J202b

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J202b</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J202b&coll=lithang">see text in Tibetan script</a></table>61.302a<br><font size=+1>

@#/   /rgya gar skad du/ Ar+ya u pA ya kau sha l+ya nA ma ma hA yA na sU tra/  bod skad du/ 'phags pa thabs mkhas pa zhes bya ba theg pa chen po'i mdo/ bam po dang po/ sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das mnyan du yod pa na/ dze ta'i tshal mgon med zas sbyin gyi kun dga' ra ba na/ dge slong brgyad khri bzhi</font><hr>61.302b<br><font size=+1>

stong gi dge slong gi dge 'dun chen po dang thabs gcig tu bzhugs so/ /byang chub sems dpa' mngon par shes pa/ mngon par shes pa gzungs thob pa spobs pa thogs pa med pa khri drug stong dang yang thabs gcig ste/ yang de'i tshe na bcom ldan 'das nang du yang dag 'jog las bzhengs par gyur te/ 'khor brgya stong du mas bskor cing mdun du bdar nas chos 'chad do/ /yang de'i tshe na byang chub sems dpa' sems dpa' chen po ye shes bla zhes bya ba zhig 'khor der 'ongs te 'dug par gyur to/ /de nas byang chub sems dpa' sems dpa' chen po ye shes blas bla gos phrag pa gcig la gzar nas pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas bcom ldan 'das la 'di skad ces gsol to/ /gal te zhus nas zhu ba lung bstan pa'i slad du bcom ldan 'das kyis bdag la skabs phye na/ bcom ldan 'das la bdag phyogs 'ga' zhig zhu'o zhes de skad ces gsol pa dang / bcom ldan 'das kyis byang chub sems dpa' sems dpa' chen po ye shes bla la rigs kyi bu khyod de bzhin gshegs pa la ci dang ci 'dod pa dris shig dang / dris pa lung bstan pa de dang de nyid kyis ngas khyod kyi sems rangs par bya'o/ /zhes de skad ces bka' stsal nas/ bcom ldan 'das la byang chub sems dpa' ye shes blas 'di skad ces gsol to/ /bcom ldan 'das byang chub sems dpa' sems dpa' chen po rnams kyi thabs mkhas pa thabs mkhas pa zhes bgyi ba'i thabs mkhas pa de gang lags/ de skad ces gsol pa dang / bcom ldan 'das kyis byang chub sems dpa' sems dpa' chen po ye shes bla la 'di skad ces bka' stsal to/ /rigs kyi bu 'di la byang chub sems dpa' sems dpa' chen po thabs mkhas pa ni zas kham gcig gis kyang</font><hr>61.303a<br><font size=+1>

sems can thams cad la khyab par byed do/ /de ci'i phyir zhe na/ rigs kyi bu byang chub sems dpa' sems dpa' chen po thabs mkhas pa ni byol song du gtogs pa la zas kham gcig sbyin par byed pa de yang thams cad mkhyen pa nyid kyi sems dang ldan pa yin te/ dge ba'i rtsa ba de yang sems can thams cad la bsngo'o/ /de ni rgyu gnyis kyis sems can thams cad la khyab par byed do/ /gnyis po gang zhe na/ thams cad mkhyen pa nyid kyi sems dang / bsngo ba'o/ /rigs kyi bu gzhan yang byang chub sems dpa' sems dpa' chen po thabs mkhas pa ni pha rol gyi dge ba'i rtsa ba la yi rang bar byed do/ /yi rang bar byas nas sems can thams cad la bsngo ste/ de thams cad mkhyen pa'i sems des sbyin par byed pa dang / sbyin pa'i bdag po dag zil gyis gnon to/ /gang len par byed pa de dag kyang zil gyis gnon to/ /rigs kyi bu gzhan yang byang chub sems dpa' thabs mkhas pa ni phyogs bcu na shing las byung ba'i me tog gang ci yod pa phra mo yongs su ma blangs pa'i rnams dang / phyogs bcu na gang spos kyi shing yod pa rlung gis khyer ba yongs su ma blangs pa bdag po med pa de dag kyang sangs rgyas thams cad la dbul zhing dge ba'i rtsa ba de yang thams cad mkhyen pa nyid du sngo bar byed do/ /rigs kyi bu gzhan yang byang chub sems dpa' thabs mkhas pa ni phyogs bcu nas sems can gang ji snyed bde ba'i tshor ba myong ba de thams cad la bsams te/ rjes su yi rang bar byed do/ /rjes su yi rang nas thams cad mkhyen pa nyid du sngo bar byed do/ /gang yang phyogs bcu na sems can sdug bsngal ba'i tshor ba myong ba de thams cad ni 'chags su 'jug ste/ gang sems can de dag gi sdug bsngal ni bdag la shog shig de dag ni bde bar gyur cig ces de lta bu'i go cha gyon zhing</font><hr>61.303b<br><font size=+1>

dge ba'i rtsa ba de yang byang chub tu sngo bar byed do/ /rigs kyi bu gzhan yang byang chub sems dpa' thabs mkhas pa ni de bzhin gshegs pa gcig la phyag 'tshal na de bzhin gshegs pa thams cad la phyag 'tshal ba de ltar 'dzin te/ de ni 'di ltar slob bo/ /sangs rgyas thams cad kyi chos kyi dbyings gcig go/ /tshul khrims gcig go/ /ting nge 'dzin gcig go/ /shes rab gcig go/ /dgongs pa gcig go/ /rnam par grol ba gcig go/ /rnam par grol ba'i ye shes mthong ba gcig go zhes de ltar slob cing de ltar de bzhin gshegs pa gcig la phyag 'tshal na de bzhin gshegs pa thams cad la phyag 'tshal bar 'dzin to/ /de thabs mkhas pa de sangs rgyas gcig la bkur stir byas nas/ sangs rgyas thams cad la bkur stir byed de/ phyogs bcu'i sangs rgyas de dag la mchod par 'gyur ba ji snyed yod pa de dag thams cad kyang yongs su len to/ /rigs kyi bu gzhan yang byang chub sems dpa' thabs mkhas pa ni nam zhig shes rab rmongs pa can du red na yang de ni bdag la yi mi gsod kyi gzengs bstod par byed do/ /chung ngu na rtsa ba bzhi pa'i tshigs su bcad pa gcig kha ton du 'don na yang rtsa ba bzhi pa'i tshigs su bcad pa gcig gi don gang yin pa gsung rab tu gtogs pa thams cad kyi don yang de yin no zhes de de ltar slob cing des tshigs su bcad pa de kha ton du byas nas sems can gang ji snyed dag gis bdag gi rtsa ba bzhi pa'i tshigs su bcad pa 'di thos pa de thams cad sangs rgyas kyi spobs pa thob par shog shig ces de ltar ma zhum pa'i sems kyis smon lam 'debs te/ de dge ba'i rtsa ba des sems can thams cad kyi thos pa mtha' med pa dpe med pa zil gyis gnon cing sangs rgyas kyi spobs pa yang len par byed do/ /rigs kyi bu gzhan yang byang chub sems dpa' thabs mkhas pa ni nam zhig gal te brgya la dbul</font><hr>61.304a<br><font size=+1>

por gyur na/ de'i tshe na de chung ngu na gzhan gyi las kyang byas nas zas gzar bu gang thogs te sems ma zhum pas dge 'dun nam gang zag la sbyin par byed do/ /byin nas kyang 'di ltar slob ste/ bcom ldan 'das kyis sems che ba'i phyir sbyin pa che bar 'gyur ro zhes gsungs kyis bdag gi sbyin pa chung ngu zin kyang thams cad mkhyen pa nyid kyi sems ni dpag tu med pa'o snyam nas de thams cad mkhyen pa nyid kyi sems kyis zas gzar bu gang po sbyin par byed cing dge ba'i rtsa ba 'dis sems can thams cad 'di lta ste dper na da ltar gyi de bzhin gshegs pa phyag na rin chen bzhin du shog shig ces zas gzar bu gang po de nyid kyis sbyin pa'i rang bzhin dang / tshul khrims kyi rang bzhin dang / bsgom pa'i rang bzhin gyis bsod nams bya ba'i dngos po mngon par byed do/ /rigs kyi bu gzhan yang byang chub sems dpa' thabs mkhas pa ni nyan thos dang / rang sangs rgyas rnams dang lhan cig tu gnas kyang de dag la 'dod par mi byed do/ /gal te yang nyan thos dang / rang sangs rgyas dag la bkur sti byas pa mthong na de rgyu gnyis kyis bdag nyid khong du chud par byed do/ /rgyu gnyis po gang zhe na/ byang chub sems dpa' las ni sangs rgyas bcom ldan 'das rnams 'byung / sangs rgyas las ni nyan thos dang rang sangs rgyas rnams 'byung bas de dag la bkur sti byas na bdag nyid la thog ma kho nar bkur stir byas pa yin gyi/ de dag la ni ma yin pa dang / de dag ni bdag gi pha'i nor la spyod mod kyi/ de la bdag gis 'dod par mi bya/ phrag dog tu mi bya snyam du sems pa'o/ /rigs kyi bu gzhan yang byang chub sems dpa' thabs mkhas pa ni sbyin pa sbyin pa na pha rol tu phyin pa drug yongs su rdzogs par byed do/ /ji ltar yongs su rdzogs par byed ce na/ 'di la byang chub sems dpa' gang gi tshe slong ba mthong na de ser</font><hr>61.304b<br><font size=+1>

sna'i sems tshar gcod par byed/ gtong ba chen po 'phel bar byed de/ de ni de'i sbyin pa'i pha rol du phyin pa'o/ /gang tshul khrims yang dag par blangs nas tshul khrims dang ldan pa la sbyin par byed pa dang / gang ngang tshul ngan pa can de dag tshul khrims la 'jog par byed cing sbyin pa yang sbyin par byed pa de ni de'i tshul khrims kyi pha rol du phyin pa'o/ /gang byams par sems pa dang / sems ma 'khrugs pa dang / phan par sems pa dang / sems rtse gcig par gyur nas sbyin pa sbyin par byed pa de ni de'i bzod pa'i pha rol du phyin pa'o/ /gang bza' ba dang / bca' ba dang / myang bar bya ba de dag la lus dang / ngag dang sems 'jog cing 'gro ba dang 'ong bar byed pa de ni de'i brtson 'grus kyi pha rol tu phyin pa'o/ /sbyin pa byin nas gang rtse gcig pa dang / dbugs phyin par mi 'dzin pa de ni de'i bsam gtan gyi pha rol du phyin pa'o/ /gal te sbyin pa de byin nas chos nyid la brten te 'di sus byin/ 'di sus zos/ su la rnam par smin par 'gyur zhes des de ltar brtags na/ gang gis sbyin pa dang / gang la sbyin pa dang / gang la rnam par smin pa myong bar 'gyur ba'i chos gang yang ma dmigs pa de ni de'i shes rab kyi pha rol du phyin pa'o/ /rigs kyi bu de ltar na byang chub sems dpa' thabs mkhas pa sbyin pa sbyin par byed pa na pha rol du phyin pa drug yongs su rdzogs par byed do/ /de nas bcom ldan 'das la byang chub sems dpa' ye shes blas 'di skad ces gsol to/ /bcom ldan 'das de 'dra bar thabs mkhas te/ sbyin pa gang gis sems can gzhan dag 'khor ba yongs su len par bgyid pa'i sbyin pa de nyid kyis byang chub sems dpa' sems dpa' chen po sangs rgyas kyi chos rnams len par bgyid pa ngo mtshar to/ /bcom ldan 'das kyis bka' stsal pa/ de de bzhin no/ /rigs kyi bu ji skad smras pa de bzhin te/ byang chub sems dpa' thabs</font><hr>61.305a<br><font size=+1>

mkhas pa ni sbyin pa nyung ngu yang mang por byed/ sbyin pa mang po yang dpag tu med par byed do/ /de nas bcom ldan 'das kyis byang chub sems dpa' sems dpa' chen po ye shes bla la bka' stsal pa/ rigs kyi bu gzhan yang byang chub sems dpa' thabs mkhas pa ni ltung ba lci ba yang thabs mkhas pas srab mor byed do/ /ji ltar srab mor byed ce na/ rigs kyi bu 'di la byang chub sems dpa' thabs mkhas pa ni nam zhig brgya la la la zhig tu sdig pa'i grogs po'i dbang gis ltung ba byung na de 'di ltar slob ste/ gal te bdag gis phung po 'di dag gis mya ngan las 'da' bar bya na ni de ltar bdag gi sems yongs su gdung ba dang ldan par yang 'gyur na/ bdag gis sems can yongs su smin par bya ba'i phyir phyi ma'i mthar thug par 'khor ba na gnas pa'i go cha de lta bu bgos pas bdag gi sems la gdung bar ni mi bya'i/ byang chub ji lta ji ltar 'khor bar 'gyur ba de lta de ltar sems can yongs su smin par bya'o/ /ltung ba 'di yang chos bzhin du bya'o ltung ba gzhan yang ma byung bar bya'o snyam du sems so/ /rigs kyi bu yongasu brtag pa bzung na gal te rab tu byung ba'i byang chub sems dpa' ltung ba'i rtsa ba bzhi po thams cad 'das par gyur kyang thabs mkhas pa 'dis sbyong bar byed na byang chub sems dpa'i ltung bar mi 'gyur bar ngas bshad do/ /de nas bcom ldan 'das la byang chub sems dpa' ye shes blas 'di skad ces gsol to/ /bcom ldan 'das ji ltar na byang chub sems dpa' ltung ba dang bcas pa lags/ de skad ces gsol pa dang / bcom ldan 'das kyis byang chub sems dpa' sems dpa' chen po ye shes bla la 'di skad ces bka' stsal to/ /rigs kyi bu byang chub sems dpa' so sor thar pa'i bslab pa slob pa na bskal pa brgya stong du yang rtsa ba dang 'bras bu za bar 'gyur la sems can thams cad kyis snyan par smra ba dang / mi snyan par smra ba yang</font><hr>61.305b<br><font size=+1>

bzod cing nyan thos dang rang sangs rgyas yid la byed pa yang ldan par gnas pa de ni byang chub sems dpa'i ltung ba'i rtsa ba lci ba yin no/ /rigs kyi bu 'di lta ste dper na nyan thos kyi theg pa la gnas pa ltung ba'i rtsa ba byung na phung po de nyid kyis yongs su mya ngan las 'da' ba'i skal ba med pa de bzhin du rigs kyi bu byang chub sems dpa' yang ltung ba ma mthol zhing nyan thos dang / rang sangs rgyas yid la byed pa ma btang na sangs rgyas kyi sar yongs su mya ngan las 'da' ba'i skal ba med do/ /de nas bcom ldan 'das la tshe dang ldan pa dga' bos 'di skad ces gsol to/ /bcom ldan 'das bdag bsod snyoms kyi phyir mthar gyis spyod pa na byang chub sems dpa' 'od mang ldan gyi rgyal po khang pa zhig na bud med dang khri gcig la lhan cig mchis par mthong ste/ ltung ba byung ba mthong na ma bcab shig /tshangs pa mtshungs par spyod pa gzhan dag la zlos shig ces bcom ldan 'das kyis bka' stsal na/ de bzhin gshegs pa ni sems can thams cad kyi ston pa lags te/ de bzhin gshegs pa la cung zad kyang mi mkhyen pa 'am/ ma gzigs pa 'am/ thugs su ma chud pa ma mchis pas de'i slad du bdag bcom ldan 'das la gsol lo zhes tshe dang ldan pa dga' bos de skad kyi tshig smras nas ring po ma lon par de nas de'i mod la sa g.yos par gyur to/ /de nas byang chub sems dpa' 'od mang ldan gyi rgyal po shing ta la gang tsam du steng gi bar snang la 'dug nas tshe dang ldan pa dga' bo la 'di skad ces smras so/ /tshe dang ldan pa dga' bo de ji snyam du sems/ ltung ba byung ba'i chos can gyis bar snang la 'dug par nus sam/ yang tshe dang ldan pa dga' bo byang chub sems dpa'i ltung ba'i chos ji lta bu grags shes de bzhin gshegs pa mngon sum du bzhugs pa 'di la zhus shig /de nas tshe dang ldan pa dga' bo yul yul por gyur nas bcom ldan 'das kyi zhabs la mgo bos phyag 'tshal te/ ltung ba 'chags pa gang bdag gis skyes bu bal glang chen po</font><hr>61.306a<br><font size=+1>

