J105

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J105</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J105&coll=lithang">see text in Tibetan script</a></table>54.106a<br><font size=+1>

@#/ /rgya gar skad du/ Ar+ya su bi krAn+ta de ba pu tra pa ri prits+tshA na ma ma hA yA na su tra/  bod skad du/  'phags pa lha'i bu rab rtsal sems kyis zhus pa zhes bya ba theg pa chen po'i mdo/  bam po dang po/ sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das mnyan du yod pa na rgyal bu rgyal byed kyi tshal mgon med zas sbyin gyi kun dga' ra ba na dge slong khri'i dge slong gi dge 'dun chen po dang / 'jig rten gyi khams gzhan dag nas 'dus pa'i byang chub sems dpa' stong phrag rab tu mang po dang / 'dod pa na spyod pa dang / gzugs na spyod pa'i lha'i bu rnams dang / de las gzhan pa'i lha'i bu rnams dang / klu'i rgyal po rgya mtsho la sogs pa klu'i 'khor mang po dang / gnod sbyin gyi rgyal po lus ngan la sogs pa gnod sbyin gyi 'khor mang po rnams dang / nam mkha' lding gi rgyal po stobs chen la sogs pa nam mkha' lding gi 'khor mang po rnams dang / lha ma yin gyi dbang po sgra gcan la sogs pa lha ma yin gyi 'khor mang po rnams dang / mi 'am ci'i rgyal po ljon pa la sogs pa mi 'am ci'i 'khor mang po rnams dang / lto 'phye chen po'i dbang po lag bzangs la sogs pa lto 'phye chen po'i 'khor mang po rnams dang / rgyal po chen po bzhi 'khor dang bcas pa rnams dang / lha'i dbang po brgya byin lha'i bu stong phrag mang po'i 'khor dang bcas pa dang / mi mjed kyi bdag po tshangs pa tshangs ris kyi lha'i bu 'bum phrag du ma'i 'khor dang bcas pa dang / rgyal po</font><hr>54.106b<br><font size=+1>

gsal rgyal 'khor stong phrag du ma dang bcas pa dang / khyim bdag mgon med zas sbyin 'khor dang bcas pa dang thabs gcig tu bzhugs te/ de dag la sogs pa 'khor bzhi mang po rnams kyis yongs su bskor cing mdun gyis bltas te chos ston to/ /de'i tshe na 'jam dpal gzhon nur gyur pa 'khor de nyid du 'dus par gyur te 'dug go/ /lha'i bu byang chub sems dpa' sems dpa' chen po bla na med pa yang dag par rdzogs pa'i byang chub las phyir mi ldog pa rab rtsal sems kyang 'dus par gyur te 'dug go/ /de nas lha'i bu rab rtsal sems kyis 'khor phal po che de 'dus par rig nas stan las langs te bla gos phrag pa gcig tu gzar nas pus mo g.yas pa'i lha nga sa la btsugs te/ bcom ldan 'das ga la ba der logs su thal mo sbyar ba btud nas bcom ldan 'das la 'di skad ces gsol to/ /bcom ldan 'das ji ltar na byang chub sems dpa' sems dpa' chen po theg pa chen po la gzhan gyi dring mi 'jog pa rnams lags/ ji ltar na byang chub sems dpa' sems dpa' chen po brtsams pa thams cad la brtson 'grus brtan pa rnams lags/ ji ltar na byang chub sems dpa' sems dpa' chen po bsod nams dag gis mngon par 'phags pa rnams lags/ ji ltar na byang chub sems dpa' sems dpa' chen po ye shes kyis chags pa ma mchis par spyod pa rnams lags/ ji ltar na byang chub sems dpa' sems dpa' chen po shes rab kyis mun pa dang bral ba rnams lags/ ji ltar na byang chub sems dpa' sems dpa' chen po 'khor rnams kyi nang du 'jigs pa dang bral ba rnams lags/ ji ltar na byang chub sems dpa' sems dpa' chen po thos pas don la rton pa rnams lags/ ji ltar na byang chub sems dpa' sems dpa' chen po 'jig rten gyi tshul gyis chos la rton pa rnams lags/ ji ltar na byang chub sems dpa' sems dpa' chen po sangs rgyas bcom ldan 'das rnams kyi gsungs pa bzhin du smra ba rnams lags/ ji ltar na byang chub sems dpa' sems dpa' chen po sems</font><hr>54.107a<br><font size=+1>

can rnams la chos smra ba rnams lags/ ji ltar na byang chub sems dpa' sems dpa' chen po mngon par shes pa rnams kyis mngon par 'phags pa rnams lags/ ji ltar na byang chub sems dpa' sems dpa' chen po bdud thams cad kyis thub par dka' ba rnams lags/ ji ltar na byang chub sems dpa' sems dpa' chen po blo gros gting dpag dka' ba rnams lags/ ji ltar na byang chub sems dpa' sems dpa' chen po 'jig rten gyi chos brgyad kyis mi gos pa rnams lags/ ji ltar na byang chub sems dpa' sems dpa' chen po gting dpag dka' zhing zab mo la spyod pa rnams lags/ ji ltar na byang chub sems dpa' sems dpa' chen po chos ston pas dbang po la mkhas pa rnams lags/ ji ltar na byang chub sems dpa' sems dpa' chen po 'dus ma byas pa dang ma 'dres pas rnam par thar pa'i sgor gnas pa rnams lags/ ji ltar na byang chub dpa' sems dpa' chen po lhag pa'i nga rgyal can tshar gcod pa'i slad du snrel zhir bsgrub pa la mkhas pa rnams lags/ ji ltar na byang chub sems dpa' sems dpa' chen po las kyi sgrib pa thams cad kyi rgyu la mkhas pa rnams lags/ ji ltar na byang chub sems dpa' sems dpa' chen po lta ba'i rnam pa dang bral zhing rten cing 'brel bar 'byung ba la mkhas pa rnams lags/ ji ltar na byang chub sems dpa' sems dpa' chen po sems can yongasu smin par bgyid pa dag la mkhas pa rnams lags/ ci ltar na byang chub sems dpa' sems dpa' chen po bsam pa yongasu dag pas brtul shugs grub pa rnams lags/ ji ltar na byang chub sems dpa' sems dpa' chen po zhe 'gras pa'i sems ma mchis shing bzod pa'i stobs dang ldan pa rnams lags/ ji ltar na byang chub sems dpa' sems dpa' chen po pha rol tu phyin pa thams cad kyi pha rol tu son pa rnams lags/ ji ltar na byang chub sems dpa' sems</font><hr>54.107b<br><font size=+1>

dpa' chen po sems can thams cad kyi nye bar 'tsho ba rnams lags/ ji ltar na byang chub sems dpa' sems dpa' chen po 'jig rten thams cad mngon par 'du bar 'gyur ba rnams lags/ ji ltar na byang chub sems dpa' sems dpa' chen po srog chags thams cad kyis bsngags par 'gyur ba rnams lags/ ji ltar na byang chub sems dpa' sems dpa' chen po dge ba'i spyod pa thams cad la rmas pa ma mchis pa rnams lags/ ji ltar na byang chub sems dpa' sems dpa' chen po shes rab dag la rgya mtsho lta bu rnams lags/ ji ltar na byang chub sems dpa' sems dpa' chen po chos la dbang bsgyur bas dbang phyug tu gyur pa rnams lags/ ji ltar na byang chub sems dpa' sems dpa' chen po bgyi ba thams cad la slob dpon du gyur pa rnams lags/ ji ltar na byang chub sems dpa' sems dpa' chen po thams cad du kha na ma tho ba ma mchis shing yon tan rnam pa thams cad dang ldan pa rnams lags/ de skad ces gsol pa dang / bcom ldan 'das kyis lha'i bu rab rtsal sems la 'di skad ces bka' stsal to/ /rab rtsal sems legs so legs so lha'i bu khyod byang chub sems dpa' sems dpa' chen po 'jig rten thams cad las mngon par 'phags pa/ 'jig rten gyi yongasu 'dren pa/ snying rje chen po dang ldan pa/ bskal pa grangs med pa nas go cha bgos pa/ brtson 'grus shin tu brtan pa/ ded dpon chen po/ sems can dpag tu med pa'i don byed pa/ sems can dpag tu med pa thams cad thang bde ba la rab tu 'god pa la mkhas pa/ yon tan dpag tu med pa dang ldan pa rnams kyi don du de bzhin gshegs pa la yongasu zhu ba ni yang khyod legs so/ /lha'i bu de'i phyir legs par rab tu nyon la yid la zung shig dang / ji ltar byang chub sems dpa' sems dpa' chen po rnams kyis yon tan gyi khyad par de dag dang gzhan dag kyang 'thob par 'gyur ba ngas khyod la bshad par bya'o/ /lha'i bu rab rtsal sems kyis bcom ldan 'das de ltar 'tshal lo zhes gsol te bcom ldan 'das kyi ltar</font><hr>54.108a<br><font size=+1>

nyan pa dang / bcom ldan 'das kyis 'di skad ces bka' stsal to/ /lha'i bu byang chub sems dpa' sems dpa' chen po chos bzhi dang ldan na theg pa chen po la gzhan gyi dring mi 'jog pa rnams yin te/ bzhi gang zhe na thabs la mkhas pas mngon par bsgrub pa'i shes rab dang / snying rje chen pos mngon par bsgrub pa'i byams pa dang / don dang chos kyis mngon par bsgrub pa'i spobs pa dang / byang chub kyi yan lag gi rnam pas mngon par bsgrub pa'i mngon par shes pa lnga po dag ste/ lha'i bu byang chub sems dpa' sems dpa' chen po chos bzhi po de dag dang ldan na theg pa chen po la gzhan gyi dring mi 'jog pa rnams yin no/ /de la 'di skad ces bya ste/ thabs la mkhas pa mngon par sgrub par byed pa yi/ /mngon sum shes rab rtogs par khong du chud gyur cing / /thams cad skyabs phyir snying rje chen po yangs pa la/ /gnas pa'i byams pa mngon par bsgrub par byed gyur la/ /don dang chos la shin tu mkhas par 'gyur ba yi/ /so so yang dag rig la spobs pa thob gyur la/ /byang chub lam la mngon shes dag gis rnam rtse na/ /des ni gzhan gyi dring la 'jog par mi 'gyur ro/ /lha'i bu byang chub sems dpa' sems dpa' chen po chos bzhi dang ldan na brtsam pa thams cad la brtson 'grus brtan pa rnams yin te/ bzhi gang zhe na/ phyir mi ldog pa'i brtson 'grus dang / bsam pa dag pa'i brtul ba dang / byang chub la 'dun pa drag po dang ldan pa dang / sangs rgyas kyi chos yongasu bsgrub pa la yid yongasu mi skyo ba dang ldan pa ste/ lha'i bu byang chub sems dpa' sems dpa' chen po chos bzhi po de dag dang ldan na brtsam pa thams cad la brtson 'grus brtan pa yin no/ /de la 'di skad ces bya ste/ brtson 'grus brtan zhing rab tu gnas par med gyur cing / /bsam pa rnyog pa med cing yongasu dag gyur la/ /sangs rgyas ye shes don phyir 'dun pa grags ldan zhing / /sangs rgyas chos rnams 'dod cing rtag tu yongs mi skyo/ /gang la chos bzhi rgya chen khyad par de</font><hr>54.108b<br><font size=+1>

yod pa/ /de ni byang chub lam du mngon 'byung brtan 'gyur zhing / /byang chub yan lag lag mthil bzhag pa bzhin gyur la/ /ring po mi thogs 'jig rten gsum gyi chos rgyal 'gyur/ /lha'i bu byang chub sems dpa' sems dpa' chen po chos bzhi dang ldan na bsod nams dag gi mngon par 'phags pa rnams yin te/ bzhi gang zhe na/ byang chub sems dpa' rnams shes rab kyi pha rol tu phyin pa la 'doms par byed pa dang / sems can gang dag byang chub tu sems ma bskyed pa de dag byang chub tu sems bskyed du 'jug pa dang / sprul pa lta bur dus gsum yongasu bsngo ba dang / byang chub kyi sems dang ma bral bas dge ba'i rtsa ba thams cad skyed pa mngon par 'du byed pa ste chos bzhi po de dag dang ldan pa'o/ /de la 'di skad ces bya ste/ mkhas pa gang dag shes rab pha rol phyin 'dams shing / /byang chub zhugs pas byang chub sems 'dzin 'jug byed pa/ /gang dag byang chub zhugs pas dus gsum yid rangs zhing / /yid dang ma bral sprul 'dra byang chub 'dod byed pa/ /dge ba gang yin cung zad byed pa thams cad ni/ /thams cad mkhyen nyid sems la rten par byed pa yin/ /lha'i bu byang chub sems dpa' sems dpa' chen po chos bzhi dang ldan na ye shes kyis chags pa med par spyod pa rnams yin te/ bzhi gang zhe na/ shes pas byis pa'i bya ba rnams byed cing nga rgyal gyis byas pa rnams mi byed pa dang / chos thams cad rkyen las rag las shing byin gyis rlob pa med la gang zag dang bral bar shes pa dang / stong pa nyid spyod yul du gyur cing sems can thams cad mi gtong ba'i bsam pa dang ldan pa dang / chags pa thams cad las yang dag par 'das shing skye mched drug yongasu shes pa srung ba ste/ chos bzhi po de dag dang ngo / /de la 'di skad ces bya ste/ shes pas las byed de dag nga rgyal yod min zhing / /brten la mkhas pa yin zhing de dag lta med la/ /stong nyid spyod yul de dag sems can mi gtang zhing / /chags pa</font><hr>54.109a<br><font size=+1>

kun las 'das shing phyi nang gnas pa ni/ /chos mchog bzhi po de la shin tu rab gnas pa/ /shes pas pha rol phyin cing chags med spyod pa yin/ /lha'i bu byang chub sems dpa' sems dpa' chen po chos bzhi dang ldan na shes rab kyi mun pa dang bral ba rnams yin te/ bzhi gang zhe na/ thos pas ngoms pa med cing tshul bzhin la rab tu sbyor ba dang / zang zing med pa'i sems kyis chos ston pa dang / chos kyi dbyings dbyer med pa shes par bya ba'i phyir nyon mongs pa thams cad la sgyu ma lta bur so sor rtog pa dang / tshul gcig la 'jug pas thams cad kyi 'jug pa la 'jug pa ste/ chos bzhi po de dag dang ngo / /de la 'di skad ces bya ste/ de dag chos tshol ngoms med tshul bzhin rtogs byed cing / /de mnyam ston cing klog 'dzin rnyed pa tshol mi byed/ /nyon mongs sprin 'dra sgyu ma rmi lam lta bur blta/ /chos nyid tha dad mi byed de dag tshul gcig 'jug /che bdag chos bzhi de brten khyad par thob 'gyur zhing / /shes rab sgron 'das mun bsal zla ltar 'jig rten rgyu/ /lha'i bu byang chub sems dpa' sems dpa' chen po chos bzhi dang ldan na 'khor rnams kyi nang du 'jigs pa dang bral ba rnams yin te/ bzhi gang zhe na/ thos pa thams cad 'dzin pa'i gzungs thob pa dang / sems can thams cad kyi the rtsom gcod pa'i spobs pa thob pa dang / sems can thams cad la bdag med pa ston pa'i snying rje chen po dang / bdud dang nyon mongs pa dang bral ba mngon par shes pa'i ye shes kyi go cha bgos pa ste chos bzhi po de dag dang ngo / /de la 'di skad ces bya ste/ thos kun chud mi za bar 'gyur ba'i gzungs thob cing / /de dag spobs ldan sems can som nyi gcod par byed/ /snying rjes chos 'di thams cad bdag med ston byed cing / /mngon shes shes pa'i go bgos bdud kyis mi nyams la/ /byang chub sems dpa' chos bzhi de dag gis 'jug na/ /'khor kun nang du song yang de la 'jigs pa med/ /lha'i bu byang chub sems dpa' sems dpa' chen po chos bzhi dang ldan na thos pas don la rton pa rnams</font><hr>54.109b<br><font size=+1>

yin te/ bzhi gang zhe na/ thos pas thams cad mi 'dzin pas thos pa dang mi ldan zhing sgrubs pa nyams pa'i byis pa thams cad yongasu spong ba dang / yi ge dang / sgra dang / skad dang / tshig gi lam thams cad mngon du rnam par shes par bya ba'i phyir/ brag cha dang mtshungs pa nyid du khong du chud pa dang / don 'dod pa nyid kyi phyir thos pa yongasu tshol zhing dga' dgur bya ba'i phyir ma yin pa dang / brjod du med pa'i don la 'jug cing brjod pa'i don ma yin pa ste/ chos bzhi po de dag dang ngo / /de la 'di skad ces bya ste/ ji tsam mang du thos kyang de la mi rtog pas/ /byis pa thos dang mi ldan rtag tu sgrub chos nyams/ /srid gsum sgra skad dbyangs dang tshig lam gang yod pa/ /brag cha 'dra bar de las don ldan sgra thos nas/ /don nyid rtogs cing dga' mgur nyes kun phyir mi 'jug /chos nyid 'di ni don mchog yin te brjod du med/ /'di ni don dang sgra skad thos par gyur pa las/ /'gro ba rnams su 'gro bar byed cing 'gro bar 'gyur/ /lha'i bu byang chub sems dpa' sems dpa' chen po chos bzhi dang ldan na 'jig rten gyi tshul gyis chos la ston pa rnam pa bzhi ste/ bzhi gang zhe na/ bre mo gtam byed pa rnams la chos ston pa dang / skye bo phal po che 'dus pa dag la 'chi ba rjesu dran pa dang / gtong ba chen po dag la rjesu yid rang zhing byang chub tu yongasu bsngo ba dang / 'du 'dzi thams cad la dben par gzhol ba ste/ chos bzhi po de dag dang ngo / /de la 'di skad ces bya ste/ gang tshe skye bo mang po'i dbus su son gyur pa/ /der ni mkhas pas chos kyi gtam la 'jug par bya/ /skye bo mang po 'dus par gyur pa'i tshogs rnams la/ /'chi bar 'gyur ba'i 'du shes rnam par sgom par bya/ /des ni bag yod gzhan gyi gtong ba rnam lnga yi/ /gtong la yid rangs byas nas byang chub bsngo bya zhing / /gang tshe 'du 'dzi dag dang phrad par gyur pa'i tshe/ /der ni dben par gzhol bar rab tu 'dod par bya/ /lha'i bu byang chub sems dpa' sems dpa' chen po chos bzhi dang ldan na sangs rgyas bcom ldan 'das rnams kyis gsungs</font><hr>54.110a<br><font size=+1>

pa bzhin du smra ba rnams yin te/ bzhi gang zhe na/ byang chub kyi sems mi gtong ba dang / thos pa bsgrub pa snying por byed pa dang / ji skad smras pa de bzhin du byed pa dang / rang bzhin gyis bdag med pa la 'jug pa ste chos bzhi po de dag dang ngo / /de la 'di skad ces bya ste/ nyam dag gnod par gyur kyang byang chub sems mi gtong / /de dag skyob pa'i chos thos sgrub pa snying por byed/ /bka' blo bde 'thun ji skad smras pa de bzhin byed/ /mkhas pa de dag chos kun rang bzhin bdag med 'jug /de ltar brtson pa'i shes ldan smras bzhin byed 'gyur zhing / /rtag brtson mi 'dor rjes 'thun bdag med ci yang med/ /rtag tu snyan pa'i phreng ba phyogs bcur grags 'gyur zhing / /de ltar chos smra de dag chos kyi shes pas 'phags/ /lha'i bu byang chub sems dpa' sems dpa' chen po chos bzhi dang ldan na sems can rnams la chos smra ba rnams yin te/ bzhi gang zhe na/ bdag nyid bsgrub pa la gnas shing sems can rnams la chos ston pa dang / bdag nyid dul ba dang / bsrung ba dang / grol ba dang / btul ba dang / yongasu mya ngan las 'das shing sems can gzhan dag dul bar bya ba dang / bsrung ba dang / dgrol ba dang / gdul ba dang / yongasu mya ngan las bzla ba'i phyir chos ston par byed pa dang / bdag nyid yang dag par rdzogs pa'i byang chub tu bsam pa nges par gyur cing sems can rnams kyang theg pa chen po la rab tu 'god par byed pa dang / bdag nyid chos 'dod cing chos 'dod pas gzhan dag la yang ston par byed pa ste chos bzhi/ po de dag dang ngo / /de la 'di skad ces bya ste/ sgrub pa snying por byed cing 'gro la chos ston la/ /dul bsrung legs btul shin tu mya ngan 'das gnas kyang / /gang dag ma dul ma bsrungs ma btul mya ngan 'das/ /ma 'das de dag chos kyi dkon mchog 'byor bar 'dzud/ /de dag byang chub sems la bsam pa nges gyur cing / /theg pa de la 'gro ba rnams kyang 'god par byed/ /rtag tu chos 'dod don ldan bla ma gus byed cing / /sems can rnams la de dang 'thun pa'i chos rnams</font><hr>54.110b<br><font size=+1>

ston/ /lha'i bu byang chub sems dpa' sems dpa' chen po chos bzhi dang ldan na mngon par shes pa rnams kyis mngon par 'phags pa rnams yin te/ bzhi gang zhe na/ yang dang yang du tshangs pa'i gnas pa bzhi'i gnas pa dang / rtag par rgyun tu rab tu dben par gnas pa dang / chos zab mo la bzod pa dang / lus dang sems mnyam pa nyid du shes pa ste/ chos bzhi po de dag dang ngo / /de la 'di skad ces bya ste/ tshangs pa'i gnas pa dag la rtag tu rab gnas shing / /dben par gnas pa la yang dga' ba skyed byed la/ /shes pas zab mo'i bzod las nges pa thob gyur cing / /mkha' dang mnyam pa'i sems dang ldan par gyur pa ste/ /de ltar mngon par brtson pa'i 'jig pa med pa rnams/ /mngon shes lnga po dag gis mngon par 'phags gyur cing / /de dag sangs rgyas rnams kyi spyan sngar 'dug 'dra la/ /sems can mang po rnams kyang yongasu smin byed 'gyur/ /lha'i bu byang chub sems dpa' sems dpa' chen po chos bzhi dang ldan na bdud thams cad kyis thub pa dka' ba rnams yin te/ bzhi gang zhe na/ stong pa nyid kyi rnam pas mngon par bsgrub pa'i bsam gtan bzhi dang / sems can thams cad mi gtong ba'i snying rje chen po dang / dkon mchog gsum gyi gdung rgyun mi gcod pa'i brtson 'grus dang / thabs la mkhas pa mngon par bsgrub pa'i pha rol tu phyin pa drug ste chos bzhi po de dag dang ngo / /de la 'di skad ces bya ste/ mtshan med stong pas nges pa'i bsam gtan bzhi bsgom zhing / /sems can yongasu skyab phyir rtag tu snying rje ldan/ /dkon mchog gsum rgyun mi gcod brtson 'grus thob gyur cing / /kun tu thabs ldan pha rol phyin pa drug la 'jug /de ltar spyod mkhas blo ldan cha bdag yid gzhungs pa/ /de dag bdud bzhi dag las yang dag 'das gyur cing / /bdud kyi lcags kyur zin pa'i 'gro ba mgon med rnams/ /mya ngan 'da' bar 'gro ba'i lam la 'god par byed/ /lha'i bu byang chub sems dpa' sems dpa' chen po chos bzhi</font><hr>54.111a<br><font size=+1>

