J215

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J215</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J215&coll=lithang">see text in Tibetan script</a></table>63.29a<br><font size=+1>

@#/ /rgya gar skad du/ Ar+ya bud d+ha ma ku Ta nA ma ma hA yA na sU tran ma hA d+harma par+yA ya na/  bod skad du/ 'phags pa sangs rgyas kyi dbu rgyan zhes bya ba theg pa chen po'i mdo</font><hr>63.29b<br><font size=+1>

chos kyi rnam grangs chen po/  sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das rgyal po'i khab na/ bya rgod phung po'i ri la dge slong gi dge 'dun chen po thams cad kyang dgra bcom pa zag pa zad pa stong nyis brgya lnga bcu'i dge slong rnams dang yang thabs gcig /byang chub sems dpa'i 'khor chen po byams pa dang / 'jam dpal la sogs pa dang / lha dang / klu dang / gnod sbyin dang / dri za dang / drang srong dang / rig sngags 'chang dang / lha'i bu mo'i tshogs du ma rnams dang yang thabs gcig tu bzhugs so/ /de nas bcom ldan 'das kyis tshe dang ldan pa 'od srung chen po la bka' stsal pa/ 'od srung chen po las dang po pa'i byang chub sems dpa' rnams kyi dge ba'i rtsa ba yongs su smin par bya ba'i rgyu rab tu bstan par byas/ de'i phyir nyon la legs par rab tu yid la byos shig dang ngas khyod la bshad do/ /bcom ldan 'das legs so zhes gsol nas/ tshe dang ldan pa 'od srung chen po bcom ldan 'das la nyan pa dang / bcom ldan 'das kyis bka' stsal pa/ 'od srung chen po shar phyogs na sangs rgyas kyi zhing 'di nas 'jig rten gyi khams chu bo gang gA'i bye ma snyed 'das pa na/ 'jig rten gyi khams ting nge 'dzin gyis brgyan pa zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas ting nge 'dzin glang po dam pa'i dpal zhes bya ba da ltar bzhugs shing 'tsho la gzhes so/ /'od srung chen po sangs rgyas kyi zhing de na byang chub sems dpa' sems dpa' chen po rdul med rnam par gnon pa zhes bya ba yod de/ de na de bzhin gshegs pa de 'das pa dang / bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ de bzhin gshegs pa dgra bcom pa yang dag par rdzogs pa'i sangs rgyas rtag tu ting nge 'dzin glang po dam pa'i dpal zhes bya bar 'jig rten du 'byung bar 'gyur ro/ /</font><hr>63.30a<br><font size=+1>

'od srung chen po rigs kyi bu 'am/ rigs kyi bu mo theg pa chen po la yang dag par zhugs pa gang su dag bcom ldan 'das de bzhin gshegs pa dgra bcom pa yang dag par rdzogs pa'i sangs rgyas ting nge 'dzin glang po dam pa'i dpal de dang / byang chub sems dpa' sems dpa' chen po rdul med rnam par gnon pa de'i mtshan 'dzin par byed pa de dag ni srid par skyes pa na tshe rabs dran par 'gyur ro/ /bskal pa brgyar 'khor ba las phyir phyogs par 'gyur ro/ /de dag gis bsod nams kyi phung po dpag tu med pa yang yongs su bzung bar 'gyur ro/ /bla na med pa yang dag par rdzogs pa'i byang chub dang nye ba 'thob par yang 'gyur ro/ /'od srung chen po shar phyogs na sangs rgyas kyi zhing 'di nas 'jig rten gyi khams chu bo gang gA gnyis kyi bye ma snyed 'das pa na/ 'jig rten gyi khams byang chub kyi snying po'i rgyan legs mdzes shes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas pad ma dam pa'i dpal zhes bya ba da ltar bzhugs shing 'tsho la gzhes so/ /'od srung chen po sangs rgyas kyi zhing de na yang byang chub sems dpa' sems dpa' chen po lag na pad ma zhes bya ba yod de/ de yang de bzhin gshegs pa de 'das pa dang / bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur te/ de bzhin gshegs pa dgra bcom pa yang dag par rdzogs pa'i sangs rgyas pad ma dam pa'i gdugs kyi rgyal po zhes bya bar 'jig rten du 'byung bar 'gyur ro/ /'od srung chen po rigs kyi bu 'am/ rigs kyi bu mo gang su dag de bzhin gshegs pa dgra bcom pa yang dag par rdzogs pa'i sangs rgyas pad ma dam pa'i dpal de dang / byang chub sems dpa' sems dpa' chen po lag na pad ma de'i ming 'dzin par byed pa de dag ni srid par skyes pa na tshe rabs dran par 'gyur ro/ /pad ma dang 'dra bar 'jig rten</font><hr>63.30b<br><font size=+1>

