J228

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J228</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J228&coll=lithang">see text in Tibetan script</a></table>63.82b<br><font size=+1>

@#/   /rgya gar skad du/ Ar+ya sad d+harma smri t+yu pa s+thA na/  bod skad du/ 'phags pa dam pa'i chos dran pa nye bar gzhag pa/ bam po dang po/ sangs rgyas dang byang chub sems dpa' dang rang sangs rgyas dang 'phags pa nyan thos thams cad la phyag 'tshal lo/ /'di skad bdag gis thos pa dus gcig na/ bcom ldan 'das rgyal po'i khab na la ti'i grong gi bram ze'i grong na bzhugs so/ /de'i tshe na tshe dang ldan pa sha ra dwa ti'i bu/ dge slong rab tu mang po dag dang lhan cig tu snga dro'i dus kyi tshe rgyal po'i khab tu bsod snyoms kyi phyir dong ngo / /de'i tshe dge slong rab tu mang po dag bsod snyoms kyi phyir rgyu ba na gzhan mu stegs can spyod pa pa kun tu rgyu ba dag ga la ba der dong ste/ gzhan mu stegs can spyod pa pa kun tu rgyu ba dag dang lhan cig tu yang dag par dga' bar 'gyur ba dang yang dag par mgu bar 'gyur ba'i chos kyi gtam byas nas gzhan mu stegs can spyod pa pa kun tu rgyu ba dag gis dris pa/ kye shAkya pa dag khyed cag gi dge sbyong gau ta ma lus kyi chad pa mi dge ba mi 'dod pa mi sdug pa yid du mi 'ong ba ston cing gzhan dag gi la yang rjes su yi rang bar mi byed pa bden nam/ nged cag kyang lus kyi chad pa mi 'dod pa mi sdug pa yid du mi 'ong ba ston cing gzhan dag gi la yang rjes su yi rang bar mi byed do/ /kye khyed cag gi dge sbyong gau ta ma ngag gi chad pa mi 'dod pa mi sdug pa yid du mi 'ong ba ston cing gzhan dag gi la yang rjes su yi rang bar mi byed/ nged cag kyang ngag gi chad pa mi 'dod pa mi sdug pa yid du mi 'ong ba ston cing gzhan dag gi la yang rjes su yi rang bar mi byed do/ /khyed cag gi dge sbyong gau ta ma yid kyi chad pa mi 'dod pa yid du mi 'ong ba ston cing gzhan dag gi la yang rjes su yi rang bar mi byed/ nged kyang yid kyi chad pa mi 'dod pa mi sdug pa yid du mi 'ong ba ston cing gzhan dag gi la yang rjes su yi rang bar mi byed na/ khyed kyi dge sbyong gau ta ma'i chos 'dul ba dang nged kyi tha dad du bya ba ci yod/ bsam pa ni</font><hr>63.83a<br><font size=+1>

ci yod/ khyad par ni ci yod/ gang gis na dge sbyong gau ta ma'i chos 'dul ba ni nged kyi las khyad par du 'phags/ dge sbyong gau ta ma de ni thams cad mkhyen pa yin no zhes bdag nyid sgrogs/ gzhan mu stegs can spyod pa pa kun tu rgyu ba dag gis de skad dris pa dang / dge slong gsar du rab tu byung ba dag tshe dang ldan pa shA ri'i bu dang bral bas rjes su yi rang bar yang mi byed lan yang ma btab bo/ /de nas dge slong rab tu mang po tshe dang ldan pa sha ra dwa ti'i bu dang bral ba dag bsod snyoms kyi bya ba byas nas na la ti'i grong ga la ba der dong ste phyin nas/ dge slong rab tu mang po dag zas kyi bya ba byas nas 'khod do/ /de nas tshe dang ldan pa sha ra dwa ti'i bu phyi zhig na bsod snyoms blangs te na la ti'i grong ga la ba der song ngo / /de nas dge slong rab tu mang po tshe dang ldan pa sha ra dwa ti'i bu ga la ba der dong ste phyin nas dge slong rab tu mang po dag gis tshe dang ldan pa shA ra dwa ti'i bu la bsnyad do/ /de nas tshe dang ldan pa sha ra dwa ti'i bus dge slong rab tu mang po dag la 'di skad ces smras so/ /gal te bdag tshe dang ldan pa khyed dang lhan cig rgyal po'i khab kyi lam srang dang bzhi mdo dang / sum mdo gcig tu rim gyis dong ba las/ gzhan mu stegs can spyod pa pa kun tu rgyu ba rnams dang phrad par gyur na ni des na bdag gis gzhan mu stegs can spyod pa pa kun tu rgyu ba de dag chos dang 'thun pas tshar bcad zin pa zhig na/ kye ma bdag kyang lam srang dang bzhi mdo dang sum mdo gzhan nas bsod snyoms la rgyu rgyu nas 'dir phyin te gang tshe dang ldan pa dag gzhan mu stegs can spyod pa pa kun tu rgyu ba rnams dang lhan cig gtam byas pa'i dri ba'i tshul de ni bdag gis tshor yang ma tshor ro/ /tshe dang ldan pa dag bcom ldan 'das kun tu spyan mnga' ba thams cad mngon sum pa/ las dang 'bras bu dang rnam par smin pa mkhyen pa de ha cang mi</font><hr>63.83b<br><font size=+1>

ring ba zhig na mu stegs kyi lta ba can thams cad zil gyis mnan nas/ nyan thos dang dge bsnyen dang lha dang mi rnams la las dang 'bras bu rnam par smin pa'i chos ston gyis khyed de la zhus shig dang de yang las dang rnam par smin pa thams cad ston par mdzad de/ gang lha dang bcas pa/ bdud dang bcas pa/ tshangs pa dang bcas pa/ dge sbyong dang bram zer bcas pa'i skye dgu dag gis ma mthong ba de khyed la ston par mdzad cing gang bdag cag gi mngon sum du ma gyur pa de yang khyod la bcom ldan 'das shin tu mngon sum tu gyur pa/ las dang 'bras bu rnam par smin pa mkhyen pa ston par mdzad do/ /de nas dge slong rab tu mang po dag bcom ldan 'das ga la ba der dong ngo / /de nas dge slong de dag gis bcom ldan 'das nyin mo'i gnas pas bzhugs pa/ ri rab ltar rang gi 'od kyi dra bas mngon par 'bar ba/ nyin mo'i nyi ma ltar snang bas rab tu gsal ba/ mtshan mo'i zla ba ltar zhi bas rab tu sim par mdzad pa/ mtsho ltar shin tu gsal ba/ rgya mtsho ltar zab pa/ ri rab ltar mi g.yo ba/ seng ge ltar dpa' ba/ pha ma ltar 'byung po thams cad kyi skyabs su gyur pa thugs rje chen pos brlan pa'i thugs sems can thams cad kyi gnyen gcig par gyur pa/ byams pa dang snying rje dang dga' ba dang btang snyoms kyi rten du gyur pa/ byang chub kyi phyogs kyi chos chen po sum cu rtsa bdun gyis sku brgyan pa/ rab tu dang bas lus can thams cad kyi mig mgu bar mdzad pa/ zla ba dang nyi ma'i 'od zil gyis gnon pa/ shAkya'i rgyal po'i sras kun tu spyan mnga' ba/ spyan dri ma gsum dang bral ba bden pa gnyis gsung ba/ sdug bsngal gnyis mkhyen pa/ bsgom pa gnyis bsgoms shing mngon sum du mdzad pa/ lam gyi 'bras bu mngon du mdzad pa/ 'gog pa'i de nyid mkhyen pa/ khams gsum mngon sum du mdzad pa'i spyan mnga' ba/ khams gsum gzhan yang dag par ston pa/ khams bcwa brgyad kyi</font><hr>63.84a<br><font size=+1>

de nyid mkhyen pa/ mos pa yid la byed pa'i de nyid mkhyen pa/ yon tan gyi klung rang gi yon tan bcwa brgyad dag dang ldan pa/ srid pa'i 'ching ba las rnam par grol ba/ stobs bcu dang ldan pa/ bsnyengs pa mi mnga' ba bzhis mi bsnyengs pa/ thugs rje chen po dang ldan pa/ dran pa nye bar gzhag pa gsum dang rtag tu ldan pa de mthong ngo / /de nas dge slong rab tu mang po dag chos gos phrag pa gcig la gzar nas pus mo g.yas pa'i lha nga sa la btsugs te/ bcom ldan 'das kyi zhabs la mgo bos phyag 'tshal nas dul bas mgo btud de phyogs gcig tu 'khod do/ /de nas dge slong rab tu mang po dag gis dge slong gcig cig bsgo ba dang bcom ldan 'das ga la ba der shin tu nye bar phyin nas/ yang de bzhin du bcom ldan 'das kyi zhabs la mgo bos phyag 'tshal te/ bcom ldan 'das la 'di skad ces gsol to/ /bcom ldan 'das 'dir bdag snga dro'i dus su lhung bzed dang chos gos 'tshal nas rgyal po'i khab tu bsod snyoms la mchi mchi na zhes bya ba snga ma bzhin te/ gzhan mu stegs can spyod pa pa kun tu rgyu ba rnams dang lhan cig lus kyi chad pa dang ngag gi chad pa dang yid kyi chad pa sngon du 'gro ba'i gtam 'dri ba'i bar snga ma bzhin te/ de dag bcom ldan 'das la gsol to/ /de nas bcom ldan 'das kyis de'i tshe dge slong de dag dang na la ti'i grong gi bram ze la sogs pa la 'di skad ces bka' stsal to/ /dge slong dag khyed cag la chos bshad par bya ba 'di lta ste/ dam pa'i chos dran pa nye bar gzhag pa zhes bya ba'i chos kyi rnam grangs thog mar dge ba/ bar du dge ba/ tha mar dge ba/ don bzang po/ tshig 'bru bzang po/ ma 'dres pa/ yongs su rdzogs pa/ yongs su dag pa/ yongs su byang ba/ tshangs par spyod pa/ yang dag par rab tu bstan par byas/ de legs par rab tu nyon la yid la zung shig dang bshad par bya'o/ /bcom ldan 'das de ltar 'tshal lo zhes gsol te/ </font><hr>63.84b<br><font size=+1>

dge slong de dag bcom ldan 'das la nyan pa dang bcom ldan 'das kyis de dag la 'di skad ces bka' stsal to/ /dge slong dag dam pa'i chos dran pa nye bar gzhag pa zhes bya ba'i chos kyi rnam grangs de gang yin zhe na/ 'di lta ste/ chos la yang chos nyid du/ chos ma yin pa la yang chos ma yin pa nyid du mthong ba de dran pa rtag tu nye bar gnas par 'gyur zhing 'di la the tshom yang mi skye/ chos nyan pa la mngon par dga' bar yang 'gyur/ rgan rabs la yang rim gro byed do/ /de ni lus kyi las dang ngag gi las dang yid kyi las gsum gyi las kyi 'bras bu dang 'chi ba dang skye ba'i rnam par smin pa shes par 'gyur te/ lta ba ma log pa yin zhing gzhan gyis kha mi phyin par 'gyur ro/ /dge slong dag de la lus kyi chad pa rnam pa gsum ste/ srog gcod pa dang ma byin par len pa dang 'dod pas log par g.yem pa'o/ /de la srog gcod pa ji lta bu yin zhe na/ sems can pha rol la sems can du 'du shes shing bsams bzhin du srog chags bsad de srog dang bral bar byas pa yin no/ /de yang rnam pa gsum ste/ chen po dang 'bring dang tha ma'o/ /de la chen po ni dgra bcom pa la sogs pa bsad pa ste mnar med par 'gro ba'o/ /'bring ni lam la gnas pa bsad pa'o/ /tha ma ni dud 'gro dang tshul khrims 'chal pa spyad pa bsad pa'o/ /yang rnam pa gsum ste/ 'das pa dang ma 'ongs pa dang da ltar byung ba'i 'o/ /yang rnam pa gsum ste/ 'dod chags kyis byas pa dang zhe sdang gis byas pa dang gti mug gis byas pa'o/ /de la 'dod chags kyis byas pa ni ri dgas la sogs pa la'o/ /zhe sdang gis byas pa ni sbrul dang ne'u le la sogs pa la'o/ /gti mug gis byas pa ni mchod sbyin la sogs pa la'o/ /yang rnam pa gsum ste/ rang gis byas pa dang gzhan gyis bcol ba dang gnyi gas byas pa'o/ /rgyu lngas srog gcod pa byas kyang kha na ma tho bas gos par mi 'gyur te/ 'di lta ste/ lam du 'gro bar zhugs pa mi shes</font><hr>63.85a<br><font size=+1>

pas srog chags phra mo dang grog sbur la sogs pa srog dang bral bar byed pa dang / gzhan la mtshon cha gzas pa las bsam pa dang mi ldan par gzhan la phog ste de srog dang bral ba dang / nad pa la sman pa phan par 'dod pas nyes par ma mthong ste sman byin pa las de shi ba dang / de bzhin du mas bu gdul bar bya ba'i phyir brdeg pa las de srog dang bral ba dang me 'bar ba'i nang du srog chags mi 'dod bzhin du lhung ba ste rgyu rnam pa de lngas srog bcad par gyur kyang gos par mi 'gyur ro/ /yang srog gcod pa rnam pa gsum ste/ gzhan la bsgo ba dang bdag nyid byed pa dang gnyi gas byed pa'o/ /gzhan yang ma byin par len pa rdzogs pa ji lta bu yin zhe na/ rnal 'byor spyod pa chos la chos kyi rjes su lta zhing gnas pa des/ thos pa las byung ba'i shes pa 'am lha'i mig gis mthong ste pha rol gyis yongs su bzung ba la bdag gir bya ba'i bsam pas rku bar byed pa 'di ni ma byin par len pa rdzogs pa yin no/ /'bras bu chung ba ji lta bu yin zhe na/ 'di lta ste/ rgyal po'i chad pas nyen pa dang bla ma'i don dang / pha ma nad pa dang rang sangs rgyas dang dgra bcom pa dang phyir mi 'ong ba dang rgyun tu zhugs pa la sogs pa dang nad pa dang ltogs pa de dag gi don du ma byin par blangs pa 'di ni 'bras bu chung ba yin no/ /ma byin par len pa'i sdom pa ma blangs pas ma byin par len pa 'di ni rnam par smin pa chung ba yin no/ /gzhan yang 'bras bu chung bar 'gyur ba ni ma byin par len pa byas nas sems kyis 'chags par byed 'gyod la phyir zhing mi byed pha rol yang ma byin par len pa las phyir zlog par byed sdom pa'i lung yang 'bogs par byed lam la yang 'jog par byed ma byin par len pa spong ba dag la 'jog par byed cing las kyi nyer bsdogs dang las kyi 'jug mi byed pa'o/ /ma byin par len pa'i las kyi nyer bsdogs ji lta bu yin zhe na/ 'di la ma byin par len pa pos pha rol la g.yo sgyu byed</font><hr>63.85b<br><font size=+1>

cing gsang thabs su smra ba dang 'jal lugs la g.yo byed pa dang mi rigs pa'i las lhag par spyod pa rnam pa 'di dag ni las kyi nyer bsdogs yin no/ /las ji lta bu yin zhe na/ gang gi tshe pha rol gyis yongs su bzung ba'i rdzas kyi rnam pa ma byin par len pa 'di ni las yin no/ /las kyi 'jug ji lta bu yin zhe na/ 'di la byas nas rjes su yi rang bar byed cing goms par byed la mang du thos te rjes su yi rang ba kun tu 'chab par byed/ tshul khrims dang ldan pa gzhan ma byin par len pa la rab tu 'jog par byed pa 'di ni las kyi mjug yin no/ /rnam pa 'di gsum gyis ma byin par len pa'i las kyi nyer bsdogs dang mjug dang bral ba ma byin pa len pa'i chad pa'i 'bras bu chung bar 'gyur te myong bar 'gyur bar nges pa ma yin no/ /gzhan yang 'dod pas log par g.yem pa ji lta bu yin zhe na/ rnal 'byor spyod pa chos la chos kyi rjes su lta bas mthong ste/ 'di la 'dod pas log par g.yem pa kun tu spyod pa na rang gi chung ma 'am gzhan gyi chung ma dag gi skye gnas ma yin par 'jug par byed/ gzhan byed pa la yang rjes su yi rang bar byed/ mi byed pa yang thabs kyis byed du 'jug pa 'di ni 'dod pas log par g.yem pa zhes bya'o/ /'dod pas log par g.yem pa'i 'bras bu chung bar 'gyur ba ji lta bu yin zhe na/ 'di la byas nas 'gyod cing 'chags te/ rjes su yi rang bar mi byed/ gzhan 'dod pas log par g.yem pa yang phyir zlog par byed/ lam la 'jog par byed/ las kyi nyer bsdogs dang las kyi mjug dang bral ba'i sems yin zhing tshul khrims dang ldan pa yin te/ 'di ni 'dod pas log par g.yem pa'i 'bras bu chung bar 'gyur zhing myong bar 'gyur bar ma nges pa yin no/ /lus kyi chad pa rnam pa gsum po de dag ni 'bras bu chung ba dang 'bras bu zhan par 'gyur ro/ /de dag ni nga yi nyan thos sam nga las thos nas las dang 'bras bu rnam par smin pa shes shing</font><hr>63.86a<br><font size=+1>

gzhan gyis kha drang du mi rung ba gzhan la rag ma las pa ma gtogs pa/ gzhan mu stegs can spyod pa pa kun tu rgyu ba rnams sam lha dang bcas pa'i 'jig rten nam bdud dang bcas pa 'am tshangs pa dang bcas pa 'am dge sbyong dang bram zer bcas pa'i skye dgu 'am lha dang mi dang lha ma yin du bcas pas rtogs pa'i yul ma yin no/ /gzhan yang ngag gi chad pa lci ba ji lta bu yin zhe na/ rnal 'byor spyod pa chos dang las dang rnam par smin pa shes pa yin te/ ngag gi chad pa rnam pa bzhi la 'di lta ste/ brdzun dang phra ma dang tshig rtsub po dang tshig kyal pa dang bzhi'o/ /de la brdzun gang zhe na/ bdag nyid la bdag nyid slu zhing gzhan yang slu ba yin te/ smras pa'i tshe rgyal po 'am blon po'i mngon sum du gzhan dag la gnod pa 'am 'phrog par byed pa log pas bskyed pa'i brdzun gyi skyon rab tu 'jug pa 'di ni brdzun du smra ba ngag gi chad pa rdzogs pa yin te/ sems can dmyal ba myong bar 'gyur ba yin no/ /gzhan yang ngag gi chad pa phra ma zhes bya ba ni don gcig la 'thun par zhugs pa rnams la dbyen bya ba'i bsam pas tshig rjod par byed pa 'di ni phra ma'i ngag gi chad pa yin no/ /phra ma'i 'bras bu chung ba ji lta bu yin zhe na/ bdag gti mug gis ngan pa byas so zhes 'chags par byed gzhan phra ma la mngon par dga' ba zlog par byed lam la yang dag par 'jog par byed la las kyi nyer bsdogs dang las kyi 'jug mi byed pa yin no/ /las kyi nyer bsdogs ji lta bu yin zhe na/ 'di la phra ma la mngon par dga' ba nyon mongs pa rgyags pa la mngon par zhugs pa'i tshig gzhan du btags nas gzhan la smra ba 'di ni las kyi nyer bsdogs yin no/ /phra ma'i las kyi lam dang yang dag par rab tu ldan pa ji lta bu yin zhe na/ 'di la sdang ba'i sems kyis yang dang yang du gzhan 'byed la rjes su yi rang zhing kun dga' bar byed pa 'di ni phra ma'i las kyi lam dang yang dag par ldan pa yin no/ /las kyi mjug dang bcas pa ji lta bu yin zhe na/ 'di la phra ma byas nas rjes su yi rang bar byed phyir zhing byed byed pa la rjes su yi rang bar byed yid kyis kun tu rtog par byed de nyid la mngon par dga' bar byed ngang tshul gzhan</font><hr>63.86b<br><font size=+1>

