rgya gar skad du/ bud d+ha ka ma las p+ta ma~M ga la gA thA/ bod skad du/ sangs rgyas rabs bdun gyi bkra shis tshigs su bcad pa/ dkon mchog gsum la phyag 'tshal lo/ /bcom ldan rnam par gzigs ni rgyal rigs gzi brjid can/ /tshe lo brgyad khri'i dus na grong khyer mdzes ldan du/ /shi ri sha yi shing drung mngon par sangs rgyas pa/ /deng 'dir bde gshegs bkra shis phun sum tshogs gyur cig /bde gshegs gtsug tor mnga' ba rgyal rigs rdzu 'phrul can/ /tshe lo bdun khri'i dus na su ka'i grong khyer du/ /shing mchog sun d+ha'i shing drung mngon par sangs rgyas pa/ /deng 'dir bde gshegs bkra shis phun sum tshogs gyur cig /rgyal ba thams cad skyob pa rgyal rigs blo gros can/ /tshe lo drug khri'i dus na grong khyer mnyam med du/ /shing mchog sa la'i drung du mngon par sangs rgyas pa/ / 107.247b shing mchog sa'i drung du mngon par sangs rgyas pa/ /deng 'dir bde gshegs bkra shis phun sum tshogs gyur cig /thub pa 'khor ba 'jig ni bcom ldan bram ze'i rigs/ /tshe lo bzhi khri'i dus na grong khyer mdzes ldan du/ /shi ri sha yi shing drung mngon par sangs rgyas pa/ / deng 'dir bde gshegs bkra shis phun sum tshogs gyur cig /'dren pa gser thub bslab pa mchog ldan bram ze'i rigs/ /tshe lo sum khri'i dus na grong khyer bde ldan du/ /u dum ba ra'i shing drung mngon par sangs rgyas pa/ /deng 'dir bde gshegs bkra shis phun sum tshogs gyur cig /skyob pa 'od srung rgyal rigs bla med yon tan can/ /tshe lo nyi khri'i dus na bA rA Na sI ru/ /n+ya gro d+ha yi shing drung mngon par sangs rgyas pa/ /deng 'dir bde gshegs bkra shis phun sum tshogs gyur cig /'gro mgon shAkya thub pa rgyal rigs brtson 'grus can/ /tshe lo brgya pa'i dus na ser skya'i grong khyer du/ /a shwa tha yi shing drung mngon par sangs rgyas pa/ /deng 'dir bde gshegs bkra shis phun sum tshogs gyur cig /sangs rgyas rabs bdun bkra shis phun sum tshogs pa gang / /phyogs dus kun gyi bde gshegs byin brlabs rmad byung ba/ /chos dbyings rnam dag rten 'brel stobs ldan mi 'gyur ba/ /deng 'dir bde gshegs bkra shis phun sum tshogs gyur cig /sangs rgyas rabs bdun gyi bkra shis tshigs su bcad pa/ rdzogs s+ho// |