thams cad kyi mi dge ba'i chos rnams kyis mi gos par 'gyur ro/ /pad ma chu'i nang nas byung ba dang 'dra bar mngon par 'phags par 'gyur ro/ /bla na med pa yang dag par rdzogs pa'i byang chub las phyir mi ldog par 'gyur ro/ /bskal pa sum bcur 'khor ba las phyir phyogs par 'gyur ro/ /bla na med pa yang dag par rdzogs pa'i byang chub dang nye ba thob par yang 'gyur ro/ /de dag gis bsod nams kyi phung po dpag tu med pa yang yongs su bzung bar 'gyur ro/ /'od srung chen po shar phyogs na sangs rgyas kyi zhing 'di nas 'jig rten gyi khams chu bo gang gA gsum gyi bye ma snyed 'das pa na 'jig rten gyi khams rdul bral bstsags pa zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas nyi ma'i dkyil 'khor snang ba dam pa'i dpal zhes bya ba da ltar bzhugs shing 'tsho la gzhes te chos kyang ston to/ /'od srung chen po sangs rgyas kyi zhing de na yang byang chub sems dpa' sems dpa' chen po nyi 'od ces bya ba yod de/ de na de bzhin gshegs pa de 'das nas bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur zhing de bzhin gshegs pa dgra bcom pa yang dag par rdzogs pa'i sangs rgyas 'phags pa'i dpal thams cad rdzogs pa mtshan dam pa'i lus kyi sku can zhes bya bar 'jig rten du 'byung bar 'gyur ro/ /'od srung chen po rigs kyi bu 'am/ rigs kyi bu mo byang chub sems dpa'i theg pa la yang dag par zhugs pa gang su dag bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'phags pa'i dpal dam pa thams cad rdzogs pa mtshan dam pa'i sku can de dang / byang chub sems dpa' nyi 'od de'i mtshan 'dzin par byed pa de dag ni srid par skyes pa na tshe rabs dran par 'gyur ro/ /dge ba'i chos thams cad la nyi ma'i dkyil 'khor ltar snang ba thob</font><hr>63.31a<br><font size=+1>

par 'gyur ro/ /de dag la ngan song gsum po dag tu log par ltung ba'i 'jigs pa yang med par rig par bya'o/ /bla na med pa yang dag par rdzogs pa'i byang chub dang nye ba thob par yang 'gyur ro/ /bskal pa stong du 'khor ba las phyir phyogs par yang 'gyur ro/ /bla na med pa yang dag par rdzogs pa'i byang chub las phyir mi ldog par yang 'gyur ro/ /'od srung chen po shar phyogs na sangs rgyas kyi zhing 'di nas 'jig rten gyi khams chu bo gang gA bzhi'i bye ma snyed 'das pa na 'jig rten gyi khams dbang du gyur pa zhes bya ba zhig yod de/ de na de bzhin gshegs pa dgra bcom pa yang dag par rdzogs pa'i sangs rgyas rin po che'i gdugs gcig pa dam pa zhes bya ba da ltar bzhugs shing 'tsho la gzhes so/ /'od srung chen po rigs kyi bu'am/ rigs kyi bu mo theg pa chen po la yang dag par zhugs pa gang su dag bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin po che'i gdugs gcig pa dam pa de'i mtshan 'dzin par byed pa de dag ni srid par skyes pa na tshe rabs dran par 'gyur ro/ /rigs ngan rnams su yang skye bar mi 'gyur ro/ /dbul po'i rigs rnams su yang skye bar mi 'gyur ro/ /gang du skye bar 'gyur ba thams cad du rgyal po'i rigs su skye bar 'gyur ro/ /nam yang phas phongs pa'am/ mas phongs pa'am/ longs spyod kyis phongs pa'am/ nad kyis nyon mongs par mi 'gyur ro/ /bla na med pa yang dag par rdzogs pa'i byang chub dang nye ba thob par yang 'gyur ro/ /bskal pa stong phrag sum bcur 'khor ba las phyir phyogs par yang 'gyur ro/ /bla na med pa yang dag par rdzogs pa'i byang chub las kyang phyir mi ldog par 'gyur ro/ /'od srung chen po shar phyogs na 'jig rten gyi khams chu bo gang gA lnga'i bye ma snyed 'das pa na/ 'jig rten gyi khams yongs su dag pa bstsags pa zhes bya ba yod de/ de na de bzhin gshegs pa dgra bcom pa yang dag par rdzogs</font><hr>63.31b<br><font size=+1>

