J160

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J160</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J160&coll=lithang">see text in Tibetan script</a></table>57.295a<br><font size=+1>

@#/   /rgya gar skad du/ Ar+ya shrI gup+ta nA ma sU tra/  bod skad du/  'phags pa dpal sbas zhes bya ba'i mdo/ sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das rgyal po'i khab na bya rgod kyi phung po'i ri la dge slong stong nyis brgya lnga bcu'i dge slong gi dge 'dun chen po dang thabs gcig tu bzhugs te/ dge slong dang / dge slong ma dang / dge bsnyen dang / dge bsnyen ma</font><hr>57.295b<br><font size=+1>

rnams dang / rgyal po dang / blon po rnams dang / bram ze dang / khyim bdag rnams dang / mu stegs can sna tshogs dge sbyong dang / bram ze dang / spyod pa can dang / kun du rgyu rnams dang / lha rnams dang / klu rnams dang / gnod sbyin rnams dang / dri za rnams dang / lha ma yin dang / nam mkha'i lding dang / mi 'am ci dang / lto 'phye chen po rnams kyis bcom ldan 'das la sti stang du byas/ bla mar byas/ rim gro byas te mchod nas/ bcom ldan 'das kyis lha dang mi'i na bza' dang / zhal zas dang / gzims cha dang / snyun gsos sman dang / yo byad bzang po mang po brnyes la/ pad ma la chu mi chags pa bzhin du 'dod pa dag gis kyang bcom ldan 'das la mi gos te/ 'di ltar bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das shes bya bar bcom ldan 'das kyi brjod pa dang / sgra dang / tshigs su bcad pa dge ba 'di lta bu 'di mngon par 'phags par gyur to/ /des lha dang bcas pa'i 'jig rten dang / bdud dang bcas pa dang / tshangs pa dang bcas pa dang / dge sbyong dang bram zer bcas pa'i skye dgu dang / lha dang mir bcas pa'i skye dgu rang gi mngon par mkhyen pas mngon du mdzad de rdzogs par mdzad nas mkhyen to/ /de chos kyang ston te tshangs par spyod pa thog mar dge ba/ bar du dge ba/ tha mar dge ba/ don bzang po/ tshig 'bru bzang po/ ma 'dres pa/ yongs su rdzogs pa/ yongs su dag pa/ yongs su byang ba/ yang dag par ston to/ /de'i tshe rgyal po'i khab kyi grong khyer chen po na khyim bdag dpal sbas shes bya ba phyug pa/ nor chen po/ longs spyod che ba/ bdag dbang ba mang ba/ nor dang yo byad mang ba/ nor dang / 'bru dang / 'tshog chas dang / nor bu dang / mu tig dang / bai dUr+ya dang / dung dang / </font><hr>57.296a<br><font size=+1>

man shel dang / byi ru dang / dngul dang / sa le sbram mang ba/ glang po che dang / rta pho rgod dang / ba lang mang ba/ bran po dang / bran mo dang / las byed pa dang / zho shas 'tsho ba dang / bang mdzod gang ba mang po dang ldan pa shig gnas te/ khyim bdag dpal sbas de ma dad pa/ ma dang ba/ sangs rgyas dang / chos dang / dge 'dun la dbang za ba/ gcer bu pa'i nyan thos su gyur pa gcer bu pa nye du'i bu zhes bya ba la mngon par dad pa zhig go/ /de nas khyim bdag dpal sbas gcer bu pa nye du'i bu ga la ba der song ste phyin nas/ gcer bu pa nye du'i bu'i rkang pa la phyag 'tshal te phyogs gcig tu 'dug go/ /khyim bdag dpal sbas phyogs gcig tu 'dug nas gcer bu pa nye du'i bus khyim bdag dpal sbas la 'di skad ces smras so/ /khyim bdag gang dge sbyong gau ta ma na tshod kyis gzhon pa/ gsar du rab tu byung ba de thams cad mkhyen pa'i nga rgyal can te/ thams cad mkhyen pa'i nga rgyal des 'jig rten 'di thams cad bslus par shes par gyis shig /de'i phyir khyim bdag khyod song la dge sbyong gau ta ma'i srog chod cig /de 'chi ba'i dus byas te shi ba dang / dge sbyong gau ta ma de tsam du rdzu 'phrul che ba/ de tsam du mthu che ba/ de tsam du dbang che bar grags pa khyim bdag dpal sbas kyis srog bcad do zhes khyod kyi brjod pa dang / sgra dang / tshigs su bcad pa dge ba rgya chen po 'di lta bu 'di mngon par grags par 'gyur ro/ /dpal sbas kyis smras pa/ btsun pa bdag gis dge sbyong gau ta ma srog gcad par ji ltar nus/ gcer bu pa nye du'i bus smras pa/ khyim bdag khyod song la phyi sgo'i sgo gang du dong chen po rkos shig /dong chen po brkos nas mes khong la steng du phyag dar srab mos khob shig /khyim gyi nang du zas dug can sbyor la/ zas dug can sbyar nas dge sbyong gau ta ma de'i gan du song ste zas la bos shig /gal te dge sbyong gau ta ma thams cad mkhyen cing thams cad gzigs pa yin na ni btub par mi 'gyur ro/ /ji ste thams cad mkhyen pa ma yin/ </font><hr>57.296b<br><font size=+1>

thams cad gzigs pa ma yin na ni btub par 'gyur te/ de phyi sgo'i sgo gang gi me dong der lhung nas nyan thos kyi dge 'dun dang bcas te 'chi ba'i dus byed par 'gyur ro/ /'on tang rnam grangs ci zhig gis thar bar 'gyur/ khyim gyi nang du zas dug can zos na yang 'chi ba'i dus byed par 'gyur ro/ /de bzhin du bgyi'o zhes te khyim bdag dpal sbas kyis gcer bu pa nye du'i bu'i ltar nyan nas stan las langs te/ gcer bu pa nye du'i bu'i rkang pa la phyag 'tshal nas lan gsum bskor ba byas te/ gcer bu pa nye du'i bu'i gan nas song nas rang gi khyim ga la ba der song ste phyin pa dang / rang gi zho shas 'tsho ba rnams la bos te 'di skad ces smras so/ /zho shas 'tsho ba dag deng la phyi sgo'i sgo gang du dong chen po rkos shig /dong chen po brkos nas me 'bar ba ma yin pa du ba mi 'thul bas khong la steng du phyag dar srab mos khob shig /khyim gyi nang du zas dug can sbyor cig /de nas khyim bdag dpal sbas kyis rang gi zho shas 'tsho ba rnams bsags nas rgyal po'i khab nas byung ste/ bya rgod kyi phung po'i ri ga la ba dang / bcom ldan 'das ga la ba der song nas phyin pa dang / bcom ldan 'das dang lhan gcig mngon sum du dga' bar bya ba dang mgu bar bya ba'i gtam rnam pa mang po byas te phyogs gcig tu 'dug go/ /khyim bdag dpal sbas phyogs gcig tu 'dug pa dang / bcom ldan 'das kyis chos kyi gtam yang dag par bstan/ yang dag par 'dzin du bcug /yang dag par gzeng bstod/ yang dag par rab tu dga' bar mdzad do/ /de nas khyim bdag dpal sbas bcom ldan 'das kyis chos kyi gtam yang dag par bstan/ yang dag par 'dzin du bcug /yang dag par gzeng bstod/ yang dag par rab tu dga' bar mdzad nas stan las langs te/ bcom ldan 'das la 'di skad ces gsol to/ /kye gau ta mA nyan thos kyi dge 'dun dang</font><hr>57.297a<br><font size=+1>

thabs gcig tu sang gdugs tshod sbyor na gnang bar mdzad du gsol/ de nas bcom ldan 'das 'di snyam du dgongs te/ khyim bdag dpal sbas 'di ni mi dge ba'i bshes gnyen dang bsten pa'i dbang gis nga la rnam pa 'di lta bu bya bar 'dod la/ de ring po mi thogs par phyis chos 'dul ba 'di la rnam par dag pa'i chos can du 'gyur ro snyam ste/ de ltar mkhyen nas bcom ldan 'das kyis khyim bdag dpal sbas la cang mi gsung bas gnang ngo / /de nas khyim bdag dpal sbas kyis bcom ldan 'das kyis cang mi gsung bas gnang bar rig nas lag pa bsgyur te mdzub mo bsgreng nas 'di snyam du sems te/ 'di ltar bdag gi sems kyang sems kyis mi shes na thams cad shes pa lta smos kyang ci dgos te/ dge sbyong gau ta mas thams cad mkhyen pa'i nga rgyal gyis 'jig rten 'di dag thams cad bslus so snyam mo/ /de nas khyim bdag dpal sbas kyis bcom ldan 'das la lan gsum bskor ba byas te/ bcom ldan 'das kyi gan nas song nas rang gi khyim ga la ba der song ste phyin pa dang / phyi sgo'i sgo gang du dong chen po rkor bcug ste/ brkos nas me mi 'bar zhing du ba mi 'thul bas bkang ste/ steng du phyag dar srab mos g.yogs so/ /khyim gyi nang du yang zas dug can sbyor du bcug go/ /de'i tshe khyim bdag dpal sbas kyis khyim bdag mgon med zas sbyin gyi bu mo chung mar blangs par gyur te/ khyim bdag dpal sbas kyi chung mas khyim bdag dpal sbas rnam pa 'di lta bu byed par mthong ngo / /mthong nas kyang khyim bdag dpal sbas la 'di skad ces smras so/ /jo bo la dgra su zhig mchis na de dgum pa'i slad du de ltar brtson par mdzad/ des smras pa/ dra ma'i bu mo shes par gyis shig /dge sbyong gau ta mA na tshod kyis gzhon pa/ gsar du rab tu byung ba de thams cad mkhyen pa'i nga rgyal can te/ thams cad mkhyen pa'i nga rgyal des 'jig</font><hr>57.297b<br><font size=+1>

