J124

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J124</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J124&coll=lithang">see text in Tibetan script</a></table>55.291a<br><font size=+1>

@#/ /rgya gar skad du/ Ar+ya sarba d+harmA pra brid ti nir de sha nA ma ma hA yA na sU tra/  bod skad du/ 'phags pa chos thams cad 'byung ba med par bstan pa zhes bya ba theg pa chen po'i mdo/  bam po dang po/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das rgyal po'i khab kyi bya rgod 'phungs pa'i ri la/ dge slong lnga brgya tsam gyi dge slong gi dge 'dun chen po dang thabs gcig tu bzhugs te/ byang chub sems dpa' stong phrag bcu gnyis 'dus pa yang 'di lta ste/ byang chub sems dpa' sems dpa' chen po bkod pa rab tu brgyan pa dang / byang chub sems dpa' sems dpa' chen po seng ge'i rtsal gyis 'gro ba dang / byang chub sems dpa' sems dpa' chen po 'od zer thogs pa med par shin du sbyangs pa'i 'od kyi gzi brjid 'bar ba dang / byang chub sems dpa' sems dpa' chen po ri rab zom la rnam par spyod pa'i rgyal po dang / byang chub sems dpa' sems dpa' chen po dga' bas rab tu 'dzum pa'i 'od dri ma med pa dang / byang chub sems dpa' sems dpa' chen po nyi ma'i 'od zil gyis gnon pa'i 'od 'phro dang / byang chub sems dpa' sems dpa' chen po go 'phang dam pa dri ma med pa thob pa dang / byang chub sems dpa' sems dpa' chen po gzi brjid 'gro ba la 'phro ba'i</font><hr>55.291b<br><font size=+1>

pad ma rab tu rgyas pa'i lus dang / byang chub sems dpa' sems dpa' chen po tshangs pa'i sgra dbyangs kyi skad sgrog pa dang / byang chub sems dpa' sems dpa' chen po seng ge'i rgyal po 'gro ba rnam par rol pa'i blo gros dang / byang chub sems dpa' sems dpa' chen po gser mdog gzi brjid dri ma med pa rnam par dag pa dang / byang chub sems dpa' sems dpa' chen po reg na 'jam zhing gzhon pa'i lus dang byang chub sems dpa' sems dpa' chen po gser gyi rgyan ltar mtshan rab tu rgyas pa'i lus dang / byang chub sems dpa' sems dpa' chen po 'od zer bcus bdud rab tu 'dul ba dang / byang chub sems dpa' sems dpa' chen po spyod lam zhi bas nye bar zhi bar 'gro ba dang / byang chub sems dpa' sems dpa' chen po gzugs 'dzin mngon par 'phags pa'i rgyal po dang / byang chub sems dpa' sems dpa' chen po lha'i sgra dbyangs skad sgrogs dang / byang chub sems dpa' sems dpa' chen po chos thams cad la dbang phyug gi dbang gi rtsal gyis spyod pa dang / byang chub sems dpa' sems dpa' chen po gzi brjid dri ma med pa'i lus dang / byang chub sems dpa' sems dpa' chen po 'jam dpal gzhon nur gyur pa dang / de dag la sogs pa byang chub sems dpa' stong phrag dgu bcu rtsa gnyis dang yang thabs gcig go/ /de nas byang chub sems dpa' sems dpa' chen po seng ge'i rtsal gyis 'gro bas/ byang chub sems dpa'i tshogs de lta bu de mthong nas/ stan las langs te bla gos phrag pa gcig la gzar nas/ pus mo g.yas pa'i lha nga sa la btsugs te/ bcom ldan 'das gang na ba de logs su thal mo sbyar ba btud nas/ tshigs su bcad de zhu ba zhus pa/ gso med srog med bdag med chos kyi rnams/ /mgon po mtha' yas grags mangs bshad du gsol/ /'khor 'di 'di 'dra dam pa mchog lags te/ /zhi ba rtag zhi rtag tu nye bar zhi/ /lta ba'i rnam pa ji ltar</font><hr>55.292a<br><font size=+1>

byang chub lags/ /khro dang phrag dog nga rgyal bral ba dang / /'dod chags dngos bral ji ltar byang chub lags/ /mgon po mtha' yas grags mangs bshad du gsol/ /skyon bral thar pa gang la ma mchis pa'i/ /'du byed khams kyang ji ltar byang chub lags/ /ji ltar chos rnams gnyis su ma mchis pa/ /rgyal ba thugs rje mnga' bas bshad du gsol/ /chos rnams shin du rnam par grol gyur cing / /mya ngan 'das dang grol mnyam ji ltar lags/ /chags pa ma chags nam mkha'i tshul 'dra zhing / /'ching bar mi 'gyur gang lags mgon po gsungs/ /ka la ping ka tshangs pa lha yi gsung / /'od la dri med gser gyi mdog mnga' ba/ /yid 'ong 'od gsal yon tan mchog mnga' bas/ /chos nyid rtag par tshul gcig bka' stsal gsol/ /sgrib pa ji ltar byang chub mnyam pa lags/ /byang chub rang bzhin ji ltar chos rnams lags/ /chos dang chos min ji ltar 'dra ba lags/ /de gnyis ji ltar nam mkha' mtshungs pa lags/ /chos rnams grangs dang bgrang ba ma mchis shing / /zhing dang mnyam par de dag ji ltar 'gyur/ /skyon bral byang chub de la ma mchis shing / /de la kun mkhyen ma mchis ji ltar lags/ /bgyi dang bgyid dang bgyi ba'i rang bzhin dang / /gzung dang 'dzin pa nam yang ma mchis la/ /sems can rnams kyang rtag par ma mchis shing / /de la chos spyod ji ltar ma mchis 'gyur/ /de la tshul khrims bzod pa ma mchis shing / /tshul khrims 'chal bar 'ang de la ma mchis la/ /bsam gtan shes rab de la ma mchis shing / /rtogs dang ma rtogs ma mchis ji ltar lags/ /chos rnams dri med dag pa ji ltar legs/ /nam mkha' 'dra zhing ci yang ma lags la/ /nam yang sems kyi rang bzhin mi dmigs shing / /chos rnams</font><hr>55.292b<br><font size=+1>

sems med ji ltar lags par 'gyur/ /yongs su shes bgyi ji ltar ma mchis shing / /sgom dang mngon bgyi mchis pa ma lags la/ /gang du 'ang de la spang ba ma mchis pas/ /sems can ji ltar nam mkha'i dbyings 'dra lags/ /gang la chos nyid gcig gi tshul gyur pa/ /de la rang bzhin nam yang ma mchis la/ /skye ba nam yang de la ma mchis pa'i/ /chos kyi tshul ni mgon pos bshad tu gsol/ /de la slob dang dgra bcom ma mchis te/ /rang rgyal ji ltar mchis pa ma lags shing / /byang chub tshol ba'i chos kyang ma mchis la/ /song dang 'ongs pa ma mchis ji ltar lags/ /gang la gnas dang rten pa ma mchis shing / 'ong par 'gro ba dag kyang ma mchis la/ /chos rnams 'gro dang 'ong dang bral bas na/ /ri bzhin mi g.yo brtan gnas ji ltar lags/ /de la ji ltar 'du shes gzugs ma mchis/ /gzugs kyi rang bzhin ji ltar byang chub lags/ /gzugs dang byang chub ji ltar gnyis ma mchis/ /dri med mchog mnga' rgyal bas de dag gsungs/ /sangs rgyas gang la ma mchis chos dag dang / /dge 'dun gang la ma mchis de slad du/ /sangs rgyas chos dang dge 'dun mchog gi rnams/ /de dag gcig gi tshul du ji ltar 'gyur/ /gang la stong dang mtshan nyid ma mchis shing / /'du dang 'bral ba de la ma mchis la/ /chos rnams ming dang ming med bral ba med/ /sgra brjod brag cha 'dra ba ji ltar lags/ /skye dang skye med gang la ma mchis shing / /gang la skyon bral mya ngan 'das pa dang / /'khor ba dag kyang de la ma mchis pas/ /chos rnams thams cad tshul gcig ji ltar 'gyur/ /lha dang klu dag de la ma mchis shing / /gnod sbyin mi 'am ci dang 'dre dag dang / /sems can dmyal ba de la ma mchis shing / /ji ltar de la sems can lam ma mchis/ /mgon pos chos rnams gang gsungs tshul</font><hr>55.293a<br><font size=+1>

dag dang / /sdig pa'i blo can mu stegs kyis gang smra ba/ /de dag gnyis su ma mchis ji ltar lags/ /yi ge kun la gcig tu ji ltar 'gyur/ /de nas bcom ldan 'das kyis byang chub sems dpa' sems dpa' chen po seng ge'i rtsal gyis 'gro ba la legs so zhes bya ba gnang ste/ rigs kyi bu legs so legs so/ /khyod kyis ji tsam du 'jig rten thams cad kyis yid ches par dka' ba'i dri ba 'di dris pa ngo mtshar che'o/ /rigs kyi bu chog mod khyod kyis 'di dris pas ci zhig bya/ 'di ni byang chub sems dpa' las dang po pa stong pa nyid kyi lta ba can/ mtshan ma med pa'i lta ba can/ smon pa med pa'i lta ba can/ skye ba med pa'i lta ba can/ dngos po med pa'i lta ba can/ mtshan nyid med pa'i lta ba can/ sangs rgyas kyi lta ba can/ byang chub kyi lta ba can dag gi gnas ma yin no/ /rigs kyi bu chos bstan pa 'di ni byang chub sems dpa' las dang po pa'i mdun du mi brjod do/ /de ci'i phyir zhe na/ de ni de'i dge ba'i rtsa ba rnams thams cad kyi thams cad du rgyun chad du 'ong ngo / /sangs rgyas kyi byang chub las kyang nyams par 'gyur srid do/ /rtag pa 'am chad par yang lhung du 'ong ngo / /de bzhin gshegs pas kyang ci las dgongs te chos bstan mi shes srid do/ /de skad ces bka' stsal pa dang / byang chub sems dpa' sems dpa' chen po seng ge'i rtsal gyis 'gro bas bcom ldan 'das la 'di skad ces gsol to/ /bcom ldan 'das bshad pa 'di byung ba'i dus na/ byang chub sems dpa' stong pa nyid kyi lta ba can/ mtshan ma ma mchis pa'i lta ba can smon pa ma mchis pa'i lta ba can/ skye ba ma mchis pa'i lta ba can/ mtshan nyid ma mchis pa'i lta ba can/ sangs rgyas kyi lta ba can/ byang chub kyi lta ba can dag 'byung bar 'gyur ba dang gang yang stong pa nyid dang / mtshan ma ma mchis pa la rtog pa dang / </font><hr>55.293b<br><font size=+1>

smra ba la dga' ba dang / smra ba'i tshig la chags pa dang / yi ges dag par 'dzin pa dang / tshig gi las la gzhol ba dang / legs par brjod pa gces par 'dzin pa dang / ming gces par 'dzin pa gang 'byung ba de dag gis de bzhin gshegs pas chos bstan pa/ yi ge ma mchis shing tshig dang bral ba 'di thos na/ lta ba de dag spong zhing / ji ltar mos pa'i sems can rnams la de ltar mos pa'i chos ston par 'gyur ro/ /de dag thabs mkhas pa la bslab pas/ 'dod pa chung ba'i tshig gi rgyud kyang rjod la/ des dag par yang mi sems/ cho ga 'tshal ba'i tshig gi rgyud brjod la/ des dag par yang mi sems/ sdom pa'i tshig gi rgyud kyang rjod la des dag par yang mi sems/ 'du 'dzi'i mi bsngags pa yang rjod la/ chos thams cad rab tu dben par yang mos par 'gyur ro/ /gcig pur dga' ba dang / 'du 'dzi ma mchis pa'i bsngags pa yang rjod la/ des dag par yang mi sems/ byang chub kyi sems kyi bsngags pa yang rjod la/ sems kyi rang bzhin yang byang chub tu 'tshal bar 'gyur/ shin tu rgyas pa'i mdo rnams kyi bsngags pa yang rjod la/ chos thams cad shin du rgyas par yang 'tshal bar 'gyur/ byang chub sems dpa'i tshig gi rgyud kyang rjod la/ nyan thos dang / rang rgyal ba dang / sangs rgyas rnams tha dad par yang mi lta/ sbyin pa'i bsngags pa yang rjod la/ sbyin pa'i mnyam pa nyid kyang de dag gis rtogs par 'gyur/ tshul khrims kyi bsngags pa yang rjod la/ rang bzhin gyi tshul khrims kyang de dag gis rtog par 'gyur/ bzod pa'i bsngags pa yang rjod la chos thams cad kyi zad pa'i chos dang / byang ba'i chos dang / mi skye ba'i chos nyid kyang de dag gis shin du mthong bar 'gyur/ brtson 'grus kyi bsngags pa yang rjod la/ </font><hr>55.294a<br><font size=+1>

chos thams cad la btsal ba ma mchis pa dang / rtsom pa ma mchis pa yang rab tu rtogs par 'gyur/ bsam gtan dang / snyoms par 'jug pa rnams/ sgo bye ba khrag khrig brgya stong gis mngon par bsgrub pa yang ston la/ chos thams cad rang bzhin gyis mnyam par bzhag pa yang 'tshal bar 'gyur/ shes rab kyi bsngags pa stong yang rjod la/ shes rab dang / shes rab 'chal pa'i rang bzhin yang de dag gis shin du rig par 'gyur/ 'dod chags kyi skyon yang ston la/ chos gang yang 'dod chags par mi mthong / zhe sdang gi skyon yang ston la/ chos gang yang zhe sdang bar mi mthong / gti mug gi skyon yang ston la/ chos thams cad gti mug gi sgrib pa dang bral bar yang mos par 'gyur/ sems can rnams la sems can dmyal ba dang / dud 'gro'i skye gnas dang / gshin rje'i 'jig rten du mchi ba'i 'jigs pa yang ston la/ sems can dmyal ba dang / dud 'gro'i skye gnas dang / gshin rje'i 'jig rten kyang mi dmigs te/ de dag sems can ji ltar mos pa dag la/ de ltar mos pa'i chos ston cing / gang 'di stong pa nyid la mos par tshul gcig pa la mos par 'gyur/ de bzhin du mtshan ma ma mchis pa la mos pa dang / smon pa ma mchis pa la mos pa dang / skye ba ma mchis pa la mos pa dang / dngos po ma mchis pa la mos pa dang / mtshan nyid ma mchis pa la mos par tshul gcig par mos par 'gyur na/ bcom ldan 'das de'i slad du thabs mkhas pa'i tshig gang nyan thos dang / rang sangs rgyas rnams dang / theg pa la gsar du zhugs pa'i byang chub sems dpa' sems dpa' chen po rnams kyis ma lags shing / gzhan du na zab mo la mos pa dang / tshul gcig pa la mos pa'i yul</font><hr>55.294b<br><font size=+1>

du 'gyur ba'i thabs mkhas pa'i tshig de dag bshad du gsol/ de skad ces gsol pa dang / bcom ldan 'das kyis byang chub sems dpa' sems dpa' chen po seng ge'i rtsal gyis 'gro ba la 'di skad ces bka' stsal to/ /rigs kyi bu de bas na legs par rab tu nyon la yid la zung shig dang / don 'di ngas khyod la bshad do/ /bcom ldan 'das de ltar bgyi'o zhes/ byang chub sems dpa' sems dpa' chen po seng ge'i rtsal gyis 'gro bas/ bcom ldan 'das kyi ltar nyan pa dang / bcom ldan 'das kyis de'i tshe tshigs su bcad pa 'di dag bka' stsal to/ /'dod chags zhe sdang 'khrug pa med tshul du/ /gang zhig byang chub mchog tu 'tshang rgya bar// 'dod pas chos kun 'dod chags rang bzhin zhes/ /de ltar shes na de ni rgyal bar 'gyur/ /'dod chags mi dmigs de bzhin zhe sdang dang / /gti mug 'di la nam yang mi dmigs te/ /chos rnams kun kyang nam mkha' 'dra ba zhes/ /de ltar gang shes de ni rgyal bar 'gyur/ /lta dang lta med gnyis kyi tshul gcig ste/ /mnyam dang mi mnyam de bzhin mnyam pa yin/ /sangs rgyas med cing chos dang dge 'dun med/ /de ltar sus shes de ni mkhas pa yin/ /skyes bu la la ji ltar rmi lam na/ /byang chub sangs rgyas 'gro ba 'dul rmis na/ /de la byang chub yod min sems can med/ /de 'dra'i dngos nyid chos 'di thams cad do/ /byang chub phyir bzhugs gang yang ma brnyes te/ /gang zhig ma brnyes nam yang de mi brnyes/ /rig dang ma rig gnyis ka tshul gcig ste/ /de ltar shes na de ni rgyal bar 'gyur/ /sems can rang bzhin byang chub nyid du gsungs/ /byang chub rang bzhin sems can thams cad de/ /sems can rnams dang byang chub gnyis ma yin/ /de ltar shes na skyes bu'i mchog tu 'gyur/ /ji ltar skyes bu sgyu ma bslabs pa yis/ /sgyu ma rnam mang gzugs dag sprul byas na/ /snang ba yin yang de la gang yang</font><hr>55.295a<br><font size=+1>

med/ /rnam par rmongs pa'i sems can rnam par 'grang / /'dod chags zhe sdang rtag par mnyam pa ste/ /gti mug sgyu ma gnyis kyang rtag par mnyam/ /byis pa bdag cag zhe sdang rmongs shes sems/ /gti mug de dag ngan 'gror 'dong bar 'gyur/ /gang la 'dod chags zhe sdang gnyis med cing / /gti mug gang la nam yang med pas na/ /chos nyid sgyu 'dra rnam par brtags byas shing / /byis pa rnams ni nyon mongs mes kyang gdungs/ /gang la nyon mongs sems can med pa dang / /sangs rgyas nam yang yod pa ma yin pa/ /ma skyes chos shes rnam par brtags byas shing / /bdag cag sangs rgyas 'gyur zhes byis pa smra/ /sangs rgyas yod min sangs rgyas chos med de/ /nam yang sems can med par sus mthong zhing / /nam mkha' 'dra bar chos nyid sus shes pa/ /de ni myur du skyes bu gtso bor 'gyur/ /byang chub su 'dod de la byang chub med/ /sa dang gnam ltar byang chub mchog las ring / /sgyu 'drar chos nyid gang gis shes gyur pa/ /de ni myur du sangs rgyas thob par 'gyur/ /su zhig tshul khrims rnam rtog de la ni/ /tshul khrims med de mthong na tshul khrims min/ /tshul khrims 'chal dang tshul khrims mtshan nyid gcig /de ltar shes na de ni mgon por 'gyur/ /ji ltar skyes bu la la rmi lam na/ /'dod la spyod pa dga' ba myong ba'i nyams/ /gti mug rmongs pas bud med rnam par brtags/ /de na bud med gang yang yod pa min/ /tshul khrims 'chal dang tshul khrims byis pa rnams/ /rmongs pas yang dag ma yin yongs su brtags/ /de la tshul khrims 'chal med tshul khrims med/ /de ltar shes na de ni mgon por 'gyur/ /sgra'i rang bzhin yongs su mi shes pas/ /byis pa'i blo can 'di dag ming la chags/ /gang gis ming de ming med shes gyur na/ /de ni bzod pa'i stobs mchog thob par 'gyur/ /byang chub dam</font><hr>55.295b<br><font size=+1>

