+1>

rab 'byor rigs kyi bu dang rigs kyi bu mo dag shes rab kyi pha rol du phyin pa zab mo 'di 'dri zhing klog pa dang / lung 'bog cing kha ton byed pa dang / tshul bzhin du yid la byed cing / gong du bsam gtan gyi pha rol du phyin pa yongs su rdzogs par byed pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa yongs su rdzogs par byed pa dang / stong pa nyid thams cad yongs su rdzogs par byed pa dang / byang chub kyi phyogs kyi chos sum bcu rtsa bdun yongs su rdzogs par byed pa dang / 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang stong pa nyid dang mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang gzungs kyi sgo rnams dang / de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams dang / snying rje chen po dang / sangs rgyas kyi chos ma 'dres pa rnams yongs su rdzogs par byed pa dang / thams cad shes pa nyid yongs su rdzogs par byed pa dang / lam gyi rnam pa shes pa nyid dang / rnam pa thams cad mkhyen pa nyid yongs su rdzogs par byed na/ rab 'byor de ni sangs rgyas kyi mthu yin par shes par bya ste/ des rigs kyi bu dang rigs kyi bu mo de dag shes rab kyi pha rol du phyin pa zab mo 'di 'dri'o/ /klog go/ /lung 'bog go/ /kha ton byed do/ /tshul bzhin du yid la byed do/ /shes rab kyi pha rol tu phyin pa zab mo 'di nyid yongs su rdzogs par byed do/ /gong du pha rol du phyin pa thams cad yongs su rdzogs par byed do/ /stong pa nyid thams cad dang / byang chub kyi phyogs kyi chos sum bcu rtsa bdun dang / 'phags pa'i bden pa rnams dang / </font><hr>32.54b<br><font size=+1>

bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / rnam par thar pa'i sgo stong pa nyid dang / mtshan ma med pa dang / smon pa med pa dang mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams dang / snying rje chen po dang sangs rgyas kyi chos ma 'dres pa bcwa brgyad yongs su rdzogs par byed do/ /rnam pa thams cad mkhyen pa nyid kyi bar du yongs su rdzogs par byed do/ /phyogs bcu'i sangs rgyas bcom ldan 'das gang ji snyed gcig bzhugs shing 'tsho skyong ba de dag kyang / rigs kyi bu dang rigs kyi bu mo de dag gis shes rab kyi pha rol du phyin pa 'di bri ba dang / klog pa dang lung 'bog pa dang / kha ton bya ba dang bstan pa dang / tshul bzhin du yid la bya ba'i phyir dgongs pa mdzad do/ /phyogs bcu'i byang chub sems dpa' sems dpa' chen po phyir mi ldog pa gang ji snyed pa de dag kyang rigs kyi bu dang rigs kyi bu mo shes rab kyi pha rol du phyin pa 'di 'dri zhing klog pa dang / lung 'bog pa dang kha ton byed pa dang ston pa dang / tshul bzhin du yid la byed pa de dag gi don du brtson par byed cing / yongs su 'dzin par byed do/ /shes rab kyi pha rol du phyin pa stong phrag nyi shu lnga pa/ bam po bzhi bcu lnga pa/ rab 'byor 'di lta ste/ dper na/ bud med la la zhig la/ bu lnga 'am/ bcu 'am/ nyi shu 'am/ sum bcu 'am/ bzhi bcu 'am/ lnga bcu 'am/ brgya 'am/ stong zhig yod na/ de dag ni ma de ci nas kyang mi na bar bya ba'i phyir brtson par byed cing bdag cag gi ma 'di ji ltar na nad med par 'gyur/ bdag cag gi ma 'di la ji ltar na bar chad du mi 'gyur/ bdag cag gi ma 'di ji</font><hr>32.55a<br><font size=+1>

ltar na yun ring du 'tsho bar 'gyur/ bdag cag gi ma 'di ring du 'tsho bar byed na ji ltar bya/ bdag cag gi ma 'di lus la mi bde ba'i nyams med par bya na ji ltar bya/ 'di ni bdag cag skyed skyed pa ste/ srog gi sbyin bdag go/ /zhes de dag ma de la rim gro legs par bya bas rim gro byed do/ /de dag ni 'di'i srog gi bar chad du 'gyur du 'ong ngo / /lus nyam chung bar 'gyur du 'ong ngo / /lus la sha sbrang dang / sbrang bu dang / sbrul gyis gtse ba'i mi bde bas bab du 'ong ngo / /tsha ba dang / grang ba dang / bkres pa dang / skom pas mi bde bar 'gyur du 'ong ngo / /zhes sti stang legs par bya bas sti stang du byed do/ /de ltar bu de dag ma de la 'di ni bdag cag skyed skyed pa'o/ /'di ni 'jig rten 'di ston pa'o/ /zhes bde ba'i yo byad thams cad kyis rgyun tu rim gro byed cing sti stang dang bkur bsti cher byed do/ /rab 'byor de bzhin du de bzhin gshegs pa dgra bcom pa yang dag par rdzogs pa'i sangs rgyas rnams kyang / shes rab kyi pha rol du phyin pa zab mo 'di la sangs rgyas kyi spyan gyis rtag tu rgyun mi chad par gzigs shing dgongs te/ de ci'i phyir zhe na/ shes rab kyi pha rol du phyin pa 'di ni bdag cag gi sangs rgyas kyi chos thams cad skyed skyed pa'o/ /'jig rten 'di ston ston pa'o/ /zhes rgyun tu gzigs shing dgongs so/ /phyogs bcu'i 'jig rten gyi khams gang ga'i klung gi bye ma snyed dag na/ de bzhin gshegs pa dgra bcom pa yang dag par rdzogs pa'i sangs rgyas rnams gang ji snyed cig bzhugs shing 'tsho skyong ba dang / chos ston pa'i sangs rgyas bcom ldan 'das de dag kyang / shes rab kyi pha rol du phyin pa zab mo 'di la sangs rgyas kyi spyan gyis rtag tu rgyun mi chad par gzigs shing dgongs so/ /de ci'i phyir zhe na/ 'di ni de bzhin gshegs pa dgra bcom pa yang dag par rdzogs pa'i sangs rgyas rnams skyed skyed pa'o/ /rnam pa thams cad mkhyen pa nyid kyi ye shes 'di yang ston ston pa'o/ /de bas na</font><hr>32.55b<br><font size=+1>

de bzhin gshegs pa dgra bcom pa yang dag par rdzogs pa'i sangs rgyas rnams shes rab kyi pha rol du phyin pa zab mo 'di la sangs rgyas kyi spyan gyis rtag tu rgyun mi chad par gzigs shing dgongs so/ /de ci'i phyir zhe na/ 'di las byung ba ni de bzhin gshegs pa dgra bcom pa yang dag par rdzogs pa'i sangs rgyas rnams kyi bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa'o/ /'di las byung ba ni nang stong pa nyid dang / phyi stong pa nyid dang / phyi nang stong pa nyid dang / dngos po med pa'i ngo bo nyid stong pa nyid kyi bar ro/ /'di las byung ba ni dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang stobs lnga dang byang chub kyi yan lag bdun dang / 'phags pa'i lam yan lag brgyad pa'o/ /'di las byung ba ni 'phags pa'i bden pa rnams dang / bsam gtan rnams dang / tshad med pa rnams dang gzugs med pa'i snyoms par 'jug pa rnams dang / rnam par thar pa brgyad do/ /'di las byung ba ni mthar gyis gnas pa'i snyoms par 'jug pa dgu dang / rnam par thar pa'i sgo stong pa nyid dang mtshan ma med pa dang / smon pa med pa dang mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang mi 'jigs pa bzhi dang / so so yang dag par rig pa bzhi dang snying rje chen po dang / sangs rgyas kyi chos ma 'dres pa bcwa brgyad dang / rnam pa thams cad mkhyen pa nyid kyi bar ro/ /'di las byung ba ni rgyun du zhugs pa rnams dang / lan gcig phyir 'ong ba rnams dang phyir mi 'ong ba rnams dang / dgra bcom pa rnams dang rang sangs rgyas rnams dang / byang chub sems dpa' rnams dang / de bzhin gshegs pa dgra bcom pa yang dag par rdzogs pa'i sangs rgyas rnams te/ </font><hr>32.56a<br><font size=+1>

rab 'byor de bzhin gshegs pa dgra bcom pa yang dag par rdzogs pa'i sangs rgyas gang ji snyed gcig bla na med pa yang dag par rdzogs pa'i byang chub tu mngon par rdzogs par sangs rgyas pa dang / mngon par rdzogs par 'tshang rgya ba dang / mngon par rdzogs par 'tshang rgya bar 'gyur ba de dag thams cad ni shes rab kyi pha rol du phyin pa zab mo 'di la rten te/ bla na med pa yang dag par rdzogs pa'i byang chub du mngon par rdzogs par sangs rgyas so/ /mngon par rdzogs par 'tshang rgya'o/ /mngon par rdzogs par 'tshang rgya bar 'gyur ro/ /rab 'byor byang chub sems dpa'i theg pa pa'i rigs kyi bu 'am rigs kyi bu mo shes rab kyi pha rol du phyin pa zab mo 'di 'dri zhing klog pa dang lung 'bog pa dang kha ton byed pa dang sgom pa dang tshul bzhin du yid la byed pa de dag thams cad kyang / de bzhin gshegs pa dgra bcom pa yang dag par rdzogs pa'i sangs rgyas kyis/ sangs rgyas kyi spyan gyis rtag tu rgyun mi chad par gzigs shing dgongs so/ /rab 'byor byang chub sems dpa'i theg pa pa'i rigs kyi bu dang rigs kyi bu mo de dag la ni de bzhin gshegs pa dgra bcom pa yang dag par rdzogs pa'i sangs rgyas rnams ci nas kyang / bla na med pa yang dag par rdzogs pa'i byang chub las yongs su nyams par mi 'gyur bar rtag tu rgyun mi 'chad par srung ba mdzad do/ /rab 'byor gyis gsol pa/ bcom ldan 'das kyis gang 'di skad du/ shes rab kyi pha rol du phyin pa ni de bzhin gshegs pa dgra bcom pa yang dag par rdzogs pa'i sangs rgyas rnams bskyed pa'o/ /shes rab kyi pha rol du phyin pa ni 'jig rten ston pa'o/ /zhes bka' stsal pa/ bcom ldan 'das ji ltar na shes rab kyi pha rol du phyin pa de bzhin gshegs pa dgra bcom pa yang dag par rdzogs pa'i sangs rgyas rnams bskyed pa lags/ bcom ldan 'das ji ltar na shes rab kyi pha rol du phyin pa 'jig rten ston pa</font><hr>32.56b<br><font size=+1>

lags/ bcom ldan 'das ji ltar na shes rab kyi pha rol du phyin pas de bzhin gshegs pa bskrun pa lags/ 'jig rten ni de bzhin gshegs pas gang la gsungs/ bcom ldan 'das kyis bka' stsal pa/ rab 'byor shes rab kyi pha rol du phyin pa 'dis de bzhin gshegs pa'i stobs bcu bskyed do/ /mi 'jigs pa bzhi dang / so so yang dag par rig pa bzhi dang / byams pa chen po dang snying rje chen po dang sangs rgyas kyi chos ma 'dres pa bcwa brgyad dang / rnam pa thams cad mkhyen pa nyid kyi bar du bskyed do/ /rab 'byor chos de dag gis ni de bzhin gshegs par brjod de/ rab 'byor de bas na shes rab kyi pha rol du phyin pa zab mo 'dis de bzhin gshegs pa bskyed do/ /gsol pa/ bcom ldan 'das de bzhin gshegs pas gsungs pa'i 'jig rten gang lags/ bcom ldan 'das kyis bka' stsal pa/ rab 'byor phung po lnga ni de bzhin gshegs pas 'jig rten du gsungs so/ /gsol pa/ bcom ldan 'das shes rab kyi pha rol du phyin pa zab mos phung po lnga ni ji ltar bstan pa lags/ bcom ldan 'das shes rab kyi pha rol du phyin pa ni ji ltar phung po lnga ston pa lags/ bcom ldan 'das kyis bka' stsal pa/ shes rab kyi pha rol du phyin pa ni phung po lnga po 'di dag 'jig par ston pa ma yin/ rab tu 'jig par ston pa ma yin te/ skye zhes bya bar mi ston to/ /'gag ces bya bar mi ston to/ /kun nas nyon mongs zhes bya ba dang / rnam par byang zhes bya ba dang / 'phel zhes bya ba dang / 'grib ces bya ba dang / blang zhes bya ba dang / dor zhes bya ba dang / 'das zhes bya ba dang / ma 'ongs shes bya ba dang / da ltar byung zhes bya bar mi ston to/ /de ci'i phyir zhe na/ stong pa nyid la 'jig pa 'am/ rab tu 'jig pa med do/ /mtshan ma med pa la 'jig pa 'am/ rab tu 'jig pa med do/ /smon pa med pa la 'jig pa 'am/ rab tu 'jig pa med do/ /mngon par 'du bya</font><hr>32.57a<br><font size=+1>

ba med pa la 'jig pa 'am/ rab tu 'jig pa med do/ /skye ba med pa la 'jig pa 'am/ rab tu 'jig pa med do/ /dngos po med pa la 'jig pa 'am/ rab tu 'jig pa med do/ /rang bzhin med pa la 'jig pa 'am/ rab tu 'jig pa med do/ /rab 'byor de ltar de bzhin gshegs pas shes rab kyi pha rol du phyin pa 'jig rten ston par gsungs te/ rab 'byor sems can tshad med grangs med dpag tu med pa'i sems dang spyod pa mkhyen pa de dag kyang / shes rab kyi pha rol du phyin pa nyid la brten cing rab tu mkhyen te/ rab 'byor shes rab kyi pha rol du phyin pa zab mo 'di la ni sems can med do/ /sems can du gdags pa mi dmigs so/ /gzugs med do/ /gzugs su gdags pa mi dmigs so/ /tshor ba dang 'du shes dang 'du byed dang rnam par shes pa med do/ /rnam par shes par gdags pa mi dmigs so/ /mig med do/ /gzugs med do/ /mig gi rnam par shes pa med do/ /mig gi 'dus te reg pa med do/ /mig gi 'dus te reg pa'i rkyen gyis tshor ba med do/ /mig du gdags pa mi dmigs so/ /gzugs su gdags pa mi dmigs so/ /mig gi rnam par shes par gdags pa mi dmigs so/ /mig gi 'dus te reg par gdags pa mi dmigs so/ /mig gi 'dus te reg pa'i rkyen gyis tshor bar gdags pa mi dmigs so/ /rna ba med do/ /sgra med do/ /sna med do/ /dri med do/ /lce med do/ /ro med do/ /lus med do/ /reg bya med do/ /yid med do/ /chos med do/ /yid kyi rnam par shes pa med do/ /yid kyi 'dus te reg pa med do/ /yid kyi 'dus te reg pa'i rkyen gyis tshor ba med do/ /yid du gdags pa mi dmigs so/ /chos su gdags pa mi dmigs so/ /yid kyi rnam par shes par gdags pa mi dmigs so/ /yid kyi 'dus te reg par gdags pa mi dmigs so/ /yid kyi 'dus te reg pa'i rkyen gyis tshor bar gdags pa mi dmigs so/ /rten cing 'brel bar 'byung ba rnams med do/ /pha rol du phyin pa rnams med do/ /stong pa nyid thams cad med do/ /</font><hr>32.57b<br><font size=+1>

byang chub kyi phyogs kyi chos rnams med do/ /'phags pa'i bden pa rnams med do/ /bsam gtan rnams med do/ /tshad med pa rnams med do/ /gzugs med pa'i snyoms par 'jug pa rnams med do/ /rnam par thar pa brgyad med do/ /mthar gyis gnas pa'i snyoms par 'jug pa dgu med do/ /rnam par thar pa'i sgo stong pa nyid dang mtshan ma med pa dang smon pa med pa med do/ /mngon par shes pa rnams med do/ /ting nge 'dzin rnams med do/ /gzungs kyi sgo rnams med do/ /de bzhin gshegs pa'i stobs rnams med do/ /mi 'jigs pa rnams med do/ /so so yang dag par rig pa rnams med do/ /snying rje chen po med do/ /sangs rgyas kyi chos ma 'dres pa rnams med do/ /rnam pa thams cad mkhyen pa nyid kyi bar du med do/ /rnam pa thams cad mkhyen pa nyid kyi bar du gdags pa mi dmigs so/ /rab 'byor de ltar na shes rab kyi pha rol du phyin pa zab mo 'di ni/ de bzhin gshegs pa rnams kyi 'jig rten ston pa yin te/ shes rab kyi pha rol du phyin pa zab mo 'di ni gzugs ston par byed pa ma yin no/ /tshor ba dang 'du shes dang 'du byed dang rnam par shes pa ston par byed pa ma yin no/ /rnam pa thams cad mkhyen pa nyid kyi bar du ston par byed pa ma yin no/ /de ci'i phyir zhe na/ rab 'byor shes rab kyi pha rol du phyin pa nyid kyang / shes rab kyi pha rol du phyin pa zab mo 'di nyid la med cing mi dmigs na/ gzugs dang / tshor ba dang / 'du shes dang 'du byed dang / rnam par shes pa yod pa 'am/ dmigs par lta ga la 'gyur/ rnam pa thams cad mkhyen pa nyid kyi bar du yod pa 'am/ dmigs par lta ga la 'gyur/ rab 'byor gzhan yang sems can ji snyed gcig gdags su yod pa/ gzugs yod pa 'am/ gzugs med pa 'am/ 'du shes yod pa 'am/ 'du shes med pa 'am/ 'du shes yod pa yang ma yin/ 'du shes med pa yang ma yin pa/ 'jig rten gyi khams 'di dang / phyogs bcu kun</font><hr>32.58a<br><font size=+1>

gyi 'jig rten gyi khams dag gi yang rung ste/ de dag gi sems bsdus pa dang / spros pa de dag kyang de bzhin gshegs pas sems bsdus pa dang / spros par yang dag pa ji lta ba bzhin du rab tu mkhyen to/ /rab 'byor ji ltar na de bzhin gshegs pas sems can de dag gi sems bsdus pa dang / spros pa yang dag par ci lta ba bzhin du rab tu mkhyen ce na/ rab 'byor de bzhin gshegs pas sems can de dag gi sems bsdus pa dang / spros pa ni chos nyid kyis yang dag par ji lta ba bzhin du rab tu mkhyen to/ /gsol pa/ bcom ldan 'das de bzhin gshegs pas sems can de dag gi sems bsdus pa dang / spros pa chos nyid gang gis yang dag pa ji lta ba bzhin du rab tu mkhyen/ bcom ldan 'das kyis bka' stsal pa/ rab 'byor de ni chos nyid gang la chos nyid kyang mi dmigs na sems bsdus pa dang / spros pa lta smos kyang mi smos pa'i chos nyid des/ de bzhin gshegs pas sems can de dag gi sems bsdus pa dang / spros pa yang dag pa ji lta ba bzhin du rab tu mkhyen to/ /rab 'byor gzhan yang de bzhin gshegs pa dgra bcom pa yang dag par rdzogs pa'i sangs rgyas kyis/ sems can de dag gi sems bsdus pa dang / spros pa yang dag pa ji lta ba bzhin du rab tu mkhyen to/ /rab 'byor de bzhin gshegs pa dgra bcom pa yang dag par rdzogs pa'i sangs rgyas kyis/ sems can de dag gi sems bsdus pa dang / spros pa de ltar yang dag pa ji lta ba bzhin du rab tu mkhyen ce na/ rab 'byor de bzhin gshegs pa dgra bcom pa yang dag par rdzogs pa'i sangs rgyas kyis/ sems can de dag gi sems bsdus pa dang / spros pa ni zad pa'i rnam par yang dag pa ji lta ba bzhin du rab tu mkhyen to/ /rab 'byor de bzhin gshegs pa dgra bcom pa yang dag par rdzogs pa'i sangs rgyas kyis/ sems can de dag gi sems bsdus pa dang / spros pa ni 'dod</font><hr>32.58b<br><font size=+1>

chags dang bral ba dang / 'gag pa dang / spong ba'i rnam par yang dag pa ji lta ba bzhin du rab tu mkhyen to/ /rab 'byor de bzhin gshegs pa dgra bcom pa yang dag par rdzogs pa'i sangs rgyas kyis/ sems can de dag gi sems bsdus pa dang / spros pa ni zhi ba dang / dben pa'i rnam par yang dag pa ji lta ba bzhin du rab tu mkhyen to/ /rab 'byor de ltar na de bzhin gshegs pa dgra bcom pa yang dag par rdzogs pa'i sangs rgyas ni sems can de dag gi sems bsdus pa dang / spros pa yang dag pa ji lta ba bzhin du rab tu mkhyen to/ /rab 'byor gzhan yang de bzhin gshegs pa dgra bcom pa yang dag par rdzogs pa'i sangs rgyas kyis/ sems can de dag gi sems 'dod chags dang bcas pa la/ 'dod chags dang bcas pa'i sems shes bya bar yang dag pa ji lta ba bzhin du rab tu mkhyen to/ /'dod chags dang bral ba'i sems la/ 'dod chags dang bral ba'i sems shes bya bar yang dag pa ji lta ba bzhin du rab tu mkhyen to/ /zhe sdang dang bcas pa'i sems la/ zhe sdang dang bcas pa'i sems shes bya bar yang dag pa ji lta ba bzhin du rab tu mkhyen to/ /zhe sdang dang bral ba'i sems la/ zhe sdang dang bral ba'i sems shes bya bar yang dag pa ji lta ba bzhin du rab tu mkhyen to/ /gti mug dang bcas pa'i sems la/ gti mug dang bcas pa'i sems shes bya bar yang dag pa ji lta ba bzhin du rab tu mkhyen to/ /gti mug dang bral ba'i sems la/ gti mug dang bral ba'i sems shes bya bar yang dag pa ji lta ba bzhin du rab tu mkhyen to/ /gsol pa/ bcom ldan 'das ji ltar na de bzhin gshegs pa dgra bcom pa yang dag par rdzogs pa'i sangs rgyas kyis/ sems can de dag gi sems 'dod chags dang bcas pa la/ 'dod chags dang bcas pa'i sems shes bgyi bar yang dag pa ji lta ba bzhin du rab tu mkhyen pa lags/ ji ltar na zhe sdang dang bcas pa</font><hr>32.59a<br><font size=+1>

dang / gti mug dang bcas pa la gti mug dang bcas pa'i sems shes bgyi bar yang dag pa ji lta ba bzhin du rab tu mkhyen pa lags/ bcom ldan 'das kyis bka' stsal pa/ rab 'byor sems 'dod chags dang bcas pa gang yin pa de ni sems kyi yang dag pa ji lta ba nyid ma yin no/ /de ci'i phyir zhe na/ rab 'byor sems ni yang dag pa ji lta ba bzhin du dmigs su med do/ /sems las byung ba'i chos rnams kyang dmigs su med na/ 'dod chags dang bcas pa 'am/ 'dod chags dang bral ba'i sems dmigs pa lta ci zhig smos/ rab 'byor sems zhe sdang dang bcas pa gang yin pa de ni/ sems kyi yang dag pa ji lta ba nyid ma yin no/ /de ci'i phyir zhe na/ rab 'byor sems ni yang dag pa ji lta ba bzhin du dmigs su med de/ sems las byung ba'i chos rnams kyang dmigs su med na/ zhe sdang dang bcas pa 'am/ zhe sdang dang bral ba'i sems dmigs pa lta ci zhig smos/ rab 'byor sems gti mug dang bcas pa gang yin pa de ni/ sems kyi yang dag pa ji lta ba nyid ma yin no/ /de ci'i phyir zhe na/ rab 'byor sems ni yang dag pa ji lta ba bzhin du dmigs su med de/ sems las byung ba'i chos rnams kyang dmigs su med na/ gti mug dang bcas pa 'am/ gti mug dang bral ba'i sems dmigs pa lta ci zhig smos/ rab 'byor de ltar na de bzhin gshegs pas shes rab kyi pha rol du phyin pa 'di la brten te/ sems can de dag gi sems 'dod chags dang bcas pa la 'dod chags dang bcas pa'i sems shes bya bar yang dag pa ji lta ba bzhin du rab tu mkhyen to/ /zhe sdang dang bcas pa'i sems la/ zhe sdang dang bcas pa'i sems shes bya bar yang dag pa ji lta ba bzhin du rab tu mkhyen to/ /gti mug dang bcas pa'i sems la/ gti mug dang bcas pa'i sems shes bya bar yang dag pa ji lta ba bzhin du rab tu mkhyen to/ /rab 'byor ji ltar na de bzhin gshegs pas sems can de dag gi sems 'dod chags dang</font><hr>32.59b<br><font size=+1>

bral ba la 'dod chags dang bral ba'i sems shes bya bar yang dag pa ji lta ba bzhin du rab tu mkhyen ce na/ rab 'byor sems 'dod chags dang bral ba gang yin pa de ni/ sems kyi 'dod chags dang bcas pa nyid ma yin/ 'dod chags dang bral ba nyid ma yin no/ /de ci'i phyir zhe na/ rab 'byor sems gnyis 'grogs shing phrad pa med de/ rab 'byor de ltar na de bzhin gshegs pas sems can de dag gi sems 'dod chags dang bral ba la/ 'dod chags dang bral ba'i sems shes bya bar yang dag pa ji lta ba bzhin du rab tu mkhyen to/ /rab 'byor ji ltar na sems can de dag gi sems zhe sdang dang bral ba la/ zhe sdang dang bral ba'i sems shes bya bar yang dag pa ji lta ba bzhin du rab tu mkhyen ce na/ rab 'byor sems zhe sdang dang bral ba gang yin pa de ni/ sems kyi zhe sdang dang bcas pa nyid ma yin te/ zhe sdang dang bral ba nyid ma yin no/ /de ci'i phyir zhe na/ rab 'byor sems gnyis 'grogs shing phrad pa med de/ rab 'byor de ltar na de bzhin gshegs pas sems can de dag gi sems zhe sdang dang bral ba la/ zhe sdang dang bral ba'i sems shes bya bar yang dag pa ji lta ba bzhin du rab tu mkhyen to/ /rab 'byor ji ltar na de bzhin gshegs pas sems can de dag gi sems gti mug dang bral ba la/ gti mug dang bral ba'i sems shes bya bar yang dag par ji lta ba bzhin du rab tu mkhyen ce na/ rab 'byor sems gti mug dang bral ba de ni/ sems kyi gti mug dang bcas pa nyid ma yin/ gti mug dang bral ba nyid ma yin no/ /de ci'i phyir zhe na/ rab 'byor sems gnyis 'grogs shing phrad pa med de/ rab 'byor de ltar na de bzhin gshegs pas sems can de dag gi sems gti mug dang bral ba la/ gti mug dang bral ba'i sems shes bya bar yang dag pa ji lta ba bzhin du rab tu mkhyen to/ /rab 'byor gzhan yang de bzhin gshegs pas shes rab kyi pha rol du phyin pa zab mo 'di la brten te/ sems can pha rol</font><hr>32.60a<br><font size=+1>

dang / gang zag pha rol gyi sems rgya che ba la/ sems rgya che zhes bya bar yang dag pa ji lta ba bzhin du rab tu mkhyen to/ /rab 'byor de bzhin gshegs pas shes rab kyi pha rol du phyin pa zab mo 'di la brten te/ sems can pha rol dang / gang zag pha rol gyi sems rgya che ba la/ sems rgya che zhes bya bar yang dag pa ji lta ba bzhin du rab tu mkhyen ce na/ rab 'byor 'di la de bzhin gshegs pa dgra bcom pa yang dag par rdzogs pa'i sangs rgyas kyis/ sems can pha rol dang gang zag pha rol gyi sems de rgya che bar mi 'gyur/ sems de rgya chung bar mi 'gyur/ sems de 'phel bar mi 'gyur/ sems de 'grib par mi 'gyur/ sems de 'ong bar mi 'gyur/ sems de 'gro bar mi 'gyur te/ sems de dngos po med pas rgya che bar 'gyur ba ma yin/ rgya chung bar 'gyur ba ma yin/ 'phel bar 'gyur ba ma yin/ 'grib par 'gyur ba ma yin/ 'ong bar 'gyur ba ma yin/ 'gro bar 'gyur ba ma yin no/ /zhes bya bar rab tu mkhyen to/ /de ci'i phyir zhe na/ de ni 'di ltar sems la gang gis rgya chen por 'gyur ba 'am/ rgya chung ngur 'gyur ba 'am/ 'phel bar 'gyur ba 'am/ 'grib par 'gyur ba 'am/ 'ong bar 'gyur ba 'am/ 'gro bar 'gyur ba'i ngo bo nyid med pa'i phyir te/ rab 'byor de ltar na de bzhin gshegs pa dgra bcom pa yang dag par rdzogs pa'i sangs rgyas kyis/ shes rab kyi pha rol du phyin pa zab mo 'di la brten te/ sems can pha rol dang / gang zag pha rol gyi sems rgya che ba la/ sems rgya che zhes bya bar yang dag pa ji lta ba bzhin du rab tu mkhyen to/ /rab 'byor gzhan yang de bzhin gshegs pa dgra bcom pa yang dag par rdzogs pa'i sangs rgyas kyis/ shes rab kyi pha rol du phyin pa 'di la brten te/ sems can pha rol dang / gang zag pha rol kyi sems yangs pa la/ sems yangs shes bya bar yang dag pa ji lta ba bzhin du rab tu mkhyen to/ /rab 'byor ji ltar na de bzhin gshegs pa dgra bcom</font><hr>32.60b<br><font size=+1>

pa yang dag par rdzogs pa'i sangs rgyas kyis/ shes rab kyi pha rol du phyin pa 'di la brten te/ sems can pha rol dang / gang zag pha rol gyi sems yangs pa la sems yangs shes bya bar yang dag pa ji lta ba bzhin du rab tu mkhyen ce na/ rab 'byor 'di la de bzhin gshegs pa dgra bcom pa yang dag par rdzogs pa'i sangs rgyas kyis/ sems can pha rol dang / gang zag pha rol gyi sems de la 'ong ba dang / 'gro ba mi gzigs so/ /skye ba dang 'gag pa dang gnas pa dang gnas pa las gzhan du 'gyur ba mi gzigs so/ /de ci'i phyir zhe na/ rab 'byor sems de la gang 'ong bar 'gyur ba 'am/ 'gro bar 'gyur ba 'am/ skye bar 'gyur ba 'am/ 'gag par 'gyur ba 'am/ gnas par 'gyur ba 'am gnas pa las gzhan du 'gyur ba de lta bu'i ngo bo nyid med de/ rab 'byor de ltar na de bzhin gshegs pa dgra bcom pa yang dag par rdzogs pa'i sangs rgyas kyis/ shes rab kyi pha rol du phyin pa 'di la brten te/ sems can pha rol dang / gang zag pha rol gyi sems yangs pa la/ sems yangs shes bya bar yang dag pa ji lta ba bzhin du rab tu mkhyen to/ /rab 'byor gzhan yang de bzhin gshegs pa dgra bcom pa yang dag par rdzogs pa'i sangs rgyas kyis/ shes rab kyi pha rol du phyin pa 'di la brten te/ sems can pha rol dang / gang zag pha rol gyi sems tshad med pa la/ sems tshad med ces bya bar yang dag pa ji lta ba bzhin du rab tu mkhyen to/ /rab 'byor ji ltar na de bzhin gshegs pa dgra bcom pa yang dag par rdzogs pa'i sangs rgyas kyis/ shes rab kyi pha rol du phyin pa 'di la brten te/ sems can pha rol dang / gang zag pha rol gyi sems tshad med pa la/ sems tshad med ces bya bar yang dag pa ji lta ba bzhin du rab tu mkhyen ce na/ rab 'byor 'di la de bzhin gshegs pa dgra bcom pa yang dag par rdzogs pa'i sangs rgyas kyis/ sems can pha rol dang / gang zag pha rol gyi sems gnas par yang dag par rjes su mi gzigs/ </font><hr>32.61a<br><font size=+1>

rnam par gnas pa dang / yongs su gnas pa dang / nye bar gnas par yang dag par rjes su mi gzigs so/ /de ci'i phyir zhe na/ rab 'byor sems kyi rgyud ni rten med cing tshad med pa ste/ sems kyi rgyud de dag la gang la gnas par bya ba'i rten med pa'i phyir te/ rab 'byor de ltar na de bzhin gshegs pa dgra bcom pa yang dag par rdzogs pa'i sangs rgyas kyis/ shes rab kyi pha rol du phyin pa 'di la brten te/ sems can pha rol dang / gang zag pha rol gyi sems tshad med pa la/ sems tshad med ces bya bar yang dag pa ji lta ba bzhin du rab tu mkhyen to/ /rab 'byor gzhan yang de bzhin gshegs pa dgra bcom pa yang dag par rdzogs pa'i sangs rgyas kyis/ shes rab kyi pha rol du phyin pa 'di la brten te/ sems can pha rol dang / gang zag pha rol gyi sems bstan du med pa la/ sems bstan du med ces bya bar yang dag pa ji lta ba bzhin du rab tu mkhyen to/ /rab 'byor ji ltar na de bzhin gshegs pa dgra bcom pa yang dag par rdzogs pa'i sangs rgyas kyis/ shes rab kyi pha rol du phyin pa zab mo 'di la brten te/ sems can pha rol dang / gang zag pha rol gyi sems bstan du med pa la/ sems bstan du med ces bya bar yang dag pa ji lta ba bzhin du rab tu mkhyen ce na/ rab 'byor 'di la de bzhin gshegs pa dgra bcom pa yang dag par rdzogs pa'i sangs rgyas kyis/ mtshan nyid med pa'i sems la/ rang gi mtshan nyid stong pa nyid kyi phyir/ mtshan nyid med pa'i sems shes bya bar yang dag pa ji lta ba bzhin du rab tu mkhyen te/ rab 'byor de ltar na de bzhin gshegs pa dgra bcom pa yang dag par rdzogs pa'i sangs rgyas kyis/ shes rab kyi pha rol du phyin pa zab mo 'di la brten te/ sems can pha rol dang / gang zag pha rol gyi sems bstan du med pa la bstan du med pa'i sems shes bya bar yang dag pa ji lta ba bzhin du rab tu mkhyen to/ /rab 'byor gzhan</font><hr>32.61b<br><font size=+1>

yang de bzhin gshegs pa dgra bcom pa yang dag par rdzogs pa'i sangs rgyas kyis/ shes rab kyi pha rol du phyin pa zab mo 'di la brten te/ sems can pha rol dang / gang zag pha rol gyi sems bltar med pa la/ bltar med pa'i sems shes bya bar yang dag pa ji lta ba bzhin du rab tu mkhyen to/ /rab 'byor ji ltar na de bzhin gshegs pa dgra bcom pa yang dag par rdzogs pa'i sangs rgyas kyis/ shes rab kyi pha rol du phyin pa zab mo 'di la brten te/ sems can pha rol dang / gang zag pha rol gyi sems bltar med pa la/ bltar med pa'i sems shes bya bar yang dag pa ji lta ba bzhin du rab tu mkhyen ce na/ rab 'byor 'di la de bzhin gshegs pa'i spyan lnga la/ sems can pha rol dang / gang zag pha rol gyi sems de dag snang bar mi 'gyur te/ rab 'byor de ltar na de bzhin gshegs pa dgra bcom pa yang dag par rdzogs pa'i sangs rgyas kyis/ shes rab kyi pha rol du phyin pa zab mo 'di la brten te/ sems can pha rol dang / gang zag pha rol gyi sems bltar med pa la/ bltar med pa'i sems shes bya bar yang dag pa ji lta ba bzhin du rab tu mkhyen to/ /rab 'byor gzhan yang de bzhin gshegs pa dgra bcom pa yang dag par rdzogs pa'i sangs rgyas kyis/ shes rab kyi pha rol du phyin pa zab mo 'di la brten te/ sems can pha rol dang / gang zag pha rol gyi sems 'phro ba dang / 'du ba dang / bkram pa dang / bcum pa yang dag pa ji lta ba bzhin du rab tu mkhyen to/ /rab 'byor ji ltar na de bzhin gshegs pa dgra bcom pa yang dag par rdzogs pa'i sangs rgyas kyis/ shes rab kyi pha rol du phyin pa zab mo 'di la brten te/ sems can pha rol dang / gang zag pha rol gyi sems 'phro ba dang / 'du ba dang / bkram pa dang / bcum pa yang dag pa ji lta ba bzhin du rab tu mkhyen ce na/ rab 'byor 'di la de bzhin gshegs pa dgra bcom pa yang dag par rdzogs pa'i sangs rgyas kyis/ sems can pha rol dang / gang zag pha rol gyi sems 'phro ba dang / </font><hr>32.62a<br><font size=+1>

'du ba dang / bkram pa dang / bcum pa gang ji snyed cig skye zhing 'byung ba de dag thams cad kyang gzugs la brten/ tshor ba dang 'du shes dang 'du byed dang / rnam par shes pa la brten pas skye zhing 'byung bar 'gyur ro zhes bya bar/ sems can pha rol dang / gang zag pha rol gyi sems de dag rab tu mkhyen to/ /rab 'byor de ltar na de bzhin gshegs pa dgra bcom pa yang dag par rdzogs pa'i sangs rgyas kyis/ shes rab kyi pha rol du phyin pa zab mo 'di la brten te/ sems can pha rol dang / gang zag pha rol gyi sems 'phro ba dang / 'du ba dang / bkram pa dang / bcum pa yang dag pa ji lta ba bzhin du rab tu mkhyen to/ /de la de bzhin gshegs pa dgra bcom pa yang dag par rdzogs pa'i sangs rgyas kyis/ sems can pha rol dang / gang zag pha rol gyi sems 'phro ba dang / 'du ba dang / bkram pa dang / bcum pa rnam pa 'di ltar rab tu mkhyen te/ bdag dang 'jig rten rtag ces bya ba de nyid bden gyi/ gzhan ni don med do ces bya ba de ni/ gzugs la gnas pa'o/ /de ni tshor ba dang 'du shes dang 'du byed dang / rnam par shes pa la gnas pa'o/ /bdag dang 'jig rten mi rtag ces bya ba de nyid bden gyi/ gzhan ni don med do zhes bya ba de ni gzugs la gnas pa'o/ /de ni tshor ba dang 'du shes dang 'du byed dang / rnam par shes pa la gnas pa'o/ /bdag dang 'jig rten rtag kyang rtag la/ mi rtag kyang mi rtag ces bya ba de nyid bden gyi/ gzhan ni don med do zhes bya ba de ni gzugs la gnas pa'o/ /de ni tshor ba dang 'du shes dang 'du byed dang / rnam par shes pa la gnas pa'o/ /bdag dang 'jig rten ni rtag pa 'ang ma yin/ mi rtag pa 'ang ma yin zhes bya ba de nyid bden gyi/ gzhan ni don med pa'o zhes bya ba de ni gzugs la gnas pa'o/ /de ni tshor ba dang 'du shes dang 'du byed dang / rnam par shes pa la gnas pa'o/ /bdag dang 'jig rten ni mtha' dang ldan pa zhes bya ba de nyid bden gyi/ gzhan ni don med do/ /zhes bya ba de ni gzugs la gnas pa'o/ /</font><hr>32.62b<br><font size=+1>

de ni tshor ba dang 'du shes dang 'du byed dang / rnam par shes pa la gnas pa'o/ /bdag dang 'jig rten ni mtha' dang mi ldan pa zhes bya ba de nyid bden gyi/ gzhan ni don med do zhes bya ba de ni gzugs la gnas pa'o/ /de ni tshor ba dang 'du shes dang 'du byed dang / rnam par shes pa la gnas pa'o/ /bdag dang 'jig rten ni mtha' dang ldan pa yang yin la/ mtha' dang mi ldan pa yang yin zhes bya ba de nyid bden gyi/ gzhan ni don med do zhes bya ba de ni gzugs la gnas pa'o/ /de ni tshor ba dang 'du shes dang 'du byed dang / rnam par shes pa la gnas pa'o/ /bdag dang 'jig rten ni mtha' dang ldan pa yang ma yin/ mtha' dang mi ldan pa yang yin zhes bya ba de nyid bden gyi/ gzhan ni don med do zhes bya ba de ni gzugs la gnas pa'o/ /de ni tshor ba dang 'du shes dang 'du byed dang / rnam par shes pa la gnas pa'o/ /lus de srog dang ldan zhes bya ba de nyid bden gyi/ gzhan ni don med do zhes bya ba de ni gzugs la gnas pa'o/ /de ni tshor ba dang 'du shes dang 'du byed dang / rnam par shes pa la gnas pa'o/ /srog kyang gzhan la lus kyang gzhan zhes bya ba de nyid bden gyi/ gzhan ni don med do zhes bya ba de ni gzugs la gnas pa'o/ /de ni tshor ba dang 'du shes dang 'du byed dang / rnam par shes pa la gnas pa'o/ /de bzhin gshegs pa grongs nas yod ces bya ba de nyid bden gyi/ gzhan ni don med do zhes bya ba de ni gzugs la gnas pa'o/ /de ni tshor ba dang 'du shes dang 'du byed dang / rnam par shes pa la gnas pa'o/ /de ltar de bzhin gshegs pa grongs nas med ces bya ba dang / de bzhin gshegs pa grongs nas yod kyang yod la med kyang med ces bya ba dang / de bzhin gshegs pa grongs nas yod par 'gyur ba yang ma yin/ med par 'gyur ba yang ma yin zhes bya ba de nyid bden gyi/ gzhan ni don med do zhes bya ba de ni gzugs</font><hr>32.63a<br><font size=+1>

la gnas pa'o/ /de ni tshor ba dang 'du shes dang 'du byed dang / rnam par shes pa la gnas pa'o zhes bya bar rab tu mkhyen te/ rab 'byor de ltar na de bzhin gshegs pa dgra bcom pa yang dag par rdzogs pa'i sangs rgyas kyis/ shes rab kyi pha rol du phyin pa zab mo 'di la brten te/ sems can pha rol dang / gang zag pha rol gyi sems 'phro ba dang / 'du ba dang / bkram pa dang / bcum pa yang dag pa ji lta ba bzhin du rab tu mkhyen to/ /rab 'byor gzhan yang de bzhin gshegs pas/ shes rab kyi pha rol du phyin pa zab mo 'di la brten te/ gzugs mkhyen to/ /gzugs ji ltar mkhyen ce na/ de bzhin nyid dang / ma nor ba de bzhin nyid 'gyur ba med cing rnam par rtog pa med la/ mtshan ma med cing byed pa med de/ spros pa med cing dmigs su med pa de ltar mkhyen to/ /tshor ba dang 'du shes dang 'du byed dang rnam par shes pa mkhyen to/ /rnam par shes pa ji ltar mkhyen ce na/ de bzhin nyid dang ma nor ba de bzhin nyid 'gyur ba med cing rnam par rtog pa med la/ mtshan ma med cing byed pa med de/ spros pa med cing dmigs su med pa de ltar mkhyen to/ /rab 'byor de bzhin du de bzhin gshegs pas shes rab kyi pha rol du phyin pa zab mo 'di la brten te/ sems can pha rol dang / gang zag pha rol gyi sems 'phro ba dang / 'du ba dang / bkram pa dang / bcum pa rnams kyang de bzhin nyid ji lta ba de bzhin du rab tu mkhyen to/ /ma nor ba de bzhin nyid dang / 'gyur ba med pa dang / rnam par rtog pa med pa dang / mtshan ma med pa dang / byed pa med pa dang / spros pa med pa dang / dmigs su med pa ji lta ba de bzhin du mkhyen to/ /de ltar na 'phro ba dang / 'du ba dang / bkram pa dang / bcum pa'i de bzhin nyid gang yin pa de ni/ phung po'i de bzhin nyid do/ /phung po'i de bzhin nyid gang yin pa de ni/ skye mched kyi de bzhin nyid do/ /skye mched kyi de bzhin nyid gang yin pa de ni/ khams kyi de bzhin nyid do/ /khams kyi de bzhin nyid</font><hr>32.63b<br><font size=+1>

gang yin pa de ni/ rten cing 'brel bar 'byung ba'i de bzhin nyid do/ /rten cing 'brel bar 'byung ba'i de bzhin nyid gang yin pa de ni/ chos thams cad kyi de bzhin nyid do/ /chos thams cad kyi de bzhin nyid gang yin pa de ni/ pha rol du phyin pa drug gi de bzhin nyid do/ /pha rol du phyin pa drug gi de bzhin nyid gang yin pa de ni/ stong pa nyid thams cad kyi de bzhin nyid do/ /stong pa nyid thams cad kyi de bzhin nyid gang yin pa de ni/ byang chub kyi phyogs kyi chos sum bcu rtsa bdun gyi de bzhin nyid do/ /byang chub kyi phyogs kyi chos sum bcu rtsa bdun gyi de bzhin nyid gang yin pa de ni/ bsam gtan bzhi'i de bzhin nyid do/ /bsam gtan bzhi'i de bzhin nyid gang yin pa de ni/ tshad med pa bzhi'i de bzhin nyid do/ /tshad med pa bzhi'i de bzhin nyid gang yin pa de ni/ gzugs med pa'i snyoms par 'jug pa bzhi'i de bzhin nyid do/ /gzugs med pa'i snyoms par 'jug pa bzhi'i de bzhin nyid gang yin pa de ni/ mngon par shes pa lnga'i de bzhin nyid do/ /mngon par shes pa lnga'i de bzhin nyid gang yin pa de ni/ rnam par thar pa brgyad kyi de bzhin nyid do/ /rnam par thar pa brgyad kyi de bzhin nyid gang yin pa de ni/ mthar gyis gnas pa'i snyoms par 'jug pa dgu'i de bzhin nyid do/ /mthar gyis gnas pa'i snyoms par 'jug pa dgu'i de bzhin nyid gang yin pa de ni/ rnam par thar pa'i sgo stong pa nyid dang / mtshan ma med pa dang / smon pa med pa'i de bzhin nyid do/ /rnam par thar pa'i sgo stong pa nyid dang / mtshan ma med pa dang / smon pa med pa'i de bzhin nyid gang yin pa de ni/ de bzhin gshegs pa'i stobs bcu'i de bzhin nyid do/ /de bzhin gshegs pa'i stobs bcu'i de bzhin nyid gang yin pa de ni/ mi 'jigs pa bzhi'i de bzhin nyid do/ /mi 'jigs pa bzhi'i de bzhin nyid gang yin pa de ni/ so so yang dag par rig pa bzhi'i de bzhin nyid do/ /so so yang dag par rig pa bzhi'i de bzhin nyid gang yin pa de ni/ byams</font><hr>32.64a<br><font size=+1>

pa chen po'i de bzhin nyid do/ /byams pa chen po'i de bzhin nyid gang yin pa de ni/ snying rje chen po'i de bzhin nyid do/ /snying rje chen po'i de bzhin nyid gang yin pa de ni/ sangs rgyas kyi chos ma 'dres pa bcwa brgyad kyi de bzhin nyid do/ /sangs rgyas kyi chos ma 'dres pa bcwa brgyad kyi de bzhin nyid gang yin pa de ni/ rnam pa thams cad mkhyen pa nyid kyi de bzhin nyid do/ /rnam pa thams cad mkhyen pa nyid kyi de bzhin nyid gang yin pa de ni/ dge ba'i chos rnams kyi de bzhin nyid do/ /dge ba'i chos rnams kyi de bzhin nyid gang yin pa de ni/ mi dge ba'i chos rnams kyi de bzhin nyid do/ /mi dge ba'i chos rnams kyi de bzhin nyid gang yin pa de ni/ 'jig rten pa'i chos rnams kyi de bzhin nyid do/ /'jig rten pa'i chos rnams kyi de bzhin nyid gang yin pa de ni/ 'jig rten las 'das pa'i chos rnams kyi de bzhin nyid do/ /'jig rten las 'das pa'i chos rnams kyi de bzhin nyid gang yin pa de ni/ zag pa dang bcas pa'i chos rnams kyi de bzhin nyid do/ /zag pa dang bcas pa'i chos rnams kyi de bzhin nyid gang yin pa de ni/ zag pa med pa'i chos rnams kyi de bzhin nyid do/ /zag pa med pa'i chos rnams kyi de bzhin nyid gang yin pa de ni/ 'das pa dang / ma 'ongs pa dang / da ltar byung ba'i chos rnams kyi de bzhin nyid do/ /'das pa dang / ma 'ongs pa dang / da ltar byung ba'i chos rnams kyi de bzhin nyid gang yin pa de ni/ 'dus byas dang / 'dus ma byas kyi chos rnams kyi de bzhin nyid do/ /'dus byas dang / 'dus ma byas kyi chos rnams kyi de bzhin nyid gang yin pa de ni/ rgyun du zhugs pa'i 'bras bu'i de bzhin nyid do/ /rgyun du zhugs pa'i 'bras bu'i de bzhin nyid gang yin pa de ni/ lan gcig phyir 'ong ba'i 'bras bu'i de bzhin nyid do/ /lan gcig phyir 'ong ba'i 'bras bu'i de bzhin nyid gang yin pa de ni/ phyir mi 'ong ba'i 'bras bu'i de</font><hr>32.64b<br><font size=+1>

bzhin nyid do/ /phyir mi 'ong ba'i 'bras bu'i de bzhin nyid gang yin pa de ni/ dgra bcom pa nyid kyi de bzhin nyid do/ /dgra bcom pa nyid kyi de bzhin nyid gang yin pa de ni/ rang byang chub kyi de bzhin nyid do/ /rang byang chub kyi de bzhin nyid gang yin pa de ni/ bla na med pa yang dag par rdzogs pa'i byang chub kyi de bzhin nyid do/ /bla na med pa yang dag par rdzogs pa'i byang chub kyi de bzhin nyid gang yin pa de ni/ de bzhin gshegs pa'i de bzhin nyid do/ /de bzhin gshegs pa'i de bzhin nyid gang yin pa de ni/ de bzhin nyid gcig pa nyid de tha mi dad pa'i de bzhin nyid do/ /tha mi dad pa'i de bzhin nyid gang yin pa de ni/ mi zad pa ste mi zad pa'i phyir gnyis su med de/ gnyis su byar med do/ /rab 'byor de ni chos thams cad kyi de bzhin nyid de/ de bzhin gshegs pas shes rab kyi pha rol du phyin pa 'di la brten te/ mngon par rdzogs par sangs rgyas so/ /rab 'byor de lta bas na shes rab kyi pha rol du phyin pa zab mo 'di ni/ de bzhin gshegs pa bskyed pa'o/ /'jig rten 'di ston pa'o/ /rab 'byor de ltar na de bzhin gshegs pa dgra bcom pa yang dag par rdzogs pa'i sangs rgyas kyis/ chos thams cad kyi de bzhin nyid thugs su chud do/ /ma nor ba de bzhin nyid dang / gzhan ma yin pa de bzhin nyid thugs su chud do/ /de bzhin nyid des na de bzhin gshegs pa dgra bcom pa yang dag par rdzogs pa'i sangs rgyas shes bya'o/ /rab 'byor gyis gsol pa/ bcom ldan 'das 'di lta ste/ chos thams cad kyi de bzhin nyid dang / ma nor ba de bzhin nyid dang / gzhan ma lags pa de bzhin nyid 'di ni zab pa ste/ bcom ldan 'das chos thams cad kyi de bzhin nyid dang / ma nor ba de bzhin nyid dang / gzhan ma lags pa de bzhin nyid des na/ sangs rgyas bcom ldan 'das rnams kyi byang chub brjod cing smos so/ /bcom ldan 'das slar mi ldog pa'i byang chub sems dpa' sems dpa' chen po rnams dang /  </font><hr>32.65a<br><font size=+1>

gang zag lta ba phun sum tshogs pa rnams dang / dgra bcom pa zag pa zad pa rnams ma gtogs par su zhig 'di la mos par 'gyur/ bcom ldan 'das de bzhin gshegs pas chos de dag mngon par sangs rgyas nas/ sems can rnams la gsungs pa ni shin du zab po/ /bcom ldan 'das kyis bka' stsal pa/ rab 'byor de ni 'di ltar de bzhin nyid mi zad pa ste/ ci'i phyir mi zad ce na/ chos thams cad ni mi zad pa'i phyir te/ de bzhin nyid de ni de bzhin gshegs pa dgra bcom pa yang dag par rdzogs pa'i sangs rgyas kyis/ bla na med pa yang dag par rdzogs pa'i byang chub tu mngon par rdzogs par sangs rgyas nas/ sems can rnams la gsungs te/ 'di ltar chos thams cad kyi de bzhin nyid do/ /shes rab kyi pha rol du phyin pa stong phrag nyi shu lnga pa las/ le'u sum bcu gnyis pa'o// // de nas stong gsum gyi stong chen po'i 'jig rten gyi khams 'di'i 'dod pa na spyod pa dang / gzugs yod pa na spyod pa'i lha'i bu gang ji snyed pa de dag lha rdzas kyi tsan dan gyi phye mas mngon par 'thor zhing / bcom ldan 'das gang na ba der dong ste phyin nas/ bcom ldan 'das kyi zhabs gnyis la mgo bos phyag 'tshal te phyogs gcig tu 'khod do/ /phyogs gcig tu 'khod nas/ 'dod pa na spyod pa dang / gzugs yod pa na spyod pa'i lha'i bu gang ji snyed pa de dag gis/ bcom ldan 'das la 'di skad ces gsol to/ /bcom ldan 'das shes rab kyi pha rol du phyin pa zab mo bshad na/ bcom ldan 'das shes rab kyi pha rol du phyin pa zab mo'i mtshan nyid ji lta bu lags/ bcom ldan 'das kyis bka' stsal pa/ lha'i bu dag shes rab kyi pha rol du phyin pa zab mo 'di ni stong pa nyid kyi mtshan nyid do/ /lha'i bu dag shes rab kyi pha rol du phyin pa zab mo 'di ni mtshan ma med pa'i mtshan nyid do/ /lha'i bu dag shes rab kyi pha</font><hr>32.65b<br><font size=+1>

rol du phyin pa zab mo 'di ni/ smon pa med pa'i mtshan nyid do/ /lha'i bu dag shes rab kyi pha rol du phyin pa zab mo 'di ni/ mngon par 'du bya ba med pa'i mtshan nyid do/ /lha'i bu dag shes rab kyi pha rol du phyin pa zab mo 'di ni/ skye ba med pa'i mtshan nyid do/ /lha'i bu dag shes rab kyi pha rol du phyin pa zab mo 'di ni/ 'gag pa med pa'i mtshan nyid do/ /lha'i bu dag shes rab kyi pha rol du phyin pa zab mo 'di ni/ nyon mongs pa med pa'i mtshan nyid do/ /lha'i bu dag shes rab kyi pha rol du phyin pa zab mo 'di ni/ rnam par byang ba med pa'i mtshan nyid do/ /lha'i bu dag shes rab kyi pha rol du phyin pa zab mo 'di ni/ dngos po med pa'i mtshan nyid do/ /lha'i bu dag shes rab kyi pha rol du phyin pa zab mo 'di ni/ ngo bo nyid med pa'i mtshan nyid do/ /lha'i bu dag shes rab kyi pha rol du phyin pa zab mo 'di ni/ dngos po med pa'i ngo bo nyid kyi mtshan nyid do/ /lha'i bu dag shes rab kyi pha rol du phyin pa zab mo 'di ni/ mi gnas pa'i mtshan nyid do/ /lha'i bu dag shes rab kyi pha rol du phyin pa zab mo 'di ni/ nam mkha'i mtshan nyid do/ /lha'i bu dag shes rab kyi pha rol du phyin pa zab mo 'di ni/ mtshan nyid de lta bu yin yang / de bzhin gshegs pas 'jig rten gyi brdar bka' stsal te/ don dam par ni ma yin no/ /lha'i bu dag mtshan nyid de dag ni lha dang / mi dang / lha ma yin du bcas pa'i 'jig rten gyis gzhan du bya bar mi nus so/ /de ci'i phyir zhe na/ lha dang / mi dang / lha ma yin du bcas pa'i 'jig rten yang mtshan nyid der zad de/ lha'i bu dag mtshan nyid ni mtshan nyid gzhan du mi byed do/ /mtshan nyid ni mtshan nyid shes par mi byed do/ /mtshan nyid ni mtshan nyid med pa shes par mi byed do/ /mtshan nyid med pa ni mtshan nyid med pa shes par mi byed do/ /de ltar na mtshan nyid dang / mtshan nyid med pa dang / </font><hr>32.66a<br><font size=+1>

mtshan nyid yod pa dang / mtshan nyid med pa de gnyis ka la yang gang gis shes par bya ba dang / gang shes par bya ba dang / gang shes par byed pa de lta bu mi srid do/ /lha'i bu dag mtshan nyid de dag ni gzugs kyis 'dus byas pa ma yin no/ /tshor ba dang / 'du shes dang / 'du byed dang / rnam par shes pas 'dus byas pa ma yin no/ /skye mched dang khams dang / rten cing 'brel bar 'byung bas 'dus byas pa ma yin no/ /sbyin pa'i pha rol du phyin pas 'dus byas pa ma yin no/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pas 'dus byas pa ma yin no/ /stong pa nyid thams cad kyis 'dus byas pa ma yin no/ /byang chub kyi phyogs kyi chos rnams kyis 'dus byas pa ma yin no/ /'phags pa'i bden pa rnams kyis 'dus byas pa ma yin no/ /bsam gtan dang / tshad med pa dang / gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang de bzhin gshegs pa'i stobs bcu dang mi 'jigs pa bzhi dang so so yang dag par rig pa bzhi dang / sangs rgyas kyi chos ma 'dres pa bcwa brgyad kyis 'dus byas pa ma yin no/ /rnam pa thams cad mkhyen pa nyid kyi bar gyis 'dus byas pa ma yin no/ /lha'i bu dag mtshan nyid de dag ni mi 'am/ mi ma yin pa 'am/ zag pa dang bcas pa 'am/ zag pa med pa 'am/ 'jig rten pa 'am/ 'jig rten las 'das pa 'am/ 'dus byas sam/ 'dus ma byas kyis ma yin te/ lha'i bu dag la la zhig 'di skad du nam mkha'i mtshan nyid gang yin zhes zer na/ ci de yang dag</font><hr>32.66b<br><font size=+1>

par smra bas/ yang dag par smra ba yin nam/ gsol pa/ bcom ldan 'das de ni ma lags te/ yang dag par smra bas/ yang dag par smra ba ma lags so/ /de ci'i slad du zhe na/ bcom ldan 'das 'dus ma bgyis pa'i slad du nam mkha' la ni mtshan nyid gang yang ma mchis so/ /bcom ldan 'das kyis bka' stsal pa/ lha'i bu dag de bzhin gshegs pa rnams byung yang rung / de bzhin gshegs pa rnams ma byung yang rung ste/ mtshan nyid med pa'i dbyings de ni de bzhin du gnas so/ /mtshan nyid med pa'i dbyings ji lta ba bzhin du gnas pa de ni/ de bzhin gshegs pas ma nor bar mngon par sangs rgyas te/ de'i phyir de bzhin gshegs pa zhes bya'o/ /de nas 'dod pa na spyod pa dang / gzugs yod pa na spyod pa'i lha'i bu de dag gis bcom ldan 'das la 'di skad ces gsol to/ /bcom ldan 'das mtshan nyid de dag mngon par rdzogs par sangs rgyas pas/ de bzhin gshegs pa'i ye shes gzigs pa chos thams cad la thogs pa ma mchis par 'jug cing mtshan nyid de dag la zhugs pas/ de bzhin gshegs pa dgra bcom pa yang dag par rdzogs pa'i sangs rgyas kyis/ shes rab kyi pha rol du phyin pa mtshan nyid thams cad kyi chags pa las 'das pa 'di mngon par rdzogs par sangs rgyas te/ mngon par rdzogs par sangs rgyas nas kyang / shes rab kyi pha rol du phyin pa yang dag par bstan pas/ mtshan nyid rnams rab tu bstan pa ni/ de bzhin gshegs pas/ mtshan nyid zab mo mngon par rdzogs par sangs rgyas so/ /bcom ldan 'das de ltar shes rab kyi pha rol du phyin pa zab mo de bzhin gshegs pa dgra bcom pa yang dag par rdzogs pa'i sangs rgyas rnams kyi spyod yul du gyur te/ de la spyad pas de bzhin gshegs pa dgra bcom pa yang dag par rdzogs pa'i sangs rgyas kyis/ bla na med pa yang dag par rdzogs pa'i byang chub tu mngon par rdzogs par sangs rgyas te/ bla na</font><hr>32.67a<br><font size=+1>

med pa yang dag par rdzogs pa'i byang chub tu mngon par rdzogs par sangs rgyas nas kyang / mtshan nyid thams cad rab tu dbye bar mdzad de/ 'di ltar gzugs kyi mtshan nyid dang tshor ba dang 'du shes dang 'du byed dang rnam par shes pa'i mtshan nyid dang / skye mched kyi mtshan nyid dang khams kyi mtshan nyid dang rten cing 'brel bar 'byung ba'i mtshan nyid dang / rnam pa thams cad mkhyen pa nyid kyi bar gyi mtshan nyid rab tu dbye ba mdzad pa ngo mtshar che'o/ /de skad ces gsol pa dang / bcom ldan 'das kyis 'dod pa na spyod pa dang / gzugs yod pa na spyod pa'i lha'i bu rnams la bka' stsal pa/ lha'i bu dag gzugs ni gzhig tu rung ba'i mtshan nyid de/ de ni de bzhin gshegs pas mtshan nyid med par mngon par rdzogs par sangs rgyas so/ /de bzhin du tshor ba ni myong ba'i mtshan nyid/ 'du shes ni 'dzin pa'i mtshan nyid/ 'du byed ni mngon par 'du byed pa'i mtshan nyid/ rnam par shes pa ni so so'i bye brag shes pa'i mtshan nyid de/ de ni de bzhin gshegs pas mtshan nyid med par mngon par rdzogs par sangs rgyas so/ /phung po rnams ni sdug bsngal gyi mtshan nyid/ khams rnams ni gdug pa'i mtshan nyid de/ de dag ni de bzhin gshegs pas mtshan nyid med par mngon par rdzogs par sangs rgyas so/ /skye mched rnams ni 'byung ba'i sgo'i mtshan nyid de/ de dag ni de bzhin gshegs pas mtshan nyid med par mngon par rdzogs par sangs rgyas so/ /rten cing 'brel bar 'byung ba ni 'du 'phrod kyi mtshan nyid de/ de dag ni de bzhin gshegs pas mtshan nyid med par mngon par rdzogs par sangs rgyas so/ /lha'i bu dag sbyin pa'i pha rol du phyin pa ni yongs su gtong ba'i mtshan nyid de/ de ni de bzhin gshegs pas mtshan nyid med par mngon par rdzogs par sangs rgyas so/ /tshul khrims kyi pha rol du phyin pa ni gdung ba med pa'i mtshan nyid/ bzod pa'i pha rol du phyin pa ni 'khrug pa med pa'i mtshan nyid/ brtson 'grus kyi pha rol du phyin pa ni thub pa med pa'i</font><hr>32.67b<br><font size=+1>

mtshan nyid/ bsam gtan gyi pha rol du phyin pa ni yang dag par sdud pa'i mtshan nyid/ shes rab kyi pha rol du phyin pa ni chags pa med pa'i mtshan nyid de/ de dag ni de bzhin gshegs pas mtshan nyid med par mngon par rdzogs par sangs rgyas so/ /bsam gtan bzhi dang tshad med pa bzhi dang gzugs med pa'i snyoms par 'jug pa bzhi dag ni mi 'khrugs pa'i mtshan nyid de/ de dag ni de bzhin gshegs pas mtshan nyid med par mngon par rdzogs par sangs rgyas so/ /byang chub kyi phyogs kyi chos sum bcu rtsa bdun ni 'byung ba'i mtshan nyid de/ de dag ni de bzhin gshegs pas mtshan nyid med par mngon par rdzogs par sangs rgyas so/ /rnam par thar pa'i sgo stong pa nyid ni dben pa'i mtshan nyid de/ de dag ni de bzhin gshegs pas mtshan nyid med par mngon par rdzogs par sangs rgyas so/ /rnam par thar pa'i sgo mtshan ma med pa ni zhi ba'i mtshan nyid de/ de ni de bzhin gshegs pas mtshan nyid med par mngon par rdzogs par sangs rgyas so/ /rnam par thar pa'i sgo smon pa med pa ni sdug bsngal sel ba'i mtshan nyid de/ de ni de bzhin gshegs pas mtshan nyid med par mngon par rdzogs par sangs rgyas so/ /rnam par thar pa rnams ni 'grel ba'i mtshan nyid de/ de dag ni de bzhin gshegs pas mtshan nyid med par mngon par rdzogs par sangs rgyas so/ /stobs rnams ni shin du rnam par gdon mi za ba'i mtshan nyid/ mi 'jigs pa rnams ni shin du brtan pa'i mtshan nyid/ so so yang dag par rig pa rnams ni yongs su mi chod pa'i mtshan nyid/ byams pa chen po ni phan par sgrub pa'i mtshan nyid/ snying rje chen po ni skyob pa'i mtshan nyid/ dga' ba chen po ni rab tu dga' ba'i mtshan nyid/ btang snyoms chen po ni ma 'dres pa'i mtshan nyid/ sangs rgyas kyi chos ma 'dres pa bcwa brgyad ni mi 'phrogs pa'i mtshan nyid de/ de dag ni de bzhin gshegs pas mtshan nyid med par mngon par rdzogs par sangs rgyas so/ /rnam pa thams cad mkhyen pa</font><hr>32.68a<br><font size=+1>

nyid kyi ye shes ni mngon sum gyi mtshan nyid de/ de ni de bzhin gshegs pas mtshan nyid med par mngon par rdzogs par sangs rgyas so/ /lha'i bu dag de ltar de bzhin gshegs pas chos thams cad mtshan nyid med par mngon par rdzogs par sangs rgyas pas/ de'i phyir na de bzhin gshegs pa ni chags pa mi mnga' ba'i ye shes can zhes bya'o/ /de nas bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor shes rab kyi pha rol du phyin pa ni de bzhin gshegs pa skyed pa ste/ shes rab kyi pha rol du phyin pa ni 'jig rten ston pa'o/ /de'i phyir de bzhin gshegs pa dgra bcom pa yang dag par rdzogs pa'i sangs rgyas ni 'di lta ste/ shes rab kyi pha rol du phyin pa'i chos 'di la brten cing rnam par spyod do/ /chos de la rim gror mdzad cing mchod pa mdzad do/ /shes rab kyi pha rol du phyin pa la de bzhin gshegs pa rim gro mdzad pa dang bkur sti mdzad pa dang sti stang mdzad pa dang / mchod pa mdzad pa de ni chos dang ldan pa ste/ de ci'i phyir zhe na/ rab 'byor sangs rgyas bcom ldan 'das rnams ni/ shes rab kyi pha rol du phyin pa 'di las byung ste/ rab 'byor de bzhin gshegs pa dgra bcom pa yang dag par rdzogs pa'i sangs rgyas ni byas pa mkhyen pa'o/ /de bzhin gshegs pa dgra bcom pa yang dag par rdzogs pa'i sangs rgyas ni byas pa dgongs pa'o/ /rab 'byor gang la la zhig yang dag par smra bas byas pa shes shing byas pa dran pa'o zhes smra na/ de bzhin gshegs pa la byas pa mkhyen cing byas pa dgongs pa'o zhes yang dag par smra bas/ yang dag par smra'o/ /rab 'byor ji ltar na de bzhin gshegs pas byas pa mkhyen cing byas pa dgongs pa yin zhe na/ rab 'byor de ni de bzhin gshegs pa dgra bcom pa yang dag par rdzogs pa'i sangs rgyas theg pa gang gis byon pa dang / lam gang gis bla na med pa yang dag par rdzogs pa'i byang chub tu mngon par rdzogs par sangs rgyas par gyur</font><hr>32.68b<br><font size=+1>

pa'i theg pa de nyid dang lam de nyid la/ de bzhin gshegs pa rim gro mdzad pa dang / bkur sti mdzad pa dang sti stang mdzad pa dang mchod pa mdzad pa dang / yongs su bsrung ba mdzad pa'i phyir te/ rab 'byor de ni de bzhin gshegs pa'i byas pa mkhyen pa dang / byas pa dgongs par blta'o/ /rab 'byor gzhan yang de bzhin gshegs pas chos thams cad mtshan ma med pa la brten te/ byed pa po med pa'i phyir/ chos thams cad ma byas par mngon par rdzogs par sangs rgyas so/ /lus med pa'i phyir ma byas par mngon par rdzogs par sangs rgyas so/ /rab 'byor de ltar de bzhin gshegs pas shes rab kyi pha rol du phyin pa la brten te/ chos thams cad la bya ba med par mngon par rdzogs par sangs rgyas pa de ni/ de bzhin gshegs pa'i byas pa mkhyen pa dang byas pa dgongs pa'o/ /rab 'byor gzhan yang shes rab kyi pha rol du phyin pa la brten te/ de bzhin gshegs pa dgra bcom pa yang dag par rdzogs pa'i sangs rgyas kyi ye shes byas pa med pa/ chos thams cad la 'jug pa med pa'i brdas 'jug ste/ rab 'byor rnam grangs des na/ shes rab kyi pha rol du phyin pa ni de bzhin gshegs pa bskyed pa'o/ /'jig rten 'di ston pa'o/ /rab 'byor gyis gsol pa/ bcom ldan 'das de ltar chos thams cad la shes pa po ma mchis shing / mthong ba po ma mchis na/ ji ltar na shes rab kyi pha rol du phyin pa de bzhin gshegs pa bskyed cing 'jig rten 'di ston pa lags/ bcom ldan 'das kyis bka' stsal pa/ rab 'byor de de bzhin no/ /de de bzhin te/ chos thams cad ni shes pa po med cing mthong ba po med pa'o/ /rab 'byor chos thams cad ni stong pa gsog gsob dbang med pa/ snying po med pa ste/ rab 'byor rnam grangs des na chos thams cad ni shes pa po med cing mthong ba po med pa'o/ /rab 'byor gzhan yang chos thams cad ni shes pa po med cing mthong ba po med pa ste/ </font><hr>32.69a<br><font size=+1>

rab 'byor ji ltar na chos thams cad shes pa po med cing mthong ba po med pa yin zhe na/ rab 'byor chos thams cad ni mi gnas shing khongs su chud pa ma yin pa ste/ rab 'byor rnam grangs des na chos thams cad shes pa po med cing mthong ba po med pa ste/ rab 'byor de ltar na shes rab kyi pha rol du phyin pa de bzhin gshegs pa skyed cing 'jig rten 'di ston pa'o/ /de yang gzugs mthong ba med pa'i phyir ston pa'o/ /tshor ba dang 'du shes dang 'du byed dang / rnam par shes pa mthong ba po med pa'i phyir ston pa'o/ /skye mched dang khams dang rten cing 'brel bar 'byung ba mthong ba med pa'i phyir ston pa'o/ /rnam pa thams cad mkhyen pa nyid kyi bar du mthong ba med pa'i phyir ston pa'o/ /rab 'byor de ltar na shes rab kyi pha rol du phyin pa de bzhin gshegs pa skyed cing 'jig rten ston pa'o/ /gsol pa/ bcom ldan 'das ji ltar na gzugs mthong ba ma mchis pa'i slad du ston pa lags/ ji ltar na tshor ba dang / 'du shes dang / 'du byed dang / rnam par shes pa mthong ba ma mchis pa'i slad du ston pa lags/ ji ltar na skye mched dang khams dang rten cing 'brel bar 'byung ba mthong ba ma mchis pa'i slad du ston pa lags/ ji ltar na rnam pa thams cad mkhyen pa nyid kyi bar du mthong ba ma mchis pa'i slad du ston pa lags/ /shes rab kyi pha rol du phyin pa stong phrag nyi shu lnga pa/ bam po bzhi bcu drug pa/ bcom ldan 'das kyis bka' stsal pa/ rab 'byor nam gzugs la dmigs pa'i rnam par shes pa mi 'byung ba'i tshe/ gzugs mthong ba med pa'i phyir ston pa'o/ /nam tshor ba dang 'du shes dang 'du byed dang / rnam par shes pa la dmigs pa'i rnam par shes pa mi 'byung ba'i tshe/ rnam par shes pa mthong ba med pa'i phyir ston pa'o/ /nam skye mched dang khams dang rten cing 'brel bar 'byung ba la dmigs pa'i rnam par shes pa mi 'byung ba'i tshe/ rten cing 'brel bar 'byung ba mthong ba med pa'i phyir ston pa'o/ /nam pha rol du phyin pa rnams la</font><hr>32.69b<br><font size=+1>

dmigs pa'i rnam par shes pa mi 'byung ba'i tshe/ pha rol du phyin pa rnams mthong ba med pa'i phyir ston pa'o/ /nam stong pa nyid thams cad dang byang chub kyi phyogs kyi chos sum bcu rtsa bdun dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang gzungs kyi sgo dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / snying rje chen po dang / sangs rgyas kyi chos ma 'dres pa bcwa brgyad la dmigs pa'i rnam par shes pa mi 'byung ba'i tshe/ sangs rgyas kyi chos ma 'dres pa bcwa brgyad mthong ba med pa'i phyir ston pa'o/ /nam rnam pa thams cad mkhyen pa nyid kyi bar la dmigs pa'i rnam par shes pa mi 'byung ba'i tshe/ rnam pa thams cad mkhyen pa nyid mthong ba med pa'i phyir ston pa'o/ /rab 'byor de ltar na shes rab kyi pha rol du phyin pa zab mo 'di de bzhin gshegs pa skyed cing 'jig rten ston pa'o/ /rab 'byor gzhan yang ji ltar na shes rab kyi pha rol du phyin pa de bzhin gshegs pa skyed cing 'jig rten ston pa yin zhe na/ rab 'byor 'di la shes rab kyi pha rol du phyin pa ni 'jig rten du stong pa zhes brjod de/ 'jig rten du ci stong pa zhes brjod ce na/ phung po lnga stong ngo zhes bya bar 'jig rten du brjod do/ /skye mched bcu gnyis stong ngo zhes bya bar 'jig rten du brjod do/ /khams bcwa brgyad stong ngo zhes bya bar 'jig rten du brjod do/ /rten cing 'brel bar 'byung ba'i yan lag bcu gnyis stong ngo zhes bya bar 'jig rten du brjod do/ /pha rol du phyin pa drug stong ngo zhes bya bar 'jig rten du brjod do/ /nang stong pa nyid stong ngo zhes bya bar 'jig rten du brjod do/ /dngos po</font><hr>32.70a<br><font size=+1>

med pa'i ngo bo nyid stong pa nyid kyi bar du stong ngo zhes bya bar 'jig rten du brjod do/ /byang chub kyi phyogs kyi chos sum bcu rtsa bdun stong ngo zhes bya bar 'jig rten du brjod do/ /'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar kyis gnas pa'i snyoms par 'jug pa dgu dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang snying rje chen po dang / sangs rgyas kyi chos ma 'dres pa bcwa brgyad stong ngo zhes bya bar 'jig rten du brjod do/ /rnam pa thams cad mkhyen pa nyid kyi bar du stong ngo zhes bya bar 'jig rten du brjod do/ /rab 'byor de ltar na shes rab kyi pha rol du phyin pa de bzhin gshegs pa skyed cing 'jig rten ston pa'o/ /rab 'byor gzhan yang shes rab kyi pha rol du phyin pa ni de bzhin gshegs pa la 'jig rten stong zhes bya bar ston na/ 'jig rten stong zhes bya bar brjod/ 'jig rten stong zhes bya bar shes par byed de/ rab 'byor de ltar na shes rab kyi pha rol du phyin pa ni de bzhin gshegs pa skyed cing 'jig rten ston pa'o/ /rab 'byor gzhan yang shes rab kyi pha rol du phyin pa ni de bzhin gshegs pa la 'jig rten stong zhes bya bar ston te/ 'jig rten ji ltar stong zhes bya bar ston ce na/ 'jig rten na phung po stong zhes bya bar ston to/ /'jig rten na skye mched dang / khams dang / rten cing 'brel bar 'byung ba stong ngo zhes bya bar ston to/ /'jig rten na pha rol du phyin pa drug dang / nang stong pa nyid dang phyi stong pa nyid dang / phyi nang stong pa nyid dang / dngos po med pa'i ngo bo nyid stong pa nyid kyi bar dang / byang chub kyi phyogs kyi chos sum bcu rtsa bdun stong zhes bya bar ston to/ /'jig rten na</font><hr>32.70b<br><font size=+1>

'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / rnam par thar pa'i sgo stong pa nyid dang / mtshan ma med pa dang smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams stong zhes bya bar ston to/ /'jig rten na de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang snying rje chen po dang / sangs rgyas kyi chos ma 'dres pa bcwa brgyad stong zhes bya bar ston to/ /'jig rten na rnam pa thams cad mkhyen pa nyid kyi bar du stong zhes bya bar ston to/ /rab 'byor de ltar na shes rab kyi pha rol du phyin pa de bzhin gshegs pa skyed cing 'jig rten ston to/ /rab 'byor gzhan yang shes rab kyi pha rol du phyin pa ni de bzhin gshegs pa la 'jig rten bsam gyis mi khyab ces bya bar ston te/ ji ltar 'jig rten bsam gyis mi khyab ces bya bar ston ce na/ phung po'i 'jig rten bsam gyis mi khyab ces bya bar ston to/ /skye mched dang khams dang rten cing 'brel bar 'byung ba'i 'jig rten bsam gyis mi khyab ces bya bar ston to/ /rnam pa thams cad mkhyen pa nyid kyi bar gyi 'jig rten bsam gyis mi khyab ces bya bar ston to/ /rab 'byor gzhan yang shes rab kyi pha rol du phyin pa zab mo 'di ni/ de bzhin gshegs pa la 'jig rten dben zhes bya bar ston te/ 'jig rten ji ltar dben zhes bya bar ston ce na/ phung po'i 'jig rten dben zhes bya bar ston to/ /skye mched dang / khams dang rten cing 'brel bar 'byung ba'i 'jig rten dben zhes bya bar ston to/ /rnam pa thams cad mkhyen pa nyid kyi bar gyi 'jig rten dben zhes bya bar ston to/ /rab 'byor de ltar na shes rab kyi pha rol du phyin pa de bzhin gshegs pa skyed cing 'jig rten </font><hr>32.71a<br><font size=+1>

ston to/ /rab 'byor gzhan yang shes rab kyi pha rol du phyin pa ni/ de bzhin gshegs pa la 'jig rten mtha' las 'das pa stong pa zhes bya bar ston te/ ji ltar 'jig rten mtha' las 'das pa stong pa zhes bya bar ston ce na/ phung po'i 'jig rten mtha' las 'das pa stong pa zhes bya bar ston to/ /skye mched dang khams dang rten cing 'brel bar 'byung ba'i 'jig rten mtha' las 'das pa stong pa zhes bya bar ston to/ /rnam pa thams cad mkhyen pa nyid kyi bar gyi 'jig rten mtha' las 'das pa stong pa zhes bya bar ston to/ /rab 'byor gzhan yang shes rab kyi pha rol du phyin pa ni/ de bzhin gshegs pa la 'jig rten ngo bo nyid kyis stong pa zhes bya bar ston te/ ji ltar 'jig rten ngo bo nyid kyis stong pa zhes bya bar ston ce na/ phung po'i 'jig rten ngo bo nyid kyis stong pa zhes bya bar ston to/ /skye mched dang khams dang rten cing 'brel bar 'byung ba'i 'jig rten ngo bo nyid kyis stong pa zhes bya bar ston to/ /rnam pa thams cad mkhyen pa nyid kyi bar gyi 'jig rten ngo bo nyid kyis stong pa zhes bya bar ston to/ /rab 'byor de ltar na shes rab kyi pha rol du phyin pa ni/ de bzhin gshegs pa skyed cing 'jig rten ston pa'o/ /rab 'byor gzhan yang shes rab kyi pha rol du phyin pa ni/ de bzhin gshegs pa la 'jig rten dngos po med pa'i ngo bo nyid stong pa zhes bya bar ston te/ ji ltar 'jig rten dngos po med pa'i ngo bo nyid stong pa zhes bya bar ston ce na/ phung po'i 'jig rten dngos po med pa'i ngo bo nyid stong pa zhes bya bar ston to/ /skye mched dang khams dang rten cing 'brel bar 'byung ba'i 'jig rten dngos po med pa'i ngo bo nyid stong pa zhes bya bar ston to/ /rnam pa thams cad mkhyen pa nyid kyi bar gyi 'jig rten dngos po med pa'i ngo bo nyid stong pa zhes bya bar ston to/ /rab 'byor gzhan yang shes rab kyi pha rol du phyin pa ni/ de bzhin gshegs pa la 'jig rten zhi zhes bya bar ston te/ ji ltar 'jig rten zhi zhes bya bar ston ce na/ phung po'i 'jig rten zhi zhes bya</font><hr>32.71b<br><font size=+1>

bar ston to/ /skye mched dang khams dang rten cing 'brel bar 'byung ba'i 'jig rten zhi zhes bya bar ston to/ /rnam pa thams cad mkhyen pa nyid kyi bar gyi 'jig rten zhi zhes bya bar ston to/ /rab 'byor gzhan yang shes rab kyi pha rol du phyin pa ni/ de bzhin gshegs pa la 'jig rten stong pa nyid ces bya bar ston te/ ji ltar 'jig rten stong pa nyid ces bya bar ston ce na/ phung po'i 'jig rten stong pa nyid ces bya bar ston to/ /skye mched dang khams dang rten cing 'brel bar 'byung ba'i 'jig rten stong pa nyid ces bya bar ston to/ /rnam pa thams cad mkhyen pa nyid kyi bar gyi 'jig rten stong pa nyid ces bya bar ston to/ /rab 'byor de ltar na shes rab kyi pha rol du phyin pa ni/ de bzhin gshegs pa skyed cing 'jig rten ston pa'o/ /rab 'byor shes rab kyi pha rol du phyin pa zab mo 'di 'jig rten ji ltar ston ce na/ ci nas kyang 'jig rten 'di'i 'du shes su 'ang mi 'gyur la/ 'jig rten pha rol gyi 'du shes su 'ang mi 'gyur ba de ltar ston te/ de ci'i phyir zhe na/ de ni 'di ltar gang gis 'jig rten 'di'i 'du shes su 'gyur ba 'am/ 'jig rten pha rol gyi 'du shes su 'gyur ba'i chos de lta bu med do/ /gsol pa/ bcom ldan 'das shes rab kyi pha rol du phyin pa 'di ni don chen po'i slad du nye bar gnas so/ /bcom ldan 'das shes rab kyi pha rol du phyin pa 'di ni don bsam gyis mi khyab pa'i slad du nye bar gnas so/ /bcom ldan 'das shes rab kyi pha rol du phyin pa 'di ni don dpag tu ma mchis pa'i slad du nye bar gnas so/ /bcom ldan 'das shes rab kyi pha rol du phyin pa 'di ni don gzhal du ma mchis pa'i slad du nye bar gnas so/ /bcom ldan 'das shes rab kyi pha rol du phyin pa 'di ni don mi mnyam pa dang mnyam pa'i slad du nye bar gnas so/ /bcom ldan 'das kyis bka' stsal pa/ rab 'byor de de bzhin no/ /de de bzhin te/ shes rab kyi pha rol du phyin pa 'di ni don chen po'i phyir nye bar gnas so/ /rab 'byor shes rab kyi pha rol du phyin pa 'di ni don bsam gyis mi khyab pa dang / don dpag</font><hr>32.72a<br><font size=+1>

tu med pa dang / don gzhal du med pa dang / don mi mnyam pa dang mnyam pa'i phyir nye bar gnas so/ /rab 'byor ji ltar na shes rab kyi pha rol du phyin pa don chen po'i phyir nye bar gnas pa yin zhe na/ rab 'byor 'di ni de bzhin gshegs pa dgra bcom pa yang dag par rdzogs pa'i sangs rgyas rnams kyi don chen po ste/ 'di ltar sems can thams cad bskyab pa'i don dang / sems can thams cad yongs su mi gtang ba'i don to/ /rab 'byor ji ltar na shes rab kyi pha rol du phyin pa don bsam gyis mi khyab pa'i phyir nye bar gnas pa yin zhe na/ rab 'byor sangs rgyas nyid dang / de bzhin gshegs pa nyid dang / rang byung nyid dang / thams cad mkhyen pa nyid ni bsam gyis mi khyab ste/ rab 'byor rnam grangs des na/ shes rab kyi pha rol du phyin pa de bzhin gshegs pa dgra bcom pa yang dag par rdzogs pa'i sangs rgyas rnams kyi don bsam gyis mi khyab pa'i phyir nye bar gnas so/ /rab 'byor ji ltar na shes rab kyi pha rol du phyin pa don dpag tu med pa'i phyir nye bar gnas pa yin zhe na/ rab 'byor sems can du bsdu bas bsdus pa la/ gang gis sangs rgyas nyid dang de bzhin gshegs pa nyid dang rang byung nyid dang / thams cad mkhyen pa nyid la bsam pa dang / dpag par nus pa de lta bu gang yang med de/ rab 'byor rnam grangs des na/ shes rab kyi pha rol du phyin pa de bzhin gshegs pa dgra bcom pa yang dag par rdzogs pa'i sangs rgyas rnams kyi don dpag tu med pa'i phyir nye bar gnas so/ /rab 'byor ji ltar na shes rab kyi pha rol du phyin pa don gzhal du med pa'i phyir nye bar gnas pa yin zhe na/ rab 'byor sangs rgyas nyid dang de bzhin gshegs pa nyid dang / rang byung nyid dang / thams cad mkhyen pa nyid ni gzhal du med de/ sus kyang gzhal bar mi nus so/ /rab 'byor rnam grangs des na/ shes rab kyi pha rol du phyin pa ni de bzhin gshegs pa dgra bcom pa yang dag par rdzogs pa'i sangs rgyas rnams kyi don gzhal du med pa'i phyir nye bar gnas so/ /rab 'byor ji ltar na shes rab kyi pha rol du</font><hr>32.72b<br><font size=+1>

phyin pa ni don mi mnyam pa dang mnyam pa'i phyir nye bar gnas pa yin zhe na/ rab 'byor de bzhin gshegs pa dgra bcom pa yang dag par rdzogs pa'i sangs rgyas rnams la mnyam pas mnyam pa yang su yang med na/ lhag pa lta ci smos te/ rab 'byor rnam grangs des na/ shes rab kyi pha rol du phyin pa ni de bzhin gshegs pa dgra bcom pa yang dag par rdzogs pa'i sangs rgyas rnams kyi don mi mnyam pa dang mnyam pa'i phyir nye bar gnas so/ /gsol pa/ bcom ldan 'das sangs rgyas nyid dang de bzhin gshegs pa nyid dang rang byung nyid dang / thams cad mkhyen pa nyid ni bsam gyis mi khyab la dpag tu ma mchis gzhal du ma mchis shing / mi mnyam pa dang mnyam pa lags sam/ bcom ldan 'das kyis bka' stsal pa/ rab 'byor de de bzhin no/ /de de bzhin te/ rab 'byor sangs rgyas nyid dang de bzhin gshegs pa nyid dang rang byung nyid dang / thams cad mkhyen pa nyid ni bsam gyis mi khyab po/ /rab 'byor sangs rgyas nyid dang de bzhin gshegs pa nyid dang rang byung nyid dang / thams cad mkhyen pa nyid ni dpag tu med gzhal du med de mi mnyam pa dang mnyam pa'o/ /rab 'byor gzugs kyang bsam gyis mi khyab/ dpag tu med gzhal du med pa ste/ mi mnyam pa dang mnyam pa'o/ /rab 'byor tshor ba dang 'du shes dang 'du byed dang / rnam par shes pa yang bsam gyis mi khyab/ dpag tu med gzhal du med pa ste/ mi mnyam pa dang mnyam pa'o/ /skye mched rnams dang khams rnams dang rten cing 'brel bar 'byung ba rnams kyang bsam gyis mi khyab dpag tu med gzhal du med pa ste/ mi mnyam pa dang mnyam pa'o/ /rnam pa thams cad mkhyen pa nyid kyi bar yang bsam gyis mi khyab dpag tu med gzhal du med pa ste/ mi mnyam pa dang mnyam pa'o/ /rab 'byor chos thams cad kyang bsam gyis mi khyab dpag tu med gzhal du med pa ste/ mi mnyam pa dang mnyam pa'o/ /rab 'byor chos thams cad kyi chos nyid gang yin pa de la ni sems mi dmigs so/ /sems las byung ba'i chos rnams kyang mi</font><hr>32.73a<br><font size=+1>

dmigs so/ /rab 'byor gzugs bsam gyis mi khyab dpag tu med gzhal du med pa ste/ mi mnyam pa dang mnyam pa yang mi dmigs so/ /rab 'byor tshor ba dang 'du shes dang 'du byed dang rnam par shes pa bsam gyis mi khyab dpag tu med gzhal du med pa ste/ mi mnyam pa dang mnyam pa yang mi dmigs so/ /rab 'byor skye mched dang khams dang rten cing 'brel bar 'byung ba bsam gyis mi khyab dpag tu med gzhal du med pa ste/ mi mnyam pa dang mnyam pa yang mi dmigs so/ /rab 'byor rnam pa thams cad mkhyen pa nyid kyi bar du bsam gyis mi khyab dpag tu med gzhal du med pa ste/ mi mnyam pa dang mnyam pa yang mi dmigs so/ /gsol pa/ bcom ldan 'das ci'i slad du gzugs bsam gyis mi khyab/ dpag tu ma mchis gzhal du ma mchis shing / mi mnyam pa dang mnyam pa mi dmigs pa lags/ ci'i slad du tshor ba dang 'du shes dang 'du byed dang rnam par shes pa bsam gyis mi khyab dpag tu ma mchis/ gzhal du ma mchis shing / mi mnyam pa dang mnyam pa mi dmigs pa lags/ ci'i slad du skye mched dang khams dang rten cing 'brel bar 'byung ba bsam gyis mi khyab dpag tu ma mchis/ gzhal du ma mchis shing / mi mnyam pa dang mnyam pa mi dmigs pa lags/ ci'i slad du rnam pa thams cad mkhyen pa nyid kyi bar du bsam gyis mi khyab/ dpag tu ma mchis/ gzhal du ma mchis shing / mi mnyam pa dang mnyam pa mi dmigs pa lags/ bcom ldan 'das kyis bka' stsal pa/ rab 'byor gzugs la yang bsam pa dang dpag pa dang tshad dang mnyam pa dang mi mnyam pa mi dmigs so/ /rab 'byor tshor ba dang 'du shes dang 'du byed dang rnam par shes pa la yang bsam pa dang dpag pa dang tshad dang mnyam pa dang mi mnyam pa mi dmigs so/ /skye mched dang khams dang rten cing 'brel bar 'byung ba la yang bsam pa dang dpag pa dang tshad dang mnyam pa dang mi mnyam pa mi dmigs so/ /rnam pa thams</font><hr>32.73b<br><font size=+1>

cad mkhyen pa nyid kyi bar la yang bsam pa dang dpag pa dang tshad dang mnyam pa dang mi mnyam pa mi dmigs so/ /gsol pa/ bcom ldan 'das ci'i slad du gzugs la bsam pa dang dpag pa dang tshad dang mnyam pa dang mi mnyam pa mi dmigs pa lags/ ci'i slad du tshor ba dang 'du shes dang 'du byed dang rnam par shes pa la bsam pa dang dpag pa dang tshad dang mnyam pa dang mi mnyam pa mi dmigs pa lags/ ci'i slad du skye mched dang khams dang rten cing 'brel bar 'byung ba la bsam pa dang dpag pa dang tshad dang mnyam pa dang mi mnyam pa mi dmigs pa lags/ ci'i slad du rnam pa thams cad mkhyen pa nyid kyi bar la bsam pa dang dpag pa dang tshad dang mnyam pa dang mi mnyam pa mi dmigs pa lags/ bcom ldan 'das kyis bka' stsal pa/ rab 'byor gzugs kyi ngo bo nyid bsam gyis mi khyab/ dpag tu med tshad med/ gzhal du med la/ mi mnyam pa dang mnyam pa ste/ de'i phyir gzugs la bsam pa dang dpag pa dang tshad dang mnyam pa dang mi mnyam pa mi dmigs so/ /rab 'byor tshor ba dang 'du shes dang 'du byed dang rnam par shes pa'i ngo bo nyid bsam gyis mi khyab/ dpag tu med tshad med gzhal du med la/ mi mnyam pa dang mnyam pa ste/ de'i phyir rnam par shes pa la bsam pa dang dpag pa dang tshad dang mnyam pa dang mi mnyam pa mi dmigs so/ /skye mched dang khams dang rten cing 'brel bar 'byung ba'i ngo bo nyid bsam gyis mi khyab dpag tu med tshad med/ gzhal du med la/ mi mnyam pa dang mnyam pa ste/ de'i phyir rten cing 'brel bar 'byung ba la bsam pa dang dpag pa dang tshad dang mi mnyam pa dang mnyam pa mi dmigs so/ /rnam pa thams cad mkhyen pa nyid kyi bar gyi ngo bo nyid bsam gyis mi khyab dpag tu med tshad med/ gzhal du med la/ mi mnyam pa dang mnyam pa ste/ de'i phyir rnam pa thams cad mkhyen pa nyid kyi bar la bsam pa dang dpag pa dang tshad dang mi mnyam pa dang mnyam pa mi dmigs so/ /rab 'byor de ji snyams du sems/ gzugs gang</font><hr>32.74a<br><font size=+1>

bsam gyis mi khyab dpag tu med gzhal du med pa ste/ mi mnyam pa dang mnyam pa de la gzugs dmigs su yod dam/ tshor ba dang 'du shes dang 'du byed dang rnam par shes pa gang bsam gyis mi khyab/ dpag tu med gzhal du med pa ste/ mi mnyam pa dang mnyam pa de la tshor ba dang 'du shes dang 'du byed dang rnam par shes pa dmigs su yod dam/ skye mched dang khams dang rten cing 'brel bar 'byung ba gang bsam gyis mi khyab/ dpag tu med gzhal du med pa ste/ mi mnyam pa dang mnyam pa de la rten cing 'brel bar 'byung ba dmigs su yod dam/ rnam pa thams cad mkhyen pa nyid kyi bar du gang bsam gyis mi khyab/ dpag tu med/ gzhal du med pa ste/ mi mnyam pa dang mnyam pa de la/ rnam pa thams cad mkhyen pa nyid dmigs su yod dam/ gsol pa/ bcom ldan 'das de ni ma mchis so/ /bcom ldan 'das kyis bka' stsal pa/ rab 'byor de bas na rnam grangs 'dis chos thams cad bsam gyis mi khyab dpag tu med/ gzhal du med pa ste/ mi mnyam pa dang mnyam pa'o/ /rab 'byor de bzhin gshegs pa'i de bzhin gshegs pa'i chos 'di dag ni bsam pa dang bral ba'i phyir bsam gyis mi khyab pa'o/ /dpag pa dang bral ba'i phyir dpag tu med pa'o/ /tshad dang bral ba'i phyir gzhal du med pa'o/ /mnyam pa dang mi mnyam pa dang bral ba'i phyir/ mi mnyam pa dang mnyam pa ste/ rab 'byor rnam grangs des na/ chos thams cad bsam gyis mi khyab/ dpag tu med/ gzhal du med pa ste/ mi mnyam pa dang mnyam pa'o/ /rab 'byor de bzhin gshegs pa'i de bzhin gshegs pa'i chos 'di dag ni bsam pa las yongs su 'das pas na/ bsam gyis mi khyab pa'o/ /dpag pa las yongs su 'das pas na/ dpag tu med pa'o/ /tshad las yongs su 'das pas na/ gzhal du med pa'o/ /mnyam pa dang mi mnyam pa las yongs su 'das pas na/ mi mnyam pa dang mnyam pa'o/ /rab 'byor bsam gyis mi</font><hr>32.74b<br><font size=+1>

khyab ces bya ba 'di ni bsam du med pa'i tshig bla dgas so/ /rab 'byor dpag tu med ces bya ba 'di ni dpag tu mi rung ba'i tshig bla dgas so/ /rab 'byor gzhal du med pa zhes bya ba 'di ni tshad med pa'i tshig bla dgas so/ /rab 'byor mi mnyam pa dang mnyam pa zhes bya ba 'di ni mnyam pas mnyam pa med pa'i tshig bla dgas te/ rab 'byor de bzhin gshegs pa'i de bzhin gshegs pa'i chos 'di dag ni bsam gyis mi khyab/ dpag tu med/ gzhal du med pa ste/ mi mnyam pa dang mnyam pa'o/ /rab 'byor bsam gyis mi khyab ces bya ba ni nam mkha' bsam gyis mi khyab pa'i phyir ro/ /dpag tu med ces bya ba ni nam mkha' dpag tu med pa'i phyir ro/ /gzhal du med ces bya ba ni nam mkha' tshad med pa'i phyir ro/ /mi mnyam pa dang mnyam pa zhes bya ba ni nam mkha' mi mnyam pa dang mnyam pa'i phyir te/ rab 'byor de bzhin gshegs pa'i de bzhin gshegs pa'i chos de dag ni bsam gyis mi khyab dpag tu med pa/ gzhal du med pa/ mi mnyam pa dang mnyam pa ste/ de dag ni lha dang mi dang lha ma yin du bcas pa'i 'jig rten gyis/ bsam pa 'am dpag par mi nus te/ de ltar na sangs rgyas rnams ni gzhal du med do/ /sangs rgyas kyi chos rnams ni gzhal du med do/ /de ltar bcom ldan 'das kyis de bzhin gshegs pa bsam gyis mi khyab pa dang / dpag tu med pa dang gzhal du med pa dang mi mnyam pa dang mnyam pa'i le'u 'di bstan pa'i tshe/ dge slong lnga brgya nye bar len pa med par zag pa rnams las sems rnam par grol lo/ /dge slong ma brgya phrag nyi shu nye bar len pa med par zag pa rnams las sems rnam par grol lo/ /dge bsnyen stong phrag drug bcu dang / dge bsnyen ma stong phrag sum bcu ni/ chos rnams la rdul dang bral zhing dri ma dang bral ba'i chos kyi mig rnam par dag go/ /byang chub sems dpa' stong phrag nyi shu ni mi skye ba'i chos la bzod pa thob ste/ de dag bcom ldan 'das kyis bskal pa bzang po 'di nyid la sangs rgyas su 'gyur ro zhes lung bstan to/ /</font><hr>32.75a<br><font size=+1>

shes rab kyi pha rol du phyin pa stong phrag nyi shu lnga pa las/ le'u sum bcu gsum mo// // de nas tshe dang ldan pa rab 'byor kyis/ bcom ldan 'das la 'di skad ces gsol to/ /bcom ldan 'das shes rab kyi pha rol du phyin pa 'di ni zab pa ste/ bcom ldan 'das shes rab kyi pha rol du phyin pa 'di ni don chen po'i slad du nye bar gnas pa'o/ /don tshad ma mchis pa dang / don dpag tu ma mchis pa dang / don gzhal du ma mchis pa'i slad du nye bar gnas pa'o/ /bcom ldan 'das shes rab kyi pha rol du phyin pa 'di ni/ don mi mnyam pa dang mnyam pa'i slad du nye bar gnas pa'o/ /bcom ldan 'das kyis bka' stsal pa/ rab 'byor de de bzhin no/ /de de bzhin te/ rab 'byor shes rab kyi pha rol du phyin pa 'di ni/ don chen po'i phyir nye bar gnas pa'o/ /shes rab kyi pha rol du phyin pa 'di ni/ don tshad med pa dang / don dpag tu med pa dang / don gzhal du med pa dang / don mi mnyam pa dang mnyam pa'i phyir nye bar gnas pa'o/ /de ci'i phyir zhe na/ rab 'byor shes rab kyi pha rol du phyin pa 'dir ni pha rol du phyin pa lnga 'dus so/ /rab 'byor shes rab kyi pha rol du phyin pa 'dir ni/ nang stong pa nyid 'dus so/ /dngos po med pa'i ngo bo nyid stong pa nyid kyi bar du 'dus so/ /dran pa nye bar gzhag pa bzhi 'dus so/ /yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa 'dus so/ /rab 'byor shes rab kyi pha rol du phyin pa zab mo 'dir ni 'phags pa'i bden pa bzhi dang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / rnam par thar pa brgyad dang / mthar gyis gnas pa'i snyoms par 'jug pa dgu dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig</font><hr>32.75b<br><font size=+1>

pa bzhi dang byams pa chen po dang / snying rje chen po dang / sangs rgyas kyi chos ma 'dres pa bcwa brgyad 'dus so/ /rab 'byor shes rab kyi pha rol du phyin pa 'dir ni/ rnam pa thams cad mkhyen pa nyid kyi bar du 'dus so/ /rab 'byor 'di lta ste dper na/ rgyal po rgyal rigs spyi bo nas dbang bskur ba srid brtan par gyur pa'i rgyal po'i dgos pa 'am/ yul gyi dgos pa gang ci yang rung ste/ de dag thams cad la blon po las su bcug na/ de'i tshe rgyal po ni rgyal po'i dgos pa dang / yul gyi dgos pa la snying las chung zhing khur bor ba yin/ rab 'byor de bzhin du nyan thos kyi chos sam/ rang sangs rgyas kyi chos sam/ byang chub sems dpa'i chos sam/ sangs rgyas kyi chos gang yang rung ste/ de dag thams cad shes rab kyi pha rol du phyin par 'dus te/ shes rab kyi pha rol du phyin pa ni de dag gi bya ba byed do/ /rab 'byor de lta bas na shes rab kyi pha rol du phyin pa 'di ni/ bya ba chen po'i phyir nye bar gnas pa'o/ /shes rab kyi pha rol du phyin pa 'di ni/ bya ba bsam gyis mi khyab pa'i phyir nye bar gnas pa'o/ /shes rab kyi pha rol du phyin pa 'di ni bya ba dpag tu med pa'i phyir nye bar gnas pa'o/ /shes rab kyi pha rol du phyin pa 'di ni bya ba gzhal du med pa'i phyir nye bar gnas pa'o/ /shes rab kyi pha rol du phyin pa 'di ni bya ba mi mnyam pa dang mnyam pa'i phyir nye bar gnas pa'o/ /de ci'i phyir zhe na/ rab 'byor de ni 'di ltar shes rab kyi pha rol du phyin pa zab mo 'di ni/ gzugs la yongs su 'dzin pa med pa dang / mngon par chags pa med par nye bar gnas pa'o/ /tshor ba dang 'du shes dang / 'du byed dang / rnam par shes pa la yongs su 'dzin pa med pa dang / mngon par chags pa med par nye bar gnas pa'o/ /sangs rgyas kyi chos ma 'dres pa bcwa brgyad kyi bar la yongs su 'dzin pa med pa dang / mngon par chags pa med par nye bar gnas pa'o/ /bla na med pa yang dag par rdzogs pa'i byang chub kyi bar la yongs su 'dzin pa med pa dang / mngon par chags pa med par nye bar gnas pa'o/ /gsol pa/ bcom ldan 'das ji</font><hr>32.76a<br><font size=+1>

ltar na shes rab kyi pha rol du phyin pa 'di gzugs la yongs su 'dzin pa ma mchis pa dang / mngon par chags pa ma mchis par nye bar gnas pa lags/ ji ltar na tshor ba dang / 'du shes dang / 'du byed dang / rnam par shes pa la yongs su 'dzin pa ma mchis pa dang / mngon par chags pa ma mchis par nye bar gnas pa lags/ ji ltar na bla na med pa yang dag par rdzogs pa'i byang chub kyi bar la yongs su 'dzin pa ma mchis pa dang / mngon par chags pa ma mchis par nye bar gnas pa lags/ bcom ldan 'das kyis bka' stsal pa/ rab 'byor de ji snyam du sems/ khyod kyis gzugs gang yongs su gzung bar bya ba 'am/ mngon par chags par bya ba de lta bu mthong ngam/ chos gang yongs su 'dzin par byed pa dang / mngon par chags par byed pa 'am/ gang gis yongs su gzung bar bya ba 'am/ mngon par chags par bya ba de lta bu yang mthong ngam/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor de ji snyam du sems/ khyod kyis tshor ba dang / 'du shes dang / 'du byed dang / rnam par shes pa gang yongs su gzung bar bya ba 'am/ mngon par chags par bya ba de lta bu mthong ngam/ chos gang yongs su 'dzin par byed pa dang / mngon par chags par byed pa 'am/ gang gis yongs su gzung bar bya ba 'am/ mngon par chags par bya ba de lta bu yang mthong ngam/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor de ji snyam du sems/ khyod kyis rnam pa thams cad mkhyen pa nyid kyi bar du gang yongs su gzung bar bya ba 'am/ mngon par chags par bya ba de lta bu yang mthong ngam/ chos gang yongs su 'dzin par byed pa dang / mngon par chags par byed pa 'am/ gang gis yongs su gzung bar bya ba 'am/ mngon par chags par bya ba de lta bu yang mthong ngam/ gsol pa/ bcom ldan 'das de ni ma lags</font><hr>32.76b<br><font size=+1>

so/ /bcom ldan 'das kyis bka' stsal pa/ rab 'byor de ji snyam du sems/ khyod kyis rgyun du zhugs pa'i 'bras bu gang yongs su gzung bar bya ba 'am/ mngon par chags par bya ba de lta bu mthong ngam/ chos gang yongs su 'dzin par byed pa dang / mngon par chags par byed pa 'am/ gang gis yongs su gzung bar bya ba 'am/ mngon par chags par bya ba de lta bu yang mthong ngam/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor de ji snyam du sems/ khyod kyis bla na med pa yang dag par rdzogs pa'i byang chub gang yongs su gzung bar bya ba 'am/ mngon par chags par bya ba de lta bu mthong ngam/ chos gang yongs su 'dzin par byed pa dang / mngon par chags par byed pa 'am/ gang gis yongs su gzung bar bya ba 'am/ mngon par chags par bya ba de lta bu yang mthong ngam/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor legs so legs so/ /rab 'byor ngas kyang gzugs yang dag par rjes su ma mthong ste/ yang dag par rjes su ma mthong bas yongs su mi 'dzin/ yongs su mi 'dzin pas nye bar mi len to/ /rab 'byor ngas kyang tshor ba dang / 'du shes dang / 'du byed dang / rnam par shes pa yang dag par rjes su ma mthong ste/ yang dag par rjes su ma mthong bas yongs su mi 'dzin/ yongs su mi 'dzin pas nye bar mi len to/ /rab 'byor ngas kyang bla na med pa yang dag par rdzogs pa'i byang chub kyi bar du yang dag par rjes su ma mthong ste/ yang dag par rjes su ma mthong bas yongs su mi 'dzin/ yongs su mi 'dzin pas nye bar mi len to/ /rab 'byor ngas kyang sangs rgyas kyi sa dang / thams cad shes pa nyid dang / rnam pa thams cad mkhyen pa nyid dang / de bzhin gshegs pa nyid yang dag par rjes su ma mthong ste/ yang dag par rjes su ma mthong bas yongs su mi 'dzin/ yongs su mi 'dzin pas nye bar mi len</font><hr>32.77a<br><font size=+1>

to rab 'byor de lta bas na byang chub sems dpa' sems dpa' chen pos/ gzugs la mngon par chags par mi bya'o/ /yongs su gzung bar mi bya'o/ /tshor ba dang / 'du shes dang / 'du byed dang / rnam par shes pa la mngon par chags par mi bya'o/ /yongs su gzung bar mi bya'o/ /skye mched dang khams dang rten cing 'brel bar 'byung ba la mngon par chags par mi bya'o/ /yongs su gzung bar mi bya'o/ /pha rol du phyin pa thams cad dang / stong pa nyid thams cad dang / byang chub kyi phyogs kyi chos sum bcu rtsa bdun dang / 'phags pa'i bden pa rnams dang bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar kyis gnas pa'i snyoms par 'jug pa dgu dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad la mngon par chags par mi bya'o/ /yongs su gzung bar mi bya'o/ /bla na med pa yang dag par rdzogs pa'i byang chub kyi bar la mngon par chags par mi bya'o/ /yongs su gzung bar mi bya'o/ /sangs rgyas nyid dang / thams cad shes pa nyid dang / rnam pa thams cad mkhyen pa nyid dang / de bzhin gshegs pa nyid la mngon par chags par mi bya'o/ /yongs su gzung bar mi bya'o/ /de nas 'dod pa na spyod pa dang / gzugs yod pa na spyod pa'i lha'i bu dag gis bcom ldan 'das la 'di skad ces gsol to/ /bcom ldan 'das shes rab kyi pha rol du phyin pa 'di ni/ zab cing blta dka' la/ rtogs par dka' ba ste/ mi rtag brtag pa'i spyod yul ma lags pa zhi zhing phra la/ mkhas pa dang / byang ba dang / yid gsal bas 'tshal bar bgyi ba'o/ /bcom ldan 'das sems can gang shes rab kyi pha rol du phyin pa zab mo 'di la/ mos pa de dag ni sngon gyi rgyal ba la bgyi ba bgyis pa'o/ /</font><hr>32.77b<br><font size=+1>

bcom ldan 'das sems can gang shes rab kyi pha rol du phyin pa zab mo 'di la mos pa de dag ni dge ba'i bshes gnyen gyis yongs su bzung ba'o/ /dge ba'i rtsa ba bskyed pa'o/ /bcom ldan 'das gal te stong gsum gyi stong chen po'i 'jig rten gyi khams kyi sems can gang ji snyed pa de dag thams cad dad pa'i rjes su 'brang ba dang / chos kyi rjes su 'brang ba dang / brgyad pa dang rgyun tu zhugs pa dang / lan gcig phyir 'ong ba dang / phyir mi 'ong ba dang / dgra bcom pa dang rang sangs rgyas su gyur te/ de dag thams cad la ye shes dang / spong ba gang ji snyed cig mchis pa dang / shes rab kyi pha rol du phyin pa zab mo 'di la gdugs gcig tu mos shing bsams te/ gzhal ba dang / brtag pa dang / dpyad pa nyid la gang shes rab kyi pha rol du phyin pa zab mo 'di la gdugs gcig tu mos pa de nyid ches legs pa'i mchog tu 'gyur ro/ /de ci'i slad du zhe na/ de ni 'di ltar dad pa'i rjes su 'brang ba dang / chos kyi rjes su 'brang ba dang / brgyad pa dang / rgyun tu zhugs pa dang / lan gcig phyir 'ong ba dang / phyir mi 'ong ba dang / dgra bcom pa dang / rang sangs rgyas kyi ye shes gang ji tsam pa dang / spong ba gang ji tsam pa de ni/ byang chub sems dpa' sems dpa' chen po'i mi skye ba'i chos la bzod pa thob pa'i bzod par 'dus so/ /de nas bcom ldan 'das kyis 'dod pa na spyod pa dang / gzugs yod pa na spyod pa'i lha'i bu de dag la bka' stsal pa/ lha'i bu dag de de bzhin no/ /de de bzhin te/ dad pa'i rjes su 'brang ba dang chos kyi rjes su 'brang ba dang brgyad pa dang / rgyun tu zhugs pa dang lan gcig phyir 'ong ba dang / phyir mi 'ong ba dang / dgra bcom pa nyid dang / rang sangs rgyas kyi ye shes gang ji tsam pa dang / spong ba gang ji tsam pa de ni/ byang chub sems dpa' sems dpa' chen po mi skye ba'i chos la bzod pa thob pa'i bzod par 'dus so/ /lha'i bu dag rigs kyi bu 'am/ rigs kyi bu mo gang su yang rung ste/ shes rab kyi pha rol du phyin pa zab mo 'di nyan cing thos nas 'dri ba dang / bris nas lung 'bog pa dang / kha ton byed pa dang / tshul bzhin du yid la byed pa de dag ni</font><hr>32.78a<br><font size=+1>

myur du 'byung bar shes par bya'i/ nyan thos dang / rang sangs rgyas kyi theg pa pa'i rigs kyi bu dang / rigs kyi bu mo shes rab kyi pha rol du phyin pa dang bral ba/ mdo sde gzhan la bskal pa 'am/ bskal pa'i lhag mar spyod pa dag ni ma yin no/ /de ci'i phyir zhe na/ de ni 'di ltar shes rab kyi pha rol du phyin pa zab mo 'di las phul du bya ba'i chos gang la/ dad pa'i rjes su 'brang ba dang / chos kyi rjes su 'brang ba dang / brgyad pa dang / rgyun tu zhugs pa dang / lan gcig phyir 'ong ba dang / phyir mi 'ong ba dang dgra bcom pa dang / rang sangs rgyas rnams kyis bslab par bya ba dang / gang la byang chub sems dpa' sems dpa' chen po rnams kyis bslab par bya ba dang / gang la de bzhin gshegs pa dgra bcom pa yang dag par rdzogs pa'i sangs rgyas rnams kyis bslabs te/ bla na med pa yang dag par rdzogs pa'i byang chub tu mngon par rdzogs par sangs rgyas pa dang / mngon par rdzogs par 'tshang rgya ba dang / mngon par rdzogs par 'tshang rgya bar 'gyur ba de dag rgya cher bstan to/ /de nas 'dod pa na spyod pa dang / gzugs yod pa na spyod pa'i lha'i bu de dag gis ched du brjod pa ched du brjod de/ bcom ldan 'das 'di lta ste/ shes rab kyi pha rol du phyin pa 'di ni/ pha rol du phyin pa chen mo ste/ bcom ldan 'das 'di ltar shes rab kyi pha rol tu phyin pa 'di ni/ dpag tu ma mchis pa'i pha rol du phyin pa'o/ /'di ni gzhal du ma mchis pa'i pha rol du phyin pa'o/ /'di ni mi mnyam pa dang mnyam pa'i pha rol du phyin pa ste/ bcom ldan 'das shes rab kyi pha rol du phyin pa zab mo de la bslabs shing / dad pa'i rjes su 'brang ba rnams byung bar gyur te/ 'byung zhing 'byung bar 'gyur/ chos kyi rjes su 'brang ba dang / brgyad pa dang rgyun tu zhugs pa dang / lan gcig phyir 'ong ba dang / phyir mi 'ong ba dang dgra bcom pa rnams byung bar gyur te/ 'byung zhing 'byung bar 'gyur/ de la bslabs shing rang sangs rgyas rnams byung bar gyur te/ 'byung zhing 'byung bar 'gyur/ de la bslabs shing byang chub sems dpa' sems dpa' chen po rnams bla na med pa yang dag par rdzogs pa'i byang chub</font><hr>32.78b<br><font size=+1>

tu byung bar gyur te/ 'byung zhing 'byung bar 'gyur yang shes rab kyi pha rol du phyin pa zab mo 'di 'grib pa 'am/ 'phel bar yang mi gda'o zhes nas 'dod pa na spyod pa dang / gzugs yod pa na spyod pa'i lha'i bu de dag gis bcom ldan 'das kyi zhabs gnyis la spyi bos phyag 'tshal te/ bcom ldan 'das la lan gsum du g.yas phyogs nas bskor nas/ bcom ldan 'das kyi spyan snga nas dong ste/ de dag shin tu yang mi ring ba zhig du phyin nas mi snang bar gyur te/ 'dod pa na spyod pa'i lha'i bu dag ni 'dod pa'i khams su 'khod do/ /gzugs yod pa na spyod pa'i lha'i bu dag ni gzugs yod pa'i khams su 'khod do/ /de nas tshe dang ldan pa rab 'byor gyis/ bcom ldan 'das la 'di skad ces gsol to/ /bcom ldan 'das byang chub sems dpa' sems dpa' chen po gang shes rab kyi pha rol du phyin pa zab mo 'di thos ma thag tu mos par 'gyur zhing / gong du 'dri ba dang / 'dzin pa dang / 'chang ba dang / klog pa dang / kun chub par bgyid cing / tshul bzhin du yid la bgyid na/ de gang nas shi 'phos te 'dir skyes par gyur pa lags/ bcom ldan 'das kyis bka' stsal pa/ rab 'byor byang chub sems dpa' sems dpa' chen po gang shes rab kyi pha rol du phyin pa zab mo 'di thos ma thag tu mos shing zhum par mi 'gyur/ yongs su zhum par mi 'gyur la/ rmongs par mi 'gyur zhing the tsom mi za/ nem nur mi byed la/ shes rab kyi pha rol du phyin pa zab mo 'di nyan par mngon par dga' zhing / shes rab kyi pha rol du phyin pa zab mo 'di thos nas kyang yid la bya ba de dag dang bral bar mi byed la/ yid la bya ba de dag 'gro 'am/ 'ong 'am/ 'greng ngam/ 'dug gam/ nyal kyang rung ste/ rtag tu rgyun mi chad par bsrung bar byed cing / chos smra ba'i gang zag de la yang rtag tu rgyun mi chad par 'brang ste/ rab 'byor dper na/ ba drus ma be'u mi 'dor ba ltar/ byang chub sems dpa' sems dpa' chen pos shes rab kyi pha rol du phyin pa zab mo 'di'i don du/ nam shes rab kyi pha rol du phyin pa 'di ni mngon du ma byas dran pas 'dris par ma byas/ yid kyis rtogs par ma byas/ </font><hr>32.79a<br><font size=+1>

lta bas khong du chud par ma byas kyi bar du chos smra ba de mi gtong na/ rab 'byor byang chub sems dpa'i theg pa pa'i gang zag de ni mi'i nang nas shi 'phos nas/ mi'i nang du skyes pa'o/ /de ci'i phyir zhe na/ de ni 'di ltar byang chub sems dpa'i theg pa pa'i rigs kyi bu des sngon yang shes rab kyi pha rol du phyin pa 'di thos nas bzung ba dang / bcangs pa dang / bklags pa dang / kun chub par byas pa dang / tshul bzhin du yid la byas par gyur to/ /gong du yang bris shing glegs bam du byas te/ me tog dang / phreng ba dang / spos dang / byug pa dang / phye ma dang / na bza' dang / gdugs dang / rgyal mtshan dang / ba dan mang pos rim gror byas par gyur to/ /bkur sti dang / sti stang dang / mchod pa byas par gyur to/ /dge ba'i rtsa ba de nyid kyis mi'i nang nas shi 'phos nas mi'i nang du skyes te/ shes rab kyi pha rol du phyin pa zab mo 'di la yang thos ma thag tu mos par 'gyur bar blta'o/ /gsol pa/ bcom ldan 'das byang chub sems dpa' sems dpa' chen po shes rab kyi pha rol du phyin pa zab mo 'di thos ma thag du mos shing mos par gyur nas kyang 'dri ba dang / bris nas kyang lung 'bog pa dang / kha ton bgyid cing tshul bzhin du yid la bgyid bgyid pa las yon tan 'di dag nyid dang ldan zhing / sangs rgyas bcom ldan 'das gzhan dag la bsnyen bkur bgyid bgyid pa las shi 'phos te/ 'dir skyes pa de lta bu'i rnam grangs mchis sam/ bcom ldan 'das kyis bka' stsal pa/ rab 'byor de de bzhin no/ /de de bzhin te/ byang chub sems dpa' sems dpa' chen po gang sangs rgyas bcom ldan 'das gzhan dag la bsnyen bkur byed byed pa las/ de nas shi 'phos te 'dir skyes pa de ni/ shes rab kyi pha rol du phyin pa zab mo 'di thos ma thag tu mos par 'gyur ro/ /mos par gyur nas kyang 'dri'o/ /bris nas kyang lung 'bog go/ /kha ton byed do/ /tshul bzhin du yid la byed do/ /de ci'i phyir zhe na/ de ni 'di ltar byang chub sems dpa' sems dpa' chen po des sangs rgyas bcom ldan 'das de dag las/ shes rab kyi pha rol du phyin pa zab</font><hr>32.79b<br><font size=+1>

mo 'di thos so thos nas kyang bzung ngo bcangs so yongs su bcangs so/ /bklags so kun chub par byas so/ /kha ton du byas so/ /tshul bzhin du yid la byas so/ /de ni dge ba'i rtsa ba de nyid dang / yid la byed pa de nyid kyis 'dir skyes pa'o/ /rab 'byor gzhan yang byang chub sems dpa' sems dpa' chen po dga' ldan gyi lha rnams dang / skal ba mnyam pa las shi 'phos nas mi'i nang du skal ba mnyam par skyes na yang / de ni yon tan de dag nyid dang ldan par rig par bya'o/ /de ci'i phyir zhe na/ rab 'byor de ni 'di ltar byang chub sems dpa' sems dpa' chen po des ni/ byang chub sems dpa' sems dpa' chen po byams pa la shes rab kyi pha rol du phyin pa zab mo 'di yongs su dri ba dang / yongs su brtag pa byas pas de ni dge ba'i rtsa ba des 'dir skyes par rig par bya'o/ /rab 'byor gzhan yang gang zag byang chub sems dpa'i theg pa pa gang gis/ sngon gyi mthar shes rab kyi pha rol du phyin pa thos kyang yongs su ma dris/ yongs su brtag pa ma byas pa de ni shes rab kyi pha rol du phyin pa zab mo 'di bstan pa'i tshe/ nem nur du 'gyur/ rmongs par 'gyur sems zhum par 'gyur/ sems kyi rnam pa gzhan du 'gyur ro/ /rab 'byor gzhan yang gang zag byang chub sems dpa'i theg pa pa gang gis sngon gyi mthar bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa thos nas kyang yongs su ma dris/ yongs su brtag pa ma byas pa de ni shes rab kyi pha rol du phyin pa zab mo 'di bstan pa'i tshe/ nem nur du 'gyur/ rmongs par 'gyur/ sems zhum par 'gyur sems kyi rnam pa gzhan du 'gyur ro/ /rab 'byor gzhan yang gang zag byang chub sems dpa'i theg pa pa gang gis/ sngon gyi mthar nang stong pa nyid dang / phyi stong pa nyid dang / phyi nang stong pa nyid thos nas kyang yongs su ma dris/ yongs su brtag pa ma byas pa de ni shes rab kyi pha rol du phyin pa zab mo 'di bstan pa'i tshe/ nem nur du</font><hr>32.80a<br><font size=+1>

'gyur/ rmongs par 'gyur/ sems zhum par 'gyur/ sems kyi rnam pa gzhan du 'gyur ro/ /rab 'byor gzhan yang gang zag byang chub sems dpa'i theg pa pa gang gis/ sngon gyi mthar dngos po med pa'i ngo bo nyid stong pa nyid kyi bar du thos kyang yongs su ma dris/ yongs su brtag pa ma byas pa de ni/ shes rab kyi pha rol du phyin pa zab mo 'di bstan pa'i tshe/ nem nur du 'gyur/ rmongs par 'gyur/ sems zhum par 'gyur/ sems kyi rnam pa gzhan du 'gyur ro/ /rab 'byor gzhan yang gang zag byang chub sems dpa'i theg pa pa gang gis/ sngon gyi mthar dran pa nye bar gzhag pa bzhi thos kyang yongs su ma dris/ yongs su brtag pa ma byas pa de ni/ shes rab kyi pha rol du phyin pa zab mo 'di bstan pa'i tshe/ nem nur du 'gyur/ rmongs par 'gyur/ sems zhum par 'gyur/ sems kyi rnam pa gzhan du 'gyur ro/ /rab 'byor gzhan yang gang zag byang chub sems dpa'i theg pa pa gang gis/ sngon gyi mthar yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa thos kyang yongs su ma dris/ yongs su brtag pa ma byas pa de ni/ shes rab kyi pha rol du phyin pa zab mo 'di bstan pa'i tshe/ nem nur du 'gyur/ rmongs par 'gyur/ sems zhum par 'gyur/ sems kyi rnam pa gzhan du 'gyur ro/ /rab 'byor gzhan yang gang zag byang chub sems dpa'i theg pa pa gang gis/ sngon gyi mthar 'phags pa'i bden pa bzhi dang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / rnam par thar pa brgyad dang / mthar gyis gnas pa'i snyoms par 'jug pa dgu dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / </font><hr>32.80b<br><font size=+1>

de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad thos kyang yongs su ma dris/ yongs su brtag pa ma byas pa de ni/ shes rab kyi pha rol du phyin pa zab mo 'di bstan pa'i tshe/ nem nur du 'gyur/ rmongs par 'gyur/ sems zhum par 'gyur/ sems kyi rnam pa gzhan du 'gyur ro/ /rab 'byor gzhan yang gang zag byang chub sems dpa'i theg pa pa gang gis/ sngon gyi mthar bla na med pa yang dag par rdzogs pa'i byang chub kyi bar du thos kyang yongs su ma dris/ yongs su brtag pa ma byas pa de ni/ shes rab kyi pha rol du phyin pa zab mo 'di bstan pa'i tshe/ nem nur du 'gyur/ rmongs par 'gyur/ sems zhum par 'gyur/ sems kyi rnam pa gzhan du 'gyur ro/ /rab 'byor gzhan yang gang zag byang chub sems dpa'i theg pa pa gang gis/ sngon gyi mthar shes rab kyi pha rol du phyin pa zab mo 'di thos nas yongs su ma dris/ yongs su brtag pa ma byas te/ nyi ma gcig gam/ gnyis sam/ gsum 'am/ bzhi 'am/ lngar rjes su ma 'brangs na/ gang zag byang chub sems dpa'i theg pa pa de/ shes rab kyi pha rol du phyin pa zab mo 'di 'dri zhing rtog pa dang / nyi ma gcig gam/ gnyis sam/ gsum 'am/ bzhi 'am/ nyi ma lngar rjes su 'brang bar byed pa'i tshe/ shes rab kyi pha rol du phyin pa zab mo 'di mi 'phrogs par mi 'gyur te/ yongs su dri ba dang yang mi ldan par 'gyur ro/ /de ci'i phyir zhe na/ rab 'byor de ni de ltar yang 'gyur te/ gang gis shes rab kyi pha rol du phyin pa zab mo 'di yongs su ma dris/ yongs su ma brtags/ rjes su 'brang ba ma byas pa de ni/ shes rab kyi pha rol du phyin pa zab mo 'di mnyan pa la/ de tsam gyi dge ba'i bsam pa dang / mos pa skye bar 'gyur te/ de ni bar bar mos shing bar bar mos pa med par 'gyur te/ de ni ldam ldem gyi blo des 'phrogs shing / shing bal</font><hr>32.81a<br><font size=+1>

gyi gzegs ma bzhin du 'gyur ro/ /rab 'byor gang zag byang chub sems dpa'i theg pa pa de ni/ yun ring po nas theg pa la zhugs pa ma yin par rig par bya ste/ dge ba'i bshes gnyen gyis yongs su ma bzung ba'o/ /yang dag par rdzogs pa'i sangs rgyas la bsnyen bkur ma byas pa'o/ /rab 'byor gang zag byang chub sems dpa'i theg pa pa des ni/ shes rab kyi pha rol du phyin pa zab mo 'di'i lung ma mnos/ kha ton du ma byas la/ tshul bzhin du yid la ma byas te/ des ni shes rab kyi pha rol du phyin pa la ma bslabs so/ /bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa la ma bslabs so/ /nang stong pa nyid la ma bslabs so/ /dngos po med pa'i ngo bo nyid stong pa nyid kyi bar la ma bslabs so/ /dran pa nye bar gzhag pa rnams la ma bslabs so/ /yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa la ma bslabs so/ /'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar kyis gnas pa'i snyoms par 'jug pa dgu dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad la ma bslabs so/ /rnam pa thams cad mkhyen pa nyid kyi bar la ma bslabs so/ /shes rab kyi pha rol du phyin pa stong phrag nyi shu lnga pa/ bam po bzhi bcu bdun pa/ </font><hr>32.81b<br><font size=+1>

rab 'byor gang zag byang chub sems dpa'i theg pa pa de ni/ theg pa la gsar du zhugs par rig par bya ste/ de ni dad pa tsam dang / dga' ba tsam dang / mos pa tsam dang ldan par zad de/ shes rab kyi pha rol du phyin pa zab mo 'di bri ba 'am/ klag pa 'am/ lung 'bog pa 'am/ kha ton du bya ba 'am/ tshul bzhin du yid la bya bar mi nus so/ /rab 'byor byang chub sems dpa'i theg pa pa'i rigs kyi bu 'am/ rigs kyi bu mo shes rab kyi pha rol du phyin pa zab mo 'di mi 'dri zhing lung mi 'bog pa dang / kha ton mi byed cing tshul bzhin du yid la mi byed la/ shes rab kyi pha rol du phyin pa zab mo 'dis gzhan la phan mi 'dogs pa dang / bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pas gzhan la phan mi 'dogs pa dang / nang stong pa nyid kyis gzhan la phan mi 'dogs pa dang / dngos po med pa'i ngo bo nyid stong pa nyid kyi bar gyis gzhan la phan mi 'dogs pa dang / dran pa nye bar gzhag pa rnams kyis gzhan la phan mi 'dogs pa dang / 'phags pa'i lam yan lag brgyad pa'i bar gyis gzhan la phan mi 'dogs pa dang / rnam pa thams cad mkhyen pa nyid kyi bar gyis gzhan la phan mi 'dogs pa dang / shes rab kyi pha rol du phyin pa dang mthun par mi spyod/ bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa dang mthun par mi spyod/ nang stong pa nyid dang mthun par mi spyod/ dngos po med pa'i ngo bo nyid stong pa nyid kyi bar dang mthun par mi spyod/ dran pa nye bar gzhag pa rnams dang mthun par mi spyod/ 'phags pa'i lam yan lag brgyad pa'i bar dang mthun par mi spyod/ rnam pa thams cad mkhyen pa nyid kyi bar dang mthun par mi spyod na/ de ni gnas gnyis dang / sa gnyis po las gcig la gnas</font><hr>32.82a<br><font size=+1>

par 'gyur te/ de ni 'di ltar nyan thos kyi sa 'am/ rang sangs rgyas kyi sa'o/ /de ci'i phyir zhe na/ de ni 'di ltar rigs kyi bu 'am rigs kyi bu mo de dag gis sngon gyi mthar yang shes rab kyi pha rol du phyin pa zab mo 'di ma bris ma bstan/ kha ton du ma byas/ tshul bzhin du yid la ma byas la/ shes rab kyi pha rol du phyin pa 'dis kyang pha rol la phan ma btags/ shes rab kyi pha rol du phyin pa 'di yang mthun par ma spyad pas/ de'i phyir byang chub sems dpa'i theg pa pa'i rigs kyi bu 'am rigs kyi bu mo des gnas gnyis dang / sa gnyis po de las gcig la gnas par 'gyur bar rig par bya'o/ /shes rab kyi pha rol du phyin pa stong phrag nyi shu lnga pa las/ le'u sum bcu bzhi pa'o// // rab 'byor 'di lta ste dper na/ rgya mtsho'i dbus su gru zhig zhig par gyur la/ de'i mi rnams shing ngam/ shing dum 'am/ shing leb bam/ rkyal pa 'am/ ro la mi 'ju mi 'dzin na/ rab 'byor mi de dag ni rgya mtsho chen po'i pha rol gyi 'gram du ma phyin par dus byed par rig par bya'o/ /rab 'byor mi gang rgya mtsho'i dbus su gru zhig pa'i tshe/ shing ngam/ shing dum 'am/ shing leb bam/ rkyal pa 'am/ ro la 'ju zhing 'dzin pa de dag ni rgya mtshor dus byed par mi 'gyur te/ bde zhing nyam nyes med par rgya mtsho chen po nas pha rol gyi 'gram du phyin par 'gyur te/ ma nyes ma nyams par thang la phyin par 'gyur ro/ /rab 'byor de bzhin du byang chub sems dpa'i theg pa pa'i rigs kyi bu dang rigs kyi bu mo dad pa tsam dang / dga' ba tsam dang / mos pa tsam dang ldan pa gang shes rab kyi pha rol du phyin pa zab mo 'di mi 'dri mi ston/ kha ton du mi byed/ tshul bzhin du yid la mi byed cing mi rten pa dang / bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa mi 'dri mi ston/ kha ton du mi byed/ tshul bzhin du yid la mi byed cing mi rten pa dang / nang stong pa nyid dang / phyi stong pa nyid dang / phyi nang stong pa nyid dang / dngos po med</font><hr>32.82b<br><font size=+1>

pa'i ngo bo nyid stong pa nyid kyi bar dang / byang chub kyi phyogs kyi chos sum bcu rtsa bdun dang / 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa rnams dang / mthar gyis gnas pa'i snyoms par 'jug pa dgu dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad dang / rnam pa thams cad mkhyen pa nyid kyi bar du mi 'dri mi ston/ kha ton du mi byed/ tshul bzhin du yid la mi byed cing / mi rten pa de dag ni bar ma dor byang chub las nyams par 'gyur te/ rnam pa thams cad mkhyen pa nyid ma thob par/ nyan thos kyi sa 'am/ rang sangs rgyas kyi sa mngon du byed par 'gyur ro/ /rab 'byor gang zag byang chub sems dpa'i theg pa pa gang bla na med pa yang dag par rdzogs pa'i byang chub tu mngon par rdzogs par 'tshang rgya ba'i don du dad pa yod cing / bzod pa dang mos pa dang / lhag pa'i bsam pa dang / dga' ba dang / spro ba dang / mi gtong ba yod cing / brtson 'grus mi gtong ba de ni shes rab kyi pha rol du phyin pa zab mo 'di 'dri'o/ /lung 'bog go/ /kha ton byed do/ /tshul bzhin du yid la byed do/ /rten to/ /de ltar na rigs kyi bu 'am rigs kyi bu mo de dag bla na med pa yang dag par rdzogs pa'i byang chub tu dad pa yod de/ bzod pa yod/ mos pa yod/ lhag pa'i bsam pa yod/ spro ba yod/ mi gtong ba yod/ brtson 'grus mi 'dor ba yod pa yin te/ de'i phyir shes rab kyi pha rol du phyin pas yongs su bzung ba dang / bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims</font><hr>32.83a<br><font size=+1>

kyi pha rol du phyin pa dang / sbyin pa'i pha rol du phyin pas yongs su bzung ba dang / nang stong pa nyid dang / phyi stong pa nyid dang / phyi nang stong pa nyid dang / dngos po med pa'i ngo bo nyid stong pa nyid kyi bar dang / byang chub kyi phyogs kyi chos sum bcu rtsa bdun dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad kyis yongs su bzung ba dang / rnam pa thams cad mkhyen pa nyid kyi bar gyis yongs su bzung bas bar ma dor nye zho med par nyan thos kyi sa las 'das/ rang sangs rgyas kyi sa las 'das te/ sems can yongs su smin par byas nas/ sangs rgyas kyi zhing yongs su dag par byas te/ bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro/ /rab 'byor 'di lta ste dper na/ bud med dam skyes pa la la zhig /bum pa ma bsregs shing / so ma btang bas chu bcu bar sems na/ rab 'byor bum pa de ni ring por mi gnas te/ myur du 'gyes shing 'jig par rig par bya'o/ /de ci'i phyir zhe na/ de ni bum pa de so ma btang ba'i phyir te/ de ni tha mar sa nyid du 'gyur ro/ /rab 'byor de bzhin du byang chub sems dpa'i theg pa pa'i rigs kyi bu 'am rigs kyi bu mo dag la yang / bla na med pa yang dag par rdzogs pa'i byang chub tu mngon par rdzogs par 'tshang rgya ba'i phyir/ dad pa yang yod/ bzod pa yang yod/ mos pa yang yod/ lhag pa'i bsam pa yang yod/ dga'</font><hr>32.83b<br><font size=+1>

ba yang yod/ spro ba yang yod/ mi gtong ba yang yod/ brtson 'grus mi 'dor ba yang yod mod kyi/ de dag shes rab kyi pha rol du phyin pas yongs su ma bzung / thabs mkhas pas yongs su ma bzung / bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pas yongs su ma bzung / nang stong pa nyid dang / phyi stong pa nyid dang / phyi nang stong pa nyid dang / dngos po med pa'i ngo bo nyid stong pa nyid kyi bar gyis yongs su ma bzung / dran pa nye bar gzhag pa dang / yang dag par spongs pa dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam gyis yongs su ma bzung / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad kyis yongs su ma bzung / rnam pa thams cad mkhyen pa nyid kyi bar gyis yongs su ma bzung na/ byang chub sems dpa'i theg pa pa'i rigs kyi bu dang / rigs kyi bu mo de dag ni bar ma dor nye zhor 'gyur bar shes par bya'o/ /rab 'byor byang chub sems dpa'i theg pa pa'i rigs kyi bu 'am/ rigs kyi bu mo/ de dag gi bar ma dor nye zho 'byung ba gang zhe na/ 'di lta ste/ nyan thos kyi sa 'am/ rang sangs rgyas kyi sa'o/ /rab 'byor 'di lta ste dper na/ skyes pa 'am/ bud med la la zhig bum pa so legs par</font><hr>32.84a<br><font size=+1>

btang bas chu klung ngam/ mtsho 'am/ mtshe'u 'am/ khron pa nas chu 'chu na/ rab 'byor chu 'chu ba de'i bum pa des ni bde bar khyim du phyin par rig par bya'o/ /rab 'byor de bzhin du byang chub sems dpa' sems dpa' chen po gang la/ bla na med pa yang dag par rdzogs pa'i byang chub kyi phyir/ dad pa yang yod/ bzod pa yang yod/ mos pa yang yod/ lhag pa'i bsam pa yang yod/ dga' ba yang yod/ spro ba yang yod/ mi gtong ba yang yod/ brtson 'grus mi 'dor ba yang yod la/ de yang shes rab kyi pha rol du phyin pas yongs su bzung thabs mkhas pas yongs su bzung / bsam gtan gyi pha rol du phyin pas yongs su bzung / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pas yongs su bzung / rnam pa thams cad mkhyen pa nyid kyi bar gyis yongs su bzung na/ rab 'byor byang chub sems dpa' sems dpa' chen po de ni 'di lta ste/ nyan thos kyi sa 'am/ rang sangs rgyas kyi sar bar ma dor nye zhor mi 'gyur te/ ma nyes ma nyams par bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro/ /rab 'byor 'di lta ste dper na/ rgya mtsho'i gru ma bsdams shing zag lhan ma byas par rdzas bcug ste chu la btang na/ rab 'byor gru de ni zhig par 'gyur te/ gru yang logs shig /rdzas kyang logs shig tu song nas de ltar tshong pa de thabs la mi mkhas pas/ gnod pa chen po dang ldan par 'gyur zhing / rin po che chen po las yongs su phang bar rig par bya'o/ /rab 'byor de bzhin du byang chub sems dpa' sems dpa' chen po yang bla na med pa yang dag par rdzogs pa'i byang chub kyi phyir/ dad pa yang yod/ bzod pa yang yod/ mos pa yang yod/ lhag pa'i bsam pa yang yod/ dga' ba yang yod/ spro ba yang</font><hr>32.84b<br><font size=+1>

yod/ mi gtong ba yang yod/ brtson 'grus mi 'dor ba yang yod mod kyi/ de shes rab kyi pha rol du phyin pas yongs su ma bzung / thabs mkhas pas yongs su ma bzung / bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pas yongs su ma bzung / stong pa nyid thams cad kyis yongs su ma bzung / byang chub kyi phyogs kyi chos rnams kyis yongs su ma bzung / 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad kyis yongs su ma bzung / rnam pa thams cad mkhyen pa nyid kyi bar gyis yongs su ma bzung na/ rab 'byor byang chub sems dpa' sems dpa' chen po de ni bar ma dor nye zhor 'gyur te/ 'di ltar thams cad mkhyen pa nyid kyi rin po che'i don chen po dang bral zhing / rin po che chen po las phang bar rig par bya'o/ /rab 'byor byang chub sems dpa' sems dpa' chen po rnams kyi bar ma do'i nye zho gang zhe na/ 'di lta ste/ nyan thos kyi sa 'am/ rang sangs rgyas kyi sa'o/ /rab 'byor 'di lta ste dper na/ skyes bu mkhas pa'i ngang tshul can gang la la zhig rgya mtsho chen po'i gru shin du bsdams shing shin du bstar ba chu la gtong zhing rdzas 'jug na/ rab 'byor rgya mtsho'i gru de ni bar ma dor zhig par mi 'gyur te/ gru des phyogs</font><hr>32.85a<br><font size=+1>

gang du bgrod pa der phyin par 'gyur bar rig par bya'o/ /rab 'byor de bzhin du byang chub sems dpa' sems dpa' chen po gang la la bla na med pa yang dag par rdzogs pa'i byang chub kyi phyir/ dad pa yang yod/ bzod pa yang yod/ mos pa yang yod/ lhag pa'i bsam pa yang yod/ dga' ba yang yod/ spro ba yang yod/ mi gtong ba yang yod/ brtson 'grus mi 'dor ba yang yod la/ shes rab kyi pha rol tu phyin pas yongs su bzung / thabs mkhas pas yongs su bzung / bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pas yongs su bzung / stong pa nyid thams cad dang / byang chub kyi phyogs kyi chos rnams dang / 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad kyis yongs su bzung / rnam pa thams cad mkhyen pa nyid kyi bar gyis yongs su bzung na/ rab 'byor byang chub sems dpa' sems dpa' chen po de ni/ bla na med pa yang dag par rdzogs pa'i byang chub tu bar ma dor nye zhor mi 'gyur bar rig par bya'o/ /rab 'byor de ni de ltar yang 'gyur te/ byang chub sems dpa' sems dpa' chen po gang la la bla na med pa yang dag par rdzogs pa'i byang chub kyi phyir/ </font><hr>32.85b<br><font size=+1>

dad pa yang yod/ bzod pa yang yod/ mos pa yang yod/ lhag pa'i bsam pa yang yod/ dga' ba yang yod/ spro ba yang yod/ mi gtong ba yang yod/ brtson 'grus mi 'dor ba yang yod la/ de yang shes rab kyi pha rol du phyin pas yongs su zin par gyur/ thabs mkhas pas yongs su zin par gyur/ bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pas yongs su zin par gyur/ rnam pa thams cad mkhyen pa nyid kyi bar gyis yongs su zin par gyur na/ byang chub sems dpa' sems dpa' chen po de ni nyan thos kyi sa dang / rang sangs rgyas kyi sar mi lhung ngo / /rab 'byor 'di lta ste dper na/ mi na tshod kyis lo brgya nyi shu lon pa/ rgas pa/ dgog tu gyur pa/ 'khogs pa zhig yod la/ de'i lus la rlung ngam/ mkhris pa 'am/ bad kan nam/ 'dus pa'i nad kyis btab na/ rab 'byor de la ji snyam du sems/ mi de gcig pu nyam rangs su khri las ldang nus sam/ gsol pa/ bcom ldan 'das de ni ma lags so/ /bcom ldan 'das de ni khri de las ldang nus su lags kyang / rgyang grags gcig gam/ rgyang grags gnyis su yang mchi bar mi nus te/ de rgas pa dang / bro 'tshal bas nyams dmas pa'i slad du khri las ldang nus su lags kyang mchi mi nus so/ /bcom ldan 'das kyis bka' stsal pa/ rab 'byor de bzhin du byang chub sems dpa' sems dpa' chen po la/ bla na med pa yang dag par rdzogs pa'i byang chub kyi phyir/ dad pa yang yod/ bzod pa yang yod/ mos pa yang yod/ lhag pa'i bsam pa yang yod/ dga' ba yang yod/ spro ba yang yod/ mi gtong ba yang yod/ brtson 'grus mi 'dor ba yang yod mod kyi/ de shes rab kyi pha rol du phyin pas yongs su ma bzung / thabs mkhas pas yongs su ma bzung / bsam gtan gyi pha rol du phyin pa dang / brtson</font><hr>32.86a<br><font size=+1>

'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pas yongs su ma bzung / nang stong pa nyid dang / phyi stong pa nyid dang / phyi nang stong pa nyid dang / dngos po med pa'i ngo bo nyid stong pa nyid kyi bar gyis yongs su ma bzung / dran pa nye bar gzhag pas yongs su ma bzung / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam gyis yongs su ma bzung / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad kyis yongs su ma bzung / rnam pa thams cad mkhyen pa nyid kyi bar gyis yongs su ma bzung na/ rab 'byor byang chub sems dpa' sems dpa' chen po de ni bar ma dor nyan thos kyi sa 'am/ rang sangs rgyas kyi sar ltung bar 'gyur ro/ /de ci'i phyir zhe na/ de ni 'di ltar shes rab kyi pha rol du phyin pas yongs su ma bzung ba dang / thabs mkhas pas yongs su ma bzung ba dang / rnam pa thams cad mkhyen pa nyid kyi bar gyis yongs su ma bzung ba'i phyir ro/ /rab 'byor 'di lta ste dper na/ mi na tshod kyis lo brgya nyi shu lon pa/ rgas pa/ dgog tu gyur pa/ 'khogs pa de nyid kyi lus la rlung ngam/ mkhris pa 'am/ bad kan nam/ 'dus pa'i nad kyis btab par gyur la/ de khri las ldang bar 'dod na/ de la skyes bu stobs dang ldan pa gnyis kyis glo g.yas</font><hr>32.86b<br><font size=+1>

g.yon nas bzung ste/ brten nas 'di skad du/ kye skyes bu khyod ci dga' ba'i don du gar 'dod pa 'dong ngo / /khyod ni bdag cag gis bzung gi gnas der ma phyin gyi bar du lam du bar ma dor rdeg 'cha' bas 'jigs par mi 'gyur ro/ /zhes bsgo ba de bzhin du/ rab 'byor byang chub sems dpa' sems dpa' chen po gang la la bla na med pa yang dag par rdzogs pa'i byang chub kyi phyir/ dad pa yang yod/ bzod pa yang yod/ mos pa yang yod/ lhag pa'i bsam pa yang yod/ dga' ba yang yod/ spro ba yang yod/ mi gtong ba yang yod/ brtson 'grus mi 'dor ba yang yod la/ de shes rab kyi pha rol du phyin pas yongs su bzung / thabs mkhas pas yongs su bzung / bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pas yongs su bzung / nang stong pa nyid dang / phyi stong pa nyid dang / phyi nang stong pa nyid dang / dngos po med pa'i ngo bo nyid stong pa nyid kyi bar gyis yongs su bzung / dran pa nye bar bzhag pas yongs su bzung / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam gyis yongs su bzung / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma</font><hr>32.87a<br><font size=+1>

'dres pa bcwa brgyad kyis yongs su bzung / rnam pa thams cad mkhyen pa nyid kyi bar gyis yongs su bzung na/ rab 'byor byang chub sems dpa' sems dpa' chen po de ni bar ma dor nye zhor mi 'gyur te/ byang chub sems dpa' sems dpa' chen po des ni 'di lta ste/ bla na med pa yang dag par rdzogs pa'i byang chub kyi gnas der phyin pa nus so/ /de ci'i phyir zhe na/ de ltar de shes rab kyi pha rol du phyin pa dang / thabs mkhas pa dang ma bral ba'i phyir ro/ /gsol pa/ bcom ldan 'das ji ltar na/ gang zag byang chub sems dpa'i theg pa pa/ shes rab kyi pha rol du phyin pa dang / thabs mkhas pa dang / ma bral bas nyan thos kyi sa 'am/ rang sangs rgyas kyi sar mi ltung ba lags/ bcom ldan 'das kyis bka' stsal pa/ rab 'byor khyod de ltar gang zag byang chub sems dpa'i theg pa pa rnams kyi don du/ de bzhin gshegs pa la don 'di 'dri bar sems pa legs so/ /legs so/ /rab 'byor 'di la gang zag byang chub sems dpa'i theg pa pa/ thog mar sbyin pa yongs su gtong na/ de bdag dang bdag gir lhung ba'i sems kyis sbyin pa yongs su gtong zhing / tshul khrims srung ba dang / bzod pa bsgom pa dang / brtson 'grus rtsom pa dang / bsam gtan la snyoms par 'jug pa dang / shes rab sgom na/ de yang bdag dang bdag gir lhung ba'i sems kyis shes rab sgom ste/ de sbyin pa yongs su gtong ba'i tshe/ 'di snyam du sems te/ bdag ni sbyin pa yongs su gtong ngo / /'di la sbyin pa yongs su gtong ngo / /bdag ni sbyin pa byed pa'o/ /bdag ni tshul khrims srung ngo / /tshul khrims ni 'di srung ngo / /bdag ni tshul khrims dang ldan pa'o/ /bdag ni bzod pa sgom mo/ /bzod</font><hr>32.87b<br><font size=+1>

pa ni 'di sgom mo/ /bdag ni bzod pa dang ldan pa'o/ /bdag ni brtson 'grus rtsom mo/ /brtson 'grus ni 'di rtsom mo/ /bdag ni brtson 'grus dang ldan pa'o/ /bdag ni bsam gtan dag la snyoms par 'jug go/ /bsam gtan ni 'di dag la snyoms par 'jug go/ /bdag ni bsam gtan pa'o/ /bdag ni shes rab sgom mo/ /shes rab ni 'di sgom mo/ /bdag ni shes rab dang ldan pa'o/ /snyam nas/ de sbyin pa rlom sems su byed/ sbyin pas rlom sems su byed/ bdag ni sbyin pa byed pa'o/ /zhes rlom sems su byed/ tshul khrims rlom sems su byed/ tshul khrims kyis rlom sems su byed/ bdag ni tshul khrims dang ldan pa'o/ /zhes rlom sems su byed/ bzod pa rlom sems su byed/ bzod pas rlom sems su byed/ bdag ni bzod pa dang ldan pa'o/ /zhes rlom sems su byed/ brtson 'grus rlom sems su byed/ brtson 'grus kyis rlom sems su byed/ bdag ni brtson 'grus dang ldan pa'o zhes rlom sems su byed/ bsam gtan rnams rlom sems su byed/ bsam gtan rnams kyis rlom sems su byed/ bdag ni bsam gtan pa'o/ /zhes rlom sems su byed/ shes rab rlom sems su byed/ shes rab kyis rlom sems su byed/ bdag ni shes rab dang ldan pa'o/ /zhes rlom sems su byed do/ /de ci 'i phyir zhe na/ sbyin pa'i pha rol du phyin pa la rtog pa de dag med de/ ring du song ba ni sbyin pa'i pha rol du phyin pa'o/ /tshul khrims kyi pha rol du phyin pa la rtog pa de dag med de/ ring du song ba ni tshul khrims kyi pha rol du phyin pa'o/ /bzod pa'i pha rol du phyin pa la rtog pa de dag med de/ ring du song ba ni bzod pa'i pha rol du phyin pa'o/ /brtson 'grus kyi pha rol du phyin pa la rtog pa de dag med de/ ring du song ba ni brtson 'grus kyi</font><hr>32.88a<br><font size=+1>

pha rol du phyin pa'o/ /bsam gtan gyi pha rol du phyin pa la rtog pa de dag med de/ ring du song ba ni bsam gtan gyi pha rol du phyin pa'o/ /shes rab kyi pha rol du phyin pa la rtog pa de dag med de/ ring du song ba ni shes rab kyi pha rol du phyin pa'o/ /de lta yin yang gang zag byang chub sems dpa'i theg pa pa de ring du song ba yang mi shes/ pha rol yang mi shes te/ de sbyin pa'i pha rol du phyin pas yongs su ma bzung / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pas yongs su ma bzung / rnam pa thams cad mkhyen pa nyid kyi bar gyis yongs su ma bzung bas/ nyan thos kyi sa 'am/ rang sangs rgyas kyi sar ltung ste/ rnam pa thams cad mkhyen pa nyid du mi 'byung ngo / /rab 'byor ji ltar na gang zag byang chub sems dpa'i theg pa pa thabs mi mkhas pa yin zhe na/ rab 'byor 'di la gang zag byang chub sems dpa'i theg pa pa thog mar thabs med par sbyin pa yongs su gtong / thabs med par tshul khrims srung / thabs med par bzod pa bsgom/ thabs med par brtson 'grus rtsom/ thabs med par bsam gtan la snyoms par 'jug /thabs med par shes rab sgom zhing de 'di snyam du sems te/ bdag ni sbyin pa yongs su gtong ngo / /sbyin pa ni 'di yongs su gtong ngo / /'di la ni sbyin pa yongs su gtong ngo / /bdag ni tshul khrims srung ngo / /tshul khrims ni 'di srung ngo / /bdag ni bzod pa sgom mo/ /bzod pa ni 'di sgom mo/ /bdag ni brtson 'grus rtsom mo/ /brtson 'grus ni 'di rtsom mo/ /bdag ni bsam gtan rnams la snyoms par 'jug go/ /bsam gtan ni 'di dag</font><hr>32.88b<br><font size=+1>

la snyoms par 'jug go/ /bdag ni shes rab sgom mo/ /shes rab ni 'di sgom mo zhes de sbyin pa rlom sems su byed/ sbyin pas rlom sems su byed/ bdag ni sbyin pa byed pa'o zhes rlom sems su byed/ tshul khrims rlom sems su byed/ tshul khrims kyis rlom sems su byed/ bdag ni tshul khrims dang ldan pa'o zhes rlom sems su byed/ bzod pa rlom sems su byed/ bzod pas rlom sems su byed/ bdag ni bzod pa dang ldan pa'o zhes rlom sems su byed/ brtson 'grus rlom sems su byed/ brtson 'grus kyis rlom sems su byed/ bdag ni brtson 'grus dang ldan pa'o zhes rlom sems su byed/ bsam gtan rlom sems su byed/ bsam gtan gyis rlom sems su byed/ bdag ni bsam gtan pa'o zhes rlom sems su byed/ shes rab rlom sems su byed/ shes rab kyis rlom sems su byed/ bdag ni shes rab dang ldan pa'o zhes rlom sems su byed pa ste/ de ci'i phyir zhe na/ ji ltar de rnam par rtog pa'i rnam par rtog pa de dag sbyin pa'i pha rol du phyin pa la med do/ /de ci'i phyir zhe na/ de ni 'di ltar 'di lta ste/ sbyin pa'i pha rol du phyin pa de ni pha rol du phyin pa med pa'o/ /tshul khrims kyi pha rol du phyin pa de ni pha rol du phyin pa med pa'o/ /bzod pa'i pha rol du phyin pa de ni pha rol du phyin pa med pa'o/ /brtson 'grus kyi pha rol du phyin pa de ni pha rol du phyin pa med pa'o/ /bsam gtan gyi pha rol du phyin pa de ni pha rol du phyin pa med pa'o/ /shes rab kyi pha rol du phyin pa de ni pha rol du phyin pa med pa'o/ /de lta yin yang byang chub sems dpa'i theg pa pa de ni ring du song ba yang mi shes/ pha rol yang mi shes te/ de sbyin pa'i pha rol du phyin pas yongs su ma bzung / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pas yongs su ma bzung / shes rab kyi pha rol du phyin pas yongs su ma</font><hr>32.89a<br><font size=+1>

bzung / thabs mkhas pas yongs su ma bzung / rnam pa thams cad mkhyen pa nyid kyi bar gyis yongs su ma bzung bas/ nyan thos kyi sa 'am/ rang sangs rgyas kyi sar ltung ste/ rnam pa thams cad mkhyen pa nyid du mi 'byung ngo / /rab 'byor ji ltar gang zag byang chub sems dpa'i theg pa pa shes rab kyi pha rol du phyin pa dang / thabs mkhas pas yongs su bzung ba/ nyan thos kyi sa 'am/ rang sangs rgyas kyi sar mi ltung zhing / bla na med pa yang dag par rdzogs pa'i byang chub 'grub par 'gyur ba yin zhe na/ rab 'byor 'di la gang zag byang chub sems dpa'i theg pa pa thog mar sbyin pa yongs su gtong na/ bdag dang bdag gir bya bar ma ltung ba'i sems kyis sbyin pa yongs su gtong ngo / /tshul khrims srung na/ bdag dang bdag gir bya bar ma ltung ba'i sems kyis tshul khrims srung ngo / /bzod pa sgom na/ bdag dang bdag gir bya bar ma ltung ba'i sems kyis bzod pa sgom mo/ /brtson 'grus rtsom na/ bdag dang bdag gir bya bar ma ltung ba'i sems kyis brtson 'grus rtsom mo/ /bsam gtan sgom na/ bdag dang bdag gir bya bar ma ltung ba'i sems kyis bsam gtan sgom mo/ /shes rab sgom na/ bdag dang bdag gir bya bar ma ltung ba'i sems kyis shes rab sgom ste/ de 'di snyam du bdag ni sbyin pa yongs su gtong ngo / /'di la sbyin pa gtong ngo zhes bya bar mi sems so/ /bdag ni tshul khrims srung ngo / /tshul khrims ni 'di srung ngo / /bdag ni bzod pa sgom mo/ /bzod pa ni 'di sgom mo/ bdag ni brtson 'grus rtsom mo/ /brtson 'grus ni 'di rtsom mo/ /bdag ni bsam gtan rnams la snyoms par 'jug go/ /bsam gtan ni 'di dag la snyoms par 'jug go/ /bdag ni shes rab sgom mo/ /shes rab ni 'di sgom mo/ /zhes bya bar mi sems te/ de sbyin pa rlom sems su mi byed/ sbyin pas rlom sems su mi byed/ </font><hr>32.89b<br><font size=+1>

bdag ni sbyin pa byed pa'o/ /zhes bya bar rlom sems su mi byed do/ /tshul khrims rlom sems su mi byed/ tshul khrims kyis rlom sems su mi byed/ bdag ni tshul khrims dang ldan pa'o zhes bya bar rlom sems su mi byed do/ /bzod pa rlom sems su mi byed/ bzod pas rlom sems su mi byed/ bdag ni bzod pa dang ldan pa'o zhes bya bar rlom sems su mi byed do/ /brtson 'grus rlom sems su mi byed/ brtson 'grus kyis rlom sems su mi byed/ bdag ni brtson 'grus dang ldan pa'o/ /zhes bya bar rlom sems su mi byed do/ /bsam gtan rnams rlom sems su mi byed/ bsam gtan rnams kyis rlom sems su mi byed/ bdag ni bsam gtan pa'o zhes bya bar rlom sems su mi byed do/ /shes rab rlom sems su mi byed/ shes rab kyis rlom sems su mi byed/ bdag ni shes rab dang ldan pa'o/ /zhes bya bar rlom sems su mi byed do/ /de ci'i phyir zhe na/ de ni 'di ltar gang gis de rlom sems su byed pa'i rnam par rtog pa de dag ni sbyin pa'i pha rol du phyin pa la med de/ 'di ltar sbyin pa'i pha rol du phyin pa ni pha rol du phyin pa med pa'o/ /gang gis rlom sems su byed pa'i rnam par rtog pa de dag ni tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la med de/ 'di ltar shes rab kyi pha rol du phyin pa ni pha rol du phyin pa med pa'o/ /de lta yin la gang zag byang chub sems dpa'i theg pa pa de yang ring du song ba shes shing pha rol shes te/ des kyang rlom sems su mi byed cing / de sbyin pa'i pha rol du phyin pas yongs su bzung / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pas yongs su bzung ba dang / rnam pa thams</font><hr>32.90a<br><font size=+1>

cad mkhyen pa nyid kyi bar gyis yongs su bzung bas/ nyan thos kyi sa 'am/ rang sangs rgyas kyi sar mi ltung ste/ rnam pa thams cad mkhyen pa nyid kyang 'grub par 'gyur ro/ /rab 'byor de ltar na gang zag byang chub sems dpa'i theg pa pa shes rab kyi pha rol du phyin pas yongs su bzung ba/ thabs mkhas pas yongs su bzung ba/ rnam pa thams cad mkhyen pa nyid kyi bar gyis yongs su bzung ba de nyan thos kyi sa 'am/ rang sangs rgyas kyi sar mi ltung ngo / /rab 'byor ji ltar na gang zag byang chub sems dpa'i theg pa pa thabs mkhas pas yongs su bzung ba yin zhe na/ rab 'byor 'di la gang zag byang chub sems dpa'i theg pa pa thog mar thabs dang ldan par sbyin pa yongs su gtong / thabs dang ldan par tshul khrims srung / thabs dang ldan par bzod pa sgom/ thabs dang ldan par brtson 'grus rtsom/ thabs dang ldan par bsam gtan rnams la snyoms par 'jug /thabs dang ldan par shes rab sgom zhing / 'di ltar de bdag ni sbyin pa yongs su gtong ngo / /sbyin pa 'di yongs su gtong ngo / /'di la sbyin pa yongs su gtong ngo snyam du mi sems so/ /'di ltar bdag ni tshul khrims srung ngo / /tshul khrims ni 'di srung ngo snyam du mi sems so/ /'di ltar bdag ni bzod pa sgom mo/ /bzod pa ni 'di sgom mo/ /snyam du mi sems so/ /'di ltar bdag ni brtson 'grus rtsom mo/ /brtson 'grus ni 'di rtsom mo snyam du mi sems so/ /'di ltar bdag ni bsam gtan dag la snyoms par 'jug go/ /bsam gtan ni 'di dag la snyoms par 'jug go snyam du mi sems so/ /'di ltar bdag ni shes rab sgom mo/ /shes rab ni 'di sgom mo snyam du mi sems so/ /de sbyin pa rlom sems su mi byed/ sbyin pas rlom sems su mi byed/ bdag ni sbyin pa byed pa'o</font><hr>32.90b<br><font size=+1>

zhes rlom sems su mi byed do/ /de tshul khrims rlom sems su mi byed/ tshul khrims kyis rlom sems su mi byed/ bdag ni tshul khrims dang ldan pa'o zhes rlom sems su mi byed do/ /de bzod pa rlom sems su mi byed/ bzod pas rlom sems su mi byed/ bdag ni bzod pa dang ldan pa'o zhes rlom sems su mi byed do/ /de brtson 'grus rlom sems su mi byed/ brtson 'grus kyis rlom sems su mi byed/ bdag ni brtson 'grus dang ldan pa'o zhes rlom sems su mi byed do/ /de bsam gtan rlom sems su mi byed/ bsam gtan gyis rlom sems su mi byed/ bdag ni bsam gtan pa'o zhes rlom sems su mi byed do/ /de shes rab rlom sems su mi byed/ shes rab kyis rlom sems su mi byed/ bdag ni shes rab dang ldan pa'o zhes rlom sems su mi byed do/ /de ci'i phyir zhe na/ de ltar de rnam par mi rtog pas/ sbyin pa'i pha rol du phyin pa la rnam par rtog pa de dag med de/ de ci'i phyir zhe na/ de ni 'di lta ste/ sbyin pa'i pha rol du phyin pa de ni pha rol du phyin pa med pa'o/ /de ltar de rnam par mi rtog pas/ tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la rnam par rtog pa de dag med de/ de ci'i phyir zhe na/ de ni 'di ltar 'di lta ste/ shes rab kyi pha rol du phyin pa de ni pha rol du phyin pa med pa'o/ /de lta yang yin la gang zag byang chub sems dpa'i theg pa pa de yang ring du song ba shes shing / pha rol shes kyang de rlom sems med de/ sbyin pa'i pha rol du phyin pas yongs su bzung ba dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / </font><hr>32.91a<br><font size=+1>

shes rab kyi pha rol du phyin pas yongs su bzung zhing / thabs mkhas pas yongs su bzung ba dang / rnam pa thams cad mkhyen pa nyid kyi bar gyis yongs su bzung bas/ nyan thos kyi sa 'am/ rang sangs rgyas kyi sar mi ltung ste/ rnam pa thams cad mkhyen pa nyid du 'byung ngo / /shes rab kyi pha rol du phyin pa stong phrag nyi shu lnga pa las/ le'u sum bcu lnga pa'o// // de nas tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das las dang po pa'i byang chub sems dpa' sems dpa' chen pos ji ltar shes rab kyi pha rol du phyin pa la bslab par bgyi/ ji ltar bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa la bslab par bgyi/ bcom ldan 'das kyis bka' stsal pa/ rab 'byor 'di la las dang po pa'i byang chub sems dpa' sems dpa' chen po shes rab kyi pha rol du phyin pa la bslab par 'dod pa dang / bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa la bslab par 'dod pas/ dge ba'i bshes gnyen gang shes rab kyi pha rol du phyin pa ston pa dang / bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa ston pa de dag la bsten par bya'o/ /bsnyen bkur bya'o/ /de dag de la shes rab kyi pha rol du phyin pa 'di ltar ston te/ tshur rigs kyi bu sbyin pa gang dang gang sbyin pa de thams cad bla na med pa yang dag par rdzogs pa'i byang chub tu yongs su bsngos shig /tshur rigs kyi bu tshul khrims gang dang gang srung ba dang / bzod pa gang dang gang sgrub pa dang / brtson 'grus gang dang gang rtsom pa dang / bsam gtan gang</font><hr>32.91b<br><font size=+1>

dang gang la snyoms par 'jug pa dang / shes rab gang dang gang sgom pa de thams cad bla na med pa yang dag par rdzogs pa'i byang chub tu yongs su sngos shig /rigs kyi bu khyod bla na med pa yang dag par rdzogs pa'i byang chub gzugs su rtog par ma byed cig /tshor ba dang 'du shes dang 'du byed dang rnam par shes par rtog par ma byed cig /skye mched dang khams dang / rten cing 'brel bar 'byung bar rtog par ma byed cig /rigs kyi bu khyod bla na med pa yang dag par rdzogs pa'i byang chub sbyin pa'i pha rol du phyin pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin par rtog par ma byed cig /rigs kyi bu khyod bla na med pa yang dag par rdzogs pa'i byang chub nang stong pa nyid du rtog par ma byed cig /dngos po med pa'i ngo bo nyid stong pa nyid kyi bar du rtog par ma byed cig /rigs kyi bu khyod bla na med pa yang dag par rdzogs pa'i byang chub dran pa nye bar gzhag pa rnams su rtog par ma byed cig /yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa dang / 'phags pa'i bden pa rnams dang / bsam gtan rnams dang / tshad med pa rnams dang gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad du rtog par</font><hr>32.92a<br><font size=+1>

ma byed cig /bla na med pa yang dag par rdzogs pa'i byang chub rnam pa thams cad mkhyen pa nyid kyi bar du rtog par ma byed cig /de ci'i phyir zhe na/ yongs su ma brtags pa'i gzugs ni rnam pa thams cad mkhyen pa nyid thob par byed do/ /yongs su ma brtags pa'i tshor ba dang / 'du shes dang 'du byed dang rnam par shes pa ni rnam pa thams cad mkhyen pa nyid thob par byed do/ /yongs su ma brtags pa'i skye mched dang / khams dang rten cing 'brel bar 'byung ba ni/ rnam pa thams cad mkhyen pa nyid thob par byed do/ /yongs su ma brtags pa'i sbyin pa'i pha rol du phyin pa ni rnam pa thams cad mkhyen pa nyid thob par byed do/ /yongs su ma brtags pa'i tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa ni rnam pa thams cad mkhyen pa nyid thob par byed do/ /yongs su ma brtags pa'i nang stong pa nyid ni rnam pa thams cad mkhyen pa nyid thob par byed do/ /yongs su ma brtags pa'i dngos po med pa'i ngo bo nyid stong pa nyid kyi bar ni rnam pa thams cad mkhyen pa nyid thob par byed do/ /yongs su ma brtags pa'i dran pa nye bar gzhag pa rnams ni rnam pa thams cad mkhyen pa nyid thob par byed do/ /yongs su ma brtags pa'i yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / lam rnams ni rnam pa thams cad mkhyen pa nyid thob par byed do/ /yongs su ma brtags pa'i 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo</font><hr>32.92b<br><font size=+1>

rnams dang / de bzhin gshegs pa'i stobs bcu dang / mi 'jigs pa bzhi dang so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad ni rnam pa thams cad mkhyen pa nyid thob par byed do/ /yongs su ma brtags pa'i lam gyi rnam pa byed pa nyid kyi bar ni rnam pa thams cad mkhyen pa nyid thob par byed do/ /rigs kyi bu khyod gzugs la 'dod pa ma skyed cig /de ci'i phyir zhe na/ rigs kyi bu 'dod pa med pa ni gzugs so/ /tshor ba dang / 'du shes dang / 'du byed dang / rnam par shes pa la 'dod pa ma skyed cig /de ci'i phyir zhe na/ rigs kyi bu 'dod pa med pa ni rnam par shes pa'o/ /skye mched dang / khams dang / rten cing 'brel bar 'byung ba la 'dod pa ma skyed cig /de ci'i phyir zhe na/ rigs kyi bu 'dod pa med pa ni rten cing 'brel bar 'byung ba'o/ /rigs kyi bu khyod sbyin pa'i pha rol du phyin pa la 'dod pa ma skyed cig /de ci'i phyir zhe na/ rigs kyi bu 'dod pa med pa ni sbyin pa'i pha rol du phyin pa'o/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la 'dod pa ma skyed cig /de ci'i phyir zhe na/ rigs kyi bu 'dod pa med pa ni shes rab kyi pha rol du phyin pa'o/ /nang stong pa nyid dang / phyi stong pa nyid dang / phyi nang stong pa nyid dang / dngos po med pa'i ngo bo nyid stong pa nyid kyi bar la 'dod pa ma skyed cig /de ci'i phyir zhe na/ rigs kyi bu 'dod pa med pa ni dngos po med pa'i ngo bo nyid stong pa nyid do/ /dran pa nye bar gzhag pa rnams dang / yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / lam la 'dod pa ma skyed cig /de ci'i phyir zhe na/ rigs kyi bu 'dod pa med pa ni/ 'phags pa'i lam yan lag brgyad pa'o/ /</font><hr>32.93a<br><font size=+1>

'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad dang / rnam pa thams cad mkhyen pa nyid kyi bar la 'dod pa ma skyed cig /de ci'i phyir zhe na/ rigs kyi bu 'dod pa med pa ni rnam pa thams cad mkhyen pa nyid do/ /rigs kyi bu khyod rgyun du zhugs pa'i 'bras bu la 'dod pa ma skyed cig /lan cig phyir 'ong ba dang / phyir mi 'ong ba dang / dgra bcom pa nyid dang / rang byang chub la 'dod pa ma skyed cig /bla na med pa yang dag par rdzogs pa'i byang chub la 'dod pa ma skyed cig /de ci'i phyir zhe na/ rigs kyi bu 'dod pa med pa ni byang chub bo/ /de ci'i phyir zhe na/ rigs kyi bu chos thams cad ni ngo bo nyid kyis stong ngo zhes bya bar 'gyur ro/ /de skad ces bka' stsal pa dang / tshe dang ldan pa rab 'byor gyis/ bcom ldan 'das la 'di skad ces gsol to/ /bcom ldan 'das de ltar chos rnams rang gi mtshan nyid kyis stong pa la byang chub sems dpa' sems dpa' chen po rnams bla na med pa yang dag par rdzogs pa'i byang chub tu smon cing / bla na med pa yang dag par rdzogs pa'i byang chub tu mngon par rdzogs par 'tshang rgya bar 'tshal ba ni dka' ba bgyid pa'o/ /bcom ldan 'das kyis bka' stsal pa/ rab 'byor de de bzhin no/ /de de bzhin te/ rab 'byor</font><hr>32.93b<br><font size=+1>

de ltar chos rnams rang gi mtshan nyid kyis stong pa la/ byang chub sems dpa' sems dpa' chen po rnams bla na med pa yang dag par rdzogs pa'i byang chub tu smon cing / bla na med pa yang dag par rdzogs pa'i byang chub tu 'dod pa ni dka' ba byed pa'o/ /rab 'byor 'on kyang byang chub sems dpa' sems dpa' chen po rnams ni chos thams cad sgyu ma lta bu dang / rmi lam lta bur rig nas bla na med pa yang dag par rdzogs pa'i byang chub tu yang dag par zhugs pa ste/ byang chub sems dpa' sems dpa' chen po rnams ni 'jig rten gyi don dang / phan pa dang bde ba'i phyir/ bla na med pa yang dag par rdzogs pa'i byang chub tu yang dag par zhugs so/ /'jig rten gyi mgon du 'gyur bar bya'o zhes bla na med pa yang dag par rdzogs pa'i byang chub tu yang dag par zhugs so/ /'jig rten gyi skyabs su 'gyur bar bya'o zhes bla na med pa yang dag par rdzogs pa'i byang chub tu yang dag par zhugs so/ /'jig rten gyi rten du 'gyur bar bya'o zhes bla na med pa yang dag par rdzogs pa'i byang chub tu yang dag par zhugs so/ /'jig rten gyi dpung gnyen du 'gyur bar bya'o zhes bla na med pa yang dag par rdzogs pa'i byang chub tu yang dag par zhugs so/ /'jig rten gyi gling du 'gyur bar bya'o zhes bla na med pa yang dag par rdzogs pa'i byang chub tu yang dag par zhugs so/ /'jig rten gyi snang bar 'gyur bar bya'o zhes bla na med pa yang dag par rdzogs pa'i byang chub tu yang dag par zhugs so/ /'jig rten gyi sgron ma 'dzin cing 'od 'byin pa dang / ded dpon dang yongs su 'dren par 'gyur bar bya'o zhes bla na med pa yang dag par rdzogs pa'i byang chub tu yang dag par zhugs so/ /'jig rten gyi lam du 'gyur bar bya'o zhes bla na med pa yang dag par rdzogs pa'i byang chub tu yang dag par zhugs so/ /rab 'byor ji ltar na byang chub sems dpa' sems dpa' chen po</font><hr>32.94a<br><font size=+1>

bla na med pa yang dag par rdzogs pa'i byang chub tu mngon par rdzogs par 'tshang rgya bar 'dod cing / 'jig rten gyi don gyi phyir yang dag par zhugs pa yin zhe na/ rab 'byor 'di la byang chub sems dpa' sems dpa' chen po sbyin pa ci gtong ba de thams cad kyang sems can rnams kyi sdug bsngal yongs su dgrol ba'i phyir ro/ /tshul khrims ci srung ba dang / bzod pa ci sgom pa dang / brtson 'grus ci rtsom pa dang / gang bsam gtan la mnyam par gzhog pa dang / shes rab ci sgom pa de thams cad kyang sems can rnams kyi sdug bsngal yongs su dgrol ba'i phyir te/ rab 'byor de ltar na byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya bar 'dod cing / 'jig rten gyi don gyi phyir yang dag par zhugs pa yin no/ /rab 'byor ji ltar na byang chub sems dpa' sems dpa' chen po 'jig rten la phan pa'i phyir yang dag par zhugs pa yin zhe na/ rab 'byor 'di la byang chub sems dpa' sems dpa' chen po sems can rnams 'gro ba'i rgyud lnga nas yongs su bton cing mi 'jigs pa'i thang bde ba mya ngan las 'das pa la rab tu 'god de/ rab 'byor de ltar na byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya bar 'dod cing / 'jig rten la phan pa'i phyir yang dag par zhugs pa yin no/ /rab 'byor ji ltar na byang chub sems dpa' sems dpa' chen po 'jig rten la bde ba'i phyir yang dag par zhugs pa yin zhe na/ rab 'byor 'di la byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya bar 'dod pas/ sems can rnams sdug bsngal ba</font><hr>32.94b<br><font size=+1>

dang / yid mi bde ba dang / 'khrug pa rnams las yongs su bkrol zhing mi 'jigs pa'i thang bde ba mya ngan las 'das pa la rab tu 'god de/ rab 'byor de ltar na byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya bar 'dod cing / 'jig rten la bde ba'i phyir yang dag par zhugs pa yin no/ /rab 'byor ji ltar na byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya bar 'dod cing / 'jig rten gyi mgon byed pa yin zhe na/ rab 'byor 'di la byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya bar 'dod pa/ 'khor ba na yod pa'i sdug bsngal gang ci yang rung ste/ de dag las sems can rnams yongs su skyob cing de dag spang ba'i phyir chos ston te/ sems can de dag kyang chos de thos nas rims kyis theg pa gsum gyis yongs su mya ngan las 'da' bar 'gyur te/ rab 'byor de ltar na byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya bar 'dod pas/ 'jig rten gyi mgon byed pa yin no/ /shes rab kyi pha rol du phyin pa stong phrag nyi shu lnga pa/ bam po bzhi bcu brgyad pa/ rab 'byor ji ltar na byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya bar 'dod pa/ 'jig rten gyi skyabs su gyur pa yin zhe na/ rab 'byor 'di la byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya bar 'dod pa/ sems can</font><hr>32.95a<br><font size=+1>

skye ba'i chos can dang / sems can rga ba'i chos can dang / sems can na ba'i chos can dang / sems can 'chi ba'i chos can dang / sems can mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa'i chos can rnams skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa las yongs su bkrol zhing phung po ma lus pa'i mya ngan las 'das pa'i dbyings su yongs su mya ngan las zlo ste/ rab 'byor de ltar na byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya bar 'dod pa/ 'jig rten gyi skyabs su gyur pa yin no/ /rab 'byor ji ltar na byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya bar 'dod pas/ sems can rnams kyi rten du gyur pa yin zhe na/ rab 'byor 'di la byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya bar 'dod pas/ chos thams cad 'dre ba med par chos ston te/ rab 'byor de ltar na byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya bar 'dod pa/ sems can rnams kyi rten du gyur pa yin no/ /gsol pa/ bcom ldan 'das ji ltar na chos thams cad 'dre ba ma mchis pa lags/ bcom ldan 'das kyis bka' stsal pa/ rab 'byor gzugs kyi 'dre ba med pa gang yin pa de ni/ gzugs kyi 'brel ba med pa'o/ /gzugs kyi 'brel ba med pa gang yin pa de ni/ gzugs kyi skye ba med pa'o/ /gzugs kyi skye ba med pa gang yin pa de ni/ gzugs</font><hr>32.95b<br><font size=+1>

kyi 'gag pa med pa'o/ /gzugs kyi 'gag pa med pa gang yin pa de ni/ gzugs kyi 'dre ba med pa'o/ /tshor ba dang / 'du shes dang / 'du byed dang / rnam par shes pa'i 'dre ba med pa gang yin pa de ni rnam par shes pa'i 'brel ba med pa'o/ /rnam par shes pa'i 'brel ba med pa gang yin pa de ni rnam par shes pa'i skye ba med pa'o/ /rnam par shes pa'i skye ba med pa gang yin pa de ni rnam par shes pa'i 'gag pa med pa'o/ /rnam par shes pa'i 'gag pa med pa gang yin pa de ni/ rnam par shes pa'i 'dre ba med pa'o/ /skye mched dang / khams dang rten cing 'brel bar 'byung ba dang / pha rol du phyin pa thams cad dang / stong pa nyid thams cad dang byang chub kyi phyogs kyi chos sum bcu rtsa bdun dang / 'phags pa'i bden pa bzhi dang bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / rnam par thar pa brgyad dang mthar kyis gnas pa'i snyoms par 'jug pa dgu dang / rnam par thar pa'i sgo stong pa nyid dang / mtshan ma med pa dang / smon pa med pa dang mngon par shes pa rnams dang ting nge 'dzin rnams dang / gzungs kyi sgo rnams dang de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad dang / rnam pa thams cad mkhyen pa nyid kyi bar gyi 'dre ba med pa gang yin pa de ni/ rnam pa thams cad mkhyen pa nyid kyi 'brel ba med pa'o/ /rnam pa thams cad mkhyen pa nyid kyi 'brel ba med pa gang yin pa de ni/ rnam pa thams cad mkhyen pa nyid kyi skye ba med pa'o/ /rnam pa thams cad mkhyen pa nyid kyi skye ba med pa gang yin pa de ni/ rnam pa thams cad mkhyen pa nyid kyi 'gag pa med pa'o/ /rnam pa thams cad mkhyen pa nyid kyi 'gag pa med pa gang yin pa de ni rnam pa thams cad mkhyen pa nyid kyi</font><hr>32.96a<br><font size=+1>

'dre ba med pa'o/ /rab 'byor de ltar byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya bar 'dod pa/ chos thams cad 'dre ba med par chos ston to/ /rab 'byor ji ltar na byang chub sems dpa' sems dpa' chen po bla na med pa yang dag par rdzogs pa'i byang chub mngon par rdzogs par 'tshang rgya bar 'dod pa/ sems can rnams kyi dpung gnyen du gyur pa yin zhe na/ rab 'byor 'di la byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par sangs rgyas nas/ sems can rnams la 'di ltar chos ston te/ gzugs kyi pha rol gang yin pa de ni/ gzugs ma yin no/ /tshor ba dang 'du shes dang / 'du byed dang / rnam par shes pa'i pha rol gang yin pa de ni/ rnam par shes pa ma yin no/ /skye mched dang / khams dang / rten cing 'brel bar 'byung ba'i pha rol gang yin pa de ni/ rten cing 'brel par 'byung ba ma yin no/ /pha rol du phyin pa thams cad kyi pha rol gang yin pa de ni/ pha rol du phyin pa ma yin no/ /stong pa nyid thams cad kyi pha rol gang yin pa de ni/ stong pa nyid ma yin no/ /byang chub kyi phyogs kyi chos sum bcu rtsa bdun gyi pha rol gang yin pa de ni/ byang chub kyi phyogs kyi chos ma yin no/ /'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar kyis gnas pa'i snyoms par 'jug pa dgu dang / rnam par thar pa'i sgo stong pa nyid dang / mtshan ma med pa dang / smon pa med pa dang mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen</font><hr>32.96b<br><font size=+1>

po dang snying rje chen po dang / sangs rgyas kyi chos ma 'dres pa bcwa brgyad kyi pha rol gang yin pa de ni/ sangs rgyas kyi chos ma 'dres pa ma yin no/ /rnam pa thams cad mkhyen pa nyid kyi bar gyi pha rol gang yin pa de ni/ rnam pa thams cad mkhyen pa nyid ma yin no/ /rab 'byor gzugs ji lta bar chos thams cad kyang de bzhin no/ /gsol pa/ bcom ldan 'das kyis gzugs ji lta bar chos thams cad kyang de bzhin no zhes bka' stsal na/ bcom ldan 'das de lta lags na ni/ byang chub sems dpa' sems dpa' chen pos chos thams cad mngon par rdzogs par sangs rgyas par 'gyur ro/ /de ci'i slad du zhe na/ bcom ldan 'das gzugs kyi pha rol na rnam par rtog pa gang yang ma mchis so/ /tshor ba dang 'du shes dang 'du byed dang rnam par shes pa'i pha rol na rnam par rtog pa gang yang ma mchis so/ /skye mched dang khams dang / rten cing 'brel bar 'byung ba'i pha rol na rnam par rtog pa gang yang ma mchis so/ /pha rol du phyin pa thams cad dang stong pa nyid thams cad dang / byang chub kyi phyogs kyi chos sum bcu rtsa bdun dang / 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang snying rje chen po dang / sangs rgyas kyi chos ma 'dres pa bcwa brgyad kyi pha rol na rnam par rtog pa gang yang ma mchis so/ /rnam pa thams cad mkhyen pa nyid kyi bar gyi pha</font><hr>32.97a<br><font size=+1>

rol na rnam par rtog pa gang yang ma mchis ste/ 'di ni gzugs so/ /'di ni tshor ba'o/ /'di ni 'du shes so/ /'di ni 'du byed do/ /'di ni rnam par shes pa'o/ /'di ni skye mched do/ /'di ni khams so/ /'di ni rten cing 'brel bar 'byung ba'o/ /'di ni pha rol du phyin pa thams cad do/ /'di ni stong pa nyid thams cad do/ /'di ni byang chub kyi phyogs kyi chos sum bcu rtsa bdun no/ /'di ni 'phags pa'i bden pa rnams so/ /'di ni bsam gtan rnams so/ /'di ni tshad med pa rnams so/ /'di ni gzugs med pa'i snyoms par 'jug pa rnams so/ /'di ni rnam par thar pa brgyad do/ /'di ni mthar gyis gnas pa'i snyoms par 'jug pa dgu'o/ /'di ni rnam par thar pa'i sgo stong pa nyid dang / mtshan ma med pa dang / smon pa med pa'o/ /'di ni mngon par shes pa rnams so/ /'di ni ting nge 'dzin rnams so/ /'di ni gzungs kyi sgo rnams so/ /'di ni de bzhin gshegs pa'i stobs bcu'o/ /'di ni mi 'jigs pa bzhi'o/ /'di ni so so yang dag par rig pa bzhi'o/ /'di ni byams pa chen po'o/ /'di ni snying rje chen po'o/ /'di ni sangs rgyas kyi chos ma 'dres pa bcwa brgyad do/ /'di ni rnam pa thams cad mkhyen pa nyid kyi bar ro zhes bgyi ba'i rnam par rtog pa gang yang ma mchis so/ /bcom ldan 'das kyis bka' stsal pa/ rab 'byor de de bzhin no/ /de de bzhin te/ gzugs kyi pha rol na rnam par rtog pa gang yang med do/ /tshor ba dang 'du shes dang 'du byed dang rnam par shes pa'i pha rol na rnam par rtog pa gang yang med do/ /skye mched dang khams dang rten cing 'brel bar 'byung ba'i pha rol na rnam par rtog pa gang yang med do/ /pha rol du phyin pa thams cad dang stong pa nyid thams cad dang / byang chub kyi phyogs kyi chos sum bcu rtsa bdun dang / 'phags pa'i bden pa rnams dang / bsam gtan rnams dang tshad med pa rnams dang / gzugs med</font><hr>32.97b<br><font size=+1>

pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / rnam par thar pa'i sgo stong pa nyid dang / mtshan ma med pa dang smon pa med pa dang mngon par shes pa rnams dang ting nge 'dzin rnams dang gzungs kyi sgo rnams dang de bzhin gshegs pa'i stobs bcu dang / mi 'jigs pa bzhi dang so so yang dag par rig pa bzhi dang byams pa chen po dang snying rje chen po dang / sangs rgyas kyi chos ma 'dres pa bcwa brgyad kyi pha rol na rnam par rtog pa gang yang med do/ /rnam pa thams cad mkhyen pa nyid kyi bar gyi pha rol na rnam par rtog pa gang yang med de/ 'di ni gzugs so/ /'di ni tshor ba dang 'du shes dang 'du byed dang rnam par shes pa'o/ /'di ni skye mched dang khams dang rten cing 'brel bar 'byung ba'o/ /'di ni pha rol du phyin pa thams cad do/ /'di ni stong pa nyid thams cad do/ /'di ni byang chub kyi phyogs kyi chos sum bcu rtsa bdun no/ /'di ni 'phags pa'i bden pa rnams so/ /'di ni bsam gtan rnams so/ /'di ni tshad med pa rnams so/ /'di ni gzugs med pa'i snyoms par 'jug pa rnams so/ /'di ni rnam par thar pa brgyad do/ /'di ni mthar gyis gnas pa'i snyoms par 'jug pa dgu'o/ /'di ni rnam par thar pa'i sgo stong pa nyid dang / mtshan ma med pa dang smon pa med pa'o/ /'di ni mngon par shes pa rnams so/ /'di ni ting nge 'dzin rnams so/ /'di ni gzungs kyi sgo rnams so/ /'di ni de bzhin gshegs pa'i stobs bcu'o/ /'di ni mi 'jigs pa bzhi'o/ /'di ni so so yang dag par rig pa bzhi'o/ /'di ni byams pa chen po'o/ /'di ni snying rje chen po'o/ /'di ni sangs rgyas kyi chos ma 'dres pa bcwa brgyad do/ /'di ni rnam pa thams cad mkhyen pa nyid kyi bar ro zhes bya bar rnam par rtog pa gang yang med de/ rab 'byor byang chub sems dpa' sems dpa' chen po rnams chos de ltar zhi ba dag la rtog kyang zhum par mi 'gyur zhing /  </font><hr>32.98a<br><font size=+1>

bdag gis chos de dag ni 'di ltar mngon par rdzogs par sangs rgyas par bya'o/ /bla na med pa yang dag par rdzogs pa'i byang chub tu ni 'di ltar mngon par rdzogs par sangs rgyas nas/ chos de ltar zhi ba dang / de ltar bzang ba de dag bshad par bya'o snyam du sems pa ni dka' ba byed pa ste/ rab 'byor de ltar na byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par sangs rgyas nas/ 'jig rten gyi dpung gnyen du gyur pa yin no/ /rab 'byor ji ltar na byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par sangs rgyas nas/ 'jig rten gyi gling du gyur pa yin zhe na/ rab 'byor 'di lta ste dper na/ chu klung ngam/ chu bran nam/ rgya mtsho chen po'i nang na chus yongs su bcad pa'i gnas gang ji snyed cig yod pa de dag ni gling zhes bya ste/ rab 'byor de bzhin du gzugs ni sngon gyi mtha' dang / phyi ma'i mtha' yongs su chad pa'o/ /tshor ba dang / 'du shes dang / 'du byed dang / rnam par shes pa ni sngon gyi mtha' dang / phyi ma'i mtha' yongs su chad pa'o/ /skye mched dang khams dang rten cing 'brel bar 'byung ba ni sngon gyi mtha' dang / phyi ma'i mtha' yongs su chad pa'o/ /sbyin pa'i pha rol du phyin pa ni sngon gyi mtha' dang / phyi ma'i mtha' yongs su chad pa'o/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa ni sngon gyi mtha' dang / phyi ma'i mtha' yongs su chad pa'o/ /nang stong pa nyid dang / phyi stong pa nyid dang / phyi nang stong pa nyid ni sngon gyi mtha' dang / phyi ma'i mtha' yongs su chad pa'o/ /dngos po med pa'i ngo bo nyid stong pa nyid kyi bar ni sngon gyi mtha' dang / phyi ma'i mtha' yongs su chad pa'o/ /byang chub kyi</font><hr>32.98b<br><font size=+1>

phyogs kyi chos sum bcu rtsa bdun ni sngon gyi mtha' dang / phyi ma'i mtha' yongs su chad pa'o/ /'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa rnams dang / mthar gyis gnas pa'i snyoms par 'jug pa dgu dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams dang / byams pa chen po dang / snying rje chen po dang / sangs rgyas kyi chos ma 'dres pa rnams ni sngon gyi mtha' dang / phyi ma'i mtha' yongs su chad pa'o/ /rnam pa thams cad mkhyen pa nyid kyi bar ni sngon gyi mtha' dang phyi ma'i mtha' yongs su chad pa'o/ /rab 'byor sngon gyi mtha' dang phyi ma'i mtha' yongs su chad pa 'dis chos thams cad yongs su chad pa ste/ rab 'byor chos thams cad kyi sngon gyi mtha' dang / phyi ma'i mtha' yongs su chad pa gang yin pa de ni zhi ba'o/ /de ni bzang po'o/ /de ni yang dag pa ste/ 'di ltar stong pa nyid dang / dmigs su med pa dang / lam gyi rgyun chad pa dang / sred pa zad pa dang / 'dre ba med pa dang / 'dod chags dang bral ba dang / 'gog pa dang / mya ngan las 'das pa ste/ rab 'byor de ltar byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par sangs rgyas nas/ de ltar zhi ba dang / de ltar bzang po'i chos de dag ston te/ rab 'byor de ltar na byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par sangs rgyas nas sems can rnams kyi gling du gyur pa yin no/ /</font><hr>32.99a<br><font size=+1>

rab 'byor ji ltar na byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par sangs rgyas nas/ 'jig rten gyi snang bar gyur pa yin zhe na/ rab 'byor 'di la byang chub sems dpa' sems dpa' chen po yun ring du ma rig pa'i sgo nga'i sbubs kyi rab rib kyis kun nas 'khris shing mun pas zil gyis non pa'i sems can rnams la shes rab kyis snang bar byed cing / gti mug gi mun pa dang / ma rig pa'i mun gnag dang / mi shes pa'i rab rib sel te/ rab 'byor de ltar na byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par sangs rgyas nas/ 'jig rten gyi snang bar gyur pa yin no/ /rab 'byor ji ltar na byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par sangs rgyas nas/ sems can rnams kyi sgron ma 'dzin cing 'od 'byin pa yin zhe na/ rab 'byor 'di la byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par sangs rgyas nas/ mdo sde pha rol du phyin pa drug dang ldan pa/ byin gyis rlabs bzhi dang ldan pa/ bsdu ba'i dngos po bzhi dang ldan pa de dag gi don ma nor bar/ sems can rnams la yang dag par ston ste/ sems can rnams kyang de la yang dag par bskul zhing sbyor la/ gzhog cing rab tu 'god de/ rab 'byor de ltar na byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par sangs rgyas nas/ sems can rnams kyi sgron ma 'dzin cing 'od 'byin pa yin no/ /rab 'byor ji ltar na byang chub sems dpa' sems dpa' chen po bla na med pa yang dag par rdzogs pa'i byang chub tu</font><hr>32.99b<br><font size=+1>

mngon par rdzogs par sangs rgyas nas/ sems can rnams kyi ded dpon du gyur pa yin zhe na/ rab 'byor 'di la byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par sangs rgyas nas/ sems can lam ngan par zhugs shing tshul ma yin pa bzhi la zhen pa rnams la/ sems can rnam par dag par bya ba'i don du mya ngan dang gnod pa las yang dag par bzla ba dang / sdug bsngal dang / yid mi bde ba nub par bya ba dang / rig pa dang ldan pa'i chos go bar bya ba dang / mya ngan las 'das pa mngon du bya ba'i phyir gcig la rten pa'i lam ston to/ /rab 'byor de ltar na byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par sangs rgyas nas/ sems can rnams kyi ded dpon du gyur pa yin no/ /rab 'byor ji ltar na byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par sangs rgyas nas/ sems can rnams kyi yongs su 'dren par gyur pa yin zhe na/ rab 'byor 'di la byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par sangs rgyas nas/ gzugs skye ba med pa dang / 'gag pa med pa dang / kun nas nyon mongs pa med pa dang / rnam par byang ba med pa'i phyir chos ston to/ /tshor ba dang / 'du shes dang / 'du byed dang / rnam par shes pa skye ba med pa dang / 'gag pa med pa dang / kun nas nyon mongs pa med pa dang / rnam par byang ba med pa'i phyir chos ston to/ /skye mched dang / khams dang / rten cing 'brel bar 'byung ba skye ba med pa dang / 'gag pa med pa dang / kun nas nyon</font><hr>32.100a<br><font size=+1>

mongs pa med pa dang / rnam par byang ba med pa'i phyir chos ston to/ /sbyin pa'i pha rol du phyin pa skye ba med pa dang / 'gag pa med pa dang / kun nas nyon mongs pa med pa dang / rnam par byang ba med pa'i phyir chos ston to/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa skye ba med pa dang / 'gag pa med pa dang / kun nas nyon mongs pa med pa dang / rnam par byang ba med pa'i phyir chos ston to/ /nang stong pa nyid skye ba med pa dang / 'gag pa med pa dang / kun nas nyon mongs pa med pa dang / rnam par byang ba med pa'i phyir chos ston to/ /dngos po med pa'i ngo bo nyid stong pa nyid kyi bar du skye ba med pa dang / 'gag pa med pa dang / kun nas nyon mongs pa med pa dang / rnam par byang ba med pa'i phyir chos ston to/ /dran pa nye bar gzhag pa rnams skye ba med pa dang / 'gag pa med pa dang / kun nas nyon mongs pa med pa dang / rnam par byang ba med pa'i phyir chos ston to/ /'phags pa'i lam yan lag brgyad pa'i bar du skye ba med pa dang / 'gag pa med pa dang / kun nas nyon mongs pa med pa dang / rnam par byang ba med pa'i phyir chos ston to/ /'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / </font><hr>32.100b<br><font size=+1>

so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad skye ba med pa dang / 'gag pa med pa dang / kun nas nyon mongs pa med pa dang / rnam par byang ba med pa'i phyir chos ston to/ /rgyun du zhugs pa'i 'bras bu skye ba med pa dang / 'gag pa med pa dang / kun nas nyon mongs pa med pa dang / rnam par byang ba med pa'i phyir chos ston to/ /lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub dang / bla na med pa yang dag par rdzogs pa'i byang chub kyi bar du skye ba med pa dang / 'gag pa med pa dang / kun nas nyon mongs pa med pa dang / rnam par byang ba med pa'i phyir chos ston te/ rab 'byor de ltar na byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par sangs rgyas nas/ sems can rnams kyi yongs su 'dren par gyur pa yin no/ /rab 'byor ji ltar na byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par sangs rgyas nas/ sems can rnams kyi lam du gyur pa yin zhe na/ rab 'byor 'di la byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par sangs rgyas nas/ gzugs ni nam mkha'i ngang tshul can zhes bya bar sems can rnams la chos ston to/ /tshor ba dang / 'du shes dang / 'du byed dang / rnam par shes pa ni nam mkha'i ngang tshul can zhes bya bar sems can rnams la chos ston to/ /skye mched dang / khams dang / rten cing 'brel bar 'byung ba ni nam mkha'i ngang tshul can zhes bya bar sems can rnams la chos ston to/ /pha rol du phyin pa thams cad dang / stong pa</font><hr>32.101a<br><font size=+1>

nyid thams cad dang / byang chub kyi phyogs kyi chos sum bcu rtsa bdun dang / 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad ni nam mkha'i ngang tshul can zhes bya bar sems can rnams la chos ston to/ /rnam pa thams cad mkhyen pa nyid kyi bar du nam mkha'i ngang tshul can zhes bya bar sems can rnams la chos ston to/ /gzugs kyi stong pa nyid ni 'gro ba med pa ste/ de ni mi 'gro mi 'ong ngo zhes bya bar sems can rnams la chos ston to/ /tshor ba dang / 'du shes dang / 'du byed dang / rnam par shes pa'i stong pa nyid ni 'gro ba med pa ste/ de ni mi 'gro mi 'ong ngo zhes bya bar sems can rnams la chos ston to/ /skye mched dang / khams dang / rten cing 'brel bar 'byung ba'i stong pa nyid ni 'gro ba med pa ste/ de ni mi 'gro mi 'ong ngo zhes bya bar sems can rnams la chos ston to/ /pha rol du phyin pa thams cad dang / stong pa nyid thams cad dang / byang chub kyi phyogs kyi chos sum bcu rtsa bdun dang / 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / rnam par thar pa'i sgo stong</font><hr>32.101b<br><font size=+1>

pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad kyi stong pa nyid ni 'gro ba med pa ste/ de ni mi 'gro mi 'ong ngo zhes bya bar sems can rnams la chos ston to/ /rnam pa thams cad mkhyen pa nyid kyi bar gyi stong pa nyid ni 'gro ba med pa ste/ de ni mi 'gro mi 'ong ngo zhes bya bar sems can rnams la chos ston to/ /rab 'byor de ltar na byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par sangs rgyas nas/ sems can rnams kyi lam du gyur pa yin no/ /de ci'i phyir zhe na/ rab 'byor chos thams cad ni stong pa nyid kyi ngang tshul can te/ de dag ni ngang tshul de las mi 'da'o/ /de ci'i phyir zhe na/ stong pa nyid la 'gro ba 'am 'ong ba mi dmigs so/ /rab 'byor chos thams cad ni mtshan ma med pa'i ngang tshul can te/ de dag ni ngang tshul de las mi 'da'o/ /de ci'i phyir zhe na/ mtshan ma med pa la 'gro ba 'am 'ong ba mi dmigs so/ /rab 'byor chos thams cad ni smon pa med pa'i ngang tshul can te/ de dag ni ngang tshul de las mi 'da'o/ /rab 'byor de ci'i phyir zhe na/ smon pa med pa la 'gro ba 'am 'ong ba mi dmigs so/ /rab 'byor chos thams cad ni mngon par 'du bya ba med pa'i ngang tshul can te/ de dag ni ngang tshul de las mi 'da'o/ /de ci'i phyir zhe na/ mngon par 'du bya ba med pa la 'gro ba 'am 'ong ba mi dmigs so/ /rab 'byor chos thams cad ni mi skye mi 'gag pa'i ngang tshul can te/ de dag ni ngang tshul de las mi 'da'o/ /de ci'i phyir zhe na/ mi skye mi 'gag</font><hr>32.102a<br><font size=+1>

pa la 'gro ba 'am 'ong ba mi dmigs so/ /rab 'byor chos thams cad ni kun nas nyon mongs pa med pa dang / rnam par byang ba med pa'i ngang tshul can te/ de dag ni ngang tshul de las mi 'da'o/ /de ci'i phyir zhe na/ de kun nas nyon mongs pa med pa dang / rnam par byang ba med pa la 'gro ba 'am 'ong ba mi dmigs so/ /rab 'byor chos thams cad ni rmi lam gyi ngang tshul can te/ de dag ni ngang tshul de las mi 'da'o/ /de ci'i phyir zhe na/ rmi lam la 'gro ba 'am 'ong ba mi dmigs so/ /rab 'byor chos thams cad ni sgyu ma'i ngang tshul can te/ de dag ni ngang tshul de las mi 'da'o/ /de ci'i phyir zhe na/ sgyu ma la 'gro ba 'am 'ong ba mi dmigs so/ /rab 'byor chos thams cad ni sgra brnyan gyi ngang tshul can te/ de dag ni ngang tshul de las mi 'da'o/ /de ci'i phyir zhe na/ sgra brnyan la 'gro ba 'am 'ong ba mi dmigs so/ /rab 'byor chos thams cad ni mig yor gyi ngang tshul can te/ de dag ni ngang tshul de las mi 'da'o/ /de ci'i phyir zhe na/ mig yor la 'gro ba 'am 'ong ba mi dmigs so/ /rab 'byor chos thams cad ni gzugs brnyan gyi ngang tshul can te/ de dag ni ngang tshul de las mi 'da'o/ /de ci'i phyir zhe na/ gzugs brnyan la 'gro ba 'am 'ong ba mi dmigs so/ /rab 'byor chos thams cad ni smig rgyu'i ngang tshul can te/ de dag ni ngang tshul de las mi 'da'o/ /de ci'i phyir zhe na/ smig rgyu la 'gro ba 'am 'ong ba mi dmigs so/ /rab 'byor chos thams cad ni chu zla'i ngang tshul can te/ de dag ni ngang tshul de las mi 'da'o/ /de ci'i phyir zhe na/ chu zla la 'gro ba 'am 'ong ba mi dmigs so/ /rab 'byor chos thams cad ni sprul pa'i ngang tshul can te/ de dag ni ngang tshul de las mi 'da'o/ /de ci'i phyir zhe na/ sprul pa la 'gro ba 'am 'ong ba mi dmigs so/ /rab 'byor chos thams cad ni mtha' yas kun du mtha' yas</font><hr>32.102b<br><font size=+1>

pa'i ngang tshul can te/ de dag ni ngang tshul de las mi 'da'o/ /de ci'i phyir zhe na/ mtha' yas kun du mtha' yas pa la 'gro ba 'am 'ong ba mi dmigs so/ /rab 'byor chos thams cad ni dbyung ba dang mi dbyung ba med pa'i ngang tshul can te/ de dag ni ngang tshul de las mi 'da'o/ /de ci'i phyir zhe na/ dbyung ba dang mi dbyung ba med pa la 'gro ba 'am 'ong ba mi dmigs so/ /rab 'byor chos thams cad ni dbri ba dang bsnan pa med pa'i ngang tshul can te/ de dag ni ngang tshul de las mi 'da'o/ /de ci'i phyir zhe na/ dbri ba dang bsnan pa med pa la 'gro ba 'am 'ong ba mi dmigs so/ /rab 'byor chos thams cad ni 'ong ba med pa'i ngang tshul can te/ de dag ni ngang tshul de las mi 'da'o/ /de ci'i phyir zhe na/ 'ong ba med pa la 'gro ba 'am 'ong ba mi dmigs so/ /rab 'byor chos thams cad ni blang ba dang dor ba med pa'i ngang tshul can te/ de dag ni ngang tshul de las mi 'da'o/ /de ci'i phyir zhe na/ blang ba dang dor ba med pa la 'gro ba 'am 'ong ba mi dmigs so/ /rab 'byor chos thams cad ni phrad pa med pa dang / 'bral ba med pa dang / 'dre ba med pa dang / mi 'dre ba med pa'i ngang tshul can te/ de dag ni ngang tshul de las mi 'da'o/ /de ci'i phyir zhe na/ phrad pa med pa dang / 'bral ba med pa dang / 'dre ba med pa dang / mi 'dre ba med pa la 'gro ba 'am 'ong ba mi dmigs so/ /rab 'byor chos thams cad ni bdag gi ngang tshul can te/ de dag ni ngang tshul de las mi 'da'o/ /de ci'i phyir zhe na/ rab 'byor bdag nyid kyang shin tu med na de la 'gro ba 'am/ 'ong ba lta ga la yod/ rab 'byor chos thams cad ni sems can dang / srog dang / 'gro ba dang / gso ba dang / skyes bu dang / gang zag dang / shed can dang / shed bdag dang / byed pa po dang / byed du 'jug pa po dang / slong ba po dang / yongs su slong ba po dang / tshor ba po dang / tshor bar byed pa po dang / shes pa po dang / mthong ba po'i ngang tshul can te/ de dag ni ngang tshul de</font><hr>32.103a<br><font size=+1>

las mi 'da'o/ /de ci'i phyir zhe na/ rab 'byor mthong ba po nyid kyang shin du med na de la 'gro ba 'am 'ong ba lta ga la yod/ /rab 'byor chos thams cad ni rtag pa'i ngang tshul can te/ de dag ni ngang tshul de las mi 'da'o/ /de ci'i phyir zhe na/ rab 'byor rtag pa nyid kyang shin du med na de la 'gro ba 'am 'ong ba lta ga la yod/ rab 'byor chos thams cad ni bde ba dang / bdag dang sdug pa'i ngang tshul can te/ de dag ni ngang tshul de las mi 'da'o/ /de ci'i phyir zhe na/ sdug pa nyid kyang shin tu med na de la 'gro ba 'am 'ong ba lta ga la yod/ rab 'byor chos thams cad ni mi rtag pa'i ngang tshul can te/ de dag ni ngang tshul de las mi 'da'o/ /de ci'i phyir zhe na/ rab 'byor mi rtag pa nyid kyang shin du med na/ de la 'gro ba 'am 'ong ba lta ga la yod/ rab 'byor chos thams cad ni sdug bsngal ba dang / bdag med pa dang / mi sdug pa'i ngang tshul can te/ de dag ni ngang tshul de las mi 'da'o/ /de ci'i phyir zhe na/ rab 'byor mi sdug pa nyid kyang / shin du med na de la 'gro ba 'am 'ong ba lta ga la yod/ rab 'byor chos thams cad ni 'dod chags kyi ngang tshul can te/ de dag ni ngang tshul de las mi 'da'o/ /de ci'i phyir zhe na/ rab 'byor 'dod chags kyi dngos po nyid kyang shin du med na/ de la 'gro ba 'am 'ong ba lta ga la yod/ rab 'byor chos thams cad ni zhe sdang gi ngang tshul can te/ de dag ni ngang tshul de las mi 'da'o/ /de ci'i phyir zhe na/ rab 'byor zhe sdang gi dngos po nyid kyang shin du med na de la 'gro ba 'am 'ong ba lta ga la yod/ rab 'byor chos thams cad ni gti mug gi ngang tshul can te/ de dag ni ngang tshul de las mi 'da'o/ /de ci'i phyir zhe na/ rab 'byor gti mug gi dngos po nyid kyang shin du med na/ de la 'gro ba 'am 'ong ba lta ga la yod/ rab 'byor chos thams cad ni lta ba'i rnam pa'i ngang tshul can te/ de dag ni ngang tshul de las mi 'da'o/ /</font><hr>32.103b<br><font size=+1>

de ci'i phyir zhe na/ lta ba'i rnam pa'i dngos po nyid kyang shin du med na de la 'gro ba 'am 'ong ba lta ga la yod/ rab 'byor chos thams cad ni de bzhin nyid kyi ngang tshul can te/ de dag ni ngang tshul de las mi 'da'o/ /de ci'i phyir zhe na/ rab 'byor de bzhin nyid la 'gro ba 'am 'ong ba mi dmigs so/ /rab 'byor chos thams cad ni chos kyi dbyings dang / yang dag pa'i mtha' dang / mnyam pa nyid dang / bsam gyis mi khyab pa'i ngang tshul can te/ de dag ni ngang tshul de las mi 'da'o/ /de ci'i phyir zhe na/ rab 'byor bsam gyis mi khyab pa'i dbyings la 'gro ba 'am 'ong ba mi dmigs so/ /rab 'byor chos thams cad ni mi g.yo ba'i ngang tshul can te/ de dag ni ngang tshul de las mi 'da'o/ /de ci'i phyir zhe na/ chos gang la yang g.yo ba med de 'gro ba 'am 'ong ba mi dmigs so/ /rab 'byor chos thams cad ni gzugs kyi ngang tshul can te/ de dag ni ngang tshul de las mi 'da'o/ /de ci'i phyir zhe na/ rab 'byor gzugs nyid kyang shin du med na de la 'gro ba 'am 'ong ba lta ga la yod/ rab 'byor chos thams cad ni tshor ba dang / 'du shes dang / 'du byed dang / rnam par shes pa'i ngang tshul can te/ de dag ni ngang tshul de las mi 'da'o/ /de ci'i phyir zhe na/ rab 'byor rnam par shes pa nyid kyang shin du med na de la 'gro ba 'am 'ong ba lta ga la yod/ rab 'byor chos thams cad ni sbyin pa'i pha rol du phyin pa'i ngang tshul can te/ de dag ni ngang tshul de las mi 'da'o/ /de ci'i phyir zhe na/ rab 'byor sbyin pa'i pha rol du phyin pa nyid kyang shin du med na de la 'gro ba 'am 'ong ba lta ga la yod/ rab 'byor chos thams cad ni tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa'i ngang tshul can te/ de dag ni ngang tshul de las mi 'da'o/ /de ci'i phyir zhe na/ rab</font><hr>32.104a<br><font size=+1>

'byor shes rab kyi pha rol du phyin pa nyid kyang shin du med na de la 'gro ba 'am 'ong ba lta ga la yod/ rab 'byor chos thams cad ni nang stong pa nyid kyi ngang tshul can te/ de dag ni ngang tshul de las mi 'da'o/ /de ci'i phyir zhe na/ rab 'byor nang stong pa nyid kyang shin du mi dmigs na de la 'gro ba 'am 'ong ba lta ga la yod/ rab 'byor chos thams cad ni dngos po med pa'i ngo bo nyid stong pa nyid kyi bar gyi ngang tshul can te/ de dag ni ngang tshul de las mi 'da'o/ /de ci'i phyir zhe na/ rab 'byor dngos po med pa'i ngo bo nyid stong pa nyid kyang shin du mi dmigs na/ de la 'gro ba 'am 'ong ba lta ga la yod/ rab 'byor chos thams cad ni dran pa nye bar gzhag pa'i ngang tshul can te/ de dag ni ngang tshul de las mi 'da'o/ /de ci'i phyir zhe na/ rab 'byor dran pa nye bar gzhag pa nyid kyang shin du mi dmigs na/ de la 'gro ba 'am 'ong ba lta ga la yod/ rab 'byor chos thams cad ni yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam gyi ngang tshul can te/ de dag ni ngang tshul de las mi 'da'o/ /de ci'i phyir zhe na/ rab 'byor lam nyid kyang shin du mi dmigs na de la 'gro ba 'am 'ong ba lta ga la yod/ rab 'byor chos thams cad ni 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs dang / mi 'jigs pa dang / so so yang dag par rig pa dang / byams pa chen po dang / snying rje chen po dang / sangs rgyas kyi chos ma 'dres pa'i ngang tshul can te/ de dag ni ngang tshul de las mi 'da'o/ /de ci'i phyir zhe na/ rab 'byor sangs rgyas kyi chos ma 'dres pa nyid</font><hr>32.104b<br><font size=+1>

kyang shin du mi dmigs na/ de la 'gro ba 'am 'ong ba lta ga la yod/ rab 'byor chos thams cad ni rgyun du zhugs pa'i 'bras bu'i ngang tshul can te/ de dag ni ngang tshul de las mi 'da'o/ /de ci'i phyir zhe na/ rab 'byor rgyun du zhugs pa'i 'bras bu nyid kyang shin du mi dmigs na/ de la 'gro ba 'am 'ong ba lta ga la yod/ rab 'byor chos thams cad ni lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub kyi ngang tshul can te/ de dag ni ngang tshul de las mi 'da'o/ /de ci'i phyir zhe na/ rab 'byor rang byang chub nyid kyang shin du mi dmigs na de la 'gro ba 'am 'ong ba lta ga la yod/ rab 'byor chos thams cad ni bla na med pa yang dag par rdzogs pa'i byang chub kyi ngang tshul can te/ de dag ni ngang tshul de las mi 'da'o/ /de ci'i phyir zhe na/ rab 'byor bla na med pa yang dag par rdzogs pa'i byang chub de la 'gro ba 'am 'ong ba mi dmigs so/ /gsol pa/ bcom ldan 'das de ltar zab pa'i shes rab kyi pha rol du phyin pa la su zhig mos par 'gyur/ bcom ldan 'das kyis bka' stsal pa/ rab 'byor byang chub sems dpa' sems dpa' chen po gang bla na med pa yang dag par rdzogs pa'i byang chub tu sngon gyi sangs rgyas bcom ldan 'das rnams kyi drung du spyad par gyur pa/ dge ba'i rtsa ba yongs su smin pa/ sangs rgyas mang po la bsnyen bkur ba/ dge ba'i bshes gnyen gyis yongs su bzung ba de dag shes rab kyi pha rol du phyin pa zab mo 'di la mos par 'gyur ro/ /shes rab kyi pha rol du phyin pa stong phrag nyi shu lnga pa las/ le'u sum bcu drug pa'o// // gsol pa/ bcom ldan 'das byang chub sems dpa' sems dpa' chen po gang shes rab kyi pha rol du phyin pa zab mo 'di la mos par 'gyur ba de dag gi rang bzhin ji lta bu zhig tu 'gyur/ byang chub</font><hr>32.105a<br><font size=+1>

sems dpa' sems dpa' chen po de dag gi tshul dang / mtshan ma dang / rnam pa ji lta bu zhig tu 'gyur/ bcom ldan 'das kyis bka' stsal pa/ rab 'byor byang chub sems dpa' sems dpa' chen po gang shes rab kyi pha rol du phyin pa zab mo 'di la mos par 'gyur ba de dag ni 'dod chags rnam par bsal bas/ dben pa'i rang bzhin du 'gyur ro/ /byang chub sems dpa' sems dpa' chen po de dag ni zhe sdang dang / gti mug rnam par bsal bas/ dben pa'i rang bzhin du 'gyur ro/ /rab 'byor byang chub sems dpa' sems dpa' chen po de dag ni 'dod chags kyi tshul gyis dben pa'i rang bzhin du 'gyur ro/ /rab 'byor byang chub sems dpa' sems dpa' chen po de dag ni zhe sdang dang / gti mug gi tshul gyis dben pa'i rang bzhin du 'gyur ro/ /rab 'byor byang chub sems dpa' sems dpa' chen po de dag ni 'dod chags kyi mtshan mas dben pa'i rang bzhin du 'gyur ro/ /rab 'byor byang chub sems dpa' sems dpa' chen po de dag ni zhe sdang dang / gti mug gi mtshan mas dben pa'i rang bzhin du 'gyur ro/ /rab 'byor byang chub sems dpa' sems dpa' chen po de dag ni 'dod chags kyi rnam pas dben pa'i rang bzhin du 'gyur ro/ /rab 'byor byang chub sems dpa' sems dpa' chen po de dag ni zhe sdang dang gti mug gi rnam pas dben pa'i rang bzhin du 'gyur ro/ /gsol pa/ bcom ldan 'das byang chub sems dpa' sems dpa' chen po gang gis shes rab kyi pha rol du phyin pa zab mo 'di yongs su 'tshal bar 'gyur ba de dag gi ngang tshul ji lta bur 'gyur/ bcom ldan 'das kyis bka' stsal pa/ rab 'byor byang chub sems dpa' sems dpa' chen po gang shes rab kyi pha rol du phyin pa zab mo 'di yongs su shes par 'gyur ba de dag ni/ rnam pa thams cad mkhyen pa nyid kyi ngang tshul can du 'gyur ro/ /gsol pa/ bcom ldan</font><hr>32.105b<br><font size=+1>

'das byang chub sems dpa' sems dpa' chen po rnam pa thams cad mkhyen pa nyid kyi ngang tshul can te/ sems can rnams kyi rten du 'gyur ba lags sam/ bcom ldan 'das kyis bka' stsal pa/ rab 'byor de de bzhin no/ /de de bzhin te/ byang chub sems dpa' sems dpa' chen po rnam pa thams cad mkhyen pa nyid kyi ngang tshul can ni sems can rnams kyi rten du 'gyur ba yin no/ /gsol pa/ bcom ldan 'das byang chub sems dpa' sems dpa' chen po gang gis sems can thams cad yongs su mya ngan las bzla bar bya'o zhes go cha 'di 'tshal kyang / de la sems can dang sems can du gdags pa mi dmigs pa de dag ni dka' ba bgyid pa'o/ /bcom ldan 'das kyis bka' stsal pa/ rab 'byor de de bzhin no/ /de de bzhin te/ byang chub sems dpa' sems dpa' chen po gang gis sems can thams cad yongs su mya ngan las bzla bar bya'o zhes go cha 'di bgos pa de dag ni dka' ba byed pa'o/ /rab 'byor byang chub sems dpa' sems dpa' chen po'i go cha de ni gzugs dang 'brel ba ma yin te/ de ci'i phyir zhe na/ rab 'byor gzugs kyang shin du med la byang chub sems dpa'i go cha yang med pas/ de'i phyir go cha de ni gzugs dang 'brel ba ma yin zhes bya'o/ /rab 'byor byang chub sems dpa' sems dpa' chen po'i go cha de ni tshor ba dang / 'du shes dang / 'du byed dang / rnam par shes pa dang / 'brel ba ma yin te/ de ci'i phyir zhe na/ rab 'byor rnam par shes pa yang shin du med la/ byang chub sems dpa'i go cha yang med pas de'i phyir go cha de ni rnam par shes pa dang / 'brel ba ma yin zhes bya'o/ /rab 'byor byang chub sems dpa' sems dpa' chen po'i go cha de ni skye mched dang / khams dang / rten cing 'brel bar 'byung ba dang 'brel ba ma yin te/ de ci'i phyir zhe na/ rab 'byor rten cing 'brel bar 'byung ba yang shin du med la/ </font><hr>32.106a<br><font size=+1>

byang chub sems dpa'i go cha yang med pas/ de'i phyir go cha de ni rten cing 'brel bar 'byung ba dang 'brel ba ma yin zhes bya'o/ /rab 'byor go cha de ni bdag dang 'brel ba ma yin/ sems can dang 'brel ba ma yin/ srog dang 'brel ba ma yin/ skye ba dang 'brel ba ma yin/ gso ba dang 'brel ba ma yin/ skyes bu dang 'brel ba ma yin/ gang zag dang 'brel ba ma yin/ shed can dang 'brel ba ma yin/ shed bdag dang 'brel ba ma yin/ byed pa po dang 'brel ba ma yin/ tshor ba po dang 'brel ba ma yin/ shes pa po dang 'brel ba ma yin/ mthong ba po dang 'brel ba ma yin te/ de ci'i phyir zhe na/ rab 'byor mthong ba po yang shin du med la/ byang chub sems dpa'i go cha de yang med pas/ de'i phyir go cha de ni mthong ba po dang 'brel ba ma yin zhes bya'o/ /rab 'byor byang chub sems dpa' sems dpa' chen po'i go cha de ni sbyin pa'i pha rol du phyin pa dang 'brel ba ma yin te/ de ci'i phyir zhe na/ rab 'byor sbyin pa'i pha rol du phyin pa yang shin du med la/ byang chub sems dpa'i go cha yang med pas/ de'i phyir go cha de ni sbyin pa'i pha rol du phyin pa dang 'brel ba ma yin zhes bya'o/ /rab 'byor byang chub sems dpa' sems dpa' chen po'i go cha de ni tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa dang 'brel ba ma yin te/ de ci'i phyir zhe na/ rab 'byor shes rab kyi pha rol du phyin pa yang shin du med la/ byang chub sems dpa'i go cha yang med pas/ de'i phyir go cha de ni shes rab kyi pha rol du phyin pa dang 'brel ba ma yin zhes bya'o/ /rab 'byor byang chub sems dpa' sems dpa' chen po'i go cha de ni nang stong pa nyid dang 'brel ba ma yin te/ de ci'i phyir zhe na/ rab 'byor nang stong pa nyid kyang shin tu med la/ byang chub sems dpa'i go cha de yang med pas/ de'i phyir go cha de ni nang stong</font><hr>32.106b<br><font size=+1>

pa nyid dang 'brel ba ma yin zhes bya'o/ /rab 'byor byang chub sems dpa' sems dpa' chen po'i go cha de ni dngos po med pa'i ngo bo nyid stong pa nyid kyi bar dang 'brel ba ma yin te/ de ci'i phyir zhe na/ rab 'byor dngos po med pa'i ngo bo nyid stong pa nyid kyang shin du med la/ byang chub sems dpa'i go cha yang med pas/ de'i phyir go cha de ni dngos po med pa'i ngo bo nyid stong pa nyid dang 'brel ba ma yin zhes bya'o/ /rab 'byor byang chub sems dpa' sems dpa' chen po'i go cha de ni dran pa nye bar gzhag pa dang 'brel ba ma yin te/ de ci'i phyir zhe na/ rab 'byor dran pa nye bar gzhag pa nyid kyang shin du med la/ byang chub sems dpa'i go cha yang med pas/ de'i phyir go cha de ni dran pa nye bar gzhag pa dang 'brel ba ma yin zhes bya'o/ /rab 'byor byang chub sems dpa' sems dpa' chen po'i go cha de ni yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa dang 'brel pa ma yin te/ de ci'i phyir zhe na/ rab 'byor 'phags pa'i lam yan lag brgyad pa yang shin du med la/ byang chub sems dpa'i go cha yang med pas/ de'i phyir go cha de ni 'phags pa'i lam yan lag brgyad pa dang 'brel ba ma yin zhes bya'o/ /rab 'byor byang chub sems dpa' sems dpa' chen po'i go cha de ni rnam pa thams cad mkhyen pa nyid kyi bar dang 'brel pa ma yin te/ de ci'i phyir zhe na/ rab 'byor rnam pa thams cad mkhyen pa nyid kyang shin du med la/ byang chub sems dpa'i go cha yang med pas/ de'i phyir go cha de ni rnam pa thams cad mkhyen pa nyid dang 'brel pa ma yin zhes bya'o/ /rab 'byor byang chub sems dpa' sems dpa' chen po shes rab kyi pha rol tu phyin pa zab mo 'di la spyod pa gang dag sems can thams cad bdag cag gis yongs su mya ngan las bzla bar bya'o zhes go cha bgos pa de dag gi go cha ni chos thams cad dang 'brel ba ma yin no/ /gsol pa/ bcom ldan 'das byang chub sems dpa' sems</font><hr>32.107a<br><font size=+1>

dpa' chen po sems can thams cad yongs su mya ngan las bzla bar bya'o zhes go cha 'tshal ba des/ nyan thos kyi sa 'am/ rang sangs rgyas kyi sa'i gnas gnyis su dogs par mi bgyi ste/ bcom ldan 'das sems can thams cad yongs su mya ngan las bzla bar bya'o zhes go cha 'tshal ba'i byang chub sems dpa' sems dpa' chen po de nyan thos kyi sa 'am/ rang sangs rgyas kyi sar ltung ba'i gnas dang skabs ma mchis te/ de ni gnas ma mchis so/ /de ci'i slad du zhe na/ byang chub sems dpa' sems dpa' chen pos sa mtshams bcad de/ sems can gyi don du go cha 'tshal ba ma lags so/ /bcom ldan 'das kyis bka' stsal pa/ rab 'byor khyod kyis don gyi dbang gang zhig mthong na/ de skad du byang chub sems dpa' sems dpa' chen po de ltar go cha bgos shing shes rab kyi pha rol du phyin pa zab mo 'di la spyod pa des/ nyan thos kyi sa 'am/ rang sangs rgyas kyi sa'i gnas gnyis su dogs par mi bya'o zhes smras/ gsol pa/ bcom ldan 'das de ni byang chub sems dpa' sems dpa' chen po sems can nyi tshe nyung zad cig gi slad du go cha 'tshal ba ma lags/ ye shes chung zad nyi tshe zhig gi slad du go cha 'tshal ba ma lags te/ de ci'i slad du zhe na/ bcom ldan 'das byang chub sems dpa' sems dpa' chen pos ni sems can thams cad yongs su mya ngan las bzla ba'i slad du go cha 'tshal to/ /bcom ldan 'das byang chub sems dpa' sems dpa' chen pos ni rnam pa thams cad mkhyen pa nyid kyi ye shes kyi slad du go cha 'tshal to/ /bcom ldan 'das kyis bka' stsal pa/ rab 'byor de de bzhin no/ /de de bzhin te/ byang chub sems dpa' sems dpa' chen pos ni sems can nyung zad nyi tshe'i don du go cha bgos pa ma yin te/ ye shes chung zad nyi tshe'i don du go cha bgos pa ma yin gyi/ rab 'byor byang chub sems dpa' sems dpa' chen pos ni sems can thams cad yongs su mya ngan las bzlas pa dang / rnam pa</font><hr>32.107b<br><font size=+1>

thams cad mkhyen pa'i ye shes kyi don du go cha bgos so/ /gsol pa/ bcom ldan 'das shes rab kyi pha rol du phyin pa 'di ni shin du zab pa ste/ de ni sus kyang bsgom par mi bgyi/ ci yang bsgom par mi bgyi/ gang du yang bsgom par mi bgyi'o/ /de ci'i slad du zhe na/ bcom ldan 'das shes rab kyi pha rol du phyin pa zab mo 'di la gang bsgom pa 'am/ gang bsgom par bgyi ba 'am/ gang gis bsgom par bgyi ba'i chos gang yang yongs su grub pa dmigs su ma mchis te/ bcom ldan 'das shes rab kyi pha rol du phyin pa bsgom pa de ni nam mkha' bsgom pa'o/ /bcom ldan 'das 'di lta ste/ shes rab kyi pha rol du phyin pa bsgom pa de ni chos thams cad bsgom pa'o/ /bcom ldan 'das 'di lta ste/ shes rab kyi pha rol du phyin pa bsgom pa de ni ma mchis pa bsgom pa'o/ /bcom ldan 'das 'di lta ste/ shes rab kyi pha rol du phyin pa bsgom pa de ni yongs su 'dzin pa ma mchis pa bsgom pa'o/ /bcom ldan 'das 'di lta ste/ shes rab kyi pha rol du phyin pa bsgom pa de ni bsgom pa rnam par bsgom pa'o/ /bcom ldan 'das kyis bka' stsal pa/ rab 'byor de ltar shes rab kyi pha rol du phyin pa bsgom pa de gang bsgom pa rnam par bsgom pa yin/ gsol pa/ bcom ldan 'das 'di lta ste/ shes rab kyi pha rol du phyin pa bsgom pa 'di ni gzugs bsgom pa rnam par bsgom pa'o/ /bcom ldan 'das 'di lta ste/ shes rab kyi pha rol du phyin pa bsgom pa 'di ni tshor ba dang / 'du shes dang / 'du byed dang / rnam par shes pa bsgom pa rnam par bsgom pa'o/ /bcom ldan 'das 'di lta ste/ shes rab kyi pha rol du phyin pa bsgom pa 'di ni skye mched dang / khams dang / rten cing 'brel bar 'byung ba bsgom pa rnam par bsgom pa'o/ /bcom ldan 'das 'di lta ste/ shes rab kyi pha rol du phyin pa bsgom pa 'di ni bdag bsgom pa rnam par bsgom pa'o/ /bcom ldan 'das 'di lta ste shes rab kyi pha rol du phyin pa bsgom pa 'di ni sems can dang / srog dang / 'gro ba dang / gso ba dang / </font><hr>32.108a<br><font size=+1>

skyes bu dang / gang zag dang / shed can dang / shed bdag dang / byed pa po dang / tshor ba po dang / shes pa po dang / mthong ba po bsgom pa rnam par bsgom pa'o/ /bcom ldan 'das 'di lta ste/ shes rab kyi pha rol du phyin pa bsgom pa 'di ni sbyin pa'i pha rol du phyin pa bsgom pa rnam par bsgom pa'o/ /bcom ldan 'das 'di lta ste/ shes rab kyi pha rol du phyin pa bsgom pa 'di ni tshul khrims kyi pha rol du phyin pa dang bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa bsgom pa rnam par bsgom pa'o/ /bcom ldan 'das 'di lta ste/ shes rab kyi pha rol du phyin pa bsgom pa 'di ni nang stong pa nyid bsgom pa rnam par bsgom pa'o/ /bcom ldan 'das 'di lta ste/ shes rab kyi pha rol du phyin pa bsgom pa 'di ni dngos po med pa'i ngo bo nyid stong pa nyid kyi bar du bsgom pa rnam par bsgom pa'o/ /bcom ldan 'das 'di lta ste/ shes rab kyi pha rol du phyin pa bsgom pa 'di ni dran pa nye bar gzhag pa bsgom pa rnam par bsgom pa'o/ /bcom ldan 'das 'di lta ste/ shes rab kyi pha rol du phyin pa bsgom pa 'di ni yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam bsgom pa rnam par bsgom pa'o/ /bcom ldan 'das 'di lta ste/ shes rab kyi pha rol du phyin pa bsgom pa 'di ni 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams bsgom pa rnam par bsgom pa'o/ /bcom ldan 'das 'di lta ste/ shes rab kyi pha rol du phyin pa bsgom pa 'di ni de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen</font><hr>32.108b<br><font size=+1>

po dang / snying rje chen po dang / sangs rgyas kyi chos ma 'dres pa bcwa brgyad bsgom pa rnam par bsgom pa'o/ /bcom ldan 'das 'di lta ste/ shes rab kyi pha rol du phyin pa bsgom pa 'di ni rgyun du zhugs pa'i 'bras bu bsgom pa rnam par bsgom pa'o/ /bcom ldan 'das 'di lta ste/ shes rab kyi pha rol du phyin pa bsgom pa 'di ni lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub bsgom pa rnam par bsgom pa'o/ /bcom ldan 'das 'di lta ste/ shes rab kyi pha rol du phyin pa bsgom pa 'di ni rnam pa thams cad mkhyen pa nyid bsgom pa rnam par bsgom pa'o/ /bcom ldan 'das kyis bka' stsal pa/ rab 'byor de de bzhin no/ /de de bzhin te/ rab 'byor 'di lta ste/ shes rab kyi pha rol du phyin pa bsgom pa 'di ni gzugs bsgom pa rnam par bsgom pa'o/ /rab 'byor 'di lta ste/ shes rab kyi pha rol du phyin pa bsgom pa 'di ni tshor ba dang / 'du shes dang / 'du byed dang / rnam par shes pa bsgom pa rnam par bsgom pa'o/ /rab 'byor 'di lta ste shes rab kyi pha rol du phyin pa bsgom pa 'di ni/ skye mched dang / khams dang / rten cing 'brel bar 'byung ba bsgom pa rnam par bsgom pa'o/ /rab 'byor 'di lta ste shes rab kyi pha rol du phyin pa bsgom pa 'di ni bdag bsgom pa rnam par bsgom pa'o/ /rab 'byor 'di lta ste shes rab kyi pha rol du phyin pa bsgom pa 'di ni/ sems can dang / srog dang / 'gro ba dang / gso ba dang / skyes bu dang / gang zag dang / shed can dang / shed bdag dang / byed pa po dang / tshor ba po dang / shes pa po dang / mthong ba po bsgom pa rnam par bsgom pa'o/ /rab 'byor 'di lta ste/ shes rab kyi pha rol du phyin pa bsgom pa 'di ni pha rol du phyin pa thams cad bsgom pa rnam par bsgom pa'o/ /rab 'byor 'di lta ste shes rab kyi pha rol du phyin pa bsgom pa 'di ni/ stong pa nyid thams cad bsgom pa rnam par bsgom pa'o/ /rab 'byor 'di lta ste shes rab kyi pha rol du phyin pa bsgom pa 'di</font><hr>32.109a<br><font size=+1>

ni/ byang chub kyi phyogs kyi chos rnams bsgom pa rnam par bsgom pa'o/ /rab 'byor 'di lta ste shes rab kyi pha rol du phyin pa bsgom pa 'di ni/ 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar kyis gnas pa'i snyoms par 'jug pa dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo bsgom pa rnam par bsgom pa'o/ /rab 'byor 'di lta ste shes rab kyi pha rol du phyin pa bsgom pa 'di ni de bzhin gshegs pa'i stobs dang / mi 'jigs pa dang / so so yang dag par rig pa dang / byams pa chen po dang / snying rje chen po dang / sangs rgyas kyi chos ma 'dres pa bsgom pa rnam par bsgom pa'o/ /rab 'byor 'di lta ste shes rab kyi pha rol du phyin pa bsgom pa 'di ni rnam pa thams cad mkhyen pa nyid kyi bar du bsgom pa rnam par bsgom pa'o/ /de nas yang bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor 'di la byang chub sems dpa' sems dpa' chen po shes rab kyi pha rol du phyin pa zab mo 'di la mngon par chags pa med dam zhes/ rab 'byor shes rab kyi pha rol du phyin pa zab mo 'di la phyir mi ldog pa'i byang chub sems dpa' sems dpa' chen po yongs su brtag par bya'o/ /rab 'byor byang chub sems dpa' sems dpa' chen po bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa la mngon par chags pa med dam zhes bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa la byang chub sems dpa' sems dpa' chen po yongs su brtag par bya'o/ /rab 'byor byang chub sems dpa' sems dpa' chen po nang</font><hr>32.109b<br><font size=+1>

stong pa nyid dang / phyi stong pa nyid dang / phyi nang stong pa nyid dang / dngos po med pa'i ngo bo nyid stong pa nyid kyi bar la mngon par chags pa med dam zhes dngos po med pa'i ngo bo nyid stong pa nyid la byang chub sems dpa' sems dpa' chen po yongs su brtag par bya'o/ /byang chub kyi phyogs kyi chos sum bcu rtsa bdun la mngon par chags pa med dam zhes/ byang chub kyi phyogs kyi chos rnams la byang chub sems dpa' sems dpa' chen po yongs su brtag par bya'o/ /'phags pa'i bden pa dang / bsam gtan dang tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo rnams la mngon par chags pa med dam zhes gzungs kyi sgo rnams la byang chub sems dpa' sems dpa' chen po yongs su brtag par bya'o/ /de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad la mngon par chags pa med dam zhes sangs rgyas kyi chos ma 'dres pa rnams la byang chub sems dpa' sems dpa' chen po yongs su brtag par bya'o/ /rnam pa thams cad mkhyen pa nyid kyi bar la mngon par chags pa med dam zhes rnam pa thams cad mkhyen pa nyid la byang chub sems dpa' sems dpa' chen po yongs su brtag par bya'o/ /phyir mi ldog pa'i byang chub sems dpa' sems dpa' chen po de shes rab kyi pha rol du phyin pa zab mo 'di la spyod pa'i tshe/ pha rol gyis smras pa dang pha rol gyis bstan pa la snying por mi blta 'am phyir mi ldog pa'i byang chub sems dpa' sems dpa' chen po de shes rab kyi</font><hr>32.110a<br><font size=+1>

pha rol du phyin pa zab mo 'di la spyod pa'i tshe/ pha rol gyi dad pas mi 'gro 'am/ phyir mi ldog pa'i byang chub sems dpa' sems dpa' chen po de shes rab kyi pha rol du phyin pa zab mo 'di la spyod pa'i tshe/ 'dod chags dang bcas pa'i sems bskyed pas 'phrogs pa ma yin nam zhe sdang dang bcas pa dang / gti mug dang bcas pa'i sems bskyed pa'i 'phrogs pa ma yin nam/ phyir mi ldog pa'i byang chub sems dpa' sems dpa' chen po de shes rab kyi pha rol du phyin pa zab mo 'di la spyod pa'i tshe/ sbyin pa'i pha rol du phyin pa dang bral bar ma gyur tam/ tshul khrims kyi pha rol du phyin pa dang bral bar ma gyur tam/ bzod pa'i pha rol du phyin pa dang bral bar ma gyur tam/ brtson 'grus kyi pha rol du phyin pa dang bral bar ma gyur tam/ bsam gtan gyi pha rol du phyin pa dang bral bar ma gyur tam/ shes rab kyi pha rol du phyin pa dang bral bar ma gyur tam/ zhes yongs su brtag par bya ste/ gal te phyir mi ldog pa'i byang chub sems dpa' sems dpa' chen po de shes rab kyi pha rol du phyin pa zab mo 'di 'chad pa'i tshe/ mi 'jigs mi dngang skrag par mi 'gyur la zhum pa dang / yongs su zhum par mi 'gyur zhing / de'i yid phyir nur bar mi 'gyur te shes rab kyi pha rol du phyin pa zab mo 'di thos par dga' la/ thos nas kyang 'dzin cing 'chang la/ klog cing kun chub par byed de/ tshul bzhin du yid la byed la/ de bzhin nyid du nan tan du byed na/ rab 'byor byang chub sems dpa' sems dpa' chen po des ni sngon gyi mthar yang shes rab kyi pha rol du phyin pa zab mo 'di yongs su dris shing yongs su brtag pa byas pa dang / gzung zhing bcangs te kun chub par byas pa dang / tshul bzhin du yid la byas par rig par bya'o/ /de ci'i phyir zhe na/ de ni 'di ltar phyir mi ldog pa'i byang chub sems dpa' sems dpa' chen po de shes rab kyi pha rol du phyin pa zab mo 'di 'chad pa'i tshe/ mi 'jigs</font><hr>32.110b<br><font size=+1>

mi sngang skrag par mi 'gyur la zhum par mi 'gyur yongs su zhum par mi 'gyur zhing de'i yid phyir mi ldog la/ thos nas kyang ched du 'dzin cing 'chang la klog cing kun chub par byed de/ tshul bzhin du yid la byed pa'i phyir ro/ /gsol pa/ bcom ldan 'das byang chub sems dpa' sems dpa' chen po gang shes rab kyi pha rol du phyin pa zab mo 'di bstan pa'i tshe mi 'jigs mi dngang skrag par mi 'gyur zhing / zhum par mi 'gyur yongs su zhum par mi 'gyur na/ bcom ldan 'das byang chub sems dpa' sems dpa' chen po des shes rab kyi pha rol du phyin pa zab mo 'di ji ltar brtag par bgyi/ bcom ldan 'das kyis bka' stsal pa/ rab 'byor byang chub sems dpa' sems dpa' chen po des rnam pa thams cad mkhyen pa nyid la gzhol ba'i bsam pas shes rab kyi pha rol du phyin pa zab mo 'di brtag par bya'o/ /gsol pa/ bcom ldan 'das ji ltar na rnam pa thams cad mkhyen pa nyid la gzhol ba'i bsam pas byang chub sems dpa' sems dpa' chen po shes rab kyi pha rol du phyin pa zab mo 'di la rtog pa lags/ bcom ldan 'das kyis bka' stsal pa/ rab 'byor stong pa nyid la gzhol ba'i bsam pas byang chub sems dpa' sems dpa' chen po shes rab kyi pha rol du phyin pa zab mo 'di la rtog pa yin/ rab 'byor mtshan ma med pa dang / smon pa med pa la gzhol ba'i bsam pa dang / nam mkha' la gzhol ba'i bsam pa dang / skye ba med pa dang / 'gag pa med pa la gzhol ba'i bsam pa dang / kun nas nyon mongs pa med pa dang / rnam par byang ba med pa la gzhol ba'i bsam pa dang / de bzhin nyid la gzhol ba'i bsam pa dang / chos kyi dbyings la gzhol ba'i bsam pa dang / yang dag pa'i mtha' la gzhol ba'i bsam pa dang / bsam gyis mi khyab pa'i dbyings la gzhol ba'i bsam pa dang / mngon par 'du bya ba med pa la gzhol ba'i bsam pas byang chub sems dpa' sems dpa' chen po shes rab kyi pha rol du phyin pa zab mo 'di la rtog pa yin/ rmi lam dang gzugs brnyan la gzhol</font><hr>32.111a<br><font size=+1>

ba'i bsam pa dang / sgra brnyan dang / smig rgyu dang sgyu ma dang sprul pa la gzhol ba'i bsam pas byang chub sems dpa' sems dpa' chen po shes rab kyi pha rol du phyin pa zab mo 'di la rtog pa yin no/ /shes rab kyi pha rol du phyin pa stong phrag nyi shu lnga pa/ bam po bzhi bcu dgu pa/ gsol pa/ bcom ldan 'das de ltar stong pa nyid la gzhol ba'i bsam pas byang chub sems dpa' sems dpa' chen po shes rab kyi pha rol du phyin pa zab mo 'di la rtog par 'gyur zhing mtshan ma ma mchis pa dang / smon pa ma mchis pa dang / nam mkha' dang skye ba ma mchis pa dang / 'gag pa ma mchis pa dang / kun nas nyon mongs pa ma mchis pa dang / rnam par byang ba ma mchis pa dang / de bzhin nyid dang / chos kyi dbyings dang yang dag pa'i mtha' dang mnyam pa nyid dang / bsam gyis mi khyab pa'i dbyings dang mngon par 'du bgyi ba ma mchis pa dang / rmi lam dang gzugs brnyan dang sgra brnyan dang smig rgyu dang sgyu ma dang / sprul pa la gzhol ba'i bsam pas shes rab kyi pha rol du phyin pa zab mo 'di la rtog par 'gyur na bcom ldan 'das byang chub sems dpa' sems dpa' chen po gzugs la rtog pa lags sam/ tshor ba dang 'du shes dang 'du byed dang / rnam par shes pa la rtog pa lags sam/ skye mched dang khams dang rten cing 'brel bar 'byung ba la rtog pa lags sam/ pha rol du phyin pa thams cad dang stong pa nyid thams cad dang / byang chub kyi phyogs kyi chos sum bcu rtsa bdun la rtog pa lags sam/ 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / rnam par thar pa'i sgo stong pa nyid dang / mtshan ma med pa dang / smon pa med pa dang mngon par shes pa rnams dang / ting nge 'dzin rnams dang gzungs kyi sgo rnams la rtog pa lags sam/ de bzhin gshegs pa'i</font><hr>32.111b<br><font size=+1>

stobs rnams dang / mi 'jigs pa rnams dang so so yang dag par rig pa rnams dang byams pa chen po dang snying rje chen po dang sangs rgyas kyi chos ma 'dres pa rnams la rtog pa lags sam/ rnam pa thams cad mkhyen pa nyid kyi bar la rtog pa lags sam/ bcom ldan 'das kyis bka' stsal pa/ rab 'byor byang chub sems dpa' sems dpa' chen po ni gzugs la rtog pa ma yin no/ /tshor ba dang / 'du shes dang / 'du byed dang / rnam par shes pa la rtog pa ma yin no/ /skye mched dang / khams dang / rten cing 'brel bar 'byung ba la rtog pa ma yin no/ /pha rol du phyin pa rnams dang stong pa nyid thams cad dang / byang chub kyi phyogs kyi chos sum bcu rtsa bdun la rtog pa ma yin no/ /'phags pa'i bden pa rnams dang bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang mthar gyis gnas pa'i snyoms par 'jug pa dgu dang / rnam par thar pa'i sgo stong pa nyid dang / mtshan ma med pa dang / smon pa med pa dang mngon par shes pa rnams dang / ting nge 'dzin rnams dang / gzungs kyi sgo rnams la rtog pa ma yin no/ /de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams dang / byams pa chen po dang / snying rje chen po dang / sangs rgyas kyi chos ma 'dres pa rnams la rtog pa ma yin no/ /rnam pa thams cad mkhyen pa nyid kyi bar la rtog pa ma yin no/ /de ci'i phyir zhe na/ rab 'byor de ni 'di ltar rnam pa thams cad mkhyen pa nyid gang yin pa de ni sus kyang ma byas rnam par ma byas/ mngon par ma byas/ gang nas kyang ma 'ongs/ gang du yang ma song / phyogs na yang mi gnas/ yul na yang mi gnas gang na yang mi gnas pa ste/ de la grangs mi dmigs so/ /'gro ba dang 'ong ba yang mi dmigs so/ /gang la grangs mi dmigs shing 'gro ba dang 'ong ba mi dmigs pa de la ni gang gis kyang mngon par rdzogs par 'tshang rgya bar mi nus te/ </font><hr>32.112a<br><font size=+1>

gzugs kyis ma yin no/ /tshor ba dang 'du shes dang 'du byed dang rnam par shes pas ma yin no/ /skye mched dang / khams dang rten cing 'brel bar 'byung bas ma yin no/ /sbyin pa'i pha rol du phyin pas ma yin no/ /tshul khrims kyi pha rol du phyin pa dang bzod pa'i pha rol du phyin pa dang / brtson 'grus kyi pha rol du phyin pa dang bsam gtan gyi pha rol du phyin pa dang shes rab kyi pha rol du phyin pas ma yin no/ /nang stong pa nyid kyis ma yin no/ /dngos po med pa'i ngo bo nyid stong pa nyid kyi bar gyis ma yin no/ /dran pa nye bar gzhag pa rnams kyis ma yin no/ /yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pas ma yin no/ /rnam pa thams cad mkhyen pa nyid kyi bar gyis ma yin no/ /de ci'i phyir zhe na/ gzugs nyid kyang rnam pa thams cad mkhyen pa nyid do/ /tshor ba nyid dang / 'du shes nyid dang / 'du byed nyid dang / rnam par shes pa nyid kyang rnam pa thams cad mkhyen pa nyid do/ /sangs rgyas kyi chos ma 'dres pa bcwa brgyad nyid kyi bar yang rnam pa thams cad mkhyen pa nyid do/ /de ci'i phyir zhe na/ de ni 'di ltar gzugs kyi de bzhin nyid gang yin pa dang / rnam pa thams cad mkhyen pa nyid kyi de bzhin nyid gang yin pa de ni de bzhin nyid gcig pa'o/ /tshor ba dang 'du shes dang 'du byed dang rnam par shes pa'i de bzhin nyid gang yin pa dang / rnam pa thams cad mkhyen pa nyid kyi de bzhin nyid gang yin pa de ni de bzhin nyid gcig pa'o/ /skye mched dang khams dang rten cing 'brel bar 'byung ba'i de bzhin nyid gang yin pa dang / rnam pa thams cad mkhyen pa nyid kyi de bzhin nyid gang yin pa de ni de bzhin nyid gcig pa'o/ /pha rol du phyin pa thams cad kyi de bzhin nyid gang yin pa dang / stong pa nyid thams cad kyi de bzhin nyid gang yin pa dang / byang chub kyi phyogs kyi chos</font><hr>32.112b<br><font size=+1>

rnams kyi de bzhin nyid gang yin pa dang / 'phags pa'i bden pa rnams dang bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar kyis gnas pa'i snyoms par 'jug pa dgu dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa rnams dang ting nge 'dzin rnams dang / gzungs kyi sgo rnams kyi de bzhin nyid gang yin pa dang / rnam pa thams cad mkhyen pa nyid kyi de bzhin nyid gang yin pa de ni de bzhin nyid gcig pa'o/ /de bzhin gshegs pa'i stobs bcu dang / mi 'jigs pa bzhi dang so so yang dag par rig pa bzhi dang / byams pa chen po dang snying rje chen po dang sangs rgyas kyi chos ma 'dres pa bcwa brgyad kyi de bzhin nyid gang yin pa dang / rnam pa thams cad mkhyen pa nyid kyi de bzhin nyid gang yin pa de ni de bzhin nyid gcig pa'o/ /shes rab kyi pha rol du phyin pa stong phrag nyi shu lnga pa las/ le'u sum bcu bdun pa'o// // de nas 'dod pa na spyod pa dang / gzugs yod pa na spyod pa'i lha'i bu rnams lha rdzas kyi tsan dan gyi phye ma dang / lha rdzas kyi me tog ut+pal dang pad mo dang / ku mu da dang / pun da ri ka mang po khyer te bcom ldan 'das gang na ba de logs su 'thor bar gyur to/ /gtor nas bcom ldan 'das gang na ba der dong ste/ bcom ldan 'das kyi zhabs gnyis la spyi bos phyag 'tshal nas phyogs gcig tu 'khod do/ /'khod nas 'dod pa na spyod pa dang / gzugs yod pa na spyod pa'i lha'i bu de dag gis bcom ldan 'das la 'di skad ces gsol to/ /bcom ldan 'das ji ltar de bzhin gshegs pa dgra bcom pa yang dag par rdzogs pa'i sangs rgyas rnams shes rab kyi pha rol du phyin pa zab mo 'di las 'di skad du gzugs nyid rnam pa thams cad mkhyen pa ste/ rnam</font><hr>32.113a<br><font size=+1>

pa thams cad mkhyen pa nyid kyang gzugs so/ /tshor ba dang 'du shes dang 'du byed dang / rnam par shes pa nyid rnam pa thams cad mkhyen pa ste/ rnam pa thams cad mkhyen pa nyid kyang rnam par shes pa'o/ /skye mched dang khams dang rten cing 'brel bar 'byung ba nyid rnam pa thams cad mkhyen pa ste/ rnam pa thams cad mkhyen pa nyid kyang rten cing 'brel par 'byung ba'o/ /sbyin pa'i pha rol du phyin pa nyid rnam pa thams cad mkhyen pa ste/ rnam pa thams cad mkhyen pa nyid kyang sbyin pa'i pha rol du phyin pa'o/ tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa nyid rnam pa thams cad mkhyen pa ste rnam pa thams cad mkhyen pa nyid kyang shes rab kyi pha rol du phyin pa'o/ /nang stong pa nyid rnam pa thams cad mkhyen pa ste/ rnam pa thams cad mkhyen pa nyid kyang nang stong pa nyid do/ /dngos po med pa'i ngo bo nyid stong pa nyid kyi bar du rnam pa thams cad mkhyen pa ste/ rnam pa thams cad mkhyen pa nyid kyang dngos po med pa'i ngo bo nyid stong pa nyid do/ /dran pa nye bar gzhag pa nyid rnam pa thams cad mkhyen pa ste/ rnam pa thams cad mkhyen pa nyid kyang dran pa nye bar gzhag pa'o/ /yang dag par spong ba dang / rdzu 'phrul gyi rkang pa dang / dbang po dang stobs dang byang chub kyi yan lag dang / 'phags pa'i lam yan lag brgyad pa nyid rnam pa thams cad mkhyen pa ste/ rnam pa thams cad mkhyen pa nyid kyang 'phags pa'i lam yan lag brgyad pa'o/ /'phags pa'i bden pa dang bsam gtan dang tshad med pa dang / gzugs med pa'i snyoms par 'jug pa nyid rnam pa thams cad mkhyen pa ste/ rnam pa thams cad mkhyen pa nyid kyang gzugs med pa'i snyoms par 'jug pa'o/ /rnam par thar pa dang / mthar gyis gnas pa'i snyoms par 'jug pa dang / rnam par thar pa'i sgo stong pa nyid</font><hr>32.113b<br><font size=+1>

dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang de bzhin gshegs pa'i stobs dang mi 'jigs pa dang so so yang dag par rig pa dang / byams pa chen po dang snying rje chen po dang / sangs rgyas kyi chos ma 'dres pa nyid rnam pa thams cad mkhyen pa ste/ rnam pa thams cad mkhyen pa nyid kyang sangs rgyas kyi chos ma 'dres pa'o/ /gzugs kyi de bzhin nyid gang yin pa dang / rnam pa thams cad mkhyen pa nyid kyi de bzhin nyid gang yin pa de ni de bzhin nyid gcig pa ste/ gnyis su med cing gnyis su byar med do/ /tshor ba dang 'du shes dang 'du byed dang rnam par shes pa'i de bzhin nyid gang yin pa dang / rnam pa thams cad mkhyen pa nyid kyi de bzhin nyid gang yin pa de ni de bzhin nyid gcig pa ste/ gnyis su med cing gnyis su byar med do/ /skye mched dang khams dang rten cing 'brel bar 'byung ba'i de bzhin nyid gang yin pa dang rnam pa thams cad mkhyen pa nyid kyi de bzhin nyid gang yin pa de ni de bzhin nyid gcig pa ste/ gnyis su med cing gnyis su byar med do/ /sbyin pa'i pha rol du phyin pa'i de bzhin nyid gang yin pa dang rnam pa thams cad mkhyen pa nyid kyi de bzhin nyid gang yin pa de ni de bzhin nyid gcig pa ste/ gnyis su med cing gnyis su byar med do/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa'i de bzhin nyid gang yin pa dang / rnam pa thams cad mkhyen pa nyid kyi de bzhin nyid gang yin pa de ni de bzhin nyid gcig pa ste/ gnyis su med cing gnyis su byar med do/ /nang stong pa nyid kyi de bzhin nyid gang yin pa dang / rnam pa thams cad mkhyen pa nyid kyi de bzhin nyid gang yin pa de ni de bzhin nyid gcig pa ste/ gnyis su med cing gnyis su byar med do/ /dngos po med pa'i ngo bo nyid stong pa nyid kyi bar gyi de bzhin nyid gang yin pa dang / rnam</font><hr>32.114a<br><font size=+1>

pa thams cad mkhyen pa nyid kyi de bzhin nyid gang yin pa de ni de bzhin nyid gcig pa ste/ gnyis su med cing gnyis su byar med do/ /dran pa nye bar gzhag pa'i de bzhin nyid gang yin pa dang / rnam pa thams cad mkhyen pa nyid kyi de bzhin nyid gang yin pa de ni de bzhin nyid gcig pa ste/ gnyis su med cing gnyis su byar med do/ /yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa'i de bzhin nyid gang yin pa dang / rnam pa thams cad mkhyen pa nyid kyi de bzhin nyid gang yin pa de ni de bzhin nyid gcig pa ste gnyis su med cing gnyis su byar med do/ /'phags pa'i bden pa dang / bsam gtan dang tshad med pa dang / gzugs med pa'i snyoms par 'jug pa'i de bzhin nyid gang yin pa dang / rnam pa thams cad mkhyen pa nyid kyi de bzhin nyid gang yin pa de ni de bzhin nyid gcig pa ste/ gnyis su med cing gnyis su byar med do/ /rnam par thar pa dang / mthar gyis gnas pa'i snyoms par 'jug pa dang rnam par thar pa'i sgo stong pa nyid dang mtshan ma med pa dang / smon pa med pa dang / mngon par shes pa dang ting nge 'dzin dang gzungs kyi sgo dang de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang sangs rgyas kyi chos ma 'dres pa'i de bzhin nyid gang yin pa dang / rnam pa thams cad mkhyen pa nyid kyi de bzhin nyid gang yin pa de ni de bzhin nyid gcig pa ste/ gnyis su med cing gnyis su byar med do/ /rgyun du zhugs pa'i 'bras bu dang / lan gcig phyir 'ong ba'i 'bras bu dang / phyir mi 'ong ba'i 'bras bu dang dgra bcom pa nyid dang rang sangs rgyas dang / byang chub sems dpa' dang / sangs rgyas kyi de bzhin nyid gang yin pa dang / rnam pa thams cad mkhyen pa nyid kyi de bzhin nyid gang yin pa de ni de bzhin nyid gcig pa ste/ gnyis su med cing gnyis su byar med do zhes ston pa ni</font><hr>32.114b<br><font size=+1>

'di lta ste/ de bzhin gshegs pa rnams kyi byang chub shes rab kyi pha rol du phyin pa 'di zab cing blta dka' la khong du chud par dka' zhing brtag tu ma mchis la rtog ge'i spyod yul ma lags pa ste/ zhi zhing phra ba zhib mo mkhas shing rtogs pas rig par bgyi ba ste/ 'jig rten thams cad kyis yid ches par dka' ba'o/ /de nas bcom ldan 'das kyis 'dod pa na spyod pa dang / gzugs yod pa na spyod pa'i lha'i bu de dag la 'di skad ces bka' stsal to/ /lha'i bu dag de de bzhin no/ /de de bzhin te/ lha'i bu dag gzugs nyid rnam pa thams cad mkhyen pa ste/ rnam pa thams cad mkhyen pa nyid kyang gzugs so/ /tshor ba dang / 'du shes dang 'du byed dang rnam par shes pa nyid rnam pa thams cad mkhyen pa ste/ rnam pa thams cad mkhyen pa nyid kyang rnam par shes pa'o/ /skye mched dang / khams dang rten cing 'brel bar 'byung ba nyid rnam pa thams cad mkhyen pa ste/ rnam pa thams cad mkhyen pa nyid kyang rten cing 'brel bar 'byung ba'o/ /sbyin pa'i pha rol du phyin pa nyid rnam pa thams cad mkhyen pa ste/ rnam pa thams cad mkhyen pa nyid kyang sbyin pa'i pha rol du phyin pa'o/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa nyid rnam pa thams cad mkhyen pa ste/ rnam pa thams cad mkhyen pa nyid kyang shes rab kyi pha rol du phyin pa'o/ /nang stong pa nyid rnam pa thams cad mkhyen pa ste/ rnam pa thams cad mkhyen pa nyid kyang nang stong pa nyid do/ /dngos po med pa'i ngo bo nyid stong pa nyid kyi bar du rnam pa thams cad mkhyen pa ste/ rnam pa thams cad mkhyen pa nyid kyang dngos po med pa'i ngo bo nyid stong pa nyid do/ /dran pa nye bar gzhag pa nyid rnam pa thams cad mkhyen pa ste/ rnam pa thams cad mkhyen pa nyid kyang dran pa nye bar gzhag pa'o/ /yang dag par spong ba dang / rdzu 'phrul gyi rkang pa dang / dbang po dang stobs dang / byang chub kyi yan</font><hr>32.115a<br><font size=+1>

lag dang 'phags pa'i lam yan lag brgyad pa nyid rnam pa thams cad mkhyen pa ste/ rnam pa thams cad mkhyen pa nyid kyang 'phags pa'i lam yan lag brgyad pa'o/ /'phags pa'i bden pa dang bsam gtan dang tshad med pa dang gzugs med pa'i snyoms par 'jug pa nyid rnam pa thams cad mkhyen pa ste/ rnam pa thams cad mkhyen pa nyid kyang gzugs med pa'i snyoms par 'jug pa'o/ /rnam par thar pa brgyad dang / mthar gyis gnas pa'i snyoms par 'jug pa dang / rnam par thar pa'i sgo stong pa nyid dang mtshan ma med pa dang smon pa med pa dang mngon par shes pa dang ting nge 'dzin dang gzungs kyi sgo dang de bzhin gshegs pa'i stobs dang mi 'jigs pa dang / so so yang dag par rig pa dang / byams pa chen po dang / snying rje chen po dang sangs rgyas kyi chos ma 'dres pa nyid rnam pa thams cad mkhyen pa ste/ rnam pa thams cad mkhyen pa nyid kyang sangs rgyas kyi chos ma 'dres pa'o/ /gzugs kyi de bzhin nyid gang yin pa dang / rnam pa thams cad mkhyen pa nyid kyi de bzhin nyid gang yin pa de ni de bzhin nyid gcig pa ste/ gnyis su med cing gnyis su byar med do/ /tshor ba dang 'du shes dang 'du byed dang rnam par shes pa'i de bzhin nyid gang yin pa dang / rnam pa thams cad mkhyen pa nyid kyi de bzhin nyid gang yin pa de ni de bzhin nyid gcig pa ste/ gnyis su med cing gnyis su byar med do/ /skye mched dang khams dang rten cing 'brel bar 'byung ba'i de bzhin nyid gang yin pa dang / rnam pa thams cad mkhyen pa nyid kyi de bzhin nyid gang yin pa de ni de bzhin nyid gcig pa ste/ gnyis su med cing gnyis su byar med do/ /sbyin pa'i pha rol du phyin pa'i de bzhin nyid gang yin pa dang rnam pa thams cad mkhyen pa nyid kyi de bzhin nyid gang yin pa de ni de bzhin nyid gcig pa ste/ gnyis su med cing gnyis su byar med do/ /tshul khrims kyi pha rol du phyin pa dang / bzod pa'i pha rol du phyin pa dang brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa'i de bzhin nyid gang yin pa dang / rnam pa thams cad mkhyen pa nyid kyi de bzhin</font><hr>32.115b<br><font size=+1>

nyid gang yin pa de ni de bzhin nyid gcig pa ste/ gnyis su med cing gnyis su byar med do/ /nang stong pa nyid kyi de bzhin nyid gang yin pa dang / rnam pa thams cad mkhyen pa nyid kyi de bzhin nyid gang yin pa de ni de bzhin nyid gcig pa ste/ gnyis su med cing gnyis su byar med do/ /dngos po med pa'i ngo bo nyid stong pa nyid kyi bar gyi de bzhin nyid gang yin pa dang / rnam pa thams cad mkhyen pa nyid kyi de bzhin nyid gang yin pa de ni de bzhin nyid gcig pa ste/ gnyis su med cing gnyis su byar med do/ /dran pa nye bar gzhag pa'i de bzhin nyid gang yin pa dang / rnam pa thams cad mkhyen pa nyid kyi de bzhin nyid gang yin pa de ni de bzhin nyid gcig pa ste/ gnyis su med cing gnyis su byar med do/ /yang dag par spong ba dang / rdzu 'phrul gyi rkang pa dang / dbang po dang stobs dang byang chub kyi yan lag dang / 'phags pa'i lam yan lag brgyad pa'i de bzhin nyid gang yin pa dang / rnam pa thams cad mkhyen pa nyid kyi de bzhin nyid gang yin pa de ni de bzhin nyid gcig pa ste/ gnyis su med cing gnyis su byar med do/ /'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa'i de bzhin nyid gang yin pa dang / rnam pa thams cad mkhyen pa nyid kyi de bzhin nyid gang yin pa de ni de bzhin nyid gcig pa ste/ gnyis su med cing gnyis su byar med do/ /rnam par thar pa dang / mthar gyis gnas pa'i snyoms par 'jug pa dang / rnam par thar pa'i sgo stong pa nyid dang mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang de bzhin gshegs pa'i stobs dang mi 'jigs pa dang so so yang dag par rig pa dang / byams pa chen po dang / snying rje chen po dang / sangs rgyas kyi chos ma 'dres pa'i de bzhin nyid gang yin pa dang / rnam pa thams cad mkhyen pa nyid kyi de bzhin nyid gang yin pa de ni de bzhin nyid gcig pa ste/ gnyis su med cing gnyis su byar med do/ /rgyun du zhugs pa'i 'bras bu dang lan gcig phyir 'ong ba'i 'bras bu dang phyir mi 'ong ba'i 'bras</font><hr>32.116a<br><font size=+1>

bu dang dgra bcom pa nyid dang rang sangs rgyas dang byang chub sems dpa' dang sangs rgyas kyi de bzhin nyid gang yin pa dang rnam pa thams cad mkhyen pa nyid kyi de bzhin nyid gang yin pa de ni de bzhin nyid gcig pa ste/ gnyis su med cing gnyis su byar med do/ /lha'i bu dag don gyi dbang de gzigs pas de bzhin gshegs pa phrin las chung ba la thugs gzhol te chos bstan pa la gzhol ba ma yin no/ /de ci'i phyir zhe na/ 'di ltar 'di lta ste/ de bzhin gshegs pa rnams kyi chos byang chub 'di ni zab cing blta dka' la khong du chud par dka' zhing brtag tu med la rtog ge'i spyod yul ma yin te/ zhi zhing phra ba zhib mo mkhas shing rtogs pas rig par bya ba 'jig rten thams cad kyis yid ches par dka' ba ste/ de ni sus kyang mngon par sangs ma rgyas nam yang mngon par sangs ma rgyas/ gar yang mngon par sangs ma rgyas te/ gang la gnyis su kun nas rgyu ba med pa de ni chos rnams kyi zab pa nyid do/ /lha'i bu dag nam mkha' zab pa'i phyir chos 'di zab bo/ /lha'i bu dag de bzhin nyid zab pa'i phyir chos 'di zab bo/ /lha'i bu dag chos kyi dbyings zab pa'i phyir chos 'di zab bo/ /lha'i bu dag yang dag pa'i mtha' zab pa'i phyir chos 'di zab bo/ /lha'i bu dag bsam gyis mi khyab pa'i dbyings zab pa'i phyir chos 'di zab bo/ /lha'i bu dag mtha' yas mu med pa zab pa'i phyir chos 'di zab bo/ /lha'i bu dag 'ong ba dang 'gro ba med pa zab pa'i phyir chos 'di zab bo/ /lha'i bu dag mi skye mi 'gag pa dang / mngon par rdzogs par byang chub pa med pa zab pa'i phyir chos 'di zab bo/ /kun nas nyon mongs pa med pa dang / rnam par byang ba med pa dang / mngon par rdzogs par byang chub pa med pa zab pa'i phyir chos 'di zab bo/ /lha'i bu dag mngon par 'du bya ba med pa dang mngon par rdzogs par byang chub pa med pa zab pa'i phyir chos 'di zab bo/ /lha'i bu dag bdag zab pa'i phyir chos 'di zab bo/ /sems can dang srog dang 'gro ba dang gso ba dang / skyes bu dang gang zag dang shed can dang shed</font><hr>32.116b<br><font size=+1>

bdag dang byed pa po dang / tshor ba po dang / shes pa po dang mthong ba po zab pa'i phyir chos 'di zab bo/ /lha'i bu dag gzugs zab pa'i phyir chos 'di zab bo/ /tshor ba dang 'du shes dang 'du byed dang rnam par shes pa zab pa'i phyir chos 'di zab bo/ /lha'i bu dag skye mched dang khams dang rten cing 'brel bar 'byung ba zab pa'i phyir chos 'di zab bo/ /lha'i bu dag sbyin pa'i pha rol du phyin pa zab pa'i phyir chos 'di zab bo/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa zab pa'i phyir chos 'di zab bo lha'i bu dag nang stong pa nyid zab pa'i phyir chos 'di zab bo/ /dngos po med pa'i ngo bo nyid stong pa nyid kyi bar du zab pa'i phyir chos 'di zab bo/ /lha'i bu dag dran pa nye bar gzhag pa zab pa'i phyir chos 'di zab bo/ /yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang 'phags pa'i lam yan lag brgyad pa zab pa'i phyir chos 'di zab bo/ /lha'i bu dag 'phags pa'i bden pa dang bsam gtan dang tshad med pa dang gzugs med pa'i snyoms par 'jug pa zab pa'i phyir chos 'di zab bo/ /lha'i bu dag rnam par thar pa dang mthar gyis gnas pa'i snyoms par 'jug pa dang rnam par thar pa'i sgo stong pa nyid dang mtshan ma med pa dang / smon pa med pa dang / mngon par shes pa dang / ting nge 'dzin dang gzungs kyi sgo dang de bzhin gshegs pa'i stobs dang / mi 'jigs pa dang / so so yang dag par rig pa dang / byams pa chen po dang snying rje chen po dang sangs rgyas kyi chos ma 'dres pa zab pa'i phyir chos 'di zab bo/ /lha'i bu dag rnam pa thams cad mkhyen pa nyid kyi bar du zab pa'i phyir chos 'di zab bo/ /lha'i bu rnams kyis gsol pa/ bcom ldan 'das 'jig rten thams cad kyis yid ches par dka' ba'i chos</font><hr>32.117a<br><font size=+1>

bstan pa ni ngo mtshar to/ /de ci'i slad du zhe na/ bcom ldan 'das chos 'di ni gzugs gzung ba'i slad du bstan pa ma lags mi gzung ba'i slad du ma lags/ tshor ba dang 'du shes dang 'du byed dang rnam par shes pa gzung ba'i slad du bstan pa ma lags mi gzung ba'i slad du ma lags/ skye mched dang khams dang rten cing 'brel bar 'byung ba gzung ba'i slad du bstan pa ma lags/ mi gzung ba'i slad du ma lags/ pha rol du phyin pa thams cad dang stong pa nyid thams cad dang / byang chub kyi phyogs kyi chos sum bcu rtsa bdun dang / 'phags pa'i bden pa dang / bsam gtan dang tshad med pa dang gzugs med pa'i snyoms par 'jug pa dang rnam par thar pa brgyad dang mthar gyis gnas pa'i snyoms par 'jug pa dgu dang stong pa nyid dang mtshan ma med pa dang / smon pa med pa dang mngon par shes pa dang ting nge 'dzin dang gzungs kyi sgo dang de bzhin gshegs pa'i stobs bcu dang mi 'jigs pa bzhi dang so so yang dag par rig pa bzhi dang byams pa chen po dang snying rje chen po dang sangs rgyas kyi chos ma 'dres pa bcwa brgyad gzung ba'i slad du bstan pa ma lags mi gzung ba'i slad du ma lags chos zab mo 'di ni rgyun du zhugs pa'i 'bras bu gzung ba'i slad du bstan pa ma lags mi gzung ba'i slad du ma lags lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang rang byang chub dang lam gyi rnam pa shes pa nyid dang / rnam pa thams cad mkhyen pa nyid gzung ba'i slad du bstan pa ma lags/ mi gzung ba'i slad du ma lags so/ /bcom ldan 'das 'jig rten ni bdag gi gzugs so/ /bdag ni gzugs can no/ /bdag ni tshor ba'o/ /bdag gis tshor bar bya'o/ /bdag gi 'du shes so/ /bdag ni 'du shes can no/ /bdag gi 'du byed do/ /bdag gis mngon par 'du bya'o/ /bdag gi rnam par shes pa'o/ /bdag gis rnam par shes par bya'o/ /bdag gi skye mched dang khams dang rten cing 'brel bar 'byung ba'o/ /bdag ni rten cing</font><hr>32.117b<br><font size=+1>