rten 'di thams cad bslus kyis/ de gsad pa'i phyir 'di ltar brtson par byed do/ /des smras pa/ jo bo bcom ldan 'das de bgrongs par khyod kyis mi spyod kyis skyo bar gyur ta re/ de ci'i slad du zhe na/ de bzhin gshegs pa dgra bcom pa yang dag par rdzogs pa'i sangs rgyas kyi slad du'o/ /de nas khyim bdag dpal sbas 'di snyam du sems te/ bdag gi chung ma shAkya'i bran gyi bu mo 'dis gsang 'phel du 'ong zhes de'i thor to nas bzung ste khyim du bcug nas sgo gtan bcug go/ /sgo gtan bcug nas bcom ldan 'das la gdugs tshod la bab pa gsol te/ kye gau ta ma bshos lags kyi gdugs tshod la bab bo/ /de nas bcom ldan 'das kyis tshe dang ldan pa kun dga' bo la bka' stsal pa/ khyod song la bsil yab thogs te gnas khang nas gnas khang du song la tshe dang ldan pa dag bcom ldan 'das kyis 'di skad ces bka' stsal te/ nga'i snga rol du dge slong gang yang dpal sbas kyi khyim du ma 'jug shig ces don de bsgo shig /bcom ldan 'das de bzhin no zhes gsol nas/ tshe dang ldan pa kun dga' bo bcom ldan 'das kyi ltar mnyan te/ bsil yab thogs nas dge slong rnams kyi gan du song ste/ tshe dang ldan pa dag bcom ldan 'das kyis 'di skad ces bka' stsal te/ nga'i snga rol du dge slong gang yang khyim bdag dpal sbas kyi khyim du ma 'jug shig ces don de bsgo'o/ /de nas bcom ldan 'das snga dro'i dus kyi tshe sham thabs dang chos gos gsol te/ lhung bzed bsnams nas dge slong gi dge 'dun gyis yongs su bskor/ dge slong gi dge 'dun gyis mdun du bdar te bya rgod kyi phung po'i ri las babs so/ /de nas mi mjed kyi bdag po tshangs pa tshangs ris kyi lha'i bu du mas yongs su bskor cing mdun du bdar nas bcom ldan 'das ga la ba der song ste phyin pa dang / bcom ldan 'das kyi zhabs la phyag 'tshal te/ bcom ldan 'das kyi g.yas rol nas 'gro'o/ /lha'i dbang po brgya</font><hr>57.298a<br><font size=+1>

byin yang sum cu rtsa gsum gyi lha'i bu du mas yongs su bskor cing mdun du bdar nas bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ bcom ldan 'das kyi g.yon rol nas 'gro'o/ /rgyal po chen po bzhi po rgyal po chen po gnas srung po dang / 'phags skyes po dang / mig mi bzang dang / rnam thos kyi bu yang gnod sbyin brgya stong du mas yongs su bskor cing mdun du bdar te/ bcom ldan 'das kyi phyi bzhin 'gro'o/ /rgyal po chen po rnam thos kyi bu ni bcom ldan 'das kyi gdugs thogs so/ /gnod sbyin gyi sde dpon chen po nyi shu rtsa brgyad kyang bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ bcom ldan 'das kyi phyi bzhin du 'gro'o/ /rol mo mkhan du gtogs pa'i lha rnams ni mdun nas 'gro zhing / gar dang / glu dang / rol mo'i sgra chen po byed do/ /de'i tshe bcom ldan 'das kyi mdun logs su ni char 'bab/ phyi nas ni nyi ma 'char/ bar na ni sprin lding ngo / /bcom ldan 'das kyi zhabs gang dang gang gom pa 'dor ba de dang der bcom ldan 'das kyi sku la lha rnams tsan dan gyi phye ma dag 'thor/ mngon par 'thor/ mngon par rab tu 'thor ro/ /lha'i me tog ud pa la dang / pad ma dang / ku mu da dang / pad ma dkar po dang / lha'i me tog man dA ra ba rnams bcom ldan 'das kyi sku la 'thor/ mngon par 'thor/ mngon par rab tu 'thor ro/ /de nas bcom ldan 'das rgyal po'i khab kyi grong khyer chen po ga la ba der gshegs pa dang / 'di ni sangs rgyas bcom ldan 'das rnams kyi chos nyid de/ gang gi tshe bcom ldan 'das grong khyer du 'jug pa de'i tshe cho 'phrul dang bcas par 'jug gi /cho 'phrul med par ma yin no/ /de nas bcom ldan 'das rgyal po'i khab kyi grong khyer gyi sgor sgo gtan la thog ma nyid du zhabs g.yas pa gser gyi kha dog can bzhag</font><hr>57.298b<br><font size=+1>

ste/ bcom ldan 'das kyi zhabs g.yas pa gser gyi kha dog can rgyal po'i khab kyi grong khyer chen po'i sgor sgo gtan la bzhag ma thag tu/ de nas rgyal po'i khab kyi grong khyer chen po rnam pa drug tu g.yos/ rab tu g.yos/ kun du rab tu g.yos/ 'gul rab tu 'gul/ kun du rab tu 'gul to/ /shar phyogs mtho na nub phyogs dma'o/ /nub phyogs mtho na shar phyogs dma'o/ /lho phyogs mtho na byang phyogs dma'o/ /byang phyogs mtho na lho phyogs dma'o/ /dbus mtho na mtha' dma'o/ /mtha' mtho na dbus dma'o/ /bcom ldan 'das kyis rgyal po'i khab kyi sgo gtan la zhabs g.yas pa gser gyi kha dog can bzhag ma thag tu lha rnams lha'i tsan dan gyi phye ma dag bcom ldan 'das kyi sku la 'thor/ mngon par 'thor/ mngon par rab tu 'thor ro/ /lha'i me tog ud pa la dang / pad ma dang / ku mu da dang / pad ma dkar po dang / lha'i me tog man dA ra ba dag bcom ldan 'das kyi sku la 'thor/ mngon par 'thor/ mngon par rab tu 'thor/ nam mkha' la lha'i rol mo'i sgra 'byin to/ /lha'i sil snyan gyi sgra 'byin to/ /bcom ldan 'das kyis rgyal po'i khab kyi grong khyer chen po'i sgor sgo gtan la zhabs g.yas pa gser gyi kha dog can bzhag ma thag tu de'i tshe long ba rnams ni mig gis gzugs mthong bar gyur/ 'on pa rnams ni rna bas thos par gyur/ sna'i dbang po dang bral ba rnams ni sna rnam par dag par gyur/ lkug pa rnams ni smra bar gyur/ brjed byed kyis zin pa rnams ni brjed byed dang bral bar gyur/ sems can smyon pa rnams ni dran pa rnyed par gyur/ dug 'thungs pa rnams ni dug las gsos par gyur/ sems can btson cha dam pos bsdams pa rnams ni btson cha lhod par gyur/ sems can phan tshun dgrar 'dzin pa rnams ni byams pa'i sems su gnas par gyur/ sil snyan rnams ni ma bskyod par sgra 'byin par gyur/ snod rnams ni ma dkrol bar sgra 'byin par gyur/ khyu mchog kyang sgra</font><hr>57.299a<br><font size=+1>

'byin/ glang po yang sgra 'byin/ rta yang sgra 'byin/ rgyal po'i khab kyi grong khyer chen po'i sgo na bya gang dag gnas pa 'di lta ste/ ngang pa dang / khrung khrung dang / rma bya dang / ne tso dang / ri skegs dang / khu byug dang / ku la dang / shang shang te'u de dag kyang rang rang gi skad du sgra skad 'byin cing rgyal po'i khab kyi sgo'i khor yug tu skor bar byed do/ /rgyal po'i khab kyi grong khyer chen po nas/ skyes pa dang / bud med dang / khye'u dang / bu mo bsil khang dang / khang pa brtsegs pa dang / stegs bu dang / sgo gang dang / skar khung nas lta zhing 'khod pa de dag gis kyang bcom ldan 'das la me tog gi phur ma gtor to/ /rgyal po'i khab kyi grong khyer chen po'i skye bo phal po che yang ngo mtshar du gyur/ rmad du byung bar gyur te/ yi rangs par gyur nas sgra gsang mthon po dang / sgra chen por hi hi zhes bya ba dang / ha ha zhes bya ba dang / a la la zhes bya ba dang / a'u zhes sgra chen po 'byin to/ /bcom ldan 'das la gos kyang 'thor ro/ /de nas bcom ldan 'das rgyal po'i khab tu zhugs te/ khyim bdag dpal sbas kyi khyim ga la ba der gshegs pa dang / dge bsnyen zhig gis bcom ldan 'das rgyang ring po nas byon pa mthong ngo / /mthong nas kyang des 'di snyam du bsams te/ khyim bdag dpal sbas 'di ni bcom ldan 'das la rnam pa 'di lta bu 'di byed par 'dod na bcom ldan 'das bkrongs par mi 'gyur grang / 'jig rten gyi mig shin du myur du med par mi 'gyur grang / 'jig rten du mun pa shin du myur du mi 'byung grang / bskal pa grangs med pa gsum du yang dag par bsgrubs pa'i sangs rgyas shin du myur du nub par mi 'gyur grang / bdag cag chos kyi longs spyod las shin du myur du nyams par mi 'gyur grang snyam ste/ de nas dge bsnyen de bcom ldan 'das ga la ba der song ste phyin pa dang / bcom ldan 'das kyi zhabs la mgo bos phyag 'tshal te/ bcom ldan 'das la bskor ba byas nas pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas</font><hr>57.299b<br><font size=+1>