du mi byed pa yin/ sdang ba'i sems yin/ gzhan dag gis btsal cing yid ches pa'i gnas su mi 'gyur ba yin/ smod pa yin/ ngo tsha bar mi byed cing khrel med la bdag nyid la smod par mi byed pa 'di ni phra ma'i chad pa yin no/ /gzhan yang tshig rtsub po'i chad pa ji lta bu yin zhe na/ rnal 'byor spyod pa chos dang las dang kun 'byung ba mthong ba des thos pa las byung ba'i shes pas mthong ste/ 'di ni tshig rtsub pos bdag gdung bar byed cing yid du mi 'ong ba rna bar thos la glags skyed par byed/ de gzhan la gnas te/ mkhyud pa dang 'chags pa dang dgod pa dang khro ba'i bsam pas rnam par smin pa du ma rnam pa du ma'o/ /de la tshig rtsub po chen pos ni sems can dmyal ba'i tshor ba myong bar 'gyur/ tshig rtsub po 'chags pas ni myong bar 'gyur bar ma nges pa yin te 'di dag ni ngag gi chad pa gsum pa yin no/ /las kyi nyer bsdogs dang las kyi mjug dang yang dag par ldan pa zhes bya ba ni snga ma bzhin no/ /gzhan yang ngag gi chad pa bzhi pa ji lta bu yin zhe na/ rnal 'byor spyod pa las dang chos dang rnam par smin pa'i rnam pa du ma shes pa yin te/ tshig khyal pa zhes bya ba snga phyi 'brel pa med pa'i tshig kyal pa snga ma dang phyi mar mi sbyor ba yin te/ myong bar 'gyur bar ma nges shing kha na ma tho ba mi mang ba yin pa 'di ni ngag gi chad pa bzhi pa yin no/ /gzhan yang yid kyi chad pa ji lta bu yin/ rnam pa ni du zhig yod ce na/ rnal 'byor spyod pa las dang chos dang rnam par smin pa la rjes su lta ba des thos pa las byung ba'i shes pas yid kyi chad pa rnam pa gsum mthong ste 'di lta ste/ brnab sems ni gzhan gyi 'byor pa mthong nas shin tu rtog par byed/ sems kyis 'dod par byed rdzas 'di ni bdag gir bya'o snyam ste/ brnab sems 'di ni yid kyi chad pa dang po yin no/ /gzhan yang yid kyi chad par 'gyur ba ni pha rol gyi phun sum tshogs pa mthong nas yid rab tu sdang ba gnod sems te/ yid kyi chad pa gnyis pa yin no/ /gzhan yang yid kyi chad pa gsum pa ni log par lta bas phyin ci log tu mthong ba log par lta ba'i chad pa'o/ /de yang rnam pa gnyis te yod pa 'jig pa dang / </font><hr>63.87a<br><font size=+1>

log par shes pa'o/ /de la yod pa 'jig pa ni 'di ltar sbyin pa med/ sbyin bsreg med mchod sbyin med/ legs par byas pa dang nyes par byas pa dag gi las kyi 'bras bu rnam par smin pa med do zhes bya ba rgya cher sbyar ro/ /log par shes pa zhes bya ba ni/ bde ba dang sdug bsngal gang yin pa de ni lhas byas kyi las kyi 'bras bus ni ma byas so zhes zer ba ste/ 'di ni log par lta ba rnam pa gnyis pa yin no/ /gzhan yang ji ltar na lus dang ngag dang yid rnam pa gsum gyi chad pa rnam pa bcu kun tu bsten cing bsgoms te mang du byas na tshe 'di nyid la las kyi 'bras bu myong bar 'gyur bar nges pa dang shi nas gzhan du skyes na de'i rgyu can gyi las kyi 'bras bu gang yin pa dang rgyu 'thun pa'i 'bras bu ji lta bu yin pa dang yang 'jig rten 'dir skyes na yang de dag ci 'dra bar 'gyur zhe na/ rnal 'byor spyod pa las dang chos dang rnam par smin pa la rjes su lta ba des thos pa las byung ba'i shes pa 'am lha'i mig gis mthong ste/ lus kyi srog gcod pa dang po'o/ /srog gcod pa kun tu bsten cing bsgoms te mang du byas pas sems can dmyal ba dang dud 'gro dang yi dgas kyi yul rnams su skye bar byed do/ /gal te mi dag dang skal ba mnyam par mi'i nang du skyes na de tshe thung ba yin no/ /gal te rngon pa lta bu la chags pas srog gcod pa byas na/ srog gcod pa byas pa de nyams par 'gyur te/ de ri dgas dang phag dang sreg pa dang khyim bya dang gong ma sreg dang nya la sogs par gyur pa na/ rgya 'am mchil bas gsod do/ /'khor ba na las de lta bu'i rgyus 'brel pa gal te yang mi rnams dang skal ba mnyam par mi'i nang du skyes na de tshe thung bar 'gyur zhing / mkhas pa rnams kyi yul du skye bar mi 'gyur la mtshon mang pos 'khrug pa'i yul du myur ba nyid du gsod do/ /srog gcod pa chung ngu dang 'bring dang chen po'i tshigs su bcad pa/ kha cig mngal dang de bzhin gzhan/ /btsas pa'i khyim dang gzhan dag ni/ /gog pa tsam dang de bzhin du/ /gzhan dag yongs su</font><hr>63.87b<br><font size=+1>

rgyug na 'chi/ /de ltar srog gcod pa ni da ltar gyi tshe la rnam par smin pas dbang du byas pa'i las yin no/ /gzhan yang ma byin par len pa kun tu bsten cing bsgoms te mang du byas pa'i rnam par smin pa rnam pa gsum po 'di lta ste/ sems can dmyal ba myong ba dang tshe 'di dang rgyu 'thun pa'i 'bras bu ji lta bu yin zhe na/ rnal 'byor spyod pa las dang chos dang rnam par smin pa la rjes su lta ba des thos pa las byung ba'i shes pas mthong ste/ de la ma byin par len pa kun tu bsten cing bsgoms te mang du byas pas sems can dmyal ba dang dud 'gro dang yi dgas rnams kyi yul du skye bar 'gyur ro/ /gal te mi rnams dang skal ba mnyam par mi yi nang du skyes na yang dbul bar 'gyur te longs spyod bsgrubs pa gang dag yod pa de dag rgyal po'i chad pa dang chu dang me dang mtshon dang chom rkun gyi 'jigs pa dag gis bsags bsags pa dag chud za bar 'gyur/ nams kyang bde bar mi 'gyur te 'di ni ma byin par len pa'i chad pa'i 'bras bu rnam pa gsum pa yin no/ /gzhan yang nang gi 'dod pas log par g.yem pa kun tu bsten cing bsgoms te mang du byas pa'i 'bras bu rnam pa gsum pa ji lta bu yin zhe na/ rnal 'byor spyod pa las dang chos dang rnam par smin pa la rjes su lta ba des thos pa las byung ba'i shes pa 'am lha'i mig gis mthong ste/ 'dod pas log par g.yem pa kun tu bsten cing bsgoms te mang du byas pas sems can dmyal ba dang / dud 'gro dang yi dgas rnams kyi yul du skye'o/ /gal te mir skyes na yang rgyu 'thun pa'i 'bras bus de'i chung ma gus pa med par 'gyur mtshan gnyis par 'gyur 'jig rten pas brnyas par 'gyur ro/ /'di ni lus kyi chad pa rnam pa gsum pa'i rnam par smin pa'i 'bras bu rnam pa gsum yin te/ gzhan mu stegs can spyod pa pa kun tu rgyu ba rnams kyi lus kyi chad pa mi 'dod pa nas rgyas par las kyi rnam par smin pa'i bar ni de lta bu ma yin no/ /de ci'i phyir zhe na/ gti mug dang 'grogs pa bsgoms pa'i sems dang ldan pa gzhan gyis ni nga'i las dang chos dang rnam par smin pa'i gang yin pa 'di mi mthong gi/ 'di ltar nga'i nyan thos/  nga'i rnal 'byor spyod pa dag gis rjes su mthong ngo / /</font><hr>63.88a<br><font size=+1>

gzhan yang tshig dang ngag gi chad pa ji lta bu yin rnam pa ni du yod ce na/ rnal 'byor spyod pa chos la chos kyi rjes su lta ba des thos pa las byung ba'i shes pas ngag gi chad pa rnam pa bzhi mthong ste 'di lta ste/ brdzun dang phra ma dang tshig rtsub po dang tshig kyal pa'o/ /de la brdzun kun tu bsten cing bsgoms te mang du byas pas sems can dmyal ba dang dud 'gro'i skye gnas rnams su skye'o/ /gal te mi rnams dang skal ba mnyam par mi'i nang du skyes na yang / sems can thams cad kyis tshig gzung bar mi 'gyur te/ rgyal po'i pho brang 'khor dang khyim bdag gi 'khor dang rgyal rigs kyi 'khor dang rang gi bu dang chung mas kyang tshig gzung bar mi 'gyur/ de'i kha nas dri mnam pa 'byung / so dang kha dang mdog dang lpags pa mi sdug par 'gyur/ 'jig rten pa kun gyis kyang log pa'i mngon par spyod pas mngon par sbyor bar 'gyur/ rtag tu 'jigs par yang 'gyur/ de'i mdza' bshes dang gnyen dang skye bo snying du sdug pa dag bsten par mi 'gyur byed pa brtsams pa thams cad 'bras bu med par 'gyur/ don med pa thams cad spyod par 'gyur te 'di ni brdzun gyi las kyi 'bras bu mi 'dod pa mi sdug pa yid du mi 'ong ba yin no/ /gzhan yang ngag gi chad pa gnyis pa kun tu bsten cing bsgoms te mang du byas pa'i 'bras bu ji lta bu yin zhe na/ rnal 'byor spyod pa chos la chos kyi rjes su lta ba des thos pa las byung ba'i shes pa 'am lha'i mig gis mthong ste/ phra ma kun tu bsten cing bsgoms te mang du byas pas sems can dmyal ba dang dud 'gro dang yi dgas rnams kyi yul du skye'o/ /gal te mi rnams dang skal ba mnyam par mi'i nang du skyes na yang de lkugs par 'gyur/ 'on par 'gyur/ de'i kha nas dri mnam pa 'byung / de'i tshig la su yang yid mi ches shing de skye bo kun gyi bzhad gad par 'gyur/ gdong gi mdog mi sdug par 'gyur/ gnas gcig la mngon par dga' bar mi 'gyur/ sems g.yo bar 'gyur/ sems mtha' yas par 'gyur te 'di ni phra ma'i chad pa yin no/ /</font><hr>63.88b<br><font size=+1>

tshig rtsub po kun tu bsten cing bsgoms te mang du byas pa'i chad pa ji lta bu yin zhe na/ des thos pa las byung ba'i shes pa 'am lha'i mig gis mthong ste/ tshig rtsub po kun tu bsten cing bsgoms te mang du byas pas sems can dmyal ba dang dud 'gro dang yi dgas rnams kyi yul du skye'o/ /gal te mi rnams dang skal ba mnyam par mi'i nang du skyes na yang su las kyang dbugs phyin pa mi 'thob/ skye bo kun gyis kyang rtag tu mngon par gtse bar 'gyur te sus kyang dbugs 'byin par mi 'gyur/ bu dang chung ma las dga' ba'i tshig gcig tsam yang mi 'thob/ ri dgas ltar rtag tu skye bo kun gyis 'jigs par 'gyur/ dge ba'i bshes gnyen dang spyod par mi 'gyur/ sdig pa'i grogs por 'gyur te/ rnam pa gsum po 'di ni tshig rtsub po'i 'bras bu yin no/ /gzhan yang tshig kyal pa kun tu bsten cing bsgoms te mang du byas pa'i chad pa ji lta bu yin zhe na/ rnal 'byor spyod pa nang gi chos la chos kyi rjes su lta ba des thos pa las byung ba'i shes pa 'am lha'i mig gis mthong ste/ tshig kyal pa kun tu bsten cing bsgoms te mang du byas pas sems can dmyal ba dang dud 'gro dang yi dgas rnams kyi yul du 'gro'o/ /gal te mi rnams dang skal ba mnyam par mi'i nang du skyes na yang skye bo kun mi dga' zhing yang bar 'gyur/ rgyal po'i pho brang dang mdza' bshes dang gnyen dag gi khyim du yang smyon thabs mkhan lta bur 'gyur te/ de ni tshig khyal pa'i chad pa yin no/ /gzhan yang yid kyi mi dge ba rnam pa gsum po kun tu bsten cing bsgoms te mang du byas pa'i chad pa ji lta bu yin zhe na/ rnal 'byor spyod pa nang gi chos la chos kyi rjes su lta ba des thos pa las byung ba'i shes pa 'am lha'i mig gis mthong ste/ brnab sems kun tu bsten cing bsgoms te mang du byas pas sems can dmyal ba dang dud 'gro dang yi dgas rnams kyi yul du skye'o/ /gal te mi rnams dang skal ba mnyam par mi'i nang du skyes na de'i rdzas bsags bsags pa dag rgyal po dang chu dang me'i gnod pas 'phrog par 'gyur rtag tu dbul bar yang 'gyur ro/ /gzhan yang gnod sems kun tu</font><hr>63.89a<br><font size=+1>

bsten cing bsgoms te mang du byas pas yid kyi chad pa ji lta bu yin zhe na/ rnal 'byor spyod pa nang gi chos la chos kyi rjes su lta zhing gnas pa des thos pa las byung ba'i shes pa 'am lha'i mig gis mthong ste/ gnod sems kun tu bsten cing bsgoms te mang du byas pas sems can dmyal ba dang dud 'gro'i skye gnas dang yi dgas rnams kyi yul du skye'o/ /gal te mi rnams dang skal ba mnyam par mi'i nang du skyes na yang ri brags dang / kla klo rtag tu mtshon gyis 'khrug cing rtag tu 'jigs pa rnams su skye bar 'gyur/ rtag tu g.yang sa rnams su ltung bar 'gyur/ de'i sems nams yang bde bar gnas par mi 'gyur zhing / gnod pa dag gis rtag tu gnod par 'gyur ro/ /gzhan yang log par lta ba kun tu bsten cing bsgoms te mang du byas pa'i yid kyi chad pa ji lta bu yin zhe na/ rnal 'byor spyod pa nang gi chos la chos kyi rjes su lta zhing gnas pa des thos pa las byung ba'i shes pa 'am lha'i mig gis mthong ste/ log par lta ba kun tu bsten cing bsgoms te mang du byas pas sems can dmyal ba mnar med pa la sogs par sdug bsngal gyi tshor ba thams cad myong bar skye/ dud 'gro'i skye gnas su tshe bye ba brgya phrag du mar 'pho zhing skye/ de bzhin du yi dgas kyi yul du yang skye'o/ /gal te brgya la mi rnams dang skal ba mnyam par mi'i nang du skyes na yang de ji skad bshad pa'i mi dge ba'i las kyi lam gyi skyon stong du sgyur ba thams cad de la 'byung ngo / /gzhan yang rnam pa gzhan gang gis na mi dge ba bcu'i chos dag shin tu phra ba rjes su sems na yang 'khor ba na sems can dmyal ba dang / yi dgas dang / dud 'gro rnams su 'khyam pa/ rnal 'byor spyod pa nang gi chos la chos kyi rjes su lta zhing gnas pa des thos pa las byung ba'i shes pa 'am/ lha'i mig gis mthong ste/ srog gcod pa ji ltar kun tu sten/ ji ltar bsgoms/ ji ltar mang du byed ce na/ 'di la srog gcod pa grogs po ngan pa 'am/ slob ma 'am/ de'i grogs la kun tu bstan par byed/ de dang lhan cig kun tu dga' bar byed/ rtse bar byed/ yongs su spyod par byed/ kun tu</font><hr>63.89b<br><font size=+1>

gnas par byed/ de la yang yid ches pa'i gnas su byed/ thams cad yon tan du lta bar byed/ de'i tshul gyis rjes su 'jug par byed/ mi dge ba'i bshes gnyen nam/ slob ma des mi srog gcod pa'i tshul can de srog gcod pa'i rgyu byed pa gtam sna tshogs lam ma yin par gyur pa dang / srog gcod pa la rab tu 'jog par byed de/ de bzhin du mchod sbyin gyi gtam 'am/ de bzhin du ri dgas kyi gtam 'am/ de bzhin du ro la chags pa rab tu nyes pa'i gtam 'am/ de bzhin du dgra bo mi mdza' ba dang 'brel ba la lan ldon pa'i gtam 'am/ de bzhin du de'i rdzas la chags pa'i gtam 'am/ de bzhin du nyon mongs pa la rab tu spro ba rdzas la chags pa dang / grags pa'i las kyi gtam rnams la rab tu 'jog par byed/ de yang de la yid ches pa'i gnas su 'jug pa na/ srog gcod pa kun tu bsten par byed do/ /de ltar srog gcod pa bsten pa ni/ sems can dmyal bar 'gro/ yi dgas kyi 'jig rten du 'gro/ dud 'gro'i 'jig rten du 'gro ste/ mi 'dod pa/ mi sdug pa/ yid du mi 'ong ba skye bo mkhas pa kun gyis smad par 'gyur ro/ /mir skyes na yang tshe thung ba'i rgyur 'gyur ro/ /de ltar bshes gnyen ngan pa'i sa bon can gyi srog gcod pa de ni srog gcod pa kun tu sten par byed do/ /mi ngan pa goms par byed pa ji lta bu yin pa dang / mi ngan pa srog gcod pa bsten pa zhes bya ba snga ma bzhin sbyar te/ srog gcod pa byas nas yid kyis dga' bar byed/ mgu bar byed/ yid kyis kun tu rtog par byed/ yon tan du lta ba'i blo can du byed/ srog gcod pa nyid la kun tu rtog par byed/ rnam pa mang pos gzhan gyi srog 'phrog par byed/ de skyon du mi 'grang / de la smod par mi byed/ de la dga' ba dang 'bral bar mi byed/ phyir zhing de'i ngang tshul du byed/ srog mi gcod pa'i tshul can gzhan dag kyang srog gcod pa de la rab tu 'jog par byed/ gtam rgyud dang bcas pa sna tshogs dag gis snga ma bzhin du sbyar te/ de ltar srog gcod pa goms par byed do/ /mang du byed pa ji lta bu yin zhe na/ 'di na gang srog gcod pa byas nas goms par byed pa snga ma bzhin du sbyar te/ 'di la srog gcod pa byed pa na/ de la goms pa dang / sdig pa'i grogs po dang phrad pas rgya</font><hr>63.90a<br><font size=+1>

'dre bar byed/ de la dug mda' byed/ khyi sogs par byed/ srog gcod pa'i bya sdud par byed/ gtum po dang bsten par byed/ 'thabs mo la dga' ste/ ya lad dang / mtshon cha dang / ral gri dang / mda' bo che dang / ste'u ka dang / 'khor lo dang / go mtshon la sogs pa'i ngang tshul can yin/ srog gcod par byed pa'i rgyu gzhan gang yin pa de thams cad kyang yongs su 'dzin par byed do/ /mi de lta bu ni srog gcod pa mang du byed pa yin no/ /rgyu de dang / gzhi de dang / rkyen des sems can dmyal ba dang / dud 'gro dang / yi dgas rnams kyi yul du skye ste/ gnod pa mi bzad pas gnod do/ /srog gcod pa tha ma dang / 'bring dang / chen pos rnam par smin pa tha ma dang / 'bring dang / chen po nye bar spyod par 'gyur ro/ /las byas la bsags pas ni las kyi rnam par smin pa myong bar mi 'gyur ba med de/ de ltar na bdag nyid kyis byas pa'i las ni bdag nyid kyis nye bar spyod par 'gyur ro/ /de lta bas na gal te 'khor ba la yid byung na sdig pa spang nas dge ba kun tu spyad par bya ste/ 'di ni srog gcod pa kun tu sten cing mang du byed pa yin no/ /ji ltar na ma byin par len pa kun tu bsten cing sgom ste mang du byed pa yin/ kun tu bsten cing bsgoms te mang du byas pas/ sems can dmyal ba ji ltar myong bar 'gyur zhe na/ 'di la tshul khrims 'chal ba'i mi ni ngo bo nyid kyis ma byin par len pa'i ngang tshul can yin te/ grogs po ngan pa 'am/ slob ma dang 'brel pas ma byin par len pa tha ma dang / 'bring dang / chen po kun tu spyod do/ /de la tha ma ni rgyal po'i chad pas skrag nas gzhan gyi len pa yin te snga ma bzhin no/ /'bring ni dngos po chung ngu yin te/ zhing bzang po la brkus pa ma yin pa 'di ni ma byin par len pa 'bring yin no/ /sangs rgyas dang / chos dang dge 'dun dag las ni chung ngu zhig blangs na yang chen por 'gyur te/ sangs rgyas dang / chos dang dge 'dun gyi ma byin par blangs pa de dag las kyang ris su 'thun par slar phul na/ sangs rgyas dang / chos kyi ni dag par 'gyur la/ dge 'dun gyi brkus pa ni tshor ba ma myong bar dag par 'gyur ba med de zhing lji ba'i phyir gal te zhal du 'du ba'i sgo zhig na ni de sems can</font><hr>63.90b<br><font size=+1>

dmyal ba chen por ltung la gal te zhal du 'du ba'i sgo ma yin na ni de'i nang gi bar mnar med pa'i 'khor mun nag chen po la sogs par skye bar 'gyur ro/ /gal te ma byin par len pa chung ngu zhig blangs nas kyang kun tu bsten cing sems la dga' bar byed de/ goms par byed la mang du byed na/ ma byin par len pa chung ngu des kyang sems can dmyal ba dang / dud 'gro dang / yi dgas kyi nang du skye bar 'gyur ro/ /gal te 'chags par byed cing rjes su yi rang bar mi byed la 'gyod na de'i myong bar 'gyur bar ma nges pa yin no/ /gal te ma byin par len pa'i ngang tshul can zhig de thabs du mas ma byin par len pa kun tu spyod na/ 'di ni ma byin par len pa kun tu bsten pa yin no/ /goms par byed pa ji lta bu yin zhe na/ 'di la ma byin par len pa'i rdzas thob nas mgu bar 'gyur zhing chom rkun la mngon par dga' bar byed do/ /de rdzas de thob nas bza' ba dang / bgo ba byas shing dga' bar 'gyur te/ yon tan du bzung nas gzhan dag kyang ma byin par len pa la rab tu 'jog par byed/ yang dag par 'jug par byed/ yang dag par 'dzin du bcug cing byed du 'jug pa de lta bu ni ma byin par len pa goms par byed pa yin no/ /ma byin par len pa mang du byed pa ji lta bu yin zhe na/ 'di la ma byin par len pa byas nas/ mal cha dang / bza' ba dang / bca' ba dang / gos dang / rgyan dang / btung ba dang / smad 'tshong ba dang / rgyan po mang po dag la mngon par dga' bar byed do/ /de sems kyis mngon par dga' bar byed de bde ba thams cad kyi nang na 'di lta ste/ ma byin par len pa zhes bya ba 'di ni legs par byas pa yin no/ /rgyu des bdag mal cha dang / bza' ba dang / bca' ba dang / gos dang / rgyan dang / btung ba dang / smad 'tshong ba dang / rgyan po mang po dag gis mchog tu bde ba myong ngo / /ma byin par len pa de bdag gis kun tu spyad par bya ste/ de bdag la bde ba rab tu mang po dag tu 'gyur ro snyam na snga ma bzhin du sbyar te/ 'di ni ma byin par len pa mang du byed pa yin te/ de ni sems can dmyal ba rnams su myong bar 'gyur bar nges pa yin no/ /'dod pas log par g.yem pa kun tu bsten cing bsgoms te/ mang du byed pa ji lta bu</font><hr>63.91a<br><font size=+1>