lta bu la ltung ba btsal ba bcom ldan 'das nongs te/ nongs pa 'chags so zhes de skad ces gsol pa dang / bcom ldan 'das kyis tshe dang ldan pa dga' bo la 'di skad ces bka' stsal to/ /dga' bo khyod theg pa chen po la gnas pa'i skyes bu dam pa la nyes par 'du shes ma skyed cig /dga' bo 'di lta ste/ nyan thos kyi theg pa la gcig pu gnyis su med pa ni zag pa zad par bya ba la bar chad med par 'dod par bya'o/ /dga' bo de bzhin du byang chub sems dpa' thabs mkhas pas yang thams cad mkhyen pa la bar chad med par 'dod par bya'o/ /de ci'i phyir zhe na/ dga' bo byang chub sems dpa' sems dpa' chen po ni gang dkon mchog gsum la gzhol bar mi mi 'gyur ba'i g.yo 'chang bar mi byed do/ /dkon mchog gsum gang zhe na/ sangs rgyas dkon mchog dang / chos dkon mchog dang / dge 'dun dkon mchog go/ /dga' bo gang gi tshe byang chub sems dpa'i theg pa la gnas pa'i rigs kyi bu thams cad mkhyen pa nyid kyi sems dang ma bral bar 'dod pa lnga'i yon tan gyis rtse dga' zhing yongs su spyod pa mthong na/ dga' bo de'i tshe khyod kyis skyes bu dam pa de de bzhin gshegs pa'i dbang po lnga dang ldan par shes par gyis shig /dga' bo khyod yang ci'i phyir byang chub sems dpa' 'od mang ldan gyi rgyal po bud med dang lhan cig tu khri gcig la 'dug pa de nyon cig /dga' bo sring mo de ni 'das pa'i dus na tshe rabs nyis brgyar byang chub sems dpa' 'od mang ldan gyi rgyal po'i chung mar gyur te/ de sngon gyi bag la nyal de nyid kyis rigs kyi bu byang chub sems dpa' 'od mang ldan gyi rgyal po de'i dpal dang gzi brjid dang / tshul khrims dang / stobs bskyed pa mthong bas nyon mongs pa skyes nas gnas ngan len gyi tshig smras te/ de gcig pu lkog tu song nas gal te byang chub sems dpa' 'od mang ldan gyi rgyal po bdag dang lhan cig tu khri gcig tu 'dug na bdag gis bla na med pa yang dag par rdzogs</font><hr>61.306b<br><font size=+1>

pa'i byang chub tu sems bskyed do snyam du de ltar sems par gyur to/ /dga' bo de nas byang chub sems dpa' 'od mang ldan gyi rgyal po'i sems kyis sring mo de'i sems kyi yongs su rtog pa shes nas de nyid kyi nub mo 'das pa dang / de'i khyim du 'ongs te/ gang nang gi sa'i khams dang / gang phyi'i sa'i khams su gcig pa'i chos kyi sgo sa 'dra ba'i sems des sring mo de lag pa g.yas pas bzung ste/ khri gcig la 'dug go/ /'dug ma thag tu tshigs su bcad pa 'di smras so/ /sangs rgyas 'dod pa bsngags mi mdzad/ /de ni byis pa'i spyod yul te/ /'dod pa'i sred pa spangs nas ni/ /sangs rgyas mi yi mchog tu 'gyur/ /dga' bo de nas sring mo de dga' zhing rab tu mgu ba skyes nas khri de las langs te/ byang chub sems dpa' 'od mang ldan gyi rgyal po'i rkang pa la phyag 'tshal nas de'i tshe tshigs su bcad pa 'di dag smras so/ /sangs rgyas kyis ni gang smad pa/ /'dod pa slan chad bdag mi 'tshal/ /'dod pa'i sred pa spangs na ni/ /sangs rgyas mi yi mchog tu 'gyur/ /bdag gi sems kyis gang bsams pa'i/ /nongs pa de ni khyed la bshags/ /srog chags kun la bde ba'i phyir/ /byang chub tu ni mos bskyed do/ /dga' bo 'di lta ste/ byang chub sems dpa' 'od mang ldan gyi rgyal po thabs mkhas pa des sring mo de bla na med pa yang dag par rdzogs pa'i byang chub la bslabs nas stan las langs te song ngo / /dga' bo lhag pa'i bsam pa'i khyad par la ltos/ ngas sring mo de lung bstan to/ /'di nas shi 'phos nas bud med kyi lus brjes te/ bskal pa grangs med pa brgya stong phrag dgu bcu rtsa dgu na kun nas ldang ba dang bral ba zhes bya ba'i de bzhin gshegs pa dgra bcom pa yang dag par rdzogs pa'i sangs rgyas 'jig rten du 'byung bar 'gyur te/ dga' bo khyod rnam grangs des kyang byang chub sems dpa' 'od mang ldan gyi rgyal po bar snang de las babs te/ bcom ldan 'das kyi zhabs la phyag 'tshal nas/ bcom ldan 'das</font><hr>61.307a<br><font size=+1>

la 'di skad ces gsol to/ /bcom ldan 'das byang chub sems dpa' ni gang ltung ba'i chos can du 'gyur ba'i g.yog mi 'chang bar bya'o/ /de nas byang chub sems dpa' thabs mkhas pa dang / snying rje chen po la gnas par bgyi'o/ /bcom ldan 'das 'di la bdag 'di snyam bgyid do/ /gal te byang chub sems dpa' sems can gcig gi dge ba'i rtsa ba skye bar 'gyur na/ ltung ba de 'dra ba 'byung zhing de lta bu'i ltung ba byung bas bskal pa brgya stong du sems can dmyal bar btso bar gyur kyang / bcom ldan 'das byang chub sems dpa' ltung ba 'byung ba dang / sems can dmyal ba'i sdug bsngal de la spro ba nyid du bgyi'o/ /sems can gcig po'i dge ba'i rtsa ba yongs su gtong ba dang / yongs su 'bri bar ni mi bgyi'o/ /de nas bcom ldan 'das kyis byang chub sems dpa' 'od mang ldan gyi rgyal po la legs so zhes bya ba byin nas/ legs so legs so/ /skyes bu dam pa byang chub sems dpa' dag ni snying rje chen po 'dis ltung ba thams cad spong ste/ rigs kyi bu ngas mngon par shes pa 'das pa'i bskal pa grangs med pa'i pha rol gyi yang shin du pha rol na khye'u skar ma zhes bya ba zhig yod de/ de nags kyi 'dab na lo bzhi khri nyis stong du tshangs par spyod pa spyad nas/ de lo bzhi khri nyis stong 'das pa na rgyal po'i pho brang 'byor pa zhes bya bar phyin nas de grong khyer chen po der song ba dang / chu chun ma zhig gis khye'u bzang po de mthong nas 'dod pa'i 'dod chags kyis yongs su zin pa'i sems dang ldan pas khye'u de'i mdun du brgyugs te phyag 'tshal to/ /de nas rigs kyi bu khye'u skar mas bud med de la 'di skad ces smras so/ /sring mo khyod ci 'dod/ mos de la 'di skad ces smras so/ /khye'u bdag khyod 'tshal lo/ /khos de la 'di skad ces smras so/ /sring mo kho bo ni 'dod pa dgos pa ma yin no/ /mos de la 'di</font><hr>61.307b<br><font size=+1>

skad ces smras so/ /gal te bdag khyod dang mjal bar mi 'gyur na bdag 'gum par 'gyur ro/ /de nas khye'u skar mas 'di snyam du bsams so/ /gang bdag gis lo bzhi khri nyis stong gi bar du tshangs par spyod pa spyad nas brtul zhugs gzhig pa ni bdag gis mi cha'o snyam nas nan gyis 'then te bud med des btang nas gom pa bdun 'phags pa dang / de goms pa bdun pa la gnas nas snying rje skyes te/ bdag gis brtul zhugs 'di bshig nas sems can dmyal bar song bar gyur kyang sems can dmyal ba'i sdug bsngal de myong bar bzod kyi/ bud med 'di shir 'ong gis bde bar gyur cig ces/ rigs kyi bu khye'u skar ma de kha slar log ste/ bud med de lag pa g.yas pas bzung nas sring mo khyod ci 'dod pa byas longs shig ces de skad smras so/ /de nas khye'u skar ma lo bcu gnyis kyi bar du khyim na gnas nas slar yang mngon par byung ste/ tshangs pa'i gnas bzhi bskyed nas shi 'phos pa dang / tshangs pa'i 'jig rten du skyes so/ /rigs kyi bu khyod de'i tshe de'i dus na khye'u skar ma zhes bya ba de gzhan yin snyam du de ltar ma lta zhig /de ci'i phyir zhe na/ de'i tshe de'i dus na nga ni khye'u skar mar gyur to/ /grags 'dzin ma ni chu chun du gyur to/ /rigs kyi bu nga 'dod pa ngan pa dang ldan pa'i snying rje chen po'i sems bskyed pas kyang bskal pa stong phrag bcu'i bar du 'khor ba la rgyab kyis ltas shing spangs par gyur to/ /rigs kyi bu ltos/ gang sems can gzhan dag sems can dmyal bar skye bar 'gyur ba de byang chub sems dpa' thabs mkhas pa ni tshangs pa'i 'jig rten du skye bar 'gyur ro/ /rigs kyi bu gal te dge slong maud gal gyi bu dang / shA ri'i bu thabs mkhas pa dang ldan du zin na ni dge slong ko ka li ka de sems can dmyal bar 'gro bar mi 'gyur ro/ /de ci'i phyir zhe na/ rigs kyi bu ngas mngon par shes pa 'das pa'i dus na de bzhin gshegs pa log</font><hr>61.308a<br><font size=+1>

par dad sel gyi gsung rab la dge slong dri ma med pa zhes bya ba zhig byung ste/ de dgon pa'i brag phug gcig na gnas pa nas rgyang mi ring ba zhig na drang srong lnga gnas pa las de'i tshe dus ma yin pa'i sprin chen po byung / dus ma yin pa'i char pa yang cher bab pa dang / de nas bud med gnyis shig char pa'i skyabs kyi phyir dge slong dri ma med pa'i brag phug tu zhugs te/ slar byung ba dang / drang srong rnams kyis mthong nas e ma ho dge slong dri ma med pa 'di sdig 'dod pa'o/ /tshangs par spyod pa ma yin pa'o zhes yid byung bar gyur to/ /de nas dge slong dri ma med pa'i sems kyis drang srong de dag gi sems kyi yongs su rtog pa shes nas/ de'i tshe nam mkha' la shing ta la bdun tsam du 'phags so/ /de nas drang srong de dag gis dge slong dri ma med pa bar snang gi nam mkha' la 'dug pa mthong nas/ bdag cag gi gtsug lag las 'byung ba ltar na tshangs par spyod pa ma yin pa nam mkha' la 'phags mi nus so/ /snyam du sems par gyur nas/ de'i tshe yan lag lngas phyag 'tshal te nyes pa bshags so/ /rigs kyi bu gal te dge slong dri ma med pa nam mkha' la ma 'phags su zin na/ de'i tshe drang srong lnga'i lus sems can dmyal ba chen por ltung bar 'gyur ro/ /rigs kyi bu de ji snyam du sems de'i tshe de'i dus na dge slong dri ma med pa zhes bya ba de gzhan du gyur pa snyam du khyod de ltar ma lta zhig /byang chub sems dpa' byams pa de'i tshe dge slong dri ma med pa zhes bya bar gyur to/ /rigs kyi bu gal te dge slong shA ri'i bu dang / maud gal gyi bu nam mkha' la 'phags su zin na ni dge slong ko ka li ka sems can dmyal bar 'gro bar mi 'gyur ro/ /rigs kyi bu rnam grangs des na byang chub sems dpa' thabs mkhas pa'i ye shes gang du 'jug pa de ni nyan thos dang / rang sangs rgyas</font><hr>61.308b<br><font size=+1>

rnams kyi yul ma yin par rig par bya'o/ /rigs kyi bu 'di lta ste/ smad 'tshong ma thabs drug bcu rtsa bzhi dang ldan pa shin du lobs pa nor 'dod pa ni skyes bu de las nor ma grub kyi bar du sems can de dag gi drung na ci nas kyang bdag gis lus gtong ba yang ston pa dang / yo byad thams cad kyang mi sbed par de lta de ltar gnas so/ /de nas phyis de la mi lta mi sems par 'dor te/ de phyir de la 'gyod par yang mi 'gyur ro/ /rigs kyi bu de bzhin du byang chub sems dpa' thabs mkhas pa yang thabs mkhas pa gang gis sems can 'di dag bdag gis yongs su smin par bya bar shes nas sems can rnams kyi dge ba'i rtsa ba la dga' bas cung zad kyang mi sbed cing bdag gi lus gtong bar byed pa ston pa'i bar du sems can de dag gi drung du de lta de ltar gnas te/ nam zhig e ma'o sems can 'di dag dge ba'i rtsa ba bskyed pa yin te/ phyin cad de las lhag par gzhag tu mi nus par shes nas ni de la mi lta zhing dga' ba dang rtse ba thams cad kyang btang ste 'gro'o/ /de la rag lus pa'i sems kyang med do/ /rigs kyi bu 'di lta ste byol song du gtogs pa'i srog chags kyi rnam pa bung ba zhes bya ba de me tog thams cad kyi dri la snom pa yang gang du yang rtag par sred par mi sgom mo/ /dri dang lo ma yang mi 'phrog go/ /de bzhin du thabs mkhas pa'i byang chub sems dpa' yang 'dod pa'i dga' ba dang / rtse ba thams cad kyang spyod kyang gang du yang rtag par sred pa mi skyed/ bdag dang gzhan nyams par yang mi byed do/ /rigs kyi bu 'di lta ste dper na/ sa bon yongs su gdungs pa'i kha dog nyams pa med kyang ljang bu 'byung bar mi nus so/ /rigs kyi bu de bzhin du stong pa nyid dang / mtshan ma med pa dang / smon pa med pa'i shes rab yongs su bsgoms pas nyon mongs pa ni dga' ba dang / rtse ba thams cad la spyod kyang de ltung bar 'gro ba yongs su mi len/ </font><hr>61.309a<br><font size=+1>

sangs rgyas kyi yon tan las kyang yongs su mi nyams so/ /rigs kyi bu 'di lta ste dper na nya pa shin du bslabs pa ni skud pa gcig la gzan ma btags pa'i mchil pa sbyar nas mtsho chen por bcug ste/ de gang dang gang gi tshe na 'dod pa de dang de'i tshe skud pa de mtsho chen po nas 'dren to/ /rigs kyi bu de bzhin du thabs mkhas pa'i byang chub sems dpa' yang stong pa nyid dang / mtshan ma med pa dang / smon pa med pa yongs su bsgoms pa'i sems can thams cad mkhyen pa nyid la brtan por sbrel nas 'dam rdzab chen por ltung zhing de thams cad mkhyen pa nyid kyi sems de bsrungs pas gang dang gang gi tshe 'dod pa de dang de'i tshe shi 'phos nas tshangs pa'i 'jig rten du skye'o/ /rigs kyi bu 'di lta ste dper na sngags kyi rig 'dzin gyi skyes bu rgyal pos bzung ste/ zhags pa lnga'i bcings su zin kyang de gang gi tshe 'gro bar 'dod pa de'i tshe de sngags kyi rig pa'i stobs bskyed pa gcig gis bcings pa thams cad gtubs te 'gro'o/ /de bzhin du byang chub sems dpa' thabs mkhas pa yang gang gi tshe 'dod pa'i yon tan lngas dga' ba myong zhing de dag gis rgyas par gyur kyang / gang gi tshe 'dod par gyur pa de'i tshe shes rab kyi rig pa'i stobs bskyed pa'i thams cad mkhyen pa nyid kyi sems gcig gis 'dod pa'i yon tan thams cad rab tu bcom ste/ shi 'phos nas tshangs pa'i 'jig rten du skye'o/ /rigs kyi bu 'di lta ste dper na mda' dang mtshon gyi slob dpon ral gri rnon po gcig mi mngon par thogs nas 'dron pa mang po'i sel byed na/ de la sems can gang mi shes pa de dag ni mda' dang mtshon gyi slob dpon de la mi 'di ni mda' gzhu yang med/ mtshon cha gzhan yang med/ g.yog kyang med de/ 'di ni bdag gi skyabs kyang mi nus na/ 'dron pa'i lta ci smos/ mi rgod las rgyal bar lta ga la nus te/ 'di ni de dag tu mi rigs par sdug bsngal bar 'gyur ro zhes snying rje</font><hr>61.309b<br><font size=+1>

sgom mo/ /de nas mda' dang mtshon gyi slob dpon de 'brog dgon pa'i dbus su phyin te/ mi rgod mang po byung ba mda' dang mtshon gyi phyir go cha legs par bgos nas mtshon cha de la yongs su brtags te/ mi rgod de dag la 'debs so/ /des mi rgod de dag thams cad srog dang phral nas slar yang mtshon cha de lag par 'jog go/ /de bzhin du rigs kyi bu byang chub sems dpa' sems dpa' chen po yang shes rab kyi pha rol tu phyin pa'i mtshon cha shin tu thogs nas thabs mkhas pas 'dod pa'i yon tan lngas rtse dga' zhing yongs su spyod de/ de la gang dag de'i lus kyi dbang po mthong na de dag ma dad par byed cing 'di ni 'di ltar bag med par gnas te 'di ni bdag thar par yang mi nus na sems can gzhan lta ci smos/ bdud las rgyal bar lta ga la 'gyur zhes snying rje bskyed par byed mod kyi/ byang chub sems dpa' de thabs mkhas pa shin du yongs su blangs pas nam 'dod pa de'i tshe des shes rab kyi mtshon gyis nyon mongs pa'i dra ba dral nas sangs rgyas kyi zhing yongs su dag pa bud med g.yem pa med pa gzhan du 'gro'o/ /yang de'i tshe na byang chub sems dpa' dga' bar byed pa zhes bya ba mnyan du yod pa'i grong khyer chen por bsod snyoms kyi phyir song ste/ de bsod snyoms spyod pa las khyim bdag gi khyim du phyin pa dang / de nas bu mo bsod nams ldan mchog ces bya ba khang thog na 'dug pas dge slong gi sgra thos nas zas thogs te/ byang chub sems dpa' dga' bar byed pa ga la ba der song ngo / /de nas bu mo bsod nams ldan mchog gis mthong ma thag tu byang chub sems dpa' dga' bar byed pa'i skad dang bltas pa las rjes su rtogs pa'i mtshan ma bzung nas 'dod chags kyis yongs su bzung ba'i sems kyi 'dod chags kyis yongs su gdungs shing 'greng bzhin du lus thams cad kyang brtul nas 'chi ba'i dus byas</font><hr>61.310a<br><font size=+1>