pa'i sangs rgyas ting nge 'dzin dam pa rnam par gnon pa'i dpal zhes bya ba da ltar bzhugs shing 'tsho la gzhes so/ /'od srung chen po de bzhin gshegs pa dgra bcom pa yang dag par rdzogs pa'i sangs rgyas ting nge 'dzin dam pa rnam par gnon pa'i dpal de sngon byang chub sems dpa'i spyad pa spyod pa na/ smon lam chen po 'di lta bu 'di skad ces rigs kyi bu 'am rigs kyi bu mo theg pa chen po la yang dag par zhugs pa gang su dag bdag gi ming 'dzin par byed pa de dag srid par skyes pa na skyes shing skyes pa thams cad du rab tu byung ba thob par 'gyur ba dang / rab tu byung ba thob nas ting nge 'dzin stong 'thob pa dang / ting nge 'dzin gcig kho nas ting nge 'dzin bye ba khrag khrig brgya stong mngon par bsgrub pa dang / ting nge 'dzin de dag las kyang rnam par mi nyams pa dang / 'das pa'i sangs rgyas yongs su mya ngan las 'das pa khri po gang dag dang chos ston pa la lta bar byed pa dang / 'das pa'i ji lta ba bzhin du da ltar byung ba rnams la yang de bzhin du 'gyur ba dang / bla na med pa yang dag par rdzogs pa'i byang chub las phyir mi ldog par 'gyur ba dang / skyes shing skyes pa thams cad du bskal pa stong stong du 'khor ba las phyir phyogs par 'gyur ba dang / bla na med pa yang dag par rdzogs pa'i byang chub dang nye ba thob par yang 'gyur bar btab po/ /'od srung chen po rigs kyi bu'am rigs kyi bu mo theg pa chen po la yang dag par zhugs pa gang su dag de bzhin gshegs pa dgra bcom pa yang dag par rdzogs pa'i sangs rgyas ting nge 'dzin dam pa rnam par gnon pa'i dpal de'i mtshan 'dzin par byed pa de dag ni srid par skyes pa na tshe rabs dran par 'gyur ro/ /'jig rten gyi khams rnam par bkra ba zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas rin po che'i dkyil 'khor gzi brjid kyis mngon par 'phags pa'i rgyal</font><hr>63.32a<br><font size=+1>