bca' sems can mang ba ste/ /de dag tshig gis gzhan la de skad brjod/ /tshig gis dag 'dzin nan tan yod pa min/ /de dag byang chub kun nas khebs par gnas/ /spyod lam dag dang 'khrul la chags gyur cig /tshig dang smra la dga' zhing mi mkhas te/ /chos kyi rang bzhin yongs su ma shes na/ /tshig gi dag pas byang chub 'tshang mi rgya/ /stong nyid chos dag yongs su rjod byed cing / /rtsod la dga' zhing 'thab pas sdang ba'i sems/ /srog med ngan sems byed pa de dag la/ /sangs rgyas chos dang byang chub ga la yod/ /ngan sems bzod gnyis tshul gcig rang bzhin zhes/ /de ltar shes par byas shing khro ba spang / /sems can rang bzhin yongs su mi shes pas/ byis pa'i blo can khro ba skyed par byed/ /sems can thams cad bdag la dben pa ste/ /rgyal ba sems can 'grel 'gyur smon ces zer/ /de dag glengs pa tsam gyis khror 'gyu zhing / /zhe sdang 'chang bas de dag tshig mi ster/ /'thab la dga' zhing nyes pa tshol byed la/ /bzod pa'i bsngags pa 'ang rtag par de dag rjod/ /chos rnams thams cad stong pa nyid ces smra/ /nga rgyal khengs pas 'khrul pa rjes su rtog /zas la chags shing ma rig mdud pas bcings/ /nyin mtshan dag tu 'dod pa'i yon tan sems/ /de dag lhas dang grong khyer grong song zhing / /sems can mang pos yongs su dgrol zhes zer/ /'gro ba kun la snying rje bdag la yod/ /'jig rten kun la phan sems de bzhin te/ /de dag zhe sdang sems kyis de lta bu'i/ /chos nyid 'tshe ba'i tshul can rjod par byed/ /'tshe ba snying rje gcig tu 'dus pa ni/ /nam yang yod par ma mthong ma thos te/ /phan tshun khro bar byed dang ldan gyur cing / /tshad med tshe yi zhing du smon par byed/ /gang gA'i klung gi</font><hr>55.296a<br><font size=+1>

bye ma ji snyed par/ /brdeg cing spyo ba 'thob pa'i gnas yod kyi/ /bzod pa dam pa yongs su ma bsgoms par/ /rgyal ba de dag zhing du de mi 'gro/ /zhing rnams zhing min gang gis shes gyur cing / /zhing rnams thams cad nam mkha'i rang bzhin zhes/ /zhing gi yon tan rlom sems gang med pa/ /skyes bu khyu mchog zhing du de 'gro'o/ /thams cad nyes byas bdag gis bzod par bya/ /rgyal ba'i sras la ston par sems shes smra/ /ston pa'i 'du shes can la khro yod pa/ /ngas ni nam yang ma mthong ma thos so/ /bslang ba'i grong dang mdza' ba'i grong chags shing / /gcig la gcig ni spyod pa sun yang 'byin/ /'di ni bdag gis smin bya'i skal yin gyis/ /su yang der ma 'gro zhes de dag zer/ /bdag dang 'dra ba de 'dra gang yang med/ /de la spyod pa rnam dag med ces zer/ /mi mkhas de ni byang chub 'thob mi 'gyur/ /de la don du 'gyur ba gang yang med/ /nyin par lan gsum mtshan yang de bzhin te/ /byang chub sems dpa' dag la spyi bos thud/ /de dag 'khrul pa gang la 'ang brtag mi bya/ /rtag par spyod pa ci bder spyod tu tshud/ /'dod pa'i yon tan dga' bar spyod mthong na/ /de yi 'khrul pa gang yang brtag mi bya/ /byang chub spyod pa mtha' yas yon tan gyis/ /de yang ma 'ongs dus ni byang chub 'thob/ /lan cig kho nar rgyal bar 'gyur ba min/ /rigs pa'i rim dang bya ba'i rim gyis 'thob/ /bskal pa bye ba khrag khrig grangs mang du/ /go cha bgos pas 'thob kyi gzhan du min/ /rtog dang rnam rtog 'dod chags med pa ste/ /ngas kyang byang chub 'dod chags 'dra ba thob/ /nyon mongs yod min de dag yod mi 'gyur/ /de ltar yid ches bzod pa dam pa 'thob/ /yi ge med pa'i chos la zhugs gyur cing / /sgra rnams thams cad sgra med blta bar bya/ /gang zhig de 'dra'i</font><hr>55.296b<br><font size=+1>

chos la yid ches pa/ /de la 'dod chags zhe sdang gti mug med/ /'dod chags byang chub lhag chad med par mnyam/ /de gnyis yi ge med par rtogs par gyis/ /de ni gnyis ka'i ming tsam byung ba ste/ /yi ger brjod pa de la ci yang med/ /sgra rnams thams cad sgra gcig rab shes na/ /sna tshogs su ni nam yang 'gyur ba med/ /nga yis gang bshad mu stegs de dag 'chad/ /de dag 'di 'dra'i chos nyid shes pa yin/ /chos rnams 'di dag skad kyi sgras brjod de/ /chos dang sgra ni de la dmigs pa med/ /chos nyid tshul gcig de la rab zhugs na/ /bzod pa bla med mchog ni 'thob par 'gyur/ /khro dang bzod dang 'dod pa'i yon tan dang / /mi bzod mi rtag rnam par mi rtag ste/ /skye med de ltar rab tu shes gyur na/ /skyon med sems can mchog tu de dag 'gyur/ /lho byang shar nub phyogs rnams thams cad kyi/ /gang gA'i klung gi bye ma ji snyed pa/ /skyes bu la las de blang 'bru re nas/ /phyogs gcig zhing der rab tu dgod byas te/ /zhing rnams ji snyed byung ba de dag kun/ /rgyal ba rnams la rin chen bkang byas te/ /bskal pa bye ba mang por phul ba bas/ /mdo sde 'di yi bsod nams ches kyang mang / /de la bsod nams grangs med 'phel bar 'gyur/ /byang chub don gnyer 'di la rab byung ba/ /de dag la ni mdo sde 'di gtad de/ /de dag brjod pa dam pa myur du 'thob/ /mtha' yas sgo yi mdo 'di su ston pa/ /de la gzungs rnams mi ring nye bar gnas/ /mdo sde bye ba khrag khrig des 'thob ste/ /spobs dang blo rno'i yon tan 'thob par 'gyur/ /tshig la thogs pa 'ang phye bas shes par 'gyur/ /so so yang dag rig kyang myur du 'thob/ /sangs rgyas mtha' yas spobs pa'i sbyin pa mdzad/ /rnam pa mang por mdo sde mang po ston/ /tshul 'di gang gis shes gyur de dag ni/ /rang</font><hr>55.297a<br><font size=+1>

gis mdo sde mang por dran par 'gyur/ /zhing gi dam pa dag tu 'ang de dag 'gro/ /song nas mgon po dag la mchod pa byed/ /de nas bcom ldan 'das la/ byang chub sems dpa' seng ge'i rtsal gyis 'gro bas 'di skad ces gsol to/ /bcom ldan 'das tshigs su bcad pa bstan pa 'di thos pas sems can ji snyed cig gi don bgyis par gyur/ bka' stsal pa/ rigs kyi bu khyod kyis 'khor gyi dkyil 'khor 'di mthong ngam/ gsol pa/ bcom ldan 'das mthong ngo / /bcom ldan 'das chos bstan pa 'di'i tshe/ sems can grangs ma mchis pa 'dus par gyur te/ bcom ldan 'das steng gi bar snang yang lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen pos ma gtams pa ma mchis so/ /bcom ldan 'das 'jig rten gyi khams gzhan nas kyang sems can mang pos chos 'di bstan pa thos so/ /de skad ces gsol pa dang / bcom ldan 'das kyis byang chub sems dpa' sems dpa' chen po seng ge'i rtsal gyis 'gro ba la 'di skad ces bka' stsal to/ /rigs kyi bu chos bstan pa 'di bstan pa'i tshe lha'i bu stong phrag dgu bcu rtsa brgyad kyis mi skye ba'i chos la bzod pa rab tu thob bo/ /gnod sbyin stong phrag dgu bcu rtsa gnyis kyis bla na med pa yang dag par rdzogs pa'i byang chub tu sems bskyed do/ /klu stong phrag sum cu rtsa drug byang chub tu sems skyes par gyur to/ /dge slong mngon pa'i nga rgyal can ma thob pa la thob par 'du shes pa lnga brgyas mngon pa'i nga rgyal med pa'i chos bstan pa 'di thos nas/ chos thams cad ni tshul gcig go zhes bya bar yid ches par gyur te/ nye bar len pa med par zag pa rnams las sems rnam par grol lo/ /byang chub sems dpa'i tshogs 'di'i nang nas</font><hr>55.297b<br><font size=+1>

kyang byang chub sems dpa' stong phrag drug cu rtsa gnyis kyis chos thams cad sgrib pa med par khong du chud nas/ mi skye ba'i chos la bzod pa rab tu thob bo/ /de ci'i phyir zhe na/ rigs kyi bu chos bstan pa 'di ni phul du byung ba ste/ rigs kyi bu ngas kyang sngon de bzhin gshegs pa dgra bcom pa yang dag par rdzogs pa'i sangs rgyas mar me mdzad kyi drung du/ chos thams cad ni tshul gcig pa'o zhes bya bar khong du chud par gyur nas/ de'i 'og tu ngas mi skye ba'i chos la bzod pa thob bo/ /rigs kyi bu pha rol tu phyin pa drug po thams cad thob pa dang / chos bstan pa 'di thos par mtshungs te/ rigs kyi bu tshul 'di rtogs na/ byang chub sems dpa' sems dpa' chen po rnams kyi pha rol tu phyin pa drug yongs su rdzogs par 'gyur ba ngas bshad do/ /de ci'i phyir zhe na/ rigs kyi bu gal te byang chub sems dpas bskal pa gang gA'i klung gi bye ma snyed du sbyin pa byin/ tshul khrims bsrungs/ bzod pa sgrubs/ brtson 'grus brtsams/ bsam gtan la mnyam par bzhag /shes rab yang dag par blangs te gnas kyang / chos kyi tshul 'di ma shes na dge ba'i rtsa ba de dag thams cad phyir zad par 'gyur ro/ /rigs kyi bu lhas byin dge ba'i rtsa ba de lta bu dang ldan par gyur pa la ltos/ rigs kyi bu lhas byin ni mi chen po'i mtshan sum bcu dang ldan par gyur to/ /de lta bu'i dge ba'i rtsa ba dang ldan pa de yang chos kyi tshul 'di ma shes pas/ dge ba'i rtsa ba de dag thams cad yongs su chud nas/ mnar med pa'i sems can dmyal ba chen por skyes te/ rigs kyi bu rnam grangs des kyang ji ltar chos kyi tshul 'di khong du ma chud pa rnams kyi dge ba'i rtsa ba chad par 'gyur bar rig par bya'o/ /rigs kyi bu sngon 'das pa'i dus bskal pa grangs med pa shin du bgrang ba las 'das pa/ tshad med pa/ yangs pa/ </font><hr>55.298a<br><font size=+1>

gzhal du med pa de'i pha rol de yi yang pha rol gcig gi dus na/ de bzhin gshegs pa dgra bcom pa yang dag par rdzogs pa'i sangs rgyas ri rab ltar mngon par 'phags pa'i rgyal po zhes bya ba rig pa dang zhabs su ldan pa/ bde bar gshegs pa/ 'jig rten mkhyen pa/ bla na med pa/ skyes bu 'dul ba'i kha lo sgyur ba/ lha dang / mi rnams kyi ston pa/ sangs rgyas bcom ldan 'das 'jig rten du byung ste/ de bzhin gshegs pa de'i sku tshe'i tshad ni lo bye ba khrag khrig brgya stong dgu bcu rtsa dgur gyur to/ /'jig rten gyi khams de'i ming ni gser gyi mdog 'od 'phro ba zhes bya bar gyur to/ sangs rgyas kyi zhing de ni gser gyi rgyu las grub par gyur te/ sems can rnams kyang gang 'di nyan thos kyi theg pa dang / rang sangs rgyas kyi theg pa dang / byang chub sems dpa'i theg pa dang / theg pa gsum po 'di nyid kyis mya ngan las 'da' bar gyur te/ de bzhin gshegs pa de'i nyan thos kyi tshogs dang po ni dge slong bye ba khrag khrig brgya stong phrag brgyad bcu thams cad kyang dgra bcom pa/ zag pa zad pa/ khur bor ba/ rang gi don rjes su thob pa/ srid par kun du sbyor ba/ yongs su zad pa/ bka' yang dag pas sems shin du rnam par grol ba sha stag gi tshogs su gyur to/ /tshogs gnyis pa ni dge slong bye ba khrag khrig brgya stong bdun bcu'i tshogs su gyur to/ /tshogs gsum pa ni dge slong bye ba khrag khrig drug bcu'i tshogs su gyur to/ /tshogs bzhi pa ni dge slong bye ba khrag khrig brgya stong phrag lnga bcu thams cad kyang dgra bcom pa/ zag pa zad pa/ khur bor ba/ rang gi don rjes su thob pa/ srid par kun du sbyor ba/ yongs su zad pa/ bka' yang dag pas sems shin du rnam par grol ba sha stag gi tshogs su gyur to/ /dge slong ma'i tshogs ni de'i nyis 'gyur du gyur to/ /dge bsnyen gyi tshogs dang / dge bsnyen ma'i tshogs kyang de'i</font><hr>55.298b<br><font size=+1>

nyis 'gyur du gyur to/ /byang chub sems dpa'i tshogs kyang de'i nyis 'gyur du gyur te/ thams cad kyang phyir mi ldog pa/ mi skye ba'i chos kyi bzod pa dang ldan pa/ ting nge 'dzin gyi tshul mngon par bsgrub pa la mkhas pa/ sgo mtha' yas pa'i gzungs rab tu thob pa/ phyir mi ldog pa'i chos kyi 'khor lo bskor ba sha stag gi tshogs su gyur na/ byang chub sems dpa' theg pa la gsar du zhugs pa rnams kyi tshogs lta smos kyang ci dgos te/ der ni rang sangs rgyas kyi theg pa pa yang tshad med par gyur to/ /rigs kyi bu de ltar de'i tshe bcom ldan 'das de'i 'khor gyi tshogs ni tshad med par 'dus par gyur to/ /'jig rten gyi khams gser gyi mdog 'od 'phro ba de na/ shing ngam ldum bu gang ci yod pa thams cad kyang rin po che'i rgyu las grub par gyur te/ shing de dag las kyang 'di lta bu'i sgra gang 'di stong pa nyid kyi sgra dang / mtshan ma med pa'i sgra dang / smon pa med pa'i sgra dang / skye ba med pa'i sgra dang / 'gag pa med pa'i sgra dang / dngos po med pa'i sgra dang / mtshan nyid med pa'i sgra dang / de lta bu'i sgra dag 'byung bar 'gyur te/ sgra de dag byung bas sems can de dag gi sems rnam par grol bar gyur to/ /de bzhin gshegs pa de yongs su mya ngan las 'das nas lo stong du dam pa'i chos gnas par gyur te/ de phyin chad sgra de dag kyang shing de dag las 'byung ba med par gyur to/ /rigs kyi bu de bzhin gshegs pa dgra bcom pa yang dag par rdzogs pa'i sangs rgyas ri rab ltar mngon par 'phags pa'i rgyal po de yang / dge slong chos smra ba'i spyod pa rnam par dag pa zhes bya ba/ dam pa'i chos yongs su 'dzin par bskos nas yongs su mya ngan las 'das par gyur to/ /de'i tshe dge slong spyod pa'i blo gros zhes bya ba zhig kyang byung ste/ de ni tshul khrims kyi phung po shin du dag pa dang ldan zhing / 'jig rten pa'i mngon par shes pa lnga thob par 'gyur te/ 'dul ba'i sde snod la 'ang shin du byang bar gyur to/ /dge slong de ni dka' thub kyi mchog dang ldan pa ngan ngon</font><hr>55.299a<br><font size=+1>

la mos pa/ 'khor gyi nang na spyod pa ste/ des gtsug lag khang gcig brtsigs nas/ don gnas shing de'i 'khor du gyur pa rnams kyang tshul khrims kyi phung po shin du dag pa la bkod par gyur te/ sbyangs pa'i yon tan sdom pa la mos par gyur to/ /dge slong de ni brtson 'grus brtsams shing rtag par byang chub kyi sems la gnas par gyur to/ /byang chub sems dpa' gzhan dag kyang spyod lam de nyid la yang dag par bskul te/ dmigs pa can gyi lta ba la yang dag par bskul to/ /des 'du byed thams cad mi rtag pa zhes bya bar 'dzin du btsud do/ /'du byed thams cad sdug bsngal zhes bya bar 'dzin du btsud do/ /'du byed thams cad bdag med pa zhes bya bar 'dzin du btsud do/ /dge slong de ni ting nge 'dzin la mkhas par gyur te/ byang chub sems dpa'i spyod pa la mkhas pa ma yin zhing / dge ba'i rtsa ba dang ldan par gyur to/ /dge slong chos smra ba spyod pa rnam par dag pa de ni sems can rnams kyi dbang po mchog dang tha ma shes pa la mkhas par gyur te/ de'i 'khor du gyur pa ji snyed pa de dag kyang sbyangs pa'i yon tan gyi sdom pa lhur len par gyur te/ mi dmigs pa'i bzod pa can thabs la mkhas pa dag tu gyur to/ /rigs kyi bu de nas chos smra ba spyod pa rnam par dag pa 'khor dang bcas te/ dge slong spyod pa'i blo gros gang na gnas pa'i gtsug lag khang der phyin nas/ de na gnas par gyur te/ de gtsug lag khang de nas yang dang yang sems can la snying brtse ba'i phyir grong du 'gro zhing / de dag tu zas kyi bya ba byas nas phyir 'ongs par gyur to/ /des de dag tu rigs brgya stong du ma dad par byas par gyur to/ /de'i 'khor ji snyed pa de dag kyang tshul la mkhas par gyur to/ /de dag kyang de dag tu dong zhing sems can rnams la chos ston to/ /de dag gis kyang srog chags brgya stong mang po bla</font><hr>55.299b<br><font size=+1>

na med pa yang dag par rdzogs pa'i byang chub du bkod par gyur to/ /dge slong spyod pa'i blo gros kyi 'khor de dag ni bsam gtan lhur len ci/ grong dag tu yang 'khor bar mi 'dong ngo / /de nas dge slong spyod pa'i blo gros kyis byang chub sems dpa' gzhan dag la ma dad pa'i sems bskyed nas des gan+Di de rdungs te/ dge slong gi dge 'dun bsdus nas dam tshig byas pa/ bdag cag gi nang nas su yang rung ste/ sus kyang grong tu 'gro bar mi bya'o/ /khyed ni shes bzhin med par spyod pa yin te/ nyung ngu smra ba ma yin gyis/ khyod grong du dong bas kyang ci zhig bya ste/ dgon pa la gnas pa ni bcom ldan 'das kyis gnang zhing bsngags pa yin gyis/ khyod grong du ma 'dong bar bsam gtan gyi bde bas rnam par spyod cig ces bsgo'o/ /de dag gis de zer ba ltar ma mnyan te/ yang grong dag tu 'dong bar gyur to/ /rigs kyi bu de nas dge slong de dag nam grong nas phyir 'ongs par gyur pa de'i tshe/ dge slong spyod pa'i blo gros kyis yang gan+Di brdungs nas/ dge slong gi dge 'dun bsdus te/ 'di skad du gal te de phan chad khyed grong du 'dong dang / khyed gtsug lag khang 'di na ma gnas shig ces bsgo'o/ /rigs kyi bu de nas dge slong chos smra ba spyod pa rnam par dag pas dge slong de'i sems bsrung ba'i phyir/ rang gi 'khor rnams bos te/ 'di skad du khyed grong du su yang ma 'dong shig ces smras so/ /de nas de'i tshe dge slong de dag gis sems can gang ji snyed cig smin par byas pa de dag dge slong de dag dang / ma sprad pas shin du mi dga' bar yang gyur/ dge ba'i rtsa ba yang yongs su 'grib par gyur to/ /rigs kyi bu de nas dge slong chos smra ba/ spyod pa rnam par dag pa zla ba gsum po de dag 'das nas/ gtsug lag khang de nas gtsug lag khang gzhan du 'phos nas/ grong dang / grong khyer dang / ljongs dang / yul dang / rgyal po'i pho brang</font><hr>55.300a<br><font size=+1>

