J185

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J185</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J185&coll=lithang">see text in Tibetan script</a></table>61.1a<br><font size=+1>

(za) @#/ ! /mdo sde sna tshogs kyi skor bzhugs so/ /[(黃) 經藏第二十二部]</font><hr>61.1b<br><font size=+1>

@##/   /rgya gar skad du/  sad d+harmA rA dza ma hA yA na sU tra/  bod skad du/ dam pa'i chos kyi rgyal po theg pa chen po'i mdo/ de'i tshe na sangs rgyas shing sA la gnyis kyi bar na bzhugs te/ mya ngan las 'das par gshegs kar sems can thams cad brgya stong khri 'bum phal mang po kun shing gi drung na sangs rgyas 'khor bar bskor te 'khod nas mig ni yar bcom ldan 'das kyi zhal du blta ste/ cung zad kyang mi g.yengs/ de nas yang dag par gshegs pas 'phrul gyi stobs kyis 'od chen po btang nas nam mkha'i khams thams cad khyab par snang ste/ 'od de'i nang nas chos kun mngon par bstan nas de'i tshe mang po'i nang na byang chub sems dpa'i ming nam mkha' mdzod ces bya ba zhig yod pa stan las langs te/ sangs rgyas la lan gsum bskor nas slar ngos gcig tu</font><hr>61.2a<br><font size=+1>

'dug ste/ lus smad lnga sa la gtugs ngus te mchi ma blags nas sangs rgyas la gsol pa/ lha'i nang na btsun pa yang dag par gshegs pas mya ngan las 'das par gshegs pa'i dus kyang nye/ gshegs su yang sla na/ gshegs pa'i slad na rnyog pa rnam pa lnga'i sems can las ngan pa mang ba bgyid cing ngan pa bcu sha stag spyod pa 'di lta bu'i sems can legs pa'i dpal gyi stobs snang ba la sangs rgyas kyis shin du zab cing / dam pa'i chos kyi yi ge bcu gnyis bshad pa yi ge'i 'bru ni mangs/ gzhung ni rgya ches pas khong du chud cing 'tshal bar bgyi ba 'ang dka'/ chos 'di kun blta zhing rjes kyang mi chod na/ sangs rgyas kyis byams shing thugs rje gzigs te/ theg pa chen po'i chos yang dag pa'i bden pa bye brag phyed par bshad de/ sems can rnams yang dag pa'i sman bzang po thob par bgyis te/ nad gdug go cog sos par bgyir smon to/ /sangs rgyas kyis byang chub sems dpa' nam mkha' mdzod la bka' stsal pa/ shin du dge'o/ /shin du dge'o/ /rigs kyi bu pho khyod kyis sems can rnams kyi phyir 'di lta bu'i don chen po 'dri nus pa bsod nams chen po thob ste/ bsam gyis mi khyab bo/ /ngas khyod la yang dag pa'i bden pa/ theg pa chen po'i chos bye brag phyed pa/ mi 'gyur ba'i gzhung rdzogs par bshad do/ /ci'i phyir zhes byas na/ sems can rnams mya ngan dang bral bar bya ba'i phyir ro/ /sems can dmyal ba'i nyon mongs pa las phyin cing yul gtsang mar skye bar bya ba'i phyir ro/ /yang dag par grol thar cing skye shi las 'das par bya ba'i phyir khyed rnams kun sems gcig tu soms shig dang khyed la go bar bshad do/ /de nas phal mang po kun shin tu dga' gzha' ste/ kha tha dad kyis kyang tshig 'thun par cig car</font><hr>61.2b<br><font size=+1>

smras pa/ sangs rgyas kyis byams shing thugs rjes gzigs te/ bdag cag rnams la bye brag phyed par bshad par smon to/ /sangs rgyas kyi zhal nas rigs kyi bu pho rnams grol thar bar 'dod na/ 'dod pa'i yan lag bcad la sems gnyis su mi bsam par gcig tu bsam te yod pa bsam pa'i sems btang ngo / /sems kyi ngo bo nyid kyi tshul ni stong pa ste/ sems kyi ngo bo nyid kyi nang na 'go ba 'ang med do/ /gtang ba 'ang med do/ /blang ba dang gtang ba med na ci 'ang thob pa med do/ /de'i ming ni byang chub bo/ /ji lta zhe na/ mya ngan phal mang po kun ni sems gcig las skyes so/ /sems mi sems na mya ngan kyang mi skye ste/ 'du mched dang / shes rab rnams la blang ba dang gtang ba med do/ /blang ba dang gtang ba med pa 'dod chags so cog dang bral lo/ /'dod chags so cog dang bral na 'dod pa'i yan lag med do/ /byang chub sems dpa' nam mkha' mdzod kyis sangs rgyas la gsol pa/ bcom ldan 'das sems can gyi 'du mched dang / shes rab kyi legs nyes skye nus shing / lan bon ldan pa'i gnas lags te/ phyi nang mu gnyis kyi chos so cog gcig gi nang du gcig zhugs nas/ ci'i slad nas de'i nang na blang ba dang btang ba ma mchis shis bgyir rung / sangs rgyas kyis byang chub sems dpa' nam mkha' mdzod la bka' stsal pa/ rigs kyi bu po bsam gtan gcig tu 'dus pa'i nang du zhugs la kun gyis phyi nang du brtags na tha mar yong med do/ /de ci'i phyir zhe na/ nang du bltas nang du brtags na yang dag pa'i ngo bo nyid la skye ba med/ phyir bltas phyir brtags na/[ ]ma rig pa mi ldang / skye ba 'ang med/ ldang ba 'ang med na/ mya ngan las 'das pa 'ang med de/ de ni gtsang gdang ba yin no/ /de ni mchog tu dga' ba'i sman yin no/ /byang chub sems dpa' nam mkha' mdzod kyis sangs rgyas la gsol pa/ </font><hr>61.3a<br><font size=+1>

bcom ldan 'das yang dag par gshegs pas theg pa chen po'i chos yang dag pa'i gzugs shin du zab cing gces pa/ bla na ma mchis pa'i sman bzang po dang / theg pa gcig gi bden pa'i nang du 'jug pa bshad na/ slan chad kyi sems can mi gtsang ba'i las gsum gyis ngan pa bcu'i las bgyis te/ log sred kyi las spyad pas rtsa ba dang gzhi phra zhing zhan te/ sems la gzungs su gzung ba 'ang dka' nas sman dang nad kyang gal te mi mthun na thabs ji ltar bgyis na theg pa chen po'i nang du 'jug par rung / sangs rgyas kyis byang chub sems dpa' nam mkha' mdzod la bka' stsal pa/ nga la thabs yod kyis theg pa chen po la 'jug par bya'o/ /byang chub sems dpa' nam mkha' mdzod kyis sangs rgyas la gsol pa/ bcom ldan 'das bdag gis gna' sngon thos pa yang dag par gshegs pas theg pa chen po'i mi la ni pha rol du phyin pa drug gi chos bshad/ theg pa bar ma'i mi la ni rgyu rkyen bcu gnyis kyi chos bshad/ theg pa chung ngu'i mi la ni bden pa bzhi'i chos bshad/ log sred kyi mi la ni dge ba bcu'i chos bshad de/ kun kyang nad kyi gzugs dang sbyar nas chos kyi sman bzang po bshad na/ de ci'i slad nas theg pa gcig gi chos bshad de mi 'di rnam bzhi'i ra mda' bgyi/ sangs rgyas kyis byang chub sems dpa' nam mkha' mdzod la bka' stsal pa/ ngas theg pa gcig gi lam gyi chos bshad pa 'di ni dper na sa gcig gis yod do cog bskyed cing thams cad gso nus pa dang mtshungs so/ /yang dper na chos kyi char pa'i brlan gyis thams cad la khyab par yog ste/ sa las skyes so cog thams cad ngoms so/ /dper na 'bras sna cig gi chan bro ba la 'jig rten gyi sems can mi dang mi ma yin pa kun za'o/ /zos so cog kun lus ni skye/ srog ni 'tsho ste/ kun skye bar byas</font><hr>61.3b<br><font size=+1>

