J18

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J18</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J18&coll=lithang">see text in Tibetan script</a></table>39.1521b<br><font size=+1>

// rgya gar skad du/ Ar+ya badzra ts+tshe da ka nA</font><hr>39.152a<br><font size=+1>

ma pra dz+nyA pA ra mi tA ma hA yA na sU tra/  bod skad du/  'phags pa shes rab kyi pha rol tu phyin pa rdo rje gcod pa zhes bya ba theg pa chen po'i mdo/[  ]sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das mnyan du yod pa na rgyal bu rgyal byed kyi tshal mgon med zas sbyin gyi kun dga' ra ba na/ dge slong stong nyis brgya lnga bcu'i dge slong gi dge 'dun chen po dang / byang chub sems dpa' sems dpa' chen po rab tu mang po dang thabs cig tu bzhugs te/ de nas bcom ldan 'das snga dro'i dus kyi tshe sham thabs dang chos gos bgos te/ lhung bzed bsnams nas/[ ]mnyan yod kyi grong khyer chen por bsod snyoms kyi phyir zhugs so/ /de nas bcom ldan 'das mnyan yod kyi grong khyer chen por bsod snyoms kyi phyir gshegs nas bsod snyoms kyi zhal zas mjug tu gsol te/ zhal zas kyi bya ba mdzad/ lhung bzed dang chos gos bzhag nas zhal bsil te gdan bshams pa la skyil mo dkrung bcas nas sku drang por bsrang ste/ dran pa mngon du bzhag nas bzhugs so/ /de nas dge slong mang po bcom ldan 'das ga la ba der dong ste lhags nas bcom ldan 'das kyi zhabs la mgo bos phyag 'tshal te/[ ]bcom ldan 'das la lan gsum bskor ba byas nas phyogs gcig tu 'khod do/ /yang de'i tshe tshe dang ldan pa rab 'byor 'khor de nyid na 'dus par gyur te 'dug go/ /de nas tshe dang ldan pa rab 'byor stan las langs te/ bla gos phrag pa gcig tu gzar nas pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyis byang chub sems dpa' sems dpa' chen po rnams</font><hr>39.152b<br><font size=+1>

la phan gdags pa'i dam pa ji snyed pas phan gdags pa dang / de bzhin gshegs pa dgra bcom pa yang dag par rdzogs pa'i sangs rgyas kyis byang chub sems dpa' sems dpa' chen po rnams yongs su gtad pa'i dam pa ji snyed pas yongs su gtad pa ni bcom ldan 'das ngo mtshar te/[ ]bde bar gshegs pa ngo mtshar to/ /bcom ldan 'das byang chub sems dpa'i theg pa la yang dag par zhugs pas ji ltar gnas par bgyi/ ji ltar bsgrub par bgyi/ ji ltar sems rab tu gzung bar bgyi/ de skad ces gsol pa dang / bcom ldan 'das kyis tshe dang ldan pa rab 'byor la 'di bka' stsal to/ /rab 'byor legs so legs so/ /rab 'byor de de bzhin no/ /de de bzhin te/ de bzhin gshegs pas byang chub sems dpa' sems dpa' chen po rnams la phan gdags pa'i dam pas phan btags so/ /de bzhin gshegs pas byang chub sems dpa' sems dpa' chen po rnams yongs su gtad pa'i dam pas yongs su gtad do/ /rab 'byor de'i phyir nyon la legs par rab tu yid la zung shig dang / byang chub sems dpa'i theg pa la yang dag par zhugs pas ji ltar gnas par bya ba dang / ji ltar bsgrub par bya ba dang / ji ltar sems rab tu gzung bar bya ba ngas khyod la bshad do/ /bcom ldan 'das de de bzhin no zhes gsol nas tshe dang ldan pa rab 'byor bcom ldan 'das kyi ltar nyan pa dang / bcom ldan 'das kyis 'di skad ces bka' stsal to/ /rab 'byor 'di la byang chub sems dpa'i theg pa la yang dag par zhugs pas 'di snyam du bdag gis ci tsam sems can du bsdu bar bsdus pa sgo nga las skyes pa 'am/ mngal nas skyes pa 'am/ drod gsher las skyes pa 'am/ brdzus te skyes pa 'am/ gzugs can nam/ gzugs med pa 'am/ 'du shes can nam/[ ]'du shes med pa 'am/ 'du shes med 'du shes med min nam/ sems can gyi khams ji tsam sems can du gdags pas btags pa de dag thams cad phung po'i lhag</font><hr>39.153a<br><font size=+1>

ma med pa'i mya ngan las 'das pa'i dbyings su yongs su mya ngan las 'da'o/ /de ltar sems can tshad med pa yongs su mya ngan las 'das kyang sems can gang yang yongs su mya ngan las 'das par gyur pa med do snyam du sems bskyed par bya'o/ /de ci'i phyir zhe na/ rab 'byor byang chub sems dpa' sems can du 'du shes 'jug na de byang chub sems dpa' zhes mi bya ba'i phyir ro/ /de ci'i phyir zhe na/ rab 'byor gang sems can du 'du shes 'jug gam/ srog tu 'du shes sam/ gang zag tu 'du shes 'jug na de byang chub sems dpa' zhes mi bya ba'i phyir te/ yang rab 'byor byang chub sems dpas dngos po la mi gnas par sbyin pa sbyin no/ /chos la yang mi gnas par sbyin pa sbyin no/ /gzugs la'ang mi gnas par sbyin pa sbyin no/ /sgra dang / dri dang / ro dang / reg bya dang / chos la yang mi gnas par sbyin pa sbyin no/ /rab 'byor ci nas mtshan mar 'du shes pa la'ang mi gnas pa de ltar byang chub sems dpas sbyin pa sbyin no/ /de ci'i phyir zhe na/ rab 'byor byang chub sems dpa' gang mi gnas par sbyin pa sbyin pa de'i bsod nams kyi phung po ni rab 'byor tshad gzung bar sla ba ma yin pa'i phyir ro/ /rab 'byor 'di ji snyam du sems/ shar phyogs kyi nam mkha' tshad gzung bar sla 'am/ rab 'byor gyis gsol pa/ bcom ldan 'das de ni ma lags so/ /bcom ldan 'das kyis bka' stsal pa/ de bzhin du lho dang / nub dang /[ ]byang dang / steng dang / 'og gi phyogs dang / phyogs mtshams dang /[ ]phyogs bcu'i nam mkha' tshad gzung bar sla 'am/ rab 'byor gyis gsol pa/[ ]bcom ldan 'das de ni ma lags so/ /bcom ldan 'das kyis bka' stsal pa/[ ]rab 'byor de bzhin du byang chub sems dpa' gang mi gnas par sbyin pa sbyin pa de'i bsod nams kyi phung po yang tshad gzung bar sla ba ma yin no/ /rab 'byor 'di ji snyam du sems/ mtshan phun sum tshogs pas de bzhin gshegs par blta 'am/ rab 'byor gyis gsol pa/ bcom ldan 'das de ni ma</font><hr>39.153b<br><font size=+1>