'khor dag tu 'gro zhing / sems can dag la chos ston par gyur to/ /rigs kyi bu de nas dge slong spyod pa'i blo gros kyis/ chos smra ba spyod pa rnam par dag pa yang dang yang grong du 'gro ba yang mthong / de'i 'khor kyang spyod lam tha mal pa can du mthong nas/ des yang de la ma dad pa'i sems bskyed par gyur te/ dge slong 'di ni tshul khrims 'chal pa can/ tshul khrims log pa can te/ 'dis byang chub ga la 'thob/ dge slong 'di'i byang chub ni rgyang ring ngo / /dge slong 'di ni 'du 'dzir gnas gnas pa'o zhes 'gro ba mang po dag la de skad brjod do/ /rigs kyi bu de nas dus gzhan zhig na/ dge slong spyod pa'i blo gros de 'chi ba'i dus byas par gyur nas/ de de ltar 'chi ba'i dus byas pa dang / las de'i rnam par smin pas mnar med pa'i sems can dmyal ba chen por lhung ngo / /de bskal pa bye ba stong phrag dgu bcu rtsa dgur sems can dmyal ba chen por sdug bsngal gyi tshor ba myong bar gyur nas tshe rabs drug bcur mi snyan par brjod pa thob par gyur to/ /tshe rabs stong phrag sum bcu rtsa gnyis su rab tu byung ba las phyir babs par gyur to/ /las kyi sgrib pa de nyid kyi lhag mas de bzhin gshegs pa dgra bcom pa yang dag par rdzogs pa'i sangs rgyas 'od 'phro dri ma med pa'i gsung rab la rab tu byung bar gyur to/ /de rab tu byung nas lo bye ba brgya stong phrag drug tu mgo'i thod la me 'bar ba ltar rnam par spyod kyang / 'thun pa'i bzod pa tsam yang ma thob ste/ tshe rabs brgya stong mang por dbang po rtul por gyur to/ /rigs kyi bu de 'i tshe de'i dus na/ dge slong chos smra ba spyod pa rnam par dag pa zhes bya ba de gzhan zhig yin par sems na/ de ltar mi blta ste/ de ci'i phyir zhe na/ de bzhin gshegs pa mi sgul ba ni de'i tshe de'i dus na/ dge</font><hr>55.300b<br><font size=+1>

slong chos smra ba spyod pa rnam par dag pa zhes bya bar gyur to/ /rigs kyi bu de'i tshe de'i dus na/ dge slong chos smra ba spyod pa'i blo gros zhes bya ba de gzhan zhig yin pa snyam du sems na/ de ltar mi blta ste/ de ci'i phyir zhe na/ nga ni dge slong chos smra ba spyod pa'i blo gros zhes bya bar gyur to/ /nga yang de lta bu'i thabs phra mos de la ma dad pa'i sems bskyed de/ las kyi sgrib pa mngon par 'du byas pas sems can dmyal ba dag tu lhung bar gyur te/ /rigs kyi bu de ltar phra ba ni las kyi sgrib pa yin gyis/ rigs kyi bu su las kyi sgrib pa de lta bu mi 'dod pa de dag gis gzhan gyi spyod pa la khong khro bar mi bya'o/ /de'i spyod pa thams cad la yid ches par bya'o/ /'di snyam du pha rol gyi sems ni bdag gis mi shes te/ sems can gyi spyod pa ni dka'o/ /de snyam du sems bskyed par bya'o/ /don gyi dbang de gzigs nas/ de bzhin gshegs pas 'di skad du chos ston te/ gang zag gis gang zag gi tshod gzung bar mi bya'o/ /gang zag gis gang zag la tshod bzung na rma 'byung bar 'gyur te/ de 'am gzhan yang nga dang 'dra ba dag gis gang zag la tshod gzung ngo / /rigs kyi bu su bdag bsrung bar 'dod pa des gzhan su'i spyod pa la 'ang brtag par mi bya ste/ de dag la 'di ni 'di 'dra'o/ /'di ni 'di 'dra'o zhes bya bar mi bya'o/ /nyin mtshan du sangs rgyas kyi chos la brtson par bya'i/ /rigs kyi bu chos la bsgoms pa'i yid kyis bsam pa thag pa nas yang dag par zhugs pa'i byang chub sems dpa' ni gzhan la bya bar brtson par mi gnas so/ /rigs kyi bu gal te stong gsum gyi stong chen po'i 'jig rten gyi khams na/ sems can gang ji snyed cig yod pa de dag thams cad byang chub sems dpa' la la zhig gis dge ba bcu'i las kyi lam la bkod pa bas/ byang chub sems</font><hr>55.301a<br><font size=+1>

dpa' gang gcig pu dben par 'dug ste/ chung ngu na se gol gtogs pa tsam du 'ang chos thams cad tshul gcig par yid ches shing tha na chung ngu dri ba 'am/ dpyad pa 'am/ lung 'bog pa 'am/ kha ton bya ba'i phyir gnas na/ 'di ni de bas ches bsod nams mang du 'phel lo/ /de ci'i phyir zhe na/ rigs kyi bu tshul 'di khong du chud pas byang chub sems dpa' rnams las kyi sgrib pa thams cad rnam par dag pa 'thob bo/ /sems can thams cad la chags pa dang / khong khro ba dang bral bar 'gyur ro/ /rnam pa thams cad mkhyen pa 'ang myur du 'thob par 'gyur ro/ /de nas bcom ldan 'das la/ 'jam dpal gzhon nur gyur pas 'di skad ces gsol to/ /bcom ldan 'das las kyi sgrib pa rnam par dag pa zhes bya ba/ ji tsam gyis na las kyi sgrib pa rnam par dag par 'gyur/ bcom ldan 'das kyis bka' stsal pa/ 'jam dpal byang chub sems dpa' gang chos thams cad las med cing / rnam par smin pa med par shes pa des las kyi sgrib pa rnam par dag pa 'thob bo/ /'jam dpal gzhan yang byang chub sems dpa' gang gis 'dod chags kyi mtha' yang dag pa'i mthar mthong ba dang / zhe sdang gi mtha' yang dag pa'i mthar mthong ba dang / gti mug gi mtha' yang dag pa'i mthar mthong ba des las kyi sgrib pa rnam par dag pa 'thob bo/ /'jam dpal gzhan yang byang chub sems dpa' gang gis sems can thams cad dang / chos thams cad mya ngan las 'das pa'i dbyings su mthong ba des las kyi sgrib pa rnam par dag pa 'thob bo/ /'jam dpal de ci'i phyir zhe na/ lta ba yod na las mngon par 'du byed par 'gyur te/ 'jam dpal byis pa thos pa med pa so so'i skye bo ni chos thams cad shin du yongs su mya ngan las 'das par mi shis pas/ bdag dang gzhan du dmigs so/ /dmigs nas lus dang / ngag dang / yid kyis las rnam</font><hr>55.301b<br><font size=+1>

pa gsum mngon par 'du byed de/ de yang dag pa ma yin par sgro 'dogs pas bdag ni 'dod chags so/ /bdag ni zhe sdang ngo / /bdag ni gti mug go zhes rnam par rtog go/ /gal te de bzhin gshegs pa'i bstan pa la rab tu byung na/ de 'di snyam du bdag ni tshul khrims dang ldan pa'o/ /bdag ni tshangs par spyod pa'o/ /bdag gis 'khor ba las yang dag par 'da' bar byed do/ /bdag gis ni mya ngan las 'das pa thob par bya'o/ /bdag gis ni sdug bsngal las rnam par grol ba thob par bya'o snyam du sems shing / de yang dag pa ma yin par sgro 'dogs pas/ chos 'di dag ni dge ba'o/ /chos 'di dag ni mi dge ba'o/ /chos 'di dag ni yongs su shes par bya'o/ /chos 'di dag ni spang bar bya'o/ /chos 'di dag ni mngon du bya ba'o/ /chos 'di dag ni bsgom par bya'o/ /sdug bsngal ni shes par bya'o/ /kun 'byung ba ni spang bar bya'o/ /'gog pa ni mngon du bya'o/ /lam ni bsgom par bya'o zhes rnam par rtog go/ /de 'du byed thams cad ni mi rtag pa'o/ /'du byed thams cad ni sdug bsngal ba'o/ /'du byed thams cad kun nas 'bar ba'o/ /ci nas kyang bdag ni 'du byed rnams las 'bros par bya'o snyam du rnam par rtog ste/ de de ltar rtog pa'i tshe/ skyo ba dang ldan pa'i 'du shes yid la byed pa/ mtshan ma sngon du btang ba dag 'byung ste/ de 'di snyam du gang 'di chos rnams yongs su shes pa 'di ni sdug bsngal yongs su shes pa'o/ /de 'di snyam du ji nas kyang bdag gis kun 'byung ba spang bar bya'o zhes de chos thams cad la ngo mi mtho zhing khrel bar sems/ 'jigs pa dang / rab tu 'jigs pa dang / yongs su 'jigs pa skyed cing / de 'di snyam du gang 'di chos de dag las ngo tsha bar gyur pa de ni kun 'byung ba spang ba'o snyam du sems so/ /de 'di snyam du ci nas kyang bdag gis 'gog pa mngon du bya'o/ /snyam nas/ de chos de dag rnam par brtags nas de'i 'og tu de dag 'gog par 'du shes</font><hr>55.302a<br><font size=+1>

shing / de 'di snyam du gang chos rnams mngon du bya ba de ni 'gog pa yin no snyam mo/ /de 'di snyam du ci nas kyang bdag gis lam bsgom par bya'o snyam ste/ de gcig pu dben par song nas chos de dag yid la byas pas zhi gnas 'thob ste/ de'i skye ba dang ldan pa'i yid la bya ba de dang / zhi gnas thob pa des chos thams cad las sems rab tu zhum par 'gyur/ sems rab tu 'gong bar 'gyur/ sems phyir log par 'gyur zhing ngo mi mtho ste/ ngo tsha la rnam par smod de/ mngon par dga' ba med pa skyed do/ /de 'di snyam du bdag ni sdug bsngal thams cad las grol ba ste/ bdag gis de las gong du bya ba gzhan med do/ /bdag ni dgra bcom pa yin no zhes dam 'cha'o/ /de 'chi ba'i dus la bab pa'i tshe/ bdag skye bar 'gyur ba mthong nas/ sangs rgyas kyi byang chub du nem nur dang the tsom du gyur te/ de the tsom du ltung ba'i sems kyis dus byas nas sems can dmyal ba chen po dag tu skye ste/ de yang ma skyes pa'i chos rnams la rnam par brtags pa'i phyir ro// // bam po gnyis pa/ de nas bcom ldan 'das la 'jam dpal gzhon nur gyur pas 'di skad ces gsol to/ /bcom ldan 'das 'phags pa'i bden pa bzhi po rnams ji ltar blta bar bgyi/ bcom ldan 'das kyis bka' stsal pa/ 'jam dpal gang ci 'du byed thams cad ma skyes par mthong ba des sdug bsngal yongs su shes so/ /gang gis chos thams cad 'byung ba med par mthong ba des kun 'byung ba rab tu spangs so/ /gang gis chos thams cad shin du mya ngan las 'das par mthong ba des 'gog pa mngon du byas so/ /gang gis chos thams cad dngos po med par mthong ba des lam bsgoms so/ /'jam dpal gang gis 'phags pa'i bden pa bzhi de ltar mthong ba de ni/ chos 'di dag ni dge ba'o/ /chos 'di dag ni mi dge ba'o/ /chos 'di dag ni</font><hr>55.302b<br><font size=+1>

yongs su shes par bya ba'o/ /chos 'di dag ni spang bar bya ba'o/ /chos 'di dag ni mngon du bya ba'o/ /chos 'di dag ni bsgom par bya ba'o/ chos 'di dag ni bgom par bya ba'o/ /sdug bsngal ni yongs su shes par bya ba'o/ /kun 'byung ba ni spong bar bya ba'o/ /'gog pa ni mngon du bya ba'o/ /lam ni bsgom par bya'o zhes mi rtog rnam par mi rtog go/ /de ci'i phyir/ zhe na/ chos gang dag la byis pa so so'i skye bo dag 'dod chags pa dang / zhe sdeng ba dang / gti mug par 'gyur ba'i chos de dag des ma skyes pa dang / med pa dang / nor ba dang / yongs su brtags pa dang / yongs su bskyed par mthong ba'i phyir te/ de chos gang yang mi len mi 'dor ro/ /de'i sems ni khams gsum pa la chags pa med de/ khams gsum pa thams cad ma skyes pa dang / sgyu ma lta bu dang / rmi lam lta bu dang / brag cha lta bu dang / migs yor lta bur yang dag par mthong ngo / /des dge ba dang / mi dge ba'i chos thams cad kyi smin rgyu lta bur mthong ste/ des 'dod chags kyi khams mya ngan las 'das pa'i dbyings su mthong ngo / /de bzhin du zhe sdang gi khams dang / gti mug gi khams mya ngan las 'das pa'i dbyings su mthong ngo / /des chos rnams de lta bu'i rang bzhin du mthong bas/ sems can thams cad la chags pa dang / khong khro ba med par 'gyur ro/ /de ci'i phyir zhe na/ des gang la chags par bya ba dang / khong khro bar bya ba de lta bu'i chos mi dmigs so/ /de nam mkha' dang mnyam pa'i sems kyis sangs rgyas kyang yang dag par rjes su mi mthong ngo / /chos dang dge 'dun yang dag par rjes su mi mthong ngo / /de chos thams cad yang dag par rjes su mi mthong bas chos gang la yang the tsom mi skyed de/ the tsom med pas nye bar len pa med do/ /nye bar len pa med pas nye bar len pa med par yongs su mya ngan 'das</font><hr>55.303a<br><font size=+1>

te/ 'jam dpal de lta bu'i chos shes pas gnas brtan rab 'byor de bzhin gshegs pa'i zhabs la phyag 'tshal du mi 'ong ngo / /de ci'i phyir zhe na/ bdag nyid kyang mi dmigs na/ de bzhin gshegs pa dmigs pa lta smos su ga la yod do/ de ni gnas med do/ /de nas bcom ldan 'das la/ 'jam dpal gzhon nur gyur pas 'di skad ces gsol to/ /bcom ldan 'das dran pa nye bar gzhag pa bzhi rnams ji ltar blta bar bgyi/ bcom ldan 'das kyis bka' stsal pa/ 'jam dpal ma 'ongs pa'i dus na/ dge slong dag 'byung ste/ de dag mi sdug pa'i rnam pas lus la lus kyi rjes su lta ba'i dran pa nye bar gzhag pa ston to/ /skye ba dang 'gag pa'i rnam pas tshor ba la tshor ba'i rjes su lta ba'i dran pa nye bar gzhag pa ston to/ /sems skye ba dang / 'gag pa'i chos can du lta'o zhes sems la sems kyi rjes su lta ba'i dran pa nye bar gzhag pa ston to/ /gang la ril po'i 'du shes med pa de la chos kyi 'du shes med do zhes chos la chos kyi rjes su lta ba'i dran pa nye bar gzhag pa ston to/ /de skad ces bka' stsal pa dang / bcom ldan 'das la 'jam dpal gzhon nur gyur pas 'di skad ces gsol to/ /bcom ldan 'das 'o na dran pa nye bar gzhag pa bzhi rnams ji ltar blta bar bgyi/ bcom ldan 'das kyis bka' stsal pa/ 'jam dpal chog mod/ de bzhin gshegs pa rnams kyi ldem po dag ni shes par dka'o/ /'jam dpal gyis gsol pa/ bcom ldan 'das 'on kyang dran pa nye bar gzhag pa gzhag pa bsgom pa bstan du gsol/ bcom ldan 'das kyis bga' stsal pa/ 'jam dpal gang gis lus nam mkha' dang mnyam par mthong na/ de ni lus la lus kyi rjes su lta ba'i dran pa nye bar gzhag</font><hr>55.303b<br><font size=+1>

pa'o/ /'jam dpal gang gis tshor ba nang dang / phyi dang / gnyis ka med par yang mi dmigs na/ de ni tshor ba la tshor ba'i rjes su lta ba'i dran pa nye bar bzhag pa'o/ /'jam dpal gang gis sems ming tsam du shes na/ de ni sems la sems kyi rjes su lta ba'i dran pa nye bar gzhag pa'o/ /'jam dpal gang gis dge ba dang mi dge ba'i chos ma dmigs na/ de ni chos la chos kyi rjes su lta ba'i dran pa nye bar bzhag pa'o/ /'jam dpal dran ma nye bar gzhag pa bzhi ni de ltar blta'o/ /'jam dpal gyis gsol pa/ bcom ldan 'das dbang po lnga rnams ji ltar blta bar bgyi/ bcom ldan 'das kyis bka' stsal pa/ 'jam dpal gang gis chos thams cad rang bzhin gyis ma byung ba'i phyir/ ma skyes par mthong na/ de ni dad pa'i dbang po'o/ /'jam dpal gang gis nye ba dang ring ba'i 'du shes dang bral ba'i phyir/ chos thams cad la sems mi gtong na/ de ni brtson 'grus kyi dbang po'o/ /'jam dpal gang dmigs pa dang bral ba'i phyir/ chos thams cad yid la mi byed cing dran pa la mi 'dogs na/ de ni dran pa'i dbang po'o/ /'jam dpal gang chos thams cad la mi sems pa 'di ni ting nge 'dzin gyi dbang po'o/ /'jam dpal gang gis chos thams cad skye ba dang 'jig pa dang bral zhing / shes pa dang mi shes pa dang bral ba ste/ rang bzhin gyis stong par mthong na/ de ni shes rab kyi dbang po'o/ /'jam dpal dbang po lnga dag ni de ltar blta'o/ /'jam dpal gyis gsol pa/ bcom ldan 'das byang chub kyi yan lag bdun rnams ji ltar blta bar bgyi/ bcom ldan 'das kyis bka' stsal pa/ 'jam dpal gang gis chos thams cad rang bzhin med cing yid la byar med par mthong ba 'di ni</font><hr>55.304a<br><font size=+1>

