rgya gar skad du/ Ar+ya pany+tsa sha tI ka pradz+nyA pA ra mi tA/ bod skad du/ 'phags pa shes rab kyi pha rol tu phyin pa lnga brgya pa/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das rgyal po'i khab na/ bya rgod kyi phung po'i ri la dge slong gi dge 'dun chen po dang / byang chub sems 39.134a dpa'i tshogs chen po dang thabs gcig tu bzhugs te/ de nas bcom ldan 'das kyis tshe dang ldan pa rab 'byor la bka' stsal pa/ rab 'byor gzugs ni dngos po med pa/ dngos po ngan pa/ dngos po yod pa'o/ /rab 'byor tshor ba dang /[ ]'du shes dang / 'du byed rnams dang / rnam par shes pa ni dngos po med pa/[ ]dngos po ngan pa/ dngos po yod pa'o/ /rab 'byor mig dang / gzugs rnams dang / mig gi rnam par shes pa dang / rna ba dang / sgra rnams dang /[ ]rna ba'i rnam par shes pa dang / sna dang / dri rnams dang / sna'i rnam par shes pa dang / lce dang / ro rnams dang / lce'i rnam par shes pa dang /[ ]lus dang / reg bya rnams dang / lus kyi rnam par shes pa dang / yid dang /[ ]chos rnams dang / yid kyi rnam par shes pa ni dngos po med pa/ dngos po ngan pa/ dngos po yod pa'o/ /de ltar gzugs de le'u gsum du byis pa so so'i skye bo rnams kyis yang dag pa ji lta ba bzhin du rab tu mi shes pas gzugs de la mngon par zhen to/ /mngon par sgrub bo/ /sgrib par byed do/ /de dag gzugs de la mngon par zhen cing mngon par sgrub ste/ sgrib par byed pas nyan thos kyi theg pa 'am/ rang sangs rgyas kyi theg pas kyang nges par 'byung bar mi 'gyur na/ theg pa chen pos lta smos kyang ci dgos/ de ltar mngon par zhen cing mngon par sgrub ste/ sgrib par byed pas 'di lta ste/ sems can dmyal ba rnams dang / dud 'gro dang / yi dgas rnams dang lha rnams dang / mi rnams dang / mi rnams kyi nang du yun ring por rga shi myong ngo / /rab 'byor de bzhin du tshor ba dang / 'du shes dang / 'du byed rnams dang /[ ]rnam par shes pa dngos po med pa dang / dngos po ngan pa dang / dngos po yod pa dang / rab 'byor mig dang / gzugs rnams dang / mig gi rnam par shes pa dang / rna ba dang / sgra rnams dang / rna ba'i rnam 39.134b par shes pa dang / sna dang / dri rnams dang / sna'i rnam par shes pa dang / lce dang /[ ]ro rnams dang / lce'i rnam par shes pa dang / lus dang / reg bya rnams dang / lus kyi rnam par shes pa dang / yid dang / chos rnams dang / yid kyi rnam par shes pa dngos po med pa dang / dngos po ngan pa dang / dngos po yod pa de ltar yid kyi rnam par shes pa de le'u gsum du byis pa so so'i skye bo rnams kyis yang dag pa ji lta ba bzhin du rab tu mi shes pas rnam par shes pa de la mngon par zhen to/ /mngon par sgrub bo/ /sgrib par byed do/ /de dag rnam par shes pa de la mngon par zhen cing mngon par sgrub ste/ sgrib par byed pas nyan thos kyi theg pa 'am/ rang sangs rgyas kyi theg pas kyang nges par 'byung bar mi 'gyur na theg pa chen pos lta smos kyang ci dgos/ de ltar mngon par zhen cing mngon par sgrub ste/ sgrib par byed pas 'di lta ste sems can dmyal ba rnams dang / dud 'gro dang / yi dgas rnams dang lha dang mi rnams kyi nang du yun ring por rga shi myong ngo / /mkhas pa rnams kyis ni gzugs de de ltar le'u gsum du yang dag par ji lta ba bzhin du rab tu shes pas mngon par zhen par mi byed cing mngon par sgrub par mi byed kyi gsal bar byed do/ /mngon par zhen par mi byed cing mngon par sgrub par mi byed kyi gsal bar byed pas theg pa chen pos kyang nges par 'byung bar 'gyur na nyan thos kyi theg pa 'am/ rang sangs rgyas kyi theg pas lta smos kyang ci dgos/ de ltar mngon par zhen par mi byed cing mngon par sgrub par mi byed kyi gsal bar byed pas 'di lta ste/ sems can dmyal ba rnams dang / dud 'gro dang /[ ]yi dgas rnams dang / lha dang mi rnams kyi nang du rga shi myong ba ma yin no/ /rab 'byor de bzhin du tshor ba dang / 'du shes dang / 'du byed rnams dang /[ ]rnam par shes pa dang / mig dang / gzugs rnams dang / mig gi rnam par shes pa dang / rna ba 39.135a dang sgra rnams dang / rna ba'i rnam par shes pa dang / sna dang / dri rnams dang / sna'i rnam par shes pa dang / lce dang / ro rnams dang / lce'i rnam par shes pa dang / lus dang / reg bya rnams dang / lus kyi rnam par shes pa rnams dang / yid dang / chos rnams dang / yid kyi rnam par shes pa le'u gsum du mkhas pa rnams kyis yang dag pa ji lta ba bzhin du rab tu shes pas mngon par zhen par mi byed cing mngon par sgrub par mi byed kyi gsal bar byed do/ /mngon par zhen par mi byed cing mngon par sgrub par mi byed kyi gsal bar byed pas theg pa chen pos kyang nges par 'byung bar 'gyur na nyan thos kyi theg pa 'am/ rang sangs rgyas kyi theg pas lta smos kyang ci dgos/ de ltar mngon par zhen par mi byed cing mngon par sgrub par mi byed kyi gsal bar byed pas 'di lta ste/ sems can dmyal ba rnams dang / dud 'gro dang / yi dgas rnams dang / lha dang mi rnams kyi nang du rga shi myong ba ma yin no/ /rab 'byor gzugs ni skye ba'o/ /'jig pa'o/ /gzugs kyi skye ba gang yin pa de ni gzugs kyi skye ba med pa'o/ /gzugs kyi skye ba med pa gang yin pa de ni gzugs kyi skye ba med pa'i rang bzhin te/ byang chub sems dpa' sems dpa' chen po gzugs kyi skye ba med pa'i rang bzhin de yang dag pa ji lta ba bzhin du rab tu shes pas gzugs kyi skye ba med pa gang yin pa de yang dag par sgrub bo/ /rab 'byor de bzhin du tshor ba dang / 'du shes dang / 'du byed rnams dang / rnam par shes pa ni skye ba'o/[ ]/'chi ba'o/ /rnam par shes pa'i skye ba gang yin pa de ni rnam par shes pa skye ba med pa'o/ /rnam par shes pa'i skye ba med pa gang yin pa de ni rnam par shes pa'i skye ba med pa'i rang bzhin te/ byang chub sems dpa' rnam par shes pa'i skye ba med pa'i rang bzhin te/ yang dag pa ji lta ba bzhin te/ yang dag pa ji lta ba bzhin 39.135b du rab tu shes pas rnam par shes pa'i skye ba med pa gang yin pa de yang dag par sgrub bo/ /rab 'byor gang la la zhig gzugs ni bdag gam bdag gi'o zhes de skad smra na de ni phyi rol byis pa so so'i skye bo'i phyogs la gnas pa ste/ log par lta ba'o zhes nga smra'o/ /rab 'byor gang la la zhig tshor ba dang / 'du shes dang / 'du byed rnams dang / rnam par shes pa bdag gam bdag gi'o zhes de skad smra na/ de ni phyi rol byis pa so so'i skye bo'i phyogs la gnas pa ste/ log par lta ba'o zhes nga smra'o/ /rab 'byor gang la la zhig gzugs ni sngon byas pa'i rgyu las byung ba'o zhe 'am/ dbang phyug gis sprul pa'i rgyu las byung ba'o zhe 'am/ rgyu med rkyen med pa'o zhes de skad smra na de ni phyi rol byis pa so so'i skye bo'i phyogs la gnas pa ste/[ ]log par lta ba'o zhes nga smra'o/ /rab 'byor gang la la zhig tshor ba dang / 'du shes dang / 'du byed rnams dang / rnam par shes pa ni sngon byas pa'i rgyu las byung ba'o zhe 'am/[ ]dbang phyug gis sprul pa'i rgyu las byung ba'o zhe 'am/ rgyu med rkyen med pa'o zhes de skad smra na de ni phyi rol byis pa so so'i skye bo'i phyogs la gnas pa ste/ log par lta ba'o/ /zhes nga smra'o/ /rab 'byor gang yang gzugs ni gzugs su yod pa'i mtshan nyid do/ /tshor ba ni myong ba'i mtshan nyid do/ /'du shes ni kun du shes pa'i mtshan nyid do/ /'du byed rnams ni mngon par 'du byed pa'i mtshan nyid do/ /rnam par shes pa ni rnam par shes pa'i mtshan nyid do zhes de skad smra na de ni phyi rol pas kyang phyi rol so so'i skye bo'i phyogs la gnas pa ste/[ ]log par lta ba'o zhes nga smra'o/ /rab 'byor de gang yang gzugs ni sdug bsngal ba ste/ rab tu ma zhi ba'o/ /gzugs 'gog pa ni bde ba dang zhi ba'o zhes de skad smra na de ni phyi rol pas kyang phyi rol zhes bya ba nas log par lta ba'i bar du'o zhes nga smra'o/ /rab 'byor gang yang tshor ba dang / 39.136a 'du shes dang / 'du byed rnams dang / rnam par shes pa ni sdug bsngal ba ste rab tu ma zhi ba'o/[ ]/rnam par shes pa 'gog pa ni bde ba dang / zhi ba'o zhes de skad smra na de ni phyi rol pas kyang phyi rol zhes bya ba nas log par lta ba'i bar du'o zhes nga smra'o/ /rab 'byor gang yang gzugs ni med pa nyid do zhes de skad smra na de ni phyi rol pas kyang phyi rol so so'i skye bo'i phyogs la gnas pa ste/ log par lta ba'o zhes nga smra'o/ /rab 'byor gang yang tshor ba dang / 'du shes dang / 'du byed rnams dang / rnam par shes pa ni med pa nyid do zhes de skad smra na de ni phyi rol pas kyang phyi rol so so'i skye bo'i phyogs la gnas pa ste/ log par lta ba'o zhes nga smra'o/ /rab 'byor gang yang bcom ldan 'das kyis gzugs rang