dang ldan na blos gting dpag dka' ba rnams yin te/ bzhi gang zhe na/ chos zab mo'i tshul la 'jug pa dang / rtag tu don dang ldan zhing bsnyen par dka' ba dang / rtag tu yid byung zhing chos sems par byed pa dang / sangs rgyas kyi ye shes sgrib pa med pa la sems kyis nges par rtogs par byed pa ste chos bzhi po de dag dang ngo / /de la 'di skad ces bya ste/ zab mo'i chos kyi tshul la zhugs par gyur pa dang / /rtag tu don dang ldan zhing bsnyen par dka' gyur la/ /rtag tu yid byung chos la bsam pa zhugs gyur cing / /sems kyis nges par rtogs par byed pa gang yin pa'i/ /mkhas pa theg pa che la brten pa rab gnas pa/ /blo rnams dag gis gting dpag dka' bar rab 'byung zhing / /chags pa med pa'i ye shes yang dag bsgrub byed pa/ /de phyir blo rnams dag gis gting dpag dka' ba yin/ /lha'i bu byang chub sems dpa' sems dpa' chen po chos bzhi dang ldan na/ 'jig rten gyi chos brgyad kyis mi gos pa rnams yin te/ brgyad gang zhe na/ rnyed pa dang / snyan pa dang / bstod pa dang / bde bas khengs pa med pa dang / ma rnyed pa dang / mi snyan pa dang / smad pa dang / sdug bsngal gyis zhum pa med pa dang / sems can yongasu smin par bya ba'i phyir phung po rnams la yongasu spyod par byed pa dang / phung po yongs su shes pa srung zhing dben par lta ba ste chos brgyad po de dag dang ngo / /de la 'di skad ces bya ste/ rnyed dang snyan dang bstod dang bde ba kun thob kyang / /de dag la ni nam kyang khengs par 'gyur ba med/ /ma rnyed mi snyan smad dang sdug bsngal thob gyur kyang / /de dag pad ma bzhin du chags med 'jig rten spyod/ /sems can smin par bya phyir phung po yongs spyod cing / /phung po sgyu ma gsog 'dra ya ma brlar shes pa/ /sems can phan bde'i don du 'jig rten spyod byed kyang / /'jig rten chos kyis mi gos tshul khrims spos ngad ldan/ /lha'i bu byang chub sems dpa' sems dpa' chen po chos bzhi dang ldan na gting</font><hr>54.111b<br><font size=+1>

dpag dka' zhing zab mo la spyod pa rnams yin te/ bzhi gang zhe na/ bdag la bdag med pa dang / sems can la sems can med pa dang / chos dben pa dang / shes pa chags pa med pa ste/ chos bzhi po de dag dang ngo / /de la 'di skad ces bya ste/ bdag la bdag med nyid du yongs su shes gyur cing / /sems can sems can med par rjesu rtogs gyur la/ /chos rnams dben pa nyid du yongs su shes gyur cing / /mkha' la lag bzhin shes rab chags pa yod min pa'i/ /dpa' rnams zab mo dag la yongs su spyod byed la/ /spyad pa med la rtag tu spyod par byed gyur cing / /'dzin dang kun 'dzin kun dang rnam par bral gyur pas/ /sems can dag pa de dag de phyir gting dpag dka'/ /lha'i bu byang chub sems dpa' sems dpa' chen po chos bzhi dang ldan na chos ston pas dbang po rnams la mkhas pa rnams yin te/ bzhi gang zhe na/ mngon par shes pa thob pa dang / so so yang dag par rig pa shes pa dang / shes rab rno ba dang / sngon gyi smon lam rnam par dag pa ste/ chos bzhi po de dag dang ngo / /de la 'di skad ces bya ste/ mngon par shes pa rnams ni rab tu thob gyur cing / /shes pas so so yang dag rig pas mi zad gyur/ rtag tu shes rab rnon por gyur cing sngon yang ni/ /yang dag bsags pa yongasu dag pa thob gyur ba/ /sems can rnams kyi dbang po yongs su shes byas nas/ /de dang 'dra ba'i chos rnams yongasu ston par byed/ /de dag bstan pa 'bras bu med pa ma yin te/ /de phyir mya ngan 'das nas mya ngan 'da' bar byed/ /lha'i bu byang chub sems dpa' sems dpa' chen po chos bzhi dang ldan na 'dus ma byas dang ma 'dres pas rnam par thar pa'i sgor zhugs pa rnams yin te/ bzhi gang zhe na/ stong pa nyid spyod yul du gyur cing / lta ba'i 'ching bas bcings pa'i sems can rnams thar bar byas pa dang / mtshan ma med pa la gnas shing rnam par rtog pa spyod pa rnams yongasu mya ngan las 'da' bar byed pa dang / smon pa med pa la/ </font><hr>54.112a<br><font size=+1>

gnas zhing sems can yongasu smin par bya ba'i phyir bsam bzhin du skye ba len pa dang thabs la mkhas shing shes rab kyi nges par byung ba ste chos bzhi po de dag dang ngo / /de la 'di skad ces bya ste/ stong nyid spyod yul de dag ltas bcing grol byed cing / /mtshan med gnas shing sems can 'di dag yongs smin byed/ /smon pa med la gnas shing sems can smin bya'i phyir/ /bsam bzhin skye zhing gang du 'dod pa der skye 'gyur/ /shes rab thabs kyis nges byung rnam thar sgor gnas kyang / /'dus ma byas pa'i dbyings ni dus min thob mi byed/ /lha'i bu byang chub sems dpa' sems dpa' chen po chos bzhi dang ldan na lhag pa'i nga rgyal can tshar gcod pa'i phyir snrel zhir bsgrub pa la mkhas pa rnams yin te/ bzhi gang zhe na/ chos kyi dbyings kun nas sgo yang dag par shes pa dang / chos thams cad sgrib pa med par mos pa dang / kun tu rtog pa'i rtsa ba las byung ba'i nyon mongs pa rnams yongasu shes pa dang / mya ngan las 'das pa'i rang bzhin can gyis chos thams cad la nem nur med pa ste chos bzhi po de dag dang ngo / /de la 'di skad ces bya ste/ sems mnyam chos kyi dbyings su nges par byung gyur cing / /de dag rnams kyis sgrib pa 'ga' yang mthong mi 'gyur/ /nyon mongs kun tu rtog pa'i rtsa las rab byung bar/ /shes nas de las snrel zhir kun tu ston mi byed/ /chos 'di thams cad rang bzhin mya ngan 'das pa dang / /ma skyes ma 'gag ngo bo nyid kyis dag pa yin/ /de dag kun mkhyen yongs btsal mya ngan 'das gyur nas/ /lhag pa'i nga rgyal can dag tshar gcod byed pa yin/ /lha'i bu byang chub sems dpa' sems dpa' chen po chos bzhi dang ldan na las kyi bya ba thams cad kyi rgyu la mkhas pa rnams yin te/ bzhi gang zhe na/ longs spyod chen po'i rgyu sbyin pa mi spong ba dang / mtho ris su skye ba'i rgyu tshul khrims mi spong ba dang / shes rab chen po'i rgyu thos pa mi spong ba dang bral ba'i rgyu sgom pa mi spong ba ste chos bzhi po de dag dang ngo / /de la 'di skad ces bya ste/ </font><hr>54.112b<br><font size=+1>

longs spyod che rgyu sbyin pa mi spong de'i 'bras de/ /mtho ris skye rgyu tshul khrims thob cing de'i 'bras de/ /shes rab nyon mongs 'joms rgyu thos pa de'i 'bras de/ /rnam grol rig rgyu sgom par byed cing de 'bras de/ /rgyu bzhi de la rtag brtson mkhas pa de dag ni/ /byang chub snying por dbang bskur 'bras phyir nyin mtshan spyod/ /lha'i bu byang chub sems dpa' sems dpa' chen po chos bzhi dang ldan na lta ba'i rnam pa dang bral zhing rten cing 'brel bar 'byung ba la mkhas pa rnams yin te/ bzhi gang zhe na/ chad par smra ba ma yin pa dang / rtag par smra ba ma yin pa dang / ma rig pa byung na rga shi'i bar du 'byung bar lta zhing bdag tu lta bar mi byed pa dang / ma rig pa 'gags na rga shi'i bar du 'gag par lta zhing srid pa 'gog par yang mi byed pa ste chos bzhi po de dag dang ngo / /de la 'di skad ces bya ste/ nam yang rtag par mi lta chad par ltung mi byed/ /des ni chos rnams rkyen byung byed pa po dang ni/ /tshor ba po med rang bzhin rnam par dag par shes/ /ma rig rtsa las rga shi'i bar du 'byung 'gyur ba/ /rgyal ba kun gyis gsungs te de 'gags rgyu dang ni/ /rkyen zad de phyir phyin cad skye mi 'gyur zhes gsungs/ /lha'i bu byang chub sems dpa' sems dpa' chen po chos bzhi dang ldan na sems can yongasu smin par bya ba'i thabs la mkhas pa rnams yin te/ bzhi gang zhe na/ byang chub sems dpa' sems can thams cad la rag las par lta ba dang / dge ba'i rtsa ba yang dag par bsags pa la skyo ba med pa dang / 'khor ba'i sgo nas mya ngan las 'das pa'i sgo yongs su tshol ba dang / sems can rnams kyi mos pa ji lta ba de lta bu'i mos pa thabs gyis nyamasu myong bar byed cing nyon mongs pa rnams kyis ma yin pa ste/ chos bzhi po de dag dang ngo / /de la 'di skad ces bya ste/ sangs rgyas byang chub 'di ni sems can rnams la rten/ /dge ba sogs shing 'dod pas yongasu skyo ba med/ /'khor ba'i sgo nas mya ngan 'das pa yongs tshol zhing / /sems can ji bzhin mos pa thabs kyis yongasu shes/ /lha'i bu byang chub sems dpa' sems dpa' chen po chos bzhi dang ldan na sems can thams cad kyi nye bar 'tsho ba rnams yin te/ </font><hr>54.113a<br><font size=+1>

bzhi gang zhe na/ longs spyod mi zad pa dang / chos ston pa mi zad pa dang / mngon par shes pa thob pa dang / sems sa ltar mnyam pa ste chos bzhi po de dag dang ngo / /de la 'di skad ces bya ste/ de dag rnams kyi longs spyod rtag tu mi zad cing / /rtag tu chos kyi mi zad rgya mtsho 'dra ba yin/ /de dag mngon shes lnga po mi zad rtag mi g.yo/ /rtag tu dran ldan bsam pa sa dang 'dra ba yin/ /mnyam med byang chub phyir ni yang dag zhugs gyur cing / /mya ngan ma 'das gang la chos rnams de yod pa/ /de dag 'gro ba kun gyi nye bar 'tsho 'gyur zhing / /byang chub mchog phyir myur du nges par 'byung bar 'gyur/ /lha'i bu byang chub sems dpa' sems dpa' chen po chos bzhi dang ldan na 'jig rten thams cad mngon par 'du bar 'gyur ba rnams yin te/ bzhi gang zhe na/ tshangs pa'i gnas pa bzhi gnas pa dang / bsdu ba'i dngos po bzhis sdus pa dang / bden pa bzhi shes pa dang / so so yang dag par rig pa bzhi thob pa ste/ chos bzhi po de dag dang ngo / /de la 'di skad ces bya ste/ tshangs pa'i gnas pa bzhi po dag gis gnas byed cing / /bsdu ba'i dngos po dag la rtag tu dga' bde la/ /bden pa bzhi po dag la 'jig med dpa' bo rnams/ /'gro bas ri mo byas shing mchod pa byas par 'gyur/ /so so yang dag rig pa'i pha rol son gyur cing / /'chang dang klog pa dag la rtag tu brtson gyur la/ /pha rol bde bar gyur pa'i bde bas mgu byed na/ /de phyir de dag yid du 'ong zhing sdug par 'gyur/ /lha'i bu byang chub sems dpa' sems dpa' chen po chos bzhi dang ldan na srog chags thams cad kyis bsngags par 'gyur ba rnams yin te/ bzhi gang zhe na/ thos pa dang tshul khrims dang ldan zhing tshul 'chos pa med pa dang / des shing 'grogs na bde ba dang / dben pa la dga' shing dbang po bsrung ba dang / bdag nyid bde ba la lhag par chags pa med cing rtag tu kha na ma tho ba la lta ba ste/ chos bzhi po de dag dang ngo / /de la 'di skad ces bya ste/ thos pa'i yon tan thob cing tshul khrims pha rol son/ /tshul 'chos med cing rtag tu des la brtul shugs bzang / /nags dang nags rab gnas shing dbang po sdom</font><hr>54.113b<br><font size=+1>

byed la/ /dran ldan bdag bde mi ltos kha na ma tho ste/ /gang la rtag tu dge ba'i yon tan de yod pa/ /de dag rtag tu sems can phan phyir brtson 'grus zhing / /de dag sems can don yang rtag tu byed 'gyur la/ /de dag rtag tu byang chub phyir ni yid gzhol 'gyur/ /lha'i bu byang chub sems dpa' sems dpa' chen po chos bzhi dang ldan na dge ba'i spyod pa thams cad la smad pa med pa rnams yin te/ bzhi gang zhe na/ dad pa phun sum tshogs pa dang / brtson 'grus phun sum tshogs pa dang / snying rje chen po phun sum tshogs pa dang / theg pa chen por yongs su bsngo ba la mkhas pa rnams yin te bzhi po de dag dang ngo / /de la 'di skad ces bya ste/ de dag dad dang ldan la brtul ba brtan ldan zhing / /de dag brtson 'grus mthu dang stobs dang ldan pa yin/ /'gro ba kun la byams dang snying rje che ldan zhing / /byang chub ched du yongs su bsngo la mkhas pa ste/ /de phyir dge ba kun la smas pa yod min zhing / /zla ba nya ba'i zla ba mkha' la skar ma yi/ /tshogs kyi dbus na gnas pa rnam par mdzes pa dag /yang dang yang du dge ba kun la rnam 'phel 'gyur/ /lha'i bu byang chub sems dpa' sems dpa' chen po chos bzhi dang ldan na shes rab dag la rgya mtsho lta bu rnams yin te/ bzhi gang zhe na/ ji skad smras pa de bzhin du byed pa dang / sgrub pa snying por byed pa dang / blo rab tu gnas pa dang / lhag pa'i bsam pa rdo rje ltar brtan pa ste chos bzhi po de dag dang ngo / /de la 'di skad ces bya ste/ mkhas pa de dag ji skad smras pa de bzhin byed/ /de dag bsgrub pa snying por byed cing blo rab gnas/ /gang dag brtson pa de dag rdo rje lta bu yi/ /lhag pa'i bsam pa brtan pa dag dang ldan par 'gyur/ /mkhas pa gang dag chos bzhi de dag ston byed pa/ /de dag rtag tu dge ba'i bshes gnyen bsten byed cing / /dam bcas rnams la snying por byed par 'gyur ba dang / /rtag tu sangs rgyas gsungs yang 'dzin par byed pa yin/ /lha'i bu byang chub sems dpa' sems dpa' chen po chos bzhi dang ldan na chos la dbang bsgyur bas dbang phyug du gyur pa rnams</font><hr>54.114a<br><font size=+1>

yin te/ bzhi gang zhe na/ ye shes kyi stobs can rnams yin zhing nyon mongs pa'i stobs can rnams ma yin pa dang / sems la dbang bsgyur ba rnams yin zhing bdud kyi dbang sgyur ba ma yin pa dang / gzung dang spobs pa phun sum tshogs pa rnams yin pa dang / 'bras bu yod par chos ston pa rnams yin te chos bzhi po de dag dang ngo / /de la 'di skad ces bya ste/ de dag ye shes stobs ldan nyon mongs dbang mi 'gro/ /shes rab stobs kyis blun spangs lta rnams kun du bral/ /sems la dbang bsgyur byed cing bdud bzhi spangs gyur la/ /spobs pa brtan par gyur cig gzungs kyis 'khrug pa med/ /de dag ston pa 'bras bu med par mi 'gyur te/ /de phyir myur du dbang phyug nyid dang ldan par 'gyur/ /lha'i bu byang chub sems dpa' sems dpa' chen po chos bzhi dang ldan na bya ba thams cad la slob dpon du gyur pa rnams yin te/ bzhi gang zhe na/ nga rgyal med pa dang / bla ma la gus pa dang / bag yod pa dang / 'dun pa drug po ste chos bzhi po de dag dang ngo / /de la 'di skad ces bya ste/ nga rgyal med cing bla mar gus pas gnas gyur la/ /kun nas bag yod byang chub mchog la 'dun drag cing / /bsam pa thag pas smon cing rtag tu drang gyur la/ /slob dpon dpe mkhyud med pa rtag tu slob dpon 'gyur/ /mkhas pa 'jig rten 'jig rten 'das pa'i don mkhas shing / /tshul dang tshul ma yin pa'i mkhas pas brtan pa rnams/ /'jig rten kun mdza' thams cad rtogs par khong du chud/ /de phyir 'gro bas spyi bor thal sbyar de la 'dud/ /lha'i bu byang chub sems dpa' sems dpa' chen po chos bzhi dang ldan na thams cad du kha na ma tho ba med cing yon tan rnam pa thams cad dang ldan pa rnams yin te/ bzhi gang zhe na/ mngon par shes pa'i ye shes kyis rnam par brtse ba dang / sangs rgyas thams cad kyi dgongs pa'i spobs pa dang / dge ba thams cad dang mi 'bral zhing bag chags dang bral ba dang / dge ba'i chos thams cad dang ldan zhing dbang bskur ba thob pa ste/ chos bzhi po</font><hr>54.114b<br><font size=+1>

de dag dang ngo / /de la 'di skad ces bya ste/ sems can dag pa rgya chen mngon shes shes pas brtse/ /bde gshegs kun gyis dgongs pa mkha' 'dra'i spobs dang ldan/ /brtson 'grus thog med mi dge bag chags kun spongs shing / /dge dang ldan zhing dbang bskur thobs par gyur pa ste/ /chos rnams de dag la ni rab tu gnas gyur pa/ /de dag kha na ma tho med pa'i yon tan ldan/ /bcom ldan 'das kyis bzhi pa bsgrub pa 'di bstan pa na lha dang mi rnams las srog chags sa yi nyis 'bum gyis bla na med pa yang dag par rdzogs pa'i byang chub tu sems bskyed do/ /byang chub sems dpa' nyi khri lnga stong gis ni mi skye ba'i chos la bzod pa thob par gyur to/ /lha dang mi rnams kyi skye dgu las srog chags 'bum ni chos rnams las chos kyi mig rdul med cing dri ma dang bral ba rnam par dag go/ /stong gsum gyi stong chen po'i 'jig rten gyi khams 'di yang rnam pa drug tu rab tu g.yos shing 'jig rten thams cad snang ba chen pos khyab par yang gyur to/ /lha rnams kyis kyang lha'i me tog gi char rab tu phab cing / lha'i bsil snyan dag gi sgra yang byung bar gyur to/ /klu rnams kyis kyang mu tig dmar po dang klu'i me tog gi char rab tu phab po/ /lha ma yin dang / nam mkha' lding dang / mi 'am lci dang / lto 'phye chen po dang / gnod sbyin rnams kyis kyang bcom ldan 'das la lha'i mchod pa dag gis mchod pa byas/ thams cad dang ldan pa'i 'khor rnams kyis kyang / a la la chos a la la chos a la la chos zhes lan gsum ched du brjod pa ched du brjod nas mchod pa chen po dag kyang byas so/ /de nas lha'i bu rab rtsal sems kyis 'jam dpal gzhon nur gyur pa la 'di skad ces smras so/ /'jam dpal bcom ldan 'das kyis chos sum bcu rtsa gnyis pa de dag gi don dang tshig rnam par gtan la 'bebs pa bstan par bka' stsal gyis/ 'jam dpal khyod kyang chos sum bcu rtsa gnyis pa de dag gi don dang tshig rnam par gtan la dbab pa de la spobs par gyis shig 'jam dpal ji</font><hr>54.115a<br><font size=+1>

ltar na byang chub sems dpa' sems dpa' chen po theg pa chen po la gzhan gyi dring mi 'jog pa rnams yin/ 'jam dpal gyis smras pa/ lha'i bu gang gi tshe byang chub sems dpa' sems dpa' chen po rnams gzhan gyi rkyen gyis mi 'gro ba de lta na lha'i bu byang chub sems dpa' sems dpa' chen po theg pa chen po la gzhan gyi dring mi 'jog pa rnams yin no/ /lha'i bus smras pa/ 'jam dpal ji ltar na byang chub sems dpa' sems dpa' chen po brtsam pa thams cad la brtson 'grus brtan pa rnams yin/ 'jam dpal gyis smras pa/ lha'i bu gang gi tshe byang chub sems dpa' sems dpa' chen po rnams nyon mongs pa thams cad nges par 'joms par byed pa de lta na lha'i bu byang chub sems dpa' sems dpa' chen po brtsam pa thams cad la brtson 'grus brtan pa rnams yin no/ /lha'i bus smras pa/ 'jam dpal ji ltar na byang chub sems dpa' sems dpa' chen po bsod nams dag gis mngon par 'phags pa rnams yin/ 'jam dpal gyis smras pa/ lha'i bu gang gi tshe byang chub sems dpa' sems dpa' chen po rnams chos kyi dbyings mi g.yo ba rjesu rtogs pa de lta na lha'i bu byang chub sems dpa' sems dpa' chen po bsod nams dag gis mngon par 'phags pa rnams yin no/ /lha'i bus smras pa/ 'jam dpal ji ltar na byang chub sems dpa' sems dpa' chen po ye shes kyi chags pa med par spyod pa rnams yin/ /'jam dpal gyis smras pa/ lha'i bu gang gi tshe byang chub sems dpa' sems dpa' chen po rnams yul thams cad la chags par mi byed pa de lta na lha'i bu byang chub sems dpa' sems dpa' chen po ye shes kyi chags pa med par spyod pa rnams yin no/ /lha'i bus smras pa/ 'jam dpal ji ltar na byang chub sems dpa' sems dpa' chen po shes rab kyi mun pa dang bral ba rnams yin/ 'jam dpal gyis smras pa/ lha'i bu gang gi tshe byang chub sems dpa' sems dpa' chen po rnams chos thams cad rang bzhin gyis yongs su</font><hr>54.115b<br><font size=+1>

dag par shes par byed pa de lta na lha'i bu byang chub sems dpa' sems dpa' chen po shes rab kyi mun pa dang bral ba rnams yin no/ /lha'i bus smras pa/ 'jam dpal ji ltar na byang chub sems dpa' sems dpa' chen po 'khor rnams kyi nang du 'jigs pa dang bral ba rnams yin/ 'jam dpal gyis smras pa/ lha'i bu gang gi tshe byang chub sems dpa' sems dpa' chen po rnams chos thams cad rnam par phye na mi rnyed par byed pa de lta na lha'i bu byang chub sems dpa' sems dpa' chen po 'khor rnams kyi nang du 'jigs pa dang bral ba rnams yin no/ /lha'i bus smras pa/ 'jam dpal ji ltar na byang chub sems dpa' sems dpa' chen po thos pas don la rton pa rnams yin/ 'jam dpal gyis smras pa/ lha'i bu gang gi tshe byang chub sems dpa' sems dpa' chen po rnams chos thams cad brjod du med par shes par byed pa de lta na lha'i bu byang chub sems dpa' sems dpa' chen po thos pas don la rton pa rnams yin no/ /lha'i bus smras pa/ 'jam dpal ji ltar na byang chub sems dpa' sems dpa' chen po 'jig rten gyi tshul gyis chos la rton pa rnams yin/ 'jam dpal gyis smras pa/ lha'i bu gang gi tshe byang chub sems dpa' sems dpa' chen po rnams chos kyi dbyings zhi bar nyid du shes par byed pa de lta na lha'i bu byang chub sems dpa' sems dpa' chen po 'jig rten gyi tshul gyis chos la rton pa rnams yin no/ /lha'i bus smras pa/ 'jam dpal ji ltar na byang chub sems dpa' sems dpa' chen po sangs rgyas bcom ldan 'das rnams kyis gsungs pa bzhin du smra ba rnams yin/ 'jam dpal gyis smras pa/ lha'i bu gang gi tshe byang chub sems dpa' sems dpa' chen po rnams sgra thams cad la rten par mi byed pa de lta na lha'i bu byang chub sems dpa' sems dpa' chen po sangs rgyas bcom ldan 'das rnams kyis gsungs pa bzhin du smra ba rnams yin no/ /lha'i bus smras pa/ 'jam dpal ji ltar na byang chub sems dpa' sems dpa' chen po sems can</font><hr>54.116a<br><font size=+1>

rnams la chos smra ba rnams yin/ 'jam dpal gyis smras pa/ lha'i bu gang gi tshe byang chub sems dpa' sems dpa' chen po rnams smra ba thams cad las ldog par byed pa de lta na lha'i bu byang chub sems dpa' sems dpa' chen po sems can rnams la chos smra ba rnams yin no/ /lha'i bus smras pa/ 'jam dpal ji ltar na byang chub sems dpa' sems dpa' chen po mngon par shes pa rnams kyis mngon par 'phags pa rnams yin/ 'jam dpal gyis smras pa/ lha'i bu gang gi tshe byang chub sems dpa' sems dpa' chen po rnams chos thams cad las g.yo bar mi byed pa de lta na lha'i bu byang chub sems dpa' sems dpa' chen po mngon par shes pa rnams kyis mngon par 'phags pa rnams yin no/ /lha'i bus smras pa/ 'jam dpal ji ltar na byang chub sems dpa' sems dpa' chen po bdud thams cad kyis thub par dka' ba rnams yin/ 'jam dpal gyis smras pa/ lha'i bu gang gi tshe byang chub sems dpa' sems dpa' chen po rnams stong pa nyid rjes su rtogs par bya ba'i phyir nyon mongs pa nyid byang chub yin par yongasu tshal bar byed pa de lta na lha'i bu byang chub sems dpa' sems dpa' chen po bdud thams cad kyis thub par dka' ba rnams yin no/ /lha'i bus smras pa/ 'jam dpal ji ltar na byang chub sems dpa' sems dpa' chen po blos gting dpag dka' ba rnams yin/ 'jam dpal gyis smras pa/ lha'i bu gang gi tshe byang chub sems dpa' sems dpa' chen po rnams sangs rgyas kyi chos thams cad kyis gting rtogs par byed pa de lta na lha'i bu byang chub sems dpa' sems dpa' chen pos blos gting dpag dka' ba rnams yin no/ /lha'i bus smras pa/ 'jam dpal ji ltar na byang chub sems dpa' sems dpa' chen po 'jig rten gyi chos brgyad kyis mi gos pa rnams yin/ 'jam dpal gyis smras pa/ lha'i bu gang gi tshe byang chub sems dpa' sems dpa' chen po rnams</font><hr>54.116b<br><font size=+1>