nas byang chub sems dpa' dga' bar byed pas bu mo bsod nams ldan mchog mthong ste/ 'dod chags kyi sems tshul bzhin ma yin pa yid la byed pa'i rnam par rtog pa byung ba dang / de'i tshe de la chags pa zhes bya ba'i chos de gang yin zhes dran pa skyes nas/ ci mig de chags pa 'am zhe na/ mig kyang tshor ba med pa/ byed pa med pa 'dus byas pa/ sha'i phung po ste/ rang bzhin gyis stong pa'i phyir tshor ba med do 'o na rna ba dang / sna dang / lce dang lus dang yid chags pa 'am zhe na/ des nang yang rung / phyi yang rung / 'dod chags par 'gyur ba 'am/ zhe sdang bar 'gyur ba'i chos de gang yang ma dmigs so/ /des ma dmigs nas 'dod chags kyi sems de bsal te de'i lus lpags pa dang shas g.yogs pa'i rkang pa'i 'thil yan cad spyi bo'i bar du brtags so/ /des yang dag pa ji lta bar brtags nas chos thams cad myi skye bar rtogs te mi skye ba'i chos la bzod pa thob pa dang / de dga' ba dang rab tu mgu ba de nyid kyis steng gi bar snang la shing ta la gang tsam du 'phags nas mnyan du yod pa'i grong khyer chen po lan bdun du bskor te/ bcom ldan 'das ga la ba der song ba dang / bcom ldan 'das kyis byang chub sems dpa' dga' bar byed pa steng gi bar snang las ngang pa'i rgyal po bzhin du thogs pa med par 'ong ba gzigs so/ /gzigs nas tshe dang ldan pa dga' bo la bka' stsal pa/ dga' bo khyod kyis byang chub sems dpa' sems dpa' chen po dga' bar byed pa bar snang las 'ong ba mthong ngam/ gsol pa/ bcom ldan 'das mthong ngo / /bcom ldan 'das kyis bka' stsal pa/ dga' bo byang chub sems dpa' dga' bar byed pa des ni 'dod chags kyi sems las chos thams cad yongs su brtags so/ /bdud kyi sde btul lo/ /chos kyi 'khor lo bskor to/ /de nas bu mo bsod nams ldan mchog shi ma thag tu bud med kyi lus las bsgyur</font><hr>61.310b<br><font size=+1>

te/ shi 'phos pa dang mtho ris kyi 'jig rten du sum bcu rtsa gsum pa'i lha rnams dang skal ba mnyam par skyes so/ /de skyes ma thag tu gzhal med khang rin po che sna bdun las byas pa dpag tshad bcu gnyis pa yang byung g.yog bya ba'i phyir lha'i bu mo bzhi khri bzhi stong yang skyes nas/ de'i tshe de dge ba'i rtsa ba gang gis 'dir skyes par gyur ces shes pa skyes te/ de bsams pa dang / 'di snyam du gyur te/ bdag ni mnyan du yod pa'i grong khyer chen po na khyim bdag gi bu mor gyur pa las/ de na bdag gi 'dod chags kyi sems kyis byang chub sems dpa' dga' bar byed pa mthong nas bdag gi sems 'dod pa'i chags pas kun du gzir te/ 'chi ba'i dus byas pa dang / bdag bud med kyi lus las gyur te/ bdag gis skyes pa'i lus thob nas bdag gis rdzu 'phrul dpag tu med pa 'di dag thob bo snyam mo/ /de nas lha'i bu de 'di snyam du sems te/ 'dod chags kyi sems kyis rnam par smin pa yang 'di yin na/ gang bdag gis byang chub sems dpa' dga' bar byed pa la phyag bya ba'am/ bsnyen bkur bya ba lta ci smos kyis/ gang bdag rtse ba 'am/ dga' bar byed pa de rigs par 'gyur ba ma yin gyi/ de ltar bdag ni bcom ldan 'das ga la ba dang / dga' bar byed pa ga la ba der 'gro'o snyam mo/ /de nas lha'i bu de 'khor dang bcas te me tog dang / dri dang / phreng ba dang / byug pa rnams thogs nas kha dog tshad med pas bcom ldan 'das ga la ba der song ste/ me tog dang / phreng ba dang byug pa de dag gis bcom ldan 'das la mchod nas/ bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor nas bcom ldan 'das kyi spyan sngar thal mo sbyar te tshigs su bcad pa 'di dag smras so/ /sangs rgyas mi mchog rnams ni bsam mi khyab/ /byang chub rab mchog gnas</font><hr>61.311a<br><font size=+1>

rnams bsam mi khyab/ /debazhin gshegs pa'i chos rnams bsam mi khyab/ /grags chen rnams kyi spyod pa bsam mi khyab/ /bdag ni mnyan du yod par bu mor gyur/ /tshong dpon bu mo ming ni bsod nams mchog /bzang mo na tshod dang po dang yang ldan/ /pha dang ma yang byams shing yid du mchi/ /gang yang sangs rgyas ma smad pa yi sras/ /dga' bar byed ces bgyi ba mthu bo che/ /mnyan du yod par bsod snyoms phyir mchis pa/ /bdag gi pha yi khang par phyin pa dang / /yid du mchi zhing snyan pa'i sgra thos te/ /bdag ni rab tu dga' bas bshos thogs nas/ /de bzhin gshegs pa'i sras po dga' byed pa/ /mthu bo che de gang na bar mchis nas/ /mthong ma thag tu bdag gis sems skyes pa/ /tshul bzhin ma lags 'dod chags ldan par gyur/ /gal te bsam pa bzhin du ma grub na/ /bdag ni mi 'tsho 'chi ba'i dus bgyi snyam/ /tshig kyang smra ba nyid du ma nus te/ /bsod snyoms de yang dbul bar ma nus nas/ /tshul bzhin ma lags 'dod chags kyis gdungs te/ /de nyid dag tu brtul nas gum par gyur/ /bcom ldan bdag ni 'chi 'phor gyur ma thag /de tshe bdag ni bud med lus bor te/ /'od gsal skyes pa'i lus 'di thob par gyur/ /gum nas bdag kyang mtho ris 'jig rten skyes/ /bdag gis gzhal med khang 'di mchog grub pa/ /rin chen rgyu ste de 'dra su la 'ang med/ /lha yi bu mo stong phrag bcu bzhi 'di/ /bdag gis g.yog du thob bo bcom ldan 'das/ /de tshe bdag kyang 'di 'dra'i sems skyes te/ /'di 'dra rnam smin bzang po las dag gi /de ltar bsams nas 'di snyam du gyur te/ /'di ni 'dod chags sems kyi rnam smin to/ /dga' byed mgu byed mkhas pa 'od byed la/ /bdag gis chags pa'i sems kyis brtags pa dang / /de yi las kyi rnam smin 'di 'dra ste/ /de tshe bdag ni</font><hr>61.311b<br><font size=+1>

'bar ba'i mthu can gyur/ /bde bar gshegs pa'i ye shes gar 'jug pa/ /de ni nyan thos dag dang rang sangs rgyas/ /de dag sar ni gzhar yang mi 'gyur te/ /'dod chags sems kyi 'bras bu 'di 'dra na/ /bdag gi bkur sti bgyi ba ci smos te/ /bdag gis rgyal ba 'di yi spyan sngar ni/ /sangs rgyas ye shes byang chub mchog thob smon/ /bskal pa gang gA'i bye ma snyed du spyad/ /bdag gi yi dam btang bar mi bgyi ste/ /dge ba'i bshes gnyen dga' bar byed pa la/ /mchod pa yangs shing rgya chen dag kyang bgyi/ /mngon par byang chub phyir zhugs ma gtogs par/ /gzhan du 'dren pa rnams la mchod mi 'gyur/ /byang chub spyod pa dam pa kun spyod cing / /'dod chags sems kyis bdag la gang lta ba/ /de dag bud med lus ni spangs gyur nas/ /thams cad mi 'jigs skyes bur 'gyur bar shog /lus kun rdul zhing shi bar shes gyur nas/ /bu mo'i pha dang ma ni ngu bar bgyid/ /ro langs pa ni rab tu gtang par sems/ /gang phyir dge sbyong la yang tshig gcig tu/ /sangs rgyas mthus ni lha yi bu pho de/ /pha ma'i drung du song te tshig smras pa/ /dge sbyong la ni zhe sdang khro ma byed/ /yun ring dus su sdug bsngal gyur ta re/ /gang yang bsod nams ldan mchog shi ba de/ /sum bcu rtsa gsum pa dang skal ba mnyam/ /'dir ni bud med lus kyang brjes gyur nas/ /'od gsal lha'i bu pho mdzes par gyur/ /bde bar gshegs pa de yi gan song ste/ /khro sems nyes pa de ni bshags par gyis/ /sangs rgyas de bzhin gshegs pa ma gtogs par/ /sems can dag gi mgon skyabs gzhan med do/ /'jigs pa med pa des ni bskul ba dang / /pha dang mas kyang sangs rgyas sgra thos nas/ /thams cad tshogs te lhan cig 'grogs gyur nas/ /shAkya thub pa'i drung du song bar gyur/ /skyes bu dam pa'i zhabs la phyag 'tshal te/ /khro sems nyes pa dag kyang bshags</font><hr>61.312a<br><font size=+1>

byas nas/ /de bzhin gshegs pa la yang skyabs song ste/ /bde gshegs rang byung la yang zhu ba zhus/ /ji tsam gyis na 'dren la mchod par 'gyur/ /chos dang dge 'dun la yang ji ltar mchod/ /zhus pa de yang so sor lung bstan gsol/ /thos nas de bzhin lags kyis mchi bar bgyi/ /rgyal bas de dag gis ni sems mkhyen nas/ /'jig rten mgon gyis yang dag tshig gsungs pa/ /gang zhig sangs rgyas kun la mchod 'dod pa/ /byang chub phyir ni brtan pa'i sems bskyed cig /bu mo'i pha dang ma dang gnyen rnams dang / /lnga brgya mi nyung tshang ba de dag kyang / /skyes bu khyu mchog gi ni tshig thos nas/ /de'i tshe byang chub phyir ni sems bskyed do/ /de'i tshe dga' bo dge la bka' stsal pa/ /ji skad smras pa bzhin du dga' bo nyon/ /byang chub sems dpa' bsams spyod bsam mi khyab/ /thabs mkhas pa yi shes rab de bzhin no/ /dga' byed smon lam phyi phyir 'debs pa ni/ /bud med gang dag chags sems kyis blta ba/ /de ni bud med lus kyang yongs spangs te/ /skyes bu yangs pa'i sems can 'gyur bar shog /dga' bo 'di yi yon tan ci 'dra ltos/ /gang gis sems can gzhan dag dmyal 'gro ba/ /de nyid dpa' bo dag la chags bskyed nas/ /mtho ris su ni skyes bur 'gyur bar shog /lha'i bu de yis nga la bkur sti byas/ /gus dang bcas pas byang chub mchog gnas te/ /bskal pa mang por sangs rgyas mchod byas nas/ /shin du gzigs zhes bya ba'i rgyal bar 'gyur/ /lnga brgya gang dag byang chub la gnas pa/ /de dag rnams kyang mi yi mchog tu 'gyur/ /de la dad phyir bde ba bsam yas na/ /mgon po la ni bkur sti su mi byed/ /gang dag dga' bar byed la chags sems pa/ /bud med lus spangs skyes par gyur pa ni/ /gcig dang gnyis dang gsum ni ma yin gyi/ /bye ba khrag khrig stong phrag mang po ste/ /rtsi yi</font><hr>61.312b<br><font size=+1>

rgyal po grags pa chen po yi/ /byang chub de la zhe sdang su zhig skyed/ /nyon mongs las kyang bde ba sbyin byed na/ /de la bkur sti byed pa smos ci dgos/ /de nas bcom ldan 'das la tshe dang ldan pa dga' bos 'di skad ces gsol to/ /bcom ldan 'das 'di lta ste dper na/ ri'i rgyal po ri rab lhun po'i drung du gang sems dad kyang rung / sems zhe sdang yang rung / sems chags pa yang rung / chos la bar chad bgyid pa'i sems kyang rung ste/ mchi na de thams cad kha dog gcig tu 'gyur ba ni 'di lta ste/ gser gyi kha dog go/ /bcom ldan 'das de bzhin du gang su yang rung / byang chub sems dpa'i drung du sems dad dam/ sems zhe sdang ngam/ sems chags pa 'am/ chos la bar chad bgyid pa'i sems kyang rung ste/ mchi na de dag thams cad kha dog gcig tu 'gyur ba ni 'di lta ste/ thams cad mkhyen pa nyid kyi sems kyi kha dog go/ /bcom ldan 'das bdag ni de ring phan chad byang chub sems dpa' rnams la ri rab lhun po 'dra bar 'dzin to/ /bcom ldan 'das 'di lta ste dper na sman gyi rnam pa blta na bzang ba la sems can su yang rung ste/ nad rnam pa sna tshogs kyi nyon mongs pa rnams kyis bltas na nad de dag thams cad rab tu zhi bar 'gyur ro/ /bcom ldan 'das de bzhin du gang su yang rung ste/ sems dad pa 'am/ sems zhe sdang ba 'am/ sems chags pas byang chub sems dpa' la bltas na de dag thams cad kyi 'dod chags dang / zhe sdang dang gti mug gi nad rnams rab tu zhi bar 'gyur ro/ /de nas bcom ldan 'das kyis tshe dang ldan pa dga' bo la legs so zhes bya ba byin nas/ dga' bo de de bzhin no dga' bo ji skad smras pa de bzhin no zhes gsungs so/ /de nas bcom ldan 'das la tshe dang ldan pa 'od srung chen pos 'di skad ces gsol to/ /bcom ldan 'das ngo mtshar to/ /bde bar gshegs pa rab tu ngo mtshar to/ /byang chub sems dpa' sems</font><hr>61.313a<br><font size=+1>

dpa' chen po rnams ni zhi ba'i ting nge 'dzin la gnas kyang sems can rnams la snying brtse ba'i slad du slar yang 'dod pa'i khams su yang gda'o/ /stong pa nyid dang / mtshan ma med pa dang / smon pa med pa la gnas shing nyan thos dang rang sangs rgyas kyi chos rnams la yang ma reg la thams cad mkhyen pa'i sems la yang 'bab par bgyid do/ /bcom ldan 'das byang chub sems dpa' sems dpa' chen po ni bsam gyis mi khyab pa'i thabs mkhas pa la gnas la de ni 'di lta ste/ chags par 'gyur ba'i gzugs dang / sgra dang / dri dang / ro dang / reg bya thams cad la spyod kyang de dag la chags par mi bgyid do/ /byang chub sems dpa' sems dpa' chen po rnams las brtsams te/ dpe chung zad cig gsol bar bcom ldan 'das bdag spobs so/ /bde bar gshegs pa bdag spobs so/ /bka' stsal pa/ 'od srung khyod spobs par gyis shig /bcom ldan 'das 'di lta ste/ dper na 'brog dgon pa zhig mchis la/ 'brog dgon pa de na brtsig pas 'khor ba'i rtse mo'i bar du phyin pa zhig kyang mchis par gyur/ dgon pa de na chab sgo yang gcig pu zhig mchis par gyur/ 'brog dgon pa de na srog chags brgya stong du ma yang mchis par gyur/ 'brog dgon pa de nas shin du rgyang mi ring ba zhig na grong khyer zhig kyang mchis la 'byor pa dang / bde ba dang lo legs pa dang mi'i skye bos gang bar gyur/ gang dag grong khyer der mchis pa de dag kyang rga ba dang 'chi bar mi 'gyur la/ grong khyer chen po de'i shul ni mtho gang tsam du gyur la/ de na g.yas g.yon du g.yang sa khru 'bum mchis par gyur cing / 'brog dgon pa de'i dbus na sems can mkhas pa/ zhi ba pa yid gzhungs pa don 'tshal ba/ phan par 'tshal ba/ 'byor pa dang bde bar 'tshal ba gcig cig skyes la des 'brog dgon pa der sems can de dag la 'brog dgon pa 'di nas shin</font><hr>61.313b<br><font size=+1>