bzhin med pa dang / skye ba med pa dang / 'gag pa med pa dang / gdod ma nas zhi ba dang / rang bzhin gyis yongs su mya ngan las 'das par bstan pa gang yin pa'i bstan pa de thams cad ni ldem por dgongs pa ma yin pa dgongs pa ma yin pa ste/ sgra ji bzhin pa nyid du shes par bya'o zhes de skad smra na de ni phyi rol pas kyang phyi rol so so'i skye bo'i phyogs la gnas pa ste/ log par lta ba'o zhes nga smra'o/ /rab 'byor gang yang bcom ldan 'das kyis tshor ba dang / 'du shes dang / 'du byed rnams dang / rnam par shes pa rang bzhin med pa dang /[ ]skye ba med pa dang / 'gag pa med pa dang / gdod ma nas zhi ba dang / rang bzhin gyis yongs su mya ngan las 'das par bstan pa gang yin pa'i bstan pa de thams cad ni ldem por dgongs pa ma yin pa/ dgongs pa ma yin pa ste/ sgra ji bzhin pa nyid du shes par bya'o zhes de skad smra na de ni phyi rol pas kyang phyi rol so so'i skye bo'i phyogs la gnas pa ste/ log par lta ba'o zhes nga smra'o/ /rab 'byor gzugs ni yod de gang gzugs la mngon par zhen pa dang / skye ba dang / bstan par 'gyur ba'o/ /gzugs ni yod de gang gzugs la kun nas nyon mongs pa dang / gnas pa dang / 'jug par 'gyur ba'o/ /gzugs 39.136b ni yod de/ gang gzugs la rnam par byang ba dang / 'byor pa dang dbang du 'gyur ba'o/ /rab 'byor tshor ba dang / 'du shes dang / 'du byed rnams dang / rnam par shes pa ni yod de/ gang rnam par shes pa la mngon par zhen pa dang / skye ba dang / bstan par 'gyur ba'o/ /rab 'byor tshor ba dang /[ ]'du shes dang / 'du byed rnams dang / rnam par shes pa ni yod de/ gang rnam par shes pa la kun nas nyon mongs pa dang / gnas pa dang / 'jug par 'gyur ba'o/ /tshor ba dang / 'du shes dang / 'du byed rnams dang /[ ]rnam par shes pa ni yod de/ gang rnam par shes pa la rnam par byang ba dang /[ ]'byor pa dang / dbang du 'gyur ba'o/ /rab 'byor gzugs ni yod de/[ ]gang byang chub sems dpa' rnams kyis spangs shing yongs su shes te bstan na dbang du 'gyur ba'o/ /rab 'byor gzugs ni yod de/ gang spangs shing yongs su shes te yang dag par bstan na dbang du 'gyur ba'o/ /rab 'byor gzugs ni yod de/ gang spangs shing yongs su shes na chos dkar po dang ldan pa dang / chos thams cad la dbang bsgyur ba dang bde ba chen po la gnas par 'gyur ba'o/ /rab 'byor tshor ba dang / 'du shes dang / 'du byed rnams dang / rnam par shes pa ni yod de/ gang byang chub sems dpa' rnams kyis spangs shing yongs su shes te bstan na dbang du 'gyur ba'o/ /rab 'byor tshor ba dang / 'du shes dang / 'du byed rnams dang / rnam par shes pa ni yod de/ gang spangs shing yongs su shes te yang dag par bstan na dbang du 'gyur ba'o/ /rab 'byor tshor ba dang / 'du shes dang / 'du byed rnams dang /[ ]rnam par shes pa ni yod de/ gang spangs shing yongs su shes te yang dag par bstan na dbang du 'gyur ba'o/[ ]/rab 'byor tshor ba dang /[ ]'du shes dang /[ ]'du byed rnams dang /[ ]rnam par shes pa ni yod de/[ ]gang spangs shing yongs su shes te chos dkar po dang ldan pa dang /[ ]chos thams cad la dbang sgyur ba dang /[ ]bde ba 39.137a chen po la gnas par 'gyur ro/ /rab 'byor byang chub sems dpa' gang la la zhig gzugs la gzugs tsam dang / sdug bsngal tsam du yang dag par rjes su mi mthong ba de gzugs la bdag tu dmigs so/ /gang gzugs la bdag tu dmigs pa de gzugs la bdag tu lta bar dmigs so/ /gang gzugs la bdag tu lta bar dmigs pa de gzugs la thams cad dmigs so/ /gang gzugs la thams cad dmigs pa de/ gzugs la thams cad mi dmigs so/ /gzugs la thams cad dmigs pa na thams cad mi dmigs pa de'i dmigs pa de yongs su grub pa yin no/ /de dmigs pa de la gnas na nyan thos kyi theg pa dang / rang sangs rgyas kyi theg pas kyang nges par 'byung bar mi 'gyur na theg pa chen pos lta smos kyang ci dgos/ rab 'byor byang chub sems dpa' gang la la zhig tshor ba dang / 'du shes dang / 'du byed rnams dang / rnam par shes pa la rnam par shes pa tsam dang sdug bsngal tsam du yang dag par rjes su mi mthong ba de rnam par shes pa la bdag tu dmigs so/ /gang rnam par shes pa la bdag tu dmigs pa de rnam par shes pa la bdag tu lta bar dmigs so/ /gang rnam par shes pa la bdag tu lta bar dmigs pa de rnam par shes pa la thams cad dmigs so/ /gang rnam par shes pa la thams cad dmigs pa de rnam par shes pa la thams cad mi dmigs so/ /gang rnam par shes pa la thams cad dmigs pa na thams cad mi dmigs pa de'i dmigs pa de yongs su grub pa yin no/ /de dmigs pa de la gnas na nyan thos kyi theg pa dang / rang sangs rgyas kyi theg pas kyang nges par 'byung bar mi 'gyur na theg pa chen pos lta smos kyang ci dgos/ rab 'byor gang yang gzugs la gzugs tsam dang / sdug bsngal tsam du yang dag par rjes su mthong ba de gzugs la bdag tu mi dmigs so/ /gang gzugs la bdag tu mi dmigs pa de 39.137b gzugs la bdag tu lta bar mi dmigs so/ /gang gzugs la bdag tu lta bar mi dmigs pa de gzugs la thams cad mi dmigs so/ /gang gzugs la thams cad mi dmigs pa de gzugs la thams cad dmigs so/ /gang gzugs la thams cad mi dmigs pa na thams cad dmigs pa de'i dmigs pa de yongs su grub pa yin no/ /de dmigs pa de la gnas na nyan thos dang / rang sangs rgyas kyi theg pas nges par 'byung bar 'gyur gyi theg pa chen pos ni ma yin no/ /rab 'byor gang yang tshor ba dang / 'du shes dang / 'du byed rnams dang / rnam par shes pa la rnam par shes pa tsam dang / sdug bsngal tsam du yang dag par rjes su mthong ba de rnam par shes pa la bdag tu mi dmigs so/ /gang rnam par shes pa la bdag tu mi dmigs pa de rnam par shes pa la bdag tu lta bar mi dmigs so/ /gang rnam par shes pa la bdag tu lta bar mi dmigs pa de rnam par shes pa la thams cad mi dmigs so/ /gang rnam par shes pa la thams cad mi dmigs pa de rnam par shes pa la thams cad dmigs so/ /gang rnam par shes pa la thams cad mi dmigs pa na thams cad dmigs pa de'i dmigs pa de yongs su grub pa yin no/ /de mi dmigs pa de la gnas na/ nyan thos kyi theg pa dang / rang sangs rgyas kyi theg pas nges par 'byung bar 'gyur gyi theg pa chen pos ni ma yin no/ /rab 'byor gang la la zhig gzugs la yang dag pa ma yin pa kun brtags pa tsam dang /[ ]'khrul pa tsam du yang dag par rjes su mi mthong ba de gzugs la gzugs su dmigs so/ /gang gzugs la gzugs su dmigs pa de gzugs la gzugs su lta bar dmigs so/ /gang gzugs la gzugs su lta bar dmigs pa de gzugs la thams cad dmigs so/ /gang gzugs la thams cad dmigs pa de gzugs la thams cad mi dmigs so/ / 39.138a gang gzugs la thams cad dmigs pa na thams cad mi dmigs pa de'i dmigs pa de yongs su grub pa yin no/ /de dmigs pa de la gnas na nyan thos kyi theg pa dang / rang sangs rgyas kyi theg pas kyang nges par 'byung bar mi 'gyur na theg pa chen pos lta smos kyang ci dgos rab 'byor gang yang tshor ba dang / 'du shes dang / 'du byed rnams dang /[ ]rnam par shes pa la yang dag pa ma yin pa kun brtags pa tsam dang / 'khrul pa tsam du yang dag par rjes su mi mthong ba de rnam par shes pa la rnam par shes par dmigs so/ /gang rnam par shes pa la rnam par shes par dmigs pa de rnam par shes pa la rnam par shes par lta bar dmigs so/ /gang rnam par shes pa la rnam par shes par lta bar dmigs pa de rnam par shes pa la thams cad dmigs so/ /gang rnam par shes pa la thams cad dmigs pa de rnam par shes pa la thams cad mi dmigs so/ /gang rnam par shes pa la thams cad dmigs pa na thams cad mi dmigs pa de'i dmigs pa de yongs su grub pa yin no/ /de dmigs pa de la gnas na nyan thos kyi theg pa 'am/ rang sangs rgyas kyi theg pas kyang nges par 'byung bar mi 'gyur na/ theg pa chen pos lta smos kyang ci dgos/ rab 'byor gang gzugs la yang dag pa ma yin pa kun brtags pa tsam dang / 'khrul pa tsam du yang dag par rjes su mthong ba de gzugs la gzugs su mi dmigs so/ /gang gzugs la gzugs su mi dmigs pa de gzugs la gzugs su lta bar mi dmigs so/ /gang gzugs la gzugs su lta bar mi dmigs pa de gzugs la thams cad mi dmigs so/ /gang gzugs la thams cad mi dmigs pa de gzugs la thams cad mi dmigs so/ /gang gzugs la thams cad mi dmigs pa na thams cad dmigs pa de'i dmigs pa de yongs su grub pa yin no/ /de mi dmigs pa de la gnas na theg pa chen pos kyang nges par 'byung bar 39.138b 'gyur na nyan thos kyi theg pa 'am/[ ]rang sangs rgyas kyi theg pas lta smos kyang ci dgos/ rab 'byor gang tshor ba dang / 'du shes dang / 'du byed rnams dang / rnam par shes pa la yang dag pa ma yin pa kun brtags pa tsam dang / 'khrul pa tsam du yang dag par rjes su mthong ba de rnam par shes pa la rnam par shes par mi dmigs so/ /gang rnam par shes pa la rnam par shes par mi dmigs pa de rnam par shes pa la rnam par shes par lta bar mi dmigs so/ /gang rnam par shes pa la rnam par shes par lta bar mi dmigs pa de rnam par shes pa la thams cad mi dmigs so/ /gang rnam par shes pa la thams cad mi dmigs pa de rnam par shes pa la thams cad dmigs so/ /gang rnam par shes pa la thams cad mi dmigs na thams cad dmigs pa de'i mi dmigs pa de yongs su grub pa yin no/ /de dmigs pa de la theg pa chen pos kyang nges par 'byung bar 'gyur na nyan thos kyi theg pa 'am/[ ]rang sangs rgyas kyi theg pas lta smos kyang ci dgos/ rab 'byor byang chub sems dpa' gzugs la sgra ji bzhin du mngon par zhen te/ tha snyad du kun du spyod na 'jig tshogs la lta bar kun du spyod pa yin/ yang 'byung ba'i sred pa la kun du spyod pa yin/ 'jig pa yongs su tshol bar kun du spyod pa yin te/[ ]gzugs yongs su mi shes pa'i rtags yin no/ /de bzhin du byang chub sems dpa' tshor ba dang / 'du shes dang / 'du byed rnams dang / rnam par shes pa sgra ji bzhin du mngon par zhen te/ tha snyad du kun du spyod na 'jig tshogs la lta bar kun du spyod pa yin / yang 'byung ba'i sred pa la kun du spyod pa yin/[ ]'jig pa yongs su tshol bar kun du spyod pa yin te/ rnam par shes pa yongs su mi shes pa'i rtags yin no/ /rab 'byor byang chub sems dpa' gzugs la sgra ji bzhin du mngon par zhen te/ tha snyad du kun du mi spyod na 'jig tshogs la lta bar kun du spyod pa ma yin / yang 'byung ba'i sred pa la kun du spyod 39.139a pa ma yin/ 'jig pa yongs su tshol bar kun du spyod pa ma yin te/ gzugs yongs su shes pa'i rtags yin no/ /rab 'byor byang chub sems dpa' tshor ba dang / 'du shes dang / 'du byed rnams dang / rnam par shes pa la sgra ji bzhin du mngon par zhen te/ tha snyad du kun du mi spyod na 'jig tshogs la lta bar kun du spyod pa ma yin/ yang 'byung ba'i sred pa la kun du spyod pa ma yin/ 'jig pa yongs su tshol bar kun du spyod pa ma yin te/ rnam par shes pa yongs su shes pa'i rtags yin no/ /rab 'byor byang chub sems dpa' gzugs la rkyen gang dag yongs su bzung na rnam par byang bar 'gyur ba'i sems kyi sa bon ni gsum po 'di dag ste/ mos pa sems kyi sa bon dang /[ ]yid 'byung ba sems kyi sa bon dang / chud mi gson pa sems kyi sa bon no/ /rab 'byor byang chub sems dpas gzugs la mngon par zhen pa med pa'i sems dang / 'bral ba'i sems dang / yongs su sbyong ba'i sems dang /[ ]sems gsum po 'di dag bskyed par bya'o/ /rab 'byor byang chub sems dpas gzugs la sems skye ba dang / mi skye ba dang / cher skye ba dang / mnyam du skye ba de yang dag par rjes su mthong ste/ de ltar yang dag par rjes su mthong na myur du bla na med pa'i byang chub mngon par rdzogs pa'i byang chub mngon par rdzogs par 'tshang rgya'o/ /rab 'byor byang chub sems dpas tshor ba dang /[ ]'du shes dang / 'du byed rnams dang / rnam par shes pa la rkyen gang dag yongs su bzung na rnam par byang bar 'gyur ba'i sems kyi sa bon ni gsum po 'di dag ste/ mos pa sems kyi sa bon dang / yid 'byung ba sems kyi sa bon dang / chud mi gson pa sems kyi sa bon no/ /rab 'byor byang chub sems dpas tshor ba dang / 'du shes dang / 'du byed rnams dang / rnam par shes pa la mngon par zhen pa'i sems dang bral ba'i sems dang /[ ]yongs su sbyong ba'i sems dang / 39.139b sems gsum po 'di dag bskyed par bya'o/ /rab 'byor gal te byang chub sems dpas tshor ba dang / 'du shes dang / 'du byed rnams dang / rnam par shes pa la sems skye ba dang / mi skye ba dang /[ ]cher skye ba dang / mnyam du skye ba dang / de ltar yang dag par rjes su mthong ste/ de de ltar yang dag par rjes su mthong na myur du bla na med pa yang dag par rdzogs pa'i byang chub mngon par rdzogs par 'tshang rgya'o/ /rab 'byor gal te byang chub sems dpas gzugs la yod pa nyid dang / de bzhin du yod pa nyid dam med pa nyid du yang dag par rjes su mthong na de kho na mi shes pa'i byang chub sems dpar rig par bya'o/ /rab 'byor gal te byang chub sems dpas tshor ba dang / 'du shes dang / 'du byed rnams dang / rnam par shes pa la yod pa nyid dang de bzhin du yod pa nyid dam med pa nyid du yang dag par rjes su mthong na de kho na mi shes pa'i byang chub sems dpar rig par bya'o/ /rab 'byor gal te byang chub sems dpas gzugs la yod pa ma yin pa dang de bzhin du yod pa ma yin pa dang / yod pa yang ma yin/ med pa yang ma yin par yang dag par rjes su mthong na de kho na shes pa'i byang chub sems dpa' zhes bya'o/ /rab 'byor gal te byang chub sems dpa' tshor ba dang / 'du shes dang / 'du byed rnams dang / rnam par shes pa la yod pa ma yin pa dang /[ ]de bzhin du yod pa ma yin pa dang / yod pa yang ma yin/ med pa yang ma yin par yang dag par rjes su mthong na de kho na shes pa'i byang chub sems dpa' zhes bya'o/ /rab 'byor byang chub sems dpa' gzugs la sems mnyam par gzhag par 'dod cing gzugs la mos la/ gzugs la sems de skyod kun du skyod rnam par skyod/ mos pa ngan pa'i byang chub sems dpar rig par bya'o/ /rab 'byor byang chub sems dpa' tshor ba dang / 'du shes dang /[ ]'du byed rnams dang / rnam par shes pa la sems mnyam par gzhag par 'dod cing 39.140a rnam par shes pa la mos la rnam par shes pa la sems de bskyod/ kun du bskyod/ rnam par bskyod na mos pa ngan pa'i byang chub sems dpar rig par bya'o/ /rab 'byor byang chub sems dpa' gzugs la sems mnyam par 'dod cing / sems de gzugs la mos pa na/ gzugs la sems mi 'dogs/[ ]kun du mi 'dogs/ rnam par mi 'dogs na mos pa bzang po'i byang chub sems dpar rig par bya'o/ /rab 'byor byang chub sems dpa' tshor ba dang / 'du shes dang / 'du byed rnams dang / rnam par shes pa la sems mnyam par gzhag par 'dod cing sems de rnam par shes pa la mos pa na rnam par shes pa la sems mi 'dogs/ kun du mi 'dogs/ rnam par mi 'dogs na mos pa bzang po'i byang chub sems dpar rig par bya'o/ /rab 'byor byang chub sems dpa' gzugs la mtshan nyid med pa'i chos yongs su shes par bya ba dang /[ ]sdug bsngal rab tu zhi bar bya ba dang / mya ngan las 'das pa la gcig tu nges par bya ba'i phyir zhugs na/ yang dag par zhugs par rig par bya'o/ /byang chub sems dpa' de ltar yang dag par zhugs pa ni myur du bla na med pa yang dag par rdzogs pa'i byang chub mngon par rdzogs par 'tshang rgya'o/ /rab 'byor byang chub sems dpa' tshor ba dang / 'du shes dang / 'du byed rnams dang /[ ]rnam par shes pa la mtshan nyid med pa'i chos yongs su shes par bya ba dang /[ ]sdug bsngal rab tu zhi bar bya ba dang / mya ngan las 'das pa la gcig tu nges par bya ba'i phyir zhugs na/ yang dag par zhugs par rig par bya'o/ /byang chub sems dpa' de ltar yang dag par zhugs pa ni myur du bla na med pa yang dag par rdzogs pa'i byang chub mngon par rdzogs par 'tshang rgya'o/ /mtshan nyid med par shes bya dang / /sdug bsngal zhi bar bya ba dang / zhi ba gcig tu nges byar bar/ byang chub sems dpa' sgrub par byed/ rab 'byor byang chub sems 39.140b dpa' gzugs la snang ba med pa dang / kun du snang ba dang / de la gnas pa dang / de la 'jug pa'i chos yang dag pa ji lta ba bzhin du shes na/ myur du bla na med pa yang dag par rdzogs pa'i byang chub mngon par rdzogs par 'tshang rgya'o/ /rab 'byor byang chub sems dpa' tshor ba dang / 'du shes dang / 'du byed rnams dang / rnam par shes pa la snang ba med pa dang /[ ]kun du snang ba dang / de la gnas pa dang / de 'jug pa'i chos yang dag pa ji lta ba bzhin du rab tu shes pa na/ myur du bla na med pa yang dag par rdzogs pa'i byang chub mngon par rdzogs par 'tshang rgya'o/ /chos gang snang ba med pa dang / /kun du snang ba nyid dang ni/ /de la gnas dang rab 'jug pa/ /de shes nas ni byang chub 'thob/ /rab 'byor byang chub sems dpa' gzugs la gzugs yongs su tshol ba na de mi dmigs te/ gzugs mi snang bar byas shing gzugs kyi chos nyid kyang rab tu rtogs par byas na/ myur du bla na med pa yang dag par rdzogs pa'i byang chub mngon par rdzogs par 'tshang rgya'o/ /rab 'byor byang chub sems dpa' tshor ba dang / 'du shes dang / 'du byed rnams dang / rnam par shes pa la rnam par shes pa yongs su tshol ba na de mi dmigs te/ rnam par shes pa mi snang bar byas shing rnam par shes pa'i chos nyid kyang rab tu rtogs par byas nas myur du bla na med pa yang dag par rdzogs pa'i byang chub mngon par rdzogs par 'tshang