'brel bar 'byung ba'i chos can no/ /bdag gi sbyin pa'i pha rol du phyin pa'o/ /bdag gis sbyin pa'i pha rol du phyin pa yongs su rdzogs par bya'o/ /bdag gi tshul khrims kyi pha rol du phyin pa'o/ /bdag gis tshul khrims kyi pha rol du phyin pa yongs su rdzogs par bya'o/ /bdag gi bzod pa'i pha rol du phyin pa'o/ /bdag gis bzod pa'i pha rol du phyin pa yongs su rdzogs par bya'o/ /bdag gi brtson 'grus kyi pha rol du phyin pa'o/ /bdag gis brtson 'grus kyi pha rol du phyin pa yongs su rdzogs par bya'o/ /bdag gi bsam gtan gyi pha rol du phyin pa'o/ /bdag gis bsam gtan gyi pha rol du phyin pa yongs su rdzogs par bya'o/ /bdag gi shes rab kyi pha rol du phyin pa'o/ /bdag gis shes rab kyi pha rol du phyin pa yongs su rdzogs par bya'o/ /bdag gi nang stong pa nyid do/ /bdag gis nang stong pa nyid la goms par bya'o/ /bdag gi dngos po med pa'i ngo bo nyid stong pa nyid kyi bar ro/ /bdag gis dngos po med pa'i ngo bo nyid stong pa nyid la goms par bya'o/ /bdag gi dran pa nye bar gzhag pa'o/ /bdag gis dran pa nye bar gzhag pa la spyad par bya'o/ /bdag gi yang dag par spong ba dang rdzu 'phrul gyi rkang pa dang / dbang po dang stobs dang byang chub kyi yan lag dang 'phags pa'i lam yan lag brgyad pa'o/ /bdag gis 'phags pa'i lam yan lag brgyad pa la spyad par bya'o/ /bdag gi 'phags pa'i bden pa dang bsam gtan dang tshad med pa dang / gzugs med pa'i snyoms par 'jug pa dang rnam par thar pa dang / mthar gyis gnas pa'i snyoms par 'jug pa dang / stong pa nyid dang mtshan ma med pa dang / smon pa med pa dang / mngon par shes pa dang ting nge 'dzin dang gzungs kyi sgo'o/ /bdag gis gzungs kyi sgo la spyad par bya'o/ /bdag gi de bzhin gshegs pa'i stobs dang mi 'jigs pa dang so so yang dag par rig pa dang byams pa chen po dang snying rje chen po dang sangs rgyas kyi chos ma 'dres pa'o/ /bdag </font><hr>32.118a<br><font size=+1>

gis sangs rgyas kyi chos ma 'dres pa la spyad par bya'o/ /bdag gi rgyun du zhugs pa'i 'bras bu'o/ /bdag ni rgyun du zhugs par 'gyur ro/ /bdag gi lan gcig phyir 'ong ba'i 'bras bu'o/ /bdag ni lan gcig phyir 'ong bar 'gyur ro/ /bdag gi phyir mi 'ong ba'i 'bras bu'o/ /bdag ni phyir mi 'ong bar 'gyur ro/ /bdag gi dgra bcom pa nyid do/ /bdag ni dgra bcom par 'gyur ro/ /bdag gi rang byang chub bo bdag ni rang sangs rgyas su 'gyur ro/ /bdag gi rnam pa thams cad mkhyen pa nyid do/ /bdag ni rnam pa thams cad mkhyen par 'gyur ro zhes bgyi bar 'dzin pa la spyod do/ /bcom ldan 'das kyis bka' stsal pa/ lha'i bu dag de de bzhin no/ /de de bzhin te/ lha'i bu dag chos 'di ni gzugs gzung ba'i phyir bstan pa ma yin mi gzung ba'i phyir ma yin/ tshor ba dang 'du shes dang 'du byed dang rnam par shes pa gzung ba'i phyir bstan pa ma yin/ mi gzung ba'i phyir ma yin skye mched dang khams dang rten cing 'brel bar 'byung ba gzung ba'i phyir bstan pa ma yin mi gzung ba'i phyir ma yin pha rol du phyin pa thams cad dang stong pa nyid thams cad dang / byang chub kyi phyogs kyi chos sum bcu rtsa bdun gzung ba'i phyir bstan pa ma yin mi gzung ba'i phyir ma yin/ 'phags pa'i bden pa dang / bsam gtan dang / tshad med pa dang gzugs med pa'i snyoms par 'jug pa dang rnam par thar pa dang mthar gyis gnas pa'i snyoms par 'jug pa dang stong pa nyid dang mtshan ma med pa dang / smon pa med pa gzung ba'i phyir bstan pa ma yin mi gzung ba'i phyir ma yin mngon par shes pa dang ting nge 'dzin dang gzungs kyi sgo dang de bzhin gshegs pa'i stobs dang mi 'jigs pa dang so so yang dag par rig pa dang byams pa chen po dang snying rje chen po dang sangs rgyas kyi chos ma 'dres pa gzung ba'i phyir bstan pa ma yin/ mi gzung ba'i phyir ma yin/ </font><hr>32.118b<br><font size=+1>

rnam pa thams cad mkhyen pa nyid kyi bar du gzung ba'i phyir bstan pa ma yin mi gzung ba'i phyir ma yin no/ /lha'i bu dag gang yang gzugs gzung ba'i phyir ram/ mi gzung ba'i phyir spyod pa dang tshor ba dang 'du shes dang / 'du byed dang rnam par shes pa gzung ba'i phyir ram mi gzung ba'i phyir spyod pa dang skye mched dang khams dang / rten cing 'brel bar 'byung ba gzung ba'i phyir ram mi gzung ba'i phyir spyod pa dang / pha rol du phyin pa thams cad dang stong pa nyid thams cad dang byang chub kyi phyogs kyi chos sum bcu rtsa bdun gzung ba'i phyir ram mi gzung ba'i phyir spyod pa dang / 'phags pa'i bden pa dang bsam gtan dang tshad med pa dang gzugs med pa'i snyoms par 'jug pa dang rnam par thar pa dang / mthar gyis gnas pa'i snyoms par 'jug pa dang / stong pa nyid dang mtshan ma med pa dang / smon pa med pa gzung ba'i phyir ram/ mi gzung ba'i phyir spyod pa dang mngon par shes pa dang ting nge 'dzin dang gzungs kyi sgo dang de bzhin gshegs pa'i stobs dang mi 'jigs pa dang so so yang dag par rig pa dang / byams pa chen po dang / snying rje chen po dang sangs rgyas kyi chos ma 'dres pa rnams gzung ba'i phyir ram mi gzung ba'i phyir spyod pa dang / rnam pa thams cad mkhyen pa nyid kyi bar du gzung ba'i phyir ram mi gzung ba'i phyir spyod pa de dag gis ni sbyin pa'i pha rol du phyin pa bsgom par mi nus so/ /tshul khrims kyi pha rol du phyin pa dang bzod pa'i pha rol du phyin pa dang / brtson 'grus kyi pha rol du phyin pa dang bsam gtan gyi pha rol du phyin pa dang shes rab kyi pha rol du phyin pa bsgom par mi nus so/ /nang stong pa nyid bsgom par mi nus so/ /dngos po med pa'i ngo bo nyid stong pa nyid kyi bar du bsgom par mi nus so/ /dran pa nye bar gzhag pa rnams bsgom par mi nus so/ /yang dag par spong ba rnams dang rdzu 'phrul gyi rkang pa rnams dang dbang po </font><hr>32.119a<br><font size=+1>

rnams dang stobs rnams dang byang chub kyi yan lag rnams dang / 'phags pa'i lam yan lag brgyad pa bsgom par mi nus so/ /rnam pa thams cad mkhyen pa nyid kyi bar du bsgom par mi nus so/ /de nas tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das chos 'di ni chos thams cad dang rjes su mthun pa ste chos 'di ni chos gang rnams dang rjes su 'thun pa lags she na/ chos 'di ni shes rab kyi pha rol du phyin pa dang rjes su 'thun pa'o/ /chos 'di ni bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang sbyin pa'i pha rol du phyin pa dang rjes su 'thun pa'o/ /chos 'di ni nang stong pa nyid dang rjes su 'thun pa'o/ /chos 'di ni dngos po med pa'i ngo bo nyid stong pa nyid kyi bar dang rjes su 'thun pa'o/ /chos 'di ni dran pa nye bar gzhag pa rnams dang rjes su 'thun pa'o/ /chos 'di ni yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang byang chub kyi yan lag rnams dang 'phags pa'i lam yan lag brgyad pa dang rjes su 'thun pa'o/ /chos 'di ni 'phags pa'i bden pa dang bsam gtan dang tshad med pa dang gzugs med pa'i snyoms par 'jug pa dang rnam par thar pa brgyad dang mthar gyis gnas pa'i snyoms par 'jug pa dgu dang stong pa nyid dang mtshan ma med pa dang smon pa med pa dang rjes su 'thun pa'o/ /chos 'di ni mngon par shes pa rnams dang / ting nge 'dzin rnams dang gzungs kyi sgo rnams dang de bzhin gshegs pa'i stobs rnams dang mi 'jigs pa rnams dang so so yang dag par rig pa rnams dang / byams pa chen po dang snying rje chen po dang sangs rgyas kyi chos ma 'dres pa rnams dang rjes su 'thun pa'o/ /chos 'di ni</font><hr>32.119b<br><font size=+1>

rnam pa thams cad mkhyen pa nyid kyi bar dang rjes su mthun pa'o/ /chos 'di ni gang la yang thog pa ma mchis pa ste/ ci la thogs pa ma mchis she na/ gzugs la thogs pa ma mchis so/ /tshor ba dang 'du shes dang 'du byed dang rnam par shes pa la thogs pa ma mchis so/ /skye mched dang khams dang rten cing 'brel bar 'byung ba la thogs pa ma mchis so/ /pha rol du phyin pa thams cad dang stong pa nyid thams cad dang / byang chub kyi phyogs kyi chos sum bcu rtsa bdun la thogs pa ma mchis so/ /'phags pa'i bden pa dang bsam gtan dang / tshad med pa dang gzugs med pa'i snyoms par 'jug pa dang / rnam par thar pa brgyad dang mthar gyis gnas pa'i snyoms par 'jug pa dgu dang stong pa nyid dang mtshan ma med pa dang / smon pa med pa la thogs pa ma mchis so/ /mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs rnams dang / mi 'jigs pa rnams dang so so yang dag par rig pa rnams dang / byams pa chen po dang snying rje chen po dang / sangs rgyas kyi chos ma 'dres pa rnams la thogs pa ma mchis so/ /rnam pa thams cad mkhyen pa nyid kyi bar la thogs pa ma mchis so/ /chos 'di ni nam mkha' mnyam pa nyid dang de bzhin nyid mnyam pa nyid dang chos kyi dbyings mnyam pa nyid dang / yang dag pa'i mtha' mnyam pa nyid dang bsam gyis mi khyab pa'i dbyings mnyam pa nyid dang stong pa nyid dang / mtshan ma med pa dang / smon pa med pa mnyam pa nyid dang / skye ba ma mchis pa dang / 'gag pa ma mchis pa mnyam pa nyid dang / kun nas nyon mongs pa ma mchis pa dang / rnam par byang ba ma mchis pa mnyam pa nyid kyi</font><hr>32.120a<br><font size=+1>

slad du thogs pa ma mchis pa'i mtshan nyid do/ /chos 'di ni gzugs kyi skye ba mi dmigs pa dang tshor ba dang / 'du shes dang 'du byed dang rnam par shes pa'i skye ba mi dmigs pa dang / skye mched dang khams dang rten cing 'brel bar 'byung ba'i skye ba mi dmigs pa dang pha rol du phyin pa thams cad dang stong pa nyid thams cad dang byang chub kyi phyogs kyi chos sum bcu rtsa bdun gyi skye ba mi dmigs pa dang / 'phags pa'i bden pa dang / bsam gtan dang tshad med pa dang gzugs med pa'i snyoms par 'jug pa dang / rnam par thar pa brgyad dang mthar gyis gnas pa'i snyoms par 'jug pa dgu dang stong pa nyid dang mtshan ma med pa dang / smon pa med pa'i skye ba mi dmigs pa dang / mngon par shes pa dang ting nge 'dzin dang gzungs kyi sgo dang de bzhin gshegs pa'i stobs dang / mi 'jigs pa dang so so yang dag par rig pa dang / byams pa chen po dang / snying rje chen po dang sangs rgyas kyi chos ma 'dres pa'i skye ba mi dmigs pa dang / rnam pa thams cad mkhyen pa nyid kyi bar gyi skye ba mi dmigs pa'i slad du skye ba ma mchis pa'o/ /chos 'di ni gzugs kyi rten mi dmigs pa dang tshor ba dang 'du shes dang 'du byed dang rnam par shes pa'i rten mi dmigs pa dang skye mched dang khams dang rten cing 'brel bar 'byung ba'i rten mi dmigs pa dang pha rol du phyin pa thams cad dang stong pa nyid thams cad dang byang chub kyi phyogs kyi chos sum bcu rtsa bdun gyi rten mi dmigs pa dang 'phags pa'i bden pa dang bsam gtan dang tshad med pa dang gzugs med pa'i snyoms par 'jug pa dang / rnam par thar pa brgyad dang mthar gyis gnas pa'i snyoms par 'jug pa dgu dang / stong pa nyid dang mtshan ma med pa dang / smon pa med pa'i rten mi dmigs pa dang / mngon par shes pa dang / ting nge 'dzin dang gzungs kyi sgo dang / de bzhin gshegs pa'i stobs dang mi 'jigs pa dang / so so yang dag par </font><hr>32.120b<br><font size=+1>

rig pa dang byams pa chen po dang snying rje chen po dang sangs rgyas kyi chos ma 'dres pa'i rten mi dmigs pa dang rnam pa thams cad mkhyen pa nyid kyi bar gyi rten mi dmigs pa'i slad du rten ma mchis pa'o/ /de nas 'dod pa na spyod pa dang / gzugs yod pa na spyod pa'i lha'i bu rnams kyis/ bcom ldan 'das la 'di skad ces gsol to/ /gnas brtan rab 'byor 'di ni bcom ldan 'das kyi rjes su skyes so/ /de ci'i slad du zhe na/ 'di ltar gnas brtan rab 'byor ni ci dang ci ston pa de thams cad stong pa nyid brtsams shing ston to/ /mtshan ma ma mchis pa dang / smon pa ma mchis pa nyid brtsams shing ston to/ /de nas tshe dang ldan pa rab 'byor gyis 'dod pa na spyod pa dang gzugs yod pa na spyod pa'i lha'i bu de dag la 'di skad ces smras so/ /lha'i bu dag gang 'di skad du bcom ldan 'das gnas brtan rab 'byor 'di ni de bzhin gshegs pa'i rjes su skyes so zhes zer ba ni ji ltar rjes su skyes pas gnas brtan rab 'byor de bzhin gshegs pa'i rjes su skyes pa yin zhe na/ gnas brtan rab 'byor ni de bzhin gshegs pa'i de bzhin nyid kyi rjes su skyes pa ste/ ji ltar de bzhin gshegs pa'i de bzhin nyid ma 'ongs ma song ba de bzhin du/ gnas brtan rab 'byor gyi de bzhin nyid kyang ma 'ongs ma songs bas na/ thog ma nas gnas brtan rab 'byor de bzhin gshegs pa'i rjes su skyes so/ /de bzhin gshegs pa'i de bzhin nyid gang yin pa de ni chos thams cad kyi de bzhin nyid kyang de'o/ /chos thams cad kyi de bzhin nyid gang yin pa de ni de bzhin gshegs pa'i de bzhin nyid kyang de ste/ de bzhin gshegs pa'i de bzhin nyid de yang de bzhin nyid ma yin no/ /de ltar na gnas brtan rab 'byor ni de bzhin gshegs pa'i rjes su skyes so/ /de bzhin gshegs pa'i de bzhin nyid ji lta ba de bzhin du/ gnas brtan rab 'byor gnas pas de bzhin gshegs pa'i rjes su</font><hr>32.121a<br><font size=+1>

skyes so/ /ji ltar de bzhin gshegs pa'i de bzhin nyid 'gyur ba med cing rnam par rtog pa med pa de bzhin du gnas brtan rab 'byor gyi de bzhin nyid kyang 'gyur ba med cing rnam par rtog pa med la/ ji ltar de bzhin gshegs pa'i de bzhin nyid ci la yang thogs pa med pa de bzhin du chos thams cad kyi de bzhin nyid kyang ci la yang thogs pa med de/ de bzhin gshegs pa'i de bzhin nyid gang yin pa dang / chos thams cad kyi de bzhin nyid gang yin pa de ni de bzhin nyid gcig cing gnyis su med de gnyis su byar med la de bzhin nyid de yang ma byas pa ste/ de bzhin nyid de ni gang gi de bzhin nyid du ma gyur pa yang med de de bzhin nyid de ni gang gi de bzhin nyid du ma gyur pa yang med pa de'i phyir de bzhin nyid de ni gnyis su med cing gnyis su byar med pa ste de ltar na gnas brtan rab 'byor ni de bzhin gshegs pa'i rjes su skyes so/ /de bzhin gshegs pa'i de bzhin nyid gang yin pa de ni thams cad du 'gyur ba med cing rnam par rtog pa med pa ste/ de bzhin du gnas brtan rab 'byor gyi de bzhin nyid kyang thams cad du 'gyur ba med cing rnam par rtog pa med la/ ji ltar de bzhin gshegs pa'i de bzhin nyid tha mi dad pa/ dbyer med pa 'byed pa ma yin pa dmigs su med pa de bzhin du gnas brtan rab 'byor gyi de bzhin nyid kyang tha mi dad pa dbyer med pa/ 'byed pa ma yin pa dmigs su med pa ste/ de ltar na gnas brtan rab 'byor ni de bzhin gshegs pa'i rjes su skyes so/ /ji ltar de bzhin gshegs pa'i de bzhin nyid de chos thams cad kyi de bzhin nyid las gud na yod pa ma yin te/ de yang de bzhin nyid ma yin pa ma yin zhing rtag tu de bzhin nyid yin pa de bzhin du gnas brtan rab 'byor kyang rnam pa gzhan ma yin par de bzhin gshegs pa'i rjes su skyes kyang gar yang rjes su skyes pa med pa ste/ de ltar na gnas brtan rab 'byor ni de bzhin</font><hr>32.121b<br><font size=+1>

gshegs pa'i rjes su skyes so/ /de bzhin gshegs pa'i rjes su skyes so zhes bya ste/ 'das pa'i de bzhin nyid kyi mnyam pa nyid kyis/ de bzhin gshegs pa'i de bzhin nyid mnyam pa nyid do/ /de bzhin gshegs pa'i de bzhin nyid kyi mnyam pa nyid kyis 'das pa'i de bzhin nyid mnyam pa nyid do/ /ma 'ongs pa'i de bzhin nyid kyi mnyam pa nyid kyis de bzhin gshegs pa'i de bzhin nyid mnyam pa nyid do/ /de bzhin gshegs pa'i de bzhin nyid kyi mnyam pa nyid kyis ma 'ongs pa'i de bzhin nyid mnyam pa nyid do/ /da ltar byung ba'i de bzhin nyid kyi mnyam pa nyid kyis de bzhin gshegs pa'i de bzhin nyid mnyam pa nyid do/ /de bzhin gshegs pa'i de bzhin nyid kyis mnyam pa nyid kyis/ da ltar byung ba'i de bzhin nyid mnyam pa nyid do/ /de ltar na 'das pa dang ma 'ongs pa dang da ltar byung ba'i de bzhin nyid dang de bzhin gshegs pa'i de bzhin nyid de la gnyis su med de gnyis su byar med do/ /gzugs kyi de bzhin nyid kyis de bzhin gshegs pa'i de bzhin nyid do/ /de bzhin gshegs pa'i de bzhin nyid kyis gzugs kyi de bzhin nyid do/ /de ltar na gzugs kyi de bzhin nyid dang de bzhin gshegs pa'i de bzhin nyid de la gnyis su med de gnyis su byar med do/ /tshor ba dang 'du shes dang 'du byed dang rnam par shes pa'i de bzhin nyid kyis de bzhin gshegs pa'i de bzhin nyid do/ /de bzhin gshegs pa'i de bzhin nyid kyis rnam par shes pa'i de bzhin nyid do/ /de ltar na rnam par shes pa'i de bzhin nyid dang de bzhin gshegs pa'i de bzhin nyid de la gnyis su med de gnyis su byar med do/ /skye mched dang / khams dang / rten cing 'brel bar 'byung ba'i de bzhin nyid kyis de bzhin gshegs pa'i de bzhin nyid do/ /de bzhin gshegs pa'i de bzhin nyid kyis rten cing 'brel bar 'byung ba'i de bzhin nyid de de ltar na rten cing 'brel bar 'byung ba'i</font><hr>32.122a<br><font size=+1>

de bzhin nyid dang de bzhin gshegs pa'i de bzhin nyid de la gnyis su med de gnyis su byar med do/ /sbyin pa'i pha rol du phyin pa'i de bzhin nyid kyis de bzhin gshegs pa'i de bzhin nyid do/ /de bzhin gshegs pa'i de bzhin nyid kyis sbyin pa'i pha rol du phyin pa'i de bzhin nyid de de ltar na sbyin pa'i pha rol du phyin pa'i de bzhin nyid dang de bzhin gshegs pa'i de bzhin nyid de la gnyis su med de gnyis su byar med do/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa'i de bzhin nyid kyis de bzhin gshegs pa'i de bzhin nyid do de bzhin gshegs pa'i de bzhin nyid kyis shes rab kyi pha rol du phyin pa'i de bzhin nyid de de ltar na shes rab kyi pha rol tu phyin pa'i de bzhin nyid dang de bzhin gshegs pa'i de bzhin nyid de la gnyis su med de gnyis su byar med do/ /nang stong pa nyid kyi de bzhin nyid kyis de bzhin gshegs pa'i de bzhin nyid do/ /de bzhin gshegs pa'i de bzhin nyid kyis nang stong pa nyid kyi de bzhin nyid de de ltar na nang stong pa nyid kyi de bzhin nyid dang de bzhin gshegs pa'i de bzhin nyid de la gnyis su med de gnyis su byar med do/ /dngos po med pa'i ngo bo nyid stong pa nyid kyi bar gyi de bzhin nyid kyis de bzhin gshegs pa'i de bzhin nyid do/ /de bzhin gshegs pa'i de bzhin nyid kyis dngos po med pa'i ngo bo nyid stong pa nyid kyi de bzhin nyid de de ltar na dngos po med pa'i ngo bo nyid stong pa nyid kyi de bzhin nyid dang / de bzhin gshegs pa'i de bzhin nyid de la gnyis su med de gnyis su byar med do/ /dran pa nye bar gzhag pa rnams kyi de bzhin nyid kyis de bzhin gshegs pa'i de bzhin nyid do/ /de bzhin gshegs pa'i de bzhin nyid kyis dran pa nye bar gzhag pa rnams kyi de bzhin nyid de/ de ltar na dran pa nye bar</font><hr>32.122b<br><font size=+1>

gzhag pa rnams kyi de bzhin nyid dang / de bzhin gshegs pa'i de bzhin nyid de la gnyis su med de gnyis su byar med do/ /yang dag par spong ba rnams dang / rdzu 'phrul gyi rkang pa rnams dang / dbang po rnams dang stobs rnams dang byang chub kyi yan lag rnams dang 'phags pa'i lam yan lag brgyad pa'i de bzhin nyid kyis de bzhin gshegs pa'i de bzhin nyid do/ /de bzhin gshegs pa'i de bzhin nyid kyis 'phags pa'i lam yan lag brgyad pa'i de bzhin nyid de de ltar na 'phags pa'i lam yan lag brgyad pa'i de bzhin nyid dang de bzhin gshegs pa'i de bzhin nyid de la gnyis su med de gnyis su byar med do/ /'phags pa'i bden pa rnams dang bsam gtan rnams dang tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang mtshan ma med pa dang smon pa med pa dang mngon par shes pa rnams kyi de bzhin nyid kyis de bzhin gshegs pa'i de bzhin nyid do/ /de bzhin gshegs pa'i de bzhin nyid kyis mngon par shes pa rnams kyi de bzhin nyid de/ de ltar na mngon par shes pa rnams kyi de bzhin nyid dang / de bzhin gshegs pa'i de bzhin nyid de la gnyis su med de gnyis su byar med do/ /ting nge 'dzin rnams dang gzungs kyi sgo rnams dang / de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams kyis de bzhin nyid kyis de bzhin gshegs pa'i de bzhin nyid do/ /de bzhin gshegs pa'i de bzhin nyid kyis sangs rgyas kyi chos ma 'dres pa rnams kyi de bzhin nyid de/ de ltar na sangs rgyas kyi chos ma 'dres pa rnams kyi de bzhin nyid dang / </font><hr>32.123a<br><font size=+1>

de bzhin gshegs pa'i de bzhin nyid de la gnyis su med de gnyis su byar med do/ /rnam pa thams cad mkhyen pa nyid kyi bar gyi de bzhin nyid kyis de bzhin gshegs pa'i de bzhin nyid do/ /de bzhin gshegs pa'i de bzhin nyid kyis rnam pa thams cad mkhyen pa nyid kyi de bzhin nyid de/ de ltar na rnam pa thams cad mkhyen pa nyid kyi de bzhin nyid dang de bzhin gshegs pa'i de bzhin nyid de la gnyis su med de gnyis su byar med do/ /'di ni rab 'byor de bzhin gshegs pa'i de bzhin nyid de/ byang chub sems dpa' sems dpa' chen pos de bzhin nyid de mngon par rdzogs par sangs rgyas nas/ de bzhin gshegs pa zhes bya ba'i ming thob par 'gyur ro/ /de bzhin nyid kyi le'u 'di bshad pa'i tshe/ stong gsum gyi stong chen po'i 'jig rten gyi khams 'di rnam pa drug tu g.yos te/ g.yos so rab tu g.yos so/ /kun tu g.yos so/ /'gul to rab tu 'gul to kun tu 'gul to/ /ldeg go rab tu ldeg go kun tu ldeg go/ /chem chem rab tu chem chem kun tu chem chem mo/ /'ur 'ur rab tu 'ur 'ur kun du 'ur 'ur ro/ /shig shig rab tu shig shig kun tu shig shig go/ /shar phyogs mtho na ni nub phyogs dma'/ shar phyogs dma' na ni nub phyogs mtho/ byang phyogs mtho na ni lho phyogs dma'/ byang phyogs dma' na ni lho phyogs mtho/ dbus mtho na ni mtha' dma'/ dbus dma' na ni mtha' mtho bar gyur to/ /de nas 'dod pa na spyod pa dang / gzugs yod pa na spyod pa'i lha'i bu de dag gis bcom ldan 'das dang gnas brtan rab 'byor la lha rdzas kyi tsan dan gyi phye mas gtor/ mngon par gtor/ rab tu gtor nas/ 'di skad du bcom ldan 'das de ltar gnas brtan rab 'byor 'di de bzhin gshegs pa'i de bzhin nyid kyis de bzhin gshegs pa'i rjes su skyes pa ngo mtshar to zhes tshig tu brjod do/ /de nas</font><hr>32.123b<br><font size=+1>

gnas brtan rab 'byor gyis lha'i bu de dag gi gtam de nyid kyi rgyud nas bzung ste/ lha'i bu de dag la 'di skad ces smras so/ /de ltar lha'i bu dag gnas brtan rab 'byor ni gzugs kyi rjes su ma skyes/ gzugs las gzhan gyi rjes su ma skyes so/ /gzugs kyi de bzhin nyid kyi rjes su ma skyes/ gzugs kyi de bzhin nyid las gzhan gyi rjes su ma skyes so/ /tshor ba dang 'du shes dang 'du byed dang rnam par shes pa'i rjes su ma skyes/ rnam par shes pa las gzhan gyi rjes su ma skyes so/ /rnam par shes pa'i de bzhin nyid kyi rjes su ma skyes/ rnam par shes pa'i de bzhin nyid las gzhan gyi rjes su ma skyes so/ /skye mched dang khams dang rten cing 'brel bar 'byung ba'i rjes su ma skyes rten cing 'brel bar 'byung ba las gzhan gyi rjes su ma skyes so/ /rten cing 'brel bar 'byung ba'i de bzhin nyid kyi rjes su ma skyes/ rten cing 'brel bar 'byung ba'i de bzhin nyid las gzhan gyi rjes su ma skyes so/ /pha rol du phyin pa thams cad dang / stong pa nyid thams cad dang byang chub kyi phyogs kyi chos sum bcu rtsa bdun dang 'phags pa'i bden pa dang / bsam gtan dang tshad med pa dang / gzugs med pa'i snyoms par 'jug pa dang rnam par thar pa brgyad dang / mthar gyis gnas pa'i snyoms par 'jug pa dgu dang stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs bcu dang mi 'jigs pa bzhi dang / so so yang dag par rig pa bzhi dang byams pa chen po dang / snying rje chen po dang sangs rgyas kyi chos ma 'dres pa bcwa brgyad kyi rjes su ma skyes/ sangs rgyas kyi chos ma 'dres pa rnams las gzhan gyi rjes su ma skyes so/ /sangs rgyas kyi chos ma 'dres pa rnams kyi de bzhin nyid kyi rjes su ma skyes/ sangs rgyas kyi</font><hr>32.124a<br><font size=+1>

chos ma 'dres pa rnams kyi de bzhin nyid las gzhan gyi rjes su ma skyes so/ /rnam pa thams cad mkhyen pa nyid kyi bar gyi rjes su ma skyes rnam pa thams cad mkhyen pa nyid las gzhan gyi rjes su ma skyes so/ /rnam pa thams cad mkhyen pa nyid kyi de bzhin nyid kyi rjes su ma skyes rnam pa thams cad mkhyen pa nyid kyi de bzhin nyid las gzhan gyi rjes su ma skyes so/ /'dus byas kyi rjes su ma skyes/ 'dus byas las gzhan gyi rjes su ma skyes so/ /'dus byas kyi de bzhin nyid kyi rjes su ma skyes/ 'dus byas kyi de bzhin nyid las gzhan gyi rjes su ma skyes so/ /'dus ma byas kyi rjes su ma skyes/ 'dus ma byas las gzhan gyi rjes su ma skyes so/ /'dus ma byas kyi de bzhin nyid kyi rjes su ma skyes/ 'dus ma byas kyi de bzhin nyid las gzhan gyi rjes su ma skyes so/ /de ci'i phyir zhe na/ de ni 'di ltar gang rjes su skyes pa dang gang gis rjes su skyes pa dang / gang rjes su bskyed pa dang / gang gis rjes su bskyed pa dang / gang rjes su skye bar 'gyur ba 'am/ gang gis rjes su skye bar 'gyur ba'i chos de dag thams cad med cing mi dmigs so/ /de nas tshe dang ldan pa shA ra dwa ti'i bus bcom ldan 'das la 'di skad ces gsol to/ /bcom ldan 'das de bzhin nyid dang / ma nor ba de bzhin nyid dang / gzhan ma yin pa de bzhin nyid dang / chos nyid dang chos kyi dbyings dang / chos kyi gnas nyid dang / chos skyon med pa dang / yang dag pa'i mtha' ni zab pa ste/ de la gzugs mi dmigs/ gzugs kyi de bzhin nyid mi dmigs te gzugs nyid kyang mi dmigs na/ gzugs kyi de bzhin nyid lta dmigs par ga la 'gyur/ de la tshor ba dang / 'du shes dang / 'du byed dang rnam par shes pa</font><hr>32.124b<br><font size=+1>

mi dmigs/ rnam par shes pa'i de bzhin nyid mi dmigs te/ rnam par shes pa nyid kyang mi dmigs na/ rnam par shes pa'i de bzhin nyid lta dmigs par ga la 'gyur/ skye mched dang khams dang rten cing 'brel bar 'byung ba mi dmigs/ rten cing 'brel bar 'byung ba'i de bzhin nyid mi dmigs te/ rten cing 'brel bar 'byung ba nyid kyang mi dmigs na/ rten cing 'brel bar 'byung ba'i de bzhin nyid lta dmigs par ga la 'gyur/ pha rol du phyin pa thams cad dang stong pa nyid thams cad dang / byang chub kyi phyogs kyi chos sum bcu rtsa bdun dang 'phags pa'i bden pa dang / bsam gtan dang tshad med pa dang / gzugs med pa'i snyoms par 'jug pa dang rnam par thar pa brgyad dang mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa dang ting nge 'dzin dang gzungs kyi sgo dang / de bzhin gshegs pa'i stobs bcu dang mi 'jigs pa bzhi dang so so yang dag par rig pa bzhi dang / sangs rgyas kyi chos ma 'dres pa bcwa brgyad mi dmigs/ sangs rgyas kyi chos ma 'dres pa'i de bzhin nyid mi dmigs te/ sangs rgyas kyi chos ma 'dres pa nyid kyang mi dmigs na/ sangs rgyas kyi chos ma 'dres pa'i de bzhin nyid lta dmigs par ga la 'gyur/ rnam pa thams cad mkhyen pa nyid kyi bar du mi dmigs/ rnam pa thams cad mkhyen pa nyid kyi de bzhin nyid mi dmigs te/ rnam pa thams cad mkhyen pa nyid kyang mi dmigs na rnam pa thams cad mkhyen pa nyid kyi de bzhin nyid lta dmigs par ga la 'gyur/ bcom ldan 'das kyis bka' stsal pa/ shA ra dwa ti bu de de bzhin no/ /de de bzhin te de bzhin nyid 'di ni zab pa ste/ de la gzugs mi dmigs gzugs kyi de bzhin nyid mi dmigs te/ </font><hr>32.125a<br><font size=+1>

gzugs nyid kyang mi dmigs na/ gzugs kyi de bzhin nyid lta dmigs par ga la 'gyur/ de la tshor ba dang / 'du shes dang / 'du byed dang rnam par shes pa rnams mi dmigs/ rnam par shes pa'i de bzhin nyid mi dmigs te/ rnam par shes pa nyid kyang mi dmigs na/ rnam par shes pa'i de bzhin nyid lta dmigs par ga la 'gyur/ skye mched dang khams dang rten cing 'brel bar 'byung ba mi dmigs/ rten cing 'brel bar 'byung ba'i de bzhin nyid mi dmigs te/ rten cing 'brel bar 'byung ba nyid kyang mi dmigs na/ rten cing 'brel bar 'byung ba'i de bzhin nyid lta dmigs par ga la 'gyur/ pha rol tu phyin pa thams cad dang stong pa nyid thams cad dang / byang chub kyi phyogs kyi chos sum bcu rtsa bdun mi dmigs/ byang chub kyi phyogs kyi chos kyi de bzhin nyid mi dmigs te/ byang chub kyi phyogs kyi chos nyid kyang mi dmigs na/ byang chub kyi phyogs kyi chos nyid kyi de bzhin nyid lta dmigs par ga la 'gyur/ rnam pa thams cad mkhyen pa nyid kyi bar du mi dmigs/ rnam pa thams cad mkhyen pa nyid kyi bar gyi de bzhin nyid mi dmigs te/ rnam pa thams cad mkhyen pa nyid kyang mi dmigs na/ rnam pa thams cad mkhyen pa nyid kyi de bzhin nyid lta dmigs par ga la 'gyur/ de bzhin nyid dang ma nor ba de bzhin nyid dang gzhan ma yin pa de bzhin nyid kyi le'u 'di bshad pa'i tshe/ dge slong nyis brgya nye bar len pa med par zag pa las sems rnam par grol lo/ /dge slong ma lnga brgya ni chos rnams la chos kyi mig rdul med cing dri ma dang bral ba skyes so/ /byang chub sems dpa' lnga stong dang / lha dang mi rnams kyis mi skye ba'i chos la bzod pa rab tu thob bo/ /byang chub sems dpa' yongs su nyam pa'i chos can drug bcu ni nye bar len pa med par zag pa las sems rnam par grol te/ shA ra dwa ti'i bu byang chub sems dpa' sems dpa' chen po de dag gis ni sangs rgyas lnga brgya bsnyen bkur te/ </font><hr>32.125b<br><font size=+1>

thams cad du yang sbyin pa byin/ tshul khrims bsrungs bzod pa bsgoms/ brtson 'grus brtsams/ bsam gtan bsgrubs/ shes rab bsgoms kyang de dag shes rab kyi pha rol du phyin pas yongs su ma bzung zhing thabs mkhas pas yongs su ma bzung bas/ sbyin pa byin to/ /'di ni sbyin pa'o/ /'di la bdag gis sbyin par bya'o/ /'di ni tshul khrims so/ /bdag gis ni bsrung bar bya'o/ /'di ni bzod pa'o/ /bdag gis ni bsgoms par bya'o/ /'di ni brtson 'grus so/ /bdag gis ni brtsams par bya'o/ /'di ni bsam gtan no/ /bdag gis ni mnyam par gzhag par bya'o/ /'di ni shes rab bo/ /bdag gis ni bsgom par bya'o/ /zhes tha dad par spyod pas de dag shes rab kyi pha rol du phyin pa dang bral zhing thabs mkhas pas yongs su ma bzung bar sbyin pa gtong / tshul khrims srung / bzod pa sgom/ brtson 'grus rtsom/ bsam gtan la mnyam par gzhog shes rab la goms par byed cing / de dag 'du shes sna tshogs kyis spyod pas tha mi dad pas ma dmigs pa'i phyir/ byang chub sems dpa'i skyon med par ma zhugs so/ /de dag byang chub sems dpa'i skyon med par ma zhugs pas rgyun du zhugs pa'i 'bras bu thob/ dgra bcom pa nyid kyi bar du thob bo/ /shA ra dwa ti'i bu byang chub sems dpa' sems dpa' chen po rnams kyi lam stong pa nyid dam mtshan ma med pa 'am smon pa med pa yod mod kyi/ de dag shes rab kyi pha rol du phyin pa dang bral zhing thabs mkhas pas yongs su ma bzung na yang dag pa'i mtha' mngon du byas nas/ nyan thos sam/ rang sangs rgyas su 'gyur ro/ /gsol pa/ bcom ldan 'das ci'i slad du stong pa nyid dang mtshan ma ma mchis pa dang / smon pa ma mchis pa'i chos de dag nyid la bsgom du 'dra yang shes rab kyi pha rol du phyin pa dang bral zhing thabs mkhas pa dang bral ba rnams ni yang dag pa'i mtha' sngon</font><hr>32.126a<br><font size=+1>

du bgyis shing nyan thos dang / rang sangs rgyas su 'gyur la/ byang chub sems dpa' thabs mkhas pas yongs su bzung ba dag ni/ stong pa nyid dang mtshan ma ma mchis pa dang / smon pa ma mchis pa'i chos de dag nyid la bsgom du bas kyang / thabs mkhas pa la rten cing bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur/ bcom ldan 'das kyis bka' stsal pa/ shA ra dwa ti'i bu 'di la kha cig rnam pa thams cad mkhyen pa'i sems dang bral ba/ stong pa nyid dang / mtshan ma med pa dang / smon pa med pa'i chos 'ba' zhig bsgom pa ni thabs mkhas pa ma thob pas nyan thos dang / rang sangs rgyas su 'gyur ro/ /shA ra dwa ti'i bu 'di la byang chub sems dpa' sems dpa' chen po rnam pa thams cad mkhyen pa nyid kyi sems dang ma bral ba rnams ni stong pa nyid dang mtshan ma med pa dang / smon pa med pa'i chos rnams la sgom zhing thabs mkhas pa thob pas byang chub sems dpa'i skyon med par 'jug cing bla na med pa yang dag par rdzogs pa'i byang chub tu mngon par rdzogs par 'tshang rgya'o shA ra dwa ti'i bu 'di lta ste dper na/ bya zhig la lus dpag tshad brgya pa 'am/ dpag tshad nyis brgya pa 'am dpag tshad sum brgya pa 'am/ dpag tshad bzhi brgya pa 'am/ dpag tshad lnga brgya pa zhig yod la/ de sum bcu rtsa gsum gyi lha'i ris nas 'dir 'ong bar 'dod la/ bya de la yang 'dab ma med pa zhig ste/ de 'dzam bu'i gling du gnas so snyam nas/ sum bcu rtsa gsum gyi lha'i ris nas bdag nyid mchongs te/ gal te bya des lam nas ga re bdag gis sum bcu rtsa gsum gyi lha'i ris su gnas par bya'o snyam du bsams na/ shA ra dwa ti'i bu de la ji snyam du sems/ bya des phyir sum bcu rtsa gsum gyi lha'i ris su gnas par nus sam gsol pa/ bcom ldan</font><hr>32.126b<br><font size=+1>

'das de ni ma lags so/ /bcom ldan 'das kyis bka' stsal pa/ gal te lam nas 'di snyam du ma la bdag gis ci nas kyang ma smas ma snad par 'dzam bu'i gling du 'dug par bya'o snyam na/ shA ra dwa ti'i bu de la ji snyam du sems/ bya de 'dzam bu'i gling du ma smas ma snad par 'dug par 'gyur ram/ gsol pa/ bcom ldan 'das de ni ma lags so/ /bcom ldan 'das de ni 'dzam bu'i gling du lhung nas smas pa 'am snad par yang 'gyur/ 'gum pa 'am/ gum la thug par sdug bsngal bar yang 'gyur ro/ /de ci'i slad du zhe na/ bcom ldan 'das de ltar lus che la 'dab ma ma mchis pa de ni de ltar 'gyur du gdon mi 'tshal lo/ /bcom ldan 'das kyis bka' stsal pa/ shA ra dwa ti'i bu de bzhin du byang chub sems dpa' bskal pa gang gA'i klung gi bye ma snyed tu sbyin pa gtong zhing / tshul khrims srung / bzod pa bsgom/ brtson 'grus rtsom/ bsam gtan la mnyam par gzhog cing / bla na med pa yang dag par rdzogs pa'i byang chub tu mngon par rdzogs par 'tshang rgya bar bya ba'i phyir de'i smon pa yang che/ de'i sems bskyed pa yang che/ yongs su 'dzin pa yang tshad med du zin kyang / shes rab kyi pha rol du phyin pa dang bral zhing thabs mkhas pas yongs su ma bzung na/ nyan thos kyi sa 'am/ rang sangs rgyas kyi sar ltung ngo / /de ci'i phyir zhe na/ de ni 'di ltar byang chub sems dpa' des rnam pa thams cad mkhyen pa nyid kyi sems dang mi ldan par sbyin pa byin/ tshul khrims bsrungs/ bzod pa bsgoms/ brtson 'grus brtsams/ bsam gtan bsgrubs pas/ byang chub sems dpa' de shes rab kyi pha rol du phyin pa dang bral zhing thabs mkhas pas yongs su ma bzung ba'i phyir/ nyan thos kyi sa 'am rang sangs rgyas kyi sar ltung ngo / /shA ra dwa ti'i bu byang chub sems dpa' 'das pa dang / ma 'ongs pa dang da ltar byung ba'i de</font><hr>32.127a<br><font size=+1>

bzhin gshegs pa rnams kyi tshul khrims dang ting nge 'dzin dang shes rab dang rnam par grol ba dang rnam par grol ba'i ye shes gzigs pa sems shing 'dzin la mtshan mar byed kyang / de bzhin gshegs pa rnams kyi tshul khrims mi shes/ ting nge 'dzin dang shes rab dang rnam par grol ba dang / rnam par grol ba'i ye shes gzigs pa mi shes na/ de mi shes khong du ma chud pas stong pa nyid dang / mtshan ma med pa dang / smon pa med pa'i sgra thos nas de ni de dag la zhi bar mtshan mar 'dzin te/ de dag la zhi bar mtshan mar bzung zhing bla na med pa yang dag par rdzogs pa'i byang chub tu yongs su bsngo'o/ /de ltar yongs su bsngo ba'i byang chub sems dpa' ni nyan thos kyi sa 'am rang sangs rgyas kyi sa la gnas par 'gyur ro/ /shA ra dwa ti'i bu de ci'i phyir zhe na/ de ltar shes rab kyi pha rol du phyin pa dang thabs mkhas pa dang bral bas dge ba'i rtsa ba de dag bla na med pa yang dag par rdzogs pa'i byang chub tu yongs su bsngo ba ni de ltar 'gyur du gdon mi za'o/ /shA ra dwa ti'i bu 'di la byang chub sems dpa' sems dpa' chen po thog ma sems bskyed pa nas nye bar bzung ste/ rnam pa thams cad mkhyen pa'i sems dang ma bral bar sbyin pa gtong zhing tshul khrims srung ba dang bzod pa sgrub pa dang / brtson 'grus rtsom pa dang bsam gtan la mnyam par gzhog pa ni shes rab kyi pha rol tu phyin pa dang thabs mkhas pa dang ma bral ba ste/ 'das pa dang / ma byon pa dang da ltar byung ba'i sangs rgyas bcom ldan 'das rnams kyi tshul khrims dang ting nge 'dzin dang shes rab dang rnam par grol ba dang rnam par grol ba'i ye shes gzigs pa de la mtshan mar mi byed de/ stong pa nyid kyi ting nge 'dzin la mtshan mar mi 'dzin/ mtshan ma med pa'i ting nge 'dzin la mtshan mar mi 'dzin/ smon pa med pa'i ting nge 'dzin la mtshan mar mi 'dzin na/ shA ra dwa ti'i bu byang chub sems dpa' sems dpa' chen po de ni</font><hr>32.127b<br><font size=+1>

nyan thos dang rang sangs rgyas kyi sa la gnas par mi 'gyur bar rig par bya'o/ /de ci'i phyir zhe na/ de ni 'di ltar byang chub sems dpa' sems dpa' chen po des thog ma sems bskyed pa nas nye bar bzung ste/ sbyin pa byin yang mtshan mar ma bzung / tshul khrims bsrungs kyang mtshan mar ma bzung / bzod pas bsgrubs kyang mtshan mar ma bzung / brtson 'grus brtsams kyang mtshan mar ma bzung / bsam gtan la mnyam par gzhag kyang mtshan mar ma bzung shes rab bsgoms kyang mtshan mar ma bzung / 'das pa dang / ma byon pa dang da ltar byung ba'i sangs rgyas bcom ldan 'das rnams kyi tshul khrims dang ting nge 'dzin dang shes rab dang rnam par grol ba dang / rnam par grol ba'i ye shes gzigs pa mtshan mar ma bzung / stong pa nyid dang mtshan ma med pa dang smon pa med pa'i ting nge 'dzin bsgoms kyang mtshan mar ma bzung ngo / /shA ra dwa ti'i bu de ltar na mtshan ma dang bral ba'i sems kyis/ sbyin pa yongs su gtong ba dang tshul khrims srung ba dang bzod pa sgrub pa dang / brtson 'grus rtsom pa dang / bsam gtan la mnyam par gzhog pa dang / shes rab bsgom pa dang / nang stong pa nyid sgom pa dang / dngos po med pa'i ngo bo nyid stong pa nyid kyi bar du bsgom pa dang / dran pa nye bar gzhag pa sgom pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa bsgom pa dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa bsgom pa dang / rnam par thar pa brgyad dang mthar gyis gnas pa'i snyoms par 'jug pa dgu dang stong pa nyid dang / mtshan ma med pa dang / smon pa med pa bsgom pa dang mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa</font><hr>32.128a<br><font size=+1>

bsgom pa dang / rnam pa thams cad mkhyen pa nyid kyi bar du bsgom pa 'di ni byang chub sems dpa' sems dpa' chen po'i thabs mkhas pa'o/ /shes rab kyi pha rol du phyin pa stong phrag nyi shu lnga pa/ bam po lnga bcu pa/ gsol pa/ bcom ldan 'das bdag gis bcom ldan 'das kyis gsungs pa'i don 'tshal ba ltar na/ byang chub sems dpa' sems dpa' chen po sems dang po bskyed pa nas nye bar bzung ste/ shes rab kyi pha rol tu phyin pa dang / thabs mkhas pa dang ma bral na/ de'i bla na med pa yang dag par rdzogs pa'i byang chub ni the tshom ma mchis so/ /de ci'i slad du zhe na/ bcom ldan 'das de ni 'di ltar byang chub sems dpa' sems dpa' chen po des sems dang po bskyed pa nas nye bar bzung ste/ gang mngon par rdzogs par 'tshang rgya ba dang / gang mngon par rdzogs par 'tshang rgya bar bgyi ba'i gzugs sam/ tshor ba 'am/ 'du shes sam/ 'du byed dam/ rnam par shes pa 'am/ skye mched dam/ khams sam/ rten cing 'brel bar 'byung ba 'am/ pha rol du phyin pa rnams sam/ stong pa nyid rnams sam/ byang chub kyi phyogs kyi chos rnams sam/ 'phags pa'i bden pa 'am/ bsam gtan nam/ tshad med pa 'am/ gzugs med pa'i snyoms par 'jug pa 'am/ rnam par thar pa 'am mthar gyis gnas pa'i snyoms par 'jug pa 'am/ stong pa nyid dang / mtshan ma med pa dang / smon pa med pa 'am/ mngon par shes pa 'am/ ting nge 'dzin tam gzungs kyi sgo 'am/ de bzhin gshegs pa'i stobs sam mi 'jigs pa 'am so so yang dag par rig pa 'am/ byams pa chen po 'am/ snying rje chen po 'am sangs rgyas kyi chos ma 'dres pa 'am rnam pa thams cad mkhyen pa nyid dam/ chos gang yang dmigs su ma mchis so/ /bcom ldan</font><hr>32.128b<br><font size=+1>

'das byang chub sems dpa'i theg pa pa'i rigs kyi bu 'am rigs kyi bu mo gang shes rab kyi pha rol du phyin pa dang / thabs mkhas pa dang bral ba de dag gi bla na med pa yang dag par rdzogs pa'i byang chub ni the tshom ma mchis pa lags/ de ci'i slad du zhe na/ bcom ldan 'das de ni 'di ltar byang chub sems dpa'i theg pa pa'i rigs kyi bu 'am/ rigs kyi bu mo de dag gis sbyin pa ci dang ci btang ba de dag thams cad mtshan mar bzung ste btang / de bzhin du tshul khrims gang dang gang bsrungs pa dang bzod pas ci dang ci bsgrubs pa dang / brtson 'grus gang dang gang brtsams pa dang / bsam gtan gang dang gang la mnyam par bzhag pa dang / shes rab gang dang gang la sgoms pa de dag thams cad mtshan mar bzung ste bsgoms pas/ de'i slad du byang chub sems dpa'i theg pa pa'i rigs kyi bu 'am rigs kyi bu mo de dag gi bla na med pa yang dag par rdzogs pa'i byang chub ni the tshom mchis par rig pa lags so/ /bcom ldan 'das de'i slad du byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya bar 'tshal bas/ shes rab kyi pha rol du phyin pa dang thabs mkhas pa dang ma bral bar bgyi'o/ /shes rab kyi pha rol du phyin pa dang thabs mkhas pa la gnas te/ mi dmigs pa'i tshul gyis mtshan ma med pa dang ldan pa'i sems kyis sbyin pa yongs su gtang bar bgyi'o/ /tshul khrims bsrung bar bgyi'o/ /bzod pa bsgrub par bgyi'o/ /brtson 'grus brtsam par bgyi'o/ /bsam gtan la mnyam par gzhag par bgyi'o/ /shes rab bsgom par bgyi'o/ /nang stong pa nyid la spyod par bgyi'o/ /dngos po med pa'i ngo bo nyid stong pa nyid kyi bar la spyad par bgyi'o/ /dran pa nye bar gzhag pa rnams la spyad par bgyi'o/ /yang dag par spong ba dang rdzu 'phrul gyi rkang pa dang / dbang po dang stobs dang / byang chub kyi yan lag dang / </font><hr>32.129a<br><font size=+1>

'phags pa'i lam yan lag brgyad pa la spyad par bgyi'o 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa la spyad par bgyi'o/ /rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo la spyad par bgyi'o/ /de bzhin gshegs pa'i stobs dang mi 'jigs pa dang so so yang dag par rig pa dang / sangs rgyas kyi chos ma 'dres pa la spyad par bgyi'o/ /rnam pa thams cad mkhyen pa nyid kyi bar la spyad par bgyi'o/ /de nas 'dod pa na spyod pa dang / gzugs yod pa na spyod pa'i lha'i bu de dag gis bcom ldan 'das la 'di skad ces gsol to/ /bcom ldan 'das de ltar byang chub sems dpa' sems dpa' chen po chos thams cad mngon par rdzogs par 'tshang rgya bar bgyid la/ chos de dag kyang ma mchis shing mi dmigs pas/ bla na med pa yang dag par rdzogs pa'i byang chub ni 'byung bar dka'o/ /bcom ldan 'das kyis bka' stsal pa/ lha'i bu dag de de bzhin no/ /de de bzhin te/ lha'i bu dag bla na med pa yang dag par rdzogs pa'i byang chub ni 'byung bar dka'o/ /lha'i bu dag ngas kyang chos thams cad rnam pa thams cad du mngon par rdzogs par sangs rgyas te/ don dam par na gang mngon par rdzogs par 'tshang rgya ba 'am/ gang gis mngon par rdzogs par 'tshang rgya ba 'am gang mngon par rdzogs par 'tshang rgya bar bya ba'i chos gang yang mi dmigs so/ /de ci'i phyir zhe na/ lha'i bu dag chos thams cad shin du rnam par dag pa'i phyir ro/ /de nas tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das kyis gang 'di skad du bla na med pa yang dag par rdzogs pa'i byang chub ni 'byung bar dka'o zhes gsungs pa/ </font><hr>32.129b<br><font size=+1>

bcom ldan 'das kyis ji ltar gsungs pa'i don bdag gis 'tshal ba dang / bdag sems pa ltar na bcom ldan 'das bla na med pa yang dag par rdzogs pa'i byang chub tu mngon par rdzogs par 'tshang rgya bar bgyi bar ni mi dka'o/ /de ci'i slad du zhe na/ bcom ldan 'das de ni 'di ltar gang yang mngon par rdzogs par 'tshang rgya ba ma mchis/ gang gis kyang mngon par rdzogs par 'tshang rgya ba ma mchis/ gang yang mngon par rdzogs par 'tshang rgya bar bgyi ba ma mchis te/ chos thams cad ni stong pa'o/ /chos thams cad stong pa la ni gang mngon par rdzogs par 'tshang rgya ba dang / gang gis mngon par rdzogs par 'tshang rgya ba dang / gang mngon par rdzogs par 'tshang rgya bar bgyi ba'i chos de lta bu ma mchis so/ /de ci'i slad du zhe na/ bcom ldan 'das de ni 'di ltar chos thams cad ni stong pa ste/ chos gang 'phel bar bgyi ba 'am/ yongs su 'grib par bgyi ba'i slad du sbyin pa yongs su gtang ba 'am tshul khrims bsrung ba 'am/ bzod pa bsgom pa 'am/ brtson 'grus brtsam pa 'am/ bsam gtan la mnyam par gzhag pa 'am/ shes rab bsgom pa 'am/ nang stong pa nyid bsgom pa 'am/ dngos po med pa'i ngo bo nyid stong pa nyid kyi bar du bsgom pa 'am/ dran pa nye bar gzhag pa rnams bsgom pa 'am/ yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa bsgom pa 'am/ sangs rgyas kyi chos ma 'dres pa bcwa brgyad kyi bar du bsgom pa 'am/ rnam pa thams cad mkhyen pa nyid kyi bar gyi don du bslab par bgyi ba'i chos de dag kyang ma mchis pa ste/ gang mngon par rdzogs par 'tshang rgya ba 'am/ gang gis mngon par rdzogs par 'tshang rgya ba 'am/ gang mngon par rdzogs par 'tshang rgya bar bgyi ba'i chos de dag thams cad kyang stong pa ste/ bcom ldan 'das rnam grangs des na/ </font><hr>32.130a<br><font size=+1>

byang chub sems dpa' sems dpa' chen pos bla na med pa yang dag par rdzogs pa'i byang chub tu mngon par rdzogs par 'tshang rgya bar sla'o/ /de ci'i slad du zhe na/ bcom ldan 'das de ni 'di ltar gzugs ni gzugs kyi rang bzhin gyis stong ngo / /tshor ba dang 'du shes dang 'du byed dang rnam par shes pa ni rnam par shes pa'i rang bzhin gyis stong ngo / /skye mched dang / khams dang / rten cing 'brel par 'byung ba ni/ rten cing 'brel par 'byung ba'i rang bzhin gyis stong ngo / /pha rol du phyin pa thams cad dang stong pa nyid thams cad dang / byang chub kyi phyogs kyi chos sum bcu rtsa bdun ni byang chub kyi phyogs kyi chos rnams kyi rang bzhin gyis stong ngo / /'phags pa'i bden pa dang / bsam gtan dang / tshad med pa dang gzugs med pa'i snyoms par 'jug pa dang / rnam par thar pa brgyad dang mthar gyis gnas pa'i snyoms par 'jug pa dgu dang / stong pa nyid dang mtshan ma med pa dang / smon pa med pa dang mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa ni sangs rgyas kyi chos ma 'dres pa'i rang bzhin gyis stong ngo rnam pa thams cad mkhyen pa nyid kyi bar ni rnam pa thams cad mkhyen pa nyid kyi bar gyis rang bzhin gyis stong ngo / /de nas tshe dang ldan pa shA ra dwa ti'i bus tshe dang ldan pa rab 'byor la 'di skad ces smras so/ /tshe dang ldan pa rab 'byor rnam grangs des na/ bla na med pa yang dag par rdzogs pa'i byang chub tu mngon par rdzogs par 'tshang rgya bar dka' ste/ de ci'i phyir zhe na/ tshe dang ldan pa rab 'byor de ni 'di ltar nam mkha' ni 'di snyam du bdag gis bla na med pa yang dag par rdzogs pa'i byang chub tu mngon par rdzogs par 'tshang rgya bar bya'o snyam du mi sems so/ /tshe dang ldan pa rab 'byor de bzhin du byang chub</font><hr>32.130b<br><font size=+1>

sems dpa' sems dpa' chen po yang 'di snyam du bdag gis bla na med pa yang dag par rdzogs pa'i byang chub tu mngon par rdzogs par 'tshang rgya bar bya'o snyam du mi sems so/ /de ci'i phyir zhe na/ de ni 'di ltar chos thams cad nam mkha' dang mnyam pa'i phyir te/ 'on kyang byang chub sems dpa' sems dpa' chen po ni chos thams cad nam mkha' lta bur mos nas bla na med pa yang dag par rdzogs pa'i byang chub tu mngon par rdzogs par 'tshang rgya'o/ /gal te byang chub sems dpa' sems dpa' chen po chos thams cad nam mkha' lta bur mos par mi byed kyang / bla na med pa yang dag par rdzogs pa'i byang chub tu mngon par rdzogs par 'tshang rgya bar sla ste/ mngon par rdzogs par 'tshang rgya bar dka' ba med na ni/ byang chub sems dpa' gang gA'i klung gi bye ma snyed bla na med pa yang dag par rdzogs pa'i byang chub las phyir ldog par yang mi 'gyur ro/ /tshe dang ldan pa rab 'byor rnam grangs des na/ bla na med pa yang dag par rdzogs pa'i byang chub tu mngon par rdzogs par 'tshang rgya bar ni dka' ste/ mngon par rdzogs par 'tshang rgya bar sla ba ma yin par shes so/ /rab 'byor gyis smras pa/ tshe dang ldan pa shA ra dwa ti'i bu de ji snyam du sems gzugs bla na med pa yang dag par rdzogs pa'i byang chub las ldog gam/ smras pa tshe dang ldan pa rab 'byor de ni ma yin no/ /smras pa 'o na ci tshor ba dang / 'du shes dang / 'du byed dang rnam par shes pa bla na med pa yang dag par rdzogs pa'i byang chub las ldog gam smras pa tshe dang ldan pa rab 'byor de ni ma yin no/ /smras pa/ 'o na ci tshe dang ldan pa shA ra dwa ti'i bu de ji snyam du sems/ skye mched dang / khams dang rten cing 'brel par 'byung ba dang / pha rol du phyin pa thams cad dang stong pa nyid thams cad dang / byang chub kyi phyogs kyi chos sum bcu rtsa bdun dang / 'phags pa'i bden pa dang / bsam gtan dang tshad med pa dang / gzugs med pa'i snyoms par 'jug pa dang / rnam par thar pa brgyad dang mthar gyis gnas</font><hr>32.131a<br><font size=+1>

pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs bcu dang / mi 'jigs pa bzhi dang so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad bla na med pa yang dag par rdzogs pa'i byang chub las ldog gam/ rnam pa thams cad mkhyen pa nyid kyi bar du bla na med pa yang dag par rdzogs pa'i byang chub las ldog gam/ smras pa/ tshe dang ldan pa rab 'byor de ni ma yin no/ /smras pa/ tshe dang ldan pa shA ra dwa ti'i bu de ji snyam du sems/ gzugs las gud na gang bla na med pa yang dag par rdzogs pa'i byang chub las ldog pa'i chos de lta bu dmigs sam/ smras pa tshe dang ldan pa rab 'byor de ni ma yin no/ /smras pa/ 'o na ci tshor ba dang / 'du shes dang / 'du byed dang / rnam par shes pa las gud na gang bla na med pa yang dag par rdzogs pa'i byang chub las phyir ldog pa'i chos de lta bu dmigs sam/ smras pa/ tshe dang ldan pa rab 'byor de ni ma yin no/ /smras pa/ 'o na ci skye mched dang / khams dang rten cing 'brel bar 'byung ba dang / pha rol du phyin pa thams cad dang / stong pa nyid thams cad dang / byang chub kyi phyogs kyi chos sum bcu rtsa bdun dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad dang / rnam pa thams cad mkhyen pa nyid kyi bar las</font><hr>32.131b<br><font size=+1>

gud na gang bla na med pa yang dag par rdzogs pa'i byang chub las ldog pa'i chos de lta bu dmigs sam/ smras pa tshe dang ldan pa rab 'byor de ni ma yin no/ /smras pa tshe dang ldan pa shA ra dwa ti'i bu de ji snyam du sems/ gzugs kyi de bzhin nyid gang yin pa de bla na med pa yang dag par rdzogs pa'i byang chub las ldog gam/ tshor ba dang / 'du shes dang / 'du byed dang / rnam par shes pa'i de bzhin nyid gang yin pa de bla na med pa yang dag par rdzogs pa'i byang chub las ldog gam/ skye mched dang khams dang / rten cing 'brel bar 'byung ba'i de bzhin nyid gang yin pa de bla na med pa yang dag par rdzogs pa'i byang chub las ldog gam/ pha rol du phyin pa thams cad dang / stong pa nyid thams cad dang / byang chub kyi phyogs kyi chos sum bcu rtsa bdun dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad kyi de bzhin nyid gang yin pa de bla na med pa yang dag par rdzogs pa'i byang chub las ldog gam/ rnam pa thams cad mkhyen pa nyid kyi bar gyi de bzhin nyid gang yin pa de bla na med pa yang dag par rdzogs pa'i byang chub las ldog gam/ smras pa tshe dang ldan pa rab 'byor de ni ma yin no/ /smras pa tshe dang ldan pa shA ra dwa ti'i bu de ji snyam du sems/ gzugs kyi de bzhin nyid las gud na gang bla na med pa yang dag par rdzogs pa'i byang chub las ldog pa'i chos de lta bu yod dam/ tshor ba dang / 'du shes dang / 'du byed dang / rnam par shes pa'i de bzhin nyid las gud na gang bla na med pa yang dag par rdzogs pa'i byang chub las ldog pa'i chos de lta bu yod dam/ skye mched</font><hr>32.132a<br><font size=+1>

dang / khams dang rten cing 'brel bar 'byung ba'i de bzhin nyid las gud na gang bla na med pa yang dag par rdzogs pa'i byang chub las ldog pa'i chos de lta bu yod dam/ pha rol tu phyin pa thams cad dang stong pa nyid thams cad dang / byang chub kyi phyogs kyi chos sum bcu rtsa bdun dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa brgyad dang mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang gzungs kyi sgo dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad kyi de bzhin nyid las gud na gang bla na med pa yang dag par rdzogs pa'i byang chub las ldog pa'i chos de lta bu yod dam/ rnam pa thams cad mkhyen pa nyid kyi bar gyi de bzhin nyid las gud na gang bla na med pa yang dag par rdzogs pa'i byang chub las ldog pa'i chos de lta bu yod dam/ smras pa tshe dang ldan pa rab 'byor de ni ma yin no/ /smras pa tshe dang ldan pa shA ra dwa ti'i bu de ji snyam du sems/ de bzhin nyid bla na med pa yang dag par rdzogs pa'i byang chub las ldog gam/ smras pa tshe dang ldan pa rab 'byor de ni ma yin no/ /smras pa tshe dang ldan pa shA ra dwa ti'i bu de ji snyam du sems/ chos nyid bla na med pa yang dag par rdzogs pa'i byang chub las ldog gam/ chos kyi dbyings dang chos kyi gnas nyid dang / chos skyon med pa nyid dang / yang dag pa'i mtha' dang / bsam gyis mi khyab pa'i dbyings bla na med pa yang dag par rdzogs pa'i byang chub las ldog gam/ smras pa tshe dang ldan pa rab 'byor de ni ma yin no/ /smras pa tshe dang ldan pa shA ra dwa ti'i bu de ji snyam du sems/ de bzhin nyid las gud na gang bla na med pa yang dag par rdzogs pa'i byang chub las ldog pa'i chos de</font><hr>32.132b<br><font size=+1>

lta bu yod dam/ smras pa tshe dang ldan pa rab 'byor de ni ma yin no/ /smras pa/ tshe dang ldan pa shA ra dwa ti'i bu de ji snyam du sems/ chos nyid dang chos kyi dbyings dang / chos kyi gnas nyid dang / chos skyon med pa nyid dang yang dag pa'i mtha' dang / bsam gyis mi khyab pa'i dbyings las gud na gang bla na med pa yang dag par rdzogs pa'i byang chub las ldog pa'i chos de lta bu yod dam/ smras pa tshe dang ldan pa rab 'byor de ni ma yin no/ /smras pa de ltar bden pa'i tshul bzhin du chos de dag mi dmigs na/ gang bla na med pa yang dag par rdzogs pa'i byang chub las ldog pa'i chos de lta bu gang zhig yod/ smras pa gnas brtan rab 'byor gyis chos kyi tshul dang rnam pa des bstan pa ltar na/ byang chub sems dpa' gang yang bla na med pa yang dag par rdzogs pa'i byang chub las ldog pa med de/ de ltar na gang zag byang chub sems dpa'i theg pa pa gsum de bzhin gshegs pas bstan pa'i byang chub sems dpa'i theg pa pa'i gang zag gsum po de dag gi byang chub rnam par dgod par yang mi 'gyur te/ tshe dang ldan pa rab 'byor 'dis byang chub sems dpa'i theg pa bstan pa ltar na/ 'di lta ste/ byang chub sems dpa' sems dpa' chen po ni sangs rgyas kyi theg pa pa gcig pur 'gyur ro/ /de nas tshe dang ldan pa byams gang gi bus/ tshe dang ldan pa shA ra dwa ti'i bu la 'di skad ces smras so/ /tshe dang ldan pa shA ra dwa ti'i bu gnas brtan rab 'byor 'di byang chub sems dpa' gcig tu yang 'dod dam/ gnas brtan rab 'byor 'di la dri dgos so/ /de nas tshe dang ldan pa shA ra dwa ti'i bus/ tshe dang ldan pa rab 'byor la 'di skad ces smras so/ /tshe dang ldan pa rab 'byor byang chub sems dpa' sangs rgyas kyi theg pa pa 'dod dam/ rab 'byor gyis smras pa/ tshe dang ldan pa shA ra dwa ti'i bu de bzhin nyid la byang chub sems dpa' nyan thos kyi theg pa pa dang / rang sangs rgyas kyi theg pa pa dang / sangs rgyas kyi theg pa pa dang / byang chub</font><hr>32.133a<br><font size=+1>

sems dpa' gsum du 'dod dam/ smras pa/ tshe dang ldan pa rab 'byor de ni ma yin no/ /smras pa tshe dang ldan pa shA ra dwa ti'i bu de bzhin nyid la byang chub sems dpa' gsum du dmigs sam/ smras pa/ tshe dang ldan pa rab 'byor de ni ma yin no/ /smras pa tshe dang ldan pa shA ra dwa ti'i bu rgyu gcig gam/ rgyu gnyis sam/ rgyu gsum gyis de bzhin nyid dmigs sam/ smras pa tshe dang ldan pa rab 'byor de ni ma yin no/ /smras pa/ tshe dang ldan pa shA ra dwa ti'i bu de bzhin nyid la byang chub sems dpa' gcig kyang yang dag par rjes su mthong ngam/ smras pa tshe dang ldan pa rab 'byor de ni ma yin no/ /de ltar bden pa'i tshul bzhin du chos de dag mi dmigs na/ ci las tshe dang ldan pa shA ra dwa ti'i bu 'di snyam du byang chub sems dpa' 'di ni nyan thos kyi theg pa pa'o/ /byang chub sems dpa' 'di ni rang sangs rgyas kyi theg pa pa'o/ /byang chub sems dpa' 'di ni sangs rgyas kyi theg pa pa'o zhes bya bar sems par gyur/ tshe dang ldan pa shA ra dwa ti'i bu de ltar byang chub sems dpa' sems dpa' chen po chos thams cad kyi de bzhin nyid kyis bye brag med par rab tu phye ba la/ byang chub sems dpa' sems dpa' chen po sems mi 'jum zhing / 'gong ba med la/ yid la 'gyod pa med na/ byang chub sems dpa' sems dpa' chen po de ni/ bla na med pa yang dag par rdzogs pa'i byang chub tu 'byung bar 'gyur ro/ /de nas bcom ldan 'das kyis tshe dang ldan pa rab 'byor la bka' stsal pa/ rab 'byor legs so legs so/ /'di ltar sangs rgyas kyi mthus/ byang chub sems dpa' sems dpa' chen po rnams kyi phyir khyod kyi tshig brjod pa legs par spobs so/ /rab 'byor de ltar byang chub sems dpa' sems dpa' chen po chos thams cad kyi de bzhin nyid kyi bye brag med par rab tu phye ba la/ byang chub sems dpa' sems dpa' chen po'i sems mi 'jum zhing 'gong ba med la/ yid la 'gyod pa med cing / mi 'jigs mi sngang skrag par mi 'gyur na/ byang chub sems dpa' sems dpa' chen</font><hr>32.133b<br><font size=+1>

po de ni bla na med pa yang dag par rdzogs pa'i byang chub tu 'byung bar 'gyur ro/ /rab 'byor gyis gsol pa/ bcom ldan 'das de lta bu'i chos dang ldan pa'i byang chub sems dpa' sems dpa' chen po byang chub gang gis 'byung bar 'gyur/ bcom ldan 'das kyis bka' stsal pa/ rab 'byor bla na med pa yang dag par rdzogs pa'i byang chub kyis byang chub sems dpa' sems dpa' chen po de 'byung bar 'gyur ro/ /rab 'byor gyis gsol pa/ bcom ldan 'das 'byung bar 'tshal ba'i byang chub sems dpa' sems dpa' chen pos bla na med pa yang dag par rdzogs pa'i byang chub la ji ltar gnas par bgyi/ bcom ldan 'das kyis bka' stsal pa/ sems can thams cad la sems mnyam pa nyid du gnas par bya'o/ /sems can thams cad la mnyam pa'i sems bskyed par bya ste/ mi mnyam pa'i sems bskyed par mi bya'o/ /sems can thams cad la mnyam pa'i sems kyis dmigs par bya ste/ mi mnyam pa'i sems kyis dmigs par mi bya'o/ /sems can thams cad la byams pa chen po dang / snying rje chen po bskyed par bya'o/ /sems can thams cad la byams pa'i sems kyis dmigs par bya ste/ brlang ba'i sems kyis dmigs par mi bya'o/ /sems can thams cad la nga rgyal med par bya'o/ /sems can thams cad la g.yo med par bya'o/ /sems can thams cad la phan pa'i sems bskyed par bya ste/ gnod pa'i sems bskyed par mi bya'o/ /sems can thams cad la phan pa'i sems kyis dmigs par bya ste/ gnod pa'i sems kyis dmigs par mi bya'o/ /sems can thams cad la khong khro ba med pa'i sems bskyed par bya ste/ khong khro ba'i sems mi bskyed do/ /sems can thams cad la mi 'tshe ba'i sems bskyed par bya ste/ 'tshe ba'i sems mi bskyed do/ /sems can thams cad la mi 'tshe ba'i sems kyis dmigs par bya ste/ 'tshe ba'i</font><hr>32.134a<br><font size=+1>

sems kyis dmigs par mi bya'o/ /sems can thams cad la ma'i sems dang / pha'i sems dang / phu nu'i sems dang / sring mo'i sems dang / grogs po dang / gnyen pa dang rus gcig pa'i sems bskyed par bya'o/ /sems can thams cad la ma dang pha'i sems dang / phu nu dang sring mo'i sems dang / grogs po dang / gnyen pa dang / rus gcig pa'i sems kyis dmigs par bya'o/ /bdag gis kyang srog gcod pa spang bar bya/ gzhan yang srog gcod pa spang ba la yang dag par bskul bar bya/ srog gcod pa spangs pa'i legs pa brjod par bya/ gzhan gang gis srog gcod pa spangs pa de dag gi legs pa brjod cing 'thun pas dga' bar bya'o/ /bdag gis kyang ma byin par len pa spang bar bya/ gzhan yang ma byin par len pa spang ba la yang dag par bskul bar bya/ ma byin par len pa spang ba'i legs pa brjod par bya/ gzhan gang gis ma byin par len pa spangs pa de dag gis legs pa brjod cing 'thun pas dga' bar bya'o/ /bdag gis kyang 'dod pas log par g.yem pa spang bar bya/ gzhan yang 'dod pas log par g.yem pa spang ba la yang dag par bskul bar bya/ 'dod pas log par g.yem pa spong ba'i legs pa brjod par bya/ gzhan gang gis 'dod pas log par g.yem pa spangs pa de dag gis legs pa brjod cing 'thun pas dga' bar bya'o/ /bdag gis kyang brdzun du smra ba dang / phra ma dang / zhe gcod pa dang / tshig kyal pa dang / chags sems dang / gnod sems dang / log par lta ba spang bar bya/ gzhan yang log par lta ba spang ba la yang dag pa bskul bar bya/ log par lta ba spong ba'i legs pa brjod par bya/ gzhan gang gis log par lta ba spangs pa de dag gi legs pa brjod cing 'thun pas dga' bar bya ste/ de ltar byang chub sems dpa' sems dpa' chen po bla na med pa yang dag par rdzogs pa'i byang chub tu mngon</font><hr>32.134b<br><font size=+1>

par rdzogs par 'tshang rgya bar 'dod pas mi dmigs pa'i tshul gyis gnas par bya'o/ /rab 'byor gzhan yang byang chub sems dpa' sems dpa' chen pos bdag gis kyang bsam gtan dang po la mnyam par gzhag par bya/ gzhan yang bsam gtan dang po la yang dag par bskul bar bya/ bsam gtan dang po la snyoms par 'jug pa'i legs pa brjod par bya/ gzhan gang bsam gtan dang po la snyoms par 'jug pa de dag gi legs pa brjod cing 'thun pas dga' bar bya'o/ /bdag gis kyang bsam gtan gnyis pa dang / bsam gtan gsum pa dang / bsam gtan bzhi pa la snyoms par 'jug par bya/ gzhan yang bsam gtan bzhi pa la yang dag par bskul bar bya/ bsam gtan bzhi pa la snyoms par 'jug pa'i legs pa brjod par bya/ gzhan gang bsam gtan bzhi pa la snyoms par 'jug pa de dag gi legs pa brjod cing 'thun pas dga' bar bya ste/ de ltar byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya bar 'dod pas/ de mi dmigs pa'i tshul gyis gnas par bya'o/ /bdag gis kyang byams pa la mnyam par gzhag par bya/ gzhan yang byams pa la yang dag par bskul bar bya/ byams pa'i legs pa brjod par bya/ gzhan gang byams pa la snyoms par 'jug pa de dag gi legs pa brjod cing 'thun pas dga' bar bya'o/ /bdag gis kyang snying rje dang / dga' ba dang / btang snyoms la mnyam par gzhag par bya/ gzhan yang btang snyoms la yang dag par bskul bar bya/ btang snyoms kyi legs pa brjod par bya/ gzhan gang btang snyoms la snyoms par 'jug pa de dag gi legs pa brjod cing 'thun pas dga' bar bya'o/ /bdag gis kyang gzugs med pa'i snyoms par 'jug pa la mnyam par gzhag par bya/ gzhan</font><hr>32.135a<br><font size=+1>

yang gzugs med pa'i snyoms par 'jug pa la yang dag par bskul bar bya/ gzugs med pa'i snyoms par 'jug pa'i legs pa brjod par bya/ gzhan gang gzugs med pa'i snyoms par 'jug pa de dag gi legs pa brjod cing 'thun pas dga' bar bya'o/ /bdag gis kyang sbyin pa'i pha rol du phyin pa yongs su rdzogs par bya/ gzhan yang sbyin pa'i pha rol du phyin pa la yang dag par bskul bar bya/ sbyin pa'i pha rol du phyin pa'i legs pa brjod par bya sems can gzhan gang sbyin pa'i pha rol du phyin pa yongs su rdzogs par byed pa de dag gi legs pa brjod cing 'thun pas dga' bar bya'o/ /bdag gis kyang tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa yongs su rdzogs par bya/ gzhan yang shes rab kyi pha rol du phyin pa la yang dag par bskul bar bya/ shes rab kyi pha rol du phyin pa'i legs pa brjod par bya/ sems can gzhan gang shes rab kyi pha rol du phyin pa yongs su rdzogs par byed pa de dag gi legs pa brjod cing 'thun pas dga' bar bya ste/ de ltar byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya bar 'dod pas/ de mi dmigs pa'i tshul gyis gnas par bya'o/ /bdag gis kyang nang stong pa nyid la mnyam par gzhag par bya/ gzhan yang nang stong pa nyid la yang dag par bskul bar bya/ nang stong pa nyid kyi legs pa brjod par bya/ sems can gzhan gang nang stong pa nyid la snyoms par 'jug pa de dag gi legs pa brjod cing 'thun pas dga' bar bya'o/ /bdag gis kyang dngos po med pa'i ngo bo nyid stong pa nyid kyi bar la mnyam par gzhag par bya/ gzhan yang dngos po med pa'i ngo bo nyid stong pa nyid kyi bar la yang dag par bskul bar bya/ dngos po med pa'i</font><hr>32.135b<br><font size=+1>

ngo bo nyid stong pa nyid kyi legs pa brjod par bya/ sems can gzhan gang dngos po med pa'i ngo bo nyid stong pa nyid la snyoms par 'jug pa de dag gi legs pa brjod cing 'thun pas dga' bar bya'o/ /bdag gis kyang dran pa nye bar gzhag pa bzhi bsgom par bya/ gzhan yang dran pa nye bar gzhag pa bzhi la yang dag par bskul bar bya/ dran pa nye bar gzhag pa rnams kyi legs pa brjod par bya/ sems can gzhan gang dran pa nye bar gzhag pa bzhi bsgom pa de dag gi legs pa brjod cing 'thun pas dga' bar bya'o/ /bdag gis kyang yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa bsgom par bya/ gzhan yang 'phags pa'i lam yan lag brgyad pa la yang dag par bskul bar bya/ 'phags pa'i lam yan lag brgyad pa'i legs pa brjod par bya/ sems can gzhan gang 'phags pa'i lam yan lag brgyad pa bsgom pa de dag gi legs pa brjod cing 'thun pas dga' bar bya'o/ /bdag gis kyang 'phags pa'i bden pa dang bsam gtan dang tshad med pa dang gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu bsgom par bya/ gzhan yang mthar gyis gnas pa'i snyoms par 'jug pa dgu la yang dag par bskul bar bya/ mthar gyis gnas pa'i snyoms par 'jug pa dgu'i legs pa brjod par bya/ sems can gzhan gang mthar gyis gnas pa'i snyoms par 'jug pa dgu bsgom pa de dag gi legs pa brjod cing 'thun pas dga' bar bya'o/ /bdag gis kyang stong pa nyid dang mtshan ma med pa dang / smon pa med pa bsgom par bya/ gzhan yang stong pa nyid dang / mtshan ma med pa dang / smon pa med pa la yang dag par bskul bar bya/ stong pa nyid dang mtshan ma med pa dang / smon pa med pa'i legs pa brjod par bya/ sems can</font><hr>32.136a<br><font size=+1>

gzhan gang stong pa nyid dang mtshan ma med pa dang / smon pa med pa bsgom pa de dag gi legs pa brjod cing 'thun pas dga' bar bya'o/ /bdag gis kyang mngon par shes pa rnams dang ting nge 'dzin rnams dang gzungs kyi sgo rnams yongs su rdzogs par bya/ gzhan yang gzungs kyi sgo rnams la yang dag par bskul bar bya/ gzungs kyi sgo rnams kyi legs pa brjod par bya/ sems can gzhan gang gzungs kyi sgo rnams yongs su rdzogs par byed pa de dag gi legs pa brjod cing 'thun pas dga' bar bya'o/ /bdag gis kyang de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang byams pa chen po dang / snying rje chen po yongs su rdzogs par bya/ gzhan yang byams pa chen po dang / snying rje chen po la yang dag par bskul bar bya/ byams pa chen po dang / snying rje chen po'i legs pa brjod par bya/ sems can gzhan gang byams pa chen po dang / snying rje chen po yongs su rdzogs par byed pa de dag gi legs pa brjod cing 'thun pas dga' bar bya'o/ /bdag gis kyang sangs rgyas kyi chos ma 'dres pa bcwa brgyad yongs su rdzogs par bya/ gzhan yang sangs rgyas kyi chos ma 'dres pa rnams la yang dag par bskul bar bya/ sangs rgyas kyi chos ma 'dres pa rnams kyi legs pa brjod par bya/ sems can gzhan gang sangs rgyas kyi chos ma 'dres pa rnams yongs su rdzogs par byed pa de dag gi legs pa brjod cing 'thun pas dga' bar bya'o/ /bdag gis kyang rten cing 'brel bar 'byung ba lugs dang lugs ma yin pa la mnyam par gzhag par bya/ gzhan yang rten cing 'brel bar 'byung ba lugs dang lugs ma yin pa'i snyoms par 'jug pa la yang dag par bskul bar bya/ rten cing 'brel bar 'byung ba la snyoms par 'jug pa'i legs pa brjod par bya/ sems can gzhan gang rten cing</font><hr>32.136b<br><font size=+1>

'brel bar 'byung ba la snyoms par 'jug pa de dag gi legs pa brjod cing 'thun pas dga' bar bya ste/ de ltar byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya bar 'dod pas/ de mi dmigs pa'i tshul gyis gnas par bya'o/ /bdag gis kyang sdug bsngal yongs su shes par bya/ kun 'byung ba rab tu spong bar bya/ 'gog pa mngon du bya lam bsgom par bya/ gzhan yang sdug bsngal yongs su shes par bya ba dang / kun 'byung ba rab tu spang ba dang / 'gog pa mngon du bya ba dang / lam bsgom pa la yang dag par bskul bar bya/ sdug bsngal yongs su shes pa dang / kun 'byung ba rab tu spong ba dang / 'gog pa mngon du byed pa dang / lam sgom pa'i legs pa brjod par bya/ sems can gzhan gang sdug bsngal yongs su shes par byed pa dang / kun 'byung ba rab tu spong ba dang / 'gog pa mngon du byed pa dang / lam bsgom pa de dag gi legs pa brjod cing 'thun pas dga' bar bya'o/ /bdag gis kyang rgyun du zhugs pa'i 'bras bu shes pa mngon du bya ba'i phyir/ shes pa bskyed de yang dag pa'i mtha' mngon du mi bya/ gzhan yang rgyun du zhugs pa'i 'bras bu shes pa mngon du bya ba la yang dag par bskul bar bya/ rgyun du zhugs pa'i 'bras bu shes pa mngon du bya ba'i legs pa brjod par bya/ sems can gzhan gang rgyun du zhugs pa'i 'bras bu shes pa mngon du byed pa de dag gi legs pa brjod cing 'thun pas dga' bar bya'o/ /bdag gis kyang lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa'i 'bras bu shes pa mngon du bya ba'i phyir shes pa bskyed de/ yang dag pa'i mtha' mngon du mi bya/ gzhan yang dgra bcom pa'i 'bras bu shes pa mngon du bya ba la yang dag par bskul bar bya/ dgra bcom pa'i 'bras bu shes pa mngon du bya ba'i legs pa</font><hr>32.137a<br><font size=+1>

brjod par bya/ sems can gzhan gang dgra bcom pa'i 'bras bu shes pa mngon du byed pa de dag gi legs pa brjod cing 'thun pas dga' bar bya'o/ /bdag gis kyang rang byang chub shes pa mngon du bya ba'i phyir shes pa bskyed de/ rang byang chub shes pa mngon du bya bas yang dag pa'i mtha' mngon du mi bya/ gzhan yang rang byang chub shes pa mngon du bya ba la yang dag par bskul bar bya/ rang byang chub shes pa mngon du bya ba'i legs pa brjod par bya/ sems can gzhan gang rang byang chub shes pa mngon du byed pa de dag gi legs pa brjod cing 'thun pas dga' bar bya'o/ /bdag gis kyang byang chub sems dpa'i skyon med par 'jug par bya/ gzhan yang byang chub sems dpa'i skyon med par 'jug pa la yang dag par bskul bar bya/ byang chub sems dpa'i skyon med par 'jug pa'i legs pa brjod par bya/ sems can gzhan gang byang chub sems dpa'i skyon med par 'jug pa de dag gi legs pa brjod cing 'thun pas dga' bar bya ste/ de ltar byang chub sems dpa' sems dpa' chen po bla na med pa yang dag par rdzogs pa'i byang chub tu 'byung bar 'dod pas de mi dmigs pa'i tshul gyis gnas par bya'o/ /bdag gis kyang sems can rnams yongs su smin par bya/ gzhan yang sems can yongs su smin par bya ba la yang dag par bskul bar bya/ sems can yongs su smin par bya ba'i legs pa brjod par bya/ sems can gzhan gang sems can rnams yongs su smin par byed pa de dag gi legs pa brjod cing 'thun pas dga' bar bya'o/ /bdag gis kyang sangs rgyas kyi zhing yongs su sbyang bar bya/ gzhan yang sangs rgyas kyi zhing yongs su sbyang ba la yang dag par bskul bar bya/ sangs rgyas kyi zhing yongs su sbyang ba'i legs pa brjod par bya/ sems can gzhan gang sangs rgyas kyi zhing yongs su sbyong ba de dag gi legs pa brjod cing 'thun pas dga' bar bya'o/ /bdag gis kyang byang</font><hr>32.137b<br><font size=+1>

chub sems dpa'i mngon par shes pa bskyed par bya/ gzhan yang byang chub sems dpa'i mngon par shes pa bskyed pa la yang dag par bskul bar bya/ mngon par shes pa'i legs pa brjod par bya/ sems can gzhan gang byang chub sems dpa'i mngon par shes pa bskyed pa de dag gi legs pa brjod cing 'thun pas dga' bar bya'o/ /bdag gis kyang rnam pa thams cad mkhyen pa nyid kyi ye shes bskyed par bya/ gzhan yang rnam pa thams cad mkhyen pa nyid kyi ye shes la yang dag par bskul bar bya/ rnam pa thams cad mkhyen pa nyid kyi ye shes kyi legs pa brjod par bya/ sems can gzhan gang rnam pa thams cad mkhyen pa nyid kyi ye shes bskyed pa de dag gi legs pa brjod cing 'thun pas dga' bar bya'o/ /bdag gis kyang bag chags kyi mtshams sbyor ba'i nyon mongs pa thams cad spang bar bya/ gzhan yang bag chags kyi mtshams sbyor ba'i nyon mongs pa thams cad spang ba la yang dag par bskul bar bya/ bag chags kyi mtshams sbyor ba'i nyon mongs pa thams cad spang ba'i legs pa brjod par bya/ sems can gzhan gang bag chags kyi mtshams sbyor ba'i nyon mongs pa thams cad spong ba de dag gi legs pa brjod cing 'thun pas dga' bar bya ste/ de ltar byang chub sems dpa' sems dpa' chen po bla na med pa yang dag par rdzogs pa'i byang chub tu 'byung bar 'dod pas de mi dmigs pa'i tshul gyis gnas par bya'o/ /bdag gis kyang tshe phun sum tshogs pa yongs su gzung bar bya/ gzhan yang tshe phun sum tshogs pa la yang dag par bskul bar bya/ tshe phun sum tshogs pa'i legs pa brjod par bya/ sems can gzhan gang tshe phun sum tshogs pa yongs su 'dzin pa de dag gi legs pa brjod cing 'thun pas dga' bar bya'o/ /bdag gis kyang dam pa'i chos gnas pa yongs su bzung bar</font><hr>32.138a<br><font size=+1>

bya gzhan yang dam pa'i chos gnas pa yongs su gzung ba la yang dag par bskul bar bya/ dam pa'i chos gnas pa yongs su gzung ba'i legs pa brjod par bya/ sems can gzhan gang dam pa'i chos gnas pa yongs su 'dzin pa de dag gi legs pa brjod cing 'thun pas dga' bar bya ste/ rab 'byor de ltar byang chub sems dpa' sems dpa' chen po bla na med pa yang dag par rdzogs pa'i byang chub tu 'byung bar 'dod pas/ de mi dmigs pa'i tshul gyis gnas par bya'o/ /de ltar byang chub sems dpa' sems dpa' chen pos shes rab kyi pha rol du phyin pa dang thabs mkhas pa la bslab par bya'o/ /de de ltar slob cing de de ltar gnas pas/ de'i gzugs sgrib pa med par 'gyur ro/ /tshor ba dang / 'du shes dang 'du byed dang rnam par shes pa sgrib pa med par 'gyur ro/ /skye mched dang / khams dang rten cing 'brel bar 'byung ba sgrib pa med par 'gyur ro/ /pha rol du phyin pa thams cad dang / stong pa nyid thams cad dang byang chub kyi phyogs kyi chos sum bcu rtsa bdun sgrib pa med par 'gyur ro/ /sangs rgyas kyi chos ma 'dres pa bcwa brgyad kyi bar du sgrib pa med par 'gyur ro/ /rgyun du zhugs pa'i 'bras bu shes pa sgrib pa med par 'gyur ro/ /lan gcig phyir 'ong ba'i 'bras bu shes pa dang / phyir mi 'ong ba'i 'bras bu shes pa dang / dgra bcom pa nyid shes pa sgrib pa med par 'gyur ro/ /rang byang chub shes pa sgrib pa med par 'gyur ro/ /byang chub sems dpa'i skyon med par 'jug pa sgrib pa med par 'gyur ro/ /sems can yongs su smin par bya ba dang / sangs rgyas kyi zhing yongs su dag par bya ba sgrib pa med par 'gyur ro/ /rnam pa thams can mkhyen pa nyid kyi ye shes sgrib pa med par 'gyur ro/ /bag chags kyi mtshams sbyor ba'i nyon mongs pa</font><hr>32.138b<br><font size=+1>

thams cad spong ba sgrib pa med par 'gyur ro/ /tshe phun sum tshogs pa sgrib pa med par 'gyur ro/ /dam pa'i chos gnas pa sgrib pa med par 'gyur ro/ /de ci'i phyir zhe na/ de ni 'di ltar byang chub sems dpa' sems dpa' chen po des sngon gyi mtha' nas kyang gzugs yongs su ma gzung / tshor ba dang 'du shes dang 'du byed dang / rnam par shes pa yongs su ma bzung / skye mched dang / khams dang rten cing 'brel bar 'byung ba yongs su ma bzung ngo / /pha rol du phyin pa thams cad dang / stong pa nyid thams cad dang / byang chub kyi phyogs kyi chos sum bcu rtsa bdun yongs su ma bzung ngo / /sangs rgyas kyi chos ma 'dres pa bcwa brgyad kyi bar du yongs su ma bzung ngo / /rnam pa thams cad mkhyen pa nyid kyi bar du yongs su ma bzung ngo / /de ci'i phyir zhe na/ 'di ltar gzugs yongs su gzung du med pa gang yin pa de ni gzugs ma yin/ tshor ba dang 'du shes dang 'du byed dang rnam par shes pa yongs su gzung du med pa gang yin pa de ni rnam par shes pa ma yin/ skye mched dang / khams dang rten cing 'brel bar 'byung ba yongs su gzung du med pa gang yin pa de ni/ rten cing 'brel bar 'byung ba ma yin/ pha rol du phyin pa thams cad dang stong pa nyid thams cad dang / byang chub kyi phyogs kyi chos sum bcu rtsa bdun yongs su gzung du med pa gang yin pa de ni/ byang chub kyi phyogs kyi chos rnams ma yin/ sangs rgyas kyi chos ma 'dres pa bcwa brgyad kyi bar du yongs su gzung du med pa gang yin pa de ni sangs rgyas kyi chos rnams ma yin/ rnam pa thams cad mkhyen pa nyid kyi bar du yongs su gzung du med pa gang yin pa de ni rnam pa thams cad mkhyen pa nyid ma yin no/ /byang chub sems dpa'i gnas 'di bshad pa'i tshe/ byang chub sems dpa' nyis stong gis mi skye ba'i chos la bzod pa thob par gyur to/ /shes rab kyi pha rol du</font><hr>32.139a<br><font size=+1>

phyin pa stong phrag nyi shu lnga pa las/ le'u sum bcu brgyad pa'o// // de skad ces bka' stsal pa dang / tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das phyir mi ldog pa'i byang chub sems dpa' sems dpa' chen po'i rnam pa ni gang lags tshul ni gang lags ji ltar bdag cag gis byang chub sems dpa' sems dpa' chen po 'di ni phyir mi ldog pa'o zhes bgyi bar 'tshal bar bgyi/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor 'di la so so'i skye bo'i sa dang / nyan thos kyi sa dang / rang sangs rgyas kyi sa dang / byang chub sems dpa'i sa dang / de bzhin gshegs pa'i sar bshad pa de dag thams cad kyang / de bzhin nyid la 'gyur ba med cing / rnam par rtog pa med la gnyis su med cing gnyis su byar med do/ /de ni de bzhin nyid de ji lta ba de bzhin du 'jug ste/ de bzhin nyid la rnam par mi rtog cing de ltar rnam par mi rtog pas 'jug ste/ de ltar zhugs pa ni de bzhin nyid de ji lta ba de bzhin du thos nas/ de las 'das te de dag de bzhin nyid la re re dang / gnyis ka dang / gnyis ka ma yin par the tshom za ba gang yang med do/ /de ni byung rgyal du smra ba ma yin te/ don dang ldan par smra'i/ don dang mi ldan par smra ba ma yin/ gzhan gyis byas pa dang ma byas pa la mi lta zhing / legs par brjod pa tshol ba yin te/ rab 'byor rnam pa de dag dang / tshul de dag dang mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o/ /gsol pa bcom ldan 'das rnam pa gang dang tshul gang dang mtshan ma gang dag dang ldan pa'i byang chub sems dpa' sems dpa' chen po phyir mi ldog par rig par bgyi/ bcom ldan 'das</font><hr>32.139b<br><font size=+1>

kyis bka' stsal pa/ rab 'byor chos thams cad ni rnam pa med pa/ tshul med pa/ mtshan ma med pa'o/ /gsol pa/ bcom ldan 'das gal te chos thams cad rnam pa ma mchis pa/ tshul ma mchis pa/ mtshan ma ma mchis pa lags na/ chos gang rnams las slar ldog pa'i slad du/ byang chub sems dpa' sems dpa' chen po phyir mi ldog pa zhes bstan pa lags sam/ bcom ldan 'das kyis bka' stsal pa/ rab 'byor byang chub sems dpa' sems dpa' chen po gang gzugs las phyir log pa/ tshor ba dang 'du shes dang / 'du byed dang / rnam par shes pa las phyir log pa/ skye mched dang khams dang rten cing 'brel par 'byung ba las phyir log pa de ni/ rab 'byor byang chub sems dpa' sems dpa' chen po phyir mi ldog par rig par bya'o/ /byang chub sems dpa' sems dpa' chen po sbyin pa'i pha rol du phyin pa las phyir log pa/ tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa las phyir log pa/ nang stong pa nyid las phyir log pa dngos po med pa'i ngo bo nyid stong pa nyid kyi bar las phyir log pa/ dran pa nye bar gzhag pa rnams las phyir log pa/ yang dag par spong ba dang / rdzu 'phrul gyi rkang pa dang dbang po dang / stobs dang byang chub kyi yan lag dang / 'phags pa'i lam yan lag brgyad pa las phyir log pa/ 'phags pa'i bden pa dang / bsam gtan dang tshad med pa dang / gzugs med pa'i snyoms par 'jug pa las phyir log pa rnam par thar pa dang / mthar gyis gnas pa'i snyoms par 'jug pa dang / stong pa nyid dang mtshan ma med pa dang / smon pa med pa dang / mngon par shes</font><hr>32.140a<br><font size=+1>

pa dang / ting nge 'dzin dang / gzungs kyi sgo las phyir log pa/ de bzhin gshegs pa'i stobs dang mi 'jigs pa dang / so so yang dag par rig pa dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad las phyir log pa/ nyan thos dang rang sangs rgyas kyi sa las phyir log pa/ lam gyi rnam pa shes pa nyid las phyir log pa/ bla na med pa yang dag par rdzogs pa'i byang chub las phyir log pa de ni/ rab 'byor byang chub sems dpa' sems dpa' chen po phyir mi ldog par rig par bya'o/ /de ci'i phyir zhe na/ rab 'byor de ni 'di ltar gang la byang chub sems dpa' sems dpa' chen po gnas par 'gyur ba'i gzugs kyi ngo bo nyid med do/ /gang la byang chub sems dpa' sems dpa' chen po gnas par 'gyur ba'i tshor ba dang / 'du shes dang / 'du byed dang / rnam par shes pa'i ngo bo nyid med do/ /gang la byang chub sems dpa' sems dpa' chen po gnas par 'gyur ba'i skye mched dang / khams dang rten cing 'brel bar 'byung ba'i ngo bo nyid med do/ /gang la byang chub sems dpa' sems dpa' chen po gnas par 'gyur ba'i pha rol du phyin pa thams cad dang / stong pa nyid thams cad dang / byang chub kyi phyogs kyi chos sum bcu rtsa bdun gyi ngo bo nyid med do/ /gang la byang chub sems dpa' sems dpa' chen po gnas par 'gyur ba'i sangs rgyas kyi chos ma 'dres pa bcwa brgyad kyi bar gyi ngo bo nyid med do/ /gang la byang chub sems dpa' sems dpa' chen po gnas par 'gyur ba'i rnam pa thams cad mkhyen pa nyid kyi bar gyi ngo bo nyid med do/ /rab 'byor gzhan yang byang chub sems dpa' sems dpa' chen po ni dge sbyong dang bram ze 'di dag ni shes par bya ba shes pa'o/ /blta bar bya ba mthong ba'o/ /yang dag par lta ba'i gdags pa 'dogs so zhes 'di las phyi rol pa'i dge sbyong dang bram ze gzhan dag gi ngor mi lta ste/ de ni gnas med cing the tshom mi za'o/ /tshul khrims dang</font><hr>32.140b<br><font size=+1>

brtul zhugs mi snyems lta ba ngan par mi ltung / bkra shis dang ltas kyis gtsang bar mi 'dogs te/ lha gzhan la phyag mi 'tshal zhing / me tog gam phreng ba 'am spos sam byug pa 'am phye ma 'am gos sam/ gdugs sam rgyal mtshan nam/ ba dan dag de la sbyin zhing bya bar mi sems te/ rab 'byor rnam pa de dag dang mtshan ma de dag dang tshul de dag dang ldan pa'i byang chub sems dpa' sems dpa' chen po ni phyir mi ldog par rig par bya'o/ /rab 'byor gzhan yang phyir mi ldog pa'i byang chub sems dpa' sems dpa' chen po ni sems can dmyal bar mi skye/ byol song gi skye gnas su mi skye/ gshin rje'i 'jig rten du mi skye/ mi khom pa brgyad po'i bar gyi nang du mi skye zhing / bud med du 'gyur ba yongs su mi 'dzin te/ rab 'byor rnam pa de dag dang / tshul de dag dang / mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o/ /rab 'byor gzhan yang phyir mi ldog pa'i byang chub sems dpa' sems dpa' chen po ni dge ba bcu'i las kyi lam yang dag par bzung zhing spyod de/ bdag gis kyang srog gcod pa spangs shing gzhan yang srog gcod pa spong ba la yang dag par bskul ba yin/ srog gcod pa spang ba'i legs pa brjod pa yin/ gzhan gang gis srog gcod pa spangs pa de dag gi legs pa brjod cing 'thun pas dga' ba yin/ bdag gis kyang ma byin par len pa dang / 'dod pas log par g.yem pa dang / brdzun du smra ba dang / phra ma dang zhe gcod pa dang / tshig kyal pa dang / chags sems dang / gnod sems dang / log par lta ba spongs shing gzhan yang log par lta ba spong ba la yang dag par bskul ba yin/ log par lta ba spong ba'i legs pa brjod pa yin/ gzhan gang gis log par lta ba spangs pa de dag gi legs pa brjod cing 'thun pas dga' ba yin te/ </font><hr>32.141a<br><font size=+1>

rab 'byor rnam pa de dag dang / tshul de dag dang mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o/ /rab 'byor gzhan yang phyir mi ldog pa'i byang chub sems dpa' sems dpa' chen po ni rmi lam na yang mi dge ba bcu'i las kyi lam mi dmigs na/ sad pa na lta ci smos te/ rab 'byor rnam pa de dag dang / tshul de dag dang / mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o/ /rab 'byor gzhan yang phyir mi ldog pa'i byang chub sems dpa' sems dpa' chen po ni nam sbyin pa'i pha rol du phyin pa la gnas shing tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la gnas pa de'i tshe/ sems can thams cad kyi phyir sbyin pa de yongs su gtong ngo / /tshul khrims srung ngo / /bzod pa bsgom mo/ /brtson 'grus rtsom mo/ /bsam gtan la mnyam par gzhog go/ /shes rab bsgom mo rab 'byor rnam pa de dag dang / tshul de dag dang / mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o/ /rab 'byor gzhan yang phyir mi ldog pa'i byang chub sems dpa' sems dpa' chen po ni mdo dang / dbyangs kyis bsnyad pa dang / lung bstan pa dang / tshigs su bcad pa dang / ched du brjod pa dang / gleng gzhi dang / 'di ltar 'das pa dang / skyes pa'i rabs dang / shin du rgyas pa dang / chos rmad du byung ba dang / rtogs pa brjod pa dang / gtan la dbab pa bstan pa'i chos de dag chos kyi sbyin pa bya ba'i don du kun chub par byas nas/ de chos kyi sbyin pa de yongs su gtong ba'i tshe 'di snyam du chos kyi sbyin pa 'dis sems</font><hr>32.141b<br><font size=+1>

can thams cad kyi bsam pa yongs su rdzogs par gyur cig ces bsams nas/ de chos kyi sbyin pa de sems can thams cad dang thun mong du byas shing / bla na med pa yang dag par rdzogs pa'i byang chub tu bsngo ste/ rab 'byor rnam pa de dag dang tshul de dag dang mtshan ma de dag dang ldan pa'i/ byang chub sems dpa' sems dpa' chen po ni phyir mi ldog par rig par bya'o/ /rab 'byor gzhan yang phyir mi ldog pa'i byang chub sems dpa' sems dpa' chen po ni chos zab mo la nem nur med/ the tsom med/ yid gnyis med do/ /gsol pa bcom ldan 'das ci'i slad du na phyir mi ldog pa'i byang chub sems dpa' sems dpa' chen po chos zab mo la nem nur ma mchis/ the tsom ma mchis/ yid gnyis ma mchis pa lags/ bcom ldan 'das kyis bka' stsal pa/ rab 'byor de ni 'di ltar phyir mi ldog pa'i byang chub sems dpa' sems dpa' chen pos/ chos gang yang yang dag par rjes su mthong ba med de/ gang la nem nur ram/ yid gnyis sam/ the tsom du 'gyur ba'i gzugs sam/ tshor ba 'am 'du shes sam 'du byed dam/ rnam par shes pa 'am/ skye mched dam/ khams sam/ rten cing 'brel bar 'byung ba 'am/ pha rol du phyin pa 'am/ stong pa nyid dam/ byang chub kyi phyogs kyi chos sam/ 'phags pa'i bden pa 'am/ bsam gtan nam tshad med pa 'am/ gzugs med pa'i snyoms par 'jug pa 'am rnam par thar pa 'am mthar gyis gnas pa'i snyoms par 'jug pa 'am/ stong pa nyid dam/ mtshan ma med pa dang / smon pa med pa dang / mngon par shes pa 'am/ ting nge 'dzin tam/ gzungs kyi sgo 'am/ de bzhin gshegs pa'i stobs sam/ mi 'jigs pa 'am/ so so yang dag par rig pa 'am/ byams pa chen po 'am snying rje chen po 'am/ sangs rgyas kyi chos ma 'dres pa 'am/ bla na med pa yang dag par rdzogs pa'i byang chub</font><hr>32.142a<br><font size=+1>

kyi bar du yang dag par rjes su mi mthong ngo / /rab 'byor rnam pa de dag dang / tshul de dag dang mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o/ /rab 'byor gzhan yang phyir mi ldog pa'i byang chub sems dpa' sems dpa' chen po ni lus kyi las 'jam pa dang ldan pa yin/ ngag gi las 'jam pa dang ldan pa yin/ yid kyi las 'jam pa dang ldan pa yin te/ rab 'byor rnam pa de dag dang / tshul de dag dang mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o/ /rab 'byor gzhan yang phyir mi ldog pa'i byang chub sems dpa' sems dpa' chen po ni byams pa'i lus kyi las dang / byams pa'i ngag gis las dang / byams pa'i yid kyi las dang ldan pa yin te/ rab 'byor rnam pa de dag dang / tshul de dag dang mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o/ /rab 'byor gzhan yang phyir mi ldog pa'i byang chub sems dpa' sems dpa' chen po ni 'di lta ste/ 'dod pa la mos pa dang / gnod sems dang rmugs pa dang gnyid dang rgod pa dang / 'gyod pa dang / the tshom gyi sgrib pa lnga po 'di dag dang lhan cig tu mi gnas te/ rab 'byor rnam pa de dag dang tshul de dag dang mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o/ /rab 'byor gzhan yang phyir mi ldog pa'i byang chub sems dpa' sems dpa' chen po ni bag la nyal ba thams cad med de/ rab 'byor rnam pa de dag dang tshul de dag dang / mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o/ /rab 'byor gzhan yang phyir mi ldog pa'i byang chub sems dpa' sems dpa' chen po ni 'gro zhing 'ong</font><hr>32.142b<br><font size=+1>

yang / nor ba'i sems kyis mi 'gro/ nor ba'i sems kyis mi 'ong ste/ de la 'gro ba 'am 'ong na yang / dran pa nye bar gzhag cing 'gro/ dran pa nye bar gzhag cing 'ong ste/ de dran bzhin du 'gro/ dran bzhin du 'ong / dran bzhin du 'chag /dran bzhin du sdod/ dran bzhin du 'dug /dran bzhin du nyal te/ de 'phral la sa las rkang pa mi 'deg /'phral la sa la rkang pa mi 'jog ste/ dran bzhin du rkang pa 'deg /dran bzhin du rkang pa 'jog cing / de sa'i phyogs mthong bzhin du 'gro ste/ rab 'byor rnam pa de dag dang / tshul de dag dang / mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o/ /rab 'byor gzhan yang phyir mi ldog pa'i byang chub sems dpa' sems dpa' chen po ni gos kyi tshags la smad du med pa yin/ rab 'byor phyir mi ldog pa'i byang chub sems dpa' sems dpa' chen po ni gtsang sbra'i spyod pa dang ldan te/ gtsang zhing dri nga ba med la rdul dang dri ma dang bral zhing nad nyung ba yin te/ rab 'byor rnam pa de dag dang / tshul de dag dang / mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o/ /rab 'byor gzhan yang mir gyur pa rnams kyi lus la srin bu'i rigs stong phrag brgyad bcu lus de nyid la za ba yod pa de dag kyang / phyir mi ldog pa'i byang chub sems dpa' sems dpa' chen po'i lus la thams cad du thams cad/ rnam pa thams cad du thams cad med do/ /de ci'i phyir zhe na/ rab 'byor de ni 'di ltar byang chub sems dpa' sems dpa' chen po'i dge ba'i rtsa ba de dag 'jig rten thams cad las mngon par 'phags pa/ 'jig rten thams cad kyi mchog tu gyur pa ste/ de'i phyir byang chub sems</font><hr>32.143a<br><font size=+1>

dpa' sems dpa' chen po de'i lus la srin bu'i rigs stong phrag brgyad bcu po de dag med de/ rab 'byor ji lta ji ltar byang chub sems dpa' sems dpa' chen po'i dge ba'i rtsa ba de dag rnam par 'phel ba de lta de ltar byang chub sems dpa' sems dpa' chen po lus yongs su dag pa yongs su 'dzin to/ /ngag yongs su dag pa dang / sems yongs su dag pa yongs su 'dzin to/ /rab 'byor rnam pa de dag dang / tshul de dag dang / mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o/ /de skad ces bka' stsal pa dang / tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das ji ltar na byang chub sems dpa' sems dpa' chen po'i lus yongs su dag pa lags/ ngag yongs su dag pa lags/ sems yongs su dag pa lags/ bcom ldan 'das kyis bka' stsal pa/ rab 'byor ji lta ji ltar na byang chub sems dpa' sems dpa' chen po'i dge ba'i rtsa ba de dag rnam par 'phel ba de lta de ltar dge ba'i rtsa ba de dag gis lus dang ngag dang sems mi drang ba dang / lus dang ngag dang sems kyi gya gyu yongs su byang bar 'gyur te/ de yang de lta de ltar lus kyis legs par spyad pa rnam pa gsum spyod do/ /ngag gis legs par spyad pa rnam pa bzhi spyod do/ /yid kyis legs par spyad pa rnam pa gsum spyod de/ 'di ni byang chub sems dpa' sems dpa' chen po'i lus dang ngag dang sems yongs su dag pa'o/ /de lus dang ngag dang sems yongs su dag pa des/ nyan thos kyi sa dang rang sangs rgyas kyi sa las 'da' yang / yang dag pa'i mtha' mngon du mi byed de/ rab 'byor 'di yang byang chub sems dpa' sems dpa'</font><hr>32.143b<br><font size=+1>

chen po'i lus dang ngag dang sems yongs su dag par rig par bya ste/ rab 'byor rnam pa de dag dang tshul de dag dang mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o/ /rab 'byor gzhan yang phyir mi ldog pa'i byang chub sems dpa' sems dpa' chen po ni khe dang bkur sti dang tshigs su bcad pa lhur len pa ma yin/ bsod snyoms lhur len pa ma yin/ chos gos gsum pa'i bar du lhur len pa ma yin zhing de sbyangs pa'i yon tan bcu gnyis kyang yang dag par blangs te spyod do/ /rab 'byor rnam pa de dag dang / tshul de dag dang / mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o/ /rab 'byor gzhan yang phyir mi ldog pa'i byang chub sems dpa' sems dpa' chen po la ser sna'i sems skye ba med do/ /tshul khrims ngan pa'i sems skye ba med do/ /'khrugs pa'i sems skye ba med do/ /le lo'i sems skye ba med do/ /mnyam par ma bzhag pa'i sems skye ba med do/ /shes rab 'chal pa'i sems skye ba med do/ /phrag dog gi sems skye ba med do/ /rab 'byor rnam pa de dag dang / tshul de dag dang / mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o/ /rab 'byor gzhan yang byang chub sems dpa' sems dpa' chen po phyir mi ldog pa ni blo brtan pa yin/ blo zab pa yin/ gus par gzhan la chos nyan pa yin/ gzhan las chos gang ci thos kyang / de thams cad shes rab kyi pha rol du phyin pas yang dag par sgrub pa yin/ 'jig rten pa'i bya ba gang ji snyed pa de dag thams cad kyang shes rab kyi pha rol du phyin pa la brten te/ chos nyid kyis yang dag par</font><hr>32.144a<br><font size=+1>

sgrub cing / chos gang chos kyi dbyings dang mi 'byor pa de lta bu gang yang yang dag par rjes su mi mthong ste/ de thams cad kyang shes rab kyi pha rol du phyin pa dang 'byor bar yang yang dag par rjes su mthong ba yin te/ rab 'byor de dag ni phyir mi ldog pa'i byang chub sems dpa' sems dpa' chen po'i phyir mi ldog pa'i mtshan nyid du rig par bya'o/ /rab 'byor de la gal te phyir mi ldog pa'i byang chub sems dpa' sems dpa' chen po'i mdun du bdud sdig to can gyis sems can dmyal ba chen po brgyad mngon par sprul nas/ sems can dmyal ba chen po re rer yang / byang chub sems dpa' brgya phrag mang po/ byang chub sems dpa' stong phrag mang po/ byang chub sems dpa' brgya stong phrag mang po/ byang chub sems dpa' bye ba phrag mang po/ byang chub sems dpa' bye ba brgya phrag mang po/ byang chub sems dpa' bye ba brgya stong phrag mang po/ byang chub sems dpa' bye ba khrag khrig phrag mang po bsreg cing btso ba dang / mi bzad par sdug bsngal ba dang / rtsub pa dang / tsha ba'i tshor ba myong bar mngon du sprul nas bstan te/ byang chub sems dpa' de la 'di skad du byang chub sems dpa' sems dpa' chen po 'di dag ni phyir mi ldog par de bzhin gshegs pas lung bstan pa yin te/ sems can dmyal ba chen po 'dir skyes so/ /khyod kyang de bzhin gshegs pas phyir mi ldog par lung bstan pa ni/ sems can dmyal bar lung bstan te/ da dung yang khyod kyis byang chub kyi sems 'di thong shig dang khyod sems can dmyal bar skye bar mi 'gyur te/ de ltar byos dang khyod mtho ris su 'gro bar 'gyur ro zhes zer yang / rab 'byor gal te byang chub sems dpa' sems dpa' chen po'i sems mi 'khrug cing nem nur med/ the tshom med na/ byang chub sems dpa' sems dpa' chen po de</font><hr>32.144b<br><font size=+1>

ni sngon gyi de bzhin gshegs pa dgra bcom pa yang dag par rdzogs pa'i sangs rgyas de dag gis kyang lung bstan par rig par bya'o/ /byang chub sems dpa' sems dpa' chen po de ni nges pa yin te/ phyir mi ldog pa'i khams su gnas pa'o/ /rab 'byor 'di ni gnas ma yin zhing skabs med pa ste/ phyir mi ldog pa'i byang chub sems dpa' sems dpa' chen po sems can dmyal ba 'am/ byol song gi skye gnas sam/ gshin rje'i 'jig rten du skye bar 'gyur ba de ni gnas med do/ /rab 'byor rnam pa de dag dang / tshul de dag dang mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o/ /rab 'byor gzhan yang gal te phyir mi ldog pa'i byang chub sems dpa' sems dpa' chen po'i drung du bdud sdig to can dge sbyong gi cha byad tu 'ongs te/ 'di skad du gang khyod kyis sngon 'di ltar bdag gis sbyin pa'i pha rol du phyin pa yongs su sbyang bar bya'o/ /'di ltar bdag gis tshul khrims kyi pha rol du phyin pa yongs su sbyang bar bya'o/ /'di ltar bdag gis bzod pa'i pha rol du phyin pa yongs su sbyang bar bya'o/ /'di ltar bdag gis brtson 'grus kyi pha rol du phyin pa yongs su sbyang bar bya'o/ /'di ltar bdag gis bsam gtan gyi pha rol du phyin pa yongs su sbyang bar bya'o/ /'di ltar bdag gis shes rab kyi pha rol du phyin pa yongs su sbyang bar bya'o/ /'di ltar bdag gis nang stong pa nyid yongs su sbyang bar bya'o/ /'di ltar bdag gis dngos po med pa'i ngo bo nyid stong pa nyid kyi bar du yongs su sbyang bar bya'o/ /'di ltar bdag gis dran pa nye bar gzhag pa rnams yongs su sbyang bar bya'o/ /'di ltar bdag gis yang dag par spong ba rnams dang / </font><hr>32.145a<br><font size=+1>

rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang 'phags pa'i lam yan lag brgyad pa yongs su sbyang bar bya'o/ /'di ltar bdag gis sangs rgyas kyi chos ma 'dres pa bcwa brgyad kyi bar du yongs su sbyang bar bya'o/ /'di ltar bdag gis rnam pa thams cad mkhyen pa nyid kyi bar du yongs su sbyang bar bya'o/ /'di ltar bdag gis bla na med pa yang dag par rdzogs pa'i byang chub tu mngon par rdzogs par 'tshang rgya bar bya'o zhes nas/ thos par gyur pa de dag shogs shig /thong shig /'das pa dang / ma byon pa dang da ltar byung ba'i de bzhin gshegs pa dgra bcom pa yang dag par rdzogs pa'i sangs rgyas nyan thos dang bcas pa rnams kyis thugs dang po bskyed pa nas nye bar bzung ste/ dam pa'i chos gnas pa'i bar gyi dge ba'i rtsa ba gang ji snyed pa de dag thams cad la rjes su yid rang ba de dag kyang so sor shogs shig /thong shig /gang khyod kyis thos pa de ni sangs rgyas kyi bka' ma yin/ yang dag par rdzogs pa'i sangs rgyas kyis gsungs pa ma yin te/ de ni rang bzor byas pa'o/ /gang ngas bshad pa ni sangs rgyas kyi bka' ste/ de bzhin gshegs pas gsungs pa'o zhes zer la/ gal te byang chub sems dpa' sems dpa' chen po 'khrug cing nem nur byed dam/ the tshom za na byang chub sems dpa' sems dpa' chen po de ni sngon gyi de bzhin gshegs pa dgra bcom pa yang dag par rdzogs pa'i sangs rgyas de dag gis lung ma bstan par rig par bya'o/ /byang chub sems dpa' de ni ma nges pa yin te/ byang chub sems dpa' de ni phyir mi ldog pa'i khams su gnas pa ma yin no/ /gal te byang chub sems dpa' sems dpa' chen po mi 'khrug cing nem nur mi byed/ the tshom mi za la chos nyid la brten cing mngon par</font><hr>32.145b<br><font size=+1>

'du ma byas pa dang / ma skyes pa la brten te/ gzhan la yid mi ches pas mi 'gro zhing / sbyin pa'i pha rol du phyin pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la gzhan gyi dring mi 'jog /bla na med pa yang dag par rdzogs pa'i byang chub kyi bar la gzhan gyi dring mi 'jog cing / 'di ltar dper na dgra bcom pa zag pa zad pa gzhan la yid ches pas mi 'gro zhing / chos nyid mngon du gyur pas bdud sdig to can gyis mi 'phrogs pa de bzhin du phyir mi ldog pa'i byang chub sems dpa' sems dpa' chen po nyan thos kyi theg pa pa rnams dang / rang sangs rgyas kyi theg pa pa rnams kyis mi thub cing / bla na med pa yang dag par rdzogs pa'i byang chub las phyir mi zlogs na/ rab 'byor byang chub sems dpa' sems dpa' chen po de ni nges pa yin te/ phyir mi ldog pa'i khams su gnas shing gzhan gyi dring mi 'jog pa yin/ de ni de bzhin gshegs pa dgra bcom pa yang dag par rdzogs pa'i sangs rgyas la yid ches pas kyang mi 'gro na/ nyan thos kyi theg pa pa 'am/ rang sangs rgyas kyi theg pa pa 'am/ bdud sdig to can nam/ mu stegs can dang kun du rgyu ba gzhan dag la yid ches pas 'gro bar 'gyur ba lta ci smos te de ni gnas med do/ /de ci'i phyir zhe na/ 'di ltar des gang la yid ches pas 'gro ba'i chos gang yang yang dag par rjes su mi mthong ste/ gzugs sam/ tshor ba 'am/ 'du shes sam 'du byed dam/ rnam par shes pa 'am/ gzugs kyi de bzhin nyid dam/ tshor ba dang / 'du shes sam 'du byed dang / rnam par shes pa'i de bzhin nyid dam/ skye mched dam/ khams sam/ rten cing 'brel bar 'byung ba'i de bzhin</font><hr>32.146a<br><font size=+1>

nyid yang dag par rjes su mi mthong ngo / /pha rol du phyin pa 'am/ stong pa nyid dam/ byang chub kyi phyogs kyi chos sam/ byang chub kyi phyogs kyi chos kyi de bzhin nyid yang dag par rjes su mi mthong ngo / /'phags pa'i bden pa 'am/ bsam gtan nam/ tshad med pa 'am/ gzugs med pa'i snyoms par 'jug pa 'am/ rnam par thar pa 'am/ mthar gyis gnas pa'i snyoms par 'jug pa 'am/ stong pa nyid dang mtshan ma med pa dang / smon pa med pa dang / mngon par shes pa 'am/ ting nge 'dzin tam/ gzungs kyi sgo 'am/ de bzhin gshegs pa'i stobs sam/ mi 'jigs pa 'am/ so so yang dag par rig pa 'am/ byams pa chen po 'am/ snying rje chen po 'am/ sangs rgyas kyi chos ma 'dres pa rnams sam/ sangs rgyas kyi chos ma 'dres pa rnams kyi de bzhin nyid yang dag par rjes su mi mthong ngo / /byang chub kyi bar ram/ byang chub kyi de bzhin nyid yang dag par rjes su mi mthong ste/ rab 'byor rnam pa de dag dang / tshul de dag dang / mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o/ /shes rab kyi pha rol du phyin pa stong phrag nyi shu lnga pa/ bam po lnga bcu gcig pa/ rab 'byor gzhan yang byang chub sems dpa' sems dpa' chen po'i drung du bdud sdig to can dge slong gi cha byad du 'ongs nas/ 'di skad du 'di ni 'khor bar spyod pa yin te/ byang chub sems dpa'i spyod pa ma yin gyis 'di nyid du khyod kyis sdug bsngal gyi mthar phyin par gyis shig ces zer zhing bdud sdig to can de byang chub sems dpa' sems dpa' chen po la lam gyi gzugs brnyan gang 'khor bar spyod pa'i 'jig rten pa'i rnam pas lam gyi gzugs brnyan ston te/ yang na rus par 'du</font><hr>32.146b<br><font size=+1>

shes pa ston to/ /yang na bsam gtan dang po dang / 'du shes med 'du shes med min skye mched kyi bar du ston cing / tshe dang ldan pa lam dang nan tan gang gis rgyun du zhugs pa'i 'bras bu 'thob pa dang / lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid 'thob par 'gyur ba'i lam dang nan tan ni 'di yin no/ /tshe dang ldan pa lam dang nan tan 'dis 'di nyid du khyod kyis sdug bsngal gyi mthar phyung shig dang / phyin cad 'khor ba na spyod pa'i sdug bsngal de dag myong bar mi 'gyur ro/ /kye ma khyod kyis lus 'di 'di nyid tu mngon par ma grub na/ lus gzhan yang ji ltar yongs su gzung bar sems shes zer yang / rab 'byor gal te byang chub sems dpa' sems dpa' chen po'i mtshan sems mi 'khrugs mi g.yo zhing / gong du yang 'di snyam du sems te/ 'di ltar bdag la lam gyi gzugs brnyan ston pa ni/ dge slong 'di bdag la phan 'dogs pa ste/ lam gyi gzugs brnyan des ni rgyun du zhugs pa'i 'bras bu mngon du bya bar yang mi 'gyur/ lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid mngon du bya bar yang mi 'gyur/ rang byang chub mngon du bya bar yang mi 'gyur/ bla na med pa yang dag par rdzogs pa'i byang chub mngon du bya bar yang mi 'gyur ro snyam ste/ de las kyang gong du gang bdag la de ltar chags pas ston pa'i dge slong 'di ni bdag la phan 'dogs pa yin gyis/ bdag gis chags pa de dag shes par bya ste/ theg pa gsum po kun la bslab par bya'o zhes dga' ba skye la/ bdud sdig to can des kyang byang chub sems dpa' sems dpa' chen po de dga' bar gyur par shes nas/ de la 'di skad du rigs kyi bu khyod byang chub sems dpa' sems dpa' chen po mang pos/ sangs rgyas bcom ldan 'das gang gA'i klung gi bye ma snyed la na</font><hr>32.147a<br><font size=+1>

bza' dang / bsod snyoms dang / gzims cha dang / snyun gyi rkyen sman dang / yo byad kyis rim gror byas pa dang / gang gA'i klung gi bye ma snyed kyi de bzhin gshegs pa dgra bcom pa yang dag par rdzogs pa'i sangs rgyas rnams kyi drung du gang gis sbyin pa'i pha rol du phyin pa yongs su rdzogs par byas pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa yongs su rdzogs par byas pa dang / sangs rgyas bcom ldan 'das gang gA'i klung gi bye ma snyed la bsnyen bkur byas te/ ji ltar byang chub sems dpa' sems dpa' chen pos sbyin pa'i pha rol du phyin pa la spyod pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la spyod pa dang / nang stong pa nyid la spyod pa dang / dngos po med pa'i ngo bo nyid stong pa nyid kyi bar la spyod pa dang / dran pa nye bar gzhag pa la spyod pa dang / yang dag par spong ba dang / rdzu 'phrul gyi rkang pa dang / dbang po dang / stobs dang byang chub kyi yan lag dang / 'phags pa'i lam yan lag brgyad pa la spyod pa dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad dang / rnam pa thams cad mkhyen pa nyid</font><hr>32.147b<br><font size=+1>

kyi bar la spyod pa'i tshe/ byang chub sems dpa'i theg pa la gnas par bgyi zhes/ byang chub sems dpa'i theg pa 'di nyid kyi don du kun dris shing yongs su zhus pa rnams la blta bar 'dod dam/ de ltar sangs rgyas bcom ldan 'das de dag gis gang bshad pa la/ de bzhin du gnas te de bzhin du brtson par byas kyang byang chub sems dpa' sems dpa' chen po de lta bu dag gis/ bla na med pa yang dag par rdzogs pa'i byang chub tu mngon par rdzogs par sangs ma rgyas te/ de ltar gdams pa dang / de ltar bstan pa dang / de ltar gnas pa dang / de ltar slob slob pa rnams kyis kyang rnam pa thams cad mkhyen pa nyid ma thob na/ khyod kyis lta bla na med pa yang dag par rdzogs pa'i byang chub thob par 'gyur re skan zhes brjod de/ de ltar byang chub sems dpa' sems dpa' chen po de la snying brnyan bcug kyang de'i sems gzhan du mi 'gyur la/ mi 'jigs mi dngang skrag par mi 'gyur zhing / gang du yang dge slong 'di ni de ltar bdag la chags pa gang gis rgyun du zhugs pa'i 'bras bu yang 'thob par mi 'gyur/ lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub kyang 'thob par mi 'gyur/ lam gyi rnam pa shes pa nyid kyang thob par mi 'gyur/ rnam pa thams cad mkhyen pa nyid kyang thob par mi 'gyur ba'i chags pa ston pa ni/ bdag la phan 'dogs pa'o zhes dga' ba bskyed pas/ bdud sdig to can gyis byang chub sems dpa' sems dpa' chen po de'i sems la zhum pa med par rig nas/ sa'i phyogs de nyid du dge slong mang po mngon par sprul te/ dge slong 'di dag kun kyang bla na med pa yang dag par rdzogs pa'i byang chub tu 'jug 'jug pa sha stag ste/ de dag kyang dgra bcom pa nyid la gnas par gyur na/ khyod ltas bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur re skan zhes zer yang / gal te byang chub sems dpa'</font><hr>32.148a<br><font size=+1>

sems dpa' chen po de 'di snyam ste/ 'di ni bdud sdig to can te/ lam gyi gzugs brnyan ston pa'o zhes byang chub sems dpa' sems dpa' chen po shes rab kyi pha rol du phyin pa la spyod pa'i tshe/ bla na med pa yang dag par rdzogs pa'i byang chub las phyir mi ldog cing / nyan thos kyi sa 'am/ rang sangs rgyas kyi sar yang mi ltung la/ de las kyang gong du 'di snyam ste/ byang chub sems dpa' sems dpa' chen po sbyin pa'i pha rol du phyin pa la spyod pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la spyod pa dang / rnam pa thams cad mkhyen pa nyid kyi bar du de ltar spyod pa ni bla na med pa yang dag par rdzogs pa'i byang chub tu mngon par rdzogs par 'tshang mi rgya ba'i gnas med/ skabs med de/ de ni gnas ma yin no snyam na/ rab 'byor rnam pa de dag dang / tshul de dag dang / mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o/ /rab 'byor gzhan yang phyir mi ldog pa'i byang chub sems dpa' sems dpa' chen po shes rab kyi pha rol du phyin pa la spyod pa'i tshe/ 'di snyam du gal te de bzhin gshegs pas ji skad du bstan pa de ltar bslab la/ spyod pa de dang ma bral zhing pha rol du phyin pa dang ldan pa'i yid la byed pa 'di dag gis spyod pa de ni/ sbyin pa'i pha rol du phyin pa las yongs su mi nyam/ tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa las yongs su mi nyam/ nang stong pa nyid las yongs su mi nyam/ dngos po med pa'i ngo bo nyid stong pa nyid kyi bar las yongs su mi nyam/ dran pa nye bar gzhag pa las yongs su mi nyam/ yang dag par spong ba dang / rdzu 'phrul</font><hr>32.148b<br><font size=+1>

gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa las yongs su mi nyam/ 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa las yongs su mi nyam/ rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs dang / mi 'jigs pa dang / so so yang dag par rig pa dang / byams pa chen po dang / snying rje chen po dang / sangs rgyas kyi chos ma 'dres pa rnams las yongs su mi nyam/ rnam pa thams cad mkhyen pa nyid kyi bar las yongs su mi nyam mo snyam la/ rab 'byor gzhan yang byang chub sems dpa' sems dpa' chen po 'di snyam du sus bdud kyi las su rig pa de ni/ bla na med pa yang dag par rdzogs pa'i byang chub las yongs su mi nyam mo snyam na/ rab 'byor rnam pa de dag dang / tshul de dag dang mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o/ /de skad ces bka' stsal pa dang / tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das phyir mi ldog pa'i byang chub sems dpa' sems dpa' chen po ci las slar ldog pa'i slad du/ phyir mi ldog pa zhes bgyi ba lags/ bcom ldan 'das kyis bka' stsal pa/ rab 'byor de ni gzugs kyi 'du shes las phyir ldog go/ /tshor ba dang / 'du shes dang / 'du byed dang / rnam par shes pa'i 'du shes las phyir ldog go/ /skye mched kyi 'du shes dang / khams kyi 'du shes las phyir ldog go/ /'dod chags kyi 'du shes dang / zhe sdang gi 'du shes dang / gti mug gi 'du shes dang / lta ba'i rnam pa'i 'du shes las phyir ldog go/ /pha rol du phyin pa'i 'du shes dang / stong pa nyid kyi 'du shes dang / dran pa nye bar gzhag pa'i 'du</font><hr>32.149a<br><font size=+1>

shes dang / yang dag par spong ba dang / rdzu 'phrul gyi rkang pa dang / dbang po dang / stobs dang byang chub kyi yan lag dang / 'phags pa'i lam yan lag brgyad pa'i 'du shes las phyir ldog go/ /'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa'i 'du shes las phyir ldog go/ /rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa'i 'du shes las phyir ldog go/ /mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs dang / mi 'jigs pa dang / so so yang dag par rig pa dang / byams pa chen po dang / snying rje chen po dang / sangs rgyas kyi chos ma 'dres pa'i 'du shes las phyir ldog go/ /yang dag par rdzogs pa'i byang chub kyi bar gyi 'du shes las phyir ldog go/ /nyan thos dang / rang sangs rgyas kyi 'du shes las phyir ldog go/ /byang chub sems dpa' dang / sangs rgyas kyi 'du shes las phyir ldog go/ /de ci'i phyir zhe na/ de ni 'di ltar phyir mi ldog pa'i byang chub sems dpa' sems dpa' chen po ni chos thams cad rang gi mtshan nyid kyis stong pas/ byang chub sems dpa'i skyon med par 'jug ste/ des chos rdul tsam yang dmigs pa med do/ /dmigs pa med pas mngon par 'du mi byed do/ /mngon par 'du mi byed pas skyed pa med de/ de ni phyir mi ldog pa'i byang chub sems dpa' sems dpa' chen po mi skye ba la bzod pa zhes bya ste/ rab 'byor de ltar na rnam pa de dag dang / tshul de dag dang / mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o/ /shes rab kyi pha rol du phyin pa stong phrag nyi shu lnga pa las le'u sum bcu dgu pa'o// // rab 'byor gzhan yang byang chub sems dpa' sems dpa' chen po'i drung du bdud sdig to can nye bar 'ongs te mos pa zlog cing / rnam pa thams cad mkhyen pa 'di ni nam</font><hr>32.149b<br><font size=+1>

mkha' dang mtshungs pa/ dngos po med pa'i ngo bo nyid rang gi mtshan nyid kyis stong pa'o/ /chos 'di dag kyang nam mkha' dang mtshungs pa/ dngos po med pa'i ngo bo nyid de/ rang gi mtshan nyid kyis stong pa'o/ /de ltar chos thams cad nam mkha' dang mtshungs pa dngos po med pa'i ngo bo nyid de/ rang gi mtshan nyid kyis stong pa la/ gang mngon par rdzogs par 'tshang rgya ba dang gang gis mngon par rdzogs par 'tshang rgya ba dang / gang la mngon par rdzogs par 'tshang rgya bar bya ba'i chos de dag gang yang mi dmigs te/ chos 'di dag thams cad nam mkha' dang mtshungs pa/ dngos po med pa'i ngo bo nyid de rang gi mtshan nyid kyis stong pas 'di lta ste/ bla na med pa yang dag par rdzogs pa'i byang chub tu mngon par rdzogs par 'tshang rgya bar bya'o/ /snyam pa 'di ni khyod nyon mongs la don med par 'gyur ba ste/ 'di ni bdud kyis bstan pa'o/ /'di ni yang dag par rdzogs pa'i sangs rgyas kyis bshad pa ma yin no/ /rigs kyi bu yid la byed pa de dag thong la/ khyod yun ring por gnod pa dang / phan pa med par ma spyod cig /sdug bsngal ba dang / log par ltung ngo zhes zer na/ de la rigs kyi bu 'am rigs kyi bu mo des/ tshig de dag thos nas 'di ltar yongs su brtag par bya ste/ de ltar bdag bla na med pa yang dag par rdzogs pa'i byang chub las zlog pa de ni bdud kyi las te/ chos thams cad ni nam mkha' dang mtshungs pa/ dngos po med pa'i ngo bo nyid de rang gi mtshan nyid kyis stong mod kyi/ de dag sems can rnams kyis ma shes ma mthong / khong du ma chud kyis de'i phyir bdag gis nam mkha' dang mtshungs pa/ dngos po med pa'i ngo bo nyid rang gi mtshan nyid kyis stong pa'i go cha bgos te rnam pa thams cad mkhyen pa nyid du mngon par rdzogs par sangs rgyas par byas la/ sems can thams cad la 'byung ba'i chos bstan to/ /sems can rnams rgyun du zhugs pa'i 'bras bu la rab tu dgod par bya'o/ /lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang rang byang chub la rab tu dgod par bya'o/ /bla na</font><hr>32.150a<br><font size=+1>

med pa yang dag par rdzogs pa'i byang chub la rab tu dgod par bya'o/ /snyam du sems bskyed cing / de la byang chub sems dpa' sems dpa' chen pos sems dang po bskyed pa nas nye bar bzung ste chos de dag thos nas sems brtan par bya'o/ /sems mi g.yo bar bya'o/ /sems mi 'phrogs par bya'o/ /de sems brtan pa dang / sems mi g.yo ba dang / sems mi 'phrogs pa dang ldan pas/ pha rol du phyin pa drug la spyod na/ byang chub sems dpa'i skyon med par 'jug par 'gyur ro/ /de nas tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das slar mi ldog pa'i byang chub sems dpa' sems dpa' chen po la phyir ldog pa zhes bgyi 'am/ 'on tam slar ldog pa'i byang chub sems dpa' la phyir mi ldog pa zhes bgyi/ bcom ldan 'das kyis bka' stsal pa/ rab 'byor phyir mi ldog pa'i byang chub sems dpa' ni phyir ldog pa zhes bya'o/ /phyir ldog pa'i byang chub sems dpa' ni phyir mi ldog pa zhes bya'o/ /gsol pa/ bcom ldan 'das ci'i slad du slar mi ldog pa'i byang chub sems dpa' la phyir ldog pa zhes bgyi/ ci'i slad du slar ldog pa'i byang chub sems dpa' la phyir mi ldog pa zhes bgyi/ bcom ldan 'das kyis bka' stsal pa/ rab 'byor byang chub sems dpa' gang nyan thos kyi sa 'am/ rang sangs rgyas kyi sa las phyir ldog pa de ni/ rab 'byor phyir ldog pa'i byang chub sems dpa' yin te/ phyir mi ldog pa'i byang chub sems dpa' zhes bya'o/ /rab 'byor byang chub sems dpa' gang nyan thos kyi sa 'am/ rang sangs rgyas kyi sa las phyir mi log pa de ni/ rab 'byor phyir mi ldog pa'i byang chub sems dpa' yin te/ de ni phyir ldog pa zhes bya'o/ /rab 'byor rnam pa de dag dang tshul de dag dang / mtshan ma de dag gis byang chub sems dpa' sems dpa' chen po phyir mi ldog pa'i mtshan nyid du rig par bya ste/ rnam pa de dag dang tshul de dag dang / </font><hr>32.150b<br><font size=+1>

mtshan ma de dag dang ldan pa'i byang chub sems dpa' sems dpa' chen po ni bdud sdig to can gyis bla na med pa yang dag par rdzogs pa'i byang chub las bzlog par mi nus so/ /rab 'byor gzhan yang phyir mi ldog pa'i byang chub sems dpa' sems dpa' chen po ni 'dod na/ bsam gtan dang po la snyoms par 'jug go/ /bsam gtan gnyis pa dang / gsum pa dang / bzhi pa la snyoms par 'jug go/ /'gog pa'i bar la snyoms par 'jug go/ /rab 'byor gzhan yang phyir mi ldog pa'i byang chub sems dpa' sems dpa' chen po ni 'dod na/ dran pa nye bar gzhag pa bzhi la snyoms par 'jug go/ /yang dag par spong ba dang rdzu 'phrul gyi rkang pa dang dbang po dang stobs dang byang chub kyi yan lag dang 'phags pa'i lam yan lag brgyad pa la snyoms par 'jug go/ /stong pa nyid dang mtshan ma med pa dang / smon pa med pa'i ting nge 'dzin la snyoms par 'jug go/ mngon par shes pa lnga mngon par sgrub bo/ /de bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi po de dag gis 'gog pa'i snyoms par 'jug pa la 'dris par byed/ dran pa nye bar gzhag pa rnams goms par byed/ yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa goms par byed/ stong pa nyid dang / mtshan ma med pa dang / smon pa med pa'i ting nge 'dzin la yang snyoms par 'jug ste/ bsam gtan gyi 'bras bu yongs su mi 'dzin to/ /tshad med pa dang / gzugs med pa'i snyoms par 'jug pa dang / 'gog pa'i snyoms par 'jug pa'i 'bras bu yongs su mi 'dzin to/ /rgyun du zhugs pa'i 'bras bu yongs su mi 'dzin to/ /lan gcig phyir 'ong ba'i 'bras bu dang / </font><hr>32.151a<br><font size=+1>

phyir mi 'ong ba'i 'bras bu dang / dgra bcom pa nyid yongs su mi 'dzin to/ /rang byang chub thob par mi byed do/ /de 'dod na ched du bsams shing lus yongs su 'dzin te/ lus gang gis sems can rnams kyi don bya bar 'gyur ba de lta bu'i lus yongs su 'dzin to/ /rab 'byor rnam pa de dag dang / tshul de dag dang mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o/ /rab 'byor gzhan yang phyir mi ldog pa'i byang chub sems dpa' sems dpa' chen po ni byang chub yid la byed pa dang ldan te/ byang chub kyi sems dang mi 'bral zhing gzugs lhur len pa ma yin/ mtshan ma lhur len pa ma yin lus lhur len pa ma yin/ sbyin pa lhur len pa ma yin/ tshul khrims lhur len pa ma yin/ bzod pa lhur len pa ma yin/ brtson 'grus lhur len pa ma yin/ bsam gtan lhur len pa ma yin/ shes rab lhur len pa ma yin/ nang stong pa nyid lhur len pa ma yin/ dngos po med pa'i ngo bo nyid stong pa nyid kyi bar du lhur len pa ma yin/ byang chub kyi phyogs kyi chos rnams lhur len pa ma yin/ 'phags pa'i bden pa dang / bsam gtan dang tshad med pa dang / gzugs med pa'i snyoms par 'jug pa dang / rnam par thar pa brgyad dang mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa lhur len pa ma yin/ ting nge 'dzin dang / gzungs kyi sgo lhur len pa ma yin/ de bzhin gshegs pa'i stobs bcu lhur len pa ma yin/ mi 'jigs pa bzhi dang so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa rnams lhur len pa ma yin/ bla na med pa yang dag par rdzogs pa'i byang chub kyi bar du lhur len pa ma yin/ sangs rgyas kyi zhing yongs su dag par bya ba lhur len pa ma yin/ sems can yongs su smin par bya ba lhur len pa ma yin/ sangs</font><hr>32.151b<br><font size=+1>

rgyas blta ba lhur len pa ma yin/ dge ba'i rtsa ba bskyed pa lhur len pa ma yin no/ /de ci'i phyir zhe na/ rab 'byor de ni 'di ltar chos thams cad rang gi mtshan nyid kyis stong pa'i phyir/ byang chub sems dpa' sems dpa' chen pos gang la lhur blang ba bskyed pa dang / gang gis bskyed pa dang / gang la bskyed par bya ba'i chos de lta bu gang yang yang dag par rjes su mi mthong ngo / /de ci'i phyir zhe na/ 'di ltar chos thams cad ni nam mkha' dang mtshungs pa dngos po med pa'i ngo bo nyid de/ rang gi mtshan nyid kyis stong pa'o/ /rab 'byor phyir mi ldog pa'i byang chub sems dpa' sems dpa' chen po de yid la byed pa de dang ldan pas/ spyod lam bzhir 'gro 'am/ 'ong na yang nor ba'i sems kyis mi 'gro/ nor ba'i sems kyis mi 'ong / nor ba'i sems kyis mi sdod/ nor ba'i sems kyis mi 'chag /nor ba'i sems kyis mi 'dug /nor ba'i sems kyis mi nyal te/ de dran bzhin du 'gro'o/ /dran bzhin du 'ong ngo / /dran bzhin du 'chag go/ /dran bzhin du sdod do/ /dran bzhin du 'dug go/ /dran bzhin du nyal lo/ /rab 'byor rnam pa de dag dang / tshul de dag dang / mtshan ma de dag dang ldan pa'i byang chub sems dpa' sems dpa' chen po ni phyir mi ldog pa zhes bya'o/ /rab 'byor gzhan yang gal te phyir mi ldog pa'i byang chub sems dpa' sems dpa' chen po ni khyim na gnas kyang thabs mkhas pas sems can yongs su smin par bya ba'i phyir 'dod pa'i yon tan lnga nye bar len to/ /de sems can rnams la sbyin pa yongs su gtong ste/ zas 'dod pa la zas skom 'dod pa la skom/ bzhon pa 'dod pa la bzhon pa/ gos 'dod pa la gos/ mal cha 'dod pa la mal cha/ me tog 'dod pa la me tog /bdug pa 'dod pa la bdug pa/ spos 'dod pa la spos/ 'phreng ba 'dod pa la 'phreng ba/ byug pa 'dod pa la byug pa/ gnas 'dod pa la gnas/ nor dang 'bru dang / nor bu dang / mu tig dang / bai dUr+ya dang / dung dang / man shel</font><hr>32.152a<br><font size=+1>

dang / byi ru dang / gser dang / dngul 'dod pa la nor dang 'bru dang / nor bu dang / mu tig dang / bai dUr+ya dang / dung dang man shel dang / byi ru dang / gser dang / dngul dang / 'tshog chas dang / yo byad gzhan dang / gzhan dag kyang de 'dod pa rnams la yongs su gtong ste/ de bdag kyang sbyin pa'i pha rol du phyin pa la spyod la/ gzhan yang sbyin pa'i pha rol du phyin pa la yang dag par bskul lo/ /sbyin pa'i pha rol du phyin pa'i legs pa brjod do/ /gzhan gang sbyin pa'i pha rol du phyin pa la spyod pa de dag gi yang legs pa brjod cing 'thun pas dga' bar byed do/ /bdag kyang tshul khrims kyi pha rol du phyin pa dang / bzod pa dang / brtson 'grus dang / bsam gtan dang / shes rab kyi pha rol du phyin pa la spyod de/ gzhan yang shes rab kyi pha rol du phyin pa la yang dag par bskul lo/ /shes rab kyi pha rol du phyin pa'i legs pa brjod do/ /gzhan gang shes rab kyi pha rol du phyin pa la spyod pa de dag gi yang legs pa brjod cing 'thun pas dga' bar byed do/ /rab 'byor gzhan yang phyir mi ldog pa'i byang chub sems dpa' sems dpa' chen po de ni khyim na gnas na 'dzam bu'i gling rin po che sna bdun gyis bkang zhing sbyin pa yongs su gtong / gling bzhi pa'i 'jig rten gyi khams dang / stong gi 'jig rten gyi khams dang / stong gnyis kyi 'jig rten gyi khams dang / stong gsum gyi stong chen po'i 'jig rten gyi khams rin po che sna bdun gyis yongs su bkang zhing sbyin pa yongs su gtong yang / de 'dod pa la yongs su mi spyod de/ rtag tu rgyun mi 'chad par tshangs par spyod pa yin/ gnod pa gang gis gzhan mi dga' bar 'gyur ba'i gnod pa de lta bu gang yang mi skyed de/ rab 'byor rnam pa de dag dang / tshul de dag dang mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o/ /rab 'byor gzhan yang phyir mi ldog pa'i byang chub sems dpa' sems dpa' chen po'i phyi bzhin du byang chub sems dpa' sems dpa' chen</font><hr>32.152b<br><font size=+1>

po 'di ni ring po mi thogs par bla na med pa yang dag par rdzogs pa'i byang chub du mngon par rdzogs par 'tshang rgya ste/ 'di bla na med pa yang dag par rdzogs pa'i byang chub tu mngon par rdzogs par sangs rgyas nas kyang / bdag gis rtag tu rgyun mi 'chad par rjes su 'brang bar bya'o zhes yongs su bsrung ba'i phyir/ gnod sbyin lag na rdo rje rtag tu rgyun mi chad par rjes su 'brang ngo / /ji tsam du lag na rdo rje'i rigs rnams rtag tu rgyun mi chad par rjes su 'brang ba de tsam du de la mi 'am/ mi ma yin pa dag gis gnod par mi nus te/ de la 'jig rten na lha 'am/ bdud dam/ tshangs pa 'am/ gang sus kyang chos dang 'thun par thub pa med de/ de'i sems byang chub yid la byed pa nas/ bla na med pa yang dag par rdzogs pa'i byang chub tu mngon par sangs rgyas kyi bar du rnam par 'khrug pa med do/ /byang chub sems dpa' sems dpa' chen po de'i dbang po 'di lta ste/ mig gi dbang po dang / rna ba'i dbang po dang / sna'i dbang po dang / lce'i dbang po dang / lus kyi dbang po dang / yid kyi dbang po dang / dad pa'i dbang po dang / brtson 'grus kyi dbang po dang / dran pa'i dbang po dang / ting nge 'dzin gyi dbang po dang / shes rab kyi dbang po dag ma tshang bar mi 'gyur ro/ /de ni skyes bu dam par 'gyur te/ skyes bu dma' ba ma yin no/ /gsol pa/ bcom ldan 'das ji tsam gyis na byang chub sems dpa' sems dpa' chen po skyes bu dam par 'gyur zhing skyes bu dma' ba ma lags/ bcom ldan 'das kyis bka' stsal pa/ rab 'byor byang chub sems dpa' sems dpa' chen po nam byang chub kyi sems mi 'khrug pa na/ byang chub sems dpa' sems dpa' chen po skyes bu dam par 'gyur te/ skyes bu dma' ba ma yin no/ /rab 'byor rnam pa de dag dang / tshul de dag dang mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o/ /rab 'byor gzhan yang phyir mi ldog pa'i byang chub sems dpa' sems dpa' chen po de ni byang chub</font><hr>32.153a<br><font size=+1>

yid la bya ba dang ldan zhing / bud med ze slong ba dang / dbang du 'gyur ba'i sngags dang / tshig gang ci yang rung ste/ rtsi de dag thams cad du thams cad rnam pa thams cad kyi thams cad mi sbyor/ sbyor du mi 'jug ste/ ze slong ba'i bag gzhan dang gzhan dag kyang mi byed do/ /bud med dam/ skyes pa gang yang rung ste/ de dag la yongs su bstan pa'i cho 'phrul mi byed do/ /bu 'am bu mo rigs kyi lha lta bu yod par 'gyur ro zhe 'am/ tshe ring bar 'gyur ro zhes yongs su ston pa'i cho 'phrul mi byed do/ /de ci'i phyir zhe na/ rab 'byor de ni 'di ltar byang chub sems dpa' sems dpa' chen po rang gi mtshan nyid kyis stong pa'i chos rnams la/ mtshan ma yang dag par rjes su mi mthong ste/ des mtshan ma yang dag par rjes su mi mthong bas 'tshe ba yongs su dag pa yin te/ rab 'byor rnam pa de dag dang tshul de dag dang mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o/ /rab 'byor gzhan yang phyir mi ldog pa'i byang chub sems dpa' sems dpa' chen po rnam pa gang dang tshul gang dang / mtshan ma gang dang ldan pas byang chub sems dpa' sems dpa' chen po phyir mi ldog par rig par bya ba'i rnam pa dang / tshul dang / mtshan ma de dag bstan gyis shin du legs par nyon la yid la zung shig dang bshad do/ /bcom ldan 'das de ltar bgyi'o zhes gsol nas/ tshe dang ldan pa rab 'byor bcom ldan 'das la phyir nyan to/ /bcom ldan 'das kyis de la 'di skad ces bka' stsal to/ /rab 'byor 'di la byang chub sems dpa' sems dpa' chen po shes rab kyi pha rol du phyin pa la spyod pa'i tshe/ byang chub yid la byed pa dang mi 'bral ba yin te/ phung po'i sbyor ba la rjes su brtson par mi gnas/ skye mched dang / khams dang / rten cing 'brel bar 'byung ba'i sbyor ba la rjes su brtson par mi gnas so/ /de ci'i phyir zhe na/ de ni 'di ltar byang chub sems dpa'</font><hr>32.153b<br><font size=+1>

sems dpa' chen po des phung po stong pa nyid dang / skye mched stong pa nyid dang / khams stong pa nyid dang / rten cing 'brel bar 'byung ba stong pa nyid shin du yid la byas pa yin/ de 'du 'dzi'i sbyor ba la rjes su brtson par mi gnas te/ de ci'i phyir zhe na/ de ni 'di ltar byang chub sems dpa' sems dpa' chen po des sems can stong pa nyid shin du yid la byas pa yin/ de rgyal po'i gtam gyi sbyor ba la rjes su brtson par mi gnas te/ de ci'i phyir zhe na/ de ni 'di ltar de rang bzhin stong pa nyid la gnas pas/ chos gang la yang bzang po 'am/ ngan par yang dag par rjes su mi mthong ngo / /de rkun po'i gtam gyi sbyor ba la rjes su brtson par mi gnas te/ de ci'i phyir zhe na/ de ni 'di ltar de chos thams cad rang gi mtshan nyid kyis stong pas/ chos gang la yang blang ba 'am/ dbrog pa yang dag par rjes su mi mthong ngo / /de g.yul gyi gtam gyi sbyor ba la rjes su brtson par mi gnas te/ de ci'i phyir zhe na/ de ni 'di ltar de rang bzhin stong pa nyid la gnas pas/ chos gang yang nyung ngu 'am mang por yang dag par rjes su mi mthong ngo / /de dmag gi gtam gyi sbyor ba la rjes su brtson par mi gnas te/ de ci'i phyir zhe na/ de ni 'di ltar de chos thams cad kyi de bzhin nyid la gnas pas/ chos gang la yang byams pa 'am zhe sdang ba yang dag par rjes su mi mthong ngo / /de grong gi gtam gyi sbyor ba la rjes su brtson par mi gnas te/ de ci'i phyir zhe na/ de ni 'di ltar de chos thams cad stong pa nyid la gnas pas/ chos gang yang tshogs sam tshogs ma yin par yang dag par rjes su mi mthong ngo / /de grong khyer gyi gtam gyi sbyor ba la rjes su brtson par mi gnas te/ de ci'i phyir zhe na/ de ni 'di ltar de nam mkha' stong pa nyid la gnas pas/ chos gang yang gzung ba 'am/ mi gzung bar yang dag par rjes su mi mthong ngo / /de grong rdal gyi gtam gyi sbyor ba la rjes su brtson par mi gnas te/ de ci'i</font><hr>32.154a<br><font size=+1>

phyir zhe na/ de ni 'di ltar de yang dag pa'i mtha' la gnas pas chos gang yang 'phel ba 'am/ 'bri bar yang dag par rjes su mi mthong ngo / /de bdag gis gtam gyi sbyor ba la rjes su brtson par mi gnas/ sems can dang / srog dang / 'gro ba dang / gso ba dang / skyes bu dang / gang zag dang / shed can dang / shed bdag dang / byed pa po dang / tshor ba po dang / shes pa po dang / mthong ba po'i gtam gyi sbyor ba la rjes su brtson par mi gnas te/ gzhan du na shes rab kyi pha rol du phyin pa'i gtam gyi sbyor ba la rjes su brtson zhing rnam pa thams cad mkhyen pa nyid dang ldan pa'i yid la bya ba dang ma bral bar gnas te/ de sbyin pa'i pha rol du phyin pa la spyod cing / ser sna'i sbyor ba la rjes su brtson par mi gnas so/ /tshul khrims kyi pha rol du phyin pa la spyod cing / tshul khrims ngan pa'i sbyor ba la rjes su brtson par mi gnas so/ /bzod pa'i pha rol du phyin pa la spyod cing / 'khrug pa'i sbyor ba la rjes su brtson par mi gnas so/ /brtson 'grus kyi pha rol du phyin pa la spyod cing / le lo'i sbyor ba la rjes su brtson par mi gnas so/ /bsam gtan gyi pha rol du phyin pa la spyod cing / g.yeng ba'i sbyor ba la rjes su brtson par mi gnas so/ /shes rab kyi pha rol du phyin pa la spyod cing / shes rab 'chal pa'i sbyor ba la rjes su brtson par mi gnas so/ /de chos thams cad stong pa nyid la spyod cing chos 'dod pa yin gyi/ chos mi 'dod pa ma yin/ de chos kyi dbyings la spyod cing / chos tha dad pa'i legs pa brjod pa ma yin/ de sangs rgyas bcom ldan 'das rnams dang / byang chub sems dpa' sems dpa' chen po rnams la bshes gnyen du sems pa yin/ rigs kyi bu dang rigs kyi bu mo nyan thos dang rang sangs rgyas kyi theg pa pa gang ji snyed pa de dag kyang / bla na med pa yang dag par rdzogs pa'i byang chub tu yang dag par bskul zhing 'god do/ /'dul lo/ /rab tu gzhog go/ /de de bzhin gshegs pa dgra bcom pa yang dag par rdzogs pa'i</font><hr>32.154b<br><font size=+1>

sangs rgyas rnams mnyes par byed cing blta ba'i phyir/ 'jig rten gyi khams gang na bzhugs shing 'tsho skyong ba der skyes te/ der skye bar 'dod cing 'di ltar sangs rgyas yid la bya bas nyin mtshan du rnam par spyod de/ de ci'i phyir zhe na/ rab 'byor de ni 'di ltar phyir mi ldog pa'i byang chub sems dpa' sems dpa' chen po de dag ni phal cher 'dod pa'i khams dang ldan pa'i yid la bya ba bskyed cing dge ba bcu'i las kyi lam la gnas pas/ sangs rgyas kyi zhing de dag tu skye bar 'gyur ro/ /bsam gtan dang po bskyed/ bsam gtan gnyis pa dang / bsam gtan gsum pa dang / bsam gtan bzhi pa bskyed/ 'du shes med 'du shes med min skye mched la snyoms par 'jug pa'i bar du bskyed cing gang na de bzhin gshegs pa dgra bcom pa yang dag par rdzogs pa'i sangs rgyas mngon du gyur par bzhugs shing 'tsho skyong ba dang / chos ston pa der skye ste/ rab 'byor rnam pa de dag dang / tshul de dag dang / mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o/ /rab 'byor gzhan yang phyir mi ldog pa'i byang chub sems dpa' sems dpa' chen po shes rab kyi pha rol du phyin pa la spyod pa/ nang stong pa nyid la gnas pa dang / dngos po med pa'i ngo bo nyid stong pa nyid kyi bar la gnas pa dang / dran pa nye bar gzhag pa rnams la gnas pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa la gnas pa dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa la gnas pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo la gnas pa dang / </font><hr>32.155a<br><font size=+1>

de bzhin gshegs pa'i stobs bcu dang mi 'jigs pa bzhi dang so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad la gnas pa de ni 'di snyam du bdag ni phyir ldog pa 'am phyir mi ldog pa ma yin no snyam yang mi byed de/ the tshom mi skye zhing rang gi sa la yid gnyis med do/ /de ci'i phyir zhe na/ de ni 'di ltar des phyir ldog pa dang / phyir ldog pa ma yin pa'i chos rdul tsam yang yang dag par rjes su mi mthong ngo / /rab 'byor 'di lta ste dper na/ rgyun du zhugs pa'i skyes bu rgyun du zhugs pa'i sa la gnas pa ni/ rang gi sa la nem nur med cing the tshom mi za'o/ /lan gcig phyir 'ong ba lan gcig phyir 'ong ba'i sa la gnas pa dang / phyir mi 'ong ba phyir mi 'ong ba'i sa la gnas pa dang / dgra bcom pa dgra bcom pa'i sa la gnas pa ni/ rang gi sa la nem nur med cing the tshom mi za'o/ /rang sangs rgyas rang sangs rgyas kyi sa la gnas pa ni/ rang gi sa la nem nur med cing the tshom mi za'o/ /byang chub sems dpa' byang chub sems dpa'i sa la gnas pa ni/ rang gi sa la nem nur med cing the tshom mi za'o/ /yang dag par rdzogs pa'i sangs rgyas/ yang dag par rdzogs pa'i sangs rgyas kyi sa la gnas pa ni/ rang gi sa la nem nur med cing the tshom mi za'o/ /rab 'byor de bzhin du byang chub sems dpa' sems dpa' chen po rang gi sa la gnas pa yang nem nur med cing the tshom mi za zhing / de phyir mi ldog pa'i sa de la gnas te/ sangs rgyas kyi zhing yang yongs su sbyong ngo / /sems can rnams kyang yongs su smin par byed do/ /bdud kyi las skyes shing byung ba dag kyang shes te/ bdud kyi las kyi dbang du yang mi 'gro/ bdud kyi las de dag thams cad kyang rnam par 'jom zhing srab mor</font><hr>32.155b<br><font size=+1>

byed do/ /rab 'byor 'di lta ste dper na/ mtshams med pa byed byed pa'i skyes bu ni 'chi ka'i bar du yang mtshams med pa'i sems dang mi 'bral zhing / mtshams med pa'i sems de rjes su 'brang ngo / /mtshams med pa'i sems de thabs mkhas pa thams cad kyis kyang rnam par gzhil bar mi nus te/ kun nas ldang ba de 'chi ka'i bar du yang rjes su 'brang ngo / /rab 'byor de bzhin du phyir mi ldog pa'i byang chub sems dpa' sems dpa' chen po'i phyir mi ldog pa'i sems kyang phyir mi ldog pa'i sa la gnas pa ste/ sems de rnam par brtag tu med cing mi skul bas/ de ni lha dang mi dang lha ma yin du bcas pa'i 'jig rten gyis phyir bzlog par mi nus so/ /de ci'i phyir zhe na/ de ni 'di ltar sems des lha dang / mi dang lha ma yin du bcas pa'i 'jig rten las 'das te/ yang dag pa'i skyon med par zhugs pas de rang gi sa la gnas shing / mngon par shes pa rnams la pha rol du phyin pa'i mchog thob pas/ sangs rgyas kyi zhing yongs su dag par byed do/ /sems can rnams kyang yongs su smin par byed do/ /sangs rgyas bcom ldan 'das rnams blta ba dang / de dag la phyag bya ba dang / chos mnyan pa'i phyir/ sangs rgyas kyi zhing nas sangs rgyas kyi zhing du yang 'gro'o/ /sangs rgyas kyi zhing de dag gis sangs rgyas bcom ldan 'das rnams la dge ba'i rtsa ba mang po yang bskyed cing / sangs rgyas bcom ldan 'das de dag la kun 'dri zhing yongs su zhu ba byed/ bsnyen bkur byed do/ /rab 'byor byang chub sems dpa' sems dpa' chen po de de ltar gnas pas bdud kyi las skyes shing byung ba rnams khong du chud de/ bdud kyi las skyes shing byung ba dag gi dbang du 'ang mi 'gro'o/ /bdud kyi las de dag kyang thabs mkhas pas yang dag pa'i mtha' la sbyor bar byed cing de rang gi sa la nem nur med cing the tshom mi za'o/ /de ci'i phyir zhe na/ de ni 'di ltar de yang dag pa'i mtha' la nem nur</font><hr>32.156a<br><font size=+1>

med pas/ yang dag pa'i mtha' gcig gam/ gnyis su yang dag par rjes su mi mthong ste/ de ltar shes pas de tshe 'phos nas kyang / nyan thos dang rang sangs rgyas kyi sar sems mi skye'o/ /de ci'i phyir zhe na/ rab 'byor de ni 'di ltar byang chub sems dpa' sems dpa' chen pos ni chos thams cad rang gi mtshan nyid kyis stong pa la/ chos gang yang skye ba 'am/ 'gag pa 'am/ kun nas nyon mongs pa 'am/ rnam par byang ba yang dag par rjes su mi mthong ngo / /rab 'byor byang chub sems dpa' sems dpa' chen po de tshe 'phos nas kyang 'di snyam du bdag ni bla na med pa yang dag par rdzogs pa'i byang chub tu mngon par rdzogs par 'tshang rgya bar mi 'gyur ro snyam du mi byed de/ gdon mi za bar bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro snyam sems so/ /de ci'i phyir zhe na/ rab 'byor de ni 'di ltar bla na med pa yang dag par rdzogs pa'i byang chub ni rang gi mtshan nyid kyis stong ngo / /rab 'byor byang chub sems dpa' sems dpa' chen po rang gi sa la de ltar gnas pa ni rang gi sa la thub pa med pa yin te/ de ci'i phyir zhe na/ rab 'byor de ni 'di ltar phyir mi ldog pa'i byang chub sems dpa' sems dpa' chen po de ltar gnas pa ni mi 'phrogs pa'i ye shes dang ldan pa yin te/ rab 'byor gal te phyir mi ldog pa'i byang chub sems dpa' sems dpa' chen po'i drung du bdud sdig to can sangs rgyas kyi cha byad du nye bar 'ongs nas/ 'di skad du khyod kyis 'di nyid du dgra bcom pa thob par gyis shig /khyod ni bla na med pa yang dag par rdzogs pa'i byang chub tu lung ma bstan to/ /de bzhin gshegs pa dgra bcom pa yang dag par rdzogs pa'i sangs rgyas de dag gis gang gis khyod bla na med pa yang dag par rdzogs pa'i byang chub tu lung bstan par 'gyur ba'i mi skye ba'i chos la bzod pa</font><hr>32.156b<br><font size=+1>

khyod kyis ma thob bo/ /rnam pa gang dag dang / tshul gang dag dang mtshan ma gang dag dang ldan pa'i byang chub sems dpa' sems dpa' chen po bla na med pa yang dag par rdzogs pa'i byang chub tu lung bstan pa'i rnam pa de dag dang / tshul de dag dang mtshan ma de dag kyang khyod la med do zhes zer yang / rab 'byor gal te byang chub sems dpa' sems dpa' chen pos sgra de thos nas mi 'jum mi 'gong zhing / de'i sems gzhan du mi 'gyur la yid skrag par mi 'gyur na/ rab 'byor byang chub sems dpa' sems dpa' chen pos bdag ni de bzhin gshegs pa dgra bcom pa yang dag par rdzogs pa'i sangs rgyas de dag gis bla na med pa yang dag par rdzogs pa'i byang chub tu lung bstan to/ /de ci'i phyir zhe na/ de ni 'di ltar chos gang dang ldan pas byang chub sems dpa' sems dpa' chen po bla na med pa yang dag par rdzogs pa'i byang chub tu lung bstan par 'gyur ba'i chos de dag bdag la yod do zhes bya bar rig par bya'o/ /rab 'byor gal te bdud sdig to can nam/ bdud kyi byin gyis brlabs pa'i skyes bu zhig /byang chub sems dpa' sems dpa' chen po'i drung du sangs rgyas kyi cha byad du nye bar 'ongs nas/ nyan thos kyi sa 'am/ rang sangs rgyas kyi sar lung bstan kyang gal te byang chub sems dpa' sems dpa' chen po 'di snyam du de bzhin gshegs pa dgra bcom pa yang dag par rdzogs pa'i sangs rgyas rnams ni/ byang chub sems dpa' sems dpa' chen po nyan thos kyi sa 'am rang sangs rgyas kyi sa la yang yang dag par bskul ba mi mdzad de/ kye ma 'di ni bdud sdig to can nam/ bdud sdig to can gyis byin gyis brlabs pa'i skyes bu zhig /sangs rgyas kyi cha byad du nye bar 'ongs so snyam sems pa dang / gal te rab 'byor byang chub sems dpa' sems dpa' chen po shin du rgyas pa'i mdo sde klog pa dang kha ton byed pa la bdud sdig to can sangs rgyas kyi cha byad du nye bar 'ongs nas/ de la 'di skad du gang la khyod spyod pa'i mdo sde 'di</font><hr>32.157a<br><font size=+1>

dag ni bdud kyis bshad pa yin te/ 'di dag ni sangs rgyas bcom ldan 'das rnams dang / nyan thos dang rang sangs rgyas rnams kyis bshad pa ma yin no zhes zer na/ rab 'byor de la byang chub sems dpa' sems dpa' chen pos/ kye ma gang bdag bla na med pa yang dag par rdzogs pa'i byang chub dang 'bral bar byed pa 'di ni bdud sdig to can nam/ bdud kyi byin gyis brlabs pa'i skyes bu'o zhes bya bar rig par byed na/ rab 'byor byang chub sems dpa' sems dpa' chen po de ni sngon gyi de bzhin gshegs pa dgra bcom pa yang dag par rdzogs pa'i sangs rgyas rnams kyis bla na med pa yang dag par rdzogs pa'i byang chub tu lung bstan pa yin te/ byang chub sems dpa' sems dpa' chen po de ni phyir mi ldog pa'i sa la gnas par rig par bya'o/ /de ci'i phyir zhe na/ gang phyir mi ldog pa'i byang chub sems dpa' sems dpa' chen po rnams kyi rnam pa de dag dang / tshul de dag dang mtshan ma de dag ni de la yod do/ /rab 'byor rnam pa de dag dang tshul de dag dang mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o/ /rab 'byor gzhan yang phyir mi ldog pa'i byang chub sems dpa' sems dpa' chen po ni shes rab kyi pha rol du phyin pa la spyod pa'i tshe/ dam pa'i chos/ yongs su gzung ba'i phyir bdag kyang yongs su gtong la/ srog yongs su chad par 'gyur yang sdod cing chos de yongs su mi gtong ngo / /rab 'byor byang chub sems dpa' sems dpa' chen po de ni dam pa'i chos yongs su gzung ba'i phyir 'di ltar brtson par byed de/ 'das pa dang / ma byon pa dang / da ltar byung ba'i sangs rgyas bcom ldan 'das rnams kyi dam pa'i chos yongs su gzung zhing / dam pa'i chos yongs su mi gtong ba de ltar brtson par byed do/ /de ci'i phyir zhe na/ 'di ltar de ni 'di snyam du sems te/ dam pa'i chos yongs su bzung na/ 'das pa dang / ma byon pa</font><hr>32.157b<br><font size=+1>

dang / da ltar byung ba'i sangs rgyas bcom ldan 'das rnams la mchod par 'gyur/ de dag gi dam pa'i chos kyang yongs su gzung bar 'gyur ro snyam mo/ /de la chos gang gi don du byang chub sems dpa' sems dpa' chen po bdag yongs su gtong zhing srog yongs su chad par 'gyur yang sdod pa'i chos de gang zhe na/ rab 'byor 'di la de bzhin gshegs pa dgra bcom pa yang dag par rdzogs pa'i sangs rgyas chos thams cad stong ngo zhes chos ston te/ de la skyes bu blun po la la 'di ni chos ma yin/ 'di ni 'dul ba ma yin 'di ni ston pas bstan pa ma yin no zhes phyir rgol zhing ngan du brjod de/ rab 'byor chos de'i phyir byang chub sems dpa' sems dpa' chen po bdag yongs su gtong zhing srog yongs su chad par 'gyur yang mi gtong ngo / /rab 'byor de ltar byang chub sems dpa' chen pos 'di ltar bslab par bya ste/ gang ma 'ongs pa'i dus na de bzhin gshegs pa 'byung bar 'gyur ba de dag gi nang du bdag kyang grangs su gzhug go/ /bdag kyang der lung bstan to/ /chos gang gi phyir bdag yongs su gtong ba dang / srog yongs su chad par 'gyur yang mi gtong ba de yang bdag gis chos so zhes bslab bo/ /rab 'byor byang chub sems dpa' sems dpa' chen pos don gyi dbang 'di mthong bas dam pa'i chos yongs su gzung ba'i phyir bdag kyang yongs su gtong la srog yongs su chad par 'gyur yang sdod pa yin no/ /rab 'byor rnam pa de dag dang / tshul de dag dang / mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o/ /rab 'byor gzhan yang phyir mi ldog pa'i byang chub sems dpa' sems dpa' chen po ni de bzhin gshegs pa dgra bcom pa yang dag par rdzogs pa'i sangs rgyas chos ston pa la nem nur med/ the tshom mi za zhing gang sangs rgyas</font><hr>32.158a<br><font size=+1>

bcom ldan 'das de dag gsungs pa de thams cad yongs su 'dzin to/ /de ltar bzung nas kyang chud za bar mi byed do/ /de ci'i phyir zhe na/ de ni 'di ltar gzungs rab tu thob pa'i phyir ro/ /de nas tshe dang ldan pa rab 'byor gyis/ bcom ldan 'das la 'di skad ces gsol to/ /bcom ldan 'das gzungs gang thob pas/ byang chub sems dpa' sems dpa' chen po'i de bzhin gshegs pas gsungs pa'i mdo rnams chab mi 'tshal ba lags/ bcom ldan 'das kyis bka' stsal pa/ rab 'byor mi zad pa'i za ma tog gi gzungs rab tu thob pas byang chub sems dpa' sems dpa' chen po'i de bzhin gshegs pas gsungs pa'i mdo rnams chud mi za'o/ /de bzhin du rgya mtsho'i phyag rgya dang / pad mo rnam par bkod pa dang / yongs su 'dzin pa'i gzungs rab tu thob pas/ byang chub sems dpa' sems dpa' chen po'i de bzhin gshegs pas gsungs pa'i mdo rnams chud mi za'o/ /gsol pa/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyis gsungs pa 'ba' zhig chab mi 'tshal du bas kyi nyan thos kyis bshad pa ma lags sam/ lhas bshad pa ma lags sam/ klus bshad pa ma lags sam/ gnod sbyin gyis bshad pa ma lags sam/ dri zas bshad pa ma lags sam/ lha ma yin gyis bshad pa ma lags sam/ nam mkha' lding gis bshad pa ma lags sam/ lto 'phye chen pos bshad pa ma lags sam/ bcom ldan 'das kyis bka' stsal pa/ rab 'byor byang chub sems dpa' sems dpa' chen po ni skad dang / brda dang / sgra gang yang rung ste/ de dag thams cad la nem nur med cing the tshom med do/ /de ci'i phyir zhe na/ de ltar des gzungs rab tu thob pa'i phyir ro/ /rab 'byor rnam pa de dag dang / tshul de dag dang mtshan ma de dag dang ldan pa'i byang chub</font><hr>32.158b<br><font size=+1>

sems dpa' sems dpa' chen po ni phyir mi ldog par rig par bya'o/ /shes rab kyi pha rol du phyin pa stong phrag nyi shu lnga pa las phyir mi ldog pa'i le'u ste bzhi bcu pa'o// // de skad ces bka' stsal pa dang / tshe dang ldan pa rab 'byor gyis/ bcom ldan 'das la 'di skad ces gsol to/ /bcom ldan 'das phyir mi ldog pa'i byang chub sems dpa' sems dpa' chen po ni yon tan chen po dang ldan pa'o bcom ldan 'das phyir mi ldog pa'i byang chub sems dpa' sems dpa' chen po ni tshad ma mchis/ grangs ma mchis/ dpag tu ma mchis pa'i yon tan dang ldan pa'o/ /bcom ldan 'das phyir mi ldog pa'i byang chub sems dpa' sems dpa' chen po ni bskyed du ma mchis pa'i yon tan dang ldan pa'o/ /bcom ldan 'das kyis bka' stsal pa/ rab 'byor de de bzhin no/ /de de bzhin te/ rab 'byor phyir mi ldog pa'i byang chub sems dpa' sems dpa' chen po ni yon tan chen po dang ldan pa'o/ /rab 'byor phyir mi ldog pa'i byang chub sems dpa' sems dpa' chen po ni tshad med grangs med dpag tu med pa'i yon tan dang ldan pa'o/ /rab 'byor phyir mi ldog pa'i byang chub sems dpa' sems dpa' chen po ni bskyed du med pa'i yon tan dang ldan pa'o/ /de ci'i phyir zhe na/ de ni 'di ltar des nyan thos dang / rang sangs rgyas thams cad dang thun mong ma yin pa'i ye shes mtha' yas mu med pa rab tu thob ste/ ye shes de la gnas shing phyir mi ldog pa'i byang chub sems dpa' sems dpa' chen po so so yang dag par rig pa mngon par bsgrubs pa/ gang gis lha dang mi dang lha ma yin du bcas pa'i 'jig rten gyis dris kyang lan zad par mi 'gyur ba'i so so yang dag par rig pa mngon par sgrub bo/ /rab 'byor gyis gsol pa/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas la ni gang gA'i klung gi bye ma snyed kyi bskal par yang rnam</font><hr>32.159a<br><font size=+1>

pa gang dang tshul gang dang / mtshan ma gang gis phyir mi ldog pa'i byang chub sems dpa' sems dpa' chen por brjod pa'i phyir mi ldog pa'i byang chub sems dpa' sems dpa' chen po'i rnam pa dang / tshul dang / mtshan ma rnams ston pa'i mthu mnga' na/ bcom ldan 'das gang la gnas shing byang chub sems dpa' sems dpa' chen po pha rol du phyin pa drug la spyod pa'i tshe/ dran pa nye bar gzhag pa bzhi yongs su rdzogs par bgyid pa dang / yang dag par spong ba dang rdzu 'phrul gyi rkang pa dang / dbang po dang stobs dang / byang chub kyi yan lag dang / 'phags pa'i lam yan lag brgyad pa yongs su rdzogs par bgyid pa dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa yongs su rdzogs par bgyid pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa yongs su rdzogs par bgyid pa dang / mngon par shes pa dang / ting nge 'dzin dang / gzungs kyi sgo yongs su rdzogs par bgyid pa dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad yongs su rdzogs par bgyid pa dang / rnam pa thams cad mkhyen pa nyid kyi bar du yongs su rdzogs par bgyid pa'i gnas zab mo zab mo rnams legs par bstan du gsol/ bcom ldan 'das kyis bka' stsal pa/ rab 'byor legs so legs so/ /rab 'byor khyod de ltar khyod phyir mi ldog pa'i byang chub sems dpa' sems dpa' chen po rnams kyi don du de bzhin gshegs pa la gnas zab mo rnams dri bar sems pa legs so/ /rab 'byor zab mo zhes bya ba 'di ni stong pa nyid</font><hr>32.159b<br><font size=+1>

kyi tshig bla dgas so/ /'di ni mtshan ma med pa dang / smon pa med pa dang / mngon par 'du bya ba med pa dang / skye ba med pa dang / 'dod chags dang bral ba dang / 'gog pa dang / mya ngan las 'das pa dang / zhi ba dang / de bzhin nyid dang / yang dag pa'i mtha' dang chos kyi dbyings kyi tshig bla dgas so/ /rab 'byor 'di lta ste gang mya ngan las 'das pa'i tshig bla dgas de dag ni gnas zab mo zab mo zhes bya ba de dag go/ /gsol pa/ de mya ngan las 'das pa'i tshig bla dgas su bas kyi/ chos thams cad kyi tshig bla dgas ma lags sam/ bcom ldan 'das kyis bka' stsal pa/ rab 'byor zab mo zhes bya ba ni chos thams cad kyi tshig bla dgas kyang de yin no/ /de ci'i phyir zhe na/ rab 'byor gzugs zab po/ /tshor ba dang / 'du shes dang / 'du byed dang / rnam par shes pa zab bo/ /rab 'byor mig zab bo/ /rna ba dang / sna dang lce dang lus dang yid zab bo/ /rab 'byor gzugs zab bo/ /sgra dang dri dang ro dang reg dang chos zab bo/ /rab 'byor mig gi rnam par shes pa zab po/ /mig gi 'dus te reg pa dang / mig gi 'dus te reg pa'i rkyen gyis tshor ba zab bo/ /rab 'byor rna ba dang / sna dang / lce dang lus dang / yid kyi rnam par shes pa zab bo/ /yid kyi 'dus te reg pa dang / yid kyi 'dus te reg pa'i rkyen gyis tshor ba zab bo/ /rab 'byor sa'i khams zab bo/ /chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams zab bo/ /rab 'byor ma rig pa zab bo/ /'du byed dang rnam par shes pa dang / ming dang gzugs dang skye mched drug dang / reg pa dang / tshor ba dang / sred pa dang / len pa dang / srid pa dang / skye ba dang / rga shi zab bo/ /rab 'byor pha rol du phyin pa thams cad dang stong pa nyid thams cad dang byang chub kyi phyogs kyi chos sum bcu rtsa bdun zab pa'o/ /'phags</font><hr>32.160a<br><font size=+1>

pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo zab bo/ /de bzhin gshegs pa'i stobs bcu dang mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad zab bo/ /rab 'byor rnam pa thams cad mkhyen pa nyid kyi bar du zab bo/ /byang chub zab bo/ /rab 'byor ji ltar na gzugs zab/ ji ltar na tshor ba dang / 'du shes dang / 'du byed dang rnam par shes pa zab/ ji ltar na skye mched dang / khams dang / rten cing 'brel bar 'byung ba zab/ ji ltar na pha rol du phyin pa thams cad dang / stong pa nyid thams cad dang / byang chub kyi phyogs kyi chos rnams zab/ ji ltar na sangs rgyas kyi chos ma 'dres pa bcwa brgyad kyi bar du zab/ ji ltar na rnam pa thams cad mkhyen pa nyid kyi bar du zab/ ji ltar na byang chub zab ce na/ gzugs kyi de bzhin nyid ji lta ba de bzhin du gzugs zab bo/ /tshor ba dang / 'du shes dang / 'du byed dang / rnam par shes pa'i de bzhin nyid ji lta ba de bzhin du rnam par shes pa zab bo/ /skye mched dang / khams dang / rten cing 'brel bar 'byung ba'i de bzhin nyid ji lta ba de bzhin du rten cing 'brel bar 'byung ba zab bo/ /pha rol du phyin pa thams cad dang / stong pa nyid thams cad dang / byang chub kyi phyogs kyi chos rnams kyi de bzhin nyid ji lta ba de bzhin du/ byang chub kyi phyogs kyi chos rnams zab bo/ /'phags pa'i bden pa dang / bsam gtan dang tshad med pa dang / gzugs med pa'i snyoms par 'jug pa dang rnam par thar pa dang mthar gyis gnas pa'i snyoms par 'jug pa dang / stong pa nyid dang mtshan ma med pa dang / smon pa med pa</font><hr>32.160b<br><font size=+1>

dang / mngon par shes pa dang / ting nge 'dzin dang gzungs kyi sgo rnams kyi de bzhin nyid ji lta ba de bzhin du gzungs kyi sgo rnams zab bo/ /de bzhin gshegs pa'i stobs dang / mi 'jigs pa dang / so so yang dag par rig pa dang / byams pa chen po dang / snying rje chen po dang / sangs rgyas kyi chos ma 'dres pa rnams kyi de bzhin nyid ji lta ba de bzhin du sangs rgyas kyi chos ma 'dres pa rnams zab bo/ /rnam pa thams cad mkhyen pa nyid kyi bar gyi de bzhin nyid ji lta ba de bzhin du rnam pa thams cad mkhyen pa nyid zab bo/ /byang chub kyi de bzhin nyid ji lta ba de bzhin du byang chub zab bo/ /gsol pa/ bcom ldan 'das gzugs kyi de bzhin nyid ni ji lta bu lags/ bcom ldan 'das tshor ba dang 'du shes dang 'du byed dang / rnam par shes pa'i de bzhin nyid ni ji lta bu lags/ bcom ldan 'das skye mched dang khams dang rten cing 'brel bar 'byung ba'i de bzhin nyid ni ji lta bu lags/ bcom ldan 'das pha rol du phyin pa thams cad dang stong pa nyid thams cad dang byang chub kyi phyogs kyi chos rnams kyi de bzhin nyid ni ji lta bu lags/ bcom ldan 'das sangs rgyas kyi chos ma 'dres pa bcwa brgyad kyi bar gyi de bzhin nyid ni ji lta bu lags/ bcom ldan 'das rnam pa thams cad mkhyen pa nyid kyi bar gyi de bzhin nyid ni ji lta bu lags/ byang chub kyi de bzhin nyid ni ji lta bu lags/ bcom ldan 'das kyis bka' stsal pa/ rab 'byor gzugs kyi de bzhin nyid de la gzugs kyang med/ gzugs las gud na yang de bzhin nyid med de/ gzugs kyi de bzhin nyid ni de lta bu'o/ /rab 'byor tshor ba dang / 'du shes dang 'du byed dang rnam par shes pa'i de bzhin nyid de la rnam par shes pa yang med/ rnam par shes pa las gud na yang de bzhin nyid med de/ rnam par shes pa'i de bzhin nyid ni de lta bu'o/ /rab 'byor skye mched dang / khams dang rten cing 'brel bar 'byung ba'i de bzhin nyid de la/ rten cing 'brel bar 'byung ba yang med/ </font><hr>32.161a<br><font size=+1>

rten cing 'brel bar 'byung ba las gud na yang de bzhin nyid med de/ rten cing 'brel bar 'byung ba'i de bzhin nyid ni de lta bu'o/ /rab 'byor pha rol du phyin pa thams cad dang stong pa nyid thams cad dang byang chub kyi phyogs kyi chos rnams kyi de bzhin nyid de la byang chub kyi phyogs kyi chos rnams kyang med/ byang chub kyi phyogs kyi chos rnams las gud na yang de bzhin nyid med de byang chub kyi phyogs kyi chos rnams kyi de bzhin nyid ni de lta bu'o/ /'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa'i de bzhin nyid de la/ gzugs med pa'i snyoms par 'jug pa yang med/ gzugs med pa'i snyoms par 'jug pa las gud na yang de bzhin nyid med de/ gzugs med pa'i snyoms par 'jug pa'i de bzhin nyid ni de lta bu'o/ /rnam par thar pa dang / mthar gyis gnas pa'i snyoms par 'jug pa dang / stong pa nyid dang mtshan ma med pa dang / smon pa med pa'i de bzhin nyid de la/ stong pa nyid dang mtshan ma med pa dang smon pa med pa yang med/ stong pa nyid dang / mtshan ma med pa dang / smon pa med pa las gud na yang de bzhin nyid med de/ stong pa nyid dang mtshan ma med pa dang / smon pa med pa'i de bzhin nyid ni de lta bu'o/ /mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs dang mi 'jigs pa dang so so yang dag par rig pa dang / byams pa chen po dang / snying rje chen po dang / sangs rgyas kyi chos ma 'dres pa'i de bzhin nyid de la sangs rgyas kyi chos ma 'dres pa rnams kyang med/ sangs rgyas kyi chos ma 'dres pa rnams las gud na yang de bzhin nyid med de/ sangs rgyas kyi chos ma 'dres pa rnams kyi de bzhin nyid ni de lta bu'o/ /rab 'byor rnam pa thams cad mkhyen pa nyid kyi bar gyi de bzhin nyid de la/ rnam pa thams cad mkhyen pa nyid kyang med/ rnam pa thams cad mkhyen pa nyid las gud na yang de bzhin nyid med de/ rnam pa thams cad mkhyen pa nyid kyi de</font><hr>32.161b<br><font size=+1>

bzhin nyid ni de lta bu'o/ /rab 'byor byang chub kyi de bzhin nyid de la/ byang chub kyang med/ byang chub las gud na yang de bzhin nyid med de/ byang chub kyi de bzhin nyid ni de lta bu'o/ /gsol pa/ bcom ldan 'das de ltar thabs phra bas phyir mi ldog pa'i byang chub sems dpa' sems dpa' chen po gzugs las kyang bzlog /mya ngan las 'das pa yang bstan/ tshor ba dang 'du shes dang 'du byed dang rnam par shes pa las kyang bzlog /mya ngan las 'das pa yang bstan/ skye mched dang khams dang rten cing 'brel bar 'byung ba las kyang bzlog /mya ngan las 'das pa yang bstan/ pha rol du phyin pa rnams dang / stong pa nyid rnams dang / byang chub kyi phyogs kyi chos rnams las kyang bzlog[ ]/ mya ngan las 'das pa yang bstan/ sangs rgyas kyi chos ma 'dres pa rnams kyi bar las kyang bzlog /mya ngan las 'das pa yang bstan/ 'jig rten pa dang / 'jig rten las 'das pa dang / thun mong dang thun mong ma lags pa dang / zag pa dang bcas pa dang / zag pa ma mchis pa'i 'dzin pa thams cad las kyang bzlog /mya ngan las 'das pa yang bstan pa de ni ngo mtshar che'o/ /bcom ldan 'das kyis bka' stsal pa/ rab 'byor byang chub sems dpa' sems dpa' chen po gang shes rab kyi pha rol du phyin pa las ji skad bstan pa bzhin du bdag gis gnas par bya'o/ /shes rab kyi pha rol du phyin pa las ji skad brjod pa bzhin du bdag gis bslab par bya'o zhes shes rab kyi pha rol du phyin pa dang ldan pa'i gnas zab mo 'di dag sems shing 'jal ba dang / rtog pa byed na rab 'byor byang chub sems dpa' sems dpa' chen po shes rab kyi pha rol du phyin pa las ji skad bshad pa de bzhin du sgrub pa dang / de bzhin du sems pa dang / de bzhin du yongs su rtog pa dang / de bzhin du brtson par byed pa dang / de bzhin du rtsol ba dang shes rab kyi pha rol du phyin pa las ji skad du bstan pa de bzhin du 'bad pa de ni/ sems bskyed pa gcig gis kyang</font><hr>32.162a<br><font size=+1>

grangs med tshad med dpag tu med pa'i dge ba'i rtsa ba yongs su 'dzin par 'gyur te/ de bskal pa tshad med par 'khor ba spong bar 'gyur na/ shes rab kyi pha rol du phyin pa la ma 'dres par spyod cing / byang chub yid la bya ba dang ldan par gnas pa lta ci smos/ rab 'byor 'di lta ste dper na/ skyes bu 'dod chags kyi spyod pa can rtog pa dang ldan pa la la zhig gis bud med gzugs bzang zhing mdzes pa lta na sdug pa zhig btus la/ bud med de gzhan gyis yongs su bzung ba zhig ste/ khyim nas phyir 'byung bar yang ma nus na/ rab 'byor de ji snyam du sems/ skyes bu de'i rtog pa ci dang ldan par 'gyur gsol pa/ bcom ldan 'das skyes bu de'i rtog pa ni bud med dang ldan par 'gyur te/ bdag gi bud med ni 'di lta bu zhig go/ /de 'ongs nas de dang lhan cig tu gnas par bya'o/ /rtse bar bya'o snyam mo/ /bcom ldan 'das kyis bka' stsal pa/ rab 'byor de ji snyam du sems/ nyin mtshan 'das pas skyes bu de'i rtog pa ji snyed cig 'byung bar 'gyur/ gsol pa/ bcom ldan 'das de ni mang ngo / /bde bar gshegs pa de ni mang ste/ skyes bu de'i rnam par rtog pa de ni nyin mtshan 'das pas shin tu mang bar 'byung ngo / /bcom ldan 'das kyis bka' stsal pa/ rab 'byor skyes bu de'i rnam par rtog pa ni nyin mtshan 'das pas ji snyed cig 'byung ba de snyed kyi bskal par byang chub sems dpa' sems dpa' chen po 'khor ba spong zhing rgyab kyis ltas par 'gyur ro/ /gang shes rab kyi pha rol du phyin pa zab mo ji skad du bstan pa 'di la slob pa dang / nye bar rtog pa dang / sems pa dang / nyes pa gang gis byang chub sems dpa' sems dpa' chen po bla na med pa yang dag par rdzogs pa'i byang chub las phyir ldog pa'i nyes pa de dag ci nas kyang spangs par 'gyur ba de ltar brtson par byed na/ rab 'byor de ltar brtson pas rjes su brtson pa'i byang chub sems dpa' sems dpa' chen po shes</font><hr>32.162b<br><font size=+1>

rab kyi pha rol du phyin pa las ji skad bstan pa bzhin du gnas pa des nyin cig la dge ba'i rtsa ba gang yongs su bzung ba des/ gang gA'i klung gi bye ma snyed kyi 'jig rten gyi khams rnams yongs su gang bar gyur kyang / des ni dge ba'i rtsa ba de'i lhag ma la brgya'i char yang nye bar mi 'gro'o/ /stong gi cha dang brgya stong gi cha dang / grangs dang / cha dang / bgrang ba dang / dpe dang rgyu'i bar du yang nye bar mi 'gro'o/ /rab 'byor gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ bskal pa gang gA'i klung gi bye ma snyed kyi sangs rgyas dkon mchog dang / chos dkon mchog dang / dge 'dun dkon mchog dang / dkon mchog gsum la sbyin pa byin na/ rab 'byor de ji snyam du sems/ byang chub sems dpa' sems dpa' chen po'i bsod nams de'i rgyus mang du 'phel lam/ gsol pa/ bcom ldan 'das mang ngo / /bde bar gshegs pa mang ste/ tshad ma mchis grangs ma mchis dpag tu ma mchis bsam gyis mi khyab mtshungs pa ma mchis so/ /bcom ldan 'das kyis bka' stsal pa/ rab 'byor de bas kyang byang chub sems dpa' sems dpa' chen po/ gang shes rab kyi pha rol du phyin pa zab mo ji skad du bstan pa 'di la brtson par byed na/ de'i bsod nams ches mang du 'phel lo/ /de ci'i phyir zhe na/ tshul gang gis bla na med pa yang dag par rdzogs pa'i byang chub tu mngon par rdzogs par 'tshang rgya ba de ni byang chub sems dpa' sems dpa' chen po rnams kyi tshul lo/ /shes rab kyi pha rol du phyin pa stong phrag nyi shu lnga pa las/ bam po lnga bcu gnyis pa/ rab 'byor de ji snyam du sems/ byang chub sems dpa' sems dpa' chen po gang shes rab kyi pha rol du phyin pa dang bral ba/ gang gA'i klung gi bye ma snyed kyi bskal par 'dug cing rgyun du zhugs pa la yon phul lan gcig phyir 'ong ba dang / phyir mi 'ong ba dang dgra bcom pa dang rang sangs rgyas dang / byang chub sems dpa' dang / de bzhin gshegs pa dgra bcom</font><hr>32.163a<br><font size=+1>

pa yang dag par rdzogs pa'i sangs rgyas rnams la yon phul na/ rab 'byor de ji snyam du sems/ byang chub sems dpa' sems dpa' chen po de'i bsod nams de'i rgyus mang du 'phel lam/ gsol pa/ bcom ldan 'das mang ngo / /bde bar gshegs pa mang ngo / /bcom ldan 'das kyis bka' stsal pa/ rab 'byor de bas kyang rigs kyi bu 'am rigs kyi bu mo gang shes rab kyi pha rol du phyin pa zab mo ji skad bstan pa 'di la brtson par byed na/ de'i bsod nams ches mang du 'phel lo/ /de ci'i phyir zhe na/ shes rab kyi pha rol du phyin pa 'di la spyod pa'i byang chub sems dpa' sems dpa' chen po ni nyan thos dang rang sangs rgyas kyi sa las 'das nas/ byang chub sems dpa'i skyon med par 'jug cing / bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro/ /rab 'byor de ji snyam du sems/ byang chub sems dpa' sems dpa' chen po shes rab kyi pha rol du phyin pa dang bral ba zhig bskal pa gang gA'i klung gi bye ma snyed du 'dug cing 'tsho ste/ sbyin pa byin tshul khrims bsrungs bzod pa bsgrubs/ brtson 'grus brtsams/ bsam gtan la mnyam par gzhag /shes rab bsgoms na de'i bsod nams de'i rgyus mang du 'phel lam/ gsol pa/ bcom ldan 'das mang ngo / bde bar gshegs pa mang ngo / /bcom ldan 'das kyis bka' stsal pa/ rab 'byor de bas kyang rigs kyi bu 'am rigs kyi bu mo gang gis shes rab kyi pha rol du phyin pa 'di la gnas te/ nyi ma 'ga' zhig sbyin pa byin pa dang / tshul khrims bsrungs pa dang / bzod pa bsgrubs pa dang / brtson 'grus brtsams pa dang / bsam gtan la mnyam par gzhag pa dang / shes rab bsgoms pa de'i bsod nams ches mang du 'phel lo/ /de ci'i phyir zhe na/ rab 'byor 'di lta ste shes rab kyi pha rol du phyin pa 'di ni byang chub sems dpa' sems dpa' chen po rnams kyi ma'o/ /'di lta ste shes rab kyi pha rol</font><hr>32.163b<br><font size=+1>

du phyin pa 'di ni byang chub sems dpa' sems dpa' chen po rnams skyed pa'o/ /shes rab kyi pha rol du phyin pa 'di la gnas nas/ byang chub sems dpa' sems dpa' chen po rnams chos thams cad yongs su rdzogs par byed de/ bla na med pa yang dag par rdzogs pa'i byang chub kyi bar du mngon par rdzogs par 'tshang rgya'o/ /rab 'byor de ji snyam du sems/ byang chub sems dpa' sems dpa' chen po shes rab kyi pha rol du phyin pa dang bral bas bskal pa gang gA'i klung gi bye ma snyed du gnas te/ chos kyi sbyin pa byin na/ rigs kyi bu 'am rigs kyi bu mo de'i bsod nams de'i rgyus mang du 'phel lam/ gsol pa/ bcom ldan 'das mang ngo / bde bar gshegs pa mang ngo / /bcom ldan 'das kyis bka' stsal pa/ rab 'byor de bas kyang rigs kyi bu 'am rigs kyi bu mo gang gis shes rab kyi pha rol du phyin pa 'di las ji skad bstan pa bzhin du gnas te/ nyi ma 'ga' zhig chos kyi sbyin pa byin na de'i bsod nams dang de'i rgyus ches mang du 'phel lo/ /de ci'i phyir zhe na/ rab 'byor de ni 'di ltar byang chub sems dpa' sems dpa' chen po gang shes rab kyi pha rol du phyin pa dang bral ba ni rnam pa thams cad mkhyen pa nyid dang bral ba'o/ /rab 'byor byang chub sems dpa' sems dpa' chen po gang shes rab kyi pha rol du phyin pa dang ma bral ba de ni rnam pa thams cad mkhyen pa nyid dang ma bral ba ste/ rab 'byor de bas na byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya bar 'dod pas/ shes rab kyi pha rol du phyin pa dang ma bral bar bya'o/ /rab 'byor de ji snyam du sems/ shes rab kyi pha rol du phyin pa dang ma bral ba'i byang chub sems dpa' sems dpa' chen pos bskal pa gang gA'i klung gi bye ma snyed du gnas te/ dran pa nye bar gzhag pa bzhi dang yang dag par spong ba bzhi dang rdzu 'phrul gyi rkang pa bzhi dang / dbang po lnga dang / stobs lnga dang / </font><hr>32.164a<br><font size=+1>

byang chub kyi yan lag bdun dang / 'phags pa'i lam yan lag brgyad pa dang / 'phags pa'i bden pa bzhi dang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa'i ting nge 'dzin la brtson par byas na/ rab 'byor de ji snyam du sems/ rigs kyi bu 'am rigs kyi bu mo de'i bsod nams de'i rgyus mang du 'phel lam/ gsol pa/ bcom ldan 'das mang ngo / bde bar gshegs pa mang ngo / /bcom ldan 'das kyis bka' stsal pa/ rab 'byor de bas kyang rigs kyi bu 'am rigs kyi bu mo gang gis shes rab kyi pha rol du phyin pa zab mo 'di las ji skad du bstan pa bzhin du gnas te/ nyi ma 'ga' zhig dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa dang / 'phags pa'i bden pa bzhi dang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang mtshan ma med pa dang / smon pa med pa'i ting nge 'dzin la brtson par byas na de'i bsod nams ches mang du 'phel lo/ /de ci'i phyir zhe na/ byang chub sems dpa' sems dpa' chen po shes rab kyi pha rol du phyin pa dang ma bral ba/ rnam pa thams cad mkhyen pa nyid las phyir ldog pa de ni gnas med skabs med de de ni gnas ma yin no/ /rab 'byor 'di ni gnas yin te byang chub sems dpa' sems dpa' chen pos shes rab kyi pha rol du phyin pa dang bral ba ni rnam pa thams cad mkhyen pa nyid las phyir ldog pa'i gnas yod do/ /rab 'byor de lta bas na byang chub sems dpa' sems dpa' chen pos shes rab kyi pha rol du</font><hr>32.164b<br><font size=+1>

phyin pa dang ma bral bar bya'o/ /rab 'byor de ji snyam du sems/ byang chub sems dpa' sems dpa' chen po shes rab kyi pha rol du phyin pa dang bral bas/ bskal pa gang gA'i klung gi bye ma snyed du gnas te/ zang zing gi sbyin pa de dang chos kyi sbyin pa de dang / nang du yang dag par 'jog pa dang ldan pa'i yid la byed pa de dag bla na med pa yang dag par rdzogs pa'i byang chub tu yongs su bsngos na/ rigs kyi bu 'am rigs kyi bu mo de de'i bsod nams de'i rgyus mang du 'phel lam/ gsol pa/ bcom ldan 'das mang ngo / bde bar gshegs pa mang ngo / /bcom ldan 'das kyis bka' stsal pa/ rab 'byor de bas kyang rigs kyi bu 'am rigs kyi bu mo gang gis shes rab kyi pha rol du phyin pa zab mo 'di las ji skad du bstan pa bzhin du gnas te/ nyi ma 'ga' zhig zang zing gi sbyin pa de dang / chos kyi sbyin pa de dang / nang du yang dag par 'jog pa dang ldan pa'i yid la byed pa de dag bla na med pa yang dag par rdzogs pa'i byang chub tu yongs su bsngos na/ rigs kyi bu 'am rigs kyi bu mo de'i bsod nams ches mang du 'phel lo/ /de ci'i phyir zhe na/ 'di lta ste shes rab kyi pha rol du phyin pa'i yongs su bsngo ba 'di ni bsngo ba'i mchog go/ /gang shes rab kyi pha rol du phyin pa dang bral bar yongs su bsngo ba de ni yongs su bsngo ba ma yin no/ /rab 'byor de lta bas na byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya bar 'dod pas/ shes rab kyi pha rol du phyin pa'i yongs su bsngo ba la mkhas par bya'o/ /rab 'byor de ji snyam du sems/ rigs kyi bu 'am rigs kyi bu mo shes rab kyi pha rol du phyin pa dang bral ba gang la las bskal pa gang gA'i klung gi bye ma snyed du gnas te/ 'das pa dang / ma byon pa dang / da ltar byung ba'i sangs rgyas bcom ldan 'das nyan thos kyi dge 'dun dang bcas pa rnams kyi dge ba'i rtsa ba gang ji snyed pa de thams cad la/ rjes su yi rang nas bla na med pa yang dag par rdzogs</font><hr>32.165a<br><font size=+1>

pa'i byang chub tu yongs su bsngos na/ rigs kyi bu 'am rigs kyi bu mo de'i bsod nams de'i rgyus mang du 'phel lam/ gsol pa/ bcom ldan 'das mang ngo / bde bar gshegs pa mang ngo / /bcom ldan 'das kyis bka' stsal pa/ rab 'byor de bas kyang rigs kyi bu 'am rigs kyi bu mo gang gis shes rab kyi pha rol tu phyin pa zab mo ji skad du bstan pa 'di la gnas te/ nyi ma 'ga'i dge ba'i rtsa ba bla na med pa yang dag par rdzogs pa'i byang chub tu yongs su bsngos na/ rigs kyi bu 'am rigs kyi bu mo de'i bsod nams ches mang du 'phel lo/ /de ci'i phyir zhe na/ rab 'byor bsngo ba thams cad kyi sngon du 'gro ba ni shes rab kyi pha rol du phyin pa'o/ /rab 'byor de lta bas na byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya bar 'dod pas/ shes rab kyi pha rol du phyin pa'i yongs su bsngo ba la mkhas par bya'o/ /gsol pa/ bcom ldan 'das mngon par 'du bgyi ba ma mchis pa ni yongs su brtags pa'o zhes bcom ldan 'das kyis bka' stsal na/ de la ji ltar rigs kyi bu 'am rigs kyi bu mo de'i bsod nams ches mang du 'phel bar 'gyur ba lags/ bcom ldan 'das mngon par 'du bgyi ba ma mchis pas ni yang dag par lta ba bskyed pa 'am/ skyon ma mchis par yang 'jug par mi nus so/ /rgyun du zhugs pa'i 'bras bu 'thob pa 'am lan cig phyir 'ong ba'i 'bras bu 'am phyir mi 'ong ba'i 'bras bu 'am/ dgra bcom pa nyid 'thob pa 'am/ bla na med pa yang dag par rdzogs pa'i byang chub tu mngon par rdzogs par 'tshang rgya ba'i bar du yang mi nus so/ /bcom ldan 'das kyis bka' stsal pa/ rab 'byor de de bzhin no/ /de de bzhin te/ mngon par 'du bya ba med pas ni yang dag par lta ba bskyed pa 'am/ skyon med par 'jug pa 'am/ rgyun du zhugs pa'i 'bras bu 'thob pa 'am/ lan cig phyir 'ong ba'i 'bras bu 'am/ phyir mi 'ong ba'i 'bras bu 'am/ dgra bcom pa nyid 'thob pa 'am/ bla na med pa yang</font><hr>32.165b<br><font size=+1>

dag par rdzogs pa'i byang chub tu mngon par rdzogs par 'tshang rgya bar yang mi nus te/ rab 'byor de la byang chub sems dpa' sems dpa' chen po shes rab kyi pha rol du phyin pa la spyod pa'i sbyin pa de yang mngon par 'du bya ba med pa ste/ stong pa nyid du snang ngo / /gsob nyid du snang ngo / /gsog nyid du snang ngo / /snying po med pa nyid du snang ngo / /de ci'i phyir zhe na/ rab 'byor 'di ltar byang chub sems dpa' sems dpa' chen po ni nang stong pa nyid la shin du bslabs pa'o/ /dngos po med pa'i ngo bo nyid stong pa nyid kyi bar la shin du bslabs pa'o/ /rab 'byor byang chub sems dpa' sems dpa' chen po de ni stong pa nyid de dag la gnas shing / ji lta ji ltar mngon par 'du bya ba med pa de dag la rab tu rtog pa/ de lta de ltar byang chub sems dpa' sems dpa' chen po shes rab kyi pha rol du phyin pa dang ma bral bar 'gyur te/ ji lta ji ltar byang chub sems dpa' sems dpa' chen po shes rab kyi pha rol du phyin pa dang ma bral ba de lta de ltar grangs med dpag tu med tshad med pa'i bsod nams 'phel bar 'gyur ro/ /gsol pa/ bcom ldan 'das grangs ma mchis pa dang dpag tu ma mchis pa dang / tshad ma mchis pa la bye brag ni ci mchis khyad ni ci mchis/ bcom ldan 'das kyis bka' stsal pa/ rab 'byor grangs med pa zhes bya ba ni gang 'dus byas kyi khams sam/ 'dus ma byas kyi khams su bgrang bar nye bar mi 'gro ba'o/ /rab 'byor dpag tu med pa zhes bya ba ni 'das pa dang / ma 'ongs pa dang / da ltar byung ba'i chos rnams la tshad mi dmigs pa'o/ /rab 'byor tshad med pa zhes bya ba ni gang gzhal bar mi nus pa'o/ /gsol pa/ bcom ldan 'das rnam grangs gang gis gzugs kyang grangs ma mchis dpag tu ma mchis tshad ma mchis par 'gyur zhing / tshor ba dang / 'du shes dang 'du byed dang rnam par shes pa yang grangs ma mchis dpag tu ma mchis tshad ma mchis par 'gyur ba'i rnam grangs de lta bu mchis</font><hr>32.166a<br><font size=+1>

sam/ bcom ldan 'das kyis bka' stsal pa/ rab 'byor rnam grangs gang gis gzugs kyang grangs med/ dpag tu med/ tshad med par 'gyur ba dang / tshor ba dang / 'du shes dang / 'du byed dang / rnam par shes pa yang grangs med dpag tu med tshad med par 'gyur ba'i rnam grangs de lta bu yod do/ /gsol pa/ bcom ldan 'das rnam grangs gang gis na gzugs kyang grangs ma mchis/ dpag tu ma mchis tshad ma mchis par 'gyur ba lags/ tshor ba dang / 'du shes dang / 'du byed dang rnam par shes pa yang grangs ma mchis dpag tu ma mchis tshad ma mchis par 'gyur ba lags/ bcom ldan 'das kyis bka' stsal pa/ rab 'byor gzugs kyang stong pa ste/ grangs med dpag tu med tshad med pa'o/ /tshor ba dang / 'du shes dang / 'du byed dang / rnam par shes pa yang stong pa ste grangs med/ dpag tu med/ tshad med pa'o/ /gsol pa/ bcom ldan 'das gzugs 'ba' zhig stong tshor ba dang 'du shes dang 'du byed dang rnam par shes pa 'ba' shig stong du bas kyi/ chos thams cad stong pa ma lags sam/ bcom ldan 'das kyis bka' stsal pa/ rab 'byor de ji snyam du sems/ ngas chos thams cad stong pa'o zhes ma bshad dam/ gsol pa/ bcom ldan 'das de bzhin gshegs pas chos thams cad stong pa'o zhes gsungs te/ stong pa nyid gang lags pa de ni mi bas pa ste/ grangs ma mchis pa yang de lags/ dpag tu ma mchis pa yang de lags tshad ma mchis pa yang de lags te/ bcom ldan 'das stong pa nyid la ni grangs kyang mi dmigs/ dpag pa yang mi dmigs/ tshad kyang mi dmigs te/ bcom ldan 'das de bas na chos de dag la don tam yi ges tha dad du bgyi ba mi dmigs so/ /bcom ldan 'das kyis bka' stsal pa/ rab 'byor de de bzhin no/ /de de bzhin te/ chos de dag la don tam</font><hr>32.166b<br><font size=+1>

yi ges tha dad du bya ba mi dmigs so/ /rab 'byor mi zad pa zhes bya ba 'am tshad med pa zhes bya ba 'am stong pa zhes bya ba 'am/ mtshan ma med pa zhes bya ba 'am/ smon pa med pa zhes bya ba 'am/ mngon par 'du bya ba med pa zhes bya ba 'am skye ba med pa zhes bya ba 'am/ 'dod chags dang bral ba zhes bya ba 'am/ 'gag pa med pa zhes bya ba 'am mya ngan las 'das pa zhes bya ba 'di ni brjod du med pa las de bzhin gshegs pas brjod de/ mi zad pa zhes bya ba 'am mya ngan las 'das pa zhes bya ba'i bar de ni de bzhin gshegs pa'i bstan pa mngon par bsgrub par bshad pa'o/ /gsol pa/ bcom ldan 'das chos rnams kyi chos nyid/ de bzhin gshegs pas bstan la chos nyid de yang brjod du ma mchis pa ni ngo mtshar che'o/ /bcom ldan 'das kyis gsungs pa'i don bdag gis 'tshal ba ltar na bcom ldan 'das chos thams cad ni brjod du ma mchis pa'o/ /bcom ldan 'das kyis bka' stsal pa/ rab 'byor de de bzhin no/ /de de bzhin te/ rab 'byor chos thams cad ni brjod du med pa'o/ /rab 'byor chos thams cad kyi brjod du med pa gang yin pa de ni stong pa nyid de/ stong pa nyid la ni brjod pa gang yang med do/ /stong pa nyid ni brjod par mi nus so/ /gsol pa/ bcom ldan 'das brjod du ma mchis pa'i don la 'phel ba dang yongs su 'grib pa mchis sam/ bcom ldan 'das kyis bka' stsal pa/ rab 'byor de ni ma yin te/ rab 'byor brjod du med pa'i don la ni 'phel ba 'am yongs su 'grib pa med do/ /gsol pa/ bcom ldan 'das gal te brjod du ma mchis pa'i don la 'phel ba dang yongs su 'grib pa ma mchis na bcom ldan 'das des sbyin pa'i pha rol du phyin pa yang 'phel ba dang yongs su 'grib pa ma mchis par 'gyur ro/ /tshul khrims kyi pha rol du phyin pa dang / </font><hr>32.167a<br><font size=+1>

bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa yang 'phel ba dang yongs su 'grib pa ma mchis par 'gyur ro/ /dran pa nye bar gzhag pa bzhi yang 'phel ba dang yongs su 'grib pa ma mchis par 'gyur ro/ /yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa yang 'phel ba dang yongs su 'grib pa ma mchis par 'gyur ro/ /'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa yang 'phel ba dang yongs su 'grib pa ma mchis par 'gyur ro/ /mngon par shes pa rnams dang / ting nge 'dzin rnams dang / gzungs kyi sgo rnams kyang 'phel ba dang yongs su 'grib pa ma mchis par 'gyur ro/ /de bzhin gshegs pa'i stobs bcu dang / mi 'jigs pa bzhi dang / so so yang dag par rig pa dang / byams pa chen po dang snying rje chen po dang sangs rgyas kyi chos ma 'dres pa bcwa brgyad kyang 'phel ba dang yongs su 'grib pa ma mchis par 'gyur ro/ /bcom ldan 'das de ltar gyur na pha rol du phyin pa drug ma mchis par 'gyur ro/ /sangs rgyas kyi chos ma 'dres pa bcwa brgyad kyi bar du ma mchis par 'gyur ro/ /chos de dag ma mchis pas na rnam pa thams cad mkhyen pa nyid kyang ma mchis par 'gyur ro/ /rnam pa thams cad mkhyen pa nyid ma mchis na/ su zhig bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur/ bcom ldan 'das kyis bka' stsal pa/ rab 'byor de de bzhin</font><hr>32.167b<br><font size=+1>

no/ /de de bzhin te/ brjod du med pa'i don la ni 'phel ba 'am yongs su 'grib pa med do/ /rab 'byor gal te thabs mkhas pa'i byang chub sems dpa' sems dpa' chen po shes rab kyi pha rol du phyin pa la spyod pa dang / shes rab kyi pha rol du phyin pa la sgom pa dang / shes rab kyi pha rol du phyin pa la brtson par byed pa'i tshe/ 'di snyam du bdag ni shes rab kyi pha rol du phyin pas rnam par 'phel lo/ /bdag ni bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pas rnam par 'phel lo/ /snyam du mi sems shing 'on kyang de 'di snyam du 'di lta ste/ sbyin pa'i pha rol du phyin pa 'di ni ming tsam mo/ /'di lta ste tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa 'di ni ming tsam mo/ /snyam zhing de sbyin pa'i pha rol du phyin pa la spyod pa'i tshe yid la byed pa de dag dang / sems bskyed pa de dag dang / dge ba'i rtsa ba de dag bla na med pa yang dag par rdzogs pa'i byang chub tu yongs su bsngo ste/ de yang bla na med pa yang dag par rdzogs pa'i byang chub ji lta ba bzhin du yongs su bsngo'o/ /gsol pa/ bcom ldan 'das bla na med pa yang dag par rdzogs pa'i byang chub ji lta bu lags/ bcom ldan 'das kyis bka' stsal pa/ rab 'byor chos thams cad kyi de bzhin nyid gang yin pa de/ bla na med pa yang dag par rdzogs pa'i byang chub bo/ /gsol pa/ bcom ldan 'das chos thams cad kyi de bzhin nyid bla na med pa yang dag par rdzogs pa'i byang chub lags/ bcom ldan 'das kyis bka' stsal pa/ rab 'byor gzugs</font><hr>32.168a<br><font size=+1>

kyi de bzhin nyid gang yin pa de bla na med pa yang dag par rdzogs pa'i byang chub bo/ /tshor ba dang 'du shes dang 'du byed dang rnam par shes pa'i de bzhin nyid gang yin pa de/ bla na med pa yang dag par rdzogs pa'i byang chub bo/ /skye mched dang khams dang rten cing 'brel bar 'byung ba'i de bzhin nyid gang yin pa de bla na med pa yang dag par rdzogs pa'i byang chub bo/ /pha rol du phyin pa thams cad dang stong pa nyid thams cad dang byang chub kyi phyogs kyi chos sum bcu rtsa bdun gyi de bzhin nyid gang yin pa de/ bla na med pa yang dag par rdzogs pa'i byang chub bo/ /'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa rnams dang mthar gyis gnas pa'i snyoms par 'jug pa rnams dang / stong pa nyid dang mtshan ma med pa dang smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams kyi de bzhin nyid gang yin pa de bla na med pa yang dag par rdzogs pa'i byang chub bo/ /de bzhin gshegs pa'i stobs rnams dang / mi 'jigs pa rnams dang so so yang dag par rig pa rnams dang / byams pa chen po dang / snying rje chen po dang / sangs rgyas kyi chos ma 'dres pa rnams kyi de bzhin nyid gang yin pa de bla na med pa yang dag par rdzogs pa'i byang chub bo/ /rnam pa thams cad mkhyen pa nyid kyi bar gyi de bzhin nyid gang yin pa de bla na med pa yang dag par rdzogs pa'i byang chub bo/ /mya ngan las 'das pa'i de bzhin nyid gang yin pa de bla na med pa yang dag par rdzogs pa'i byang chub ste/ de ni 'phel ba yang med do/ /yongs su 'grib pa yang med do/ /rab 'byor de la ni byang chub sems dpa' sems dpa' chen po shes rab kyi pha rol du phyin pa dang ma bral ba rgyun mi 'chad par rtag tu rnam par spyod de/ chos gang la yang 'phel ba'am yongs su 'grib par yang dag par rjes su mi mthong ngo / /</font><hr>32.168b<br><font size=+1>

rab 'byor de ltar na brjod du med pa'i don ni 'phel ba med cing yongs su 'grib pa med pa ste/ rab 'byor de ltar na sbyin pa'i pha rol du phyin pa la 'phel ba yang med/ yongs su 'grib pa yang med do/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang bsam gtan gyi pha rol du phyin pa dang / shes rab kyi pha rol du phyin pa la 'phel ba yang med/ yongs su 'grib pa yang med do/ /nang stong pa nyid la 'phel ba yang med/ yongs su 'grib pa yang med do/ /dngos po med pa'i ngo bo nyid stong pa nyid kyi bar la 'phel ba yang med/ yongs su 'grib pa yang med do/ /dran pa nye bar gzhag pa rnams la 'phel ba yang med/ yongs su 'grib pa yang med do/ /yang dag par spong ba rnams dang / rdzu 'phrul gyi rkang pa rnams dang dbang po rnams dang stobs rnams dang / byang chub kyi yan lag rnams dang / 'phags pa'i lam yan lag brgyad pa la 'phel ba yang med/ yongs su 'grib pa yang med do/ /'phags pa'i bden pa dang / bsam gtan dang tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo la 'phel ba yang med/ yongs su 'grib pa yang med do/ /de bzhin gshegs pa'i stobs dang / mi 'jigs pa dang so so yang dag par rig pa dang / byams pa chen po dang snying rje chen po dang / sangs rgyas kyi chos ma 'dres pa rnams la 'phel ba yang med yongs su 'grib pa yang med do/ /rab 'byor de ltar na byang chub sems dpa' sems dpa' chen pos 'phel ba med pa dang / yongs su 'grib pa med pa'i tshul gyis shes rab kyi pha rol du phyin pa la spyad par bya'o/ /gsol pa/ bcom ldan 'das ci lags sems dang po bskyed pas byang chub sems dpa'</font><hr>32.169a<br><font size=+1>

sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya 'am/ 'on tam sems slad ma bskyed pas byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya/ bcom ldan 'das gal te sems dang po bskyed pas byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya na ni/ sems dang po bskyed pa yang sems slad ma bskyed pa dang mi 'grogs/ sems slad ma bskyed pa yang sems dang po bskyed pa dang mi 'grogs te/ bcom ldan 'das de ltar sems las byung ba'i chos rnams mi 'grogs na/ ji ltar dge ba'i rtsa ba rnams tshogs su 'gyur dge ba'i rtsa ba ma bsags par ni bla na med pa yang dag par rdzogs pa'i byang chub tu mngon par rdzogs par 'tshang rgya bar mi nus so/ /bcom ldan 'das kyis bka' stsal pa/ rab 'byor khyod kyis don 'di nyid shes par bya ba'i phyir dpe bstan te 'di la skyes bu mkhas pa la la bshad pa'i don dpes yongs su shes par 'gyur ro/ /rab 'byor de ji snyam du sems/ 'bru mar gyi mar me 'bar bas snying po tshig par 'gyur ba/ me lce dang po dang phrad pas snying po de tshig gam/ de ste me lce phyi ma dang 'phrad pas snying po de 'tshig /gsol pa/ bcom ldan 'das me lce dang po dang mjal bas kyang snying po de 'tshig pa ma lags la/ me lce dang po la ma brten par yang snying po de 'tshig pa ma lags/ bcom ldan 'das me lce slad ma dang mjal bas kyang snying po de 'tshig pa ma lags/ me lce slad ma la ma brten par yang snying po de 'tshig pa ma lags so/ /bcom ldan 'das kyis bka' stsal pa/ rab 'byor de ji snyam du sems 'on kyang snying po de 'tshig mod/ gsol pa/ bcom ldan 'das de ni 'tshig go/ /bde bar gshegs pa de ni 'tshig go/ /bcom ldan 'das kyis</font><hr>32.169b<br><font size=+1>

bka' stsal pa/ rab 'byor de de bzhin te/ sems dang po bskyed pas kyang byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang mi rgya/ sems dang po bskyed pa la ma brten par yang byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang mi rgya/ sems phyi ma bskyed pas kyang byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang mi rgya/ sems phyi ma bskyed pa la ma brten par yang byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang mi rgya ste/ byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang mi rgya ba yang ma yin no/ /rab 'byor 'di la byang chub sems dpa' sems dpa' chen po shes rab kyi pha rol du phyin pa la spyod pa'i tshe/ sems dang po bskyed pa nas nye bar bzung ste/ sa bcu yongs su rdzogs par byas nas bla na med pa yang dag par rdzogs pa'i byang chub tu mngon par rdzogs par 'tshang rgya'o/ /gsol pa/ bcom ldan 'das sa bcu po gang dang gang yongs su rdzogs par bgyis nas/ byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya ba lags/[ ]bcom ldan 'das kyis bka' stsal pa/ rab 'byor dkar po rnam par mthong ba'i sa yongs su rdzogs par byas nas byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya'o/ /rigs kyi sa dang / brgyad pa'i sa dang / mthong ba'i sa dang / srabs pa'i sa dang / 'dod chags dang bral ba'i sa dang byas pa rtogs pa'i sa yongs su rdzogs par byas nas byang chub sems dpa'</font><hr>32.170a<br><font size=+1>

sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya'o/ /rang sangs rgyas kyi sa yongs su rdzogs par byas nas byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya'o/ /byang chub sems dpa'i sa yongs su rdzogs par byas nas byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya'o/ /sangs rgyas kyi sa yongs su rdzogs par byas nas byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya'o/ /de la byang chub sems dpa' sems dpa' chen po sa bcu la slob pa ni sems dang po bskyed pas kyang bla na med pa yang dag par rdzogs pa'i byang chub tu mngon par rdzogs par 'tshang rgya ba ma yin/ sems dang po bskyed pa la ma brten par yang bla na med pa yang dag par rdzogs pa'i byang chub tu mngon par rdzogs par 'tshang rgya ba ma yin sems phyi ma bskyed pas kyang bla na med pa yang dag par rdzogs pa'i byang chub tu mngon par rdzogs par 'tshang rgya ba ma yin/ sems phyi ma bskyed pa la ma brten par yang bla na med pa yang dag par rdzogs pa'i byang chub tu mngon par rdzogs par 'tshang rgya ba ma yin mod kyi/ bla na med pa yang dag par rdzogs pa'i byang chub tu mngon par rdzogs par 'tshang yang rgya'o/ /gsol pa/ bcom ldan 'das de ltar sems dang po bskyed pas kyang byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya ba ma lags la/ sems dang po bskyed pa la ma brten par yang byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya ba ma lags pa dang / sems slad ma bskyed pas kyang byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya ba ma lags la/ sems slad ma bskyed pa la ma brten par yang byang chub sems dpa' sems dpa' chen po bla</font><hr>32.170b<br><font size=+1>

na med pa yang dag par rdzogs pa'i byang chub tu mngon par rdzogs par 'tshang rgya ba ma lags shing / bcom ldan 'das byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya ba de ni/ rten cing 'brel par 'byung ba zab bo/ /bcom ldan 'das kyis bka' stsal pa/ rab 'byor de ji snyam du sems/ sems gang 'gags pa de phyir skye bar 'gyur ram/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor de ji snyam du sems sems skyes pa de 'gag pa'i chos can yin nam/ gsol pa/ bcom ldan 'das de ni 'gag pa'i chos can yin no bde bar gshegs pa de ni 'gag pa'i chos can yin no/ /bcom ldan 'das kyis bka' stsal pa/ rab 'byor de ji snyam du sems/ gang 'gag pa'i chos can de 'gag par 'gyur ram/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ de bzhin nyid ji lta ba de bzhin du gnas par 'gyur ram/ gsol pa/ bcom ldan 'das de bzhin nyid ji lta ba de bzhin du gnas par 'gyur ro/ /bcom ldan 'das kyis bka' stsal pa/ rab 'byor gal te de bzhin nyid ji lta ba de bzhin du gnas par 'gyur na rtag par mi 'gyur ram gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor de ji snyam du sems/ de bzhin nyid zab bam/ gsol pa/ bcom ldan 'das zab bo/ /bcom ldan 'das kyis bka' stsal pa/ rab 'byor de ji snyam du sems/ sems de yang de bzhin nyid dam/  gsol pa/ bcom ldan 'das de ni ma lags so/ /bcom ldan 'das kyis bka' stsal pa/ de bzhin nyid las sems de gud na yod dam/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ sems la de bzhin nyid yod dam/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ de bzhin nyid la sems yod dam/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ de bzhin nyid kyis de bzhin nyid yang dag par rjes su mthong ngam/ </font><hr>32.171a<br><font size=+1>

gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor de ji snyam du sems/ gang de ltar spyod pa de shes rab kyi pha rol du phyin pa la spyod pa yin nam/ gsol pa/ bcom ldan 'das gang de ltar spyod pa de ni shes rab kyi pha rol du phyin pa la spyod pa'o/ /bcom ldan 'das kyis bka' stsal pa/ rab 'byor ji snyam du sems gang de ltar spyod pa de gang la spyod pa yin/ gsol pa/ bcom ldan 'das gang de ltar spyod pa de ni ci la yang mi spyod do/ /de ci'i slad du zhe na/ bcom ldan 'das de ni 'di ltar byang chub sems dpa' sems dpa' chen po shes rab kyi pha rol du phyin pa la spyod cing de bzhin nyid la gnas pa la yongs su rgyu ba de dag mi 'jug mi 'byung ngo / /de ci'i slad du zhe na/ bcom ldan 'das de bzhin nyid ni gang du yang yongs su rgyu ba ma mchis te/ de nyid la 'ang gang yang rgyu ba ma mchis so/ /bcom ldan 'das kyis bka' stsal pa/ rab 'byor byang chub sems dpa' sems dpa' chen po gang shes rab kyi pha rol du phyin pa la spyod pa de gang la spyod pa yin/ gsol pa/ de ni gang la gnyis kyi yongs su rgyu ba ma mchis pa'i don dam pa la spyod do/ /bcom ldan 'das kyis bka' stsal pa/ rab 'byor de ji snyam du sems/ gang don dam pa la spyod pa de yongs su rgyu ba la spyod pa 'am/ mtshan ma la spyod pa yin nam/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor de ji snyam du sems/ des mtshan mar 'du shes pa rnam par bshig pa yin nam/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ de ltar na byang chub sems dpa' sems dpa' chen pos mtshan ma'i 'du shes rnam par bshig pa yin/ gsol pa/ bcom ldan 'das byang chub sems dpa' sems dpa' chen po shes rab kyi pha rol du phyin pa la spyod pa de ni/ 'di ltar mtshan ma rnam par gzhig par bya'o zhe 'am/ mtshan ma med pa rnam par gzhig par bya'o snyam du mi sbyor ro/ /bcom ldan 'das byang chub sems dpa' sems dpa' chen po shes rab kyi pha rol du phyin pa 'di la spyod pa ni de bzhin gshegs pa'i</font><hr>32.171b<br><font size=+1>

stobs bcu dang / mi 'jigs pa bzhi dang / so so yang dag par rig pa bzhi dang byams pa chen po dang / snying rje chen po dang / sangs rgyas kyi chos ma 'dres pa bcwa brgyad yongs su rdzogs par ma bgyis par bla na med pa yang dag par rdzogs pa'i byang chub tu mngon par rdzogs par 'tshang mi rgya ste/ bcom ldan 'das 'di ni byang chub sems dpa' sems dpa' chen po'i thabs mkhas pa ste/ thabs mkhas pa des chos gang yang dngos por yang mi bgyid dngos po ma mchis par yang mi bgyid do/ /de ci'i slad du zhe na/ bcom ldan 'das de ni 'di ltar byang chub sems dpa' sems dpa' chen pos chos thams cad kyi rang gi mtshan nyid stong pa nyid du rig pa'i slad du ste/ rang gi mtshan nyid stong pa nyid de la gnas nas/ sems can rnams kyi don du ting nge 'dzin gsum la snyoms par 'jug ste/ ting nge 'dzin de dag gis sems can rnams yongs su smin par bgyis na/ bcom ldan 'das ji ltar na byang chub sems dpa' sems dpa' chen po sems can rnams kyi don du ting nge 'dzin gsum la snyoms par 'jug cing / ting nge 'dzin de dag gis sems can rnams yongs su smin par bgyid pa lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po ting nge 'dzin gsum la gnas shing sems can gang rnam par rtog pa'i 'du shes la spyod pa de dag ni stong pa nyid la rab tu 'god do/ /sems can gang mtshan ma la spyod pa de dag ni mtshan ma med pa la rab tu 'god do/ /sems can gang smon pa la spyod pa de dag ni smon pa med pa la sbyor ro/ /rab 'byor de ltar byang chub sems dpa' sems dpa' chen po shes rab kyi pha rol du phyin pa la spyod cing / ting nge 'dzin gsum la gnas te/ sems can rnams yongs su smin par byed do/ /shes rab kyi pha rol du phyin pa stong phrag nyi shu lnga pa las/ le'u bzhi bcu gcig pa'o// // de nas yang tshe dang ldan pa shA ra dwa ti'i bus/ tshe dang ldan pa rab 'byor la 'di skad ces smras so/ /tshe dang ldan pa rab 'byor byang chub sems dpa' sems dpa' chen po gang la la rmi lam du stong pa nyid dang / mtshan ma med pa dang / smon pa med pa'i ting nge 'dzin gsum la snyoms par zhugs na/ shes rab kyi pha rol du phyin pas rnam par 'phel lam/ rab 'byor gyis smras pa/ tshe dang ldan pa shA ra dwa ti'i bu gal te nyin par bsgoms pas rnam par 'phel na/ rmi lam na bsgoms pas kyang rnam par 'phel lo/ /de ci'i phyir zhe na/ </font><hr>32.172a<br><font size=+1>

tshe dang ldan pa shA ra dwa ti'i bu rmi lam dang nyin par ni rnam par rtog pa med do/ /tshe dang ldan pa shA ra dwa ti'i bu gal te byang chub sems dpa' sems dpa' chen po nyin par shes rab kyi pha rol du phyin pa la spyod pa de'i shes rab kyi pha rol du phyin pa bsgom pa yod na ni byang chub sems dpa' sems dpa' chen po'i rmi lam na shes rab kyi pha rol du phyin pa bsgom pa yang yod par 'gyur ro/ /smras pa tshe dang ldan pa rab 'byor byang chub sems dpa' sems dpa' chen pos rmi lam du las shig byas na las de la sogs pa 'am/ 'bri bar 'gyur ba yod dam gal te bcom ldan 'das kyis chos thams cad rmi lam lta bur gsungs na/ de la sogs pa 'am 'bri bar 'gyur ba med do/ /de ci'i phyir zhe na/ rmi lam gyi chos gang yang sogs pa 'am/ 'bri ba mi dmigs te/ gal te sad nas rnam par rtog na ni/ de la sogs pa 'am 'bri bar yang 'gyur ro/ /rab 'byor gyis smras pa/ nyin par srog bcad pa dang / rmi lam na srog bcad pa de la 'di snyam du de bdag gis bsad do/ /de bdag gis bsad pa legs so zhes sad de rnam par rtog na/ tshe dang ldan pa shA ra dwa ti'i bu las de la khyod ci zer/ smras pa/ tshe dang ldan pa rab 'byor dmigs pa med par las mi skye'o/ /dmigs pa med par sems pa mi 'byung ngo / /rab 'byor gyis smras pa/ tshe dang ldan pa shA ra dwa ti'i bu de de bzhin te/ dmigs pa med par las mi skye'o/ /dmigs pa med par sems pa mi 'byung ngo / /dmigs pa dang bcas par las skye ste/ dmigs pa med par ma yin no/ /dmigs pa dang bcas par sems pa 'byung ste/ dmigs pa med par ma yin no/ /mthong ba dang thos pa dang / bsams pa dang / rnam par rig pa'i chos rnams la blo 'jug ste/ ma mthong ma thos ma bsams rnam par ma rig pa'i chos la ni blo mi 'jug go/ /de la blo la la ni kun nas nyon mongs pa yongs su 'dzin to/ /blo la la ni rnam par byang ba yongs su 'dzin to/ /de bas na tshe dang ldan pa shA ra dwa ti'i bu dmigs pa dang bcas par las skye ste/ dmigs pa med par ma yin no/ /dmigs pa dang bcas par sems pa 'byung ste/ </font><hr>32.172b<br><font size=+1>

dmigs pa med par ma yin no/ /smras pa/ tshe dang ldan pa rab 'byor las thams cad dang / sems pa thams cad dben pa'o zhes bcom ldan 'das kyis gsungs na/ de ji ltar dmigs pa dang bcas par las skye ste/ dmigs pa med par ma yin/ dmigs pa dang bcas par sems pa 'byung ste/ dmigs pa med par ma yin/ rab 'byor gyis smras pa/ tshe dang ldan pa shA ra dwa ti'i bu mtshan mar byas nas dmigs pa dang bcas par las skye ste/ dmigs pa med par ma yin no/ /dmigs pa dang bcas par sems pa 'byung ste/ dmigs pa med par ma yin no/ /smras pa/ tshe dang ldan pa rab 'byor gal te byang chub sems dpa' sems dpa' chen pos rmi lam du sbyin pa byin/ tshul khrims bsrungs bzod pa bsgrubs/ brtson 'grus brtsams/ bsam gtan la mnyam par bzhag /shes rab bsgoms te/ dge ba'i rtsa ba de yang bla na med pa yang dag par rdzogs pa'i byang chub tu yongs su bsngos na/ des bla na med pa yang dag par rdzogs pa'i byang chub tu yongs su bsngos par 'gyur ram/ rab 'byor gyis smras pa/ tshe dang ldan pa shA ra dwa ti'i bu byang chub sems dpa' sems dpa' chen po byams pa skye ba gcig gis thogs pa/ bcom ldan 'das kyis phyir mi ldog par lung bstan pa 'di mngon du gyur na/ 'di la dris shig dang 'di lan ldon par 'gyur ro/ /de nas tshe dang ldan pa shA ra dwa ti'i bus byang chub sems dpa' sems dpa' chen po byams pa la 'di skad ces smras so/ /rigs kyi bu gnas brtan rab 'byor 'di ni 'di skad du byang chub sems dpa' sems dpa' chen po byams pa 'di mngon du gyur pa ni skye ba gcig gis thogs pa phyir mi ldog par bcom ldan 'das kyis lung bstan pa ste/ 'di la dris shig dang 'di lan ldon par 'gyur ro zhes zer ro/ /de skad ces smras pa dang / byang chub sems dpa' sems dpa' chen po byams pas tshe dang ldan pa shA ra dwa ti'i bu la 'di skad ces smras so/ /ci byang chub sems dpa' sems dpa' chen po byams pa zhes bya ba'i ming 'di lan ldon nam/ 'on te gzugs lan glon nam/ tshor ba dang 'du shes dang 'du byed dang rnam par shes pa lan glon par 'gyur/ 'on te</font><hr>32.173a<br><font size=+1>

gzugs kyi stong pa nyid gang yin pa de lan glon par 'gyur ram/ tshor ba dang / 'du shes dang 'du byed dang rnam par shes pa'i stong pa nyid gang yin pa de lan glon par 'gyur 'on te gzugs kyi de bzhin nyid gang yin pa de lan glon par 'gyur ram/ tshor ba dang 'du shes dang 'du byed dang rnam par shes pa'i de bzhin nyid gang yin pa de lan glon par 'gyur/ gzugs kyi stong pa nyid gang yin pa de dang / tshor ba dang 'du shes dang 'du byed dang rnam par shes pa'i stong pa nyid gang yin pa de la ni lan glon pa'i mthu med do// gzugs kyi de bzhin nyid gang yin pa de dang tshor ba dang 'du shes dang 'du byed dang / rnam par shes pa'i de bzhin nyid gang yin pa de la ni lan glon pa'i mthu med do/ /bdag gis ni gang lan glon pa dang / gang gis lan glon pa dang / gang gis lan glan pa dang / gang la lan glan pa'i chos de lta bu yang dag par rjes su ma mthong ngo / /gang bla na med pa yang dag par rdzogs pa'i byang chub tu lung bstan pa dang gang gis lung bstan pa dang / gang la lung bstan pa'i chos de yang bdag gis yang dag par rjes su ma mthong ba ste/ chos de dag thams cad ni gnyis su med cing gnyis su byar med pa'o/ /shA ra dwa ti'i bus smras pa/ chos de dag ji skad du bshad pa de bzhin du chos de dag khyod kyis mngon du byas sam/ byams pas smras pa/ chos de dag ji skad bshad pa de ltar chos de dag bdag gis mngon du byas pa med do/ /de nas tshe dang ldan pa shA ra dwa ti'i bu 'di snyam du gyur te byang chub sems dpa' sems dpa' chen po byams pa 'di ni shes rab zab mo dang ldan pa ste/ 'di ltar 'di yang yun ring por sbyin pa'i pha rol du phyin pa la spyad pa dang / tshul khrims kyi pha rol du phyin pa dang bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la spyad pas bstan pa ste/ 'di ni mi dmigs par spyod pas bstan pa'o/ /de nas bcom ldan 'das kyis tshe dang ldan pa shA ra dwa ti'i bu la 'di skad ces bka' stsal to/ /shA ra dwa ti'i bu de ji snyam du sems/ chos gang gis khyod dgra bcom par brjod pa'i chos de khyod kyis yang dag par rjes</font><hr>32.173b<br><font size=+1>

su mthong ngam/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ shA ra dwa ti'i bu de de bzhin te/ byang chub sems dpa' sems dpa' chen po shes rab kyi pha rol du phyin pa la spyod pa ni 'di snyam du lung bstan pa'i chos de ni 'di'o/ /lung bstan par 'gyur ba'i chos de ni 'di'o/ /lung bstan par gyur pa'i chos de ni 'di'o/ /bla na med pa yang dag par rdzogs pa'i byang chub tu mngon par rdzogs par 'tshang rgya ba'i chos de ni 'di'o zhes bya bar mi sems te/ de ltar spyod pa'i byang chub sems dpa' sems dpa' chen po ni shes rab kyi pha rol du phyin pa la spyod pa ste/ de la the tshom skye ba med cing / bdag ni bla na med pa yang dag par rdzogs pa'i byang chub tu mngon par rdzogs par 'tshang mi rgya ba ma yin gyi/ bdag ni gdon mi za bar bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro snyam ste/ shA ra dwa ti'i bu gang de ltar spyod pa de ni shes rab kyi pha rol du phyin pa la spyod pa'o/ /shA ra dwa ti'i bu de ltar spyod pa'i byang chub sems dpa' sems dpa' chen po ni mi 'jigs mi dngang skrag par mi 'gyur zhing bdag ni bla na med pa yang dag par rdzogs pa'i byang chub tu mngon par rdzogs par 'tshang mi rgya ba ma yin gyi/ bdag ni gdon mi za bar bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro snyam mo/ /de nas tshe dang ldan pa rab 'byor gyis/ bcom ldan 'das la 'di skad ces gsol to/ /bcom ldan 'das ji ltar na byang chub sems dpa' sems dpa' chen po pha rol du phyin pa drug yongs su rdzogs par bgyid cing rnam pa thams cad mkhyen pa nyid dang yang nye bar gyur pa lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor 'di la byang chub sems dpa' sems dpa' chen po sbyin pa'i pha rol du phyin pa la spyod pa'i tshe/ sems can bkres pa rnams mthong zhing / sems can skom pa dang / gos ngan pa dang / zas dang / gos dang / mal chas phongs pa dag mthong na/ 'di ltar</font><hr>32.174a<br><font size=+1>

yongs su brtag par bya ste/ ci nas kyang bdag bla na med pa yang dag par rdzogs pa'i byang chub tu mngon par rdzogs par sangs rgyas pa'i sangs rgyas kyi zhing de na sems can rnams kyi nyes pa 'di dag thams cad du thams cad mi 'byung zhing mi srid pa dang / rgyal chen bzhi'i ris kyi lha rnams dang sum bcu rtsa gsum dang mtshe ma dang dga' ldan dang 'phrul dga' dang gzhan 'phrul dbang byed kyi lha rnams kyi longs spyod dang skyid pa ji lta ba de bzhin du sangs rgyas kyi zhing de'i longs spyod dang / skyid par 'gyur ba de lta de ltar sbyin pa'i pha rol du phyin pa la spyad par bya'o zhes yongs su brtag par bya ste/ rab 'byor de ltar spyod pa'i byang chub sems dpa' sems dpa' chen po ni sbyin pa'i pha rol du phyin pa yang yongs su rdzogs par byed/ bla na med pa yang dag par rdzogs pa'i byang chub dang yang nye bar gyur pa yin no/ /rab 'byor gzhan yang byang chub sems dpa' sems dpa' chen po tshul khrims kyi pha rol du phyin pa la spyod pa'i tshe/ sems can srog gcod pa dag mthong ngam/ sems can ma byin par len pa dang / 'dod pas log par g.yem pa dang / rdzun du smra ba dang / phra ma zer ba dang / zhe gcod pa'i tshig can dang / tshig kyal pa smra ba dang / chags sems can dang / gnod sems can dang / log par lta ba can dag mthong ngam/ sems can tshe thung ngu dang / nad mang ba dang / mdog ngan pa dang / mthu chung ngu dang / longs spyod chung ngu dang / rigs dma' ba dang / sems can yan lag dang nying lag ma tshang ba dag mthong na/ 'di ltar yongs su brtag par bya ste/ ci nas kyang bdag bla na med pa yang dag par rdzogs pa'i byang chub tu mngon par rdzogs par sangs rgyas pa'i sangs rgyas kyi zhing de na/ sems can rnams kyi nyes pa 'di dag thams cad du thams cad mi 'byung zhing mi srid pa dang sems can thams cad dge ba bcu'i las kyi lam la rab tu gnas par 'gyur ba/ de lta de ltar tshul khrims kyi pha rol tu phyin pa la spyad par bya'o zhes yongs su brtag par bya ste/ rab 'byor de ltar spyod pa'i byang chub sems dpa' sems dpa'</font><hr>32.174b<br><font size=+1>

chen po ni tshul khrims kyi pha rol du phyin pa yang yongs su rdzogs par byed/ bla na med pa yang dag par rdzogs pa'i byang chub dang yang nye bar gyur pa yin no/ /rab 'byor gzhan yang byang chub sems dpa' sems dpa' chen po bzod pa'i pha rol tu phyin pa la spyod pa'i tshe/ sems can phan tshun du gnod par sems pa rdo dang dbyig pa dang mtshon gyis 'debs shing rdeg pa dang gsod pa dag mthong na 'di ltar yongs su brtag par bya ste/ ci nas kyang bdag bla na med pa yang dag par rdzogs pa'i byang chub tu mngon par rdzogs par sangs rgyas pa'i sangs rgyas kyi zhing de na/ sems can rnams kyi nyes pa 'di dag thams cad du thams cad mi 'byung zhing / mi srid pa dang / sems can thams cad kyang sems can thams cad la ma lta bu'i sems su 'gyur ba dang / pha lta bu'i sems su 'gyur ba dang / phu nu lta bu'i sems su 'gyur ba dang / sring mo lta bu'i sems su 'gyur ba dang / byams pa'i sems su 'gyur ba dang / phan pa'i sems su 'gyur ba de lta de ltar bzod pa'i pha rol du phyin pa la spyad par bya'o zhes yongs su brtag par bya ste/ rab 'byor de ltar spyod pa'i byang chub sems dpa' sems dpa' chen po ni bzod pa'i pha rol du phyin pa yang yongs su rdzogs par byed/ bla na med pa yang dag par rdzogs pa'i byang chub dang yang nye bar gyur pa yin no/ /rab 'byor gzhan yang byang chub sems dpa' sems dpa' chen po brtson 'grus kyi pha rol tu phyin pa la spyod pa'i tshe/ sems can brtson 'grus zhan pa dang le lo'i sems dang ldan pa dang / theg pa gsum po 'di lta ste/ nyan thos kyi theg pa dang / rang sangs rgyas kyi theg pa dang / sangs rgyas kyi theg pa la rgyab kyis phyogs pa dag mthong na/ 'di ltar yongs su brtag par bya ste/ ci nas kyang bdag bla na med pa yang dag par rdzogs pa'i byang chub tu mngon par rdzogs par sangs rgyas pa'i sangs rgyas kyi zhing de na/ sems can rnams kyi nyes pa 'di dag thams cad du thams cad mi 'byung zhing mi srid pa dang / sems can thams cad kyang brtson 'grus brtan pa brtsams shing theg pa</font><hr>32.175a<br><font size=+1>

gsum gyis yongs su mya ngan las 'da' bar 'gyur bar bya'o zhes yongs su brtag par bya ste/ rab 'byor de ltar spyod pa'i byang chub sems dpa' sems dpa' chen po ni brtson 'grus kyi pha rol du phyin pa yang yongs su rdzogs par byed/ bla na med pa yang dag par rdzogs pa'i byang chub dang yang nye bar gyur pa yin no/ /rab 'byor gzhan yang byang chub sems dpa' sems dpa' chen po bsam gtan gyi pha rol du phyin pa la spyod pa'i tshe/ sems can 'dod pa'i sred pa dang / gnod sems dang / rmugs pa dang / gnyid dang rgod pa dang 'gyod pa dang / the tshom dang sgribs pa lngas bsgribs pa mthong ngam/ bsam gtan dang po dang mi ldan pa mthong ngam/ bsam gtan gnyis pa dang bsam gtan gsum pa dang / bsam gtan bzhi pa dang mi ldan pa mthong ngam/ byams pa dang mi ldan pa mthong ngam/ snying rje dang dga' ba dang btang snyoms dang mi ldan pa mthong ngam/ nam mkha' mtha' yas skye mched kyi snyoms par 'jug pa dang mi ldan pa mthong ngam/ rnam shes mtha' yas skye mched kyi snyoms par 'jug pa dang / cung zad med pa'i skye mched kyi snyoms par 'jug pa dang / 'du shes med 'du shes med min skye mched kyi snyoms par 'jug pa dang mi ldan pa dag mthong na/ 'di ltar yongs su brtag par bya ste/ ci nas kyang bdag bla na med pa yang dag par rdzogs pa'i byang chub tu mngon par rdzogs par sangs rgyas pa'i sangs rgyas kyi zhing de na sems can rnams kyi nyes pa 'di dag thams cad du thams cad mi 'byung zhing mi srid pa dang sems can thams cad bsam gtan dang tshad med pa dang gzugs med pa'i snyoms par 'jug pa thob par 'gyur ba de lta de ltar bsam gtan gyi pha rol du phyin pa la spyad par bya'o/ /sangs rgyas kyi zhing yongs su dag par bya'o/ /sems can yongs su smin par bya'o zhes de ltar yongs su brtag par bya ste/ rab 'byor de ltar spyod pa'i byang chub sems dpa' sems dpa' chen po ni bsam gtan gyi pha rol tu phyin pa yang yongs su rdzogs par byed/ bla na med pa yang dag par rdzogs pa'i byang chub dang yang nye</font><hr>32.175b<br><font size=+1>

bar gyur pa yin no/ /rab 'byor gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ shes rab 'chal pa can gyi sems can 'jig rten pa dang / 'jig rten las 'das pa'i yang dag par lta ba dang bral ba/ bya ba ma yin par smra ba/ med par smra ba chad par smra ba rtag par lta ba sems can du smra ba dag mthong na/ 'di ltar yongs su brtag par bya ste/ ci nas kyang bdag bla na med pa yang dag par rdzogs pa'i byang chub tu mngon par rdzogs par sangs rgyas pa'i sangs rgyas kyi zhing de na/ sems can rnams kyi nyes pa 'di dag thams cad du thams cad mi 'byung zhing mi srid pa dang / sems can thams cad lta ba'i rnam pa thams cad spangs shing shes rab kyi pha rol tu phyin pa la gnas par 'gyur ba de lta de ltar shes rab kyi pha rol du phyin pa la spyad par bya'o/ /sangs rgyas kyi zhing yongs su dag par bya'o/ /sems can yongs su smin par bya'o zhes de ltar yongs su brtag par bya ste/ rab 'byor de ltar spyod pa'i byang chub sems dpa' sems dpa' chen po ni shes rab kyi pha rol du phyin pa yang yongs su rdzogs par byed/ bla na med pa yang dag par rdzogs pa'i byang chub dang yang nye bar gyur pa yin no/ /rab 'byor gzhan yang byang chub sems dpa' sems dpa' chen po pha rol du phyin pa drug la spyod pa'i tshe/ sems can phung po gsum la gnas pa nges pa dang ma nges pa dang log par nges pa dag mthong na/ 'di ltar yongs su brtag par bya ste/ ci nas kyang bdag bla na med pa yang dag par rdzogs pa'i byang chub tu mngon par rdzogs par sangs rgyas pa'i sangs rgyas kyi zhing de na chung ngu na sems can log par nges pa'i sgra yang mi grag cing mi srid pa de lta de ltar pha rol du phyin pa drug la spyad par bya'o/ /sangs rgyas kyi zhing yongs su dag par bya'o/ /sems can yongs su smin par bya'o/ /zhes de ltar yongs su brtag par bya ste/ rab 'byor de ltar spyod pa'i byang chub sems dpa' sems dpa'</font><hr>32.176a<br><font size=+1>

chen po ni pha rol du phyin pa drug kyang yongs su rdzogs par byed/ rnam pa thams cad mkhyen pa nyid dang yang nye bar gyur pa yin no/ /rab 'byor gzhan yang byang chub sems dpa' sems dpa' chen po pha rol du phyin pa drug la spyod pa'i tshe/ sems can dmyal ba'i sems can dag mthong ngam byol song gi skye gnas pa dang gshin rje'i 'jig rten pa'i sems can dag mthong na/ 'di ltar yongs su brtag par bya ste/ ci nas kyang bdag bla na med pa yang dag par rdzogs pa'i byang chub tu mngon par rdzogs par sangs rgyas pa'i sangs rgyas kyi zhing de na/ chung ngu na ngan song gsum gyi sgra yang mi grag cing mi srid pa de lta de ltar pha rol du phyin pa drug la spyad par bya'o/ /sangs rgyas kyi zhing yongs su dag par bya'o/ /sems can yongs su smin par bya'o/ /zhes de ltar yongs su brtag par bya ste/ rab 'byor de ltar spyod pa'i byang chub sems dpa' sems dpa' chen po ni pha rol du phyin pa drug kyang yongs su rdzogs par byed/ rnam pa thams cad mkhyen pa nyid dang yang nye bar gyur pa yin no/ /rab 'byor gzhan yang byang chub sems dpa' sems dpa' chen po pha rol du phyin pa drug la spyod pa'i tshe/ sa chen po 'di la sdong dum dang tsher ma dang / sab sub dang / gcong rong dang / g.yang sa dang / ljan ljin dang / lung khung dag mthong na/ 'di ltar yongs su brtag par bya ste/ ci nas kyang bdag bla na med pa yang dag par rdzogs pa'i byang chub tu mngon par rdzogs par sangs rgyas pa'i sangs rgyas kyi zhing de na sems can gyi nyes pa de dag thams cad du thams cad mi 'byung zhing mi srid pa dang / bdag gis sangs rgyas kyi zhing de lag mthil ltar mnyam par 'gyur ba/ de lta de ltar pha rol du phyin pa drug la spyad par bya'o/ /sangs rgyas kyi</font><hr>32.176b<br><font size=+1>

zhing yongs su dag par bya'o/ /sems can yongs su smin par bya'o zhes de ltar yongs su brtag par bya ste/ rab 'byor de ltar spyod pa'i byang chub sems dpa' sems dpa' chen po ni pha rol du phyin pa drug kyang yongs su rdzogs par byed/ rnam pa thams cad mkhyen pa nyid dang yang nye bar gyur pa yin no/ /rab 'byor gzhan yang byang chub sems dpa' sems dpa' chen po pha rol du phyin pa drug la spyod pa'i tshe/ sa chen po 'di sa'i rgyu las grub pa dang / gser dngul dang mi ldan par mthong na/ 'di ltar yongs su brtag par bya ste/ ci nas kyang bdag bla na med pa yang dag par rdzogs pa'i byang chub tu mngon par rdzogs par sangs rgyas pa'i sangs rgyas kyi zhing de na/ sa chen po 'di gzhi bai dUr+ya sngon po'i rgyu las grub pa/ gser gyi bye ma bdal bar 'gyur ba de lta de ltar pha rol du phyin pa drug la spyad par bya'o/ /sangs rgyas kyi zhing yongs su dag par bya'o/ /sems can yongs su smin par bya'o zhes de ltar yongs su brtag par bya ste/ rab 'byor de ltar spyod pa'i byang chub sems dpa' sems dpa' chen po ni pha rol du phyin pa drug kyang yongs su rdzogs par byed/ rnam pa thams cad mkhyen pa nyid dang yang nye bar gyur pa yin no/ /rab 'byor gzhan yang byang chub sems dpa' sems dpa' chen po pha rol du phyin pa drug la spyod pa'i tshe/ sems can bdag tu bya ba'i yongs su 'dzin pa la gnas pa dag mthong na/ 'di ltar yongs su brtag par bya ste/ ci nas kyang bdag bla na med pa yang dag par rdzogs pa'i byang chub tu mngon par rdzogs par sangs rgyas pa'i sangs rgyas kyi zhing de na/ sems can rnams bdag gir bya ba la yongs su 'dzin pa mi 'byung zhing mi srid pa dang / sems can thams cad bdag gi med pa dang / yongs su 'dzin par mi 'gyur ba de lta de ltar pha rol du phyin pa drug la spyad par bya'o/ /sangs rgyas kyi zhing yongs su dag par bya'o/ /</font><hr>32.177a<br><font size=+1>

sems can rnams yongs su smin par bya'o zhes de ltar yongs su brtag par bya ste/ rab 'byor de ltar spyod pa'i byang chub sems dpa' sems dpa' chen po ni pha rol du phyin pa drug kyang yongs su rdzogs par byed/ rnam pa thams cad mkhyen pa nyid dang yang nye bar gyur pa yin no/ /rab 'byor gzhan yang byang chub sems dpa' sems dpa' chen po pha rol du phyin pa drug la spyod pa'i tshe rgyal rigs dang / bram ze'i rigs dang / rje'u rigs dang / dmangs rigs dang / rigs bzhi po mthong na/ 'di ltar yongs su brtag par bya ste/ ci nas kyang bdag bla na med pa yang dag par rdzogs pa'i byang chub tu mngon par rdzogs par sangs rgyas pa'i sangs rgyas kyi zhing de na/ chung ngu rigs bzhi'i sgra yang mi grag cing mi srid pa de lta de ltar pha rol du phyin pa drug la spyad par bya'o/ /sangs rgyas kyi zhing yongs su dag par bya'o/ /sems can yongs su smin par bya'o zhes de ltar yongs su brtag par bya ste/ rab 'byor de ltar spyod pa'i byang chub sems dpa' sems dpa' chen po ni pha rol du phyin pa drug kyang yongs su rdzogs par byed/ rnam pa thams cad mkhyen pa nyid dang yang nye bar gyur pa yin no/ /rab 'byor gzhan yang byang chub sems dpa' sems dpa' chen po pha rol du phyin pa drug la spyod pa'i tshe/ sems can rab dang / 'bring dang / tha ma mthong ba dang / sems can rigs mtho ba dang / rigs dma' ba mthong na 'di ltar yongs su brtag par bya ste/ ci nas kyang bdag bla na med pa yang dag par rdzogs pa'i byang chub tu mngon par rdzogs par sangs rgyas pa'i sangs rgyas kyi zhing de na/ sems can rnams kyi nyes pa 'di dag mi 'byung zhing mi srid pa de lta de ltar pha rol du phyin pa drug la spyad par bya'o/ /sangs rgyas kyi zhing yongs su dag par bya'o/ /sems can yongs su smin par bya'o zhes de ltar yongs su brtag par bya ste/ </font><hr>32.177b<br><font size=+1>

rab 'byor de ltar spyod pa'i byang chub sems dpa' sems dpa' chen po ni pha rol du phyin pa drug kyang yongs su rdzogs par byed/ rnam pa thams cad mkhyen pa nyid dang yang nye bar gyur pa yin no/ /rab 'byor gzhan yang byang chub sems dpa' sems dpa' chen po pha rol du phyin pa drug la spyod pa'i tshe/ sems can kha dog tha dad pa dag mthong na/ 'di ltar yongs su brtag par bya ste/ ci nas kyang bdag bla na med pa yang dag par rdzogs pa'i byang chub tu mngon par rdzogs par sangs rgyas pa'i sangs rgyas kyi zhing de na/ sems can rnams kha dog tha dad pa mi 'byung zhing mi srid pa dang gzhan du na sems can thams cad gzugs bzang zhing mdzes la/ blta na sdug pa dang / kha dog bzang ba'i mchog rgyas pa dang ldan par 'gyur ba de lta de ltar pha rol du phyin pa drug la spyad par bya'o/ /sangs rgyas kyi zhing yongs su dag par bya'o/ /sems can yongs su smin par bya'o zhes de ltar yongs su brtag par bya ste/ rab 'byor de ltar spyod pa'i byang chub sems dpa' sems dpa' chen po ni pha rol du phyin pa drug kyang yongs su rdzogs par byed/ rnam pa thams cad mkhyen pa nyid dang yang nye bar gyur pa yin no/ /rab 'byor gzhan yang byang chub sems dpa' sems dpa' chen po pha rol du phyin pa drug la spyod pa'i tshe/ sems can dag la bdag po yod par mthong na/ 'di ltar yongs su brtag par bya ste/ ci nas kyang bdag bla na med pa yang dag par rdzogs pa'i byang chub tu mngon par rdzogs par sangs rgyas pa'i sangs rgyas kyi zhing de na/ bdag por gdags pa mi 'byung zhing mi srid pa dang / gzhan du na chos kyi rgyal po de bzhin gshegs pa dgra bcom pa yang dag par rdzogs pa'i sangs rgyas rnams bzhugs par 'gyur ba de lta de ltar pha rol du phyin pa drug la spyad par bya'o/ /sangs rgyas kyi</font><hr>32.178a<br><font size=+1>

zhing yongs su dag par bya'o/ /sems can yongs su smin par bya'o zhes de ltar yongs su brtag par bya ste/ rab 'byor de ltar spyod pa'i byang chub sems dpa' sems dpa' chen po ni pha rol du phyin pa drug kyang yongs su rdzogs par byed/ rnam pa thams cad mkhyen pa nyid dang yang nye bar gyur pa yin no/ /rab 'byor gzhan yang byang chub sems dpa' sems dpa' chen po pha rol du phyin pa drug la spyod pa'i tshe/ sems can rnams kyi lam tha dad pa mthong na/ 'di ltar yongs su brtag par bya ste/ ci nas kyang bdag bla na med pa yang dag par rdzogs pa'i byang chub tu mngon par rdzogs par sangs rgyas pa'i sangs rgyas kyi zhing de na sems can lha dang mi dang sems can dmyal ba dang / byol song gi skye gnas dang / gshin rje'i 'jig rten pa'i lam tha dad pa med cing mi srid pa dang / gzhan du na sems can thams cad lam gcig tu 'gyur zhing / dran pa nye bar gzhag pa bzhi dang ma bral ba dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs bcu dang / mi 'jigs pa dang / so so yang dag par rig pa dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad dang ma bral ba de lta de ltar pha rol du phyin pa drug la spyad par bya'o/ /sangs rgyas kyi zhing yongs su dag par bya'o/ /sems can yongs su smin par bya'o zhes de ltar yongs su brtag</font><hr>32.178b<br><font size=+1>

par bya ste/ rab 'byor de ltar spyod pa'i byang chub sems dpa' sems dpa' chen po ni pha rol du phyin pa drug kyang yongs su rdzogs par byed/ rnam pa thams cad mkhyen pa nyid dang yang nye bar gyur pa yin no/ /rab 'byor gzhan yang byang chub sems dpa' sems dpa' chen po pha rol du phyin pa drug la spyod pa'i tshe/ sems can gnas bzhir skyes pa sgo nga las skyes pa dang / mngal nas skyes pa dang / drod gsher las skyes pa dang / rdzus te skyes pa rnams mthong na/ 'di ltar yongs su brtag par bya ste/ ci nas kyang bdag bla na med pa yang dag par rdzogs pa'i byang chub tu mngon par rdzogs par sangs rgyas pa'i sangs rgyas kyi zhing de na/ sgo nga las skyes pa dang / mngal nas skyes pa dang / drod gsher las skyes pa'i gnas gsum po rnams mi 'byung zhing mi srid pa dang / gzhan du na sems can thams cad rdzu ba par 'gyur ba de lta de ltar pha rol du phyin pa drug la spyad par bya'o/ /sangs rgyas kyi zhing yongs su dag par bya'o/ /sems can yongs su smin par bya'o zhes de ltar yongs su brtag par bya ste/ rab 'byor de ltar spyod pa'i byang chub sems dpa' sems dpa' chen po ni pha rol du phyin pa drug kyang yongs su rdzogs par byed/ rnam pa thams cad mkhyen pa nyid dang yang nye bar gyur pa yin no/ /rab 'byor gzhan yang byang chub sems dpa' sems dpa' chen po pha rol du phyin pa drug la spyod pa'i tshe/ sems can mngon par shes pa lnga dang mi ldan pa dag mthong na/ 'di ltar yongs su brtag par bya ste/ ci nas kyang bdag bla na med pa yang dag par rdzogs pa'i byang chub tu mngon par rdzogs par sangs rgyas pa'i sangs rgyas kyi zhing de na/ sems can thams cad mngon par shes pa lnga dang ldan par 'gyur ba de lta de ltar pha rol du phyin pa drug la spyad par bya'o/ /sangs rgyas kyi zhing yongs su dag par bya'o/ /sems can yongs su smin par bya'o/ /</font><hr>32.179a<br><font size=+1>

zhes de ltar yongs su brtag par bya ste/ rab 'byor de ltar spyod pa'i byang chub sems dpa' sems dpa' chen po ni pha rol du phyin pa drug kyang yongs su rdzogs par byed/ rnam pa thams cad mkhyen pa nyid dang yang nye bar gyur pa yin no/ /rab 'byor gzhan yang byang chub sems dpa' sems dpa' chen po pha rol du phyin pa drug la spyod pa'i tshe/ sems can rnams kyi gshang gci mthong na/ 'di ltar yongs su brtag par bya ste/ ci nas kyang bdag bla na med pa yang dag par rdzogs pa'i byang chub tu mngon par rdzogs par sangs rgyas pa'i sangs rgyas kyi zhing de na/ sems can thams cad chos dang dga' ba dang bsam gtan gyi zas za bar 'gyur ba de lta de ltar pha rol du phyin pa drug la spyad par bya'o/ /sangs rgyas kyi zhing yongs su dag par bya'o/ /sems can yongs su smin par bya'o zhes de ltar yongs su brtag par bya ste/ rab 'byor de ltar spyod pa'i byang chub sems dpa' sems dpa' chen po ni pha rol du phyin pa drug kyang yongs su rdzogs par byed/ rnam pa thams cad mkhyen pa nyid dang yang nye bar gyur pa yin no/ /shes rab kyi pha rol du phyin pa stong phrag nyi shu lnga pa/ bam po lnga bcu gsum pa/  rab 'byor gzhan yang byang chub sems dpa' sems dpa' chen po pha rol du phyin pa drug la spyod pa'i tshe/ 'od dang mi ldan pa'i sems can dag mthong na 'di ltar yongs su brtag par bya ste/ ci nas kyang bdag bla na med pa yang dag par rdzogs pa'i byang chub tu mngon par rdzogs par sangs rgyas pa'i sangs rgyas kyi zhing de na/ sems can thams cad rang las 'od 'byung ba sha stag yod pa de lta de ltar pha rol du phyin pa drug la spyad par bya'o/ /sangs rgyas kyi zhing yongs su dag par bya'o/ /sems can yongs su smin par bya'o zhes de ltar yongs su brtag par bya ste/ rab 'byor de ltar spyod pa'i byang chub sems dpa' sems dpa' chen po ni pha rol du phyin pa drug kyang yongs su rdzogs par byed/ rnam pa thams cad mkhyen pa nyid dang yang</font><hr>32.179b<br><font size=+1>

nye bar gyur pa yin no/ /rab 'byor gzhan yang byang chub sems dpa' sems dpa' chen po pha rol du phyin pa drug la spyod pa'i tshe/ sems can rnams kyi nyin mtshan dang / zla ba dang yud du yan man dang / dus mtshams dang lo dag mthong na de 'di ltar yongs su brtag par bya ste/ ci nas kyang bdag bla na med pa yang dag par rdzogs pa'i byang chub tu mngon par rdzogs par sangs rgyas pa'i sangs rgyas kyi zhing de na/ sems can rnams kyi nyin mtshan dang zla ba dang yud du yan man dang / dus mtshams dang lo'i sgra yang mi grag cing mi srid pa de lta de ltar pha rol du phyin pa drug la spyad par bya'o/ /sangs rgyas kyi zhing yongs su dag par bya'o/ /sems can yongs su smin par bya'o zhes de ltar yongs su brtag par bya ste/ rab 'byor de ltar spyod pa'i byang chub sems dpa' sems dpa' chen po ni pha rol du phyin pa drug kyang yongs su rdzogs par byed/ rnam pa thams cad mkhyen pa nyid dang yang nye bar gyur pa yin no/ /rab 'byor gzhan yang byang chub sems dpa' sems dpa' chen po pha rol du phyin pa drug la spyod pa'i tshe/ sems can tshe dang mi ldan pa dag mthong na/ 'di ltar yongs su brtag par bya ste/ ci nas kyang bdag bla na med pa yang dag par rdzogs pa'i byang chub tu mngon par rdzogs par sangs rgyas pa'i sangs rgyas kyi zhing de na/ sems can thams cad tshe dpag tu med par 'gyur ba de lta de ltar pha rol du phyin pa drug la spyad par bya'o/ /sangs rgyas kyi zhing yongs su dag par bya'o/ /sems can yongs su smin par bya'o/ /zhes de ltar yongs su brtag par bya ste/ rab 'byor de ltar spyod pa'i byang chub sems dpa' sems dpa' chen po ni pha rol du phyin pa drug kyang yongs su rdzogs par byed/ rnam pa</font><hr>32.180a<br><font size=+1>