po'i dpal zhes bya ba da ltar bzhugs shing 'tsho la gzhes so/ /'od srung chen po rigs kyi bu 'am rigs kyi bu mo byang chub sems dpa'i theg pa la yang dag par zhugs pa gang su dag bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin po che'i dkyil 'khor gyi gzi brjid kyis mngon par 'phags pa'i rgyal po'i dpal de'i mtshan 'dzin par byed pa de dag ni srid par skyes pa na tshe rabs dran pa dang / blo gros dang ldan pa dang / shes rab dang ldan pa dang / gzi brjid dang ldan pa dang / mtshan dang ldan par mi spro ba de lta bu'i tshig dang / spobs pa mi zlogs pa rigs kyi bu 'am rigs kyi bu mo de dag dang ldan par 'gyur ro/ /de dag chos ston pa na mdun na sangs rgyas kyi gzugs gnas par 'gyur ro/ /ma thos shing lung ma phog par bye ba khrag khrig grangs med par spro bar mi 'gyur ba de lta bu'i tshig dang spobs pa mi zlogs pa dang ldan par 'gyur ro/ /ci nas kyang bla na med pa yang dag par rdzogs pa'i byang chub las phyir mi ldog par 'gyur ba de lta bu'i chos ston par 'gyur ro/ /bskal pa bye ba khrag khrig brgya stong grangs med par 'khor ba las phyir phyogs par 'gyur ro/ /de dag gis bsod nams kyi phung po dpag tu med pa yang yongs su bzung bar 'gyur ro/ /'od srung chen po shar phyogs na sangs rgyas kyi zhing 'di nas 'jig rten gyi khams sangs rgyas kyi zhing stong phrag bzhi bcu 'das pa na 'jig rten gyi khams rin chen ldan zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas rin chen me tog kun du snang ba'i dpal zhes bya ba da ltar bzhugs shing 'tsho la gzhes so/ /'od srung chen po rigs kyi bu 'am rigs kyi bu mo theg pa chen po la yang dag par zhugs pa gang su dag de bzhin gshegs pa dgra bcom pa yang dag par rdzogs pa'i sangs rgyas rin chen me tog kun du snang ba'i dpal de'i</font><hr>63.32b<br><font size=+1>

mtshan 'dzin par byed pa de dag ni srid par skyes 'dug ste chos ston par 'gyur ro/ /'dod na 'dzam bu'i gling 'di skad kyis go bar byed par 'gyur ro/ /'dod na stong gsum gyi stong chen po'i 'jig rten gyi khams 'di skad kyis go bar byed par 'gyur ro/ /chos 'chad pa na sems can gang dag ji ltar mos pa dang / ci nas kyang bla na med pa yang dag par rdzogs pa'i byang chub las phyir mi ldog par 'gyur ba de lta bur de dag la chos ston par 'gyur ro/ /bskal pa stong phrag drug bcur 'khor ba las rgyab kyis phyogs par 'gyur ro/ /'od srung chen po shar phyogs na sangs rgyas kyi zhing 'di nas 'jig rten gyi khams stong phrag drug bcu 'das pa na 'jig rten gyi khams rin po che zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas rin po che'i snying po zhes bya ba da ltar bzhugs shing 'tsho la gzhes so/ /'od srung chen po rigs kyi bu 'am rigs kyi bu mo theg pa chen po la yang dag par zhugs pa gang su dag bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin po che'i snying po de'i mtshan 'dzin par byed pa de dag ni srid par skyes pa na tshe rabs dran par 'gyur ro/ /rin po che bdun po byang chub kyi yan lag gi rin po che rnams thob par 'gyur ro/ /'od srung chen po lho phyogs na sangs rgyas kyi zhing 'di nas sangs rgyas kyi zhing stong phrag sum bcu 'das pa na 'jig rten gyi khams sgra yid du 'ong ba zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas go 'phang mtha' yas rnam par gnon ces bya ba da ltar bzhugs te 'tsho zhing gzhes so/ /'od srung chen po rigs kyi bu 'am rigs kyi bu mo theg pa chen po la yang dag par zhugs pa gang su dag bcom ldan 'das de bzhin gshegs pa dgra bcom pa yang dag par rdzogs pa'i sangs rgyas go 'phang mtha' yas rnam par gnon pa de'i mtshan 'dzin par byed pa de dag ni srid par skyes pa</font><hr>63.33a<br><font size=+1>