du rgyang mi ring ba zhig na grong khyer zhig yod de/ der su 'gro ba de ni rga ba dang 'chi bar mi 'gyur gyis/ kye sems can dag tshur sheg grong khyer chen po der 'dong ngo / /ngas ni khyed yongs su drang ngo zhes de skad sgra bsgrags/ dbyangs kyis bsnyad pa dang / de na gang dman pa la mos shing 'byung ba'i bsam pa mchis pa de dag ni bdag cag bstan pa de dang / yul der mchi yang 'tshal na 'di nas kyang mi 'phag la gang grong khyer de na yon tan mchis pa de dag kyang 'di na mchis bzhin du 'byung bar gyur cig ces mchi'o/ /gang chen po la mos pa de dag ni bdag kyang mchi ste/ khyod ji lta ba bdag cag kyang de 'dra'o zhes de skad mchi'o/ /gang bsod nams chung ba de dag ni sgra de thos pa dang / thos nas yid ches par mi bgyid do/ /de nas skyes bu mkhas pa de 'brog dgon pa de nas byung nas lam de mthong ngo / /des shul mtho gang tsam po de mthong nas song ba dang lam gyi g.yas phyogs na g.yang sa khru 'bum dang / g.yon phyogs na g.yang sa khru 'bum mchis nas/ de'i lam g.yas g.yon du des brtsig pa'i rten bcas te/ grwa bzhis shul de rgal bar bgyid cing g.yas su 'ang mi blta/ g.yon du'ang myi blta/ de'i rgyab nas dgra rnams sgra sgrog cing 'jigs par ston kyang de kha phyir yang mi blta ste/ lam du zhugs pa dang / ji lta ji ltar mchi ba de lta de ltar grong khyer chen po mthong ngo de lta de ltar de'i 'jigs pa thams cad kyang ma mchis so/ /grong khyer chen po der phyin nas sems can dpag tu ma mchis pa rnams kyi don yang bgyid do/ /bcom ldan 'das 'brog dgon pa zhes bgyi ba ni de ltar 'khor ba'i 'brog dgon par blta bar bgyi'o/ /brtsig pa 'khor ba'i rtse mo'i bar du phyin pa zhes bgyi ba ni de ltar ma rig pa dang / sred pa dang srid par blta bar bgyi'o/ /srog chags brgya stong mang po 'brog dgon pa de na mchis shes bgyi ba ni de ltar byis pa lta bu so so'i skye bo thams</font><hr>61.314a<br><font size=+1>

cad du blta bar bgyi'o/ /chab sgo gcig ces bgyi ba ni de ltar theg pa gcig gi lam du blta bar bgyi'o/ /skyes bu mkhas pa zhes bgyi ba ni de ltar byang chub sems dpa' sems dpa' chen por blta bar bgyi'o/ /sems can dman pa la dad pa 'byung ba'i bsam pa mchis pa gnas de nas kyang mi 'phag la/ grong khyer gyi yon tan kyang 'tshal zhes bgyi ba ni nyan thos dang / rang sangs rgyas su blta bar bgyi'o/ /gzhan dag bdag cag kyang mchi ste/ khyod ci 'dra ba bdag cag kyang de dang 'dra'o zhes mchi ba ni de ltar byang chub sems dpa' dag du blta bar bgyi'o/ /sgra thos kyang yid ches par ma gyur ces bgyi ba ni de ltar mu stegs can gzhan dag tu blta bar bgyi'o/ /'brog dgon pa nas 'byung ba zhes bgyi ba ni de ltar thams cad mkhyen par dngos pa'i brtson 'grus su blta bar bgyi'o/ /shul mtho gang tsam zhes bgyi ba ni de ltar chos kyi dbyings su blta bar bgyi'o/ /g.yas phyogs na g.yang sa khru 'bum mchis shes bgyi ba ni de ltar nyan thos kyi sar blta bar bgyi'o/ /g.yon phyogs na g.yang sa khru 'bum mchis shes bgyi ba ni de ltar rang sangs rgyas kyi sar blta bar bgyi'o/ /g.yas g.yon gyi phyogs su brtsig pa'i rten bcas shes bgyi ba ni/ de ltar thabs mkhas pa dang / shes rab kyi pha rol du phyin pa dang ldan pa'i brtson 'grus su blta bar bgyi'o/ /grwa bzhis mchi bar bgyid ces bgyi ba ni bsdu ba'i dngos po bzhis sems can grangs ma mchis dpag tu ma mchis pa rnams sdud pa la bgyi'o/ /rgyab logs nas dgra'i mi dag 'jigs pa ston ces bgyi ba ni de ltar bdud dang / bdud kyi ris kyi lha rnams su blta bar bgyi'o/ /de bzhin du gang sems can ma rungs pa byang chub sems dpa' rnams la dpya bar bgyi/ bsting bar bgyid dmod par bgyid pa gzhan dag la yang blta bar bgyi'o/ /kha phyir mi blta</font><hr>61.314b<br><font size=+1>

zhes bya ba ni bzod pa'i pha rol du phyin pa dang bsam pa lhag pa'i tshig bla dgas so/ /g.yas g.yon du mi blta zhes bgyi ba ni nyan thos dang / rang sangs rgyas kyi sa la mi 'tshal bas thams cad mkhyen pa'i ye shes kyi tshig bla dgas lags so ji lta ji ltar grong khyer mthong ba de lta de ltar 'jigs pa ma mchis par 'gyur zhes bgyi ba ni de ltar ji lta ji ltar sangs rgyas kyi yon tan mthong zhing sangs rgyas kyi spyod pa dang / ye shes la rtog pa dang / shes rab kyi pha rol du phyin pa dang thabs mkhas pa la bslabs pa de lta de ltar sems can rnams la mi 'jigs shing the tshom ma mchis pa la bgyi'o/ /grong khyer du phyin nas sems can dpag tu ma mchis pa'i don bgyid ces bgyi ba ni de bzhin gshegs pa'i tshig bla dgas lags so/ /bcom ldan 'das byang chub sems dpa' ni ye shes dang ldan pa lags te/ bcom ldan 'das byang chub sems dpa' sems dpa' chen po la phyag 'tshal lo/ /de nas bcom ldan 'das kyis tshe dang ldan pa 'od srung chen po la legs so zhes bya ba byin te/ 'od srung legs so legs so/ /'od srung khyod kyis 'dir dpe bshad pas/ lha dang mi'i skye dgu srog chags khri nyis stong gis bla na med pa yang dag pa'i byang chub tu sems bskyed do/ /'od srung byang chub sems dpa' thabs mkhas pa la gnas pa ni yon tan dpag tu med pa dang ldan pa yin te/ 'od srung byang chub sems dpa' ni gang bdag la gnod par 'gyur ba dang / gzhan la gnod par 'gyur ba'i las de lta bu mi byed do/ /de skad ces bka' stsal pa dang / bcom ldan 'das la byang chub sems dpa' ye shes blas 'di skad ces gsol to/ /bcom ldan 'das 'o na ji ltar na byang chub sems dpa' skye ba gcig gis thogs pas de bzhin gshegs pa 'od srung gi gsung rab las mgo reg 'di mthong bas chog go/ /dge sbyong mgo reg 'di la byang chub ga la yod/ </font><hr>61.315a<br><font size=+1>

byang chub ni shin du dkon pa'o zhes tshig smras par 'gyur/ bcom ldan 'das de skad ces smras pa'i don gang lags/ de skad gsol pa dang / bcom ldan 'das kyis byang chub sems dpa' ye shes bla la 'di skad ces bka' stsal to/ /rigs kyi bu chog go/ /de bzhin gshegs pa dang byang chub sems dpa' la drod ma 'dzin cig /de ci'i phyir zhe na/ byang chub sems dpa' ni thabs mkhas pa bsam gyis mi khyab pa dang ldan pa yin te/ skyes bu dam pa de dag ni ji ltar ci nas kyang sems can 'dul bar 'gyur ba de lta de ltar gnas pa yin no/ /rigs kyi bu legs par shin du nyon la yid la zung shig dang / thabs mkhas pa zhes bya ba'i chos kyi rnam grangs khyod la bshad do/ /ji ltar byang chub sems dpas mar me mdzad tshun chad bsam gyis mi khyab pa'i thabs bstan pa de las cung zad tsam zhig bstan to/ /rigs kyi bu gang gi tshe na byang chub sems dpas mar me mdzad mthong ma thag tu mi skye ba'i chos la bzod pa thob pa tshun chad byang chub sems dpa' la 'khrul pa med ca co med/ dran pa nyams pa med de/ rigs kyi bu byang chub sems dpa' bzod pa thob pa ni 'dod na nub bdun gyis byang chub thob par 'gyur/ /'dod na sems can yongs su smin par bya ba'i phyir bskal pa brgyas byang chub thob par 'gyur ro/ /gal te slar yang srid par 'ongs na shes rab kyi stobs kyis mthu bskyed pas gang gi tshe 'dod pa de'i tshe 'tshang rgya'o/ /'dod na phyi ma'i mthar thug par gnas kyang skyo bar mi 'gyur te/ de ni byang chub sems dpa'i thabs mkhas par shes par bya'o/ /rigs kyi bu gzhan yang nyan thos ni ji ltar byang chub sems dpa' zhi ba'i ting nge 'dzin la snyoms par 'jug pa bzhin du ting nge 'dzin zhi ba yin te/ de'i lus kyang mi g.yo de'i sems kyang mi g.yo zhing bdag yongs su mya ngan las 'das par 'dzin to/ /byang chub sems dpa' sems dpa' chen po ni zhi ba'i ting nge 'dzin de la snyoms par zhugs nas sems can yongs su smin par byed cing bsdu ba'i</font><hr>61.315b<br><font size=+1>

dngos po bzhi'i brtson 'grus kyang mi gtong / pha rol du phyin pa drug gi brtson 'grus kyang mi gtong ste/ de yang byang chub sems dpa'i thabs mkhas pa'o/ /rigs kyi bu byang chub sems dpa' ni 'dod na dga' ldan gyi khang pa na 'dug bzhin du byang chub mngon par rdzogs par 'tshang rgya zhing chos kyi 'khor lo yang bskor bar 'gyur na/ gang 'dzam bu'i gling gi mi de dag chos nyan pa'i phyir lha'i khang par 'gro mi nus nas byang chub sems dpa' 'di snyam du sems te/ lha dag ni chos nyan pa'i phyir 'dzam bu'i gling du 'bab nus kyi/ 'dzam bu'i gling gi mi rnams ni chos nyan pa'i phyir lha'i khang par 'gro mi nus so snyam nas de'i phyir byang chub sems dpa' 'dzam bu'i gling du byang chub tu mngon par rdzogs par 'tshang rgya ste/ de yang byang chub sems dpa'i thabs mkhas par blta'o/ /byang chub sems dpa' ni 'dod na dga' ldan gyi gnas nas shi 'phos te/ ma'i mngal gyi khyim du ma zhugs par de'i mod nyid la byang chub mngon par rdzogs par 'tshang rgya bar 'gyur na de la sems can kha cig the tshom skye bar 'gyur te/ 'di lha 'am dri za 'am sprul pa zhig gam/ 'di ga las 'ongs pa zhig ces de dag the tshom du gyur nas chos nyan par mi 'gyur bas rgyu de dang rkyen de'i phyir byang chub sems dpa' mngal du gnas par ston te/ de yang byang chub sems dpa'i thabs mkhas par shes par bya'o/ /rigs kyi bu yang byang chub sems dpa' ni mngal gyi mal du zhugs so snyam du khyod de ltar ma lta zhig /byang chub sems dpa' ni mngal gyi mal du zhugs pa med do/ /de ci'i phyir zhe na/ byang chub sems dpa' ni byang chub sems dpa'i ting nge 'dzin dri ma med pa zhes bya ba de la snyoms par zhugs nas ma song bzhin du byang chub kyi snying po la 'dug ste/ dga' ldan gnas kyi lha rnams kyang byang chub sems dpa' shi 'phos so snyam du 'dzin cing de na de mi mthong mod kyi/ byang chub sems dpa' sems dpa' chen po dga' ldan gyi gnas nas kyang</font><hr>61.316a<br><font size=+1>

mi g.yo la sprul pas bya ba thams cad dang / mngal du 'jug pa dang / skye ba dang / mngon par 'byung ba dang / dka' bar spyod pa thams cad ston te/ de thams cad ni byang chub sems dpa'i sprul pa yin no/ /de ci'i phyir zhe na/ byang chub sems dpa' ni gtsang mar spyod pas slar yang mngal gyi mal du mi 'jug ste/ de yang byang chub sems dpa'i thabs mkhas par shes par bya'o/ /de ci'i phyir zhe na/ byang chub sems dpa' ban glang gi bu dkar por bsgyur te ma'i mngal du 'jug par ston ce na/ dkar po'i phyogs yin pa'i tha tshig ste/ byang chub sems dpa' sems can thams cad dang / khyad zhugs pas de'i phyir ci nas kyang lha dang yang mi 'dra/ mi dang yang mi 'dra bar de ltar 'jug pa bstan par bya dgos te/ de yang byang chub sems dpa'i thabs mkhas par shes par bya'o/ /ci'i phyir na byang chub sems dpa' ma'i mngal na zla ba dgur mi gnas par zla ba bcur gnas she na sems can kha cig kye ma'o 'di ni mngal na gnas pa'i dus ma tshang bas dbang po nyams pa zhig byung ngo / /zhes de ltar sems pa'i phyir mngal na dbang po yongs su rdzogs par ston pas zla ba bcur gnas kyi dgur ma yin te/ de yang byang chub sems dpa'i thabs mkhas par shes par bya'o/ /ci'i phyir na/ byang chub sems dpa' grong dang grong khyer du ma skyes kyi dgon par skyes she na/ byang chub sems dpa' ni yun ring po nas dgon pa shin du dgon pa'i bsngags pa brjod par byed la dben pa na gnas shing gtsang mar spyod pa dang / khyim gyi nang du song bar gyur na/ lha dang klu dang / gnod sbyin rnams kyis lha'i dri dang / phye ma dang / me tog dag gis rgyun ma chad par mchod pa byed mi nus pa dang / grong khyer ser skya'i sems can dag rab tu dga' bar gyur pas rgyu dang rkyen de'i phyir byang chub sems dpa' dgon par skyes so/ /ci'i phyir na byang chub sems dpa' ma'i dku brtol te mngal gyi mal du zhugs she na/ sems can gang dag byang</font><hr>61.316b<br><font size=+1>

chub sems dpa' ni pha ma'i mer mer po las gyur pa yin gyi/ rdzus ste skyes pa yin no snyam du sems pa'i sems can de dag gi the tshom bcad pa'i phyir byang chub sems dpa' ma'i dku brtol te zhugs so/ /zhugs nas rma dang bu gar ma gyur la yum sgyu ma yang de'i tshe bde ba myong ba lta bu sngon ma myong ngo / /ci'i phyir zhe na byang chub sems dpa'i ma shing blag sha'i yal ga la 'jus te/ sha 'chus su byas nas byang chub sems dpa' skyes she na/ sems can gang dag lha mo sgyu ma ni bud med gzhan bzhin du sdug bsngal ba'i tshor bas byang chub sems dpa' bskyed do snyam du de ltar sems pa'i sems can de dag la bde bar bstan pa'i phyir byang chub sems dpa'i mas shing blag sha'i yal ga la 'jus nas sha 'chus su byas te byang chub sems dpa' bskyed do/ /ci'i phyir na byang chub sems dpa' skye gnas dang lus kyi phyogs gzhan nas mi 'byung bar ma'i mngal brtol te dran bzhin du shes bzhin du mngal gyi lam nas byung zhe na/ byang chub sems dpa' ni gtsang mar spyod la 'jig rten gsum po thams cad kyi mchog yin pas/ de skye gnas la'ang mi gnas shing skye ba bstan dgos la sems can tha ma gzhan dag dang yang mi 'dra ste/ de bas na byang chub sems dpa' ma'i dku brtol nas mngal gyi mal nas 'byung zhing skyes ma thag tu de'i tshe na glo la rma yang med do/ /ci'i phyir na byang chub sems dpa' skyes ma thag tu brgya byin lha'i dbang pos blangs kyi mir gyur pa gzhan dag gis ma yin zhe na/ byang chub sems dpa'i dge ba'i rtsa ba shin du 'bar ba dang byang chub sems dpa' skyes ma thag tu de ltar brgya byin lha'i dbang pos blangs par shog shig ces smon lam btab pa'i phyir ro/ /ci'i phyir na byang chub sems dpa' skyes ma thag tu ma blangs par gom pa bdun bor gyi/ drug dang brgyad ma yin zhe na/ rdzu 'phrul dang rnam par 'phrul pa dang / skyes bu dam par sngon sus kyang ma bstan pa bstan dgos la sems can gang dag gi don gom pa bdun bor te bya ba de gom pa drug gis kyang mi</font><hr>61.317a<br><font size=+1>