'jig rten na spyod kyang 'jig rten gyi chos rnams kyis gos par mi 'gyur ba de lta na lha'i bu byang chub sems dpa' sems dpa' chen po 'jig rten gyi chos brgyad kyis mi gos pa rnams yin no/ /lha'i bus smras pa/ 'jam dpal ji ltar na byang chub sems dpa' sems dpa' chen po gting dpag dka' zhing zab mo la spyod pa rnams yin/ 'jam dpal gyis smras pa/ lha'i bu gang gi tshe byang chub sems dpa' sems dpa' chen po rnams bdag la bdag med pas sgyid lug par mi 'gyur ba de lta na lha'i bu byang chub sems dpa' sems dpa' chen po gting dpag dka' zhing zab mo la spyod pa rnams yin no/ /lha'i bus smras pa/ 'jam dpal ji ltar na byang chub sems dpa' sems dpa' chen po chos ston pas dbang po la mkhas pa rnams yin/ 'jam dpal gyis smras pa/ lha'i bu gang gi tshe byang chub sems dpa' sems dpa' chen po rnams dbang po drug gis dbang po thams cad la lta bar byed par de lta na lha'i bu byang chub sems dpa' sems dpa' chen po chos ston pas dbang po la mkhas pa rnams yin no/ /lha'i bus smras pa/ 'jam dpal ji ltar na byang chub sems dpa' sems dpa' chen po 'dus ma byas dang ma 'dres pas rnam par thar pa'i sgor gnas pa rnams yin/ 'jam dpal gyis smras pa/ lha'i bu gang gi tshe byang chub sems dpa' sems dpa' chen po rnams sgo thams cad nas thar pa ston par byed pa de lta na lha'i bu byang chub sems dpa' sems dpa' chen po 'dus ma byas dang ma 'dres pas rnam par thar pa'i sgor gnas pa rnams yin no/ /lha'i bus slas pa/ 'jam dpal ji ltar na byang chub sems dpa' sems dpa' chen po lhag pa'i nga rgyal can tshar gcod pa'i phyir snrel zhir bsgrub pa la mkhas pa rnams yin/ /'jam dpal gyis smras pa/ lha'i bu gang gi tshe byang chub sems dpa' sems dpa' chen po rnams 'khor ba las mya ngan las 'das pa tshol zhing lta bar byed la/ mya ngan las 'das pa las kyang 'khor</font><hr>54.117a<br><font size=+1>

ba tshol zhing lta bar byed pa de lta na lha'i bu byang chub sems dpa' sems dpa' chen po lhag pa'i nga rgyal can tshar gcod pa'i phyir snrel zhir bsgrub pa la mkhas pa rnams yan no/ /lha'i bus smras pa/ 'jam dpal ji ltar na byang chub sems dpa' sems dpa' chen po las kyi bya ba thams cad kyi rgyu la mkhas pa rnams yin/ 'jam dpal gyis smras pa/ lha'i bu gang gi tshe byang chub sems dpa' sems dpa' chen po rnams chos thams cad mi 'pho bar lta bar byed pa lta na lha'i bu byang chub sems dpa' sems dpa' chen po las kyi bya ba thams cad kyi rgyu la mkhas pa rnams yin no/ /lha'i bus smras pa/ 'jam dpal ji ltar na byang chub sems dpa' sems dpa' chen po lta ba'i rnam pa dang bral zhing rten cing 'brel bar 'byung ba la mkhas pa rnams yin/ 'jam dpal gyis smras pa/ lha'i bu gang gi tshe byang chub sems dpa' sems dpa' chen po rnams chos thams cad bdag po med par shes par byed pa de lta na lha'i bu byang chub sems dpa' sems dpa' chen po lta ba'i rnam pa dang bral zhing rten cing 'brel bar 'byung ba la mkhas pa rnams yin no/ /lha'i bus smras pa/ 'jam dpal ji ltar na byang chub sems dpa' sems dpa' chen po sems can yongs su smin par bya ba dag la thabs la mkhas pa rnams yin/ 'jam dpal gyis smras pa/ lha'i bu gang gi tshe byang chub sems dpa' sems dpa' chen po rnams 'jig rten gyi tshul la smod par mi byed pa de lta na lha'i bu byang chub sems dpa' sems dpa' chen po sems can yongasu smin par bya ba dag la thabs mkhas pa rnams yin no/ /lha'i bus smras pa/ 'jam dpal ji ltar na byang chub sems dpa' sems dpa' chen po bsam pa yongasu dag pas brtul shugs grub pa rnams yin/ 'jam dpal gyis smras pa/ lha'i bu gang gi tshe byang chub sems dpa' sems dpa' chen po rnams rtogs pa nyid byang chub yin par shes par byed pa de lta na lha'i bu byang chub sems dpa' sems dpa' chen po</font><hr>54.117b<br><font size=+1>

bsam pa yongs su dag pas brtul zhugs grub pa rnams yin no/ /lha'i bus smras pa/ 'jam dpal ji ltar na byang chub sems dpa' sems dpa' chen po zhe 'gras pa'i sems med cing bzod pa'i stobs dang ldan pa rnams yin/ 'jam dpal gyi smras pa/ lha'i bu gang gi tshe byang chub sems dpa' sems dpa' chen po rnams chos thams cad gtan du yongs su mya ngan las 'das par shes par byed/ lta bar byed pa de lta na lha'i bu byang chub sems dpa' sems dpa' chen po zhe 'gras pa'i sems med cing bzod pa'i stobs dang ldan pa rnams yin no/ /lha'i bus smras pa/ 'jam dpal ji ltar na byang chub sems dpa' sems dpa' chen po pha rol tu phyin pa thams cad kyi pha rol tu son pa rnams yin/ 'jam dpal gyis smras pa/ lha'i bu gang gi tshe byang chub sems dpa' sems dpa' chen po rnams chos thams cad pha rol las mthong bar byed pa de lta na lha'i bu byang chub sems dpa' sems dpa' chen po pha rol tu phyin pa thams cad kyi pha rol tu son pa rnams yin no/ /lha'i bus smras pa/ 'jam dpal ji ltar na byang chub sems dpa' sems dpa' chen po sems can thams cad kyi nye bar 'tsho ba rnams yin/ 'jam dpal gyis smras pa/ lha'i bu gang gi tshe byang chub sems dpa' sems dpa' chen po chos kyi dbyings mi zad pa rab tu rtogs par byed pa de lta na lha'i bu byang chub sems dpa' sems dpa' chen po sems can thams cad kyi nye bar 'tsho ba rnams yin no/ /lha'i bus smras pa/ 'jam dpal ji ltar na byang chub sems dpa' sems dpa' chen po 'jig rten thams cad mngon par 'du bar 'gyur ba rnams yin/ 'jam dpal gyis smras pa/ lha'i bu gang gi tshe byang chub sems dpa' sems dpa' chen po rnams mi snang ba'i tshul gyis sangs rgyas kyi zhing thams cad snang ba de lta na lha'i bu byang chub sems dpa' sems dpa' chen po 'jig rten thams cad mngon par 'du bar 'gyur ba rnams yin no/ /lha'i bus smras pa 'jam dpal ji ltar na byang chub sems dpa' sems dpa' chen po srogs chags thams</font><hr>54.118a<br><font size=+1>

cad kyis bsngags par 'gyur ba rnams yin/ 'jam dpal gyis smras pa/ lha'i bu gang gi tshe byang chub sams dpa' sems dpa' chen po rnams chos 'ga' yang len par mi byed/ spong bar mi byed pa de ltar lha'i bu byang chub sems dpa' sems dpa' chen po srog chags thams cad kyis bsngags par 'gyur ba rnams yin no/ /lha'i bus smras pa/ 'jam dpal ji ltar na byang chub sems dpa' sems dpa' chen po dge ba'i spyod pa thams cad la smras pa med pa rnams yin/ 'jam dpal gyis smras pa/ lha'i bu gang gi tshe byang chub sems dpa' sems dpa' chen po rnams nam mkha' dang mtshungs shing 'dra bar shes par byed pa de lta na lha'i bu byang chub sems dpa' sems dpa' chen po dge ba'i spyod pa thams cad la smras pa med pa rnams yin no/ /lha'i bus smras pa/ 'jam dpal ji ltar na byang chub sems dpa' sems dpa' chen po shes rab dag la snying por gyur pa rnams yin/ 'jam dpal gyis smras pa lha'i bu gang gi tshe byang chub sems dpa' sems dpa' chen po rnams chos kyi dbyings kun tu 'byed par mi byed pa de lta na lha'i bu byang chub sems dpa' sems dpa' chen po shes rab dag la snying por gyur pa rnams yin no/ /lha'i bus smras pa/ 'jam dpal ji ltar na byang chub sems dpa' sems dpa' chen po chos la dbang bsgyur bas dbang phyug tu gyur pa rnams yin no/ lha'i bus smras pa/ 'jam dpal ji ltar na byang chub sems dpa' sems dpa' chen po bya ba thams cad la slob dpon du gyur pa rnams yin/ 'jam dpal gyis smras pa/ lha'i bu gang gi tshe byang chub sems dpa' sems dpa' chen po rnams tshul gcig gis tshul thams cad shes par byed cing / tshul thams cad kyis kyang tshul gcig shes par byed pa de lta na lha'i bu byang chub sems dpa' sems dpa' chen po bya ba thams cad la slob dpon du gyur pa rnams yin no/ /lha'i bus smras pa/ 'jam dpal ji ltar na byang chub sems dpa' sems dpa' chen po thams cad du kha na ma tho ba med cing / </font><hr>54.118b<br><font size=+1>

yon tan thams cad dang ldan pa rnams yin/ 'jam dpal gyis smras pa/ lha'i bu gang gi tshe byang chub sems dpa' sems dpa' chen po rnams chos thams cad gnyen po med par rtogs nas chos 'ga' yang bsgrub par mi byed/ chos 'ga' yang sel bar mi byed pa de lta na lha'i bu byang chub sems dpa' sems dpa' chen po thams cad du kha na ma tho ba med cing yon tan rnams thams cad dang ldan pa rnams yin no/ /'jam dpal gzhon nur gyur pas bstan pa 'di bshad pa na byang chub sems dpa' lnga khri brgyad stong gis mi skye ba'i chos lung bstan pa la bzod pa thob par gyur ro/ /lha dang mi rnams kyi skye dgu bdun khri nyis stong ni chos rnams la chos kyi mig rdul med cing dri ma dang bral ba rnam par dag go/ /srog chags 'bum lhag tsam gyis bla na med pa yang dag par rdzogs pa'i byang chub tu sems bskyed do/ /'jam dpal gzhon nur gyur pa la mchod pa'i phyir lha rnams kyis kyang steng gi bar snang las lha'i me tog gi char dag mngon par rab tu phab bo/ /thams cad dang ldan pa'i 'khor rnams kyis kyang 'jam dpal gzhon nur gyur pas bstan pa 'di thos nas yi rangs pa dang / dga' ba dang / yid bde ba skyes nas tshig 'di skad ces bdag cag cig gis kyang chos de dag thob par gyur cig /'jam dpal gzhon nur gyur pa'i spobs pa ji lta ba de lta bu'i spobs pa mi chod pa yang thob par gyur cig ces smras so/ /bcom ldan 'das kyis kyang 'jam dpal gzhon nur gyur pa la 'jam dpal khyod kyis chos rnam par gtan la dbab pa bstan pa 'di legs par smras te/ legs so legs so zhes bya ba byin to// // bam po gnyis pa/ de nas lha'i bu rab rtsal sems kyis 'jam dpal gzhon nur gyur pa la 'di skad ces smras so/ /'jam dpal ci khyod kho bo las chos kyis dgab pa 'dod dam/ 'jam dpal gyis smras pa/ lha'i bu 'di skad du khyod chos kyi dgab pa 'dod dam zhes zer ba ni lha'i bu legs par gsungs pa'i chos 'dul ba 'di la chos kyi dgab pa zhes bya ba ni sred pa dang 'dod pa spangs pa yin te/ chos 'di ni</font><hr>54.119a<br><font size=+1>

so sor rtogs pa med pa'i phyir 'dod pa med pa yin no/ /chos 'di ni mig gi lam las yang dag par 'das pa'i phyir ltar mi snang ba yin no/ /chos 'di ni mngon par grub pa med pa'i phyir ma byas pa yin no/ /chos 'di ni yul drug dang ma 'dres pa'i phyir mi mthong ba yin no/ /chos 'di ni sems dang yid dang / rnam par shes pa dang bral ba'i phyir bdag gi ba med pa yin no/ /chos 'di ni gtan yongs su ma grub pa'i phyir gzung ba med pa yin no/ /chos 'di ni yul du 'gro ba'i phyir gzhi med pa yin no/ /chos 'di ni rang bzhin gyis dben pa'i phyir zag pa med pa yin no/ /chos 'di ni sngon gyi mtha' rnam par dag pa'i phyir 'ong ba med pa yin no/ /chos 'di ni phyi ma'i mtha' rnam par dag pa'i phyir 'gro ba med pa yin no/ /chos 'di ni da ltar byung ba rnam par dag pa'i phyir gnas pa med pa yin no/ /chos 'di ni brtag cing sel ba dang bral ba'i phyir rtsol ba med pa yin no/ /chos 'di ni namakha' dang mnyam pa'i phyir mnyam pa med pa yin no/ /chos 'di ni gnyen po med pa'i phyir mi mnyam pa dang mnyam pa med pa yin no/ /chos 'di ni bdud kyi yul thams cad las yang dag par 'das pa'i phyir g.yo ba med pa dang / rlom sems med pa dang / ma brtag pa dang / rnam par ma brtag pa dang / rnam par ma bsgrub pa dang / kun tu ma bstan pa yin no/ /chos 'di ni skye ba dang 'jig pa dang bral ba'i phyir blang ba med pa dang / dor ba med pa yin no/ /chos 'di ni chos kyi dbyings su yang dag par gzhol ba'i phyir gnas pa med par gnas pa yin no/ /chos 'di ni yang dag par ma byung ba'i phyir dbyer med pa yin no/ /chos 'di ni spros pa dang bral ba'i phyir rab tu spyod pa med pa yin no/ /chos 'di ni rang bzhin gyis nye bar zhi ba'i phyir spros pa dang bral ba yin no/ /chos 'di ni rnam par rtog pa thams cad dang bral ba'i phyir nye bar zhi ba yin no/ /chos 'di ni phas kyi rgol ba thams cad nges par bcom pa'i phyir rnam par rtag pa med pa yin no/ /chos 'di ni 'dod chags kyi rdul dang bral ba'i phyir shin tu 'phags pa yin no/ /chos 'di</font><hr>54.119b<br><font size=+1>

ni stong pa nyid kyi phyir stong pa med pa yin no/ /chos 'di ni nges par ma brtags pa'i phyir mtshan ma med pa yin no/ /chos 'di ni rnam par shes pa mi gnas pa'i phyir smon pa med pa yin no/ /chos 'di ni rtsa ba yongs su chad pa'i phyir mi gnas pa yin no/ /chos 'di ni grogs med pa'i phyir mi rten pa yin no/ /chos 'di ni mi rten pa'i phyir mi g.yo ba yin no/ /chos 'di ni gzod ma nas rnam par dag pa'i phyir bdag med pa yin no/ /chos 'di ni gtan mngon par grub pa med pa'i phyir sems can med pa yin no/ /chos 'di ni gzod ma nas ma byang ba'i phyir rtag pa med pa yin no/ /chos 'di ni bzod ma nas ma skyes pa'i phyir ma byung ba yin no/ /chos 'di ni mtshan nyid dang bral ba'i phyir ma skyes pa yin no/ /chos 'di ni mtshan nyid thams cad dang bral ba'i phyir mtshan nyid med pa yin no/ /chos 'di ni gzod ma nas yang dag par rgyun chad pa'i phyir zhi ba yin no/ /chos 'di ni gzod ma nas nye bar zhi ba'i phyir yang dag par rgyun chad pa med pa yin no/ /chos 'di ni mi phyed pa dang mi snang ba'i phyir nam mkha'i mtshan nyid lta bu yin na/ lha'i bu chos de lta bu la chos kyi dgab pa de lta bu zhig yod/ lha'i bus smras pa/ 'jam dpal chos 'di'i dgab pa ni kun tu 'phro ba med pa yin no/ /'jam dpal gyis smras pa/ lha'i bu legs so legs so/ /ji skad smras pa de bzhin te/ chos 'di'i dgab pa ni gang la lus dang ngag dang / sems kyis rtul ba med pa de lta bu yin no/ /de ci'i phyir zhe na/ chos 'di ni gsag pa med pa yin pas de ni sems rnyog pa can gyis mchod par mi nus pa'i phyir ro/ /lha'i bus smras pa/ 'jam dpal ji ltar na sems rnyog pa can yin/ 'jam dpal gyis smras pa/ lha'i bu gzugs kyi mtshan ma rjesu dran pas sangs rgyas rjesu dran par byed pa'i sems ni sems rnyog pa can yin no/ /sgra dang / skad dang / dbyangs dang / tshig gi lam gyis chos rjes su dran par byed pa'i sems ni sems rnyog pa can yin no/ /'bras bu thob pa mngon du byed pas dge 'dun rjes su dran par byed pa'i sems ni sems rnyog pa can yin no/ /</font><hr>54.120a<br><font size=+1>

nyon mongs pa gtan spong ba rjes su dran par byed pa'i sems ni sems rnyog pa can yin no/ /skye ba la rten pas lha rjes su dran par byed pa'i sems ni sems rnyog pa can yin no/ /ma dul ba'i sbyin pa'i sems ni sems rnyog pa can yin no/ /ma zhi ba'i tshul khrims kyi sems ni sems rnyog pa can yin no/ /sems can la brten pa'i bzod pa'i sems ni sems rnyog pa can yin no/ /spros pa dang bcas pa'i shes rab kyi sems ni sems rnyog pa can yin no/ /bdag tu 'dzin pa la gnas pa'i byams pa'i sems ni sems rnyog pa can yin no/ /sems la nges par ma bsam pa'i bsam gtan gyi sems ni sems rnyog pa can yin no/ /the rtsom gyi snying rje'i sems ni sems rnyog pa can yin no/ /mya ngan las 'das pa'i lam dang bral ba'i dga' ba'i sems ni sems rnyog pa/ can yin no/ /gnyis la gnas pa'i btang snyoms kyi sems ni sems rnyog pa can yin no/ /lus su 'du shes pa'i tshor ba'i sems ni sems rnyog pa can yin no/ /chos su 'du shes pa'i dran pa nye bar gzhag pa'i sems ni sems rnyog pa can yin no/ /skye ba dang 'jig par 'du shes pa'i yang dag par spong ba'i sems ni sems rnyog pa can yin no/ /lus dang sems la rten pa'i rdzu 'phrul gyi rkang pa'i sems ni sems rnyog pa can yin no/ /dbang po drug la rten pa'i dbang po lnga'i sems ni sems rnyog pa can yin no/ /lta ba'i stobs dang ldan pa'i stobs lnga'i sems ni sems rnyog pa can yin no/ /chos su 'du shes pa la gnas pa'i byang chub kyi yan lag gi sems ni sems rnyog pa can yin no/ /'du byed yid la byed pa la brtson pa'i lam sgom pa'i sems ni sems rnyog pa can yin no/ /sdug bsngal la yongs su rtog pa'i 'du shes kyi sems ni sems rnyog pa can yin no/ /kun 'byung ba la sgom pa'i 'du shes can gyi sems ni sems</font><hr>54.120b<br><font size=+1>

rnyog pa can yin no/ /'gag par zad pa 'du shes pa'i sems ni sems rnyog pa can yin no/ /lam la sgom par 'du shes pa'i sems ni sems rnyog pa can yin te/ lha'i bu ji tsam du rang bzhin gyis yongs su dag pa nyid la sgro 'dogs par byed pa de tsam du sems rnyog pa can yin no/ /lha'i bus smras pa/ 'jam dpal sems rnyog pa med pa gang dag yin/ 'jam dpal gyis smras pa/ lha'i bu gang dag sems namakha' dang mnyam pa dag go/ /lha'i bus smras pa/ 'jam dpal namakha' la sems cung zad kyang yod dam/ 'jam dpal gyis smras pa/ lha'i bu ji ltar namakha' la sems med pa bzhin du sems de yang de dang 'dra ste/ gang gi sems de 'dra ba de ni sems namakha' dang mnyam pa yin no/ /lha'i bus smras pa/ 'jam dpal gnas de la su zhig mos par 'gyur/ 'jam dpal gyis smras pa/ lha'i bu lhag par byed pa la brtson pa rnams kyis mos par dka' ba yin no/ /lha'i bus smras pa/ 'jam dpal lhag par byed pa zhes bya ba de ji lta bu yin/ 'jam dpal gyis smras pa/ lha'i bu gang sems namakha' dang mnyam pa nyid kyi phyir lhag par byed pa'o/ /lha'i bus smras pa/ 'jam dpal ci zhig lhag par byed pa yin/ 'jam dpal gyis smras pa/ lha'i bu rtag par byed pa ni lhag par byed pa yin no/ /mi rtag par byed pa ni lhag par byed pa yin no/ /de bzhin du bde ba dang / sdug bsngal dang / sdug pa dang / mi sdug pa dang / bdag dang / bdag med par byed pa ni lhag par byed pa yin no/ /stong pa zhes bya ba dang / gang zag ces bya ba de ni lhag par byed pa yin no/ /mtshan ma med pa zhes bya ba dang / smon pa med pa zhes bya ba 'di ni lhag par byed pa yin no/ /sgyu ma dang / rmi lam dang / mig yor dang / gzugs brnyan dang / brag cha dang / chu zla dang / smig rgyu dang / sprul pa'i dpe nye bar dgod pa dag gi chos rnam par 'jog par byed/ mtshon par byed/ 'jug par byed/ ston par byed pa de ni lhag par byed pa yin no/ /de ji tsam du chos rnam par 'jog par byed pa de tsam du lhag par byed pa yin te/ kun nas nyon mongs pa la</font><hr>54.121a<br><font size=+1>