thams cad mkhyen pa nyid dang yang nye bar gyur pa yin no/ /rab 'byor gzhan yang byang chub sems dpa' sems dpa' chen po pha rol du phyin pa drug la spyod pa'i tshe/ sems can mtshan dang mi ldan pa dag mthong na 'di ltar yongs su brtag par bya ste/ ci nas kyang bdag bla na med pa yang dag par rdzogs pa'i byang chub tu mngon par rdzogs par sangs rgyas pa'i sangs rgyas kyi zhing de na/ sems can thams cad mi chen po'i mtshan sum bcu rtsa gnyis dang ldan par 'gyur ba de lta de ltar pha rol du phyin pa drug la spyad par bya'o/ /sangs rgyas kyi zhing yongs su dag par bya'o/ /sems can yongs su smin par bya'o/ /zhes de ltar yongs su brtag par bya ste/ rab 'byor de ltar spyod pa'i byang chub sems dpa' sems dpa' chen po ni pha rol du phyin pa drug kyang yongs su rdzogs par byed/ rnam pa thams cad mkhyen pa nyid dang yang nye bar gyur pa yin no/ /rab 'byor gzhan yang byang chub sems dpa' sems dpa' chen po pha rol du phyin pa drug la spyod pa'i tshe/ sems can dge ba'i rtsa ba dag dang mi ldan pa mthong na 'di ltar yongs su brtag par bya ste/ ci nas kyang bdag bla na med pa yang dag par rdzogs pa'i byang chub tu mngon par rdzogs par sangs rgyas pa'i sangs rgyas kyi zhing de na/ sems can thams cad dge ba'i rtsa ba dang ldan par 'gyur ba dang dge ba'i rtsa ba gang dang ldan pas sangs rgyas bcom ldan 'das rnams la bsnyen bkur byed par 'gyur ba de lta de ltar pha rol du phyin pa drug la spyad par bya'o/ /sangs rgyas kyi zhing yongs su dag par bya'o/ /sems can yongs su smin par bya'o zhes de ltar yongs su brtag par bya ste rab 'byor de ltar spyod pa'i byang chub sems dpa' sems dpa' chen po ni pha rol du phyin pa drug kyang yongs su rdzogs par byed/ rnam pa thams cad mkhyen pa nyid dang yang nye bar gyur pa yin no/ /rab 'byor gzhan yang byang chub sems dpa' sems dpa' chen po pha rol du phyin pa drug la spyod pa'i tshe/ sems can nad kyis btab pa dag mthong na/ 'di ltar yongs su brtag par bya</font><hr>32.180b<br><font size=+1>

ste/ ci nas kyang bdag bla na med pa yang dag par rdzogs pa'i byang chub tu mngon par rdzogs par sangs rgyas pa'i sangs rgyas kyi zhing de na/ sems can rnams la rlung dang mkhris pa dang / bad kan dang / 'dus pa'i nad bzhi med par 'gyur ba de lta de ltar pha rol du phyin pa drug la spyad par bya'o/ /sangs rgyas kyi zhing yongs su dag par bya'o/ /sems can yongs su smin par bya'o zhes de ltar yongs su brtag par bya ste/ rab 'byor de ltar spyod pa'i byang chub sems dpa' sems dpa' chen po ni pha rol du phyin pa drug kyang yongs su rdzogs par byed/ rnam pa thams cad mkhyen pa nyid dang yang nye bar gyur pa yin no/ /rab 'byor gzhan yang byang chub sems dpa' sems dpa' chen po pha rol du phyin pa drug la spyod pa'i tshe/ nyon mongs pa gsum gyis nyon mongs par gyur pa'i sems can dag mthong na/ 'di ltar yongs su brtag par bya ste/ ci nas kyang bdag bla na med pa yang dag par rdzogs pa'i byang chub tu mngon par rdzogs par sangs rgyas pa'i sangs rgyas kyi zhing de na/ 'di lta ste sems can rnams la 'dod chags dang zhe sdang dang gti mug gi nyon mongs pa gsum mi 'byung zhing sems can thams cad kyang 'dod chags dang bral ba zhe sdang dang bral ba gti mug dang bral bar gyur pa de lta de ltar pha rol du phyin pa drug la spyad par bya'o/ /sangs rgyas kyi zhing yongs su dag par bya'o/ /sems can yongs su smin par bya'o zhes de ltar yongs su brtag par bya ste/ rab 'byor de ltar spyod pa'i byang chub sems dpa' sems dpa' chen po ni pha rol du phyin pa drug kyang yongs su rdzogs par byed/ rnam pa thams cad mkhyen pa nyid dang yang nye bar gyur pa yin no/ /rab 'byor gzhan yang byang chub sems dpa' sems dpa' chen po pha rol du phyin pa drug la spyod pa'i tshe/ sems can mos pa chung ngu dag mthong na/ 'di ltar yongs su brtag par bya ste/ ci nas kyang bdag bla na med pa yang dag par rdzogs pa'i byang</font><hr>32.181a<br><font size=+1>

chub tu mngon par rdzogs par sangs rgyas pa'i sangs rgyas kyi zhing de na/ nyan thos kyi theg pa dang rang sangs rgyas kyi theg pa dang theg pa gnyis kyi sgra yang mi grag cing / sems can thams cad kyang rnam pa thams cad mkhyen pa nyid du yang dag par zhugs par gyur pa de lta de ltar pha rol du phyin pa drug la spyad par bya'o/ /sangs rgyas kyi zhing yongs su dag par bya'o/ /sems can yongs su smin par bya'o/ /zhes de ltar yongs su brtag par bya ste/ rab 'byor de ltar spyod pa'i byang chub sems dpa' sems dpa' chen po ni pha rol du phyin pa drug kyang yongs su rdzogs par byed/ rnam pa thams cad mkhyen pa nyid dang yang nye bar gyur pa yin no/ /rab 'byor gzhan yang byang chub sems dpa' sems dpa' chen po pha rol du phyin pa drug la spyod pa'i tshe/ sems can nga rgyal can dag mthong na/ 'di ltar yongs su brtag par bya ste/ ci nas kyang bdag bla na med pa yang dag par rdzogs pa'i byang chub tu mngon par rdzogs par sangs rgyas pa'i sangs rgyas kyi zhing de na nga rgyal can gyi sgra yang mi grag cing / gzhan du na sems can thams cad yang dag pa'i don shes shing / nga rgyal med par 'gyur ba de lta de ltar pha rol du phyin pa drug la spyad par bya'o/ /sangs rgyas kyi zhing yongs su dag par bya'o/ /sems can yongs su smin par bya'o zhes de ltar yongs su brtag par bya ste rab 'byor de ltar spyod pa'i byang chub sems dpa' sems dpa' chen po ni pha rol du phyin pa drug kyang yongs su rdzogs par byed/ rnam pa thams cad mkhyen pa nyid dang yang nye bar gyur pa yin no/ /rab 'byor gzhan yang byang chub sems dpa' sems dpa' chen po pha rol du phyin pa drug la spyod pa'i tshe/ 'di ltar yongs su brtag par bya ste/ bdag bla na med pa yang dag par rdzogs pa'i byang chub tu mngon par rdzogs par sangs rgyas pa'i sangs rgyas kyi zhing de na tshe la tshad du 'gyur ba dang / 'od la tshad du 'gyur ba dang / dge slong gi dge 'dun la tshad du 'gyur ba de tsam gyis bdag bla na med pa</font><hr>32.181b<br><font size=+1>

yang dag par rdzogs pa'i byang chub tu mngon par rdzogs par 'tshang rgya bar mi bya'i/ ci nas kyang bdag bla na med pa yang dag par rdzogs pa'i byang chub tu mngon par rdzogs par sangs rgyas pa'i sangs rgyas kyi zhing de na tshe tshad med par 'gyur ba dang / 'od tshad med par 'gyur ba dang / dge slong gi dge 'dun tshad med par 'gyur ba de lta de ltar pha rol du phyin pa drug la spyad par bya'o/ /sangs rgyas kyi zhing yongs su dag par bya'o/ /sems can yongs su smin par bya'o zhes de ltar yongs su brtag par bya ste/ rab 'byor de ltar spyod pa'i byang chub sems dpa' sems dpa' chen po ni pha rol du phyin pa drug kyang yongs su rdzogs par byed/ rnam pa thams cad mkhyen pa nyid dang yang nye bar gyur pa yin no/ /rab 'byor gzhan yang byang chub sems dpa' sems dpa' chen po pha rol du phyin pa drug la spyod pa'i tshe/ 'di ltar yongs su brtag par bya ste/ 'jig rten gyi khams 'ga' zhig bdag gi sangs rgyas kyi zhing du 'gyur ba de tsam gyis/ bdag bla na med pa yang dag par rdzogs pa'i byang chub tu mngon par rdzogs par 'tshang rgya bar mi bya'i/ ci nas kyang bdag bla na med pa yang dag par rdzogs pa'i byang chub tu mngon par rdzogs par sangs rgyas pa'i tshe/ gang gA'i klung la bye ma ji snyed cig yod pa de snyed kyi 'jig rten gyi khams bdag gis sangs rgyas kyi zhing gcig tu 'gyur ba de lta de ltar pha rol tu phyin pa drug la spyad par bya'o/ /sangs rgyas kyi zhing yongs su dag par bya'o/ /sems can yongs su smin par bya'o zhes de ltar yongs su brtag par bya ste/ rab 'byor de ltar spyod pa'i byang chub sems dpa' sems dpa' chen po ni pha rol tu phyin pa drug kyang yongs su rdzogs par byed/ rnam pa thams cad mkhyen pa nyid dang yang nye bar gyur pa yin no/ /rab 'byor gzhan yang byang chub sems dpa' sems dpa' chen po pha rol du phyin pa drug la spyod pa'i tshe/ 'di ltar yongs su brtag par bya ste/ kye ma 'khor ba 'di ni ring ngo / /kye ma sems can</font><hr>32.182a<br><font size=+1>

gyi khams 'di ni mtha' yas so/ /des 'di ltar tshul bzhin du yid la bya ste/ kye ma 'khor ba 'di ni nam mkha' ltar mu med pa'o/ /kye ma sems can gyi khams 'di ni nam mkha' ltar mu med pa ste/ 'di la gang yang 'khor ba yang med/ mya ngan las 'das pa yang med de/ gzhan du na chos kyi brdar sems can nam/ 'khor ba 'am/ mya ngan las 'das pa zhes tha snyad du btags par zad do zhes de ltar yongs su brtag par bya ste/ rab 'byor de ltar spyod pa'i byang chub sems dpa' sems dpa' chen po ni pha rol du phyin pa drug kyang yongs su rdzogs par byed/ rnam pa thams cad mkhyen pa nyid dang yang nye bar gyur pa yin no/ /shes rab kyi pha rol du phyin pa stong phrag nyi shu lnga pa las/ le'u bzhi bcu gnyis pa'o// // de nas 'khor der gang gA'i lha mo zhes bya ba'i bud med gcig 'dus te/ 'dug par gyur pa de stan las langs te bla gos phrag pa gcig tu gzar nas pus mo g.yas pa'i lha nga sa la btsugs te bcom ldan 'das ga la ba de logs su thal mo sbyar bas btud nas/ bcom ldan 'das la 'di skad ces gsol to/ /bcom ldan 'das bdag gis kyang pha rol du phyin pa drug yongs su rdzogs par bgyi ste/ de bzhin gshegs pa dgra bcom pa yang dag par rdzogs pa'i sangs rgyas kyis shes rab kyi pha rol du phyin pa 'di las ji skad du bstan pa'i sangs rgyas kyi zhing de lta bu yongs su gzung bar bgyi'o zhes nas/ bud med des gser gyi me tog dang dngul gyi me tog dang / chu las skyes pa'i me tog dang / thang las skyes pa'i me tog dang / rgyan thams cad dang gser gyi kha dog gi na bza' phrugs su sbyar te/ bcom ldan 'das gang na ba de logs su gtor to/ /me tog dang rgyan dang na bza' phrugs su sbyar ba de dag gtor ma thag tu de nas sangs rgyas kyi mthus/ bcom ldan 'das kyi dbu'i drang thad steng gi nam mkha' la khang pa brtsegs pa grwa bzhi dang</font><hr>32.182b<br><font size=+1>

ldan pa/ ka ba bzhi zug pa/ cha mnyam pa shin du spro ba mdangs dga' ba yid du 'ong bar gnas par gyur to/ /de nas bud med des khang pa brtsegs pa de yang sems can thams cad dang thun mong du byas te/ bla na med pa yang dag par rdzogs pa'i byang chub tu yongs su bsngos so/ /de nas bcom ldan 'das kyis bud med de'i bsam pa thugs su chud nas/ de'i tshe 'dzum pa mdzad do/ /'di ni sangs rgyas bcom ldan 'das rnams kyi chos nyid de gang gi tshe 'dzum pa mdzad pa de'i tshe/ bcom ldan 'das kyi zhal gyi sgo nas 'od gzer kha dog sna tshogs rnam pa du ma 'di lta ste/ sngon po dang ser po dang dmar po dang dkar po dang / le brgan dang shel dang dngul gyi kha dog lta bu 'thon par gyur nas/ de dag mtha' yas mu med pa'i 'jig rten gyi khams su dong ste phyir 'ongs nas/ bcom ldan 'das la g.yas phyogs nas lan gsum bskor ba byas te/ bcom ldan 'das kyi dbu'i gtsug tu nub bo/ /de nas tshe dang ldan pa dga' bos bla gos phrag pa gcig la gzar te pus mo g.yas pa'i lha nga sa la btsugs nas bcom ldan 'das gang na ba de logs su thal mo sbyar bas btud de/ bcom ldan 'das la 'di skad ces gsol to/ /bcom ldan 'das rgyu dang rkyen ma mchis par ni de bzhin gshegs pa dgra bcom pa yang dag par rdzogs pa'i sangs rgyas 'dzum pa mi mdzad na/ ci'i rgyu ci'i rkyen gyis 'dzum pa mdzad/ bcom ldan 'das kyis bka' stsal pa/ dga' bo gang gA'i lha mo zhes bya ba'i sring mo 'di ma 'ongs pa'i dus na/ dpe skar ma lta bu zhes bya ba'i bskal pa la/ gser gyi me tog ces bya ba de bzhin gshegs pa dgra bcom pa yang dag par rdzogs pa'i sangs rgyas 'jig rten du 'byung bar 'gyur ro/ /dga' bo 'di ni bud med kyi lus kyi tha ma yin te/ dga' bo sring mo 'di bud med kyi lus rjes te/ skyes pa'i</font><hr>32.183a<br><font size=+1>

lus thob par gyur nas de bzhin gshegs pa dgra bcom pa yang dag par rdzogs pa'i sangs rgyas mi sgul ba'i sangs rgyas kyi zhing mngon par dga' ba'i 'jig rten gyi khams su skyes te/ der tshangs pa'i spyad pa spyod par 'gyur ro/ /dga' bo byang chub sems dpa' sems dpa' chen po de'i ming yang gser gyi me tog ces bya bar 'gyur ro/ /dga' bo byang chub sems dpa' sems dpa' chen po gser gyi me tog de nas shi 'phos nas sangs rgyas kyi zhing nas sangs rgyas kyi zhing du 'gro bar 'gyur te sangs rgyas bcom ldan 'das rnams dang mi 'bral bar 'gyur ro/ /dga' bo 'di lta ste dper na/ 'khor los sgyur ba'i rgyal po khang pa nas khang par 'gro yang / de nam 'tsho ba dang nam 'chi ba'i dus kyi bar du rkang pa'i mthil gnyis kyis sa la mi 'gro'o/ /dga' bo de bzhin du byang chub sems dpa' sems dpa' chen po gser gyi me tog kyang bla na med pa yang dag par rdzogs pa'i byang chub tu mngon par rdzogs par 'tshang rgya bar ma gyur gyi bar du sangs rgyas kyi zhing nas sangs rgyas kyi zhing du 'gro bar 'gyur ro/ /de nas tshe dang ldan pa dga' bo 'di snyam du sems par gyur te sangs rgyas kyi zhing der byang chub sems dpa' sems dpa' chen po ji snyed cig 'dus par 'gyur ba de dag ni de bzhin gshegs pa'i tshogs su blta'o snyam pa dang / de nas bcom ldan 'das kyis tshe dang ldan pa dga' bo'i sems kyi rnam par rtog pa thugs su chud nas/ tshe dang ldan pa dga' bo la 'di skad ces bka' stsal to/ /dga' bo de de bzhin te/ ji ltar yongs su rtog pa de bzhin no/ /de bzhin gshegs pa dgra bcom pa yang dag par rdzogs pa'i sangs rgyas gser gyi me tog gi sangs rgyas kyi zhing du byang chub sems dpa' sems dpa' chen po ji snyed cig 'du bar 'gyur ba de dag ni de bzhin</font><hr>32.183b<br><font size=+1>

gshegs pa 'dus par lta ste/ de'i dge slong gi dge 'dun yang tshad zin par mi 'gyur ro/ /de'i dge slong gi dge 'dun la nyan thos brgya phrag ni 'di snyed cig yod do/ /nyan thos stong phrag ni 'di snyed cig yod do/ /nyan thos brgya stong phrag ni 'di snyed cig yod do/ /nyan thos bye ba phrag ni 'di snyed cig yod do/ /nyan thos bye ba brgya phrag ni 'di snyed cig yod do/ /nyan thos bye ba stong phrag ni 'di snyed cig yod do/ /nyan thos bye ba brgya stong phrag ni 'di snyed cig yod do/ /nyan thos bye ba khrag khrig phrag ni 'di snyed cig yod do zhes dge slong gi dge 'dun de'i tshad gzung bar mi nus te/ gzhan du na nyan thos bye ba khrag khrig brgya stong phrag grangs med gzhal du med par 'gyur ro/ /dga' bo de bzhin gshegs pa dgra bcom pa yang dag par rdzogs pa'i sangs rgyas gser gyi me tog bla na med pa yang dag par rdzogs pa'i byang chub tu mngon par rdzogs par sangs rgyas pa'i sangs rgyas kyi zhing de na/ shes rab kyi pha rol du phyin pa 'di las bstan pa'i skyon 'di dag thams cad du thams cad mi 'byung zhing mi srid do/ /dga' bos gsol pa/ bcom ldan 'das sring mo 'dis de bzhin gshegs pa dgra bcom pa yang dag par rdzogs pa'i sangs rgyas gang zhig la mchod pa bgyis nas dge ba'i rtsa ba bskyed de slar mi ldog pa'i sems bskyed par 'gyur/ bcom ldan 'das kyis bka' stsal pa/ dga' bo sring mo 'dis ni de bzhin gshegs pa dgra bcom pa yang dag par rdzogs pa'i sangs rgyas mar me mdzad kyi drung du dge ba'i rtsa ba bskyed nas bla na med pa yang dag par rdzogs pa'i byang chub tu sems bskyed de/ dge ba'i rtsa ba de yang bla na med pa yang dag par rdzogs pa'i byang chub tu yongs su bsngos so/ /de bzhin</font><hr>32.184a<br><font size=+1>

gshegs pa dgra bcom pa yang dag par rdzogs pa'i sangs rgyas mar me mdzad de la yang / bla na med pa yang dag par rdzogs pa'i byang chub don du gnyer ba'i phyir/ gser gyi me tog nyid kyis gtor to/ /dga' bo ngas gang gi tshe bla na med pa yang dag par rdzogs pa'i byang chub don du gnyer ba'i phyir de bzhin gshegs pa dgra bcom pa yang dag par rdzogs pa'i sangs rgyas mar me mdzad la ut+pa la lnga gtor ba de'i tshe/  de bzhin gshegs pa dgra bcom pa yang dag par rdzogs pa'i sangs rgyas mar me mdzad des dge ba'i rtsa ba dang ldan par mkhyen nas/ nga bla na med pa yang dag par rdzogs pa'i byang chub tu lung bstan to/ /de'i tshe sring mo 'dis nga lung bstan pa de thos nas 'di snyam du bdag kyang ji ltar bram ze'i bu 'di lung bstan pa de bzhin du ma 'ongs pa'i dus na/ bla na med pa yang dag par rdzogs pa'i byang chub tu lung ston par gyur cig ces sems bskyed de/ dga' bo de ltar sring mo 'dis de bzhin gshegs pa dgra bcom pa yang dag par rdzogs pa'i sangs rgyas de'i drung du bla na med pa yang dag par rdzogs pa'i byang chub tu sems dang po bskyed do/ /dga' bos gsol pa/ bcom ldan 'das sring mo 'dis ni bla na med pa yang dag par rdzogs pa'i byang chub kyi don tu yongs su sbyang ba bgyis pa'o/ /bcom ldan 'das kyis bka' stsal pa/ dga' bo de de bzhin no/ /de de bzhin te/ ji skad du smras pa de bzhin no/ /dga' bo sring mo 'di ni bla na med pa yang dag par rdzogs pa'i byang chub kyi don du yongs su sbyang ba byas pa'o/ /shes rab kyi pha rol du phyin pa stong phrag nyi shu lnga pa las/ gang gA'i lha mo'i le'u ste bzhi bcu gsum pa'o// // de nas tshe dang ldan pa rab 'byor gyis/ bcom ldan 'das la 'di skad ces gsol to/ /bcom ldan 'das shes rab kyi pha rol du phyin pa la spyod pa'i byang chub sems dpa' sems dpa' chen pos ji ltar stong pa nyid la yongs su 'dris par bgyi/ ji ltar stong pa nyid kyi ting nge 'dzin la snyoms par 'jug par bgyi/ ji ltar mtshan</font><hr>32.184b<br><font size=+1>

ma med pa la yongs su 'dris par bgyi/ ji ltar mtshan ma med pa'i ting nge 'dzin la snyoms par 'jug par bgyi/ ji ltar smon pa med pa la yongs su 'dris par bgyi/ ji ltar smon pa med pa'i ting nge 'dzin la snyoms par 'jug par bgyi/ ji ltar dran pa nye bar gzhag pa bzhi la yongs su 'dris par bgyi/ ji ltar dran pa nye bar gzhag pa bzhi bsgom par bgyi/  ji ltar yang dag par spong ba dang /  rdzu 'phrul gyi rkang pa dang / dbang po dang / stobs dang byang chub kyi yan lag dang / 'phags pa'i lam yan lag brgyad pa la yongs su 'dris par bgyi/ ji ltar 'phags pa'i lam yan lag brgyad pa bsgom par bgyi/ ji ltar 'phags pa'i bden pa dang / bsam gtan dang tshad med pa dang gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang stong pa nyid dang mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang gzungs kyi sgo rnams dang / de bzhin gshegs pa'i stobs bcu dang mi 'jigs pa bzhi dang / so so yang dag par rig pa bzhi dang / byams pa chen po dang snying rje chen po dang / sangs rgyas kyi chos ma 'dres pa bcwa brgyad la yongs su 'dris par bgyi/ ji ltar sangs rgyas kyi chos ma 'dres pa rnams bsgom par bgyi/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po shes rab kyi pha rol du phyin pa la spyod pas gzugs stong zhes bya bar brtag par bya'o/ /tshor ba dang 'du shes dang 'du byed dang / rnam par shes pa stong zhes bya bar brtag par bya'o/ /skye mched dang / khams dang / rten cing 'brel bar 'byung ba stong zhes bya bar brtag par bya'o/ /pha rol du phyin pa thams cad dang stong pa nyid thams cad dang byang chub kyi phyogs kyi chos sum bcu rtsa bdun stong zhes bya bar brtag par bya'o/ /sangs rgyas kyi chos ma 'dres pa bcwa brgyad kyi bar du stong zhes bya bar brtag par bya'o/ /'dod pa'i khams stong</font><hr>32.185a<br><font size=+1>

zhes bya bar brtag par bya'o/ /gzugs yod pa'i khams dang / gzugs med pa'i khams stong zhes bya bar brtag par bya'o/ /de yang ci nas kyang de ltar brtags na sems g.yeng bar mi 'gyur ba de ltar brtag par bya ste/ de sems mi g.yeng ba dang ldan pas chos de yang dag par rjes su mi mthong ste/ chos de yang dag par rjes su ma mthong bas mngon du mi byed do/ /de ci'i phyir zhe na/ de ni 'di ltar byang chub sems dpa' sems dpa' chen po de chos thams cad rang gi mtshan nyid kyis stong pa la bslabs pas chos gang la yang ris chad par yang mi byed de/ gang mngon du byed pa dang / gang mngon du bya ba dang gang gis mngon du bya ba'i chos de dag thams cad yang dag par rjes su mi mthong ngo / /rab 'byor gyis gsol pa/ bcom ldan 'das kyis 'di skad du byang chub sems dpa' sems dpa' chen pos stong pa'i chos rnams mngon du mi bya'o/ /zhes bka' stsal pa de la/ bcom ldan 'das ji ltar na byang chub sems dpa' sems dpa' chen po stong pa nyid la gnas pa/ stong pa nyid mngon du mi bgyid pa lags/ bcom ldan 'das kyis bka' stsal pa rab 'byor byang chub sems dpa' sems dpa' chen po'i rnam pa'i mchog thams cad dang ldan pa'i stong pa nyid la rab tu rtog ste/ mngon du mi byed do/ /mngon du bya'o snyam du mi rtog go/ /mngon du bya ba yin no zhes bya bar mi rtog ste/ yongs su 'dris par bya bar rtog cing 'di ni yongs su 'dris par bya ba'i dus kyi/ 'di ni mngon du bya ba'i dus ma yin no zhes bya bar rtog go/ /byang chub sems dpa' sems dpa' chen po ni mnyam par ma gzhag pa nyid du sems dmigs pa la 'dogs te des bar ma dor byang chub sems dpa' sems dpa' chen po byang chub kyi phyogs kyi chos rnams las yongs su nyam par mi 'gyur te/ zag pa zad pa yang mngon du mi byed do/ /de ci'i phyir zhe na/ byang chub sems dpa' sems dpa' chen po ni de lta bu'i ye shes rlabs po che dang ldan pa ste/ de ni byang chub kyi phyogs kyi chos rnams la gnas shing / 'di ltar 'di ni yongs</font><hr>32.185b<br><font size=+1>

su 'dris par bya ba'i dus te/ 'di ni mngon du bya ba'i dus ma yin no zhes bya bar rab tu shes so/ /rab 'byor byang chub sems dpa' sems dpa' chen po shes rab kyi pha rol du phyin pa la spyod pa des 'di ltar 'di ni sbyin pa'i pha rol du phyin pa'i dus so/ /'di ni tshul khrims kyi pha rol du phyin pa dang / bzod pa'i pha rol du phyin pa dang /  brtson 'grus kyi pha rol du phyin pa dang / bsam gtan kyi pha rol du phyin pa dang shes rab kyi pha rol du phyin pa'i dus so/ /'di ni dran pa nye bar gzhag pa bsgom pa'i dus so/ /'di ni yang dag par spong ba dang / rdzu 'phrul gyi rkang pa dang dbang po dang stobs dang / byang chub kyi yan lag dang / 'phags pa'i lam yan lag brgyad pa bsgom pa'i dus so/ /'di ni stong pa nyid dang mtshan ma med pa dang / smon pa med pa bsgom pa'i dus so/ /'di ni mngon par shes pa rnams dang / ting nge 'dzin rnams dang / gzungs kyi sgo rnams thob par bya ba'i dus so/ /'di ni de bzhin gshegs pa'i stobs bcu dang mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad thob par bya ba'i dus so/ /'di ni byams pa chen po dang / snying rje chen po thob par bya ba'i dus yin te/ 'di ni rgyun du zhugs pa'i 'bras bu mngon du bya ba'i dus ma yin/ lan gcig phyir 'ong ba'i 'bras bu dang phyir mi 'ong ba'i 'bras bu dang / dgra bcom pa nyid mngon du bya ba'i dus ma yin/ rang sangs rgyas kyi ye shes mngon du bya ba'i dus ma yin te/ 'di ni rnam pa thams cad mkhyen pa nyid thob par bya ba yongs su mi gtang ba'i dus so zhes bya bar brtag par bya ste/ rab 'byor de ltar na byang chub sems dpa' sems dpa' chen po shes rab kyi pha rol du phyin pa la spyod pa'i tshe/ stong pa nyid la yongs su 'dris par byed cing stong pa nyid kyis rnam par spyod pa yin/ mtshan ma med pa la yongs su 'dris par byed cing mtshan ma med pas rnam par spyod pa yin/ smon pa med pa la yongs su 'dris par</font><hr>32.186a<br><font size=+1>

byed cing smon pa med par rnam par spyod pa yin/ dran pa nye bar gzhag pa rnams la sgom zhing / dran pa nye bar gzhag pa rnams kyis rnam par spyod pa yin/ yang dag par spong ba dang / rdzu 'phrul gyi rkang pa dang / dbang po dang / stobs dang byang chub kyi yan lag rnams la sgom zhing / byang chub kyi yan lag rnams kyis rnam par spyod pa yin/ 'phags pa'i lam yan lag brgyad pa la sgom yang mngon du mi byed pa yin/ rab 'byor de ltar na byang chub sems dpa' sems dpa' chen po byang chub kyi phyogs kyi chos rnams la yongs su 'dris par byed pa yin/ byang chub kyi phyogs kyi chos rnams sgom pa yin/ byang chub kyi phyogs kyi chos rnams kyis rnam par spyod pa yin te/ rgyun du zhugs pa'i 'bras bu mngon du mi byed do/ /lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub mngon du mi byed do/ /rab 'byor 'di lta ste dper na/ skyes bu zhig dpa' zhing rtsal che la shin tu brtan zhing / gzugs mdzes la/ byad bzhin bzang zhing blta na sdug pa kha dog bzang po mchog tu rgyas pa dang ldan pa/ 'phong rtsal mchog tu byung ba/ mtshon cha sra ba thogs pa/ sgyu rtsal drug bcu rtsa bzhi thams cad yongs su rdzogs pa/ bzo'i gnas dang las kyi gnas thams cad rtog par rig pa/ 'gro ba mang po'i yid du 'ong zhing sdug pa ni bya ba gang dang gang rtsom yang thams cad du rnyed pa chen po dang ldan te rnyed pa des skye bo mang po la rim gror byed/ bkur stir byed/ sti stang du byed/ mchod par byed la/ de shin du dga' zhing spro ba dang / nyams dga' zhing yid bde nas dgos pa zhig gi phyir pha ma dang / bu dang chung ma dag khrid de 'brog dgon pa byis pa rnams 'jigs shing skyi g.ya' bar song ste/ skyes bu des der phyin nas pha ma dang bu dang chung ma la mi 'jigs</font><hr>32.186b<br><font size=+1>

pa byin te/ 'jigs par ma byed/ ma 'jigs shig /bdag gis khyed 'brog dgon pa 'jigs shing nyams mi bde ba 'di las myur du gdon cing myur du thar par bya'o zhes mi 'jigs pa byin te/ 'brog dgon pa der skyes bu de la gsod pa'i dgra phyir rgol ba mang po nye bar gnas par gyur nas/ skyes bu de yang shes rab kyi mthu dam pa dang ldan par gyur te/ des pha ma dang bu dang / chung ma dag 'brog dgon pa de nas bton te/ bde zhing nyon ma mongs par thar par byas nas phyir grong ngam grong khyer ram grong rdal lam ljongs kyi 'dab du ma snad ma nyams par phyin nas dga' zhing yid bde ba skyes te dgra phyir rgol ba'i sems can de dag la yang sems kyis sdang bar mi byed de de ci'i phyir zhe na/ skyes bu des sgyu rtsal thams cad la byang bar byas pas/ des 'brog dgon pa der phyir rgol ba de dag pas/ phyir rgol ba gzhan ches phal che ba/ ches mang ba/ ches dpa' ba/ ches mtshon cha sra ba dang ldan pa dag sprul te/ phyir rgol ba de dag thams cad 'jigs pa des med par gyur nas skyes bu des pha ma dang / bu dang chung ma de dag nyon mongs par thar par byas nas/ bde bar rnam par spyod pa zhig yod na/ rab 'byor de bzhin du gang gi tshe/ byang chub sems dpa' sems dpa' chen po sems can thams cad la byams par dmigs pa'i sems dang snying rje dang dga' ba dang / btang snyoms su dmigs pa'i sems kyis khyab par byas nas gnas te de'i skabs su byang chub sems dpa' sems dpa' chen po tshad med pa bzhi la gnas shing / pha rol du phyin pa drug yongs su rdzogs par byed do/ /yongs su rdzogs par byas nas zag pa zad pa ma thob bzhin du rnam pa thams cad mkhyen pa nyid la yongs su 'dris par byed do/ /rnam par thar pa'i sgo stong pa nyid dang mtshan ma med pa dang / smon pa med pa la gnas shing rnam pa thams cad mkhyen pa nyid la yongs su 'dris par byed de/ de'i skabs su byang chub sems dpa' sems dpa' chen po mtshan mas</font><hr>32.187a<br><font size=+1>

kyang rnam par mi spyod/ mtshan ma med pa'i ting nge 'dzin gang mngon du byas pas nyan thos kyi sa 'am rang sangs rgyas kyi sa la gnas par 'gyur ba de lta bu yang mngon du mi byed do/ /rab 'byor 'di lta ste dper na/ 'dab chags bya ni bar snang la rgyu zhing sa la mi ltung ste/ nam mkha' bar snang la gnas kyang de la gnas pa med do/ /rab 'byor de bzhin du byang chub sems dpa' sems dpa' chen po yang stong pa nyid la yongs su 'dris par byed cing / stong pa nyid la yang rnam par spyod/ mtshan ma med pa dang / smon pa med pa la yongs su 'dris par byed cing mtshan ma med pa dang / smon pa med pa la yang rnam par spyod de/ stong pa nyid dang mtshan ma med pa dang / smon pa med pa gang mngon du byas pas de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang byams pa chen po dang / snying rje chen po dang sangs rgyas kyi chos ma 'dres pa bcwa brgyad yongs su ma rdzogs par nyan thos kyi sa 'am/ rang sangs rgyas kyi sar ltung bar 'gyur ba yang mngon du mi byed de/ sangs rgyas kyi chos tshad med pa la spyad nas/ rnam pa thams cad mkhyen pa nyid thob par byed do/ /rab 'byor 'di lta ste dper na/ skyes bu mthu dang ldan pa 'phong rtsal gyi slob dpon du gyur pa/ 'phong rtsal bslab pa la shin du byang ba zhig yod la/ des mda' zhig gnam du 'phangs te/ mda' de gnam du 'phangs nas/ mda' gzhan gcig nas gcig tu brgyud de 'phangs pas mda' snga ma de sa la ltung du ma bcug ste/ de ji srid du skyes bu des da ni mda' 'di sa la ltung bar bya'o snyam du 'dod par ma byas pas de srid du mda' de sa la mi ltung ste/ nam mda' phyi ma ma 'phangs pa de'i tshe/ mda' gcig nas gcig tu brgyud pa de dag sa la ltung</font><hr>32.187b<br><font size=+1>

ngo / /rab 'byor de bzhin du byang chub sems dpa' sems dpa' chen po shes rab kyi pha rol du phyin pa la spyod pa/ thabs mkhas pas yongs su bzung ba yang ji srid du dge ba'i rtsa ba de dag bla na med pa yang dag par rdzogs pa'i byang chub tu yongs su smin par ma gyur pa de srid du yang dag pa'i mtha' dam pa mngon du mi byed do/ /nam dge ba'i rtsa ba de dag bla na med pa yang dag par rdzogs pa'i byang chub tu yongs su smin par gyur pa de ni yang dag pa'i mtha' dam pa mngon du byed do/ /rab 'byor de bas na byang chub sems dpa' sems dpa' chen po shes rab kyi pha rol du phyin pa la spyod pas/ chos de dag gi chos nyid de ltar yongs su brtag par bya'o/ /gsol pa/ bcom ldan 'das byang chub sems dpa' sems dpa' chen po gang chos nyid 'di la slob pa/ yang dag pa'i mtha' la slob pa/ de bzhin nyid la slob pa/ chos kyi dbyings la slob pa/ rang gi mtshan nyid stong pa nyid kyi bar la slob pa/ rnam par thar pa'i sgo gsum la slob cing bar ma dor bla na med pa yang dag par rdzogs pa'i byang chub las nyams par mi 'gyur ba ni dka' ba bgyid pa ste/ bcom ldan 'das ngo mtshar che'o/ /bde bar gshegs pa shin tu ngo mtshar che'o/ /bcom ldan 'das kyis bka' stsal pa/ rab 'byor de ni 'di ltar byang chub sems dpa' sems dpa' chen pos sems can thams cad yongs su ma btang ba'i phyir te/ rab 'byor byang chub sems dpa' sems dpa' chen po gang gis sems can thams cad yongs su ma btang ba de dag gi smon lam gyi khyad par ni rnam pa de lta bur 'gyur ro/ /rab 'byor byang chub sems dpa' sems dpa' chen po gang sems can thams cad ni bdag gis yongs su ma btang ste dam pa ma yin pa'i chos la gnas pa 'di dag ni bdag gis yongs su dgrol bar bya'o zhes de lta bu'i sems mngon par sgrub cing / nam byang chub sems dpa' sems dpa'</font><hr>32.188a<br><font size=+1>

chen po thabs mkhas pa dang ldan par rnam par thar pa'i sgo stong pa nyid kyi ting nge 'dzin mngon par bsgrub pa dang rnam par thar pa'i sgo mtshan ma med pa'i ting nge 'dzin mngon par bsgrub pa dang rnam par thar pa'i sgo smon pa med pa'i ting nge 'dzin mngon par bsgrub pa de'i tshe ji srid du rnam pa thams cad mkhyen pa nyid ma thob kyi bar du bar ma dor yang dag pa'i mtha' mngon du mi byed par rig par bya'o/ /rab 'byor gzhan yang byang chub sems dpa' sems dpa' chen po gang gi tshe 'di lta ste/ nang stong pa nyid dang phyi stong pa nyid dang phyi nang stong pa nyid dang dngos po med pa'i ngo bo nyid stong pa nyid kyi bar dang / dran pa nye bar gzhag pa dang yang dag par spong ba dang rdzu 'phrul gyi rkang pa dang dbang po dang stobs dang byang chub kyi yan lag dang / 'phags pa'i lam yan lag brgyad pa dang / rnam par thar pa'i sgo gsum dang gnas zab mo de dag la brtag par 'dod par gyur na/ des 'di ltar 'di snyam du sems can 'di dag ni yun ring po nas bdag tu 'du shes pa dang / sems can du 'du shes pa dang / srog tu 'du shes pa dang / 'gro bar 'du shes pa dang / gso bar 'du shes pa dang skyes bur 'du shes pa dang gang zag tu 'du shes pa dang / shed can du 'du shes pa dang / shed bdag tu 'du shes pa dang / byed pa por 'du shes pa dang / tshor ba por 'du shes pa dang / 'jug pa por 'du shes pas dmigs pa la spyod kyis/ de dag gi dmigs pa spong ba'i phyir bla na med pa yang dag par rdzogs pa'i byang chub tu mngon par rdzogs par sangs rgyas te/ chos bstan par bya'o snyam du sems/ mngon par bsgrub par bya'o/ /de'i tshe byang chub sems dpa' sems dpa' chen po rnam par thar pa'i sgo stong pa nyid dang / mtshan ma med pa dang / smon pa med pa'i ting nge 'dzin la snyoms par 'jug kyang yang dag pa'i mtha' gang mngon du byas pas rgyun du zhugs pa'i 'bras bu thob pa dang / lan cig phyir 'ong ba'i 'bras bu dang / phyir mi 'ong ba'i 'bras bu dang dgra bcom pa nyid 'thob pa dang / rang byang chub 'thob par 'gyur ba mngon du mi byed do/ /rab 'byor</font><hr>32.188b<br><font size=+1>

de ltar byang chub sems dpa' sems dpa' chen po sems bskyed pa de dang dge ba'i rtsa ba de dag dang thabs mkhas pa dang ldan pa ni bar ma dor yang dag pa'i mtha' yang mngon du mi byed de/ sbyin pa'i pha rol du phyin pa yang yongs su 'grib par mi 'gyur ro/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa yang yongs su 'grib par mi 'gyur ro/ /nang stong pa nyid dang dngos po med pa'i ngo bo nyid stong pa nyid kyi bar yang yongs su 'grib par mi 'gyur ro/ /dran pa nye bar gzhag pa bzhi dang yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang byang chub kyi yan lag bdun dang / 'phags pa'i lam yan lag brgyad pa yang yongs su 'grib par mi 'gyur ro/ /'phags pa'i bden pa dang bsam gtan dang / tshad med pa dang / gzugs med pa'i snyoms par 'jug pa yang yongs su 'grib par mi 'gyur ro/ /rnam par thar pa brgyad dang mthar gyis gnas pa'i snyoms par 'jug pa dgu dang / stong pa nyid dang mtshan ma med pa dang / smon pa med pa yongs su 'grib par mi 'gyur ro/ /mngon par shes pa lnga dang ting nge 'dzin dang / gzungs kyi sgo dang de bzhin gshegs pa'i stobs bcu dang / mi 'jigs pa bzhi dang so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad dang bla na med pa yang dag par rdzogs pa'i byang chub kyang yongs su 'grib par mi 'gyur ro/ /rab 'byor de ltar na byang chub sems dpa' sems dpa' chen po de'i tshe/ byang chub kyi phyogs kyi chos rnams dang ldan pa yin te/ bla na med pa yang dag par rdzogs pa'i byang chub tu mngon par rdzogs par sangs rgyas kyi bar du yongs su 'grib par mi 'gyur te/ thabs mkhas pas yongs su bzung ba'i byang chub sems dpa' sems dpa' chen po</font><hr>32.189a<br><font size=+1>

de ni dge ba'i chos rnams kyis rnam par 'phel zhing de'i dbang po rnams kyang ches rno bar 'gyur te/ nyan thos dang rang sangs rgyas kyi lta bu ma yin par 'gyur ro/ /rab 'byor gzhan yang byang chub sems dpa' sems dpa' chen po ni 'di snyam ste sems can 'di dag ni yun ring po nas phyin ci log bzhi la spyod spyod pa/ rtag par 'du shes pa dang / bde bar 'du shes pa dang bdag tu 'du shes pa dang / sdug par 'du shes pa la spyod spyod pa yin gyis de dag gi phyir byang chub tu spyad par bya'o/ /bla na med pa yang dag par rdzogs pa'i byang chub tu mngon par rdzogs par sangs rgyas na/ ci nas kyang rtag ces bya ba 'am bde zhes bya ba 'am bdag ces bya ba 'am/ sdug ces bya ba'i yongs su rgyu ba med par chos bstan par bya'o snyam ste/ sems bskyed pa de lta bu dag dang ldan la thabs mkhas pas shes rab kyi pha rol du phyin pa la spyod pas/ de bzhin gshegs pa'i stobs bcu yongs su ma rdzogs/ mi 'jigs pa bzhi dang so so yang dag par rig pa bzhi dang sangs rgyas kyi chos ma 'dres pa bcwa brgyad dang byams pa chen po dang snying rje chen po yongs su ma rdzogs par yang dag pa'i mtha' mngon du mi byed do/ /de'i tshe byang chub sems dpa' sems dpa' chen po rnam par thar pa'i sgo stong pa nyid dang mtshan ma med pa dang / smon pa med pa'i ting nge 'dzin la snyoms par 'jug kyang / bla na med pa yang dag par rdzogs pa'i byang chub tu mngon par rdzogs par sangs ma rgyas kyi bar du yang dag pa'i mtha' mngon du mi byed do/ /rab 'byor gzhan yang byang chub sems dpa' sems dpa' chen po ni 'di snyam du sems can 'di dag ni yun ring po nas dmigs pa la spyod spyod pa ste bdag ces bya ba 'am sems can dang srog dang / 'gro ba dang gso ba dang skyes bu dang / gang zag dang / shed can dang shed bdag dang / byed pa po dang / tshor ba po dang / </font><hr>32.189b<br><font size=+1>

shes pa po dang mthong ba po zhes bya ba 'am/ gzugs shes bya ba 'am/ tshor ba dang / 'du shes dang / 'du byed dang / rnam par shes pa zhes bya ba 'am/ skye mched ces bya ba 'am/ khams shes bya ba 'am/ rten cing 'brel bar 'byung ba zhes bya ba 'am/ pha rol du phyin pa rnams shes bya ba 'am stong pa nyid rnams shes bya ba 'am/ byang chub kyi phyogs kyi chos rnams shes bya ba 'am/ 'phags pa'i bden pa dang bsam gtan dang / tshad med pa dang / gzugs med pa'i snyoms par 'jug pa zhes bya ba 'am rnam par thar pa dang mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa zhes bya ba 'am/ mngon par shes pa dang / ting nge 'dzin dang gzungs kyi sgo zhes bya ba 'am/ de bzhin gshegs pa'i stobs dang / mi 'jigs pa dang so so yang dag par rig pa dang / byams pa chen po dang / snying rje chen po dang sangs rgyas kyi chos ma 'dres pa rnams shes bya bar dmigs pa la spyod spyod pa yin gyis/ de la bdag gis ci nas kyang bdag bla na med pa yang dag par rdzogs pa'i byang chub tu mngon par rdzogs par sangs rgyas nas/ sems can rnams kyi dmigs pa'i nyes pa de dag med par bya'o snyam ste/ de sems bskyed pa de lta bu dag dang ldan la thabs mkhas pas shes rab kyi pha rol tu phyin pa la spyod pas de bzhin gshegs pa'i stobs bcu dang mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad dang / byams pa chen po dang / snying rje chen po yongs su ma rdzogs par yang dag pa'i mtha' mngon du mi byed de/ de'i tshe byang chub sems dpa' sems dpa' chen po rnam par thar pa'i sgo stong pa nyid dang / mtshan ma med pa dang / smon pa med pa'i ting nge 'dzin bsgom pa yongs su rdzogs par 'gyur ro/ /rab 'byor gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ 'di snyam du sems can 'di dag ni yun</font><hr>32.190a<br><font size=+1>

ring po nas mtshan ma la spyod spyod pa ste/ bud med kyi mtshan ma 'am/ skyes pa'i mtshan ma 'am/ gzugs kyi mtshan ma 'am/ tshor ba dang / 'du shes dang 'du byed dang / rnam par shes pa'i mtshan ma 'am/ skye mched dang / khams dang / rten cing 'brel bar 'byung ba'i mtshan ma 'am/ pha rol du phyin pa rnams dang / stong pa nyid thams cad dang / byang chub kyi phyogs kyi chos rnams kyi mtshan ma 'am/ sangs rgyas kyi chos ma 'dres pa'i bar gyi mtshan ma 'am/ rnam pa thams cad mkhyen pa nyid kyi bar gyi mtshan ma la spyod spyod pa yin gyis/ de la bdag gis ci nas kyang bdag bla na med pa yang dag par rdzogs pa'i byang chub tu mngon par rdzogs par sangs rgyas nas/ sems can rnams kyi nyes pa de dag med par bya'o snyam ste/ de sems bskyed pa de lta bu dang ldan la/ thabs mkhas pas shes rab kyi pha rol du phyin pa la spyod pas de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad dang byams pa chen po dang / snying rje chen po yongs su ma rdzogs par yang dag pa'i mtha' mngon du mi byed de/ de'i tshe byang chub sems dpa' sems dpa' chen po'i rnam par thar pa'i sgo stong pa nyid dang mtshan ma med pa dang / smon pa med pa'i ting nge 'dzin bsgom pa yongs su rdzogs par 'gyur ro/ /rab 'byor gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ 'di snyam du sems can 'di dag ni yun ring po nas smon lam la spyod spyod pa ste/ 'di ltar brgya byin dang / tshangs pa dang / 'jig rten skyong ba dang / 'khor los sgyur ba la mngon par dga'o/ /gzugs la mngon par dga'o/ /tshor ba dang / 'du shes dang 'du byed dang / rnam par shes pa la mngon par dga'o/ /rnam pa thams cad mkhyen pa nyid kyi bar la mngon par dga'o/ /de lta bas na de dag gi don du bla na med pa yang dag par rdzogs pa'i byang chub tu mngon par rdzogs</font><hr>32.190b<br><font size=+1>

par sangs rgyas te ci nas kyang sems can rnams kyi smon lam gyi nyes pa de dag med par 'gyur ba de ltar chos bstan par bya'o snyam ste/ rab 'byor de ltar byang chub sems dpa' sems dpa' chen po sems bskyed pa de dag dang ldan la/ thabs mkhas pas shes rab kyi pha rol du phyin pa la spyod pas rnam par thar pa'i sgo stong pa nyid dang mtshan ma med pa dang / smon pa med pa'i ting nge 'dzin bsgom pa yongs su rdzogs par 'gyur te/ de bzhin gshegs pa'i stobs bcu dang mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad dang / byams pa chen po dang / snying rje chen po yongs su ma rdzogs shing bla na med pa yang dag par rdzogs pa'i byang chub tu mngon par sangs ma rgyas kyi bar du yang dag pa'i mtha' mngon du mi byed do/ /rab 'byor byang chub sems dpa' sems dpa' chen po pha rol du phyin pa drug la spyod pa dang / nang stong pa nyid dang / dngos po med pa'i ngo bo nyid stong pa nyid kyi bar la spyod pa dang / dran pa nye bar gzhag pa rnams la spyod pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa la spyod pa dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa la spyod pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo la spyod pa dang de bzhin gshegs pa'i stobs bcu dang mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad la spyod pa dang / 'dris par byed cing de lta bu'i ye shes mthong ba dang ldan pa'i byang chub sems dpa'</font><hr>32.191a<br><font size=+1>

sems dpa' chen po ni mngon par 'du bya ba med par ltung ba 'am/ khams gsum pa dang lhan cig gnas pa'i gnas med skabs med de de ni gnas ma yin no/ /rab 'byor byang chub sems dpa' sems dpa' chen po de ltar spyod cing / byang chub kyi phyogs kyi chos 'di dag la yongs su 'dris par byed pa de dag la ji ltar na byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya bar 'dod pas chos 'di dag la spyad de yongs su 'dris par byas nas/ stong pa nyid dang yang dag pa'i mtha' gang rtogs pas rgyun tu zhugs pa'i 'bras bu 'thob par 'gyur ba dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub 'thob par 'gyur ba'i stong pa nyid mngon du mi byed cing yang dag pa'i mtha' mngon du mi byed pa yin/ ji ltar na mtshan ma med pa dang / smon pa med pa dang mngon par 'du bya ba med pa dang / skye ba med pa dang / dngos po med pa mngon par 'du mi byed la/ shes rab kyi pha rol du phyin pa yang bsgom pa yin zhes dri bar bya'o/ /rab 'byor gal te byang chub sems dpa' sems dpa' chen po de la byang chub sems dpa' gzhan dag gis de skad du dris na de la lan ldon zhing des stong pa nyid yid la bya'o/ /des mtshan ma med pa dang / smon pa med pa dang / mngon par 'du bya ba med pa dang / skye ba med pa dang / 'gag pa med pa dang / dngos po med pa yid la bya'o zhes zer na/ rab 'byor byang chub sems dpa' sems dpa' chen po de dag gis/ byang chub sems dpa' sems dpa' chen po 'di ni sangs rgyas bcom ldan 'das de dag gis bla na med pa yang dag par rdzogs pa'i byang chub tu lung bstan pa yin no zhes bya bar</font><hr>32.191b<br><font size=+1>

rig par bya'o/ /de ci'i phyir zhe na/ de ni 'di ltar phyir mi ldog pa'i byang chub sems dpa' sems dpa' chen po'i yongs su 'dris par bya ba de brjod do/ /de lung bstan to/ /de rab tu 'byed do/ /rab 'byor gal te byang chub sems dpa' sems dpa' chen po de la de skad du dris na/ 'di skad du ston cing / des stong pa nyid la yongs su 'dris par mi bya'o/ /des mtshan ma med pa dang / smon pa med pa dang / mngon par 'du bya ba med pa dang /  skye ba med pa dang /  dngos po med pa la yongs su 'dris par mi bya'o/ /des byang chub kyi phyogs kyi chos rnams la yongs su 'dris par mi bya'o zhes zer na/  rab 'byor byang chub sems dpa' sems dpa' chen po de dag gis/  byang chub sems dpa' sems dpa' chen po 'di ni sangs rgyas bcom ldan 'das de dag gis bla na med pa yang dag par rdzogs pa'i byang chub tu lung bstan pa ma yin no zhes bya bar rig par bya'o/ /de ci'i phyir zhe na/ de ni 'di ltar phyir mi ldog pa'i byang chub sems dpa' sems dpa' chen po'i yongs su 'dris par bya ba de mi rjod cing lung mi ston la rab tu mi 'byed pa'i phyir te/ phyir mi ldog pa'i byang chub sems dpa' sems dpa' chen po'i chos gang yin pa de ni mi rjod pa dang / lung mi ston pa dang / rab tu mi 'byed pa ni byang chub sems dpa' sems dpa' chen po de dag gis/ byang chub sems dpa' sems dpa' chen po 'di ni yongs su 'dris par byas nas/ phyir mi ldog pa'i byang chub sems dpa' sems dpa' chen pos phyir mi ldog pa'i sa non pa ltar srabs pa'i sa non pa ma yin no zhes bya bar rig par bya'o/ /gsol pa/ bcom ldan 'das gang gis slar mi ldog par 'gyur ba'i rnam grangs de lta bu mchis sam/ bcom ldan 'das</font><hr>32.192a<br><font size=+1>

kyis bka' stsal pa/ rab 'byor de ni yod do/ /gal te byang chub sems dpa' sems dpa' chen pos/ pha rol du phyin pa drug thos kyang rung / ma thos kyang rung ste/ phyir mi ldog pa'i byang chub sems dpa' sems dpa' chen po ji lta ba bzhin du lan glon pa'o/ /gsol pa/ bcom ldan 'das de'i slad du byang chub tu spyod pa ni mang ste/ phyir mi ldog pa'i byang chub sems dpa' sems dpa' chen po yongs su sbyang ba'i sa 'am/ yongs su sbyang ba ma lags pa'i sa la gnas pa bzhin du lan 'debs pa ni nyung ngo / /bcom ldan 'das kyis bka' stsal pa/ rab 'byor de de bzhin no/ /de de bzhin te/ de ci'i phyir zhe na/ rab 'byor de ni 'di ltar byang chub sems dpa' sems dpa' chen po gang phyir mi ldog pa'i ye shes kyi sar lung bstan pa de dag ni nyung ste/ gang lung bstan pa de dag ni rnam pa de bzhin du lan glon te/ gang rnam pa de ltar lan glon pa de dag ni dge ba'i rtsa ba bskyed par rig par bya'o/ /rab 'byor byang chub sems dpa' sems dpa' chen po de dang de dag ni lha dang mi dang lha ma yin du bcas pa'i 'jig rten gyis mi 'phrogs pa yin no/ /shes rab kyi pha rol du phyin pa stong phrag nyi shu lnga pa las/ le'u bzhi bcu rtsa bzhi pa'o// //de nas yang bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor gal te byang chub sems dpa' sems dpa' chen po rmi lam na yang nyan thos kyi sa 'am/ rang sangs rgyas kyi sa 'am/ khams gsum pa la 'dod sems mi skyed/ legs pa'i sems mi skyed cing / chos thams cad rmi lam dang 'dra ba nyid du lta/ sgra brnyan dang 'dra ba dang / gzugs brnyan dang 'dra ba dang / smig rgyu dang</font><hr>32.192b<br><font size=+1>

'dra ba dang / sprul pa dang 'dra ba nyid du lta la mngon du mi byed na/ rab 'byor 'di ni phyir mi ldog pa'i byang chub sems dpa' sems dpa' chen po'i phyir mi ldog pa'i mtshan nyid du rig par bya'o/ /rab 'byor gzhan yang gal te byang chub sems dpa' sems dpa' chen pos rmi lam na yang de bzhin gshegs pa dgra bcom pa yang dag par rdzogs pa'i sangs rgyas zhabs 'bring brgya phrag du ma dang / zhabs 'bring stong phrag du ma dang / zhabs 'bring brgya stong phrag du ma dang / zhabs 'bring bye ba phrag du ma dang / zhabs 'bring bye ba brgya phrag du ma dang / zhabs 'bring bye ba stong phrag du ma dang / zhabs 'bring bye ba brgya stong phrag du ma dang / zhabs 'bring bye ba khrag khrig brgya stong phrag du ma mnga' ba/ dge slong dang dge slong ma dang / dge bsnyen dang / dge bsnyen ma dang / lha dang klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po mang pos kun nas bskor cing mdun du byas te chos ston pa mthong la/ des chos de thos nas/ chos de'i don shes par bya'o zhes chos dang / gnyer ba'i chos la zhugs shing gnas pa dang / 'thun par zhugs te gnyer ba'i chos la spyod pa mthong na/ rab 'byor 'di yang phyir mi ldog pa'i byang chub sems dpa' sems dpa' chen po'i phyir mi ldog pa'i mtshan nyid du rig par bya'o/ /rab 'byor gzhan yang byang chub sems dpa' sems dpa' chen pos rmi lam na yang / de bzhin gshegs pa dgra bcom pa yang dag par rdzogs pa'i sangs rgyas nam mkha' la 'phags shing / dge slong gi dge 'dun la chos ston pa mi chen po'i mtshan sum bcu rtsa gnyis dang ldan pa/ 'od 'dom gang ba mnga' ba/ rdzu 'phrul dang</font><hr>32.193a<br><font size=+1>

cho 'phrul mang po ston pa/ sprul pa mang po sprul pa mdzad cing / sprul pa de dag kyang 'jig rten gyi khams gzhan dag tu sangs rgyas kyi bya ba byed pa mthong na/ rab 'byor 'di yang phyir mi ldog pa'i byang chub sems dpa' sems dpa' chen po'i phyir mi ldog pa'i mtshan nyid du rig par bya'o/ /rab 'byor gzhan yang gal te byang chub sems dpa' sems dpa' chen pos rmi lam na yang grong bcom pa 'am/ grong khyer bcom pa 'am/ me thar pa 'am/ gcan zan khro bo mthong ngam/ de ma yin pa'i gcan zan gtum po'i rnam pa mthong ngam/ mgo bcad par gyur pa mthong ngam/ de ma yin pa'i 'jigs shing mi bzad pa dang sngang bar 'gyur ba mthong ngam/ sdug bsngal ba dang / yid mi bde ba dang / 'khrug pa mthong ngam/ bkres pa dang / skom pa mthong ngam/ pha shi ba 'am/ ma shi ba 'am/ phu nu shi ba 'am/ bu sring shi ba 'am/ grogs po 'am/ gnyen bshes shi ba mthong na/ mya ngan dang 'jigs shing mi bzad pa dang / sngang bar mi 'gyur la/ rmi lam de rmis pa'i 'og tu sad nas kyang 'di snyam ste/ kye ma khams gsum pa 'di dag kun kyang rmi lam lta bu ste/ bdag gis kyang bla na med pa yang dag par rdzogs pa'i byang chub tu mngon par rdzogs par sangs rgyas nas/ khams gsum pa'i chos thams cad rmi lam lta bur bstan par bya'o snyam na/ rab 'byor 'di yang phyir mi ldog pa'i byang chub sems dpa' sems dpa' chen po'i phyir mi ldog pa'i mtshan nyid du rig par bya'o/ /rab 'byor gzhan yang ji ltar phyir mi ldog pa'i byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par sangs rgyas nas/ de'i sangs rgyas kyi zhing na ngan song gsum po thams cad du thams cad/ rnam pa thams cad du thams cad med par 'gyur bar rig par bya zhe na/ </font><hr>32.193b<br><font size=+1>

gal te byang chub sems dpa' sems dpa' chen pos rmi lam du sems can dmyal ba pa'i sems can mthong ngam/ byol song gi skye gnas pa'i sems can nam/ gshin rje'i 'jig rten pa'i sems can mthong na/ 'di lta bu'i dran pa 'thob cing dran pa thob nas kyang 'di snyam du bdag bla na med pa yang dag par rdzogs pa'i byang chub tu mngon par rdzogs par sangs rgyas nas/ sangs rgyas kyi zhing de na ngan song gsum po thams cad du thams cad rnam pa thams cad du thams cad med par 'gyur ba de ltar spyod do/ /de ci'i phyir zhe na/ de ni 'di ltar rmi lam gang yin pa dang / rmi lam gyi mtha' gang yin pa de la gnyis su med de gnyis su byar med do snyam na/ rab 'byor 'di yang phyir mi ldog pa'i byang chub sems dpa' sems dpa' chen po'i phyir mi ldog pa'i mtshan nyid du rig par bya'o/ /rab 'byor gzhan yang gal te byang chub sems dpa' sems dpa' chen pos rmi lam 'am sad pa'i tshe/ grong khyer tshig par gyur na 'di snyam du bdag gis rmi lam 'am sad pa'i tshe/ rnam pa gang dang tshul gang dang / mtshan ma gang dag mthong ba'i rnam pa dang / tshul dang mtshan ma de dag dang ldan pa'i byang chub sems dpa' sems dpa' chen po phyir mi ldog par rig par bya ba'i rnam pa de dag dang / tshul de dag dang mtshan ma de dag gal te bdag la yod na/ bden pa de dag dang / bden pa'i tshig 'dis grong khyer mes thar pa 'di zhi bar gyur cig /bsil bar gyur cig /med par gyur cig snyam du sems la/ gal te zhi ba dang / bsil ba dang / med par gyur na rab 'byor byang chub sems dpa' sems dpa' chen po de ni bla na med pa yang dag par rdzogs pa'i byang chub las phyir mi ldog par lung bstan par</font><hr>32.194a<br><font size=+1>

rig par bya'o/ /rab 'byor gal te yang me'i phung po bden pa'i tshig de las gal te khyim nas khyim du tshig /srang nas srang du tshig ste/ khyim la la ni tshig /khyim la la ni ma tshig /srang la la ni tshig /srang la la ni ma tshig na/ rab 'byor byang chub sems dpa' sems dpa' chen po des/ sems can 'di dag gi khyim la la ni tshig /khyim la la ni ma tshig pa las na/ sems can 'di dag gis chos spong ba'i las byas pas de dag gi las tshe 'di la rnam par smin te de dag chos la skur ba de nyid kyis las kyi lhag ma yang rnam par smin par 'gyur ro zhes bya bar rig par bya ste/ rab 'byor 'di ni phyir mi ldog pa'i byang chub sems dpa' sems dpa' chen po'i rgyu dang rkyen te/ rgyu de dag dang / rkyen de dag gis phyir mi ldog pa'i byang chub sems dpa' sems dpa' chen por rig par bya'o/ /rab 'byor gzhan yang rnam pa gang dang / tshul gang dang / mtshan ma gang gis phyir mi ldog pa'i byang chub sems dpa' sems dpa' chen por rig par bya ba'i rnam pa de dag dang / tshul de dag dang / mtshan ma de dag bstan par bya'o/ /rab 'byor gal te bud med dam/ skyes pa la la zhig mi ma yin pas byin gyis brlabs na/ de la byang chub sems dpa' sems dpa' chen pos 'di snyam du gal te/ bdag sngon gyi de bzhin gshegs pa dgra bcom pa yang dag par rdzogs pa'i sangs rgyas rnams kyis/ bla na med pa yang dag par rdzogs pa'i byang chub tu lung bstan te/ bdag gis bsam pa yongs su dag cing / bdag bla na med pa yang dag par rdzogs pa'i byang chub tu mngon par rdzogs par 'tshang rgya bar 'dod la/ bdag bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur zhing / bdag bla na med pa yang dag par rdzogs pa'i byang chub tu yid la byed pa yongs su dag ste/ bdag la nyan thos kyi sems med/ bdag la rang sangs rgyas kyi sems med la/ nyan thos dang / </font><hr>32.194b<br><font size=+1>

rang sangs rgyas kyi sems med pas/ bdag bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur zhing / bdag bla na med pa yang dag par rdzogs pa'i byang chub tu mngon par rdzogs par 'tshang rgya bar mi 'gyur ba ma yin gyi/ bdag gdon mi za bar bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur te/ 'jig rten gyi khams grangs med tshad med pa dag na/ sangs rgyas bcom ldan 'das ji snyed cig bzhugs shing 'tsho skyong ba dang / chos ston pa'i de bzhin gshegs pa dgra bcom pa yang dag par rdzogs pa'i sangs rgyas de dag gis ni gang ci yang ma mkhyen pa 'am/ ma gzigs pa 'am/ thugs su ma chud pa 'am/ mngon du ma mdzad pa 'am/ mngon par rdzogs par sangs ma rgyas pa gang yang med de/ sangs rgyas bcom ldan 'das de dag gis bdag bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur zhes bya bar bdag gi bsam pa thugs su chud ce na/ bden pa de dang / bden pa'i tshig des skyes pa 'am/ bud med 'di mi ma yin pa gang gis bzung ba 'am/ gtses par gyur pa'i mi ma yin pa'i de gud du 'gro bar gyur cig ces bsams te smras na/ rab 'byor gal te byang chub sems dpa' sems dpa' chen pos de skad du brjod pas/ mi ma yin pa de gud du ma song na/ rab 'byor byang chub sems dpa' sems dpa' chen po de ni sngon gyi de bzhin gshegs pa dgra bcom pa yang dag par rdzogs pa'i sangs rgyas rnams kyis bla na med pa yang dag par rdzogs pa'i byang chub tu lung ma bstan par rig par bya'o/ /rab 'byor gal te byang chub sems dpa' sems dpa' chen pos de skad ces brjod pas/ mi ma yin pa de gud du song na/ rab 'byor byang chub sems dpa' sems dpa' chen po de ni sngon gyi de bzhin gshegs pa dgra bcom pa yang</font><hr>32.195a<br><font size=+1>

dag par rdzogs pa'i sangs rgyas rnams kyis bla na med pa yang dag par rdzogs pa'i byang chub tu lung bstan par rig par bya ste/ rab 'byor rnam pa de dag dang / tshul de dag dang / mtshan ma de dag dang ldan pa'i byang chub sems dpa' sems dpa' chen po ni phyir mi ldog par rig par bya'o/ /rab 'byor gzhan yang byang chub sems dpa' sems dpa' chen po pha rol du phyin pa drug la ma spyad pa/ thabs mkhas pa dang mi ldan pa/ dran pa nye bar gzhag pa rnams dang / yang dag par spong ba dang / rdzu 'phrul gyi rkang pa dang / dbang po dang stobs dang byang chub kyi yan lag dang / 'phags pa'i lam yan lag brgyad pa dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang stong pa nyid dang mtshan ma med pa dang / smon pa med pa la ma spyad pa/ byang chub sems dpa'i skyon med par ma chud pa'i bden pa'i byin gyis brlabs la bdud sdig to can nye bar 'ongs te/ rab 'byor gal te byang chub sems dpa' sems dpa' chen po bden pa'i byin gyis brlabs byed cing bden pa dang bden pa'i tshig gang gis bdag sngon gyi de bzhin gshegs pa dgra bcom pa yang dag par rdzogs pa'i sangs rgyas rnams kyis bla na med pa yang dag par rdzogs pa'i byang chub tu lung bstan pa'i bden pa dang / bden pa'i tshig des mi ma yin pa de gud du 'gro bar gyur cig ces brjod pa las/ bdud sdig to can de mi ma yin par gyur pa de ci nas kyang gud du 'gro bar bya ba'i phyir nan tan du byed de/ de ci'i phyir zhe na/ de ni 'di ltar bdud sdig to can ni mi ma yin pa de bas ches mthu dang ldan zhing / ches gzi brjid dang ldan pas de'i phyir bdud sdig to can de yi byin gyis rlabs kyis mi ma yin pa de gud du song bar gyur pa la/ byang chub sems dpa' sems dpa' chen po de 'di snyam ste/ de ltar bdag gi mthus mi ma yin pa de</font><hr>32.195b<br><font size=+1>

gud du song ngo snyam nas bdud kyi mthus mi ma yin pa de gud du song bar ni ma shes te/ de de'i rgyus byang chub sems dpa' sems dpa' chen po gzhan dag la brnyas pa dang / 'phya ba dang / thing slad byed cing smod la khyad du gsod cing bdag ni sngon gyi de bzhin gshegs pa dgra bcom pa yang dag par rdzogs pa'i sangs rgyas de dag gis bla na med pa yang dag par rdzogs pa'i byang chub tu lung bstan pa yin gyi/ 'di dag gzhan ni bla na med pa yang dag par rdzogs pa'i byang chub tu lung ma bstan to zhes nas de de tsam gyis nga rgyal 'phel bar byed pa dang / nga rgyal skyed cing rnam pa thams cad mkhyen pa nyid ring du byed/ bla na med pa yang dag par rdzogs pa'i sangs rgyas kyi ye shes ring du byed na/ de ltar thabs mi mkhas pa'i byang chub sems dpa' de ni de tsam gyis lhag pa'i nga rgyal skyed pas des sa gnyis por 'gro bar rig par bya ste/ 'di ltar nyan thos kyi sa 'am rang sangs rgyas kyi sa'o/ /de ltar bden pa'i byin gyi rlabs kyis byang chub sems dpa' sems dpa' chen po de'i bdud kyi las 'byung ste/ de la de dge ba'i bshes gnyen la mi snyen mi sten cing mi 'grogs la bsnyen bkur mi byed na de nyid du bdud kyis bcings pa de dam por byed pa yin no/ /de ci'i phyir zhe na/ de ni pha rol du phyin pa drug la ma spyad pa dang / thabs mkhas pas yongs su ma bzung ba'i phyir te/ rab 'byor de lta bu yang byang chub sems dpa' sems dpa' chen pos bdud kyi las su rig par bya'o/ /shes rab kyi pha rol du phyin pa stong phrag nyi shu lnga pa/ bam po lnga bcu bzhi pa/ rab 'byor ji ltar na byang chub sems dpa' sems dpa' chen po pha rol du phyin pa drug la ma spyad pa/ byang chub kyi phyogs kyi chos sum bcu rtsa bdun la ma spyad pa/ rnam par thar pa'i sgo gsum la ma spyad pa/ skyon med par ma chud pa'i drung du bdud sdig to can ming gi byin gyis brlabs kyis nye bar 'ong ba yin zhe na/ rab 'byor 'di la</font><hr>32.196a<br><font size=+1>

bdud sdig to can cha byad gang yang rung bas nye bar 'ongs shing / byang chub sems dpa' sems dpa' chen po la 'di skad du/ rigs kyi bu khyod ni de bzhin gshegs pa dgra bcom pa yang dag par rdzogs pa'i sangs rgyas kyis bla na med pa yang dag par rdzogs pa'i byang chub tu lung bstan pa ste/ khyod kyi ming ni 'di zhes bya'o/ /khyod kyi pha'i ming ni 'di zhes bya'o/ /khyod kyi ma'i ming ni 'di zhes bya'o/ /khyod kyi phu nu'i ming ni 'di zhes bya'o/ /khyod kyi bu sring gi ming ni 'di zhes bya'o/ /khyod kyi mdza' bo dang / blon po dang / gnyen bshes kyi ming ni 'di'o zhes bya ba nas/ pha ma'i rabs bdun nye bar ston cing / khyod ni yul che ge mo zhig dang / grong khyer che ge mo zhig dang / yul che ge mo zhig dang / phyogs che ge mo zhig nas/ yul che ge mo zhig tu skyes so/ /grong khyer che ge mo zhig dang / grong rdal che ge mo zhig tu skyes so/ /gal te de ngang gis 'jam pa zhig yin na/ de de la 'di skad du khyod ni sngon yang 'di bzhin du 'jam par gyur to zhes zer/ gal te rno ba zhig yin na/ de de la 'di skad du khyod ni sngon yang 'di bzhin du rno bar gyur to zhes zer/ gal te dgon pa pa zhig yin na/ de de la 'di skad du khyod ni sngon yang dgon pa par gyur to zhes zer/ gal te bsod snyoms pa zhig yin nam/ gal te phyag dar khrod pa zhig yin nam/ gal te bsod snyoms phyis mi len pa zhig yin nam/ gal te stan gcig pa zhig yin nam/ gal te ci thob pa'i bsod snyoms pa zhig yin nam/ gal te dur khrod pa zhig yin nam/ gal te bla gab med pa zhig yin nam/ gal te shing drung pa zhig yin nam/ gal te cog pu pa zhig yin nam/ gal te gzhi ji bzhin pa zhig yin nam/ gal te chos gos gsum pa zhig yin nam/ gal te 'dod pa chung ba zhig yin nam/ gal te chog shes pa zhig yin nam/ gal te dben pa zhig yin nam/ gal te rkang pa bsku ba dang bral ba zhig yin nam/ gal te smra ba nyung ba zhig yin na/ de de la 'di skad du khyod ni sngon yang smra ba nyung bar gyur</font><hr>32.196b<br><font size=+1>

to zhes zer/ gal te 'thab pa nyung ba zhig yin na/ de de la 'di skad du khyod ni sngon yang 'thab pa nyung bar gyur to zhes zer te/ de ci'i phyir zhe na/ de ni 'di ltar khyod la rnam pa 'di lta bu'i sbyangs pa'i yon tan dag yod pa las na/ gdon mi za bar sngon yang sbyangs pa'i yon tan dang / sdom pa 'di dag dang ldan par ma gyur mi srid do zhes zer ba la/ de de ltar sngon gyi ming dang rus bstan pa dang / da ltar byung ba'i sbyangs pa'i yon tan dang / sdom pa bstan pas/ rlom sems skyed pas de ltar bdud sdig to can de'i drung du nye bar 'ongs shing / 'di skad du rigs kyi bu khyod ni de bzhin gshegs pa dgra bcom pa yang dag par rdzogs pa'i sangs rgyas kyis khyod la yon tan yod pa ci 'dra ba bzhin du bla na med pa yang dag par rdzogs pa'i byang chub las phyir mi ldog par lung bstan to zhes zer zhing / yang na dge slong gi cha byad du nye bar 'ong / yang na dge slong ma'i cha byad du nye bar 'ong / yang na khyim bdag gi cha byad du nye bar 'ong / yang na ma'i cha byad du nye bar 'ong / yang na pha'i cha byad du nye bar 'ong zhing / 'di skad du rigs kyi bu khyod ni de bzhin gshegs pa dgra bcom pa yang dag par rdzogs pa'i sangs rgyas kyis bla na med pa yang dag par rdzogs pa'i byang chub tu lung bstan to/ /de ci'i phyir zhe na/ de ni 'di ltar khyod la phyir mi ldog pa'i byang chub sems dpa' sems dpa' chen po rnams kyi yon tan gang ji snyed pa de dag yod do zhes zer la/ rab 'byor ngas phyir mi ldog pa'i byang chub sems dpa' sems dpa' chen po rnams kyi rnam pa dang / tshul dang / mtshan ma gang bshad pa de dag byang chub sems dpa' sems dpa' chen po de la med na/ rab 'byor de la byang chub sems dpa' gzhan gyis byang chub sems dpa' sems dpa' chen po 'di ni bdud kyi byin gyis brlabs pa yin no zhes bya bar rig par bya'o/ /de ci'i phyir zhe na/ rab 'byor de ni 'di ltar gang phyir mi ldog pa'i byang chub sems dpa'</font><hr>32.197a<br><font size=+1>

sems dpa' chen po'i rnam pa dang / tshul dang / mtshan ma de dag kyang med la ming bstan pa des kyang byang chub sems dpa' sems dpa' chen po gzhan la brnyas pa dang / 'phya ba dang / smod pa byed cing khyad du gsod la smod na/ rab 'byor 'di yang byang chub sems dpa' sems dpa' chen pos ming gi byin gyis brlabs kyis bdud kyi las su rig par bya'o/ /rab 'byor gzhan yang byang chub sems dpa' sems dpa' chen pos ming gi byin gyis brlabs kyis bdud kyi las su rig par bya ste/ de ci'i phyir zhe na/ rab 'byor de ni 'di ltar byang chub sems dpa' sems dpa' chen po pha rol du phyin pa drug la ma spyad pas/ phung po'i bdud mi shes te/ gzugs mi shes tshor ba dang 'du shes dang 'du byed dang rnam par shes pa mi shes pas/ de la bdud sdig to can ming gi byin gyis brlabs kyis lung ston cing / khyod bla na med pa yang dag par rdzogs pa'i byang chub tu mngon par rdzogs par sangs rgyas nas ming 'di zhes bya bar 'gyur ro zhes byang chub sems dpa' sems dpa' chen pos ming gang bsams pa dang / dpyad pa de nyid rjod de/ de la byang chub sems dpa' shes rab 'chal ba'i ngang tshul can thabs la mi mkhas pa de 'di snyam ste/ bdag gis ming gang yin kyis rnam par brtags te/ bsams pa dang / rjes su dpyad pa de nyid bdag bla na med pa yang dag par rdzogs pa'i byang chub tu mngon par rdzogs par sangs rgyas pa'i ming du 'gyur ro snyam ste/ ji lta ji ltar bdud sdig to can nam/ bdud kyi ris kyi lha 'am/ bdud kyi byin gyis brlabs pa'i dge slong dag ston pa/ de lta de ltar sems shing / ji ltar bdag gis sems bskyed pa dang / bdag gi ming ji lta ba bzhin du dge slong 'dis bstan te/ ming dang / ming du mthun gyis/ bdag ni de bzhin gshegs pa dgra bcom pa yang dag par rdzogs pa'i sangs rgyas kyis bla na med pa yang dag par rdzogs pa'i byang chub tu lung</font><hr>32.197b<br><font size=+1>

bstan to snyam nas/ rab 'byor byang chub sems dpa' de la gang ngas phyir mi ldog pa'i byang chub sems dpa' sems dpa' chen po'i rnam pa dang / tshul dang / mtshan mar bshad pa de dag kyang med la/ ming de dang / lung bstan par brjod pa des kyang / byang chub sems dpa' sems dpa' chen po gzhan dag la khyad du gsod na/ de rlom sems des bla na med pa yang dag par rdzogs pa'i byang chub las ring du 'gyur ro/ /de ltar thabs mkhas pa dang mi ldan la/ shes rab kyi pha rol du phyin pa dang bral zhing / dge ba'i bshes gnyen dang bral te/ sdig pa'i grogs pos yongs su bzung ba de'i sa ni gnyis su rig par bya ste/ 'di ltar nyan thos kyi sa 'am/ rang sangs rgyas kyi sa'o/ /yang dang yang shin du yun ring por 'khor zhing 'phyan 'phyan nas/ dge ba'i bshes gnyen la bsnyen pa dang / bsten pa dang / rim gro byas nas/ shes rab kyi pha rol du phyin pa 'di nyid la brten te/ bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro/ /rab 'byor gal te yang byang chub sems dpas yang dang yang du dge ba'i bshes gnyen blta ba dang / bsnyen bkur bar ma gyur la/ lus thob pa des sems bskyed pa snga ma dag mi smod mi 'chags na/ de ni sa gnyis su 'gro bar rig par bya ste/ 'di ltar nyan thos kyi sa 'am/ rang sangs rgyas kyi sa'o/ /'di lta ste dper na/ dge slong nyan thos kyi theg pa pas ltung ba'i rtsa ba bzhi las ltung ba gang yang rung ba gcig byas na dge sbyong ma yin/ shAkya'i bu ma yin par 'gyur te/ de ni lus de nyid kyis dge sbyong gi 'bras bu bzhi las dge sbyong gi 'bras bu gang yang rung ba la la thob par 'gyur ba'i skal ba med do/ /rab 'byor de bzhin du byang chub sems dpa' sems dpa' chen po gang ming bstan pa tsam gyis rlom sems dang ldan pa'i sems bskyed cing / ming tsam brjod pa des/ byang chub</font><hr>32.198a<br><font size=+1>

sems dpa' gzhan dag la brnyas pa dang / 'phya ba dang / khyad du gsod pa'i sems bskyed pa de ni de bas kyang shin du lci ba ste/ sems bskyed pa de ni des de bas kyang shin du lci bar rig par bya'o/ /rab 'byor de ltar ming bstan pas bdud kyi las shin du phra ba de lta bu dag skye bar 'gyur ro/ /rab 'byor ltung ba'i rtsa ba bzhi po lta zhog gi/ byang chub sems dpa'i ming bstan pa tsam gyis rlom sems dang ldan pa'i sems bskyed pa skyes pa de ni/ mtshams med pa lnga bas kyang shin du lci ba ste/ sems bskyed pa de ni de bas kyang shin du lci bar rig par bya'o/ /rab 'byor gzhan yang bdud sdig to can dben pa'i yon tan ston cing / byang chub sems dpa' sems dpa' chen po'i drung du nye bar 'ongs te/ 'di skad du de bzhin gshegs pa ni dben pa'i yon tan gsung ba'o zhes zer te/ rab 'byor ngas ni 'di lta ste/ byang chub sems dpa' sems dpa' chen po'i dgon pa 'am/ nags mdab 'am/ bas mtha'i gnas dben par ma bshad do/ /gsol pa/ bcom ldan 'das gal te de ltar dgon pa dang / nags mdab dang /  bas mtha'i gnas dben pa ma lags na/ byang chub sems dpa' sems dpa' chen po'i dben pa gzhan ni gang zhig mchis/ bcom ldan 'das byang chub sems dpa' sems dpa' chen po'i dben pa gzhan ni ji lta bu zhig mchis/ bcom ldan 'das kyis bka' stsal pa/ rab 'byor gal te byang chub sems dpa' sems dpa' chen po nyan thos dang /  rang sangs rgyas dang ldan pa'i yid la bya bas dben na/ dgon pa dang / nags 'dab dang / bas mtha'i gnas na rnam par spyod pa yin te/ rab 'byor 'di ni dben pa ste/ byang chub sems dpa' sems dpa' chen po rnams la ngas gnang ba'o/ /gal te dben pa 'dis nyin mtshan du rnam par spyod na/ byang chub sems dpa' sems dpa' chen po de ni 'di lta ste/ byang chub sems dpa'i dben pas</font><hr>32.198b<br><font size=+1>

dben par rnam par spyod pa yin no/ /byang chub sems dpa' sems dpa' chen po dgon pa dang / nags mdab dang / bas mtha'i gnas na rnam par spyod kyang / nyan thos dang / rang sangs rgyas dang ldan pa'i yid la bya ba dang 'dres par rnam par spyod na/ byang chub sems dpa' sems dpa' chen po de ni mi dben par rnam par spyod pa yin no/ /gal te grong na spyod kyang nyan thos dang / rang sangs rgyas kyi yid la bya ba dang ma 'dres na/ byang chub sems dpa' sems dpa' chen po de ni dben par rnam par spyod pa yin no/ /rab 'byor byang chub sems dpa' sems dpa' chen po rnams la dben pa'i rnam pa de lta bu ngas gnang ba las dris shing / bdud sdig to can de la dgon pa dang / nags mdab dang / bas mtha'i gnas su rnam par spyod cig ces dben pa ston te/ de dben pa des 'du 'dzir gyur cing / nyan thos dang / rang sangs rgyas kyi sa dang ldan pa'i yid la bya ba dang 'dres pas/ shes rab kyi pha rol du phyin pa la brtson pa ma yin te/ rnam pa thams cad mkhyen pa nyid yongs su rdzogs par mi 'gyur ro/ /de de ltar rnam par spyod pa des/ rnam par spyod cing yid la bya ba yongs su ma dag pas/ byang chub sems dpa' sems dpa' chen po gzhan gyi grong 'dab na rnam par spyod cing / yid la bya ba yongs su dag pa dang ldan pa/ nyan thos kyi sems dang ma 'dres pa/ rang sangs rgyas kyi sems dang ma 'dres pa de ma yin pa'i sdig pa'i sems gzhan dang ma 'dres pa/ bsam gtan dang / rnam par thar pa dang / ting nge 'dzin dang snyoms par 'jug pa dang / mngon par shes pa yongs su rdzogs par gyur pa dag la brnyas pa'i sems bskyed de/ thabs mi mkhas pa'i byang chub sems dpa' de bas dgon pa sbrul dang / ri dgas dang / bya yod pa/ rkun po dang / sme sha can yod pa/ gcan zan mche ba can yod pa dang / srin po rgyu ba/ dpag tshad brgya tsam du 'phags</font><hr>32.199a<br><font size=+1>

pa de lta bu'i nang na 'dug cing / lo gcig gam/ lo brgya 'am/ lo stong ngam/ lo brgya phrag stong ngam/ lo bye ba 'am/ lo bye ba phrag brgya 'am/ lo bye ba phrag stong ngam/ lo bye ba brgya phrag stong ngam/ lo bye ba khrag khrig brgya phrag stong ngam/ de bas kyang lhag par gnas su zin kyang / dben pa gang gis byang chub sems dpa' sems dpa' chen po lhag pa'i bsam pa la yang dag par gnas shing / rnam par spyod pa de lta bu'i dben pa shes par mi 'gyur te/ byang chub sems dpa' sems dpa' chen po de ni nyan thos dang / rang sangs rgyas dang ldan pa'i yid la bya ba mang po dang 'dres pa nyid du rnam par spyod par 'gyur te/ dben pa de la yang dag par ma rtses par gnas shing chags pa dang / zhen cing mngon par zhen pa de tsam gyis ni nga'i sems rangs par mi 'gyur te/ ngas byang chub sems dpa' sems dpa' chen po rnams la dben pa gang bshad pa'i dben pa de dang mi ldan pas/ dben pa de la mi gnas so/ /de ci'i phyir zhe na/ de ni 'di ltar dben pa de dang bral ba'i phyir te/ de ltar de'i drung du bdud sdig to can nye bar 'ongs shing / steng gi bar snang la gnas te/ 'di skad du rigs kyi bu legs so legs so/ /'di ni de bzhin gshegs pas bstan pa'i dben pa ma nor ba yin gyis/ khyod dben pa 'di nyid kyis rnam par spyod cig /des khyod myur du bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro zhes zer te/ de'i rgyus de dben pa de bas kyang dben pa de gces par 'dzin cing phyir grong 'dab du 'ongs nas/ dge slong byang chub sems dpa'i theg pa pa/ sems dang yid la bya ba yongs su dag pa/ nges pa dge ba'i chos dang ldan pa gzhan dag la/ tshe dang ldan pa 'di dag ni 'du 'dzi'i rnam par spyod pas rnam par spyod do zhes khyad du gsod cing byang chub sems dpa' sems dpa' chen po dben par spyod pa de dag la 'du 'dzis</font><hr>32.199b<br><font size=+1>

rnam par spyod par skyon du gdags pa dang 'dres par rnam par spyod par skyon du gdags pas brnyas pa'i sems bskyed do/ /gang 'du 'dzi rnam par spyod pas rnam par spyod pa de dag la ni dben pas rnam par spyod par 'dzin cing de dag la rim gro skyed do/ /gang la rim gro bskyed par bya ba de dag la ni nga rgyal skyed do/ /de ci'i phyir zhe na/ de ni 'di ltar bdag ni mi ma yin pas bskul ba'o/ /mi ma yin pas dran par bya ba'o/ /rnam par spyod pa gang gis bdag spyod pa de ni rnam par spyod pa ma nor ba ste/ grong 'dab na spyod pa lta la su zhig skul bar 'gyur/ grong mdab na spyod pa lta la su zhig dran par byed par 'gyur zhes nga rgyal skyed de/ de ltar byang chub sems dpa' de byang chub sems dpa'i theg pa pa'i rigs kyi bu gzhan dag la smod pa byed de/ rab 'byor gang zag de ni byang chub sems dpa' gdol bar rig par bya'o/ /byang chub sems dpa' sun 'byin par rig par bya'o/ /byang chub sems dpa'i gzugs brnyan du rig par bya'o/ /de ni lha dang / mi dang / lha ma yin du bcas pa'i 'jig rten gyi rkun po ste/ de ni lha dang / mi dang / lha ma yin du bcas pa'i 'jig rten gyis dge sbyong gi cha byad can gyi rkun por rig par bya ste/ ngang tshul de lta bu dang ldan pa'i gang zag ni byang chub sems dpa'i theg pa pa'i rigs kyi bu 'am rigs kyi bu mo dag gis bsnyen par mi bya/ bsten par mi bya/ rim gror mi bya'o/ /de ci'i phyir zhe na/ rab 'byor gang zag de lta bu dag ni lhag pa'i nga rgyal can du rig par bya ste/ byang chub sems dpa' sems dpa' chen pos rnam pa thams cad mkhyen pa nyid kyang yongs su ma btang la/ bla na med pa yang dag par rdzogs pa'i byang chub kyang yongs su ma btang na/ byang chub sems dpa' sems dpa' chen po bsam pa thag pas/ bla na med pa yang dag par rdzogs pa'i byang chub tu mngon par rdzogs par 'tshang rgya bar 'dod pa/ sems can thams cad kyi don bya bar 'dod pa des gang zag de lta bu'i ngang tshul can bsnyen par</font><hr>32.200a<br><font size=+1>

mi bya/ bsten par mi bya/ rim gror mi bya'i rang gi don dang ldan par 'gyur ba la brtson par bya ste/ 'khor ba las rtag tu skyo zhing / 'jigs pa'i yid kyis khams gsum dang ma 'dres par spyad par bya'o/ /byang chub sems dpa' gdol pa de la yang byams pa bskyed par bya ste/ de nyid la snying brtse ba'i phyir snying rje bskyed par bya'o/ /dga' ba dang / btang snyoms bskyed par bya'o/ /des sems 'di ltar bskyed par bya ste/ ci nas kyang bdag gi nyes pa 'di dag thams cad du thams cad med cing mi skye bar 'gyur ba de ltar bya'o/ /gal te skyes na yang myur du spang bar bya'o zhes bslab par bya ste/ rab 'byor 'di ni byang chub sems dpa' sems dpa' chen po rnams kyi rang gi khong du chud pa'i mngon par shes pa'i mthur rig par bya'o/ /rab 'byor gzhan yang byang chub sems dpa' sems dpa' chen po lhag pa'i bsam pas bla na med pa yang dag par rdzogs pa'i byang chub tu mngon par rdzogs par 'tshang rgya bar 'dod pas/ dge ba'i bshes gnyen dag la bsnyen par bya'o/ /bsten par bya'o/ /rim gror bya'o/ /gsol pa/ bcom ldan 'das byang chub sems dpa' sems dpa' chen po'i dge ba'i bshes gnyen du rig par bgyi ba de dag gang lags/ bcom ldan 'das kyis bka' stsal pa/ rab 'byor sangs rgyas bcom ldan 'das rnams ni byang chub sems dpa' sems dpa' chen po rnams kyi dge ba'i bshes gnyen du rig par bya'o/ /rab 'byor byang chub sems dpa' sems dpa' chen po rnams ni/ byang chub sems dpa' sems dpa' chen po rnams kyi dge ba'i bshes gnyen du rig par bya'o/ /rab 'byor nyan thos gang pha rol tu phyin pa drug brjod cing ston pa dang 'chad cing 'grel pa dang / rnam par 'byed cing gsal bar byed pa dang / yang dag par ston pa de dag kyang byang chub sems dpa' sems dpa' chen po rnams kyi dge ba'i bshes</font><hr>32.200b<br><font size=+1>

gnyen du rig par bya'o/ /rab 'byor gzhan yang pha rol tu phyin pa drug ni/ byang chub sems dpa' sems dpa' chen po rnams kyi dge ba'i bshes gnyen du rig par bya'o/ /dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad ni byang chub sems dpa' sems dpa' chen po rnams kyi dge ba'i bshes gnyen du rig par bya'o/ /de bzhin nyid dang / yang dag pa'i mtha' dang / chos kyi dbyings ni byang chub sems dpa' sems dpa' chen po rnams kyi dge ba'i bshes gnyen du rig par bya'o/ /rab 'byor gzhan yang pha rol du phyin pa drug ni byang chub sems dpa' sems dpa' chen po rnams kyi ston par rig par bya ste/ pha rol du phyin pa drug ni lam mo/ /pha rol du phyin pa drug ni snang ba'o/ /pha rol du phyin pa drug ni sgron ma'o/ /blo'o/ /shes pa'o/ /shes rab bo/ /pha rol du phyin pa drug ni dpung gnyen no/ /pha rol du phyin pa drug ni skyabs so/ /pha rol du phyin pa drug ni mgon no/ /pha rol du phyin pa drug ni ma'o/ /pha rol du phyin pa drug ni pha'o/ /dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / </font><hr>32.201a<br><font size=+1>

'phags pa'i lam yan lag brgyad pa dang / 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad dang / lam gyi rnam pa shes pa nyid ni byang chub sems dpa' sems dpa' chen po rnams kyi ston par rig par bya ste/ lam gyi rnam pa shes pa nyid ni lam mo/ /lam gyi rnam pa shes pa nyid ni snang ba'o/ /lam gyi rnam pa shes pa nyid ni sgron ma'o/ /blo'o/ /shes pa'o/ /shes rab bo/ /lam gyi rnam pa shes pa nyid ni dpung gnyen no/ /lam gyi rnam pa shes pa nyid ni skyabs so/ /lam gyi rnam pa shes pa nyid ni mgon no/ /lam gyi rnam pa shes pa nyid ni ma'o/ /lam gyi rnam pa shes pa nyid ni pha'o/ /rnam pa thams cad mkhyen pa nyid ni bag chags kyi mtshams sbyor ba thams cad spong bar byed pa ste/ de ci'i phyir zhe na/ rab 'byor de ni 'di ltar byang chub kyi phyogs kyi chos sum bcu rtsa bdun po 'di dag ni/  'das pa'i dus kyi de bzhin gshegs pa dgra bcom pa yang dag par rdzogs pa'i sangs rgyas gang ji snyed gcig byung ba'i sangs rgyas bcom ldan 'das de dag gi yang yab dang yum du gyur to/ /rab 'byor byang chub kyi phyogs kyi chos sum bcu rtsa bdun po 'di dag ni ma 'ongs pa'i dus kyi de bzhin gshegs pa dgra bcom pa yang dag par rdzogs pa'i sangs rgyas gang ji snyed cig 'byung ba'i sangs rgyas bcom ldan 'das de dag gi yang yab dang yum du 'gyur ro/ /rab 'byor byang chub kyi phyogs kyi chos sum bcu rtsa bdun po 'di dag ni da ltar phyogs bcu'i 'jig rten gyi khams na sangs rgyas bcom</font><hr>32.201b<br><font size=+1>

ldan 'das gang ji snyed cig bzhugs shing 'tsho skyong ba'i sangs rgyas bcom ldan 'das de dag gi yang yab dang yum du gyur to/ /de ci'i phyir zhe na/ rab 'byor 'di ltar 'di las byung ba ni 'das pa dang / ma byon pa dang / da ltar byung ba'i sangs rgyas bcom ldan 'das rnams te/ rab 'byor de bas na byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya bar 'dod pa dang / sangs rgyas kyi zhing yongs su dag par bya bar 'dod pa dang / sems can yongs su smin par bya bar 'dod pas/ bsdu ba'i dngos po bzhis sems can rnams yongs su bsdu bar bya'o/ /bzhi gang zhe na/ sbyin pa dang / tshig snyan pa dang / don spyad pa dang / don 'thun pa ste/ rab 'byor ngas don gyi dbang de mthong bas/ 'di skad du 'di lta ste/  byang chub kyi phyogs kyi chos sum bcu rtsa bdun po 'di dag ni byang chub sems dpa' sems dpa' chen po rnams kyi ston pa dang / ma dang pha dang / dpung gnyen dang / skyabs dang / mgon yin no zhes brjod do/ /rab 'byor de bas na byang chub sems dpa' sems dpa' chen po gzhan gyi dring mi 'jog par bya bar 'dod pa dang / gzhan gyi dring mi 'jog pa la gnas par 'dod pa dang / sems can thams cad kyi the tshom gcad par 'dod pa dang / sangs rgyas kyi zhing yongs su dag par bya bar 'dod pa dang / sems can yongs su smin par bya bar 'dod pas/ shes rab kyi pha rol du phyin pa 'di nyid la bslab par bya'o/ /de ci'i phyir zhe na/ byang chub sems dpa' sems dpa' chen pos chos gang la bslab par bya ba de dag shes rab kyi pha rol du phyin pa 'di las rgya cher bstan to/ /rab 'byor gyis gsol pa/ bcom ldan 'das shes rab kyi pha rol du phyin pa'i mtshan nyid ji lta bu lags/ bcom ldan 'das kyis bka' stsal pa/ rab 'byor nam mkha' ltar chags pa med pa'i mtshan nyid ni shes rab kyi pha rol du phyin pa'o/ /rab 'byor shes rab</font><hr>32.202a<br><font size=+1>

kyi pha rol du phyin pa'i mtshan nyid ni med pa ste/ shes rab kyi pha rol du phyin pa la mtshan nyid gang yang med do/ /gsol pa/ bcom ldan 'das mtshan nyid gang gis shes rab kyi pha rol du phyin pa mchis pa'i mtshan nyid des chos thams cad mchis par 'gyur ba'i rnam grangs de lta bu mchis sam/ bcom ldan 'das kyis bka' stsal pa/ rab 'byor de de bzhin no/ /de de bzhin te/ mtshan nyid gang gis shes rab kyi pha rol du phyin pa yod pa'i mtshan nyid yod pa de nyid kyi chos thams cad yod do/ /de ci'i phyir zhe na/ rab 'byor chos thams cad ni rang bzhin gyis dben pa ste/ chos thams cad ni chos thams cad kyis dben pa'o/ /chos thams cad ni chos thams cad kyis stong pa'o/ /rab 'byor rnam grangs des na 'di ltar stong pa nyid kyi mtshan nyid dang / dben pa'i mtshan nyid du mtshan nyid gang gis shes rab kyi pha rol du phyin pa yod pa'i mtshan nyid des chos thams cad yod do/ /rab 'byor gyis gsol pa/ bcom ldan 'das gal te chos thams cad kyang chos thams cad kyis dben la/ chos thams cad kyang chos thams cad kyis stong na sems can rnams kyi kun nas nyon mongs pa dang / rnam par byang ba yang ji ltar mchis par 'gyur/ bcom ldan 'das dben pa ni kun nas nyon mongs par mi 'gyur/ rnam par byang bar mi 'gyur/ stong pa nyid ni kun nas nyon mongs par mi 'gyur/ rnam par byang bar mi 'gyur/ dben pa dang / stong pa nyid ni bla na med pa yang dag par rdzogs pa'i byang chub tu mngon par rdzogs par 'tshang mi rgya/ dben pas ni stong pa nyid la chos gang yang mi dmigs/ dben pas ni stong pa nyid la sems can gang byang chub tu mngon par rdzogs par 'tshang rgya ba de lta bu mi dmigs na/ bcom ldan 'das bstan pa de'i don bdag gis ji ltar 'tshal bar bgyi/ bcom ldan 'das kyis bka' stsal pa/ rab 'byor de ji snyam du</font><hr>32.202b<br><font size=+1>

sems/ sems can rnams yun ring po nas bdag dang bdag gi zhes bya ba la spyod dam/ gsol pa/ bcom ldan 'das de de lags so bde bar gshegs pa de de lags te/ sems can rnams yun ring po nas bdag dang bdag gir bgyi ba la spyod do/ /bcom ldan 'das kyis bka' stsal pa/ rab 'byor de ji snyam du sems/ 'on kyang bdag dang bdag gir bya ba dben zhing stong ngam/ gsol pa/ bcom ldan 'das dben no/ /bde bar gshegs pa stong ngo / /bcom ldan 'das kyis bka' stsal pa/ rab 'byor de ji snyam du sems/ 'on kyang bdag dang bdag gir bya bas sems can rnams kun du rgyug cing / kun du 'khor bar gyur tam/ gsol pa/ bcom ldan 'das de de lta lags so/ /bde bar gshegs pa de de lta lags te/ bdag dang bdag gir bgyi bas sems can rnams kun du rgyug cing kun du 'khor bar gyur to/ /bcom ldan 'das kyis bka' stsal pa/ rab 'byor de ltar na sems can rnams kyi kun nas nyon mongs pa yod pa yin te/ gang la bdag tu bya ba med pa dang / bdag gir bya ba med pa de la 'dzin pa med/ gang la 'dzin pa med pa de la sems can kun du rgyug cing / kun du 'khor ba med de/ de la kun nas nyon mongs pa gang yang med pas/ rab 'byor de ltar na sems can rnams kyi rnam par byang ba yod pa yin no/ /gsol pa/ bcom ldan 'das byang chub sems dpa' sems dpa' chen po de ltar spyod pa ni gzugs la mi spyod/ tshor ba dang / 'du shes dang / 'du byed dang / rnam par shes pa la mi spyod/ skye mched dang / khams la mi spyod/ rten cing 'brel bar 'byung ba la mi spyod/ sbyin pa'i pha rol du phyin pa la mi spyod/ tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la mi spyod/ nang stong pa nyid la mi spyod/ dngos po med pa'i ngo bo nyid stong pa nyid kyi bar la mi spyod/ dran pa nye bar gzhag pa rnams la mi spyod/ yang</font><hr>32.203a<br><font size=+1>

dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa la mi spyod/ 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo la mi spyod/ de bzhin gshegs pa'i stobs dang / mi 'jigs pa dang / so so yang dag par rig pa dang / byams pa chen po dang / snying rje chen po dang / sangs rgyas kyi chos ma 'dres pa la mi spyod/ rnam pa thams cad mkhyen pa nyid kyi bar la mi spyod do/ /de ci'i slad du zhe na/ de ni 'di ltar gang spyod pa dang / gang gis spyod pa dang / gang la spyod par 'gyur ba'i chos de dag thams cad mi dmigs so/ /bcom ldan 'das de ltar spyod pa'i byang chub sems dpa' sems dpa' chen po ni lha dang / mi dang / lha ma yin du bcas pa'i 'jig rten gyis mi thub pa ste/ bcom ldan 'das de ltar spyod pa'i byang chub sems dpa' sems dpa' chen po ni nyan thos dang / rang sangs rgyas thams cad kyis zil gyis non par mi nus so/ /de ci'i slad du zhe na/ de ni 'di ltar 'di lta ste/ byang chub sems dpa'i skyon ma mchis pa'i gnas zil gyis mi non pa la gnas pas/ bcom ldan 'das byang chub sems dpa' sems dpa' chen po rnam pa thams cad mkhyen pa nyid yid la bgyid pa dang ma bral ba ni zil gyis mi non pa ste/ bcom ldan 'das de ltar spyod pa'i byang chub sems dpa' sems dpa' chen po ni rnam pa thams cad mkhyen pa nyid dang nye bar gyur pa lags so/ /bcom ldan 'das kyis bka' stsal pa/ rab 'byor gal te 'dzam bu'i gling gi sems can ji snyed pa de dag thams cad snga phyi med par mi'i lus thob par gyur te/ bla na med pa yang dag par rdzogs pa'i byang chub tu mngon par</font><hr>32.203b<br><font size=+1>

rdzogs par sangs rgyas par gyur la/ de dag nam 'tsho'i bar du bzhugs pa la/ rigs kyi bu 'am/ rigs kyi bu mo la la zhig gis rim gror byas/ bkur bstir byas/ sti stang du byas/ mchod par byas te/ dge ba'i rtsa ba de yang bla na med pa yang dag par rdzogs pa'i byang chub tu yongs su bsngos na/ rab 'byor de ji snyam du sems/ rigs kyi bu 'am/ rigs kyi bu mo de'i bsod nams de'i rgyus mang du 'phel lam/ gsol pa/ bcom ldan 'das mang ngo / /bde bar gshegs pa mang ngo / /bcom ldan 'das kyis bka' stsal pa/ rab 'byor de bas kyang rigs kyi bu 'am rigs kyi bu mo gang shes rab kyi pha rol du phyin pa 'di gzhan la ston pa dang / 'chad pa dang / rnam par gzhog pa dang / rab tu gzhog pa dang / 'grel pa dang / rnam par 'byed pa dang / gsal bar byed pa dang / yang dag par ston pa dang / shes rab kyi pha rol du phyin pa dang ldan pa'i yid la byed pas rnam par spyod na/ de'i bsod nams ches mang du 'phel lo/ /rab 'byor gal te stong gsum gyi stong chen po'i 'jig rten gyi khams kyi bar gyi sems can gang ji snyed pa de dag thams cad snga phyi med par mi'i lus thob par gyur te/ bla na med pa yang dag par rdzogs pa'i byang chub tu mngon par rdzogs par sangs rgyas par gyur la/ de dag nam 'tsho'i bar du bzhugs pa la/ rigs kyi bu 'am rigs kyi bu mo la la zhig gis rim gror byas/ bkur bstir byas/ sti stang du byas/ mchod pa byas te/ dge ba'i rtsa ba de yang bla na med pa yang dag par rdzogs pa'i byang chub tu yongs su bsngos na/ rab 'byor de ji snyam du sems/ rigs kyi bu 'am/ rigs kyi bu mo de'i bsod nams de'i rgyus mang du 'phel lam/ gsol pa/ bcom ldan 'das mang ngo / bde bar gshegs pa mang ngo / /bcom ldan 'das kyis bka' stsal pa/ rab 'byor de bas kyang rigs kyi bu 'am rigs kyi bu mo gang shes rab kyi pha rol du phyin pa 'di gzhan la ston pa dang / 'chad</font><hr>32.204a<br><font size=+1>

pa dang / rnam par gzhog pa dang / rab tu gzhog pa dang / 'grel pa dang / rnam par 'byed pa dang / gsal bar byed pa dang / yang dag par ston pa dang / shes rab kyi pha rol du phyin pa dang ldan pa'i yid la byed pas rnam par spyod na/ de'i bsod nams ches mang du 'phel lo/ /rab 'byor gal te 'dzam bu gling gi sems can gang ji snyed pa de dag thams cad snga phyi med par mi'i lus thob par gyur la/ de dag rigs kyi bu 'am/ rigs kyi bu mo la la zhig gis/ dge ba bcu'i las kyi lam la rab tu bkod pa dang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / mngon par shes pa lnga dang / rgyun du zhugs pa'i 'bras bu dang / lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub dang / bla na med pa yang dag par rdzogs pa'i byang chub la rab tu bkod de/ dge ba'i rtsa ba de yang bla na med pa yang dag par rdzogs pa'i byang chub tu yongs su bsngos na/ rab 'byor de ji snyam du sems/ rigs kyi bu 'am/ rigs kyi bu mo de'i bsod nams de'i rgyus mang du 'phel lam/ gsol pa/ bcom ldan 'das mang ngo / /bde bar gshegs pa mang ngo / /bcom ldan 'das kyis bka' stsal pa/ rab 'byor de bas kyang rigs kyi bu 'am rigs kyi bu mo gang shes rab kyi pha rol du phyin pa 'di gzhan la ston pa dang / 'chad pa dang / rnam par gzhog pa dang / rab tu gzhog pa dang / 'grel pa dang / rnam par 'byed pa dang / gsal bar byed pa dang / yang dag par rab tu ston na/ de'i bsod nams ches mang du 'phel lo/ /rab 'byor gal te stong gsum gyi stong chen po'i 'jig rten gyi khams kyi bar gyi sems can gang ji snyed pa de dag thams cad snga phyi med par mi'i lus thob par gyur la/ de dag rigs kyi bu 'am/ rigs kyi bu mo la la zhig gis dge ba bcu'i las kyi lam la rab tu bkod pa dang / bsam gtan bzhi</font><hr>32.204b<br><font size=+1>

dang / tshad med pa bzhi dang / gzugs med pa'i snyoms par 'jug pa bzhi dang / mngon par shes pa lnga dang / rgyun du zhugs pa'i 'bras bu dang / lan gcig phyir 'ong ba'i 'bras bu dang /  phyir mi 'ong ba'i 'bras bu dang / dgra bcom pa nyid dang / rang byang chub la rab tu bkod pa dang / bla na med pa yang dag par rdzogs pa'i byang chub la rab tu bkod de/ dge ba'i rtsa ba de yang bla na med pa yang dag par rdzogs pa'i byang chub tu yongs su bsngos na/ rab 'byor de ji snyam du sems/ rigs kyi bu 'am rigs kyi bu mo de'i bsod nams de'i rgyus mang du 'phel lam/ gsol pa/ bcom ldan 'das mang ngo / /bde bar gshegs pa mang ngo / /bcom ldan 'das kyis bka' stsal pa/ rab 'byor de bas kyang rigs kyi bu 'am rigs kyi bu mo gang shes rab kyi pha rol tu phyin pa 'di gzhan la ston pa dang / 'chad pa dang / rnam par gzhog pa dang / rab tu gzhog pa dang / 'grel pa dang / rnam par 'byed pa dang / gsal bar byed pa dang / yang dag par ston na/ de'i bsod nams ches mang du 'phel lo/ /rab 'byor de ltar spyod pa'i byang chub sems dpa' sems dpa' chen po rnam pa thams cad mkhyen pa nyid dang ldan pa'i yid la bya bas rnam par 'byed pa ni/ sems can thams cad kyi sbyin pa'i gnas su 'gro ba yin te/ de ci'i phyir zhe na/ de ni 'di ltar de bzhin gshegs pa dgra bcom pa yang dag par rdzogs pa'i sangs rgyas ma gtogs par/ byang chub sems dpa' sems dpa' chen po'i rnam par spyod pa de lta bu ni sems can gang la yang med de/ de ci'i phyir zhe na/ de ni 'di ltar rigs kyi bu de dag shes rab kyi pha rol du phyin pa la spyod pa'i tshe/ byams pa chen po mngon par bsgrub ste/ de dag shes rab kyi pha rol du phyin pa la spyod pa'i tshe/ sems can thams cad gsad par 'gyur ba dang 'dra bar lta ste/ de dag snying rje chen po 'thob bo/ /de dag rnam par spyod pa des rnam par spyod pas/ dga' bas rab tu dga' ba dang / </font><hr>32.205a<br><font size=+1>

mngon par dga' bar 'gyur te/ de dag dga' ba chen po mngon par bsgrub bo/ /de dag mtshan ma de dang lhan cig tu mi gnas te/ de dag btang snyoms chen po 'thob bo/ /rab 'byor de ni byang chub sems dpa' sems dpa' chen po rnams kyi shes rab kyi snang ba chen po ste/ 'di ltar sbyin pa'i pha rol du phyin pa'i snang ba'o/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa'i snang ba'o/ /rigs kyi bu de dag ni rnam pa thams cad mkhyen pa nyid mngon par rdzogs par sangs rgyas kyang / sems can thams cad kyi sbyin pa'i gnas su 'gyur te/ bla na med pa yang dag par rdzogs pa'i byang chub las phyir mi ldog go/ /de dag shes rab kyi pha rol du phyin pa dang ldan pa'i yid la bya bas rnam par spyod pa'i phyir su'i gos dang / bsod snyoms dang / mal cha dang / nad kyi rkyen rtsi dang / yo byad la yongs su spyod pa'i gtong ba dang / sbyin bdag gi sbyin pa dag par 'gyur te/ rnam pa thams cad mkhyen pa nyid dang yang nye bar 'gyur ro/ /rab 'byor de bas na byang chub sems dpa' sems dpa' chen po don yod par khams kyi bsod snyoms la yongs su spyad par 'dod pa dang / sems can thams cad kyi lam bstan par 'dod pa dang / snang ba chen po dbyung bar 'dod pa dang / khams gsum gyi btson ra na gnas pa'i sems can rnams yongs su dgrol bar 'dod pa dang / sems can thams cad kyi bla na med pa'i shes rab kyi mig bskyed par 'dod pas/ shes rab kyi pha rol du phyin pa dang ldan pa'i yid la bya bas rtag tu rgyun mi chad par gnas par bya'o/ /gal te byang chub sems dpa' sems dpa' chen po shes rab kyi pha rol du phyin pa dang ldan pa'i yid la bya bar rnam par spyod na yang / des yid la bya ba gzhan gyi go mi dbye ste/ des ci nas kyang shes rab kyi pha rol du phyin pa dang ldan pa'i yid la bya ba nyid kyis</font><hr>32.205b<br><font size=+1>

nyin mtshan du mi gtong zhing brtson par gnas pa de ltar bya'o/ /rab 'byor 'di lta ste dper na/ sngon chad nor bu rin po che rnyed ma myong ba'i skyes bu zhig yod la/ des dus gzhan zhig na nor bu rin po che rnyed par gyur te/ des nor bu rin po che de rnyed pas dga' ba dang / spro ba dang / yid bde ba dang ldan par gyur pa las/ des nor bu rin po che de rnyed ma thag tu stor bar gyur na/ de'i rgyus sdug bsngal dang / yid mi bde ba chen po dang ldan par 'gyur te/ rtag tu rgyun mi 'chad par kyi hud bdag ni yid du 'ong ba'i nor bu rin po che de dang bral bar gyur to zhes/ nor bu rin po che dang ldan pa'i yid la bya ba sha stag rgyun du 'byung ngo / /rab 'byor de bzhin du byang chub sems dpa' sems dpa' chen pos 'di ni rin po che'o snyam du bsams te/ rnam pa thams cad mkhyen pa nyid dang ldan pa'i yid la bya ba dang ma bral bar bya'o/ /rnam pa thams cad mkhyen pa nyid kyi rin po che de stor bar yang mi bya ste/ de ltar na rtag tu bde ba dang / yid bde ba mang po dang ldan par 'gyur ro/ /gsol pa/ bcom ldan 'das yid la bgyi ba de dag thams cad kyang rang bzhin dang bral ba ste/ yid la bgyi ba thams cad kyang rang bzhin gyis stong pa lags na/ ji ltar byang chub sems dpa' sems dpa' chen po rnam pa thams cad mkhyen pa nyid dang ldan pa'i yid la bgyi ba dang ma bral ba lags/ bral ba la ni byang chub sems dpa' mi dmigs/ yid la bgyi ba mi dmigs/ rnam pa thams cad mkhyen pa nyid mi dmigs so/ /bcom ldan 'das kyis bka' stsal pa/ rab 'byor gal te byang chub sems dpa' sems dpa' chen pos/ 'di ltar chos thams cad ni rang bzhin dang bral ba ste/ de dag ni nyan thos kyis ma byas/ rang sangs rgyas kyis ma byas/ sangs rgyas</font><hr>32.206a<br><font size=+1>

bcom ldan 'das rnams kyis kyang ma mdzad de/ chos rnams kyi chos nyid dang / chos kyi gnas nyid dang / chos skyon med pa nyid dang / de bzhin nyid dang / ma nor ba de bzhin nyid dang / gzhan ma yin pa de bzhin nyid dang / chos kyi dbyings dang / yang dag pa'i mtha' 'di ni gnas pa yin no zhes bya bar shes na/ byang chub sems dpa' sems dpa' chen po de ni shes rab kyi pha rol du phyin pa dang ma bral ba yin te/ de ci'i phyir zhe na/ rab 'byor de ni 'di ltar shes rab kyi pha rol tu phyin pa ni rang bzhin gyis dben/ rang bzhin gyis stong pa ste/ de la 'phel ba med do/ /yongs su 'grib pa med do/ /gsol pa/ bcom ldan 'das gal te shes rab kyi pha rol du phyin pa rang bzhin gyis dben zhing / rang bzhin gyis stong pa lags na/ bcom ldan 'das ji ltar byang chub sems dpa' sems dpa' chen po shes rab kyi pha rol du phyin pa la yang dag par byung zhing / bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ba lags/ bcom ldan 'das kyis bka' stsal pa/ rab 'byor byang chub sems dpa' sems dpa' chen po ni shes rab kyi pha rol du phyin pa la yang dag par byung yang 'phel ba 'am yongs su 'grib pa med de/ de bzhin nyid la 'phel ba 'am yongs su 'grib pa med do/ /chos kyi dbyings la 'phel ba 'am yongs su 'grib pa med do/ /yang dag pa'i mtha' la 'phel ba 'am/ yongs su 'grib pa med do/ /de ci'i phyir zhe na/ shes rab kyi pha rol du phyin pa ni gcig kyang ma yin/ gnyis kyang ma yin no/ /rab 'byor gal te de skad du bshad pa la/ byang chub sems dpa' sems dpa' chen po'i sems mi 'jum mi 'gong / mi 'jigs mi sngang / </font><hr>32.206b<br><font size=+1>

skrag par mi 'gyur ba'i byang chub sems dpa' sems dpa' chen po ni phyir mi ldog pa'i dbyings la gnas pa ste/ byang chub sems dpa' sems dpa' chen po de ni shes rab kyi pha rol du phyin pa la spyod do/ /zhes bya bar rtogs par rig par bya'o/ /rab 'byor gyis gsol pa/ bcom ldan 'das shes rab kyi pha rol du phyin pa ni stong pa nyid dang / gsog nyid dang / gsob nyid dang / rag lus pa nyid dang / snying po ma mchis pa gang lags pa de shes rab kyi pha rol du phyin pa la spyod dam/ bcom ldan 'das kyis bka' stsal pa/ rab 'byor de ni ma yin no/ /gsol pa/ bcom ldan 'das shes rab kyi pha rol du phyin pa las gud na gang shes rab kyi pha rol du phyin pa la spyod pa'i chos gang yang dmigs su mchis sam/ bcom ldan 'das kyis bka' stsal pa/ rab 'byor de ni ma yin no/ /gsol pa/ bcom ldan 'das ci lags/ shes rab kyi pha rol du phyin pa/ shes rab kyi pha rol du phyin pa la spyod dam/ bcom ldan 'das kyis bka' stsal pa/ rab 'byor de ni ma yin no/ /gsol pa/ bcom ldan 'das ci lags/ stong pa nyid stong pa nyid la spyod dam/ bcom ldan 'das kyis bka' stsal pa/ rab 'byor de ni ma yin no/ /gsol pa/ bcom ldan 'das ci lags/ stong pa nyid las gud na stong pa nyid spyod dam/ bcom ldan 'das kyis bka' stsal pa/ rab 'byor de ni ma yin no/ /gsol pa/ bcom ldan 'das ci lags/ gzugs shes rab kyi pha rol du phyin pa la spyod dam/ </font><hr>32.207a<br><font size=+1>

tshor ba dang / 'du shes dang / 'du byed dang / rnam par shes pa shes rab kyi pha rol du phyin pa la spyod dam/ bcom ldan 'das kyis bka' stsal pa/ rab 'byor de ni ma yin no/ /gsol pa/ bcom ldan 'das ci lags/ skye mched dang / khams dang / rten cing 'brel bar 'byung ba shes rab kyi pha rol du phyin pa la spyod dam/ bcom ldan 'das kyis bka' stsal pa/ rab 'byor de ni ma yin no/ /gsol pa/ bcom ldan 'das ci lags/ pha rol du phyin pa rnams dang / stong pa nyid thams cad dang / byang chub kyi phyogs kyi chos rnams shes rab kyi pha rol du phyin pa la spyod dam/ bcom ldan 'das kyis bka' stsal pa/ rab 'byor de ni ma yin no/ /gsol pa/ bcom ldan 'das ci lags/ 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad shes rab kyi pha rol du phyin pa la spyod dam/ bcom ldan 'das kyis bka' stsal pa/ rab 'byor de ni ma</font><hr>32.207b<br><font size=+1>

yin no/ /gsol pa/ bcom ldan 'das ci lags/ rnam pa thams cad mkhyen pa nyid kyi bar du shes rab kyi pha rol du phyin pa la spyod dam/ bcom ldan 'das kyis bka' stsal pa/ rab 'byor de ni ma yin no/ /gsol pa/ bcom ldan 'das ci lags/ gzugs kyi stong pa nyid dang / gsog nyid dang / gsob nyid dang / rag lus pa nyid dang / snying po ma mchis pa nyid dang / de bzhin nyid dang / ma nor ba de bzhin nyid dang / gzhan ma yin pa de bzhin nyid dang / chos nyid dang / chos kyi dbyings dang / chos kyi gnas nyid dang / chos skyon med pa nyid dang / yang dag pa'i mtha' dang / bsam gyis mi khyab pa'i dbyings de shes rab kyi pha rol du phyin pa la spyod dam/ bcom ldan 'das kyis bka' stsal pa/ rab 'byor de ni ma yin no/ /gsol pa/ bcom ldan 'das ci lags/ tshor ba dang / 'du shes dang / 'du byed dang / rnam par shes pa'i stong pa nyid dang / gsog nyid dang / gsob nyid dang / rag lus pa nyid dang / snying po ma mchis pa nyid dang / de bzhin nyid dang / ma nor ba de bzhin nyid dang / gzhan ma yin pa de bzhin nyid dang / chos nyid dang / chos kyi dbyings dang / chos kyi gnas nyid dang / chos skyon med pa nyid dang / yang dag pa'i mtha' dang / bsam gyis mi khyab pa'i dbyings de shes rab kyi pha rol du phyin pa la spyod dam/ bcom ldan 'das kyis bka' stsal pa/ rab 'byor de ni ma yin no/ /gsol pa/ </font><hr>32.208a<br><font size=+1>

bcom ldan 'das ci lags/ skye mched dang khams dang / rten cing 'brel par 'byung ba'i stong pa nyid dang / gsog nyid dang / gsob nyid dang / rag lus pa nyid dang / snying po ma mchis pa nyid dang / de bzhin nyid dang / ma nor ba de bzhin nyid dang / gzhan ma yin pa de bzhin nyid dang / chos nyid dang chos kyi dbyings dang / chos kyi gnas nyid dang / chos skyon med pa nyid dang / yang dag pa'i mtha' dang / bsam gyis mi khyab pa'i dbyings de shes rab kyi pha rol du phyin pa la spyod dam/ bcom ldan 'das kyis bka' stsal pa/ rab 'byor de ni ma yin no/ /gsol pa/ bcom ldan 'das ci lags/ pha rol du phyin pa rnams dang / stong pa nyid thams cad dang / byang chub kyi phyogs kyi chos rnams dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad dang / rnam pa thams cad mkhyen pa nyid kyi bar gyi stong pa nyid dang / gsog nyid dang / gsob nyid dang / rag lus pa nyid dang / snying po ma mchis pa nyid dang / de bzhin nyid dang / ma nor ba de bzhin nyid dang / gzhan ma yin pa de bzhin nyid dang / chos nyid dang / chos kyi dbyings dang / chos kyi gnas nyid dang / chos skyon med pa nyid dang / yang dag pa'i mtha' dang / bsam gyis mi khyab pa'i dbyings de shes rab kyi pha rol du phyin pa la</font><hr>32.208b<br><font size=+1>

spyod dam/ bcom ldan 'das kyis bka' stsal pa/ rab 'byor de ni ma yin no/ /rab 'byor gyis gsol pa/ bcom ldan 'das gal te chos de dag shes rab kyi pha rol du phyin pa la mi spyod na/ bcom ldan 'das byang chub sems dpa' sems dpa' chen po ji ltar shes rab kyi pha rol du phyin pa la spyod pa lags/ bcom ldan 'das kyis bka' stsal pa/ rab 'byor de ji snyam du sems/ chos gang shes rab kyi pha rol du phyin pa la spyod pa'i chos de khyod kyis mthong ngam/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor de ji snyam du sems/ gang la byang chub sems dpa' sems dpa' chen po spyod pa'i shes rab kyi pha rol du phyin pa de lta bu khyod kyis mthong ngam/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor de ji snyam du sems/ chos gang khyod kyis ma mthong ba'i chos de dmigs su yod dam/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor de ji snyam du sems/ chos gang dmigs su med pa de skye ba 'am/ 'gag par 'gyur ram/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor de ni byang chub sems dpa' sems dpa' chen po rnams kyi mi skye ba'i chos la bzod pa ste/ rab 'byor bzod pa de lta bu dang ldan pa'i byang chub sems dpa' sems dpa' chen po ni sangs rgyas bcom ldan 'das rnams kyis bla na med pa yang dag par rdzogs pa'i byang chub tu lung bstan te/ rab 'byor de ni stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa'i lam zhes bya ste/ lam der zhugs pa'i byang chub sems</font><hr>32.209a<br><font size=+1>

dpa' sems dpa' chen po de ltar spyod/ de ltar rtsol/ de ltar 'bad pa ni bla na med pa yang dag par rdzogs pa'i sangs rgyas kyi ye shes/ ye shes chen po/ rnam pa thams cad mkhyen pa'i ye shes thob par mi 'gyur zhes bya ba'i gnas med do/ /de ci'i phyir zhe na/ de ni 'di ltar byang chub sems dpa' sems dpa' chen po des mi skye ba'i chos la bzod pa thob pa'i phyir te/ de'i chos de dag ni bla na med pa yang dag par rdzogs pa'i byang chub du mngon par rdzogs par sangs rgyas kyi bar du nam yang yongs su 'grib par mi 'gyur ro/ /rab 'byor gyis gsol pa/ bcom ldan 'das ci lags/ chos thams cad kyi mi skye ba nyid gang lags pa de las/ byang chub sems dpa' sems dpa' chen po de bla na med pa yang dag par rdzogs pa'i byang chub tu lung bstan par 'gyur ram/ bcom ldan 'das kyis bka' stsal pa/ rab 'byor de ni ma yin no/ /gsol pa/ bcom ldan 'das ci lags/ skye ba yang ma lags/ mi skye ba yang ma lags pa las/ byang chub sems dpa' sems dpa' chen po bla na med pa yang dag par rdzogs pa'i byang chub tu lung bstan tam/ bcom ldan 'das kyis bka' stsal pa/ rab 'byor de ni ma yin no/ /gsol pa/ bcom ldan 'das gal te skye ba yang ma lags/ mi skye ba yang ma lags pa las kyang / byang chub sems dpa' sems dpa' chen po/ bla na med pa yang dag par rdzogs pa'i byang chub tu lung mi bstan na/ byang chub sems dpa' sems dpa' chen po ji ltar bla na med pa yang dag par rdzogs pa'i byang chub tu lung bstan par 'gyur/ bcom ldan 'das kyis bka' stsal pa/ rab 'byor de ji snyam du sems/ gang bla na med pa yang dag par rdzogs pa'i byang chub tu lung bstan par 'gyur ba'i chos de lta bu khyod kyis yang dag par rjes</font><hr>32.209b<br><font size=+1>

su mthong ngam/ gsol pa/ bcom ldan 'das de ni ma lags te/ bcom ldan 'das chos gang bla na med pa yang dag par rdzogs pa'i byang chub tu lung bstan par 'gyur ba'i chos de dag ni bdag gis yang dag par rjes su ma mthong ngo / /bcom ldan 'das chos gang mngon par rdzogs par 'tshang rgya ba dang / gang gis mngon par rdzogs par 'tshang rgya ba dang / gang mngon par rdzogs par 'tshang rgya bar bgyi ba de lta bu'i chos kyang bdag gis yang dag par rjes su ma mthong ngo / /bcom ldan 'das kyis bka' stsal pa/ rab 'byor de de bzhin no/ /de de bzhin te/ chos thams cad mi dmigs pa'i byang chub sems dpa' sems dpa' chen po ni/ 'di snyam du bdag ni mngon par rdzogs par 'tshang rgya'o/ 'dis ni mngon par rdzogs par 'tshang rgya bar bya'o/ /'dis ni mngon par rdzogs par 'tshang rgya bar bya'o zhes bya bar mi sems so/ /de ci'i phyir zhe na/ rab 'byor de ni 'di ltar byang chub sems dpa' sems dpa' chen po/ shes rab kyi pha rol du phyin pa la spyod pa'i rnam par rtog pa de dag thams cad med pa'i phyir te/ de ci'i phyir zhe na/ rab 'byor shes rab kyi pha rol du phyin pa ni rnam par mi rtog pa'o/ /shes rab kyi pha rol du phyin pa stong phrag nyi shu lnga pa las/ le'u bzhi bcu lnga pa'o// // de nas lha'i dbang po brgya byin gyis/ bcom ldan 'das la 'di skad ces gsol to/ /bcom ldan 'das shes rab kyi pha rol tu phyin pa ni shin tu dben pa'i slad du zab pa'o/ /blta dka' ba'o/ /rtogs par dka' ba'o/ /brtag tu ma mchis pa'o/ /brtag pa'i spyod yul ma lags pa'i zhi ba phra ba zhib pa'o/ /mkhas</font><hr>32.210a<br><font size=+1>

shing rig pas rtogs par bgyi ba'o/ /bcom ldan 'das sems can gang shes rab kyi pha rol tu phyin pa zab mo 'di nyan cing 'dzin pa dang / 'chang zhing klog pa dang / kun chub par bgyid pa dang / de bzhin nyid du nan tan bgyid cing / bla na med pa yang dag par rdzogs pa'i byang chub tu mngon par sangs rgyas kyi bar du/ sems dang sems las byung ba'i chos gzhan gyi go mi 'byed pa de dag ni/ dge ba'i rtsa ba tha ma dang ldan pa ma lags so/ /bcom ldan 'das kyis bka' stsal pa/ ke'u shi ka de de bzhin no/ /de de bzhin te/ sems can gang shes rab kyi pha rol tu phyin pa zab mo 'di nyan cing 'dzin pa dang / 'chang zhing klog pa dang / kun chub par byed pa dang / de bzhin nyid du nan tan byed cing bla na med pa yang dag par rdzogs pa'i byang chub tu mngon par rdzogs par sangs rgyas kyi bar du/ sems dang sems las byung ba'i chos gzhan gyi go mi 'byed pa de dag ni/ dge ba'i rtsa ba tha ma dang ldan pa ma yin no/ /ke'u shi ka de ji snyam du sems/ 'dzam bu'i gling gi sems can gang ji snyed pa de dag thams cad dge ba bcu'i las kyi lam dang ldan par gyur/ bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / mngon par shes pa lnga dang ldan par gyur la/ rigs kyi bu 'am rigs kyi bu mo la la zhig kyang shes rab kyi pha rol tu phyin pa 'di 'dzin cing 'chang la/ klog cing kun chub par byed par gyur te/ gzung zhing bcangs te/ blags shing kun chub par byas nas kyang / de bzhin nyid du nan tan byed na/ kai'u shi ka dge ba'i rtsa ba 'di la snga ma'i dge ba'i rtsa ba des brgya'i char yang nye bar mi 'gro'o/ /stong gi cha dang / brgya phrag stong gi cha dang / </font><hr>32.210b<br><font size=+1>

bye ba khrag khrig brgya phrag stong gi bar gyi cha dang / grangs dang / cha dang / bgrang ba dang / dpe dang / rgyur yang mi bzod do/ /de nas dge slong gcig cig gis lha'i dbang po brgya byin la 'di skad ces smras so/ /ke'u shi ka 'dzam bu gling gi sems can dge ba bcu'i las kyi lam dang ldan pa/ bsam gtan bzhi dang ldan pa/ tshad med pa bzhi dang ldan pa/ gzugs med pa'i snyoms par 'jug pa bzhi dang ldan pa/ mngon par shes pa lnga dang ldan pa/ de dag thams cad ni rigs kyi bu 'am/ rigs kyi bu mo gang shes rab kyi pha rol tu phyin pa zab mo 'di mi g.yeng ba'i sems kyis 'dzin pa dang / 'chang ba dang / klog pa dang / kun chub par byed pa dang / tshul bzhin du yid la byed pa dang / de bzhin nyid du nan tan byed cing bla na med pa yang dag par rdzogs pa'i byang chub tu mngon par rdzogs par sangs rgyas kyi bar du/ sems dang sems las byung ba'i chos gzhan gyi go mi 'byed pa de dag gis zil gyis non to/ /de skad ces smras pa dang / lha'i dbang po brgya byin gyis/ dge slong de la 'di skad ces smras so/ /dge slong 'dzam bu gling gi sems can dge ba bcu'i las kyi lam dang ldan pa/ bsam gtan bzhi dang ldan pa/ tshad med pa bzhi dang ldan pa/ gzugs med pa'i snyoms par 'jug pa bzhi dang ldan pa/ mngon par shes pa lnga dang ldan pa/ de dag thams cad byang chub sems dpa' sems dpa' chen pos rnam pa thams cad mkhyen pa nyid dang ldan pa'i sems dang po bskyed pas kyang zil gyis non na/ gang shes rab kyi pha rol tu phyin pa zab mo 'di 'dzin pa dang / 'chang ba dang / klog pa dang / kun chub par byed pa dang / tshul bzhin du yid la byed pa dang / gzung zhing bcangs te/ blags shing kun chub par byas nas kyang / de bzhin nyid du nan tan byed pa lta smos kyang ci dgos te/ lha dang mi dang / lha ma yin du bcas pa'i 'jig rten zil gyis non par 'gyur te/ byang chub sems dpa' sems dpa'</font><hr>32.211a<br><font size=+1>

chen po des ni lha dang / mi dang / lha ma yin du bcas pa'i 'jig rten zil gyis mnan cing 'gro bar 'gyur ro/ /byang chub sems dpa' sems dpa' chen po de lha dang / mi dang / lha ma yin du bcas pa'i 'jig rten zil gyis mnan cing 'gro bar yang ma zad de/ byang chub sems dpa' sems dpa' chen po de ni rgyun tu zhugs pa dang / lan cig phyir 'ong ba dang / phyir mi 'ong ba dang / dgra bcom pa dang / rang sangs rgyas gang ji snyed pa de dag thams cad kyang zil kyis mnan cing 'gro bar 'gyur ro/ /rgyun tu zhugs pa dang / lan cig phyir 'ong ba dang / phyir mi 'ong ba dang / dgra bcom pa dang / rang sangs rgyas su yang ma zad do/ /byang chub sems dpa' sems dpa' chen po de ni byang chub sems dpa' sems dpa' chen po gang sbyin pa'i pha rol tu phyin pa la spyod pa/ thabs mkhas pa dang bral ba/ shes rab kyi pha rol tu phyin pa dang bral ba de dag kyang zil gyis gnon cing 'gro bar 'gyur ro/ /sbyin pa'i pha rol tu phyin pa la spyod par yang ma zad de/ byang chub sems dpa' sems dpa' chen po de ni byang chub sems dpa' sems dpa' chen po gang tshul khrims kyi pha rol tu phyin pa la spyod pa/ thabs mkhas pa dang bral ba/ shes rab kyi pha rol tu phyin pa dang bral ba/ de dag kyang zil gyis gnon cing 'gro bar 'gyur ro/ /tshul khrims kyi pha rol tu phyin pa la spyod par yang ma zad de/ byang chub sems dpa' sems dpa' chen po de ni byang chub sems dpa' sems dpa' chen po gang bzod pa'i pha rol tu phyin pa la spyod pa/ thabs mkhas pa dang bral ba/ shes rab kyi pha rol tu phyin pa dang bral ba gang ji snyed pa de dag kyang zil gyis gnon cing 'gro bar 'gyur ro/ /bzod pa'i pha rol tu phyin pa la spyod par yang ma zad de/ byang chub sems dpa' sems dpa' chen po de ni byang chub sems dpa' sems dpa' chen po gang brtson 'grus kyi pha rol tu phyin pa la spyod pa/ thabs mkhas pa dang bral ba/ shes rab kyi pha rol tu phyin</font><hr>32.211b<br><font size=+1>

pa dang bral ba gang ji snyed pa de dag kyang zil gyis gnon cing 'gro bar 'gyur ro/ /brtson 'grus kyi pha rol tu phyin pa la spyod par yang ma zad de/ byang chub sems dpa' sems dpa' chen po de ni byang chub sems dpa' sems dpa' chen po gang bsam gtan gyi pha rol tu phyin pa la spyod pa/ thabs mkhas pa dang bral ba/ shes rab kyi pha rol tu phyin pa dang bral ba gang ji snyed pa de dag kyang zil gyis cing 'gro bar 'gyur ro/ /bsam gtan gyi pha rol tu phyin pa la spyod par yang ma zad de/ byang chub sems dpa' sems dpa' chen po gang shes rab kyi pha rol tu phyin pa la ji skad du bstan pa bzhin du spyod pa de dag ni/ lha dang / mi dang / lha ma yin du bcas pa'i 'jig rten zil gyis gnon par mi nus so/ /byang chub sems dpa' sems dpa' chen po gang shes rab kyi pha rol tu phyin pa la spyod pa de dag ni shes rab kyi pha rol tu phyin pa la ji skad du bstan pa dang 'thun par spyod pa ste/ byang chub sems dpa' sems dpa' chen po de ni rnam pa thams cad mkhyen pa nyid kyi rigs rgyun mi gcad pa'i don du gnas pa'o/ /byang chub sems dpa' sems dpa' chen po de ni de bzhin gshegs pa ring du mi byed do/ /de ltar zhugs pa'i byang chub sems dpa' sems dpa' chen po de ni snying po byang chub dang 'phrad par mi 'gyur ro/ /byang chub sems dpa' sems dpa' chen po de ni sems can bying ba rnams gdon par 'dod pa'o/ /de ltar slob pa'i byang chub sems dpa' sems dpa' chen po de ni byang chub sems dpa'i bslab pa la slob pa ste/ nyan thos kyi bslab pa la slob pa ma yin no/ /rang sangs rgyas kyi bslab pa la slob pa ma yin no/ /de ltar slob pa'i byang chub sems dpa' sems dpa' chen po'i drung du rgyal po chen po bzhi dag kyang 'gro bar bya bar sems te/ nye bar 'dong zhing 'di skad ces smra'o/ /kye skyes bu chen po myur du slobs shig /skyes bu chen po skyen par slobs shig /lhung bzed bzhi po 'di dag ni khyod kyis snying po byang chub tu 'dug ste/ bla na med pa yang dag par rdzogs</font><hr>32.212a<br><font size=+1>

pa'i byang chub tu mngon par rdzogs par sangs rgyas nas blang bar bya ba ste/ 'di dag ni sngon gyi de bzhin gshegs pa dgra bcom pa yang dag par rdzogs pa'i sangs rgyas kyis bzhes pa'o zhes zer zhing ston to/ /de ltar shes rab kyi pha rol tu phyin pa la spyod pa'i byang chub sems dpa' sems dpa' chen po'i drung du rgyal po chen po bzhi dag kyang / rgyal chen bzhi'i ris kyi lha'i bu rnams dang lhan cig 'dong bar sems so/ /de'i drung du bdag kyang sum bcu rtsa gsum gyi lha'i bu rnams dang lhan cig 'gro bar sems so/ /lha'i rgyal po rab 'tshe ma yang / 'tshe ma'i lha'i bu rnams dang lhan cig 'gro bar sems so/ /lha'i rgyal po rab dga' ldan yang / dga' ldan gyi lha'i bu rnams dang lhan cig 'gro bar sems so/ /lha'i rgyal po rab 'phrul dga' yang / 'phrul dga'i lha'i bu rnams dang lhan cig 'gro bar sems so/ /lha'i rgyal po dbang bsgyur yang gzhan 'phrul dbang byed kyi lha'i bu rnams dang lhan cig 'gro bar sems so/ /tshangs pa mi mjed kyi bdag po yang / tshangs ris kyi lha'i bu rnams dang lhan cig 'gro bar sems so/ /kun snang dang ba'i lha rnams kyang nye bar 'dong bar sems so/ /dge rgyas dang / 'bras bu che ba dang / mi che ba dang / mi gdung ba dang / shin tu mthong ba dang / gya nom snang ba dang / gnas gtsang ma'i ris kyi lha rnams kyang nye bar 'dong bar sems so/ /byang chub sems dpa' sems dpa' chen po gang shes rab kyi pha rol tu phyin pa zab mo 'di la spyod pa de ni/ de bzhin gshegs pa rnams kyis kyang rtag tu dgongs pa yin te/ byang chub sems dpa' sems dpa' chen po shes rab kyi pha rol tu phyin pa zab mo 'di la de ltar spyod pa de'i lus la ni 'jig rten pa'i sdug bsngal gzhan gyis gnod par byas pa gang ji snyed cig lus la 'byung ba de dag kyang / thams cad du thams cad lus la mi 'byung mi 'bab ste/ dge slong de ni byang chub sems dpa' sems dpa' chen po shes rab kyi pha rol tu phyin pa zab mo 'di</font><hr>32.212b<br><font size=+1>

la spyod pa'i tshe/ 'di'i yon tan du 'gyur ba ste/ 'dus pa'i nad rnams gang ji snyed pa 'di lta ste/ mig gi nad dam/ rna ba'i nad dam/ sna'i nad dam/ lce'i nad dam/ lus kyi nad dam/ snying gi nad gang ji snyed pa de dag thams cad kyang / lus la mi 'byung mi 'bab ste 'di dag kyang byang chub sems dpa' sems dpa' chen po shes rab kyi pha rol tu phyin pa zab mo 'di la spyod pa'i tshe/ 'di'i yon tan du rig par bya'o/ /de nas tshe dang ldan pa dga' bo 'di snyam du gyur te/ lha'i dbang po brgya byin 'di rang gi spobs pas shes rab kyi pha rol tu phyin pa ston cing / shes rab kyi pha rol tu phyin pa'i yon tan dang / legs pa brjod dam/ 'on te sangs rgyas kyi mthus ston snyam pa dang / de nas lha'i dbang po brgya byin gyis tshe dang ldan pa dga' bo'i sems kyi yongs su rtog pa sems kyis yongs su shes nas/ tshe dang ldan pa dga' bo la 'di skad ces smras so/ /btsun pa dga' bo bdag de ltar shes rab kyi pha rol tu phyin pa ston pa dang / shes rab kyi pha rol tu phyin pa'i yon tan dang legs pa brjod pa ni sangs rgyas kyi mthur rig par bya'o/ /de nas bcom ldan 'das kyis/ tshe dang ldan pa dga' bo la 'di skad ces bka' stsal to/ /dga' bo de de bzhin no/ /de de bzhin te/ lha'i dbang po brgya byin shes rab kyi pha rol tu phyin pa zab mo 'di ston pa dang / shes rab kyi pha rol tu phyin pa 'di'i yon tan dang legs pa brjod pa de ni de bzhin gshegs pa'i mthu'o/ /de ni de bzhin gshegs pa'i byin gyis brlabs so/ /dga' bo gang gi tshe byang chub sems dpa' sems dpa' chen po shes rab kyi pha rol tu phyin pa la slob pa dang / shes rab kyi pha rol tu phyin pa la brtson par byed pa dang / shes rab kyi pha rol tu phyin pa la sgom pa de'i tshe/ gang stong gsum gyi stong chen po'i 'jig rten gyi khams na/ bdud sdig to can gang ji snyed cig yod pa de dag thams cad ni byang chub sems dpa' sems dpa' chen po 'di yang dag pa'i mtha' mngon tu byas te/ rgyun tu zhugs pa'i 'bras bu dang / lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub thob par 'gyur ram/ 'on te ma yin gyis bla na med pa yang dag par rdzogs</font><hr>32.213a<br><font size=+1>

pa'i byang chub tu mngon par rdzogs par 'tshang rgya bar 'gyur snyam ste/ dogs pa rnyed par 'gyur ro/ /dga' bo gzhan yang gang gi tshe byang chub sems dpa' sems dpa' chen po shes rab kyi pha rol tu phyin pa dang ma bral bar gyur pa de'i tshe/ bdud sdig to can mya ngan gyi zug rngus zug par 'gyur ro/ /dga' bo gzhan yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ bdud sdig to can ci nas kyang byang chub sems dpa' sems dpa' chen po 'di rnam pa thams cad mkhyen pa nyid yid la byed pas/ sems gcig tsam 'khrugs par 'gyur ba dang / zhum par 'gyur ba dang / spu g.yo bar 'gyur bar skar ma ltung ba gtong zhing 'jigs pa skyed do/ /de nas tshe dang ldan pa dga' bos/ bcom ldan 'das la 'di skad ces gsol to/ /bcom ldan 'das ci lags/ byang chub sems dpa' sems dpa' chen po thams cad kyi drung du bdud sdig to can gtse ba'i bsam pas mchi bar 'gyur ram/ bcom ldan 'das kyis bka' stsal pa/ dga' bo byang chub sems dpa' sems dpa' chen po thams cad kyi drung du bdud sdig to can gtse ba'i bsam pas 'ong ba ma yin no/ /dga' bos gsol pa/ bcom ldan 'das 'o na ji lta bu'i drung du mchi bar 'gyur/ bcom ldan 'das kyis bka' stsal pa/ dga' bo byang chub sems dpa' sems dpa' chen po gang gis sngon gyi mthar shes rab kyi pha rol tu phyin pa zab mo 'di bstan pa'i tshe/ sems mos par ma byas pa de'i drung du bdud sdig to can dag gtse ba'i bsam pas nye bar 'ong ngo / /dga' bo gzhan yang byang chub sems dpa' gang shes rab kyi pha rol tu phyin pa zab mo 'di bstan pa'i tshe/ 'di shes rab kyi pha rol tu phyin pa yin nam/ 'on te ma yin zhes the tsom du gyur pa de dag gi drung du bdud sdig to can gtse ba'i bsam pas nye bar 'ong ngo / /dga' bo gzhan yang byang chub sems dpa' dge ba'i bshes gnyen dang bral na/ des dge ba'i bshes gnyen mi mthong bas/ shes rab kyi pha rol tu phyin pa zab mo 'di mi thos so/ /ma thos pas mi shes so/ /shes rab kyi pha rol</font><hr>32.213b<br><font size=+1>

tu phyin pa ji ltar bsgom pa ma shes pas/ de bzhin nyid du nan tan mi byed de/ dga' bo byang chub sems dpa' de yang bdud sdig to can gyis glags rnyed par 'gyur ro/ /dga' bo gzhan yang byang chub sems dpa' shes rab kyi pha rol tu phyin pa dang bral la/ dam pa'i chos ma yin pa yongs su 'dzin par byed na/ dga' bo byang chub sems dpa' de la yang bdud sdig to can gyis glags rnyed par 'gyur ro/ /dga' bo gzhan yang shes rab kyi pha rol tu phyin pa dang bral ba'i byang chub sems dpa' dam pa'i chos ma yin pa la bsngags pa brjod na/ de la bdud sdig to can 'di snyam du sems te/ gang dam pa'i chos ma yin pa'i bsngags pa smra ba ni bdag gi grogs yin te/ gang dam pa'i chos ma yin pa'i bsngags pa smra ba de ni/ byang chub sems dpa'i theg pa pa mang po'i nang nas bdag gi grogs su rnyed pa ste/ de ltar gang zag byang chub sems dpa'i theg pa pa 'di lta ste/ nyan thos kyi sa dang rang sangs rgyas kyi sa gnyis las gcig tu gnas par 'gyur ba ni/ de bdag gi bsam pa yongs su rdzogs par byed pa'o snyam ste/ 'ga' bo byang chub sems dpa' de la yang bdud sdig to can gyis glags rnyed par 'gyur ro/ /dga' bo gzhan yang byang chub sems dpa' ji lta bu la bdud kyis glags rnyed par 'gyur zhe na/ byang chub sems dpa' gang shes rab kyi pha rol tu phyin pa zab mo 'di bstan pa'i tshe/ 'di skad du shes rab kyi pha rol tu phyin pa ni shin tu zab ste/ khyod kyis shes rab kyi pha rol tu phyin pa zab mo 'di thos pas ci zhig bya/ bsgoms pa dang gzung ba dang / bcangs pa dang / kun chub par byas pas kyang ci zhig bya/ ngas kyang de'i gting ma rnyed na khyod kyis lta rnyed re skan zhes zer na/ dga' bo byang chub sems dpa' de la yang bdud sdig to can gyis glags rnyed par 'gyur ro/ /dga' bo gzhan yang gang gi tshe byang chub sems dpa' sems dpa' chen po gzhan la byang chub sems dpa' brnyas pa skyed cing / nga ni sbyin pa'i pha rol tu phyin pa la spyad pa'o/ /nga ni tshul khrims dang / bzod pa dang / brtson 'grus dang / bsam gtan dang / shes rab kyi pha rol tu phyin pa la spyad pa'o/ /khyod ni sbyin</font><hr>32.214a<br><font size=+1>

pa'i pha rol tu phyin pa la spyod pa ma yin no/ /khyod ni tshul khrims dang / bzod pa dang / brtson 'grus dang / bsam gtan dang / shes rab kyi pha rol tu phyin pa la spyod pa ma yin no zhes rlom sems su byed na/ dga' bo byang chub sems dpa' de la yang bdud sdig to can gyis glags rnyed par 'gyur ro/ /dga' bo gzhan yang gang gi tshe byang chub sems dpa' bdag nyid mchog tu rlom sems bskyed na/ dga' bo de'i tshe/ bdud sdig to can dga' ba dang / spro ba dang / nyams bde ba dang / rab tu dga' ba dang / tshim zhing yid bde ba skye bar 'gyur te/ dga' bo byang chub sems dpa' de la yang bdud sdig to can gyis glags rnyed par 'gyur ro/ /dga' bo gzhan yang gang gi tshe byang chub sems dpa'i mying brjod pa 'am/ rus brjod pa kun tu grags par gyur na/ de ming brjod pa 'am/ rus brjod pa des/ byang chub sems dpa' sems dpa' chen po gzhan dge ba'i chos can dag khyad du gsod cing / bdag bstod/ gzhan smod la/ phyir myi ldog pa'i byang chub sems dpa' sems dpa' chen po rnams kyi rnam pa dang / tshul dang / mtshan mar bya ba'i yon tan de dag kyang de la myed par/ rnam pa dang / tshul dang / mtshan ma myed par de dag gis nyon mongs pa skyed cing / bdag bstod/ gzhan smod de/ 'di skad du ji ltar nga byang chub sems dpa'i theg pa dang / byang chub sems dpa'i rigs la gnas par snang ba de ltar khyod byang chub sems dpa'i theg pa la gnas par myi snang ngo / /byang chub sems dpa'i rigs la gnas par mi snang ngo zhes/ de de ltar gang zag byang chub sems dpa'i theg pa pa de dag la mi snyan par rjod cing smod na/ de la bdud sdig to can 'di snyam du sems te/ bdag gi gnas ni stongs par myi 'gyur ro/ /sems can dmyal ba chen po dang / byol song gi skye gnas dang / gshin rje'i 'jig rten dang / yi dgas kyi yul shin tu 'phel bar 'gyur ro zhes/ ci nas kyang de'i tshig gzung du rung bar 'gyur ba de lta de ltar bdud sdig to can byang chub sems dpa' de byin gyis rlob ste/ de'i tshig gzung du</font><hr>32.214b<br><font size=+1>

rung bas skye bo mang po dag kyang mnyan pa dang / yid ches par bya bar sems te/ de la de dag gis thos sam/ mthong na/ 'thun par spyod par 'gyur te/ de dag gis thos sam/ mthong nas 'thun par spyod cing de bzhin du slob ste/ de dag de bzhin du slob cing / de bzhin nyid du nan tan byed pa'i tshe/ nyon mongs pa shin tu 'phel bar 'gyur te/ de ltar de dag bsam pa phyin ci log tu gyur pas lus dang / ngag dang / yid kyi las gang dang gang brtsams pa de dag thams cad mi 'dod pa dang / mi sdug pa dang / yid du mi 'ong bar 'grub par 'gyur te/ de ltar na sems can dmyal ba chen po de dag kyang rab tu 'phel bar 'gyur/ byol song gi skye gnas dang / gshin rje'i 'jig rten dang / yi dgas kyi yul yang rab tu 'phel bar 'gyur te/ bdud kyi gnas kyang shin tu 'phel bar 'gyur bas/ dga' bo don gyi dbang de mthong nas/ bdud sdig to can dga' ba dang / spro ba dang / tshim pa dang / yid bde ba skye bar 'gyur ro/ /dga' bo gzhan yang gal te gang zag byang chub sems dpa'i theg pa pa/ gang zag nyan thos kyi theg pa pa dang / rtsod cing nga ni mchog tu gyur pa yin gyi/ khyod ni ma yin no zhes zer na/ de la bdud sdig to can 'di snyam du sems te/ kye ma rigs kyi bu 'di ni rnam pa thams cad mkhyen pa nyid dang ring du byed pa ste/ 'di ni rnam pa thams cad mkhyen pa nyid dang nye bar gyur pa ma yin no/ /de ci'i phyir zhe na/ 'thab mo dang / 'khrug pa dang / rtsod pa dang / mtshang 'dru ba 'di dag ni rnam pa thams cad mkhyen pa nyid kyi lam ma yin te/ de ni sems can dmyal ba'i lam mo/ /de ni byol song gi skye gnas kyi lam mo/ /de ni gshin rje'i 'jig rten gyi lam mo/ /de ni rnam pa thams cad mkhyen pa'i lam ma yin no snyam du sems par 'gyur ro/ /dga' bo gzhan yang gang zag byang chub sems dpa'i theg pa pa dang / gang zag byang chub sems dpa'i theg pa can gzhan du 'thab cing rtsod la/ 'khrugs cing mtshang 'dru na/ de la bdud sdig</font><hr>32.215a<br><font size=+1>

to can 'di snyam du sems te/ 'di gnyis ka yang rnam pa thams cad mkhyen pa nyid ring du byed pa'o/ /'di gnyis ka yang bla na med pa yang dag par rdzogs pa'i byang chub tu mngon par rdzogs par 'tshang mi rgya'o/ /de ci'i phyir zhe na/ rigs kyi bu 'di gnyis kyis gang brtsams pa de ni/ rnam pa thams cad mkhyen pa nyid kyi lam ma yin/ rigs kyi bu 'di gnyis kyis ni/ sems can dmyal ba dang / byol song gi skye gnas dang / gshin rje'i 'jig rten gyi lam brtsams so zhes nas/ dga' zhing spro ba dang / tshim zhing yid bde ba skye bar 'gyur ro/ /dga' bo gzhan yang gal te byang chub sems dpa' lung ma bstan pa/ byang chub sems dpa' lung bstan pa la gnod par sems shing / 'thab cing rtsod la/ 'khrug cing mtshang 'dru na/ gal te des rnam pa thams cad mkhyen pa nyid yongs su mi gtang zhe na/ ji tsam du sdig pa'i sems bskyed pa skyes pa dang / 'thab cing rtsod pa dang / 'khrugs cing mtshang 'dru bar gyur pa de srid kyi bskal par go cha bgo bar bya'o/ /dga' bos gsol pa/ bcom ldan 'das de dag gi sems bskyed pa de dag la 'byung ba gzhan mchis sam/ 'on te ma lags kyis/ bskal pa de snyed kho nar go cha bgo 'tshal/ bcom ldan 'das kyis bka' stsal pa/ dga' bo gang zag nyan thos kyi theg pa pa rnams dang / rang sangs rgyas kyi theg pa pa rnams dang / byang chub sems dpa'i theg pa pa rnams la ngas 'byung ba dang bcas pa'i chos bstan te/ dga' bo de la gang zag byang chub sems dpa'i theg pa pa/ byang chub sems dpa'i theg pa pa'i gang zag dang / 'thab cing rtsod la gshe zhing mi snyan du brjod pa dang / 'thabs shing rtsod de gshe ba dang mi snyan par brjod pa byas na/ phyir mi 'chags par mdud par 'dzin cing khon du bzung ste gnas na/ dga' bo gang zag de ni 'byung bar nga mi smra te/ gang zag des gal te rnam pa thams cad mkhyen pa nyid yongs su mi</font><hr>32.215b<br><font size=+1>

gtang zhe na/ gdon mi za bar bskal pa de snyed du go cha bgo bar bya'o/ /dga' bo byang chub sems dpa' sems dpa' chen po gang 'thabs shing rtsod de gshe ba dang / mi snyan par brjod par gyur na yang mdud par mi 'dzin la/ phyin chad sdom pa 'dzin cing / bdag gis ni thob par bya ba nyes par thob ste/ bdag gis sems can thams cad kyi sdug bsngal bstsal dgos na/ de ltar bdag smra ba la phyir smra ba dang / bdag gis sems can thams cad kyi zam par gyur pa bya dgos na/ de ltar bdag gzhan la mi snyan par smra zhing phyir zlogs pa ni mi tshul gyis/ bdag gis de ltar mi bya'i/ bdag gis ni glen pa dang lkug pa bzhin du bya'o/ /bdag gis bsam pa la 'khrug pa med par bya'o/ /sems can 'di dag ni bdag gis bla na med pa yang dag par rdzogs pa'i byang chub tu mngon par rdzogs par sangs rgyas te/ yongs su mya ngan las bzla bar bya dgos na/ de dag nyid la bdag ngan sems su byed pa dang / de dag nyid la bdag 'khrug pa ni tshul ma yin gyis/ bdag gis de dag la gnod sems su mi bya'o/ /bdag gis de dag la 'khrug par mi bya'o snyam na/ dga' bo byang chub sems dpa' sems dpa' chen po de ni 'byung ba yod par ngas bshad de/ de la ni bdud sdig to can glags lta zhing glags tshol bas kyang glags mi rnyed do/ /dga' bo gzhan yang byang chub sems dpa' sems dpa' chen pos gang zag nyan thos kyi theg pa pa dag dang 'grogs par mi bya'o/ /de dag dang lhan cig tu gnas par mi bya'o/ /'dug par mi bya'o/ /gal te 'dug na yang des su la yang gnod sems su mi bya/ 'khrugs par mi bya'o/ /de ci'i phyir zhe na/ gang bdag gis 'di dag la gnod sems su bya ba dang / 'khrug par bya ba de dag ni bdag la mi tshul lo/ /de ci'i phyir zhe na/ 'di ltar de dag ni bdag gis bla na med pa yang dag par rdzogs pa'i byang chub tu mngon par rdzogs par sangs rgyas te/ sdug bsngal thams cad las yongs su dgrol bar bya ba dag go snyam du bya'o// </font><hr>32.216a<br><font size=+1>

shes rab kyi pha rol tu phyin pa stong phrag nyi shu lnga pa/ bam po lnga bcu lnga pa/ dga' bos gsol pa/ bcom ldan 'das ji ltar byang chub sems dpa' sems dpa' chen pos gang zag byang chub sems dpa'i theg pa pa dag dang gnas par bgyi/ bcom ldan 'das kyis bka' stsal pa/ dga' bo 'di lta ste dper na ston pa dang ji ltar gnas pa de bzhin du byang chub sems dpa' sems dpa' chen pos gang zag byang chub sems dpa'i theg pa pa dang gnas par bya ste/ de ci'i phyir zhe na/ 'di ni bdag gi grogs te gru gcig tu zhugs pa'o/ /'dis ni ji ltar bslab par bya ba de bzhin du bdag gis kyang bslab par bya'o/ /'dis sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa dang / stong pa nyid thams cad dang / byang chub kyi phyogs kyi chos rnams dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs dang / mi 'jigs pa dang / so so yang dag par rig pa dang / byams pa chen po dang / snying rje chen po dang / sangs rgyas kyi chos ma 'dres pa dang / rnam pa thams cad mkhyen pa nyid kyi bar gang la bslab par bya ba de nyid la bdag gis kyang bslab par bya'o snyam du sems bskyed do/ /des gzhan yang sems 'di ltar bskyed par bya ste/ 'di ni yang dag par rdzogs pa'i byang chub kyi lam ston pa ste/ gal te de 'dres par spyod cing rnam pa thams cad mkhyen pa nyid dang ldan pa'i yid la bya ba dang bral bar gyur na/ de la bdag gis bslab</font><hr>32.216b<br><font size=+1>

par mi bya'i/ gal te byang chub sems dpa' sems dpa' chen po de rnam pa thams cad mkhyen pa nyid dang ldan pa'i yid la bya ba dang ma bral bar gnas na bdag gis kyang de ltar bslab par bya'o snyam du sems bskyed de/ de ltar slob pa'i byang chub sems dpa' sems dpa' chen po ni bslab pa mnyam pa yin no/ /shes rab kyi pha rol du phyin pa stong phrag nyi shu lnga pa las/ le'u bzhi bcu drug pa'o// // de nas tshe dang ldan pa rab 'byor kyis/ bcom ldan 'das la 'di skad ces gsol to/ /bcom ldan 'das byang chub sems dpa' sems dpa' chen pos mnyam pa nyid gang la bslab par bgyi ba'i/ byang chub sems dpa' sems dpa' chen po rnams kyi mnyam pa nyid gang lags/ bcom ldan 'das kyis bka' stsal pa/ rab 'byor nang stong pa nyid ni byang chub sems dpa' sems dpa' chen po rnams kyi mnyam pa nyid do/ /phyi stong pa nyid ni byang chub sems dpa' sems dpa' chen po rnams kyi mnyam pa nyid do/ /phyi nang stong pa nyid ni byang chub sems dpa' sems dpa' chen po rnams kyi mnyam pa nyid do/ /rab 'byor dngos po med pa'i ngo bo nyid stong pa nyid kyi bar ni byang chub sems dpa' sems dpa' chen po rnams kyi mnyam pa nyid do/ /gzugs ni gzugs kyis stong / tshor ba dang / 'du shes dang / 'du byed dang / rnam par shes pa ni rnam par shes pas stong / skye mched dang / khams dang / rten cing 'brel par 'byung ba ni rten cing 'brel par 'byung bas stong / pha rol tu phyin pa rnams dang / stong pa nyid thams cad dang / byang chub kyi phyogs kyi chos rnams ni byang chub kyi phyogs kyi chos rnams kyis stong / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa ni/ mthar kyis gnas pa'i snyoms par 'jug</font><hr>32.217a<br><font size=+1>

pas stong / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo ni gzungs kyi sgos stong / de bzhin gshegs pa'i stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa rnams ni/ sangs rgyas kyi chos ma 'dres pas stong / rnam pa thams cad mkhyen pa nyid kyi bar ni/ rnam pa thams cad mkhyen pa nyid kyis stong ste/ rab 'byor 'di ni byang chub sems dpa' sems dpa' chen po rnams kyi mnyam pa nyid de/ de la gnas shing byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya 'o/ gsol pa/ bcom ldan 'das ci lags/ byang chub sems dpa' sems dpa' chen po gzugs bas par bgyi ba'i slad du slob na/ rnam pa thams cad mkhyen pa nyid du slob pa lags sam/ gzugs 'dod chags dang bral bar bgyi ba'i slad du slob na/ rnam pa thams cad mkhyen pa nyid du slob pa lags sam/ gzugs 'gag par bgyi ba'i slad du slob na/ rnam pa thams cad mkhyen pa nyid du slob pa lags sam/ gzugs mi skye bar bgyi ba'i slad du slob na/ rnam pa thams cad mkhyen pa nyid du slob pa lags sam/ tshor ba dang / 'du shes dang / 'du byed dang / rnam par shes pa bas par bgyi ba'i slad du slob na/ rnam pa thams cad mkhyen pa nyid du slob pa lags sam/ rnam par shes pa 'dod chags dang bral bar bgyi ba'i slad du slob na/ rnam pa thams cad mkhyen pa nyid du slob pa lags sam/ rnam par shes pa 'gag par bgyi ba'i slad du slob na/ rnam pa thams cad mkhyen pa nyid du slob pa lags sam/ rnam par shes pa mi skye bar bgyi ba'i slad du slob na/ rnam pa thams cad mkhyen pa nyid du slob pa lags sam/ skye mched dang / khams dang / rten cing 'brel bar 'byung ba bas par bgyi ba dang / 'dod</font><hr>32.217b<br><font size=+1>

chags dang bral bar bgyi ba dang / 'gag par bgyi ba dang / mi skye bar bgyi ba'i slad du slob na/ rnam pa thams cad mkhyen pa nyid du slob pa lags sam/ pha rol tu phyin pa thams cad dang / stong pa nyid thams cad dang / byang chub kyi phyogs kyi chos sum bcu rtsa bdun dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa bcwa brgyad bas par bgyi ba dang / 'dod chags dang bral bar bgyi ba dang / 'gag par bgyi ba dang / mi skye bar bgyi ba'i slad du slob na/ rnam pa thams cad mkhyen pa nyid du slob pa lags sam/ rnam pa thams cad mkhyen pa nyid kyi bar du bas par bgyi ba dang / 'dod chags dang bral bar bgyi ba dang / 'gag par bgyi ba dang / mi skye bar bgyi ba'i slad du slob na/ rnam pa thams cad mkhyen pa nyid du slob pa lags sam/ bcom ldan 'das kyis bka' stsal pa/ rab 'byor de ni ma yin te/ gnas brtan rab 'byor gyis gang 'di skad du/ gzugs zad par bya ba'i phyir slob na/ rnam pa thams cad mkhyen pa nyid du slob pa yin nam/ gzugs 'dod chags dang bral bar bya ba'i phyir slob na/ rnam pa thams cad mkhyen pa nyid du slob pa yin nam/ gzugs 'gag par bya ba'i phyir slob na/ rnam pa thams cad mkhyen pa nyid du slob pa yin nam/ gzugs mi skye bar bya ba'i phyir slob na/ rnam pa thams cad mkhyen pa nyid du slob pa yin nam/ tshor ba dang / 'du shes dang 'du byed dang / rnam par shes pa zad par bya ba'i phyir slob na/ rnam pa thams cad mkhyen pa nyid du slob pa yin nam/ rnam par shes pa 'dod</font><hr>32.218a<br><font size=+1>

chags dang bral bar bya ba'i phyir slob na/ rnam pa thams cad mkhyen pa nyid du slob pa yin nam/ rnam par shes pa 'gag par bya ba'i phyir slob na/ rnam pa thams cad mkhyen pa nyid du slob pa yin nam/ rnam par shes pa mi skye bar bya ba'i phyir slob na/ rnam pa thams cad mkhyen pa nyid du slob pa yin nam/ skye mched dang / khams dang / rten cing 'brel par 'byung ba zad par bya ba dang / 'dod chags dang bral bar bya ba dang / 'gag par bya ba dang / mi skye bar bya ba'i phyir slob na/ rnam pa thams cad mkhyen pa nyid du slob pa yin nam/ pha rol tu phyin pa thams cad dang / stong pa nyid thams cad dang / byang chub kyi phyogs kyi chos sum bcu rtsa bdun dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa bcwa brgyad zad par bya ba dang / 'dod chags dang bral bar bya ba dang / 'gag par bya ba dang / mi skye bar bya ba'i phyir slob na/ rnam pa thams cad mkhyen pa nyid du slob pa yin nam/ rnam pa thams cad mkhyen pa nyid kyi bar du zad par bya ba dang / 'dod chags dang bral bar bya ba dang / 'gag par bya ba dang / mi skye bar bya ba'i phyir slob na/ rnam pa thams cad mkhyen pa nyid du slob pa yin nam zhes smras pa de ni ma yin no/ /rab 'byor de ji snyam du sems/ gzugs kyi de bzhin nyid gang yin pa dang / tshor ba dang / 'du shes dang / 'du byed dang / rnam par shes pa'i de bzhin nyid gang yin pa dang / skye mched dang / khams dang / rten cing 'brel bar 'byung ba'i de bzhin nyid gang yin pa dang / pha rol tu phyin pa rnams kyi de bzhin nyid gang yin pa dang / stong pa nyid</font><hr>32.218b<br><font size=+1>

thams cad kyi de bzhin nyid gang yin pa dang /  byang chub kyi phyogs kyi chos sum bcu rtsa bdun gyi de bzhin nyid gang yin pa dang / 'phags pa'i bden pa'i de bzhin nyid gang yin pa dang / bsam gtan dang / tshad med pa dang / gzugs med pa'i snyoms par 'jug pa rnams kyi de bzhin nyid gang yin pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa'i de bzhin nyid gang yin pa dang / mngon par shes pa dang / ting nge 'dzin dang / gzungs kyi sgo'i de bzhin nyid gang yin pa dang / de bzhin gshegs pa'i stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa bcwa brgyad kyi de bzhin nyid gang yin pa dang / rnam pa thams cad mkhyen pa nyid kyi bar gyi de bzhin nyid gang yin pa de zad pa 'am/ spong ba 'am/ skye ba 'am/ 'gag par 'gyur ram/ gsol pa/ bcom ldan 'das de ni ma lags so/ /bde bar gshegs pa de ni ma lags so/ /bcom ldan 'das kyis bka' stsal pa/ rab 'byor de ltar slob pa'i byang chub sems dpa' sems dpa' chen po de ni de bzhin nyid la slob pa ste/ rnam pa thams cad mkhyen pa nyid la slob pa yin/ de bzhin nyid ni zad pa 'am/ spang ba 'am/ skye ba 'am/ 'gag par 'gyur ba med de/ rab 'byor de ltar slob pa'i byang chub sems dpa' sems dpa' chen po de ni de bzhin nyid la slob pa ste/ rnam pa thams cad mkhyen pa nyid la slob pa yin/ rab 'byor de ltar slob pa'i byang chub sems dpa' sems dpa' chen po de ni pha rol tu phyin pa drug la slob pa yin/ stong pa nyid thams cad la slob pa yin/ dran pa nye bar gzhag pa rnams la slob pa yin/ yang dag par spong pa dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa la slob pa yin/ 'phags pa'i bden pa rnams la slob pa yin/ bsam gtan dang / tshad med pa dang / gzugs med pa'i snyoms par 'jug pa rnams la slob pa yin/ rnam par thar pa brgyad dang / mthar gyis gnas pa'i</font><hr>32.219a<br><font size=+1>

snyoms par 'jug pa dgu dang / stong pa nyid dang / mtshan ma med pa dang / smon pa med pa la slob pa yin/ mngon par shes pa dang / ting nge 'dzin dang / gzungs kyi sgo la slob pa yin/ de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad la slob pa yin/ rnam pa thams cad mkhyen pa nyid kyi bar la slob pa yin/ rab 'byor de ltar slob pa'i byang chub sems dpa' sems dpa' chen po ni bslab pa thams cad kyi pha rol tu phyin pa thob par 'gyur ba yin/ rab 'byor de ltar slob pa'i byang chub sems dpa' sems dpa' chen po ni bdud dam bdud kyi ris kyi lha rnams kyis pham par mi nus pa yin/ rab 'byor de ltar slob pa'i byang chub sems dpa' sems dpa' chen po ni myur du phyir mi ldog pa'i sa 'thob pa yin/ rab 'byor de ltar slob pa'i byang chub sems dpa' sems dpa' chen po ni bdag gi pha de bzhin gshegs pa'i spyod yul la spyod pa yin/ rab 'byor de ltar slob pa'i byang chub sems dpa' sems dpa' chen po ni mgon du 'gyur ba'i chos rnams la slob pa yin/ rab 'byor de ltar slob pa'i byang chub sems dpa' sems dpa' chen po ni byams pa chen po dang / snying rje chen po la slob pa yin/ rab 'byor de ltar slob pa'i byang chub sems dpa' sems dpa' chen po ni sangs rgyas kyi zhing yongs su dag par bya ba'i phyir slob pa yin/ rab 'byor de ltar slob pa'i byang chub sems dpa' sems dpa' chen po ni sems can yongs su smin par bya ba'i phyir slob pa yin/ rab 'byor de ltar slob pa'i byang chub sems dpa' sems dpa' chen po ni rnam pa bcu gnyis lan gsum du bskor ba'i chos kyi 'khor lo bskor bar bya ba'i phyir slob pa yin/ rab 'byor de ltar slob pa'i byang chub sems dpa' sems dpa' chen po ni sems can thams cad yongs su smin par bya ba'i phyir slob</font><hr>32.219b<br><font size=+1>

pa yin/ rab 'byor de ltar slob pa'i byang chub sems dpa' sems dpa' chen po ni de bzhin gshegs pa'i rigs rgyun mi gcad pa'i phyir slob pa yin/ rab 'byor de ltar slob pa'i byang chub sems dpa' sems dpa' chen po ni 'chi ba med pa'i sgo dbye bar bya'o zhes slob pa yin/ rab 'byor de ltar slob pa'i byang chub sems dpa' sems dpa' chen po ni 'dus byas kyi khams bstan par bya'o zhes slob pa yin te/ rab 'byor sems can dman pas ni bslab pa rgya chen po 'di la bslab par mi nus so/ /byang chub sems dpa' sems dpa' chen po gang bslab pa 'di la slob pa de ni/ sems can thams cad 'khor ba las gdon par 'dod pa ste/ rab 'byor de ltar slob pa'i byang chub sems dpa' sems dpa' chen po ni sems can dmyal bar mi skye'o/ /byol song gi skye gnas dang / gshin rje'i 'jig rten du mi skye'o/ /yul mtha' 'khob dang / yul gcong rong can du mi skye'o/ /phyag dar pa dang / gdol pa'i rigs su mi skye'o/ /zhar bar mi 'gyur ro/ /sgur por mi 'gyur ro/ /zha bor mi 'gyur ro/ /yan lag skyon can du mi 'gyur ro/ /'on par mi 'gyur ro/ /lag pa med par mi 'gyur ro/ /dbang po dang mi ldan par mi 'gyur te/ dbang po yongs su tshang zhing / dbang po ma tshang bar mi 'gyur ro/ /srog gcod par mi 'gyur ro/ /ma byin par len pa dang / 'dod pas log par g.yem pa dang / brdzun du smra ba dang / phra ma can dang / zhe gcod pa smra ba dang / tshig kyal pa can dang / chags sems can dang / gnod sems can dang / log par lta bar mi 'gyur ro/ /'tsho ba log pas 'tsho bar mi 'gyur ro/ /yang dag pa ma yin pa yongs su 'dzin par mi 'gyur ro/ /tshul khrims ngan pa can du mi 'gyur ro/ /tshul khrims ngan pa yongs su 'dzin par mi 'gyur ro/ /rab 'byor de ltar slob pa'i byang chub sems dpa' sems dpa' chen po ni lha tshe rings po'i nang du mi skye'o/ /de ci'i phyir zhe na/ </font><hr>32.220a<br><font size=+1>

thabs mkhas pa dang ldan pas gang gis byang chub sems dpa' sems dpa' chen po lha tshe rings por mi skye ba'i thabs mkhas pa de lta bu de la yod de/ de yang gang zhe na/ 'di lta ste/ shes rab kyi pha rol tu phyin pa 'di nyid la thabs mkhas pa bstan pa ste/ thabs mkhas pa de dang ldan pa'i byang chub sems dpa' sems dpa' chen po ni bsam gtan rnams la yang snyoms par 'jug /tshad med pa rnams la yang snyoms par 'jug /gzugs med pa'i snyoms par 'jug pa rnams la yang snyoms par 'jug ste/ bsam gtan dang / tshad med pa dang / gzugs med pa'i snyoms par 'jug pa rnams kyi dbang gis kyang mi skye'o/ /rab 'byor de ltar slob pa'i byang chub sems dpa' sems dpa' chen po ni 'di lta ste/ nyan thos kyi sa dang / rang sangs rgyas kyi sa yid la bya ba'i dri ma yongs su dag pas/ sangs rgyas kyi chos thams cad kyi stobs yongs su dag pa thob par 'gyur ro/ /gsol pa/ bcom ldan 'das chos thams cad rang bzhin gyis yongs su dag pa lags na/ byang chub sems dpa' sems dpa' chen po'i chos gang gis yongs su dag pa 'thob par 'gyur ba lags/ bcom ldan 'das kyis bka' stsal pa/ rab 'byor de de bzhin no/ /de de bzhin te/ ji skad du smras pa de bzhin no/ /rab 'byor chos thams cad ni rang bzhin gyis yongs su dag pa ste/ rab 'byor de ltar chos thams cad yongs su dag pa la/ byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ sems zhum pa med cing 'gong pa med pa de ni/ rab 'byor shes rab kyi pha rol tu phyin pa ste/ byis pa so so'i skye bo thams cad kyis ni chos nyid de mi shes mi mthong bas/ sems can de dag gi don du byang chub sems dpa' sems dpa' chen po sbyin pa'i pha rol tu phyin pa la spyod/ tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus</font><hr>32.220b<br><font size=+1>

kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa la spyod/ nang stong pa nyid la spyod/ dngos po med pa'i ngo bo nyid stong pa nyid kyi bar la spyod/ dran pa nye bar gzhag pa rnams la spyod/ yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa la spyod/ 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa rnams la spyod/ rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa la spyod/ mngon par shes pa dang / ting nge 'dzin dang / gzungs kyi sgo rnams la spyod/ de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad la spyod/ rnam pa thams cad mkhyen pa nyid kyi bar la spyod de/ rab 'byor de ltar spyod pa'i byang chub sems dpa' sems dpa' chen po ni chos thams cad kyi stobs dang / mi 'jigs pa nyid rab tu thob par 'gyur te/ nyan thos dang / rang sangs rgyas kyi sar mi ltung ngo / /rab 'byor de ltar slob pa'i byang chub sems dpa' sems dpa' chen po ni sems can thams cad kyi sems dang / spyod pa dang / g.yo ba rnams kyi pha rol tu phyin par 'gyur ro/ /rab 'byor 'di lta ste dper na/ sa chen po'i phyogs gang na 'dzam bu na da'i gser gyi sa le sbram 'byung ba de lta bu ni nyung ngo / /rab 'byor de bzhin du 'di lta ste/ shes rab kyi pha rol tu phyin pa'i bslab pa 'di la slob pa'i sems can de lta bu yang nyung ste/ sems can gang nyan thos kyi sa 'am/ rang sangs rgyas kyi sa la gnas par 'gyur ba de lta bu ni de bas ches mang ngo / /rab 'byor 'di lta ste dper na/ sems can gang 'khor los bsgyur ba'i rgyal por 'gyur ba'i las yang dag par blangs te</font><hr>32.221a<br><font size=+1>

gnas pa de lta bu ni nyung ste/ sems can gang khams kyi rgyal phran du 'gyur ba'i las yang dag par blangs shing gnas pa de lta bu ni ches mang ngo / /rab 'byor de bzhin du sems can gang rnam pa thams cad mkhyen pa'i lam 'dir 'jug pa de lta bu yang nyung ste/ sems can gang nyan thos kyi sa 'am/ rang sangs rgyas kyi sa la gnas par 'gyur ba de lta bu ni de bas ches mang ngo / /rab 'byor gang yang byang chub sems dpa' sems dpa' chen po bla na med pa yang dag par rdzogs pa'i byang chub tu yang dag par zhugs pa de dag bas ni/ byang chub sems dpa' sems dpa' chen po gang de bzhin nyid du nan tan byed pa de lta bu ches nyung ngo / /de bas kyang sems can gang nyan thos kyi sa 'am/ rang sangs rgyas su gnas par 'gyur ba de lta bu ni ches mang ngo / /rab 'byor gang yang byang chub sems dpa'i theg pa pa'i rigs kyi bu shes rab kyi pha rol tu phyin pa zab mo 'di la spyod cing / the tshom med par phyir mi ldog pa'i sa gnon pa de dag bas ni/ gang phyir ldog pa'i sa gnon par 'gyur ba de lta bu ches mang ngo / /rab 'byor de bas na byang chub sems dpa' sems dpa' chen po phyir mi ldog pa'i sa 'thob par 'dod pa dang / phyir mi ldog pa'i sar chud par 'dod pas/ shes rab kyi pha rol tu phyin pa zab mo 'di nyid la bslab par bya'o/ /rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ ser sna dang ldan pa'i sems mi skye'o/ /tshul khrims ngan pa dang ldan pa'i sems mi skye'o/ /'khrug pa dang ldan pa'i sems mi skye'o/ /le lo dang ldan pa'i sems mi skye'o/ /g.yeng ba dang ldan pa'i sems mi skye'o/ /shes rab 'chal ba dang ldan pa'i sems mi skye'o/ /'dod chags dang ldan pa'i sems mi skye'o/ /zhe sdang dang ldan pa'i sems mi skye'o/ /gti mug dang ldan pa'i sems mi skye'o/ /tha ba dang ldan pa'i sems mi skye'o/ /gzugs dang ldan pa'i sems mi skye'o/ /tshor ba dang / 'du shes</font><hr>32.221b<br><font size=+1>

dang / 'du byed dang / rnam par shes pa dang ldan pa'i sems mi skye'o/ /skye mched dang / khams dang / rten cing 'brel bar 'byung ba dang ldan pa'i sems mi skye'o/ /pha rol tu phyin pa rnams dang / stong pa nyid thams cad dang / byang chub kyi phyogs kyi chos sum bcu rtsa bdun dang ldan pa'i sems mi skye'o/ /'phags pa'i bden pa dang bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang ldan pa'i sems mi skye'o/ /de bzhin gshegs pa'i stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa dang ldan pa'i sems mi skye'o/ /rnam pa thams cad mkhyen pa nyid kyi bar dang ldan pa'i sems mi skye'o/ de ci'i phyir zhe na/ rab 'byor 'di ltar byang chub sems dpa' sems dpa' chen po shes rab kyi pha rol tu phyin pa zab mo 'di la spyod pa'i tshe chos gang yang dmigs pa med de/ ma dmigs pas chos gang la yang sems bskyed pa med do/ /rab 'byor de ltar na shes rab kyi pha rol tu phyin pa zab mo 'di la slob pa'i byang chub sems dpa' sems dpa' chen pos pha rol tu phyin pa thams cad yongs su zin par 'gyur ro/ /pha rol tu phyin pa thams cad yongs su 'dus par 'gyur ro/ /pha rol tu phyin pa thams cad dang 'thun par spyod par 'gyur ro/ /de ci'i phyir zhe na/ rab 'byor de ni 'di ltar shes rab kyi pha rol tu phyin pa zab mo 'dir pha rol tu phyin pa thams cad 'dus so/ /rab 'byor 'di lta ste dper na/ 'jig tshogs su lta bar lta ba'i rnam pa drug bcu rtsa gnyis po thams cad kyang 'dus pa yin te/  rab 'byor de bzhin du shes rab kyi pha rol tu phyin pa zab mo 'dir pha rol tu phyin pa thams cad 'dus so/ /rab 'byor 'di lta ste dper na/ skyes bu dus byas par gyur pa'i 'tsho ba'i dbang po 'gags pas dbang po thams cad 'gag par 'gyur ro/ /rab 'byor de bzhin du</font><hr>32.222a<br><font size=+1>

byang chub sems dpa' sems dpa' chen po shes rab kyi pha rol tu phyin pa zab mo 'di la spyod pas/ pha rol tu phyin pa thams cad 'dus pa yin te/ rab 'byor de bas na byang chub sems dpa' sems dpa' chen po pha rol tu phyin pa thams cad kyi pha rol tu 'gro bar 'dod pas/ shes rab kyi pha rol tu phyin pa zab mo 'di la bslab par bya'o/ /rab 'byor shes rab kyi pha rol tu phyin pa zab mo 'di la slob pa'i byang chub sems dpa' sems dpa' chen po ni sems can thams cad kyi mchog tu 'gyur ba la slob pa yin no/ /rab 'byor de ji snyam du sems/ stong gsum gyi stong chen po'i 'jig rten gyi khams na sems can gang ji snyed cig 'khod pa de dag mang ba yin nam/ gsol pa bcom ldan 'das mang ngo / /bde bar gshegs pa mang ngo / /bcom ldan 'das 'dzam bu'i gling gi sems can rnams kyang mang ba lags na/ stong gsum gyi stong chen po'i 'jig rten gyi khams kyi sems can rnams lta smos kyang ci 'tshal/ bcom ldan 'das kyis bka' stsal pa/ rab 'byor stong gsum gyi stong chen po'i 'jig rten gyi khams kyi sems can gang ji snyed pa de dag thams cad snga phyi med par mi'i lus thob par gyur te/ bla na med pa yang dag par rdzogs pa'i byang chub tu mngon par rdzogs par sangs rgyas la/ de bzhin gshegs pa de dag thams cad re re la yang sku tshe'i mthar phyin gyi bar du byang chub sems dpa' sems dpa' chen pos rgyun ma chad par na bza' dang / bsod snyoms dang / gzims cha dang / snyun gyi rkyen sman dang / yo byad mang po'i bsnyen bkur byas na/ rab 'byor de ji snyam du sems/ byang chub sems dpa' sems dpa' chen po de'i bsod nams de'i rgyus mang du 'phel lam/ gsol pa bcom ldan 'das mang ngo / /bde bar gshegs pa mang ngo / /bcom ldan 'das kyis bka' stsal pa/ rab 'byor de bas kyang rigs kyi bu 'am/ </font><hr>32.222b<br><font size=+1>

rigs kyi bu mo gang shes rab kyi pha rol tu phyin pa zab mo 'di 'dzin cing 'chang ba dang klog cing kun chub par byed pa dang / tshul bzhin du yid la byed cing / de bzhin nyid du nan tan byed na/ de'i bsod nams ches mang du 'phel lo/ /de ci'i phyir zhe na/ rab 'byor byang chub sems dpa' sems dpa' chen po rnams kyi shes rab kyi pha rol tu phyin pa ni de ltar don chen por 'gyur ba ste/ bla na med pa yang dag par rdzogs pa'i byang chub sgrub pa'o/ /rab 'byor de bas na byang chub sems dpa' sems dpa' chen po sems can thams cad kyi bla na med par 'gyur bar 'dod pa dang / sems can mgon med pa rnams kyi mgon du 'gyur bar 'dod pa dang / skyabs med pa rnams kyi skyabs su 'gyur bar 'dod pa dang / gnas med pa rnams kyi gnas su 'gyur bar 'dod pa dang / long ba rnams kyi mig tu 'gyur bar 'dod pa dang / mun par gnas pa rnams kyi sgron mar 'gyur bar 'dod pa dang sangs rgyas su 'gyur bar 'thob par 'dod pa dang / sangs rgyas kyi yul khong du chud par 'dod pa dang / sangs rgyas kyi rnam par rol pas rnam par rtse bar 'dod pa dang / sangs rgyas kyi seng ge'i nga ro bsgrag par 'dod pa dang / sangs rgyas kyi rnga brdung bar 'dod pa dang / sangs rgyas kyi dung 'bud par 'dod pa dang / sangs rgyas kyi gtam bya bar 'dod pas/ shes rab kyi pha rol tu phyin pa zab mo 'di la bslab par bya'o/ /rab 'byor shes rab kyi pha rol tu phyin pa la slob pa'i byang chub sems dpa' sems dpa' chen pos ni phun sum tshogs pa gang thob par bya ba de dag las mi 'thob pa gang yang med do/ /rab 'byor gyis gsol pa/ bcom ldan 'das nyan thos kyi phun sum tshogs pa yang des thob par bgyi ba lags sam/ rang sangs rgyas kyi phun sum tshogs pa yang des thob par bgyi ba lags sam/ bcom ldan 'das kyis bka' stsal pa/ rab 'byor nyan thos kyi phun sum tshogs pa</font><hr>32.223a<br><font size=+1>

yang des 'thob par bya/ rang sangs rgyas kyi phun sum tshogs pa yang des 'thob par bya ste/ de la gnas par mi bya 'dug par mi bya'i/ shes pa dang mthong bas de dag mthong bar bya ste/ 'da' bar bya/ byang chub sems dpa'i skyon med par chud par bya'o/ /rab 'byor de ltar slob pa'i byang chub sems dpa' sems dpa' chen po ni rnam pa thams cad mkhyen pa nyid dang nye bar 'gyur ba yin te/ bla na med pa yang dag par rdzogs pa'i byang chub tu mngon par rdzogs par 'tshang rgya'o/ /rab 'byor de ltar slob pa'i byang chub sems dpa' sems dpa' chen po ni lha dang mi dang / lha ma yin du bcas pa'i 'jig rten na sbyin pa'i gnas su 'gyur ba yin te/ rab 'byor de ltar slob pa'i byang chub sems dpa' sems dpa' chen po ni de ma yin pa'i sbyin pa'i gnas nyan thos dang / rang sangs rgyas gang ji snyed pa de dag thams cad zil gyis mnan cing 'gro bar 'gyur ba yin/ rnam pa thams cad mkhyen pa nyid dang nye bar 'gyur ba yin/ rab 'byor de ltar slob pa'i byang chub sems dpa' sems dpa' chen po ni shes rab kyi pha rol tu phyin pa mi gtong zhing / shes rab kyi pha rol tu phyin pa la spyod pa ste/ shes rab kyi pha rol tu phyin pa dang ma bral ba'o/ /rab 'byor de ltar shes rab kyi pha rol tu phyin pa zab mo 'di la spyod pa'i byang chub sems dpa' sems dpa' chen po ni rnam pa thams cad mkhyen pa nyid las yongs su mi nyams pa'i chos can du rig par bya ste/ nyan thos dang rang sangs rgyas kyi sa ring du byed cing / bla na med pa yang dag par rdzogs pa'i byang chub dang nye bar gyur pa yin/ gal te yang 'di snyam du 'di ni shes rab kyi pha rol tu phyin pa'o/ /shes rab kyi pha rol tu phyin pa 'di la shes rab kyi pha rol tu phyin pa 'dis rnam pa thams cad mkhyen pa nyid bsgrub par bya'o zhes snyam ste/ gal te de ltar shes na shes rab kyi pha rol tu phyin pa la mi spyod do/ /gal te 'di ni shes rab kyi pha rol tu</font><hr>32.223b<br><font size=+1>

phyin pa'o/ /shes rab kyi pha rol tu phyin pa ni 'di na yod do zhes bya bar shes pa med de/ gang gi shes rab kyi pha rol tu phyin par 'gyur ba dang / gang gis shes rab kyi pha rol tu phyin par 'gyur ba dang / gang shes rab kyi pha rol tu phyin pas byung ste/ bla na med pa yang dag par rdzogs pa'i byang chub tu mngon par rdzogs par 'tshang rgya ba de lta bu yang mi shes mi mthong zhing / de 'di snyam ste chos kyi dbyings dang / de bzhin nyid dang yang dag pa'i mtha' gnas pa'i phyir/ 'di ni shes rab kyi pha rol tu phyin pa yang ma yin/ shes rab kyi pha rol tu phyin pa ni 'di na yod pa yang ma yin/ shes rab kyi pha rol tu phyin pa 'dis ni chos gang yang 'byung bar 'gyur ba yang med do zhes/ rab 'byor de ltar spyod pa'i byang chub sems dpa' sems dpa' chen po ni shes rab kyi pha rol tu phyin pa la spyod pa yin no/ /shes rab kyi pha rol tu phyin pa stong phrag nyi shu lnga pa las/ le'u bzhi bcu bdun pa'o// // de nas lha'i dbang po brgya byin 'di snyam du sems par gyur te/ 'di la byang chub sems dpa' sems dpa' chen po sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa dang / nang stong pa nyid dang / dngos po med pa'i ngo bo nyid stong pa nyid kyi bar dang / dran pa nye bar gzhag pa rnams dang / yang dag par spong ba rnams dang / rdzu 'phrul gyi rkang pa rnams dang / dbang po rnams dang stobs rnams dang / byang chub kyi yan lag rnams dang 'phags pa'i lam yan lag brgyad pa dang / 'phags pa'i bden pa rnams dang / bsam gtan rnams dang tshad med pa rnams dang gzugs med pa'i snyoms par 'jug pa rnams dang rnam par thar pa rnams dang mthar kyi gnas pa'i snyoms par 'jug pa rnams dang stong pa nyid dang mtshan ma med pa dang smon pa med pa dang mngon par shes pa rnams dang ting nge 'dzin rnams dang gzungs kyi sgo rnams dang de bzhin gshegs pa'i stobs bcu dang / mi</font><hr>32.224a<br><font size=+1>

'jigs pa bzhi dang / so so yang dag par rig pa bzhi dang / byams pa chen po dang snying rje chen po dang / sangs rgyas kyi chos ma 'dres pa bcwa brgyad la yang spyod bzhin du/ sems can thams cad zil gyis non na/ bla na med pa yang dag par rdzogs pa'i byang chub tu mngon par rdzogs par sangs rgyas par gyur na lta ci smos/ sems can gang gi sems/ rnam pa thams cad mkhyen pa nyid du 'jug pa de dag kyang thob pa legs par thob cing / de dag gi 'tsho ba legs par 'tsho ba yin na/ gang gis bla na med pa yang dag par rdzogs pa'i byang chub tu sems bskyed pa dag lta ci smos/ sems can gang gis yang dag par rdzogs pa'i byang chub tu sems bskyed de/ shes rab kyi pha rol tu phyin pa 'di nyan pa de dag ni kun gyis yid du 'ong bar bya ba yin no snyam nas/ de nas lha'i dbang po brgya byin gyis me tog man dA ra ba mang po blangs te/ bcom ldan 'das gang na ba der song nas/ me tog man dA ra ba de dag gis/ de bzhin gshegs pa dgra bcom pa yang dag par rdzogs pa'i sangs rgyas la gtor to/ /mngon par gtor to/ /rab tu gtor to/ /de ltar gtor te/ mngon par gtor ba dang / rab tu gtor ba byas nas/ tshig 'di skad ces brjod do/ /dge ba'i rtsa ba 'dis gang zag byang chub sems dpa'i theg pa pa gang gis bla na med pa yang dag par rdzogs pa'i byang chub tu dmigs pa de dag gi sangs rgyas kyi chos rnams yongs su rdzogs par gyur cig /rnam pa thams cad mkhyen pa rnams kyi chos kun yongs su rdzogs par gyur cig /rang byung gi chos rnams yongs su rdzogs par gyur cig /zag pa med pa'i chos rnams yongs su rdzogs par gyur cig /bcom ldan 'das bdag ni gang zag byang chub sems dpa'i theg pa pa bla na med pa yang dag par rdzogs pa'i byang chub tu yang dag par zhugs pa/ slar ldog par 'gyur bar sems 'ga' tsam yang skye ba ma mchis so/ /bcom ldan 'das bdag ni byang chub sems dpa' sems dpa' chen po slar ldog te/ nyan thos sam/ rang sangs rgyas su 'gyur bar sems 'ga' tsam</font><hr>32.224b<br><font size=+1>

yang skye bar 'gyur ba ma mchis kyi/ bla na med pa yang dag par rdzogs pa'i byang chub tu mos pa skyed cing / yang dang yang bla na med pa yang dag par rdzogs pa'i byang chub tu smon lam 'debs pa dang / 'khor ba'i sdug bsngal mang po 'di dag mthong nas/ lha dang / mi dang / lha ma yin du bcas pa'i 'jig rten gyi don du mos/ sman par mos/ bde bar mos shing / legs par bgyi bar mos te/ sems bskyed pa de lta bu dag dang ldan pa'i byang chub sems dpa' sems dpa' chen po ni 'di ltar rtog te/ ci bdag rgal nas sems can ma rgal ba sgrol bar 'gyur ram/ ci bdag grol nas sems can ma grol ba 'grol bar 'gyur ram/ ci bdag dbugs phyin nas sems can dbugs ma byung ba dbugs 'byin par 'gyur ram/ ci bdag yongs su mya ngan las 'das nas/ sems can yongs su mya ngan las ma 'das pa yongs su mya ngan las zlo bar 'gyur ram zhes rtog ste/ bcom ldan 'das de ltar theg pa la gsar du zhugs pa'i byang chub sems dpa' sems dpa' chen po rnams kyi sems bskyed pa de dag la rjes su yi rang bar bgyid pa dang / yun ring po nas spyod spyod pa'i byang chub sems dpa' sems dpa' chen po rnams kyi sems bskyed pa de dag la rjes su yi rang bar bgyid pa dang / phyir mi ldog pa'i byang chub sems dpa' sems dpa' chen po rnams kyi sems bskyed pa de dag la rjes su yi rang bar bgyid pa dang / skye ba gcig gis thogs pa'i byang chub sems dpa' sems dpa' chen po rnams kyi sems bskyed pa de dag la rjes su yi rang bar bgyid na/ rigs kyi bu 'am rigs kyi bu mo de'i bsod nams ci tsam zhig tu 'phel bar 'gyur/ de skad ces gsol pa dang / bcom ldan 'das kyis lha'i dbang po brgya byin la 'di skad ces bka' stsal to/ /ke'u shi ka gling chen po bzhi pa'i 'jig rten gyi khams ni skra'i rtse mo'i tshad kyis/ tshad gzung bar rung yang srid kyi/ de dag gi rjes su yi rang ba dang ldan pa'i sems skyed pa'i bsod nams la ni tshad med do/ /kai shi ka stong gi 'jig rten gyi khams dang / stong gnyis kyi 'jig</font><hr>32.225a<br><font size=+1>

rten gyi khams dang / stong gsum gyi stong chen po'i 'jig rten gyi khams ni skra'i rtse mo'i tshad kyis/ tshad gzung bar rung yang srid kyis/ de dag gi rjes su yi rang ba dang ldan pa'i sems bskyed pa'i bsod nams la ni tshad med do/ /kau shi ka stong gsum gyi stong chen po'i 'jig rten gyi khams kyi rgya mtsho chen po rnams la chu'i phung po ji snyed cig yod pa de dag ni/ skra'i rtse mo brgyar gshegs pa'i cha gcig gis/ chu'i thigs pa blang ba'i tshad kyis tshad dag gzung bar rung yang srid kyis/ de dag gi rjes su yi rang ba dang ldan pa'i sems bskyed pa'i bsod nams la ni tshad med do/ /de skad ces bka' stsal pa dang / lha'i dbang po brgya byin gyis/ bcom ldan 'das la 'di skad gsol to/ /bcom ldan 'das gang sems bskyed pa de dag la rjes su yi rang bar mi bgyid pa'i sems can de dag ni bdud kyis byin gyis brlabs pa'o/ /bcom ldan 'das gang sems bskyed pa de dag la rjes su yi rang bar mi bgyid pa'i sems can de dag ni bdud kyi phyogs su gyur pa'o/ /bcom ldan 'das gang sems bskyed pa de dag la rjes su yi rang bar mi bgyid pa'i sems can de dag ni bdud kyi gnas nas shi 'phos pa'o/ /de ci'i slad du zhe na/ bcom ldan 'das gang gis sems bskyed pa 'di bsgrubs ste/ bla na med pa yang dag par rdzogs pa'i byang chub tu yongs su bsngo ba'i sems can de dag ni bdud kyi gnas 'jig par bgyid pa ste/ gang bla na med pa yang dag par rdzogs pa'i byang chub tu bskyed pa'i sems de dag ni rjes su yi rang bar bgyi ba ste/ gang gis sangs rgyas yongs su ma btang ba dang / chos yongs su ma btang ba dang / dge 'dun yongs su ma btang ba de dag gis sems bskyed pa de dag la rjes su yi rang bar bgyi'o/ /rjes su yi rang nas bla na med pa yang dag par rdzogs pa'i byang chub tu bsngo bar bgyi ste/ ji ltar gnyis kyi 'du shes su mi 'gyur ba dang / gnyis su ma mchis pa'i 'du shes su yang mi</font><hr>32.225b<br><font size=+1>

'gyur ba de ltar yongs su bsngo bar bgyi'o/ /bcom ldan 'das kyis bka' stsal pa/ kau shi ka de de bzhin no/ /de de bzhin te/ ji skad smras pa de de bzhin no/ /kau shi ka gang sems bskyed pa 'di dag la rjes su yi rang bar byed pa de dag ni myur du de bzhin gshegs pa dgra bcom pa yang dag par rdzogs pa'i sangs rgyas rnams mnyes par byed par 'gyur te/ mnyes par byas nas kyang thugs byung bar mi 'gyur ro/ /de ltar de dag rjes su yi rang ba dang ldan pa'i sems bskyed pa'i dge ba'i rtsa ba de dag dang ldan pa dag ni/ gang dang gang du skyes pa de dang de dag tu rim gror bya bar 'gyur ro/ /bkur stir bya bar 'gyur ro/ /sti stang du bya bar 'gyur ro/ /mchod par bya bar 'gyur ro/ /des nam yang gzugs yid du mi 'ong ba mthong bar mi 'gyur ro/ /nam yang sgra yid du mi 'ong ba thos par mi 'gyur ro/ /nam yang dri yid du mi 'ong ba tshor bar mi 'gyur ro/ /nam yang ro yid du mi 'ong ba myong bar mi 'gyur ro/ /nam yang reg yid du mi 'ong ba reg par mi 'gyur ro/ /nam yang chos yid du mi 'ong ba shes par mi 'gyur ro/ /nam yang sangs rgyas bcom ldan 'das rnams dang bral bar mi 'gyur te/ sangs rgyas kyi zhing nas sangs rgyas kyi zhing du 'gro zhing / sangs rgyas bcom ldan 'das de dag la bsnyen bkur byed pa dang / dge ba'i rtsa ba bskyed par 'gyur ro/ /de ci'i phyir zhe na/ kau shi ka de ni 'di ltar rigs kyi bu dang / rigs kyi bu mo de dag gis byang chub sems dpa' sems dpa' chen po theg pa la gsar du zhugs pa dang / spyod pa la zhugs pa dang / phyir mi ldog pa dang skye ba gcig gis thogs pa/ tshad med grangs med dpag tu med pa rnams kyis dge ba'i rtsa ba de dag la rjes su yi rang bar byas pa'i phyir te/ dge ba'i rtsa ba de dag gis rnam par 'phel bas/ bla na med pa yang dag par rdzogs pa'i byang chub tu nye bar gyur pa yin te/ de dag bla na med pa yang dag par rdzogs pa'i byang chub tu mngon par rdzogs par sangs rgyas nas sems</font><hr>32.226a<br><font size=+1>

can tshad med grangs med dpag tu med pa yongs su mya ngan las zlo bar 'gyur ro/ /kau shi ka rnam grangs des kyang rigs kyi bu 'am rigs kyi bu mo des ci nas kyang sems med pa dang / sems ma yin pa gzhan yang med par theg pa la gsar du zhugs pa'i byang chub sems dpa' sems dpa' chen po rnams kyi dge ba'i rtsa ba la rjes su yi rang bar byas shing / bla na med pa yang dag par rdzogs pa'i byang chub tu yongs su bsngo bar bya'o/ /sems med pa dang / sems ma yin pa gzhan yang med par spyad pa spyod pa dang / phyir mi ldog pa dang / skye ba gcig gis thogs pa rnams kyi dge ba'i rtsa ba de dag la yang rjes su yi rang bar byas shing / bla na med pa yang dag par rdzogs pa'i byang chub tu yongs su bsngo bar bya'o/ /de nas tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das ji ltar na sgyu ma lta bu'i sems bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ba lags/ bcom ldan 'das kyis bka' stsal pa/ rab 'byor de ji snyam du sems/ sgyu ma lta bu'i sems de khyod kyis yang dag par rjes su mthong ngam/ gsol pa bcom ldan 'das de ni ma lags te/ bcom ldan 'das bdag gis sgyu ma yang yang dag par rjes su ma mthong sgyu ma lta bu'i sems de yang yang dag par rjes su ma mthong ngo / /bcom ldan 'das kyis bka' stsal pa/ rab 'byor de ji snyam du sems/ de ltar sgyu ma yang ma mthong sgyu ma lta bu'i sems kyang ma mthong na/ sems gang bla na med pa yang dag par rdzogs pa'i byang chub tu mngon par rdzogs par 'tshang rgya ba'i sems de khyod kyis yang dag par rjes su mthong ngam/ gsol pa bcom ldan 'das de ni ma lags so/ /bcom ldan 'das kyis bka' stsal pa/ rab 'byor de ji snyam du sems sgyu ma dang / sgyu ma lta bu'i sems las gud na chos gang bla na med pa yang dag par</font><hr>32.226b<br><font size=+1>

rdzogs pa'i byang chub tu mngon par rdzogs par 'tshang rgya ba'i chos de khyod kyis yang dag par rjes su mthong ngam/ gsol pa bcom ldan 'das de ni ma lags te/ bcom ldan 'das sgyu ma dang / sgyu ma lta bu'i sems las gud na chos gang bla na med pa yang dag par rdzogs pa'i byang chub tu mngon par rdzogs par 'tshang rgya ba de bdag gis yang dag par rjes su ma mthong ngo / /bcom ldan 'das de ltar bdag gis chos gzhan yang dag par rjes su ma mthong na/ mchis pa 'am ma mchis pa'i chos gang zhig bdag gis bstan par bgyi/ chos gang shin tu dben pa de ni mchis pa 'am ma mchis par mi 'gyur ro/ /chos gang shin tu dben pa de ni bla na med pa yang dag par rdzogs pa'i byang chub tu mngon par rdzogs par 'tshang mi rgya ste/ ma mchis pa'i chos kyang bla na med pa yang dag par rdzogs pa'i byang chub tu mngon par rdzogs par 'tshang mi rgya'o/ /de ci'i slad du zhe na/ bcom ldan 'das de ni 'di ltar gang nyon mongs par 'gyur ba 'am/ rnam par byang bar 'gyur ba'i chos thams cad ni ma mchis shing yongs su ma mchis pa'o/ /de ci'i slad du zhe na/ bcom ldan 'das de ni 'di ltar shes rab kyi pha rol tu phyin pa ni shin tu dben pa'o/ /bsam gtan gyi pha rol tu phyin pa ni shin tu dben pa'o/ /brtson 'grus kyi pha rol tu phyin pa ni shin tu dben pa'o/ /bzod pa'i pha rol tu phyin pa ni shin tu dben pa'o/ /tshul khrims kyi pha rol tu phyin pa ni shin tu dben pa'o/ /sbyin pa'i pha rol tu phyin pa ni shin tu dben pa'o/ /nang stong pa nyid ni shin tu dben pa'o/ /dngos po med pa'i ngo bo nyid stong pa nyid kyi bar ni shin tu dben pa'o/ /dran pa nye bar bzhag pa rnams ni shin tu dben pa'o/ /yang dag par spong ba rnams dang rdzu 'phrul gyi rkang pa rnams dang dbang po rnams dang stobs rnams dang byang chub kyi yan lag rnams dang / 'phags pa'i lam yan lag brgyad pa ni shin tu dben pa'o/ /'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams ni shin tu dben pa'o/ /</font><hr>32.227a<br><font size=+1>

rnam par thar pa rnams dang / mthar gyis gnas pa'i snyoms par 'jug pa rnams dang / stong pa nyid dang / mtshan ma med pa dang / smon pa med pa ni shin tu dben pa'o/ /mngon par shes pa rnams dang / ting nge 'dzin rnams dang / gzungs kyi sgo rnams ni shin tu dben pa'o/ /de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad ni shin du dben pa'o/ /rnam pa thams cad mkhyen pa nyid kyi bar ni shin du dben pa'o/ /chos gang shin tu dben pa de ni bsgom par bgyi ba yang ma lags/ rnam par bsgom par bgyi ba yang ma lags te/ de ni shes rab kyi pha rol tu phyin pa shin tu dben pa'i slad du chos gang yang bsgrub pa ma mchis so/ /shes rab kyi pha rol tu phyin pa ni shin tu dben pa lags na/ ji ltar shes rab kyi pha rol tu phyin pa la brten cing / byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur/ bla na med pa yang dag par rdzogs pa'i byang chub kyang shin tu dben pa lags na/ ji ltar dben pas dben pa 'tshang rgya bar 'gyur/ bcom ldan 'das kyis bka' stsal pa/ rab 'byor legs so/ /legs so/ /rab 'byor de de bzhin no/ /de de bzhin te/ rab 'byor shes rab kyi pha rol tu phyin pa ni shin tu dben pa'o/ /bsam gtan gyi pha rol tu phyin pa dang / brtson 'grus kyi pha rol tu phyin pa dang / bzod pa'i pha rol tu phyin pa dang / tshul khrims kyi pha rol tu phyin pa dang / sbyin pa'i pha rol tu phyin pa ni shin tu dben pa'o/ /nang stong pa nyid ni shin tu dben pa'o/ /dngos po med pa'i ngo bo nyid stong pa nyid kyi bar ni shin tu dben pa'o/ /dran pa nye bar gzhag pa rnams dang / yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa ni shin tu dben pa'o/ /'phags pa'i bden pa rnams dang / </font><hr>32.227b<br><font size=+1>

bsam gtan rnams dang / tshad med pa rnams dang / gzugs med pa'i snyoms par 'jug pa rnams ni shin tu dben pa'o/ /rnam par thar pa rnams dang / mthar kyis gnas pa'i snyoms par 'jug pa rnams dang / stong pa nyid dang / mtshan ma med pa dang / smon pa med pa ni shin du dben pa'o/ /mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams dang / byams pa chen po dang / snying rje chen po dang / sangs rgyas kyi chos ma 'dres pa rnams ni shin du dben pa'o/ /rnam pa thams cad mkhyen pa nyid kyi bar ni shin du dben pa'o/ /rab 'byor ji ltar shes rab kyi pha rol tu phyin pa shin du dben pa dang / bsam gtan gyi pha rol tu phyin pa dang / brtson 'grus kyi pha rol du phyin pa dang / bzod pa'i pha rol tu phyin pa dang / tshul khrims kyi pha rol tu phyin pa dang / sbyin pa'i pha rol du phyin pa shin du dben pa dang / nang stong pa nyid shin du dben pa dang / dngos po med pa'i ngo bo nyid stong pa nyid kyi bar du shin du dben pa dang / dran pa nye bar gzhag pa rnams shin du dben pa dang / 'phags pa'i lam yan lag brgyad pa'i bar du shin tu dben pa dang / rnam pa thams cad mkhyen pa nyid kyi bar du shin du dben pa de bzhin du/ bla na med pa yang dag par rdzogs pa'i byang chub tu mngon par rdzogs par 'tshang rgya ba yang shin tu dben pa'o/ /rab 'byor gal te shes rab kyi pha rol tu phyin pa shin tu dben par ma gyur/ bsam gtan gyi pha rol tu phyin pa dang / brtson 'grus kyi pha rol tu phyin pa dang / bzod pa'i pha rol tu phyin pa dang / tshul khrims kyi pha rol tu phyin pa dang / sbyin pa'i pha rol tu phyin pa shin du dben par ma gyur/ nang stong pa nyid shin tu dben par ma gyur/ dngos po med pa'i ngo bo nyid stong pa nyid kyi bar du shin tu dben par ma gyur/ dran pa nye bar gzhag pa rnams shin tu dben par ma gyur/ 'phags pa'i lam yan lag brgyad pa'i bar du shin tu dben par ma gyur/ rnam pa thams cad mkhyen pa nyid kyi bar du shin tu dben par ma gyur na/ de shes rab kyi pha rol tu phyin par</font><hr>32.228a<br><font size=+1>

mi 'gyur ro/ /de bsam gtan gyi pha rol tu phyin pa dang / brtson 'grus kyi pha rol tu phyin pa dang / bzod pa'i pha rol tu phyin pa dang / tshul khrims kyi pha rol tu phyin pa dang / sbyin pa'i pha rol tu phyin par mi 'gyur ro/ /de nang stong pa nyid du mi 'gyur ro/ /dngos po med pa'i ngo bo nyid stong pa nyid kyi bar du mi 'gyur ro/ /de dran pa nye bar gzhag pa rnams su mi 'gyur ro/ /'phags pa'i lam yan lag brgyad pa'i bar du mi 'gyur ro/ /rnam pa thams cad mkhyen pa nyid kyi bar du mi 'gyur ro/ /rab 'byor de bas na ji ltar shes rab kyi pha rol tu phyin pa shin tu dben pa dang / ji ltar bsam gtan gyi pha rol tu phyin pa dang / brtson 'grus kyi pha rol tu phyin pa dang / bzod pa'i pha rol tu phyin pa dang / tshul khrims kyi pha rol tu phyin pa dang / sbyin pa'i pha rol du phyin pa shin tu dben pa dang / ji ltar nang stong pa nyid shin tu dben pa dang / dngos po med pa'i ngo bo nyid stong pa nyid kyi bar du shin tu dben pa dang / ji ltar dran pa nye bar gzhag pa rnams shin du dben pa dang / 'phags pa'i lam yan lag brgyad pa'i bar du shin tu dben pa dang / ji ltar rnam pa thams cad mkhyen pa nyid kyi bar du shin tu dben pa de ltar shes rab kyi pha rol tu phyin pa la ma brten par yang / bla na med pa yang dag par rdzogs pa'i byang chub tu mngon par rdzogs par 'tshang mi rgya'o/ /dben pas dben pa mngon par rdzogs par 'tshang mi rgya ste/ bla na med pa yang dag par rdzogs pa'i byang chub tu mngon par rdzogs par 'tshang mi rgya bas na/ shes rab kyi pha rol tu phyin pa la ma brten par mngon par rdzogs par 'tshang mi rgya'o/ /gsol pa/ bcom ldan 'das byang chub sems dpa' sems dpa' chen po ni don zab mo la spyod pa'o/ /bcom ldan 'das kyis bka' stsal pa/ rab 'byor de de bzhin no/ /de de bzhin te/ rab 'byor byang chub sems dpa' sems dpa' chen po ni don zab mo la spyod pa'o/ /rab 'byor byang chub sems dpa' sems dpa' chen po de ltar don zab mo la spyod cing / 'di lta ste nyan</font><hr>32.228b<br><font size=+1>

thos kyi sa 'am/ rang sangs rgyas kyi sar 'gyur ba'i don de mngon du mi byed pa ni dka' ba byed pa'o/ /gsol pa/ bcom ldan 'das kyis gsungs pa'i don bdag gis 'tshal ba ltar na dka' ba cung zad kyang mi bgyid na ji ltar byang chub sems dpa' sems dpa' chen po dka' ba bgyid pa lags/ de ci'i slad du zhe na/ bcom ldan 'das de ni 'di ltar gang mngon du bgyi ba'i don de yang mi dmigs/ gang gis mngon du bgyi ba'i shes rab kyi pha rol du phyin pa de yang mi dmigs/ gang mngon du bgyi ba'i chos de yang mi dmigs te/ bcom ldan 'das chos thams cad gang mngon du bgyis pas bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ba'i don mngon du bgyi ba de lta bu yang gang zhig mchis/ shes rab kyi pha rol du phyin pa yang gang zhig gis mngon du bgyi/ chos mngon du bgyi ba de lta bu yang gang zhig mchis/ bcom ldan 'das 'di ni mi dmigs pa'i spyod pa ste/ de la spyod pa'i byang chub sems dpa' sems dpa' chen po chos thams cad la mun pa ma mchis pa 'thob pa'o/ /bcom ldan 'das gal te de skad du bstan pa la/ byang chub sems dpa' sems dpa' chen po'i sems mi zhum yongs su mi 'jum zhing / mi 'jigs mi dngang / skrag par mi 'gyur na/ bcom ldan 'das de ltar spyod pa'i byang chub sems dpa' sems dpa' chen po ni shes rab kyi pha rol du phyin pa la spyod pa ste/ de ni spyod do zhes bgyi bar yang dag par rjes su mi mthong / shes rab kyi pha rol du phyin pa yang dag par rjes su mi mthong / bla na med pa yang dag par rdzogs pa'i byang chub tu mngon par rdzogs par 'tshang rgya'o zhes bgyi bar yang dag par rjes su mi mthong ngo / /bcom ldan 'das byang chub sems dpa' sems dpa' chen po shes rab kyi pha rol du phyin pa la spyod pa de ni 'di snyam du bdag gis nyan thos dang / rang sangs rgyas kyi sa ni bsring bar bya ste/ bdag</font><hr>32.229a<br><font size=+1>

ni rnam pa thams cad mkhyen pa nyid du nye bar gyur to snyam yang mi bgyid do/ /bcom ldan 'das 'di lta ste dper na/ nam mkha' ni 'di ltar bdag ni la la dang ni ring ngo / /la la dang ni nye'o zhes bgyi bar mi sems so/ /de ci'i slad du zhe na/ bcom ldan 'das nam mkha' la bye brag ma mchis shing mi g.yo ba dang / rnam par rtog pa ma mchis pa'i slad du ste/ bcom ldan 'das de bzhin du byang chub sems dpa' sems dpa' chen po shes rab kyi pha rol tu phyin pa la spyod pa yang 'di ltar bdag las nyan thos sam/ rang sangs rgyas kyi sa ni ring gi /bla na med pa yang dag par rdzogs pa'i byang chub ni nye'o zhes bgyi bar mi sems so/ /de ci'i slad du zhe na/ bcom ldan 'das shes rab kyi pha rol du phyin pa rnam par mi rtog pa'i slad du'o/ /bcom ldan 'das 'di lta ste dper na/ sgyu ma'i skyes bu ni 'di ltar bdag las sgyu ma ni ring ngo / /sgyu ma'i mkhan po ni nye'o/ /skye bo'i tshogs 'di ltar 'dus pa ni bdag las ring ngo zhe 'am/ nye'o zhes bgyi bar mi sems so/ /de ci'i slad du zhe na/ bcom ldan 'das sgyu ma'i skyes bu ni rnam par mi rtog pa'i slad du ste/ bcom ldan 'das de bzhin du byang chub sems dpa' sems dpa' chen po shes rab kyi pha rol tu phyin pa la spyod pa yang 'di ltar bdag las nyan thos sam/ rang sangs rgyas kyi sa ni ring ngo / /bla na med pa yang dag par rdzogs pa'i byang chub ni nye'o zhes bgyi bar mi sems so/ /de ci'i slad du zhe na/ bcom ldan 'das shes rab kyi pha rol du phyin pa rnam par mi rtog pa'i slad du'o/ /bcom ldan 'das 'di lta ste dper na/ gzugs brnyan ni 'di ltar bdag las dmigs pa gang gis gzugs brnyan 'byung ba de ni nye/ gang me long dang snod chus gang ba'i nang du byung ba de ni bdag las ring ngo zhes bgyi bar mi sems so/ /de ci'i slad du zhe na/ bcom ldan</font><hr>32.229b<br><font size=+1>

'das gzugs brnyan rnam par mi rtog pa'i slad du ste/ bcom ldan 'das de bzhin du byang chub sems dpa' sems dpa' chen po shes rab kyi pha rol du phyin pa la spyod pa yang 'di ltar bdag las nyan thos sam/ rang sangs rgyas kyi sa ni ring ngo / /bla na med pa yang dag par rdzogs pa'i byang chub ni nye'o zhes bgyi bar mi sems so/ /de ci'i slad du zhe na/ bcom ldan 'das shes rab kyi pha rol du phyin pa rnam par mi rtog pa'i slad du'o/ /bcom ldan 'das shes rab kyi pha rol du phyin pa la ni sdug pa dang mi sdug pa ma mchis so/ /de ci'i slad du zhe na/  de ni 'di ltar gang gis 'di la sdug pa 'am/ mi sdug par 'gyur ba'i ngo bo nyid mi dmigs pa'i slad du'o/ /bcom ldan 'das 'di lta ste dper na/ de bzhin gshegs pa dgra bcom pa yang dag par rdzogs pa'i sangs rgyas la ni sdug pa 'am mi sdug par 'gyur ba gang yang ma mchis so/ /bcom ldan 'das de bzhin du shes rab kyi pha rol du phyin pa la yang sdug pa 'am mi sdug par 'gyur ba gang yang ma mchis so/ /bcom ldan 'das 'di lta ste dper na/ de bzhin gshegs pa dgra bcom pa yang dag par rdzogs pa'i sangs rgyas ni rnam par rtog pa thams cad spangs pa'o/ /bcom ldan 'das de bzhin du byang chub sems dpa' sems dpa' chen po shes rab kyi pha rol du phyin pa la spyod pa yang rnam par rtog pa thams cad spangs pa ste/ de ci'i slad du zhe na/ bcom ldan 'das shes rab kyi pha rol du phyin pa rnam par mi rtog pa'i slad du'o/ /bcom ldan 'das 'di lta ste dper na/ de bzhin gshegs pa'i sprul pa ni 'di ltar nga las nyan thos sam/ rang sangs rgyas kyi sa ni ring ngo / /bla na med pa yang dag par rdzogs pa'i byang chub ni nye'o zhes bgyi bar mi dgongs so/ /de ci'i slad du zhe na/ bcom ldan 'das de bzhin gshegs pa dang / de bzhin gshegs pa'i sprul pa rnam par mi rtog pa'i slad du ste/ bcom ldan 'das de</font><hr>32.230a<br><font size=+1>

bzhin du byang chub sems dpa' sems dpa' chen po shes rab kyi pha rol du phyin pa la spyod pa yang / 'di ltar bdag las nyan thos kyi sa 'am/ rang sangs rgyas kyi sa ni ring ngo / /bla na med pa yang dag par rdzogs pa'i byang chub ni nye'o zhes bgyi bar mi sems so/ /de ci'i slad du zhe na/ bcom ldan 'das shes rab kyi pha rol du phyin pa rnam par mi rtog pa'i slad du'o/ /bcom ldan 'das 'di lta ste dper na/ de bzhin gshegs pas sprul pa zhig sprul pa mdzad na/ de ni don gang gi slad du sprul pa'i don de sbyor te/ sprul pa ni mi rtog rnam par mi rtog go/ /bcom ldan 'das de bzhin du shes rab kyi pha rol du phyin pa yang don gang gi slad du brjod pa'i don de yang bgyid de/ shes rab kyi pha rol du phyin pa de ni mi rtog rnam par mi rtog pa'o/ /bcom ldan 'das 'di lta ste dper na/ shing mkhan nam/ shing mkhan gyi slob ma mkhas pa zhig gis bud med kyi gzugs sam/ skyes pa'i gzugs sam/ glang po'i gzugs sam/ rta'i gzugs sam/ glang gi gzugs kyi 'khrul 'khor zhig sbyar na/ de don gang gi slad du bgyis pa'i don de bsgrub kyang / 'khrul 'khor de ni rnam par mi rtog go/ /bcom ldan 'das de bzhin du shes rab kyi pha rol du phyin pa yang don gang gi slad du brjod pa'i don de bgyid kyang / shes rab kyi pha rol du phyin pa de ni rnam par mi rtog pa'o/ /de nas tshe dang ldan pa sha ra dwa ti'i bus/ tshe dang ldan pa rab 'byor la 'di skad ces smras so/ /tshe dang ldan pa rab 'byor shes rab kyi pha rol du phyin pa 'ba' shig rnam par mi rtog pa yin nam/ 'on te bsam gtan gyi pha rol tu phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa yang rnam par mi rtog pa yin/ rab 'byor</font><hr>32.230b<br><font size=+1>

gyis smras pa/ tshe dang ldan pa sha ra dwa ti'i bu bsam gtan gyi pha rol du phyin pa yang rnam par mi rtog pa'o/ /brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa yang rnam par mi rtog pa'o/ /smras pa/ tshe dang ldan pa rab 'byor ci gzugs kyang rnam par mi rtog pa yin nam/ tshor ba dang 'du shes dang 'du byed dang / rnam par shes pa yang rnam par mi rtog pa yin nam/ skye mched dang khams dang / rten cing 'brel bar 'byung ba yang rnam par mi rtog pa yin nam/ pha rol du phyin pa rnams kyang rnam par mi rtog pa yin nam/ stong pa nyid thams cad kyang rnam par mi rtog pa yin nam/ byang chub kyi phyogs kyi chos sum bcu rtsa bdun yang rnam par mi rtog pa yin nam/ 'phags pa'i bden pa rnams dang bsam gtan rnams dang / tshad med pa rnam pa dang gzugs med pa'i snyoms par 'jug pa rnams kyang rnam par mi rtog pa yin nam/ rnam par thar pa rnams dang mthar gyis gnas pa'i snyoms par 'jug pa rnams dang / stong pa nyid dang mtshan ma med pa dang smon pa med pa yang rnam par mi rtog pa yin nam/ mngon par shes pa rnams dang / ting nge 'dzin rnams dang / gzungs kyi sgo rnams kyang rnam par mi rtog pa yin nam/ de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams kyang rnam par mi rtog pa yin nam/ rnam pa thams cad mkhyen pa nyid kyi bar yang rnam par mi rtog pa yin nam/ 'dus byas kyi khams dang / 'dus ma byas kyi khams kyang rnam par mi rtog pa yin nam/ rab 'byor gyis smras pa/ tshe dang ldan pa shA ra dwa ti'i bu chos thams cad ni rnam par</font><hr>32.231a<br><font size=+1>

mi rtog pa'o/ /smras pa/ tshe dang ldan pa rab 'byor gal te de ltar chos thams cad rnam par mi rtog pa yin na/ sems can dmyal ba dang / byol song gi skye gnas dang / gshin rje'i 'jig rten dang / lha dang mi 'gro ba lngar 'khor ba zhes tha dad du dbye ba ci las 'ongs/ rgyun du zhugs pa dang lan gcig phyir 'ong ba dang phyir mi 'ong ba dang dgra bcom pa dang / rang sangs rgyas dang byang chub sems dpa' dang sangs rgyas bcom ldan 'das su brjod pa 'ang ci las gyur/ rab 'byor gyis smras pa/ tshe dang ldan pa sha ra dwa ti'i bu sems can gang phyin ci log las byung ba'i lus dang / ngag dang yid kyi las mngon par 'du byed pa de dag 'di lta bu'i skye mched mngon par bsgrubs shing las kyi rnam par smin pa phung po'i gzhi can/ rnam par rtog pa las byung ba yongs su bzung ste/ sems can dmyal ba dang / byol song gi skye gnas dang / gshin rje'i 'jig rten dang / lha dang mi'i 'gro ba mngon par bsgrub bo/ /tshe dang ldan pa sha ra dwa ti'i bu gang khyod kyis 'di skad du rgyun du zhugs par brjod pa ci las gyur/ lan gcig phyir 'ong ba dang phyir mi 'ong ba dang dgra bcom pa nyid dang rang sangs rgyas dang byang chub sems dpa' rnams dang / de bzhin gshegs pa dgra bcom pa yang dag par rdzogs pa'i sangs rgyas su brjod pa ci las gyur ces zer ba ni tshe dang ldan pa sha ra dwa ti'i bu rnam par mi rtog pa las rgyun du zhugs par brjod do/ /rnam par mi rtog pa las rgyun du zhugs pa'i 'bras bur brjod do/ /rnam par mi rtog pa las lan cig phyir 'ong ba dang / phyir mi 'ong ba dang dgra bcom pa nyid du brjod do/ /rnam par mi rtog pa las rang sangs rgyas dang / rang byang chub tu brjod do/ /rnam par mi rtog pa las sangs rgyas su brjod do/ /rnam par mi rtog pa las byang chub tu brjod do/ /</font><hr>32.231b<br><font size=+1>

tshe dang ldan pa shA ra dwa ti'i bu 'das pa'i dus na/ de bzhin gshegs pa dgra bcom pa yang dag par rdzogs pa'i sangs rgyas gang ji snyed cig byung ba'i sangs rgyas bcom ldan 'das de dag kyang rnam par rtog pa mi mnga' zhing rnam par rtog pa spangs par gyur to/ /tshe dang ldan pa sha ra dwa ti'i bu ma 'ongs pa'i dus na de bzhin gshegs pa dgra bcom pa yang dag par rdzogs pa'i sangs rgyas gang ji snyed cig 'byung bar 'gyur ba'i sangs rgyas bcom ldan 'das de dag kyang rnam par rtog pa mi mnga' zhing rnam par rtog pa spangs par 'gyur ro/ /tshe dang ldan pa shA ra dwa ti'i bu da ltar byung ba'i dus na phyogs bcu'i 'jig rten gyi khams su sangs rgyas bcom ldan 'das gang ji snyed cig bla na med pa yang dag par rdzogs pa'i byang chub tu mngon par rdzogs par sangs rgyas pa'i sangs rgyas bcom ldan 'das de dag kyang rnam par rtog pa mi mnga' zhing rnam par rtog pa spangs pa sha stag go/ /de ltar tshe dang ldan pa shA ra dwa ti'i bu/ rnam grangs des chos thams cad rnam par rtog pa med pa'i de bzhin nyid dang / yang dag pa'i mtha'i de bzhin nyid dang / chos kyi dbyings kyi de bzhin nyid brtson par bya ste/ rnam par rtog pa med par rig par bya'o/ /tshe dang ldan pa shA ra dwa ti'i bu byang chub sems dpa' sems dpa' chen pos de ltar rnam par mi rtog pa'i shes rab kyi pha rol du phyin pa la spyad par bya ste/ rnam par mi rtog pa'i shes rab kyi pha rol du phyin pa la spyod pas/ rnam par mi rtog pa'i chos thams cad mngon par rdzogs par 'tshang rgya'o/ /shes rab kyi pha rol du phyin pa stong phrag nyi shu lnga pa las/ le'u bzhi bcu brgyad pa'o// // shes rab kyi pha rol du phyin pa stong phrag nyi shu lnga pa/ bam po lnga bcu drug pa/ de nas tshe dang ldan pa shA ra dwa ti'i bus/ </font><hr>32.232a<br><font size=+1>

tshe dang ldan pa rab 'byor la 'di skad ces smras so/ /kye ma tshe dang ldan pa rab 'byor byang chub sems dpa' sems dpa' chen po gang shes rab kyi pha rol du phyin pa la spyod pa ni snying po la spyod pa'o/ /de skad ces smras pa dang / tshe dang ldan pa rab 'byor gyis/ tshe dang ldan pa shA ra dwa ti'i bu la 'di skad ces smras so/ /kye ma tshe dang ldan pa shA ra dwa ti'i bu byang chub sems dpa' sems dpa' chen po gang shes rab kyi pha rol du phyin pa la spyod pa de ni snying po med pa la spyod pa'o/ /de ci'i phyir zhe na/ tshe dang ldan pa shA ra dwa ti'i bu shes rab kyi pha rol tu phyin pa ni snying po med pa'o/ /bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa ni snying po med pa'o/ /nang stong pa nyid ni snying po med pa'o/ /dngos po med pa'i ngo bo nyid stong pa nyid kyi bar ni snying po med pa'o/ /dran pa nye bar gzhag pa rnams ni snying po med pa'o/ /yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa ni snying po med pa'o/ /sangs rgyas kyi chos ma 'dres pa bcwa brgyad kyi bar ni snying po med pa'o/ /rnam pa thams cad mkhyen pa nyid kyi bar ni snying po med pa'o/ /de ci'i phyir zhe na/ de ni 'di ltar byang chub sems dpa' sems dpa' chen po shes rab kyi pha rol du phyin pa la spyod pas ni snying po med pa nyid kyang mi dmigs shing yang dag par rjes su mi mthong na/ snying po dam pa lta ga la yod/ de nas 'dod pa na spyod pa dang / gzugs yod pa na spyod pa'i lha'i bu shin du mang ba dag 'di snyam du</font><hr>32.232b<br><font size=+1>

gyur te/ rigs kyi bu 'am rigs kyi bu mo gang gis bla na med pa yang dag par rdzogs pa'i byang chub tu sems bskyed pa dang / gang shes rab kyi pha rol tu phyin pa zab mo 'di ji skad du bstan pa 'di la spyod pa dang / don 'di la spyod kyang yang dag pa'i mtha' gang mngon du byas pas/ nyan thos kyi sa 'am/ rang sangs rgyas kyi sa la gnas par 'gyur ba'i yang dag pa'i mtha' mngon du mi byed pa de dag ni phyag bya ba'i gnas te/ rnam grangs des kyang byang chub sems dpa' sems dpa' chen po chos kyi mnyam pa nyid 'di mngon par mi byed pa de dag ni phyag bya bar 'os pa'o/ /de nas tshe dang ldan pa rab 'byor gyis lha'i bu de dag la 'di skad ces smras so/ /lha'i bu dag byang chub sems dpa' sems dpa' chen po de dag la ni chos kyi mnyam pa nyid gang mngon du byas pas/ nyan thos kyi sa 'am/ rang sangs rgyas kyi sa la gnas par 'gyur ba de mngon du mi bya ba de ni mi dka'o// lha'i bu dag sems can tshad med grangs med dpag tu med pa thams cad yongs su mya ngan las bzla'o zhes go cha bgos la/ gang yongs su mya ngan las bzla bar bya ba'i sems can de dag shin du mi dmigs pa ni de dag la de bas dka' ste/ de ltar spyod pa'i byang chub sems dpa' sems dpa' chen po ni sems can thams cad gdul bar bya'o zhes/ bla na med pa yang dag par rdzogs pa'i byang chub tu yang dag par zhugs pa yin te/ gang sems can gdul bar sems pa de ni nam mkha' gdul bar sems pa dang 'dra'o/ /de ci'i phyir zhe na/ nam mkha' dben pa'i phyir sems can dben par blta'o/ /nam mkha' stong pa nyid kyi phyir sems can stong pa nyid du blta'o/ /nam mkha' snying po med pa'i phyir sems can snying po med par blta'o/ /nam mkha' gsog gi phyir sems can gsog tu blta'o/ /lha'i bu dag rnam grangs des na byang</font><hr>32.233a<br><font size=+1>

chub sems dpa' sems dpa' chen po gang sems can med pa rnams kyi don du go cha gyon pa de dag ni dka' ba byed pa ste/ gang sems can rnams kyi don du go cha gyon pa de dag ni nam mkha' dang brtsad par 'dod pa ste/ byang chub sems dpa' sems dpa' chen pos go cha de yang bgos la/ sems can gang gi don du byang chub sems dpa' sems dpa' chen pos go cha bgos pa'i sems can de dag kyang mi dmigs so/ /de ci'i phyir zhe na/ sems can dben pa'i phyir go cha dben par blta'o/ /gal te de ltar bstan pa'i tshe/ byang chub sems dpa' sems dpa' chen po zhum par mi 'gyur na/ byang chub sems dpa' sems dpa' chen po shes rab kyi pha rol du phyin pa la spyod pa yin no/ /de ci'i phyir zhe na/ gzugs dben pa'i phyir sems can dben pa'o/ /tshor ba dang 'du shes dang 'du byed dang rnam par shes pa dben pa'i phyir sems can dben pa'o/ /skye mched dang / khams dang rten cing 'brel par 'byung ba dben pa'i phyir sems can dben pa'o/ /pha rol du phyin pa rnams dang / stong pa nyid thams cad dang / byang chub kyi phyogs kyi chos rnams dben pa'i phyir sems can dben pa'o/ /sangs rgyas kyi chos ma 'dres pa bcwa brgyad kyi bar du dben pa'i phyir sems can dben pa'o/ /rnam pa thams cad mkhyen pa nyid kyi bar du dben pa'i phyir sems can dben pa'o/ /gzugs dben pa'i phyir shes rab kyi pha rol du phyin pa dben pa'o/ /tshor ba dang 'du shes dang 'du byed dang / rnam par shes pa dben pa'i phyir shes rab kyi pha rol du phyin pa dben pa'o/ /skye mched dang khams dang / rten cing 'brel par 'byung ba dben pa'i phyir shes rab kyi pha rol du phyin pa dben pa'o/ /pha rol du phyin pa rnams dang / stong pa nyid thams cad dang / byang chub kyi phyogs kyi chos rnams dben pa'i phyir shes rab kyi pha rol du phyin</font><hr>32.233b<br><font size=+1>

pa dben pa'o/ /sangs rgyas kyi chos ma 'dres pa bcwa brgyad dben pa'i phyir shes rab kyi pha rol du phyin pa dben pa'o/ /rnam pa thams cad mkhyen pa nyid kyi bar du dben pa'i phyir shes rab kyi pha rol du phyin pa dben pa'o/ /lha'i bu dag gal te byang chub sems dpa' sems dpa' chen po chos thams cad dben par bshad pa la sems mi 'jum yongs su zhum par mi 'gyur la/ de'i yid 'jigs par mi 'gyur na byang chub sems dpa' sems dpa' chen po shes rab kyi pha rol du phyin pa la spyod pa'o/ /de nas bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor ci'i phyir byang chub sems dpa' sems dpa' chen po shes rab kyi pha rol du phyin pa la zhum par mi 'gyur ba yin/ gsol pa/ bcom ldan 'das chos thams cad ma mchis pa'i slad du/ byang chub sems dpa' sems dpa' chen po shes rab kyi pha rol du phyin pa la zhum par mi 'gyur ro/ /bcom ldan 'das chos thams cad dben pa dang zhi ba dang ma skyes pa'i slad du/ byang chub sems dpa' sems dpa' chen po shes rab kyi pha rol du phyin pa la zhum par mi 'gyur te/ bcom ldan 'das de'i slad du/ byang chub sems dpa' sems dpa' chen po shes rab kyi pha rol tu phyin pa la zhum par mi 'gyur ro/ /de ci'i slad du zhe na/ bcom ldan 'das de ni 'di ltar gang zhum par 'gyur ba dang / gang gis zhum par 'gyur ba dang / gang la zhum par 'gyur ba'i chos de dag thams cad ni ma mchis pa ste dmigs su ma mchis so/ /bcom ldan 'das gal te byang chub sems dpa' sems dpa' chen po de skad du bshad pa la mi 'jum mi 'gong zhing tshi chad pa dang / sgyid lug par mi 'gyur la/ mi 'jigs mi sngang skrag par mi 'gyur na shes rab kyi pha rol du phyin pa la spyod pa lags so/ /de ci'i slad du zhe na/ bcom ldan 'das de ni 'di ltar gang</font><hr>32.234a<br><font size=+1>

zhum par 'gyur ba 'am gang gis zhum par 'gyur ba 'am/ gang la zhum par 'gyur ba'i chos de dag thams cad ni ma mchis pa ste/ bcom ldan 'das de ltar spyod pa'i byang chub sems dpa' sems dpa' chen po ni dbang po dang bcas tshangs pa dang bcas/ skye dgu'i bdag po dang bcas pa'i lha rnams kyis phyag bya bar 'gyur ro/ /bcom ldan 'das kyis bka' stsal pa/ rab 'byor byang chub sems dpa' sems dpa' chen po gang shes rab kyi pha rol du phyin pa la spyod pa de ni dbang po dang bcas/ tshangs pa dang bcas/ skye dgu'i bdag po dang bcas pa'i lha rnams kyis phyag bya bar yang ma zad de/ gang 'phags pa mngon par 'phags pa'i kha dog dang ldan pa/ dge rgyas dang / 'bras bu che ba dang / gnas gtsang ma'i ris kyi lha rnams kyis kyang shes rab kyi pha rol du phyin pa la de ltar spyod pa'i byang chub sems dpa' sems dpa' chen po de la phyag bya bar 'gyur ro/ /rab 'byor phyogs bcu'i 'jig rten gyi khams na de bzhin gshegs pa dgra bcom pa yang dag par rdzogs pa'i sangs rgyas grangs med tshad med pa gang ji snyed cig bzhugs shing 'tsho skyong ba de dag kyang byang chub sems dpa' sems dpa' chen po shes rab kyi pha rol du phyin pa la spyod pa de la dgongs pa mdzad de/ byang chub sems dpa' sems dpa' chen po shes rab kyi pha rol du phyin pa la spyod pa de ni sbyin pa'i pha rol du phyin pa yongs su rdzogs par byed pa'o/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan kyi pha rol du phyin pa dang / shes rab kyi pha rol du phyin pa yongs su rdzogs par byed pa'o/ /nang stong pa nyid yongs su rdzogs par byed pa'o/ /dngos po med pa'i ngo bo nyid stong pa nyid kyi bar du yongs su rdzogs par byed pa'o/ /byang chub kyi phyogs kyi chos sum bcu rtsa bdun yongs su rdzogs par byed pa'o/ /'phags</font><hr>32.234b<br><font size=+1>

pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams yongs su rdzogs par byed pa'o/ /rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang mtshan ma med pa dang smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams yongs su rdzogs par byed pa'o/ /de bzhin gshegs pa'i stobs bcu dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams yongs su rdzogs par byed pa'o/ /rnam pa thams cad mkhyen pa nyid kyi bar du yongs su rdzogs par byed pa'o zhes bya bar dgongs pa mdzad do/ /rab 'byor byang chub sems dpa' sems dpa' chen po shes rab kyi pha rol du phyin pa la spyod pa gang la/ sangs rgyas bcom ldan 'das rnams kyis dgongs pa mdzad pa'i byang chub sems dpa' sems dpa' chen po de ni sangs rgyas su 'gyur bar zhugs par rig par bya'o/ /rab 'byor gang gA'i klung gi bye ma snyed kyi 'jig rten gyi khams dag na/ sems can gang ji snyed cig yod pa de dag thams cad bdud sdig to can du gyur te/ bdud sdig to can de dag re res kyang de snyed kyi bdud sdig to can mngon par sprul kyang / de dag thams cad kyis byang chub sems dpa' sems dpa' chen po de la bar chad bya bar mi nus so/ /rab 'byor chos gnyis dang ldan pa'i byang chub sems dpa' sems dpa' chen po ni bdud sdig to can rnams kyis mi thub pa yin te/ gnyis gang zhe na/ des chos thams cad stong pa'o zhes bya bar rnam par bltas pa yin/ sems can thams cad kyang yongs su ma btang ba yin te/ rab 'byor chos 'di gnyis dang ldan pa'i byang chub sems dpa' sems dpa' chen po ni bdud sdig to can rnams kyis</font><hr>32.235a<br><font size=+1>

mi thub pa yin no/ /rab 'byor gzhan yang shes rab kyi pha rol du phyin pa la spyod pa'i byang chub sems dpa' sems dpa' chen po chos gnyis dang ldan pa ni bdud sdig to can rnams kyis mi thub pa yin te/ gnyis gang zhe na/ ji skad du smras pa de bzhin du byed pa yin/ sangs rgyas bcom ldan 'das rnams kyis dgongs pa yin te/ rab 'byor shes rab kyi pha rol du phyin pa la spyod pa'i byang chub sems dpa' sems dpa' chen po chos de gnyis dang ldan pa ni bdud sdig to can rnams kyis mi thub pa yin no/ /rab 'byor de ltar spyod pa'i byang chub sems dpa' sems dpa' chen po'i drung du ni lha'i bu rnams kyang 'ong bar sems so/ /bsnyen bkur ba dang yongs su dri ba dang / kun du dri ba yang byed par 'gyur te/ rigs kyi bu khyod sangs rgyas kyi byang chub myur du thob par 'gyur gyis/ de bas na rigs kyi bu khyod kyis 'di lta ste/ stong pa nyid kyis rnam par spyod pa dang / /mtshan ma med pas rnam par spyod pa dang / smon pa med pas rnam par spyod pa de nyid kyis rnam par spyod par gyis shig /de ci'i phyir zhe na/ rigs kyi bu khyod kyis rnam par spyod pa des rnam par spyad pa dang / sems can mgon med pa rnams kyi mgon du 'gyur ro/ /sems can skyabs med pa rnams kyi skyabs su 'gyur ro/ /sems can dpung gnyen med pa rnams kyi dpung gnyen du 'gyur ro/ /sems can gnas med pa rnams kyi gnas su 'gyur ro/ /sems can rten med pa rnams kyi rten du 'gyur ro/ /sems can gling med pa rnams kyi gling du 'gyur ro/ /sems can mun par gyur pa rnams kyi snang bar 'gyur ro zhes de la spro ba skyed par 'gyur ro/ /de ci'i phyir zhe na/ de ni 'di ltar 'jig rten gyi khams tshad med grangs med pa dag na/ sangs rgyas bcom ldan 'das gang ji snyed cig dge slong gi</font><hr>32.235b<br><font size=+1>

dge 'dun gyis yongs su bskor te bzhugs shing 'tsho skyong ba dang / chos ston pa de dag kyang byang chub sems dpa' sems dpa' chen po gang shes rab kyi pha rol du phyin pa la spyod cing / 'di lta ste/ shes rab kyi pha rol du phyin pa'i yon tan de dag dang ldan pa'i byang chub sems dpa' sems dpa' chen po de'i ming dang rigs yongs su brjod pa'i tshul gyis chos ston cing ched du brjod pa ched du brjod pa mdzad de/ rab 'byor 'di lta ste dper na/ nga da ltar byang chub sems dpa' sems dpa' chen po rin chen dpal gyi ming yongs su brjod pa'i tshul gyis chos ston cing ched du brjod pa ched du brjod pa dang / byang chub sems dpa' sems dpa' chen po gtsug phud kyi ming yongs su brjod pa'i tshul gyis chos ston cing ched du brjod pa ched du brjod pa dang / de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i zhabs 'bring na/ tshangs pa'i spyad pa spyod pa shes rab kyi pha rol du phyin pa dang ma bral ba de dag gi ming yongs su brjod pa'i tshul gyis chos ston cing ched du brjod pa ched du brjod pa bzhin no/ /shar phyogs kyi sangs rgyas bcom ldan 'das gang ji snyed cig bzhugs shing 'tsho skyong ba dang / chos ston pa de dag kyang de na byang chub sems dpa' sems dpa' chen po gang ji snyed cig tshangs pa'i spyad pa spyod cing shes rab kyi pha rol du phyin pa dang ma bral ba de dag la spro bar mdzad pa'i tshul gyis chos ston te/ ched du brjod pa yang ched du brjod pa mdzad do/ /lho dang nub dang byang dang / byang shar dang shar lho dang lho nub dang nub byang dang 'og dang steng gi phyogs kyi 'jig rten gyi khams kyi sangs rgyas bcom ldan 'das gang ji snyed cig bzhugs shing 'tsho skyong ba dang / chos ston pa de dag kyang de na byang chub sems dpa' sems dpa' chen po gang ji snyed</font><hr>32.236a<br><font size=+1>

cig tshangs pa'i spyad pa spyod cing shes rab kyi pha rol du phyin pa dang ma bral ba de dag la spro bar mdzad pa'i tshul gyis chos ston te/ ched du brjod pa yang ched du brjod pa mdzad do/ /byang chub sems dpa' sems dpa' chen po sems dang po bskyed pa nas nye bar bzung ste/ thams cad mkhyen pa nyid thob kyi bar du byang chub kyi lam yongs su sbyong ba gang ji snyed cig yod pa de dag la yang / sangs rgyas bcom ldan 'das de dag spro bar mdzad pa'i tshul gyis chos ston te/ ched du brjod pa yang ched du brjod pa mdzad do/ /de ci'i phyir zhe na/ rab 'byor byang chub sems dpa' sems dpa' chen po gang sangs rgyas kyi tshul rgyun mi 'chad pa'i don du zhugs pa de dag ni dka' ba byed pa'o/ /gsol pa/ bcom ldan 'das sangs rgyas bcom ldan 'das de dag byang chub sems dpa' sems dpa' chen po slar ldog pa 'am/ slar mi ldog pa 'am/ gang gi ming yongs su brjod pa'i tshul gyis chos ston pa mdzad/ bcom ldan 'das kyis bka' stsal pa/ rab 'byor byang chub sems dpa' sems dpa' chen po ni phyir myi ldog pa las/ shes rab kyi pha rol du phyin pa la spyod pa yang yod/ byang chub sems dpa' sems dpa' chen po ni lung ma bstan pa las/ shes rab kyi pha rol du phyin pa la spyod pa yang yod de/ de dag la sangs rgyas bcom ldan 'das de dag spro bar mdzad pa'i tshul gyis chos ston cing ched du brjod pa yang ched du brjod pa mdzad do/ /gsol pa/ bcom ldan 'das de dag gang lags/ bcom ldan 'das kyis bka' stsal pa/ rab 'byor byang chub sems dpa' sems dpa' sems dpa' chen po gang byang chub sems dpa'i spyad pa spyod pa'i tshe/ de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i rjes su slob pa'i tshul gyis rnam par spyod pa de dag la sangs rgyas bcom ldan 'das de dag spro bar mdzad pa'i tshul</font><hr>32.236b<br><font size=+1>

gyis chos ston cing ched du brjod pa yang ched du brjod pa mdzad do/ /rab 'byor gang byang chub sems dpa' sems dpa' chen po rin chen dpal gyi rjes su slob pa'i tshul gyis byang chub sems dpa'i spyad pa spyod pa de dag la yang / sangs rgyas bcom ldan 'das de dag spro bar mdzad pa'i tshul gyis chos ston cing ched du brjod pa yang ched du brjod pa mdzad do/ /rab 'byor gzhan yang byang chub sems dpa' sems dpa' chen po gang shes rab kyi pha rol du phyin pa la spyod cing chos thams cad skye ba med par mos kyang mi skye ba'i chos la bzod pa ma thob pa/ chos thams cad stong pa'o zhes bya ba dang / chos thams cad zhi ba'o zhes bya ba dang / chos thams cad gsog gsob ste rag lus pa'o zhes bya ba dang / snying po med pa'o zhes bya bar mos kyang / mi skye ba'i chos la bzod pa ma thob pa de dag la yang sangs rgyas bcom ldan 'das de dag spro bar mdzad pa'i tshul gyis chos ston cing ched du brjod pa yang ched du brjod pa mdzad do/ /rab 'byor byang chub sems dpa' sems dpa' chen po gang la sangs rgyas bcom ldan 'das rnams ming yongs su brjod pa'i tshul gyis chos ston cing ched du brjod pa yang ched du brjod pa mdzad pa'i byang chub sems dpa' sems dpa' chen po de dag gis ni nyan thos kyi sa dang rang sangs rgyas kyi sa spangs pa yin te/ bla na med pa yang dag par rdzogs pa'i byang chub tu yang lung bstan pa yin/ rab 'byor byang chub sems dpa' sems dpa' chen po shes rab kyi pha rol du phyin pa la spyod pa gang la/ sangs rgyas bcom ldan 'das rnams ming yongs su brjod pa'i tshul gyis chos ston cing ched du brjod pa yang ched du brjod pa mdzad pa'i byang chub sems dpa' sems dpa' chen po de ni phyir mi ldog pa nyid la gnas par 'gyur te/ de la gnas pas rnam pa thams cad mkhyen pa nyid thob</font><hr>32.237a<br><font size=+1>

par 'gyur ro/ /rab 'byor gzhan yang byang chub sems dpa' sems dpa' chen po shes rab kyi pha rol tu phyin pa zab mo bshad pa thos na/ 'di ni de bzhin gshegs pa dgra bcom pa yang dag par rdzogs pa'i sangs rgyas kyis ji ltar bshad pa de bzhin no zhes nem nur med cing the tshom mi za la rmongs par mi 'gyur na/ des ni phyis kyang rgya cher de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa dang / byang chub sems dpa'i theg pa pa'i rigs kyi bu de dag las thos par 'gyur te/ byang chub sems dpa'i theg pa pa'i rigs kyi bu de yang shes rab kyi pha rol du phyin pa 'di la mos shing shes rab kyi pha rol du phyin pa zab mo 'di de bzhin gshegs pas ji skad du bstan pa de bzhin du mos pas phyir mi ldog pa nyid la gnas par 'gyur te/ rab 'byor de ltar byang chub sems dpa' sems dpa' chen pos shes rab kyi pha rol du phyin pa 'di thos pa ni phan pa mang por 'gyur ba yin te/ gang gis thos shing mos nas de bzhin nyid du gnas pa dang / de bzhin nyid du nan tan byed pa de dag ni smos kyang mi smos te/ de dag de bzhin nyid la gnas/ de bzhin nyid la nan tan du byas nas rnam pa thams cad mkhyen pa nyid la gnas par 'gyur ro/ /gsol pa/ bcom ldan 'das de bzhin nyid du gnas nas de bzhin nyid du nan tan bgyis te chos gang yang ma dmigs na/ de ji ltar rnam pa thams cad mkhyen pa nyid la gnas par 'gyur ba lags/ bcom ldan 'das de ltar de bzhin nyid la ma gtogs pa'i chos kyang gang yang mi dmigs na/ su zhig de bzhin nyid la gnas par 'gyur/ su zhig de bzhin nyid la gnas nas bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur/ su zhig de bzhin nyid la gnas shing chos ston</font><hr>32.237b<br><font size=+1>

par 'gyur/ de bzhin nyid kyang dmigs su ma mchis na/ de bzhin nyid la gnas par 'gyur ba dang / de bzhin nyid la gnas te bla na med pa yang dag par rdzogs pa'i byang chub tu mngon par rdzogs par 'tshang rgya ba dang / de bzhin nyid la gnas shing chos ston par 'gyur ba lta ci smos te de ni gnas ma mchis so/ /bcom ldan 'das kyis bka' stsal pa/ rab 'byor gang khyod 'di skad du gang de bzhin nyid la gnas pa dang / de bzhin nyid la gnas te bla na med pa yang dag par rdzogs pa'i byang chub tu mngon par rdzogs par 'tshang rgya ba dang / de bzhin nyid la gnas shing chos ston par 'gyur ba de lta bu'i chos gang yang de bzhin nyid la ma gtogs par gzhan dmigs su med de de bzhin nyid kyang dmigs su med na/ de bzhin nyid la gnas par 'gyur ba dang / de bzhin nyid la gnas te bla na med pa yang dag par rdzogs pa'i byang chub tu mngon par rdzogs par 'tshang rgya ba dang / de bzhin nyid la gnas shing chos ston par 'gyur ba lta ci smos te/ de ni gnas med do zhes zer ba ni/ rab 'byor de de bzhin no/ /de de bzhin te ji skad du smras pa de bzhin no/ /rab 'byor gang de bzhin nyid la gnas pa dang / gang de bzhin nyid la gnas te/ bla na med pa yang dag par rdzogs pa'i byang chub tu mngon par rdzogs par 'tshang rgya ba dang / gang de bzhin nyid la gnas shing chos ston par 'gyur ba de lta bu'i chos gang yang de bzhin nyid la ma gtogs par gzhan yang dmigs su med de/ de bzhin nyid kyang dmigs su med na/ gang de bzhin nyid la gnas par 'gyur ba dang / de bzhin nyid la gnas te/ bla na med pa yang dag par rdzogs pa'i byang chub tu mngon par rdzogs par 'tshang rgya ba dang / de bzhin nyid la gnas shing chos ston par 'gyur ba lta ci smos te de ni gnas med do/ /de ci'i phyir zhe na/ rab 'byor de bzhin gshegs pa rnams byung yang rung / de bzhin gshegs pa rnams ma byung yang rung ste/ </font><hr>32.238a<br><font size=+1>

chos rnams kyi de bzhin nyid dang / ma nor ba de bzhin nyid dang / gzhan ma yin pa de bzhin nyid dang / chos nyid de ni gnas pa'o/ /chos rnams kyi chos kyi dbyings dang / chos kyi gnas nyid dang / chos skyon med pa nyid dang / yang dag pa'i mtha' de ni gnas pa ste/ rab 'byor de bzhin nyid 'di la ni gang yang gnas par 'gyur ba med de/ de la gnas shing bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ba su yang med na/ de la gnas shing chos ston par 'gyur ba lta ci smos te de ni gnas med do/ /de nas lha'i dbang po brgya byin gyis bcom ldan 'das la 'di skad ces gsol to/ /bcom ldan 'das shes rab kyi pha rol du phyin pa 'di ni zab pa ste/ bcom ldan 'das byang chub sems dpa' sems dpa' chen po gang bla na med pa yang dag par rdzogs pa'i byang chub tu mngon par rdzogs par 'tshang rgya bar 'tshal ba de dag ni dka' ba bgyid pa'o/ /de ci'i phyir zhe na/ bcom ldan 'das chos gang yang dmigs su ma mchis te/ su yang de bzhin nyid la gnas pa ma mchis la/ bla na med pa yang dag par rdzogs pa'i byang chub tu mngon par rdzogs par 'tshang rgya ba yang gang yang ma mchis te/ chos ston pa yang gang yang ma mchis la des zhum par yang mi 'gyur zhing de dag la nem nur du mi 'gyur ba 'am/ rmongs par 'gyur bar ma mchis pa ni dka' ba bgyid pa'o/ /de nas gnas brtan rab 'byor gyis/ lha'i dbang po brgya byin la 'di skad ces smras so/ /kau shi ka gang khyod kyis 'di skad du bcom ldan 'das byang chub sems dpa' sems dpa' chen po gang chos zab mo 'di dag la nem nur du mi 'gyur/ rmongs par mi 'gyur ba ni dka' ba bgyid pa'o zhes gsol pa ni/ kai shi ka chos thams cad stong pa nyid yin na/ de la nem nur du 'gyur ba 'am/ rmongs par 'gyur ba lta su zhig yod/ </font><hr>32.238b<br><font size=+1>

brgya byin gyis smras pa/ gnas brtan rab 'byor ni gang ci ston kyang de thams cad stong pa nyid brtsams shing ston te/ ci la yang chags pa med do/ /'di lta ste dper na/ bar snang la 'phangs pa'i mda' ni ci la yang chags pa med do/ /de bzhin du gnas brtan rab 'byor gyis chos bstan par yang ci la yang chags pa med do/ /shes rab kyi pha rol du phyin pa stong phrag nyi shu lnga pa las/ le'u bzhi bcu dgu'o// //de nas lha'i dbang po brgya byin gyis bcom ldan 'das la 'di skad ces gsol to/ /bcom ldan 'das ci lags/ bdag gis de skad du gsol te/ de skad du brjod pas/ bcom ldan 'das kyis gsungs pa'i rjes su brjod pa dang / chos su brjod cing chos su gnyer ba'i chos nyid yang dag par lung bstan pas lung bstan par 'gyur ba lags sam/ bcom ldan 'das kyis bka' stsal pa/ kau shi ka gang khyod kyis de skad du smras te de skad du brjod pas de bzhin gshegs pas gsungs pa'i rjes su brjod pa dang / chos su brjod cing chos kyis gnyer ba'i chos nyid lung bstan par 'gyur ro/ /brgya byin gyis gsol pa/ bcom ldan 'das gnas brtan rab 'byor 'dis ci dang ci spobs pa de thams cad stong pa nyid brtsams shing spobs/ mtshan ma ma mchis pa nyid brtsams shing spobs/ smon pa ma mchis pa nyid brtsams shing spobs pa dang / sbyin pa'i pha rol du phyin pa nyid brtsams shing spobs/ tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa nyid brtsams shing spobs pa dang / nang stong pa nyid dang / dngos po med pa'i ngo bo nyid stong</font><hr>32.239a<br><font size=+1>

pa nyid kyi bar du brtsams shing spobs pa dang / dran pa nye bar gzhag pa rnams brtsams shing spobs pa dang / yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa brtsams shing spobs pa dang / 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams brtsams shing spobs pa dang / rnam par thar pa rnams dang / mthar gyis gnas pa'i snyoms par 'jug pa rnams dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang gzungs kyi sgo rnams brtsams shing spobs pa dang / de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams brtsams shing spobs pa dang / rnam pa thams cad mkhyen pa nyid kyi bar du brtsams shing spobs pa ni ngo mtshar che'o/ /bcom ldan 'das kyis bka' stsal pa/ kau shi ka gnas brtan rab 'byor stong pa nyid la rnam par spyod pas/ sbyin pa'i pha rol du phyin pa nyid kyang mi dmigs na/ gang sbyin pa'i pha rol du phyin pa la spyod pa lta ci smos/ tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa nyid kyang mi dmigs na/ gang shes rab kyi pha rol du phyin pa la spyod pa lta ci smos/ nang stong pa nyid kyang mi dmigs na/ gang nang stong pa nyid la bsgom pa lta ci smos/ dngos po med pa'i ngo bo nyid stong pa nyid kyi bar yang mi dmigs na/ gang</font><hr>32.239b<br><font size=+1>

dngos po med pa'i ngo bo nyid stong pa nyid la bsgom pa lta ci smos/ dran pa nye bar gzhag pa rnams kyang mi dmigs na/ gang dran pa nye bar gzhag pa rnams la bsgom pa lta ci smos/ yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa yang mi dmigs na/ gang 'phags pa'i lam yan lag brgyad pa la spyod pa lta ci smos/ 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams kyang mi dmigs na/ gang gzugs med pa'i snyoms par 'jug pa rnams la bsgom pa lta ci smos/ rnam par thar pa rnams dang / mthar gyis gnas pa'i snyoms par 'jug pa rnams dang / stong pa nyid dang mtshan ma med pa dang smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams kyang mi dmigs na/ gang gzungs kyi sgo rnams la bsgom pa lta ci smos/ de bzhin gshegs pa'i stobs rnams kyang mi dmigs na/ gang de bzhin gshegs pa'i stobs rnams mngon par bsgrub pa lta ci smos/ mi 'jigs pa rnams kyang mi dmigs na/ gang mi 'jigs pa rnams mngon par bsgrub pa lta ci smos/ so so yang dag par rig pa rnams kyang mi dmigs na/ gang so so yang dag par rig pa rnams mngon par bsgrub pa lta ci smos/ snying rje chen po nyid kyang mi dmigs na/ gang snying rje chen po la rnam par spyod pa lta ci smos/ sangs rgyas kyi chos ma 'dres pa rnams kyang mi dmigs na/ gang sangs rgyas kyi chos ma 'dres pa rnams mngon par bsgrub pa lta ci smos/ byang chub kyi yan lag rnams kyang mi dmigs na/ gang byang chub mngon par</font><hr>32.240a<br><font size=+1>

rdzogs par 'tshang rgya ba lta ci smos/ rnam pa thams cad mkhyen pa nyid kyang mi dmigs na/ gang rnam pa thams cad mkhyen pa nyid rjes su 'thob pa lta ci smos/ de bzhin gshegs pa nyid kyang mi dmigs na/ gang de bzhin gshegs par 'gyur ba lta ci smos/ ma skyes pa nyid kyang mi dmigs na/ gang ma skyes pa mngon par 'du byed pa lta ci smos/ mtshan rnams kyang mi dmigs na/ gang gi lus la mtshan yod par 'gyur ba lta ci smos/ dpe byad rnams kyang mi dmigs na/ gang gi lus la dpe byad yod par 'gyur ba lta ci smos/ de ci'i phyir zhe na/ kau shi ka gnas brtan rab 'byor ni chos thams cad dben pa la rnam par spyod pa ste/ dmigs su med pa la rnam par spyod pa/ stong pa nyid la rnam par spyod pa/ mtshan ma med pa la rnam par spyod pa/ smon pa med pa la rnam par spyod pa ste kau shi ka gnas brtan rab 'byor gyi rnam par spyod pa gang yin pa des ni/ byang chub sems dpa' sems dpa' chen po shes rab kyi pha rol du phyin pa la rnam par spyod pa dang / shes rab kyi pha rol du phyin pa la rnam par spyod pa'i rnam par spyod pa la brgya'i char yang nye bar mi 'gro/ stong gi cha dang / brgya phrag stong gi cha dang / bye ba khrag khrig brgya phrag stong gi bar gyi char yang nye bar mi 'gro/ grangs dang cha dang bgrang ba dang / dpe dang rgyur yang mi bzod do/ /de ci'i phyir zhe na/ de bzhin gshegs pa'i rnam par spyod pa'i rnam par spyod pa ma gtogs par byang chub sems dpa' sems dpa' chen po/ shes rab kyi pha rol du phyin pa la spyod pa'i rnam par spyod pa gang yin pa dang / nyan thos rnams kyi rnam par spyod pa gang yin pa dang / rang sangs rgyas rnams kyi rnam par spyod pa gang yin pa'i rnam par spyod pa de dag las byang chub sems dpa' sems dpa' chen po shes rab kyi pha rol du phyin pa la spyod pa'i rnam par</font><hr>32.240b<br><font size=+1>

spyod pa 'di nyid mchog ces bya'o/ /rab ces bya'o/ /phul zhes bya'o/ /dam pa zhes bya'o/ /gya nom pa zhes bya'o/ /bla na med pa gong na med pa/ mnyam pa med pa/ mi mnyam pa dang mnyam pa zhes bya'o/ /kau shi ka de bas na byang chub sems dpa' sems dpa' chen po sems can thams cad kyi mchog tu 'gyur bar 'dod pas/ 'di lta ste/ shes rab kyi pha rol du phyin pa'i rnam par spyod pa 'di nyid kyis rnam par spyad par bya'o/ /de ci'i phyir zhe na/ kau shi ka shes rab kyi pha rol du phyin pa 'di la spyod pa'i byang chub sems dpa' sems dpa' chen po ni nyan thos dang / rang sangs rgyas kyi sa las 'das te/ byang chub sems dpa'i skyon med par 'jug go/ /byang chub sems dpa'i skyon med par zhugs nas/ sangs rgyas kyi chos rnams yongs su rdzogs par byed par 'gyur ro/ /sangs rgyas kyi chos rnams yongs su rdzogs par byas nas/ rnam pa thams cad mkhyen pa nyid kyi ye shes rjes su 'thob par 'gyur ro/ /rnam pa thams cad mkhyen pa nyid kyi ye shes rjes su thob nas/ bag chags kyi mtshams sbyor ba'i nyon mongs pa thams cad spangs pa'i de bzhin gshegs pa dgra bcom pa yang dag par rdzogs pa'i sangs rgyas su 'gyur ro/ /de nas 'khor de'i nang nas sum bcu rtsa gsum gyi lha rnams me tog man dA ra ba mang po thogs te/ bcom ldan 'das la gtor to/ /mngon par gtor to/ /rab tu gtor to/ /dge slong brgya drug bcu tsam yang stan las langs nas/ chos gos phrag pa gcig la gzar te/ pus mo g.yas pa'i lha nga sa la btsugs nas/ bcom ldan 'das gang na ba de logs su thal mo sbyar ba btud nas/ bcom ldan 'das la mig mi 'dzums par lta zhing phyag 'tshal lo/ /dge slong de dag gis thal mo sbyar te btud pa'i tshe/ sangs rgyas kyi mthus snyim pa me tog man</font><hr>32.241a<br><font size=+1>

dA ra bas gang bar gyur nas/ me tog man dA ra ba de dag gis de bzhin gshegs pa dgra bcom pa yang dag par rdzogs pa'i sangs rgyas la gtor to/ /mngon par gtor to/ /rab tu gtor to/ /de ltar 'thor zhing mngon par 'thor ba dang / rab tu 'thor ba de'i tshe tshig 'di skad ces brjod de/ bcom ldan 'das dge ba'i rtsa ba 'dis nyan thos dang / rang sangs rgyas thams cad kyi spyod yul ma lags pa'i rnam par spyod pa dam pas/ bdag cag rnam par spyod par gyur cig ces smras pa dang / de nas bcom ldan 'das kyis dge slong de dag gi bsam pa thugs su chud de/ de'i tshe 'dzum pa mdzad do/ /sangs rgyas bcom ldan 'das rnams kyi chos nyid kyis kyang de ste/ de ltar 'dzum pa mdzad pa'i tshe/ bcom ldan 'das kyis zhal gyi sgo nas/ 'di lta ste/ 'od zer sngon po dang / ser po dang dmar po dang dkar po dang leb rgan dang / shel dang dngul gyi kha dog lta bu rnam pa sna tshogs byung ste/ de dag gis stong gsum gyi stong chen po'i 'jig rten gyi khams snang bas rgyas par bkang nas phyir 'dus te/ bcom ldan 'das la lan gsum du g.yas phyogs su bskor ba byas nas/ bcom ldan 'das kyi dbu'i gtsug tu nub bo/ /de nas tshe dang ldan pa dga' bo stan las langs nas/ bla gos phrag pa gcig tu byas te/ pus mo g.yas pa'i lha nga sa la btsugs nas/ bcom ldan 'das ga la ba de logs su thal mo sbyar bas btud de/ bcom ldan 'das la 'di skad ces gsol to/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rnams ni rgyu dang rkyen ma mchis par 'dzum pa mi mdzad na/ ci'i rgyu ci'i rkyen gyis 'dzum pa mdzad/ de skad ces gsol pa dang / </font><hr>32.241b<br><font size=+1>