dran pa yang dag byang chub kyi yan lag go/ /'jam dpal gang gis dge ba dang mi dge ba dang / lung du ma bstan par rab tu phye ste brtags na yongs su ma grub pas chos thams cad mi dmigs pa 'di ni chos rab tu 'byed pa yang dag byang chub kyi yan lag go/ /'jam dpal gang gis khams kyi 'du shes shin du rig pa'i phyir khams gsum pa mi len mi 'dor ba 'di ni brtson 'grus yang dag byang chub kyi yan lag go/ /'jam dpal gang gis dga' ba dang / mi dga' ba shin du rtogs pa'i phyir/ 'du byed thams cad la dga' ba mi skyed pa 'di ni dga' ba yang dag byang chub kyi yan lag go/ /'jam dpal gang gis dmigs pa'i dngos po mi dmigs te/ chos thams cad la sems bag yangs su gyur pa 'di ni bag yangs yang dag byang chub kyi yan lag go/ /'jam dpal gang gis chos thams cad rnam par bsgom pa rjes su rtogs pas sems mi dmigs pa 'di ni ting nge 'dzin yang dag byang chub kyi yan lag go/ /gang chos thams cad la mi gnas mi rten la/ chags par mi 'gyur/ shes par mi 'gyur zhing chos thams cad yang dag par rjes su ma mthong bas/ btang snyoms su gnas pa 'di ni btang snyoms yang dag byang chub kyi yan lag go/ /'jam dpal byang chub kyi yan lag bdun ni de ltar blta'o/ /'jam dpal gyis gsol pa/ bcom ldan 'das 'phags pa'i lam yan lag brgyad pa ji/ /ltar blta bar bgyi/ bcom ldan 'das kyis bka' stsal pa/ 'jam dpal gang gis chos thams cad ma mnyam pa med cing gnyis su med de gnyis su byar med par mthong ba 'di ni yang dag pa'i lta ba'o/ /'jam dpal gang gis chos thams cad mthong ba med pa'i tshul gyis brtag tu med cing / rnam par brtag tu med la/ yongs su brtag tu med par mthong ba 'di ni yang</font><hr>55.304b<br><font size=+1>

dag pa'i rtog pa'o/ /'jam dpal gang gis brjod du med pa mnyam pa nyid shin du bsgoms pa'i phyir/ chos thams cad brjod du med par mthong ba 'di ni yang dag pa'i ngag go/ /'jam dpal gang gis byed pa mi dmigs pa'i phyir/ chos thams cad bya ba med cing byed pa med par mthong ba 'di ni yang dag pa'i las kyi mtha'o/ /'jam dpal gang 'tsho ba mnyam pa nyid la gnas pa'i phyir/ chos thams cad mi sogs mi 'bri ba 'di ni yang dag pa'i 'tsho ba'o/ /'jam dpal gang rtsol ba med cing sgrub pa med pa'i tshul gyis/ chos thams cad yongs su sgrub pa med pa 'di ni yang dag pa'i rtsol ba'o/ /'jam dpal gang dran pa'i las kyis dben pa'i phyir chos thams cad yid la mi byed cing / dran pa med pa 'di ni yang dag pa'i dran pa'o/ /'jam dpal gang chos thams cad mi dmigs pa'i phyir/ rang bzhin gyis mnyam par bzhag cing / 'khrug pa med la dmigs pa med par mthong ba 'di ni yang dag pa'i ting nge 'dzin to/ /'jam dpal 'phags pa'i lam yan lag brgyad pa ni de ltar blta ste/ 'jam dpal gang la las 'phags pa'i bden pa bzhi de ltar shes shing / dran pa nye bar gzhag pa bzhi dang / dbang po lnga dang / byang chub kyi yan lag bdun dang / 'phags pa'i lam yan lag brgyad pa de ltar mthong ba de ni zad pa/ rgal ba/ pha rol du phyin pa/ thang la gnas pa/ bde bar gyur pa/ mi 'jigs pa rnyed pa khur bor ba/ rdul sprugs pa/ ci dang yang bral ba/ nyon mongs pa med pa/ dgra bcom pa/ dge sbyong / bram ze/ khrus byas pa/ mthar phyin pa/ gtsang ba shAkya'i bu/ sangs rgyas kyi sras/ tsher ma phyung ba/ 'obs bor ba/ 'obs las rgal ba/ gsal shing phyung ba/ rims dang bral ba/ dge slong / 'phags pa rgyal mtshan rdzogs pa zhes brjod do/ /'jam dpal de lta bu'i bzod pa dang ldan pa'i dge slong ni 'jig rten lha dang bcas pa'i sbyin pa'i gnas yin te/ </font><hr>55.305a<br><font size=+1>

de la 'thob pa dang / bkur sti thams cad kyang 'os so/ /'jam dpal de lta bas na dge slong yul gyi zas don yod par bza' bar 'dod pa dang / bdud 'dul bar 'dod pa dang / 'khor ba las 'da' bar 'dod pa dang / mya ngan las 'das pa thob par 'dod pa dang / sdug bsngal las bral bar 'dod pa dang / 'jig rten lha dang bcas pa'i sbyin pa'i gnas su 'gyur bar 'dod pas chos de dag la de ltar brtson par bya'o/ /chos kyi rnam grangs 'di bstan pa'i tshe/ lha'i bu stong phrag sum cu rtsa gnyis kyis chos mngon par rtogs pa thos par gyur nas de dag gis bcom ldan 'das dang / 'jam dpal gzhon nur gyur pa la me tog man da ra ba mang pos mngon par gtor nas/ 'di skad ces smras so/ /bcom ldan 'das gang gis chung ngu na bstan pa 'di rna lam du grag pa tsam thos kyang de dag ni de bzhin gshegs pa'i bstan pa la legs par rab tu byung ba lags na/ gang gis thos te mos shing yid ches par 'gyur ba dang / de bzhin nyid du nan tan du bgyid pa de lta smos kyang ci 'tshal te/ bcom ldan 'das gang gis bstan pa 'di tha na rna lam du grag pa tsam du thos kyang de dag ni mngon pa'i nga rgyal ma mchis par 'gyur ro/ /de nas bcom ldan 'das la 'jam dpal gzhon nur gyur pas 'di skad ces gsol to/ /bcom ldan 'das de bzhin gshegs pas gzungs kyi tshig gang gis byang chub sems dpa' rnams thogs pa ma mchis pa'i spobs pa thob par 'gyur zhing / sgra gang gis kyang 'jigs par mi 'gyur ba dang / chos thams cad sangs rgyas kyi chos dang / sbyor bar 'gyur ba dang / chos thams cad tshul gcig par rdzogs par 'gyur ba de lta bu'i gzungs kyi tshul gyi tshig bka' stsal du gsol/ de skad ces gsol ba dang / bcom ldan 'das kyis 'jam dpal gzhon nur gyur pa la 'di skad ces bka' stsal to/ /'jam dpal de bas na chos kyi sgo gang gis byang chub sems dpa' chos thams cad la snang ba thob par 'gyur zhing / myur du mi skye ba'i chos</font><hr>55.305b<br><font size=+1>

la bzod pa thob par 'gyur ba'i phur pa'i tshig dang / sa bon gyi tshig bstan pa zhes bya ba'i chos kyi sgo 'di nyon cig /'jam dpal phur pa'i tshig dang / sa bon gyi tshig bstan pa zhes bya ba'i chos kyi sgo de yang gang zhe na/ 'jam dpal sems can thams cad sems gcig pa zhes bya ba 'di ni sa bon gyi tshig go/ /gsol pa/ bcom ldan 'das ci'i slad du de sa bon gyi tshig ces bgyi/ bcom ldan 'das kyis bka' stsal pa/ 'jam dpal chos thams cad ni dmigs pa mi dmigs pa'i phyir sems med pa ste/ de'i phyir de ni sa bon gyi tshig go/ /'jam dpal sems can thams cad ni 'gyur ba gcig go zhes bya ba 'di ni sa bon gyi tshig go/ /gsol pa/ bcom ldan 'das ci'i slad tu de sa bon gyi tshig ces bgyi/ bcom ldan 'das kyis bka' stsal pa/ 'jam dpal chos thams cad ni chags pa med par gzhog pa ste/ nam mkha' 'gyur ba yin pas de'i phyir de ni sa bon gyi tshig go/ /'jam dpal sems can thams cad ni sems can gcig pa'o zhes bya ba 'di ni sa bon gyi tshig go/ /gsol pa/ bcom ldan 'das ci'i slad du de sa bon gyi tshig ces bgyi/ bcom ldan 'das kyis bka' stsal pa/ 'jam dpal sems can thams cad ni ma skyes shin du ma skyes shing ming med la/ lam gcig pa dmigs su med pas/ gcig tu bstan pa ste/ de'i phyir de ni sa bon gyi tshig go/ /'jam dpal 'dod chags shes bya ba 'di ni phur pa'i tshig go/ /gsol pa/ bcom ldan 'das ci'i slad tu de phur pa'i tshig ces bgyi/ bcom ldan 'das kyis bka' stsal pa/ 'jam dpal 'dod chags ni mi gnas pa'i tshul gyi chos kyi dbyings la gnas pa ste/ mi g.yo mi 'gul zhing rang bzhin gyis dben pa ste/ g.yo ba med pas de'i phyir phur pa'i tshig go/ /'jam dpal zhe sdang zhes bya ba 'di ni rdo rje'i tshig go/ /gsol pa/ bcom ldan 'das ci'i slad du de rdo rje'i tshig ces bgyi/ bcom ldan 'das kyis</font><hr>55.306a<br><font size=+1>

stsal pa/ 'jam dpal zhe sdang ni dbyer med pa ste 'di ltar dper na/ 'jam dpal rdo rje ni mi phyed mi shigs pa'o/ /'jam dpal de bzhin du chos thams cad ni dngos po ma grub pa'i phyir/ gzhig tu med cing dbyer med pa ste/ de'i phyir 'di ni rdo rje'i tshig go/ /'jam dpal gti mug ces bya ba 'di ni ye shes kyi tshig go/ /gsol pa/ bcom ldan 'das ci'i slad du de ye shes kyi tshig ces bgyi/ bcom ldan 'das kyis bka' stsal pa/ 'jam dpal chos thams cad ni ye shes kyis grub cing mi shes pa dang bral ba ste/ 'di ltar dper na/ 'jam dpal nam mkha' ni shes pa dang ldan pa yang ma yin/ mi shes pa dang ldan pa yang ma yin no/ /'jam dpal de bzhin du chos thams cad ni shes pa dang ldan pa yang ma yin/ mi shes pa dang ldan pa yang ma yin/ shes par bya ba'i rang bzhin shin tu zhi ba'i phyir shes pa yang ma yin/ mi shes pa yang ma yin de'i phyir ye shes kyi tshig ces bya'o/ /'jam dpal gzugs shes bya ba ni phur pa'i tshig go/ /gsol pa/ bcom ldan 'das ci'i slad du de phur pa'i tshig ces bgyi/ bcom ldan 'das kyis bka' stsal pa/ 'jam dpal 'di lta ste dper na/ dbang po'i phur pa ni rab tu gnas pa'i phyir mi g.yo mi 'gul lo/ /'jam dpal de bzhin du chos thams cad mi gnas pa'i tshul gyis chos kyi dbyings la gnas pa ni 'gro ba dang 'ong ba med de/ blang du med cing rtsol ba med la shin du brtan pa'i phyir mi gnas pa ste/ de'i phyir de ni phur pa'i tshig go/ /'jam dpal tshor ba zhes bya ba 'di ni zhi ba'i tshig go/ /gsol pa/ bcom ldan 'das ci'i slad du de zhi ba'i tshig ces bgyi/ bcom ldan 'das kyis bka' stsal pa/ 'jam dpal chos thams cad ni rang bzhin gyis shin du zhi ba ste/ tshor ba ni nang na yang med/ phyi rol na yang med/ shar phyogs na yang</font><hr>55.306b<br><font size=+1>

med/ lho phyogs na yang med/ nub phyogs na yang med/ byang phyogs na yang med/ steng na yang med/ 'og na yang med/ phyogs mtshams rnams na yang med do/ /'jam dpal gal te bde ba'i tshor ba nang na yod na ni/ sems can thams cad kyang bde bas shin du bde bar 'gyur ro/ /'jam dpal 'on tam gal te sdug bsngal gyi tshor ba nang na yod na ni/ sems can thams cad kyang sdug bsngal gyis shin du sdug bsngal bar 'gyur ro/ /'jam dpal gal te bde ba yang ma yin/ sdug bsngal ba yang ma yin pa'i tshor ba nang na yod na ni sems can thams cad kyang shin du rmongs par 'gyur ro/ /'jam dpal gang gi phyir tshor ba thams cad ni nang na yang med/ phyi rol na yang med/ shar phyogs na yang med/ lho phyogs na yang med/ nub phyogs na yang med/ byang phyogs na yang med/ steng na yang med/ 'og na yang med/ phyogs mtshams rnams na yang med pas/ de'i phyir sems can thams cad ni rtswa shing dang / brtsig pa lta bu ste/ rang bzhin gyis ma skyes shing 'gag pa med par mtshan nyid mnyam pa ste/ de'i phyir de ni zhi ba'i tshig go/ /'jam dpal 'du shes shes bya ba 'di ni sa bon gyi tshig go/ /gsol pa/ bcom ldan 'das ci'i slad du de sa bon gyi tshig ces bgyi/ bcom ldan 'das kyis bka' stsal pa/ 'jam dpal 'du shes de yongs su brtags pa las byung ba ste/ log pa las byung ba/ chad pa stong pa lta bu/ smig rgyu'i ngo bo nyid rang bzhin gyis dben pa ste/ de'i phyir de ni sa bon gyi tshig go/ /'jam dpal 'du byed ces bya ba 'di ni sa bon gyi tshig go/ /gsol pa/ bcom ldan 'das ci'i slad du de sa bon gyi tshig ces bgyi/ bcom ldan 'das kyis bka' stsal pa/ 'jam dpal chos thams cad ni bgrang du med cing / bgrang ba mnyam pa nyid dang ldan pa/ chu shing gi snying po lta bu ste/ 'jam dpal 'di ltar dper na/ </font><hr>55.307a<br><font size=+1>

chu shing gi snying po ni rang bzhin gyis ma skyes pa'i phyir shin du med cing mi dmigs so/ /'jam dpal de bzhin du chos thams cad ni rang bzhin gyis dben zhing ming med pa ste/ de'i phyir de ni sa bon gyi tshig go/ /'jam dpal rnam par shes pa zhes bya ba 'di ni sa bon gyi tshig go/ /gsol pa/ bcom ldan 'das ci'i slad du de sa bon gyi tshig ces bgyi/ bcom ldan 'das kyis bka' stsal pa/ 'jam dpal rnam par shes pa ni sgyu ma lta bu ste/ ma skyes pa/ ma byung ba/ stong pa/ mtshan nyid med pa/ nam mkha' dang sor mo lnga lta bu ming med pa ste/ de'i phyir de ni sa bon gyi tshig go/ /'jam dpal gzugs shes bya ba 'di ni sa bon gyi tshig go/ /gsol pa/ bcom ldan 'das ci'i slad du/ de sa bon gyi tshig ces bgyi/ bcom ldan 'das kyis bka' stsal pa/ 'di lta ste dper na/ mig yor ni snang ba la yod pa ma yin no/ /'jam dpal de bzhin du chos thams cad ni snang ba la yod pa ma yin te/ mig bslu ba/ sems bslu ba/ gsog /gsob/ brdzun pa/ sgyu ma'i chos can te/ de'i phyir de ni sa bon gyi tshig go/ /'jam dpal sgra zhes bya ba 'di ni sa bon gyi tshig go/ /gsol pa/ bcom ldan 'das ci'i slad du de sa bon gyi tshig ces bgyi/ bcom ldan 'das kyis bka' stsal pa/ 'jam dpal chos thams cad ni tha dad du byar med cing gnyis su med pa ste/ ri'i sgra'i tshig gi lam brag ca dang 'dra ba ste/ de'i phyir de ni sa bon gyi tshig go/ /'jam dpal dri zhes bya ba 'di ni sa bon gyi tshig go/ /gsol pa/ bcom ldan 'das ci'i slad du de sa bon gyi tshig ces bgyi/ bcom ldan 'das kyis bka' stsal pa/ 'jam dpal chos thams cad ni sna dang dri dang / rnam par shes pa mi dmigs pa'i phyir mnam du</font><hr>55.307b<br><font size=+1>

med cing rang bzhin gyis blun la/ nam mkha' dang 'dra ba ste/ de'i phyir de ni sa bon gyi tshig go/ /'jam dpal ro zhes bya ba 'di ni sa bon gyi tshig go /gsol pa/ bcom ldan 'das ci'i slad du de sa bon gyi tshig ces bgyi/ bcom ldan 'das kyis bka' stsal pa/ 'jam dpal chos thams cad ni rang bzhin dang / ngo bo nyid kyis dben pa'i phyir bsam gyis mi khyab cing ro'i khams mi dmigs pas ro dmigs su med pa ste/ de'i phyir de ni sa bon gyi tshig go/ /'jam dpal reg ces bya ba 'di ni sa bon gyi tshig go/ /gsol pa/ bcom ldan 'das ci'i slad du de sa bon gyi tshig ces bgyi/ bcom ldan 'das kyis bka' stsal pa/ 'jam dpal chos thams cad ni nam mkha' ltar dben pa dang / lus shin tu bsnyoms pa dang / reg bya 'byung ba med pa dang / reg pa dben pa'i phyir reg pa med pa ste/ de'i phyir de ni sa bon gyi tshig go/ /'jam dpal sa zhes bya ba 'di ni sa bon gyi tshig go/ /gsol pa/ bcom ldan 'das ci'i slad du de sa bon gyi tshig ces bgyi/ bcom ldan 'das kyis bka' stsal pa/ 'jam dpal chos thams cad ni sems dang bral ba/ sems med pa/ ngo bo nyid med pa/ yongs su ma grub pa/ ming dang bral ba/ mtshan nyid kyis dben pa/ chos kyi dbyings kyi rang bzhin te/ de'i phyir de ni sa bon gyi tshig go/ /'jam dpal chu zhes bya ba 'di ni sa bon gyi tshig go/ /gsol pa/ bcom ldan 'das ci'i slad du de sa bon gyi tshig ces bgyi/ bcom ldan 'das kyis bka' stsal pa/ 'jam dpal chos thams cad ni chu med pa ste/ ma 'dres shing bla na med pa/ smig sgyu'i chu lta bu ste/ de'i phyir de ni sa bon gyi tshig go/ /'jam dpal me zhes bya ba 'di ni sa bon gyi tshig go/ /gsol pa/ bcom ldan 'das ci'i slad du de sa bon gyi tshig ces bgyi/ bcom ldan 'das kyis bka' stsal pa/ 'jam dpal chos</font><hr>55.308a<br><font size=+1>