bcom ldan 'das la 'di skad ces gsol to/ /btsun pa bcom ldan 'das khyim bdag dpal sbas kyi khyim du ma gshegs shig /de ci'i slad du zhe na/ btsun pa bcom ldan 'das khyim bdag dpal sbas kyis ni bcom ldan 'das dang dge slong gi dge 'dun bkrongs pa'i slad du phyi sgo'i sgo gang du dong chen po rkor stsal te/ dong brkos nas zhugs mi 'bar zhing du ba ma mchis pas gtams te/ steng du phyag dar srab mos g.yogs shing mchis na bcom ldan 'das dang / dge slong gi dge 'dun la chung zad gnod par lta mi 'gyur ram snyam bgyid lags so/ /bcom ldan 'das kyis bka' stsal pa/ dge bsnyen khyod 'di snyam du ma sems shig /dge bsnyen nga dud 'gro'i skye gnas su gyur pa na yang nga'i lus la mes ma tshugs na/ da ltar byang chub mngon par rdzogs par sangs rgyas pa lta ci smos/ ngas ni 'dod chags kyi me dang / zhe sdang gi me dang / gti mug gi me dang / me gsum bsad pas nga'i lus la mes tshugs par 'gyur ba 'di ni gnas med do/ /bcom btsun pa bcom ldan 'das dud 'gro'i skye gnas su gyur pa na ji ltar sku la zhugs kyis ma tshugs lags/ bcom ldan 'das kyis bka' stsal pa/ dge bsnyen sngon byung ba 'das pa'i dus na yul ka ling ka'i rgyal po zhig byung ba de'i tshe/ yul ka ling ka'i rgyal pos gling begs bur chad pa'i ri dgas rnams gsod pa'i phyir sreg pa'i me chen po btang ngo / /de nas gling begs bur chad pa ni ri dgas dang bya gang dag gnas pa/ nam mkha' la rgyu ba 'am/ thang la rgyu ba 'am/ chu la rgyu ba de dag sreg pa'i me des 'khrugs nas de na gang dag nam mkha' la rgyu ba de dag na mkha' la byer ro/ /gang dag chu la rgyu ba de dag ni chur zhugs so/ /gang dag thang la rgyu ba de dag ni phan tshun 'byer zhing rgyug ste 'bros so/ /gling begs bur chad pa de na sreg pa'i phru gu 'dab gshog ma skyes pa zhig yod de/ de nas sreg pa ma mo des 'dab ma chur bcug ste/ sreg pa'i phru gu'i khor yug tu gtor to/ /gtor nas kyang rgyug cing yang dang yang de ltar</font><hr>57.300a<br><font size=+1>

brtson par byas so/ /de nas sreg pa'i phru gu des ma 'di ltar rtsol ba byed pa de mthong ngo / /mthong nas kyang des ma la 'di skad ces smras so/ /yum ci'i slad du 'di ltar rtsol bar mdzad/ des smras pa/ bu shes par gyis shig /rgyal po yul ka ling ka'i rgyal pos gling begs bur chad pa'i ri dgas gsad pa'i phyir me chen po btang ngo / /de nas gling begs bur chad pa na ri dgas dang / bya gang dag gnas pa nam mkha' la rgyu ba dang / thang la rgyu ba dang / chu la rgyu ba de dag sreg pa'i me chen po des 'khrugs nas de na gang dag nam mkha' la rgyu ba de dag ni nam mkha' la byer/ gang dag chu la rgyu ba de dag ni chur zhugs/ gang dag thang la rgyu ba de dag ni phan tshun 'byer zhing rgyug ste bros so/ /nga ni 'di ltar khyod tshig tu 'ong ngo zhes khyod kyi phyir 'di ltar rtsol bar byed do/ /des smras pa/ yum thong shig /thong shig /yum khyod ni byis pa ste/ khyod kyis rtsol ba 'di lta bus bdag sreg pa'i me 'di las thar par mi spyod do/ /yum khyod kyis bdag nyid kyi mthu dang stobs bskyed de/ ngan bu legs par shin du blangs la gling begs bur chad pa 'dir shing nang gi mthon po'i khar ngan bu gzhag par spyod dam/ de bzhin bya'o zhes te sreg pa ma mo des sreg pa'i phru gu'i ltar mnyan nas rang gi 'thu dang stobs bskyed de/ sreg pa'i phru gu de kun du legs par blangs nas gling begs bur chad pa de'i shing nang gi mthon po'i khar bzhag go/ /de nas sreg pa'i phru gu des sreg pa'i me chen po de mthong nas byams pas khyab par byed do/ /byams pas khyab par byas nas de'i tshe tshigs su bcad pa 'di dag smras so/ /rkang med sems can rnams kyang yod/ /'dab chags rkang bcas pa 'ang yod/ /pha ma dag gis bsrungs shing 'khod/ /me gdug tshur ni ma 'ong shig /dge bsnyen sreg pa'i phru gu des tshigs su bcad pa de smras ma thag tu me shi bar gyur te/ gang nas btang ba de nyid du shi'o/ /de ltar de tshun chad deng song gi bar du gling begs bur chad pa der me ma shor to/ /dge bsnyen de'i tshe de'i dus na gling</font><hr>57.300b<br><font size=+1>

begs bur chad pa na sreg pa'i phru gu 'dab gshog ma skyes pa de gzhan zhig yin snyam du khyod dogs shing the tsom za 'am/ yid gnyis za na de ltar mi blta ste/ dge bsnyen nga de'i tshe de'i dus na sreg pa'i phru gur gyur to/ /dge bsnyen nga dud 'gro'i skye gnas su gyur pa de'i tshe yang lus la mes ma tshugs na/ da ltar byang chub mngon par rdzogs par sangs rgyas pa la lta ci smos te/ nga'i lus la mes tshugs par 'gyur ba 'di ni gnas med do/ /de nas bcom ldan 'das kyis dge bsnyen de dang / skye bo phal po che la chos kyi gtam yang dag par bstan/ yang dag par 'dzin du 'jug /yang dag par gzeng stod/ yang dag par rab tu dga' bar mdzad do/ /chos kyi gtam yang dag par bstan/ yang dag par 'dzin du bcug /yang dag par gzeng bstod/ yang dag par rab tu dga' bar mdzad nas mdun du bzhud pa dang / dge bsnyen zhig gis bcom ldan 'das rgyang ring po nas byon pa mthong ngo / /mthong nas de 'di snyam du sems te/ khyim bdag dpal sbas 'di ni bcom ldan 'das la rnam pa 'di lta bu 'di byed par 'dod na/ bcom ldan 'das bgrongs par mi 'gyur grang / bde bar gshegs pa bgrongs par mi 'gyur grang / 'jig rten gyi mig shin du myur du med par mi 'gyur grang / 'jig rten du mun pa shin du myur du mi 'byung grang / bskal pa grangs med pa gsum du yang dag par bsgrubs pa'i sangs rgyas shin du myur du nub par mi 'gyur grang / bdag cag chos kyi longs spyod las shin du myur du nyams par mi 'gyur grang snyam ste/ de nas dge bsnyen de bcom ldan 'das ga la ba der song ste phyin pa dang / bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor ba byas nas/ pus mo gnyis ka'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to/ /</font><hr>57.301a<br><font size=+1>

btsun pa bcom ldan 'das khyim bdag dpal sbas kyi khyim du ma gshegs shig /de ci'i slad du zhe na/ btsun pa bcom ldan 'das khyim bdag dpal sbas kyis ni bcom ldan 'das dang / dge slong gi dge 'dun bgrongs pa'i slad du phyi sgo'i sgo gang du dong chen po rkor stsal to/ /dong brkos nas zhugs mi 'bar zhing du ba ma mchis pas gtams te/ steng du phyag dar srab mos g.yogs shing mchis na bcom ldan 'das dang / dge slong gi dge 'dun la chung zad gnod par lta mi 'gyur ram snyam bgyid lags so/ /bcom ldan 'das kyis bka' stsal pa/ dge bsnyen khyod 'di snyam du ma sems shig /dge bsnyen nga dud 'gro'i skye gnas su gyur pa na yang nga'i lus la mes ma tshugs na/ da ltar byang chub mngon par rdzogs par sangs rgyas pa lta la ci smos/ ngas ni 'dod chags kyi me dang / zhe sdang gi me dang / gti mug gi me dang / me gsum bsad pas nga'i lus la mes tshugs par 'gyur ba 'di ni gnas med do/ /btsun pa bcom ldan 'das dud 'gro'i skye gnas su gyur pa na ji ltar sku la zhugs kyis ma tshugs lags/ bcom ldan 'das kyis bka' stsal pa/ dge bsnyen sngon byung ba 'das pa'i dus na 'dzam bu'i gling 'di na nags stug po/ lo ma phun sum tshogs pa/ me tog phun sum tshogs pa/ 'bras bu phun sum tshogs pa/ skyed mos tshal phun sum tshogs pa zhig yod de/ de'i tshe nags stug po de na ri bong gi grogs drang srong gnas te/ ri bong de ni mi skad smra ba zhig go/ /de'i tshe dus gzhan zhig na nags stug po der than pa chen po byung ste/ de na 'dab ma dang ldan pa'i shing gang yin pa de dag ni skam/ me tog dang ldan pa'i shing gang yin pa dang / 'bras bu'i shing gang yin pa de dag kyang skam mo/ /skyed mos tshal gang yin pa de dag kyang yongs su skam mo/ /de nas drang srong de ri bong de ga la ba der song ste phyin nas ri bong de la 'di</font><hr>57.301b<br><font size=+1>