na tshe rabs dran par 'gyur ro/ /byang chub sems dpa'i ting nge 'dzin zla ba'i dkyil 'khor rnam par dag pa zhes bya ba 'thob par 'gyur te/ de la gnas na shar phyogs su chu bo gang gA'i bye ma snyed kyi sangs rgyas bcom ldan 'das mthong bar 'gyur ro/ /de bzhin du lho dang / nub dang / byang dang / shar lho dang / lho nub dang / nub byang dang / byang shar dang / 'og dang / steng gi phyogs dang / phyogs bcu kun du yang phyogs re rer chu bo gang gA'i bye ma snyed kyi sangs rgyas bcom 'das mthong bar 'gyur ro/ /de rnams kyis chos bstan pa yang yang dag par shes par 'gyur ro/ /rtag tu sangs rgyas 'byung ba mnyes par byed par 'gyur ro/ /byang chub kyi mthar thug gi bar du sangs rgyas bcom ldan 'das de rnams dang mi 'bral bar 'gyur ro/ /bla na med pa yang dag par rdzogs pa'i byang chub las phyir mi ldog par 'gyur ro/ /bskal pa stong phrag sum bcu rtsa lngar 'khor ba las phyir phyogs par 'gyur ro/ /de dag gis bsod nams kyi phung po dpag tu med pa yongs su bzung bar 'gyur ro/ /'od srung chen po lho phyogs na sangs rgyas kyi zhing 'di nas sangs rgyas kyi zhing stong phrag sum bcu rtsa lnga 'das pa na/ 'jig rten gyi khams spos mchog dri zhim zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas spos mchog mtha' yas rgyal po zhes bya ba da ltar bzhugs shing 'tsho la gzhes so/ /'od srung chen po de bzhin gshegs pa spos mchog mtha' yas rgyal pos sngon gyi smon lam 'di skad ces btab po/ /sngon smon lam btab pa de gang zhe na/ 'di lta ste/ rigs kyi bu 'am rigs kyi bu mo byang chub sems dpa'i theg pa chen po la yang dag par zhugs pa gang su dag bdag gi ming 'dzin par byed pa de yon tan 'di lta ste/ skyes shing skyes pa thams cad du tshe rabs dran zhing tshangs par spyod par 'gyur ba dang / skyes bu chen po'i mtshan sum bcu rtsa gnyis kyis lus legs par brgyan par 'gyur ba</font><hr>63.33b<br><font size=+1>

dang / sangs rgyas kyi zhing gzhan dag tu snang bar byed cing yang dag par 'gro bar byed la/ bdag gis kyang de dag gi sangs rgyas kyi byang chub rdzogs par bya zhing gal te sa chen po 'di mes gang bar gyur na me de yang bsad la de dag la rin po che dag 'byung bar bya ba dang / slong bar byed pa rnams la ci nas kyang sems can gyi yid mi gcad par bya zhing bla na med pa yang dag par rdzogs pa'i byang chub las phyir mi ldog par 'gyur ba dang / bskal pa stong phrag sum bcur 'khor ba las phyir phyogs par 'gyur ba dang / de dag gis bsod nams kyi phung po yongs su bzung bar 'gyur ba 'di dag 'thob par gsol ba btab bo/ /'od srung chen po lho phyogs na sangs rgyas kyi zhing 'di nas 'jig rten gyi khams chu bo gang gA brgyad kyi bye ma snyed 'das pa na/ 'jig rten gyi khams de na de bzhin gshegs pa dgra bcom pa yang dag par rdzogs pa'i sangs rgyas rin chen dam pa zhes bya ba da ltar bzhugs shing 'tsho la gzhes so/ /'od srung chen po rigs kyi bu 'am rigs kyi bu mo byang chub sems dpa'i theg pa chen po la yang dag par zhugs pa gang su dag de bzhin gshegs pa dgra bcom pa yang dag par rdzogs pa'i sangs rgyas rin chen dam pa de'i mtshan 'dzin par byed pa de dag ni srid par skyes pa na tshe rabs dran par 'gyur ro/ /mngal na 'dug bzhin du sangs rgyas bcom ldan 'das kyis gzigs pa dang / sangs rgyas bcom ldan 'das rnams mthong ba dang mnyes par byed par 'gyur ro/ /de bzhin du sangs rgyas bcom ldan 'das de dag gi zhal nas rigs kyi bu khyod bla na med pa yang dag par rdzogs pa'i byang chub tu nges par byung ba yin no/ /rigs kyi bu khyod bla na med pa yang dag par rdzogs pa'i byang chub las phyir mi ldog pa yin no/ /rigs kyi bu khyod mngal na 'dug bzhin du lha dang klu dang gnod sbyin gzhan dag kyang bla na med pa yang dag par rdzogs pa'i byang chub tu yongs su smin par byed par 'gyur ro/ /bskal pa stong du 'khor ba las phyir</font><hr>63.34a<br><font size=+1>