bcom ldan 'das kyis tshe dang ldan pa dga' bo la 'di skad ces bka' stsal to/ /dga' bo dge slong brgya drug bcu bo 'di dag bskal pa dpe skar ma lta bu la/ bla na med pa yang dag par rdzogs pa'i byang chub tu mngon par rdzogs par 'tshang rgya ste/ me tog sil ma zhes bya ba'i de bzhin gshegs pa dgra bcom pa yang dag par rdzogs pa'i sangs rgyas sha stag 'jig rten du 'byung bar 'gyur ro/ /dga' bo me tog sil ma zhes bya ba'i de bzhin gshegs pa dgra bcom pa yang dag par rdzogs pa'i sangs rgyas de dag gi dge slong gi dge 'dun mtshungs par 'gyur/ sangs rgyas kyi zhing mtshungs par 'gyur/ tshe'i tshad kyang 'di lta ste/ lo stong du mtshungs par 'gyur te/ de dag gang dang gang nas mngon par 'byung bar 'gyur ba dang / mngon par byung nas rab tu 'byung ba dang / rab tu byung nas bla na med pa yang dag par rdzogs pa'i byang chub tu mngon par rdzogs par 'tshang rgya ba de dang de dag tu me tog kha dog rnam pa lnga dang ldan pa'i me tog gi char mngon par 'bab par 'gyur ro/ /dga' bo de bas na byang chub sems dpa' sems dpa' chen po rnam par spyod pa'i dam pas rnam par spyod par 'dod pas/ shes rab kyi pha rol du phyin pa 'di la spyad par bya'o/ /byang chub sems dpa' sems dpa' chen po de bzhin gshegs pa'i rnam par spyod pas rnam par spyod par 'dod pas/ shes rab kyi pha rol du phyin pa la spyad par bya'o/ /dga' bo rigs kyi bu 'am/ rigs kyi bu mo gang shes rab kyi pha rol du phyin pa zab mo 'di la spyod pa'i rigs kyi bu dang / rigs kyi bu mo des 'di ltar bdag ni mi'i nang nas shi 'phos nas 'dir skyes pa 'am/ dga' ldan gyi lha'i ris nas shi 'phos nas 'dir skyes pa ste/ mi'i nang du shes rab kyi pha rol du phyin pa zab mo 'di rgya cher thos pa 'am/ </font><hr>32.242a<br><font size=+1>

dga' ldan gyi lha'i ris su shes rab kyi pha rol du phyin pa zab mo 'di rgya cher thos pa'o zhes bya bar rtogs par rig par bya'o/ /dga' bo byang chub sems dpa' sems dpa' chen po gang shes rab kyi pha rol du phyin pa zab mo 'di la spyod pa de dag de bzhin gshegs pas rnam par gzigs par blta ste/ dga' bo rigs kyi bu 'am rigs kyi bu mo la la zhig shes rab kyi pha rol du phyin pa zab mo 'di nyan pa dang / thos nas 'dzin pa dang / 'chang ba dang klog pa dang kun chub par byed pa dang tshul bzhin du yid la byed pa dang / gang zag byang chub sems dpa'i theg pa pa rnams la shes rab kyi pha rol du phyin pa zab mo 'di ston cing rjes su 'doms pa'i gang zag byang chub sems dpa'i theg pa pa des/ bdag gis de bzhin gshegs pa dgra bcom pa yang dag par rdzogs pa'i sangs rgyas rnams las/ shes rab kyi pha rol du phyin pa zab mo 'di thos par gyur/ bzung ba dang / bcangs pa dang blags pa dang kun chub par byas par gyur te/ de bzhin gshegs pa dgra bcom pa yang dag par rdzogs pa'i sangs rgyas de dag la yang dge ba'i rtsa ba mang po bskyed par gyur to zhes bya bar rtogs par rig par bya ste/ dga' bo rigs kyi bu 'am/ rigs kyi bu mo des bdag gis ni nyan thos rnams la dge ba'i rtsa ba ma bskyed/ nyan thos rnams las shes rab kyi pha rol du phyin pa zab mo 'di thos pa ma yin no zhes bya bar rig par bya'o/ /dga' bo rigs kyi bu 'am/ rigs kyi bu mo gang la la shes rab kyi pha rol du phyin pa zab mo 'di 'dzin pa dang / 'chang ba dang klog pa dang / kun chub par byed pa dang / don dang chos dang / yi ge dang 'thun par khong du chud par byed na/ dga' bo rigs kyi bu 'am/ rigs kyi bu mo des bdag la ni de bzhin gshegs pa dgra bcom pa yang dag par rdzogs</font><hr>32.242b<br><font size=+1>

pa'i sangs rgyas mngon du gyur to zhes bya bar rtogs par rig par bya'o/ /dga' bo rigs kyi bu 'am rigs kyi bu mo gang la la shes rab kyi pha rol du phyin pa zab mo 'di bstan pa thos na/ phyir mi zlog cing ngan du mi brjod la thos nas kyang mos pa thob par 'gyur na/ dga' bo rigs kyi bu 'am/ rigs kyi bu mo de ni sngon gyi rgyal ba la bya ba byas pa/ dge ba'i rtsa ba bskyed pa/ dge ba'i gshes gnyen gyis yongs su bzung bar rig par bya'o/ /dga' bo rigs kyi bu 'am/ rigs kyi bu mo gang la las de bzhin gshegs pa dgra bcom pa yang dag par rdzogs pa'i sangs rgyas rnams la dge ba'i rtsa ba bskyed pa lta yang mi slu ste/ nyan thos sam/ rang sangs rgyas sam/ sangs rgyas su 'gyur mod kyi/ 'on kyang dga' bo byang chub sems dpa' sems dpa' chen po/ sbyin pa'i pha rol du phyin pa la spyod pa dang / tshul khrims kyi pha rol du phyin pa la spyod pa dang / bzod pa'i pha rol du phyin pa la spyod pa dang / brtson 'grus kyi pha rol du phyin pa la spyod pa dang / bsam gtan gyi pha rol du phyin pa la spyod pa dang / shes rab kyi pha rol du phyin pa la spyod pa dang / stong pa nyid thams cad dang / byang chub kyi phyogs kyi chos sum bcu rtsa bdun dang / 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa rnams dang / mthar gyis gnas pa'i snyoms par 'jug pa rnams dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs rnams dang mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa bcwa brgyad la spyod pa dang / rnam pa thams cad mkhyen pa nyid kyi bar la spyod pas ni shin du rtogs par bya ste/ </font><hr>32.243a<br><font size=+1>

shin du rtogs pa'i byang chub sems dpa' sems dpa' chen po sbyin pa'i pha rol du phyin pa la spyod pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la spyod pa dang / nang stong pa nyid la spyod pa dang / dngos po med pa'i ngo bo nyid stong pa nyid kyi bar la spyod pa dang / dran pa nye bar gzhag pa rnams la spyod pa dang / yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa la spyod pa dang / sangs rgyas kyi chos ma 'dres pa bcwa brgyad kyi bar la spyod pa dang / rnam pa thams cad mkhyen pa nyid kyi bar la spyod pa ni nyan thos sam/ rang sangs rgyas su mi 'gyur ro/ /dga' bo de bas na shes rab kyi pha rol du phyin pa zab mo 'di khyod la gtad de/ dga' bo gal te khyod kyis/ ngas chos gang ji snyed cig bshad pa las/ shes rab kyi pha rol du phyin pa ma gtogs par ngas chos bstan pa de dag thams cad bzung ste/ kun chub par byas nas/ de'i 'og tu chud gsan te bor yang de tsam gyis dga' bo khyod la skyon du ngas mi brtsi'i/ dga' bo gal te khyod kyis shes rab kyi pha rol du phyin pa zab mo 'di bzung ste/ kun chub par byas nas/ de'i 'og tu chud gsan tam/ bor bar gyur na des ni/ dga' bo khyod la ngas skyon du gzung ngo / /dga' bo de bas na shes rab kyi pha rol du phyin pa zab mo 'di khyod la gtad kyis/ ci nas kyang gzung ba dang / bcang ba dang / klag pa dang / kun chub par bya ba dang / shin du yid la gzung bar gyis shig /</font><hr>32.243b<br><font size=+1>

legs par yongs su zin pa dang / legs par kun chub pa dang / legs par bcang bar gyis shig /yi ge dang / tshig dang / 'bru shin du rdzogs pa dang / nges pa'i tshig shin du legs par zin par bya'o/ /dga' bo rigs kyi bu 'am/ rigs kyi bu mo gang la la shes rab kyi pha rol du phyin pa zab mo 'di 'dzin pa dang / 'chang ba dang / klog pa dang / kun chub par byed pa des ni/ 'das pa dang / ma byon pa dang / da ltar byung ba'i sangs rgyas bcom ldan 'das kyi byang chub bzung bar 'gyur ro/ /dga' bo rigs kyi bu 'am/ rigs kyi bu mo gang la la shes rab kyi pha rol du phyin pa zab mo 'di 'dzin pa des ni/ 'das pa dang / ma byon pa dang / da ltar byung ba'i sangs rgyas bcom ldan 'das kyi byang chub 'thun par yongs su bzung bar 'gyur ro/ /dga' bo mngon du gyur par nga la gang me tog dang / phreng ba dang / spos dang / byug pa dang / phye ma dang / na bza' dang / gdugs dang / rgyal mtshan dang / ba dan gyis rim gror bya ba dang / bkur stir bya ba dang / sti stang du bya ba dang / mchod par bya bar 'dod pa des/ shes rab kyi pha rol du phyin pa zab mo 'di gzung bar bya/ bcang bar bya/ klag par bya/ kun chub par bya'o/ /shes rab kyi pha rol du phyin pa zab mo 'di bzung ste/ bcangs nas blags shing / kun chub par bya ste/ me tog dang / phreng ba dang / spos dang / byug pa dang / phye ma dang / na bza' dang / gdugs dang / rgyal mtshan dang / ba dan gyis rim gror bya/ bkur stir bya/ sti stang du bya/ mchod par bya'o/ /shes rab kyi pha rol du phyin pa la rim gro dang / bkur sti dang sti stang dang / mchod pa byas na des ni nga yang mchod par 'gyur/ 'das pa dang / ma</font><hr>32.244a<br><font size=+1>

byon pa dang da ltar byung ba'i sangs rgyas bcom ldan 'das rnams kyang mchod par 'gyur ro/ /dga' bo gang la la shes rab kyi pha rol du phyin pa zab mo 'di bstan pa la rim gro dang dga' ba dang mos pa bskyed pa des ni/ 'das pa dang ma byon pa dang da ltar byung ba'i sangs rgyas bcom ldan 'das rnams la rim gro dang / dga' ba dang mos pa bskyed par 'gyur ro/ /dga' bo gal te khyod la nga sdug cing yid du 'ong bas yongs su ma btang zhe na/ dga' bo khyod kyis shes rab kyi pha rol du phyin pa 'di sdug pa dang yid du 'ong ba dang / yongs su mi gtong ba gyis shig /ci nas kyang shes rab kyi pha rol du phyin pa zab mo 'di las tshig 'ga' yang khyod kyis chud ma zos par gyis shig /dga' bo ngas shes rab kyi pha rol du phyin pa zab mo 'di gtad par brtsams te/ khyod la shin tu mang du bstan pa yang mdor na/ dga' bo khyod la nga ji ltar ston par gyur pa de bzhin du shes rab kyi pha rol tu phyin pa 'di yang khyod kyi ston pa yin gyi/ dga' bo de bas na ngas khyod la tshad med par gtad pas shes rab kyi pha rol du phyin pa zab mo 'di yongs su gtad de/ dga' bo de bas na lha dang mi dang lha ma yin du bcas pa'i 'jig rten gyi mdun du brjod de/ sus sangs rgyas yongs su ma btang ba dang / chos yongs su ma btang ba dang / dge 'dun yongs su ma btang ba dang / 'das pa dang ma byon pa dang da ltar byung ba'i sangs rgyas bcom ldan 'das rnams yongs su ma btang ba dang / 'das pa dang ma byon pa dang da ltar byung ba'i sangs rgyas bcom ldan 'das rnams kyi byang chub yongs su ma btang ba des/ shes rab kyi pha rol tu phyin pa 'di yongs su btang bar mi bya ste/ 'di ni nga'i gdams ngag go/ /dga' bo rigs kyi bu 'am rigs kyi bu mo gang la</font><hr>32.244b<br><font size=+1>

la shes rab kyi pha rol du phyin pa zab mo 'di 'dzin pa dang / 'chang ba dang klog pa dang / 'phel bar byed pa dang kun chub par byed pa dang / tshul bzhin du yid la byed pa dang / gzhan la yang shes rab kyi pha rol du phyin pa zab mo 'di rnam grangs du mar rgya cher 'chad pa dang / ston pa dang rab tu ston pa dang / shes par byed pa dang / rab tu gzhog pa dang / 'grel pa dang rnam par 'byed pa dang / gsal bar byed pa dang / yang dag par ston pa'i rigs kyi bu dang rigs kyi bu mo de ni myur du bla na med pa yang dag par rdzogs pa'i byang chub tu mngon par rdzogs par 'tshang rgya ste/ rnam pa thams cad mkhyen pa nyid dang nye bar gyur pa yin/ de ci'i phyir zhe na/ dga' bo shes rab kyi pha rol tu phyin pa las byung ba ni/ sangs rgyas bcom ldan 'das rnams kyi bla na med pa yang dag par rdzogs pa'i byang chub ste/ dga' bo 'das pa'i dus kyi de bzhin gshegs pa dgra bcom pa yang dag par rdzogs pa'i sangs rgyas gang ji snyed cig byung ba'i sangs rgyas bcom ldan 'das de dag gi bla na med pa yang dag par rdzogs pa'i byang chub kyang shes rab kyi pha rol tu phyin pa nyid las byung ngo / /dga' bo ma 'ongs pa'i dus kyi de bzhin gshegs pa dgra bcom pa yang dag par rdzogs pa'i sangs rgyas gang ji snyed cig 'byung ba'i sangs rgyas bcom ldan 'das de dag gi bla na med pa yang dag par rdzogs pa'i byang chub kyang shes rab kyi pha rol tu phyin pa nyid las 'byung bar 'gyur ro/ /dga' bo da ltar byung ba'i dus na shar phyogs dang / lho dang nub dang byang dang / byang shar dang / shar lho dang / lho nub dang / nub byang dang / 'og dang steng gi 'jig rten gyi khams grangs med tshad med dpag tu med pa dag na/ de bzhin gshegs pa dgra bcom pa yang dag par rdzogs pa'i sangs rgyas gang ji snyed cig bzhugs shing 'tsho skyong ba dang / chos ston pa'i sangs rgyas bcom ldan 'das de dag gi bla na med pa yang dag par rdzogs pa'i byang chub kyang</font><hr>32.245a<br><font size=+1>

shes rab kyi pha rol du phyin pa nyid las byung ngo / /dga' bo de bas na bla na med pa yang dag par rdzogs pa'i byang chub tu mngon par rdzogs par 'tshang rgya bar 'dod pa dang / pha rol du phyin pa drug la slob par 'dod pa'i byang chub sems dpa' sems dpa' chen pos shes rab kyi pha rol du phyin pa zab mo 'di la bslab par bya'o/ /de ci'i phyir zhe na/ dga' bo 'di lta ste shes rab kyi pha rol du phyin pa ni byang chub sems dpa' sems dpa' chen po rnams kyi ma ste skyed par byed pa'o/ /dga' bo byang chub sems dpa' sems dpa' chen po gang pha rol du phyin pa drug la slob pa de dag thams cad ni bla na med pa yang dag par rdzogs pa'i byang chub tu 'byung bar 'gyur te/ dga' bo de bas na khyod la pha rol du phyin pa drug po 'di dag yang dang yang yongs su gtad do/ /rjes su gtad do/ /de ci'i phyir zhe na/ dga' bo 'di ni de bzhin gshegs pa dgra bcom pa yang dag par rdzogs pa'i sangs rgyas rnams kyi chos kyi mdzod de/ 'di ltar pha rol du phyin pa drug gi mdzod ni zad mi shes pa'i chos kyi mdzod do/ /dga' bo phyogs bcu'i 'jig rten gyi khams tshad med grangs med dpag tu med pa dag na/ de bzhin gshegs pa dgra bcom pa yang dag par rdzogs pa'i sangs rgyas gang ji snyed cig bzhugs shing 'tsho skyong ba dang / chos ston pa'i sangs rgyas bcom ldan 'das de dag kyang pha rol tu phyin pa drug gi mdzod 'di las chos ston to/ /dga' bo 'das pa'i dus kyi de bzhin gshegs pa dgra bcom pa yang dag par rdzogs pa'i sangs rgyas gang ji snyed cig byung ba de dag kyang pha rol du phyin pa drug po 'di dag la bslabs nas/ bla na med pa yang dag par rdzogs pa'i byang chub tu mngon par rdzogs par sangs rgyas te chos ston to/ /dga' bo ma 'ongs pa'i dus kyi de bzhin gshegs pa dgra bcom pa yang dag par rdzogs pa'i sangs rgyas gang</font><hr>32.245b<br><font size=+1>

ji snyed cig 'byung ba de dag kyang pha rol du phyin pa drug po 'di dag la bslabs te/ bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur te/ chos kyang ston par 'gyur ro/ /dga' bo 'das pa dang / ma byon pa dang da ltar byung ba'i sangs rgyas bcom ldan 'das rnams kyi nyan thos gang ji snyed cig yod pa de dag kyang shes rab kyi pha rol du phyin pa 'di nyid la bslabs te yongs su mya ngan las 'das par gyur to/ /yongs su mya ngan las 'da'o/ /yongs su mya ngan las 'da' bar 'gyur ro/ /dga' bo gal te khyod kyis gang zag nyan thos kyi theg pa pa rnams la nyan thos kyis brtsams te/ chos bstan pa'i chos bstan pa des stong gsum gyi stong chen po'i 'jig rten gyi khams kyi sems can gang ji snyed pa de dag thams cad dgra bcom pa nyid mngon du byed par gyur kyang / da rung nyan thos khyod kyis nga'i nyan thos kyi bya ba byas par mi 'gyur gyi/ dga' bo gal te khyod kyis byang chub sems dpa' sems dpa' chen po la shes rab kyi pha rol du phyin pa dang ldan pa'i tshig 'ga' zhig brjod de bstan na/ nyan thos khyod kyis nga dgyes par byas pa yin te/ nyan thos kyis nyan thos kyi bya ba byas par 'gyur ro/ /dga' bo de ji snyam du sems/ chos bstan pa snga ma des stong gsum gyi stong chen po'i 'jig rten gyi khams kyi sems can gang ji snyed pa de dag thams cad snga phyi med par dgra bcom pa nyid mngon du byed par gyur na/ dgra bcom pa de dag gi sbyin pa las byung ba'i bsod nams bya ba'i dngos po dang / tshul khrims las byung ba dang / bsgom pa las byung ba'i bsod nams bya ba'i dngos po de dag mang ngam/ gsol pa/ bcom ldan 'das mang ngo / /bde bar gshegs pa mang ngo / /bcom ldan 'das kyis bka' stsal pa/ dga' bo de bas gang zag nyan thos kyi theg pa pa gang byang chub sems dpa'</font><hr>32.246a<br><font size=+1>

sems dpa' chen po la chung ngu na nyi ma gcig cig shes rab kyi pha rol du phyin pa dang ldan pa'i chos ston na/ de'i bsod nams ches mang du 'phel bar 'gyur ro/ /dga' bo nyin gcig lta zhog gi /gal te nyi ma phyed dam/ dga' bo nyi ma phyed lta zhog gi /gal te snga dro gcig gam/ dga' bo snga dro gcig lta zhog gi /gal te chu tshod gcig tsam 'am/ dga' bo chu tshod gcig tsam lta zhog gi gal te skad 'ga' yud 'ga' thang 'ga' zhig gang zag nyan thos kyi theg pa pas/ byang chub sems dpa' sems dpa' chen po la shes rab kyi pha rol du phyin pa dang ldan pa'i chos bstan na/ dga' bo de'i bsod nams ni ches mang du 'phel bar 'gyur te/ nyan thos dang rang sangs rgyas kyi theg pa pa'i rigs kyi bu dang rigs kyi bu mo de dag thams cad kyi dge ba'i rtsa ba yang des zil gyis non par 'gyur ro/ /dga' bo gal te byang chub sems dpa' sems dpa' chen po gang zag byang chub sems dpa'i theg pa pa rnams la chung ngu na nyi ma gcig gam/ nyi ma phyed dam snga dro gcig gam/ chu tshod gcig tsam 'am/ skad 'ga' yud 'ga' thang 'ga' zhig shes rab kyi pha rol du phyin pa dang ldan pa'i chos ston na/ dga' bo byang chub sems dpa' sems dpa' chen po des nyan thos dang / rang sangs rgyas kyi theg pa pa'i rigs kyi bu dang rigs kyi bu mo de dag thams cad kyi dge ba'i rtsa ba zil gyis non par 'gyur te/ de ci'i phyir zhe na/ 'di ltar de ni bdag kyang bla na med pa yang dag par rdzogs pa'i byang chub tu mngon par rdzogs par 'tshang rgya bar 'dod la/ gzhan yang bla na med pa yang dag par rdzogs pa'i byang chub tu yang dag par bskul zhing / yang dag par dga' bar byed pa yin/ yang dag par spro bar byed pa yin/ yang dag par gzhog pa yin/ yang dag par 'god pa yin te/ dga' bo byang chub sems dpa' sems dpa' chen po de ltar pha rol du phyin pa drug la spyod pa dang / dran pa nye bar gzhag pa bzhi la spyod pa</font><hr>32.246b<br><font size=+1>

dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa la spyod pa dang / 'phags pa'i bden pa bzhi dang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / rnam par thar pa brgyad dang / mthar kyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams la spyod pa dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad la spyod pa dang / rnam pa thams cad mkhyen pa nyid kyi bar la spyod pa'i dge ba'i rtsa ba mang pos rnam par 'phel ba ni bla na med pa yang dag par rdzogs pa'i byang chub las yongs su nyam pa'i gnas med skabs med de de ni gnas ma yin no/ /shes rab kyi pha rol du phyin pa 'di bshad pa'i tshe/ bcom ldan 'das kyis 'khor bzhi dang / lha dang mi dang klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po de ltar 'khod pa rnams kyi mdun du rdzu 'phrul mngon par 'du mdzad pa gang mngon par 'du mdzad pas/ thams cad kyis de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa 'khor rgya mtsho lta bu 'khrug pa med pa kun kyang dgra bcom pa zag pa zad pa/ nyon mongs pa med pa dbang du gyur pa/ sems shin tu rnam par grol ba/ shes rab shin tu rnam par grol ba/ cang shes pa/ glang po chen po bya ba byas pa/ byed pa byas pa/ khur bor ba/ rang gi don rjes su thob pa/ srid par sbyor ba yongs su zad pa bka' yang dag pas sems shin tu rnam par grol ba/ sems thams cad la dbang dam pa'i pha rol du phyin pa thob pa sha stag gi dge slong gi dge 'dun dang / byang chub</font><hr>32.247a<br><font size=+1>

sems dpa' sems dpa' chen po sha stag gis kun nas bskor cing mdun du bdar ba mthong bar gyur pa de lta bu'i rdzu 'phrul mngon par 'du mdzad pa mngon par 'du mdzad do/ /de nas bcom ldan 'das kyis rdzu 'phrul mngon par 'du mdzad pa de phyir brtul bar gyur te/ rdzu 'phrul mngon par 'du mdzad pa de phyir brtul bar gyur nas/ 'khor bzhi po de dag gis de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa yang ma mthong / gang zag nyan thos sam/ byang chub sems dpa'i theg pa pa de dag kyang ma mthong ngo / /de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa'i sangs rgyas de'i zhing yang ma mthong ngo / /sangs rgyas la stsogs pa dge slong gi dge 'dun yang mig lam na mi snang bar gyur to/ /de ci'i phyir zhe na/ de bzhin gshegs pa dgra bcom pa yang dag par rdzogs pa'i sangs rgyas kyis/ rdzu 'phrul mngon par 'du mdzad pa phyir brtul ba mdzad pas/ de'i phyir de dag gis mi mthong bar gyur to/ /de nas bcom ldan 'das kyis tshe dang ldan pa dga' bo la bka' stsal pa/ dga' bo khyod kyis de bzhin gshegs pa mi 'khrugs pa'i sangs rgyas kyi zhing de dang de bzhin gshegs pa dgra bcom pa yang dag par rdzogs pa'i sangs rgyas mi 'khrugs pa dang / dge slong gi dge 'dun dang byang chub sems dpa'i dge 'dun mthong ngam/ gsol pa/ bcom ldan 'das sangs rgyas kyi zhing de yang ma mthong / de bzhin gshegs pa de yang ma mthong / dge slong gi dge 'dun de yang ma mthong / byang chub sems dpa'i dge 'dun de yang ma mthong ste/ mig lam du yang mi gda'o/ /bcom ldan 'das kyis bka' stsal pa/ dga' bo de bzhin du chos thams cad kyang mig lam du snang ba ma yin te/ chos la chos snang bar mi 'gyur/ chos kyis chos mi mthong / chos kyis chos mi shes so/ /dga' bo ji ltar de bzhin gshegs pa dgra bcom pa yang dag par</font><hr>32.247b<br><font size=+1>

rdzogs pa'i sangs rgyas mi 'khrugs pa dang / nyan thos de dag dang / gang zag byang chub sems dpa'i theg pa pa de dag dang / sangs rgyas kyi zhing de dag mig lam du snang bar ma gyur pa de bzhin du chos thams cad kyang mig lam du snang ba ma yin te/ chos la chos snang bar mi 'gyur/ chos kyis chos mi mthong / chos kyis chos mi shes so/ /dga' bo chos thams cad ni shes pa med pa/ mthong ba med pa/ byed pa med pa/ bya ba la mthu med pa sha stag ste/ de ci'i phyir zhe na/ dga' bo chos thams cad ni nam mkha' ltar byed pa med pas/ byed pa med cing 'dzin pa med pa'o/ /dga' bo chos thams cad ni sgyu ma'i skyes bu lta bu ste/ bsam gyis mi khyab pa'o/ /dga' bo chos thams cad ni sems dang bral zhing rnam par bsgrubs pas so sor gnas pa'i mtshan nyid med de/ snying po med pa'i phyir tshor ba med pa'o/ /de ltar spyod pa'i byang chub sems dpa' sems dpa' chen po ni shes rab kyi pha rol du phyin pa la spyod pa ste/ chos gang la yang mngon par chags pa med do/ /dga' bo de ltar slob pa'i byang chub sems dpa' sems dpa' chen po ni shes rab kyi pha rol du phyin pa la slob pa ste/ byang chub sems dpa' sems dpa' chen po pha rol du phyin pa thams cad yongs su rdzogs par bya bar 'dod pas shes rab kyi pha rol du phyin pa la bslab par bya'o/ /de ltar slob pa ni rab ces bya'o/ /gtso bo zhes bya'o/ /mchog ces bya'o/ /dam pa zhes bya'o/ /phul zhes bya'o/ /gya nom pa zhes bya'o/ /bla na med pa zhes bya'o/ /gong na med pa zhes bya'o/ /mnyam pa med pa zhes bya'o/ /mi mnyam pa dang mnyam pa zhes bya'o/ /'jig rten thams cad la phan pa/ 'jig rten thams cad la bde ba/ mgon med pa rnams kyi mgon du gyur pa/ sangs rgyas kyis gnang ba/ sangs rgyas kyis bsngags pa ste/ de la gnas shing de bzhin gshegs pa dgra bcom pa yang dag par rdzogs pa'i sangs rgyas rnams stong gsum gyi stong chen po'i 'jig rten gyi khams 'di phyag g.yas</font><hr>32.248a<br><font size=+1>

pas gyen du bteg cing phyir gzhog kyang sems can de dag gis stong gsum gyi stong chen po'i 'jig rten gyi khams 'di bteg go zhes bya ba dang / bzhag go zhes bya bar mi shes pa'o/ /de ci'i phyir zhe na/ dga' bo sangs rgyas bcom ldan 'das rnams kyang shes rab kyi pha rol du phyin pa de nyid la bslabs pas 'das pa dang / ma 'ongs pa dang / da ltar byung ba'i chos rnams la thogs pa mi mnga' ba'i ye shes gzigs pa grub pa yin te/ dga' bo bslab pa gang ji snyed cig yod pa'i bslab pa thams cad kyi nang na shes rab kyi pha rol tu phyin pa la bslab pa ni rab ces bya'o/ /gtso bo zhes bya'o/ /mchog ces bya'o/ /dam pa zhes bya'o/ /phul zhes bya'o/ /gya nom pa zhes bya'o/ /bla na med pa zhes bya'o/ /gong na med pa zhes bya'o/ /mnyam pa med pa zhes bya'o/ /mi mnyam pa dang mnyam pa zhes bya'o/ /dga' bo gang shes rab kyi pha rol du phyin pa'i tshad gzung ba 'am mtha' btsal bar 'dod pa de ni/ nam mkha' la tshad gzung ba dang mtha' btsal bar 'dod du zad do/ /de ci'i phyir zhe na/ dga' bo shes rab kyi pha rol du phyin pa ni tshad med pa ste/ dga' bo ngas shes rab kyi pha rol du phyin pa la tshad du bstan pa med do/ /ming mang po dang tshig mang po dang 'bru mang po la ni tshad yod kyi/ shes rab kyi pha rol du phyin pa la ni tshad med do/ /gsol pa/ bcom ldan 'das ci'i slad du shes rab kyi pha rol du phyin pa la tshad ma mchis pa lags/ bcom ldan 'das kyis bka' stsal pa/ dga' bo mi zad pa'i phyir shes rab kyi pha rol du phyin pa la tshad med do/ /dga' bo dben pa'i phyir shes rab kyi pha rol du phyin pa la tshad med do/ /dga' bo 'das pa'i dus kyi de bzhin gshegs pa dgra bcom pa yang dag par rdzogs pa'i sangs rgyas gang ji snyed cig byung ba de dag kyang shes rab kyi pha rol du phyin pa 'di nyid las byung ste/ shes rab kyi pha rol du phyin pa zad par ma gyur to/ /dga' bo ma 'ongs pa'i dus kyi de bzhin gshegs pa dgra bcom pa yang dag</font><hr>32.248b<br><font size=+1>

par rdzogs pa'i sangs rgyas gang ji snyed cig 'byung ba de dag kyang shes rab kyi pha rol du phyin pa 'di nyid las 'byung ste/ shes rab kyi pha rol du phyin pa zad par 'gyur ba med do/ /dga' bo da ltar phyogs bcu'i 'jig rten na de bzhin gshegs pa dgra bcom pa yang dag par rdzogs pa'i sangs rgyas gang ji snyed cig bzhugs shing 'tsho skyong ba dang / chos ston pa'i sangs rgyas bcom ldan 'das de dag kyang shes rab kyi pha rol du phyin pa 'di nyid las byung ste/ shes rab kyi pha rol du phyin pa ma zad do/ /de ci'i phyir zhe na/ dga' bo shes rab kyi pha rol du phyin pa zad par bya bar sems pa de ni nam mkha' zad par bya bar sems su zad de/ shes rab kyi pha rol du phyin pa ni ma zad mi zad zad par mi 'gyur ro/ /bsam gtan gyi pha rol du phyin pa dang /  brtson 'grus kyi pha rol du phyin pa dang / bzod pa'i pha rol du phyin pa dang /  tshul khrims kyi pha rol du phyin pa dang /  sbyin pa'i pha rol du phyin pa ni ma zad mi zad zad par mi 'gyur ro/ /nang stong pa nyid dang / phyi stong pa nyid dang / phyi nang stong pa nyid dang dngos po med pa'i ngo bo nyid stong pa nyid kyi bar ni ma zad mi zad zad par mi 'gyur ro/ /dran pa nye bar gzhag pa rnams dang / yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa ni ma zad mi zad zad par mi 'gyur ro/ /'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / stong pa nyid dang / mtshan ma med pa dang / smon pa med pa dang / mngon par shes pa rnams dang / rnam par thar pa rnams dang / ting nge 'dzin rnams dang / gzungs kyi sgo rnams ni ma zad mi zad zad par mi 'gyur ro/ /de bzhin gshegs pa'i stobs bcu dang / mi 'jigs pa bzhi dang / so so</font><hr>32.249a<br><font size=+1>

yang dag par rig pa bzhi dang / sangs rgyas kyi chos ma 'dres pa bcwa brgyad ni ma zad mi zad zad par mi 'gyur ro/ /rnam pa thams cad mkhyen pa nyid kyi bar ni ma zad mi zad zad par mi 'gyur ro/ /chos de dag la ni skye ba yang med na/ de dag zad par 'gyur ba lta ga la yod/ de nas bcom ldan 'das kyis ljags kyi dbang po bkram ste/ zhal gyi dkyil 'khor thams cad ljags kyi dbang pos yongs su bkab nas/ tshe dang ldan pa dga' bo la bka' stsal pa/ dga' bo de ji snyam du sems/ lce'i dbang po 'di lta bu dang ldan pa log par smra ba 'am gzhan du smra bar 'gyur ram/ gsol pa/ bcom ldan 'das ma lags so/ /bde bar gshegs pa de ni ma lags so/ /bcom ldan 'das kyis bka' stsal pa/ dga' bo de bas na shes rab kyi pha rol du phyin pa 'di 'khor bzhi la rgya cher ston cig /rjod cig sgrogs shig /shod cig khod cig /rab tu khod cig /khrol cig rnam par phye zhig /gsal bar gyis shig /yang dag par ston cig /dga' bo shes rab kyi pha rol du phyin pa zab mo 'di las gang la nyan thos kyi theg pa pa dang / rang sangs rgyas kyi theg pa pa dang / gang zag byang chub sems dpa'i theg pa pas bslab par bya ba dang / gang la ji ltar bstan pa bzhin du bslabs pas rang rang gi sa la gnas par 'gyur ba'i chos thams cad rgya cher bstan te/ dga' bo shes rab kyi pha rol du phyin pa zab mo 'di ni yi ge thams cad la 'jug pa'o/ /dga' bo shes rab kyi pha rol du phyin pa zab mo 'di ni gzungs kyi sgo gang la byang chub sems dpa' sems dpa' chen pos bslab par bya ba'i gzungs thams cad kyi sgo yin te/ gzungs 'di 'dzin pa'i byang chub sems dpa' sems dpa' chen po rnams la ni spobs pa dang / so so yang dag par rig pa'i sgo thams cad mngon du 'gyur ro/ /dga' bo shes rab kyi pha rol du phyin pa 'di ni 'das pa dang / ma byon pa dang / da ltar byung ba'i sangs</font><hr>32.249b<br><font size=+1>

rgyas bcom ldan 'das rnams kyi dam pa'i chos mi zad pa'i mdzod ngas bshad pa'o/ /dga' bo de bas na khyod kyis yid ches pa dang / khong du chud par bya ste/ gang shes rab kyi pha rol du phyin pa zab mo 'di 'dzin pa dang / 'chang ba dang / klog pa dang / kun chub par byed pa ni 'das pa dang / ma 'ongs pa dang / da ltar byung ba'i sangs rgyas bcom ldan 'das rnams kyi byang chub 'dzin pa yin te/ dga' bo khyod kyis shes rab kyi pha rol tu phyin pa'i gzungs gang bzung bas/ chos thams cad bzung bar 'gyur ba'i shes rab kyi pha rol du phyin pa'i gzungs ngas bstan pa ni 'di yin no/ /shes rab kyi pha rol du phyin pa stong phrag nyi shu lnga pa las/ le'u lnga bcu pa'o// // shes rab kyi pha rol du phyin pa stong phrag nyi shu lnga pa/ bam po lnga bcu bdun pa/ /de nas tshe dang ldan pa rab 'byor 'di snyam du 'gyur te/ shes rab kyi pha rol du phyin pa yang zab/ de bzhin gshegs pa dgra bcom pa yang dag par rdzogs pa'i sangs rgyas rnams kyi byang chub kyang zab na/ bdag gis de bzhin gshegs pa dgra bcom pa yang dag par rdzogs pa'i sangs rgyas la de dri'o snyam ste/ de nas tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das shes rab kyi pha rol du phyin pa ni mi bas pa'o/ /bcom ldan 'das kyis bka' stsal pa/ rab 'byor nam mkha' mi zad pa'i phyir shes rab kyi pha rol du phyin pa mi zad pa'o/ /gsol pa/ bcom ldan 'das ji ltar shes rab kyi pha rol du phyin pa mngon par bsgrub par bgyi/ bcom ldan 'das kyis bka' stsal pa/ rab 'byor gzugs mi zad pas shes rab kyi pha rol du phyin pa mngon par bsgrub par bya'o/ /tshor ba dang 'du shes dang / 'du byed dang / rnam par shes pa mi zad pas shes rab kyi pha rol du phyin pa mngon par bsgrub par bya'o/ /rab 'byor skye mched dang / khams dang / rten cing 'brel bar 'byung ba mi zad pas shes rab kyi pha rol du phyin pa mngon par bsgrub par bya'o/ /</font><hr>32.250a<br><font size=+1>

rab 'byor sbyin pa'i pha rol du phyin pa mi zad pas shes rab kyi pha rol du phyin pa mngon par bsgrub par bya'o/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa mi zad pas shes rab kyi pha rol du phyin pa mngon par bsgrub par bya'o/ /rab 'byor nang stong pa nyid mi zad pas shes rab kyi pha rol du phyin pa mngon par bsgrub par bya'o/ /dngos po med pa'i ngo bo nyid stong pa nyid kyi bar du mi zad pas shes rab kyi pha rol du phyin pa mngon par bsgrub par bya'o/ /rab 'byor dran pa nye bar gzhag pa mi zad pas shes rab kyi pha rol du phyin pa mngon par bsgrub par bya'o/ /rab 'byor yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa mi zad pas shes rab kyi pha rol du phyin pa mngon par bsgrub par bya'o/ /rab 'byor 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyi gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo mi zad pas shes rab kyi pha rol du phyin pa mngon par bsgrub par bya'o/ /rab 'byor de bzhin gshegs pa'i stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa mi zad pas shes rab kyi pha rol du phyin pa mngon par bsgrub par bya'o/ /rab 'byor rnam pa thams cad mkhyen pa nyid kyi bar du mi zad pas shes rab kyi pha rol du phyin pa mngon par bsgrub par bya'o/ /rab 'byor gzhan yang gzugs nam mkha' ltar zad mi shes pas byang chub sems dpa' sems dpa' chen pos shes rab kyi pha rol du phyin pa mngon par bsgrub par</font><hr>32.250b<br><font size=+1>

bya'o/ /rab 'byor tshor ba dang / 'du shes dang / 'du byed dang / rnam par shes pa nam mkha' ltar zad mi shes pas byang chub sems dpa' sems dpa' chen pos shes rab kyi pha rol du phyin pa mngon par bsgrub par bya'o/ /rab 'byor skye mched dang / khams dang / rten cing 'brel par 'byung ba nam mkha' ltar zad mi shes pas byang chub sems dpa' sems dpa' chen pos shes rab kyi pha rol tu phyin pa mngon par bsgrub par bya'o/ /rab 'byor sbyin pa'i pha rol du phyin pa nam mkha' ltar zad mi shes pas shes rab kyi pha rol du phyin pa mngon par bsgrub par bya'o/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa nam mkha' ltar zad mi shes pas shes rab kyi pha rol du phyin pa mngon par bsgrub par bya'o/ /rab 'byor nang stong pa nyid nam mkha' ltar zad mi shes pas shes rab kyi pha rol du phyin pa mngon par bsgrub par bya'o/ /dngos po med pa'i ngo bo nyid stong pa nyid kyi bar du nam mkha' ltar zad mi shes pas shes rab kyi pha rol du phyin pa mngon par bsgrub par bya'o/ /rab 'byor dran pa nye bar gzhag pa nam mkha' ltar zad mi shes pas shes rab kyi pha rol du phyin pa mngon par bsgrub par bya'o/ /yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa nam mkha' ltar zad mi shes pas shes rab kyi pha rol du phyin pa mngon par bsgrub par bya'o/ /rab 'byor 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo nam mkha' ltar zad mi shes pas shes rab kyi pha rol du phyin pa</font><hr>32.251a<br><font size=+1>

mngon par bsgrub par bya'o/ /rab 'byor de bzhin gshegs pa'i stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa nam mkha' ltar zad mi shes pas shes rab kyi pha rol du phyin pa mngon par bsgrub par bya'o/ /rab 'byor rnam pa thams cad mkhyen pa nyid kyi bar du nam mkha' ltar zad mi shes pas shes rab kyi pha rol du phyin pa mngon par bsgrub par bya'o/ /rab 'byor gzhan yang ma rig pa nam mkha' ltar zad mi shes pas byang chub sems dpa' sems dpa' chen pos shes rab kyi pha rol du phyin pa mngon par bsgrub par bya'o/ /rab 'byor 'du byed nam mkha' ltar zad mi shes pas/ byang chub sems dpa' sems dpa' chen pos shes rab kyi pha rol du phyin pa mngon par bsgrub par bya'o/ /rab 'byor rnam par shes pa nam mkha' ltar zad mi shes pas/ byang chub sems dpa' sems dpa' chen pos shes rab kyi pha rol du phyin pa mngon par bsgrub par bya'o/ /rab 'byor ming dang gzugs nam mkha' ltar zad mi shes pas/ byang chub sems dpa' sems dpa' chen pos shes rab kyi pha rol du phyin pa mngon par bsgrub par bya'o/ /rab 'byor skye mched drug nam mkha' ltar zad mi shes pas/ byang chub sems dpa' sems dpa' chen pos shes rab kyi pha rol du phyin pa mngon par bsgrub par bya'o/ /rab 'byor reg pa nam mkha' ltar zad mi shes pas/ byang chub sems dpa' sems dpa' chen pos shes rab kyi pha rol du phyin pa mngon par bsgrub par bya'o/ /rab 'byor tshor ba nam mkha' ltar zad mi shes pas/ byang chub sems dpa' sems dpa' chen pos shes rab kyi pha rol du phyin pa mngon par bsgrub par bya'o/ /rab 'byor sred pa nam mkha' ltar zad mi shes pas/ byang chub sems dpa' sems dpa' chen pos shes rab kyi pha rol du phyin pa mngon par bsgrub par bya'o/ /rab 'byor len</font><hr>32.251b<br><font size=+1>

pa nam mkha' ltar zad mi shes pas/ byang chub sems dpa' sems dpa' chen pos shes rab kyi pha rol du phyin pa mngon par bsgrub par bya'o/ /rab 'byor srid pa nam mkha' ltar zad mi shes pas/ byang chub sems dpa' sems dpa' chen pos shes rab kyi pha rol du phyin pa mngon par bsgrub par bya'o/ /rab 'byor skye ba nam mkha' ltar zad mi shes pas/ byang chub sems dpa' sems dpa' chen pos shes rab kyi pha rol du phyin pa mngon par bsgrub par bya'o/ /rab 'byor rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa nam mkha' ltar zad mi shes pas/ byang chub sems dpa' sems dpa' chen pos shes rab kyi pha rol du phyin pa mngon par bsgrub par bya ste/ rab 'byor de ltar byang chub sems dpa' sems dpa' chen pos shes rab kyi pha rol du phyin pa mngon par bsgrub par bya'o/ /rab 'byor 'di ni byang chub sems dpa' sems dpa' chen po'i rten cing 'brel par 'byung ba la rnam par lta ba dang / shin du rnam par spang ba la rnam par lta ba ste/ gang de ltar rten cing 'brel par 'byung ba la rnam par lta ba de ni/ byang chub sems dpa' sems dpa' chen po snying po byang chub la 'dug pa'i ma 'dres pa'i chos te/ de ltar rten cing 'brel bar 'byung ba la rnam par lta ba des ni/ rnam pa thams cad mkhyen pa nyid kyi ye shes thob par 'gyur ro/ /rab 'byor gang la la nam mkha' ltar zad mi shes pas mngon par bsgrub pa 'dis shes rab kyi pha rol du phyin pa la spyod cing rten cing 'brel par 'byung ba la rnam par lta ba de ni nyan thos kyi sa 'am/ rang sangs rgyas kyi sa la gnas par mi 'gyur te/ de ni bla na med pa yang dag par rdzogs pa'i byang chub la gnas par 'gyur ro/ /rab 'byor gang zag byang chub sems dpa'i theg pa pa gang phyir ldog pa de dag thams cad ni shes rab kyi pha rol du phyin pa yid la bya ba 'di la ma</font><hr>32.252a<br><font size=+1>

brten pa dang / shes rab kyi pha rol du phyin pa la spyod pa'i tshe/ byang chub sems dpa' sems dpa' chen pos ji ltar nam mkha' ltar zad mi shes pas mngon par bsgrub pas rten cing 'brel par 'byung ba rnam par blta bar bya ba dang / mngon par bsgrub par bya ba mi shes pas phyir ldog go/ /rab 'byor gang zag byang chub sems dpa'i theg pa pa phyir ldog pa de dag thams cad ni thabs mkhas pa 'di la ma rten pas bla na med pa yang dag par rdzogs pa'i byang chub las phyir ldog go/ /rab 'byor byang chub sems dpa' sems dpa' chen po bla na med pa yang dag par rdzogs pa'i byang chub las phyir mi ldog pa de dag thams cad kyang shes rab kyi pha rol du phyin pa 'di la brten pas/ bla na med pa yang dag par rdzogs pa'i byang chub las phyir mi ldog ste/ de ltar thabs mkhas pas shes rab kyi pha rol du phyin pa la spyod pa'i byang chub sems dpa' sems dpa' chen pos nam mkha' ltar zad mi shes pa mngon par bsgrub pas shes rab kyi pha rol du phyin pa rnam par blta bar bya/ mngon par bsgrub par bya'o/ /rab 'byor de ltar byang chub sems dpa' sems dpa' chen po rten cing 'brel bar 'byung ba la rnam par blta bas ni/ chos gang yang rgyu med pa las byung bar yang dag par rjes su mi mthong / chos gang yang rtag par yang dag par rjes su mi mthong / chos gang yang 'gag par yang dag par rjes su mi mthong / chos gang yang bdag dang sems can dang / srog dang 'gro ba dang gso ba dang / skyes bu dang gang zag dang shed can dang / shed bdag dang / byed pa po dang byed du 'jug pa po dang / slong ba po dang / yongs su slong ba po dang / tshor ba po dang / tshor du 'jug pa po dang / shes pa po dang / lta ba por yang dag par rjes su mi mthong / rtag pa dang mi rtag pa dang / bde ba dang sdug bsngal ba dang / bdag dang bdag med pa dang / </font><hr>32.252b<br><font size=+1>

zhi ba dang ma zhi bar yang dag par rjes su mi mthong ste/ rab 'byor de ltar shes rab kyi pha rol du phyin pa la spyod pa'i tshe/ byang chub sems dpa' sems dpa' chen pos rten cing 'brel par 'byung ba rnam par blta bar bya'o/ /rab 'byor gang gi tshe/ byang chub sems dpa' sems dpa' chen po shes rab kyi pha rol du phyin pa la spyod pa de'i tshe/ gzugs rtag pa 'am mi rtag pa 'am/ bde ba 'am sdug bsngal ba 'am/ bdag yod pa 'am/ bdag med pa 'am/ zhi ba 'am/ ma zhi bar yang dag par rjes su mi mthong ngo tshor ba dang 'du shes dang 'du byed dang rnam par shes pa rtag pa 'am mi rtag pa 'am bde ba 'am/ sdug bsngal ba 'am/ bdag yod pa 'am/ bdag med pa 'am/ zhi ba 'am ma zhi bar yang dag par rjes su mi mthong ngo / /skye mched dang khams dang / rten cing 'brel par 'byung ba rtag pa 'am/ mi rtag pa 'am/ bde ba 'am/ sdug bsngal ba 'am/ bdag yod pa 'am/ bdag med pa 'am/ zhi ba 'am/ ma zhi bar yang dag par rjes su mi mthong ngo / /pha rol du phyin pa thams cad dang / stong pa nyid thams cad dang /  byang chub kyi phyogs kyi chos sum bcu rtsa bdun rtag pa 'am/ mi rtag pa 'am/ bde ba 'am/ sdug bsngal ba 'am/ bdag yod pa 'am/ bdag med pa 'am/ zhi ba 'am/ ma zhi bar yang dag par rjes su mi mthong ngo / /'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / rnam par thar pa dang / ting nge 'dzin dang / gzungs kyi sgo dang / mngon par shes pa dang / stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad rtag pa 'am/ mi rtag pa 'am/ bde ba 'am/ sdug bsngal ba 'am/ bdag yod pa 'am/ bdag med pa 'am/ zhi ba 'am/ ma zhi bar yang dag par rjes su mi mthong</font><hr>32.253a<br><font size=+1>

ngo / /rnam pa thams cad mkhyen pa nyid kyi bar du rtag pa 'am/ mi rtag pa 'am/ bde ba 'am/ sdug bsngal ba 'am/ bdag yod pa 'am/ bdag med pa 'am/ zhi ba 'am/ ma zhi bar yang dag par rjes su mi mthong ngo / /de ci'i phyir zhe na/ rab 'byor de ni 'di ltar byang chub sems dpa' sems dpa' chen po shes rab kyi pha rol du phyin pa la spyod pa'i tshe/ shes rab kyi pha rol du phyin pa dang / yang dag par rjes su mi mthong ste/ chos gang gis shes rab kyi pha rol tu phyin pa yang dag par rjes su mthong bar 'gyur ba'i chos de yang yang dag par rjes su mi mthong ngo / /bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol tu phyin pa dang / tshul khrims kyi pha rol du phyin pa dang / sbyin pa'i pha rol du phyin pa yang dag par rjes su mi mthong ste/ chos gang gis sbyin pa'i pha rol du phyin pa yang dag par rjes su mthong bar 'gyur ba'i chos de yang yang dag par rjes su mi mthong ngo / /nang stong pa nyid yang dag par rjes su mi mthong ste/ chos gang gis nang stong pa nyid yang dag par rjes su mthong bar 'gyur ba'i chos de yang yang dag par rjes su mi mthong ngo / /dngos po med pa'i ngo bo nyid stong pa nyid kyi bar la yang dag par rjes su mi mthong ste/ chos gang gis dngos po med pa'i ngo bo nyid stong pa nyid yang dag par rjes su mthong bar 'gyur ba'i chos de yang yang dag par rjes su mi mthong ngo / /dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang stobs dang / byang chub kyi yan lag dang / 'phags pa'i lam yan lag brgyad pa yang dag par rjes su mi mthong ste/ chos gang gis 'phags pa'i lam yan lag brgyad pa yang dag par rjes su mthong bar 'gyur ba'i chos de yang yang dag par rjes su mi mthong ngo / /'phags pa'i bden pa</font><hr>32.253b<br><font size=+1>

dang / bsam gtan dang / tshad med pa dang gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo yang dag par rjes su mi mthong ste/ chos gang gis gzungs kyi sgo yang dag par rjes su mthong bar 'gyur ba'i chos de yang yang dag par rjes su mi mthong ngo / /de bzhin gshegs pa'i stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa bcwa brgyad yang dag par rjes su mi mthong ste/ chos gang gis sangs rgyas kyi chos ma 'dres pa bcwa brgyad yang dag par rjes su mthong bar 'gyur ba'i chos de yang yang dag par rjes su mi mthong ngo / /rnam pa thams cad mkhyen pa nyid kyi bar du yang dag par rjes su mi mthong ste/ chos gang gis rnam pa thams cad mkhyen pa nyid yang dag par rjes su mthong bar 'gyur ba'i chos de yang yang dag par rjes su mi mthong ngo / /chos gang gis bag chags kyi mtshams sbyor ba thams cad spang bar bya ba de yang yang dag par rjes su mi mthong ngo / /rab 'byor de ltar byang chub sems dpa' sems dpa' chen pos chos thams cad mi dmigs pa'i tshul gyis shes rab kyi pha rol du phyin pa la spyad par bya'o/ /rab 'byor gang gi tshe byang chub sems dpa' sems dpa' chen po chos thams cad mi dmigs par shes rab kyi pha rol du phyin pa la spyod pa de'i tshe/ bdud sdig to can mya ngan gyi zug rngus zug par 'gyur ro/ /rab 'byor 'di lta ste dper na/ skyes bu zhig pha ma 'chi ba'i dus byas par gyur na/ mya ngan gyi zug rngus zug par 'gyur te/ mya ngan gyi zug rngu mi bzad pa dang ldan par 'gyur ro/ /rab 'byor de bzhin du byang chub sems dpa' sems dpa' chen po chos thams cad mi dmigs par shes rab kyi pha rol du phyin pa la spyod</font><hr>32.254a<br><font size=+1>

pa'i tshe/ bdud sdig to can mya ngan gyi zug rngus zug par 'gyur te/ mya ngan gyi zug rngu mi bzad pa dang ldan par 'gyur ro/ /rab 'byor gyis gsol pa ci lags/ bcom ldan 'das bdud sdig to can gcig 'ga' zhig mya ngan gyi zug rngu mi bzad pas zug par 'gyur ram/ 'on te stong gsum gyi stong chen po'i 'jig rten gyi khams na/ bdud sdig to can gang ji snyed cig mchis pa de dag thams cad mya ngan gyi zug rngu mi bzad pas zug par 'gyur/ bcom ldan 'das kyis bka' stsal pa/ rab 'byor nam byang chub sems dpa' sems dpa' chen po shes rab kyi pha rol du phyin pa la rnam par spyod pas rnam par spyod pa'i tshe/ stong gsum gyi stong chen po'i 'jig rten gyi khams na/ bdud sdig to can gang ji snyed cig yod pa de dag thams cad mya ngan gyi zug rngu mi bzad pas zug par 'gyur te/ rang rang gi stan la 'dug mi 'dod do/ /de ltar rnam par spyod pa'i byang chub sems dpa' sems dpa' chen po la ni lha dang mi dang lha ma yin du bcas pa'i 'jig rten gyis gang gi phyir de bzung zhing phyir bzlog pa'i glags mi rnyed gting mi rnyed do/ /rab 'byor de bas na byang chub sems dpa' sems dpa' chen po myur du bla na med pa yang dag par rdzogs pa'i byang chub tu mngon par rdzogs par 'tshang rgya bar 'dod pas/ shes rab kyi pha rol du phyin pa la rnam par spyod pas rnam par spyad par bya ste shes rab kyi pha rol du phyin pa'i rnam par spyod pas rnam par spyod pa'i byang chub sems dpa' sems dpa' chen po ni sbyin pa'i pha rol du phyin pa bsgom pa yongs su rdzogs par 'gyur ro/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa bsgom pa yongs su rdzogs par 'gyur te/ shes rab kyi pha rol du phyin pa la rnam par spyod pas rnam par spyod pa'i byang chub</font><hr>32.254b<br><font size=+1>

sems dpa' sems dpa' chen po ni pha rol du phyin pa thams cad bsgom pa yongs su rdzogs par 'gyur ro/ /de nas tshe dang ldan pa rab 'byor gyis/ bcom ldan 'das la 'di skad ces gsol to/ /bcom ldan 'das ji ltar byang chub sems dpa' sems dpa' chen po shes rab kyi pha rol du phyin pa la spyod pa'i sbyin pa'i pha rol du phyin pa bsgom pa yongs su rdzogs par 'gyur ba lags/ tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa bsgom pa yongs su rdzogs par 'gyur ba lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po sbyin pa yongs su gtong ba'i tshe/ rnam pa thams cad mkhyen pa nyid du yongs su bsngo zhing sbyin pa de dag yongs su gtong ste/ rab 'byor de ltar na byang chub sems dpa' sems dpa' chen po'i sbyin pa'i pha rol du phyin pa bsgom pa yongs su rdzogs par 'gyur ro/ /rab 'byor ji ltar na byang chub sems dpa' sems dpa' chen po tshul khrims kyi pha rol du phyin pa bsgom pa yongs su rdzogs par 'gyur zhe na/ rab 'byor 'di la byang chub sems dpa' sems dpa' chen po tshul khrims srung ba'i tshe/ rnam pa thams cad mkhyen pa nyid du yongs su bsngo zhing tshul khrims de dag srung ste/ de ltar na rab 'byor byang chub sems dpa' sems dpa' chen po'i tshul khrims kyi pha rol du phyin pa bsgom pa yongs su rdzogs par 'gyur ro/ /rab 'byor ji ltar na byang chub sems dpa' sems dpa' chen po bzod pa'i pha rol du phyin pa bsgom pa yongs su rdzogs par 'gyur zhe na/ rab 'byor 'di la byang chub sems dpa' sems dpa' chen po bzod pa bsgrub pa'i tshe/ rnam pa thams cad mkhyen pa nyid du yongs su bsngo zhing bzod pa de bsgom ste/ rab 'byor de ltar na</font><hr>32.255a<br><font size=+1>

byang chub sems dpa' sems dpa' chen po'i bzod pa'i pha rol du phyin pa bsgom pa yongs su rdzogs par 'gyur ro/ /rab 'byor ji ltar na byang chub sems dpa' sems dpa' chen po brtson 'grus kyi pha rol du phyin pa bsgom pa yongs su rdzogs par 'gyur zhe na/ rab 'byor 'di la byang chub sems dpa' sems dpa' chen po brtson 'grus rtsom pa'i tshe rnam pa thams cad mkhyen pa nyid du yongs su bsngo zhing brtson 'grus de brtsam ste/ rab 'byor de ltar na byang chub sems dpa' sems dpa' chen po'i brtson 'grus kyi pha rol du phyin pa bsgom pa yongs su rdzogs par 'gyur ro/ /rab 'byor ji ltar na byang chub sems dpa' sems dpa' chen po bsam gtan gyi pha rol du phyin pa bsgom pa yongs su rdzogs par 'gyur zhe na/ rab 'byor 'di la byang chub sems dpa' sems dpa' chen po bsam gtan la snyoms par 'jug pa'i tshe/ rnam pa thams cad mkhyen pa nyid du yongs su bsngo zhing bsam gtan de dag la snyoms par 'jug ste/ rab 'byor de ltar na byang chub sems dpa' sems dpa' chen po'i bsam gtan gyi pha rol du phyin pa bsgom pa yongs su rdzogs par 'gyur ro/ /rab 'byor ji ltar na byang chub sems dpa' sems dpa' chen po'i shes rab kyi pha rol du phyin pa bsgom pa yongs su rdzogs par 'gyur zhe na/ rab 'byor 'di la byang chub sems dpa' sems dpa' chen po shes rab kyi pha rol du phyin pa bsgom pa'i tshe/ rnam pa thams cad mkhyen pa nyid du yongs su bsngo zhing shes rab de bsgom ste/ rab 'byor de ltar na byang chub sems dpa' sems dpa' chen po'i shes rab kyi pha rol du phyin pa bsgom pa yongs su rdzogs par 'gyur ro/ /de nas tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das ji ltar na byang chub sems dpa' sems dpa' chen po sbyin pa'i pha rol du phyin pa la gnas shing / </font><hr>32.255b<br><font size=+1>

tshul khrims kyi pha rol du phyin pa yongs su 'dzin pa lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po sbyin pa yongs su gtong zhing / rnam pa thams cad mkhyen pa nyid du yongs su bsngo ba'i tshe/ sems can rnams la byams pa'i lus kyi las dang / byams pa'i ngag gi las dang / byams pa'i yid kyi las nye bar gnas par 'gyur te/ de'i tshe byang chub sems dpa' sems dpa' chen po tshul khrims kyi pha rol du phyin pa yongs su 'dzin to/ /gsol pa/ bcom ldan 'das ji ltar na byang chub sems dpa' sems dpa' chen po sbyin pa'i pha rol du phyin pa la gnas shing / bzod pa'i pha rol du phyin pa yongs su 'dzin pa lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po sbyin pa yongs su gtong ba'i tshe/ len pa rnams gshe zhing 'khyal la tshul ma yin pa'i tshig rtsub pos mi snyan par brjod kyang / de de dag la gnod pa'i sems mi skyed de/ rab 'byor de ltar na byang chub sems dpa' sems dpa' chen po sbyin pa'i pha rol du phyin pa la gnas shing bzod pa'i pha rol du phyin pa yongs su 'dzin to/ /gsol pa/ bcom ldan 'das ji ltar na byang chub sems dpa' sems dpa' chen po sbyin pa'i pha rol du phyin pa la gnas shing brtson 'grus kyi pha rol du phyin pa yongs su 'dzin pa lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po sbyin pa yongs su gtong ba'i tshe/ len pa de dag gshe zhing 'khyal la tshul ma yin pa'i tshig rtsub pos mi snyan par brjod do/ /de ltar spyo ba dang / kyal pa dang / tshul ma yin pa'i tshig rtsub pos mi snyan par brjod kyang sbyin pa'i blo dang yongs su gtong ba'i blo nyid du 'gyur te/ bdag gis ni sbyin pa yongs su gtang bar bya ste/ bdag gis sbyin pa yongs su mi gtang bar mi bya'o zhes de lus dang sems</font><hr>32.256a<br><font size=+1>

kyis brtson 'grus skyed de/ rab 'byor de ltar na byang chub sems dpa' sems dpa' chen po sbyin pa'i pha rol du phyin pa la gnas shing brtson 'grus kyi pha rol du phyin pa yongs su 'dzin to/ /gsol pa/ bcom ldan 'das ji ltar na byang chub sems dpa' sems dpa' chen po sbyin pa'i pha rol du phyin pa la gnas shing bsam gtan gyi pha rol du phyin pa yongs su 'dzin pa lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po sbyin pa yongs su gtong ba'i tshe nyan thos kyi sa 'am/ rang sangs rgyas kyi sar yongs su mi bsngo'i/ gzhan du na rnam pa thams cad mkhyen pa nyid la de'i sems 'jug ste/ rab 'byor de ltar na byang chub sems dpa' sems dpa' chen po sbyin pa'i pha rol du phyin pa la gnas shing / bsam gtan gyi pha rol du phyin pa yongs su 'dzin to/ /gsol pa/ bcom ldan 'das ji ltar na byang chub sems dpa' sems dpa' chen po thabs mkhas pas sbyin pa yongs su gtong zhing / shes rab kyi pha rol du phyin pa yongs su 'dzin pa lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po sbyin pa sbyin zhing sbyin pa yongs su gtong ba'i tshe/ de rtag tu sbyin pa la sgyu ma'i blo nye bar gnas shing sbyin pa des sems can gang la yang phan pa 'am mi phan par gyur pa mi mthong ste/ rab 'byor de ltar na byang chub sems dpa' sems dpa' chen po thabs mkhas pas sbyin pa'i pha rol du phyin pa la gnas shing shes rab kyi pha rol du phyin pa yongs su 'dzin to/ /shes rab kyi pha rol du phyin pa stong phrag nyi shu lnga pa las/ le'u lnga bcu gcig pa'o// // de nas tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das ji ltar na byang chub sems dpa' sems dpa' chen po tshul khrims kyi pha rol du phyin</font><hr>32.256b<br><font size=+1>

pa la gnas shing sbyin pa'i pha rol du phyin pa yongs su 'dzin pa lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po tshul khrims kyi pha rol du phyin pa la gnas pa ni/ lus sam/ ngag gam/ sems kyi sdom pa gang yang rung ste/ sdom pa des nyan thos kyi sa 'am/ rang sangs rgyas kyi sa la reg par mi byed de/ de tshul khrims kyi pha rol du phyin pa la gnas shing sems can rnams kyi srog mi gcod do/ /ma byin par mi len to/ /'dod pas log par mi g.yem mo/ /brdzun gyi tshig mi smra'o/ /phra ma'i tshig mi smra'o/ /zhe gcod pa'i tshig rtsub po mi smra'o/ /tshig kyal pa mi smra'o/ /chags sems su mi byed do/ /gnod sems su mi byed do/ /log par mi lta'o/ /de tshul khrims kyi pha rol tu phyin pa de la gnas shing / zas 'dod pa la zas/ skom 'dod pa la skom/ bzhon pa 'dod pa la bzhon pa/ gos 'dod pa la gos/ me tog 'dod pa la me tog /phreng ba 'dod pa la phreng ba/ spos 'dod pa la spos/ byug pa 'dod pa la byug pa/ mal cha 'dod pa la mal cha/ gnas 'dod pa la gnas/ 'tsho ba 'dod pa la 'tsho ba/ yo byad 'dod pa la yo byad yongs su gtong ba nas/ mi'i yo byad gang ci yang rung ba'i bar du 'dod pa rnams la mi'i yo byad gang ci yang rung ba dag yongs su gtong zhing / sbyin pa de ltar gtong ba'i tshe/ sbyin pa de sems can thams cad dang thun mong du byas te/ bla na med pa yang dag par rdzogs pa'i byang chub tu yongs su bsngo'o/ /de yang ci nas kyang bsngo ba des nyan thos kyi sa 'am/ rang sangs rgyas kyi sar mi 'gyur ba de ltar yongs su bsngo ste/ rab 'byor de ltar na byang chub sems dpa' sems dpa' chen po tshul khrims kyi pha rol tu phyin pa la gnas shing / sbyin pa'i pha rol du phyin pa yongs su 'dzin to/ /gsol pa/ bcom ldan 'das ji ltar na byang chub sems dpa' sems dpa' chen po tshul khrims kyi pha rol</font><hr>32.257a<br><font size=+1>

du phyin pa la gnas shing / bzod pa'i pha rol du phyin pa yongs su 'dzin pa lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po tshul khrims kyi pha rol du phyin pa la gnas pa'i drung du sems can thams cad lhags nas yan lag dang / nying lag rnams bcad gtubs te dong yang de la byang chub sems dpa' sems dpa' chen po 'khrug pa med de/ gnod pa'i sems gcig kyang mi skyed do/ /gzhan du na de 'di snyam du sems te/ de ltar sems can thams cad kyis bdag gi yan lag dang nying lag rnams gcad gtubs te/ dong ba ni bdag gis thob par bya ba legs par thob bo/ /bdag gi lus rul ba 'di yongs su btang bas de bzhin gshegs pa'i sku lha rdzas kyi rdo rje las byung ba thob par bya'o snyam ste/ rab 'byor de ltar na byang chub sems dpa' sems dpa' chen po tshul khrims kyi pha rol du phyin pa la gnas shing / bzod pa'i pha rol du phyin pa yongs su 'dzin to/ /gsol pa/ bcom ldan 'das ji ltar na byang chub sems dpa' sems dpa' chen po tshul khrims kyi pha rol du phyin pa la gnas shing brtson 'grus kyi pha rol du phyin pa yongs su 'dzin pa lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po tshul khrims kyi pha rol du phyin pa la gnas shing sems can thams cad bdag gis 'khor ba las bsgral te/ 'chi ba med pa'i dbyings su dgod par bya'o zhes lus dang sems kyi brtson 'grus nyam par mi byed cing / dge ba'i rtsa ba de yang bla na med pa yang dag par rdzogs pa'i byang chub tu yongs su bsngo ste/ ci nas kyang gang yongs su bsngo ba dang / ci yongs su bsngo ba dang / gang la yongs su bsngo ba'i blo rnam pa gsum du mi 'gyur ba de ltar yongs su bsngo ste/ rab 'byor de ltar na byang chub sems</font><hr>32.257b<br><font size=+1>

dpa' sems dpa' chen po tshul khrims kyi pha rol du phyin pa la gnas shing / brtson 'grus kyi pha rol du phyin pa yongs su 'dzin to/ /gsol pa/ bcom ldan 'das ji ltar na byang chub sems dpa' sems dpa' chen po tshul khrims kyi pha rol du phyin pa la gnas shing / bsam gtan gyi pha rol du phyin pa yongs su 'dzin pa lags/ bcom ldan 'das kyis bka' stsal pa/ rab 'byor gang gi tshe byang chub sems dpa' sems dpa' chen po bsam gtan dang po la snyoms par 'jug pa dang / bsam gtan gnyis pa dang / bsam gtan gsum pa dang / bsam gtan bzhi pa la snyoms par 'jug pa dang / 'gog pa'i bar la snyoms par 'jug pa'i tshe/ nyan thos kyi sa 'am/ rang sangs rgyas kyi sar dmigs pa med de/ gzhan du na de 'di snyam du bdag gis ting nge 'dzin gyi pha rol du phyin pa 'di la gnas te/ sems can thams cad 'khor ba las yongs su dgrol bar bya'o snyam ste/ rab 'byor de ltar na byang chub sems dpa' sems dpa' chen po tshul khrims kyi pha rol du phyin pa la gnas shing / bsam gtan gyi pha rol du phyin pa yongs su 'dzin to/ /gsol pa/ bcom ldan 'das ji ltar na byang chub sems dpa' sems dpa' chen po tshul khrims kyi pha rol du phyin pa la gnas shing / shes rab kyi pha rol du phyin pa yongs su 'dzin pa lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po tshul khrims kyi pha rol du phyin pa la gnas shing / chos gang yang 'dus byas su mi mthong / 'dus ma byas su mi mthong / dngos po yod pa 'dus byas su mi mthong / dngos po med pa 'dus ma byas su mi mthong / mtshan ma yod pa 'dus byas su mi mthong / mtshan ma med pa 'dus ma byas su mi mthong / gzhan du na chos gang yang de bzhin nyid las 'da' ba med pa las phar chos gang yang</font><hr>32.258a<br><font size=+1>

yod pa 'am/ med par yang dag par rjes su mi mthong ste/ shes rab kyi pha rol du phyin pa dang thabs mkhas pa des nyan thos kyi sa dang / rang sangs rgyas kyi sar mi ltung ste/ rab 'byor de ltar na byang chub sems dpa' sems dpa' chen po tshul khrims kyi pha rol du phyin pa la gnas shing / shes rab kyi pha rol du phyin pa yongs su 'dzin to/ /gsol pa/ bcom ldan 'das ji ltar na byang chub sems dpa' sems dpa' chen po bzod pa'i pha rol du phyin pa la gnas shing / sbyin pa'i pha rol du phyin pa yongs su 'dzin pa lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po sems dang po bskyed pa nas nye bar bzung ste/ snying po byang chub la 'dug gi bar du sbyin pa yongs su gtong ba'i tshe/ sems can thams cad gshe zhing 'khyal la/ yan lag dang nying lag gcod par gyur kyang / de la byang chub sems dpa' sems dpa' chen po bzod pa'i pha rol du phyin pa la gnas pa de 'di snyam du sems te/ sems can 'di dag la ni bdag gis sbyin pa yongs su gtang bar bya'i/ sbyin pa yongs su mi gtang bar bya ba ma yin no zhes te/ de sems can de dag zas 'dod pa la ni zas/ skom 'dod pa la ni skom/ bzhon pa 'dod pa la ni bzhon pa/ gos 'dod pa la ni gos/ me tog 'dod pa la ni me tog /phreng ba 'dod pa la ni phreng ba/ spos 'dod pa la ni spos/ byug pa 'dod pa la ni byug pa/ mal cha 'dod pa la ni mal cha/ gnas 'dod pa la ni gnas/ 'tsho ba 'dod pa la ni 'tsho ba/ yo byad 'dod pa la mi'i yo byad/ gang ci yang rung ba'i bar du yongs su gtong ste/ dge ba'i rtsa ba de dag kyang sems can thams cad dang thun mong du byas shing / rnam pa thams cad mkhyen pa nyid du yongs su bsngo ste/ ci nas kyang gang yongs su bsngo ba dang / ci yongs su bsngo ba dang / gang la yongs su</font><hr>32.258b<br><font size=+1>

bsngo ba'i blo rnam pa gsum du mi 'gyur ba de ltar yongs su bsngo ste/ rab 'byor de ltar na byang chub sems dpa' sems dpa' chen po bzod pa'i pha rol du phyin pa la gnas shing sbyin pa'i pha rol du phyin pa yongs su 'dzin to/ /gsol pa/ bcom ldan 'das ji ltar na byang chub sems dpa' sems dpa' chen po bzod pa'i pha rol du phyin pa la gnas shing / tshul khrims kyi pha rol du phyin pa yongs su 'dzin pa lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po sems dang po bskyed pa nas nye bar bzung ste/ snying po byang chub la 'dug gi bar du sems can yin no cog gi srog mi gcod do/ /ma byin par mi len to/ /'dod pas log par mi g.yem mo/ /rdzun gyi tshig mi smra'o/ /phra ma'i tshig mi smra'o/ /zhe gcod pa'i tshig mi smra'o/ /tshig kyal pa mi smra'o/ /chags sems su mi byed do/ /gnod sems su mi byed do/ /log par mi lta'o/ /de'i sems kyang nyan thos kyi sa 'am/ rang sangs rgyas kyi sa la mi 'jug ste/ dge ba'i rtsa ba de yang sems can thams cad dang thun mong du byas te/ bla na med pa yang dag par rdzogs pa'i byang chub tu bsngo ste/ ci nas kyang gang yongs su bsngo ba dang / ci yongs su bsngo ba dang / gang la yongs su bsngo ba'i blo rnam pa gsum du mi 'gyur ba de ltar yongs su bsngo ste/ rab 'byor de ltar na byang chub sems dpa' sems dpa' chen po bzod pa'i pha rol du phyin pa la gnas shing / tshul khrims kyi pha rol du phyin pa yongs su 'dzin to/ /gsol pa/ bcom ldan 'das ji ltar na byang chub sems dpa' sems dpa' chen po bzod pa'i pha rol du phyin pa la gnas shing / brtson 'grus kyi pha rol du phyin pa yongs su 'dzin pa lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po bzod pa'i pha rol du phyin</font><hr>32.259a<br><font size=+1>

pa la gnas shing / brtson 'grus 'di lta bu yongs su bskyed de/ bdag gis dpag tshad dam/ dpag tshad brgya 'am/ dpag tshad stong ngam/ dpag tshad brgya phrag stong ngam/ dpag tshad bye ba 'am/ dpag tshad bye ba khrag khrig brgya phrag stong gi bar ram/ 'jig rten gyi khams brgya 'am/ 'jig rten gyi khams bye ba khrag khrig brgya phrag stong gi bar du song ste/ de dag tu chung ngu na sems can 'ga' tsam yang skyabs su 'gro ba 'am/ bslab pa'i gnas la gzhag par bya'o/ /bzod pa 'am rgyun du zhugs pa'i 'bras bu 'am/ lan cig phyir 'ong ba'i 'bras bu 'am/  phyir mi 'ong ba'i 'bras bu 'am/ dgra bcom pa nyid dam/ rang byang chub 'am/ bla na med pa yang dag par rdzogs pa'i byang chub la rab tu gzhag par bya'o zhes brtson 'grus rtsom ste/ dge ba'i rtsa ba de dag kyang sems can thams cad dang thun mong du byas shing / bla na med pa yang dag par rdzogs pa'i byang chub tu yongs su bsngo ste/ rab 'byor de ltar na byang chub sems dpa' sems dpa' chen po bzod pa'i pha rol du phyin pa la gnas shing / brtson 'grus kyi pha rol du phyin pa yongs su 'dzin to/ /gsol pa/ bcom ldan 'das ji ltar na byang chub sems dpa' sems dpa' chen po bzod pa'i pha rol du phyin pa la gnas shing / bsam gtan gyi pha rol du phyin pa yongs su 'dzin pa lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po bzod pa'i pha rol tu phyin pa la gnas shing / 'di ltar 'dod pa las dben pa/ sdig pa mi dge ba'i chos las dben pa/ rtog pa dang bcas pa/ dpyod pa dang bcas pa/ dben pa las skyes pa'i dga' ba dang bde ba can bsam gtan dang po la nye bar bsgrubs te gnas so/ /bsam gtan gnyis pa la nye bar bsgrubs te gnas so/ /bsam gtan gsum pa la nye bar bsgrubs te gnas so/ /bsam gtan bzhi pa la nye bar bsgrubs te gnas so/ /</font><hr>32.259b<br><font size=+1>

'gog pa'i snyoms par 'jug pa'i bar la nye bar bsgrubs te gnas so/ /sems dang sems las byung ba'i chos dge ba'i rtsa ba dang ldan pa gang dang gang skyes pa thams cad kyang rnam pa thams cad mkhyen pa nyid du yongs su bsngo'o/ /de yang ci nas kyang de'i tshe/ bsam gtan dang / bsam gtan gyi yan lag rnams mi dmigs pa de ltar yongs su bsngo ste/ rab 'byor de ltar na byang chub sems dpa' sems dpa' chen po bzod pa'i pha rol du phyin pa la gnas shing / bsam gtan gyi pha rol du phyin pa yongs su 'dzin to/ /gsol pa/ bcom ldan 'das ji ltar na byang chub sems dpa' sems dpa' chen po bzod pa'i pha rol du phyin pa la gnas shing / shes rab kyi pha rol du phyin pa yongs su 'dzin pa lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po bzod pa'i pha rol du phyin pa la gnas shing / gang gi tshe chos rnams la dben pa'i rnam pa 'am/ zhi ba'i rnam pa 'am/ mi zad pa'i rnam par chos kyi rjes su lta zhing gnas kyang snying po byang chub la nam 'dug gi bar du chos nyid de mngon du mi byed de/ snying po byang chub la 'dug nas kyang rnam pa thams cad mkhyen pa nyid thob par byed do/ /de las langs nas chos kyi 'khor lo yang bskor te/ rab 'byor de ltar na byang chub sems dpa' sems dpa' chen po bzod pa'i pha rol du phyin pa la gnas shing / shes rab kyi pha rol du phyin pa yongs su 'dzin te/ ci nas kyang mi spong / mi 'dzin pa de ltar yongs su 'dzin to/ /gsol pa/ bcom ldan 'das ji ltar na byang chub sems dpa' sems dpa' chen po brtson 'grus kyi pha rol du phyin pa la gnas shing / sbyin pa'i pha rol du phyin pa yongs su 'dzin pa lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po brtson 'grus kyi pha rol du phyin pa la gnas shing / lus dang sems kyis brtson pa mi 'dor ba yin te/ bdag gis bla na med pa yang</font><hr>32.260a<br><font size=+1>

dag par rdzogs pa'i byang chub tu mngon par rdzogs par 'tshang mi rgya bar mi bya'i/ bdag gis ni gdon mi za bar bla na med pa yang dag par rdzogs pa'i byang chub tu mngon par rdzogs par 'tshang rgya bar bya'o zhes de sems can rnams kyi don du dpag tshad dam/ dpag tshad brgya 'am/ dpag tshad stong ngam/ dpag tshad brgya phrag stong ngam/ 'jig rten gyi khams sam/ 'jig rten gyi khams bye ba khrag khrig brgya phrag stong gi bar dag tu song zhing / brtson 'grus kyi pha rol du phyin pa la gnas te/ chung ngu na sems can 'ga' tsam yang byang chub la rab tu 'jog go/ /gal te gang zag byang chub sems dpa'i theg pa pa dang ma phrad na yang / de dag tu gang zag nyan thos kyi theg pa pa ni nyan thos kyi sa la rab tu gzhog go/ /gang zag rang sangs rgyas kyi theg pa pa ni rang sangs rgyas kyi sa la rab tu gzhog ste/ chung ngu na sems can 'ga' tsam yang dge ba bcu'i las kyi lam la rab tu gzhog go/ /des chos kyi sbyin pa de dag byin nas zang zing gi sbyin pas sems can rnams tshim par byed de/ dge ba'i rtsa ba de yang nyan thos kyi sa 'am/ rang sangs rgyas kyi sar yongs su mi bsngo'i/ gzhan du na sems can thams cad dang thun mong du byas shing / bla na med pa yang dag par rdzogs pa'i byang chub tu yongs su bsngo ste/ rab 'byor de ltar na byang chub sems dpa' sems dpa' chen po brtson 'grus kyi pha rol du phyin pa la gnas shing / sbyin pa'i pha rol du phyin pa yongs su 'dzin to/ /gsol pa/ bcom ldan 'das ji ltar na byang chub sems dpa' sems dpa' chen po brtson 'grus kyi pha rol du phyin pa la gnas shing / tshul khrims kyi pha rol du phyin pa yongs su 'dzin pa lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po sems dang po bskyed pa nas nye bar bzung ste/ snying po byang chub la 'dug gi bar du bdag gis kyang srog gcod</font><hr>32.260b<br><font size=+1>

pa spangs pa yin/ gzhan yang srog gcod pa spang ba la yang dag par bskul ba yin/ srog gcod pa spong ba'i legs pa brjod pa yin/ gzhan gang gis srog gcod pa spangs pa de dag gi legs pa brjod cing 'thun pas dga' bar byed pa yin no/ /bdag gis kyang ma byin par len pa spangs pa yin/ gzhan yang ma byin par len pa spong ba la yang dag par bskul ba yin/ ma byin par len pa spong ba'i legs pa brjod pa yin/ gzhan gang gis ma byin par len pa spong ba de dag gi legs pa brjod cing 'thun pas dga' bar byed pa yin/ bdag gis kyang 'dod pas log par g.yem pa spangs pa yin/ gzhan yang 'dod pas log par g.yem pa spong ba la yang dag par bskul ba yin/ 'dod pas log par g.yem pa spong ba'i legs pa brjod pa yin/ gzhan gang gis 'dod pas log par g.yem pa spangs pa de dag gi legs pa brjod cing 'thun pas dga' bar byed pa yin/ bdag gis kyang brdzun du smra ba spangs pa yin/ gzhan yang brdzun du smra ba spangs pa la yang dag par bskul ba yin/ brdzun du smra ba spong ba'i legs pa brjod pa yin/ gzhan gang gis brdzun du smra ba spangs pa de dag gi legs pa brjod cing 'thun pas dga' bar byed pa yin/ bdag gis kyang phra ma spangs pa yin/ gzhan yang phra ma spong ba la yang dag par bskul ba yin/ phra ma spong ba'i legs pa brjod pa yin/ gzhan gang gis phra ma spangs pa de dag gi legs pa brjod cing 'thun pas dga' bar byed pa yin/ bdag gis kyang zhe gcod pa'i tshig spangs pa yin/ gzhan yang zhe gcod pa'i tshig spong ba la yang dag par bskul ba yin/ zhe gcod pa'i tshig spong ba'i legs pa brjod pa yin/ gzhan gang gis zhe gcod pa'i tshig spangs pa de dag gi legs pa brjod cing 'thun pas dga' bar byed pa yin/ bdag gis kyang tshig kyal</font><hr>32.261a<br><font size=+1>

pa spangs pa yin/ gzhan yang tshig kyal pa spong ba la yang dag par bskul ba yin/ tshig kyal pa spong ba'i legs pa brjod pa yin/ gzhan gang gis tshig kyal pa spangs pa de dag gi legs pa brjod cing 'thun pas dga' bar byed pa yin/ bdag gis kyang chags sems spangs pa yin/ gzhan yang chags sems spong ba la yang dag par bskul ba yin/ chags sems spong ba'i legs pa brjod pa yin/ gzhan gang gis chags sems spangs pa de dag gi legs pa brjod cing 'thun pas dga' bar byed pa yin/ bdag gis kyang gnod sems spangs pa yin/ gzhan yang gnod sems spong ba la yang dag par bskul ba yin/ gnod sems spong ba'i legs pa brjod pa yin/ gzhan gang gis gnod sems spangs pa de dag gi legs pa brjod cing 'thun pas dga' bar byed pa yin/  bdag gis kyang log par lta ba spangs pa yin/ gzhan yang log par lta ba spong ba la yang dag par bskul ba yin/ log par lta ba spong ba'i legs pa brjod pa yin/ gzhan gang gis log par lta ba spangs pa de dag gi legs pa brjod cing 'thun pas dga' bar byed pa yin te/ tshul khrims kyi pha rol du phyin pa des 'dod pa'i khams su gnas par mi byed/ gzugs kyi khams su gnas par mi byed/ gzugs med pa'i khams su gnas par mi byed/ nyan thos kyi sa 'am/ rang sangs rgyas kyi sa la gnas par mi byed de/ gzhan du na dge ba'i rtsa ba de dag sems can thams cad dang thun mong du byas shing / bla na med pa yang dag par rdzogs pa'i byang chub tu yongs su bsngo ste/ ci nas kyang gang yongs su bsngo ba dang / ci yongs su bsngo ba dang / gang la yongs su bsngo ba'i blo rnam pa gsum du mi 'gyur ba de ltar yongs su bsngo ste/ rab 'byor de ltar na byang chub sems dpa' sems dpa' chen po brtson 'grus kyi pha rol du phyin pa la gnas shing / tshul khrims kyi pha rol du phyin pa yongs su 'dzin to/ /gsol pa/ bcom ldan 'das ji ltar na byang chub sems dpa' sems dpa' chen po</font><hr>32.261b<br><font size=+1>

brtson 'grus kyi pha rol du phyin pa la gnas shing / bzod pa'i pha rol du phyin pa yongs su 'dzin pa lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po sems dang po bskyed pa nas nye bar bzung ste/ snying po byang chub la 'dug gi bar du mir gyur pa 'am/ mi ma yin par gyur pas/ sems rnam par 'khrugs par byas pa 'am/ yan lag dang nying lag bcad gtubs shing khyer te dong yang de la byang chub sems dpa' sems dpa' chen po brtson 'grus kyi pha rol du phyin pa la gnas pa de 'di snyam du bdag las ci zhig bcad do/ /bdag las ci zhig gtubs so/ /bdag las ci zhig khyer ro zhes bya bar mi sems te/ gzhan du na de 'di snyam du gang gi phyir bdag gi lus yongs su bsgrubs pa de dag 'dir 'ong zhing yan lag dang nying lag bcad gtubs nas khyer zhing 'dong ba ni bdag gis thob par bya ba legs par thob bo snyam mo/ /des ni chos rnams kyi rang bzhin yang legs par yid la byas pa yin te/ dge ba'i rtsa ba de dag kyang nyan thos kyi sa 'am/ rang sangs rgyas kyi sar yongs su mi bsngo'i/ gzhan du na sems can thams cad dang thun mong du byas shing / bla na med pa yang dag par rdzogs pa'i byang chub tu yongs su bsngo'o/ /rab 'byor de ltar na byang chub sems dpa' sems dpa' chen po brtson 'grus kyi pha rol du phyin pa la gnas shing / bzod pa'i pha rol du phyin pa yongs su 'dzin to/ /gsol pa/ bcom ldan 'das ji ltar na byang chub sems dpa' sems dpa' chen po brtson 'grus kyi pha rol du phyin pa la gnas shing bsam gtan gyi pha rol du phyin pa yongs su 'dzin pa lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po 'dod pas dben/ sdig to mi dge ba'i chos kyis dben pa/ rtog pa dang bcas pa/ </font><hr>32.262a<br><font size=+1>

dpyod pa dang bcas pa/ dben pa las skyes pa'i dga' ba dang bde ba can bsam gtan dang po la nye bar bsgrubs te gnas so/ /de rnam par rtog pa dang / rnam par dpyod pa nye bar zhi nas nang yongs su dang ste/ sems kyi rgyud gcig tu gyur pas rtog pa med pa/ dpyod pa med pa'i ting nge 'dzin las skyes pa'i dga' ba dang bde ba can bsam gtan gnyis pa la nye bar bsgrubs te gnas so/ /de dga' ba las 'dod chags dang bral bas dran pa dang ldan zhing shes bzhin du btang snyoms la gnas te/ bde ba lus kyis myong la/ 'phags pa rnams kyis de la dran pa dang ldan pa/ bde ba la rnam par spyod pa/ btang snyoms pa'o zhes brjod pa ste/ dga' ba med pa'i bsam gtan gsum pa la nye bar bsgrubs te gnas so/ /de bde ba yang spangs/ sdug bsngal ba yang spangs shing yid bde ba dang / yid mi bde ba snga nas kyang nub pas/ bde ba yang med/ sdug bsngal ba yang med pa/ btang snyoms dang dran pas yongs su dag pa'i bsam gtan bzhi pa la nye bar bsgrubs te gnas so/ /de sems can rnams la bde ba'i 'du shes yid la byed pas byams pa tshad med pa la nye bar bsgrubs te gnas so/ /de sems can rnams la sdug bsngal dang bral ba'i 'du shes yid la byed pas snying rje tshad med pa la nye bar bsgrubs te gnas so/ /de sems can rnams la dga' ba'i 'du shes yid la byed pas/ dga' ba tshad med pa la nye bar bsgrubs te gnas so/ /de sems can rnams la sdug bsngal dang bde ba med pa'i 'du shes yid la byed pas btang snyoms tshad med pa la nye bar bsgrubs te gnas so/ /de gzugs la che long du 'du shes shing / nam mkha' la zhi bar 'du shes pa yid la byed pas nam mkha' mtha' yas skye mched la nye bar bsgrubs te gnas so/ /de nam mkha' la che long du 'du shes shing / rnam par shes pa la zhi bar 'du shes pa yid la byed pas/ rnam shes mtha' yas skye mched la nye bar</font><hr>32.262b<br><font size=+1>

bsgrubs te gnas so/ /de rnam par shes pa la che long du 'du shes shing / cung zad med pa la zhi bar 'du shes pa yid la byed pas cung zad med pa'i skye mched la nye bar bsgrubs te gnas so/ /de cung zad med pa la che long du 'du shes pas/ 'du shes med 'du shes med min la zhi bar 'du shes pa yid la byed pas/ 'du shes med 'du shes med min skye mched la nye bar bsgrubs te gnas so/ /de bsam gtan dang / tshad med pa dang / gzugs med pa'i snyoms par 'jug pa de dag gi rnam par smin pa yongs su mi len te gzhan du na sems can rnams kyi don bya ba'i phyir de dag tu skye zhing sems can de dag sbyin pa'i pha rol du phyin pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa dang / pha rol du phyin pa drug po 'di dag la yongs su smin par byed do/ /dge ba'i rtsa ba bskyed pa'i don du sangs rgyas bcom ldan 'das rnams la bsnyen bkur byed cing sangs rgyas kyi zhing nas sangs rgyas kyi zhing du 'gro ste/ rab 'byor de ltar na byang chub sems dpa' sems dpa' chen po brtson 'grus kyi pha rol du phyin pa la gnas shing / bsam gtan gyi pha rol du phyin pa yongs su 'dzin to/ /gsol pa/ bcom ldan 'das ji ltar na byang chub sems dpa' sems dpa' chen po brtson 'grus kyi pha rol du phyin pa la gnas shing / shes rab kyi pha rol du phyin pa yongs su 'dzin pa lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po brtson 'grus kyi pha rol du phyin pa la gnas shing / sbyin pa'i pha rol du phyin pa dngos po dang / rdzas dang / mtshan mar yang dag par rjes su mi mthong / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan</font><hr>32.263a<br><font size=+1>

gyi pha rol du phyin pa dang / shes rab kyi pha rol du phyin pa dngos po dang / rdzas dang / mtshan mar yang dag par rjes su mi mthong / nang stong pa nyid dngos po dang / rdzas dang / mtshan mar yang dag par rjes su mi mthong / dngos po med pa'i ngo bo nyid stong pa nyid kyi bar du dngos po dang / rdzas dang / mtshan mar yang dag par rjes su mi mthong / dran pa nye bar gzhag pa rnams dngos po dang / rdzas dang / mtshan mar yang dag par rjes su mi mthong / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa dngos po dang / rdzas dang / mtshan mar yang dag par rjes su mi mthong / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa rnams dngos po dang / rdzas dang / mtshan mar yang dag par rjes su mi mthong ngo / /rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams dngos po dang / rdzas dang / mtshan mar yang dag par rjes su mi mthong / ting nge 'dzin rnams dang / gzungs kyi sgo rnams dngos po dang / rdzas dang / mtshan mar yang dag par rjes su mi mthong / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad dngos po dang / rdzas dang / mtshan mar yang dag par rjes su mi mthong / rnam pa thams cad mkhyen pa nyid kyi bar du dngos po dang / rdzas dang / mtshan mar yang dag par rjes su mi mthong ba ste/ chos thams cad dngos po dang / rdzas dang / mtshan mar yang dag par rjes su mi mthong bas chos gang la yang gnas mi 'cha' zhing de ji skad du smra ba de ltar byed pa yin te/ rab 'byor de ltar byang chub sems dpa' sems dpa' chen</font><hr>32.263b<br><font size=+1>

po brtson 'grus kyi pha rol du phyin pa la gnas shing / shes rab kyi pha rol du phyin pa yongs su 'dzin to/ /gsol pa/ bcom ldan 'das ji ltar na byang chub sems dpa' sems dpa' chen po bsam gtan gyi pha rol du phyin pa la gnas shing / sbyin pa'i pha rol du phyin pa yongs su 'dzin pa lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po 'dod pas dben/ sdig to mi dge ba'i chos kyis dben pa/ rtog pa dang bcas pa dpyod pa dang bcas pa/ dben pa las skyes pa'i dga' ba dang bde ba can bsam gtan dang po la nye bar bsgrubs te gnas so/ /de rnam par rtog pa dang / rnam par dpyod pa nye bar zhi nas nang yongs su dang ste/ sems kyi rgyud gcig tu gyur pas rtog pa med pa/ dpyod pa med pa/ ting nge 'dzin las skyes pa'i dga' ba dang bde ba can bsam gtan gnyis pa la nye bar bsgrubs te gnas so/ /de dga' ba las 'dod chags dang bral bas dran pa dang ldan zhing / shes bzhin du btang snyoms la gnas te/ bde ba lus kyis myong la/ 'phags pa rnams kyis de la dran pa dang ldan pa/ bde ba la rnam par spyod pa btang snyoms pa'o zhes brjod pa ste/ dga' ba med pa'i bsam gtan gsum pa la nye bar bsgrubs te gnas so/ /de bde ba yang spangs/ sdug bsngal ba yang spangs shing / yid bde ba dang / yid mi bde ba snga nas kyang nub pas/ bde ba yang med/ sdug bsngal ba yang med pa/ btang snyoms dang dran pas yongs su dag pa bsam gtan bzhi pa la nye bar bsgrubs te gnas so/ /de 'du shes med 'du shes med min skye mched kyi bar la yang de bzhin du nye bar bsgrubs te gnas so/ /de bsam gtan gyi pha rol du phyin pa de la gnas nas mi g.yeng ba'i yid kyis/ sems can de dag la zang zing gi sbyin pa dang / chos kyi sbyin pa yongs su gtong zhing gzhan yang zang zing gi sbyin pa dang chos kyi sbyin pa la yang dag par bskul lo/ /zang zing gi sbyin pa dang / chos kyi sbyin</font><hr>32.264a<br><font size=+1>

pa'i legs pa yang brjod do/ /gzhan yang zang zing gi sbyin pa dang / chos kyi sbyin pa yongs su gtong ba de dag gi legs pa yang brjod cing 'thun pas dga' bar byed pa yin te/  dge ba'i rtsa ba de dag kyang nyan thos kyi sa 'am/ rang sangs rgyas kyi sar yongs su mi bsngo'i/ gzhan du na sems can thams cad dang thun mong du byas shing / bla na med pa yang dag par rdzogs pa'i byang chub tu yongs su bsngo ste/ rab 'byor de ltar na byang chub sems dpa' sems dpa' chen po bsam gtan gyi pha rol du phyin pa la gnas shing / sbyin pa'i pha rol du phyin pa yongs su 'dzin to/ /gsol pa/ bcom ldan 'das ji ltar na byang chub sems dpa' sems dpa' chen po bsam gtan gyi pha rol du phyin pa la gnas shing / tshul khrims kyi pha rol du phyin pa yongs su 'dzin pa lags bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po bsam gtan gyi pha rol du phyin pa la gnas shing / sems 'dod chags dang ldan pa mi skyed/ sems zhe sdang dang ldan pa dang / gti mug dang ldan pa dang / 'tshe ba dang ldan pa mi skyed de/ gzhan du na rnam pa thams cad mkhyen pa nyid dang ldan pa'i yid la byed pas rnam par spyod cing / dge ba'i rtsa ba de dag kyang nyan thos kyi sa 'am/ rang sangs rgyas kyi sar yongs su mi bsngo'i/ gzhan du na sems can thams cad dang thun mong du byas shing / bla na med pa yang dag par rdzogs pa'i byang chub tu yongs su bsngo ste/ rab 'byor de ltar na byang chub sems dpa' sems dpa' chen po bsam gtan gyi pha rol du phyin pa la gnas shing / tshul khrims kyi pha rol du phyin pa yongs su 'dzin to/ /gsol pa/ bcom ldan 'das ji ltar na byang chub sems dpa' sems dpa' chen po bsam gtan gyi pha rol du phyin pa la gnas shing / bzod pa'i pha rol du phyin pa yongs su 'dzin pa lags/ bcom ldan 'das kyis bka' stsal pa/ rab 'byor 'di la</font><hr>32.264b<br><font size=+1>

byang chub sems dpa' sems dpa' chen po bsam gtan gyi pha rol du phyin pa la gnas shing / gzugs la dbu ba lta bur rab tu rtog /tshor ba la chu bur lta bu dang / 'du shes la smig rgyu lta bu dang / 'du byed la chu shing lta bu dang / rnam par shes pa la sgyu ma lta bur rab tu rtog ste/ de de ltar len pa'i phung po lnga la so sor rtog cing / snying po med par 'du shes nye bar gnas pa yin te/ de de ltar so sor rtog pas de 'di snyam ste/ yan lag dang nying lag yongs su gtubs kyang su la gcod su la gcad lus na su'-i lus/ tshor ba na su'i tshor ba/ 'du shes na su'i 'du shes/ 'du byed na su'i 'du byed/ rnam par shes pa na su'i rnam par shes pa snyam ste/ de de ltar so sor rtog pa'i tshe 'di snyam ste/ gang la spyo ba dang / kyal pa byas na gnod sems skye ba de lta bu'i gshe ba yang gang zhig yod/ 'khyal ba yang gang zhig yod snyam ste/ rab 'byor de ltar na byang chub sems dpa' sems dpa' chen po bsam gtan gyi pha rol tu phyin pa la gnas shing / bzod pa'i pha rol du phyin pa yongs su 'dzin to/ /shes rab kyi pha rol tu phyin pa stong phrag nyi shu lnga pa/ bam po lnga bcu brgyad pa/ gsol pa/ bcom ldan 'das ji ltar na byang chub sems dpa' sems dpa' chen po bsam gtan gyi pha rol du phyin pa la gnas shing / brtson 'grus kyi pha rol du phyin pa yongs su 'dzin pa lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po bsam gtan gyi pha rol du phyin pa la gnas shing / 'dod pas dben sdig to mi dge ba'i chos kyis dben pa/ rtog pa dang bcas pa/ dpyod pa dang bcas pa/ dben pa las skyes pa'i dga' ba dang bde ba can bsam gtan dang po la nye bar bsgrubs te gnas so/ /de rnam par rtog pa dang rnam par dpyod pa nye bar zhi nas/ nang yongs su dang ste/ sems kyi rgyud gcig tu gyur pas/ rtog pa med pa/ </font><hr>32.265a<br><font size=+1>

dpyod pa med pa/ ting nge 'dzin las skyes pa'i dga' ba dang bde ba can bsam gtan gnyis pa la nye bar bsgrubs te gnas so/ /de dga' ba las 'dod chags dang bral bas dran pa dang ldan zhing / shes bzhin du btang snyoms la gnas te/ bde ba lus kyis myong la/ 'phags pa rnams kyis dran pa dang ldan pa bde ba la rnam par spyod pa btang snyoms pa'o zhes brjod pa ste/ dga' ba med pa'i bsam gtan gsum pa la nye bar bsgrubs te gnas so/ /de bde ba yang spangs sdug bsngal ba yang spangs shing / yid bde ba dang / yid mi bde ba snga nas kyang nub pas/ bde ba yang med/ sdug bsngal ba yang med pa/ btang snyoms dang dran pas yongs su dag pa'i bsam gtan bzhi pa la nye bar bsgrubs shing gnas te/ de bsam gtan dang / bsam gtan gyi yan lag de dag la yang mtshan mar mi 'dzin to/ /de de ltar mnyam par bzhag pa'i sems dang ldan pas rdzu 'phrul rnam pa du ma nyams su myong bar byed de/ de sa chen po 'di yang rab tu g.yo bar byed do/ /gcig tu gyur cing mang por 'gyur ro/ /mang por gyur cing gcig tu 'gyur ro/ /snang ba dang / mi snang ba yang nyams su myong bar byed do/ /rtsig pa las thal ba dang / ra ba las thal ba dang / ri las thal ba thogs pa med par 'gro ste/ dper na nam mkha' la bya ba bzhin no/ /nam mkha' la yang 'gro ste/ dper na 'dab chags bya bzhin no/ /sa la yang gyen du 'byung ba dang / 'og tu 'dzul ba byed de/ dper na chu la bya ba bzhin no/ /chu la yang 'bying ba med par 'gro ste/ dper na sa la bya ba bzhin no/ /du bar 'thul zhing mer 'bar te/ dper na me'i phung po chen po bzhin no/ /nyi ma dang / zla ba 'di dag 'di ltar rdzu 'phrul che la 'di ltar mthu che zhing / dbang che ba de dag kyang lag pas byugs shing tshangs pa'i 'jig rten gyi bar du lus kyis dbang bsgyur ro/ /de lha'i rna ba rnam par dag pa mi las 'das pas/ lha dang mi'i sgra nye 'am ring yang rung ste thos so/ /</font><hr>32.265b<br><font size=+1>

de sems can pha rol dang / gang zag pha rol gyi sems sems kyis yang dag pa ji lta ba bzhin du rab tu shes te 'dod chags dang ldan pa'i sems la 'dod chags dang ldan pa'i sems shes bya bar yang dag pa ji lta ba bzhin du rab tu shes so/ /bla na med pa'i sems kyi bar la bla na med pa'i sems shes bya bar yang dag pa ji lta ba bzhin du rab tu shes so/ /de ni sngon gyi gnas rnam pa du ma rjes su dran te sems gcig kyang rjes su dran pa nas sems brgya'i bar du yang rjes su dran no/ /bskal pa gcig gi bar du rjes su dran pa nas bskal pa brgya'i bar du yang rjes su dran no/ /bskal pa bye ba khrag khrig brgya stong du ma'i bar du yang rjes su dran te/ bdag ni de lta bu zhig na 'dug 'dug ste/ ming ni 'di zhes bya rus ni 'di zhes bya/ rigs ni 'di zhes bya/ kha zas ni 'di lta bu zhig za za/ yun ni 'di srid cig tu 'dug 'dug /tshe'i mtha' ni 'di tsam zhig tu gyur te/ de ltar bdag 'di nas shi 'phos nas che ge mo zhig tu skyes so zhes bya ba nas/ de nas shi 'phos nas ni 'dir skyes so zhes bya ba'i bar du rnam pa dang bcas/ gtan tshigs dang bcas/ dan rtags dang bcas par bdag dang gzhan gyi sngon gyi gnas rnam pa du mar rjes su dran no/ /de ni lha'i mig rnam par dag pa mi las 'das pas/ sems can 'chi 'pho ba dang / skye ba nas sems can rnams las gzhan du 'gro ba'i bar du yang dag pa ji lta ba bzhin du rab tu shes te/ de mngon par shes pa lnga po de dag la gnas nas/ sangs rgyas bcom ldan 'das rnams la bsnyen bkur bya ba dang / yongs su dri ba dang / yongs su zhu ba dang / dge ba'i rtsa ba bsags pa dang / sems can yongs su smin par bya ba dang / sangs rgyas kyi zhing yongs su dag par bya ba'i phyir sangs rgyas kyi zhing nas sangs rgyas kyi zhing du 'gro ste/ dge ba'i rtsa ba de dag kyang nyan thos kyi sa 'am/ rang sangs rgyas kyi sar yongs su mi bsngo'i/ gzhan du na sems can thams cad dang thun mong du byas shing / </font><hr>32.266a<br><font size=+1>

bla na med pa yang dag par rdzogs pa'i byang chub tu yongs su bsngo zhing / ci nas kyang gang yongs su bsngo ba dang / ci yongs su bsngo ba dang / gang la yongs su bsngo ba'i blo rnam pa gsum du mi 'gyur ba de ltar yongs su bsngo ste/ rab 'byor de ltar na byang chub sems dpa' sems dpa' chen po bsam gtan gyi pha rol du phyin pa la gnas shing brtson 'grus kyi pha rol du phyin pa yongs su 'dzin to/ /gsol pa/ bcom ldan 'das ji ltar na byang chub sems dpa' sems dpa' chen po bsam gtan gyi pha rol du phyin pa la gnas shing / shes rab kyi pha rol du phyin pa yongs su 'dzin pa lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po bsam gtan gyi pha rol du phyin pa la gnas pas/ gzugs mi dmigs so/ /tshor ba dang / 'du shes dang / 'du byed dang / rnam par shes pa mi dmigs so/ /mig mi dmigs so/ /rna ba dang sna dang lce dang lus dang yid mi dmigs so/ /gzugs mi dmigs so/ /sgra dang dri dang ro dang reg dang chos mi dmigs so/ /mig gi rnam par shes pa mi dmigs so/ /yid kyi rnam par shes pa'i bar du mi dmigs so/ /mig gi 'dus te reg pa mi dmigs so/ /yid kyi 'dus te reg pa'i bar du mi dmigs so/ /mig gi 'dus te reg pa las byung ba'i tshor ba mi dmigs so/ /yid kyi 'dus te reg pa las byung ba'i tshor ba'i bar du mi dmigs so/ /sa'i khams mi dmigs so/ /rnam par shes pa'i khams kyi bar du mi dmigs so/ /ma rig pa mi dmigs so/ /rga shi'i bar du mi dmigs so/ /sbyin pa'i pha rol du phyin pa mi dmigs so/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa mi dmigs so/ /nang stong pa nyid mi dmigs so/ /dngos po med pa'i ngo bo nyid stong pa nyid kyi bar du mi dmigs so/ /dran pa</font><hr>32.266b<br><font size=+1>

nye bar gzhag pa rnams mi dmigs so/ /yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa mi dmigs so/ /'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs dang / mi 'jigs pa dang / so so yang dag par rig pa dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad mi dmigs so/ /rnam pa thams cad mkhyen pa nyid kyi bar du mi dmigs so/ /'dus byas kyi khams mi dmigs so/ /'dus ma byas kyi khams mi dmigs so/ /de ltar mi dmigs pas na mngon par 'du mi byed do/ /mngon par 'du mi byed pas na skye ba 'am 'gag pa mi byed do/ /de ci'i phyir zhe na/ rab 'byor de ni 'di ltar de bzhin gshegs pa rnams byung yang rung ma byung yang rung ste/ chos rnams kyi chos kyi gnas nyid de ni gnas pa ste/ chos kyi dbyings de bzhin gnas pa'i phyir de mi skye mi 'gag pas/ de g.yeng ba med pa'i sems dang ldan par rnam pa thams cad mkhyen pa nyid dang ldan pa'i yid la bya ba dang ma bral ba yin te/ rab 'byor de ltar na byang chub sems dpa' sems dpa' chen po bsam gtan gyi pha rol du phyin pa la gnas shing / shes rab kyi pha rol du phyin pa yongs su 'dzin to/ /gsol pa/ bcom ldan 'das ji ltar na byang chub sems dpa' sems dpa' chen po shes rab kyi pha rol tu phyin pa la gnas shing / sbyin pa'i pha rol tu phyin pa yongs su 'dzin pa lags/ bcom ldan 'das kyis bka' stsal</font><hr>32.267a<br><font size=+1>

pa/ rab 'byor 'di la byang chub sems dpa' sems dpa' chen po shes rab kyi pha rol du phyin pa la spyod pa'i tshe/ chos thams cad stong pa'o zhes bya bar yang dag par rjes su mthong ngo / /gsol pa/ bcom ldan 'das ji ltar na byang chub sems dpa' sems dpa' chen po shes rab kyi pha rol du phyin pa la spyod pa'i tshe/ chos thams cad stong pa'o zhes bgyi bar yang dag par rjes su mthong ba lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po shes rab kyi pha rol du phyin pa la spyod pa'i tshe/ nang stong pa nyid la nang stong pa nyid ces bya bar mi dmigs so/ /phyi stong pa nyid la phyi stong pa nyid ces bya bar mi dmigs so/ /phyi nang stong pa nyid la phyi nang stong pa nyid ces bya bar mi dmigs so/ /stong pa nyid stong pa nyid la stong pa nyid stong pa nyid ces bya bar mi dmigs so/ /chen po stong pa nyid la chen po stong pa nyid ces bya bar mi dmigs so/ /don dam pa stong pa nyid la don dam pa stong pa nyid ces bya bar mi dmigs so/ /'dus byas stong pa nyid la 'dus byas stong pa nyid ces bya bar mi dmigs so/ /'dus ma byas stong pa nyid la 'dus ma byas stong pa nyid ces bya bar mi dmigs so/ /mtha' las 'das pa stong pa nyid la mtha' las 'das pa stong pa nyid ces bya bar mi dmigs so/ /thog ma dang tha ma med pa stong pa nyid la thog ma dang tha ma med pa stong pa nyid ces bya bar mi dmigs so/ /dor ba med pa stong pa nyid la dor ba med pa stong pa nyid ces bya bar mi dmigs so/ /rang bzhin stong pa nyid la rang bzhin stong pa nyid ces bya bar mi dmigs so/ /chos thams cad stong pa nyid la chos thams cad stong pa nyid ces bya bar mi dmigs so/ /rang gi mtshan nyid stong pa nyid la rang gi mtshan nyid stong pa nyid ces bya bar mi dmigs te/ byang chub sems dpa' sems dpa' chen po de stong pa nyid bcu bzhi po de dag la gnas shing / </font><hr>32.267b<br><font size=+1>

gzugs stong zhes bya ba 'am mi stong zhes bya bar mi dmigs so/ /tshor ba dang 'du shes dang 'du byed dang / rnam par shes pa stong zhes bya ba 'am mi stong zhes bya bar mi dmigs so/ /skye mched dang / khams dang rten cing 'brel par 'byung ba stong zhes bya ba 'am mi stong zhes bya bar mi dmigs so/ /pha rol du phyin pa thams cad dang / byang chub kyi phyogs kyi chos sum bcu rtsa bdun stong zhes bya ba 'am mi stong zhes bya bar mi dmigs so/ /'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu stong zhes bya ba 'am mi stong zhes bya bar mi dmigs so/ /stong pa nyid dang mtshan ma med pa dang / smon pa med pa stong zhes bya ba 'am mi stong zhes bya bar mi dmigs so/ /mngon par shes pa dang / ting nge 'dzin dang / gzungs kyi sgo rnams stong zhes bya ba 'am mi stong zhes bya bar mi dmigs so/ /stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad stong zhes bya ba 'am mi stong zhes bya bar mi dmigs so/ /bla na med pa yang dag par rdzogs pa'i byang chub kyi bar du stong zhes bya ba 'am mi stong zhes bya bar mi dmigs so/ /'dus byas kyi khams stong zhes bya ba 'am mi stong zhes bya bar mi dmigs so/ /'dus ma byas kyi khams stong zhes bya ba 'am mi stong zhes bya bar mi dmigs te/ byang chub sems dpa' sems dpa' chen po shes rab kyi pha rol tu phyin pa 'di la spyod cing / zas sam skom 'am/ bzhon pa 'am/ gos sam/ me tog gam/ phreng ba 'am/ spos sam/ byug pa 'am/ mal cha 'am/ gnas sam/ 'tsho ba 'am/ yo byad dam/ mi'i yo byad gang ci yang rung ba'i sbyin pa gang dang gang gtong yang des sbyin pa de yang stong zhes bya bar yang dag par rjes su mi mthong ngo / /</font><hr>32.268a<br><font size=+1>

gang yongs su gtong ba dang / gang la yongs su gtong ba de yang stong zhes bya ba 'am/ mi stong zhes bya bar yang dag par rjes su mi mthong ste/ de la 'jungs pa'i sems sam/ yongs su 'dzin pa'i sems kyi skabs med do/ /de ci'i phyir zhe na/ shes rab kyi pha rol du phyin pa la spyod pa'i byang chub sems dpa' sems dpa' chen po la sems dang po bskyed pa nas nye bar bzung ste/ snying po byang chub la 'dug gi bar du rnam par rtog pa de dag thams cad med de/ de bzhin gshegs pa dgra bcom pa yang dag par rdzogs pa'i sangs rgyas bla na med pa yang dag par rdzogs pa'i byang chub tu mngon par rdzogs par sangs rgyas pa la ji ltar 'jungs pa'i thugs sam/ yongs su 'dzin pa'i thugs mi mnga' ba de bzhin du byang chub sems dpa' sems dpa' chen po shes rab kyi pha rol du phyin pa la spyod pa la yang 'jungs pa'i sems sam/ yongs su 'dzin pa'i sems skye ba med do/ /de ni 'di ltar shes rab kyi pha rol du phyin pa 'di nyid byang chub sems dpa' sems dpa' chen po'i ston pa'o/ /rab 'byor de ltar na byang chub sems dpa' sems dpa' chen po shes rab kyi pha rol du phyin pa la gnas shing / sbyin pa'i pha rol du phyin pa yongs su 'dzin to/ /gsol pa/ bcom ldan 'das ji ltar na byang chub sems dpa' sems dpa' chen po shes rab kyi pha rol du phyin pa la gnas shing / tshul khrims kyi pha rol tu phyin pa yongs su 'dzin pa lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po shes rab kyi pha rol du phyin pa la gnas shing / nyan thos kyi sa dang rang sangs rgyas kyi sa'i go skabs mi 'byed do/ /de ci'i phyir zhe na/ de ni 'di ltar des nyan thos kyi sa 'am/ rang sangs rgyas kyi sa yang mi dmigs/ sems de yang mi dmigs te/ de sems dang po bskyed pa nas nye bar bzung ste/ </font><hr>32.268b<br><font size=+1>

snying po byang chub la 'dug gi bar du bdag gis kyang srog gcod pa spangs pa yin/ gzhan yang srog gcod pa spong ba la yang dag par bskul ba yin/ srog gcod pa spong ba'i legs pa brjod pa yin/ gzhan gang gis srog gcod pa spangs pa de dag gi legs pa brjod cing 'thun pas dga' bar byed pa yin/ bdag gis kyang ma byin par len pa dang / 'dod pas log par g.yem pa dang / brdzun du smra ba dang / phra ma dang / zhe gcod pa'i tshig dang / tshig kyal pa dang / chags sems dang / gnod sems dang / log par lta ba spangs pa yin/ gzhan yang log par lta ba spong ba la yang dag par bskul ba yin/ log par lta ba spong ba'i legs pa brjod pa yin/ gzhan gang gis log par lta ba spangs pa de dag gi legs pa brjod cing 'thun pas dga' bar byed pa yin te/  tshul khrims des nyan thos sam/ rang sangs rgyas kyi chos gang la yang chags par mi 'gyur na/ gzhan man chad lta la ci smos te/ rab 'byor de ltar na byang chub sems dpa' sems dpa' chen po shes rab kyi pha rol du phyin pa la gnas shing / tshul khrims kyi pha rol du phyin pa yongs su 'dzin to/ /gsol pa/ bcom ldan 'das ji ltar na byang chub sems dpa' sems dpa' chen po shes rab kyi pha rol du phyin pa la gnas shing / bzod pa'i pha rol du phyin pa yongs su 'dzin pa lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la gnas shing rjes su 'thun pa'i bzod pa skyes te/ de 'di snyam du 'di la chos gang yang skye ba 'am/ 'gag pa 'am/ 'byung ba 'am 'jig pa 'am/ 'ching ba 'am gshe ba 'am 'khyal ba dang / gcad pa dang / gtub pa 'am/ rdeg pa med do snyam pas de la sems dang po bskyed pa nas nye bar bzung ste/ snying po</font><hr>32.269a<br><font size=+1>

byang chub la 'dug gi bar du gal te sems can thams cad drung du lhags nas spyos te kyal dam/ rdo dbyug gis brdegs sam/ mtshon gyis btab ste/ bcad gtubs kyang de la 'di snyam ste/ kye ma chos rnams kyi chos nyid 'di ni ngo mtshar che ste/ 'di la chos gang la yang spyo ba 'am kyal pa 'am/ gcad pa 'am/ gtubs pa 'am/ brdeg pa 'am/ bcing ba med do snyam ste/ rab 'byor de ltar na byang chub sems dpa' sems dpa' chen po shes rab kyi pha rol du phyin pa la gnas shing / bzod pa'i pha rol du phyin pa yongs su 'dzin to/ /gsol pa/ bcom ldan 'das ji ltar na byang chub sems dpa' sems dpa' chen po shes rab kyi pha rol du phyin pa la gnas shing / brtson 'grus kyi pha rol du phyin pa yongs su 'dzin pa lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po shes rab kyi pha rol du phyin pa la gnas shing / rdzu 'phrul gyi rkang pa bzhi la gnas te/ thabs mkhas pa dang ldan pas lus dang sems kyi brtson pa bskyed de/ de 'jig rten gyi khams gcig gam/ 'jig rten gyi khams brgya 'am/ 'jig rten gyi khams stong ngam/ 'jig rten gyi khams bye ba khrag khrig brgya phrag stong gi bar dag tu song ste/ sems can rnams la chos ston cing / sbyin pa'i pha rol du phyin pa la rab tu 'god do/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la rab tu 'god do/ /dran pa nye bar gzhag pa rnams la rab tu 'god do/ /'phags pa'i lam yan lag brgyad pa'i bar la rab tu 'god do/ /rgyun du zhugs pa'i 'bras bu la rab tu 'god do/ /lan cig phyir 'ong ba'i 'bras bu dang / phyir mi 'ong ba'i 'bras bu dang / </font><hr>32.269b<br><font size=+1>

dgra bcom pa nyid dang / rang byang chub la rab du 'god do/ /bla na med pa yang dag par rdzogs pa'i byang chub la rab tu 'god do/ /de yang ci nas kyang 'dus byas kyi khams la rab tu bkod pa yang ma yin/ 'dus ma byas kyi khams la rab du bkod pa yang ma yin pa de ltar rab tu 'god de/ rab 'byor de ltar na byang chub sems dpa' sems dpa' chen po shes rab kyi pha rol du phyin pa la gnas shing / brtson 'grus kyi pha rol du phyin pa yongs su 'dzin to/ /gsol pa/ bcom ldan 'das ji ltar na byang chub sems dpa' sems dpa' chen po shes rab kyi pha rol du phyin pa la gnas shing / bsam gtan gyi pha rol du phyin pa yongs su 'dzin pa lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po shes rab kyi pha rol du phyin pa la gnas shing / de bzhin gshegs pa'i ting nge 'dzin ma gtogs par/ nyan thos kyi ting nge 'dzin tam/ rang sangs rgyas kyi ting nge 'dzin tam/ byang chub sems dpa'i ting nge 'dzin kyang rung ste/ ting nge 'dzin gang ji snyed pa de dag thams cad la snyoms par 'jug ste/ ting nge 'dzin de dag la gnas shing / rnam par thar pa brgyad la lugs dang 'thun pa dang / lugs dang mi mthun par snyoms par 'jug cing rnam par ldang ngo / /brgyad gang zhe na/ rab 'byor 'di la byang chub sems dpa' sems dpa' chen po gzugs can gyis gzugs rnams mthong ba 'di ni rnam par thar pa dang po'o/ /nang gzugs med pa'i 'du shes dang ldan pas/ phyi rol gyi gzugs rnams mthong ba 'di ni rnam par thar pa gnyis pa'o/ /bzang bar mos pa 'di ni rnam par thar pa gsum pa'o/ /de rnam pa thams cad du gzugs kyi 'du shes las yang dag par 'das te/ thogs pa'i 'du shes rnams nub par gyur cing sna tshogs kyi 'du shes yid la mi byed pas nam mkha' mtha' yas so zhes te/ </font><hr>32.270a<br><font size=+1>

nam mkha' mtha' yas skye mched la nye bar bsgrubs te gnas pa 'di ni rnam par thar pa bzhi pa'o/ /de rnam pa thams cad du nam mkha' mtha' yas skye mched las yang dag par 'das te/ rnam par shes pa mtha' yas so zhes te/ rnam shes mtha' yas skye mched la nye bar bsgrubs te gnas pa 'di ni rnam par thar pa lnga pa'o/ /de rnam pa thams cad du rnam shes mtha' yas skye mched las yang dag par 'das te/ cung zad ma yod do zhes chung zad med pa'i skye mched la nye bar bsgrubs te gnas pa 'di ni rnam par thar pa drug pa'o/ /de rnam pa thams cad du cung zad med pa'i skye mched las yang dag par 'das te/ 'du shes med 'du shes med min skye mched la nye bar bsgrubs te gnas pa 'di ni rnam par thar pa bdun pa'o/ /de rnam pa thams cad du 'du shes med 'du shes med min skye mched las yang dag par 'das te/ 'du shes dang tshor ba 'gog pa la nye bar bsgrubs te gnas pa 'di ni rnam par thar pa brgyad pa ste/ de ltar na rnam par thar pa brgyad po 'di dag la lugs dang 'thun pa dang / lugs dang mi mthun par snyoms par 'jug cing rnam par ldang ngo / /mthar gyis gnas pa'i snyoms par 'jug pa dgu la lugs dang 'thun pa dang / lugs dang mi 'thun par snyoms par 'jug cing rnam par ldang ste/ dgu gang zhe na/ rab 'byor 'di la byang chub sems dpa' sems dpa' chen po 'di 'dod pas dben/ sdig to mi dge ba'i chos kyis dben pa/ rtog pa dang bcas pa/ dpyod pa dang bcas pa/ dben pa las skyes pa'i dga' ba dang bde ba can bsam gtan dang po la nye bar bsgrubs te gnas so/ /de rnam par rtog pa dang rnam par dpyod pa nye bar zhi nas nang yongs su dang ste/ sems kyi rgyud gcig tu gyur pas/ rtog pa med pa/ dpyod pa med pa ting nge 'dzin las skyes pa'i dga' ba dang bde ba can bsam gtan gnyis pa la nye bar bsgrubs te gnas so/ /de dga' ba las 'dod chags dang bral bas dran pa dang ldan zhing shes bzhin du btang snyoms su gnas te/ </font><hr>32.270b<br><font size=+1>

bde ba lus kyis myong la/ 'phags pa rnams kyis de la dran pa dang ldan pa bde ba la rnam par spyod pa/ btang snyoms pa'o zhes brjod pa ste/ dga' ba med pa'i bsam gtan gsum pa la nye bar bsgrubs te gnas so/ /de bde ba de yang spangs/ sdug bsngal ba yang spangs shing / yid bde ba dang / yid mi bde ba snga nas kyang nub pas/ bde ba yang med/ sdug bsngal ba yang med pa/ btang snyoms dang dran pas yongs su dag pa bsam gtan bzhi pa la nye bar bsgrubs te gnas so/ /de rnam pa thams cad du gzugs kyi 'du shes las yang dag par 'das te/ thogs pa'i 'du shes rnams nub par gyur cing sna tshogs kyi 'du shes yid la mi byed pas/ nam mkha' mtha' yas so zhes te/ nam mkha' mtha' yas skye mched la nye bar bsgrubs te gnas so/ /de rnam pa thams cad du nam mkha' mtha' yas skye mched las yang dag par 'das te/ rnam par shes pa mtha' yas so zhes rnam shes mtha' yas skye mched la nye bar bsgrubs te gnas so/ /de rnam pa thams cad du rnam shes mtha' yas skye mched las yang dag par 'das te/ cung zad ma yod do zhes cung zad med pa'i skye mched la nye bar bsgrubs te gnas so/ /de rnam pa thams cad du cung zad med pa'i skye mched las yang dag par 'das te/ 'du shes med 'du shes med min skye mched la nye bar bsgrubs te gnas so/ /de rnam pa thams cad du 'du shes med 'du shes med min skye mched las yang dag par 'das te/ 'du shes dang tshor ba 'gog pa la nye bar bsgrubs te gnas so/ /de ltar mthar gyis gnas pa'i snyoms par 'jug pa dgu po de dag la lugs dang 'thun pa dang /  lugs dang mi 'thun par snyoms par 'jug cing rnam par ldang ngo /[ ]/de rnam par thar pa brgyad po de dag dang / mthar gyis gnas pa'i snyoms par 'jug pa dgu po de dag rnam par phye zhing / seng ge rnam par bsgyings pa'i ting nge 'dzin la snyoms par 'jug go/ /rab 'byor byang chub sems dpa' sems</font><hr>32.271a<br><font size=+1>

dpa' chen po'i ting nge 'dzin seng ge rnam par bsgyings pa de gang zhe na/ rab 'byor 'di la byang chub sems dpa' sems dpa' chen po 'dod pas dben/ sdig to mi dge ba'i chos kyis dben pa/ rtog pa dang bcas pa/ dpyod pa dang bcas pa/ dben pa las skyes pa'i dga' ba dang / bde ba can bsam gtan dang po la nye bar bsgrubs te gnas so/ /bsam gtan dang po las langs nas bsam gtan gnyis pa la snyoms par 'jug go/ /bsam gtan gnyis pa las langs nas/ bsam gtan gsum pa la snyoms par 'jug go/ /bsam gtan gsum pa las langs nas/ bsam gtan bzhi pa la snyoms par 'jug go/ /bsam gtan bzhi pa las langs nas/ nam mkha' mtha' yas skye mched la snyoms par 'jug go/ /nam mkha' mtha' yas skye mched las langs nas/ rnam shes mtha' yas skye mched la snyoms par 'jug go/ /rnam shes mtha' yas skye mched las langs nas/ cung zad med pa'i skye mched la snyoms par 'jug go/ /cung zad med pa'i skye mched las langs nas/ 'du shes med 'du shes med min skye mched la snyoms par 'jug go/ /'du shes med 'du shes med min skye mched las langs nas/ 'gog pa la snyoms par 'jug go/ /'gog pa la snyoms par 'jug pa las langs nas/  'du shes med 'du shes med min skye mched la snyoms par 'jug go/ /'du shes med 'du shes med min skye mched las langs nas/ cung zad med pa'i skye mched la snyoms par 'jug go/ /cung zad med pa'i skye mched las langs nas/ rnam shes mtha' yas skye mched la snyoms par 'jug go/ /rnam shes mtha' yas skye mched las langs nas/ nam mkha' mtha' yas skye mched la snyoms par 'jug go/ /nam mkha' mtha' yas skye mched las langs nas/ bsam gtan bzhi pa la snyoms par 'jug go/ /bsam gtan bzhi pa las langs nas/ bsam gtan gsum pa la snyoms par</font><hr>32.271b<br><font size=+1>

'jug go/ /bsam gtan gsum pa las langs nas/ bsam gtan gnyis pa la snyoms par 'jug go/ /bsam gtan gnyis pa las langs nas/ bsam gtan dang po la snyoms par 'jug te/ de seng ge rnam par bsgyings pa'i ting nge 'dzin 'di rnam par smin par byas nas/ thod rgal gyi ting nge 'dzin la snyoms par 'jug go/ /rab 'byor byang chub sems dpa' sems dpa' chen po'i ting nge 'dzin thod rgal de gang zhe na/ rab 'byor 'di la byang chub sems dpa' sems dpa' chen po 'dod pas dben/ sdig to mi dge ba'i chos kyis dben pa/ rtog pa dang bcas pa/ dpyod pa dang bcas pa/ dben pa las skyes pa'i dga' ba dang bde ba can bsam gtan dang po la nye bar bsgrubs te gnas so/ /bsam gtan dang po las langs nas/ /bsam gtan gnyis pa la nye bar bsgrubs te gnas so/ /bsam gtan gnyis pa las langs nas/ bsam gtan gsum pa la nye bar bsgrubs te gnas so/ /bsam gtan gsum pa las langs nas/ bsam gtan bzhi pa la nye bar bsgrubs te gnas so/ /bsam gtan bzhi pa las langs nas/ nam mkha' mtha' yas skye mched kyi snyoms par 'jug pa la nye bar bsgrubs te gnas so/[ ]/ nam mkha' mtha' yas skye mched kyi snyoms par 'jug pa las langs nas/ rnam shes mtha' yas skye mched kyi snyoms par 'jug pa la nye bar bsgrubs te gnas so/ /rnam shes mtha' yas skye mched kyi snyoms par 'jug pa las langs nas/ cung zad med pa'i skye mched kyi snyoms par 'jug pa la nye bar bsgrubs te gnas so/ /cung zad med pa'i skye mched kyi snyoms par 'jug pa las langs nas/ 'du shes med 'du shes med min skye mched kyi snyoms par 'jug pa la nye bar bsgrubs te gnas so/ /'du shes med 'du shes med min skye mched kyi snyoms par 'jug pa las langs nas/ 'du shes dang tshor ba 'gog pa la nye bar bsgrubs te</font><hr>32.272a<br><font size=+1>

gnas so/ /'gog pa'i snyoms par 'jug pa las langs nas/ bsam gtan dang po la snyoms par 'jug go/ /bsam gtan dang po las langs nas/ 'gog pa'i snyoms par 'jug pa la snyoms par 'jug go/[ ]/ 'gog pa'i snyoms par 'jug pa las langs nas/ bsam gtan gnyis pa la snyoms par 'jug go/ /bsam gtan gnyis pa las langs nas/ 'gog pa'i snyoms par 'jug pa la snyoms par 'jug go/ /'gog pa'i snyoms par 'jug pa las langs nas/ bsam gtan gsum pa la snyoms par 'jug go/ /bsam gtan gsum pa las langs nas/ 'gog pa'i snyoms par 'jug pa la snyoms par 'jug go/ /'gog pa'i snyoms par 'jug pa las langs nas/ bsam gtan bzhi pa la snyoms par 'jug go/ /bsam gtan bzhi pa las langs nas/ 'gog pa'i snyoms par 'jug pa la snyoms par 'jug go/ /'gog pa'i snyoms par 'jug pa las langs nas/ nam mkha' mtha' yas skye mched kyi snyoms par 'jug pa la snyoms par 'jug go /nam mkha' mtha' yas skye mched kyi snyoms par 'jug pa las langs nas/ 'gog pa'i snyoms par 'jug pa la snyoms par 'jug go/ /'gog pa'i snyoms par 'jug pa las langs nas/  rnam shes mtha' yas skye mched kyi snyoms par 'jug pa la snyoms par 'jug go/ /rnam shes mtha' yas skye mched kyi snyoms par 'jug pa las langs nas/ 'gog pa'i snyoms par 'jug pa la snyoms par 'jug go/ /'gog pa'i snyoms par 'jug pa las langs nas cung zad med pa'i skye mched kyi snyoms par 'jug pa la snyoms par 'jug go/ /cung zad med pa'i skye mched kyi snyoms par 'jug pa las langs nas/ 'gog pa'i snyoms par 'jug pa la snyoms par 'jug go/ /'gog pa'i snyoms par 'jug pa las langs nas/ 'du shes med 'du shes med min skye mched kyi snyoms par 'jug pa la snyoms par 'jug</font><hr>32.272b<br><font size=+1>

go/ /'du shes med 'du shes med min skye mched kyi snyoms par 'jug pa las langs nas 'gog pa'i snyoms par 'jug pa la snyoms par 'jug go/ /'gog pa'i snyoms par 'jug pa las langs nas/  mnyam par ma bzhag pa'i sems su byed do/ /mnyam par ma bzhag pa'i sems las 'gog pa'i snyoms par 'jug pa la snyoms par 'jug go/ /'gog pa'i snyoms par 'jug pa las langs nas/ mnyam par ma bzhag pa'i sems la gnas so/ /mnyam par ma bzhag pa'i sems las 'du shes med 'du shes med min skye mched kyi snyoms par 'jug pa la snyoms par 'jug go/ /'du shes med 'du shes med min skye mched kyi snyoms par 'jug pa las langs nas/ mnyam par ma bzhag pa'i sems la gnas so/ /mnyam par ma bzhag pa'i sems las cung zad med pa'i skye mched kyi snyoms par 'jug pa la snyoms par 'jug go/ /cung zad med pa'i skye mched kyi snyoms par 'jug pa las langs nas/ mnyam par ma bzhag pa'i sems la gnas so/ /mnyam par ma bzhag pa'i sems las langs nas/ rnam shes mtha' yas skye mched la snyoms par 'jug go/ /rnam shes mtha' yas skye mched kyi snyoms par 'jug pa las langs nas/ mnyam par ma bzhag pa'i sems la gnas so/ /mnyam par ma bzhag pa'i sems las langs nas/ nam mkha' mtha' yas skye mched la snyoms par 'jug go/ /nam mkha' mtha' yas skye mched las langs nas/ mnyam par ma bzhag pa'i sems la gnas so/ /mnyam par ma bzhag pa'i sems las langs nas/ bsam gtan bzhi pa la snyoms par 'jug go/ /bsam gtan bzhi pa las langs nas/  mnyam par ma bzhag pa'i sems su byed do/ /mnyam par ma bzhag pa'i sems las langs nas/  bsam gtan gsum pa la snyoms par</font><hr>32.273a<br><font size=+1>

'jug go/ /bsam gtan gsum pa las langs nas/  mnyam par ma bzhag pa'i sems su byed do/ /mnyam par ma bzhag pa'i sems las langs nas/ bsam gtan gnyis pa la snyoms par 'jug go/ /bsam gtan gnyis pa las langs nas/ mnyam par ma bzhag pa'i sems su byed do/ /mnyam par ma bzhag pa'i sems las langs nas/ bsam gtan dang po la snyoms par 'jug go/ /bsam gtan dang po las langs nas/ mnyam par ma bzhag pa'i sems su byed do/ /de thod rgal gyi ting nge 'dzin 'di la gnas shing / chos thams cad mnyam pa nyid rjes su 'thob par byed de/ rab 'byor de ltar na byang chub sems dpa' sems dpa' chen po shes rab kyi pha rol du phyin pa la gnas shing / bsam gtan gyi pha rol tu phyin pa yongs su 'dzin to/ /shes rab kyi pha rol tu phyin pa stong phrag nyi shu lnga pa las/ le'u lnga bcu gnyis pa'o// //de nas tshe dang ldan pa rab 'byor gyis/ bcom ldan 'das la 'di skad ces gsol to/ /bcom ldan 'das byang chub sems dpa' sems dpa' chen po gang thabs mkhas pa de lta bu dang ldan pa de yun ring po ji srid gcig nas yang dag par zhugs pa lags/ bcom ldan 'das kyis bka' stsal pa/ rab 'byor thabs mkhas pa de lta bu dang ldan pa'i byang chub sems dpa' sems dpa' chen po de ni bskal pa bye ba khrag khrig grangs med pa nas yang dag par zhugs pa yin no/ /gsol pa/ bcom ldan 'das byang chub sems dpa' sems dpa' chen po thabs mkhas pa de lta bu dang ldan pa des sangs rgyas ji snyed cig bsnyen bkur ba lags/ bcom ldan 'das kyis bka' stsal pa/ rab 'byor thabs mkhas pa de lta bu dang ldan pa'i byang chub sems dpa' sems dpa' chen po des ni sangs rgyas gang gA'i klung gi bye ma snyed bsnyen bkur bar rig par</font><hr>32.273b<br><font size=+1>

bya'o/ /gsol pa/ bcom ldan 'das byang chub sems dpa' sems dpa' chen po thabs mkhas pa de lta bu dang ldan pa des dge ba'i rtsa ba ci zhig bskyed pa lags/ bcom ldan 'das kyis bka' stsal pa/ sems dang po bskyed pa nas nye bar bzung ste/ byang chub sems dpa' sems dpa' chen po thabs mkhas pa de lta bu dang ldan pa des yongs su rdzogs par ma byas pa'i sbyin pa'i pha rol du phyin pa'i bya ba de lta bu gang yang med do/ /byang chub sems dpa' sems dpa' chen po des yongs su rdzogs par ma byas pa'i tshul khrims kyi pha rol du phyin pa'i bya ba dang / bzod pa'i pha rol du phyin pa'i bya ba dang / brtson 'grus kyi pha rol du phyin pa'i bya ba dang / bsam gtan gyi pha rol du phyin pa'i bya ba dang / shes rab kyi pha rol du phyin pa'i bya ba de lta bu gang yang med do/ /gsol pa/ bcom ldan 'das byang chub sems dpa' sems dpa' chen po thabs mkhas pa de lta bu dang ldan pa de dag ni ngo mtshar che'o/ /bcom ldan 'das kyis bka' stsal ba/ rab 'byor de de bzhin no/ /de de bzhin te/ byang chub sems dpa' sems dpa' chen po thabs mkhas pa de lta bu dang ldan pa de dag ni ngo mtshar che'o/ /rab 'byor 'di lta ste dper na/ nyi ma'i dkyil 'khor dang / zla ba'i dkyil 'khor ni gling bzhir las byed cing gling bzhi'i rjes su 'gro'o/ /gling bzhi'i rjes su 'brang ngo / /rab 'byor de bzhin du shes rab kyi pha rol du phyin pa yang pha rol du phyin pa lnga'i las byed cing pha rol du phyin pa lnga'i rjes su 'gro/ rjes su 'brang ste/ shes rab kyi pha rol du phyin pa dang ma bral na/ pha rol du phyin pa lnga pha rol du phyin pa'i ming 'thob bo/ /shes rab kyi pha rol du phyin pa dang bral na/ pha rol du phyin pa lnga pha rol du phyin pa lnga'i ming mi 'thob bo/ /rab 'byor 'di lta ste dper na/ 'khor los bsgyur</font><hr>32.274a<br><font size=+1>

ba'i rgyal po dang bral na/ rin po che sna bdun gyis 'khor los bsgyur ba'i ming mi 'thob bo/ /rab 'byor de bzhin du pha rol tu phyin pa lnga yang shes rab kyi pha rol du phyin pa dang bral na/ pha rol du phyin pa'i ming mi 'thob bo/ /rab 'byor 'di lta ste dper na khyim thab med pa'i bud med rnams ni 'phyon ma pa rnams kyis tshugs par sla ba yin no/ /rab 'byor de bzhin du pha rol tu phyin pa lnga yang shes rab kyi pha rol tu phyin pa dang bral na/ bdud dam bdud kyi ris kyi lha rnams kyis tshugs par sla ba yin no/ /rab 'byor 'di lta ste dper na/ khyim thab dpa' bos shin du bsrungs pa'i bud med shin du phun sum tshogs pa'i khyim na 'dug pa ni 'phyon ma pa rnams kyis mi tshugs pa yin no/ /rab 'byor de bzhin du pha rol du phyin pa lnga yang shes rab kyi pha rol du phyin pa dang ma bral na/ bdud dam bdud kyi ris kyi lha rnams kyis mi tshugs pa yin no/ /rab 'byor 'di lta ste dper na/ g.yul du 'gro ba'i skyes bu go cha tshang bar gyon pa/ mtshon cha thams cad thogs pa ni g.yul ngo na 'dug pa'i tshe/ rgyal po'i zla 'am phyir rgol ba dang / dgra rnams kyis thub par dka'o/ /rab 'byor de bzhin du pha rol tu phyin pa lnga yang shes rab kyi pha rol du phyin pa dang ma bral na/ bdud dang bdud kyi ris kyi lha rnams dang / gang zag lhag pa'i nga rgyal can nam/ byang chub sems dpa' gdol ba rnams kyis kyang thob par dka'o/ /rab 'byor 'di lta ste dper na/ 'khor los bsgyur ba'i rgyal po la khams kyi rgyal po yod pa rnams ni nang nub nang nub cing rim gro bya ba'i don du drung du 'ong ngo / /rab 'byor de bzhin du pha rol du phyin pa lnga yang shes rab kyi pha rol du phyin pas yongs su zin na/ rnam pa thams cad mkhyen pa nyid gang na ba der 'dong ngo / /rab 'byor 'di lta ste dper na/ chu klung gang ji snyed cig yod pa thams cad ni chu klung chen po gang gA gang na ba der 'dong ste/ de dag chu klung gang gA dang 'grogs shing rgya mtsho chen po'i nang du 'dong ngo / /rab 'byor de bzhin du pha</font><hr>32.274b<br><font size=+1>

rol du phyin pa lnga yang shes rab kyi pha rol du phyin pas yongs su zin na/ rnam pa thams cad mkhyen pa nyid gang na ba der 'dong ngo / /rab 'byor 'di lta ste dper na/ skyes bu'i lag pa g.yas pa ni dgos pa thams cad byed do/ /rab 'byor shes rab kyi pha rol du phyin pa yang de bzhin du blta ste/ pha rol du phyin pa lnga ni lag pa g.yon pa ji lta ba bzhin du blta'o/ /rab 'byor 'di lta ste dper na/ /chu klung phra mo rnams kyi chu dang / chu klung chen po rnams kyi chu gang ji snyed cig yod pa de dag thams cad kyang rgya mtsho chen por phyin na/ 'di lta ste/ lan tshwa'i ror ro gcig par 'gyur ro/ /rab 'byor de bzhin du pha rol du phyin pa lnga yang shes rab kyi pha rol du phyin pas yongs su zin na/ rnam pa thams cad mkhyen pa nyid du phyin pa'i tshe/ 'di lta ste/ rnam pa thams cad mkhyen pa nyid kyi ror ro gcig par 'gyur ro/ /rab 'byor 'di lta ste dper na/ 'khor los bsgyur ba'i rgyal po'i dpung gi tshogs yan lag bzhi dang ldan pa'i mdun du ni 'khor lo rin po che 'gro zhing 'dug ste/ gang du 'khor los bsgyur ba'i rgyal po zas kyi don du 'dug par gyur pa der/ 'khor los bsgyur ba'i rgyal po'i dpung gi tshogs thams cad yongs su tshim par byed cing / 'khor lo rin po che de gnas nas g.yo ba med do/ /rab 'byor de bzhin du pha rol du phyin pa lnga po 'di dag kyang shes rab kyi pha rol tu phyin pas yongs su bkri ba yin te/ rnam pa thams cad mkhyen pa nyid gang na ba der 'dong zhing der gnas so/ /der gnas par gyur nas kyang gnas de las mi 'da'o/ /rab 'byor 'di lta ste dper na/ 'khor los bsgyur ba'i rgyal po'i 'khor lo rin po che de dang / blon po rin po che de dang khyim bdag rin po che de dang / bud med rin po che de dang / glang po rin po che de dang / rta rin po che de dag ni dpung gi tshogs yan lag bzhi dang ldan pa'i mdun du 'dong ngo / /rab 'byor de bzhin du shes rab kyi pha</font><hr>32.275a<br><font size=+1>

rol du phyin pa yang pha rol du phyin pa lnga po 'di dag gi mdun du 'gro ste/ mdun du song nas kyang rnam pa thams cad mkhyen pa nyid gang na ba der gnas par 'gyur te/ shes rab kyi pha rol du phyin pa ni 'di snyam du bdag gi phyi bzhin du sbyin pa'i pha rol du phyin pa 'brang ngo snyam du mi sems so/ /'di snyam du bdag gi phyi bzhin du tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa 'brang ngo snyam du mi sems so/ /sbyin pa'i pha rol du phyin pa yang 'di snyam du bdag ni shes rab kyi pha rol du phyin pa'i rjes su 'brang ngo snyam du mi sems so/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa yang 'di snyam du bdag ni shes rab kyi pha rol du phyin pa'i rjes su 'brang ngo snyam du mi sems so/ /de ci'i phyir zhe na/ de dag gi rang bzhin ni 'di yin te/ ci yang nus pa med pa ngo bo nyid kyis stong zhing gsog ste/ smig rgyu ba lta bu'o/ /de nas tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das gal te chos thams cad rang bzhin gyis stong pa lags na/ bcom ldan 'das ji ltar byang chub sems dpa' sems dpa' chen po sbyin pa'i pha rol du phyin pa la spyod pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la spyod pa bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po pha rol du phyin pa drug la spyod pa'i tshe/ 'di snyam du kye ma 'jig rten gnas pa 'di ni sems phyin</font><hr>32.275b<br><font size=+1>

ci log tu gyur pa ste/ de dag ni thabs la mi mkhas pas 'khor ba nas yongs su gdon par mi nus kyis/ ma la bdag gis sems can de dag gi don du sbyin pa'i pha rol du phyin pa la spyad par bya'o/ /tshul khrims kyi pha rol du phyin pa la spyad par bya'o/ /bzod pa'i pha rol du phyin pa la spyad par bya'o/ /brtson 'grus kyi pha rol du phyin pa la spyad par bya'o/ /bsam gtan gyi pha rol du phyin pa la spyad par bya'o/ /shes rab kyi pha rol du phyin pa la spyad par bya'o/ /snyam nas/ de sems can de dag gi don du phyi nang gi dngos po rnams yongs su gtong ste/ de yongs su gtong ba'i tshe 'di snyam ste/ bdag gis gang yang yongs su ma btang ba med do/ /de ci'i phyir zhe na/ 'di ltar dngos po 'di dag ni bdag nyid 'jig pa'o snyam ste/ rab 'byor de ltar yongs su rtog pa'i byang chub sems dpa' sems dpa' chen po ni sbyin pa'i pha rol du phyin pa yongs su rdzogs par byed do/ /de sems can de dag nyid kyi don du tshul khrims ngan pa'i skabs mi 'byed de/ de ci'i phyir zhe na/ 'di ltar de ni 'di snyam du sems te/ bdag bla na med pa yang dag par rdzogs pa'i byang chub tu yang dag par zhugs la srog gcod pa dang / ma byin par len pa dang / 'dod pas log par g.yem pa dang / brdzun gyi tshig smra ba dang / phra ma can du 'gyur ba dang / zhe gcod pa'i tshig smra ba dang / tshig kyal pa can du 'gyur ba dang / chags sems can du 'gyur ba dang / gnod sems su byed pa dang / log par lta ba can du 'gyur ba dang / yul la smon pa dang / lha dang tshangs pa dang / nyan thos kyi sa dang / rang sangs rgyas kyi sar smon pa 'di dag ni bdag la tshul dang mi 'dra'o snyam ste/ rab 'byor de ltar yongs su rtog pa'i byang chub sems dpa' sems dpa' chen po ni tshul khrims kyi pha rol tu phyin pa la spyod pa yin no/ /de sems can de dag nyid kyi don du tshig rtsub pa dang brlang pas rtag tu spyos shing brgya</font><hr>32.276a<br><font size=+1>

kyang 'khrug pa'i sems mi skyed/ rdo dbyug dang / bong ba dang / mtshon gyis btab cing bsnun pa dang / lus kyi yan lag gshegs sam/ nying lag bcad kyang zhe sdang gi sems mi skyed do/ /de ci'i phyir zhe na/ 'di ltar de ni sgra thams cad sgra brnyan lta bur yongs su rtog go/ /gzugs thams cad dbu ba lta bur yongs su rtog go/ /rab 'byor de ltar yongs su rtog pa'i byang chub sems dpa' sems dpa' chen po ni bzod pa'i pha rol du phyin pa la spyod pa yin no/ /sems can de dag nyid kyi don du dge ba'i rtsa ba thams cad yongs su btsal ba'i phyir le lo'i sems mi skyed do/ /de ci'i phyir zhe na/ 'di ltar de ni 'di snyam du sems te/ mtho ris su skye ba yang le lo can gyis rnyed par dka' na/ bla na med pa yang dag par rdzogs pa'i byang chub lta ci smos kyis/ de bas na bdag gis nam bla na med pa yang dag par rdzogs pa'i byang chub tu mngon par rdzogs par sangs rgyas kyi bar du brtson 'grus brtsam par bya'o/ /de dag rtag tu brtson pa mi 'dor bar bya'o snyam ste/ rab 'byor de ltar yongs su rtog pa'i byang chub sems dpa' sems dpa' chen po ni brtson 'grus kyi pha rol du phyin pa la spyod pa yin no/ /de sems can de dag nyid kyi don du sems mi 'khrug pa yin te/ de ci'i phyir zhe na/ 'di ltar de ni 'di snyam du sems te/ 'jig rten pa'i bsam gtan du skye ba yang / sems 'khrugs pas rnyed par dka' na/ bla na med pa yang dag par rdzogs pa'i byang chub lta ci smos kyis/ de bas na bdag gis ni nam bla na med pa yang dag par rdzogs pa'i byang chub tu mngon par rdzogs par sangs rgyas kyi bar du bdag gi sems mi 'khrugs par bya'o snyam du sems te/ rab 'byor de ltar yongs su rtog pa'i byang chub sems dpa' sems dpa' chen po ni bsam gtan gyi pha rol du phyin pa la spyod pa yin no/ /de sems can de dag nyid kyi don du nam bla na med pa yang dag par rdzogs pa'i byang</font><hr>32.276b<br><font size=+1>

chub tu mngon par rdzogs par sangs rgyas kyi bar du nam yang shes rab kyi pha rol tu phyin pa dang bral bar mi 'gyur te/ de ci'i phyir zhe na/ 'di ltar de ni 'di snyam du sems te/ shes rab kyi pha rol du phyin pa la ma zhugs par rnam pa gzhan gyis sems can yongs su smin par bya bar mi nus kyis/ de bas na bdag gis shes rab 'chal ba dang ldan pa'i sems 'ga' tsam yang bskyed par mi bya'o snyam ste/ rab 'byor de ltar yongs su rtog pa'i byang chub sems dpa' sems dpa' chen po ni sems can rnams kyi don du shes rab kyi pha rol du phyin pa la spyod pa yin no/ /gsol pa/ bcom ldan 'das gal te pha rol tu phyin pa rnams la tha dad pa ma mchis na/ shes rab kyi pha rol du phyin pa 'di ji skad du pha rol du phyin pa lnga'i rab ces bgyi/ gtso bo zhes bgyi/ mchog ces bgyi/ dam pa zhes bgyi/ phul zhes bgyi/ gya nom pa zhes bgyi/ bla na med pa zhes bgyi/ gong na med pa zhes bgyi/ mnyam pa med pa zhes bgyi/ mi mnyam pa dang mnyam pa zhes bgyi/ bcom ldan 'das kyis bka' stsal pa/ rab 'byor de de bzhin no/ /de de bzhin te/ rab 'byor pha rol du phyin pa rnams la ni rnam pa tha dad pa gang yang med de/ gal te shes rab kyi pha rol du phyin pa med na ni pha rol tu phyin pa lnga po 'di dag gis kyang pha rol du phyin pa'i ming thob par mi 'gyur te/ shes rab kyi pha rol du phyin pa la brten na/ pha rol du phyin pa lnga po 'di dag gis kyang pha rol du phyin pa'i ming 'thob par 'gyur ro/ /rab 'byor 'di lta ste dper na/ lus rnam pa tha dad pa rnams ni ri'i rgyal po ri rab kyi drung du phyin na kha dog gcig tu 'gyur ro/ /rab 'byor de bzhin du shes rab kyi pha rol du phyin pa la brten na/ pha rol du phyin pa lnga po 'di dag gis pha rol du phyin pa'i ming 'thob par 'gyur te/ de dag kyang rnam pa thams cad mkhyen pa nyid du phyin na/ 'di ltar rnam pa thams cad mkhyen pa nyid kyi kha dog tu kha dog gcig</font><hr>32.277a<br><font size=+1>

par 'gyur te/ 'di ni sbyin pa'i pha rol du phyin pa'o/ /'di ni tshul khrims kyi pha rol du phyin pa'o/ /'di ni bzod pa'i pha rol du phyin pa'o/ /'di ni brtson 'grus kyi pha rol du phyin pa'o/ /'di ni bsam gtan gyi pha rol du phyin pa'o/ /'di ni shes rab kyi pha rol du phyin pa'o zhes bya ba'i khyad par gang yang med do/ /de ci'i phyir zhe na/ 'di ltar de dag la ngo bo nyid med pas de'i phyir khyad par med do/ /gsol pa/ bcom ldan 'das de ltar chos gang la yang khyad par ma mchis la/ bye brag ma mchis na rjes su 'thob par 'gyur ba ni gang zhig mchis/ shes rab kyi pha rol du phyin pa ni ci'i slad du pha rol du phyin pa lnga po de dag gi rab ces bgyi/ gtso bo zhes bgyi/ mchog ces bgyi/ dam pa zhes bgyi/ phul zhes bgyi/ gya nom pa zhes bgyi/ bla na med pa zhes bgyi/ gong na med pa zhes bgyi/ mnyam pa med pa zhes bgyi/ mi mnyam pa dang mnyam pa zhes bgyi/ bcom ldan 'das kyis bka' stsal pa/ rab 'byor de de bzhin no/ /de de bzhin te/ don rjes su thob par bya ba la chos gang yang bye brag dang khyad par med de/ 'on kyang 'jig rten gyi tha snyad dang brdar bya na/ sems can rnams 'khor ba las yongs su gdon pa'i don du sbyin pa'i pha rol du phyin pa yang yod do/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa yang yod do/ /sems can de dag la yang skye ba med/ 'chi ba med/ 'pho ba med/ 'byung ba med de/ sems can med pas chos thams cad med par rig par bya'o/ /rab 'byor rnam grangs des na/ shes rab kyi pha rol du phyin pa ni pha rol du phyin pa lnga po 'di dag gi rab ces bya/ gtso bo zhes bya/ mchog ces bya/ dam pa zhes bya/ phul zhes bya/ gya nom pa zhes bya/ bla na med pa zhes bya/ gong na med pa zhes bya/ mnyam pa </font><hr>32.277b<br><font size=+1>

med pa zhes bya/ mi mnyam pa dang mnyam pa zhes bya ste/ rab 'byor 'di lta ste dper na/ 'dzam bu'i gling gi bud med gang ji snyed pa de dag gi nang na/ bud med rin po che ni rab ces bya/ gtso bo zhes bya/ mchog ces bya/ dam pa zhes bya/ phul zhes bya/ gya nom pa zhes bya/ bla na med pa zhes bya/ gong na med pa zhes bya/ mnyam pa med pa zhes bya/ mi mnyam pa dang mnyam pa zhes bya ba bzhin no/ /gsol pa/ bcom ldan 'das de ltar shes rab kyi pha rol du phyin pa rab ces bgyi ba dang / gtso bo zhes bgyi ba dang / mchog ces bgyi ba dang / dam pa zhes bgyi ba dang / phul zhes bgyi ba dang / gya nom pa zhes bgyi ba dang / bla na med pa zhes bgyi ba dang / gong na med pa zhes bgyi ba dang / mnyam pa med pa zhes bgyi ba dang / mi mnyam pa dang mnyam pa zhes bgyi ba de ci las dgongs/ bcom ldan 'das kyis bka' stsal pa/ rab 'byor de ni 'di ltar shes rab kyi pha rol du phyin pa 'di ni dge ba'i chos thams cad yongs su bzung zhing mi gnas pa'i tshul gyis rnam pa thams cad mkhyen pa nyid gang na ba der gnas par 'gyur ba'i phyir ro/ /gsol pa/ bcom ldan 'das shes rab kyi pha rol du phyin pa chos gang yang yongs su 'dzin pa 'am gtong ba mchis sam/ bcom ldan 'das kyis bka' stsal pa/ rab 'byor de ni ma yin te/ shes rab kyi pha rol du phyin pa ni chos gang yang yongs su 'dzin pa'am gtong ba med do/ /de ci'i phyir zhe na/ rab 'byor de ni 'di ltar chos thams cad yongs su gzung ba med pa dang btang ba med pa'i phyir ro/ /gsol pa/ bcom ldan 'das ji ltar na shes rab kyi pha rol du phyin pa ni chos thams cad mi 'dzin mi gtong ba lags/ bcom ldan 'das kyis bka' stsal pa/ rab 'byor shes rab kyi pha rol du phyin pa ni gzugs yongs su mi 'dzin mi gtong ngo / /rab 'byor shes rab kyi pha rol du phyin pa ni tshor ba dang / 'du shes dang / 'du byed dang / rnam</font><hr>32.278a<br><font size=+1>

par shes pa yongs su mi 'dzin mi gtong ngo / /rab 'byor shes rab kyi pha rol tu phyin pa ni skye mched dang / khams dang / rten cing 'brel bar 'byung ba yongs su mi 'dzin mi gtong ngo / /rab 'byor shes rab kyi pha rol du phyin pa ni pha rol du phyin pa thams cad dang / stong pa nyid thams cad dang / byang chub kyi phyogs kyi chos sum bcu rtsa bdun yongs su mi 'dzin mi gtong ngo / /rab 'byor shes rab kyi pha rol du phyin pa ni 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo rnams yongs su mi 'dzin mi gtong ngo / /rab 'byor shes rab kyi pha rol du phyin pa ni stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad yongs su mi 'dzin mi gtong ngo / /rab 'byor shes rab kyi pha rol du phyin pa ni bla na med pa yang dag par rdzogs pa'i byang chub kyi bar du yongs su mi 'dzin mi gtong ngo / /gsol pa/ bcom ldan 'das ji ltar na gzugs yongs su ma bzung ma btang ba lags/ ji ltar na tshor ba dang / 'du shes dang / 'du byed dang / rnam par shes pa yongs su ma bzung ma btang ba lags/ ji ltar na rnam pa thams cad mkhyen pa nyid kyi bar du yongs su ma bzung ma btang ba lags/ bcom ldan 'das kyis bka' stsal pa/ rab 'byor gzugs yid la mi byed pas/ gzugs yongs su ma bzung ma btang ba yin no/ /tshor ba dang / 'du shes dang / 'du byed dang / rnam</font><hr>32.278b<br><font size=+1>

par shes pa yid la mi byed pas/ rnam par shes pa yongs su ma bzung ma btang ba yin no/ /skye mched dang / khams dang / rten cing 'brel bar 'byung ba yid la mi byed pas/ rten cing 'brel bar 'byung ba yongs su ma bzung ma btang ba yin no/ /pha rol du phyin pa thams cad dang / stong pa nyid thams cad dang byang chub kyi phyogs kyi chos sum bcu rtsa bdun yid la mi byed pas/ byang chub kyi phyogs kyi chos sum bcu rtsa bdun yongs su ma bzung ma btang ba yin no/ /'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo yid la mi byed pas/ gzungs kyi sgo yongs su ma bzung ma btang ba yin no/ /stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad yid la mi byed pas/ sangs rgyas kyi chos ma 'dres pa rnams yongs su ma bzung ma btang ba yin no/ /rnam pa thams cad mkhyen pa nyid kyi bar du yid la mi byed pas/ rnam pa thams cad mkhyen pa nyid yongs su ma bzung ma btang ba yin no/ /rab 'byor de ltar na gzugs yongs su ma bzung ma btang ba yin no/ /rnam pa thams cad mkhyen pa nyid kyi bar du yongs su ma bzung ma btang ba yin no/ /gsol pa/ bcom ldan 'das gal te gzugs yid la mi bgyi/ tshor ba dang / 'du shes dang / 'du byed dang / rnam par shes pa yid la mi bgyi/ skye mched dang / khams dang / rten cing 'brel par 'byung ba yid la mi bgyi/ pha rol du phyin pa thams cad dang / stong pa nyid thams cad dang / byang chub kyi phyogs kyi chos sum bcu rtsa bdun yid la mi bgyi/ 'phags pa'i bden pa dang / bsam gtan dang / tshad med pa dang / gzugs med pa'i</font><hr>32.279a<br><font size=+1>

snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo yid la mi bgyi/ stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa rnams yid la mi bgyi/ rnam pa thams cad mkhyen pa nyid kyi bar du yid la mi bgyi na/ 'o na bcom ldan 'das gzugs yid la ma bgyis/ tshor ba dang / 'du shes dang / 'du byed dang / rnam par shes pa yid la ma bgyis/ skye mched dang / khams dang / rten cing 'brel bar 'byung ba yid la ma bgyis/ pha rol tu phyin pa thams cad dang / stong pa nyid thams cad dang / byang chub kyi phyogs kyi chos sum bcu rtsa bdun yid la ma bgyis/ 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo yid la ma bgyis/ stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad yid la ma bgyis/ rnam pa thams cad mkhyen pa nyid kyi bar du yid la ma bgyis par dge ba'i rtsa ba rnams ji ltar rnam par 'phel bar 'gyur/ dge ba'i rtsa ba rnams rnam par ma 'phel bar yang ji ltar pha rol du phyin pa drug yongs su rdzogs par 'gyur/ pha rol du phyin pa drug yongs su ma rdzogs par yang ji ltar rnam pa thams cad mkhyen pa nyid thob par 'gyur/ bcom ldan 'das kyis bka' stsal pa/ rab 'byor nam gzugs yid la mi byed/ tshor ba dang / 'du shes dang / 'du byed dang / rnam par shes</font><hr>32.279b<br><font size=+1>

pa yid la mi byed/ skye mched dang / khams dang / rten cing 'brel bar 'byung ba yid la mi byed/ pha rol du phyin pa thams cad dang / stong pa nyid thams cad dang / byang chub kyi phyogs kyi chos sum bcu rtsa bdun yid la mi byed/ 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo rnams yid la mi byed/ stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad yid la mi byed/ bla na med pa yang dag par rdzogs pa'i byang chub kyi bar du yid la mi byed na/ de'i tshe byang chub sems dpa' sems dpa' chen po'i dge ba'i rtsa ba rnams rnam par 'phel bar 'gyur te/ dge ba'i rtsa ba rnam par 'phel bas/ pha rol du phyin pa drug yongs su rdzogs par 'gyur ro/ /pha rol du phyin pa drug yongs su rdzogs pas/ rnam pa thams cad mkhyen pa nyid thob par 'gyur ro/ /de ci'i phyir zhe na/ gzugs yid la ma byas/ tshor ba dang / 'du shes dang / 'du byed dang / rnam par shes pa yid la ma byas/ skye mched dang / khams dang / rten cing 'brel bar 'byung ba yid la ma byas/ pha rol du phyin pa thams cad dang / stong pa nyid thams cad dang / byang chub kyi phyogs kyi chos sum bcu rtsa bdun yid la ma byas/ 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo rnams yid la ma byas/ stobs bcu dang / mi 'jigs pa bzhi dang / so so yang</font><hr>32.280a<br><font size=+1>

dag par rig pa bzhi dang / sangs rgyas kyi chos ma 'dres pa bcwa brgyad yid la ma byas pas/ bla na med pa yang dag par rdzogs pa'i byang chub tu mngon par rdzogs par 'tshang rgya'o/ /gsol pa/ ci'i slad du de ltar gzugs yid la ma bgyis/ de ltar tshor ba dang / 'du shes dang / 'du byed dang / rnam par shes pa yid la ma bgyis/ de ltar skye mched dang / khams dang / rten cing 'brel bar 'byung ba yid la ma bgyis/ de ltar pha rol du phyin pa thams cad dang / stong pa nyid thams cad dang / byang chub kyi phyogs kyi chos sum bcu rtsa bdun yid la ma bgyis/ de ltar 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo rnams yid la ma bgyis/ de ltar stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad yid la ma bgyis/ bla na med pa yang dag par rdzogs pa'i byang chub yid la ma bgyis par rnam pa thams cad mkhyen pa nyid 'thob par 'gyur ro/ /shes rab kyi pha rol tu phyin pa stong phrag nyi shu lnga pa/ bam po lnga bcu dgu pa/ bcom ldan 'das kyis bka' stsal pa/ yid la byed pas ni gal te 'dod pa'i khams sam/ gal te gzugs kyi khams sam/ gal te gzugs med pa'i khams su 'dre bar 'gyur te/ yid la mi byed pas ni gang du yang 'dre bar mi 'gyur ro/ /rab 'byor byang chub sems dpa' sems dpa' chen pos shes rab kyi pha rol tu phyin pa la spyod pa'i tshe/ chos gang dang yang 'dre bar mi bya'o/ /gsol pa/ bcom ldan 'das byang chub sems dpa' sems dpa' chen po shes rab kyi pha rol tu phyin pa la de ltar spyod pa de gang la gnas par 'gyur/ bcom ldan 'das kyis bka' stsal pa/ rab 'byor de ltar spyod pa'i byang chub sems</font><hr>32.280b<br><font size=+1>

dpa' sems dpa' chen po ni gzugs la gnas par mi 'gyur ro/ /tshor ba dang / 'du shes dang / 'du byed dang / rnam par shes pa la gnas par mi 'gyur ro/ /skye mched dang / khams dang / rten cing 'brel par 'byung ba la gnas par mi 'gyur ro/ /pha rol tu phyin pa thams cad dang / stong pa nyid thams cad dang / byang chub kyi phyogs kyi chos sum bcu rtsa bdun la gnas par mi 'gyur ro/ /'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo la gnas par mi 'gyur ro/ /stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad la gnas par mi 'gyur ro/ /rnam pa thams cad mkhyen pa nyid kyi bar la gnas par mi 'gyur ro/ /gsol pa/ bcom ldan 'das ci'i slad du rnam pa thams cad mkhyen pa nyid la yang gnas par mi 'gyur ba lags/ bcom ldan 'das kyis bka' stsal pa/ mngon par chags pa med pa'i phyir gang la yang gnas par mi 'gyur ro/ /de ci'i phyir zhe na/ 'di ltar de gang la mngon par chags par bya ba 'am/ gnas par bya ba'i chos de lta bu gang yang yang dag par rjes su mi mthong ste/ rab 'byor de ltar na byang chub sems dpa' sems dpa' chen po mngon par chags pa med pa dang / gnas pa med pa'i tshul gyis shes rab kyi pha rol tu phyin pa la spyod do/ /gal te yang byang chub sems dpa' sems dpa' chen po 'di snyam du sems shing gang de ltar spyod pa dang / de ltar bsgom pa de ni shes rab kyi pha rol tu phyin pa la spyod/ de ni shes rab kyi pha rol du phyin pa la bsgom pa ste/ bdag ni shes rab kyi pha rol tu phyin pa la spyod do/ /bdag ni shes rab kyi pha rol du phyin pa la bsgom mo snyam zhing / gal te de ltar 'du shes na/ shes rab kyi pha rol tu phyin pa las ring du byed pa yin no/ /gang shes rab kyi</font><hr>32.281a<br><font size=+1>

pha rol tu phyin pa las ring du gyur pa de ni/ bsam gtan gyi pha rol du phyin pa dang / brtson 'grus kyi pha rol tu phyin pa dang / bzod pa'i pha rol tu phyin pa dang / tshul khrims kyi pha rol tu phyin pa dang / sbyin pa'i pha rol tu phyin pa las ring du gyur pa yin/ nang stong pa nyid las ring du gyur pa yin/ dngos po med pa'i ngo bo nyid stong pa nyid kyi bar las ring du gyur pa yin/ dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa las ring du gyur pa yin/ 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo las ring du gyur pa yin/ stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad las ring du gyur pa yin/ rnam pa thams cad mkhyen pa nyid kyi bar las ring du gyur pa yin/ de ci'i phyir zhe na/ shes rab kyi pha rol tu phyin pa ni gang la yang mngon par chags par mi byed de/ shes rab kyi pha rol tu phyin pa la mngon par chags pa gang yang med do/ /de ci'i phyir zhe na/ de ni 'di ltar gang la mngon par chags par 'gyur ba de lta bu'i rang bzhin de la med de/ rab 'byor gal te byang chub sems dpa' sems dpa' chen po shes rab kyi pha rol tu phyin par 'du shes na yang / byang chub sems dpa' sems dpa' chen po de shes rab kyi pha rol tu phyin pa las nyams par 'gyur te/ gang shes rab kyi pha rol tu phyin pa las nyams par gyur pa de ni/ chos thams cad las nyams par 'gyur ro/ /gal te yang de 'di snyam du shes rab kyi pha rol tu phyin</font><hr>32.281b<br><font size=+1>

pa ni pha rol du phyin pa lnga po yongs su 'dzin to snyam na yang / byang chub sems dpa' sems dpa' chen po de shes rab kyi pha rol tu phyin pa las yongs su nyams pa yin no/ /gal te yang de 'di snyam du shes rab kyi pha rol tu phyin pa ni nang stong pa nyid yongs su 'dzin to/ /dngos po med pa'i ngo bo nyid stong pa nyid kyi bar du yongs su 'dzin to snyam na yang / byang chub sems dpa' sems dpa' chen po de shes rab kyi pha rol tu phyin pa las nyams pa yin no/ /gal te yang de 'di snyam du shes rab kyi pha rol du phyin pa ni dran pa nye bar gzhag pa bzhi yongs su 'dzin to/ /'phags pa'i lam yan lag brgyad pa'i bar du yongs su 'dzin to snyam na yang / byang chub sems dpa' sems dpa' chen po de shes rab kyi pha rol tu phyin pa las nyams pa yin no/ /gal te yang de 'di snyam du shes rab kyi pha rol tu phyin pa ni 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo yongs su 'dzin to snyam na yang / byang chub sems dpa' sems dpa' chen po de shes rab kyi pha rol tu phyin pa las nyams pa yin no/ /gal te yang de 'di snyam du shes rab kyi pha rol tu phyin pa ni stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad yongs su 'dzin to snyam na yang / byang chub sems dpa' sems dpa' chen po de shes rab kyi pha rol tu phyin pa las nyams pa yin no/ /gal te yang de 'di snyam du shes rab kyi pha rol tu phyin pa ni rnam pa thams cad mkhyen pa nyid kyi bar du yongs su 'dzin to snyam na yang / byang chub sems dpa' sems dpa' chen po de shes rab kyi pha rol tu phyin pa las nyams pa yin te</font><hr>32.282a<br><font size=+1>

shes rab kyi pha rol tu phyin pa dang bral bas ni/ bla na med pa yang dag par rdzogs pa'i byang chub tu mngon par rdzogs par 'tshang rgya bar mi nus so/ /gal te yang de 'di snyam du shes rab kyi pha rol tu phyin pa 'di la gnas pa ni bla na med pa yang dag par rdzogs pa'i byang chub tu lung bstan to snyam na yang / byang chub sems dpa' sems dpa' chen po de shes rab kyi pha rol tu phyin pa las nyams pa yin te/ shes rab kyi pha rol tu phyin pa las nyams pa ni/ bla na med pa yang dag par rdzogs pa'i byang chub tu lung mi ston to/ /gal te yang de 'di snyam du shes rab kyi pha rol tu phyin pa 'di la gnas te/ byang chub sems dpa' sems dpa' chen po sbyin pa'i pha rol tu phyin pa mngon par bsgrub bo/ /tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol du phyin pa mngon par bsgrub bo/ /nang stong pa nyid mngon par bsgrub bo/ /dngos po med pa'i ngo bo nyid stong pa nyid kyi bar du mngon par bsgrub bo/ /dran pa nye bar gzhag pa rnams mngon par bsgrub bo/ /yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa mngon par bsgrub bo/ /'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo rnams mngon par bsgrub bo/ /de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / snying rje chen po dang / sangs rgyas kyi chos ma 'dres pa bcwa brgyad mngon par bsgrub bo snyam na yang / byang chub sems dpa'</font><hr>32.282b<br><font size=+1>

sems dpa' chen po de shes rab kyi pha rol tu phyin pa las nyams pa yin no/ /de ci'i phyir zhe na/ shes rab kyi pha rol tu phyin pa las nyams pas ni/ sbyin pa'i pha rol tu phyin pa mngon par bsgrub par mi nus so/ /tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa mngon par bsgrub par mi nus so/ /nang stong pa nyid mngon par bsgrub par mi nus so/ /dngos po med pa'i ngo bo nyid stong pa nyid kyi bar du mngon par bsgrub par mi nus so/ /dran pa nye bar gzhag pa mngon par bsgrub par mi nus so/ /yang dag par spong ba dang / rdzu 'phrul gyi rkang pa dang / dbang po dang / stobs dang / /byang chub kyi yan lag dang / 'phags pa'i lam yan lag brgyad pa mngon par bsgrub par mi nus so/ /'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo rnams mngon par bsgrub par mi nus so/ /de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad mngon par bsgrub par mi nus so/ /gal te yang de 'di snyam du de bzhin gshegs pas ni chos thams cad yongs su ma bzung ste/ rang gis mngon par rdzogs par sangs rgyas nas bshad do/ /bstan to/ /rab tu phye'o snyam na yang / byang chub sems dpa' sems dpa' chen po de shes rab kyi pha rol tu phyin pa las nyams pa yin no/ /de ci'i phyir zhe na/ de bzhin gshegs pas ni chos gang yang mngon par rdzogs par sangs rgyas pa med de/ rab 'byor de yang 'di ltar de bzhin</font><hr>32.283a<br><font size=+1>

gshegs pa ni chos gang yang 'dogs pa med na/ chos la la zhig mngon par rdzogs par 'tshang rgya bar 'gyur ba lta ga la yod de/ de ni gnas ma yin no/ /de nas tshe dang ldan pa rab 'byor gyis/ bcom ldan 'das la 'di skad ces gsol to/ /bcom ldan 'das ji ltar na byang chub sems dpa' sems dpa' chen po shes rab kyi pha rol tu phyin pa la spyod pa'i skyon 'di dag ma mchis par 'gyur ba lags/ bcom ldan 'das kyis bka' stsal pa/ rab 'byor nam byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ 'di snyam du chos thams cad ni med pa ste yongs su ma bzung ba'o/ /de ltar chos thams cad med cing yongs su ma bzung ba ni mngon par rdzogs par 'tshang rgya bar mi nus so zhes bya bar yang dag par shes te/ gal te de ltar spyod na shes rab kyi pha rol tu phyin pa la spyod pa yin no/ /gal te de ltar yongs su ma bzung ba'i chos thams cad la mngon par chags na/ byang chub sems dpa' sems dpa' chen po shes rab kyi pha rol tu phyin pa dang bral ba yin te/ de ci'i phyir zhe na/ shes rab kyi pha rol tu phyin pa ni mngon par chags pas brjod pa ma yin no/ /gsol pa/ bcom ldan 'das ci lags/ shes rab kyi pha rol tu phyin pa shes rab kyi pha rol tu phyin pa dang ma bral ba lags sam bsam gtan gyi pha rol tu phyin pa dang brtson 'grus kyi pha rol tu phyin pa dang / bzod pa'i pha rol tu phyin pa dang / tshul khrims kyi pha rol tu phyin pa dang / sbyin pa'i pha rol tu phyin pa sbyin pa'i pha rol tu phyin pa dang ma bral ba lags sam/ nang stong pa nyid nang stong pa nyid dang ma bral ba lags sam/ dngos po med pa'i ngo bo nyid stong pa nyid kyi bar du dngos po med pa'i ngo bo nyid stong pa nyid dang ma bral ba lags sam/ dran pa nye bar gzhag pa rnams dran pa nye bar gzhag pa rnams dang ma bral ba</font><hr>32.283b<br><font size=+1>

lags sam/ yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa/ 'phags pa'i lam yan lag brgyad pa dang / ma bral ba lags sam/ 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa dang ting nge 'dzin dang / gzungs kyi sgo rnams gzungs kyi sgo rnams dang ma bral ba lags sam/ de bzhin gshegs pa'i stobs dang / mi 'jigs pa dang / so so yang dag par rig pa dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad sangs rgyas kyi chos ma 'dres pa rnams dang ma bral ba lags sam/ rnam pa thams cad mkhyen pa nyid kyi bar du rnam pa thams cad mkhyen pa nyid dang ma bral ba lags sam/ de gal te shes rab kyi pha rol tu phyin pa yang shes rab kyi pha rol tu phyin pa dang ma bral/ bsam gtan gyi pha rol tu phyin pa dang / brtson 'grus kyi pha rol tu phyin pa dang / bzod pa'i pha rol tu phyin pa dang / tshul khrims kyi pha rol tu phyin pa dang / sbyin pa'i pha rol tu phyin pa yang sbyin pa'i pha rol tu phyin pa dang ma bral/ rnam pa thams cad mkhyen pa nyid kyi bar yang / rnam pa thams cad mkhyen pa nyid dang ma bral ba zhig lags na ni/ 'o na shes rab kyi pha rol tu phyin pa yang ji ltar mngon par bsgrub par bgyi/ bsam gtan gyi pha rol tu phyin pa dang / brtson 'grus kyi pha rol tu phyin pa dang / bzod pa'i pha rol tu phyin pa dang / tshul khrims kyi pha rol tu phyin pa dang / sbyin pa'i pha rol tu phyin pa yang ji ltar mngon par bsgrub par bgyi/ rnam pa thams cad mkhyen pa nyid kyi bar</font><hr>32.284a<br><font size=+1>

du yang ji ltar mngon par bsgrub par bgyi/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ gzugs she 'am/ 'di ni gzugs so/ /'di'i gzugs so zhes bya bar mngon par chags pa med do/ /tshor ba dang / 'du shes dang / 'du byed dang / rnam par shes pa zhe 'am/ 'di ni rnam par shes pa'o/ /'di'i rnam par shes pa'o zhes bya bar mngon par chags pa med do/ /skye mched dang / khams dang / rten cing 'brel bar 'byung ba zhe 'am/ 'di ni rten cing 'brel bar 'byung ba'o/ /'di'i rten cing 'brel bar 'byung ba'o zhes bya bar mngon par chags pa med do/ /rnam pa thams cad mkhyen pa nyid kyi bar zhe 'am/ 'di ni rnam pa thams cad mkhyen pa nyid do/ /'di'i rnam pa thams cad mkhyen pa nyid do zhes bya bar mngon par chags pa med do/ /gzugs rtag pa 'am mi rtag par mngon par chags pa med do/ /tshor ba dang / 'du shes dang / 'du byed dang / rnam par shes pa rtag pa 'am mi rtag par mngon par chags pa med do/ /skye mched dang / khams dang / rten cing 'brel bar 'byung ba rtag pa 'am mi rtag par mngon par chags pa med do/ /rnam pa thams cad mkhyen pa nyid kyi bar du rtag pa 'am mi rtag par mngon par chags pa med do/ /gzugs bde ba 'am sdug bsngal bar mngon par chags pa med do/ /tshor ba dang / 'du shes dang / 'du byed dang / rnam par shes pa bde ba 'am sdug bsngal bar mngon par chags pa med do/ /skye mched dang / khams dang / rten cing 'brel bar 'byung ba bde ba 'am sdug bsngal bar mngon par chags pa med do/ /rnam pa thams cad mkhyen pa nyid kyi bar du bde ba 'am sdug bsngal bar mngon par chags pa med do/ /gzugs bdag gam/ bdag med par mngon par chags pa med do/ /tshor ba dang / 'du</font><hr>32.284b<br><font size=+1>

shes dang / 'du byed dang / rnam par shes pa bdag gam bdag med par mngon par chags pa med do/ /skye mched dang / khams dang / rten cing 'brel bar 'byung ba bdag gam bdag med par mngon par chags pa med do/ /rnam pa thams cad mkhyen pa nyid kyi bar du bdag gam bdag med par mngon par chags pa med do/ /gzugs zhi ba 'am ma zhi bar mngon par chags pa med do/ /tshor ba dang / 'du shes dang / 'du byed dang / rnam par shes pa zhi ba 'am ma zhi bar mngon par chags pa med do/ /skye mched dang / khams dang / rten cing 'brel bar 'byung ba zhi ba 'am ma zhi bar mngon par chags pa med do/ /rnam pa thams cad mkhyen pa nyid kyi bar du zhi ba 'am ma zhi bar mngon par chags pa med do/ /gzugs stong pa 'am mi stong par mngon par chags pa med do/ /tshor ba dang / 'du shes dang / 'du byed dang / rnam par shes pa stong pa 'am mi stong par mngon par chags pa med do/ /skye mched dang / khams dang / rten cing 'brel bar 'byung ba stong pa 'am mi stong par mngon par chags pa med do/ /rnam pa thams cad mkhyen pa nyid kyi bar du stong pa 'am mi stong par mngon par chags pa med do/ /gzugs mtshan ma yod pa 'am mtshan ma med par mngon par chags pa med do/ /tshor ba dang / 'du shes dang / 'du byed dang / rnam par shes pa mtshan ma yod pa 'am mtshan ma med par mngon par chags pa med do/ /skye mched dang / khams dang / rten cing 'brel bar 'byung ba mtshan ma yod pa 'am mtshan ma med par mngon par chags pa med do/ /rnam pa thams cad mkhyen pa nyid kyi bar du mtshan ma yod pa 'am mtshan ma med par mngon par chags pa med do/ /gzugs smon pa yod pa 'am smon pa med par mngon par chags pa med do/ /tshor ba dang / 'du shes dang / 'du byed dang / rnam par shes pa smon pa yod pa 'am/ smon pa med par mngon par chags pa med do/ /skye mched dang / khams dang / rten cing</font><hr>32.285a<br><font size=+1>

'brel par 'byung ba smon pa yod pa 'am smon pa med par mngon par chags pa med do/ /rnam pa thams cad mkhyen pa nyid kyi bar du smon pa yod pa 'am smon pa med par mngon par chags pa med do/ /gzugs dben pa 'am mi dben par mngon par chags pa med do/ /tshor ba dang / 'du shes dang / 'du byed dang / rnam par shes pa dben pa 'am mi dben par mngon par chags pa med do/ /skye mched dang / khams dang / rten cing 'brel bar 'byung ba dben pa 'am mi dben par mngon par chags pa med do/ /rnam pa thams cad mkhyen pa nyid kyi bar du dben pa 'am mi dben par mngon par chags pa med do/ /de ci'i phyir zhe na/ rang bzhin med pa'i chos ni rtag ces bya ba 'am mi rtag ces bya ba 'am/ bde zhes bya ba 'am sdug bsngal zhes bya ba 'am/ bdag yod ces bya ba 'am bdag med ces bya ba 'am/ zhi zhes bya ba 'am/ ma zhi zhes bya ba 'am/ stong zhes bya ba 'am mi stong zhes bya ba 'am/ mtshan ma yod ces bya ba 'am mtshan ma med ces bya ba 'am/ smon pa yod ces bya ba 'am smon pa med ces bya ba 'am/ dben zhes bya ba 'am mi dben zhes bya bar mngon par rdzogs par 'tshang rgya bar mi nus so/ /ngo bo nyid ni ngo bo nyid kyis mngon par bsgrub par mi nus te/ rab 'byor byang chub sems dpa' sems dpa' chen po shes rab kyi pha rol tu phyin pa la spyod pa dang / bsam gtan gyi pha rol tu phyin pa dang / brtson 'grus kyi pha rol tu phyin pa dang / bzod pa'i pha rol tu phyin pa dang / tshul khrims kyi pha rol tu phyin pa dang / sbyin pa'i pha rol tu phyin pa la spyod pa de ni rnam pa thams cad mkhyen pa nyid la gnas par 'gyur ro/ /rab 'byor 'di lta ste dper na/ 'khor los sgyur ba'i rgyal po'i dpung gi tshogs yan lag bzhi dang ldan pa ni/ 'khor los sgyur ba'i rgyal po gang dang gang du 'gro ba de dang der 'gro'o/ /rab 'byor de bzhin du pha rol tu phyin pa lnga po 'di dag kyang shes</font><hr>32.285b<br><font size=+1>

rab kyi pha rol tu phyin pa'i rjes su 'brang ste/ rnam pa thams cad mkhyen pa nyid gang na ba der gnas par 'gyur ro/ /rab 'byor 'di lta ste/ dper na/ kha lo sgyur ba ni rta zung bzhi pa'i shing rta la zhon zhing lam mnyam pa nas 'gro'o/ /de bzhin du pha rol tu phyin pa lnga'i kha lo sgyur ba shes rab kyi pha rol tu phyin pa yang / rnam pa thams cad mkhyen pa nyid gang na ba der lam mnyam pa nas 'gro'o/ /gsol pa/ bcom ldan 'das byang chub sems dpa' sems dpa' chen po rnams kyi lam ni gang lags/ lam ma lags pa ni gang lags/ bcom ldan 'das kyis bka' stsal pa/ rnam pa thams cad mkhyen pa nyid thob par bya ba la nyan thos kyi lam ni/ byang chub sems dpa' sems dpa' chen po rnams kyi lam ma yin no/ /rang sangs rgyas kyi lam ni/ byang chub sems dpa' sems dpa' chen po rnams kyi lam ma yin no/ /rnam pa thams cad mkhyen pa nyid thob par bya ba la shes rab kyi pha rol tu phyin pa sngon du 'gro ba'i pha rol tu phyin pa drug ni/ byang chub sems dpa' sems dpa' chen po rnams kyi lam ste/ 'di ni byang chub sems dpa' sems dpa' chen po rnams kyi lam dang lam ma yin pa'o/ /gsol pa/ bcom ldan 'das de ltar shes rab kyi pha rol tu phyin pa 'di lam dang lam ma lags pa ston pa ni/ byang chub sems dpa' sems dpa' chen po rnams la don chen po'i slad du nye bar gnas so/ /bcom ldan 'das kyis bka' stsal pa/ rab 'byor de de bzhin no/ /de de bzhin te/ shes rab kyi pha rol tu phyin pa ni lam dang lam ma yin pa ston pas/ byang chub sems dpa' sems dpa' chen po rnams la don chen po'i phyir nye bar gnas so/ /shes rab kyi pha rol tu phyin pa ni byang chub sems dpa' sems dpa' chen po rnams la don tshad med pa'i phyir nye bar gnas so/ /shes rab kyi pha rol tu phyin pa ni byang chub</font><hr>32.286a<br><font size=+1>

sems dpa' sems dpa' chen po rnams la don grangs med pa'i phyir nye bar gnas te/ shes rab kyi pha rol tu phyin pa ni don de yang brjod mod kyi/ gzugs yongs su mi 'dzin to/ /tshor ba dang / 'du shes dang / 'du byed dang / rnam par shes pa yongs su mi 'dzin to/ /nyan thos dang / rang sangs rgyas kyi sar 'gyur ba'i bar du yongs su gzung ba'i phyir nye bar gnas pa ma yin no/ /shes rab kyi pha rol tu phyin pa 'di ni byang chub sems dpa' sems dpa' chen po bla na med pa yang dag par rdzogs pa'i byang chub yongs su 'thob par byed pa ma yin no/ /nyan thos kyi sa dang / rang sangs rgyas kyi sa 'dor ba ma yin no/ /rnam pa thams cad mkhyen pa nyid dang sprod pa ma yin no/ /de ltar chos kyi gnas nyid tshad mar byas nas/ shes rab kyi pha rol tu phyin pa 'di ni chos gang yang skyed pa ma yin/ 'gog pa ma yin no/ /gsol pa/ bcom ldan 'das de ltar shes rab kyi pha rol tu phyin pa 'di chos gang yang bskyed pa ma lags/ 'gog pa ma lags na/ bcom ldan 'das byang chub sems dpa' sems dpa' chen po shes rab kyi pha rol tu phyin pa la spyod pas/ ji ltar sbyin pa yongs su gtang bar bgyi/ ji ltar tshul khrims bsrung bar bgyi/ ji ltar bzod pa bsgom par bgyi/ ji ltar brtson 'grus brtsam par bgyi/ ji ltar bsam gtan la snyoms par 'jug par bgyi/ ji ltar shes rab la bsgom par bgyi/ bcom ldan 'das kyis bka' stsal pa/ rab 'byor rnam pa thams cad mkhyen pa nyid du dmigs te/ sbyin pa sbyin par bya'o/ /rnam pa thams cad mkhyen pa nyid du dmigs te/ tshul khrims bsrung bar bya'o/ /rnam pa thams cad mkhyen pa nyid du dmigs te/ bzod pa bsgom par bya'o/ /rnam pa thams cad mkhyen pa nyid du dmigs te/ brtson 'grus brtsam par bya'o/ /rnam pa thams cad mkhyen pa nyid du dmigs te/ bsam gtan la snyoms par 'jug par</font><hr>32.286b<br><font size=+1>

bya'o/ /rnam pa thams cad mkhyen pa nyid du dmigs te/ shes rab bsgom par bya'o/ /des dge ba'i rtsa ba de dag kyang sems can thams cad dang thun mong du byas te/ bla na med pa yang dag par rdzogs pa'i byang chub tu yongs su bsngo bar bya'o de ltar byang chub sems dpa' sems dpa' chen po'i dge ba'i rtsa ba de dag bla na med pa yang dag par rdzogs pa'i byang chub tu yongs su bsngos na/ pha rol tu phyin pa drug bsgom pa yongs su rdzogs par 'gyur ro/ /byang chub sems dpa' sems dpa' chen po byams pa bsgom pa gang yin pa de ni/ rnam pa thams cad mkhyen pa nyid do/ /byang chub sems dpa' sems dpa' chen po gang pha rol tu phyin pa drug dang ma bral ba de ni rnam pa thams cad mkhyen pa nyid dang ma bral ba ste/ de bas na byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya bar 'dod pas pha rol tu phyin pa drug la spyad par bya'o/ /pha rol tu phyin pa drug la spyod pa'i byang chub sems dpa' sems dpa' chen po ni dge ba'i rtsa ba thams cad yongs su rdzogs nas/ rnam pa thams cad mkhyen pa nyid thob par 'gyur ro/ /rab 'byor de lta bas na byang chub sems dpa' sems dpa' chen pos pha rol tu phyin pa drug la brtson par bya'o/ /gsol pa/ bcom ldan 'das byang chub sems dpa' sems dpa' chen pos ji ltar pha rol tu phyin pa drug la brtson par bgyi/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen pos gzugs dang ldan pa yang ma yin mi ldan pa yang ma yin/ tshor ba dang / 'du shes dang / 'du byed dang / rnam par shes pa ldan pa yang ma yin mi ldan pa yang ma yin/ skye mched dang / khams dang / rten cing 'brel bar 'byung ba ldan pa yang ma yin mi ldan pa yang ma yin/ pha rol tu phyin pa thams cad dang / stong pa nyid thams cad dang / byang</font><hr>32.287a<br><font size=+1>

chub kyi phyogs kyi chos sum bcu rtsa bdun ldan pa yang ma yin mi ldan pa yang ma yin/ 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa rnams ldan pa yang ma yin mi ldan pa yang ma yin/ rnam pa thams cad mkhyen pa nyid kyi bar du ldan pa yang ma yin mi ldan pa yang ma yin no zhes bya bar rab tu brtag par bya ste/ rab 'byor de ltar byang chub sems dpa' sems dpa' chen pos pha rol tu phyin pa drug la brtson par bya'o/ /rab 'byor gzhan yang byang chub sems dpa' sems dpa' chen pos/ gzugs la gnas par bya'o zhes brtson par mi bya'o/ /tshor ba dang / 'du shes dang / 'du byed dang / rnam par shes pa la gnas par bya'o zhes brtson par mi bya'o/ /skye mched dang / khams dang / rten cing 'brel bar 'byung ba la gnas par bya'o zhes brtson par mi bya'o/ /pha rol tu phyin pa thams cad dang / stong pa nyid thams cad dang / /byang chub kyi phyogs kyi chos sum bcu rtsa bdun la gnas par bya'o zhes brtson par mi bya'o/ /'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo rnams la gnas par bya'o zhes brtson par mi bya'o/ /stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas</font><hr>32.287b<br><font size=+1>

kyi chos ma 'dres pa rnams la gnas par bya'o zhes brtson par mi bya'o/ /rnam pa thams cad mkhyen pa nyid kyi bar la gnas par bya'o zhes brtson par mi bya'o/ /de ci'i phyir zhe na/ gzugs ni gang la yang mi gnas so/ /tshor ba dang / 'du shes dang / 'du byed dang / rnam par shes pa ni gang la yang mi gnas so/ /skye mched dang / khams dang / rten cing 'brel bar 'byung ba ni gang la yang mi gnas so/ /pha rol tu phyin pa thams cad dang / stong pa nyid thams cad dang / byang chub kyi phyogs kyi chos sum bcu rtsa bdun ni gang la yang mi gnas so/ /'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo rnams ni gang la yang mi gnas so/ /stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa rnams ni gang la yang mi gnas so/ /rnam pa thams cad mkhyen pa nyid kyi bar ni gang la yang mi gnas pa ste/ de ltar mi gnas pa'i tshul gyis byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya bar bya'o/ /rab 'byor 'di lta ste dper na/ skyes bu zhig shing thog a 'bra 'am/ pa na sa za bar 'dod na/ des shing tog a 'bra 'am/ pa na sa bskyed par bya'o/ /bskyed nas kyang dus dus su chus bcu 'o/ /gnod pa gsal lo/ /de rgyu rkyen tshogs pa'i dbang gis mthar gyis 'phel na/ shing tog a 'bra 'am/ pa na sa yod par 'gyur te/ de shing tog a 'bra 'am/ shing tog pa na sa za bar 'gyur ro/ /rab 'byor de bzhin du byang chub sems dpa' sems dpa' chen po bla na med pa yang dag par rdzogs</font><hr>32.288a<br><font size=+1>

pa'i byang chub tu mngon par rdzogs par 'tshang rgya bar 'dod pas kyang pha rol tu phyin pa drug la bslabs te/ sems can rnams sbyin pas rjes su gzung bar bya'o/ /tshul khrims dang / bzod pa dang / brtson 'grus dang / bsam gtan dang / shes rab kyis rjes su gzung bar bya'o/ /sems can rnams 'khor ba las yongs su dgrol bar bya'o/ /rab 'byor de lta bas na byang chub sems dpa' sems dpa' chen po gzhan gyi dring mi 'jog par 'dod pa dang / sangs rgyas kyi zhing yongs su sbyang bar 'dod pa dang / snying po byang chub tu 'dug par 'dod pa dang / chos kyi 'khor lo bskor bar 'dod pas/ pha rol tu phyin pa drug la bslab par bya'o/ /gsol pa/ bcom ldan 'das shes rab kyi pha rol tu phyin pas/ shes rab kyi pha rol tu phyin pa la bslab par bya'o zhes gsung ngam/ bcom ldan 'das kyis bka' stsal pa/ rab 'byor shes rab kyi pha rol tu phyin pas shes rab kyi pha rol tu phyin pa la bslab par bya'o zhes smra'o/ /chos thams cad la dbang du 'gyur ba thob par 'dod pas/ shes rab kyi pha rol tu phyin pa la bslab par bya'o zhes smra'o/ /de ci'i phyir zhe na/ gang gis chos thams cad la dbang du 'gyur ba'i sa thob par 'gyur ba de ni shes rab kyi pha rol tu phyin pa'o/ /shes rab kyi pha rol tu phyin pa 'di ni chos thams cad kyi sgo ste/ 'di lta ste/ dper na/ rgya mtsho chen po ni chu klung thams cad kyi sgo'o/ /de bzhin du shes rab kyi pha rol tu phyin pa yang chos thams cad kyi sgo ste/ gang zag nyan thos kyi theg pa pa 'am/ rang sangs rgyas kyi theg pa pa 'am/ byang chub sems dpa'i theg pa pa rnams kyis/ shes rab kyi pha rol tu phyin pa 'di nyid la bslab par bya'o/ /rab 'byor de bas na byang chub sems dpa' sems dpa' chen pos/ sbyin pa'i pha rol tu phyin pa la bslab par bya'o/ /tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / </font><hr>32.288b<br><font size=+1>

bsam gtan gyi pha rol tu phyin pa dang / shes rab kyi pha rol tu phyin pa la bslab par bya'o/ /nang stong pa nyid la bslab par bya'o/ /phyi stong pa nyid la bslab par bya'o/ /phyi nang stong pa nyid la bslab par bya'o/ /dngos po med pa'i ngo bo nyid stong pa nyid kyi bar la bslab par bya'o/ /dran pa nye bar gzhag pa bzhi la bslab par bya'o/ /de bzhin du yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa la bslab par bya'o/ /'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo rnams la bslab par bya'o/ /de bzhin gshegs pa'i stobs dang / mi 'jigs pa dang / so so yang dag par rig pa dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad la bslab par bya'o/ /rnam pa thams cad mkhyen pa nyid kyi bar la bslab par bya'o/ /rab 'byor 'di lta ste/ dper na/ 'phong gi slob dpon lag tshod dang 'byor pa'i gzhu thogs pa ni dgra dang phyir rgol ba rnams kyis thub par dka'o/ /rab 'byor de bzhin du byang chub sems dpa' sems dpa' chen po shes rab kyi pha rol tu phyin pa la spyod pa yang bdud dam bdud kyi ris kyi lha rnams kyis thub par dka'o/ /rab 'byor de lta bas na byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya bar 'dod pas/ shes rab kyi pha rol tu phyin pa la bslab par bya'o/ /de ltar shes rab kyi pha rol tu phyin pa la spyod pa de la 'das pa dang / ma 'ongs pa dang / da ltar byung ba'i sangs rgyas bcom ldan 'das rnams dgongs pa mdzad do/ /</font><hr>32.289a<br><font size=+1>

gsol pa/ sangs rgyas bcom ldan 'das rnams ji ltar byang chub sems dpa' sems dpa' chen po sbyin pa'i pha rol tu phyin pa la spyod pa la dgongs pa mdzad/ ji ltar tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa la spyod pa la dgongs pa mdzad/ ji ltar nang stong pa nyid la spyod pa la dgongs pa mdzad/ ji ltar dngos po med pa'i ngo bo nyid stong pa nyid kyi bar la spyod pa la dgongs pa mdzad/ ji ltar dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa la spyod pa la dgongs pa mdzad/ ji ltar 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo rnams la spyod pa la dgongs pa mdzad/ ji ltar de bzhin gshegs pa'i stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa bcwa brgyad la spyod pa la dgongs pa mdzad/ ji ltar rnam pa thams cad mkhyen pa nyid kyi bar la spyod pa la dgongs pa mdzad/ bcom ldan 'das kyis bka' stsal pa/ rab 'byor 'di la sangs rgyas bcom ldan 'das rnams ni byang chub sems dpa' sems dpa' chen po sbyin pa'i pha rol tu phyin pa la spyod pa la dgongs pa mdzad de/ ci nas kyang sbyin pa mi dmigs pa de ltar dgongs pa mdzad do/ /tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi</font><hr>32.289b<br><font size=+1>

pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa spyod pa la dgongs pa mdzad de/ ci nas kyang shes rab mi dmigs pa de ltar dgongs pa mdzad do/ /nang stong pa nyid spyod pa la dgongs pa mdzad de/ ci nas kyang nang stong pa nyid mi dmigs pa de ltar dgongs pa mdzad do/ /dngos po med pa'i ngo bo nyid stong pa nyid kyi bar du spyod pa la dgongs pa mdzad de/ ci nas kyang dngos po med pa'i ngo bo nyid stong pa nyid mi dmigs pa de ltar dgongs pa mdzad do/ /dran pa nye bar gzhag pa rnams spyod pa la dgongs pa mdzad de/ ci nas kyang dran pa nye bar gzhag pa rnams mi dmigs pa de ltar dgongs pa mdzad do/ /yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa spyod pa la dgongs pa mdzad de/ ci nas kyang 'phags pa'i lam yan lag brgyad pa mi dmigs pa de ltar dgongs pa mdzad do/ /'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo rnams spyod pa la dgongs pa mdzad de/ ci nas kyang gzungs kyi sgo rnams mi dmigs pa de ltar dgongs pa mdzad do/ /de bzhin gshegs pa'i stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa bcwa brgyad spyod pa la dgongs pa mdzad de/ ci nas kyang sangs rgyas kyi chos ma 'dres pa bcwa brgyad mi dmigs pa de ltar dgongs pa mdzad do/ /rnam pa thams cad mkhyen pa nyid kyi bar du spyod pa la dgongs pa mdzad de/ ci nas kyang rnam pa thams cad mkhyen pa nyid mi dmigs pa</font><hr>32.290a<br><font size=+1>

de ltar dgongs pa mdzad de/ de ltar mi dmigs pa'i byang chub sems dpa' sems dpa' chen po la dgongs pa mdzad do/ /rab 'byor gzhan yang sangs rgyas bcom ldan 'das rnams ni byang chub sems dpa' sems dpa' chen po la gzugs su dgongs pa mi mdzad do/ /tshor ba dang / 'du shes dang / 'du byed dang / rnam par shes par dgongs pa mi mdzad do/ /skye mched dang / khams dang / rten cing 'brel bar 'byung bar dgongs pa mi mdzad do/ /sbyin pa'i pha rol tu phyin par dgongs pa mi mdzad do/ /tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin par dgongs pa mi mdzad do/ /nang stong pa nyid du dgongs pa mi mdzad do/ /dngos po med pa'i ngo bo nyid stong pa nyid kyi bar du dgongs pa mi mdzad do/ /dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad par dgongs pa mi mdzad do/ /'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgor dgongs pa mi mdzad do/ /stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa rnams su dgongs pa mi mdzad do/ /rnam pa thams cad mkhyen pa nyid kyi bar du dgongs pa mi mdzad do/ /gsol pa/ bcom ldan 'das byang chub sems dpa' sems dpa' chen pos gnas mang por yang bslab par bgyi</font><hr>32.290b<br><font size=+1>

la/ gang la yang bslab par mi bgyi'o/ /bcom ldan 'das kyis bka' stsal pa/ rab 'byor de de bzhin no/ /de de bzhin te/ byang chub sems dpa' sems dpa' chen pos gnas mang por yang bslab par bya ste gang la yang bslab par mi bya'o/ /de ci'i phyir zhe na/ de ni 'di ltar gang la byang chub sems dpa' sems dpa' chen pos bslab par bya ba'i chos de dag mi dmigs so/ /gsol pa/ bcom ldan 'das de ltar de bzhin gshegs pas chos 'di dag mdo dang rgyas par bstan na/ de la byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya bar 'tshal bas/ pha rol tu phyin pa drug po 'di dag mdo dang rgyas par kun chub par bgyi'o/ /kun chub par bgyis nas tshig gis shin tu goms par bgyi'o/ /tshig gis shin du goms par bgyis nas yid kyis rtogs par bgyi'o/ /de yang ci nas kyang sems dang sems las byung ba'i chos mi rgyu ba de ltar rtogs par bgyi'o/ /bcom ldan 'das kyis bka' stsal pa/ rab 'byor de de bzhin no/ /de de bzhin te/ pha rol tu phyin pa drug po mdo dang rgyas par bstan pa 'di dag la slob pa'i byang chub sems dpa' sems dpa' chen po ni chos thams cad kyi mdo dang rgyas pa shes par 'gyur ro/ /gsol pa/ bcom ldan 'das ji ltar na byang chub sems dpa' sems dpa' chen po chos thams cad kyi mdo dang rgyas pa 'tshal bar 'gyur ba lags/ bcom ldan 'das kyis bka' stsal pa/ gzugs kyi de bzhin nyid shes na/ chos thams cad kyi mdo dang rgyas pa shes par 'gyur ro/ /tshor ba dang / 'du shes dang / 'du byed dang / rnam par shes pa'i de bzhin nyid shes na/ chos thams cad kyi mdo dang rgyas pa shes par 'gyur ro/ /skye mched dang / khams dang / rten cing 'brel bar 'byung ba'i de bzhin nyid shes na/ chos</font><hr>32.291a<br><font size=+1>

thams cad kyi mdo dang rgyas pa shes par 'gyur ro/ /pha rol tu phyin pa thams cad dang / stong pa nyid thams cad dang / byang chub kyi phyogs kyi chos sum bcu rtsa bdun gyi de bzhin nyid shes na/ chos thams cad kyi mdo dang rgyas pa shes par 'gyur ro/ /'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo rnams kyi de bzhin nyid shes na/ chos thams cad kyi mdo dang rgyas pa shes par 'gyur ro/ /stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad kyi de bzhin nyid shes na/ chos thams cad kyi mdo dang rgyas pa shes par 'gyur ro/ /rnam pa thams cad mkhyen pa nyid kyi bar gyi de bzhin nyid shes na/ chos thams cad kyi mdo dang rgyas pa shes par 'gyur ro/ /gsol pa/ bcom ldan 'das gzugs kyi de bzhin nyid ji lta bu lags/ bcom ldan 'das kyis bka' stsal pa/ de bzhin nyid gang la skye ba mi dmigs/ 'jig pa mi dmigs/ gnas pa las gzhan du 'gyur ba mi dmigs pa 'di ni gzugs kyi de bzhin nyid de/ de la byang chub sems dpa' sems dpa' chen pos bslab par bya'o/ /gsol pa/ bcom ldan 'das tshor ba dang / 'du shes dang / 'du byed dang / rnam par shes pa'i de bzhin nyid ji lta bu lags/ rnam pa thams cad mkhyen pa nyid kyi bar gyi de bzhin nyid ji lta bu lags/ bcom ldan 'das kyis bka' stsal pa/ de bzhin nyid gang la skye ba mi dmigs/ 'jig pa mi dmigs/ gnas pa las gzhan du 'gyur ba mi dmigs pa 'di ni tshor ba dang / 'du shes dang / 'du byed dang / </font><hr>32.291b<br><font size=+1>

rnam par shes pa'i de bzhin nyid de/ de la byang chub sems dpa' sems dpa' chen pos bslab par bya'o/ /de bzhin nyid gang la skye ba mi dmigs/ 'jig pa mi dmigs/ gnas pa las gzhan du 'gyur ba mi dmigs pa 'di ni rnam pa thams cad mkhyen pa nyid kyi bar gyi de bzhin nyid de/ de la byang chub sems dpa' sems dpa' chen pos bslab par bya'o/ /yang dag pa'i mtha' shes na/ chos thams cad kyi mdo dang rgyas pa shes par 'gyur ro/ /gsol pa/ bcom ldan 'das yang dag pa'i mtha' gang lags/ bcom ldan 'das kyis bka' stsal pa/ mtha' med pa ni yang dag pa'i mtha' ste/ mtha' 'di la slob pa'i byang chub sems dpa' sems dpa' chen po ni/ chos thams cad kyi mdo dang rgyas pa shes par 'gyur ro/ /chos kyi dbyings shes na/ byang chub sems dpa' sems dpa' chen po chos thams cad kyi mdo dang rgyas pa shes par 'gyur ro/ /gsol pa/ bcom ldan 'das chos kyi dbyings gang lags/ bcom ldan 'das kyis bka' stsal pa/ dbyings med pa ni chos kyi dbyings te/ chos kyi dbyings de la chad pa dang / yongs su chad pa mi dmigs so/ /chos kyi dbyings de ltar shes pa'i byang chub sems dpa' sems dpa' chen po ni chos thams cad kyi mdo dang rgyas pa shes par 'gyur ro/ /gsol pa/ bcom ldan 'das ji ltar chos thams cad kyi mdo dang rgyas pa 'tshal bar bgyi/ bcom ldan 'das kyis bka' stsal pa/ ci nas kyang chos thams cad ldan pa yang ma yin mi ldan pa yang ma yin par shes par bya'o/ /gsol pa/ bcom ldan 'das ldan pa yang ma lags/ mi ldan pa yang ma lags pa'i chos de dag kyang gang lags/ bcom ldan 'das kyis bka' stsal pa/ gzugs ldan pa yang ma yin mi ldan pa yang ma yin no/ /tshor ba dang / 'du shes dang / 'du byed dang / rnam par shes pa ldan pa yang</font><hr>32.292a<br><font size=+1>

ma yin mi ldan pa yang ma yin no/ /skye mched dang / khams dang / rten cing 'brel bar 'byung ba ldan pa yang ma yin mi ldan pa yang ma yin no/ /pha rol tu phyin pa thams cad dang / stong pa nyid thams cad dang / byang chub kyi phyogs kyi chos sum bcu rtsa bdun ldan pa yang ma yin mi ldan pa yang ma yin no/ /'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo rnams ldan pa yang ma yin mi ldan pa yang ma yin no/ /de bzhin gshegs pa'i stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa bcwa brgyad ldan pa yang ma yin mi ldan pa yang ma yin no/ /rnam pa thams cad mkhyen pa nyid kyi bar du ldan pa yang ma yin mi ldan pa yang ma yin no/ /'dus byas kyi khams ldan pa yang ma yin mi ldan pa yang ma yin no/ /'dus ma byas kyi khams ldan pa yang ma yin mi ldan pa yang ma yin no/ /de ci'i phyir zhe na/ gang ldan pa 'am mi ldan par 'gyur ba de lta bu'i ngo bo nyid med de/ gang ngo bo nyid med pa de ni dngos po med pa'o/ /dngos po med pa ni dngos po med pa dang ldan pa yang ma yin mi ldan pa yang ma yin te/ de ltar chos thams cad shes par bya'o/ /rab 'byor 'di ni byang chub sems dpa' sems dpa' chen po rnams kyi mdor bsdus pa ste/ mdor bsdus pa'i pha rol tu phyin pa 'di la las dang po pa'i byang chub sems dpa' sems dpa' chen pos bslab par bya'o/ /byang chub sems dpa'i sa bcu la gnas te mdor bsdus pa la bslab par bya'o/ /</font><hr>32.292b<br><font size=+1>

mdor bsdus pa 'di la slob pa'i byang chub sems dpa' sems dpa' chen po ni chos thams cad kyi mdo dang rgyas pa shes par 'gyur ro/ /gsol pa/ bcom ldan 'das 'di ni byang chub sems dpa' sems dpa' chen po dbang po rnon pos rtogs pa'o/ /bcom ldan 'das kyis bka' stsal pa/ rab 'byor 'di ni byang chub sems dpa' sems dpa' chen po dbang po zhan pas kyang rtogs par 'gyur ba'o/ /'di ni byang chub sems dpa' sems dpa' chen po dbang po 'bring pos kyang rtogs par 'gyur ba'o/ /'di ni byang chub sems dpa' sems dpa' chen po dbang po mnyam par gzhag pas kyang rtogs par 'gyur ba ste/ 'di ni slob par 'dod pa'i byang chub sems dpa' sems dpa' chen pos gang gis kyang rtogs par mi 'gyur ba med do/ /'di ni le lo can gyis rtogs par 'gyur ba ma yin/ brtson 'grus zhan pas rtogs par 'gyur ba ma yin/ dran pa nyams pas rtogs par 'gyur ba ma yin/ sems 'khrugs pas rtogs par 'gyur ba ma yin gyi/ 'di ni brtson 'grus brtsams pa/ le lo med pa/ dran pa nye bar gnas pas rtogs par 'gyur ba'o/ /phyir mi ldog pa'i sa la slob par 'dod cing / rnam pa thams cad mkhyen pa nyid thob par 'dod pas rtogs par 'gyur ba ste/ gal te ji skad du bstan pa'i shes rab kyi pha rol tu phyin pa la slob cing / sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang bsam gtan gyi pha rol tu phyin pa dang / shes rab kyi pha rol tu phyin pa la bslabs nas/ rnam pa thams cad mkhyen pa nyid thob par byed na/ byang chub sems dpa' sems dpa' chen po de shes rab kyi pha rol tu phyin pa la spyod pa'i tshe/ </font><hr>32.293a<br><font size=+1>

bdud kyi las ci byung yang rung ste/ de dag thams cad 'byung ba nyid kyi tshe/ rab tu spang bar 'gyur ro/ /de bas na thabs mkhas pa yongs su gzung bar 'dod pa'i byang chub sems dpa' sems dpa' chen pos shes rab kyi pha rol tu phyin pa la bslab par bya'o/ /gang gi tshe byang chub sems dpa' sems dpa' chen po shes rab kyi pha rol tu phyin pa la spyod pa dang / shes rab kyi pha rol tu phyin pa la bsgom pa dang / shes rab kyi pha rol tu phyin pa la brtson par byed pa de'i tshe/ 'jig rten gyi khams grangs med pa dag na/ sangs rgyas bcom ldan 'das gang ji snyed gcig bzhugs shing 'tsho skyong ba dang / chos ston pa de dag kyang byang chub sems dpa' sems dpa' chen po shes rab kyi pha rol tu phyin pa la spyod pa de dag la dgongs pa mdzad do/ /de ci'i phyir zhe na/ 'di lta ste/ pha rol tu phyin pa drug po 'di dag las byung ba ni/ 'das pa dang / ma byon pa dang / da ltar byung ba'i sangs rgyas bcom ldan 'das rnams te/ de bas na byang chub sems dpa' sems dpa' chen po shes rab kyi pha rol tu phyin pa la spyod pas 'di ltar yongs su brtag par bya ste/ chos gang 'das pa dang / ma byon pa dang / da ltar byung ba'i sangs rgyas bcom ldan 'das rnams kyis brnyes par gyur pa dang / brnyes pa dang / brnyes par 'gyur ba'i chos de dag bdag gis kyang thob par bya'o snyam du brtag par bya ste/ rab 'byor byang chub sems dpa' sems dpa' chen po shes rab kyi pha rol tu phyin pa la spyod pas de ltar brtson par bya'o/ /de ltar brtson pa'i byang chub sems dpa' sems dpa' chen po n-i myur du bla na med pa yang dag par rdzogs pa'i byang chub tu mngon par rdzogs par 'tshang rgya'o/ /rab 'byor de bas na byang chub sems dpa' sems dpa' chen pos</font><hr>32.293b<br><font size=+1>

rnam pa thams cad mkhyen pa nyid yid la bya ba dang ma bral bar bya ste/ gal te byang chub sems dpa' sems dpa' chen po rnam pa thams cad mkhyen pa nyid kyi don du de ltar spyod na/ chung ngu sne gol gtogs pa tsam du shes rab kyi pha rol tu phyin pa bsgom yang / byang chub sems dpa' sems dpa' chen po de'-i bsod nams ni ches mang du 'phel gyi/ stong gsum gyi stong chen po'i 'j-ig rten gyi khams na sems can gang ji snyed cig 'khod pa de dag sbyin pas yongs su tshim par byas pa dang / tshul khrims la rab tu bkod pa dang / ting nge 'dzin la rab tu bkod pa dang / shes rab la rab tu bkod pa dang / rnam par grol ba la rab tu bkod pa dang / rnam par grol ba'i ye shes mthong ba la rab tu bkod pa dang / rgyun tu zhugs pa'i 'bras bu la rab tu bkod pa dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid la rab tu bkod pa dang / rang byang chub la rab tu bkod pas ni ma yin te/ gang shes rab kyi pha rol tu phyin pa zab mo 'di se gol gtogs pa tsam du bsgom pa de'i bsod nams ni ches mang du 'phel lo/ /de ci'i phyir zhe na/ sbyin pa dang / tshul khrims dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba dang / rgyun tu zhugs pa'i 'bras bu dang / lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub ni 'di las byung ste/ phyogs bcu'i 'jig rten gyi khams dag na/ sangs rgyas bcom ldan 'das gang ji snyed cig bzhugs shing 'tsho skyong ba dang / chos ston pa de dag thams cad kyang shes rab kyi pha rol tu phyin pa 'di las byung ngo / /sangs rgyas bcom ldan 'das gang 'das pa dang / ma byon pa dang / da ltar byung ba de dag kyang shes rab kyi pha rol tu phyin pa 'di nyid</font><hr>32.294a<br><font size=+1>

las byung ngo / /rab 'byor gzhan yang gang skad 'ga' 'am/ nyi ma 'ga' 'am/ nyi ma brgya 'am/ lo 'ga' 'am/ lo brgya 'am/ bskal pa 'ga' 'am/ bskal pa brgya nas/ bskal pa grangs med pa brgya'i bar du shes rab kyi pha rol tu phyin pa 'di rnam pa thams cad mkhyen pa nyid la dmigs pa'i yid la byas pas bsgom pa de'i bsod nams ni ches mang du 'phel gyi/ 'jig rten gyi khams gang gA'i klung gi bye ma snyed dag na/ sems can gang ji snyed cig 'khod pa de dag thams cad sbyin pa la rab tu bkod pa dang / tshul khrims la rab tu bkod pa dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba la rab tu bkod pa dang / rgyun tu zhugs pa'i 'bras bu la rab tu bkod pa dang / lan cig phyir 'ong ba'i 'bras bu la rab tu bkod pa dang / phyir mi 'ong ba'i 'bras bu la rab tu bkod pa dang / dgra bcom pa nyid la rab tu bkod pa dang / rang byang chub la rab tu bkod pas ni ma yin no/ /de ci'i phyir zhe na/ gang gis sbyin pa las byung ba'i bsod nams bya ba'i dngos po bstan pa dang / tshul khrims dang bsgom pa las byung ba'i bsod nams bya ba'i dngos po bstan pa dang / rgyun tu zhugs pa'-i 'bras bu dang / lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub bstan pa'i sangs rgyas bcom ldan 'das de dag kyang 'di las byung ngo / /byang chub sems dpa' sems dpa' chen po gang de ltar bstan pa'i shes rab kyi pha rol tu phyin pa la gnas pa de ni phyir mi ldog par rig par bya ste/ byang chub sems dpa' sems dpa' chen po gang thabs mkhas pa 'di dang ldan pa de ni de bzhin gshegs pas dgongs par rig par bya'o/ /byang chub sems dpa' sems dpa' chen po de ni sangs rgyas bye ba khrag khrig brgya stong mang po bsnyen bkur bar rig</font><hr>32.294b<br><font size=+1>

par bya'o/ /byang chub sems dpa' sems dpa' chen po de ni dge ba'i rtsa ba bskyed par rig par bya'o/ /byang chub sems dpa' sems dpa' chen po de ni dge ba'i bshes gnyen gyis yongs su zin par rig par bya'o/ /byang chub sems dpa' sems dpa' chen po de ni pha rol tu phyin pa drug la spyod par rig par bya'o/ /byang chub sems dpa' sems dpa' chen po de ni stong pa nyid bcu bzhi la bsgoms par rig par bya'o/ /byang chub sems dpa' sems dpa' chen po de ni byang chub kyi phyogs kyi chos sum bcu rtsa bdun la bsgoms par rig par bya'o/ /byang chub sems dpa' sems dpa' chen po de ni 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo rnams la bsgoms par rig par bya'o/ /byang chub sems dpa' sems dpa' chen po de n-i stobs bcu dang / mi 'jigs pa bzhi dang / so so yang dag par rig pa bzhi la bsgoms par rig par bya'o/ /byang chub sems dpa' sems dpa' chen po de ni mngon par shes pa drug dang ldan par rig par bya'o/ /byang chub sems dpa' sems dpa' chen po de ni gzhon nur gyur par rig par bya'o/ /byang chub sems dpa' sems dpa' chen po de ni bsam pa yongs su rdzogs par rig par bya'o/ /byang chub sems dpa' sems dpa' chen po de ni sangs rgyas mthong ba dang mi 'bral bar rig par bya'o/ /byang chub sems dpa' sems dpa' chen po de ni dge ba'i rtsa ba dang mi 'bral bar rig par bya'o/ /byang chub sems dpa' sems dpa' chen po de ni sangs rgyas kyi zhing dang mi 'bral bar rig par bya'o/ /</font><hr>32.295a<br><font size=+1>

byang chub sems dpa' sems dpa' chen po de ni spobs pa mi chod pa dang ldan par rig par bya'o/ /byang chub sems dpa' sems dpa' chen po de ni gzungs rab tu thob par rig par bya'o/ /byang chub sems dpa' sems dpa' chen po de ni gzungs yongs su rdzogs par rig par bya'o/ /byang chub sems dpa' sems dpa' chen po de ni lung bstan pa phun sum tshogs par rig par bya'o/ /byang chub sems dpa' sems dpa' chen po de ni ched du bsams shing srid pa 'dod par rig par bya'o/ /byang chub sems dpa' sems dpa' chen po de ni rnam par rtogs par bya ba la mkhas par rig par bya'o/ /byang chub sems dpa' sems dpa' chen po de ni lung bstan pa la mkhas par rig par bya'o/ /byang chub sems dpa' sems dpa' chen po de ni yi ge med pa rtogs par bya ba la mkhas par rig par bya'o/ /byang chub sems dpa' sems dpa' chen po de ni byang chub sems dpa'i rnam par spyod pa la mkhas par rig par bya'o/ /byang chub sems dpa' sems dpa' chen po de ni brjod pa la mkhas par rig par bya'o/ /byang chub sems dpa' sems dpa' chen po de ni brjod pa med pa la mkhas par rig par bya'o/ /byang chub sems dpa' sems dpa' chen po de ni gcig gi lhag pa'i tshig la mkhas pa dang / gnyis kyi lhag pa'i tshig la mkhas pa dang / mang po'i lhag pa'i tshig la mkhas pa dang / bud med kyi lhag pa'i tshig la mkhas pa dang / skyes pa'i lhag pa'i tshig la mkhas pa dang / ma ning gi lhag pa'i tshig la mkhas par rig par bya'o/ /byang chub sems dpa' sems dpa' chen po de ni 'das pa dang / ma 'ongs pa dang / da ltar byung ba la mkhas par rig par bya'o/       /ye d+harmA he tu pra b+ha bA he tun te ShAn ta thA ga to h+ya ba data/ te ShAny+tsa yo ni ro d+ha e ba~M` bA dI ma hA shra ma NaH// // # 
</font><hr>33.1a<br><font size=+1>

(nga) @#/ ! /stong phrag nyi shu lnga pa bzhugs so/ /[(黃) 第二般若兩萬五千頌第四部]</font><hr>33.1b<br><font size=+1>

shes rab kyi pha rol du phyin pa stong phrag nyi shu lnga pa/ dum bu tha ma/ bam po drug bcu pa/ byang chub sems dpa' sems dpa' chen po de ni gzugs la mkhas par rig par bya'o/ /byang chub sems dpa' sems dpa' chen po de ni tshor ba dang / 'du shes dang / 'du byed dang / rnam par shes pa la mkhas par rig par bya'o/ /byang chub sems dpa' sems dpa' chen po de ni skye mched dang / khams dang / rten cing 'brel bar 'byung ba la mkhas par rig par bya'o/ /byang chub sems dpa' sems dpa' chen po de ni pha rol du phyin pa thams cad dang / stong pa nyid thams cad dang / byang chub kyi phyogs kyi chos sum bcu rtsa bdun la mkhas par rig par bya'o/ /byang chub sems dpa' sems dpa' chen po de ni 'phags pa'i</font><hr>33.2a<br><font size=+1>

bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo la mkhas par rig par bya'o/ /byang chub sems dpa' sems dpa' chen po de ni de bzhin gshegs pa'i stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa rnams la mkhas par rig par bya'o/ /byang chub sems dpa' sems dpa' chen po de ni rnam pa thams cad mkhyen pa nyid kyi bar la mkhas par rig par bya'o/ /byang chub sems dpa' sems dpa' chen po de ni mya ngan las 'das pa'i bar la mkhas par rig par bya'o/ /chos kyi dbyings kyi mtshan nyid la mkhas par rig par bya'o/ /'dus byas kyi mtshan nyid dang / 'dus ma byas kyi mtshan nyid dang / dngos po dang dngos po med pa dang / bdag gi dngos po dang / gzhan gyi dngos po dang / 'du ba dang / 'bral ba dang / 'du 'bral dang ldan pa dang / mi ldan pa dang / ldan pa yang ma yin mi ldan pa yang ma yin pa la mkhas par rig par bya'o/ /byang chub sems dpa' sems dpa' chen po de ni de bzhin nyid la mkhas par rig par bya'o/ /ma nor ba de bzhin nyid dang / gzhan ma yin pa de bzhin nyid dang / chos nyid dang / chos kyi dbyings dang / chos kyi gnas nyid dang / chos skyon med pa dang / yang dag pa'i mtha' dang / bsam gyis</font><hr>33.2b<br><font size=+1>

mi khyab pa'i dbyings la mkhas par rig par bya'o/ /byang chub sems dpa' sems dpa' chen po de ni rgyu dang rkyen dang / rkyen med pa la mkhas par rig par bya'o/ /byang chub sems dpa' sems dpa' chen po de ni 'dus byas kyi khams dang / 'dus ma byas kyi khams dang / khams yod pa dang / khams med pa la mkhas par rig par bya'o/ /byang chub sems dpa' sems dpa' chen po de ni gzugs yid la mi bya ba la mkhas par rig par bya'o/ /tshor ba dang 'du shes dang 'du byed dang rnam par shes pa yid la mi bya ba la mkhas par rig par bya'o/ /skye mched dang khams dang rten cing 'brel par 'byung ba yid la mi bya ba la mkhas par rig par bya'o/ /pha rol du phyin pa thams cad dang / stong pa nyid thams cad dang / byang chub kyi phyogs kyi chos sum bcu rtsa bdun yid la mi bya ba la mkhas par rig par bya'o/ /'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa dang ting nge 'dzin dang / gzungs kyi sgo yid la mi bya ba la mkhas par rig par bya'o/ /de bzhin gshegs pa'i stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa yid la mi bya ba la mkhas par rig par bya'o/ /rnam pa thams cad mkhyen pa nyid kyi bar du yid la mi bya ba la mkhas par rig par bya'o/ /gzugs gzugs</font><hr>33.3a<br><font size=+1>

kyis stong ngo zhes bya ba la mkhas par rig par bya'o/ /tshor ba dang 'du shes dang 'du byed dang rnam par shes pa rnam par shes pas stong ngo zhes bya ba la mkhas par rig par bya'o/ /skye mched dang khams dang rten cing 'brel bar 'byung ba rten cing 'brel par 'byung bas stong ngo zhes bya ba la mkhas par rig par bya'o/ /pha rol du phyin pa thams cad dang / stong pa nyid thams cad dang / byang chub kyi phyogs kyi chos rnams byang chub kyi phyogs kyi chos rnams kyis stong ngo zhes bya ba la mkhas par rig par bya'o/ /'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo rnams gzungs kyi sgo rnams kyis stong ngo zhes bya ba la mkhas par rig par bya'o/ /stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad sangs rgyas kyi chos ma 'dres pa rnams kyis stong ngo zhes bya ba la mkhas par rig par bya'o/ /bla na med pa yang dag par rdzogs pa'i byang chub kyi bar du/ bla na med pa yang dag par rdzogs pa'i byang chub kyis stong ngo zhes bya ba la mkhas par rig par bya'o/ /byang chub sems dpa' sems dpa' chen po de ni rab tu sbyangs pa'i lam dang / rab tu ma sbyangs pa'i lam dang / skye ba dang 'gag pa dang gnas pa las gzhan du 'gyur ba dang / 'dod chags dang zhe sdang dang gti mug la mkhas par rig par bya'o/ /'dod</font><hr>33.3b<br><font size=+1>

chags med pa dang zhe sdang med pa dang gti mug med pa la mkhas par rig par bya'o/ /lta ba dang lta ba med pa dang / log par lta ba dang / log par lta ba med pa dang / lta ba thams cad kyi bar la mkhas par rig par bya'o/ /ming la mkhas par rig par bya'o/ /ming dang gzugs dang / dmigs pa dang / bdag po dang rnam pa dang / mtshan nyid la mkhas par rig par bya'o/ /sdug bsngal dang / kun 'byung ba dang / 'gog pa dang / lam la mkhas par rig par bya'o/ /sems can dmyal ba dang / sems can dmyal ba'i lam la mkhas par rig par bya'o/ /byol song gi skye gnas dang / byol song gi skye gnas kyi lam la mkhas par rig par bya'o/ /gshin rje'i 'jig rten dang / gshin rje'i 'jig rten gyi lam la mkhas par rig par bya'o/ /mi dang / mi'i lam la mkhas par rig par bya'o/ /mi ma yin pa dang / mi ma yin pa'i lam la mkhas par rig par bya'o/ /lha dang lha'i lam la mkhas par rig par bya'o/ /rgyun du zhugs pa'i 'bras bu dang / rgyun du zhugs pa'i 'bras bu'i lam la mkhas par rig par bya'o/ /lan cig phyir 'ong ba'i 'bras bu dang / lan gcig phyir 'ong ba'i 'bras bu'i lam la mkhas par rig par bya'o/ /phyir mi 'ong ba'i 'bras bu dang phyir mi 'ong ba'i 'bras bu'i lam la mkhas par rig par bya'o/ /dgra bcom pa nyid dang / dgra bcom pa'i lam la mkhas par rig par bya'o/ /rang byang chub dang rang byang chub kyi lam la mkhas par rig par bya'o/ /lam gyi rnam pa shes pa nyid dang / lam gyi rnam pa shes pa nyid kyi lam la mkhas par rig par bya'o/ /rnam pa thams cad mkhyen pa nyid dang / rnam pa thams cad mkhyen pa nyid kyi lam la mkhas par</font><hr>33.4a<br><font size=+1>

rig par bya'o/ /dbang po la mkhas pa dang / dbang po yongs su rdzogs par bya ba la mkhas par rig par bya'o/ /shes rab myur ba dang / shes rab rno ba dang / shes rab mgyogs pa dang / nges par 'byed pa'i shes rab dang / yangs pa'i shes rab dang / mi mnyam pa dang mnyam pa'i shes rab la mkhas par rig par bya'o/ /'das pa'i dus dang / ma 'ongs pa'i dus dang / da ltar byung ba'i dus la mkhas par rig par bya'o/ /thabs la mkhas par rig par bya'o/ /sems can gyi sems dang bsam pa dang / lhag pa'i bsam pa la mkhas par rig par bya'o/ /don dang yi ge dang theg pa gsum rnam par dgod pa la mkhas par rig par bya'o/ /rab 'byor byang chub sems dpa' sems dpa' chen po de shes rab kyi pha rol du phyin pa la spyod pa dang / shes rab kyi pha rol du phyin pa mngon par sgrub pa dang / shes rab kyi pha rol du phyin pa sgom pa de la legs pa 'di dag yod par rig par bya'o/ /gsol pa bcom ldan 'das ji ltar shes rab kyi pha rol du phyin pa la spyad par bgyi/ ji ltar shes rab kyi pha rol du phyin pa mngon par bsgrub par bgyi/ ji ltar shes rab kyi pha rol tu phyin pa bsgom par bgyi/ bcom ldan 'das kyis bka' stsal pa/ gzugs zhi ba dang / gzugs rag las pa dang / gzugs gsog dang / gzugs snying po med pas shes rab kyi pha rol tu phyin pa la spyad par bya'o/ /tshor ba dang 'du shes dang 'du byed dang rnam par shes pa zhi ba dang / rnam par shes pa rag las pa dang / rnam par shes pa gsog dang / rnam par shes pa snying po med pas/ shes rab kyi pha rol du phyin pa la spyad par bya'o/ /skye mched dang khams dang rten cing 'brel bar 'byung ba zhi ba dang / rten cing 'brel bar 'byung ba rag las pa dang / </font><hr>33.4b<br><font size=+1>

rten cing 'brel par 'byung ba gsog dang / rten cing 'brel par 'byung ba snying po med pas/ shes rab kyi pha rol du phyin pa la spyad par bya'o/ /gang yang 'di skad du ji ltar shes rab kyi pha rol du phyin pa mngon par bsgrub par bya zhes zer ba ni/ nam mkha' stong pa nyid mngon par bsgrubs pas shes rab kyi pha rol du phyin pa mngon par bsgrub par bya'o/ /gang yang 'di skad du ji ltar shes rab kyi pha rol du phyin pa la bsgom par bya zhes zer ba ni/ bsgom pa rnam par bsgom pas shes rab kyi pha rol du phyin pa la bsgom par bya'o/ /gsol pa/ bcom ldan 'das byang chub sems dpa' sems dpa' chen pos/ shes rab kyi pha rol du phyin pa la yun ring po ji srid cig tu spyod na/ shes rab kyi pha rol du phyin pa la spyad par 'gyur/ bcom ldan 'das kyis bka' stsal pa/ sems dang po bskyed pa nas nye bar bzung ste/ snying po byang chub la 'dug gi bar du shes rab kyi pha rol du phyin pa la spyad par bya'o/ /de ltar mngon par bsgrub par bya'o/ /de ltar bsgom par bya'o/ /gsol pa/ bcom ldan 'das ji ltar sems kyi rgyun ma chad pa dang / ma bral bar spyad par bgyi/ bcom ldan 'das kyis bka' stsal pa/ yid la bya ba gzhan gyi go skabs ma dbye bas/ shes rab kyi pha rol du phyin pa la spyad par bya'o/ /rnam pa thams cad mkhyen pa nyid yid la bya ba mi 'dor bas/ shes rab kyi pha rol du phyin pa la spyad par bya/ shes rab kyi pha rol du phyin pa mngon par bsgrub par bya/ shes rab kyi pha rol du phyin pa bsgom par bya ste/ ci nas kyang sems dang sems las byung ba'i chos mi rgyu ba de ltar spyad par bya'o/ /de ltar mngon par bsgrub par bya'o/ /de ltar bsgom par bya'o/ /gsol pa/ bcom ldan 'das ci lags/ shes rab kyi pha rol du phyin pa la spyad pa dang / shes rab kyi pha rol tu phyin pa mngon par bsgrubs pa dang / </font><hr>33.5a<br><font size=+1>

shes rab kyi pha rol du phyin pa bsgoms pas/ rnam pa thams cad mkhyen pa nyid thob par 'gyur ram/ bcom ldan 'das kyis bka' stsal pa/ de ni ma yin no/ /gsol pa/ 'o na ci lags ma bsgoms pas sam/ bcom ldan 'das kyis bka' stsal pa/ de ni ma yin no/ /gsol pa/ 'o na ci lags/ bsgoms kyang bsgoms la/ ma bsgoms kyang ma bsgoms pas sam/ bcom ldan 'das kyis bka' stsal pa/ de ni ma yin no/ /gsol pa/ 'o na ci lags/ bsgoms pa yang ma lags/ ma bsgoms pa yang ma lags pas sam/ bcom ldan 'das kyis bka' stsal pa/ de ni ma yin no/ /gsol pa/ bcom ldan 'das 'o na rnam pa thams cad mkhyen pa nyid ji ltar thob par bgyi/ bcom ldan 'das kyis bka' stsal pa/ de bzhin nyid ji lta ba bzhin no/ /gsol pa/ de bzhin nyid ji lta bu lags/ bcom ldan 'das kyis bka' stsal pa/ yang dag pa'i mtha' ji lta ba bzhin no/ /gsol pa/ yang dag pa'i mtha' ji lta bu lags/ bcom ldan 'das kyis bka' stsal pa/ chos kyi dbyings ji lta ba bzhin no/ /gsol pa/ chos kyi dbyings ji lta bu lags/ bcom ldan 'das kyis bka' stsal pa/ bdag gi khams dang / sems can gyi khams dang srog gi khams dang gang zag gi khams ji lta ba bzhin no/ /gsol pa/ bcom ldan 'das bdag gi khams dang sems can gyi khams dang srog gi khams dang / gang zag gi khams ji lta bu lags/ bcom ldan 'das kyis bka' stsal pa/ rab 'byor de ji snyam du sems/ bdag gam sems can nam srog gam gang zag gi dmigs su yod dam/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor bdag gam sems can nam srog gam gang zag mi</font><hr>33.5b<br><font size=+1>

dmigs na/ ji ltar bdag gi khams dang sems can gyi khams dang srog gi khams dang gang zag gi khams su gdags par bya/ de ltar shes rab kyi pha rol du phyin par ma btags pa dang / chos thams cad du ma btags pas/ rnam pa thams cad mkhyen pa nyid thob par 'gyur ro/ /gsol pa/ bcom ldan 'das ci lags/ shes rab kyi pha rol du phyin pa gdags su ma mchis pa lags sam/ bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa gdags su ma mchis pa lags sam/ rnam pa thams cad mkhyen pa nyid kyi bar du gdags su ma mchis pa lags sam/ bcom ldan 'das kyis bka' stsal pa/ rab 'byor shes rab kyi pha rol du phyin pa ni gdags su med pa'o/ /bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa ni gdags su med pa'o/ /nang stong pa nyid ni gdags su med pa'o/ /dngos po med pa'i ngo bo nyid stong pa nyid kyi bar ni gdags su med pa'o/ /dran pa nye bar bzhag pa rnams ni gdags su med pa'o/ /yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa ni gdags su med pa'o/ /sangs rgyas kyi chos ma 'dres pa bcwa brgyad kyi bar ni gdags su med pa'o/ /bla na med pa yang dag par rdzogs pa'i byang chub kyi bar ni gdags su med pa'o/ /'dus byas sam/ 'dus ma byas sam/ nyan thos kyi chos sam/ rang sangs rgyas kyi chos sam/ byang chub sems dpa'i chos sam/ sangs rgyas kyi chos kyang rung ste chos thams cad ni gnyis su med pa'o/ /gsol pa/ </font><hr>33.6a<br><font size=+1>

bcom ldan 'das gal te de ltar chos thams cad gdags su ma mchis pa lags na/ bcom ldan 'das de ci'i slad du sems can dmyal ba mchis par gyur/ byol song gi skye gnas dang / gshin rje'i 'jig rten mchis par gyur/ lha dang mi mchis par gyur/ rgyun du zhugs pa mchis par gyur/ lan gcig phyir 'ong ba dang / phyir mi 'ong ba dang / dgra bcom pa mchis par gyur/ rang sangs rgyas mchis par gyur/ byang chub sems dpa' mchis par gyur/ yang dag par rdzogs pa'i sangs rgyas mchis par gyur/ bcom ldan 'das kyis bka' stsal pa/ rab 'byor de ji snyam du sems/ sems can du gdags pa dmigs su yod dam/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor sems can dmigs su med na/ sems can dmyal bar yang ji ltar gdags par bya/ byol song gi skye gnas sam/ gshin rje'i 'jig rten nam lha 'am mi 'am rgyun du zhugs pa 'am lan gcig phyir 'ong ba 'am phyir mi 'ong ba 'am dgra bcom pa 'am/ rang sangs rgyas su yang ji ltar gdags par bya/ byang chub sems dpa' 'am/ yang dag par rdzogs pa'i sangs rgyas su yang ji ltar gdags par bya/ rab 'byor de ltar byang chub sems dpa' sems dpa' chen po shes rab kyi pha rol du phyin pa la spyod pas/ gdags su med pa'i chos thams cad la bslab par bya'o/ /gsol pa/ bcom ldan 'das 'o na byang chub sems dpa' sems dpa' chen po shes rab kyi pha rol du phyin pa la spyod pas/ gzugs la bslab pa dang / tshor ba dang 'du shes dang 'du byed dang rnam par shes pa la bslab pa dang / skye mched dang khams dang rten cing 'brel bar 'byung ba la bslab pa dang / pha rol tu phyin pa thams cad dang / stong</font><hr>33.6b<br><font size=+1>

pa nyid thams cad la bslab pa dang / byang chub kyi phyogs kyi chos sum bcu rtsa bdun la bslab pa dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo la bslab pa dang / stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa la bslab pa dang / rnam pa thams cad mkhyen pa nyid la bslab par bgyi 'am/ bcom ldan 'das kyis bka' stsal pa/ gzugs la dbri ba dang bsnan pa med par bslab par bya'o/ /tshor ba dang 'du shes dang 'du byed dang rnam par shes pa la dbri ba dang bsnan pa med par bslab par bya'o/ /skye mched dang khams dang rten cing 'brel bar 'byung ba la dbri ba dang bsnan pa med par bslab par bya'o/ /pha rol du phyin pa thams cad dang / stong pa nyid thams cad dang / byang chub kyi phyogs kyi chos sum bcu rtsa bdun la dbri ba dang bsnan pa med par bslab par bya'o/ /'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa lnga dang ting nge 'dzin dang / gzungs kyi sgo rnams la dbri ba dang bsnan pa med par bslab par bya'o/ /stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa rnams la dbri ba dang bsnan pa med par bslab par bya'o/ /rnam pa thams cad mkhyen pa nyid kyi bar la dbri ba dang bsnan pa med par bslab par bya'o/ /gsol pa/ </font><hr>33.7a<br><font size=+1>

bcom ldan 'das ji ltar gzugs la dbri ba dang bsnan pa ma mchis par bslab par bgyi ji ltar tshor ba dang 'du shes dang 'du byed dang rnam par shes pa la dbri ba dang bsnan pa ma mchis par bslab par bgyi/ ji ltar rnam pa thams cad mkhyen pa nyid kyi bar la dbri ba dang bsnan pa ma mchis par bslab par bgyi/ bcom ldan 'das kyis bka' stsal pa/ skye ba med pa dang 'gag pa med par bslab par bya'o/ /gsol pa/ bcom ldan 'das skye ba ma mchis pa dang / 'gag pa ma mchis pa la ji ltar bslab par bgyi/ bcom ldan 'das kyis bka' stsal pa/ 'du byed rnams mngon par 'du bya ba med par bsgom pa 'am rnam par bsgom pa la bslab par bya'o/ /gsol pa/ bcom ldan 'das ji ltar mngon par 'du bgyi ba ma mchis pa la bslab par bgyi/ bcom ldan 'das kyis bka' stsal pa/ chos rnams rang gi mtshan nyid kyis stong par mthong bas/ mngon par 'du bya ba med pa la bslab par bya'o/ /gsol pa/ bcom ldan 'das chos rnams rang gi mtshan nyid kyis stong par ji ltar blta bar bgyi/ bcom ldan 'das kyis bka' stsal pa/ gzugs gzugs kyis stong par blta'o/ /tshor ba dang 'du shes dang 'du byed dang / rnam par shes pa rnam par shes pas stong par blta'o/ /skye mched dang khams dang rten cing 'brel par 'byung ba rten cing 'brel bar 'byung bas stong par blta'o/ /pha rol du phyin pa thams cad dang / stong pa nyid thams cad dang / byang chub kyi phyogs kyi chos sum bcu rtsa bdun/ byang chub kyi phyogs kyi chos rnams kyis stong par blta'o/ /'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge</font><hr>33.7b<br><font size=+1>

'dzin dang / gzungs kyi sgo rnams gzungs kyi sgo rnams kyis stong par blta'o/ /de bzhin gshegs pa'i stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa bcwa brgyad/ sangs rgyas kyi chos ma 'dres pa rnams kyis stong par blta'o/ /bla na med pa yang dag par rdzogs pa'i byang chub kyi bar du byang chub kyis stong par blta'o/ /rab 'byor de ltar byang chub sems dpa' sems dpa' chen po shes rab kyi pha rol du phyin pa la spyod pas/ chos thams cad rang gi mtshan nyid kyis stong pa la bslab par bya'o/ /gsol pa/ bcom ldan 'das gal te de ltar gzugs ni gzugs kyis stong / tshor ba dang 'du shes dang 'du byed dang rnam par shes pa ni rnam par shes pas stong / bla na med pa yang dag par rdzogs pa'i byang chub kyi bar ni bla na med pa'i byang chub kyis stong na/ bcom ldan 'das ji ltar byang chub sems dpa' sems dpa' chen po shes rab kyi pha rol du phyin pa la spyod par 'gyur/ bcom ldan 'das kyis bka' stsal pa/ rab 'byor spyod pa med pa ni/ byang chub sems dpa' sems dpa' chen po'i shes rab kyi pha rol du phyin pa la spyod pa'o/ /gsol pa/ bcom ldan 'das ci'i slad du spyod pa ma mchis pa shes rab kyi pha rol du phyin pa la spyod pa lags/ bcom ldan 'das kyis bka' stsal pa/ rab 'byor de ni 'di ltar shes rab kyi pha rol du phyin pa yang mi dmigs/ byang chub sems dpa' yang mi dmigs/ spyod pa yang mi dmigs/ gang spyod pa dang / gang gis spyod pa dang / gang la spyod pa de yang mi dmigs te/ rab 'byor gang la spyod pa de dag thams cad mi dmigs pa de ni/ byang chub sems dpa' sems dpa' chen po'i spyod pa med pa shes rab kyi pha rol du phyin pa la spyod pa'o/ /gsol pa/ bcom ldan 'das gal te de ltar spyod pa ma mchis pa shes rab kyi pha rol du phyin</font><hr>33.8a<br><font size=+1>

pa la spyod pa lags na/ las dang po pa'i byang chub sems dpa' sems dpa' chen pos shes rab kyi pha rol du phyin pa la ji ltar spyad par bgyi/ bcom ldan 'das kyis bka' stsal pa/ rab 'byor 'di ltar las dang po pa'i byang chub sems dpa' sems dpa' chen pos sems dang po bskyed pa nyid nas brtsams te/ chos thams cad dmigs su med pa la bslab par bya'o/ /des sbyin pa gtong ba'i tshe/ mi dmigs pa'i tshul gyis sbyin pa gtang bar bya'o/ /tshul khrims srung ba'i tshe/ mi dmigs pa'i tshul gyis tshul khrims bsrung bar bya'o/ /bzod pa sgrub pa'i tshe/ mi dmigs pa'i tshul gyis bzod pa bsgrub par bya'o/ /brtson 'grus rtsom pa'i tshe/ mi dmigs pa'i tshul gyis brtson 'grus brtsam par bya'o/ /ting nge 'dzin la snyoms par 'jug pa'i tshe/ mi dmigs pa'i tshul gyis/ ting nge 'dzin la mnyam par gzhag par bya'o/ /shes rab sgom pa'i tshe/ mi dmigs pa'i tshul gyis shes rab bsgom par bya'o/ /nang stong pa nyid sgom pa'i tshe/ mi dmigs pa'i tshul gyis nang stong pa nyid bsgom par bya'o/ /dngos po med pa'i ngo bo nyid stong pa nyid kyi bar du sgom pa'i tshe/ mi dmigs pa'i tshul gyis dngos po med pa'i ngo bo nyid stong pa nyid bsgom par bya'o/ /dran pa nye bar gzhag pa rnams sgom pa'i tshe mi dmigs pa'i tshul gyis/ dran pa nye bar gzhag pa rnams bsgom par bya'o/ /yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa sgom pa'i tshe/ mi dmigs pa'i tshul gyis/ 'phags pa'i lam yan lag brgyad pa bsgom par bya'o/ /'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms</font><hr>33.8b<br><font size=+1>

par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo rnams sgom pa'i tshe/ mi dmigs pa'i tshul gyis gzungs kyi sgo rnams bsgom par bya'o/ /stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa rnams sgom pa'i tshe/ mi dmigs pa'i tshul gyis sangs rgyas kyi chos ma 'dres pa rnams bsgom par bya'o/ /rnam pa thams cad mkhyen pa nyid kyi bar du sgom pa'i tshe/ mi dmigs pa'i tshul gyis rnam pa thams cad mkhyen pa nyid bsgom par bya'o/ /gsol pa/ bcom ldan 'das ji tsam gyis na dmigs par 'gyur/ ji tsam gyis na mi dmigs par 'gyur/ bcom ldan 'das kyis bka' stsal pa/ ji tsam du gnyis pa de tsam du dmigs pa ste/ gnyis su med pa ni mi dmigs pa'o/ /gsol pa/ bcom ldan 'das gnyis zhes bgyi ba ji lta bu lags/ bcom ldan 'das kyis bka' stsal pa/ ji tsam du mig dang gzugs nas/ ji tsam du yid dang chos kyi bar dang / ji tsam du bla na med pa yang dag par rdzogs pa'i byang chub dang sangs rgyas kyi bar te/ rab 'byor 'di dag ni gnyis so/ /gsol pa/ bcom ldan 'das ci lags/ dmigs su mchis pa mi dmigs sam/ 'on tam dmigs su ma mchis pa mi dmigs/ bcom ldan 'das kyis bka' stsal pa/ rab 'byor dmigs su yod pa mi dmigs pa yang ma yin/ dmigs su med pa mi dmigs pa yang ma yin gyi/ rab 'byor dmigs pa dang / mi dmigs pa mnyam pa nyid ni mi dmigs pa ste/ rab 'byor de ltar byang chub sems dpa' sems dpa' chen pos dmigs pa dang / mi dmigs pa mnyam pa nyid la bslab par bya'o/ /de ltar shes rab kyi pha rol du phyin pa la slob pa'i byang chub sems dpa' sems dpa' chen po ni mi dmigs pa dang ldan par 'gyur ro/ /gsol pa/ bcom ldan 'das</font><hr>33.9a<br><font size=+1>

gal te de ltar byang chub sems dpa' sems dpa' chen po shes rab kyi pha rol du phyin pa la spyod pa'i tshe/ dmigs pa la yang mi chags/ mi dmigs pa la yang mi chags pa lags na/ 'o na ji ltar byang chub sems dpa' sems dpa' chen po shes rab kyi pha rol du phyin pa la spyod pas/ sa nas sa yongs su rdzogs par bgyi/ sa nas sa yongs su rdzogs nas ni/ rnam pa thams cad mkhyen pa nyid ji ltar thob par bgyi/ bcom ldan 'das kyis bka' stsal pa/ rab 'byor byang chub sems dpa' sems dpa' chen po shes rab kyi pha rol du phyin pa la spyod pa ni dmigs pa la gnas shing / sa nas sa yongs su rdzogs par mi byed de/ byang chub sems dpa' sems dpa' chen pos shes rab kyi pha rol du phyin pa la spyod pa'i tshe/ dmigs pa la gnas te/ sa nas sa yongs su rdzogs par bya bar mi nus so/ /de ci'i phyir zhe na/ shes rab kyi pha rol du phyin pa yang dmigs su med/ byang chub kyang dmigs su med de/ gang shes rab kyi pha rol du phyin pa la spyod pa de yang dmigs su med do/ /rab 'byor de ltar byang chub sems dpa' sems dpa' chen pos shes rab kyi pha rol du phyin pa la spyad par bya'o/ /gsol pa/ bcom ldan 'das gal te de ltar shes rab kyi pha rol du phyin pa dmigs su ma mchis te/ gang byang chub tu spyod pa de yang dmigs su ma mchis pa lags na/ 'o na ji ltar byang chub sems dpa' sems dpa' chen po shes rab kyi pha rol du phyin pa la spyod pas 'di ni gzugs so/ /'di ni tshor ba dang 'du shes dang / 'du byed dang rnam par shes pa'o/ /'di ni skye mched dang khams dang rten cing 'brel bar 'byung ba'o/ /'di ni pha rol du phyin pa'o/ /'di ni stong pa nyid do/ /'di ni byang chub kyi phyogs kyi chos so/ /'di ni 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa'o/ /'di ni rnam par thar pa dang / mthar gyis</font><hr>33.9b<br><font size=+1>

gnas pa'i snyoms par 'jug pa'o/ /'di ni stong pa nyid dang / mtshan ma med pa dang / smon pa med pa'o/ /'di ni mngon par shes pa dang / ting nge 'dzin dang / gzungs kyi sgo rnams so/ /'di ni stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad do/ /'di ni bla na med pa yang dag par rdzogs pa'i byang chub kyi bar ro zhes bgyi bar chos thams cad rab tu rtogs par bgyi/ bcom ldan 'das kyis bka' stsal pa/ rab 'byor byang chub sems dpa' sems dpa' chen po shes rab kyi pha rol du phyin pa la spyod pa'i tshe/ ji ltar byas pas gzugs dmigs par 'gyur ba dang / tshor ba dang 'du shes dang 'du byed dang rnam par shes pa dmigs par 'gyur ba dang / skye mched dang khams dang rten cing 'brel bar 'byung ba dmigs par 'gyur ba dang / pha rol du phyin pa thams cad dang / stong pa nyid thams cad dang / byang chub kyi phyogs kyi chos rnams dmigs par 'gyur ba dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo rnams dmigs par 'gyur ba dang / stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad dmigs par 'gyur ba dang / bla na med pa yang dag par rdzogs pa'i byang chub kyi bar du dmigs par 'gyur ba de ltar chos rnams rtogs par mi byed do/ /gsol pa/ bcom ldan 'das gal te de ltar byang chub sems dpa' sems dpa' chen po shes rab kyi pha rol du phyin pa la spyod pa'i tshe/ gzugs kyang mi dmigs/ tshor ba dang 'du shes dang 'du byed dang rnam par shes pa yang mi dmigs/ bla na med pa yang dag par rdzogs pa'i byang chub kyi bar du yang mi dmigs na/ 'o na ji</font><hr>33.10a<br><font size=+1>

ltar sbyin pa'i pha rol du phyin pa yongs su rdzogs pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa yongs su rdzogs par bgyis shing / byang chub sems dpa'i skyon ma mchis par 'jug par 'gyur/ byang chub sems dpa'i skyon ma mchis par chud nas/ sangs rgyas kyi zhing yongs su spyod par 'gyur/ sangs rgyas kyi zhing yongs su dag par bgyis nas/ sems can yongs su smin par bgyid par 'gyur/ sems can yongs su smin par bgyis nas/ rnam pa thams cad mkhyen pa nyid thob par bgyid par 'gyur/ rnam pa thams cad mkhyen pa nyid thob nas chos kyi 'khor lo bskor bar 'gyur/ chos kyi 'khor lo bskor nas/ sangs rgyas kyi phrin las sgrub par 'gyur/ sangs rgyas kyi phrin las bsgrubs shing / sems can rnams 'khor ba nas yongs su 'grel par 'gyur/ bcom ldan 'das kyis bka' stsal pa/ rab 'byor byang chub sems dpa' sems dpa' chen po ni gzugs kyi don du shes rab kyi pha rol du phyin pa la mi spyod do/ /tshor ba dang 'du shes dang 'du byed dang rnam par shes pa'i don du shes rab kyi pha rol du phyin pa la mi spyod do/ /skye mched dang khams dang rten cing 'brel par 'byung ba'i don du shes rab kyi pha rol du phyin pa la mi spyod do/ /pha rol du phyin pa thams cad dang / stong pa nyid thams cad dang / byang chub kyi phyogs kyi chos rnams kyi don du shes rab kyi pha rol du phyin pa la mi spyod do/ /'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang mtshan ma med pa dang / smon pa med pa dang / mngon par shes pa dang / </font><hr>33.10b<br><font size=+1>

ting nge 'dzin dang / gzungs kyi sgo rnams kyi don du shes rab kyi pha rol du phyin pa la mi spyod do/ /de bzhin gshegs pa'i stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa rnams kyi don du shes rab kyi pha rol du phyin pa la mi spyod do/ /bla na med pa yang dag par rdzogs pa'i byang chub kyi bar gyi don du shes rab kyi pha rol du phyin pa la mi spyod do/ /gsol pa/ bcom ldan 'das gang gi slad du byang chub sems dpa' sems dpa' chen po shes rab kyi pha rol du phyin pa la spyod pa lags/ bcom ldan 'das kyis bka' stsal pa/ gang gi phyir yang byang chub sems dpa' sems dpa' chen po shes rab kyi pha rol du phyin pa la mi spyod do/ /de ci'i phyir zhe na/ de ni 'di ltar chos thams cad ni ma byas pa ste/ mngon par 'dus ma byas pa'o/ /shes rab kyi pha rol du phyin pa yang ma byas pa ste/ mngon par 'dus ma byas pa'o/ /byang chub kyang ma byas pa ste/ mngon par 'dus ma byas pa'o/ /byang chub sems dpa' yang ma byas pa ste/ mngon par 'dus ma byas pa'o/ /rab 'byor de ltar byang chub sems dpa' sems dpa' chen pos ma byas pa dang / mngon par 'dus ma byas pa'i tshul gyis shes rab kyi pha rol du phyin pa la spyad par bya'o/ /gsol pa/ bcom ldan 'das gal te de ltar chos thams cad ma bgyis pa ste/ mngon par 'dus ma bgyis pa lags na/ 'o na ji ltar nyan thos kyi theg pa dang / rang sangs rgyas kyi theg pa dang / theg pa chen po dang / theg pa gsum po 'di dag rnam par dgod par 'gyur/ bcom ldan 'das kyis bka' stsal pa/ rab 'byor ma byas mngon par 'dus ma byas pa'i chos rnams la ni rnam par dgod pa gang yang dmigs su med de/ /mngon par 'dus byas pa dang / mngon par 'dus ma byas pa'i chos rnams la ni rnam par dgod par mi dmigs so/ /de ci'i phyir zhe na/ de ni 'di ltar byis pa thos pa dang mi ldan pa/ so so'i skye bo rnams phung po lnga la mngon</font><hr>33.11a<br><font size=+1>

par zhen cing / gzugs la mngon par zhen/ tshor ba dang 'du shes dang 'du byed dang rnam par shes pa la mngon par zhen/ skye mched dang khams dang rten cing 'brel par 'byung ba la mngon par zhen/ pha rol du phyin pa thams cad dang / stong pa nyid thams cad dang / byang chub kyi phyogs kyi chos rnams la mngon par zhen/ 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo rnams la mngon par zhen/ stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa rnams la mngon par zhen/ rnam pa thams cad mkhyen pa nyid kyi bar la mngon par zhen nas/ gzugs kyis rlom sems su byed cing gzugs su dmigs so/ /tshor ba dang 'du shes dang 'du byed dang rnam par shes pas rlom sems su byed cing rnam par shes par dmigs so/ /skye mched dang khams dang rten cing 'brel par 'byung bas rlom sems su byed cing rten cing 'brel par 'byung bar dmigs so/ /pha rol du phyin pa thams cad dang / stong pa nyid thams cad dang / byang chub kyi phyogs kyi chos kyis rlom sems su byed cing / byang chub kyi phyogs kyi chos su dmigs so/ /'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgos rlom sems su byed cing gzungs kyi sgor dmigs so/ /stobs bcu dang / mi 'jigs pa bzhi dang / so so yang dag par rig</font><hr>33.11b<br><font size=+1>

pa bzhi dang / sangs rgyas kyi chos ma 'dres pa rnams kyis rlom sems su byed cing / sangs rgyas kyi chos ma 'dres par dmigs so/ /bla na med pa yang dag par rdzogs pa'i byang chub kyi bar gyis rlom sems su byed cing / bla na med pa yang dag par rdzogs pa'i byang chub kyi bar du dmigs te/ de 'di snyam du bdag gis bla na med pa yang dag par rdzogs pa'i byang chub tu mngon par rdzogs par 'tshang rgya bar bya'o/ /bdag gis sems can rnams 'khor ba nas dgrol bar bya'o snyam du sems shing / de 'di ltar yang dag pa ma yin par rnam par rtog go/ /de ci'i phyir zhe na/ rab 'byor de ni 'di ltar gzugs dang tshor ba dang 'du shes dang 'du byed dang rnam par shes pa dang / skye mched dang khams dang rten cing 'brel bar 'byung ba dang / pha rol du phyin pa dang / stong pa nyid dang / byang chub kyi phyogs kyi chos dang / 'phags pa'i bden pa dang / ting nge 'dzin dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa dang / bla na med pa yang dag par rdzogs pa'i byang chub ni/ sangs rgyas rnams kyi spyan lngas kyang ma dmigs na/ skyes bu glen pa long ba mig med pa de dag ni sems can rnams 'khor ba nas dgrol bar 'dod do/ /gsol pa/ bcom ldan 'das de ltar de bzhin gshegs pa dgra bcom pa yang dag par rdzogs pa'i sangs rgyas kyi spyan lngas kyang / sems can gang 'khor ba las yongs su dgrol bar bgyi ba de lta bu ma gzigs na/ bcom ldan 'das 'o na ji ltar bcom ldan 'das kyis bla na med pa yang dag par rdzogs pa'i byang chub tu mngon par rdzogs par</font><hr>33.12a<br><font size=+1>

sangs rgyas nas/ sems can rnams yang dag par nges pa dang / ma nges pa dang / log par nges pa'i phung po gsum du lung bstan pa mdzad/ bcom ldan 'das kyis bka' stsal pa/ rab 'byor ngas ni bla na med pa yang dag par rdzogs pa'i byang chub tu mngon par rdzogs par sangs rgyas nas/ yang dag par nges pa dang / ma nges pa dang / log par nges pa'i sems can gang yang mi dmigs te/ rab 'byor 'on kyang sems can dngos po med pa la/ dngos por 'du shes pa de dag yang dag pa ma yin par 'dzin pa las gdon pa ni 'jig rten gyi tha snyad du'i/ don dam par ni ma yin no/ /gsol pa/ bcom ldan 'das kyis don dam pa la zhugs te/ bla na med pa yang dag par rdzogs pa'i byang chub tu mngon par rdzogs par sangs rgyas sam/ bcom ldan 'das kyis bka' stsal pa/ de ni ma yin no/ /gsol pa/ 'o na phyin ci log la zhugs te/ bla na med pa yang dag par rdzogs pa'i byang chub tu mngon par rdzogs par sangs rgyas sam/ bcom ldan 'das kyis bka' stsal pa/ de ni ma yin no/ /gsol pa/ bcom ldan 'das gal te de ltar don dam pa la zhugs te/ bla na med pa yang dag par rdzogs pa'i byang chub tu mngon par rdzogs par sangs rgyas pa yang ma lags la/ phyin ci log la zhugs te/ bla na med pa yang dag par rdzogs pa'i byang chub tu mngon par rdzogs par sangs rgyas pa yang ma lags na/ bcom ldan 'das de bzhin gshegs pa bla na med pa yang dag par rdzogs pa'i byang chub tu mngon par rdzogs par sangs rgyas pa 'am/ cig tu mi 'gyur ram/ bcom ldan 'das kyis bka' stsal pa/ rab 'byor de bzhin gshegs pa dgra bcom pa yang dag par rdzogs pa'i sangs rgyas kyis/ bla na med pa yang dag par rdzogs pa'i byang chub tu mngon par rdzogs par sangs rgyas te/ de yang 'dus byas kyi khams sam 'dus ma byas kyi</font><hr>33.12b<br><font size=+1>

khams gang la yang gnas te/ mngon par rdzogs par sangs rgyas pa ma yin no/ /rab 'byor 'di lta ste dper na/ de bzhin gshegs pa'i sprul pa ni 'dus byas kyi khams sam/ 'dus ma byas kyi khams gang la yang gnas pa ma yin te/ 'on kyang de bzhin gshegs pa'i sprul pa de ni 'gro zhing 'ong ba dang gnas shing 'dug pa yang yod do/ /des gal te sbyin pa'i pha rol du phyin pa la spyad/ tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la spyad/ nang stong pa nyid la spyad/ dngos po med pa'i ngo bo nyid stong pa nyid kyi bar la spyad/ dran pa nye bar gzhag pa bzhi la bsgoms/ yang dag par spong ba bzhi dang / rdzu 'phrul gyi rkang pa bzhi dang / dbang po lnga dang stobs lnga dang / byang chub kyi yan lag bdun dang / 'phags pa'i lam yan lag brgyad pa la bsgoms/ 'phags pa'i bden pa bzhi la bsgoms/ bsam gtan bzhi la nye bar bsgrubs te gnas/ tshad med pa bzhi dang / gzugs med pa'i snyoms par 'jug pa bzhi dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid kyi ting nge 'dzin dang / mtshan ma med pa'i ting nge 'dzin dang / smon pa med pa'i ting nge 'dzin la nye bar bsgrubs te gnas/ mngon par shes pa rnams dang / ting nge 'dzin rnams dang / gzungs kyi sgo rnams mngon par bsgrubs/ de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad bsgoms nas/ bla na med pa yang dag par rdzogs pa'i byang chub tu mngon par rdzogs par sangs rgyas par gyur la/ bla na med pa yang dag par rdzogs pa'i byang chub tu mngon par rdzogs par sangs rgyas</font><hr>33.13a<br><font size=+1>

nas chos kyi 'khor lo bskor te/ de ltar chos kyi 'khor lo bskor nas/ sems can tshad med dpag du med pa mngon par sprul te/ phung po gsum du lung bstan na/ rab 'byor de ji snyam du sems/ sprul pa des sems can gang yang phung por byas pa yod dam/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor de bzhin du de bzhin gshegs pas chos thams cad sprul pa lta bur mkhyen cing thugs su chud de/ sprul pa lta bur mkhyen nas/ sems can gang yang dmigs pa med do/ /btul ba med do/ /rab 'byor de ltar byang chub sems dpa' sems dpa' chen pos 'di lta ste/ de bzhin gshegs pa'i sprul pa ltar shes rab kyi pha rol du phyin pa la spyad par bya'o/ /gsol pa/ bcom ldan 'das gal te chos thams cad sprul pa lta bu lags na/ de bzhin gshegs pa dang / sprul pa la khyad par dang / bye brag ci zhig mchis/ ci las dgongs pa lags/ bcom ldan 'das kyis bka' stsal pa/ rab 'byor de bzhin gshegs pa dang / sprul pa la khyad par dang bye brag gang yang mi dmigs te/ rab 'byor de bzhin gshegs pa dang sprul pa la ni khyad par med do/ /de ci'i phyir zhe na/ rab 'byor de ni 'di ltar de bzhin gshegs pa phrin las gang mdzad pa'i las de ni sprul pa yang byed do/ /gsol pa/ bcom ldan 'das ci lags/ de bzhin gshegs pa mi bzhugs na/ sprul pa las bgyid par 'gyur ram/ bcom ldan 'das kyis bka' stsal pa/ rab 'byor byed do/ /gsol pa/ bcom ldan 'das de bzhin gshegs pa mi bzhugs na/ ji ltar sprul pa las bgyid par 'gyur/ bcom ldan 'das kyis bka' stsal pa/ rab 'byor 'di lta ste dper na/ de bzhin gshegs pa dgra bcom pa yang dag par rdzogs pa'i sangs rgyas zhi ba'i blo gros kyis byang chub sems dpa' ma gzigs nas/ de bzhin gshegs pa'i sku sprul te/ yongs su mya ngan las 'das so/ /sprul pa des de'i phyi na bskal</font><hr>33.13b<br><font size=+1>

pa gcig tu sangs rgyas kyi bya ba byas te/ de'i rjes la byang chub sems dpa' sems dpa' chen po lung bstan nas yongs su mya ngan las 'das par grags kyang / sprul pa la skye ba 'am/ yongs su mya ngan las 'da' ba gang yang med do/ /rab 'byor de ltar byang chub sems dpa' sems dpa' chen pos 'di lta ste/ chos thams cad sprul pa lta bur yid ches par byas shing / shes rab kyi pha rol du phyin pa la spyad par bya'o/ /gsol pa/ bcom ldan 'das gal te de ltar sprul pa dang / de bzhin gshegs pa la khyad par ma mchis na/ yon phul na yongs su dag par ji ltar 'gyur/ bcom ldan 'das sems can bsod nams 'tshal ba dang / mya ngan las 'da' ba don du gnyer ba 'di dag gis de bzhin gshegs pa dgra bcom pa yang dag par rdzogs pa'i sangs rgyas la yon phul na/ de ni sems can de dag phung po ma lus pa'i mya ngan las 'das pa'i dbyings su yongs su mya ngan las 'das par ma gyur gyi bar du nam yang bas par mi 'gyur na/ bcom ldan 'das ci lags/ de bzhin du de bzhin gshegs pa'i sprul pa la yon phul na yang sems can de dag phung po ma lus pa'i mya ngan las 'das pa'i dbyings su yongs su mya ngan las 'das par ma gyur gyi bar du nam yang bas par mi 'gyur ba lags sam/ bcom ldan 'das kyis bka' stsal pa/ rab 'byor chos nyid gang gis de bzhin gshegs pa lha dang bcas pa'i 'jig rten gyi yon gyi gnas su gyur pa'i chos nyid de nyid kyis/ sprul pa la yang lha dang bcas pa'i 'jig rten gyi yon gyi gnas so/ /rab 'byor de bzhin gshegs pa la yon phul ba lta zhog ste de bzhin gshegs pa'i sprul pa la yon phul ba lta yang zhog gi/ /rab 'byor rigs kyi bu 'am rigs kyi bu mo gang la las byams pa dang ldan par de bzhin gshegs pa yid la byas na/ de thams cad dge ba'i rtsa ba de'i mthar ma phyin par sdug bsngal gyi mthar phyin par 'gyur ro/ /rab 'byor byams pa dang ldan par yid la byed pa</font><hr>33.14a<br><font size=+1>

lta zhog gi/ rab 'byor rigs kyi bu 'am rigs kyi bu mo gang la la zhig /de bzhin gshegs pa yid la byas shing nam mkha' la me tog 'thor na/ de thams cad kyang dge ba'i rtsa ba de'i mthar ma phyin par sdug bsngal gyi mthar phyin par 'gyur ro/ /rab 'byor byams pa dang ldan pa'i yid la byed pa lta yang zhog ste/ nam mkha' la me tog 'thor ba lta yang zhog gi/[ ]rab 'byor rigs kyi bu 'am rigs kyi bu mo gang la la zhig sangs rgyas la phyag 'tshal lo zhes brjod na/ de dag thams cad kyang rim gyis sdug bsngal gyi mthar phyin par 'gyur te/ rab 'byor de ltar don che ba ni de bzhin gshegs pa la yon phul ba ste/ de lta bu'i legs pa chen po dang / de lta bu'i yon tan chen po yod do/ /rab 'byor rnam grangs de ltar chos rnams kyi chos nyid brtsan par byas na/ de bzhin gshegs pa dang de bzhin gshegs pa'i sprul pa la bye brag gang yang med par rig par bya ste/ rab 'byor de ltar byang chub sems dpa' sems dpa' chen pos chos rnams kyi chos nyid khong du chud par byas shing shes rab kyi pha rol du phyin pa la spyod par bya'o/ /chos rnams kyi chos nyid de yang rnam par 'khrug par mi bya ste/ 'di ni shes rab kyi pha rol du phyin pa'o/ /'di ni shes rab kyi pha rol du phyin pa'i chos nyid do zhes rnam par dkrug par mi bya'o/ /'di ni bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa'o/ /'di ni sbyin pa'i pha rol du phyin pa'i chos nyid do zhes rnam par dkrug par mi bya'o/ /'di ni nang stong pa nyid do/ /'di ni nang stong pa nyid kyi chos nyid do zhes rnam par dkrug par mi bya'o/ /'di ni dngos po med pa'i ngo bo nyid stong pa nyid kyi bar ro/ /'di ni dngos po med pa'i ngo bo nyid stong pa nyid kyi chos nyid do zhes rnam par dkrug par mi bya'o/ /'di ni dran pa nye bar gzhag pa rnams</font><hr>33.14b<br><font size=+1>

so/ /'di ni dran pa nye bar gzhag pa rnams kyi chos nyid do zhes rnam par dkrug par mi bya'o/ /'di ni yang dag par spong ba dang rdzu 'phrul gyi rkang pa dang dbang po dang stobs dang byang chub kyi yan lag dang 'phags pa'i lam yan lag brgyad pa'o/ /'di ni 'phags pa'i lam yan lag brgyad pa'i chos nyid do zhes rnam par dkrug par mi bya'o/ /'di ni sangs rgyas kyi chos ma 'dres pa bcwa brgyad kyi bar ro/ /'di ni sangs rgyas kyi chos ma 'dres pa rnams kyi chos nyid do zhes rnam par dkrug par mi bya'o/ /'di ni rnam pa thams cad mkhyen pa nyid do/ /'di ni rnam pa thams cad mkhyen pa nyid kyi chos nyid do zhes rnam par dkrug par mi bya'o/ /gsol pa/ bcom ldan 'das gal te de ltar chos rnams kyi chos nyid rnam par dkrug par mi bgyi ba lags na/ de la de bzhin gshegs pas 'di ni gzugs so/ /'di ni tshor ba dang 'du shes dang 'du byed dang rnam par shes pa'o/ /'di ni skye mched do/ /'di ni khams so/ /'di ni rten cing 'brel bar 'byung ba'o/ /'di ni pha rol du phyin pa rnams so/ /'di ni stong pa nyid rnams so/ /'di ni byang chub kyi phyogs kyi chos rnams so/ /'di ni sangs rgyas kyi chos ma 'dres pa bcwa brgyad kyi bar ro/ /'di ni rnam pa thams cad mkhyen pa nyid kyi bar ro zhes rnam par dkrug pa mdzad na/ de'i slad du bcom ldan 'das kyis chos rnams kyi chos nyid rnam par dkrugs par ma gyur tam/ bcom ldan 'das kyis bka' stsal pa/ rab 'byor de ni ma yin te/ ngas ji ltar na gzhan rnams khong du chud par 'gyur zhes ming dang mtshan mas chos rnams kyi chos nyid bstan te chos rnams brjod kyi/ chos rnams kyi chos nyid rnam par dkrug pa med do/ /gsol pa/ bcom ldan 'das gal te gzhan rnams khong du chud par bgyi ba'i slad du/ bcom ldan 'das kyis ming dang mtshan mas chos rnams kyi chos nyid bstan te/ chos rnams brjod pa mdzad na/ bcom ldan</font><hr>33.15a<br><font size=+1>