lags te/ mtshan phun sum tshogs pas de bzhin gshegs par mi lta'o/ /de ci'i slad du zhe na/ de bzhin gshegs pas mtshan phun sum tshogs par gang gsungs pa de nyid mtshan phun sum tshogs pa ma mchis pa'i slad du'o/ /de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor ci tsam du mtshan phun sum tshogs pa de tsam du brdzun no/ /ci tsam du mtshan phun sum tshogs pa med pa de tsam du mi brdzun te/ de ltar de bzhin gshegs pa la mtshan dang / mtshan med par blta'o/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das ma 'ongs pa'i dus lnga brgya tha ma la dam pa'i chos rab du rnam par 'jig par 'gyur ba na sems can gang la la dag 'di lta bu'i mdo sde'i tshig bshad pa 'di la yang dag par 'du shes skyed par 'gyur ba lta mchis sam/ bcom ldan 'das kyis bka' stsal pa/ rab 'byor khyod 'di skad du ma 'ongs pa'i dus lnga brgya tha ma la dam pa'i chos rab tu rnam par 'jig par 'gyur ba na sems can gang la la dag 'di lta bu'i mdo sde'i tshig bshad pa 'di la yang dag par 'du shes skyed par 'gyur ba mchis sam zhes ma zer cig /yang rab 'byor ma 'ongs pa'i dus lnga brgya tha ma la dam pa'i chos rab tu rnam par 'jig par 'gyur ba na byang chub sems dpa' sems dpa' chen po tshul khrims dang ldan pa/ yon tan dang ldan pa/[ ]shes rab dang ldan pa dag 'byung ste/ rab 'byor byang chub sems dpa' sems dpa' chen po dag kyang sangs rgyas gcig la bsnyen bkur byas pa ma yin/[ ]sangs rgyas gcig la dge ba'i rtsa ba bskyed pa ma yin gyi/ rab 'byor sangs rgyas brgya stong du ma la bsnyen bkur byas shing / sangs rgyas brgya stong du ma la dge ba'i rtsa ba dag bskyed pa'i byang chub sems dpa' sems dpa' chen po dag 'byung ngo / /gang dag 'di lta bu'i mdo sde'i tshig bshad pa 'di la sems dad pa gcig tsam rnyed par 'gyur ba</font><hr>39.154a<br><font size=+1>

de dag ni rab 'byor de bzhin gshegs pas mkhyen to/ /rab 'byor de dag ni de bzhin gshegs pas gzigs te/ rab 'byor sems can de dag thams cad ni bsod nams kyi phung po dpag tu med pa bskyed cing rab tu sdud par 'gyur/ de ci'i phyir zhe na/ rab 'byor byang chub sems dpa' sems dpa' chen po de dag ni bdag tu 'du shes 'jug par mi 'gyur zhing sems can du 'du shes pa ma yin/ srog tu 'du shes pa ma yin/[ ]gang zag tu 'ang 'du shes 'jug par mi 'gyur ba'i phyir ro/ /rab 'byor byang chub sems dpa' sems dpa' chen po de dag ni chos su 'du shes pa dang /[ ]chos med par yang 'du shes mi 'jug ste/ de dag ni 'du shes dang 'du shes med par yang 'jug par mi 'gyur ro/ /de ci'i phyir zhe na/ rab 'byor gal te byang chub sems dpa' sems dpa' chen po de dag chos su 'du shes 'jug na de nyid de dag gi bdag tu 'dzin par 'gyur zhing / sems can du 'dzin pa dang / srog tu 'dzin pa dang / gang zag tu 'dzin par 'gyur ba'i phyir ro/ /gal te chos med par 'du shes 'jug na yang de nyid de dag gi bdag tu 'dzin par 'gyur zhing / sems can du 'dzin pa dang / srog tu 'dzin pa dang / gang zag tu 'dzin par 'gyur ba'i phyir ro/ /de ci'i phyir zhe na/[ ]yang rab 'byor byang chub sems dpas chos kyang log par gzung bar mi bya ste/[ ]chos ma yin pa yang mi gzung ba'i phyir ro/ /de bas na de la dgongs te de bzhin gshegs pas chos kyi rnam grangs gzings lta bur shes pa rnams kyis chos rnams kyang spang bar bya na chos ma yin pa rnams lta ci smos zhes gsungs so/ /gzhan yang bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor 'di ji snyam du sems/ de bzhin gshegs pas gang bla na med pa yang dag par rdzogs pa'i byang chub mngon par rdzogs par sangs rgyas pa'i chos de gang yang yod dam/ de bzhin gshegs pas chos gang yang bstan tam/ de skad ces bka' stsal nas/ bcom ldan 'das la tshe </font><hr>39.154b<br><font size=+1>

dang ldan pa rab 'byor gyis 'di skad ces gsol to/ /bcom ldan 'das bcom ldan 'das kyis gsungs pa'i don bdag gis 'tshal ba ltar na/ de bzhin gshegs pas gang bla na med pa yang dag par rdzogs pa'i byang chub tu mngon par rdzogs par sangs rgyas pa'i chos de gang yang ma mchis so/ /de bzhin gshegs pas gang bstan pa'i chos de gang yang ma mchis so/ /de ci'i slad du zhe na/ de bzhin gshegs pas chos gang yang mngon par rdzogs par sangs rgyas pa'am bstan pa de gzung du ma mchis/ brjod du ma mchis te/ de ni chos kyang ma lags/ chos ma mchis pa'ang ma lags pa'i slad du'o/ /de ci'i slad du zhe na/ 'phags pa'i gang zag rnams ni 'dus ma bgyis kyis rab tu phye ba'i slad du'o/ /bcom ldan 'das kyis bka' stsal pa/ rab 'byor 'di ji snyam du sems/ rigs kyi bu 'am/ rigs kyi bu mo gang la la zhig gis stong gsum gyi stong chen po'i 'jig rten gyi khams 'di rin po che sna bdun gyis rab tu gang bar byes te sbyin pa byin na/ rigs kyi bu 'am/ rigs kyi bu mo de bzhi de las bsod nams kyi phung po mang du bskyed dam/ rab 'byor gyis gsol pa/ bcom ldan 'das mang lags so/ /bde bar gshegs pa mang lags te/ rigs kyi bu 'am/ rigs kyi bu mo de gzhi de las bsod nams kyi phung po mang du bskyed do/ /de ci'i slad du zhe na/ bcom ldan 'das bsod nams kyi phung po de nyid phung po ma mchis pa'i slad du ste/ des na de bzhin gshegs pas bsod nams kyi phung po bsod nams kyi phung po zhes gsungs so/ /bcom ldan 'das kyis bka' stsal pa/ rab 'byor rigs kyi bu 'am/ rigs kyi bu mo gang gis stong gsum gyi stong chen po'i 'jig rten gyi khams 'di rin po che sna bdun gyis rab tu gang bar byas te sbyin pa byin pa byin pa bas/ gang gis chos kyi rnam grangs 'di las tha na tshig bzhi pa'i tshigs su bcad pa gcig tsam bzung nas gzhan dag la yang 'chad cing yang dag par rab tu ston na/ de gzhi de las bsod nams kyi phung po ches mang du grangs med dpag tu med pa bskyed do/ /de ci'i phyir zhe na/ rab 'byor</font><hr>39.155a<br><font size=+1>

de bzhin gshegs pa dgra bcom pa yang dag par rdzogs pa'i sangs rgyas kyi bla na med pa yang dag par rdzogs pa'i byang chub ni 'di las byung ste/ sangs rgyas bcom ldan 'das rnams kyang 'di las skyes pa'i phyir ro/ /de ci'i phyir zhe na/ rab 'byor sangs rgyas kyi chos rnams sangs rgyas kyi chos rnams shes bya ba ni sangs rgyas kyi chos de dag med par de bzhin gshegs pas gsungs pa'i phyir te/ des na sangs rgyas kyi chos rnams shes bya'o/ /rab 'byor 'di ji snyam du sems/ rgyun du zhugs pa 'di snyam du bdag gis rgyun du zhugs pa'i 'bras bu thob bo snyam du sems sam/[ ]rab 'byor gyis gsol pa/ bcom ldan 'das de ni ma lags so/ /de ci'i slad du zhe na/ bcom ldan 'das de ci la'ang zhugs pa ma mchis pa'i slad du ste/ des na rgyun du zhugs pa zhes bya'o/ /gzugs la'ang ma zhugs/ sgra la ma lags/ dri la ma lags/ ro la ma lags/ reg bya la ma lags/ chos la'ang ma zhugs te/ des na rgyun du zhugs pa zhes bgyi'o/ /bcom ldan 'das gal te rgyun du zhugs pa de 'di snyam du bdag gis rgyun du zhugs pa'i 'bras bu thob bo snyam du sems par gyur na de nyid de'i bdag tu 'dzin par 'gyur ro/ /sems can du 'dzin pa dang / srog tu 'dzin pa dang / gang zag tu 'dzin par 'gyur ro/ /bcom ldan 'das kyis bka' stsal pa/ rab 'byor 'di ji snyam du sems/ lan gcig phyir 'ong ba 'di snyam du bdag gis lan gcig phyir 'ong ba'i 'bras bu thob bo snyam du sems sam/ rab 'byor gyis gsol pa/[ ]bcom ldan 'das de ni ma lags so/ /de ci'i slad du zhe na/ gang lan gcig phyir 'ong ba'i chos de gang yang ma mchis pa'i slad du ste/ des na lan gcig phyir 'ong ba zhes bgyi'o/ /bcom ldan 'das kyis bka' stsal pa/ rab 'byor de ji snyam du sems/ phyir mi 'ong ba 'di snyam du/ bdag gis phyir mi 'ong ba'i 'bras bu thob bo snyam du sems sam/ rab 'byor gyis gsol pa/ bcom ldan 'das de ni ma lags so/ /de ci'i slad du zhe na/ gang phyir mi 'ong ba nyid du zhugs pa'i chos de</font><hr>39.155b<br><font size=+1>