skad ces smras so/ /ri bong shes par gyis shig /nags stug po 'dir than pa chen po byung ste/ 'dab ma dang ldan pa'i shing gang yin pa de dag ni skam/ me tog dang ldan pa'i shing gang yin pa dang / 'bras bu'i shing gang yin pa de dag kyang skam mo/ /skyed mos tshal gang yin pa de dag kyang yongs su skam ste/ ri bong bdag ni nags stug po 'di nas nags stug po gzhan du 'gro bar 'dod do/ /ri bong gis smras pa/ de'i slad du drang srong dgung gcig nags stug po 'dir bzhugs shig /bdag gis khyod bshos gsol lo/ /de nas drang srong de gnas su song ste me bus nas sngags kyis sbyin bsreg byed do/ /de nas ri bong de nags der gom pas 'gro zhing rnam par rgyu yang gang nas kyang 'bras bu 'am/ rtsa ba ma rnyed nas/ de 'di snyam du sems te/ bdag gis drang srong de zas la mgron du bos la/ bdag gis nags stug po 'di thams cad du son kyang / gang nas kyang 'bras bu 'am rtsa ba ma rnyed kyis/ bdag rang gi shas drang srong de tshim par bya'o snyam ste/ de nas ri bong de drang srong de ga la ba der song ste phyin nas drang srong de la 'di skad ces smras so/ /drang srong mkhyen par mdzod cig /bdag gis khyod la bshos gsol bar spyan drangs la/ bdag gis nags stug po 'di thams cad du mchis kyang gang nas kyang 'bras bu dang rtsa ba ma rnyed nas bdag zhugs kyi dong 'dir bdag nyid kyis mchong gis/ khyod kyis bdag gi sha de gsol la dgung gcig nags stug po 'di na bzhugs shig /drang srong gis smras pa/ ri bong ma byed cig /de skad ma smra shig /nga ni ri bong khyod la gnod par yang mi 'dod na nga khyod kyi sha za ba lta ci smos/ ri bong gis smras pa/ drang srong de skad ma gsung shig /khyod kyis bdag gi bsam pa nges par bskang 'tshal lo/ /de nas ri bong de 'di lta bu'i bden pa'i tshig 'di smras te/ nags stug po 'di'i lha rgya chen po rnams bdag la dgongs su gsol/ klu dang / </font><hr>57.302a<br><font size=+1>

gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po gang dag gnas pa de dag thams cad bdag la dgongs su gsol/ bdag ni gtong ba bgyid de shin du gtong ba dang / gtong ba'i yang gtong ba dang / bdag nyid gtong ba bgyid do/ /bdag gi bden pa dang bden pa'i tshig gang gis bdag yongs su gtong ba ni rgyal po'i slad du ma lags/ longs spyod kyi slad du ma lags/ mtho ris kyi slad du ma lags/  brgya byin nyid kyi slad du ma lags/ bdud kyi slad du ma lags/ tshangs pa'i slad du ma lags/ 'khor los sgyur ba'i rgyal po'i yul gyi slad du ma lags te/ gzhan du bdag ji ltar bla na med pa yang dag par rdzogs pa'i byang chub mngon par rdzogs par 'tshang rgya bar bgyi ba dang / sems can ma dul ba gdul bar bgyi/ ma grol ba dgrol bar bgyi/ dbugs ma phyin pa dbugs dbyung bar bgyi/ yongs su mya ngan las ma 'das pa yongs su mya ngan las bzla bar bgyi ba'i slad du ste/ bden pa dang bden pa'i tshig des bdag yongs su gtong ba 'bras bu ma mchis par ma gyur cig ces smras nas bdag nyid me dong chen po der mchongs so/ /dge bsnyen ri bong des me dong der mchongs ma thag tu me dong de'i me shi ste pad ma can gyi rdzing du gyur nas/ ri bong de bung ba zi zi zer bar gyur pa'i pad ma 'dab ma stong yod pa'i steng na 'dug cing chos ston te/ tshangs par spyod pa/ thog mar dge ba/ bar du dge ba/ tha mar dge ba/ don bzang po/ tshig 'bru bzang po/ ma 'dres pa/ yongs su rdzogs pa/ yongs su dag pa/ yongs su byang ba yang dag par ston to/ /drang srong gis de mthong ste/ mthong nas kyang dga' mgu yid rangs te rab tu dga' nas/ dga' ba dang yid bde ba skyes te/ ri bong de la thal mo sbyar te phyag 'tshal to/ /dge bsnyen de'i tshe de'i dus na nags stug po de na gnas pa'i drang srong de gzhan zhig yin pa snyam du khyod dogs shing the tsom za</font><hr>57.302b<br><font size=+1>

na de ltar mi blta ste/ dge slong 'od srung de'i tshe de'i dus na nags stug po'i drang srong du gyur to/ /dge bsnyen de'i tshe de'i dus na nags stug po'i ri bong du gyur pa de gzhan zhig yin pa snyam du khyod dogs shing the tsom za na de ltar mi blta ste/ nga de'i tshe de'i dus na ri bong du gyur to/ /dge bsnyen nga dud 'gro'i skye gnas su gyur pa de'i tshe yang nga'i lus la mes ma tshugs na/ da ltar byang chub mngon par brdzogs par sangs rgyas pa lta la ci smos te/ nga'i lus la mes tshugs par 'gyur ba 'di ni gnas med do/ /de nas bcom ldan 'das kyis dge bsnyen de dang / skye bo phal po che la chos kyi gtam yang dag par ston/ yang dag par 'dzin du 'jug /yang dag par gzeng bstod/ yang dag par rab tu dga' bar mdzad do/ /chos kyi gtam yang dag par bstan/ yang dag par 'dzin du bcug /yang dag par gzeng bstod/ yang dag par rab tu dga' bar mdzad nas khyim bdag dpal sbas kyi khyim ga la ba der gshegs so/ /de'i tshe rgyal po'i khab kyi grong khyer chen po'i skye bo phal po che rnams 'di ji ltar 'gyur snyam ste/ khyim bdag dpal sbas kyi phyi sgo'i sgo gang ga la ba der dong ngo / /de nas bcom ldan 'das me dong chen po ga la ba der gshegs te byon nas me dong chen po der zhabs g.yas pa gser gyi kha dog can thog mar bzhag ste/ bcom ldan 'das kyis me dong der zhabs g.yas pa gser gyi kha dog can de bzhag ma thag tu me dong de'i me shi bar gyur te pad ma'i rdzing bur gyur nas bung ba zi zi zer bar gyur to/ /bcom ldan 'das kyis zhabs g.yas pa gser gyi kha dog can me dong der bzhag ma thag tu lha rnams lha'i tsan dan gyi phye ma dag bcom ldan 'das kyi sku la 'thor/ mngon par 'thor/ mngon par rab tu 'thor ro/ /lha'i me tog ud pa la dang / pad ma dang / ku mu da dang / pad ma dkar po dang / lha'i me tog man dA ra ba dag bcom ldan 'das kyi sku la 'thor/ </font><hr>57.303a<br><font size=+1>

mngon par 'thor/ mngon par rab tu 'thor ro/ /lha'i rol mo'i sgra yang 'byin to/ /sil snyan gyi sgra yang 'byin to/ /dung dang / rnga bo che dang / rdza rnga dang / khar rnga la sogs pa'i sgra yang phyung ngo / /rgyal po'i khab kyi grong khyer chen po'i skye bo phal po che rnams ngo mtshar du gyur rmad du byung bar gyur te gsang bstod nas sgra drag po dang / sgra chen por ha ha zhes bya ba dang / hi hi zhes bya ba dang / ca co dang ga zha 'thon to/ /bcom ldan 'das la gos kyang 'thor ro/ /de'i tshe khyim bdag dpal sbas ni gcer bu pa nye du'i bu dang lhan cig tu khang steng na 'dug go/ /khyim bdag dpal sbas kyi chung ma khyim gyi nang na 'dug pas rgyal po'i khab tu sgra drag po dang / sgra chen po phyung ba thos so/ /thos nas de 'di snyam du sems te/ 'di ltar rgyal po'i khab kyi grong khyer chen po 'dir sgra mthon po dang / sgra drag po dang / sgra chen po byung ba las bcom ldan 'das me dong chen po der lhung ste grongs par ma gyur grang / bde bar gshegs pa grongs par ma gyur grang snyam nas bsgrims te stobs gtugs nas sgo phye ste/ bang thag par sgo khang ga la ba der song ba dang / khyim bdag dpal sbas kyi chung ma des me dong de'i me shi ste pad ma'i rdzing du gyur nas bung ba zi zi zer ba'i pad ma la bcom ldan 'das kyi zhabs bzhag ste dpal sbas kyi khyim du gshegs pa mthong ngo / /mthong nas dga' mgu yid rangs te rab tu dga' nas/ dga' ba dang yid bde ba skyes te khyim bdag dpal sbas ga la ba der song nas phyin pa dang / khyim bdag dpal sbas la 'di skad ces smras so/ /jo bo zhugs dong gi zhugs gum nas pad ma'i rdzing bur gyur te bung ba zi zi mchi ba'i pad ma la bcom ldan 'das kyi zhabs bzhag nas khyod kyi khyim du byon pa la gzigs shig /gzigs shig /de nas khyim bdag dpal sbas 'jigs/ dngangs/ skrag ste spu zing zhes byed nas rings shing myur bar la gor du khang steng nas babs te sgo gang ga la ba dang / bcom ldan 'das ga la ba der song ste</font><hr>57.303b<br><font size=+1>