rgya'o/ /rab tu btsal na mi dmigs chos/[ ]/sems la dngos por mi snang ba/ /chos nyid legs par shes pa yi/ /blo ldan byang chub 'thob par 'gyur/ rab 'byor byang chub sems dpa' gzugs la dngos po med par mkhas pa ni gzugs 'jig pa dang ldan zhing gzugs kyi chos kyi dbyings las mi g.yo bar myur du bla na med pa yang dag par rdzogs pa'i byang chub mngon par rdzogs par 'tshang rgya'o/ /rab 'byor byang chub sems dpa' tshor ba dang / 'du shes dang / 'du byed rnams dang / rnam par shes pa la dngos po med 39.141a par mkhas pa ni rnam par shes pa 'jig pa dang ldan zhing rnam par shes pa'i chos kyi dbyings las mi g.yo bar myur du bla na med pa yang dag par rdzogs pa'i byang chub mngon par rdzogs par 'tshang rgya'o/ /blo ldan dngos po med mkhas pa/ /rnam par 'jig dang ldan gyur cing / /chos kyi dbyings las mi g.yo bar/ /thams cad mkhyen pa nyid 'thob 'gyur/ /rab 'byor byang chub sems dpas gzugs la don dang bral ba dang / don med pa dang /[ ]don chen por yang dag pa ji lta ba bzhin du rab tu shes na myur du bla na med pa yang dag par rdzogs pa'i byang chub mngon par rdzogs par 'tshang rgya'o/ /rab 'byor byang chub sems dpas tshor ba dang / 'du shes dang / 'du byed rnams dang / rnam par shes pa la don dang bral ba dang don med pa dang / don chen por yang dag pa ji lta ba bzhin du shes na myur du bla na med pa yang dag par rdzogs pa'i byang chub mngon par rdzogs par 'tshang rgya'o/ /don bral ba dang don med dang / /don che ba yi don du ni/ /shes nas byang chub sems dpa' rnams/ /byang chub chen po 'thob par 'gyur/ /rab 'byor byang chub sems dpa' sems dpa' chen pos gzugs la rnam par rtog pa'i 'dod chags dang / rab tu rtog pa'i 'dod chags dang / rnam par rtog pa'i 'dod chags dang / 'dod chags dang / 'dod chags chen po dang /[ ]'dod chags lnga yongs su shes par byas te/ yongs su spang bar bya'o/ /rab 'byor byang chub sems dpa' sems dpa' chen pos tshor ba dang / 'du shes dang / 'du byed rnams dang / rnam par shes pa la rnam par rtog pa'i 'dod chags dang / rab tu rtog pa'i 'dod chags dang / rnam par rtog pa'i 'dod chags dang / 'dod chags dang 'dod chags chen po dang 'dod chags lnga yongs su shes par byas te yongs su spang bar bya'o/ /rab 'byor byang chub sems dpas gzugs la 'dod chags lnga po 'di dag yongs su spangs nas gzugs kyi rang bzhin mi dmigs so/ /gzugs kyi rang bzhin mi dmigs 39.141b pas gzugs la gzugs su mi dmigs so/ /gzugs la gzugs su mi dmigs pas gzugs la gzugs dmigs te/ gang gzugs la gzugs dmigs pa de nyid gzugs la gzugs mi dmigs pa'o/ /de gzugs mi dmigs pa des gzugs rnam pa thams cad du zil gyis mnan nas 'di lta ste/ bla na med pa yang dag par rdzogs pa'i byang chub tu nges par 'byung ngo / /rab 'byor byang chub sems dpas tshor ba dang / 'du shes dang / 'du byed rnams dang /[ ]rnam par shes pa la 'dod chags lnga po 'di dag yongs su spangs nas rnam par shes pa'i rang bzhin mi dmigs so/ /rnam par shes pa'i rang bzhin mi dmigs pas rnam par shes par mi dmigs so/ /rnam par shes pa la rnam par shes par mi dmigs pas rnam par shes pa la rnam par shes par mi dmigs te/[ ]gang rnam par shes pa la rnam par shes pa dmigs pa de nyid rnam par shes pa la rnam par shes pa mi dmigs pa'o/ /de nas rnam par shes pa dmigs pa mi dmigs pa des rnam par shes pa rnam pa thams cad du zil gyis mnan nas 'di lta ste/ bla na med pa yang dag par rdzogs pa'i byang chub tu nges par 'byung ngo / /rab 'byor byang chub sems dpa' gzugs la rnam par rtog pa dang /[ ]rnam par dpyod pa'i zhe sdang dang / rab tu rtog pa dang / rnam par dpyod pa'i zhe sdang dang / rnam par rtog pa dang / rnam par dpyod pa'i zhe sdang dang / zhe sdang dang / zhe sdang chen po dang / zhe sdang lnga yongs su shes par byas te yongs su spang bar bya'o/ /rab 'byor byang chub sems dpas tshor ba dang / 'du shes dang / 'du byed rnams dang / rnam par shes pa la rnam par rtog pa dang / rnam par dpyod pa'i zhe sdang dang / rab tu rtog pa dang / rnam par dpyod pa'i zhe sdang dang / rnam par rtog pa dang / rnam par dpyod pa'i zhe sdang dang / zhe sdang dang / zhe sdang chen po dang / zhe sdang lnga yongs su shes par byas te yongs su spang bar bya'o/ /rab 'byor byang chub sems dpas gzugs la zhe sdang lnga po 'di dag yongs su spangs nas gzugs kyi rang bzhin mi dmigs so/ /gzugs kyi rang bzhin 39.142a mi dmigs pas gzugs la gzugs su mi dmigs so/ /gzugs la gzugs su mi dmigs pas gzugs la gzugs dmigs te/ gang gzugs la gzugs dmigs pa de nyid gzugs la gzugs mi dmigs pa'o/ /de gzugs dmigs pa mi dmigs pa des gzugs rnam pa thams cad du zil gyis mnan nas 'di lta ste/ bla na med pa yang dag par rdzogs pa'i byang chub tu nges par 'byung ngo / /rab 'byor byang chub sems dpas tshor ba dang / 'du shes dang / 'du byed rnams dang /[ ]rnam par shes pa la zhe sdang lnga po 'di dag yongs su spangs nas rnam par shes pa'i rang bzhin mi dmigs so/ /rnam par shes pa'i rang bzhin mi dmigs pas rnam par shes pa la rnam par shes par mi dmigs so/ /rnam par shes pa la rnam par shes pa mi dmigs pas rnam par shes pa la rnam par shes pa dmigs te/[ ]gang rnam par shes pa la rnam par shes pa dmigs pa de nyid rnam par shes pa la rnam par shes pa mi dmigs pa'o/ /de rnam par shes pa dmigs pa mi dmigs pa des rnam par shes pa rnam pa thams cad du zil gyis mnan nas 'di lta ste/[ ]bla na med pa yang dag par rdzogs pa'i byang chub tu nges par 'byung ngo/ /rab 'byor byang chub sems dpa' gzugs la 'khrul pa'i gti mug dang /[ ]'khrul pa'i rgyu'i gti mug dang / mi 'khrul pa'i rgyu'i gti mug dang / gti mug dang /[ ]gti mug chen po dang / gti mug lnga yongs su shes par byas te yongs su spang bar bya'o/ /rab 'byor byang chub sems dpas tshor ba dang / 'du shes dang /[ ]'du byed rnams dang / rnam par shes pa la 'khrul pa'i gti mug dang /[ ]'khrul pa'i rgyu'i gti mug dang / mi 'khrul pa'i rgyu'i gti mug dang / gti mug dang / gti mug chen po dang / gti mug lnga yongs su shes par byas te yongs su spang bar bya'o/ /rab 'byor byang chub sems dpas gzugs la gti mug lnga po 39.142b 'di dag yongs su spangs nas gzugs kyi rang bzhin mi dmigs so/ /gzugs kyi rang bzhin mi dmigs pas gzugs la gzugs su mi dmigs so/ /gzugs la gzugs su mi dmigs pas gzugs la gzugs dmigs te/ gang gzugs la gzugs dmigs pa de nyid gzugs la gzugs mi dmigs pa'o/ /de gzugs dmigs pa mi dmigs pa des gzugs rnam pa thams cad du zil gyis mnan nas 'di lta ste/ bla na med pa yang dag par rdzogs pa'i byang chub tu nges par 'byung ngo / /rab 'byor byang chub sems dpas tshor ba dang / 'du shes dang / 'du byed rnams dang / rnam par shes pa la gti mug lnga po 'di dag yongs su spangs nas rnam par shes pa'i rang bzhin mi dmigs so/ /rnam par shes pa'i rang bzhin mi dmigs pas rnam par shes pa rnam par shes par mi dmigs so/ /rnam par shes pa la rnam par shes par mi dmigs pas rnam par shes pa la rnam par shes pa dmigs te/ gang rnam par shes pa la rnam par shes pa dmigs pa de nyid rnam par shes pa la rnam par shes pa mi dmigs pa'o/[ ]/de rnam par shes pa dmigs pa mi dmigs pa des rnam par shes pa rnam pa thams cad du zil gyis mnan nas 'di lta ste/ bla na med pa yang dag par rdzogs pa'i byang chub tu nges par 'byung ngo / /rab 'byor byang chub sems dpas gzugs la mang du thos pa'i nga rgyal dang / mngon par mtho ba'i nga rgyal dang / mngon pa'i nga rgyal dang / nga rgyal dang / nga rgyal chen po dang / nga rgyal lnga yongs su shes par byas te yongs su spang bar bya'o/ /rab 'byor byang chub sems dpas tshor ba dang / 'du shes dang / 'du byed rnams dang /[ ]rnam par shes pa la mang du thos pa'i nga rgyal dang / mngon par mtho ba'i nga rgyal dang / mngon pa'i nga'i nga rgyal dang / nga rgyal dang /[ ]nga rgyal chen po dang / nga rgyal lnga yongs su shes par byas te yongs su spang bar bya'o/ / 39.143a rab 'byor byang chub sems dpas gzugs la nga rgyal lnga po 'di dag yongs su spangs nas gzugs kyi rang bzhin mi dmigs so/ /gzugs kyi rang bzhin mi dmigs pas gzugs la gzugs su mi dmigs so/ /gzugs la gzugs su mi dmigs pas gzugs la gzugs dmigs te/ gang gzugs la gzugs dmigs pa de nyid gzugs la gzugs mi dmigs pa'o/ /de gzugs dmigs pa mi dmigs pa des gzugs rnam pa thams cad du zil gyis mnan nas 'di lta ste/ bla na med pa yang dag par rdzogs pa'i byang chub tu nges par 'byung ngo / /rab 'byor byang chub sems dpas tshor ba