thams cad ni tsha ba med pa ste/ yongs su gdung ba dang bral ba/ rang bzhin gyis med pa/ ngo bo nyid kyis zhi ba/ phyin ci log gis yongs su brtags pa shin du ma skyes pa ste de'i phyir de ni sa bon gyi tshig go/ /'jam dpal rlung zhes bya ba 'di ni sa bon gyi tshig go/ /gsol pa bcom ldan 'das ci'i slad du de sa bon gyi tshig ces bgyi/ bcom ldan 'das kyis bka' stsal pa/ 'jam dpal chos thams cad ni g.yo ba dang yang dag par bral ba'i phyir chags pa med cing sgrib pa med pa ste/ rlung gi lam las yang dag par 'das shing mtshan nyid med la ngo bo nyid med pa ste/ de'i phyir de ni sa bon gyi tshig go/ /'jam dpal sangs rgyas shes bya ba 'di ni sa bon gyi tshig go/ /gsol pa/ bcom ldan 'das ci'i slad du de sa bon gyi tshig ces bgyi/ bcom ldan 'das kyis bka' stsal pa/ 'jam dpal chos thams cad ni 'tshang rgya bar byed pa med pa ste/ sangs rgyas pa med/ rjes su sangs rgyas pa med/ rdzogs par sangs rgyas pa med/ 'tshang rgya bar nye ba dang bral ba/ 'tshang rgya bar byed pas dben pa ste/ de'i phyir de ni sa bon gyi tshig go/ /'jam dpal chos shes bya ba 'di ni sa bon gyi tshig go/ /gsol pa/ bcom ldan 'das ci'i slad du de sa bon gyi tshig ces bgyi/ bcom ldan 'das kyis bka' stsal pa/ 'jam dpal chos thams cad ni dbyer med cing bcad du med pa ste/ gcad pa dang bral ba 'chad pas dben pa/ ming med pa/ mtshan ma med pa/ mtshan nyid med pa/ ngo bo nyid med pa tshig gi lam las yang dag par 'das pa ste/ de'i phyir de ni sa bon gyi tshig go/ /'jam dpal dge 'dun zhes bya ba 'di ni phur pa'i tshig go/ /gsol pa/ bcom ldan 'das ci'i slad du de phur pa'i tshig ces bgyi/ bcom ldan 'das kyis bka' stsal pa/ 'jam dpal 'phags pa'i dge 'dun ni chos nyid la shin du gnas</font><hr>55.308b<br><font size=+1>

pa/ chos kyi dbyings dang / yang dag pa'i mtha' dang / tshul khrims dang / tshul khrims 'chal pa mnyam pa nyid dang / ting nge 'dzin dang / 'khrugs pa mnyam pa nyid dang / shes rab dang / shes rab 'chal pa mnyam pa nyid dang / rnam par grol ba dang / kun nas nyon mongs pa mnyam pa nyid la shin du gnas shing / gnas dang / gnas ma yin pa mi dmigs pa'i phyir chos thams cad la rab tu gnas pas/ de'i phyir de ni phur pa'i tshig go/ /'jam dpal chos thams cad yul ma yin no zhes bya ba 'di ni phur pa'i tshig go/ /gsol pa/ bcom ldan 'das ci'i slad du phur pa'i tshig ces bgyi/ bcom ldan 'das kyis bka' stsal pa/ 'jam dpal chos thams cad ni nam mkha'i yul bsam gyis mi khyab pa'i yul/ yul med pa/ yul yang dag par chad pa/ dngos po med pa/ chad pa dang bral ba'i phyir dbang dang bral ba ste/ de'i phyir de ni phur pa'i tshig go/ /'jam dpal chos thams cad dmigs pa med do zhes bya ba 'di ni phur pa'i tshig go/ /gsol pa/ bcom ldan 'das ci'i slad du de phur pa'i tshig ces bgyi/ bcom ldan 'das kyis bka' stsal pa/ 'jam dpal chos thams cad ni gnas pa med cing rten pa yang med pa ste/ de dag ni dmigs pas dben pa'i phyir mi dmigs/ rnam par mi dmigs/ mi sbyor rnam par mi sbyor yongs su mi sbyor ba ste/ de'i phyir de ni phur pa'i tshig go/ /'jam dpal chos thams cad ni len pa med do zhes bya ba 'di ni phur pa'i tshig go/ /gsol pa/ bcom ldan 'das ci'i slad du de phur pa'i tshig ces bgyi/ bcom ldan 'das kyis bka' stsal pa/ 'jam dpal chos thams cad ni chos kyi dbyings la yang dag par zhen pa ste/ de dag ni ma 'dor mi len mi tshol/ mi smon cing smon pa yang dag par chad pa/ rang bzhin gyis rnam par zhi ba/ nam mkha'</font><hr>55.309a<br><font size=+1>

dang mnyam zhing 'dra ba ste/ de'i phyir de ni phur pa'i tshig go/ /'jam dpal chos thams cad ni nyon mongs pa med ces bya ba 'di ni phur pa'i tshig go/ /gsol pa/ bcom ldan 'das ci'i slad du de phur pa'i tshig ces bgyi/ bcom ldan 'das kyis bka' stsal pa/ 'jam dpal chos thams cad ni dri ma med pa ste/ ci 'ang ma yin yang dag pa/ 'od gsal ba ste/ nam mkha' yongs su dag pa'i phyir shin du dag pa/ nyon mongs pa mi dmigs pa'i phyir nyon mongs pa med pa ste/ de'i phyir de ni phur pa'i tshig go/ /'jam dpal chos thams cad gzhi med pa zhes bya ba 'di ni phur pa'i tshig go/ /gsol pa/ bcom ldan 'das ci'i slad du de phur pa'i tshig ces bgyi/ bcom ldan 'das kyis bka' stsal pa/ 'jam dpal chos thams cad ni dngos po med cing dbang dang bral bas de dag la kun gzhi med pa ste/ de'i phyir de ni phur pa'i tshig go/ /'jam dpal chos thams cad ni bslab pa med ces bya ba 'di ni phur pa'i tshig go/ /gsol pa/ bcom ldan 'das ci'i slad du de phur pa'i tshig ces bgyi/ bcom ldan 'das kyis bka' stsal pa/ 'jam dpal chos thams cad ni bslab pa dang bral ba ste/ de dag ni bslab par bya ba ma yin/ bsgom par bya ba ma yin/ bsam par bya ba ma yin/ yid la bya ba ma yin/ gnas par bya ba ma yin/ 'gro bar bya ba ma yin/ nan tan du bya ba ma yin/ log pa'i nan tan du bya ba ma yin spang bar bya ba ma yin mngon du bya ba ma yin bshags par bya ba ma yin/ rab tu bshags par bya ba ma yin/ dgod par bya ba ma yin/ dgrol bar bya ba ma yin/ brjod par bya ba ma yin/ smos par bya ba ma yin/ gzung bar bya ba ma yin/ gtang bar bya ba ma yin/ rab tu gtang bar bya ba ma yin/ yongs su gtang bar bya ba ma yin te/ de ci'i phyir zhe na/ 'jam dpal chos</font><hr>55.309b<br><font size=+1>

thams cad ni shin du btang ba/ rang bzhin gyis ma yin/ rtag par btang ba ste/ de dag ni shes pas khong du chud par bya ba ma yin/ mi shes pas khong du chud par bya ba yang ma yin te/ de'i phyir de ni phur pa'i tshig go/ /de nas bcom ldan 'das la 'jam dpal gzhon nur gyur pas 'di skad ces gsol to/ /bcom ldan 'das phur pa'i tshig las brtsams te/ bdag kyang spobs pa skye'o/ /bcom ldan 'das kyis bka' stsal pa/ 'jam dpal khyod kyis spobs pa skyed cig /'jam dpal gyis gsol pa/ bcom ldan 'das sems can thams cad byang chub thob pa'o zhes bgyi ba 'di ni phur pa'i tshig go/ /bka' stsal pa/ 'jam dpal ci'i phyir de phur pa'i tshig ces bya/ 'jam dpal gyis gsol pa/ bcom ldan 'das chos thams cad ni thob pa ma mchis pa/ yang dag par thob pa ma mchis pa/ rjes su thob pa ma mchis pa/ thob par bgyi ba dang bral ba/ rtogs par bgyi ba ma mchis pa/ mngon par rtogs par bgyi ba ma mchis pa ste/ bcom ldan 'das de'i slad du de ni phur pa'i tshig go/ /bcom ldan 'das sems can thams cad thams cad mkhyen pa nyid thob pa'o zhes bgyi ba 'di ni phur pa'i tshig go/ /bka' stsal pa/ 'jam dpal ci'i phyir de phur pa'i tshig ces bya/ 'jam dpal gyis gsol pa/ bcom ldan 'das sems can rnams ni thams cad kyi thams cad du ma mchis la thams cad mkhyen pa nyid kyang dngos po ma mchis pa'i rjes su 'brang ba ste/ de'i slad du thams cad mkhyen pa nyid thob pa'o zhes bgyi ste/ bcom ldan 'das thams cad mkhyen pa nyid ni su la yang thob par bgyi ba'i tshul gyis nye bar gnas pa ma lags so/ /de ci'i slad du zhe na/ bcom ldan 'das thams cad mkhyen pa nyid ni sems can gyi rang bzhin te/ de'i slad du</font><hr>55.310a<br><font size=+1>

zhe na/ bcom ldan 'das thams cad mkhyen pa nyid ni sems can gyi rang bzhin te/ de'i slad du de ni phur pa'i tshig go/ /bcom ldan 'das sems can thams cad ni thams cad mkhyen pa'i ye shes dang ldan no zhes bgyi ba 'di ni phur pa'i tshig go/ /bka' stsal pa/ 'jam dpal ci'i phyir de phur pa'i tshig ces bya/ 'jam dpal gyis gsol pa/ bcom ldan 'das sems can thams cad ni ngo bo nyid ma mchis shing ngo bo nyid dang bral ba ste/ ngo bo nyid gcig pa'i mtshan nyid pas/ de bzhin gshegs pa dang mnyam pa nyid kyi rjes su mchis pa/ thams cad mkhyen pa'i ye shes kyi rang bzhin can te/ de'i slad du de ni phur pa'i tshig go/ /bcom ldan 'das sems can thams cad byang chub kyi snying po zhes bgyi ba 'di ni phur pa'i tshig go/ /bka' stsal pa/ 'jam dpal ci'i phyir de phur pa'i tshig ces bya/ 'jam dpal gyis gsol pa/ bcom ldan 'das byang chub kyi snying po zhes bgyi ba'i tshig gi don ci lags/ bcom ldan 'das kyis bka' stsal pa/ 'jam dpal byang chub kyi snying po zhes bya ba ni chos thams cad zhi ba'i snying po'o/ /chos thams cad skye ba med pa'i snying po'o/ /chos thams cad dngos po med pa'i snying po'o/ /chos thams cad gzung du med pa'i snying po'o/ /chos thams cad ngo bo nyid med pa'i snying po ste/ 'jam dpal de ni byang chub kyi snying po'i tshig gi don to/ /gsol pa/ bcom ldan 'das 'o na sems can thams cad snying po de dang rtag par ldan pa ma lags sam/ bcom ldan 'das kyis bka' stsal pa/ 'jam dpal de de bzhin no/ /gsol pa/ bcom ldan 'das de ltar rnam grangs des kyang sems can thams cad ni byang chub kyi snying po ste/ de'i slad du de ni phur pa'i tshig go/ /bcom ldan 'das sems can thams cad bzod pa thob bo zhes bgyi ba 'di ni phur pa'i tshig go/ /bka' stsal pa/ 'jam dpal ci'i phyir de phur</font><hr>55.310b<br><font size=+1>

pa'i tshig ces bya/ 'jam dpal gyis gsol pa/ bcom ldan 'das sems can thams cad ni mi zad pa'i chos dang mi 'grib pa'i chos dang / mi skye ba'i chos can te/ ming gi mtshan nyid kyis dben pa'i bzod pa mnyam pa nyid kyi rjes su mchis pa/ de'i slad du de ni phur pa'i tshig go/ /bcom ldan 'das sems can thams cad thogs pa med pa'i spobs pa can no zhes bgyi ba 'di ni phur pa'i tshig go/ /bka' stsal pa/ 'jam dpal ci'i phyir phur pa'i tshig ces bya/ 'jam dpal gyis gsol pa/ bcom ldan 'das sems can thams cad kyis gang ci'ang rung ste/ gang dang gang spobs par gyur pa de dang de ni phyogs bcu kun la 'ang ma mchis te/ bcom ldan 'das sems can thams cad sgrib pa ma mchis pa mnyam pa nyid kyi rjes su mchis shing dben la rang gi mtshan nyid la gnas pas de ltar de dag ma mchis pa lags te/ bcom ldan 'das rnam grangs de'i slad du de ni phur pa'i tshig go/ /bcom ldan 'das sems can thams cad gzungs thob bo zhes bgyi ba 'di ni phur pa'i tshig go/ /bka' stsal pa/ 'jam dpal ci'i phyir de phur pa'i tshig ces bya/ 'jam dpal gyis gsol pa/ bcom ldan 'das sems can thams cad ni sems can gyi 'du shes can te/ yang dag pa ma lags par yongs su brtags pa'i phyin ci log gi rtog pas mtshan mar 'dzin pa'i slad du/ gzugs dang / sgra dang / dri dang / ro dang / reg rnams 'dzin pa de'i slad du de ni/ phur pa'i tshig go/ /bcom ldan 'das sems can thams cad byams pa'i sems dang ldan no zhes bgyi ba 'di ni phur pa'i tshig go/ /bka' stsal pa/ 'jam dpal ci'i phyir de phur pa'i tshig ces bya/ 'jam dpal gyis gsol pa/ bcom ldan 'das sems can thams cad ni sems can ma mchis pa ste/ rang bzhin gyis gnod sems ma mchis shing sems dang</font><hr>55.311a<br><font size=+1>

byams pa rtag tu ma mchis pa mnyam pa nyid thob pas de'i slad du de ni phur pa'i tshig go/ /bcom ldan 'das sems can thams cad snying rje chen po dang ldan no zhes bgyi ba 'di ni phur pa'i tshig go/ /bka' stsal pa/ 'jam dpal ci'i phyir de phur pa'i tshig ces bya/ 'jam dpal gyis gsol pa/ bcom ldan 'das sems can thams cad ni ma bcos ma bgyis pa'i snying rje can te/ de bzhin gshegs pa'i mnyam pa nyid las ma 'das pa snying rje chen po'i ngo bo nyid dang ldan pas/ de'i slad tu de ni phur pa'i tshig go/ /bcom ldan 'das sems can thams cad ni ting nge 'dzin dang ldan no zhes bgyi ba 'di ni phur pa'i tshig go/ /bka' stsal pa/ 'jam dpal ci'i phyir de phur pa'i tshig ces bya/ 'jam dpal gyis gsol pa/ bcom ldan 'das sems can thams cad ni dmigs pas dben pa'i slad tu rang bzhin dang ldan pa ste/ bcom ldan 'das dmigs pa gang gis sems can gang gi rnam par shes pa 'byung ba de ni dmigs pa de la ma 'khrugs pa ste/ de'i slad du bcom ldan 'das dmigs pa'i rnam par shes pa rnams skad cig ma'i slad tu ste/ de'i slad du de ni phur pa'i tshig go /bcom ldan 'das sangs rgyas thams cad 'dod chags dang ldan no zhes bgyi ba 'di ni phur pa'i tshig go/ /bka' stsal pa/ 'jam dpal ci'i phyir de phur pa'i tshig ces bya/ 'jam dpal gyis gsol pa/ bcom ldan 'das sangs rgyas thams cad ni 'dod chags dang ldan pa ste/ 'dod chags kyi ngo bo nyid dang ldan zhing rjes su rtogs pas mnyam pa nyid las ma 'das te/ dgyes shing rab tu dgyes la rnam par dgyes te nyon mongs pa mi mnga' bas na/ bcom ldan 'das 'dod chags nyid ni byang chub ste/ de ci'i slad du zhe na/ bcom ldan 'das 'dod chags kyi ngo bo nyid rjes su rtogs pas byang chub ces bgyi ste/ de'i slad du</font><hr>55.311b<br><font size=+1>

de ni phur pa'i tshig go/ /bcom ldan 'das sangs rgyas bcom ldan 'das rnams ni zhe sdang dang ldan pa'o zhes bgyi ba 'di ni phur pa'i tshig go/ /bka' stsal pa/ 'jam dpal ci'i phyir de phur pa'i tshig ces bya/ 'jam dpal gyis gsol pa/ bcom ldan 'das sangs rgyas bcom ldan 'das rnams ni zhe sdang mnyam pa nyid la bzhugs shing / 'du byed thams cad kyi skyon yang dag par ston pa ste/ zhe sdang gi ngo bo nyid rjes su rtogs pas zhe sdang dang ldan pa zhes bgyi ste/ de'i slad du de ni phur pa'i tshig go/ /bcom ldan 'das sangs rgyas bcom ldan 'das rnams ni gti mug dang ldan no zhes bgyi ba 'di ni phur pa'i tshig go/ /bka' stsal pa/ 'jam dpal ci'i phyir de phur pa'i tshig ces bya/ 'jam dpal gyis gsol pa/ bcom ldan 'das sangs rgyas bcom ldan 'das rnams ni gti mug gi ngo bo nyid rjes su rtogs pas/ gti mug mnyam pa nyid la bzhugs shing ming thams cad las 'grel pa ste/ de'i slad du de ni phur pa'i tshig go/ /bcom ldan 'das sangs rgyas bcom ldan 'das rnams 'jig tshogs dang ldan no zhes bgyi ba 'di ni phur pa'i tshig go/ /bka' stsal pa/ 'jam dpal ci'i phyir de phur pa'i tshig ces bya/ 'jam dpal gyis gsol pa/ bcom ldan 'das sangs rgyas bcom ldan 'das rnams ni 'jig tshogs la bzhugs pa ste/ 'jig tshogs mi skye mi 'byung bar thugs su chud pas chos thams cad kyis rgyas par mi 'gyur/ rnam par rgyas par mi 'gyur/ yongs su rgyas par mi 'gyur te/ mi bzhugs pa'i tshul gyis bzhugs pas de'i slad du de ni phur pa'i tshig go/ /bcom ldan 'das sangs rgyas bcom ldan 'das rnams log par lta ba dang ldan no zhes bgyi ba 'di ni phur pa'i tshig go/ /bka' stsal pa/ 'jam dpal ci'i phyir de phur pa'i tshig</font><hr>55.312a<br><font size=+1>

ces bya/ 'jam dpal gyis gsol pa/ bcom ldan 'das sangs rgyas bcom ldan 'das rnams ni 'dus byas log par yang dag par ston cing / 'dus byas yang dag pa ma lags par ston/ 'dus byas nor bar yang dag par ston pa ste/ log par lta ba'i ngo bo nyid mtshan nyid kyis mnyam pa nyid thugs su chud pas/ 'dus byas thams cad gsob gsog ste/ brdzun pa slu ba'i chos can du ston pa mdzad pas/ de'i slad du de ni phur pa'i tshig go/ /bcom ldan 'das sangs rgyas bcom ldan 'das rnams kyis phyin ci log la gnas te/ byang chub brnyes so zhes bgyi ba dang / sangs rgyas bcom ldan 'das rnams kyis sgrib pa la gnas 'dod pa'i yon tan lnga la gnas/ 'dod chags la gnas/ zhe sdang la gnas/ gti mug la gnas te byang chub brnyes so zhes bgyi ba 'di ni phur pa'i tshig go/ /bka' stsal pa/ 'jam dpal ci'i phyir de phur pa'i tshig ces bya/ 'jam dpal gyis gsol pa/ bcom ldan 'das gnas zhes bgyi ba 'di ni log par gnas pa'i tshig go/ /bcom ldan 'das kyis bka' stsal pa/ 'jam dpal log par gnas pa zhes bya ba'i tshig gi don ci/ 'jam dpal gyis gsol pa/ bcom ldan 'das log par gnas pa smad par gnas pa/ g.yo ba rab tu g.yo ba zhes bgyi ba 'di ni/ se so'i skye bo rnams kyi tshig bla dgas te/ sangs rgyas bcom ldan 'das rnams ni 'dod chags mnyam pa nyid dang / zhe sdang mnyam pa nyid dang / gti mug mnyam pa nyid dang / 'dod pa'i yon tan lnga mnyam pa nyid dang / sgrib pa mnyam pa nyid dang / phyin ci log mnyam pa nyid la yang dag par bzhugs shing legs par bzhugs pa ste/ de dag ni 'dod chags kyi ngo bo nyid kyi gnas na bzhugs bzhin du/ bla na med pa yang dag par rdzogs pa'i byang chub mngon par rdzogs par 'tshang rgya'o/ /zhe sdang gi ngo bo nyid kyi gnas na</font><hr>55.312b<br><font size=+1>