phyin nas bcom ldan 'das kyi zhabs la mgo bos phyag 'tshal te/ bcom ldan 'das bdag gis nongs/ bde bar gshegs pa bdag gis nongs te slar 'chags so/ /byis pa ji lta ba dang / rmongs pa ji lta ba dang / mi mkhas pa ji lta ba bzhin du bdag mi dge ba'i bshes gnyen dang bsten pa'i dbang gis bcom ldan 'das la rnam pa 'di lta bu bgyi bar bsams na/ bcom ldan 'das bdag nongs pas nongs pa can du gzung du gsol/ slan chad kyang sdom par 'tshal lo/ /bcom ldan 'das kyis bka' stsal pa/ de'i phyir khyim bdag khyod byis pa ji lta ba dang / rmongs pa ji lta ba dang / mi mkhas pa ji lta ba bzhin du mi dge ba'i bshes gnyen dang bsten pa'i dbang gis khyod kyis rnam pa 'di lta bu 'di byas pa nyes pas nyes pa can du rtogs shig /khyim bdag khyod gang gi tshe nyes pas nyes pa can du mthong la/ nyes pas nyes pa can du mthong nas 'chags/ mthol/ phyin chad kyang sdom na de'i phyir ngas khyod la nyes pas nyes pa can du bzung ngo / /de ci'i phyir zhe na/ khyim bdag chos 'dul ba 'di la 'di ni 'phel ba ste/ nyes pas nyes pa can du mthong nas 'chags shing 'thol te phyin chad kyang sdom pa'o/ /khyim bdag khyod longs/ 'di ltar 'dir sems dad pas mchod pa byas so/ /de nas khyim bdag dpal sbas kyis bcom ldan 'das kyi zhabs la mgo bos phyag 'tshal nas mdun du bdar to/ /de nas bcom ldan 'das steng gi khang bzangs ga la ba der gshegs te byon nas gdan bshams pa la dge slong gi dge 'dun dang thabs gcig tu bzhugs so/ /de nas khyim bdag dpal sbas kyis bcom ldan 'das dang / dge slong gi dge 'dun bzhugs par rig nas bcom ldan 'das ga la ba der song ste phyin pa dang / pus mo gnyis ka'i lha nga sa la btsugs te/ bcom ldan 'das ga la ba de logs su thal mo sbyar ba btud do/ /thal mo sbyar ba btud nas</font><hr>57.304a<br><font size=+1>

bcom ldan 'das la 'di skad ces gsol to/ /btsun pa bcom ldan 'das chung zad cig gzhes su gsol/ bdag gis bcom ldan 'das kyi slad du bshos gtsang gzhan bgyid du stsal to/ /de ci'i slad du zhe na/ btsun pa bcom ldan 'das mi dge ba'i bshes gnyen dang bsten pa'i dbang gis bdag gis bshos gtsang ci sbyar ba de thams cad kyi nang du dug drag po stsal bas/ des bcom ldan 'das dang dge slong gi dge 'dun la chung zad gnod par 'gyur du glo ba chud lags so/ /bcom ldan 'das kyis bka' stsal pa/ khyim bdag de snyam du ma sems shig /khyim bdag nga dud 'gro'i skye gnas su gyur pa'i tshe yang lus la dug gis ma tshugs na/ da byang chub mngon par rdzogs par sangs rgyas pa lta la ci smos te/ nga'i lus la dug gis tshugs par 'gyur ba 'di ni gnas med do/ /bcom ldan 'das dud 'gro'i skye gnas su gyur pa na ji ltar sku la dug gis ma tshugs lags/ bcom ldan 'das kyis bka' stsal pa/ khyim bdag sngon byung ba 'das pa'i dus na grong khyer bA rA Na sI'i rgyal po tshangs pas byin zhes bya ba phyug pa/ nor che ba/ longs spyod che ba nas bang mdzod yongs su gang ba'i bar dang ldan pa zhig byung ngo / /khyim bdag rgyal po tshangs pas byin la btsun mo dpe med ces bya ba gzugs bzang ba/ mdzes pa/ blta na sdug pa/ kha dog bzang po rgyas pa mchog dang ldan pa zhig yod do/ /btsun mo dpe med ni rgyal po tshangs pas byin la sdug pa/ mngos pa/ phangs pa/ yid du 'ong ba/ 'dod pa/ blta ba dang 'thun pa'o/ /khyim bdag de'i tshe na ri'i rgyal po gangs ri'i lho phyogs kyi ngos la rma bya'i rgyal po gser du snang ba zhes bya ba 'khor lnga brgya dang ldan pa/ yan lag bkra ba/ lus bkra ba/ rin po che'i mchu can zhig gnas te/ de gang dang gang du 'gro yang rma bya de dag thams cad kyi thog ma nyid la 'gro'o/ /de'i tshe</font><hr>57.304b<br><font size=+1>

dus gzhan zhig na rma bya'i rgyal po gser du snang ba nam phyed kyi dus nam gyi gung thun la grong khyer bA ra Na sI'i steng du skad phyung ste/ skad des grong khyer de khyab par grag go/ /de'i tshe rgyal po tshangs pas byin btsun mo dpe med dang khang steng na 'dug par gyur to/ /de nas btsun mo dpe med kyis sgra de thos nas rgyal po tshangs pas byin de la dris pa/ lha 'di ltar chags par bgyid pa/ 'di ltar 'dod par bgyid pa/ 'di ltar dregs par bgyid pa/ 'di ltar zhen par bgyid pa/ 'di ltar 'ching bar bgyid pa/ 'di ltar dga' bar bgyid pa/ 'di ltar ro myang bar 'os pa/ 'di ltar snyan cing yid du mchi la mnyan par 'os pa'i sgra gda' ba 'di su'i lags/ rgyal pos smras pa/ lha mo ngas kyang ma mthong ste gtam du thos na ri'i rgyal po gangs ri'i lho phyogs kyi ngos la rma bya'i rgyal po gser du snang ba yan lag bkra ba/ lus bkra ba/ rin po che'i mchu can/ 'khor lnga brgya dang ldan pa zhig gnas te/ de gang dang gang du 'gro yang rma bya de dag thams cad kyi thog ma nyid la 'gro ste lha mo de'i sgra ni 'di ltar chags par byed pa/ 'di ltar 'dod par byed pa/ 'di ltar dregs par byed pa/ 'di ltar zhen par byed pa/ 'di ltar 'ching bar byed pa/ 'di ltar dga' bar byed pa/ 'di ltar ro myang bar 'os pa/ 'di ltar snyan cing yid du 'ong la mnyan par 'os par grag ce'o/ /btsun mo dpe med kyis smras pa/ lha rma bya'i rgyal po gser du snang ba myur du 'dir blang bar gsol/ rgyal po tshangs pas byin gyis smras pa/ lha mo nam mkha' la rgyu ba 'di lta bu ngas kyang mthong bar ga la nus/ btsun mo dpe med kyis smras pa/ lha gal te rma bya'i rgyal po gser du snang ba ma mthong du lags na bdag 'gum par 'gyur ro/ /rgyal po tshangs pas byin btsun mo dpe med la kun du chags pa'i sems su gyur te/ sems zhen pas rgyal po tshangs pas byin gyis smras pa/ lha mo ngas rngon pa dang bya ba dgyes re shig sdod cig /de nas rgyal po tshangs pas byin gyis</font><hr>57.305a<br><font size=+1>

rngon pa dang bya ba'i mi rnams bos te 'di skad smras so/ /mchog rnams ri'i rgyal po gangs ri'i lho phyogs kyi ngos la rma bya'i rgyal po gser du snang ba zhes bya ba yan lag bkra ba/ lus bkra ba/ gsar gyi mchu can zhig gnas shes grag gis/ khyed kyis rma bya'i rgyal po gser du snang ba bya rgya dang snyis zung la 'dir 'on cig /gal te 'dir blang nus na de lta na ni legs so/ /ji ste mi nus na khyed thams cad kyi srog yal lo/ /de nas rngon pa dang bya pa'i mi rnams srog gis 'jigs skrag /'chi bas 'jigs skrag ste/ bya rgya dang snyi rnams thogs nas ri'i rgyal po gangs ri'i lho phyogs kyi ngos ga la ba der song nas phyin pa dang / rma bya'i rgyal po gser du snang ba gang na gnas pa'i phyogs der rgya bres snyi btsugs pa dang / rma bya'i rgyal po gser du snang ba de gang dang gang du lta ba de dang der rgya ral snyi chad de/ phyogs der zhag bdun gyi bar du sha thang yang rma bya'i rgyal po gser du snang ba de bya rgya dang snyis gzung bar ma nus pa dang / rma bya'i rgyal po des snying rje nye bar bzhag nas rngon pa dang bya pa rnams la 'di skad ces smras so/ /zho shas 'tsho ba khyed rnams ci'i phyir phyogs 'di na sha thang zhing 'khod/ de dag gis smras pa/ rma bya'i rgyal po shes par gyis shig /rgyal po tshangs pas byin des bsgo ba mchog rnams shes par gyis shig /ri'i rgyal po gangs ri'i lho phyogs kyi ngos la rma bya'i rgyal po gser du snang ba zhes bya ba yan lag bkra ba lus bkra ba/ rin po che'i mchu can/ 'khor lnga brgya dang ldan pa zhig gnas kyis/ de khyed kyis bya rgya dang snyis zung la 'dir 'on cig /gal te 'dir blang bar nus na ni shin du legs so/ /ji ste ma nus na khyed thams cad kyi srog yal lo/ /zhes bsgo ste/ bdag cag srog gis 'jigs skrag nas khyod kyi phyir 'di lta bur 'bad par byed do/ /rma bya'i rgyal po des smras pa/ zho shas 'tsho ba dag khyed kyis snyi dang bya rgyas nga gzung ba ni mi nus so/ /zho shas 'tsho ba</font><hr>57.305b<br><font size=+1>