nus la/ goms pa brgyad bor na yang lhag par 'gyur bas de'i phyir byang chub sems dpa' skyes ma thag tu ma blangs par gom pa bdun 'dor gyi/ drug dang brgyad ma yin no/ /ci'i phyir na byang chub sems dpa' gom pa bdun bor nas nga ni 'jig rten na gtso bo yin te/ skye ba dang rga ba dang 'chi ba mthar bya'o zhes pa tshig tu smra zhe na/ 'khor de na tshangs pa dang lha mthu che ba dag lhags shing 'khod de nga rgyal can du gyur pa de dag bdag cag gtso bo yin gyi/ 'di ni ma yin no snyam du sems shing de dag byang chub sems dpa' la 'dud par mi byed/ yang dag par 'dud par mi byed pas de'i phyir byang chub sems dpa' sems dpa' chen po 'di snyam du sems te/ tshangs pa dang lha 'di dag yun ring por phan pa med par 'gyur du 'ong ngo zhes de'i phyir byang chub sems dpas 'jig rten na nga mchog go nga mchog go skye ba dang rga ba dang 'chi ba mthar 'byin to zhes smra zhing sgra des kyang stong gsum gyi stong chen po'i 'jig rten gyi khams su bsgo ba dang / gang byang chub sems dpa' ma lhags pa de dag kyang / sgra des lhags par gyur nas/ de'i tshe tshangs pa de dag dang lha'i bu de dag byang chub sems dpa' la thal mo sbyar nas btud par gyur to/ /rgyu de dang rkyen de'i phyir byang chub sems dpa' 'jig rten na nga mchog go/ /nga mchog go skye ba dang rga ba dang 'chi ba mthar phyin to zhes de skad kyi tshig smra'o/ /ci'i phyir na byang chub sems dpa' gad mo cher rgod ce na/ byang chub sems dpa' ni g.yem pa'i rgod pa'am cher rgod pa med mod kyi/ byang chub sems dpa' ni 'di snyam du sems te/ sems can 'di dag ni 'di nyid du nga dang lhan cig tu byang chub tu sems bskyed na/ ngas byang chub thob kyang 'di dag le lor gyur pas da dung 'khor ba sdug por langs te/ kye ma'o sems can 'di dag ni thams cad mkhyen par 'gyur ba'i thar pa'i lam la brtson 'grus mi rtsom ste/ de dag da ltar bdag la phyag 'tshal na/ de dag</font><hr>61.317b<br><font size=+1>

ji ltar na thams cad mkhyen pa nyid la brtson 'grus rtsom par 'gyur zhes snying rje chen po bskyed nas dman pa dang / bag med pa'i sems can dang / bdag gis bsam pa yongs su rdzogs par shes nas/ byang chub sems dpa' gad mo cher rgod do/ /ci'i phyir na/ byang chub sems dpa' dri ma med bzhin du khrus byed ce na/ brgya byin dang tshangs pas mchod pa'i las byas pa'i phyir te/ byang chub sems dpa' ni nges par 'jig rten shes pa'i rjes su 'jug par bya dgos so/ /skye ba mthong nas byang chub sems dpa' dri ma med kyang nges par khrus bya'o/ /'phags pa thabs mkhas pa zhes bya ba theg pa chen po'i mdo/ bam po gnyis pa ste tha ma/ ci'i phyir na byang chub sems dpa' dgon par skyes ma thag tu byang chub kyi snying por mi 'gro bar de nas slar khyim du 'jug ce na/ dbang po yongs su rdzogs par bya ba dang / slas la sogs pa bstan pa'i phyir dga' ba dang rtse ba chen po de dag bstan nas khyim nas mngon par 'byung bar byed do/ /gling chen po bzhi spang bar bstan pas na nga'i rjes su slob pa gzhan dag kyang dga' ba dang / rtse ba chen po spangs nas rab tu byung ba'i phyir khyim nas mngon par 'byung ste/ rgyu de dang rkyen de'i phyir byang chub sems dpa' slar khyim du zhugs so/ /ci'i phyir na byang chub sems dpa' nyi ma bdun lon pa dang ma 'chi ba'i dus byed ce na/ lha mo sgyu ma tshe zad nas 'chi ba'i dus byas kyi/ byang chub sems dpa'as nyes pa ni ma yin no/ /'di la byang chub sems dpa' dga' ldan gyi gnas nyid na gnas shing lha'i mig gis lha mo sgyu ma'i tshe la brtags nas nam lha mo sgyu ma'i tshe zla ba bcu dang nyi ma bdun lus par shes pa dang / de'i 'og tu byang chub sems dpa' dga' ldan gyi gnas nas shi 'phos te ma'i mngal du 'jug go/ /de bas na rnam grangs des</font><hr>61.318a<br><font size=+1>

kyang lha mo sgyu ma ni tshe zad nas 'chi ba'i dus byas kyi/ byang chub sems dpas nyes pa ma yin no/ /ci'i phyir na byang chub sems dpa' bzo slob ce na/ 'jig rten gyi rjes su 'jug pa'i phyir du zad kyi/ byang chub sems dpa' ni stong gsum gyi stong chen po'i 'jig rten gyi khams na gtsug lag gam/ glu 'am gar ram/ sngags sam/ rig sngags sam/ thabs sam/ brgod pa 'am cha ba 'am rtse ba 'am blta ba gang yang thog mar ma bslabs pa med do/ /ci'i phyir na byang chub sems dpa' chung ma len ce na/ byang chub sems dpa' ni 'dod pa dgos par byed pa ma yin no/ /de ci'i phyir zhe na/ skyes bu dam pa de ni de'i tshe 'dod pa dang bral ba yin mod kyi/ byang chub sems dpa' ni nges par skyes par bstan dgos te/ sems can kha cig byang chub sems dpa' la skyes pa ma yin gyi nga la ma ning gi rang bzhin can no zhes de snyam du sems par mi 'gyur zhing de dag gi the tsom bcad pa dang / 'di lta ste/ sras nor sbyin len bstan pa'i phyir byang chub sems dpas shAkya'i bu mo grags 'dzin la sogs pa blangs so/ /nor sbyin 'dzin mer mer po las gyur pa'o zhes gang de snyam du 'dzin na de ltar mi blta'i nor sbyin 'dzin ni lha las shi 'phos te/ 'dir skyes pas pha ma'i mer mer po las gyur pa ma yin gyi/ rdzus te skyes par shes par bya'o/ /yang sngon gyi smon lam gyis shAkya'i bu mo grags 'dzin blangs pa yin te/ mar me mdzad tshun cad skye ba'i tha ma'i bar du khyod kyi chung mar gyur cig ces smon lam btab pa/ sangs rgyas la dge ba'i rtsa ba bskyed pa de yang slu bar mi 'gyur bas na de'i phyir shAkya'i bu mo grags 'dzin blangs so/ /yang sems can 'di dag ni 'dod pa'i nyes pa can khyim gyi bya ba la zhen pa yin pas de dag spangs te rab tu 'byung bar mi nus nas de dag gi phyir yang byang chub sems dpa' sems dpa' chen po g.yog len to/ /yang 'di ni chung ma bzang</font><hr>61.318b<br><font size=+1>

mo'i g.yog 'di lta bu spangs te rab tu byung na/ bdag ci'i phyir rab tu mi 'byung zhes de snyam du sems par 'gyur zhing yang byang chub sems dpas byang chub sems dpa'i spyad pa spyod pa na/ gang bud med gzhon nu dag yongs su smin par byas nas de dag kyang mdza' ba yid gcugs pas srid pa tha ma'i bar du bdag cag ni khyod kyi chung mar gyur cig ces smon lam btab la/ de dag gis chos dkar po de rnams kyang shin du yongs su smin par bya ba'i phyir byang chub sems dpa' g.yog lan te/ de la byang chub sems dpa' slas kyi nang na gnas nas bud med bzhi khri nyis stong bla na med pa yang dag par rdzogs pa'i byang chub tu yongs su smin par byas so/ /lhag ma dag kyang mi ltung ba'i chos dang ldan par byas so/ /rnam grangs de'i phyir yang byang chub sems dpa' g.yog len gyi/ gang bud med 'dod chags kyis yongs su gdungs pas yongs su gdung ba de yang byang chub sems dpa' mthong ma thag tu bdag tu 'dod chags dang bral bar shes so/ /yang byang chub sems dpa' ni bdag gi chu zheng dang 'dra bar sprul pa dag sprul nas bud med de dag sprul pa de rnams dang rtse dga' yongs su spyod cing bdag cag ni byang chub sems dpa' dang lhan cig tu rtse dga' zhing yongs su spyod do snyam du sems mod kyi/ byang chub sems dpa' sems dpa' chen po bsam gtan dang ting nge 'dzin gyi dga' ba dang bde ba la gnas so/ /'di la sprul pa rnams kyi 'dod pa la dga' ba dang yongs su spyod pa ji lta ba mar me mdzad tshun cad kyi byang chub sems dpa'i 'dod pa la yongs su spyod pa thams cad kyang de bzhin du blta'o/ /bran tsan ta ka dang / ta kan ta ka yang sngon gyi smon lam las gyur par blta'o/ /ci'i phyir na byang chub sems dpa' shing 'dzam bu'i grib ma na bsam gtan byed ce na/ byang chub sems dpa' de na gnas pas lha bye ba phrag bdun bcu brtul zhing de nges par mngon par khyim nas 'byung bar pha ma la bstan</font><hr>61.319a<br><font size=+1>

pa'i phyir ro/ /ci'i phyir na skyed mos tshal du song zhe na/ rgas pa dang nad kyis btab pa dang / 'chi ba bstan pa'i phyir te/ gnyen dag ni byang chub sems dpa' rga ba dang / na ba dang 'chi bas 'jigs skrag nas khyim nas mngon par 'byung gi gnyen la gnod par 'dod pa ni ma yin no zhes de ltar shes par gyur to/ /ci'i phyir na byang chub sems dpa' mtshan mo nam phyed kyi dus kyi tshe khyim nas mngon par 'byung gi nyin mo mi 'byung zhe na/ de na 'dug na dge ba'i rtsa ba mi 'phel nas chos dkar po 'dod pas nam phyed nas ma dris par de nas 'gro bar bya ba dang bde ba'i yo byad kyang spang bar bya'i/ chos dkar po'i phyogs ni yongs su gtang bar mi bya'o zhes sems can rnams la bstan pa'i phyir ro/ /ci'i phyir na skye bo dag gnyid kyis log par byas she na/ lha rnams kyis nyes par bstan pa'i phyir te/ skye bo dag byang chub sems dpa' la zhe sdang gi tha ba skye bar mi 'gyur ba dang / de dag yun ring por gnod pa dang mi phan pa dang / ltung bar mi 'gyur bar bya ba'i phyir lha rnams kyis gnyid log par byas te/ lha rnams kyis sgo phye nas lha rnams kyis bar snang las khrid pas lha rnams kyis nyes kyi/ byang chub sems dpa'i nyes pa ma yin te/ byang chub sems dpa' sems dpa' chen pos ma nyes so zhes dad pa rnyed par mthong nas gnyid log par byas so/ /ci'i phyir na byang chub sems dpa' rang gis ral gris skra bcad ce na/ de ltar stong gsum gyi stong chen po'i 'jig rten gyi khams na lha 'am/ klu 'am gnod sbyin nam/ mi 'am ci gang yang byang chub sems dpa'i dpal dang / gzi brjid zil gyis mnan te skra gcod nus pa su yang med cing rgyal po zas gtsang ma des thos na yang ji ltar byang chub sems dpa' nyid kyis skra bcad par mthong nas khro bar mi 'gyur zhing sus nga'i bu'i skra bcad ces de la bsad pa 'am/ chad par mi 'gyur bar bya ba'i phyir ro/ /ci'i phyir na rta dang rgyan rnams bran tsa ta ka'i lag</font><hr>61.319b<br><font size=+1>

tu byin ce na/ chog shes pa dang / byang chub sems dpa' gser dngul mi 'dod cing dngos po thams cad la mi blta bar rab tu 'byung bar bstan pa'i phyir ro/ /yang byang chub sems dpas skye bo phyi ma dag bslab dgos te/ bstan pa 'di la gang rab tu byung ba de dag nga'i rjes su slob cing dngos po thams cad la mi lta bar 'phags pa'i rigs bzhi la gnas nas rab tu 'byung bar 'gyur gyi/ thog ma nyid nas rab tu 'byung ba'i 'tsho ba'i phyir rab tu 'byung bar mi 'gyur bar bya ba'i phyir ro/ /yang rigs kyi bu ci'i phyir na byang chub sems dpas lo drug tu dka' ba spyad pa nyon cig /byang chub sems dpa' ni las kyis bsgribs pa'i nyes pas dka' ba spyod pa spyad pa ma yin gyi/ byang chub sems dpa' thabs mkhas pas ni nges par sems can rnams la las kyi bya ba bstan dgos te/ rigs kyi bu byang chub sems dpas de bzhin gshegs pa dgra bcom pa yang dag par rdzogs pa'i sangs rgyas 'od srung gi gsung rab la mgo reg la byang chub ga la yod ces smras pa de yang byang chub sems dpa'i thabs mkhas par blta'o/ /dgongs pa'i tshig tu blta'o/ /byang chub sems dpas ji ltar dgongs te tshig de skad smras she na/ rigs kyi bu 'di lta ste/ de'i tshe de'i dus na khye'u skar ma skyong gi ne'u ldangs bram ze'i bu shing sa la chen po lta bu byang chub sems dpa'i theg pa la gnas pa lnga yod de/ de dag sdig pa'i grogs po'i dbang gis byang chub kyi sems brjed par gyur nas rigs kyi bu lnga po de dag ni sangs rgyas kyi brtul zhugs can ma yin te/ mu stegs kyi brtul zhugs ldan pa/ mu stegs kyi gsang sngags la brtson pas bdag cag gi yang byang chub yod do/ /bdag cag kyang sangs rgyas so zhes bdag nyid ston par 'dzin to/ /de nas khye'u skar ma skyong gis rigs kyi bu lnga po de dag snod du gyur par rtogs nas mgo reg la byang chub ga la yod/ byang chub ni shin du dkon na de mthong</font><hr>61.320a<br><font size=+1>

ste/ ci rung zhes mu stegs can de dag gi drung du tshig de skad smras so/ /khye'u skar ma skyong gis mu stegs can de dag gi drung du mgo reg la byang chub ga la yod/ byang chub ni shin du dkon pa'o zhes tshig de skad smras pas rigs kyi bu lnga po de dag rim gyis yongs su smin par byas par gyur to/ /'di lta ste rigs kyi bu khye'u skar ma skyong ne'u ldangs lnga po de dag dang / sa'i phyogs gzhan zhig na 'dug par gyur pa'i dus kyi tshe yod do/ /de nas rdza mkhan rdze'u byed pa zhig sa'i phyogs de ga la ba der song nas de bzhin gshegs pa dgra bcom pa yang dag par rdzogs pa'i sangs rgyas 'od srung gi bsngags pa brjod cing khye'u skar ma skyong la tshur shog /de bzhin gshegs pa dgra bcom pa yang dag par rdzogs pa'i sangs rgyas 'od srung gi drung du 'dong ngo zhes de skad ces smras pa dang / de nas khye'u skar ma skyong 'di snyam du gyur to/ /kye ma'o sems can 'di dag ni dge ba'i rtsa ba yongs su smin na gang bdag gis de bzhin gshegs pa dgra bcom pa yang dag par rdzogs pa'i 'od srung gi bsngags pa brjod la mu stegs can gyi ni mi bsngags pa brjod pa dang / rigs kyi bu de dag dogs shing 'ong du mi btub par 'gyur ro snyam nas khye'u skar ma skyong gis thog ma'i yi dam de nyid srung shing shes rab kyi pha rol du phyin pa'i ye shes dang rgyu 'thun pa'i thabs mkhas pas mgo reg la byang chub ga la yod/ byang chub ni shin du dkon pa'o zhes de skad kyi tshig smras so/ /ji ltar na shes rab kyi pha rol du phyin pa'i ye shes dang rgyu mthun pa yin zhe na/ byang chub sems dpa' shes rab kyi pha rol tu phyin pa la spyod pa ni byang chub tu 'du shes par mi 'gyur/ sangs rgyas su 'du shes pa med/ sangs rgyas kyi ye shes su 'du shes pa med/ byang chub sems dpar yang mi mthong byang chub nang du yang mi mthong / byang chub phyi logs su yang mi mthong / byang chub nang dang phyi logs su 'ang mi mthong ste/ byang chub ni shin du stong ngo snyam du sems shing khye'u skar ma skyong des chos thams cad ma dmigs nas thabs mkhas pas mgo reg la byang chub ga la yod/ byang chub ni shin du dkon</font><hr>61.320b<br><font size=+1>