bzhugs gti mug gi ngo bo nyid kyi gnas na bzhugs 'dod pa'i yon tan lnga'i ngo bo nyid kyi gnas na bzhugs sgrib pa'i ngo bo nyid kyi gnas na bzhugs/ phyin ci log gi ngo bo nyid kyi gnas na bzhugs bzhin du/ bla na med pa yang dag par rdzogs pa'i byang chub tu mngon par 'tshang rgya'o/ /de skad ces gsol pa dang / bcom ldan 'das kyis 'jam dpal gzhon nur gyur pa la 'di skad ces bka' stsal to/ /'jam dpal khyod la gal te la la zhig gis 'di skad du de bzhin gshegs pa dgra bcom pa yang dag par rdzogs pa'i sangs rgyas ni mi dge ba'i chos thams cad spangs pa/ dge ba'i chos thams cad dang ldan pa'o zhes zer zhing de skad ces 'dri na/ lan ci skad gdab/ gsol pa/ bcom ldan 'das gal te la la zhig gis bdag la de skad tu de bzhin gshegs pa dgra bcom pa yang dag par rdzogs pa'i sangs rgyas ni mi dge ba'i chos thams cad spangs pa/ dge ba'i chos thams cad dang ldan pa'o zhes mchi na/ bcom ldan 'das de skad ces 'dri ba de la bdag gis 'di skad bgyi ste/ re shig dge ba'i bshes gnyen dag la rim gro gyis shig /rnal 'byor la brtson par gyis shig /chos gang la yang sbyar ba dang / dbye ba ma byed cig /gzung ba dang / gtang bar ma byed cig /dmigs pa dang / rnam par dmigs par ma byed cig /btang snyoms dang sbyar bar ma byed cig /tshol ba dang smon par ma byed cig /chos gang la yang rab ce 'am/ tha ma zhe 'am/ mchog ces bya bar yang dag par rjes su ma lta shig dang / de'i 'og tu de bzhin gshegs pa'i yul shes par 'gyur ro/ /de bzhin gshegs pa'i yul ni bsam gyis mi khyab pa ste/ yul dang bral zhing yul med pa/ yul thams cad dang yang</font><hr>55.313a<br><font size=+1>

dag par bral ba/ chos yang dag par chad pa'o zhes bgyi'o/ /bka' stsal pa/ 'jam dpal khyod kyis de skad ces lung bstan na ci zhig lung bstan par 'gyur/ gsol pa/ bcom ldan 'das bdag gis de skad ces lung bstan pas chos gang yang lung bstan par gyur pa ma mchis so/ /bcom ldan 'das de bzhin gshegs pa bcom ldan 'das kyis byang chub kyi snying po la bzhugs pa'i tshe/ chos la la'i skye ba 'am 'gag pa gang yang gzigs sam/ bka' stsal pa/ 'jam dpal de ni ma yin no/ /'jam dpal gyis gsol pa/ bcom ldan 'das chos gang ma skyes shing ma byung la/ dge ba'i chos dang ldan pa 'ang ma lags/ mi dge ba'i chos dang ldan pa 'ang ma lags pa de la yongs su shes par bgyi ba ni gang zhig mchis/ spang ba ni ci zhig mchis/ bsgom pa ni gang zhig mchis/ mngon du bgyi ba ni gang zhig mchis/ mngon par rtogs par bgyi ba yang gang zhig mchis/ de nas steng gi bar snang las lha'i bu stong phrag bcus/ de bzhin gshegs pa dang / 'jam dpal gzhon nur gyur pa la lha rdzas kyi me tog ud pa la dang / ku mu da dang / pun da ri ka dang / man da ra ba dang / man da ra ba chen po dang / many+dzu she ka dang / many+dzu she ka chen pos mngon par gtor/ rab tu gtor nas/ bcom ldan 'das dang / 'jam dpal gyi zhabs la phyag 'tshal zhing 'di skad kyi tshig brjod par gyur te/ bcom ldan 'das 'di ni chags pa ma mchis pa'i dpal te/ de ni 'jam dpal lo/ /bcom ldan 'das 'di ni mi gnyis pa'i dpal te/ de ni 'jam dpal lo/ /bcom ldan 'das 'di ni dngos po ma mchis pa'i dpal te/ de ni 'jam dpal lo/ /bcom ldan 'das 'di ni nyon mongs pa ma mchis pa'i dpal te/ de ni 'jam dpal lo/ /bcom ldan 'das 'di ni de bzhin nyid kyi dpal te/ de ni 'jam dpal lo/ /bcom ldan 'das 'di ni ma nor ba de bzhin nyid kyi dpal te/ de ni 'jam dpal lo/ /</font><hr>55.313b<br><font size=+1>

bcom ldan 'das 'di ni chos kyi dbyings kyi dpal te/ de ni 'jam dpal lo/ /bcom ldan 'das 'di ni yang dag pa'i mtha'i dpal te/ de ni 'jam dpal lo/ /bcom ldan 'das 'di ni dam pa'i dpal te/ de ni 'jam dpal lo/ /bcom ldan 'das 'di ni mchog gi dpal te/ de ni 'jam dpal lo/ /bcom ldan 'das 'di ni phul gyi dpal te/ de ni 'jam dpal lo/ /bcom ldan 'das 'di ni bla na ma mchis pa'i dpal te/ de ni 'jam dpal lo/ /de skad ces smras pa dang / 'jam dpal gzhon nur gyur pas lha'i bu de dag la 'di skad ces smras so/ /lha'i bu dag chog gis bdag la ma rtog rnam par ma rtog shig /kho bos ni chos gang yang dam pa zhes bya ba 'am/ mchog ces bya ba 'am/ phul zhes bya ba de lta bu yang dag par rjes su ma mthong ngo / /lha'i bu dag kho bo ni 'dod chags kyi dpal te/ de'i phyir kho bo 'jam dpal lo/ /kho bo ni zhe sdang gi dpal te/ de'i phyir kho bo 'jam dpal lo/ /kho bo ni gti mug gi dpal te/ de'i phyir kho bo 'jam dpal lo/ /lha'i bu dag kho bo ni 'dod chags las yongs su 'das pa ma yin/ zhe sdang las yongs su 'das pa ma yin/ gti mug las yongs su 'das pa ma yin te/ lha'i bu dag byis pa so so'i skye bo dag ni 'da' zhing yongs su 'da' ba dang / rnam par 'da' ba dag byed kyi/ byang chub sems dpa' rnams ni chos gang la yang 'pho ba 'am/ 'gro ba 'am/ 'da' ba med do/ /lha'i bu rnams kyis smras pa/ 'jam dpal 'o na byang chub sems dpa' rnams sangs rgyas kyi chos rnams rnam par mi gnon tam/ sa bcu rjes su mi gnon tam/ 'jam dpal gyis smras pa/ lha'i bu dag de ji snyam du sems/ sgyu mas sprul pa'i sems dang</font><hr>55.314a<br><font size=+1>

sems las byung ba dag sangs rgyas kyi chos rnam par gnon cing sa bcu rjes su gnon pa yod dam/ lha'i bu rnams kyis smras pa/ 'jam dpal sgyu ma'i skyes bu la gnas kyang med na/ sangs rgyas kyi chos rnam par gnon pa 'am/ sa rjes su gnon pa lta ga la yod/ 'jam dpal gyis smras pa/ lha'i bu dag de bzhin du chos thams cad ni sgyu ma lta bu ste/ de dag ni gnon pa med/ rnam par gnon pa med/ yongs su gnon pa med de 'da' ba med do/ /lha'i bu dag gis smras pa/ 'o na 'jam dpal khyod byang chub mngon par rdzogs par 'tshang rgya bar mi 'gyur ram/ 'jam dpal gyis smras pa/ lha'i bu dag de ji snyam du sems/ byis pa so so'i skye bo 'dod chags kyis kun nas glags pa zhig byang chub kyi snying por 'dug na thams cad mkhyen pa'i yes shes dang ldan par 'gyur ram/ lha'i bu dag gis smras pa/ ci 'jam dpal 'o na khyod 'dod chags kyis kun nas klags pa'i byis pa so so'i skye bo yin nam/ 'jam dpal gyis smras pa/ lha'i bu dag de de bzhin te/ bdag ni 'dod chags kyis kun nas klags pa'o/ /zhe sdang gis kun nas klags pa'o/ /gti mug gis kun nas klags pa'o/ /bdag ni mu stegs can gzhan no/ /log pa la zhen pa'o/ /lha'i bu dag gis smras pa/ 'jam dpal ci las bsams te/ de skad du bdag ni 'dod chags kyis kun nas klags pa'o/ /zhe sdang gis kun nas klags pa'o/ /gti mug gis kun nas klags pa'o zhes smra/ 'jam dpal gyis smras pa/ lha'i bu dag de ni ji ltar mi gnas pa'i tshul gyis 'dod chags dang / zhe sdang dang / gti mug gi ngo bo nyid la gnas pa'i phyir/ ji ltar phyogs bcu kun du gnas med pa de ltar gnas so/ /lha'i bu dag gis smras pa/ 'jam dpal khyod ji ltar mu stegs</font><hr>55.314b<br><font size=+1>

can gzhan zhes bya ba yin/ smras pa/ lha'i bu dag kho bo ni mu stegs can gzhan du mi 'gro ste/ de'i phyir mu stegs can gzhan zhes bya'o/ /lha'i bu dag gis smras pa/ 'jam dpal khyod ji ltar log pa la zhen ces bya/ 'jam dpal gyis smras pa/ lha'i bu dag kho bos ni chos thams cad log par shes te/ yang dag pa ma yin zhing nor la yongs su brtags par khong du chud pas/ de'i phyir kho bo ni log pa la zhen pa'o/ /de nas de'i tshe lha'i bu stong phrag bcu po de dag gis/ 'jam dpal gyis bstan pa de thos nas/ mi skye ba'i chos la bzod pa thob par gyur to/ /'di skad ces kyang smras te/ rdo rje'i tshig dang / sa bon gyi tshig dang / phur ba'i tshig rnam pa 'di lta bu dag gang gi rna lam du grag par gyur pa de dag kyang thob par bya ba legs par thob pa yin no/ gang gis thos nas mos par gyur ba dang / yid ches pa dang / lung 'bogs pa dang / kha ton byed pa dang / 'dzin pa dang / klog pa dang / ston pa dang / de bzhin nyid du nan tan byed pa lta smos kyang ci dgos te/ de dag ni thogs pa med pa'i spobs pa rjes su thob par 'gyur ro/ /chos thams cad la snang ba thob par 'gyur ro/ tshul gcig tu bstan pa la mkhas par 'gyur ro/ /chos thams cad kyang sangs rgyas kyi chos dang sbyor bar 'gyur ro// // bam po gsum pa ste tha ma/ de nas bcom ldan 'das la lha'i bu pad mo rnam par rol pa'i mngon par shes pas 'di skad ces gsol to/ /bcom ldan 'das dus slad ma la byang chub sems dpa' rnams kyis rnam pa 'di lta bu'i chos thos na/ mi 'jigs mi dngang / skrag par mi 'gyur ba dang / sgra thams cad rtogs par 'tshal bar 'gyur ba dang / thogs pa ma mchis shing / the tsom ma mchis par bgyi ba'i slad du sgra dang tshig la 'jug pa'i rig pa bstan du gsol/ de skad ces gsol pa dang / bcom ldan 'das kyis lha'i bu pad mo rnam par rol pa'i mngon par shes pa la 'di skad ces bka'</font><hr>55.315a<br><font size=+1>

stsal to/ /lha'i bu khyod la gnas de dris pas ci zhig bya/ chog mod sgra dang / skad la 'jug pa'i rig pa de ni las dang po pa'i byang chub sems dpa' shes pa'am/ khong du chud pa'am/ bsam pa'am/ gzhal ba'am/ dpyad par sla ba ma yin no/ /de ni byang chub sems dpa' las dang po pa'i mdun du brjod par bya ba ma yin te/ lha'i bu sgra dang skad la 'jug pa khong du chud pa'i byang chub sems dpa' sems dpa' chen po ni gal te bskal pa gang gA'i klung gi bye ma snyed du log pa'i tshig yang dag pa ma yin pa'i ngag gis mi snyan pa brjod de/ spyos pas de la khong khro ba'i sems mi skyed do/ /gal te bskal pa gang gA'i klung gi bye ma snyed du bde ba'i yo byad gos dang / zas dang / mal cha dang / nad kyi rkyen rtsi dang / yo byad thams cad kyis rim gror byas/ bkur stir byas/ bsti stang du byas/ mchod par byas kyang de la chags pa'i sems mi 'byung ste/ lha'i bu 'di lta ste dper na/ dgra bcom pa/ zag pa zad pa ni chags par bya ba'i gnas kyi chos thams cad la yang chags par mi 'gyur/ khong khro bar bya ba'i gnas kyi chos thams cad la yang khong khro bar mi 'gyur ro/ /lha'i bu de bzhin du sgra dang / skad la 'jug pa khong du chud pa'i byang chub sems dpa' yang / bskal pa gang gA'i klung gi bye ma snyed du/ bde ba'i yo byad thams cad kyis rim gror byas kyang / de la chags pa'i sems mi skyed do/ /bskal pa gang gA'i klung gi bye ma snyed du log pa yang dag pa ma yin pa'i tshig gis mi snyan par brjod de/ spyos kyang khong khro ba'i sems mi skyed do/ /lha'i bu de ltar sgra dang / skad la 'jug pa khong du chud pa'i byang chub sems dpa' ni thob pa dang / ma thob pa dang /  </font><hr>55.315b<br><font size=+1>

grags pa dang / ma grags pa dang / bstod pa dang / smad pa dang / bde ba dang / sdug bsngal thams cad kyis mi bskyod mi 'phrogs te/ 'jig rten gyi chos thams cad zil gyis gnon cing / ri'i rgyal po ltar mi sgul bar gnas so/ /de skad ces bka' stsal pa dang / bcom ldan 'das la lha'i bu pad mo rnam par rol pa'i mngon par shes pas 'di skad ces gsol to/ /bcom ldan 'das 'on kyang ma byung ba'i dus na/ byang chub sems dpa' 'du shes sbyangs pa/ 'du shes byang ba gang ji snyed cig 'byung bar 'gyur ba de dag gis sgra dang skad la 'jug pa'i rig pa 'di thos na/ rang gi skyon yang rtogs par 'gyur/ gzhan la yang ston par 'gyur na/ bcom ldan 'das sgra dang / skad la 'jug pa'i rig pa bshad du gsol/ de skad ces gsol pa dang / bcom ldan 'das kyis lha'i bu pad mo rnam par rol pa'i mngon par shes pa la 'di skad ces bka' stsal to/ /lha'i bu de bas na shin tu legs par nyon la yid la zung shig dang / don 'di ngas khyod la bshad do/ /bcom ldan 'das de ltar bgyi'o zhes nas/ lha'i bu pad mo rnam par rol pa'i mngon par shes pa/ bcom ldan 'das kyis bka' stsal pa ltar nyan to/ /bcom ldan 'das kyis de la 'di skad ces bka' stsal to/ /lha'i bu gal te byang chub sems dpa' 'dod chags kyi sgra la nyes pa'i 'du shes su 'gyur zhing 'dod chags dang bral ba'i sgra la chags pa'i 'du shes su 'gyur na/ sangs rgyas kyi chos rnams la mi slob bo/ /zhe sdang gi sgra la kha na ma tho ba'i 'du shes su 'gyur zhing / zhe sdang dang bral ba'i sgra la legs pa'i 'du shes su 'gyur na/ sangs rgyas kyi chos rnams la mi slob bo/ /gti mug gi sgra la kha na ma tho ba'i 'du shes su 'gyur zhing / gti mug dang bral ba'i sgra la legs pa'i 'du shes su 'gyur na/ sangs rgyas kyi chos rnams la mi slob</font><hr>55.316a<br><font size=+1>

bo/ /'dod pa chung ba'i sgra la chags shing 'dod pa che ba'i sgra la khong khro na/ sgra dang skad la 'jug pa'i rig pa la mi slob bo/ /chog shes pa'i sgra la chags shing / chog mi shes pa'i sgra la khong khro na/ sgra dang skad la 'jug pa'i rig pa la mi slob bo/ /sdom pa'i sgra la chags shing / mi sdom pa'i sgra la khong khro na/ sgra dang skad la 'jug pa'i rig pa la mi slob bo/ /gcig pur dga' ba'i sgra la chags shing / skye bo phal po che'i sgra la khong khro na/ sgra dang skad la 'jug pa'i rig pa la mi slob bo/ /sangs rgyas kyi sgra la chags shing / mu stegs can gyi sgra la khong khro na/ sgra dang skad la 'jug pa'i rig pa la mi slob bo/ /tshangs par spyod pa'i sgra la zhen cing / tshangs par mi spyod pa'i sgra la zhe sdang na/ sgra dang skad la 'jug pa'i rig pa la mi slob bo/ /kun nas nyon mongs pa'i sgra la khong khro zhing / rnam par byang ba'i sgra la chags na/ sgra dang skad la 'jug pa'i rig pa la mi slob bo/ /'bras bu la gnas pa'i sgra la chags shing / byis pa so so'i skye bo'i sgra la khong khro na/ sgra dang skad la 'jug pa'i rig pa la mi slob bo/ /bde ba'i sgra la chags shing / sdug bsngal gyi sgra la khong khro na/ sgra dang skad la 'jug pa'i rig pa la mi slob bo/ /rab tu byung ba'i sgra la chags shing / khyim pa'i sgra la khong khro na/ sgra dang skad la 'jug pa'i rig pa la mi slob bo/ /'jig rten las 'das pa'i sgra la chags shing / 'jig rten pa'i sgra la khong khro na/ sgra dang skad la 'jug pa'i rig pa la mi slob bo/ /sbyin pa'i sgra la legs pa'i 'du shes su 'gyur zhing / ser sna'i sgra la khong khro ba'i 'du shes su 'gyur na/ sangs rgyas kyi chos rnams la mi slob bo/ /tshul khrims kyi sgra la chags pa'i 'du shes su 'gyur zhing / tshul khrims 'chal pa'i sgra la</font><hr>55.316b<br><font size=+1>