gang yang ma mchis pa'i slad du ste/ des na phyir mi 'ong ba zhes bgyi'o/ /bcom ldan 'das kyis bka' stsal pa/ rab 'byor 'di ji snyam du sems/ yang dgra bcom pa 'di snyam du bdag gis dgra bcom pa nyid thob bo snyam du sems sam/ rab 'byor gyis gsol pa/ bcom ldan 'das de ni ma lags so/ /de ci'i slad du zhe na/ gang dgra bcom pa zhes bgyi ba'i chos de gang yang ma mchis pa'i slad du'o/ /bcom ldan 'das gal te dgra bcom pa 'di snyam du bdag gis dgra bcom pa nyid thob bo snyam du sems par gyur na de nyid de'i bdag tu 'dzin par 'gyur ro/ /sems can du 'dzin pa dang /[ ]srog tu 'dzin pa dang / gang zag tu 'dzin par 'gyur ro/ /bcom ldan 'das bdag ni de bzhin gshegs pa dgra bcom pa yang dag par rdzogs pa'i sangs rgyas kyis nyon mongs pa med par gnas pa rnams kyi mchog tu bstan te/[ ]bcom ldan 'das bdag 'dod chags dang bral ba dgra bcom pa lags kyang /[ ]bcom ldan 'das bdag 'di snyam du bdag ni dgra bcom pa'o snyam du mi sems so/ /bcom ldan 'das gal te bdag ni 'di snyam du bdag gis dgra bcom pa nyid thob bo snyam du sems par gyur na/ de bzhin gshegs pas bdag la rigs kyi bu rab 'byor ni nyon mongs pa med par gnas pa rnams kyi mchog yin te/ ci la yang mi gnas pas na nyon mongs pa med par gnas pa nyon mongs pa med par gnas pa zhes lung mi ston to/ /bcom ldan 'das kyis bka' stsal pa/ rab 'byor 'di ji snyam du sems/ de bzhin gshegs pas de bzhin gshegs pa dgra bcom pa yang dag par rdzogs pa'i sangs rgyas mar me mdzad las gang blangs pa'i chos de gang yang yod dam/ rab 'byor gyis gsol pa/ bcom ldan 'das de ni ma lags te/ de bzhin gshegs pas de bzhin gshegs pa dgra bcom pa yang dag par rdzogs pa'i sangs rgyas mar me mdzad las gang blangs pa'i chos de gang yang ma mchis so/ /bcom ldan 'das kyis bka' stsal pa/ rab 'byor byang chub sems dpa' gang la la</font><hr>39.156a<br><font size=+1>

zhig 'di skad du bdag gis zhing bkod pa rnams bsgrub par bya'o zhes zer na de ni mi bden par smra ba'o/ /de ci'i phyir zhe na/ rab 'byor zhing bkod pa rnams zhing bkod pa rnams shes bya ba ni bkod pa de dag med par de bzhin gshegs pas gsungs pa'i phyir te/ des na zhing bkod pa rnams shes bya'o/ /rab 'byor de lta bas na byang chub sems dpa' sems dpa' chen pos 'di ltar mi gnas par sems bskyed pa zhes bya'o/ /ci la yang mi gnas par sems bskyed par bya'o/ /gzugs la yang mi gnas par sems bskyed par bya'o/ /sgra dang dri dang ro dang / reg bya dang / chos la yang mi gnas par sems bskyed par bya'o/ /rab 'byor 'di lta ste dper na skyes bu zhig lus 'di lta bur gyur te/ 'di lta ste/ ri'i rgyal po ri rab tsam du gyur na rab 'byor 'di ji snyam du sems/ lus de che ba yin nam/ rab 'byor gyis gsol pa/ bcom ldan 'das lus de ni che ba lags so/ /bde bar gshegs pa lus de che ba lags so/ /de ci'i slad du zhe na/ de bzhin gshegs pas de dngos po ma mchis par gsungs pa'i slad du ste/ des na lus shes bgyi'o/ /de dngos po ma mchis par de bzhin gshegs pas gsungs te/ des na lus shes bgyi'o/ /bcom ldan 'das kyis bka' stsal pa/ rab 'byor 'di ji snyam du sems/[ ]gang gA'i klung gi bye ma ji snyed pa gang gA'i klung yang de snyed kho nar gyur na de dag gi bye ma gang yin pa de mang ba yin nam/ rab 'byor gyis gsol pa/[ ]bcom ldan 'das gang gA'i klung de dag nyid kyang mang ba lags na de dag gi bye ma lta smos kyang ci 'tshal/ bcom ldan 'das kyis bka' stsal pa/ rab 'byor khyod kyis mos par bya/ khyod kyis khong du chud par bya'o/ /gang gA'i klung de dag gi bye ma ji snyed pa de snyed kyi 'jig rten gyi khams skyes pa 'am/[ ]bud med gang la la zhig gis rin po che sna bdun gyis rab tu gang bar byas te/[ ]de bzhin gshegs pa dgra bcom pa yang dag par rdzogs pa'i sangs rgyas rnams la sbyin pa byin na/ rab 'byor 'di ji snyam du sems skyes pa 'am/ bud med de gzhi de las bsod nams mang du bskyed dam/ </font><hr>39.156b<br><font size=+1>

rab 'byor gyis gsol pa/[ ]bcom ldan 'das mang lags so/ /bde bar gshegs pa mang lags te/ skyes pa 'am/ bud med de gzhi de las bsod nams mang du skyed do/ /bcom ldan 'das kyis bka' stsal pa/ rab 'byor gang gis 'jig rten gyi khams de snyed rin po che sna bdun gyis rab tu gang bar byas te/ de bzhin gshegs pa dgra bcom pa yang dag par rdzogs pa'i sangs rgyas rnams la sbyin pa byin pa bas/[ ]gang gis chos kyi rnam grangs 'di las tha na tshig bzhi pa'i tshigs su bcad pa tsam bzung nas gzhan dag la yang rgya cher yang dag par rab tu bstan na/ de nyid gzhi de las bsod nams ches mang du grangs med dpag tu med pa bskyed do/ /yang rab 'byor sa phyogs gang na chos kyi rnam grangs 'di las tha na tshig bzhi pa'i tshigs su bcad pa tsam 'don tam ston pa'i sa phyogs de lha dang mi dang / lha ma yin du bcas pa'i 'jig rten gyi mchod rten du gyur pa yin na/ su zhig chos kyi rnam grangs 'di len pa dang / 'dzin pa dang / klog pa dang /[ ]kun chub par byed pa dang / tshul bzhin du yid la byed pa de ngo mtshar rab dang ldan par 'gyur ba lta ci smos/ sa phyogs de na ston pa yang bzhugs te/ bla ma'i gnas gzhan dag kyang gnas so/ /de skad ces bka' stsal pa dang / bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das chos kyi rnam grangs 'di'i ming ci lags/ ji ltar gzung bar bgyi/ de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor chos kyi rnam grangs 'di shes rab kyi pha rol du phyin pa zhes bya ste/ 'di de ltar zung zhig /de ci'i phyir zhe na/ rab 'byor de bzhin gshegs pas shes rab kyi pha rol du phyin pa gang bzung ba de nyid pha rol du phyin pa med pa'i phyir te/ des na shes rab kyi pha rol du phyin pa zhes bya'o/ /rab 'byor 'di ji snyam du sems/ de bzhin gshegs pas gang gsungs pa'i chos de gang yang yod dam/ rab 'byor gyis gsol pa/ bcom ldan 'das de bzhin gshegs pas gang gsungs pa'i chos de gang yang ma mchis so/ /bcom ldan 'das kyis</font><hr>39.157a<br><font size=+1>