skyon du byed pa dang / rnam par byang ba la skyon med par byed pa de ni lhag par byed pa yin no/ /'khor ba la skyon du lta bar byed pa dang / mya ngan las 'das pa la phan yon du lta bar byed pa de ni lhag par byed pa yin te/ lha'i bu de dag ni lhag pa'i nga rgyal can rnams kyis lhag par byed pa dag yin no/ /lha'i bus smras pa/ 'jam dpal ji ltar na lhag pa'i nga rgyal med pa yin/ 'jam dpal gyis smras pa/ lha'i bu gang gis nges par 'byung ba'i dbyings rtogs shing nyon mongs pa thams cad 'gog pa bsrubs te gnas kyang 'gog pa 'gog par yang mi byed la/ skye ba med pa bskyed par yang mi byed cing / sgra thams cad kyis skrag par yang mi byed la/ kun nas nyon mongs pa'i rang bzhin gang yin pa de nyid rnam par byang ba'i rang bzhin yin pa de ltar shes shing chos thams cad la gnyis dang bral ba dang / blang ba med pa dang / dor ba med pa thob pa de ni lha'i bu lhag pa'i nga rgyal med pa yin no/ /'jam dpal gzhon nur gyur pas bstan pa 'di bshad pa na lha'i bu nyi khri nyis stong chos rnams la chos kyi mig rdul med cing dri ma dang bral ba rnam par dag go/ /dge slong lnga stong ni len pa med par zag pa rnams las sems rnam par grol lo/ /byang chub sems dpa' nyi khri nyis stong gis mi skye ba'i chos la bzod pa thob par gyur to/ /srog chags stong phrag rab tu mang po dag gis ni bla na med pa yang dag par rdzogs pa'i byang chub tu sems bskyed do/ /dge bsnyen stong yang chos rnams la chos kyi mig rdul med cing dri ma dang bral ba rnam par dag go/ /khyim pa dang rab tu byung ba las bud med nyis stong yang chos rnams la chos kyi mig rdul med cing dri ma dang bral ba rnam par dag go/ /de nas lha'i bu rab rtsal sems kyis nyan thos chen po de dag la 'di skad ces smras so/ /tshe dang ldan pa dag khyed cag kyang the tsom ci yod pa dag 'jam dpal gzhon nur gyur pa la dris shig /de nas gnas brtan 'od srung chen pos 'jam dpal</font><hr>54.121b<br><font size=+1>

gzhon nur gyur pa la 'di skad ces smras so/ /'jam dpal dge slong rnam par thar pa brgyad la bsam gtan byed pa ji zhig la bsam gtan byed pa yin/ 'jam dpal gyis smras pa/ btsun pa 'od srung chen po dge slong rnam par thar pa brgyad la bsam gtan byed pa ni rtsa ba med pa dang / mtha' med pa dang / gnas med pa la bsam gtan byed pa dang / mi 'khrug pa la bsam gtan byed pa dang / yang dag pa la bsam gtan byed pa yin no/ /'od srung chen pos smras pa/ 'jam dpal ci las bsam te de skad smra/ 'jam dpal gyis smras pa/ btsun pa 'od srung chen po rtsa ba ni rang gi lus yin/ mtha' ni ngar 'dzin pa yin/ gnas ni khams gsum pa yin/ 'khrugs pa ni nyon mongs pa rnams yin/ mi mnyam pa ni gnyis yin te/ de la des lus ni rtsa ba med par shes/ ngar 'dzin pa ni mtha' med par shes/ khams gsum ni gnas med par shes/ nyon mongs pa rnams ni mi 'khrug par shes/ bsam gtan rnams ni gnyis su med par shes pas na/ btsun pa 'od srung chen po kho bos de las bsam nas dge slong rnam par thar pa brgyad la bsam gtan byed pa ni rtsa ba med pa dang / mtha' med pa dang / gnas med pa la bsam gtan byed pa dang / mi 'khrug pa la bsam gtan byed pa dang / yang dag pa la bsam gtan byed pa yin no zhes smras so/ /sha ri'i bus smras pa/ 'jam dpal ji ltar na byang chub sems dpa' chags pa med pa'i shes rab dang ldan pa yin/ 'jam dpal gyis smras pa/ btsun pa sha ri'i bu byang chub sems dpa' chags pa thams cad la spyod par byed kyang chags pa thams cad kyis gos par mi 'gyur zhing / nyon mongs pa thams cad la mngon sum du byed kyang sems can yongs su smin par bya ba'i phyir nyon mongs pa de dag gi rang bzhin gang yin pa'i nyon mongs pa de dag kyang spong bar mi byed na/ de tsam gyis na byang chub sems dpa' chags pa med pa'i shes rab dang ldan pa yin no/ /maud gal gyi bu chen pos smras pa/ 'jam dpal ji ltar na byang chub sems dpa'</font><hr>54.122a<br><font size=+1>

rdzu 'phrul che ba yin/ 'jam dpal gyis smras pa/ btsun pa maud gal gyi bu chen po byang chub sems dpa' gang 'dus byas kyang ma thob/ 'dus ma byas kyang ma thob la slob pa dang mi slob pa rnams kyang 'dul bar byed na de tsam gyis na byang chub sems dpa' rdzu 'phrul che ba yin no/ /rab 'byor gyis smras pa/ 'jam dpal ji ltar na byang chub sems dpa' nyon mongs pa med par gnas pa yin/ 'jam dpal gyis smras pa/ btsun pa rab 'byor gang gi tshe byang chub sems dpa' chos thams cad sgrib pa med par shes par byed la/ pha rol dang tshu rol dang bral bar byed cing / byang chub kyi sgrib pa yang mi spong la ting nge 'dzin las kyang mi ldang zhing bya ba thams cad ston par byed na/ de tsam gyis na byang chub sems dpa' nyon mongs pa med par gnas pa yin no/ /byams ma'i bu gang pos smras pa/ 'jam dpal ji ltar na byang chub sems dpa' chos smra ba yin/ 'jam dpal gyis smras pa/ btsun pa gang po gang gi tshe byang chub sems dpa' dbang po thams cad kyis spobs par byed cing 'du byed thams cad mi rtag go zhes 'bras bu yod par chos ston par byed la/ bskal pa stong phrag rnams su don dang / tshig dang / yi ge ston pa rnams kyis rgyas par ston par byed kyang mthar thug par mi 'gyur na de tsam gyis na byang chub sems dpa' chos ston pa yin no/ /nam grus smras pa/ 'jam dpal ji ltar na byang chub sems dpa' bsam gtan pa yin/ 'jam dpal gyis smras pa/ btsun pa nam gru gang gi tshe byang chub sems dpa' chos thams cad rang bzhin gyis mnyam par bzhag pa nyid yin par yang shes par byed la sems rnam par g.yengs pa rnams la snying rje chen po bskyed de/ phyi ma'i mtha'i mur thug pa'i bar du spyod par byed cing bsam gtan la gnas pa las g.yo bar mi 'gyur na de tsam gyis na byang chub sems dpa' bsam gtan pa yin no/ /nye bar 'khor gyis smras pa/ 'jam dpal ji ltar na byang chub sems dpa' 'dul ba 'dzin pa yin/ 'jam dpal gyis smras pa/ btsun pa nye bar 'khor gang gi tshe byang chub sems dpa' chos rnams gtan dul ba nyid du yang shes par byed</font><hr>54.122b<br><font size=+1>

cing ltung ba dang nyon mongs pa dang bral la/ ltung ba dang nyon mongs pa gdul ba'i phyir chos ston par byed cing / de ltar nyon mongs pa rnams rtogs par yang byed la byang chub kyang tshol bar byed na de tsam gyis na byang chub sems dpa' 'dul ba 'dzin pa yin no/ /ma 'gag pas smras pa/ 'jam dpal ji ltar na byang chub sems dpa' lha'i mig dang ldan pa yin/ 'jam dpal gyis smras pa/ btsun pa ma 'gag pa gang gi tshe byang chub sems dpa' phyogs bcu'i gzugs snang ba thams cad kyang mthong bar byed la/ gzugs dben par mthong bas chos thams cad dben par mthong ba ste/ rtogs par byed na de tsam gyis na byang chub sems dpa' lha'i mig dang ldan pa yin no/ /ba ku las smras pa/ 'jam dpal ji ltar na byang chub sems dpa' dbang po bsrung ba yin/ 'jam dpal gyis smras pa/ gang gi tshe byang chub sems dpa' yul thams cad sangs rgyas kyi yul yin par lta zhing sangs rgyas kyi yul yang med par lta na de tsam gyis na byang chub sems dpa' dbang po bsrung ba yin na/ /sor mo'i phreng bas smras pa/ 'jam dpal ji ltar na byang chub sems dpa' dbang po rno ba yin/ 'jam dpal gyis smras pa/ gang gi tshe byang chub sems dpa' byang chub rang bzhin gyis ma skyes pa'i phyir mtsham med pa dang mnyam par lta bar byed na de tsam gyis na byang chub sems dpa' dbang po rno ba yin no/ /ka t+ya'i bu chen pos smras pa/ 'jam dpal ji ltar na byang chub sems dpa' mdo sde rnam par 'byed pa la mkhas pa yin/ 'jam dpal gyis smras pa/ btsun pa ka t+ya'i bu chen po gang gi tshe byang chub sems dpa' so so yang dag par rig pa mi zad pa bzhi thob cing / tshig gcig gis kyang bskal pa 'bum gyi bar du rgya cher rnam par 'byed cing ston la/ ci nas kyang kun nas nyon mongs pa spong bar mi byed pa dang / rnam par byang ba len par mi byed pa de ltar ston par byed pa dang / chos nyid gnas pa las kyang mi g.yo la gnas thams cad la yang mi rten pa de ltar ston par byed na de tsam gyis na byang chub sems dpa' mdo sde rnam par 'byed pa la mkhas pa yin no/ /gsus po che chen pos smras</font><hr>54.123a<br><font size=+1>

pa/ 'jam dpal ji ltar na byang chub sems dpa' so so yang dag rig pa thob pa yin/ 'jam dpal gyis smras pa/ gang gi tshe byang chub sems dpa' brjod du med pa'i don gyis don so so yang dag par rig pa ston pa dang / chos kyi dbyings gnas pa nyid kyis chos so so yang dag par rig pa ston pa dang / ming dang mtshan ma med pa nyid kyis nges pa'i tshig so so yang dag par rig pa ston pa dang / brag cha dang mnyam pa nyid kyis spobs pa so so yang dag par rig pa ston par byed na de tsam gyis na byang chub sems dpa' so so yang dag par rig pa thob pa yin no/ /sgra gcan zin gyis smras pa/ 'jam dpal ji ltar na byang chub sems dpa' tshul khrims dang ldan pa yin/ 'jam dpal gyis smras pa/ btsun pa sgra gcan zin gang gi tshe byang chub sems dpa' tshul khrims dang brtul zhugs yang dag par blangs shing sems can yongasu smin par bya ba'i phyir tshul khrims 'chal pa'i 'gro ba gang yin par 'gro bar byed na de tsam gyis na byang chub sems dpa' tshul khrims dang ldan pa yin no/ /kun dga' bos smras pa/ 'jam dpal ji ltar na byang chub sems dpa' mang du thos pa yin/ 'jam dpal gyis smras pa/ btsun pa kun dga' bo gang gi tshe byang chub sems dpa' sangs rgyas thams cad kyis gsungs par nyan par byed cing thos pa thams cad kyi don kyang rtogs par byed la/ ji ltar thos pa yang 'dzin par byed cing / ji ltar gzung ba bzhin ston par yang byed na de tsam gyis na byang chub sems dpa' mang du thos pa yin no/ /de nas lha'i bu rab rtsal sems kyis nyan thos chen po de dag la 'di skad smras so/ /tshe dang ldan pa dag khyed cag 'jam dpal gzhon nur gyur pas 'di skad bstan pa de lta bu'i chos 'ga' dang ldan nam/ de dag gis smras pa/ lha'i bu bdag cag la ni chos de dag las 'ga' tsam yang med do/ /lha'i bus smras pa/ tshe dang ldan pa dag de lta na khyed cag nyan thos chen po mchog tu gyur pa ma yin par mi 'gyur ram/ sha ri'i bus smras pa/ lha'i bu 'di lta ste dper na/ gnag rjes las brten na rdzing bu mchog yin pa de bzhin du nyan thos gzhan dag las brten na kho bo cag kyang mchog yin</font><hr>54.123b<br><font size=+1>

no/ /'di lta ste dper na/ rgya mtsho chen po las brten na 'og gi chu'i phung po mchog yin pa de bzhin du nyan thos dang / rang sangs rgyas thams cad las brten na byang chub sems dpa' mchog yin no/ /lha'i bus smras pa/ btsun pa sha ri'i bus de ni nyan thos mngon pa'i nga rgyal med pa rnams kyis bstan pa yin te/ legs so legs so/ /'jam dpal gyis smras pa/ lha'i bu de de bzhin te/ nyan thos ni lhag pa'i nga rgyal med pa yin no/ /byang chub sems dpa' ni lhag pa'i nga rgyal can yin no/ /lha'i bus smras pa/ 'jam dpal ji las bsam te de skad smra/ 'jam dpal gyis smras pa/ lha'i bu 'di ltar nyan thos rnams ni sangs rgyas la brten nas nga rgyal spangs pa yin gyi/ byang chub sems dpa' ni lhag pa'i nga rgyal can yin la nga rgyal des sangs rgyas kyi chos rnams yang dag par bsgrub par byed pas na de'i phyir byang chub sems dpa' ni lhag pa'i nga rgyal can yin no/ /lha'i bus smras pa/ 'jam dpal lhag pa'i nga rgyal can ni bdag la bstod par byed cing gzhan la smod par byed pa yin na/ byang chub sems dpa' yang de lta bur mi 'gyur ram/ 'jam dpal gyis smras pa/ lha'i bu de bzhin te/ byang chub sems dpa' ni bdag la bstod par byed cing gzhan la smod par byed pa yin no/ /lha'i bus smras pa/ 'jam dpal ci las bsam te de skad smra/ 'jam dpal gyis smras pa/ lha'i bu byang chub sems dpa' ni rnam grangs du mar theg pa chen po'i bsngags pa rjod par byed cing nyan thos kyi theg pa pa'i bsngags pa ma yin par rjod par byed pa dang / ji ltar sems can rnams byang chub tu sems skyed par 'gyur snyam nas bdag nyid kyi yon tan gyi chos brjod par byed cing / 'di la dga' ba'i sems bskyed par ma 'gyur bar bya'o snyam nas theg pa dman pa la rnam par sdang bar byed pa yin pas lha'i bu de ltar na byang chub sems dpa' ni theg pa chen po la stod par byed pa dang / nyan thos kyi theg pa la smod par byed pa yin no/ /lha'i bus smras pa/ 'jam dpal de ltar na byang chub</font><hr>54.124a<br><font size=+1>

sems dpa' ltung ba dang bcas par mi 'gyur ram/ 'jam dpal gyis smras pa/ lha'i bu gang gis nor bu mching bu'i bsngags pa ma yin par brjod cing nor bu rin po che bai dur+ya'i bsngags pa brjod par gyur na de yang ltung ba dang bcas par 'gyur ram/ lha'i bus smras pa 'jam dpal de ni mi 'gyur ro/ /'jam dpal gyis smras pa/ lha'i bu de bzhin du byang chub sems dpa'i theg pa chen po'i bsngags pa brjod par byed cing nyan thos kyi theg pa'i bsngags pa ma yin brjod par byed pa yang ltung ba dang bcas par mi 'gyur ro/ /lha'i bu 'di lta ste dper na/ skyes bu shin tu stobs dang ldan pa gang zhig gis 'khor los sgyur ba'i rgyal po'i bsngags pa brjod cing khams kyi rgyal po la de lta ma yin na/ de smad pa'i 'os su 'gyur ba yin snyam mam/ lha'i bus smras pa/ 'jam dpal de lta ma yin no/ /'jam dpal gyis smras pa/ lha'i bu de bzhin du byang chub sems dpa' theg pa chen po la stod par byed cing nyan thos kyi theg pa la smod par byed pa yang smad pa'i 'os su mi 'gyur ro/ /de nas bcom ldan 'das kyis 'jam dpal gzhon nur gyur pa la legs so zhes bya ba byin te/ 'jam dpal legs so legs so/ /khyod kyi tshig de ni legs par smras te/ 'jam dpal theg pa chen po'i bsngags pa brjod pas ni theg pa thams cad kyi bsngags pa brjod par 'gyur ro/ /de ci'i phyir zhe na/ 'jam dpal theg pa thams cad ni de las nges par byung ba yin pa'i phyir ro/ /gzhan yang lha'i bu rab rtsal sems kyis 'jam dpal gzhon nur gyur pa la 'di skad ces smras so/ /'jam dpal byang chub sems dpa' gang la brten nas byang chub tu sems skyed par byed do/ /'jam dpal gyis smras pa/ lha'i bu byang chub sems dpa' ni sems can thams cad kyi nyon mongs pa la brten nas byang chub tu sems bskyed par byed do/ /lha'i bus smras pa/ 'jam dpal ci'i phyir na byang chub sems dpa' sems can thams cad kyi nyon mongs pa la brten nas byang chub tu sems skyed par byed/ 'jam dpal gyis smras pa/ </font><hr>54.124b<br><font size=+1>

lha'i bu gal te sems can rnams kyi nyon mongs pa dag byang chub kyi theg pa ma yin du zin na ni byang chub sems dpa' yang byang chub tu sems bskyed nas go ca gyon par mi 'gyur ro/ /lha'i bus smras pa/ 'jam dpal byang chub kyi sems ci zhig la rten/ 'jam dpal gyis smras pa/ lha'i bu byang chub kyi sems ni sangs rgyas kyi chos thams cad la rten to/ /de ci'i phyir zhe na/ lha'i bu sangs rgyas kyi chos thams cad ni byang chub kyi sems kyi rtsa ba la brten nas skye bar 'gyur ba'i phyir ro/ /lha'i bus smras pa/ 'jam dpal chos thams cad ci la rten/ 'jam dpal gyis smras pa/ lha'i bu chos thams cad ni rtsa ba med pa'i gnas la rten pa yin no/ /de ci'i phyir zhe na/ lha'i bu chos thams cad ni mtha' yas pa'i phyir rtsa ba med pa dang / mngon par skabs yod pa dang / nam mkha' la rten pa yang yin pa'i phyir ro/ /lha'i bus smras pa/ 'jam dpal sangs rgyas kyi chos rnams ji snyed yod/ 'jam dpal gyis smras pa/ lha'i bu chos thams cad ji snyed pa de snyed yod do/ /de ci'i phyir zhe na/ de bzhin gshegs pas ni chos thams cad sangs rgyas pas na lha'i bu de'i phyir chos thams cad ji snyed pa sangs rgyas kyi chos rnams kyang de snyed do/ /lha'i bus smras pa/ 'jam dpal 'o na ci 'dod chags dang / zhe sdang dang / gti mug rnams kyang sangs rgyas kyi chos yin nam/ 'jam dpal gyis smras pa/ lha'i bu de de bzhin te/ 'dod chags dang / zhe sdang dang / gti mug rnams kyang sangs rgyas kyi chos yin no/ /de ci'i phyir zhe na/ nyon mongs pa de dag gi rtsa ba'i gnas rjesu rtogs pa ni sangs rgyas yin no zhes ston pa'i phyir ro/ /lha'i bus smras pa/ 'jam dpal gang gis sems can thams cad sangs rgyas su 'gyur ba'i rnam grangs yod dam/ 'jam dpal gyis smras pa/ lha'i bu rnam grangs med pas sems can thams cad sangs rgyas su 'gyur gyis rnam grangs kyis ni ma yin no/ /de ci'i phyir zhe na/ de bzhin gshegs pas ni sems can thams cad rtogs par thugasu chud pa'i phyir ro/ /lha'i bus smras pa/ 'jam dpal ji ltar rtogs par</font><hr>54.125a<br><font size=+1>

thugs su chud/ 'jam dpal gyis smras pa/ lha'i bu sems can med pa'i rnam pa dang stong pa nyid kyis rnam pas so/ /lha'i bus smras pa/ 'jam dpal stong pa nyid kyis ci zhig rtogs par byed/ 'jam dpal gyis smras pa/ lha'i bu gal te cung zad rjesu rtogs par byed na ni de stong pa nyid du mi 'gyur ro/ /de ci'i phyir zhe na/ lha'i bu stong pa nyid ni rnam par rtog pa med pa dang rtsol ba med pa yin pa'i phyir ro/ /lha'i bus smras pa/ 'jam dpal de bzhin gshegs pas stong pa nyid rjesu rtogs pa ni byang chub yin no zhes ma gsungs sam/ 'jam dpal gyis smras pa/ lha'i bu stong pa nyid gang yin pa de nyid byang chub yin pas na bcom ldan 'das kyis kyang stong pa nyid rjesu rtogs pa kho na byang chub yin no zhes gsungs so/ lha'i bus smras pa/ 'jam dpal stong pa nyid la gnas pa ji zhig la gnas pa yin/ 'jam dpal gyis smras pa/ lha'i bu stong pa nyid la gnas pa ni 'dod pa dang / gzugs dang gzugs med pa la gnas pa ma yin/ phung po dang / khams dang / skye mched la gnas pa ma yin/ lus dang sems la gnas pa ma yin no/ /de ci'i phyir zhe na/ lha'i bu de gnas pa gang gis gnas par 'gyur ba'i gnas pa de yang stong pas na stong pa nyid ni stong pa nyid la mi gnas pa'i phyir ro/ /lha'i bus smras pa/ 'jam dpal de bzhin gshegs pa don dam pa stong pa nyid kyi gnas pas gnas par mi mdzad dam/ 'jam dpal gyis smras pa/ lha'i bu de bzhin gshegs pa nyid stong pa nyid yin la/ stong pa nyid gang yin pa de ni gnyis su med pa yin pas na de bzhin gshegs pa ni gnyis su med pa'i gnas pas gnas par mdzad do/ /lha'i bus smras pa/ 'jam dpal gnyis su med pa'i gnas pas gnas pa yin/ 'jam dpal gyis smras pa/ lha'i bu gnyis su med pa'i gnas pa ni gnyis su med pa nyid yin gyi/ de la gnas pa gzhan med de/ de'i gnas pa gnyis su med pa las gzhan med pa de nyid kyang gnyis su med pa nyid yin no/ /lha'i bus smras pa/ 'jam dpal gnyis shes bya ba ni gang / gnyis su med pa zhes</font><hr>54.125b<br><font size=+1>