khong khro ba'i 'du shes su 'gyur na/ sangs rgyas kyi chos rnams la mi slob bo/ /bzod pa'i sgra la legs pa'i 'du shes su 'gyur zhing / gnod sems kyi sgra la khong khro ba'i 'du shes su 'gyur na/ sangs rgyas kyi chos rnams la mi slob bo/ /brtson 'grus brtsams pa'i sgra la legs pa'i 'du shes su 'gyur zhing / le lo'i sgra la khong khro ba'i 'du shes su 'gyur na/ sangs rgyas kyi chos rnams la mi slob bo/ /bsam gtan gyi sgra la legs pa'i 'du shes su 'gyur zhing / 'khrug pa'i sgra la khong khro ba'i 'du shes su 'gyur na/ sangs rgyas kyi chos rnams la mi slob bo/ /shes rab kyi sgra la legs pa'i 'du shes su 'gyur zhing / shes rab 'chal pa'i sgra la khong khro ba'i 'du shes su 'gyur na/ sangs rgyas kyi chos rnams la mi slob bo/ /nye ba'i sgra la chags shing / ring ba'i sgra la khong khro na/ sgra dang skad la 'jug pa'i rig pa la mi slob bo/ /'khor ba'i sgra la kha na ma tho ba'i 'du shes su 'gyur zhing / mya ngan las 'das pa'i sgra la legs pa'i 'du shes su 'gyur na/ sgra dang skad la 'jug pa'i rig pa la mi slob bo/ /tshu rol gyi sgra la khong khro zhing pha rol gyi sgra la chags na/ sgra dang skad la 'jug pa'i rig pa la mi slob bo/ /grong gi sgra la kha na ma tho bar 'du shes par gyur cing / dgon pa'i sgra la chags par gyur na/ sgra dang skad la 'jug pa'i rig pa la mi slob bo/ /gcig pur spyod pa'i sgra la chags shing / 'du 'dzir spyod pa'i sgra la khong khro na/ sgra dang skad la 'jug pa'i rig pa la mi slob bo/ /dge slong gi spyod pa la chags shing / khyim pa'i spyod pa la khong khro na/ sgra dang skad la 'jug pa'i rig pa la mi slob bo/ /spyod lam gyi bya ba la chags shing / spyod lam ma yin pa'i bya ba la khong</font><hr>55.317a<br><font size=+1>

khro na/ sangs rgyas kyi chos rnams la mi slob bo/ /tshul du shis pa la chags shing / tshul du mi shis pa la khong khro na/ sangs rgyas kyi chos rnams la mi slob bo/ /tshul khrims kyi spyod pa la chags shing / tshul khrims 'chal pa'i spyod pa la khong khro na/ sangs rgyas kyi chos rnams la mi slob bo/ /ma 'dres pa'i spyod pa la chags shing / 'dres pa'i spyod pa la khong khro na/ sangs rgyas kyi chos rnams la mi slob bo/ /'dod chags dang bral ba'i spyod pa la chags shing / 'dod chags kyi spyod pa la khong khro na/ sangs rgyas kyi chos rnams la mi slob bo/ /zhe sdang med pa'i 'du shes la chags shing / zhe sdang gi 'du shes la khong khro na/ sangs rgyas kyi chos rnams la mi slob bo/ /gti mug dang bral ba'i 'du shes la chags shing / gti mug gi 'du shes la khong khro na/ sangs rgyas kyi chos rnams la mi slob bo/ /stong pa nyid la chags shing / dmigs pa la khong khro na/ sangs rgyas kyi chos rnams la mi slob bo/ /mtshan ma med pa la chags shing / mtshan ma la khong khro na/ sangs rgyas kyi chos rnams la mi slob bo/ /smon pa med pa la chags shing / smon pa la khong khro na/ sangs rgyas kyi chos rnams la mi slob bo/ /byang chub sems dpa'i spyod pa la chags shing / nyan thos dang / rang sangs rgyas kyi spyod pa la khong khro na/ sangs rgyas kyi chos rnams la mi slob bo/ /byang chub sems dpa' la ltung bas rgol na/ byang chub las ring du 'gyur te/ las kyi sgrib pa yongs su 'dzin to/ /spyod pa la 'phya na byang chub las ring du 'gyur ro/ /spyod lam gyis rgol na byang chub las ring du 'gyur ro/ /gal te byang chub sems dpas byang chub sems dpa' la dma' ba'i 'du shes bskyed de/ bdag la che ba'i 'du shes bskyed na/ bdag la rma 'byung ste/ las kyi sgrib pa yang yongs su 'dzin</font><hr>55.317b<br><font size=+1>

to/ /'di la byang chub sems dpas byang chub sems dpa' la gdams shing rjes su bstan na ston pa'i 'du shes nye bar bzhag ste/ gdams shing rjes su bstan par bya'o/ /gal te des byang chub yongs su btang zhe na/ byang chub sems dpas byang chub sems dpa' la brnyas pa'i sems bskyed par mi bya'o/ /lha'i bu byang chub sems dpa'i dge ba'i rtsa ba rnams ni ji ltar byang chub sems dpa' gnyis pa la brten te/ 'chad par 'gyur ba de ltar gang gis kyang yongs su 'chad par mi 'gyur ro/ /lha'i bu de lta bas na byang chub sems dpa'i dge ba'i rtsa ba thams cad yongs su bsrung bar 'dod cing / las kyi sgrib pa thams cad yongs su sbyong bar 'dod pa dang / chos thams cad la sgrib pa med pa myur du thob par 'dod pas nyin lan gsum mtshan lan gsum du byang chub sems dpa'i theg pa pa thams cad la phyag bya'o/ /de nas bcom ldan 'das la 'jam dpal gzhon nur gyur pas 'di skad ces gsol to/ /bcom ldan 'das kyis ji skad du gsungs pa'i don bdag gis 'tshal te 'dod chags kyi sgra dang / sangs rgyas kyi sgra de ni mtshungs pa'o/ /zhe sdang gi sgra dang / sangs rgyas kyi sgra de ni mtshungs pa'o/ /gti mug gi sgra dang / sangs rgyas kyi sgra de ni mtshungs pa'o/ /mu stegs can gyi sgra dang / sangs rgyas kyi sgra de ni mtshungs pa'o/ /'dod pa chung ba'i sgra dang / 'dod pa che ba'i sgra de ni mtshungs pa'o/ /chog shes pa'i sgra dang / chog mi shes pa'i sgra de ni mtshungs pa'o/ /sdom pa'i sgra dang / mi sdom pa'i sgra de ni mtshungs pa'o/ /gcig pur dga' ba'i sgra dang / 'du 'dzi'i sgra de ni mtshungs pa'o/ /tshu rol gyi sgra dang / pha rol gyi sgra de ni mtshungs pa'o/ /ring ba'i sgra dang / nye ba'i sgra de ni mtshungs pa'o/ /'khor ba'i sgra dang / mya ngan las 'das pa'i sgra de ni mtshungs pa'o/ /grong gi sgra dang / dgon pa'i sgra de ni mtshungs pa'o/ /sbyin pa'i sgra</font><hr>55.318a<br><font size=+1>

dang / ser sna'i sgra de ni mtshungs pa'o/ /tshul khrims kyi sgra dang / tshul khrims 'chal pa'i sgra de ni mtshungs pa'o/ /bzod pa'i sgra dang / gnod sems kyi sgra de ni mtshungs pa'o/ /brtson 'grus kyi sgra dang / le lo'i sgra de ni mtshungs pa'o/ /bsam gtan gyi sgra dang / 'khrug pa'i sgra de ni mtshungs pa'o/ /shes rab kyi sgra dang / shes rab 'chal pa'i sgra de ni mtshungs pa'o/ /de nas lha'i bu pad mo rnam par rol ba'i mngon par shes pas 'jam dpal gzhon nur gyur pa la 'di skad ces smras so/ /'jam dpal ci'i phyir na de dag mtshungs zhes bya/ 'jam dpal gyis smras pa/ lha'i bu 'dod chags kyi sgra la khyod ji ltar sems/ lha'i bus smras pa/ brag ca dang 'dra bar shes so/ /'jam dpal gyis smras pa/ lha'i bu 'o na sangs rgyas kyi sgra khyod kyis ji ltar shes/ lha'i bus smras pa/ 'jam dpal de yang sgra brnyan gyi mnyam pa nyid las ma 'das pa'o/ /'jam dpal gyis smras pa/ lha'i bu rnam grangs des kyang khyod kyis 'di ltar de dag ni mtshungs pa yin par rig par bya'o/ /de nas bcom ldan 'das kyis 'jam dpal gzhon nur gyur pa la 'di skad ces bka' stsal to/ /'jam dpal khyod sngon las dang po ba'i sa la gnas shing 'di lta bu'i tshul khong du ma chud pa'i tshe/ las kyi sgrib pa ji lta bu dag mngon par 'du byas pa lung ston cig dang 'jam dpal des ma 'ongs pa'i dus na/ byang chub sems dpar dam 'cha' ba ji snyed cig 'byung bar 'gyur ba de dag kyang / de lta bu'i las kyi sgrib pa thob pa dang / rang rang srung bar 'gyur ro/ /de skad ces bka' stsal pa dang / bcom ldan 'das la 'jam dpal gzhon nur gyur pas 'di skad ces gsol to/ /ci sman bcom ldan 'das gal te de ltar de lta bu'i sug las kyi sgrib pa'i nongs pa thos na/ yid mi bde bar</font><hr>55.318b<br><font size=+1>

yang 'gyur la sug las kyi sgrib pa rnam par dag pa thob tu lags kyang / chos thams cad la sgrib pa 'thob par 'gyur lags pa snyam/ bcom ldan 'das sngon 'das pa'i dus na/ bskal pa grangs ma mchis pa shin tu bgrang ba las 'das pa/ yangs pa/ tshad ma mchis pa/ bsam gyis mi khyab pa de'i pha rol/ de'i yang pha rol de'i dus de'i tshe na/ de bzhin gshegs pa dgra bcom pa yang dag par rdzogs pa'i sangs rgyas seng ge'i nga ro rnga sgra'i rgyal po zhes bgyi ba/ rig pa dang rkang par ldan pa/ bde bar gshegs pa/ 'jig rten mkhyen pa/ bla na med pa/ skyes bu 'dul ba'i kha lo sgyur ba/ lha dang mi rnams kyi ston pa/ sangs rgyas bcom ldan 'das 'jig rten du byung ste/ de bzhin gshegs pa de'i sku tshe'i tshad ni dgung lo bye ba khrag khrig brgya phrag stong du gyur to/ /theg pa ni gsum gyis sems can rnams yongs su mya ngan las zlo bar gyur to/ /'jig rten gyi khams de'i ming ni snang ba chen po can zhes bgyi ste/ 'jig rten gyi khams de na zhugs shing ngam/ ldum bu gang ji snyed pa de dag thams cad kyang rin po che sna bdun gyi rgyu las grub par gyur te/ zhugs shing de dag las kyang 'di lta bu'i sgra 'byung ste/ gang 'di stong pa nyid kyi sgra dang / mtshan ma ma mchis pa'i sgra dang / smon pa ma mchis pa'i sgra dang / skye ba ma mchis pa'i sgra dang / dngos po ma mchis pa'i sgra dang / mtshan nyid ma mchis pa'i sgra dang / rnam pa de lta bu'i sgra dag 'byung ste sgra 'byung ba de dag gis sems can de dag mngon par rtogs pa 'thob par gyur to/ /de bzhin gshegs pa de'i nyan thos kyi tshogs dang po ni dge slong bye ba dgu bcu rtsa dgu'i tshogs su gyur te/ thams cad kyang dgra bcom pa/ zag pa zad pa/ khur bor ba/ rang gi don rjes su thob pa/ srid par sbyor ba yongs su</font><hr>55.319a<br><font size=+1>

bas pa/ bka' yang dag pas sems shin tu rnam par grol ba sha stag gi tshogs su gyur to/ /tshogs gnyis pa ni dge slong bye ba phrag dgu bcu rtsa drug gi tshogs su gyur to/ /tshogs gsum pa ni dge slong bye ba phrag dgu bcu rtsa gsum gyi tshogs su gyur to/ /tshogs bzhi pa ni dge slong bye ba phrag dgu bcu'i tshogs su gyur te/ thams cad kyang dgra bcom pa/ zag pa zad pa/ khur bor ba/ rang gi don rjes su thob pa/ srid par sbyor ba yongs su bas pa/ bka' yang dag pas sems shin tu rnam par grol ba sha stag gi tshogs su gyur to/ /byang chub sems dpa'i tshogs kyang grangs de snyed du gyur te/ thams cad kyang mi skye ba'i chos kyi bzod pa dang ldan pa tshul sna tshogs pa bsgrub pa la mkhas pa/ sangs rgyas bye ba khrag khrig brgya stong mang po bsnyen bkur ba/ sangs rgyas kyi zhing bye ba khrag khrig brgya stong mang por rnam par grags pa/ sems can bye ba khrag khrig brgya stong mang po yang dag par sgrol ba/ sgo mtha' yas pa'i gzungs rab tu thob pa/ ting nge 'dzin bye ba khrag khrig brgya stong mngon par bsgrub pa la mkhas pa sha stag gi tshogs su gyur te/ de ma lags pa'i byang chub sems dpa' sems dpa' chen po las dang po pa dang / theg pa la gsar du zhugs pa rnams lta smos kyang ci 'tshal te/ de bzhin gshegs pa de'i sangs rgyas kyi zhing gi rgyan du gyur pa de dag ni tshig gis brjod par sla ba ma lags so/ /de bzhin gshegs pa de yongs su mya ngan las 'das nas dam pa'i chos ni dgung lo stong phrag drug cu'i bar du gnas par gyur te/ zhugs shing de dag las kyang sgra de dag de slan chad mi 'byung bar gyur to/ /bcom ldan 'das de'i tshe dge slong byang chub sems dpa' chos smra</font><hr>55.319b<br><font size=+1>

ba rab tu dga' ba'i dbang po zhes bgyi ba byung ste/ bcom ldan 'das byang chub sems dpa' rab tu dga' ba'i dbang po de ni sngon spyod spyod pa ste/ spyod lam bcos mi 'tshal ba 'jig rten pa'i chos thams cad las slar log pa ma mchis pa ste/ sems can de dag kyang dbang po rno zhing phye ba tsam gyis 'tshal la zab mo la mos pa sha stag ste/ de ni sems can de dag la 'dod pa chung ba'i bsngags pa yang mi rjod/ chog shes pa dang / sdom pa dang / gcig pur dga' ba'i bsngags pa yang mi rjod/ 'du 'dzi ma mchis pa'i bsngags pa yang mi rjod cing / des sems can de dag la chos thams cad ni 'dod chags kyi ngo bo nyid do zhes bgyi bar bstan/ chos thams cad ni zhe sdang gi ngo bo nyid do zhes bgyi bar bstan/ chos thams cad ni gti mug gi ngo bo nyid do zhes bgyi bar bstan/ chos thams cad ni sgrib pa med pa'o zhes bgyi bar bstan te/ des thabs des spyod pa thams cad kyang mtshan nyid gcig pa'o zhes bgyi bar bstan nas/ sems can thabs de lta bus bstan pa de dag kyang byang chub sems dpa' de'i spyod pa la mi dga' bar ma gyur te/ khong khro ba'i sems ma mchis pa de dag bzod pa'i sa thob par gyur/ de bzhin gshegs pa'i bstan pa la yang mi phyed cing nges par gyur to/ /de'i tshe dge slong byang chub sems dpa' chos smra ba rgyal ba'i blo gros zhes bgyi ba byung ste/ bcom ldan 'das chos smra ba rgyal ba'i blo gros zhes bgyi ba de ni bsam gtan bzhi thob pa/ gzugs ma mchis pa'i snyoms par 'jug pa bzhi thob pa ste/ sbyangs pa'i yon tan bcu gnyis kyang yang dag par blangs te gnas par gyur to/ /bcom ldan 'das byang chub sems dpa' rgyal ba'i blo gros kyis 'dul bar gyur pa de dag ni skyon 'dzin cing skyon rjod pa/ blo mi brtan pa sha stag tu gyur te/ bcom ldan 'das de nas byang chub sems dpa' rgyal ba'i blo gros bsod nams la spyod pa zhig gi tshe/ ma rig nas byang chub sems dpa'</font><hr>55.320a<br><font size=+1>

rab tu dga' ba'i dbang po'i bslang ba'i grong der mchis te/ des de na khyim bdag gi bu'i gnas shig mchis par mthong nas/ khyim bdag gi bu gang na ba der mchis nas phyin pa dang / stan bting ba la mchis te/ khyim bdag gi bu de la 'dod pa chung ba'i bka' mchid brjod/ chog shes pa'i bka' mchid brjod/ sdom pa'i bka' mchid brjod/ 'du 'dzi'i nongs pa brjod/ gcig pur dga' ba'i bsngags pa brjod/ 'du 'dzi ma mchis pa'i bsngags pa brjod nas/ khyim bdag gi bu de'i mdun du byang chub sems dpa' rab tu dga' ba'i dbang po la mi snyan pa rjod pa dge slong des ni skye bo mang po log par bstan to/ /dge slong des ni skye bo mang po log par lta bar byas so/ /dge slong de ni 'du 'dzi'i nang na rnam par spyod pa ste/ 'dod chags ni sgrib pa med do zhes ston to/ /zhe sdang ni sgrib pa med do zhes ston to/ /gti mug ni sgrib pa med do zhes ston to/ /chos thams cad ni sgrib pa med do zhes ston to zhes brjod pa dang / khyim bdag gi bu de yang dbang po rno ba bzod pa thob pa zhig ste/ des dge slong de la smras pa/ btsun pa khyod kyis 'dod chags ji ltar mkhyen/ des smras pa/ khyim bdag gi bu 'dod chags ni kun nas nyon mongs par shes so/ /smras pa/ btsun pa 'o na 'dod chags de nang na mchis sam/ phyi rol na mchis/ smras pa/ 'dod chags ni nang na yang med/ phyi rol na yang med do/ /smras pa/ btsun pa de ltar 'dod chags nang na yang ma mchis/ phyi rol na yang ma mchis shar phyogs na yang ma mchis/ lho phyogs na yang ma mchis/ nub phyogs na yang ma mchis/ byang phyogs na yang ma mchis/ steng na yang ma mchis/ 'og na yang ma mchis/ phyogs mtshams rnams na yang ma mchis te/  </font><hr>55.320b<br><font size=+1>

de lta lags na de ni ma skyes pa lags te/ gang la ma skyes pa de la kun nas nyon mongs pa'am/ rnam par byang ba'ang ci zhig mchis/ de nas dge slong rgyal ba'i blo gros kyis bstan pa de thos nas 'khrugs te shin tu mi dga' nas/ bsod snyoms kyang ma blangs par stan las langs te mchis so/ /'di skad kyi tshig kyang rjod de/ kye ma dge slong des ni/ skye bo mang po log par bstan to zhes kyang brjod nas de khyim de nas byung ste/ dgon pa logs su mchis so/ /de slad kyis gtsug lag khang du mchis nas dge slong lhag ma rnams la yang bsgo'o/ /dge 'dun gyi nang du yang dge slong de mthong nas/ 'di skad du dge slong 'di ni skye bo mang po log par ston cing / 'di ni 'dod chags sgrib pa med do zhes ston to/ /zhe sdang sgrib pa med do zhes ston to/ /gti mug sgrib pa med do zhes ston to/ /chos thams cad sgrib pa med do zhes ston to zhes bgyis so/ /de nas byang chub sems dpa' rab tu dga' ba'i dbang po de 'di snyam du gyur te/ dge slong 'dis ni gdon mi za bar las kyi sgrib pa bsags par gyur gor ma chag na de la bdag gis zab mo'i gtam bya'o/ /des ni ma nus na'ang 'di'i byang chub kyi phyogs kyi chos rnams bsgom pa'i rgyu tsam du'ang 'gyur ro snyam ste/ de nas byang chub sems dpa' rab tu dga' ba'i dbang pos/ dge slong gi dge 'dun thams cad gcig tu 'dun par bgyis nas/ de'i tshe tshigs su bcad pa 'di dag smras so/ /'dod chags mya ngan 'das par gsungs/ /zhe sdang gti mug de bzhin te/ /byang chub de dag gnas nyid yin/ /sangs rgyas byang chub bsam mi khyab/ /'dod chags gang gis rnam brtags pa/ /zhe sdang gti mug de bzhin te/ /sangs rgyas byang chub de la ring / /gnam dang sa gnyis ci bzhin</font><hr>55.321a<br><font size=+1>

no/ /byang chub 'dod chags gnyis ni gnyis su med/ /'jug pa gcig pa mnyam nyid ldan pa ste/ /'di dag chos la byis pa gang 'jigs pa/ /de dag sangs rgyas byang chub ring ba yin/ /'dod chags skye min 'jig pa ma yin te/ /sems kyang kun nas nyon mongs 'gyur ba med/ /gang zhig dmigs pa'i bdag la blo chags pa/ /'dod chags ngan song de dag ltung bar byed/ /gang zhig 'dod chags chos kyang sangs rgyas chos/ /de dag khyad par gang yang med pa ste/ /yi ge gcig cing tshul gcig mtshan nyid med/ /de ltar shes pa bde gshegs nyid du 'gyur/ /tshul khrims 'chal dang tshul khrims rnam brtags shing / /gang zhig tshul khrims rlom pas myos gyur pa/ /dmigs pa'i lta la rab gnas de la ni/ /byang chub med cing sangs rgyas chos kyang med/ /gang zhig dgon pa'i gnas la rtog byed cing / /bdag la stod byed gzhan la smod byed pa/ /dgon par lta la rab gnas de la ni/ /mtho ris med na byang chub ga la yod/ /byang chub lta ba gnyis su med gsungs te/ /ming dang yi ge grangs dang sgra 'jug pa/ /de dag gang gis yang dag rtogs gyur pa/ /de la sangs rgyas byang chub ring ba min/ /kun nas nyon mongs de la rnam rtog cing / /rnam byang lta la byis pa gang chags pa/ /dmigs pa'i lta la rab gnas de la ni/ /byang chub med cing sangs rgyas chos kyang med/ /gang zhig sangs rgyas chos la 'dod skyed pa/ /de la sangs rgyas byang chub ring ba ste/ /yod min chos la 'dod pa skyed pas na/ /de ni sdug bsngal yongs su myong bar 'gyur/ /gang zhig 'dod chags zhe sdang mi rtog cing / /gti mug chung bas byang chub yin lta ba/ /de la sangs rgyas byang chub ring ba min/ /bzod pa mchog kyang myur du des 'thob</font><hr>55.321b<br><font size=+1>