pa'o zhes de skad kyi tshig smras so/ /de nas khye'u skar ma skyong dang / ne'u ldangs lnga po de dag dang lhan cig tu chu 'gram zhig na gnas pa dang / de nas sangs rgyas kyi mthus rigs kyi bu lnga po de dag kun gdul ba'i dbang du sbyang ba'i phyir rdza mkhan rdze'u byed pas skar ma skyong mi 'gro ba dang skra nas bzung ste/ yang dag par rdzogs pa'i sangs rgyas 'od srung ga la ba der song ste/ gzhon nu lnga po de dag gis kyang rdza mkhan rdze'u byed pa de la shugs ma byed bzhin du yang dag par rdzogs pa'i sangs rgyas 'od srung ga la ba der phyin nas/ de bzhin gshegs pa dgra bcom pa yang dag par rdzogs pa'i sangs rgyas 'od srung mthong ma thag tu sngon gyi dge ba'i rtsa ba'i rgyun gyis dad pa rnyed do/ /de dag dad pa rnyed nas khye'u skar ma skyong la 'di 'dra ba'i ston pa bzhugs nas thog mar mi sbran par zhes gshe bar gyur to/ /de nas bram ze'i bu shing sa la chen po lta bu lnga po de dag gis de bzhin gshegs pa dgra bcom pa yang dag par rdzogs pa'i sangs rgyas 'od srung gi dpal dang / gzi brjid dang / spobs pa mthong nas bla na med pa yang dag par rdzogs pa'i byang chub tu sems bskyed do/ /de nas de bzhin gshegs pa dgra bcom pa yang dag par rdzogs pa'i sangs rgyas 'od srung gis ci nas kyang rigs kyi bu lnga po de dag gis mi skye ba'i chos la bzod pa thob par 'gyur ba de lta de ltar byang chub sems dpa'i sde snod phyir mi ldog pa'i 'khor lo'i chos kyi rnam grangs bshad do/ /rigs kyi bu de 'di lta ste/ nga ni sangs rgyas kyi ye shes kyis lung bstan to/ /rigs kyi bu gal te khye'u skar ma skyong gis de bzhin gshegs pa 'od srung gi bsngags pa brjod du zin na rigs kyi bu lnga po de dag de bzhin gshegs pa dgra bcom pa yang dag par rdzogs pa'i sangs rgyas 'od srung gi drung du 'gro ba'i gnas dang skabs med de/ rigs kyi bu 'di lta ste/ byang chub sems dpa' ni sangs rgyas dang / byang chub la the tsom med mod kyi/ byang chub sems dpa' lnga po de dag yongs su smin par bya ba'i phyir shes rab kyi pha rol du</font><hr>61.321a<br><font size=+1>

phyin pa dang rgyu 'thun pas mgo reg la byang chub ga la yod/ byang chub ni dkon no zhes de skad kyi tshig smras te/ de yang byang chub sems dpa'i thabs mkhas par shes par bya'o/ /byang chub sems dpa' lnga po da dag kyang smin par bya dgos la/ las kyi rnam par smin pa 'ang bstan dgos pas las de'i phyir ngas dka' ba spyod pa spyad de/ sems can gzhan dag mi shes pas tshul khrims dang ldan pa'i dge sbyong dang / bram ze dag mthong nas tshig tu smra bar mi 'gyur ba dang / shes sam mi shes kyang rung ste/ smras na de'i phyir de dag yun ring por gnod pa dang / mi phan pa dang / mi bde ba dang / sdug bsngal ba dang / ltung bar 'gyur ro zhes sems can de dag gi las kyi bya ba yang bstan pa'i phyir de bzhin gshegs pa da ltar las ston mod kyi/ byang chub sems dpa' la las kyi sgrib pa ni gang yang med do/ /yang tshul khrims dang ldan pa gang dag gis tshig rtsub po smras nas bdag cag ni rnam par grol ba'i skal ba med do snyam ste 'gyod pa la gnas shing phyin cad mi brtson pa'i sems can de dag gi the tshom bsal ba'i phyir byang chub sems dpa' sems dpa' chen po skye ba gcig gis thogs pas de skad kyi tshig smras na/ de yang rnam par grol ba'i phyir skal ba yod na bdag cag mi shes pa lta ci smos zhes de dag nyes pa de 'chags shing gzhan dag kyang mi byed pa'i phyir de skad kyi tshig smras so/ /yang rigs kyi bu mu stegs can rnams 'dul ba'i phyir ngas lo drug tu dka' ba spyad kyi/ sgrib pa'i phyir ni ma yin no/ /dge sbyong dang bram ze dag til dang / rgya shugs dang 'bras kyi 'brum bu re re za bas lo drug 'das par byas te de yang 'phags pa'i lam ma thob na zas ngan pas rnam par dag par mi 'gyur te/ rgyu de dang rkyen de'i phyir byang chub sems dpa' sems dpa' chen pos mgo reg la yang byang chub ga la yod/ byang chub ni shin du dkon no zhes de skad kyi tshig smras te/ las kyi bya ba de la dmigs shing lo drug tu dka' ba spyod pa spyad de byang chub sems dpas lo drug gis dman pa la dad</font><hr>61.321b<br><font size=+1>

pa'i lha dang phyi rol gyi drang srong 'bum phrag lnga bcu rtsa gnyis kyis ye shes rtogs pa'i don byas par gyur to/ /de dag kyang dman pa la spyod pas yongs su smin par byas te/ rigs kyi bu de yang byang chub sems dpa'i thabs mkhas par shes par bya'o/ /ci'i phyir na byang chub sems dpa' lus rid bzhin du byang chub kyi shing drung du mi 'gro bar zas zos la stobs dang mthu bskyed de 'gro zhe na/ byang chub sems dpa' ni zas med par lus rid pas byang chub mngon par rdzogs par 'tshang rgya bar nus mod kyi/ byang chub sems dpas phyi ma'i skye bo dag la snying brtse ba'i phyir zas zos te sems can mi mkhas pa dag zas med par ye shes tshol bar mi 'gyur bar byed de/ de dag bkres pas nyen na ye shes bsgrub mi nus so/ /de ci'i phyir zhe na/ bde bar gyur pa rnams ni chos mngon par smra'i/ sdug bsngal ba rnams ma yin te/ ci nas kyang nga'i rjes su slob cing sems can de dag bde bar bstan pa'i phyir byang chub sems dpa' sems dpa' chen pos zas zos so/ /grong gi bu mo byang chub kyi phyogs yongs su rdzogs par bya ba'i phyir yang byang chub sems dpas de'i zas zos te byang chub thob mod kyi byang chub sems dpa' ni ting nge 'dzin gcig gis bskal pa stong du 'dug nus so/ /ci'i phyir na byang chub sems dpa' rtswa dag tshol zhe na/ sngon gyi de bzhin gshegs pa dgra bcom pa yang dag par rdzogs pa'i sangs rgyas rnams kyang rtsa'i gding ba la dgyes kyi stan la dgyes par mi mdzad pas chog shes par bya ba dang / rtswa thun bkra shis ldan byang chub kyi phyogs yongs su rdzogs par bya ba'i phyir te/ de'i phyir byang chub sems dpa' la rtswa phul bas rigs kyi bu de ni ma 'ongs pa'i dus na de bzhin gshegs pa dgra bcom pa yang dag par rdzogs pa'i sangs rgyas rnam par snang mdzad ces bya bar 'gyur bar ngas de la lung bstan to/ /ci'i phyir na byang chub sems dpas byang chub kyi shing drung du 'dug nas myur du</font><hr>61.322a<br><font size=+1>

bla na med pa yang dag par rdzogs pa'i byang chub tu mngon par rdzogs par 'tshang mi rgya bar bdud la sdod ce na/ rigs kyi bu bdud sdig can ni byang chub sems dpas skabs ma phye ma bskul bar 'ong ba'i gnas dang skabs med de/ de lta bu'i gnas med kyang rigs kyi bu byang chub sems dpa' sems dpa' chen po byang chub kyi shing drung du 'dug nas stong gsum gyi stong chen po'i 'jig rten gyi khams 'di na dbang dang ldan pa gang yin pa'i sems can 'di dag bdud sdig can de'i dbang du 'gro bar mthong ngo / /de nas byang chub sems dpa' 'di snyam du gyur te/ gang bdag ni de nyid dang 'thab par bya'o/ /de btul na 'dod pa'i khams thams cad btul bar 'gyur ro/ /lha'i 'khor chen po yang 'du bar 'gyur ro/ /bdud kyi 'khor dang / gnod sbyin gyi 'khor dang / srin po'i 'khor dang / klu'i 'khor de dag kyang byang chub sems dpa'i rnam par rol pa 'di mthong nas byang chub tu sems bskyed par 'gyur/ dad pa rnyed par 'gyur ro/ /gang chung ngu na thos pa 'am/ mthong ba de dag kyang yongs su mya ngan las 'da' ba'i rgyur 'gyur ro snyam mo/ /rigs kyi bu de nas byang chub sems dpa' byang chub kyi shing drung du song bas smin mtshams kyi mdzod spu nas 'od zer phyung ste/ 'od des bdud kyi khang pa thams cad kyang mog mog por byas te/ stong gsum gyi stong chen po'i 'jig rten gyi khams thams cad kyang snang bar byas te/ 'od zer de las shAkya'i bu 'di ni shAkya'i rigs las khyim nas mngon par byung ste/ de ni bla na med pa yang dag par rdzogs pa'i byang chub tu mngon par rdzogs par 'tshang rgya'o/ /khyod kyi yul las 'da' bar byed do/ /sems can dpag tu med pa gzhan yang 'byin par byed do/ /bdud kyi g.yog med par 'gyur gyis song la de dang thab mo khye shig ces de skad zer ba'i sgra byung ba dang / rigs kyi bu de ltar thos ma thag tu mya ngan gyi zug rngu chen pos btab par gyur nas de'i tshe dpung gi tshogs yan lag bzhi pa bshams te dpag</font><hr>61.322b<br><font size=+1>

tshad sum bcur bdud kyi sdes gang bar byas nas byang chub kyi shing drung du song ba dang de'i phyir byang chub sems dpa' sems dpa' chen pos byams pa chen po la gnas shing rin po che'i bsod nams las skyes pa'i phyag gis bdud kyi sde pham par byas nas/ lha dang klu dang gnod sbyin dang dri za dang mi 'am ci dang lto 'phye chen po bye ba phrag brgyad bcu rtsa bzhi bla na med pa yang dag par rdzogs pa'i byang chub tu sems skyes par gyur te/ de yang byang chub sems dpa'i thabs mkhas par blta'o/ /ci'i phyir na de bzhin gshegs pa dgra bcom pa yang dag par rdzogs pa'i sangs rgyas byang chub thob nas nyi ma bdun du skyil mo dkrung ma bshig cing shing gi rgyal po la mig mi 'dzums pa blta zhe na/ gzugs kyi khams na spyod pa'i lha'i bu spyod lam zhi ba de dag gi de bzhin gshegs pa dgra bcom pa skyil mo dkrung bcas shing bzhugs pa mthong nas cher dga' bar gyur to/ /de dag dga' zhing rab tu mgu ba skyes nas gang bdag cag gis dge sbyong gau ta ma'i sems gang la gnas pa btsal lo// snyam du gyur nas de dag gis nyin zhag bdun du brtags kyang sems kyi gnas gcig kyang ma rnyed do/ /de nas lha'i bu sum khri nyis stong gis shin du bla na med pa yang dag par rdzogs pa'i byang chub tu sems bskyed par gyur te/ bdag cag kyang ma 'ongs pa'i dus na 'di 'dra bar rab tu zhi ba'i spyod lam dang ma bral bar gnas shing de ltar byang chub kyi shing la blta bar bya'o snyam mo/ /rgyu de dang rkyen de'i phyir de bzhin gshegs pa dgra bcom pa yang dag par rdzogs pa'i sangs rgyas rnams byang chub thob nas nyi ma bdun du skyil mo dkrung ma bshig cing mig ma btsums par shing gi rgyal po la blta'o/ /ci'i phyir de bzhin gshegs pa dgra bcom pa yang dag par rdzogs pa'i sangs rgyas byang chub thob nas sems can grangs med dpag tu med pa dbugs phyung zhing gnyer bar byas nas/ tshangs pas ma gsol bar chos mi 'chad ce na/ 'di la de bzhin gshegs pa 'di snyam du dgongs te/ lha dang mi dag phal cher tshangs pa la sten te/ bdag cag ni tshangs pas</font><hr>61.323a<br><font size=+1>

sprul pa'o/ /bdag cag ni tshangs pas bskyed pa'o/ /'jig rten na tshangs pa ma gtogs par ston pa gzhan med do snyam du 'dzin pas de la de bzhin gshegs pa 'di snyam du dgongs te/ gang ngas tshangs pa dgug go tshangs pa la bsdad do/ /tshangs pas phyag 'tshal ba dang / lha dang mi tshangs pa la brten pa thams cad phyag 'tshal bar 'gyur ro/ /chos len par sems par 'gyur ro/ /de bas na gsol nas de bzhin gshegs pa 'chad kyi ma gsol bar ni ma yin no/ /de bzhin gshegs pa'i mthu nyid kyis tshangs pa chos gsol ba'i phyir de bzhin gshegs pa'i drung du song gi /tshangs pa nyid kyis bdag gis de bzhin gshegs pa la chos gsol lo snyam du sems shing yid la byed pa yang med de/ tshangs pa la brten pa'i sems can rnams tshangs pa la bsten pa dang bral bar bya ba'i phyir de bzhin gshegs pas tshangs pa bkug ste/ gang gi tshe na tshangs pa chen pos de bzhin gshegs pa la chos kyi 'khor lo bskor bar gsol pa de'i tshe na tshangs pa 'bum phrag drug bcu rtsa brgyad kyis de nyid gtso bo'o/ /de nyid mchog go snyam nas bla na med pa yang dag par rdzogs pa'i byang chub tu sems bskyed do/ /rigs kyi bu gang yang de bzhin gshegs pas las kyi rgyud bcu bstan pa de yang thabs mkhas par blta'o/ /dgongs pa'i tshig tu yang shes par bya'o/ /rigs kyi bu byang chub sems dpa' ni dper na mi dge ba'i rtsa ba skra'i rtse mo cha shas tsam dang yang ldan zhing byang chub kyi shing drung du 'gro ba'i skabs med/ de lta bu'i gnas med do/ /rigs kyi bu de bzhin gshegs pa ni chos dkar po thams cad dang ldan zhing mi dge ba'i chos thams cad spangs pas de bzhin gshegs pa la bag chags kyi mtshams sbyar ba spang ba yang med/ las kyi sgrib pas nyes par 'gyur ba de lta bu'i gnas kyang med mod kyi/ sems can las kyi rnam par smin</font><hr>61.323b<br><font size=+1>

pa rab tu stor ba dag las kyi rnam par smin pa la yid mi ches pas sems can de dag la las kyi rnam par smin pa bstan pa'i phyir de bzhin gshegs pa las kyi rgyud ston te/ chos kyi rje nga nyid la yang las kyi rnam par smin pa 'byung na khyed lta la ci'i phyir smin par mi 'gyur zhes de dag la ston mod kyi/ de bzhin gshegs pa la ni las kyi sgrib pa cung zad kyang med do/ /rigs kyi bu 'di lta ste slob dpon yi ge dang phyag rgya bslabs pas byis pa bstan pa'i phyir byis pa slob tu gzhug pa'i tshul gyis yi ge'i phyi mo klog mod kyi de la mi shes pa yang med/ las kyi sgrib pa yang med de ci nas kyang byis pa dag bdag las thos nas slob par 'gyur bar yi ge phyi mo klog go/ /rigs kyi bu de bzhin gshegs pa ni chos thams cad la las kyi sgrib pa yongs su dag mod kyi/ ci nas kyang sems can gzhan dag las yongs su dag par 'gyur ba de ltar 'chad do/ /de ltar chos ston to/ /rigs kyi bu 'di lta ste nad thams cad shin du zhi bar bya ba'i phyir shin du bslabs pa'i sman pa ni nad med cing sems can nad pa rnams kyi mdun du sman tsha ba de dag bzhag nas/ de dag nad las yongs su thar bar byed do/ /rigs kyi bu de bzhin du de bzhin gshegs pa yang sman pa'i rgyal po ste/ nad thams cad yongs su thar cing sgrib pa med pa thob nas las 'di'i 'bras bu rnam par smin pa 'di yin no/ /zhes las ston cing ji ltar na sems can las kyi 'jigs shing skrag pa rnams lus dang ngag dang yid yongs su dag par 'gyur zhes ched du nad ston to/ /rigs kyi bu 'di lta ste dper na tshong dpon gyi bu byung nas ring po ma lon pa de la pha dang mas byin pa'i ma ma yod de/ de ni ma ma de khye'u de'i 'o ma dag par bya ba'i phyir nad med bzhin du tsha ba dang kha ba'i sman de dag ched du 'thung ngo / /rigs kyi bu de bzhin du sems can thams cad kyi pha de bzhin gshegs pa yang las kyi bya ba rab tu ston pa'i sems can rnams gzigs nas nad med par gyur bzhin du nga las che ge mo zhig byas pa de'i las kyi rnam par smin pa 'di yin no zhes</font><hr>61.324a<br><font size=+1>

nad ston cing de dag sems can rnams kyis thos nas skyo ba thob par 'gyur te/ rigs kyi bu de yang thabs mkhas par shes par bya'o/ /rigs kyi bu sngon 'das pa'i dus na tshong pa nor 'dod pa'i phyir rgya mtsho mching rnams chen por zhugs pa lnga brgya tsam yod de/ yang de'i tshe na lam grogs de dag gi nang na mi las ngan pa can sdig pa'i las can/ mda' dang mtshon la bslabs pa rku ba pha rol gyi nor 'phrog pa tshong pa'i tshul du 'dug pa zhig yod de/ shin du brtul ba'i phyir gru der zhugs par gyur to/ /de nas mi g.yon can de ni bdag gis tshong pa 'di thams cad srog dang phral la nor thams cad khyer te/ 'dzam bu'i gling du 'gro'o snyam du sems par gyur to/ /yang de'i tshe na lam grogs kyi gru na 'dug pa dag gi nang na ded dpon snying rje chen po can zhes bya ba zhig yod do/ /de nas ded dpon snying rje chen po can de gnyid log pa'i rmi lam du gang rgya mtsho mching rnam chen po de na lha 'dug pa dag gis lam grogs kyi gru 'di na mi ming 'di zhes bya ba 'di lta bu slu bar byed pa gzhan gyi nor 'phrog pa zhig yod de/ de ni tshong pa 'di thams cad srog dang phral la nor thams cad khyer te 'dzam bu'i gling du 'gro'o snyam du sems kyis de bas na mi 'di ni tshong pa 'di dag gsod par 'gyur ro/ /sdig pa'i las mi bzad pa byed par 'gyur ro/ /de ci'i phyir zhe na/ de ltar tshong pa lnga brgya po de dag ni bla na med pa yang dag par rdzogs pa'i byang chub la gnas pa byang chub sems dpa' phyir mi ldog pa rnams yin te/ gal te mi des byang chub sems dpa' de dag bsad du zin na de las kyi sgrib pa'i nyes pa 'dis byang chub sems dpa' re re'i phyir yang byang chub sems dpa' re re'i phyir zhing ji srid kyis bla na med pa yang dag par rdzogs pa'i byang chub bsgrubs par 'gyur ba de srid du sems can dmyal ba chen por 'tsho bar 'gyur te/ de la ded dpon gyis ci nas kyang mi 'di yang de ltar sems can dmyal bar ma song ba dang / de dag kyang bsad par mi 'gyur ba de</font><hr>61.324b<br><font size=+1>