pa ni dper na sman gyi rgyal po sman sbyor mkhas pas sman gces pa bzang po kun sbyar te/ sems can tsha ba'i nad kyis btab pa la btang na ni grang bsil/ sems can grang ba'i nad kyis btab pa la btang na ni dro tsha'o/ /tshad pa na ba la btang na ni chad do/ /'khyil pa la btang na ni phol te nad ni sos pa med do/ /ngas theg pa gcig bshad de mi de'i gzhi'i nad rnams gso ba yang de dang mtshungs so/ /byang chub sems dpa' nam mkha' mdzod kyis sangs rgyas la gsol pa/ bcom ldan 'das thabs ji lta bu spyad de/ ngan pa bcu dang sems can log sred de theg pa gcig gcig gi lam du 'jug par bgyi/ sangs rgyas kyis byang chub sems dpa' nam mkha' mdzod la bka' stsal pa/ rigs kyi bu pho nga'i theg pa gcig gi chos la theg pa gsum ldan te/ yang gud na theg pa gsum zhes bya ba bshad pa med do/ /khyod brtag par nyon cig dang khyod la zhib tu bshad do/ /rigs kyi bu pho dam pa'i chos kyi lam mo/ /phyi mo'i gzhi ngo bo nyid gcig ste/ gnyis su med na thabs spyad pa'i phyir theg pa gsum du bshad do/ /theg pa gsum gyi chos kun gcig tu 'dus par brtag /sems can no cog la rnam pa bzhi yod mod kyi sangs rgyas kyi ngo bo nyid la ni gnyis su med do/ /ji lta zhes byas na sangs rgyas so cog dang / sems can no cog gi ngo bo nyid gcig tu 'thun te/ mdo gcig ste tha dad pa med na/ sems can rang gi sems kyis bye brag dbye ba g.yos so/ /yong ni sangs rgyas kyang sems can yin/ sems can kyang sangs rgyas yin te/ sems can no cog la yang sangs rgyas kyi ngo bo nyid yod do/ /sangs rgyas kyi ngo bo nyid dang sems can gyi ngo bo nyid de gnyis kyang gcig ste/ ngo bo nyid gcig tu mtshungs mnyam mo/ /chos so cog dang yang mnyam pas na nga la thabs yod pas theg pa gcig la zhugs par bya'o/ /rigs kyi bu pho sems can de</font><hr>61.4a<br><font size=+1>

rnams kyi sems kyi mkhar dam du srung du btsud de rkun po ma zhugs par bya'o/ /rnam par shes pa drug gi sgo mo chen po rdo rjes bsrungs bran la sems 'dug pa'i gnas la brtags te sems 'dug pa'i gnas shes na sems 'dug pa'i gnas na sems mi 'dug go/ /sems mi 'dug na gnod sems 'dug pa med do/ /ngan no cog la sems mi 'dug cing / 'du mched khams la sems mi 'dug na 'dod pa'i yan lag gi sems med do/ /'dod pa'i yan lag med na sems kyi 'dod cing btsal ba med do/ /sems la btsal ba med na sems ga la yang mi 'dug go/ /ga la yang mi 'dug na gdod de'i ming ni sems 'dug ces bya'o/ /rigs kyi bu pho sems can gyi sems kyi mya ngan no cog byas pa ni kun kyang rnam par shes pa las g.yos te mi 'dug pa'i lan no/ /sems 'dug na gdod mya ngan kyang med do/ /mya ngan med na gdod byang chub yin no/ /byang chub sems dpa' nam mkha' mdzod kyis sangs rgyas la gsol pa/ bcom ldan 'das sems can thams cad kyis mya ngan no cog bgyis shing sems mi 'dug pa de ci zhig gi stobs kyis bslang ste 'dod pa'i yan lag bgyis pa/ /sangs rgyas kyis byams shing thugs rjes gzigs te/ phal mang po la dgrol zhing bshad par smon to/ /sangs rgyas kyis bka' stsal pa/ sems can no cog sems kyi yan lag g.yos pas rang bzhin gyi stobs gnyis yod do/ /gnyis shes bya ba gang yin zhes byas na/ gcig ni 'du mched kyi phyir g.yos te sems kyi yan lag rang bzhin gyi stobs so/ /gnyis ni 'du mched kyi phyir ma lags kyi bdag gi sems la rang langs te de ni bdag gi rang bzhin gyi stobs so/ /rigs kyi bu pho de sems can rnams kyi rang bzhin gnyis mi g.yo bar byas na gdod mya ngan kyang med byang chub kyang med do/ /mya ngan kyang med</font><hr>61.4b<br><font size=+1>

byang chub kyang med na gdod yang dag par bden pa'i gnas su chud de/ de ni byang chub yang dag pa yin no/ /khyod la sogs pa byang chub sems dpas sems can zhig bstan cing drang na yang sems 'dug par ston cig /byang chub sems dpa' nam mkha' mdzod kyis sangs rgyas la gsol pa/ bcom ldan 'das bslab cing drang na de'i sems 'dug par bgyi na/ khams gang la 'dug na byang chub thob par rung / sangs rgyas kyis byang chub sems dpa' nam mkha' mdzod la bka' stsal pa/ shin du dge'o shin du dge'o/ /rigs kyi bu pho khyod de 'dri re mkhas sems kyi phyi mo 'di lta bu 'dri ba byang chub sems dpa' sems dpa' chen po yin te bsam gyis mi khyab bo/ /khyed brtags par nyon cig dang / khyed la zhib du bshad do/ /rigs kyi bu pho sems can bslabs shing drangs te sems 'dug par bya na 'dug pa ni nang na yang mi 'dug /phyi rol na yang mi 'dug /bar na yang mi 'dug go/ /sangs rgyas thams cad kyi theg pa chen po'i chos kyang nang na yang mi 'dug /phyi rol na yang mi 'dug /bar na yang mi 'dug go/ /sems kyi shes pa gcig pu la gnas te/ med pa'i gnas la 'dug pas na byang chub thob bo/ /byang chub thob tu zin kyang byang chub thob pa yong med de/ de'i ming ni yang dag pa'i mi g.yo ba zhes bya'o/ /ji lta zhes byas na/ mya ngan ni mi bden pa las skyes te mya ngan kyang stong pa'o/ /chos so cog kyang rang skyes pa med de chos kyang stong pa'o/ /sems shes bya ba yang gyin da ming yod du zad kyi thob par mi rung ste/ sems kyang stong pa'o/ /rigs kyi bu pho sems stong pa yin par rig na/ stong pa'i sems gcig gis nang nas mi bden pa thams cad la blta ba'i mi rigs so/ /thams cad la bltas na de'i ming ni sems kyi dri ma zhes bya'o/ /sems</font><hr>61.5a<br><font size=+1>

la dri ma med na de'i ming ni zag pa zad ces bya ba ste/ mig dang kha dog dang sems gsum char yang stong pa ste/ rtag par gtsang ngo / /byang chub sems dpa' nam mkha' mdzod kyis sangs rgyas la gsol pa/ bcom ldan 'das chos so cog kun kyang de bzhin lags pa lta na sems can thams cad kyang lus gcig /sems gcig /khams gcig /sangs rgyas gcig gi khams su chud par nus pa'i rigs/ sangs rgyas gcig gi khams nas stong pa gang zhig khyab pa'i sangs rgyas thams cad kyi chos kyi khams su 'jug nus pa'i rigs/ sangs rgyas kyis byang chub sems dpa' nam mkha' mdzod la bka' stsal pa/ rigs kyi bu pho khams thams cad kyang khams gcig tu gzhug tu rung ngo / /khams gcig dang / pad mo'i gdan gcig dang / yang dag par gshegs pa'i sku lus gcig gis khams thams cad kyang kun rgyas shing gang bar rung ngo / /khams thams cad mngon par bstan na kun kyang stong pa'o/ /sangs rgyas thams cad kyi khams bzang du brgyan par yang rung ngo / /byang chub sems dpa' gcig gi lus kyis khams thams cad gang rgyas par rung ngo / /ba spu nyag ma gcig gi bu ga'i nang du khams thams cad shong bar yang rung ngo / /khams thams cad khams gcig gi nang du gzhug pa dang / sems can gcig gi lus kyi nang du shong bar yang rung ngo / /sangs rgyas kyi chos kyis gcig dang / byang chub kyi shing sdong po gcig gis khams thams cad gang bar yang rung ngo / /sgra skad snyan pa gcig gis khams thams cad gang ste/ thams cad de bzhin thos shing shes te kun dga' gzha' bar yang rung ngo / /chos spyod pa rnams chos de bzhin gang bar shes na/ gzhan gyi yul khams thams cad du sangs rgyas kyi lus btsal ba'i mi rigs kyi/ sems gcig</font><hr>61.5b<br><font size=+1>