yin zhe na/ 'di la tshul bzhin ma yin pa yid la byed pas zil gyis non pa ni 'dod chags dang bcas pa'i ris 'thun pa gzhan 'di lta ste/ bye'u mchil pa dang / ngur ba dang / gong ma sreg dang / ne tso dang / rma bya dang / sreg pa dang / nya dang / srog chags dud ka dag ni lha ma yin gyi ris dag nas 'dir skyes pa yin te/ 'dod chags shas che ba'i grogs po ngan pa dang lhan cig yan lag ma yin par spyod pa yin no/ /de tshul bzhin ma yin pa nyis 'gyur gyis mngon par zhen la de 'dod chags tshim pa med pa dang bcas pa'i sems kyis tshul bzhin ma yin pa kun tu spyod de/ gang dri za der nye bar 'gyur zhing gang gis der skye bar 'gyur ba tshul bzhin pa de ni skye gnas kyi zhing la skyon yod pa'i phyir der skye bar mi 'gyur ro/ /rgyu des na tshul bzhin ma yin pa dang bcas pa'i 'dod pas log par spyod pa ni ngan pa yin no/ /mi de reg bya'i 'dod chags shas che bas de dang de nyid la mngon par dga' ste/ de ni 'di ltar 'dod pas log par g.yem pa 'di yang dang yang du sten cing reg bya ngan pa la mngon par dga' ba yin te/ 'di ni 'dod pas log par g.yem pa kun tu bsten pa yin no/ /'dod pas log par g.yem pa goms par byed pa ji lta bu yin zhe na/ 'di las 'dod pas log par g.yem pa yang dang yang du sten cing yid kyis yang dag par rtog par byed/ de'i yid la mngon par dga' ba gzhan spangs te/ de 'dod pas log par g.yem pa 'di nyid goms par byas nas/ yang yul bde ba de goms par byed pa yin no/ /mang du byed pa ji lta bu yin zhe na/ 'di la tshul bzhin ma yin pa yid la byed pas brlan pa'i byis pa so so'i skye bo ni/ 'di ltar 'dod pas log par g.yem pa ni mchog tu bzang ba yin la 'dod pas log par mi g.yem pa ni ma yin zhes yon tan mchog dang 'dra bar yang dag par 'dzin par byed do/ /de gzhan shin tu mang po dag kyang 'dod pas log par g.yem pa la mngon par 'jug ste 'di ni 'dod pas log par g.yem pa mang du byed pa yin no/ /lus kyi rnam pa gsum po 'di dag ni byis pa so so'i skye bo rnams kyi mi dge ba yin no/ /ngag gi ni rnam pa bzhi ste/ brdzun dang / tshig rtsub po dang / phra ma dang / tshig kyal</font><hr>63.91b<br><font size=+1>

pa'o/ /de la brdzun gang zhe na/ 'di lta ste/ bdag nyid la bdag nyid slu zhing gzhan yang slu bar byed pa yin te/ brdzun du smra ba 'di ni bdag dang gzhan slu bar byed pa yin no/ /de yang rgyu lnga dang ldan pa yin te/ 'di lta ste/ 'dod chags dang / zhe sdang dang / 'jigs pa dang / rnyed pa dang / chos log pa'i 'dul ba yongs su sdud pa'o/ /brdzun du smra ba ji lta bu yin zhe na/ 'di la rgyal po'i pho brang 'khor na 'dug kyang rung / khyim bdag gi 'khor gyi nang na 'dug kyang rung / nye du'i nang na 'dug kyang rung ste/ mdza' bshes dang / mdza' bshes ma yin pa dag smra ba na/ mdza' bshes kyi phyir ni 'dod chags kyis brdzun smra la/ mdza' bshes ma yin pa'i phyir ni zhe sdang gis kyang brdzun smra'o/ /rnyed pa'i phyir yang brdzun smra ste/ nor la chags pa de brdzun smra'o/ /chos log pa'i tshig yongs su sdud pas kyang brdzun smra ste/ 'di la bram ze rnams yon tan gyi phyir dang / nor 'phrog pa'i phyir dang / rang gi srog la gnod pa dang / bag ma len pa dag gi phyir brdzun smras kyang mi gos so zhes zer ro/ /de ni chos log pa'i tshig yongs su sdud pa'i brdzun smra ba yin te/ mi gti mug pa log par lta ba'i tshig yongs su sdud pa 'di ni sems can dmyal ba mi bzad par yang 'gyur ro/ /sems can dmyal ba 'grub par 'gyur ba'i sa bon dag ni 'di lta ste/ brdzun smra ba yin pas rang gi srog gi phyir ram/ gzhan gyi srog gi phyir brdzun chung zad kyang smra bar mi bya ba 'di ni mchog yin no/ /'jigs pas kyang brdzun smra ste/ gang bdag gis brdzun 'di ma smras na de bdag gi srog la dman pa don med pa chen po 'thob par 'gyur ro snyam nas de gang las 'jigs par 'gyur ba de'i don du brdzun smra ba yin te/ rgyu lnga po 'di dag gis byis pa dag brdzun smra ba smra ste/ gti mug ni thams cad la gnas pa yin no/ /'dir tshigs su bcad pa/ 'jig rten pha rol khyad gsod cing / /chos gcig las ni 'da' byed pa/ /brdzun du smra ba'i lus can gyis/ /sdig pa mi bya ci yang med/ /mi yi lus su skyes ma thag /kha nas sta re lta bu yi/ /tshig 'byung ngan par brjod smra ba/ /de yis bdag nyid gcod par byed/ /bden par smra zhing 'khrug mi bya/ /</font><hr>63.92a<br><font size=+1>

bslangs na chung yang sbyin par bya/ /gnas 'di gsum dang ldan pa ni/ /lha rnams dag gi drung du 'gro/ /de lta bas na rgyu thams cad dang / rkyen thams cad kyis brdzun du smra bar mi bya zhing gzhan brdzun smra ba na rjes su yi rang bar mi bya/ brdzun smra ba dang lhan cig 'bel ba'i gtam zer du mi 'gro/ mi gnas/ 'dug par mi bya'o/ /gzhan du na 'di yang brdzun smra ba mngon du zer ba yin no zhes skye bo gzhan dag gis bsams par 'gyur te/ de ltar na las dri ma can la mngon par dga' ba'i mi rnams dang 'grogs pas las dri ma can du gzhan dag sems so/ /de lta bas na sdig pa'i grogs po dang 'grogs par mi bya ste/ 'di lta ste/ sdig pa'i grogs po dang 'grogs pa ni 'khor ba'i 'ching ba sems can dmyal ba dang / yi dgas dang / dud 'gro rnams kyi gnas yin la/ dge ba'i bshes gnyen dang 'grogs pa 'di ni thar pa mchog yin te/ 'di dag ni brdzun du smra ba mdor bshad pa yin no/ /gzhan yang phra ma ji lta bu yin/ rnam pa du yod ce na/ rnal 'byor spyod pa nang gi chos la chos kyi rjes su lta zhing / gnas pa des thos pa las byung ba'i shes pa 'am/ lha'i mig gis mthong ste/ phra ma zhes bya ba ni 'thun zhing 'byor pa dag la dbye ba'i bsam pas tshig brjod pa ni phra ma yin no/ /de rnam pa gnyis te/ pha rol dang sbyor ba dang / mi sbyor ba'o/ /de la khyod kyis mi gnyis dang dbye ba'i sbyor ba gyis shig ces dgra 'am/ dgra chung ngu gzhan dag gis sbyor ba byed pa dang / bdag nyid kyis 'byed par 'dod pa'o/ /gzhan yang tshig rtsub po ji lta bu yin/ rnam pa du yod ce na/ rnal 'byor spyod pa chos la chos kyi rjes su lta zhing / gnas pa des thos pa las byung ba'i shes pa 'am lha'i mig gis mthong ste/ tshig rtsub po zhes bya ba ni bdag dang gzhan la gnod pa byed pa/ khro ba'i rgyu 'thun par gyur pa/ yid du mi 'ong ba/ mi sdug pa/ mi dga' ba'i tshig brjod pa nyan pa dang / mi mthun pa/ 'dod chags dang / zhe sdang dang / gti mug dang bcas pa/ byis pa so so'i skye bo thams cad dang lhan cig spyod pa'i tshig smra ba 'di ni tshig rtsub po zhes bya ste/ rnam pa</font><hr>63.92b<br><font size=+1>

du ma dmigs pa du ma/ rgyu du ma/ sems kyi kun nas ldang ba du ma/ bde 'gror 'gro ba rnam par 'jig pa du ma/ skye bo thams cad mi dga' bar byed pa/ 'jig rten ldang ba'i rgyur gyur pa/ 'thun par gyur pa/ rnam par 'jig par byed pa/ yid mi ches pa'i gnas su gyur pa/ yid gcugs pa ma yin pa/ lce dug lta bur gyur pa'i tshig rtsub po dag gi dri ma ni tshangs pa mtshungs par spyod pas rnam par spangs pa yin no/ /'dir tshigs su bcad pa/ brtan pas tshig rtsub spang bya zhing / /rtag tu yang dag tshig smros shig /tshig snyan mngon par dga' ba'i mi/ /mya ngan 'das la nye bar gnas/ /tshig zhi rtag tu smra bya zhing / /dri ma yod pa rnam par spang / /tshig gi dri mas zil non pa/ /mi gang de ni dmyal bar 'gro/ /tshig gi dri mas zil non pa/ /gang yin de la bde ba med/ /seng ge sbrul ni 'phags min ltar/ /de dag la ni mtho ris med/ /gang dag tshig rtsub mi smra zhing / /gang dag g.yo ni rnam spangs pa/ /de dag thams cad dga' skyed cing / /bde ba dag dang dbugs 'byin byed/ /skye bo de ni 'jig rten 'di/ /dga' zhing pha rol mtho ris 'gro/ /de 'dra ba'i mi dag ni/ /mkhas pa de la phyag byar 'os/ /bden tshig rtag tu zhi ba dang / /g.yo sgyu med cing drang po'i sems/ /gzhan la gnod pa'i byed dang bral/ /de ni chos kyi rgyal mtshan dga'/ /lag pa brdabs pa'i sgra lta bur/ /mi ni chung bar gyur pa yin/ /gang dag de thob chos mi shes/ /mi ni rmongs pa dag gis bslus/ /gang dag bdag sdug mi 'gyur dang / /gang dag bde ba mi 'dod pa/ /de ni sdig gi las byed cing / /sred pa'i rgyu yis rnam par bslus/ /gang du las kyi rjes 'gro ba/ /nor dang bu dang chung ma dang / /mdza' bshes nye du gnyen 'dab dang / /der ni 'gro bar mi nus so/ /legs par byas dang nyes par byas/ /de dag 'gro ba'i rjes su 'gro/ /mkha' la bya dag gnas pa yin/ /de grib lhan cig 'gro ba bzhin/ /ji ltar lam rgyags nyung ba dag /lam zhugs sdug bsngal 'gro ba ltar/ /de bzhin las bzang ma byas pa'i/ /</font><hr>63.93a<br><font size=+1>

sems can dag ni ngan 'gror 'gro/ /ji ltar lam rgyags mang bdog pa/ /lam zhugs bde bar 'gro ba ltar/ /de bzhin las bzang byas pa yi/ /sems can dag ni bde 'gror 'gro/ /yun ring yul gzhan gnas pa yi/ /mi dag bde bar 'ongs pa ltar/ /gnyen dang sdug pa mdza' bshes dag /'dir 'ongs mngon par dga' ba ltar/ /de bzhin bsod nams byas pa'i mi/ /'jig rten 'di nas phar 'gro ba/ /bsod nams nyid kyis mngon dga' ste/ /gnyen sdug dag ni 'ongs pa bzhin/ /de lta bas na tshe phyi ma'i/ /bsod nams dag ni bya zhing bsags/ /bsod nams 'jig rten pha rol tu/ /srog chags rnams ni dran gnas yin/ /spyod pa mthun par gang spyod pa'i/ /bsod nams dag la lha bstod cing / /de dag 'dir ni mngon dga' la/ /pha rol mtho ris dga' bar 'gyur/ /gnas 'di gzhan gyis mthong ba yi/ /mkhas pa dag gis tshul khrims bsrungs/ /'phags pa mthong ba phun sum tshogs/ /'jig rten 'dir ni zhi ba bsten/ /gzhan yang rnal 'byor spyod pa nang gi chos la chos kyi rjes su lta zhing gnas pa mi dge ba'i las kyi lam gyi tshig bzhi pa'i tshig kyal pa la rtog par byed de de la tshig kyal pa rnam pa du yod ce na/ tshig 'byung ba snga phyi 'brel pa med pa'i tshig kyal pa dang / sems 'jug pa yang bas snga phyi 'brel pa'i tshig brjod pa'i tshig kyal pa'o/ /rgyags pa dang bcas pa dang / rgyags pa med pa'i dus kyis bslang pa yang byed pa'i rgyu'i ngo bo skyed pa de tshe 'di la yid gcugs pa'i gnas su mi 'gyur zhing tshe 'di'i las kyi lam skyed pa 'jig rten pa kun gyis smed pa'i gnas kyi rgyu/ don med par smra ba ni tshig kyal pa ste/ tshig gi dri ma bzhi pa 'di ni mi dge ba'i las kyi lam bskyed pa dang / skyed par byed pa smra bar mi bya zhing rjes su yi rang bar mi bya ba la gzhan gyi tshig kyal pa smra ba de la gnas par mi bya'o/ /yid kyi mi dge ba'i las kyi lam ni brnab sems dang / gnod sems dang / log par lta ba'o/ /de la brnab sems ni gzhan gyis</font><hr>63.93b<br><font size=+1>

yongs su bzung ba'i nor rdzas dang / nor rdzas kyi rnam pa la/ ngag dang yid kyis shin tu rtog par byed de/ 'di ni bdag gir bya'o snyam pa yang dag pa ma yin pa'i tshul bzhin yid la byed cing de gzhan gyi phun sum tshogs pa la 'phral la sems ldang ste/ don la 'chums pa rgyu med pa yin no/ /de ni brnab sems yid kyi mi dge ba'i las kyi lam yin te/ mi 'dod pa/ mi sdug pa/ yid du mi 'ong ba'i rnam par smin pa/ yid ma zhi ba/ ma sbyangs pa'i byis pa skye bo brnab sems kyis rab tu bslus pa de gzhan gyi phun sum tshogs pa la 'phral la yid kyis shin tu rtog par byed/ ro myang bar byed/ yang dang yang du byed/ yongs su sgyur bar byed/ rtag tu 'dod par byed/ rtag tu dga' bar byed cing gzhan gyi nor rdzas phun sum tshogs pa mthong na sdug bsngal ba yin no/ /'di ni brnab sems shes bya ste yid kyi mi dge ba'i las kyi lam gyi dri ma chen po yin no/ /gzhan yang sems las byung ba gnod sems mi dge ba'i las kyi lam la sogs pa ji lta bu yin zhe na/ rnal 'byor spyod pa nang gi chos la chos kyi rjes su lta zhing gnas pa des/ thos pa las byung ba'i shes pa 'am/ lha'i mig gis mthong ste/ gzhan dag gis sgyu ma yin pa yid kyi nyes pa'i gnod sems dang / gzhan dag gi phun sum tshogs pa 'am/ phun sum tshogs pa ma yin pa mthong nas/ sgyu ma yin pa ji ltar 'dod pa bzhin byas pa yid kyi nyes pa mi bzad pa chen po skye bar 'gyur te/ gnod sems de ni sems can dmyal ba myong bar 'gyur/ dge ba'i chos kyi lo tog tu gyur pa rnams kyi ser ba yang dag pa'i shes rab kyi mig gi mi mthun par gyur pa mun nag snying la gnas pa'i me de tshul khrims thams cad sreg par byed pa/ mdog ngan pa'i rgyu/ chos kyi stegs gcod pa/ 'jig rten 'di dang / 'jig rten pha rol gyi dgra nang du zhugs pa/ sems rtse gcig pa nyid 'jig par byed pa/ byams pa dang mi mthun zhing / 'phags pa'i bden pa bzhi po sdug bsngal dang / kun 'byung dang / lam dang / 'gog pa rnams 'jig par byed pa yin no/ /gnod sems zhes bya ba sems can dmyal ba'i pho nya mchog</font><hr>63.94a<br><font size=+1>

yin te/ de skyes bu dam pa dang / 'phags pa nyan thos dang / thos pa don du gnyer ba rnams kyis spong bar 'gyur ro/ /gzhan yang log par lta ba dam pa'i chos kyi mi mthun par gyur pa lta ba ngan pa thams cad kyi mun gnag snying la yang dag par skye bar 'gyur ba ji lta bu yin zhe na/ rnal 'byor spyod pa nang gi chos la chos kyi rjes su lta zhing gnas pa des thos pa las byung ba'i shes pa 'am lha'i mig gis mthong ste/ thog ma med pa'i dus nas zhugs shing skyes pa/ sems can dmyal ba dang / yi dgas dang / dud 'gro'i 'gro ba'i rgyu bskyed pa/ mun pa mun nag tu gyur pa/ lta ba ngan pa la mngon par dga' ba/ yang dag pa'i lam gyi mi mthun par gyur pa/ mtshon dang / me dang / dug dang / g.yang sa lta bu/ skye bo thams cad rnam par 'jig par byed pa/ phyin ci log tu lta zhing log par lta ba yin no/ /de yang rnam pa gnyis te/ rkyen yod pa dang / las dang 'bras bu la skur pa 'debs pa'o/ /de la rkyen yod pa ni bde ba dang / sdug bsngal gang yin pa de dag nyid kyis byas kyi las dang / 'bras bus byas pa ni ma yin no zhes zer ro/ /las dang 'bras bu la skur pa 'debs pa mi sbyin pa med do zhes bya ba la stsogs pa ste/ de ltar de dag log par lta ba mi dge ba bcu'i las kyi lam 'di dag thams cad don thams cad med par byed pa'i rtsa ba yin no// //'phags pa dam pa'i chos dran pa nye bar gzhag pa/  bam po gnyis pa/ gzhan yang mi dge ba bcu'i las kyi lam 'di dag bzlog nas/ zag pa dang bcas pa dang / zag pa med pa dag gi las byed par 'gyur ba ji lta bu yin zhe na/ rnal 'byor spyod pa nang gi chos la chos kyi rjes su lta zhing gnas pa des thos pa las byung ba'i shes pa 'am/ lha'i mig gis mthong ste/ 'di ni re shig 'khor ba'i 'ching ba/ chos zad par byed pa/ 'di lta ste/ 'ching ba'i rgyu mi dge ba'o/ /thar pa'i rgyu'i dngos po ni dge ba yin te/ de la srog gcod pa spangs pas/ 'khor bar gtogs pa'i sems can rnams la mi 'jigs pa sbyin par 'gyur te/ de tshe 'di nyid la bsngags par 'gyur/ de'i bzhin gyi mdog dang dbang po rnams gsal bar</font><hr>63.94b<br><font size=+1>