'das chos thams cad ming ma mchis shing mtshan ma ma mchis pa la ji ltar ming dang mtshan mas brjod pa mdzad/ bcom ldan 'das kyis bka' stsal pa/ rab 'byor brjod pa ni ming yang ma yin/ mtshan ma yang ma yin/ mngon par chags pa yang ma yin te/ rab 'byor gzhan du na sdug bsngal nyid brjod par zad de/ ming dang mtshan ma la mngon par chags pa med do/ /rab 'byor de bzhin gshegs pa 'am/ de bzhin gshegs pa'i nyan thos ni/ ming dang mtshan ma la mngon par chags par mi 'gyur te/ rab 'byor gal te ming la mngon par chags par 'gyur ram/ mtshan ma la mngon par chags par 'gyur na ni/ stong pa nyid kyang stong pa nyid la mngon par chags par 'gyur ro/ /mtshan ma med pa'ang mtshan ma med pa la mngon par chags par 'gyur ro/ /smon pa med pa'ang smon pa med pa la mngon par chags par 'gyur ro/ /de bzhin nyid kyang de bzhin nyid la mngon par chags par 'gyur ro/ /yang dag pa'i mtha' yang yang dag pa'i mtha' la mngon par chags par 'gyur ro/ /chos kyi dbyings kyang chos kyi dbyings la mngon par chags par 'gyur ro/ /'dus ma byas kyang 'dus ma byas la mngon par chags par 'gyur te/ chos 'di dag thams cad kyang ming tsam du zad pas na de dag ni ming tsam la gnas pa med do/ /rab 'byor de ltar byang chub sems dpa' sems dpa' chen pos ming dang mtshan ma la gnas te/ shes rab kyi pha rol du phyin pa la spyad par bya ste/ de la mngon par chags par mi bya'o/ /gsol pa/ bcom ldan 'das gal te de ltar 'dus byas de dag thams cad ming dang mtshan ma tsam du bas pa lags na/ byang chub sems dpa' sems dpa' chen po de dag gang gi don du byang chub tu sems bskyed cing / byang chub tu sems bskyed nas/ 'du byed rnams du ma nyams su myong bar bgyid pa dang / byang chub sems dpa'i spyad pa spyod pa</font><hr>33.15b<br><font size=+1>

lags/ byang chub sems dpa'i spyad pa spyod cing sbyin pa sna tshogs yongs su gtong ba dang / tshul khrims srung ba dang / bzod pa sgrub pa dang / brtson 'grus rtsom pa dang / ting nge 'dzin la snyoms par 'jug pa dang / shes rab sgom pa dang / stong pa nyid thams cad la spyod pa dang / dran pa nye bar gzhag pa rnams la spyod pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa la spyod pa dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo rnams la spyod pa dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad la spyod pa lags/[ ]/  shes rab kyi pha rol du phyin pa stong phrag nyi shu lnga pa/ bam po drug bcu gcig pa/ bcom ldan 'das kyis bka' stsal pa/ rab 'byor gang de skad du/ gal te 'dus byas thams cad ming dang mtshan ma tsam du zad na/ 'o na gang gi don du byang chub sems dpa' sems dpa' chen po rnams byang chub sems dpa'i spyad pa spyod ces zer ba ni/ rab 'byor de ltar 'dus byas thams cad ming dang mtshan ma tsam du zad de/ ming yang ming gis stong / mtshan ma yang mtshan mas stong pas na/ de'i phyir byang chub sems dpa' sems dpa' chen po byang chub sems dpa'i spyad pa spyod cing / rnam pa thams cad mkhyen pa nyid thob par byed do/ /rnam pa thams</font><hr>33.16a<br><font size=+1>

cad mkhyen pa nyid thob nas chos kyi 'khor lo bskor ro/ /chos kyi 'khor lo bskor nas/ sems can rnams theg pa gsum gyis yongs su mya ngan las zlo ste/ ming dang mtshan ma de la skye ba dang / 'jig pa dang / gnas pa dang / gnas pa las gzhan du 'gyur ba mi dmigs so/ /gsol pa/ bcom ldan 'das rnam pa thams cad mkhyen pa nyid/ rnam pa thams cad mkhyen pa nyid ces gsung ngam/ bcom ldan 'das kyis bka' stsal pa/ rab 'byor rnam pa thams cad mkhyen pa nyid rnam pa thams cad mkhyen pa nyid ces smra'o/ /gsol pa/ bcom ldan 'das de bzhin gshegs pas thams cad shes pa nyid du gsungs pa dang / lam gyi rnam pa shes pa nyid ces mdor gsungs pa dang / rnam pa thams cad mkhyen pa nyid kyang de bzhin gshegs pas gsungs na/ bcom ldan 'das thams cad mkhyen pa de gsum la khyad ni ci zhig mchis/ bye brag ni ci zhig mchis/ rnam pa ni ci zhig mchis/ bcom ldan 'das kyis bka' stsal pa/ rab 'byor thams cad shes pa nyid ces bya ba ni/ nyan thos dang / rang sangs rgyas rnams la bya'o/ /lam gyi rnam pa shes pa nyid ni byang chub sems dpa' sems dpa' chen po rnams la bya'o/ /rnam pa thams cad mkhyen pa nyid ni de bzhin gshegs pa dgra bcom pa yang dag par rdzogs pa'i sangs rgyas rnams la bya'o/ /gsol pa/ bcom ldan 'das ci'i slad du nyan thos dang rang sangs rgyas rnams la ni thams cad shes pa nyid ces bgyi/ ci'i slad du byang chub sems dpa' sems dpa' chen po rnams la ni lam gyi rnam pa shes pa nyid ces bgyi/ bcom ldan 'das kyis bka' stsal pa/ rab 'byor ji tsam du phyi dang nang gi chos ji snyed pa tsam ni thams cad nyan thos dang rang sangs rgyas rnams kyis shes te/ lam thams cad du ni ma yin no/ /rab 'byor gang yang 'di skad du ci'i phyir na/ byang chub sems dpa' sems dpa' chen po</font><hr>33.16b<br><font size=+1>

rnams la lam gyi rnam pa shes pa nyid ces bya zhes zer ba ni/ rab 'byor lam thams cad byang chub sems dpa' sems dpa' chen pos bsgrub par bya/ lam thams cad byang chub sems dpa' sems dpa' chen pos shes par bya ste/ nyan thos dang / rang sangs rgyas kyi lam gang ji snyed pa dang / byang chub sems dpa'i lam gang ji snyed pa de dag thams cad yongs su rdzogs par bya ba yin la/ lam de dag gis kyang lam gyi bya ba bya dgos te/ yang dag pa'i mtha' mngon du mi byed pa'i phyir ro/ /gsol pa/ bcom ldan 'das de ltar byang chub sems dpa' sems dpa' chen pos sangs rgyas kyi lam yongs su rdzogs par bgyi 'tshal na/ 'o na ni des yang dag pa'i mtha' yang mngon du bgyi bar 'gyur ro/ /bcom ldan 'das kyis bka' stsal pa/ rab 'byor sangs rgyas kyi zhing yongs su dag par ma byas la/ sems can yongs su smin par ma byas par/ byang chub sems dpa' sems dpa' chen po des yang dag pa'i mtha' mngon du mi bya'o/ /gsol pa/ bcom ldan 'das ci lags/ byang chub sems dpa' sems dpa' chen pos lam la gnas te/ yang dag pa'i mtha' mngon du bgyi 'am/ bcom ldan 'das kyis bka' stsal pa/ ma yin no/ /gsol pa/ bcom ldan 'das 'o na lam ma lags pa la gnas te 'am/ bcom ldan 'das kyis bka' stsal pa/ ma yin no/ /gsol pa/ 'o na lam yang lags la/ lam ma lags pa la yang gnas te 'am/ bcom ldan 'das kyis bka' stsal pa/ ma yin no/ /gsol pa/ 'o na lam yang ma lags la/ lam ma lags pa yang ma lags pa la gnas te 'am/ bcom ldan 'das kyis bka' stsal pa/ ma yin no/ /gsol pa/ bcom ldan 'das 'o na ji ltar byang chub sems dpa' sems dpa' chen pos yang dag pa'i mtha' mngon du bgyi/ bcom ldan 'das kyis bka' stsal pa/ rab 'byor de ji snyam du sems/ khyod lam la gnas pas nye bar len pa med par zag</font><hr>33.17a<br><font size=+1>

pa las sems rnam par grol lam/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ 'o na lam ma yin pa la gnas te 'am/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ 'o na lam yang yin la/ lam ma yin pa la yang gnas te 'am/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ 'o na lam yang ma yin la/ lam ma yin pa yang ma yin pa la gnas te/ len pa med par zag pa las sems rnam par grol lam/ gsol pa/ bcom ldan 'das de ni ma lags so/ /bcom ldan 'das bdag gi sems ni gang la yang gnas pas/ nye bar len pa ma mchis par zag pa las sems rnam par grol ba ma mchis te/ bcom ldan 'das bdag gi sems ni gang la yang mi gnas pas rnam par grol lo/ /bcom ldan 'das kyis bka' stsal pa/ rab 'byor de bzhin du byang chub sems dpa' sems dpa' chen pos ci la yang mi gnas par yang dag pa'i mtha' mngon du bya'o/ /rab 'byor gang yang rnam pa thams cad mkhyen pa nyid/ rnam pa thams cad mkhyen pa nyid ces bya ba ni/ rnam pa gcig gis rnam pa thams cad mkhyen pa nyid ces bya ste/ 'di ltar zhi ba'i rnam pas rnam pa thams cad mkhyen pa nyid ces bya'o/ /rab 'byor 'di ltar yang rnam pa gang dang / tshul gang dang / mtshan ma gang gis chos rnams brjod par bya ba'i rnam pa de dag dang / tshul de dag dang / mtshan ma de dag de bzhin gshegs pas thugs su chud pas/ de'i phyir rnam pa thams cad mkhyen pa nyid ces bya'o/ /gsol pa/ bcom ldan 'das thams cad shes pa nyid dang / lam gyi rnam pa shes pa nyid dang / rnam pa thams cad mkhyen pa nyid ces bgyi ba/ thams cad mkhyen pa nyid 'di gsum las nyon mongs pa spangs pa'i rnam pa 'dis ni lhag ma ma lus par spangs so/ /'dis ni lhag ma ma lus par ma</font><hr>33.17b<br><font size=+1>

spangs so/ /zhes bgyi ba'i bye brag mchis sam/ bcom ldan 'das kyis bka' stsal pa/ rab 'byor nyon mongs pa spangs pa la ni bye brag med de/ de bzhin gshegs pa la ni bag chags kyi mtshams sbyor ba thams cad spangs pa mnga'o/ /nyan thos dang / rang sangs rgyas rnams la ni/ bag chags kyi mtshams sbyor ba thams cad spangs pa med do/ /gsol pa/ bcom ldan 'das ci lags/ nyan thos dang / rang sangs rgyas de dag thams cad kyis 'dus ma bgyis ma thob par nyon mongs pa spangs sam/ bcom ldan 'das kyis bka' stsal pa/ de ni ma yin no/ /bcom ldan 'das ci lags/ 'dus ma bgyis pa la bye brag dmigs su mchis sam/ bcom ldan 'das kyis bka' stsal pa/ de ni ma yin no/ /gsol pa/ bcom ldan 'das gal te de ltar dmigs su ma mchis na/ ci'i slad du bcom ldan 'das kyis de skad du 'di la ni/ bag chags kyi mtshams sbyor ba spangs pa mnga'o/ /'di la ni bag chags kyi mtshams sbyor ba spangs pa med do/ /zhes bka' stsal/ bcom ldan 'das kyis bka' stsal pa/ rab 'byor bag chags kyi mtshams sbyor ba ni nyon mongs pa yang ma yin mod kyi/ nyan thos dang / rang sangs rgyas rnams la 'dod chags dang / zhe sdang dang / gti mug gi lus kyi rnam pa dang / ngag gi rnam pa yod de/ de dag gi bag chags kyi mtshams sbyor ba de ni byis pa so so'i skye bo kun dang thun mong du gnod par 'gyur ba ni ma yin te/ de ni de bzhin gshegs pa dgra bcom pa yang dag par rdzogs pa'i sangs rgyas rnams la/ thams cad du thams cad/ rnam pa thams cad du thams cad mi mnga' zhing mi dmigs so/ /de nas tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das gal te lam yang ma mchis la/ mya ngan las 'das pa yang ma mchis na/ 'o na ci'i slad du/ 'di skad du/ 'di ni</font><hr>33.18a<br><font size=+1>

rgyun du zhugs pa'o/ /'di ni lan cig phyir 'ong ba'o/ /'di ni phyir mi 'ong ba'o/ /'di ni dgra bcom pa'o/ /'di ni rang sangs rgyas so/ /'di ni byang chub sems dpa' sems dpa' chen po'o/ /'di ni de bzhin gshegs pa dgra bcom pa yang dag par rdzogs pa'i sangs rgyas so zhes bshad/ bcom ldan 'das kyis bka' stsal pa/ rab 'byor rgyun du zhugs pa dang / lan gcig phyir 'ong ba dang / phyir mi 'ong ba dang / dgra bcom pa dang / rang sangs rgyas dang / byang chub sems dpa' sems dpa' chen po dang / de bzhin gshegs pa dgra bcom pa yang dag par rdzogs pa'i sangs rgyas zhes bya ba de dag thams cad kyang 'dus ma byas kyis rab tu phye ba'o/ /gsol pa/ bcom ldan 'das ci lags/ 'dus ma bgyis te/ 'di ni rgyun du zhugs pa'o/ /'di ni lan gcig phyir 'ong ba'o/ /'di ni phyir mi 'ong ba'o/ 'di ni dgra bcom pa'o/ /'di ni rang sangs rgyas so/ /'di ni byang chub sems dpa' sems dpa' chen po'o/ /'di ni de bzhin gshegs pa dgra bcom pa yang dag par rdzogs pa'i sangs rgyas so zhes bgyi bar rab tu 'byed pa mchis sam/ bcom ldan 'das kyis bka' stsal pa/ rab 'byor 'dus ma byas ni rab tu 'byed pa med mod kyi/ 'on kyang tshig tshad mar byas shing brjod de/ don dam par ni rab tu dbye bar mi nus so/ /de ci'i phyir zhe na/ de la tshig gi lam gyi gdags pa med de/ 'on kyang gang dang gang gis mtha' ma chod pa de dang de dag la phyi ma'i mthar gdags pa yin te/ rab 'byor chos thams cad rang gi mtshan nyid kyis stong pa la/ sngon gyi mtha' yang mi dmigs/ phyi ma'i mtha' yang dmigs par 'gyur ba lta ga la yod de gnas med do/ /rab 'byor sems can de dag chos rnams rang gi mtshan nyid kyis stong par mi shes pas/ de dag la 'di skad du/ 'di ni sngon gyi mtha' zhes bya'o/ /'di ni phyi ma'i mtha' zhes</font><hr>33.18b<br><font size=+1>

bya'o/ /zhes bstan te/ rang gi mtshan nyid kyis stong pa'i chos thams cad la sngon gyi mtha' 'am phyi ma'i mtha' dmigs su med do/ /rab 'byor de ltar chos thams cad rang gi mtshan nyid kyis stong pas/ shes rab kyi pha rol tu phyin pa la spyad par bya ste/ rang gi mtshan nyid kyis stong pa'i chos thams cad la spyad na/ nang ngam phyi'i chos sam/ 'dus byas sam/ 'dus ma byas sam/ nyan thos kyi chos sam/ rang sangs rgyas kyi chos sam/ chos kyi chos gang la yang mngon par chags par mi 'gyur ro/ /de skad ces bka' stsal pa dang / tshe dang ldan pa rab 'byor gyis/ bcom ldan 'das la 'di skad ces gsol to/ /bcom ldan 'das shes rab kyi pha rol du phyin pa/ shes rab kyi pha rol tu phyin pa zhes bgyi ba 'di ci'i slad du shes rab kyi pha rol du phyin pa zhes bgyi/ bcom ldan 'das kyis bka' stsal pa/ rab 'byor shes rab kyi pha rol du phyin pa 'di ni chos thams cad kyi pha rol du phyin pa'i dam pa thob pa yin te/ de'i phyir shes rab kyi pha rol du phyin pa zhes bya'o/ /rab 'byor gzhan yang shes rab kyi pha rol tu phyin pa 'dis/ nyan thos dang / rang sangs rgyas dang / byang chub sems dpa' sems dpa' chen po dang / de bzhin gshegs pa dgra bcom pa yang dag par rdzogs pa'i sangs rgyas thams cad/ chos thams cad kyi pha rol du phyin par gyur/ pha rol du phyin par 'gyur bas/ de'i phyir shes rab kyi pha rol du phyin pa zhes bya'o/ /rab 'byor gzhan yang shes rab kyi pha rol du phyin pa 'dis/ chos thams cad kyi mchog gi tshul phyed de/ chos de dag kun la yang 'khor ba ma dmigs pas de'i phyir/ shes rab kyi pha rol du phyin pa zhes bya'o/ /rab 'byor gzhan yang shes rab kyi pha rol du phyin pa 'dir/ de bzhin nyid kyang chud/ yang dag pa'i mtha' yang chud/ chos kyi dbyings kyang chud de/ de'i phyir shes rab kyi pha rol du phyin pa zhes bya'o/ /rab 'byor gzhan</font><hr>33.19a<br><font size=+1>

yang shes rab kyi pha rol du phyin pa 'di ni chos gang gis kyang ldan pa 'am mi ldan pa 'am/ bstan du yod pa 'am/ bstan du med pa 'am/ thogs pa dang bcas pa 'am/ thogs pa med pa ma yin te/ de ci'i phyir zhe na/ 'di ltar shes rab kyi pha rol du phyin pa 'di ni/ gzugs med pa/ bstan du med pa/ mtshan nyid med par mtshan nyid gcig pa'o/ /rab 'byor gzhan yang shes rab kyi pha rol du phyin pa 'di ni chos thams cad kyi spobs pa thams cad dang / snang ba thams cad skyed pa ste/ rab 'byor shes rab kyi pha rol du phyin pa 'di ni bdud dam/ bdud kyi ris kyi lha rnams sam/ gang zag nyan thos dang / rang sangs rgyas kyi theg pa pa nas/ mu stegs can gzhan gyi bar dang / sdig pa'i grogs po rnams kyis mi phyed mi 'phrogs pa ste/ byang chub sems dpa' sems dpa' chen po'i shes rab kyi pha rol du phyin pa 'di la gcad par mi nus so/ /de ci'i phyir zhe na/ de ni 'di ltar rang gi mtshan nyid kyis stong pa nyid kyi phyir/ shes rab kyi pha rol du phyin pa 'di la de dag thams cad dmigs su med pa'i phyir te/ rab 'byor de ltar byang chub sems dpa' sems dpa' chen pos shes rab kyi pha rol du phyin pa 'di'i don la spyad par bya'o/ /rab 'byor gzhan yang byang chub sems dpa' sems dpa' chen po shes rab kyi pha rol du phyin pa zab mo 'di'i don la spyod pas/ mi rtag pa'i don la spyad par bya'o/ /sdug bsngal gyi don la spyad par bya'o/ /bdag med pa'i don la spyad par bya'o/ /sdug bsngal shes pa'i don la spyad par bya'o/ /kun 'byung ba shes pa'i don dang / 'gog pa shes pa'i don dang / lam shes pa'i don la spyad par bya'o/ /zad pa shes pa'i don dang / mi skye ba shes pa'i don dang / chos shes pa'i don dang / rjes su 'gro ba shes pa'i don dang / kun rdzob shes pa'i don dang / yongs su rtog pa shes pa'i don dang / sgra</font><hr>33.19b<br><font size=+1>

ji bzhin shes pa'i don la spyad par bya'o/ /rab 'byor de ltar byang chub sems dpa' sems dpa' chen pos shes rab kyi pha rol du phyin pa'i don la spyad par bya'o/ /gsol pa/ bcom ldan 'das gal te shes rab kyi pha rol du phyin pa zab mo 'di la/ don dang don ma lags pa mi dmigs na/ 'o na ji ltar byang chub sems dpa' sems dpa' chen pos shes rab kyi pha rol du phyin pa zab mo 'di'i don la spyad par bgyi/ bcom ldan 'das kyis bka' stsal pa/ rab 'byor byang chub sems dpa' sems dpa' chen po shes rab kyi pha rol du phyin pa'i don zab mo 'di la spyod pas/ 'di ltar spyad par bya ste/ 'dod chags bdag gi don ce 'am/ don ma yin zhes spyad par mi bya'o/ /zhe sdang bdag gi don ce 'am/ don ma yin zhes spyad par mi bya'o/ /gti mug bdag gi don ce 'am/ don ma yin zhes spyad par mi bya'o/ /'dod chags dang / zhe sdang dang / gti mug bdag gi don ce 'am/ don ma yin zhes spyad par mi bya'o/ /log par lta ba bdag gi don ce 'am/ don ma yin zhes spyad par mi bya'o/ /lta bar gyur pa thams cad bdag gi don ce 'am/ don ma yin zhes spyad par mi bya'o/ /de ci'i phyir zhe na/ 'dod chags dang / zhe sdang dang / gti mug gi de bzhin nyid ni gang la yang don du mi byed/ don ma yin par mi byed do/ /lta ba'i rnam pa dag gi de bzhin nyid ni gang la yang don du mi byed/ don ma yin par mi byed do/ /gzugs bdag gi don ces spyad par mi bya'o/ /gzugs bdag gi don ma yin zhes spyad par mi bya'o/ /tshor ba dang / 'du shes dang / 'du byed dang rnam par shes pa bdag gi don ces spyad par mi bya'o/ /rnam par shes pa bdag gi don ma yin zhes spyad par mi bya'o/ /skye mched dang khams dang rten cing 'brel par 'byung ba bdag gi don ces spyad par mi bya'o/ /rten cing 'brel par 'byung ba bdag gi don ma yin zhes spyad par mi bya'o/ /pha rol du phyin pa thams cad dang / </font><hr>33.20a<br><font size=+1>

stong pa nyid thams cad dang / byang chub kyi phyogs kyi chos sum bcu rtsa bdun bdag gi don ces spyad par mi bya'o/ /byang chub kyi phyogs kyi chos sum bcu rtsa bdun bdag gi don ma yin zhes spyad par mi bya'o/ /'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo bdag gi don ces spyad par mi bya'o/ /gzungs kyi sgo bdag gi don ma yin zhes spyad par mi bya'o/ /de bzhin gshegs pa'i stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa bcwa brgyad bdag gi don ces spyad par mi bya'o/ /sangs rgyas kyi chos ma 'dres pa bcwa brgyad bdag gi don ma yin zhes spyad par mi bya'o/ /bla na med pa yang dag par rdzogs pa'i byang chub kyi bar du bdag gi don zhes spyad par mi bya'o/ /bla na med par yang dag par rdzogs pa'i byang chub kyi bar du bdag gi don ma yin zhes spyad par mi bya'o/ /de ci'i phyir zhe na/ rab 'byor de ni 'di ltar de bzhin gshegs pa dgra bcom pa yang dag par rdzogs pa'i sangs rgyas kyis bla na med pa yang dag par rdzogs pa'i byang chub tu mngon par rdzogs par sangs rgyas nas/ chos gang don du bya ba 'am/ don med par bya ba de lta bu gang yang ma dmigs so/ /rab 'byor gzhan yang de bzhin gshegs pa rnams skyes kyang rung / de bzhin gshegs pa rnams ma skyes kyang rung ste/ chos rnams kyi chos nyid dang / chos kyi gnas nyid ni gnas pa/ chos kyi dbyings ni gnas pa ste/ de ni gang la yang don kyang mi byed/ don ma yin pa'ang mi byed do/ /rab 'byor de ltar byang chub sems dpa' sems dpa' chen pos don dang don ma yin pa spangs te/ shes rab kyi pha rol du</font><hr>33.20b<br><font size=+1>

phyin pa la spyad par bya'o/ /gsol pa/ bcom ldan 'das ci'i slad du shes rab kyi pha rol du phyin pa gang la yang don kyang mi bgyid/ don ma lags pa'ang mi bgyid pa lags/ bcom ldan 'das kyis bka' stsal pa/ rab 'byor de ni 'di ltar shes rab kyi pha rol du phyin pa ni 'dus byas dang 'dus ma byas kyi chos nyid gang yang mi byed de/ de'i phyir shes rab kyi pha rol du phyin pa ni gang la yang don du byed pa yang ma yin no/ /don ma yin par byed pa yang ma yin no/ /gsol pa/ bcom ldan 'das 'o na 'dus ma bgyis/ sangs rgyas dang / sangs rgyas kyi nyan thos 'phags pa thams cad kyi don ma lags sam/ bcom ldan 'das kyis bka' stsal pa/ 'dus ma byas ni sangs rgyas dang / sangs rgyas kyi nyan thos 'phags pa thams cad kyi don kyang yin te/ phan pa 'am/ gnod par nye bar gnas pa ma yin no/ /rab 'byor 'di lta ste dper na/ nam mkha'i de bzhin nyid ni gang la yang phan pa 'am/ gnod par nye bar gnas pa ma yin no/ /rab 'byor de bzhin du byang chub sems dpa' sems dpa' chen po'i shes rab kyi pha rol du phyin pa yang chos gang la yang phan pa 'am/ gnod par nye bar gnas pa ma yin no/ /gsol pa/ bcom ldan 'das 'o na byang chub sems dpa' sems dpa' chen po 'dus ma bgyis kyi/ shes rab kyi pha rol du phyin pa la bslabs shing / rnam pa thams cad mkhyen pa nyid thob par mi bgyid dam/ bcom ldan 'das kyis bka' stsal pa/ rab 'byor de de bzhin no/ /de de bzhin te/ byang chub sems dpa' sems dpa' chen po ni shes rab kyi pha rol du phyin pa zab mo 'di la bslabs shing / rnam pa thams cad mkhyen pa nyid thob par byed de/ gnyis kyi tshul gyis ni ma yin no/ /gsol pa/ bcom ldan 'das ci lags/ gnyis su ma mchis pa'i chos kyis gnyis su ma mchis pa'i chos thob par bgyid dam/ bcom ldan 'das kyis bka' stsal pa/ de</font><hr>33.21a<br><font size=+1>

ni ma yin no/ /gsol pa/ 'o na gnyis kyi chos shig gnyis kyi chos thob par bgyid pa lags sam/ bcom ldan 'das kyis bka' stsal pa/ ma yin no/ /gsol pa/ 'o na ji ltar thob par 'gyur/ bcom ldan 'das kyis bka' stsal pa/ nam gnyis kyi chos sam/ gnyis su med pa'i chos kyang mi dmigs pa ni thob par 'gyur ro/ /de ci'i phyir zhe na/ mi dmigs pa ni thob pa ste/ de ni dmigs pas kyang thob par mi 'gyur/ mi dmigs pas kyang thob par mi 'gyur ro/ /shes rab kyi pha rol du phyin pa stong phrag nyi shu lnga pa las le'u lnga bcu gsum pa'o// // de nas tshe dang ldan pa rab 'byor gyis/ bcom ldan 'das la 'di skad ces gsol to/ /bcom ldan 'das shes rab kyi pha rol du phyin pa ni zab bo/ /bcom ldan 'das byang chub sems dpa' sems dpa' chen po gang bla na med pa yang dag par rdzogs pa'i byang chub tu zhugs pa yang dka' ba bgyid pa lags te/ sems can zhes bgyi 'am/ sems can du gdags pa ni gang yang mi dmigs na/ de dag ni sems can rnams kyi slad du bla na med pa yang dag par rdzogs pa'i byang chub tu yang dag par zhugs so/ /bcom ldan 'das 'di lta ste dper na/ skyes bu la la zhig nam mkha' gzhi ma mchis pa la/ ljang bu bskyed par 'tshal ba de bzhin du/ byang chub sems dpa' sems dpa' chen po rnams kyang sems can rnams kyi slad du/ rnam pa thams cad mkhyen pa nyid thob par 'tshal lo/ /bcom ldan 'das kyis bka' stsal pa/ rab 'byor de de bzhin no/ /de de bzhin te/ byang chub sems dpa' sems dpa' chen po gang sems can rnams kyi phyir/ bla na med pa yang dag par rdzogs pa'i byang chub tu yang dag par 'jug pa dang / rnam pa thams cad mkhyen pa nyid du mngon par rdzogs par sangs rgyas nas/ sems can rnams sems can du 'dzin pa las</font><hr>33.21b<br><font size=+1>

yongs su 'grel pa ni/ dka' ba byed pa'o/ /rab 'byor 'di lta ste/ dper na/ skyes bu la la zhig ljang bu bskyed par 'dod la/ skyes bu des ljang bu de'i rtsa ba ma dmigs/ yal ga dang sdong bu dang / lo ma dang / me tog dang / 'bras bu ma dmigs par ljang bu de'i sdong bu bskyed de/ dus dus su chus bran cing / de'i sdong bu de rim gyis yal ga phun sum tshogs par gyur/ lo ma phun sum tshogs par gyur/ me tog phun sum tshogs par gyur/ 'bras bu phun sum tshogs par gyur pa dang / de ljang bu de'i 'dab ma la spyod pa dang / me tog la spyod pa dang / 'bras bu la spyod pa de bzhin du/ byang chub sems dpa' sems dpa' chen po rnams kyang / sems can rnams kyi phyir/ bla na med pa yang dag par rdzogs pa'i byang chub tu yang dag par 'jug ste/ de dag rim gyis pha rol du phyin pa drug la spyod cing / rnam pa thams cad mkhyen pa nyid thob par byed de/ de dag la lo ma dang / me tog dang / 'bras bu ltar sems can thams cad nye bar 'tsho bar 'gyur ro/ /rab 'byor de la lo ma ni byang chub sems dpa' sems dpa' chen po la brten cing / sems can rnams ngan song gsum las yongs su 'grol ba'o/ /me tog ni byang chub sems dpa' sems dpa' chen po la brten cing / rgyal rigs che zhing mtho ba dang / bram ze'i rigs che zhing mtho ba dang / khyim bdag gi rigs che zhing mtho bar skye ba dang / rgyal chen bzhi'i ris kyi lhar skye ba dang / sum bcu rtsa gsum dang / mtshe ma dang / dga' ldan dang / 'phrul dga' dang / gzhan 'phrul dbang byed dang / tshangs ris dang / tshangs lha nye phan dang / tshangs pa kun 'khor dang / tshangs chen dang / snang ba dang / chung snang dang / tshad med snang ba dang / kun snang dang ba dang / dge ba dang / chung dge dang / tshad med dge ba dang / dge rgyas dang / che ba dang / chung che dang / tshad med che ba dang / 'bras bu che ba dang / mi che ba dang / mi gdung ba dang / shin du mthong ba dang / gya nom</font><hr>33.22a<br><font size=+1>

snang ba dang / 'og min dang / nam mkha' mtha' yas skye mched dang / rnam shes mtha' yas skye mched dang chung zad med pa'i skye mched dang / 'du shes med 'du shes med min skye mched kyi lhar skye ba'o/ /'bras bu ni byang chub sems dpa' sems dpa' chen po rnam pa thams cad mkhyen pa nyid thob nas/ sems can de dag rgyun du zhugs pa'i 'bras bu la rab tu 'god pa dang / lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub la rab tu 'god pa dang / byang chub sems dpa' sems dpa' chen po de nyid la brten cing rnam pa thams cad mkhyen pa nyid thob par 'gyur ba dang / rnam pa thams cad mkhyen pa nyid thob nas/ de dag kyang sems can thams cad 'bras bu la nye bar 'tsho ba bzhin nye bar 'tsho bar 'gyur ba dang / de la gang gis yon phul ba de dag gis kyang rim gyis/ 'di lta ste/ nyan thos kyi theg pa dang / rang sangs rgyas kyi theg pa 'am/ theg pa chen po 'am/ theg pa gsum po de dag gis yongs su mya ngan las 'da' ba dang / bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur yang / de la sems can du yang mi 'dogs/ sems can du gdags pa yang med par sems can de dag kyang sems can du 'dzin pa las yongs su 'grel pa ste/ rab 'byor de ltar byang chub sems dpa' sems dpa' chen po shes rab kyi pha rol du phyin pa la spyod kyang / gang gi don du bdag gis rnam pa thams cad mkhyen pa nyid thob par bya'o zhes bya ba'i sems can nam/ sems can du gdags pa gang yang mi dmigs so/ /rab 'byor gyis gsol pa/ bcom ldan 'das byang chub sems dpa' sems dpa' chen po ni de bzhin gshegs pa nyid du rig par bgyi'o/ /de ci'i slad du zhe na/ bcom ldan 'das de ni 'di ltar byang chub sems dpa' sems dpa' chen po la</font><hr>33.22b<br><font size=+1>

brten na/ sems can dmyal ba thams cad rgyun chad par 'gyur ro/ /byol song gi skye gnas thams cad dang / gshin rje'i 'jig rten thams cad rgyun 'chad par 'gyur ro/ /mi khom pa dang / ngan song thams cad rgyun chad par 'gyur ro/ /dbul po thams cad rgyun chad par 'gyur ro/ /lam gyi rgyud dma' ba thams cad rgyun chad par 'gyur ro/ /'dod pa'i khams thams cad rgyun chad par 'gyur ro/ /gzugs kyi khams thams cad rgyun chad par 'gyur ro/ /gzugs med pa'i khams thams cad rgyun chad par 'gyur ro/ /bcom ldan 'das kyis bka' stsal pa/ rab 'byor de de bzhin no/ /de de bzhin te/ rab 'byor byang chub sems dpa' sems dpa' chen po ni de bzhin gshegs pa nyid du rig par bya'o/ /rab 'byor gal te byang chub sems dpa' sems dpa' chen po med na/ 'das pa dang / ma byon pa dang / da ltar byung ba'i sangs rgyas bcom ldan 'das rnams kyi bla na med pa yang dag par rdzogs pa'i byang chub kyang yod par mi 'gyur/ rang sangs rgyas rnams kyang 'jig rten du 'byung bar mi 'gyur/ dgra bcom pa rnams dang / phyir mi 'ong ba rnams dang / lan cig phyir 'ong ba rnams dang / rgyun du zhugs pa rnams kyang 'jig rten du 'byung bar mi 'gyur ro/ /sems can dmyal ba thams cad rgyun chad par mi 'gyur/ byol song gi skye gnas dang / gshin rje'i 'jig rten thams cad kyang rgyun chad par mi 'gyur/ 'dod pa'i khams thams cad kyang rgyun chad par mi 'gyur/ gzugs kyi khams thams cad dang / gzugs med pa'i khams thams cad kyang rgyun chad par mi 'gyur ro/ /rab 'byor de lta bas na gang 'di skad du/ byang chub sems dpa' sems dpa' chen po ni de bzhin gshegs pa nyid du rig par bya'o/ /zhes zer ba ni rab 'byor de de bzhin no/ /de de bzhin te/ rab 'byor byang chub sems dpa' sems dpa' chen po ni de bzhin gshegs pa nyid du rig par</font><hr>33.23a<br><font size=+1>

bya'o/ /de ci'i phyir zhe na/ rab 'byor de bzhin nyid gang gis de bzhin gshegs par gdags pa dang / de bzhin nyid gang gis rang sangs rgyas su gdags pa dang / de bzhin nyid gang gis 'phags pa thams cad du gdags pa dang / de bzhin nyid gang gis gzugs su gdags pa dang / de bzhin nyid gang gis tshor ba dang / 'du shes dang / 'du byed dang rnam par shes par gdags pa dang / de bzhin nyid gang gis skye mched dang / khams dang rten cing 'brel par 'byung bar gdags pa dang / de bzhin nyid gang gis pha rol du phyin pa thams cad dang / stong pa nyid thams cad dang / byang chub kyi phyogs kyi chos sum bcu rtsa bdun du gdags pa dang / de bzhin nyid gang gis 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo rnams su gdags pa dang / de bzhin nyid gang gis de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad du gdags pa dang / de bzhin nyid gang gis rnam pa thams cad mkhyen pa nyid kyi bar du gdags pa dang / de bzhin nyid gang gis 'dus byas kyi khams dang / 'dus ma byas kyi khams kyi bar du gdags pa de dag thams cad kyang de kho na bzhin te/ de bas na de bzhin nyid ces bya'o/ /byang chub sems dpa' sems dpa' chen po de ni de bzhin nyid de la bslabs shing / rnam pa thams cad mkhyen pa nyid thob par byed pas/ de'i phyir de bzhin gshegs pa zhes bya ste/ rab 'byor rnam grangs des na/ de bzhin nyid tshad mar byas te/ byang chub sems dpa' sems dpa' chen po de ni de bzhin gshegs pa nyid du</font><hr>33.23b<br><font size=+1>

rig par bya'o/ /rab 'byor de ltar byang chub sems dpa' sems dpa' chen pos de bzhin nyid kyi shes rab kyi pha rol du phyin pa la bslab par bya ste/ rab 'byor byang chub sems dpa' sems dpa' chen po de ni de bzhin nyid kyi shes rab kyi pha rol du phyin pa la bslabs shing / chos thams cad kyi de bzhin nyid la slob bo/ /chos thams cad kyi de bzhin nyid la bslabs shing / chos thams cad kyi de bzhin nyid yongs su rdzogs par byed do/ /chos thams cad kyi de bzhin nyid yongs su rdzogs par byas shing / chos thams cad kyi de bzhin nyid la dbang du gyur pa thob par byed do/ /chos thams cad kyi de bzhin nyid la dbang du gyur pa thob par byas shing / sems can thams cad kyi dbang po la mkhas par byed do/ /dbang po la mkhas par byas shing / dbang po yongs su bskang ba la mkhas pa thob par byed do/ /dbang po yongs su bskang ba la mkhas pa 'thob par byas shing / sems can rnams kyi las rang gi byas pa shes par byed do/ /sems can rnams kyi rang gi las shes par byas shing / smon pa'i ye shes yongs su rdzogs par byed do/ /smon pa'i ye shes yongs su rdzogs par byas shing / dus gsum du ye shes rnam par dag par byed do/ /dus gsum du ye shes rnam par dag par byas shing / byang chub sems dpa'i spyad pa spyod pas sems can rnams kyi don byed do/ /sems can rnams kyi don byed cing / sangs rgyas kyi zhing yongs su dag par byed do/ /sangs rgyas kyi zhing yongs su dag par byas shing / rnam pa thams cad mkhyen pa nyid thob par byed do/ /rnam pa thams cad mkhyen pa nyid thob par byas shing / chos kyi 'khor lo bskor ro/ /chos kyi 'khor lo bskor cing / sems can rnams theg pa gsum la rab tu bkod do/ /sems can rnams theg pa gsum la rab tu bkod nas/ phung po'i lhag ma ma lus pa'i mya ngan las 'das pa'i dbyings su yongs su mya ngan las 'da' 'o/ /rab 'byor de ltar byang chub sems dpa' sems dpa' chen</font><hr>33.24a<br><font size=+1>

pos yon tan dang / legs pa thams cad mthong nas/ bdag gis kyang bla na med pa yang dag par rdzogs pa'i byang chub tu sems bskyed par bya'o/ /gzhan yang bla na med pa yang dag par rdzogs pa'i byang chub tu sems bskyed du gzhug par bya'o/ /rab 'byor gyis gsol pa/ bcom ldan 'das byang chub sems dpa' sems dpa' chen po gang shes rab kyi pha rol du phyin pa zab mo ji skad du bstan pa 'di la spyod pa de dag ni/ lha dang / mi dang lha ma yin du bcas pa'i 'jig rten gyis phyag bgyi bar 'os pa'o/ /bcom ldan 'das kyis bka' stsal pa/ rab 'byor de de bzhin no/ /de de bzhin te/ byang chub sems dpa' sems dpa' chen po gang shes rab kyi pha rol du phyin pa zab mo ji skad du bstan pa 'di la spyod pa de dag ni/ lha dang / mi dang / lha ma yin du bcas pa'i 'jig rten gyis phyag bya bar 'os pa'o/ /gsol pa/ bcom ldan 'das byang chub sems dpa' sems dpa' chen po sems dang po bskyed pa dang ldan pa/ sems can thams cad kyi don du bla na med pa yang dag par rdzogs pa'i byang chub tu mngon par rdzogs par 'tshang rgya bar 'tshal ba de'i bsod nams ji tsam zhig tu 'phel bar 'gyur/ bcom ldan 'das kyis bka' stsal pa rab 'byor gal te stong gsum gyi stong chen po'i 'jig rten gyi khams kyi sems can gang ji snyed pa de dag thams cad/ nyan thos kyi sa la gnas par gyur/ rang sangs rgyas kyi sa la gnas par gyur na/ sems can de dag gi bsod nams ches mang du 'phel lam/ gsol pa/ bcom ldan 'das mang ngo / /bde bar gshegs pa mang ngo / /bcom ldan 'das tshad ma mchis so/ /bde bar gshegs pa tshad ma mchis so/ /bcom ldan 'das kyis bka' stsal pa/ rab 'byor stong gsum gyi stong chen po'i 'jig rten gyi khams kyi sems can thams cad nyan thos kyi theg pa pa 'am/ /rang sangs rgyas kyi theg pa par gyur pa'i bsod nams dang / byang chub sems dpa' sems dpa' chen po sems</font><hr>33.24b<br><font size=+1>

dang po bskyed pa dang ldan pa'i bsod nams las byang chub sems dpa' sems dang po bskyed pa dang ldan pa'i bsod nams kyi tshogs de la ni/ stong gsum gyi stong chen po'i 'jig rten gyi khams kyi sems can thams cad nyan thos kyi theg pa pa 'am/ rang sangs rgyas kyi theg pa par gyur pa de dag gi bsod nams des brgya'i char yang nye bar mi 'gro'o/ /stong gi cha dang / brgya stong gi cha dang / brgya phrag stong gi cha dang / bye ba'i cha dang / bye ba brgya'i cha dang / bye ba stong gi cha dang / bye ba brgya phrag stong gi cha dang / bye ba khrag khrig brgya phrag stong gi char yang nye bar mi 'gro'o/ /grangs dang / cha dang / bgrang ba dang / dpe dang / rgyur yang mi bzod do/ /de ci'i phyir zhe na/ byang chub sems dpa' las byung ba ni gang zag nyan thos dang / rang sangs rgyas kyi theg pa pa rnams te/ nyan thos dang / rang sangs rgyas las byung ba ni byang chub sems dpa' sems dpa' chen po rnams ma yin no/ /stong gsum gyi stong chen po'i 'jig rten gyi khams kyi sems can thams cad nyan thos kyi theg pa pa 'am/ rang sangs rgyas kyi theg pa par gyur pa lta zhog gi/[ ]gal te stong gsum gyi stong chen po'i 'jig rten gyi khams kyi sems can de dag thams cad nyan thos kyi yon tan dang ldan par gyur kyang / de dag gi bsod nams des byang chub sems dpa' sems dang po bskyed pa'i bsod nams kyi brgya'i char yang nye bar mi 'gro'o/ /stong gi cha dang / brgya phrag stong gi cha dang / bye ba khrag khrig brgya phrag stong gi bar gyi char yang nye bar mi 'gro'o/ /dpe dang rgyu'i bar du yang mi bzod do/ /de ci'i phyir zhe na/ byang chub sems dpa' las byung ba ni/ nyan thos dang / rang sangs rgyas kyi yon tan rnams te/ nyan thos dang / rang sangs rgyas las byung ba ni/ byang chub sems dpa' sems dpa' chen po rnams ma yin no/ /stong gsum gyi stong chen po'i 'jig rten gyi khams kyi sems can thams cad nyan thos kyi</font><hr>33.25a<br><font size=+1>

yon tan dang ldan par gyur pa 'am/ rang sangs rgyas kyi yon tan dang ldan par gyur pa lta zhog gi /gal te stong gsum gyi stong chen po'i 'jig rten gyi khams kyi sems can de dag thams cad dkar po rnam par mthong ba'i sa la gnas par gyur kyang / de dag gis bsod nams des/ byang chub sems dpa' sems dang po bskyed pa'i bsod nams kyi brgya'i char yang nye bar mi 'gro'o/ /stong gi cha dang / brgya phrag stong gi cha dang / bye ba khrag khrig brgya phrag stong gi bar gyi char yang nye bar mi 'gro'o/ /dpe dang rgyu'i bar du yang mi bzod do/ /de ci'i phyir zhe na/ byang chub sems dpa' las byung ba ni dkar po rnam par mthong ba'i sa la gnas pa rnams te/ dkar po rnam par mthong ba'i sa las byung ba ni/ byang chub sems dpa' sems dpa' chen po rnams ma yin no/ /stong gsum gyi stong chen po'i 'jig rten gyi khams kyi sems can thams cad dkar po rnam par mthong ba'i sa la gnas par gyur pa lta zhog gi /gal te stong gsum gyi stong chen po'i 'jig rten gyi khams kyi sems can de dag thams cad rigs kyi sa la gnas par gyur kyang / de dag gi bsod nams des byang chub sems dpa' sems dang po bskyed pa'i bsod nams kyi brgya'i char yang nye bar mi 'gro'o/ /stong gi cha dang / brgya phrag stong gi cha dang / bye ba khrag khrig brgya phrag stong gi bar gyi char yang nye bar mi 'gro'o/ /dpe dang rgyu'i bar du yang mi bzod do/ /de ci'i phyir zhe na/ byang chub sems dpa' las byung ba ni rigs kyi sa la gnas pa rnams te/ rigs kyi sa las byung ba ni/ byang chub sems dpa' sems dpa' chen po rnams ma yin no/ /stong gsum gyi stong chen po'i 'jig rten gyi khams kyi sems can thams cad rigs kyi sa la gnas par gyur pa lta zhog gi /gal te stong gsum gyi stong chen po'i 'jig rten gyi khams kyi sems can de dag thams cad brgyad pa'i sa la gnas par gyur kyang / de dag gi bsod nams des/ byang chub sems dpa' sems dang po</font><hr>33.25b<br><font size=+1>

bskyed pa'i bsod nams kyi brgya'i char yang nye bar mi 'gro'o/ /stong gi cha dang / brgya phrag stong gi cha dang / bye ba khrag khrig brgya phrag stong gi bar gyi char yang nye bar mi 'gro'o/ /dpe dang rgyu'i bar du yang mi bzod do/ /de ci'i phyir zhe na/ byang chub sems dpa' las byung ba ni brgyad pa'i sa rnams te/ brgyad pa'i sa las byung ba ni byang chub sems dpa' sems dpa' chen po rnams ma yin no/ /stong gsum gyi stong chen po'i 'jig rten gyi khams kyi sems can thams cad brgyad pa'i sa la gnas par gyur pa lta zhog gi /gal te stong gsum gyi stong chen po'i 'jig rten gyi khams kyi sems can de dag thams cad mthong ba'i sa la gnas par gyur kyang / de dag gi bsod nams des/ byang chub sems dpa' sems dang po bskyed pa'i bsod nams kyi brgya'i char yang nye bar mi 'gro'o/ /stong gi cha dang / brgya phrag stong gi cha dang / bye ba khrag khrig brgya phrag stong gi bar gyi char yang nye bar mi 'gro'o/ /dpe dang rgyu'i bar du yang mi bzod do/ /de ci'i phyir zhe na/ byang chub sems dpa' las byung ba ni mthong ba'i sa rnams te/ mthong ba'i sa las byung ba ni byang chub sems dpa' sems dpa' chen po rnams ma yin no/ /stong gsum gyi stong chen po'i 'jig rten gyi khams kyi sems can thams cad mthong ba'i sa la gnas par gyur pa lta zhog gi /gal te stong gsum gyi stong chen po'i 'jig rten gyi khams kyi sems can de dag thams cad bsrabs pa'i sa la gnas par gyur kyang de dag gi bsod nams des byang chub sems dpa' sems dang po bskyed pa'i bsod nams kyi brgya'i char yang nye bar mi 'gro'o/ /stong gi cha dang brgya phrag stong gi cha dang bye ba khrag khrig brgya phrag stong gi bar gyi char yang nye bar mi 'gro'o/ /dpe dang rgyu'i bar du yang mi bzod do/ /de ci'i phyir zhe na/ byang chub sems dpa' las byung ba ni bsrabs pa'i sa rnams te/ bsrabs pa'i sa las byung ba ni byang chub sems dpa' sems dpa' chen po rnams ma yin no/ /</font><hr>33.26a<br><font size=+1>

stong gsum gyi stong chen po'i 'jig rten gyi khams kyi sems can de dag thams cad bsrabs pa'i sa la gnas par gyur pa lta zhog gi /gal te stong gsum gyi stong chen po'i 'jig rten gyi khams kyi sems can de dag thams cad 'dod chags dang bral ba'i sa la gnas par gyur kyang / de dag gi bsod nams des/ byang chub sems dpa' sems dang po bskyed pa'i bsod nams kyi brgya'i char yang nye bar mi 'gro'o/ /stong gi cha dang / brgya phrag stong gi cha dang / bye ba khrag khrig brgya phrag stong gi bar gyi char yang nye bar mi 'gro'o/ /dpe dang rgyu'i bar du yang mi bzod do/ /de ci'i phyir zhe na/ byang chub sems dpa' las byung ba ni/ 'dod chags dang bral ba'i sa la gnas pa rnams te/ 'dod chags dang bral ba'i sa las byung ba ni/ byang chub sems dpa' sems dpa' chen po rnams ma yin no/ /stong gsum gyi stong chen po'i 'jig rten gyi khams kyi sems can thams cad 'dod chags dang bral ba'i sa la gnas par gyur pa lta zhog gi /gal te stong gsum gyi stong chen po'i 'jig rten gyi khams kyi sems can de dag thams cad byas pa rtogs pa'i sa la gnas par gyur kyang / de dag gi bsod nams des/ byang chub sems dpa' sems dang po bskyed pa'i bsod nams kyi brgya'i char yang nye bar mi 'gro'o/ /stong gi cha dang / brgya phrag stong gi cha dang / bye ba khrag khrig brgya phrag stong gi bar gyi char yang nye bar mi 'gro'o/ /dpe dang rgyu'i bar du yang mi bzod do/ /de ci'i phyir zhe na/ byang chub sems dpa' las byung ba ni byas pa rtogs pa'i sa la gnas pa rnams te/ byas pa rtogs pa'i sa las byung ba ni/ byang chub sems dpa' sems dpa' chen po rnams ma yin no/ /stong gsum gyi stong chen po'i 'jig rten gyi khams kyi sems can thams cad byas pa rtogs pa'i sa la gnas par gyur pa lta zhog gi /gal te stong gsum gyi stong chen po'i 'jig rten gyi khams kyi sems can de dag thams cad rang sangs rgyas kyi</font><hr>33.26b<br><font size=+1>

sa la gnas par gyur kyang de dag gi bsod nams des byang chub sems dpa' sems dang po bskyed pa'i bsod nams kyi brgya'i char yang nye bar mi 'gro'o/ /stong gi cha dang / brgya phrag stong gi cha dang / bye ba khrag khrig brgya phrag stong gi bar gyi char yang nye bar mi 'gro'o/ /dpe dang rgyu'i bar du yang mi bzod do/ /de ci'i phyir zhe na/ byang chub sems dpa' las byung ba ni/ rang sangs rgyas rnams te/ rang sangs rgyas las byung ba ni byang chub sems dpa' sems dpa' chen po rnams ma yin no/ /stong gsum gyi stong chen po'i 'jig rten gyi khams kyi sems can thams cad rang sangs rgyas kyi sa la gnas par gyur pa lta zhog gi /gal te stong gsum gyi stong chen po'i 'jig rten gyi khams kyi sems can de dag thams cad byang chub sems dpa'i skyon med par zhugs par gyur kyang / de dag gi bsod nams des byang chub sems dpa' rang byang chub tu zhugs pa'i bsod nams kyi brgya'i char yang nye bar mi 'gro'o/ /stong gi cha dang / brgya phrag stong gi cha dang / bye ba khrag khrig brgya phrag stong gi bar gyi char yang nye bar mi 'gro'o/ /dpe dang rgyu'i bar du yang mi bzod do/ /stong gsum gyi stong chen po'i 'jig rten gyi khams kyi sems can de dag thams cad byang chub sems dpa'i skyon med par zhugs par gyur pa lta zhog gi /gal te stong gsum gyi stong chen po'i 'jig rten gyi khams kyi sems can de dag thams cad byang chub tu zhugs par gyur kyang / de dag gi bsod nams des/ de bzhin gshegs pa dgra bcom pa yang dag par rdzogs pa'i sangs rgyas kyi bsod nams kyi brgya'i char yang nye bar mi 'gro'o/ /stong gi cha dang / brgya phrag stong gi cha dang / bye ba khrag khrig brgya phrag stong gi bar gyi char yang nye bar mi 'gro'o/ /grangs su yang mi bzod/ char yang mi bzod/ bgrang bar yang mi bzod/ dper yang mi bzod/ rgyur yang mi bzod do/ /gsol pa/ bcom ldan 'das byang chub sems</font><hr>33.27a<br><font size=+1>

dpa' sems dpa' chen po sems dang po bskyed pas ci yid la bgyi/ bcom ldan 'das kyis bka' stsal pa/ rnam pa thams cad mkhyen pa nyid yid la bya'o/ /gsol pa/ bcom ldan 'das rnam pa thams cad mkhyen pa nyid kyi dngos po ji lta bu zhig mchis/ dmigs pa ji lta bu zhig mchis/ dbang sgyur ba ji lta bu zhig mchis/ rnam pa ji lta bu zhig mchis/ mtshan nyid ji lta bu zhig mchis/ bcom ldan 'das kyis bka' stsal pa/ rab 'byor rnam pa thams cad mkhyen pa nyid ces bya ba ni/ dngos po med pa mtshan nyid med pa/ mtshan ma med pa/ byed pa med pa/ skye ba med pa/ 'byung ba med pa ste/ rab 'byor gang yang 'di skad du/ rnam pa thams cad mkhyen pa nyid kyi dmigs pa ji lta bu zhig yod ces zer ba ni/ rab 'byor rnam pa thams cad mkhyen pa nyid ni dmigs pa med pa ste/ dran pas dbang bsgyur ba dang / zhi ba'i rnam pa/ mtshan nyid med pa yin te/ rab 'byor 'di ni rnam pa thams cad mkhyen pa nyid kyi dmigs pa'o/ /'di ni dbang bsgyur ba'o/ /'di ni rnam pa'o/ /'di ni mtshan nyid do/ /gsol pa/ bcom ldan 'das ci lags/ rnam pa thams cad mkhyen pa nyid 'ba' zhig dngos po ma mchis pa lags sam/ ma lags kyi/ gzugs kyang dngos po ma mchis pa lags/ tshor ba dang 'du shes dang 'du byed dang rnam par shes pa yang dngos po ma mchis pa lags/ skye mched dang khams dang rten cing 'brel par 'byung ba yang dngos po ma mchis pa lags/ pha rol du phyin pa thams cad dang / stong pa nyid thams cad dang / byang chub kyi phyogs kyi chos sum bcu rtsa bdun yang dngos po ma mchis pa lags/ 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / </font><hr>33.27b<br><font size=+1>

de bzhin gshegs pa'i stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa rnams kyang dngos po ma mchis pa lags/ byams pa chen po dang / snying rje chen po dang / dga' ba chen po dang / btong snyoms chen po yang dngos po ma mchis pa lags/ 'dus byas kyi khams dang / 'dus ma byas kyi khams kyang dngos po ma mchis pa lags/ bcom ldan 'das kyis bka' stsal pa/ rab 'byor rnam pa thams cad mkhyen pa nyid kyang dngos po med pa'o/ /gzugs dang tshor ba dang 'du shes dang 'du byed dang rnam par shes pa yang dngos po med pa'o/ /skye mched dang khams dang rten cing 'brel par 'byung ba yang dngos po med pa'o/ /pha rol du phyin pa thams cad dang / stong pa nyid thams cad dang / byang chub kyi phyogs kyi chos sum bcu rtsa bdun yang dngos po med pa'o/ /'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa rnams kyang dngos po med pa'o/ /byams pa chen po dang / snying rje chen po dang / dga' ba chen po dang / btang snyoms chen po yang dngos po med pa'o/ /'dus byas dang 'dus ma byas kyi khams kyang dngos po med pa'o/ /de ci'i phyir zhe na/ rab 'byor de ni 'di ltar rnam pa thams cad mkhyen pa nyid la ngo bo nyid med de/ rab 'byor gang la ngo bo nyid med pa de ni dngos po med pa'o/ /gsol pa/ bcom ldan 'das ci'i slad du/ rnam pa thams cad mkhyen pa nyid ngo bo nyid ma mchis pa lags/ bcom ldan 'das kyis bka' stsal pa/ rab 'byor 'dus pa'i ngo bo nyid med de/ gang la 'dus pa'i ngo bo nyid med pa de ni dngos po med pa'o/ /rab 'byor</font><hr>33.28a<br><font size=+1>

rnam grangs des na/ chos thams cad ni dngos po med pa'i ngo bo nyid do/ /rab 'byor 'di ltar yang chos thams cad ni stong pa nyid kyi ngo bo nyid do/ /chos thams cad ni mtshan ma med pa'i ngo bo nyid do/ /chos thams cad ni smon pa med pa'i ngo bo nyid do/ /rab 'byor 'di ltar yang chos thams cad ni de bzhin nyid kyi ngo bo nyid do/ /chos thams cad ni yang dag pa'i mtha'i ngo bo nyid do/ /chos thams cad ni chos kyi dbyings kyi ngo bo nyid do/ /rab 'byor rnam grangs des kyang 'di ltar chos thams cad ni dngos po med pa'i ngo bo nyid du rig par bya'o/ /gsol pa/ bcom ldan 'das de ltar gal te chos thams cad dngos po ma mchis pa'i ngo bo nyid lags na/ 'o na byang chub sems dpa' sems dpa' chen po sems dang po bskyed pa thabs gang dang ldan pas/ sbyin pa'i pha rol du phyin pa la spyod cing / sangs rgyas kyi zhing yongs su dag pa dang / sems can rnams yongs su smin par bgyid pa lags/ tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la spyod cing / sangs rgyas kyi zhing yongs su dag pa dang / sems can rnams yongs su smin par bgyid pa lags/ bsam gtan dang po dang / bsam gtan gnyis pa dang / bsam gtan gsum pa dang / bsam gtan bzhi pa la spyod cing / sangs rgyas kyi zhing yongs su dag pa dang / sems can rnams yongs su smin par bgyid pa lags/ byams pa dang / snying rje dang / dga' ba dang / btang snyoms la spyod cing / sangs rgyas kyi zhing yongs su dag pa dang / sems can rnams yongs su smin par bgyid pa lags/ nam mkha' mtha' yas skye mched dang / rnam shes mtha' yas skye mched dang / cung zad med pa'i skye mched dang / 'du shes med 'du shes med min skye mched la spyod cing / sangs rgyas kyi zhing yongs su dag pa dang / sems can rnams yongs su smin par</font><hr>33.28b<br><font size=+1>

bgyid pa lags/ nang stong pa nyid dang / phyi stong pa nyid dang / phyi nang stong pa nyid dang / dngos po med pa'i ngo bo nyid stong pa nyid kyi bar du spyod cing / sangs rgyas kyi zhing yongs su dag pa dang / sems can rnams yongs su smin par bgyid pa lags/ dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa la spyod cing / sangs rgyas kyi zhing yongs su dag pa dang / sems can rnams yongs su smin par bgyid pa lags/ 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa bcwa brgyad dang / byams pa chen po dang / snying rje chen po dang / rnam pa thams cad mkhyen pa nyid kyi bar la spyod cing / sangs rgyas kyi zhing yongs su dag pa dang / sems can rnams yongs su smin par bgyid pa lags/ bcom ldan 'das kyis bka' stsal pa/ rab 'byor de ltar chos thams cad dngos po med pa'i ngo bo nyid du yongs su 'dris par byed cing / sangs rgyas kyi zhing yongs su dag pa dang / sems can rnams kyang yongs su smin par byed la/ sangs rgyas kyi zhing de dag dang / sems can de dag kyang dngos po med pa'i ngo bo nyid du shes pa de nyid/ byang chub sems dpa' sems dpa' chen po'i thabs mkhas pa ste/ byang chub sems dpa' sems dpa' chen po de ni sbyin pa'i pha rol du phyin pa la spyod cing / byang chub kyi lam la yongs su 'dris par byed do/ /tshul khrims kyi pha rol du phyin pa dang / bzod pa'i pha rol du</font><hr>33.29a<br><font size=+1>

phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la spyod cing / byang chub kyi lam la yongs su 'dris par byed do/ /nang stong pa nyid dang / phyi stong pa nyid dang / phyi nang stong pa nyid dang / dngos po med pa'i ngo bo nyid stong pa nyid kyi bar la spyod cing / byang chub kyi lam la yongs su 'dris par byed do/ /dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa la spyod cing / byang chub kyi lam la yongs su 'dris par byed do/ /'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa rnams la spyod cing / byang chub kyi lam la yongs su 'dris par byed do/ /rnam pa thams cad mkhyen pa nyid kyi bar la spyod cing / byang chub kyi lam la yongs su 'dris par byed do/ /byang chub kyi lam de yang dngos po med pa'i ngo bo nyid du rab tu shes te/ byang chub sems dpa' sems dpa' chen po de ni pha rol du phyin pa drug la spyod cing / nam de bzhin gshegs pa'i stobs bcu dang ldan par ma gyur pa dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad dang / byams pa chen po dang / snying rje chen po dang / rnam pa thams cad mkhyen pa nyid dang ldan par ma gyur pa de'i bar du/ byang chub kyi lam de la yongs su 'dris par byed do/ /rab 'byor de ni byang chub sems dpa'i lam ste/ </font><hr>33.29b<br><font size=+1>

lam de la gnas shing / pha rol du phyin pa thams cad yongs su rdzogs par byed do/ /pha rol du phyin pa thams cad yongs su rdzogs par byas nas/ skad cig gcig dang ldan pa'i shes rab kyis rnam pa thams cad mkhyen pa nyid thob par 'gyur ro/ /de'i tshe de'i bag chags kyi mtshams sbyor ba'i nyon mongs pa thams cad kyang mi skye bar spang bas yongs su spong bar 'gyur te/ de sangs rgyas kyi spyan gyis stong gsum gyi stong chen po'i 'jig rten gyi khams la rnam par lta na/ dngos po med par yang mi dmigs na/ dngos po yod par lta smos kyang ci dgos/ rab 'byor byang chub sems dpa' sems dpa' chen po shes rab kyi pha rol du phyin pa la spyod pa'i tshe/ sbyin pa yongs su gtong ste/ de ltar sbyin pa yongs su gtong yang / mi rtog mtshan mar mi byed de/ dngos po yod pa 'am dngos po med par yang yid la mi byed do/ /len pa la yang mi rtog mtshan mar mi byed de/ dngos po yod pa 'am/ dngos po med par yang yid la mi byed do/ /gtong ba la yang mi rtog mtshan mar mi byed de/ dngos po yod pa 'am/ dngos po med par yid la mi byed do/ /byang chub kyi sems de yang mi dmigs te/ mtshan mar mi byed yul du mi byed par yang dag par rjes su mi mthong ngo / /shes rab kyi pha rol du phyin pa la spyod pa'i tshe/ tshul khrims srung / bzod pa sgom/ brtson 'grus rtsom/ bsam gtan la goms par byed/ shes rab sgom ste/ de ltar shes rab sgom yang mi rtog mtshan mar mi byed de/ dngos po yod pa 'am/ dngos po med par yang yid la mi byed do/ /gang shes rab de la sgom pa de yang / mi rtog mtshan mar mi byed de/ dngos po yod pa 'am/ dngos po med par yang yid la mi byed do/ /sems can gang gi don du shes rab de la sgom pa de dag la yang mtshan mar mi byed de/ dngos po yod pa 'am dngos po med par yang yid la mi byed do/ /nang stong pa nyid dang / dngos po med pa'i ngo bo nyid stong pa nyid kyi bar dang / dran pa nye bar gzhag pa dang / yang dag par spong ba dang / rdzu</font><hr>33.30a<br><font size=+1>

'phrul gyi rkang pa dang / dbang po dang / stobs dang / byang chub kyi yan lag dang / /'phags pa'i lam yan lag brgyad pa dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa dang / rnam pa thams cad mkhyen pa nyid kyi bar la spyod pa'i tshe/ rnam pa thams cad mkhyen pa nyid de la mi rtog mtshan mar mi byed de/ dngos po yod pa 'am/ dngos po med par yang yid la mi byed do/ /bla na med pa yang dag par rdzogs pa'i byang chub kyi bar du yang mi rtog mtshan mar mi byed de/ dngos po yod pa 'am/ dngos po med par yang yid la mi byed do/ /gang mngon par rdzogs par 'tshang rgya ba dang gang mngon par rdzogs par 'tshang rgya bar bya ba dang / gang gis mngon par rdzogs par 'tshang rgya bar bya ba de la yang mi rtog mtshan mar mi byed de/ dngos po yod pa 'am/ dngos po med par yang yid la mi byed do/ /de ci'i phyir zhe na/ 'di ltar chos thams cad ni dngos po med pa'i ngo bo nyid de/ de dag sangs rgyas rnams kyis kyang ma mdzad/ rang sangs rgyas dang nyan thos rnams kyis kyang ma byas te/ chos thams cad ni byed pa po med pa/ byed pa po dang bral ba'o/ /rab 'byor gyis gsol pa/ bcom ldan 'das de lta lags na/ chos rnams chos rnams nyid dang bral ba lags sam/ bcom ldan 'das kyis bka' stsal pa/ rab 'byor de de bzhin no/ /de de bzhin te/ rab 'byor chos rnams ni chos rnams nyid dang bral ba'o/ /gsol pa/ bcom ldan 'das gal te de ltar chos rnams chos rnams nyid dang bral ba lags na/ </font><hr>33.30b<br><font size=+1>

ji ltar chos kyis chos la dngos po mchis zhes bgyi ba 'am/ dngos po ma mchis zhes bgyi bar yongs su 'tshal bar 'gyur/ bcom ldan 'das dngos po ma mchis pa'i chos kyis dngos po ma mchis pa'i chos yongs su 'tshal bar mi rung ste/ dngos po mchis pa'i chos kyis kyang dngos po mchis pa'i chos yongs su 'tshal bar mi rung ngo / /dngos po ma mchis pa'i chos kyis kyang dngos po mchis pa'i chos 'tshal bar mi rung ngo / /dngos po mchis pa'i chos kyis kyang dngos po ma mchis pa'i chos 'tshal bar mi rung ngo / /de ltar chos thams cad yongs su 'tshal bar ma mchis pas/ byang chub sems dpa' sems dpa' chen po lta dngos po mchis pa 'am/ dngos po ma mchis par sems par yang ga la 'gyur/ bcom ldan 'das kyis bka' stsal pa/ rab 'byor byang chub sems dpa' sems dpa' chen po ni shes rab kyi pha rol du phyin pa la spyod pa'i tshe/ 'jig rten gyi kun rdzob nye bar bzung bas/ dngos po yod ces bya ba 'am/ dngos po med ces bya bar ston te/ don dam par ni ma yin no/ /gsol pa/ bcom ldan 'das ci lags/ 'jig rten gyi kun rdzob kyang gzhan zhig la/ don dam pa yang gzhan zhig lags sam/  bcom ldan 'das kyis bka' stsal pa/ rab 'byor 'jig rten gyi kun rdzob kyang gzhan zhig la/ don dam pa yang gzhan zhig yin zhes bya ba yang med de/ 'jig rten gyi kun rdzob kyi de bzhin nyid gang yin pa de nyid don dam pa'i de bzhin nyid yin yang / de la sems can de dag phyin ci log tu gyur pas de bzhin nyid de mi shes mi mthong ste/ de dag gi don du byang chub sems dpa' sems dpa' chen po 'jig rten gyi kun rdzob kyis dngos po yod ces bya ba 'am/ dngos po med ces bya bar brjod do/ /rab 'byor 'di ltar yang sems can gang ji snyed cig phung po lnga la dngos po yod pa'i 'du shes su gyur te/ dngos po med par mi shes pa de dag gi don du chos rnams rab tu dbye ba nye bar bzung ste/ dngos po med par yang ji ltar shes</font><hr>33.31a<br><font size=+1>

par 'gyur zhes te/ de skad du brjod do/ /rab 'byor byang chub sems dpa' sems dpa' chen pos shes rab kyi pha rol du phyin pa la de ltar spyad par bya'o/ /shes rab kyi pha rol du phyin pa stong phrag nyi shu lnga pa las le'u lnga bcu bzhi pa'o// // de nas tshe dang ldan pa rab 'byor gyis/ bcom ldan 'das la 'di skad ces gsol to/ /bcom ldan 'das byang chub sems dpa'i spyod pa/ byang chub sems dpa'i spyod pa zhes bgyi na/ de skad du byang chub sems dpa'i spyod pa zhes bgyi ba de/ gang gi tshig bla dgas lags/  bcom ldan 'das kyis bka' stsal pa/ rab 'byor byang chub sems dpa'i spyod pa/ byang chub sems dpa'i spyod pa zhes bya ba ni/ de byang chub kyi don du spyod pas na/ de'i phyir byang chub sems dpa'i spyod pa zhes bya'o/ /gsol pa/ bcom ldan 'das byang chub sems dpa' sems dpa' chen po gang la spyod pa lags/ bcom ldan 'das kyis bka' stsal pa/ gzugs stong pa zhes bya bar spyod de/ ci nas kyang blo rnam pa gnyis su mi 'gyur ba de ltar spyod do/ /tshor ba dang 'du shes dang / 'du byed dang rnam par shes pa stong pa zhes bya bar spyod de/ ci nas kyang blo rnam pa gnyis su mi 'gyur ba de ltar spyod do/ /skye mched dang khams dang rten cing 'brel par 'byung ba stong pa zhes bya bar spyod de/ ci nas kyang blo rnam pa gnyis su mi 'gyur ba de ltar spyod do/ /sbyin pa'i pha rol du phyin pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa stong pa zhes bya bar spyod/ nang stong pa nyid dang / dngos po med pa'i ngo bo nyid stong pa nyid kyi bar du stong pa zhes bya bar spyod/ bsam gtan dang po dang / bsam gtan gnyis pa dang / bsam gtan gsum pa dang / bsam gtan bzhi pa dang / byams pa dang / snying rje dang / dga' ba dang / </font><hr>33.31b<br><font size=+1>

btang snyoms dang / nam mkha' mtha' yas skye mched dang / rnam shes mtha' yas skye mched dang / cung zad med pa'i skye mched dang / 'du shes med 'du shes med min skye mched stong pa zhes bya bar spyod/ dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa stong pa zhes bya bar spyod/ 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid kyi ting nge 'dzin dang / mtshan ma med pa'i ting nge 'dzin dang / smon pa med pa'i ting nge 'dzin dang / mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa rnams stong pa zhes bya bar spyod/ rnam pa thams cad mkhyen pa nyid kyi bar du stong pa zhes bya bar spyod/ sangs rgyas kyi zhing yongs su dag par bya ba dang / sems can yongs su smin par bya ba dang / spobs pa dang / yi ge mngon par bsgrub pa stong pa zhes bya bar spyod/ yi ge la 'jug pa dang / yi ge med pa la 'jug pa stong pa zhes bya bar spyod/ gzugs stong pa zhes bya bar spyod/ 'dus byas kyi khams dang / 'dus ma byas kyi khams stong pa zhes bya bar spyod de/ ci nas kyang blo rnam pa gnyis su mi 'gyur ba de ltar spyod do/ /shes rab kyi pha rol du phyin pa stong phrag nyi shu lnga pa/ bam po drug bcu gnyis pa/ rab 'byor byang chub sems dpa' sems dpa' chen po shes rab kyi pha rol du phyin pa la de ltar spyod pa ni byang chub tu spyod pa yin te/ de'i phyir byang chub sems dpa'i spyod pa zhes bya'o/ /de skad ces bka' stsal pa dang / tshe dang ldan pa rab 'byor gyis/ bcom ldan 'das la 'di skad ces gsol to/ /bcom ldan 'das sangs</font><hr>33.32a<br><font size=+1>

rgyas sangs rgyas zhes bgyi na/ sangs rgyas zhes bgyi ba de gang gi tshig bla dgas lags/ bcom ldan 'das kyis bka' stsal pa/ rab 'byor yang dag pa'i don ni sangs rgyas zhes bya ste/ rab 'byor yang 'di ltar des yang dag pa'i chos mngon par rdzogs par sangs rgyas pas/ de'i phyir sangs rgyas zhes bya'o/ /yang dag pa'i don rab tu rtogs pas/ de'i phyir sangs rgyas zhes bya'o/ /rab 'byor yang 'di ltar des chos thams cad ji lta ba bzhin du mngon par rdzogs par sangs rgyas pas/ de'i phyir sangs rgyas zhes bya'o/ /rab 'byor gyis gsol pa/ bcom ldan 'das byang chub byang chub ces bgyi na/ byang chub ces bgyi ba de gang gi tshig bla dgas lags/ bcom ldan 'das kyis bka' stsal pa/ rab 'byor byang chub ces bya ba de ni stong pa nyid kyi tshig bla dgas lags so/ /de ni de bzhin nyid kyi tshig bla dgas so/ /'di ni ma nor ba de bzhin nyid dang / gzhan ma yin pa de bzhin nyid dang / chos nyid dang / chos kyi dbyings dang / chos kyi gnas nyid dang / chos skyon med pa nyid dang / yang dag pa'i mtha'i tshig bla dgas so/ /rab 'byor yang 'di ltar byang chub ces bya ba de ni/ de bzhin nyid ma nor ba de bzhin nyid/ gzhan ma yin pa de bzhin nyid/ rnam pa gzhan du mi 'gyur ba ste/ de'i phyir byang chub ces bya'o/ /rab 'byor 'di ltar yang 'di lta ste/ byang chub ces bya ba 'di ni ming dang mtshan ma tsam ste/ de'i phyir byang chub ces bya'o/ /rab 'byor yang 'di ltar yang dag pa'i don ni byang chub kyi don to/ /rab 'byor yang 'di ltar de ni chos thams cad ming dang mtshan ma tsam du rtogs par byed pa ste/ de'i phyir byang chub ces bya'o/ /rab 'byor yang 'di ltar dbyer med pa'i don ni byang chub kyi don to/ /rab 'byor yang 'di ltar de ni sangs rgyas bcom ldan 'das rnams kyi byang chub ste/ de'i phyir byang chub ces bya'o/ /rab 'byor yang 'di ltar de ni sangs rgyas bcom ldan 'das rnams kyis mngon par rdzogs par sangs rgyas pas na/ de'i phyir byang chub ces bya'o/ /</font><hr>33.32b<br><font size=+1>

gsol pa/ bcom ldan 'das byang chub sems dpa' sems dpa' chen po gang byang chub 'di la spyod pa dang / pha rol du phyin pa drug la spyod pa dang / stong pa nyid thams cad la spyod pa dang / byang chub kyi phyogs kyi chos sum bcu rtsa bdun la spyod pa dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa la spyod pa dang / rnam pa thams cad mkhyen pa nyid kyi bar la spyod pa'i dge ba'i rtsa ba gang dang gang tshogs su 'gyur ba 'am/ 'grib pa 'am/ 'god pa 'am/ 'phel ba 'am/ skye ba 'am/ 'gag pa 'am/ kun nas nyon mongs pa 'am/ rnam par byang bar 'gyur ba lags/ bcom ldan 'das kyis bka' stsal pa/ rab 'byor byang chub sems dpa' sems dpa' chen po gang byang chub 'di la spyod pa dang / pha rol du phyin pa drug la spyod pa dang / stong pa nyid thams cad la spyod pa dang / byang chub kyi phyogs kyi chos sum bcu rtsa bdun la spyod pa dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo la spyod pa dang / de bzhin gshegs pa'i stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa la spyod pa dang / rnam pa thams cad mkhyen pa nyid kyi bar la spyod pa de la/ chos gang yang tshogs su 'gyur ba 'am/ 'grib pa 'am/ 'god pa 'am/ 'phel</font><hr>33.33a<br><font size=+1>

ba 'am/ skye ba 'am/ 'gag pa 'am/ kun nas nyon mongs pa 'am/ rnam par byang bar 'gyur ba gang yang med do/ /de ci'i phyir zhe na/ rab 'byor byang chub sems dpa' sems dpa' chen po shes rab kyi pha rol du phyin pa la spyod pa'i byang chub ni chos gang yang tshogs su 'gyur ba 'am/ 'grib par bya ba 'am/ 'god par bya ba 'am/ 'phel bar bya ba 'am/ skye bar bya ba 'am/ 'gag par bya ba 'am/ kun nas nyon mongs par bya ba 'am/ rnam par byang bar bya ba'i phyir de dmigs pa'i tshul gyis nye bar gnas pa ma yin no/ /gsol pa/ bcom ldan 'das de ltar gal te byang chub sems dpa' sems dpa' chen po shes rab kyi pha rol du phyin pa la spyod pa'i byang chub ni/ chos gang yang tshogs su 'gyur ba 'am/ 'grib par bgyi ba 'am/ 'god par bgyi ba 'am/ 'phel bar bgyi ba 'am/ skye bar bgyi ba 'am/ 'gag par bgyi ba 'am/ kun nas nyon mongs par bgyi ba 'am rnam par byang bar bgyi ba'i slad du/ dmigs pa'i tshul gyis nye bar gnas pa ma lags na/ bcom ldan 'das 'o na de ji ltar byang chub sems dpa' sems dpa' chen po shes rab kyi pha rol du phyin pa la spyod pa'i tshe/ ji ltar sbyin pa'i pha rol du phyin pa yongs su 'dzin par 'gyur/ ji ltar tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa yongs su 'dzin par 'gyur/ ji ltar nang stong pa nyid la spyod par 'gyur/ ji ltar dngos po med pa'i ngo bo nyid stong pa nyid kyi bar la spyod par 'gyur/ ji ltar dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa la spyod par 'gyur/ ji ltar 'phags pa'i bden pa dang / bsam gtan dang / tshad med pa dang / gzugs med</font><hr>33.33b<br><font size=+1>

pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo la spyod par 'gyur/ ji ltar de bzhin gshegs pa'i stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa la spyod par 'gyur/ ji ltar byang chub sems dpa'i sa bcu la spyod par 'gyur/ ji ltar nyan thos dang / rang sangs rgyas kyi sa las 'da' bar 'gyur/ ji ltar byang chub sems dpa'i skyon ma mchis pa la 'jug par 'gyur/ bcom ldan 'das kyis bka' stsal pa/ rab 'byor byang chub sems dpa' sems dpa' chen po la ni gnyis su spyod pa'i blo med de/ rab 'byor byang chub sems dpa' sems dpa' chen po ni gnyis kyis/ sbyin pa'i pha rol du phyin pa la mi spyod do/ /gnyis kyis tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la mi spyod do/ /gnyis kyis nang stong pa nyid la mi spyod do/ /gnyis kyis dngos po med pa'i ngo bo nyid stong pa nyid kyi bar la mi spyod do/ /gnyis kyis dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa la mi spyod do/ /gnyis kyis 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo la mi spyod do/ /gnyis kyis de bzhin gshegs pa'i stobs dang / </font><hr>33.34a<br><font size=+1>

mi 'jigs pa dang / so so yang dag par rig pa dang / sangs rgyas kyi chos ma 'dres pa la mi spyod do/ /gnyis kyis rnam pa thams cad mkhyen pa nyid kyi bar la mi spyod do/ /gsol pa/ bcom ldan 'das gal te de ltar gnyis kyis sbyin pa'i pha rol du phyin pa la mi spyod/ gnyis kyis tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la mi spyod/ gnyis kyis stong pa nyid thams cad dang / byang chub kyi phyogs kyi chos sum bcu rtsa bdun la mi spyod/ gnyis kyis 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo la mi spyod/ gnyis kyis de bzhin gshegs pa'i stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa la mi spyod/ gnyis kyis rnam pa thams cad mkhyen pa nyid kyi bar la mi spyod na/ 'o na de ji ltar byang chub sems dpa' sems dpa' chen po dge ba'i rtsa ba mang pos rnam par 'phel bar 'gyur bas/ sems dang po bskyed pa nas nye bar bzung ste/ sems slad ma bskyed pa'i bar du dge ba'i rtsa ba mang pos rnam par 'phel bar 'gyur/ bcom ldan 'das kyis bka' stsal pa/ rab 'byor su gang gnyis la spyod pa de dag ni dge ba'i rtsa ba rnam par 'phel bar mi 'gyur ro/ /de ci'i phyir zhe na/ rab 'byor byis pa so so'i skye bo thams cad ni gnyis la rten pa ste/ de dag ni dge ba'i rtsa bas rnam par mi 'phel lo/ /byang chub sems dpa' sems dpa' chen po ni gnyis la</font><hr>33.34b<br><font size=+1>

mi spyod de/ de ni sems dang po bskyed pa nas nye bar bzung ste/ sems phyi ma bskyed pa'i bar du dge ba'i rtsa bas rnam par 'phel te/ de ni lha dang / mi dang lha ma yin du bcas pa'i 'jig rten gyi mi dge ba'i rtsa ba gang gis nyams smad pas/ nyan thos kyi sa 'am/ rang sangs rgyas kyi sar ltung bar 'gyur ba 'am/ mi dge ba'i chos gzhan gyis yongs su 'phrog par gyur cing / de dag gis yongs su phrogs pas/ sbyin pa'i pha rol du phyin pa la spyod na/ dge ba'i rtsa ba mang pos rnam par mi 'phel ba dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la spyod na/ dge ba'i rtsa ba mang pos rnam par mi 'phel ba dang / nang stong pa nyid la spyod pa dang / dngos po med pa'i ngo bo nyid stong pa nyid kyi bar la spyod na/ dge ba'i rtsa ba mang pos rnam par mi 'phel ba dang / dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa la spyod na/ dge ba'i rtsa ba mang pos rnam par mi 'phel ba dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang /  rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo la spyod na/ dge ba'i rtsa ba mang pos rnam par mi 'phel ba dang / de bzhin gshegs pa'i stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa la spyod na/ dge ba'i rtsa ba mang pos rnam par mi 'phel ba dang / rnam pa thams cad mkhyen pa nyid kyi bar la spyod na/ dge ba'i</font><hr>33.35a<br><font size=+1>

rtsa ba mang pos rnam par mi 'phel ba de ltar nyams smad par mi nus te/ rab 'byor byang chub sems dpa' sems dpa' chen pos de ltar shes rab kyi pha rol du phyin pa la spyad par bya'o/ /gsol pa/ bcom ldan 'das ci lags/ byang chub sems dpa' sems dpa' chen pos dge ba'i rtsa ba rnams kyi slad du/ shes rab kyi pha rol du phyin pa la spyod par bgyi 'am/ bcom ldan 'das kyis bka' stsal pa/ rab 'byor de ni ma yin te/ byang chub sems dpa' sems dpa' chen po ni dge ba'i rtsa ba rnams kyi phyir/ shes rab kyi pha rol du phyin pa la mi spyod do/ /mi dge ba'i rtsa ba rnams kyi phyir/ yang shes rab kyi pha rol du phyin pa la mi spyod de/ sangs rgyas bcom ldan 'das rnams la bsnyen bkur ma byas/ dge ba'i rtsa ba rnams yongs su rdzogs par ma byas/ dge ba'i bshes gnyen rnams kyis yongs su ma bzung bar byang chub sems dpa' sems dpa' chen po rnam pa thams cad mkhyen pa nyid thob par mi nus so/ /gsol pa/ bcom ldan 'das ji ltar sangs rgyas bcom ldan 'das rnams la bsnyen bkur bgyis pa dang / dge ba'i rtsa bas yongs su bzung ba dang / dge ba'i gshes gnyen gyis yongs su bzung ba'i byang chub sems dpa' sems dpa' chen po rnam pa thams cad mkhyen pa nyid thob par 'gyur ba lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po sems dang po bskyed pa nas nye bar bzung ste/ sangs rgyas bcom ldan 'das rnams la bsnyen bkur byed/ sangs rgyas bcom ldan 'das de dag gi mdo dang dbyangs kyis bsnyad pa dang / lung bstan pa dang / tshigs su bcad pa dang ched du brjod pa dang / gleng gzhi dang / 'di ltar 'das pa dang / skyes pa'i rabs dang / shin du rgyas pa dang / chos rmad du byung ba dang / rtogs pa brjod pa dang / gtan la</font><hr>33.35b<br><font size=+1>

phab pa bstan pa gang ci gsungs kyang de dag thams cad yongs su 'dzin to/ /yongs su bzung nas kyang tshig gis yongs su 'dris pa dang / yid kyis shin du brtags pa dang / lta bas rab tu khong du chud par byas shing / gzungs rab tu thob par byed do/ /gzungs rab tu thob nas/ so so yang dag par rig pa rab tu skyed do/ /so so yang dag par rig pa skyes pas/ de tshe rnam par 'phos kyang / chos de dag rnam pa thams cad mkhyen pa nyid thob par gyur gyi bar du nam yang chud za bar mi 'gyur te/ de bzhin gshegs pa dgra bcom pa yang dag par rdzogs pa'i sangs rgyas de dag la dge ba'i rtsa ba skyed cing / dge ba'i rtsa ba de dag gis yongs su bzung na/ nam yang ngan song dang mi khom par skye bar mi 'gyur ro/ /dge ba'i rtsa ba de dag gis kyang lus yongs su dag pa yongs su 'dzin te/ lus de dag gis kyang sangs rgyas kyi zhing yongs su dag par byed do/ /sems can rnams yongs su smin par byed do/ /dge ba'i rtsa ba de dag gis yongs su bzung bas kyang / dge ba'i bshes gnyen sangs rgyas bcom ldan 'das rnams dang / byang chub sems dpa' sems dpa' chen po rnams dang / nyan thos dang / rang sangs rgyas kyi theg pa pa'i legs pa ston pa dag dang nam du yang 'bral bar mi 'gyur ro/ /rab 'byor de ltar byang chub sems dpa' sems dpa' chen po shes rab kyi pha rol du phyin pa la spyod pas/ sangs rgyas bcom ldan 'das rnams la bsnyen bkur bar bya'o/ /dge ba'i rtsa ba rnams bskyed par bya'o/ /dge ba'i bshes gnyen rnams la bsten par bya'o/ /shes rab kyi pha rol du phyin pa stong phrag nyi shu lnga pa las le'u lnga bcu lnga pa'o// //de nas tshe dang ldan pa rab 'byor gyis/ bcom ldan 'das la 'di skad ces gsol to/ /bcom ldan 'das byang chub sems dpa' sems dpa' chen po gang / sangs rgyas</font><hr>33.36a<br><font size=+1>

bcom ldan 'das rnams la yang bsnyen bkur mi bgyid/ dge ba'i rtsa ba yang yongs su rdzogs par mi bgyid la/ dge ba'i bshes gnyen gyis kyang yongs su ma bzung bar gyur na/ byang chub sems dpa' sems dpa' chen po de rnam pa thams cad mkhyen pa nyid thob par mi 'gyur ram/ bcom ldan 'das kyis bka' stsal pa/ rab 'byor byang chub sems dpa' sems dpa' chen po gang gis/ sangs rgyas bcom ldan 'das rnams la bsnyen bkur ma byas/ dge ba'i rtsa ba yang yongs su rdzogs par ma byas la/ dge ba'i gshes gnyen gyis yongs su ma bzung bar rnam pa thams cad mkhyen pa nyid thob par 'gyur ba med do/ /de ci'i phyir zhe na/ sangs rgyas bcom ldan 'das rnams la bsnyen bkur yang byas/ dge ba'i rtsa ba yang yongs su rdzogs par byas/ dge ba'i bshes gnyen la yang bsten pa byas kyang / da dung rnam pa thams cad mkhyen pa nyid thob par mi nus na/ sangs rgyas bcom ldan 'das rnams la bsnyen bkur ma byas/ dge ba'i rtsa ba yongs su rdzogs par ma byas/ dge ba'i bshes gnyen la ma bsten pa rnams/ rnam pa thams cad mkhyen pa nyid thob par 'gyur ba lta ci smos te/ de ni gnas med do/ /rab 'byor de lta bas na byang chub sems dpa' sems dpa' chen po byang chub sems dpa'i ming bden pa la gnas par 'dod pa dang / myur du bla na med pa yang dag par rdzogs pa'i byang chub tu mngon par rdzogs par 'tshang rgya bar 'dod pas/ sangs rgyas bcom ldan 'das rnams la bsnyen bkur bya'o/ /dge ba'i rtsa ba mang po bskyed par bya'o/ /dge ba'i gshes gnyen la bsten par bya'o/ /gsol pa/ bcom ldan 'das ci'i slad du/ byang chub sems dpa' sems dpa' chen pos sangs rgyas bcom ldan 'das rnams la bsnyen bkur bgyis/ dge ba'i rtsa ba bskyed/ dge ba'i bshes gnyen la bsten par bgyis kyang / </font><hr>33.36b<br><font size=+1>

rnam pa thams cad mkhyen pa nyid thob par mi 'gyur bcom ldan 'das kyis bka' stsal pa/ de ni thabs mkhas pa dang mi ldan pa'i phyir te/ des sangs rgyas bcom ldan 'das de dag las thabs de dag thob par ma gyur pa'i phyir/ dge ba'i rtsa ba de lta bu yang ma bskyed/ gang de la thabs ston pa'i dge ba'i bshes gnyen de lta bu dag la yang ma bsten pas de ltar thob par mi 'gyur ro/ /gsol pa/ bcom ldan 'das byang chub sems dpa' sems dpa' chen po thabs mkhas pa gang dang ldan pas rnam pa thams cad mkhyen pa nyid thob par 'gyur ba'i thabs la mkhas pa de gang lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po sems dang po bskyed pa nas nye bar bzung ste/ sbyin pa'i pha rol du phyin pa la spyod na/ rnam pa thams cad mkhyen pa nyid dang ldan pa'i yid la bya bas/ sangs rgyas bcom ldan 'das rnams dang / rang sangs rgyas dang / nyan thos dang / mi dang mi ma yin par gyur pa rnams la sbyin pa yongs su gtong ste/ de rnam pa thams cad mkhyen pa nyid dang ldan pa'i yid la bya ba de dang ldan pas/ sbyin pa la yang sbyin pa'i 'du shes su mi 'gyur/ len pa la yang len pa'i 'du shes su mi 'gyur/ gtong ba la yang gtong ba'i 'du shes su mi 'gyur ro/ /de ni 'di ltar chos thams cad rang gi mtshan nyid kyis stong par shes shing / chos thams cad med pa dang / ma byung ba dang / yongs su ma rdzogs pa dang / mngon par ma grub par mthong zhing / chos rnams kyis mtshan nyid la 'jug na yang / chos thams cad ni nus pa gang yang med pa'o zhes bya bar 'du byed med pa'i mtshan nyid kyis 'jug ste/ de thabs mkhas pa de lta bu dang ldan pas na/ dge ba'i rtsa bas rnam par 'phel bar sbyin pa'i pha rol du phyin pa la spyod de/ de sbyin pa'i pha rol du phyin pa la spyod cing sems can rnams yongs su smin par byed sangs rgyas kyi zhing yongs su dag par byed kyang / gzhan du na sems can thams</font><hr>33.37a<br><font size=+1>

cad yongs su bskyab pa dang sems can yongs su smin par bya ba'i phyir/ sbyin pa'i pha rol du phyin pa la spyod pa ma gtogs par sbyin pa'i 'bras bu gang 'khor bar yongs su spyad par bya ba de lta bu'i 'bras bu la smon pa med do/ /shes rab kyi pha rol du phyin pa stong phrag nyi shu lnga pa las/ le'u lnga bcu drug pa'o// // rab 'byor gzhan yang byang chub sems dpa' sems dpa' chen po tshul khrims kyi pha rol du phyin pa la spyod pa'i tshe/ sems dang po bskyed pa nas nye bar bzung ste/ rnam pa thams cad mkhyen pa nyid dang ldan pa'i yid la bya bas/ tshul khrims srung ste/ de la 'dod chags kyi sems sgrib par mi 'gyur/ zhe sdang sgrib par mi 'gyur/ gti mug sgrib par mi 'gyur/ bag la nyal ba sgrib par mi 'gyur/ kun nas ldang ba sgrib par mi 'gyur te/ mi dge ba'i chos gzhan byang chub kyi bgegs su 'gyur ba 'di lta ste/ ser sna 'am/ tshul khrims ngan pa 'am/ 'khrug pa'i sems sam/ le lo'i sems sam/ brtson 'grus chung ba'i sems sam/ g.yeng ba'i sems sam/ shes rab 'chal ba'i sems sam nga rgyal lam/ brnyas pa 'am che ba'i nga rgyal lam nga'i nga rgyal lam/ nyan thos kyi sems sam rang sangs rgyas kyi sems dag kyang sgrib par mi 'gyur ro/ /de ci'i phyir zhe na/ rab 'byor de ni 'di ltar chos thams cad rang gi mtshan nyid kyis stong par shes shing /  chos thams cad med pa dang / ma byung ba dang / yongs su ma rdzogs pa dang / mngon par ma grub par mthong ste/ chos rnams kyi chos kyi mtshan nyid la 'jug na yang / chos thams cad ni nus pa gang yang med pa'o zhes bya bar 'du byed med pa'i mtshan nyid kyis 'jug ste/ de thabs la mkhas pa de lta bu dang ldan pas na/ dge ba'i rtsa bas rnam par 'phel bar tshul khrims kyi pha rol du phyin pa la spyod de/ de tshul khrims kyi pha rol du phyin pa la spyod cing / sems can rnams yongs su smin par</font><hr>33.37b<br><font size=+1>

byed/ sangs rgyas kyi zhing yongs su dag par byed kyang / gzhan du na sems can thams cad yongs su bskyab pa dang sems can yongs su smin par bya ba'i phyir/ tshul khrims kyi pha rol du phyin pa la spyod pa ma gtogs par/ tshul khrims kyi 'bras bu gang 'khor bar yongs su spyad par bya ba de lta bu'i 'bras bu la smon pa med do/ /rab 'byor gzhan yang byang chub sems dpa' sems dpa' chen po bzod pa'i pha rol du phyin pa la spyod pa'i tshe/ sems dang po bskyed pa nas nye bar bzung ste/ rnam pa thams cad mkhyen pa nyid dang ldan pa'i yid la bya bas bzod pa sgom ste/ de la 'dod chags kyi sems sgrib par mi 'gyur/ zhe sdang sgrib par mi 'gyur gti mug sgrib par mi 'gyur bag la nyal ba sgrib par mi 'gyur kun nas ldang ba sgrib par mi 'gyur te/ mi dge ba'i chos gzhan gang byang chub kyi bgegs su 'gyur ba/ 'di lta ste ser sna 'am tshul khrims ngan pa 'am 'khrug pa'i sems sam/ le lo'i sems sam/ brtson 'grus chung ba'i sems sam g.yeng ba'i sems sam shes rab 'chal ba'i sems sam nga rgyal lam brnyas pa 'am/ che ba'i nga rgyal lam nga'i nga rgyal lam/ nyan thos kyi sems sam/ rang sangs rgyas kyi sems dag kyang sgrib par mi 'gyur ro/ /de ci'i phyir zhe na/ rab 'byor de ni 'di ltar chos thams cad rang gi mtshan nyid kyis stong par shes shing / chos thams cad med pa dang ma byung ba dang / yongs su ma rdzogs pa dang / mngon par ma grub par mthong ste/ chos rnams kyi chos kyi mtshan nyid la 'jug na yang / chos thams cad ni nus pa gang yang med pa'o zhes bya bar 'du byed med pa'i mtshan nyid kyis 'jug ste/ de thabs mkhas pa de lta bu dang ldan pas na/ dge ba'i rtsa bas rnam par 'phel bar bzod pa'i pha rol du phyin pa la spyod de/ de bzod pa'i pha rol du phyin pa la spyod cing / sems can rnams yongs su smin par byed/ sangs rgyas kyi zhing yongs su dag par byed kyang / gzhan du na sems can thams cad</font><hr>33.38a<br><font size=+1>

yongs su bskyab pa dang / sems can yongs su smin par bya ba'i phyir/ bzod pa'i pha rol du phyin pa la spyod pa ma gtogs par bzod pa'i 'bras bu gang 'khor bar yongs su spyad par bya ba de lta bu'i 'bras la smon pa med do/ /rab 'byor gzhan yang byang chub sems dpa' sems dpa' chen po brtson 'grus kyi pha rol du phyin pa la spyod pa'i tshe/ sems dang po bskyed pa nas nye bar bzung ba ste/ rnam pa thams cad mkhyen pa nyid dang ldan pa'i yid la bya bas brtson 'grus rtsom ste/ de la 'dod chags kyi sems sgrib par mi 'gyur zhe sdang sgrib par mi 'gyur gti mug sgrib par mi 'gyur/ bag la nyal ba sgrib par mi 'gyur/ kun nas ldang ba sgrib par mi 'gyur/ mi dge ba'i chos gzhan byang chub kyi bgegs su 'gyur ba 'di lta ste ser sna 'am tshul khrims ngan pa 'am/ 'khrug pa'i sems sam/ le lo'i sems sam/ brtson 'grus chung ba'i sems sam g.yeng ba'i sems sam/ shes rab 'chal ba'i sems sam/ nga rgyal lam brnyas pa'am che ba'i nga rgyal lam/ nga'i nga rgyal lam nyan thos kyi sems sam/ rang sangs rgyas kyi sems dag kyang sgrib par mi 'gyur ro/ /de ci'i phyir zhe na/ rab 'byor de ni 'di ltar chos thams cad rang gi mtshan nyid kyis stong par shes shing / chos thams cad med pa dang ma byung ba dang yongs su ma rdzogs pa dang / mngon par ma grub par mthong ste/ chos rnams kyi chos kyi mtshan nyid la 'jug na yang / chos thams cad ni nus pa gang yang med pa'o/ /zhes bya bar 'du byed med pa'i mtshan nyid kyis 'jug ste/ de thabs mkhas pa de lta bu dang ldan pas na/ dge ba'i rtsa bas rnam par 'phel bar brtson 'grus kyi pha rol du phyin pa la spyod do/ /de brtson 'grus kyi pha rol du phyin pa la spyod cing / sems can rnams yongs su smin par byed/ sangs rgyas kyi zhing yongs su dag par byed kyang / gzhan du na sems can thams cad yongs su bskyab pa dang / sems can</font><hr>33.38b<br><font size=+1>

yongs su smin par bya ba'i phyir/ brtson 'grus kyi pha rol du phyin pa la spyod pa ma gtogs par/ brtson 'grus kyi 'bras bu gang / 'khor bar yongs su spyad par bya ba de lta bu'i 'bras bu la smon pa med do/ /rab 'byor gzhan yang byang chub sems dpa' sems dpa' chen po bsam gtan gyi pha rol du phyin pa la spyod pa'i tshe/ sems dang po bskyed pa nas nye bar bzung ste/ rnam pa thams cad mkhyen pa nyid dang ldan pa'i yid la bya bas/ bsam gtan rnams la snyoms par 'jug ste/ de la 'dod chags kyi sems sgrib par mi 'gyur/ zhe sdang sgrib par mi 'gyur gti mug sgrib par mi 'gyur/ bag la nyal ba sgrib par mi 'gyur/ kun nas ldang ba sgrib par mi 'gyur te/ mi dge ba'i chos gzhan byang chub kyi bgegs su 'gyur ba 'di lta ste/ ser sna 'am tshul khrims ngan pa 'am/ 'khrug pa'i sems sam le lo'i sems sam brtson 'grus chung ba'i sems sam g.yeng ba'i sems sam shes rab 'chal ba'i sems sam/ nga rgyal lam brnyas pa 'am che ba'i nga rgyal lam nga'i nga rgyal lam nyan thos kyi sems sam rang sangs rgyas kyi sems dag kyang sgrib par mi 'gyur ro/ /de ci'i phyir zhe na/ rab 'byor de ni 'di ltar chos thams cad rang gi mtshan nyid kyis stong par shes shing / chos thams cad med pa dang ma byung ba dang / yongs su ma rdzogs pa dang / mngon par ma grub par mthong ste/ chos rnams kyi chos kyi mtshan nyid la 'jug na yang / chos thams cad ni nus pa gang yang med pa'o zhes bya bar 'du byed med pa'i mtshan nyid kyis 'jug ste/ de thabs mkhas pa de lta bu dang ldan pas na/ dge ba'i rtsa bas rnam par 'phel bar bsam gtan gyi pha rol du phyin pa la spyod de/ de bsam gtan gyi pha rol du phyin pa la spyod cing / sems can rnams yongs su smin par byed/ sangs rgyas kyi zhing yongs su dag par byed kyang / gzhan du na sems can thams cad yongs su bskyab pa dang / sems can yongs su smin par bya ba'i phyir/ bsam</font><hr>33.39a<br><font size=+1>

gtan gyi pha rol du phyin pa la spyod pa ma gtogs par/ bsam gtan gyi 'bras bu gang 'khor bar yongs su spyad par bya ba de lta bu'i 'bras bu la smon pa med do/ /rab 'byor gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ sems dang po bskyed pa nas nye bar bzung ste/ rnam pa thams cad mkhyen pa nyid dang ldan pa'i yid la bya bas shes rab sgom ste/ de la 'dod chags kyi sems sgrib par mi 'gyur zhe sdang sgrib par mi 'gyur gti mug sgrib par mi 'gyur bag la nyal ba sgrib par mi 'gyur/ kun nas ldang ba sgrib par mi 'gyur te/ mi dge ba'i chos gzhan byang chub kyi bgegs su 'gyur ba 'di lta ste/ ser sna'am tshul khrims ngan pa 'am 'khrug pa'i sems sam le lo'i sems sam brtson 'grus chung ba'i sems sam g.yeng ba'i sems sam shes rab 'chal ba'i sems sam/ nga rgyal lam brnyas pa 'am che ba'i nga rgyal lam nga'i nga rgyal lam nyan thos kyi sems sam rang sangs rgyas kyi sems dag kyang sgrib par mi 'gyur ro/ /de ci'i phyir zhe na/ rab 'byor de ni 'di ltar chos thams cad rang gi mtshan nyid kyis stong par shes shing / chos thams cad med pa dang ma byung ba dang yongs su ma rdzogs pa dang mngon par ma grub par mthong ste/ chos rnams kyi chos kyi mtshan nyid la 'jug na yang / chos thams cad ni nus pa gang yang med pa'o zhes bya bar 'du byed med pa'i mtshan nyid kyis 'jug ste/ de thabs mkhas pa de lta bu dang ldan pas na/ dge ba'i rtsa bas rnam par 'phel bar shes rab kyi pha rol du phyin pa la spyod de/ de shes rab kyi pha rol du phyin pa la spyod cing / sems can rnams yongs su smin par byed/ sangs rgyas kyi zhing yongs su dag par byed kyang / gzhan du na sems can thams cad yongs su bskyab pa dang / sems can rnams yongs su smin par bya ba'i phyir/ shes rab kyi pha rol du phyin pa la spyod pa ma gtogs par/ </font><hr>33.39b<br><font size=+1>

shes rab kyi 'bras bu gang 'khor bar yongs su spyad par bya ba de lta bu'i 'bras bu la smon pa med do/ /shes rab kyi pha rol du phyin pa stong phrag nyi shu lnga pa las/ le'u lnga bcu bdun pa'o// // rab 'byor gzhan yang byang chub sems dpa' sems dpa' chen po bsam gtan dang po la snyoms par 'jug pa dang / bsam gtan gnyis pa la snyoms par 'jug pa dang / bsam gtan gsum pa la snyoms par 'jug pa dang / bsam gtan bzhi pa la snyoms par 'jug pa dang tshad med pa dang / gzugs med pa'i snyoms par 'jug pa la snyoms par 'jug kyang de dag gi rnam par smin pa yongs su mi 'dzin to/ /de ci'i phyir zhe na/ 'di ltar de ni thabs mkhas pa dang ldan pa yin te/ thabs mkhas pa des bsam gtan dang tshad med pa dang / gzugs med pa'i snyoms par 'jug pa de dag rang gi mtshan nyid kyis stong par shes so/ /chos thams cad med pa dang ma byung ba dang / yongs su ma rdzogs pa dang / mngon par ma grub par shes so/ /rab 'byor gzhan yang byang chub sems dpa' sems dpa' chen po sems dang po bskyed pa nas nye bar bzung ste/ thabs mkhas pa dang ldan pas mthong ba dang / bsgom pas spang ba'i lam la spyod kyang / rgyun du zhugs pa'i 'bras bu thob par mi byed/ lan gcig phyir 'ong ba'i 'bras bu dang phyir mi 'ong ba'i 'bras bu dang / dgra bcom pa nyid thob par mi byed/ rang byang chub thob par mi byed do/ /de ci'i phyir zhe na/ 'di ltar de ni chos thams cad rang gi mtshan nyid kyis stong par shes/ chos thams cad med pa dang / ma byung ba dang yongs su ma rdzogs pa dang / mngon par ma grub par shes te/ byang chub kyi phyogs kyi chos de dag la spyod cing nyan thos kyi sa 'am/ rang sangs rgyas kyi sa las yongs su 'da' ste/ rab 'byor 'di ni byang chub sems dpa' sems dpa' chen po'i mi skye ba'i chos la bzod pa'o/ /rab 'byor gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ rnam par thar pa brgyad la snyoms par</font><hr>33.40a<br><font size=+1>

'jug /mthar gyis gnas pa'i snyoms par 'jug pa dgu la snyoms par 'jug kyang / rgyun du zhugs pa'i 'bras bu thob par mi byed/ lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub thob par mi byed do/ /de ci'i phyir zhe na/ 'di ltar de ni chos thams cad rang gi mtshan nyid kyis stong par shes so/ /chos thams cad med pa dang ma byung bar shes so/ /chos thams cad yongs su ma rdzogs par shes so/ /chos thams cad mngon par ma grub par shes so/ /rab 'byor gzhan yang byang chub sems dpa' sems dpa' chen po ni de bzhin gshegs pa'i stobs bcu la yongs su 'dris par byed/ mi 'jigs pa bzhi dang / so so yang dag par rig pa bzhi la yongs su 'dris par byed/ sangs rgyas kyi chos ma 'dres pa bcwa brgyad la yongs su 'dris par byed/ byams pa chen po dang / snying rje chen po la yongs su 'dris par byed kyang / nam sangs rgyas kyi zhing yongs su dag par ma gyur pa dang / sems can yongs su smin par ma gyur gyi bar du/ rnam pa thams cad mkhyen pa nyid thob par mi byed do/ /rab 'byor de ltar byang chub sems dpa' sems dpa' chen pos shes rab kyi pha rol du phyin pa la spyad par bya'o/ /gsol pa/ bcom ldan 'das byang chub sems dpa' sems dpa' chen po de lta bu'i chos zab mo dag la spyod kyang / rnam par smin pa yongs su mi 'dzin pa ni/ blo dam pa dang ldan pa lags so/ /bcom ldan 'das kyis bka' stsal pa/ rab 'byor de de bzhin no/ /de de bzhin te/ byang chub sems dpa' sems dpa' chen po gang de lta bu'i chos zab mo dag la spyod cing / rnam par smin pa yongs su mi 'dzin pa ni blo dam pa dang ldan pa'o/ /de ci'i phyir zhe na/ rab 'byor de ni byang chub sems dpa' sems dpa' chen po ngo bo nyid las mi g.yo'o/ /gsol pa/ bcom ldan 'das ngo bo nyid gang las mi g.yo ba lags/ bcom ldan 'das kyis bka' stsal pa/ dngos po med pa las mi g.yo ba yin te/ rab 'byor gang</font><hr>33.40b<br><font size=+1>

yang 'di skad du ngo bo nyid gang las mi g.yo zhes zer ba ni/ gzugs kyi ngo bo nyid las mi g.yo'o/ /tshor ba dang 'du shes dang 'du byed dang rnam par shes pa'i ngo bo nyid las mi g.yo'o/ /skye mched dang khams dang rten cing 'brel par 'byung ba'i ngo bo nyid las mi g.yo'o/ /sbyin pa'i pha rol du phyin pa'i ngo bo nyid las mi g.yo'o/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa'i ngo bo nyid las mi g.yo'o/ /nang stong pa nyid dang / phyi stong pa nyid dang / phyi nang stong pa nyid kyi ngo bo nyid las mi g.yo'o/ /dngos po med pa'i ngo bo nyid stong pa nyid kyi bar gyi ngo bo nyid las mi g.yo'o/ /bsam gtan dang tshad med pa dang gzugs med pa'i snyoms par 'jug pa'i ngo bo nyid las mi g.yo'o/ /dran pa nye bar gzhag pa dang yang dag par spong ba dang rdzu 'phrul gyi rkang pa dang dbang po dang stobs dang byang chub kyi yan lag dang 'phags pa'i lam yan lag brgyad pa'i ngo bo nyid las mi g.yo'o/ /'phags pa'i bden pa'i ngo bo nyid las mi g.yo'o/ /stong pa nyid kyi ting nge 'dzin dang mtshan ma med pa'i ting nge 'dzin dang smon pa med pa'i ting nge 'dzin gyi ngo bo nyid las mi g.yo'o/ /rnam par thar pa brgyad dang mthar gyis gnas pa'i snyoms par 'jug pa dgu dang / mngon par shes pa dang ting nge 'dzin dang gzungs kyi sgo'i ngo bo nyid las mi g.yo'o/ /de bzhin gshegs pa'i stobs dang / mi 'jigs pa dang so so yang dag par rig pa dang / sangs rgyas kyi chos ma 'dres pa'i ngo bo nyid las mi g.yo'o/ /byams pa chen po dang / snying rje chen po'i ngo bo nyid las mi g.yo'o/ /de ci'i phyir zhe na/ rab 'byor de ni 'di ltar chos 'di dag gi ngo bo nyid gang yin pa de ni/ dngos po med pa ste/ rab 'byor dngos po med pas ni dngos po med pa mngon par rdzogs par 'tshang rgya bar bya bar mi nus so/ /gsol pa/ bcom ldan 'das ci lags/ dngos po ma mchis pas dngos po ma mchis pa mngon par rdzogs par 'tshang rgya bar bgyi</font><hr>33.41a<br><font size=+1>

bar nus sam/ bcom ldan 'das kyis bka' stsal pa/ rab 'byor de ni ma yin no/ /gsol pa/ 'o na dngos po ma mchis pas/ dngos po mchis pa mngon par rdzogs par 'tshang rgya bar bgyi bar nus sam/ bcom ldan 'das kyis bka' stsal pa/ rab 'byor de ni ma yin no/ /gsol pa/ 'o na dngos po mchis pas/ dngos po mchis pa mngon par rdzogs par 'tshang rgya bar bgyi bar nus sam/ bcom ldan 'das kyis bka' stsal pa/ rab 'byor de ni ma yin no/ /gsol pa/ 'o na dngos po ma mchis pas dngos po ma mchis pa mngon par rdzogs par 'tshang rgya bar bgyi bar nus sam/ bcom ldan 'das kyis bka' stsal pa/ rab 'byor de ni ma yin no/ /gsol pa/ bcom ldan 'das 'o na gal te de ltar dngos po mchis pas dngos po ma mchis pa mngon par rtogs par mi 'gyur/ dngos po ma mchis pas kyang / dngos po mchis pa mngon par rtogs par mi 'gyur/ dngos po mchis pas kyang dngos po mchis pa mngon par rtogs par mi 'gyur/ dngos po ma mchis pas kyang dngos po ma mchis pa mngon par rtogs par mi 'gyur na/ bcom ldan 'das de'i slad du thob pa ma mchis shing / mngon par rtogs pa ma mchis pa'am gcig tu mi 'gyur ram/ bcom ldan 'das kyis bka' stsal pa/ mngon par rtogs pa ni yod med pa ma yin te/ bzhi pos mngon par bsgrub pa de lta bus ni ma yin no/ /gsol pa/ bcom ldan 'das 'o na mngon par rtogs par 'gyur ba ji lta bu zhig mchis/ bcom ldan 'das kyis bka' stsal pa/ gang la/ dngos po yang med dngos po med pa yang ma yin pa de lta bu ni mngon par rtogs pa ste/ de la spros pa de dag med pas/ spros pa med cing spros pa dang bral ba ni mngon par rtogs pa'o/ /gsol pa/ bcom ldan 'das byang chub sems dpa' sems dpa' chen po'i spros pa gang lags/ bcom ldan 'das kyis bka' stsal pa/ gzugs rtag ces bya ba'am/ mi rtag ces bya ba ni byang chub sems dpa' sems dpa' chen po'i spros pa'o/ /</font><hr>33.41b<br><font size=+1>

tshor ba dang 'du shes dang 'du byed dang rnam par shes pa rtag ces bya ba'am mi rtag ces bya ba ni/ byang chub sems dpa' sems dpa' chen po'i spros pa'o/ /gzugs bde zhes bya ba'am sdug bsngal zhes bya ba ni byang chub sems dpa' sems dpa' chen po'i spros pa'o/ /tshor ba dang 'du shes dang 'du byed dang rnam par shes pa bde zhes bya ba'am sdug bsngal zhes bya ba ni/ byang chub sems dpa' sems dpa' chen po'i spros pa'o/ /gzugs bdag ces bya ba 'am bdag med ces bya ba ni byang chub sems dpa' sems dpa' chen po'i spros pa'o/ /tshor ba dang 'du shes dang 'du byed dang rnam par shes pa bdag ces bya ba 'am/ bdag med ces bya ba ni/ byang chub sems dpa' sems dpa' chen po'i spros pa'o/ /gzugs zhi zhes bya ba'am ma zhi zhes bya ba ni/ byang chub sems dpa' sems dpa' chen po'i spros pa'o/ /tshor ba dang 'du shes dang 'du byed dang rnam par shes pa zhi zhes bya ba 'am ma zhi zhes bya ba ni byang chub sems dpa' sems dpa' chen po'i spros pa'o/ /gzugs yongs su shes par bya ba dang yongs su shes par bya ba ma yin no zhes bya ba ni byang chub sems dpa' sems dpa' chen po'i spros pa'o/ /tshor ba dang 'du shes dang 'du byed dang rnam par shes pa yongs su shes par bya ba dang / yongs su shes pa ma yin no zhes bya ba ni byang chub sems dpa' sems dpa' chen po'i spros pa'o/ /skye mched dang khams dang rten cing 'brel bar 'byung ba rtag ces bya ba dang / mi rtag ces bya ba dang bde zhes bya ba dang sdug bsngal zhes bya ba dang bdag ces bya ba dang bdag med ces bya ba dang zhi zhes bya ba dang ma zhi zhes bya ba dang yongs su shes par bya ba dang / yongs su shes par bya ba ma yin no zhes bya ba ni/ byang chub sems dpa' sems dpa' chen po'i spros pa'o/ /sdug bsngal yongs su shes par bya'o zhes bya ba ni/ byang chub sems dpa' sems dpa' chen po'i spros pa'o/ /kun 'byung ba spang bar bya'o zhes bya ba dang / 'gog pa mngon du bya'o zhes bya ba dang / lam bsgom par bya'o zhes</font><hr>33.42a<br><font size=+1>

bya ba ni byang chub sems dpa' sems dpa' chen po'i spros pa'o/ /pha rol du phyin pa drug la spyad par bya'o zhes bya ba ni/ byang chub sems dpa' sems dpa' chen po'i spros pa'o/ /nang stong pa nyid bsgom par bya'o/ /zhes bya ba ni byang chub sems dpa' sems dpa' chen po'i spros pa'o/ /dngos po med pa'i ngo bo nyid stong pa nyid kyi bar du bsgom par bya'o zhes bya ba ni byang chub sems dpa' sems dpa' chen po'i spros pa'o/ /dran pa nye bar gzhag pa bzhi dang yang dag par spong ba bzhi dang / rdzu 'phrul gyi rkang pa bzhi dang dbang po lnga dang stobs lnga dang / byang chub kyi yan lag bdun dang / 'phags pa'i lam yan lag brgyad pa bsgom par bya'o zhes bya ba ni/ byang chub sems dpa' sems dpa' chen po'i spros pa'o/ /'phags pa'i bden pa bzhi dang bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / rnam par thar pa brgyad dang mthar gyis gnas pa'i snyoms par 'jug pa dgu dang / stong pa nyid dang mtshan ma med pa dang smon pa med pa dang mngon par shes pa rnams dang ting nge 'dzin rnams dang / gzungs kyi sgo bsgom par bya'o zhes bya ba ni byang chub sems dpa' sems dpa' chen po'i spros pa'o/ /rgyun du zhugs pa'i 'bras bu shes pa dang / mthong bas bltas te/ de las 'da' bar bya'o zhes bya ba ni/ byang chub sems dpa' sems dpa' chen po'i spros pa'o/ /lan gcig phyir 'ong ba'i 'bras bu dang / phyir mi 'ong ba'i 'bras bu dang dgra bcom pa nyid dang / rang byang chub shes pa dang / mthong bas bltas te/ de las 'da' bar bya'o zhes bya ba ni/ byang chub sems dpa' sems dpa' chen po'i spros pa'o/ /byang chub sems dpa'i sa bcu yongs su rdzogs par bya'o zhes bya ba ni/ byang chub sems dpa' sems dpa' chen po'i spros pa'o/ /byang chub sems dpa'i skyon med par 'jug pa'o zhes bya ba ni byang chub sems dpa' sems dpa' chen po'i spros pa'o/ /sangs rgyas kyi zhing yongs su dag par bya'o zhes bya ba dang / sems can</font><hr>33.42b<br><font size=+1>

rnams yongs su smin par bya'o zhes bya ba ni byang chub sems dpa' sems dpa' chen po'i spros pa'o/ /de bzhin gshegs pa'i stobs bcu bskyed par bya'o zhes bya ba dang / mi 'jigs pa bzhi bskyed par bya'o zhes bya ba dang / so so yang dag par rig pa bzhi bskyed par bya'o zhes bya ba dang / byams pa chen po dang / snying rje chen po bskyed par bya'o zhes bya ba dang / sangs rgyas kyi chos ma 'dres pa bcwa brgyad bskyed par bya'o zhes bya ba ni/ byang chub sems dpa' sems dpa' chen po'i spros pa'o/ /rnam pa thams cad mkhyen pa nyid thob par bya'o zhes bya ba ni/ byang chub sems dpa' sems dpa' chen po'i spros pa'o/ /bag chags kyi 'tshams sbyor ba'i nyon mongs pa thams cad spang bar bya'o zhes bya ba ni byang chub sems dpa' sems dpa' chen po'i spros pa'o/ /de bas na byang chub sems dpa' sems dpa' chen po shes rab kyi pha rol du phyin pa la spyod pa'i tshe/ gzugs rtag pa dang / mi rtag ces bya bar mi spro ba 'phro bar mi byed do/ /bde ba dang sdug bsngal zhes bya ba dang / bdag dang bdag med ces bya ba dang / zhi ba dang ma zhi ba zhes bya ba dang yongs su shes par bya ba dang yongs su shes par bya ba ma yin zhes bya bar mi spro ba 'phro bar mi byed do/ /tshor ba dang 'du shes dang 'du byed dang rnam par shes pa rtag ces bya ba 'am/ mi rtag ces bya bar mi spro ba 'phro bar mi byed do/ /bde ba dang / sdug bsngal zhes bya ba dang / bdag dang bdag med ces bya ba dang / zhi ba dang ma zhi ba zhes bya ba dang / yongs su shes par bya ba dang / yongs su shes pa ma yin zhes bya bar mi spro ba 'phro bar mi byed do/ /skye mched dang khams dang rten cing 'brel par 'byung ba rtag pa dang / mi rtag ces bya ba dang / bde ba dang sdug bsngal zhes bya ba dang / bdag dang bdag med pa zhes bya ba dang / zhi ba dang ma zhi ba zhes bya ba dang / yongs su shes par bya ba dang / yongs su shes par bya ba ma yin zhes bya bar mi spro ba 'phro bar mi byed do/ /pha rol du phyin pa thams cad dang / stong pa nyid thams cad dang / byang chub kyi phyogs kyi</font><hr>33.43a<br><font size=+1>

chos sum bcu rtsa bdun rtag pa dang / mi rtag ces bya ba dang / bde ba dang sdug bsngal zhes bya ba dang / bdag dang bdag med pa zhes bya ba dang / zhi ba dang ma zhi zhes bya ba dang / yongs su shes par bya ba dang / yongs su shes par bya ba ma yin zhes bya bar mi spro ba 'phro bar mi byed do/ /'phags pa'i bden pa dang / bsam gtan dang tshad med pa dang / gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang mtshan ma med pa dang smon pa med pa dang / mngon par shes pa dang / ting nge 'dzin dang gzungs kyi sgo rnams bsgom par bya'o zhes bya bar mi spro ba 'phro bar mi byed do/ /rgyun du zhugs pa'i 'bras bu dang / lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub shes pa dang / mthong bas bltas te/ de las 'da' bar bya'o zhes bya bar mi spro ba 'phro bar mi byed do/ /byang chub sems dpa'i sa bcu yongs su rdzogs par bya'o zhes bya bar mi spro ba 'phro bar mi byed do/ /byang chub sems dpa'i skyon med pa la 'jug par bya'o zhes bya bar mi spro ba 'phro bar mi byed do/ /sangs rgyas kyi zhing yongs su dag par bya'o zhes bya ba dang / sems can rnams yongs su smin par bya'o zhes bya bar mi spro ba 'phro bar mi byed do/ /de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi bskyed par bya'o zhes bya bar mi spro ba 'phro bar mi byed do/ /byams pa chen po dang snying rje chen po dang / sangs rgyas kyi chos ma 'dres pa bcwa brgyad bskyed par bya'o zhes bya bar mi spro ba 'phro bar mi byed do/ /rnam pa thams cad mkhyen pa nyid thob par bya'o zhes bya bar mi spro ba 'phro bar mi byed do/ /bag chags kyi mtshams sbyor ba'i nyon mongs pa thams cad spang bar bya'o zhes bya bar mi spro ba 'phro bar mi byed do/ /de ci'i phyir zhe na/ </font><hr>33.43b<br><font size=+1>

ngo bo nyid ni ngo bo nyid 'phro bar mi byed/ dngos po med pa yang dngos po med pa 'phro bar mi byed/ ngo bo nyid dang dngos po med pa ma gtogs par chos gzhan gang 'phro bar byed pa 'am/ gang la 'phro bar bya ba de lta bu gang yang med de/ rab 'byor de lta bas na/ gzugs ni spror med pa'o/ /tshor ba dang 'du shes dang 'du byed dang rnam par shes pa ni spror med pa'o/ /skye mched dang khams dang rten cing 'brel bar 'byung ba ni spror med pa'o/ /pha rol du phyin pa thams cad dang / stong pa nyid thams cad dang / byang chub kyi phyogs kyi chos sum bcu rtsa bdun ni spror med pa'o/ /'phags pa'i bden pa dang / bsam gtan dang / tshad med pa dang gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang gzungs kyi sgo rnams ni spror med pa'o/ /rgyun du zhugs pa'i 'bras bu ni spror med pa'o/ /lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid ni spror med pa'o/ /rang byang chub ni spror med pa'o/ /byang chub sems dpa'i sa rnams ni spror med pa'o/ /byang chub sems dpa'i skyon med pa ni spror med pa'o/ /sangs rgyas kyi zhing yongs su dag par bya ba dang / sems can rnams yongs su smin par bya ba ni spror med pa'o/ /de bzhin gshegs pa'i stobs bcu dang / mi 'jigs pa dang / so so yang dag par rig pa dang / sangs rgyas kyi chos ma 'dres pa bcwa brgyad ni spror med pa'o/ /rnam pa thams cad mkhyen pa nyid ni spror med pa'o/ /bag chags kyi mtshams sbyor ba'i nyon mongs pa thams cad spang ba ni spror med pa'o/ /rab 'byor de ltar byang chub sems dpa' sems dpa' chen pos spror med pa'i shes rab kyi pha rol du phyin pa la spyad par bya'o/ /rab 'byor 'di ltar yang gzugs la ngo bo nyid med do/ /tshor ba dang 'du shes dang 'du byed dang rnam par shes pa la ngo bo nyid med do/ /skye mched dang khams dang</font><hr>33.44a<br><font size=+1>

rten cing 'brel par 'byung ba la ngo bo nyid med do/ /pha rol du phyin pa thams cad dang / stong pa nyid thams cad dang / byang chub kyi phyogs kyi chos sum bcu rtsa bdun la ngo bo nyid med do/ /'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang mtshan ma med pa dang smon pa med pa dang mngon par shes pa dang ting nge 'dzin dang gzungs kyi sgo rnams la ngo bo nyid med do/ /rgyun du zhugs pa'i 'bras bu la ngo bo nyid med do/ /lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid la ngo bo nyid med do/ /rang byang chub la ngo bo nyid med do/ /byang chub sems dpa'i sa rnams la ngo bo nyid med do/ /byang chub sems dpa'i skyon med pa la ngo bo nyid med do/ /sangs rgyas kyi zhing yongs su dag par bya ba dang / sems can rnams yongs su smin par bya ba la ngo bo nyid med do/ /de bzhin gshegs pa'i stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa rnams la ngo bo nyid med do/ /rnam pa thams cad mkhyen pa nyid la ngo bo nyid med do/ /gang la ngo bo nyid med pa de ni spror med pa ste/ rab 'byor de'i phyir na/ gzugs dang tshor ba dang 'du shes dang 'du byed dang rnam par shes pa ni spror med pa'o/ /skye mched dang / khams dang rten cing 'brel bar 'byung ba ni spror med pa'o/ /pha rol du phyin pa thams cad dang / stong pa nyid thams cad dang / byang chub kyi phyogs kyi chos rnams ni spror med pa'o/ /'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang smon pa med pa dang mngon par shes pa dang / ting nge 'dzin dang / gzungs kyi sgo ni spror med pa'o/ /rgyun du zhugs pa'i 'bras bu</font><hr>33.44b<br><font size=+1>

ni spror med pa'o/ /lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid ni spror med pa'o/ /rang byang chub ni spror med pa'o/ /byang chub sems dpa'i sa rnams ni spror med pa'o/ /byang chub sems dpa'i skyon med pa ni spror med pa'o/ /sangs rgyas kyi zhing yongs su dag par bya ba dang / sems can yongs su smin par bya ba ni spror med pa'o/ /de bzhin gshegs pa'i stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa rnams ni spror med pa'o/ /rnam pa thams cad mkhyen pa nyid ni spror med pa'o/ /rab 'byor de ltar byang chub sems dpa' sems dpa' chen po shes rab kyi pha rol du phyin la spyod pa'i tshe/ byang chub sems dpa'i skyon med pa la 'jug go/ /gsol pa/ bcom ldan 'das gal te de ltar chos thams cad gang la yang ngo bo nyid dmigs su ma mchis na/ byang chub sems dpa' sems dpa' chen po nyan thos kyi shul tam/ rang sangs rgyas kyi shul tam/ yang dag par rdzogs pa'i sangs rgyas kyi shul tam/ chos gang gis byang chub sems dpa'i skyon ma mchis par 'jug par 'gyur/ bcom ldan 'das kyis bka' stsal pa/ rab 'byor byang chub sems dpa' sems dpa' chen po ni nyan thos kyi lam gyis/ byang chub sems dpa'i skyon med par mi 'jug /rang sangs rgyas kyi lam gyis byang chub sems dpa'i skyon med par mi 'jug /byang chub sems dpa' sems dpa' chen po ni yang dag par rdzogs pa'i sangs rgyas kyi lam gyis byang chub sems dpa'i skyon med par mi 'jug gi /rab 'byor 'di ltar byang chub sems dpa' sems dpa' chen po ni lam thams cad la bslabs shing / byang chub sems dpa'i skyon med par 'jug go/ /'di lta ste dper na/ brgyad pa ni chos thams cad la bslabs shing / yang dag pa'i skyon med par 'jug ste nam 'bras bu'i lam ma grub kyi bar du 'bras bu thob par mi byed do/ /rab 'byor</font><hr>33.45a<br><font size=+1>

de bzhin du byang chub sems dpa' sems dpa' chen po yang lam thams cad la bsgrubs shing / byang chub sems dpa'i skyon med par 'jug ste/ nam rdo rje lta bu'i ting nge 'dzin thob par ma gyur gyi bar du/ rnam pa thams cad mkhyen pa nyid thob par mi byed do/ /des ting nge 'dzin de thob ma thag tu skad cig gcig dang ldan pa'i shes rab kyis/ rnam pa thams cad mkhyen pa nyid thob par byed do/ /gsol pa/ bcom ldan 'das gal te de ltar byang chub sems dpa' sems dpa' chen pos shul thams cad yongs su rdzogs par bgyis te/ byang chub sems dpa'i skyon ma mchis par 'jug par bgyi na/ bcom ldan 'das 'di ltar brgyad pa'i shul kyang gzhan/ rgyun du zhugs pa'i shul kyang gzhan/ lan gcig phyir 'ong bar zhugs pa'i shul kyang gzhan/ lan gcig phyir 'ong ba'i shul kyang gzhan/ phyir mi 'ong bar zhugs pa'i shul kyang gzhan/ phyir mi 'ong ba'i shul kyang gzhan/ dgra bcom par zhugs pa'i shul kyang gzhan/ dgra bcom pa'i shul kyang gzhan/ rang sangs rgyas kyi shul kyang gzhan/ de bzhin gshegs pa dgra bcom pa yang dag par rdzogs pa'i sangs rgyas kyi shul kyang gzhan te/ bcom ldan 'das gal te shul de dag gzhan dang gzhan na/ ji ltar byang chub sems dpa' sems dpa' chen pos shul thams cad yongs su rdzogs par bgyis te/ byang chub sems dpa'i skyon ma mchis par 'jug par bgyi/ bcom ldan 'das gal te byang chub sems dpa' sems dpa' chen pos shul thams cad yongs su rdzogs par bgyi na/ byang chub sems dpa' sems dpa' chen po de dag brgyad pa'i shul bsgrubs shing / brgyad par mi 'gyur tam/ mthong ba'i shul bsgrubs shing / rgyun du zhugs par mi 'gyur tam/ bsgom pa'i shul bsgrubs shing / lan gcig phyir 'ong bar zhugs pa 'am/ lan gcig phyir 'ong bar mi 'gyur tam/ phyir mi 'ong bar zhugs pa 'am/ phyir mi 'ong bar mi 'gyur tam/ dgra bcom</font><hr>33.45b<br><font size=+1>

par zhugs pa 'am/ dgra bcom par mi 'gyur tam/ rang sangs rgyas kyi shul bsgrubs shing / rang sangs rgyas su mi 'gyur tam/ bcom ldan 'das byang chub sems dpa' sems dpa' chen po ni brgyad par gyur nas/ byang chub sems dpa'i skyon ma mchis par 'jug pa'i gnas dang skabs ma mchis te/ de ni gnas ma lags so/ /byang chub sems dpa'i skyon ma mchis par ma chud par yang rnam pa thams cad mkhyen pa nyid thob par 'gyur ba'i gnas ma mchis/ rgyun du zhugs pa'i 'bras bu dang / lan gcig phyir 'ong ba'i 'bras bu dang / phyir mi 'ong ba'i 'bras bu dang dgra bcom pa nyid dang / rang byang chub thob nas/ byang chub sems dpa'i skyon ma mchis par 'jug pa'i gnas ma mchis/ byang chub sems dpa'i skyon ma mchis par ma chud par/ rnam pa thams cad mkhyen pa nyid thob par 'gyur ba'i gnas ma mchis na/ bcom ldan 'das de ltar byang chub sems dpa' sems dpa' chen po shul thams cad yongs su rdzogs par bgyis shing / byang chub sems dpa'i skyon ma mchis par 'jug par 'gyur ba dang / byang chub sems dpa'i skyon ma mchis par chud nas/ rnam pa thams cad mkhyen pa nyid thob par 'gyur ba dang / bag chags kyi mtshams sbyor ba'i nyon mongs pa thams cad yongs su spong bar 'gyur ba ji ltar 'tshal bar bgyi/ bcom ldan 'das kyis bka' stsal pa/ rab 'byor de de bzhin no/ /de de bzhin te/ byang chub sems dpa' sems dpa' chen po brgyad par 'gyur te/ rgyun du zhugs pa'i 'bras bu thob pa 'am/ lan gcig phyir 'ong ba'i 'bras bu thob pa 'am/ phyir mi 'ong ba'i 'bras bu thob pa 'am/ dgra bcom pa nyid thob pa 'am/ rang byang chub thob par gyur nas/ byang chub sems dpa'i skyon med par 'jug pa'i gnas dang skabs med de/ de ni gnas ma yin no/ /byang chub sems dpa'i skyon med par ma chud par yang rnam pa thams cad mkhyen pa nyid thob par 'gyur ba'i gnas med do/ /rab 'byor 'on</font><hr>33.46a<br><font size=+1>

kyang 'di ltar byang chub sems dpa' sems dpa' chen po sems dang po bskyed pa nas nye bar bzung ste pha rol du phyin pa drug la spyod pa'i tshe/ shes pa dang mthong bas sa brgyad las yongs su 'da' ste/ brgyad gang zhe na/ dkar po rnam par mthong ba'i sa dang / rigs kyi sa dang brgyad pa'i sa dang / mthong ba'i sa dang / bsrabs pa'i sa dang / 'dod chags dang bral ba'i sa dang byas pa rtogs pa'i sa dang / rang sangs rgyas kyi sa ste/ sa bstan pa brgyad po 'di dag las shes pa dang mthong ba las 'das nas/ lam gyi rnam pa shes pa nyid kyis byang chub sems dpa'i skyon med par 'jug go/ /byang chub sems dpa'i skyon med par zhugs nas/ rnam pa thams cad mkhyen pa nyid kyi ye shes kyis bag chags kyi mtshams sbyor ba'i nyon mongs pa thams cad rab tu spong ngo / /rab 'byor de la brgyad pa'i ye shes gang yin pa de yang byang chub sems dpa' sems dpa' chen po'i bzod pa rgyun du zhugs pa'i ye shes dang / spong ba'i ye shes gang yin pa de yang / byang chub sems dpa' sems dpa' chen po'i bzod pa/ lan gcig phyir 'ong ba'i ye shes dang / spong ba gang yin pa de yang byang chub sems dpa' sems dpa' chen po'i bzod pa/ phyir mi 'ong ba'i ye shes dang spong ba gang yin pa de yang / byang chub sems dpa' sems dpa' chen po'i bzod pa/ dgra bcom pa'i ye shes dang / spong ba gang yin pa de yang byang chub sems dpa' sems dpa' chen po'i bzod pa/ rang sangs rgyas kyi ye shes dang / spong ba gang yin pa de yang byang chub sems dpa' sems dpa' chen po'i bzod pa chen po ste/ de lta bas na byang chub sems dpa' sems dpa' chen po ni nyan thos dang / rang sangs rgyas kyi lam yongs su rdzogs par byas shing / lam gyi rnam pa shes pa nyid kyi ye shes kyis/ byang chub sems dpa'i skyon med par 'jug go/ /byang chub sems dpa'i skyon med par zhugs nas/ rnam pa thams cad</font><hr>33.46b<br><font size=+1>

mkhyen pa nyid kyis/ bag chags kyi mtshams sbyor ba'i nyon mongs pa thams cad rab tu spong ngo / /rab 'byor de ltar na byang chub sems dpa' sems dpa' chen po lam thams cad yongs su rdzogs par byas nas/ bla na med pa yang dag par rdzogs pa'i byang chub tu mngon par rdzogs par sangs rgyas shing 'bras bu ltar sems can thams cad kyi nye bar 'tsho bar 'gyur ro/ /shes rab kyi pha rol du phyin pa stong phrag nyi shu lnga pa/ bam po drug bcu gsum pa/ gsol pa/ bcom ldan 'das gang nyan thos kyi shul dang / rang sangs rgyas kyi shul dang / sangs rgyas kyi shul de dag las/ lam gyi rnam pa shes pa nyid kyi shul gang lags/ bcom ldan 'das kyis bka' stsal pa/ rab 'byor byang chub sems dpa' sems dpa' chen pos/ lam gyi rnam pa shes pa nyid rnam par dag pa bsgrub par bya ste/ de la lam gyi rnam pa shes pa nyid rnam par dag pa ni rnam pa gang dang gang / tshul gang dang gang / mtshan ma gang dang gang gis lam du brjod pa'i rnam pa de dag dang / tshul de dag dang / mtshan ma de dag byang chub sems dpa' sems dpa' chen pos mngon par rdzogs par 'tshang rgya bar bya ba dang / mngon par rdzogs par sangs rgyas nas/ ci nas kyang gzhan gyis shes par 'gyur ba dang / gzhan gdul ba'i don du gzhan la brjod pa dang / bstan pa dang / bshad pa dang / gdags pa dang / rnam par dgod pa ste/ de la byang chub sems dpa' sems dpa' chen pos sgra brnyan lta bur shes par bya ba'i don du/ sgra skad dang brdar bya ba gang gis stong gsum gyi stong chen po'i 'jig rten gyi khams su go bar 'gyur ba de lta bu'i sgra skad dang brda thams cad brjod par bya/ yongs su gzung bar bya ste/ rab 'byor rnam grangs des kyang byang chub sems dpa' sems dpa' chen pos lam thams cad yongs su rdzogs par bya'o/ /lam thams cad shes pa nyid yongs su rdzogs par byas nas/ sems can thams cad kyi bsam pa rig par bya ste/ </font><hr>33.47a<br><font size=+1>

sems can dmyal ba ba'i sems can rnams kyi sems can dmyal ba pa'i lam shes par bya'o/ /rgyu shes par bya'o 'bras bu shes par bya'o/ /des kyang sems can dmyal ba'i lam bzlog par bya ste rgyu las kyang bzlog par bya'o 'bras bu las kyang bzlog par bya'o byol song gi skye gnas kyi sems can rnams kyi byol song gi skye gnas kyi lam shes par bya'o rgyu shes par bya'o 'bras bu shes par bya'o/ /des kyang byol song gi skye gnas kyi lam bzlog par bya ste/ rgyu las kyang bzlog par bya'o 'bras bu las kyang bzlog par bya'o/ /gshin rje'i 'jig rten pa'i sems can rnams kyi gshin rje'i 'jig rten pa'i lam shes par bya'o/ /rgyu shes par bya'o/ /'bras bu shes par bya'o/ /des kyang gshin rje'i 'jig rten gyi lam las kyang bzlog par bya'o/ /rgyu las kyang bzlog par bya'o 'bras bu las kyang bzlog par bya'o/ /mi 'am ci dang / lto 'phye chen po dang / klu dang gnod sbyin dang / mi dang / lha dang tshangs pa rnams kyi lam shes par bya'o/ /rgyu shes par bya'o/ /'bras bu shes par bya'o/ /kun snang dang ba'i lha rnams dang / dge rgyas kyi lha rnams dang / 'bras bu che ba'i lha rnams dang / 'du shes med pa'i sems can rnams dang / mi che ba'i lha rnams dang / mi gdung ba'i lha rnams dang / shin du mthong ba'i lha rnams dang gya nom snang ba'i lha rnams dang / 'og min gyi lha rnams kyi lam shes par bya'o/ /rgyu shes par bya'o 'bras bu shes par bya'o/ /nam mkha' mtha' yas skye mched kyi lha rnams dang / rnam shes mtha' yas skye mched kyi lha rnams dang / cung zad med pa'i skye mched kyi lha rnams dang / 'du shes med 'du shes med min skye mched kyi lha rnams kyi lam shes par bya'o rgyu shes par bya'o/ /'bras bu shes par bya'o/ /dran pa nye bar gzhag pa bzhi shes par bya'o/ /yang dag par spong ba bzhi dang / rdzu 'phrul gyi rkang pa</font><hr>33.47b<br><font size=+1>

bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa shes par bya'o/ /'phags pa'i bden pa bzhi shes par bya'o/ /rnam par thar pa'i sgo gsum dang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / rnam par thar pa brgyad dang / mthar gyis gnas pa'i snyoms par 'jug pa dgu shes par bya'o/ /de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad dang / byams pa chen po dang / snying rje chen po shes par bya'o/ /lam de dag gis kyang sems can gang rgyun du zhugs pa'i 'bras bu la dgod par bya ba de dag ni/ rgyun du zhugs pa'i 'bras bu la 'god/ lan gcig phyir 'ong ba'i 'bras bu la dgod par bya ba de dag ni/ lan gcig phyir 'ong ba'i 'bras bu la 'god/ gang phyir mi 'ong ba'i 'bras bu la dgod par bya ba de dag ni/ phyir mi 'ong ba'i 'bras bu la 'god/ gang dgra bcom pa nyid la dgod par bya ba de dag ni/ dgra bcom pa nyid la 'god/ gang rang byang chub la dgod par bya ba de dag ni/ rang byang chub la 'god/ gang byang chub la dgod par bya ba de dag ni byang chub la 'god do/ /rab 'byor 'di ni byang chub sems dpa' sems dpa' chen po'i lam gyi rnam pa shes pa nyid do/ /de dag la bslabs shing / byang chub sems dpa' sems dpa' chen po sems can rnams kyi bsam pa la 'jug go/ /sems can rnams kyi bsam pa la zhugs nas de bzhin du chos ston to/ /des chos bstan pa de yang 'bras bu med par mi 'gyur ro/ /de ci'i phyir zhe na/ de ni 'di ltar des gzhan gyi dbang po shin du shes par byas pa'i phyir te/ de ni sems can rnams kyi lam dang / lam ma yin pa dang / 'chi 'pho dang / skye ba'ang rab tu shes so/ /rab 'byor byang chub sems dpa' sems dpa' chen pos shes rab kyi pha rol du phyin pa la de ltar spyad par bya ste/ shes rab kyi pha</font><hr>33.48a<br><font size=+1>

rol du phyin pa 'dir ni/ byang chub kyi phyogs gang la/ byang chub sems dpa' sems dpa' chen pos bslab par bya ba 'am/ nyan thos kyis bslab par bya ba 'am/ rang sangs rgyas kyis bslab par bya ba'i chos thams cad gang yang ma 'dus pa med do/ /gsol pa/ bcom ldan 'das gal te de ltar byang chub kyi phyogs kyi chos gang lags pa dang / byang chub gang lags pa'i chos de dag thams cad ldan pa yang ma lags mi ldan pa yang ma lags/ gzugs ma mchis pa bstan du ma mchis pa/ thogs pa ma mchis pa ste/ 'di ltar mtshan nyid ma mchis par mtshan nyid gcig na/ ji ltar byang chub kyi phyogs kyi chos rnams byang chub sgrub par 'gyur ba lags/ bcom ldan 'das ldan pa yang ma lags/ mi ldan pa yang ma lags la/ gzugs ma mchis shing / bstan du ma mchis/ thogs pa ma mchis/ 'di ltar mtshan nyid ma mchis par/ mtshan nyid gcig pa ni chos gang la yang sgrub pa 'am/ 'jig par bgyid pa ma mchis so/ /bcom ldan 'das 'di lta ste dper na/ nam mkha' ni chos gang la yang sgrub pa 'am 'jig par mi bgyid do/ /bcom ldan 'das de bzhin du rang gi mtshan nyid kyis stong pa'i chos ni/ chos gang la yang sgrub pa 'am/ 'jig par bgyid pa ma mchis so/ /bcom ldan 'das kyis bka' stsal pa/ rab 'byor de de bzhin no/ /de de bzhin te/ rang gi mtshan nyid kyis stong pa'i chos ni chos gang la yang sgrub pa 'am 'jig par byed pa med do/ /rab 'byor sems can gang rang gi mtshan nyid kyis stong pa'i chos mi shes pa de dag gi don du 'di skad du/ 'di dag ni byang chub kyi phyogs kyi chos byang chub thob par byed pa'o zhes bshad kyi/ rab 'byor de ni 'di ltar gzugs gang yin pa dang / tshor ba dang 'du shes dang 'du byed dang rnam par shes pa gang yin pa dang / skye mched dang khams dang rten cing 'brel bar 'byung ba gang yin pa dang / sbyin pa'i pha rol du phyin pa gang yin pa dang / tshul khrims kyi pha rol du phyin pa dang / </font><hr>33.48b<br><font size=+1>

bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa gang yin pa dang / nang stong pa nyid gang yin pa dang / phyi stong pa nyid gang yin pa dang / phyi nang stong pa nyid gang yin pa dang / dngos po med pa'i ngo bo nyid stong pa nyid kyi bar du gang yin pa dang / bsam gtan dang po gang yin pa dang / bsam gtan gnyis pa dang / bsam gtan gsum pa dang / bsam gtan bzhi pa gang yin pa dang / byams pa gang yin pa dang / snying rje dang dga' ba dang btang snyoms kyi snyoms par 'jug pa gang yin pa dang nam mkha' mtha' yas skye mched kyi snyoms par 'jug pa gang yin pa dang / rnam shes mtha' yas skye mched kyi snyoms par 'jug pa dang / cung zad med pa'i skye mched kyi snyoms par 'jug pa dang / 'du shes med 'du shes med min skye mched kyi snyoms par 'jug pa gang yin pa dang / dran pa nye bar gzhag pa bzhi gang yin pa dang / yang dag par spong ba dang / rdzu 'phrul gyi rkang pa dang dbang po dang stobs dang byang chub kyi yan lag dang 'phags pa'i lam yan lag brgyad pa gang yin pa dang / 'phags pa'i bden pa dang / rnam par thar pa'i sgo gsum dang / rnam par thar pa brgyad dang / mthar gyis gnas pa'i snyoms par 'jug pa dgu dang / ting nge 'dzin rnams dang / gzungs kyi sgo rnams gang yin pa dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad dang / byams pa chen po dang / snying rje chen po gang yin pa dang / rnam pa thams cad mkhyen pa nyid kyi bar du gang yin pa'i chos de dag thams cad ni chos dang 'dul ba 'di la ldan pa yang ma yin/ mi ldan pa yang ma yin/ gzugs med pa bstan du med pa thogs pa med pa ste/ 'di ltar mtshan nyid med par mtshan nyid gcig kyang / de dag de bzhin gshegs pas sems can rnams gzung bar bya ba'i don du 'jig rten gyi</font><hr>33.49a<br><font size=+1>

tha snyad kyis de skad du brjod de/ don dam par ni ma yin no/ /de dag thams cad la byang chub sems dpa' sems dpa' chen pos shes pa dang / mthong bas bslab par bya ste/ ji lta ba bzhin du shes pa dang / mthong bas bslabs nas/ chos la la ni mngon du bya'o/ /la la ni mngon du mi bya'o/ /de la byang chub sems dpa' sems dpa' chen pos chos gang ni shes pa dang mthong bas bslabs te mngon du bya'i/ chos gang ni mngon du mi bya zhe na/ nyan thos dang rang sangs rgyas kyi chos rnams ni shes pa dang mthong bas bslabs te mngon du mi bya'o/ /rnam pa thams cad mkhyen pa'i ye shes kyis chos thams cad rnam pa thams cad du mngon du bya ste/ rab 'byor de ltar byang chub sems dpa' sems dpa' chen pos 'phags pa'i chos dang / 'dul ba shes rab kyi pha rol du phyin pa la bslab par bya'o/ /gsol pa/ bcom ldan 'das 'phags pa'i chos dang / 'dul ba 'phags pa'i chos dang 'dul ba zhes bgyi ba de ji tsam gyis na/ 'phags pa'i chos dang 'dul ba zhes bgyi/ bcom ldan 'das kyis bka' stsal pa/ rab 'byor 'di la nyan thos rnams dang / rang sangs rgyas rnams dang / byang chub sems dpa' sems dpa' chen po rnams dang / de bzhin gshegs pa dgra bcom pa yang dag par rdzogs pa'i sangs rgyas rnams ni/ 'dod chags dang ldan pa yang ma yin/ bral ba yang ma yin zhe sdang dang ldan pa yang ma yin/ bral ba yang ma yin/ gti mug dang ldan pa yang ma yin bral ba yang ma yin/ 'jig tshogs su lta ba dang ldan pa yang ma yin bral ba yang ma yin/ the tshom dang ldan pa yang ma yin bral ba yang ma yin/ tshul khrims dang / brtul zhugs snyems pa dang ldan pa yang ma yin bral ba yang ma yin/ 'dod pa'i 'dod chags dang gnod sems dang ldan pa yang ma yin bral ba yang ma yin/ gzugs dang gzugs med pa'i 'dod chags dang ldan pa yang ma yin/ bral ba yang ma</font><hr>33.49b<br><font size=+1>

yin ma rig pa dang ldan pa yang ma yin bral ba yang ma yin/ nga rgyal dang rgod pa dang ldan pa yang ma yin bral ba yang ma yin/ bsam gtan dang po dang ldan pa yang ma yin/ bral ba yang ma yin/ bsam gtan gnyis pa dang ldan pa yang ma yin bral ba yang ma yin/ bsam gtan gsum pa dang ldan pa yang ma yin bral ba yang ma yin/ bsam gtan bzhi pa dang ldan pa yang ma yin bral ba yang ma yin/ byams pa dang ldan pa yang ma yin/ bral ba yang ma yin/ snying rje dang ldan pa yang ma yin bral ba yang ma yin/ dga' ba dang ldan pa yang ma yin bral ba yang ma yin/ btang snyoms dang ldan pa yang ma yin bral ba yang ma yin/ nam mkha' mtha' yas skye mched la snyoms par 'jug pa dang ldan pa yang ma yin/ bral ba yang ma yin/ rnam shes mtha' yas skye mched la snyoms par 'jug pa dang / cung zad med pa'i skye mched la snyoms par 'jug pa dang / 'du shes med 'du shes med min skye mched la snyoms par 'jug pa dang ldan pa yang ma yin bral ba yang ma yin/ dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang byang chub kyi yan lag dang / 'phags pa'i lam yan lag brgyad pa dang ldan pa yang ma yin bral ba yang ma yin/ 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo rnams dang ldan pa yang ma yin bral ba yang ma yin/ de bzhin gshegs pa'i stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa bcwa brgyad dang / byams pa chen po dang / snying rje chen po dang ldan pa yang ma yin bral ba yang ma yin/ 'dus byas kyi khams dang 'dus ma byas</font><hr>33.50a<br><font size=+1>

kyi khams dang ldan pa yang ma yin bral ba yang ma yin pas/ de'i phyir de dag ni 'phags pa zhes bya ste/ 'di ni de dag gi chos dang 'dul ba yin pas/ de'i phyir 'phags pa'i chos 'dul ba zhes bya'o/ /de ci'i phyir zhe na/ de ni 'di ltar chos de dag thams cad gzugs med pa/ bstan du med pa/ thogs pa med pa ste/ 'di ltar mtshan nyid med par mtshan nyid gcig pa ste/ de dag ni gzugs med pa dang gzugs med par ldan pa yang ma yin bral ba yang ma yin no/ /bstan du med pa dang / bstan du med par ldan pa yang ma yin bral ba yang ma yin no/ /thogs pa med pa dang thogs pa med par ldan pa yang ma yin/ bral ba yang ma yin no/ /mtshan nyid med pa dang / mtshan nyid med par ldan pa yang ma yin bral ba yang ma yin no/ /rab 'byor 'di ni byang chub sems dpa' sems dpa' chen po rnams kyi gzugs med pa/ bstan du med pa/ thogs pa med pa/ mtshan nyid gcig pa/ mtshan nyid med pa'i pha rol du phyin pa ste/ de la byang chub sems dpa' sems dpa' chen pos bslab par bya'o/ /des de la bslabs na/ chos kyi mtshan nyid gang yang dmigs par mi 'gyur ro/ /rab 'byor gyis gsol pa/ bcom ldan 'das 'o na gzugs kyi mtshan nyid la bslab par mi bgyi 'am/ tshor ba dang 'du shes dang 'du byed dang rnam par shes pa'i mtshan nyid la bslab par mi bgyi 'am/ skye mched dang khams dang rten cing 'brel par 'byung ba'i mtshan nyid la bslab par mi bgyi 'am/ sbyin pa'i pha rol du phyin pa'i mtshan nyid la bslab par mi bgyi 'am/ tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa'i mtshan nyid la bslab par mi bgyi 'am/ nang stong pa nyid kyi mtshan nyid la bslab par mi bgyi 'am/ dngos po med pa'i ngo bo nyid stong pa nyid kyi bar gyi mtshan</font><hr>33.50b<br><font size=+1>

nyid la bslab par mi bgyi 'am/ bsam gtan dang po'i mtshan nyid la bslab par mi bgyi 'am/ bsam gtan gnyis pa dang / bsam gtan gsum pa dang / bsam gtan bzhi pa'i mtshan nyid la bslab par mi bgyi 'am/ byams pa chen po'i mtshan nyid la bslab par mi bgyi 'am/ snying rje chen po dang / dga' ba chen po dang / btang snyoms chen po'i mtshan nyid la bslab par mi bgyi 'am/ nam mkha' mtha' yas skye mched kyi snyoms par 'jug pa dang / rnam shes mtha' yas skye mched kyi snyoms par 'jug pa dang / cung zad med pa'i skye mched kyi snyoms par 'jug pa dang / 'du shes med 'du shes med min skye mched kyi snyoms par 'jug pa'i mtshan nyid la bslab par mi bgyi 'am/ dran pa nye bar gzhag pa rnams kyi mtshan nyid la bslab par mi bgyi 'am/ yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa'i mtshan nyid la bslab par mi bgyi 'am/ stong pa nyid dang / mtshan ma med pa dang / smon pa med pa'i ting nge 'dzin dang / rnam par thar pa dang / mthar gyis gnas pa'i snyoms par 'jug pa dang / mngon par shes pa dang / ting nge 'dzin dang / gzungs kyi sgo rnams kyi mtshan nyid la bslab par mi bgyi 'am/ de bzhin gshegs pa'i stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa bcwa brgyad kyi mtshan nyid la bslab par mi bgyi 'am/ byams pa chen po'i mtshan nyid la bslab par mi bgyi 'am/ snying rje chen po'i mtshan nyid la bslab par mi bgyi 'am/ sdug bsngal 'phags pa'i bden pa'i mtshan nyid la bslab par mi bgyi 'am/ 'gog pa dang / lam 'phags pa'i bden pa'i mtshan nyid la bslab par mi bgyi 'am/ rten cing 'brel par 'byung ba lugs dang 'thun pa dang / lugs dang mi 'thun pa'i mtshan nyid la bslab par mi bgyi</font><hr>33.51a<br><font size=+1>

'am/ 'dus byas kyi khams kyi mtshan nyid la bslab par mi bgyi 'am/ 'dus ma byas kyi khams kyi mtshan nyid la bslab par mi bgyi 'am/ bcom ldan 'das gal te chos 'di dag gi mtshan nyid la bslab par mi bgyi na/ bcom ldan 'das ji ltar byang chub sems dpa' sems dpa' chen pos chos thams cad kyi mtshan nyid dang / 'du byed kyi mtshan nyid la bslabs te/ nyan thos dang / rang sangs rgyas kyi sa las 'da' bar 'gyur/ nyan thos dang / rang sangs rgyas kyi sa las ma 'das na/ ji ltar byang chub sems dpa'i skyon ma mchis par 'jug par 'gyur/ byang chub sems dpa'i skyon ma mchis pa la ma zhugs na/ ji ltar rnam pa thams cad mkhyen pa nyid thob par 'gyur/ rnam pa thams cad mkhyen pa nyid ma thob na/ ji ltar chos kyi 'khor lo bskor bar bgyi/ chos kyi 'khor lo ma bskor na/ ji ltar nyan thos kyi theg pa 'am/ rang sangs rgyas kyi theg pa 'am/ theg pa chen pos sems can rnams 'khor ba las dgrol bar bgyi/ bcom ldan 'das kyis bka' stsal pa/ rab 'byor gal te chos la la zhig la mtshan nyid yod na ni/ de'i phyir byang chub sems dpa' sems dpa' chen pos mtshan nyid de la bslab par yang 'gyur na/ chos thams cad la mtshan nyid med cing gzugs med/ bstan du med thogs pa med pa ste/ 'di ltar mtshan nyid med pa/ mtshan nyid gcig pas na/ de'i phyir byang chub sems dpa' sems dpa' chen pos mtshan nyid la yang bslab par mi bya/ mtshan nyid med pa la yang bslab par mi bya'o/ /de ci'i phyir zhe na/ sngon chad mtshan nyid med par gyur pa 'am/ phyis mtshan nyid yod par gyur pa ma yin gyi/ rab 'byor chos 'di dag ni sngon chad kyang mtshan nyid med la/ da ltar yang mtshan nyid med pas na/ de'i phyir byang chub sems dpa' sems dpa' chen pos mtshan nyid la yang bslab par mi bya/ mtshan nyid med pa la yang bslab par</font><hr>33.51b<br><font size=+1>

mi bya'o/ /de ci'i phyir zhe na/ de bzhin gshegs pa rnams byung yang rung / de bzhin gshegs pa rnams ma byung yang rung ste/ mtshan nyid med pa'i dbyings 'di ni de bzhin du gnas pa'o/ /gsol pa/ bcom ldan 'das gal te de ltar chos thams cad la mtshan nyid ma mchis shing / mtshan nyid tha dad pa yang ma lags/ mtshan nyid gcig pa yang ma lags na/ de ji ltar byang chub sems dpa' sems dpa' chen po'i shes rab kyi pha rol du phyin pa bsgom pa mchis par 'gyur/ bcom ldan 'das shes rab kyi pha rol tu phyin pa bsgom pa ma mchis par ni/ byang chub sems dpa' sems dpa' chen pos nyan thos kyi sa 'am/ rang sangs rgyas kyi sa las 'da' bar mi nus so/ /nyan thos kyi sa 'am/ rang sangs rgyas kyi sa las ma 'das par ni/ byang chub sems dpa' sems dpa' chen pos/ byang chub sems dpa'i skyon ma mchis par 'jug par mi nus so/ /byang chub sems dpa'i skyon ma mchis par ma zhugs par ni/ byang chub sems dpa' sems dpa' chen pos mi skye ba'i chos la bzod pa bskyed par mi nus so/ /mi skye ba'i chos la bzod pa ma bskyed par ni mngon par shes pa bsgrub par mi nus so/ /byang chub sems dpa'i mngon par shes pa ma bsgrubs par ni/ sangs rgyas kyi zhing yongs su dag par bgyi ba dang / sems can yongs su smin par bgyi bar mi nus so/ /sangs rgyas kyi zhing yongs su dag pa dang / sems can yongs su smin par ma bgyis par ni/ rnam pa thams cad mkhyen pa nyid thob par mi nus so/ /rnam pa thams cad mkhyen pa nyid thob par ma bgyis par ni chos kyi 'khor lo bskor bar mi nus so/ /chos kyi 'khor lo ma bskor bar ni sems can rnams rgyun du zhugs pa'i 'bras bu la dgod par mi nus so/ /lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid la dgod par mi nus so/ /rang byang chub la dgod par mi nus so/ /bla na med pa yang dag par rdzogs pa'i byang</font><hr>33.52a<br><font size=+1>

chub la dgod par mi nus so/ /sems can rnams sbyin pa las byung ba'i bsod nams bgyi ba'i dngos po la dgod par mi nus so/ /tshul khrims las byung ba'i bsod nams bgyi ba'i dngos po dang / bsgom pa las byung ba'i bsod nams bgyi ba'i dngos po la dgod par mi nus so/ /bcom ldan 'das kyis bka' stsal pa/ rab 'byor de de bzhin no/ /de de bzhin te/ rab 'byor chos thams cad ni mtshan nyid med pa ste/ mtshan nyid tha dad pa yang ma yin/ mtshan nyid gcig pa yang ma yin no/ /gsol pa/ de ltar chos thams cad mtshan nyid ma mchis na/ ji ltar shes rab kyi pha rol du phyin pa bsgom par 'gyur/ bcom ldan 'das kyis bka' stsal pa/ rab 'byor byang chub sems dpa' sems dpa' chen pos shes rab kyi pha rol du phyin pa la bsgom pa ni/ mtshan nyid tha dad pa yang ma yin/ mtshan nyid gcig pa yang ma yin te/ rab 'byor mtshan nyid med pa bsgom pa ni/ byang chub sems dpa' sems dpa' chen po'i shes rab kyi pha rol du phyin pa bsgom pa'o/ /gsol pa/ de ji ltar na mtshan nyid ma mchis pa bsgom pa shes rab kyi pha rol du phyin pa bsgom par 'gyur/ bcom ldan 'das kyis bka' stsal pa/ chos thams cad rnam par bsgom pa bsgom pa ni/ shes rab kyi pha rol du phyin pa bsgom pa'o/ /gsol pa/ bcom ldan 'das de ji ltar chos thams cad rnam par bsgom pa bsgom pa shes rab kyi pha rol tu phyin pa bsgom pa lags/ bcom ldan 'das kyis bka' stsal pa/ gzugs rnam par bsgom pa bsgom pa ni shes rab kyi pha rol du phyin pa bsgom pa'o/ /tshor ba dang 'du shes dang 'du byed dang rnam par shes pa rnam par bsgom pa bsgom pa ni shes rab kyi pha rol du phyin pa bsgom pa'o/ /mig rnam par bsgom pa bsgom pa ni shes rab kyi pha rol du phyin pa bsgom pa'o/ /</font><hr>33.52b<br><font size=+1>

rna ba dang sna dang lce dang lus dang / yid rnam par bsgom pa bsgom pa ni/ shes rab kyi pha rol tu phyin pa bsgom pa'o/ /gzugs rnam par bsgom pa bsgom pa ni/ shes rab kyi pha rol du phyin pa bsgom pa'o/ /sgra dang dri dang ro dang reg dang / chos rnam par bsgom pa bsgom pa ni/ shes rab kyi pha rol du phyin pa bsgom pa'o/ /mig gi rnam par shes pa rnam par bsgom pa bsgom pa ni/ shes rab kyi pha rol du phyin pa bsgom pa'o/ /rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa rnam par bsgom pa bsgom pa ni shes rab kyi pha rol du phyin pa bsgom pa'o/ /mig gi 'dus te reg pa rnam par bsgom pa bsgom pa ni/ shes rab kyi pha rol du phyin pa bsgom pa'o/ /rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa rnam par bsgom pa bsgom pa ni shes rab kyi pha rol du phyin pa bsgom pa'o/ /mig gi 'dus te reg pa'i rkyen gyis tshor ba rnam par bsgom pa bsgom pa ni/ shes rab kyi pha rol du phyin pa bsgom pa'o/ /rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba rnam par bsgom pa bsgom pa ni shes rab kyi pha rol du phyin pa bsgom pa'o/ /sa'i khams rnam par bsgom pa bsgom pa ni/ shes rab kyi pha rol du phyin pa bsgom pa'o/ /chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams rnam par bsgom pa bsgom pa ni shes rab kyi pha rol du phyin pa bsgom pa'o/ /rten cing 'brel bar 'byung ba rnam par bsgom pa bsgom pa ni/ shes rab</font><hr>33.53a<br><font size=+1>

kyi pha rol du phyin pa bsgom pa'o/ /ma rig pa rnam par bsgom pa bsgom pa ni/ shes rab kyi pha rol du phyin pa bsgom pa'o/ /'du byed dang rnam par shes pa dang / ming dang gzugs dang / skye mched drug dang / reg pa dang / tshor ba dang / sred pa dang len pa dang srid pa dang / skye ba dang rga shi rnam par bsgom pa bsgom pa ni/ shes rab kyi pha rol du phyin pa bsgom pa'o/ /blang ba rnam par bsgom pa bsgom pa ni/ shes rab kyi pha rol du phyin pa bsgom pa'o/ /dor ba rnam par bsgom pa bsgom pa ni/ shes rab kyi pha rol du phyin pa bsgom pa'o/ /bsam gtan dang po rnam par bsgom pa bsgom pa ni/ shes rab kyi pha rol du phyin pa bsgom pa'o/ /bsam gtan gnyis pa dang / bsam gtan gsum pa dang / bsam gtan bzhi pa rnam par bsgom pa bsgom pa ni/ shes rab kyi pha rol du phyin pa bsgom pa'o/ /byams pa rnam par bsgom pa bsgom pa ni/ shes rab kyi pha rol du phyin pa bsgom pa'o/ /snying rje dang / dga' ba dang / btang snyoms rnam par bsgom pa bsgom pa ni/ shes rab kyi pha rol du phyin pa bsgom pa'o/ /nam mkha' mtha' yas skye mched kyi snyoms par 'jug pa rnam par bsgom pa bsgom pa ni/ shes rab kyi pha rol du phyin pa bsgom pa'o/ /rnam shes mtha' yas skye mched kyi snyoms par 'jug pa dang / cung zad med pa'i skye mched kyi snyoms par 'jug pa dang / 'du shes med 'du shes med min skye mched kyi snyoms par 'jug pa rnam par bsgom pa bsgom pa ni/ shes rab kyi pha rol du phyin pa bsgom pa'o/ /sangs rgyas rjes su dran pa rnam par bsgom pa bsgom pa ni/ shes rab kyi pha rol du phyin pa bsgom pa'o/ /chos rjes su dran pa dang / dge 'dun rjes su dran pa dang / tshul khrims rjes su dran pa dang / gtong ba rjes su dran pa dang / lha rjes su dran pa dang / skyo ba rjes su dran pa dang / dbugs phyi</font><hr>33.53b<br><font size=+1>

nang du rgyu ba rjes su dran pa dang / 'chi ba rjes su dran pa dang / lus kyi rnam pa rjes su dran pa rnam par bsgom pa bsgom pa ni/ shes rab kyi pha rol du phyin pa bsgom pa'o/ /mi rtag pa'i 'du shes rnam par bsgom pa bsgom pa ni/ shes rab kyi pha rol du phyin pa bsgom pa'o/ /sdug bsngal gyi 'du shes dang / bdag med pa'i 'du shes dang / mi sdug pa'i 'du shes dang / dngos po med pa'i 'du shes dang / bdag gi 'du shes dang / sems can gyi 'du shes dang / srog gi 'du shes dang / skye ba'i 'du shes dang / gso ba'i 'du shes dang / skyes bu'i 'du shes dang / gang zag gi 'du shes dang / shed can gyi 'du shes dang / shed bdag gi 'du shes dang / byed pa po'i 'du shes dang tshor ba po'i 'du shes dang / shes pa po'i 'du shes dang / mthong ba po'i 'du shes rnam par bsgom pa bsgom pa ni/ shes rab kyi pha rol du phyin pa bsgom pa'o/ /rtag pa'i 'du shes rnam par bsgom pa bsgom pa ni/ shes rab kyi pha rol du phyin pa bsgom pa'o/ /bde ba'i 'du shes dang / sdug pa'i 'du shes dang / bdag gi 'du shes rnam par bsgom pa bsgom pa ni/ shes rab kyi pha rol du phyin pa bsgom pa'o/ /dran pa nye bar gzhag pa rnam par bsgom pa bsgom pa ni/ shes rab kyi pha rol du phyin pa bsgom pa'o/ /yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam rnam par bsgom pa bsgom pa ni/ shes rab kyi pha rol du phyin pa bsgom pa'o/ /stong pa nyid dang / mtshan ma med pa dang / smon pa med pa rnam par bsgom pa bsgom pa ni/ shes rab kyi pha rol du phyin pa bsgom pa'o/ /rnam par thar pa brgyad dang / mthar gyis gnas pa'i snyoms par 'jug pa dgu rnam par bsgom pa bsgom pa ni/ shes rab kyi pha rol du phyin pa bsgom pa'o/ /rtog pa dang bcas dpyod pa dang bcas pa'i ting nge 'dzin dang / </font><hr>33.54a<br><font size=+1>

rtog pa med cing dpyod pa med pa'i ting nge 'dzin rnam par bsgom pa bsgom pa ni/ shes rab kyi pha rol du phyin pa bsgom pa'o/ /sdug bsngal 'phags pa'i bden pa rnam par bsgom pa bsgom pa ni/ shes rab kyi pha rol du phyin pa bsgom pa'o/ /kun 'byung ba 'phags pa'i bden pa dang / 'gog pa 'phags pa'i bden pa dang / lam 'phags pa'i bden pa rnam par bsgom pa bsgom pa ni/ shes rab kyi pha rol du phyin pa bsgom pa'o/ /sdug bsngal shes pa dang kun 'byung ba shes pa dang / 'gog pa shes pa dang / lam shes pa rnam par bsgom pa bsgom pa ni/ shes rab kyi pha rol du phyin pa bsgom pa'o/ /zad pa shes pa rnam par bsgom pa bsgom pa ni/ shes rab kyi pha rol tu phyin pa bsgom pa'o/ /mi skye ba shes pa dang / chos shes pa dang / rjes su 'gro ba shes pa dang / kun rdzob shes pa dang / 'dris pa shes pa dang / sgra ji bzhin shes pa rnam par bsgom pa bsgom pa ni/ shes rab kyi pha rol du phyin pa bsgom pa'o/ /sbyin pa'i pha rol du phyin pa rnam par bsgom pa bsgom pa ni/ shes rab kyi pha rol du phyin pa bsgom pa'o/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa rnam par bsgom pa bsgom pa ni/ shes rab kyi pha rol du phyin pa bsgom pa'o/ /nang stong pa nyid rnam par bsgom pa bsgom pa ni/ shes rab kyi pha rol du phyin pa bsgom pa'o/ /phyi stong pa nyid dang / dngos po med pa'i ngo bo nyid stong pa nyid kyi bar du rnam par bsgom pa bsgom pa ni/ shes rab kyi pha rol du phyin pa bsgom pa'o/ /mngon par shes pa drug rnam par bsgom pa bsgom pa ni/ shes rab kyi pha rol du phyin pa bsgom pa'o/ /ting</font><hr>33.54b<br><font size=+1>

nge 'dzin thams cad rnam par bsgom pa bsgom pa ni/ shes rab kyi pha rol du phyin pa bsgom pa'o/ /gzungs kyi sgo thams cad rnam par bsgom pa bsgom pa ni/ shes rab kyi pha rol du phyin pa bsgom pa'o/ /de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad rnam par bsgom pa bsgom pa ni/ shes rab kyi pha rol du phyin pa bsgom pa'o/ /byams pa chen po dang / snying rje chen po rnam par bsgom pa bsgom pa ni/ shes rab kyi pha rol du phyin pa bsgom pa'o/ /rgyun du zhugs pa'i 'bras bu rnam par bsgom pa bsgom pa ni/ shes rab kyi pha rol du phyin pa bsgom pa'o/ /lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid rnam par bsgom pa bsgom pa ni/ shes rab kyi pha rol du phyin pa bsgom pa'o/ /rang byang chub rnam par bsgom pa bsgom pa ni/ shes rab kyi pha rol du phyin pa bsgom pa'o/ /rnam pa thams cad mkhyen pa nyid kyi bar du rnam par bsgom pa bsgom pa ni/ shes rab kyi pha rol du phyin pa bsgom pa'o/ /bag chags kyi mtshams sbyor ba'i nyon mongs pa thams cad spangs pa rnam par bsgom pa bsgom pa ni/ shes rab kyi pha rol du phyin pa bsgom pa'o/ /rab 'byor gyis gsol pa/ bcom ldan 'das ji ltar na gzugs rnam par bsgom pa bsgom pa shes rab kyi pha rol du phyin pa bsgom pa lags/ ji ltar na tshor ba dang 'du shes dang 'du byed dang rnam par shes pa rnam par bsgom pa bsgom pa shes rab kyi pha rol du phyin pa bsgom pa lags/ ji ltar na skye mched dang khams dang rten cing 'brel par 'byung ba rnam par bsgom pa bsgom pa shes rab kyi pha rol du phyin pa bsgom pa lags/ ji ltar na blang ba dang / dor ba rnam par bsgom pa bsgom pa shes rab kyi pha rol du</font><hr>33.55a<br><font size=+1>

phyin pa bsgom pa lags/ ji ltar na bsam gtan dang po dang bsam gtan gnyis pa dang / bsam gtan gsum pa dang / bsam gtan bzhi pa dang / byams pa dang / snying rje dang / dga' ba dang / btang snyoms dang / nam mkha' mtha' yas skye mched kyi snyoms par 'jug pa dang / rnam shes mtha' yas skye mched kyi snyoms par 'jug pa dang / cung zad med pa'i skye mched kyi snyoms par 'jug pa dang / 'du shes med 'du shes med min skye mched kyi snyoms par 'jug pa rnam par bsgom pa bsgom pa shes rab kyi pha rol du phyin pa bsgom pa lags/ ji ltar na sangs rgyas rjes su dran pa dang / chos rjes su dran pa dang / dge 'dun rjes su dran pa dang / tshul khrims rjes su dran pa dang / gtong ba rjes su dran pa dang / lha rjes su dran pa dang skyo ba rjes su dran pa dang dbugs phyi nang du rgyu ba rjes su dran pa dang / 'chi ba rjes su dran pa dang / lus kyi rnam pa rjes su dran pa rnam par bsgom pa bsgom pa shes rab kyi pha rol du phyin pa bsgom pa lags/ ji ltar na mi rtag pa'i 'du shes dang sdug bsngal gyi 'du shes dang / bdag med pa'i 'du shes dang / mi sdug pa'i 'du shes dang / dngos po med pa'i 'du shes dang / bdag gi 'du shes dang / sems can gyi 'du shes dang / srog gi 'du shes dang / skye ba'i 'du shes dang / gso ba'i 'du shes dang / skyes bu'i 'du shes dang / gang zag gi 'du shes dang / shed can gyi 'du shes dang / shed bdag gi 'du shes dang / byed pa po'i 'du shes dang / tshor ba po'i 'du shes dang / shes pa po'i 'du shes dang / mthong ba po'i 'du shes rnam par bsgom pa bsgom pa shes rab kyi pha rol du phyin pa bsgom pa lags/ ji ltar na rtag pa'i 'du shes dang / bde ba'i 'du shes dang / sdug pa'i 'du shes dang / bdag gi 'du shes rnam par bsgom pa bsgom pa shes rab kyi pha rol du phyin pa bsgom pa lags/ ji ltar na</font><hr>33.55b<br><font size=+1>

byang chub kyi phyogs kyi chos rnams rnam par bsgom pa bsgom pa shes rab kyi pha rol du phyin pa bsgom pa lags/ ji ltar na stong pa nyid dang / mtshan ma med pa dang / smon pa med pa'i ting nge 'dzin dang / rnam par thar pa brgyad dang / mthar gyis gnas pa'i snyoms par 'jug pa dgu rnam par bsgom pa bsgom pa shes rab kyi pha rol du phyin pa bsgom pa lags/ ji ltar na rtog pa dang bcas dpyod pa dang bcas pa'i ting nge 'dzin dang / rtog pa med la dpyod pa tsam gyi ting nge 'dzin dang / rtog pa med cing dpyod pa med pa'i ting nge 'dzin rnam par bsgom pa bsgom pa shes rab kyi pha rol du phyin pa bsgom pa lags/ ji ltar na sdug bsngal 'phags pa'i bden pa dang / kun 'byung ba 'phags pa'i bden pa dang / 'gog pa 'phags pa'i bden pa dang / lam 'phags pa'i bden pa dang / sdug bsngal shes pa dang / kun 'byung ba shes pa dang / 'gog pa shes pa dang / lam shes pa dang / zad pa shes pa dang / mi skye ba shes pa dang / chos shes pa dang / rjes su 'gro ba shes pa dang / kun rdzob shes pa dang / 'dris pa shes pa dang / sgra ji bzhin shes pa rnam par bsgom pa bsgom pa shes rab kyi pha rol du phyin pa bsgom pa lags/ ji ltar na pha rol du phyin pa thams cad dang / stong pa nyid thams cad rnam par bsgom pa bsgom pa shes rab kyi pha rol du phyin pa bsgom pa lags/ ji ltar na mngon par shes pa drug dang / ting nge 'dzin thams cad dang / gzungs kyi sgo thams cad dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad dang / byams pa chen po dang / snying rje chen po rnam par bsgom pa bsgom pa shes rab kyi pha rol du phyin pa bsgom pa lags/ ji ltar na rgyun du zhugs pa'i 'bras bu dang / </font><hr>33.56a<br><font size=+1>

lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub dang / rnam pa thams cad mkhyen pa nyid kyi bar dang / ji ltar na bag chags kyi mtshams sbyor ba'i nyon mongs pa thams cad spong ba rnam par bsgom pa bsgom pa shes rab kyi pha rol du phyin pa bsgom pa lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po shes rab kyi pha rol du phyin pa la spyod pa'i tshe/ gzugs dngos po yod ces bya bar mi bsgom mo/ /tshor ba dang 'du shes dang 'du byed dang rnam par shes pa dngos po yod ces bya bar mi bsgom mo/ /skye mched dang khams dang rten cing 'brel par 'byung ba dngos po yod ces bya bar mi bsgom mo/ /blang ba dang dor ba dngos po yod ces bya bar mi bsgom mo/ /bsam gtan dang po dang / bsam gtan gnyis pa dang / bsam gtan gsum pa dang / bsam gtan bzhi pa dang / byams pa dang / snying rje dang / dga' ba dang / btang snyoms dang / nam mkha' mtha' yas skye mched kyi snyoms par 'jug pa dang / rnam shes mtha' yas skye mched kyi snyoms par 'jug pa dang / cung zad med pa'i skye mched kyi snyoms par 'jug pa dang / 'du shes med 'du shes med min skye mched kyi snyoms par 'jug pa dngos po yod ces bya bar mi bsgom mo/ /sangs rgyas rjes su dran pa dang / chos rjes su dran pa dang / dge 'dun rjes su dran pa dang / tshul khrims rjes su dran pa dang / gtong ba rjes su dran pa dang / lha rjes su dran pa dang / skyo ba rjes su dran pa dang / dbugs phyi nang du rgyu ba rjes su dran pa dang / 'chi ba rjes su dran pa dang / lus kyi rnam pa rjes su dran pa dngos po yod ces bya bar mi bsgom mo/ /mi rtag pa'i 'du shes dang / sdug bsngal gyi 'du shes dang / bdag med pa'i 'du shes dang /  mi sdug pa'i 'du</font><hr>33.56b<br><font size=+1>

shes dang / dngos po med pa'i 'du shes dang / bdag gi 'du shes dang / sems can gyi 'du shes dang / srog gi 'du shes dang / skye ba'i 'du shes dang / gso ba'i 'du shes dang / skyes bu'i 'du shes dang / gang zag gi 'du shes dang / shed can gyi 'du shes dang / shed bdag gi 'du shes dang / byed pa po'i 'du shes dang / tshor ba po'i 'du shes dang / shes pa po'i 'du shes dang / mthong ba po'i 'du shes dngos po yod ces bya bar mi bsgom mo/ /rtag pa'i 'du shes dang / bde ba'i 'du shes dang / sdug pa'i 'du shes dang / bdag gi 'du shes dngos po yod ces bya bar mi bsgom mo/ /byang chub kyi phyogs kyi chos rnams dngos po yod ces bya bar mi bsgom mo/ /stong pa nyid dang / mtshan ma med pa dang smon pa med pa'i ting nge 'dzin dang / rnam par thar pa brgyad dang / mthar gyis gnas pa'i snyoms par 'jug pa dgu dngos po yod ces bya bar mi bsgom mo/ /rtog pa dang bcas dpyod pa dang bcas pa'i ting nge 'dzin dang / rtog pa med la dpyod pa tsam gyi ting nge 'dzin dang / rtog pa med cing dpyod pa med pa'i ting nge 'dzin dngos po yod ces bya bar mi bsgom mo/ /sdug bsngal 'phags pa'i bden pa dang / kun 'byung ba 'phags pa'i bden pa dang / 'gog pa 'phags pa'i bden pa dang / lam 'phags pa'i bden pa dang / sdug bsngal shes pa dang / kun 'byung ba shes pa dang / 'gog pa shes pa dang / lam shes pa dang / zad pa shes pa dang / mi skye ba shes pa dang / chos shes pa dang / rjes su 'gro ba shes pa dang / kun rdzob shes pa dang / 'dris pa shes pa dang / sgra ji bzhin shes pa dngos po yod ces bya bar mi bsgom mo/ /pha rol du phyin pa thams cad dang / stong pa nyid thams cad dngos po yod ces bya bar mi bsgom mo/ /mngon par shes pa drug dang / ting nge 'dzin thams cad dang / gzungs kyi sgo thams</font><hr>33.57a<br><font size=+1>

cad dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad dang / byams pa chen po dang / snying rje chen po dngos po yod ces bya bar mi bsgom mo/ /rgyun du zhugs pa'i 'bras bu dang / lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub dang / rnam pa thams cad mkhyen pa nyid kyi bar dang / bag chags kyi mtshams sbyor ba'i nyon mongs pa thams cad spong ba dngos po yod ces bya bar mi bsgom mo/ /de ci'i phyir zhe na/ rab 'byor dngos po'i 'du shes can la shes rab kyi pha rol du phyin pa bsgom pa med do/ /dngos po'i 'du shes can la bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa bsgom pa med do/ /dngos po'i 'du shes can la bag chags kyi mtshams sbyor ba'i nyon mongs pa thams cad spong ba'i bar du med do/ /de ci'i phyir zhe na/ 'di ltar de dngos po la 'di ni bdag go zhes bya bar mtha' gnyis la chags te/ sbyin pa dang / tshul khrims dang / bzod pa dang / brtson 'grus dang / bsam gtan dang / shes rab dang / bag chags kyi mtshams sbyor ba'i nyon mongs pa thams cad spong ba'i bar la/ 'di ni bdag go zhes bya bar mtha' gnyis la chags par gyur pas/ gang mtha' gnyis la chags par gyur pa de la ni thar pa med de/ de ci'i phyir zhe na/ rab 'byor dngos po'i 'du shes can la ni sbyin pa'ang med/ tshul khrims kyang med bzod pa'ang med/ brtson 'grus kyang med/ bsam gtan yang med/ shes rab kyang med/ bag chags kyi mtshams sbyor ba'i nyon mongs pa thams cad spang ba'i bar du yang</font><hr>33.57b<br><font size=+1>

yongs su shes pa med na/ de thar par 'gyur ba lta ga las yod/ gsol pa/ bcom ldan 'das dngos po mchis zhes bgyi ba ni ci lags/ dngos po ma mchis zhes bgyi ba ni ci lags/ bcom ldan 'das kyis bka' stsal pa/ rab 'byor gnyis ni dngos po yod pa'o/ /mi gnyis pa ni dngos po med pa'o/ /gsol pa/ bcom ldan 'das gnyis zhes bgyi ba ji lta bu lags/ bcom ldan 'das kyis bka' stsal pa/ rab 'byor gzugs kyi 'du shes ni gnyis so/ /tshor ba dang 'du shes dang 'du byed dang rnam par shes pa'i 'du shes ni gnyis so/ /skye mched dang khams dang rten cing 'brel par 'byung ba'i 'du shes ni gnyis so/ /blang ba dang dor ba'i 'du shes ni gnyis so/ /bsam gtan dang po dang / bsam gtan gnyis pa dang / bsam gtan gsum pa dang / bsam gtan bzhi pa dang / byams pa dang snying rje dang / dga' ba dang btang snyoms dang / nam mkha' mtha' yas skye mched kyi snyoms par 'jug pa dang / rnam shes mtha' yas skye mched kyi snyoms par 'jug pa dang / cung zad med pa'i skye mched kyi snyoms par 'jug pa dang / 'du shes med 'du shes med min skye mched kyi snyoms par 'jug pa'i 'du shes ni gnyis so/ /sangs rgyas rjes su dran pa dang / chos rjes su dran pa dang / dge 'dun rjes su dran pa dang / tshul khrims rjes su dran pa dang / gtong ba rjes su dran pa dang / lha rjes su dran pa dang / skyo ba rjes su dran pa dang / dbugs phyi nang du rgyu ba rjes su dran pa dang / 'chi ba rjes su dran pa dang / lus kyi rnam pa rjes su dran pa'i 'du shes ni gnyis so/ /mi rtag pa'i 'du shes dang / sdug bsngal gyi 'du shes dang / bdag med pa'i 'du shes dang / mi sdug pa'i 'du shes dang / dngos po med pa'i 'du shes dang / bdag gi 'du shes dang / sems can gyi 'du shes dang / srog gi 'du shes dang / skye ba'i 'du</font><hr>33.58a<br><font size=+1>

shes dang / gso ba'i 'du shes dang / skyes bu'i 'du shes dang / gang zag gi 'du shes dang / shed can gyi 'du shes dang / shed bdag gi 'du shes dang / byed pa po'i 'du shes dang / tshor ba po'i 'du shes dang / shes pa po'i 'du shes dang / mthong ba po'i 'du shes kyi 'du shes ni gnyis so/ /rtag pa'i 'du shes dang / bde ba'i 'du shes dang / sdug pa'i 'du shes dang / bdag gi 'du shes kyi 'du shes ni gnyis so/ /byang chub kyi phyogs kyi chos rnams kyi 'du shes ni gnyis so/ /stong pa nyid dang / mtshan ma med pa dang / smon pa med pa'i ting nge 'dzin dang / rnam par thar pa brgyad dang / mthar gyis gnas pa'i snyoms par 'jug pa dgu'i 'du shes ni gnyis so/ /rtog pa dang bcas dpyod pa dang bcas pa'i ting nge 'dzin dang / rtog pa med la dpyod pa tsam gyi ting nge 'dzin dang / rtog pa med cing dpyod pa med pa'i ting nge 'dzin gyi 'du shes ni gnyis so/ /sdug bsngal 'phags pa'i bden pa dang / kun 'byung ba 'phags pa'i bden pa dang / 'gog pa 'phags pa'i bden pa dang / lam 'phags pa'i bden pa dang / sdug bsngal shes pa dang / kun 'byung ba shes pa dang / 'gog pa shes pa dang / lam shes pa dang / zad pa shes pa dang / mi skye ba shes pa dang / chos shes pa dang / rjes su 'gro ba shes pa dang / kun rdzob shes pa dang 'dris pa shes pa dang / sgra ji bzhin shes pa'i 'du shes ni gnyis so/ /pha rol du phyin pa thams cad dang / stong pa nyid thams cad kyi 'du shes ni gnyis so/ /mngon par shes pa drug dang / ting nge 'dzin thams cad dang / gzungs kyi sgo thams cad dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad dang / byams pa chen po dang / snying rje chen po'i 'du shes ni gnyis so/ /rgyun du zhugs pa dang / lan gcig phyir 'ong ba dang / phyir mi 'ong ba dang / </font><hr>33.58b<br><font size=+1>

dgra bcom pa dang / rang sangs rgyas dang / sangs rgyas kyi 'du shes ni gnyis so/ /'dus byas kyi khams kyi 'du shes dang / 'dus ma byas kyi khams kyi 'du shes ni gnyis so/ /rab 'byor de ltar de snyed du 'du shes dang bcas pa thams cad dang / de snyed du 'du shes med pa de dag thams cad ni gnyis te/ ji tsam du gnyis pa de tsam du dngos po'o/ /ji tsam du dngos po yod pa de tsam du 'khor ba'o/ /ji tsam du 'khor ba de tsam du sems can rnams skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa las yongs su mi 'grol lo/ /'du shes thams cad yid la mi byed pa ni gnyis su med pa ste/ rab 'byor rnam grangs des kyang 'di ltar gnyis kyi 'du shes can la sbyin pa med pa dang / tshul khrims med pa dang / bzod pa med pa dang / brtson 'grus med pa dang / bsam gtan med pa dang / shes rab med pa dang / lam med pa dang / thob pa med pa dang / mngon par rtogs pa med par rig par bya'o/ /rab 'byor gnyis kyi 'du shes can la ni chung ngu na 'thun pa'i bzod pa yang med na/ gzugs yongs su shes par 'gyur ba lta ga la yod/ tshor ba dang 'du shes dang 'du byed dang rnam par shes pa yongs su shes par 'gyur ba lta ga la yod/ skye mched dang / khams dang rten cing 'brel par 'byung ba yongs su shes par 'gyur ba lta ga la yod/ blang ba dang dor ba yongs su shes par 'gyur ba lta ga la yod/ bsam gtan dang po dang / bsam gtan gnyis pa dang / bsam gtan gsum pa dang / bsam gtan bzhi pa dang / byams pa dang / snying rje dang / dga' ba dang / btang snyoms dang / nam mkha' mtha' yas skye mched kyi snyoms par 'jug pa dang / rnam shes mtha' yas skye mched kyi snyoms par 'jug pa dang / cung zad med pa'i skye mched kyi snyoms par 'jug pa dang / 'du shes med 'du shes med min skye mched kyi snyoms par</font><hr>33.59a<br><font size=+1>

'jug pa yongs su shes par 'gyur ba lta ga la yod/ sangs rgyas rjes su dran pa dang / chos rjes su dran pa dang / dge 'dun rjes su dran pa dang / tshul khrims rjes su dran pa dang / gtong ba rjes su dran pa dang / lha rjes su dran pa dang / skyo ba rjes su dran pa dang / dbugs phyi nang du rgyu ba rjes su dran pa dang / 'chi ba rjes su dran pa dang / lus kyi rnam pa rjes su dran pa yongs su shes par 'gyur ba lta ga la yod/ mi rtag pa'i 'du shes dang / sdug bsngal gyi 'du shes dang / bdag med pa'i 'du shes dang / mi sdug pa'i 'du shes dang / dngos po med pa'i 'du shes dang / bdag gi 'du shes dang / sems can gyi 'du shes dang / srog gi 'du shes dang / skye ba'i 'du shes dang / gso ba'i 'du shes dang / skyes bu'i 'du shes dang / gang zag gi 'du shes dang / shed can gyi 'du shes dang / shed bdag gi 'du shes dang / byed pa po'i 'du shes dang / tshor ba po'i 'du shes dang / shes pa po'i 'du shes dang / mthong ba po'i 'du shes yongs su shes par 'gyur ba lta ga la yod/ rtag pa'i 'du shes dang / bde ba'i 'du shes dang / sdug pa'i 'du shes dang / bdag gi 'du shes yongs su shes par 'gyur ba lta ga la yod/ byang chub kyi phyogs kyi chos rnams yongs su shes par 'gyur ba lta ga la yod/ stong pa nyid dang / mtshan ma med pa dang / smon pa med pa'i ting nge 'dzin dang / rnam par thar pa brgyad dang / mthar gyis gnas pa'i snyoms par 'jug pa dgu yongs su shes par 'gyur ba lta ga la yod/ rtog pa dang bcas dpyod pa dang bcas pa'i ting nge 'dzin dang / rtog pa med pa la dpyod pa tsam gyi ting nge 'dzin dang / rtog pa med cing dpyod pa med pa'i ting nge 'dzin yongs su shes par 'gyur ba lta ga la yod/ sdug bsngal 'phags pa'i bden pa dang / kun 'byung ba 'phags pa'i bden pa dang / 'gog pa 'phags pa'i</font><hr>33.59b<br><font size=+1>

bden pa dang / lam 'phags pa'i bden pa dang / sdug bsngal shes pa dang / kun 'byung ba shes pa dang / 'gog pa shes pa dang / lam shes pa dang / zad pa shes pa dang / mi skye ba shes pa dang / chos shes pa dang / rjes su 'gro ba shes pa dang / kun rdzob shes pa dang / 'dris pa shes pa dang / sgra ji bzhin shes pa yongs su shes par 'gyur ba lta ga la yod/ pha rol du phyin pa rnams dang / stong pa nyid thams cad yongs su shes par 'gyur ba lta ga la yod/ mngon par shes pa drug dang / ting nge 'dzin thams cad dang / gzungs kyi sgo thams cad dang / de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams dang / byams pa chen po dang / snying rje chen po yongs su shes par 'gyur ba lta ga la yod/ rgyun du zhugs pa'i 'bras bu dang / lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub dang / rnam pa thams cad mkhyen pa nyid kyi bar du yongs su shes par 'gyur ba lta ga la yod/ gang la lam bsgom pa med pa de la rgyun du zhugs pa'i 'bras bu yang ga la yod/ lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub dang / rnam pa thams cad mkhyen pa nyid kyi bar yang ga la yod/ bag chags kyi mtshams sbyor ba'i nyon mongs pa thams cad spangs pa lta yang ga la yod/ shes rab kyi pha rol du phyin pa stong phrag nyi shu lnga pa las le'u lnga bcu brgyad pa'o// //de nas tshe dang ldan pa rab 'byor gyis/ bcom ldan 'das la 'di skad ces gsol to/ /bcom ldan 'das gal te de ltar dngos po'i 'du shes can la/ 'thun pa'i bzod pa yang ma mchis pas/ thob pa lta ga la</font><hr>33.60a<br><font size=+1>

mchis te ma mchis/ mngon par rtogs pa lta yang ga la mchis te ma mchis na ci lags/ bcom ldan 'das dngos po ma mchis pa'i 'du shes can la/ 'thun pa'i bzod pa 'am/ dkar po rnam par mthong ba'i sa 'am/ rigs kyi sa 'am/ brgyad pa'i sa 'am/ mthong ba'i sa 'am/ bsrabs pa'i sa 'am/ 'dod chags dang bral ba'i sa 'am/ byas pa rtogs pa'i sa 'am/ rang sangs rgyas kyi sa 'am/ byang chub sems dpa'i sa 'am/ sangs rgyas kyi sa 'am/ lam bsgom pa gang la brten cing / nyon mongs pa gang gis bsgribs pas/ byang chub sems dpa'i skyon ma mchis par chud par mi 'gyur ba dang / byang chub sems dpa'i skyon ma mchis par ma chud pas/ rnam pa thams cad mkhyen pa nyid thob par mi 'gyur ba dang / rnam pa thams cad mkhyen pa nyid ma thob pas/ bag chags kyi mtshams sbyor ba'i nyon mongs pa thams cad mi spongs pa'i sgrib pa/ nyan thos dang ldan pa 'am/ rang sangs rgyas dang ldan pa'i nyon mongs pa de dag spong bar 'gyur ba'i lam mchis sam/ bcom ldan 'das gal te chos skye bar 'gyur ba gang yang skye ba ma mchis na/ ji ltar chos de dag ma bskyed par rnam pa thams cad mkhyen pa nyid thob par 'gyur/ bcom ldan 'das kyis bka' stsal pa/ rab 'byor de de bzhin no/ /de de bzhin te/ dngos po med pa'i 'du shes can la 'thun pa'i bzod pa med do/ /mngon par rtogs pa'i sa med do/ /dkar po rnam par mthong ba'i sa med do/ /rigs kyi sa med do/ /brgyad pa'i sa med do/ /mthong ba'i sa med do/ /bsrabs pa'i sa med do/ /'dod chags dang bral ba'i sa med do/ /byas pa rtogs pa'i sa med do/ /rang sangs rgyas kyi sa med do/ /byang chub sems dpa'i sa med do/ /sangs rgyas kyi sa med do/ /lam bsgom pa gang la brten cing nyon mongs pa gang gis bsgribs pas/ byang chub sems dpa'i skyon med</font><hr>33.60b<br><font size=+1>

par chud par mi 'gyur ba dang / byang chub sems dpa'i skyon med par ma chud pas/ rnam pa thams cad mkhyen pa nyid thob par mi 'gyur ba dang / rnam pa thams cad mkhyen pa nyid ma thob pas/ bag chags kyi mtshams sbyor ba'i nyon mongs pa thams cad mi spongs pa'i sgrib pa/ nyan thos dang ldan pa 'am/ rang sangs rgyas dang ldan pa'i nyon mongs pa de dag spong bar 'gyur ba'i lam med do/ /gsol pa/ bcom ldan 'das ci lags/ byang chub sems dpa' sems dpa' chen po shes rab kyi pha rol du phyin pa la spyod pa'i tshe/ dngos po mchis par 'du shes pa dang dngos po ma mchis par 'du shes pa mchis sam/ gzugs su 'du shes pa dang / tshor ba dang 'du shes dang 'du byed dang rnam par shes par 'du shes pa dang / skye mched dang khams su 'du shes pa dang / 'dod chags su 'du shes pa dang / 'dod chags spang bar 'du shes pa dang / zhe sdang du 'du shes pa dang / zhe sdang spang bar 'du shes pa dang / gti mug tu 'du shes pa dang / gti mug spang bar 'du shes pa dang / ma rig par 'du shes pa dang / ma rig pa spang bar 'du shes pa dang / 'du byed du 'du shes pa dang / 'du byed spang bar 'du shes pa dang / rnam par shes par 'du shes pa dang / rnam par shes pa spang bar 'du shes pa dang / ming dang gzugs su 'du shes pa dang / ming dang gzugs spang bar 'du shes pa dang / skye mched drug tu 'du shes pa dang / skye mched drug spang bar 'du shes pa dang / reg par 'du shes pa dang / reg pa spang bar 'du shes pa dang / tshor bar 'du shes pa dang / tshor ba spang bar 'du shes pa dang / sred par 'du shes pa dang / sred pa spang bar 'du shes pa dang / len par 'du shes pa dang / len pa spang bar 'du shes pa dang / srid par 'du shes pa dang / srid pa spang bar 'du shes pa dang / skye bar 'du shes pa dang / skye ba spang bar 'du shes pa dang / rga shir 'du shes pa dang / </font><hr>33.61a<br><font size=+1>

rga shi spang bar 'du shes pa dang / mya ngan dang smre sngags 'don par 'du shes pa dang / mya ngan dang smre sngags 'don pa spang bar 'du shes pa dang / sdug bsngal du 'du shes pa dang / sdug bsngal kun shes par bya bar 'du shes pa dang / kun 'byung bar 'du shes pa dang / kun 'byung ba spang bar 'du shes pa dang / 'gog par 'du shes pa dang / 'gog pa mngon du bya bar 'du shes pa dang / lam du 'du shes pa dang / lam bsgom par 'du shes pa dang / rnam pa thams cad mkhyen pa nyid du 'du shes pa 'am/ bag chags kyi mtshams sbyor ba'i nyon mongs pa thams cad spang bar 'du shes pa'i bar du mchis sam/ bcom ldan 'das kyis bka' stsal pa/ rab 'byor de ni med do/ /rab 'byor byang chub sems dpa' sems dpa' chen po ni shes rab kyi pha rol du phyin pa la spyod pa'i tshe/ chos gang la yang dngos po yod par 'du shes pa 'am/ dngos po med par 'du shes pa med do/ /gang la dngos po yod par 'du shes pa dang / dngos po med par 'du shes pa med pa de nyid ni/ byang chub sems dpa' sems dpa' chen po'i 'thun pa'i bzod pa'o/ /gang la dngos po yod par 'du shes pa dang dngos po med par 'du shes pa med pa de nyid ni lam bsgom pa'o/ /gang la dngos po yod par 'du shes pa dang / dngos po med par 'du shes med pa de nyid ni 'bras bu'o/ /rab 'byor byang chub sems dpa' sems dpa' chen po'i lam ni dngos po med pa ste/ mngon par rtogs pa yang dngos po med pa'o/ /rab 'byor de ltar rnam grangs des kyang / 'di ltar chos thams cad ni dngos po med pa'i ngo bo nyid tu rig par bya'o/ /gsol pa/ bcom ldan 'das gal te de ltar chos thams cad dngos po ma mchis pa'i ngo bo nyid lags na/ bcom ldan 'das ji ltar de bzhin gshegs pas chos thams cad dngos po ma mchis pa'i ngo bo nyid du mngon par</font><hr>33.61b<br><font size=+1>

rdzogs par sangs rgyas par gyur te/ de dag mngon par rdzogs par sangs rgyas pas chos thams cad la mnga' bsgyur ba'i yul la mnga' brnyes par gyur/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor 'di la nga sngon byang chub sems dpa'i spyad pa spyod cing / pha rol du phyin pa drug la spyod pa'i tshe/ 'dod pas dben sdig to mi dge ba'i chos kyis dben pa/ rtog pa dang bcas pa dpyod pa dang bcas pa/ dben pa las skyes pa'i dga' ba dang bde ba can/ bsam gtan dang po la nye bar bsgrubs te gnas so/ /bsam gtan bzhi pa'i bar la nye bar bsgrubs shing gnas par gyur te/ 'on kyang ngas bsam gtan de dag dang / bsam gtan gyi yan lag de dag gi mtshan ma bzung ste/ bsam gtan de dag gis bsnyems par ma gyur/ bsam gtan gyi ro myong bar ma gyur/ bsam gtan du dmigs par ma gyur te/ de ltar na ngas bsam gtan de dag rnam pa yongs su dag pa la mnyam par gzhag go/ /de ltar ngas bsam gtan de dag rnam par smin par byas nas/ lha'i mig shes pa rnam pa tha dad pa mngon du bya ba'i phyir/ sems gzhol bar bya/ lha'i rna ba shes pa mngon du bya ba'i phyir/ sems gzhol bar bya/ pha rol gyi sems shes pa mngon du bya ba'i phyir sems gzhol bar bya/ sngon gyi gnas rjes su dran pa shes pa mngon du bya ba'i phyir/ sems gzhol bar bya/ lha'i mig gi shes pa mngon du bya ba'i phyir/ sems gzhol bar bya/ 'on kyang ngas mngon par shes pa mngon du bya ba de dag la mtshan mar bzung ste/ mngon par shes pa de dag gis shes par ma gyur/ ro myong bar ma gyur/ dmigs par ma gyur te/ mngon par shes pa lnga po de dag nam mkha' lta bur yang dag par rjes su dran pas mnyam par gzhag ste/ de ltar ngas skad cig gcig dang ldan pa'i shes rab kyis bla na med pa yang dag par rdzogs</font><hr>33.62a<br><font size=+1>

pa'i byang chub tu mngon par rdzogs par sangs rgyas nas/ 'di ni sdug bsngal lo/ /'di ni sdug bsngal kun 'byung ba'o/ /'di ni sdug bsngal 'gog pa'o/ /'di ni sdug bsngal 'gog par 'gyur ba'i lam mo/ /zhes yang dag pa ji lta ba bzhin du yongs su shes par gyur te/ de ltar nga de bzhin gshegs pa'i stobs bcu dang ldan par gyur/ mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa dang ldan par gyur nas/ sems can rnams phung po gsum du lung bstan par gyur to/ /rab 'byor gyis gsol pa/ bcom ldan 'das ji ltar de bzhin gshegs pa dgra bcom pa yang dag par rdzogs pa'i sangs rgyas kyis/ dngos po ma mchis pa'i ngo bo nyid kyi bsam gtan bzhi bskyed par gyur/ ji ltar drug mngon par mkhyen pa dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad bskyed par gyur/ sems can rnams kyang sems can ma mchis par ji ltar phung po gsum du lung bstan par gyur/ bcom ldan 'das kyis bka' stsal pa/ rab 'byor gal te 'dod pa rnams dang / sdig to mi dge ba'i chos rnams la dngos po zhig yod de/ ngo bo nyid yod pa 'am/ gzhan gyi dngos po zhig yod na ni/ rab 'byor ngas sngon byang chub sems dpa'i spyad pa spyod pa'i tshe/ 'dod pa rnams dngos po med pa'i ngo bo nyid dang / sdig to mi dge ba'i chos rnams dngos po med pa'i ngo bo nyid du rig nas/ bsam gtan bzhi nye bar bsgrubs te gnas par yang mi 'gyur te/ rab 'byor 'di ltar 'dod pa rnams dang / sdig to mi dge ba'i chos rnams la dngos po med pa/ ngo bo nyid med pa/ gzhan gyis dngos po med pa ste/ gzhan du na dngos po med pa'i ngo bo nyid yin pas/ rab 'byor de'i phyir nga sngon byang chub sems</font><hr>33.62b<br><font size=+1>

dpa'i spyad pa spyod pa'i tshe 'dod pas dben sdig to mi dge ba'i chos kyis dben pa/ rtog pa dang bcas pa/ dpyod pa dang bcas pa/ dben pa las skyes pa'i dga' ba dang bde ba can bsam gtan dang po la nye bar bsgrubs te gnas par gyur to/ /bsam gtan bzhi pa'i bar la nye bar bsgrubs te gnas par gyur to/ /rab 'byor gal te mngon par shes pa rnams la dngos po zhig yod de ngo bo nyid yod pa 'am/ gzhan gyi dngos po zhig yod na ni/ rab 'byor ngas kyang mngon par shes pa thams cad dngos po med pa'i ngo bo nyid du rig nas bla na med pa yang dag par rdzogs pa'i byang chub tu mngon par rdzogs par sangs rgyas par mi 'gyur te/ rab 'byor 'di ltar mngon par shes pa rnams la dngos po med de/ ngo bo nyid med pa/ gzhan gyi dngos po med pa ste/ gzhan du na dngos po med pa'i ngo bo nyid yin pas de'i phyir/ de bzhin gshegs pa dgra bcom pa yang dag par rdzogs pa'i sangs rgyas kyis mngon par shes pa thams cad dngos po med pa'i ngo bo nyid du thugs su chud de/ bla na med pa yang dag par rdzogs pa'i byang chub tu mngon par rdzogs par sangs rgyas so/ /rab 'byor gyis gsol pa/ bcom ldan 'das gal te de ltar byang chub sems dpa' sems dpa' chen po chos thams cad dngos po ma mchis pa'i ngo bo nyid la/ bsam gtan bzhi dang / mngon par shes pa lngas bla na med pa yang dag par rdzogs pa'i byang chub tu mngon par rdzogs par 'tshang rgya na/ bcom ldan 'das de'i slad du chos thams cad dngos po ma mchis pa'i ngo bo nyid la/ byang chub sems dpa' sems dpa' chen po mthar gyis spyod pa dang / mthar gyis slob pa dang / mthar gyis nan tan du bgyi ba gang gis bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ba'i mthar gyis spyod pa dang / mthar gyis slob pa dang / mthar gyis nan tan du bgyi ba mchis par gyur/ </font><hr>33.63a<br><font size=+1>

shes rab kyi pha rol tu phyin pa stong phrag nyi shu lnga pa/ bam po drug bcu bzhi pa/ bcom ldan 'das kyis bka' stsal pa/ rab 'byor 'di ltar byang chub sems dpa' sems dpa' chen pos/ thog mar sangs rgyas bcom ldan 'das rnams dang / byang chub sems dpa' sems dpa' chen po dag dang / sangs rgyas mang po la bsnyen bkur ba'i dgra bcom pa dag dang / phyir mi 'ong ba dang / lan gcig phyir 'ong ba dang / rgyun du zhugs pa dag las/ sangs rgyas bcom ldan 'das rnams dngos po med pa'i ngo bo nyid dang / byang chub sems dpa' sems dpa' chen po rnams dngos po med pa'i ngo bo nyid dang / rang sangs rgyas rnams dngos po med pa'i ngo bo nyid dang / dgra bcom pa rnams dngos po med pa'i ngo bo nyid dang / phyir mi 'ong ba rnams dngos po med pa'i ngo bo nyid dang / lan cig phyir 'ong ba rnams dngos po med pa'i ngo bo nyid dang / rgyun du zhugs pa rnams dngos po med pa'i ngo bo nyid dang / 'phags pa thams cad dngos po med pa'i ngo bo nyid dang / 'du byed rnams kyi ngo bo nyid chung ngu na/ skra'i rtse mo'i cha shas kyi gnas tsam yang med do zhes bya bar thos na/ byang chub sems dpa' sems dpa' chen po des ji ste/ sangs rgyas bcom ldan 'das rnams kyang dngos po med pa'i ngo bo nyid dang / byang chub sems dpa' sems dpa' chen po rnams dang / dgra bcom pa rnams dang / phyir mi 'ong ba rnams dang / lan gcig phyir 'ong ba rnams dang / rgyun du zhugs pa rnams kyang dngos po med pa'i ngo bo nyid yin na/ gal te bdag bla na med pa yang dag par rdzogs pa'i byang chub tu mngon par rdzogs par sangs rgyas kyang rung / gal te mngon par rdzogs par sangs ma rgyas kyang rung ste/ chos thams cad ni dngos po med pa nyid yin gyis/ ci nas kyang bdag bla na med pa yang dag par rdzogs pa'i byang chub tu mngon par rdzogs par sangs rgyas par bya ste/ sems can dngos po'i 'du shes can la</font><hr>33.63b<br><font size=+1>

spyod pa thams cad dngos po med pa la rab tu dgod par bya'o snyam ste/ rab 'byor byang chub sems dpa' sems dpa' chen po de sems can thams cad yongs su mya ngan las zla ba'i phyir/ bla na med pa yang dag par rdzogs pa'i byang chub tu mngon par 'jug ste/ mthar gyis spyod pa dang / mthar gyis bslab pa dang / mthar gyis nan tan du bya ba gang la bslabs shing / sngon gyi byang chub sems dpa' sems dpa' chen po rnams bla na med pa yang dag par rdzogs pa'i byang chub tu mngon par rdzogs par sangs rgyas par gyur pa de lta bu'i mthar gyis spyod pa dang / mthar gyis bslab pa dang / mthar gyis nan tan du bya ba rtsom mo/ /de thog mar sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa dang / pha rol tu phyin pa drug la spyod do/ /de sbyin pa'i pha rol tu phyin pa la spyod pa'i tshe/ bdag kyang sbyin pa yongs su gtong ngo / /pha rol kyang sbyin pa la rab tu 'jog go/ /sbyin pa'i legs pa brjod do/ /sems can gzhan gang / sbyin pa yongs su gtong ba de dag gi yang legs pa brjod cing 'thun pas dga' bar spyod do/ /de sbyin pa des skyid pa chen po'i tshogs thob par gyur te/ skyon dang ser sna med pa'i sems kyis sbyin pa byin par bya ba dang / sbyin pa yongs su gtong bar byed de/ zas 'dod pa la ni zas/ skom 'dod pa la ni skom/ bzhon pa 'dod pa la ni bzhon pa/ gos 'dod pa la ni gos/ spos 'dod pa la ni spos/ phreng ba 'dod pa la ni phreng ba/ byug pa 'dod pa la ni byug pa/ mal cha 'dod pa la ni mal cha/ gnas 'dod pa la ni gnas/ mar me 'dod pa la ni mar me gtong ba nas/ mi'i yo byad gang ci yang rung ba dag kyang de dag la gtong ba'i bar du ste/ </font><hr>33.64a<br><font size=+1>

sbyin pa de nyid kyis tshul khrims kyi phung po yongs su rdzogs par byed do/ /lha'i che ba nyid dang / mi'i che ba nyid rab tu thob par byed do/ /de sbyin pa dang tshul khrims de nyid kyis ting nge 'dzin gyi phung po rab tu thob par byed do/ /de sbyin pa dang / tshul khrims dang / ting nge 'dzin de nyid kyis shes rab kyi phung po rab tu thob par byed do/ /de sbyin pa dang / tshul khrims dang / ting nge 'dzin dang / shes rab de nyid kyis rnam par grol ba'i phung po rab tu thob par byed do/ /de sbyin pa dang / tshul khrims dang / ting nge 'dzin dang / shes rab dang / rnam par grol ba de nyid kyis/ rnam par grol ba'i ye shes mthong ba'i phung po rab tu thob par byed do/ /de sbyin pa dang / tshul khrims dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba de nyid kyis nyan thos dang / rang sangs rgyas kyi sa las 'das na/ byang chub sems dpa'i skyon med par 'jug go/ /byang chub sems dpa'i skyon med par zhugs nas/ sangs rgyas kyi zhing yongs su dag par byas/ sems can rnams yongs su smin par byas nas/ rnam pa thams cad mkhyen pa nyid thob par byed do/ /rnam pa thams cad mkhyen pa nyid thob nas/ chos kyi 'khor lo bskor ro/ /chos kyi 'khor lo bskor nas/ sems can rnams theg pa gsum la so sor 'god cing 'khor ba las yongs su grol bar byed do/ /rab 'byor de ltar na byang chub sems dpa' sems dpa' chen po sbyin pas mthar gyis spyod pa yod pa yin te/ de thams cad kyang dmigs su med do/ /de ci'i phyir zhe na/ de ni 'di ltar de la ngo bo nyid med do/ /rab 'byor gzhan yang byang chub sems dpa' sems dpa' chen po sems dang po bskyed pa nas nye bar bzung ste/ bdag kyang tshul khrims kyi pha rol tu phyin pa la spyod do/ /gzhan yang tshul khrims kyi pha rol tu phyin pa la yang dag par bskul lo/ /</font><hr>33.64b<br><font size=+1>

tshul khrims kyi pha rol du phyin pa'i legs pa rjod do/ /gzhan tshul khrims kyi pha rol tu phyin pa la spyod pa de dag gi yang legs pa rjod cing 'thun pas dga' bar spyod do/ /de tshul khrims des lha'i che ba nyid dang / mi'i che ba nyid rab tu thob par byed do/ /de nor med pa'i sems can rnams la nor byin zhing tshul khrims la rab tu 'god do/ /ting nge 'dzin dang shes rab dang rnam par grol ba dang / rnam par grol ba'i ye shes mthong ba la rab tu 'god do/ /de tshul khrims kyi phung po dang / ting nge 'dzin gyi phung po dang / shes rab kyi phung po dang / rnam par grol ba'i phung po dang / rnam par grol ba'i ye shes mthong ba'i phung po des nyan thos dang rang sangs rgyas kyi sa las 'das nas/ tshul khrims kyi phung po dang / ting nge 'dzin gyi phung po dang / shes rab kyi phung po dang / rnam par grol ba'i phung po dang / rnam par grol ba'i ye shes mthong ba'i phung po de nyid kyis byang chub sems dpa'i skyon med par 'jug go/ /byang chub sems dpa'i skyon med par zhugs nas/ sangs rgyas kyi zhing yongs su dag par byas/ sems can rnams yongs su smin par byas nas/ rnam pa thams cad mkhyen pa nyid thob par byed do/ /rnam pa thams cad mkhyen pa nyid thob nas/ chos kyi 'khor lo bskor ro/ /chos kyi 'khor lo bskor nas/ sems can rnams theg pa gsum la so sor 'god cing 'khor ba las yongs su grol bar byed do/ /rab 'byor de ltar na byang chub sems dpa' sems dpa' chen po tshul khrims kyis mthar gyis spyod pa yod pa yin te/ de thams cad kyang dmigs su med do/ /de ci'i phyir zhe na/ de ni 'di ltar de la ngo bo nyid med do/ /rab 'byor gzhan yang byang chub sems dpa' sems dpa' chen po sems dang po bskyed pa nas nye bar bzung ste/ bdag kyang bzod pa'i pha rol du phyin pa la spyod do/ /gzhan yang bzod pa'i pha rol du phyin pa la yang dag par bskul lo/ /bzod pa'i pha rol du phyin pa'i legs pa rjod do/ /gzhan bzod pa'i</font><hr>33.65a<br><font size=+1>

pha rol tu phyin pa la spyod pa de dag gi yang legs pa rjod cing 'thun pas dga' bar spyod do/ /de bzod pa'i pha rol du phyin pa la spyod pa'i tshe/ sems can rnams sbyin pas yongs su tshim par byed do/ /tshul khrims la rab tu 'god do/ /ting nge 'dzin dang / shes rab dang / rnam par grol ba dang / rnam par grol ba'i ye shes mthong ba la rab tu 'god do/ /de tshul khrims kyi phung po dang / ting nge 'dzin gyi phung po dang / shes rab kyi phung po dang / rnam par grol ba'i phung po dang / rnam par grol ba'i ye shes mthong ba'i phung po des nyan thos dang / rang sangs rgyas kyi sa las 'das nas/ tshul khrims kyi phung po dang / ting nge 'dzin gyi phung po dang / shes rab kyi phung po dang / rnam par grol ba'i phung po dang / rnam par grol ba'i ye shes mthong ba'i phung po de nyid kyis byang chub sems dpa'i skyon med par 'jug go/ /byang chub sems dpa'i skyon med par zhugs nas/ sangs rgyas kyi zhing yongs su dag par byas sems can rnams yongs su smin par byas nas/ rnam pa thams cad mkhyen pa nyid thob par byed do/ /rnam pa thams cad mkhyen pa nyid thob nas/ chos kyi 'khor lo bskor ro/ /chos kyi 'khor lo bskor nas/ sems can rnams theg pa gsum la so sor 'god cing / 'khor ba las yongs su grol bar byed do/ /rab 'byor de ltar na byang chub sems dpa' sems dpa' chen po bzod pas mthar gyis spyod pa yod pa yin te/ de thams cad kyang dmigs su med do/ /de ci'i phyir zhe na/ de ni 'di ltar de la ngo bo nyid med do/ /rab 'byor gzhan yang byang chub sems dpa' sems dpa' chen po sems dang po bskyed pa nas nye bar bzung ste/ bdag kyang dge ba'i chos rnams la brtson 'grus rtsom mo/ /gzhan yang brtson 'grus la yang dag par bskul lo/ /brtson 'grus kyi legs pa brjod do/ /gzhan brtson 'grus rtsom pa de dag gi yang legs pa rjod cing 'thun pas dga' bar spyod do/ /de brtson 'grus kyi pha</font><hr>33.65b<br><font size=+1>

rol du phyin pa la spyod cing / sems can rnams sbyin pas yongs su tshim par byed do/ /tshul khrims las rab tu 'god do/ /ting nge 'dzin dang / shes rab dang / rnam par grol ba dang / rnam par grol ba'i ye shes mthong ba la rab tu 'god do/ /de tshul khrims kyi phung po dang / ting nge 'dzin gyi phung po dang / shes rab kyi phung po dang / rnam par grol ba'i phung po dang / rnam par grol ba'i ye shes mthong ba'i phung po des/ nyan thos dang / rang sangs rgyas kyi sa las 'das nas/ tshul khrims kyi phung po dang / ting nge 'dzin gyi phung po dang / shes rab kyi phung po dang / rnam par grol ba'i phung po dang / rnam par grol ba'i ye shes mthong ba'i phung po de nyid kyis byang chub sems dpa'i skyon med par 'jug go/ /byang chub sems dpa'i skyon med par zhugs nas/ sangs rgyas kyi zhing yongs su dag par byas/ sems can rnams yongs su smin par byas nas/ rnam pa thams cad mkhyen pa nyid thob par byed do/ /rnam pa thams cad mkhyen pa nyid thob nas chos kyi 'khor lo bskor ro/ /chos kyi 'khor lo bskor nas/ sems can rnams theg pa gsum la so sor 'god cing / 'khor ba las yongs su grol bar byed do/ /rab 'byor de ltar na byang chub sems dpa' sems dpa' chen po brtson 'grus kyis mthar gyis spyod pa yod pa yin te/ de thams cad kyang dmigs su med do/ /de ci'i phyir zhe na/ de ni 'di ltar de la ngo bo nyid med do/ /rab 'byor gzhan yang byang chub sems dpa' sems dpa' chen po sems dang po bskyed pa nas nye bar bzung ste/ bdag kyang tshad med pa dang / bsam gtan dang / gzugs med pa'i snyoms par 'jug pa la gzhog go/ /gzhan yang tshad med pa dang / bsam gtan dang / gzugs med pa'i snyoms par 'jug pa la rab tu 'god do/ /tshad med pa dang / bsam gtan dang / gzugs med pa'i snyoms par 'jug pa rnams kyi legs pa rjod do/ /gzhan tshad med pa</font><hr>33.66a<br><font size=+1>

dang / bsam gtan dang / gzugs med pa'i snyoms par 'jug pa la mnyam par gzhag pa de dag gi legs pa rjod cing 'thun pas dga' bar spyod do/ /de tshad med pa dang / bsam gtan dang / gzugs med pa'i snyoms par 'jug pa dag la gnas shing / sems can rnams sbyin pas yongs su tshim par byed do/ /tshul khrims la rab tu 'god do/ /ting nge 'dzin dang / shes rab dang / rnam par grol ba dang / rnam par grol ba'i ye shes mthong ba la rab tu 'god do/ /de tshul khrims kyi phung po dang / ting nge 'dzin gyi phung po dang / shes rab kyi phung po dang / rnam par grol ba'i phung po dang / rnam par grol ba'i ye shes mthong ba'i phung po des/ nyan thos dang / rang sangs rgyas kyi sa las 'das nas/ tshul khrims kyi phung po dang / ting nge 'dzin gyi phung po dang / shes rab kyi phung po dang / rnam par grol ba'i phung po dang / rnam par grol ba'i ye shes mthong ba'i phung po de nyid kyis byang chub sems dpa'i skyon med par 'jug go/ /byang chub sems dpa'i skyon med par zhugs nas/ sangs rgyas kyi zhing yongs su dag par byas/ sems can rnams yongs su smin par byas nas/ rnam pa thams cad mkhyen pa nyid thob par byed do/ /rnam pa thams cad mkhyen pa nyid thob nas/ chos kyi 'khor lo bskor ro/ /chos kyi 'khor lo bskor nas/ sems can rnams theg pa gsum la so sor 'god cing 'khor ba las yongs su grol bar byed do/ /rab 'byor de ltar na byang chub sems dpa' sems dpa' chen po bsam gtan gyis mthar gyis spyod pa yod pa yin te/ de thams cad kyang dmigs su med do/ /de ci'i phyir zhe na/ de ni 'di ltar de la ngo bo nyid med do/ /rab 'byor gzhan yang byang chub sems dpa' sems dpa' chen po sems dang po bskyed pa nas nye bar bzung ste/ shes rab kyi pha rol tu phyin pa la spyod pa'i tshe/ sems can</font><hr>33.66b<br><font size=+1>

rnams sbyin pas yongs su tshim par byed do/ /tshul khrims la rab tu 'god do/ /ting nge 'dzin dang / shes rab dang / rnam par grol ba dang / rnam par grol ba'i ye shes mthong ba la rab tu 'god do/ /de shes rab kyi pha rol tu phyin pa la spyod pa'i tshe/ bdag kyang sbyin pa yongs su gtong ngo / /tshul khrims srung ngo / /bzod pa sgrub bo/ /brtson 'grus rtsom mo/ /bsam gtan la mnyam par gzhog go/ /shes rab sgom mo/ /gzhan yang sbyin pa dang / tshul khrims dang / bzod pa dang / brtson 'grus dang / bsam gtan dang / shes rab la rab tu gzhog go/ /sbyin pa dang / tshul khrims dang / bzod pa dang / brtson 'grus dang / bsam gtan dang / shes rab kyi legs pa rjod do/ /gzhan gang sbyin pa yongs su gtong ba dang / tshul khrims srung ba dang / bzod pa sgrub pa dang / brtson 'grus brtsom pa dang / bsam gtan la mnyam par gzhog pa dang / shes rab bsgom pa de dag gi yang legs pa rjod cing 'thun pas dga' bar spyod do/ /de sbyin pa'i pha rol du phyin pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol tu phyin pa dang / shes rab kyi pha rol du phyin pa de dang / thabs mkhas pas nyan thos dang / rang sangs rgyas kyi sa las 'das nas/ byang chub sems dpa'i skyon med par 'jug go/ /byang chub sems dpa'i skyon med par zhugs nas/ sangs rgyas kyi zhing yongs su dag par byas/ sems can rnams yongs su smin par byas nas/ rnam pa thams cad mkhyen pa nyid thob par byed do/ /rnam pa thams cad mkhyen pa nyid thob nas/ chos kyi 'khor lo bskor ro/ /chos kyi 'khor lo bskor nas/ sems can rnams theg pa gsum la so sor 'god cing / 'khor ba las yongs su grol bar byed do/ /rab 'byor de ltar na byang chub sems dpa' sems dpa' chen po shes</font><hr>33.67a<br><font size=+1>

rab kyis mthar gyis spyod pa rtsom ste/ de thams cad kyang dmigs su med do/ /de ci'i phyir zhe na/ de ni 'di ltar de la ngo bo nyid med do/ /rab 'byor gzhan yang byang chub sems dpa' sems dpa' chen po mthar gyis spyad pa dang / mthar gyis bslab pa dang / mthar gyis 'jug pa la slob ste/ de sems dang po bskyed pa nyid kyi tshe/ rnam pa thams cad mkhyen pa nyid dang ldan pa'i yid la bya bas/ chos thams cad dngos po med pa'i ngo bo nyid rtogs par byed de/ de sangs rgyas rjes su dran pa bsgom mo/ /chos rjes su dran pa dang / dge 'dun rjes su dran pa dang / tshul khrims rjes su dran pa dang / gtong ba rjes su dran pa dang / lha rjes su dran pa bsgom mo/ /rab 'byor ji ltar na byang chub sems dpa' sems dpa' chen po sangs rgyas rjes su dran pa sgom pa yin zhe na/ rab 'byor 'di la byang chub sems dpa' sems dpa' chen po de bzhin gshegs pa dgra bcom pa yang dag par rdzogs pa'i sangs rgyas gzugs su yid la mi byed/ tshor ba dang / 'du shes dang 'du byed dang rnam par shes par yid la mi byed do/ /de ci'i phyir zhe na/ de ni 'di ltar gzugs la ngo bo nyid med do/ /gang la ngo bo nyid med pa de ni dngos po med pa'o/ /tshor ba dang 'du shes dang 'du byed dang rnam par shes pa la ngo bo nyid med do/ /gang la ngo bo nyid med pa de ni dngos po med pa'o/ /dngos po med pas ni dngos po med pa dran par mi nus te/ de ci'i phyir zhe na/ dran pa med cing yid la byed pa med pa ni/ sangs rgyas rjes su dran pa'o/ /rab 'byor gzhan yang byang chub sems dpa' sems dpa' chen po sangs rgyas rjes su dran pa sgom na/ de bzhin gshegs pa dgra bcom pa yang dag par rdzogs pa'i sangs rgyas skyes bu chen po'i mtshan sum bcu rtsa gnyis kyis yid la mi byed/ sku gser gyi kha dog gis yid la mi byed/ 'od</font><hr>33.67b<br><font size=+1>