dang / 'du shes dang / 'du byed rnams dang / rnam par shes pa la nga rgyal lnga po 'di dag yongs su spangs nas rnam par shes pa'i rang bzhin mi dmigs so/ /rnam par shes pa'i rang bzhin mi dmigs pas rnam par shes pa la rnam par shes par mi dmigs so/ /rnam par shes pa la rnam par shes par mi dmigs pas rnam par shes pa la rnam par shes pa dmigs te/ gang rnam par shes pa la rnam par shes pa dmigs pa de nyid rnam par shes pa la rnam par shes pa mi dmigs pa'o/ /de rnam par shes pa dmigs pa mi dmigs pa des rnam par shes pa rnam pa thams cad du zil gyis mnan nas 'di lta ste/ bla na med pa yang dag par rdzogs pa'i byang chub tu nges par 'byung ngo / /rab 'byor byang chub sems dpas gzugs la rang bzhin la phyin ci log gi lta ba dang / yod do snyam pa'i lta ba dang / skur ba 'debs pa'i lta ba dang / lta ba dang / lta ba chen po dang / lta ba lnga yongs su shes par byas te yongs su spang bar bya'o/ /rab 'byor byang chub sems dpas tshor ba dang /[ ]'du shes dang / 'du byed rnams dang / rnam par shes pa la rang bzhin la phyin ci log pa'i lta ba dang / yod do snyam pa'i lta ba dang / skur pa 'debs pa'i lta ba dang / lta ba dang lta ba chen po dang / lta ba lnga yongs su shes par byas te yongs 39.143b su spang bar bya'o/ /rab 'byor byang chub sems dpas gzugs la lta ba lnga po 'di dag yongs su spangs nas gzugs kyi rang bzhin mi dmigs so/ /gzugs kyi rang bzhin mi dmigs pas gzugs la gzugs su mi dmigs so/ /gzugs la gzugs su mi dmigs pas gzugs la gzugs dmigs te gang gzugs la gzugs dmigs pa de nyid gzugs la gzugs mi dmigs pa'o/ /de gzugs dmigs pa mi dmigs pa des gzugs rnam pa thams cad du zil gyis mnan nas 'di lta ste/ bla na med pa yang dag par rdzogs pa'i byang chub tu nges par 'byung ngo / /rab 'byor byang chub sems dpas tshor ba dang / 'du shes dang / 'du byed rnams dang / rnam par shes pa la lta ba lnga po 'di dag yongs su spangs nas rnam par shes pa'i rang bzhin mi dmigs so/ /rnam par shes pa'i rang bzhin mi dmigs pas rnam par shes pa la rnam par shes par mi dmigs so/ /rnam par shes pa la rnam par shes par mi dmigs pas rnam par shes pa la rnam par shes pa dmigs te/ gang rnam par shes pa la rnam par shes par dmigs pa de nyid rnam par shes pa la rnam par shes pa mi dmigs pa'o/ /de rnam par shes pa dmigs pa mi dmigs pa des rnam par shes pa rnam pa thams cad du zil gyis mnan nas 'di lta ste/[ ]bla na med pa yang dag par rdzogs pa'i byang chub tu nges par 'byung ngo / /rab 'byor byang chub sems dpas gzugs dang chos la yid gnyis za ba dang /[ ]'gro ba dang sdug bsngal la yid gnyis za ba dang mya ngan las 'das pa dang sangs rgyas dang byang chub sems dpa' la yid gnyis za ba dang /[ ]yid gnyis za ba dang / yid gnyis za ba chen po dang / yid gnyis za ba lnga yongs su shes par byas te/ yongs su spang bar bya'o/ /rab 'byor byang chub sems dpas tshor ba dang / 'du shes dang / 'du byed rnams dang / rnam par shes pa la chos la yid gnyis za ba dang / 'gro ba dang / sdug bsngal la yid gnyis za ba 39.144a dang mya ngan las 'das pa dang sangs rgyas dang byang chub sems dpa' la yid gnyis za ba dang yid gnyis za ba dang yid gnyis za ba chen po dang / yid gnyis za ba lnga yongs su shes par byas te yongs su spang bar bya'o/ /rab 'byor byang chub sems dpas gzugs la yid gnyis za ba 'di dag yongs su spangs nas gzugs kyi rang bzhin mi dmigs so/[ ]/gzugs kyi rang bzhin mi dmigs pas gzugs la gzugs su mi dmigs so/ /gzugs la gzugs su mi dmigs pas gzugs la gzugs su dmigs te/[ ]gang gzugs la gzugs dmigs pa de nyid gzugs la gzugs mi da migs pa'o/[ ]/de gzugs dmigs pa mi dmigs pa des gzugs rnam pa thams cad du zil gyis mnan nas 'di lta ste/ bla na med pa yang dag par rdzogs pa'i byang chub tu nges par 'byung ngo / /rab 'byor byang chub sems dpas tshor ba dang / 'du shes dang / 'du byed rnams dang / rnam par shes pa la yid gnyis za ba lnga po 'di dag yongs su spangs nas rnam par shes pa'i rang bzhin mi dmigs so/ /rnam par shes pa'i rang bzhin mi dmigs pas rnam par shes pa la rnam par shes par mi dmigs so/ /rnam par shes pa la rnam par shes par mi dmigs pas rnam par shes pa la rnam par shes pa dmigs te/ gang rnam par shes pa la rnam par shes pa dmigs pa de nyid rnam par shes pa la rnam par shes pa mi dmigs pa'o/ /de rnam par shes pa dmigs pa mi dmigs pa des rnam par shes pa rnam pa thams cad du zil gyis mnan nas 'di lta ste/ bla na med pa yang dag par rdzogs pa'i byang chub tu nges par 'byung ngo / /rab 'byor byang chub sems dpa' gzugs yongs su tshol zhing gzugs kyi chos ston la gzugs la lus dang ngag dang / yid kyi las yongs su sbyong zhing gzugs de ji ltar brjod pa dang / ji ltar bstan pa dang / ji ltar bsnyad pa bzhin du yongs su tshol zhing chos ston te/ de la lus dang / ngag dang / yid kyi las yongs su sbyong ba 39.144b gzugs la nyes pa yongs su tshol ba'i byang chub sems dpar rig par bya'o/ /gzugs la dam pa'i chos ma yin pa'i gtam can gyi byang chub sems dpar rig par bya'o/ /gzugs la lus dang / ngag dang / yid kyi las yongs su ma dag pa'i byang chub sems dpar rig par bya'o/ /rab 'byor byang chub sems dpa' gzugs yongs su tshol zhing gzugs kyi chos ston la gzugs la lus dang / ngag dang / yid kyi las yongs su sbyong zhing gzugs de la ji ltar brjod pa bzhin du ma yin/ ji ltar bstan pa bzhin du ma yin/ ji ltar bsnyad pa bzhin du ma yin par yongs su tshol zhing chos ston te/[ ]de la lus dang / ngag dang / yid kyi las yongs su sbyong na gzugs la legs par tshol ba'i byang chub sems dpa' ste/ yang dag pa'i ngag gi las kyi gtam can gyi byang chub sems dpar rig par bya'o/ /gzugs de la lus dang /[ ]ngag dang / yid kyi las yongs su dag pa'i byang chub sems dpar rig par bya'o/ /rab 'byor byang chub sems dpa' tshor ba dang / 'du shes dang /[ ]'du byed rnams dang / rnam par shes pa yongs su tshol zhing rnam par shes pa'i chos ston la/ rnam par shes pa la lus dang / ngag dang / yid kyi las yongs su sbyong zhing rnam par shes pa de ji ltar brjod pa dang / ji ltar bstan pa dang / ji ltar bsnyad pa bzhin du yongs su tshol zhing chos ston te/ de la lus dang / ngag dang / yid kyi las yongs su sbyong na/ rnam par shes pa la nyes par yongs su tshol ba'i byang chub sems dpar rig par bya'o/ /rnam par shes pa la dam pa'i chos ma yin pa'i gtam can gyi byang chub sems dpar rig par bya'o/ /rnam par shes pa la lus dang / ngag dang / yid kyi las yongs su ma dag pa'i byang chub sems dpar rig par bya'o/ /rab 'byor byang chub sems dpa' rnam par shes pa yongs su tshol zhing rnam par shes pa'i chos ston la/[ ]rnam par shes pa la lus dang ngag dang yid kyi las yongs su sbyong zhing rnam par shes pa de la ji ltar brjod pa bzhin du ma yin/ ji ltar bstan pa bzhin du ma yin/ ji ltar bsnyad pa 39.145a bzhin du ma yin par yongs su tshol zhing chos ston te/ de la lus dang ngag dang / yid kyi las yongs su sbyong na rnam par shes pa la legs par tshol ba'i byang chub sems dpa' ste/ yang dag pa'i ngag gi las kyi gtam can gyi byang chub sems dpar rig par bya'o/ /rnam par shes pa de la lus dang ngag dang / yid kyi las yongs su dag pa'i byang chub sems dpar rig par bya'o/ /rab 'byor byang chub sems dpa' gzugs la sems mnyam par gzhag par 'dod cing gzugs de la nang du mos na/ gzugs la mos par bya ba'i gzugs dang / mos pa'i gzugs gnyis dmigs par 'gyur ro/ /de la byang chub sems dpa' mos pa'i gzugs la mos par bya ba ji lta ba bzhin du ston tam/ mos par bya ba la mos pa ji lta ba bzhin du ston na gzugs la yang dag pa ma yin par ston pa'i byang chub sems dpar rig par bya'o/ /de ci'i phyir zhe na/ rab 'byor mos par bya ba'i gzugs las mos pa'i gzugs kyi mtshan nyid gud na med do/ /rab 'byor gal te mos par bya ba'i gzugs las mos pa'i gzugs kyi mtshan nyid gud na yod na ni mos par bya ba la sems can mos pa tha dad pa rnams dang / mtshungs par lta ba tha dad par dmigs par 'gyur zhing rmi lam la sogs pa la dmigs pa med pa'i mos pas dmigs par yang mi 'gyur la/ byis pa so so'i skye bo rnams kyang gzugs la de kho na mthong bar 'gyur zhing rnam par mi rtog pa'i mos pa grub pa/ rigs pa la yang mos par bya ba'i gzugs rjes su 'jug par mi 'gyur ba zhig na/ rab 'byor 'di ltar mos par bya ba la sems can mos pa tha dad pa rnams dang / mtshungs par lta ba tha dad par ma gyur cing rmi lam la sogs pa la yang dmigs pa med