dang / khams gcig gi gnas la sangs rgyas kyi lus btsal ba'i rigs so/ /lus gcig gi nang nas thams cad kyi lus 'byung bar nus so/ /thams cad kyi lus kyi nang nas lus gcig 'byung bar nus so/ /ji lta zhes byas na/ lus gcig ni sangs rgyas gcig gi lus yin no/ /lus mang po thams cad ni sems can gyi lus yin pas na/ kun sems gcig las skyes so/ /sems gcig pu dge na chos so cog zad par dge'o/ /sems gcig phyi mo mi dge na chos so cog zad par yang mi dge'o/ /las ngan pa byas na sems can ngan pa'i lus su skye'o/ /las dge ba byas na lha dang mi'i lus su skye'o/ /sems gcig po yang sems gcig gi gzugs dang bral na sems kyi gzugs kyi nang na stong pa ste/ ci la 'ang thob pa med do/ /stong pa'i khams dang yang bral na blang ba med pa'i sa ni sangs rgyas kyi lus skye nus so/ /sangs rgyas kyi lus la ni lus gcig tu zad kyi gnyis su med do/ /yong sangs rgyas kyi ngo bo nyid ni gcig go/ /sangs rgyas kyi ngo bo nyid gcig gi nang na sems kyi ngo bo nyid gcig tu zad do/ /sems gcig po ma gtogs par gud du gzhan la btsal ba med do/ /gzhan la btsal ba byas na de ni yon po mi drang ba'o/ /ji lta zhes byas na sems kyi chos thams cad ni phyi logs nas btsal ba med do/ /phyi logs kyi gnas nas btsal na de'i ming ni gzhan bya'o/ /gzhan gyi gnas las btsal na de ni mi bden pa'o/ /byang chub sems dpa' nam mkha' mdzod kyis sangs rgyas la gsol pa/ bcom ldan 'das sems gcig gi nang nas sangs rgyas thob par rung na/ thams cad kyi sems kyi nang na/ kun la yang sangs rgyas kyi ngo bo nyid mchis pa lta/ sems can thams cad kun la sangs rgyas kyi ngo bo nyid mchis na/ yang dag par gshegs pa thams cad kyis sems gcig po spyod de/ </font><hr>61.6a<br><font size=+1>

sems can thams cad bskyed nus te sems gcig lus gcig gis 'khrug pa bsal na/ sangs rgyas kyi chos gzhan ma mchis te/ sangs rgyas kyi chos kyi sku lus su skyes lags pa lta/ sangs rgyas kyis byang chub sems dpa' nam mkha' mdzod la bka' stsal pa/ rigs kyi bu de yin no de yin no/ /khyod kyis bshad pa bzhin te/ sems can kun la yang sangs rgyas kyi ngo bo nyid yod de/ sangs rgyas yang dag par gshegs pa thams cad kun gyis sems gcig pu'i chos spyad de/ sems can thams cad kyi sems so cog sems gcig pu'i nang du sangs rgyas kyi chos tshol du btsud pas sangs rgyas kyi lus thob bo/ /byang chub sems dpa' nam mkha' mdzod kyis sangs rgyas la gsol pa/ bcom ldan 'das sems can rnams la sangs rgyas kyi ngo bo nyid mchis te/ sangs rgyas kyi ngo bo nyid kyi nang du btsal bas sangs rgyas thob na sems can thams cad kyi so so'i sems kyi nang na yang sangs rgyas lags te/ de thob par yang rung / mthong bar yang rung lags pa lta/ sangs rgyas kyis byang chub sems dpa' nam mkha' mdzod la bka' stsal pa/ rigs kyi bu pho sangs rgyas kyi ngo bo nyid yang dag pa'i gzugs dam par 'jug pa ni thob ces byar yang mi rung ngo / /mi thob ces byar yang mi rung ngo / /mthong zhes byar yang mi rung / mi mthong zhes byar yang mi rung ngo / /ji lta zhes byas na/ byang chub sems dpas sangs rgyas kyi ngo bo nyid yod ces bshad na/ de'i ming ni sangs rgyas la skur to/ /sangs rgyas kyi ngo bo nyid med ces bshad na yang sangs rgyas la skur to/ /sangs rgyas kyi ngo bo nyid yod pa ma yin zhes bshad na yang sangs rgyas la skur to/ /sangs rgyas kyi ngo bo nyid med ces bshad na yang sangs rgyas la skur to/ /ji lta zhes byas na/ byang chub sems dpas sems can gyi sangs rgyas kyi ngo bo nyid yod pa ma yin na ni nam mkha' dang mtshungs/ </font><hr>61.6b<br><font size=+1>

med pa ma yin na ni ri bong gi rwa dang mtshungs te ri bong gi rwa ni yong med do/ /nam mkha' ni rtag par yod do/ /gzugs kyi tshul ni yod pa ma yin no/ /nam mkha'i tshul ni med pa ma yin no/ /gzugs kyi tshul kun dang bral na ci la 'ang chags pa med do/ /skye ba'i gnas la mi 'dug ste/ de la skye bar mthong na dri ma'o/ /med pa'i gnas na mi 'dug ste/ de la ma mthong na chad pa zhes bya'o/ /sems can gyi sangs rgyas kyi ngo bo nyid kyi dam pa'i gzugs ni de lta bu yin no/ /sangs rgyas kyi ngo bo nyid yod ces bshad na bskyed de skur to/ /sangs rgyas kyi ngo bo nyid yod kyang yod/ med kyang med ces bshad na log par skur to/ /sangs rgyas kyi ngo bo nyid yod pa 'ang ma yin med pa 'ang ma yin zhes bshad na 'gran tor du skur to/ /byang chub sems dpa' nam mkha' mdzod kyis sangs rgyas la gsol pa/ bcom ldan 'das sems can gyi sangs rgyas kyi ngo bo nyid dam pa de bzhin du zab ste/ 'du mched kyi rnams dang bral bas cis kyang gos pa ma mchis te/ dper na nam mkha' dang mtshungs shing phyi mo'i ngo bo nyid rtag par gtsang na ci'i slad nas sems can gyis mya ngan rnams bgyis/ mya ngan bgyis na sems nyid dri ma lags pa lta na/ sems kyi dri ma de thog ma ga las skyes pa bcom ldan 'das kyis phal mang po la bshad de/ sems can gyi rnams kun gyis thos shing shes par bgyis te/ sems can gyi rnams kyi mya ngan ngan no 'tshal ba shig ste/ sems kyi dri ma bkrus pas la la bkab cing dkris pa yong bral bar smon to/ /de nas sangs rgyas 'dzum mul zhes bzhad de phyag g.yon pas byang chub sems dpa'i spyi bo la phyis te/ 'od chen po btang nas thams cad kun tu khyab par byas so/ /de nas sems can phal mang po thams cad kun shin du dga' gzha'o/ /sangs rgyas</font><hr>61.7a<br><font size=+1>

kyi zhal nas byang chub sems dpas sems can rnams kyi phyir de lta bu'i dri ba byas pa de'i ming ni drang po dris pa ste/ sems can thar par bya ba yin no/ /tshig gzhan dris na de'i ming ni yon por dris shes bya ste/ sems can brlag pa yin no/ /byang chub sems dpa' khyod drang po 'dri nus pa sems can thar par byas pa yin no/ /khyed la sogs pa sems can kun sems gcig tu soms la brtags par nyon te/ 'gyes shing 'khrug pa'i sems sol la phyi logs kyi don med par byos te/ sems kyi yid thub par 'dug shig dang khyed la bshad do/ /bshad pa thos na ngan pa bcu'i sems can kun grol thar pa thob po/ /byang chub sems dpa' nam mkha' mdzod kyis sangs rgyas la gsol pa/ bcom ldan 'das bdag la sogs pa sems can phal mang po thams cad kun sems gcig tu bgyis lags ta/ 'khrug pa'i sems gzhan ma mchis na/ bcom ldan 'das kyis phal mang po la dgrol bshad par smon to/ /bcom ldan 'das kyis byang chub sems dpa' dang phal mang po rnams la bka' stsal pa/ mya ngan thams cad ni phyin ci log las skyes so/ /phyin ci log thams cad ni mi bden pa'i sems las skyes so/ /mi bden pa'i sems thams cad ni nga yod pa las skyes so/ /nga yod pa thams cad ni phyi mo yong med pa las skyes so/ /phyi mo med pa thams cad ni mi 'dug pa nyid yin no/ /phyi mo med na yod pa ma yin no/ /yod pa ni dri ma'o/ /med pa ni gtsang ma'o/ /gtsang ma de'i gnas ni rtag par pha rol du phyin pa yin no/ /skyid pa pha rol du phyin pa yin no/ /nga pha rol du phyin pa yin no/ /gtsang ma pha rol du phyin pa yin no/ /de lta bu mthong ba ni ming drang po mthong ba zhes bya ste/ </font><hr>61.7b<br><font size=+1>