bka' stsal pa/ rab 'byor 'di ji snyam du sems/ stong gsum gyi stong chen po'i 'jig rten gyi khams na sa'i rdul phra rab ji snyed yod pa de mang ba yin nam/ rab 'byor gyis gsol pa/ bcom ldan 'das sa'i rdul de mang lags so/ bde bar gshegs pa mang lags so/ /de ci'i slad du zhe na/ bcom ldan 'das sa'i rdul gang lags pa de rdul ma mchis par de bzhin gshegs pas gsungs pa'i slad du ste/ des na sa'i rdul ces bgyi'o/ /'jig rten gyi khams gang lags pa de khams ma mchis par de bzhin gshegs pas gsungs te/ des na 'jig rten gyi khams shes bya'o/ /bcom ldan 'das kyis bka' stsal pa/ rab 'byor 'di ji snyam du sems/ skyes bu chen po'i mtshan sum bcu rtsa gnyis po de dag gis de bzhin gshegs pa dgra bcom pa yang dag par rdzogs pa'i sangs rgyas su lta 'am/ rab 'byor gyis gsol pa/ /bcom ldan 'das de ni ma lags so/ /de ci'i slad du zhe na/ skyes bu chen po'i mtshan sum bcu rtsa gnyis po gang dag de bzhin gshegs pas gsungs pa de dag mtshan ma mchis par gsungs pa'i slad du ste/ des na de bzhin gshegs pa'i mtshan sum bcu rtsa gnyis shes bgyi'o/ /bcom ldan 'das kyis bka' stsal pa/ yang rab 'byor skyes pa 'am/ bud med gang gis lus gang gA'i klung gi bye ma snyed yongs su gtong ba bas gang gis chos kyi rnam grangs 'di las tha na tshig bzhi pa'i tshigs su bcad pa tsam bzung ste/ gzhan dag la yang bstan na de gzhi de las bsod nams ches mang du grangs med dpag tu med pa bskyed do/ /de nas tshe dang ldan pa rab 'byor chos kyi shugs kyis mchi ma byung ste/ des mchi ma phyis nas bcom ldan 'das la 'di skad ces gsol to/ /'di ltar chos kyi rnam grangs 'di de bzhin gshegs pas gsungs pa ni bcom ldan 'das ngo mtshar to/ bde bar gshegs pa ngo mtshar to/ /bcom ldan 'das bdag gis ye shes skyes tshun chad bdag gis chos kyi rnam grangs 'di sngon nam yang ma thos so/ /bcom ldan 'das mdo</font><hr>39.157b<br><font size=+1>

bshad pa 'di la gang dag yang dag par 'du shes bskyed par gyur pa'i sems can de dag ni ngo mtshar rab dang ldan par 'gyur ro/ /de ci'i slad du zhe na/ bcom ldan 'das yang dag par 'du shes pa gang lags pa de nyid 'du shes ma mchis pa'i slad du ste/ de bas na yang dag par 'du shes yang dag par 'du shes zhes de bzhin gshegs pas gsungs so/ /bcom ldan 'das bdag chos kyi rnam grangs 'di bshad pa la rtog cing mos pa ni bdag la mos pa ma lags kyi/[ ]bcom ldan 'das slad ma'i tshe slad ma'i dus lnga brgya tha ma la sems can gang dag chos kyi rnam grangs 'di len pa dang / 'dzin pa dang / klog pa dang /[ ]kun chub par bgyid pa de dag ni ngo mtshar rab dang ldan par 'gyur ro/ /yang bcom ldan 'das de dag ni bdag tu 'du shes 'jug par mi 'gyur/[ ]sems can du 'du shes 'jug par mi 'gyur/ srog tu 'du shes pa dang / gang zag tu 'du shes 'jug par mi 'gyur lags so/ /de ci'i slad du zhe na/ bcom ldan 'das bdag tu 'du shes pa dang / sems can du 'du shes pa dang / srog tu 'du shes pa dang / gang zag tu 'du shes pa gang lags pa de dag nyid 'du shes ma mchis pa'i slad du'o/ /de ci'i slad du zhe na/ sangs rgyas bcom ldan 'das rnams ni 'du shes thams cad dang bral ba'i slad du'o/ /de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor de de bzhin no/ /de de bzhin te/ mdo bshad pa 'di la gang dag mi skrag mi dngang zhing dngang bar mi 'gyur ba'i sems can de dag ni ngo mtshar rab dang ldan par 'gyur ro/ /de ci'i phyir zhe na/[ ]rab 'byor pha rol du phyin pa dam pa 'di ni de bzhin gshegs pas gsungs te/[ ]pha rol du phyin pa dam pa gang dag de bzhin gshegs pas gsungs pa de sangs rgyas bcom ldan 'das dpag tu med pa rnams kyis gsungs pa'i phyir te/[ ]des na pha rol du phyin pa dam pa zhes bya'o/ /yang rab 'byor de bzhin gshegs pa'i bzod pa'i pha rol du phyin pa gang yin pa de nyid pha</font><hr>39.158a<br><font size=+1>

rol du phyin pa med do/ /de ci'i phyir zhe na/ rab 'byor gang gi tshe ka ling kA'i rgyal pos nga'i yan lag dang nying lag rnams bcad par gyur pa de'i tshe nga la bdag tu 'du shes sam/ sems can du 'du shes sam/ srog tu 'du shes sam/ gang zag tu 'du shes kyang ma byung la/ nga la 'du shes ci'ang med la 'du shes med par gyur pa yang ma yin pa'i phyir ro/ /de ci'i phyir zhe na/ rab 'byor gal te de'i tshe nga la bdag tu 'du shes byung na de'i tshe gnod sems kyi 'du shes kyang byung la/ sems can du 'du shes pa dang / srog tu 'du shes pa dang / gang zag tu 'du shes byung na de'i tshe gnod sems kyi 'du shes kyang 'byung ba'i phyir ro/ /rab 'byor ngas mngon par shes te/ 'das pa'i dus na nga tshe rabs lnga brgyar bzod par smra ba zhes bya ba'i drang srong du gyur pa de na yang nga la bdag tu 'du shes ma byung / sems can du 'du shes pa dang /[ ]gang zag tu 'du shes ma byung ngo / /rab 'byor de lta bas na byang chub sems dpa' sems dpa' chen pos 'du shes thams cad rnam par spangs te bla na med pa yang dag par rdzogs pa'i byang chub tu sems bskyed par bya'o/ /gzugs la mi gnas par sems bskyed par bya'o/ /sgra dang /  dri dang / ro dang / reg bya dang / chos la'ang mi gnas par sems bskyed par bya'o/ /chos med pa la'ang mi gnas par sems bskyed par bya'o/ /ci la'ang mi gnas par sems bskyed par bya'o/ /de ci'i phyir zhe na/ gnas pa gang yin pa de nyid mi gnas pa'i phyir te/ de bas na de bzhin gshegs pas 'di skad du/ byang chub sems dpas mi gnas par sbyin pa sbyin par bya'o zhes gsungs so/ /yang rab 'byor byang chub sems dpas 'di ltar sems can thams cad kyi don gyi phyir sbyin pa yongs su gtang bar bya'o/ /sems can du 'du shes pa gang yin pa de nyid kyang 'du shes med pa ste/ de bzhin gshegs pas sems can thams cad ces gang gsungs pa de nyid kyang med pa'o/ /de ci'i phyir zhe na/ rab 'byor de bzhin gshegs pa ni yang dag par gsung ba/ </font><hr>39.158b<br><font size=+1>