phyogs par byed par 'gyur ro zhes gsung ngo / /de dag gis bsod nams kyi phung po dpag tu med pa yongs su bzung bar 'gyur ro/ /'od srung chen po nub phyogs na sangs rgyas kyi zhing 'di nas 'jig rten gyi khams chu bo gang gA gsum gyi bye ma snyed 'das pa na 'jig rten gyi khams legs par rnam par phye ba zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas mthu snang che zhes bya ba da ltar bzhugs shing 'tsho la gzhes so/ /'od srung chen po rigs kyi bu 'am rigs kyi bu mo theg pa chen po la yang dag par zhugs pa gang su dag bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mthu snang che de'i mtshan 'dzin par byed pa de dag ni srid par skyes pa na tshe rabs dran par 'gyur ro/ /byang chub sems dpa'i ting nge 'dzin nyi ma'i dkyil 'khor snang ba dam pa'i dpal zhes bya ba yang thob par 'gyur te/ de la gnas nas sangs rgyas kyi zhing chu bo gang gA'i bye ma snyed kyi sangs rgyas kyi zhing rnams dang / sangs rgyas bcom ldan 'das de rnams yang mthong bar 'gyur ro/ /'od srung chen po de ltar na mi pham pa dang 'dra ba'i byang chub sems dpa' rnams kyi yon tan gang dag yin pa'i yon tan gyi phan yon de dag la 'byung bar 'gyur ro/ /'od srung chen po bud med gang zhig de bzhin gshegs pa de'i mtshan 'dzin par byed pa yang de'i bud med kyi dngos po tha ma yang de yin te/ de nas shi 'phos nas skyes pa'i dngos po 'thob par 'gyur ro/ /de ltar na de bzhin gshegs pa mthu 'od chen po de'i mtshan 'dzin pa ni don chen po byed pa yin no/ /de nas bcom ldan 'das kyis de'i tshe tshigs su bcad pa 'di skad ces bka' stsal to/ /bud med kyis kyang drang srong chen po de'i mtshan thos na/ /bud med dngos po de sgyur skyes bu mkhas pa'i dngos por 'gyur/ /lus can kun la phan phyir byang chub dam par 'tshang rgya zhing / /lha dang bcas pa'i 'jig</font><hr>63.34b<br><font size=+1>

rten dag gi rten dang dpung gnyen 'gyur/ /'od srung chen po rigs kyi bu'am rigs kyi bu mo theg pa chen po la yang dag par zhugs pa gang su dag mtshan 'di 'dzin par byed pa de dag ni srid par skyes pa na tshe rabs dran par 'gyur ro/ /bskal pa grangs med par 'khor ba las phyir phyogs par 'gyur ro/ /de dag la bsod nams kyi phung po dpag tu med pa yang 'byung bar 'gyur ro/ /bla na med pa yang dag par rdzogs pa'i byang chub dang nye ba thob par yang 'gyur ro/ /'od srung chen po byang phyogs na sangs rgyas kyi zhing 'di nas pha rol na de bzhin gshegs pa dgra bcom pa yang dag par rdzogs pa'i sangs rgyas rin chen dam pa zhes bya ba da ltar bzhugs shing 'tsho la gzhes so/ /'od srung chen po rigs kyi bu'am rigs kyi bu mo theg pa chen po la yang dag par zhugs pa gang su dag bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen dam pa de'i mtshan 'dzin par byed pa de dag ni bsod nams chen po skyed par 'gyur te/ 'od srung chen po rigs kyi bu'am rigs kyi bu mo theg pa chen po la yang dag par zhugs pa gang zhig gis sangs rgyas bcom ldan 'das rnams la ri'i rgyal po ri rab lta bu de tsam gyi gser gyi phung po 'bul zhing gtong la 'jog par byed cing de lta bur dbul ba 'bul bar byed pa yang lo bye ba khrag khrig brgya stong du dbul ba 'bul bar byed pa bas ni sangs rgyas kyi mtshan yongs su bzung ba'i dge ba'i rtsa ba 'di la brgya'i char yang nye bar mi 'gro/ stong dang / brgya stong dang / grangs dang / bgrang ba dang / dper yang nye bar mi 'gro ste/ de bzhin gshegs pa dgra bcom pa yang dag par rdzogs pa'i sangs rgyas rin chen dam pa'i mtshan 'dzin par byed pa rnams la gal te yod pa mchog ni 'di kho na yin no/ /de nas bcom ldan 'das kyis de'i tshe tshigs su bcad pa 'di skad ces bka' stsal to/ /'jig rten gyi ni mgon po 'od mdzad pa/ /de dag dus dang dus min mkhyen pa yis/ /sems</font><hr>63.35a<br><font size=+1>