dag gal te rgyal po tshangs pas byin nga blta bar 'dod na grong khyer bA rA Na si'i nang shin du phyag dar byas te/ spos chus chag chag thob la me tog sil ma khrom ste/ gdugs dang ba dan bres shig /rgyal mtshan sgreng la/ pog phor nas bdug pas bdugs la rin po che sna bdun gyi shing rta gyis te/ zhag bdun gyi nyin par dpung gi tshogs yan lag bzhi pa dang lhan cig tu 'dir shog shig dang / nga nyid der 'gro bar bya'o/ /de ltar bya'o zhes te/ rngon pa dang bya pa'i mi dag rma bya'i rgyal po gser du snang ba'i ltar mnyan nas mthar gyis grong khyer bA rA Na si der rgyal po tshangs pas byin ga la ba der song ste phyin nas rgyal po tshangs pas byin la 'di skad smras so/ /lha mkhyen par mdzad du gsol/ bdag cag 'di nas bya rgya dang bsnyi thogs te ri'i rgyal po gangs ri'i lho phyogs kyi ngos/ ga la ba der mchis pa dang / phyogs gang na rma bya'i rgyal po gser du snang ba gnas pa'i phyogs der snyi btsugs/ rgya bres na/ rma bya'i rgyal po gser du snang ba gang dang gang du lta ba de dang der rgya ral snyi chad de/ bdag cag phyogs de na dgung bdun gyi bar du sha thang yang rma bya'i rgyal po de rgya dang snyis bzung ba'i rngo ma thog pa dang / rma bya'i rgyal po des snying rje nye bar bzhag ste bdag cag la 'di skad ces mchi'o/ /kye mi dag ci'i phyir phyogs 'di na sha thang zhing 'khod/ bdag cag gis smras pa/ rma bya'i rgyal po shes par gyis shig /rgyal po tshangs pas byin gyis bdag cag la bsgo ba/ ri'i rgyal po gangs ri'i lho phyogs kyi ngos la rma bya'i rgyal po gser du snang ba zhes bya ba yan lag bkra ba/ lus bkra ba/ rin po che'i mchu can/ 'khor lnga brgya dang ldan pa de gang dang gang du 'gro bar rma bya de dag thams cad kyi dang po la 'gro ba zhig gnas shes grag gis/ khyed kyis bya rgya dang snyis rma bya'i rgyal po gser du snang ba zung la 'on cig /gal te rma bya'i rgyal po de 'dir blang nus na de lta na ni legs so/ /ji ste ma nus na khyed</font><hr>57.306a<br><font size=+1>

thams cad kyi srog yal lo zhes bsgo ste/ bdag cag srog gis 'jigs skrag /'chi bas 'jigs skrag nas khyod kyi phyir 'di ltar 'bad par byed do/ /des smras pa/ kye zho shas 'tsho ba dag khyed gyis bya rgya dang snyis bzung bar ni mi nus so/ /zho shas 'tsho ba dag gal te rgyal po tshangs pas byin nga mthong bar 'dod na grong khyer bA rA Na sI'i nang shin du phyag dar byos te/ spos chus chag chag thob la me tog sil ma khrom ste/ gdugs dang ba dan bres shig /rgyal mtshan sgreng la/ pog por nas bdug pas bdugs la rin po che sna bdun gyi shing rta gyis te/ zhag bdun gyi nyin par dpung gi tshogs yan lag bzhi pa dang lhan cig tu 'dir shog shig dang / nga nyid der 'gro bar bya'o zhes mchi'o/ /de ltar bya'o zhes te rgyal po tshangs pas byin gyis rngon pa dang bya pa de dag gi ltar mnyan nas grong khyer bA rA Na sI'i nang shin du phyag dar byed du bcug /spos chus chag chag 'debs su bcug /me tog sil ma 'grems su bcug /gdugs dang ba dan 'breng bcug /rgyal mtshan sgreng du bcug /pog phor nas bdug pas bdug tu bcug /rin po che sna bdun gyi shing rta byed du bcug nas zhag bdun 'das pa dang / dpung gi tshogs yan lag bzhi pa go gyon du bcug ste/ dpung gi tshogs yan lag bzhi pa go bgos nas rin po che sna bdun gyi shing rta lnga ste/ dpung gi tshogs yan lag bzhi pa dang lhan cig tu ri'i rgyal po gangs ri'i lho phyogs kyi ngos ga la ba der song ba dang / rma bya'i rgyal po gser du snang ba de bdag nyid rin po che sna bdun gyi shing rta la zhon te skad phyung ba dang / de'i skad kyis dpung gi tshogs yan lag bzhi pa khyab par grag nas rgyal po tshangs pas byin dga' mgu yi rangs te rab tu dga' nas dga' ba dang yid bde ba skyes te rma bya'i rgyal po gser du snang ba de la bkur sti byed du bcug /bla mar byed du bcug /rim gro byed du bcug /mchod pa byed du bcug nas rma bya'i</font><hr>57.306b<br><font size=+1>

rgyal po gser du snang ba dang lhan cig grong khyer bA rA Na sI ga la ba der song ba dang / grong khyer bA rA Na sI'i sgor 'dug nas skad phyung ste/ de'i skad des grong khyer de thams cad khyab par grag go/ /de nas grong khyer bA rA Na sI'i na skyes pa dang / bud med dang / khye'u dang / bu mo gang dag gnas pa de dag grong khyer gyi sgo ga la ba der rab tu rgyug go/ /de nas rgyal po tshangs pas byin gyis rma bya'i rgyal po gser du snang ba la bkur sti byed du bcug /bla mar byed du bcug /rim gro byed du bcug /mchod pa byed du bcug nas/ rang gi khyim ga la ba dang / btsun mo dpe med ga la ba der song ste phyin nas/ btsun mo dpe med la 'di skad ces smras te/ lha mo rma bya'i rgyal po gser du snang ba 'di ni khyod kyi gan du rang 'ongs so zhes smras so/ /rgyal po tshangs pas byin de bdag nyid rma bya'i rgyal po gser du snang ba la me tog dang 'bras bu rnams kyis rim gro byed do/ /de'i tshe dus gzhan zhig na rgyal po tshangs pas byin brel ba zhig byung nas des 'di snyam du bsams te/ sus rma bya'i rgyal po gser du snang ba la rim gro byed nus snyam nas/ des yang 'di snyam du bsams te/ btsun mo dpe med ni mkhas pa/ shes rab chen po dang ldan pa ste des nus so snyam mo/ /de nas rgyal po tshangs pas byin gyis btsun mo dpe med la bos te 'di skad ces smras so/ /lha mo khyod kyis rma bya'i rgyal po gser du snang ba 'di ngas ji ltar rim gro byas pa bzhin du bdag nyid kyis rim gro gyis shig /de nas rgyal po tshangs pas byin gyi btsun mo dpe med bdag nyid kyis me tog dang 'bras bu rnams kyis/ rma bya'i rgyal po gser du snang ba de la bsnyen bkur byed do/ /de'i tshe dus gzhan zhig na btsun mo dpe med skyes pa gzhan la chags par gyur te/ de nas btsun mo dpe med kyis 'di snyam du bsams so/ /rma bya'i rgyal po gser du snang ba 'di ni mi'i skad du smra bas des gtam 'di rgyal po tshangs</font><hr>57.307a<br><font size=+1>

pas byin la mi bsnyad grang / rgyal po tshangs pas byin des kyang bdag bzung ste mi bsad grang snyam nas/ de nas bud med des bya'i rgyal po de la zas dug can dang / skom dug can byin no/ /bud med des rma bya'i rgyal po de la ji lta ji ltar zas dug can dang / skom dug can byin pa de lta de ltar rma bya'i rgyal po de'i lus gzugs ches bzang ba dang / ches mdzes pa dang / ches blta na sdug pa dang / ches 'od gsal bar gyur to/ /de nas btsun mo dpe med kyis 'di snyam du sems te/ rma bya'i rgyal po gser du snang ba la bdag gis ji lta ji ltar zas dug can dang / skom dug can byin pa de lta de ltar 'di'i lus gzugs ches bzang ba dang / ches mdzes pa dang / ches blta na sdug pa dang / ches 'od gsal bar gyur to snyam mo/ /de nas btsun mo dpe med la rma bya'i rgyal po gser du snang bas 'di skad ces smras so/ /rkun ma rkun ma khyod kyi ngas shes te/ khyod 'di snyam du bdag ni skyes pa gzhan la chags par gyur la/ bya 'dis shes te 'di yang mi skad smra bas 'dis gtam 'di rgyal po tshangs pas byin la mi bsnyad grang / rgyal pos bdag bzung ste mi bsad grang snyam du bsams nas de'i phyir khyod kyis nga la zas dug can dang / skom dug can byin te/ khyod kyis nga gsad par mi nus so/ /de nas btsun mo dpe med des tshig de thos nas kha bub du 'gyel te/ khrag dron po skyugs nas nad tshabs chen pos btab ste/ nad de nyid kyis shi ba'i dus byas so/ /de shi nas sems can dmyal ba chen po ngu 'bod du skyes par gyur to/ /khyim bdag de'i tshe de'i dus na grong khyer chen po bA ra Na si'i rgyal po tshangs pas byin zhes bya bar gyur pa de gzhan zhig yin pa snyam du khyod dogs shing the tsom za na de ltar mi blta ste/ dge slong shA ri'i bu de'i tshe de'i dus na rgyal po tshangs pas byin zhes bya bar gyur to/ /khyim bdag de'i tshe de'i dus na btsun mo dpe med ces bya bar gyur pa de gzhan zhig</font><hr>57.307b<br><font size=+1>