'dom gang bas yid la mi byed/ dpe byad bzang po brgyad bcus yid la mi byed do/ /de ci'i phyir zhe na/ de ni 'di ltar de dag la ngo bo nyid med de/ gang la ngo bo nyid med pa de ni dngos po med pa'o/ /dngos po med pas ni dngos po med pa dran par mi nus te/ de ci'i phyir zhe na/ dran pa med cing yid la bya ba med pa ni sangs rgyas rjes su dran pa'o/ /rab 'byor gzhan yang byang chub sems dpa' sems dpa' chen po sangs rgyas rjes su dran pa sgom na/ de bzhin gshegs pa dgra bcom pa yang dag par rdzogs pa'i sangs rgyas tshul khrims kyi phung por yid la mi byed/ ting nge 'dzin gyi phung po dang / shes rab kyi phung po dang / rnam par grol ba'i phung po dang / rnam par grol ba'i ye shes gzigs pa'i phung por yid la mi byed de/ de ci'i phyir zhe na/ de ni 'di ltar de dag la ngo bo nyid med de/ gang la ngo bo nyid med pa de ni dngos po med pa'o/ /dngos po med pas ni dngos po med pa dran par mi nus te/ de ci'i phyir zhe na/ dran pa med cing yid la bya ba med pa ni/ sangs rgyas rjes su dran pa'o/ /rab 'byor gzhan yang byang chub sems dpa' sems dpa' chen po sangs rgyas rjes su dran pa sgom na/ de bzhin gshegs pa dgra bcom pa yang dag par rdzogs pa'i sangs rgyas de bzhin gshegs pa'i stobs bcus yid la mi byed/ mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad kyis yid la mi byed de/ de ci'i phyir zhe na/ de ni 'di ltar de dag la ngo bo nyid med de/ gang la ngo bo nyid med pa de dag ni dngos po med pa'o/ /dngos po med pas ni dngos po med pa dran par mi nus te/ de ci'i phyir zhe na/ dran pa med cing yid la bya ba med pa ni/ sangs rgyas rjes su dran pa'o/ /rab 'byor gzhan</font><hr>33.68a<br><font size=+1>

yang byang chub sems dpa' sems dpa' chen po sangs rgyas rjes su dran pa sgom na/ de bzhin gshegs pa dgra bcom pa yang dag par rdzogs pa'i sangs rgyas rten cing 'brel bar 'byung bar yid la mi byed do/ /de ci'i phyir zhe na/ de ni 'di ltar de la ngo bo nyid med de/ gang la ngo bo nyid med pa de ni dngos po med pa'o/ /dngos po med pas ni dngos po med pa dran par mi nus te/ de ci'i phyir zhe na/ dran pa med cing yid la bya ba med pa ni/ sangs rgyas rjes su dran pa'o/ /rab 'byor de ltar byang chub sems dpa' sems dpa' chen po chos thams cad dngos po med pa'i ngo bo nyid shes rab kyi pha rol du phyin pa la spyod pas/ sangs rgyas rjes su dran pa bsgom par bya'o/ /de ltar na mthar gyis spyad pa dang / mthar gyis bslab pa dang / mthar gyis 'jug pa'i lam yod pa yin te/ de mthar gyis spyad pa la slob cing / mthar gyis slob pa dang / mthar gyis 'jug pa'i lam la slob pas/ dngos po med pa'i ngo bo nyid kyi tshul gyis/ pha rol du phyin pa thams cad dang / stong pa nyid thams cad dang / dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu yongs su rdzogs par byed do/ /stong pa nyid kyi ting nge 'dzin dang / mtshan ma med pa'i ting nge 'dzin dang / smon pa med pa'i ting nge 'dzin yongs su rdzogs par byed do/ /mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig</font><hr>33.68b<br><font size=+1>

pa bzhi dang / byams pa chen po dang / snying rje chen po yongs su rdzogs par byed do/ /sangs rgyas kyi chos ma 'dres pa bcwa brgyad yongs su rdzogs par byed do/ /rnam pa thams cad mkhyen pa nyid kyi bar du yongs su rdzogs par byed do/ /de ni chos thams cad dngos po med pa'i ngo bo nyid de mngon par rdzogs par 'tshang rgya bar 'gyur te/ de la dngos po yod par 'du shes pa 'am/ dngos po med par 'du shes pa yang med na/ dran pa'i las rdul tsam yang yod pa 'am/ dran pa dang bral bar 'gyur ba lta ci zhig smos/ rab 'byor ji ltar na byang chub sems dpa' sems dpa' chen po chos rjes su dran pa sgom pa yin zhe na/ rab 'byor 'di ltar byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ de chos rjes su dran pa sgoms na/ dge ba'i chos yid la mi byed/ mi dge ba'i chos yid la mi byed/ 'jig rten pa'i chos dang / 'jig rten las 'das pa'i chos dang / zang zing dang bcas pa'i chos dang / zang zing med pa'i chos dang / 'phags pa'i chos dang / 'phags pa ma yin pa'i chos dang / zag pa dang bcas pa'i chos dang / zag pa med pa'i chos dang / 'dod pa'i khams su gtogs pa'i chos dang / gzugs kyi khams su gtogs pa'i chos dang / gzugs med pa'i khams su gtogs pa'i chos dang / 'dus byas kyi chos dang / 'dus ma byas kyi chos yid la mi byed do/ /de ci'i phyir zhe na/ de ni 'di ltar chos de dag la ngo bo nyid med de/ gang la ngo bo nyid med pa de dag ni dngos po med pa'o/ /dngos po med pas ni dngos po med pa dran par mi nus te/ de ci'i phyir zhe na/ de ni 'di ltar dran pa med cing yid la bya ba med pa ni chos rjes su dran pa'o/ /rab 'byor de ltar byang chub sems dpa' sems dpa' chen po chos rjes su dran pa de la bslabs shing / dngos po med pa'i ngo bo nyid kyi tshul gyis/ rnam pa thams cad mkhyen pa nyid kyi bar du yongs su rdzogs par byed do/ /de ni chos thams cad dngos po</font><hr>33.69a<br><font size=+1>

med pa'i ngo bo nyid du mngon par rdzogs par 'tshang rgya bar 'gyur te/ de la dngos po yod par 'du shes pa 'am/ dngos po med pa'i 'du shes pa yang med na/ dran pa'i las rdul tsam yang yod pa 'am/ dran pa dang bral bar 'gyur ba lta ci zhig smos/ rab 'byor ji ltar na byang chub sems dpa' sems dpa' chen po dge 'dun rjes su dran pa sgom pa yin zhe na/ rab 'byor 'di la byang chub sems dpa' sems dpa' chen po shes rab kyi pha rol du phyin pa la spyod pa'i tshe/ dge 'dun rjes su dran pa sgom ste/ bcom ldan 'das kyi nyan thos kyi dge 'dun tshul khrims dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba phun sum tshogs pa'i skyes bu zung bzhi dang / skyes bu gang zag brgyad po de dag dngos po med pa'i ngo bo nyid du yid la byed do/ /de ci'i phyir zhe na/ de ni 'di ltar de dag la ngo bo nyid med do/ /gang la ngo bo nyid med pa dag ni dngos po med pa'o/ /dngos po med pas ni dngos po med pa dran par mi nus te/ de ci'i phyir zhe na/ de ni 'di ltar dran pa med cing yid la bya ba med pa ni/ dge 'dun rjes su dran pa'o/ /rab 'byor de ltar byang chub sems dpa' sems dpa' chen po dge 'dun rjes su dran pa de la bslabs shing / dngos po med pa'i ngo bo nyid kyi tshul gyis rnam pa thams cad mkhyen pa nyid kyi bar du yongs su rdzogs par byed do/ /de ni chos thams cad dngos po med pa'i ngo bo nyid du mngon par rdzogs par 'tshang rgya bar 'gyur te/ de la dngos po yod par 'du shes pa 'am/ dngos po med par 'du shes pa yang med na/ dran pa'i las rdul tsam yang yod pa 'am/ dran pa dang bral bar 'gyur ba lta ci zhig smos/ rab 'byor ji ltar na byang chub sems dpa' sems dpa' chen po tshul khrims rjes su dran pa sgom pa yin zhe na/ rab 'byor 'di la byang chub sems dpa' sems dpa' chen po shes rab kyi pha rol du phyin pa la spyod pa'i tshe/ tshul khrims rjes su dran pa sgom zhing / ma ral ba ma</font><hr>33.69b<br><font size=+1>

zhig pa ma 'dres pa/ skyon med pa/ ma nyams pa/ mthu dang ldan pa/ mkhas pas bsngags pa/ shin du rdzogs pa'i ting nge 'dzin yongs su grub pa'i tshul khrims la gnas pa yin te/ de tshul khrims de dngos po med pa'i ngo bo nyid du yid la byed do/ /de ci'i phyir zhe na/ de ni 'di ltar de la ngo bo nyid med de/ gang la ngo bo nyid med pa de dag ni dngos po med pa'o/ /dngos po med pas ni dngos po med pa dran par mi nus te/ de ci'i phyir zhe na/ de ni 'di ltar dran pa med cing yid la bya ba med pa ni/ tshul khrims rjes su dran pa'o/ /rab 'byor de ltar byang chub sems dpa' sems dpa' chen po tshul khrims rjes su dran pa de la bslabs shing / dngos po med pa'i ngo bo nyid kyi tshul gyis rnam pa thams cad mkhyen pa nyid kyi bar du yongs su rdzogs par byed do/ /de ni chos thams cad dngos po med pa'i ngo bo nyid du mngon par rdzogs par 'tshang rgya bar 'gyur te/ de la dngos po yod par 'du shes pa 'am/ dngos po med par 'du shes pa yang med na/ dran pa'i las rdul tsam yang yod pa 'am/ dran pa dang bral bar 'gyur ba lta ci zhig smos/ rab 'byor ji ltar na byang chub sems dpa' sems dpa' chen po shes rab kyi pha rol du phyin pa la spyod pa'i tshe/ gtong ba rjes su dran par 'gyur zhe na/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ gtong ba rjes su dran pa sgom zhing / gang zang zing gtong ba dang / chos gtong ba yid la mi byed de/ de yan lag dang / nying lag kyang yongs su gtong na/ dngos po gzhan lta ci zhig smos/ de ltar sbyin pa yongs su gtong yang / 'di ltar bdag ni sbyin pa yongs su gtong ba'o/ /dngos po 'di gtong ba'o/ /'di la gtong bar bya'o snyam du mi sems so/ /de ci'i phyir zhe na/ de ni 'di ltar dngos po med pa de dag la ngo bo nyid med de/ gang la ngo bo nyid med pa de dag ni dngos po med pa'o/ /dngos</font><hr>33.70a<br><font size=+1>

po med pas ni dngos po med pa dran par mi nus te/ de ci'i phyir zhe na/ de ni 'di ltar dran pa med cing yid la bya ba med pa ni gtong ba rjes su dran pa'o/ /rab 'byor de ltar byang chub sems dpa' sems dpa' chen po gtong ba rjes su dran pa la bslabs shing / dngos po med pa'i ngo bo nyid kyi tshul gyis/ rnam pa thams cad mkhyen pa nyid kyi bar du yongs su rdzogs par byed do/ /de ni chos thams cad dngos po med pa'i ngo bo nyid du mngon par rdzogs par 'tshang rgya bar 'gyur te/ de la dngos po yod par 'du shes pa 'am/ dngos po med par 'du shes pa yang med na/ de la dran pa'i las rdul tsam yang yod pa 'am/ dran pa dang bral bar 'gyur ba lta ci zhig smos/ rab 'byor ji ltar na byang chub sems dpa' sems dpa' chen po shes rab kyi pha rol du phyin pa la spyod pa'i tshe/ lha rjes su dran pa yin zhe na/ rab 'byor 'di la byang chub sems dpa' sems dpa' chen po lha rjes su dran pa sgom ste/ rgyal chen bzhi'i ris kyi lhar skyes pa dang / sum bcu rtsa gsum dang / mtshe ma dang / dga' ldan dang / 'phrul dga' dang / gzhan 'phrul dbang byed kyi lhar skyes pa'i lha dag dang / gzugs na spyod pa dang / gzugs med pa na spyod pa'i phyir mi 'ong ba de dag dngos po med pa'i ngo bo nyid kyi tshul gyis yid la byed do/ /de ci'i phyir zhe na/ de ni 'di ltar de dag la ngo bo nyid med de/ gang la ngo bo nyid med pa de dag ni dngos po med pa'o/ /dngos po med pas ni dngos po med pa dran par mi nus te/ de ci'i phyir zhe na/ de ni 'di ltar dran pa med cing yid la bya ba med pa ni lha rjes su dran pa'o/ /rab 'byor de ltar byang chub sems dpa' sems dpa' chen po lha rjes su dran pa de la bslabs shing / rnam pa thams cad mkhyen pa nyid kyi bar du yongs su rdzogs par byed do/ /de ni chos thams cad dngos po med pa'i ngo bo nyid du mngon par rdzogs par 'tshang rgya bar 'gyur te/ de la</font><hr>33.70b<br><font size=+1>

dngos po yod par 'du shes pa 'am/ dngos po med par 'du shes pa yang med na/ dran pa'i las rdul tsam yang yod pa 'am/ dran pa dang bral bar 'gyur ba lta ci zhig smos/ rab 'byor gzhan yang byang chub sems dpa' sems dpa' chen po sems dang po bskyed pa nas nye bar bzung ste/ shes rab kyi pha rol du phyin pa la spyod pa'i tshe/ mthar gyis spyad pa dang / mthar gyis bslab pa dang / mthar gyis 'jug pa'i lam yongs su rdzogs par bya bar 'dod pas/ rnam pa thams cad mkhyen pa nyid dang ldan pa'i yid la bya bas/ dngos po med pa'i ngo bo nyid kyi tshul gyis/ sbyin pa'i pha rol tu phyin pa la bslab par bya'o/ /tshul khrims kyi pha rol tu phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la bslab par bya'o/ /nang stong pa nyid la bslab par bya'o/ /phyi stong pa nyid dang / phyi nang stong pa nyid dang / dngos po med pa'i ngo bo nyid stong pa nyid kyi bar la bslab par bya'o/ /dran pa nye bar gzhag pa rnams la bslab par bya'o/ /yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam la bslab par bya'o/ /'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa'i ting nge 'dzin dang / mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs bcu dang / mi 'jigs pa dang / so so yang dag par rig pa dang / byams pa chen po dang / snying rje chen po dang / sangs rgyas kyi chos ma 'dres pa rnams la bslab par bya'o/ /rnam pa thams cad mkhyen pa nyid kyi bar la bslab</font><hr>33.71a<br><font size=+1>

par bya'o/ /rab 'byor de ltar na byang chub sems dpa' sems dpa' chen po chos thams cad dngos po med pa'i ngo bo nyid la slob pa'i mthar gyis spyod pa yod pa yin/ mthar gyis bslab pa yod pa yin/ mthar gyis 'jug pa'i lam yod pa yin te/ byang chub sems dpa' sems dpa' chen po de mthar gyis spyod pa dang / mthar gyis bslab pa dang / mthar gyis 'jug pa'i lam la slob pas dngos po med pa'i ngo bo nyid kyi tshul gyis sbyin pa'i pha rol tu phyin pa yongs su rdzogs par byed do/ /dngos po med pa'i ngo bo nyid kyi tshul gyis/ tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa yongs su rdzogs par byed do/ /rnam pa thams cad mkhyen pa nyid kyi bar du yongs su rdzogs par byed do/ /de ni chos thams cad dngos po med pa'i ngo bo nyid du mngon par rdzogs par 'tshang rgya bar 'gyur te/ de la dngos po yang med na/ gzugs sam/ tshor ba 'am/ 'du shes sam/ 'du byed dam/ rnam par shes pa 'am/ skye mched rnams sam/ khams rnams sam/ rten cing 'brel bar 'byung ba rnams sam/ pha rol tu phyin pa rnams sam/ stong pa nyid thams cad dam/ byang chub kyi phyogs kyi chos rnams sam/ 'phags pa'i bden pa rnams sam/ bsam gtan rnams sam/ tshad med pa rnams sam/ gzugs med pa'i snyoms par 'jug pa rnams sam/ rnam par thar pa rnams sam/ mthar gyis gnas pa'i snyoms par 'jug pa rnams sam/ stong pa nyid dang / mtshan ma med pa dang / smon pa med pa 'am mngon par shes pa rnams sam/ ting nge 'dzin rnams sam/ gzungs kyi sgo rnams sam/ de bzhin gshegs pa'i stobs</font><hr>33.71b<br><font size=+1>

rnams sam/ mi 'jigs pa rnams sam/ so so yang dag par rig pa rnams sam/ byams pa chen po 'am/ snying rje chen po 'am/ sangs rgyas kyi chos ma 'dres pa 'am/ rnam pa thams cad mkhyen pa nyid kyi bar du yod par 'gyur ba 'am/ rnam pa thams cad mkhyen pa nyid kyi ye shes yod par 'gyur ba lta ga la yod de/ de ni gnas med do/ /de skad ces bka' stsal pa dang / tshe dang ldan pa rab 'byor gyis/ bcom ldan 'das la 'di skad ces gsol to/ /bcom ldan 'das gal te de ltar chos thams cad dngos po ma mchis pa'i ngo bo nyid lags na/ 'o na ni gzugs kyang ma mchis/ tshor ba dang / 'du shes dang 'du byed dang rnam par shes pa yang ma mchis/ skye mched rnams dang / khams rnams dang rten cing 'brel bar 'byung ba yang ma mchis/ rten cing 'brel bar 'byung ba'i yan lag rnams kyang ma mchis/ pha rol du phyin pa rnams dang / stong pa nyid thams cad dang / byang chub kyi phyogs kyi chos rnams kyang ma mchis/ 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs dang / mi 'jigs pa dang / so so yang dag par rig pa dang / byams pa chen po dang / snying rje chen po dang / sangs rgyas kyi chos ma 'dres pa rnams kyang ma mchis/ rnam pa thams cad mkhyen pa nyid kyi ye shes kyi bar yang ma mchis/ sangs rgyas dang / chos dang / dge 'dun yang ma mchis/ </font><hr>33.72a<br><font size=+1>

lam yang ma mchis/ 'bras bu yang ma mchis/ nyon mongs pa yang ma mchis/ rnam par byang ba yang ma mchis/ 'thob pa yang ma mchis/ mngon par rtogs pa yang ma mchis/ chos thams cad kyang ma mchis pa lags sam/ bcom ldan 'das kyis bka' stsal pa/ rab 'byor de ji snyam du sems/ chos thams cad dngos po med pa'i ngo bo nyid la yod pa 'am med pa zhig dmigs su yod snyam 'am/ rab 'byor gyis gsol pa/ bcom ldan 'das de ni ma lags te/ chos thams cad dngos po ma mchis pa'i ngo bo nyid la mchis pa 'am ma mchis pa mi dmigs so/ /bcom ldan 'das kyis bka' stsal pa/ rab 'byor 'o na ci'i phyir khyod de ltar gal te chos thams cad dngos po med pa'i ngo bo nyid yin na/ gzugs kyang med/ tshor ba dang / 'du shes dang / 'du byed dang / rnam par shes pa yang med/ skye mched dang khams dang rten cing 'brel bar 'byung ba yang med/ pha rol du phyin pa rnams dang / stong pa nyid thams cad dang /  byang chub kyi phyogs kyi chos rnams kyang med/ 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang /  stong pa nyid dang / mtshan ma med pa dang /  smon pa med pa dang /  mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs rnams dang /  mi 'jigs pa dang /  so so yang dag par rig pa dang / byams pa chen po dang / snying rje chen po dang / sangs rgyas kyi chos ma 'dres pa rnams kyang med/ rnam pa thams</font><hr>33.72b<br><font size=+1>

cad mkhyen pa nyid kyi ye shes kyi bar yang med/ sangs rgyas dang / chos dang / dge 'dun yang med/ lam yang med/ 'bras bu yang med nyon mongs pa yang med/  rnam par byang ba yang med/ 'thob pa yang med/ mngon par rtogs pa yang med/ chos thams cad kyang med do zhes bya bar sems par gyur/  rab 'byor gyis gsol pa/ bcom ldan 'das bdag ni chos 'di dag la nem nur yang ma mchis/ the tshom yang ma mchis te/ 'on kyang bcom ldan 'das ma byung ba'i dus na/ dge slong nyan thos kyi theg pa pa 'am/ rang sangs rgyas kyi theg pa pa 'am/ byang chub sems dpa'i theg pa pa dag 'di skad du gal te/ chos thams cad dngos po med pa'i ngo bo nyid yin na/ chos thams cad dngos po med pa'i ngo bo nyid la su zhig /kun nas nyon mongs pa 'am/ rnam par byang bar 'gyur zhes mchi zhing / de dag kun nas nyon mongs pa dang / rnam par byang bar ma 'tshal bas/ tshul khrims log par 'gyur/ lta ba log par 'gyur/ spyod pa log par 'gyur/ 'tsho ba log par 'gyur te/ tshul khrims log par gyur pa dang / lta ba log par gyur pa dang / spyod pa log par gyur pa dang / 'tsho ba log par gyur pa de dag sems can dmyal ba 'am/ byol song gi skye gnas sam/ gshin rje'i 'jig rten gyi ngan song gsum las gcig tu mchi bar 'gyur te/ bcom ldan 'das bdag gis ma byung ba'i 'jigs pa de dag mthong nas/ de bzhin gshegs pa dgra bcom pa yang dag par rdzogs pa'i sangs rgyas la don de zhus pa lags kyi/ bcom ldan 'das bdag ni chos 'di dag la nem nur ram/  the tshom ma mchis so/ /bcom ldan 'das kyis bka' stsal pa/ rab 'byor legs so legs so/ /de de</font><hr>33.73a<br><font size=+1>

bzhin te/ ji skad du smras pa de bzhin no/ /shes rab kyi pha rol du phyin pa stong phrag nyi shu lnga pa las/ le'u lnga bcu dgu pa'o// // tshe dang ldan pa rab 'byor gyis bcom ldan 'das la yang 'di skad ces gsol to/ /bcom ldan 'das gal te chos thams cad dngos po ma mchis pa'i ngo bo nyid lags na/ don ci zhig mthong zhing byang chub sems dpa' sems dpa' chen po sems can rnams kyi don gyi slad du/ bla na med pa yang dag par rdzogs pa'i byang chub tu 'jug pa lags/ bcom ldan 'das kyis bka' stsal pa/ rab 'byor ji ltar chos thams cad dngos po med pa'i ngo bo nyid yin pa de ltar/ byang chub sems dpa' sems dpa' chen po bla na med pa yang dag par rdzogs pa'i byang chub tu 'jug ste/ de ci'i phyir zhe na/ rab 'byor dmigs pa ni rgya chung ba ste/ dmigs pa'i 'du shes can thob pa med do/ /mngon par rtogs pa med do/ /bla na med pa yang dag par rdzogs pa'i byang chub med do/ /gsol pa/ bcom ldan 'das dmigs pa ma mchis pa la thob pa 'am/ mngon par rtogs pa 'am/ bla na med pa yang dag par rdzogs pa'i byang chub mchis sam/ bcom ldan 'das kyis bka' stsal pa/ rab 'byor chos kyi dbyings la rnam par 'khrug pa med pa'i phyir/ mi dmigs pa nyid thob pa'o/ /mi dmigs pa nyid mngon par rtogs pa'o/ /mi dmigs pa nyid bla na med pa yang dag par rdzogs pa'i byang chub bo/ /gang mi dmigs pa la 'thob pa 'am/ mngon par rtogs pa 'am/ bla na med pa yang dag par rdzogs pa'i byang chub 'dod pa de ni/ chos kyi dbyings la rnam par dkrug par 'dod du zad do/ /gsol pa/ bcom ldan 'das gal te de ltar dmigs</font><hr>33.73b<br><font size=+1>

pa ma mchis pa la yang 'thob pa ma mchis/ mngon par rtogs pa ma mchis/ bla na med pa yang dag par rdzogs pa'i byang chub ma mchis la/  mi dmigs pa nyid 'thob pa/ mi dmigs pa nyid mngon par rtogs pa/ mi dmigs pa nyid bla na med pa yang dag par rdzogs pa'i byang chub lags na/ bcom ldan 'das byang chub sems dpa' sems dpa' chen po'i sa dang po yang ga la mchis/ sa gnyis pa yang ga la mchis/ sa gsum pa yang ga la mchis/ sa bcu pa'i bar du yang ga la mchis/ mi skye ba'i chos la bzod pa yang ga la mchis/ rnam par smin pa las byung ba'i mngon par shes pa yang ga la mchis/ rnam par smin pa las byung ba'i sbyin pa yang ga la mchis/ rnam par smin pa las byung ba'i tshul khrims dang / bzod pa dang / brtson 'grus dang / bsam gtan dang / rnam par smin pa las byung ba'i shes rab kyang ga la mchis/ rnam par smin pa las byung ba'i byang chub kyi phyogs kyi chos rnams kyang ga la mchis te/ rnam par smin pa'i chos de dag la gnas shing / sems can rnams yongs su smin par bgyid pa dang / sangs rgyas kyi zhing yongs su dag par bgyid pa dang / sangs rgyas bcom ldan 'das rnams la zhal zas dang / btung ba dang / na bza' dang / gzims cha dang / pho brang dang / yo byad dang / me tog dang / bdug spos dang / spos dang / phreng ba dang / byug pa dang / phye ma dang / chos gos dang / gdugs dang / rgyal mtshan dang / ba dan dang / mar me dang / lha dang mi'i phun sum tshogs pa gzhan gang yang rung ba dag gis rim gro bgyid cing / de la de dag rgyun mi chad par yongs su mya ngan las 'das pa'i bar du sku gdung dang / nyan thos dag la rnam par smin par gyur kyang</font><hr>33.74a<br><font size=+1>

bas par mi 'gyur na/ bcom ldan 'das de'i slad du byang chub sems dpa' sems dpa' chen po chos kyi dbyings rnam par dkrug par bgyid par mi 'gyur ram/ bcom ldan 'das kyis bka' stsal pa/ rab 'byor gang gi phyir mi dmigs pa de nyid kyi phyir/ byang chub sems dpa' sems dpa' chen po chos kyi dbyings rnam par 'khrug par mi byed de/ de nyid kyi phyir byang chub sems dpa' sems dpa' chen po'i sa dang po'o/ /de nyid kyi phyir sa gnyis pa dang / sa gsum pa dang / sa bcu pa nyid kyi bar du'o/ /de nyid kyi phyir mi skye ba'i chos la bzod pa'o/ /de nyid kyi phyir rnam par smin pa las byung ba'i mngon par shes pa'o/ /de nyid kyi phyir rnam par smin pa las byung ba'i sbyin pa dang / tshul khrims dang / bzod pa dang / brtson 'grus dang / bsam gtan dang / shes rab bo/ /de nyid kyi phyir rnam par smin pa las byung ba'i byang chub kyi phyogs kyi chos rnams so/ /de nyid kyi phyir rnam par smin pa las byung ba'i dge ba'i rtsa ba rnams te/ dge ba'i rtsa ba de dag gis byang chub sems dpa' sems dpa' chen po sems can rnams yongs su smin par byed do/ /sangs rgyas kyi zhing yongs su dag par byed de/ sangs rgyas bcom ldan 'das rnams la yang zhal zas dang / btung ba dang / na bza' dang / gzims cha dang / pho brang dang / yo byad dang / me tog dang / bdug spos dang / spos dang / phreng ba dang / byug pa dang / phye ma dang / chos gos dang / gdugs dang / rgyal mtshan dang / ba dan dang / mar me dang / lha dang mi'i phun sum tshogs pa gzhan gang yang rung ba dag gis rim gro byed cing / de la de dag rgyun mi chad par yongs su mya ngan las 'das kyi bar du sku gdung dang / nyan thos dag la rnam par smin par gyur kyang / zad</font><hr>33.74b<br><font size=+1>

par mi 'gyur ro/ /gsol pa/ bcom ldan 'das mi dmigs pa dang / sbyin pa dang /  tshul khrims dang / bzod pa dang / brtson 'grus dang / ting nge 'dzin dang / shes rab dang / mngon par shes pa rnams la bye brag ni ci zhig mchis/ tha dad du bgyi ba ni ci zhig mchis/ bcom ldan 'das kyis bka' stsal pa/ rab 'byor mi dmigs pa dang / sbyin pa dang / tshul khrims dang / bzod pa dang / brtson 'grus dang / ting nge 'dzin dang / shes rab dang / mngon par shes pa rnams la tha dad du bya ba gang yang med do/ /rab 'byor gos pa med pa'i sbyin pa dang / tshul khrims dang / bzod pa dang / brtson 'grus dang / bsam gtan dang / shes rab dang / gos pa med pa'i mngon par shes pa dag la ni tha dad du bya bar bstan to/ /gsol pa/ bcom ldan 'das gos pa ma mchis pa'i sbyin pa dang / tshul khrims dang / bzod pa dang / brtson 'grus dang / bsam gtan dang / shes rab dang / mngon par shes pa rnams ji ltar tha dad du bgyi bar bstan/ bcom ldan 'das kyis bka' stsal pa/  rab 'byor 'di la byang chub sems dpa' sems dpa' chen po shes rab kyi pha rol du phyin pa la spyod pa'i tshe/ sbyin pa mi dmigs/ gtong ba mi dmigs/ gtong ba po mi dmigs/ len pa po mi dmigs par sbyin pa gtong ngo / /tshul khrims mi dmigs par tshul khrims srung ngo / /bzod pa mi dmigs par bzod pa sgrub bo/ /brtson 'grus mi dmigs par brtson 'grus rtsom mo/ /ting nge 'dzin mi dmigs par snyoms par 'jug go/ /shes rab mi dmigs par shes rab sgom mo/ /mngon par shes pa mi dmigs par mngon par shes pa rnams la spyod do/ /dran pa nye bar gzhag pa rnams mi dmigs par dran pa nye bar gzhag pa rnams la spyod do/ /yang dag par spong ba dang / rdzu 'phrul gyi rkang pa dang / </font><hr>33.75a<br><font size=+1>

dbang po dang / stobs dang / byang chub kyi yan lag dang / lam mi dmigs par lam la spyod do/ /'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa mi dmigs par gzugs med pa'i snyoms par 'jug pa rnams la spyod do/ /rnam par thar pa rnams dang /  mthar gyis gnas pa'i snyoms par 'jug pa rnams mi dmigs par/ mthar gyis gnas pa'i snyoms par 'jug pa rnams la spyod do/ /stong pa nyid dang / mtshan ma med pa dang / smon pa med pa mi dmigs par smon pa med pa la spyod do/ /mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams mi dmigs par so so yang dag par rig pa rnams la spyod do/ /byams pa chen po dang / snying rje chen po dang / sangs rgyas kyi chos ma 'dres pa rnams mi dmigs par sangs rgyas kyi chos ma 'dres pa rnams la spyod do/ /sems can rnams mi dmigs par sems can rnams yongs su smin par byed do/ /sangs rgyas kyi zhing mi dmigs par sangs rgyas kyi zhing yongs su dag par byed do/ /sangs rgyas kyi chos rnams mi dmigs par byang chub tu mngon par rdzogs par 'tshang rgya'o/ /rab 'byor de ltar byang chub sems dpa' sems dpa' chen po mi dmigs pa'i tshul gyis/ shes rab kyi pha rol du phyin pa la spyod do/ /rab 'byor byang chub sems dpa' sems dpa' chen po shes rab kyi pha rol du phyin pa la de ltar spyod na/ de la bdud sdig to can rnams sam/ bdud kyi ris kyi lha rnams kyis tshugs par dka' ba yin no/ /de skad ces bka' stsal pa dang / tshe dang ldan pa rab 'byor gyis/ bcom ldan 'das la 'di skad ces</font><hr>33.75b<br><font size=+1>

gsol to/ /bcom ldan 'das byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ ji ltar sems bskyed pa gcig gis pha rol du phyin pa drug yongs su 'dzin pa lags/ bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa yongs su 'dzin pa lags/ rnam par thar pa'i sgo gsum dang / 'phags pa'i bden pa bzhi dang / rnam par thar pa brgyad dang / mthar gyis gnas pa'i snyoms par 'jug pa dgu dang / mngon par shes pa lnga yongs su 'dzin pa lags/ nang stong pa nyid dang / phyi stong pa nyid dang / phyi nang stong pa nyid dang / dngos po med pa'i ngo bo nyid stong pa nyid kyi bar du yongs su 'dzin pa lags/ ting nge 'dzin rnams dang gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad dang / mi chen po'i mtshan sum bcu rtsa gnyis dang / dpe byad bzang po brgyad bcu yongs su 'dzin pa lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen pos sbyin pa gang gtong ba de shes rab kyi pha rol du phyin pas yongs su zin pa las gzhan du ma yin no/ /tshul khrims gang srung ba dang / bzod pa gang sgom pa dang / brtson 'grus gang rtsom pa dang / ting nge 'dzin gang la snyoms par 'jug pa dang / shes rab gang sgom pa de shes rab kyi pha rol tu phyin pas</font><hr>33.76a<br><font size=+1>

yongs su zin pa las gzhan du ma yin no/ /bsam gtan rnams dang / tshad med pa rnams dang / gzugs med pa'i snyoms par 'jug pa rnams la gang snyoms par 'jug pa dang / dran pa nye bar gzhag pa rnams la gang sgom pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa la gang sgom pa dang / rnam par thar pa'i sgo gsum dang / 'phags pa'i bden pa dang / rnam par thar pa rnams dang mthar gyis gnas pa'i snyoms par 'jug pa rnams dang / mngon par shes pa rnams la gang sgom pa de/ shes rab kyi pha rol du phyin pas yongs su zin pa las gzhan du ma yin no/ /nang stong pa nyid dang / dngos po med pa'i ngo bo nyid stong pa nyid kyi bar la gang sgom pa dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams dang / byams pa chen po dang / snying rje chen po dang / sangs rgyas kyi chos ma 'dres pa rnams la gang sgom pa de shes rab kyi pha rol du phyin pas yongs su zin pa las gzhan du ma yin no/ /mtshan rnams dang / dpe byad bzang po rnams gang mngon par sgrub pa de shes rab kyi pha rol du phyin pas yongs su zin pa las gzhan du ma yin no/ /rab 'byor byang chub sems dpa' sems dpa' chen po shes rab kyi pha rol du phyin pa la de ltar spyod pa ni/ sems bskyed pa gcig gis pha rol du phyin pa drug yongs su rdzogs par byed do/ /bsam gtan rnams dang / tshad med pa rnams dang / gzugs med pa'i snyoms par 'jug pa rnams yongs su rdzogs par byed do/ /dran pa nye bar</font><hr>33.76b<br><font size=+1>

gzhag pa rnams dang / yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa yongs su rdzogs par byed do/ /rnam par thar pa'i sgo rnams dang / 'phags pa'i bden pa rnams dang / rnam par thar pa rnams dang / mthar gyis gnas pa'i snyoms par 'jug pa rnams dang / mngon par shes pa rnams yongs su rdzogs par byed do/ /nang stong pa nyid dang / dngos po med pa'i ngo bo nyid stong pa nyid kyi bar dang /  ting nge 'dzin rnams dang / gzungs kyi sgo rnams dang / stobs rnams dang / mi 'jigs pa rnams dang / so so yang dag par rig pa rnams dang / byams pa chen po dang / snying rje chen po dang / sangs rgyas kyi chos ma 'dres pa rnams yongs su rdzogs par byed do/ /mi chen po'i mtshan rnams dang / dpe byad bzang po rnams yongs su rdzogs par byed do/ /gsol pa/ bcom ldan 'das byang chub sems dpa' sems dpa' chen po shes rab kyi pha rol du phyin pas yongs su zin pa de/ sems skyed pa gcig gis ji ltar pha rol du phyin pa drug yongs su 'dzin pa lags/ bsam gtan rnams dang / tshad med pa rnams dang / gzugs med pa'i snyoms par 'jug pa rnams yongs su 'dzin pa lags/ dran pa nye bar gzhag pa rnams dang / yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa yongs su 'dzin pa lags/ rnam par thar pa'i sgo rnams dang / 'phags pa'i bden pa rnams dang / rnam par thar pa rnams dang / mthar gyis gnas pa'i snyoms par 'jug</font><hr>33.77a<br><font size=+1>

pa rnams dang / mngon par shes pa rnams yongs su 'dzin pa lags/ stong pa nyid thams cad yongs su 'dzin pa lags/ ting nge 'dzin rnams dang / gzungs kyi sgo rnams dang / de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams dang / byams pa chen po dang / snying rje chen po dang / sangs rgyas kyi chos ma 'dres pa rnams yongs su 'dzin pa lags/ mi chen po'i mtshan sum bcu rtsa gnyis dang / dpe byad bzang po brgyad bcu yongs su 'dzin pa lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po shes rab kyi pha rol du phyin pa la spyod pa'i tshe/ sbyin pa gang gtong ba de shes rab kyi pha rol du phyin pas yongs su zin par gtong ste/ de la gnyis kyi 'du shes su mi 'gyur ro/ /tshul khrims gang srung ba dang / bzod pa gang sgom pa dang / brtson 'grus gang rtsom pa dang / ting nge 'dzin gang la snyoms par 'jug pa dang / shes rab gang sgom pa de shes rab kyi pha rol du phyin pas yongs su zin par sgom ste/ de la gnyis kyi 'du shes su mi 'gyur ro/ /nang stong pa nyid gang sgom pa dang / dngos po med pa'i ngo bo nyid stong pa nyid kyi bar du gang sgom pa de shes rab kyi pha rol du phyin pas yongs su zin par sgom ste/ de la gnyis kyi 'du shes su mi 'gyur ro/ /byang chub kyi phyogs kyi chos rnams gang sgom pa de shes rab kyi pha rol du phyin pas yongs su zin par sgom ste/  de la gnyis kyi 'du shes su mi 'gyur ro/ /'phags pa'i bden pa dang /  bsam gtan dang /  tshad med pa dang / gzugs med pa'i snyoms par 'jug pa dang /  rnam par thar pa dang / mthar gyis gnas pa'i snyoms par 'jug pa rnams dang / </font><hr>33.77b<br><font size=+1>

rnam par thar pa'i sgo stong pa nyid dang /  mtshan ma med pa dang /  smon pa med pa dang / mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs rnams dang / mi 'jigs pa dang / so so yang dag par rig pa dang /  byams pa chen po dang /  snying rje chen po dang / sangs rgyas kyi chos ma 'dres pa rnams gang sgom pa de shes rab kyi pha rol du phyin pas yongs su zin par sgom ste/ de la gnyis kyi 'du shes su mi 'gyur ro/ /mtshan rnams dang / dpe byad bzang po rnams gang mngon par sgrub pa de shes rab kyi pha rol du phyin pas yongs su zin par mngon par sgrub pa ste/ de la gnyis kyi 'du shes su mi 'gyur ro/ /gsol pa/ bcom ldan 'das byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ ji ltar na sbyin pa gtong ba dang / de la gnyis kyi 'du shes su mi 'gyur ba lags/ ji ltar na tshul khrims dang / bzod pa dang / brtson 'grus dang / bsam gtan dang / shes rab sgom pa dang / de la gnyis kyi 'du shes su mi 'gyur ba lags/ ji ltar na nang stong pa nyid dang / dngos po med pa'i ngo bo nyid stong pa nyid kyi bar du sgom pa dang / de la gnyis kyi 'du shes su mi 'gyur ba lags/ ji ltar na byang chub kyi phyogs kyi chos rnams dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang /  rnam par thar pa dang / mthar gyis gnas pa'i snyoms par 'jug pa dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs dang / mi 'jigs pa dang / so so yang dag par rig pa dang byams pa chen po dang / snying rje chen po dang / sangs rgyas kyi chos ma 'dres pa rnams sgom pa dang / de la gnyis kyi 'du shes su mi 'gyur ba lags/ ji </font><hr>33.78a<br><font size=+1>

ltar na mi chen po'i mtshan sum bcu rtsa gnyis dang / dpe byad bzang po brgyad bcu mngon par sgrub pa dang / de la gnyis kyi 'du shes su mi 'gyur ba lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po shes rab kyi pha rol du phyin pa la spyod pa'i tshe/ sbyin pa'i pha rol du phyin pa yongs su rdzogs par byed de/ de sbyin pa'i pha rol du phyin pa der pha rol du phyin pa drug po thams cad 'dus par byas shing / sbyin pa'i pha rol du phyin pa yongs su rdzogs par byed do/ /de tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa yongs su rdzogs par byed de/ de shes rab kyi pha rol du phyin pa der/ pha rol du phyin pa drug po thams cad 'dus par byas shing / shes rab kyi pha rol du phyin pa yongs su rdzogs par byed do/ /de shes rab kyi pha rol du phyin pa la spyod pa'i tshe/ byang chub kyi phyogs kyi chos rnams yongs su rdzogs par byed de/ de byang chub kyi phyogs kyi chos der pha rol du phyin pa drug po thams cad 'dus par byas shing / byang chub kyi phyogs kyi chos rnams yongs su rdzogs par byed do/ /rab 'byor byang chub sems dpa' sems dpa' chen po de gang gi tshe/ shes rab kyi pha rol du phyin pa la spyod cing / sbyin pa gtong ba de'i tshe/ zag pa med pa'i sems la gnas shing / sbyin pa yongs su gtong ste/ de zag pa med pa'i sems de la gnas pa'i mtshan ma dang / gang sbyin pa dang / gang la sbyin pa dang / gang gis sbyin pa dang / gang yongs su gtong ba yang yang dag par rjes su mi mthong ngo / /de mtshan ma dang bral ba'i sems zag pa med cing ser sna dang bral ba/  chags sems med pa des sbyin pa gtong ste/ de sems de yang yang dag par rjes su mi mthong ngo / /ji ltar</font><hr>33.78b<br><font size=+1>

sems yang dag par rjes su mi mthong ba de ltar sbyin pa yang yang dag par rjes su mi mthong / chos thams cad kyi bar du yang yang dag par rjes su mi mthong ngo / /rab 'byor gzhan yang byang chub sems dpa' sems dpa' chen po shes rab kyi pha rol du phyin pa la spyod cing /  mtshan ma dang bral ba'i sems kyis/  tshul khrims srung ba'i tshe/ tshul khrims de yang yang dag par rjes su mi mthong ste/ chos thams cad kyi bar du yang yang dag par rjes su mi mthong ngo / /shes rab kyi pha rol du phyin pa stong phrag nyi shu lnga pa/ bam po drug bcu lnga pa/ rab 'byor gzhan yang byang chub sems dpa' sems dpa' chen po shes rab kyi pha rol du phyin pa la spyod cing / mtshan ma dang bral ba'i sems kyis bzod pa sgom pa'i tshe/ bzod pa de yang yang dag par rjes su mi mthong ste/ chos thams cad kyi bar du yang yang dag par rjes su mi mthong ngo / /rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod cing / mtshan ma dang bral ba'i sems kyis/ brtson 'grus rtsom pa'i tshe/ brtson 'grus de yang yang dag par rjes su mi mthong ste/ chos thams cad kyi bar du yang yang dag par rjes su mi mthong ngo / /rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod cing / mtshan ma dang bral ba'i sems kyis ting nge 'dzin la snyoms par 'jug pa'i tshe/ ting nge 'dzin de yang yang dag par rjes su mi mthong ste/ chos thams cad kyi bar du yang yang dag par rjes su mi mthong ngo / /rab 'byor gzhan yang byang chub sems dpa' sems dpa' chen po shes rab kyi pha rol du phyin pa la spyod cing / mtshan ma dang bral ba'i sems kyis shes rab sgom pa'i tshe/ shes rab de yang yang dag par rjes su mi mthong ste/ chos thams</font><hr>33.79a<br><font size=+1>

cad kyi bar du yang yang dag par rjes su mi mthong ngo / /rab 'byor gzhan yang byang chub sems dpa' sems dpa' chen po shes rab kyi pha rol du phyin pa la spyod cing / mtshan ma dang bral ba'i sems kyis nang stong pa nyid dang / dngos po med pa'i ngo bo nyid stong pa nyid kyi bar dang / dran pa nye bar gzhag pa rnams dang / yang dag par spong ba rnams dang / rdzu 'phrul gyi rkang pa rnams dang /  dbang po rnams dang /  stobs rnams dang / byang chub kyi yan lag rnams dang /  'phags pa'i lam yan lag brgyad pa dang / 'phags pa'i bden pa dang /  bsam gtan dang /  tshad med pa dang / gzugs med pa'i snyoms par 'jug pa dang /  rnam par thar pa dang / mthar gyis gnas pa'i snyoms par 'jug pa dang /  stong pa nyid dang / mtshan ma med pa dang /  smon pa med pa dang /  mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs dang / mi 'jigs pa dang / so so yang dag par rig pa dang / sangs rgyas kyi chos ma 'dres pa rnams dang / byams pa chen po dang / snying rje chen po dang / mi chen po'i mtshan sum bcu rtsa gnyis dang / dpe byad bzang po brgyad bcu mngon par sgrub pa'i tshe/ chos de dag kyang yang dag par rjes su mi mthong ste/ chos thams cad kyi bar du yang yang dag par rjes su mi mthong ngo / /rab 'byor gyis gsol pa/ bcom ldan 'das ji ltar chos thams cad mtshan ma ma mchis pa dang / bgyid pa ma mchis pa dang / dmigs pa ma mchis pa dang / mngon par 'du bgyi ba ma mchis pa la byang chub sems dpa' sems dpa' chen po'i sbyin pa'i pha rol du phyin pa yongs su rdzogs par 'gyur ba lags/ tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa yongs su</font><hr>33.79b<br><font size=+1>

rdzogs par 'gyur ba lags/ nang stong pa nyid dang / dngos po med pa'i ngo bo nyid stong pa nyid kyi bar dang / dran pa nye bar gzhag pa rnams dang / yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs dang / mi 'jigs pa dang / so so yang dag par rig pa dang / byams pa chen po dang / snying rje chen po dang / sangs rgyas kyi chos ma 'dres pa rnams yongs su rdzogs par 'gyur ba lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po shes rab kyi pha rol du phyin pa la spyod pa'i tshe/ chos thams cad mtshan ma med pa dang / byed pa med pa dang / dmigs su med pa dang / mngon par 'du bya ba med pa la mtshan ma dang bral ba'i sems kyis sbyin pa gtong ba yin te/ bza' ba dang / btung ba dang / bgo ba dang / bzhon pa dang / mal cha dang / gnas dang / khyim dang / nor dang / 'bru dang / dbyig dang / gser dang / nor bu dang / mu tig dang bai dUr+ya dang dung dang / man shel dang byi ru dang sa le sbram dang dngul dang mi'i yo byad gang yang rung ba'i bar dag dang chung ma dang bu dang bu mo 'am/ phyi dang nang ngam yan lag dang nying lag dang / rgyal srid kyang rung rgyan gyis brgyan cing / slong ba rnams la yongs su gtong ste/ gal te de'i drung du la la zhig 'ongs shing / 'di skad du khyod kyi sbyin pa de lta bur/ de ltar phan pa med pa/ mi brtan pa yongs su btang ba des ci zhig bya zhes zer na/ de la byang chub sems</font><hr>33.80a<br><font size=+1>

dpa' sems dpa' chen po shes rab kyi pha rol du phyin pa la spyod pa'i tshe 'di snyam du bdag la sems can 'di dag khyod kyi sbyin pa de ltar phan pa med pa/ mi brtan pa/ yongs su btang ba des ci zhig bya zhes zer mod kyi/ 'on kyang bdag gis sbyin pa yongs su btang bar bya'i/ bdag gis sbyin pa mi sbyin par mi bya'o snyam nas/ de sbyin pa de sems can thams cad dang thun mong du byas shing bla na med pa yang dag par rdzogs pa'i byang chub tu yongs su bsngo ste/ ci nas kyang yongs su bsngo ba'i tshe/ gang sbyin pa dang / gang la sbyin pa dang / gang gis sbyin pa dang / su yongs su gtong ba dang / ci yongs su gtong ba dang / su ci yongs su gtong ba dang / ci yongs su bsngo ba dang / gang la yongs su bsngo ba dang / gang gis yongs su bsngo ba dang / su yongs su bsngo ba dang / ci yongs su bsngo ba dang / gang la yongs su bsngo ba'i mtshan ma yang yang dag par rjes su mi mthong ba de ltar yongs su bsngo ste/ de gang gtong ba dang / gang gi phyir btang ste/ bla na med pa yang dag par rdzogs pa'i byang chub tu yongs su bsngo ba de lta bu'i dngos po de yang yang dag par rjes su mi mthong ngo / /de ci'i phyir zhe na/ 'di ltar dngos po thams cad ni nang stong pa nyid kyis stong / phyi stong pa nyid kyis stong / phyi nang stong pa nyid kyis stong / dngos po med pa'i ngo bo nyid stong pa nyid kyi bar gyis stong ngo / /des de ltar chos thams cad stong par yang dag par rjes su mthong na/ ci zhig yongs su bsngo bar 'gyur/ gang la yongs su bsngo bar 'gyur/ gang gis yongs su bsngo bar 'gyur te/ de'i bsngo ba de lta bu ni bsngo ba'i dam pa yin/ dug med pa'i bsngo ba dang / chos kyi dbyings kyi bsngo ba yin te/ rab 'byor byang chub sems dpa' sems dpa' chen po de ni shes rab kyi pha rol du phyin pa la spyod pa'i tshe/ chos thams cad mtshan ma med pa dang / byed pa med pa dang / dmigs su</font><hr>33.80b<br><font size=+1>

med pa dang / 'byung ba med pa dang / mngon par 'du bya ba med pa la/ sems can rnams yongs su smin par byed de/ sangs rgyas kyi zhing yongs su 'dzin to/ /sbyin pa'i pha rol du phyin pa yongs su rdzogs par byed do/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa yongs su rdzogs par byed do/ /stong pa nyid thams cad dang / byang chub kyi phyogs kyi chos sum bcu rtsa bdun dang / 'phags pa'i bden pa dang /  bsam gtan dang /  tshad med pa dang / gzugs med pa'i snyoms par 'jug pa dang /  rnam par thar pa dang / mthar gyis gnas pa'i snyoms par 'jug pa dang stong pa nyid dang mtshan ma med pa dang /  smon pa med pa dang /  mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs dang / mi 'jigs pa dang / so so yang dag par rig pa dang / byams pa chen po dang / snying rje chen po dang / sangs rgyas kyi chos ma 'dres pa rnams yongs su rdzogs par byed do/ /de thog ma nyid du sbyin pa'i pha rol du phyin pa yongs su rdzogs par byed kyang rnam par smin pa yongs su mi 'dzin te/ 'on kyang de'i yo byad bsams pa tsam gyis 'grub bo/ /rab 'byor 'di lta ste dper na/ gzhan 'phrul dbang byed kyi lha rnams kyi yo byad phun sum tshogs pa thams cad ni bsams pa tsam gyis 'byung ngo / /rab 'byor de bzhin du byang chub sems dpa' sems dpa' chen po'i yo byad phun sum tshogs pa thams cad kyang bsams pa tsam gyis 'byung ngo / /de yo byad de dag gis sangs rgyas bcom ldan 'das la yang bsnyen bkur byed lha dang mi dang lha ma yin du bcas pa'i 'jig rten yang tshim par byas so/ /des sems can de dag gi sbyin pa'i pha rol du phyin pa des yang dag par bsdus te/ thabs mkhas pas theg pa gsum la</font><hr>33.81a<br><font size=+1>

rab tu 'jog go/ /rab 'byor de ltar na byang chub sems dpa' sems dpa' chen po shes rab kyi pha rol du phyin pa la spyod pa'i tshe/ chos thams cad mtshan ma med pa dang /  byed pa med pa dang /  dmigs su med pa dang / 'byung ba med pa dang / mngon par 'du bya ba med pa la/ sbyin pa'i pha rol du phyin pa yongs su rdzogs par byed do/ /rab 'byor ji ltar byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ chos thams cad mtshan ma med pa dang / byed pa med pa dang / dmigs su med pa dang / 'byung ba med pa dang / mngon par 'du bya ba med pa la mtshan ma dang bral ba'i sems kyis sems dang po bskyed pa nas nye bar bzung ste/ tshul khrims kyi pha rol du phyin pa yongs su rdzogs par byed pa yin zhe na/ rab 'byor 'di la byang chub sems dpa' sems dpa' chen po shes rab kyi pha rol du phyin pa la spyod pa'i tshe/ chos thams cad mtshan ma med pa dang / byed pa med pa dang / dmigs su med pa dang / 'byung ba med pa dang / mngon par 'du bya ba med pa la mtshan ma dang bral ba'i sems kyis/ sems dang po bskyed pa nas nye bar bzung ste/ tshul khrims kyi pha rol du phyin pa yongs su rdzogs par byed do/ /de la 'phags pa'i tshul khrims zag pa med pa lam gyi khongs su chud pa chos nyid kyis thob pa rab tu 'thob ste/ de'i tshul khrims de ni ma zhig pa yin/ ma god pa yin/ ma 'dres pa yin/ rnyog pa med pa yin/ ma nyams pa yin/ rang dbang yod pa yin/ shin tu rdzogs pa yin/ mkhas pas bstod pa yin te/ tshul khrims des gzugs sam/ tshor ba 'am 'du shes sam 'du byed dam/ rnam par shes pa 'am/ mi chen po'i mtshan sum bcu rtsa gnyis dang / dpe byad bzang po brgyad bcu'i bar ram/ rgyal rigs che zhing mtho ba'i rigs sam/ bram ze che zhing mtho ba'i rigs sam/ khyim bdag che zhing mtho ba'i</font><hr>33.81b<br><font size=+1>

rigs sam/ rgyal chen bzhi'i ris kyi lha rnams sam/ sum bcu rtsa gsum dang / mtshe ma dang / dga' ldan dang / 'phrul dga' dang gzhan 'phrul dbang byed dang / tshangs ris dang / tshangs lha nye phan dang / tshangs pa kun 'khor dang / tshangs chen dang / snang ba dang / chung snang dang / tshad med snang ba dang / kun snang dang ba dang / dge ba dang / chung dge dang / tshad med dge ba dang / dge rgyas dang / 'bras bu che ba dang / 'du shes med pa'i lha rnams sam/ mi che ba dang / mi gdung ba dang / gya nom snang ba dang / shin du mthong ba dang / 'og min gyi lha rnams sam/ nam mkha' mtha' yas skye mched dang / rnam shes mtha' yas skye mched dang / cung zad med pa'i skye mched dang / 'du shes med 'du shes med min skye mched kyi lha rnams sam/ rgyun du zhugs pa'i 'bras bu 'am/ lan gcig phyir 'ong ba'i 'bras bu 'am/ phyir mi 'ong ba'i 'bras bu 'am/ dgra bcom pa nyid dam/  rang sangs rgyas sam/  'khor los sgyur ba'i rgyal po'i dbang tshul khrims 'dis thob par bya'o zhes chos gang la yang snyems pa med do/ /gzhan du na tshul khrims de sems can thams cad dang thun mong du byas shing / rnam pa thams cad mkhyen pa nyid du mtshan ma med pa'i yongs su bsngo ba dang / dmigs su med pa dang / gnyis su med pa'i yongs su bsngo bas yongs su bsngo ste/ de yang 'jig rten gyi tha snyad du'i don dam par ni ma yin no/ /de tshul khrims kyi pha rol tu phyin pa yongs su rdzogs pa de dang / thabs mkhas pas ro myong ba med pa'i tshul gyis bsam gtan bzhi sgrub bo/[ ]/de lha'i mig mngon par sgrub ste/  lha'i mig rnam par smin pa las byung ba des/  shar phyogs kyi 'jig rten gyi khams tshad med grangs med dpag tu med pa dag na/ sangs rgyas bcom ldan 'das gang ji snyed cig bzhugs shing 'tsho skyong ba dang / chos ston pa de dag thams cad mthong ste/ de'i mthong ba de ni bla na med pa yang dag par rdzogs pa'i byang chub tu mngon par rdzogs par sangs rgyas kyi bar du chud za bar mi 'gyur ro/ /lha'i mig rnam par smin pa</font><hr>33.82a<br><font size=+1>

las byung ba des/ lho dang nub dang byang dang / byang shar dang shar lho dang / lho nub dang / nub byang dang / 'og dang / steng gi phyogs kyi phyogs re re zhing 'jig rten gyi khams tshad med/ grangs med dpag tu med pa dag na/ sangs rgyas bcom ldan 'das gang ji snyed cig bzhugs shing 'tsho skyong ba dang / chos ston pa de dag thams cad mthong ste/ de'i mthong ba de ni bla na med pa yang dag par rdzogs pa'i byang chub tu mngon par rdzogs par sangs rgyas kyi bar du chud za bar mi 'gyur ro/ /de lha'i rna ba'i khams rnam par dag pa mi las 'das pas/ sangs rgyas bcom ldan 'das de dag gis gsungs pa'i sgra thos te/ de'i thos pa de yang ji srid du thob pa des bdag dang / gzhan gyi don byas par ma gyur gyi bar du chud za bar mi 'gyur ro/ /sems kyi rnam pa shes pas sangs rgyas bcom ldan 'das de dag gi thugs sems kyis rab tu shes te/ des sems kyi rnam pa shes pa de yang ji srid du sems kyi rnam pa shes pa des sems can thams cad kyi don byas par ma gyur gyi bar du chud za bar mi 'gyur ro/ /de sngon gyi gnas rjes su dran pa'i shes pas/ sems can de dag gi 'das pa dang / ma 'ongs pa'i dge ba'i rtsa ba rnams shes shing / dge ba'i rtsa ba de dag gis sems can de dag la yang dag par ston to/ /yang dag par bsal lo/ /yang dag par gzeng bstod do/ /yang dag par dga' bar byed do/ /de dag de ltar yang dag par bstan pa dang / yang dag par dga' ba'i bar du byas pa rnams kyang khyad par du 'dod par 'gyur ro/ /zag pa zad pa'i shes pas kyang sems can rnams/ rgyun du zhugs pa'i 'bras bu la rab tu gzhog go/ /lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid la rab tu gzhog go/ /rang byang chub la rab tu gzhog go/ /byang chub la rab tu gzhog go/ /de bzhin du sems can rnams dge ba'i chos gang dang gang la mthu yod pa de dang de la rab tu gzhog ste/ rab 'byor de ltar na byang chub sems dpa' sems dpa'</font><hr>33.82b<br><font size=+1>

chen po shes rab kyi pha rol du phyin pa la spyod pa'i tshe/ chos thams cad mtshan ma med pa dang / byed pa med pa dang / dmigs su med pa dang / 'byung ba med pa dang / mngon par 'du bya ba med pa la mtshan ma dang bral ba'i sems kyis tshul khrims kyi pha rol du phyin pa yongs su rdzogs par byed do/ /rab 'byor ji ltar na byang chub sems dpa' sems dpa' chen po shes rab kyi pha rol du phyin pa la spyod pa'i tshe/ chos thams cad mtshan ma med pa dang / byed pa med pa dang / dmigs su med pa dang / 'byung ba med pa dang / mngon par 'du bya ba med pa la mtshan ma dang bral ba'i sems kyis bzod pa'i pha rol du phyin pa yongs su rdzogs par byed pa yin zhe na/ rab 'byor 'di la byang chub sems dpa' sems dpa' chen po shes rab kyi pha rol du phyin pa la spyod pa'i tshe/ chos thams cad mtshan ma med pa dang / byed pa med pa dang / dmigs su med pa dang / mngon par 'du bya ba med pa la mtshan ma dang bral ba'i sems kyis/ sems dang po bskyed pa nas nye bar bzung ste/ snying po byang chub la 'dug gi bar du/ 'di lta ste/ gnod pa la mi mjed pa'i bzod pa dang /  mi skye ba'i chos la bzod pa gnyis sgom ste/ de la byang chub sems dpa' sems dpa' chen po'i gnod pa la mi mjed pa'i bzod pa ni/  de'i drung du sems can thams cad yang dang yang 'ongs te gshe zhing mi snyan par brjod de/ rdo ba dang / dbyig pas brdegs shing / mtshon gyis btab kyang de la byang chub sems dpa' sems dpa' chen pos 'khrug pa dang ldan pa'i sems bskyed pa 'ga' tsam gyi go skabs kyang mi dbye'o/ /des 'di ltar brtag par bya ste/ de la gang spyo ba dang / mi snyan par smra bar bya ba dang / gdab cing brdeg par bya ba gang yang med/ gang la gshe ba dang / mi snyan par brjod pa dang / brdeg pa dang / 'debs pa de yang med cing mi dmigs so zhes bya bar brtag par bya'o/ /de la byang chub sems dpa' sems dpa' chen po'i mi skye ba'i chos la bzod pa ni/ </font><hr>33.83a<br><font size=+1>

byang chub sems dpa' sems dpa' chen po chos thams cad kyi ngo bo nyid la rtog na/ chos nyid kyang mi dmigs na/  chos rnams kyi rang bzhin dmigs pa lta ga la yod de/ des de ltar chos thams cad kyi ngo bo nyid yang dag par rjes su ma mthong bas/ mi skye ba'i chos la bzod pa rab tu thob bo/ /ci'i phyir bzod pa zhes bya zhe na/ nyon mongs pa mi skye ba dang / ye shes mi chod pa'i phyir bzod pa ni mi skye ba'i chos la bzod pa'o/ /de bzod pa de gnyis la gnas shing bsam gtan bzhi yongs su rdzogs par byed do/ /tshad med pa bzhi dang / gzugs med pa'i snyoms par 'jug pa bzhi dang / dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa dang / rnam par thar pa'i sgo gsum dang / mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa rnams yongs su rdzogs par byed do/ /de 'phags pa'i chos zag pa med pa 'jig rten las 'das pa/  nyan thos dang / rang sangs rgyas thams cad dang thun mong ma yin pa de dag la gnas te/ 'phags pa'i mngon par shes pa rnams yongs su rdzogs par byed do/ /mngon par shes pa de dag yongs su rdzogs nas/  pha rol du phyin pa drug dang / mngon par shes pa lnga po de dag la gnas te/  lha'i mig gis shar phyogs kyi 'jig rten gyi khams tshad med grangs med/ dpag tu med pa dag na/ sangs rgyas bcom ldan 'das gang ji snyed cig bzhugs shing 'tsho skyong ba dang / chos ston pa de dag thams cad mthong ste/ sangs rgyas bcom ldan 'das de dag mthong nas/ sangs rgyas rjes su dran pa 'thob bo/ /de'i sangs</font><hr>33.83b<br><font size=+1>

rgyas rjes su dran pa de yang nam bla na med pa yang dag par rdzogs pa'i byang chub tu mngon par rdzogs par sangs rgyas kyi bar rgyun mi 'chad do/ /de 'phags pa'i chos zag pa med pa 'jig rten las 'das pa/ nyan thos dang / rang sangs rgyas dang thun mong ma yin pa de dag thams cad la gnas te/ 'phags pa'i chos mngon par shes pa rnams yongs su rdzogs par byed do/ /mngon par shes pa de dag yongs su rdzogs nas/ pha rol du phyin pa drug dang / mngon par shes pa lnga po de dag la gnas te/ lha'i mig gis lho dang / nub dang / byang dang / byang shar dang / shar lho dang / lho nub dang / nub byang dang / 'og dang / steng gi phyogs kyi phyogs re re zhing / 'jig rten gyi khams grangs med/ tshad med/ dpag tu med pa dag na/ sangs rgyas bcom ldan 'das gang ji snyed cig bzhugs pa de dag thams cad mthong ste/ sangs rgyas bcom ldan 'das de dag mthong nas/ sangs rgyas rjes su dran pa 'thob bo/ /de'i sangs rgyas rjes su dran pa de yang nam bla na med pa yang dag par rdzogs pa'i byang chub tu mngon par rdzogs par sangs rgyas kyi bar du rgyun mi 'chad do/ /de lha'i rna ba mi las 'das pas/ sangs rgyas bcom ldan 'das de dag gis gsungs pa thos te/ thos nas kyang 'dzin te/ bzung nas kyang de bzhin nyid du nan tan byed do/ /de bzhin nyid du nan tan byas nas kyang / de bzhin nyid du sems can rnams la chos ston to/ /de sems kyi rnam grangs shes pas/ sangs rgyas bcom ldan 'das de dag gi thugs sems kyis rab tu shes so/ /'phags pa thams cad dang / nyan thos dang / rang sangs rgyas thams cad dang / sems can thams cad kyi sems kyang rab tu shes so/ /de sems can thams cad kyi sems/ sems kyis yongs su shes par byas shing / de bzhin nyid du chos ston to/ /de sngon gyi gnas rjes su dran pa shes</font><hr>33.84a<br><font size=+1>

pas/ sems can de dag gi sngon gyi dge ba'i rtsa ba rnams yongs su shes par byas shing / yang sems can de dag la dge ba'i rtsa ba yang dag par ston to/ /yang dag par bskul lo/ /yang dag par gzeng bstod do/ /yang dag par dga' bar byed do/ /de zag pa zad pa shes te/ zag pa zad pa shes pa des/ sems can rnams theg pa gsum la rab tu 'god do/ /rab 'byor byang chub sems dpa' sems dpa' chen po de ni shes rab kyi pha rol du phyin pa la spyod pa'i tshe/  chos thams cad mtshan ma med pa dang /  byed pa med pa dang / dmigs su med pa dang / 'byung ba med pa dang / mngon par 'du bya ba med pa la/ mtshan ma dang bral ba'i sems kyis/ de ltar bzod pa'i pha rol du phyin pa yongs su rdzogs par byed do/ /byang chub sems dpa' sems dpa' chen po de ni shes rab kyi pha rol du phyin pa la spyod cing thabs mkhas pas sems can rnams yongs su smin par byed do/ /sangs rgyas kyi zhing yongs su dag par byed do/ /de sems can rnams yongs su smin par byas/ sangs rgyas kyi zhing yongs su dag par byas nas/  rnam pa thams cad mkhyen pa nyid la spyad/ rnam pa thams cad mkhyen pa nyid yongs su rdzogs par byas te/ bla na med pa yang dag par rdzogs pa'i byang chub tu mngon par rdzogs par 'tshang rgya'o/ /bla na med pa yang dag par rdzogs pa'i byang chub tu mngon par rdzogs par sangs rgyas nas/  chos kyi 'khor lo bskor ro/ /chos kyi 'khor lo bskor nas/ sems can rnams theg pa gsum gyis 'khor ba las yongs su 'grol to/ /rab 'byor de ltar na byang chub sems dpa' sems dpa' chen po shes rab kyi pha rol du phyin pa la spyod pa'i tshe/ chos thams cad mtshan ma med pa dang / byed pa med pa dang /  dmigs su med pa dang /  'byung ba med pa</font><hr>33.84b<br><font size=+1>

dang / mngon par 'du bya ba med pa la/ bzod pa'i pha rol du phyin pa yongs su rdzogs par byed pa yin no/ /rab 'byor ji ltar na byang chub sems dpa' sems dpa' chen po shes rab kyi pha rol du phyin pa la spyod pa'i tshe/ chos thams cad mtshan ma med pa dang /  byed pa med pa dang /  dmigs su med pa dang / 'byung ba med pa dang / mngon par 'du bya ba med pa la mtshan ma dang bral ba'i sems kyis brtson 'grus kyi pha rol du phyin pa yongs su rdzogs par byed pa yin zhe na/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ chos thams cad mtshan ma med pa dang / byed pa med pa dang / dmigs su med pa dang / 'byung ba med pa dang / mngon par 'du bya ba med pa la mtshan ma dang bral ba'i sems kyis/ sems dang po bskyed pa nas nye bar bzung ste/ lus kyi brtson 'grus dang ldan pa yin/ sems kyi brtson 'grus dang ldan pa yin te/ de lus kyi brtson 'grus la gnas nas/ bsam gtan dang po la nye bar bsgrubs te gnas so/ /de bsam gtan gnyis pa dang /  bsam gtan gsum pa dang /  bsam gtan bzhi pa la nye bar bsgrubs te gnas so/ /de bsam gtan bzhi pa la mnyam par gzhag cing / rdzu 'phrul gyi rnam pa du ma nyams su myong bar byed do/ /nyi ma dang zla ba'i bar du lag pas byugs shing / tshangs pa'i 'jig rten gyi bar du lus kyi dbang bsgyur te/ de lus kyi brtson 'grus de lta bu dang ldan pas rdzu 'phrul gyi rnam pa des/ phyogs bcu'i 'jig rten gyi khams tshad med/ grangs med dpag tu med pa dag na/ sangs rgyas bcom ldan 'das gang ji snyed cig bzhugs shing 'tsho skyong ba dang / chos ston pa de dag tu song zhing sangs rgyas bcom ldan 'das de dag la na bza' dang / bsod snyoms dang / gzims cha dang / </font><hr>33.85a<br><font size=+1>

snyun gyi rkyen sman dang / yo byad mang pos bsnyen bkur byed de/ na bza' dang / bsod snyoms dang / gzims cha dang / snyun gyi rkyen sman dang / yo byad mang po de dag kyang / nam bla na med pa yang dag par rdzogs pa'i byang chub tu mngon par rdzogs par sangs rgyas kyi bar du zad par mi 'gyur te/ byang chub tu mngon par rdzogs par sangs rgyas nas kyang gos dang / bsod snyoms dang /  mal cha dang /  nad kyi rkyen rtsi dang / yo byad mang pos/ lha dang / mi dang / lha ma yin du bcas pa'i 'jig rten bde bar 'gyur ro/ /yongs su mya ngan las 'das nas kyang /  ring bsrel la ring bsrel gyi mchod pa mang po 'byung bar 'gyur ro/ /rdzu 'phrul mngon par 'du bya ba de nyid kyis/ sangs rgyas bcom ldan 'das de dag gi drung du song zhing chos nyan te/ ji skad du thos pa de yang bla na med pa yang dag par rdzogs pa'i byang chub tu mngon par rdzogs par sangs rgyas kyi bar du nam yang chud za bar mi 'gyur ro/ /rnam pa thams cad mkhyen pa nyid la spyod cing / sems can rnams kyang yongs su smin par byed/ sangs rgyas kyi zhing yang yongs su 'dzin te/ rab 'byor de ltar na byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ chos thams cad mtshan ma med pa dang / byed pa med pa dang / dmigs su med pa dang / 'byung ba med pa dang / mngon par 'du bya ba med pa la lus kyi brtson 'grus dang ldan pas/ brtson 'grus kyi pha rol tu phyin pa yongs su rdzogs par byed do/ /rab 'byor ji ltar na byang chub sems dpa' sems dpa' chen po chos thams cad mtshan ma med pa dang / byed pa med pa dang / dmigs su med pa dang / 'byung ba med pa dang /  mngon par 'du bya ba med pa la sems kyi brtson 'grus 'phags pa zag pa med pa/ lam gyi yan lag gi</font><hr>33.85b<br><font size=+1>

khongs su chud pa dang ldan pa brtson 'grus kyi pha rol tu phyin pa yongs su rdzogs par byed pa yin zhe na/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa'i tshe/  chos thams cad mtshan ma med pa dang / byed pa med pa dang /  dmigs su med pa dang /  'byung ba med pa dang / mngon par 'du bya ba med pa la mtshan ma dang bral ba'i sems kyis/ sems dang po bskyed pa nas nye bar bzung ste/ sems kyi brtson 'grus dang ldan pas/ lus kyi las mi dge ba'i skabs mi 'byed/ ngag gi las mi dge ba'i skabs mi 'byed/ yid kyi las mi dge ba'i skabs mi 'byed do/ /rtag ces bya ba 'am/ mi rtag ces bya ba 'am/  bde zhes bya ba 'am/  sdug bsngal zhes bya ba 'am/ bdag ces bya ba 'am/ bdag med ces bya ba 'am/ zhi zhes bya ba 'am/ ma zhi zhes bya ba 'am/ dge zhes bya ba 'am/ mi dge zhes bya ba 'am/ 'jig rten pa zhes bya ba 'am/ 'jig rten las 'das zhes bya ba 'am/ nyon mongs pa dang bcas zhes bya ba 'am/ nyon mongs pa med pa zhes bya ba 'am/ kha na ma tho ba dang bcas pa zhes bya ba 'am/ kha na ma tho ba med ces bya ba 'am/ zag pa dang bcas zhes bya ba 'am/ zag pa med ces bya ba 'am/ kun nas nyon mongs pa zhes bya ba 'am/ rnam par byang ba zhes bya ba 'am/ 'dus byas zhes bya ba 'am/ 'dus ma byas zhes bya bar sems pa med do/ /'dod pa'i khams sam/ gzugs kyi khams sam/ gzugs med pa'i khams sam zag pa dang bcas pa'i khams sam zag pa med pa'i khams sam/ bsam gtan dang po 'am/  bsam gtan gnyis pa 'am/  bsam gtan gsum pa 'am/ bsam gtan bzhi pa 'am/ byams pa 'am/ snying rje 'am/ dga' ba 'am/ btang snyoms sam/ nam mkha' mtha' yas skye mched</font><hr>33.86a<br><font size=+1>

dam/ rnam shes mtha' yas skye mched dam/ cung zad med pa'i skye mched dam/ 'du shes med 'du shes med min skye mched dam/ sbyin pa'i pha rol tu phyin pa 'am/ tshul khrims kyi pha rol tu phyin pa 'am/ bzod pa'i pha rol tu phyin pa 'am/ brtson 'grus kyi pha rol tu phyin pa 'am/ bsam gtan gyi pha rol tu phyin pa 'am/ shes rab kyi pha rol tu phyin pa 'am/ nang stong pa nyid dam/ dngos po med pa'i ngo bo nyid stong pa nyid kyi bar ram/ dran pa nye bar gzhag pa rnams sam/ yang dag par spong ba rnams sam/ rdzu 'phrul gyi rkang pa rnams sam/ dbang po rnams sam/ stobs rnams sam/ byang chub kyi yan lag rnams sam/ 'phags pa'i lam yan lag brgyad pa 'am/  'phags pa'i bden pa rnams sam/ bsam gtan rnams sam/ tshad med pa rnams sam/ gzugs med pa'i snyoms par 'jug pa rnams sam/ rnam par thar pa rnams sam/ mthar gyis gnas pa'i snyoms par 'jug pa rnams sam/ stong pa nyid dam/ mtshan ma med pa 'am/ smon pa med pa 'am/ mngon par shes pa 'am/ ting nge 'dzin tam/ gzungs kyi sgo rnams sam/ de bzhin gshegs pa'i stobs rnams sam/ mi 'jigs pa rnams sam/ so so yang dag par rig pa rnams sam/ byams pa chen po 'am/ snying rje chen po 'am/ sangs rgyas kyi chos ma 'dres pa rnams la yang / rtag ces bya ba 'am/ mi rtag ces bya ba 'am/ bde zhes bya ba 'am/ sdug bsngal zhes bya ba 'am/ bdag ces bya ba 'am/ bdag med ces bya ba 'am/ zhi zhes bya ba 'am ma zhi zhes bya ba 'am/ dge zhes bya ba 'am/ mi dge zhes bya ba 'am/ 'jig rten zhes bya ba 'am/ 'jig rten las 'das zhes bya ba 'am/  nyon mongs pa dang bcas zhes bya ba 'am/ nyon mongs pa med pa zhes bya ba 'am/ </font><hr>33.86b<br><font size=+1>

kha na ma tho ba dang bcas pa zhes bya ba 'am/ kha na ma tho ba med ces bya ba 'am/ zag pa dang bcas zhes bya ba 'am/ zag pa med ces bya ba 'am/ kun nas nyon mongs pa zhes bya ba 'am/ rnam par byang ba zhes bya ba 'am/ 'dus byas zhes bya ba 'am/ 'dus ma byas zhes bya bar snyems pa med do/ /rgyun du zhugs pa'i 'bras bur snyems pa med do/ /lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub dang / byang chub sems dpa' nyid dang / bla na med pa yang dag par rdzogs pa'i byang chub tu snyems pa med do/ /rgyun tu zhugs pa zhes bya ba dang / lan gcig phyir 'ong ba zhes bya ba dang / phyir mi 'ong ba zhes bya ba dang / dgra bcom pa zhes bya ba dang / rang sangs rgyas zhes bya ba dang /  byang chub sems dpa' zhes bya ba dang / sangs rgyas zhes bya bar snyems pa med do/ /sems can 'di dag ni mthong ba'i lam gyis brjod pa 'di dag ni bsrabs pa'i sas brjod pa/ 'di dag ni dam pa ma yin pa'i cha can gyis brjod pa/ 'di dag ni bla ma'i cha can gyis brjod pa/ 'di dag ni lam gyi rnam pa shes pa nyid kyis brjod pa/ 'di dag ni rnam pa thams cad mkhyen pa nyid kyis brjod pa zhes bya bar yang snyems pa med do/ /de ci'i phyir zhe na/ de ni 'di ltar de dag la ngo bo nyid gang gis brjod par bya ba'i ngo bo nyid de/ sems las byung ba'i brtson 'grus de lta bu dang ldan pas mngon du gyur kyang sems can rnams kyi don byed de/ sems can de dag kyang mi dmigs so/ /brtson 'grus kyi pha rol tu phyin pa yang yongs su rdzogs par byed de/ brtson 'grus kyi pha rol tu phyin pa de yang mi dmigs so/ /sangs rgyas kyi chos rnams kyang yongs su rdzogs par byed de/ sangs rgyas kyi chos de dag kyang mi dmigs so/ /</font><hr>33.87a<br><font size=+1>

sangs rgyas kyi zhing yang yongs su dag par byed de/ sangs rgyas kyi zhing de yang mi dmigs so/ /de sems kyi brtson 'grus de lta bu dang ldan pas/ dge ba'i chos thams cad yongs su 'dzin kyang de la chags pa med de/ de chags pa med pa rnams kyi don byed cing / sangs rgyas kyi zhing nas sangs rgyas kyi zhing du 'gro'o/ /'jig rten gyi khams nas 'jig rten gyi khams su 'gro ste/ rdzu 'phrul dang cho 'phrul gang dang gang gis rnam par 'phrul par 'dod pa'i rdzu 'phrul dang cho 'phrul de dang des rnam par 'phrul te/ me tog gi char dbab pa 'am/ spos kyi ngad dgye ba 'am/ 'brug gi sgra bsgrag pa 'am/ glu bro dang / sil snyan gyi sgra bsgrag pa dang / sa bskyod pa dang / snang ba bstan pa 'am/ rin po che sna bdun gyi 'jig rten gyi khams bstan pas rnam par 'phrul te/ gang dang gang du gang dang gang sems can rnams kyi don du 'gyur ba de dag kyang bdag gi lus las 'gyed de/ sems can rnams kyi don du bar 'ga' bdag 'gyed do/ /bar 'ga' dri zhim po 'gyed do/ /bar 'ga' srog gcod pa med pa'i mchod sbyin chen po byed do/ /bar 'ga' sems can mtha' yas pa lam ma yin pa nas 'don te/ srog gcod pa las zlog go/ /ma byin par len pa dang / 'dod pas log par g.yem pa dang / phra ma smra ba dang / zhe gcod pa'i tshig dang / brdzun du smra ba dang / tshig kyal pa dang / chags sems dang / gnod sems dang / log par lta ba las yongs su 'grel to/ /la la la ni sbyin pas phan 'dogs la la la ni tshul khrims kyis phan 'dogs la la'i don du yan lag dang nying lag yongs su gtong ngo / /la la'i don du ni bu dang / chung ma yongs su gtong ngo / /la la'i don du ni rgyal srid yongs su gtong ngo / /la la'i don du ni bdag yongs su gtong ste/ de ltar thabs</font><hr>33.87b<br><font size=+1>

gang dang gang gis sems can rnams kyi don du 'gyur ba'i thabs de dang des sems can rnams kyi don byed do/ /rab 'byor de ltar na byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ chos thams cad mtshan ma med pa dang / byed pa med pa dang / dmigs su med pa dang / 'byung ba med pa dang / mngon par 'du bya ba med pa la sems kyi brtson 'grus dang ldan pas/ brtson 'grus kyi pha rol tu phyin pa yongs su rdzogs par byed do/ /rab 'byor ji ltar na byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ chos thams cad mtshan ma med pa dang / byed pa med pa dang / dmigs su med pa dang / 'byung ba med pa dang / mngon par 'du bya ba med pa la bsam gtan gyi pha rol tu phyin pa yongs su rdzogs par byed pa yin zhe na/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ chos thams cad mtshan ma med pa dang / byed pa med pa dang / dmigs su med pa dang / 'byung ba med pa dang / mngon par 'du bya ba med pa la mtshan ma dang bral ba'i sems kyis/ sems dang po bskyed pa nas nye bar bzung ste/ bsam gtan gyi pha rol tu phyin pa la gnas shing / de bzhin gshegs pa'i ting nge 'dzin ma gtogs par/ ting nge 'dzin gzhan thams cad yongs su rdzogs par byed do/ /de 'dod pas dben sdig to mi dge ba'i chos kyis dben pa/ rtog pa dang bcas pa/ dpyod pa dang bcas pa/ dben pa las skyes pa'i dga' ba dang / bde ba can bsam gtan dang po la nye bar bsgrubs te gnas so/ /bsam gtan gnyis pa dang / bsam gtan gsum pa dang / bsam gtan bzhi pa la nye bar bsgrubs te gnas so/ /de byams pa dang ldan pa'i sems</font><hr>33.88a<br><font size=+1>

dang / snying rje dang ldan pa'i sems dang / dga' ba dang ldan pa'i sems dang / btang snyoms dang ldan pa'i sems kyis 'jig rten chos kyi dbyings kyis klas pa/ nam mkha'i mthas gtugs pa thams cad rnam pa thams cad du rgyas par bkang zhing nye bar bsgrubs te gnas so/ /de nam mkha' mtha' yas skye mched dang / rnam shes mtha' yas skye mched dang / cung zad med pa'i skye mched dang / 'du shes med 'du shes med min skye mched la nye bar bsgrubs shing gnas so/ /de ting nge 'dzin gyi pha rol tu phyin pa de la gnas shing / rnam par thar pa brgyad la lugs dang 'thun pa dang / lugs dang mi 'thun par snyoms par 'jug cing rnam par ldang ngo / /mthar gyis gnas pa'i snyoms par 'jug pa dgu dang / stong pa nyid kyi ting nge 'dzin dang / mtshan ma med pa'i ting nge 'dzin dang / smon pa med pa'i ting nge 'dzin la nye bar bsgrubs te gnas so/ /bar chad med pa'i ting nge 'dzin la nye bar bsgrubs te gnas so/ /glog lta bu'i ting nge 'dzin dang / yang dag pa'i ting nge 'dzin dang / rdo rje lta bu'i ting nge 'dzin la nye bar bsgrubs te gnas so/ /de ting nge 'dzin gyi pha rol tu phyin pa 'di la gnas nas/ lam gyi rnam pa shes pa nyid kyi ye shes kyis lam gyi rnam pa shes pa nyid kyi khongs su ting nge 'dzin thams cad chud par byas shing / dkar po rnam par mthong ba'i sa las 'da'o/ /dkar po rnam par mthong ba'i sa las 'das nas/ rigs kyi sa dang / brgyad pa'i sa dang / mthong ba'i sa dang / bsrabs pa'i sa dang / 'dod chags dang bral ba'i sa dang / byas pa rtogs pa'i sa dang / rang sangs rgyas kyi sa las 'da'o/ /rang sangs rgyas kyi las 'das nas/ byang chub sems dpa'i skyon med par 'jug go/ /byang chub sems dpa'i skyon med par zhugs nas/ </font><hr>33.88b<br><font size=+1>

sangs rgyas kyi sa yongs su rdzogs par byed do/ /des de dag la spyod cing rnam pa thams cad mkhyen pa nyid kyi ye shes ma thob kyi bar du 'bras bu bar ma dor thob par mi byed de/ ting nge 'dzin gyi pha rol tu phyin pa 'di la gnas shing / mngon par shes pa rnams yongs su rdzogs par byas nas/ sangs rgyas bcom ldan 'das rnams la bsnyen bkur byed cing / sangs rgyas kyi zhing nas sangs rgyas kyi zhing du 'gro ste/ bcom ldan 'das de dag la bsnyen bkur byed do/ /sangs rgyas bcom ldan 'das de dag la yang dge ba'i rtsa ba gang gis/ sangs rgyas kyi zhing yongs su dag par 'gyur ba dang / sems can rnams yongs su smin par 'gyur ba'i dge ba'i rtsa ba bskyed par byed de/ 'jig rten gyi khams nas 'jig rten gyi khams su 'gro zhing sems can rnams kyi don byed do/ /de la sems can la la ni sbyin pas yongs su bsdud do/ /la la ni tshul khrims kyis yongs su bsdud do/ /la la ni ting nge 'dzin gyis yongs su bsdud do/ /la la ni shes rab kyis yongs su bsdud do/ /la la ni rnam par grol bas yongs su bsdud do/ /la la ni rnam par grol ba'i ye shes mthong bas yongs su bsdud do/ /la la ni rgyun du zhugs pa'i 'bras bu la rab tu gzhog go/ /la la ni lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid la rab tu gzhog go/ /la la ni rang byang chub la rab tu gzhog go/ /la la ni bla na med pa yang dag par rdzogs pa'i byang chub la rab tu gzhog go/ /de de ltar dge ba'i chos gang dang gang gis sems can rnams mthong bar 'gyur ba de dang de la sbyor te/ de ting nge 'dzin gyi pha rol tu phyin pa 'di la gnas shing / gzungs kyi sgo thams cad mngon par sgrub bo/ /so so yang dag par rig pa bzhi rab tu 'thob bo/ /rnam par smin pa las byung ba'i mngon par shes pa rnams</font><hr>33.89a<br><font size=+1>

kyang thob pa yin te/ de nam yang las dang nyon mongs pa'i dbang gis ma'i mngal du skye bar mi 'gyur ro/ /nam yang 'dod pa la sten par mi 'gyur ro/ /sems can yongs su smin par bya ba'i don du skye ba yongs su mi 'dzin pa yang gang yang med do/ /skye ba'i nyes pas kyang yongs su gos par mi 'gyur ro/ /de ci'i phyir zhe na/ de ni 'di ltar des sgyu ma lta bu'i chos thams cad rab tu mthong / /rab tu rig rab tu rtogs pas na de sgyu ma lta bu'i 'du byed thams cad rig par byas shing / sems can thams cad kyi don byed do/ /des sgyu ma lta bu'i 'du byed thams cad rab tu rig pas/ sems can rnams la snying rje chen po skye ste/ kye ma sems can 'di dag ni chos thams cad sgyu ma lta bu la 'khor ba na sdug bsngal mang po nyams su myong bar gyur pa yin na/ bdag gis 'di dag nam zhig na sdug bsngal thams cad nye bar zhi ba'i mya ngan las 'das pa la dgod par 'gyur zhes snying rje chen po skye ste/ de la yang sems can nam sems can du gdags pa dmigs su med de des chos thams cad ma dmigs nas 'jig rten gyi tha snyad nye bar bzung ste/ dmigs su med pa de nyid la sems can rnams 'god de/ don dam par ni ma yin no/ /de ting nge 'dzin gyi pha rol tu phyin pa 'di la gnas shing / bsam gtan dang / rnam par thar pa'i ting nge 'dzin dang / snyoms par 'jug pa thams cad la spyod de/ bla na med pa yang dag par rdzogs pa'i byang chub tu mngon par rdzogs par sangs rgyas kyi bar du nam du yang ting nge 'dzin gyi pha rol tu phyin pa dang bral bar mi 'gyur ro/ /de ting nge 'dzin gyi pha rol tu phyin pa 'di la gnas shing lam gyi rnam pa shes pa nyid kyis/ rnam pa thams cad mkhyen pa nyid mngon par sgrub ste/ de la gnas nas/ bag chags kyi mtshams sbyor ba thams cad rab tu spong ngo / /bag chags kyi mtshams sbyor ba</font><hr>33.89b<br><font size=+1>

thams cad rab tu spangs nas/ bdag gi don kyang byed de/ des bdag dang gzhan gyi don byas nas/ lha dang mi dang lha ma yin du bcas pa'i 'jig rten gyi rim gro'i gnas su gyur pa yin te/  rab 'byor de ltar na byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ chos thams cad mtshan ma med pa dang / byed pa med pa dang / dmigs su med pa dang / 'byung ba med pa dang / mngon par 'du bya ba med pa la mtshan ma dang bral ba'i sems kyis ting nge 'dzin gyi pha rol tu phyin pa yongs su rdzogs par byed do/ /rab 'byor ji ltar na byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ chos thams cad mtshan ma med pa dang / byed pa med pa dang / dmigs su med pa dang / 'byung ba med pa dang / mngon par 'du bya ba med pa la mtshan ma dang bral ba'i sems kyis shes rab kyi pha rol tu phyin pa sgom pa yongs su rdzogs par byed pa yin zhe na/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ chos thams cad mtshan ma med pa dang / byed pa med pa dang / dmigs su med pa dang / 'byung ba med pa dang / mngon par 'du bya ba med pa la sems dang po bskyed pa nas nye bar bzung ste/ mtshan ma dang bral ba'i sems kyis yang dag pa 'am yongs su grub pa'i chos gang yang yang dag par rjes su mthong ba med do/ /gzugs kyi yang dag pa dang /  yongs su grub pa yang dag par rjes su mi mthong / tshor ba dang 'du shes dang 'du byed dang rnam par shes pa'i yang dag pa dang / yongs su grub pa yang dag par rjes su mi mthong ste/ des gzugs kyi yang dag pa dang / yongs su grub pa yang dag par rjes su mi mthong / tshor</font><hr>33.90a<br><font size=+1>

ba dang 'du shes dang / 'du byed dang /  rnam par shes pa'i yang dag pa dang / yongs su grub pa yang dag par rjes su mi mthong bas/ gzugs kyi skye ba yang yang dag par rjes su mi mthong / tshor ba dang 'du shes dang 'du byed dang rnam par shes pa'i skye ba yang yang dag par rjes su mi mthong ngo / /des gzugs kyi skye ba yang dag par rjes su mi mthong / tshor ba dang 'du shes dang 'du byed dang rnam par shes pa'i skye ba yang dag par rjes su mi mthong bas/ gzugs kyi skye ba'i sgo yang dag par rjes su mi mthong / tshor ba dang 'du shes dang / 'du byed dang rnam par shes pa'i skye ba'i sgo yang dag par rjes su mi mthong ngo / /des gzugs kyi skye ba'i sgo yang dag par rjes su mi mthong / tshor ba dang 'du shes dang 'du byed dang rnam par shes pa'i skye ba'i sgo yang dag par rjes su ma mthong bas/ gzugs kyi tshogs yang dag par rjes su mi mthong / tshor ba dang 'du shes dang 'du byed dang rnam par shes pa'i tshogs yang dag par rjes su mi mthong ste/ gsob nyid dang / gsog nyid du yang dag par rjes su mi mthong ngo / /des rnam pa thams cad mkhyen pa nyid kyi bar gyi yang dag pa dang yongs su grub pa yang dag par rjes su mi mthong ste/ des rnam pa thams cad mkhyen pa nyid kyi yang dag pa dang / yongs su grub pa yang dag par rjes su mi mthong bas/ rnam pa thams cad mkhyen pa nyid kyi skye ba yang dag par rjes su mi mthong ngo / /des rnam pa thams cad mkhyen pa nyid kyi skye ba yang dag par rjes su ma mthong bas/ rnam pa thams cad mkhyen pa nyid kyi skye ba'i sgo yang dag par rjes su mi mthong ngo / /des rnam pa thams cad mkhyen pa nyid kyi skye ba'i sgo yang dag par rjes su ma mthong bas/ rnam pa thams cad mkhyen pa nyid kyi tshogs yang dag par rjes su mi mthong ste/ </font><hr>33.90b<br><font size=+1>

gsob nyid dang / gsog nyid du yang dag par rjes su mthong ngo / /de de ltar rtog pa'i tshe/ gzugs kyi rang bzhin mi dmigs so/ /tshor ba dang 'du shes dang 'du byed dang rnam par shes pa'i rang bzhin mi dmigs so/ /rnam pa thams cad mkhyen pa nyid kyi bar gyi rang bzhin mi dmigs so/ /de shes rab kyi pha rol tu phyin pa la spyod pa'i tshe/ chos thams cad dngos po med pa'i rang bzhin du rtogs par byed de/ /de de ltar rtogs par byed cing / nang stong pa nyid la spyod pa dang / phyi stong pa nyid la spyod pa dang / phyi nang stong pa nyid la spyod pa dang / dngos po med pa'i ngo bo nyid stong pa nyid kyi bar la spyod pa'i tshe/  gzugs sam/ tshor ba 'am 'du shes sam 'du byed dam/ rnam par shes pa 'am/ skye mched dam khams dang / rten cing 'brel par 'byung ba 'am/ pha rol du phyin pa rnams sam/ stong pa nyid rnams sam/ byang chub kyi phyogs kyi chos rnams sam/ 'phags pa'i bden pa rnams sam/ bsam gtan rnams sam/ tshad med pa rnams sam/ gzugs med pa'i snyoms par 'jug pa rnams sam/ rnam par thar pa rnams sam/  mthar gyis gnas pa'i snyoms par 'jug pa rnams sam/ stong pa nyid dang / mtshan ma med pa dang / smon pa med pa rnams sam/ mngon par shes pa rnams sam/ ting nge 'dzin rnams sam/ gzungs kyi sgo rnams sam/ de bzhin gshegs pa'i stobs rnams sam/ mi 'jigs pa rnams sam/ so so yang dag par rig pa rnams sam/ byams pa chen po 'am/ snying rje chen po 'am/ sangs rgyas kyi chos ma 'dres pa rnams sam/ bla na med pa yang dag par rdzogs pa'i byang chub kyi bar ram/ chos gang la yang mngon par chags pa</font><hr>33.91a<br><font size=+1>

med do/ /de dngos po med pa'i ngo bo nyid du shes rab kyi pha rol tu phyin pa la spyod pa'i tshe/ byang chub kyi lam yongs su rdzogs par byed de/  'di ltar pha rol tu phyin pa drug dang /  stong pa nyid thams cad dang /  byang chub kyi phyogs kyi chos sum bcu rtsa bdun dang / 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa rnams dang / mthar gyis gnas pa'i snyoms par 'jug pa rnams dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs dang / mi 'jigs pa dang / so so yang dag par rig pa rnams dang /  byams pa chen po dang /  snying rje chen po dang / sangs rgyas kyi chos ma 'dres pa bcwa brgyad yongs su rdzogs par byed de/ mi chen po'i mtshan sum bcu rtsa gnyis dang / dpe byad bzang po brgyad bcu yongs su 'dzin to/ /de byang chub kyi lam rnam par smin pa'i chos can la gnas pas/ pha rol tu phyin pa drug yongs su rdzogs pa dang / stong pa nyid thams cad dang / byang chub kyi phyogs kyi chos sum bcu rtsa bdun yongs su rdzogs pa dang / rnam par smin pa las byung ba'i mngon par shes pa lnga'i bar tu yongs su rdzogs par gyur nas/ sems can de gang la sbyin pas phan gdags par bya ba de dag la yang sbyin pas phan 'dogs so/ /gang tshul khrims kyis phan gdags par bya ba de dag la yang / tshul khrims kyis phan 'dogs so/ /gang la bzod pas phan gdags par bya ba de dag la yang bzod pas phan 'dogs so/ /gang la brtson 'grus kyis phan gdags par bya ba de dag la yang brtson 'grus kyis phan 'dogs so/ /gang la ting nge</font><hr>33.91b<br><font size=+1>

'dzin gyis phan gdags par bya ba de dag la yang ting nge 'dzin gyis phan 'dogs so/ /gang la shes rab kyis phan gdags par bya ba de dag la yang shes rab kyis phan 'dogs so/ /gang la rnam par grol bas phan gdags par bya ba de dag la yang rnam par grol bas phan 'dogs so/ /gang la rnam par grol ba'i ye shes mthong bas phan gdags par bya ba de dag la yang rnam par grol ba'i ye shes mthong bas phan 'dogs so/ /gang rgyun du zhugs pa'i 'bras bu la dgod par bya ba de dag kyang rgyun du zhugs pa'i 'bras bu la rab tu dgod do/ /gang lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub dang / bla na med pa yang dag par rdzogs pa'i byang chub la rab tu dgod par bya ba de dag kyang bla na med pa yang dag par rdzogs pa'i byang chub la rab tu dgod do/ /de rdzu 'phrul gyi rnam pa du mas rnam par 'phrul zhing 'jig rten gyi khams gang gA'i klung gi bye ma snyed du 'gro ste/ /de 'dod na 'jig rten gyi khams gang gA'i klung gi bye ma snyed po de dag rin po che gang las 'dod pa'i rin po che de dag las grub par mngon par bsgrubs te/ de sems can rnams kyi bsam pa yongs su rdzogs par byed cing / 'jig rten gyi khams nas 'jig rten gyi khams su 'gro ste/ des 'jig rten gyi khams de dag mthong nas ci 'dod par sangs rgyas kyi zhing yongs su 'dzin te 'di ltar dper na gzhan 'phrul dbang byed kyi lha'i ris kyi longs spyod dang / skyid pa de lta bu dag dang / sangs rgyas kyi zhing gzhan btsal ba dang / thal ba dag dang / longs spyod dang skyid pa gang ji snyed cig yod pa de dag der 'byung ste/ de rnam par smin pa las byung ba'i sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi</font><hr>33.92a<br><font size=+1>

pha rol tu phyin pa dang / shes rab kyi pha rol tu phyin pa dang / rnam par smin pa las byung ba'i mngon par shes pa rnams dang / rnam par smin pa las byung ba'i byang chub kyi lam des lam gyi rnam pa shes pa nyid la spyod cing /  chos thams cad yongs su rdzogs pa thob nas/ rnam pa thams cad mkhyen pa nyid rjes su 'thob ste/ gal te ji tsam du gzugs yongs su bzung ba med pa dang / tshor ba dang / 'du shes dang 'du byed dang rnam par shes pa yongs su bzung ba med pa dang / skye mched dang khams dang rten cing 'brel par 'byung ba yongs su bzung ba med pa dang / dge ba dang mi dge ba dang / 'jig rten pa dang / 'jig rten las 'das pa dang / zag pa dang bcas pa dang / zag pa med pa dang / 'dus byas dang / 'dus ma byas kyi chos rnams yongs su bzung ba med pa de bzhin du/ bla na med pa yang dag par rdzogs pa'i byang chub tu mngon par rdzogs par sangs rgyas na/ sangs rgyas kyi zhing der longs spyod dang / skyid pa thams cad yongs su bzung ba med par 'gyur ro/ /de ci'i phyir zhe na/ 'di ltar chos thams cad ni dmigs su med pa'i tshul gyis yongs su bzung ba med pa ste/ chos thams cad yongs su bzung ba med pa'i phyir yang sems can rnams la chos ston to/ /rab 'byor de ltar byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ chos thams cad mtshan ma med pa dang / byed pa med pa dang / dmigs su med pa dang / 'byung ba med pa dang mngon par 'du bya ba med pa la shes rab kyi pha rol tu phyin pa yongs su rdzogs par byed pa yin te/ rab 'byor de ltar na byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ chos thams cad mtshan ma med pa dang / byed pa med pa dang / dmigs su</font><hr>33.92b<br><font size=+1>

med pa dang / 'byung ba med pa dang / mngon par 'du bya ba med pa la pha rol tu phyin pa rnams yongs su rdzogs par 'gyur ro/ /sangs rgyas kyi chos ma 'dres pa'i bar du yongs su rdzogs par 'gyur ro/ /shes rab kyi pha rol tu phyin pa stong phrag nyi shu lnga pa las le'u drug bcu 'o// // de nas tshe dang ldan pa rab 'byor gyis/ bcom ldan 'das la 'di skad ces gsol to/ /bcom ldan 'das de ltar chos thams cad dbyer ma mchis shing /  mtshan ma ma mchis la/  rang gi mtshan nyid kyis stong pa lags na/ ji ltar na pha rol tu phyin pa drug po sbyin pa'i pha rol tu phyin pa dang / tshul khrims kyi pha rol tu phyin pa dang /  bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa bsgoms pa yongs su rdzogs par 'gyur/ zag pa dang bcas pa dang zag pa med pa'i chos de dag kyang / ji ltar na tha dad du gyur par gda' ba lags/ ji ltar shes rab kyi pha rol tu phyin par/ sbyin pa'i pha rol tu phyin pa 'dus pa lags/ ji ltar shes rab kyi pha rol tu phyin par/ tshul khrims kyi pha rol tu phyin pa dang /  bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa 'dus pa lags/ ji ltar shes rab kyi pha rol tu phyin par/ sangs rgyas kyi chos ma 'dres pa rnams kyi bar du 'dus pa lags/ bcom ldan 'das de ltar mtshan nyid kyang tha dad la/ 'di lta ste/ mtshan nyid ma mchis par mtshan nyid gcig par gyur pa de dag rnam par ji lta bur gdags par 'gyur/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor 'di la byang chub sems dpa' sems</font><hr>33.93a<br><font size=+1>

dpa' chen po shes rab kyi pha rol tu phyin pa la spyod pa'i tshe/ rmi lam lta bu'i nye bar len pa'i phung po lnga la gnas shing / sbyin pa yongs su gtong ngo / /tshul khrims srung ngo / /bzod pa sgom mo/ /brtson 'grus rtsom mo/ /ting nge 'dzin sgom mo/ /shes rab sgom mo/ /sgyu ma lta bu dang / smig rgyu lta bu dang / chu zla lta bu dang / mig yor lta bu dang / sgra brnyan lta bu dang / gzugs brnyan lta bu dang / dri za'i grong khyer lta bu dang / sprul pa lta bu'i nye bar len pa'i phung po lnga la gnas shing / sbyin pa yongs su gtong ngo / /tshul khrims srung ngo / /bzod pa sgom mo/ /brtson 'grus rtsom mo/ /ting nge 'dzin sgom mo/ /shes rab sgom mo/ /de 'di ltar rtog ste/ nye bar len pa'i phung po lnga ni rmi lam lta bu ste/ mtshan nyid med pa'o/ /nye bar len pa'i phung po lnga ni sgyu ma lta bu dang / smig rgyu lta bu dang / chu zla lta bu dang / mig yor lta bu dang / sgra brnyan lta bu dang / gzugs brnyan lta bu dang / dri za'i grong khyer lta bu dang / sprul pa lta bu ste/ mtshan nyid med pa'o/ /de ci'i phyir zhe na/ rmi lam la rang bzhin gang yang med do/ /sgyu ma dang / smig rgyu dang / chu zla dang mig yor dang / sgra brnyan dang / gzugs brnyan dang / dri za'i grong khyer dang / sprul pa la rang bzhin gang yang med do/ /gang la rang bzhin med pa de la mtshan nyid med de/ gang mtshan nyid med pa de ni 'di ltar mtshan nyid med par mtshan nyid gcig pa'o zhes bya bar rtogs par byed de/ rab 'byor rnam grangs des na/ khyod kyis 'di ltar rig par bya ste/ sbyin pa ni mtshan nyid med pa'o/ /gtong ba ni mtshan nyid med pa'o/ /len pa ni mtshan nyid med pa'o/ /zhes bya bar shes par bya ste/ gang de ltar shes nas sbyin pa gtong ba de ni/ sbyin pa'i pha rol tu phyin pa yongs su rdzogs par byed pa yin te/  de sbyin pa'i pha rol tu phyin pa yongs su rdzogs par byed na/ tshul</font><hr>33.93b<br><font size=+1>

khrims kyi pha rol tu phyin pa las phyir mi ldog go/ /bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa las phyir mi ldog go/ /de pha rol tu phyin pa drug po de dag la gnas shing / bsam gtan bzhi yongs su rdzogs par byed do/ /tshad med pa bzhi dang / gzugs med pa'i snyoms par 'jug pa bzhi yongs su rdzogs par byed do/ /dran pa nye bar bzhag pa bzhi yongs su rdzogs par byed do/ /yang dag par spong ba bzhi dang / rdzu 'phrul gyi rkang pa bzhi dang / dbang po lnga dang stobs lnga dang / byang chub kyi yan lag bdun dang / 'phags pa'i lam yan lag brgyad pa yongs su rdzogs par byed do/ /nang stong pa nyid dang / dngos po med pa'i ngo bo nyid stong pa nyid kyi bar du yongs su rdzogs par byed do/ /stong pa nyid kyi ting nge 'dzin dang / mtshan ma med pa'i ting nge 'dzin dang / smon pa med pa'i ting nge 'dzin dang / rnam par thar pa brgyad dang / mthar gyis gnas pa'i snyoms par 'jug pa dgu dang / mngon par shes pa dang / ting nge 'dzin dang / gzungs kyi sgo dang / so so yang dag par rig pa rnams dang / de bzhin gshegs pa'i stobs bcu dang / mi 'jigs pa bzhi dang byams pa chen po dang / snying rje chen po dang / sangs rgyas kyi chos ma 'dres pa bcwa brgyad yongs su rdzogs par byed do/ /de 'phags pa'i chos kyang 'jig rten las 'das pa thun mong ma yin pa/ rnam par smin pa las byung ba rnams la gnas shing / phyogs bcu'i 'jig rten gyi khams tshad med grangs med dpag tu med pa dag na/ sangs rgyas bcom ldan 'das gang ji snyed cig bzhugs pa de dag gi drung du rdzu 'phrul gyis song zhing / na bza' dang / bsod snyoms dang / gzims cha dang / snyun gyi rkyen</font><hr>33.94a<br><font size=+1>

sman dang / yo byad mang pos bsnyen bkur byed de/ longs spyod dang skyid pa thams cad kyis kyang sems can rnams kyi don byed do/ /de na sems can gang sbyin pas yongs su bsdu ba de dag kyang sbyin pas yongs su sdud do/ /gang tshul khrims kyis yongs su bsdu ba de dag dang / gang bzod pas yongs su bsdu ba de dag dang / gang brtson 'grus kyis yongs su bsdu ba de dag dang / gang bsam gtan gyis yongs su bsdu ba de dag dang / gang shes rab kyis yongs su bsdu ba de dag kyang shes rab kyis yongs su sdud do/ /gang rnam pa thams cad mkhyen pa nyid kyi bar gyis yongs su bsdu ba de dag kyang / rnam pa thams cad mkhyen pa nyid kyis yongs su sdud do/ /de ltar gang dang gang dge ba'i chos gang dang gang gis yongs su bsdu ba de dag kyang / dge ba'i chos de dang de dag gis yongs su sdud do/ /de dge ba'i rtsa ba de dag dang ldan zhing chos thams cad la dbang sgyur bas/ 'khor ba nye bar len kyang / 'khor ba'i sdug bsngal gyis mi gos te/ de sems can rnams kyi don du mi dang lha'i phun sum tshogs pa nye bar len te/ phun sum tshogs pa de dag gis/ sems can rnams yongs su sdud do/ /de chos thams cad mtshan nyid med par shes pas rgyun du zhugs pa'i 'bras bu shes kyang de la mi gnas so/ /lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid shes kyang de la mi gnas so/ /rang byang chub shes kyang de la mi gnas so/ /de ci'i phyir zhe na/  de ni 'di ltar des chos thams cad shes par byas te/ nyan thos dang / rang sangs rgyas thams cad dang thun mong ma yin pa'i rnam pa thams cad mkhyen pa nyid thob par bya ba'i phyir te/ rab 'byor de ltar byang chub sems dpa' sems dpa' chen po ni chos thams cad mtshan nyid med par shes pas/ pha rol tu phyin pa drug mtshan nyid med par</font><hr>33.94b<br><font size=+1>

shes so/ /rnam pa thams cad mkhyen pa nyid kyi bar du mtshan nyid med par shes so/ /rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ rmi lam lta bu'i nye bar len pa'i phung po lnga la gnas/ sgyu ma lta bu dang / smig rgyu lta bu dang / chu zla lta bu dang / mig yor lta bu dang / sgra brnyan lta bu dang / gzugs brnyan lta bu dang / dri za'i grong khyer lta bu dang /  sprul pa lta bu'i nye bar len pa'i phung po lnga la gnas shing / tshul khrims kyi pha rol tu phyin pa yongs su rdzogs par byed do/ /rab 'byor byang chub sems dpa' sems dpa' chen po de yang nye bar len pa'i phung po lnga rmi lam lta bur shes/ sgyu ma lta bu dang / smig rgyu lta bu dang / chu zla lta bu dang / mig yor lta bu dang /  sgra brnyan lta bu dang /  gzugs brnyan lta bu dang / dri za'i grong khyer lta bu dang / sprul pa lta bur shes nas/ tshul khrims kyi pha rol tu phyin pa mtshan nyid med pa/ ma zhig pa/ ma ral ba/ skyon med pa/ rnyog pa med pa/ nyams pa med pa/ dbang du gyur pa/ mkhas pas bsngags pa/ shin tu rdzogs pa/ 'phags par gyur pa/ zag pa med pa/ lam gyi khongs su chud pa/ 'jig rten las 'das pa/ yongs su rdzogs par byed de/ de la gnas shing / yang dag par blang ba'i brda dang ldan pa'i tshul khrims dang / chos nyid kyis thob pa'i tshul khrims dang / sdom pa'i tshul khrims dang / dmigs pa'i tshul khrims dang / spyad pa'i tshul khrims dang / mi spyad pa'i tshul khrims srung ngo / /de tshul khrims de lta bu dang ldan yang / 'dis bdag rgyal rigs che zhing mtho ba'i rigs dang skal pa mnyam pa 'am/ bram ze che zhing mtho ba'i rigs dang /  khyim bdag che zhing mtho ba'i rigs dang / skal ba mnyam par skye bar</font><hr>33.95a<br><font size=+1>

bya'o zhe 'am/ rgyal phran nam/ 'khor los sgyur ba'i rgyal por 'gyur bar bya'o zhe 'am/ rgyal chen bzhi'i rigs kyi lha rnams dang skal ba mnyam par skye bar bya'o zhe 'am/ sum bcu rtsa gsum 'am/ mtshe ma 'am/ dga' ldan nam/ 'phrul dga' 'am/ gzhan 'phrul dbang byed kyi lha rnams dang skal ba mnyam par skye bar bya'o zhe 'am/ rgyun tu zhugs pa'i 'bras bu thob par bya'o zhe 'am/ lan gcig phyir 'ong ba'i 'bras bu 'am/ phyir mi 'ong ba'i 'bras bu 'am/  dgra bcom pa nyid dam/  rang byang chub bam/ byang chub thob par bya'o zhes tshul khrims des snyems pa med do/ /de ci'i phyir zhe na/ 'di ltar chos thams cad ni mtshan nyid med pa ste/ 'di ltar dngos po med pa'i ngo bo nyid kyi mtshan nyid du mtshan nyid gcig pas na mtshan nyid med pa'i chos kyi mtshan nyid med pa'i chos thob par mi rung ngo / /mtshan nyid tha dad pa'i chos kyis kyang mtshan nyid tha dad pa'i chos thob par mi rung ngo / /mtshan nyid tha dad pa 'am mtshan nyid med pa'i chos kyis kyang / mtshan nyid tha dad pa 'am/ mtshan nyid med pa'i chos thob par mi rung ngo / /rab 'byor de ltar na byang chub sems dpa' sems dpa' chen po shes rab kyi pha rol du phyin pa la spyod cing / tshul khrims kyi pha rol tu phyin pa mtshan nyid med pa yongs su rdzogs par byas nas/ byang chub sems dpa'i skyon med par 'jug go/ /byang chub sems dpa'i skyon med par 'jug pa'i tshe/ mi skye ba'i chos la bzod pa 'thob ste/ lam gyi rnam pa shes pa nyid la spyod pa'i tshe/ rnam par smin pa las byung ba'i mngon par shes pa lnga rab tu thob nas/ gzungs kyi sgo lnga brgya dang /  ting nge 'dzin gyi sgo lnga brgya la gnas te/ so so yang dag par rig pa bzhi thob nas sangs rgyas bcom ldan 'das</font><hr>33.95b<br><font size=+1>

rnams la bsnyen bkur byed cing / sangs rgyas kyi zhing nas sangs rgyas kyi zhing du 'gro ste/ sems can rnams kyang yongs su smin par byed do/ /sangs rgyas kyi zhing yang yongs su 'dzin to/ /de 'gro ba lnga'i 'khor ba na 'khor yang / 'khor ba'i las rnam par smin pas gos par mi 'gyur te/ 'di ltar dper na sprul pa ni 'gro ba 'am/ sdod pa 'am/ 'dug pa 'am nyal ba byed kyang de la 'gro ba 'am/ 'ong ba 'am/ sdod pa 'am/ 'dug pa 'am/ nyal ba'ang mi dmigs te/ de sems can rnams kyi don kyang byed do/ /sems can dang sems can du gdags pa yang mi dmigs so/ /shes rab kyi pha rol tu phyin pa stong phrag nyi shu lnga pa/ bam po drug bcu drug pa/ rab 'byor 'di lta ste dper na/ de bzhin gshegs pa dgra bcom pa yang dag par rdzogs pa'i sangs rgyas shin tu zhi ba zhes bya ba/ bla na med pa yang dag par rdzogs pa'i byang chub tu mngon par rdzogs par sangs rgyas nas/ chos kyi 'khor lo bskor te/ sems can tshad med pa theg pa gnyis kyis yongs su mya ngan las 'das kyang / gang bla na med pa yang dag par rdzogs pa'i byang chub tu lung bstan par bya ba'i byang chub sems dpa' de lta bu gang yang ma gzigs nas/ des tshe'i 'du byed spangs nas/ sprul pa sprul pa mdzad de/ phung po ma lus pa'i mya ngan las 'das pa'i dbyings su yongs su mya ngan las 'das so/ /rab 'byor de ltar sprul pa des bskal pa gcig lon nas/ byang chub sems dpa' sems dpa' chen po bla na med pa yang dag par rdzogs pa'i byang chub tu lung bstan te/ yongs su mya ngan las 'das par gyur to/ /yongs su mya ngan las 'das par gyur pa de'i gzugs sam/ tshor ba 'am 'du shes sam 'du byed dam/ rnam par shes</font><hr>33.96a<br><font size=+1>

pa 'am/ dngos po gang yang dmigs su med do/ /rab 'byor de bzhin du byang chub sems dpa' sems dpa' chen po yang sems can nam sems can du gdags pa yang mi dmigs la/ sems can rnams kyi don kyang byed do/ /rab 'byor de ltar na byang chub sems dpa' sems dpa' chen po shes rab kyi pha rol du phyin pa la spyod pa'i tshe/ mtshan nyid med pa'i tshul khrims kyi pha rol tu phyin pa yongs su rdzogs par byed do/ /de yongs su rdzogs pas mtshan nyid med pa'i chos thams cad khongs su chud par shes so/ /rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ rmi lam lta bu'i nye bar len pa'i phung po lnga la gnas/ sgra brnyan lta bu dang / mig yor lta bu dang / sgyu ma lta bu dang / smig rgyu lta bu dang / sprul pa lta bu'i nye bar len pa'i phung po lnga la gnas te/ mtshan nyid med pa'i bzod pa'i pha rol tu phyin pa yongs su rdzogs par byed do/ /rab 'byor ji ltar byang chub sems dpa' sems dpa' chen po mtshan nyid med pa'i chos rnams la gnas shing / bzod pa'i pha rol tu phyin pa yongs su rdzogs par byed pa yin zhe na/ rab 'byor 'di la byang chub sems dpa' sems dpa' chen po bzod pa gnyis kyis bzod pa'i pha rol tu phyin pa yongs su rdzogs par byed de/ gnyis gang zhe na/ nyams su len pa'i bzod pa dang / chos khongs su chud pa'i bzod pa'o/ /de la nyams su len pa'i bzod pa gang zhe na/  sems dang po bskyed pa nas nye bar bzung ste/ snying po byang chub la 'dug gi bar du byang chub sems dpa' sems dpa' chen po'i drung du/ gal te sems can thams cad yang dang yang 'ongs shing / gshe ba 'am/ mi snyan par brjod cing / ma klas pa'i tshig brlang pa zer</font><hr>33.96b<br><font size=+1>

bar gyur tam/ rdo dbyig dang / mtshon chas brdegs sam/ btab kyang / de la byang chub sems dpa' sems dpa' chen po bzod pa'i pha rol tu phyin pa yongs su rdzogs par 'dod pas/ sems bskyed pa 'ga' tsam yang 'khrug pa dang ldan pa 'am/ gnod sems dang ldan pa bskyed par mi bya ste/ phyir sems can de dag la kye ma sems can 'di dag ni nyon mongs pa'i nad kyis mnar ba ste/ 'di dag la bdag gis sdig to'i sems mi bskyed kyi 'di ni bdag nyid kyis phung po dgrar gyur pa 'di rnams blangs pa'i len to zhes de dag lhag par snying rje bskyed par bya'o/ /byams pa dang ldan te/ snying rje bar gyur nas/ rnam pa de ltar rtog pa 'di ni nyams su len pa'i bzod pa zhes bya'o/ /de la chos khongs su chud pa'i bzod pa gang zhe na/ sems can de dag kyang don dam par dmigs su med na/ bdag la gshe ba 'am/ mi snyan par brjod pa 'am/ ma klas pa'i tshig brlang po zer ba 'am/ rdo dbyig gis rdeg cing mtshon 'debs pa lta su zhig yod de/ 'du byed thams cad ni sgyu ma lta bu/ gsob/ gsog /rag las pa/ nam mkha' lta bu/ bdag dang / sems can dang / srog dang / 'gro ba dang / gso ba dang / skyes bu dang / gang zag dang / shed can dang / shed bdag dang bral ba ste/ rnam par rtog pa de dag thams cad ni yongs su rtog pa las byung ba yin na/ bdag la gshe ba dang / mi snyan par brjod pa dang / ma klas pa'i tshig brlang po zer ba dang / rdo dbyig gis rdeg cing mtshon gyis 'debs pa lta bu zhig yod de/ /bdag gi ngo bo nyid stong pa nyid dang / don dam pa stong pa nyid nye bar bzung ste/ de ltar rnam par brtag par mi bya'o zhes bya ba 'di ni chos khong du chud pa'i bzod pa zhes bya ste/  de de ltar yongs su rtog cing / bzod pa'i pha rol tu phyin pa yongs su rdzogs par byed de/ de bzod pa'i pha rol tu phyin pa yongs su rdzogs pa des mi skye ba'i chos la bzod pa thob bo/ /rab 'byor gyis gsol pa/ bcom ldan 'das mi skye ba'i chos la</font><hr>33.97a<br><font size=+1>

bzod pa zhes bgyi ba ni gang lags/ de spangs pa ni ci mchis/ ye shes ni ci mchis/ bcom ldan 'das kyis bka' stsal pa/ rab 'byor chos gang la rdul tsam yang skye ba med pa de ni mi skye ba'o/ /de gang gis shes pa de ni bzod pa zhes bya ba ste/  shes pa des mi skye ba'i chos la bzod pa thob bo/ /gsol pa/ bcom ldan 'das nyan thos rnams dang / rang sangs rgyas rnams kyi ni mi skye ba'i chos la bzod pa gang lags pa dang / byang chub sems dpa' sems dpa' chen po'i mi skye ba'i chos la bzod pa gang lags pa'i bzod pa de dag la bye brag tu bgyi ba ci mchis/ bcom ldan 'das kyis bka' stsal pa/ rab 'byor rgyun tu zhugs pa'i shes pa gang yin pa dang / spong ba gang yin pa de ni byang chub sems dpa' sems dpa' chen po'i bzod pa'o/ /lan cig phyir 'ong ba'i shes pa gang yin pa dang / spong ba gang yin pa de ni byang chub sems dpa' sems dpa' chen po'i bzod pa'o/ /phyir mi 'ong ba'i shes pa gang yin pa dang /  spong ba gang yin pa de ni/ byang chub sems dpa' sems dpa' chen po'i bzod pa'o/ /dgra bcom pa'i shes pa gang yin pa dang / spong ba gang yin pa de ni byang chub sems dpa' sems dpa' chen po'i bzod pa'o/ /rang sangs rgyas kyi shes pa gang yin pa dang /  spong ba gang yin pa de ni/ byang chub sems dpa' sems dpa' chen po'i bzod pa ste/ rab 'byor de ni nyan thos dang rang sangs rgyas kyi bzod pa dang / byang chub sems dpa'i bzod pa'i bye brag yin no/ /rab 'byor byang chub sems dpa' sems dpa' chen po de ni bzod pa de lta bu dang ldan pas/ nyan thos dang / rang sangs rgyas thams cad zil gyis gnon te/ de rnam par smin pa las byung ba'i mi skye ba'i chos kyi bzod pa la gnas te/ byang chub sems dpa'i lam la spyod</font><hr>33.97b<br><font size=+1>

cing lam gyi rnam pa shes pa nyid yongs su rdzogs par byed de/ de yongs su rdzogs pas/ byang chub kyi phyogs kyi chos sum bcu rtsa bdun dang / stong pa nyid dang / mtshan ma med pa dang / smon pa med pa'i ting nge 'dzin rnams dang mi 'bral ba yin/ de mngon par shes pa lnga dang mi 'bral ba yin/ de mngon par shes pa rnams dang mi 'bral bas sems can rnams yongs su smin par byed pa yin/ sangs rgyas kyi zhing yongs su dag par byed pa yin/ de sems can rnams yongs su smin par byas/  sangs rgyas kyi zhing yongs su dag par byas nas/ skad cig gcig dang ldan pa'i shes rab kyis/ rnam pa thams cad mkhyen pa nyid thob par byed de/ rab 'byor de ltar na byang chub sems dpa' sems dpa' chen po'i shes rab kyi pha rol tu phyin pa la spyod pa'i tshe/ mtshan nyid med pa'i bzod pa'i pha rol tu phyin pa yongs su rdzogs par byed do/ /rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ rmi lam lta bu'i nye bar len pa'i phung po lnga la gnas/ sgra brnyan lta bu dang / mig yor lta bu dang / sgyu ma lta bu dang / smig rgyu lta bu dang / sprul pa lta bu'i nye bar len pa'i phung po lnga la gnas shing / lus dang sems kyi brtson 'grus rtsom mo/ /de lus kyi brtson 'grus kyis rdzu 'phrul mngon par bsgrubs te/ phyogs dang phyogs mtshams thams cad kyi 'jig rten gyi khams dag tu song nas/ sangs rgyas bcom ldan 'das rnams la bsnyen bkur byed cing / sems can rnams kyi don byed do/ /sangs rgyas kyi zhing yongs su dag par byed do/ /de lus kyi brtson 'grus des sems can rnams yongs su smin par byas nas/ theg pa gsum la 'dzud</font><hr>33.98a<br><font size=+1>

cing rab tu 'god de/ rab 'byor de ltar na byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ mtshan nyid med pa'i brtson 'grus kyi pha rol tu phyin pa yongs su rdzogs par byed do/ /de sems kyi brtson 'grus zag pa med pa lam gyi yan lag tu gyur pa lam gyi khongs su chud pas/ brtson 'grus kyi pha rol tu phyin pa gang du dge ba'i chos thams cad 'di lta ste/ dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa dang / rnam par thar pa'i sgo gsum dang /  bsam gtan bzhi dang /  tshad med pa bzhi dang / gzugs med pa'i snyoms par 'jug pa bzhi dang / rnam par thar pa brgyad dang / mthar gyis gnas pa'i snyoms par 'jug pa dgu dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang /  byams pa chen po dang /  snying rje chen po dang / sangs rgyas kyi chos ma 'dres pa bcwa brgyad yongs su 'dus pa yongs su rdzogs par byed do/ /de la spyod cing byang chub sems dpa' sems dpa' chen po rnam pa thams cad mkhyen pa nyid yongs su rdzogs par byed de/ de yongs su rdzogs pas bag chags kyi mtshams sbyor ba thams cad spang bar 'gyur ro/ /bag chags kyi 'tshams sbyor ba thams cad spangs nas/ mtshan phun sum tshogs pa yongs su rdzogs par 'gyur ro/ /kun tu snang bar thob par byas nas/ chos kyi 'khor lo rnam pa bcu gnyis</font><hr>33.98b<br><font size=+1>

rgyud gsum du bskor bar 'gyur ro/ /de bskor bas stong gsum gyi stong chen po'i 'jig rten gyi khams rnam pa drug tu g.yo ba dang / rab tu g.yo ba dang / kun nas g.yo ba dang / 'gul ba dang / rab tu 'gul ba dang / kun nas 'gul ba dang / ldeg pa dang / rab tu ldeg pa dang / kun nas ldeg par 'gyur te/ stong gsum gyi stong chen po'i 'jig rten gyi khams thams cad kyang snang ba chen pos rgyas par gang bar 'gyur ro/ /de bzhin gshegs pa dgra bcom pa yang dag par rdzogs pa'i sangs rgyas de'i sgra gang du byung zhing dbyangs grags par gyur pa'i sgra de/ stong gsum gyi stong chen po'i 'jig rten gyi khams kyi/ sems can gang ji snyed kyi thos pa/ de thams cad theg pa gsum la nges par 'gyur te/  rab 'byor de ltar phan pa chen po dang ldan pa ni/  byang chub sems dpa' sems dpa' chen po'i/ brtson 'grus kyi pha rol tu phyin pa ste/ brtson 'grus kyi pha rol tu phyin pa la gnas te/ byang chub sems dpa' sems dpa' chen pos/ sangs rgyas kyi chos thams cad yongs su rdzogs par bya'o/ /rnam pa thams cad mkhyen pa nyid thob par bya'o/ /rab 'byor gzhan yang byang chub sems dpa' sems dpa' chen po/ shes rab kyi pha rol tu phyin pa la spyod pa'i tshe/ rmi lam lta bu'i nye bar len</font><hr>33.99a<br><font size=+1>

pa'i phung po lnga la gnas/ sgra brnyan lta bu dang / mig yor lta bu dang / sgyu ma lta bu dang / smig rgyu lta bu dang / sprul pa lta bu'i nye bar len pa'i phung po lnga la gnas shing / ting nge 'dzin gyi pha rol du phyin pa yongs su rdzogs par byed pa yin zhe na/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa'i tshe bsam gtan dang po la nye bar sgrubs te gnas so/ /bsam gtan gnyis pa dang / bsam gtan gsum pa dang / bsam gtan bzhi pa la nye bar sgrubs te gnas so/ /byams pa dang / snying rje dang / dga' ba dang / btang snyoms la nye bar bsgrubs te gnas so/ /nam mkha' mtha' yas skye mched dang / rnam shes mtha' yas skye mched dang / cung zad med pa'i skye mched dang / 'du shes med 'du shes med min skye mched la nye bar bsgrubs te gnas so/ /stong pa nyid dang / mtshan ma med pa dang / smon pa med pa'i ting nge 'dzin sgom mo/ /glog lta bu'i ting nge 'dzin sgom mo/ /yang dag pa'i ting nge 'dzin sgom mo/ /rdo rje lta bu'i ting nge 'dzin la gnas shing / de bzhin gshegs pa'i ting nge 'dzin ma gtogs par/ nyan thos dang / thun mong ba 'am/ rang sangs rgyas dang ldan pa'i ting nge 'dzin gang ji snyed pa dang / gzhan yang ting nge 'dzin dang snyoms par 'jug pa'i tshogs gang ji snyed pa de dag thams cad lus kyis khyab par byas shing /  nye bar bsgrubs te gnas kyang / ting nge 'dzin de dag dang snyoms par 'jug pa'i 'bras bu'i ro yang myong bar mi byed do/ /de ci'i phyir zhe na/ de ni 'di ltar byang chub sems dpa' sems dpa' chen po ting nge 'dzin de dag gi /mtshan nyid med pa dang / dngos po med pa'i ngo bo nyid du shes pas na/ mtshan nyid med pa'i chos/ mtshan nyid med pa'i chos kyis ro myong bar byed par</font><hr>33.99b<br><font size=+1>

yang ga la 'gyur/ dngos po med pa'i chos kyang / dngos po med pa'i chos kyis ro myong bar byed par ga la 'gyur te/ de ro myong bar byed pa med pas/ ting nge 'dzin gang gi dbang gis kyang gzugs kyi khams sam/ gzugs med pa'i khams su skye bar mi 'gyur ro/ /de ci'i phyir zhe na/ 'di ltar des khams de gnyis kyang mi dmigs/ gang snyoms par 'jug pa dang / gang gis snyoms par 'jug par yang mi dmigs so/ /de mi dmigs pas mtshan nyid med pa'i ting nge 'dzin gyis pha rol du phyin pa yongs su rdzogs par byed do/ /ting nge 'dzin gyis pha rol du phyin pa des/ nyan thos dang rang sangs rgyas kyi sa las yongs su 'da'o/ /rab 'byor gyis gsol pa/ bcom ldan 'das ji ltar na/ byang chub sems dpa' sems dpa' chen po ting nge 'dzin gyi pha rol du phyin pa yongs su rdzogs par bgyis shing / nyan thos dang rang sangs rgyas kyi sa las yongs su 'da' ba lags/ bcom ldan 'das kyis bka' stsal pa/ rab 'byor de ni 'di ltar byang chub sems dpa' sems dpa' chen pos nang stong pa nyid la shin du bslabs pa dang / phyi stong pa nyid dang / phyi nang stong pa nyid dang / dngos po med pa'i ngo bo nyid stong pa nyid kyi bar la shin tu bslabs pa'i phyir te/  stong pa nyid 'di dag la ni rgyun du zhugs pa'i 'bras bu 'am/ lan cig phyir 'ong ba'i 'bras bu 'am/ phyir mi 'ong ba'i 'bras bu 'am/ dgra bcom pa nyid dam/ rang byang chub 'am/ gang la gnas par bya ba'i chos de lta bu gang yang mi dmigs te/ rnam pa thams cad mkhyen pa nyid ces bya ba de yang stong pa nyid rnams kyis stong ste/ stong pa nyid de dag gis byang chub sems dpa' sems dpa' chen po nyan thos dang / rang</font><hr>33.100a<br><font size=+1>

sangs rgyas kyi sa las shin tu 'das nas/ byang chub sems dpa'i skyon med par 'jug go/ /gsol pa/ bcom ldan 'das byang chub sems dpa' sems dpa' chen po'i skyon ni gang lags/ skyon ma mchis pa gang lags/ bcom ldan 'das kyis bka' stsal pa/ rab 'byor dmyigs pa thams cad ni byang chub sems dpa' sems dpa' chen po'i skyon no/ /mi dmigs pa thams cad ni skyon med pa'o/ /gsol pa/ bcom ldan 'das dmigs pa ni gang lags/ mi dmigs pa ni gang lags/ bcom ldan 'das kyis bka' stsal pa/ rab 'byor gzugs ni byang chub sems dpa' sems dpa' chen po'i dmigs pa'o/ /rab 'byor tshor ba dang / 'du shes dang 'du byed dang rnam par shes pa ni byang chub sems dpa' sems dpa' chen po'i dmigs pa'o/ /mig dang gzugs ni byang chub sems dpa' sems dpa' chen po'i dmigs pa'o/ /rna ba dang sgra dang sna dang dri dang lce dang ro dang lus dang reg bya dang / yid dang chos ni byang chub sems dpa' sems dpa' chen po'i dmigs pa'o/ /mig gi rnam par shes pa dang / mig gi 'dus te reg pa dang / mig gi 'dus te reg pa'i rkyen gyis tshor ba ni dmigs pa'o/ /rna ba dang sna dang lce dang lus dang yid kyi rnam par shes pa dang / yid kyi 'dus te reg pa dang / yid kyi 'dus te reg pa'i rkyen gyis tshor ba ni dmigs pa'o/ /sa'i khams dang chu'i khams dang me'i khams dang rlung gi khams dang / nam mkha'i khams dang rnam par shes pa'i khams ni dmigs pa'o/ /ma rig pa dang 'du byed dang rnam par shes pa dang ming dang gzugs dang skye mched drug dang reg pa dang tshor ba dang sred pa dang len pa dang srid pa dang skye ba dang rga shi ni dmigs pa'o/ /pha rol tu phyin pa thams cad dang / stong pa nyid thams cad dang byang chub kyi phyogs kyi chos thams</font><hr>33.100b<br><font size=+1>

cad dang / 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad ni dmigs pa'o/ /rnam pa thams cad mkhyen pa nyid kyi bar ni dmigs pa ste/ skyon no/ /rab 'byor skyon med pa ni gang la gzugs dang / tshor ba dang 'du shes dang 'du byed dang rnam par shes pa dang / skye mched dang khams dang / rten cing 'brel par 'byung ba dang /  pha rol tu phyin pa thams cad dang / stong pa nyid thams cad dang /  byang chub kyi phyogs kyi chos thams cad dang / 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang /  so so yang dag par rig pa bzhi dang /  byams pa chen po dang / snying rje chen po dang /  sangs rgyas kyi chos ma 'dres pa bcwa brgyad dang / rnam pa thams cad mkhyen pa nyid kyi bar dang / chos de dag gi brjod pa yang dmigs su med pa'o/ /de ci'i phyir zhe na/ rab 'byor de ni 'di ltar gzugs la rang bzhin med de</font><hr>33.101a<br><font size=+1>

gang la rang bzhin med pa de ni brjod du med pa'o/ /tshor ba dang 'du shes dang 'du byed dang rnam par shes pa la rang bzhin med de/ gang la rang bzhin med pa de ni brjod du med pa'o/ /skye mched dang khams dang rten cing 'brel bar 'byung ba la rang bzhin med de/ gang la rang bzhin med pa de ni brjod du med pa'o/ /pha rol du phyin pa thams cad dang / stong pa nyid thams cad dang / byang chub kyi phyogs kyi chos thams cad la rang bzhin med de/ gang la rang bzhin med pa de ni brjod du med pa'o/ /'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams la rang bzhin med de/ gang la rang bzhin med pa de ni brjod du med pa'o/ /de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad la rang bzhin med de/ gang la rang bzhin med pa de ni brjod du med pa'o/ /rnam pa thams cad mkhyen pa nyid kyi bar la rang bzhin med de/ gang la rang bzhin med pa de ni brjod du med pa'o/ /rab 'byor 'di ni byang chub sems dpa' sems dpa' chen po'i skyon med pa ste/ byang chub sems dpa' sems dpa' chen po skyon med par zhugs pa'i ting nge 'dzin dang / snyoms par zhugs pa thams cad yongs su rdzogs par byed pa de ni/ ting nge 'dzin dang snyoms par 'jug pa'i dbang gis kyang mi skye na/ 'dod chags sam/ zhe sdang ngam/ gti mug gis skye bar 'gyur zhing de la gnas te/ de'i las mngon par</font><hr>33.101b<br><font size=+1>

'du byed pa dang / las de mngon par 'du byed pas/ 'gro ba lnga'i 'khor bar ltung bar 'gyur ba lta ci smos te/ de ni gnas med do/ /gzhan du na sgyu ma lta bu'i chos rnams la gnas shing / sems can thams cad kyi don byed de/ sems can nam sgyu mar yang dmigs pa med do/ /de sems can dang sgyu ma mi dmigs pas/ sems can rnams yongs su smin par byed cing / sangs rgyas kyi zhing yongs su 'dzin te/ rab 'byor de ltar na byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ ting nge 'dzin gyi pha rol tu phyin pa yongs su rdzogs par byas nas/ chos kyi 'khor lo bskor ba'i bar du ste/ mi dmigs pa'i 'khor lo dang / stong pa nyid dang / mtshan ma med pa dang / smon pa med pa'i 'khor lo skor ro/ /rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ chos thams cad rmi lam lta bur yongs su shes so/ /chos thams cad sgra brnyan lta bu dang / mig yor lta bu dang / sgyu ma lta bu dang / smig rgyu lta bu dang / sprul pa lta bur yongs su shes so/ /gsol pa bcom ldan 'das byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ ji ltar na chos thams cad rmi lam lta bur yang dag pa ji lta ba bzhin du yongs su 'tshal ba lags/ ji ltar na chos thams cad sgra brnyan lta bu dang / mig yor lta bu dang / sgyu ma lta bu dang / smig rgyu lta bu dang / sprul pa lta bur yang dag pa ji lta ba bzhin du yongs su 'tshal ba lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ rmi lam mi mthong ngo / /rmi lam mthong ba</font><hr>33.102a<br><font size=+1>

mi mthong ngo / /sgra brnyan mi thos so/ /sgra brnyan nyan pa mi mthong ngo / /mig yor mi mthong ngo / /mig yor mthong ba mi mthong ngo / /sgyu ma mi mthong ngo / /sgyu ma mthong ba mi mthong ngo / /smig rgyu mi mthong ngo / /smig rgyu mthong ba mi mthong ngo / /sprul pa mi mthong ngo / /sprul pa mthong ba mi mthong ngo / /de ci'i phyir zhe na/ 'di ltar byis pa so so'i skye bo rnams kyi rmi lam ni phyin ci log go/ /sgra brnyan ni phyin ci log go/ /mig yor ni phyin ci log go/ /sgyu ma ni phyin ci log go/ /smig rgyu ni phyin ci log go/ /sprul pa ni phyin ci log go/ /dgra bcom pa ni rmi lam mi mthong ngo / /rmi lam mthong ba mi mthong ngo / /sgra brnyan mi thos so/ /sgra brnyan nyan pa mi mthong ngo / /mig yor mi mthong ngo / /mig yor mthong ba mi mthong ngo / /sgyu ma mi mthong ngo / /sgyu ma mthong ba mi mthong ngo / /smig rgyu mi mthong ngo / /smig rgyu mthong ba mi mthong ngo / /sprul pa mi mthong ngo / /sprul pa mthong ba mi mthong ngo / /rang sangs rgyas kyi bar dang / byang chub sems dpa' dang / de bzhin gshegs pa dgra bcom pa yang dag par rdzogs pa'i sangs rgyas ni rmi lam mi gzigs so/ /rmi lam mthong ba mi gzigs so/ /sgra brnyan mi gsan to/ /sgra brnyan nyan pa mi gzigs so/ /mig yor mi gzigs so/ /mig yor mthong ba mi gzigs so/ /sgyu ma mi gzigs so/ /sgyu ma mthong ba mi gzigs so/ /smig rgyu mi gzigs so/ /smig rgyu mthong ba mi gzigs so/ /sprul pa mi gzigs so/ /sprul pa mthong ba mi gzigs so/ /de ci'i phyir zhe na/ 'di ltar yang dag pa ma yin pas/ chos thams cad ni dngos po med pa'i ngo bo nyid de/ yongs su mya ngan las 'das pa dang mnyam pa ste/ yang dag pa ma yin pa'i phyir chos thams cad yongs</font><hr>33.102b<br><font size=+1>

yongs su grub pa med na/ de la byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ dngos po'i 'du shes sam/  yongs su grub pa'i 'du shes sam/  yang dag pa'i 'du shes su 'gyur ba lta ga la yod de/ de ni gnas med do/ /de ci'i phyir zhe na/ gal te chos la la zhig gi ngo bo nyid dam/ yongs su grub pa 'am/ yang dag par gyur pa zhig dmigs na ni/ shes rab kyi pha rol tu phyin par yang mi 'gyur te/ byang chub sems dpa' sems dpa' chen po shes rab kyi pha rol tu phyin pa la de ltar spyod na/ gzugs la chags pa med do/ /tshor ba dang 'du shes dang 'du byed dang rnam par shes pa la chags pa med do/ /khams dang skye mched dang rten cing 'brel par 'byung ba la chags pa med do/ /'dod pa'i khams la chags pa med do/ /gzugs kyi khams dang / gzugs med pa'i khams la chags pa med do/ /sbyin pa'i pha rol du phyin pa la chags pa med do/ /tshul khrims kyi pha rol tu phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la chags pa med do/ /nang stong pa nyid la chags pa med do/ /dngos po med pa'i ngo bo nyid stong pa nyid kyi bar la chags pa med do/ /byang chub kyi phyogs kyi chos sum bcu rtsa bdun la chags pa med do/ / 'phags pa'i bden pa rnams dang /  bsam gtan rnams dang /  tshad med pa rnams dang /  gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jugs pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams la chags pa med do/ /ting nge 'dzin dang / gzungs kyi sgo rnams la chags</font><hr>33.103a<br><font size=+1>

pa med do/ /de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams dang / byams pa chen po dang / snying rje chen po dang / sangs rgyas kyi chos ma 'dres pa rnams la chags pa med do/ /rnam pa thams cad mkhyen pa nyid kyi bar la chags pa med do/ /de shes rab kyi pha rol tu phyin pa 'di la gnas shing / sa dang po yongs su rdzogs par byed de/ de la 'dod pa'i 'dod chags mi skyed do/ /de ci'i phyir zhe na/ de ni 'di ltar des sa de yang mi dmigs na/ de la 'dod pa'i 'dod chags skyed par lta ga la 'gyur te/ shes rab kyi pha rol du phyin pa 'di la gnas shing / sa gnyis pa dang / sa gsum pa dang / sa bzhi pa dang / sa lnga pa dang / sa drug pa dang / sa bdun pa dang / sa brgyad pa dang / sa dgu pa dang / sa bcu pa yongs su rdzogs par byed de/ de la 'dod pa'i 'dod chags mi skye'o/ /de ci'i phyir zhe na/ de ni 'di ltar des sa de yang mi dmigs na/ de la 'dod pa'i 'dod chags skyed par lta ga la 'gyur te/ shes rab kyi pha rol du phyin pa la spyod cing / shes rab kyi pha rol tu phyin pa de yang mi dmigs so/ /de mi dmigs pa'i shes rab kyi pha rol du phyin pa la spyod pa'i tshe/ shes rab kyi pha rol du phyin pa der chos thams cad kyang 'dus par mthong ste/ chos de dag kyang mi dmigs so/ /de ci'i phyir zhe na/ de ni 'di ltar chos de dag dang shes rab kyi pha rol du phyin pa de la gnyis su med de/ gnyis su byar med do/ /de ci'i phyir zhe na/ de ni 'di ltar chos de dag ni tha dad du bya ba gang yang med de/ chos kyi dbyings su bstan pa dang / de bzhin nyid du bstan pa dang / yang dag pa'i mthar bstan pas/ chos thams cad dbyer med do/ /gsol pa/ bcom ldan 'das de ltar chos thams cad dbyer ma mchis</font><hr>33.103b<br><font size=+1>

pa lags na/ ji ltar dge ba dang mi dge ba'i chos rnams bstan pa lags/ ji ltar 'jig rten pa dang / 'jig rten las 'das pa'i chos rnams bstan pa lags/ ji ltar zag pa dang bcas pa dang / zag pa ma mchis pa'i chos rnams bstan pa lags/ ji ltar 'dus byas dang 'dus ma byas kyi chos rnams bstan pa lags/ bcom ldan 'das kyis bka' stsal pa/  rab 'byor de ji snyam du sems/ chos rnams kyi chos nyid gang yin pa de la/ 'dus byas sam/ 'dus ma byas sam/ rgyun du zhugs pa'i 'bras bu 'am/ lan cig phyir 'ong ba'i 'bras bu 'am/ phyir mi 'ong ba'i 'bras bu 'am/ dgra bcom pa nyid dam/ rang byang chub bam/ byang chub sems dpa' gang yang brjod du yod dam/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor de bas na khyod kyis rnam grangs des na/ 'di ltar chos thams cad dbyer med pa dang / chos thams cad mtshan nyid med pa dang / skye ba med pa dang / 'byung ba med par rig par bya'o/ /rab 'byor nga sngon byang chub sems dpa'i spyad pa spyod pa'i tshe/ gzugs zhes bya ba 'am/ tshor ba zhes bya ba 'am/ 'du shes zhes bya ba 'am/ 'du byed ces bya ba 'am/ rnam par shes pa zhes bya ba 'am/ skye mched dang khams dang rten cing 'brel bar 'byung ba zhes bya ba 'am pha rol du phyin pa thams cad dang / stong pa nyid thams cad dang byang chub kyi phyogs kyi chos rnams zhes bya ba 'am/ sangs rgyas kyi chos ma 'dres pa rnams kyi bar zhes bya ba 'am/ dge ba dang / mi dge ba'i chos rnams zhes bya ba 'am/  nyon mongs pa dang bcas pa dang / nyon mongs pa med pa dang / 'jig rten pa dang / </font><hr>33.104a<br><font size=+1>

'jig rten las 'das pa dang / zag pa dang bcas pa dang / zag pa med pa dang / thun mong dang / thun mong ma yin pa dang / 'dus byas dang / 'dus ma byas kyi chos rnams zhes bya ba 'am/ rgyun du zhugs pa'i 'bras bu zhes bya ba 'am/ lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid ces bya ba 'am/ rang byang chub ces bya ba 'am/ rnam pa thams cad mkhyen pa nyid kyi bar zhes bya ba chos gang gi rang bzhin yang mi dmigs so/ /rab 'byor de ltar byang chub sems dpa' sems dpa' chen po shes rab kyi pha rol du phyin pa la spyod pa'i tshe/ sems dang po bskyed pa nas nye bar bzung ste/ bla na med pa yang dag par rdzogs pa'i byang chub tu mngon par rdzogs par sangs rgyas kyi bar du mi dmigs pa'i tshul gyis chos thams cad kyi rang bzhin la mkhas par bya'o/ /byang chub sems dpa' sems dpa' chen po chos thams cad kyi rang bzhin la mkhas pa ni byang chub kyi lam yongs su rdzogs par byed do/ /sems can rnams yongs su smin par byed do/ /sangs rgyas kyi zhing yongs su 'dzin to/ /de la gnas te bla na med pa yang dag par rdzogs pa'i byang chub tu mngon par rdzogs par sangs rgyas nas/ sems can rnams ci nas kyang dul bar gyur nas/ srid pa gsum na mi snang ba de ltar rnam par btul lo/ /rab 'byor de ltar byang chub sems dpa' sems dpa' chen pos mtshan ma med pa'i tshul gyis shes rab kyi pha rol du phyin pa la bslab par bya'o/ /shes rab kyi pha rol du phyin pa stong phrag nyi shu lnga pa las le'u drug bcu gcig pa'o// // de nas tshe dang ldan pa rab 'byor gyis/ bcom ldan 'das la 'di skad ces gsol to/ /bcom ldan 'das chos thams cad rmi lam lta bu dngos</font><hr>33.104b<br><font size=+1>

po ma mchis pa/ dngos po ma mchis pa'i ngo bo nyid rang gi mtshan nyid kyis stong pa rnams la/ 'di dag ni dge ba'i chos so/ /'di dag ni mi dge ba'i chos so/ /'di dag ni 'jig rten pa'i chos so/ /'di dag ni 'jig rten las 'das pa'i chos so/ /'di dag ni zag pa dang bcas pa'i chos so/ /'di dag ni zag pa med pa'i chos so/ /'di dag ni 'dus byas kyi chos so/ /'di dag ni 'dus ma byas kyi chos so/ /'di dag ni rgyun du zhugs pa'i 'bras bu mngon du bya ba'i rgyur 'gyur ba'o/ /'di dag ni lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa'i 'bras bu mngon du bya ba'i rgyur 'gyur ba'o/ /'di dag ni rang byang chub kyi rgyur 'gyur ba'o/ /'di dag ni bla na med pa yang dag par rdzogs pa'i byang chub kyi rgyur 'gyur ba'o zhes bgyi bar ji ltar rnam par dgod par 'gyur/ chos thams cad sgra brnyan lta bu/ mig yor lta bu/ sgyu ma lta bu/ smig rgyu lta bu/ sprul pa lta bu/ dngos po ma mchis pa/ dngos po ma mchis pa'i ngo bo nyid rang gi mtshan nyid kyis stong pa rnams la/ 'di dag ni dge ba'i chos so/ /'di dag ni mi dge ba'i chos so/ /'di dag ni 'jig rten pa'i chos so/ /'di dag ni 'jig rten las 'das pa'i chos so/ /'di dag ni zag pa dang bcas pa'i chos so/ /'di dag ni zag pa med pa'i chos so/ /'di dag ni 'dus byas kyi chos so/ /'di dag ni 'dus ma byas kyi chos so/ /'di dag ni rgyun du zhugs pa'i 'bras bu mngon du bya ba'i rgyur 'gyur ba'o/ /'di dag ni lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa'i 'bras bu mngon du bya ba'i rgyur 'gyur ba'o/ /'di dag ni rang byang chub kyi rgyur 'gyur ba'o/ /'di dag ni bla na med pa yang dag par rdzogs pa'i byang chub kyi rgyur 'gyur ba'o zhes bgyi bar ji ltar rnam par dgod</font><hr>33.105a<br><font size=+1>

par 'gyur/ bcom ldan 'das kyis bka' stsal pa/ rab 'byor 'di la byis pa thos pa dang mi ldan pa so so'i skye bo ni rmi lam yang dmigs la/ rmi lam mthong ba yang dmigs so/ /sgra brnyan yang dmigs la/ sgra brnyan nyan pa yang dmigs so/ /mig yor yang dmigs la/ mig yor mthong ba yang dmigs so/ /sgyu ma yang dmigs la/ sgyu ma mthong ba yang dmigs so/ /smig rgyu yang dmigs la/ smig rgyu mthong ba yang dmigs so/ /sprul pa yang dmigs la/ sprul pa mthong ba yang dmigs so/ /des rmi lam yang dmigs/ rmi lam mthong ba yang dmigs/ sprul pa'i bar yang dmigs/ sprul pa mthong ba yang dmigs nas/ lus dang ngag dang / yid kyis dge ba'i 'du bya ba yang mngon par 'du byed do/ /lus dang / ngag dang / yid kyis mi dge ba'i 'dus bya ba yang mngon par 'du byed do/ /lus dang / ngag dang / yid kyis bsod nams dang / bsod nams ma yin pa dang / mi g.yo ba'i 'du bya ba yang mngon par 'du byed do/ /de bas na byang chub sems dpa' sems dpa' chen po shes rab kyi pha rol du phyin pa la spyod pa/ mtha' las 'das pa stong pa nyid dang / thog ma dang tha ma med pa stong pa nyid dang / stong pa nyid gnyis la gnas shing / sems can rnams la chos ston te/ khams gsum 'di ni stong pa ste/  'di la gzugs sam/  tshor ba 'am/  'du shes sam/ 'du byed dam/ rnam par shes pa 'am/ skye mched rnams sam/ khams rnams med do/ /'di ni rmi lam/ 'di ni sgra brnyan/ 'di ni mig yor/ 'di ni sgyu ma/ 'di ni smig rgyu/ 'di ni sprul pa ste/ 'di la phung po rnams sam/ skye mched rnams sam/ khams rnams med do/ /'di la rmi lam med do/ /rmi lam mthong ba med do/ /sgra brnyan med do/ /sgra brnyan nyan pa med do/ /mig yor med do/ /mig yor mthong ba med do/ /sgyu ma med do/ /</font><hr>33.105b<br><font size=+1>

sgyu ma byed pa med do/ /smig rgyu med do/ /smig rgyu mthong ba med do/ /sprul pa med do/ /sprul pa byed pa med do/ /chos 'di dag thams cad ni dngos po med pa/ dngos po med pa'i ngo bo nyid yin na/ 'on kyang khyed ni phung po med pa la phung por 'du shes pa/ skye mched med pa la skye mched du 'du shes pa/ khams med pa la khams su 'du shes pa dag ste/ chos 'di dag thams cad ni rten cing 'brel bar 'byung ba phyin ci log las skyes pa/ las kyi rnam par smin pas yongs su bzung ba yin na/ khyed rnams ci'i phyir chos thams cad dngos po med pa la/ dngos po'i 'du shes su byed ces te/ byang chub sems dpa' sems dpa' chen po shes rab kyi pha rol du phyin pa la spyod pa'i tshe/ thabs mkhas pas sems can ser sna can dag ser sna las rnam par bzlog nas/ sbyin pa'i pha rol du phyin pa la sbyor te/ sbyin pa yongs su btang ba de yang de dag la longs spyod chen po'i rgyur 'gyur ro/ /des de dag de las bskyod nas tshul khrims kyi pha rol du phyin pa la sbyor te/ tshul khrims yang dag par blangs pa de yang de dag la mtho ris su skye ba'i rgyur 'gyur ro/ /des de dag de las bskyod nas/ ting nge 'dzin la sbyor te/ ting nge 'dzin de yang de dag la tshangs pa'i 'jig rten du skye ba'i rgyur 'gyur ro/ /des de dag de las bskyod nas bsam gtan dang po la sbyor te/ bsam gtan dang po las bsam gtan gnyis pa/ bsam gtan gnyis pa las bsam gtan gsum pa bsam gtan gsum pa las bsam gtan bzhi pa/ bsam gtan bzhi pa las nam mkha' mtha' yas skye mched kyi snyoms par 'jug pa/ nam mkha' mtha' yas skye mched kyi snyoms par 'jug pa las rnam shes mtha' yas skye mched kyi snyoms par 'jug pa/ rnam shes mtha' yas skye mched kyi snyoms par 'jug pa las/ cung zad med pa'i</font><hr>33.106a<br><font size=+1>

skye mched kyi snyoms par 'jug pa/ cung zad med pa'i skye mched kyi snyoms par 'jug pa las/ 'du shes med 'du shes med min skye mched kyi snyoms par 'jug pa la sbyor ro/ /des sbyin pa dang / sbyin pa'i 'bras bu dma' ba de las rnam grangs du mas bskyod de/  phung po ma lus pa'i mya ngan las 'das pa'i dbyings su dbugs 'byin to/ /gzhog go/ /rab tu 'god do/ /des tshul khrims dang / tshul khrims kyi 'bras bu de las rnam grangs du mas bskyod de phung po ma lus pa'i mya ngan las 'das pa'i dbyings su rab tu gzhog go/ /des ting nge 'dzin dang / ting nge 'dzin gyi 'bras bu de las rnam grangs du mas bskyod de/ phung po ma lus pa'i mya ngan las 'das pa'i dbyings su rab tu gzhog go/ /dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa dang / 'phags pa'i bden pa bzhi dang bsam gtan bzhi dang tshad med pa bzhi dang gzugs med pa'i snyoms par 'jug pa bzhi dang rnam par thar pa brgyad dang / mthar gyis gnas pa'i snyoms par 'jug pa dgu dang rnam par thar pa'i sgo gsum dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad la yang dag par ston to/ /yang dag par bskul lo/ /yang dag par gzeng bstod do/ /yang dag par dga' bar byed do/ /'dul lo/ /gzhog go/ /rab tu 'god do/ /de zag pa med pa'i chos gzugs med pa/  bstan du med pa/ thogs pa med pa/ de dag gis gang rgyun du zhugs pa'i 'bras bu don</font><hr>33.106b<br><font size=+1>

du gnyer ba de dag rgyun du zhugs pa'i 'bras bu la rab tu 'god do/ /gang lan cig phyir 'ong ba'i 'bras bu don du gnyer ba de dag lan cig phyir 'ong ba'i 'bras bu la rab tu 'god do/ /gang phyir mi 'ong ba'i 'bras bu don du gnyer ba de dag phyir mi 'ong ba'i 'bras bu la rab tu 'god do/ /gang dgra bcom pa nyid don du gnyer ba de dag /dgra bcom pa nyid la rab tu 'god do/ /gang rang byang chub don du gnyer ba de dag rang byang chub la rab tu 'god do/ /gang bla na med pa yang dag par rdzogs pa'i byang chub don du gnyer ba de dag la byang chub kyi lam rjod cing ston to/ /yang dag par skul lo/ /yang dag par gzeng bstod do/ /yang dag par dga' bar byed do/ /'dul lo/ /gzhog go/ /rab tu 'god do/ /rab 'byor de ltar na byang chub sems dpa' sems dpa' chen po shes rab kyi pha rol du phyin pa la spyod pa'i tshe/ chos thams cad rmi lam lta bu dang / sgra brnyan lta bu dang / mig yor lta bu dang / sgyu ma lta bu dang / smyig rgyu lta bu dang / sprul pa lta bu dang / dngos po med pa dang / dngos po med pa'i ngo bo nyid dang / rang gi mtshan nyid kyis stong pa la rnam par dgod par byed do/ /de skad ces bka' stsal pa dang / tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das de ltar byang chub sems dpa' sems dpa' chen po shes rab kyi pha rol du phyin pa zab mo 'di la spyod pa'i tshe/ chos thams cad dngos po ma mchis pa'i ngo bo nyid dang / chos thams cad mtha' las 'das pa stong pa nyid dang / thog ma dang tha ma ma mchis pa stong pa nyid la/ 'di dag ni dge ba'i chos so/ /'di dag ni mi dge ba'i chos so/ /'di dag ni 'jig rten pa'i chos so/ /'di dag ni 'jig rten las 'das pa'i chos so/ /'di dag ni kha na ma tho ba dang bcas pa'i chos so/ /'di dag ni kha na ma tho ba med pa'i</font><hr>33.107a<br><font size=+1>

chos so/ /'di dag ni zag pa dang bcas pa'i chos so/ /'di dag ni zag pa med pa'i chos so/ /'di dag ni 'dus byas kyi chos so/ /'di dag ni 'dus ma byas kyi chos so/ /rgyun du zhugs pa'i 'bras bu mngon du bya ba'i rgyur 'gyur ba'o/ /'di dag ni lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa'i 'bras bu mngon du bya ba'i rgyur 'gyur ba'o/ /'di dag ni rang byang chub kyi rgyur 'gyur ba'o/ /'di dag ni bla na med pa yang dag par rdzogs pa'i byang chub kyi rgyur 'gyur ba'o/ /zhes bgyi bar rnam par dgod par bgyid pa ni/ ngo mtshar de rmad tu byung ba'i chos so/ /de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor de de bzhin no/ /de de bzhin te/ de ltar byang chub sems dpa' sems dpa' chen po shes rab kyi pha rol du phyin pa zab mo 'di nyid la spyod pa'i tshe/ chos thams cad dngos po med pa'i ngo bo nyid dang / chos thams cad mtha' las 'das pa stong pa nyid dang / thog ma dang tha ma med pa stong pa nyid la 'di dag ni dge ba'i chos so/ /'di dag ni mi dge ba'i chos so/ /'di dag ni 'jig rten pa'i chos so/ /'di dag ni 'jig rten las 'das pa'i chos so/ /'di dag ni kha na ma tho ba dang bcas pa'i chos so/ /'di dag ni kha na ma tho ba med pa'i chos so/ /'di dag ni zag pa dang bcas pa'i chos so/ /'di dag ni zag pa med pa'i chos so/ /'di dag ni 'dus byas kyi chos so/ /'di dag ni 'dus ma byas kyi chos so/ /'di dag ni rgyun tu zhugs pa'i 'bras bu mngon du bya ba'i rgyur 'gyur ba'o/ /'di dag ni lan gcig phyir 'ong ba'i 'bras bu dang /  phyir mi 'ong ba'i 'bras bu dang / dgra bcom pa'i 'bras bu mngon du bya ba'i rgyur 'gyur ba'o/ /'di dag ni rang byang chub kyi rgyur</font><hr>33.107b<br><font size=+1>

'gyur ba'o/ /'di dag ni bla na med pa yang dag par rdzogs pa'i byang chub kyi rgyur 'gyur ba'o zhes bya bar rnam par dgod par byed pa de ni ngo mtshar te rmad du byung ba'i chos so/ /rab 'byor gal te khyod kyis byang chub sems dpa' sems dpa' chen po gang gi ngo mtshar rmad kyi chos de shes kyang / nyan thos dang rang sangs rgyas thams cad kyis byang chub sems dpa' sems dpa' chen po de la slar phan gdags par bya ba sla ba ma yin te/ khyed cag thams cad kyis kyang byang chub sems dpa' sems dpa' chen po chos de zil gyis mnon par mi nus so/ /rab 'byor gyis gsol pa/ bcom ldan 'das nyan thos dang / rang sangs rgyas thams cad la ma mchis pa'i ngo mtshar rmad kyi chos byang chub sems dpa' sems dpa' chen po la mchis pa gang lags/ bcom ldan 'das kyis bka' stsal pa/ rab 'byor de'i phyir shin tu legs par nyon la yid la gyis shig dang bshad par bya'o/ /rab 'byor 'di la byang chub sems dpa' sems dpa' chen po shes rab kyi pha rol du phyin pa la spyod pa'i tshe/ rnam par smin pa las byung ba'i pha rol du phyin pa drug la gnas/ rnam par smin pa las byung ba'i stong pa nyid thams cad dang / byang chub kyi phyogs kyi chos sum bcu rtsa bdun dang / 'phags pa'i bden pa bzhi dang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang /  byams pa chen po dang /  snying rje chen po dang / sangs rgyas kyi chos ma 'dres pa bcwa brgyad la gnas shing / phyogs dang phyogs 'tshams kyi 'jig rten gyi khams dag tu song zhing / sems</font><hr>33.108a<br><font size=+1>

can gang la sbyin pas phan gdags par bya ba de dag la ni/ sbyin pas phan 'dogs so/ /sems can gang la tshul khrims dang / bzod pa dang / brtson 'grus dang / ting nge 'dzin dang / shes rab kyis phan gdags par bya ba de dag la ni shes rab kyis phan 'dogs so/ /sems can gang la bsam gtan dang po dang / bsam gtan gnyis pa dang / bsam gtan gsum pa dang / bsam gtan bzhi pas phan gdags par bya ba de dag la ni bsam gtan bzhi pas phan 'dogs so/ /sems can gang la nam mkha' mtha' yas skye mched kyi snyoms par 'jug pa dang / rnam shes mtha' yas skye mched kyi snyoms par 'jug pa dang / cung zad med pa'i skye mched kyi snyoms par 'jug pa dang / 'du shes med 'du shes med min skye mched kyi snyoms par 'jug pas phan gdags par bya ba de dag la ni/ 'du shes med 'du shes med min skye mched kyi snyoms par 'jug pas phan 'dogs so/ /sems can gang la byams pas phan gdags par bya ba de dag la ni byams pas phan 'dogs so/ /sems can gang la snying rje dang / dga' ba dang / btang snyoms kyis phan gdags par bya ba de dag la ni btang snyoms kyis phan 'dogs so/ /sems can gang la dran pa nye bar gzhag pa bzhi dang / yang dag par spong ba bzhi dang / rdzu 'phrul gyis rkang pa bzhi dang / dbang po lnga dang / stobs lnga dang / byang chub kyi yan lag bdun dang /  'phags pa'i lam yan lag brgyad pa dang / 'phags pa'i bden pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang /  smon pa med pa dang /  mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi</font><hr>33.108b<br><font size=+1>

dang / sangs rgyas kyi chos ma 'dres pa bcwa brgyad dang / snying rje chen pos phan gdags par bya ba de dag la ni/ snying rje chen pos phan 'dogs so/ /gang la rnam pa thams cad mkhyen pa nyid kyi bar gyis phan gdags par bya ba de dag la ni rnam pa thams cad mkhyen pa nyid kyis phan 'dogs so/ /rab 'byor gyis gsol pa/ bcom ldan 'das ji ltar na/ byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ sbyin pas sems can rnams la phan 'dogs pa lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ zas 'dod pa rnams la zas/ skom 'dod pa rnams la skom/  bzhon pa 'dod pa rnams la bzhon pa phreng ba 'dod pa rnams la phreng ba/ spos 'dod pa rnams la spos/ byug pa 'dod pa rnams la byug pa/ gos 'dod pa rnams la gos/ mal cha 'dod pa rnams la mal cha/ gnas 'dod pa rnams la gnas dang mi'i yo byad gang yang rung ba'i bar du yongs su gtong ste/ ji ltar de bzhin gshegs pa dgra bcom pa yang dag par rdzogs pa'i sangs rgyas rnams la 'bul zhing yongs su gtong ba dang / ji ltar rang sangs rgyas rnams dang / dgra bcom pa rnams dang / phyir mi 'ong ba rnams dang / lan gcig phyir 'ong ba rnams dang / rgyun du zhugs pa rnams dang / yang dag par song ba rnams dang / yang dag par zhugs pa rnams la yongs su gtong ba de bzhin du mir gyur pa rnams dang / de bzhin du byol song gi skye gnas su gtogs pa'i sems can thams cad la yang tha dad du bya ba med pa'i 'du shes nye bar gzhag cing / sbyin pa yongs su gtong ngo / /de ci'i phyir zhe na/ 'di ltar chos thams cad ni tha dad du bya ba</font><hr>33.109a<br><font size=+1>

med pa ste/ des tha dad du bya ba med pa'i sbyin pa byin pas/ tha dad du bya ba med pa'i chos 'di lta ste/ rnam pa thams cad mkhyen pa nyid thob par 'gyur ro/ /rab 'byor gal te byang chub sems dpa' sems dpa' chen pos byol song gi skye gnas su gtogs pa'i srog chags sbyin pa'i gnas ma byin pa mthong nas/ 'di snyam du bdag gi sbyin gnas ni yang dag par rdzogs pa'i sangs rgyas te/ byol song gi skye gnas su gtogs pa ma yin no snyam na/ byang chub sems dpa'i chos ma yin no/ /de ci'i phyir zhe na/ byang chub sems dpa' sems dpa' chen pos ni byang chub tu sems bskyed nas/ 'di ltar bdag gis sems can 'di dag la ni sbyin pas phan gdags par bya'o/ /'di dag la ni sbyin pas phan gdags par mi bya'o/ /zhes bya bar bla na med pa yang dag par rdzogs pa'i byang chub tu yang dag par zhugs pa ma yin te/ de dag sbyin pas phan btags nas/ rgyal rigs che zhing mtho ba'i rigs su skye/ bram ze che zhing mtho ba'i rigs su skye/ khyim bdag che zhing mtho ba'i rigs su skye bar 'gyur te/ sbyin pa de nyid kyis phan btags pa de dag /theg pa gsum gyis rim gyis phung po ma lus pa'i mya ngan las 'das pa'i dbyings su yongs su mya ngan las 'das par 'gyur ro/ /gal te byang chub sems dpa' sems dpa' chen po la skye bo'i tshogs thams cad kyis gsad par gsol ba btab na/ de la byang chub sems dpa' sems dpa' chen pos sbyin no snyam 'am/ mi sbyin no snyam pa'i sems gzhan bskyed par mi bya'i 'khrug pa med pa'i sems kyis skye bo'i tshogs</font><hr>33.109b<br><font size=+1>

de dag la sbyin par bya'o/ /de ci'i phyir zhe na/ 'di ltar de ni sems can thams cad kyi don du/ bla na med pa yang dag par rdzogs pa'i byang chub tu yang dag par zhugs pa'i phyir/ gal te rnam par rtog na/ sangs rgyas bcom ldan 'das de dag dang / byang chub sems dpa' sems dpa' chen po de dag dang / rang sangs rgyas rnams dang / dgra bcom pa rnams dang / slob pa rnams dang / lha dang mi dang lha ma yin du bcas pa'i 'jig rten gyis smad par 'gyur te/ de la thog mar sems can thams cad kyi mgon gyis shig zhe 'am/ gnas dang / skyabs dang / dpung gnyen gyis shig zhes sus gsol ba gdab ces smad par 'gyur ro/ /rab 'byor gzhan yang gal te byang chub sems dpa' sems dpa' chen po'i drung du mir gyur pa 'am/ mi ma yin par gyur pa dag 'ong nas/ bdag ni slongs mo ba'o zhes yan lag dang nying lag gcad par gsol ba btab na/ de'i tshe des sbyin nam mi sbyin snyam pa'i sems gnyis su bskyed par mi bya'o/ /de ci'i phyir zhe na/ de ni 'di ltar byang chub sems dpa' sems dpa' chen po des/ sems can rnams kyi don du ched du bsams te/ lus 'dis bdag gis sems can thams cad kyi don bya'o zhes lus yongs su bas na/ de 'di snyam du bdag gis sems can 'di dag gi don tu lus yongs su bzung bzung bas de dag bslang mi dgos par khyer zhing deng shig ces sems bskyed par bya ste/ rab 'byor de ltar byang chub sems dpa' sems dpa' chen pos shes rab kyi pha rol du phyin pa la bslab par bya'o/ /rab 'byor gzhan yang byang chub sems dpa' sems dpa' chen pos slongs mo ba mthong na/ 'di snyam du chos</font><hr>33.110a<br><font size=+1>

'di dag thams cad kyi rang bzhin dmigs su med na 'di la su zhig ni sbyin pa yongs su gtong / su la ni sbyin par bya ci zhig sbyin par bya zhes sems bskyed par bya'o/ /de ci'i phyir zhe na/ 'di ltar chos 'di dag ni mtha' las 'das pa stong pa nyid kyis stong pa ste/ stong pa nyid la ni gang la yang yongs su gtong ba 'am/ gang las kyang phrogs pa med do/ /rab 'byor de ltar byang chub sems dpa' sems dpa' chen pos shes rab kyi pha rol tu phyin pa dang / 'di lta ste/ nang stong pa nyid dam/ dngos po med pa'i ngo bo nyid stong pa nyid kyi bar la bslab par bya'o/ /de stong pa nyid la gnas shing sbyin pa gtong na/ de'i sbyin pa'i pha rol tu phyin pa rtag tu rgyun mi 'chad par yongs su rdzogs par 'gyur te/ de'i sbyin pa'i pha rol tu phyin pa yongs su rdzogs pa des/ phyi nang gi chos la bcad cing gtubs kyang / bdag la su yang gtub pa 'am/ gcod snyam pa'i sems mi 'byung ngo / /rab 'byor ngas 'di nas sangs rgyas kyi spyan gyis 'jig rten la rnam par gzigs na/ shar phyogs kyi 'jig rten gyi khams gang ga'i klung gi bye ma snyed dag na/ byang chub sems dpa' sems dpa' chen po dag ched du bsams te/ sems can dmyal ba chen po dag tu dong zhing / sems can dmyal ba chen po'i sdug bsngal zhi bar byas nas/ rdzu 'phrul gyi cho 'phrul dang / yongs su bstan pa'i cho 'phrul dang rjes su bstan pa'i cho 'phrul dang / cho 'phrul gsum po de dag gis sems can dmyal ba'i sems can de dag la chos ston cing / rdzu 'phrul gyi cho 'phrul gyis sems can dmyal ba chen po'i sdug bsngal zhi bar byas te/ yongs su bstan pa'i cho 'phrul dang / rjes su bstan pa'i cho 'phrul gyis chos ston</font><hr>33.110b<br><font size=+1>

pa dang / byang chub sems dpa' sems dpa' chen po de dag byams pa chen po dang / snying rje chen po dang / dga' ba chen po dang / btang snyoms chen pos chos ston te/ des sems can dmyal ba pa'i sems can de dag byang chub sems dpa' sems dpa' chen po de dag la sems mos par byas shing / sems can dmyal ba chen po de dag nas rnam par ldang ba dang / de dag sems can dmyal ba chen po de dag nas rnam par langs nas lha dang mi dag dang skal ba mnyam par skyes shing / rim gyis theg pa gsum kyis sdug bsngal mthar 'byin pa mthong ngo / /rab 'byor ngas 'di nas sangs rgyas kyi spyan gyis 'jig rten la rnam par gzigs na/ lho dang / nub dang / byang dang / byang shar dang / shar lho dang / lho nub dang / nub byang dang / 'og dang / steng gi phyogs kyi 'jig rten gyis khams gang gA'i klung gi bye ma snyed dag na/ byang chub sems dpa' sems dpa' chen po dag ched du bsams te/ sems can dmyal ba chen po dag du dong zhing / sems can dmyal ba chen po'i sdug bsngal zhi bar byas nas/ rdzu 'phrul gyi cho 'phrul dang yongs su bstan pa'i cho 'phrul dang / rjes su bstan pa'i cho 'phrul dang / cho 'phrul gsum po de dag gis sems can dmyal ba pa'i sems can de dag la chos ston cing / rdzu 'phrul kyi cho 'phrul gyis/ sems can dmyal ba chen po'i sdug bsngal de dag zhi bar byas te/ yongs su bstan pa'i cho 'phrul dang / rjes su bstan pa'i cho 'phrul gyis chos bstan pa dang / byang chub sems dpa' sems dpa' chen po de dag byams pa chen po dang / snying rje chen po dang / dga' ba chen po dang / btang snyoms chen pos chos ston te/ des sems can dmyal ba pa'i sems can de dag byang chub sems dpa' sems dpa' chen po de dag la mos par byas shing / sems can dmyal ba chen</font><hr>33.111a<br><font size=+1>

po de dag nas rnam par ldang ba dang / de dag sems can dmyal ba chen po de dag nas rnam par langs nas/ lha dang mi dag dang skal ba mnyam par skyes shing / rim gyis theg pa gsum gyis sdug bsngal mthar 'byin pa mthong ngo / /rab 'byor ngas 'di nyid nas sangs rgyas kyi spyan gyis 'jig rten la rnam par gzigs na/ shar phyogs kyi 'jig rten gyi khams gang gA'i klung gi bye ma snyed dag na/  byang chub sems dpa' sems dpa' chen po sangs rgyas bcom ldan 'das rnams la bsnyen bkur byed pa rnams mthong ste/ byang chub sems dpa' sems dpa' chen po de dag sangs rgyas bcom ldan 'das de dag la dgyes par mi 'gyur bar ma yin gyi/  dgyes par 'gyur ba dang / thugs su mi byon pas ma yin gyi/ thugs su byon pa dang / ma gus pas ma yin gyi/ gus par shin tu dang bas bsnyen bkur byed cing / byang chub sems dpa' sems dpa' chen po de dag sangs rgyas bcom ldan 'das de dag gis chos bstan pa de yang 'dzin cing / bzung nas bla na med pa yang dag par rdzogs pa'i byang chub tu mngon par rdzogs par sangs rgyas kyi bar du 'chang zhing nam du yang chud mi gson to/ /rab 'byor ngas 'di nas sangs rgyas kyi spyan gyis 'jig rten la rnam par gzigs na/ lho dang nub dang byang dang byang shar dang shar lho dang lho nub dang nub byang dang 'og dang / steng gi phyogs kyi 'jig rten gyi khams gang gA'i klung gi bye ma snyed dag na/ byang chub sems dpa' sems dpa' chen po sangs rgyas bcom ldan 'das rnams la bsnyen bkur byed pa rnams mthong ste/ byang chub sems dpa' sems dpa' chen po de dag sangs rgyas bcom ldan 'das de dag la dgyes par mi 'gyur bar ma yin gyi/ dgyes par 'gyur ba dang / thugs su</font><hr>33.111b<br><font size=+1>

mi byon pas ma yin gyi thugs su byon pa dang / ma gus pas ma yin gyi/ gus pas shin tu dang bar bsnyen bkur byed cing / byang chub sems dpa' sems dpa' chen po de dag sangs rgyas bcom ldan 'das de dag gis chos gang bstan pa de yang 'dzin cing bzung nas/ bla na med pa yang dag par rdzogs pa'i byang chub tu mngon par rdzogs par sangs rgyas kyi bar du 'chang zhing nam du yang chud mi gzon to/ /shes rab kyi pha rol tu phyin pa stong phrag nyi shu lnga pa/ bam po drug bcu bdun pa/ /rab 'byor ngas yang 'di nas sangs rgyas kyi spyan gyis/ 'jig rten la rnam par gzigs na/ shar phyogs kyi 'jig rten gyi khams gang gA'i klung gi bye ma snyed dag na/ byang chub sems dpa' sems dpa' chen po de dag byol song gi skye gnas pa'i sems can rnams kyi don du bdag yongs su gtong ba byed cing / de la byang chub sems dpa' sems dpa' chen po de dag gi yan lag dang / nying lag bcad cing gtubs te/ phyogs bcur rnam par 'thor ba dang / byol song gi skye gnas su gtogs pa'i sems can de dag gis byang chub sems dpa' sems dpa' chen po de dag gi sha zos nas/ de dag byang chub sems dpa' sems dpa' chen po de dag la byams pa 'thob pa dang / de dag byams pa thob pa des/ byol song gi skye gnas nas rnam par ldang zhing / rnam par langs nas lha dang mi'i nang du skye ba dang / de dag tu skyes nas kyang sangs rgyas bcom ldan 'das rnams mnyes par byed pa dang / de dag sangs rgyas bcom ldan 'das de dag la bsnyen bkur byed pa dang / de dag sangs rgyas bcom ldan 'das las chos thos te/  de bzhin nyid du nan tan byed pa dang /  de dag nyan thos kyi theg pa 'am/  rang sangs rgyas kyi theg pa 'am theg pa chen po 'am/ theg pa gsum po de</font><hr>33.112a<br><font size=+1>

dag gis phung po ma lus pa'i mya ngan las 'das pa'i dbyings su rim gyis yongs su mya ngan las 'da' ba mthong ste/ rab 'byor de ltar na byang chub sems dpa' sems dpa' chen po gang bla na med pa yang dag par rdzogs pa'i byang chub tu sems bskyed cing /  de bzhin nyid du nan tan byed pa de dag ni de ltar phan pa mang po byed pa'o/ /rab 'byor ngas yang 'di nas sangs rgyas kyi spyan gyis 'jig rten la rnam par gzigs na/ lho dang nub dang byang dang byang shar dang shar lho dang lho nub dang nub byang dang 'og dang / steng gi phyogs kyi 'jig rten gyi khams gang gA'i klung gi bye ma snyed dag na/ byang chub sems dpa' sems dpa' chen po dag byol song gi skye gnas pa'i sems can rnams kyi don du bdag yongs su gtong ba byed cing de la byang chub sems dpa' sems dpa' chen po de dag yan lag dang / nying lag bcad cing gtubs te/  phyogs bcur rnam par 'thor ba dang / byol song gi skye gnas su gtogs pa'i sems can de dag gis byang chub sems dpa' sems dpa' chen po de dag gi sha zos nas/ de dag byang chub sems dpa' sems dpa' chen po de dag la byams pa 'thob pa dang / de dag byams pa thob pa des/ byol song gi skye gnas nas rnam par ldang zhing / rnam par langs nas/ lha dang mi'i nang du skye ba dang / de dag tu skyes nas kyang sangs rgyas bcom ldan 'das rnams mnyes par byed pa dang / de dag sangs rgyas bcom ldan 'das de dag la bsnyen bkur byed pa dang / de dag sangs rgyas bcom ldan 'das de dag las chos thos te/ de bzhin nyid du nan tan byed pa dang / de dag nyan thos kyi theg pa 'am/ rang sangs rgyas kyi theg pa 'am/ theg pa chen po 'am/ theg pa gsum po de dag gis phung po ma lus pa'i mya ngan las 'da' ba'i dbyings su rim</font><hr>33.112b<br><font size=+1>

gyis mya ngan las yongs su 'da' ba mthong ste/ rab 'byor de ltar na byang chub sems dpa' sems dpa' chen po gang bla na med pa yang dag par rdzogs pa'i byang chub tu sems bskyed cing / de bzhin nyid du nan tan byed pa de dag ni de ltar phan pa mang po byed pa'o/ /rab 'byor ngas 'di nas sangs rgyas kyi spyan gyis 'jig rten la rnam par gzigs na/ shar phyogs kyi 'jig rten gyi khams gang gA'i klung gi bye ma snyed dag na/ byang chub sems dpa' sems dpa' chen po sems can yi dgas kyi yul pa rnams kyi/ yi dgas kyi yul de dag na sdug bsngal ji snyed cig yod pa de dag thams cad rab du 'jil zhing ser sna spang ba'i phyir chos ston pa dang / de dag na sems can yi dgas kyi yul pa de dag byang chub sems dpa' sems dpa' chen po de dag la byams pa'i sems bskyed cing / yi dgas kyi skye gnas de dag nas rnam par ldang ba dang / de dag yi dgas kyi skye gnas de dag nas rnam par langs nas/ dge ba'i rtsa ba de nyid kyis lha'i 'jig rten dang / mi'i 'jig rten du skyes te/ phung po ma lus pa'i mya ngan las 'das pa'i dbyings su yongs su mya ngan las 'das kyi bar du/ sangs rgyas bcom ldan 'das rnams dang / nam yang 'bral bar mi 'gyur ba dag mthong ngo / /rab 'byor ngas yang 'di nas sangs rgyas kyi spyan gyis 'jig rten la rnam par gzigs na/ lho dang nub dang byang dang byang shar dang shar lho dang lho nub dang nub byang dang / 'og dang / steng gi phyogs kyi 'jig rten gyi khams gang gA'i klung gi bye ma snyed dag na/ byang chub sems dpa' sems dpa' chen po sems can yi dgas kyi yul pa rnams kyi yi dgas kyi yul de dag na/ sdug bsngal ji snyed cig yod pa de dag thams cad rab tu 'jil zhing ser sna spang ba'i phyir chos ston pa dang / de dag na sems can yi dgas</font><hr>33.113a<br><font size=+1>

kyi yul pa de dag byang chub sems dpa' sems dpa' chen po de dag la byams pa'i sems bskyed cing / yi dgas kyi skye gnas de dag nas rnam par ldang ba dang / de dag yi dgas kyi skye gnas de dag nas rnam par langs nas/ dge ba'i rtsa ba de nyid kyis lha'i 'jig rten dang / mi'i 'jig rten du skyes te/ phung po ma lus pa'i mya ngan las 'das pa'i dbyings su yongs su mya ngan las 'das gyi bar du sangs rgyas bcom ldan 'das rnams dang nam yang 'bral bar mi 'gyur ba dag mthong ngo / /rab 'byor ngas yang 'di nas sangs rgyas kyi spyan gyis 'jig rten la rnam par gzigs na/ shar phyogs kyi 'jig rten gyi khams gang gA'i klung gi bye ma snyed dag na/ byang chub sems dpa' sems dpa' chen po rgyal chen bzhi'i ris kyi lha rnams la chos bston pa dang / sum bcu rtsa gsum dang / mtshe ma dang / dga' ldan dang / 'phrul dga' dang / gzhan 'phrul dbang byed kyi lha rnams la chos ston pa dang / byang chub sems dpa' sems dpa' chen po de dag las/ lha'i bu de dag gis chos de thos nas/ theg pa gsum pos rim gyis yongs su mya ngan las 'das par gyur pa dang / yongs su mya ngan las 'da' ba dang / yongs su mya ngan las 'da' bar 'gyur ba mthong ste/ rab 'byor de la lha 'i bu gang 'dod pa'i yon tan lngas shas cher myos pa de dag la/ gzhal med khang de dag 'bar bar snang bar byas shing / de dag skyo bar gyur par shes nas/ 'di skad du grogs po dag /'du byed thams cad ni mi rtag pa/ 'du byed thams cad ni sdug bsngal ba/ 'du byed thams cad ni bdag med pa/ 'du byed thams cad ni mi brtan pa/ 'du byed thams cad ni yid brtan du mi rung ba/ 'du byed thams cad ni rnam</font><hr>33.113b<br><font size=+1>

par 'gyur ba'i chos can yin na/ 'du byed rnams la lta su zhig yid 'beb par gnas zhes chos ston to/ /rab 'byor ngas yang 'di nas sangs rgyas kyi spyan gyis 'jig rten la rnam par gzigs nas/  lho dang nub dang byang dang / byang shar dang / shar lho dang / lho nub dang / nub byang dang / 'og dang / steng gi phyogs kyi 'jig rten gyi khams gang gA'i klung gi bye ma snyed dag na/ byang chub sems dpa' sems dpa' chen po rgyal chen bzhi'i ris kyi lha rnams la chos ston pa dang / sum bcu rtsa gsum dang / mtshe ma dang / dga' ldan dang / 'phrul dga' dang / gzhan 'phrul dbang byed kyi lha rnams la chos ston pa dang / byang chub sems dpa' sems dpa' chen po de dag las lha'i bu de dag gis chos de thos nas/ theg pa gsum pos rims kyi yongs su mya ngan las 'das par gyur pa dang / yongs su mya ngan las 'da' ba dang / yongs su mya ngan las 'da' bar 'gyur ba mthong ste/ rab 'byor de la lha'i bu gang 'dod pa'i yon tan lngas shas cher myos pa de dag la/ gzhal med khang de dag 'bar bar snang bar byas shing de dag skyo bar gyur par shes nas/ 'di skad du grogs po dag /'du byed thams cad ni mi rtag pa/ 'du byed thams cad ni sdug bsngal ba/ 'du byed thams cad ni bdag med pa/ 'du byed thams cad ni mi brtan pa/ 'du byed thams cad ni yid brtan du mi rung ba/ 'du byed thams cad ni rnam par 'gyur ba'i chos can yin na/ 'du byed rnams la lta su zhig yid phebs par gnas zhes chos ston to/ /rab 'byor ngas yang 'di nas sangs rgyas kyi spyan gyis 'jig rten la rnam par gzigs na/ shar phyogs kyi 'jig rten gyi khams gang gA'i klung gi bye ma snyed dag na/ byang chub sems dpa' sems dpa' chen po rnams sems can gang / tshangs pa'i lta ba la mngon par zhen pa de dag la/ kye grogs po dag chos thams cad stong pa la ci zhig lta ba skyed/ </font><hr>33.114a<br><font size=+1>

chos thams cad gsog dang / gsob sha stag la ci zhig lta ba skyed ces lta ba'i rnam pa de dag dang bral bar byed pa mthong ste/ rab 'byor de ltar byang chub sems dpa' sems dpa' chen po rnams snying rje chen po la gnas shing / sems can rnams la chos ston to/ /rab 'byor de ni ngo mtshar che ste/ byang chub sems dpa' sems dpa' chen po rnams kyi rmad du byung ba'i chos so/ /rab 'byor ngas yang 'di nas sangs rgyas kyi spyan gyis 'jig rten la rnam par gzigs na/ lho dang nub dang byang dang / byang shar dang shar lho dang lho nub dang / nub byang dang 'og dang / steng gi phyogs kyi 'jig rten gyi khams gang gA 'i klung gi bye ma snyed dag na/ byang chub sems dpa' sems dpa' chen po rnams/ sems can gang dag tshangs pa'i lta ba la mngon par zhen pa de dag la/ kye grogs po dag chos thams cad stong pa la ci zhig lta ba skyed/ chos thams cad gsog dang / gsob sha stag la ci zhig lta ba skyed ces/ lta ba'i rnam pa de dag dang bral bar byed pa mthong ste/ rab 'byor de ltar na byang chub sems dpa' sems dpa' chen po rnams snying rje chen po la gnas shing / sems can rnams la chos ston to/ /rab 'byor de ni ngo mtshar che ste/ byang chub sems dpa' sems dpa' chen po rnams kyi rmad du byung ba'i chos so/ /rab 'byor ngas yang 'di nas sangs rgyas kyi spyan gyis 'jig rten la rnam par gzigs na/ shar phyogs kyi 'jig rten gyi khams gang gA'i klung gi bye ma snyed dag na/ byang chub sems dpa' sems dpa' chen po de dag mi rnams bsdu ba'i dngos po bzhis sdud pa mthong ste/  bzhi gang zhe na sbyin pa dang tshig snyan pa dang / don spyad pa dang don 'thun pa'o/ /rab 'byor ngas yang 'di nas/ sangs rgyas kyi spyan gyis 'jig rten la rnam par gzigs na/ </font><hr>33.114b<br><font size=+1>

lho dang nub dang byang dang / byang shar dang / shar lho dang lho nub dang nub byang dang 'og dang / steng gi phyogs kyi 'jig rten gyi khams gang gA'i klung gi bye ma snyed dag na/  byang chub sems dpa' sems dpa' chen po dag mi rnams bsdu ba'i dngos po bzhis sdud pa mthong ste/ bzhi gang zhe na sbyin pa dang tshig snyan pa dang don spyad pa dang don 'thun pa'o/ /rab 'byor ji ltar na/ byang chub sems dpa' sems dpa' chen po sbyin pas sems can rnams sdud pa yin zhe na rab 'byor 'di la byang chub sems dpa' sems dpa' chen po sbyin pa gnyis kyis sems can rnams sdud de/  gnyis gang zhe na/ 'di lta ste zang zing gi sbyin pa dang chos kyi sbyin pa'o/ /rab 'byor ji ltar na byang chub sems dpa' sems dpa' chen po zang zing gi sbyin pas sems can rnams sdud pa yin zhe na/ byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ gser ram dngul lam nor bu 'am mu tig gam bai dUr+ya 'am dung ngam man shel lam byi ru 'am sa le sbram 'am zas sam skom 'am gdugs sam gos sam spos sam phreng ba 'am byug pa 'am mal cha'am stan nam 'tsho ba 'am bud med dam skyes pa 'am rta 'am glang po che 'am bdag po yongasu gtong na 'di skad du kye sems can dag tshur sheg bdag nyid kyi dang 'dra bar bslang mi dgos par khyer cig /long la deng shig ces brjod de/ sbyin pa des sbyin pa byin nas/ sangs rgyas la skyabs su gtong ngo / /chos la skyabs su gtong ngo / /dge 'dun la skyabs su gtong ngo / /la la ni bslab pa'i gnas lnga 'dzin du 'dzud do/ /la la ni yan lag brgyad dang ldan pa'i nye bar gnas pa la nye bar gnas par byed do/ /la la ni dge ba bcu'i las kyi lam rnams la 'god do/ /la la ni bsam gtan dang po la/ la la ni bsam gtan gnyis pa la/ la la ni bsam gtan</font><hr>33.115a<br><font size=+1>

gsum pa la/ la la ni bsam gtan bzhi pa la 'god do/ /la la ni byams pa la/ la la ni snying rje la/ la la ni dga' ba la/ la la ni btang snyoms la 'god do/ /la la ni nam mkha' mtha' yas skye mched la/ la la ni rnam shes mtha' yas skye mched la/ la la ni cung zad med pa'i skye mched la/ la la ni 'du shes med 'du shes med min skye mched la 'god do/ /la la ni sangs rgyas rjes su dran pa la/ la la ni chos rjes su dran pa la/ la la ni dge 'dun rjes su dran pa la/ la la ni tshul khrims rjes su dran pa la/ la la ni gtong ba rjes su dran pa la/ la la ni lha rjes su dran pa la yang dag par bskul lo/ /la la ni lus la mi gtsang ba la sogs pa'i 'du shes su so sor brtag pa la/ la la ni rnam par dag pa la yang dag par skul lo/ /la la ni dran pa nye bar gzhag pa bzhi la/ la la ni yang dag par spong ba bzhi la/ la la ni rdzu 'phrul gyi rkang pa bzhi la/ la la ni dbang po lnga la/ la la ni stobs lnga la/ la la ni byang chub kyi yan lag bdun la/ la la ni 'phags pa'i lam yan lag brgyad pa la yang dag par bskul lo/ /la la ni stong pa nyid dang / mtshan ma med pa dang / smon pa med pa'i ting nge 'dzin la/ la la ni rnam par thar pa brgyad la/ la la ni mthar gyis gnas pa'i snyoms par 'jug pa dgu la/ la la ni de bzhin gshegs pa'i stobs bcu la/ la la ni mi 'jigs pa bzhi la/ la la ni so so yang dag par rig pa bzhi la yang dag par bskul lo/ /la la ni byams pa chen po la/ la la ni snying rje chen po la/ la la ni sangs rgyas kyi chos ma 'dres pa bcwa brgyad la yang dag par bskul lo/ /la la ni mi chen po'i mtshan sum bcu rtsa gnyis yongs su grub par bya ba la yang dag par skul lo/ /la la ni dpe byad bzang po brgyad bcu la yang dag par bskul lo/ /la la</font><hr>33.115b<br><font size=+1>

ni rgyun du zhugs pa'i 'bras bu la/ la la ni lan gcig phyir 'ong ba'i 'bras bu la/ la la ni phyir mi 'ong ba'i 'bras bu la/ la la ni dgra bcom pa nyid la/ la la ni rang byang chub la yang dag par bskul lo/ /la la ni byang chub la/ la la ni lam gyi rnam pa shes pa nyid la/ la la ni rnam pa thams cad mkhyen pa nyid la yang dag par bskul lo/ /rab 'byor de ltar byang chub sems dpa' sems dpa' chen po shes rab kyi pha rol tu phyin pa la spyod pa'i tshe/  sems can rnams la zang zing gi sbyin pa yongs su gtong zhing / thabs mkhas pas bla na med pa'i bde ba dang ldan par 'god de/ rab 'byor de ni byang chub sems dpa' sems dpa' chen po'i ngo mtshar dang rmad du byung ba'i chos so/ /rab 'byor ji ltar na byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ chos kyi sbyin pas sems can rnams sdud pa yin zhe na/ rab 'byor gnyis po 'di dag ni chos kyi sbyin pa ste/ 'jig rten pa dang 'jig rten las 'das pa'o/ /rab 'byor 'jig rten pa'i chos kyi sbyin pa gang zhe na/ 'jig rten pa'i chos rnams brjod pa dang / bshad pa dang / ma nor bar bstan pa ste/ 'di ltar mi gtsang ba'i rnam pa dang / bsam gtan bzhi dang / tshangs pa'i rnam par spyod pa bzhi dang / gzugs med pa'i snyoms par 'jug pa bzhi dang / mngon par shes pa lnga dang / gzhan yang 'jig rten pa'i chos byis pa so so'i skye bo dag dang thun mong du gyur pa rnams te/ rab 'byor de ni 'jig rten pa'i chos kyi sbyin pa'o/ /rab 'byor byang chub sems dpa' sems dpa' chen po des 'jig rten gyi chos kyi sbyin pa de btang nas/ rnam grangs du mas 'jig rten gyi chos ma nor bar blangs pa de la bskyod do/ /de las bskyod nas thabs mkhas pas/ 'phags pa'i chos</font><hr>33.116a<br><font size=+1>

rnams dang / 'phags pa'i chos kyi 'bras bu dag la rab tu 'god do/ /de la 'phags pa'i chos rnams ni gang 'phags pa'i chos rnams kyi 'bras bu ni gang zhe na/ 'phags pa'i chos zhes bya ba ni/ byang chub kyi phyogs kyi chos sum bcu rtsa bdun dang / rnam par thar pa'i sgo gsum mo/ /'phags pa'i chos rnams kyi 'bras bu ni/ rgyun du zhugs pa'i 'bras bu dang / lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid de/ rab 'byor byang chub sems dpa' sems dpa' chen po'i 'phags pa'i chos ni rgyun du zhugs pa'i 'bras bu shes pa'o/ /lan gcig phyir 'ong ba'i 'bras bu shes pa'o/ /phyir mi 'ong ba'i 'bras bu shes pa'o/ /dgra bcom pa nyid shes pa'o/ /sbyin pa'i pha rol du phyin pa shes pa'o/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa shes pa'o/ /nang stong pa nyid shes pa'o/ /dngos po med pa'i ngo bo nyid stong pa nyid kyi bar du shes pa'o/ /byang chub kyi phyogs kyi chos sum bcu rtsa bdun shes pa'o/ /'phags pa'i bden pa bzhi dang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams shes pa'o/ /ting nge 'dzin rnams dang / gzungs kyi sgo rnams shes pa'o/ /de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / sangs rgyas kyi chos ma 'dres pa bcwa brgyad shes pa'o/ /byams pa chen po dang / snying rje chen po dang / dga' ba chen po dang / btang snyoms chen po shes pa'o/[ ]/ </font><hr>33.116b<br><font size=+1>

gzhan yang 'jig rten pa dang /  'jig rten las 'das pa'i chos rnams dang / zag pa dang bcas pa dang / zag pa med pa'i chos rnams dang / 'dus byas dang 'dus ma byas kyi chos rnams shes pa ste/ rnam pa thams cad mkhyen pa nyid kyi ye shes ma gtogs par de dag byang chub sems dpa' sems dpa' chen po'i 'phags pa'i chos rnams so/ /byang chub sems dpa' sems dpa' chen po'i 'phags pa'i chos rnams kyi 'bras bu gang zhe na/  bag chags kyi mtshams sbyor ba'i nyon mongs pa thams cad spong ba ste/ 'di ni byang chub sems dpa' sems dpa' chen po'i 'phags pa'i chos rnams kyi 'bras bu'o/ /de nas tshe dang ldan pa rab 'byor gyis/ bcom ldan 'das la 'di skad ces gsol to/ /bcom ldan 'das ci lags/ byang chub sems dpa' sems dpa' chen pos rnam pa thams cad mkhyen pa nyid thob par 'gyur ram/ bcom ldan 'das kyis bka' stsal pa/ rab 'byor de de bzhin no/ /de de bzhin te/ byang chub sems dpa' sems dpa' chen pos ni rnam pa thams cad mkhyen pa nyid thob par 'gyur ro/ /gsol pa/ bcom ldan 'das gal te byang chub sems dpa' sems dpa' chen pos rnam pa thams cad mkhyen pa nyid thob par 'gyur na/ byang chub sems dpa' sems dpa' chen po dang / de bzhin gshegs pa la bye brag tu ci zhig mchis/ bcom ldan 'das kyis bka' stsal pa bye brag yod do/ /gsol pa/ bye brag ci lta bu zhig mchis/ bcom ldan 'das kyis bka' stsal pa/ byang chub sems dpa' sems dpa' chen po ni rnam pa thams cad mkhyen pa nyid thob par 'gyur ba'o/ /de bzhin gshegs pa ni ye shes brnyes pa zhes bya'o/ /de ci'i phyir zhe na/ gang la gnas shing chos thams</font><hr>33.117a<br><font size=+1>

cad la mun pa med pa thob pa la/ byang chub sems dpa'i sems kyang gzhan la/ de bzhin gshegs pa dgra bcom pa yang dag par rdzogs pa'i sangs rgyas kyi thugs kyang gzhan zhes bya ba med do/ /rab 'byor de ni byang chub sems dpa' sems dpa' chen po'i 'jig rten pa'i chos kyi sbyin pa ste/ de la brten pas 'jig rten las 'das pa'i chos kyi sbyin pa 'byung ngo / /rab 'byor de ltar na byang chub sems dpa' sems dpa' chen po sems can rnams 'jig rten pa'i chos kyi sbyin pa la sbyor zhing /  thabs mkhas pas 'phags pa'i chos 'jig rten las 'das pa'i sbyin pa la bkod nas/ rnam pa thams cad mkhyen pa nyid kyi bar la 'god pa yin no/ /rab 'byor byang chub sems dpa' sems dpa' chen po'i 'jig rten las 'das pa'i chos kyi sbyin pa byis pa so so'i skye bo thams cad dang thun mong ma yin pa gang zhe na/ 'di lta ste/ dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa dang / rnam par thar pa'i sgo gsum dang / rnam par thar pa brgyad dang / mthar gyi gnas pa'i snyoms par 'jug pa dgu dang / zad par gyi skye mched bcu dang / zil gyis gnon pa'i skye mched brgyad dang / nyon mongs pa med pa dang / smon gnas shes pa dang / mngon par shes pa drug dang / shin du yongs su dag pa bzhi dang / dbang bcu dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / bsrung ba med pa gsum dang / dgongs pa nye bar gzhag pa gsum dang / bsnyel ba mi mnga' ba'i chos nyid dang / bag chags kyi sgrib pa spangs pa dang / sangs rgyas kyi chos ma 'dres pa bcwa brgyad dang / </font><hr>33.117b<br><font size=+1>

byams pa chen po dang / snying rje chen po dang / mi chen po'i mtshan sum bcu rtsa gnyis dang /  dpe byad bzang po brgyad bcu dang /  gzungs kyi sgo lnga brgya dang / ting nge 'dzin gyi sgo rnams te/ 'di ni 'jig rten las 'das pa'i chos kyi sbyin pa zhes bya'o/ /rab 'byor de la dran pa nye bar gzhag pa bzhi gang zhe na/ 'di lta ste/ nang gi lus dang / phyi'i lus dang / phyi nang gi lus la lus kyi rjes su lta zhing brtson 'grus can/ shes bzhin dang ldan pa/ dran pa dang ldan pas 'jig rten gyi chags sems dang / yid mi bde ba rnam par bsal cing / rnam par spyod do/ /lus la kun 'byung ba'i rjes su lta zhing / rnam par spyod do/ /lus la zad pa'i rjes su lta zhing rnam par spyod do/ /lus la kun 'byung ba dang / zad pa'i rjes su lta zhing rnam par spyod do/ /lus la mi gnas par rnam par spyod cing 'jig rten du gang yang nye bar len pa med do/ /nang gi tshor ba dang / phyi'i tshor ba dang / phyi nang gis tshor ba dang / nang gi sems dang / phyi'i sems dang / phyi nang gi sems dang / nang gi chos dang / phyi'i chos dang / phyi nang gi chos kyi rjes su lta zhing / brtson 'grus can/ shes bzhin dang ldan pa/ dran pa dang ldan pas/ 'jig rten gyi chags sems dang yid mi bde ba rnam par bsal zhing rnam par spyod do/ /chos la kun 'byung ba'i rjes su lta zhing rnam par spyod do/ /chos la zad pa'i rjes su lta zhing rnam par spyod do/ /chos la mi gnas par rnam par spyod cing 'jig rten du gang yang nye bar len pa med do/ /rab 'byor yang dag par spong ba bzhi gang zhe na/ sdig to mi dge ba'i chos ma skyes pa rnams mi bskyed pa'i phyir mos pa skyed pa dang / skyed pa rnams spong ba'i phyir rtsol ba dang / dge ba'i chos ma skyes pa rnams bskyed pa'i phyir mos pa skyed cing brtson 'grus rtsom pa dang / skyes pa rnams 'phel zhing shin du rgyas par bya ba dang / bsgom pa yongs</font><hr>33.118a<br><font size=+1>

su rdzogs par bya ba'i phyir mos pa bskyed pa'o/ /rab 'byor rdzu 'phrul gyi rkang pa bzhi gang zhe na/ mos pa'i ting nge 'dzin spong ba'i 'du byed dang ldan pa'i rdzu 'phrul gyi rkang pa dang / sems dang brtson 'grus dang dpyod pa'i ting nge 'dzin spong ba'i 'du byed dang ldan pa'i rdzu 'phrul gyi rkang pa'o/ /rab 'byor dbang po lnga gang zhe na/ dad pa'i dbang po dang / brtson 'grus kyi dbang po dang / dran pa'i dbang po dang / ting nge 'dzin gyi dbang po dang / shes rab kyi dbang po ste/ de dag ni dbang po lnga zhes bya'o/ /rab 'byor stobs lnga gang zhe na/ dad pa'i stobs dang / brtson 'grus kyi stobs dang / dran pa'i stobs dang / ting nge 'dzin gyi stobs dang / shes rab kyi stobs te/ de dag ni stobs lnga zhes bya'o/ /rab 'byor byang chub kyi yan lag bdun gang zhe na/ dran pa yang dag byang chub kyi yan lag dang / chos rnam par 'byed pa yang dag byang chub kyi yan lag dang / brtson 'grus rnam par 'byed pa yang dag byang chub kyi yan lag dang / dga' ba yang dag byang chub kyi yan lag dang / shin tu sbyangs pa yang dag byang chub kyi yan lag dang / ting nge 'dzin yang dag byang chub kyi yan lag dang / btang snyoms yang dag byang chub kyi yan lag ste/ de dag ni byang chub kyi yan lag bdun zhes bya'o/ /rab 'byor 'phags pa'i lam yan lag brgyad pa gang zhe na/  'di lta ste/ yang dag pa'i lta ba dang / yang dag pa'i rtog pa dang / yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang dag pa'i rtsol ba dang / yang dag pa'i dran pa dang / yang dag pa'i ting nge 'dzin te/ 'di dag ni 'phags pa'i lam yan lag brgyad pa zhes bya'o/ /de la ting nge 'dzin gsum gang zhe na/ stong pa nyid kyi ting nge 'dzin dang / mtshan ma med pa'i ting nge 'dzin dang / smon pa med pa'i ting nge 'dzin to/ /stong pa nyid kyi ting nge 'dzin gang zhe na/ </font><hr>33.118b<br><font size=+1>

stong pa'i rnam pa dang / dben pa'i rnam par sems rtse gcig pa ste/ de ni stong pa nyid kyi ting nge 'dzin ces bya'o/ /mtshan ma med pa'i ting nge 'dzin gang zhe na/ zhi ba'i rnam pa dang / mtshan ma med pa'i rnam par sems rtse gcig pa ste/ de ni mtshan ma med pa'i ting nge 'dzin ces bya'o/ /smon pa med pa'i ting nge 'dzin gang zhe na/ mi rtag pa'i rnam pa dang / sdug bsngal gyi rnam par sems rtse gcig pa ste/ de ni smon pa med pa'i ting nge 'dzin ces bya'o/ /rnam par thar pa brgyad gang zhe na/ gzugs can gyis gzugs rnams mthong ba'i 'di ni rnam par thar pa dang po'o/ /nang gzugs med pa'i 'du shes dang ldan pas/ phyi rol gyi gzugs rnams mthong ba 'di ni rnam par thar pa gnyis pa'o/ /gzang bar mos pa 'di ni rnam par thar pa gsum pa'o/ /nam mkha' mtha' yas skye mched la nye bar bsgrubs te gnas pa 'di ni rnam par thar pa bzhi pa'o/ /rnam shes mtha' yas skye mched la nye bar bsgrubs te gnas pa 'di ni rnam par thar pa lnga pa'o/ /cung zad med pa'i skye mched la nye bar bsgrubs te gnas pa 'di ni rnam par thar pa drug pa'o/ /'du shes med 'du shes med min skye mched la nye bar bsgrubs te gnas pa 'di ni rnam par thar pa bdun pa'o/ /'du shes dang tshor ba 'gog pa la nye bar bsgrubs te/ gnas pa 'di ni rnam par thar pa brgyad pa ste/ de dag ni rnam par thar pa brgyad ces bya'o/ /mthar gyi gnas pa'i snyoms par 'jug pa dgu gang zhe na/ 'di la la la 'dod pas dben sdig to mi dge ba'i chos kyis dben pa/ rtog pa dang bcas pa/ dpyod pa dang bcas pa/ dben pa las skyes pa'i dga' ba dang / bde ba can bsam gtan dang po la nye bar bsgrubs te gnas so/ /rnam par rtog pa dang / rnam par spyod pa de nye bar zhi nas/ nang yongs su dang ste/ sems kyi rgyud gcig tu gyur pas rtog</font><hr>33.119a<br><font size=+1>

pa med pa/ dpyod pa med pa'i ting nge 'dzin las skyes pa'i dga' ba dang bde ba can/ bsam gtan gnyis pa la nye bar bsgrubs te gnas so/ /de dga' ba las 'dod chags dang bral bas dran pa dang ldan zhing shes bzhin du btang snyoms su gnas te/ bde ba lus kyis myong la/ 'phags pa rnams kyis dran pa dang ldan pa bde ba la rnam par spyod pa btang snyoms pa'o zhes brjod pa ste/ dga' ba med pa'i bsam gtan gsum pa la nye bar bsgrubs te gnas so/ /de bde ba yang spangs sdug bsngal yang spangs shing yid bde ba dang / yid mi bde ba snga nas kyang nub pas/ bde ba yang med sdug bsngal ba yang med pa'i btang snyoms dang dran pas yongs su dag pa/ bsam gtan bzhi pa la nye bar bsgrubs te gnas so/ /de rnam pa thams cad du gzugs kyi 'du shes las yang dag par 'das te/ thogs pa'i 'du shes rnams nub par gyur cing / sna tshogs kyi 'du shes yid la mi byed pas/ nam mkha' mtha' yas so zhes te/ nam mkha' mtha' yas skye mched la nye bar bsgrubs te gnas so/ /de rnam pa thams cad du nam mkha' mtha' yas skye mched las yang dag par 'das te/ rnam par shes pa mtha' yas so zhes rnam shes mtha' yas skye mched la nye bar bsgrubs te gnas so/ /de rnam pa thams cad du rnam shes mtha' yas skye mched las yang dag par 'das te/ cung zad ma yod do zhes cung zad med pa'i skye mched la nye bar bsgrubs te gnas so/ /de rnam pa thams cad du cung zad med pa 'i skye mched las yang dag par 'das te/ 'du shes med 'du shes med min skye mched la nye bar bsgrubs te gnas so/ /de rnam pa thams cad du 'du shes med 'du shes med min skye mched las yang</font><hr>33.119b<br><font size=+1>

dag par 'das te/ 'du shes dang tshor ba 'gog pa la nye bar bsgrubs shing gnas te 'di ni mthar gyis gnas pa'i snyoms par 'jug pa dgu zhes bya'o/ /de la mtha' dag gi skye mched bcu gang zhe na/ mtha' dag sa dang mtha' dag chu dang mtha' dag me dang mtha' dag rlung dang / mtha' dag sngon po dang mtha' dag ser po dang mtha' dag dmar po dang /  mtha' dag dkar po dang /  mtha' dag rnam par shes pa dang / mtha' dag nam mkha' ste/ de dag ni mtha' dag gi skye mched bcu zhes bya'o/ /de la zil gyis gnon pa'i skye mched brgyad gang zhe na/ nang gzugs su 'du shes shing / phyi rol gyi gzugs phra mo dang / kha dog sdu gu dang / kha dog ma sdug pa mthong yang gzugs de dag zil gyis mnan te shes/ zil gyis mnan te mthong zhing / de ltar 'du shes pa de ni zil gyis gnon pa'i skye mched dang po'o/ /nang gzugs su 'du shes shing / phyi rol gyi gzugs rag pa dang / kha dog sdug pa dang / kha dog mi sdug pa mthong yang / gzugs de dag zil gyis mnan te shes/ zil gyis mnan te mthong zhing / de ltar 'du shes pa de ni zil gyis gnon pa'i skye mched gnyis pa'o/ /nang gzugs med par 'du shes shing phyi rol gyi gzugs phra mo dang / kha dog sdug gu dang / kha dog mi sdug pa mthong yang / gzugs de dag zil gyis mnan te shes zil gyis mnan te mthong zhing / 'du shes pa de ni zil gyis gnon pa'i skye mched gsum pa'o/ /nang gzugs med par 'du shes shing / phyi rol gyi gzugs rags pa dang / kha dog sdug pa dang / kha dog mi sdug pa mthong yang / gzugs de dag zil gyis mnan te shes zil gyis mnan te mthong zhing / de ltar 'du shes pa 'di ni zil gyis gnon pa'i skye mched bzhi pa'o/ /nang gzugs med par 'du shes shing phyi rol gyi gzugs sngon po/ kha dog sngon po</font><hr>33.120a<br><font size=+1>

sngon por snang ba/ mdog sngon po 'di lta ste dper na me tog o ma ka lta bu 'am/ yul bA rA Na sIr byas pa'i gos ltar sngo ba/  kha dog sngo ba sngo bar snang ba/ mdog sngo bar mthong yang / gzugs de dag zil gyis mnan te shes/ zil gyis mnan te mthong zhing de ltar 'du shes pa 'di ni zil gyis gnon pa'i skye mched lnga pa'o/ /nang gzugs med par 'du shes shing / phyi rol gyi gzugs ser po/ kha dog ser po/ ser por snang ba/ mdog ser po 'di lta ste dper na/ shing dkar shi ka ra'i me tog lta bu 'am/ yul bA rA Na sIr byas pa'i gos ltar ser ba/ kha dog ser ba/ ser bar snang ba/ mdog ser bar mthong yang / gzugs de dag zil gyis mnan te shes/ zil gyis mnan te mthong zhing / de ltar 'du shes pa 'di ni zil gyis gnon pa'i skye mched drug pa'o/ /nang gzugs med par 'du shes shing / phyi rol gyi gzugs dmar po/ kha dog dmar po/ dmar por snang ba/ mdog dmar po 'di lta ste/ dper na man du dzi ba ka'i me tog lta bu 'am/ yul bA rA Na sIr byas pa'i gos ltar dmar ba/  kha dog dmar ba/  dmar bar snang ba mdog dmar bar mthong yang / gzugs de dag zil gyis mnan te shes/ zil gyis mnan te mthong zhing / de ltar 'du shes pa 'di ni zil gyis gnon pa'i skye mched bdun pa'o/ /nang gzugs med par 'du shes shing / phyi rol gyi gzugs dkar po/ kha dog dkar po/ dkar por snang ba/ mdog dkar po/ 'di lta ste dper na/ skar ma pa ba sangs kyi 'od lta bu 'am/ yul bA rA Na sIr byas pa'i gos ltar dkar ba/ kha dog dkar ba/ dkar bar snang ba/ mdog dkar bar mthong yang gzugs de dag zil gyis mnan te shes/ zil gyis mnan te mthong zhing / de ltar 'du shes pa 'di ni zil gyis</font><hr>33.120b<br><font size=+1>

gnon pa'i skye mched brgyad pa'o/ /de la nyon mongs pa med pa gang zhe na/ bsam gtan la gnas nas/ byang chub sems dpa' sems dpa' chen po'i rnam par spyod pa/ sems can pha rol dang / gang zag pha rol gyi nyon mongs pa mi skye ba'i mthu yod pa/ ting nge 'dzin gang gis 'grub pa de ni nyon mongs pa med pa zhes bya'o/ /smon nas kyi shes pa gang zhe na/ bsam gtan la gnas te/ 'di shes par bya'o zhes byang chub sems dpa' sems dpa' chen po dus gsum gyi shes pa 'am/ shes pa gang dang gang 'dod par gyur pa de la yid kyis smon pa byed de/ de ting nge 'dzin de las langs nas/ de'i smon lam de yongs su grub par gyur cing / shes bya de yang shes pa de ni/ smon nas kyi shes pa zhes bya'o/ /de la mngon par shes pa drug gang zhe na/ rdzu 'phrul gyi mngon par shes pa dang / lha'i mig gi mngon par shes pa dang / lha'i rna ba'i mngon par shes pa dang / pha rol gyi sems shes pa'i mngon par shes pa dang / sngon gyi gnas rjes su dran pa'i mngon par shes pa dang / zag pa zad pa shes pa'i mngon par shes pa ste/ drug po de dag go/ /de la yongs su dag pa bzhi gang zhe na/ lus yongs su dag pa dang / dmigs pa yongs su dag pa dang / sems yongs su dag pa dang / ye shes yongs su dag pa ste/ bzhi po de dag go/ /de la dbang bcu gang zhe na/ tshe la dbang ba dang / sems la dbang ba dang / yo byad la dbang ba dang / las la dbang ba dang / skye ba la dbang ba dang / mos pa la dbang ba dang / smon lam la dbang ba dang / rdzu 'phrul la dbang ba dang / ye shes la dbang ba dang / chos la dbang ba ste/ bcu po de dag go/ /rab 'byor de bzhin gshegs pa'i stobs bcu gang zhe na/ rab 'byor 'di la de bzhin gshegs pa'i gnas la yang gnas su yang dag pa ji lta ba bzhin</font><hr>33.121a<br><font size=+1>

du rab tu mkhyen to/ /gnas ma yin pa la yang gnas ma yin par yang dag pa ji lta ba bzhin du rab tu mkhyen to/ /'das pa dang / ma 'ongs pa dang / da ltar byung ba'i las dang / las yongs su blangs pa'i rnam par smin pa gnas kyi rnam pa dang / rgyu'i rnam par yang dag par ji lta ba bzhin du rab tu mkhyen to/ /khams sna tshogs can dang / khams du ma can gyi 'jig rten yang dag pa ji lta ba bzhin du rab tu mkhyen to/ /sems can gzhan dang gang zag gzhan gyi mos pa sna tshogs dang / mos pa du ma yang dag pa ji lta ba bzhin du rab tu mkhyen to/ /sems can gzhan dang / gang zag gzhan gyi dbang po rab dang tha ma shes par bya ba yang dag par ji lta ba bzhin du rab tu mkhyen to/ /kun du 'gro ba'i lam yang dag pa ji lta ba bzhin du rab tu mkhyen to/ /dbang po dang / stobs dang / byang chub kyi yan lag dang / bsam gtan dang / rnam par thar pa dang / ting nge 'dzin dang /  snyoms par 'jug pa dang /  kun nas nyon mongs pa dang / rnam par byang ba rnam par dgod pa yang dag pa ji lta ba bzhin du rab tu mkhyen to/ /rnam pa du mar sngon gyi gnas rjes su dgongs te/ tshe rabs gcig kyang rjes su dgongs pa nas/  tshe rabs brgya dang /  tshe rabs stong dang / tshe rabs brgya stong dang / tshe rabs bye ba khrag khrig brgya stong gi bar du yang rjes su dgongs so/ /bskal pa gcig kyang rjes su dgongs pa nas/ bskal pa brgya'i bar dang / bskal pa brgya phrag du ma dang / bskal pa stong phrag du ma dang / bskal pa brgya stong phrag du ma dang / bskal pa bye ba khrag khrig brgya stong du ma'i bar dag kyang rjes su dgongs te/ bdag ni 'di lta bu zhig na 'dug 'dug go/ /ming ni 'di zhes bya bar gyur to/ /rigs ni 'di zhes bya bar gyur to/ /rus ni 'di zhes bya bar gyur to/ /zas ni 'di za za'o/ /yun ni 'di srid cig tu</font><hr>33.121b<br><font size=+1>

gnas gnas so/ /tshe'i mtha' ni 'di tsam zhig tu gyur te/ bdag de nas shi 'phos nas/ che ge mo zhig tu skyes so zhes bya ba nas/ de nas shi 'phos nas kyang 'dir skyes so zhes bya ba'i bar du/ rnam pa dang bcas/ sa mal dang bcas/ gtan tshigs dang bcas par rnam pa du mar sngon gyi gnas rjes su dgongs so/ /lha'i mig rnam par dag pa mi las 'das pas/ sems can 'chi 'pho ba dang / skye ba dag kyang gzigs so/ /kha dog sdug pa dang mi sdug pa dang / bzang ba dang / ngan pa dang / bde 'gro na 'khod pa dang / ngan song na 'khod pa dang / las ji lta ba bzhin du nye bar 'dong ba'i sems can rnams rab tu mkhyen te/ sems can 'di dag ni lus kyi ngan du spyod pa dang ldan pa/ ngag gi ngan du spyod pa dang ldan pa/ yid kyis ngan du spyod pa dang ldan pa/  'phags pa la skur pa 'debs pa/ log par lta ba dag ste/ de'i rgyu de'i rkyen gyis lus zhig nas/ ngan song log par ltung ba sems can dmyal bar skye'o/ /sems can 'di dag ni lus kyis legs par spyod pa dang ldan pa/  ngag gis legs par spyod pa dang ldan pa/ yid kyis legs par spyod pa dang ldan pa 'phags pa la skur pa mi 'debs pa/ yang dag pa'i lta ba dag ste/ de'i rgyu de'i rkyen gyis lus zhig nas/ bde 'gro mtho ris kyi 'jig rten lha'i nang du skye'o/ /zhes bya bar rab tu mkhyen to/ /zag pa rnams zad pa'i phyir/ sems rnam par grol ba dang / shes rab rnam par grol ba dang zag pa med pa'i yang dag pa ji lta ba bzhin du rab tu mkhyen te/ bcu po de dag ni de bzhin gshegs pa'i stobs so/ /rab 'byor de bzhin gshegs pa'i mi 'jigs pa bzhi gang zhe na/ bdag gis yang dag par rdzogs par sangs rgyas so zhes dam bcas na/ 'di la chos 'dis mngon par sangs ma rgyas so zhes bya bar bdag la dge</font><hr>33.122a<br><font size=+1>

sbyong ngam/  bram ze 'am/  lha 'am/ bdud dam/  tshangs pa 'am/  skye dgu'i tshogs gzhan su yang rung ste/ 'jig rten na chos dang ldan par rgol bar 'gyur ro/ /zhes bya ba'i rgyu yang yang dag par rjes su mi mthong ste/ rgyu yang dag par rjes su mi mthong bas/ bdag bde ba thob pa dang / bag tsha ba med pa thob pa dang / mi 'jigs pa thob par rnam par spyod de/ khyu mchog rlabs po che'i gnas su dam bca'o/ /'khor gyi nang du seng ge'i sgra bsgrag go/ /tshangs pa'i 'khor lo 'jig rten na dge sbyong ngam/ bram ze 'am/ lha 'am bdud dam tshangs pa 'am gzhan sus kyang rung ste/ chos dang ldan par bskor bar mi nus pa/ bdag gis rab tu bskor bar bya'o/ /bdag zag pa zad do zhes dam bcas na/ de la zag pa 'di rnams yongs su zad par ma gyur to/ /zhes bya bar bdag la dge sbyong ngam/ bram ze 'am/ lha 'am/ bdud dam tshangs pa 'am/ skye dgu'i tshogs gzhan su yang rung ste/ 'jig rten na chos dang ldan par rgol bar 'gyur ro zhes bya ba'i rgyu yang yang dag par rjes su mi mthong ste/ rgyu yang dag par rjes su ma mthong bas/ de la bdag bde ba thob pa dang / bag tsha ba med pa thob pa dang / mi 'jigs pa thob par rnam par spyod de/ khyu mchog rlabs po che'i gnas su dam bca'o/ /'khor gyi nang du seng ge'i sgra bsgrag go/ /tshangs pa'i 'khor lo 'jig rten na dge sbyong ngam/  bram ze 'am lha 'am bdud dam tshangs pa 'am/ gzhan sus kyang rung ste/ chos dang ldan par bskor bar ma nus pa bdag gis rab tu bskor bar bya'o/ /gang yang bdag gis bar chad kyi chos su bstan pa de dag la bsten na bar chad kyi chos su mi 'gyur zhes dge sbyong ngam/ bram ze 'am/ lha 'am/ bdud dam/ tshangs pa 'am/ skye dgu'i tshogs gzhan su yang rung ste/ 'jig rten na chos dang ldan par</font><hr>33.122b<br><font size=+1>

rgol bar 'gyur ro/ /zhes bya ba'i rgyu yang yang dag par rjes su mi mthong ste/ rgyu yang dag par rjes su ma mthong bas/ de la bdag la bde ba thob pa dang / bag tsha ba med pa thob pa dang / mi 'jigs pa thob pas rnam par spyod de/ khyu mchog rlabs po che'i gnas su dam bca'o/ /'khor gyi nang du seng ge'i sgra bsgrag go/ /tshangs pa'i 'khor lo 'jig rten na dge sbyong ngam/ bram ze 'am/ lha 'am bdud dam tshangs pa 'am/ gzhan sus kyang rung ste chos dang ldan par bskor bar mi nus pa bdag gis yang dag par bskor bar bya'o/ /gang yang bdag gis lam 'phags pa'i 'byung ba rtogs par 'gyur ba de byed pa'i sdug bsngal yang dag par zad par 'gyur bar bstan pa de dag la nan tan byas na/ sdug bsngal yang dag par zad par 'gyur bar mi 'byung ngo zhes dge sbyong ngam bram ze 'am lha 'am bdud dam tshangs pa 'am/ skye dgu'i tshogs gzhan su yang rung ste/ 'jig rten na chos dang ldan par rgol bar 'gyur ro/ /zhes bya ba'i rgyu yang yang dag par rjes su mi mthong ste/ rgyu yang dag par rjes su ma mthong bas/ de la bdag bde ba thob pa dang / bag tsha ba med pa thob pa dang / mi 'jigs pa thob pas rnam par spyod de/ khyu mchog rlabs po che'i gnas su dam bca'o/ /'khor gyi nang du seng ge'i sgra bsgrag go/ /tshangs pa'i 'khor lo 'jig rten na dge sbyong ngam/  bram ze 'am lha 'am bdud dam tshangs pa 'am/ gzhan sus kyang rung ste/ chos dang ldan par bskor bar mi nus pa bdag gis rab tu bskor bar bya'o zhes bya ba ste/ bzhi po de dag ni mi 'jigs pa'o/ /de bzhin gshegs pa'i so so yang dag par rig pa bzhi gang zhe na/ 'di lta ste/ don so so yang dag par rig pa dang / chos so so yang dag par rig pa dang</font><hr>33.123a<br><font size=+1>

nges pa'i tshig so so yang dag par rig pa dang / spobs pa so so yang dag par rig pa ste/ de dag kyang gang zhe na/ don la dmigs pa dang / chos la dmigs pa dang / nges pa'i tshigs la dmigs pa dang / spobs pa la dmigs pa'o/ /rab 'byor de bzhin gshegs pa'i bsrung ba med pa gsum gang zhe na/ de bzhin gshegs pa ni sku'i spyod pa yongs su dag pa dang ldan pa ste/ de bzhin gshegs pa la sku'i spyod pa yongs su ma dag pa mi mnga' bas/ la las shes su 'ong ngo zhes gang yang bcab par dgongs pa de bzhin gshegs pa la mi mnga' ste/ 'di ni bsrung ba med pa dang po'o/ /de bzhin gshegs pa ni gsung gi spyod pa yongs su dag pa dang ldan pa ste/ de bzhin gshegs pa la gsung gi spyod pa yongs su ma dag pa mi mnga' bas/ la las shes su 'ong ngo zhes gang yang bcab par dgongs pa de bzhin gshegs pa la mi mnga' ste/ 'di ni bsrung ba med pa gnyis pa'o/ /de bzhin gshegs pa ni thugs kyi spyod pa yongs su dag pa dang ldan pa ste/ de bzhin gshegs pa la thugs kyi spyod pa yongs su ma dag pa mi mnga' bas/ la las shes su 'ong ngo zhes gang yang bcab par dgongs pa de bzhin gshegs pa la mi mnga' ste/ 'di ni bsrung ba med pa gsum pa'o/ /de la de bzhin gshegs pa'i dgongs pa nye bar gzhag pa gsum gang zhe na/ de bzhin gshegs pa chos ston pa'i tshe/ la la rna ba btud de rim gror nyan cing / bka' mnyan pa'i sems nye bar gzhog pa dang / chos dang gnyer ba'i chos la nan tan tu byed na yang / des de bzhin gshegs pa dgyes par mi 'gyur/ yid bde bar mi 'gyur/ thugs yeng por yang mi 'gyur te/ 'di ni dgongs pa nye bar gzhag pa dang po'o/ /la la rna ba btud te rim gror nyan cing bka' mnyan pa'i sems nye bar gzhog pa med pa dang / chos dang gnyer ba'i chos la nan tan du mi byed na/ </font><hr>33.123b<br><font size=+1>

na/ des de bzhin gshegs pa'i thugs khro bar mi 'gyur/ mi bzod par mi 'gyur thugs mi ches par mi 'gyur te/ 'di ni dgongs pa nye bar gzhag pa gnyis pa'o/ /la la rna ba btud de rim gror nyan cing bka' mnyan pa'i sems nye bar gzhog la/ chos dang gnyer ba'i chos la nan tan du byed/ la la rna ba btud de rim gror mi nyan cing / bka' nyan pa'i sems nye bar gzhog pa med de/ chos dang gnyer ba'i chos la nan tan du mi byed kyang / des de bzhin gshegs pa dgyes pa 'am/ thugs khro ba gnyis su mi 'gyur te/ thams cad du dgongs pa dang / ldan zhing mkhyen par btang snyoms su rnam par spyod pa 'di ni dgongs pa nye bar gzhag pa gsum pa'o/ /de la de bzhin gshegs pa'i nyams pa med pa'i chos nyid gang zhe na/ gang gis sangs rgyas bcom ldan 'das rnams don yod pa'i chos ston pa'i phyir sems can thams cad kyi don mdzad pa la dus las mi 'da' ba ste/ de ni nyams pa med pa'i chos nyid ces bya'o/ /de la de bzhin gshegs pa'i bag chags kyi sgrib pa rab tu spangs pa gang zhe na/ /nyan thos dang rang sangs rgyas thams cad ni nyon mongs pa spangs kyang / lus kyi 'gyur ba yod kyi/ de bzhin gshegs pa la ni de lta bu yang mi mnga' ste/ de ni de bzhin gshegs pa'i bag chags kyi sgrib pa rab tu spangs pa zhes bya'o/ /de la de bzhin gshegs pa'i thugs rje chen po gang zhe na/ de bzhin gshegs pa thugs rje chen po gang dang ldan pas/ 'jig rten gyi brda nye bar bzung ste/ dge ba'i rtsa ba gzigs pa'i phyir/ dus thams cad du 'jig rten la nyin lan gsum mtshan lan gsum du rtog pa mdzad ces bya ste/ dngos su na sangs rgyas bcom ldan 'das rnams kyi thugs rje chen po sems can mtha' yas pa yongs su smin par bya ba la gzigs pa rtag par 'byung ste/ </font><hr>33.124a<br><font size=+1>

de ni thugs rje chen po zhes bya'o/ /rab 'byor de bzhin gshegs pa'i sangs rgyas kyi chos ma 'dres pa bcwa brgyad gang zhe na/ de bzhin gshegs pa la 'khrul pa mi mnga'o/ /ca co mi mnga'o/ /dgongs pa nyams pa mi mnga'o/ /'du shes sna tshogs mi mnga'o/ /thugs mnyam par ma bzhag pa mi mnga'o/ /ma brtag pa'i btang snyoms mi mnga'o/ /mos pa yongs su nyams pa mi mnga'o/ /brtson 'grus yongs su nyams pa mi mnga'o/ /dgongs pa yongs su nyams pa mi mnga'o/ /ting nge 'dzin yongs su nyams pa mi mnga'o/ /shes rab yongs su nyams pa mi mnga'o/ /rnam par grol ba yongs su nyams pa mi mnga'o/ /rnam par grol ba'i ye shes gzigs pa yongs su nyams pa mi mnga'o/ /sku'i phrin las thams cad ye shes sngon du 'gro ba ste/ ye shes kyi rjes su 'brang ngo / /gsung gi phrin las thams cad ye shes sngon du 'gro ba ste/ ye shes kyi rjes su 'brang ngo / /thugs kyi phrin las thams cad ye shes sngon du 'gro ba ste/ ye shes kyi rjes su 'brang ngo / /'das pa'i dus la ma chags ma thogs pa'i ye shes gzigs pa 'jug go/ /ma 'ongs pa'i dus la ma chags ma thogs pa'i ye shes gzigs pa 'jug go/ /da ltar byung ba'i dus la ma chags ma thogs pa'i ye shes gzigs pa 'jug ste/ de dag ni sangs rgyas kyi chos ma 'dres pa rnams so/ /rab 'byor de bzhin gshegs pa'i rnam pa thams cad mkhyen pa nyid gang zhe na/ gang la dmigs pa med pa/ dran pas dbang bsgyur ba/ zhi ba'i rnam pa dang ldan pa'i mtshan nyid med pa'i mtshan nyid ni rnam pa thams cad mkhyen pa nyid ces bya'o/[ ]/  shes rab kyi pha rol du phyin pa stong phrag nyi shu lnga pa/ bam po drug bcu brgyad pa/ de la de bzhin gshegs pa'i mi chen po'i mtshan sum bcu rtsa gnyis gang zhe na/ phyag dang zhabs 'khor</font><hr>33.124b<br><font size=+1>

lo'i mtshan dang ldan pa dang / zhabs shin tu gnas pa dang / phyag dang zhabs dra bar 'brel pa dang / phyag dang zhabs gzhon zhing 'jam pa dang / bdun shin du mtho ba dang / sor mo ring ba dang / rting pa yangs pa dang / sku che zhing drang ba dang / zhabs legs par mtho ba dang / yan lag gi spu gyen du 'khyil ba dang / ri dgas e na ya'i byin pa lta bu dang / phyag brla drang por slebs pa dang / gsang ba'i gnas sbubs su nub pa dang / gser gyi kha dog dang / mdog shin tu 'jam pa dang / spu re re nas g.yas phyogs su 'khyil ba dang / zhal mdzod spus brgyan pa dang / seng ge'i ro stod lta bu dang / phrag pa'i lhun mdzes par grub pa dang / phrag so shin tu rgyas pa dang / ro bro ba'i mchog dang / shing n+ya gro da ltar chu zheng gab pa dang / dbu spyi gtsug dang ldan pa dang / ljags shin du yangs pa dang /  tshangs pa'i dbyangs dang /  seng ge'i 'gram pa lta bu dang / tshems shin tu dkar ba dang / tshems shin tu mnyam pa dang / tshems thags bzang ba dang /  tshems mnyam zhing bzhi bcu tshang ba dang / spyan dkar nag 'byes pa dang / ba'i rdzi ma lta bu ste/ de la de bzhin gshegs pa'i phyag dang zhabs kyi mthil la 'khor lo rtsibs stong dang ldan pa mu khyud can lte ba dang bcas pa/ rnam pa thams cad yongs su rdzogs pa 'di lta ste/ rus pa 'am ba so la gzugs brkos pa dang 'dra ba mnga' bas/ phyag dang zhabs 'khor lo'i mtshan dang ldan pa'o/ /zhabs kyi mthil gnyis mnyam par sa la 'jog cing zhabs zhum pa med pas zhabs shin tu gnas pa'o/ /ngang pa'i rgyal po ltar phyag dang zhabs kyi sor mo dra bar 'brel bas/ phyag dang zhabs dra bar 'brel pa'o/ /shing bal gyi sgo nga ltar shin du 'jam zhing gzhon pas phyag dang zhabs gzhon zhing 'jam pa'o/ /phyag dang</font><hr>33.125a<br><font size=+1>

zhabs dang mgur gyi lhun shin du mtho bas bdun shin du mtho ba'o/ /phyag dang zhabs kyi sor mo ring bas sor mo ring ba'o/ /rting pa ring bas rting pa yangs pa'o/ /sku lag pa mdun du 'phags la drang bas sku che zhing drang ba'o/ /pus mo'i lha nga dang long bu mdzes par nub pas zhabs legs par mtho ba'o/ /spu gyen du g.yas phyogs su 'khyil pas yan lag gi spu gyen du 'khyil pa'o/ /ri dgas e ne ya'i byin pa dang / smig ma dang / ldum bu ngar ba ltar drang zhing ma nyams la/ rim gyis gzhol bar grub cing / byin pa zlum pas ri dgas e ne ya'i byin pa lta bu'o/ /brla drang por bzhag ste ma btud kyang phyag gi mthil gnyis kyis pus mo'i lha nga la reg pas phyag brla drang por slebs pa'o/ /glang po dang rta cang shes ltar gsang ba'i gnas shin du mdzes par sbubs su nub pas/ gsang ba'i gnas sbubs su nub pa'o/ /shin du sbyangs pa'i gser gyi kha dog lta bu dang ldan pas gser gyi kha dog go/ /gser dang dngul shin du sbyangs pa ltar 'jam zhing snyoms pa'i mdog tu 'dug la sku la rdul gyis mi gos pas mdog shin du 'jam pa'o/ /shin du rnam par phye ba'i spu re rer skyes shing gnyis su med pas/ spu re re nas g.yas phyogs su 'khyil pa'o/ /me tog kun da dang / zla ba dang / 'o ma dang / ba mo'i mdog ltar 'dug la/ nyi ma dang zla ba brgya las kyang 'phags par 'od gsal ba'i mdzod spus smin mtshams shin du brgyan pas zhal mdzod spus brgyan pa'o/ /ro stod che bas seng ge'i ro stod do/ /mgur dang rgyud legs par 'brel cing / lhun zlum pas phrag pa'i lhun mdzes par grub pa'o/ /gser gyi gtan pa shin du phyis pa ltar phrag so legs par grub pas phrag so shin</font><hr>33.125b<br><font size=+1>

du rgyas pa'o/ /rlung dang mkhris pa dang / bad kan gyis ma nyams shing / rnam par shes pa 'dra ba med pas ro bro ba'i mchog go/ /sku chu zheng 'dom du mnyam pas shing nya gro da ltar chu zheng gab pa'o/ /spyi gtsug zlum zhing legs la g.yas phyogs su 'khyil pa dang ldan pas dbu mnyam zhing legs par grub la mdzes pa mnga' bas dbu spyi gtsug dang ldan pa'o/ /me tog ud pa la dmar po'i 'dab ma'i kha dog ltar 'dug cing shin du yangs pas ljags shin du yangs shing srab pa'o/ /tshangs pa dang bya ka la ping ka lta bu'i gsung mnga' bas tshangs pa'i dbyangs so/ /'gram pa me long gi dkyil 'khor ltar legs par grub cing mdzes par skyes te/ yid du 'ong bas seng ge'i 'gram pa lta bu'o/ /me tog kun da dang dung gi bcag 'phro ltar shin du dkar ba'i tshems mnga' bas tshems shin du dkar ba'o/ /tshems la mtho dman med pas tshems mnyam pa'o/ /tshems la mtshams ma dod pas tshems thags bzang ba'o/ /bla 'og gye gu med pas tshems mnyam zhing bzhi bcu tshang ba'o/ /dkar gnag gi cha ma 'dres la shin du rnam par dag cing mdog dmar pos ma yog pas spyan dkar nag 'byes pa'o/ /rdzi ma bla 'og shin du legs par gnas la ma 'dzing bas ba'i rdzi ma lta bu'o/ /de la bla ma la bsu bskyal dang chos nyan pa la sdod pa dang / gtsug lag khang dang / mchod rten la sogs pa la bsti stang byas pas phyag dang zhabs 'khor lo'i mtshan dang ldan pa ste/ de ni 'khor shin du mang ba'i snga ltas so/ /yi dam la brtan pas zhabs shin du gnas pa ste/ de ni mi g.yo zhing shin du brtan pa'i snga ltas so/ /sbyin pa dang ngag snyan pa dang / don spyod pa dang / don 'thun pa'i</font><hr>33.126a<br><font size=+1>

bsdu ba rnam bzhi goms par byas pas/ phyag dang zhabs dra bas 'brel ba ste/ de ni myur du 'du ba'i snga ltas so/ /bza' ba dang / bca' ba dang / btung ba zhim zhing nyams su bde ba byin pas/ phyag dang zhabs gzhon zhing 'jam pa dang / bdun shin du mtho ba ste/ de gnyis ni bza' ba dang / bca' ba dang / btung ba zhim zhing nyams su bde ba 'thob pa'i snga ltas so/ /bcings pa bkrol ba dang srog gi rim gro byas pa dang / srog gcod pa spangs pas sor mo ring ba dang / rting pa yangs pa dang / sku che zhing drang ba ste/ de ni sku tshe ring ba'i snga ltas so/ /dge ba'i chos yang dag par blangs pa dang / bzung ba mngon par spel cing 'grib par ma byas pas/ zhabs kyi gong mtho ba dang / yan lag gi spu gyen du 'khyil pa ste/ de ni mi nyams pa'i chos dang ldan pa'i snga ltas so/ /rig pa dang bzo'i gnas rim gror byas shing / gzhan byin pa dang / bdag gis blangs pas ri dgas e na ya'i byin pa lta bu ste/ de ni myur du 'dzin pa'i snga ltas so/ /bdog cing yod pa'i nor la bslangs na mi 'gong par gtong zhing / med ces ma byas pas phyag brla drang por slebs pa ste/ de ni yo byad la mnga' ba dang dul ba'i snga ltas so/ /'grogs pa dang mdza' bshes dang / gnyen pa ma phye ba dang / bye bar gyur pa'i sems can rnams tshangs pa'i spyod pa la yang dag par bskul ba dang / gsang ba'i tshig yongs su bsrungs pas/ gsang ba'i gnas sbubs su nub pa ste/ de ni bu mang ba'i snga ltas so/ /stan dang gos dang khang pa dang gzhal med khang dang / gnas bzang po byin pas gser gyi kha dog dang mdog shin du 'jam pa ste/ de gnyis ni gdan dang / na bza' dang / khang pa dang / gzhal med khang dang / gnas bzang po 'thob pa'i snga ltas so/ /'du 'dzi spangs pa dang / mkhan po dang / slob dpon dang / </font><hr>33.126b<br><font size=+1>

pha ma dang / phu nu la sogs pa bla ma rnams la tshul dang 'dra bar rim gro byas pa dang / btsun par byas pa dang / bcol ba rnal ma gzan pas spu re re nas g.yas phyogs su 'khyil pa dang / zhal mdzod spus brgyan pa ste/ de ni mnyam pa med pa'i snga ltas so/ /mi snyan par mi zer zhing mi smod la/ snyan par smra zhing legs par bshad pa 'thun par 'dzin pas/ seng ge'i ro stod lta bu dang / phrag pa'i lhun mdzes par grub pa ste/ de ni thub pa med pa'i snga ltas so/ /na ba rnams la rtsi dang rim gro dang sman pa dang / nyams su phan pa'i zas byin pa dang / rim gro byas pas phrag so shin du rgyas pa dang / ro bro ba'i mchog ste/ de ni nad 'ung ba'i snga ltas so/ /skyed mos tshal dang / 'khor dang / btung ba dang rdzing bu dang / rgal dka' ba'i zam pa dang / kha zas dang / phreng ba'i gnas dang /  stegs dang /  gtsug lag khang bya ba la sogs pa gzhan mos par bya ba sngon du gtong zhing / bdag gis gzhan la byin pas/ shing nya gro da ltar chu zheng gab pa dang / dbu spyi gtsug dang ldan pa ste/ de ni mnga' chen po mnga' ba'i snga ltas so/ /yun ring por tshig snyan cing 'jam pa dang / nyams su bde bar smras pas/ ljags shin du yangs shing srab pa dang / tshangs pa'i dbyangs te/ de gnyis ni yan lag lnga dang ldan pa'i gsung mnga' ba'i snga ltas so/ /gsung yan lag lnga dang ldan pa zhes bya ba ni yongs su shes shing / rnam par shes par 'gyur ba dang / mnyan na dga' zhing mi 'thun pa med pa dang / zab cing dbyangs rjes su 'byung ba dang / gtang mi bra zhing rnar snyan pa dang / ma 'khrugs shing gsal ba'o/ /yun ring po nas tshig kyal pa spangs shing / dus su smra smra bas seng ge'i 'gram pa lta bu ste/ de ni tshig kun kyis mnyan pa'i snga ltas so/ /rim gror bya ba dang / brnyas pa med pa gnyis kyis 'tsho ba yongs su dag pas/ tshems shin du dkar ba dang mnyam pa ste/ de ni</font><hr>33.127a<br><font size=+1>

'khor snga nas bsags pa'i snga ltas so/ /yun ring po nas bden zhing phra ma med pa'i tshig smra smra bas/ tshems thags bzang ba dang / tshems mnyam zhing bzhi bcu tshang ba ste/ de ni 'khor dbyer mi phyed pa'i snga ltas so/ /pang gis 'khyud pa bzhin du nyes par bsam pa med la ma chags mi sdang ba dang / rmongs pa med pa'i mig gis lta lta bas spyan dkar nag 'byes pa dang / ba'i rdzi ma lta bu ste/ de ni kun nas mdzes pa'i snga ltas so/ /rab 'byor de dag ni de bzhin gshegs pa'i mi chen po'i mtshan sum bcu rtsa gnyis so/ /de la de bzhin gshegs pa'i dpe byad bzang po brgyad bcu gang zhe na/ 'di lta ste/ sangs rgyas bcom ldan 'das rnams ni mngon par 'du bya ba thams cad las dben pa ste/ sen mo zangs kyi mdog ltar 'dug pa yin/ sangs rgyas bcom ldan 'das rnams ni gnyen bshes byams pa dang 'dra bar sems can la phan pa dang bde ba'i thugs mnga' ba ste/  sen mo'i mdog snum pa yin/ sangs rgyas bcom ldan 'das rnams ni rigs dang rgyud mthon por byung ba ste/ sen mo mtho ba yin/ sangs rgyas bcom ldan 'das rnams ni tshul kha na ma tho ba mi mnga' ba ste/ sor mo zlum pa yin/ sangs rgyas bcom ldan 'das rnams ni dge ba'i rtsa ba shin du tshogs pa ste/ sor mo rgyas pa yin sangs rgyas bcom ldan 'das rnams ni dge ba'i rtsa ba rim gyis grub pa ste/ sor mo rim gyis gzhol ba yin/ sangs rgyas bcom ldan 'das rnams ni thugs dang gsung dang / sku'i phrin las dang / 'tsho ba shin du dben pa ste/ rtsa mi mngon pa yin/ sangs rgyas bcom ldan 'das rnams ni/ nyon mongs pa'i mdud pa 'grol ba ste/ rtsa la mdud pa med pa yin/ sangs rgyas bcom ldan 'das rnams ni shin tu dben pa'i chos mnga' ba ste/ </font><hr>33.127b<br><font size=+1>

long bu mi mngon pa yin/ sangs rgyas bcom ldan 'das rnams ni mi mnyam pa thams cad las sgral ba ste/ zhabs mi mnyam pa med pa yin/ sangs rgyas bcom ldan 'das rnams ni mi'i seng ge ste/  seng ge'i 'gros su bzhud pa yin/  sangs rgyas bcom ldan 'das rnams ni mi'i glang po ste/ glang po'i 'gros su bzhud pa yin/ sangs rgyas bcom ldan 'das rnams ni ngang pa'i rgyal po ltar nam mkha' la bzhud pa ste/ ngang ba'i stabs su bzhud pa yin/ sangs rgyas bcom ldan 'das rnams ni mi'i khyu mchog ste/ khyu mchog gi stabs su bzhud pa yin/ sangs rgyas bcom ldan 'das rnams ni 'thun pa'i lam mnga' ba ste/ g.yas phyogs su bzhud pa yin/ sangs rgyas bcom ldan 'das rnams ni blta na mdzes pa ste/ mdzes par bzhud pa yin/ sangs rgyas bcom ldan 'das rnams ni rtag tu thugs yon po mi mnga' ba ste/  mi yo bar bzhud pa yin/  sangs rgyas bcom ldan 'das rnams ni tshul rnam par dag pa'i yon tan ston pa ste/ sku shin du legs pa yin/ sangs rgyas bcom ldan 'das rnams ni sdig pa'i chos rnams shin du sbyangs pa ste/  sku shin du sbyangs pa yin/  sangs rgyas bcom ldan 'das rnams ni chos rim gyis ston pa ste/ sku rim gyis gzhol ba yin/ sangs rgyas bcom ldan 'das rnams ni sku dang / gsung dang / thugs gtsang ma dang ldan pa ste/ sku shin du gtsang ba yin/ sangs rgyas bcom ldan 'das rnams ni rang bzhin gyis thugs 'jam pa dang ldan pa ste/ sku shin du 'jam pa yin/ sangs rgyas bcom ldan 'das rnams ni rang bzhin gyis rnam par dag pa'i thugs mnga' ba ste/ sku shin du rnam par dag pa yin/ sangs rgyas bcom ldan 'das rnams ni chos dang 'dul ba shin du rdzogs pa ste/ dpe byad shin du rdzogs pa yin/ sangs rgyas bcom</font><hr>33.128a<br><font size=+1>

ldan 'das rnams ni yon tan yangs shing bzang ba ston pa ste/ sku che zhing mdzes pa yin/ sangs rgyas bcom ldan 'das rnams ni sems can thams cad la mnyam pa'i thugs mnga' ba ste/ sku legs par mnyam pa yin/ sangs rgyas bcom ldan 'das rnams ni mchog tu 'jam pa'i chos ston pa ste/ sku shin du gzhon pa yin/ sangs rgyas bcom ldan 'das rnams ni rtag tu zhum pa med pa'i thugs mnga' ba ste/ sku zhum pa med pa yin/ sangs rgyas bcom ldan 'das rnams ni mi dge ba'i rtsa ba thams cad byang ba ste/ sku shin du rgyas pa yin/ sangs rgyas bcom ldan 'das rnams ni yang 'byung ba shin tu bcom zhing zad pa ste/ sku shin du mkhregs pa yin/ sangs rgyas bcom ldan 'das rnams ni rten cing 'brel par 'byung ba'i yan lag dang nying lag legs par ston pa ste/ yan lag dang nying lag spa bar mdzes pa yin/ sangs rgyas bcom ldan 'das rnams ni gzigs pa shin du dag pa ste/ snang ba rab rib med cing rnam par dag pa yin/ sangs rgyas bcom ldan 'das rnams ni tshul dang ldan pa'i slob ma mnga' ba ste/ phyal zlum pa yin/ sangs rgyas bcom ldan 'das rnams ni 'khor ba'i nyes pa thams cad shin du sbyangs pa ste/ phyal shin du 'phyang ba dang ldan pa yin/ sangs rgyas bcom ldan 'das rnams ni nga rgyal gyi de'u bcom pa ste/ phyal ma zhom pa yin/ sangs rgyas bcom ldan 'das rnams ni chos zad pa rnam par bzlog pa ste/ phyal phyam mer 'dug pa yin/  sangs rgyas bcom ldan 'das rnams ni chos zab mo shin du thugs su chud pa ste/ lte ba zab pa yin/ sangs rgyas bcom ldan 'das rnams ni 'thun par 'dzin pa'i slob ma mnga' ba ste/ lte ba g.yas phyogs su 'khyil pa yin/ sangs rgyas bcom ldan 'das rnams ni slob</font><hr>33.128b<br><font size=+1>

ma kun nas mdzes pa'i dge 'dun mnga' ba ste/ kun nas mdzes pa yin/ sangs rgyas bcom ldan 'das rnams ni thugs shin du gtsang ma dang ldan pa ste/ kun spyod pa shin du gtsang ba yin/ sangs rgyas bcom ldan 'das rnams ni chos nag po bstan pa dang bral ba'i chos dang 'dul ba mnga' ba ste/ sku la sme ba med pa yin/ sangs rgyas bcom ldan 'das rnams ni shing bal ltar rab tu yang ba rab tu 'thob pa'i chos ston pa ste/ phyag shing bal ltar shin du 'jam pa yin/ sangs rgyas bcom ldan 'das rnams ni rang gi skye bo dang skye bo phal la byams pas dge sbyong chen po brnyes pa ste/ phyag gi ri mo snum pa yin/ sangs rgyas bcom ldan 'das rnams ni shin du zab cing brtan par bzhugs pa ste/ phyag gi ri mo zab pa yin/ sangs rgyas bcom ldan 'das rnams ni bzod pa'i chos yangs pa ston pa ste/ phyag gi ri mo ring ba yin/ sangs rgyas bcom ldan 'das rnams ni bslab pa'i gnas ha cang yang mi ring bar 'cha' ba ste/ zhal ha cang yang mi ring ba yin/ sangs rgyas bcom ldan 'das rnams ni gzugs brnyan 'jig rten du bkye ba ste/ zhal gzugs kyi gzugs brnyan snang ba yin/ sangs rgyas bcom ldan 'das rnams ni 'jam pa sngon du btang zhing 'dul ba ste/ ljags shin du 'jam pa yin/ sangs rgyas bcom ldan 'das rnams ni yon tan phra ba'i tshogs dang ldan pa ste/ ljags shin du srab pa yin/ sangs rgyas bcom ldan 'das rnams ni byis pa'i skye bo 'dod chags pa rnams kyi chos dang 'dul ba gting dpag par dka' ba ste/  ljags shin du dmar ba yin/ sangs rgyas bcom ldan 'das rnams ni glang po'i sgra dang / 'brug gi sgra lta bus bsnyengs pa mi mnga' ba ste/ glang po'i nga ro dang / 'brug gi dbyangs dang ldan pa yin/ </font><hr>33.129a<br><font size=+1>

sangs rgyas bcom ldan 'das rnams ni snyan cing 'jam pa dang / nyams su bde bar smra ba'i slob ma mnga' ba ste/ snyan cing 'jam pa dang nyams su bde ba'i gsung dang ldan pa yin/ sangs rgyas bcom ldan 'das rnams ni srid pa kun du sbyor ba las 'das pa ste/ tshems mche ba shin du zlum pa yin/ sangs rgyas bcom ldan 'das rnams ni skye bo rno ba rnams 'dul ba ste/ tshems mche ba rno ba dang ldan pa yin/ sangs rgyas bcom ldan 'das rnams ni chos dang 'dul ba shin du dkar ba ste/  tshems mche ba shin du dkar ba yin/ sangs rgyas bcom ldan 'das rnams ni sa'i phyogs mnyam pa la bzhugs pa ste/ mche ba mnyam pa dang ldan pa yin/  sangs rgyas bcom ldan 'das rnams ni rim gyis mngon par rtogs pa'i chos ston pa ste/  tshems mche ba rim gyis gzhol ba yin/  sangs rgyas bcom ldan 'das rnams ni shes rab kyi ri bo mthon po la bzhugs pa ste/  shangs legs par mtho ba dang ldan pa yin/ sangs rgyas bcom ldan 'das rnams ni 'dul ba'i skye bo gtsang ma mnga' ba ste/ shangs shin du gtsang ba yin/ sangs rgyas bcom ldan 'das rnams ni sangs rgyas kyi chos phul du yangs pa mnga' ba ste/  spyan ring ba dang ldan pa yin/ sangs rgyas bcom ldan 'das rnams ni gzigs pa shin du rnam par dag pa ste/ spyan rnam par dag pa yin/  sangs rgyas bcom ldan 'das rnams ni sems can gyi tshogs shin du bsags pa ste/  rdzi ma stug pa yin/  sangs rgyas bcom ldan 'das rnams ni/ lha dang lha ma yin dang skyes bu dang / na chung mchog gi mig dkar nag 'byes shing pad mo'i 'dab ma ltar 'dug pa rnams kyis mngon par dga' bar bya ba ste/ spyan dkar nag 'byes shing pad mo'i 'dab ma ltar 'dug pa yin/ sangs rgyas bcom ldan 'das rnams ni rtag tu yangs pa gzigs pa ste/ smin ma ring ba dang ldan pa yin/ sangs rgyas bcom ldan 'das</font><hr>33.129b<br><font size=+1>

rnams ni 'jam par 'dul ba la mkhas pa ste/  smin ma 'jam pa dang ldan pa yin/ sangs rgyas bcom ldan 'das rnams ni skyon thams cad mkhyen pa ste/  smin ma'i spu mnyam pa dang ldan pa yin/  sangs rgyas bcom ldan 'das rnams ni dge ba'i rtsa ba'i snum gyis/ sems can snum par gyur pa'i skye bo 'dul ba ste/ smin ma snum pa dang ldan pa yin/ sangs rgyas bcom ldan 'das rnams ni chos mchog tu yangs shing don dang ldan pa mnga' ba ste/ snyan legs shing snyan shal ring ba yin/ sangs rgyas bcom ldan 'das rnams ni nyon mongs pa'i rgyud las rnam par rgyal ba ste/ snyan mnyam pa yin/ sangs rgyas bcom ldan 'das rnams ni sems can bsam pa ma nyams pa 'dul ba ste/ snyan gyi dbang po ma nyams pa dang ldan pa yin/ sangs rgyas bcom ldan 'das rnams ni lta ba'i rnam pa thams cad yongs su byang ba ste/ zhal dpral ba legs par grub pa dang ldan pa yin/ sangs rgyas bcom ldan 'das rnams ni phas kyi rgol ba shin du 'dul ba ste/ zhal dpral ba yangs pa dang ldan pa yin/ sangs rgyas bcom ldan 'das rnams ni smon lam dam pa shin du rdzogs pa ste/  dbu shin du rgyas pa yin/  sangs rgyas bcom ldan 'das rnams ni yul gyi bung ba rnam par bzlog pa ste/ dbu skra bung ba ltar gnag pa dang ldan pa yin/ sangs rgyas bcom ldan 'das rnams ni mthong ba dang bsgoms pas spang ba'i bag la nyal ba zad par byas pa ste/ dbu stug pa yin/ sangs rgyas bcom ldan 'das rnams ni thugs 'jam pas bstan pa'i snying po thugs su chud pa ste/ dbu 'jam pa yin/ sangs rgyas bcom ldan 'das rnams ni rtag tu ma 'khrugs pa'i thugs dang ldan pa ste/ dbu ma 'dzings pa yin/ sangs rgyas bcom ldan 'das rnams ni brlang ba'i</font><hr>33.130a<br><font size=+1>

gsung dang yongs su bral ba ste/ dbu mi rtsub pa yin/ sangs rgyas bcom ldan 'das rnams ni byang chub kyi yan lag spos kyi me tog gis skye bo 'thun par bsgrubs pa ste/ dbu dri zhim pa yin/ sangs rgyas bcom ldan 'das rnams ni phyag dang zhabs dpal gyi be'u dang / bkra shis dang dga' ba 'khyil pas brgyan pa yin/ rab 'byor de dag ni de bzhin gshegs pa dgra bcom pa yang dag par rdzogs pa'i sangs rgyas kyi dpe byad bzang po brgyad cu'o/ /rab 'byor de ltar de lta bu'i chos kyi rnam pa de dag gzhan la bshad pa dang bstan pa dang / yang dag par bstan pa de ni 'jig rten las 'das pa'i chos kyi sbyin pa zhes bya ste/ rab 'byor de ltar na byang chub sems dpa' sems dpa' chen po sems can rnams zang zing gi sbyin pa dang / chos kyi sbyin pas sdud pa yin te/ rab 'byor de ni byang chub sems dpa' sems dpa' chen po rnams kyi ngo mtshar dang / rmad du byung ba'i chos so/ rab 'byor ji ltar na byang chub sems dpa' sems dpa' chen po tshig snyan pas sems can rnams sdud pa yin zhe na/ rab 'byor 'di la byang chub sems dpa' sems dpa' chen po pha rol tu phyin pa drug gis sems can rnams sdud pa yin te/ 'di ltar sbyin pa'i pha rol tu phyin pa dang / tshul khrims kyi pha rol du phyin pa dang /  bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa dang / pha rol du phyin pa drug po de dag gis byang chub sems dpa' sems dpa' chen po snyan par smra bas sems can rnams sdud do/ /de ci'i phyir zhe na/ de ni 'di ltar pha rol tu phyin pa drug po de dag gis dge ba'i chos thams cad ma 'dus pa med de/ rab 'byor de ltar na byang chub sems dpa'</font><hr>33.130b<br><font size=+1>

sems dpa' chen po tshig snyan par smra bas sems can rnams sdud do/ /rab 'byor ji ltar na byang chub sems dpa' sems dpa' chen po don bya bas sems can rnams sdud pa yin zhe na/ rab 'byor 'di la byang chub sems dpa' sems dpa' chen po pha rol du phyin pa drug po de dag gis don bya bas sems can rnams sdud do/ /de ci'i phyir zhe na/ 'di ltar pha rol du phyin pa drug po de dag gis dge ba'i chos thams cad ma 'dus pa med de/ rab 'byor de ltar na byang chub sems dpa' sems dpa' chen po don bya bas sems can rnams sdud do/ /rab 'byor ji ltar na byang chub sems dpa' sems dpa' chen po don 'thun pas sems can rnams sdud pa yin zhe na/ rab 'byor 'di la byang chub sems dpa' sems dpa' chen po pha rol du phyin pa drug po de dag gi don 'thun pas sems can rnams sdud do/ /de ci'i phyir zhe na/ de ni 'di ltar pha rol du phyin pa drug po de dag gis dge ba'i chos thams cad ma 'dus pa med de/ rab 'byor de ltar na byang chub sems dpa' sems dpa' chen po'i don 'thun pas sems can rnams sdud do/ /rab 'byor de yang byang chub sems dpa' sems dpa' chen po rnams kyi ngo mtshar dang rmad du byung ba'i chos so/ /rab 'byor gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ byang chub sems dpa' sems dpa' chen po gzhan dag la 'di skad 'doms shing 'di skad ston to/ /rigs kyi bu khyod tshur sheg /yi ge mngon par bsgrub pa la mkhas par gyis shig /yi ge gcig la mkhas par gyis shig /yi ge gnyis nas yi ge bzhi bcu rtsa gnyis kyi bar la mkhas par gyis shig /yi ge gcig gis byang ba'i rang bzhin thams cad shes par gyis shig /</font><hr>33.131a<br><font size=+1>

yi ge gnyis kyis byang ba'i rang bzhin thams cad shes par gyis shig /yi ge bzhi bcu rtsa gnyis kyi bar gyis byang ba'i rang bzhin thams cad shes par gyis shig /yi ge gcig tu yi ge bzhi bcu rtsa gnyis 'dus par sgoms shig /yi ge bzhi bcu rtsa gnyis su yi ge gcig 'dus par sgoms shig /ces chos ston to/ /rab 'byor byang chub sems dpa' sems dpa' chen po de yang yi ge gcig la mkhas pa yin/ yi ge bzhi bcu rtsa gnyis kyi bar la mkhas pa yin/ yi ge gcig gi nang du yi ge bzhi bcu rtsa gnyis 'dus par bsgom pa la mkhas pa yin/ yi ge bzhi bcu rtsa gnyis su yi ge gcig 'dus par bsgom pa la mkhas pa yin te/ de de ltar yi ge mngon par bsgrub pa mkhas par bya ba la goms shing yi ge med pa mngon par bsgrub pa la mkhas pa yin no/ /rab 'byor 'di lta ste/ dper na/ de bzhin gshegs pa dgra bcom pa yang dag par rdzogs pa'i sangs rgyas chos la mkhas pa dang / yi ge la mkhas pa yin te/ chos la mkhas pa dang / yi ge la mkhas pas/ yi ge mang pos yi ge med pa'i chos ston kyang / rab 'byor chos de yi ge'i rnam pa dang bral ba yang ma yin te/ rab 'byor de yang byang chub sems dpa' sems dpa' chen po rnams kyi ngo mtshar dang rmad du byung ba'i chos te/ gang nyan thos dang / rang sangs rgyas thams cad dang thun mong ma yin pa'o/ /de nas tshe dang ldan pa rab 'byor gyis/ bcom ldan 'das la 'di skad ces gsol to/ /bcom ldan 'das gal te mtha' las 'das pa stong pa nyid dang / thog ma dang tha ma med pa stong pa nyid nye bar bzung ste/ sems can yang shin du mi dmigs/ chos kyang mi dmigs/ chos kyi dngos po yang mi dmigs pa lags na/ </font><hr>33.131b<br><font size=+1>

bcom ldan 'das ji ltar byang chub sems dpa' sems dpa' chen po shes rab kyi pha rol du phyin pa dang / bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa la spyod pa dang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi la spyod pa dang / byang chub kyi phyogs kyi chos sum bcu rtsa bdun la spyod pa dang / stong pa nyid bcu bzhi la spyod pa dang /  stong pa nyid dang /  mtshan ma med pa dang / smon pa med pa'i ting nge 'dzin la spyod pa dang / rnam par thar pa brgyad la spyod pa dang / mthar gyis gnas pa'i snyoms par 'jug pa dgu dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad dang / mi chen po'i mtshan sum bcu rtsa gnyis dang / dpe byad bzang po brgyad bcu la spyod cing / rnam par smin pa las byung ba'i mngon par shes pa drug la gnas nas/ sems can rnams la chos ston par 'gyur/ de la ni sems can mi dmigs te/ sems can du gdags pa yang mi dmigs so/ /sems can mi dmigs pas/ gzugs dmigs su ma mchis so/ /sems can mi dmigs pas tshor ba dang / 'du shes dang / 'du byed dang / rnam par shes pa dmigs su ma mchis so/ /sems can mi dmigs pas sangs rgyas kyi chos ma 'dres pa bcwa brgyad kyi bar du dmigs su ma mchis so/ /sems can mi dmigs pas rnam pa thams cad mkhyen pa nyid kyi bar du dmigs su ma mchis so/ /sems can mi dmigs pas/ </font><hr>33.132a<br><font size=+1>

mi chen po'i mtshan sum bcu rtsa gnyis dmigs su ma mchis so/ /dpe byad bzang po brgyad bcu dmigs su ma mchis so/ /sems can dmigs su ma mchis pa la ni sems can ma mchis so/ /gzugs ma mchis so/ /tshor ba dang 'du shes dang 'du byed dang rnam par shes pa ma mchis so/ /sangs rgyas kyi chos ma 'dres pa bcwa brgyad kyi bar du ma mchis so/ /rnam pa thams cad mkhyen pa nyid kyi bar du ma mchis so/ /mi chen po'i mtshan sum bcu rtsa gnyis ma mchis so/ /dpe byad bzang po brgyad bcu ma mchis so/ /de ci'i slad du zhe na/ bcom ldan 'das de ni 'di ltar byang chub sems dpa' sems dpa' chen po shes rab kyi pha rol du phyin pa la spyod pa'i tshe/ byang chub sems dpa' nyid kyang mi dmigs na/ byang chub kyi phyogs kyi chos rnams la dmigs par 'gyur ba lta ga la mchis/ bcom ldan 'das kyis bka' stsal pa/ rab 'byor de de bzhin no/ /de de bzhin te/ ji skad du smras pa bzhin no/ /rab 'byor de ltar sems can mi dmigs pas nang stong pa nyid du rig par bya'o/ /phyi stong pa nyid du rig par bya'o/ /phyi nang stong pa nyid du rig par bya'o/ /dngos po med pa'i ngo bo nyid stong pa nyid kyi bar du rig par bya'o/ /phung po stong pa nyid du rig par bya'o/ /khams stong pa nyid du rig par bya'o/ /skye mched stong pa nyid du rig par bya'o/ /rten cing 'brel par 'byung ba stong pa nyid du rig par bya'o/ /bden pa stong pa nyid du rig par bya'o/ /bdag stong pa nyid du rig par bya'o/ /sems can stong pa nyid du rig par bya'o/ /srog dang 'gro ba dang gso ba dang skyes bu dang / gang zag dang shed can dang shed bdag dang byed pa po dang byed du 'jug pa po dang / slong ba po dang kun nas slong ba po dang / tshor ba po dang tshor bar byed pa po dang / shes pa po dang / </font><hr>33.132b<br><font size=+1>

mthong ba po stong pa nyid du rig par bya'o/ /dran pa nye bar gzhag pa stong pa nyid du rig par bya'o/ /yang dag par spong ba dang /  rdzu 'phrul gyi rkang pa dang /  dbang po dang stobs dang /  byang chub kyi yan lag dang /  'phags pa'i lam yan lag brgyad pa stong pa nyid du rig par bya'o/ /'phags pa'i bden pa dang / bsam gtan dang /  tshad med pa dang /  gzugs med pa'i snyoms par 'jug pa dang / rnam par thar pa brgyad dang / mthar gyis gnas pa'i snyoms par 'jug pa dgu dang stong pa nyid dang /  mtshan ma med pa dang / smon pa med pa dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad stong pa nyid du rig par bya'o/ /rgyun du zhugs pa'i 'bras bu dang / lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub stong pa nyid du rig par bya'o/ /lam gyi rnam pa shes pa nyid dang / rnam pa thams cad mkhyen pa nyid stong pa nyid du rig par bya'o/ /sangs rgyas kyi zhing stong pa nyid du rig par bya'o/ /sangs rgyas stong pa nyid du rig par bya'o/ /byang chub sems dpa' stong pa nyid du rig par bya'o/ /rab 'byor de la byang chub sems dpa' sems dpa' chen po shes rab kyi pha rol du phyin pa la spyod pa'i tshe/ chos de dag thams cad stong par mthong nas/ phyin ci log tu gyur pa'i sems can rnams la chos ston te/ ji ltar stong pa nyid de dag la yang mi 'jug pa de ltar ston to/ /des de ltar mthong nas chos thams cad sgrib pa med par shes te/ chos gang yang 'khrug par mi byed/ gnyis su mi byed do/ /yang dag pa ji lta ba bzhin du yang ston par byed do/ /</font><hr>33.133a<br><font size=+1>

rab 'byor 'di lta ste dper na/ de bzhin gshegs pa'i sprul pa ni/ sprul pa bye ba phrag du ma sprul cing sems can la la sbyin pa'i pha rol du phyin pa la sbyor/ la la tshul khrims kyi pha rol du phyin pa dang / la la bzod pa'i pha rol tu phyin pa dang / la la brtson 'grus kyi pha rol du phyin pa dang / la la bsam gtan gyi pha rol du phyin pa dang / la la shes rab kyi pha rol du phyin pa la sbyor/ la la bsam gtan bzhi dang / la la tshad med pa bzhi dang / la la gzugs med pa'i snyoms par 'jug pa bzhi la sbyor/ la la byang chub kyi phyogs kyi chos sum bcu rtsa bdun la sbyor/ la la 'phags pa'i bden pa bzhi dang / la la rnam par thar pa brgyad dang / la la mthar gyis gnas pa'i snyoms par 'jug pa dgu dang / la la stong pa nyid dang / mtshan ma med pa dang / smon pa med pa dang / la la mngon par shes pa lnga la sbyor/ la la ting nge 'dzin thams cad dang / la la gzungs kyi sgo thams cad la sbyor/ la la de bzhin gshegs pa'i stobs bcu dang / la la mi 'jigs pa bzhi dang / la la so so yang dag par rig pa bzhi dang / la la byams pa chen po dang / la la snying rje chen po dang / la la sangs rgyas kyi chos ma 'dres pa bcwa brgyad la sbyor/ la la rgyun du zhugs pa'i 'bras bu la sbyor/ la la lan gcig phyir 'ong ba'i 'bras bu dang / la la phyir mi 'ong ba'i 'bras bu dang / la la dgra bcom pa nyid dang / la la rang byang chub la sbyor/  la la rnam pa thams cad mkhyen pa nyid kyi bar la sbyor na/ rab 'byor de la ji snyam du sems/ sprul pa des chos la la zhig tha dad du phye ba yod dam/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor de bzhin du byang chub sems dpa' sems dpa' chen po yang shes</font><hr>33.133b<br><font size=+1>

rab kyi pha rol tu phyin pa la spyod pa'i tshe/ sems can rnams la chos ston te/ de dag phyin ci log rnams las yongs su bkrol nas/ ma bcings ma grol ba'i tshul du yang dag pa ji lta ba bzhin du rab tu 'god do/ /de ci'i phyir zhe na/ rab 'byor de ni 'di ltar gzugs ma bcings ma grol ba/ tshor ba dang 'du shes dang 'du byed dang / rnam par shes pa ma bcings ma grol ba/ rnam pa thams cad mkhyen pa nyid kyi bar du ma bcings ma grol ba ste/ gzugs kyi ma bcings ma grol ba nyid gang yin pa de gzugs ma yin no/ /tshor ba dang 'du shes dang 'du byed dang / rnam par shes pa'i ma bcings ma grol ba nyid gang yin pa de rnam par shes pa ma yin no/ /rnam pa thams cad mkhyen pa nyid kyi bar gyi ma bcings ma grol ba nyid gang yin pa de rnam pa thams cad mkhyen pa nyid ma yin no/ /de ci'i phyir zhe na/ de ni 'di ltar gzugs ni shin du rnam par dag pa'o/ /tshor ba dang 'du shes dang 'du byed dang / rnam par shes pa ni shin du rnam par dag pa'o/ /rnam pa thams cad mkhyen pa nyid kyi bar ni shin du rnam par dag pa'o/ /rab 'byor de ltar na byang chub sems dpa' sems dpa' chen po shes rab kyi pha rol du phyin pa la spyod pa'i tshe/ sems can rnams la chos ston kyang sems can du mi dmigs so/ /byang chub sems dpa' sems dpa' chen po ni chos thams cad mi dmigs pa la/ de mi dmigs pa'i tshul gyis gnas te/ gzugs stong pa nyid mi gnas pa'i tshul dang /  tshor ba dang 'du shes dang 'du byed dang / rnam par shes pa stong pa nyid mi gnas pa'i tshul dang rnam pa thams cad mkhyen pa nyid kyi bar du stong pa nyid mi dmigs pa'i tshul gyis gnas te/ 'dus byas dang / 'dus ma byas kyi chos rnams la ni gang yang gnas pa med do/ /de ci'i phyir zhe na/ de ni 'di</font><hr>33.134a<br><font size=+1>

ltar gang la gnas par bya ba de lta bu'i ngo bo nyid mi dmigs te/ dngos po med pa la dngos po med pa mi gnas so/ /rang bzhin la rang bzhin mi gnas so/ /gzhan gyi dngos po la gzhan gyi dngos po mi gnas so/ /de ci'i phyir zhe na/ de ni 'di ltar de dag thams cad dmigs su med de/ gang dmigs su med pa de ni gang la yang mi gnas so/ /rab 'byor de ltar na byang chub sems dpa' sems dpa' chen po shes rab kyi pha rol du phyin pa la spyod pa'i tshe/ chos de dag thams cad stong pa nyid thams cad kyis rab tu 'byed de/ rab 'byor shes rab kyi pha rol du phyin pa la de ltar spyod pa'i byang chub sems dpa' sems dpa' chen pos/ sangs rgyas bcom ldan 'das rnams dang /  byang chub sems dpa' sems dpa' chen po rnams dang / rang sangs rgyas rnams dang / nyan thos rnams dang / 'phags pa thams cad kyi skyon du mi bya'o/ /de ci'i phyir zhe na/ de ni 'di ltar sangs rgyas bcom ldan 'das de dag dang / byang chub sems dpa' sems dpa' chen po de dag dang / rang sangs rgyas de dag dang / nyan thos de dag gis kyang chos nyid de'i rjes su rtogs te/ chos nyid de'i rjes su rtogs nas kyang sems can rnams la chos ston te/ de yang chos rnams kyi chos nyid las mi 'da'o/ /de ci'i phyir zhe na/ rab 'byor chos kyi dbyings ni 'da' ba med do/ /de bzhin nyid dang yang dag pa'i mtha' ni 'da' ba med do/ /de ci'i phyir zhe na/ de dag la gang 'da' bar 'gyur ba'i rang bzhin med do/ /de nas tshe dang ldan pa rab 'byor gyis/ bcom ldan 'das la 'di skad ces gsol to/ /bcom ldan 'das gal te de ltar chos kyi dbyings la yang 'da' ba ma mchis/ de bzhin nyid dang yang dag pa'i mtha' la yang 'da' ba ma mchis na/ ci lags/ 'o na gzugs kyang gzhan la chos kyi dbyings kyang gzhan/ </font><hr>33.134b<br><font size=+1>

de bzhin nyid kyang gzhan/ yang dag pa'i mtha' yang gzhan zhig lags sam/ tshor ba dang 'du shes dang 'du byed dang / rnam par shes pa yang gzhan la/ chos kyi dbyings kyang gzhan/ de bzhin nyid kyang gzhan/ yang dag pa'i mtha' yang gzhan zhig lags sam/ rnam pa thams cad mkhyen pa nyid kyi bar yang gzhan la/ chos kyi dbyings kyang gzhan/ de bzhin nyid kyang gzhan/ yang dag pa'i mtha' yang gzhan zhig lags sam/  bcom ldan 'das kyis bka' stsal pa/ rab 'byor de ni ma yin no/ /gzugs kyang gzhan la/ chos kyi dbyings kyang gzhan/ de bzhin nyid kyang gzhan/ yang dag pa'i mtha' yang gzhan ma yin no/ /tshor ba dang 'du shes dang 'du byed dang / rnam par shes pa yang gzhan la/ chos kyi dbyings kyang gzhan/ de bzhin nyid kyang gzhan/ yang dag pa'i mtha' yang gzhan pa ma yin no/ /rnam pa thams cad mkhyen pa nyid kyi bar yang gzhan la/ chos kyi dbyings kyang gzhan/ de bzhin nyid kyang gzhan/ yang dag pa'i mtha' yang gzhan pa ma yin no/ /gsol pa/ bcom ldan 'das gal te de ltar gzugs kyang gzhan la/ chos kyi dbyings kyang gzhan/ de bzhin nyid kyang gzhan/ yang dag pa'i mtha' yang gzhan ma lags/ tshor ba dang 'du shes dang 'du byed dang / rnam par shes pa yang gzhan la/ chos kyi dbyings kyang gzhan/ de bzhin nyid kyang gzhan/ yang dag pa'i mtha' yang gzhan ma lags/ rnam pa thams cad mkhyen pa nyid kyi bar yang gzhan la/ chos kyi dbyings kyang gzhan/ de bzhin nyid kyang gzhan/ yang dag pa'i mtha' yang gzhan ma lags na/ 'o na ji ltar chos rnams kyi 'bras bu rnam par dgod cing / nag po'i chos rnams kyi rnam par smin pa nag po ni sems can dmyal ba dang / byol song gi skye gnas</font><hr>33.135a<br><font size=+1>

dang / gshin rje'i 'jig rten/ dkar po'i chos rnams kyi rnam par smin pa dkar po ni lha dang mi/ dkar nag gi chos rnams kyi rnam par smin pa dkar nag ni bde ba dang sdug bsngal nyams su myong ba/ mi gnag cing dkar ba'i chos rnams kyi rnam par smin pa mi gnag cing dkar ba ni/ rgyun du zhugs pa'i 'bras bu dang / lan gcig phyir 'ong ba'i 'bras bu dang /  phyir mi 'ong ba'i 'bras bu dang / dgra bcom pa nyid dang / rang byang chub dang / bla na med pa yang dag par rdzogs pa'i byang chub bo zhes bgyi bar rnam par dgod par 'gyur/ bcom ldan 'das kyis bka' stsal pa/ rab 'byor kun rdzob kyi bden pa tshad mar byas te/ 'bras bu rnam par dgod par bstan gyi don dam pa'i bden pas ni 'bras bu rnam par dgod pa bstan par mi nus so/ /de ci'i phyir zhe na/ chos de ni rnam par rtag tu med pa/ brjod du med pa tha snyad med pa ste/ 'di ltar ming bden pa dang / gzugs bden pa dang / skye ba med pa dang / 'gag pa med pa dang / kun nas nyon mongs pa med pa dang / rnam par byang ba med pa ste/ 'di ni mtha' las 'das pa stong pa nyid dang / thog ma dang tha ma med pa stong pa nyid do/ /gsol pa/ bcom ldan 'das gal te de ltar kun rdzob kyi bden pa nye bar bzung ste/ 'bras bu rnam par dgod pa lags kyi/ don dam pa'i bden pa ma lags na/ byis pa so so'i skye bo de thams cad kyang / rgyun du zhugs pa'i 'bras bu dang / lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub dang / bla na med pa yang dag par rdzogs pa'i byang chub tu 'gyur ro/ /bcom ldan 'das kyis bka' stsal pa/ rab 'byor ci byis pa so so'i skye bo rnams kun rdzob kyi bden pa 'am/ don dam pa'i bden pa shes sam/ gal te shes</font><hr>33.135b<br><font size=+1>

na ni de dag kyang / rgyun du zhugs pa'i 'bras bu 'am/ lan gcig phyir 'ong ba'i 'bras bu 'am/ phyir mi 'ong ba'i 'bras bu 'am/ dgra bcom pa nyid dam/ rang byang chub bam/ bla na med pa yang dag par rdzogs pa'i byang chub tu rnam par dgod par 'gyur na/ rab 'byor byis pa so so'i skye bo rnams la/ lam yang med/ lam rnam par dgod pa yang med/ lam bsgom pa yang med par byis pa so so'i skye bo rnams la 'bras bu rnam par dgod pa lta ga las 'ong rab 'byor 'phags pa'i gang zag rnams la ni lam yang yod/ lam bsgom pa yang yod pas na/ de'i phyir 'phags pa'i gang zag de dag la 'bras bu rnam par dgod pa yod do/ /gsol pa/ bcom ldan 'das ci lags/ lam bsgoms pas 'bras bu 'thob pa 'am/ 'bras bu thob par bgyi ba mchis sam/ bcom ldan 'das kyis bka' stsal pa/ rab 'byor de ni ma yin te/ lam bsgoms pas 'bras bu 'thob pa 'am/ 'bras bu thob par bya ba med do/ /rab 'byor lam ma bsgoms par yang 'bras bu 'thob pa med de/ lam gyis 'bras bu thob par bya ba yang med do/ /lam la ma gnas par yang 'bras bu 'thob par mi 'gyur te rab 'byor de ltar na byang chub sems dpa' sems dpa' chen po shes rab kyi pha rol du phyin pa la spyod pa'i tshe/ thabs mkhas pas sems can rnams kyi 'bras bu rnam par 'god pa byed de/ 'dus byas kyi khams sam/ 'dus ma byas kyi khams ris su bcad cing 'bras bu rnam par dgod par mi byed do/ /gsol pa/ bcom ldan 'das gal te de ltar 'dus byas kyi khams sam/ 'dus ma byas kyi khams ris su bcad cing 'bras bu rnam par dgod pa ma mchis na/ bcom ldan 'das kyis 'di ni kun du sbyor ba gsum spangs pas/ rgyun du zhugs pa'i</font><hr>33.136a<br><font size=+1>

'bras bu'o/ /'dod pa'i 'dod chags dang / gnod sems bsrabs pas/ lan gcig phyir 'ong ba'i 'bras bu'o/ /'og ma'i cha can gyis kun du sbyor ba lnga spangs pas phyir mi 'ong ba'i 'bras bu'o/ /bla ma'i cha can gyis kun du sbyor ba lnga spangs pas dgra bcom pa nyid do/ /gang ci yang rung ste/ kun 'byung ba'i chos de dag thams cad 'gog pa'i chos can du shes pas rang byang chub bo/ /bag chags kyi mtshams sbyor ba'i nyon mongs pa thams cad spangs pas/ yang dag par rdzogs pa'i byang chub bo zhes gsungs na/ bcom ldan 'das ris su bcad cing 'dus byas sam/ 'dus ma byas kyi chos rnams kyi 'bras bu rnam par gzhag pa ma mchis na/ gsungs pa'i don de bdag gis ji ltar 'tshal bar bgyi/ bcom ldan 'das kyis bka' stsal pa/ rab 'byor rgyun du zhugs pa'i 'bras bu 'am/ lan gcig phyir 'ong ba'i 'bras bu 'am/ phyir mi 'ong ba'i 'bras bu 'am/ dgra bcom pa nyid dam/ rang byang chub bam/ bla na med pa yang dag par rdzogs pa'i byang chub 'dus byas sam/ 'on te 'dus ma byas pa yin/ gsol pa/ bcom ldan 'das de ni 'dus ma bgyis pa'o/ /bde bar gshegs pa de ni 'dus ma bgyis pa'o/ /bcom ldan 'das kyis bka' stsal pa/ rab 'byor 'o na 'dus ma byas kyi chos la ris su bcad pa yod dam/ gsol pa bcom ldan 'das de ni ma lags so/ /bcom ldan 'das kyis bka' stsal pa/ rab 'byor de ji snyam du sems/ gang gi tshe rigs kyi bu 'am rigs kyi bu mo la las/ 'dus byas dang 'dus ma byas kyi chos rnams 'di lta ste/ mtshan nyid med par mtshan nyid gcig tu chud par gyur na/ de'i tshe 'dus byas shes 'am/ 'dus ma byas shes chos gang la yang ris su gcod pa yod dam/ gsol pa/ bcom ldan</font><hr>33.136b<br><font size=+1>

'das de ni ma lags so/ /bcom ldan 'das kyis bka' stsal pa/ rab 'byor de bzhin du byang chub sems dpa' sems dpa' chen po yang shes rab kyi pha rol du phyin pa la spyod pa'i tshe/  'di lta ste/  nang stong pa nyid dang / dngos po med pa'i ngo bo nyid stong pa nyid kyi bar du nye bar bzung ste/ sems can rnams la ris su bcad pas chos mi ston to/ /de bdag kyang sbyin pa'i pha rol du phyin pa 'am/ tshul khrims kyi pha rol du phyin pa 'am/ bzod pa'i pha rol du phyin pa 'am/ brtson 'grus kyi pha rol du phyin pa 'am/ bsam gtan gyi pha rol du phyin pa 'am/ shes rab kyi pha rol du phyin pa 'am/ bsam gtan dang po 'am/  bsam gtan gnyis pa 'am/ bsam gtan gsum pa 'am/ bsam gtan bzhi pa 'am/ byams pa 'am snying rje 'am dga' ba 'am btang snyoms sam/  nam mkha' mtha' yas skye mched kyi snyoms par 'jug pa 'am/ rnam shes mtha' yas skye mched kyi snyoms par 'jug pa 'am/ cung zad med pa'i skye mched kyi snyoms par 'jug pa 'am/ 'du shes med 'du shes med min skye mched kyi snyoms par 'jug pa 'am/  dran pa nye bar gzhag pa rnams sam/ yang dag par spong ba rnams sam/ rdzu 'phrul gyi rkang pa rnams sam/ dbang po rnams sam/  stobs rnams sam/ byang chub kyi yan lag rnams sam/ lam 'am/ 'phags pa'i bden pa rnams sam/ bsam gtan rnams sam/ tshad med pa rnams sam/ gzugs med pa'i snyoms par 'jug pa rnams sam/ rnam par thar pa rnams sam/ mthar gyis gnas pa'i snyoms par 'jug pa rnams sam/ stong pa nyid dang / mtshan ma med pa dang / smon pa med pa 'am/  mngon par shes pa rnams sam/ ting nge 'dzin rnams sam/ gzungs kyi sgo rnams sam/ de bzhin gshegs pa'i stobs rnams sam/ mi 'jigs pa rnams sam/ so so yang dag par rig pa rnams sam/ </font><hr>33.137a<br><font size=+1>

byams pa chen po 'am/ snying rje chen po 'am/ sangs rgyas kyi chos ma 'dres pa rnams sam/ rnam pa thams cad mkhyen pa nyid kyi bar ram/ chos gang la yang mngon par zhen pa med do/ /de mngon par zhen pa med pas gang la yang chags pa med do/ /'di lta ste dper na/ de bzhin gshegs pa'i sprul pa sbyin pa yongs su gtong yang / sbyin pa'i 'bras bu la chags pa med/ sbyin pa'i 'bras bu nyams su myong ba med de/ gzhan du na sems can thams cad yongs su mya ngan las bzla ba'i don du sbyin pa yongs su gtong ngo / /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa dang / zag pa dang bcas pa dang / zag pa med pa'i chos rnams dang / 'jig rten dang 'jig rten las 'das pa dang / 'dus byas dang 'dus ma byas kyi chos rnams sgom yang 'dus byas dang 'dus ma byas kyi chos kyi 'bras bu la chags pa med/ 'dus byas dang 'dus ma byas kyi chos kyi 'bras bu nyams su myong ba med de/ gzhan du na sems can thams cad yongs su mya ngan las bzla ba'i don du 'dus byas dang / 'dus ma byas kyi chos rnams sgom mo/ /rab 'byor de bzhin du byang chub sems dpa' sems dpa' chen po yang pha rol du phyin pa drug dang / chos thams cad la spyod pa/ chos gang la yang gnas pa 'am/ chags pa med do/ /de ci'i phyir zhe na/ 'di ltar des chos rnams kyi chos kyi mtshan nyid shin du khong du chud do/ /shes rab kyi pha rol du phyin pa stong phrag nyi shu lnga pa las/ mtshan dang dpe byad bzang po mngon par sgrub pa dang pha rol du phyin pa bstan pa'i le'u ste/ drug bcu gnyis pa'o// // de nas tshe dang ldan pa rab 'byor gyis/ bcom ldan 'das la</font><hr>33.137b<br><font size=+1>

'di skad ces gsol to/ /bcom ldan 'das ji ltar na byang chub sems dpa' sems dpa' chen pos chos rnams kyi chos kyi mtshan nyid rab du rtogs pa lags/ bcom ldan 'das kyis bka' stsal pa/ rab 'byor sprul pa ni 'dod chags dang / zhe sdang dang / gti mug la yongs su spyod pa med do/ /bag la nyal ba dang kun nas ldang ba la yongs su spyod pa med do/ /phyi nang gi chos rnams la yongs su spyod pa med do/ /zag pa dang bcas pa dang zag pa med pa'i chos rnams la yongs su spyod pa med do/ /'dus byas dang 'dus ma byas kyi chos rnams la yongs su spyod pa med do/ /gzugs la yongs su spyod pa med do/ /tshor ba dang / 'du shes dang 'du byed dang / rnam par shes pa la yongs su spyod pa med do/ /skye mched dang khams dang / rten cing 'brel par 'byung ba la yongs su spyod pa med do/ /pha rol tu phyin pa rnams dang / stong pa nyid thams cad dang / byang chub kyi phyogs kyi chos sum bcu rtsa bdun la yongs su spyod pa med do/ /'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang mtshan ma med pa dang smon pa med pa dang mngon par shes pa rnams la yongs su spyod pa med do/ /ting nge 'dzin rnams dang /  gzungs kyi sgo rnams la yongs su spyod pa med do/ /de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad la yongs su spyod pa med do/ /rnam pa thams cad mkhyen pa nyid kyi bar la yongs</font><hr>33.138a<br><font size=+1>

su spyod pa med do/ /rab 'byor de bzhin du byang chub sems dpa' sems dpa' chen po yang chos thams cad la yongs su spyod pa med de/ rab 'byor de ltar na byang chub sems dpa' sems dpa' chen po chos rnams kyi mtshan nyid rab tu rtogs pa yin no/ /shes rab kyi pha rol du phyin pa stong phrag nyi shu lnga pa/ bam po drug bcu dgu pa/ gsol pa/ bcom ldan 'das sprul pas lam bsgom pa la brten kyang / kun nas nyon mongs par yang mi 'gyur rnam par byang bar yang mi 'gyur la/ 'gro ba lnga'i 'khor ba na yang mi gda' na lam bsgom du ci mchis/ bcom ldan 'das kyis bka' stsal pa/  rab 'byor de ji snyam du sems/  de bzhin gshegs pa'i sprul pa dngos po la la zhig la brten te/ kun nas nyon mongs par 'gyur ba 'am/ rnam par byang bar 'gyur ba 'am/ 'gro ba lnga'i 'khor ba na snang bar 'gyur ba de lta bu'i dngos po gang yang yod dam/ gsol pa/ bcom ldan 'das de ni ma lags te/ bcom ldan 'das de bzhin gshegs pa'i sprul pas dngos po la la zhig la rten te/ kun nas nyon mongs par 'gyur ba 'am/ rnam par byang bar 'gyur ba 'am/ 'gro ba lnga'i 'khor ba na gda' bar 'gyur ba'i dngos po de lta bu gang yang ma mchis so/ /bcom ldan 'das kyis bka' stsal pa/ rab 'byor de ltar na byang chub sems dpa' sems dpa' chen pos chos rnams kyi chos kyi tshul rab tu rtogs pa yin no/ /gsol pa/ bcom ldan 'das ci lags/  gzugs thams cad sprul pa lta bu lags sam/ tshor ba dang 'du shes dang 'du byed dang rnam par shes pa thams cad sprul pa lta bu lags sam/ bcom ldan 'das kyis bka' stsal pa/ rab 'byor gzugs thams cad ni sprul pa lta bu'o/ /tshor ba dang 'du shes dang 'du</font><hr>33.138b<br><font size=+1>

byed dang / rnam par shes pa thams cad ni sprul pa lta bu'o/ /gsol pa/  bcom ldan 'das de ltar gzugs thams cad sprul pa lta bu/ tshor ba dang 'du shes dang 'du byed dang / rnam par shes pa thams cad sprul pa lta bu lags na/ bcom ldan 'das sprul pa la ni gzugs ma mchis/ tshor ba dang 'du shes dang 'du byed dang rnam par shes pa ma mchis/  kun nas nyon mongs pa ma mchis/ rnam par byang ba ma mchis pa gang las 'grol bar 'gyur ba'i 'gro ba lnga'i 'khor ba ma mchis na/ ji ltar byang chub sems dpa' sems dpa' chen po'i mthur 'gyur/ bcom ldan 'das kyis bka' stsal pa/ rab 'byor de ji snyam du sems/ byang chub sems dpa' sems dpa' chen po byang chub sems dpa'i spyad pa spyod pa'i tshe/ sems can dmyal ba 'am/ byol song gi skye gnas sam/ gshin rje'i 'jig rten nam/ lha 'am/ mi dag las yongs su grol bar bya ba'i sems can gang yang dmigs sam/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor de de bzhin no/ /de de bzhin te/ byang chub sems dpa' sems dpa' chen pos khams gsum nas yongs su grol bar bya ba'i sems can gang yang mi dmigs so/ /de ci'i phyir zhe na/ 'di ltar des ni chos thams cad sgyu ma lta bur shes so/ /mthong ngo rtogs so/ /sprul pa lta bur shes so mthong ngo rtogs so/ /gsol pa/ bcom ldan 'das gal te de ltar byang chub sems dpa' sems dpa' chen pos chos thams cad sgyu ma lta bur 'tshal cing mthong ste/ rtogs la/ sprul pa lta bur 'tshal cing mthong ste/  rtogs pa lags na/  gang gi don du byang chub sems dpa' sems dpa' chen po pha rol tu phyin pa drug la spyod</font><hr>33.139a<br><font size=+1>

pa lags/ bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / mngon par shes pa lnga dang / byang chub kyi phyogs kyi chos sum bcu rtsa bdun dang / sangs rgyas kyi chos ma 'dres pa bcwa brgyad kyi bar la spyod pa lags/ de ci'i slad du byang chub sems dpa' sems dpa' chen po byang chub kyi lam gyi bar la spyod pa lags/ sangs rgyas kyi zhing yongs su dag par bgyid pa dang / sems can rnams yongs su smin par bgyid pa lags/ bcom ldan 'das kyis bka' stsal pa/ rab 'byor gal te sems can rnams rang rang gis/ chos thams cad sprul pa lta bur shes su zin na ni/ byang chub sems dpa' sems dpa' chen po yang sems can rnams kyi don du bskal pa grangs med par byang chub sems dpa'i spyad pa mi spyod de/ rab 'byor sems can rnams rang rang gis chos thams cad sprul pa lta bur mi shes pas/ de'i phyir byang chub sems dpa' sems dpa' chen po bskal pa grangs med par pha rol du phyin pa drug la spyod do/ /sems can rnams yongs su smin par byed do/ /sangs rgyas kyi zhing yang yongs su dag par byed do/ /rab 'byor gyis gsol pa/ bcom ldan 'das gal te chos thams cad rmi lam lta bu/ sgra brnyan lta bu/ smig rgyu lta bu/ mig yor lta bu/ sgyu ma lta bu/ sprul pa lta bu lags na/ bcom ldan 'das sems can rnams ci la gnas na/ byang chub sems dpa' sems dpa' chen po shes rab kyi pha rol du phyin pa la spyod cing / sems can rnams gyen du spyod par bgyid/ bcom ldan 'das kyis bka' stsal pa/ rab 'byor sems can rnams ni ming dang mtshan ma yang dag pa ma yin par yongs su brtags pa la gnas</font><hr>33.139b<br><font size=+1>

pas na/ byang chub sems dpa' sems dpa' chen po shes rab kyi pha rol du phyin pa la spyod cing / de dag ming dang mtshan ma las gyen du skyod do/ /gsol pa/ bcom ldan 'das ming ni gang lags/ mtshan ma ni gang lags/ bcom ldan 'das kyis bka' stsal pa/ rab 'byor 'di lta ste/ ming zhes bya ba 'am/ mtshan ma zhes bya ba ni glo bur gyi ming gis sgro btags so/ /'di lta ste ming zhes bya ba 'am/  mtshan ma zhes bya ba 'am/ gzugs zhes bya ba 'am/  tshor ba zhes bya ba 'am/  'du shes zhes bya ba 'am/ 'du byed ces bya ba 'am/ rnam par shes pa zhes bya ba 'am/ bud med ces bya ba 'am/ skyes pa zhes bya ba 'am/ khye'u zhes bya ba 'am/ bu mo zhes bya ba 'am/ sems can dmyal ba pa zhes bya ba 'am/ byol song gi skye gnas pa zhes bya ba 'am/ gshin rje'i 'jig rten pa zhes bya ba 'am/ lha zhes bya ba 'am/ mi zhes bya ba 'am/ 'dus byas kyi chos zhes bya ba 'am/ 'dus ma byas kyi chos zhes bya ba 'am/ rgyun du zhugs pa'i 'bras bu zhes bya ba 'am/ lan gcig phyir 'ong ba'i 'bras bu zhes bya ba 'am/ phyir mi 'ong ba'i 'bras bu zhes bya ba 'am/ dgra bcom pa nyid ces bya ba 'am/ rang byang chub ces bya ba 'am/ yang dag par rdzogs pa'i byang chub ces bya ba 'di ni sgyu ma'i ming gis sgro btags pa ste/ rab 'byor ming thams cad ni ming gi don gyis btags pa ste/ byis pa so so'i skye bo rnams gang la chags par gyur pa'i 'dus byas thams cad ni ming tsam ste/ de dag la byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ thabs mkhas pas/ ming thams cad ni yongs su rtog pa las byung ba yin gyis/ yongs su brtags</font><hr>33.140a<br><font size=+1>

pa dngos po med pa/ ngo bo nyid kyis stong pa la khyed chags par ma byed cig /chos thams cad stong pa la mkhas pa rnams ni mngon par zhen par mi byed do zhes bskul ba byed de/ rab 'byor de ltar na byang chub sems dpa' sems dpa' chen po shes rab kyi pha rol du phyin pa la spyod pa'i tshe/ thabs mkhas pas sems can rnams la chos ston pa yin no/ /rab 'byor mtshan ma gang zhe na/ gnyis po 'di dag ni byis pa so so'i skye bo rnams gang la chags par gyur pa'i mtshan ma ste/ gnyis gang zhe na/ 'di lta ste/ gzugs kyi mtshan ma dang / gzugs med pa'i mtshan ma'o/ /rab 'byor gzugs kyi mtshan ma gang zhe na/ 'das pa dang ma 'ongs pa dang / da ltar byung ba'i gzugs rags pa 'am/ phra ba 'am bzang ba 'am ngan pa 'am/ rgyang ring ba 'am/ thag nye ba gang chos thams cad skad cig ma la kun du rtog pas bzung ba ste/ 'di ni gzugs kyi mtshan ma zhes bya'o/ /rab 'byor gzugs med pa'i mtshan ma gang zhe na/ gzugs med pa'i chos gang la yang rung ste/ mtshan mar bzung bas yongs su brtags shing nyon mongs pa skye bar 'gyur ba ste/ 'di ni gzugs med pa'i mtshan ma zhes bya'o/ /de'i phyir byang chub sems dpa' sems dpa' chen po shes rab kyi pha rol du phyin pa la spyod pa'i tshe/ thabs mkhas pas mtshan ma de dag las bkrol zhing / mtshan ma med pa'i dbyings su 'god cing rab tu gzhog ste/ ci nas kyang 'di ni mtshan ma'o/ /'di ni mtshan ma med pa'o zhes bya ba gnyis su mi ltung ba de ltar 'god cing gzhog ste/ rab 'byor de ltar na byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ thabs mkhas pas </font><hr>33.140b<br><font size=+1>

sems can rnams mtshan ma las rnam par bkrol zhing / mtshan ma med pa'i dbyings su rab tu 'god do/ /gsol pa/ gal te chos 'di dag thams cad ni de tsam du bas te/ ming dang mtshan mar bas la/ btags pa tsam du bas te/ yongs su btags pa las byung ba lags na/ bcom ldan 'das ji ltar byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ bdag kyang dge ba'i chos kyi khyad par 'thob la/ gzhan yang dge ba'i chos kyi khyad par 'thob pa la gzhog cing / dge ba'i rtsa ba de dag gis sa nas sa yongs su rdzogs par bgyid pa lags/ sems can rnams theg pa gsum la sbyor ba lags/ bcom ldan 'das kyis bka' stsal pa/ rab 'byor gal te dngos po 'am/ dngos po'i mtshan ma zhig yod na ni/ rab 'byor byang chub sems dpa' sems dpa' chen po shes rab kyi pha rol du phyin pa la spyod pa'i tshe/ khyad par 'thob par yang mi 'gyur te/ gzhan yang khyad par 'thob pa la sbyor bar mi 'gyur gyi/ 'di ltar dngos po'i mtshan ma yang med/ dngos po yang med pas na/ rab 'byor de'i phyir byang chub sems dpa' sems dpa' chen po shes rab kyi pha rol du phyin pa la spyod pa'i tshe/ mtshan ma med pa'i tshul gyis/ bsam gtan gyi pha rol du phyin pa yongs su rdzogs par byed do/ /mtshan ma med pa'i tshul gyis brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa yongs su rdzogs par byed do/ /mtshan ma med pa'i tshul gyis bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi yongs su rdzogs par byed do/ /mtshan ma med pa'i tshul gyis/ dran pa nye bar gzhag pa bzhi dang / yang dag par spong ba</font><hr>33.141a<br><font size=+1>

dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa yongs su rdzogs par byed do/ /mtshan ma med pa'i tshul gyis nang stong pa nyid dang /  phyi stong pa nyid dang / phyi nang stong pa nyid yongs su rdzogs par byed do/ /mtshan ma med pa'i tshul gyis dngos po med pa'i ngo bo nyid stong pa nyid kyi bar du yongs su rdzogs par byed do/ /mtshan ma med pa'i tshul gyis rnam par thar pa brgyad dang / mthar gyis gnas pa'i snyoms par 'jug pa dgu dang /  'phags pa'i bden pa bzhi dang / rnam par thar pa'i sgo stong pa nyid dang / mtshan ma med pa dang / smon pa med pa yongs su rdzogs par byed do/ /mtshan ma med pa'i tshul gyis mngon par shes pa rnams dang / ting nge 'dzin rnams dang / gzungs kyi sgo rnams yongs su rdzogs par byed do/ /mtshan ma med pa'i tshul gyis de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad yongs su rdzogs par byed do/ /de dge ba'i chos de dag yongs su rdzogs par byas nas/ mtshan ma med pa'i tshul gyis gzhan yang dge ba'i chos de dag la sbyor te/ rab 'byor gal te chung ngu na skra'i rtse mo'i cha shas bzhag pa tsam gyis khyon cig mtshan ma yod na yang / byang chub sems dpa' sems dpa' chen po shes rab kyi pha rol du phyin pa la spyod pa'i tshe/ chos mtshan ma med pa/ dran pa med pa/ yid la byed pa med pa de mngon par rdzogs par 'tshang rgya bar mi 'gyur te/ sems can rnams kyang de bzhin nyid dang / zag pa med pa'i chos rnams la gzhog par mi 'gyur ro/ rab 'byor zag pa med pa'i</font><hr>33.141b<br><font size=+1>

chos thams cad ni mtshan ma med pa/ dran pa med pa yid la bya ba med pa ste/ rab 'byor de ltar na/ byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ zag pa med pa'i chos rnams kyis sems can thams cad kyi don byed do/ /gsol pa/ bcom ldan 'das gal te de ltar chos thams cad mtshan ma ma mchis shing / dran pa ma mchis te/  yid la bgyi ba ma mchis na/  bcom ldan 'das 'di ltar 'di dag ni dge ba'i chos so/ /'di dag ni mi dge ba'i chos so/ /'di dag ni 'jig rten pa'i chos so/ /'di dag ni 'jig rten las 'das pa'i chos so/ /'di dag ni zag pa dang bcas pa'i chos so/ /'di dag ni zag pa med pa'i chos so/ /'di dag ni 'dus byas kyi chos so/ /'di dag ni 'dus ma byas kyi chos so/ /'di dag ni thun mong gi chos so/ /'di dag ni thun mong ma yin pa'i chos so/ /'di dag ni nyan thos kyi chos so/ /'di dag ni rang sangs rgyas kyi chos so/ /'di dag ni byang chub sems dpa'i chos so/ /'di dag ni sangs rgyas kyi chos so zhes ji ltar bgrang bar bgyi/ bcom ldan 'das kyis bka' stsal pa/ rab 'byor de ji snyam du sems/ mtshan ma med pa yang gzhan la nyan thos kyi chos rnams kyang gzhan nam/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/  rab 'byor de ji snyam du sems/ mtshan ma med pa yang gzhan la/ rang sangs rgyas kyi chos rnams kyang gzhan nam/ mtshan ma med pa yang gzhan la byang chub sems dpa'i chos rnams kyang gzhan nam/  mtshan ma med pa yang gzhan la/ sangs rgyas kyi chos rnams kyang gzhan nam/ gsol pa/ bcom ldan 'das de lta ma lags so/ /bcom ldan 'das kyis bka' stsal pa/ rab 'byor mtshan ma med pa nyid rgyun du zhugs</font><hr>33.142a<br><font size=+1>

pa'i 'bras bu'o/ /lan gcig phyir 'ong ba'i 'bras bu'o/ /phyir mi 'ong ba'i 'bras bu'o/ /dgra bcom pa nyid do/ /rang byang chub bo/ /byang chub sems dpa'i chos so/ /sangs rgyas kyi chos so/ /gsol pa/ bcom ldan 'das de de lags so/ /bde bar gshegs pa de de lags so/ /bcom ldan 'das kyis bka' stsal pa/ rab 'byor rnam grangs des na/ 'di ltar chos thams cad ni mtshan ma med par rig par bya ste/ rab 'byor chos thams cad mtshan ma med pa 'di la slab pa'i byang chub sems dpa' sems dpa' chen po ni dge ba'i chos mang pos rnam par 'phel te/ 'di lta ste/ pha rol du phyin pa drug dang / nang stong pa nyid dang / dngos po med pa'i ngo bo nyid stong pa nyid kyi bar dang / dran pa nye bar gzhag pa bzhi dang /  yang dag par spong ba bzhi dang /  rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa dang / 'phags pa'i bden pa bzhi dang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa lnga dang / ting nge 'dzin thams cad dang / gzungs kyi sgo thams cad dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad dang / de ma yin pa'i sangs rgyas kyi chos</font><hr>33.142b<br><font size=+1>

dpag tu med pa dag gis rnam par 'phel lo/ /de ci'i phyir zhe na/ byang chub sems dpa' sems dpa' chen pos ni stong pa nyid dang /  mtshan ma med pa dang / smon pa med pa la slab par bya ba ma gtogs par gzhan la bslab par bya ba med do/ /de ci'i phyir zhe na/ rnam par thar pa'i sgo 'di gsum du dge ba'i chos thams cad ma 'dus pa med de/ 'di ltar rang gi mtshan nyid stong pa nyid ni stong pa nyid rnam par thar pa'i sgo'o/ /mtshan ma dang bral ba ni mtshan ma med pa rnam par thar pa'i sgo'o/ /mngon par 'du bya ba med pa ni smon pa med pa rnam par thar pa'i sgo ste/ rnam par thar pa'i sgo gsum po 'di dag la slob pa'i byang chub sems dpa' sems dpa' chen po ni phung po lnga la slob pa yin/ skye mched bcu gnyis la slob pa yin/  khams bcwa brgyad la slob pa yin/ rten cing 'brel par 'byung ba'i yan lag bcu gnyis la slob pa yin/ pha rol du phyin pa drug la slob pa yin/ nang stong pa nyid la slob pa yin dngos po med pa'i ngo bo nyid stong pa nyid kyi bar la slob pa yin/ dran pa nye bar gzhag pa bzhi la slob pa yin/ yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang /  'phags pa'i lam yan lag brgyad pa la slob pa yin/ 'phags pa'i bden pa bzhi dang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin thams cad dang / gzungs kyi sgo thams cad la slob pa yin/ de bzhin gshegs pa'i</font><hr>33.143a<br><font size=+1>

stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad la slob pa yin/ rnam pa thams cad mkhyen pa nyid kyi bar la slob pa yin/ rab 'byor gyis gsol pa/ bcom ldan 'das rnam pa gang gis tshul du ji ltar byang chub sems dpa' sems dpa' chen po shes rab kyi pha rol du phyin pa la spyod pa'i tshe/ nye bar len pa'i phung po lnga la slob pa lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ gzugs rab tu shes te/ gzugs ji ltar skye ba dang / gzugs ji ltar 'gag pa dang / gzugs kyi de bzhin nyid ji lta bu yin pa rab tu shes so/ /de la ji ltar na gzugs shes pa yin zhe na/ 'di lta ste dper na/ lbu ba'i phung po snying po med pa ltar shin du gsong ldong dang /  shin du gse tshags dang /  shin du snying po med par rab tu shes te/ de ltar na gzugs shes pa yin no/ /ji ltar gzugs kyi skye ba dang / 'jig pa shes pa yin zhe na/ gzugs ni gang nas kyang 'ongs pa med cing gang du yang 'gro ba med pas/ gang nas kyang mi 'ong gang du yang mi 'gro ba ste/ gang gang nas kyang ma 'ongs pa de gang du yang ma song ba der shes pa ste/ de ltar na gzugs kyi skye ba dang 'jig pa shes pa yin no/ /ji ltar na gzugs kyi de bzhin nyid shes pa yin zhe na/ gzugs kyi de bzhin nyid ni mi skye/ mi 'gag 'ong ba med/ 'gro ba med/ kun nas nyon mongs pa ma yin/ rnam par byang ba ma yin/ 'bri ba ma yin/ 'phel ba ma yin te/ phyin ci log ma yin zhing de bzhin nyid du gnas pa ste/ de'i phyir de bzhin</font><hr>33.143b<br><font size=+1>

nyid ces bya'o/ /de ltar na gzugs kyi de bzhin nyid shes pa yin no/ /ji ltar na tshor ba shes pa yin zhe na/ 'di lta ste dper na/ chu'i chu bur gsog tu 'dug pa skye zhing 'gag pa ltar shes pa ste/ de ltar na tshor ba shes pa yin no/ /ji ltar na tshor ba'i skye ba dang / 'jig pa shes pa yin zhe na/ tshor ba ni gang nas kyang 'ong ba med cing gang du yang 'gro ba med pas/ gang nas kyang mi 'ong gang du yang mi 'gro ba ste/ gang gang nas kyang ma 'ongs pa de gang du yang ma song bar shes pa ste/ de ltar na tshor ba'i skye ba dang 'jig pa shes pa yin no/ /ji ltar na tshor ba'i de bzhin nyid shes pa yin zhe na/ tshor ba'i de bzhin nyid ni mi skye/ mi 'gag /'ong ba med/ 'gro ba med/ kun nas nyon mongs pa ma yin/ rnam par byang ba ma yin/ 'bri ba ma yin/ 'phel ba ma yin te/ phyin ci log ma yin zhing / de bzhin nyid du gnas pa ste/ de'i phyir de bzhin nyid ces bya'o/ /de ltar na tshor ba'i de bzhin nyid shes pa yin no/ /ji ltar na 'du shes shes pa yin zhe na/ 'di lta ste dper na/ smig rgyu la chu shin du mi dmigs pa ltar shes pa ste/ de ltar na 'du shes shes pa yin no/ /ji ltar na 'du shes kyi skye ba dang 'jig pa shes pa yin zhe na/ 'du shes ni gang nas kyang 'ong ba med cing gang du 'gro ba med pas/ gang nas kyang mi 'ong gang du yang mi 'gro ba ste/ gang gang nas kyang ma 'ongs pa de gang du yang ma song bar shes pa ste/ de ltar na 'du shes kyi skye ba dang 'jig pa shes pa yin no/ /ji ltar na 'du shes kyi de bzhin nyid shes pa yin zhe na/ 'du shes kyi de bzhin nyid ni mi skye mi 'gag /'ong ba med/ 'gro ba med/ kun nas nyon mongs pa ma yin/ rnam par byang</font><hr>33.144a<br><font size=+1>

ba ma yin/ 'bri ba ma yin/ 'phel ba ma yin te/ de phyin ci log ma yin zhing de bzhin nyid du gnas pa ste/ de'i phyir de bzhin nyid ces bya'o/ /de ltar na 'du shes kyi de bzhin nyid shes pa yin no/ /ji ltar na 'du byed shes pa yin zhe na/ 'di lta ste dper na/ chu shing gi shun pa so sor phye na/ snying po shin du mi dmigs pa de ltar shes pa ste/ de ltar na 'du byed shes pa yin no/ /ji ltar na 'du byed kyi skye ba dang 'jig pa shes pa yin zhe na/ 'du byed ni gang nas kyang 'ong ba med cing gang du yang 'gro ba med pas/ gang nas kyang mi 'ong gang du yang mi 'gro ba ste/ gang gang nas kyang ma 'ongs pa de gang du yang ma song bar shes pa ste/ de ltar na 'du byed kyi skye ba dang / 'jig pa shes pa yin no/ /ji ltar na 'du byed kyi de bzhin nyid shes pa yin zhe na/ 'du byed kyi de bzhin nyid ni mi skye/ mi 'gag /'ong ba med/  'gro ba med/  kun nas nyon mongs pa ma yin/ rnam par byang ba ma yin/ 'bri ba ma yin/ 'phel ba ma yin te/ phyin ci log ma yin zhing de bzhin du gnas pa ste/ de'i phyir de bzhin nyid ces bya'o/ /de ltar na 'du byed kyi de bzhin nyid shes pa yin no/ /ji ltar na rnam par shes pa shes pa yin zhe na/ 'di lta ste dper na/ sgyu ma byed pas sprul pa'i dpung gi tshogs yan lag bzhi pa ltar shes pa ste/ de ltar na rnam par shes pa shes pa yin no/ /ji ltar na rnam par shes pa'i skye ba dang 'jig pa shes pa yin zhe na/ rnam par shes pa ni gang nas kyang 'ong ba med cing gang du yang 'gro ba med pas/ gang nas kyang mi 'ong / gang du yang mi 'gro/ gang gang nas kyang ma 'ongs pa de gang du yang ma song bar shes pa ste/ de ni rnam par shes pa'i skye ba dang 'jig pa shes pa yin no/ /ji ltar na rnam</font><hr>33.144b<br><font size=+1>

par shes pa'i de bzhin nyid shes pa yin zhe na/ rnam par shes pa'i de bzhin nyid ni mi skye mi 'gag pa/ 'ong ba med/ 'gro ba med/  kun nas nyon mongs pa ma yin/  rnam par byang ba ma yin/ 'bri ba ma yin/ 'phel ba ma yin te/ phyin ci log ma yin zhing / de bzhin du gnas pa ste/ de'i phyir de bzhin nyid ces bya'o/ /de ltar na rnam par shes pa'i de bzhin nyid shes pa yin no/ /ji ltar na skye mched rnams shes pa yin zhe na/ nang gi chos rnams ni nang gi chos rnams kyis stong / phyi'i chos rnams kyang phyi'i chos rnams kyis stong par shes pa ste/ de ltar na skye mched rnams shes pa yin no/ /ji ltar na khams rnams shes pa yin zhe na/ mig gi khams kyang mig gi khams kyi rang bzhin gyis stong ngo / /gzugs kyi khams kyang gzugs kyi khams kyi rang bzhin gyis stong ngo / /mig gi rnam par shes pa'i khams kyang / mig gi rnam par shes pa'i khams kyi rang bzhin gyis stong ngo / /rna ba dang sna dang lce dang lus dang yid kyi khams kyang yid kyi khams kyi rang bzhin gyis stong ngo / /chos kyi khams kyang chos kyi khams kyi rang bzhin gyis stong ngo / /yid kyi rnam par shes pa'i khams kyang yid kyi rnam par shes pa'i khams kyi rang bzhin gyis stong ngo zhes bya bar shes te/ de ltar na khams rnams shes pa yin no/ /ji ltar na rten cing 'brel bar 'byung ba shes pa yin zhe na/ rten cing 'brel bar 'byung ba skye ba med par shes pa dang / de bzhin du rten cing 'brel bar 'byung ba 'gag pa med pa dang / chad pa med pa dang / rtag pa med pa dang / don gcig pa ma yin pa dang / don tha dad pa ma yin pa dang / 'ong ba med pa dang / 'gro ba med pa dang / spros pa dang bral zhing zhi bar shes pa de ltar na/ rten cing 'brel bar 'byung ba shes pa yin no/ /ji ltar na 'phags pa'i</font><hr>33.145a<br><font size=+1>

bden pa rnams shes pa yin zhe na/  sdug bsngal 'phags pa'i bden pa shes pa yin/  kun 'byung ba dang 'gog pa dang / 'gog par 'gro ba'i lam 'phags pa'i bden pa shes pa yin te/ ji ltar na sdug bsngal 'phags pa'i bden pa shes pa yin zhe na/ sdug bsngal shes pa yin/ bden pa shes pa yin/ 'phags pa'i bden pa shes pa yin/ gnyis las rnam par grol ba 'phags pa'i bden pa ste/ gnyis su med pa ni 'phags pa'i bden pa zhes bya bar shes pa yin no/ /de bzhin du kun 'byung ba dang / 'gog pa dang /  'gog par 'gro ba'i lam 'phags pa'i bden pa shes pa yin te/ de ltar na 'phags pa'i bden pa rnams shes pa yin no/ /ji ltar na sdug bsngal gyi de bzhin nyid shes pa yin zhe na/  sdug bsngal gyi de bzhin nyid ni ma nor ba zhes bya bar shes pa yin/ de bzhin du kun 'byung ba dang / 'gog pa dang lam gyi de bzhin nyid kyang rab tu shes pa yin/  de ltar na 'phags pa'i bden pa rnams kyi de bzhin nyid shes pa yin no/ /de nas tshe dang ldan pa rab 'byor kyis/ bcom ldan 'das la 'di skad ces gsol to/ /bcom ldan 'das gal te de ltar byang chub sems dpa' sems dpa' chen po/ shes rab kyi pha rol tu phyin pa la spyod pa'i tshe/ phan tshun tha dad pa'i chos de dag de ltar 'tshal na/ des chos kyi dbyings rnam par dkrugs par mi 'gyur ram/ bcom ldan 'das kyis bka' stsal pa/ rab 'byor gal te chos kyi dbyings su ma gtogs pa'i chos la la zhig yod na ni/ rnam par dkrugs par yang 'gyur te/ rab 'byor chos kyi dbyings su ma gtogs pa'i chos gzhan gang yang mi dmigs so/ /gal te dmigs na ni chos kyi dbyings kyang rnam par 'khrug par 'gyur ro/ /de ci'i phyir zhe na/ rab 'byor de bzhin gshegs pa 'am/ </font><hr>33.145b<br><font size=+1>

byang chub sems dpa' 'am/ rang sangs rgyas sam/ de bzhin gshegs pa'i nyan thos kyi chos kyi dbyings su ma gtogs pa'i chos gang yang ma dmigs so/ /de ltar ma dmigs pas chos kyis dbyings su ma gtogs pa'i chos gzhan no zhes bya bar brtags pa med do/ /rab 'byor de ltar byang chub sems dpa' sems dpa' chen po shes rab kyi pha rol tu phyin pa la spyod pas chos kyi dbyings la bslab par bya'o/ /rab 'byor gyis gsol pa/ bcom ldan 'das byang chub sems dpa' sems dpa' chen po chos kyi dbyings la slob pas gang la bslab par 'gyur/ bcom ldan 'das kyis bka' stsal pa/ rab 'byor chos kyi dbyings la spyod pa'i byang chub sems dpa' sems dpa' chen pos ni chos thams cad la bslab par 'gyur te/ de ci'i phyir zhe na/ rab 'byor 'di ltar chos thams cad ni chos kyi dbyings so/ /gsol pa bcom ldan 'das ci'i slad du chos thams cad chos kyi dbyings lags/ bcom ldan 'das kyis bka' stsal pa/ rab 'byor 'di ltar de bzhin gshegs pa rnams byung yang rung / ma byung yang rung te/ dbyer med pa'i tshul gyis chos rnams kyi chos kyi dbyings ni de bzhin du gnas pa ste/ rab 'byor chos kyi dbyings ni 'di lta ste/ dge ba dang mi dge ba'i chos dang / 'jig rten pa dang / 'jig rten las 'das pa dang / zag pa dang bcas pa dang zag pa med pa'i chos dang / kha na ma tho ba dang bcas pa dang / kha na ma tho ba med pa'i chos dang / 'dus byas dang 'dus ma byas kyi chos thams cad de/ rab 'byor de ltar na byang chub sems dpa' sems dpa' chen po shes rab kyi pha rol tu phyin pa la spyod pas/ chos kyi dbyings la slob pas chos thams cad la bslab par 'gyur ro/ /gsol pa bcom ldan</font><hr>33.146a<br><font size=+1>