gzhan mthong ba ni ming yon po mthong ba zhes bya'o/ /de lta bu mthong ba ni mi de la shes rab yod do/ /gzhan mthong ba ni mi de la shes rab med do/ /shes rab yod pas ni thabs kyis bkrol lo/ /shes rab med pas ni thabs kyis bcings so/ /byang chub sems dpa' nam mkha' mdzod kyis sangs rgyas la gsol pa/ bcom ldan 'das gtsang ma'i gnas de na sems can la la zhig sems rtag tu rtag pa'i sems g.yos so/ /rtag tu skyid pa'i sems g.yo'o/ /rtag tu nga'i sems g.yo'o/ /rtag tu gtsang ma'i sems g.yo'o/ /shes rab yod pa lags te phyin ci log ma lags so/ /sangs rgyas kyis byang chub sems dpa' nam mkha' mdzod la bka' stsal pa/ sems can la la zhig de ltar sems pa ni ming drang po sems pa ste/ mi de drang po mthong ba yin no/ /mi de shes rab yod pa yin no/ /ji lta zhes byas na/ yang dag par gshegs pa'i chos kyi sku lus rtag pa pha rol du phyin/ skyid pa pha rol du phyin/ nga pha rol du phyin/ gtsang ma pha rol du phyin te gtsang gdang bar gnas so/ /sangs rgyas rnams kyi chos kyi sku lus de lta bur mthong ba'i mi de ni sangs rgyas kyi yang dag pa'i slob ma gcig pu yin te/ drang po'i chos las skyes chos las 'phrul te skyes/ sangs rgyas kyi zhal nas skyes/ sangs rgyas kyi brtan pa bzhi thob po/ /mi tha mal pa yin mod kyi brtan pa bzhi byang chub sems dpa' yin no/ /rigs kyi bu pho nga 'das pa'i phyi na lo lnga brgya yang rung / lo stong yang rung / lo stong lnga brgya yang rung / de'i phyi na yang mi la la zhig gis chos kyi yi ge 'di gzungs su bzung ste/ kha ton dang klog nus la bshad pa bzhin du las su byas te/ rtag skyid dang gtsang gi gnas la yid ches shing drang por mthong gi steng du chos 'di spyad de/ sems can bstan bslabs na/ sems can gcig</font><hr>61.8a<br><font size=+1>

bstan na de'i ming byang chub sems dpa'o/ /mi mtha' mal ba mod kyi yon phul ba blang du rung ste/ khyim nas byung ba'i mi yin no/ /byang chub sems dpa' nam mkha' mdzod kyis sangs rgyas la gsol pa/ bcom ldan 'das yong khyim nas byung ba'i mi de skra dang kha spu bregs la chos kyi gos gyon te/ tshul khrims tshang ba mnos te/ tha mal pa'i chos kyis ma gos pa de'i ming ni khyim nas byung ste/ yon blang du rung ba zhes bgyi na/ yang dag par gshegs pas da bshad pa mi tha mal pa la khyim nas byung ba'i mi lags te/ yon blang du rung zhes bgyi ba de'i gzhung bye brag ma phyed na/ sangs rgyas kyis byams shing thugs rjes gzigs te bdag la bshad par smon to/ /sangs rgyas kyis byang chub sems dpa' nam mkha' mdzod la bka' stsal pa/ rigs kyi bu pho skra dang kha spu bregs pa ni lus la nga med par gdul ba'i phyir ro/ /chos kyi gos gyon pa ni tha mal pa'i chos dang dbral ba'i phyir ro/ /tshul khrims tshang bar 'dzin pa ni thob cing mi gzhig pa'i phyir ro/ /ngas bshad pa de mi tha mal pa yin mod kyi lus dang sems thul bar nus te/ nga dang le lo mi g.yo sems la rdul kyis ma gos te/ tha mal pa'i chos dang bral nas yun rings te/ rdo rje dang mtshungs te/ tshul khrims kyi ngo bo nyid ma zhig pas/ tha mal pa yin mod kyi yang dag par na khyim nas byung ba yang dag pa yin no/ /yang theg pa chen po'i chos kyi yi ge 'di'i nang na bshad pa bzhin du las su spyad na/ sangs rgyas kyi chos la yid ches pas rtag skyid nga gtsang mthong ste/ sems can la bkrol bshad na mi tha mal pa yin mod kyi brtan pa bzhi'i mi yin te/ byang chub sems dpa'i las spyod pa yon blang du rung ste ming ni dge bsnyen zhes bya'o/ /shes rab kyi thabs thob ste theg pa chen po'i chos bshad do/ /de lta bu'i chos kyi ngo bo nyid kun sems dang ma bral te/ sems las 'phrul</font><hr>61.8b<br><font size=+1>

skyes te ting nge 'dzin mi g.yo rtag par gcig pu'i sems la gnyis su med do/ /gcig pu'i sems kyi nang na phyi nang yang med/ bar ma yang nga med de thams cad dang bral lo/ /thams cad dang bral na skye ba dang shi ba 'ang med do/ /skye ba dang shi ba med na gdod yang dag pa'i mi g.yo ba yin no/ /yang dag pa'i mi g.yo ba rtag par 'dug la chos dang dge 'dun ni med par mi 'gyur ro/ /khams gsum gyi sems can ni rang skyes rang shi'o/ /rigs kyi bu pho ched kar sems can la nga med par bshad do/ /sangs rgyas dang yang dag par gshegs pa ni yang dag pa'i bden pa'i nga yin te skye shir 'bab pa las 'das so/ /khyod la sogs pa sems can rnams rtag par 'dug pa tshol na 'dod pa'i rnams dang spongs la skye ba med pa'i las byos shig /byang chub sems dpa' nam mkha' mdzod kyis sangs rgyas la gsol pa/ bcom ldan 'das las ji lta bu spyad na ming skye ba med pa'i las shes bgyi/ sangs rgyas kyi zhal nas rigs kyi bu pho rnams nga las gzhan ma skyes na/ gzhan las nga mi skye'o/ /ji lta zhes byas na/ tshul gyi ngo bo nyid ni gtsang ma stong pa ste/ yod pa 'ang ma yin/ rtag pa med pa yang ma yin no/ /yod do cog kyang yod ni stong pa gtsang ma ste/ med pa yang ma yin na mthar yang yod pa yang ma yin no/ /byang chub sems dpa' dang sangs rgyas yang dag par gshegs pa rnams kyis khor mor ngo bo nyid gcig gi spos kyi ro bro bas sems can rnams kyi sems gcig gis ngo bo nyid gtsang mar bsangs na/ 'dzangs pa'i rnams ni go ste stong par khong du chud/ blun po'i rnams kyis ni bslad pa'i nang du zhugs te chags bcings so/ /ji lta zhes byas na/ sems can shes rab yod pa la gti mug med pas tshor ba'i ngo bo nyid yod de ma rig pa'o cog tshor bas tshor ba med pa mi g.yo'o/ /stong pa 'ang med/ mi 'gyur ba 'ang med de/ gtsang gdang ba gcig pu'i nang du chud</font><hr>61.9a<br><font size=+1>