bya ba ni gang / 'jam dpal gyis smras pa/ lha'i bu 'dod chags dang / 'dod chags dang bral bar byed pa de ni gnyis so/ /'dod chags kyi rang bzhin ni gnyis su med pa'o/ /zhe sdang dang zhe sdang med par byed pa de ni gnyis so/ /zhe sdang gi rang bzhin ni gnyis su med pa'o/ /gti mug dang gti mug med par byed pa de ni gnyis so/ /gti mug gi rang bzhin ni gnyis su med pa'o/ /nyon mongs pa dang nyon mongs pa med par byed pa de ni gnyis so/ /nyon mongs pa'i rang bzhin ni gnyis su med pa'o/ /bdag dang bdag med par byed pa de ni gnyis so/ /bdag gi rang bzhin ni gnyis su med pa'o/ /lha'i bus smras pa/ 'jam dpal bdag gi rang bzhin gang yin/ 'jam dpal gyis smras pa/ lha'i bu bdag gi rang bzhin ni gzod ma nas dag pa'i phyir bdag med pa nyid yin no/ /bdag gi rang bzhin ni gzod ma nas dag pa'i phyir gzod ma nas dben pa nyid dang / gzod ma nas ma skyes pa nyid dang / gzod ma nas ma byung ba nyid yin no/ /lha'i bus smras pa/ 'jam dpal ci'i phyir rang bzhin zhes bya/ 'jam dpal gyis smras pa/ lha'i bu de ni 'gyur ba med pas de'i phyir rang bzhin zhes bya'o/ /de ni gzod ma nyid nas gsal zhing nyon mongs pa can ma yin pas de'i phyir rang bzhin zhes bya'o/ /de ni/ nam mkha' dang mnyam pa nyid kyis mnyam zhing tshad med pas de'i phyir rang bzhin zhes bya'o/ /de ni spros pa dang bral ba dang / de ni rgyu ba dang bral ba dang / de ni 'od gsal bas de'i phyir rang bzhin zhes bya'o/ /de ni blang ba med pa dang dor ba med pas de'i phyir rang bzhin zhes bya'o/ /lha'i bus smras pa/ 'jam dpal rang bzhin mi shes pa dag gang yin/ 'jam dpal gyis smras pa/ lha'i bu gang dag chos rnams kyi rang bzhin mi shes pa dag go/ /lha'i bus smras pa/ 'jam dpal rang bzhin shes pa dag gang yin/ 'jam dpal gyis smras pa/ lha'i bu gang dag de dag gi rang bzhin shes pa dag go/ /lha'i bus smras pa/ 'jam dpal dad pa dang ldan pa'i mtshan nyid gang yin/ 'jam dpal gyis smras pa/ lha'i bu dad pa dang ldan pa'i</font><hr>54.126a<br><font size=+1>

mtshan nyid ni chags pa thams cad las yang dag par 'das pa yin no/ /lha'i bus smras pa/ 'jam dpal dge slong dad pa dang mi ldan pa ji ltar dad pas byin pa la dad par byed/ 'jam dpal gyis smras pa/ lha'i bu dad pa dang mi ldan pa zhes bya ba ni gang mngon sum du gyur pa'i chos thams cad la gzhan gyi dring mi 'jog cing gzhan gyi dad pas yang dang yang du mi 'gro ba yin pas de'i phyir dad pa dang mi ldan pa zhes bya ste/ de ni dad pas byin pa spyod par mi byed do/ /de ci'i phyir zhe na/ gzod ma nas dag pa'i phyir ro/ /lha'i bus smras pa/ 'jam dpal dge slong gang dge 'dun dang lhan cig mi gnas pa de la ji skad ces bya/ 'jam dpal gyis smras pa/ lha'i bu dge slong gang dge 'dun dang lhan cig mi gnas pa de ni des ma 'jig rten gyi sbyin gnas su 'gyur ro/ /de ci'i phyir zhe na/ lha'i bu dge 'dun ni 'dus ma byas pa yin la/ byang chub sems dpa' ni 'dus ma byas dang lhan cig mi gnas pas de'i phyir de ni 'jig rten gyi sbyin gnas su 'gyur ba yin pa'i phyir ro/ /lha'i bus smras pa/ 'jam dpal gal te byang chub sems dpa' 'dus ma byas dang lhan cig gnas par gyur na nyes pa cir 'gyur/ 'jam dpal gyis smras pa/ lha'i bu 'dus ma byas thob nas sems can rnams skyob par mi byed cing nyan thos su 'gyur bas de'i nyes pa ni der 'gyur ro/ /lha'i bus smras pa/ 'jam dpal 'dus byas ni so so skye bo'i sa yin la/ 'dus ma byas ni 'phags pa rnams kyi sa yin na/ 'o na ji ltar byang chub sems dpa' 'phags pa'i sa spangs shing so so skye bo'i sa la gnas pa 'jig rten gyi sbyin gnas su 'gyur/ 'jam dpal gyis smras pa/ lha'i bu byang chub sems dpa' 'dus byas la yang mi gnas/ 'dus ma byas la yang mi gnas pas de'i phyir de ni 'jig rten gyi sbyin gnas su 'gyur ro/ /de ci'i phyir zhe na/ lha'i bu byang chub sems dpa' ni 'du byed las yid bskyod pa dang / 'dus ma byas la mi gnas pa yin pas 'dus byas kyi skyon dang bral ba dang / 'dus ma byas shes pa rtogs pa yin te/ </font><hr>54.126b<br><font size=+1>

de 'dus byas kyi skyon dang bral bas ni 'dus byas la mi gnas la 'dus ma byas shes pa rtogs pas ni 'dus ma byas su mi ltung ba'i phyir ro/ /lha'i bu 'di lta ste dper na/ tshan po che chen pos steng gi bar snang la mda' 'phangs par gyur la/ de nas mda' de namakha' la mi gnas par 'dug cing sa la yang mi ltung na/ lha'i bu de la dka' ba cung zad yod dam/ lha'i bus smras pa/ 'jam dpal dka'o/ /'jam dpal gyis smras pa/ lha'i bu de bas kyang byang chub sems dpa' sems dpa' chen po gang dag 'dus byas kyang mi spong zhing 'dus ma byas kyang thob par byed la/ 'dus ma byas su yang mi ltung zhing 'dus byas thob pa rnams kyang yongs su smin par byed pa ni ches dka' ba yin no/ /lha'i bus smras pa/ 'jam dpal byang chub sems dpa'i 'jig pa 'dus byas sam/ 'on te 'dus ma byas sam/ gang las 'byung bar 'gyur/ 'jam dpal gyiso smras pa/ lha'i bu byang chub sems dpa'i 'jig pa ni 'dus byas las kyang 'byung bar 'gyur/ 'dus ma byas las kyang 'byung bar 'gyur ro/ /de ci'i phyir zhe na/ lha'i bu 'dus byas las ni nyon mongs pa'i 'jig pa 'byung la/ 'dus ma byas las ni nyon mongs pa med pa'i 'jig pa 'byung ba'i phyir ro/ /lha'i bus smras pa/ 'jam dpal nyon mongs pa med pas 'jig pa ci yod/ 'jam dpal gyis smras pa/ lha'i bu khams gsum na ni nyon mongs pa'i 'jig pa yod la/ byang chub sems dpa' gang khams gsum du nyon mongs par mi byed na/ de ni nyan thos su 'gyur ro/ /lha'i bus smras pa/ 'jam dpal ji ltar na byang chub sems dpa' 'jigs pa med pa yin/ 'jam dpal gyis smras pa/ lha'i bu byang chub sems dpa' gang shes rab kyi shes pas 'dus byas la spyod par byed cing / thabs kyi shes pas 'dus ma byas su mi ltung ba de lta na lha'i bu byang chub sems dpa' 'jigs pa med pa yin no/ /lha'i bu gzhan yang gang gi tshe byang chub sems dpa' sems can la lta bas 'dus byas spong bar mi byed cing / sangs rgyas kyi chos la</font><hr>54.127a<br><font size=+1>

lta bas 'dus ma byas su mi ltung ba de lta na lha'i bu byang chub sems dpa' 'jig pa med pa yin no/ /lha'i bu gzhan yang gang gi tshe byang chub sems dpa' bsod nams kyi tshogs nye bar bsags pa'i phyir 'dus byas la sbyor bar byed cing / sangs rgyas kyi ye shes kyi tshogs nye bar bsags pa'i phyir 'dus ma byas su mi ltung ba de lta na byang chub sems dpa' 'jig pa med pa yin no/ /lha'i bu gzhan yang gang gi tshe byang chub sems dpa' 'dus ma byas la gnas te bsam gtan rnams skyed par byed cing / thabs la gnas te bsam gtan rnams las ldog par byed pa de lta na byang chub sems dpa' 'jig pa med pa yin no/ /lha'i bu gzhan yang gang gi tshe byang chub sems dpa' byang chub kyi sems la gnas te dge ba'i rtsa ba nye bar sogs par byed cing / snying rje chen po la gnas te sems can rnams yongs su smin par byed pa de lta na byang chub sems dpa' 'jig pa med pa yin no/ /lha'i bu gzhan yang gang gi tshe byang chub sems dpa' dben pa la gnas te bdud kyi las rnams rtogs par byed cing / thabs la gnas te bdud kyi las rnams spong bar byed pa de lta na byang chub sems dpa' 'jig pa med pa yin no/ /lha'i bu gzhan yang gang gi tshe byang chub sems dpa' byams pa chen po la gnas te chos ston par byed cing / snying rje chen po la gnas te zang zing gi sbyin pa sbyin par byed pa de lta na byang chub sems dpa' 'jig pa med pa yin no/ /lha'i bu gzhan yang gang gi tshe byang chub sems dpa' 'khor ba la gnas te mya ngan las 'das pa yongs su spyad pa'i las byed cing / mya ngan las 'das pa la gnas te 'khor ba yongasu spyad pa'i las byed pa de tsam gyis na byang chub sems dpa' 'jig pa med pa yin no/ /lha'i bu gzhan yang gang gi tshe byang chub sems dpa' skye ba med pas skye bar byed cing 'pho ba med pas 'byung bar byed pa dang / chos la lta bas snang bar byed cing phung po dang / khams dang / skye mched kyis rab tu phye ba ma yin pa dang / thams cad dang rjesu 'brel zhing zhi ba dang nye bar</font><hr>54.127b<br><font size=+1>

zhi bar gyur pa dang / 'bar bar byed cing 'bar bas tshig par mi byed pa dang / nyon mongs pa thams cad la yongs su sbyong bar byed cing nyon mongs pa'i skyon rnams kyis mi gos pa dang / slob pa dang mi slob pa rnams 'dul bar byed cing nyan thos kyi rnam par grol ba la reg par mi byed pa dang / sems can rnams kyi bsam pa la 'jug cing chos kyi bsam pa spong bar mi byed pa dang / bdud kyi lcag kyu shes par byed cing chos kyi lcag kyu spong bar mi byed pa dang / shes pas 'jug par byed cing / thabs kyis ldog par byed pa dang / 'phags pa'i rnam pa ston par byed cing 'phags pa ma yin pa yongasu smin par bya ba la spro bar byed pa dang / sangs rgyas mthong ba la mngon par dga' bar byed cing chos mthong ba la kun tu 'dod par byed pa de tsam gyis na byang chub sems dpa' 'jig pa med pa yin no/ /'jam dpal gzhon nur gyur pas bstan pa 'di bshad pa na lha'i bu lnga khri chos rnams la chos kyi mig rdul med cing dri ma dang bral ba rnam par dag go/ /lha'i bu nyi khri lnga stong ni len pa med par zag pa rnams las sems rnam par grol lo/ /byang chub sems dpa' sngon dge ba'i rtsa ba bskyed pa lnga khri ni mi skye ba'i chos la bzod pa rab tu thob par gyur to/ /byang chub sems dpa' nyi khri ni spobs pa thogs pa med pa skyes so/ /lha dang mi rnams kyi skye dgu las srog chags stong phrag rab tu mang po dag gis ni byang chub tu sems bskyed nas/ de bzhin gshegs pa dang 'jam dpal gzhon nur gyur pa la lha'i mchod pa dag byas so/ /gzhan yang lha'i bu rab rtsal sems kyis 'jam dpal gzhon nur gyur pa la 'di skad ces smras so/ /'jam dpal ji ltar na byang chub sems dpa' lam la gnas pa yin/ 'jam dpal gyis smras pa/ lha'i bu gang gi tshe byang chub sems dpa' 'dod chags spang ba'i phyir yang chos ston par byed la 'dod chags dang bral ba mngon du yang mi byed pa dang / zhe sdang spang ba'i phyir yang chos ston par byed la zhe sdang spong ba mngon du mi byed pa dang / gti mug spang ba'i phyir yang chos ston par byed la gti mug spong ba mngon du yang mi byed pa dang / nyon mongs pa spang ba'i phyir chos</font><hr>54.128a<br><font size=+1>

ston par yang byed la nyon mongs pa spong ba mngon du yang mi byed pa tsam gyis na lha'i bu byang chub sems dpa' lam la gnas pa yin no/ /lha'i bu gzhan yang gang gi tshe byang chub sems dpa' sems can rnams la stong pa nyid ston par yang byed la/ stong pa nyid mngon du yang mi byed pa dang / sems can rnams la mtshan ma med pa ston par yang byed la mtshan ma med pa mngon du yang mi byed pa dang / sems can rnams la smon pa med pa ston par yang byed la smon pa med pa mngon du yang mi byed pa dang / de bzhin du sems can rnams la mngon par 'du byed pa med pa dang / skye ba med pa dang / 'byung ba med pa dang / dngos po med pa dang / 'dod chags dang bral ba dang mi ldan pa dang / 'gog pa'i chos ston par yang byed la 'gog pa mngon du yang mi byed pa de tsam gyis na byang chub sems dpa' lam la gnas pa yin no/ /lha'i bu gzhan yang gang gi tshe byang chub sems dpa' yongs su mi gtong bas sbyin pa'i pha rol tu phyin pa sgrub par byed pa dang / tshul khrims las yang dag par 'da' bas tshul khrims kyi pha rol tu phyin pa sgrub par byed pa dang / gnod sems kyis bzod pa'i pha rol tu phyin pa sgrub par byed pa dang / le los brtson 'grus kyi pha rol tu phyin pa sgrub par byed pa dang / brjed nges pas bsam gtan gyi pha rol tu phyin pa sgrub par byed pa dang / bems po dang / lug ltar lkug pas shes rab kyi pha rol tu phyin pa sgrub par byed pa de tsam gyis na/ byang chub sems dpa' lam la gnas pa yin no/ /lha'i bus smras pa/ 'jam dpal ji las bsam te de skad smra/ 'jam dpal gyis smras pa/ lha'i bu bzhi po 'di dag ni byang chub sems dpa' rnams kyis yongs su mi gtong ba yin te/ bzhi gang zhe na/ sems can yongs su mi gtong ba dang / chos yongs su mi gtong ba dang / byang chub kyi sems yongs su mi gtong ba dang / dge ba'i chos thams cad yongs su mi gtong ba ste/ byang chub sems dpa' ni chos bzhi po de dag yongs su mi gtong bas sbyin pa'i pha rol tu phyin pa sgrub par byed do/ /lha'i bu tshul khrims las yang dag par 'da' ba zhes bya ba de ni de'i rang bzhin</font><hr>54.128b<br><font size=+1>

ma yin pa'i tshig bla dgas te/ tshul khrims las yang dag par 'da' bas ting nge 'dzin dang / ting nge 'dzin las yang dag par 'da' bas shes rab dang / shes rab las yang dag par 'da' bas rnam par grol ba shes pa sgrub par byed de/ lha'i bu khyod kyis rnam grangs des gang tshul khrims las yang dag par 'da' ba de tshul khrims kyi pha rol tu phyin pa bsgrub par byed pa yin par rig par bya'o/ /lha'i bu byang chub sems dpa' gang gnod sems la zhugs pa ni nyan thos kyi theg pa las log par zhugs pa dang / rang sangs rgyas kyi theg pa las log par zhugs pa yin pas de ni theg pa chen po la legs par zhugs pa yin te/ gang theg pa chen po la legs par zhugs pa de ni bzod pa'i pha rol tu phyin pa sgrub par byed pa yin na/ lha'i bu gang gi tshe byang chub sems dpa' lus kyi rtul bar mi byed cing ngag dang sems kyis rtul bar mi byed pa de ni le lo can yin la/ gang de ltar chos la mngon par brtson pa de ni brtson 'grus kyi pha rol tu phyin pa sgrub par byed pa yin no/ /lha'i bu gzhan yang byang chub sems dpa' ni rmi lam na yang sa gnyis po dag la dga' ba'i sems skyed par mi byed pas de ni brjed nges pa yin la/ gang nyan thos dang rang sangs rgyas kyi theg pa la brjed ngas pa de ni theg pa chen po la mnyam par bzhag pa yin pas de ni bsam gtan gyi pha rol tu phyin pa sgrub par byed pa yin no/ /lha'i bu chos thams cad ni bems po ste/ rtswa dang / shing dang / brtsig pa dang / lam dang / mig yor dang / lug ltar lkug pa dang / 'dra bar rang bzhin gyis nus pa med pa yin pas/ gang gi tshe byang chub sems dpa' shes rab dang ye shes kyis de ltar chos thams cad bems po dang / lug ltar lkug pa lta bus byang chub sgrub par byed pa de ni shes rab kyi pha rol tu phyin pa sgrub par byed pa yin te/ de ltar zhugs pa'i byang chub sems dpa' ni lam sgrub par byed pa yin no/ /lha'i bu gzhan yang gang gi tshe byang chub sems dpa' 'khor ba'i lam yang mi spong la/ mya ngan las 'das pa'i lam yang tshol bar byed pa dang / </font><hr>54.129a<br><font size=+1>

lam gyi las kyi rgyun yang mi gcod cing lam gyi bya ba yang sgrub par byed pa dang / lam ngan par zhugs pa'i sems can rnams kyang lam la 'god par byed pa de lta na byang chub sems dpa' lam la gnas pa yin no/ /lha'i bu gzhan yang gang gi tshe byang chub sems dpa' sems can thams cad dang chos thams cad btsal yang mi rnyed pa dang / byang chub kyi lam spong bar mi byed pa dang / 'bras bu yod pa bsam gtan byed pa de lta na byang chub sems dpa' byang chub kyi lam thob pa yin no/ /lha'i bu gzhan yang gang gi tshe byang chub sems dpa' nyan thos kyi lam yang rab tu shes la nyan thos kyi lam gyis nges par 'byung bar yang mi byed pa dang / rang sangs rgyas kyi lam yang rab tu shes la rang sangs rgyas kyi lam gyis nges par 'byung bar mi byed pa dang / byang chub sems dpa'i lam yang thob par byed la lam des kyang dbang po yongs su ma rdzogs par nges par 'byung bar mi byed pa de lta na byang chub sems dpa' lam la gnas pa yin no/ /lha'i bu gzhan yang gang gi tshe byang chub sems dpa' dge ba'i rtsa ba thams cad mngon par 'du byed pa dang / mngon par 'du bya ba'i 'bras bu don du mi gnyer ba dang / mngon par 'du byed pa'i skyon gyis mi gos pa dang / dge ba'i rtsa ba mngon par 'du bya ba thams cad byang chub tu yongasu bsngo bar byed pa dang / byang chub kyi phyir 'phel ba yang dag par rjesu mi mthong ba dang / 'bri ba yang dag par rjesu mi mthong ba de lta na byang chub sems dpa' lam la gnas pa yin no/ /lha'i bu gzhan yang gang gi tshe byang chub sems dpa' lam ngan pa las lam yongasu tshol bar byed pa dang / lam yongasu btsal nas kyang nges par 'byung bar mi byed pa de lta na byang chub sems dpa' lam la gnas pa yin no/ /lha'i bus smras pa/ 'jam dpal ji ltar na byang chub sems dpa' lam ngan pa las lam yongs su tshol bar byed 'jam dpal gyis smras pa/ lha'i bu lam ngan pa zhes bya ba ni 'khor ba ste/ byang chub sems dpa'</font><hr>54.129b<br><font size=+1>

ni de la gnas nas sems can nges par 'byung ba'i phyir lam yongs su tshol bar byed kyi/ bdag nyid nges par 'byung ba'i phyir ni ma yin no/ /lha'i bus smras pa/ 'jam dpal byang chub sems dpa'i spyod pa ni 'jig rten thams cad dang mi mthun pa yin no/ /'jam dpal gyis smras pa/ lha'i bu 'di ltar byang chub sems dpa' rnams ni 'jig rten na spyod kyang 'jig rten gyi chos rnams kyis mi gos pa dang / nyon mongs pa med pa ston par byed kyang nyon mongs pa med pa nyid du mi ltung ba dang / rga ba dang / 'chi ba ston par byed kyang chos thams cad skye ba med pa dang 'byung ba med par shes shing skyon med pa mngon du mi byed pa dang / phung po dang / khams dang / skye mched la yongs su spyod par byed kyang phung po dang / khams dang / skye mched don du mi gnyer ba dang / phung po dang / khams dang / skye mched yongasu shes par bya ba'i phyir sems can rnams la chos ston kyang yongs su shes pa de dag yongs su shes par mi byed pa dang / bsam gtan dang / rnam par thar pa dang / ting nge 'dzin dang / snyoms par 'jug pa dang / mngon par bsgrub par byed cing sems rnam par g.yengs pa rnams nye bar 'jog par byed kyang nye bar 'jog pa la 'byung bar mi byed pa dang / bdud kyi yul nye bar ston par byed kyang bdud kyi las rnams kyis mi 'phrogs pa dang / sangs rgyas kyi yul spong bar mi byed pa dang / bdud kyi yul gyi rjes su mi 'jug pa dang / chos kyi dbyings kyi yul las ldog par mi byed pa dang / sems can gyi khams kyi yul nye bar len par byed pas na de'i phyir sems can chen po de dag gi spyod pa ni 'jig rten thams cad dang mi mthun pa yin no/ /lha'i bus smras pa/ 'jam dpal khyod byang chub sems dpa' rnams kyi spyod pa la spobs par gyis shig /'jam dpal gyis smras pa/ lha'i bu bsam pa yongasu dag cing nang dang phyi rol dben pa nyid kyis lhag pa'i bsam pa la spyod pa dang / rab tu spyod pa med pa nyid kyis sbyor ba la spyod pa dang / sems mi brjed pa nyid kyis byang chub kyi sems mi brjed</font><hr>54.130a<br><font size=+1>