pa'i mos pa dmigs la/ byis pa so so'i skye bo rnams kyang gzugs la de kho na mthong bar ma gyur te/ rnam par mi rtog pa'i mos pa grub pa/ rigs pa la yang mos par bya ba'i gzugs 39.145b rjes su 'jug ste/ de'i phyir byang chub sems dpas mos pa'i gzugs las mos par bya ba'i gzugs kyi mtshan nyid gud na med par blta bar bya'o/ /gzhan du na mos par bya ba'i gzugs de ji lta ba bzhin du mtshan ma dang bcas pa'i lta ba'i mos pa'i gzugs kyang yang dag par byung ba ni ma gtogs so/ /de bas na don gzhan snang ngo / /de ltar mthong ba'i byang chub sems dpas mos par bya ba'i gzugs kyi 'du shes rnam par 'jig ste/ de 'di snyam du sems so/ /mos par bya ba'i gzugs yod na mos pa'i gzugs rigs par 'gyur gyi/ med na ni ma yin par rig nas gzugs la 'khrul pa'i sems dmigs te/ mos pa'i gzugs kyi 'du shes kyang rnam par 'jig go/ /de gzugs gnyis kyi 'du shes rnam par bshig cing gzugs kyi 'du shes thams cad gshig nas gzugs thams cad mi dmigs so/ /gzugs thams cad mi dmigs pas gzugs bas gzugs la 'khrul par dmigs so/ /gzugs la 'khrul par dmigs pas gzugs la 'khrul pa'i rgyu dmigs so/ /gzugs la 'khrul pa'i rgyu dmigs pas gzugs la 'khrul pa med pa'i chos yang dag par sgrub bo/ /gzugs la 'khrul pa med pa'i chos yang dag par sgrub pas gzugs la 'khrul pa med pa'i rgyu dmigs so/ /gzugs la 'khrul pa med pa'i rgyu dmigs pas gzugs la 'khrul pa med pa'i chos yang dag par sgrub bo/ /gzugs la 'khrul pa med pa'i chos yang dag par sgrub pas gzugs la 'khrul pa med pa'i rgyu 'thun pa'i chos yang dag par sgrub ste/ des gzugs la 'khrul pa dang / 'khrul pa med pa'i chos snga nas yang dag par bsgrubs pa yin no/ /de gzugs la 'khrul pa med pa'i chos dang 'khrul pa med pa'i rgyu 'thun pa'i chos la rten nas sangs rgyas kyi chos thams cad sgom mo/ /sems can rnams kyang yongs su smin par byed do/ /sangs rgyas kyi zhing yang yongs su sbyong ngo / /myur du bla na med pa yang dag par rdzogs 39.146a pa'i byang chub kyang mngon par rdzogs par 'tshang rgya'o/ /byang chub sems dpa' gzugs la de ltar ston na yang dag par ston pa yin no/ /rab 'byor byang chub sems dpa' tshor ba dang / 'du shes dang / 'du byed rnams dang / rnam par shes pa la sems mnyam par gzhag par 'dod cing rnam par shes pa de la nang du mos na rnam par shes pa la mos par bya ba'i gzugs dang / mos pa'i gzugs gnyis dmigs par 'gyur ro/ /de la byang chub sems dpa' mos pa'i rnam par shes pa la mos pa la mos par bya ba ji lta ba bzhin du ston tam/ mos par bya ba la mos pa ji lta ba bzhin du ston na rnam par shes pa la yang dag pa ma yin par ston pa'i byang chub sems dpar rig par bya'o/ /de ci'i phyir zhe na/ rab 'byor mos par bya ba'i rnam par shes pa las mos pa'i rnam par shes pa'i mtshan nyid gud na med do/ /rab 'byor gal te mos par bya ba'i rnam par shes pa las mos pa'i rnam par shes pa'i mtshan nyid gud na yod na ni mos par bya ba la sems can mos pa tha dad pa rnams dang /[ ]mtshungs par lta ba tha dad par dmigs par 'gyur zhing / rmi lam la sogs pa la dmigs pa med pa'i mos pa dmigs par yang mi 'gyur la/ byis pa so so'i skye bo rnams kyang rnam par shes pa la de kho na mthong bar yang 'gyur zhing /[ ]rnam par mi rtog pa'i mos pa grub par rigs pa la yang mos par bya ba'i rnam par shes pa rjes su 'jug par mi 'gyur ba zhig na/ rab 'byor 'di ltar mos par bya ba la sems can mos pa tha dad pa rnams dang / mtshungs par lta ba tha dad par ma gyur cing / rmi lam la sogs pa la yang dmigs pa med pa'i mos pa de dmigs la/ byis pa so so'i skye bo rnams kyang rnam par shes pa la de kho na mthong bar ma gyur te/ rnam par mi rtog pa'i mos pa grub pa/ rig pa la yang mos par bya ba'i rnam par shes pa rjes su 'jug ste/ de'i phyir byang chub sems dpas mos pa'i rnam par shes pa las mos par bya ba'i rnam par shes pa'i mtshan nyid gud na med par blta bar bya'o/ /gzhan du na 39.146b mos par bya ba'i rnam par shes pa de ji lta ba bzhin du mtshan ma dang bcas pa'i lta ba'i mos pa'i rnam par shes pa yang yang dag par byung ba ni ma gtogs so/ /de bas na don gzhan snang ngo / /de ltar mthong ba'i byang chub sems dpa' mos par bya ba'i rnam par shes pa'i 'du shes rnam par 'jig ste/ de 'di snyam du sems so/ /mos par bya ba'i rnam par shes pa yod na mos pa'i rnam par shes pa yang rigs par 'gyur gyi/ med na ni ma yin par rig nas mos pa'i rnam par shes pa la mos pa'i rnam par shes pa'i 'du shes kyang rnam par 'jig go/ /de rnam par shes pa gnyis kyi 'du shes rnam par bshig nas rnam par shes pa thams cad mi dmigs so/ /rnam par shes pa thams cad mi dmigs pas rnam par shes pa la 'khrul par dmigs so/ /rnam par shes pa la 'khrul par dmigs pas rnam par shes pa la 'khrul pa'i rgyu dmigs so/ /rnam par shes pa la 'khrul pa'i rgyu dmigs pas rnam par shes pa la 'khrul pa med pa'i chos yang dag par sgrub bo/ /rnam par shes pa la 'khrul pa med pa'i chos yang dag par sgrub pas rnam par shes pa la 'khrul pa med pa'i rgyu 'thun pa'i chos yang dag par sgrub ste/ des rnam par shes pa la 'khrul pa dang / 'khrul pa med pa'i chos snga nas yang dag par bsgrubs pa yin no/ /de rnam par shes pa la 'khrul pa med pa'i chos dang / 'khrul pa med pa'i rgyu 'thun pa'i chos la brten nas sangs rgyas kyi chos thams cad sgom mo/ /sems can rnams kyang yongs su smin par byed do/[ ]/sangs rgyas kyi zhing yang yongs su sbyong ngo / /myur du bla na med pa yang dag par rdzogs pa'i byang chub kyang mngon par rdzogs par 'tshang rgya'o/ /byang chub sems dpa' rnam par shes pa la de ltar ston na yang dag par ston par rig par bya'o/ /rab 'byor byang chub sems dpas gzugs la dam pa'i chos nye bar bsgrub pa'i byams pa dang / 'jig rten pa'i bde ba nye bar bsgrub pa'i byams pa dang / 'jig rten las 'das 39.147a pa'i bde ba nye bar bsgrub pa'i byams pa dang / byams pa dang / byams pa chen po dang / byams pa rnam pa lnga bsgom par bya'o/ /rab 'byor byang chub sems dpas tshor ba dang 'du shes dang / 'du byed rnams dang / rnam par shes pa la dam pa'i chos nye bar bsgrub pa'i byams pa dang / 'jig rten pa'i bde ba nye bar bsgrub pa'i byams pa dang / 'jig rten las 'das pa'i bde ba nye bar bsgrub pa'i byams pa dang / byams pa dang / byams pa chen po dang / byams pa rnam pa lnga bsgom par bya'o/ /rab 'byor byang chub sems dpas gzugs la mi sdud pa'i snying rje dang / 'du ba'i snying rje dang / 'bral ba'i snying rje dang / snying rje dang / snying rje chen po dang / snying rje rnam pa lnga bsgom par bya'o/ /rab 'byor byang chub sems dpas tshor ba dang / 'du shes dang / 'du byed rnams dang / rnam par shes pa la mi sdud pa'i snying rje dang / 'du ba'i snying rje dang / 'bral ba'i snying rje dang / snying rje dang / snying rje chen po dang /[ ]snying rje rnam pa lnga bsgom par bya'o/ /rab 'byor byang chub sems dpas gzugs la dam pa'i chos la dad pas brlan pa dang / phan 'dogs pa dang / rjes su yi rang ba'i dga' ba dang / 'jig rten pa'i bde bas brlan pa dang / phan 'dogs pa dang / rjes su yi rang ba'i dga' ba dang / 'jig rten las 'das pa'i bde bas brlan pa dang / phan 'dogs pa dang / rjes su yi rang ba'i dga' ba dang / dga' ba dang / dga' ba chen po dang / dga' ba rnam pa lnga bsgom par bya'o/ /rab 'byor byang chub sems dpas tshor ba dang /[ ]'du shes dang / 'du byed rnams dang / rnam par shes pa la dam pa'i chos la dad pas brlan pa dang / phan 'dogs pa dang / rjes su yi rang ba'i dga' ba dang / 'jig rten pa'i bde bas brlan pa dang / phan 'dogs pa dang /[ ]rjes su yi rang ba'i dga' ba dang / 'jig rten las 'das pa'i bde bas brlan pa dang / phan 'dogs pa dang / rjes su yi rang ba'i dga' ba dang /[ ]dga' ba dang / dga' ba chen po dang / dga' ba rnam pa lnga 39.147b bsgom par bya'o/[ ]/rab 'byor byang chub sems dpas gzugs la lta ba ngan pa dang / kun nas nyon mongs pa med pa/ brtul ba'i btang snyoms dang / nyes pa thams cad yongs su spang ba dang / kun nas nyon mongs pa brtul ba'i btang snyoms dang / yon tan thams cad yongs su bsdu ba dang / kun nas nyon mongs pa med pa'i brtul ba'i btang snyoms dang / btang snyoms dang / btang snyoms chen po dang / btang snyoms rnam pa lnga bsgom par bya'o/ /rab 'byor byang chub sems dpas tshor ba dang / 'du shes dang / 'du byed rnams dang /[ ]rnam par shes pa la lta ba ngan pa dang / kun nas nyon mongs pa med pa brtul ba'i btang snyoms dang / nyes pa thams cad yongs su spang ba