'gyur/ /'dus ma byas dang 'dus byas sus mthong ba/ /de ni 'khor ba'i chos las gzhar mi 'grol/ /gang gis khams de mnyam pa nyid rtogs pa/ /de myur skyes bu sangs rgyas mchog tu 'gyur/ /gang gis sangs rgyas chos dang sangs rgyas dag /thams cad kun tu nam yang ma mthong na/ /chos rnams kun gyis gos pa med pa de/ /bdud bcom byang chub mngon par 'tshang yang rgya/ /su zhig sems can rnam par 'grel 'dod pa/ /des ni sems can khams su blta mi bya/ /ma lus sems can mya ngan 'das dang 'dra/ /de ltar sus shes de ni rang byung 'gyur/ /dgon pa'i chos la gang zhig mi snang zhing / /grong du phyin na spyod lam 'chos byed pa/ /de ni 'jig rten lhar bcas rkun po ste/ /de la byang chub sangs rgyas chos rnams med/ /bdag ni sangs rgyas 'gyur zhes gang rlom pa/ /byis pa de ni gti mug dbang gis non/ /sangs rgyas chos ni nam mkha' mtshungs pa ste/ /blang dang dor ba'i sgra ni de la med/ /rgyal bas nam yang byang chub sangs ma rgyas/ /des ni nam yang sems can bkrol ba med/ /med pa'i chos rnams brtags shing byis pa rnams/ /sangs rgyas byang chub las ni ring ba yin/ /sems can 'di dag nyon mongs sus mthong ba/ /de la nyon mongs mtha' yas 'byung bar 'gyur/ /sems can de dag sems can med ces gsungs/ /sems can 'du shes gnas la byang chub med/ /gang gis sems can shin tu grol mthong zhing / /'dod chags zhe sdang gti mug rtag med la/ /sems can zhi zhing rab zhi rnam zhi bar/ /gang gis shes pa de ni mgon por 'gyur/ /gang gis sems can sems can med ma mthong / /yang dag nyid du sangs rgyas chos ma dmigs/ /ji ltar sems can de bzhin sangs rgyas shes/ /de ltar sus shes de ni mgon por 'gyur/ /</font><hr>55.322a<br><font size=+1>

nyon mongs rtog na nyon mongs yod par 'gyur/ /tshul bzhin lam sems de bzhin nyon mongs yod/ /nyon mongs lam du nam yang ma brtags na/ /des ni byang chub mi rtog sa 'thob bo/ /stong pa'i chos kyis mi mkhas gang 'jigs pa/ /de dag sangs rgyas chos las ring ba yin/ /stong nyid chos la the tsom su med pa/ /de dag sangs rgyas byang chub 'thob par 'gyur/ /byang chub mchog thob par ni su 'dod pa/ /des ni 'dod chags chos la brtag mi bya/ /'dod chags chos kyi mtshan nyid gang yin pa/ /de dag sangs rgyas yon tan bsam mi khyab/ /gang zhig sangs rgyas chos la mi 'jug cing / /sems dang byang chub skye ba med pa dang / /sems dang sangs rgyas byang chub gnyis med par/ /shes par gyur na de ni mgon por 'gyur/ /sdig sems mu stegs can gyis gang brjod dang / /sangs rgyas rnams kyis gsung gang bka' stsal pa/ /de dag tha dad tshul gyur med pa ste/ /de ltar shes na de ni mgon por 'gyur/ /gang gis byang chub mthong zhing smon byed pa/ /de dang byang chub ring ste byang chub med/ /sangs rgyas sangs rgyas min pa mi mnyam zhe'am/ /sangs rgyas 'di zhes mi rtog mgon por 'gyur/ /gang zhig bdag ni sems can 'grel pa zhes/ /rlom na sems can 'du shes chags rmongs pas/ /dmigs pa'i lta la rab gnas de la ni/ /byang chub med cing sangs rgyas chos kyang med/ /'dod chags nang dang phyi na mi gnas te/ /phyogs dang phyogs mtshams gang na'ang yod pa min/ /chos rnams yod min rnam par brtag byas shing / /byis pa 'dod chags 'du shes de ltar rmongs/ /sgyu ma smig rgyu brag ca lta bu ste/ /mo gsham bu dang rmi lam 'dra ba ni/ /nyon mongs 'di dag thams cad dmigs su med/ /byis pa de ltar mi</font><hr>55.322b<br><font size=+1>

shes rnam par rmongs/ /'dus byas chos dang 'dus ma byas kyi chos/ /de dag tha dad gnyis su nam yang med/ /gang la grangs dang bgrang du med pa dang / /de yi tshul gyis gnyis su med par 'jug /byis pa gang zhig byang chub sems rlom zhing / /sangs rgyas 'gyur zhes rlom sems byed gyur na/ /chos kyi dngos nyid phyag rgya 'di bor bas/ /de la sangs rgyas chos dang byang chub med/ /smra la gang dga' yongs rtog spyod yul can/ /smra ba'i don la rnam par mi sems shing / /ming dang legs la de bzhin chags gyur pa/ /de dag byang chub 'gyur ba the tsom yod/ /lta ba'i rnam pa byang chub gnyis med gsungs/ /ming dang yi ge grangs dang skad 'jug pa/ /mi mkhas gang gis chos 'di ma rtogs pa/ /de dag sangs rgyas byang chub ring bar gnas/ /ming la chags shing smra la dga' ba dang / /bdag tu lta la gang zhig gnas gyur cing / /'dod pa chung dang chog shes rnam brtags pas/ /'dod pa'i dbang gis da dung de 'dug go /'dod chags chos las shed skyes gang 'bros pa/ /de ni 'dod chags chos las gzhar mi 'grol/ /gang gis yang dag 'dod chags chos shes na/ /'dod chags bral ba'i 'dod chags chos shes 'gyur/ /yun ring dus su tshul khrims bsrung byas shing / /bskal pa bye bar bsam gtan bskyed byas kyang / /yang dag nyid mtha' 'di ni ma rtogs na/ /bstan pa 'di la de dag blo yod min/ /ci yang ma yin chos 'di sus shes pa/ /nam yang de ni chos kun chags mi 'gyur/ /tshul khrims 'chal dang tshul khrims rnam brtags pas/ /byis pa dmigs pa'i spyod yul thar mi 'gyur/ /tshul khrims tshul khrims med par sus shes shing / /tshul</font><hr>55.323a<br><font size=+1>

khrims 'chal dang tshul khrims tshul gcig ces/ /tshul khrims ngang tshul de ltar sus shes pa/ /tshul khrims 'chal pa de la nam yang med/ /chos rgyal chos la rtog par ma gyur na/ /thabs kyi sa la sems can rnam 'dul zhing / /byang chub zag med zhi ba 'di la yang / /tshul gcig chos kyis sems can 'dzud pa yin/ /chos rgyal dam pa'i chos 'di mi g.yo zhing / /dngos med mtshan nyid med la tshul gcig par/ /ngo bo nyid kyis stong chos ma thos pas/ /g.yang sa chen por byis pa de dag ltung / /chos 'di thos shing mi dngang gang gyur pa'i/ /'dod pa'i yon tan lnga chags khyim pa'ang bla'i/ /bstan pa 'di la rab tu byung gyur cing / /dmigs sta sbyangs pa'i yon tan rlom pa min/ /phyogs bcu kun na sangs rgyas rang byung ba/ /'jig rten don mdzad gang dag bzhugs pa rnams/ /de dag kun gyis nam mkha' mtshungs pa'i chos/ /g.yo ba med shes byang chub 'gyur zhes gsungs/ /mi mkhas gang rnams mi sdug bsgom sems shing / /chos rab 'di thos 'jigs par 'gyur ba dag /rtag par sdug bsngal che dang ldan gyur cing / /bskal pa bye ba mang por sdug bsngal 'gyur/ /tshigs su bcad pa bstan pa 'di bshad pa'i tshe/ lha'i bu stong phrag sum cu rtsa gnyis kyis mi skye ba'i chos la bzod pa thob bo/ /dge slong stong phrag brgyad cu nye bar len pa med par zag pa las sems rnam par grol lo/ /byang chub sems dpa' rgyal ba'i blo gros kyang 'chi ba'i dus bgyis nas dog sa'i sgo phye ste/ sems can dmyal ba chen por ltung ngo / /de sug las kyi sgrib pa des bskal pa bye ba khrag khrig brgya phrag stong du sems can dmyal</font><hr>55.323b<br><font size=+1>

ba chen po dag tu sdug bsngal tsha zhing rtsub la yid du mi 'ong ba'i tshor ba mi bzad pa myong bar gyur to/ /tshe rabs brgya stong phrag bdun cu rtsa bzhir mi snyan par brjod pa thob par gyur to/ /bskal pa brgya stong mang por de bzhin gshegs pa'i mtshan tsam yang ma thos par gyur to/ /de de nas slad kyis de bzhin gshegs pa gzhan dang gzhan dag dang mjal te/ de dag gi bstan pa la rab tu byung nas mngon par mos par ma gyur te/ tshe rabs stong phrag bdun cu rtsa drug rab tu byung ba las slar babs par gyur to/ /sug las kyi sgrib pa de nyid kyi lhag mas tshe rabs stong phrag mang por dbang po rtul por gyur to/ /bcom ldan 'das de'i tshe byang chub sems dpa' dge slong chos smra ba rab tu dga' ba'i dbang po zhes bgyi ba byung ba de ni bla na med pa yang dag par rdzogs pa'i byang chub tu mngon par rdzogs par sangs rgyas te/ da ltar bzhugs shing 'tsho gzhes chos kyang ston to/ /shar phyogs kyi 'jig rten gyi khams bye ba brgya stong 'das pa na/ sangs rgyas kyi zhing rin chen sna tshogs kyi 'jig rten gyi khams na de bzhin gshegs pa dgra bcom pa yang dag par rdzogs pa'i sangs rgyas gzi brjid stug cing dri ma med la nyi zla zil gyis gnon pa bzhugs shing 'tsho gzhes chos kyang ston te/ bcom ldan 'das dge slong rgyal ba'i blo gros zhes bgyi bar gang gyur pa de ni bdag nyid de'i tshe de'i dus na/ dge slong rgyal ba'i blo gros zhes bgyi bar gyur te/ bcom ldan 'das bdag gi de'i tshe tshul 'di ma 'tshal bas de lta bu'i sdug bsngal myong bar gyur to/ /bcom ldan 'das bdag ni de 'dra ba'i gnas su gyur te/ de lta bu'i sdug bsngal ma mchis pa'i sdug bsngal yongs su brtags pa'i sdug bsngal/ phyin ci log gi sdug bsngal rnam pa de lta bu myong bar gyur to/ /bcom</font><hr>55.324a<br><font size=+1>

ldan 'das de lta lags pas byang chub sems dpa'i theg pa la zhugs pa'am/ nyan thos kyi theg pa la zhugs pa gang yang rung ste/ de lta bu'i sug las kyi sgrib pa mi 'tshal zhing / de lta bu'i sdug bsngal mi 'tshal na des dam pa'i chos spang bar mi bgyi'o/ /dam pa'i chos la dpya bar mi bgyi'o/ /chos gang la yang khong khro bar mi bgyi'o/ /de nas bcom ldan 'das kyis 'jam dpal gzhon nur gyur pa la 'di skad ces bka' stsal to/ /'jam dpal tshigs su bcad pa de thos pas khyod la khyad par ci zhig tu gyur/ gsol pa/ bcom ldan 'das tshigs su bcad pa de thos pas sug las kyi sgrib pa de las langs nas gang dang gang du skyes pa de dang de dag tu yang zab mo'i bzod pa can/ nges pa'i bzod pa can du gyur te/ chos zab mo ston pa la mkhas par gyur to/ /bcom ldan 'das kyis bka' stsal pa/ 'jam dpal su'i mthus khyod kyis de ltar yun ring po na mngon par 'du byas pa'i las kyi sgrib pa rjes su dran/ 'jam dpal gyis gsol pa/ bcom ldan 'das byang chub sems dpa' rnams ni ci sems ci smra/ rjes su ci dran yang de dag thams cad de bzhin gshegs pa'i mthu ste/ de ci'i slad du zhe na/ bcom ldan 'das de bzhin gshegs pa las byung ba ni chos thams cad do/ /bcom ldan 'das kyis bka' stsal pa/ 'jam dpal de bzhin gshegs pa'i stobs bcu thob pa dang / 'di thos pa de ni mtshungs so/ /mi skye ba'i chos la bzod pa thob pa dang / 'di thos pa de ni mtshungs so/ /'jam dpal gyis gsol pa/ bdag gis bcom ldan 'das kyis gsungs pa'i don 'tshal te/ chos kyi rnam grangs 'di thos pa ni</font><hr>55.324b<br><font size=+1>

bsam gyis mi khyab bo/ /bcom ldan 'das kyis bka' stsal pa/ 'jam dpal de de bzhin te/ chos kyi rnam grangs 'di thos pa ni bsam gyis mi khyab bo/ /'on kyang sbyor ba med pa la la de thos nas mos par mi 'gyur du 'ong ba'i phyir/ de bzhin gshegs pa lung mi ston to/ /de nas bcom ldan 'das la 'jam dpal gzhon nur gyur pa dang / byang chub sems dpa' sems dpa' chen po byams pas 'di skad ces gsol to/ /bcom ldan 'das slad ma'i dus lnga brgya pa tha ma la ci nas kyang chos kyi rnam grangs 'di rgyas par 'gyur zhing skye bo mang po'i sug par phyin par 'gyur ba dang / de la bdud dam bdud kyi ris kyi lha dag gis glags rnyed par mi 'gyur ba de ltar byin gyis brlab tu gsol/ de nas bcom ldan 'das kyis chos kyi rnam grangs 'di byin gyis brlab pa'i phyir g.yas g.yon du gzigs so/ /bcom ldan 'das kyis de ltar gzigs ma thag tu de'i tshe phyogs bcur sangs rgyas kyi zhing gang gA'i klung gi bye ma snyed rnam pa drug tu g.yos par gyur/ rab tu g.yos par gyur/ kun tu g.yos par gyur to/ /de'i tshe bcom ldan 'das kyis chos kyi rnam grangs 'di byin gyis brlab pa mdzad de/ sangs rgyas bcom ldan 'das gzhan dag gis kyang 'jig rten gyi khams gang gA'i klung gi bye ma snyed dag nas chos kyi rnam grangs 'di byin gyis brlabs so/ /bcom ldan 'das kyis chos kyi rnam grangs 'di bstan pa'i tshe phyogs bcu na gang gA'i klung gi bye ma ji snyed yod la de bas kyang shin tu mang ba'i sems can rnams kyis mi skye ba'i chos la bzod pa thob par gyur to/ /gang dag nyan thos nyid la gnas par gyur</font><hr>55.325a<br><font size=+1>

pa dang / slob pa'i sa'am/ mi slob pa'i sa la gnas par gyur pa dag ni smos kyang mi smos so/ /de nas bcom ldan 'das la tshe dang ldan pa dga' bos 'di skad ces gsol to/ /bcom ldan 'das chos kyi rnam grangs 'di'i ming ci zhes bgyi/ ji ltar gzung bar bgyi/ bcom ldan 'das kyis bka' stsal pa/ dga' bo de bas na chos kyi rnam grangs 'di chos thams cad 'byung ba med pa zhes bya bar zung shig /bcom ldan 'das kyis de skad ces bka' stsal pa dang / 'jam dpal gzhon nur gyur pa dang / byang chub sems dpa' byams pa dang / lha'i bu pad mo rnam par rol ba'i mngon par shes pa dang / byang chub sems dpa'i tshogs chen po de dang / dge slong lnga brgya tsam po de dag dang / tshe dang ldan pa kun dga' bo dang / lha dang / mi dang / lha ma yin dang / dri zar bcas pa'i 'jig rten bcom ldan 'das kyis gsungs pa la yi rangs te mngon par dga'o// //'phags pa chos thams cad 'byung ba med pa zhes bya ba theg pa chen po'i mdo rdzogs so// // lo ts+tsha ba ban de rin chen 'tshos bsgyur cing zhus te gtan la phab pa// //ye d+harmA he tu pra b+ha bA he tu n+te/  ShA na ta thA ga to h+ya pa dA/ te ShA nya tsa yo/ ni ro d+ha e ba~MbA dI ma hA shra ma Na: sarba bA pa s+yA ka ra Na ku sha la s+yo pa s+m+pa di/ sba tsi t+ti pa ri ram nu/ ma ta d+phu nu shA sa ni//                            //                          //                   //                      // ////                      //                          //                        //                             //            #
</font><hr>

</table>