'dra ba'i thabs soms shig ces rmi lam du bstan to/ /rigs kyi bu de nas ded dpon de 'di snyam du gyur te/ tshong pa 'di dag kyang mi bsad la/ mi 'di yang sems can dmyal bar ma song bar bdag gis bya ba'i thabs gang yod ces sems par gyur cing / gzhan la yang cung zad kyang mi smra ba las zhag bdun rlung ma langs nas zhag bdun 'das pa dang / de 'di snyam du gyur te/ mi 'di srog dang dbral ba las thabs gzhan med do/ /de 'di snyam du sems te/ gal te tshong pa thams cad la sbran kyang / de dag ni mi dge ba'i sems kyis mi bsad cing de dag thams cad kyang sems can dmyal bar 'gyur du 'ong ngo snyam nas gal te bdag gis mi srog dang dbral te/ de'i phyir bdag sems can dmyal bar skyes kyang bskal pa brgya stong du phyi phyir sems can dmyal ba chen por skye bar bzod kyi/ mi 'dis tshong pa 'di dag bsad nas sdig pa 'phel bar mi 'gyur bar bya'o snyam du sems so/ /rigs kyi bu 'di lta ste ded dpon snying rje chen po can des byang chub sems dpa' de dag bsrung ba'i phyir snying rje chen po de dang thabs mkhas pa des ched du bsams te mi de mtshon shag tis bsad do/ /nga ni de'i tshe ded dpon snying rje chen po can zhes bya bar gyur to/ /rigs kyi bu ngas ni thabs mkhas pa de dang snying rje chen po des bskal pa brgya phrag stong du 'khor ba la rgyab kyis phyogs par byas so/ /mi de yang shi 'phos nas mtho ris kyi 'jig rten du skyes so/ /gang tshong pa lnga brgya po grur zhugs pa de dag ni phyis bskal pa bzang po la sangs rgyas lnga brgyar 'byung ba'o/ /rigs kyi bu de ji snyam du sems/ gang gis bskal pa brgya phrag stong du thabs mkhas pa'i ye shes kyis 'khor ba la rgyab kyis phyogs pa'i byang chub sems dpa' sems dpa' chen po de la las kyi sgrib pa cung zad kyang yod dam/ rigs kyi bu khyod de ltar ma blta shig /de bzhin gshegs pa ni sems can gyi las kyi bya ba ston to/ /gang gi tshe na de bzhin gshegs pa'i zhabs la seng ldeng gi tshal pa zug pa de yang sangs</font><hr>61.325a<br><font size=+1>

rgyas kyi mthu yin par blta'o/ /de ci'i phyir zhe na/ de bzhin gshegs pa dgra bcom pa yang dag par rdzogs pa'i sangs rgyas ni rdo rje'i sku mi tshugs pa'i sku yin mod kyi/ rigs kyi bu mnyan du yod pa'i grong khyer chen po 'di nyid na skyes bu srid pa tha mar gyur pa nyi shu dang / skyes bu nyi shu po de dag gi dgra bo skyes bu nyi shu yod de/ de nas skyes bu dgra bo nyi shu po de dag bdag gi g.yo dgra byed pa bdag cag ni mdza' bo ltar byas te/ khyim du song la srog dang dbral lo snyam du de ltar rtog cing gcig la gcig kyang mi smra'o/ /rigs kyi bu de nas srid pa'i tha mar gyur pa'i skyes bu nyi shu po dang / gang skyes bu de dag gsod par byed pa rnams sangs rgyas kyi mthus de de bzhin gshegs pa de ga la ba der dong ngo / /rigs kyi bu de nas de bzhin gshegs pa dgra bcom pa yang dag par rdzogs pa'i sangs rgyas kyis skyes bu bzhi bcu po de dag gdul ba'i dbang du bya ba dang / de'i tshe 'gro ba mang po yang gdul ba'i dbang du bya ba'i phyir maud gal gyi bu chen po la bka' stsal pa/ maud gal gyi bu 'di nas sa chen po las seng ldeng gi tshal pa 'byung ste/ 'di ni de bzhin gshegs pa'i zhabs g.yas pa la zug par 'gyur ro/ /de bzhin gshegs pas de skad kyi tshig gsungs nas ring por ma lon par de nas de'i mod la sa chen po las seng ldeng gi tshal pa mtho gang tsam byung ngo / /de nas de bzhin gshegs pa la tshe dang ldan pa maud gal gyi bu chen pos bcom ldan 'das bdag gis seng ldeng gi tshal pa 'di 'jig rten gyi khams gzhan du dor ro zhes de skad gsol pa dang / ngas de la maud gal gyi bu khyod kyis mi nus so zhes de skad ces smras so/ /rigs kyi bu de nas gnas brtan maud gal gyi bu chen pos ci nas kyang stong gsum gyi stong chen po'i 'jig rten gyi khams 'di rab tu g.yos par 'gyur ba dang / gyen du 'phags par 'gyur ba de 'dra ba'i shugs kyis seng ldeng gi tshal pa bzung yang seng ldeng gi tshal pa ni skra'i rtse mo'i cha shas tsam yang ma 'phags so/ /de nas de bzhin gshegs pa tshangs pa'i 'jig rten du mngon par 'phags pa dang / </font><hr>61.325b<br><font size=+1>

seng ldeng gi tshal pa yang tshangs pa'i 'jig rten du mngon par 'phags so/ /de nas de bzhin gshegs pa gdan la bzhugs pa dang / seng ldeng gi tshal pa yang snga mkho bzhin du 'dug go/ /de bzhin du rgya mtsho mching rnam gyi dbus su bzhugs pa dang / seng ldeng gi tshal pa yang de na 'dug go/ /yang de bzhin gshegs pa ri'i brag phug tu gshegs pa dang de na'ang seng ldeng gi tshal pa 'dug go/ /de nas de bzhin gshegs pa gdan la bzhugs pa dang / seng ldeng gi tshal pa yang snga mkho bzhin du 'dug nas de bzhin gshegs pas phyag g.yas pas zhabs g.yas pa bzung ste/ seng ldeng gi tshal pa'i steng du gzhag go/ /de nas nga la tshe dang ldan pa dga' bos 'di skad ces gsol to/ /bcom ldan 'das de bzhin gshegs pas sngon phrin las gang bgyis na de'i rnam par smin pa 'di lags/ ngas de la dga' bo sngon nga rgya mtsho mching rnam chen por song ba na mtshon shag tis tshong pa bsad pa de'i las kyi rnam par smin pa'i lhag ma 'di yin no zhes de skad ces smras so/ /de nas de'i tshe bcom ldan 'das kyis tshigs su bcad pa 'di gsungs so/ /gang du gnas kyang las rnams mi 'byung ba/ /de lta bu yi sa phyogs yong med de/ /bar snang ma yin rgya mtsho'i dbus ma yin/ /ri yi phrag tu zhugs kyang ma yin no/ /rigs kyi bu de nas mi nyi shu po de dag 'di snyam du gyur te/ de bzhin gshegs pa chos kyi rje la'ang rnam par smin par 'gyur na bdag cag lta ci'i phyir rnam par smin par mi 'gyur snyam nas de nas de'i tshe de bzhin gshegs pa'i spyan sngar bcom ldan 'das bdag cag gis gdon mi 'tshal bar srog gcad par bgyis te/ de bzhin gshegs pa'i spyan sngar nongs pa bshags so zhes nyes pa bshags pa dang / ci nas kyang skyes bu bzhi bcu po de dag ye shes rtogs par 'gyur ba dang / srog chags sum khri nyis stong rdul med cing dri ma dang bral ba'i chos la chos kyi mig rnam par dag par 'gyur ba</font><hr>61.326a<br><font size=+1>

dang / las zad par bya ba'i phyir las las brtsams nas de ltar de bzhin gshegs pas chos bshad do/ /rgyu de dang rkyen de'i phyir de bzhin gshegs pa'i zhabs la seng ldeng gi tshal pa zug ste/ de yang de bzhin gshegs pa'i thabs mkhas pa yin gyis las kyi sgrib pa ma yin no/ /ci'i phyir na de bzhin gshegs pa nad dang bral ba sman pa 'tsho byed kyi drung du me tog ud pa la'i bkru sman la snom par mdzad ce na/ de'i tshe na so sor thar pa bcas nas ma lon par dge slong so so'i skye bo srid pa tha mar gyur pa lnga brgya nags stug po zhig na 'khod pa las de dag sman khu ba phyung bas zhi bar bya mi nus pa de 'dra ba'i nad kyis btab par gyur nas de dag de bzhin gshegs pa la gus pas sman gzhan yang mi tshol lo/ /rigs kyi bu de nas de bzhin gshegs pa 'di snyam du dgongs par gyur te/ ngas kyang ma gnang la dge slong de dag kyang sman gzhan tshol bar 'gyur ba de lta bu'i thabs ci yod snyam mo/ /de ci'i phyir zhe na/ gal te de bzhin gshegs pas gnang du zin na ni de'i phyir dus phyi ma la 'phags pa'i rigs nyams par 'gyur ro/ /de bas na de bzhin gshegs pa thabs mkhas pas sman pa 'tsho byed kyi drung du me tog ud pa la'i bkru sman la bsnams pa dang / de gnas gtsang ma'i ris kyi lha'i bu rnams kyis dge slong dag la sbran te/ tshe dang ldan pa dag 'chi ba'i dus ma byed par sman gzhan tshol cig ces byas pa dang / dge slong de dag gis bdag cag ni de bzhin gshegs pa'i bslab pa las 'da' bar mi nus kyis gum par gyur kyang rung gi /de bzhin gshegs pa'i bslab pa las 'da' bar mi nus so zhes smras so/ /de nas gnas gtsang ma'i ris kyi lha'i bu de dag gis dge slong de dag la de bzhin gshegs pa chos kyi rje de nyid kyis kyang sman khu ba phyung ba ma gtogs par sman gzhan btsal na khyed ci'i phyir tshol bar mi sems/ tshe dang ldan pa dag sman gzhan dag tshol cig ces de skad ces smras so/ /de nas dge</font><hr>61.326b<br><font size=+1>

slong lnga brgya po de dag gis 'gyod pa med par gyur te/ sman gzhan btsal ba dang / de dag nad de las yongs su thar bar 'gyur te/ rigs kyi bu gal te de bzhin gshegs pas sman gzhan ma btang du zin na gang dge slong de dag sman gzhan tshol bar gyur pa'i gnas med skabs med do/ /nad de las yongs su thar bar 'gyur ba'am/ dgra bcom par 'gyur ba de lta bu'i gnas kyang med do/ /ci'i phyir na de bzhin gshegs pa bsod nams thams cad yang dag par 'phags pa bsod snyoms kyi phyir grong du zhugs pa las lhung bzed ji ltar bkrus pa bzhin du slar byung zhe na/ de bzhin gshegs pa la las kyi sgrib pa ni med mod kyi de bzhin gshegs pas phyi ma'i 'gro ba dag bsrung ba'i phyir te/ dge slong gang la la zhig grong dang grong rdal dang / pho brang dang gang rgyal po'i pho brang 'khor du song ba las bdag gi bsod nams chung bas bsod snyoms ma rnyed na de'i tshe de dag de bzhin gshegs pa bsod nams kyi tshogs bsags pa nyid kyang lhung bzed ji ltar bkrus pa bzhin du slar byung na bdag cag dge ba'i rtsa ba chung ngu dang ldan pa lta ci smos te/ bsod snyoms ma rnyed pa'i phyir yongs su gdung bar mi bya'o zhes de bzhin gshegs pa yid la byed par 'gyur bas don de gzigs nas de bzhin gshegs pa grong du gshegs nas lhung bzed ji ltar bkrus bzhin du byung ngo / /yang bdud sdig can gyis bram ze dang / khyim bdag ci nas kyang bsod snyoms mi ster bar byin gyis brlabs so zhes bya ba yang de ltar yang mi blta'o/ /de ci'i phyir zhe na/ bdud ni de bzhin gshegs pa la bsod snyoms kyi bar chad byed mi nus mod kyi/ sangs rgyas kyi byin gyis brlabs kyis bdud kyis bram ze dang / khyim bdag phyogs su byin gyis brlabs kyi/ de bzhin gshegs pa la ni las kyi sgrib pa chung zad kyang med de/ sems can de dag yongs su smin par rung ba'i phyir thabs mkhas pa ston to/ /de la de bzhin</font><hr>61.327a<br><font size=+1>

gshegs pas bshos bcad pa dang / bdud dang bdud kyi ris kyi lha rnams dang lha gzhan dag dge sbyong gau ta ma 'am/ de'i nyan thos dag yid mi bde bar mi gnas grang zhes de bzhin gshegs pa nyan thos kyi dge 'dun dang bcas pa'i sems la rtog ste/ de dag nyin mtshan du de bzhin gshegs pa nyan thos kyi dge 'dun dang bcas pa'i sems la brtags kyang sems kyi gnas gcig kyang yid mi bde bar ma mthong ste/ ma khengs ma dud cing sngon ji lta ba phyis kyang de bzhin/ phyis ji lta ba sngon yang de bzhin no/ /de nas de'i tshe lha'i bu bdun khri sems dad nas de bzhin gshegs pa la phyag 'tshal ba dang / de bzhin gshegs pas ci nas kyang de dag thams cad chos la chos kyi mig rnam par dag pa'i chos bshad de/ de yang de bzhin gshegs pa'i thabs mkhas pa yin gyi/ las kyi sgrib pa ni ma yin par shes par bya'o/ /ci'i phyir na bu mo tsan tsas shing gi gzhong pa lto ba la bcings nas skur pa ni de bzhin gshegs pa la las kyi sgrib pa'i nyes pa gang yang med la/ de bzhin gshegs pas bu mo tsan tsa 'jig rten gyi khams gang gA'i klung gi bye ma snyed du 'phang yang nus mod kyi/ de bzhin gshegs pa thabs mkhas pas las kyi byed pa ston to/ /bstan pa 'di la rab tu byung ba la skur pa btab pa dag byung ste/ de dag mi bden par skur par 'gyur ro/ /de dag 'gyod pa tsam du gyur te skur pa btab pa dang de bzhin gshegs pa chos dkar po thams cad dang ldan pa de la yang mngon sum du skur pa 'byung na bdag cag lta ci'i phyir mi 'byung zhes smra zhing de dag de'i tshe skur pa zil gyis mnan nas yongs su dag pa yongs su dkar ba'i tshangs par spyod pa spyad par 'gyur gyi/ 'bri bar ni mi 'gyur ro/ /bu mo tsan tsa ni sdig pa'i las kyis g.yogs nas rmi lam na yang de bzhin gshegs pa la skur pa 'debs pa de shi 'phos ma thag tu yang sems can dmyal bar 'gro bar 'gyur ro/ /de ste de bzhin gshegs pas de bsrung nus par mkhyen na ni de</font><hr>61.327b<br><font size=+1>