can thams cad dag la phan mdzad pa/ /de dag shar dang lho dang nub dang ni/ /byang gi phyogs rnams dag na rab bzhugs pa/ /skyes bu rnams kyi gtso bo de dag la/ /nyin par dang ni mtshan mo dag tu yang / /gus dang bcas pas thal sbyar phyag byos shig /mi yi dam pa gang dag ni/ /bskal pa stong na 'byung ba yi/ /mchog tu rnyed dka' de la yang / /phyag byas mngon shes ci zhig yod/ /sangs rgyas bkur sti byed 'dod dang / /rdzogs pa'i byang chub 'dod pa nyid/ /des ni sangs rgyas rnams kyi mtshan/ /rgyal bas bshad pa 'di mnyan bya/ /sangs rgyas ye shes bskyed pa la/ /nam yang som nyi mi za ste/ /dge ba'i rtsa ba de yis ni/ /ye shes bsam yas 'di 'thob po/ /gang zhig rtag tu sangs rgyas la/ /mchod pa bsam yas byed 'dod pa/ /de yis sangs rgyas mtshan thos nas/ /gzhan dag la ni rab bstan bya/ /gang zhig sems can bye ba dag /srid pa spangs par dgrol 'dod pa/ /de yis sangs rgyas mtshan thos na/ /mi nyid du ni de mi skye/ /gang zhig zhing ni bye ba dag /rkang pa'i mthe bos bsgul 'dod pa/ /de yis sangs rgyas mtshan thos nas/ /skye bo mang la de bstan bya/ /gang zhig sangs rgyas rnams kyi 'di 'dzin de/ /rgyal ba 'dren pa mang po mchod pas na/ /des ni skye ba gcig gis ma yin la/ /bcu yis ma yin nyi shus ma yin no/ /'jig rten 'di ni gang gA'i bye snyed kyi/ /rin chen gser gyi mdog gis bkang 'bul bas/ /gang zhig sangs rgyas mchog gi mtshan thos na/ /sbyin phung de yis brgya yi char mi phod/ /gang zhig sangs rgyas mtshan 'di thos nas 'dzin/ /de dag mir gyur mchog ni legs par rnyed/ /de mi'i 'jig rten dbyangs kyi yan lag ldan/ /rab tu 'byung ba legs rnyed zas legs spyad/ /bcom ldan 'das kyis de skad ces bka' stsal pa dang / dge slong de dag dang / byang chub sems dpa' de dag dang / gnas brtan 'od srung chen po dang / lha dang / myi dang / lha ma yin dang / dri zar bcas pa'i 'jig rten bcom ldan</font><hr>63.35b<br><font size=+1>

'das kyis gsungs pa la rjes su yi rangs nas mngon par bstod do/ /theg pa chen po shin du rgyas pa'i mdo las 'phags pa sangs rgyas kyi dbu rgyan zhes bya ba theg pa chen po'i mdo'i chos kyi rnam grangs chen po rdzogs so// // rgya gar gyi mkhan po shAkya sing ha dang / lots+tsha ba ban de de ben dra rak+Shi tas bsgyur cing zhus te gtan la phab pa/ / </font><hr>

</table>