'gyur/ tshe ring por 'gyur ba'i las byed par 'gyur/ gang srin po dang / sha za dang / grul bum gyi rigs dang / gzhan yang sems can 'tshe bar byed pa de dag kyang nyin mtshan srung bar byed/ phyi bzhin du lha dag kyang mngon par srung bar byed la/ lus dang bral nas kyang bde 'gro mtho ris lha'i 'jig rten du skye bar 'gyur te/ gal te rnam par smin pa'i 'bras bu myong bar 'dod na yang / ji ltar brtson 'grus brtsams pa bzhin myong bar 'gyur ro/ /gal te byang chub kyi lam tha ma dang / 'bring dang / chen po rnams kyi so so yang dag par 'dod na/ de rnam pa gsum po 'dir 'gyur te/ gal te nyan thos kyi byang chub tu yongs su bsngo na/ de dgra bcom par gyur nas/ yongs su mya ngan las 'da'o/ /gal te byang chub 'bring du yongs su bsngo na/ de rang sangs rgyas su 'gyur ro/ /gal te bla na med pa yang dag par rdzogs pa'i byang chub tu yongs su bsngo na/ de yang dag par rdzogs pa'i sangs rgyas su 'gyur te/ rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das su 'gyur ro/ /chos thams cad kyi rtsa ba ni srog yin te/ gang srog de mngon par srung ba des ni bde ba thams cad sbyin par 'gyur la/ sbyin pa rnams kyi nang na mchog ni 'di yin te/ 'di lta ste/ sems las byung ba so sor bsgoms pa srog byin pa'o/ /tshul khrims kyi nang na mtho ris su skye ba'i mchog ni 'di yin te 'di lta ste srog byin pa'i tshul khrims so/ /gal te yul gyi bde ba kun nas nyon mongs pa sred pa'i rgyur 'gyur bar yongs su bsngo na/ de tshangs pa 'am/ bdud dam/ brgya byin du 'gyur/ gal te mi'i bdag nyid chen por yongs su bsngo na/ de 'khor los sgyur ba'i rgyal po rin po che sna bdun dang ldan pa/ gling bzhi la spyod par 'gyur/ gal te lha ma yin gyi bdag nyid chen por yongs su bsngo na/ de lha ma yin gyi rgyal srid byed par 'gyur/ gal te gnod sbyin gyi bdag nyid chen por yongs su</font><hr>63.95a<br><font size=+1>

bsngo na/ de gnod sbyin gyi rgyal srid byed par 'gyur ro/ /snying rje chen po 'di ni dam pa'i chos kyi sa bon du gyur pa/ 'khor ba'i skyabs su gyur pa/ 'khor ba'i mun gnag tu zhugs pa rnams kyi sgron mar gyur pa yin te/ 'di lta ste/ srog gcod pa spong ba zhes bya'o/ /srog gcod pa spangs pa byams pa bsgoms par 'gyur zhing / snying rje'i rgyud la gnas pa yin te/ bsams nas srog gcod pa spangs na gtsang zhing dga' bar 'gyur/ gang gi tshe pha rol yang dag par bsrung bar ma nus pa de'i tshe btang snyoms su 'gyur zhing / de tshangs pa'i gnas bzhi la gnas pa'i rgyud du 'gyur/ srog gcod pa spangs pa'i dge ba'i rtsa ba'i snying po ni bsam gyis mi khyab pa ste/ rnam pa gang dang gang gis ji lta ji ltar yongs su bsngo ba de lta de ltar yongs su 'grub bo/ /dper na/ gser mgar mkhas pa de ni gser bzang po blangs nas/ ji lta ji ltar 'dod pa de lta de ltar gser de la byed de/ de las rgyan nam/ de las bum pa 'am/ de las mi'i gzugs sam/ de las sangs rgyas kyi gzugs byed do/ /de bzhin du srog gcod pa yang dag par bsrungs te/ ma nyams shing ma ral la/ ma zhig na ji lta ji ltar yongs su bsngo ba de lta de ltar yongs su 'grub bo/ /de lta bas na srog gcod pa spangs pa'i sems can gang yin pa de ni mya ngan las 'das pa dang / nye bar gnas shing / de dge ba'i bshes gnyen dang yang dag par spyod/ sems can de bdag dang gzhan la phan pa'i skal ba dang ldan zhing / de sems can dmyal ba dang / dud 'gro dang / yi dgas rnams kyi 'gro ba la bsod nams kyi zhing du gyur pa yin/ des 'khor ba na chos dang ldan pa'i chos kyi rjes su 'jug pa/ chos dang ldan pa'i kun rtog pa rnams 'grub par 'gyur zhing / grub pa yang brtan par 'gyur la/ rgyal po dang / chom rkun dang / chu dang / mes 'jigs pa dang / thun mong ma yin par 'gyur te/ bdag nyid nye bar spyod par 'gyur ro/ /chos dang ldan pa'i 'gren zla gzhan dag gis mi non par mthong ste/ de lta bas na srog gcod pa spang bar bya'o/ /de nas gzhan yang ma byin par len pa spangs pas legs par byas pa</font><hr>63.95b<br><font size=+1>

mthong ba ji lta bu yin zhe na/ rnal 'byor spyod pa nang gi chos la chos kyi rjes su lta zhing gnas pa des thos pa las byung ba'i shes pa 'am/ lha'i mig gis mthong ste/ ma byin par len pa spangs pa ni/ gzhan gyis yongs su bzung ba'i chags pa chen po'i dra ba las grol bar 'gyur/ tshe 'di nyid la de dbugs 'byung bar 'gyur/ rgyal po 'am/ blon po'i yid brtan par 'gyur/ rgyal po'i 'khor dang / khyim bdag gi 'khor dang / rgyal rigs kyi 'khor dang / dge sbyong gi 'khor dang / bram ze'i 'khor du yid brtan pa dang / dga' ba dang / sdug pa dang / yid du 'ong zhing tshig yongs su gzung bar 'os par 'gyur/ de'i longs spyod gang yin pa de dag rtag cing gzhan la gnod pa med par 'gyur la/ rgyal po dang / chu dang / chom rkun dang / me'i 'jigs pa med par 'gyur/ ma bsams par de dag 'phral la 'byung bar 'gyur la/ byung nas kyang zhing dang tshul khrims dang ldan pa dang / lam bzang po la zhugs pa dang / 'jig rten pa rnams la yang dag par nye bar sbyor bar 'gyur/ lus dang bral nas kyang bde 'gro mtho ris kyi lha'i 'jig rten rnams su skye bar 'gyur ro/ /gal te nges par 'byung ba'i lam gyis yongs su bsngo na/ nges par 'byung bar 'gyur la snga ma bzhin du tshangs pa 'am/ bdud dam/ brgya byin nam/ 'khor los sgyur ba'i rgyal po gling bzhi la dbang ba/ rin po che sna bdun dang ldan par 'gyur te/ 'di ltar tshul khrims la mngon par dga' ba de byang chub rnams 'thob par 'gyur ro/ /de nas gzhan yang 'dod pas log par g.yem pa spangs pa'i 'bras bu ji lta bu yin zhe na/ rnal 'byor spyod pa nang gi chos la chos kyi rjes su lta zhing gnas pa des thos pa las byung ba'i shes pa 'am/ lha'i mig gis mthong ste/ 'dod pas log par g.yem pa spangs pa ni dge ba'i las kyi lam bzang po spyod cing / tshe 'di nyid la de spangs par 'gyur/ yid ches pa'i gnas su yang 'gyur/ bud med kyi nang na 'dug kyang dogs pa med par 'gyur/ de rgyal po 'am/ blon po'i yid brtan par 'gyur/ de'i chung ma nam yang gzhan gyis 'phrog par mi 'gyur zhing rtag tu de'i rim gro byed par brtson par 'gyur la bsam pa dang 'thun par yang 'gyur/ nyam thag par gyur pa na yang</font><hr>63.96a<br><font size=+1>

khyad du gsod par mi 'gyur zhing tshul dang mi 'thun par mi 'gyur la gcig la gcig gnod pa byed pa la mngon par dga' bar mi 'gyur/ de'i chung ma de la brnyas pa byed par mi 'gyur zhing 'jig rten thams cad la ma dang sring mo lta bur kun tu spyod par 'gyur la de'i chung ma 'jig rten la khro ba med par 'gyur te/ snga ma bzhin du lus dang bral nas bde 'gro mtho ris kyi lha'i 'jig rten du skye bar 'gyur ro/ /gang gi tshe lha dag las 'chi bar 'gyur ba de'i tshe/ lha'i bu gzhan zhig der skye bar 'gyur ro/ /gang gis 'dod pas log par g.yem pa byas par gyur na de'i tshe ma 'phos par lha gzhan zhig lha'i bu mo de dag gi nang du skye bar 'gyur la de yang de dang mngon sum du 'gyur te/ de dang lha gzhan dag dang lhan cig tu rgod par byed/ 'dzum par byed/ dga' mgur spyod par byed do/ /de 'chi ba na de'i chung mas mthong nas gzhan du 'gro bar byed de/ phrag dog gi zhags pas yongs su bzung ba dag sems can dmyal ba rnams su skye bar 'gyur ro/ /'dod pas log par g.yem pa spyod pa kun tu bsten cing bsgoms te mang du byas pa 'di ni bar chad chen po yin no/ /de lta bas na 'dod pas log par g.yem pa spong ba yin pa de ni dge ba'i las kyi lam chen po yang dag par 'dzin cing mya ngan las 'das pa'i skal ba dang ldan par 'gyur ro/ /de nas gzhan yang dge ba'i phyogs thams cad dang mi mthun par gyur pa'i brdzun spangs pas dge ba'i phyogs chen po yang dag par 'dzin pa tshe 'di'i 'bras bu rnam par smin pa ji lta bu yin zhe na/ rnal 'byor spyod pa nang gi chos la chos kyi rjes su lta zhing gnas pa des thos pa las byung ba'i shes pa 'am/ lha'i mig gis mthong ste/ brdzun smra ba spangs pa de ni skye bo kun gyi mig dang rna ba'i lkog tu gyur kyang yid ches pa'i gnas chen por 'gyur zhing nor rdzas med na yang skye bo kun dang rgyal pos ji ltar 'dod pa bzhin mchod par 'gyur te/ ji ltar nam mkha' la gza' dang / rgyu skar gyi dbus na zla ba rab tu gsal ba de ltar 'jig rten gyi nang na</font><hr>63.96b<br><font size=+1>

bden par smra ba de rab tu gsal lo/ /rin po che thams cad kyi nang na bden pa rin po che mchog tu bzang ngo / /'khor ba thams cad las sgrol ba'i nang na bden par sgrol ba khyad par du 'phags so/ /ngan 'gro thams cad las phyir zlog pa'i nang na bden pas phyir zlog go/ /sgron ma thams cad kyi nang na bden pa sgron ma yin no/ /lam ston pa thams cad kyi nang na bden pa lam ston pa yin no/ /'du byed kyi rdzas 'byung ba thams cad kyi nang na bden pa'i rdzas gzhan gyi nad 'phrog pa yin no/ /rtsal thams cad kyi nang na bden pa rtsal yin no/ /skyob pa thams cad kyi nang na bden pa skyob pa yin no/ /mdza' bshes thams cad kyi nang na bden pa mdza' bshes khyad par 'phags pa yin no/ /gang bden pa'i nor kun tu 'dzin pa de ni nams kyang 'khor ba'i ngan 'gro log par ltung ba dbul bar mi 'gyur zhing / lha rnams dang nye bar 'gyur la/ gang dang gang du skye ba de dang der skye ba'i rigs che zhing / gzugs bzang por 'gyur te/ skye bo thams cad la sdug pa dang / dga' ba dang / yid du 'ong ba dang / tshig yid ches par 'gyur/ de gnod sbyin dang / sha za dag gis mi mthong la gtse bar mi nus shing / yul gzhan du phyin na yang mal cha dang / na ba'i gsos sman gyi rkyen mang po phun sum tshogs par 'gyur/ des 'dod pa gang dag yid la bsams pa de dag kyang de las 'grub par 'gyur te/ des mi'i bde ba mchog myong nas gal te 'chi ba'i dus byed na/ de lus dang bral nas bde 'gro mtho ris lha rnams kyi 'jig rten du tshe ring ba dang / shin tu rdzu 'phrul che ba dang / shin tu gnas mtho bar skye bar 'gyur ro/ /snga ma bzhin du gal te rnam par byang ba zag pa med pa'i lam gyis yongs su bsngo bar byed na/ mya ngan las 'das pa'i mthar 'gyur ro/ /de nas gzhan yang dge ba'i las kyi lam la spyod pa/ phra ma spangs pas tshe 'di dang pha rol gyi las kyi 'bras bu rnam par smin par ji ltar 'gyur zhe na/ rnal 'byor spyod pa nang gi chos la chos</font><hr>63.97a<br><font size=+1>

kyi rjes su lta zhing gnas pa des/ thos pa las byung ba'i shes pa 'am lha'i mig gis mthong ste/ phra ma spangs pas tshe 'di la las kyi 'bras bu rnam par smin pa myong bar 'gyur ba ni mdza' bshes dang / gnyen 'dab dang / rtsa lag dang / chung ma dang / bran pho dang / bran mo dang / las byed pa dang / zho shas 'tsho ba brtan par 'gyur/ gzhan gyis kha drang du mi rung zhing bshes pa dang / rgyal po'i pho brang 'khor dang / spun mi mthun pa dag gis dbye bar mi nus so/ /gal te nor dang bral bar 'gyur te/ nor dang bral bar gyur na yang mi gtong zhing mu ge dang / 'brog dgon pa dang / ri dang g.yang sa dang / gnas skabs mi mthun par chud na yang mi gtong ste/ nams kyang 'bral bar mi 'gyur la gang dag de'i skyon smra na de dag de la thabs kun gyis nyan par mi byed do/ /de rgyal po'i pho brang 'khor du brtan par 'gyur zhing chu dang / mtshon cha dang / mi mdza' ba'i 'jigs pa med par 'gyur te/ dri ma chen po phra ma spangs pa'i yon tan ni de dag yin no/ /lus dang bral nas shi ba'i 'og tu yang bde 'gro mtho ris lha'i 'jig rten du skye bar 'gyur te/ de der yang lha'i ris 'thun pa'i lha mo'i tshogs mang po rtag tu rjes su chags pa rnams kyis yongs su bskor cing me tog phreng dang / phye ma dang byug pa dang rgyan thogs pa rnams kyis rtag tu dga' ba'i mchog byed par 'gyur ro/ /snga ma bzhin du gal te phra ma spangs pa rnam par byang ba zag pa med par yongs su bsngo na/ de zag pa med pa'i bsam gtan gyi lam yongs su mya ngan las 'das pa thob par 'gyur ro/ /de nas gzhan yang mi dge ba'i las kyi lam 'jig rten thams cad skyo bar byed pa tshig rtsub po spangs pa'i 'bras bu rnam par smin pa ji ltar 'thob par 'gyur zhe na/ rnal 'byor spyod pa nang gi chos la chos kyi rjes su lta zhing gnas pa des thos pa las byung ba'i shes pa 'am lha'i mig gis mthong ste/ tshig rtsub po spangs pa de ni dge ba mthong bar 'gyur/ drang po'i rang bzhin dang / dbugs dbyung ba'i gnas dang / 'jig rten kun gyis rtogs pa dang / tshig 'jam zhing des la snyan pa dang / gzhan la rnam par 'tshe bar mi byed</font><hr>63.97b<br><font size=+1>

cing / skye bo thams cad kyi dbugs 'byung ba byed par 'gyur/ de rgyang ring po nas mthong nas/ skye bo kun nye bar 'gro bar byed/ mdza' bshes kyang mang bar 'gyur/ nor rdzas med na yang skye bo kun de'i bran dang 'dra bar 'gyur ro/ /gal te de las gzhan zhig gis nyon mongs pa byung na yang de dag gis de nams kyang gtong bar mi byed cing / de'i don thams cad nyon mongs pa med par nye bar sgrub la de la mi mdza' ba dang / rgyal po dang / chu dang me dang / mtshon gyis 'jigs pa med par 'gyur ro/ /lus dang bral nas kyang bde 'gro mtho ris kyi lha rnams kyi 'jig rten du skye bar 'gyur te/ der skyes nas kyang tshig gi rgyu 'jam pa dang / phan pa dang / snyan pa dang ldan par 'gyur zhing rdzu 'phrul che ba dang / mthu che bar 'gyur ro/ /snga ma bzhin du gal te nges par 'byung ba'i bsam gtan bde ba'i gnas zag pa med par yongs su bsngo na de byang chub gsum 'thob par 'gyur ro/ /de nas gzhan yang mi dge ba'i las kyi lam tshig kyal pa spangs pas tshe 'di la ji ltar 'thob par 'gyur ba dang / phyi ma la gang du skye bar 'gyur zhe na/ rnal 'byor spyod pa nang gi chos la chos kyi rjes su lta zhing gnas pa des thos pa las byung ba'i shes pa 'am lha'i mig gis mthong ste/ tshig kyal pa spangs pa ni 'jig rten na rigs btsun par 'gyur zhing de bkur bar yang 'gyur/ tshig snga phyi 'brel par 'gyur zhing tshig la skye bo thams cad mngon par dga' bar 'gyur/ de la skyon gyis su yang rnam par 'tshe bar mi byed la tshig shin tu 'brel cing 'jig rten na btsun par 'gyur te/ dal ba dang / snyan pa dang / chos dang ldan pa dang / 'jam pa dang / zab mo'i rgyu'i tshul dang / chos nyid dang mi 'gal ba'i gtam smra ba 'jig rten na bla ma dang 'dra bar lta zhing nor rdzas brtan par yang 'gyur/ log par spangs pa yang skye bo pha rol dag gis yon tan du 'dzin par 'gyur zhing de'i yon tan des skye bo dag bzung bar 'gyur ro/ /lus dang bral nas kyang bde 'gro mtho ris lha rnams kyi 'jig rten du skye bar 'gyur te/ der skyes nas kyang lha'i bu thams cad sems par 'gyur zhing</font><hr>63.98a<br><font size=+1>

rdzu 'phrul che ba dang / lha'i bde ba dpe med pa la spyod par 'gyur ro/ /snga ma bzhin du gal te rnam par byang ba zag pa med pa'i bsam gtan gyi bde bar yongs su bsngo na/ de byang chub gsum 'thob par 'gyur ro/ /de ltar lus kyi rnam pa gsum dang / ngag gi rnam pa bzhi mi dge ba yongs su spangs na mthar mya ngan las 'das par 'gyur ro/ /de ni dge ba'i las kyi rgyu yin la 'jig rten na yang bsngags par 'gyur zhing lha rnams kyi nang du yang skye bar 'gyur ro/ /de lus dang ngag gi las yang dag par gyur pa'i las kyi 'bras bu rnam par smin pa'i rgyu ni rnal 'byor spyod pa nang gi chos la chos kyi rjes su lta ba nang gi yang dag par gyur pa rjes su mthong ngo / /de nas gzhan yang yid kyi las ji ltar dge bar 'gyur zhe na/ rnal 'byor spyod pa nang gi chos la chos kyi rjes su lta zhing gnas pa des thos pa las byung ba'i shes pa 'am lha'i mig gis mthong ste/ yid kyi mi dge ba de rnam pa gsum po de dag zlog pas dge ba'i tshe 'di la bde ba gnas pa myong bar 'gyur zhing lus dang bral nas kyang bde 'gro mtho ris lha rnams kyi 'jig rten du skye bar 'gyur/ gal te 'khor ba la yid byung na de rgyu des phung po lhag ma med pa'i mya ngan las 'das pa'i dbyings su 'jug par 'gyur ro/ /yid kyi las ni rnam pa gsum ste/ brnab sems dang / gnod sems dang / log par lta ba'o/ /de nas gzhan yang brnab sems spangs pas dge ba'i las kyi 'bras bu rnam par smin pa ji lta bu zhig 'byung zhe na/ rnal 'byor spyod pa nang gi chos la chos kyi rjes su lta zhing gnas pa des thos pa las byung ba'i shes pa 'am/ lha'i mig gis mthong ste/ brnab sems spangs pa ni rgyal po 'am/ rgyal po'i blon po'i nor rdzas kyi rnam pa mang po thams cad gang la yang yid kyis dbrog pa'i don du sems par mi byed pa yin no/ /de'i nor rdzas gzhig tu stor na yang gzhan gyis rnyed cing de la skye bo de dang / gtso bor gyur pa zhig na yang slar sbyin par byed de/ nor dang rtag tu ldan</font><hr>63.98b<br><font size=+1>

zhing gzhan dag gis mi thub par 'gyur ro/ /lus dang bral nas kyang bde 'gro mtho ris lha rnams kyi 'jig rten du skye bar 'gyur la der skyes nas kyang lha dang lha ma yin du g.yul 'gyed pa'i lha ma yin gang gis kyang yongs su thub par mi 'gyur zhing rdeg par mi 'gyur la/ rnam par tho 'tsham par mi 'gyur ro/ /de dag las rnam par phye bar mi 'gyur te/ lha'i bu thams cad la 'dod pa dang / sdug pa dang / yid du 'ong bar 'gyur zhing / sgra dang / reg bya dang / ro dang / gzugs dang / dri sdug pa dpe med pa nye bar spyod par 'gyur ro/ /snga ma bzhin du gal te nges par 'byung ba zag pa med pa'i bsam gtan gyi 'bras bu'i lam du yongs su bsngo na/ de byang chub gsum 'thob par 'gyur ro/ /de nas gzhan yang gnod sems mi dge ba'i las kyi lam spangs pas dge ba'i las kyi 'bras bu ji ltar 'thob par 'gyur zhe na/ rnal 'byor spyod pa nang gi chos la chos kyi rjes su lta zhing gnas pa des thos pa las byung ba'i shes pa 'am/ lha'i mig gis mthong ste/ gnod sems spangs pas tshe 'di nyid la 'byor pa dang bde bar gnas par 'gyur la/ skye bo thams cad dga' ba dang / yid du 'ong bar 'gyur/ pha rol gyis 'jigs shing nyam nga ba mi bzad pa chen po dang rnam par gtse bar mi nus shing / rgyal po'i 'khor gyi 'jigs pa dang / chom rkun dang / g.yang sa'i 'jigs pa dang / me'i 'jigs pa dang / gnod pa'i 'jigs pa dang / g.yo'i 'jigs pa dang / chu'i 'jigs pa dang / 'jigs pa du ma nyam nga ba dag dang bral zhing 'jigs pa dang nyam nga ba dag las kun du thar te/ skye bo thams cad kyi sdug pa dang / mchog tu dga' bar 'gyur/ sdig pa'i skye bo dang / dge ba'i skye bo la bu dang spun dang 'dra bar sdug par 'gyur ro/ /lus dang bral nas kyang bde 'gro mtho ris lha rnams kyi 'jig rten du skye bar 'gyur te/ der yang rdzu 'phrul che ba dang / mthu che bar 'gyur/ gzugs dang / sgra dang / reg bya 'dod pa thams cad 'byor pa la gnas par</font><hr>63.99a<br><font size=+1>