nas mya ngan no cog dang yong bral lo/ /sems can blun po ni gti mug yod pas tshor ba'i ngo bo nyid la ma tshor bas ma rig pa g.yos te tshor ba med pas ni rdul dang mya ngan thams cad byas so/ /tshor ba yod par shes na tshor ba med pa 'ang med do/ /tshor ba med pa 'ang med na gdod nad kyang mi skye'o/ /nad mi skye na tshor ba yod pa 'ang med do/ /tshor ba yod pa med pa ni yid mi ches pa'i sems med do/ /ji lta zhes byas na/ yid mi ches pa'i sems gcig gi nang na yid rnam gnyis yod do/ /yid mi ches pa'i sems med na nad kyang mi skye'o/ /skye ba'i gnas yod na ni khang pa stong par zhugs so/ /ngo bo nyid gcig gi yang dag pa'i stong pa ni bya ba ni yod/ gzugs ni med/ 'du mched dang phrad do/ /rgyu g.yos pa ni stong pa sgyu ma dang mtshungs so/ /byang chub sems dpa' sems can no cog yid mi ches pa'i sems ni chod par bya ba'i rigs so/ /bdag gis sems kyi mkhan po bya bar smon to/ /sems kyis bdag gi mkhan po bya bar mi smon to/ /'dod pa'i rnams dang bral la rang nyams med par byas te/ bsam pa'i gnas skyes kyang bsal ba'i sems med do/ /snga ma'i sems dang phyi ma'i sems gcig la gcig 'gal bas na gzhung bzhin te ma rig pa mi g.yo/ tshor ba 'gyur ba yod mod kyi phyi mo mi g.yo ba'o/ /sems g.yos pa'i tshe snga ma g.yos pa'i sems kyis dgag go/ /byang chub sems dpa' nam mkha' mdzod kyis sangs rgyas la gsol pa/ bcom ldan 'das sems kyi sngon logs na sems g.yos pa mchis na chos ci bgyis pas tshor zhing dgag nus/ sangs rgyas kyi zhal nas byang chub sems dpas las spyod pa'i rnams las khor mor sems 'dug pa'i rnams la rtog tu bcug ste/ sems 'dug pa'i gnas rig na gdod sems mi 'dug go/ /de ltar tshor bas na tshor ba dgag go/ /'dod pa'i</font><hr>61.9b<br><font size=+1>

sems mi g.yo na dgag cing brtag yang med do/ /g.yo ba'i gnas yod na stong pa la bde bar gzhag go/ /ngo bo nyid kyi stong pa gcig gi nang na gos pa dang gtsang ma gnyis ka'ang med do/ /ngo bo nyid gtsang gdang bas na blangs pa 'ang med btang ba 'ang med do/ /sems kyang mi skye'o/ /skye ba 'ang med/ spyod pa 'ang med/ lus kyis spyad pa'i gnas kyang med/ tshig smra ba'i lam yang chad/ sangs rgyas kyi ngo bo nyid kyi ngo bo nyid kyi dam pa tshor ba'i ngo bo nyid ni rtag par yod cing / dpe stong pa dang mtshungs te thams cad la ma chags so/ /byang chub sems dpa' las 'di spyad na/ dper dbyi gu thogs la nam mkha' la brdeg pa dang mtshungs te phog ni phog ste chags pa med do/ /de'i ming chos spyod pa zhes bya'o/ /chags pa'i gnas yod du zin na phyi nang du zhugs pa yin no/ /sa gtsang mar bgrod cing 'gro na sems gcig ste gnyis su med bsam gtan du zhugs la ldang dub kyi sems bkag ste/ yang dag pa'i bden pa gcig la brtags la 'gyod tshangs bya'o/ /de'i tshe phal mang po'i nang na log sred ming 'dod mangs shes bya ba zhig yod pa gna' thog ma med pa tshun chad log pa mang du byas te/ nyes pa bcu rtag par byas nas sdang ba dang / khro ba dang / phrag dog dang / 'gren nga ba dang / 'di rnams bzhi'i sbrul gyis ni drangs/ mi bden pa dang phyi log gi sems kyi byi ba gnyis kyis ni sems kyi rtsa ba bcad de/ dper na mi zhig shing gi kha na mar spyangs la 'og na sbrul bzhi 'dug ste/ kha gdug pa'i rlangs pas ni gyen du bdugs/ shing gi kha nas byi ba gnyis kyis ni dpyang thag gi rtsa ba la bzas te chad la thug /sems gtsang ma gsum ni med par byas/ mig dang / kha dog dang / sems dang kun ni mi bden pa phyin ci log byed pa ste mthong bas bcings nas sems can dmyal bar lhung la thug pa las skad cig bsam pa'i sems kyi nang na gnod</font><hr>61.10a<br><font size=+1>

bkur ba'i sems g.yos te/ yang dag par gshegs pa la 'gyod tshangs kyi chos 'dri 'am snyam na yid la gnong zhing ngo tsha bas 'dri ma phod na/ yang dag par gshegs pa'i 'phrul gyi thugs kyis de'i yid la sems pa mkhyen te/ mi de sdug bsngal ba las bral te/ sems can dmyal ba'i sgo nas dbyung bar thugs la dgongs nas byang chub sems dpa' nam mkha' mdzod la bka' stsal pa/ nga 'das te song ba'i phyi na log sred la la zhig gis las ngan pa mang du byas te/ sangs rgyas kyi dkon mchog gsum med par byed pa de lta bu'i mi ni phyi ma'i dus la sems can dmyal ba'i nang du yang dag par lhung nas bskal pa chen po bcu gnyis kyi bar du 'ang mi thar to/ /khyed byang chub sems dpa' rnams kyis byams shing snying rje spyod la sems can 'di lta bu'i rnams 'gyod tshangs byed du chug la/ de'i sems kyi dri ma gtsang gdang bar byos la grol thar par byos shig /byang chub sems dpa' nam mkha' mdzod kyis sangs rgyas la gsol pa/ bcom ldan 'das 'gyod tshangs kyi chos ci zhig bgyis na/ sdig bsal bar rung ba sangs rgyas kyis byams shing thugs rjes gzigs te/ bye brag phyed par bshad par smon to/ /sangs rgyas kyis byang chub sems dpa' nam mkha' mdzod la bka' stsal pa/ 'gyod tshangs bya na yang dag pa'i bden pa'i gzhung la brtag go/ /yang dag pa'i bden pa'i gzhung mthong na sdig go cog thams cad bsal to/ /sangs rgyas kyis tshig 'di skad bshad zin nas de'i tshe phal mang po brgya stong khri 'bum gyi sems can mi dang mi ma yin pa la sogs pa thams cad kun sems gcig tu yang dag pa'i bden pa'i gzhung gcig la brtags te/ mthong zin nas log sred 'dod mangs mod bzhin stan las langs te/ lus smad lnga sa la gtugs nas sangs rgyas la gsol pa/ bcom ldan 'das bdag gi sems la ma rig pa mchis pas brtag pa bslabs mod kyi yang dag pa'i bden pa'i gzhung ma mthong ngo / /thog ma zhes</font><hr>61.10b<br><font size=+1>

bgyi ba ma mchis pa tshun chad ngan pa bcu 'ba' shig gi las bgyis na/ da thabs ci spyad na bdag gis yang dag pa'i bden pa'i gzhung mthong zhing sdig zhu byang bar bgyir rung / sangs rgyas kyis 'dod mangs la bka' stsal pa/ khyod la sogs pa log sred kyi rnams kun sems gcig tu byos shig dang ngas khyed la bye brag phyed par dgrol bshad do/ /'dod mangs khyod la sogs pa sems can rnams kyis lus dang sems la sangs rgyas kyi ngo bo gcig pu la brtags na chos kyi ngo bo nyid kyang rtag pa gcig pu'o/ /sangs rgyas so cog la 'ang ngo bo nyid gcig pu ste/ gnyis su med pas na yang dag pa'i bden pa'i gzhung yin no/ /de la gnyis su yod par mthong na de'i ming ni yon po zhes bya'o/ /yon por lta na ni mya ngan 'khrug pa ldang ngo / /yon po mthong ba med na mya ngan 'khrug pa 'ang mi skye'o/ /mya ngan 'khrug pa chod na de'i ming gtsang gdang zhes bya'o/ /khyed la sogs pa sems can kun gyis sems gcig tu sangs rgyas kyi ngo bo nyid gcig pu la rtogs shig /sangs rgyas kyi ngo bo nyid las gzhan mthong ba ni yong med do/ /gzhan mthong ba yod du zin na kun kyang sgyu ma mi bden pa yin no/ /mi bden pa de lta bu byed pa ni phyin ci log ces bya'o/ /'dod mangs sems gcig gtsang na ni chos so cog kun kyang gtsang ngo / /sems cig sme na ni chos so cog kun kyang sme'o/ /sme ba'i dri ma ni sdig pa yin no/ /gtsang ma ni yang dag pa yin no/ /sems dri ma dang bral na sdig mi skye'o/ /'dod mangs kyis sangs rgyas la gsol pa/ bcom ldan 'das bdag gis gna' nas las ngan pa'i rnams bgyis pa ni bskal pa stong khri grangs ma mchis mu ma mchis pa lon na de ring sems bskyed do/ /yang dag pa'i bden pa'i gzhung gcig la brtags na mu ma mchis pa'i sdig kun byang ngam mi byang ba sangs rgyas kyis dgrol bshad par smon to/ /sangs rgyas kyis</font><hr>61.11a<br><font size=+1>