yin pa snyam du khyod dogs shing the tsom za na de ltar mi blta ste/ bram ze'i bu mo g.yo ma de de'i tshe de'i dus na btsun mo dpe med du gyur to/ /khyim bdag de'i tshe de'i dus na ri'i rgyal po gangs ri'i lho phyogs kyi ngos la gnas pa rma bya'i rgyal po gser du snang ba zhes bya bar gyur pa de gzhan zhig yin pa snyam du dogs shing the tsom za na de ltar mi blta ste/ nga de'i tshe de'i dus na ri'i rgyal po gangs ri'i lho phyogs kyi ngos la gnas pa rma bya'i rgyal po gser du snang ba zhes bya bar gyur to/ /khyim bdag de'i tshe de'i dus na rma bya lnga brgyar gyur pa de dag gzhan zhig yin snyam du khyod dogs shing the tsom za na de ltar mi blta ste/ dge slong mchog lnga brgya po 'di dag de'i tshe de'i dus na rma bya lnga brgyar gyur to/ /khyim bdag nga dud 'gro'i skye gnas su gyur pa de'i tshe yang lus la dug gis ma tshugs na/ da ltar mngon par rdzogs par sangs rgyas pa lta la smos kyang ci dgos te/ nga'i lus la dug gis tshugs par 'gyur ba 'di ni gnas med do/ /de bas na khyim bdag tshigs su bcad pa brjod pa byas/ de legs par rab tu nyon la yid la zung shig dang / ngas khyod la bshad kyis legs par rab tu zung la zas la lan gsum bzlas pa gyis te/ dge slong gi dge 'dun la brims shig /'dod chags zhe sdang gti mug rnams/ /de dag 'jig rten dug gsum ste/ /bcom ldan sangs rgyas dug med pa/ /sangs rgyas bden pas dug bcom mo/ /'dod chags zhe sdang gti mug rnams/ /de dag 'jig rten dug gsum ste/ /bcom ldan chos ni dug med pa/ /chos kyi bden pas dug bcom mo/ /'dod chags zhe sdang gti mug rnams/ /de dag 'jig rten dug gsum ste/ /bcom ldan dge 'dun dug med pa/ /dge 'dun bden pas dug bcom mo/ /bden pa gang gis nga sangs rgyas/ /'jig rten kun la bla na med/ /bden pa'i tshig ni de yis su/ /</font><hr>57.308a<br><font size=+1>

nga lus dug gis mi tshugs shog /bden pa gang gis nga yi chos/ /'jig rten kun la bla na med/ /bden pa'i tshig ni de yis su/ /nga lus dug gis mi tshugs shog /bden pa gang gis nga dge 'dun/ /'jig rten kun la bla na med/ /bden pa'i tshig ni de yis su/ /nga lus dug gis mi tshugs shog /shing gang dug dang bcas rnams dang / /srog chags gang dag dug bcas pa/ /de kun 'dod chags dug las byung / /'dod chags 'di ni dug gi mchog /shing gang dug dang bcas rnams dang / /srog chags gang dag dug bcas pa/ /de kun zhe sdang dug las byung / /zhe sdang 'di ni dug gi mchog /shing gang dug dang bcas rnams dang / /srog chags gang dag dug bcas pa/ /de kun gti mug dug las byung / /gti mug 'di ni dug gi mchog /drag po'i dug gis dug bcom ste/ /bsrung dang yongs su gzung ba byas/ /sangs rgyas kun gyis dug bcom pas/ /rdzogs sangs rgyas la skyabs su dong / /de de bzhin bgyi'o zhes te khyim bdag dpal sbas kyis bcom ldan 'das la tshigs su bcad pa de dag legs par rab tu blangs te/ blangs nas zas de dag la lan gsum bzlas te/ rang gi lag gis zhal zas sod pa mang po dge slong gi dge 'dun la bstabs te tshim par byas so/ /de nas khyim bdag dpal sbas kyis bcom ldan 'das dang / dge slong gi dge 'dun bshos gsol zin te/ phyag bcabs lhung bzed gyu bar rig nas stan zhig blangs te phyogs gcig tu 'dug go/ /khyim bdag dpal sbas phyogs gcig tu 'dug pa dang / bcom ldan 'das kyi gtam rim gyis mdzad pa 'di lta ste/ gang 'di sbyin pa'i gtam dang / tshul khrims kyi gtam dang / mtho ris kyi gtam dang / 'dod pa'i nyes dmigs dang / de'i 'og tu zag pa dang / kun nas nyon mongs pa dang / mngon par 'byung ba'i phan yon dang / rnam par byang ba'i</font><hr>57.308b<br><font size=+1>

phyogs so/ /de nas bcom ldan 'das kyis khyim bdag dpal sbas la rgya cher rab tu bstan/ rab tu 'jog /rnam par 'grel/ rnam par 'byed/ gsal bar mdzad do/ /bcom ldan 'das kyis gang gi tshe khyim bdag dpal sbas sems dga' ba dang / sems mnyen pa dang / sems dge ba dang / sgrib pa med pa'i sems su gyur par mkhyen pa de'i tshe sangs rgyas bcom ldan 'das rnams yang dag phul gyi chos gang ston pa de bcom ldan 'das kyis khyim bdag dpal sbas la rgya cher rab tu bstan/ rab tu bzhag /rnam par bkrol/ rnam par phye/ gsal bar mdzad/ rab tu bshad do/ /de nas khyim bdag dpal sbas stan de la 'dug bzhin du chos rnams la chos kyi mig rdul med cing dri ma dang bral ba skyes te/ 'di lta ste/ dper na ras nag po'i bag med pa/ kha bsgyur bar 'os pa tshon gyi nang du bcug na tshon legs par 'jon po de bzhin du khyim bdag dpal sbas kyang stan de la 'dug bzhin du chos rnams la chos kyi mig rdul med cing dri ma dang bral ba skyes so/ /de nas khyim bdag dpal sbas kyis chos mthong / chos thob/ chos yongs su bskyed/ mngon du yang dag par rtogs/ nem nur med/ the tsom dang bral/ som nyi dang bral/ gzhan gyi dring mi 'jog /ston pa'i bstan pa kun du shes/ mi 'jigs pa thob nas bcom ldan 'das la 'di skad ces gsol to/ /btsun pa bcom ldan 'das bdag sangs rgyas dang / chos dang / dge slong gi dge 'dun la skyabs su mchi'o/ /btsun pa bcom ldan 'das bdag la dge bsnyen du gzung du gsol/ /deng nas ji srid 'tsho'i bar du bdag gi skyabs khyod lags te skyabs su mchi'o/ /de nas dge slong de dag ngo mtshar du gyur/ rmad du byung bar gyur te/ 'di ltar khyim bdag dpal sbas bcom ldan 'das me dong du bsreg pa dang / sems can dmyal ba chen por ltung bar 'dod pa de</font><hr>57.309a<br><font size=+1>

bcom ldan 'das kyis sems can dmyal ba chen po nas bzlog ste/ chos rnams la chos kyi mig rdul med cing dri ma dang bral ba skyes pa 'di ni ngo mtshar rmad du byung ba'o snyam pa dang / bcom ldan 'das kyis bka' stsal pa/ dge slong dag khyim bdag dpal sbas da ltar 'ba' shig nga me dong du bsreg pa dang / sems can dmyal ba chen por ltung bar 'dod la/ ngas de sems can dmyal ba chen po de las bzlog ste/ chos rnams la chos kyi mig rdul med cing dri ma dang bral ba skyes par yang ma zad de/ dge slong dag gzhan gyi tshe yang khyim bdag dpal sbas nga me dong du bsreg pa dang / sems can dmyal ba chen por ltung bar 'dod de/ ngas de sems can dmyal ba chen po de las bzlog go/ /dge slong de dag gis gsol pa/ btsun pa bcom ldan 'das khyim bdag dpal sbas gzhan gyi tshe bcom ldan 'das zhugs kyi dong du bsregs te/ sems can dmyal ba chen po mnar ma mchis par ltung bar 'tshal la/ bcom ldan 'das kyis de sems can dmyal ba chen po de las thar bar mdzad pa ji lta bu lags/ bcom ldan 'das kyis bka' stsal pa/ dge slong dag sngon byung ba 'das pa'i dus na bram ze'i khye'u chos 'dod ces bya ba tshul khrims dang ldan pa/ yon tan dang ldan pa/ 'dod pa chung ba/ chog shes pa/ rab tu dben pa/ dge ba'i chos can zhig byung ste/ bram ze'i khye'u chos 'dod ni gzugs bzang ba/ mdzes pa/ blta na sdug pa/ kha dog bzang po rgyas pa mchog dang ldan pa'o/ /bram ze'i khye'u chos 'dod de bram ze dang / rgyal rigs dang / khyim bdag rnams kyis bkur sti byas/ bla mar byas te mchod nas gos dang / zas dang / mal cha dang / na ba'i gsos sman dang / yo byad bzang po mang po rnyed par gyur to/ /bram ze'i khye'u chos 'dod ni stong phrag brgyas tshigs su bcad pa gcig tshol lo/ /de nas bram ze zhig bram ze'i khye'u chos 'dod kyi rnyed pa dang / bkur sti dang / tshigs su bcad pa ma</font><hr>57.309b<br><font size=+1>