'gyur zhing dga' ba'i tshal dang / yongs su 'du ba dang / rnam par mdzes pa dang / shing rta sna tshogs kyi tshal chen po rnams su lha'i bu mo'i tshogs kyis yongs su bskor bar 'gyur/ de'i lus dang ngag dang yid la lha gang gis kyang rnam par gtse bar mi nus shing de la lha 'bum snyed dag gis dga' ba skyed par 'gyur la/ lha'i rgyal po brgya byin gyi 'dod pa dang sdug pa dang dga' ba dang yid du 'ong bar 'gyur/ lha dang lha ma yin gyi g.yul 'gyed pa'i nyon mongs pa dag kyang med cing 'khrug pa dag dang 'bral bar 'gyur ro/ /gal te nges par 'byung ba 'jig rten las 'das pa'i lam nyon mongs pa med par yongs su bsngo na de lha'i 'jig rten de nas shi nas 'khor los sgyur ba'i rgyal po'i gling bzhi la dbang ba rin po che sna bdun la nye bar spyod pa rnam pa du mar 'gyur te/ 'di lta ste/ bud med rin po che ni de'i bud med kyi lus las tsan dan dang spos 'byung zhing kha nas ud pa la'i dri 'byung / bya ka ling ga ltar reg na bde bar 'gyur te/ bya ga ling ga zhes bya ba ni rgya mtsho'i gling la gnas pa'i bya yin no/ /de ltar 'di'i mthus gang la reg pa nyid kyi lus kyi nyon mongs pa med par 'gyur zhing / gling de na gnas pa'i skye bo bkres pa dang / skom pa dang / mya ngan dang bral bar 'gyur/ bud med de lta bu de 'khor los sgyur ba'i rgyal pos mthong nas grang ba'i dus su ni dro bar byed cing dro ba'i dus su ni bsil bar byed de/ de la mi gzhan gang gis kyang reg par bya bar mi nus so/ /de gnod sems spangs pa'i mthus dge ba'i las kyi rjes su zhugs pa dge ba thams cad yang dag par rtog pa'i mi de dag thams cad kyis ma dang sring mo ltar mthong ngo / /de yang rgyal po de'i yid du 'ong zhing de la gus par byed la de'i snying du sdug pa dang / rtag tu bde ba'i rjes su 'jug par 'gyur ro/ /bud med kyi skyon rnam pa lnga spangs pa yin te/ 'di lta ste/ skyes pa gzhan la sems pa dang / ser sna dang / mi rigs par chags pa dang / mi rigs pa'i gnas la rjes su dga' ba</font><hr>63.99b<br><font size=+1>

dang / khyim thab kyi srog gcad par 'dzin pa'o/ /bud med rin po che'i yon tan lnga dang ldan par 'gyur te/ 'di lta ste/ bsam pa dang 'thun par 'gyur ba dang / bu mang po btsa' bar 'gyur ba dang / rigs 'thun par 'gyur ba dang / srid mtho bar 'gyur ba dang / khyim thab bud med gzhan la sems na phrag dog mi byed pa'o/ /gzhan yang bud med chen mo'i yon tan gsum dang ldan par 'gyur te/ 'di lta ste/ tshig cal col med par 'gyur ba dang / log par lta ba med par 'gyur ba dang / khyim thab med kyang sgra dang / dri dang / ro dang / reg bya dag gi dbang du mi 'gyur ba'o/ /de rgyu des lus dang bral nas bde 'gro mtho ris kyi lha rnams kyi 'jig rten du skye bar 'gyur te/ de ltar 'khor los sgyur ba'i rgyal po bud med rin po che la nye bar spyod par 'gyur ro/ /de nas gzhan yang gnod sems kyi dri ma chen po spangs pas dge ba'i las kyi rnam par smin pas 'khor los sgyur ba'i rgyal por ji ltar 'gyur zhe na/ rnal 'byor spyod pa nang gi chos la chos kyi rjes su lta zhing gnas pa des thos pa las byung ba'i shes pa 'am/ lha'i mig gis mthong ste/ gzhan gyi mi dge ba'i las kyi rgyu 'thun pa gnod sems chen po spangs pas/ rin po che gnyis pa nor bu rin po che la nye bar spyod par 'gyur te/ de'i yon tan brgyad dang ldan pa yin no/ /'di lta ste/ mtshan mo rab tu gsal ba yin te/ ji ltar ston ka'i zla ba nya ba ni/ ston ka 'od gsal bar 'gyur ba de ltar nor bu yang mtshan mo'i mun pa mun nag la dpag tshad brgyar 'od byung zhing nyin par tsha bas gdungs pa rnams la ni 'od bsil ba 'byung ste/ tsha ba sel bar byed pa 'di ni nor bu de'i yon tan gcig yin no/ /gzhan yang yon tan gnyis pa ni gang gi tshe lam du zhugs pa la chu dang bral ba de'i tshe/ skom pas gdungs pa rnams la chu chen po yan lag brgyad dang ldan pa rab tu 'byung bar 'gyur la des skom pa de dag thams cad sel bar 'gyur te/ 'di ni nor bu de'i yon tan gnyis pa yin no/ /gzhan yang nor bu de'i yon tan</font><hr>63.100a<br><font size=+1>

gsum pa ni gang 'khor los sgyur ba'i rgyal pos bsams pa nor bu de las 'byung ste/ 'di ni nor bu de'i yon tan gsum pa yin no/ /gzhan yang nor bu de'i yon tan bzhi pa ni yan lag brgyad par 'gyur te/ de'i cha re res 'od kyi kha dog sna tshogs gtong ste/ sngon po dang / ser po dang / dkar po dang / dmar po dang / btsod ka'i kha dog lta bu'o/ /gzhan yang nor bu de'i yon tan lnga pa ni nor bu de gang na 'dug pa dpag tshad brgyar nye ba dag gi nad med par 'gyur/ rtag tu yid mnyam par gzhag pa dang / de'i 'dod pa thams cad las ji lta ba bzhin du 'bras med par mi 'gyur ro/ /gzhan yang nor bu de'i yon tan drug pa ni klu ngan pas char mi bzad pa mngon par 'bab par mi nus so/ /gzhan yang nor bu de'i yon tan bdun pa ni mya ngam dang / g.yang sa dang / dgon pa dang / shing ljon pa dang / mtshe'u dang / tshal dang / pad ma dang / nags tshal dang / ne'u sing phun sum tshogs par 'gyur ro/ /gzhan yang nor bu de'i yon tan brgyad pa ni mi gang yang dus ma yin par 'chi bar mi 'gyur zhing / dud 'gro'i 'gro bar mi 'gyur te/ dud 'gro'i 'gro ba dag gis kyang gnod par mi 'gyur ro/ /mi mthun pas yang mi mthun pa la gnod par mi 'gyur te/ 'di lta ste/ sbrul dang / ne'u le dang / sbrul lta bu ste yon tan chen po brgyad po de dag dang ldan no/ /'khor los sgyur ba'i rgyal po de'i gnod sems spangs pa dge ba'i las kyi rnam par smin par 'gyur ba ni de'i bu yang stong tham par 'byung ste/ dpa' zhing rtul phod la yan lag mchog gi gzugs dang ldan pa/ pha rol gyi sde mngon par 'joms pa/ bsam pa'i rjes su 'jug pa/ chos dang ldan zhing chos kyi rjes su 'jug pa/ rigs mthun pa/ 'khor gyi skye bo thams cad dga' zhing rang bzhin gyis rjes su chags pa yin no/ /de nas gzhan yang gnod sems spangs pas gsum pa 'jig rten du 'khor lo rin po che ji ltar 'byung zhe na/ rnal 'byor</font><hr>63.100b<br><font size=+1>

spyod pa nang gi chos la chos kyi rjes su lta zhing gnas pa des thos pa las byung ba'i shes pa 'am lha'i mig gis brtags na 'khor lo rin po che yon tan lnga dang ldan par mthong ste/ 'di lta ste/ 'dzam bu'i chu bo'i gser las byas pa dang /  tshad dpag tshad lnga brgya yod/ rtsibs stong yod cing / 'jig rten na nyi ma gnyis pa lta bu mdzes te/ 'di ni de'i yon tan dang po yin no/ /gzhan yang 'khor lo rin po che'i yon tan gnyis pa ni nam mkha' la dpag tshad 'bum du nyi ma gcig gis thogs pa med par 'gro'o/ /gzhan yang 'khor lo rin po che de'i yon tan gsum pa ni 'di lta ste/ 'khor los sgyur ba'i rgyal po nub kyi ba lang spyod dang / shar gyi lus 'phags dang / byang gi sgra mi snyan dang / rgyal chen bzhi'i lha'i gnas gang du 'gro bar 'dod pa de dang der nam mkha' la 'khor lo rtsibs stong yod pas 'gro zhing / de'i mthus de'i dpung gi tshogs yan lag bzhi pa glang po dang / rta dang / shing rta dang / rkang thang ba dang lhan cig tu nam mkha' la 'gro'o/ /gzhan yang 'khor lo rin po che de'i yon tan bzhi pa ni 'khor los sgyur ba'i rgyal po gang mi thos pa de 'khor lo rin po che des grogs byas te thos par byed do/ /gzhan yang 'khor lo rin po che de'i yon tan lnga pa ni sngo ba gang yang med de/ chos dang ldan pa'i chos kyi rjes su 'jug pa'i rgyal po la/ rgyal po 'am/ blon po'i chos kyi grogs pos mthong ma thag tu de dag thams cad 'bul te/ de ltar 'khor lo rin po che yon tan lnga dang ldan no/ /rin po che chen po gsum pa bshad zin to/ /de nas gzhan yang gnod sems spangs pa'i dge ba'i las kyi mtha' spyad pa dag 'khor los sgyur ba'i rgyal po'i bzhi pa glang po rin po che ji ltar 'jig rten du 'byung bar 'gyur zhe na/ rnal 'byor spyod pa nang gi chos la chos kyi rjes su lta zhing gnas pa des thos pa las byung ba'i shes pa 'am lha'i mig gis mthong ste/ 'di la 'khor los sgyur ba'i rgyal po chos dang ldan zhing chos kyi rjes su 'jug pa'i glang por</font><hr>63.101a<br><font size=+1>

'gyur ba ni cang shes pa/ mchog tu bka' mnyan pa/ pha rol gyi sde las rgyal bar byed pa/ yan lag bdun legs par gnas pa yin te/ 'di lta ste/ rkang lag bzhi dang mjug ma ma zegs pa dang / rlig pa mdoms kyi gnas na 'dug pa dang / sna legs par gnas pa ste/ de dag la sogs pa de'i yan lag bdun dag sa'i steng na legs par rab tu gnas pa yin stobs che ba yin te/ rang bzhin gyis glang po che stong gi stobs yang dag par 'dzin par byed rkan 'jam pa yin zhing mdog dkar ba kha ba dang dngul gyi mdog lta bu yin te/ 'di lta ste/ brgya byin gyi glang po che lta bu yin la/ glang po che gzhan dag de'i dri tshor nas mdun du 'dug par mi byed do/ /gnas gsum du g.yul 'gyed par 'gyur te/ 'di lta ste/ chu dang / skam sa dang / bar snang la'o/ /shugs phun sum tshogs pa dang ldan pa yin te/ nyin gcig gis 'dzam bu'i gling lan gsum skor bar byed do/ /skud pas kyang dkrir rung bar 'gyur la gang gi tshe 'khor los sgyur ba'i rgyal po glang po cang shes la zhon pa de'i tshe sems dang 'thun par 'gyur te/ 'khor los sgyur ba'i rgyal po gang du sems 'jug par 'gyur ba der glang po cang shes pa de ma bskul kyang 'jug go/ /dal gyis 'gro zhing 'gying bas spyi bor bskyod pa/ gnod pa med cing 'khrug pa med la/ sdug pa dang mdzes par 'gro ba yin/ byis pa'i nang du song na yang byis pa rnams la 'jigs par mi byed/ lam srang dang / bzhi mdo dang / ba gam gyi nang du song ste/ phan tshun 'gro ba na bud med kyis kyang reg par bzod pa yin/ g.yul 'gyed pa'i dus su drag la gnas pa'i dus su ni skud pas dkrir rung ba yin te/ rgyal po'i glang po che'i yon tan ni de dag yin no/ /'khor los sgyur ba'i rgyal pos dge ba bcu'i las kyi lam re re spyad pas kyang 'khor los sgyur ba'i sa bon 'di dag 'grub na dge ba bcu'i las kyi lam mtha' dag gi rjes su zhugs pa lta smos kyang ci dgos/ de ltar rnal 'byor spyod pa lha'i mig gis 'khor los sgyur ba'i</font><hr>63.101b<br><font size=+1>

bzhi pa glang po rin po che mthong ngo / /de nas gzhan yang 'khor los sgyur ba'i rgyal po'i rta rin po che'i yon tan ni du zhig dang ldan par 'gyur zhe na/ rnal 'byor spyod pa nang gi chos la chos kyi rjes su lta zhing gnas pa des thos pa las byung ba'i shes pa 'am/ lha'i mig gis mthong ste/ rta rin po che ngang pa dang me tog ku mu da ltar dkar ba yin/ kun nas lha'i nor bu'i gtsug la sogs pa mtshan bzang pos brgyan pa yin/ bong stong dang mdog dang dbyibs phun sum tshogs pa yin/ bsgo na nyin gcig gis 'dzam bu'i gling lan gsum du skor bar byed la de'i lus dag la shin tu nad med pa yin te/ 'di ni 'khor los sgyur ba'i rgyal po'i rin po che lnga pa yin no/ /de nas gzhan yang 'khor los sgyur ba'i rgyal po'i blon po rin po che ji lta bu yin zhe na/ rnal 'byor spyod pa nang gi chos la chos kyi rjes su lta zhing gnas pa des thos pa las byung ba'i shes pa 'am lha'i mig gis mthong ste/ blon po rin po che'i yon tan ni 'di dag yin te/ 'di lta ste/ gang rgyal po'i bya ba'i rnam pa yid la sems pa de nyid ma bsgos kyang de'i yid kyis shes nas/ rgyal po la yongs su 'bul bar byed de/ shin tu rdzogs pa dang / de bsags pa dang / ma chags pa dang / chos ma yin pa rnam par spangs pa dang / shin du rigs pa brtsams pa dang / yul dang / dus dang ldan pa dang / nyon mongs med pa dang / gzhan la gnod pa med pa dang / skye bo la rnam par mi 'tshe ba dang / yang dag pa'i tha snyad dang ldan pa'i rang bzhin la skyo ba med do/ /rgyal po'i bya ba'i rnam pa 'am chos kyi don gyi bya ba 'dod pa dang ldan zhing ma 'ongs pa'i bya ba dang ldan pa thams cad yongs su 'bul bar byed do/ /'di ni 'khor los sgyur ba'i rgyal po'i blon po rin po che yin te/ lhag pa'i gnod sems spangs pa'i dge ba bcu'i las kyi lam spyod pa dag ni 'jig rten thams cad la pha ma ltar phan par 'dod par gnas pa yin no/ /de nas gzhan yang ji ltar na bdun pa khyim bdag rin po che 'byung bar 'gyur/ khyim bdag rin po che de'i yon tan ni du</font><hr>63.102a<br><font size=+1>

zhig yod ce na/ rnal 'byor spyod pa nang gi chos la chos kyi rjes su lta zhing gnas pa des thos pa las byung ba'i shes pa 'am lha'i mig gis mthong ste/ rgyal po'i bka' nyan pa'i khyim bdag rin po che'i yon tan ni 'di dag yin te/ 'di lta ste/ rdo rje dang / rin po che mthon ga dang / mar gad dang / spug la sogs pa rin po che rnams kyis ngam grog dang / g.yang sa dang / ri khrod dang / mi mthun pa gzhan dag tu ma bskos kyang shin du 'gengs la rin po che rnams kyang zad pa med par 'gyur na/ gser dang dngul lta zhig smos kyang ci dgos/ khyim bdag rin po che 'di'i 'byor pa ni shin tu gnas pa yin te/ g.yo med pa dang / sgyu med pa dang / gzhan la mi gnod pa dang / skye bo thams cad dga' ba ni khyim bdag rin po che yin no/ /de ltar rgyal po rin po che sna bdun dang ldan pa ni mi'i gnas bzhi rnams la sgo bar byed cing klu dang / lha'i ris gnyis dang / rgyal chen bzhi dang / sum bcu rtsa gsum gyi lha rnams kyi dbang po'i stan phyed 'phrog pa yin te/ de ltar 'khor los sgyur ba'i rgyal po rin po che sna bdun dang ldan pa yin no/ /de'i nye ba'i rin po che sna bdun ni rin po che de dag las chung zad dman pa yin te/ 'di lta ste/ ral gri nye ba'i rin po che dang / lpags pa nye ba'i rin po che dang / mal cha nye ba'i rin po che dang / tshal nye ba'i rin po che dang / khyim nye ba'i rin po che dang / gos nye ba'i rin po che dang / lham nye ba'i rin po che'o/ /de la 'khor los sgyur ba'i rgyal po'i ral gri nye ba'i rin po che'i yon tan ni 'di lta ste/ yul 'khor gang dag rgyal po'i yid dang / tshig las 'gal bar byed 'dod pa der ral gri nye ba'i rin po che 'gro ste/ des btab pa med cing ral gri rin po ches su la yang btab pa med kyis kyang yul 'khor kun gyis mthong nas 'dud par byed do/ /nye ba'i rin po che de'i yon tan ni 'di yin te/ bzang ba mi zad pa/ chad pa med cing mtshon gyis bda' ba med kyang yul 'khor de dag thams cad 'dud par byed de/ 'di ni ral gri nye ba'i rin po che'i yon tan yin no/ /lpags pa nye ba'i rin po che'i yon tan ji lta bu yin zhe na/ </font><hr>63.102b<br><font size=+1>

lpags pa rin po che ni rgya mtsho nas 'byung ste/ de byung bar gyur pa dang / tshong pa dag gis rgyal po la 'bul bar byed de/ de'i yon tan ni 'di dag yin no/ /de rgya mtsho'i klu'i lpags pa yin te/ zheng du dpag tshad lnga la chur dpag tshad bcu ste/ de char gyis mi rlan/ rlung gis mi bskyod/ mes mi 'tshig /grang na dro bar byed cing / dro na bde ba bsil bar byed la/ 'khor los sgyur ba'i rgyal po 'khor dang bcas pa gang du 'gro ba der blon po rin po ches de khyer bar byed de/ ji ltar so so nas byed pa ltar de rgyal po'i 'khor gyi khyim gyi bya ba thams cad byed do/ /bud med mi sdug pa dag mi mthong zhing dkar ba de dang ldan par 'gyur la zla ba dang / nyi ma'i 'od snang ba de dang yang ldan par 'gyur ro/ /gsum pa rgyal po'i mal cha rin po che ni yang zhing 'jam la mtho dma' can yin te/ de'i rgyu mtshan ni bteg na 'phar ba dang mnan pa nem byed pa yin no/ /gal te bsam gtan sems na de'i bsam gtan rnam par grol zhing blo gros gsal bar byed/ gal te 'dod chags kyis zil gyis non pa yin na de mal cha'i steng du 'dug na/ de'i tshe 'dod chags dang bral zhing chags pa med par byed do/ /zhe sdang dang gti mug dag la yang de bzhin te/ mal cha nye ba'i rin po che ni bsam gtan gyi gnas dang 'dra'o/ /rgyal po mal cha rin po che'i nang na 'dug pa bud med kyis mthong la de'i tshe mchog tu dga' ba skyes kyang yid la shin tu 'dod chags par mi 'gyur te/ gsum pa 'di ni mal cha nye ba'i rin po che 'i yon tan yin no/ /bzhi pa tshal nye ba'i rin po che yon tan du yod ce na/ 'di lta ste/ gal te rgyal po tshal du bsam gtan la dga' bar 'gyur te/ de der nye bar 'gro na tshal de'i mthu dang / rgyal po'i dge ba'i las kyis gang lha'i 'jig rten gyi tshal gyi dga' ba'i rnam pa me tog dang / 'bras bu dang bya dang / pad ma dang / lteng ka dang / 'bab pa'i chu ngogs bde ba dang / lha'i bu mo dag rol mo byed cing / rgod la mdzes pa/ de dag thams cad lha'i ris de nas tshal der nye bar 'ong ste/ rgyal po de yang lha bzhin du lha'i 'dod pa'i yon tan</font><hr>63.103a<br><font size=+1>