'das gal te/ chos thams cad chos kyi dbyings lags na/ byang chub sems dpa' sems dpa' chen po shes rab kyi pha rol du phyin pa la spyod pas/ ji ltar gzugs la bslab par bgyi/ ji ltar tshor ba dang 'du shes dang 'du byed dang / rnam par shes pa la bslab par bgyi/ ji ltar skye mched dang khams dang / rten cing 'brel par 'byung ba la bslab par bgyi/ ji ltar sbyin pa'i pha rol du phyin pa la bslab par bgyi/ ji ltar tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la bslab par bgyi/ ji ltar nang stong pa nyid la bslab par bgyi/ ji ltar dngos po med pa'i ngo bo nyid stong pa nyid kyi bar la bslab par bgyi/ ji ltar dran pa nye bar gzhag pa bzhi la bslab par bgyi/ ji ltar yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa la bslab par bgyi/ ji ltar 'phags pa'i bden pa bzhi dang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / rnam par thar pa brgyad dang / mthar gyis gnas pa'i snyoms par 'jug pa dgu dang stong pa nyid dang / mtshan ma med pa dang / smon pa med pa dang / mngon par shes pa drug dang / ting nge 'dzin thams cad dang / gzungs kyi sgo thams cad la bslab par bgyi/ ji ltar de bzhin gshegs pa'i stobs bcu dang /  mi 'jigs pa bzhi dang /  so so yang dag par rig pa bzhi dang / byams pa chen po dang /  snying rje chen po dang /  dga' ba chen po dang / btang snyoms chen po dang / </font><hr>33.146b<br><font size=+1>

sangs rgyas kyi chos ma 'dres pa bcwa brgyad la bslab par bgyi/ ji ltar mi chen po'i mtshan sum bcu rtsa gnyis dang / dpe byad bzang po brgyad bcu yongs su grub par bgyi ba la bslab par bgyi/ ji ltar rgyal rigs che zhing mtho ba'i rigs su skye bar bgyi ba la bslab par bgyi/ ji ltar bram ze che zhing mtho ba'i rigs dang / khyim bdag che zhing mtho ba'i rigs su skye bar bgyi ba la bslab par bgyi/ ji ltar rgyal chen bzhi'i ris kyi lhar skye bar bgyi ba dang / sum bcu rtsa gsum dang / mtshe ma dang / dga' ldan dang / 'phrul dga' dang / gzhan 'phrul dbang byed dang / tshangs ris dang / tshangs lha nye phan dang / tshangs pa kun 'khor dang / tshangs chen dang / snang ba dang / chung snang dang tshad med snang ba dang kun snang dang ba dang dge ba dang chung dge dang tshad med dge ba dang dge rgyas dang / che ba dang / chung che dang / tshad med che ba dang / 'bras bu che ba'i lhar skye bar bgyi ba la bslab par bgyi/ ji ltar 'du shes med pa'i sems can du skye bar bgyi ba'i slad tu bslab par bgyi/ ji ltar gnas gtsang ma'i ris kyi lhar skye bar bgyi ba la bslab cing der yang mi skye bar bgyi/ ji ltar nam mkha' mtha' yas skye mched dang / rnam shes mtha' yas skye mched dang / cung zad med pa'i skye mched dang / 'du shes med 'du shes med min skye mched kyi lhar skye bar bgyi ba la bslab cing der yang mi skye bar bgyi/ ji ltar sems dang po bskyed pa la bslab par bgyi/  ji ltar sems bskyed pa gnyis pa dang / gsum pa dang bzhi pa dang lnga pa dang drug pa dang bdun pa dang brgyad pa dang dgu pa dang / sems bskyed pa bcu pa la bslab par bgyi/ ji ltar nyan thos kyi sa dang / rang sangs rgyas kyi sa la bslab par bgyi/ ji ltar byang chub sems dpa'i skyon ma mchis pa dang / sems can yongs su</font><hr>33.147a<br><font size=+1>

smin par bgyi ba dang /  sangs rgyas kyi zhing yongs su dag par bgyi ba la bslab par bgyi/ ji ltar byang chub kyi lam la bslabs shing / chos thams cad rnam pa thams cad du 'tshal bar bgyi ba'i byang chub kyi lam la bslab par bgyi/ bcom ldan 'das gal te byang chub sems dpa' sems dpa' chen po shes rab kyi pha rol tu phyin pa la spyod pas/ gzugs la bslab par bgyi/ tshor ba dang 'du shes dang 'du byed dang / rnam par shes pa la bslab par bgyi/ skye mched dang / khams dang / rten cing 'brel bar 'byung ba la bslab par bgyi/ sbyin pa'i pha rol tu phyin pa la bslab par bgyi/ tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol du phyin pa dang / shes rab kyi pha rol du phyin pa la bslab par bgyi/ nang stong pa nyid la bslab par bgyi/ dngos po med pa'i ngo bo nyid stong pa nyid kyi bar la bslab par bgyi/ byang chub kyi phyogs kyi chos sum bcu rtsa bdun la bslab par bgyi/  'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams dang ting nge 'dzin rnams dang / gzungs kyi sgo rnams la bslab par bgyi/ de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams dang / byams pa chen po dang / snying rje chen po dang sangs rgyas kyi chos ma 'dres pa rnams la bslab par bgyi/ rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu la bslab par bgyi/ dgra bcom pa nyid dang / rang byang chub la bslab par bgyi/ </font><hr>33.147b<br><font size=+1>

rnam pa thams cad mkhyen pa nyid kyi bar la bslab par bgyi/ bcom ldan 'das de'i slad du/ byang chub sems dpa' sems dpa' chen po phyin ci log la spyod pa 'am/ mi spro ba spros par bgyid par mi 'gyur ba lags grang /  bcom ldan 'das de ci'i slad du zhe na/  chos kyi dbyings la ni rnam par rtog pa de dag ma mchis te/ gzugs kyang chos kyi dbyings ma lags/  gzugs las gud na yang chos kyi dbyings ma mchis te/ gzugs nyid kyang chos kyi dbyings so/ /chos kyi dbyings nyid kyang gzugs so/ /tshor ba dang 'du shes dang 'du byed dang / rnam par shes par yang chos kyi dbyings ma lags/  rnam par shes pa las gud na yang chos kyi dbyings ma mchis te/ rnam par shes pa nyid kyang chos kyi dbyings so/ /chos kyi dbyings nyid kyang rnam par shes pa'o/ /skye mched dang / khams dang / rten cing 'brel bar 'byung ba yang chos kyi dbyings ma lags/ rten cing 'brel bar 'byung ba las gud na yang chos kyi dbyings ma mchis te/ rten cing 'brel bar 'byung ba nyid kyang chos kyi dbyings so/ /chos kyi dbyings nyid kyang rten cing 'brel par 'byung ba'o/ /pha rol du phyin pa rnams dang / stong pa nyid thams cad dang / byang chub kyi phyogs kyi chos sum bcu rtsa bdun yang chos kyi dbyings ma lags/ byang chub kyi phyogs kyi chos sum bcu rtsa bdun las gud na yang chos kyi dbyings ma mchis te/ byang chub kyi phyogs kyi chos nyid kyang chos kyi dbyings so/ /chos kyi dbyings nyid kyang byang chub kyi phyogs kyi chos rnams so/ /'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa rnams dang / mthar gyis gnas pa'i snyoms par 'jug pa rnams dang / stong pa nyid dang / mtshan ma med pa dang / smon pa</font><hr>33.148a<br><font size=+1>

med pa dang / mngon par shes pa rnams dang / ting nge 'dzin rnams dang / gzungs kyi sgo rnams kyang chos kyi dbyings ma lags/ gzungs kyi sgo rnams las gud na yang chos kyi dbyings ma lags te/ gzungs kyi sgo nyid kyang chos kyi dbyings so/ /chos kyi dbyings nyid kyang gzungs kyi sgo rnams so/ /de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams dang / byams pa chen po dang / snying rje chen po dang / sangs rgyas kyi chos ma 'dres pa rnams kyang chos kyi dbyings ma lags/ sangs rgyas kyi chos ma 'dres pa rnams las gud na yang chos kyi dbyings ma mchis te/ sangs rgyas kyi chos ma 'dres pa nyid kyang chos kyi dbyings so/ /chos kyi dbyings nyid kyang sangs rgyas kyi chos ma 'dres pa rnams so/ /rgyun tu zhugs pa'i 'bras bu dang / lan cig phyir 'ong ba'i 'bras bu dang /  phyir mi 'ong ba'i 'bras bu dang / dgra bcom pa nyid dang /  rang byang chub kyang chos kyi dbyings ma lags/ rang byang chub las gud na chos kyi dbyings ma mchis te/ rang byang chub nyid kyang chos kyi dbyings so/ /chos kyi dbyings nyid kyang rang byang chub bo/ /rnam pa thams cad mkhyen pa nyid kyi bar yang chos kyi dbyings ma lags/ rnam pa thams cad mkhyen pa nyid las gud na yang chos kyi dbyings ma mchis te/ rnam pa thams cad mkhyen pa nyid kyang chos kyi dbyings so/ /chos kyi dbyings nyid kyang rnam pa thams cad mkhyen pa nyid do/ /bcom ldan 'das kyis bka' stsal pa/ rab 'byor de de bzhin no/ /de de bzhin te/ ji skad du smras pa de de bzhin no/ /gzugs nyid kyang chos kyi dbyings so/ /chos kyi dbyings nyid kyang gzugs so/ /tshor ba dang / 'du shes dang / 'du byed dang / rnam par shes pa nyid kyang chos kyi dbyings so/ /chos kyi dbyings nyid</font><hr>33.148b<br><font size=+1>

kyang rnam par shes pa'o/ /skye mched dang khams dang / rten cing 'brel par 'byung ba nyid kyang chos kyi dbyings so/ /chos kyi dbyings nyid kyang rten cing 'brel par 'byung ba'o/ /pha rol du phyin pa rnams dang / stong pa nyid thams cad dang / byang chub kyi phyogs kyi chos sum bcu rtsa bdun nyid kyang chos kyi dbyings so/ /chos kyi dbyings nyid kyang byang chub kyi phyogs kyi chos rnams so/ /'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang /  mngon par shes pa dang /  ting nge 'dzin dang / gzungs kyi sgo nyid kyang chos kyi dbyings so/ /chos kyi dbyings nyid kyang gzungs kyi sgo rnams so/ /de bzhin gshegs pa'i stobs dang / mi 'jigs pa dang / so so yang dag par rig pa dang / byams pa chen po dang / snying rje chen po dang / sangs rgyas kyi chos ma 'dres pa nyid kyang chos kyi dbyings so/ /chos kyi dbyings nyid kyang sangs rgyas kyi chos ma 'dres pa rnams so/ /rgyun tu zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub nyid kyang chos kyi dbyings so/ /chos kyi dbyings nyid kyang rang byang chub bo/ /rnam pa thams cad mkhyen pa nyid kyi bar yang chos kyi dbyings so/ /chos kyi dbyings nyid kyang rnam pa thams cad mkhyen pa nyid do/ /rab 'byor gal te yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ chos kyi dbyings la ma gtogs pa'i chos 'ga' zhig mthong na ni/ </font><hr>33.149a<br><font size=+1>

bla na med pa yang dag par rdzogs pa'i byang chub la gnas par yang mi 'gyur te/ chos thams cad ni chos kyi dbyings yin pas/ de'i phyir byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ chos thams cad ni chos kyi dbyings su shes nas/ chos thams cad ming med pa la ming gi brdas chos ston te/ 'di ni gzugs zhes bya'o/ /'di ni tshor ba dang 'du shes dang 'du byed dang / /rnam par shes pa zhes bya'o/ /'di dag ni skye mched dang / khams dang / rten cing 'brel bar 'byung ba zhes bya'o/ /'di dag ni pha rol tu phyin pa rnams dang / stong pa nyid thams cad dang / byang chub kyi phyogs kyi chos sum bcu rtsa bdun zhes bya'o/ /'di dag ni 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo rnams zhes bya'o/ /'di dag ni de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams dang / byams pa chen po dang / snying rje chen po dang sangs rgyas kyi chos ma 'dres pa rnams zhes bya'o/ /'di dag ni bla na med pa yang dag par rdzogs pa'i byang chub kyi bar zhes bya'o zhes chos ston to/ /rab 'byor 'di lta ste dper na/  sgyu ma'i mkhan po 'am/  sgyu ma byed pa'i mchan bu mkhas pa zhig gis rdzas kyi rnam pa gyi na zhig la brten te/ gzugs kyi bye brag sna tshogs 'di lta ste/ glang po'i gzugs sam/ rta'i gzugs sam/ ba lang gi gzugs sam/ rnga mo dang / lug gi gzugs sam/ skyes pa dang / bud med</font><hr>33.149b<br><font size=+1>

dang / khye'u dang bu mo'i gzugs sam/ skyed mos tshal dang / gzhal med khang dang / dka' thub kyi nags tshal dang / kun dga'i ra ba mdangs dga' ba 'am/ rdzing bu mdangs dga' ba 'am/ nags tshal mdangs dga' ba dag sprul cing / de dag tu stan dang / 'khor gyi stan dang /  gzhi rnam pa sna tshogs bting ste/  me tog dang /  phreng ba dang / spos dang byug pa dang kha zas dang / spyan gzigs zhim po dag bstan tam/ glu dang sil snyan gyis skye bo dga' bar byas sam/ sbyin pa yongs su gtang ba 'am/ tshul khrims bsrung ba 'am/ bzod pa bsgrub pa 'am/ brtson 'grus brtsam pa 'am/ ting nge 'dzin gyis rnam par rtse ba 'am/ shes rab bsgom pa 'am/ rnam pa de lta bu dag gis skye bo dga' bar byas te/ rgyal rigs che zhing mtho ba'i rigs bstan tam/ bram ze che zhing mtho ba'i rigs dang / khyim bdag che zhing mtho ba'i rigs bstan tam/ ri rab bstan tam/ rgyal chen bzhi'i ris kyi lha rnams bstan tam/ sum bcu rtsa gsum gyi lha rnams dang / mtshe ma dang / dga' ldan dang / 'phrul dga' dang / gzhan 'phrul dbang byed dang /  tshangs ris dang /  tshangs lha nye phan dang / tshangs pa kun 'khor dang /  tshangs chen dang snang ba dang chung snang dang / tshad med snang ba dang kun snang dang ba dang /  dge ba dang chung dge dang / tshad med dge ba dang dge rgyas dang / che ba dang chung che dang / tshad med che ba dang 'bras bu che ba dang / mi che ba'i lha rnams bstan tam/ mi gdung ba'i lha rnams dang / shin du mthong ba'i lha rnams dang / gya nom snang ba'i lha rnams dang / 'og min gyi lha rnams bstan tam/ nam mkha' mtha' yas skye mched dang / rnam shes mtha' yas skye mched dang / cung zad med pa'i skye mched dang / 'du shes med 'du shes med min skye mched kyi lha gzugs med</font><hr>33.150a<br><font size=+1>

pa rnams bstan tam/ rgyun du zhugs pa dang / lan gcig phyir 'ong ba dang / phyir mi 'ong ba dang /  dgra bcom pa dang /  rang sangs rgyas mang po bstan tam/ byang chub sems dpa' sems dpa' chen po sems dang po bskyed pa nas nye bar bzung ste/ sbyin pa'i pha rol du phyin pa la spyod pa dang / tshul khrims kyi pha rol du phyin pa dang /  bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la spyod pa dang / stong pa nyid thams cad dang /  byang chub kyi phyogs kyi chos rnams dang /  bsam gtan dang / rnam par thar pa dang / ting nge 'dzin dang / snyoms par 'jug pa la spyod pa dang / sa dang po yongs su rdzogs par byed pa dang / sa bcu pa'i bar du yongs su rdzogs par byed pa dang / byang chub sems dpa'i skyon med pa dang / mngon par shes pa mngon par bsgrub pa dang / mngon par shes pa de dag gis rnam par rtse zhing 'jig rten gyi khams rnams snang bar byed pa dang / sems can rnams yongs su smin par byed pa dang / sangs rgyas kyi zhing yongs su dag par byed pa dang / yan lag dang nying lag yongs su gtong ba dang / spyad par dka' ba'i spyad pa spyod pa dang / de bzhin gshegs pa'i stobs rnams yongs su sgrub pa dang / mi 'jigs pa rnams dang / so so yang dag par rig pa rnams dang / sangs rgyas kyi chos ma 'dres pa rnams yongs su bsgrub pa dang / snying rje chen po mngon par bsgrub pa de dag bstan tam/ sangs rgyas kyi sku yan lag dang nying lag thams cad yongs su rdzogs pa bstan na/ de la sems can byis pa'i ngang tshul can dag 'di snyam du sems te/ kye</font><hr>33.150b<br><font size=+1>

ma mi 'dis legs par bslabs pa ngo mtshar che'i re mdzes dag byed/ de ltar skye bo dga' bar byed cing / gzugs kyi bye brag sna tshogs 'di lta ste/ glang po'i gzugs dang / rta'i gzugs dang / sangs rgyas kyi sku yan lag dang nying lag thams cad yongs su rdzogs pa'i bar du ston pa ni ngo mtshar che'o zhes ngo mtshar cher 'dzin to/ /'di lta ste skyes bu mkhas shing gsal la yid rno ba dang ldan pa/ dpyod pa dam pa dang ldan pa rnams ni 'di snyam ste/ 'di la chos gang yang dmigs su med na/ mi 'di de ltar med pa'i chos kyis skye bo mang po 'di dag dga' bar byed pa ni ngo mtshar rmad du byung ba'i chos so snyam ste/ sems can 'di dag ni dngos po med pa la dngos por 'du shes pa'o zhes bya bar de dag gi shes pa 'byung ngo / /rab 'byor de bzhin du byang chub sems dpa' sems dpa' chen po yang shes rab kyi pha rol du phyin pa la spyod pa'i tshe/ chos kyi dbyings su ma gtogs pa'i chos gang yang mi mthong ste/ thabs mkhas pas sems can rnams yongs su smin par byed kyang sems can du mi dmigs/ sems can du gdags pa yang mi dmigs te/ bdag kyang sbyin pa gtong ba yin/ gzhan yang sbyin pa la yang dag par skul ba yin/ sbyin pa'i legs pa rjod pa yin/  sems can gzhan gang sbyin pa gtong ba de dag gi legs pa rjod cing 'thun pas dga' bar spyod pa yin/ bdag kyang tshul khrims srung ba yin/ gzhan yang tshul khrims srung ba la yang dag par skul ba yin/ tshul khrims kyi legs pa rjod pa yin/ sems can gzhan gang tshul khrims srung ba de dag gi legs pa rjod cing 'thun pas dga' bar spyod pa yin/ bdag kyang bzod pa sgom pa yin gzhan yang bzod pa la </font><hr>33.151a<br><font size=+1>

yang dag par skul ba yin/ bzod pa'i legs pa rjod pa yin/ sems can gzhan gang bzod pa sgom pa de dag gi legs pa rjod cing 'thun pas dga' bar spyod pa yin/ bdag kyang brtson 'grus rtsom pa yin/  gzhan yang brtson 'grus la yang dag par skul ba yin/ brtson 'grus kyi legs pa rjod pa yin/  sems can gzhan gang brtson 'grus rtsom pa de dag gi legs pa rjod cing 'thun pas dga' bar spyod pa yin/ bdag kyang ting nge 'dzin la snyoms par 'jug pa yin/ gzhan yang ting nge 'dzin la yang dag par skul ba yin/ ting nge 'dzin gyi legs pa rjod pa yin/ sems can gzhan gang ting nge 'dzin la snyoms par 'jug pa de dag gi legs pa rjod cing 'thun pas dga' bar spyod pa yin/ bdag kyang shes rab sgom pa yin/ gzhan yang shes rab la yang dag par skul ba yin/ shes rab kyi legs pa rjod pa yin/  sems can gzhan gang shes rab sgom pa de dag gi legs pa rjod cing 'thun pas dga' bar spyod pa yin/ /shes rab kyi pha rol du phyin pa stong phrag nyi shu lnga pa/ bam po bdun bcu pa/ bdag kyang dge ba bcu'i las kyi lam yang dag par 'dzin pa yin/ gzhan yang dge ba bcu'i las kyi lam la yang dag par skul ba yin/ dge ba bcu'i las kyi lam gyi legs pa rjod pa yin/ sems can gzhan gang dge ba bcu'i las kyi lam yang dag par 'dzin pa de dag gi legs pa rjod cing 'thun pas dga' bar spyod pa yin/ bdag kyang yan lag brgyad dang ldan pa'i gso sbyin la nye bar gnas pa yin/ gzhan yang yan lag brgyad dang ldan pa'i gso sbyin la yang dag par skul ba yin yan lag brgyad dang ldan pa'i gso sbyin gyi legs pa</font><hr>33.151b<br><font size=+1>

rjod pa yin/ sems can gzhan gang yan lag brgyad dang ldan pa'i gso sbyin la nye bar gnas pa de dag gi legs pa rjod cing 'thun pas dga' bar spyod pa yin/ bdag kyang bslab pa'i gnas lnga yang dag par 'dzin pa yin/ gzhan yang bslab pa'i gnas lnga la yang dag par skul ba yin/ bslab pa'i gnas lnga'i legs pa rjod pa yin/ sems can gzhan gang bslab pa'i gnas lnga yang dag par 'dzin pa de dag gi legs pa rjod cing 'thun pas dga' bar spyod pa yin/ bdag kyang bsam gtan dang po la snyoms par 'jug pa yin sems can gzhan yang bsam gtan dang po la yang dag par skul ba yin/ bsam gtan dang po'i legs pa rjod pa yin/ sems can gzhan gang bsam gtan dang po la snyoms par 'jug pa de dag gi legs pa rjod cing 'thun pas dga' bar spyod pa yin/ bdag kyang bsam gtan gnyis pa dang / bsam gtan gsum pa dang / bsam gtan bzhi pa la snyoms par 'jug pa yin/ gzhan yang bsam gtan bzhi pa la yang dag par skul ba yin/ bsam gtan bzhi pa'i legs pa rjod pa yin/ sems can gzhan gang bsam gtan bzhi pa la snyoms par 'jug pa de dag gi legs pa rjod cing 'thun pas dga' bar spyod pa yin/ bdag kyang byams pa dang / snying rje dang / dga' ba dang / btang snyoms la snyoms par 'jug pa yin/ gzhan yang btang snyoms la yang dag par skul ba yin/ btang snyoms kyi legs pa rjod pa yin/ sems can gzhan gang btang snyoms la snyoms par 'jug pa de dag gi legs pa rjod cing 'thun pas dga' bar spyod pa yin/ bdag kyang nam mkha' mtha' yas skye mched dang / rnam shes mtha' yas</font><hr>33.152a<br><font size=+1>

skye mched dang / cung zad med pa'i skye mched dang / 'du shes med 'du shes med min skye mched la snyoms par 'jug pa yin/ gzhan yang 'du shes med 'du shes med min skye mched la yang dag par skul ba yin/ 'du shes med 'du shes med min skye mched kyi legs pa rjod pa yin/ sems can gzhan gang 'du shes med 'du shes med min skye mched la snyoms par 'jug pa de dag gi legs pa rjod cing 'thun pas dga' bar spyod pa yin/ bdag kyang byang chub kyi phyogs kyi chos sum bcu rtsa bdun la sgom pa yin/ gzhan yang byang chub kyi phyogs kyi chos sum bcu rtsa bdun la yang dag par skul ba yin/ byang chub kyi phyogs kyi chos sum bcu rtsa bdun gyi legs pa rjod pa yin/ sems can gzhan gang byang chub kyi phyogs kyi chos sum bcu rtsa bdun sgom pa de dag gi legs pa rjod cing 'thun pas dga' bar spyod pa yin/ bdag kyang rnam par thar pa'i sgo gsum dang / rnam par thar pa brgyad dang / mthar gyis gnas pa'i snyoms par 'jug pa dgu dang / mngon par shes pa lnga dang / ting nge 'dzin rnams dang / gzungs kyi sgo rnams sgom pa yin/ gzhan yang gzungs kyi sgo rnams la yang dag par skul ba yin/ gzungs kyi sgo rnams kyi legs pa rjod pa yin/ sems can gzhan gang gzungs kyi sgo rnams sgom pa de dag gi legs pa rjod cing 'thun pas dga' bar spyod pa yin/ bdag kyang de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad sgom pa yin/ gzhan yang sangs rgyas kyi chos ma 'dres pa bcwa brgyad la yang dag par</font><hr>33.152b<br><font size=+1>

skul ba yin/ sangs rgyas kyi chos ma 'dres pa bcwa brgyad kyi legs pa rjod pa yin/ sems can gzhan gang sangs rgyas kyi chos ma 'dres pa bcwa brgyad sgom pa de dag gi legs pa rjod cing 'thun pas dga' bar spyod pa yin/ bdag kyang mi chen po'i mtshan sum bcu rtsa gnyis dang / dpe byad bzang po brgyad bcu sgrub pa yin/ gzhan yang mi chen po'i mtshan sum bcu rtsa gnyis dang / dpe byad bzang po brgyad bcu la yang dag par skul ba yin/ mi chen po'i mtshan sum bcu rtsa gnyis dang / dpe byad bzang po brgyad bcu'i legs pa rjod pa yin/ sems can gzhan gang mi chen po'i mtshan sum bcu rtsa gnyis dang / dpe byad bzang po brgyad bcu sgrub pa de dag gi legs pa rjod cing 'thun pas dga' bar spyod pa yin/ rab 'byor gal te chos kyi dbyings sngon ji lta bar phyis kyang de bzhin ma yin nam/ bar du yang de bzhin du ma yin du zin na ni/ byang chub sems dpa' sems dpa' chen po shes rab kyi pha rol du phyin pa la spyod pa'i tshe/ thabs mkhas pas sems can rnams la chos kyi dbyings ston par mi 'gyur/ sems can rnams yongs su smin par byed par mi 'gyur/  sangs rgyas kyi zhing yongs su dag par byed par mi 'gyur te/ rab 'byor chos kyi dbyings de sngon ji lta bar phyis kyang de bzhin/ bar du yang de bzhin pas na/ de'i phyir byang chub sems dpa' sems dpa' chen po yang shes rab kyi pha rol du phyin pa la spyod pa'i tshe/ thabs mkhas pas sems can rnams la chos kyi dbyings ston to/ /sems can rnams kyi don du byang chub sems dpa'i spyad pa spyod do/ /sems can rnams yongs su smin par byed do/ /sangs rgyas kyi zhing yongs su dag par byed do/ /shes rab kyi pha rol du phyin pa stong phrag nyi shu lnga pa las mnyam pa nyid du bstan</font><hr>33.153a<br><font size=+1>

pa'i le'u ste/ drug bcu gsum pa'o// // de nas tshe dang ldan pa rab 'byor gyis/ bcom ldan 'das la 'di skad ces gsol to/ /bcom ldan 'das de ltar gal te sems can yang shin du dmigs su ma mchis la/ sems can du dmigs pa yang ma mchis na/ su'i don du byang chub sems dpa' sems dpa' chen po shes rab kyi pha rol du phyin pa sgom pa lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor byang chub sems dpa' sems dpa' chen po ni yang dag pa'i mtha' tshad mar byas shing / shes rab kyi pha rol du phyin pa sgom ste/ rab 'byor gal te yang dag pa'i mtha' yang gzhan la/  sems can gyi mtha' yang gzhan yin na ni/  byang chub sems dpa' sems dpa' chen po yang shes rab kyi pha rol du phyin pa la sgom par mi 'gyur te/ /rab 'byor yang dag pa'i mtha' yang gzhan ma yin/ sems can gyi mtha' yang gzhan ma yin pas/ de'i phyir byang chub sems dpa' sems dpa' chen po yang sems can rnams kyi don du shes rab kyi pha rol du phyin pa sgom ste/ shes rab kyi pha rol tu phyin pa la sgom pa'i byang chub sems dpa' sems dpa' chen po yang dag pa'i mtha' rnam par 'khrug pa med par sems can rnams yang dag pa'i mtha' la 'god do/ /gsol pa/ bcom ldan 'das gal te de ltar yang dag pa'i mtha' yang gzhan ma lags/ sems can gyi mtha' yang gzhan ma lags na/ yang dag pa'i mtha' yang dag pa'i mtha' la gnas par 'gyur ram/ bcom ldan 'das gal te yang dag pa'i mtha' yang dag pa'i mtha' la</font><hr>33.153b<br><font size=+1>

gnas par 'gyur na ni/ des rang bzhin la rang bzhin gnas par 'gyur te/ bcom ldan 'das rang bzhin la ni rang bzhin gnas pa ma mchis na/ bcom ldan 'das ji ltar na byang chub sems dpa' sems dpa' chen po shes rab kyi pha rol du phyin pa la spyod pa'i tshe/ sems can rnams yang dag pa'i mtha' la 'god pa lags/  bcom ldan 'das kyis bka' stsal pa/ rab 'byor yang dag pa'i mtha' la yang dag pa'i mtha' gnas par 'gyur ba yang med do/ /rang bzhin la rang bzhin gnas par 'gyur ba yang med na/ 'on kyang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ thabs mkhas pas sems can gyi mtha' yang dag pa'i mtha' la 'god de/ yang dag pa'i mtha' rnam par 'khrug par mi byed do/ /de ci'i phyir zhe na/ sems can gyi mtha' yang gzhan ma yin/ yang dag pa'i mtha' yang gzhan ma yin te/ de ltar na sems can gyi mtha' dang yang dag pa'i mtha' de la gnyis su med de gnyis su byar med do/ /gsol pa/ bcom ldan 'das byang chub sems dpa' sems dpa' chen po shes rab kyi pha rol du phyin pa la spyod pa'i tshe/ thabs mkhas pa dang ldan pas/ sems can rnams yang dag pa'i mtha' la 'god kyang yang dag pa'i mtha' rnam par 'khrug par mi bgyid pa de lta bu'i thabs gang lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po shes rab kyi pha rol du phyin pa la spyod pa'i tshe/ sems dang po bskyed pa nas nye bar bzung ste/ sems can rnams sbyin pa la rab tu 'god do/ /sbyin pa la rab tu bkod nas/ sbyin pa de'i thog ma'i mtha' dang / tha ma'i mtha' dang / dbus stong ste/ ji ltar sbyin</font><hr>33.154a<br><font size=+1>

pa de'i thog ma'i mtha' yang stong / tha ma'i mtha' yang stong / dbus kyang stong ba de ltar sbyin pa'i 'bras bu yang stong / sbyin bdag kyang stong / len pa yang stong bar ston cing / rigs kyi bu de ltar yang dag pa'i mtha' la don de dag med kyis/ sbyin pa yang gzhan la/ sbyin pa'i 'bras bu yang gzhan no snyam du ma sems shig /sbyin bdag kyang gzhan la/ len pa yang gzhan no snyam du ma sems shig /rigs kyi bu khyod nam sbyin pa yang gzhan la/ sbyin pa'i 'bras bu yang gzhan no snyam du mi sems/ sbyin bdag kyang gzhan la/ len pa yang gzhan no snyam du mi sems pa de'i tshe/ khyod kyi sbyin pa 'di bdud rtsi dang / bdud rtsi'i 'bras bu dang / mthar bdud rtsir 'gyur te/ sbyin pa 'dis gzugs yongs su ma 'dzin cig /tshor ba dang 'du shes dang 'du byed dang / rnam par shes pa yongs su ma 'dzin cig /de ci'i phyir zhe na/ 'di ltar khyod kyi sbyin pa 'di ni sbyin pas stong ngo / /de'i 'bras bu yang 'bras bus stong ngo / /sbyin bdag kyang sbyin bdag gis stong ngo / /len pa yang len pas stong ste/ stong pa nyid la ni sbyin pa mi dmigs/ sbyin pa'i 'bras bu dang / sbyin bdag dang / len pa mi dmigs so/ /de ci'i phyir zhe na/ 'di ltar chos de dag ni ngo bo nyid kyis shin du stong ngo zhes rjod do/ /gzhan yang rab 'byor byang chub sems dpa' sems dpa' chen po shes rab kyi pha rol du phyin pa la spyod pa'i tshe/ thabs mkhas pas sems can rnams tshul khrims la 'god de/ tshur rigs kyi bu srog gcod pa spongs la/ srog gcod pa las phyir ldog par gyis shig /ma byin par len pa dang / 'dod pas log par g.yem pa dang /  brdzun</font><hr>33.154b<br><font size=+1>

du smra ba dang /  phra ma dang / zhe gcod pa dang / tshig kyal pa dang / chags sems dang / gnod sems dang / gang log par lta ba spongs la log par lta ba las phyir ldog par gyis shig /rigs kyi bu chos 'di dag la ji ltar yongs su brtags pa de lta bu'i rang bzhin gang yang med kyis/ rigs kyi bu soms dang / gang gi srog gcad par bya ba'i srog chags dang / gang srog gcad par bya ba de lta bu'i chos kyang gang zhig yin/ gang ma byin par len pa dang / 'dod pas log par g.yem pa dang / brdzun du smra ba dang / phra ma dang / zhe gcod pa'i tshig dang / tshig kyal pa dang / chags sems dang / gnod sems dang / gang log par lta ba dang / log par lta bar btags pa dang / gang gis log par lta bar btags pa dang / gang gis log par mthong ba de lta bu'i chos kyang gang zhig yin zhes ston cing / tshul khrims la 'god de/ rab 'byor byang chub sems dpa' sems dpa' chen po thabs mkhas pa de lta bu dang ldan pas/ shes rab kyi pha rol du phyin pa la spyod pa'i tshe/ sems can rnams yongs su smin par byed do/ /des de la sbyin pa dang / tshul khrims kyi 'bras bu bstan te/ sbyin pa'i 'bras bu dang / tshul khrims kyi 'bras bu de yang ngo bo nyid kyis stong par bstan pas/ rigs kyi bu des sbyin pa dang / tshul khrims kyi 'bras bu ngo bo nyid kyis stong par rig nas/ de la mngon par zhen par mi byed do/ /mngon par zhen pa med pas 'khrug par mi 'gyur zhing shes rab skyed do/ /shes rab des kyang bag la nyal ba dang / kun nas ldang ba thams cad bcad nas/ phung po ma lus pa'i mya ngan las 'das pa'i dbyings su yongs su mya ngan las 'da' ste/ de yang 'jig rten gyi tha snyad kyi don dam par ma yin no/ /de ci'i phyir zhe na/ stong pa nyid la gang yongs su mya ngan las 'da'</font><hr>33.155a<br><font size=+1>

ba 'am/ yongs su mya ngan las 'das pa zhes bya ba de lta bu'i chos gang yang mi dmigs te/ de'i mya ngan las 'das pa zhes bya ba ni/ 'di lta ste/ mtha' las 'das pa stong pa nyid do/ /rab 'byor gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ sems can phan tshun gnod par sems shing / 'khrugs par gyur pa dang ldan pa dag mthong na/ 'di skad du 'dems shing ston te/ rigs kyi bu bzod pa sgrubs shig /bzod pa sgoms shig /des pa dang / sems zhi ba dang / dang du sems pa'i ngang tshul can du gyis shig /gang gnod par byed pa dang / gang gis gnod par bya ba dang / gang la gnod par bya ba'i chos de dag ni/ thams cad kyang rang bzhin gyis stong pa yin gyis/ rigs kyi bu gnod par byed pa ni su yod/ gnod par ni su la bya/ cis ni gnod par bya soms dang chos de dag thams cad rang bzhin gyis stong pa ste/ rang bzhin gyis stong pa nyid gang yin pa de ni nam yang mi stong bar mi 'gyur te/ de ni de bzhin gshegs pa rnams kyis ma mdzad do/ /byang chub sems dpa' dang / rang sangs rgyas dang / nyan thos rnams kyis ma byas so/ /lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang lto 'phye chen po rnams kyis ma byas so/ /rgyal chen bzhi'i ris kyi lha rnams kyis ma byas so/ /sum bcu rtsa gsum dang / mtshe ma dang / dga' ldan dang / 'phrul dga' dang gzhan 'phrul dbang byed dang / tshangs pa dang / dge rgyas dang / gnas gtsang ma dang / nam mkha' mtha' yas skye mched dang /  rnam shes mtha' yas skye mched dang / cung zad med pa'i skye mched dang /  'du shes med 'du shes med min skye mched kyi lha rnams kyis ma byas te/ de ni rtag par yang rang bzhin gyis stong</font><hr>33.155b<br><font size=+1>

pa'o/ /rang bzhin gyis stong pa ni su la yang gnod par mi byed do zhes nas/ rab 'byor de ltar byang chub sems dpa' sems dpa' chen po shes rab kyi pha rol du phyin pa la spyod cing / sems can rnams thabs mkhas pas/ rang bzhin gyis stong pa nyid dang / rgyu dang 'bras bu la sbyor te/ rang bzhin stong pa nyid la bkod cing / rim gyis bla na med pa yang dag par rdzogs pa'i byang chub tu yang dag par ston to/ /yang dag par skul lo/ /yang dag par gzeng bstod do/ /yang dag par dga' bar byed do/ /gzhog go/ /'dul lo/ /rab tu 'god do/ /de yang 'jig rten gyi tha snyad kyi don dam par ni ma yin no/ /de ci'i phyir zhe na/ rang bzhin stong pa nyid la gang thob par byed pa dang / gang gis thob par bya ba dang / gang thob par bya ba gang yang med do/ /rab 'byor 'di ni yang dag pa'i mtha' stong pa nyid de/ de la gnas shing byang chub sems dpa' sems dpa' chen po sems can rnams kyi don du gang shes rab kyi pha rol du phyin pa la spyod de/ de la sems can du dmigs pa med do/ /sems can du gdags pa dmigs su med do/ /de ci'i phyir zhe na/ 'di ltar chos thams cad ni sems can gyis dben pa'o/ /rab 'byor gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ thabs mkhas pas sems can le lo can brtson 'grus chung ba dag mthong na/ 'di ltar lus dang sems kyi brtson 'grus la yang dag par skul te/ rigs kyi bu dag rang bzhin gyis stong pa nyid la ni chos gang yang zhum zhing le lor 'gyur ba 'am/ gang la zhum zhing le lor 'gyur ba'i chos gang yang med de/ chos de dag ni thams cad kyang rang bzhin stong pa nyid las mi 'da' ba yin gyis/ lus dang sems kyis brtson 'grus skyed la/ le lo 'or te dge</font><hr>33.156a<br><font size=+1>

ba'i chos sbyin pa 'am/ tshul khrims sam/ bzod pa 'am/ brtson 'grus sam/ bsam gtan nam/ shes rab bam/ nang stong pa nyid dam/ dngos po med pa'i ngo bo nyid stong pa nyid kyi bar ram/ dran pa nye bar gzhag pa rnams sam/  yang dag par spong ba rnams sam/ rdzu 'phrul gyi rkang pa rnams sam/ dbang po rnams sam/ stobs rnams sam/ byang chub kyi yan lag rnams sam/ 'phags pa'i lam yan lag brgyad pa 'am/ 'phags pa'i bden pa rnams sam/ bsam gtan rnams sam/ tshad med pa rnams sam/ gzugs med pa'i snyoms par 'jug pa rnams sam/ rnam par thar pa rnams sam/ mthar gyis gnas pa'i snyoms par 'jug pa rnams sam/ stong pa nyid dang mtshan ma med pa dang / smon pa med pa 'am/ mngon par shes pa rnams sam/ ting nge 'dzin rnams sam/ gzungs kyi sgo rnams sam/ de bzhin gshegs pa'i stobs rnams sam/ mi 'jigs pa rnams sam/ so so yang dag par rig pa rnams sam/ byams pa chen po 'am/ snying rje chen po 'am/ sangs rgyas kyi chos ma 'dres pa dag la brtson par gyis shig /rigs kyi bu dag stong pa nyid kyis chos de dag thams cad sgrib pa med par rtogs shig /sgrib pa med pa'i chos la zhum par 'gyur ba gang yang med do zhes/ rab 'byor de ltar byang chub sems dpa' sems dpa' chen po shes rab kyi pha rol du phyin pa la spyod pa'i tshe/ thabs mkhas pas/ sems can rnams la rang bzhin stong pa nyid yang dag par ston to/ /yang dag par skul lo/ /yang dag par gzeng bstod do/ /yang dag par dga' bar byed do/ /gzhog go/ /'dul lo/ /rab du 'god do/ /ci nas kyang gnyis la mi gnas pa de ltar rab tu 'god do/ /de ci'i phyir zhe na/ rang bzhin stong pa nyid ni gnyis su</font><hr>33.156b<br><font size=+1>

med de/ gnyis su byar med do/ /gnyis su med pa'i chos ni gang la yang gnas pa med do/ /rab 'byor gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ thabs mkhas pas sems can rnams la rang bzhin stong pa nyid kyi brtson 'grus la 'dems shing rjes su ston te/ tshur rigs kyi bu sbyin pa 'am/ tshul khrims sam/ bzod pa 'am/ brtson 'grus sam/ bsam gtan nam/ shes rab bam/  nang stong pa nyid dam/ dngos po med pa'i ngo bo nyid stong pa nyid kyi bar ram/ dran pa nye bar gzhag pa rnams sam/ yang dag par spong ba rnams sam/ rdzu 'phrul gyi rkang pa rnams sam/ dbang po rnams sam/ stobs rnams sam/ byang chub kyi yan lag rnams sam/ 'phags pa'i lam yan lag brgyad pa 'am/ 'phags pa'i bden pa rnams sam/ bsam gtan rnams sam/ tshad med pa rnams sam/ gzugs med pa'i snyoms par 'jug pa rnams sam/ rnam par thar pa rnams sam/ mthar gyis gnas pa'i snyoms par 'jug pa rnams sam/ stong pa nyid dang / mtshan ma med pa dang / smon pa med pa 'am/ mngon par shes pa rnams sam/ ting nge 'dzin rnams sam/ gzungs kyi sgo rnams sam/ de bzhin gshegs pa'i stobs rnams sam/ mi 'jigs pa rnams sam/ so so yang dag par rig pa rnams sam/ byams pa chen po 'am/ snying rje chen po 'am/ sangs rgyas kyi chos ma 'dres pa dag la brtson 'grus rtsoms la/ chos de dag gnyis par yang yid la ma byed cig /mi gnyis par yang yid la ma byed cig /de ci'i phyir zhe na/ chos de dag ni rang bzhin gyis stong pa ste/ rang bzhin gyis stong pa nyid ni gnyis par yid la bya ba ma yin/ mi gnyis par yang yid la bya ba ma yin no/ /</font><hr>33.157a<br><font size=+1>

rab 'byor de ltar na byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ thabs mkhas pas/ sems can rnams rang bzhin stong pa nyid la yongs su smin par byed de/ yongs su smin par byas nas/  rim gyis rgyun du zhugs pa'i 'bras bu dang / lan gcig phyir 'ong ba'i 'bras bu dang /  phyir mi 'ong ba'i 'bras bu dang / dgra bcom pa nyid dang / rang byang chub la 'god do/ /lam gyi rnam pa shes pa nyid dang / bla na med pa yang dag par rdzogs pa'i byang chub la 'god do/ /rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ thabs mkhas pas sems can sems g.yeng ba rnams la 'di skad du 'dems shing rjes su ston te/ tshur rigs kyi bu ting nge 'dzin sgoms shig /g.yeng ba'i 'du shes sam/ ting nge 'dzin gyi 'du shes su ma byed cig /de ci'i phyir zhe na/ chos de dag ni rang bzhin gyis stong pa ste/ rang bzhin stong pa nyid la ni gang g.yeng ba 'am/ rtse gcig tu 'gyur ba'i chos gang yang dmigs su med do/ /khyod kyis ting nge 'dzin de la gnas te/ rang bzhin stong pa nyid la spyad na/ lus dang ngag dang / yid kyis dge ba'i chos gang ci byed kyang rung ste/ sbyin pa gtong ngam/ tshul khrims srung ngam/ bzod pa sgrub bam/ brtson 'grus rtsom mam/ ting nge 'dzin skyed dam/ shes rab sgom 'am/ nang stong pa nyid la spyod dam/ dngos po med pa'i ngo bo nyid stong pa nyid kyi bar la spyod dam/ dran pa nye bar gzhag pa rnams dang / yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa la spyod dam/ 'phags pa'i bden pa rnams dang / bsam</font><hr>33.157b<br><font size=+1>

gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa brgyad dang /  mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams la spyod dam/ de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / dga' ba chen po dang / btang snyoms chen po dang / sangs rgyas kyi chos ma 'dres pa bcwa brgyad la spyod dam/ mi chen po'i mtshan sum bcu rtsa gnyis la spyod dam/  dpe byad bzang po brgyad bcu la spyod dam/ nyan thos kyi lam dang / rang sangs rgyas kyi lam la spyod dam/ byang chub sems dpa'i lam dang / sangs rgyas kyi lam la spyod dam/ rgyun du zhugs pa'i 'bras bu dang / lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub la spyod dam/ rnam pa thams cad mkhyen pa nyid la spyod dam/ sems can yongs su smin par bya ba la spyod dam/ sangs rgyas kyi zhing yongs su dag par bya ba la spyod kyang rung ste/ dge ba'i chos de dag las gron chung ngus 'grub par 'gyur ro zhes 'dems shing rjes su ston te/ rab 'byor de ltar na byang chub sems dpa' sems dpa' chen po shes rab kyi pha rol du phyin pa la spyod pa'i tshe/ thabs mkhas pas sems can rnams kyi don byed de/ /sems dang po bskyed pa nas nye bar bzung nas/ bar 'ga' yang las mi byed par mi 'gyur gyi/ dge ba thams cad tshol zhing sems can rnams kyi don byed de/ /sangs rgyas bcom ldan 'das rnams la rtag tu rgyun mi 'chad par bsnyen bkur byed cing / sangs rgyas kyi zhing</font><hr>33.158a<br><font size=+1>

nas sangs rgyas kyi zhing du 'gro ste/  sangs rgyas bcom ldan 'das de dag las chos thos pa de yang bla na med pa yang dag par rdzogs pa'i byang chub tu mngon par rdzogs par sangs ma rgyas kyi bar du tshe rabs rjes kyang nam du yang rnam par chud mi za ste/ rtag tu rgyun mi chad par gzungs thob cing lus kyi dbang po 'am/ ngag gi dbang po 'am/ yid kyi dbang po mi nyam pa yin/ de ci'i phyir zhe na/ de ni 'di ltar byang chub sems dpa' sems dpa' chen po des rtag tu rgyun mi chad par rnam pa thams cad mkhyen pa nyid shin du bsgoms pas/ rnam pa thams cad mkhyen pa nyid shin du bsgoms pa de lam thams cad shin du bsgoms par 'gyur te/ nyan thos kyi lam mam/ rang sangs rgyas kyi lam mam/ byang chub sems dpa'i lam 'am/ sangs rgyas kyi lam shin du bsgoms par 'gyur/ mngon par shes pa gang byang chub sems dpa' sems dpa' chen po la rnam par chud mi za ba'i tshul gyis phan par 'gyur ba de dag kyang shin du bsgoms par 'gyur te/ rnam par smin pa las byung ba'i mngon par shes pa de dag la gnas shing sems can rnams kyi don byed na/ 'gro ba lnga'i 'khor bar 'khor yang rnam pa thams cad mkhyen pa nyid las kyang yongs su mi nyam mo/ /rab 'byor de ltar byang chub sems dpa' sems dpa' chen po shes rab kyi pha rol du phyin pa la spyod pa'i tshe/ rang bzhin stong pa nyid la gnas shing / thabs mkhas pas sems can rnams kyi don byed do/ /rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ rang bzhin stong pa nyid la gnas shing / sems can shes rab 'chal ba can blo chung ba rnams mthong na/  'di skad 'dems shing rjes su ston te/ tshur rigs kyi bu lus dang ngag dang</font><hr>33.158b<br><font size=+1>

yid kyi las gang ci byed kyang rung ste/ de thams cad rang bzhin stong pa nyid du rtogs shig dang / khyod kyi las thams cad bdud rtsi'i 'bras bur 'gyur te/ mthar bdud rtsir 'gyur ro/ /rang bzhin stong pa nyid la ni gang 'jig par 'gyur ba 'am/ yongs su nyam par 'gyur ba de lta bu'i chos gang yang dmigs su med do/ /de ci'i phyir zhe na/ rang bzhin stong pa nyid ni yongs su nyam par mi 'gyur/ rang bzhin stong pa nyid las yongs su nyam pa'i chos kyang gang yang med do/ /de ci'i phyir zhe na/ 'di ltar rang bzhin gyis stong pa nyid ni dngos po yod pa yang ma yin/ dngos po med pa yang ma yin/ chos thams cad dngos po med pa'i ngo bo nyid la ci zhig yongs su nyam par 'gyur zhes/ rab 'byor de ltar byang chub sems dpa' sems dpa' chen po shes rab kyi pha rol du phyin pa la spyod pa'i tshe/ thabs mkhas pas sems can rnams la 'dems shing rjes su ston to/ /de ltar 'dems shing rjes su ston pa'i tshe/ nam yang rjes su ma bsgrubs pa ma yin/ de ni bdag kyang dge ba bcu'i las kyi lam yang dag par blangs shing gnas pa yin gzhan yang dge ba bcu'i las kyi lam la yang dag par skul ba yin/ bdag kyang bslab pa'i gnas lnga yang dag par blangs shing gnas pa yin/ gzhan yang bslab pa'i gnas lnga la yang dag par skul ba yin/ bdag kyang yan lag brgyad dang ldan pa'i gso sbyin la nye bar gnas pa yang dag par blangs shing gnas pa yin/ gzhan yang yan lag brgyad dang ldan pa'i gso sbyin la nye bar gnas par yang dag par skul ba yin/ bdag kyang bsam gtan dang po la snyoms par 'jug pa yin/  gzhan yang bsam gtan dang po la yang dag par skul ba yin/ bdag kyang bsam gtan gnyis pa dang / bsam gtan gsum pa dang / bsam gtan bzhi pa la yang dag par snyoms par</font><hr>33.159a<br><font size=+1>

'jug pa yin/ gzhan yang bsam gtan bzhi pa la yang dag par skul ba yin/ bdag kyang rtag tu rgyun mi chad par byams pa la gnas pa yin/ gzhan yang rtag tu rgyun mi chad par byams pa sgom pa la yang dag par skul ba yin/ bdag kyang rtag tu rgyun mi chad par snying rje dang / dga' ba dang / btang snyoms la gnas pa yin/ gzhan yang rtag tu rgyun mi chad par btang snyoms sgom pa la yang dag par skul ba yin/ bdag kyang rtag tu nam mkha' mtha' yas skye mched kyi snyoms par 'jug pa dang / rnam shes mtha' yas skye mched kyi snyoms par 'jug pa dang / cung zad med pa'i skye mched kyi snyoms par 'jug pa dang / 'du shes med 'du shes med min skye mched kyi snyoms par 'jug pa la snyoms par 'jug pa yin/ gzhan yang 'du shes med 'du shes med min skye mched kyi snyoms par 'jug pa la yang dag par skul ba yin/ bdag kyang pha rol du phyin pa rnams dang /  stong pa nyid thams cad dang / byang chub kyi phyogs kyi chos sum bcu rtsa bdun la sgom pa yin/ gzhan yang byang chub kyi phyogs kyi chos sum bcu rtsa bdun la yang dag par skul ba yin/ bdag kyang rnam par thar pa'i sgo gsum la slob pa yin/ gzhan yang rnam par thar pa'i sgo gsum la yang dag par skul ba yin/ bdag kyang 'phags pa'i bden pa rnams dang /  rnam par thar pa brgyad dang /  mthar gyis gnas pa'i snyoms par 'jug pa dgu dang / mngon par shes pa rnams dang / ting nge 'dzin rnams dang / gzungs kyi sgo rnams la slob pa yin/ gzhan yang gzungs kyi sgo rnams la yang dag par skul ba yin/ bdag kyang de bzhin gshegs pa'i stobs bcu la slob pa yin/ gzhan yang de bzhin gshegs pa'i stobs bcu la yang dag par skul ba yin/ bdag kyang mi 'jigs pa bzhi dang / so so yang dag par rig pa bzhi dang / </font><hr>33.159b<br><font size=+1>

byams pa chen po dang / snying rje chen po dang / sangs rgyas kyi chos ma 'dres pa bcwa brgyad la slob pa yin/ gzhan yang sangs rgyas kyi chos ma 'dres pa bcwa brgyad la yang dag par skul ba yin/ bdag kyang mi chen po'i mtshan sum bcu rtsa gnyis dang / dpe byad bzang po brgyad bcu la slob pa yin/  gzhan yang mi chen po'i mtshan sum bcu rtsa gnyis dang / dpe byad bzang po brgyad bcu la yang dag par skul ba yin/ bdag kyang rgyun du zhugs pa'i 'bras bu'i shes pa skyed cing / de la mi gnas pa yin/ gzhan yang rgyun du zhugs pa'i 'bras bu la 'god pa yin/ bdag kyang lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa'i 'bras bu'i shes pa skyed cing de la mi gnas pa yin/ gzhan yang dgra bcom pa'i 'bras bu la rab tu 'god pa yin/ bdag kyang rang byang chub kyi lam skyed cing de la mi gnas pa yin/ gzhan yang rang byang chub la rab tu 'god pa yin/ bdag kyang bla na med pa yang dag par rdzogs pa'i byang chub kyi lam skyed pa yin/ gzhan yang lam de la 'dems shing rjes su ston pa dang / gzhog cing 'dul ba dang 'god pa yin te/ rab 'byor de ltar spyod pa'i byang chub sems dpa' sems dpa' chen po shes rab kyi pha rol du phyin pa la spyod pa'i tshe/ sems dang po bskyed pa nas nye bar gzung ste/ rang bzhin stong pa nyid la gnas shing / sems can rnams kyi don byed pa'i tshe/ nam yang las med par gnas pa ma yin no/ /gsol pa/ bcom ldan 'das gal te de ltar chos thams cad rang bzhin gyis stong pa lags na/ rang bzhin stong pa nyid la ni sems can yang mi dmigs/ chos kyang mi dmigs/ chos ma lags pa de yang mi dmigs na/ bcom ldan 'das ji ltar byang chub sems dpa' sems dpa' chen po rnam pa thams</font><hr>33.160a<br><font size=+1>

cad mkhyen pa nyid kyi don du yang dag par 'jug pa lags/ bcom ldan 'das kyis bka' stsal pa/ rab 'byor de de bzhin no/ /de de bzhin te/ ji skad du smras pa de bzhin no/ /chos thams cad ni rang bzhin gyis stong pa ste/ rang bzhin stong pa nyid la ni sems can mi dmigs so/ /chos mi dmigs so/ /chos ma yin pa mi dmigs so/ /rab 'byor gal te chos thams cad rang bzhin gyis stong pa zhig ma yin na ni/ byang chub sems dpa' sems dpa' chen po yang rang bzhin stong pa nyid la gnas par mi 'gyur te/ bla na med pa yang dag par rdzogs pa'i byang chub tu mngon par rdzogs par sangs rgyas nas kyang chos rnams rang bzhin gyis stong par mi ston to/ /rang bzhin gyis stong pa'i chos de dag kyang gang zhe na/ rab 'byor gzugs ni rang bzhin gyis stong ngo / /tshor ba dang 'du shes dang 'du byed dang / rnam par shes pa ni rang bzhin gyis stong ngo / /skye mched dang khams dang rten cing 'brel bar 'byung ba ni rang bzhin gyis stong ngo / /pha rol du phyin pa rnams dang /  stong pa nyid thams cad dang / byang chub kyi phyogs kyi chos rnams ni rang bzhin gyis stong ngo / /'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa rnams dang / mthar gyis gnas pa'i snyoms par 'jug pa rnams dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams ni rang bzhin gyis stong ngo / /de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams dang / byams pa chen po dang / snying rje chen po dang / dga' ba chen po dang / btang snyoms chen po dang / sangs</font><hr>33.160b<br><font size=+1>

rgyas kyi chos ma 'dres pa rnams ni rang bzhin gyis stong ngo / mi chen po'i mtshan sum bcu rtsa gnyis dang / dpe byad bzang po brgyad bcu ni rang bzhin gyis stong ngo / /rgyun du zhugs pa'i 'bras bu dang /  lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub ni rang bzhin gyis stong ngo / /rnam pa thams cad mkhyen pa nyid kyi bar ni rang bzhin gyis stong ngo / /de bas na byang chub sems dpa' sems dpa' chen po shes rab kyi pha rol du phyin pa la spyod pa'i tshe/ phung po lnga ni rang bzhin gyis stong ngo zhes bya bar chos ston to/ /skye mched bcu gnyis ni rang bzhin gyis stong ngo zhes bya bar chos ston to/ /khams bcwa brgyad ni rang bzhin gyis stong ngo zhes bya bar chos ston to/ /rten cing 'brel bar 'byung ba ni rang bzhin gyis stong ngo zhes bya bar chos ston to/ /pha rol du phyin pa thams cad ni rang bzhin gyis stong ngo zhes bya bar chos ston to/ /stong pa nyid thams cad ni rang bzhin gyis stong ngo zhes bya bar chos ston to/ /dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa ni rang bzhin gyis stong ngo zhes bya bar chos ston to/ /'phags pa'i bden pa bzhi dang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / rnam par thar pa brgyad dang / mthar gyis gnas pa'i snyoms par 'jug pa dgu dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa lnga dang / ting nge 'dzin thams cad dang / gzungs kyi sgo thams cad ni rang bzhin gyis stong ngo zhes bya bar chos ston to/ /de bzhin gshegs pa'i stobs bcu dang / </font><hr>33.161a<br><font size=+1>

mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / dga' ba chen po dang / btang snyoms chen po ni rang bzhin gyis stong ngo zhes bya bar chos ston to/ /sangs rgyas kyi chos ma 'dres pa bcwa brgyad ni rang bzhin gyis stong ngo zhes bya bar chos ston to/ /mi chen po'i mtshan sum bcu rtsa gnyis dang / dpe byad bzang po brgyad bcu ni rang bzhin gyis stong ngo zhes bya bar chos ston to/ /rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub ni rang bzhin gyis stong ngo zhes bya bar chos ston to/ /rnam pa thams cad mkhyen pa nyid dang bag chags kyi mtshams sbyor ba thams cad spong ba ni rang bzhin gyis stong ngo zhes bya bar chos ston to/ /rab 'byor gal te nang stong pa nyid rang bzhin gyis stong pa ma yin na ni/ byang chub sems dpa' sems dpa' chen pos kyang / chos thams cad rang bzhin gyis stong ngo zhes bya bar chos ston par mi 'gyur ro/ /gal te phyi stong pa nyid dang / phyi nang stong pa nyid dang / stong pa nyid stong pa nyid dang / chen po stong pa nyid dang / don dam pa stong pa nyid dang / 'dus byas stong pa nyid dang / 'dus ma byas stong pa nyid dang /  mtha' las 'das pa stong pa nyid dang / thog ma dang tha ma med pa stong pa nyid dang / dor ba med pa stong pa nyid dang / rang bzhin stong pa nyid dang / chos thams cad stong pa nyid dang / rang gi mtshan nyid stong pa nyid dang / mi dmigs pa stong pa nyid dang / dngos po med pa stong pa nyid dang / ngo bo nyid stong pa nyid dang / dngos po med pa'i ngo bo nyid stong pa nyid rang bzhin gyis stong pa yin na ni/ byang chub sems dpa' sems dpa' chen pos kyang chos thams cad rang bzhin gyis stong ngo zhes bya bar chos ston par mi 'gyur te/ de'i phyir rang bzhin</font><hr>33.161b<br><font size=+1>

stong pa nyid kyang bshig par 'gyur na/ rang bzhin stong pa nyid ni 'jig par mi 'gyur/ rtag par ma yin te/  phyis med par 'gro ba ma yin no/ /de ci'i phyir zhe na/ de ni yul na mi gnas/ phyogs na mi gnas pa ste/ de ni gang nas kyang 'ong ba ma yin/ gang du yang 'gro ba ma yin te/ de ni chos gnas pa nyid do/ /de la ni chos gang yang 'phel ba/ dmigs pa 'am/ 'grib pa dmigs pa 'am/ 'god pa 'am/ skye ba 'am/ 'byung ba 'am/ 'gag pa 'am/ kun nas nyon mongs pa 'am/ rnam par byang ba dmigs pa med do/ /de ni chos rnams kyi rang bzhin te/ de la gnas shing / byang chub sems dpa' sems dpa' chen po rnams bla na med pa yang dag par rdzogs pa'i byang chub tu yang dag par 'jug ste/ chos gang yang 'jug pa 'am/ mi 'jug par mthong ba med do/ /chos thams cad ni 'jug pa med cing gnas pa med pa ste/ de ni chos rnams kyi chos gnas pa'o/ /de bas na byang chub sems dpa' sems dpa' chen po shes rab kyi pha rol du phyin pa la spyod pa'i tshe/ chos thams cad rang bzhin gyis stong par mthong nas/ bla na med pa yang dag par rdzogs pa'i byang chub las phyir mi ldog go/ /de ci'i phyir zhe na/ de ni 'di ltar des sgrib pa'i chos gang yang yang dag par rjes su mi mthong ste/ chos thams cad ni sgrib pa med par yang dag par rjes su mthong ngo / /de ni 'di ltar rang bzhin stong pa nyid la bdag mi dmigs/  bdag tu btags pa yang mi dmigs sems can dang / srog dang / 'gro ba dang / gso ba dang / skyes bu dang / gang zag dang / shed can dang / shed bdag dang / byed pa po dang / tshor ba po dang / tshor bar byed pa po dang / slong ba po dang / kun nas slong ba po dang / shes pa po dang / mthong ba por yang mi dmigs/ mthong ba por btags pa yang mi dmigs/ gzugs kyang mi dmigs/ gzugs su btags pa yang mi dmigs/ tshor ba dang 'du</font><hr>33.162a<br><font size=+1>

shes dang 'du byed dang / rnam par shes pa yang mi dmigs/ rnam par shes par btags pa yang mi dmigs so/ /mi chen po'i mtshan sum bcu rtsa gnyis kyi bar dang / dpe byad bzang po brgyad bcu yang mi dmigs/ dpe byad bzang po brgyad bcur btags pa yang mi dmigs na/ bla na med pa yang dag par rdzogs pa'i byang chub la the tshom za bar 'gyur ba lta ga las 'ong / rab 'byor 'di lta ste/ dper na/ de bzhin gshegs pas sprul pa'i dge slong ngam/ dge slong ma 'am/ dge bsnyen nam/ dge bsnyen ma la bskal pa bye ba khrag khrig brgya stong du mar rgyun du chos bstan na/ rab 'byor de ji snyam du sems/ sprul pa de dag la rgyun du zhugs pa'i 'bras bu rjes su 'thob par 'gyur ba'i skal ba lta yod dam/ lan gcig phyir 'ong ba'i 'bras bu 'am/ phyir mi 'ong ba'i 'bras bu 'am/ dgra bcom pa nyid dam/ rang byang chub bam/ bla na med pa yang dag par rdzogs pa'i byang chub 'thob par 'gyur ba'i skal pa yod dam/ gsol pa/ bcom ldan 'das de ni ma lags te/ de ci'i slad du zhe na/ 'di ltar de dag la dngos po ma mchis so/ /bcom ldan 'das kyis bka' stsal pa/ rab 'byor de de bzhin no/ /de de bzhin te/ chos thams cad la dngos po med na/ sems can gang zhig byang chub sems dpa' sems dpa' chen pos rgyun du zhugs pa'i 'bras bu 'am/ lan gcig phyir 'ong ba'i 'bras bu 'am/  phyir mi 'ong ba'i 'bras bu 'am/ dgra bcom pa nyid dam/ rang byang chub bam/ bla na med pa yang dag par rdzogs pa'i byang chub tu 'god par bya ste/ gzhan du na phyin ci log gis yongs su 'khris pa'i skyes bu dag phyin ci log med pa la gzhog go/ /'dul lo/ /rab tu 'god do/ /phyin ci log gang yin pa de yang rtog pa'i rgyu las byung ba'i phyir/ phyin ci log ma yin pa ste/ rnam par rtog pa med pa ni</font><hr>33.162b<br><font size=+1>

phyin ci log ma yin pa'o/ /gang la phyin ci log med pa de la bdag med do/ /sems can med do/ /srog med do/ /'gro ba med do/ /gso ba med do/ /skyes bu med do/ /gang zag med do/ /shed can med do/ /shed bdag med do/ /byed pa po med do/ /tshor ba po med do/ /shes pa po med do/ /mthong ba po med do/ /de la gzugs med do/ /tshor ba med do/ /'du shes med do/ /'du byed med do/ /rnam par shes pa med do/ /de la skye mched dang / khams dang / rten cing 'brel par 'byung ba rnams med do/ /de la pha rol tu phyin pa rnams dang / stong pa nyid thams cad dang / byang chub kyi phyogs kyi chos rnams med do/ /de la 'phags pa'i bden pa dang / bsam gtan dang /  tshad med pa dang /  gzugs med pa'i snyoms par 'jug pa dang / rnam par thar pa dang /  mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo rnams med do/ /de la de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad med do/ /de la rnam pa thams cad mkhyen pa nyid kyi bar du med do/ /gang la gzugs med pa dang / tshor ba med pa dang / 'du shes med pa dang / 'du byed med pa dang / rnam par shes pa med pa dang /  gang la skye mched dang /  khams dang / rten cing 'brel bar 'byung ba med pa dang / gang la pha rol tu phyin pa rnams dang / stong pa nyid thams cad dang / byang chub kyi phyogs kyi chos rnams med pa dang / bla na med pa yang dag par rdzogs pa'i byang chub kyi bar du med pa de ni rang bzhin stong pa nyid de/ de la gnas shing / byang chub sems dpa' sems dpa' chen po shes rab kyi pha rol tu phyin pa la spyod pa de/ shes rab kyi pha rol tu phyin pa la spyod cing /  sems can phyin ci</font><hr>33.163a<br><font size=+1>

log tu gyur pa rnams/ sems can gyi 'du shes las 'grel te/ gzugs kyi 'du shes las 'grel to/ /gzugs med pa'i 'du shes pa las 'grel to/ /zag pa dang bcas pa'i chos thams cad kyi bar las 'grel to/ /gang zag pa med pa'i chos 'di lta ste/ byang chub kyi phyogs kyi chos rnams dang /  rnam par thar pa'i sgo gsum dang / 'phags pa'i bden pa bzhi dang / rnam par thar pa brgyad dang / mthar gyis gnas pa'i snyoms par 'jug pa dgu dang / ting nge 'dzin thams cad dang / gzungs kyi sgo thams cad dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad po de dag kyang de la don dam pa'i rnam pa gang yin pa de lta bu ma yin te/ de ltar 'dus ma byas pa dang / ma skyes pa dang / dngos po med pa dang / 'byung ba med pa 'di ni rang bzhin stong pa nyid do/ /de ni sangs rgyas bcom ldan 'das rnams kyi byang chub ste/ de la bdag med do/ /sems can dang / srog dang / skye ba po dang / gso ba dang / skyes bu dang / gang zag dang / shed can dang / shed bdag dang / byed pa po dang tshor ba po dang shes pa po dang / mthong ba po med do/ /gzugs med do/ /tshor ba dang 'du shes dang 'du byed dang / rnam par shes pa med do/ /skye mched dang / khams dang rten cing 'brel bar 'byung ba med do/ /pha rol tu phyin pa rnams dang / stong pa nyid thams cad dang / byang chub kyi phyogs kyi chos rnams med do/ /rnam pa thams cad mkhyen pa nyid kyi bar du med do/ /byang chub sems dpa' sems dpa' chen po de ni gzhan du na rang bzhin stong pa nyid yongs su shes pa las lam gyi don du bla na med pa yang dag par rdzogs pa'i byang chub tu 'jug pa med de/ rang bzhin stong</font><hr>33.163b<br><font size=+1>

pa nyid de yang snga nas kyang rang bzhin gyis stong pa nyid phyin chad kyang rang bzhin gyis stong pa nyid bar du yang rang bzhin gyis stong pa nyid de/ de nam yang rang bzhin gyis mi stong pa ma yin no/ /de bas na byang chub sems dpa' sems dpa' chen po yang rang bzhin gyis stong pa nyid kyi pha rol tu phyin pa la spyod cing / sems can du 'du shes pa'i sems can rnams kyi/ sems can gyi 'du shes yongs su dgrol ba'i phyir/ lam gyi rnam pa shes pa nyid la spyod do/ /de lam gyi rnam pa shes pa nyid la spyod pa'i tshe/ 'di lta ste/ nyan thos kyi lam dang / rang sangs rgyas kyi lam dang / byang chub sems dpa'i lam dang / lam thams cad la spyod de/ byang chub sems dpa' sems dpa' chen po de lam thams cad yongs su rdzogs par byas/ sems can rnams yongs su smin par byas/ sangs rgyas kyi zhing yongs su dag par byas nas/ de'i tshe'i 'du byed byin gyis brlabs te/ bla na med pa yang dag par rdzogs pa'i byang chub tu mngon par rdzogs par 'tshang rgya'o/ /de bla na med pa yang dag par rdzogs pa'i byang chub tu mngon par rdzogs par sangs rgyas nas/ 'di lta ste/ sangs rgyas kyi tshul rang bzhin stong pa nyid kyi rgyun mi gcod do/ /de ni sangs rgyas bcom ldan 'das rnams kyi sangs rgyas kyi tshul te/ 'das pa'i dus kyi sangs rgyas bcom ldan 'das gang ji snyed cig byung ba de dag gi sangs rgyas kyi tshul yang 'di lta ste/ rang bzhin stong pa nyid do/ /ma 'ongs pa'i dus na/ sangs rgyas bcom ldan 'das gang ji snyed cig 'byung bar 'gyur ba de dag gi sangs rgyas kyi tshul yang 'di lta ste/ rang bzhin stong pa nyid do/ /da ltar phyogs bcu'i 'jig rten gyi khams na sangs rgyas bcom ldan 'das gang ji snyed cig bzhugs shing / 'tsho skyong ba de dag gi sangs rgyas kyi tshul yang 'di lta ste/ rang bzhin stong pa nyid de/ rang bzhin stong pa nyid ni sangs rgyas bcom ldan 'das</font><hr>33.164a<br><font size=+1>

rnams ma gtogs par gzhan las 'jig rten du 'byung bar mi 'gyur ro/ /de bas na byang chub sems dpa' sems dpa' chen pos rang bzhin stong pa nyid kyi pha rol du phyin pa la spyad par bya ste/ de la spyod pa'i byang chub sems dpa' sems dpa' chen po ni rnam pa thams cad mkhyen pa nyid las yongs su nyam par mi 'gyur ro/ /rab 'byor gyis gsol pa/ bcom ldan 'das de ltar byang chub sems dpa' sems dpa' chen po rnams rang bzhin stong pa nyid kyis chos thams cad la spyod cing gzugs kyang gzhan no/ /rang bzhin stong pa nyid kyang gzhan no/ /tshor ba dang 'du shes dang 'du byed dang rnam par shes pa yang gzhan no/ /rang bzhin stong pa nyid kyang gzhan no/ /skye mched dang / khams dang / rten cing 'brel par 'byung ba yang gzhan no/ /rang bzhin stong pa nyid kyang gzhan no/ /pha rol tu phyin pa rnams dang / stong pa nyid thams cad dang / byang chub kyi phyogs kyi chos rnams kyang gzhan no/ /rang bzhin stong pa nyid kyang gzhan no/ /'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang /  smon pa med pa dang /  mngon par shes pa dang / ting nge 'dzin dang / gzungs kyi sgo rnams kyang gzhan no/ /rang bzhin stong pa nyid kyang gzhan no/ /de bzhin gshegs pa'i stobs bcu dang / mi 'jigs pa dang / so so yang dag par rig pa dang / byams pa chen po dang / snying rje chen po dang / sangs rgyas kyi chos ma 'dres pa rnams kyang gzhan no/ /rang bzhin stong pa nyid kyang gzhan no/ /rnam pa thams cad mkhyen pa nyid kyi bar yang gzhan no/ /rang bzhin stong pa nyid kyang gzhan no zhes bgyi bar rang bzhin stong pa nyid rnam par 'khrug par mi bgyid kyi/ gzugs nyid kyang</font><hr>33.164b<br><font size=+1>

rang bzhin stong pa nyid do/ /rang bzhin stong pa nyid kyang gzugs so/ /tshor ba dang 'du shes dang 'du byed dang / rnam par shes pa nyid kyang rang bzhin stong pa nyid do/ /rang bzhin stong pa nyid kyang rnam par shes pa'o/ /rnam pa thams cad mkhyen pa nyid kyi bar yang rang bzhin stong pa nyid do/ /rang bzhin stong pa nyid kyang rnam pa thams cad mkhyen pa nyid do zhes bgyi bar spyod pa ngo mtshar che'o/ /bcom ldan 'das kyis bka' stsal pa/ rab 'byor de de bzhin no/ /de de bzhin te/ ji skad smras pa de bzhin te/ rab 'byor gal te gzugs kyang gzhan la/ rang bzhin stong pa nyid kyang gzhan/ tshor ba yang gzhan/ 'du shes kyang gzhan/ 'du byed kyang gzhan/ rnam par shes pa yang gzhan la/ rang bzhin stong pa nyid kyang gzhan/ phung po dang / skye mched dang / khams dang / rten cing 'brel bar 'byung ba yang gzhan la/ rang bzhin stong pa nyid kyang gzhan/  pha rol tu phyin pa yang gzhan la/ stong pa nyid kyang gzhan/ byang chub kyi phyogs kyi chos kyang gzhan la/ rang bzhin stong pa nyid kyang gzhan/ 'phags pa'i bden pa dang / bsam gtan dang /  tshad med pa dang /  gzugs med pa'i snyoms par 'jug pa dang / rnam par thar pa dang /  mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo dang / de bzhin gshegs pa'i stobs bcu dang / mi 'jigs pa dang / so so yang dag par rig pa dang / byams pa chen po dang / snying rje chen po dang / sangs rgyas kyi chos ma 'dres pa rnams kyang gzhan la/ rang bzhin stong pa nyid kyang gzhan/ rnam pa thams cad mkhyen pa nyid kyi bar yang gzhan la/ rang bzhin stong pa nyid kyang gzhan ma yin te/ gal te gzugs rang bzhin kyis</font><hr>33.165a<br><font size=+1>

stong pa zhig ma yin na ni/ byang chub sems dpa' sems dpa' chen po yang bla na med pa yang dag par rdzogs pa'i byang chub tu mngon par rdzogs par 'tshang mi rgya ste/ rab 'byor gang gi phyir gzugs rang bzhin gyis stong pas na/ de'i phyir byang chub sems dpa' sems dpa' chen po gzugs rang bzhin gyis stong ngo zhes bya bar khong du chud par byas shing / bla na med pa yang dag par rdzogs par byang chub tu mngon par rdzogs par 'tshang rgya'o/ /gal te tshor ba dang 'du shes dang 'du byed dang / rnam par shes pa rang bzhin gyis stong pa zhig ma yin na ni/ byang chub sems dpa' sems dpa' chen po yang bla na med pa yang dag par rdzogs pa'i byang chub tu mngon par rdzogs par 'tshang mi rgya ste/ rab 'byor gang gi phyir rnam par shes pa rang bzhin gyis stong pas na/ de'i phyir byang chub sems dpa' sems dpa' chen po rang bzhin gyis stong ngo zhes bya bar khong du chud par byas shing / bla na med pa yang dag par rdzogs pa'i byang chub tu mngon par rdzogs par 'tshang rgya'o/ /rab 'byor gal te rnam pa thams cad mkhyen pa nyid kyi bar du rang bzhin gyis stong pa zhig ma yin na ni/ byang chub sems dpa' sems dpa' chen po yang bla na med pa yang dag par rdzogs pa'i byang chub tu mngon par rdzogs par 'tshang mi rgya ste/ rab 'byor gang gi phyir rnam pa thams cad mkhyen pa nyid rang bzhin gyis stong pas na/ de'i phyir byang chub sems dpa' sems dpa' chen po rnam pa thams cad mkhyen pa nyid rang bzhin gyis stong ngo zhes bya bar khong du chud par byas shing bla na med pa yang dag par rdzogs pa'i byang chub tu mngon par rdzogs par 'tshang rgya'o/ /rab 'byor gal te bla na med pa yang dag par rdzogs pa'i byang chub rang bzhin gyis stong pa zhig ma yin na ni/ byang chub sems dpa' sems dpa' chen</font><hr>33.165b<br><font size=+1>

po bla na med pa yang dag par rdzogs pa'i byang chub tu mngon par rdzogs par 'tshang mi rgya ste/ rab 'byor gang gi phyir bla na med pa yang dag par rdzogs pa'i byang chub rang bzhin gyis stong pas na/ de'i phyir byang chub sems dpa' sems dpa' chen po bla na med pa yang dag par rdzogs pa'i byang chub rang bzhin gyis stong ngo zhes bya bar khong du chud par byas shing / rnam pa thams cad mkhyen pa nyid rjes su thob par byed de/  rang bzhin stong pa nyid la ni chos gang yang rnam par 'jig par 'gyur ba 'am/ rtag tu gnas pa 'am/ 'gro ba med de gzhan du na/ lha dang bcas pa'i 'jig rten dang / bdud dang tshangs par bcas pa'i 'jig rten rnams 'di ni gzugs so/ /bdag gi gzugs so/ /bdag ni gzugs dang ldan no/ /bdag ni rnam par shes pa'i bar ro/ /bdag gi rnam par shes pa'o/ /bdag ni rnam par shes pa dang ldan pa'o snyam du rmongs shing de dag gzugs la mngon par zhen/  rnam par shes pa'i bar la mngon par zhen to/ /bdag tu bya ba dang bdag gir bya ba la mngon par spyod do/ /bdag tu bya ba dang bdag gir bya ba la mngon par zhen nas/ phyi nang gi dngos po la mngon par zhen cing chags so/ /de ltar mngon par zhen cing chags nas skye ba'i skye mched dag tu gzugs dang /  tshor ba dang 'du shes dang 'du byed dang / rnam par shes pa nye bar len te/ skye ba dang rga ba dang na ba dang 'chi ba dang mya ngan dang smre sngags 'don pa dang / sdug bsngal ba dang / yid mi bde ba dang / 'khrug pa las yongs su mi 'grol/ 'gro ba lnga'i 'khor ba nas yongs su mi 'grol lo/ /shes rab kyi pha rol tu phyin pa stong phrag nyi shu lnga pa/ bam po bdun bcu gcig pa/ de'i phyir byang chub sems dpa' sems dpa' chen po rang bzhin stong pa nyid kyi pha rol tu phyin pa rnams la spyod cing / </font><hr>33.166a<br><font size=+1>

gzugs stong pa 'am/ 'on tam mi stong zhes bya bar rnam par 'khrug par mi byed do/ /tshor ba dang 'du shes dang 'du byed dang / rnam par shes pa stong pa 'am/ 'on tam mi stong zhes bya bar rnam par 'khrug par mi byed do/ /skye mched dang khams dang / rten cing 'brel bar 'byung ba rnams stong pa 'am/ 'on tam mi stong zhes bya bar rnam par 'khrug par mi byed do/ /pha rol tu phyin pa rnams dang / stong pa nyid thams cad dang / byang chub kyi phyogs kyi chos rnams stong pa 'am 'on tam mi stong zhes bya bar rnam par 'khrug par mi byed do/ /'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang /  stong pa nyid dang mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo rnams stong pa 'am/ 'on tam mi stong zhes bya bar rnam par 'khrug par mi byed do/ /de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad stong pa 'am 'on tam mi stong zhes bya bar rnam par 'khrug par mi byed do/ /bla na med pa yang dag par rdzogs pa'i byang chub kyi bar du stong pa 'am/ 'on tam mi stong zhes bya bar rnam par 'khrug par mi byed do/ /de ci'i phyir zhe na/ rang bzhin stong pa nyid ni 'di ni gzugs so/ /'di ni gzugs kyi stong pa nyid do zhes gzugs rnam par 'khrug par mi byed do/ /rang bzhin stong pa nyid ni 'di ni tshor ba dang 'du shes dang 'du byed dang rnam par shes pa'o/ /'di ni rnam par shes pa'i stong pa nyid do zhes rnam par shes pa rnam par 'khrug par mi byed do/ /rang bzhin stong pa nyid</font><hr>33.166b<br><font size=+1>

ni 'di dag ni/ skye mched dang khams dang rten cing 'brel bar 'byung ba'o/ /'di dag ni rten cing 'brel bar 'byung ba'i stong pa nyid do zhes rten cing 'brel bar 'byung ba rnam par 'khrug par mi byed do/ /rang bzhin stong pa nyid ni 'di dag ni pha rol du phyin pa dang / stong pa nyid dang / byang chub kyi phyogs kyi chos rnams so/ /'di dag ni byang chub kyi phyogs kyi chos rnams kyi stong pa nyid do zhes byang chub kyi phyogs kyi chos rnams rnam par 'khrug par mi byed do/ /rang bzhin stong pa nyid ni 'di ni 'phags pa'i bden pa dang /  bsam gtan dang /  tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang /  stong pa nyid dang mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo rnams so/ /'di ni gzungs kyi sgo rnams kyi stong pa nyid do zhes gzungs kyi sgo rnams rnam par 'khrug par mi byed do/ /rang bzhin stong pa nyid ni 'di dag ni de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa rnams so/ /'di ni sangs rgyas kyi chos ma 'dres pa rnams kyi stong pa nyid do/ /zhes sangs rgyas kyi chos ma 'dres pa rnams rnam par 'khrug par mi byed do/ /rang bzhin stong pa nyid ni 'di ni rgyun du zhugs pa'i 'bras bu dang / lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub dang byang chub bo/ /'di ni byang chub kyi stong pa nyid do zhes byang chub rnam par 'khrug par mi byed do/ /rab 'byor 'di lta ste dper na/ nam mkha' ni nam mkha' rnam par 'khrug par mi byed do/ /nang gi nam mkha' ni phyi'i nam</font><hr>33.167a<br><font size=+1>

mkha' rnam par 'khrug par mi byed do/ /phyi'i nam mkha' ni nang gi nam mkha' rnam par 'khrug par mi byed do/ /rab 'byor de bzhin du gzugs kyang stong pa nyid rnam par 'khrug par mi byed do/ /stong pa nyid kyang gzugs rnam par 'khrug par mi byed do/ /tshor ba dang 'du shes dang 'du byed dang / rnam par shes pa yang stong pa nyid rnam par 'khrug par mi byed/ stong pa nyid kyang rnam par shes pa rnam par 'khrug par mi byed do/ /skye mched dang / khams dang / rten cing 'brel par 'byung ba rnams kyang stong pa nyid rnam par 'khrug par mi byed/ stong pa nyid kyang rten cing 'brel bar 'byung ba rnam par 'khrug par mi byed do/ /pha rol du phyin pa rnams dang / stong pa nyid thams cad dang / byang chub kyi phyogs kyi chos rnams kyang stong pa nyid rnam par 'khrug par mi byed/ stong pa nyid kyang byang chub kyi phyogs kyi chos rnams rnam par 'khrug par mi byed do/ /'phags pa'i bden pa dang /  bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo rnams kyang stong pa nyid rnam par 'khrug par mi byed/ stong pa nyid kyang gzungs kyi sgo rnams rnam par 'khrug par mi byed do/ /de bzhin gshegs pa'i stobs bcu dang /  mi 'jigs pa bzhi dang /  so so yang dag par rig pa bzhi dang / sangs rgyas kyi chos ma 'dres pa bcwa brgyad kyang stong pa nyid rnam par 'khrug par mi byed/ stong pa nyid kyang sangs rgyas kyi chos ma 'dres pa bcwa brgyad rnam par 'khrug par mi byed do/ /rgyun tu zhugs pa'i 'bras bu dang / lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub dang / bla na med pa yang dag</font><hr>33.167b<br><font size=+1>

par rdzogs pa'i byang chub kyang stong pa nyid rnam par 'khrug par mi byed do/ /stong pa nyid kyang bla na med pa yang dag par rdzogs pa'i byang chub rnam par 'khrug par mi byed do/ /de ci'i phyir zhe na/ de dag la gang 'di ltar 'di ni gzugs so/ /'di ni stong pa nyid do/ /'di ni tshor ba dang / 'du shes dang / 'du byed dang / rnam par shes pa'o 'di ni stong pa nyid do/ /'di ni bla na med pa yang dag par rdzogs pa'i byang chub kyi bar du'o 'di ni stong pa nyid do zhes rnam par 'khrug pa de lta bu'i rang bzhin med do/ /rab 'byor gyis gsol pa/ bcom ldan 'das gal te chos thams cad dbyer ma mchis na/ ci'i slad du byang chub sems dpa' sems dpa' chen po bdag ni bla na med pa yang dag par rdzogs pa'i byang chub du yang dag par zhugs pa ste/ mngon par rdzogs par 'tshang rgya bar bya'o zhes bgyi bar sems par gyur/ bcom ldan 'das byang chub ni gnyis su dbyer ma mchis pa ste/ gnyis su 'byed pas ni bla na med pa yang dag par rdzogs pa'i byang chub tu mngon par rdzogs par 'tshang rgya bar mi nus so/ /bcom ldan 'das kyis bka' stsal pa/ rab 'byor de de bzhin no/ /de de bzhin te/ byang chub ni gnyis su dbyer med pa ste/ gnyis la spyod pa la byang chub med do/ /rab 'byor byang chub ni gnyis su dbyer med pas/ byang chub sems dpa' sems dpa' chen po'i byang chub ni byang chub bo/ /byang chub sems dpa'o zhes bya bar gnyis su bya ba la mi spyod de/ byang chub sems dpa' sems dpa' chen po'i byang chub de ni gzugs la mi spyod do/ /tshor ba dang 'du shes dang 'du byed dang / rnam par shes pa la mi spyod do/ /skye mched dang khams dang rten cing 'brel bar 'byung ba rnams la mi spyod do/ /pha rol tu phyin pa rnams dang / stong pa nyid thams cad dang / byang chub kyi phyogs kyi chos rnams la mi spyod do/ /'phags pa'i bden pa dang bsam gtan dang tshad med pa dang / </font><hr>33.168a<br><font size=+1>

gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang mtshan ma med pa dang smon pa med pa dang / mngon par shes pa dang / ting nge 'dzin dang / gzungs kyi sgo rnams la mi spyod do/ /de bzhin gshegs pa'i stobs bcu dang / mi 'jigs pa dang so so yang dag par rig pa dang byams pa chen po dang / snying rje chen po dang sangs rgyas kyi chos ma 'dres pa bcwa brgyad la mi spyod do/ /de ci'i phyir zhe na/ byang chub ni bdag gam/ bdag gir bya ba med pa ste/ bdag gis gzugs la spyad par bya'o zhe 'am/ bdag gi gzugs so zhe 'am/ bdag gis tshor ba dang / 'du shes dang 'du byed dang rnam par shes pa la spyad par bya'o zhe 'am/ bdag gi rnam par shes pa'o zhe 'am/ bdag gis skye mched dang khams dang rten cing 'brel bar 'byung ba la spyad par bya'o zhe 'am/ bdag gi rten cing 'brel bar 'byung ba'o zhe 'am/ bdag gis pha rol tu phyin pa rnams dang / stong pa nyid thams cad dang / byang chub kyi phyogs kyi chos rnams la spyod par bya'o zhe 'am/ bdag gi byang chub kyi phyogs kyi chos rnams so zhe 'am/ bdag gis 'phags pa'i bden pa dang /  bsam gtan dang /  tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang /  gzungs kyi sgo rnams la spyad par bya'o zhe 'am/  bdag gi gzungs kyi sgo rnams so zhe 'am/ bdag gis de bzhin gshegs pa'i stobs bcu dang / mi 'jigs pa bzhi dang / so so yang dag par</font><hr>33.168b<br><font size=+1>

rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad la spyad par bya'o zhe 'am/ bdag gi sangs rgyas kyi chos ma 'dres pa bcwa brgyad do zhe 'am/ bdag gis bla na med pa yang dag par rdzogs pa'i byang chub kyi bar la spyad par bya'o zhe 'am/ bdag gi bla na med pa yang dag par rdzogs pa'i byang chub bo zhes bya bar bdag dang bdag gir bya ba med do/ /byang chub sems dpa' sems dpa' chen po'i byang chub ni 'dzin pa la mi spyod mi 'dzin pa la'ang mi spyod do/ /rab 'byor gyis gsol pa/ bcom ldan 'das gal te de ltar byang chub sems dpa' sems dpa' chen po'i byang chub 'dzin pa la yang mi spyod/ mi 'dzin pa la yang mi spyod na/ byang chub sems dpa' sems dpa' chen po'i byang chub ci la spyod pa lags/ bcom ldan 'das kyis bka' stsal pa/ rab 'byor de ji snyam du sems/ de bzhin gshegs pas sprul pa'i byang chub 'dzin pa 'am/ mi 'dzin pa 'am/ ci la yang spyod pa yod dam/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor de ji snyam du sems/ dgra bcom pa'i rmi lam gyi blo 'dzin pa 'am mi 'dzin pa gang la yang spyod dam/ gsol pa/ bcom ldan 'das de ni ma lags te/ dgra bcom pa la yod pa yang nyal ba ma mchis na/ de'i rmi lam gyi blo 'dzin pa 'am/ mi 'dzin pa la spyod par 'gyur ba lta ga la mchis/ bcom ldan 'das kyis bka' stsal pa/ rab 'byor de bzhin du byang chub sems dpa' sems dpa' chen po'i byang chub kyang 'dzin pa 'am/ mi 'dzin pa la spyod pa med do/ /gsol pa/ bcom ldan 'das gal te de ltar byang chub sems dpa' sems dpa' chen po'i byang chub 'dzin pa la yang mi spyod/ mi 'dzin pa la yang</font><hr>33.169a<br><font size=+1>

mi spyod/ gzugs la yang mi spyod/ tshor ba dang 'du shes dang 'du byed dang / rnam par shes pa la yang mi spyod/ skye mched dang khams dang rten cing 'brel bar 'byung ba la yang mi spyod/ pha rol du phyin pa rnams dang / stong pa nyid thams cad dang / byang chub kyi phyogs kyi chos rnams la yang mi spyod/ 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo rnams la yang mi spyod/ de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad la mi spyod/ rnam pa thams cad mkhyen pa nyid kyi bar la yang mi spyod na/ ji ltar byang chub sems dpa' sems dpa' chen po pha rol du phyin pa drug la spyod/ stong pa nyid bcu bzhi dang / byang chub kyi phyogs kyi chos sum bcu rtsa bdun dang / rnam par thar pa'i sgo gsum dang / bsam gtan dang / rnam par thar pa dang / ting nge 'dzin dang / snyoms par 'jug pa thams cad dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad la spyod/ byang chub sems dpa'i sa bcu yongs su rdzogs par bgyis/ mngon par shes pa lnga la gnas/ byang chub sems dpa'i skyon ma mchis par zhugs/ sangs rgyas kyi zhing yongs su dag par bgyis/ sems can rnams yongs su smin par bgyis/ mi chen po'i mtshan sum bcu rtsa gnyis dang / dpe byad bzang po brgyad bcu yongs su bsgrubs shing / rnam pa thams cad mkhyen pa nyid du mngon par rdzogs par 'tshang rgya</font><hr>33.169b<br><font size=+1>

bar 'gyur/ bcom ldan 'das pha rol du phyin pa drug la ma spyad/ stong pa nyid bcu bzhi la ma spyad/ byang chub kyi phyogs kyi chos sum bcu rtsa bdun la ma spyad/ rnam par thar pa'i sgo gsum la ma spyad/ bsam gtan dang / rnam par thar pa dang / ting nge 'dzin dang / snyoms par 'jug pa thams cad la ma spyad/ de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang /  byams pa chen po dang /  snying rje chen po dang / sangs rgyas kyi chos ma 'dres pa bcwa brgyad la ma spyad/ byang chub sems dpa'i sa bcu yongs su rdzogs par ma bgyis/  mngon par shes pa lnga la mi gnas/ byang chub sems dpa'i skyon ma mchis par ma zhugs/ sangs rgyas kyi zhing yongs su dag par ma bgyis/ sems can rnams yongs su smin par ma bgyis/ mi chen po'i mtshan sum bcu rtsa gnyis dang / dpe byad bzang po brgyad bcu yongs su ma bsgrubs par ni bla na med pa yang dag par rdzogs pa'i byang chub tu mngon par rdzogs par 'tshang rgya bar mi nus so/ /bcom ldan 'das kyis bka' stsal pa/ rab 'byor de de bzhin no/ /de de bzhin te/ de ji skad du smras pa de bzhin te/ pha rol du phyin pa drug yongs su rdzogs par ma byas/ stong pa nyid bcu bzhi dang /  byang chub kyi phyogs kyi chos sum bcu rtsa bdun dang / rnam par thar pa'i sgo gsum dang / bsam gtan dang / rnam par thar pa dang / ting nge 'dzin dang / snyoms par 'jug pa thams cad dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang sangs rgyas kyi chos ma 'dres pa bcwa brgyad yongs su rdzogs par ma byas/ byang chub sems dpa'i sa bcu yongs su ma rdzogs/ mngon par shes pa lnga la ma gnas/ byang chub sems dpa'i skyon med par ma zhugs/ sangs rgyas kyi zhing yongs su dag par</font><hr>33.170a<br><font size=+1>

ma byas/ sems can rnams yongs su smin par ma byas/ mi chen po'i mtshan sum bcu rtsa gnyis dang / dpe byad bzang po brgyad bcu yongs su ma bsgrubs par bla na med pa yang dag par rdzogs pa'i byang chub tu mngon par rdzogs par 'tshang rgya bar mi nus te/ rab 'byor byang chub sems dpa' sems dpa' chen pos pha rol du phyin pa drug dang / stong pa nyid thams cad dang / dran pa nye bar gzhag pa bzhi dang / 'phags pa'i lam yan lag brgyad pa'i bar dang / rnam par thar pa'i sgo stong pa nyid dang / mtshan ma med pa dang smon pa med pa dang bsam gtan dang rnam par thar pa dang ting nge 'dzin dang / snyoms par 'jug pa thams cad dang de bzhin gshegs pa'i stobs bcu dang / mi 'jigs pa bzhi dang so so yang dag par rig pa bzhi dang byams pa chen po dang snying rje chen po dang / sangs rgyas kyi chos ma 'dres pa bcwa brgyad dang / byang chub sems dpa'i sa bcu yongs su rdzogs par byas/ mngon par shes pa lnga la gnas/ byang chub sems dpa'i skyon med par zhugs/ sangs rgyas kyi zhing yongs su dag par byas/ sems can rnams yongs su smin par byas/ mi chen po'i mtshan sum bcu rtsa gnyis dang / dpe byad bzang po brgyad bcu yongs su bsgrubs/ mi mnyam pa'i chos nyid dang / rtag tu btang snyoms su rnam par spyod pa yongs su rdzogs par byas nas/ rnam pa thams cad mkhyen pa nyid 'thob par 'gyur ro/ /rab 'byor de yang gzugs kyi rang bzhin la gnas/ tshor ba dang 'du shes dang 'du byed dang rnam par shes pa'i rang bzhin la gnas/ bla na med pa yang dag par rdzogs pa'i byang chub kyi bar gyi rang bzhin la gnas te/ byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya'o/ /rang bzhin de yang nye bar zhi ba ste/ chos gang yang 'phel bar byed pa 'am/  'bri bar</font><hr>33.170b<br><font size=+1>

byed pa 'am/  skye ba 'am 'gag pa 'am kun nas nyon mongs pa 'am/ rnam par byang ba 'am thob pa 'am mngon par rtogs par byed pa med de/ de yang 'jig rten gyi tha snyad du btags pa'i chos nyid nye bar bzung na/ byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya'i/ don dam par ni gzugs sam tshor ba 'am 'du shes sam 'du byed dam rnam par shes pa 'am/ skye mched dam khams dang rten cing 'brel bar 'byung ba 'am/ pha rol du phyin pa rnams dang stong pa nyid thams cad dang / byang chub kyi phyogs kyi chos rnams sam/ 'phags pa'i bden pa dang / bsam gtan dang tshad med pa dang / gzugs med pa'i snyoms par 'jug pa dang / rnam par thar pa dang mthar gyis gnas pa'i snyoms par 'jug pa dang / stong pa nyid dang mtshan ma med pa dang / smon pa med pa dang mngon par shes pa dang / ting nge 'dzin dang gzungs kyi sgo rnams sam/ de bzhin gshegs pa'i stobs dang / mi 'jigs pa dang / so so yang dag par rig pa dang byams pa chen po dang snying rje chen po dang / sangs rgyas kyi chos ma 'dres pa rnams sam/ bla na med pa yang dag par rdzogs pa'i byang chub kyi bar ram/ gang byang chub tu spyod pa'i chos de lta bu yang med de/ chos de dag thams cad ni 'jig rten gyi tha snyad nye bar bzung ste/ btags pa yin gyi don dam par ni ma yin no/ /de bas na byang chub sems dpa' sems dpa' chen po sems dang po bskyed pa nas nye bar bzung ste/ byang chub tu spyod kyang sems de dag mi dmigs te/ sems can rnams dang / rang sangs rgyas dang byang chub sems dpa' yang mi dmigs so/ /rab 'byor de ji snyam du sems/ gang gi tshe rab 'byor khyod kyis 'jig tshogs la lta ba spang ba'i phyir dbang po rnams thob par gyur pa dang /  bar chad med pa'i ting nge 'dzin tam/ rgyun du zhugs</font><hr>33.171a<br><font size=+1>

pa'i 'bras bu thob pa 'am/ lan gcig phyir 'ong ba'i 'bras bu 'am/ phyir mi 'ong ba'i 'bras bu 'am/ dgra bcom pa nyid thob par gyur pa de'i tshe/ rmi lam 'am sems sam lam 'am 'bras bu dmigs par 'gyur ba yod dam/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ 'o na ji ltar khyod rab 'byor gyis dgra bcom pa thob bo zhes bya bar bka' stsal te/ lung bstan par gyur gsol pa/ bcom ldan 'das 'jig rten gyi tha snyad nye bar bzung ste/ bkas lung bstan to/ /bcom ldan 'das kyis bka' stsal pa/ rab 'byor de bzhin du byang chub sems dpa' yang 'jig rten gyi tha snyad tu btags pa'o/ /gzugs kyang 'jig rten gyi tha snyad du btags pa'o/ /tshor ba dang 'du shes dang 'du byed dang / rnam par shes pa yang 'jig rten gyi tha snyad tu btags pa'o/ /skye mched dang khams dang / rten cing 'brel par 'byung ba yang 'jig rten gyi tha snyad tu btags pa'o/ /pha rol tu phyin pa rnams dang / stong pa nyid thams cad dang / byang chub kyi phyogs kyi chos rnams kyang 'jig rten gyi tha snyad tu btags pa'o/ /'phags pa'i bden pa dang / bsam gtan dang tshad med pa dang / gzugs med pa'i snyoms par 'jug pa dang / rnam par thar pa dang mthar gyis gnas pa'i snyoms par 'jug pa dang / stong pa nyid dang mtshan ma med pa dang / smon pa med pa dang mngon par shes pa dang / ting nge 'dzin dang gzungs kyi sgo rnams kyang 'jig rten gyi tha snyad du btags pa'o/ /de bzhin gshegs pa'i stobs dang mi 'jigs pa dang / so so yang dag par rig pa dang byams pa chen po dang snying rje chen po dang / sangs rgyas kyi chos ma 'dres pa rnams kyang 'jig rten gyi tha snyad tu btags pa'o/ /rnam pa thams cad mkhyen pa nyid kyi bar yang 'jig rten gyi tha snyad du btags pa'o/ /byang chub sems dpa' sems dpa'</font><hr>33.171b<br><font size=+1>

chen pos ni chos gang la yang 'phel bar byed pa 'am/ 'grib par byed pa 'am phan 'dogs pa bas/ gnod par gyur pa de lta bu gang yang mi dmigs te/ chos kyi rang bzhin nye bar bzung nas/ chos rnams kyi chos kyi rang bzhin de yang ma dmigs na/ sems dang po bskyed pa dmigs par 'gyur ba lta ci smos te/ de ni gnas med do/ /sa bcu pa'i bar dang / pha rol tu phyin pa rnams dang / stong pa nyid thams cad dang / byang chub kyi phyogs kyi chos sum bcu rtsa bdun du dmigs par 'gyur ba lta ci smos te/ de ni gnas med do/ /'phags pa'i bden pa dang /  bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang mtshan ma med pa dang / smon pa med pa dang / mngon par shes pa dang ting nge 'dzin dang / gzungs kyi sgo rnams su dmigs par 'gyur ba lta ci smos te/ de ni gnas med do/ /de bzhin gshegs pa'i stobs dang / mi 'jigs pa dang / so so yang dag par rig pa dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad dmigs par 'gyur ba lta ci smos te/ de ni gnas med do/ /rnam pa thams cad mkhyen pa nyid kyi bar du dmigs par gyur pa lta ci smos te/ de ni gnas med do/ /rab 'byor de ltar byang chub sems dpa' sems dpa' chen po bla na med pa yang dag par rdzogs pa'i byang chub tu spyad cing / bla na med pa yang dag par rdzogs pa'i byang chub tu mngon par rdzogs par sangs rgyas te/ sems can rnams kyi don byed do/ /shes rab kyi pha rol du phyin pa stong phrag nyi shu lnga pa las/ le'u drug bcu bzhi pa'o// //</font><hr>33.172a<br><font size=+1>

de nas tshe dang ldan pa rab 'byor gyis/ bcom ldan 'das la 'di skad ces gsol to/ /bcom ldan 'das gal te byang chub sems dpa' sems dpa' chen po pha rol du phyin pa drug la spyod pa dang /  stong pa nyid bcu bzhi dang / byang chub kyi phyogs kyi chos sum bcu rtsa bdun la spyod pa dang / rnam par thar pa'i sgo gsum dang /  bsam gtan dang rnam par thar pa dang /  ting nge 'dzin dang / snyoms par 'jug pa thams cad dang / 'phags pa'i bden pa dang / mngon par shes pa dang / ting nge 'dzin dang / gzungs kyi sgo rnams la spyod pa dang /  de bzhin gshegs pa'i stobs bcu dang /  mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad la spyod pas/ byang chub kyi lam yongs su rdzogs par bgyis kyang / bla na med pa yang dag par rdzogs pa'i byang chub tu mngon par rdzogs par 'tshang rgya ba'i skal ba ma mchis na/ bcom ldan 'das de ji ltar byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ba lags/ bcom ldan 'das kyis bka' stsal pa/ rab 'byor nam byang chub sems dpa' sems dpa' chen po shes rab kyi pha rol du phyin pa la spyod pa'i tshe/ thabs mkhas pas/ sbyin pa'i pha rol du phyin pa la spyod kyang / sbyin pa dang sbyin pa'i bdag po dang / len pa yang mi dmigs chos de dag las gzhan du yang mi spyod na/ de'i tshe byang chub sems dpa' sems dpa' chen po byang chub kyi lam thob par 'gyur te/ rab 'byor byang chub sems dpa' sems dpa' chen po shes rab kyi pha rol du phyin pa la de ltar spyod na/ thabs mkhas pas bla na med pa yang dag par rdzogs pa'i byang chub tu mngon par rdzogs par 'tshang rgya'o/ /rab 'byor gzhan yang nam byang chub</font><hr>33.172b<br><font size=+1>

sems dpa' sems dpa' chen po shes rab kyi pha rol tu phyin pa la spyod pa'i tshe/ tshul khrims kyi pha rol du phyin pa la spyod kyang / tshul khrims dang / tshul khrims dang ldan pa yang mi dmigs/ chos de gnyis las gzhan du yang mi spyod na/ de'i tshe byang chub sems dpa' sems dpa' chen po byang chub kyi lam thob par 'gyur te/ rab 'byor byang chub sems dpa' sems dpa' chen po shes rab kyi pha rol du phyin pa la de ltar spyod na/ thabs mkhas pas bla na med pa yang dag par rdzogs pa'i byang chub tu mngon par rdzogs par 'tshang rgya'o/ /rab 'byor gzhan yang nam byang chub sems dpa' sems dpa' chen po shes rab kyi pha rol du phyin pa la spyod pa'i tshe/ bzod pa'i pha rol tu phyin pa la spyod kyang / bzod pa dang / bzod pa dang ldan pa yang mi dmigs/ chos de gnyis las gzhan du yang mi spyod na/ de'i tshe byang chub sems dpa' sems dpa' chen po byang chub kyi lam 'thob par 'gyur te/ rab 'byor byang chub sems dpa' sems dpa' chen po shes rab kyi pha rol du phyin pa la de ltar spyod na/ thabs mkhas pas/ bla na med pa yang dag par rdzogs pa'i byang chub tu mngon par rdzogs par 'tshang rgya'o/ /rab 'byor gzhan yang nam byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ brtson 'grus kyi pha rol du phyin pa la spyod kyang / brtson 'grus dang / brtson 'grus rtsom pa yang mi dmigs/ chos de gnyis las gzhan du yang mi spyod na/ de'i tshe byang chub sems dpa' sems dpa' chen po byang chub kyi lam 'thob par 'gyur te/ rab 'byor byang chub sems dpa' sems dpa' chen po shes rab kyi pha rol du phyin pa la de ltar spyod na/ thabs mkhas pas/ bla na med pa yang dag par rdzogs pa'i byang chub tu mngon par rdzogs par 'tshang rgya'o/ /rab 'byor gzhan yang nam byang chub sems dpa' sems dpa' chen po shes rab kyi</font><hr>33.173a<br><font size=+1>

pha rol tu phyin pa la spyod pa'i tshe/ bsam gtan gyi pha rol du phyin pa la spyod kyang / bsam gtan dang / bsam gtan pa yang mi dmigs/ chos de gnyis las gzhan du yang mi spyod na/ de'i tshe byang chub sems dpa' sems dpa' chen po byang chub kyi lam 'thob par 'gyur te/ rab 'byor byang chub sems dpa' sems dpa' chen po shes rab kyi pha rol du phyin pa la de ltar spyod na/ thabs mkhas pas/ bla na med pa yang dag par rdzogs pa'i byang chub tu mngon par rdzogs par 'tshang rgya'o/ /rab 'byor gzhan yang nam byang chub sems dpa' sems dpa' chen po shes rab kyi pha rol du phyin pa la spyod pa'i tshe/ shes rab kyi pha rol du phyin pa sgom yang / shes rab dang / shes rab dang ldan pa yang mi dmigs/ chos de gnyis las gzhan du yang mi spyod na/ de'i tshe byang chub sems dpa' sems dpa' chen po byang chub kyi lam 'thob par 'gyur te/ rab 'byor byang chub sems dpa' sems dpa' chen po shes rab kyi pha rol du phyin pa la de ltar spyod na/ thabs mkhas pas/ bla na med pa yang dag par rdzogs pa'i byang chub tu mngon par rdzogs par 'tshang rgya'o/ /rab 'byor gzhan yang nam byang chub sems dpa' sems dpa' chen po shes rab kyi pha rol du phyin pa la spyod pa'i tshe/  sangs rgyas kyi chos ma 'dres pa bcwa brgyad kyi bar la spyod kyang / sangs rgyas kyi chos ma 'dres pa rnams dang / sangs rgyas kyi chos ma 'dres pa bsgom pa yang mi dmigs/  chos de gnyis las gzhan du yang mi spyod na/ de'i tshe byang chub sems dpa' sems dpa' chen po byang chub kyi lam 'thob par 'gyur te/ rab 'byor byang chub sems dpa' sems dpa' chen po shes rab kyi pha rol du phyin pa la de ltar spyod na/ thabs mkhas pas/ bla na med pa yang dag par rdzogs pa'i byang chub tu mngon par rdzogs par 'tshang</font><hr>33.173b<br><font size=+1>

rgya'o/ /de nas tshe dang ldan pa sha ra dwa ti'i bus/ bcom ldan 'das la 'di skad ces gsol to/ /bcom ldan 'das ji ltar na byang chub sems dpa' sems dpa' chen po shes rab kyi pha rol du phyin pa la spyod pa'i tshe/ byang chub kyi lam la brtson par bgyid pa lags/ bcom ldan 'das kyis bka' stsal pa/ sha ra dwa ti'i bu 'di la byang chub sems dpa' sems dpa' chen po shes rab kyi pha rol du phyin pa la spyod pa'i tshe/ thabs mkhas pas gzugs mi sbyor mi 'byed de/ de ci'i phyir zhe na/ de ni 'di ltar gang sbyor ba 'am/ dbye bar bya ba'i gzugs la ngo bo nyid med do/ /tshor ba dang 'du shes dang 'du byed dang rnam par shes pa mi sbyor mi 'byed de/ de ci'i phyir zhe na/ de ni 'di ltar gang sbyar ba 'am/ dbye bar bya ba'i rnam par shes pa la ngo bo nyid med do/ /skye mched dang khams dang rten cing 'brel par 'byung ba rnams mi sbyor mi 'byed de/ de ci'i phyir zhe na/ de ni 'di ltar gang sbyar ba 'am/ dbye bar bya ba'i rten cing 'brel bar 'byung ba la ngo bo nyid med do/ /pha rol du phyin pa rnams dang / stong pa nyid thams cad dang / byang chub kyi phyogs kyi chos rnams mi sbyor mi 'byed de/ de ci'i phyir zhe na/ de ni 'di ltar gang sbyar ba 'am/ dbye bar bya ba'i byang chub kyi phyogs kyi chos rnams la ngo bo nyid med do/ /'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang stong pa nyid dang mtshan ma med pa dang / smon pa med pa dang mngon par shes pa dang / ting nge 'dzin dang / gzungs kyi sgo rnams mi sbyor mi 'byed de/ de ci'i phyir zhe na/ de ni 'di ltar gang sbyar ba 'am/ dbye bar bya ba'i gzungs kyi sgo rnams la ngo bo nyid med do/ /de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi</font><hr>33.174a<br><font size=+1>

dang / byams pa chen po dang snying rje chen po dang / sangs rgyas kyi chos ma 'dres pa rnams mi sbyor mi 'byed de/ de ci'i phyir zhe na/ de ni 'di ltar gang sbyar ba 'am/ dbye bar bya ba'i sangs rgyas kyi chos ma 'dres pa rnams la ngo bo nyid med do/ /gsol pa/ bcom ldan 'das chos gang la yang sbyar ba 'am dbye bar bgyi ba'i ngo bo nyid ma mchis na/ gang la byang chub sems dpa' sems dpa' chen pos bslab par bgyi ba'i shes rab kyi pha rol tu phyin pa ji ltar mngon par 'grub par 'gyur/ shes rab kyi pha rol tu phyin pa la ma bslabs par ni byang chub sems dpa' sems dpa' chen pos bla na med pa yang dag par rdzogs pa'i byang chub tu mngon par rdzogs par 'tshang rgya bar mi nus so/ /bcom ldan 'das kyis bka' stsal pa/ shA ra dwa ti'i bu de de bzhin no/ /de de bzhin te/ ji skad du smras pa bzhin te/ shes rab kyi pha rol du phyin pa la ma bslabs par/ byang chub sems dpa' sems dpa' chen pos bla na med pa yang dag par rdzogs pa'i byang chub tu mngon par rdzogs par 'tshang rgya bar mi nus te/ de yang thabs mkhas pas yin gyi/ thabs mi mkhas pas ma yin no/ /shA ra dwa ti'i bu gal te byang chub sems dpa' sems dpa' chen po shes rab kyi pha rol du phyin pa la spyod pa'i tshe/ chos gang la la zhig gi ngo bo nyid med na ni/ de'i phyir 'dzin par yang 'gyur na/ 'on te mi dmigs na ni 'di ni gzugs so/ /'di ni tshor ba'o/ /'di ni 'du shes so/ /'di ni 'du byed do/ /'di ni rnam par shes pa'o/ /zhes bya bar yang ci zhig gzung / 'di dag ni skye mched dang / khams dang rten cing 'brel bar 'byung ba'o/ /'di dag ni pha rol tu phyin pa rnams dang / stong pa nyid thams cad dang / byang chub kyi phyogs kyi chos rnams so/ /</font><hr>33.174b<br><font size=+1>

'di dag ni 'phags pa'i bden pa dang / bsam gtan dang tshad med pa dang gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo rnams so/ /'di dag ni de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa rnams so/ /'di ni rnam pa thams cad mkhyen pa nyid kyi bar ro zhes bya bar yang ci zhig gzung ste/ shA ra dwa ti'i bu shes rab kyi pha rol du phyin pa ni gzung du med pa'o/ /bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa ni gzung du med pa'o/ /stong pa nyid thams cad dang / byang chub kyi phyogs kyi chos rnams ni gzung du med pa'o/ /'phags pa'i bden pa dang bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang mthar gyis gnas pa'i snyoms par 'jug pa dang / stong pa nyid dang mtshan ma med pa dang / smon pa med pa dang mngon par shes pa dang ting nge 'dzin dang / gzungs kyi sgo rnams ni gzung du med pa'o/ /de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad ni gzung du med pa'o/ /shA ra dwa ti'i bu de ni gzung du med pa'i pha rol du phyin pa ste/ 'di ltar shes rab kyi pha rol du phyin pa'o/ /de la byang chub sems dpa' sems</font><hr>33.175a<br><font size=+1>

dpa' chen pos bslab par bya ste/  de la slob pa'i byang chub sems dpa' sems dpa' chen pos ni bslab pa yang mi dmigs na/  shes rab kyi pha rol du phyin pa lta ci smos/ byang chub lta yang ci smos/ byang chub kyi chos rnams lta yang ci smos/ sangs rgyas kyi chos rnams lta yang ci smos/ rang sangs rgyas kyi chos rnams lta yang ci smos/  nyan thos pa'i chos rnams lta yang ci smos/  so so'i skye bo'i chos rnams lta yang ci smos/ de ci'i phyir zhe na/ shA ra dwa ti'i bu de ni 'di ltar chos gang la yang ngo bo nyid med do/ /de ltar chos thams cad dngos po med pa'i ngo bo nyid la/ so so'i skye bo'i chos ni gang / rgyun du zhugs pa ni gang zhig yod/ lan gcig phyir 'ong ba dang / phyir mi 'ong ba dang / dgra bcom pa nyid dang / rang sangs rgyas ni gang zhig yod/ byang chub sems dpa' ni gang zhig yod/ de bzhin gshegs pa dgra bcom pa yang dag par rdzogs pa'i sangs rgyas ni gang zhig yod/ gal te gang zag de dag dmigs su med na/ chos gang gis so so'i skye bo'am rgyun du zhugs pa 'am/ lan gcig phyir 'ong ba 'am/ phyir mi 'ong ba 'am/ dgra bcom pa dang / rang sangs rgyas sam byang chub sems dpa' 'am/ de bzhin gshegs pa dgra bcom pa yang dag par rdzogs pa'i sangs rgyas shes bya bar brjod pa'i chos de dag 'byung bar yang ga la 'gyur/ gsol pa/  bcom ldan 'das chos thams cad dngos po ma mchis pa la/ 'di ni so so'i skye bo zhes bgyi ba dang / 'di ni de bzhin gshegs pa dgra bcom pa yang dag par rdzogs pa'i sangs rgyas so zhes bgyi ba'i bar du 'byung ba ci'i slad du dmigs par gyur/ bcom ldan 'das kyis bka' stsal pa/ shA ra dwa ti'i bu ci gzugs kyi dngos po gang la byis pa so so'i skye bo rnams mngon par zhen par gyur pa de</font><hr>33.175b<br><font size=+1>

lta bu yod dam/ yod par gyur tam/ yod par 'gyur ram/ gsol pa/ bcom ldan 'das phyin ci log ma gtogs par de ni ma lags so/ /bcom ldan 'das kyis bka' stsal pa/ shA ra dwa ti'i bu ci tshor ba dang 'du shes dang 'du byed dang / rnam par shes pa'i dngos po gang la byis pa so so'i skye bo rnams mngon par zhen par gyur pa de lta bu yod dam/ yod par gyur tam/ yod par 'gyur ram/ gsol pa/ bcom ldan 'das phyin ci log ma gtogs par de ni ma lags so/ /bcom ldan 'das kyis bka' stsal pa/ shA ra dwa ti'i bu sangs rgyas kyi chos ma 'dres pa bcwa brgyad kyi bar gyi dngos po gang la byis pa so so'i skye bo rnams mngon par zhen par gyur pa de lta bu yod dam/ yod par gyur tam/ yod par 'gyur ram/ gsol pa/ bcom ldan 'das phyin ci log ma gtogs par de ni ma lags so/ /bcom ldan 'das kyis bka' stsal pa/ shA ra dwa ti'i bu de de bzhin no/ /de de bzhin te/ chos thams cad dngos po med pa la/ phyin ci log gi dbang gis sems can rnams rnam par rtog ste/ de'i phyir byang chub sems dpa' sems dpa' chen po shes rab kyi pha rol du phyin pa la spyod pa'i tshe/ thabs mkhas pas/ chos thams cad dngos po med par mthong nas/ bla na med pa yang dag par rdzogs pa'i byang chub tu yang dag par 'jog go/ /gsol pa/ bcom ldan 'das thabs mkhas pa gang gis byang chub sems dpa' sems dpa' chen po chos thams cad dngos po med par mthong nas/ bla na med pa yang dag par rdzogs pa'i byang chub tu yang dag par 'jug pa'i thabs mkhas pa de gang lags/ bcom ldan 'das kyis bka' stsal pa/ shA ra dwa ti'i bu 'di la byang chub sems dpa' sems dpa' chen po shes rab kyi pha rol tu phyin pa la</font><hr>33.176a<br><font size=+1>

spyod pa'i tshe/ chos gang yang gang la thogs par 'gyur ba'i dngos po 'am/ gang la thogs par gyur nas zhum par 'gyur ba 'am/ zhum par gyur nas sgyid lug par 'gyur ba 'am/ sgyid lug par gyur nas tshi chad par 'gyur ba 'am/ tshi chad par gyur nas/ le lor 'gyur ba'i dngos po yang dag par rjes su mi mthong ste/ shA ra dwa ti'i bu sems can rnams rmongs pas phung po zhes bya ba 'am/ skye mched ces bya ba 'am/ khams shes bya ba 'am/ rten cing 'brel par 'byung ba zhes bya ba 'am/ rten cing 'brel par 'byung ba'i chos shes bya bar mngon par zhen pa ma gtogs par chos thams cad ni dngos po med pa'o/ /srog med pa'o/ /srog dang bral ba'o/ /dngos po med pa'i ngo bo nyid do/ /rang bzhin gyis stong ba'o/ /rang gi mtshan nyid kyis stong ba'o/ /de lta bas na byang chub sems dpa' sems dpa' chen po shes rab kyi pha rol du phyin pa la spyod pa'i tshe/  chos thams cad dngos po med pa'i ngo bo nyid dang / rang bzhin stong pa nyid dang / rang gi mtshan nyid stong par yang dag par rjes su mthong nas/ sgyu ma'i mkhan po lta bu'i lus byin gyis brlabs nas sems can rnams la chos ston te/ sems can gang ser sna can du gyur pa de dag la sbyin pa'i gtam byed do/ /tshul khrims ngan pa can rnams la tshul khrims kyi gtam byed do/ /gnod sems can rnams la bzod pa'i gtam byed do/ /le lo can rnams la brtson 'grus kyi gtam byed do/ /sems g.yeng ba rnams la ting nge 'dzin gyi gtam byed do/ /shes rab 'chal pa rnams la shes rab kyi gtam byed do/ /gang gi tshe sems can de dag sbyin pa la bkod par gyur pa dang / tshul khrims dang bzod pa dang brtson 'grus dang / ting nge</font><hr>33.176b<br><font size=+1>

'dzin dang / shes rab la bkod par gyur pa de'i tshe/ de las gong du sems can de dag la 'phags pa'i gtam 'byung bar 'gyur ba gang gis rgyun du zhugs pa'i 'bras bu thob par 'gyur ba dang / lan gcig phyir 'ong ba'i 'bras bu thob par 'gyur ba dang / phyir mi 'ong ba'i 'bras bu thob par 'gyur ba dang / dgra bcom pa nyid thob par 'gyur ba dang / rang byang chub thob par 'gyur ba dang / rnam pa thams cad mkhyen pa nyid kyi bar du thob par 'gyur ba de lta bu'i gtam byed do/ /gsol pa/ bcom ldan 'das byang chub sems dpa' sems dpa' chen po shes rab kyi pha rol du phyin pa la spyod pa'i tshe/ de ltar sems can ma mchis shing yang dag par ma mchis pa rnams sbyin pa la sbyor/ tshul khrims dang bzod pa dang brtson 'grus dang ting nge 'dzin dang shes rab la sbyor zhing de las gong du 'phags pa'i gtam 'byung bar 'gyur ba gang gis rgyun du zhugs pa'i 'bras bu thob par 'gyur ba dang / lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub 'thob par 'gyur ba dang / rnam pa thams cad mkhyen pa nyid kyi bar du 'thob par 'gyur ba de lta bu'i gtam bgyid na/ ji ltar dmigs pa ma mchis par 'gyur/ bcom ldan 'das kyis bka' stsal pa/ shA ra dwa ti'i bu byang chub sems dpa' sems dpa' chen po shes rab kyi pha rol du phyin pa la spyod pa la/ dmigs pa gang yang med de/ de ci'i phyir zhe na/ de ni 'di ltar byang chub sems dpa' sems dpa' chen po de shes rab kyi pha rol du phyin pa la spyod pa'i tshe/ kun rdzob kyi brdas tha snyad du spyod pa ma gtogs par sems can gang yang mi dmigs te/ shA ra dwa ti'i bu de la byang chub sems dpa' sems dpa' chen po 'di lta ste/ kun rdzob kyi bden pa dang / don dam pa'i bden pa dang / bden pa gnyis la gnas nas/ sems can rnams la chos ston kyang / shA ra dwa ti'i bu bden pa</font><hr>33.177a<br><font size=+1>

gnyis la sems can du dmigs pa med de/ sems can du gdags pa yang med do/ /'on kyang byang chub sems dpa' sems dpa' chen po thabs mkhas pas shes rab kyi pha rol du phyin pa la spyod pa'i tshe/ sems can rnams la chos ston pa des sems can de dag tshe 'di nyid la bdag tu mi dmigs na/ gang thob par bya ba dang / gang gis thob par bya ba lta ci smos te/ sha ra dwa ti'i bu de ltar byang chub sems dpa' sems dpa' chen po shes rab kyi pha rol du phyin pa la spyod pa'i tshe/ thabs mkhas pas sems can rnams la chos ston to/ /gsol pa/ bcom ldan 'das de ltar byang chub sems dpa' sems dpa' chen po chos gang yang gcig pa 'am/ tha dad par yang mi dmigs/ 'di lta bu'i go cha 'tshal ba dang / go cha de 'tshal bas 'dod pa'i khams na yang mi gda'/  gzugs mchis pa'i khams na yang mi gda'/ gzugs ma mchis pa'i khams na yang mi gda'/ 'dus byas kyi khams dang / 'dus ma byas kyi khams na yang mi gda' la/ sems can rnams khams gsum nas 'grel cing sems can du'ang mi dmigs/ sems can du gdags pa yang mi dmigs pa ni spro ba chen po dang ldan pa ste/ sems can du gdags pa ma mchis pas/ sems can bcings pa dang grol ba ma mchis/ sems can bcings pa dang grol ba ma mchis pas/ kun nas nyon mongs pa dang / rnam par byang ba ma mchis/ kun nas nyon mongs pa dang / rnam par byang ba ma mchis pas/ lam gyi rgyud rnams/ tha dad par mi dmigs/ lam gyi rgyud rnams tha dad pa ma mchis pa la las dang nyon mongs pa ma mchis te/ las dang nyon mongs pa ma mchis na/ rnam par smin pa gang gis bdag gam/ sems can 'gro ba lnga'i 'khor ba na gda' bar 'gyur ba'i rnam par smin pa de lta bu yang ga las</font><hr>33.177b<br><font size=+1>

bcom ldan 'das kyis bka' stsal pa/ shA ra dwa ti'i bu de de bzhin no/ /de de bzhin te/ tshig ji skad du brjod pa bzhin te/ gal te sngon sems can zhig byung bar gyur la/ phyis 'byung ba med par gyur tam/ 'on te de ni de bzhin du sngon yod pa la phyis med par gyur tam/ 'gro ba lnga'i 'khor ba sngon yod la phyis med par 'gyur/ de bzhin gshegs pa dang / byang chub sems dpa' la yang 'das pa de lta bur 'gyur na/ shA ra dwa ti'i bu de bzhin gshegs pa rnams byung yang rung / de bzhin gshegs pa rnams ma byung yang rung ste/ chos de dag gi de bzhin nyid dang / ma nor ba de bzhin nyid dang / gzhan ma yin pa de bzhin nyid dang / chos nyid dang / chos kyi dbyings dang / chos kyi gnas nyid dang / chos skyon med pa nyid dang / yang dag pa'i mtha' dang / bsam gyis mi khyab pa'i dbyings de bzhin du gnas pa ste/ de la bdag kyang med/ sems can yang med/ srog kyang med/ 'gro ba yang med/ gso ba yang med/ skyes bu yang med/ gang zag yang med/ shed can kyang med/ shed bdag kyang med/ byed pa po yang med/ tshor ba po yang med/ shes pa po yang med/ mthong ba po yang med na de la gzugs lta ga la yod/ tshor ba dang 'du shes dang 'du byed dang / rnam par shes pa lta ga la yod/ skye mched dang / khams dang / rten cing 'brel par 'byung ba lta ga la yod/ rten cing 'brel par 'byung ba'i chos rnams lta yang ga la yod de/ chos de dag med na 'gro ba lnga'i 'khor ba gang nas/ sems can rnams dgrol bar bya ba de lta bu dag lta yang ga la yod de/ shA ra dwa ti'i bu de la/ byang chub sems dpa' sems dpa' chen po/ sngon gyi sangs rgyas bcom ldan 'das rnams las de lta bu'i chos ngo bo nyid kyis stong pa de dag thos</font><hr>33.178a<br><font size=+1>

nas sems can rnams kyi don du bla na med pa yang dag par rdzogs pa'i byang chub tu mngon par 'jug ste/ phyin ci log gis byis pa so so'i skye bo rnams mngon par zhen pa ma gtogs par sems can nam chos gang yang dmigs pa med do/ /shA ra dwa ti'i bu byang chub sems dpa' sems dpa' chen po ni de lta bu'i go cha chen po gyon te/ go cha de bgos pas bla na med pa yang dag par rdzogs pa'i byang chub las phyir mi ldog ste/ bdag gis ni bla na med pa yang dag par rdzogs pa'i byang chub tu mngon par rdzogs par 'tshang mi rgya bar bya ba ma yin gyi/ gdon mi za bar bdag gis bla na med pa yang dag par rdzogs pa'i byang chub tu mngon par rdzogs par 'tshang rgya bar bya'o/ /de ltar mngon par rdzogs par sangs rgyas nas kyang / sems can rnams kyi don chos bzhin du byas te/ don bya ba des sems can rnams phyin ci log las yongs su dgrol bar bya'o snyam mo/ /shA ra dwa ti'i bu 'di lta ste/ dper na sgyu ma'i mkhan po 'am/ sprul pa'i skyes bu zhig gis srog chags bye ba khrag khrig brgya stong mang por sprul te/ bza' ba dang / bca' ba zhim zhing nyams su bde ba shin du mang bas tshim par byas te/ de ltar tshim par byas nas/ bdag gis ni bsod nams mang po spel to/ /bdag gis ni bsod nams mang po spel to zhes/ ched du brjod pa ched du brjod na/ shA ra dwa ti'i bu de ji snyam du sems/ de la la la zhig ston te tshim par byas pa 'am/ la las bsod nams 'phel bar byas pa yod dam/ gsol pa/ bcom ldan 'das</font><hr>33.178b<br><font size=+1>

de ni ma lags so/ /bcom ldan 'das kyis bka' stsal pa/ sha ra dwa ti'i bu de bzhin du byang chub sems dpa' sems dpa' chen po yang sems dang po bskyed pa nas nye bar bzung ste/ pha rol du phyin pa rnams la spyod pa dang / stong pa nyid thams cad la spyod pa dang / byang chub kyi phyogs kyi chos sum bcu rtsa bdun la spyod pa dang / 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin thams cad dang / gzungs kyi sgo thams cad la spyod pa dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad la spyod pa dang / byang chub kyi lam yongs su rdzogs par byed pa dang / sangs rgyas kyi zhing yongs su dag par byed pa'i tshe/ sems can rnams yongs su smin par byed de/ sems can la la zhig dmigs par byas shing / gdul bar bya ba de lta bu'i sems can gang yang mi dmigs so/[ ]/ mad+ga la~M/ </font><hr>33.179a<br><font size=+1>

shes rab kyi pha rol tu phyin pa stong phrag nyi shu lnga pa/ bam po bdun bcu gnyis pa/ de nas tshe dang ldan pa rab 'byor gyis/ bcom ldan 'das la 'di skad ces gsol to/ /bcom ldan 'das byang chub sems dpa' sems dpa' chen pos byang chub kyi lam gang la spyod de/ sems can rnams yongs su smin par bgyi ba dang / sangs rgyas kyi zhing yongs su dag par bgyi ba'i byang chub sems dpa' sems dpa' chen po'i byang chub kyi lam gang lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po sems dang po bskyed pa nas nye bar bzung ste/ sbyin pa'i pha rol du phyin pa la spyod/ tshul khrims kyi pha rol tu phyin pa dang / bzod pa'i pha rol tu phyin pa dang /  brtson 'grus kyi pha rol du phyin pa dang / bsam gtan gyi pha rol tu phyin pa dang / shes rab kyi pha rol tu phyin pa la spyod/ nang stong pa nyid la spyod phyi stong pa nyid la spyod phyi nang stong pa nyid la spyod/ dngos po med pa'i ngo bo nyid stong pa nyid kyi bar la spyod/  dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang dbang po lnga dang stobs lnga dang / byang chub kyi yan lag bdun dang / 'phags pa'i lam yan lag brgyad pa la spyod/ 'phags pa'i bden pa bzhi dang / bsam gtan bzhi dang tshad med pa bzhi dang / gzugs med pa'i snyoms par 'jug pa bzhi dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang mtshan ma med pa dang / smon pa med pa dang / mngon par shes pa lnga dang / ting nge 'dzin thams cad dang / gzungs kyi sgo thams cad la spyod/ de</font><hr>33.179b<br><font size=+1>

bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang snying rje chen po dang / sangs rgyas kyi chos ma 'dres pa bcwa brgyad la spyod cing sems can rnams yongs su smin par byed do/ /sangs rgyas kyi zhing yang yongs su dag par byed do/ /gsol pa/ bcom ldan 'das ji ltar na byang chub sems dpa' sems dpa' chen po sbyin pa'i pha rol tu phyin pa la spyod cing sems can rnams yongs su smin par bgyid pa lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ sems can rnams la sbyin pa yongs su gtong ste/ sbyin pa byin nas 'di skad du 'dems shing rjes su ston te/ rigs kyi bu dag sbyin pa la gzung bas ma 'dzin cig /sbyin pa la gzung bas 'dzin cing lus gang mngon par grub pas sdug bsngal mang po nyams su myong bar 'gyur ba de lta bu'i lus mngon par 'grub pa re/  rigs kyi bu dag 'di la don dam par na/ sbyin pa yang med/ sbyin pa'i 'bras bu yang med/ sbyin pa'i bdag po yang med/ len pa yang med de/ chos de dag thams cad ni rang bzhin gyis stong pa'o/ /rang bzhin gyis stong pa'i chos ni len pa med do/ /rang bzhin gyis stong pa nyid ni gzung du med pa'o zhes 'dems shing rjes su ston te/ rab 'byor byang chub sems dpa' sems dpa' chen po ni sbyin pa'i pha rol tu phyin pa la spyod pa'i tshe/ de ltar sems can rnams la sbyin pa yongs su gtong yang sbyin pa mi dmigs so/ /sbyin pa'i bdag po mi dmigs so/ /len pa mi dmigs so/ /</font><hr>33.180a<br><font size=+1>

de ni mi dmigs pa'i pha rol tu phyin pa ste/ 'di ltar sbyin pa'i pha rol tu phyin pa'o/ /de chos gsum po de dag thams cad mi dmigs pas/ sems can rnams rgyun tu zhugs pa'i 'bras bu la sbyor ro/ /lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid la sbyor ro/ /rang byang chub la sbyor ro/ /bla na med pa yang dag par rdzogs pa'i byang chub la sbyor ro/ /rab 'byor de ltar byang chub sems dpa' sems dpa' chen po sbyin pa'i pha rol tu phyin pa la spyod pa'i tshe/ sems can rnams yongs su smin par byed de/ de bdag nyid kyang sbyin pa yongs su gtong ngo / /gzhan yang sbyin pa la yang dag par bskul lo/ /sbyin pa'i legs pa brjod do/ /sems can gzhan gang sbyin pa yongs su gtong ba de dag gi yang legs pa brjod cing 'thun pas dga' bar spyod de/ de ltar byang chub sems dpa' sems dpa' chen po de/ de lta bu'i sbyin pa chen po byin zhing / rgyal rigs che zhing mtho ba'i rigs dang bskal pa mnyam par skye'o/ /bram ze che zhing mtho ba'i rigs dang bskal pa mnyam par skye'o/ /khyim bdag che zhing mtho ba'i rigs dang skal ba mnyam par skye'o/ /khams kyi rgyal por 'gyur ro/ /'khor los sgyur ba'i rgyal po 'thob bo/ /de de dag na yang sems can de dag bsdu ba'i dngos po bzhis yongs su sdud de/ bzhi gang zhe na/ sbyin pa dang tshig snyan pa dang don spyad pa dang / don 'thun pas yongs su sdud do/ /de de ltar sbyin pas yongs su bsdus pa'i sems can de dag kyang rim gyis tshul khrims la rab tu 'god do/ /bzod pa dang brtson 'grus dang / ting nge 'dzin dang shes rab la rab tu 'god do/ /bsam gtan bzhi dang tshad med pa bzhi dang gzugs med pa'i</font><hr>33.180b<br><font size=+1>

snyoms par 'jug pa bzhi la rab tu 'god do/ /dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa la rab tu 'god do/ /'phags pa'i bden pa bzhi dang / rnam par thar pa brgyad dang / mthar gyis gnas pa'i snyoms par 'jug pa dgu dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa lnga dang / ting nge 'dzin rnams dang / gzungs kyi sgo rnams la rab tu 'god do/ /yang dag pa'i skyon med par 'jug par byed do/ /rgyun tu zhugs pa'i 'bras bu dang / lan gcig phyir 'ong ba'i 'bras bu dang / phyir mi 'ong ba'i 'bras bu dang dgra bcom pa nyid thob par byed do/ /rang byang chub thob par byed do/ /bla na med pa yang dag par rdzogs pa'i byang chub tu yang dag par skul lo/ /kye skyes bu dag bla na med pa yang dag par rdzogs pa'i byang chub ni mngon par rdzogs par 'tshang rgya bar mi dka' ste/  phyin ci log gis rmongs pa'i sems can rnams kyis khong du mi chud pa ma gtogs par chos gang la sems can rnams chags par gyur pa'i chos de lta bu gang yang ngo bo nyid kyis yod pa med kyis/ phyin ci log gi 'dzin pa thams cad rgyun chod la 'khor ba las bdag cag kyang thar bar gyis shig /gzhan yang thar bar gyis shig /de ltar khyed kyang don chen por gyis shig /gzhan yang don chen po la sbyor cig ces yang dag par skul bar byed de/ rab 'byor de ltar byang chub sems dpa' sems dpa' chen pos sbyin pa'i pha rol tu phyin pa la spyad par bya ste/ de ltar spyod pa'i tshe ci nas kyang sems dang po bskyed pa nas</font><hr>33.181a<br><font size=+1>

nye bar bzung ste/ nam yang ngan song du mi ltung ba dang / nam yang 'khor los sgyur ba'i rgyal po mi byed par mi 'gyur ba de ltar spyod do/ /de ci'i phyir zhe na/ sa bon ji lta ba bzhin du 'bras bu 'byung ste/ 'khor los sgyur ba'i rgyal po de'i drung du slongs mo ba gang ji snyed cig 'ongs kyang / 'khor los sgyur ba'i rgyal po de 'di snyam du sems te/ bdag gis sems can rnams kyi don ma gtogs par gzhan gyi don du 'khor los sgyur ba yongs su ma bzung ngo zhes de 'di skad ces zer te/ su ci 'dod pa de khyed byin gyis 'di ni nga'i ma yin gyi khyed kyi'o/ nga ni nang gi gzugs la 'ang don du gnyer ba med na/ gzhan la lta ci smos te/ gzhan du na ngas sems can rnams kyi don du 'khor ba yongs su bzung gi/[ ]bdag gi don du ni 'khor ba don du gnyer ba ma yin no zhes te/ de snying brtse bas snying rje chen po yongs su rdzogs par byas shing / snying rje chen pos sems can rnams kyi don byed kyang / sems can gang yongs su grub pa de lta bu mi dmigs te/ gzhan du na 'du shes dang / ming dang tha snyad kyis rnam par spyod de/ rnam par spyod pa de yang sgra brnyan lta bur rnam par spyad du med par shes so/ /rab 'byor byang chub sems dpa' sems dpa' chen pos sbyin pa'i pha rol tu phyin pa la de ltar spyod par bya ste/ spyod pa'i tshe ci nas kyang bdag gi sha yan chad kyang sems can rnams la yongs su ma btang ba med par bya na/ phyi rol gyi yo byad gang gis sems can rnams 'khor ba las yongs su thar bar bya ba dag lta smos su yang med pa de ltar spyad par bya'o/ /gsol pa/ yo byad de dag gang lags/ bcom ldan 'das kyis bka' stsal pa/ sbyin pa'i pha rol tu phyin pa ni yo byad do/ /tshul khrims kyi pha rol tu phyin pa dang /  bzod pa'i pha rol tu phyin</font><hr>33.181b<br><font size=+1>

pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa ni yo byad do/ /nang stong pa nyid ni yo byad do/ phyi stong pa nyid ni yo byad do/ /phyi nang stong pa nyid ni yo byad do/ /dngos po med pa'i ngo bo nyid stong pa nyid kyi bar ni yo byad do/ /dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang stobs dang byang chub kyi yan lag dang 'phags pa'i lam yan lag brgyad pa ni yo byad do/ /'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang rnam par thar pa dang / mthar gyis gnas pa'i snyoms par 'jug pa dang / stong pa nyid dang mtshan ma med pa dang / smon pa med pa dang / mngon par shes pa dang ting nge 'dzin dang gzungs kyi sgo rnams ni yo byad do/ /de bzhin gshegs pa'i stobs dang /  mi 'jigs pa dang so so yang dag par rig pa dang / byams pa chen po dang / snying rje chen po dang / sangs rgyas kyi chos ma 'dres pa rnams ni yo byad do/ /de dag ni yo byad de/ yo byad de dag gis sems can rnams yongs su bsdus shing / rim gyis nyan thos kyi theg pa 'am/ rang sangs rgyas kyi theg pa 'am/ theg pa chen po 'am/ theg pa gsum po de dag gis yongs su mya ngan las zlo ste/ rab 'byor de ltar na byang chub sems dpa' sems dpa' chen po sbyin pa'i pha rol tu phyin pa la gnas shing / sbyin pa'i pha rol tu phyin pas sems can rnams yongs su bsdud pa yin no/ /rab 'byor ji ltar na/ byang chub sems dpa' sems dpa' chen po sbyin pa'i pha rol tu phyin pa la spyod cing / sems can rnams tshul khrims kyi pha rol tu phyin</font><hr>33.182a<br><font size=+1>

pa la sbyor ba yin zhe na/ rab 'byor 'di la byang chub sems dpa' sems dpa' chen po sbyin pa'i pha rol tu phyin pa la gnas shing sems can rnams la sbyin pa yongs su gtong ste/ de sbyin pa gtong ba'i tshe/ 'di skad ces brjod do/ /rigs kyi bu dag tshur sheg tshul khrims srungs shig /ngas khyed zas dang skom dang gos dang mal cha dang / me tog dang / bdug spos dang / spos dang / phreng ba dang byug pa dang khyim dang nor dang 'bru dang nor bu dang mu tig dang bai dUr+ya dang dung dang man shel dang byi ru dang / gser dang dngul dang mi'i yo byad kyi rkyen dang / yo byad gang ci yang rung ba'i bar gyis phongs pa med par bya'o/ /khyed kyang phongs pas tshul khrims ngan pa la spyod grang na/ /khyed yo byad thams cad dang / rin po che bdun gyi bar gyis phongs pa med par byas/  des khyed sdom pa'i tshul khrims la mnos la/ rim gyis nyan thos kyi theg pa 'am/ rang sangs rgyas kyi theg pa 'am/ rnam pa thams cad mkhyen pa nyid kyi theg pa 'am/ theg pa gsum po de dag gis sdug bsngal gyi mthar phyin par gyis shig /ces nas/ byang chub sems dpa' sems dpa' chen po de bdag nyid kyang tshul khrims srung ngo / /gzhan yang tshul khrims la yang dag par skul lo/ tshul khrims kyi legs pa brjod do/ /sems can gzhan gang tshul khrims srung ba de dag gi yang legs pa rjod cing 'thun pas dga' bar spyod do/ /de ltar byang chub sems dpa' sems dpa' chen po de sems can de dag de ltar tshul khrims la sbyor zhing / tshul khrims la rab tu bkod de/  rim gyis theg pa gsum pos yongs su mya ngan las zlo ste/ rab 'byor de ltar na byang chub sems dpa' sems dpa' chen po sbyin pa'i pha</font><hr>33.182b<br><font size=+1>

rol tu phyin pa la gnas shing / tshul khrims kyi pha rol tu phyin pas sems can rnams yongs su sdud pa yin no/ /rab 'byor ji ltar na byang chub sems dpa' sems dpa' chen po sbyin pa'i pha rol tu phyin pa la spyod cing / sems can rnams bzod pa'i pha rol tu phyin pa la sbyor ba yin zhe na/ rab 'byor 'di la byang chub sems dpa' sems dpa' chen po sbyin pa'i pha rol tu phyin pa la gnas shing / sems can gang khro ba dang / gnod sems su byed pa dag mthong na/ de dag la 'di skad ces zer ro/ /rigs kyi bu dag khyed ci'i rgyus gnod sems su byed par gyur/ khyed gang gis phongs shing gnod sems su byed par gyur pa de dang de nga las long shig /ngas khyed zas dang skom dang mi'i rkyen kyi yo byad gang ci yang rung ba'i bar gyis phong ba med par byas/ khro ba dang gnod sems med par gyis shig ces de ltar byang chub sems dpa' sems dpa' chen po sbyin pa'i pha rol tu phyin pa la gnas shing / sems can de dag bzod pa la sbyor te/ 'di skad du gcugs gang gis khyed kyi khro ba skye bar gyur pa de ni snying po med pa ste/ de la dngos po gang yang med do/ /khro ba de ni yang dag pa ma yin par yongs su brtags pa ste/ dngos po gang gis phyir khyed 'thab cing 'khon pa dang / gnod sems su byed par gyur pa dang / de ltar 'thabs shing 'khon te gnod sems su gyur nas/ dbyig pas 'gyed pa dang / mtshon gyis 'dre ba dang / phan tshun gyi srog la rgal bar gyur ba'i dngos po de la/ dngos po'i rang bzhin gang yang med na/ de lta yin yang khyed yang dag pa ma yin pa'i yongs su rtogs pas 'khrugs na/ sems can dmyal ba dag tu ltung</font><hr>33.183a<br><font size=+1>

bar 'gyur/ byol song gi skye gnas dang / gshin rje'i 'jig rten dag tu ltung bar 'gyur/ de ma yin pa'i ngan song gzhan dag tu 'ang khyed sdug bsngal mi bzad pa dang / tsha zhing rtsub la yid du mi 'ong ba'i tshor ba nyams su myong bar 'gyur gyis/ skyes bu khyed rnams dngos po med pa'i chos kyi don du las gang yongs su bzung bas mir skye ba yang thob par mi 'gyur na/ sangs rgyas byung ba dang / phrad par 'gyur ba lta smos su yang med pa de lta bu'i las yongs su ma 'dzin cig /grogs po dag sangs rgyas 'byung ba ni dkon no/ /mir skye ba 'thob pa ni dkon no/ /dal ba phun sum tshogs pa ni dkon no/ /'khor ba las thar ba ni dkon no/ /de lta yin gyis dal ba 'di don med par ma bya shig /mi khom par gyur cing gsor mi rung bar gyur ta re zhes de la byang chub sems dpa' sems dpa' chen po bdag nyid kyang bzod pa sgrub bo/ /gzhan yang bzod pa la yang dag par skul lo/ /bzod pa'i legs pa rjod do/ /sems can gzhan gang bzod pa bsgom pa de dag gi yang legs pa rjod cing 'thun pas dga' bar spyod do/ /de ltar byang chub sems dpa' sems dpa' chen po de sems can de dag de ltar bzod pa la sbyar cing bzod pa la rab tu bkod de/ rim gyis theg pa gsum pos yongs su mya ngan las zlo ste/ rab 'byor de ltar na byang chub sems dpa' sems dpa' chen po sbyin pa'i pha rol tu phyin pa la gnas shing / bzod pa'i pha rol tu phyin pas sems can rnams yongs su sdud par byed pa yin no/ /rab 'byor ji ltar na byang chub sems dpa' sems dpa' chen po sbyin pa'i pha rol tu phyin pa la spyod cing / </font><hr>33.183b<br><font size=+1>

sems can rnams brtson 'grus kyi pha rol tu phyin pa la sbyor ba yin zhe na/ rab 'byor 'di la byang chub sems dpa' sems dpa' chen pos sems can le lo can brtson 'grus chung ba dag mthong na/ 'di skad du khyed ci'i phyir le lo byed ces brjod de/ de dag rkyen dang mi ldan pa'i phyir ro zhes zer na/ de la byang chub sems dpa' sems dpa' chen po sbyin pa'i pha rol tu phyin pa la spyod cing / sems can de dag la 'di skad ces zer te/ kye skyes bu dag ngas sbyin pa'i rkyen tam/  tshul khrims kyi rkyen tam/  bzod pa'i rkyen tam/ gzhan yang rnam pa gang dang gang gis brtson 'grus brtsam du rung ba de dag ngas khyed la nye bar bsgrub par byas/  brtson 'grus rtsoms shig ces nas/ sems can de dag byang chub sems dpa' sems dpa' chen po de'i yo byad la spyod cing / lus sam sems kyis brtson 'grus rtsom ste/ de dag lus dang sems kyi brtson 'grus kyis dge ba'i chos thams cad yongs su rdzogs par byed de/ dge ba'i chos de dag gis 'phags pa zag pa med pa'i chos rnams sgom mo/ /de dag bsgoms pas rgyun tu zhugs pa'i 'bras bu 'thob bo/ /lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid 'thob bo/ /rang byang chub 'thob bo/ /bla na med pa yang dag par rdzogs pa'i byang chub tu mngon par rdzogs par 'tshang rgya'o/ /de la byang chub sems dpa' sems dpa' chen po bdag nyid kyang brtson 'grus rtsom mo/ /gzhan yang brtson 'grus la yang dag par skul lo/ /brtson 'grus kyi legs pa brjod do/ /sems can gzhan gang brtson 'grus rtsom pa de dag gi yang legs par brjod cing 'thun pas dga' bar spyod do/ /de ltar byang chub sems</font><hr>33.184a<br><font size=+1>

dpa' sems dpa' chen po de sems can de dag de ltar brtson 'grus la sbyar cing / brtson 'grus la rab tu bkod de/ rim gyis theg pa gsum pos yongs su mya ngan las zlo ste/ rab 'byor de ltar na byang chub sems dpa' sems dpa' chen po sbyin pa'i pha rol tu phyin pa la gnas shing / brtson 'grus kyi pha rol tu phyin pas sems can rnams yongs su sdud pa yin no/ /rab 'byor ji ltar na byang chub sems dpa' sems dpa' chen po sbyin pa'i pha rol tu phyin pa la spyod cing / bsam gtan gyi pha rol tu phyin pa la sems can rnams sbyor ba yin zhe na/ rab 'byor 'di la byang chub sems dpa' sems dpa' chen pos sems g.yengs par gyur pa'i sems can dag mthong na/ 'di skad du sems can khyed ci'i phyir bsam gtan la mnyam par mi gzhog ces brjod de/ de dag rkyen dang mi ldan pa'i phyir ro zhes zer na/ de la byang chub sems dpa' sems dpa' chen po sbyin pa'i pha rol tu phyin pa la spyod cing / sems can de dag la 'di skad du 'dems te/ kye sems can dag ngas rkyen gang dang gang gis phyi nang gi chos la rnam par rtog par mi 'gyur ba de lta bu'i rkyen nye bar bsgrub par bya'o zhes nas/ byang chub sems dpa' sems dpa' chen po de sems can de dag la rkyen gang dang gang nye bar bsgrubs pas rnam par rtog par mi 'gyur ba de lta bu'i rkyen nye bar sgrub ste/ de'i phyir de dag rnam par rtog pa chad nas/ bsam gtan dang po la snyoms par 'jug go/ /bsam gtan gnyis pa dang bsam gtan gsum pa dang bsam gtan bzhi pa la snyoms par 'jug go/ /byams pa la snyoms par 'jug go/ /snying rje dang dga' ba dang btang snyoms la snyoms par 'jug go/ /nam mkha'</font><hr>33.184b<br><font size=+1>

mtha' yas skye mched la snyoms par 'jug go/ /rnam shes mtha' yas skye mched dang /  cung zad med pa'i skye mched dang / 'du shes med 'du shes med min skye mched la snyoms par 'jug go/ /de dag bsam gtan dang / tshad med pa dang / gzugs med pa'i snyoms par 'jug pa de dag gis sems dul bar gyur pas/ dran pa nye bar gzhag pa bzhi sgom mo/ /yang dag par spong ba bzhi dang / rdzu 'phrul gyi rkang pa bzhi dang dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa sgom mo/ /rnam par thar pa'i sgo gsum sgom mo/ /de dag bsgoms pas rim gyis theg pa gsum pos yongs su mya ngan las 'da' ste/ de la la la ni bla na med pa yang dag par rdzogs pa'i byang chub kyi bar du byang chub kyi lam las yongs su mi nyam ste/ rab 'byor de ltar na byang chub sems dpa' sems dpa' chen po sbyin pa'i pha rol tu phyin pa la gnas shing / ting nge 'dzin gyi pha rol tu phyin pas sems can rnams yongs su sdud pa yin no/ /rab 'byor ji ltar na byang chub sems dpa' sems dpa' chen po sbyin pa'i pha rol tu phyin pa la spyod cing / shes rab kyi pha rol tu phyin pas sems can rnams yongs su sdud pa yin zhe na/  rab 'byor 'di la byang chub sems dpa' sems dpa' chen po sbyin pa'i pha rol tu phyin pa la gnas shing / shes rab 'chal par gyur pa'i sems can dag mthong na/ 'di skad du sems can khyed ci'i phyir shes rab mi sgom zhes brjod de/ de dag rkyen dang mi ldan pa'i phyir ro zhes zer na/ de la byang chub sems dpa' sems dpa' chen po sbyin pa'i pha rol tu phyin pa la gnas shing / sems can de dag la 'di skad du</font><hr>33.185a<br><font size=+1>

'dems te/ nga las yo byad rnams long la sbyin pa byin cig tshul khrims srung shig /bzod pa sgom shig brtson 'grus rtsoms shig /ting nge 'dzin la mnyam par zhog shig /rnam pa de dag yongs su rdzogs par bgyis la shes rab kyi pha rol tu phyin pa bsgom pa la bdag gam/  sems can nam/ srog gam/ 'gro ba 'am gso ba 'am skyes bu 'am/ gang zag gam shed can nam shed bdag gam/ byed pa po 'am tshor ba po 'am shes pa po 'am/ mthong ba po 'am gzugs sam/ tshor ba 'am/ 'du shes sam/ 'du byed dam/ rnam par shes pa 'am/ skye mched dam/ khams sam/ rten cing 'brel par 'byung ba 'am/ pha rol tu phyin pa rnams sam/ stong pa nyid thams cad dam/ byang chub kyi phyogs kyi chos rnams sam/ 'phags pa'i bden pa 'am/ bsam gtan nam/ tshad med pa 'am/ gzugs med pa'i snyoms par 'jug pa 'am/ rnam par thar pa 'am/  mthar gyis gnas pa'i snyoms par 'jug pa 'am/ stong pa nyid dam/ mtshan ma med pa 'am/ smon pa med pa 'am/ mngon par shes pa 'am/ ting nge 'dzin nam/ gzungs kyi sgo 'am/ de bzhin gshegs pa'i stobs sam/ mi 'jigs pa 'am/ so so yang dag par rig pa 'am/ snying rje chen po 'am/ sangs rgyas kyi chos ma 'dres pa rnams sam/ rgyun tu zhugs pa'i 'bras bu 'am/  lan cig phyir 'ong ba'i 'bras bu 'am/ phyir mi 'ong ba'i 'bras bu 'am/ dgra bcom pa nyid dam/ rang byang chub bam/ rnam pa thams cad mkhyen pa nyid kyi bar ram/  chos gang yang yod dam/ yongs su rtogs shig ces 'dems shing rjes su ston te/  de byang chub sems dpa' sems dpa' chen po de shes rab kyi pha rol tu phyin pa la spyod pa'i tshe/ chos gang la dmigs pa mngon par mkhyen par 'gyur ba de lta bu chos gang yang mi dmigs te/ de la mngon par zhen pa med pas chos gang yang skye ba 'am 'gag pa 'am/ kun nas nyon mongs pa 'am/ rnam par byang</font><hr>33.185b<br><font size=+1>

bar yang dag par rjes su mi mthong ste/ yang dag par rjes su mi mthong bas/ 'di ni sems can dmyal ba 'o/ /'di ni byol song gi skye gnas pa'o/ /'di ni gshin rje'i 'jig rten pa'o/ /'di ni lha ma yin gyi rigs su gtogs pa'o/ /'di ni lha'o/ /'di ni mi'o/ /'di ni tshul khrims dang ldan pa'o/ /'di ni tshul khrims ngan pa can no/ /'di ni rgyun tu zhugs pa'o/ /'di ni lan cig phyir 'ong ba'o/ /'di ni phyir mi 'ong ba'o/ /'di ni dgra bcom pa'o/ /'di ni rang sangs rgyas so/ /'di ni byang chub sems dpa'o/ /'di ni de bzhin gshegs pa dgra bcom pa yang dag par rdzogs pa'i sangs rgyas so zhes bya bar rnam par mi rtog ste/ rab 'byor de ltar na byang chub sems dpa' sems dpa' chen po sbyin pa'i pha rol tu phyin pa la gnas shing / shes rab kyi pha rol tu phyin pas sems can rnams yongs su sdud pa yin no/ /rab 'byor ji ltar na byang chub sems dpa' sems dpa' chen po sbyin pa'i pha rol tu phyin pa dang / tshul khrims kyi pha rol tu phyin pa dang /  bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa la gnas shing / byang chub kyi phyogs kyi chos sum bcu rtsa bdun gyi bar la sems can rnams sbyor ba yin zhe na/ rab 'byor 'di la byang chub sems dpa' sems dpa' chen po sems can dag la yo byad rnams nye bar bsgrubs te/ yo byad de dag gis yongs su zin pa'i sems can rnams byang chub kyi phyogs kyi chos rnams sgom mo/ /byang chub kyi phyogs kyi chos de bsgom par 'khor ba las yongs su thar bar 'gyur te/ rab 'byor de ltar na byang chub sems dpa' sems dpa' chen po pha rol tu phyin pa drug la gnas shing / byang chub kyi phyogs kyi chos sum bcu rtsa bdun la sems can rnams sbyor ba yin no/ /rab 'byor gzhan yang byang chub sems dpa' sems dpa' chen po sbyin pa'i pha rol tu phyin pa la spyod cing sems can mgon med pa/ sdug bsngal ba kha zas dang / gos kyis 'phongs pa dag mthong na 'di ltar yongs su smin par byed do/ /rigs kyi bu dag tshur sheg /nga las zas dang skom dang / gos dang bzhon pa dang / mal cha dang / me tog dang / bdug spos dang / spos dang / phreng ba dang / byug pa dang / mi'i rkyen dang / yo</font><hr>33.186a<br><font size=+1>

byad gang ci yang rung ste/ rin po che bdun gyi bar du long la/ sems can rnams la phan thogs shig /ces 'dems shing rjes su ston to/ /de tshul khrims kyi pha rol du phyin pa la gnas shing sems can de dag la phan pa de lta bus phan 'dogs te/ phan pa de lta bus phan btags pas de dag dge ba bcu'i las kyi lam yang dag par blangs shing gnas te/ de dag sdom pa'i tshul khrims ma zhig ma god pa/ ma 'dres pa/ skyon med pa/ ma nyams pa/ rang dbang yod pa/ mkhas pas bsngags pa/ shin tu rdzogs pa/ ting nge 'dzin gyi rgyur 'gyur ba la gnas shing / pha rol du phyin pa drug la gnas/ stong pa nyid thams cad dang / byang chub kyi phyogs kyi chos rnams la gnas/ 'phags pa'i bden pa dang / bsam gtan dang / tshad med pa dang gzugs med pa'i snyoms par 'jug pa dang / rnam par thar pa dang / mthar gyi gnas pa'i snyoms par 'jug pa dang /  stong pa nyid dang / mtshan ma med pa dang /  smon pa med pa dang /  mngon par shes pa dang / ting nge 'dzin dang / gzungs kyi sgo rnams la gnas/ de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / snying rje chen po dang / sangs rgyas kyi chos ma 'dres pa bcwa brgyad la gnas shing / rnam pa thams cad mkhyen pa nyid rjes su thob par byed do/ /rab 'byor gzhan yang byang chub sems dpa' sems dpa' chen po bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol du phyin pa dang / shes rab kyi pha rol du phyin pa la gnas shing sems can shes rab 'chal bar gyur pa blo chung ba dag mthong na/ 'di ltar yongs su smin par byed de/  rkyen gang dang ma ldan pas/ khyed shes rab 'chal bar gyur pa'i rkyen de dag ngas khyed la bshubs kyis zas</font><hr>33.186b<br><font size=+1>

dang / skom dang / gos dang / bzhon pa dang / mal cha dang / me tog dang / bdug spos dang / spos dang / phreng ba dang / byug pa dang / mi'i rkyen dang / yo byad gang ci yang rung ba rin po che bdun gyi bar du long shig ces nas/ de shes rab kyi pha rol tu phyin pa la gnas shing / sems can de dag la phan pa de lta bus phan 'dogs te/ phan pa de lta bus phan btags pas rmongs pa med cing shes rab dang ldan par gyur pa de dag /shes rab kyi pha rol tu phyin pa la gnas shing / pha rol du phyin pa drug la gnas/ stong pa nyid thams cad dang / byang chub kyi phyogs kyi chos rnams la gnas/  'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo rnams la gnas/ de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / snying rje chen po dang / sangs rgyas kyi chos ma 'dres pa bcwa brgyad la gnas shing / rnam pa thams cad mkhyen pa nyid rjes su thob par byed do/ /rab 'byor de ltar byang chub sems dpa' sems dpa' chen po shes rab kyi pha rol tu phyin pa la gnas shing / sems can rnams yongs su smin par byed de/ de ltar yongs su smin par byas pa'i rnams ngan song gsum las yongs su thar ba nas 'khor ba thams cad kyi bar las yongs su thar ro/ /shes rab kyi pha rol tu phyin pa stong phrag nyi shu lnga pa las le'u drug bcu lnga'o// // de nas tshe dang ldan pa rab 'byor 'di snyam du gyur te/ byang chub sems dpa' sems dpa' chen pos de lta bus go bgo bar bya na/ de</font><hr>33.187a<br><font size=+1>

la byang chub sems dpa' sems dpa' chen po'i byang chub kyi lam ji lta bu zhig yod snyam pa dang / de nas bcom ldan 'das kyis tshe dang ldan pa rab 'byor kyi sems kyi yongs su rtog pa thugs su chud nas/ tshe dang ldan pa rab 'byor la 'di skad ces bka' stsal to/ /rab 'byor pha rol tu phyin pa drug ni/ byang chub sems dpa' sems dpa' chen po'i lam mo/ /rab 'byor stong pa nyid thams cad ni byang chub sems dpa' sems dpa' chen po'i lam mo/ /byang chub kyi phyogs kyi chos sum bcu rtsa bdun ni byang chub sems dpa' sems dpa' chen po'i lam mo/ /rab 'byor 'phags pa'i bden pa bzhi dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo thams cad ni byang chub sems dpa' sems dpa' chen po'i lam mo/ /de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / snying rje chen po dang / sangs rgyas kyi chos ma 'dres pa bcwa brgyad ni byang chub sems dpa' sems dpa' chen po'i lam mo/ /rab 'byor gzhan yang chos thams cad ni byang chub sems dpa' sems dpa' chen po'i lam mo/ /rab 'byor de ji snyam du sems/ chos gang la byang chub sems dpa' sems dpa' chen pos bslab par mi bya ba dang / gang la ma bslabs pas kyang bla na med pa yang dag par rdzogs pa'i byang chub tu mngon par rdzogs par 'tshang rgya ba de lta bu'i chos gang yang yod dam/ rab 'byor gang la byang chub sems dpa' sems dpa' chen pos</font><hr>33.187b<br><font size=+1>

bslab par mi bya ba'i chos de lta bu gang yang med de/ chos thams cad la ma bslabs pa'i byang chub sems dpa' sems dpa' chen pos ni/ rnam pa thams cad mkhyen pa nyid thob par mi nus so/ /rab 'byor gyis gsol pa/ bcom ldan 'das gal te chos thams cad stong pa lags na/  byang chub sems dpa' sems dpa' chen pos chos thams cad la ji ltar bslab par bgyi ste/ bcom ldan 'das 'di snyed do zhes bgyi ba 'am/ 'di dag go zhes bgyi ba dang / 'jig rten pa'i chos ni 'di dag go/ /'jig rten las 'das pa'i chos ni 'di dag go/ /zag pa dang bcas pa'i chos ni 'di dag go/ /zag pa med pa'i chos ni 'di dag go/ /'dus byas kyi chos ni 'di dag go/ /'dus ma byas kyi chos ni 'di dag go/ /so so'i skye bo'i chos ni 'di dag go/ /rgyun du zhugs pa'i chos ni 'di dag go/ /lan cig phyir 'ong ba dang / phyir mi 'ong ba dang / dgra bcom pa'i chos ni 'di dag go/ /rang sangs rgyas kyi chos ni 'di dag go/ /byang chub sems dpa'i chos ni 'di dag go/ /sangs rgyas kyi chos ni 'di dag go/ /zhes bgyi ba ni spros pa ma mchis pa 'phro bar bgyid pa'o/ /bcom ldan 'das kyis bka' stsal pa/ rab 'byor de de bzhin no/ /de de bzhin te/ chos thams cad ni stong pa'o/ /rab 'byor gal te chos thams cad ngo bo nyid kyi stong pa ma yin na ni/ byang chub sems dpa' sems dpa' chen po yang chos thams cad la bslabs shing / bla na med pa yang dag par rdzogs pa'i byang chub tu mngon par rdzogs par 'tshang mi rgya ste/ rab 'byor chos thams cad stong pas de'i phyir byang chub sems dpa' sems dpa' chen po chos thams cad la bslabs shing bla na med pa yang dag par rdzogs pa'i</font><hr>33.188a<br><font size=+1>

byang chub tu mngon par rdzogs par 'tshang rgya'o/ /rab 'byor khyod kyis gzhan yang gang 'di skad du gal te chos thams cad ngo bo nyid kyis stong na/ byang chub sems dpa' sems dpa' chen pos 'di snyed do/ /zhes bya ba 'am/ 'di dag go zhes bya ba dang / 'jig rten pa'i chos ni 'di dag go/ /'jig rten las 'das pa'i chos ni 'di dag go/ /zag pa dang bcas pa'i chos ni 'di dag go/ /zag pa med pa'i chos ni 'di dag go/ /'dus byas kyi chos ni 'di dag go/ /'dus ma byas kyi chos ni 'di dag go/ /so so'i skye bo'i chos ni 'di dag go/ /rgyun du zhugs pa'i chos ni 'di dag go/ /lan gcig phyir 'ong ba dang / phyir mi 'ong ba dang / dgra bcom pa'i chos ni 'di dag go/ /rang sangs rgyas kyi chos ni 'di dag go/ /byang chub sems dpa'i chos ni 'di dag go/ /sangs rgyas kyi chos ni 'di dag go zhes bya bar chos rnam par dbye bar 'gyur zhes bya ba ni/ rab 'byor ci sems can 'di dag gis de ltar chos thams cad stong ngo zhes bya bar shes sam/ gal te shes na ni byang chub sems dpa' chen po yang chos thams cad la bslabs shing rnam pa thams cad mkhyen pa nyid thob par mi byed de/ rab 'byor sems can 'di dag chos thams cad stong ngo zhes bya bar mi shes pas/ de'i phyir byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par sangs rgyas nas/ chos rnam par dgod pa byas shing / sems can rnams la chos ston to/ /rab 'byor de la byang chub sems dpa' sems dpa' chen po byang chub kyi lam la spyod pas/ thog ma nyid du 'di ltar yongs su brtag par bya ste/ mngon par 'du</font><hr>33.188b<br><font size=+1>

bya ba ma gtogs par 'di la chos gang yang ngo bo nyid kyis dmigs su med do/ /zhes bya bar yongs su brtag par bya'o/ /de chos thams cad kyi ngo bo nyid la de ltar rtogs pas/ pha rol tu phyin pa rnams sam/ stong pa nyid thams cad dam/ byang chub kyi phyogs kyi chos sum bcu rtsa bdun nam/ 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang /  rnam par thar pa dang / mthar gyis gnas pa'i snyoms par 'jug pa dang /  stong pa nyid dang mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo rnams sam/ de bzhin gshegs pa'i stobs dang /  mi 'jigs pa dang /  so so yang dag par rig pa dang / snying rje chen po dang / sangs rgyas kyi chos ma 'dres pa rnams sam/ rgyun du zhugs pa'i 'bras bu 'am/ lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dam/ rang byang chub bam/ bla na med pa yang dag par rdzogs pa'i byang chub kyi bar ram/ chos gang la yang mngon par chags par mi 'gyur ro/ /de ci'i phyir zhe na/ de ni 'di ltar chos thams cad ni ngo bo nyid kyis chos thams cad kyis stong ste/ stong pa nyid ni stong pa nyid la mngon par zhen par mi 'gyur ro/ /stong pa nyid kyang dmigs su med na/  gang stong pa nyid la mngon par zhen par 'gyur ba lta ci smos te/ rab 'byor de ltar na byang chub sems dpa' sems dpa' chen po chos thams cad la mngon par zhen pa med par chos thams cad kyis rnam par spyod do/ /de bslab pa 'di la gnas shing sems can 'di dag ci la spyod ces sems can gyi spyod pa la lta ste/ de 'di snyam du kye ma sems can 'di dag ni yang dag pa ma yin pa'i 'dzin pa la spyod de/ kye ma sems can 'di dag ni yang dag pa ma</font><hr>33.189a<br><font size=+1>

yin pa'i 'dzin pa las dgrol bar bya ba na dka' ba byed do zhes nas de'i tshe thabs mkhas pas shes rab kyi pha rol tu phyin pa la gnas te/ 'di skad du ston to/ /kye sems can dag tshur sheg sbyin pa byin cig /des khyod longs spyod dang ldan par 'gyur gyis longs spyod des kyang rlom sems su ma byed cig de la snying po gang yang med do/ /de bzhin du tshul khrims la 'dems te/ kye sems can dag tshur sheg /tshul khrims srungs shig tshul khrims des kyang rlom sems su ma byed cig /de la snying po gang yang med do/ /de bzhin du bzod pa la 'dems te/ kye sems can dag tshur sheg /bzod pa sgoms shig /bzod pa des kyang rlom sems su ma byed cig /de la snying po gang yang med do/ /de bzhin du brtson 'grus la 'dems te/ kye sems can dag tshur sheg /brtson 'grus rtsoms shig /brtson 'grus des kyang rlom sems su ma byed cig /de la snying po gang yang med do/ /de bzhin du ting nge 'dzin la 'dems te/ kye sems can dag tshur sheg /ting nge 'dzin la mnyam par zhog shig /ting nge 'dzin des kyang rlom sems su ma byed cig /de la snying po gang yang med do/ /de bzhin du shes rab la 'dems te/ kye sems can dag tshur sheg /shes rab sgoms shig /shes rab des kyang rlom sems su ma byed cig /de la snying po gang yang med do/ /de bzhin du stong pa nyid thams cad la 'dems te/ kye sems can dag tshur sheg /stong pa nyid sgoms shig /stong pa nyid des kyang rlom sems su ma byed cig /de la snying po gang yang med do/ /de bzhin du byang chub kyi phyogs kyi chos sum bcu rtsa bdun la 'dems te/ kye sems can dag tshur sheg /byang chub kyi phyogs kyi chos rnams sgoms shig /byang chub</font><hr>33.189b<br><font size=+1>

kyi phyogs kyi chos de dag gis kyang rlom sems su ma byed cig /de la snying po gang yang med do/ /de bzhin du 'phags pa'i bden pa dang / bsam gtan dang /  tshad med pa dang /  gzugs med pa'i snyoms par 'jug pa dang / rnam par thar pa dang /  mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo rnams la 'dems te/ kye sems can dag tshur sheg /gzungs kyi sgo rnams sgoms shig /gzungs kyi sgo de dag gis kyang rlom sems su ma byed cig /de la snying po gang yang med do/ /de bzhin du de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa rnams la 'dems te/ kye sems can dag tshur sheg / sangs rgyas kyi chos ma 'dres pa rnams sgoms shig /sangs rgyas kyi chos ma 'dres pa de dag gis kyang rlom sems su ma byed cig /de la snying po gang yang med do/ /de bzhin du rgyun du zhugs pa'i 'bras bu la 'dems te/ kye sems can dag tshur sheg /rgyun tu zhugs pa'i 'bras bu sgoms shig /rgyun tu zhugs pa'i 'bras bu des kyang rlom sems su ma byed cig /de la snying po gang yang med do/ /de bzhin du lan gcig phyir 'ong ba'i 'bras bu dang / phyir mi 'ong ba'i 'bras bu dang dgra bcom pa nyid dang / rang byang chub la 'dems te/ kye sems can dag tshur sheg /rang byang chub sgoms shig /rang byang chub des kyang rlom sems su ma byed cig /de la snying po gang yang med do/ /de bzhin du rnam pa thams cad mkhyen pa nyid gyi bar la 'dems te/ kye sems can dag tshur sheg /rnam pa thams cad mkhyen</font><hr>33.190a<br><font size=+1>

pa nyid sgoms shig /rnam pa thams cad mkhyen pa nyid des kyang rlom sems su ma byed cig /de la snying po gang yang med do/ /zhes de ltar sems can rnams la 'dems pa dang / rjes su ston pa byed cing / byang chub sems dpa'i lam la spyod kyang gang la yang mngon par zhen pa med do/ /de ci'i phyir zhe na chos thams cad ni mngon par zhen pa med pa ste/ de ni 'di ltar de dag la stong pa nyid kyi ngo bo nyid kyi phyir gang gis mngon par zhen par bya ba'i ngo bo nyid med do/ /rab 'byor de ltar byang chub sems dpa' sems dpa' chen po byang chub kyi lam la spyod kyang gang la yang mi gnas te/ de gnas pa med pa'i tshul gyis sbyin pa'i pha rol du phyin pa la spyod kyang de la mi gnas so/ /tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa la spyod kyang de la mi gnas so/ /de bsam gtan dang po la snyoms par 'jug kyang de la mi gnas te/ de ci'i phyir zhe na/ de ni 'di ltar bsam gtan dang po ni bsam gtan gyi rang bzhin gyis stong ngo / /gang mnyam par gzhog pa de yang rang bzhin gyis stong ngo / /rnam pa gang gis mnyam par bzhag pa'i rnam pa de dag kyang rang bzhin gyis stong ngo / /de bsam gtan gnyis pa dang / bsam gtan gsum pa dang / bsam gtan bzhi pa la snyoms par 'jug /byams pa dang / snying rje dang / dga' ba dang / btang snyoms la snyoms par 'jug /nam mkha' mtha' yas skye mched dang / rnam shes mtha' yas skye mched dang /  cung zad med pa'i skye mched dang / 'du shes med 'du shes med</font><hr>33.190b<br><font size=+1>

min skye mched la snyoms par 'jug /rnam par thar pa brgyad dang / mthar gyis gnas pa'i snyoms par 'jug pa dgu dang / byang chub kyi phyogs kyi chos sum bcu rtsa bdun dang /  'phags pa'i bden pa dang / stong pa nyid dang / mtshan ma med pa dang / smon pa med pa dang / mngon par shes pa la snyoms par 'jug kyang de la mi gnas te/ de ci'i phyir zhe na/ de ni 'di ltar mngon par shes pa rnams ni/ mngon par shes pa rnams kyi rang bzhin gyis stong ngo / /gang mnyam par gzhog pa de yang rang bzhin gyis stong ngo / /rnam pa gang gis mnyam par gzhag pa'i rnam pa de dag kyang rang bzhin gyis stong ngo / /de rgyun tu zhugs pa'i 'bras bu 'thob kyang de la mi gnas so/ /lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid 'thob kyang de la mi gnas so/ /de rang byang chub 'thob kyang de la mi gnas so/ /gsol pa/ de ci'i slad du mi gnas/ bcom ldan 'das kyis bka' stsal pa/ rnam pa gnyis kyi phyir mi gnas te/ gnyis gang zhe na/ ngo bo nyid dang ngo bo nyid med pa ste/  de gnyis kyi phyir gang la gnas pa 'am/ gang gis gnas pa 'am/ gang gnas par 'gyur ba de lta bu'i 'bras bu de dag la med do/ /de tsam gyis dga' bar yang mi 'dzin te/ de ci'i phyir zhe na/ 'di ltar de 'di snyam du bdag gis rgyun tu zhugs pa'i 'bras bu thob par mi</font><hr>33.191a<br><font size=+1>

bya ba ma yin te/ de la gnas par mi bya'o/ /bdag gis lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid thob par mi bya ba ma yin te/ de dag la gnas par mi bya'o/ /bdag gis rang sangs rgyas kyi sa'i bar du thob par mi bya ba ma yin te/ de la gnas pa mi bya'o/ /bla na med pa yang dag par rdzogs pa'i byang chub kyi bar du mngon par rdzogs par 'tshang rgya bar bya'o/ /de ci'i phyir zhe na/ bdag gis ni sems dang po bskyed pa nas nye bar bzung ste/ bla na med pa yang dag par rdzogs pa'i byang chub tu sems bskyed pa ma gtogs par/ sems gzhan gang yang ma bskyed do/ /de ci'i phyir zhe na/ bdag gis ni sa dang po nas nye bar bzung ste/ bla na med pa yang dag par rdzogs pa'i byang chub tu sems bskyed pa ma gtogs par/ sems gzhan gang yang ma bskyed do/ /bdag gis ni sa bcu pa'i bar nas nye bar bzung ste/ bla na med pa yang dag par rdzogs pa'i byang chub tu sems bskyed pa ma gtogs par/ sems gzhan gang yang ma bskyed do/ /byang chub sems dpa' skyon med par zhugs nas/ bla na med pa yang dag par rdzogs pa'i byang chub tu sems bskyed pa ma gtogs par/ sems gzhan gang yang ma bskyed do snyam ste/ rab 'byor byang chub sems dpa' sems dpa' chen po ni sems g.yeng ba med par lus sam/ ngag gam/ yid kyis las gang spyod kyang rung ste/ byang chub kyi sems kyis mi spyod pa med de/ byang chub sems dpa' sems dpa' chen po de ni byang chub kyi sems la gnas nas/ yid g.yeng ba med par yang byang chub kyi lam sgrub bo/ /gsol pa/ bcom ldan 'das gal te chos thams cad ma skyes pa lags na/ byang chub sems dpa' sems dpa' chen pos/ byang chub kyi lam ji ltar bsgrub par bgyi/ bcom ldan 'das kyis bka' stsol pa/ </font><hr>33.191b<br><font size=+1>

rab 'byor de de bzhin no/ /de de bzhin te/  chos thams cad ni ma skyes pa ste/  de ji lta bu zhes byas na/ gang mngon par 'du mi byed pa de dag la ni chos thams cad ma skyes pa'o/ /gsol pa/ bcom ldan 'das 'o na de bzhin gshegs pa rnams byung yang rung / de bzhin gshegs pa rnams ma byung yang rung ste/ chos rnams kyi chos nyid de bzhin du gnas pa ma lags sam/  bcom ldan 'das kyis bka' stsal pa/ rab 'byor de de bzhin no/ /de de bzhin te/ de bzhin gshegs pa rnams byung yang rung / de bzhin gshegs pa rnams ma byung yang rung ste/ chos rnams kyi gnas nyid ni de bzhin du gnas so/ /de la yang gang chos kyi gnas nyid de lta bu mi shes pa de dag gi don du byang chub sems dpa' sems dpa' chen po byang chub kyi lam bskyed de/ /lam des sems can rnams 'khor ba las yongs su thar bar byed do/ /gsol pa/ bcom ldan 'das ci lags/ skyes par gyur pa'i lam gyis byang chub thob par 'gyur ba lags sam/ bcom ldan 'das kyis bka' stsal pa/ ma yin no/ /gsol pa/ bcom ldan 'das 'o na ma skyes pa'i lam gyis byang chub thob par 'gyur ba lags sam/ bcom ldan 'das kyis bka' stsal pa/ ma yin no/ /gsol pa/ bcom ldan 'das 'o na skyes kyang skyes la ma skyes kyang ma skyes pa'i lam gyis byang chub thob par 'gyur ba lags sam/ bcom ldan 'das kyis bka' stsal pa/ ma yin no/ /gsol pa/ bcom ldan 'das 'o na skyes pa yang ma lags/ ma skyes pa yang ma lags pa'i lam gyis byang chub thob par 'gyur ba lags sam/ bcom ldan 'das kyis bka' stsal pa/ ma yin no/ /gsol pa/ bcom ldan 'das 'o na byang chub ji ltar thob par 'gyur/ bcom ldan 'das kyis bka' stsal pa/  rab 'byor byang chub ni lam gyis 'thob pa yang ma yin/ lam ma</font><hr>33.192a<br><font size=+1>

yin pas 'thob pa yang ma yin te/ byang chub nyid kyang lam mo/ /lam nyid kyang byang chub bo/ /gsol pa/ bcom ldan 'das gal te de ltar byang chub nyid kyang lam la/ lam nyid kyang byang chub lags na/ byang chub sems dpa' sems dpa' chen pos byang chub snga nas thob par 'gyur na/ de bzhin gshegs pa dgra bcom pa yang dag par rdzogs pa'i sangs rgyas su mi chen po'i mtshan sum bcu rtsa gnyis dang / dpe byad bzang po brgyad bcu dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / thugs rje chen po dang / sangs rgyas kyi chos ma 'dres pa bcwa brgyad kyis brjod do zhes kyang ci'i slad du bstan/ bcom ldan 'das kyis bka' stsal pa/ rab 'byor de ji snyam du sems/ sangs rgyas shig byang chub thob par byed pa yin nam/ gsol pa/ bcom ldan 'das de ni ma lags so/ /sangs rgyas ni byang chub thob par mi mdzad de/ sangs rgyas nyid kyang byang chub bo/ /byang chub nyid kyang sangs rgyas so/ /bcom ldan 'das kyis bka' stsal pa/ rab 'byor gang khyod kyis 'di skad du byang chub sems dpa' sems dpa' chen pos byang chub snga nas thob par 'gyur ro zhes smras pa/ rab 'byor 'di la byang chub sems dpa' sems dpa' chen po ni pha rol du phyin pa rnams yongs su rdzogs par byas/ stong pa nyid thams cad yongs su rdzogs par byas/ byang chub kyi phyogs kyi chos sum bcu rtsa bdun yongs su rdzogs par byas/ 'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo rnams yongs su rdzogs par byas/ de bzhin gshegs pa'i stobs bcu dang / </font><hr>33.192b<br><font size=+1>

mi 'jigs pa bzhi dang /  so so yang dag par rig pa bzhi dang /  byams pa chen po dang / snying rje chen po dang / sangs rgyas kyi chos ma 'dres pa bcwa brgyad yongs su rdzogs par byas shing / rdo rje lta bu'i ting nge 'dzin gyis skad cig gcig dang ldan pa'i shes rab kyis/ bla na med pa yang dag par rdzogs pa'i byang chub tu mngon par rdzogs par 'tshang rgya ste/ bla na med pa yang dag par rdzogs pa'i byang chub tu mngon par rdzogs par sangs rgyas phyin chad de bzhin gshegs pa thams cad gzigs pa/ chos thams cad dbang sgyur ba zhes bya'o/ /rab 'byor gyis gsol pa/ bcom ldan 'das gal te/ chos thams cad rang bzhin gyis dben pa lags na/ ji ltar byang chub sems dpa' sems dpa' chen pos sangs rgyas kyi zhing yongs su dag par bgyi/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen pos sems dang po bskyed pa nas nye bar bzung ste/ bdag dang gzhan gyi lus kyi gnas ngan len dang / ngag gi gnas ngan len dang / yid kyi gnas ngan len yongs su sbyong ste/ de yongs su dag par byas pas sangs rgyas kyi zhing yongs su dag par byed do/[ ]/ shes rab kyi pha rol du phyin pa stong phrag nyi shu lnga pa/ bam po bdun bcu gsum pa/ gsol pa/ bcom ldan 'das lus kyi gnas ngan len ni gang lags/ ngag gi gnas ngan len ni gang lags/ yid kyi gnas ngan len ni gang lags/ bcom ldan 'das kyis bka' stsal pa/ lus kyi las mi dge ba srog gcod pa dang / ma byin par len pa dang / 'dod pas log par g.yem pa spyod pa ni/ byang chub sems dpa'i lus kyi gnas ngan len to/ /ngag gi las mi dge ba rdzun du smra ba dang / phra ma dang / zhe gcod pa'i tshig dang / tshig kyal pa ni byang chub sems dpa'i ngag gi gnas ngan len to/ /yid kyi las mi dge ba chags sems</font><hr>33.193a<br><font size=+1>

dang / gnod sems dang / log par lta ba ni byang chub sems dpa'i yid kyi gnas ngan len to/ /rab 'byor gzhan yang ser sna'i sems ni byang chub sems dpa'i yid kyi gnas ngan len to/ /tshul khrims ngan pa'i sems dang / 'khrug pa'i sems dang / le lo'i sems dang /  g.yeng ba'i sems dang /  mnyam par ma bzhag pa'i sems dang / shes rab 'chal pa'i sems ni byang chub sems dpa'i yid kyi gnas ngan len to/ /rab 'byor gzhan yang tshul khrims yongs su ma dag pa ni byang chub sems dpa'i gnas ngan len to/ /rab 'byor gzhan yang dran pa nye bar gzhag pa bzhi dang bral ba ni byang chub sems dpa'i gnas ngan len to/ /yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang /  byang chub kyi yan lag bdun dang /  'phags pa'i lam yan lag brgyad pa dang bral ba ni byang chub sems dpa'i gnas ngan len to/ /'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang /  stong pa nyid dang / mtshan ma med pa dang / smon pa med pa dang bral ba ni byang chub sems dpa'i gnas ngan len to/ /rab 'byor gzhan yang rgyun du zhugs pa'i 'bras bu mngon du byed pa 'am/ de la 'dod pa skyed pa ni byang chub sems dpa'i gnas ngan len to/ /lan gcig phyir 'ong ba'i 'bras bu mngon du byed pa 'am/ de la 'dod pa skyed pa ni byang chub sems dpa'i gnas ngan len to/ /phyir mi 'ong ba'i 'bras bu mngon du byed pa 'am/ de la 'dod pa bskyed pa ni byang chub sems dpa'i gnas ngan len to/ /dgra bcom pa nyid mngon du byed pa 'am/ de la 'dod pa skyed pa ni byang chub sems dpa'i gnas ngan len to/ /rang byang chub mngon du byed pa 'am/ de la 'dod pa skyed pa ni byang chub sems dpa'i gnas ngan len to/ /</font><hr>33.193b<br><font size=+1>

rab 'byor gzhan yang gzugs kyi 'du shes ni gnas ngan len to/ /tshor ba dang / 'du shes dang / 'du byed dang / rnam par shes pa'i 'du shes ni gnas ngan len to/ /mig gi 'du shes ni gnas ngan len to/ /rna ba dang / sna dang / lce dang / lus dang / yid kyi 'du shes ni gnas ngan len to/ /gzugs kyi 'du shes ni gnas ngan len to/ /sgra dang / dri dang / ro dang / reg dang / chos kyi 'du shes ni gnas ngan len to/ /mig gi rnam par shes pa'i 'du shes ni gnas ngan len to/ /rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa'i 'du shes ni gnas ngan len to/ /mig gi 'dus te reg pa'i 'du shes ni gnas ngan len to/ /rna ba'i 'dus te reg pa dang / sna'i 'dus te reg pa dang / lce'i 'dus te reg pa dang / lus kyi 'dus te reg pa dang / yid kyi 'dus te reg pa'i 'du shes ni gnas ngan len to/ /mig gi 'dus te reg pa'i rkyen gyis tshor ba'i 'du shes ni gnas ngan len to/ /rna ba'i 'dus te reg pa'i rkyen gyis tshor ba dang / sna'i 'dus te reg pa'i rkyen gyis tshor ba dang / lce'i 'dus te reg pa'i rkyen gyis tshor ba dang / lus kyi 'dus te reg pa'i rkyen gyis tshor ba dang / yid kyi 'dus te reg pa'i rkyen gyis tshor ba'i 'du shes ni gnas ngan len to/ /sa'i khams kyi 'du shes ni gnas ngan len to/ /chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams kyi 'du shes ni gnas ngan len to/ /ma rig pa'i 'du shes ni gnas ngan len to/ /'du byed dang / rnam par shes pa dang / ming dang gzugs dang / skye mched drug dang / reg pa dang / tshor ba dang / sred pa dang / len pa dang / srid pa dang / skye ba dang / rga shi'i 'du shes ni gnas ngan len to/ /bud med kyi 'du</font><hr>33.194a<br><font size=+1>

shes ni gnas ngan len to/ /skyes pa'i 'du shes ni gnas ngan len to/ /'dod pa'i khams kyi 'du shes ni gnas ngan len to/ /gzugs kyi khams dang / gzugs med pa'i khams kyi 'du shes ni gnas ngan len to/ /dge ba'i 'du shes dang / mi dge ba'i 'du shes dang / 'jig rten pa'i 'du shes dang / 'jig rten las 'das pa'i 'du shes dang / zag pa dang bcas pa'i 'du shes dang / zag pa med pa'i 'du shes dang / 'dus byas kyi 'du shes dang / 'dus ma byas kyi 'du shes ni gnas ngan len to/ /rab 'byor de dag ni byang chub sems dpa'i lus kyi gnas ngan len dang / ngag gi gnas ngan len dang / yid kyi gnas ngan len to/ /byang chub sems dpa' sems dpa' chen po shes rab kyi pha rol du phyin pa la spyod pa'i tshe/ gnas ngan len de thams cad rnam par spang shing bdag kyang sbyin pa yongs su gtong / gzhan yang sbyin pa la yang dag par skul te/ de zas 'dod pa la ni zas yongs su gtong ngo / /skom 'dod pa la ni skom/ gos 'dod pa la ni gos yongs su gtong / mi'i rkyen dang / yo byad gang ci yang rung ba'i bar du 'dod pa la ni de dag yongs su gtong ste/ gzhan yang mi'i rkyen dang / yo byad gang ci yang rung ba'i bar du yongs su gtong ba la yang dag par skul zhing rab tu 'god de/ de'i dge ba'i rtsa ba gang ji snyed pa de dag kyang sems can thams cad dang thun mong du byas shing / sangs rgyas kyi zhing yongs su dag par bya ba'i phyir yongs su bsngo'o/ /de bdag nyid kyang tshul khrims srung ngo / /gzhan yang tshul khrims la yang dag par skul lo/ /bdag kyang bzod pa sgom mo/ /gzhan yang bzod pa la yang dag par skul lo/ /bdag kyang brtson 'grus rtsom mo/ /gzhan yang brtson 'grus la yang dag par skul lo/ /bdag kyang bsam gtan la snyoms par 'jug go/ /gzhan yang bsam gtan la yang dag par skul lo/ /bdag kyang shes rab sgom mo/ /gzhan</font><hr>33.194b<br><font size=+1>

yang shes rab la yang dag par skul zhing gzhog go/ /'dul lo/ /rab tu 'god do/ /dge ba'i rtsa ba de dag kyang sems can thams cad dang thun mong du byas shing / sangs rgyas kyi zhing yongs su dag par bya ba'i phyir yongs su bsngo ste/ stong gsum gyi stong chen po'i 'jig rten gyi khams rin po che sna bdun gyis yongs su bkang zhing / dkon mchog gsum la 'bul ba byed kyang de 'di snyam du dge ba'i rtsa ba 'dis bdag gi sangs rgyas kyi zhing rin po che sna bdun gyi rgyu las grub par gyur cig ces bya bar sems bskyed do/ /rab 'byor gzhan yang byang chub sems dpa' sems dpa' chen po sangs rgyas kyi spyan snga 'am/ sangs rgyas kyi mchod rten gyi drung du lha rdzas kyi rol mo brdung ba dang dkrol ba byed kyang / de 'di snyam du dge ba'i rtsa ba 'dis bdag gi sangs rgyas kyi zhing du lha rdzas kyi sgra yid du 'ong ba rtag tu rgyun mi chad par 'byung bar gyur cig ces bya bar sems bskyed do/ /rab 'byor gzhan yang stong gsum gyi stong chen po'i 'jig rten gyi khams lha rdzas kyi spos kyis yongs su bkang zhing / sangs rgyas rnams sam/ sangs rgyas kyi mchod rten dag la 'bul ba byed kyang / de 'di snyam du dge ba'i rtsa ba 'dis bdag gi sangs rgyas kyi zhing der rtag tu rgyun mi 'chad par lha rdzas kyi spos kyi ngad ldang bar gyur cig ces bya bar sems bskyed do/ /rab 'byor gzhan yang byang chub sems dpa' sems dpa' chen po ro brgya dang ldan pa'i kha zas de bzhin gshegs pa rnams sam/ de bzhin gshegs pa'i nyan thos la 'bul ba byed cing / de 'di snyam du dge ba'i rtsa ba 'dis bdag gi sangs rgyas gyi zhing der bdag bla na med pa yang dag par rdzogs pa'i byang chub tu mngon par rdzogs par sangs rgyas par gyur pa dang / nyan thos kyi dge 'dun dang bcas pa la kha zas ro brgya dang ldan pa mngon par grub par gyur cig ces bya bar sems bskyed do/ /rab 'byor gzhan yang byang chub sems dpa' sems dpa' chen po de bzhin gshegs pa rnams sam/ </font><hr>33.195a<br><font size=+1>

de bzhin gshegs pa'i mchod rten dag la lha rdzas kyi byug pa yongs su 'bul ba byed kyang de 'di snyam du dge ba'i rtsa ba 'dis bdag bla na med pa yang dag par rdzogs pa'i byang chub tu mngon par rdzogs par sangs rgyas pa'i sangs rgyas kyi zhing de'i sems can thams cad lha rdzas kyi reg pa dang ldan par gyur cig ces bya bar sems bskyed do/ /rab 'byor gzhan yang byang chub sems dpa' sems dpa' chen po 'di snyam du/ yid kyis bsams pa tsam gyis yid du 'ong ba'i gzugs dang /  sgra dang / dri dang / ro dang / reg rnams sangs rgyas bcom ldan 'das rnams dang / nyan thos rnams dang / sems can thams cad la dbul zhing yongs su gtang bar bya'o snyam du sems te/ de de ltar sems pa'i tshe 'di snyam du dge ba'i rtsa ba 'dis bdag gi sangs rgyas kyi zhing der bdag bla na med pa yang dag par rdzogs pa'i byang chub tu mngon par rdzogs par sangs rgyas pa dang / nyan thos kyi dge 'dun dang bcas pa dang / sems can thams cad kyang yid kyis bsams pa tsam gyis yid du 'ong ba'i gzugs dang / sgra dang / dri dang / ro dang / reg yongs su grub par gyur cig ces bya bar sems bskyed do/ /rab 'byor gzhan yang byang chub sems dpa' sems dpa' chen po shes rab kyi pha rol du phyin pa la spyod pa'i tshe/ 'di snyam du sems te/ ma la bdag nyid kyis kyang bsam gtan dang po la mnyam par gzhag go/ /sems can thams cad kyang bsam gtan dang po la dgod do/ /ma la bdag nyid kyis kyang bsam gtan gnyis pa dang / gsum pa dang / bsam gtan bzhi pa la mnyam par gzhag go/ /sems can thams cad kyang bsam gtan bzhi pa la dgod do/ /ma la bdag nyid kyis kyang byams pa la mnyam par gzhag go/ /sems can thams cad kyang byams pa la dgod do/ /ma la bdag nyid kyis kyang snying rje dang / dga' ba dang / btang snyoms la mnyam par gzhag go/ /sems can thams cad kyang btang snyoms la dgod do/ /</font><hr>33.195b<br><font size=+1>

ma la bdag nyid kyis kyang nam mkha' mtha' yas skye mched la mnyam par gzhag go/ /sems can thams cad kyang nam mkha' mtha' yas skye mched la dgod do/ /ma la bdag nyid kyis kyang rnam shes mtha' yas skye mched dang / cung zad med pa'i skye mched dang / 'du shes med 'du shes med min skye mched la mnyam par gzhag go/ /sems can thams cad kyang 'du shes med 'du shes med min skye mched la dgod do/ /ma la bdag nyid kyis kyang dran pa nye bar gzhag pa rnams la bsgom par bya'o/ /sems can thams cad kyang dran pa nye bar gzhag pa rnams la dgod do/ /ma la bdag nyid kyis kyang yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa la bsgom par bya'o/ /sems can thams cad kyang 'phags pa'i lam yan lag brgyad pa la dgod do/ /ma la bdag nyid kyis kyang rnam par thar ba'i sgo stong pa nyid dang / mtshan ma med pa dang / smon pa med pa bsgom par bya'o/ /sems can thams cad kyang rnam par thar pa'i sgo stong pa nyid dang / mtshan ma med pa dang / smon pa med pa la dgod do snyam ste de de ltar sems pa'i tshe/ de 'di snyam du dge ba'i rtsa ba 'dis bdag bla na med pa yang dag par rdzogs pa'i byang chub tu mngon par rdzogs par sangs rgyas pa'i sangs rgyas kyi zhing de'i sems can thams cad bsam gtan bzhi dang mi 'bral zhing / tshad med pa bzhi dang mi 'bral ba dang / gzugs med pa'i snyoms par 'jug pa bzhi dang / byang chub kyi phyogs kyi chos sum bcu rtsa bdun dang / rnam par thar pa'i sgo stong pa nyid dang / mtshan ma med pa dang / smon pa med pa dag dang mi 'bral bar shog shig ces bya bar sems bskyed do/ /rab 'byor de de ltar byang chub sems dpa' sems dpa' chen po shes rab kyi pha rol du phyin pa la spyod pa'i tshe/ sangs rgyas</font><hr>33.196a<br><font size=+1>

kyi zhing yongs su dag par byed de/ de nam bsams pa de dag thams cad yongs su rdzogs par ma gyur gyi bar du bla na med pa yang dag par rdzogs pa'i byang chub tu mngon par rdzogs par 'tshang mi rgya ste/ de bdag nyid kyang dge ba'i rtsa ba thams cad dang ldan pa yin/ sems can de dag thams cad kyang dge ba'i rtsa ba dang ldan par byed pa yin te/ de bdag nyid kyi lus kyang mdzes pa yin/ sems can gang byang chub sems dpa' sems dpa' chen po des yongs su smin par byas pa de dag kyang 'di lta ste/ bsod nams kyis yongs su bzung ba'i phyir/ gzugs bzang zhing mdzes la yid du 'ong ba'i gzugs mngon par 'grub ste/ rab 'byor byang chub sems dpa' sems dpa' chen po ni sangs rgyas kyi zhing de ltar yongs su dag par byed de/ ci nas kyang ngan song gsum du gdags pa'i ming yang mi srid pa dang / lta ba'i rnam par gdags pa'i ming yang mi srid pa dang / 'dod chags dang zhe sdang dang / gti mug tu gdags pa'i ming yang mi srid pa dang / bud med dang / skyes par gdags pa'i ming yang mi srid pa dang / theg pa gnyis su gdags pa'i ming yang mi srid pa dang / mi rtag pa dang sdug bsngal ba dang / bdag med par gdags pa'i ming yang mi srid pa dang / yongs su 'dzin par gdags pa'i ming yang mi srid pa dang / bdag dang bdag gir bya bar gdags pa'i ming yang mi srid pa dang / bag la nyal ba dang kun nas ldang bar gdags pa'i ming yang mi srid pa dang / phyin ci log tu gdags pa'i ming yang mi srid pa dang / 'bras bur gdags pa'i ming yang mi srid cing gzhan du na sems can de dag 'dod pa bzhin du shing rlung gis btab pa 'am/ phyi nang gi dngos po dag las 'di lta ste/ stong pa nyid kyi sgra dang / mtshan ma med pa'i sgra dang / smon pa med pa'i sgra dang / mi skye mi 'gog pa'i sgra dang / chos</font><hr>33.196b<br><font size=+1>

thams cad ngo bo nyid med pa'i sgra dang / chos thams cad chos thams cad kyis stong pa'i sgra 'byung ba dang / chos de dag gi ngo bo nyid ji lta ba bzhin du ngo bo nyid med pa'i sgra dang / de bzhin gshegs pa rnams byung yang rung de bzhin gshegs pa rnams ma byung yang rung ste/ chos thams cad chos thams cad kyis stong ngo / /gang stong pa de la ni mtshan ma med do/ /gang la mtshan ma med pa de la ni smon pa med do zhes bya bar chos bstan pa'i sgra nyin mtshan rgyun mi 'chad par 'gro yang rung / 'dug kyang rung sdod kyang rung nyal yang rung ste/ rtag tu 'byung bar 'gyur ba de lta bur sangs rgyas kyi zhing yongs su sbyong ngo / /de lta bu'i sangs rgyas kyi zhing der bla na med pa yang dag par rdzogs pa'i byang chub tu mngon par rdzogs par sangs rgyas nas kyang / de bzhin gshegs pa dgra bcom pa yang dag par rdzogs pa'i sangs rgyas de la phyogs bcu'i 'jig rten gyi khams dag na sangs rgyas bcom ldan 'das gang ji snyed cig bzhugs pa de dag thams cad legs par brjod par 'gyur te/ sems can gang gis de bzhin gshegs pa de'i mtshan thos pa de thams cad kyang bla na med pa yang dag par rdzogs pa'i byang chub tu nges par 'gyur te/ /de bzhin gshegs pa dgra bcom pa yang dag par rdzogs pa'i sangs rgyas des chos bstan na/ sems can gang yang 'di ni chos so/ /'di ni chos ma yin zhes bya bar the tshom za bar mi 'gyur ro/ /de ci'i phyir zhe na/ de ni 'di ltar chos rnams kyi chos nyid gang yin pa de la ni chos ma yin pa gang yang med do chos thams cad kyang chos so/ /de la sems can gang mi dge ba'i rtsa bas non pa dang sangs rgyas sam/ sangs rgyas kyi nyan thos rnams la dge ba'i rtsa ba ma bskyed pa mi dge ba'i bshes gnyen gyis yongs su zin pa/ bdag tu lta bar bying ba nas lta ba'i rnam pa thams cad kyi bar du bying ba rtag pa 'am/ chad pa'i mtha' la gnas pa</font><hr>33.197a<br><font size=+1>

log par 'dzin pas yang dag par rdzogs pa'i sangs rgyas ma yin pa la ni/ yang dag par rdzogs pa'i sangs rgyas yin par 'du shes pa yang dag par rdzogs pa'i sangs rgyas yin pa la ni/ yang dag par rdzogs pa'i sangs rgyas ma yin par 'du shes pa de dag ni chos ma yin pa la yang chos so zhes zer/ chos yin pa la yang chos ma yin no zhes zer te/ de dag chos la spong bar 'gyur te/ de ltar chos spangs nas lus zhig pa'i 'og tu shi nas/ ngan song dang / ngan 'gro dang / log par ltung ba dang / sems can dmyal ba dag tu skye bar 'gyur te/ de lta bu dag la yang sangs rgyas bcom ldan 'das de dag bla na med pa yang dag par rdzogs pa'i byang chub tu mngon par rdzogs par sangs rgyas shing / 'khor ba'i khongs su chud pa'i sems can de dag sdig par lta ba'i rnam pa de dag las rnam par 'grol te/ de ltar rnam par dkrol nas nges pa'i phung por rab tu 'god de/ der bkod pa'i rnams phyin chad ngan song du ltung bar mi 'gyur ro/ /rab 'byor de ltar na byang chub sems dpa' sems dpa' chen po sangs rgyas kyi zhing yongs su dag par byed pa yin te/ de ltar yongs su sbyangs pas sems can rnams 'jig rten pa'i chos sam/ 'jig rten las 'das pa'i chos sam/ zag pa dang bcas pa'i chos sam/ zag pa med pa'i chos sam/ 'dus byas kyi chos sam/ 'dus ma byas kyi chos gang la yang gnas par mi 'gyur te/ bla na med pa yang dag par rdzogs pa'i byang chub kyi bar tu nges par 'gyur ro/ /shes rab kyi pha rol du phyin pa stong phrag nyi shu lnga pa las/ le'u drug bcu drug go/ // de nas tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das byang chub sems dpa' sems dpa' chen po nges zhes bgyi 'am/ ma nges zhes bgyi/ bcom ldan</font><hr>33.197b<br><font size=+1>

'das kyis bka' stsal pa/  rab 'byor byang chub sems dpa' sems dpa' chen po ni nges pa ste/ ma nges pa ma yin no/ /gsol pa/ nyan thos kyi phung po 'am/ rang sangs rgyas kyi phung po 'am/ sangs rgyas kyi phung po 'am/ phung po gang du nges pa lags/ bcom ldan 'das kyis bka' stsal pa/ rab 'byor byang chub sems dpa' sems dpa' chen po ni nyan thos kyi phung por nges pa 'am/ rang sangs rgyas kyi phung por nges pa ma yin gyi/ rab 'byor byang chub sems dpa' sems dpa' chen po ni sangs rgyas kyi phung por nges pa'o/ /gsol pa/ bcom ldan 'das sems dang po bskyed pa'i byang chub sems dpa' sems dpa' chen po nges shes bgyi 'am/ 'on tam phyir mi ldog pa nges shes bgyi 'am/ 'on te srid pa tha ma pa nges shes bgyi/ bcom ldan 'das kyis bka' stsal pa/ rab 'byor sems dang po bskyed pa'i byang chub sems dpa' sems dpa' chen po ni nges pa'o/ /phyir mi ldog pa ni nges pa'o/ /srid pa gcig gis thogs pa ni nges pa'o/ /gsol pa/ bcom ldan 'das nges pa'i byang chub sems dpa' sems dpa' chen po ngan song rnams su skye bar 'gyur ram mi 'gyur/ bcom ldan 'das kyis bka' stsal pa/ rab 'byor de ni ma yin te/ rab 'byor nges pa'i byang chub sems dpa' sems dpa' chen po ni ngan song du mi skye'o/ /rab 'byor de ji snyam du sems/ brgyad pa 'am rgyun du zhugs pa 'am lan gcig phyir 'ong ba 'am/ phyir mi 'ong ba 'am/ dgra bcom pa 'am/ rang sangs rgyas ngan song du skye bar 'gyur ram/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor de bzhin du byang chub sems dpa' sems dpa' chen po gang sems dang po bskyed pa nas nye bar bzung ste/ sbyin pa gtong ba dang / tshul khrims srung</font><hr>33.198a<br><font size=+1>

ba dang bzod pa sgrub pa dang / brtson 'grus rtsom pa dang / ting nge 'dzin la snyoms par 'jug pa dang / shes rab sgom pa dang / mi dge ba'i chos thams cad spang ba'i don du gnas pa de ni ngan song du skye bar 'gyur ba'i gnas med do/ /lha tshe ring por skye ba'i gnas med do/ /gang na dge ba'i chos rnams mi spyod pa de lta bur skye ba'i gnas med do/ /glen pa dang lkug par 'gyur ba'i yul du skye ba'i gnas med do/ /mtha' 'khob kyi kla klo dang mi spun cing 'khor bzhir rgyur med pa'i yul du skye ba'i gnas med do/ /log par lta ba'i rigs su skye ba'i gnas med do/ /gang na sangs rgyas kyi sgra mi grag pa dang / chos kyi sgra mi grag pa dang / dge 'dun gyi sgra mi grag pa de lta bur skye ba'i gnas med do/ /bya ba ma yin pa'i lta bar ltung ba'i gnas med do/ /rab 'byor byang chub sems dpa' sems dpa' chen po sems dang po bskyed pa nas nye bar bzung ste bla na med pa yang dag par rdzogs pa'i byang chub tu lhag pa'i bsam pas yang dag par zhugs pa ni mi dge ba bcu'i las kyi lam la spyod ces bya ba'i gnas med do/ /gsol pa/ bcom ldan 'das gal te de ltar nges pa'i byang chub sems dpa' sems dpa' chen po de lta bu'i dge ba'i rtsa ba dang ldan zhing tshul dang mi 'dra ba'i gnas su mi skye ba lags na/ gang 'di ltar de bzhin gshegs pa nyid kyang byol song gi rgyud du skyes pa'i rabs bstan na/ de'i tshe dge ba'i rtsa ba de dag gang du mchis/ bcom ldan 'das kyis bka' stsal pa/ rab 'byor byang chub sems dpa' sems dpa' chen po ni mi dge ba'i las kyis byol song gi rgyud du skye ba ma yin gyi/ lus gang dang gang gis sems can rnams kyi don du 'gyur ba de dang de lta bu'i lus ched du bsams shing sems can rnams kyi don du yongs su 'dzin kyang / rab 'byor de ltar thabs</font><hr>33.198b<br><font size=+1>

mkhas pas byang chub sems dpa' sems dpa' chen po byol song gi skye gnas su skyes shing de la la la zhig gsod du 'ongs kyang bla na med pa'i bzod pas bdag yongs su gtong zhing sems can de dag la gnod par mi byed pa de lta bu'i thabs mkhas pa dag dgra bcom pa 'am rang sangs rgyas dag la yod dam/ rab 'byor de bas na rnam grangs des kyang 'di ltar byang chub sems dpa' sems dpa' chen po ni sems can rnams kyi phyir bla na med pa yang dag par rdzogs pa'i byang chub kyi don du snying rje chen po yongs su rdzogs par byed cing / byol song gi skye gnas su skye yang / byol song gi skye gnas kyi rgyud kyi nyes pas mi gos par rig par bya'o/ /gsol pa/ bcom ldan 'das dge ba'i chos gang la gnas shing byang chub sems dpa' sems dpa' chen pos de lta bu'i lus yongs su 'dzin/ bcom ldan 'das kyis bka' stsal pa/ rab 'byor byang chub sems dpa' sems dpa' chen pos yongs su rdzogs par mi bya ba'i dge ba'i chos de lta bu gang yang med de/ dge ba'i chos thams cad yongs su rdzogs pa ni bla na med pa yang dag par rdzogs pa'i byang chub ste/ de ltar byang chub sems dpa' sems dpa' chen pos sems dang po bskyed pa nas nye bar bzung ste snying po byang chub la 'dug gi bar du dge ba'i chos gang yang yongs su rdzogs par mi bya ba med do/ /dge ba'i chos gang yang yongs su rdzogs par ma byas par bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ba de lta bu med de/ de ni gnas ma yin no/ /rab 'byor de lta bas na byang chub sems dpa' sems dpa' chen po sems dang po bskyed pa nas nye bar bzung ste/ dge ba'i chos thams cad yongs su rdzogs par bya ba la bslab par bya ste de la bslabs na rnam pa thams cad mkhyen pa nyid rjes su 'thob</font><hr>33.199a<br><font size=+1>

bo/ /bag chags kyi mtshams sbyor ba thams cad kyang yongs su spong ngo / /gsol pa/ bcom ldan 'das ji ltar na byang chub sems dpa' sems dpa' chen po 'phags pa'i chos dkar po zag pa ma mchis pa de lta bu dang ldan pa 'ang ngan song ngam/ byol song gi skye gnas su skye bar 'gyur/ bcom ldan 'das kyis bka' stsal pa/ rab 'byor de bzhin gshegs pa 'phags pa zag pa med pa yin nam/ gsol pa/ bcom ldan 'das de de lags so/ /bde bar gshegs pa de de lags te/ de bzhin gshegs pa ni 'phags shing zag pa mi mnga' ba'o/ /bcom ldan 'das kyis bka' stsal pa/ rab 'byor de bzhin gshegs pas byol song gi skye gnas su gtogs pa'i srog chags mngon par sprul pa mdzad cing de mngon par sprul nas sangs rgyas kyi phrin las mdzad pa de lta bu yod dam med/  gsol pa/ bcom ldan 'das mchis so/ /bcom ldan 'das kyis bka' stsal pa/ rab 'byor des de bzhin gshegs pa byol song gi skye gnas par 'gyur ram/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor de bzhin gshegs pa byol song gi skye gnas kyi sdug bsngal myong bar 'gyur ram/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor de bzhin du byang chub sems dpa' sems dpa' chen po 'phags pa'i chos zag pa med pa dang ldan pa yang ched du bsams shing de lta bu'i lus yongs su 'dzin te/ lus de dag gis sems can rnams ci rigs ci tshul du yongs su smin par byed do/ /rab 'byor de ji snyam du sems/ dgra bcom pas sprul pa mngon par sprul na/ sprul pa des dgra bcom pa'i las byas shing las des gzhan gyi dge ba skye bar 'gyur ba yod dam/ rab 'byor gyis gsol pa/ bcom ldan 'das de de</font><hr>33.199b<br><font size=+1>

bzhin te mchis so/ /bcom ldan 'das kyis bka' stsal pa/ rab 'byor de bzhin du byang chub sems dpa' sems dpa' chen po 'phags pa'i chos zag pa med pa dang ldan pa yang ched du bsams shing de lta bu'i lus yongs su 'dzin te/ ci rigs ci tshul du sems can rnams yongs su smin par byed do/ /de lta bu'i lus des sdug bsngal du yang mi 'gyur te/ sdug bsngal gyi tshor ba yang nyams su mi myong ngo / /rab 'byor de ji snyam du sems/ sgyu ma'i mkhan pos sgyu ma las glang po'i gzugs sam/ rta'i gzugs sam/ glang gi gzugs shig bstan tam/ gzhan yang sgyu ma rnam pa sna tshogs bstan na/ de dag la glang po'i gzugs sam/ rta'i gzugs sam/ glang gi gzugs sam/ srog chags kyi rigs gzhan dag tu yang 'gyur ba yod dam/ gsol pa/ bcom ldan 'das de ni ma mchis so/ /bcom ldan 'das kyis bka' stsal pa/ rab 'byor de bzhin du byang chub sems dpa' sems dpa' chen po 'phags pa'i chos zag pa med pa dang ldan pa yang ched du bsams shing de lta bu'i lus yongs su 'dzin te/ lus de dag gis sems can rnams kyi don byed de/ sdug bsngal gyi tshor bar 'gyur ba gang yang med do/ /rab 'byor gyis gsol pa/ kye ma bcom ldan 'das de ltar byang chub sems dpa' sems dpa' chen po 'phags pa'i ye shes zag pa ma mchis pa dang / de ltar ldan zhing lus gang dang gang gis sems can rnams kyi don du 'gyur ba de dang de lta bu'i lus yongs su 'dzin pa ni thabs shin du mkhas pa ste/ de ni ngo mtshar che'o/ /bcom ldan 'das byang chub sems dpa' sems dpa' chen po chos dkar po gang dang gang la gnas shing / de lta bu'i thabs mkhas pa bgyid kyang las de lta bus mi gos par spyod pa lags bcom ldan 'das kyis bka' stsal pa rab 'byor shes rab kyi pha rol</font><hr>33.200a<br><font size=+1>

du phyin pa la gnas shing / byang chub sems dpa' sems dpa' chen po de lta bu'i thabs mkhas pa la spyod de thabs mkhas pa de dag gis phyogs bcu'i phyogs re re'i 'jig rten gyi khams gang gA'i klung gi bye ma snyed dag tu sems can rnams kyi don byed kyang / des de la gang yang reg par 'gyur ba med do/ /de ci'i phyir zhe na/ de ni 'di ltar byang chub sems dpa' sems dpa' chen pos gang reg par byed pa dang / gang gis reg par bya ba dang / gang la reg par bya ba de lta bu'i chos gsum po de dag thams cad mi dmigs te/ de ci'i phyir zhe na/ de ni 'di ltar chos gsum po de dag thams cad ngo bo nyid kyis stong pas stong pa nyid ni stong pa nyid la reg par mi byed do/ /stong pa nyid kyis chos gang la yang reg par mi 'gyur ro/ /stong pa nyid kyang reg par bya ba ma yin no/ /de ci'i phyir zhe na/ de ni 'di ltar stong pa nyid la stong pa nyid mi dmigs so/ /de ni mi dmigs pa stong pa nyid de/ de la gnas shing byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya'o/ /gsol pa/ bcom ldan 'das ci lags byang chub sems dpa' sems dpa' chen po chos gzhan la mi gnas kyi/ shes rab kyi pha rol du phyin pa 'ba' shig la gnas shing rnam pa de lta bu'i thabs mkhas pa la spyod pa lags sam/ bcom ldan 'das kyis bka' stsal pa rab 'byor chos gang shes rab kyi pha rol du phyin pa'i khongs su ma chud pa de lta bu yod dam/ gsol pa/ bcom ldan 'das gal te shes rab kyi pha rol du phyin pa ngo bo nyid kyis stong na/ ji ltar shes rab kyi pha rol du phyin pa'i khongs su chos thams cad 'du ba lags/ bcom ldan 'das stong pa nyid la ni chos gang yang khongs su chud pa 'am/ khongs su ma chud pa zhes bgyi ba ma mchis so/ /bcom ldan 'das kyis bka' stsal pa/ rab 'byor chos thams cad chos thams cad kyis mi stong ngam/ gsol pa/ bcom ldan 'das stong ngo / /bcom ldan 'das kyis bka' stsal pa/ rab 'byor de ste chos thams cad</font><hr>33.200b<br><font size=+1>

chos thams cad kyis stong na/  chos thams cad stong pa nyid du ma 'dus sam/  gsol pa/ bcom ldan 'das de de lags so/ /bcom ldan 'das kyis bka' stsal pa/ rab 'byor rnam grangs des na khyod kyis 'di ltar byang chub sems dpa' sems dpa' chen po ni shes rab kyi pha rol du phyin pa la gnas shing de lta bu'i thabs mkhas pa la spyod par rig par bya'o/ /de nas tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das byang chub sems dpa' sems dpa' chen po shes rab kyi pha rol du phyin pa la spyod cing chos thams cad stong pa nyid la gnas te/ mngon par shes pa gang la gnas shing phyogs bcu'i phyogs re re'i 'jig rten gyi khams gang gA'i klung gi bye ma snyed dag tu mchi ba dang / 'jig rten gyi khams de dag na sangs rgyas bcom ldan 'das gang ji snyed cig bzhugs shing 'tsho skyong ba dang / chos ston pa de dag la bsnyen bkur bgyid pa dang / chos nyan cing sangs rgyas bcom ldan 'das de dag la dge ba'i rtsa ba bskyed pa'i mngon par shes pa'i pha rol du phyin pa mngon par sgrub pa lags/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor 'di la byang chub sems dpa' sems dpa' chen po shes rab kyi pha rol du phyin pa la spyod pa'i tshe/ phyogs bcu'i phyogs re re'i 'jig rten gyi khams gang 'ga'i klung gi bye ma snyed po de dag thams cad ngo bo nyid kyis stong par mthong ngo / /'jig rten gyi khams de dag na sangs rgyas bcom ldan 'das gang ji snyed cig gzhugs pa'i sangs rgyas bcom ldan 'das de dag kyang ngo bo nyid kyis stong par mthong ngo / /gzhan du na ming dang brdar gdags pa nye bar bzung zhing bstan pa ma gtogs te/ gdags pa kun kyang ngo bo nyid kyis stong ngo / /gal te 'jig rten gyi khams de dag kyang ngo bo nyid kyis mi gtong la/ sangs rgyas bcom ldan 'das de dag kyang ngo bo nyid kyis mi stong ste/ gdags pa'i rgyud de dag kyang ngo bo nyid kyis mi stong pa zhig</font><hr>33.201a<br><font size=+1>

yin na ni/ nyi tshe ba'i stong pa nyid du 'gyur te/ de'ang stong pa nyi tshe ma yin no/ /de'i phyir chos thams cad chos thams cad kyis stong ste/ de nyid kyi phyir byang chub sems dpa' sems dpa' chen po thabs mkhas pas shes rab kyi pha rol du phyin pa la spyod cing / mngon par shes pa'i pha rol du phyin pa mngon par sgrub ste/ mngon par shes pa de dag la gnas shing lha'i mig dang lha'i rna ba dang / rdzu 'phrul gyi rnam pa dang / pha rol gyi sems shes pa dang / sngon gyi gnas dran pa dang / 'chi 'pho shes pa mngon par sgrub ste/ mngon par shes pa med par byang chub sems dpa' sems dpa' chen pos bla na med pa yang dag par rdzogs pa'i byang chub tu mngon par rdzogs par 'tshang rgya bar mi nus so/ /de ci'i phyir zhe na/ 'di ltar byang chub sems dpa' sems dpa' chen po'i byang chub ni mngon par shes pa'i pha rol du phyin par 'dus te/ mngon par shes pa de dag las byang chub yongs su btsal bar bya'o/ /de tshol ba'i tshe lha'i mig rnam par dag pa mi las 'das pas bdag nyid kyis kyang dge ba'i chos thams cad mthong / gzhan yang dge ba'i chos thams cad la sbyor te/ dge ba'i chos de dag la mngon par zhen par 'gyur ba med do/ /de ci'i phyir zhe na/ dge ba'i chos de dag thams cad ni ngo bo nyid kyis stong pa ste/ stong pa nyid ni gang la mngon par zhen cing ro myong bar byed par mngon par zhen par 'gyur ba med de/ stong pa nyid ni ro myong bar byed pa med do/ /de ltar byang chub sems dpa' sems dpa' chen po shes rab kyi pha rol du phyin pa la spyod pa'i tshe/ lha'i mig mngon par sgrub ste/ lha'i mig des chos thams cad kyang stong pa nyid du mthong ste/ de chos de dag la gnas shing las mngon par sgrub bo/ /las mngon par bsgrubs pa des/ sems can rnams la chos ston te/ sems can nam sems can du gdags par dmigs pa med do/ /de ltar mi dmigs pa'i tshul gyis byang chub sems dpa' sems dpa' chen po mngon par shes</font><hr>33.201b<br><font size=+1>

pa'i pha rol du phyin pa mngon par sgrub ste/ mngon par shes pa de dag gis mngon par shes par bya ba'i chos gang ji snyed pa de dag byed do/ /de lha'i mig rnam par dag pa mi las 'das pa de nyid kyis shar phyogs kyi 'jig rten gyi khams thams cad mthong ste/ de de dag tu rdzu 'phrul gyis song zhing sbyin pa 'am/  tshul khrims sam/  bzod pa 'am/ brtson 'grus sam/ bsam gtan nam/ shes rab bam/ byang chub kyi phyogs kyi chos rnams sam/ rnam par thar pa'i sgo stong pa nyid dang / mtshan ma med pa dang / smon pa med pa 'am/ bsam gtan rnams sam/ tshad med pa rnams sam/  gzugs med pa'i snyoms par 'jug pa rnams sam/ rnam par thar pa rnams sam/ ting nge 'dzin rnams sam/ mthar gyis gnas pa'i snyoms par 'jug pa rnams sam/ de bzhin gshegs pa'i stobs rnams sam/ mi 'jigs pa rnams sam/ so so yang dag par rig pa rnams sam/ /sangs rgyas kyi chos ma 'dres pa rnams sam/ nyan thos kyi chos sam/ rang sangs rgyas kyi chos sam/ byang chub sems dpa'i chos sam/ sangs rgyas kyi chos kyis sems can rnams kyi don byed cing / sems can de dag gi bya ba byed de de la sems can ser sna can gang ji snyed pa de dag la 'di skad du chos ston te/ sbyin pa byin cig /phongs pa ni sdug bsngal ba ste/ phongs pas ni bdag gi don kyang bya bar mi nus na/ gzhan gyi don lta ci smos kyis de ltar khyod kyis sbyin pa byin la bdag kyang bde bar gyis shig /gzhan yang bde bar gyis shig phongs pas zil gyis non cing nying sha nying gis zos te/ ngan song gsum las mi thar bar gyur ta re zhes chos ston to/ /sems can tshul khrims ngan pa can ji snyed pa de dag la 'di skad du chos ston te/ kye skyes bu dag tshul khrims ngan pa ni sdug bsngal ba ste/ tshul khrims ngan pas ni bdag gi don kyang bya bar mi nus na/ gzhan gyi don lta ci smos te/ tshul khrims ngan pa'i rnam par</font><hr>33.202a<br><font size=+1>

smin pa ni/ sems can dmyal ba 'am/ byol song gi skye gnas sam/ gshin rje'i 'jig rten yin te/ de ltar khyod ngan song gsum du lhung na bdag cag kyang gdon par mi nus na/  gzhan gdon pa lta ci smos kyis/ de'i phyir khyed kyis tshul khrims ngan pa'i sems 'ga' tsam gyi go skabs kyang mi dbye'o/ /phyis 'gyod pa can du gyur ta re zhes chos ston to/ /sems can phan tshun gnod sems su gyur pa ji snyed pa de dag la 'di skad du chos ston te/ de ltar khyed gcig la gcig gnod sems su ma byed cig /sems 'khrugs par gyur pa la dge ba'i chos gang yang skye bar mi 'gyur te/ de lta bas na khyed phan tshun sems 'khrugs par gyur na sems can dmyal bar skye ba 'am/ byol song gi skye gnas su skye ba 'am/ gshin rje'i 'jig rten du skye ba'i gnas yin gyis de bas na khyed kyis 'khrugs pa'i sems ni 'ga' tsam gyi go skabs kyang mi dbye'o/ /phyis 'gyod pa can du gyur ta re zhes chos ston to/ /sems can le lo can gang ji snyed pa de dag la 'di skad du chos ston to/ /kye skyes bu dag le lo ni sdug bsngal ba ste/ le los ni bdag gi don kyang bya bar mi nus na gzhan gyi don lta ci smos te/ le lo'i rnam par smin pa ni sems can dmyal ba 'am/ byol song gi skye gnas sam/ gshin rje'i 'jig rten yin te/ de ltar khyed ngan song gsum du lhung na/ bdag cag kyang gdon par mi nus na/ gzhan gdon pa lta ci smos kyis/ de'i phyir khyed kyis le lo'i sems 'ga' tsam gyi go skabs kyang mi dbye'o/ /phyis 'gyod pa can du gyur ta re zhes chos ston to/ /sems can sems g.yeng ba gang ji snyed pa de dag la 'di skad du chos ston te/ kye skyes bu dag sems g.yeng ba ni sdug bsngal ba ste/ gang sems g.yeng ba'i rnam par smin pa ni sems can dmyal ba 'am/ byol song gi skye gnas sam/ gshin rje'i 'jig rten yin te/ de ltar khyed ngan song gsum du lhung na/ bdag cag kyang gdon par</font><hr>33.202b<br><font size=+1>

mi nus na/ gzhan gdon pa lta ci smos kyis/ de'i phyir khyed kyis g.yeng ba'i sems 'ga' tsam gyi go skabs kyang mi dbye'o/ /phyis 'gyod pa can du gyur ta re zhes chos ston to/ /sems can shes rab 'chal pa can gang ji snyed pa de dag la 'di skad du chos ston te/ kye skyes bu dag shes rab 'chal ba ni sdug bsngal ba ste/ shes rab 'chal pas ni bdag gi don kyang bya bar mi nus na/ gzhan gyi don lta ci smos te/ gang shes rab 'chal ba'i rnam par smin pa ni sems can dmyal ba 'am/ byol song gi skye gnas sam/ gshin rje'i 'jig rten yin te/ de ltar khyed kyis shes rab 'chal pa'i sems 'ga' tsam gyi go skabs kyang mi dbye'o/ /phyis 'gyod pa can du gyur ta re zhes chos ston to/ /'dod chags kyi spyod pa can gang ji snyed pa de dag ni mi sdug pa la sbyor ro/ /zhe sdang gi spyod pa can gang ji snyed pa de dag ni byams pa la sbyor ro/ /gti mug gi spyod pa can gang ji snyed pa de dag ni rten cing 'brel par 'byung ba la sbyor ro/ /lam ngan par zhugs pa gang ji snyed pa de dag ni yang dag pa'i lam la sbyor te/ nyan thos kyi lam 'am/ rang sangs rgyas kyi lam 'am/ sangs rgyas kyi lam la sbyor zhing de dag la 'di skad du chos ston te/ khyed cag chos gang la mngon par zhen par gyur pa'i chos de dag ni ngo bo nyid kyis stong ste/ ngo bo nyid kyis stong pa'i chos rnams ni mngon par zhen par mi nus te/ stong pa nyid la mngon par zhen pa med do/ /zhes chos ston te/ rab 'byor de ltar na byang chub sems dpa' sems dpa' chen po shes rab kyi pha rol du phyin pa la spyod pa'i tshe/ mngon par shes pa rnams la gnas shing sems can rnams kyi don byed pa yin no/ /de lha'i mig rnam par dag pa mi las 'das pa de nyid kyis/ lho dang nub dang byang dang byang shar dang / shar lho dang lho nub dang nub byang dang 'og dang steng gi phyogs kyi 'jig rten gyi khams</font><hr>33.203a<br><font size=+1>

thams cad mthong ste/ de de dag tu rdzu 'phrul gyis song zhing sbyin pa 'am/ /tshul khrims sam/ bzod pa 'am/ brtson 'grus sam/ bsam gtan nam/ shes rab bam/ byang chub kyi phyogs kyi chos rnams sam/ rnam par thar pa'i sgo stong pa nyid dang / mtshan ma med pa dang / smon pa med pa 'am/  bsam gtan rnams sam/  tshad med pa rnams sam/ gzugs med pa'i snyoms par 'jug pa rnams sam/ rnam par thar pa rnams sam/ ting nge 'dzin rnams sam/ mthar gyis gnas pa'i snyoms par 'jug pa rnams sam/ de bzhin gshegs pa'i stobs rnams sam/ mi 'jigs pa rnams sam/ so so yang dag par rig pa rnams sam/ sangs rgyas kyi chos ma 'dres pa rnams sam/ nyan thos kyi chos sam/ rang sangs rgyas kyi chos sam/ byang chub sems dpa'i chos sam/ sangs rgyas kyi chos kyis sems can rnams kyi don byed cing sems can de dag gi bya ba byed de/ de la sems can ser sna can gang ji snyed pa de dag la 'di skad du chos ston te/ sbyin pa byin cig /phongs pa ni sdug bsngal ba ste/ phongs pas ni bdag gi don kyang bya bar mi nus na/ gzhan gyi don lta ci smos kyis/ de ltar khyed kyis sbyin pa byin la bdag kyang bde bar gyis shig /gzhan yang bde bar gyis shig /phongs pas zil gyis non cing nying sha nying gis zos te/ ngan song gsum las mi thar bar gyur ta re zhes chos ston to/ /sems can tshul khrims ngan pa can ji snyed pa de dag la 'di skad du chos ston te/ kye skyes bu dag tshul khrims ngan pa ni sdug bsngal ba ste/  tshul khrims ngan pas ni bdag gi don kyang bya bar mi nus na/ gzhan gyi don lta ci smos te/ tshul khrims ngan pa'i rnam par smin pa ni sems can dmyal ba 'am/ byol song gi skye gnas sam/ gshin rje'i 'jig rten yin te/ de ltar khyed ngan song gsum du lhung na/ bdag cag kyang gdon par</font><hr>33.203b<br><font size=+1>

mi nus na/ gzhan gdon pa lta ci smos kyis/ de'i phyir khyed kyis tshul khrims ngan pa'i sems 'ga' tsam gyi go skabs kyang mi dbye'o/ /phyis 'gyod pa can du gyur ta re zhes chos ston to/ /sems can phan tshun gnod sems su gyur pa ji snyed pa de dag la 'di skad du chos ston te/ de ltar khyed gcig la gcig gnod sems su ma byed cig /sems 'khrugs par gyur pa la dge ba'i chos gang yang skye bar mi 'gyur te/ de lta bas na khyed phan tshun sems 'khrugs par gyur na/ sems can dmyal bar skye ba 'am/ byol song gi skye gnas su skye ba 'am/ gshin rje'i 'jig rten du skye ba'i gnas yin gyis/ de bas na khyed kyis 'khrugs pa'i sems 'ga' tsam gyi go skabs kyang mi dbye'o/ /phyis 'gyod pa can du gyur ta re zhes chos ston to/ /sems can le lo can gang ji snyed pa de dag la 'di skad du chos ston te/ kye skyes bu dag le lo ni sdug bsngal ba ste/ le los ni bdag gi don kyang bya bar mi nus na/ gzhan gyi don lta ci smos te/ le lo'i rnam par smin pa ni sems can dmyal ba 'am/ byol song gi skye gnas sam/ gshin rje'i 'jig rten yin te/ de ltar khyed ngan song gsum du lhung na/ bdag cag kyang gdon par mi nus na/ gzhan gdon pa lta ci smos kyis/ de'i phyir khyed kyis le lo'i sems 'ga' tsam gyi go skabs kyang mi dbye'o/ /phyis 'gyod pa can du gyur ta re zhes chos ston to/ /sems can sems g.yeng ba gang ji snyed pa de dag la 'di skad du chos ston te/ kye skyes bu dag sems g.yeng ba ni sdug bsngal ba ste/ gang sems g.yeng ba'i rnam par smin pa ni sems can dmyal ba 'am/ byol song gi skye gnas sam/ gshin rje'i 'jig rten yin te/  de ltar khyed ngan song gsum du lhung na/ bdag cag kyang gdon par mi nus na/  gzhan gdon par lta ci smos kyis/ de'i phyir khyed kyis g.yeng ba'i sems 'ga' tsam gyi go skabs kyang mi dbye'o/ /phyis 'gyod pa can du</font><hr>33.204a<br><font size=+1>

gyur ta re zhes chos ston to/ /sems can shes rab 'chal pa can gang ji snyed pa de dag la 'di skad du chos ston te/ kye skyes bu dag shes rab 'chal pa ni sdug bsngal ba ste/ shes rab 'chal pas ni bdag gi don kyang bya bar mi nus na/ gzhan gyi don lta ci smos te/ gang shes rab 'chal pa'i rnam par smin pa ni sems can dmyal ba 'am/ byol song gi skye gnas sam/ gshin rje'i 'jig rten yin te/ de ltar khyed kyis shes rab 'chal pa'i sems 'ga' tsam gyi go skabs kyang mi dbye'o/ /phyis 'gyod pa can du gyur ta re zhes chos ston to/ /'dod chags kyi spyod pa can gang ji snyed pa de dag ni mi sdug pa la sbyor ro/ /zhe sdang gi spyod pa can gang ji snyed pa de dag ni byams pa la sbyor ro/ /gti mug gi spyod pa can gang ji snyed pa de dag ni rten cing 'brel par 'byung ba la sbyor ro/ /lam ngan par zhugs pa gang ji snyed pa de dag ni yang dag pa'i lam la sbyor te/ nyan thos kyi lam 'am/  rang sangs rgyas kyi lam mam/ sangs rgyas kyi lam la sbyor zhing de dag la 'di skad du chos ston te/ khyed chos gang la mngon par zhen par gyur pa'i chos de dag ni ngo bo nyid kyis stong ste/ ngo bo nyid kyis stong pa'i chos rnams ni mngon par zhen par mi nus te/ stong pa nyid la mngon par zhen pa med do zhes chos ston te/ rab 'byor de ltar na byang chub sems dpa' sems dpa' chen po shes rab kyi pha rol du phyin pa la spyod pa'i tshe/ mngon par shes pa rnams la gnas shing sems can rnams kyi don byed pa yin no/ /rab 'byor byang chub sems dpa' sems dpa' chen pos ni mngon par shes pa rnams la mi gnas par sems can rnams la chos bstan par mi nus te/ lam gol bar zhugs pa'i sems can rnams kyang lam du gzud par mi nus so/ rab 'byor 'di lta ste/ dper na bya 'dab ma med pas nam mkha' la 'gro bar mi nus so/ /rab 'byor de bzhin du byang chub</font><hr>33.204b<br><font size=+1>

sems dpa' sems dpa' chen pos kyang mngon par shes pa rnams la ma rten par sems can rnams la chos bstan par mi nus so/ /rab 'byor de lta bas na byang chub sems dpa' sems dpa' chen pos shes rab kyi pha rol du phyin pa la spyod pa'i tshe/ mngon par shes pa rnams mngon par bsgrub par bya ste/ de mngon par shes pa mngon par bsgrubs pa de dag gis sems can rnams kyi don ci bya bar dga' ba de bde bar byed do/ /des lha'i mig gis shar phyogs kyi 'jig rten gyi khams gang gA'i klung gi bye ma snyed dag mthong ste/ de dag tu sems can gang ji snyed cig skyes pa de dag kyang mthong ngo / /de ltar mthong nas kyang rdzu 'phrul gyis de dag tu song zhing sems can de dag gi sems sems kyis khong du chud par byas nas de dang mthun par sbyin pa'i gtam 'am/ tshul khrims dang / bzod pa dang brtson 'grus dang bsam gtan dang shes rab kyi gtam 'am/ 'phags pa'i bden pa'i gtam 'am/  'byung ba'i gtam gyi bar du chos ston te/ des lha'i mig gis lho dang nub dang byang dang byang shar dang shar lho dang lho nub dang nub byang dang 'og dang steng gi phyogs kyi 'jig rten gyi khams gang gA'i klung gi bye ma snyed mthong ste/ de dag tu sems can gang ji snyed cig skyes pa de dag kyang mthong ngo / /de ltar mthong nas kyang rdzu 'phrul gyis de dag tu song zhing sems can de dag gi sems sems kyis khong du chud par byas nas/ de dang 'thun par sbyin pa'i gtam 'am/ tshul khrims dang / bzod pa dang / brtson 'grus dang / bsam gtan dang shes rab kyi gtam 'am/ 'phags pa'i bden pa'i gtam 'am/ 'byung ba'i gtam gyi bar du chos ston to/ /des lha'i rna ba'i khams kyis 'di lta ste/ lha dang mi gnyis ka'i sgra yang thos te/ de shar phyogs kyi 'jig rten gyi khams gang gA'i klung gi bye ma snyed dag na/ sangs rgyas bcom ldan 'das gang ji snyed cig chos ston pa de dag gi chos lha'i rna bas nyan te thos nas kyang de bzhin nyid du 'dzin to/ /</font><hr>33.205a<br><font size=+1>

de bzhin nyid du bzung nas de bzhin nyid du sems can rnams la chos ston te/ sbyin pa'i gtam 'am/ tshul khrims dang bzod pa dang / brtson 'grus dang bsam gtan dang shes rab kyi gtam 'am/ 'phags pa'i bden pa'i gtam 'am/ 'byung ba'i gtam gyi bar du chos ston to/ /de lho dang nub dang / byang dang byang shar dang shar lho dang lho nub dang nub byang dang 'og dang steng gi phyogs kyi 'jig rten gyi khams gang gA'i klung gi bye ma snyed dag na sangs rgyas bcom ldan 'das gang ji snyed cig chos ston pa de dag gi chos lha'i rna bas nyan te/ thos nas kyang de bzhin nyid du 'dzin to/ /de bzhin nyid du bzung nas/ de bzhin nyid du sems can rnams la chos ston te/  sbyin pa'i gtam 'am/  tshul khrims dang bzod pa dang brtson 'grus dang /  bsam gtan dang shes rab kyi gtam 'am/ 'phags pa'i bden pa'i gtam 'am 'byung ba'i gtam gyi bar du chos ston to/ /de sems kyi rnam grangs shes pa shin du rnam par dag pa dang ldan pa yin te/ de sems kyi rnam grangs shes pa des/  sems can rnams kyi sems shes par byas shing / de dag la de bzhin nyid du chos ston te/ sbyin pa'i gtam 'am/ tshul khrims dang bzod pa dang brtson 'grus dang bsam gtan dang shes rab kyi gtam 'am/ 'phags pa'i bden pa'i gtam 'am 'byung ba'i gtam gyi bar du chos ston to/ /de bdag gam gzhan gyi sngon gyi gnas rnam pa du ma rjes su dran te/ sngon gyi gnas rjes su dran pa'i shes pa des sngon gyi de bzhin gshegs pa dgra bcom pa yang dag par rdzogs pa'i sangs rgyas mtshan 'di zhes bya ba nyan thos kyi dge 'dun dang bcas par byung ngo / /zhes bya bar yang shes te/ sems can sngon gyi gnas rjes su dran pa la mos pa gang ji snyed pa de dag la yang dag pa nyid du chos ston te/ sbyin pa'i gtam 'am/ tshul khrims dang bzod pa dang brtson 'grus dang / </font><hr>33.205b<br><font size=+1>

bsam gtan dang shes rab kyi gtam 'am/ 'phags pa'i bden pa'i gtam 'am/ 'byung ba'i gtam gyi bar du chos ston to/ /de rdzu 'phrul gyis phyogs bcu'i 'jig rten gyi khams gang gA'i klung gi bye ma snyed dag tu song zhing sangs rgyas bcom ldan 'das rnams la bsnyen bkur byed de/ bsnyen bkur byas nas mngon par shes pa'i ye shes kyis sems can rnams la chos ston te/ sbyin pa dang tshul khrims dang bzod pa dang brtson 'grus dang / bsam gtan dang shes rab kyi gtam 'am/ 'phags pa'i bden pa'i gtam 'am/ 'byung ba'i gtam gyi bar du chos ston to/ /de zag pa med pa mngon du bya ba'i shes pa shin du rnam par dag pa dang ldan pa yin te/ de zag pa med pa mngon du bya ba'i shes pa shin du rig pa des sems can rnams la chos ston te/ sbyin pa'i gtam 'am/ tshul khrims dang bzod pa dang brtson 'grus dang bsam gtan dang shes rab kyi gtam 'am 'phags pa'i bden pa'i gtam 'am/ 'byung ba'i gtam gyi bar du chos ston to/ /rab 'byor de ltar byang chub sems dpa' sems dpa' chen po shes rab kyi pha rol du phyin pa la spyod pa'i tshe/ mngon par shes pa rnams mngon par bsgrub par bya ste/ de mngon par shes pa shin du 'dris pa de dag gis lus ci dang ji lta bu yongs su bzung bar 'dod pa de dang de lta bu'i lus yongs su bzung zhing mos pa ji lta ba bzhin du sems can rnams kyi don byed do/ /bde ba 'am sdug bsngal ba de dag gis gos par mi 'gyur ro/ /rab 'byor 'di lta ste/ dper na de bzhin gshegs pas sprul pa'i skyes bu ni dgos pa thams cad byed kyang bde ba 'am sdug bsngal des gos par 'gyur ba med do/ /rab 'byor de bzhin du byang chub sems dpa' sems dpa' chen pos shes rab kyi pha rol du phyin pa la gnas shing mngon par shes pas rnam par rtse zhing phyogs bcu'i 'jig rten gyi khams gang gA'i klung gi bye ma snyed dag tu mos pa ji lta ba bzhin</font><hr>33.206a<br><font size=+1>

du chos ston kyang bde ba 'am/ sdug bsngal ba des 'phrogs par mi 'gyur ro/ /rab 'byor byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ de ltar mngon par shes pas rnam par rtse bar bya ste/ ci nas kyang sangs rgyas kyi zhing yongs su dag par 'gyur ba dang / sems can yongs su smin par 'gyur ba de ltar rtse bar bya ste/ rab 'byor byang chub sems dpa' sems dpa' chen pos ni sangs rgyas kyi zhing yongs su dag par ma byas sems can rnams yongs su smin par ma byas par bla na med pa yang dag par rdzogs pa'i byang chub tu mngon par rdzogs par 'tshang rgya bar mi nus so/ /rab 'byor de ci'i phyir zhe na/ lam gyi yan lag dang mi ldan pa'i byang chub sems dpa' sems dpa' chen po la bla na med pa yang dag par rdzogs pa'i byang chub med do/ /rab 'byor gyis gsol pa/ bcom ldan 'das byang chub sems dpa' sems dpa' chen po lam gyi yan lag yongs su rdzogs par bgyis shing / bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ba'i lam de dag gang lags/ bcom ldan 'das kyis bka' stsal pa rab 'byor dge ba'i chos thams cad ni byang chub sems dpa' sems dpa' chen po'i lam gyi yan lag go/ /gsol pa/ bcom ldan 'das lam gyi yan lag gang gis bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ba'i lam gyi yan lag dge ba'i chos de dag gang lags/ /shes rab kyi pha rol du phyin pa stong phrag nyi shu lnga pa/ bam po bdun bcu bzhi pa/ bcom ldan 'das kyis bka' stsal pa/ sems dang po bskyed pa nas nye bar bzung ste/ dge ba'i chos sbyin pa'i pha rol du phyin pa la spyod kyang de la mi rtog cing de yongs su gtong ba'i tshe/ ngo bo nyid stong pa nyid kyi phyir 'di ni sbyin pa'o/ /'di la yongs su btang bar bya'o/ /</font><hr>33.206b<br><font size=+1>

bdag gis sbyin par bya'o zhes gsum po de dag la mi rtog pa ste/ sbyin pa'i pha rol du phyin pa gang gis bdag kyang 'khor ba las sgrol zhing gzhan yang sgrol ba 'di ni lam gyi yan lag dge ba'i chos so/ /sems dang po bskyed pa nas nye bar bzung ste/ dge ba'i chos tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la spyod kyang / de la mi rtog cing shes rab sgom pa'i tshe/ ngo bo nyid stong pa nyid kyi phyir 'di ni shes rab bo/ /bdag gis shes rab sgom mo/ /'di'i don du shes rab sgom mo zhes gsum po de dag la mi rtog pa ste/ shes rab kyi pha rol du phyin pa gang gis bdag kyang 'khor ba las sgrol zhing gzhan yang sgrol ba 'di ni lam gyi yan lag dge ba'i chos so/ /sems dang po bskyed pa nas nye bar bzung ste/ byang chub sems dpa' sems dpa' chen po'i dge ba'i chos stong pa nyid thams cad dang / byang chub kyi phyogs kyi chos rnams dang /  'phags pa'i bden pa bzhi dang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / rnam par thar pa brgyad dang / mthar gyis gnas pa'i snyoms par 'jug pa dgu dang / rnam par thar pa'i sgo stong pa nyid dang / mtshan ma med pa dang smon pa med pa dang mngon par shes pa rnams dang ting nge 'dzin rnams dang gzungs kyi sgo rnams dang / de bzhin gshegs pa'i stobs bcu dang / mi 'jigs pa bzhi dang so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad la spyod kyang / de la mi rtog cing sangs rgyas kyi chos ma 'dres pa bcwa brgyad bsgom pa'i tshe/ /ngo bo nyid stong pa nyid kyi phyir 'di dag ni sangs rgyas kyi chos ma 'dres pa rnams so/ /bdag gis sangs rgyas kyi chos ma 'dres pa rnams bsgom par bya'o/ /</font><hr>33.207a<br><font size=+1>