bden pa gsung ba/ de bzhin nyid gsung ba ste/ de bzhin gshegs pa ni ma nor ba de bzhin nyid gsung ba'i phyir ro/ /yang rab 'byor de bzhin gshegs pas chos gang mngon par rdzogs par sangs rgyas pa'am bsten pa de la ni bden pa yang med brdzun pa yang med do/ /rab 'byor 'di lta ste dper na mig dang ldan pa'i mi zhig mun par zhugs nas ci yang mi mthong ba de bzhin du gang dngos por lhung bas sbyin pa yongs su gtong ba'i byang chub sems dpar blta'o/ /rab 'byor 'di lta ste dper na nam langs te nyi ma shar na mig dang ldan pa'i mis gzugs rnam pa sna tshogs dag mthong ba de bzhin du/ gang dngos por ma lhung bas sbyin pa yongs su gtong ba'i byang chub sems dpar blta'o/ /yang rab 'byor rigs kyi bu 'am/ rigs kyi bu mo gang dag chos kyi rnam grangs 'di len pa dang / 'dzin pa dang / klog pa dang /[ ]kun chub par byed pa dang / gzhan dag la yang rgya cher yang dag par rab tu ston pa de dag ni de bzhin gshegs pas mkhyen/ de dag ni de bzhin gshegs pas gzigs te/ sems can de dag thams cad ni bsod nams kyi phung po dpag tu med pa bskyed par 'gyur ro/ /yang rab 'byor skyes pa 'am/[ ]bud med gang zhig snga dro'i dus kyi tshe lus gang gA'i klung gi bye ma snyed yongs su gtong la/[ ]phyed kyi dus dang / phyi dro'i dus kyi tshe yang lus gang gA'i klung gi bye ma snyed yongs su gtong ste/ rnam grangs 'di lta bur bskal pa khrag khrig brgya stong du lus yongs su gtong ba bas/ gang gis chos kyi rnam grangs 'di thos nas mi spong na de nyid gzhi de las bsod nams ches mang du grangs med dpag tu med pa bskyed na/ gang gis yi ger bris nas len pa dang / 'dzin pa dang /[ ]klog pa dang / kun chub par byed pa dang / gzhan dag la yang rgya cher yang dag par rab tu ston pa lta ci smos/ yang rab 'byor chos kyi rnam grangs 'di ni bsam gyis mi khyab cing mtshungs pa med de/ chos kyi rnam grangs 'di ni theg pa mchog la yang dag par zhugs pa'i sems can rnams kyi don dang / theg pa phul du phyin pa la yang dag par zhugs</font><hr>39.159a<br><font size=+1>

pa'i sems can rnams kyi don gyi phyir/[ ]de bzhin gshegs pas gsungs so/ /gang dag chos kyi rnam grangs 'di len pa dang / klog pa dang / kun chub par byed pa dang / gzhan dag la yang rgya cher yang dag par rab tu ston pa de dag ni de bzhin gshegs pas mkhyen te/[ ]de dag de bzhin gshegs pas gzigs te/ sems can de dag thams cad ni bsod nams kyi phung po dpag tu med pa dang ldan par 'gyur ro/ /bsod nams kyi phung po bsam gyis mi khyab pa dang / mtshungs pa med pa dang /[ ]gzhal du med pa dang / tshad med pa dang ldan par 'gyur te/ sems can de dag thams cad nga'i byang chub phrag pa la thogs par 'gyur ro/ /de ci'i phyir zhe na/ rab 'byor dman pa la mos pa rnams kyis chos kyi rnam grangs 'di mnyan par mi nus te/ bdag tu lta ba rnams kyis ma yin/ sems can du lta ba rnams kyis ma yin/ srog tu lta ba rnams kyis ma yin/ gang zag tu lta ba rnams kyis mnyan pa dang / blang ba dang / gzung ba dang / klag pa dang / kun chub par byed mi nus te/ de ni gnas med pa'i phyir ro/ /yang rab 'byor sa phyogs gang na mdo sde 'di ston pa'i sa phyogs de lha dang /[ ]mi dang / lha ma yin du bcas pa'i 'jig rten gyis mchod par 'os par 'gyur ro/ /sa phyogs de phyag bya bar 'os pa dang / bskor ba bya bar 'os par 'gyur te/ sa phyogs de mchod rten lta bur 'gyur ro/ /rab 'byor rigs kyi bu 'am/ rigs kyi bu mo gang dag 'di lta bu'i mdo sde'i tshig 'di dag len pa dang / 'dzin pa dang / klog pa dang / kun chub par byed pa de dag ni mnar bar 'gyur/ shin du mnar bar 'gyur ro/ /de ci'i phyir zhe na/ rab 'byor sems can de dag gi tshe rabs snga ma'i mi dge ba'i las ngan song du skye bar 'gyur ba gang dag byas pa dag tshe 'di nyid la mnar bas tshe rabs snga ma'i mi dge ba'i las de dag byang bar 'gyur te/ sangs rgyas kyi byang chub kyang thob par 'gyur ba'i phyir ro/ /rab 'byor ngas mngon par shes te/ 'das pa'i dus bskal pa grangs med pa'i yang ches grangs med pa na/ de bzhin</font><hr>39.159b<br><font size=+1>

gshegs pa dgra bcom pa yang dag par rdzogs pa'i sangs rgyas mar me mdzad kyi pha rol gyi yang ches pha rol na sangs rgyas bye ba khrag khrig stong phrag brgyad bcu rtsa bzhi dag byung ba ngas mnyes par byas te/ mnyes par byas nas thugs ma byung bar byas te/ rab 'byor sangs rgyas bcom ldan 'das de dag ngas mnyes par byas nas thugs byung bar ma byas pa gang yin pa dang / phyi ma'i dus lnga brgya tha mar gyur pa na mdo sde 'di len pa dang / 'dzin pa dang / klog pa dang /[ ]kun chub par byed pa gang yin pa las/ rab 'byor bsod nams kyi phung po 'di la bsod nams kyi phung po snga mas brgya'i char yang mi phod / stong gi cha dang / brgya stong gi cha dang / grangs dang / cha dang / bgrang ba dang /[ ]dpe dang / zla dang / rgyur yang mi bzod do/ /rab 'byor gal te de'i tshe rigs kyi bu 'am/ rigs kyi bu mo dag bsod nams kyi phung po ji snyed rab tu 'dzin par 'gyur ba'i rigs kyi bu'am/ rigs kyi bu mo de dag gi bsod nams kyi phung po ngas brjod na/ sems can rnams myo myong por 'gyur te/ sems 'khrugs par 'gyur ro/ /yang rab 'byor chos kyi rnam grangs 'di bsam gyis mi khyab ste/ 'di'i rnam par smin pa yang bsam gyis mi khyab par rig par bya'o/ /de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das byang chub sems dpa'i theg pa la yang dag par zhugs pas ji ltar gnas par bgyi/ ji ltar bsgrub par bgyi/ ji ltar sems rab tu gzung bar bgyi/ bcom ldan 'das kyis bka' stsal pa/ rab 'byor 'di la byang chub sems dpa'i theg pa la yang dag par zhugs pas 'di snyam du bdag gis sems can thams cad phung po'i lhag ma med pa'i mya ngan las 'das pa'i dbyings su yongs su mya ngan las 'da'o/ /de ltar sems can yongs su mya ngan las 'das kyang sems can gang yang yongs su mya ngan las 'das par gyur pa med do snyam du sems bskyed par bya'o/ /de ci'i phyir zhe na/[ ]rab 'byor gal te byang chub sems dpa' sems can</font><hr>39.160a<br><font size=+1>