lnga dag dang ldan par 'gyur/ tshal nye ba'i rin po che der bud med dang lhan cig shin du dga' zhing dga' mgur spyod par byed de/ dge ba'i las kyi rnal 'byor spyod pa de bzhi pa tshal nye ba'i rin po che mthong nas gnas so/ /'khor los sgyur ba'i rgyal po'i khyim nye ba'i rin po che ji lta bu yin/ yon tan ni du zhig dang ldan zhe na/ 'di lta ste/ gang 'khor los sgyur ba'i rgyal po'i khyim nye ba'i rin po che'i nang du nyal bar gyur na/ mtshan mo nyal ba de'i tshe zla ba lta bar 'dod na 'ong zhing gza' dang / rgyu skar dang / skar mda' dag kyang de'i khyim der nye bar 'ong bar 'gyur/ de'i nor bu yang mthong na dga' bar 'gyur/ lha mo dag kyang lha'i rol mo byed par 'gyur/ gang mya ngan mang po dang bral ba'i mi de bde bar gnyid log par 'gyur/ gnyid log pa na rmi lam dge ba mchog tu dga' ba dag mthong bar 'gyur/ grang ba'i dus su ni rlung dro ba ldang zhing / dro ba'i dus su rlung bsil ba reg na bde zhing 'jam pa ldang ngo / /mtshan mo thun gsum las thun gnyis la nyal zhing thun gsum pa las gnyid dang bral nas langs te/ bde ba'i chos la gnas par 'gyur te/ 'di ni 'khor los sgyur ba'i rgyal po'i khyim nye ba'i rin po che yin no/ /gos rin po che rnam pa du yod yon tan ni du zhig dang ldan zhe na/ 'di lta ste/ thags bzang zhing mchog tu 'jam la dri mas ma gos pa yin te/ gyon nas grang ba dang / dro ba dang / bkres pa dang / skom pa dang / nyam chung ba dang / ngal ba dang / dub pa'i gnod pa med la/ me dang mtshon dag gis bsreg pa dang / gcad par mi nus so/ /de nas gzhan yang 'khor los sgyur ba'i rgyal po'i lham nye ba'i rin po che ji lta bu yin zhe na/ rnal 'byor spyod pa nang gi chos la chos kyi rjes su lta zhing gnas pa des thos pa las byung ba'i shes pa 'am lha'i mig gis brtags na/ lham nye ba'i rin po che 'khor los sgyur ba'i rkang pa la gyon na ji ltar skam sa la rkang pa mi 'bying ba de bzhin du chu la yang mi 'bying bar 'gyur ro/ /</font><hr>63.103b<br><font size=+1>

gal te dal gyis sngon du 'gro bar 'dod na dpag tshad brgyar yang 'gro bar 'gyur zhing lus la ngal ba med de/ 'di dag ni 'khor los sgyur ba'i rgyal po rin po che sna bdun dang / nye ba'i rin po che sna bdun dag la spyod pa yin te/ mi'i gnas bzhi dang / lha'i rigs gnyis la nye bar spyod pa yin no/ /de'i bu dpa' zhing rtul phod la pha rol gyi sde rab tu 'joms pa stong tham pa yod de/ de dag 'khor los sgyur ba'i rgyal po la phyag byed do/ /gnod sems mi dge ba'i las spangs pa ni dge ba bcu'i las kyi lam gyi rgyu 'thun pa bde ba de dag myong bar 'gyur ro/ /de nas gzhan yang 'khor ba thams cad kyi sa bon du gyur pa/ thog ma med pa'i dus nas mun pa mun nag tu gyur pa/ yang dag par sbyor ba thams cad bag la nyal du gyur pa log par lta ba spangs pa ji lta bu yin/ yang dag pa'i lta bas 'khor ba las grol ba ji lta bu yin zhe na/ rnal 'byor spyod pa nang gi chos la chos kyi rjes su lta zhing gnas pa des thos pa las byung ba'i shes pa 'am lha'i mig gis mthong ste/ rnal 'byor spyod pa des chos la chos kyi rjes su mthong ba ni 'di la log par lta ba spangs shing / de'i yang dag pa'i lta bas don med pa thams cad spangs la/ yang dag pa'i sbyor ba'i bag la nyal 'dor bar 'gyur/ de mya ngan las 'das pa nye bar 'gyur zhing 'khor ba dang ring bar 'gyur/ 'di la log par lta ba rnam pa lnga mthong nas dbang po lnga bsgribs par 'gyur ba ni skyes bu dam pa dam pa'i chos la mngon par dga' ba de thog ma nas 'di ltar sangs rgyas kyi yon tan de dag rnar thos nas de'i tshe 'di ltar 'khor ba'i sdug bsngal rnam pa sna tshogs la dmigs shing 'gro ba lnga rnams la 'jigs pa chen po lnga dmigs te/ lha rnams la bag med pas 'chi ba'i sdug bsngal dang / mi rnams la 'dod pa'i sdug bsngal dang / sems can dmyal ba rnams la gnod pa'i sdug bsngal dang / yi dgas rnams la bkres pa dang skom pa'i sdug bsngal dang / dud 'gro rnams la gcig la gcig za ba'i</font><hr>63.104a<br><font size=+1>

sdug bsngal te/ de ltar rnam pa lnga po de dag rnam pa du ma yod cing sdug bsngal gyi yan lag dbye ba dag dpag tu med par dmigs so/ /de'i tshe 'di ltar thog ma nyid du 'khor ba thams cad las nges par byung bar gyur cing snang bar gyur la dam pa'i chos nges par 'byed pa'i cha lam rab tu 'byung bar sems bskyed de/ de'i sems bskyed pa gcig las dge ba'i chos kyi rgyun nyid skye'o/ /gang gis de'i sems bskyed pa de dang yang dag par ldan pa la bar snang la spyod pa'i gnod sbyin rab tu mgu zhing kun du dga' la rab tu dga' ste/ sems rangs par gyur nas yid la rigs kyi bu 'di'i ming ni 'di zhes bya/ rigs ni 'di zhes bya ste/ de thog ma med pa'i dus nas 'dod chags zhe sdang gti mug rnams spang bar 'dod la bdud kyi yul gyi dngos po mi 'dod par zhugs pa/ kun nas nyon mongs pa'i yul dag gis dga' ba'i 'dod chags kyi mod las skyes pa'i sred pa dag la kun du dga' ba yin no snyam mo/ /gzhan yang log par lta ba dang bral ba'i rigs kyi bu de ni de ltar rtag tu rab tu 'byung ba'i sems kun du bstan par byed cing goms par byed la mang du byed/ dge ba'i bshes gnyen la bsnyen bkur byed/ dam pa'i chos nyan pa la dga' bar 'gyur/ sangs rgyas kyi chos la phyir zhing sems gsal la phyag 'tshal bar byed/ lus dang ngag gi las kyi mtha' zhi zhing shin tu gsal ba yin te/ de ltar de'i lus dang ngag dang yid zhi bas nyin mo mnyam par gzhag par bar snang la spyod pa'i gnod sbyin gyis rig nas kun du dga' bar 'gyur te/ rigs kyi bu 'di dge ba'i bshes gnyen la sems rab tu dang zhing khyim gyi gnas gzeb lta bur gyur pa la sems kun du mi chags/ des bdud kyi yul rnams la thog ma med pa'i dus nas zhugs pa'i 'dod chags zhe sdang gti mug dag gis 'dod pa'i lha dang lhan cig tu 'du shes dag la chags pa med cing bdud dang lhan cig g.yul 'gyed par 'dod la nyon mongs</font><hr>63.104b<br><font size=+1>

pa spong bar 'dod pa de bar snang la spyod pa'i gnod sbyin gyis rig nas kun du dga' bar 'gyur ro/ /gzhan yang rigs kyi bu de de ltar 'khor ba'i sdug bsngal la dmigs nas ches shin du rab tu 'byung ba'i sems skyed par byed de/ de srog gcod pa dang / ma byin par len pa dang / 'dod pas log par g.yem pa dang / chang dang / sbyar ba'i chang dang / brdzun du smra ba spangs nas sdom pa len par 'gyur ro/ /de gang gi tshe dge bsnyen gyi sdom pa rdzogs par spyod par 'gyur ba de'i tshe/ bar snang la spyod pa'i gnod sbyin kun du dga' ste/ rigs kyi bu che ge mo zhig ming ni 'di zhes bya/ rus ni 'di zhes bya ba grang khyer che ge mo zhig dang / grong rdal ga ge mo zhig dang / yul ga ge mo zhig tu skra dang kha spu bregs te chos gos ngur smrig bgos nas yang dag pa'i dad pas khyim nas khyim med par rab tu byung ste/ bdud kyi phyogs ni dmas par byed cing / dam pa'i chos kyi phyogs ni mtho bar byed/ bdud kyi 'ching ba ni rnam par gcod par byed cing nyon mongs pa chen po 'dod chags zhe sdang gti mug las grol bar byed do zhes mngon par sgrogs so/ /log par lta ba ni kun du sbyor ba'i bag la nyal thams cad kyi gzhi yin la/ yang dag par lta ba ni mtha' las 'das pa'i gzhi yin te/ rnal 'byor pas chos de rjes su mthong ngo / /de'i tshe 'di ltar thog ma nyid du yang dag pa'i lta ba la mngon par stod par byed de/ mi rgod mi smod skyon du mi 'grang la pha rol dag la ston par byed cing rab tu 'jog par byed do/ /log par lta ba la smod de/ stod par mi byed la smod par byed do/ /yang dag par lta bas ni log par lta ba las dang / chos dang / rnam par smin pa yang dag par mngon par ston par byed cing 'jog par mi byed do/ /'ching ba rnams kyi rtsa ba ni log par lta ba yin te/ byis pa so so'i skye bo rnams kyi 'ching ba yin zhing 'byung po rnams dang / sems can dmyal ba dang / dud 'gro dang / yi dgas kyi yul du gnas pa'i mtha' yin no/ /rigs kyi bus de spangs na dge ba du ma de dag thob par 'gyur ro/ /</font><hr>63.105a<br><font size=+1>

gzhan yang rigs kyi bu de 'di ltar khyim gyi gnas ni sdug bsngal ba nyam nga ba 'ching bar gyur pa du ma yin te/ rang dbang med par rig nas khyim nas 'byung zhing rab tu 'byung bar 'dod la bdud dang lhan cig g.yul 'gyed par 'dod pa'i skyes bu dam pa de sa bla dang / bar snang la spyod pa'i lha dag gis rig nas kun du dga' ste/ rgyal po chen po bzhi rnams la kun du dga' ba'i yid kyis rigs kyi bu 'di zhes bya ba grong che ge mo zhig dang / grong rdal mang ge mo zhig dang / yul ga ge mo zhig tu skra dang kha spu bregs te/ gos ngur smrig bgos nas yang dag pa'i dad pa nyid kyis khyim nas khyim med par rab tu byung ngo / /de khyim nas byung bas bdud kyi phyogs ni dmas par byed cing dam pa'i chos kyi phyogs ni mngon par mtho bar byed do zhes mngon par bsnyad do/ /de nas rgyal po chen po bzhi po de dag gis sa bla dang / bar snang la spyod pa'i lha dag dang / gnod sbyin de dag las de skad thos nas yid dga' la bar snang la spyod pa'i gnod sbyin dag rab tu dga' bar 'gyur ro/ /de ltar 'dzam bu'i gling gi mi dam pa'i chos dge ba'i gtam gyis spro ba skyes nas/ rigs kyi bu de ji ltar rigs par 'phags pa dge sbyong gi mkhan po la bsnyen bkur byed do/ /bsnyen bkur byas nas kyang skra dang kha spu bregs shing gos ngur smrig bgos te so sor thar pa'i sdom pa len to/ /sdom pa blangs pas sa bla dang / bar snang la spyod pa'i gnod sbyin rnams lhag par kun du dga' ste/ rgyal po chen po bzhi la 'dzam bu gling na rigs kyi bu che ge mo zhig ces bya ba grong mang ge mo zhig dang yul ga ge mo zhig tu log par lta ba spangs nas yang dag par lta ba'i las dang / chos yang dag par blangs pa/ bu dang chung ma la sred pa dug lta bu don med cing nyam nga ba thams cad spangs nas/ skra dang kha spu bregs gos ngur smrig bgos shing so sor thar pa blangs te/ bdud dang lhan cig g.yul 'gyed par 'dod pa/ dga' ba'i 'dod chags kyi mod las skyes pa spong bar 'dod pa min no zhes mngon par bsnyad do/ /de nas de'i tshe rgyal po chen po bzhi kun du</font><hr>63.105b<br><font size=+1>

dga' nas rgyal chen bzhi'i ris kyi lha rnams la 'dzam bu'i gling du rigs che ge mo zhig las grong mang ge mo zhig dang / yul ga ge mo zhig tu rigs kyi bu che ge mo zhig log par lta ba spangs nas yang dag par lta bas skra dang kha spu bregs/ gos ngur smrig bgos nas dad pa nyid kyis khyim nas khyim med par rab tu byung ste/ dge slong ga ge mo zhig gi drung du gnas so zhes mngon par sgrogs so/ /de lha rnams kyis thos nas bdud kyi phyogs dmas par 'gyur zhing dam pa 'i chos kyi phyogs ni 'phel bar 'gyur ro zhes yid dga' bar 'gyur ro/ /de nas rgyal po chen po bzhi las rgyal chen bzhi'i lha rnams kyis thos nas shin du dga' bar 'gyur ro/ /gzhan yang rigs kyi bu de 'di ltar kha na ma tho ba rdul tsam la yang 'jigs par lta la bzod cing dul te/ sems yang dag par sdom pa/ 'du 'dzi la mi dga' zhing nye bar khro ba med pa/ rigs nas rigs su nye bar sten cing sdig pa'i grogs po dang 'grogs par mi byed la yul gyi rnam par rtog pa la lta bar mi byed/ bza' ba zhim po mang du mi 'dod cing tshogs ngan pa dang spyod par mi byed/ yul gyi spyod pa la mngon par dga' bar mi byed cing nam du yang mdza' bshes su lta ba'i ngang tshul can du mi byed/ yul la spyod pa'i tshul khrims su mi byed cing dran pa nye bar gzhag pa la rtag tu brtson par 'gyur/ zhi ba'i zas kyis gnas shing bdud kyi 'ching ba gcod pa la rtag tu brtson par 'gyur/ yang dag par lta ba la rtag tu brtson zhing skyes bu dam pa 'jig rten thams cad la phan par 'dod pa yin no/ /'dir tshigs su bcad pa/ 'byung po rnams la gang mi 'tshe/ /rtag tu byams sems bzod ldan pa/ /'byung po kun gyi pha lta bur/ /de la 'jig rten rjes su lta/ /ma byin len pa spangs pa ni/ /rtag tu shes ldan dbang po thul/ /lus kyi las mtha' dge ba dang / /srid pa dag las de rgal lo/ /ri mor bris pa'i bud med la/ /mig gis lta bar mi byed de/ /'jig rten 'dod pa dam bcom pa/ /</font><hr>63.106a<br><font size=+1>

de lta bu ni grol zhes bya/ /dpa' la bong ba gser du 'dra/ /mya ngan bral zhing mnyam par gzhag /nyon mongs 'dod chags ma 'dres pa/ /de ni mtha' yas sgo thob bo/ /gang la don dang don min mnyam/ /de bzhin rnyed dang ma rnyed dang / /bde dang sdug bsngal sems mnyam pa/ /de ni dge slong zhes bya 'o/ /mdza' bshes mi bshes gnyi ga spangs/ /sems ni mnyam zhing dbang po thul/ /gang dag yul gyis nyon mi rmongs/ /de 'ang bram zer shes par bya/ /yul ni gang dag dug 'dra la/ /sdang ba dpa' bo nyon mongs bral/ /rdzogs sangs rgyas kyis bshad pa yi/ /de yi mya ngan 'das mi ring / /skye dang 'jig pa'i de nyid shes/ /yang dag lta la chags pa med/ /gang ri lta bur blo mi g.yo/ /de ni 'khor ba las grol lo/ /tsan dan dang ni ral grir mnyam/ /zas ni zhim dang mi zhim mnyam/ /zab dar snam bu mnyam pa ni/ /sred pas gnod par mi 'gyur ro/ /rnyed dang bkur sti mi dga' zhing / /rtswa stan tsam gyis chog shes la/ /rnyed dang bkur sti me lta bur/ /gang gis mthong ba de mthong ngo / /gang dag yul gyi dbang mi 'gyur/ /sred pa'i chu bor mi 'jug la/ /rang gi las 'bras de nyid shes/ /de ni dge slong sangs rgyas gsungs/ /gang dag 'das pa'i dus mi 'dod/ /ma 'ongs pa la blo mi dga'/ /rnal 'byor pa ni da ltar la/ /mi dga' de yi blo gros med/ /gang gi blo gros phyir log pa/ /chos la rtag tu gnas par 'gyur/ /dkar po chos la mnyam gzhag pa/ /de ni 'khor bar mi 'jug go/ /gang gis sems la rnyog mi byed/ /rig pa me lta bu yin no/ /gang la yul ni bran lta bu/ /</font><hr>63.106b<br><font size=+1>

de la sdug bsngal med pa yin/ /gang gis dbang po dbang byed cing / /dbang po'i dbang du mi 'gro la/ /gang dag gzugs sogs mi 'phrogs shing / /nyon mongs med pa thub dang 'dra/ /gang gis bsams pa dge ba dag /bzod ldan mthong na dga' ba dang / /sems ni rab tu dga' byed pa/ /mi de zla 'dra thub pa yin/ /gang dag dgon par mngon dga' ba/ /khang bzangs mchog la chags pa med/ /thang gi shing la mngon dga' zhing / /zas slong dge slong zhes bya'o/ /dpa' bo zhi dul blo bzang ba/ /bde dang sdug bsngal de nyid rig /de ni bla med gnas 'gro zhing / /gang du song bar nyon mi mongs/ /snying brtse ldan zhing blo gros drang / /rtag tu bsam gtan pha rol 'gro/ /phal pa rnams dang mnyam mi 'gro/ /rnal 'byor de ni bden tshig ldan/ /log par lta ba'i chos de dag /spangs pas de dag 'thob par 'gyur/ /gzhan yang log par lta ba spangs pas yang dag par lta ba sngon du 'gro ba'i yid rnam par rtog pa spangs pa'i rim gyis zag pa med pa'i bsam gtan la mngon par dga' ba la sa bla dang bar snang la spyod pa'i lha dang / gnod sbyin dang / rgyal po chen po bzhi rnams ji ltar dga' bar 'gyur zhe na/ rnal 'byor spyod pa nang gi chos la chos kyi rjes su lta zhing gnas pa des thos pa las byung ba'i shes pa 'am lha'i mig gis mthong ste/ rgyal po chen po bzhi po de dag gis rgyal po chen po bzhi'i lha de dag dang / lha rnams kyi dbang po brgya byin la sgrogs par byed pa ni lha 'di ltar 'dzam bu'i gling na rigs che ge mo zhig las/ grong ga ge mo zhig dang / grong rdal ga ge mo zhig tu rigs kyi bu ming 'di zhes bya ba skra dang kha spu bregs te/ gos ngur smrig bgos nas dad pas khyim nas khyim med par rab tu byung ste/ de tshul khrims dang / yang dag par sdom pa spyod pa/ spobs pa rigs pa dang grol ba/ dran pa nye bar bzhag pa/ kha na ma tho ba rdul tsam la yang</font><hr>63.107a<br><font size=+1>