'dod mangs la bka' stsal pa/ yang dag pa'i bden pa'i gzhung rtogs na sdig to cog kun ni byang ngo / /ci'i phyi nas shes byas na 'dod mangs sngon chad ni dri ma'i sems so/ /da ni gtsang ma'i sems so/ /sems gcig ste gnyis su med de gud na sems gzhan med do/ /de ring gi sems gtsang na sngon gyi sems kyang gtsang ngo / /de lta bas na bskal pa grangs med pa tshun chad kyi sdig rnams kun byang zhing med par mngon no/ /dper me long lo stong lon pa'i steng na/ rdul chags pa la gos kyis thang cig phyis na me long de'i mod bzhin snang ste/ rdul kun phyid nas lhag ma 'ang ma lus pa dang mtshungs so/ /yang gcig tu na khang pa mun nag lo stong lon pa'i nang du mar me gcig bsregs pa dang mtshungs te mun pa kun med par song ngo / /khyed la sogs pa sems can gyi rnams rtag par sems gcig gis yang dag pa'i bden pa'i gzhung gcig la brtags pa'i rigs so/ /chos so cog gi nang gi las rnams spyad de 'jig rten gyi chos so cog thams cad dang bral bar bya ba'i rigs so/ /ci'i phyir shes byas na/ 'dod mangs 'jig rten gyi chos ni g.yos kyang rung ma g.yos kyang rung ste/ kun kyang mthar 'jig cing 'dral ba yin no/ /chos la zhig cing ral na spyod pa la 'ang rtag pa med de/ chos la skye shi yod par 'gyur ro/ /skye shi yod pa'i chos dang bral na gdod ming yang dag pa'i gzhung zhes bya'o/ /'dod mangs dper na rdza mkhan gyis rdza spyad byas pa dang mtshungs te/ yid la ci 'dod pa bzhin du byas na spyad la mi 'gyur ba med de/ spyad kyi dpe gzugs dang ming kun skyes shing dengs so/ /gyo mo'i rang bzhin 'ba' shig yod de/ rang bzhin gcig pu ni rtag par yod do/ /dpe gzugs gzhan kun ni skyes shing dengs so/ /skyes shing dengs pa'i gzugs ni rang skyes pa ma yin no/ /rang skyes pa ma yin na yod pa ma yin no/ /'dod mangs sangs rgyas kyi ngo bo nyid ni dper gyo mo dang</font><hr>61.11b<br><font size=+1>

mtshungs so/ /sems can gyi rang bzhin ni dper snod dang mtshungs te skye shi'i chos yin no/ /las so cog dang bral na sangs rgyas kyi sku lus gcig yin te/ sangs rgyas kyi sku lus gcig la brtags na lus gzhan med do/ /'dod mangs kyis sangs rgyas la gsol pa/ bcom ldan 'das bdag gis yang dag pa'i bden pa'i gzhung la brtags pas sdig gi rnams kun byang lags na yang las ci spyad na chos kyi lus skye bar rung / sangs rgyas kyis 'dod mangs la bka' stsal pa/ yang dag pa'i bden pa'i gzhung la brtags na nad do cog mi ldang ngo / /sdig dang dri ma kun ma g.yos na sems ni rdo rje dang mtshungs te nam du'ang mi 'jig go/ /tshul khrims gzung nus na sems nam mkha' dang mtshungs te phyi nang gnyis ka gtsang gdang ngo / /bsam gtan 'dus pa'i nang du 'jug pa la mkhas na/ sems ni dper rlung dang me dang mtshungs te/ las ngan pa'o cog kun gyis shing bsal to/ /shes rab la rten pa la mkhas na shes rab thob par rung ste/ de'i ming ni grol thar pa zhes bya'o/ /grol thar pas na yang dag pa shes shing mthong bar nus so/ /'dod mangs khyod kyis 'di lta bu'i don sbyang zhing spyad nus na chos kyi sku lus rnam pa lnga thob par rung ngo / /'dod mangs kyis sangs rgyas la gsol pa/ bcom ldan 'das chos kyi sku lus rnam pa lnga la rgyu dang 'bras bu ci mchis/ sangs rgyas kyis 'dod mangs la bka' stsal pa/ sangs rgyas kyi ngo bo nyid ni rtag pa'i rgyu yin no/ /chos kyi sku lus ni rtag pa'i 'bras bu yin no/ /ji lta zhes byas na/ sems kyi rgyu ni sangs rgyas kyi ngo bo nyid de chos kyi yon gyis 'bras bu thob bo/ /rgyu dang 'bras bu dang bral na rgyu'i 'bras bu med do/ /rgyu dang 'bras bu med na sangs rgyas kyi lus yang dag pa yin no/ /'dod mangs sems gtsang ma'i yul la sems mi g.yo bar sangs rgyas tshe dpag med bsams na gdod yul gtsang mar skye ste/ sems can gyi phyir mi g.yo ba'i chos bshad de/  </font><hr>61.12a<br><font size=+1>

sems yang dag pa'i stong pa'i nang du chud la g.yo zhing bshad pa'i rnams dang bral te/ shes pa gsum gyi ngo bo nyid gcig ste rdo rje dang mtshungs par mi 'jig go/ /de'i tshe phal gyi nang na yang byang chub sems dpa' ming spyod med ces bya ba zhig yod pa stan las langs te/ phrag pa g.yas pa chos bzhin byas/ pus mo g.yas pa sa la btsugs te thal mo sbyar nas sangs rgyas la gsol pa/ bcom ldan 'das sangs rgyas 'das te gshegs pa'i slad na lo lnga brgya 'am/ lo stong ngam/ stong lnga brgya na sems can la chos bshad na/ chos gang bshad pa'i rigs pa sangs rgyas kyis byams shing thugs rje gzigs te bdag la drang zhing bshad par smon to/ /sangs rgyas kyis byang chub sems dpa' spyod med la bka' stsal pa/ rigs kyi bu pho chos kyis rnams bshad pa ni mdo ni bshad gzugs ni mi bshad do/ /gzhung ni bshad/ yi ge'i ri mo ni mi bshad do/ /de lta bur bshad pa ni chos yang dag pa yin no/ /yi ge'i ri mo dang / gzugs bshad na ni kha g.yos sems g.yos pa kun kyang bskur cing / dbang bzas pa'i rigs kyi bu pho sems can thams cad la chos bshad na mi g.yo ba bzhin du bshad/ mnyam snyoms par bshad pa'i rigs so/ /ji lta zhes byas na/ sems can no cog gi sems gcig la sangs rgyas kyi ngo bo nyid kyang gcig ste/ ngo bo nyid gcig tu mnyam snyoms na chos so cog kun kyang mnyam snyoms so/ /de la mtho dman du bshad na de'i ming yon po bshad pa ste/ de'i kha ni ral/ de'i lce ni gas te/ ci'i phyir shes byas na/ sems can thams cad kyi sems kyi dri ma yang dri ma gcig tu 'thun no/ /sems can thams cad kyi sems gtsang ma yang gtsang ma gcig tu 'thun no/ /ci'i phyir shes byas na/ sems can thams cad kyi sems gcig tu gtsang ste/ dge ba bcu'i chos 'thun</font><hr>61.12b<br><font size=+1>

par gtsang ngo / /sems can thams cad kyi sems gcig tu dri ma yod na ngan pa bcu'i chos gcig tu 'thun par dri ma yod do/ /sems can gyi nad ni gcig tu 'thun te/ sems can gyi sman dgos na sman kyang gcig tu dgos so/ /chos mang du bshad na de'i ming ni phyin ci log ces bya'o/ /ci'i phyir shes byas na/ mi bdan pas bye phrag phye ste/ dge ba dang ngan pa'i chos bshig ste/ chos gcig bshig cing yod bzhin du chos bshad na/ sangs rgyas kyi chos lam bshad pa yin no/ /byang chub sems dpas chos bshad pa na mi g.yo ba bzhin du shod cig /byang chub sems dpa' spyod med kyis sangs rgyas la gsol pa/ bcom ldan 'das ji ltar mi g.yo ba bzhin du bshad ces bgyi/ sangs rgyas kyis byang chub sems dpa' spyod med la bka' stsal pa/ rigs kyi bu pho yang dag pa'i bden pa'i chos gcig bshad pa ni mi g.yo ba bzhin du bshad pa yin no/ /sems drang po rdzogs par bshad pa ni mi g.yo ba bzhin du bshad pa yin no/ /mu gcig la chags pa med par bshad pa ni mi g.yo ba bzhin du bshad pa yin no/ /bye brag dbye ba med par bshad pa ni mi g.yo ba bzhin du bshad pa yin no/ /sems gcig tu gtsang mar gnas te bshad na mi g.yo ba bzhin du bshad pa yin no/ /bshad do cog kun bshad du med na mi g.yo ba bzhin du bshad pa yin no/ /de nas byang chub sems dpa' spyod med kyis sems can phal mang po thams cad kun gyis bye brag phyed par khong du chud par bya ba'i phyir yang sangs rgyas la gsol pa/ ji lta bur bshad na bshad pa med de/ mi g.yo ba bzhin du bshad ces bgyi/ sangs rgyas kyis byang chub sems dpa' spyod med la bka' stsal pa/ rigs kyi bu pho chos so cog gi rang bzhin gyi gzugs stong pa bas na dgrol shing bshad du med do/ /chos so cog la gzugs med pas na gzugs la dgrol</font><hr>61.13a<br><font size=+1>