du 'du shes 'jug na de byang chub sems dpa' zhes mi bya la/ gang zag gi bar du 'du shes 'jug na de yang byang chub sems dpa' zhes mi bya ba'i phyir ro/ /de ci'i phyir zhe na/[ ]rab 'byor gang byang chub sems dpa'i theg pa la yang dag par zhugs pa zhes bya ba'i chos de gang yang med pa'i phyir ro/ /rab 'byor 'di ji snyam du sems/[ ]de bzhin gshegs pas de bzhin gshegs pa mar me mdzad las gang bla na med pa yang dag par rdzogs pa'i byang chub mngon par rdzogs par sangs rgyas pa'i chos de gang yang yod dam/ de skad ces bka' stsal nas/ bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das de bzhin gshegs pas de bzhin gshegs pa mar me mdzad las gang bla na med pa yang dag par rdzogs pa'i byang chub mngon par rdzogs par sangs rgyas pa'i chos de gang yang ma mchis so/ /de skad ces gsol pa dang / bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor de de bzhin no/ /de de bzhin te/ de bzhin gshegs pa mar me mdzad las gang bla na med pa yang dag par rdzogs pa'i byang chub mngon par rdzogs par sangs rgyas pa'i chos de gang yang med do/ /rab 'byor gal te de bzhin gshegs pas gang mngon par rdzogs par sangs rgyas pa'i chos de 'ga' zhig yod par gyur na/[ ]de bzhin gshegs pa mar me mdzad kyis nga la bram ze'i khye'u khyod ma 'ongs pa'i dus na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya bar 'gyur ro zhes lung mi ston pa zhig na/ rab 'byor 'di ltar de bzhin gshegs pas gang bla na med pa yang dag par rdzogs pa'i byang chub mngon par rdzogs par sangs rgyas pa'i chos de gang yang med pas de'i phyir de bzhin gshegs pa mar me mdzad kyis nga la bram ze'i khye'u khyod ma 'ongs pa'i dus na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya bar 'gyur ro zhes lung</font><hr>39.160b<br><font size=+1>

bstan to/ /de ci'i phyir zhe na/ rab 'byor de bzhin gshegs pa zhes bya ba ni yang dag pa de bzhin nyid kyi tshig bla dgas yin pa'i phyir ro/ /rab 'byor gang la la zhig 'di skad du/ de bzhin gshegs pa dgra bcom pa yang dag par rdzogs pa'i sangs rgyas kyis bla na med pa yang dag par rdzogs pa'i byang chub mngon par rdzogs par sangs rgyas so zhes zer na de log par smra ba yin no/ /de ci'i phyir zhe na/ rab 'byor de bzhin gshegs pas gang bla na med pa yang dag par rdzogs pa'i byang chub mngon par rdzogs par sangs rgyas pa'i chos de gang yang med pa'i phyir ro/ /rab 'byor de bzhin gshegs pas chos gang mngon par rdzogs par sangs rgyas pa de la bden pa yang med brdzun pa yang med de/ de bas na de bzhin gshegs pas chos thams cad sangs rgyas kyi chos so zhes gsungs so/ /rab 'byor chos thams cad ces bya ba ni de dag thams cad chos med pa yin te de bas na chos thams cad sangs rgyas kyi chos shes bya ste/ rab 'byor 'di lta ste/[ ]dper na mi zhig lus dang ldan zhing lus chen por gyur pa bzhin no/ /tshe dang ldan pa rab 'byor gyis gsol pa/ bcom ldan 'das de bzhin gshegs pas mi lus dang ldan zhing lus chen po zhes gang gsungs pa de/ de bzhin gshegs pas lus ma mchis par gsungs te/ des na lus dang ldan zhing lus chen po zhes bgyi'o/ /bcom ldan 'das kyis bka' stsal pa/ rab 'byor de bzhin te/[ ]byang chub sems dpa' gang 'di skad du bdag gis sems can rnams yongs su mya ngan las 'da'o zhes zer na de byang chub sems dpa' zhes mi bya'o/ /de ci'i phyir zhe na/ rab 'byor gang byang chub sems dpa' zhes bya ba'i chos de gang yang yod dam/ rab 'byor gyis gsol pa/ bcom ldan 'das de ni ma mchis so/ /bcom ldan 'das kyis bka' stsal pa/ rab 'byor de bas na de bzhin gshegs pas chos thams cad ni sems can med</font><hr>39.161a<br><font size=+1>

pa/ srog med pa/[ ]gang zag med pa zhes gsungs so/ /rab 'byor byang chub sems dpa' gang zhig 'di skad du/ bdag gis zhing bkod pa rnams bsgrub bo zhes zer na de yang de bzhin du brjod par bya'o/ /de ci'i phyir zhe na/ rab 'byor zhing bkod pa rnams zhing bkod pa rnams shes bya ba ni de dag bkod pa med par de bzhin gshegs pas gsungs pa'i phyir te/ de bas na zhing bkod pa rnams shes bya'o/ /rab 'byor byang chub sems dpa' gang zhig chos rnams ni bdag med pa'o/ /chos rnams ni bdag med pa'o zhes mos pa de ni de bzhin gshegs pa dgra bcom pa yang dag par rdzogs pa'i sangs rgyas kyis byang chub sems dpa' byang chub sems dpa' zhes brjod do/ /rab 'byor 'di ji snyam du sems/ de bzhin gshegs pa la sha'i spyan mnga' 'am/ rab 'byor gyis gsol pa/ bcom ldan 'das de de lta lags te/ de bzhin gshegs pa la sha'i spyan mnga'o/ /bcom ldan 'das kyis bka' stsal pa/ rab 'byor 'di ji snyam du sems/ de bzhin gshegs pa la lha'i spyan mnga' 'am/ rab 'byor gyis gsol pa/ bcom ldan 'das de de lta lags te/ de bzhin gshegs pa la lha'i spyan mnga'o/ /bcom ldan 'das kyis bka' stsal pa/ rab 'byor 'di ji snyam du sems/ de bzhin gshegs pa la shes rab kyi spyan mnga' 'am/ rab 'byor gyis gsol pa/ bcom ldan 'das de de lta lags te/ de bzhin gshegs pa la shes rab kyi spyan mnga'o/ /bcom ldan 'das kyis bka' stsal pa/[ ]rab 'byor 'di ji snyam du sems/ de bzhin gshegs pa la chos kyi spyan mnga' 'am/ rab 'byor gyis gsol pa/ bcom ldan 'das de de lta lags te/ de bzhin gshegs pa la chos kyi spyan mnga'o/ /bcom ldan 'das kyis bka' stsal pa/[ ]rab 'byor 'di ji snyam du sems/ de bzhin gshegs pa la sangs rgyas kyi spyan mnga' 'am/ rab 'byor gyis</font><hr>39.161b<br><font size=+1>