'jigs par lta ba/ bdud kyi phyogs dmas par byed cing dam pa'i chos kyi phyogs ni mngon par mtho bar byed de/ de bdag cag gis lha rnams la gsol ba lags so/ /de thos nas lha rnams kyi dbang po brgya byin shin du yid dga' ba dang / brgya byin gyi mdun na 'don de dang sum bcu rtsa gsum gyi lha rnams kun du dga' bar 'gyur ro/ /dge ba bcu'i las kyi lam le'ur bcad pa'o// //'phags pa dam pa'i chos dran pa nye bar bzhag pa/ bam po gsum pa/ de nas gzhan yang zag pa rim gyis spangs pa'i dge slong dag dang po mi dge ba'i chos spong zhing dge ba'i chos ji ltar sgom par byed gcig gu snyam nas/ rnal 'byor spyod pa nang gi chos la chos kyi rjes su lta zhing gnas pa des thos pa las byung ba'i shes pa 'am/ lha'i mig gis brtags na dge slong de thog ma nyid du yul dang dbang po 'di dag phan tshun rgyu rkyen du gyur pa dag gis skye bo kun thog ma med pa'i dus nas 'khor bar zhugs shing yongs su 'khyam pa de dag nyid kyi skye ba'i rgyur gyur pa yul gyi rgya mtsho la rnam par rtog par byed de/ nang dang yul de dag gis skye bo 'di dag 'khyam mo snyam mo/ /de re shig thog ma nyid du de ltar dben pa la mngon par dga' ba goms par byed de/ dgon pa dang / tshal gyi nang dang / kun dga'i ra ba dang / sog ma'i khrod dang / shing drung dang / dur khrod dben pa rnams su sems spre'u lta bu gdul ba'i phyir goms par byed de/ dben pa la mngon par dga' ba'i sems shin du dang bar byed do/ /de grong dag tu rgod rgod/ sgeg sgeg /rtse rtse ba dag la mngon par mi dga' zhing pha rol gyi bud med de la lta bar mi byed la/ 'du 'dzi la mngon par dga' bar mi byed do/ /tshangs par spyod pa la tshogs gnyis 'dra ste/ 'du 'dzi dang smad 'tshong ngo / /de tshogs gnyis spangs nas dang por de'i yid rtse gcig la dga' zhing rab tu dang bar byed de/ de thog ma nyid du ji ltar na sems 'di bsdu ba dang</font><hr>63.107b<br><font size=+1>

gzung bar nus snyam du yang dag par rtog par byed do/ /de thog ma nyid du 'di ltar yid kyi dpyod pa bcwa brgyad dag gis dge ba dang / mi dge ba dang / lung du ma bstan pa la yid 'jug par byed do/ /bcwa brgyad gang zhe na/ 'di lta ste/ mig gis gzugs mngon nas yid bde ba'i gnas su 'gyur ba ni kun nas nyon mongs pa mi dge ba'i rnam par smin par 'gyur ba so sor myong bar byed cing yang dag par rab tu rtog par byed do/ /yid mi bde ba'i gnas su 'gyur ba ni 'dod chags dang bral ba yin te/ de'i dge ba'i rnam par smin pa yin no/ /btang snyoms kyi gnas su 'gyur ba ni lung du ma bstan pa'i rnam par smin pa yin no/ /de ltar rna bas sgra thos nas yid bde ba'i gnas su 'gyur ba ni kun nas nyon mongs pa mi dge ba'i rnam par smin pa yin no/ /yid mi bde ba'i gnas su 'gyur ba ni rnam par byang ba la dmigs pa dge ba'i rnam par smin pa yin no/ /btang snyoms kyi gnas su 'gyur ba ni lung du ma bstan pa'i rnam par smin pa yin no/ /de bzhin du snas dri bsnams nas yid bde ba'i gnas su 'gyur ba ni kun nas nyon mongs pa mi dge ba'i rnam par smin pa yin no/ /yid mi bde ba'i gnas su 'gyur ba ni rnam par byang ba dge ba'i rnam par smin pa yin no/ /btang snyoms kyi gnas su 'gyur ba ni lung du ma bstan pa'i rnam par smin pa yin no/ /de bzhin du lus kyis reg bya la reg nas yid bde ba'i gnas su 'gyur ba ni kun nas nyon mongs pa mi dge ba'i rnam par smin pa yin no/ /yid mi bde ba'i gnas su 'gyur ba ni rnam par byang ba dge ba'i rnam par smin pa yin no/ /btang snyoms kyi gnas su 'gyur ba ni lung du ma bstan pa'i rnam par smin pa yin no/ /de bzhin du yid kyis chos shes nas/ yid bde ba'i gnas su 'gyur ba ni kun nas nyon mongs pa mi dge ba'i rnam par smin pa yin no/ /yid mi bde ba'i gnas su 'gyur ba ni rnam par byang ba dge ba'i rnam par smin pa yin no/ /btang snyoms kyi gnas su 'gyur ba ni lung du ma bstan</font><hr>63.108a<br><font size=+1>

pa'i rnam par smin pa yin no/ /de ltar yid kyi spyod pa bcwa brgyad kyi rnam par smin pa dag gis 'khor ba na 'chi ba dang skye bar 'gyur ro snyam mo/ /gang gi tshe dge slong de yid kyi dpyod pa bcwa brgyad dag mthong ba de'i tshe bar snang la spyod pa'i gnod sbyin kun du dga' nas sa bla'i gnod sbyin rnams la mngon par bsnyad do/ /bar snang la spyod pa dang / sa bla'i gnod sbyin yid rab tu dga' bas rgyal po chen po bzhi la mngon par bsnyad do/ /rgyal po chen po bzhi po de dag gis rgyal chen bzhi'i lha rnams la gang 'dzam bu'i gling du grong che ge mo zhig dang / grong rdal mang ge mo zhig dang / yul ga ge mo zhig tu rigs che ge mo zhig gi rigs kyi bu skra dang kha spu bregs te/ gos ngur smrig bgos nas dad pas khyim nas khyim med par rab tu byung ste/ de yid kyi dpyod pa bcwa brgyad dag la rab tu rtog par byed cing mngon sum du byed la dben pa la mngon par dga' ste/ mtha' gcig la spyod pa yin no zhes mngon par bsnyad do/ /rgyal po chen po bzhi dag las rgyal chen bzhi'i lha dag gis de thos nas bdud kyi phyogs ni dmas par 'gyur la/ dam pa'i chos kyi phyogs ni mngon par mtho bar 'gyur ro/ /kun du dga' bar 'gyur ro/ /rgyal chen bzhi'i lha de dag gis lha'i dbang po brgya byin la/ lha gang 'dzam bu'i gling na rigs che ge mo zhig las zhes bya ba nas/ rigs kyi bu che ge mo zhig skra dang kha spu bregs gos ngur smrig bgos nas dad pas khyim nas khyim med par rab tu byung ste/ de dben pa nas dur khrod kyi bar la dga' ba yid kyi dpyod pa bcwa brgyad la rab tu rtog par byed cing mngon sum du byas nas nye bar bsgrubs te gnas so zhes mngon par bsnyad do/ /rgyal chen bzhi'i lha de dag las lha'i dbang po ko'u shi kas de thos nas yid mchog tu dga' bar 'gyur ba mthong ngo / /de nas gzhan yang dge slong de yid kyi dpyod pa bcwa brgyad rab tu mthong ba/ 'dod pa las gzhan pa'i sa ji ltar yid la byed cig gu snyam nas/ rnal 'byor spyod pa nang gi chos la chos kyi rjes su lta zhing gnas pa des thos pa las byung ba'i shes pa 'am lha'i mig gis brtags na/ 'phags pa'i byin gyi brlabs bzhi mthong ste/ </font><hr>63.108b<br><font size=+1>

'di lta ste/ shes rab kyi byin gyi brlabs dang / bden pa'i byin gyi brlabs dang / gtong ba'i byin gyi brlabs dang / nye bar zhi ba'i byin gyi brlabs so/ /dge slong gis shes rab kyi byin gyi brlabs ji ltar mthong zhe na/ 'di la dge slong ni dge slong bdag nyid kyi lus ji ltar gnas pa de chos nyid kyis mthong ste/ lus 'di la sa'i khams dang / chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams de dag rab tu shes shing rnam par 'byed la so sor rtog go/ /de la sa'i khams gang zhe na/ sa'i khams rnam pa gnyis te/ nang na yod pa dang / phyi rol na yod pa'o/ /de la nang na yod pa gang zhe na/ lus 'di la gang chung zad nang na so so'i nang du bzung ba dang zin pa'o/ /de la bzung ba ni lpags pa dang / sha la sogs pas bsdus pa'o/ /zin pa ni skra dang / spu dang / sen mo dang / sos bsdus pa'o/ /sra ba dang mkhrang ba'i rnam pa ni bzung ba dang zin pa ste/ de yang gang zhe na/ 'di lta ste/ skra dang / spu dang / sen mo dang / so dang / rngul dang / rang gi sha dang / rus pa dang / rtsa dang / rgyus pa dang / snying dang / mchin pa dang / glo ba dang / mkhal ma dang / mcher pa dang / mchil ma dang / pho ba dang / long ka dang / rgyu ma dang / gnye ma dang / lto dang / lto ba dang / glad pa dang / glad rgyas rnams so/ /gang gzhan yang lus 'di la nang dang / so so'i nang du sra ba dang / mkhrang ba'i rnam pa bzung ba dang / zin pa 'di ni nang gi sa'i khams shes bya'o/ /de la phyi rol gyi sa'i khams gang zhe na/ phyi rol la gang chung zad sra ba dang mkhrang ba'i rnam pa ma bzung ba/ ma zin pa 'di ni phyi rol gyi sa'i khams shes bya'o/ /de la gang sa'i khams de gcig tu bsdus pa'i khams 'di ni khams tsam ste/ tshor bas gnas su ma byas shing 'dod rgyal gyis ma byas pa'i sa'i khams rtag par ma yin/ bde bar ma yin/ gtsang bar ma yin par mthong</font><hr>63.109a<br><font size=+1>

zhing / de bdag tu mi lta ba'i shes rab kyi byin gyi brlabs la lhag par mos pa'i dge slong de ni 'di dag thams cad bdag gi ma yin de dag bdag ma yin/ de dag bdag dang bdag gi ma yin no snyam mo/ /'di dag yang dag pa'i shes rab kyis yang dag pa ji lta ba bzhin mthong nas/ sa'i khams la sems 'di 'dod chags dang bral bar 'gyur te/ de ltar dge slong shes rab kyi byin gyis brlabs la lhag par mos par 'gyur ro/ /de la chu'i khams gang zhe na/ chu'i khams kyang rnams pa gnyis te/ nang na yod pa dang / phyi rol na yod pa'o/ /de la nang na yod pa ni lus 'di la gang chung zad chu dang chu'i rnam pa 'byung ba'i mtshan nyid yin te/ chu'i khams ni lus la gsher ba'i bdag nyid du yod pa rdul dang / mchil ma dang / snabs dang / glad pa'i pri dang / khrag dang / zhag dang / chu ser dang / tshil dang / rkang dang / mkhris pa dang / gcin dang / glad rgyas rnams so/ /gang gzhan yang lus 'di la nang so so'i nang du chu dang chu'i rnam pa bzung ba dang zin pa gang chung zad yod pa 'di ni nang gi chu'i khams shes bya'o/ /phyi rol gyi gang zhe na/ gang chung zad phyi rol gyi chu dang chu'i rnam par gsher ba dang / gsher ba'i rnam pa ste/ ma bzung ma zin pa 'di ni phyi rol gyi chu'i khams shes bya'o/ /de la gang nang gi chu'i khams dang / gang phyi rol gyi chu'i khams de dag gcig tu bsdus pa'i khams 'di ni khams tsam ste/ 'di dag thams cad bdag gi ma yin/ de dag bdag dang bdag gi ma yin/ chu'i khams yang dag par mthong nas chu'i khams la sems 'dod chags dang bral bar 'gyur te/ de ltar dge slong shes rab kyi byin gyis brlabs la 'jug pa yin no/ /de la me'i khams gang zhe na/ me'i khams kyang rnam pa gnyis te/ nang na yod pa dang / phyi rol na yod pa'o/ /de la nang gi me'i khams ni lus 'di la gang chung zad nang dang / so so'i nang gi me dang / me'i rnam pa bzung ba dang zin</font><hr>63.109b<br><font size=+1>

pa'o/ /de dag gang zhe na/ 'di lta ste/ gang gis gdung bar byed pa dang / gang gis yongs su sreg par byed pa dang / gang gis 'bar bar byed pa dang / gang gis zos pa dang / 'thung pa dang / 'chos pa dang / myangs pa rnams legs par bde bar 'jug bar 'gyur ba dang / gang gzhan yang lus 'di la nang gi dang / so so'i nang gi me dang me'i rnam pa bzung ba dang zin pa 'di ni nang gi me'i khams shes bya'o/ /de la phyi rol gyi me'i khams gang zhe na/ phyi rol gyi me'i khams gang chung zad me dang / me'i rnam pa dang / dro ba dang dro ba'i rnam pa ste/ ma bzung ma zin pa 'di ni phyi rol gyi me'i khams shes bya'o/ /de la gang nang gi me'i khams dang / gang phyi rol gyi me'i khams de dag gcig tu bsdus pa'i khams 'di ni khams tsam ste/ de dag thams cad bdag gi ma yin/ de dag bdag ma yin/ de dag bdag dang bdag gi ma yin/ 'di ltar de dag yang dag pa'i shes rab kyis yang dag pa ji lta ba bzhin mthong nas me'i khams la sems 'dod chags dang bral bar 'gyur ro/ /de byed pa pos gnas su ma byas kyang me'i khams rab tu 'jug go/ /de la rlung gi khams gang zhe na/ rlung gi khams kyang rnam pa gnyis te/ nang na yod pa dang / phyi rol na yod pa'o/ /de la nang gi gang zhe na/ lus 'di la gang chung zad nang dang / so so'i nang gi rlung dang / rlung gi rnam pa yang ba dang / yang zhing g.yo ba bzung ba dang / zin pa ste/ de dag kyang gang zhe na/ steng du 'gro ba'i rlung dang / 'og tu 'gro ba'i rlung dang / ngos su 'gro ba'i rlung dang / ltor 'gro ba'i rlung dang / de bzhin du ral gri dang / khab dang / mtshon cha lta bu'i rlung dang / rlung skran dang / srin bu dang / lhan cig rgyu ba'i rlung brgyad bcu dag yod do/ /rlung brgyad bcu dag yan lag dang nying lag dag gi rjes su 'jug go/ /gang lus 'di la gzhan yang nang dang so so'i nang gi rlung dang / rlung gi rnam pa yang zhing g.yo ba bzung ba dang zin pa 'di ni nang gi rlung gi khams shes bya'o/ /de la phyi rol gyi rlung</font><hr>63.110a<br><font size=+1>

gi khams gang zhe na/ phyi rol gyi gang chung zad rlung dang / rlung gi rnam pa yang zhing g.yo ba ma bzung ma zin pa 'di ni phyi rol gyi rlung gi khams shes bya'o/ /de la nang gi rlung gi khams dang gang phyi rol gyi de dag thams cad mngon par bsdus pa'i khams 'di ni khams tsam ste/ de dag bdag ma yin/ de dag bdag dang bdag gi ma yin la byed pa pos gnas su ma byas shing tshor ba pos gnas su ma byas te/ de ltar 'di dag yang dag pa'i shes rab kyis yang dag pa ji lta ba bzhin mthong nas rlung gi khams de la sems 'dod chags dang bral bar byed de 'di ni shes rab kyi byin gyi brlabs mngon sum du byed pa'i dge slong yin no/ /de la nam mkha'i khams gang zhe na/ nam mkha'i khams kyang rnam pa gnyis te/ nang na yod pa dang / phyi rol na yod pa'o/ /de la nang gi lus 'di la gang chung zad nang dang / so so'i nang gi nam mkha' dang / nam mkha'i rnam pa bzung ba dang zin pa mi gnas shing gzugs kyi rnam pas khyab par bya ba dang / zos pa dang 'thungs pa dang / 'chos pa dang / myangs pa rnams nang du 'jug par skabs 'byed pa dang / mid pa'i sbubs dang / mig phugs dang / sna'i bu ga dang / lce'i bu ga dang / zas nang du 'gro ba lces skabs 'byed par byed pa 'di ni nang gi nam mkha'i khams shes bya'o/ /de la phyi rol gyi nam mkha'i khams gang zhe na/ gang chung zad ma bzung ba ma zin pa mi gsal zhing khyab par byed pa ma yin pa ste/ 'di lta ste/ shing lo'i bar gyi gseb dang ri phug gi bu ga'i gseb dang / chu bo'i gseb dang / gang phyi rol gyi bu ga yod pa ni phyi rol gyi nam mkha'i khams shes bya'o/ /de la gang nang gi gzugs kyi rnam pa'i nam mkha'i khams dang / gang phyi rol gyi de dag gcig tu bsdus pa'i khams 'di ni khams tsam ste/ de dag thams cad bdag gi ma yin/ de dag bdag ma yin/ de dag bdag dang bdag gi ma yin te/ 'di ltar de dag yang dag pa'i shes rab kyis yang dag pa ji lta ba bzhin mthong nas nam mkha'i khams la sems 'dod chags dang bral zhing de dag mthong nas 'jug par mi 'gyur ro/ /de dag thams cad bdag gi ma yin/ </font><hr>63.110b<br><font size=+1>

de dag bdag ma yin/ de dag bdag dang bdag gi ma yin te/ byed pa pos gnas su ma byas shing / tshor ba pos gnas su ma byas pa'i nam mkha'i khams la sems 'dod chags dang bral bar 'gyur ro/ /de la yid kyi khams gang zhe na/ skye mched bcu gnyis dang / yang dag par ldan pa ni yid kyi khams te/ mig gi rnam par shes pas don mthong ba yid kyi rnam par shes pas rjes su myong ste/ de bzhin du rna ba dang / sna dang / lce dang / lus dang / yid kyi rnam par shes pa dag ni yid kyi rnam par shes pa'i khams rab tu 'byung ba'i rtsa ba yin no/ /'dir tshigs su bcad pa/ yid ni sngon du 'gro ba'i chos/ /yid mgyogs yid ni 'gro ba'i chos/ /yid ni shin du gsal ba yis/ /smra ba dang ni byed par 'gyur/ /sdig pa'i mtshan nyid bsal ba yis/ /'chi dang skye ba rnam shes shing / /las 'bras de nyid shes pa ni/ /'chi ba med pa'i gnas 'thob bo/ /gang dag dbang po kun 'dzin pa/ /'byung po kun la phan par dga'/ /dbang po bde zhing zhi la dul/ /de lta bu ni dge slong yin/ /ji ltar dbang po drug la gnas/ /'dod chags dgra ni zlog par byed/ /dpa' bo shes rab byed ldan gang / /de ni zhi ba'i gnas 'thob bo/ /dgon par gnas la dga' byed cing / /mnyam bzhag sa la gnas pa ni/ /mkha' sprin rlung gis gtor ba ltar/ /sdig pa'i chos rnams 'jig par byed/ /lus ngag las kyi mtha' dge zhing / /spyod pa dge la yang dag dga'/ de nyid lta zhing bya ba mkhas/ /bdud kyis sgrub pa 'jig par byed/ /'dod chags la sogs mi gnod cing / /dge ba'i sems la brkam chags med/ /byams dang snying rje mang ba ni/ /dge slong nges par 'byung la gnas/ /gang dag yul gyi 'ching ba'i rgyu/ /gzugs la sogs pa mi 'dod pa/ /de ni zhi ba mchog 'gro zhing / /gang du song bar nyon mi mongs/ /de nas gzhan yang ci dge slong 'di dang yid kyi spyod pa bcwa brgyad kyi dang po'i sa las sa gzhan</font><hr>63.111a<br><font size=+1>

gnyis pa la 'dug pa ni khams drug gi de nyid shes pa'i sa la ci da ltar chos rjes su dran pa'i sa la 'jug gam snyam nas rnal 'byor spyod pa nang gi chos la chos kyi rjes su lta zhing gnas pa des thos pa las byung ba'i shes pa 'am lha'i mig gis brtags na/ sa gzhan gsum pa la 'jug go/ /dge slong de nyid mthong ba de'i sa gzhan gang zhe na/ sems phan tshun du 'gyur ba ni sa gzhan yin te/ de bde ba skyes pa rnam par shes shing sdug bsngal skyes pa rnam par shes/ yid bde ba rnam par shes shing yid mi bde ba rnam par shes/ btang snyoms rnam par shes shing bde ba chung zad rnam par shes te/ bde ba myong bar 'gyur ba'i reg pa la brten nas bde ba'i tshor ba skye'o/ /de bde ba'i tshor ba 'di myong ba na bde ba'i tshor ba myong ngo zhes yang dag pa ji lta ba bzhin du rab tu shes so/ /de nas de bde ba myong ba'i reg pa gang 'gags na de bde ba myong ba'i reg pa la brten nas tshor ba skyes pa myong ba na bdag gi bde ba'i tshor ba nub bo zhes tshor ba nub pa so sor mngon par shes so/ /bdag gi bde ba'i tshor ba nye bar zhi zhing sdug bsngal gyi tshor ba skye ste/ brten nas 'byung ba'i sdug bsngal gyi tshor ba so sor mngon par shes so/ /bdag gi bde ba'i tshor ba skyes te/ de dag so sor mngon par shes so/ /ji ltar bde ba myong bar 'gyur ba'i reg pa bshad pa de ltar sdug bsngal myong bar 'gyur ba yang rgya cher yang dag par brjod par bya'o/ /yid bde ba rnam par shes pa ji lta bu yin zhe na/ yid bde ba'i gzhir 'gyur ba'i reg pa la brten nas yid bde ba skyes pa'o/ /yid mi bde ba so sor mngon par shes pa ji lta bu yin zhe na/ yid mi bde ba'i gzhir 'gyur ba'i reg pa la brten nas yid mi bde ba skyes pa'o/ /de nas 'di ltar de'i yid bde ba'i gzhir 'gyur ba'i tshor ba ji lta ba bzhin rjes su rtog ste/ yid bde ba'i gzhir 'gyur ba 'gog pa mthong nas yid bde ba las 'dod chags dang bral bar 'gyur ro/ /gang bdag gi yid bde ba'i tshor ba</font><hr>63.111b<br><font size=+1>