dang / kun nas nyon mongs pa med pa brtul ba'i btang snyoms dang / yon tan thams cad yongs su bsdu ba dang / kun nas nyon mongs pa med pa btul ba'i btang snyoms dang / btang snyoms dang / btang snyoms chen po dang /[ ]btang snyoms lnga bsgom par bya'o/ /rab 'byor byang chub sems dpa' sbyin pa'i pha rol du phyin pa la brtson pas gzugs la dam bcas pa'i sbyin pa dang /[ ]zang zing dang mi 'jigs pa bsgrub pa'i sbyin pa dang / chos bsgrub pa'i sbyin pa dang / sbyin pa dang / sbyin pa chen po dang / sbyin pa rnam pa lnga bsgom par bya'o/ /rab 'byor byang chub sems dpa' sbyin pa'i pha rol du phyin pa la brtson pas tshor ba dang / 'du shes dang / 'du byed rnams dang / rnam par shes pa la dam bcas pa'i sbyin pa dang / zang zing dang / mi 'jigs pa bsgrub pa'i sbyin pa dang / chos bsgrub pa'i sbyin pa dang / sbyin pa dang / sbyin pa chen po dang / sbyin pa rnam pa lnga bsgom par bya'o/ /rab 'byor byang chub sems dpa' tshul khrims kyi pha rol du phyin pa la brtson pas gzugs la yang dag par blangs pa dang brda can gyi sdom pa'i tshul khrims dang / bsam gtan gyi sdom pa'i tshul khrims dang / zag pa med pa'i sdom pa'i tshul khrims dang /[ ]tshul khrims dang / tshul khrims chen po dang / tshul khrims rnam pa lnga bsgom par bya'o/ /rab 'byor byang chub sems dpa' tshul khrims kyi pha rol du phyin pa la brtson pas tshor ba dang / 39.148a 'du shes dang / 'du byed rnams dang / rnam par shes pa la yang dag par blangs pa dang brda can gyi sdom pa'i tshul khrims dang / bsam gtan gyi sdom pa'i tshul khrims dang / zag pa med pa'i sdom pa'i tshul khrims dang / tshul khrims dang / tshul khrims chen po dang / tshul khrims rnam pa lnga bsgom par bya'o/ /rab 'byor byang chub sems dpa' bzod pa'i pha rol du phyin pa la brtson pas gzugs la sems can gnod pa byed pa la ji mi snyam pa'i bzod pa dang / sdug bsngal dang du len pa'i bzod pa dang / chos la nges par sems pa'i bzod pa dang / bzod pa dang / bzod pa chen po dang / bzod pa rnam pa lnga bsgom par bya'o/ /rab 'byor byang chub sems dpa' bzod pa'i pha rol du phyin pa la brtson pas tshor ba dang / 'du shes dang /[ ]'du byed rnams dang / rnam par shes pa la sems can gnod pa byed pa la ji mi snyam pa'i bzod pa dang / sdug bsngal dang du len pa'i bzod pa dang / chos la nges par sems pa'i bzod pa dang / bzod pa dang / bzod pa chen po dang / bzod pa rnam pa lnga bsgom par bya'o/ /rab 'byor byang chub sems dpa' brtson 'grus kyi pha rol du phyin pa la brtson pas gzugs la lung nod pa dang / kha ton bya ba sems pa'i brtson 'grus dang / nyes pa thams cad yongs su spang ba'i brtson 'grus dang / yon tan thams cad yongs su bsdu ba'i brtson 'grus dang / brtson 'grus dang / brtson 'grus chen po dang /[ ]brtson 'grus rnam pa lnga bsgom par bya'o/ /rab 'byor byang chub sems dpa' brtson 'grus kyi pha rol du phyin pa la brtson pas tshor ba dang / 'du shes dang /[ ]'du byed rnams dang / rnam par shes pa la lung nod pa dang / kha ton bya ba sems pa'i brtson 'grus dang / nyes pa thams cad yongs su spang ba'i brtson 'grus dang / yon tan thams cad yongs su bsdu ba'i brtson 'grus dang / brtson 'grus dang / brtson 'grus chen po dang / brtson 'grus rnam pa lnga bsgom par bya'o/ /rab 'byor byang chub sems dpa' bsam gtan gyi pha rol du phyin pa la brtson pas gzugs 39.148b la tshig 'bru la ltos pa'i dge ba'i bsam gtan dang / tshig 'bru la mi ltos pa'i dge ba gdod ma nas dag pa'i 'jig rten pa'i bsam gtan dang / 'jig rten las 'das pa'i bsam gtan dang /[ ]bsam gtan dang / bsam gtan chen po dang / bsam gtan rnam pa lnga bsgom par bya'o/ /rab 'byor byang chub sems dpa' bsam gtan gyi pha rol du phyin pa la brtson pas tshor ba dang / 'du shes dang / 'du byed rnams dang /[ ]rnam par shes pa la tshig 'bru la ltos pa'i dge ba'i bsam gtan dang / tshig 'bru la mi ltos pa'i dge ba gdod ma nas dag pa'i 'jig rten pa'i bsam gtan dang / 'jig rten las 'das pa'i bsam gtan dang / bsam gtan dang / bsam gtan chen po dang / bsam gtan rnam pa lnga bsgom par bya'o/ /rab 'byor byang chub sems dpa' shes rab kyi pha rol du phyin pa la brtson pas gzugs la tshig 'bru la ltos pa'i bsam gtan la brten pa'i shes rab dang /[ ]tshig 'bru la mi ltos pa'i dge ba gdod ma nas dag pa'i 'jig rten pa'i bsam gtan la brten pa'i shes rab dang / 'jig rten las 'das pa'i bsam gtan la brten pa'i shes rab dang / shes rab dang / shes rab chen po dang / shes rab rnam pa lnga bsgom par bya'o/ /rab 'byor byang chub sems dpa' shes rab kyi pha rol du phyin pa la brtson pas tshor ba dang / 'du shes dang / 'du byed rnams dang / rnam par shes pa la tshig 'bru la ltos pa'i dge ba'i bsam gtan la brten pa'i shes rab dang / tshig 'bru la mi ltos pa'i dge ba gdod ma nas dag pa'i 'jig rten pa'i bsam gtan la brten pa'i shes rab dang / 'jig rten las 'das pa'i bsam gtan la brten pa'i shes rab dang / shes rab dang / shes rab chen po dang / shes rab rnam pa lnga bsgom par bya'o/ /rab 'byor byang chub sems dpa' dge ba'i bshes gnyen la bsten pa dang ldan pas mnyan pas bsten pa dang / bsnyen bkur bya ba dang /[ ]yongs su spyad pa dang / bslab pa'i cho ga dang 'thun pas bsten pa dang /[ ]nan tan gyis mgu bar bya bas bsten pa dang / bsten pa dang / bsten pa chen po dang / dge ba'i bshes gnyen la bsten pa rnam pa lngas gzugs la dge ba'i bshes gnyen la bsten par bya'o/ / 39.149a rab 'byor byang chub sems dpa' dge ba'i bshes gnyen la bsten pa dang ldan pas mnyan pas bsten pa dang / bsnyen bkur bya ba dang / yongs su spyad pa dang / bslab pa'i cho ga bzhin du bsten pa dang / nan tan gyis mgu bar bya bas bsten pa dang /[ ]bsten pa dang / bsten pa chen po dang / dge ba'i bshes gnyen la bsten pa rnam pa lngas tshor ba dang / 'du shes dang / 'du byed rnams dang / rnam par shes pa la dge ba'i bshes gnyen la bsten par bya'o/ /de ltar dge ba'i bshes gnyen la bsten pa'i byang chub sems dpa' ni rnam par thar pa'i thabs kyang yongs su 'dzin cing bsod nams mang po yang rab tu bskyed de myur du bla na med pa yang dag par rdzogs pa'i byang chub tu yang nges par 'byung ngo / /rab 'byor byang chub sems dpa' de bzhin gshegs pa la mchod pa la brtson pas bstod pa sna tshogs nye bar bsgrub pa'i mchod pa dang / 'thob pa dang /[ ]bkur sti nye bar bsgrub pa'i mchod pa dang / nan tan gyis mnyes par bya ba'i mchod pa dang / mchod pa dang / mchod pa chen po dang / mchod pa rnam pa lngas gzugs la de bzhin gshegs pa la mchod par bya'o/ /rab 'byor byang chub sems dpa' de bzhin gshegs pa la mchod pa la brtson pas bstod pa sna tshogs nye bar bsgrub pa'i mchod pa dang / 'thob pa dang / bkur sti nye bar bsgrub pa'i mchod pa dang / nan tan gyis mnyes par bya ba'i mchod pa dang / mchod pa dang / mchod pa chen po dang / mchod pa rnam pa lngas tshor ba dang / 'du shes dang / 'du byed rnams dang / rnam par shes pa la de bzhin gshegs pa la mchod par bya'o/ /de ltar de bzhin gshegs pa la mchod pa la brtson pa'i byang chub sems dpa' la phyogs bcu'i 'jig rten gyi khams mtha' yas pa'i sangs rgyas bcom ldan 'das rnams kyis bsngags pa brjod pa mdzad do/ /lha dang / mi dang / lha ma yin du bcas pa'i 'jig rten las kyang 'thob pa dang / bkur sti rnyed do/ /sems can tshad med pa yang yongs su smin par byed do/ /sangs rgyas kyi zhing yang yongs su dag par 39.149b byed de myur du bla na med pa yang dag par rdzogs pa'i byang chub kyang mngon par rdzogs par 'tshang rgya'o/ /rab 'byor byang chub sems dpa' sbyin pa'i pha rol du phyin pa dang ldan pa gzugs la mtshan ma dang bcas pa'i sbyin pa sgom na myur du sbyin pa'i pha rol du phyin pa yongs su rdzogs par mi byed do/ /mtshan ma med pa'i sbyin pa sgom na ni myur du sbyin pa'i pha rol du phyin pa yongs su rdzogs par byed do/ /rab 'byor byang chub sems dpa' gzugs la mtshan ma dang bcas pa 'am/ mtshan ma med pa'i sbyin pa ji ltar sgom zhe na/ rab 'byor gal te byang chub sems dpa' gzugs la sbyin pa la mos na/ mos par bya ba'i sbyin pa 'am/[ ]mos pa'i sbyin pa dmigs te/ byang chub sems dpa' gzugs la mtshan ma dang bcas pa'i sbyin pa bsgom par bya'o/ /rab 'byor gal te byang chub sems dpa' gzugs la sbyin pa la mos na 'di lta ste/ gzugs ngo bo nyid kyis dmigs su med pa dang / de ltar dngos po dmigs su med pa dang /[ ]rang bzhin gyis dmigs su med pas mos par bya ba'i sbyin pa mi dmigs shing mos pa'i