bshad du med de bshad du mi rung ngo / /chos so cog la bya ba 'ang med/ g.yo ba 'ang med pas na bya ba med pa'i dgrol bshad pa la bshad du mi rung ngo / /rigs kyi bu pho dgrol bshad pa ni de ltar bshad de/ bshad pa de bshad du mi rung bas mi g.yo ba bzhin bshad ces bya'o/ /byang chub sems dpa' spyod med kyis sangs rgyas la gsol pa/ bcom ldan 'das chos ni de ltar bshad lags pa lta na/ ji lta bur na sems drang por rdzogs par bshad ces bgyi/ sangs rgyas kyis byang chub sems dpa' spyod med la bka' stsal pa/ sems drang po zhes bya ba ni sems drang po spyad de yang dag par gshegs pa'i gzhung yid ches par bshad pa la bdag gi sems bzhin mi bshad pa'o/ /rdzogs shes bya ba ni dge ba bcu'i gzhung rdzogs pa dang / bden pa bzhi'i gzhung rdzogs pa dang / rgyu rkyen bcu gnyis kyi gzhung rdzogs pa dang / pha rol du phyin pa drug gi gzhung rdzogs pa dang / grol thar pa'i gzhung rdzogs pa yin te/ de lta bu'i chos rnams rdzogs na nga ni sems gcig gi na sangs rgyas ngo bo nyid gcig gi sar gtsang ma gcig snyoms par bshad na/ de'i ming rdzogs par bshad de mi g.yo ba bzhin bshad ces bya'o/ /ci'i phyi nas shes byas na/ chos so cog thams cad kun gcig tu rdzogs par bshad pa'i phyir ro/ /byang chub sems dpas chos gcig tu gtsang mar snyoms/ dper mtsho chen po gcig gi chu'i nang na nor bu rin po che rnam pa mang du yod pa la tshol bas yid bzhin du rnyed pa dang mtshungs so/ /yang dper na 'phrul gyi sman tan zhes bya ba sman go 'dun rnam pa mang po las sbyar te/ nad do cog gsos na sman btang ba bzhin du kun sos so/ /snying gtsang ma gcig tu snyoms na sems gcig tu gtsang / sangs rgyas kyi ngo bo nyid gcig tu gtsang / chos kyi rnams gcig tu gtsang ste/ mnyam snyoms na chos kyi</font><hr>61.13b<br><font size=+1>

rnams snyoms te/ de lta bur bshad pa ni gtsang mar bshad pa yin no/ /gzhan ltar bshad pa ni sme bar bshad pa yin no/ /ci'i phyi nas shes byas na sems can thams cad kun la sangs rgyas kyi ngo bo nyid yod do/ /sangs rgyas kyi ngo bo nyid med pa med de/ tshor ba la nye ring yod du zad do/ /rtsa ba'i phyi mo bzhin du theg pa chung ngu'i mi la ni theg pa chung ngu'i chos bshad/ log sred kyi mi la ni log sred kyi chos bshad na de'i ming ni sangs rgyas kyi chos lam yon por bshad pa zhes bya ste/ sangs rgyas kyi ngo bo nyid chad pa dang / sangs rgyas kyi sku lus med par 'chad pa'o/ /de lta bur chos 'chad pa'i mi ni bskal pa brgya stong khri'i bar du sems can dmyal ba rnams su lhung ste/ sangs rgyas 'jig rten du byung du zin kyang mi thar to/ /thar du zin te mi'i nang du skyes na yang yul gyi mtha' 'khob mi'i tha ma'i nang du skyes te/ mchu sho re la lce med pa de lta bu'i lus thob bo/ /ci'i phyi nas shes byas na/ byang chub sems dpa' sems can gyi ngo bo nyid ni chos kyi ngo bo nyid yin te/ chos kyi ngo bo nyid ni rtag par gtsang la yang dag pa'i mtshan bzang po rnam pa kun ldan te/ phyi mo nas thob pa 'ang med/ stor ba 'ang med de byung ba 'ang med/ nub pa 'ang med de ngo bo nyid rtag cing yang dag pa'i bden pa ste/ sgyu ma mi bden pa 'ang med do/ /mya ngan 'khrug pa 'ang med do/ /mya ngan las 'das pa 'ang med do/ /skye dbri'ang med la mtha' yun du gtsang gdang ste/ ngo bo nyid gcig tu gtsang gdang ba ni byang chub nyid yin no/ /gtsang gdang ba'i ngo bo nyid dang / byang chub kyi ngo bo nyid ni gcig tu zad de gnyis su med do/ /gtsang gdang ba'i btang snyoms pa ste/ yi ge'i 'bru dang tshig gi lam yang chad do/ /dper na nam mkha' dang mtshungs te/ phyi dang gnyis ka gtsang gdang ngo / /gtsang gdang</font><hr>61.14a<br><font size=+1>

ba gcig po de ni phyi nang na 'ang mi gnas/ bar na 'ang mi gnas/ smra ba 'ang med/ bshad pa 'ang med do/ /ji lta bur na de'i nang nas nad kyi rtsi bye brag dbye/ bye brag dbye ba med na bye brag dbye ba'i shes rab yin no/ /rigs kyi bu pho sems gcig dang / gtsang gdang ba gcig dang / sangs rgyas kyi ngo bo nyid gcig dang / 'di rnams dang bral na sangs rgyas btsal du yang med/ chos bshad du yang med/ dge 'dun thob pa 'ang med do/ /ji lta zhes byas na/ sangs rgyas ni chos yin no/ /chos ni dge 'dun yin no/ /de lta bas na ngas chos kyi yi ge 'di bshad pa sems can gyi lus gcig /sems gcig /gtsang gdang ba gcig /sangs rgyas kyi ngo bo nyid gcig /sangs rgyas kyi chos kyis gcig /byang chub kyi sdong po gcig gis khams so cog thams cad gang rgyas te sems can thams cad kyi lus kyi nang du chud do/ /rigs kyi bu pho sangs rgyas thams cad ni chos kyi yi ge 'di las skyes so/ /chos so cog kun ni chos kyi yi ge 'di las byung ngo / /dge 'dun thams cad kyang chos kyi yi ge 'di las snang ngo / /chos kyi yi ge 'di mnos shing gzungs su 'dzin pa ni ming dkon mchog gsum gzungs su 'dzin pa zhes bya'o/ /chos kyi yi ge 'di klog cing 'di'i gzhung rgya cher klog tu bcug na la la zhig na ba yod na 'ang kun sos te 'dre gdon dang ngan pa'i rnams nye nus pa med do/ /byang chub sems dpa' khyod kyis sems can la phan bsod de lta bu yod kyis ngas chos kyi yi ge 'di khyod la gtams te/ gtad la gcig tu na sems can la ra mda' bya zhing bsgral ba'i chos nyung du thos la mang du shes pa dang / nyung du mthong ba la mang du rig pa dang / yi ge'i ri mo mang du ma btsal bar gzhung gi mngon rtags thob pa yang bshad kyis/ khyed la sogs pa byang chub sems dpa'i rnams kun sems</font><hr>61.14b<br><font size=+1>