bsrungs par 'gyur ro/ /de ci'i phyir zhe na/ de bzhin gshegs pas ni sems can gang yang yongs su gtang ba med pa'i phyir ro/ /ci'i phyir na mdzes ma kun du rgyu ba srog dang bral nas 'dze ta'i tshal du sbas na de bzhin gshegs pa thams cad mkhyen pas kyang g.yel bar bor zhe na/ de bzhin gshegs pa ni thogs pa med pa'i ye shes dang ldan pas de 'dra bar 'gyur bar yang mkhyen la de bzhin gshegs pas ci nas kyang mdzes ma kun du rgyu ba mtshon gyis mi zug pa dang / gzhan du 'phang bar bya ba de lta bu'i rdzu 'phrul byin gyi brlabs kyang nus mod kyi/ de bzhin gshegs pa mdzes ma kun du rgyu tshe zad pas de nges par 'chi dgos la/ rnam grangs des kyang mu stegs can gzhan dag rang gis nyes pas shin du tshar gcod par 'gyur bar mkhyen te/ chos dkar po rnams 'phel bar bya ba'i phyir gang de bzhin gshegs pas byin gyis brlabs pa de ni sangs rgyas kyi ye shes so/ /de bas na de bzhin gshegs pa zhag bdun du grong du ma gshegs te/ lha bye ba phrag drug bcu'ang btul lo/ /zhag bdun po de 'das nas 'khor bzhi bcom ldan 'das kyi drung du lhags nas/ de bzhin gshegs pas ci nas kyang srog chags brgyad khri bzhi stong gis ye shes rtogs par 'gyur ba de lta de ltar de dag la chos bshad do/ /ci'i phyir na de bzhin gshegs pas zla ba gsum rta'i chas kyi nas gsol ce na/ de bzhin gshegs pas bram ze dang / khyim bdag 'di dag nga spyan drangs nas mi sems par 'gyur ro snyam du'ang mkhyen mod kyi/ de bzhin gshegs pas mkhyen bzhin du der tshul du zhugs so/ /ci'i phyir na gang rta lnga brgya po de dag gi chas la de bzhin gshegs pa dge slong gi dge 'dun dang bcas pas zla ba gsum du gsol te/ rta de dag thams cad kyang byang chub sems dpa'i theg pa la gnas pa sngon gyi rgyal ba la bsnyen bkur byas pa yin na/ de dag sdig pa'i grogs po'i dbang du song bas sdig pa'i las byas te/ </font><hr>61.328a<br><font size=+1>

de'i phyir byol song gi skye gnas su skyes so/ /rta lnga brgya po de dag gi nang na rta cang shes de ni byang chub sems dpa' nyi ma'i snying po zhes bya ba yin te/ smon lam gyi dbang gis ched du der skyes nas byang chub sems dpa' nyi ma'i snying po des rta lnga brgya po de dag byang chub la bkod de/ de dag yongs su thar bar bya ba'i phyir der skyes so/ /rta cang shes de'i mthus rta lnga brgya po de dag thams cad sngon gyi tshe rabs dran te/ de'i phyir de dag byang chub tu mngon par gyur to/ /rigs kyi bu de lta bas na rta lnga brgya po de dag la thugs brtse ba'i phyir de bzhin gshegs pa der tshul du zhugs te/ de la rta cang shes kyi chas de las phyed ni de bzhin gshegs pa la 'bul lo/ /gang rta lnga brgya po'i chas de las phyed ni dge slong lnga brgya po la 'bul te/ rta cang shes de yang rta lnga brgya po de dag la rta'i skad kyis nyes pa 'chags su 'jug cing sangs rgyas la sogs pa'i dge slong gi dge 'dun la phyag 'tshal du 'jug ste/ de ltar zla ba gsum 'das nas rta lnga brgya po de dag 'chi ba'i dus byas shing shi 'phos ma thag tu dga' ldan gyi lha rnams dang skal ba mnyam par skyes so/ /yang de dag lhar gyur pas de bzhin gshegs pa la mchod nas de bzhin gshegs pas ni ci nas kyang bla na med pa yang dag par rdzogs pa'i byang chub tu gdon mi za bar 'gyur ba de ltar chos bshad do/ /gang rta lnga brgya po de dag 'dul zhing 'tsho bar gyur pa de yang de bzhin gshegs pas sems shin du dul ba zhes bya ba'i rang sangs rgyas su lung bstan to/ /yang rigs kyi bu de bzhin gshegs pa'i zhal zas ni mchog tu mi 'gyur ba chung zad kyang med de/ rigs kyi bu gal te bong ba dang / gseg ma dang / gyo mo gsol yang stong gsum gyi stong chen po'i 'jig rten gyi khams na de 'dra ba'i ro bro ba mchog med de/ gang bong ba dang / gseg ma dang / gyo mo las gyur pa de 'dra bar ro'i mchog du 'gyur ba de lta bu'ang</font><hr>61.328b<br><font size=+1>

med do/ /de ci'i phyir zhe na/ de ltar des na ro bro ba'i mchog ces bya ba'i skyes bu chen po'i mtshan thob pa'i phyir ro/ /rigs kyi bu rnam grangs des kyang de bzhin gshegs pa'i zhal zas thams cad mchog yin par shes par bya'o/ /rigs kyi bu gnas brtan dga' bos de bzhin gshegs pa ni 'khor los sgyur ba'i ming bor te nas gsol bar gyur to zhes snying rje bar gyur pa dang / de bzhin gshegs pas de'i sems la brtags nas nas kyi 'brum bu gcig byin te/ dga' bo 'di ci'i ro shes sam zhes byas pa dang / des zos nas ngo mtshar thob par gyur te/ nga la 'di skad ces smras so/ /bcom ldan 'das bdag ni rgyal po'i pho brang du skyes/ rgyal po'i pho brang du skyes na 'di lta bu'i ro mchog sngon 'tshal ma myong ngo zhes tshe dang ldan pa dga' bo de'i mthus dga' zhing bde ste/ zas med par nyi ma bdun 'das so/ /rigs kyi bu khyod kyis rnam grangs des kyang de bzhin gshegs pa la ni gang na yang las kyi sgrib pa med par shes par bya ste/ yang sems can gang tshul khrims dang ldan pa'i dge sbyong dag mgron du gnyer nas sbyin par mi byed pa'i sems can dag ji ltar smras pa de bzhin du byed par bstan pa'i phyir las kyis rgyud 'di dag bstan to/ /rigs kyi bu de bzhin gshegs pa'i khyad par la ltos/ gang gis de bzhin gshegs pa spyan drangs te ma phul ba de yang ltung ba'i chos med par lung bstan to/ /rigs kyi bu yang de bzhin gshegs pa dang lhan cig tu tshul du zhugs pa'i dge slong lnga brgya po de dag las dge slong bzhi bcu 'dod chags spyod cing sdug gu'i mtshan ma la spyod par gyur te/ gal te de dag zas kyi mchog zos par gyur na de dag shin du 'dod chags dang ldan pa'i rtog pa skye bar 'gyur ba las de dag zas ngan pa'i phyir rtog pa de srab mor gyur te/ de dag gis zhag bdun gyis dgra bcom pa thob par gyur to/ /ci'i phyir na de bzhin</font><hr>61.329a<br><font size=+1>

gshegs pa nga ro rgyab na bas/ 'od srung byang chub kyi yan lag shod cig ces gsung zhe na/ rigs kyi bu de ltar lha'i bu nyan thos kyi theg pa la gnas pa brgya stong lhags par gyur la/ de dag kyang sngon 'od srung gis sangs rgyas dang / chos dang dge 'dun dang bag byed pa la bkod par gyur cing lha'i bu de dag gis byang chub kyi yan lag gi gtam phyi phyir zhing thos pas gal te 'od srung ma gtogs par lha'i bu de dag la sangs rgyas stong gi chos bshad kyang shes par 'gyur ba'am/ shes pa 'dzin pa med nas 'od srung gis byang chub kyi yan lag rab tu dbye ba rgyas par bshad pa dang lha'i bu brgya stong po de dag gis kyang ye shes rtog par gyur/ sems can gang na ste chos mi nyan cing chos nyan par mi 'gro ba'i sems can de dag kyang de bzhin gshegs pa chos kyi rje yang byang chub kyi yan lag brjod pa gsan nas nad las yongs su thar na bdag cag gis lta ci'i phyir chos mnyan par mi bya snyam du sems par gyur te/ rigs kyi bu de lta bas na lha'i bu de dag gdul ba'i don du bya ba dang / sems can nad pa dag la chos nyid bstan pa'i phyir de bzhin gshegs pas nga ro rgyab na bas 'od srung byang chub kyi yan lag shod cig ces de skad kyi tshig gsungs te/ de yang de bzhin gshegs pa'i thabs mkhas pa yin gyi/ las kyi sgrib pa ni ma yin no/ /ci'i phyir na shAkya rnams brlag pa na de bzhin gshegs pa nga glad pa na ste mi bzod do zhes gsung zhe na/ rigs kyi bu 'di la sems can kha cig de bzhin gshegs pa ni gnyen rnams kyi don mi bzhed/ phan par mi bzhed/ bde bar mi bzhed/ phan pa dang bde bar mi bzhed pas de'i phyir rgyal po'i rigs thams cad kha btag go snyam du sems kyi/ de bzhin gshegs pas gnyen rnams kyi thog ma med pa'i sdug bsngal gyi phung po mthar phyung bar ni mi shes pa'i sems can de dag gi sems bsrung ba'i phyir gnas brtan dga' bo la nga ni glad pa na ba mi bzod do/ </font><hr>61.329b<br><font size=+1>

zhes de skad kyi tshig gsung ste/ rigs kyi bu gang gi tshe na de bzhin gshegs pas gnas brtan dga' bo la nga ni glad pa na ste mi bzod do zhes de skad kyi tshig gsungs pa de'i tshe/ lha'i bu chad par smra ba sum stong dang / sems can srog gcod par byed pa mang po lhags nas/ lha'i bu de dag dang / sems can de dag las kyi lam la gzhug pa'i phyir/ de bzhin gshegs pas srog bcad pa'i lhag ma lus pas de bzhin gshegs pa'i dbu bsnyung bar gyur to zhes las kyi rgyud de bstan te/ de bstan pa'i tshe de bzhin gshegs pas lha dang mi'i skye dgu stong phrag bcu btul te/ de yang de bzhin gshegs pa'i thabs mkhas pa yin gyi/ las kyi sgrib pa ni ma yin no/ /ci'i phyir na bram ze ba ra dwa dzas de bzhin gshegs pa la mi snyan pa lnga brgya smras na de bzhin gshegs pa yang bzod par mdzad ce na/ de bzhin gshegs pa ni bram ze ba ra dwa dzas mi snyan par smra ba phyogs gzhan du 'phang ba 'am/ ngag gi las gcig 'byung bar yang mi nus mod kyi/ 'khor de'i nang na lha dang mi mang po tshogs par gyur pas de dag gis de bzhin gshegs pa'i bzod pa'i stobs bskyed par mthong ste/ de bzhin gshegs pa ma khengs ma dud cing sems mnyam pa bde ba'i dngos po dang ldan pa/ sems brtan pa/ sems mnyan pa des par mthong nas srog chags bzhi stong gis bla na med pa yang dag par rdzogs pa'i byang chub tu sems bskyed par gyur te/ don de gzigs nas de bzhin gshegs pas bram ze ba ra dwa dzas mi snyan par smra ba btang snyoms su bzhag gi /de bzhin gshegs pa la gang na yang las kyi sgrib pa med de/ de yang de bzhin gshegs pa'i thabs mkhas pa yin gyi/ las kyi sgrib pa ni ma yin no/ /gang yang lha sbyin tshe rabs thams cad du byang chub sems dpa' sems dpa' chen po'i rjes su 'brang bar 'gyur ba de yang byang chub</font><hr>61.330a<br><font size=+1>

sems dpa' sems dpa' chen po'i rjes su 'brang bar 'gyur ba de yang byang chub sems dpa'i thabs mkhas pa yin no/ /de ci'i phyir zhe na/ ngas ni lha sbyin la gnas te pha rol du phyin pa drug yongs su rdzogs par gyur cing sems can dpag tu med pa'i don byas so/ /rnam grangs gang gis zhe na/ rigs kyi bu 'di la gang gi tshe sems can dag bde ba dang ldan par byas pa de'i tshe sbyin par yang mi shes/ len par yang mi shes nas lha sbyin byang chub sems dpa'i gan du 'ongs te/ bu slong chung ma slong rgyal srid slong / lag pa dang / rkang pa dang mig dang / mgo dang / de la sogs pa gzhan dag kyang gang dka' bar spyod pa/ sems can rnams kyi dge ba'i rtsa ba bskyed par byed pa dag slong nas byang chub sems dpa' ma zhum par gyur cing sbyin pa byed de/ de mthong nas kyang sems can dpag tu med pa dag dga' zhing sbyin pa la mos par gyur te/ bdag cag kyang 'di 'dra bar gyur cig ces byang chub tu smon lam 'debs shing tshul khrims 'dzin par byed de/ gang tshul khrims 'dral bar 'dod pa dag kyang de nas byang chub sems dpa' tshul khrims mi 'dral ba de mthong nas kyang sems can dpag tu med pa dag tshul khrims len par byed de/ brgyab bam brdegs sam/ spyos kyang mi khro zhing de dag bzod pa rdzogs par 'gyur bas rnam grangs de'i phyir sems can dpag tu med pa'i don byas so/ /gang yang lha sbyin gyis de bzhin gshegs pa gsad par bshams pa dang / bal glang nor skyong btang ba dang / rdo'i sgyogs 'char bcug pa de yang de bzhin gshegs pa'i thabs mkhas par shes par bya'i/ las kyi sgrib pa'i nyon mongs pa ni ma yin no/ /de ci'i phyir zhe na/ thabs mkhas pa 'di la gnas nas sems can dpag tu med pa'i don byas so/ /rigs kyi bu mdor na lha sbyin grags par 'dod pa de ni nga'i ston pa yin no/ /</font><hr>61.330b<br><font size=+1>

las kyi rgyud bcu po thams cad kyang de bzhin gshegs pa'i thabs mkhas par shes par bya ste/ las kyi bya ba shin du ston pa'i sems can las kyi rnam par smin pa la mi 'jug pa'i sems can rnams la che ge mo zhig gis las kyi rnam par smin pa ni 'di'o/ /che ge mo zhig gis las kyi rnam par smin pa ni 'di'o zhes de bzhin gshegs pa thabs mkhas pas las kyi rgyud bstan te/ de thos nas phan pa byad par 'gyur ro/ /de lta bas na rigs kyi bu thabs mkhas pa bstan pa 'di gsang bar gyis shig /sems can dge ba'i rtsa ba chung ngu dang ldan pa rnams kyi mdun du ma 'chad cig /de ci'i phyir zhe na/ bstan pa 'di ni nyan thos dang / rang sangs rgyas kyi sa yang ma yin na/ sems can dge ba'i rtsa ba chung ngu dang ldan pa rnams kyi lta ci smos/ de ci'i phyir zhe na/ de dag thabs la bslabs pa ma yin pas 'di ni de dag la mi dgos so/ /byang chub sems dpa' gang dag bstan pa 'di la slob par 'gyur ba ma gtogs par gzhan thabs mkhas pa 'di'i snod du gyur pa gang yang med do/ /'di lta ste/ rigs kyi bu mtshan mo sa sros pa'i mun par mar me bus na khyim na snod thams cad snang bar 'gyur ba de bzhin du byang chub sems dpa' yang thabs mkhas pa bstan pa 'di thos te mos par gyur nas sangs rgyas kyi spyod pa thams cad mthong bar 'gyur zhing sems can dag la yang slob par 'gyur ro/ /rigs kyi bu khyod la bsgo'o/ /khong du chud par bya'o/ /byang chub 'dod pa'i rigs kyi bu 'am/ rigs kyi bu mos thabs mkhas pas 'di gang na rnar grag par 'gyur na/ dpag tshad 'bum du yang 'gro bar bya'o/ /de ci'i phyir zhe na/ de ltar bstan pa 'di thos na snang ba thob par 'gyur/ sangs rgyas kyi chos thams cad 'gyod pa med par 'gyur/ the tshom dang bral bar 'gyur ro/ /de nas lha dang 'jig rten du bcas pa'i 'khor bzhi las sems can gang dag snod du gyur pa de dag gis ni chos kyi rnam grangs 'di</font><hr>61.331a<br><font size=+1>

thos so/ /gang snod du ma gyur pa de dag gi ni rna lam du yang mi grag go/ /chos kyi rnam grangs 'di bshad pa'i tshe/ srog chags bdun khri nyis stong gis bla na med pa yang dag par rdzogs pa'i byang chub tu sems bskyed do/ /de nas tshe dang ldan pa dga' bos 'di skad ces gsol to/ /bcom ldan 'das chos kyi rnam grangs 'di'i ming ci lags/ 'di ji ltar gzung bar bgyi/ bcom ldan 'das kyis bka' stsal pa/ dga' bo chos kyi rnam grangs 'di ni thabs mkhas pa'i pha rol du phyin pa bstan par zung shig /sangs rgyas thams cad kyi thabs mkhas pa'i gsang ba'i le'ur zung shig ces bcom ldan 'das dgyes shing / de skad ces bka' stsal pa dang / dga' bo dang / byang chub sems dpa' sems dpa' chen po ye shes bla dang / lha dang mi dang lha ma yin dang / dri zar bcas pa'i 'jig rten rnams bcom ldan 'das kyis bka' stsal pa la mngon par dga'o/ /thabs mkhas pa zhes bya ba theg pa chen po'i mdo rdzogs s+ho// //sh+lo ka drug brgya ste bam po gnyis// //ye d+harmA he tu pra b+ha bA he hun+he ShAn+ta thA ga to h+ya ba data/  te ShAny+tsa yo ni rod+ha e wa bA dI ma hA shra ma NaH</font><hr>

</table>