pa la spyod pa dang / sems dul ba nyid kyis sbyin pa la spyod pa dang / sems zhi ba nyid kyis tshul khrims la spyod pa dang / rmas pa med pa nyid kyis bzod pa la spyod pa dang / lus dben pa nyid kyis brtson 'grus la spyod pa dang / chos kyi dbyings rnam par g.yeng ba med pa nyid kyis bsam gtan la spyod pa dang / spros pa med pa nyid kyis shes rab la spyod pa dang / sems can la bdag med pa nyid kyis byams pa la spyod pa dang / nyon mongs pa yod pa ma yin par rab tu zhi ba nyid kyis snying rje la spyod pa dang / rang bzhin gyis rnam par grol ba'i phyir dga' ba la spyod pa dang / mtha' gnyis dang bral ba'i phyir btang snyoms la spyod pa dang / gzod ma nas ma skyes pa'i phyir mi rtag pa la so sor rtog pa la spyod pa dang / yongs su rtog pa sdug bsngal ba'i phyir sdug bsngal la so sor rtog pa la spyod pa dang / phyin ci log rang bzhin med pa'i phyir bdag med pa la so sor rtogs pa la spyod pa dang / 'du shes yongs su shes pa'i phyir zhi ba la so sor rtog pa la spyod pa dang / phung po sgyu ma lta bur yongs su shes pa'i phyir sdug bsngal yongasu shes pa la spyod pa dang / ma rig pa sngon du 'gro ba'i phyir kun 'byung ba shes pa la spyod pa dang / rang bzhin gyis 'gag pa'i phyir 'gog pa shes pa la spyod pa dang / 'dus byas la mngon par zhen pa med pa'i phyir lam shes pa la spyod pa dang / 'bras bu yongs su shes pa nyid kyis rgyu shes pa la spyod pa dang / rten cing 'brel par 'byung ba'i phyir rkyen shes pa la spyod pa dang / du ma'i phyir tshogs pa la spyod pa dang / brjod du med pa'i phyir don so so yang dag par rig pa la spyod pa dang / chos kyi dbyings dbyer med pa'i phyir chos so so yang dag par rig pa la spyod pa dang / ming dang gzugs 'byung ba med pa'i phyir nges pa'i tshig so so yang dag par rig pa la spyod pa dang / brag cha dang mtshungs pa'i phyir spobs pa so so yang dag par rig pa la spyod pa dang / tshig 'bru gsal ba nyid kyis don la rton pa la spyod pa dang / rnam par shes pa'i spyod yul ma spangs pa nyid kyis ye shes la rton pa la spyod pa dang / las kyi rnam par</font><hr>54.130b<br><font size=+1>

smin pa stong pa nyid kyis nges pa'i don gyi mdo sde la rten pa la spyod pa dang / gang zag yongasu smin par bya ba nyid kyis chos la rton pa la spyod pa dang / las rnam par dag pa'i phyir lha'i mig la spyod pa dang / tshul khrims rnam par dag pa'i phyir lha'i rna ba la spyod pa dang / ting nge 'dzin rnam par dag pa'i phyir pha rol gyi sems shes pa la spyod pa dang / dus gsum mnyam pa nyid kyi phyir sngon gyi gnas rjes su dran pa shes pa la spyod pa dang / sems la dbang bsgyur ba'i phyir rdzu 'phrul mngon par bsgrub pa la spyod pa dang / mi phyed pa'i phyir spyod pa brtan pa la spyod pa dang / mi lhod pa'i phyir spyod pa sra ba la spyod pa dang / bskyod du med pa'i phyir gnas pa med pa la spyod pa dang / tha dad pa med pa nyid kyis spyod pa mnyam pa la spyod pa dang / thams cad rjes su ma brtags pa'i phyir sa dang / chu dang / me dang / rlung dang / namakha' lta bur spyod pa dang / rnam par bsgrub pa'i mtshan nyid kyi phyir sgyu ma lta bu la spyod pa dang / yang dag pa ma yin pa'i mtshan nyid kyis rmi lam lta bu la spyod pa dang / rnam par rmongs pa'i mtshan nyid kyis smig rgyu lta bu la spyod pa dang / bdag mi sred pa'i mtshan nyid kyis stong pa nyid la spyod pa dang / sems rang bzhin med pa'i mtshan nyid kyis mtshan ma med pa la spyod pa dang / khams gsum rang bzhin med pa'i mtshan nyid kyis smon pa med pa la spyod pa dang / 'dus byas rang bzhin med pa'i mtshan nyid kyis mngon par 'du byed pa med pa la spyod pa dang / sems dang / yid dang / rnam par shes pa 'jug pa med pa'i mtshan nyid kyis bdud tshar bcad pa la spyod pa dang / spyod pa thams cad rnam par bsgrub pa'i mtshan nyid kyis dkon mchog gsum gyi gdung mi gcod pa la spyod pa ste/ lha'i bu de ltar spyod pa'i byang chub sems dpa' ni byang chub sems dpa'i spyad pa la spyod pa yin no// //bam po gsum pa ste tha ma/ lha'i bus smras pa/ 'jam dpal byang chub sems dpa'i spyod pa de ni nyan thos dang rang sangs rgyas thams cad las yang dag par 'das pa yin no/ /'jam dpal gyis smras pa/ lha'i bu de de bzhin te/ </font><hr>54.131a<br><font size=+1>

lha'i bu kho bo ni byang chub sems dpa' gang dad pas rjes su 'brang ba ma yin pa dang / chos kyi rjesu 'brang ba ma yin pa dang / gang brgyad pa ma yin pa dang / rgyun tu zhugs pa ma yin pa dang / lan cig phyir 'ong ba ma yin pa dang / phyir mi 'ong ba ma yin pa dang / dgra bcom pa ma yin pa dang / gang nyan thos ma yin pa dang / rang sangs rgyas ma yin pa dang / gang sangs rgyas bcom ldan 'das ma yin pa dang / de bzhin gshegs pa ma yin pa dang / yang dag par rdzogs pa'i sangs rgyas ma yin pa dang / ston pa de ma yin pa de ni byang chub sems dpa' yin par mi smra'o/ /lha'i bu kho bo ni byang chub sems dpa' gang so so skye bo'i chos can ma yin pa dang / 'dod chags kyi chos can ma yin pa dang / zhe sdang gi chos can ma yin pa dang / gti mug gi chos can ma yin pa dang / gang 'khor ba'i chos can ma yin pa dang / yongs su mya ngan las 'da' ba'i chos can ma yin pa de ni byang chub sems dpa' yin par mi smra'o/ /lha'i bus smras pa/ 'jam dpal ji las bsam te de skad smra/ 'jam dpal ji ltar na byang chub sems dpa' dad pas rjesu 'brang ba dang / chos kyi rjesu 'brang ba dang / brgyad pa dang / rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa dang / nyan thos dang / rang sangs rgyas dang / sangs rgyas bcom ldan 'das dang / de bzhin gshegs pa dang / yang dag par rdzogs pa'i sangs rgyas dang / ston pa dang / so so skye bo'i chos can dang / 'dod chags kyi chos can dang / zhe sdang gi chos can dang / gti mug gi chos can dang / 'khor ba'i chos can dang / yongs su mya ngan las 'da' ba'i chos can yin/ 'jam dpal gyis smras pa/ lha'i bu gang gi tshe byang chub sems dpa' sangs rgyas kyi chos thams cad la dad par byed pa dang / chags pa thams cad la dad par byed kyang de chags par mi 'gyur ba dang / gzhan gyi dad pas mi 'gro ba dang / pha rol tu phyin pa drug gi lam la dad pa skyed cing 'dzin par byed pa dang / chags pas chags par gyur pa rnams thar bar byed pa dang / chags pa med pa'i ye shes yongs su tshol bar byed pa dang / 'khor ba la</font><hr>54.131b<br><font size=+1>

chags par mi byed pa dang / mya ngan las 'das par mi ltung ba de tsam gyis na lha'i bu byang chub sems dpa' dad pas rjesu 'brang ba yin no/ /lha'i bus smras pa/ 'jam dpal ji ltar na byang chub sems dpa' chos kyi rjes su 'brang ba yin/ 'jam dpal gyis smras pa/ lha'i bu gang gi tshe byang chub sems dpa' sangs rgyas thams cad kyis gsungs pa 'dzin par byed pa dang / kun 'dzin par byed pa dang / chos kyi zas dang ldan zhing zang zing gi zas med pa dang / chos la gnas kyi nyon mongs pa la mi gnas pa dang / chos kyi stobs can yin gyi nga rgyal gyi stobs can ma yin pa dang / chos smra ba yin gyi 'jig rten rgyang pan pa'i gtam smra ba ma yin pa dang / chos kyi dbang phyug yin gyi nyon mongs pa'i dbang phyug ma yin pa dang / chos la rton pa yin gyi gang zag la rton pa ma yin pa dang / chos smra ba yin gyi chos ma yin par mi smra ba dang / chos kyi rjes su 'thun pa'i chos la rton pa yin gyi brtson pa btang ba'i chos la mi gnas pa dang / chos skyon med pa nyid du chos thams cad shes par byed pa dang / gzungs kyi sgo chags pa med pa dang ldan pa dang / nor bdun dang ldan pa dang / dam pa'i chos yongs su 'dzin par byed pa dang / chos kyi khyad par la gnas pa de lta na lha'i bu byang chub sems dpa' chos kyi rjes su 'brang ba yin no/ /lha'i bus smras pa/ 'jam dpal ji ltar na byang chub sems dpa' brgyad pa yin/ 'jam dpal gyis smras pa/ lha'i bu gang gi tshe byang chub sems dpa' log pa nyid brgyad las yang dag par 'das pa dang / yang dag pa nyid brgyad la rab tu gnas pa dang / lam yan lag brgyad pa rnam par sbyang ba la mkhas pa dang / sbyor ba yongasu ma rdzogs par lam nges par 'byung bar mi byed pa dang / mi khom pa brgyad du skyes pa'i sems can rnams dal ba phun sum tshogs pa dag la 'god par byed pa dang / skyes bu dam pa'i rnam par rtogs pa brgyad la gnas pa dang / rnam par thar pa brgyad la bsam gtan byed pa dang / byang chub sems dpa'i lhag pa'i bsam pa mi spong ba de lta na lha'i bu byang chub sems</font><hr>54.132a<br><font size=+1>

dpa' brgyad pa yin no/ /lha'i bus smras pa/ 'jam dpal ji ltar na byang chub sems dpa' rgyun tu zhugs pa yin/ 'jam dpal gyis smras pa/ lha'i bu gang gi tshe byang chub sems dpa' sems can rgyun phyogs su dad pa rnams rgyun las zlog par byed pa dang / 'khor ba'i rgyun thams cad kyang gcod par byed la 'khor ba mi gcod pa dang / ngan song thams cad rgyun gcod par byed pa dang / sems can rnams bde 'gro dang mya ngan las 'das pa mngon du bya ba'i lam la 'god par byed pa dang / mtshams bcad pa dang / lha dang / mi la gzhol ba dang / bden pa ston par byed pa dang / rlom sems su mi ltung ba dang / the rtsom dang bral ba dang / nges pa dang / sangs rgyas kyi chos la gzhol ba dang / so so skye bo'i lam las yang dag par 'das pa dang / sangs rgyas kyi chos kyi lam la rab tu gnas pa dang / 'khor ba'i gting rnyed pa dang / mya ngan las 'das pa la mngon du phyogs par gyur pa dang / 'jig rten gyi sbyin gnas su gyur pa dang / 'dus byas la snang ba dang / 'dus ma byas pas rab tu phye ba dang / phyir ldog par mi 'gyur ba dang / dge 'dun la yang dag par gzhol ba de lta na lha'i bu byang chub sems dpa' rgyun tu zhugs pa yin no/ /lha'i bus smras pa/ 'jam dpal ji ltar na byang chub sems dpa' lan cig phyir 'ong ba yin/ 'jam dpal gyis smras pa/ lha'i bu gang gi tshe byang chub sems dpa' chos thams cad 'ong ba med pa dang 'gro ba med par shes nas sems can yongasu smin par bya ba'i phyir bsam bzhin du 'ong ba dang / sems can rnams yongasu smin par byed pa dang / 'ong ba dang / 'gro bar ston par byed pa dang / chos nyid la 'ong ba dang 'gro ba med par mthong ba dang / 'ongs yang nyon mongs pa med pas 'ong ba dang / rang gi las yongs su dag pas 'gro ba dang / 'ong ba mnyam pa nyid mi spong ba dang / bdud kyi dbang gis mi 'gro ba dang / byang chub kyi lam nye bar ston pa'i phyir 'ong ba dang / nye bar blangs pa'i sems can bsgral ba'i phyir 'ong ba dang / byang chub</font><hr>54.132b<br><font size=+1>

kyi lhag pa'i bsam pa sra zhing mi phyed pa de lta na lha'i bu byang chub sems dpa' lan cig phyir 'ong ba yin no/ /lha'i bus smras pa/ 'jam dpal ji ltar na byang chub sems dpa' phyir mi 'ong ba yin/ 'jam dpal gyis smras pa/ lha'i bu gang gi tshe byang chub sems dpa' lta ba rnams dang / phyin ci log rnams dang / sgrib pa rnams su yang mi 'ong ba dang / 'dun pa dang / 'dod chags dang / zhe sdang dang / 'jigs pa dang / gti mug gis yang 'ong ba dang / 'gro bar mi 'gyur ba dang / byas pa nges par ma gyur cing sangs rgyas kyi chos rnams ma rdzogs par mi 'ong ba dang / 'ong ba med pa dang / 'pho ba med pa la mkhas pa dang / rga shi med pa la thob pa dang / mthor gnas pa dang / byas pa dris pa dang / lung bstan pa thob pa dang / dmigs su med pa dang / rnam pa med pa thob pa dang / shes pas gzhan la rag ma las pa de lta na lha'i bu byang chub sems dpa' phyir mi 'ong ba yin no/ /lha'i bus smras pa/ 'jam dpal ji ltar na byang chub sems dpa' dgra bcom pa yin/ 'jam dpal gyis smras pa/ lha'i bu gang gi tshe byang chub sems dpa' chags pa med cing 'dod chags gdul ba'i phyir sems can rnams la chos ston pa dang / sdang ba med cing zhe sdang gdul ba'i phyir sems can rnams la chos ston pa dang / rmongs pa med cing gti mug gdul ba'i phyir sems can rnams la chos ston pa dang / chos thams cad la nyon mongs pa med par gnas pa dang / sems can thams cad la sems ma btang ba dang / sangs rgyas kyi chos thams cad la brtson 'grus brtsams pa dang / 'dod pa'i longs spyod thams cad la dga' ba med pas dga' ba dang / dgra bcom pa dang pad ma bzhin du nyon mongs pa thams cad kyis ma gos pa dang / shes pas 'phags pa dang mnyam pa dang / thabs kyis 'phags pa ma yin par gnas pa dang / nye bar len pa thams cad la bdag gi med cing yongs su 'dzin pa med pa dang / sangs rgyas kyi chos thams cad la bdag gir</font><hr>54.133a<br><font size=+1>

byed cing yongasu 'dzin pa dang / rang gi sems kyi rgyud dag la zag pa med pa'i sems dang ldan pa dang / gzhan gyi sems kyi rgyud dag la zag pa med par gnas par byed pa dang / sngon dam bcas pa dag la brnag pa yongasu rdzogs pa dang / tshur rol dang pha rol la gnas pa rnams kyi pha rol du son pa dang / tshu rol gyi gnas ma spangs pa dang / gzhan gyis sems can gzhan thar bar byed pa de ltar lha'i bu byang chub sems dpa' dgra bcom pa yin no/ /lha'i su bus smras pa/ 'jam dpal ji ltar na byang chub sems dpa' nyan thos yin/ 'jam dpal gyis smras pa/ lha'i bu gang gi tshe byang chub sems dpa' sems can thams cad la ma thos pa'i chos sgrogs par byed cing yul rnams la spyod par mi byed pa dang / yang dag pa'i dam pa'i chos dang / skye ba med pa dang / 'gag pa med pa'i chos sgrogs par byed pa dang / rgyu dang / rkyen dang / bdag med pa dang / sems can med pa dang / rang bzhin gyis g.yo ba med par sgrogs par byed pa dang / sangs rgyas kyi chos tshad med pa dang / namakha' dang mnyam pa'i chos rnams sgrogs par byed pa dang / sangs rgyas kyi ye shes dang / ye shes chen po la chos thams cad rgyus nye bar 'gro bar rtsoms shig ces sgrogs par byed pa dang / sgrogs pa yang gzhan gyi dring mi 'jog pa dang / thos pas kyang rlom sems mi byed pa dang / sgrogs pa thams cad kyi sngon dang phyi ma'i mtha' mi chad pa yongasu shes pa dang / so so yang dag par rig pa mi zad pa thob pa dang don dang tshig dang yig 'bru mi zad pa dang / sems can thams cad kyi sems dang / spyod pa dang / shes par ston par byed pa dang / so so ci rig par chos ston par byed pa dang / zhi ba'i sa la gnas pa dang / spros pa med pa dang / sngon gyi smon lam gyi spyod pa de lta na lha'i bu byang chub sems dpa' nyan thos yin no/ /lha'i bus smras pa 'jam dpal ji ltar na byang chub sems dpa' rang sangs rgyas yin/ 'jam dpal gyis smras pa/ lha'i bu gang gi tshe byang chub sems dpa' chos thams cad rkyen la rag las pa dang / </font><hr>54.133b<br><font size=+1>

sems can med pa dang / srog med pa dang / gang zag med pa dang / bdag po med pa dang / rnam par bsgrub pas shes rab gnas pa'i mtshan nyid du shes pa dang / des rkyen rnams legs par mthong ba'i phyir byang chub 'dren par byed pa'i rkyen 'di lta ste/ pha rol tu phyin pa thams cad kyi phyogs dang / byang chub kyi phyogs kyi chos rnams kyi phyogs dang / bsdu ba'i dngos po bzhi'i phyogs dang / tshad med pa bzhi'i phyogs dang / mngon par shes pa'i phyogs yang dag par sgrub par byed pa dang / de rkyen nye bar bsgrub par byed cing gzhan gyi dring mi 'jog pas byang chub mngon par rdzogs par 'tshang rgya bar byed pa dang / sa ngan pa dag las sems skyo bar byed pa dang / nyi tshe ba'i shes pa 'dul ba la mkhas pa dang / theg pa chen po la legs par rab tu gnas pa dang / chos thams cad la mngon du gyur pa de lta na lha'i bu byang chub sems dpa' rang sangs rgyas yin no/ /lha'i bus smras pa/ 'jam dpal ji ltar na byang chub sems dpa' sangs rgyas yin/ 'jam dpal gyis smras pa/ lha'i bu gang gi tshe byang chub sems dpa' chos thams cad gzod ma nas dben pa nyid du rtogs par byed pa dang / sems can thams cad gzod ma nas bdag med pa nyid du rtog par byed pa dang / ming mngon par rtogs par bya ba'i phyir spyod pa dman pa dang / mchog dang / bar ma thams cad rtogs par byed pa dang / rang gi nyon mongs pa stong pa nyid kyis nyon mongs pa thams cad rtogs par byed pa dang / skad cig gcig la rjes su rtogs pa'i rim gyi sa dang spyod pa sna tshogs ston par byed pa dang / sems can gyi dbang po dang / mos pas chos ston par byed pa dang / 'bras bu yod par chos ston par byed pa de lta na lha'i bu byang chub sems dpa' sangs rgyas yin no/ /lha'i bus smras pa/ 'jam dpal ji ltar na byang chub sems dpa' de bzhin gshegs pa yin/ 'jam dpal gyis smras pa/ lha'i bu gang gi tshe byang chub sems dpa' de bzhin gshegs pa'i lam du 'gro ba dang / de bzhin nyid mi brjed pa dang / de bzhin nyid la rab tu gnas pa dang / de bzhin nyid kyi sbyin pa dang / de bzhin nyid kyi tshul khrims dang / de bzhin nyid kyi bzod pa dang / </font><hr>54.134a<br><font size=+1>

de bzhin nyid kyi brtson 'grus dang / de bzhin nyid kyi bsam gtan dang / de bzhin nyid kyi shes rab dang / de bzhin nyid kyi thabs dang / de bzhin nyid kyi smon lam dang / de bzhin nyid kyi stobs dang / de bzhin nyid kyi ye shes dang ldan pa dang / de bzhin nyid kyi sems can med pa dang / sems can yongasu thar bar byed pa dang / sems can gyi gnas dang / 'khor ba na yang spyod la spyod pa thams cad las kyang yang dag par 'das pa dang / spyod pa las sgrol bar byed pa dang / don yang yin la don yang ma yin pa dang / 'di na yang yin la 'di na yang ma yin pa dang / gnyis ka las dag pa dang / mun pa dang bral ba dang / rtag tu gsal ba dang / mun pa med pa dang / mun pa'i ling tog dang bral ba dang / de bzhin nyid kyi rjes su song ba dang / de bzhin gshegs pa'i sa'i rjes su song ba de ltar na lha'i bu byang chub sems dpa' de bzhin gshegs pa zhes bya'o/ /lha'i bus smras pa/ 'jam dpal ji ltar na byang chub sems dpa' bcom ldan 'das shes bya/ 'jam dpal gyis smras pa/ lha'i bu gang gi tshe byang chub sems dpa' nyon mongs pa bcom pa dang chu bo las rgal ba dang / srid pa mthong ba dang / sems can thams cad kyi khur dang / srid pa 'jom pa dang / srid pa'i 'du shes dang bral ba dang / bdud bcom pa dang / khur bor ba dang / srid pa'i 'gro bar 'chi 'pho ba dang / skye ba shes pa dang / bya ba shes pa dang / srid pa'i 'dod chags bsal ba dang / lus dang sems sgom pa dang / tshul khrims dang / shes rab bsgoms pa dang / srid pa'i skyon legs par mthong ba dang / srid pa'i sred pa dang bral ba dang / sems can la bsam pa ma btang ba dang / srid pa'i rgya mtsho las sgrol ba dang / chu lon dang zam pa legs par byas pa dang / mi gnas pas legs par gnas pa rtag tu sgoms pa la yid kyis brtson pa dang sems can gyi srid pa sra bar byed pa dang / srid pa thams cad las rnam par logs pa dang / thabs la mkhas pa dang / nyon mongs pa thams cad thal bar rlogs par byed pa dang / srid pas rnam par</font><hr>54.134b<br><font size=+1>

brtse ba la mkhas pa dang / srid pa gsum na yod pa rnams kyis mchod pa de ltar na lha'i bu byang chub sems dpa' bcom ldan 'das shes bya'o/ /lha'i bus smras pa/ 'jam dpal ji ltar na byang chub sems dpa' yang dag par rdzogs pa'i sangs rgyas yin/ 'jam dpal gyis smras pa/ lha'i bu gang gi tshe byang chub sems dpa' 'tshams med pa gang dang mnyam pa byang chub kyang de dang mnyam pas mnyam pa nyid du mngon par rdzogs par byang chub par byed pa dang / lta ba'i rnam pa rnams dang phyin ci log rnams dang / sgrib pa rnams dang / chod pa rnams dang / kun nas ldang ba rnams gang dang mnyam pa byang chub kyang de dang mnyam pas mnyam pa nyid du mngon par rdzogs par byang chub par byed pa dang / 'dod chags dang / zhe sdang dang / gti mug dang mnyam pa dang / nyon mongs pa thams cad gang dang mnyam pa byang chub kyang de dang mnyam pas mnyam pa nyid du mngon par rdzogs par byang chub par byed pa dang / so so'i skye bo'i chos rnams dang / slob pa'i chos rnams dang / nyan thos kyi chos rnams dang / rang sangs rgyas kyi chos rnams dang / byang chub sems dpa'i chos rnams gang dang mnyam pa byang chub kyang de dang mnyam pas mnyam pa nyid du mngon par rdzogs par byang chub par byed pa dang / mnyam pa nyid rnam par 'khrug par mi byed pa dang / rnam par thar pa'i sgo gsum mnyam pa nyid kyis mnyam pa nyid du lta bar byed pa dang / chos thams cad gzod ma nas dag pa'i phyir rkyen la rag las pa dang / yod pa ma yin pa'i yongs su rtog pas kun nas bslang ba nam mkha' dang mnyam pa nyid du mngon par rdzogs par byang chub par byed pa de lta na lha'i bu byang chub sems dpa' yang dag par rdzogs pa'i sangs rgyas yin no/ /lha'i bus smras pa/ 'jam dpal ji ltar na byang chub sems dpa' ston pa yin/ 'jam dpal gyis smras pa/ lha'i bu gang gi tshe byang chub sems dpa' gang la ston pa dang / rab tu ston pa dang / rjes su ston par byed pa de dag thams cad mi g.yos pa'i chos can du 'gyur ba dang / bstan pa yongs su 'dzin par 'gyur ba dang / stong gsum gyi stong</font><hr>54.135a<br><font size=+1>