gcig tu brtags par nyon cig dang khyod la dgrol bshad do/ /sems can thams cad kun sems gcig /sangs rgyas gcig /ngo bo nyid gcig ste/ mya ngan 'khrug pa thams cad kun ni sems gcig las skyes so/ /kun kyang 'du mched dang shes rab gnyis kyi gnas kyi rgyu las langs so/ /ji lta zhes byas na/ rgyu'i rang bzhin dang / bdag gi rang bzhin dang / rang bzhin gnyis kyi stobs las stobs rnams gnyis kyi rang bzhin g.yos te/ skad cig bsams pa las mi bden pa'i sems skyes te/ mi bden pa de la ni phyi mo'ang med do/ /skad cig sems g.yos pa'i tshe mya ngan 'khrug pa'ang mod bzhin ldang ngo / /sems 'di la brtags na mi bden pa'i sems la phyi mo med do/ /phyi mo med na gnas kyang med do/ /de la gnas med par rtogs na tshor ba'i sems skyes te/ phyi mo tshor ba'i sems gtsang ma la bsam pa yong med do/ /sems la bsam pa med na sems mi g.yo'o/ /sems mi g.yo na sems kyi gnas kyang med de/ de'i ming ni gtsang gdang ngo / /gtsang gdang ba'i stong pa'i sems ni ngo bo nyid phyi mo nas gtsang gdang ste gtsang mas mngon brtags par yang med do/ /gtsang gdang ba'i sems dang yang bral bas na gtsang gdang zhes bshad do/ /byang chub sems dpa' ni gtsang gdang ba'i sems la bya ba yang med/ g.yo ba yang med/ dri ma yang med/ gtsang ma yang med/ skye ba yang med/ 'bri ba yang med de mthar cis kyang gos pa med de/ gnas gcig la 'ang 'dug pa med de/ de'i ming dang grangs las yong bral lo/ /rtag pa de bzhin na de bzhin zhes bya ba yang med de/ dper rdo rje dang mtshungs te ngo bo nyid gcig pu la zhig pa 'ang med do/ /dper nam mkha' dang mtshungs te thams cad shong / dper me tog pad mo dang mtshungs te sred pa'i chus mi chags so/ /</font><hr>61.15a<br><font size=+1>

las 'di spyad na yang dag par grol thar te skye shi 'bab las 'das te/ sems can dmyal ba'i sdug bsngal las phyin to/ /byang chub sems dpa' sems gcig gi chos 'di ming gcig ni 'gyod tshangs kyis grol thar pa zhes kyang bya ste/ yang dag pa'i bden pa'i gzhung mthong ba'i phyir ro/ /gnyis su na ming chos spyad pas grol thar ces kyang bya ste/ nags gcig na 'dug pa'i phyir ro/ /gsum du na ming spyad pa med pas grol thar ces kyang bya ste/ 'dug cing chags pa med pa'i phyir ro/ /grol thar pa 'di gsum ni kun kyang sems gcig las skyes te/ sems can thams cad la sems gnyis su med pa'i phyir ro/ /sems can thams cad kun la theg pa gcig pu yod do/ /byang chub sems dpa'i chos kyi rgyal po chos gcig shes par nus na chos gcig mi shes pa med do/ /chos gcig mi shes na chos gcig kyang shes pa med do/ /ji lta zhes byas na/ chos kyi rnams mi gcig pa med pa'i phyir ro/ /byang chub sems dpa' 'di gcig pu thos na de ni nyung du thos pa yin no/ /chos mi shes pa med pa de'i ming ni mang du shes pa'o/ /ci'i phyir zhes byas na/ chos so cog gi ngo bo nyid gtsang ma gcig la 'dus pa'i phyir ro/ /gcig pu 'di mthong ba'i phyir ro/ /gcig pu 'di mthong na sangs rgyas thams cad kyi lus mthong ngo / /ci'i phyir zhes byas na/ sangs rgyas so cog gi lus ni gtsang ma gcig las byung ba'i phyir ro/ /gtsang ma gcig gis ni sangs rgyas gcig gi lus dang / sangs rgyas kyi sa gcig dang / byang chub kyi sdong po gcig yin no/ /rigs kyi bu pho chos 'di'i nang nas mya ngan 'khrug pa'i rnams bcad pa ni dper sdong po bcad pa dang mtshungs/ rtsa ba 'ba' shig bcad kyi yal ga dang 'dab ma mi gcod do/ /ci'i phyir zhes byas na/ dper mi</font><hr>61.15b<br><font size=+1>

la la zhig lus la dug mdas phog ste/ lus na tsha ba la mda' phyung na ni nad kyang sos so/ /mda' ma phyung na ni nad kyang mi sos so/ /de la bsdad de mda' de'i sgro ni ci'i sgro/ gcig tu na de'i smyug ri gang las byung / mda' de sus 'phangs shes 'dri na de'i bar du mi de na tsha bas tshe srog zad zin to/ /de'i 'og tu mda' phyung ba ni phan pa med par mngon no/ /rigs kyi bu pho sems mod bzhin du khrus shig /sems gtsang mar 'dug na de'i ming ni gtsang gdang zhes bya'o/ /'du mched kyi rnams gtsang gdang na yod pa la chags pa'i rnams dang bral te/ chags pa med pa'i nang du chud par nus so/ /ci'i phyir zhes byas na/ phyi mo sems can la bslabs te/ sman bzang po 'di bshad de nad kyi rnams gsos la kun sos par 'tshal lo/ /yang gcig tu na chos kyi yi ge 'di'i rdo rje'i shes rab kyi ral gris sems can rnams kyi ma rig pa'i yid breg go/ /yang gcig tu na chos kyi yi ge 'di gtsang gdang ba'i chos spyad de/ sems can rnams kyi gdug pa gsum gyi dri ma brdab cing bsal lo/ /yang gcig tu na chos kyi yi ge 'di shes rab kyi stobs po che spyad de/ sems can dkris pa bcus bcings pa grol thar par 'tshal lo/ /yang gcig tu na chos kyi yi ge 'di ngo bo nyid gtsang gdang bar gcig tu spyad de/ sems can gyi rnams kun gyis lus gcig /sems gcig /sangs rgyas gcig /ngo bo nyid gcig /gtsang gdang ba gcig thob ste/ theg pa tshigs kyi nang du chud yang dag par 'tshal lo/ /sems sems can dmyal ba nas thar yang dag par 'tshal lo/ /sems can dmyal ba nas thar yang dag par 'tshal lo/ /bdag gi sems can gyi rnams bsgral ba'i ra mda' nus te/ sems can gyi rnams sems can dmyal ba rnams su ltung na bdag gis sangs rgyas kyi sku lus nub cing med par bgyis lags na/ bcom ldan 'das kyis sangs rgyas kyi chos 'di bdag la gtad cing</font><hr>61.16a<br><font size=+1>

gdams par smon to/ /bdag la yang sems can rgya cher bsgrol ba bshad de sems can gyi rnams thos pa nyung la shes pa mang / mthong ba nyung la rig pa mang / yi ge'i ri mo mang du ma 'tshal bar gzhung gi mngon rtags thob ste/ chos nyung ngus yang dag par grol thar la/ gzhan dogs pa 'dri ba ma mchis par bgyi na/ sangs rgyas kyis byams shing thugs rjes gzigs te bdag la dgrol bshad par smon to/ /sangs rgyas kyis phal mang po la bka' stsal pa/ byang chub sems dpa' chos kyi rgyal po 'dis bskal pa brgya stong khri 'bum gyi sangs rgyas rnams la yon gsol myong zin pas na/ thabs spyod pa mkhas te sems can la ra mda' bya zhing bsgral nus so/ /byang chub sems dpa' 'dis ro bro ba'i rlung spyad de sems can rnams kyi srog mthud nus so/ /khyed la sogs pa da lta'i dang / ma 'ongs pa'i dus kyi sems can rnams kyis byang chub sems dpa' 'di'i ming gzungs su bzung gi steng du/ dge ba'i bshes gnyen chen po gyis/ mya ngan las 'das pa'i shes rab kyi pha rol du phyin pa'i stong par thar pa thogs pa med pa thob bo/ /de nas byang chub sems dpa' chos kyi rgyal pos sa la gtugs te phyag 'tshal nas langs te/ de'i gzhi nas mya ngan las 'das pa chen por zhugs nas/ stong pas grol thar par go ste/ chags pa med pa'i sa las rkang pa bteg pa dang rkang pa bor ba kun kyang gtsang gdang ba bsgrod de/ thal mo sbyar nas/ sangs rgyas la phyag 'tshal te song ngo / /chos kyi rgyal po'i yi ge bam po gcig ste rdzogs so// //</font><hr>

</table>