sbyin pa mi dmigs te/ byang chub sems dpa' gzugs la mtshan ma med pa'i sbyin pa bsgom par rig par bya'o/ /rab 'byor byang chub sems dpa' sbyin pa'i pha rol du phyin pa la brtson pas tshor ba dang / 'du shes dang / 'du byed rnams dang / rnam par shes pa la mtshan ma dang bcas pa'i sbyin pa sgom na myur du sbyin pa'i pha rol du phyin pa yongs su rdzogs par mi byed do/ /mtshan ma med pa'i sbyin pa sgom na ni myur du sbyin pa'i pha rol du phyin pa yongs su rdzogs par byed do/ /rab 'byor byang chub sems dpa' rnam par shes pa la mtshan ma dang bcas pa 'am/ mtshan ma med pa'i sbyin pa ji ltar sgom zhe na/ rab 'byor gal te byang chub sems dpa' rnam par shes pa la sbyin pa la mos na mos par bya ba'i sbyin pa 'am mos pa'i sbyin pa dmigs te/ byang chub sems dpa' rnam par shes pa la mtshan ma dang bcas pa'i sbyin pa bsgom par rig par bya'o/ /rab 'byor gal te byang chub 39.150a sems dpa' rnam par shes pa la sbyin pa la mos na/ 'di lta ste/ rnam par shes pa ngo bo nyid kyis dmigs su med pa dang / de ltar dngos po dmigs su med pa dang / rang bzhin gyis dmigs su med pas mos par bya ba'i sbyin pa mi dmigs shing mos pa'i sbyin pa mi dmigs te/[ ]byang chub sems dpa' rnam par shes pa la mtshan ma med pa'i sbyin pa bsgom par rig par bya'o/ /tshul khrims dang / bzod pa dang / brtson 'grus dang /[ ]bsam gtan dang / shes rab la yang de bzhin sbyar bar bya'o/ /rab 'byor byang chub sems dpas gzugs la stong pa nyid kyi ting nge 'dzin yongs su shes par bya'o/ /rab 'byor gzugs la stong pa nyid kyi ting nge 'dzin gang zhe na/[ ]rab 'byor gang gzugs la dngos po med pa stong pa nyid dang / de ltar dngos po stong pa nyid dang / rang bzhin stong pa nyid la dmigs nas sems rtse gcig tu byed pa 'di ni stong pa nyid kyi ting nge 'dzin te/ byang chub sems dpas de ltar gzugs la stong pa nyid kyi ting nge 'dzin yongs su shes par bya'o/ /rab 'byor byang chub sems dpas tshor ba dang / 'du shes dang / 'du byed rnams dang / rnam par shes pa la stong pa nyid kyi ting nge 'dzin yongs su shes par bya'o/ /rab 'byor rnam par shes pa la stong pa nyid kyi ting nge 'dzin gang zhe na/ rab 'byor gang rnam par shes pa la dngos po med pa stong pa nyid dang /[ ]de ltar dngos po stong pa nyid dang / rang bzhin stong pa nyid la dmigs nas sems rtse gcig tu byed pa 'di ni stong pa nyid kyi ting nge 'dzin te/ rab 'byor byang chub sems dpas de ltar rnam par shes pa la stong pa nyid kyi ting nge 'dzin yongs su shes par bya'o/ /rab 'byor byang chub sems dpas gzugs la mtshan ma med pa'i ting nge 'dzin yongs su shes par bya'o/ /rab 'byor gzugs la mtshan ma med pa'i ting nge 'dzin gang zhe na/ rab 'byor gang byang chub sems dpas gzugs la gzugs dngos po med pa stong pa nyid dang / de ltar dngos po stong pa nyid dang / rang bzhin stong pa nyid du de ltar yid la byed cing gzugs la dngos 39.150b po'i mtshan ma 'gags te dngos po med pa'i mtshan ma'i rjes su 'brang ba'i rnam par shes pa dang yang bral/ de ltar dngos po'i mtshan ma rjes su 'brang ba'i rnam par shes pa dang yang bral/ dngos po dang / dngos po med pa'i mtshan ma'i rjes su 'brang ba'i rnam par shes pa dang yang bral bar sems rtse gcig tu byed pa 'di ni rab 'byor gzugs la mtshan ma med pa'i ting nge 'dzin te/ byang chub sems dpas de ltar gzugs la mtshan ma med pa'i ting nge 'dzin yongs su shes par bya'o/ /rab 'byor byang chub sems dpas tshor ba dang / 'du shes dang / 'du byed rnams dang / rnam par shes pa la mtshan ma med pa'i ting nge 'dzin yongs su shes par bya'o/ /rab 'byor rnam par shes pa la mtshan ma med pa'i ting nge 'dzin gang zhe na/ rab 'byor gang byang chub sems dpas rnam par shes pa la rnam par shes pa dngos po med pa stong pa nyid dang / de ltar dngos po stong pa nyid dang / rang bzhin stong pa nyid du de ltar yid la byed cing rnam par shes pa la dngos po'i mtshan ma 'gags te/ dngos po med pa'i mtshan ma'i rjes su 'brang ba'i rnam par shes pa dang yang bral/ de ltar dngos po'i mtshan ma'i rjes su 'brang ba'i rnam par shes pa dang yang bral/ dngos po dang dngos po med pa'i mtshan ma'i rjes su 'brang ba'i rnam par shes pa dang yang bral bar sems rtse gcig tu byed pa 'di ni rab 'byor rnam par shes pa la mtshan ma med pa'i ting nge 'dzin te/[ ]byang chub sems dpas de ltar rnam par shes pa la mtshan ma med pa'i ting nge 'dzin yongs su shes par bya'o/ /rab 'byor byang chub sems dpas gzugs la smon pa med pa'i ting nge 'dzin yongs su shes par bya'o/ /rab 'byor gzugs la smon pa med pa'i ting nge 'dzin gang zhe na/ gang gzugs la stong pa nyid dang /[ ]mtshan ma med pa'i ting nge 'dzin rnyed pas gzugs la dngos po med pa'i mtshan ma dang mi mthun pa'i dmigs pa dang / de ltar dngos po med pa'i mtshan ma dang mi mthun pa'i 39.151a dmigs pa dang / dngos po dang / dngos po med pa'i mtshan ma dang mi mthun pa'i dmigs pa la sems rtse gcig tu byed pa 'di ni rab 'byor gzugs la smon pa med pa'i ting nge 'dzin te/ rab 'byor byang chub sems dpas de ltar gzugs la smon pa med pa'i ting nge 'dzin yongs su shes par bya'o/ /rab 'byor byang chub sems dpas tshor ba dang / 'du shes dang /[ ]'du byed rnams dang / rnam par shes pa la smon pa med pa'i ting nge 'dzin yongs su shes par bya'o/ /rab 'byor rnam par shes pa la smon pa med pa'i ting nge 'dzin gang zhe na/ rab 'byor gang rnam par shes pa la stong pa nyid dang /[ ]mtshan ma med pa'i ting nge 'dzin rnyed pas rnam par shes pa la dngos po med pa'i mtshan ma dang mi mthun pa'i dmigs pa dang / de ltar dngos po'i mtshan ma dang / mi mthun pa'i dmigs pa dang / dngos po dang / dngos po med pa'i mtshan ma dang mi mthun pa'i dmigs pa la sems rtse gcig tu byed pa 'di ni rab 'byor rnam par shes pa la smon pa med pa'i ting nge 'dzin te/ rab 'byor byang chub sems dpas de ltar rnam par shes pa la smon pa med pa'i ting nge 'dzin yongs su shes par bya'o/ /rab 'byor byang chub sems dpas gzugs la med pa'i don dang / rnam par 'jig pa'i don dang / dri ma dang bcas pa dang /[ ]dri ma med pa'i don dang / don gsum gyis mi rtag pa nyid yongs su shes par bya'o/ /rab 'byor byang chub sems dpas tshor ba dang / 'du shes dang /[ ]'du byed rnams dang / rnam par shes pa la med pa'i don dang / rnam par 'jig pa'i don dang / dri ma dang bcas pa dang / dri ma med pa'i don dang /[ ]don gsum gyis mi rtag pa nyid yongs su shes par bya'o/ /rab 'byor byang chub sems dpas gzugs la mngon par zhen pa'i don dang / mtshan nyid rnam pa gsum gyi don dang / 'brel ba'i don dang / don gsum gyi sdug bsngal nyid yongs su shes par bya'o/ /rab 'byor byang chub sems dpas tshor ba dang /[ ]'du shes dang / 'du byed rnams dang / rnam par shes 39.151b pa la mngon par zhen pa'i don dang /[ ]mtshan nyid rnam pa gsum gyi don dang / 'brel pa'i don dang /[ ]don gsum gyis sdug bsngal yongs su shes par bya'o/ /rab 'byor byang chub sems dpas gzugs la dngos po med pa bdag med pa'i don dang / de ltar dngos po bdag med pa'i don dang / rang bzhin bdag med pa'i don dang /[ ]don gsum gyis bdag med pa nyid yongs su shes par bya'o/ /rab 'byor byang chub sems dpas tshor ba dang / 'du shes dang / 'du byed rnams dang /[ ]rnam par shes pa la dngos po med pa bdag med pa'i don dang / de ltar dngos po bdag med pa'i don dang / rang bzhin bdag med pa'i don dang / don gsum gyis bdag med pa nyid yongs su shes par bya'o/ /rab 'byor byang chub sems dpas gzugs la gzugs dngos po med pa shin du zhi ba'i don dang /[ ]de ltar dngos po zhi ba'i don dang / rang bzhin gyis rnam par dag pa zhi ba'i don dang / don gsum gyis mya ngan las 'das pa zhi ba nyid yongs su shes par bya'o/ /rab 'byor byang chub sems dpas tshor ba dang / 'du shes dang /[ ]'du byed rnams dang / rnam par shes pa la rnam par shes pa dngos po med pa shin du zhi ba'i don dang / de ltar dngos po zhi ba'i don dang / rang bzhin gyis rnam par dag pa zhi ba'i don dang / don gsum gyis mya ngan las 'das pa zhi ba nyid yongs su shes par bya'o/ /bcom ldan 'das kyis de skad ces bka' stsal nas/ gnas brtan rab 'byor dang / dge slong dang / dge slong ma dang / dge bsnyen dang / dge bsnyen ma de dag dang / lha dang mi de dag dang /[ ]lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ /'phags pa shes rab kyi pha rol du phyin pa lnga brgya pa rdzogs s+ho//[ ]//skad gsar chad kyis kyang bcos nas gtan la phab pa//[ ] |