chen po'i 'jig rten gyi khams su ston pa dang / rab tu ston pa dang / ston pa gcig pur 'gyur ba dang / sems can thams cad kyi skyabs dang / gling dang / dpung gnyen du 'gyur ba dang / mtshan ma thams cad zhi ba dang / rab tu zhi ba dang / nye bar zhi bar 'gyur ba dang / the rtsom dang bral ba dang / sems can thams cad kyi the rtsom gcod pa la mkhas pa dang / brgya byin dang / tshangs pa dang / 'jig rten skyong gis phyag byas pa dang / yang dag par smra ba dang / khams gsum pas phyag byas pa dang / sems nam mkha' dang mnyam zhing khengs pa med pa dang / yang dag pa'i mtha' legs par mthong ba'i phyir smad pa dang / brdeg pa dang / dgod pa dang / bshung ba dang / khro ba dang / skyo ba dang / bsdig pa thams cad dang / rlom sems thams cad kyis zhum par mi 'gyur ba dang / sems can gyi rang bzhin legs par mthong ba'i phyir sems can thams cad la phan zhing snying brtse ba dang / 'jig rten la ston par grags par 'gyur ba de lta na lha'i bu byang chub sems dpa' stan pa yin no/ /lha'i bus smras pa/ 'jam dpal ji ltar na byang chub sems dpa' so so skye bo'i chos can yin/ 'jam dpal gyis smras pa/ lha'i bu gang gi tshe byang chub sems dpa' thabs kyi so so skye bo'i spyod pa thams cad kyang ston par byed la shes pas so so skye bo'i spyod pa thams cad la chags par yang mi 'gyur ba de lta na lha'i bu byang chub sems dpa' so so skye bo'i chos can yin no/ /lha'i bus smras pa/ 'jam dpal ji ltar na byang chub sems dpa' 'dod chags kyi chos can yin/ 'jam dpal gyis smras pa/ lha'i bu gang gi tshe byang chub sems dpa' rtag tu sangs rgyas kyi chos rnams la rjes su chags par 'gyur ba dang / rtag tu sangs rgyas kyi sku la kun tu chags par 'gyur ba dang / bsam gtan dang / ting nge 'dzin dang / snyoms par 'jug pa bsgrub pa'i phyir rtag tu dgon par gnas pa la rjes su chags par 'gyur ba dang / sems can rnams bsdu ba'i dngos po bzhis bsdu ba la rtag tu rjes su</font><hr>54.135b<br><font size=+1>

chags par 'gyur ba dang / sems can thams cad la zhe 'gras pa'i sems med par 'gyur ba de lta na lha'i bu byang chub sems dpa' 'dod chags kyi chos can yin no/ /lha'i bus smras pa/ 'jam dpal ji ltar na byang chub sems dpa' zhe sdang gi chos can yin/ 'jam dpal gyis smras pa/ lha'i bu gang gi tshe byang chub sems dpa' 'dus byas rnams la gcig tu nyes pa'i skyon chags par lta bar byed pa dang / nyan thos dang rang sangs rgyas kyi theg pa la sdang bar byed pa dang / nyon mongs pa thams cad dang / 'du byed thams cad la skyon du yang 'du shes la nyon mongs pa rnams dang 'du byed rnams spang bar yang mi byed pa dang / sems can yongs su smin par bya ba'i phyir brtson 'grus rgyun gcod par ma byed pa dang / snying rje chen pos yang dag par zin pa'i yid kyis snying brtse ba rgya chen po yang dag par skyid par byed pa dang / sems can yongasu smin par bya ba'i phyir sems can rnams nyon mongs pa'i 'dam rdzab las 'byin par byed pa dang / sems can zhe sdang can rnams la bzod pa nye bar sgrub par byed cing nyon mongs pa rnams la nyes pa dang / 'chi 'pho'i thabs thams cad dang / 'khor ba sun 'byin par byed pa de lta na lha'i bu byang chub sems dpa' zhe sdang gi chos can yin no/ /lha'i bus smras pa/ 'jam dpal ji ltar na byang chub sems dpa' gti mug gi chos can yin/ 'jam dpal gyis smras pa/ lha'i bu gti mug ces bya ba ni gang cung zad kyang mi shes pa yin pas de la gang gi tshe byang chub sems dpa' chos kyi ngo bo nyid la snyoms par 'jug par mi byed/ rnam par shes par mi byed/ kun tu shes par mi byed/ len par mi byed/ spong bar mi byed/ 'byung bar mi byed/ 'jig par mi byed/ g.yo bar mi byed/ rlom sems su mi byed/ bskyod par mi byed/ sa bya rang bzhin gyis 'gog pa la snyoms par 'jug pa de lta na lha'i bu byang chub sems dpa' gti mug gi chos can yin no/ /lha'i bus smras pa/ 'jam dpal ji ltar na byang chub sems dpa' 'khor ba'i</font><hr>54.136a<br><font size=+1>

chos can yin/ 'jam dpal gyis smras pa/ lha'i bu gang gi tshe byang chub sems dpa' 'khor ba las kyang mi g.yo la de nyid las kyang sangs rgyas kyi chos rnams tshol bar yang byed pa dang / bdud thams cad dang thun mongs yin zhing spyod pa dman pa rnams dang ma 'dres pa dang / sems can rnams spyod pa dman pa las phral zhing spyod pa rgya chen po la 'god par byed pa dang / don 'thun par byed pa dang / mi dge ba thams cad la mi bsngags pa rjod par byed cing 'thun pa bzlog pa dang / phyir zlog par byed pa dang / byang chub 'khor ba la gzhol bar shes par byed pa dang / 'khor ba mnyam pa nyid kyis sangs rgyas mnyam pa nyid du lta bar byed pa dang / 'khor ba las mi g.yo zhing gnas pa yang mi byed pa de lta na lha'i bu byang chub sems dpa' 'khor ba'i chos can yin no/ /lha'i bus smras pa/ 'jam dpal ji ltar na byang chub sems dpa' yongasu mya ngan las 'das pa'i chos can yin/ 'jam dpal gyis smras pa/ lha'i bu gang gi tshe byang chub sems dpa' sems can thams cad rang bzhin gyis yongasu mya ngan las 'das par lta bar byed pa dang / chos thams cad rang bzhin gyis nye bar zhi bar shes par byed pa dang / sems can thams cad yongasu mya ngan las bzla ba dang nye bar zhi bar bya ba'i phyir chos ston par byed pa dang / sems can dpag tu med pa me gsum gyis 'bar bar gyur pa rnams nye bar zhi bar byed cing yongs su mya ngan las 'da' bar byed pa dang / yongasu mya ngan las 'das pa la yang spyod par byed la/ gtan du yongs su mya ngan las 'da' bas yongs su mya ngan las 'da' bar yang mi byed pa de lta na lha'i bu byang chub sems dpa' yongs su mya ngan las 'da' ba'i chos can yin te/ thabs la mkhas pa dang / thabs shes pa la nges par skyes pa dang / sems can thams cad la phan pa dang / rjes su snying brtse ba dang ldan pa yin no/ /'jam dpal gzhon nur gyur pas bstan pa 'di bshad pa na srog chags 'bum lhag tsam chos rnams la chos kyi mig rdul med cing dri ma dang bral ba rnam par dag go/ /srog chags drug khri ni len pa med par</font><hr>54.136b<br><font size=+1>

zag pa rnams las sems rnam par grol lo/ /sngon dge ba'i rtsa ba bskyed cing sangs rgyas mang po la bsnyen bkur byas pa'i sems can rnams kyis ni mi skye ba'i chos la bzod pa thob par gyur to/ /byang chub sems dpa' nyi khri lnga stong gis ni mi zad pa'i rnam pa'i mdzod ces bya ba'i gzung so sor thob par gyur to/ /srog chags sa ya phrag gnyis dang lnga 'bum gyis ni bla na med pa yang dag par rdzogs pa'i byang chub tu sems bskyed do/ /steng gi bar snang las kyang bcom ldan 'das dang / 'jam dpal gzhon nur gyur pa la mchod pa bya ba'i phyir me tog gi char dag mngon par rab tu phab bo/ /de nas lha'i bu rab rtsal sems kyis 'jam dpal gzhon nur gyur pa la 'di skad ces smras so/ /'jam dpal ji ltar na byang chub sems dpa' thabs dang shes rab kyi nges par 'byung ba yin/ de nas 'jam dpal gzhon nur gyur pas lha'i bu rab tsal sems la tshigs su bcad de smras pa/ gang tshe sems ni chags med pa/ /bla med byang chub sems yin te/ /sems kyi rang bzhin mngon sum pa/ /de ni shes rab mtshan nyid do/ /sems rnams bskyed pa thams cad ni/ /byang chub tu ni yongs bsngo zhing / /byang chub sems las rab rtas pa/ /de ni thabs kyi mtshan nyid do/ /sems can thams cad bdag med cing / /mi bden ya ma brla gsog tu/ /gang tshe shes pas shes byed pa/ /de ni shes rab mtshan nyid do/ /gang phyir sems can thams cad dag /byang chub phyir ni sbyin byed cing / /bsam pa thag pas sdud byed pa/ /de ni thabs kyi mtshan nyid do/ /gang tshe bdag dang byang chub dag /gtan du mthong bar mi byed cing / /'khor gsum yongasu dag gyur pa/ /de ni shes rab mtshan nyid do/ /nang dang yang na phyi rol dag /thams cad yongasu gtong byed cing / /sems can kun la yongs bsngo ba/ /de ni thabs kyi mtshan nyid do/ /zhi zhing dag ni gtsang dag cing / /tshul khrims rlom sems mi byed la/ /lus dang ngag yid zhi gyur pa/ /de ni shes rab mtshan nyid do/ /tshul khrims la ni zhugs gyur cing / /gzhan yang tshul khrims sbyor byed la/ /sangs rgyas</font><hr>54.137a<br><font size=+1>

tshul khrims bsngo byed pa/ /de phyir thabs shes bya ba yin/ /chos rnams thams cad rab stong zhing / /bdag med bzod pa sgoms byed la/ /lus dang sems kyis ma smas pa/ /de ni shes rab pha rol phyin/ /lus kyis sbyor bar mi byed cing / /ngag dang sems kyis ma yin la/ /chos rnams kun la dben gyur pa/ /de ni shes rab pha rol phyin/ /sems can kun kyi khro ba dang / /gsod dang 'ching ba bzod byed cing / /sems can de dag mi spang ba/ /de ni thabs kyi pha rol phyin/ /sems can yongs su smin bya'i phyir/ /bsam gtan bde ba rab spangs nas/ /grong dang yul 'khor snang byed pa/ /de ni thabs kyi pha rol phyin/ /tshul rol ma yin pha rol min/ /'thun pa'i pha rol rab gnas shing / /spros pa'i lta ba rgyun bcad pa/ /shes rab pha rol phyin rtogs yin/ /gang gis stong nyid rtogs gyur nas/ /de ni btang snyoms mi byed cing / /sems can stong nyid sbyor byed pa/ /de ni thabs kyi tshul yin no/ /sangs rgyas gzugs med mkha' 'dra bar/ /chos kyi sgo nas lta byed cing / /de tshe gzugs la zhan med pa/ /de ni shes rab mtshan nyid do/ /sangs rgyas mtshan nyid mchod 'dod cing / /sangs rgyas bye ba mchod byed la/ /'dren kun mchod du 'jug byed pa/ /de phyir thabs shes byed pa yin/ /chos rnams rdul med rdul bral zhing / /mkha' dang mnyam pas mnyam gyur la/ /chos 'ga' 'ang 'dzin par mi byed pa/ /de ni shes rab pha rol phyin/ /chos ni yongs su gzung ba'i phyir/ /lus dang srog ni 'dor byed cing / /'jig rten kun gyis dben gyur pa/ /de ni thabs kyi sgo yin no/ /chos dbyings gnas pa nyid kyi phyir/ /yang dag mtha' la rab gnas shing / /de bzhin nyid las mi g.yo ba/ /de ni shes rab sgo yin no/ /gang gi chos nyid ci 'dra ba/ /sems can de 'drar shes byed cing / /de ltar rtog par byed pa'i mtha'/ /de ni shes rab pha rol phyin/ /chos kun 'chi 'pho yod min zhing / /skye ba med par shes byed la/ /mi 'gro rgyug par mi byed pa/ /de ni shes rab pha rol phyin/ /</font><hr>54.137b<br><font size=+1>

sems can yongs su smin bya'i phyir/ /mkhas pas 'dod dang gzugs rnams su/ /bsam bzhin du ni skye byed pa/ /de dag thabs kyi yon tan yin/ /dgon pa gnas rab gnas byed cing / /nyon mongs med la rab gnas la/ /bsam gtan rnams thar rten byed pa/ /de dag shes rab mtshan nyid yin/ /grong dang yul 'khor rnams su ni/ /song nas snyan gtam ston byed cing / /mi zad zhum pa yod min pa'i/ /mkhas pa thabs la mkhas pa yin/ /'jig rten gsum po thams cad las/ /skrag cing 'du 'dzi bsten med la/ /bdag nyid dul zhing zhi gyur pa/ /de ni shes rab pha rol phyin/ /'gro ba dag na 'dus chen dang / /tshogs dang 'du 'dzi ji snyed pa/ /kun na snang ba de dag ni/ /thabs kyis smras pa med pa yin/ /brtan pa chags med spyo byed cing / /yi ge don gnyer mi byed la/ /brjod med nges don don gnyer ba/ /de ni shes rab pha rol phyin/ /mkhas pa chags pa thams cad na/ /snang zhing chos rnams ston byed la/ /dkon mchog gsum gyi bsngags brjod pa/ /de ni thabs kyi pha rol phyin/ /mngon shes shes la mkhas gyur cing / /zhi zhing dul la zag pa med/ /gdeg med gzhag pa yod min pa/ /de ni shes rab pha rol phyin/ /mngon shes dag la rnam 'phrul zhing / /zhing rnams bye bar 'gro byed la/ /sangs rgyas bye ba mang mchod pa/ /de ni thabs kyi mtshan nyid yin/ /phung po sgyu ma 'drar shes shing / /nyon mongs dngos med shes byed nas/ /de dag bdud kun zhi gyur pa/ /de ni shes rab pha rol phyin/ /bdud rnams thams cad ston byed cing / /bstan nas rgyal bar byed gyur la/ /de las sems can thar byed pa/ /de ni thabs kyi sgo yin no/ /stong nyid mtshan ma med pa dang / /smon par byed pa yod min pa'i/ /rnam thar sgo la ston byed pa/ /de ni shes rab mtshan nyid yin/ /chags med sdang ba yod min zhing / /rmongs med shes pa'i spyod yul dang / /blang med dor ba yod min pa/ /de ni shes rab mtshan nyid yin/ /rnam pa kun gyi mchog ldan zhing / /stong nyid rab tu sten gyur la/ /kun gyi pha rol son gyur pa/ /mnyam nyid 'gog pa'i mtshan nyid yin/ /zag med brtul</font><hr>54.138a<br><font size=+1>

ba ma yin pa/ /de dag shes rab ldan 'gyur zhing / /'khor ba'i spyod yul de dag ni/ /sems can kun gyi grogs su 'gyur/ /bsod nams tshogs kyis mi ngoms pa'i/ /mkhas pa thabs la mkhas pa yin/ /shes rab thabs la mkhas pa yi/ /yan lag gnyis ldan lam de ni/ /shes ldan byang chub sems dpa' ste/ /des ni 'dren rnams nges par 'byung / /thabs dang mi ldan shes rab kyis/ /ma byung 'byung bar 'gyur ba med/ /shes rab med pa'i thabs kyis ni/ /mkhas pa rab tu zhi mi 'gyur/ /shes rab dang ni thabs shes pa/ /de gnyis kun tu 'dres gyur cing / /gnyis ga zung du 'jug 'gyur na/ /des ni dam pa rtogs par 'gyur/ /gang dag bgrod pa 'dir 'gro ba/ /sangs rgyas kun gyis rab bsngags shing / /ye shes pha rol phyin 'gyur te/ /de ni chos rnams chos nyid do/ /de dag sangs rgyas spyod yul gyi/ /chos dbyings dbyer med dga' byed cing / /sangs rgyas byang chub bla med pa'i/ /rdul med byang chub rtogs par 'gyur/ /lha'i bu rab rtsal sems kyis 'jam dpal gzhon nur gyur pa la gzhan yang 'di skad ces smras so/ /'jam dpal byang chub kyi yul gang yin/ 'jam dpal gyis smras pa/ lha'i bu byang chub kyi yul ni rang gi yul dben pa nyid do/ /lha'i bus smras pa/ 'jam dpal byang chub kyi mtshan nyid gang yin/ 'jam dpal gyis smras pa/ lha'i bu byang chub ni namakha'i mtshan nyid do/ /lha'i bus smras pa/ 'jam dpal byang chub kyi mtha' gang yin/ 'jam dpal gyis smras pa/ lha'i bu byang chub kyi mtha' ni stong pa nyid yin no/ /lha'i bus smras pa/ 'jam dpal byang chub kyi gnas gang yin/ 'jam dpal gyis smras pa/ lha'i bu byang chub kyi gnas ni chos thams cad kyi gnas yin no/ /lha'i bus smras pa/ 'jam dpal byang chub kyi sgo gang yin/ 'jam dpal gyis smras pa/ lha'i bu byang chub kyi sgo ni kun nas sgo yin no/ /lha'i bus smras pa/ 'jam dpal byang chub kyi rtsom pa gang yin/ 'jam dpal gyis smras pa/ lha'i bu byang chub</font><hr>54.138b<br><font size=+1>

kyi rtsom pa ni sems can thams cad bdag med pa'o/ /lha'i bus smras pa/ 'jam dpal byang chub ci dang mnyam/ 'jam dpal gyis smras pa/ lha'i bu byang chub ni chos thams cad mi skye ba dang mnyam mo/ /lha'i bus smras pa/ 'jam dpal byang chub kyi bgrod pa gang yin/ 'jam dpal gyis smras pa/ lha'i bu byang chub kyi bgrod pa ni sems can thams cad kyi sems dang spyod pa yin no/ /byang chub kyi bgrod pa ni 'gro ba med par 'gro ba dang / rgyu ba med par 'gro ba yin no/ /lha'i bus smras pa/ 'jam dpal byang chub gang gi rgyu 'thun pa yin/ 'jam dpal gyis smras pa/ lha'i bu byang chub ni snying rje chen po'i rgyu 'thun pa yin no/ /lha'i bus smras pa/ 'jam dpal snying rje chen po gang gi rgyu 'thun pa yin/ 'jam dpal gyis smras pa/ lha'i bu snying rje chen po ni sems can thams cad rab tu thar bar bya ba'i rgyu 'thun pa yin no/ /lha'i bus smras pa/ 'jam dpal byang chub ga las btsal bar bya/ 'jam dpal gyis smras pa/ lha'i bu byang chub ni sems can thams cad kyi nyon mongs pa rjesu rtogs pa las btsal bar bya'o/ /lha'i bus smras pa/ 'jam dpal nyon mongs pa rnams ga las btsal bar bya/ 'jam dpal gyis smras pa/ lha'i bu nyon mongs pa rnams ni 'phags pa'i lam yan lag brgyad pa las btsal bar bya'o/ /lha'i bus smras pa/ 'jam dpal ci 'phags pa'i lam nyon mongs pa rnams dang lhan cig gnas sam/ 'jam dpal gyis smras pa/ lha'i bu gal te 'phags pa'i lam gnyis su gyur pa zhig yin na ni 'phags pa'i lam nyon mongs pa rnams dang lhan cig gnas par yang 'gyur ba zhig na/ lha'i bu 'phags pa'i lam ni gnyis su gyur pa med pa ste/ nyon mongs pa tshol ba gang yin pa de nyid 'phags pa'i lam yin no/ /lha'i bus smras pa/ 'jam dpal ji ltar na lam gyis lam gyi bya ba byas pa yin/ 'jam dpal gyis smras pa/ lha'i bu gang gi tshe btsal na nyon mongs pa rnams mi rnyed cing 'khor ba yang mi rnyed/ mya ngan las 'das pa yang mi rnyed pa de ltar na lam gyis lam gyi</font><hr>54.139a<br><font size=+1>

bya ba byas pa yin no/ /lha'i bus smras pa/ 'jam dpal byang chub sems dpa'i lam gang yin/ 'jam dpal gyis smras pa/ lha'i bu byang chub sems dpa'i lam ni lta ba'i rnam pa drug bcu rtsa gnyis dang / phyin ci log bzhi dang / sgrib pa lnga dang / mi dge ba'i phyogs kyi chos thams cad do/ /lha'i bus smras pa/ 'jam dpal ci las bsam te de skad smra/ 'jam dpal gyis smras pa/ lha'i bu byang chub sems dpa' ni sems can la sbyor ba yin pas sems can rnams kyang lta ba'i rnam pa dang / phyin ci log dang / sgrib pa dang / mi dge ba'i chos rnams ma gtogs pa gzhan las btsal bar mi bya'o/ /de'i phyir byang chub sems dpa' ni gang gis sems can rnams rab tu phye ba'i lta ba'i rnam pa dang / phyin ci log dang / sgrib pa dang / nyon mongs pa de dag nyid tshol bar byed de/ de tshol bar byed na sems can yang mi rnyed/ nyon mongs pa rnams kyang mi rnyed do/ /ma rnyed na sems can yongs su smin par bya ba la skyo bar mi 'gyur ba ste/ lha'i bu rnam grangs des na nyon mongs pa tshol ba ni byang chub sems dpa'i lam yin la/ sems can tshol ba yang byang chub sems dpa'i lam yin/ phung po dang / khams dang / skye mched dang / nyon mongs pa tshol ba yang byang chub sems dpa'i lam yin no/ /lha'i bus smras pa/ 'jam dpal rnam par thar pa'i sgo gsum po dag byang chub sems dpa'i lam ma yin nam/ 'jam dpal gyis smras pa/ lha'i bu stong pa nyid ni btsal bar mi nus la/ mtshan ma med pa dang / smon pa med pa yang btsal bar mi nus so/ /de ci'i phyir zhe na/ lha'i bu de la ni sems dang / yid dang / rnam par shes pa 'jug par mi 'gyur la gang la sems dang / yid dang / rnam par shes pa 'jug par mi 'gyur ba de ni btsal bar mi nus pa'i phyir ro/ /lha'i bus smras pa/ 'jam dpal lam ji ltar mngon par rtogs par bya/ 'jam dpal gyis smras pa/ lha'i bu yang dag pa'i lta ba gang dang mnyam pa log pa'i lta ba yang de dang mnyam pa de ltar mngon par rtogs pa gang yin pa de ni lam</font><hr>54.139b<br><font size=+1>