'di'i don du sangs rgyas kyi chos ma 'dres pa rnams bsgom mo zhes gsum po de dag la mi rtog pa ste/ sangs rgyas kyi chos ma 'dres pa gang gis bdag kyang 'khor ba las sgrol zhing gzhan yang sgrol ba 'di ni lam gyi yan lag dge ba'i chos so/ /rab 'byor dge ba'i chos de dag ni byang chub sems dpa' sems dpa' chen po'i bla na med pa yang dag par rdzogs pa'i byang chub kyi lam ste lam des 'das pa dang / ma 'ongs pa dang da ltar gyi byang chub sems dpa' sems dpa' chen po rnams sems can tshad med pa rnams ded de/ 'khor ba'i rgya mtsho las rgal bar gyur pa dang rgal ba dang / rgal bar gyur pa ste/ lam de yongs su rdzogs par byas shing byang chub sems dpa' sems dpa' chen po rnam pa thams cad mkhyen pa nyid thob par byed do/ /rnam pa thams cad mkhyen pa nyid thob par byas nas chos kyi 'khor lo skor ro/ /chos kyi 'khor lo skor te/ sems can rnams kyi don byed do/ /shes rab kyi pha rol du phyin pa stong phrag nyi shu lnga pa las/ le'u drug bcu bdun no// // de nas tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das gal te chos de dag byang chub sems dpa'i chos lags na/ sangs rgyas kyi chos gang lags/ bcom ldan 'das kyis bka' stsal pa/ rab 'byor gang 'di skad du gal te chos de dag byang chub sems dpa'i chos yin na/ sangs rgyas kyi chos gang yin zhes zer ba ni/ rab 'byor sangs rgyas kyi chos kyang chos de dag nyid rnam pa thams cad du mngon par rdzogs par 'tshang rgya bar zad de de rnam pa thams cad mkhyen pa nyid thob nas bag chags kyi mtshams sbyor ba thams cad yongs su spong ngo / /de la byang chub sems dpa' sems dpa' chen po ni mngon par rdzogs par 'tshang rgya'o/ /de bzhin gshegs pa dgra bcom pa yang dag par rdzogs pa'i</font><hr>33.207b<br><font size=+1>

sangs rgyas ni chos thams cad skad cig gcig dang ldan pa'i shes rab kyis/ mngon par rdzogs par sangs rgyas pas/ de bzhin gshegs pa zhes bya ba'i grangs su 'gro ste/ byang chub sems dpa' sems dpa' chen po dang de bzhin gshegs pa dgra bcom pa yang dag par rdzogs pa'i sangs rgyas la khyad par de yod do/ /rab 'byor 'di lta ste dper na/ zhugs pa yang gzhan la/ 'bras bu la gnas pa yang gzhan te/ de gnyis ka yang 'phags pa'i gang zag ma yin zhes mi bya'o/ /rab 'byor de bzhin du byang chub sems dpa' sems dpa' chen po ni bar chad med pa'i lam du zhugs pa yin de bzhin gshegs pa dgra bcom pa yang dag par rdzogs pa'i sangs rgyas ni chos thams cad la sgrib pa med pa'i ye shes brnyes pa ste/ rab 'byor de ni byang chub sems dpa' sems dpa' chen po dang / de bzhin gshegs pa dgra bcom pa yang dag par rdzogs pa'i sangs rgyas kyi khyad par ro/ /rab 'byor gyis gsol pa/ bcom ldan 'das gal te chos thams cad rang gi mtshan nyid kyis stong pa lags na rang gi mtshan nyid kyis stong pa'i chos de dag la 'di ni sems can dmyal ba pa'o/ /'di ni byol song gi skye gnas pa'o/ /'di ni gshin rje'i 'jig rten pa'o/ /'di ni lha'o/ /'di ni mi'o 'di ni rigs kyi sa'o/ /'di ni brgyad pa'o 'di ni rgyun du zhugs pa'o/ /'di ni lan gcig phyir 'ong ba'o/ /'di ni phyir mi 'ong ba'o/ /'di ni dgra bcom pa'o/ /'di ni rang sangs rgyas so 'di ni byang chub sems dpa'o/ /'di ni de bzhin gshegs pa dgra bcom pa yang dag par rdzogs pa'i sangs rgyas so zhes bgyi bar khyad par dang rnam par dbye bar ji ltar 'gyur/ bcom ldan 'das ji ltar gang zag de dag dmigs su ma mchis pa de bzhin du las kyang dmigs su ma mchis/ las ji ltar dmigs su ma mchis pa de bzhin du las kyi rnam par smin pa la yang dmigs su ma</font><hr>33.208a<br><font size=+1>

mchis so/ /bcom ldan 'das kyis bka' stsal pa/ rab 'byor de de bzhin no/ /de de bzhin te/ ji skad du smras pa de bzhin te/ chos thams cad rang gi mtshan nyid kyis stong pa la las dang las kyi rnam par smin pa mi dmigs so/ /rab 'byor gang gis rang gi mtshan nyid kyis stong pa'i chos thams cad de ltar ma shes pa de dag ni ngan par spyod pa 'am/ legs par spyad pa 'am/ mi g.yo ba'i las mngon par 'du byed de/ de dag ngan par spyad pa'i las kyis ngan song gsum du lhung ngo / /legs par spyad pa'i las kyis lha dang mir skye'o/ /nyams pa med pa'i las kyis gzugs kyi khams sam/ gzugs med pa'i khams su skye'o/ /de la byang chub sems dpa' sems dpa' chen po ni sbyin pa'i pha rol du phyin pa la spyad/ tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang /  bsam gtan gyi pha rol du phyin pa dang / shes rab kyi pha rol du phyin pa la spyad/ nang stong pa nyid la spyad/ dngos po med pa'i ngo bo nyid stong pa nyid kyi bar la spyad/ dran pa nye bar gzhag pa rnams la spyad/ yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang /  'phags pa'i lam yan lag brgyad pa la spyad/ 'phags pa'i bden pa dang /  bsam gtan dang /  tshad med pa dang / gzugs med pa'i snyoms par 'jug pa dang /  rnam par thar pa dang / mthar gyis gnas pa'i snyoms par 'jug pa dang / rnam par thar pa'i sgo stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin dang / gzungs kyi sgo rnams la spyad/ de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen</font><hr>33.208b<br><font size=+1>

po dang / sangs rgyas kyi chos ma 'dres pa bcwa brgyad la spyad te/ nyams pa med pa'i spyod pas byang chub kyi lam bskyed nas/ rdo rje lta bu'i ting nge 'dzin byang chub kyi yan lag gi 'khor dang ldan pa la mnyam par gzhag cing / bla na med pa yang dag par rdzogs pa'i byang chub tu mngon par rdzogs par 'tshang rgya ste/ mngon par rdzogs par sangs rgyas nas/ sems can rnams kyi don byed de/ don byas nas ci nas kyang phyis chud ma zos shing rgyud lnga'i 'khor bar mi ltung ba de ltar don byed do/ /gsol pa/ bcom ldan 'das ci lags bcom ldan 'das kyis bla na med pa yang dag par rdzogs pa'i byang chub tu mngon par rdzogs par sangs rgyas nas rgyud lnga'i 'khor ba gzigs sam/  bcom ldan 'das kyis bka' stsal pa/ rab 'byor ma yin no/ /gsol pa/ bcom ldan 'das ci lags/ de bzhin gshegs pas chos nag po 'am/  dkar po 'am/  gnag pa 'am/ dkar ba 'am/ mi gnag mi dkar ba dmigs lags sam/ bcom ldan 'das kyis bka' stsal pa/ ma yin no/ /gsol pa bcom ldan 'das de ste ma dmigs na/ sems can dmyal ba 'am/ byol song gi skye gnas sam/ gshin rje'i 'jig rten du ji ltar gdags pa mdzad/ lha dang mir ji ltar gdags pa mdzad/ rgyun du zhugs pa dang / lan gcig phyir 'ong ba dang / phyir mi 'ong ba dang / dgra bcom pa dang / rang sangs rgyas su ji ltar gdags pa mdzad/ byang chub sems dpa' dang / de bzhin gshegs pa dgra bcom pa yang dag par rdzogs pa'i sangs rgyas su ji ltar gdags pa mdzad/ bcom ldan 'das kyis bka' stsal pa/ rab 'byor ci sems can 'di dag chos rnams rang gi mtshan nyid kyis stong par shes sam/ gsol pa ma lags so/ /bcom ldan 'das kyis bka' stsal pa/  rab 'byor gal te sems can de dag 'di ltar chos rnams rang gi mtshan nyid</font><hr>33.209a<br><font size=+1>

kyis stong ngo zhes bya bar shes na ni/ byang chub sems dpa' sems dpa' chen po yang bla na med pa yang dag par rdzogs pa'i byang chub tu mi 'jug ste/ bla na med pa yang dag par rdzogs pa'i byang chub tu ma zhugs na/  sems can rnams kyang ngan song gsum dang / 'khor ba'i rgyud rnams nas mi 'grol te/ rab 'byor sems can de dag chos rnams rang gi mtshan nyid kyis stong par mi shes la mi shes pas rgyud lnga'i 'khor ba las yongs su mi 'grol bas/ de'i phyir byang chub sems dpa' sems dpa' chen po yang sangs rgyas bcom ldan 'das de dag las chos thams cad rang gi mtshan nyid kyis stong par thos nas sems can rnams kyi don du bla na med pa yang dag par rdzogs pa'i byang chub tu 'jug ste/ chos 'di dag ni ji ltar byis pa so so'i skye bo rnams kyis mngon par chags par bya ba de ltar yod pa ma yin na/ de dag ni med cing yang dag pa ma yin pa'i chos rnams la yod par btags shing / sems can med pa la sems can du 'du shes/ gzugs med pa la gzugs su 'du shes/ tshor ba dang / 'du shes dang / 'du byed dang / rnam par shes pa med pa la rnam par shes par 'du shes/ skye mched rnams med pa la skye mched du 'du shes/ khams rnams med pa la khams su 'du shes/ rten cing 'brel par 'byung ba rnams med pa la/ rten cing 'brel par 'byung bar 'du shes/ 'jig rten pa'i chos med pa la/ 'jig rten pa'i chos su 'du shes/ 'jig rten las 'das pa'i chos med pa la/ 'jig rten las 'das pa'i chos su 'du shes/ zag pa dang bcas pa'i chos med pa la/ zag pa dang bcas pa'i chos su 'du shes/ zag pa med pa'i chos med pa la/ zag pa med pa'i chos su 'du shes/ 'dus byas kyi chos med pa la/ 'dus byas kyi chos su 'du shes/ 'dus ma byas</font><hr>33.209b<br><font size=+1>

kyi chos med pa la/ 'dus ma byas kyi cho sa su 'du shes nas/ yod pa ma yin pa'i phyin ci log gis/ phyin ci log tu gyur pa'i sems dang ldan pa rnams lus dang ngag dang yid kyi las mngon par 'du byed pa de dag rgyud lnga'i 'khor ba las yongs su mi 'grol ba'i phyir/ byang chub sems dpa' sems dpa' chen po shes rab kyi pha rol du phyin par dge ba'i chos thams cad 'dus par byas te/ byang chub sems dpa'i spyad pa spyod cing / bla na med pa yang dag par rdzogs pa'i byang chub tu mngon par rdzogs par 'tshang rgya'o/ /mngon par rdzogs par sangs rgyas nas rgyud lnga'i 'khor ba las sems can rnams yongs su 'grel to/ /rab 'byor gyis gsol pa/ gal te chos thams cad rang gi mtshan nyid kyis stong pa lags na/ ji ltar byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par sangs rgyas te/ rgyud lnga'i 'khor ba las sems can rnams yongs su 'grel ba lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par sangs rgyas te/ sdug bsngal dang / sdug bsngal kun 'byung ba dang / sdug bsngal 'gog pa dang / sdug bsngal 'gog par 'gro ba'i lam sems can rnams la ston to/ /'chad do/ /'jog go/ /'god do/ /'grel to/ /rnam par 'grel to/ /gsal bar byed do/ /yang dag par rjod do/ /'phags pa'i bden pa bzhi po 'dir dge ba'i chos byang chub kyi phyogs gang ji snyed pa gang gis dkon mchog gsum rnam par dgod pa de thams cad yongs su 'dus te/ sangs rgyas dkon mchog dang / chos dkon mchog dang / dge 'dun dkon mchog gsum 'jig rten du byung bas/ sems can rnams</font><hr>33.210a<br><font size=+1>

lam rgyud lnga'i 'khor ba las yongs su 'grol lo/ /rab 'byor gyis gsol pa/ bcom ldan 'das sdug bsngal 'tshal bas yongs su mya ngan las 'da' bar 'gyur ram/ 'on te sdug bsngal gyis mya ngan las 'da' bar 'gyur/ kun 'byung ba 'tshal bas yongs su mya ngan las 'da' bar 'gyur 'am/  'on te kun 'byung bas mya ngan las 'da' bar 'gyur/ sdug bsngal 'gog pa 'tshal bas yongs su mya ngan las 'da' bar 'gyur ram/ 'on te sdug bsngal 'gog pas mya ngan las 'da' bar 'gyur/ lam 'tshal bas yongs su mya ngan las 'da' bar 'gyur ram/ 'on te lam gyis yongs su mya ngan las 'da' bar 'gyur/ bcom ldan 'das kyis bka' stsal pa/ rab 'byor sdug bsngal shes pas yongs su mya ngan las mi 'da' ste/ sdug bsngal gyis kyang ma yin no/ /kun 'byung ba shes pas yongs su mya ngan las mi 'da' ste/ kun 'byung bas kyang ma yin no/ /sdug bsngal 'gog pa shes pas yongs su mya ngan las mi 'da' ste/ sdug bsngal 'gog pas kyang ma yin no/ /lam shes pas yongs su mya ngan las mi 'da' ste/ lam gyis kyang ma yin no/ /rab 'byor 'phags pa'i bden pa bzhi po de dag mnyam pa nyid gang yin pa de ni mya ngan las 'da' bar ngas gsungs te/ sdug bsngal shes pas yongs su mya ngan las 'da' ba ma yin/ sdug bsngal gyis kyang ma yin no/ /kun 'byung ba shes pas yongs su mya ngan las 'da' ba ma yin/ kun 'byung bas kyang ma yin no/ /sdug bsngal 'gog pa shes pas yongs su mya ngan las 'da' ba ma yin/ sdug bsngal 'gog pas kyang ma yin no/ /lam shes pas yongs su mya ngan las 'da' ba ma yin/ lam gyis kyang ma yin no/ /gsol pa/ bcom ldan 'das gang la sdug bsngal yang ma mchis/ sdug bsngal 'tshal ba yang ma mchis/ kun 'byung ba yang ma</font><hr>33.210b<br><font size=+1>

mchis/ kun 'byung ba 'tshal ba yang ma mchis/ 'gog pa yang ma mchis/ 'gog pa 'tshal ba yang ma mchis/ lam yang ma mchis/ lam 'tshal ba yang ma mchis pa'i 'phags pa'i bden pa bzhi mnyam pa nyid ces bgyi ba de dag gang lags/ bcom ldan 'das kyis bka' stsal pa/ de ni 'phags pa'i bden pa bzhi po de dag gi de bzhin nyid dang / ma nor ba de bzhin nyid dang /  gzhan ma yin pa de bzhin nyid dang /  chos nyid dang / chos kyi dbyings dang / chos kyi gnas nyid dang / chos skyon med pa nyid dang / yang dag pa'i mtha' de bzhin gshegs pa rnams byung yang rung / de bzhin gshegs pa rnams ma byung yang rung ste/  de bzhin gnas pa'i dbyings chos kyi dbyings mi nyam mi 'grib par 'dug pa ste/ de'i phyir byang chub sems dpa' sems dpa' chen po shes rab kyi pha rol du phyin pa la spyod pa'i tshe/ bden pa khong du chud par ji ltar bya ba bzhin du bden pa khong du chud par bya ba'i don du spyod do/ /rab 'byor gyis gsol pa/ bcom ldan 'das byang chub sems dpa' sems dpa' chen po shes rab kyi pha rol du phyin pa la ji ltar spyad na/ bden pa rtogs pa'i don du spyod pa lags/ ji ltar spyod na bden pa rtogs shing 'tshal te/ khong du chud nas nyan thos kyi sa 'am/ rang sangs rgyas kyi sar mi ltung zhing byang chub sems dpa'i skyon ma mchis par 'jug pa lags/ bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po shes rab kyi pha rol du phyin pa la spyod pa'i tshe/ chos de dag ci nas kyang chos gang yang dmigs su med pa de ltar mthong ste/ chos thams cad mi dmigs pas bden par rtogs pa 'am/ bden par ma rtogs pa'i chos thams cad stong par mthong ste/ des de ltar mthong bas skyon med par chud pa'i byang chub</font><hr>33.211a<br><font size=+1>

sems dpa' sems dpa' chen po rigs kyi sa la gnas par 'gyur te/ byang chub sems dpa' de rigs kyi sa la gnas par gyur nas spyi bor ltung bar mi 'gyur te/ de la nyan thos kyi sa 'am/ rang sangs rgyas kyi sar ltung ba'i spyi bor ltung ba med do/ /de byang chub sems dpa'i rigs kyi sa de la gnas shing bsam gtan bzhi sgrub bo/ /tshad med pa bzhi dang /  gzugs med pa'i snyoms par 'jug pa bzhi sgrub bo/ /de lhag mthong gis de la gnas shing chos thams cad rab tu shes par byed de/ 'phags pa'i bden pa bzhi khong du chud par byed do/ /de sdug bsngal yongs su shes kyang sdug bsngal la dmigs pa'i sems mi skyed de/ kun 'byung ba rab tu spangs kyang kun 'byung ba la dmigs pa'i sems mi skyed do/ /'gog pa mngon du byed kyang 'gog pa la dmigs pa'i sems mi skyed do/ /lam sgom yang lam la dmigs pa'i sems mi skyed do/ /gzhan du na byang chub la gzhol ba'i sems kyis chos thams cad yang dag pa ji lta ba bzhin du mthong bar byed do/ /gsol pa/ bcom ldan 'das chos thams cad kyi yang dag pa ji lta ba bzhin zhes bgyi ba de gang lags/ bcom ldan 'das kyis bka' stsal pa/ stong pa nyid do/ /gsol pa/ stong pa nyid gang lags/ bcom ldan 'das kyis bka' stsal pa/ rang gi mtshan nyid stong pa nyid de/ rnam pa de lta bu'i lhag mthong gis/ chos thams cad stong pa'o zhes bya bar lta ste/ ngo bo nyid gang la gnas shes byang chub tu mngon par rdzogs par 'tshang rgya bar bya ba de lta bu'i ngo bo nyid/ chos gang la yang ngo bo nyid yod par mi mthong ngo / /dngos po med pa ni byang chub ste/ de ni sangs rgyas kyis ma mdzad/ rang sangs rgyas kyis ma byas/ dgra bcom pa dang / phyir mi 'ong ba dang / lan gcig phyir 'ong ba dang / </font><hr>33.211b<br><font size=+1>

rgyun du zhugs pas ma byas/ de dag la zhugs pas kyang ma byas/ gang byang chub 'di la spyod pa'i byang chub sems dpa' sems dpa' chen po de dag gis kyang ma byas te/ gzhan du na yang dag pa ji lta ba de sems can rnams kyis mi shes mi mthong bas/ de'i phyir byang chub sems dpa' sems dpa' chen po shes rab kyi pha rol du phyin pa la spyod cing thabs mkhas pas sems can rnams la chos ston to/ /shes rab kyi pha rol du phyin pa stong phrag nyi shu lnga pa las/ le'u drug bcu brgyad do// // de nas tshe dang ldan pa rab 'byor gyis/ bcom ldan 'das la 'di skad ces gsol to/ /bcom ldan 'das gal te chos thams cad dngos po ma mchis te/ de dag sangs rgyas kyis kyang ma mdzad/ rang sangs rgyas dang / dgra bcom pa dang / phyir mi 'ong ba dang / lan cig phyir 'ong ba dang / rgyun du zhugs pas kyang ma bgyis/ de dag la zhugs pas kyang ma bgyis/ gang byang chub 'di la spyod pa'i byang chub sems dpa' sems dpa' chen po de dag gis kyang ma bgyis na/ chos de dag la 'di dag ni sems can dmyal ba pa'o/ /'di dag ni byol song gi skye gnas pa'o/ /'di dag ni gshin rje'i 'jig rten pa'o/ /'di dag ni lha'o/ /'di dag ni mi'o/ /las 'dis ni sems can dmyal ba pa dang byol song gi skye gnas pa dang / gshin rje'i 'jig rten par 'gyur ro/ /las 'dis ni rgyal chen bzhi'i ris kyi lhar 'gyur ro/ /las 'dis ni sum bcu rtsa gsum dang / mtshe ma dang / dga' ldan dang / 'phrul dga' dang / gzhan 'phrul dbang byed dang / tshangs ris dang / tshangs lha nye phan dang / tshangs pa kun 'khor dang / tshangs chen dang / snang ba dang / chung snang dang / tshad med snang ba dang / kun snang dang ba dang / dge ba dang / chung dge dang / tshad med dge ba dang / dge rgyas dang che ba dang / </font><hr>33.212a<br><font size=+1>

chung che dang / tshad med che ba dang / 'bras bu che ba dang / mi che ba dang / mi gdung ba dang / shin du mthong ba dang / gya nom snang ba dang / 'og min gyi lhar 'gyur ro/ /las 'dis ni nam mkha' mtha' yas skye mched dang /  rnam shes mtha' yas skye mched dang / cung zad med pa'i skye mched dang / 'du shes med 'du shes med min skye mched kyi lhar 'gyur ro/ /las 'dis ni rgyun du zhugs pa dang / lan gcig phyir 'ong ba dang / phyir mi 'ong ba dang / dgra bcom pa dang / rang sangs rgyas su 'gyur ro/ /las 'dis ni byang chub sems dpa' sems dpa' chen por 'gyur ro/ /las 'dis ni de bzhin gshegs pa dgra bcom pa yang dag par rdzogs pa'i sangs rgyas su 'gyur ro zhes bgyi bar tha dad du dbye ba 'am/ rnam par dgod par yang ji ltar 'gyur/ bcom ldan 'das dngos po ma mchis pa la ni/ bgyi ba gang yang ma mchis te/ bgyi ba gang gis sems can dmyal bar mchi ba 'am/ byol song gi skye gnas su mchi ba 'am/ gshin rje'i 'jig rten du mchi ba 'am/ mir skye ba 'am/ rgyal chen bzhi'i ris kyi lhar skye ba 'am/ sum bcu rtsa gsum gyi lhar skye ba 'am/  mtshe ma dang /  dga' ldan dang / 'phrul dga' dang /  gzhan 'phrul dbang byed dang /  tshangs ris dang / tshangs lha nye phan dang /  tshangs pa kun 'khor dang /  tshangs chen dang / snang ba dang / chung snang dang / tshad med snang ba dang / kun snang dang ba dang / dge ba dang / chung dge dang / tshad med dge ba dang / dge rgyas dang / che ba dang / chung che dang / tshad med che ba dang / 'bras bu che ba dang / mi che ba dang / mi gdung ba dang / shin du mthong ba dang / gya nom snang ba dang / 'og min gyi lhar skye ba 'am/ nam mkha' mtha' yas skye mched dang / rnam shes mtha' yas skye mched</font><hr>33.212b<br><font size=+1>

dang / cung zad med pa'i skye mched dang / 'du shes med 'du shes med min skye mched kyi lhar skye ba 'am/ rgyun du zhugs pa'i 'bras bu thob par 'gyur ba 'am/ lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub thob par 'gyur ba 'am/ byang chub sems dpa' sems dpa' chen po'i lam la spyod par 'gyur ba 'am/ rnam pa thams cad mkhyen pa nyid thob par 'gyur ba 'am/ thob par gyur nas sems can rnams 'khor ba las yongs su dgrol bar 'gyur ro zhes bgyi ba de lta bu gang yang ma mchis so/ /de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor de de bzhin no/ /de de bzhin te/ ji skad du smras pa bzhin te/ rab 'byor dngos po med pa la ni las kyang med bya ba 'ang med/ 'bras bu 'ang med na/ 'on kyang byis pa so so'i skye bo 'phags pa'i chos la mi mkhas pa rnams kyis chos rnams dngos po med pa'i ngo bo nyid du mi shes te/  phyin ci log las byung ba'i sems kyis las sna tshogs mngon par 'du byed pas de dag gi lus rnam pa de bzhin du mngon par 'grub ste/ sems can dmyal ba 'am/ byol song gi skye gnas sam/ gshin rje'i 'jig rten nam/ mi 'am rgyal chen bzhi'i ris kyi lha 'am/ sum bcu rtsa gsum dang / mtshe ma dang / dga' ldan dang / 'phrul dga' dang / gzhan 'phrul dbang byed dang / tshangs ris dang / tshangs lha nye phan dang / tshangs pa kun 'khor dang / tshangs chen dang / snang ba dang / chung snang dang / tshad med snang ba dang / kun snang dang ba dang / dge ba dang / chung dge dang / tshad med dge ba dang / dge rgyas dang / che ba dang / chung che dang / tshad med che ba dang / 'bras bu che ba dang / mi che ba dang / mi gdung ba dang / shin du mthong ba dang / </font><hr>33.213a<br><font size=+1>

gya nom snang ba dang / 'og min gyi lha 'am/ nam mkha' mtha' yas skye mched dang / rnam shes mtha' yas skye mched dang / cung zad med pa'i skye mched dang / 'du shes med 'du shes med min skye mched kyi lha'i nang du lus mngon par 'grub ste/ dngos po med pa la ni las sam bya ba 'am/ 'bras bu med de/ dngos po med pa gang yin pa de ni dngos po med pa nyid do/ /rab 'byor de la 'di skad du dngos po med pa la ni bya ba gang yang med de/ bya ba gang gis sems can dmyal bar 'gro ba 'am/ byol song gi skye gnas su 'gro ba 'am/ gshin rje'i 'jig rten du 'gro ba 'am/ mir skye ba 'am/ rgyal chen bzhi'i ris kyi lhar skye ba 'am/ sum bcu rtsa gsum dang / mtshe ma dang / dga' ldan dang / 'phrul dga' dang / gzhan 'phrul dbang byed dang / tshangs ris dang / tshangs lha nye phan dang / tshangs pa kun 'khor dang / tshangs chen dang / snang ba dang / chung snang dang / tshad med snang ba dang / kun snang dang ba dang /  dge ba dang / chung dge dang / tshad med dge ba dang / dge rgyas dang /  che ba dang / chung che dang / tshad med che ba dang / 'bras bu che ba dang / mi che ba dang / mi gdung ba dang / shin du mthong ba dang / gya nom snang ba dang / 'og min gyi lhar skye ba 'am/ nam mkha' mtha' yas skye mched dang / rnam shes mtha' yas skye mched dang / cung zad med pa'i skye mched dang / 'du shes med 'du shes med min skye mched kyi lhar skye ba 'am/ rgyun du zhugs pa'i 'bras bu thob par 'gyur ba 'am/ lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub thob par 'gyur ba 'am/ byang chub sems dpa' sems dpa' chen po'i lam la spyod pa 'am/ rnam pa thams</font><hr>33.213b<br><font size=+1>

cad mkhyen pa nyid thob par 'gyur ba 'am/ de thob nas sems can rnams 'khor ba las yongs su 'grol bar 'gyur ba de lta bu'i bya ba gang yang med do zhes zer ba ni/ rab 'byor de ji snyam du sems/ lam dngos po med pa ma yin nam/ rgyun du zhugs pa'i 'bras bu dngos po med pa ma yin nam/ lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub dngos po med pa ma yin nam/ rnam pa thams cad mkhyen pa nyid kyi bar du dngos po med pa ma yin nam/ gsol pa/ bcom ldan 'das lam ni dngos po ma mchis pa'o/ /rgyun du zhugs pa'i 'bras bu ni dngos po ma mchis pa'o/ /lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rab byang chub ni dngos po ma mchis pa'o/ /rnam pa thams cad mkhyen pa nyid kyi bar ni dngos po ma mchis pa'o/ /bcom ldan 'das kyis bka' stsal pa/ rab 'byor de ji snyam du sems/ dngos po med pa'i chos shig dngos po med pa'i chos thob par byed snyam 'am/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor de ltar na dngos po med pa gang yin pa dang / lam gang yin pa'i chos de gnyis ka yang ldan pa yang ma yin mi ldan pa yang ma yin/ gzugs med pa bstan du med pa/ thogs pa med pa/ mtshan nyid gcig pa ste/ 'di ltar mtshan nyid med pa'o/ /rab 'byor de la byang chub sems dpa' sems dpa' chen po shes rab kyi pha rol du phyin pa la spyod pa'i tshe/ thabs mkhas pas sems can phyin ci log bzhis phung po lnga la mngon par zhen pa/ mi rtag pa la rtag pa'i 'du shes su gyur pa/ sdug bsngal ba la bde ba'i 'du shes su gyur pa/ bdag med pa la bdag gi 'du shes su gyur pa/ mi sdug pa</font><hr>33.214a<br><font size=+1>

la sdug pa'i 'du shes su gyur pa/ dngos po la mngon par zhen pa rnams dngos po las rnam par 'grel to/ /rab 'byor gyis gsol pa/ bcom ldan 'das ci lags/ byis pa so so'i skye bo rnams la dngos por zhen nas/ mngon par zhen par gyur pa de lta bu'i dngos po de bzhin/ ma nor ba de bzhin zhes bgyi ba ma mchis sam/ de ste ma mchis na ni/ mngon par 'du bgyid par yang ji ltar 'gyur/ sug las des kyang shul rgyud lnga'i 'khor ba nas ci ste mi 'grol/ bcom ldan 'das kyis bka' stsal pa/ rab 'byor phyin ci log ma gtogs par gang la gnas te/ byis pa so so'i skye bo rnams las mngon par 'du byed pa'i dngos po ni chung ngu na skra'i rtse mo'i cha shas bzhag pa tsam yang med do/ /rab 'byor de lta bas na ci nas kyang don 'di gsal zhing rdzogs pa dang / mkhas pas shes par bya ba'i phyir khyod la dpes bshad do/ /rab 'byor de ji snyam du sems/ rmi lam du mthong ba la rmi lam du mthong ba de gang la gnas shing 'dod pa'i yon tan lngas yongs su spyod pa de lta bu'i dngos po gang yang yod dam/ gsol pa/ bcom ldan 'das rmi lam nyid kyang ma mchis na/  rmi lam mthong ba de dag gang la gnas shing 'dod pa'i yon tan lngas yongs su spyod pa lta smos kyang ci 'tshal te ma mchis so/ /bcom ldan 'das kyis bka' stsal pa/ rab 'byor de ji snyam du sems/ 'jig rten pa 'am/ 'jig rten las 'das pa 'am/ zag pa dang bcas pa 'am/ zag pa med pa 'am/ 'dus byas sam/ 'dus ma byas kyi chos gang la rmi lam dang 'dra ba ma yin pa de lta bu yod dam/ gsol pa/ bcom ldan 'das 'jig rten pa 'am/ 'jig rten las 'das pa 'am/ zag pa dang bcas pa dang /  zag pa ma mchis pa 'am/  'dus byas sam/ 'dus ma byas kyi chos gang yang rmi lam lta bu ma lags pa de</font><hr>33.214b<br><font size=+1>

lta bu ma mchis so/ /bcom ldan 'das kyis bka' stsal pa/ ci rmi lam la rgyud lnga'i 'khor ba yod dam/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor de ji snyam du sems/ rmi lam la lam bsgoms pas kun nas nyon mongs par yang mi 'gyur la/ rnam par byang bar yang mi 'gyur ba de lta bu'i lam bsgom pa yod dam/ gsol pa/ bcom ldan 'das de ni ma lags so/ /bcom ldan 'das de ni dngos po ma mchis pa ste/ brjod pa dang / sgra dang / tshig dang / yi ge thams cad kyis gdags su ma mchis pa'o/ /bcom ldan 'das kyis bka' stsal pa/ rab 'byor de ji snyam du sems/ me long la gzugs brnyan snang ba de la gang las mngon par 'du byed cing mngon par 'du byas pas sems can dmyal bar 'gro ba 'am/ byol song gi skye gnas su 'gro ba 'am/ gshin rje'i 'jig rten du 'gro ba 'am/ mi dang lhar 'gyur ba de lta bu'i dngos po yod dam/ gsol pa bcom ldan 'das de ni ma lags so/ /bcom ldan 'das de ni gzhan du na byis pa rnams la slu ba ma gtogs par dngos por ma mchis pa ste/ gzugs brnyan nyid kyang ma mchis na/  gang mngon par 'du bgyid cing mngon par 'du bgyis pas/ sems can dmyal bar mchi ba 'am/  byol song gi skye gnas su mchi ba 'am/ gshin rje'i 'jig rten du mchi ba 'am/ mi dang lhar 'gyur ba'i sug ltas lta smos kyang ci 'tshal te ma mchis so/ /bcom ldan 'das kyis bka' stsal pa/ rab 'byor de ji snyam du sems/  de la lam bsgoms pas kun nas nyon mongs par yang mi 'gyur la/ rnam par byang bar yang mi 'gyur ba de lta bu'i lam bsgom pa yod dam/ gsol pa/ bcom ldan 'das de ni ma lags so/ /bcom ldan 'das gzugs brnyan nyid kyang dngos po ma mchis na/  lam bsgoms pas</font><hr>33.215a<br><font size=+1>

kun nas nyon mongs par yang mi 'gyur la/ rnam par byang bar yang mi 'gyur ba de lta bu'i lam bsgom pa lta smos kyang ci 'tshal te ma mchis so/ /bcom ldan 'das kyis bka' stsal pa/  rab 'byor de ji snyam du sems/ nags stug po dang / ri dang / gcong rong dang / lung pa nas sgra brnyan byung na/ sgra brnyan de la mngon par 'du byed cing mngon par 'du byas pas sems can dmyal bar 'gro ba 'am/  byol song gi skye gnas su 'gro ba 'am/ gshin rje'i 'jig rten du 'gro ba 'am/ lha dang mir 'gyur ba de lta bu'i dngos po yod dam/ gsol pa/ bcom ldan 'das de ni ma lags te/ bcom ldan 'das sgra brnyan de nyid kyang dngos po ma mchis na de la gang sug las mngon par 'du bgyid cing / mngon par 'du bgyis na sems can dmyal bar mchi ba 'am/ byol song gi skye gnas su mchi ba 'am/ gshin rje'i 'jig rten du mchi ba 'am/ lha dang mir skye ba 'am/ rgyal chen bzhi'i ris kyi lhar skye ba 'am/ sum bcu rtsa gsum dang / mtshe ma dang / dga' ldan dang / 'phrul dga' dang /  gzhan 'phrul dbang byed dang /  tshangs ris dang / tshangs lha nye phan dang /  tshangs pa kun 'khor dang / tshangs chen dang / snang ba dang / chung snang dang / tshad med snang ba dang / kun snang dang ba dang / dge ba dang / chung dge dang / tshad med dge ba dang / dge rgyas dang / che ba dang / chung che dang / tshad med che ba dang / 'bras bu che ba dang / mi che ba dang / mi gdung ba dang / shin du mthong ba dang / gya nom snang ba dang / 'og min gyi lhar skye ba 'am/ nam mkha' mtha' yas skye mched dang / rnam shes mtha' yas skye mched dang / cung zad med pa'i skye mched dang / 'du shes med 'du shes med min skye mched kyi lhar skye ba lta smos kyang ci 'tshal te ma mchis so/ /bcom ldan 'das kyis bka' stsal pa/ rab 'byor de ji snyam du sems/ sgra brnyan gyi lam gang la bsgoms</font><hr>33.215b<br><font size=+1>

pas kun nas nyon mongs par yang mi 'gyur la/ rnam par byang bar yang mi 'gyur ba de lta bu'i lam bsgom pa yod dam/ gsol pa/ bcom ldan 'das de ni ma lags te/ bcom ldan 'das sgra brnyan nyid kyang shin du ma mchis pa lags na/ lam gang bsgoms pas kun nas nyon mongs par yang mi 'gyur la rnam par byang bar yang mi 'gyur ba'i lam bsgom pa lta smos kyang ci 'tshal te ma mchis so/ /bcom ldan 'das kyis bka' stsal pa rab 'byor de ji snyam du sems/ smig rgyu la chu med par chu'i 'du shes su gyur pa dang / klung med par chu klung gi 'du shes su gyur pa dang / grong khyer med par grong khyer gyi 'du shes su gyur pa dang / bskyed mos tshal med par bskyed mos tshal gyi 'du shes su gyur pa de la/ 'du shes kyi lam gang mngon par 'du byas pas/ sems can dmyal bar 'gro ba 'am/ byol song gi skye gnas sam/ gshin rje'i 'jig rten du 'gro ba 'am/ mir skye ba 'am/ rgyal chen bzhi'i ris kyi lhar skye ba 'am/ sum bcu rtsa gsum dang / mtshe ma dang / dga' ldan dang / 'phrul dga' dang / gzhan 'phrul dbang byed dang /  tshangs ris dang /  tshangs lha nye phan dang / tshangs pa kun 'khor dang / tshangs chen dang / snang ba dang / chung snang dang /  tshad med snang ba dang / kun snang dang ba dang /  dge ba dang / chung dge dang / tshad med dge ba dang / dge rgyas dang /  che ba dang / chung che dang / tshad med che ba dang / 'bras bu che ba dang / mi che ba dang / mi gdung ba dang / shin du mthong ba dang / gya nom snang ba dang / 'og min gyi lhar skye ba 'am/ nam mkha' mtha' yas skye mched dang / rnam shes mtha' yas skye mched dang / cung zad med pa'i skye mched dang / 'du shes med 'du shes med min skye mched kyi lhar skye ba de lta bu yod dam/ gsol pa/ bcom ldan 'das smig sgyu la 'du shes phyin ci log tu gyur pa dang / mig gis log par mthong ba ma</font><hr>33.216a<br><font size=+1>

gtogs par chu klung dang / grong khyer dang / bskyed mos tshal shin du ma mchis na/ sug las gang mngon par 'du bgyis pas sems can dmyal bar mchi ba 'am/ byol song gi skye gnas sam/ gshin rje'i 'jig rten du mchi ba 'am/ mir skye ba 'am/ rgyal chen bzhi'i ris kyi lhar skye ba 'am/ sum bcu rtsa gsum dang / mtshe ma dang / dga' ldan dang / 'phrul dga' dang /  gzhan 'phrul dbang byed dang /  tshangs ris dang / tshangs lha nye phan dang /  tshangs pa kun 'khor dang /  tshangs chen dang / snang ba dang / chung snang dang / tshad med snang ba dang / kun snang dang ba dang / dge ba dang / chung dge dang / tshad med dge ba dang / dge rgyas dang / che ba dang / chung che dang / tshad med che ba dang / 'bras bu che ba dang / mi che ba dang / mi gdung ba dang / shin du mthong ba dang / gya nom snang ba dang / 'og min gyi lhar skye ba 'am/ nam mkha' mtha' yas skye mched dang / rnam shes mtha' yas skye mched dang / cung zad med pa'i skye mched dang / 'du shes med 'du shes med min skye mched kyi lhar skye bar 'gyur ba lta smos kyang ci 'tshal te ma mchis so/ /bcom ldan 'das kyis bka' stsal pa/ rab 'byor de ji snyam du sems/ phyin ci log gi 'du shes de la lam gang bsgoms pas kun nas nyon mongs par yang mi 'gyur la/ rnam par byang bar yang mi 'gyur ba de lta bu'i lam bsgom pa yod dam/ gsol pa/ bcom ldan 'das de ni ma lags te/ bcom ldan 'das phyin ci log gi 'du shes de nyid kyang dngos po ma mchis pa lags na/ lam gang bsgoms pas kun nas nyon mongs par yang mi 'gyur la/ rnam par byang bar yang mi 'gyur ba'i lam bsgom pa lta smos kyang ci 'tshal te ma mchis so/ /bcom ldan 'das kyis bka' stsal pa/ rab 'byor de ji snyam du sems/ sgyu ma'i mkhan pos sgyu ma sna tshogs/ glang po'i tshogs sam/ rta'i tshogs sam/ glang gi tshogs sam/ </font><hr>33.216b<br><font size=+1>

dpung bu chung gi tshogs sam/ bud med kyi gzugs sam/ skyes pa'i gzugs mngon par sprul na/ sgyu ma de dag la gang mngon par 'du byas pas sems can dmyal bar 'gro ba 'am/ byol song gi skye gnas su 'gro ba 'am/ gshin rje'i 'jig rten du 'gro ba 'am/ mir skye ba 'am/ rgyal chen bzhi'i ris kyi lhar skye ba 'am/ sum bcu rtsa gsum dang / mtshe ma dang / dga' ldan dang / 'phrul dga' dang /  gzhan 'phrul dbang byed dang /  tshangs ris dang / tshangs lha nye phan dang /  tshangs pa kun 'khor dang /  tshangs chen dang / snang ba dang / chung snang dang / tshad med snang ba dang / kun snang dang ba dang / dge ba dang / chung dge dang / tshad med dge ba dang / dge rgyas dang / che ba dang / chung che dang / tshad med che ba dang / 'bras bu che ba dang / mi che ba dang / mi gdung ba dang / shin du mthong ba dang / gya nom snang ba dang / 'og min gyi lhar skye ba 'am/ nam mkha' mtha' yas skye mched dang / rnam shes mtha' yas skye mched dang / cung zad med pa'i skye mched dang / 'du shes med 'du shes med min skye mched kyi lhar skye ba de lta bu'i dngos po yod dam/ gsol pa/ bcom ldan 'das de ni ma lags te/ sgyu ma de gang la gnas te/ sug las de gang mngon par 'du bgyid pa dang / sug las gang mngon par 'du bgyis pas/ sems can dmyal bar mchi ba 'am/ byol song gi skye gnas su mchi ba 'am/ gshin rje'i 'jig rten du mchi ba 'am/ mir skye ba 'am/ rgyal chen bzhi'i ris kyi lhar skye ba 'am/ sum bcu rtsa gsum dang / mtshe ma dang / dga' ldan dang / 'phrul dga' dang / gzhan 'phrul dbang byed dang / tshangs ris dang / tshangs lha nye phan dang / tshangs pa kun 'khor dang / tshangs chen dang / snang ba dang / chung snang dang / tshad med snang ba dang / kun snang dang ba dang /  dge ba dang / chung dge dang / tshad med dge ba dang / dge rgyas dang /  che ba dang / chung che dang / </font><hr>33.217a<br><font size=+1>

tshad med che ba dang / 'bras bu che ba dang / mi che ba dang / mi gdung ba dang / shin du mthong ba dang / gya nom snang ba dang / 'og min gyi lhar skye ba 'am/ nam mkha' mtha' yas skye mched dang / rnam shes mtha' yas skye mched dang / cung zad med pa'i skye mched dang / 'du shes med 'du shes med min skye mched kyi lhar skye bar 'gyur ba ni/ skra'i rtse mo'i cha shas gzhag pa tsam yang ma mchis so/ /bcom ldan 'das kyis bka' stsal pa/ rab 'byor de ji snyam du sems/ sgyu ma gang lam bsgoms pas kun nas nyon mongs par yang mi 'gyur la/ rnam par byang bar yang mi 'gyur ba de lta bu'i lam bsgom pa gang yang yod dam/ gsol pa/ bcom ldan 'das de ni ma lags te/ bcom ldan 'das dngos po ma mchis pa'i chos la nyon mongs pa 'am/ rnam par byang bar 'gyur ba lta ga la mchis/ bcom ldan 'das kyis bka' stsal pa/ rab 'byor de ji snyam du sems/ de bzhin gshegs pas sprul pa mdzad na/ sprul pa de la las gang mngon par 'du byas pas sems can dmyal bar 'gro ba 'am/ byol song gi skye gnas su 'gro ba 'am/ gshin rje'i 'jig rten du 'gro ba 'am/ mir skye ba 'am/ rgyal chen bzhi'i ris kyi lhar skye ba 'am/ sum bcu rtsa gsum dang / mtshe ma dang / dga' ldan dang / 'phrul dga' dang / gzhan 'phrul dbang byed dang / tshangs ris dang / tshangs lha nye phan dang / tshangs pa kun 'khor dang / tshangs chen dang / snang ba dang / chung snang dang / tshad med snang ba dang / kun snang dang ba dang / dge ba dang / chung dge dang / tshad med dge ba dang / dge rgyas dang / che ba dang / chung che dang / tshad med che ba dang / 'bras bu che ba dang / mi che ba dang mi gdung ba dang / shin du mthong ba dang / gya nom snang ba dang / 'og min gyi lhar skye ba 'am/ nam mkha' mtha' yas skye mched dang / rnam shes mtha' yas skye mched dang / cung zad</font><hr>33.217b<br><font size=+1>

med pa'i skye mched dang / 'du shes med 'du shes med min skye mched kyi lhar skye bar 'gyur ba de lta bu'i dngos po yod dam/ gsol pa/ bcom ldan 'das de ni ma lags te/ bcom ldan 'das sprul pa de la dngos po ma mchis so/ /bcom ldan 'das kyis bka' stsal pa/ rab 'byor de ji snyam du sems/ sprul pa de la lam gang bsgoms pas kun nas nyon mongs par yang mi 'gyur la/ rnam par byang bar yang mi 'gyur ba de lta bu'i lam bsgom pa yod dam/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor de ji snyam du sems/ de la gang la la zhig kun nas nyon mongs pa 'am/ rnam par byang bar yang 'gyur ba yod dam/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor de de bzhin te/ ji ltar kun nas nyon mongs pa 'am/ rnam par byang bar 'gyur ba gang yang med pa de bzhin du kun nas nyon mongs pa 'am/ rnam par byang ba yang med do/ /de ci'i phyir zhe na/ bdag dang bdag gir bya ba la gnas shing / sems can rnams kun nas nyon mongs pa 'am/ rnam par byang bar 'gyur gyi/ yang dag par mthong ba ni kun nas nyon mongs pa 'am/ rnam par byang bar 'gyur ba med do/ /ji ltar yang dag par mthong ba la kun nas nyon mongs pa 'am/ rnam par byang bar 'gyur ba med pa de bzhin du kun nas nyon mongs pa dang / rnam par byang ba med do/ /shes rab kyi pha rol du phyin pa stong phrag nyi shu lnga pa las/ le'u drug bcu dgu pa'o// // de nas tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das yang dag pa mthong ba la kun nas nyon mongs par 'gyur ba 'am/ rnam par byang bar 'gyur ba yang ma mchis pa de bzhin du yang dag pa mthong ba la yang kun nas nyon mongs pa 'am/ rnam</font><hr>33.218a<br><font size=+1>

par byang bar 'gyur ba ma mchis te/ de ni chos thams cad dngos po ma mchis pa'i ngo bo nyid pas/ bcom ldan 'das dngos po ma mchis pa la ni kun nas nyon mongs pa 'am/ rnam par byang bar ma mchis te/ bcom ldan 'das ngo bo nyid la kun nas nyon mongs pa 'am/ rnam par byang ba ma mchis te/ dngos po ma mchis pa'i ngo bo nyid la yang kun nas nyon mongs pa dang / rnam par byang ba ma mchis na/ bcom ldan 'das kyis rnam par byang bar gsungs pa de ji lta bu lags/ bcom ldan 'das kyis bka' stsal pa/ rab 'byor chos thams cad kyi mnyam pa nyid gang yin pa de ni ngas rnam par byang bar gsungs so/ /gsol pa/ bcom ldan 'das chos thams cad kyi mnyam pa nyid de gang lags/ bcom ldan 'das kyis bka' stsal pa/ de bzhin nyid dang / ma nor ba de bzhin nyid dang /  gzhan ma yin pa de bzhin nyid dang /  chos nyid dang / chos kyi dbyings nyid dang / chos kyi gnas nyid dang chos skyon med pa nyid dang / yang dag pa'i mtha' gang de bzhin gshegs pa rnams byung yang rung /  de bzhin gshegs pa rnams ma byung yang rung ste/ de bzhin du gnas pa'i chos kyi gnas nyid dang / dbyings 'di lta ste/ chos kyi dbyings shes bya ba 'di ni rab 'byor rnam par byang ba ste/ de ni 'jig rten gyi tha snyad kyis brjod kyi de ni brjod du med cing smos su med pa ste/ sgra dang tshig thams cad kyi lam las 'das pa'i chos so/ /gsol pa/ bcom ldan 'das gal te chos thams cad rmi lam lta bu sgra brnyan lta bu mig yor lta bu/ smyig rgyu lta bu/ sgyu ma lta bu sprul pa lta bu lags na/ ji ltar byang chub sems dpa' sems dpa' chen po chos thams cad rmi lam lta bu dang / sgra brnyan lta bu dang / mig yor lta bu dang / smig rgyu lta bu dang /  sgyu ma lta bu dang /  chos thams cad sprul pa lta bu ste/ dngos po ma mchis pa/ rdzas ma mchis pa la bdag gis sbyin pa'i pha rol du</font><hr>33.218b<br><font size=+1>

phyin pa yongs su rdzogs par bya'o/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa dang / thabs mkhas pa'i pha rol du phyin pa dang / smon lam gyi pha rol du phyin pa dang / stobs kyi pha rol du phyin pa dang / ye shes kyi pha rol du phyin pa yongs su rdzogs par bya'o/ /nang stong pa nyid yongs su rdzogs par bya'o/ /phyi stong pa nyid dang / phyi nang stong pa nyid dang / dngos po med pa'i ngo bo nyid stong pa nyid kyi bar du yongs su rdzogs par bya'o/ /dran pa nye bar gzhag pa bzhi yongs su rdzogs par bya'o/ /yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa yongs su rdzogs par bya'o/ /'phags pa'i bden pa bzhi dang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa lnga dang / ting nge 'dzin thams cad dang / gzungs kyi sgo thams cad yongs su rdzogs par bya'o/ /de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad yongs su rdzogs par bya'o/ /mi chen po'i mtshan sum bcu rtsa gnyis yongs su rdzogs par bya'o/ /dpe byad bzang po brgyad bcu yongs su rdzogs par bya'o/ /'od chen po yongs su rdzogs par bya'o/ /phyogs bcu'i 'jig rten gyi khams kyi sems can rnams kyi sems kyi rtog</font><hr>33.219a<br><font size=+1>

pa sems kyis yongs su shes par byas te/ dbyangs gcig gis mos pa ji lta ba bzhin du chos bstan pa'i tshangs pa'i dbyangs yongs su rdzogs par bya'o/ /zhes bgyi bar bla na med pa yang dag par rdzogs pa'i byang chub tu sems bskyed pa lags/ bcom ldan 'das kyis bka' stsal pa/ rab 'byor de ji snyam du sems/ gang khyod kyis brjod pa'i chos de dag rmi lam lta bu dang / sgra brnyan lta bu dang / mig yor lta bu dang / smig rgyu lta bu dang / sgyu ma lta bu dang / sprul pa lta bu ma yin nam/ gsol pa/ bcom ldan 'das gal te chos de dag rmi lam lta bu dang / sgra brnyan lta bu dang / mig yor lta bu dang / smig rgyu lta bu dang / sgyu ma lta bu dang / sprul pa lta bu lags na/ ji ltar byang chub sems dpa' sems dpa' chen pos shes rab kyi pha rol du phyin pa/ bcom ldan 'das rmi lam ni yang dag pa ma lags/ sgra brnyan dang / mig yor dang / smig rgyu dang / sgyu ma dang / sprul pa ni yang dag pa ma lags te/ bcom ldan 'das yang dag pa ma lags pas/ sbyin pa'i pha rol du phyin pa la spyad pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la spyad pa dang / nang stong pa nyid la spyad pa dang / dngos po med pa'i ngo bo nyid stong pa nyid kyi bar la spyad pa dang /  byang chub kyi phyogs kyi chos sum bcu rtsa bdun dang / 'phags pa'i bden pa bzhi dang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / rnam par thar pa brgyad dang / mthar gyis gnas pa'i snyoms par 'jug pa dgu dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge</font><hr>33.219b<br><font size=+1>

'dzin dang / gzungs kyi sgo thams cad dang / de bzhin gshegs pa'i stobs dang / mi 'jigs pa dang / so so yang dag par rig pa dang / snying rje chen po dang / sangs rgyas kyi chos ma 'dres pa bcwa brgyad la spyad pas bla na med pa yang dag par rdzogs pa'i byang chub tu mngon par rdzogs par 'tshang rgya bar mi nus so/ /bcom ldan 'das kyis bka' stsal pa/ rab 'byor de de bzhin te/ de de bzhin no/ /yang dag pa ma yin pas sbyin pa'i pha rol du phyin pa la spyad pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa la spyad pa dang / nang stong pa nyid la spyad pa dang / dngos po med pa'i ngo bo nyid stong pa nyid kyi bar la spyad pa dang / byang chub kyi phyogs kyi chos sum bcu rtsa bdun la spyad pa dang /  'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo thams cad la spyad pa dang / de bzhin gshegs pa'i stobs bcu dang / mi 'jigs pa dang / so so yang dag par rig pa dang / snying rje chen po dang / sangs rgyas kyi chos ma 'dres pa bcwa brgyad la spyad pas bla na med pa yang dag par rdzogs pa'i byang chub tu mngon par rdzogs par 'tshang rgya bar mi nus so/ /rab 'byor de ji snyam du sems/ sbyin pa'i pha rol du phyin pa bla na med pa yang dag par rdzogs pa'i byang chub tu mngon par rdzogs par 'tshang rgya 'am/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor</font><hr>33.220a<br><font size=+1>

de ji snyam du sems/ tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa bla na med pa yang dag par rdzogs pa'i byang chub tu mngon par rdzogs par 'tshang rgya 'am/ stong pa nyid thams cad dang / byang chub kyi phyogs kyi chos rnams bla na med pa yang dag par rdzogs pa'i byang chub tu mngon par rdzogs par 'tshang rgya 'am/ 'phags pa'i bden pa dang / bsam gtan dang /  tshad med pa dang /  gzugs med pa'i snyoms par 'jug pa dang /  rnam par thar pa dang /  mthar gyis gnas pa'i snyoms par 'jug pa dang /  stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo rnams bla na med pa yang dag par rdzogs pa'i byang chub tu mngon par rdzogs par 'tshang rgya 'am/ de bzhin gshegs pa'i stobs bcu dang / mi 'jigs pa bzhi dang / so so yang dag par rig pa dang / snying rje chen po dang / sangs rgyas kyi chos ma 'dres pa bcwa brgyad bla na med pa yang dag par rdzogs pa'i byang chub tu mngon par rdzogs par 'tshang rgya 'am/ gsol pa/ bcom ldan 'das de ni ma lags so/ /shes rab kyi pha rol du phyin pa stong phrag nyi shu lnga pa/ bam po bdun bcu lnga pa/ bcom ldan 'das kyis bka' stsal pa/ rab 'byor de de bzhin no/ /de de bzhin te/ sbyin pa'i pha rol du phyin pa bla na med pa yang dag par rdzogs pa'i byang chub tu mngon par rdzogs par 'tshang mi rgya'o/ /tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa bla na med pa yang dag par rdzogs</font><hr>33.220b<br><font size=+1>

pa'i byang chub tu mngon par rdzogs par 'tshang mi rgya'o/ /nang stong pa nyid bla na med pa yang dag par rdzogs pa'i byang chub tu mngon par rdzogs par 'tshang mi rgya'o/ /dngos po med pa'i ngo bo nyid stong pa nyid kyi bar du bla na med pa yang dag par rdzogs pa'i byang chub tu mngon par rdzogs par 'tshang mi rgya'o/ /dran pa nye bar gzhag pa rnams bla na med pa yang dag par rdzogs pa'i byang chub tu mngon par rdzogs par 'tshang mi rgya'o/ /yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa bla na med pa yang dag par rdzogs pa'i byang chub tu mngon par rdzogs par 'tshang mi rgya'o/ /'phags pa'i bden pa rnams dang /  bsam gtan rnams dang /  tshad med pa rnams dang / gzugs med pa'i snyoms par 'jug pa rnams dang / rnam par thar pa rnams dang / mthar gyis gnas pa'i snyoms par 'jug pa rnams dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams bla na med pa yang dag par rdzogs pa'i byang chub tu mngon par rdzogs par 'tshang mi rgya'o/ /de bzhin gshegs pa'i stobs rnams dang / mi 'jigs pa rnams dang /  so so yang dag par rig pa rnams dang /  snying rje chen po dang / sangs rgyas kyi chos ma 'dres pa bcwa brgyad bla na med pa yang dag par rdzogs pa'i byang chub tu mngon par rdzogs par 'tshang mi rgya'o/ /rab 'byor de ci'i phyir zhe na/ 'di ltar chos de dag thams cad kyang 'dus byas pa/ mngon par 'dus byas pa ste/ 'dus byas pa dang / mngon par 'dus byas pa'i chos kyis ni rnam pa thams cad mkhyen pa nyid thob par mi nus so/ /rab 'byor 'on kyang chos de dag ni thams cad kyang lam sgrub pa dang / lam</font><hr>33.221a<br><font size=+1>

bskyed pa'i rgyur 'gyur ba ste/ 'bras bu thob pa'i phyir ni ma yin no/ /de dag gi mi skye ba dang / mi 'byung ba gang yin pa ni mtshan nyid med pa'ang de yin te/ de lta bas na byang chub sems dpa' sems dpa' chen po sems dang po bskyed pa nas nye bar gzung ste/ dge ba'i chos sbyin pa'i pha rol du phyin pa 'am/ tshul khrims kyi pha rol du phyin pa 'am/ bzod pa'i pha rol du phyin pa 'am/ brtson 'grus kyi pha rol du phyin pa 'am/ bsam gtan gyi pha rol du phyin pa 'am/ shes rab kyi pha rol du phyin pa 'am/ nang stong pa nyid dam/ dngos po med pa'i ngo bo nyid stong pa nyid kyi bar ram/ byang chub kyi phyogs kyi chos sum bcu rtsa bdun nam/ 'phags pa'i bden pa rnams sam/ bsam gtan rnams sam/ tshad med pa rnams sam/  gzugs med pa'i snyoms par 'jug pa rnams sam/ rnam par thar pa brgyad dam/ mthar gyis gnas pa'i snyoms par 'jug pa rnams sam/ stong pa nyid dang / mtshan ma med pa dang / smon pa med pa 'am/  mngon par shes pa rnams sam/  ting nge 'dzin rnams sam/ gzungs kyi sgo rnams sam/ de bzhin gshegs pa'i stobs rnams sam/ mi 'jigs pa rnams sam/ so so yang dag par rig pa rnams sam/ snying rje chen po 'am/  sangs rgyas kyi chos ma 'dres pa rnams sam/  dge ba'i chos gang dang gang rtsom pa de thams cad sgyu ma lta bu zhes bya bar rab tu shes te/ sbyin pa'i pha rol du phyin pa dang /  tshul khrims kyi pha rol du phyin pa dang / bzod pa'i pha rol du phyin pa dang /  brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa dang / nang stong pa nyid dang / dngos po med pa'i ngo bo nyid stong pa nyid kyi bar dang / dran pa nye bar gzhag pa rnams dang /  yang dag par spong ba rnams dang / rdzu 'phrul</font><hr>33.221b<br><font size=+1>

gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa dang / 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa rnams dang / mthar gyis gnas pa'i snyoms par 'jug pa rnams dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams dang / de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams dang / snying rje chen po dang / sangs rgyas kyi chos ma 'dres pa bcwa brgyad po de dag yongs su rdzogs par ma byas par sems can rnams yongs su smin par bya ba 'am/ rnam pa thams cad mkhyen pa nyid thob par bya bar mi nus pas/ de'i phyir de lta bas na byang chub sems dpa' sems dpa' chen po shes rab kyi pha rol du phyin pa la spyod cing / dge ba'i chos gang dang gang rtsom yang de thams cad rmi lam lta bur shes so/ /sgra brnyan lta bu dang / mig yor lta bu dang / smig rgyu lta bu dang / sgyu ma lta bu dang / sprul pa lta bur shes so/ /de shes rab kyi pha rol du phyin pa la spyod pa'i tshe/ sbyin pa'i pha rol du phyin pa dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa dang / nang stong pa nyid dang / dngos po med pa'i ngo bo nyid stong pa nyid kyi bar dang / dran pa nye bar gzhag pa rnams dang / yang dag par spong ba rnams dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag brgyad pa dang / 'phags pa'i bden pa</font><hr>33.222a<br><font size=+1>

dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang /  smon pa med pa dang /  mngon par shes pa dang / ting nge 'dzin thams cad dang / gzungs kyi sgo thams cad dang / de bzhin gshegs pa'i stobs dang / mi 'jigs pa dang / so so yang dag par rig pa dang / snying rje chen po dang / sangs rgyas kyi chos ma 'dres pa bcwa brgyad dang / rnam pa thams cad mkhyen pa nyid kyi bar du rmi lam lta bur shes so/ /sgra brnyan lta bu dang / mig yor lta bu dang / smig rgyu lta bu dang / sgyu ma lta bu dang / sprul pa lta bur rab tu shes so/ /sems can de dag thams cad kyang rmi lam la spyod do zhes bya bar shes so/ /sgra brnyan dang / mig yor dang / smig rgyu dang / sgyu ma dang / sprul pa la spyod do zhes bya bar shes so/ /de bas na byang chub sems dpa' sems dpa' chen po shes rab kyi pha rol du phyin pa la spyod pa'i tshe/ rmi lam lta bu'i chos rnams dngos po med par 'dzin te/ de ltar bzung zhing rnam pa thams cad mkhyen pa nyid thob par byed do/ /shes rab kyi pha rol du phyin pa la spyod pa'i tshe/ sgra brnyan lta bu dang / mig yor lta bu dang / smig rgyu lta bu dang / sgyu ma lta bu dang / sprul pa lta bu'i chos rnams dngos po med par 'dzin te/ de ltar bzung zhing rnam pa thams cad mkhyen pa nyid thob par byed do/ /shes rab kyi pha rol du phyin pa yang gzung du med do/ /bsam gtan gyi pha rol du phyin pa dang / brtson 'grus kyi pha rol du phyin pa dang / bzod pa'i pha rol du phyin pa dang / tshul khrims kyi pha rol du phyin pa dang / sbyin pa'i pha rol du phyin pa yang gzung du med do/ /nang stong pa nyid kyang gzung du med do/ /dngos po med pa'i ngo bo nyid stong pa nyid kyi bar du yang gzung du med do/ /dran pa nye bar gzhag pa dang / yang dag par spong ba dang / </font><hr>33.222b<br><font size=+1>

rdzu 'phrul gyi rkang pa dang /  dbang po dang / stobs dang / byang chub kyi yan lag dang / 'phags pa'i lam yan lag brgyad pa yang gzung du med do/ /'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / ting nge 'dzin dang / gzungs kyi sgo rnams kyang gzung du med do/ /de bzhin gshegs pa'i stobs dang / mi 'jigs pa dang / so so yang dag par rig pa dang / snying rje chen po dang / sangs rgyas kyi chos ma 'dres pa rnams kyang gzung du med do/ /de bas na byang chub sems dpa' sems dpa' chen po chos thams cad gzung du med par/ byas shing bla na med pa yang dag par rdzogs pa'i byang chub don du gnyer to/ /de ci'i phyir zhe na/ 'di ltar chos thams cad ni gzung du med cing dngos po med pa ste/ rmi lam lta bu sgra brnyan lta bu/ mig yor lta bu smig rgyu lta bu/ sgyu ma lta bu sprul pa lta bu ste/ sems can rnams kyis chos de dag ma shes ma mthong ma rtogs par bzung du med pa'i chos kyis bzung du med pa'i chos gang yang thob par mi nus pas de'i phyir byang chub sems dpa' sems dpa' chen po sems can thams cad kyi don du bla na med pa yang dag par rdzogs pa'i byang chub tu yang dag par 'jug ste/ de sems dang po bskyed pa nas nye bar bzung ste/ sbyin pa gang ci gtong yang sems can thams cad kyi don du gtong ngo / /tshul khrims gang ci srung ba dang / bzod pa gang ci sgom pa dang / brtson 'grus gang ci rtsom pa dang / bsam gtan gang ci la mnyam par gzhog pa dang /  shes rab gang ci sgom yang sems can thams cad kyi don du sgom ste/ bdag gi don du ma yin no/ /byang chub</font><hr>33.223a<br><font size=+1>

sems dpa' sems dpa' chen po ni sems can rnams kyi don ma gtogs par bla na med pa yang dag par rdzogs pa'i byang chub tu mi 'jug ste/ de shes rab kyi pha rol du phyin pa la spyod pa'i tshe/  sems can gang sems can med pa la sems can gyi 'du shes su gnas pa dang / bdag med pa la bdag gi 'du shes su gnas pa dang / srog med pa la srog gi 'du shes su gnas pa dang / 'gro ba med pa la 'gro ba'i 'du shes su gnas pa dang / gso ba med pa la gso ba'i 'du shes su gnas pa dang / skyes bu med pa la skyes bu'i 'du shes su gnas pa dang / gang zag med pa la gang zag gi 'du shes su gnas pa dang / shed can med pa la shed can gyi 'du shes su gnas pa dang / shed bdag med pa la shed bdag gi 'du shes su gnas pa dang / byed pa po med pa la byed pa po'i 'du shes su gnas pa dang / byed du 'jug pa po med pa la byed du 'jug pa po'i 'du shes su gnas pa dang / slong ba po med pa la slong ba po'i 'du shes su gnas pa dang / slong du 'jug pa po med pa la slong du 'jug pa po'i 'du shes su gnas pa dang / tshor ba po med pa la tshor ba po'i 'du shes su gnas pa dang / tshor du 'jug pa po med pa la tshor du 'jug pa po'i 'du shes su gnas pa dang / shes pa po med pa la shes pa po'i 'du shes su gnas pa dang / mthong ba po med pa la mthong ba po'i 'du shes su gnas pa de dag phyin ci log las rnam par 'grol te/ phyin ci log las rnam par bkrol zhing 'chi ba med pa'i dbyings su 'god do/ /de la bkod nas rgyu ba 'di dag yongs su mi rgyu ste/ bdag gi 'du shes sam/ sems can gyi 'du shes sam/ srog gi 'du shes sam/ 'gro ba'i 'du shes sam/ gso ba'i 'du shes sam/ skyes bu'i 'du shes sam/ gang zag gi 'du shes sam/ shed can gyi 'du shes sam/ shed bdag</font><hr>33.223b<br><font size=+1>

gi 'du shes sam/ byed pa po'i 'du shes sam/ byed du 'jug pa po'i 'du shes sam/ slong ba po'i 'du shes sam/ slong du 'jug pa po'i 'du shes sam/ tshor ba po'i 'du shes sam/ tshor du 'jug pa po'i 'du shes sam/ shes pa po'i 'du shes sam/ mthong ba po'i 'du shes yongs su mi rgyu ste/ de g.yo ba dang / rlom sems dang / 'bar ba dang spros pa 'di dag btang nas/ spros pa med pa'i sems kyis nye bar bsgrubs shing mang du spyod de/ rab 'byor rnam grangs des na byang chub sems dpa' sems dpa' chen po shes rab kyi pha rol du phyin pa la spyod pa'i tshe/ bdag nyid kyang chos gang la yang mngon par zhen pa med la/ sems can thams cad kyang mngon par zhen pa med pa la rab tu 'god de/ de ni 'jig rten gyi tha snyad kyi don dam par ni ma yin no/ /gsol pa/ bcom ldan 'das de bzhin gshegs pas chos gang mngon par rdzogs par sangs rgyas pa de 'jig rten gyi tha snyad du mngon par rdzogs par sangs rgyas sam/ ma lags kyi don dam par mngon par rdzogs par sangs rgyas/ bcom ldan 'das kyis bka' stsal pa/ de bzhin gshegs pas chos 'di mngon par rdzogs par sangs rgyas so zhes bya ba ni/ 'jig rten gyi tha snyad du brjod pa ste/ de la chos 'dis chos 'di lta bu zhig mngon par rdzogs par sangs rgyas so/ /zhes bya ba de lta bu gang yang mi dmigs te/ de ci'i phyir zhe na/ 'di lta ste/ chos 'dis chos 'di lta bu zhig mngon par rdzogs par sangs rgyas so zhes bya ba ni dmigs pa ste/ gnyis kyis ni gang yang thob pa 'am/ mngon par rtogs par 'gyur ba med do/ /gsol pa/ bcom ldan 'das de ste gnyis kyis thob pa dang / mngon par rtogs par 'gyur ba ma mchis na/ gnyis su ma mchis pas thob pa dang / mngon par rtogs par 'gyur ram/ bcom ldan 'das kyis bka'</font><hr>33.224a<br><font size=+1>

stsal pa/ gnyis kyis kyang thob pa dang mngon par rtogs par 'gyur ba med de/ gnyis su med pas kyang thob pa dang mngon par rtogs par 'gyur ba med de/ gang la gnyis kyang med la mi gnyis pa'ang med pa ni thob pa dang mngon par rtogs pa zhes bya'o/ /de ci'i phyir zhe na/ 'di ltar 'di ni thob pa'o/ /'di ni mngon par rtogs pa'o zhes bya ba ni spros pa ste/ chos mnyam pa nyid la spros pa med de/ spros pa med pa ni chos mnyam pa nyid do/ /gsol pa/ bcom ldan 'das chos dngos po ma mchis pa'i ngo bo nyid rnams la chos kyi mnyam pa nyid ces bgyi ba yang gang zhig mchis/ bcom ldan 'das kyis bka' stsal pa/ gang dngos po med pa dang dngos po med pa yang ma yin pa dang / ngo bo nyid med pa dang yongs su brjod pa med pa 'di ni chos mnyam pa nyid de/ chos mnyam pa nyid po de ni brjod du med pa'o/ /chos mnyam pa nyid ma gtogs par yang dmigs par 'gyur ba'i chos gang yang med de/ chos mnyam pa nyid ni chos thams cad las rnam par 'das pa'o/ /chos mnyam pa nyid ni byis pa 'am/ 'phags pa 'am/ chos gang gis kyang shes par mi rung zhing yul ma yin pa'o/ /gsol pa/ bcom ldan 'das chos mnyam pa nyid po de bzhin gshegs pa'i yul yang ma lags sam/ bcom ldan 'das kyis bka' stsal pa/ rab 'byor chos mnyam pa nyid ni 'phags pa thams cad kyi yul ma yin pa te/ rgyun du zhugs pa 'am/ lan gcig phyir 'ong ba'am phyir mi 'ong ba 'am/ dgra bcom pa 'am/ rang byang chub bam/ byang chub sems dpa' 'am/ de bzhin gshegs pa'i yul ma yin no/ /gsol pa/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas ni chos thams cad kyi yul la mnga' sgyur ba ma lags sam/ bcom ldan 'das kyis bka' stsal pa/ rab 'byor gal te chos mnyam pa nyid kyang gzhan la/ de bzhin gshegs pa dgra</font><hr>33.224b<br><font size=+1>

bcom pa yang dag par rdzogs pa'i sangs rgyas kyang gzhan zhig yin na ni/ de bzhin gshegs pa dgra bcom pa yang dag par rdzogs pa'i sangs rgyas chos thams cad kyi yul la mnga' sgyur bar yang 'gyur na/ rab 'byor so so'i skye bo rnams kyi chos mnyam pa nyid gang yin pa dang / rgyun du zhugs pa rnams dang / lan gcig phyir 'ong ba rnams dang phyir mi 'ong ba rnams dang dgra bcom pa rnams dang / rang sangs rgyas rnams dang / byang chub sems dpa' rnams dang / de bzhin gshegs pa rnams kyi chos mnyam pa nyid gang yin pa de ni mnyam pa nyid gcig pa ste/ mnyam pa nyid dang mi mnyam pa nyid la bye brag gang yang med do/ /de ltar so so'i skye bo rnams kyi mnyam pa nyid gang yin pa dang / 'phags pa thams cad kyi mnyam pa nyid gang yin pa de ni/ mnyam pa nyid gcig pa ste/ mnyam pa nyid gcig pa la 'di ni so so'i skye bo'o/ /'di ni rgyun du zhugs pa'o/ /'di ni lan gcig phyir 'ong ba dang / phyir mi 'ong ba dang / dgra bcom pa dang / rang sangs rgyas dang / byang chub sems dpa'o/ /'di ni de bzhin gshegs pa dgra bcom pa yang dag par rdzogs pa'i sangs rgyas so zhes bya bar gnyis su bya ba med de/ rnam par rtog pa de dag ni mnyam pa nyid la mi dmigs so/ /gsol pa/ bcom ldan 'das de ste chos thams cad mnyam pa nyid la/ 'di ni so so'i skye bo'o/ /'di ni rgyun du zhugs pa'o/ /'di ni lan gcig phyir 'ong ba dang / phyir mi 'ong ba dang / dgra bcom pa dang / rang sangs rgyas dang byang chub sems dpa'o/ /'di ni de bzhin gshegs pa dgra bcom pa yang dag par rdzogs pa'i sangs rgyas so zhes bgyi ba'i rnam par rtog pa de dag mi dmigs na/ des so so'i skye bo rnams dang / rgyun du zhugs pa rnams dang / lan gcig phyir 'ong ba rnams dang /  phyir mi 'ong ba rnams dang /  dgra bcom pa rnams dang / rang sangs rgyas rnams dang / byang chub sems dpa' rnams dang / de bzhin</font><hr>33.225a<br><font size=+1>

gshegs pa dgra bcom pa yang dag par rdzogs pa'i sangs rgyas rnams khyad par ma mchis par 'gyur ro/ /bcom ldan 'das kyis bka' stsal pa/ rab 'byor de de bzhin no/ /de de bzhin te/ chos thams cad mnyam pa nyid la/ so so'i skye bo rnams dang / rgyun du zhugs pa rnams dang / lan gcig phyir 'ong ba dang / lan gcig phyir mi 'ong ba rnams dang / dgra bcom pa rnams dang / rang sangs rgyas rnams dang / byang chub sems dpa' rnams dang / de bzhin gshegs pa dgra bcom pa yang dag par rdzogs pa'i sangs rgyas rnams khyad par med do/ /gsol pa bcom ldan 'das/ gal ste chos thams cad mnyam pa nyid la/ so so'i skye bo rnams dang / rgyun tu zhugs pa rnams dang / lan gcig phyir 'ong ba rnams dang / phyir mi 'ong ba rnams dang / dgra bcom pa rnams dang /  rang sangs rgyas rnams dang /  byang chub sems dpa' rnams dang / de bzhin gshegs pa dgra bcom pa yang dag par rdzogs pa'i sangs rgyas rnams la khyad par ma mchis na/  bcom ldan 'das ci'i slad du/ sangs rgyas dkon mchog dang / chos dkon mchog dang / dge 'dun dkon mchog dang / dkon mchog gsum de dag 'jig rten du 'byung bar 'gyur ba lags/ bcom ldan 'das kyis bka' stsal pa/ rab 'byor de ji snyam du sems/ sangs rgyas dkon</font><hr>33.225b<br><font size=+1>

mchog kyang gzhan la chos dkon mchog kyang gzhan te/ dge 'dun dkon mchog kyang gzhan zhig la/ chos mnyam pa nyid kyang gzhan zhig snyam 'am/ gsol pa bcom ldan 'das bdag gis/ bcom ldan 'das kyis gsungs pa'i don 'tshal ba ltar na/ sangs rgyas dkon mchog kyang gzhan la/  chos dkon mchog kyang gzhan te/  dge 'dun dkon mchog kyang gzhan zhig la/  chos mnyam pa nyid kyang gzhan ma lags kyis/ bcom ldan 'das/ sangs rgyas dkon mchog gang lags pa dang / chos dkon mchog gang lags pa dang / dge 'dun dkon mchog gang lags pa de nyid/ chos mnyam pa nyid de/ chos de dag thams cad ni/ ldan pa 'ang ma lags mi ldan pa'ang ma lags/ gzugs ma mchis pa bstan du ma mchis pa/ thogs pa ma mchis pa mtshan nyid gcig pa ste/ 'di ltar mtshan nyid ma mchis pa'o/ /de ltar na chos rnams mtshan nyid ma mchis pa la 'di ni so so'i skye bo'o/ /'di ni rgyun tu zhugs pa'o/ /'di ni lan gcig phyir 'ong ba dang / phyir mi 'ong ba dang / dgra bcom pa dang / rang sangs rgyas dang / byang chub sems dpa'o/ /'di ni de bzhin gshegs pa dgra bcom pa yang dag par rdzogs pa'i sangs rgyas so/ /zhes rnam par/ dgod par bgyi ba de ni/ bcom ldan 'das kyis yul lo/ /bcom ldan 'das kyis bka' stsal pa/ </font><hr>33.226a<br><font size=+1>

rab 'byor de de bzhin no/ /de de bzhin te/ mtshan nyid med pa'i chos rnams rnam par dgod pa de ni/ de bzhin gshegs pa'i yul lo/ /de ni de bzhin gshegs pa'i mthu'o/ /rab 'byor de ji snyam du sems/ de ste de bzhin gshegs pa dgra bcom pa yang dag par rdzogs pa'i sangs rgyas byang chub tu mngon par rdzogs par sangs rgyas pa'i phyir ro/ /chos rnams rnam par dgod par ma mdzad na/ sems can dmyal ba yod par mngon nam/ byol song gi skye gnas dang / gshin rje'i 'jig rten dang / mi yod par mngon nam/ rgyal chen bzhi'i ris gyis lha yod par mngon nam/ sum bcu rtsa gsum dang / mtshan ma dang / dga' ldan dang / 'phrul dga' dang / gzhan 'phrul dbang byed dang / tshangs ris dang / tshangs lha nye phan dang / tshangs pa kun 'khor dang / tshangs chen dang / snang ba dang / chung snang dang /  tshad med snang ba dang / kun snang dang ba dang / dge ba dang / chung dge dang / tshad med dge ba dang / dge rgyas dang / che ba dang / tshad med che ba dang / 'bras bu che ba dang / mi che ba dang / mi gdung ba dang / shin tu mthong ba dang / gya nom snang ba dang / 'og min gyi lha rnams yod</font><hr>33.226b<br><font size=+1>

par mngon nam/ nam mkha' mtha' yas skye mched dang /  rnam shes mtha' yas skye mched dang / cung zad med pa'i skye mched dang / 'du shes med 'du shes med min skye mched kyis lha yod par mngon nam/  sbyin pa'i pha rol tu phyin pa yod par mngon nam/ tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa yod par mngon nam/ byang chub sems dpa'i sa bcu yod par mngon nam/ nang stong pa nyid yod par mngon nam/ dngos po med pa'i ngo bo nyid stong pa nyid yod par mngon nam/ dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / 'phags pa'i lam yan lag rgyad pa yod par mngon nam/ 'phags pa'i bden pa dang /  bsam gtan dang /  tshad med pa dang / gzugs med pa'i snyoms par 'jug pa dang /  rnam par thar pa dang / mthar gyis gnas pa'i snyoms par</font><hr>33.227a<br><font size=+1>

'jug pa dang /  stong pa nyid dang / mtshan ma med pa dang /  smon pa med pa dang /  mngon par shes pa dang / ting nge 'dzin dang / gzungs gyis sgo rnams yod par mngon nam/ de bzhin gshegs pa'i stobs dang / mi 'jigs pa dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyis chos ma 'dres pa rnams yod par mngon nam/ mi chen po'i mtshan sum bcu rtsa gnyis dang / dpe byad bzang po brgyad bcu yod par mngon nam/ sangs rgyas sangs rgyas dkon mchog dang / chos dkon mchog dang / dge 'dun dkon mchog yod par mngon nam/ nyan thos gyis theg pa dang / rang sangs rgyas kyis theg pa dang / theg pa chen po yod par mngon nam/ dad pa'i rjes su 'brang ba dang / chos kyis rjes su 'brang ba dang / brgyad pa yod par mngon nam/ rgyun tu zhugs pa dang / lan gcig phyir 'ong ba dang / phyir mi 'ong ba dang / dgra bcom pa dang / rang sangs rgyas dang / byang chub sems dpa' dang / de bzhin gshegs pa dgra bcom pa yang dag par rdzogs pa'i sangs rgyas yod par mngon nam/ gsol pa/ bcom ldan 'das/ chos de dag thams cad ni mchis par</font><hr>33.227b<br><font size=+1>

mngon par mi 'gyur ro/ /bcom ldan 'das kyis bka' stsal pa/ rab 'byor de lta bas na/ de ltar chos mnyam pa nyid las kyang mi g.yo la chos rnams rnam par dgod par mdzad pa ni/ de bzhin gshegs pa'i mthu'o/ /gsol pa bcom ldan 'das ji ltar de bzhin gshegs pa'i chos mnyam pa nyid las mi g.yo ba de bzhin du so so'i skye bo rnams kyang chos mnyam pa nyid las mi g.yo ba lags sam/ de bzhin du dad pa'i rjes su 'brang ba rnams dang / /chos kyi rjes su 'brang ba rnams dang / brgyad pa dang / rgyun tu zhugs pa rnams dang / lan gcig phyir 'ong ba rnams dang / phyir mi 'ong ba rnams dang / dgra bcom pa rnams dang / rang sangs rgyas dang / byang chub sems dpa' yang chos mnyam pa nyid/ las mi g.yo ba lags sam/ bcom ldan 'das kyis bka' bstsal pa/ rab 'byor/ de de bzhin no/ /de de bzhin te/ rab 'byor chos thams cad ni chos mnyam pa nyid las mi g.yo'o/ /chos mnyam pa nyid las mi 'da'o/ /rab 'byor de ci'i phyir zhe na/ 'di ni de ltar de bzhin gshegs pa dgra bcom pa yang dag par rdzogs pa'i sangs rgyas rnams kyis de bzhin nyid dang / ma nor ba de bzhin nyid dang /  gzhan ma yin pa de bzhin nyid dang / chos nyid dang / chos kyis dbyings dang / chos kyis dbyings nyid dang / chos skyon med pa nyid dang / yang dag pa'i mtha' gang yin pa de nyid ni so so skye bo rnams kyi de bzhin nyid dang / ma nor ba de bzhin nyid dang /  gzhan ma yin pa de bzhin nyid dang / </font><hr>33.227c<br><font size=+1>

# chos nyid dang / chos kyi dbyings dang / chos kyi gnas nyid dang / chos skyon med pa nyid dang / yang dag pa'i mtha' ste/  de nyid ni dad pa'i rjes su 'brang ba rnams dang / chos kyi rjes su 'brang ba rnams dang / brgyad pa dang / rgyun tu zhugs pa rnams dang / lan cig phyir 'ong ba rnams dang / phyir mi 'ong ba rnams dang / dgra bcom pa rnams dang / rang sangs rgyas rnams dang / byang chub sems dpa' sems dpa' chen po rnams kyi de bzhin nyid dang / ma nor ba de bzhin nyid dang / gzhan ma yin pa de bzhin nyid dang / chos nyid dang / chos kyi dbyings dang / chos kyi gnas nyid dang / chos skyon med pa nyid dang / yang dag pa'i mtha' ste/ de dag thams cad ni chos mnyam pa nyid de/ de de las rnam par mi 'da'o/ /de ci'i phyir zhe na/ de dag gi chos nyid dang / chos kyi dbyings dang / chos kyi gnas nyid dang / chos skyon med pa nyid dang / de bzhin nyid dang / ma nor ba de bzhin nyid dang / gzhan ma yin pa de bzhin nyid dang / yang dag pa'i mtha' ni de nyid yin te/ de dag las chos mnyam pa nyid ces bya ba gzhan gang yang med do/ /rab 'byor gyis gsol pa/ bcom ldan 'das gal te de ltar so so'i skye bo rnams kyi chos mnyam pa nyid gang lags pa nyid dad pa'i rjes su 'brang ba rnams dang / chos kyi rjes su 'brang ba rnams dang / brgyad pa dang / rgyun tu zhugs pa rnams dang / lan cig phyir 'ong ba rnams dang / phyir mi 'ong ba rnams dang / dgra bcom pa rnams dang / rang sangs rgyas rnams dang / byang chub sems dpa' sems dpa' chen po rnams kyi chos mnyam pa nyid de/  de bzhin gshegs pa dgra bcom pa yang dag par rdzogs pa'i sangs rgyas rnams kyi chos mnyam pa nyid lag na/ bcom ldan 'das mtshan nyid mi 'dra ba'i chos 'di lta ste/  gzugs dang tshor ba dang / 'du shes dang / 'du byed dang / rnam par</font><hr>33.227d<br><font size=+1>

# shes pa dang / skye mched dang / khams dang rten cing 'brel bar 'byung ba dang / 'dod chags dang zhe sdang dang gti mug dang lta ba'i rnam pa thams cad dang / bsam gtan dang tshad med pa dang / gzugs med pa'i snyoms par 'jug pa rnams dang / sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang /  bsam gtan gyi pha rol tu phyin pa dang / shes rab kyi pha rol tu pa dang / thabs mkhas pa'i pha rol tu phyin pa dang / smon lam gyi pha rol tu phyin pa dang / stobs kyi pha rol tu phyin pa dang / ye shes kyi pha rol tu phyin pa dang / byang chub sems dpa'i sa bcu dang / dran pa nye bar gzhag pa rnams dang / yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa dang / 'phags pa'i bden pa rnams dang /  rnam par thar pa'i sgo stong pa nyid dang / mtshan ma med pa dang /  smon pa med pa dang /  nang stong pa nyid dang / dngos po med pa'i ngo bo nyid stong pa nyid kyi bar dang /  rnam par thar pa brgyad dang /  mthar gyis gnas pa'i snyoms par 'jug pa dgu dang / mngon par shes pa lnga dang / ting nge 'dzin thams cad dang / gzungs kyi sgo thams cad dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad dang / mi chen po'i mtshan sum bcu rtsa gnyis dang /  dpe byad bzang po brgyad bcu dang / 'dus byas kyi khams dang / 'dus ma byas kyi khams te/ bcom ldan 'das chos de dag thams cad ni kun kyang gcig dang gcig tu mi 'dra ba/ gcig las gcig 'das pa'o/ /bcom ldan 'das de ci'i slad du zhe na/ de ni 'di ltar gzugs kyi chos nyid</font><hr>33.228a<br><font size=+1>

kyang gzhan/ tshor ba dang / 'du shes dang / 'du byed dang / rnam par shes pa'i chos nyid kyang gzhan/ skye mched dang / khams dang / rten cing 'brel bar 'byung ba'i chos nyid kyang gzhan/ 'dod chags kyi chos nyid kyang gzhan/ zhe sdang gi chos nyid kyang gzhan/ gti mug gi chos nyid kyang gzhan/ lta ba'i rnam pa'i chos nyid kyang gzhan/ sbyin pa'i pha rol du phyin pa'i chos nyid kyang gzhan/ tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa'i chos nyid kyang gzhan/ nang stong pa nyid kyang gzhan/ dngos po med pa'i ngo bo nyid stong pa nyid kyi bar gyi chos nyid kyang gzhan/ dran pa nye bar gzhag pa rnams kyi chos nyid kyang gzhan/ yang dag par spong ba rnams dang / rdzu 'phrul gyi rkang pa rnams dang / dbang po rnams dang / stobs rnams dang / byang chub kyi yan lag rnams dang / 'phags pa'i lam yan lag brgyad pa'i chos nyid kyang gzhan/  'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa rnams dang / mthar gyis gnas pa'i snyoms par 'jug pa rnams dang /  stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / gzungs kyi sgo rnams kyi chos nyid kyang gzhan/ de bzhin gshegs pa'i stobs bcu dang / mi 'jigs pa rnams dang /  so so yang dag par rig pa rnams dang / byams pa chen po dang / snying rje chen po dang / sangs rgyas kyi chos ma 'dres pa rnams kyi chos nyid kyang gzhan/ mi chen po'i mtshan sum bcu rtsa gnyis dang / dpe byad bzang po brgyad bcu'i chos nyid kyang gzhan/ </font><hr>33.228b<br><font size=+1>

'dus byas kyi khams dang / 'dus ma byas kyi khams kyi chos nyid kyang gzhan na/ bcom ldan 'das ji ltar mtshan nyid mi 'dra ba'i chos rnams kyi chos nyid mtshan nyid gcig par 'gyur ba lags/ chos rnam par dgod par ni ji ltar 'gyur/ byang chub sems dpa' sems dpa' chen po shes rab kyi pha rol du phyin pa la spyod pa'i tshe/ gang la gnas shing chos rnams tha dad du bgyid pa lags/ chos rnams tha dad du ma bgyis par ni byang chub sems dpa' sems dpa' chen pos kyang shes rab kyi pha rol du phyin pa la spyod par mi nus na/ ji ltar byang chub sems dpa' sems dpa' chen pos shes rab kyi pha rol du phyin pa la spyod pa'i tshe/ sa nas sar 'phar zhing skyon med par 'jug pa lags/ ji ltar skyon med par zhugs nas/ nyan thos dang / rang sangs rgyas kyi sa las 'das te/ mngon par shes pa yongs su rdzogs par bgyid pa lags/ ji ltar mngon par shes pas rnam par rtse zhing / sbyin pa'i pha rol du phyin pa yongs su rdzogs par bgyi ba dang / tshul khrims kyi pha rol du phyin pa dang /  bzod pa'i pha rol du phyin pa dang / brtson 'grus kyi pha rol du phyin pa dang / bsam gtan gyi pha rol du phyin pa dang / shes rab kyi pha rol du phyin pa yongs su rdzogs par bgyi ba dang / de dag la rnam par rtse bas sangs rgyas kyi zhing nas sangs rgyas kyi zhing du mchi ba lags/ sangs rgyas bcom ldan 'das rnams la bsnyen bkur bgyid pa lags/ de dag tu yang dge ba'i rtsa ba bskyed pa lags/ dge ba'i rtsa ba des sems can rnams yongs su smin par bgyid pa lags/ sangs rgyas kyi zhing yongs su 'dzin pa lags/ bcom ldan 'das kyis bka' stsal pa/ rab 'byor gang 'di skad du de ste chos thams cad kyi chos mnyam pa nyid gang yin pa de nyid so so'i skye bo rnams kyi chos mnyam pa nyid de/ de nyid dad pa'i rjes su 'brang ba rnams dang / chos kyi rjes su</font><hr>33.229a<br><font size=+1>

'brang ba rnams dang / brgyad pa rnams dang / rgyun du zhugs pa rnams dang / lan gcig phyir 'ong ba rnams dang / phyir mi 'ong ba rnams dang / dgra bcom pa rnams dang / rang sangs rgyas rnams dang / byang chub sems dpa' sems dpa' chen po rnams dang / de bzhin gshegs pa dgra bcom pa yang dag par rdzogs pa'i sangs rgyas rnams kyi chos mnyam pa nyid yin na/ mtshan nyid mi 'dra ba'i chos rnams kyi mnyam pa nyid ji ltar gcig par 'gyur zhes zer ba ni/  rab 'byor de ji snyam du sems/ gzugs kyi chos nyid gang yin pa de nyid stong pa nyid ma yin nam/ tshor ba dang 'du shes dang / 'du byed dang / rnam par shes pa'i chos nyid gang yin pa de nyid stong pa nyid ma yin nam/ skye mched dang khams dang rten cing 'brel par 'byung ba'i chos nyid gang yin pa de nyid stong pa nyid ma yin nam/ sbyin pa'i pha rol du phyin pa'i chos nyid gang yin pa de nyid/ stong pa nyid ma yin nam/ tshul khrims kyi pha rol phyin pa dang / bzod pa'i pha rol du phyin pa dang /  brtson 'grus kyi pha rol du phyin pa dang /  bsam gtan gyi pha rol du phyin pa dang / shes rab kyi pha rol du phyin pa'i chos nyid gang yin pa de nyid stong pa nyid ma yin nam/ nang stong pa nyid kyi chos nyid gang yin pa de nyid stong pa nyid ma yin nam/ dngos po med pa'i ngo bo nyid stong pa nyid kyi bar gyi chos nyid gang yin pa/ de nyid stong pa nyid ma yin nam/ byang chub kyi phyogs kyi chos rnams kyi chos nyid gang yin pa de nyid stong pa nyid ma yin nam/ 'phags pa'i bden pa rnams dang / bsam gtan rnams dang / tshad med pa rnams dang / gzugs med pa'i snyoms par 'jug pa rnams dang / rnam par thar pa rnams dang / mthar gyis gnas pa'i snyoms par 'jug pa rnams dang / stong pa nyid dang / mtshan ma med pa dang / smon pa med pa dang / mngon par shes pa rnams dang / ting nge 'dzin rnams dang / </font><hr>33.229b<br><font size=+1>

gzungs kyi sgo rnams kyi chos nyid gang yin pa de nyid stong pa nyid ma yin nam/ de bzhin gshegs pa'i stobs rnams dang / mi 'jigs pa rnams dang / so so yang dag par rig pa rnams dang / snying rje chen po dang / sangs rgyas kyi chos ma 'dres pa rnams kyi chos nyid gang yin pa de nyid stong pa nyid ma yin nam/ rgyun du zhugs pa'i 'bras bu'i chos nyid gang yin pa de nyid stong pa nyid ma yin nam/ lan gcig phyir 'ong ba'i 'bras bu dang /  phyir mi 'ong ba'i 'bras bu dang / dgra bcom pa nyid dang / rang byang chub dang / rnam pa thams cad mkhyen pa nyid kyi bar kyi chos nyid gang yin pa de nyid stong pa nyid ma yin nam/ rgyun du zhugs pa dang / lan gcig phyir 'ong ba dang / phyir mi 'ong ba dang / dgra bcom pa dang / rang sangs rgyas dang / byang chub sems dpa' dang / de bzhin gshegs pa'i chos nyid gang yin pa de nyid stong pa nyid ma yin nam/ gsol pa bcom ldan 'das de ni stong pa nyid do/ /bcom ldan 'das kyis bka' stsal pa/ 'o na stong pa nyid la gzugs kyi mtshan nyid dam/ tshor ba dang 'du shes dang / 'du byed dang / rnam par shes pa'i mtshan nyid dam/ skye mched dang / khams dang / rten cing 'brel bar 'byung ba'i mtshan nyid dang / sbyin pa'i pha rol du phyin pa'i mtshan nyid dang / tshul khrims kyi pha rol du phyin pa dang / bzod pa'i pha rol du phyin pa dang / brtson 'grus kyi pha rol tu phyin pa dang / bsam gtan gyi pha rol du phyin pa dang / shes rab kyi pha rol du phyin pa'i mtshan nyid dam/ nang stong pa nyid kyi mtshan nyid dam/ dngos po med pa'i ngo bo nyid stong pa nyid kyi bar gyi mtshan nyid dam/ byang chub kyi phyogs kyi chos rnams kyi mtshan nyid dang /  'phags pa'i bden pa dang / bsam gtan dang / tshad med pa dang / gzugs med pa'i snyoms par 'jug pa dang / rnam par thar</font><hr>33.230a<br><font size=+1>

pa dang / mthar gyis gnas pa'i snyoms par 'jug pa dang / stong pa nyid dang / mtshan ma med pa dang / smon pa med pa dang / mngon par shes pa dang / /ting nge 'dzin dang / gzungs kyi sgo rnams kyi mtshan nyid dam/ de bzhin gshegs pa'i stobs dang / mi 'jigs pa dang / so so yang dag par rig pa dang / snying rje chen po dang / sangs rgyas kyi chos ma 'dres pa rnams kyi mtshan nyid dam/ rgyun du zhugs pa'i 'bras bu'i mtshan nyid dam/ lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid dang / rang byang chub dang / rnam pa thams cad mkhyen pa nyid kyi bar gyi mtshan nyid dam/ rgyun du zhugs pa'i mtshan nyid dam/ lan cig phyir 'ong ba dang / phyir mi 'ong ba dang / dgra bcom pa dang / rang sangs rgyas dang / byang chub sems dpa' dang / de bzhin gshegs pa'i mtshan nyid dam/ chos kyi mtshan nyid tha dad par 'gyur ba de lta bu'i chos gang yang dmigs sam/ gsol pa/ bcom ldan 'das de ni ma lags so/ /bcom ldan 'das kyis bka' stsal pa/ rab 'byor de lta bas na rnam grangs des 'di ltar rig par bya ste/ chos thams cad kyi chos nyid gang yin pa de la yang so so'i skye bo med/  so so'i skye bo las gud na'ang de med/ de la yang dad pa'i rjes su 'brang ba yang med/ dad pa'i rjes su 'brang ba las gud na yang de med/ de la yang chos kyi rjes su 'brang ba med/ chos kyi rjes su 'brang ba las gud na 'ang de med/ de la brgyad pa yang med/ brgyad pa las gud na yang de med/ de la yang rgyun du zhugs pa med/ rgyun du zhugs pa las gud na yang de med/ de la yang lan gcig phyir 'ong ba med/ lan gcig phyir 'ong ba las gud na 'ang de med/ de la yang phyir mi 'ong ba med/ phyir mi 'ong ba las gud na 'ang de med/  de la 'ang dgra bcom pa med/ dgra bcom pa las gud na 'ang de med/ de la 'ang rang sangs rgyas med/ </font><hr>33.230b<br><font size=+1>

rang sangs rgyas las gud na 'ang de med/ de la yang byang chub sems dpa' med/ byang chub sems dpa' las gud na 'ang de med/ de la yang de bzhin gshegs pa med/ de bzhin gshegs pa las gud na 'ang de med par rig par bya'o/ /gsol pa/ chos nyid de 'dus bgyis pa lags sam/ 'dus ma bgyis pa lags/ bcom ldan 'das kyis bka' stsal pa/ de ni 'dus byas kyang ma yin/ 'dus ma byas kyang ma yin te/ 'dus byas las gud na 'ang 'dus ma byas dmigs su med do/ /'dus ma byas las gud na 'ang 'dus byas dmigs su med de/  rab 'byor de ltar 'dus byas kyi khams gang yin pa dang / 'dus ma byas kyi khams gang yin pa'i chos de gnyis ka yang ldan pa yang ma yin mi ldan pa yang ma yin te/ gzugs med pa/ bstan du med pa/ thogs pa med pa/ mtshan nyid gcig pa ste/ 'di lta ste/ 'di ltar mtshan nyid med pa'o/ /de yang de bzhin gshegs pas 'jig rten gyi tha snyad du brjod kyi don dam par ma yin te/ /don dam pa la/ lus kyi 'du byed dam/ ngag gi 'du byed dam/ yid kyi 'du byed med de/ lus kyi 'du byed dam/ ngag gi 'du byed dam/ yid kyi 'du byed las gud na yang don dam par dmigs su med do/ 'on kyang 'dus byas dang / 'dus ma byas kyi chos rnams kyi mnyam pa nyid gang yin pa de ni don dam pa ste/ de'i phyir byang chub sems dpa' sems dpa' chen po shes rab kyi pha rol du phyin pa la spyod pa'i tshe/ don dam pa las kyang mi g.yo la/ byang chub sems dpa'i spyod pa yang byed do/ /shes rab kyi pha rol du phyin pa stong phrag nyi shu lnga pa las/[ ]le'u bdun bcu'o// // de nas tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das chos thams cad kyi mnyam pa</font><hr>33.231a<br><font size=+1>

nyid ni rang bzhin gyis stong pa ste/ de'i slad du chos gang la yang gang yang ci yang bgyid pa ma mchis na/ de ltar chos thams cad ci yang bgyid pa ma mchis shing / ci yang ma lags pa la ji ltar byang chub sems dpa' sems dpa' chen po shes rab kyi pha rol du phyin pa la spyod pa'i tshe/ don dam pa las kyang mi g.yo la/ sbyin pa dang tshig snyan pa dang don bgyi ba dang don 'thun pas kyang sems can thams cad kyi don bgyid pa lags/ bcom ldan 'das kyis bka' stsal pa/ rab 'byor de de bzhin no/ /de de bzhin te/ ji skad du smras pa bzhin te/ stong pa nyid gang yin pa de ni gang la yang ci yang byed pa med ci yang mi byed pa yang med de gal te sems can 'di dag bdag cag nyid kyis stong pa nyid shes na ni/  de ltar stong pa nyid las kyang mi g.yo la/  sems can rnams kyang bdag gi 'du shes dang bral bar byed cing / bdag gi 'du shes dang phral nas stong pa nyid kyis 'khor ba las 'grel ba dang / sems can gyi 'du shes dang / srog gi 'du shes dang / gso ba'i 'du shes dang / skyes bu'i 'du shes dang / gang zag gi 'du shes dang / shed can gyi 'du shes dang / shed bdag gi 'du shes dang / byed pa po'i 'du shes dang / tshor ba po'i 'du shes dang / shes pa po'i 'du shes dang / mthong ba po'i 'du shes dang bral bar byed cing / mthong ba po'i 'du shes dang phral nas stong pa nyid kyis 'khor ba las 'grel ba dang / gzugs kyi 'du shes dang bral bar byed cing / gzugs kyi 'du shes dang phral nas/ stong pa nyid kyis 'khor ba las 'grel ba dang / tshor ba dang / 'du shes dang / 'du byed dang / rnam par shes pa'i 'du shes dang bral bar byed cing / rnam par shes pa'i 'du shes dang phral nas/ stong pa nyid kyis 'khor ba las 'grel ba dang / skye mched dang / khams dang / rten cing 'brel par 'byung ba'i 'du shes dang</font><hr>33.231b<br><font size=+1>

bral bar byed cing / rten cing 'brel par 'byung ba'i 'du shes dang phral nas/ stong pa nyid kyis 'khor ba las 'grel ba dang / 'dus byas kyi khams kyi 'du shes dang bral bar byed cing / 'dus byas kyi khams kyi 'du shes dang phral nas/ 'dus ma byas kyi dbyings stong pa yin yang 'dus ma byas kyi dbyings su 'god pa yang / de bzhin gshegs pa'i khyu mchog gi mthur mi 'gyur ro/ /gsol pa/ bcom ldan 'das de cis stong pa lags/ bcom ldan 'das kyis bka' stsal pa/ 'du shes thams cad kyis stong ste/ rab 'byor la la zhig gis sprul pa zhig sprul na/ de la gang stong pa nyid ma yin pa de lta bu'i dngos po gang yang yod dam/ gsol pa/ bcom ldan 'das de ni ma lags so/ /sprul pa de la gang stong pa nyid ma lags pa de lta bu'i dngos po gang yang ma mchis te/ stong pa nyid gang lags pa dang / sprul pa gang lags pa'i chos de gnyis ka dang yang ldan pa yang ma lags/ mi ldan pa yang ma lags te/ de gnyis ka yang stong pa nyid kyis stong na/ de ci'i slad du 'di ni stong pa nyid do/ /'di ni sprul pa'o zhes bgyi bar rnam par bcab pa mdzad/ de ci'i slad du zhe na/ de ni 'di lta ste/ stong pa nyid dang / sprul pa gnyis ka yang stong pa nyid la dmigs su ma mchis so/ /bcom ldan 'das kyis bka' stsal pa/ rab 'byor gzugs sam/ tshor ba 'am/ 'du shes sam/ 'du byed dam/ rnam par shes pa gang sprul pa ma yin pa de lta bu yod dam/ gang sprul pa de ni stong pa'o/ /gsol pa/ bcom ldan 'das gal te 'jig rten pa'i chos sprul pa lags kyang / 'jig rten las 'das pa'i chos 'di lta ste/ dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i</font><hr>33.232a<br><font size=+1>

lam yan lag brgyad pa dang / rnam par thar pa'i sgo gsum dang / 'phags pa'i bden pa bzhi dang / stong pa nyid thams cad dang / rnam par thar pa brgyad dang / mthar gyis gnas pa'i snyoms par 'jug pa dgu dang / ting nge 'dzin thams cad dang / gzungs kyi sgo thams cad dang / de bzhin gshegs pa'i stobs bcu dang / mi 'jigs pa bzhi dang / so so yang dag par rig pa bzhi dang / byams pa chen po dang / snying rje chen po dang / sangs rgyas kyi chos ma 'dres pa bcwa brgyad dang / de dag gi 'bras bu gang gis gang zag rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa dang / rang sangs rgyas dang / de bzhin gshegs pa dgra bcom pa yang dag par rdzogs pa'i sangs rgyas shes gang zag rnam par dgod pa'i chos de dag kyang sprul pa lta bu lags sam/ bcom ldan 'das kyis bka' stsal pa/ rab 'byor chos thams cad ni sprul pa ste/ de la la la ni nyan thos kyis sprul pa'o/ /la la ni rang sangs rgyas kyis sprul pa'o/ /la la ni byang chub sems dpas sprul pa'o/ la la ni de bzhin gshegs pas sprul pa'o/ /la la ni nyon mongs pas sprul pa'o/ /la la ni las kyis sprul pa'o/ /rab 'byor rnam grangs des na chos thams cad sprul pa'o/ /gsol pa/ bcom ldan 'das gang spangs pa zhes bgyi ba/ rgyun du zhugs pa'i 'bras bu 'am/ lan cig phyir 'ong ba'i 'bras bu 'am/ phyir mi 'ong ba'i 'bras bu 'am/ dgra bcom pa nyid dam/ rang sangs rgyas kyi sa 'am/ sangs rgyas kyi sa 'am/ bag chags kyi mtshams sbyor ba thams cad spangs pa'i chos de dag kyang sprul pa lags sam/ bcom ldan 'das kyis bka' stsal pa/ rab 'byor bskyed pa 'am/ bgag pa'i chos gang ci yang rung ste/ de dag</font><hr>33.232b<br><font size=+1>

thams cad ni sprul pa'o/ /gsol pa/ bcom ldan 'das gang ma sprul pa'i chos de gang lags/ bcom ldan 'das kyis bka' stsal pa/ chos gang la skye ba yang med/ 'gag pa yang med pa de ni ma sprul pa'o/ /gsol pa/ de gang lags/ bcom ldan 'das kyis bka' stsal pa/ mi mnyam pa'i mya ngan las 'das pa ste/ chos de ni ma sprul pa'o/ /gsol pa/ bcom ldan 'das kyis 'di skad du/ stong pa nyid las kyang mi g.yo la/ gnyis su yang mi dmigs te/ chos gang yang stong pa nyid ma yin pa de lta bu med do zhes bka' stsal pa ltar na bcom ldan 'das mi mnyam pa'i mya ngan las 'das pa yang sprul par 'gyur ro/ /bcom ldan 'das kyis bka' stsal pa/ rab 'byor de de bzhin no/ /de de bzhin te/ rab 'byor chos thams cad ni stong pa ste/  de dag ni nyan thos kyis ma byas/ rang sangs rgyas kyis ma byas/ byang chub sems dpa' sems dpa' chen pos ma byas/ de bzhin gshegs pa dgra bcom pa yang dag par rdzogs pa'i sangs rgyas kyis ma byas te/ ngo bo nyid kyis stong pa nyid gang yin pa de ni mya ngan las 'das pa'o/ /rab 'byor gyis gsol pa/ bcom ldan 'das las dang po pa'i gang zag gis ngo bo nyid kyis stong pa nyid yongs su 'tshal bar bgyi na/ ji ltar gdams shing rjes su bstan par bgyi/ bcom ldan 'das kyis bka' stsal pa/ rab 'byor ci sngon dngos po yod par 'gyur la/ phyis dngos po med par 'gyur ba yod dam/ rab 'byor 'di la dngos po yod pa yang med/ dngos po med pa yang med/ ngo bo nyid kyang med/ gzhan gyi dngos po yang med na/ de la gang yongs su shes par bya ba'i ngo bo nyid stong pa nyid ces bya ba lta yod par 'gyur re skan/ shes rab kyi pha rol du phyin pa stong phrag nyi shu lnga pa las/ chos nyid mi 'gyur ba bstan pa'i le'u ste bdun</font><hr>33.233a<br><font size=+1>

bcu gcig go/ // shes rab kyi pha rol tu phyin pa stong phrag nyi shu lnga pa/ bam po bdun bcu drug pa/ /de nas yang bcom ldan 'das la byang chub sems dpa' sems dpa' chen po byams pas zhus pa/ bcom ldan 'das byang chub sems dpa' shes rab kyi pha rol tu phyin pa la spyod cing / byang chub sems dpa'i bslab pa la slob par 'tshal bas/ gzugs la ji ltar bslab par bgyi/ tshor ba dang / 'du shes dang / 'du byed dang / rnam par shes pa la ji ltar bslab par bgyi/ mig gi skye mched dang / sna'i skye mched dang / lce'i skye mched dang / lus kyi skye mched dang / yid kyi skye mched la ji ltar bslab par bgyi/ gzugs kyi skye mched dang / sgra'i skye mched dang / dri'i skye mched dang / ro'i skye mched dang / reg bya'i skye mched dang / chos kyi skye mched dang la ji ltar bslab par bgyi/ mig gi khams dang / gzugs kyi khams dang / mig gi rnam par shes pa'i khams dang / rna ba'i khams dang / sgra'i khams dang / rna ba'i rnam par shes pa'i khams dang / sna'i khams dang / dri'i khams dang / sna'i rnam par shes pa'i khams dang / lce'i khams dang /  ro'i khams dang /  lce'i rnam par shes pa'i khams dang / lus kyi khams dang / reg bya'i khams dang / lus kyi rnam par shes pa'i khams dang / yid kyi khams dang / chos kyi khams dang / yid kyi rnam par shes pa'i khams la ji ltar bslab par bgyi/ mig gi 'dus te reg pa'i skye mched dang / rna ba dang sna dang lce dang lus dang / yid kyi 'dus te reg pa'i skye mched la ji ltar bslab par bgyi/ ma rig pa la ji ltar bslab par bgyi/ 'du byed rnams dang / rnam par shes pa dang / ming dang gzugs dang / skye mched drug dang / reg pa dang tshor ba dang sred pa dang / </font><hr>33.233b<br><font size=+1>

len pa dang / srid pa dang / skye ba dang rga shi la ji ltar bslab par bgyi/ sdug bsngal gyi bden pa la ji ltar bslab par bgyi/ kun 'byung ba'i bden pa dang / 'gog pa'i bden pa dang /  lam gyi bden pa la ji ltar bslab par bgyi/ gzugs dang chos la ji ltar bslab par bgyi/ gzugs med pa dang / snang ba dang bcas pa dang /  snang ba med pa dang thogs pa dang bcas pa dang / thogs pa med pa dang 'dus byas dang 'dus ma byas dang / zag pa dang bcas pa dang / zag pa med pa dang / kha na ma tho ba dang bcas pa dang / kha na ma tho ba med pa dang / bsten par bya ba dang / bsten par mi bya ba dang / bzang po dang ngan pa dang nang gi dang phyi'i dang mthong ba dang thos pa dang / shes pa dang rnam par shes pa dang / 'das pa dang ma 'ongs pa dang / da ltar gyi dang / dge ba dang mi dge ba dang lung ston pa dang lung ma bstan pa dang / 'dod par gtogs pa dang / gzugs su gtogs pa dang / gzugs med par gtogs pa dang ma gtogs pa dang / slob pa dang mi slob pa dang / slob pa yang ma yin/ mi slob pa yang ma yin pa dang / 'dod chags dang / khong khro ba dang nga rgyal dang / ma rig pa dang / lta ba dang the tshom la ji ltar bslab par bgyi/ sbyin pa dang ser sna dang / tshul khrims dang tshul khrims ngan pa dang /  bzod pa dang gnod sems dang / brtson 'grus dang le lo dang bsam gtan dang / g.yeng ba dang shes rab dang / shes rab ngan pa la ji ltar bslab par bgyi/ stong pa nyid dang rnam par rtog pa dang / mtshan ma med pa dang / mtshan ma dang smon pa med pa dang / log pa'i smon lam dang / mi dge ba'i chos dang / mi rtag pa dang / sdug bsngal ba dang / bdag med pa la ji ltar bslab par bgyi/ nyon mongs pa dang nyon mongs pa spang ba dang kun nas nyon mongs pa dang rnam par byang ba dang 'khor ba dang mya ngan</font><hr>33.234a<br><font size=+1>

las 'das pa dang /  byang chub dang / sangs rgyas kyi chos la ji ltar bslab par bgyi/  de skad ces gsol pa dang / bcom ldan 'das kyis byang chub sems dpa' byams pa la 'di skad ces bka' stsal to/ /byams pa byang chub sems dpa' sems dpa' chen po shes rab kyi pha rol tu phyin pa la spyod cing / byang chub sems dpa'i bslab pa la slob par 'dod pas gzugs ming tsam du zad par bslab par bya'o/ /tshor ba dang / 'du shes dang / 'du byed dang / rnam par shes pa ming tsam du zad pa nas/ sangs rgyas kyi chos kyi bar du ming tsam du zad par bslab par bya'o/ /de skad ces bka' stsal pa dang / bcom ldan 'das la byang chub sems dpa' byams pas 'di skad ces gsol to/ /bcom ldan 'das gang gi tshe gzugs shes bgyi bar ming du brjod pa 'di dngos po dang / bcas par dmigs/ tshor ba dang / 'du shes dang / 'du byed dang / rnam par shes pa zhes bgyi bar ming du brjod pa 'di dngos po dang bcas par dmigs pa nas/ sangs rgyas kyi chos kyi bar du ming du brjod pa 'di dngos po dang bcas par dmigs te/ 'di ltar 'dus byas kyi mtshan ma de dang de dag la brten nas dngos po dang bcas par dmigs na de ji ltar byang chub sems dpa' sems dpa' chen pos gzugs ming tsam du bas par bslab par bgyi/ tshor ba dang / 'du shes dang / 'du byed dang / rnam par shes pa ming tsam du bas pa nas/ sangs rgyas kyi chos kyi bar du ming tsam du bas par bslab par bgyi/ ming de ni dngos po ma mchis na/  gang 'di gzugs so zhes bgyi ba'i ming tsam po de yang mi rigs so/ /gang 'di tshor ba dang / 'du shes dang / 'du byed dang / rnam par shes pa zhes bgyi ba'i ming tsam po de yang</font><hr>33.234b<br><font size=+1>

mi rigs pa nas/ gang 'di sangs rgyas kyi chos shes bgyi ba'i bar gyi ming tsam po de yang mi rigs/ de skad ces gsol pa dang / bcom ldan 'das kyis byang chub sems dpa' byams pa la bka' stsal pa/ byams pa gang 'di gzugs shes bya ba 'di ni 'du byed kyi mtshan ma'i dngos po de dang de dag la ming bla thabs su btags pa'o/ /gang 'di tshor ba dang / 'du shes dang / 'du byed dang / rnam par shes pa zhes bya ba de ni ming bla thabs su btags pa nas/ gang 'di sangs rgyas kyi chos shes bya ba'i bar du ming bla thabs su btags pa'o/ /de skad ces bka' stsal pa dang / bcom ldan 'das la byang chub sems dpa' byams pas 'di skad ces gsol to/ /bcom ldan 'das gang gi slad du des 'du byed kyi mtshan ma'i dngos po ming gi gzugs so zhes bya ba'i ming de la yid ches khong du chud so sor rig par 'gyur te/ gzugs shes bgyi ba'i ming des kyang 'du byed kyi mtshan ma'i dngos po de dang de dag la yid ches par khong du chud pa dang / so sor rig par 'gyur na de ji ltar 'du byed kyi mtshan ma'i dngos po de dang de dag la gang 'di gzugs so zhes ming bla thabs su btags par 'gyur/ bcom ldan 'das gang gi slad du 'du byed kyi mtshan ma'i dngos po tshor ba zhes bgyi ba dang / 'du shes dang / 'du byed dang / rnam par shes pa zhes bgyi ba nas/ bcom ldan 'das gang gis slad du 'du byed kyi mtshan ma'i dngos po sangs rgyas kyi chos shes bgyi ba'i bar gyis yid ches pa dang khong du chud pa dang / so sor rig par 'gyur/ tshor ba zhes bgyi ba dang / 'du shes dang / 'du byed dang / rnam par shes pa zhes bgyi ba de dag dang / sangs rgyas kyi chos kyi bar gyi ming de dag gis 'du byed kyi mtshan ma'i dngos po de dag la yid ches pa dang khong du chud pa dang / so sor rig par 'gyur na/ de ltar 'du byed kyi mtshan ma'i dngos po de dag la gang 'di ni gzugs so/ /tshor ba dang / 'du shes dang / 'du byed dang / rnam par shes pa'o/ /zhes pa nas/ gang 'di ni sangs rgyas kyi chos so zhes bya ba'i bar du ming de dag bla thabs su btags par 'gyur/ de skad ces gsol pa dang / bcom ldan 'das kyis</font><hr>33.235a<br><font size=+1>

byang chub sems dpa' byams pa la bka' stsal pa/ de'i phyir khyod nyid la dris/ khyod nyid kyis ji ltar nus pa de ltar lan thob shig /byams pa de ji snyam du sems/ 'du byed kyi mtshan ma'i dngos po de dang de dag la gang 'di gzugs shes bya ba'i ming de las gzhi ma blangs ma brten mi gnas par 'du byed kyi mtshan ma'i dngos po de dang de dag la 'di ni gzugs so zhes bya bar 'gyur ram/ gsol pa/ bcom ldan 'das ma lags so/ /byams pa de ji snyam du sems/ 'du byed kyi mtshan ma'i dngos po de dang de dag la gang 'di tshor ba zhes bya ba dang / 'du shes dang / 'du byed dang / rnam par shes pa zhes bya ba de/ byams pa de ji snyam du sems/ 'du byed kyi mtshan ma'i dngos po de dang de dag la/ gang 'di sangs rgyas kyi chos shes bya ba'i bar du ming du btags pa de dag las gzhi ma blangs ma brten mi gnas par 'du byed kyi mtshan ma'i dngos po de dang de dag la tshor ba dang / 'du shes dang / 'du byed dang / rnam par shes pa nas/ sangs rgyas kyi chos shes bya ba'i bar du de ltar 'gyur ram/ gsol pa/ bcom ldan 'das de lta ma lags so/ /byams pa gzhung des kyang khyod kyis 'di ltar rig par bya'o/ /'du byed kyi mtshan ma'i dngos po de dang de dag la gzugs shes bya ba dang / tshor ba dang 'du shes dang / 'du byed dang / rnam par shes pa zhes bya ba gang yin pa de ni ming bla thabs su btags pa'o/ /'du byed kyi mtshan ma'i dngos po de dang de dag la sangs rgyas kyi chos shes bya ba'i bar du ming bla thabs su btags pa'o/ /byams pa de ji snyam du sems/ 'du byed kyi mtshan ma'i dngos po de dang de dag la ming dang brda dang / tha snyad dang / gdags pa rnam pa sna tshogs kyis nye bar spyod pa 'am/ tha snyad du bya ba 'am/ gdags pa 'am/ mngon par zhen par 'gyur ram/ gsol pa/ </font><hr>33.235b<br><font size=+1>

bcom ldan 'das de ltar 'gyur ro/ /byams pa gzhung des kyang khyod kyis de 'di ltar rig par bya'o/ /'du byed kyi mtshan ma'i dngos po de dang de dag la gzugs shes bya ba dang / tshor ba dang / 'du shes dang / 'du byed dang / rnam par shes pa zhes bya ba gang yin pa dang / sangs rgyas kyi chos shes bya ba gang yin pa'i bar du de dag ni ming bla thabs su btags pa'o/ /ci 'di la 'du byed kyi mtshan ma'i dngos po de dag nyid kha cig la 'du byed kyi mtshan ma'i dngos po de las gzhan bdag gi 'du shes sam/ gdags pa 'am/ ming 'am tha snyad dam/ mngon par zhen par 'gyur ram/ gsol pa/ bcom ldan 'das de bzhin du 'gyur ro/ /byams pa gzhung 'dis kyang khyod kyis de 'di ltar rig par bya'o/ /'du byed kyi mtshan ma'i dngos po de dang de dag la gzugs shes bya ba dang / tshor ba dang / 'du shes dang / 'du byed dang / rnam par shes pa dang / sangs rgyas kyi chos shes bya ba'i bar du de dag ni ming bla thabs su btags pa'o/ /de skad ces bka' stsal pa dang / bcom ldan 'das la byang chub sems dpa' byams pas 'di skad ces gsol to/ /bcom ldan 'das de lta na/  gang 'du byed kyi mtshan ma'i dngos po gzugs kyi ngo bo nyid dmigs pa nyid du mi 'gyur ram/ gang la brten nas ming dang / 'du shes dang / gdags pa dang / tha snyad du 'gyur ba dang / gzugs dang / tshor ba dang / 'du shes dang / 'du byed dang / rnam par shes pa zhes bya ba gang yin pa dang / sangs rgyas kyi chos zhes bya ba'i bar du de dag dmigs pa nyid du mi 'gyur ram/ de skad gsol pa dang / bcom ldan 'das kyis byang chub sems dpa' byams pa la bka' stsal pa/  byams pa 'du byed kyi mtshan ma'i dngos po la ming dang / 'du shes dang / gdags pa dang / tha snyad du gzugs shes bya ba gang yin pa de ji snyam du sems/ ngo bo nyid dam/ rang bzhin nam 'on te btags pa tsam du zad/ gsol</font><hr>33.236a<br><font size=+1>

pa bcom ldan 'das btags pa tsam du bas so/ /'o na byams pa khyod ji ltar 'di snyam du gzugs kyi ngo bo nyid dmigs pa nyid do snyam du sems so/ /byams pa 'du byed kyi mtshan ma'i dngos po la ming dang / 'du shes dang gdags pa dang / tha snyad du tshor ba dang / 'du shes dang / 'du byed dang / rnam par shes pa nas sangs rgyas kyi chos shes bya ba'i bar du gang yin pa de dag ji snyam du sems/ ngo bo nyid dam/ tshor ba dang / 'du shes dang / 'du byed dang / rnam par shes pa nas/ sangs rgyas kyi chos kyi bar du btags pa tsam du zad/ gsol pa/ bcom ldan 'das btags pa tsam du bas so/ /'o na byams pa khyod ji ltar 'di snyam du tshor ba dang / 'du shes dang / 'du byed dang / rnam par shes pa nas/ sangs rgyas kyi chos kyi bar du dmigs pa nyid du sems/ de skad ces bka' stsal pa dang / bcom ldan 'das la byang chub sems dpa' byams pas 'di skad ces gsol to/ /bcom ldan 'das de ste/ gzugs ming dang / 'du shes dang / brda dang gdags pa dang /  tha snyad tsam lags pa dang / bcom ldan 'das de ste tshor ba dang / 'du shes dang / 'du byed dang / rnam par shes pa nas/ sangs rgyas kyi chos kyi bar du ming dang / 'du shes dang / brda dang / gdags pa dang / tha snyad tsam lags te/ de ltar gyur na gzugs kyi ngo bo nyid dmigs pa nyid du mi 'gyur ram/ de ltar gyur na tshor ba dang / 'du shes dang / 'du byed dang / rnam par shes pa nas/ sangs rgyas kyi chos kyi bar du ming dang /  'du shes dang /  brda dang / gdags pa dang / tha snyad tsam zhes bgyi ba de'i ngo bo nyid dmigs pa nyid du mi 'gyur ram/ de skad gsol pa dang / bcom ldan 'das kyis byang chub sems dpa' byams pa la 'di skad ces bka' stsal to/ /byams pa de ji snyam du sems/ gang gzugs shes bya ba de ming dang / 'du shes dang / brda' dang / gdags pa dang / tha snyad tsam 'am/ 'on te de la skye ba 'am/ </font><hr>33.236b<br><font size=+1>

'jig pa 'am/ kun nas nyon mongs pa 'am/ rnam par byang ba yod dam/ gsol pa/ bcom ldan 'das ma lags so/ /bka' stsal pa/ 'o na byams pa khyod ji ltar 'di snyam du gzugs kyi ngo bo nyid yod par sems/ byams pa de ji snyam du sems/ tshor ba dang / 'du shes dang / 'du byed dang / rnam par shes pa nas/ sangs rgyas kyi chos kyi bar du gang yin pa de dag ming dang / 'du shes dang / brda dang / gdags pa dang / tha snyad tsam mam/ 'on te de la skye ba 'am/ 'jig pa 'am/ kun nas nyon mongs pa 'am/ rnam par byang ba yod/ gsol pa/ bcom ldan 'das ma lags so/ /'o na byams pa khyod ji ltar 'di snyam du tshor ba dang / 'du shes dang / 'du byed dang / rnam par shes pa nas/ sangs rgyas kyi chos kyi bar du ngo bo nyid yod par sems/ de skad bka' stsal pa dang / bcom ldan 'das la byang chub sems dpa' byams pas 'di skad gsol to/ /bcom ldan 'das ci lags/ gzugs rnam pa thams cad dang / mtshan nyid thams cad du ma mchis pa lags sam/ bcom ldan 'das ci lags/ tshor ba dang / 'du shes dang / 'du byed dang / rnam par shes pa nas/ sangs rgyas kyi chos kyi bar du rnam pa thams cad dang / mtshan nyid thams cad du ma mchis pa lags sam/ de skad gsol pa dang / bcom ldan 'das kyis byang chub sems dpa' byams pa la 'di skad bka' stsal to/ /byams pa nga ni gzugs rnam pa thams cad dang / mtshan nyid thams cad du med do zhes mi smra'o/ /byams pa nga ni tshor ba dang / 'du shes dang / 'du byed dang / rnam par shes pa nas sangs rgyas kyi chos kyi bar du rnam pa thams cad dang / mtshan nyid thams cad du med do zhes mi smra'o/ /de skad bka' stsal pa dang / bcom ldan 'das la byang chub sems dpa' byams pas 'di skad gsol to/ /bcom ldan 'das gzugs ji lta bur mchis/ </font><hr>33.237a<br><font size=+1>

bcom ldan 'das tshor ba dang / 'du shes dang / 'du byed dang / rnam par shes pa nas sangs rgyas kyi chos kyi bar du ji lta bur mchis/ de skad ces gsol pa dang / bcom ldan 'das kyis byang chub sems dpa' byams pa la 'di skad ces bka' stsal to/ /byams pa gzugs ni 'jig rten gyi brda dang / tha snyad du yod kyi don dam par yod pa ma yin no/ /byams pa tshor ba dang / 'du shes dang / 'du byed dang / rnam par shes pa nas sangs rgyas kyi chos kyi bar du 'jig rten gyi brda dang / tha snyad du yod kyi don dam par yod pa ma yin no/ /de skad ces bka' stsal pa dang /  bcom ldan 'das la byang chub sems dpa' byams pas 'di skad gsol to/ /bcom ldan 'das bdag gis bcom ldan 'das kyis bka' stsal pa'i don 'tshal ba ltar na/ dbyings 'di ni don dam par brjod du ma mchis pa'o/ /bcom ldan 'das de ste don dam par brjod du ma mchis pa'i dbyings lags na bcom ldan 'das 'du byed kyi mtshan ma'i dngos po de la ji ltar gzugs shes bgyi ba'i ming bla thabs su gdags/  'du byed kyi mtshan ma'i dngos po gang lags pa de la/ tshor ba dang / 'du shes dang / 'du byed dang / rnam par shes pa nas/ sangs rgyas kyi chos kyi bar du ji ltar ming bla thabs su gdags/ de bas na don dam par ma mchis so/ /de ste don dam par ma mchis na/ de ji ltar 'du byed kyi mtshan ma'i dngos po brjod du ma mchis par 'gyur/ de bas na brjod du ma mchis pa'i dbyings shes bgyi ba mi rigs so/ /de skad gsol pa dang / bcom ldan 'das kyis byang chub sems dpa' byams pa la bka' stsal pa/ de bas na byams pa khyod nyid la dris/ khyod kyis ji ltar nus pa lan thob shig /byams pa de ji snyam du sems/ nam khyod brjod du med pa'i dbyings la shes rab spyod pa de'i tshe/ 'du byed kyi</font><hr>33.237b<br><font size=+1>

mtshan ma'i dngos po gang la gzugs shes bya ba dang / tshor ba dang / 'du shes dang / 'du byed dang / rnam par shes pa nas sangs rgyas kyi chos kyi bar du gang la ming bla thabs su gdags par bya ba de dag khyod kyis yod par dmigs sam/ gsol pa/ bcom ldan 'das ma lags so/ /bcom ldan 'das kyis bka' stsal pa/ byams pa gzhung 'dis kyang khyod kyis 'di ltar rig par bya'o/ /'du byed kyi mtshan ma'i dngos po de brjod du med pa'i dbyings kyang ma yin/ 'du byed kyi mtshan ma'i dngos po gang la gzugs shes bya ba dang / tshor ba dang / 'du shes dang / 'du byed dang / rnam par shes pa nas sangs rgyas kyi chos shes bya ba'i bar du ming bla thabs su gdags pa de dag las brjod du med pa'i dbyings gzhan pa yang ma yin no/ /byams pa de ste 'du byed kyi mtshan ma'i dngos po brjod du med pa'i dbyings yin par gyur na ni/ byis pa so so'i skye bo thams cad kyang mya ngan las 'das pa 'am/ bla na med pa yang dag par rdzogs pa'i byang chub tu sangs rgyas par 'gyur ro/ /byams pa de ste 'du byed kyi mtshan ma'i dngos po las brjod du med pa'i dbyings gzhan zhig yin na ni brjod du med pa'i dbyings gang la/ brjod du med pa'i dbyings rab tu chud par bya ba de'i mtshan ma yang dmigs su med par 'gyur ro/ /byams pa gzhung 'dis kyang khyod kyis 'di ltar rig par bya'o/ /'du byed kyi mtshan ma'i dngos po de brjod du med pa'i dbyings kyang ma yin/ gang la gzugs shes bya ba dang / tshor ba dang / 'du shes dang / 'du byed dang / rnam par shes pa nas sangs rgyas kyi chos shes bya ba'i bar du ming bla thabs su gdags pa de dag las brjod du med pa'i dbyings gzhan pa yang ma yin no/ /de skad ces bka' stsal pa dang / bcom ldan 'das la byang chub sems dpa' byams pas 'di skad ces gsol to/ /bcom ldan 'das</font><hr>33.238a<br><font size=+1>

de ste byang chub sems dpa' brjod du med pa'i dbyings dang nye bar 'brel pa'i shes rab kyi pha rol du phyin pa la gnas pa na/ 'du byed kyi mtshan ma'i dngos po gang la gzugs shes bya ba dang /  tshor ba dang / 'du shes dang /  'du byed dang /  rnam par shes pa nas sangs rgyas kyi chos shes bgyi ba'i bar du ming bla thabs su gdags pa gang lags pa de dag dmigs su ma mchis na/ bcom ldan 'das de ci lags/ mchis pa las dmigs su ma mchis sam/ 'on te ma mchis pa lags/  de skad gsol pa dang / bcom ldan 'das kyis byang chub sems dpa' byams pa la bka' stsal pa/ byams pa 'du byed kyi mtshan ma'i dngos po de rang dbang du yod pa nyid dam/ med pa nyid du 'gyur ba gang yang med do/ /de ci'i phyir zhe na/ byams pa khyod gang gi tshe/ 'du byed kyi mtshan ma'i dngos po de la rnam par rtog pa de'i tshe 'du byed kyi mtshan ma'i dngos po de rnam par rtog pas gzung ba ma yin nam/ gang gi tshe brjod du med pa'i dbyings dang nye bar 'brel pa'i shes rab kyi spyod pa la gnas shing / rnam par mi rtog pa de'i tshe na yang / rnam par mi rtog pas zin par ma gyur tam/ bcom ldan 'das de lta ma lags so/ /byams pa de lta na 'du byed kyi mtshan ma'i dngos po gang la gzugs shes bya ba dang / tshor ba dang / 'du shes dang / 'du byed dang / rnam par shes pa nas sangs rgyas kyi chos thams cad ces bya bar ming bla dgas su gdags pa gang yin pa de dag rnam par rtog pa tsam du zad pa ma yin nam/ de rnam par rtog pa tsam du zad na yang / rnam par mi rtog pa'i dbyings la gnas shing / rnam par rtog pa bsam pa na/  yod par dmigs pa gang la gzugs shes bya ba dang / tshor ba dang / 'du shes dang / 'du byed dang / rnam par shes pa nas sangs rgyas kyi chos kyi bar du yod par dmigs pa de gang</font><hr>33.238b<br><font size=+1>

yin/ de skad ces bka' stsal pa dang / bcom ldan 'das la byang chub sems dpa' byams pas 'di skad ces gsol to/ /bcom ldan 'das byang chub sems dpa' shes rab kyi pha rol du phyin pa la spyod cing / chos rab tu 'byed mkhas pa la gnas pas gzugs rab tu dbye ba rnam pa dus gdags pa 'tshal bar bgyi/ tshor ba dang / 'du shes dang / 'du byed dang / rnam par shes pa nas sangs rgyas kyi chos kyi bar du rab tu dbye ba rnam pa dus gdags par 'tshal bar bgyi/ de skad ces gsol pa dang / bcom ldan 'das kyis byang chub sems dpa' byams pa la bka' stsal pa/  byams pa shes rab kyi pha rol du phyin pa la spyod cing / chos rab tu 'byed mkhas pa la gnas pa'i byang chub sems dpa' rnam pa gsum gyis gzugs rab tu dbye ba gdags pa rjes su shes par bya'o/ /tshor ba dang / 'du shes dang / 'du byed dang / rnam par shes pa nas sangs rgyas kyi chos kyi bar du rab tu dbye ba gdags pa rjes su shes par bya ste/ 'di ltar 'di ni yongs su brtags pa'i gzugs/ 'di ni rnam par brtags pa'i gzugs 'di ni chos nyid kyi gzugs so/ /'di ltar 'di ni yongs su brtags pa'i tshor ba/ 'di ni rnam par brtags pa'i tshor ba/ 'di ni chos nyid kyi tshor ba'o/ /'di ltar 'di ni yongs su brtags pa'i 'du shes/ 'di ni rnam par brtags pa'i 'du shes/ 'di ni chos nyid kyi 'du shes so/ /'di ltar 'di ni yongs su brtags pa'i 'du byed/ 'di ni rnam par brtags pa'i 'du byed/ 'di ni chos nyid kyi 'du byed do/ /'di ltar 'di ni yongs su brtags pa'i rnam par shes pa/ 'di ni rnam par brtags pa'i rnam par shes pa/ 'di ni chos nyid kyi rnam par shes pa'o zhes bya ba nas/ 'di ltar 'di dag ni yongs su brtags pa'i sangs rgyas kyi chos/ 'di dag ni rnam par brtags pa'i sangs rgyas</font><hr>33.239a<br><font size=+1>

kyi chos/ 'di dag ni chos nyid kyi sangs rgyas kyi chos so zhes bya ba'i bar du'o/ /de skad bka' stsal pa dang / bcom ldan 'das la byang chub sems dpa' byams pas 'di skad gsol to/ /bcom ldan 'das yongs su brtags pa'i gzugs gang lags rnam par brtags pa'i gzugs gang lags/ chos nyid kyi gzugs gang lags/ bcom ldan 'das yongs su brtags pa'i tshor ba dang / 'du shes dang / 'du byed dang / rnam par shes pa gang lags/ bcom ldan 'das yongs su brtags pa'i sangs rgyas kyi chos gang lags/ rnam par brtags pa'i sangs rgyas kyi chos gang lags/ chos nyid kyi sangs rgyas kyi chos gang lags/ bka' stsal pa/ byams pa 'du byed kyi mtshan ma'i dngos po de dang de dag la gzugs so zhes ming dang 'du shes dang tha snyad du bya ba la brten nas/ gzugs kyi ngo bo nyid du yongs su brtags pa gang yin pa 'di ni yongs su brtags pa'i gzugs so/ /byams pa 'du byed kyi mtshan ma'i dngos po de dang de dag la tshor ba dang / 'du shes dang / 'du byed dang / rnam par shes pa nas sangs rgyas kyi chos so zhes bya ba'i bar du ming dang 'du shes dang / gdags pa dang tha snyad du bya ba la brten nas/ tshor ba'i ngo bo nyid dang / 'du shes dang / 'du byed dang / rnam par shes pa nas/ sangs rgyas kyi chos kyi ngo bo nyid du yongs su brtags pa gang yin pa 'di dag ni/ yongs su brtags pa'i tshor ba dang / 'du shes dang / 'du byed dang / rnam par shes pa nas/ sangs rgyas kyi chos kyi bar du 'di dag ni yongs su brtags pa'i sangs rgyas kyi chos so/ /'du byed kyi mtshan ma'i dngos po de dang de dag la rnam par rtog pa'i chos nyid tsam du gnas pa'i rnam par rtog pa la brten nas/  mngon par smra ba gang la 'di ni ming dang /  'du shes dang / </font><hr>33.239b<br><font size=+1>

gdags pa dang / tha snyad kyi gzugs so/ /tshor ba dang / 'du shes dang / 'du byed dang / rnam par shes pa nas/ sangs rgyas kyi chos kyi bar du'o/ /zhes bya ba gang yin pa 'di ni rnam par brtags pa'i gzugs so/ /'di ni rnam par brtags pa'i tshor ba rnam par brtags pa'i 'du shes rnam par brtags pa'i 'du byed/ rnam par brtags pa'i rnam par shes pa nas/ rnam par brtags pa'i sangs rgyas kyi chos kyi bar du'o/ /de bzhin gshegs pa rnams byung yang rung / de bzhin gshegs pa rnams ma byung yang rung / chos nyid dang chos kyi gnas nyid kyi dbyings 'di dag ni gnas pa nyid de/ brtags pa'i gzugs gang yin pa des/ rnam par brtags pa'i gzugs de rtag cing rtag pa'i dus brtan zhing brtan pa'i dus su ngo bo nyid med cing chos bdag med pa dang / de bzhin nyid dang / yang dag pa'i mtha' gang yin pa 'di ni chos nyid kyi gzugs so/ /'di ni chos nyid kyi tshor ba dang / 'du shes dang / 'du byed dang / rnam par shes pa nas 'di dag ni chos nyid kyi sangs rgyas kyi chos so zhes bya ba'i bar du'o/ /de skad ces bka' stsal pa dang / bcom ldan 'das la byang chub sems dpa' byams pas 'di skad gsol to/ /bcom ldan 'das gzugs 'di gsum las gzugs gang rdzas ma mchis par blta bar bgyi/ gang rdzas mchis pa lags/ gang rdzas mchis pa yang ma lags/ rdzas ma mchis pa yang ma lags la/ don dam pas rab tu phye ba lags/ bcom ldan 'das tshor ba 'di gsum dang / 'du shes 'di gsum dang / 'du byed 'di gsum dang / rnam par shes pa 'di gsum nas/ sangs rgyas kyi chos 'di gsum gyi bar du sangs rgyas kyi chos gang rdzas ma mchis par blta bar bgyi/ gang rdzas mchis par blta bar bgyi/  gang rdzas ma mchis pa yang ma lags/ rdzas mchis pa yang ma lags par</font><hr>33.240a<br><font size=+1>

blta bar bgyi zhing don dam pas rab tu phye ba lags/ de skad ces gsol pa dang / bcom ldan 'das kyis byang chub sems dpa' byams pa la bka' stsal pa/  byams pa yongs su brtags pa'i gzugs gang yin pa de ni rdzas med par blta'o/ /rnam par brtags pa'i gzugs gang yin pa de ni rnam par rtog pa rdzas yod pa'i phyir rdzas yod par lta'i rang dbang du 'jug pa ni ma yin no/ /chos nyid kyi gzugs gang yin pa de ni rdzas med pa yang ma yin rdzas yod pa yang ma yin te/ don dam pas rab tu phye ba yin par blta'o/ /yongs su brtags pa'i tshor ba dang / 'du shes dang / 'du byed dang / rnam par shes pa gang yin pa nas/ yongs su brtags pa'i sangs rgyas kyi chos gang yin pa'i bar du 'di dag ni rdzas med par blta'o/ /rnam par brtags pa'i tshor ba dang /  'du shes dang /  'du byed dang / rnam par shes pa nas rnam par brtags pa'i sangs rgyas kyi chos gang yin pa'i bar du rnam par rtog pa rdzas yod pa'i phyir rdzas yod par blta'i/ rang dbang du 'jug pa ni ma yin no/ /byams pa chos nyid kyi tshor ba dang / 'du shes dang 'du byed dang / rnam par shes pa gang yin pa nas/ chos nyid kyi sangs rgyas kyi chos gang yin pa'i bar du de dag ni rdzas med pa yang ma yin rdzas yod pa yang ma yin te/ don dam pas rab tu phye ba yin par blta'o/ /de skad bka' stsal pa dang / bcom ldan 'das la byang chub sems dpa' byams pas 'di skad ces gsol to/ /bcom ldan 'das bcom ldan 'das kyis 'di ltar gzugs shes bgyi ba gnyis su ma mchis par brtsis 'di ltar tshor ba dang / 'du shes dang / 'du byed dang / rnam par shes pa nas/ sangs rgyas kyi chos kyi bar du de dag gnyis su ma mchis par brtsis te/ de ltar gzugs rab tu dbye</font><hr>33.240b<br><font size=+1>

ba mdzad/ tshor ba dang / 'du shes dang / 'du byed dang / rnam par shes pa nas/ sangs rgyas kyi chos kyi bar du rab du dbye ba mdzad na/ bcom ldan 'das kyis ci la dgongs nas 'di ltar gzugs shes bgyi ba 'di ltar gzugs shes bgyi ba 'di gnyis su ma mchis par brtsis/ 'di ltar tshor ba dang / 'du shes dang / 'du byed dang / rnam par shes pa nas/ sangs rgyas kyi chos kyi bar du gnyis su ma mchis par brtsis te bstan/ de skad gsol pa dang / bcom ldan 'das kyis byang chub sems dpa' byams pa la bka' stsal pa/ byams pa de ji snyam du sems/ yongs su brtags pa'i gzugs la rdzas med pa de gzugs sam/ 'on te gzugs ma yin/ gsol pa/ bcom ldan 'das ma lags so/ /gang yang de la ming dang / 'du shes dang / gdags pa dang / tha snyad tsam gyi gzugs shes bya ba de ci gzugs yin nam/ gsol pa/ bcom ldan 'das ma lags so/ /byams pa rnam grangs des kyang khyod kyis 'di ltar rig par bya'o/ /yongs su brtags pa'i gzugs gang yin pa de ni gzugs kyang ma yin/ gzugs med pa yang ma yin/ gzugs kyang ma yin/ gzugs med pa yang ma yin pa gang yin pa de ni gnyis su med pa ste/ ngas 'di la dgongs nas 'di ltar gzugs shes bya ba 'di gnyis su med par brtsi bar gsungs so/ /byams pa de ji snyam du sems/  rnam par brtags pa'i gzugs rdzas yod pa de la brten nas ming dang 'du shes dang / gdags pa dang / tha snyad du 'gyur ba gang yin pa de ci gzugs yin nam/ gsol pa/ bcom ldan 'das ma lags so/ /byams pa de ji snyam du sems/ rnam par brtags pa'i gzugs de nyid la yongs su brtags pa'i gzugs kyi ngo bo nyid med pa dang / de'i mtshan nyid ma yin pa gang yin pa de ci</font><hr>33.241a<br><font size=+1>

gzugs yin nam/ gsol pa/ bcom ldan 'das ma lags so/ /byams pa gzhung des kyang khyod kyis 'di ltar rig par bya'o/ /rnam par brtags pa'i gzugs gang yin pa de gzugs kyang ma yin/ gzugs med pa yang ma yin no/ /gzugs kyang ma yin/ gzugs med pa yang ma yin pa gang yin pa de yang gnyis su med pa ste/ ngas de la dgongs nas 'di ltar gzugs shes bya ba 'di gnyis su med par brtsi bar gsungs so/ /byams pa de ji snyam du sems/ chos nyid kyi gzugs gzugs bdag med par rab tu phye ba de ci gzugs yin nam/ gsol pa/ bcom ldan 'das ma lags so/ /chos nyid kyi gzugs de'i gzugs kyi chos nyid gang yin pa de yang ci gzugs yin nam/ gsol pa/ bcom ldan 'das ma lags so/ /byams pa gzhung des kyang khyod kyis 'di ltar rig par bya'o/ /chos nyid kyi gzugs gang yin pa de yang gzugs ma yin/ gzugs med pa yang ma yin no/ /gang gzugs kyang ma yin gzugs med pa yang ma yin pa de ni gnyis su med pa ste/ ngas de la dgongs nas 'di ltar gzugs de gnyis su med par brtsi bar gsungs so/ /de bzhin du tshor ba dang / 'du shes dang / 'du byed dang / rnam par shes pa nas sangs rgyas kyi chos kyi bar du sbyar bar bya'o/ /de skad bka' stsal pa dang / bcom ldan 'das la byang chub sems dpa' byams pas 'di skad gsol to/ /bcom ldan 'das shes rab kyi pha rol du phyin pa la spyod pa'i byang chub sems dpa' de ltar gzugs gnyis su med pa'i mtshan nyid la mkhas shing / tshor ba dang / 'du shes dang / 'du byed dang / rnam par shes pa nas sangs rgyas kyi chos kyi bar du de ltar gnyis su med pa'i mtshan nyid la mkhas pas mtha' gnyis spangs nas dbu ma'i lam la zhugs pas ji ltar mtshan nyid yongs su shes pa dang / ji ltar mtshan nyid spang</font><hr>33.241b<br><font size=+1>

ba dang / ji ltar mtshan nyid mngon du bgyi ba dang / ji ltar mtshan nyid bsgom pa blta bar bgyi/ de skad gsol ba dang / bcom ldan 'das kyis byang chub sems dpa' byams pa la bka' stsal pa/ byams pa shes rab kyi pha rol du phyin pa la spyod pa'i byang chub sems dpa' mtha' gnyis spangs nas/ de ltar dbu ma'i lam la rab tu zhugs pas gang gzugs yongs su shes pa yang ma yin/ yongs su mi shes pa yang ma yin pa de nyid de'i yongs su shes pa'o/ /de bzhin du tshor ba dang / 'du shes dang / 'du byed dang / rnam par shes pa nas sangs rgyas kyi chos kyi bar du gang yongs su shes pa yang ma yin/ yongs su mi shes pa yang ma yin pa de nyid de'i yongs su shes pa'o/ /gang gzugs spong ba yang ma yin mi spong ba yang ma yin pa de nyid de'i spong ba'o/ /de bzhin du tshor ba dang / 'du shes dang / 'du byed dang / rnam par shes pa nas/ sangs rgyas kyi chos kyi bar du gang spong ba yang ma yin/ mi spong ba yang ma yin pa de nyid de'i spong ba'o/ /gang gzugs spong ba mngon sum du byed pa yang ma yin mngon sum du mi byed pa yang ma yin pa de nyid de'i mngon sum du byed pa'o/ /gang gzugs spong ba'i lam sgom pa yang ma yin/ mi sgom pa yang ma yin pa de nyid de'i sgom pa'o/ /de bzhin du tshor ba dang / 'du shes dang / 'du byed dang / rnam par shes pa nas/ sangs rgyas kyi chos kyi bar du sbyar ro/ /de skad bka' stsal pa dang / bcom ldan 'das la byang chub sems dpa' byams pas 'di skad ces gsol to/ /bcom ldan 'das shes rab kyi pha rol du phyin pa la spyod pa'i byang chub sems dpa' de ltar yongs su shes pa dang / spong ba dang / mngon du byed pa dang /  bsgom par ldan pa de'i mya ngan las 'das pa gang lags/ de skad gsol pa dang / bcom ldan 'das kyis byang chub sems dpa' byams pa la bka' stsal pa/ </font><hr>33.242a<br><font size=+1>

byams pa byang chub sems dpa' rnams kyi mya ngan las 'das pa ni zab bo/ /rab tu zab bo/ /de skad bka' stsal pa dang / bcom ldan 'das la byang chub sems dpa' byams pas 'di skad gsol to/ /bcom ldan 'das ci'i slad du na byang chub sems dpa' rnams kyi mya ngan las 'das pa de ltar zab cing rab tu zab pa lags/ bcom ldan 'das kyis bka' stsal pa/ byams pa byang chub sems dpa' rnams kyi mya ngan las 'das pa ni gang mya ngan las 'das pa yang ma yin mya ngan las ma 'das pa yang ma yin te/ de bas na de zab cing rab tu zab ces bya'o/ /de skad bka' stsal pa dang / bcom ldan 'das la byang chub sems dpa' byams pas 'di skad gsol to/ /bcom ldan 'das ji ltar na byang chub sems dpa' rnams kyi mya ngan las 'das pa de mya ngan las 'das pa yang ma lags/ mya ngan las ma 'das pa yang ma lags/ bcom ldan 'das kyis bka' stsal pa/ byams pa gzhan gyi don las brtsams te/ 'khor ba yongs su ma btang ba'i phyir mya ngan las ma 'das pa'o/ /bdag gi don las brtsams te/ mya ngan las 'das pa yongs su ma btang ba'i phyir mya ngan las 'das pa'o/ /de skad bka' stsal pa dang / bcom ldan 'das la byang chub sems dpa' byams pas 'di skad ces gsol to/ /bcom ldan 'das de ste byang chub sems dpa' gzhan gyi don las brtsams te/ 'khor ba yongs su mi gtong na/ 'khor ba yongs su ma btang bas des ji ltar mya ngan las 'das pa btang bar mi 'gyur ro/ /bcom ldan 'das de ste byang chub sems dpa' bdag gi don las brtsams te/ mya ngan las 'das pa yongs su mi gtong na/ des ji ltar 'khor ba yongs su btang bar mi 'gyur/  bcom ldan 'das kyis bka' stsal pa/  byams pa 'di la byang chub sems dpa'</font><hr>33.242b<br><font size=+1>

shes rab kyi pha rol du phyin pa la spyod pa na/ 'khor ba la 'khor bar rnam par mi rtog /mya ngan las 'das pa la yang mya ngan las 'das par rnam par mi rtog ste/ de de ltar rnam par mi rtog na 'di ltar 'khor ba dang mya ngan las 'das pa gnyis mtshungs mnyam par 'gyur ro/ /de ci'i phyir zhe na/ 'di ltar de 'khor ba la 'khor bar rnam par mi rtog na mya ngan las 'das pa bzhin du 'khor bar mi skyo'o/ /mya ngan las 'das pa la mya ngan las 'das par rnam par mi rtog na/ 'khor ba bzhin du mya ngan las 'das pa la zhen par mi 'gyur ro/ /de ltar rnam par mi rtog pa'i dbyings la gnas pa de rigs pa 'dis 'khor ba yongs su mi gtong ba dang / mya ngan las 'das pa yongs su mi gtong bar rig par bya'o/ /de skad bka' stsal pa dang / bcom ldan 'das la byang chub sems dpa' byams pas 'di skad gsol to/ /bcom ldan 'das 'o na byang chub sems dpa' shes rab kyi pha rol du phyin pa la spyod pa/ rnam par mi rtog pa'i dbyings la rab tu gnas pas ji ltar 'khor ba ma btang ba de ltar blangs pa yang ma lags so/ /mya ngan las 'das pa ji ltar ma btang ba de ltar blangs pa yang ma lags so/ /bcom ldan 'das de ste ma blangs na ji ltar btang ba ma lags/ bcom ldan 'das kyis bka' stsal pa/ byams pa nga ni de ltar 'khor ba blang ba 'am/ mi blang bar mi smra'i/ byams pa shes rab kyi pha rol du phyin pa la spyod pa'i byang chub sems dpa' rnam par mi rtog pa'i dbyings la dmyigs pa'i ye shes kyis sems dbang du gyur pa/ phyogs bcu'i 'jig rten gyi khams gang gA'i klung gi bye ma snyed du thabs mkhas pas 'khor ba bstan pa'i phyir byang chub sems dpa' yongs su mya ngan las 'das pa rnams 'khor ba yongs su mi gtong bar nga smra'o/ /stong pa nyid dmigs su med pa la gnas pa'i phyir mya ngan las 'das pa yongs su mi gtong bar nga smra'o/ /de skad bka' stsal</font><hr>33.243a<br><font size=+1>

pa dang / bcom ldan 'das la byang chub sems dpa' byams pas 'di skad ces gsol to/ /bcom ldan 'das rnam par mi rtog pa la mtshan nyid thams cad ji ltar blta bar bgyi/ bcom ldan 'das kyis bka' stsal pa/ byams pa gzugs gang yin pa dang / tshor ba gang yin pa dang / 'du shes dang / 'du byed dang / rnam par shes pa nas/ sangs rgyas kyi chos gang yin pa'i bar dang / gzugs kyi stong pa nyid gang yin pa nas sangs rgyas kyi chos rnams kyi stong pa nyid gang yin pa'i bar du chos de dag dang stong pa nyid de dag sgom pa dang / dngos po gnyis su med pa dang / rab tu spros pa med pa 'di ni byams pa thams cad kyi mtshan nyid thams cad du blta'o/ /de skad bka' stsal pa dang / bcom ldan 'das la byang chub sems dpa' byams pas 'di skad gsol to/ /bcom ldan 'das ci lags/ nyan thos thams cad phyogs gcig pa 'am/ shin du mya ngan las 'das pa la gnas pa lags/ bcom ldan 'das kyis bka' stsal pa/ byams pa de ni ma yin no/ /de ci'i phyir zhe na/ byams pa 'jig rten pa 'di dag ni khams sna tshogs pa khams du ma pa ste/ khams sna tshogs khams du ma pa'i 'jig rten pa de dag la sems can gyi rigs dang / rang bzhin rab tu mang po yod de/ byams pa sems can gyi rus dang / rigs dang po nas bzang po'i khyad par 'dod cing bzang po'i khyad par nyid thob pa de lta bu yang yod do/ /sems can gyi rus dang rigs gang dang po nas khyad par ngan pa 'dod cing ngan pa nyid 'thob ste/ de nyid kyis mgu bar 'gyur ba de lta bu yang yod do/ /rus dang rigs gang thog ma nas ngan pa'i bye brag 'dod cing ngan pa nyid 'thob ste/ ngan pa thob nas de tsam gyis mgu bar mi 'gyur zhing / de nas phyis gong du bzang po'i khyad par 'dod cing bzang po 'thob par 'gyur ba de lta bu dag kyang yod do/ /de skad ces bka' stsal pa dang / </font><hr>33.243b<br><font size=+1>

bcom ldan 'das la byang chub sems dpa' byams pas 'di skad ces gsol to/ /bcom ldan 'das gang sems can gyi rus dang rigs gsum po de dgra bcom pa thob nas/  bla na ma mchis pa yang dag par rdzogs pa'i byang chub 'thob par 'tshal na/ bcom ldan 'das kyis de'i skye ba yang ma mchis par lung bstan te/  skye ba ma mchis na ji ltar thob par 'gyur/  bcom ldan 'das kyis bka' stsal pa/  byams pa de'i skye ba las dang nyon mongs pa'i dbang du gyur pa yin par ni nga mi 'dogs kyi/  de'i skye ba ni bsam gyis mi khyab pa mya ngan las 'das par 'gyur bar gdags so/ /de skad bka' stsal pa dang / bcom ldan 'das la byang chub sems dpa' byams pas 'di skad gsol to/ /bcom ldan 'das byang chub sems dpa' sems dpa' chen po bsam pa rgya che ba dang / lhag pa'i bsam pa mthu che ba gang la dang po nyid du bzang po'i khyad par 'tshal zhing bzang po'i khyad par nyid 'thob par 'gyur ba de ngo mtshar che'o/ /bcom ldan 'das byang chub sems dpa' rnams kyi bsam pa rgya che ba de dag gang lags/ 'di ltar byang chub sems dpa' rnams de la ma chags pa'i bde ba dang / mi 'dzin pa'i bde ba dang / mya ngan las 'das pa'i bde ba sems can thams cad dang thun mong bar 'dod cing bla na med pa yang dag par rdzogs pa'i byang chub tu yongs su bsngo ba 'di ltar 'khor ba yongs su mi gtong ba'i phyir te/ 'di ni de dag gi lhag pa'i bsam pa mthu chen po yin par blta'o/ /de skad ces bka' stsal pa dang /  bcom ldan 'das la byang chub sems dpa' byams pas 'di skad ces gsol to/ /bcom ldan 'das byang chub sems dpa' rnams kyi chos ni ngo mtshar rmad du byung ba'o/ /byang chub sems dpa' rnams kyi bslab pa ni ngo mtshar rmad du byung ba ste/ rigs kyi bu 'am rigs kyi bu mo ngo mtshar rmad du byung ba'i byang chub sems dpa'i chos thob par 'tshal bas/ bla na ma mchis pa yang dag par</font><hr>33.244a<br><font size=+1>

rdzogs pa'i byang chub tu sems bskyed par bgyi'o/ /byang chub sems dpa'i bslab pa la rab tu phye ba'i le'u ste/ bdun bcu gnyis pa'o// // shes rab kyi pha rol du phyin pa stong phrag nyi shu lnga pa/ bam po bdun bcu bdun pa/ de nas bcom ldan 'das kyis/ tshe dang ldan pa rab 'byor la bka' stsal pa/ rab 'byor rigs kyi bu pho 'am/ rigs kyi bu mo gang shes rab kyi pha rol du phyin pa 'di tshol 'dod pa'i rigs kyi bu pho 'am/ rigs kyi bu mo des rtag par rab tu ngu'i byang chub sems dpa' sems dpa' chen pos/ ji ltar btsal zhing de ltar sgra dbyangs mi zad par sgrogs pa'i de bzhin gshegs pa dgra bcom pa yang dag par rdzogs pa'i sangs rgyas kyi drung na/ tshangs par spyod pa de ltar btsal bar bya'o/ /de skad bka' stsal pa dang / bcom ldan 'das la tshe dang ldan pa rab 'byor gyis 'di skad gsol to/ /bcom ldan 'das rtag par rab tu ngu ba'i byang chub sems dpa' sems dpa' chen pos/ shes rab kyi pha rol du phyin pa 'di ji ltar btsal/ de skad gsol pa dang / bcom ldan 'das kyis tshe dang ldan pa rab 'byor la 'di skad bka' stsal to/ rab 'byor rtag par rab tu ngu ba'i byang chub sems dpa' sems dpa' chen pos sngon shes rab kyi pha rol du phyin pa tshol ba na/ lus mi 'phangs pa dang / srog la mi lta ba dang / rnyed pa dang bkur bsti dang / grags pa la mi gnas pas btsal to/ /de shes rab kyi pha rol du phyin pa tshol ba na/ dgon pa na 'dug pa'i tshe bar snang las 'di skad du rigs kyi bu shar phyogs su song shig dang / de nas shes rab kyi pha rol du phyin pa thos par 'gyur ro/ /ci nas kyang lus ngal ba'i yid la byed pa mi skye ba dang / rmugs pa dang gnyid kyi yid la byed pa mi skye ba dang / zas kyi yid la byed pa mi skye ba dang / skom gyi yid la byed pa mi skye ba dang / mtshan mo'i yid la byed pa mi skye ba dang / </font><hr>33.244b<br><font size=+1>

nyin par gyi yid la byed pa mi skye ba dang / grang ba'i yid la byed pa mi skye ba dang / tsha ba yid la byed pa mi skye ba de ltar song shig /phyi rol dang nang gang la 'ang sems ma 'jog shig /rigs kyi bu g.yon du lta zhing ma 'gro shig /g.yas su ma lta zhig /nub phyogs dang byang phyogs dang / bla dang 'og dang mtshams rnams su lta zhing ma 'gro shig /rigs kyi bu ci nas kyang 'jig tshogs la mi g.yo ba dang / gzugs la mi g.yo ba dang / tshor ba dang 'du shes dang 'du byed dang rnam par shes pa la mi g.yo ba de ltar song shig /gang des g.yos pa de ni 'gal bar gnas so/ /gang las 'gal bar gnas she na/ sangs rgyas kyi chos las 'gal bar gnas so/ /gang sangs rgyas kyi chos rnams las 'gal bar gnas pa de 'khor ba na spyod do/ /gang 'khor ba na spyod pa des shes rab kyi pha rol du phyin pa mi rnyed do zhes zer ba'i sgra thos par gyur to/ /sgra des de skad smras pa dang / rtag par rab tu ngu ba'i byang chub sems dpa' sems dpa' chen pos sgra de'i lan 'di skad smras so/ /de ltar bya'o/ /de ci'i phyir zhe na/ bdag ni sems can thams cad kyi snang ba byed par 'dod cing / sangs rgyas kyi chos bsgrub par 'dod pa'i phyir ro/ /de skad smras pa dang / sgra des rtag par rab tu ngu ba'i byang chub sems dpa' sems dpa' chen po la 'di skad smras so/ /rtag par rab tu ngu ba'i rigs kyi bu legs so/ /legs so/ /de nas yang rtag par rab tu ngu ba'i byang chub sems dpa' sems dpa' chen pos stong pa nyid dang / mtshan ma med pa dang / smon pa med pa'i sangs rgyas kyi chos la khyod kyis mos pa bskyed de/ shes rab kyi pha rol du phyin pa btsal bar bya'o/ /mtshan ma spangs pa dang / dngos po spangs pa dang / sems can du lta ba khyod kyis spang bar bya'o/ /rigs kyi bu khyod kyis sdig pa'i grogs po rnams spang bar bya'o/ /gang stong pa nyid dang / mtshan ma med pa dang / smon pa med pa dang / </font><hr>33.245a<br><font size=+1>

mngon par 'du mi byed pa dang / ma byung ba dang / ma skyes pa dang / dngos po med pa dang / ma 'gags pa'i chos 'chad pa'i dge ba'i bshes gnyen dag bsnyen par bya/ bsten par bya/ bsnyen bkur bya'o/ /rigs kyi bu khyod kyis de ltar byas na shes rab kyi pha rol du phyin pa glegs bam du gyur pa 'am/ chos smra ba'i dge slong las ring po mi thogs par thos par 'gyur ro/ /rigs kyi bu khyod kyis gang las shes rab kyi pha rol du phyin pa mnyan pa de la ston pa'i 'du shes bskyed par bya'o/ /khyod kyis drin du gzo ba dang / byas pa dran par bya'o/ /'di ni bdag gi dge ba'i bshes gnyen te/ 'di las bdag gis shes rab kyi pha rol du phyin pa thos so/ /gang thos nas bla na med pa yang dag par rdzogs pa'i byang chub las myur du slar mi ldog par 'gyur ba dang / de bzhin gshegs pa dgra bcom pa yang dag par rdzogs pa'i sangs rgyas rnams dang nye bar 'gyur ba dang / de bzhin gshegs pa dang mi 'bral ba'i sangs rgyas kyi zhing du skye bar 'gyur ba dang / mi khom pa rnams spangs par 'gyur ba dang /  dal 'byor dang ldan par 'gyur ro zhes rigs kyi bu khyod kyis phan yon 'di dag yongs su brtag cing chos smra ba'i dge slong la ston pa'i 'du shes bskyed par bya'i/ rigs kyi bu khyod kyis 'jig rten gyi zang zing dang ldan pa'i sems kyis chos smra ba'i dge slong la bsnyen par mi bya'o/ /khyod kyis chos don du gnyer ba dang / chos la gus pas chos smra ba'i dge slong gi rjes su 'brang bar bya'o/ /khyod kyis bdud kyi las rnams kyang shes par bya ste/ rigs kyi bu bdud sdig to can byang chub sems dpa' sems dpa' chen po rnams la gzugs dang / sgra dang dri dang ro dang reg pa dag bsnyen pa dang / bsten pa dang / spyad pa'i phyir khyer te 'ong ba dag kyang yod do/ /de dag kyang zil gyis mnan nas/ thabs mkhas pas so sor bsnyen bsten yongs su spyod do/ /de la yang</font><hr>33.245b<br><font size=+1>

rigs kyi bu khyod kyis chos smra ba la sems ma dad pa mi bskyed pa 'di ltar sems bskyed do/ /bdag ni thabs mkhas pa de rab tu mi shes kyi/ 'di ni thabs mkhas pas rab tu shes so/ /'di ni sems can gyi tshul gyis sems can rnams kyi dge ba'i rtsa ba yongs su gzung ba'i phyir chos 'di rnams so sor bsnyen bsten spyod par byed do/ /byang chub sems dpa' sems dpa' chen po rnams ni gang la yang chags pa'am sgrib pa med do/ /de'i tshe yang rigs kyi bu khyod kyis chos rnams kyi yang dag pa'i tshul so sor brtag par bya'o/ /rigs kyi bu chos rnams kyi yang dag pa'i tshul yang gang zhe na/ 'di ltar chos thams cad kun nas nyon mongs pa med pa dang / rnam par byang ba med pa'o/ /de ci'i phyir zhe na/ chos thams cad ni ngo bo nyid kyis stong ngo / /chos thams cad ni sems can med pa/ srog med pa/ gang zag med pa ste/ sgyu ma lta bu rmi lam lta bu brag cha lta bu gzugs brnyan lta bu'o/ /rigs kyi bu khyod de ltar chos rnams kyi yang dag pa'i tshul so sor rtog cing chos smra ba'i rjes su 'brang na/ ring po mi thogs par shes rab kyi pha rol du phyin pa las 'byung bar 'gyur ro/ /rigs kyi bu khyod kyis bdud kyi las gzhan dag kyang shes par bya ba ni rigs kyi bu gal te chos smra ba shes rab kyi pha rol du phyin pa 'dod pa'i rigs kyi bu la gshe zhing mi lta na/ de la yang rigs kyi bu khyod kyis slar kyal bar mi bya'i/ gzhan du na chos don du gnyer ba dang / chos la gus pa dang / sems mi skyo bas chos smra ba'i dge slong gi rjes su 'brang bar bya'o/ /de nas rtag par rab tu ngu ba'i byang chub sems dpa' sems dpa' chen pos sgra de las gdams pa 'di lta bu thos nas/ shar phyogs kyi phyogs ga la ba der song ngo / /song nas ring po ma lon par yang de la 'di snyam du gyur to/ /bdag gis sgra de las bdag ji srid du 'gro dgos shes ma dris so snyam nas/  de sa phyogs de</font><hr>33.246a<br><font size=+1>

nyid du 'dug ste/ ngu zhing 'bod pa dang / mya ngan byed smre sngags 'don cing 'di snyam du sems so/ /sa phyogs 'di nyid du nyin zhag gcig gam gnyis sam/ gsum mam bzhi 'am lnga 'am drug gam nyin zhag bdun 'das par byas te/ shes rab kyi pha rol du phyin pa ma thos kyi bar du lus ngal ba'i yid la byed pa mi bskyed/ rmugs pa dang gnyid kyi yid la byed pa mi bskyed/ bza' ba'i yid la byed pa mi bskyed/ btung ba'i yid la byed pa mi bskyed/  mtshan mo yid la byed pa mi bskyed/ nyin par gyi yid la byed pa mi bskyed/ grang ba'i yid la byed pa mi bskyed do/ /snyam du sems so/ /rab 'byor 'di lta ste dper na mi zhig bu gcig pa zhig dus las 'das te sdug bsngal dang / yid mi bde ba chen po dang ldan par gyur te/ de bu'i mya ngan gyis bu'i mya ngan las gzhan pa'i yid la byed pa mi 'byung ba de bzhin du rab 'byor rtag par rab tu ngu ba'i byang chub sems dpa' sems dpa' chen po yang de'i tshe/ nam zhig bdag gis shes rab kyi pha rol du phyin pa de thos par 'gyur snyam pa las gzhan pa'i yid la byed pa mi 'byung ngo / /rab 'byor de nas rtag par rab tu ngu ba'i byang chub sems dpa' sems dpa' chen po de ltar phongs shing 'dug pa'i mdun du/ de bzhin gshegs pa'i sku byung nas/  rigs kyi bu khyod de skad smra ba legs so/ /legs so zhes/ legs pa byin te/ sngon gyi de bzhin gshegs pa dgra bcom pa yang dag par rdzogs pa'i sangs rgyas rnams kyis kyang / sngon byang chub sems dpa'i spyad pa spyod pa na/ shes rab kyi pha rol du phyin pa ji ltar da ltar khyed tshol ba de bzhin du btsal to/ /de bas na rigs kyi bu khyod kyis brtson 'grus de nyid dang / spro ba de nyid dang / don du gnyer ba de nyid dang / mos pa de nyid kyis rgyun chags par shar phyogs su song shig dang / 'di nas dpag tshad lnga brgya na/ spos can zhes bya ba'i grong khyer zhig</font><hr>33.246b<br><font size=+1>

yod de rin po che sna bdun las byas pa/ ra ba bdun rim gyis bskor ba/ 'obs bdun rim gyis bskor ba/ shing ta la'i phreng ba bdun gyis bskor ba/ chur dpag tshad bcu gnyis/ zheng du dpag tshad bcu gnyis/ 'byor cing dar ba/ bde zhing skyid pa/ nyams dga' ba/ mi mang pos gang ba/ srang gi tshong khang ri mo la bris pa lta bu mnyam pa lnga brgya yod pa/ khyogs dang bzhon pa mi dog par 'gro ba'i zam pa dang bcas pa/ grong khyer de'i kho ra khor yug gi rtsig pa yang rin po che sna bdun las byas pa/  rin po che sna bdun gyi rtsig pa de dag gi rib ma yang 'dzam bu na da'i gser las byas pa/ tshad dang ldan zhing 'phang mtho ba/ rib ma de dag re re las kyang rin po che sna bdun gyi shing / 'bras bu sna tshogs dang ldan pa rnams skyes te/ 'bras bu de dag thams cad las kyang rin po che las byas pa'i srad bus sbrel ba'i shing gzhan dag dang ldan pa sha stag go/ /grong khyer de thams cad kyang gser gyi dril bu'i dra bas g.yogs te/ gser gyi dril bu'i dra ba de dag rlung gis bskyod pa'i sgra snyan cing yid du 'ong ba chags par 'gyur ba dag 'byung ste/ dper na yan lag lnga dang ldan pa'i rnga rol mo mkhan mkhas pa rnams/ tshogs pas brdungs pa'i sgra snyan cing yid du 'ong la/ chags par 'gyur ba'i sgra 'byung ba de bzhin du/ dril bu'i dra ba de dag rlung gis bskyod pa'i sgra snyan cing yid du 'ong ba chags par 'gyur ba 'byung ngo / /sems can de dag kyang sgra de dag gis rtse zhing dga' ba dang yongs su spyod par byed do/ /grong khyer spos can de'i kho ra khor yug gi 'obs kyang yan lag brgyad dang ldan pa'i chus yongs su gang zhing rgyun du 'bab ste/ ha cang yang mi grang ha cang yang mi dro ba'i chu de la rin po che sna bdun las byas pa'i gru/ sems can de dag gi sngon gyi las kyi rnam par smin pa las byung ba/ de dag tu sems can de dag zhugs nas/ rtse zhing dga' ba dang / </font><hr>33.247a<br><font size=+1>

yongs su spyod pa byed do/ /chu de dag thams cad kyang ut+pa la dang / pad ma dang ku mu da dang / pun dA ri kas khebs/ gzhan yang me tog rigs che zhing bsung zhim pa dag gis yongs su khebs te/ stong gsum gyi stong chen po'i 'jig rten gyi khams na/ me tog gi rigs gang dang gang yod pa de dag thams cad spos can gyi grong khyer na med pa gcig kyang med do/ /grong khyer de'i kho ra khor yug na bskyed mos tshal lnga brgya yod de/ de dag thams cad kyang rin po che sna bdun las byas pa/ bzang zhing blta na sdug pa sha stag go/ /skyed mos tshal de re re na yang rgyang grags gcig pa'i mtsho lnga brgya yod de/  mtsho de dag thams cad na yang / rin po che sna bdun gyi ut+pal dang / pad ma dang ku mu dA dang / pun dA ri ka mdzes shing blta na sdug pa rnams kyis khebs par 'khod do/ /ut+pa la dang / pad ma dang / ku mu dA dang / pun dA ri ka de dag thams cad kyang zheng shing rta'i 'khor lo tsam sha stag ste/ mthing ka la kha dog mthing khar 'dug pa/ mthing kha 'dra zhing mthing khar snang ba/ ser po la kha dog ser po/ ser po 'dra zhing ser por snang ba/ dmar po la kha dog dmar po/ dmar po 'dra zhing dmar por snang ba/  dkar po la kha dog dkar ba/ dkar po 'dra zhing dkar por snang ba sha stag go/ /mtsho de dag thams cad na bya ngang mo dang / ka ran da ba dang / khrung khrung dang / sa ra sa dang / ngur pa'i sgras khyab par sgrogs so/ /skyed mos tshal de dag thams cad kyang bdag gi ba med pa/ yongs su gzung ba med pa/ sems can de dag nyid kyi sngon gyi las kyi rnam par smin pa las byung ba ste/ 'di ltar yun ring por shes rab kyi pha rol du phyin pa la spyad pa dang / chos zab mo la rab tu mos pa'i rnam par smin pa las byung ba sha stag go/ /rigs kyi bu spos can gyi grong khyer gyi lam srang gi mdo'i dbus na byang chub sems dpa' sems dpa' chen</font><hr>33.247b<br><font size=+1>

po chos kyis 'phags pa'i khyim kho ra khor yug tu dpag tshad gcig yod pa/ rin po che bdun las byas pa/  rin po che sna tshogs kyis mdzes par byas pa/ blta na sdug pa/ ra ba bdun dang / shing ta la'i 'phreng ba bdun gyis bskor ba'o/ /khyim de na khyim gyi longs spyod du skyed mos tshal bzhi yod de/ rtag par rab tu dga' ba zhes bya ba'i skyed mos tshal dang / mya ngan med pa zhes bya ba dang / mya ngan dang bral ba zhes bya ba dang / me tog mdzes pa zhes bya ba'i skyed mos tshal lo/ /skyed mos tshal de dag re re na yang mtshe'u brgyad brgyad yod de/ bzang mo zhes bya ba dang / bzang mo'i mchog ces bya ba dang / dga' ba zhes bya ba dang / dga' ba'i mchog ces bya ba dang / bde ba zhes bya ba dang / bde ba can zhes bya ba dang / nges pa zhes bya ba dang / rnam par mi 'bab pa zhes bya ba ste/ mtshe'u de rnams kyi ngos gcig ni gser las byas/ ngos gnyis pa ni dngul las byas/ ngos gsum pa ni bai dUr+ya las byas/ ngos bzhi pa ni shel las byas/ nang gi gzhi ni kar ke da na las byas shing gzhi gser gyi bye ma bkram pa'o/ /mtshe'u de re re la yang 'bab stegs khri 'phang can brgyad brgyad yod de/ 'bab stegs kyi ngos kun rin po che sna tshogs kyis rab tu brgyan cing / 'bab stegs kyi bar thams cad nas 'dzam bu na da'i gser gyi chu shing dag skyes so/ /mtshe'u de dag thams cad na me tog ut+pa la dang / pad ma dang / ku mu dA dang / pun dA ri ka sna tshogs kyis khebs shing / bya ngang mo dang / sa ra sa dang / ngur pa'i sgra sgrogs so/ /mtshe'u de dag gi kho ra khor yug na me tog gi shing rnam pa sna tshogs skye'o/ /me tog gi shing de dag rlung gis btab pa'i me tog rnams kyang mtshe'u nang du lhags so/ /mtshe'u de dag thams cad kyi chu yang tsan dan gyi bsung can la kha dog dang dri dang / ro dang / reg pa phun sum</font><hr>33.248a<br><font size=+1>

tshogs pa'o/ /de na byang chub sems dpa' sems dpa' chen po chos kyis 'phags pa'i rtse ba'i sa yod de/ de 'khor dang bcas pa/ bud med stong phrag drug bcu rtsa brgyad dang lhan cig /'dod pa'i yon tan lnga dang ldan zhing 'byor pas/ de na rtse dga' yongs su spyod do/ /grong khyer de na gnas pa'i sems can skyes pa 'am/ bud med gang yin pa de dag kyang rtag par rab tu dga' zhing skyed mos tshal dang / mtshe'u rnams su 'dod pa'i yon tan lnga dang ldan zhing 'byor bas rtse dga' yongs su spyod do/ /byang chub sems dpa' sems dpa' chen po chos kyis 'phags pa de yang /  'khor dang bcas par tha gi tsam zhig rtse zhing dga' ba yongs su spyad nas/ de'i 'og tu dus gsum du shes rab kyi pha rol du phyin pa 'chad do/ /grong khyer spos can de na 'khod pa'i sems can gang yin pa de dag kyang grong khyer gyi lam mdo'i dbus su byang chub sems dpa' sems dpa' chen po chos kyis 'phags pa'i chos kyi khri 'dzugs te/ rkang pa gser las byas pa 'am/ dngul las byas pa 'am/ bai dUr+ya las byas pa 'am/ shel las byas pa'i steng / shing bal gyi stan nam/ 'go li ka'i bstan nam/ khong tshang can gyi stan nam/  ka shi ka'i gos bting ba/ 'phang du rgyang grags phyed tsam yod pa/ steng gi bar snang las kyang mu tig gis brgyan pa'i bla re bres sa phyogs de kho ra khor yug tu yang / me tog kha dog rnam pa lngas 'thor/ mngon par 'thor/ rab tu mngon par 'thor ro/ /bdug spos bsung zhim po sna tshogs kyis kyang sa phyogs de bdug par byed do/ /de 'di ltar chos la gus pas byang chub sems dpa' sems dpa' chen po chos kyis 'phags pa gang la 'dug nas/ shes rab kyi pha rol du phyin pa'i chos 'chad pa la/ bsung can na 'khod pa'i sems can</font><hr>33.248b<br><font size=+1>

de dag byang chub sems dpa' sems dpa' chen po chos kyis 'phags pa la de lta bu'i chos la gus pa'i tshul gyis shes rab kyi pha rol du phyin pa 'di nyan pa ni srog chags brgya phrag mang po/ srog chags stong phrag mang po/ srog chags brgya stong phrag mang po rnams lhags par gyur te/ mi dang lha rnams gang nyan pa de dag las kha cig ni klog slob/ kha cig ni kha ton slob/ kha cig ni khongs su chud par byed/ kha cig ni 'dzin/ kha cig ni 'chang / kha cig ni zlos/ kha cig ni 'dri/ kha cig ni tshul bzhin yid la byed pa'i rjes su 'gro'o/ /sems can de dag thams cad kyang ltung ba'i chos can ma yin la/ bla na med pa yang dag par rdzogs pa'i byang chub las phyir mi ldog pa sha stag go/ /rigs kyi bu khyod byang chub sems dpa' sems dpa' chen po chos kyis 'phags pa de'i drung du song shig dang / de las khyod kyis shes rab kyi pha rol du phyin pa thos par 'gyur ro/ /de ni rigs kyi bu khyod kyi yun ring po'i dge ba'i bshes gnyen ston pa'o/ /bla na med pa yang dag par rdzogs pa'i byang chub tu skul ma 'debs pa/ gzeng bstod pa rab tu spro bar byed pa'o/ /rigs kyi bu des kyang sngon shes rab kyi pha rol du phyin pa da ltar khyod tshol ba bzhin du btsal to/ /rigs kyi bu khyod nyin mtshan du ngal bso ba'i yid la byed pa ma skyed par song shig dang / ring po mi thogs par shes rab kyi pha rol du phyin pa thos par 'gyur ro/ /de nas byang chub sems dpa' sems dpa' chen po rtag par rab tu ngu ba de bzhin gshegs pa'i bka' 'di thos nas/ dga' mgu yid rangs rab tu dga'/ mos shing yid bde bar gyur pa ni 'di lta ste dper na/ mi zhig dug dang bcas pa'i zug rngus zug na/ nam zhig bdag gis zug rngu 'byin pa'i sman pa gang / bdag gi zug rngu 'di 'byin cing / gang bdag sdug bsngal 'di las thar</font><hr>33.249a<br><font size=+1>

bar byed pa nam rnyed par 'gyur snyam pa las gzhan pa'i yid la byed pa mi skyed pa de bzhin du byang chub sems dpa' sems dpa' chen po rtag par rab tu ngu ba yang / gang bdag la shes rab kyi pha rol du phyin pa ston cing chos gang bdag gis thos nas/ dmigs pa dang bcas pa'i yid la byed pa spongs par 'gyur ba'i rigs kyi bu de nam mthong bar 'gyur snyam pa las gzhan pa'i chos cung zad kyang yid la mi byed do/ /de nas byang chub sems dpa' sems dpa' chen po rtag par rab tu ngu ba sa phyogs de nyid du 'dug ste/ chos thams cad la mi gnas pa'i 'du shes skyes par gyur to/ /de shes rab kyi pha rol tu phyin pa'i rgyu dang / tshe rabs snga ma la goms pas ting nge 'dzin gyi sgo du ma mngon du gyur pa ni 'di lta ste chos thams cad kyi ngo bo nyid rnam par lta ba zhes bya ba'i ting nge 'dzin dang / chos thams cad kyi ngo bo nyid mi dmigs pa zhes bya ba'i ting nge 'dzin dang / chos thams cad la ye shes 'byung ba zhes bya ba'i ting nge 'dzin dang /  chos thams cad la tha dad pa med pa zhes bya ba'i ting nge 'dzin dang / chos thams cad mi 'gyur bar mthong ba zhes bya ba'i ting nge 'dzin dang / chos thams cad snang bar byed pa zhes bya ba'i ting nge 'dzin dang / chos thams cad mun pa dang bral ba zhes bya ba'i ting nge 'dzin dang / chos thams cad mi shes pa 'jig pa zhes bya ba'i ting nge 'dzin dang / chos thams cad mi dmigs pa zhes bya ba'i ting nge 'dzin dang / me tog mngon par 'thor ba zhes bya ba'i ting nge 'dzin dang / chos thams cad kyi bdag nyid mngon par sgrub pa zhes bya ba'i ting nge 'dzin dang / sgyu ma rnam par spangs pa zhes bya ba'i ting nge 'dzin dang / me long gi dkyil 'khor ltar rab tu snang ba mngon par sgrub pa zhes bya ba'i ting nge 'dzin dang / sems can thams cad kyi sgra 'byin pa zhes bya ba'i ting nge 'dzin dang / sems</font><hr>33.249b<br><font size=+1>

can thams cad mngon par dga' ba zhes bya ba'i ting nge 'dzin dang / sems can thams cad kyi sgra la mkhas pa'i rjes su 'gro ba zhes bya ba'i ting nge 'dzin dang / sgra dang tshig dang 'bru sna tshogs mngon par 'byin pa zhes bya ba'i ting nge 'dzin dang /  ma mnan pa zhes bya ba'i ting nge 'dzin dang / rang bzhin gyis tha snyad med pa zhes bya ba'i ting nge 'dzin dang / sgrib pa med pa'i rnam par thar pa thob pa zhes bya ba'i ting nge 'dzin dang / rdul dang bral ba zhes bya ba'i ting nge 'dzin dang / ming dang nges pa'i sgra dang tshig dang 'bru zhes bya ba'i ting nge 'dzin dang / chos thams cad rnam par mi mthong ba zhes bya ba'i ting nge 'dzin dang / chos thams cad nges pa'i sgra dang tshig dang 'bru zhes bya ba'i ting nge 'dzin dang / chos thams cad mi sgrib pa'i mtha' zhes bya ba'i ting nge 'dzin dang / nam mkha' lta bu zhes bya ba'i ting nge 'dzin dang / rdo rje lta bu zhes bya ba'i ting nge 'dzin dang / gzugs kyi rgyal po nye bar gyur pa zhes bya ba'i ting nge 'dzin dang / rgyal ba thob pa zhes bya ba'i ting nge 'dzin dang / phyir mi ldog pa'i mig ces bya ba'i ting nge 'dzin dang / chos kyi dbyings las byung ba zhes bya ba'i ting nge 'dzin dang / dbugs 'byin pa zhes bya ba'i ting nge 'dzin dang / seng ge'i sgra sgrogs pa zhes bya ba'i ting nge 'dzin dang / sems can thams cad zil gyis gnon pa zhes bya ba'i ting nge 'dzin dang / rdul dang rnam par bral ba zhes bya ba'i ting nge 'dzin dang / kun nas nyon mongs pa med pa zhes bya ba'i ting nge 'dzin dang / pad mo'i rgyan ces bya ba'i ting nge 'dzin dang / the tshom gcod pa zhes bya ba'i ting nge 'dzin dang / snying po thams cad kyi rjes su song ba zhes bya ba'i ting nge 'dzin dang / chos thams cad las mngon par 'phags pa zhes bya ba'i ting nge 'dzin dang / mngon par shes pa dang /  stobs dang /  mi 'jigs pa thob pa zhes bya ba'i ting nge 'dzin dang / chos thams</font><hr>33.250a<br><font size=+1>

cad nges par rtogs pa zhes bya ba'i ting nge 'dzin dang / chos thams cad kyi 'byor ba rgya mtsho zhes bya ba'i ting nge 'dzin dang / le lo thams cad spangs pa zhes bya ba'i ting nge 'dzin dang / chos zab mo'i 'od byed ces bya ba'i ting nge 'dzin dang / ri rab lta bu zhes bya ba'i ting nge 'dzin dang / mi 'phrogs pa zhes bya ba'i ting nge 'dzin dang / bdud kyi 'khor 'jig par byed pa zhes bya ba'i ting nge 'dzin dang / khams gsum la mngon par ma zhen pa zhes bya ba'i ting nge 'dzin dang / 'od zer 'byung ba zhes bya ba'i ting nge 'dzin dang / de bzhin gshegs pa mthong ba zhes bya ba'i ting nge 'dzin te/  de ting nge 'dzin de dag la gnas par gyur nas/ phyogs bcu'i 'jig rten na/ sangs rgyas bcom ldan 'das tshad med grangs med pa rnams byang chub sems dpa' sems dpa' chen po rnams la shes rab kyi pha rol du phyin pa 'di nyid rab tu ston pa rnams mthong ngo / /de bzhin gshegs pa de dag kyang / de la legs pa sbyin zhing dbugs phyung nas 'di skad bka' stsal to/ /rigs kyi bu nged kyis kyang sngon byang chub sems dpa'i spyad pa spyod pa na/ shes rab kyi pha rol du phyin pa btsal te/ ting nge 'dzin 'di dag rab tu thob pa ni gang de ltar khyod kyis thob pa'o/ /ting nge 'dzin de dag rab tu thob nas kyang shes rab kyi pha rol du phyin pa rtogs par gyur to/ /phyir mi ldog pa'i chos la rab tu gnas par gyur te/ nged kyis ting nge 'dzin 'di dag gi rang bzhin dang ngo bo nyid la bltas na/  snyoms par 'jug pa 'am/ ldang ba 'am/ gang byang chub tu spyod pa 'am/ gang bla na med pa yang dag par rdzogs pa'i byang chub tu mngon par 'tshang rgya ba'i chos de lta bu gang yang ma mthong ngo / /rigs kyi bu shes rab kyi pha rol du phyin pa 'di ni chos gang la yang sems pa med do/ /rigs kyi bu nged kyis sems pa med pa la gnas pas/ </font><hr>33.250b<br><font size=+1>

lus gser gyi kha dog lta bu 'di lta bu dag rab tu thob/ skyes bu chen po'i mtshan sum bcu rtsa gnyis dang / dpe byad bzang po brgyad bcu dang / 'od 'dom gang ba dang / sangs rgyas kyi chos bsam gyis mi khyab pa rnams dang / sangs rgyas kyi ye shes dang /  sangs rgyas kyi shes rab dang /  bla na med pa'i ting nge 'dzin rnams dang / yon tan gyi pha rol du phyin pa gang de bzhin gshegs pa dgra bcom pa yang dag par rdzogs pa'i sangs rgyas rnams kyis kyang tshad bzung ba 'am/ mtha' bstan par mi nus na/ nyan thos dang / rang sangs rgyas thams cad kyis lta smos kyang mi dgos pa de lta bu'i yon tan gyi pha rol du phyin pa dag rab tu thob bo/ /de bas na rigs kyi bu khyod kyis kyang chos 'di dag nyid la gus pa rab tu bskyed par bya'o/ /lhag par don du gnyer ba dang / mos par bya ba bskyed par bya'o/ /de ci'i phyir zhe na/ rigs kyi bu don du gnyer ba dang / mos par byed pa la bla na med pa yang dag par rdzogs pa'i byang chub mi dkon no/ /rigs kyi bu khyod kyis dge ba'i bshes gnyen la yang gus pa rab tu skyed cing dga' bar bya'o/ /de ci'i phyir zhe na/ dge ba'i bshes gnyen gyis yongs su zin pa'i byang chub sems dpa' sems dpa' chen po dag ni bla na med pa yang dag par rdzogs pa'i byang chub tu mngon par 'tshang rgya'o/ /de nas de bzhin gshegs pa de dag la byang chub sems dpa' sems dpa' chen po rtag par rab tu ngu bas 'di skad ces gsol to/ /bdag gi dge ba'i bshes gnyen gang lags/ de bzhin gshegs pa de dag gis byang chub sems dpa' sems dpa' chen po rtag par rab tu ngu ba la 'di skad bka' stsal to/ /rigs kyi bu khyod ni byang chub sems dpa' sems dpa' chen po chos kyis 'phags pas yun ring po nas bla na med pa yang dag par rdzogs pa'i byang chub tu yongs su smin par</font><hr>33.251a<br><font size=+1>

byas shes rab kyi pha rol du phyin pas yongs su bzung / thabs mkhas pa la yang bslabs te/ de ni rigs kyi bu khyod la phan 'dogs pa yin/ dge ba'i bshes gnyen yin no/ /rigs kyi bu khyod kyis de'i byas pa gzungs su bzung ngo / /gal te rigs kyi bu khyod kyis byang chub sems dpa' sems dpa' chen po chos kyis 'phags pa de/  bskal pa gcig gam/ bskal pa gnyis sam/ bskal pa brgya 'am/ bskal pa stong ngam/ de bas kyang lhag par ras kyi thod bzhin du mgo la khyer ram/  bde ba'i yo byad thams cad byin nam/  stong gsum gyi stong chen po'i 'jig rten gyi khams na/ gzugs dang / sgra dang dri dang ro dang reg pa ji snyed yod pa de dag thams cad byin yang de tsam gyis rigs kyi bu khyod kyis de la lan lon par mi 'gyur ro/ /de ci'i phyir zhe na/ rigs kyi bu de'i mthus khyod 'di lta bu'i ting nge 'dzin rnams thob par gyur/  shes rab kyi pha rol du phyin pa la mkhas pa thos par gyur/ shes rab kyi pha rol du phyin pa rab tu thob par 'gyur ba'i phyir ro/ /shes rab kyi pha rol du phyin pa stong phrag nyi shu lnga pa las/ byang chub sems dpa' rtag par rab tu ngu bas/ ting nge 'dzin gyi sgo mang po thob pa'i le'u ste/ bdun bcu rtsa gsum pa'o// // de nas yang de bzhin gshegs pa dgra bcom pa yang dag par rdzogs pa'i sangs rgyas de dag byang chub sems dpa' sems dpa' chen po rtag par rab tu ngu ba dbugs phyung nas mi snang bar gyur to/ /rigs kyi bu de yang ting nge 'dzin de rnams las langs par gyur te/ /langs nas kyang de 'di snyam du de bzhin gshegs pa 'di dag ga nas byon/ de bzhin gshegs pa de dag gang du bzhud snyam sems par gyur to/ /des de bzhin gshegs pa de dag ma mthong ba dang / mi dga' zhing gdung ba chen por gyur te 'di snyam du sems par gyur to/ /'phags pa byang</font><hr>33.251b<br><font size=+1>

chub sems dpa' sems dpa' chen po chos kyis 'phags pa de gzungs rab tu thob la/ lnga mngon par shes pa sngon gyi rgyal ba la bya ba byas pa ste/ bdag la phan 'dogs pa/ bdag gi dge ba'i bshes gnyen te/ yun ring por des bdag gi don byas pas/ de bzhin gshegs pa de dag gang nas byon/ de bzhin gshegs pa de dag gar bzhud ces bya ba'i don de bdag gis 'phags pa byang chub sems dpa' sems dpa' chen po chos kyis 'phags pa de'i drung du nye bar song ste/ dri bar bya'o snyam du sems par gyur to/ /de nas byang chub sems dpa' sems dpa' chen po rtag par rab tu ngu ba/ byang chub sems dpa' sems dpa' chen po chos kyis 'phags pa de la dga' ba dang / dang ba dang / rje sa dang / gus pa bskyed nas sngar 'di snyam du bsams so/ /bdag gis sti stang ji lta bu zhig gis 'phags pa byang chub sems dpa' sems dpa' chen po chos kyis 'phags pa la bsnyen par bya/ bdag kyang dbul bas bdag la gos sam/ rin po che 'am/ gser ram/ mu tig gam/ bai dUr+ya 'am/ dung ngam/ shel lam/ bye ru 'am/ dngul lam/ me tog gam/ bdug pa 'am/ spos sam/ phreng ba dang / byug pa 'am/ gdugs gang gis 'phags pa byang chub sems dpa' sems dpa' chen po chos kyis 'phags pa de la sti stang du bya bar 'os pa de lta bu cung zad kyang med/ bdag de bzhin du 'phags pa byang chub sems dpa' sems dpa' chen po chos kyis 'phags pa de'i drung du 'gro bar yang mi rigs la/ bdag dga' zhing mgu bar yang mi 'gyur ro snyam nas/ de nas byang chub sems dpa' sems dpa' chen po rtag par rab tu ngu ba de lta bur bla ma la gus shing rim gro bya ba'i don yid la byed pas/ mthar gyis song song na/ grong khyer gcig cig tu phyin te/ der tshong dus kyi dbus su phyin pa dang / 'di snyam</font><hr>33.252a<br><font size=+1>

du bsams so/ /bdag gi lus 'di btsongs te/ de'i rin gyis 'phags pa byang chub sems dpa' sems dpa' chen po chos kyis 'phags pa la mchod pa bya'o/ /yun ring mo zhig tu bdag gi lus stong tsam zhig par gyur/ dengs par gyur/ btsongs rmeg med par gyur te dpag tu med pa'i 'khor bar yang dang yang du 'khor ba na/ dpag tu med pa'i sems can dmyal ba dang / byol song dang / gshin rje'i 'jig rten gyi sdug bsngal myong bar gyur te/ de yang 'dod pa'i rgyu dang 'dod pa'i gzhi'i phyir gyi/ chos 'di lta bu'i phyir ram/ byang chub sems dpa' 'di lta bu dag la mchod pa'i phyir ni ma yin no snyam mo/ /de nas byang chub sems dpa' sems dpa' chen po rtag par rab tu ngu bas/ tshong dus kyi dbus su mi su nyo mi su nyo zhes bya ba'i sgra phyung ste bos so/ /de nas bdud sdig to can 'di snyam du byang chub sems dpa' sems dpa' chen po rtag par rab tu ngu ba 'di chos 'dod pa'i phyir bdag nyid btsongs nas/ byang chub sems dpa' sems dpa' chen po chos kyis 'phags pa la mchod pa byas nas/ byang chub sems dpa' sems dpa' chen pos ji ltar na shes rab kyi pha rol du phyin pa la spyad de/ bla na med pa yang dag par rdzogs pa'i byang chub myur du rdzogs par 'gyur/ thos pa rgya mtsho lta bu thob par 'gyur/ bdud dang bdud kyi ris su gtogs pa'i lha rnams kyis mi tshugs par 'gyur/ yon tan thams cad kyi mthar phyin par 'gyur zhes shes rab kyi pha rol du phyin pa la thabs mkhas pas yongs su 'dri bar 'gyur te/ des kyang sems can mang po'i don byed par 'gyur de dag kyang bdag gi spyod yul las 'das par 'gyur la/ sems can gzhan dag kyang bdag gis spyod yul las 'das nas/ bla na med pa yang dag par rdzogs pa'i byang chub tu</font><hr>33.252b<br><font size=+1>

mngon par 'tshang rgya bar 'gyur gyis/ de'i phyir bdag gis de'i bar chad bya'o snyam du bsams so/ /de nas bdud sdig can gyis bram ze dang / khyim bdag de rnams la ci nas kyang byang chub sems dpa' sems dpa' chen po rtag par rab tu ngu bas mi su nyo mi su nyo zhes bya ba'i sgra brjod pa de mi thos par 'gyur ba de lta bur zil gyis mnan to/ /de nas byang chub sems dpa' sems dpa' chen po rtag par rab tu ngu ba bdag da nyo ba ma rnyed pa dang / phyogs gcig tu song ste ngus nas 'di snyam du e ma'o bdag gi lus nyo ba yang med de/ rnyed pa rab tu ma rnyed do snyam du sems so/ /de nas brgya byin lha'i dbang po 'di snyam du byang chub sems dpa' sems dpa' chen po rtag par rab tu ngu ba 'di chos 'dod pa'i phyir/ yang dag pa'i bsam pas bdag gi lus yongs su gtong ngam/ 'on te ma yin pa bdag gis brtag par bya'o snyam du sems so/ /de nas brgya byin lha'i dbang po bram ze'i khye'u zhig tu mngon par sprul nas/ byang chub sems dpa' sems dpa' chen po rtag par rab tu ngu ba gang na ba der song ste phyin pa dang / byang chub sems dpa' sems dpa' chen po rtag par rab tu ngu ba la 'di skad smras so/ /rigs kyi bu khyod ci'i phyir yid mi dga' zhing mya ngan byed la ngu zhing 'dug /rab tu ngu bas bram ze'i khye'u la 'di skad smras so/ /bram ze'i khye'u bdag ni chos 'dod pa'i phyir/ bdag gi lus btsongs te chos la mchod par 'dod na/ bdag nyo ba ma rnyed de de la bdag 'di snyam du gang bdag gi lus btsongs nas/ shes rab kyi pha rol du phyin pa la mchod pa bya zhing 'phags pa byang chub sems dpa' sems dpa' chen po chos kyis 'phags pa la yang / bkur stir bya ba de lta bu'i lus nyo ba yang ma rnyed pa de/ e ma'o bdag bsod nams re chung snyam du sems so/ /de nas bram ze'i</font><hr>33.253a<br><font size=+1>

khye'u des byang chub sems dpa' sems dpa' chen po rtag par rab tu ngu ba la 'di skad smras so/ /rigs kyi bu bdag la mi ni mi dgos kyi/ bdag mchod sbyin zhig byed pas/ der mi'i snying dang / khrag dang rus pa dang / rkang dgos na de nyor sbyin nam/ de nas byang chub sems dpa' sems dpa' chen po rtag par rab tu ngu ba 'di snyam du gang shes rab kyi pha rol du phyin pa la mkhas par bya ba'i phyir/ khye'u 'di la bdag gi lus dang / snying dang khrag dang / rus pa dang / rkang nyo ba rnyed pa ni bdag gis rnyed pa'i mchog rab tu rnyed/ bdag gis lus kyang don yod par gyur to snyam du sems te/ de dga' mgu rab tu dga' ba'i sems su gyur nas/ khye'u de la 'di skad smras so/ /khye'u khyod lus 'di gang gi phyir dgos pa de sbyin no/ /des de la 'di skad smras so/ /rigs kyi bu khyod la rin ci zhig sbyin/ byang chub sems dpa' sems dpa' chen po rtag par rab tu ngu bas khye'u de la 'di skad smras so/ /khye'u khyod kyis gang yongs su btang ba de byin cig /de nas byang chub sems dpa' sems dpa' chen po rtag par rab tu ngu bas mtshon rnon po zhig thogs te dpung pa g.yas pa phug nas khrag phyung ngo / /brla g.yas pa yang bcad nas sha med par byas de/ rtsig pa zhig gi drung du rus pa gcog tu song ngo / /de nas tshong dpon gyi bu mo zhig khang thog na 'dug pas byang chub sems dpa' sems dpa' chen po rtag par rab tu ngu ba/ brla'i sha med par byas nas/ rtsig pa'i drung du rus pa gcog tu song ba mthong ba dang / de 'di snyam du rigs kyi bu ci'i phyir bdag gis bdag la gnod par byed/ de bdag gis rigs kyi bu de'i drung du song ste dri'o snyam du sems so/ /de nas tshong dpon gyi bu mo de byang chub sems dpa' sems dpa' chen po rtag par rab tu ngu ba gang na ba der song ste/ der phyin pa dang / byang chub sems dpa' sems</font><hr>33.253b<br><font size=+1>

dpa' chen po rtag par rab tu ngu ba la 'di skad smras so/ /rigs kyi bu khyod ci'i phyir 'di ltar bdag la bdag gnod par byed/ khrag dang rus pa dang rkang de dag gis kyang ci zhig bya/ rtag par rab tu ngu bas bu mo de la 'di skad smras so/ /'di dag khye'u de la btsongs nas shes rab kyi pha rol du phyin pa la mchod cing / 'phags pa byang chub sems dpa' sems dpa' chen po chos kyis 'phags pa la yang rim gror bya'o/ /de nas byang chub sems dpa' sems dpa' chen po rtag par rab tu ngu ba la tshongs dpon gyi bu mo des 'di skad smras so/ /rigs kyi bu khyod kyi snying dang / khrag dang rus pa dang rkang btsongs te/ 'phags pa byang chub sems dpa' sems dpa' chen po chos kyis 'phags pa la rim gror byas na yon tan ci zhig yod/ des bu mo de la 'di skad smras so/ /bu mo rigs kyi bu de ni gang la nged kyis bslabs na/ sems can thams cad rjes su 'brang bar 'gyur ba dang / bla na med pa yang dag par rdzogs pa'i byang chub mngon par sangs rgyas nas/ lus gser gyi kha dog lta bur 'gyur ba dang / skyes bu chen po'i mtshan sum bcu rtsa gnyis dang / dpe byad bzang po brgyad bcu dang / 'od 'dom gang ba dang / 'od zer mtha' yas pa dang /  byams pa chen po dang /  snying rje chen po dang / dga' ba chen po dang / btang snyoms chen po dang / mi 'jigs pa bzhi dang / so so yang dag par rig pa bzhi dang / de bzhin gshegs pa'i stobs bcu dang / sangs rgyas kyi chos ma 'dres pa bcwa brgyad dang / nyams par mi 'gyur ba'i mngon par shes pa lnga dang / tshul khrims rnam par dag pa bsam gyis mi khyab pa dang / ting nge 'dzin rnam par dag pa bsam gyis mi khyab pa dang / shes rab rnam par dag pa bsam gyis mi khyab pa dang / gzhan yang sangs rgyas kyi chos ma 'dres pa bsam gyis mi khyab pa rnams dang / bla na med pa yang dag</font><hr>33.254a<br><font size=+1>

par rdzogs pa'i byang chub tu mngon par 'tshang rgya ba dang / gang sems can thams cad la bgor yod pa/ bla na med pa'i chos rin po che rab tu thob par 'gyur ba/ de lta bu'i shes rab kyi pha rol du phyin pa la thabs mkhas pa/ bdag la ston te de la bdag slob bo/ /de nas byang chub sems dpa' sems dpa' chen po rtag par rab tu ngu ba la tshong dpon gyi bu mo des 'di skad ces smras so/ /rigs kyi bu khyod kyis yongs su bsgrags pa'i chos rgya chen po de dag ni ngo mtshar che ste/ rigs kyi bu chos de lta bu re re'i phyir yang gang gA'i klung gi bye ma snyed kyi lus kyang yongs su btang bar 'os na/ gcig lta smos kyang ci dgos/ rigs kyi bu khyod kyis sangs rgyas kyis chos rgya chen po bsam gyis mi khyab pa/ sems can thams cad la phan pa dang / bde bar 'gyur ba 'di dag yongs su bsgrags so/ /rigs kyi bu khyod ci dgos pa gser ram/ dngul lam/ bai dur+ya 'am/ nor bu rin po che 'am/ mu tig gam/ me tog gam/ bdug pa 'am/ spos sam/ phreng ba 'am/ byug pa 'am/ phye ma 'am/ gos sam/ gdugs dang / rgyal mtshan dang / ba dan gang gis 'phags pa byang chub sems dpa' sems dpa' chen po chos kyis 'phags pa de la rim gror bya bar 'gyur ba de dag bdag gis pha ma las bslangs te sbyin gyis/ bdag la bdag 'di lta bu'i gnod pa ma byed cig /bdag kyang chos de rnams 'dod de/ bdag kyang 'phags pa byang chub sems dpa' sems dpa' chen po chos kyis 'phags pa gang na ba der khyod dang lhan cig tu 'gro'o/ /bdag kyang 'di ltar chos de lta bu de dag thob par bya ba'i phyir khyod dang lhan cig tu dge ba'i rtsa ba bskyed do/ /de nas lha'i dbang po brgya byin bram ze'i khye'u yi lus mi snang bar byas nas/ bdag nyid kyi lus su byang chub sems dpa'</font><hr>33.254b<br><font size=+1>

sems dpa' chen po rtag par rab tu ngu ba'i mdun du 'dug nas 'di skad smras so/ /rigs kyi bu 'di lta bur yi dam la brtan pa legs so/ /legs so/ /rigs kyi bu sngon gyi de bzhin gshegs pa dgra bcom pa yang dag par rdzogs pa'i sangs rgyas rnams kyis kyang sngon byang chub sems dpa'i spyad pa spyod pa'i tshe/ chos don du gnyer ba'i tshul 'di lta bus shes rab kyi pha rol du phyin pa la thabs mkhas pas btsal cing dge ba'i bshes gnyen la yongs su dris nas/ bla na med pa yang dag par rdzogs pa'i byang chub tu mngon par rdzogs par sangs rgyas so/ /rigs kyi bu bdag la ni snying dang / khrag dang rus pa dang rkang mi dgos kyi/ khyod la nyam bskyed pa'i phyir 'dir 'ongs kyis/ rigs kyi bu khyod la mchog ji tsam zhig sbyin par bya ba'i mchog slongs shig /rtag par rab tu ngu bas brgya byin la smras pa/ brgya byin bdag la bla na med pa'i sangs rgyas kyi chos byin cig /brgya byin gyis smras pa/ rigs kyi bu yul 'di ni bdag gi spyod yul ma yin gyi/ yul 'di ni sangs rgyas bcom ldan 'das rnams kyi spyod yul lo/ /de bas na mchog gzhan zhig slongs shig /byang chub sems dpa' rtag par rab tu ngu bas smras pa/ lha'i dbang po 'o na khyod thugs khral chung ngu gyis la bzhugs shig /bdag gis lus yongs su rdzogs par bya ba'i phyir/ bdag rang bden pa gang gis de bzhin gshegs pa dgra bcom pa yang dag par rdzogs pa'i sangs rgyas rnams kyis/ bla na med pa yang dag par rdzogs pa'i byang chub tu lung bstan cing / bdag la sgyu med pa dang lhag pa'i bsam pa yod par bden pa'i byin gyis brlabs bya'o/ /lha'i dbang po bden pa de dang bden pa'i tshig des bdag gi lus snga ma bzhin du gyur cig /de nas skad cig de dang / thang cig de dang / yud tsam de nyid la sangs rgyas kyi</font><hr>33.255a<br><font size=+1>

mthu dang / lhag pa'i bsam pa yongs su dag pas/ byang chub sems dpa' sems dpa' chen po rtag par rab tu ngu ba'i lus snga ma bzhin du gnas par gyur to/ /de nas lha'i dbang po brgya byin spobs pa med par gyur te/ byang chub sems dpa' sems dpa' chen po rtag par rab tu ngu ba la de las gzhan lan 'debs ma nus nas/ gnas de nyid du mi snang bar gyur to/ /de nas tshong dpon gyi bu mo des byang chub sems dpa' sems dpa' chen po rtag par rab tu ngu ba la 'di skad smras so/ /rigs kyi bu bdag gi khyim gang na ba der bzhud kyis tshur spyon/ bdag gi pha ma las nor bslangs te/ khyod chos 'dod pa'i phyir shes rab kyi pha rol du phyin pa mchod pa dang / 'phags pa byang chub sems dpa' sems dpa' chen po chos kyis 'phags pa de la rim gror bya ba'i nor de khyod la sbyin no/ /de nas byang chub sems dpa' sems dpa' chen po rtag par rab tu ngu ba tshong dpon gyi bu mo de dang lhan cig tu de'i khyim gang na ba der dong ngo / /de nas tshong dpon gyi bu mo de bdag gi khyim du song nas/ pha ma la 'di skad smras so/ /yab yum bdag la nor mang po stsal du gsol/ /gser dang / dngul dang / rin po che dang / nor bu dang / gos dang / me tog dang / bdug pa dang / spos dang phreng ba dang byug pa dang phye ma dang chos gos dang gdugs dang rgyal mtshan dang / ba dan rnams dang sil snyan gyi bye brag rnam pa mang po rnams bdag la stsal du gsol/ khyed kyis bdag la 'khor du stsal pa'i bu mo lnga brgya po 'di rnams dang / lhan cig tu bdag kyang byang chub sems dpa' sems dpa' chen po rtag par rab tu ngu ba dang / shes rab kyi pha rol du phyin pa mchod cing / 'phags pa byang chub sems dpa' sems dpa' chen po chos kyis 'phags pa la rim gro bgyid du mchi bar ci gnang / des bdag cag la</font><hr>33.255b<br><font size=+1>

chos bshad na/ sangs rgyas kyi chos bsam gyis mi khyab pa thob par 'gyur ro/ /de nas bu mo de'i pha ma gnyis kyis bu mo de la 'di skad smras so/ /bu mo byang chub sems dpa' sems dpa' chen po rtag par rab tu ngu ba zhes bya ba de su zhig /da lta ga la 'dug /bu mos smras pa/ rigs kyi bu de 'o skol gyi chab sgo'i drung na mchis te/ rigs kyi bu de yang lhag pa'i bsam pas/ bla na ma mchis pa yang dag par rdzogs pa'i byang chub tu rab tu zhugs pa ni 'di lta ste/ sems can thams cad dpag tu ma mchis pa'i 'khor ba'i sdug bsngal gyi tshogs las thar bar 'tshal ba'i slad du/ dam pa'i chos 'tshal bas/ bdag gi lus btsongs te dam pa'i chos kyi tshul shes rab kyi pha rol du phyin pa dang / 'phags pa byang chub sems dpa' sems dpa' chen po chos kyis 'phags pa la rim gro bgyi bar 'tshal na/ de'i lus nyo ba yang ma rnyed nas/ de sdug bsngal bar gyur yid mi dga' sems khongs su chud/ yi chad nas ngu zhing 'dug pa dang / lha'i dbang po brgya byin bram ze'i khye'u zhig gi lus su sprul nas/ de la nyams bskyed pa'i phyir rigs kyi bu khyod sdug bsngal zhing yid mi dga' ba dang / sems khongs su chud de yi chad nas/ ci'i phyir ngu zhing 'dug ces smras pa dang / des de la bdag ni bdag gi lus 'tshong na/ de nyo ba yang med do zhes smras so/ /brgya byin khye'u'i lus su bsgyur bas smras pa rigs kyi bu khyod ci'i phyir bdag gi lus 'tshong / rtag par rab tu ngu bas smras pa/  shes rab kyi pha rol du phyin pa la mchod pa dang /  'phags pa byang chub sems dpa' sems dpa' chen po chos kyis 'phags pa la rim gror bya ba'i phyir ro/ /de yang 'di ltar chos 'dod pa'i phyir te/ de la bdag sangs rgyas kyi chos kyi rag lus so/ /khye'u'i gzugs su bsgyur ba'i brgya byin gyis smras pa/ </font><hr>33.256a<br><font size=+1>

rigs kyi bu bdag la mi ni mi dgos kyi/ bdag mchod sbyin zhig byed pas/ der bdag la mi'i snying dang / khrag dang rus pa dang rkang dag dgos so/ /de nas rigs kyi bu de sems ma zhum par gyur nas/ de yang sbyin no zhes smras te/ de mtshon rnon po zhig thogs te/ bdag gi dpung pa phug ste khrag phyung brla yang sha med par byas nas/ rtsig pa zhig gi drung du rus pa gcog tu song ste/ rus pa dang / rkang sbyin no snyam pa las/ de khrag zag cing 'dug pa bdag gis khang thog nas mthong ba dang / de la bdag 'di snyam du mi 'di ci byed pa zhig /'di ltar bdag la bdag gnod par byed snyam nas/ de'i drung du bdag mchis te 'di skad smras so/ /rigs kyi bu khyod ci'i phyir bdag la bdag khrag 'byin/ de nas rigs kyi bu des bdag la 'di skad smras so/ /bram ze'i khye'u 'di la khrag dang snying dang rus pa dang rkang sbyin no/ /de ci'i phyir zhe na/ bdag ni dbul bas nor gzhan cung zad kyang med do/ /de la bdag gis 'di skad smras so/ /nor des khyod la ci zhig bya/ des bdag la 'di skad smras so/ /shes rab kyi pha rol du phyin pa la mchod cing chos 'dod pa'i phyir/ 'phags pa byang chub sems dpa' sems dpa' chen po chos kyis 'phags pa la rim gror bya'o/ /de la bdag gis 'di skad smras so/ /rigs kyi bu khyod de las yon tan gyi rigs dang / yon tan gyi bye brag ci zhig 'byung / des bdag la 'di skad smras so/ /de ni bdag la sangs rgyas kyi chos dang sangs rgyas kyi yon tan bsam gyis mi khyab pa rab tu ston par 'gyur zhing /  de bzhin gshegs pa'i chos dpag tu med pa mi 'phrogs pa de lta bu'i chos rnams de las thob par 'gyur ro/ /de bdag gis thob pa dang / dga' zhing mgu ba chen po skyes shing / sangs rgyas kyi chos bsam gyis mi khyab pa de dag thos pa dang bdag 'di</font><hr>33.256b<br><font size=+1>

snyam du gyur to/ /gang 'di lta bu dag byed nus pa ni/ rigs kyi bu 'di dka' ba spyod pa ste ngo mtshar che'o/ /rigs kyi bu 'di ni chos 'dod pa'i phyir bdag gis lus yongs su gtong na/ bdag cag gis ci'i phyir chos 'di mchod par mi bya/ 'di lta bu dag gi gnas su ci'i phyir smon lam mi gdab/ bdag cag la longs spyod rgya chen po rab tu mang du yod do snyam nas/ bdag gis rigs kyi bu 'di la 'di skad smras so/ /rigs kyi bu khyod bdag la gnod pa 'di lta bu ma byed cig /bdag gis nor mang po pha ma las bslangs te sbyin no/ /des khyod shes rab kyi pha rol du phyin pa dang / 'phags pa byang chub sems dpa' sems dpa' chen po chos kyis 'phags pa la rim gro byos shig /bdag kyang khyod dang lhan cig tu 'phags pa byang chub sems dpa' sems dpa' chen po chos kyis 'phags pa gang na ba der song ste/ bdag gis kyang rigs kyi bu de la mchod pa bya'o/ /bdag kyang 'di ltar sangs rgyas kyi chos bla na med pa thams cad mkhyen pa'i bar du gang khyod kyis bshad pa de lta bu'i sangs rgyas kyi chos rnams yongs su rdzogs par bya'o zhes smras so/ /de bas na yab yum nor mang po phal cher bdag la stsal te/ bdag rigs kyi bu 'di dang lhan cig tu 'phags pa byang chub sems dpa' sems dpa' chen po chos kyis 'phags pa la mchod pa bgyid du mchi bar ci gnang / shes rab kyi pha rol du phyin pa stong phrag nyi shu lnga pa/ bam po bdun bcu brgyad pa/ de nas bu mo de'i pha ma gnyis kyis bu mo de la 'di skad smras so/ /bu mo khyod kyis rigs kyi bu de'i gtam byas pa ni rab tu dka'o/ /'jig rten thams cad las 'phags pa sems can thams cad bde bar byed pa'i chos gang gi phyir rigs kyi bu</font><hr>33.257a<br><font size=+1>

de 'di lta bu'i dka' ba nyams su len pa'i chos de dag kyang shin du bsam gyis mi khyab po/ /de bas na bu mo khyod nged kyis gnang ngo / /nged kyang khyod dang lhan cig tu 'phags pa byang chub sems dpa' sems dpa' chen po chos kyis 'phags pa de blta ba dang / mchod pa byed du 'dong gis skabs byin cig /de nas bu mo des byang chub sems dpa' sems dpa' chen po chos kyis 'phags pa la mchod pa dang / bkur stir byed du 'dong 'dod pa'i pha ma gnyis la 'di skad smras so/ /bdag ni su la yang dge ba'i bar chad mi bgyid do/ /de nas tshong dpon gyi bu mo de dang de'i pha ma la stsogs pas shing rta lnga brgya brgyan/ bu mo lnga brgya po de yang brgyan nas/ me tog sna tshogs rnams thogs/ gos rnam pa sna tshogs dang / bdug pa dang / spos dang phreng ba dang byug pa dang phye ma dang chos gos dang gdugs dang rgyal mtshan dang ba dan rnams thogs/ gser gyi me tog dang / dngul gyi me tog rnams thogs/ rin po che rnam pa sna tshogs dang / gser dang nor bu dang mu tig dang / bai dUr+ya dang / dung dang shel dang byi ru rnams thogs/ bza' ba dang / bca' ba dang / btung ba mang po thogs nas/ byang chub sems dpa' sems dpa' chen po rtag par rab tu ngu ba dang lhan gcig tu shing rta gcig la zhon/ bu mo lnga brgya po de dag kyang shing rta lnga brgya la zhon pas yongs su bskor/ mdun du byas nas 'khor mang po dang lhan cig tu shar phyogs kyi phyogs gang na ba der logs su dong ngo / /de nas byang chub sems dpa' sems dpa' chen po rtag par rab tu ngu ba mthar gyis song song na/ rgyang ring po zhig nas spos can gyi grong khyer rin po che sna bdun las byas pa mdzes shing lta na sdug pa/ rin po che sna bdun las byas pa'i ra ba bdun gyis</font><hr>33.257b<br><font size=+1>

bskor ba/ rta babs bdun dang ldan pa/ 'obs bdun dang / shing rta la'i phreng ba bdun gyis bskor ba/ chur dpag tshad bcu gnyis yod pa/ zheng du yang dpag tshad bcu gnyis yod pa/ phyug cing dar ba/ bde zhing skyid pa/ mi mang pos rgyas pa/ tshong 'dus kyi srang ri mo la bris pa lta bu lnga brgya dang ldan pa/ bzhon pa lhan cig tu gshibs te 'gro ba'i zam pa dang bcas pa de lta bu mthong ngo / /lam gyi mdo'i dbus na yang byang chub sems dpa' sems dpa' chen po chos kyis 'phags pa chos kyi stan gyi steng na/ 'khor brgya stong du mas yongs su bskor cing mdun du byas nas chos 'chad cing 'dug pa mthong ngo / /des mthong ma thag tu 'di lta bu'i bde ba thob pa ni dper na/ bsam gtan dang po la mnyam par bzhugs pa'i dge slong sems rtse gcig tu bzhag pa de lta bu'i bde ba thob par gyur to/ /mthong nas kyang 'di snyam du bdag shing rta la zhon bzhin du 'phags pa byang chub sems dpa' sems dpa' chen po chos kyis 'phags pa'i drung du 'gro ba mi rigs so snyam du bsams nas/ de shing rta las babs so/ /tshong dpon gyi bu mo la stsogs pa bu mo lnga brgya po de dag kyang shing rta de dag las babs so/ /de nas byang chub sems dpa' sems dpa' chen po rtag par rab tu ngu ba de tshong dpon gyi bu mo la stsogs pa bu mo lnga brgyas yongs su bskor/ mdun du byas nas dpag tu med pa'i rgyan rnams thogs te/ byang chub sems dpa' sems dpa' chen po chos kyis 'phags pa gang na ba der song ngo / /de'i tshe byang chub sems dpa' sems dpa' chen po chos kyis 'phags pas shes rab kyi pha rol du phyin pa'i khang pa rtseg ma rin po che sna bdun las byas pa zhig byas te/ tsan dan dmar pos brgyan pa/ mu tig gi dra ba bres pa/ rtseg khang gi gru bzhir me mar gyis</font><hr>33.258a<br><font size=+1>

snang ba bya ba'i phyir/ nor bu rin po che 'od gsal ba rnams bkod do/ /dngul gyi pog por bzhi yang bar snang las 'phyang du bcug ste/ de na a ka ru nag po gtsang ma'i bdug pa rnams 'thul ba ni 'di ltar shes rab kyi pha rol du phyin pa la mchod pa'i phyir ro/ /rtseg khang de'i nang na rin po che sna bdun las byas pa'i khri bzhag ste/ de'i steng du rin po che'i sgrom bzhi bzhag go/ /de'i nang na shes rab kyi pha rol du phyin pa gser gyi glegs bam la bai dUr+ya mthing ka zhun mas bris pa bzhugs so/ /rtseg khang de yang me tog dang dar sna tshogs kyi phreng ba rnams kyis spyangs pas rab tu brgyan to/ /de nas byang chub sems dpa' sems dpa' chen po rtag par rab tu ngu ba de/ tshong dpon gyi bu mo la stsogs pa bu mo lnga brgya dang bcas pas khang pa rtseg ma de dpag tu med pa'i rgyan gyis brgyan pa mthong ngo / /lha stong phrag du ma rnams kyang mthong / lha'i dbang dbang po brgya byin yang lha'i me tog man dA ra ba dang / lha'i tsan dan gyi phye ma dang / lha'i gser gyi phye ma dang / lha'i dngul gyi phye mas khang pa rtseg ma de dag la kun du mthor/ mngon par 'thor/ rab tu mngon par 'thor ba dang / lha'i sil snyan dag sgrog pa thos nas/ byang chub sems dpa' sems dpa' chen po rtag par rab tu ngu bas/ lha'i dbang po brgya byin la 'di skad smras so/ /lha'i dbang po khyod ci'i phyir lha stong phrag du ma dang / lhan cig tu rin po che'i khang pa rtseg ma 'di la/ me tog man dA ra ba dang / tsan dan gyi phye ma la stsogs pas 'thor/ mngon par 'thor/ lha'i sil snyan 'di dag kyang bar snang las lha rnams ci'i phyir sgrogs/ de skad smras pa dang / lha'i dbang po brgya byin gyis/ byang chub sems dpa' sems dpa' chen po rtag par rab tu ngu ba la 'di skad smras so/ /rigs kyi bu khyod mi shes sam/ 'di ni shes rab kyi pha rol tu phyin</font><hr>33.258b<br><font size=+1>

pa ste/ byang chub sems dpa' sems dpa' chen po rnams kyi gces pa'i yum/ skyed par mdzad pa bskrun pa/ gtso mo yin te gang la bslabs na/ byang chub sems dpa' sems dpa' chen po rnams yon tan thams cad kyi pha rol du phyin pa dang / sangs rgyas kyi chos thams cad dang / thams cad mkhyen pa nyid thob par 'gyur ba'o/ /de skad smras pa dang / byang chub sems dpa' sems dpa' chen po rtag par rab tu ngu bas/ lha'i dbang po brgya byin la 'di skad smras so/ /kau shi ka shes rab kyi pha rol du phyin pa byang chub sems dpa' sems dpa' chen po rnams kyi gces pa'i yum skyed par mdzad pa/ skrung ba gtso mo de gang na bzhugs/  brgya byin gyis smras pa/ 'o na lta khang pa rtseg ma'i nang na/ gser gyi glegs bam la bai dUr+ya mthing ka zhun mas bris pa/ byang chub sems dpa' sems dpa' chen po chos kyis 'phags pas/ rgya bdun gyis btab ste bzhag pas/ de bdag cag gis khyed la bstan du mi rung ngo / /de nas byang chub sems dpa' sems dpa' chen po rtag par rab tu ngu ba/ tshong dpon gyi bu mo la sogs pa/ bu mo lnga brgya dang lhan cig tu tshogs pas/ me tog dang phreng ba dang / gos dang rin po che dang bdug pa dang / spos dang byug pa dang / phye ma dang chos gos dang / gdugs dang / rgyal mtshan dang / ba dan dang / gser dang / dngul gyi me tog bdag cag gis khyer te 'ongs pa de dag gis shes rab kyi pha rol du phyin pa la mchod pa byas te/ de dag las kha cig ni byang chub sems dpa' sems dpa' chen po chos kyis 'phags pa la mchod pa'i phyir bzhag go/ /de nas byang chub sems dpa' sems dpa' chen po rtag par rab tu ngu bas/ me tog dang bdug pa dang spos dang phreng ba dang / </font><hr>33.259a<br><font size=+1>

byug pa dang / phye ma dang gos dang gdugs dang / rgyal mtshan dang / ba dan dang / sil snyan rnam pa sna tshogs kyis shes rab kyi pha rol du phyin pa sngar mchod pa byas nas/ byang chub sems dpa' sems dpa' chen po chos kyis 'phags pa gang na ba der song ngo / /song nas kyang byang chub sems dpa' sems dpa' chen po chos kyis 'phags pa la me tog dang / bdug pa dang / spos dang / phreng ba dang byug pa dang phye ma dang / gos dang gdugs dang rgyal mtshan dang / ba dan dang tsan dan gyi phye ma dang / gser dang dngul gyi me tog rnams kyis chos la mchod pa nyid kyi phyir kun du gtor/ mngon par gtor/ rab tu mngon par gtor to/ /de nas me tog de dag byang chub sems dpa' sems dpa' chen po chos kyis 'phags pa'i steng du me tog gi rtseg khang du gnas par gyur to/ /gser dang dngul gyi me tog kha dog sna tshogs pa de dag kyang nam mkha' la gzhal yas khang du gnas par gyur to/ /chos gos dang / gos rin po che de dag kyang bar snang la rin po che sna tshogs kyi sprin lta bur gnas par gyur to/ /byang chub sems dpa' sems dpa' chen po rtag par rab tu ngu ba dang / tshong dpon gyi bu mo la sogs pa bu mo lnga brgya po de dag gis byang chub sems dpa' sems dpa' chen po chos kyis 'phags pa'i rdzu 'phrul dang / cho 'phrul de lta bu mthong nas 'di snyam du gyur to/ /byang chub sems dpa' sems dpa' chen po chos kyis 'phags pa 'di de ltar rdzu 'phrul che ba dang / de ltar mthu che ba dang / de ltar gzi brjid che ba ngo mtshar che'o/ /rigs kyi bu 'di byang chub sems dpa'i spyad pa spyod pa na yang / de lta bu'i rdzu 'phrul dag rnam par sprul na/ nam bla na med pa yang dag par rdzogs pa'i byang chub tu mngon par sangs rgyas</font><hr>33.259b<br><font size=+1>

par gyur na/ lta smos kyang ci dgos/ de nas tshong dpon gyi bu mo la sogs pa bu mo lnga brgya po de dag byang chub sems dpa' sems dpa' chen po chos kyis 'phags pa la dga' ba dang / gus pa skyes nas de dag thams cad kyis bla na med pa yang dag par rdzogs pa'i byang chub tu sems bskyed nas/ bdag cag dge ba'i rtsa ba 'dis ma 'ongs pa'i dus na de bzhin gshegs pa dgra bcom pa yang dag par rdzogs pa'i sangs rgyas su gyur cig /bdag cag byang chub sems dpa'i spyad pa spyod pa na yang chos gang byang chub sems dpa' sems dpa' chen po chos kyis 'phags pas thob pa'i chos de dag nyid thob par gyur cig /'phags pa byang chub sems dpa' sems dpa' chen po chos kyis 'phags pa de ji ltar shes rab kyi pha rol du phyin pa la bkur bsti byed pa de ltar bdag cag kyang shes rab kyi pha rol du phyin pa la bkur sti byed par gyur cig /byang chub sems dpa' sems dpa' chen po chos kyis 'phags pa 'di ji ltar 'gro ba mang po la rab tu ston pa de ltar bdag cag kyang 'gro ba mang po la rab tu ston par gyur cig /'phags pa byang chub sems dpa' sems dpa' chen po 'di shes rab kyi pha rol du phyin pa la thabs mkhas pa dang ldan zhing yongs su rdzogs par gyur pa de bzhin du bdag cag kyang thabs mkhas pa dang ldan zhing yongs su rdzogs par gyur cig ces de lta bu'i smon lam dag kyang btab bo/ /de nas byang chub sems dpa' sems dpa' chen po rtag par rab tu ngu ba dang / tshong dpon gyi bu mo la sogs pa bu mo lnga brgya po de dag gis/ shes rab kyi pha rol du phyin pa la mchod pa byas/ byang chub sems dpa' sems dpa' chen po chos kyis 'phags pa la yang bkur sti byas nas/ byang chub sems dpa' sems dpa' chen po</font><hr>33.260a<br><font size=+1>

chos kyis 'phags pa'i rkang pa gnyis la spyi bos phyag 'tshal te/ rje sa dang bcas rim gro dang bcas/  thal mo sbyar nas phyogs gcig tu 'khod do/ /phyogs gcig tu 'khod nas kyang byang chub sems dpa' sems dpa' chen po rtag par rab tu ngu bas byang chub sems dpa' sems dpa' chen po chos kyis 'phags pa la 'di skad smras so/ /rigs kyi bu bdag shes rab kyi pha rol du phyin pa tshol ba na/ dgon pa zhig nas sgra thos pa/ rigs kyi bu shar phyogs su song shig dang / de nas shes rab kyi pha rol du phyin pa thos par 'gyur ro zhes zer ro/ /de nas bdag gis sgra de thos pa dang / shar phyogs gang na ba de logs su song song ba las/ bdag 'di snyam du bdag gis sgra de la bdag ji srid cig tu 'gro dgos pa dang / su las shes rab kyi pha rol du phyin pa thos shing thob par 'gyur ba ma dris so snyam du bsams so/ /de ltar bdag yid mi dga' ba dang mya ngan chen por gyur cing / sa phyogs de nyid na nyin zhag bdun lon te/ bdag ji srid cig tu 'gro dgos/ su las shes rab kyi pha rol du phyin pa mnyan du yod ces sgra de la ma dris so snyam pa/ shes rab kyi pha rol du phyin pa yid la byed pa'i mya ngan las gzhan pa kha zas bza' ba'i sems kyang ma skyes so/ /de nas bdag gi mdun du de bzhin gshegs pa'i sku byung nas/ des bdag la 'di skad bka' stsal to/ /rigs kyi bu 'di nas dpag tshad lnga brgya na/ spos can zhes bya ba'i grong khyer zhig yod de/ der song shig dang / byang chub sems dpa' sems dpa' chen po chos kyis 'phags pa shes rab kyi pha rol du phyin pa 'chad cing 'dug pa de khyod kyis mthong bar 'gyur ro/ /de nas bdag de bzhin gshegs pa'i skus bka' stsal pa bzhin du shar phyogs gang na ba de logs su song song ba las/ rgyang gis/ </font><hr>33.260b<br><font size=+1>

'phags pa chos 'chad cing 'dug pa mthong ngo / /mthong ma thag tu yang dper na/ bsam gtan dang po la mnyam par bzhag pa'i dge slong gi bde ba de lta bu thob par gyur to/ /bdag dga' zhing bde ba des khyab par gyur nas/ sa phyogs de nyid nas ma g.yos par khyod shes rab kyi pha rol du phyin pa 'chad cing 'dug pa thos so/ /de thos nas ting nge 'dzin gyi sgo brgya phrag du ma skyes par gyur to/ /bdag de na 'dug pa'i tshe yang phyogs bcu nas de bzhin gshegs pa rnams bdag la dbugs 'byin pa mdzad cing rigs kyi bu ting nge 'dzin 'di dag ni shes rab kyi pha rol du phyin pa las byung ba yin pas legs so/ /legs so/ /nged kyis kyang de dag la gnas nas/ sangs rgyas kyi chos rnams yongs su rdzogs par byas so/ /de nas de bzhin gshegs pa de dag gis bdag la shin du legs par bstan nas mi snang bar gyur to/ /bdag kyang ting nge 'dzin de las langs nas 'di snyam du gyur to/ /de bzhin gshegs pa de dag gang nas byon/ de bzhin gshegs pa de dag gar gshegs snyam mo/ /de nas yang bdag 'di snyam du gyur te/ 'phags pa byang chub sems dpa' sems dpa' chen po chos kyis 'phags pa de ni sngon gyi rgyal ba la bya ba byas pa dge ba'i rtsa ba bskrun pa/ shes rab kyi pha rol du phyin pa'i thabs mkhas pa la bslabs pa yin pas de bzhin gshegs pa de dag gang nas byon pa dang / de bzhin gshegs pa de dag gang du bzhud pa de bdag la ston to snyam mo/ /de bas na rigs kyi bu khyod la de bzhin gshegs pa de dag gang nas byon/ de bzhin gshegs pa de dag gang du bzhud pa bdag 'dri yis/ rigs kyi bu khyod kyis de bzhin gshegs pa de dag ga las byon pa dang / gar bzhud pa ci nas kyang bdag cag gis shes par 'gyur ba dang / de bzhin gshegs pa mthong bar</font><hr>33.261a<br><font size=+1>

'gyur ba de lta bur bdag la ston cig /shes rab kyi pha rol du phyin pa las/ rtag par rab tu ngu ba'i le'u ste/ bdun bcu rtsa bzhi pa'o// // de skad smras pa dang / byang chub sems dpa' sems dpa' chen po chos kyis 'phags pas/ byang chub sems dpa' sems dpa' chen po rtag par rab tu ngu ba la 'di skad smras so/ /rigs kyi bu de bzhin gshegs pa rnams ni gang nas kyang ma byon/ gang du yang mi bzhud de/ de bzhin gshegs pa rnams ni mi g.yo ba'o/ /de bzhin nyid gang yin pa de/ de bzhin gshegs pa'o/ /rigs kyi bu skye ba med pa de ni 'gro ba 'am 'ong ba med de/ skye ba med pa gang yin pa de ni de bzhin gshegs pa'o/ /rigs kyi bu yang dag pa'i mtha' la ni 'ong ba 'am 'gro ba med de/ yang dag pa'i mtha' gang yin pa de ni de bzhin gshegs pa'o/ /rigs kyi bu stong pa nyid la ni 'gro ba 'am 'ong ba med de/ stong pa nyid gang yin pa de ni de bzhin gshegs pa'o/ /rigs kyi bu ji lta ba nyid la ni 'ong ba 'am 'gro ba med de/ ji lta ba nyid gang yin pa de ni de bzhin gshegs pa'o/ /rigs kyi bu 'dod chags dang bral ba la ni 'ong ba 'am 'gro ba med de/ 'dod chags dang bral ba gang yin pa de ni de bzhin gshegs pa'o/ /rigs kyi bu 'gog pa la ni 'ong ba 'am 'gro ba med de/ 'gog pa gang yin pa de ni de bzhin gshegs pa'o/ /rigs kyi bu nam mkha'i dbyings la ni 'ong ba 'am 'gro ba med de/ nam mkha'i dbyings gang yin pa de ni de bzhin gshegs pa'o/ /rigs kyi bu chos 'di rnams las gzhan pa yang de bzhin gshegs pa ma yin no/ /rigs kyi bu chos 'di rnams kyi de bzhin nyid gang yin pa dang / de bzhin gshegs pa'i de</font><hr>33.261b<br><font size=+1>

bzhin nyid gang yin pa de dag ni de bzhin nyid gcig ste/ rigs kyi bu de bzhin nyid la ni rnam pa gnyis su med do/ /rigs kyi bu de bzhin nyid ni gcig ste/ gnyis ma yin gsum ma yin te/ rigs kyi bu 'di ltar de bzhin nyid ni med pa'i phyir bgrang ba las 'das pa'o/ /rigs kyi bu 'di lta ste dper na/ mi zhig dpyid zla tha chungs kyi nyi ma'i gung la dpyid kyi nyi ma tsha bas gdungs pa na/ smig rgyu g.yo ba mthong ba dang / de de dang de dag tu rgyug cing 'dir khrus bya'o/ /'dir chu btung ngo snyam du sems na/ rigs kyi bu de ji snyam du sems/ chu de gang nas 'ongs/ shar phyogs kyi rgya mtsho chen po 'am/ lho phyogs dang / nub phyogs dang / byang phyogs kyi rgya mtshor 'gro 'am/ gang du 'gro/ rtag par rab tu ngu bas smras pa/ rigs kyi bu smig rgyu ba la chu yod pa ma yin na/ de la 'ong ba dang 'gro ba lta ga la yod/ rigs kyi bu dpyid kyi tsha bas gdungs pa'i mi de ni smig rgyu ba chu med pa la chur 'du shes skyed pas byis pa'i rigs/ shes rab rtul po'i rigs te/ de na chu'i ngo bo ni yod pa ma yin no/ /chos kyis 'phags pas smras pa rigs kyi bu de de bzhin no/ /de de bzhin no/ /rigs kyi bu de bzhin du gang su yang rung ba 'ga' zhig de bzhin gshegs pa la gzugs sam sgrar mngon par zhen nas/ de dag de bzhin gshegs pa byon pa dang / bzhud par rtog pa de dag thams cad ni byis pa'i rigs/ shes rab rtul po'i rigs so zhes brjod par bya ste/ dper na mi zhig chu med pa la chur 'du shes skyed pa bzhin no/ /de ci'i phyir zhe na/ de bzhin gshegs pa ni chos kyi sku yin pas gzugs kyi skur mi blta'o/ /rigs kyi bu chos nyid la ni 'gro ba 'am 'ong ba med de/ rigs kyi bu de bzhin du de bzhin gshegs pa rnams la yang byon pa</font><hr>33.262a<br><font size=+1>

'am bzhud pa med do/ /rigs kyi bu dper na/ sgyu ma mkhan gyis sprul pa'i glang po che'i tshogs sam/ rta'i tshogs sam/ shing rta'i tshogs sam/ rkang tang gi tshogs la/ 'ong ba 'am/ 'gro ba med de/ rigs kyi bu de bzhin du de bzhin gshegs pa rnams la yang byon pa 'am bzhud pa med do/ /rigs kyi bu dper na mi zhig gi rmi lam du de bzhin gshegs pa gcig gam/  gnyis sam/  gsum mam/ bzhi 'am/ lnga 'am/ bcu 'am/ nyi shu 'am/ sum cu 'am bzhi bcu 'am/ lnga bcu 'am/ brgya 'am/ stong ngam/ brgya phrag stong ngam/ de bas kyang mang ba mthong nas sad pa dang / de bzhin gshegs pa gcig kyang ma mthong na/ rigs kyi bu de ji snyam du sems/  de bzhin gshegs pa de dag gang nas byon/ de bzhin gshegs pa de dag gar bzhud/ rtag par rab tu ngu bas smras pa/ rigs kyi bu rmi lam gyi chos ni gang yang yongs su grub pa med de/  rmi lam ni brdzun pa ste yang dag pa ma yin pa'o/ /chos kyis 'phags pas smras pa/ rigs kyi bu de bzhin du chos thams cad ni rmi lam dang 'dra'o zhes/ de bzhin gshegs pas gsungs te/ rigs kyi bu gang su yang rung / chos thams cad ni rmi lam dang 'dra'o zhes/ de bzhin gshegs pas bshad pa legs par mi shes pa de dag ni de bzhin gshegs pa la ming gi tshogs sam/ gzugs kyi tshogs su mngon par zhen pas/  de dag ni de bzhin gshegs pa rnams byon pa dang / bzhud par rtog ste/ 'di ltar chos nyid rab tu mi shes pa'i phyir ro/ /rigs kyi bu gang de bzhin gshegs pa byon pa 'am/ bzhud par 'dod pa de dag thams cad ni byis pa so so'i skye bo ste/ de dag thams cad ni 'gro ba lnga'i 'khor bar dong 'dong / 'dong bar 'gyur ro/ /de dag</font><hr>33.262b<br><font size=+1>

thams cad ni shes rab kyi pha rol du phyin pa dang thag ring / de dag thams cad ni sangs rgyas kyi chos rnams dang thag ring ngo / /rigs kyi bu gang dag de bzhin gshegs pas chos thams cad rmi lam lta bu'o zhes bshad pa legs par shes pa de dag ni/ chos gang yang 'ong ba 'am 'gro bar mi rtog go/ /gang de bzhin gshegs pa'i chos nyid 'di lta bur rab tu shes pa de dag ni bla na med pa yang dag par rdzogs pa'i byang chub tu nye bar gyur to/ /de dag ni shes rab kyi pha rol du phyin pa la spyod pa'o/ /de dag ni de bzhin gshegs pa'i slob ma ste/ grong khyer gyi bsod snyoms don yod par za'o/ /de dag 'jig rten pa'i sbyin gnas so/ /rigs kyi bu 'di lta ste/ dper na rgya mtsho chen po'i rin po che rnams ni shar phyogs nas kyang ma 'ongs/ lho phyogs dang / nub phyogs dang / byang phyogs dang / mtshams rnams dang / steng dang 'og dang / phyogs bcu gang nas kyang ma 'ongs mod kyi/ 'on kyang sems can rnams kyi dge ba'i rtsa ba'i rgyus rgya mtsho chen por rin po che rnams 'byung ste/ de dag rgyu med pa las byung ba yang ma yin gyi/ rgyu dang rkyen rnams la rag lus pa/ rten cing 'brel pa las 'byung ngo / /rin po che de dag med par 'gyur ba na yang phyogs bcu gang du yang mi 'pho ste dong ba med mod kyi/ 'on kyang rkyen gang rnams yod pa las/ rin po che de dag 'byung bar 'gyur ba'i rkyen rnams med par gyur pa las rin po che de rnams med par 'gyur ro/ /rigs kyi bu de bzhin du de bzhin pa gshegs pa rnams kyi sku yongs su rdzogs pa yang phyogs bcu'i 'jig rten gang nas kyang ma byon/ gang du yang mi bzhud do/ /sangs rgyas bcom ldan 'das kyi sku de dag rgyu med pa las byung ba yang</font><hr>33.263a<br><font size=+1>

ma yin gyi sngon gyi spyod pa yongs su rdzogs pa'i rgyu dang rkyen tshogs pa la rag lus pa rgyu las kun du byung ba sngon gyi las kyi rnam par smin pa'i sems can gyi dmigs pa dang ldan pa las snang ste/ phyogs bcu gang na yang yod pa ni ma yin gyi rgyu dang rkyen gang rnams yod pa las sku yongs su rdzogs par 'gyur ba'i rgyu dang rkyen de rnams med pa dang yongs su rdzogs par mi 'gyur ro/ /rigs kyi bu 'di lta ste dper na/ pi bang gi sgra 'byung ba'i tshe/ gang nas kyang ma 'ongs/ 'gag pa'i tshe gang du yang mi 'gro gang du yang 'pho ba med la/ brten cing yang 'byung ba rgyu dang rkyen la rag lus so/ /'di lta ste dper na/ pi bang gi khog pa dang / lpags pa dang / yu ba dang / rgyud dang blang ba dang sbreng shing dang mi'i rtsol ba la rten nas pi bang gi sgra 'byung ste/ sgra de yang khog pa las kyang ma byung / lpags pa dang / yu ba dang / rgyud rnams dang / sbreng shing las kyang ma byung / blang ba dang / mi'i rtsol ba las kyang ma byung mod kyi/ 'on kyang thams cad 'dus shing ldan pa las sgra 'byung ngo / /'gag pa na yang sgra de gang du yang mi 'gro/ rigs kyi bu de bzhin du sangs rgyas bcom ldan 'das rnams kyi sku yongs su rdzogs pa yang / rgyu dang rkyen la rag lus pa ste/ dge ba'i rtsa ba du ma las yongs su rdzogs pa'o/ /rgyu gcig las ma byung / rkyen gcig las ma byung / dge ba'i rtsa ba gcig las sangs rgyas kyi sku byung ba ma yin no/ /rgyu med pa las byung ba yang ma yin te/ rgyu dang rkyen du ma tshogs pa las byung ba de gang nas kyang ma byon/ rgyu dang rkyen tshogs pa med na yang gang du yang mi bzhud do/ /rigs kyi bu de ltar khyod kyis de bzhin gshegs pa de rnams byon pa dang / bzhud</font><hr>33.263b<br><font size=+1>

pa blta bar bya'o/ /rigs kyi bu khyod kyis chos thams cad kyi/ chos nyid kyang de bzhin du rig par bya'o/ /rigs kyi bu khyod kyis de bzhin gshegs pa rnams dang / chos thams cad skye ba med pa dang / 'gag pa med par rab tu shes na/ khyod bla na med pa yang dag par rdzogs pa'i byang chub tu nges par 'gyur ro/ /shes rab kyi pha rol du phyin pa'i thabs mkhas pa la yang nges par spyod par 'gyur ro/ /de bzhin gshegs pa rnams byon pa dang / bzhud pa med pa ston pa'i chos kyi rnam grangs 'di bshad pa na/ sa chen po rab tu g.yos par gyur/ stong gsum gyi stong chen po'i 'jig rten gyi khams thams cad kyang rnam pa drug tu g.yos/ rab tu g.yos/ kun du rab tu g.yos/ 'gul rab tu 'gul/ kun du rab tu 'gul to/ /bdud kyi gnas thams cad kyang 'khrugs/ nyams par gyur to/ /stong gsum gyi stong chen po'i 'jig rten gyi khams na/ rtsi shing dang / sman dang nags tshal ji snyed yod pa de dag thams cad kyang byang chub sems dpa' sems dpa' chen po chos kyis 'phags pa gang na ba de logs su rab tu 'dud par gyur to/ /dus cam yin pa'i me tog rnams kyang byung bar gyur/ steng gi bar snang las kyang me tog gi char rab tu 'bab par gyur/ rnga'i sgra rnam pa sna tshogs rnams kyang steng gi bar snang las grags par gyur to/ /rgyal po chen po bzhi dang / lha'i dbang po brgya byin gyis kyang / byang chub sems dpa' sems dpa' chen po chos kyis 'phags pa la lha'i me tog man dA ra ba dang / lha'i tsan dan gyi phye ma dang / lha'i me tog dang / phye ma gzhan dag gis kyang gtor/ mngon par gtor/ rab tu mngon par gtor nas/ tshig 'di skad smras so/ /rigs kyi bu khyod kyi yon tan gyis deng bdag cag rnams kyis kyang /  don dam pa las byung ba'i gtam 'jig rten thams</font><hr>33.264a<br><font size=+1>

cad kyis yid ches par dka' ba/ 'jig tshogs la gnas pa'i byang chub sems dpa' rnams kyis ma yin pa bshad pa thos so/ /de nas byang chub sems dpa' sems dpa' chen po rtag par rab tu ngu bas/ byang chub sems dpa' sems dpa' chen po chos kyis 'phags pa la 'di skad smras so/ /sa chen po 'di g.yos par gyur pa'i rgyu gang yin/ rkyen gang yin/ chos kyis 'phags pas smras pa/ rigs kyi bu de bzhin gshegs pa rnams byon pa med pa dang /  bzhud pa med pa bshad pa 'di khyod kyis dris/  ngas bshad pa na/ srog chags brgyad stong mi skye ba'i chos la bzod pa rab tu thob par gyur/ bye ba phrag brgyad bcus bla na med pa yang dag par rdzogs pa'i byang chub tu sems bskyed/ srog chags stong phrag drug bcu rtsa bzhi ni rdul med cing dri ma med par gyur nas/ chos la chos kyi mig rnam par dag par gyur pa'i phyir ro/ /de nas byang chub sems dpa' sems dpa' chen po rtag par rab tu ngu ba dga' zhing rab tu dga' ba rgya chen po dang ldan par gyur te/ bdag gis gang shes rab kyi pha rol du phyin pa dang /  de bzhin gshegs pa rnams byon pa dang bzhud pa med pa'i chos bshad pa 'di yongs su dris pa las/ sems can 'di snyed cig gi don byas pa ni/ bdag gis rnyed pa rab tu rnyed do/ /bla na med pa yang dag par rdzogs pa'i byang chub yongs su rdzogs par bya ba'i bdag gi dge ba'i rtsa ba ni de nyid kyis chog go/ /da phyin chad ni bdag la bla na med pa yang dag par rdzogs pa'i the tshom mi 'byung / bdag de bzhin gshegs pa dgra bcom pa yang dag par rdzogs pa'i sangs rgyas su 'gyur ba la dogs pa med do snyam nas de dga' zhing rab tu dga' ba dang / yid bde ba de nyid dang ldan pas/ shing ta la bdun tsam gyi nam mkha' la 'phags nas/ shing ta la bdun tsam gyi nam mkha' la gnas te/ 'di snyam du bdag 'di ltar bar</font><hr>33.264b<br><font size=+1>

snang la 'dug pas/ byang chub sems dpa' sems dpa' chen po chos kyis 'phags pa la cis mchod snyam du bsams pa dang / de nas lha'i dbang po brgya byin gyis byang chub sems dpa' sems dpa' chen po rtag par rab tu ngu ba nam mkha' la 'phags pa mthong nas de sems la yongs su rtog pa sems kyis shes te lha'i me tog man dA ra ba dag de la byin nas 'di skad smras so/ /rigs kyi bu khyod me tog 'di dag gis 'phags pa byang chub sems dpa' sems dpa' chen po chos kyis 'phags pa la mchod pa byos shig /rigs kyi bu khyod kyi mthus deng sems can stong phrag mang po rnams kyi don byas par gyur pa'i phyir rigs kyi bu khyod la nged kyis phan gdags so/ /rigs kyi bu khyod kyis ji ltar spro bar byas pa de lta bur/ gang sems can thams cad kyi don du bskal pa tshad med grangs med par spro bar byed pa'i sems can de lta bu dag rab tu dkon no/ /de nas byang chub sems dpa' sems dpa' chen pos lha'i dbang po brgya byin las me tog man dA ra ba dag blangs nas byang chub sems dpa' sems dpa' chen po chos kyis 'phags pa la gtor/ mngon par gtor/ byang chub sems dpa' sems dpa' chen po chos kyis 'phags pa la bdag gi lus kyis kyang bkab nas tshig 'di skad smras so/ /rigs kyi bu khyod la deng phan chad g.yog bya ba'i phyir bdag gi lus kyang 'bul lo zhes nas/ de bar snang las babs te bdag phul nas byang chub sems dpa' sems dpa' chen po chos kyis 'phags pa'i mdun du thal mo sbyar te 'dug go/ /de nas tshong dpon gyi bu mo dang bu mo lnga brgya po de dag gis byang chub sems dpa' sems dpa' chen po rtag par rab tu ngu ba la 'di skad smras so/ /rigs kyi bu khyod la bdag cag kyang 'di ltar lus 'bul lo/ /bdag cag kyang dge ba'i rtsa ba 'dis chos</font><hr>33.265a<br><font size=+1>

de dag nyid thob par gyur cig /phyin chad kyang khyod nyid dang lhan cig tu sangs rgyas dang byang chub sems dpa' rnams la mchod pa byed par gyur cig /khyod dang lhan cig tu gnas par gyur cig /de nas byang chub sems dpa' sems dpa' chen po rtag par rab tu ngu bas/ tshong dpon gyi bu mo de dang bu mo lnga brgya po de dag la 'di skad smras so/ /bu mo khyod snying nas nga'i bsam pa dang 'thun par byed cing / snying nas nga la lus 'bul na ni nga yang khyed len to/ /bu mo de dag gis smras pa/ bdag cag khyod la snying nas bsam pa dang 'thun par byed cing / khyod ci dgos pa bya ba'i phyir snying nas lus 'bul lo/ /de nas byang chub sems dpa' sems dpa' chen po rtag par rab tu ngu bas/ tshong dpon gyi bu mo de la stsogs pa bu mo lnga brgya rnams rgyan thams cad kyis klubs/ shing rta lnga brgya po de rnams kyang rgyan gyis brgyan nas/ thams cad byang chub sems dpa' sems dpa' chen po chos kyis 'phags pa la phul te/ rigs kyi bu khyod la bu mo 'di rnams dang / shing rta lnga brgya po 'di rnams yongs su spyad par bya ba'i phyir dbul lo zhes smras so/ /de nas lha'i dbang po brgya byin gyis rigs kyi bu de la rigs kyi bu legs so/ /legs so zhes nas/ legs pa byin te/ rigs kyi bu byang chub sems dpa' sems dpa' chen po de dag gis de ltar bdog pa thams cad yongs su gtang bar bya'o/ /gtong ba'i sems de lta bu dag gis ni byang chub sems dpa' sems dpa' chen po rnams myur du bla na med pa yang dag par rdzogs pa'i byang chub tu mngon par 'tshang rgya'o/ /chos smra ba la de ltar mchod pa byas na/ shes rab kyi pha rol du phyin pa'i thabs mkhas pa nyan nus par 'gyur</font><hr>33.265b<br><font size=+1>

ro sngon gyi de bzhin gshegs pa dgra bcom pa yang dag par rdzogs pa'i sangs rgyas de rnams kyis kyang sngon byang chub sems dpa'i spyad pa spyod pa'i tshe/ gtong ba de lta bu la gnas nas/ bla na med pa yang dag par rdzogs pa'i byang chub kun du bsgrubs/ shes rab kyi pha rol du phyin pa'i thabs mkhas pa yang yongs su dris so/ /de nas byang chub sems dpa' sems dpa' chen po chos kyis 'phags pas/ byang chub sems dpa' sems dpa' chen po rtag par rab tu ngu ba'i dge ba'i rtsa ba yongs su rdzogs par bya ba'i phyir/ tshong dpon gyi bu mo la sogs pa bu mo lnga brgya po de rnams dang shing rta lnga brgya blangs so/ /blangs nas kyang rtag par rab tu ngu ba'i rigs kyi bu de nyid la slar byin no/ /de nas byang chub sems dpa' sems dpa' chen po chos kyis 'phags pa stan las langs nas bdag gi khyim du song ngo / /nyi ma yang nub par gyur to/ /de nas byang chub sems dpa' sems dpa' chen po rtag par rab tu ngu ba 'di snyam du gyur to/ /bdag chos 'dod pa'i phyir 'ongs la/ 'dug pa 'am/ nyal ba ni legs pa ma yin la/ bdag gi cha ma yin gyis/ byang chub sems dpa' sems dpa' chen po chos kyis 'phags pa bdag gi khyim nas chos 'chad pa'i phyir ma byung gi bar du 'greng ba 'am/ 'chag pa'i spyod lam gnyis kyis bsdad do snyam mo/ /de nas byang chub sems dpa' sems dpa' chen po/ chos kyis 'phags pa lo bdun du snyoms par zhugs pa gcig la gnas te/ byang chub sems dpa'i ting nge 'dzin shes rab kyi pha rol du phyin pa'i thabs mkhas pa las byung ba stong phrag grangs med tshad med pa las gnas par gyur to/ /byang chub sems dpa' sems dpa' chen po rtag par rab tu ngu ba yang lo bdun du</font><hr>33.266a<br><font size=+1>

'dod pa'i rnam par rtog pa mi skyed/ gnod sems kyi rnam par rtog pa dang / 'tshe ba'i rnam par rtog pa dang / ro la chags pa mi skyed kyi/ gzhan du na byang chub sems dpa' sems dpa' chen po chos kyis 'phags pa'i rigs kyi bu de gang la 'dug nas chos 'chad pa'i chos kyi stan gting bar bya na/ byang chub sems dpa' sems dpa' chen po chos kyis 'phags pa 'di langs pa ji tsam na mthong snyam pa dang / sa phyogs gang du byang chub sems dpa' sems dpa' chen po chos kyis 'phags pa/ shes rab kyi pha rol du phyin pa'i thabs mkhas pa 'chad pa'i sa phyogs de yang phyag dar byas shing chag chag gis btab la/ me tog sna tshogs kyis kun du gtor to snyam pa las bsam pa gzhan med do/ /tshong dpon gyi bu mo la stsogs pa bu mo lnga brgya po de rnams kyang / byang chub sems dpa' sems dpa' chen po rtag par rab tu ngu ba'i rjes su slob cing spyod lam gnyis po de nyid kyis sdod cing 'khod do/ /bya ba thams cad kyang de dang rjes su 'thun par byed do/ /de nas byang chub sems sems dpa' sems dpa' chen po chos kyis 'phags pa zhag bdun na ting nge 'dzin de las ldang ste/ langs nas kyang grong khyer gyi dbus su chos 'chad do/ /zhes zer ba'i sgra nam mkha' las byung ba/ byang chub sems dpa' sems dpa' chen po rtag par rab tu ngu bas thos so/ /de nas byang chub sems dpa' sems dpa' chen po rtag par rab tu ngu bas sgra de thos nas/ dga' mgu yid rangs rab tu dga' zhing yid bde ba skyes par gyur nas/ tshong dpon gyi bu mo la sogs pa bu mo lnga brgya po rnams dang lhan cig tu sa phyogs de byi dor byas nas/ chos kyi stan rin po che sna bdun las byas pa yang</font><hr>33.266b<br><font size=+1>

bting ngo / /de nas tshong dpon gyi bu mo la stsogs pa bu mo lnga brgya po thams cad kyis bdag cag gi bla gos lus las phud de stan gang la/ byang chub sems dpa' sems dpa' chen po chos kyis 'phags pa 'dug ste/ chos 'chad pa'i chos kyi stan der bla gos lnga brgya stan du bting ngo / /de nas byang chub sems dpa' sems dpa' chen po rtag par rab tu ngu ba/ sa phyogs de chag chag gdab pa'i phyir kho ra khor yug tu chu btsal na/ sa phyogs de chag chag gdab pa'i chu bdud sdig to can gyis ci nas kyang byang chub sems dpa' sems dpa' chen po rtag par rab tu ngu ba chu ma rnyed nas/ sems la sdug bsngal ba dang /  yid mi dga' ba dang / sems gzhan du gyur te/ de'i dge ba'i rtsa ba med par gyur cing / mchod pa de yang ngan par 'gyur ba de lta bur bya ba'i phyir/ chu de med pa byas pas chu ma rnyed par gyur to/ /de nas byang chub sems dpa' sems dpa' chen po rtag par rab tu ngu ba 'di snyam du gyur to/ /'o na bdag gi lus phug ste/ sa phyogs 'di khrag gis chag chag gdab bo/ /de ci'i phyir zhe na/ sa phyogs 'di ni rdul che ste/ rdul de dag byang chub sems dpa' sems dpa' chen po chos kyis 'phags pa'i lus la ma rung bar gyur na bdag gi lus nges par 'jig par 'gyur ba 'dis ci zhig bya/ bdag gi lus don med par chud zos pa bas 'di ltar byas na bdag gi lus med par gyur kyang bla'o/ /bdag gi lus stong phrag du ma 'dod pa'i rgyu dang / 'dod pa'i gzhi dang / 'dod pa'i mtshan mar 'khor ba na yang dang yang du 'khor ba'i tshe/ chud zos kyi gnas 'di lta bu dag tu ni ma song ngo / /de nas byang chub sems dpa' sems dpa' chen po rtag par rab tu ngu ba mtshon rnon po zhig thogs</font><hr>33.267a<br><font size=+1>

te bdag gi lus kun phug nas/ sa phyogs de kun bdag gi khrag gis chag chag btab bo/ /tshong dpon gyi bu mo la sogs pa bu mo lnga brgya po de rnams kyang byang chub sems dpa' sems dpa' chen po rtag par rab tu ngu ba'i rjes su slob pas/ thams cad kyis mtshon rnon po blangs nas/ bdag cag gi lus phug ste/ sa phyogs de bdag cag gi khrag gis chag chag btab bo/ /byang chub sems dpa' sems dpa' chen po rtag par rab tu ngu ba dang /  bu mo de rnams kyang sems gzhan du ma gyur te/ bdud sdig to can gyis dge ba'i phyogs la bar chad bya ba'i skabs rnyed par yang ma gyur to/ /de nas lha'i dbang po brgya byin 'di snyam du gyur to/ /byang chub sems dpa' sems dpa' chen po rtag par rab tu ngu ba 'di de ltar chos 'dod pa dang / de ltar yi dam la brtan pa dang / go cha chen po bgos pa dang / bla na med pa yang dag par rdzogs pa'i byang chub kyi phyir lus dang srog la mi lta ba dang / bla na med pa yang dag par rdzogs pa'i byang chub tu mngon par rdzogs par sangs rgyas nas/  lhag pa'i bsam pas 'di ltar sems can rnams 'khor ba'i sdug bsngal dpag tu med pa las yongs su thar bar bya bar sems pa de ngo mtshar che'o/ /de nas lha'i dbang po brgya byin gyis khrag de thams cad lha'i tsan dan gyi chur byin gyis brlabs so/ /sa phyogs de kho ra khor yug kyang lha'i tsan dan gyi chu'i dri bsam gyis mi khyab pa dpag tshad brgya'i bar du bsang bar byas so/ /de nas lha'i dbang po brgya byin gyis/ byang chub sems dpa' sems dpa' chen po rtag par rab tu ngu ba la 'di skad smras so/ /rigs kyi bu khyod kyis brtson 'grus bsam gyis mi khyab pa dang / khyod chos 'dod pa dang / chos tshol ba bla na med pa de legs so/ /legs so/ /rigs kyi bu sngon</font><hr>33.267b<br><font size=+1>

gyi de bzhin gshegs pa dgra bcom pa yang dag par rdzogs pa'i sangs rgyas rnams kyis kyang lhag pa'i bsam pa de lta bu dang / brtson 'grus de lta bu dang / chos 'dod pa de lta bus bla na med pa yang dag par rdzogs pa'i byang chub bsgrubs so/ /de nas byang chub sems dpa' sems dpa' chen po rtag par rab tu ngu ba 'di snyam du gyur to/ /bdag gis 'phags pa byang chub sems dpa' sems dpa' chen po chos kyis 'phags pa'i chos kyi stan ni bting zin/ sa phyogs 'di yang chag chag btab cing phyag dar byas zin na/ sa phyogs 'di dag tu me tog gis gtor ba dang / 'phags pa byang chub sems dpa' sems dpa' chen po chos kyis 'phags pa chos 'chad pa la gtor ba'i me tog bdag gis ga las rnyed snyam pa dang / de nas lha'i dbang po brgya byin gyis/ byang chub sems dpa' sems dpa' chen po rtag par rab tu ngu ba la 'di skad smras so/ /rigs kyi bu lha'i me tog man dA ra ba 'di rnams khyer la/ 'di dag gis sa phyogs 'di khyod kyis me tog gis gtor cig /'phags pa byang chub sems dpa' sems dpa' chen po chos kyis 'phags pa chos kyi stan la 'dug cing / chos 'chad pa la yang gtor cig ces nas/ des lha'i me tog man dA ra ba khal bzhi brgya de la byin no/ /de nas byang chub sems dpa' sems dpa' chen po rtag par rab tu ngu bas me tog de dag blangs nas/ me tog kha cig ni byang chub sems dpa' sems dpa' chen po chos kyis 'phags pa la mchod pa'i phyir bzhag go/ /de nas byang chub sems dpa' sems dpa' chen po chos kyis 'phags pa lo bdun lon pa dang / ting nge 'dzin de las langs nas/  chos kyi stan gang na 'dug pa der song nas/ stan bting ba la 'dug ste/ 'khor brgya stong du mas</font><hr>33.268a<br><font size=+1>

yongs su bskor/ mdun du byas nas shes rab kyi pha rol du phyin pa 'chad do/ /de nas byang chub sems dpa' sems dpa' chen po rtag par rab tu ngu ba tshong dpon gyi bu mo la sogs pa bu mo lnga brgya dang bcas pas/ byang chub sems dpa' sems dpa' chen po chos kyis 'phags pa la me tog gis mchod pa byas so/ /de nas byang chub sems dpa' sems dpa' chen po rtag par rab tu ngu bas/ byang chub sems dpa' sems dpa' chen po chos kyis 'phags pa mthong nas dper na dge slong bsam gtan dang po la snyoms par zhugs pa yid la byed pa rtse gcig tu gyur pa de lta bu'i bde ba rab tu thob par gyur/ de la byang chub sems dpa' sems dpa' chen po chos kyis 'phags pa shes rab kyi pha rol du phyin pa'i chos 'chad pa ni 'di lta ste/ chos thams cad mnyam pa nyid pas/ shes rab kyi pha rol du phyin pa mnyam pa nyid do/ /chos thams cad rnam par dben pas/ shes rab kyi pha rol du phyin pa rnam par dben no/ /chos thams cad mi g.yo ba nyid kyi phyir/ shes rab kyi pha rol du phyin pa mi g.yo ba nyid do/ /chos thams cad sems pa med pa'i phyir/ shes rab kyi pha rol du phyin pa sems pa med pa nyid do/ /chos thams cad mnan pa med pa'i phyir/ shes rab kyi pha rol du phyin pa mnan pa med pa nyid do/ /chos thams cad ro gcig pa'i phyir/ shes rab kyi pha rol du phyin pa ro gcig pa nyid do/ /chos thams cad mtha' yas pa'i phyir/ shes rab kyi pha rol du phyin pa mtha' yas pa nyid do/ /chos thams cad skye ba med pa'i phyir/ shes rab kyi pha rol du phyin pa skye ba med pa nyid do/ /chos thams cad 'gag pa med pa'i phyir/ shes rab kyi pha rol du phyin pa 'gag pa med pa nyid do/ /nam mkha'</font><hr>33.268b<br><font size=+1>

mtha' yas pa'i phyir/ shes rab kyi pha rol du phyin pa mtha' yas pa nyid do/ /rgya mtsho mtha' yas pa'i phyir/ shes rab kyi pha rol du phyin pa mtha' yas pa nyid do/ /ri rab lta bur rnam pa sna tshogs pa'i phyir/ shes rab kyi pha rol du phyin pa rnam pa sna tshogs pa nyid do/ /nam mkha' ltar rnam par mi rtog pa'i phyir/ shes rab kyi pha rol du phyin pa rnam par mi rtog pa nyid do/ /gzugs mtha' yas pa'i phyir/ shes rab kyi pha rol du phyin pa mtha' yas pa nyid do/ /de bzhin du tshor ba dang / 'du shes dang / 'du byed dang / rnam par shes pa mtha' yas pa'i phyir/ shes rab kyi pha rol du phyin pa mtha' yas pa nyid do/ /sa'i khams mtha' yas pa'i phyir/ shes rab kyi pha rol du phyin pa mtha' yas pa nyid do/ /de bzhin du chu'i khams dang / me'i khams dang / rlung gi khams mtha' yas pa'i phyir/ shes rab kyi pha rol du phyin pa mtha' yas pa nyid do/ /nam mkha'i dbyings mtha' yas pa'i phyir/ shes rab kyi pha rol du phyin pa mtha' yas pa nyid do/ /rdo rje lta bur chos thams cad mnyam pa nyid du gyur pa'i phyir/ shes rab kyi pha rol du phyin pa mnyam pa nyid do/ /chos thams cad 'jig pa med pa'i phyir/ shes rab kyi pha rol du phyin pa 'jig pa med pa nyid do/ /chos thams cad dmigs su med pa'i phyir/ shes rab kyi pha rol du phyin pa dmigs su med pa nyid do/ /chos thams cad rnam par 'byed pa mnyam pa nyid kyi phyir/ shes rab kyi pha rol du phyin pa mnyam pa nyid do/ /chos thams cad g.yo ba med pa'i phyir/ shes rab kyi pha rol du phyin pa g.yo ba med pa nyid do/ /chos thams cad bsam gyis mi khyab pa'i phyir/ shes rab kyi pha rol du phyin pa bsam gyis mi khyab pa nyid du rig par bya'o/ /de nas byang chub sems dpa' sems dpa' chen po rtag par rab tu ngu ba de bzhin</font><hr>33.269a<br><font size=+1>

du 'dug pa las/  de'i tshe chos thams cad mnyam pa nyid yin pa'i phyir/ chos thams cad mnyam pa nyid ces bya ba'i ting nge 'dzin nges par byed do/ /chos thams cad rnam par dben pa zhes bya ba'i ting nge 'dzin dang / chos thams cad g.yo ba med pa zhes bya ba'i ting nge 'dzin dang / chos thams cad sems pa med pa zhes bya ba'i ting nge 'dzin dang / chos thams cad mi non pa zhes bya ba'i ting nge 'dzin dang / chos thams cad ro gcig pa zhes bya ba'i ting nge 'dzin dang / chos thams cad mtha' yas pa zhes bya ba'i ting nge 'dzin dang / chos thams cad skye ba med pa zhes bya ba'i ting nge 'dzin dang / chos thams cad 'gag pa med pa zhes bya ba'i ting nge 'dzin dang / nam mkha' mtha' yas pa zhes bya ba'i ting nge 'dzin dang / rgya mtsho mtha' yas pa zhes bya ba'i ting nge 'dzin dang /  ri rab rnam pa sna tshogs pa zhes bya ba'i ting nge 'dzin dang / nam mkha' lta bu zhes bya ba'i ting nge 'dzin dang / gzugs mtha' yas pa zhes bya ba'i ting nge 'dzin dang / tshor ba dang / 'du shes dang / 'du byed dang /  rnam par shes pa mtha' yas pa zhes bya ba'i ting nge 'dzin dang / sa'i khams mtha' yas pa zhes bya ba'i ting nge 'dzin dang / chu'i khams dang / me'i khams dang / rlung gi khams mtha' yas pa zhes bya ba'i ting nge 'dzin dang / nam mkha'i khams mtha' yas pa zhes bya ba'i ting nge 'dzin dang / rdo rje lta bu zhes bya ba'i ting nge 'dzin dang / chos thams cad mi phyed pa zhes bya ba'i ting nge 'dzin dang / chos thams cad kyi ngo bo nyid dmigs su med pa zhes bya ba'i ting nge 'dzin dang / chos thams cad rnam par 'jig pa mnyam pa nyid ces bya ba'i ting nge 'dzin dang / chos thams cad spyod pa med pa zhes bya ba'i ting nge 'dzin dang / chos thams cad bsam gyis mi khyab pa zhes bya ba'i ting nge 'dzin dang / </font><hr>33.269b<br><font size=+1>

rnams shes rab kyi pha rol du phyin pa bshad pa na rab tu thob par 'gyur te/ de la sogs pa ting nge 'dzin gyi sgo stong phrag drug brgya byang chub sems dpa' sems dpa' chen po rtag par rab tu ngu bas rab tu thob par gyur to/ /shes rab kyi pha rol du phyin pa stong phrag nyi shu lnga pa las/ chos kyis 'phags pa'i le'u ste/ bdun bcu rtsa lnga pa'o// //rab 'byor byang chub sems dpa' sems dpa' chen po rtag par rab tu ngu bas ting nge 'dzin gyi sgo brgya stong phrag drug bcu thob ma thag tu shar phyogs dang / lho phyogs dang / nub phyogs dang / byang phyogs dang / 'tshams rnams dang / bla 'og dang / phyogs bcu gang gA'i klung gi bye ma snyed kyi stong gsum gyi stong chen po'i 'jig rten gyi khams na/ sangs rgyas bcom ldan 'das byang chub sems dpa'i tshogs kyis mdun du byas pa/ dge slong gi dge 'dun gyis yongs su bskor ba/ tshul 'di nyid dang / ming 'di nyid dang / tshig 'di nyid dang / yi ge 'di dag nyid kyis shes rab kyi pha rol du phyin pa 'di nyid 'chad pa mthong ba ni/ dper na stong gsum gyi stong chen po'i 'jig rten gyi khams 'di na nga byang chub sems dpa'i tshogs kyi mdun du byas shing / dge slong gi dge 'dun gyis yongs su bskor ba/ tshul 'di nyid dang / ming 'di nyid dang / tshig 'di nyid dang / yi ge 'di dag nyid kyis shes rab kyi pha rol du phyin pa'i chos 'chad cing 'dug pa lta bu'o/ /de bsam gyis mi khyab pa'i gzungs rab tu thob pas/ thos pa rgya mtsho lta bu dang ldan par gyur to/ /tshe rabs thams cad du yang nams kyang sangs rgyas dang mi 'bral bar gyur to/ /tshe rabs thams cad du gang dang gang du na sangs rgyas bcom ldan 'das yod pa'i 'jig rten gyi khams de dang der skyes nas/ sangs rgyas bcom ldan 'das rnams la mngon sum du chos nyan to/ /chung ngu na rmi lam na yang sangs rgyas</font><hr>33.270a<br><font size=+1>

mthong ba dang mi 'bral ba dang / chos nyan pa dang / byang chub sems dpa' mthong ba dang mi 'bral lo/ /de mi khom pa thams cad spangs shing dal 'byor dang ldan par gyur to/ /de nas bcom ldan 'das kyis tshe dang ldan pa kun dga' bo la 'di skad ces bka' stsal to/ /kun dga' bo rnam grangs 'dis 'di ltar rig par bya'o/ /shes rab kyi pha rol du phyin pa ni byang chub sems dpa' sems dpa' chen po rnams kyi thams cad mkhyen pa'i ye shes thob par byed pa'o/ /de bas na kun dga' bo byang chub sems dpa' sems dpa' chen po thams cad mkhyen pa'i ye shes thob par 'dod pas/ shes rab kyi pha rol du phyin pa 'di la spyad par bya'o/ /de nas yang bcom ldan 'das kyis tshe dang ldan pa kun dga' bo la bka' stsal pa/ kun dga' bo khyod kyis byang chub sems dpa' sems dpa' chen po rnams la phan gdags pa'i phyir/ shes rab kyi pha rol du phyin pa 'di zung shig /chongs shig /lhogs shig /kun chub par gyis shig /gzhan la yang rgyas par ston cig /kun dga' bo shes rab kyi pha rol du phyin pa 'di ni byang chub sems dpa' sems dpa' chen po rnams kyis kyang mnyan par bya/ gzung bar bya/ bcang bar bya klag par bya/ kun chub par bya/ bsgrags par bya/ bstan par bya/ bshad par bya/ kha ton du bya/ rab tu bsgom par bya ste/ de bzhin gshegs pa'i byin gyis brlabs kyis chung ngu na/ glegs bam chen po la yi ge gsal bar bris te/ me tog dang / bdug pa dang / spos dang / phreng ba dang / byug pa dang / phye ma dang / gos dang / gdugs dang / rgyal mtshan dang / ba dan dang / kho ra khor yug tu yang mar me'i phreng ba rnam pa du mas mchod cing / rim gror bya bla mar bya/ sti stang du bya/ mchod par bya/ brjed par bya/ gus par bya ste/ 'di ni ngas rjes su gtams pa'o/ /de ci'i phyir zhe na/ kun dga' bo byang chub sems dpa' sems dpa' chen po rnams kyi bla na med pa yang dag par rdzogs</font><hr>33.270b<br><font size=+1>

pa'i byang chub ni/ shes rab kyi pha rol du phyin pa la rag lus pa'i phyir ro/ /kun dga' bo de ji snyam du sems/ khyod kyi ston pa de bzhin gshegs pa yin nam/  kun dga' bos gsol pa/ bcom ldan 'das bdag gi ston pa lags so/ /bde bar gshegs pa bdag gi ston pa lags so/ /de skad gsol pa dang / bcom ldan 'das kyis tshe dang ldan pa kun dga' bo la 'di skad bka' stsal to/ /kun dga' bo de bzhin gshegs pa khyod kyi ston pa yin te/ khyod kyis yongs su spyad do/ /kun dga' bo khyod kyis byams pa'i lus kyi las yid du 'ong zhing / yid du mi 'ong ba ma yin pa dang / byams pa'i ngag gi las yid du 'ong zhing yid du mi 'ong ba ma yin pa dang / byams pa'i yid kyi las yid du 'ong zhing yid du mi 'ong ba ma yin pas yongs su spyad do/ /de bas na kun dga' bo nga da ltar lus 'di la gnas shing 'tsho skyong ba na/ gang khyod kyis byams pa dang dga' ba dang / bla mar byas pa de/ nga 'das pa'i 'og tu khyod kyis shes rab kyi pha rol du phyin pa 'di la gyis shig /kun dga' bo khyod la lan gnyis lan gsum du gtad cing rjes su gtad kyis/ khyod kyis ci nas kyang shes rab kyi pha rol du phyin pa 'di med par mi 'gyur bar gyis shig /kun dga' bo ji srid du shes rab kyi pha rol du phyin pa 'di 'jig rten na gnas pa de srid du de bzhin gshegs pa yang bzhugs par rig par bya/ de srid du de bzhin gshegs pa chos 'chad par rig par bya'o/ /kun dga' bo sems can gang dag shes rab kyi pha rol du phyin pa 'di nyan pa dang / 'dzin pa dang / 'chang ba dang / klog pa dang / kun chub par byed pa dang / sgrogs pa dang / ston pa dang / kha ton byed pa dang / 'dri ba dang / rim gror byed pa dang / bla mar byed pa dang / sti stang du byed pa dang / mchod par byed pa dang / rjed par byed pa dang / gus par byed cing / me tog dang / bdug pa dang / spos dang / </font><hr>33.271a<br><font size=+1>

phreng ba dang / byug pa dang / gos dang / phye ma dang / gdugs dang / rgyal mtshan dang / ba dan dang / kho ra khor yug tu mar me'i phreng ba rnam pa sna tshogs kyi mchod pas mchod par byed pa'i sems can de dag ni sangs rgyas/ mthong ba dang mi 'bral ba/ chos nyan pa dang mi 'bral bar rig par bya'o/ /kun dga' bo sems can de dag ni de bzhin gshegs pa'i zham ring bar 'khod par rig par bya'o/ /bcom ldan 'das thugs dgyes pas de skad bka' stsal pa dang / tshe dang ldan pa rab 'byor dang / tshe dang ldan pa sha ri'i bu dang tshe dang ldan pa maud gal chen po'i bu dang / tshe dang ldan pa 'od srung chen po dang / tshe dang ldan pa byams ma'i bu gang po dang / tshe dang ldan pa ka ta ya na chen po dang / tshe dang ldan pa ma 'gags pa dang / tshe dang ldan pa re ba ta dang / tshe dang ldan pa ra hu la dang / 'khor rnam bzhi dang / lha dang mi dang / lha ma yin du bcas pa'i 'jig rten pa/ bcom ldan 'das kyis bka' stsal pa la mngon par dga' bar gyur to/ /shes rab kyi pha rol du phyin pa stong phrag nyi shu lnga pa las/ yongs su gtad pa'i le'u ste/ bdun bcu rtsa drug pa'o// //shes rab kyi pha rol du phyin pa stong phrag nyi shu lnga pa/ phyogs bcu mtha' yas mu med pa'i 'jig rten gyi khams kyi 'das pa dang / ma byon pa dang / da ltar gyi sangs rgyas dang / byang chub sems dpa' dang / nyan thos dang / rang sangs rgyas rnams kyi yum rdzogs s+ho// //ye d+harmA he tu pra b+ha bA he tun te ShAn ta thA ga to h+ya ba data/ te ShAny+tsa yo ni ro d+ha e ba~M` bA dI ma hA shra ma NaH  thugs dam nyi khri 'di dge ba'i bshes gnyen myang sgom chos 'bar gyi thugs dam gser khri la phyi mo byas nas zhus dag lan gnyis dang / nyi khri yer ba ma'i steng nas zhus legs par bgyis bdog pas/ slan chad bri ba rnams kyang 'di kho na bzhin 'dri bar zhu'o/ /bkra shis par gyur cig // bdag ni skye ba thams cad du/ thub bstan mdzes pa'i rgyan gyur te/ bslab sbyangs yon tan kun ldan pa'i/ mchog tu gyur pa thob par shog 'dis kyang sangs rgyas kyi bstan pa dar ba dang / sems can la bde skyid 'byung bar gyur cig / // </font><hr>

</table>