bzod nas bram ze'i khye'u chos 'dod ga la ba der song ste phyin pa dang / bram ze'i khye'u chos 'dod la 'di skad ces smras so/ /ngas bram ze'i khye'u khyod la legs par bshad pa bsgrags par bya'o/ /bram ze'i khye'u chos 'dod kyis smras pa/ 'phags pa legs par bshad pa bdag la legs par bsgrag tu gsol/ bram zes smras pa/ chos 'dod ngas khyod la de bzhin du legs par bshad pa bsgrag tu mi rung ngo / /chos 'dod kyis smras pa/ 'phags pa 'o na khyod kyis legs par bshad pa bdag la ji ltar bsgrag par bgyi/ bram zes smras pa/ gal te chos 'dod khyod kyis dong chen po rkor bcug la/ brkos nas mes 'gengs su bcug ste/ me mi 'bar zhing / du ba mi 'thul bas bkang nas mchod sdong mthon po 'dzugs su chug la/ 'dzugs su bcug nas me dong der bdag nyid mchongs na de lta na ngas khyod la legs par bshad pa bsgrag par bya'o/ /bram ze'i khye'u chos 'dod kyis smras pa 'phags pa bdag 'di na legs par bshad pa gang ci tshol ba de thams cad ni sems can rnams kyi don gyi slad du lags na/ slob dpon bdag gis legs par bshad pa sems can rnams la ma bsgrags par ji ltar me dong du mchong bar bgyi/ de nas bram zes bram ze'i khye'u chos 'dod la tshigs su bcad de smras pa/ sngags tshol bde ba ga la yod/ /ga la bde yod sngags tshol ba/ /sngags btsal phyir ni bde ba 'or/ /bde ba 'or cig sngags btsal phyir/ /de nas bram ze'i khye'u chos 'dod kyis bram ze de la tshigs su bcad de slar smras pa/ byang chub tshol ba ga la bde/ /ga la bde yod byang chub tshol/ /byang chub btsal phyir bde ba 'or/ /bde 'or byang chub btsal ba'i phyir/ /de nas bram ze'i khye'u chos 'dod kyis bram ze la 'di skad ces smras so/ /slob dpon bdag la legs par bshad pa legs par bsgrags su gsol/ 'on tang khyod gang bzhed pa de bgyi'o/ /bram ze'i khye'u chos</font><hr>57.310a<br><font size=+1>

'dod legs par bshad pa'i don gyi phyir bdag nyid dor bar 'dod do zhes bram ze dang / khyim bdag rnams kyis thos nas de dag thams cad ngu zhing gdong la mchi ma zag bzhin du bram ze'i khye'u chos 'dod ga la ba der dong ste phyin nas bram ze'i khye'u chos 'dod la 'di skad ces smras so/ /chos 'dod khyod bdag nyid ma dor cig /chos 'dod khyod ni khyim na 'dug bzhin sbyin pa sbyin pa dang / bsod nams bya bar nus so/ /bram ze'i khye'u chos 'dod kyis bram ze dang / khyim bdag de dag la 'di skad ces smras so/ /btsun pa dag de skad ma gsung shig /bdag gis slob dpon gyi dgongs pa nges par bskang bar bgyi'o/ /de nas bram ze'i khye'u chos 'dod kyis mchod sdong chen po 'dzugs su bcug ste/ mchod sdong chen po btsugs nas de'i drung du dong chen po rkor bcug ste/ brkos nas mes 'gengs su bcug go/ /me mi 'bar zhing du ba mi 'thul bas bkang nas bram ze de la 'di skad ces smras so/ /slob dpon bdag la legs par bshad pa legs par bsgrag tu gsol/ de nas bram ze des bram ze'i khye'u chos 'dod la tshigs su bcad pa 'di lta bu bstan to/ /sbyin pa la ni rtag tu dga' bar gyis/ /rtag tu tshul khrims yongs su rdzogs par spyod/ /brtson 'grus mchog gi gnas ni brtsam par gyis/ /shes rab kyis ni chos mchog dam pa thob/ /de nas bram ze'i khye'u chos 'dod kyis bram ze de la tshigs su bcad pa 'di legs par rab tu bzung ste/ skye bo phal po che bsogs so/ /skye bo phal po che bsogs nas mchod sdong mthon po'i khar 'dzegs te/ skye bo phal po che la tshigs su bcad pa 'di bsgrags so/ /sbyin pa la ni rtag tu dga' bar gyis/ /rtag tu tshul khrims yongs su rdzogs par spyod/ /brtson 'grus mchog gi gnas ni brtsam par gyis/ /shes rab kyis ni chos mchog dam pa thob/ /de nas bram ze'i khye'u chos 'dod kyis skye bo</font><hr>57.310b<br><font size=+1>

phal po che de la tshigs su bcad pa 'di bsgrags nas 'di lta bu'i bden pa'i tshig 'di byed de/ sa phyogs 'di na lha rgya chen po gang dag gnas pa rnams bdag la dgongs su gsol/ klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto phye chen po de dag thams cad kyang bdag la dgongs su gsol/ bdag ni gtong ba bgyid de/ shin du gtong ba dang / gtong ba'i yang gtong ba dang / bdag nyid yongs su gtong ba bgyid do/ /bden pa dang / bden pa'i tshig gang gis bdag yongs su gtong ba bgyid pa ni rgyal po'i slad du ma lags/ longs spyod kyi slad du ma lags/ mtho ris kyi slad du ma lags/ 'khor los sgyur ba'i rgyal po'i slad du ma lags kyi/ gzhan du na bdag ji ltar bla na med pa yang dag par rdzogs pa'i byang chub mngon par rdzogs par sangs rgyas nas sems can ma dul ba rnams gdul bar bgyi/ ma rgal ba rnams bsal bsgral bar bgyi/ ma grol ba rnams dgrol bar bgyi/ dbugs ma phyin pa rnams dbugs dbyung bar bgyi/ yongs su mya ngan las ma 'das pa rnams yongs su mya ngan las bzla bar bgyi snyam pa'i slad du ste/ bden pa dang / bden pa'i tshig des bdag gi yongs su gtong ba 'bras bu med par ma gyur cig ces byas nas me dong der bdag nyid mchongs so/ /dge slong dag bram ze'i khye'u chos 'dod me dong der mchongs ma thag tu me dong de'i me shi ste/ pad ma'i rdzing du gyur nas bung ba sgra zi zi zer ba'i pad ma la bram ze'i khye'u chos 'dod 'dug nas chos ston te/ tshangs par spyod pa/ thog mar dge ba/ bar du dge ba/ tha mar dge ba/ don bzang po/ tshig 'bru bzang po/ ma 'dres pa/ yongs su rdzogs pa/ yongs su dag pa/ yongs su byang ba yang dag par ston te/ bram ze de ni lus thams cad nas me byung ste tshig nas tshig go zhes smras te sems can dmyal ba chen por ltung ngo / /de la bram</font><hr>57.311a<br><font size=+1>

ze'i khye'u chos 'dod kyis 'di skad ces smras so/ /slob dpon ma bsnyengs shig /bdag gis khyod bskyab par bgyi'o/ /de nas bram ze'i khye'u chos 'dod kyis de'i tshe 'di lta bu'i bden pa'i tshig 'di byas te/ bden pa dang / bden pa'i tshig gang gis bdag sems can rnams kyi don du byang chub la spyod pa'i bden pa dang / bden pa'i tshig des bram ze 'di'i lus tshig pa rab tu zhi bar gyur cig /sems can dmyal ba las kyang log par gyur cig ces byas so/ /bram ze'i khye'u chos 'dod kyis/ bden pa dang / bden pa'i tshig byas ma thag tu bram ze de sems can dmyal ba de nas thar bar gyur to/ /dge slong dag de'i tshe de'i dus na/ bram ze'i khye'u chos 'dod ces bya bar gyur pa de gzhan zhig yin pa snyam du khyod dogs shing the tsom za na/ de ltar mi blta ste/ dge slong dag nga de'i tshe de'i dus na bram ze'i khye'u chos 'dod ces bya bar gyur to/ /dge slong dag de'i tshe de'i dus na bram zer gyur pa de gzhan zhig yin pa snyam du khyod dogs shing the tsom za na de ltar mi blta ste/ khyim bdag dpal sbas de'i tshe de'i dus na bram zer gyur to/ /dge slong dag de'i tshe yang khyim bdag dpal sbas nga me dong du bsregs la sems can dmyal ba chen por ltung bar 'dod pa las/ ngas de sems can dmyal ba chen po de nas bzlog cing / 'phags pa'i chos 'dul ba la bzhag ste 'di dang de yang de bzhin du zung shig /dge slong dag da ltar yang dpal sbas nga me dong du bsregs la sems can dmyal ba chen por ltung bar 'dod pa las/ ngas de sems can dmyal ba chen po de las bzlog cing 'phags pa'i chos 'dul ba la bzhag ste/ de dang 'di yang de bzhin du zung shig /dge dang mi dge sngon byas chud mi za/ /mkhas pa rnams la bsten pa chud mi za/ /'phags pa'i tshogs kyis legs bshad chud mi za/ /byas la byas gzo nam yang chud mi za/ /legs par byas pa dge ba'i las/ /nyes par</font><hr>57.311b<br><font size=+1>

byas pa mi dge yin/ /de la'ang rnam par smin yod de/ /gdon mi za bar 'bras bu smin/ /bcom ldan 'das kyis de skad ces bka' stsal nas/ dge slong dang / dge slong ma dang / dge bsnyen dang / dge bsnyen ma de dag dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang bcas pa dang / thams cad dang ldan pa'i 'khor de yi rangs te/ bcom ldan 'das kyis gsungs pa la mngon par bstod do/ /'phags pa dpal sbas shes bya ba'i mdo rdzogs so// // rgya gar gyi mkhan po dzi na mi tra dang / dA na shI la dang / zhu chen gyi lots+tsha ba ban de ye shes sdes bsgyur cing zhus te/ skad gsar chad kyis bcos nas gtan la phab pa/ / </font><hr>

</table>