mngon par rtogs pa yin no/ /yang dag pa'i rtog pa gang dang mnyam pa log pa'i rtog pa yang de dang mnyam pa dang / yang dag pa'i ngag gang dang mnyam pa log pa'i ngag kyang de dang mnyam pa dang / yang dag pa'i las kyi mtha' gang dang mnyam pa log pa'i las kyi mtha' yang de dang mnyam pa dang / yang dag pa'i 'tsho ba gang dang mnyam pa log pa'i 'tsho ba yang de dang mnyam pa dang / yang dag pa'i rtsol ba gang dang mnyam pa log pa'i rtsol ba yang de dang mnyam pa dang / yang dag pa'i dran pa gang dang mnyam pa log pa'i dran pa yang de dang mnyam pa dang / yang dag pa'i ting nge 'dzin gang dang mnyam pa log pa'i ting nge 'dzin kyang de dang mnyam pa de ltar mngon par rtogs pa gang yin pa de ni lam mngon par rtogs pa yin no/ /lha'i bus smras pa/ 'jam dpal yang dag pa'i lta ba gang dang mnyam/ 'jam dpal gyis smras pa/ lha'i bu yang dag pa'i lta ba dang log pa'i lta ba ni stong pa nyid dang / dben pa nyid dang mnyam pa yin no/ /lha'i bus smras pa/ 'jam dpal stong pa nyid dang dben pa nyid la tha dad du bya ba ci yod/ 'jam dpal gyis smras pa/ lha'i bu namakha' dang nam mkha' la tha dad du bya ba ci yod/ lha'i bus smras pa/ 'jam dpal tha dad du bya ba chung zad kyang med do/ /'jam dpal gyis smras pa/ lha'i bu de bzhin du stong pa nyid dang / dben pa nyid la yang tha dad du bya ba chung zad kyang med do/ /lha'i bus smras pa/ 'jam dpal tha dad du bya ba gang las rab tu phye ba yin/ 'jam dpal gyis smras pa/ lha'i bu tha dad du bya ba ni mtshan ma dang / dmigs pa dang / 'du shes dang / spros pa las rab tu phye ba yin te/ mtshan ma dang / dmigs pa dang / 'du shes dang / spros pa gang yin pa de'i ngo bo nyid kyi mtshan nyid rjesu rtogs pa gang yin pa de la ni tha dad du bya ba med do/ /lha'i bu 'di lta ste dper na/ rgya mtsho chen por ma zhugs pa'i chu la ni tha dad du bya ba yod kyi rgya mtsho chen por zhugs pa'i chu la ni tha dad du bya ba med pa de bzhin du lha'i bu chos kyi dbyings yongs su ma shes pa la ni chos thams cad tha dad du bya ba yod kyi chos kyi dbyings yongs su shes pa la</font><hr>54.140a<br><font size=+1>

ni chos tha dad du bya ba med do/ /lha'i bus smras pa/ 'jam dpal ci chos kyi dbyings yongs su shes par nus sam/ 'jam dpal gyis smras pa/ lha'i bu chos kyi dbyings ni yongs su shes par mi nus so/ /de ci'i phyir zhe na/ lha'i bu chos thams cad ni chos kyi dbyings su yang dag par 'du ba yin la/ chos kyi dbyings kyis ni chos kyi dbyings yongs su mi shes pa'i phyir ro/ /chos kyi dbyings su yang dag par 'du ba'i chos de dag la gnyis su med par shes pa de dag gang yin pa de ni yongs su shes pa zhes bya ste/ sems gcig nas gcig tu brgyud pa nye bar zhi bar byed pa'i phyir de ni yongs su shes pa zhes bya'o/ /gzhan gyi rnam par rig pa la gnas pa'i phyir de ni yongs su shes pa zhes bya'o/ /lha'i bu 'di lta ste dper na namakha' gzugs med pa'i snang ba la gzugs thams cad snang yang gzugs de dag ni nam mkha'i ngo bo nyid yin pa de bzhin du/ lha'i bu byang chub sems dpas rang gis smras pa'i chos kyi dbyings kyi sgo nas chos thams cad mthong yang chos de dag ni chos kyi dbyings kyi ngo bo nyid kho na yin no/ /lha'i bus smras pa/ 'jam dpal ji ltar na byang chub sems dpa' mgo smos pas go ba yin/ 'jam dpal gyis smras pa/ lha'i bu mgo smos pas go ba'i rang gi lta bas sems can thams cad kyi lta ba spang ba'i phyir chos ston pa byed na'o/ /lha'i bus smras pa/ 'jam dpal ji ltar na byang chub sems dpa' rnam par spros pas go ba yin/ 'jam dpal gyis smras pa/ lha'i bu dben pa'i phyir bdag kyang gzhan du mi byed la/ bdag med pa yang gzhan du mi byed na'o/ /lha'i bus smras pa/ 'jam dpal ji ltar na byang chub sems dpa' mi khrid pa yin/ 'jam dpal gyis smras pa/ lha'i bu gang gi tshe byang chub sems dpa' chos 'ga' yang khrid par mi byed mi khrid par mi byed na'o/ /lha'i bus smras pa/ 'jam dpal ji ltar na byang chub sems dpa' gnas lhur len pa yin/ 'jam dpal gyis smras</font><hr>54.140b<br><font size=+1>

pa/ lha'i bu gang gi tshe byang chub sems dpa' mtshan ma med pa'i gnas las g.yo bar mi byed na'o/ /lha'i bus smras pa/ 'jam dpal gang gis byang chub sems dpa' tshogs gsum po nges pa nyid dang / ma nges pa nyid dang / log pa nyid du nges pa'i tshogs dag la snang bar 'gyur ba'i rnam grangs yod dam/ 'jam dpal gyis smras pa/ lha'i bu yod do/ /lha'i bus smras pa/ 'jam dpal ji lta bu yin/ 'jam dpal gyis smras pa/ lha'i bu byang chub sems dpa' nges pa ni sangs rgyas kyi chos thams cad la'o/ /ma nges pa ni nyan thos dang rang sangs rgyas kyi sa la'o/ /log pa nyid du nges pa ni de las sems can bsgral ba bya ba la'o/ /lha'i bus smras pa/ 'jam dpal gang gis byang chub sems dpa' mi khom pa thob cing khom pa ma thob pa'i rnam grangs yod dam/ 'jam dpal gyis smras pa/ lha'i bu yod do/ /lha'i bus smras pa/ 'jam dpal 'o na ci'i phyir byang chub sems dpa' mi khom pa thob pa rnams la snying rje chen po bskyed par byed cing sems can yongs su smin par bya ba'i phyir khom pa thob pa de dag kyang yal bar 'jog par byed/ 'jam dpal gyis smras pa/ lha'i bu gang rnam par grol ba'i tshogs de dag ni khom pa thob pa yin pas de la ni byang chub sems dpar mi snang ngo / /lha'i bus smras pa/ 'jam dpal khyod mi khom pa thob pa yin nam/ 'on te khom pa thob pa yin/ 'jam dpal gyis smras pa/ lha'i bu kho bo ni khom pa thob pa yang ma yin/ mi khom pa thob pa yang ma yin no/ /lha'i bus smras pa/ 'jam dpal ci'i phyir/ 'jam dpal gyis smras pa/ lha'i bu kho bo ni thob pa yang ma yin/ yang dag par thob pa yang ma yin/ khom pa yang ma yin/ mi khom pa yang ma yin la/ khom pa dang mi khom pa la chags par yang mi byed pa'i phyir ro/ /lha'i bus smras pa/ 'jam dpal chos kyi rnam grangs 'dis ni bdud kyi dkyil 'khor thams cad tshar gcod do/ /'jam dpal gyis smras pa/ lha'i bu 'di ltar chos kyi rnam grangs 'di la ni phung po yongs su shes pa yang med/ nyon mongs pa sel ba yang med/ bdud las yang</font><hr>54.141a<br><font size=+1>

dag par 'das pa yang med pa'i phyir ro/ /lha'i bus smras pa/ 'jam dpal nye bar sbyar bas gzhan mu stegs can rnams pham par byas so/ /'jam dpal gyis smras pa/ lha'i bu 'di ltar 'di la mu stegs can thams cad kyi spyod pa med pa'i phyir ro/ /lha'i bus smras pa/ 'jam dpal chos kyi tog btsugs so/ /'jam dpal gyis smras pa/ lha'i bu snang ba med pa dang mun pa med pa'i phyir ro/ /lha'i bus smras pa/ 'jam dpal 'dis ni chos kyi 'khor lo rab tu bskor to/ /'jam dpal gyis smras pa/ lha'i bu lta ba'i mtha' thams cad yongs su gcad pa'i phyir ro/ /lha'i bus smras pa/ 'jam dpal chos bstan pa 'dis chos kyi snang ba ji snyed cig byas/ 'jam dpal gyis smras pa/ lha'i bu gang dag la snang ba yang med la mun pa yang med pa de dag chos kyi snang bar byas so/ /lha'i bus smras pa/ 'jam dpal sems can gang dag chos kyi rnam grangs 'di thos nas mos par 'gyur ba de dag ni dkon no/ lha'i bus smras pa/ 'jam dpal 'di la su dag mos par 'gyur/ 'jam dpal gyis smras pa/ lha'i bu gang dag 'ching bas rnam par 'khrug par mi 'gyur ba rnams so/ /lha'i bus smras pa/ 'jam dpal 'ching bas rnam par 'khrug par mi 'gyur ba dag gang yin/ 'jam dpal gyis smras pa/ lha'i bu gang dag 'dod chags dang / zhe sdang dang / gti mug dang / nyon mongs pa bsal ba'i sgo nas thar ba tshol bar mi byed pa dang / gang dag 'dod chags dang zhe sdang dang / gti mug dang / nyon mongs pa mnyam pa nyid kyi rnam par grol ba mnyam par 'gyur ba dag ste/ de dag gis ni 'ching ba ma dmigs pas rnam par 'khrug pa yang mi 'gyur ba'i phyir ro/ /'jam dpal gzhon nur gyur pas bstan pa 'di bshad pa na srog chags lnga 'bum tsam gyis byang chub tu sems bskyed nas tshig 'di skad ces bdag cag gis kyang ci ltar 'jam dpal gzhon nur gyur pa dang / de bzhin gshegs pa dgra bcom pa yang dag par rdzogs pa'i sangs rgyas kyis chos 'di dag brnyes pa de bzhin du thob par gyur cig ces kyang</font><hr>54.141b<br><font size=+1>

smras so/ /lha dang mi rnams kyi skye dgu las srog chags 'bum lhag tsam ni chos rnams la chos kyi mig rdul med cing dri ma dang bral ba rnam par dag go/ /gnas gtsang ma'i ris kyi lha'i bu drug khri ni lan pa med par zag pa rnams las sems rnam par grol lo/ /'dod pa na spyod pa'i lha'i bu brgyad khri yang len pa med par zag pa rnams las sems rnam par grol lo/ /srog chags dang / dge slong dang / dge slong ma dang / dge bsnyen dang / dge bsnyen ma nyi khri yang len pa med par zag pa rnams las sems rnam par grol lo/ /byang chub sems dpa' sngon dge ba'i rtsa ba bskyed pa bdun khri nyis stong gis ni mi skye ba'i chos la bzod pa thob par gyur to/ /thams cad dang ldan pa'i 'khor rnams kyang dga' ba dang / mgu ba dang / yid rangs pa dang / rab tu dga' ba dang / dga' ba dang / yid bde ba skyes nas ched du brjod pa 'di ched du brjod do/ /e ma'o kun nas yongs grol ba'i/ /dmigs med chos ni legs par bshad/ /'jam dpal gzhon nur gyur pa yis/ /shin tu lags par bshad par byas/ /de nas byang chub sems dpa' de dag dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa de dag gis lha dang mi'i mchod pa dag byas te/ steng gi bar snang las kyang lha'i me tog gi char dag kyang phab/ rin po che'i char dag kyang phab/ gos kyi char dag kyang phab/ bdug spos kyi char dag dang / spos chu'i char dag dang / phye ma'i char dag kyang phab bo/ /lha rnams kyis steng gi bar snang las lha'i sil snyan brgya stong dag kyang rab tu bsal to/ /dge bsnyen dang / dge bsnyen ma rnams dang / rgyal po gsal rgyal gyis kyang rang rang gi 'byor pa ci bdog pa dag gis bcom ldan 'das dang 'jam dpal gzhon nur gyur pa la mchod pa byas so/ /thams cad dang ldan pa'i 'khor rnams kyis kyang thal mo sbyar te tshig 'di skad ces/ bcom ldan 'das gang dag chos kyi rnam grangs 'di la dad par mi bgyid pa de dag la ni sangs rgyas 'byung</font><hr>54.142a<br><font size=+1>

ba ma mchis lags so/ /gang dag chos kyi rnam grangs 'di spong bar bgyid pa de dag la ni rab tu 'byung ba ma mchis lags so/ /gang dag chos kyi rnam grangs 'di bsgrub te gnas par mi bgyid pa de dag la ni bsnyen par rdzogs par ma mchis lags so/ /de dag la ni 'phags pa'i bsnyen pa rdzogs pas bsnyen par rdzogs pa yang ma mchis lags so/ /gang dag chos kyi rnam grangs 'di bgrod par mi mchi ba de dag la ni dge sbyong gi tshul ma mchis lags so/ /de dag la ni bram ze'i tshul yang ma mchis lags so/ /gang dag chos kyi rnam grangs 'di la skrag par 'gyur ba de dag la ni thob pa yang ma mchis/ mngon par rtogs pa yang ma mchis lags so/ /gang dag chos kyi rnam grangs 'di nyan par bgyid pa dang / thos nas kyang mos par bgyid pa dang / len par bgyid pa dang / kun chub par bgyid pa dang / 'dzin par bgyid pa dang / klog par bgyid pa dang / yi ger 'dri bar bgyid pa dang / snod 'tshal bar bgyid nas gzhan dag la yang ston par bgyid pa dang / skyo ba ma mchis pa'i yid kyis 'doms par bgyid pa dang / rjes su ston par bgyid pa dang / 'di la nan tan gyis sgrub par bgyid pa dang / gzhan dag kyang nan tan gyis sgrub du stsol ba dang / nyams par mi bgyid pa de dag ni sems can dam pa dang / sems can chen po dang / dge ba'i rtsa ba bsrungs pa dang / sangs rgyas mang po la bsnyen bkur bgyis pa dang / gting rnyed pa dang / log par ltung ba'i rgyun bkum pa dang / ngan song dang ngan 'gro'i sgo bkum pa dang / dge ba'i bshes gnyen gyis yongs su zin pa dang / dge ba'i bshes gnyen rnams la shin tu gus pa dang / dge ba'i bshes gnyen rnams la bgyis pa gzo zhing bgyis pa tshor ba lags shing / de dag ni 'das pa dang / ma 'ongs pa dang / da ltar byung ba'i sangs rgyas bcom ldan 'das rnams kyis dam pa'i chos yongs su gzung ba'i slad du zhugs pa lags te/ skyes bu dam pa de dag la ni sangs rgyas 'byung ba yang mchis lags so/ /de dag la ni chos kyi 'khor lo bskor ba yang mchis lags so/ /de dag la ni 'bras bu mchis pa dang / khom pa</font><hr>54.142b<br><font size=+1>

dang ldan pa lags so zhes kyang gsol to/ /de nas bcom ldan 'das kyis thams cad dang ldan pa'i 'khor de dag la legs so zhes bya ba byin nas byang chub sems dpa' byams pa la bka' stsal pa/ byams pa chos kyi rnam grangs 'di bshad pa na/ lha dang mi rnams kyi skye dgu las srog chags nyi khri nyis stong ni chos rnams la chos kyi mig rdul med cing dri ma dang bral ba rnam par dag go/ /lha dang mi rnams kyi skye dgu las srogs chags 'bum phrag brgyad ni len pa med par zag pa rnams las sems rnam par grol lo/ /lha dang / klu dang / gnod sbyin dang / dri za dang / lha ma yin dang / namakha' lding dang / mi 'am ci dang / lto 'phye chen po dang / dge slong dang / dge slong ma dang / dge bsnyen dang / dge bsnyen ma sa ya phrag gnyis kyis ni byang chub tu sems bskyed do/ /'di na gnas pa dang / 'jig rten gyi khams gzhan dag nas 'dus pa'i byang chub sems dpa' lnga 'bum gyis ni mi skye ba'i chos la bzod pa thob par gyur to/ /byang chub sems dpa' bsam pa tha dad pa nyis stong tsam gyis ni gzung sna tshogs so sor thob par gyur to/ /byang chub sems dpa' 'bum gyis ni gzungs dri ma med pa so sor thob par gyur to/ /de dag las byang chub sems dpa' mang po dag byang chub sems dpa' byams pa khyod kyis byang chub thob pa'i dam pa'i chos yongs su 'dzin par 'gyur zhing mdo sde zab mo 'di lta bu dag nod pa dang / ston pa dang / 'dzin pa dang / klog par yang 'gyur te/ de dag ni byams pa khyod nyid kyis byang chub tu lung ston par 'gyur ro/ /de nas bcom ldan 'das la byang chub sems dpa' byams pas 'di skad ces gsol to/ /bcom ldan 'das rigs kyi bu 'am/ rigs kyi bu mo gang dag mdo sde 'di 'dzin pa dang / klog pa dang / ston pa dang / yi ger 'dri ba dang / dam pa'i chos yun ring du gnas par bgyi ba'i slad du glegs bam du bgyis te 'chang ba dang / tha na lan 'ga' zhig nyan par bgyid pa dang / rna lam du grags par bgyid pa de dag bsod nams ji tsam skyed par 'gyur lags/ de skad ces gsol pa dang / </font><hr>54.143a<br><font size=+1>

bcom ldan 'das kyis byang chub sems dpa' byams pa la 'di skad ces bka' stsal to/ /byams pa khyod de bzhin gshegs pa la don 'di yongasu 'dri bar sems pa ni legs so legs so/ /byams pa de'i phyir legs par rab tu nyon la yid la zung shig dang ngas khyod la bshad par bya'o/ /byams pa nan gyis dper na lha dang mi rnams kyi skye dgu las lha 'am mi gang zhig gis sangs rgyas bcom ldan 'das 'khor gang gA'i klung gi bye ma snyed dang bcas pa gang gA'i klung gi bye ma snyed cig la bskal pa gang gA'i klung gi bye ma snyed du bde ba'i yo byad thams cad kyis bsnyen bkur byas par gyur pa de bas ni gang gis mdo sde legs par gsungs pa 'di yi ger bris te 'dzin pa dang / klog pa dang / de bzhin nyid du bsgrub par byed pa dang / gzhan dag la ston par byed pa ches bsod nams mang du skyed par 'gyur te/ byang chub mngon par rdzogs par 'tshang rgya ba'i phyir ring por mi thogs par byang chub kyi snying por nye bar 'gro bar yang 'gyur ro/ /byams pa nga ni gang dag gis mdo sde 'di thos nas spang bar mi byed cing mos par byed pa dang / tha na glegs bam du 'dri bar byed pa de dag kyang mos pa ji lta ba bzhin du phyir mi ldog pa nyid du lung ston to/ /byams pa nga ni gang dag gis mdo sde zab mo 'di lta bu 'di ni ming tsam thos pa de dag kyang / 'bras bu yod par lung ston par byed na gang dag mos pa dang / yi ger 'dri ba dang / klog pa dang / gzhan dag la yang ston par byed pa dag lta smos kyang ci dgos/ gang dag mdo sde 'di yi ger 'dri ba dang / lung nod pa dang / kha ton byed pa dang / klog pa dang / de bzhin nyid du bsgrub par byed pa de dag ni sangs rgyas bcom ldan 'das rnams dang lhan cig tu gtam 'dre bar byed pa dang / phebs par smra bar byed par 'gyur te/ de dag ni rtag tu sangs rgyas bcom ldan 'das rnams dang mi 'bral bar 'gyur zhing 'jig rten gyi khams gzhan dag na bzhugs pa'i sangs rgyas bcom ldan 'das rnams dang / byang chub sems dpa' sems dpa' chen po rnams kyis kyang de dag la ston par mdzad cing bla na med pa yang dag par rdzogs pa'i byang chub tu</font><hr>54.143b<br><font size=+1>

lung ston par yang 'gyur ro/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo chos kyi rnam grangs 'di thos pa de ni sangs rgyas 'byung ba dang 'dra ba yin gyis kun dga' bo khyod kyis chos kyi rnam grangs 'di zung shig gzhan dag la yang rgya cher ston cig /kun dga' bos gsol pa/ bcom ldan 'das chos kyi rnam grangs 'di'i ming ci zhes bgyi/ 'di ji ltar gzung bar bgyi/ 'di'i ming ji skad bstan par bgyi lags/ bcom ldan 'das kyis bka' stsal pa/ kun dga' bo chos kyi rnam grangs 'di lha'i bu rab rtsal sems kyis zhus pa zhes bya ba dang / 'jam dpal gyis bstan pa chos thams cad rnam par gtan la dbab pa bstan pa zhes bya bar yang zung shig /de nas 'khor de dag gis chos kyi rnam grangs 'di'i ming thos nas thal mo sbyar te bcom ldan 'das la 'di skad ces gsol to/ /bcom ldan 'das bdag cag gis 'jam dpal gzhon nur gyur pas chos bstan pa mang du thos lags na ji ltar chos kyi rnam grangs 'di rab tu rnam par phye ste rgya cher bstan pa de lta bu'i chos ni nam yang ma byung lags so/ /bdag cag gis kyang chos kyi rnam grangs la dga' ba 'di lta bu thob pa sngon ma myong lags te/ de lta lags pas bcom ldan 'das yongs su mya ngan las 'das nas kyang skye bo mang po la sman pa dang / ma 'ongs pa'i skye bo rnams kyi slad du chos kyi rnam grangs 'di ci nas sangs rgyas kyi mdzad pa bgyid par 'gyur ba dang / sems can mos pa tha dad pa rnams kyis chos kyi rnam grangs 'di thos nas mos pa ji lta ba bzhin du theg pa tha dad pas nges par 'byung bar 'gyur ba dang / de dag bde 'gror mchi bar bgyi bar bcom ldan 'das kyis chos kyi rnam grangs 'di legs par byin gyis brlab du gsol/ de nas bcom ldan 'das kyis 'khor bzhi po de dag gis gsol ba btab par thugs su chud nas phyogs bcur rnam par gzigs so/ /bcom ldan 'das phyogs bcur rnam par gzigs ma thag tu de nas de'i mod la stong gsum gyi stong chen po'i 'jig rten gyi khams 'di'i sa gzhi chen po rnam pa drug du rab</font><hr>54.144a<br><font size=+1>

tu g.yos par gyur cing / lha dang / klu dang / gnod sbyin dang / dri za dang / lha ma yin dang / namakha' lding dang / mi 'am ci dang / lto 'phye chen po rnams kyang dga' ba dang / mgu ba dang / yid rangs pa dang / spro ba dang / dga' ba dang / yid bde ba skyes nas ci nas kyang phyi ma'i dus na chos kyi rnam grangs 'di nub par mi 'gyur bar byin gyis brlab par bya ba'i phyir de bzhin gshegs pa dang byang chub sems dpa' sems can la dga' ba rnams dang / nyan thos kyi dge 'dun la lha'i mchod pa dag byas shing steng gi bar snang las me tog gi char dag kyang rab tu phab/ lha'i sil snyan dang / glu dbyangs dag kyang rab tu gsil cing blangs so/ /de nas de bzhin gshegs pas thams cad dang ldan pa'i 'khor de la 'di skad ces nga dang 'jam dpal gzhon nur gyur pas chos kyi rnam grangs 'di byin gyis brlabs so/ /zhes go bar mdzad do/ /de nas thams cad dang ldan pa'i 'khor de dang / byang chub sems dpa' de dag dga' ba dang / mgu ba dang / yi rangs pa dang / rab tu dga' ba dang / dga' ba dang / yid bde ba skyes nas bcom ldan 'das dang 'jam dpal gzhon nur gyur pa la mchod pa byas te/ rang rang gi gnas su dong ngo / /bcom ldan 'das kyis de skad ces bka' stsal nas/ byang chub sems dpa' byams pa dang / tshe dang ldan pa kun dga' bo dang / thams cad dang ldan pa'i 'khor de yi rangs te/ bcom ldan 'das kyis gsungs pa la mngon par bstod do/ /'phags pa lha'i bu rab rtsal sems kyis zhus pa zhes bya ba theg pa chen po'i mdo/ rdzogs so// //rgya gar gyi mkhan po pradz+nyA bar ma dang / zhu chen gyi lots+tsha ba ban de ye shes sde la sogs pas bsgyur cing zhus te gtan la phab pa/ /</font><hr>

</table>