gsol pa/ bcom ldan 'das de de lta lags te/[ ]de bzhin gshegs pa la sangs rgyas kyi spyan mnga'o/ /bcom ldan 'das kyis bka' stsal pa/ rab 'byor 'di ji snyam du sems/ gang gA'i klung gi bye ma ji snyed pa gang gA'i klung yang de snyed du gyur la/ de dag gi bye ma snyed pa de snyed kyi 'jig rten gyi khams su gyur na 'jig rten gyi khams de mang ba yin nam/ rab 'byor gyis gsol pa/ bcom ldan 'das de de lta lags te/[ ]'jig rten gyi khams de dag mang ba lags so/ /bcom ldan 'das kyis bka' stsal pa/ rab 'byor 'jig rten gyi khams de dag na sems can ji snyed yod pa de dag gi bsam pa tha dad pa'i sems kyi rgyud ngas rab tu shes so/ /de ci'i phyir zhe na/ rab 'byor sems kyi rgyud sems kyi rgyud ces bya ba ni de rgyud med par de bzhin gshegs pas gsungs pa'i phyir te/ des na sems kyi rgyud ces bya'o/ /de ci'i phyir zhe na/ rab 'byor 'das pa'i sems kyang dmigs su med/ ma 'ongs pa'i sems kyang dmigs su med/ da ltar byung ba'i sems kyang dmigs su med pa'i phyir ro/ /rab 'byor de ji snyam du sems/ gang gis stong gsum gyi stong chen po'i 'jig rten gyi khams 'di rin po che sna bdun gyis yongs su gang bar byas te sbyin pa byin na/ rigs kyi bu'am/ rigs kyi bu mo de gzhi de las bsod nams mang du bskyed dam/ rab 'byor gyis gsol pa/ bcom ldan 'das mang lags so/ /bde bar gshegs pa mang lags so/ /bcom ldan 'das kyis bka' stsal pa/ rab 'byor de de bzhin no/ /de de bzhin te/ rigs kyi bu 'am/ rigs kyi bu mo de gzhi de las bsod na mas kyi phung po mang po skyed do/ /rab 'byor gal te bsod nams kyi phung po bsod nams kyi phung por gyur na/[ ]bsod nams kyi phung po zhes de bzhin gshegs pa mi gsung ngo / /rab 'byor de ji snyam du sems/[ ]gzugs kyi sku yongs su grub pas de bzhin gshegs par blta'am/ rab 'byor gyis gsol pa/ bcom ldan 'das de ni ma lags te/ gzugs kyi sku yongs su grub pas de bzhin</font><hr>39.162a<br><font size=+1>

gshegs par mi blta'o/ /de ci'i slad du zhe na/[ ]bcom ldan 'das gzugs kyi sku yongs su grub pas gzugs kyi sku yongs su rdzogs pa zhes bgyi ba ni de yongs su grub pa ma mchis par de bzhin gshegs pas gsungs pa'i slad du ste/ des na gzugs kyi sku yongs su grub pa zhes bgyi'o/ /bcom ldan 'das kyis bka' stsal pa/ rab 'byor 'di ji snyam du sems/[ ]mtshan phun sum tshogs pas de bzhin gshegs par blta 'am/ rab 'byor gyis gsol pa/ bcom ldan 'das de ni ma lags te/ mtshan phun sum tshogs pas de bzhin gshegs par mi blta'o/ /de ci'i slad du zhe na/ de bzhin gshegs pas mtshan phun sum tshogs par gsungs pa de mtshan phun sum tshogs pa ma mchis par de bzhin gshegs pas gsungs pa'i slad du ste/ des na mtshan phun sum tshogs pa zhes bgyi'o/ /bcom ldan 'das kyis bka' stsal pa/[ ]rab 'byor 'di ji snyam du sems/ de bzhin gshegs pa 'di snyam du ngas chos bstan to zhes dgongs so snyam na/ rab 'byor de ltar mi blta ste/ de bzhin gshegs pas gang bstan pa'i chos de gang yang med do/ /rab 'byor su zhig 'di skad du de bzhin gshegs pas chos bstan to zhes zer na/ rab 'byor de ni med pa dang /[ ]log par zin pas nga la skur bar 'gyur ro/ /de ci'i phyir zhe na/ rab 'byor chos bstan pa zhes bya ba dmigs par 'gyur ba'i chos bstan pa chos bstan pa zhes bya ba de gang yang med pa'i phyir ro/ /de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das ma 'ongs pa'i dus na sems can gang dag 'di lta bu'i chos bshad pa thos nas mngon par yid ches par 'gyur ba mchis sam/ bcom ldan 'das kyis bka' stsal pa/ rab 'byor de dag ni sems can yang ma yin sems can med pa yang ma yin no/ /de ci'i phyir zhe na/ rab 'byor sems can rnams shes bya ba ni de bzhin gshegs pas de dag sems can med par gsungs pa'i phyir te/ des na sems can rnams shes bya'o/ /rab 'byor 'di ji snyam du sems/ de bzhin gshegs pas gang</font><hr>39.162b<br><font size=+1>

bla na med pa yang dag par rdzogs pa'i byang chub mngon par rdzogs par sangs rgyas pa'i chos de gang yang yod dam/ tshe dang ldan pa rab 'byor gyis gsol pa/ bcom ldan 'das de bzhin gshegs pas gang bla na med pa yang dag par rdzogs pa'i byang chub mngon par rdzogs par sangs rgyas pa'i chos de gang yang ma mchis so/ /bcom ldan 'das kyis bka' stsal pa/ rab 'byor de de bzhin no/ /de de bzhin te/ de chos cung zad kyang med cing mi dmigs te des na bla na med pa yang dag par rdzogs pa'i byang chub ces bya'o/ /yang rab 'byor chos de ni mnyam pa ste/ de la mi mnyam pa gang yang med pas des na bla na med pa yang dag par rdzogs pa'i byang chub ces bya'o/ /bla na med pa yang dag par rdzogs pa'i byang chub ni bdag med pa dang / sems can med pa dang / srog med pa dang / gang zag med par mnyam ste/ dge ba'i chos thams cad kyis mngon par rdzogs par 'tshang rgya'o/ /rab 'byor dge ba'i chos rnams dge ba'i chos rnams shes bya ba ni de dag de bzhin gshegs pas chos med pa nyid du gsungs te/ des na dge ba'i chos rnams shes bya'o/ /yang rab 'byor rigs kyi bu 'am/ rigs kyi bu mo gang la la zhig gis stong gsum gyi stong chen po'i 'jig rten gyi khams na ri'i rgyal po ri rab dag ji snyed yod pa de tsam gyi rin po che sna bdun gyi phung po mngon par bsdus te sbyin pa byin pa bas gang gis shes rab kyi pha rol du phyin pa 'di las tha na tshig bzhi pa'i tshigs su bcad pa tsam bzung nas gzhan dag la yang bstan na/ rab 'byor bsod nams kyi phung po 'di la bsod nams kyi phung po snga ma des brgya'i char yang mi phod pa nas rgyu'i bar du yang mi bzod do/ /rab 'byor 'di ji snyam du sems/ de bzhin gshegs pa 'di snyam du ngas sems can rnams bkrol lo zhes dgongs so snyam na/ rab 'byor de de ltar mi blta'o/ /de ci'i phyir zhe na/ rab 'byor de bzhin gshegs pas gang bkrol ba'i sems can de dag gang yang med pa'i phyir ro/ /rab 'byor gal te de bzhin gshegs pas sems can gang la la zhig bkrol bar gyur na de nyid de bzhin gshegs pa'i bdag</font><hr>39.163a<br><font size=+1>

tu 'dzin par 'gyur/ sems can du 'dzin pa dang / srog tu 'dzin pa dang / gang zag tu 'dzin par 'gyur ro/ /rab 'byor bdag tu 'dzin ces bya ba ni de 'dzin pa med par de bzhin gshegs pas gsungs na de yang byis pa so so'i skye bo rnams kyis bzung ngo / /rab 'byor byis pa so so'i skye bo rnams shes bya ba ni de dag skye bo med par de bzhin gshegs pas gsungs te/ des na byis pa so so'i skye bo rnams shes bya'o/ /rab 'byor 'di ji snyam du sems/[ ]mtshan phun sum tshogs pas de bzhin gshegs par blta 'am/ rab 'byor gyis gsol pa/ bcom ldan 'das de ni ma lags te/ mtshan phun sum tshogs pas de bzhin gshegs par mi blta'o/ /bcom ldan 'das kyis bka' stsal pa/ rab 'byor de de bzhin te/ mtshan phun sum tshogs pas de bzhin gshegs par mi blta'o/ /rab 'byor gal te mtshan phun sum tshogs pas de bzhin gshegs par blta bar gyur na 'khor los sgyur ba'i rgyal po yang de bzhin gshegs par 'gyur te/ de bas na mtshan phun sum tshogs pas de bzhin gshegs par mi blta'o/ /de nas bcom ldan 'das la tshe dang ldan pa rab 'byor gyis 'di skad ces gsol to/ /bcom ldan 'das kyis gsungs pa'i don bdag gis 'tshal ba ltar na mtshan phun sum tshogs pas de bzhin gshegs par mi blta'o/ /de nas bcom ldan 'das kyis de'i tshe tshigs su bcad pa 'di dag bka' stsal to/ /gang dag nga la gzugs su mthong /[ ]/gang dag nga la sgrar shes pa/ /log par spong bar zhugs pa ste/ /skye bo de dag nga mi mthong / /sangs rgyas rnams ni chos nyid blta/ /'dren pa rnams ni chos kyi sku/ /chos nyid rig par bya min pas/ /de ni rnam par shes mi nus/ /rab 'byor 'di ji snyam du sems/ mtshan phun sum tshogs pas de bzhin gshegs pa dgra bcom pa yang dag par rdzogs pa'i sangs</font><hr>39.163b<br><font size=+1>

rgyas so snyam du 'dzin na/ rab 'byor khyod kyis de ltar mi blta ste/ rab 'byor mtshan phun sum tshogs pas de bzhin gshegs pa dgra bcom pa yang dag par rdzogs pa'i sangs rgyas kyis bla na med pa yang dag par rdzogs pa'i byang chub mngon par rdzogs par sangs rgyas pa med do/ /rab 'byor 'di ji snyam du sems/ byang chub sems dpa'i theg pa la yang dag par zhugs pa rnams kyis chos la la zhig rnam par bshig gam/ chad par btags pa snyam du 'dzin na/ rab 'byor de ltar mi blta ste/ byang chub sems dpa'i theg pa la yang dag par zhugs pa rnams kyis chos gang la yang rnam par bshig pa'am/ chad par btags pa med do/[ ]/yang rab 'byor rigs kyi bu 'am/ rigs kyi bu mo gang gis 'jig rten gyi khams gang gA'i klung gi bye ma snyed dag rin po che sna bdun gyis rab tu gang bar byas te sbyin pa byin pa bas/ byang chub sems dpa' gang zhig chos rnams bdag med cing skye ba med pa la bzod pa thob na de nyid gzhi de las bsod nams kyi phung po ches mang du bskyed do/ /yang rab 'byor byang chub sems dpas bsod nams kyi phung po yongs su gzung bar mi bya'o/ /tshe dang ldan pa rab 'byor gyis gsol pa/ bcom ldan 'das byang chub sems dpas bsod nams kyi phung po yongs su gzung bar mi bgyi lags sam/ bcom ldan 'das kyis bka' stsal pa/ rab 'byor yongs su gzung mod kyis log par mi gzung ste/ des na yongs su gzung ba zhes bya'o/ /rab 'byor gang la la zhig 'di skad du/ de bzhin gshegs pa bzhud dam/ byon tam/ bzhengs sam/ bzhugs sam/[ ]/mnal ba mdzad do zhes de skad zer na/ des na ngas bshad pa'i don mi shes so/ /de ci'i phyir zhe na/ rab 'byor de bzhin gshegs pa zhes bya ba ni gar yang ma bzhud/ gang nas kyang ma byon pa'i phyir te/ des na de bzhin gshegs pa dgra bcom pa yang dag par rdzogs pa'i sangs rgyas shes bya'o/ /yang rab 'byor</font><hr>39.164a<br><font size=+1>

rigs kyi bu 'am/ rigs kyi bu mo gang gis stong gsum gyi stong chen po'i 'jig rten gyi khams na sa'i rdul rnams ji snyed yod pa de dag 'di lta ste dper na rdul phra rab kyi tshogs bzhin du phye mar byas na/ rab 'byor 'di ji snyam du sems/ rdul phra rab kyi tshogs de mang ba yin nam/ rab 'byor gyis gsol pa/ bcom ldan 'das de de lta lags te/ rdul phra rab kyi tshogs de mang ba lags so/ /de ci'i slad du zhe na/ bcom ldan 'das gal te tshogs shig mchis par gyur na bcom ldan 'das kyis rdul phra rab kyi tshogs shes bka' mi stsal ba'i slad du'o/ /de ci'i slad du zhe na/ bcom ldan 'das kyis rdul phra rab kyi tshogs shes gang gsungs pa de tshogs ma mchis par de bzhin gshegs pas gsungs pa'i slad du ste/ des na rdul phra rab kyi tshogs shes bgyi'o/ /de bzhin gshegs pas stong gsum gyi stong chen po'i 'jig rten gyi khams shes gang gsungs pa de khams ma mchis par de bzhin gshegs pas gsungs te/ des na stong gsum gyi stong chen po'i 'jig rten gyi khams shes bgyi'o/ /de ci'i slad du zhe na/ bcom ldan 'das gal te khams shig mchis par gyur na/ de nyid ril por 'dzin par 'gyur ba'i slad du'o/ /de bzhin gshegs pas ril por 'dzin par gang gsungs pa de 'dzin pa ma mchis par de bzhin gshegs pas gsungs te/ des na ril por 'dzin pa zhes bgyi'o/ /bcom ldan 'das kyis bka' stsal pa/ rab 'byor ril por 'dzin pa nyid ni tha snyad de/ chos de ni brjod du med pa yin na/ de yang byis pa so so'i skye bo rnams kyis bzung ngo / /rab 'byor gang la la zhig 'di skad du de bzhin gshegs pas bdag tu lta bar gsungs te/ de bzhin gshegs pas sems can du lta ba dang / srog tu lta ba dang / gang zag tu lta bar gsungs so zhes zer na/ rab 'byor de yang dag par smra bas smra ba yin nam/ rab 'byor gyis gsol pa/ bcom ldan 'das de ni ma lags so/ /bde bar gshegs pa de ni ma lags so/ /de ci'i slad du zhe na/ bcom ldan 'das de</font><hr>39.164b<br><font size=+1>

bzhin gshegs pas bdag tu lta bar gang gsungs pa de lta ba ma mchis par de bzhin gshegs pas gsungs pa'i slad du ste/ des na bdag tu lta ba zhes bgyi'o/ /bcom ldan 'das kyis bka' stsal pa/ rab 'byor byang chub sems dpa'i theg pa la yang dag par zhugs pas 'di ltar chos thams cad shes par bya blta bar bya mos par bya ste/ ci nas chos su 'du shes pa la yang mi gnas pa de ltar mos par bya'o/ /de ci'i phyir zhe na/ rab 'byor chos su 'du shes chos su 'du shes shes bya ba ni 'du shes med par de bzhin gshegs pas gsungs pa'i phyir te/ des na chos su 'du shes shes bya'o/ /yang rab 'byor byang chub sems dpa' sems dpa' chen po gang gis 'jig rten gyi khams dpag tu med cing grangs med pa dag rin po che sna bdun gyis rab tu gang bar byas te sbyin pa byin pa bas/ rigs kyi bu'am/ rigs kyi bu mo gang gis shes rab kyi pha rol du phyin pa 'di las tha na tshig bzhi pa'i tshigs su bcad pa tsam blangs nas 'dzin tam/ klog gam/ kun chub par byed dam/ gzhan dag la yang rgya cher yang dag par rab tu ston na de nyid gzhi de las bsod nams ches mang du grangs med dpag tu med pa bskyed do/ /ji ltar yang dag par rab tu ston zhe na/ ji ltar yang dag par rab tu mi ston pa bzhin du ste/ des na yang dag par rab tu ston pa zhes bya'o/ /skar ma rab rib mar me dang / /sgyu ma zil pa chu bur dang / /rmi lam glog dang sprin lta bur/ /'dus byas de ltar blta bar bya/ /bcom ldan 'das kyis de skad ces bka' stsal nas gnas brtan rab 'byor dang / byang chub sems dpa' de dag dang / 'khor bzhi po dge slong dang / dge slong ma dang / dge bsnyen dang /[ ]dge bsnyen ma de dag dang / lha dang / mi dang / lha ma yin dang / dri zar bcas pa'i 'jig rten yid rangs te/ bcom ldan 'das kyis gsungs pa la mngon par bstod do/[ ]/'phags pa shes rab kyi pha rol du phyin pa rdo rje gcod pa zhes bya ba theg pa chen po'i mdo rdzogs so//</font><hr>

</table>