sngon skyes pa de zad cing zhi la rnam par bral ba de las de'i 'dod chags dang bral ba skye ste/ yang dag pa ji lta ba bzhin so sor myong bar byed do/ /de bzhin du yid mi bde ba la yang brjod par bya zhing btang snyoms la yang de bzhin du brjod par bya'o/ /de'i sa gzhan gsum pa 'di la 'jug pa la sa bla'i gnod sbyin shin du dga' nas bar snang la spyod pa'i gnod sbyin rnams la mngon par bsnyad do/ /de dag gis kyang rgyal po chen po bzhi la mngon par bsnyad do/ /de dag gis kyang rgyal chen bzhi'i lha rnams la mngon par bsnyad do/ /de dag gis kyang lha rnams kyi dbang po brgya byin ko'u shi ka la gang 'dzam bu'i gling na rigs kyi bu de skra dang kha spu bregs te/ dad pas khyim nas khyim med par rab tu byung ba/ yul che ge mo zhig dang / grong khyer mang ge mo zhig tu rigs che ge mo zhig las rigs kyi bu ming che ge mo zhig ces bya ba skra dang kha spu bregs te dad pas khyim nas khyim med par rab tu byung zhing de sa gzhan gsum pa la zhugs te bdud dang lhan cig g.yul 'gyed par 'dod pas bdud kyi phyogs ni dmas par byed la dam pa'i chos kyi phyogs ni mngon par mtho bar byed do zhes mngon par bsnyad do/ /lha rnams kyi dbang po brgya byin ko'u shi kas de thos nas mchog tu dga' zhing glang po che sa srung gi bu la zhon te rdzu 'phrul che ba'i lha'i tshogs la sogs pas bskor nas 'thab bral gyi lha rnams la 'dzam bu'i gling na rigs kyi bu zhes bya ba nas rgya cher sbyar te sa gzhan gsum pa la zhugs pa'i bar dang / bdud dang lhan cig g.yul 'gyed par 'dod pa/ bdud kyi phyogs dma' bar byed cing dam pa'i chos kyi phyogs mngon par mtho bar byed do zhes bsnyad do/ /lha'i dbang po brgya byin las de thos nas 'thab bral gyi lha rnams shin tu yid dga' bar 'gyur ro/ /de nas gzhan yang dge slong de sa gzhan gsum pa las sa gzhan bzhi pa la ji ltar 'jug cig gu snyam nas/ </font><hr>63.112a<br><font size=+1>

rnal 'byor spyod pa nang gi chos la chos kyi rjes su lta zhing gnas pa des thos pa las byung ba'i shes pa 'am lha'i mig gis brtags na/ de sa gzhan bzhi pa la 'jug pa ni reg pa'i rkyen gyis bde ba myong bar 'gyur ba bde ba'i rgyu dang / bde ba'i gzhi dang / bde ba'i rkyen gyis bdag gi tshor ba skyes so/ /de 'gags shing rnam par zhi la nang du nub pa de ma thag tu sdug bsngal gyi reg pa dang / sdug bsngal gyi gzhi dang / sdug bsngal kun 'byung ba dang / sdug bsngal nyid kyis bdag gi sdug bsngal gyi tshor ba skyes so/ /de bzhin du btang snyoms kyi rkyen dang / reg pa'i rkyen gyis tshor ba so sor mngon par shes so/ /skad cig skad cig la bdag gi reg pa'i tshor ba'i grogs dang reg pa 'byung ba skye ste/ de bde ba'i tshor ba la mi dga' zhing chags par mi byed la tshor ba de la mngon par mi dga' zhing mang du mi byed de ro myong bar mi byed do/ /de bzhin du sdug bsngal gyi tshor bas kyang gnod par mi byed cing rnam par 'tshe bar mi byed la rnyog pa can du mi byed do/ /de btang snyoms la gnas te dran pa dang shes bzhin dang ldan pa yin na ni tshor ba gsum po 'di dag gis gal te gtan du sems 'dod chags dang bral bar 'gyur/ yang btang snyoms khyad par can gzhan du 'gyur te yongs su dag pa dang rnam par byang bar 'gyur ro/ /de 'di snyam du sems te/ kye e ma bdag gis nam mkha' mtha' yas skye mched kyi btang snyoms 'di ltar yongs su dag pa/ 'di ltar rnam par byang ba 'di rdzogs par bya zhing bdag gi sems dang 'thun par bya ste/ bdag gi btang snyoms kyi mthar gtugs pa dang 'brel pa mngon sum du byas la/ de la mchog tu lhag par gnas par bya/ bdag nam mkha' mtha' yas skye mched kyi btang snyoms kyis bsdus pa de rdzogs par byas te gnas so/ /bdag gis 'di ltar yongs su dag cing 'di ltar rnam par byang ba rnam shes mtha' yas skye mched dang / nam mkha' mtha' yas skye mched </font><hr>63.112b<br><font size=+1>

dang / ci yang med pa'i skye mched dang / 'du shes med 'du shes med min skye mched kyi btang snyoms 'di rdzogs par byas te gnas par bya'o snyam mo/ /de 'du shes med 'du shes med min skye mched rdzogs par byas te gnas pa de dang bdag gi sems 'thun par byed la btang snyoms de la gnas shing 'dug ste/ de la lhag par chags pa dang / de nye bar len pa bdag gi 'du shes med 'du shes med min skye mched kyi btang snyoms rdzogs par byas te gnas par bya'o snyam mo/ /'di lta ste dper na/ gser mgar ram/ gser mgar gyi slob ma mkhas pa de sol mal du gser 'jug par byed do/ /bcug nas phra skam gyis bzung zhing yang shing gis 'bud kun du 'bud do/ /las legs par byas pa'i gser de dge zhing bkra shis la kha dog bzang ba/ las byed pa/ thams cad stod pa/ kha bzang bar bsngags pa/ yul thams cad du rjes su mthun par 'jug pa de dri ma dang bral zhing skyon lhag ma yang med la dul zhing bkra shis te/ rin po che'i 'od kyang zil du rlag par byed do/ /de gser mgar ram/ gser mgar gyi slob ma mkhas pa gzhan zhig gis gser legs par sbyang ba byas par rig nas ci 'dod par byed de/ gal te bgo bar bya ba dag la dril bu'i rgyan byed/ gal te shin du lta na sdug pa dag byed/ gal te dpung rgyan du byed/ gal te snying kar mdzes pa'i rgyan byed/ gal te glegs bam la mdzes par byed/ gal te mgo rgyan du byed/ gal te sor gdub du byed/ gal te gser gyi phreng bar byed/ gal te rgyan cod pan du byed de/ gang dang gang du khyer ba de dang der las dang ldan par 'gyur ro/ /de bzhin du dge slong shin du tshul khrims dang ldan pa shes rab can ni bdag gis 'di ltar yongs su dag cing 'di ltar rnam par byang ba gal te nam mkha' mtha' yas skye mched kyi btang snyoms de rdzogs par byas la bdag de dang 'thun par de la gnas te/ de dang 'brel pa dang / de la lhag par</font><hr>63.113a<br><font size=+1>

gnas pa dang / de nye bar len cing de nam mkha' mtha' yas skye mched kyi btang snyoms rdzogs par byas te gnas/ rnam shes mtha' yas skye mched dang / 'du shes med 'du shes med min skye mched rdzogs par byas te gnas so/ /de 'di snyam du sems te gang bdag gi btang snyoms 'di ni mi rtag pa mi brtan pa ther zug ma yin pa yongs su 'gyur ba'i chos can yin par de gzugs med pa'i skye mched bzhi po de nyid la dmigs nas bdag gi btang snyoms mi rtag cing mi rtag par dmigs/ mi brtan zhing mi brtan par dmigs te 'dus byas su rig par bya'o snyam mo/ /nam mkha' mtha' yas skye mched mi rtag cing rnam shes mtha' yas skye mched dmigs su med pa dang / ci yang med pa'i skye mched dmigs su med pa dang / 'du shes med 'du shes med myin skye mched kyi btang snyoms 'di ni g.yo ba dang bral ba yin/ 'di ni zhi ba yin/ 'di ni nye bar phan pa yin no snyam mo/ /de lus kun du tshor ba skye zhing myong ba na so sor mngon par shes shing skyes pa rnams kyang so sor mngon par shes so/ /'gags pa so sor mngon par shes shing 'gag pa yang so sor mngon par shes so/ /mig gi reg pa las byung ba so sor mngon par shes te/ de bzhin du rna ba'i reg pa las byung ba so sor mngon par shes/ sna'i reg pa las byung ba so sor mngon par shes/ de bzhin du lce dang / lus dang / yid kyi reg pa las byung ba'i tshor ba so sor mngon par shes so/ /dge slong tshor ba mngon sum du byas pa de tshor ba de dag nyid shin du rgyas par rtog ste/ de mig gi reg pa las byung ba'i tshor ba skye ba na skyes pa la gnas shing myong bar byed la 'gag pa na bdag gi tshor ba 'gagaso zhes so sor mngon par shes so/ /gzhan yang rna ba'i reg pa las byung ba'i tshor ba so sor mngon par shes te/ gang bdag gi mig gi reg pa las byung ba'i tshor ba de 'gags shing / </font><hr>63.113b<br><font size=+1>

nub la med par 'gyur te yang mi 'byung ngo / /de dag 'gags nas gzhan yang rna ba'i reg pa las byung ba'i tshor ba skyes pa bde ba 'di bde ba la dmigs pas sdug bsngal ma yin/ bde ba dang sdug bsngal la dmigs pas bde ba ma yin zhing sdug bsngal ma yin no snyam mo/ /de rna ba'i reg pa las byung ba'i tshor ba ji lta ba bzhin rjes su mthong zhing rnam par shes nas/ rna ba dang 'brel pa'i tshor ba dag la kun du chags pa med la de tshor ba myong ba na 'dod chags dang bral te/ rnam par grol bar 'gyur ro/ /rna ba'i reg pa las byung ba'i tshor ba de 'gags na sna'i dmigs pa'i tshor ba skye ste/ de snas kun nas bslang ba snas kun nas so sor myong bar byed de bdag sna'i reg pa las byung ba'i tshor ba skyes pa bde ba la dmigs pa ni bde ba'o/ /sdug bsngal la dmigs pa ni sdug bsngal lo/ /sdug bsngal yang ma yin bde ba yang ma yin pa la dmigs pa ni sdug bsngal yang ma yin bde ba yang ma yin no snyam mo/ /de sna'i dmigs pa'i tshor ba yang dag pa ji lta ba bzhin so sor myong bar byed de/ nub pa yang so sor myong bar byed do/ /de 'gags na sna'i dmigs pa'i tshor ba bde ba dang / sdug bsngal dang / sdug bsngal yang ma yin bde ba yang ma yin pa skye ste/ de so sor myong bar byed do/ /bdag gi sna'i dmigs pa'i tshor ba skye ste/ ji ltar lhag par chags pa skyes pa de ltar bdag gi 'gog pa 'di dag kyang skye ste/ de 'gags nas lce'i dmigs pa'i tshor ba rnam pa gsum skye ba nas yid kyi dmigs pa'i tshor ba rnam pa gsum snga ma bzhin no/ /de sa gzhan bzhi pa la tshor ba yang dag par rgya che ba la 'jug ste/ de'i brtson 'grus brtsams pa spro ba chen po bdud kyi 'ching ba gcod par 'dod pa la sa bla'i gnod sbyin shin du dga' nas bar snang gi gnod sbyin rnams la mngon par bsnyad do/ /de dag gis kyang rgyal po chen po bzhi la mngon par bsnyad do/ /de dag gis kyang rgyal chen bzhi'i lha rnams la mngon par bsnyad do/ /de dag gis kyang lha rnams</font><hr>63.114a<br><font size=+1>

kyi dbang po brgya byin la mngon par bsnyad do/ /brgya byin gyis kyang 'thab bral gyi lha rnams la mngon par bsnyad do/ /gang 'dzam bu'i gling na rigs kyi bu yul che ge mo zhig dang / grong mang ge mo zhig dang / rigs ga ge mo zhig las rigs kyi bu che ge mo zhes bya ba skra dang kha spu bregs te/ gos ngur smrig bgos nas dad pas khyim nas khyim med par rab tu byung ste/ de 'bad pa dang / brtson pas rim gyis sa gzhan bzhi pa'i tshor ba yang dag par rgya che ba la zhugs pa bdud kyi phyogs ni dma' bar byed cing yang dag pa dam pa'i chos kyi phyogs ni mngon par mtho bar byed pa de bdag lha rnams la bsnyad do snyam mo/ /brgya byin glang po che sa srung gi bu la zhon pa de 'thab bral gyi lha dag gis mthong nas dga' ste brgya byin la smras pa/ brgya byin gang 'dzam bu'i gling gi mi chos dang ldan zhing chos kyi rjes su 'jug pa de brgya byin khyod kyi dam pa'i chos dang 'thun par gyur pa nyid yin no/ /gzhan yang dge slong de bdud kyi 'ching ba spong zhing rab tu spong ba'i tshor ba la ji ltar rtog ce na/ rnal 'byor spyod pa nang gi chos la chos kyi rjes su lta zhing gnas pa des thos pa las byung ba'i shes pa 'am lha'i mig gis brtags na/ dge slong de yang dag pa'i tshor ba nyid la 'di ltar rnam par rtog par byed de/ de mig gi rnam par shes pa'i dmigs pa mi dge ba skyes pa de langs pa na dge ba la dmigs pa gnyis pas 'gags so/ /dge ba skyes pa de yang lung du ma bstan pa la dmigs pas 'gags shing lung bstan pa yang 'gags la lung du ma bstan pa skyes so/ /de bzhin du rna ba'i reg pa las byung ba'i tshor ba dang / sna'i reg pa las byung ba'i tshor ba dang / lce'i reg pa las byung ba'i tshor ba dang / lus kyi reg pa las byung ba so sor myong bar byed do/ /so sor myong bar byed pa na dge ba'i chos rnams yongs su rdzogs par 'gyur zhing de'i nyon mongs pa bsrabs par 'gyur ro/ /de de ltar sgom pa na tshor ba phra mo de dag so sor shes so/ /de chos kyi tshor ba dang lhan cig 'gag pa mthong ste/ </font><hr>63.114b<br><font size=+1>

ji ltar mar me'i 'od nyi ma'i 'od kyis 'gag pa de bzhin du tshor ba gnyi ga 'gag go/ /gzhan yang dge ba dang mi dge ba'i tshor ba rgyas pa so sor myong bar byed de/ dper na mar me'i 'od la mar me'i 'od gnyis pas gsal bar byed pa bzhin no/ /gzhan yang tshor ba rab tu rnam par 'byed par byed de/ tshor ba gang zhig dang / tshor ba gzhan gang zhig gi tshor ba dang lhan cig gtan du mi mthun par 'gyur ram snyam pa las dge ba'i tshor ba dang / mi dge ba'i tshor ba lhan cig gtan du mi mthun par mthong ste/ dper na mar me'i 'od dang / skar ma'i 'od lhan cig mi mthun pa bzhin no/ /gzhan yang dge slong de rab tu rnam par 'byed par byed de tshor ba gang zhig la tshor ba gang zhig gis gtan du sel bar byed ce na/ de zag pa med pa la dmigs pa'i tshor bas zag pa dang bcas pa la dmigs pa'i tshor ba gtan sel ba nyid du mthong ste dper na me'i 'od kyis kha ba zhu ba bzhin no/ /tshor ba gang zhig la tshor ba gang zhig gis gnod zhig gu snyam nas yang 'di rgyas par byed de gang gi tshe mi bde ba'i tshor ba la bde ba'i tshor bas zil gyis gnon par mthong ngo / /de yang rgyas par byed de/ dper na nyi mas nyin mo'i zla ba'i 'od zil gyis gnon par 'gyur zhing zla ba'i 'od de yang mtshan mo rgyas par 'gyur ba bzhin no/ /de nas gzhan yang dge slong de tshor ba rab tu rnam par 'byed par byed de gang tshor ba mang po dang ldan pa dag tshor ba gcig gi dran pa rtse gcig pa'i tshor ba dang lhan cig mi mthun pa zil gyis gnon par 'gyur ram snyam na de 'jig rten pa byed pa'i tshor ba mang po dag 'jig rten las 'das pa zag pa med pa'i tshor bas zil gyis gnon par mthong ste/ dper na mtshan mo rgyu skar dang / gza' dang / skar ma mang po'i 'od dag zla ba'i 'od gcig gis gnon pa bzhin no/ /gzhan yang dge slong de tshor ba rjes su mthong ba'i tshor ba ches phra ba la rtog par byed de/ mig dang / rna ba dang / sna dang / lce dang / lus kyis kun nas bslang ba zag pa dang</font><hr>63.115a<br><font size=+1>

bcas pa'i tshor ba mang ba ni gang yin/ dge ba ni ji ltar rtsom zhig snyam na de 'jig rten pa'i zag pa dang bcas pa'i tshor ba mang ba yang zag pa med pa'i snang bas thub par 'gyur te/ dper na mtshan mo rgyu skar dang / gza' dang / skar ma rnams kyi 'od zla ba'i snang ba gnas pas thub pa bzhin no/ /de nas gzhan yang dge slong de tshor ba de la rtog ste bdag gi tshor ba gzhan yun ji srid gcig tu gnas snyam mo/ /de skad cig la bdag gi tshor ba gzhan skye zhing 'jig par gnas par mthong ste/ dper na glog bzhin no/ /gzhan yang dge slong de 'di ltar rab tu rnam par rtog pa ste/ ci mig gi tshor ba sna'i tshor ba'i rkyen du 'gyur ram snyam mo/ /de blo gcig bzhin du dbang po tha dad pa'i dmigs pa'i tshor ba dbang po de dag thams cad kyir mthong ste/ dper na ba lang gcig cig rta dang / rnga mo dang / bong bu dang / ma he'i rigs tha dad pa rnams kyi rkyen du mi 'gyur ba de bzhin du thog ma med pa nas brtson pa'i dbang po lngas kun nas bslang ba'i yul gyi bye brag tha dad pa'i dbang po rnams kyi dmigs pa ni gcig tu mi 'gyur te/ dper na/ glang dang / rta dang / rnga mo dang / bong bu dang / ma he dang / phag bzhin no/ /de ltar tshor ba rjes su mthong ba'i dge slong de dag ni shes pa ches zhib pa skye bar 'gyur te/ de shes pa de la kun tu bsten cing sgom ste mang du byed do/ /de kun du bsten pa na tshor ba rjes su mthong zhing zad pa dang 'jig pa rjes su mthong nas 'di snyam du sems te/ bdag gi mig dang / rna ba dang / sna dang / lce dang / lus dang / yid kyis kun nas bslang ba'i tshor ba gang nas 'ong zhing gang du song / 'gag pa na gang du sogs par 'gyur snyam mo/ /dge slong tshor ba zad pa dang / 'jig pa rjes su mthong ba de rab tu sems pa na/ lam gyi rnam pa la 'di snyam du sems te/ mig gi tshor ba gang nas kyang skye ba med cing 'ong ba med la/ 'gag pa na yang gang du yang sogs par mi</font><hr>63.115b<br><font size=+1>

'gyur te/ mig gi tshor ba ma byung ba las 'byung zhing / byung nas kyang so sor 'bral bar 'gyur ro/ /mig gi 'byung khung la sogs pa mi 'byung ste/ dper na rgya mtsho bzhi las chu 'byung ba bzhin no/ /'gag pa na yang gang du yang mi sogs te/ dper na chu bo gzhol bar 'gro ba rgya mtshor 'du ba bzhin te/ mig gi tshor ba ma byung ba las 'byung zhing byung nas kyang so sor 'jig par 'gyur ro snyam mo/ /mig dang / rna ba dang / sna dang / yid kyi tshor ba dag ni rten cing 'brel bar 'byung ba yin te/ dper na rdza mkhan nam/ rdza mkhan gyi slob ma mkhas pa zhig 'khor lo la yang brten/ 'jim pa la yang brten/ rtsol ba la yang brten/ chu la yang brten nas rgyu 'jim pa la brten pa'i bum pa 'byung bar 'gyur te/ bum pa de 'byung khung gang nas kyang ma 'ongs shing 'jig pa na yang gang du yang sogs par mi 'gyur mod kyi/ rgyu rkyen las bum pa 'byung ba de bzhin du/ mig la yang brten/ rna ba la yang brten/ sna la yang brten/ nam mkha' la yang brten/ yid la byed pa la yang brten nas/ mig gi tshor ba bde ba 'am/ sdug bsngal ba 'am/ sdug bsngal yang ma yin bde ba yang ma yin pa skye'o/ /dper na bum pa gal te rgyu rkyen bzang po las byung na bum pa de legs par 'gyur zhing gal te ngan na de'i tshe bum pa ma legs par 'gyur ba de bzhin du gal te dmigs pa'i rgyu dang rkyen bzang na de'i mig la sogs pa tshor ba bzang po skye bar 'gyur te/ chos dang ldan pa'i dge ba'i rim gyis mya ngan las 'das par 'gro bar 'gyur ro/ /gal te rgyu dang rkyen mi bzang na de'i tshe mig la sogs pa'i tshor ba ngan pa skye bar 'gyur te/ 'dod chags zhe sdang gti mug la dmigs pa 'khor ba na sems can dmyal ba dang / yi dgas dang / dud 'gror 'gro bar 'gyur ro/ /las dang 'bras bur 'brel ba thams cad la mkhas</font><hr>63.116a<br><font size=+1>

par sems pa'i dge slong ni tshor ba rjes su tshol ba na tshor ba du ma la gnas par mthong ste/ byed pa pos gnas su ma byas shing rgyu med pa las kyang ma byung la 'dod rgyal gyis kyang ma byas/ ther zug du gnas pa ma yin/ rtag pa ma yin/ brtan pa ma yin/ ther zug ma yin/ yongs su 'gyur ba'i chos can yin zhing / de'i tshor ba'i phung po de mthong nas yang 'byung ba'i sred pa dga' ba'i 'dod chags kyi mod la skyes pa'i dri ma can yongs su nyams par byed de/ 'khor ba thams cad mi rtag par rjes su mthong ba'i dge slong ni lam kun du sten par byed cing goms par byed la mang du byed do/ /de de ltar sgom pa na kun du sbyor ba dag spong bar byed cing bag la nyal 'dor bar byed de/ kun du sbyor ba dag gang zhe na/ rjes su chags pa'i kun du sbyor bar byed pa dang / khong khro ba'i kun du sbyor ba dang / nga rgyal gyi kun du sbyor ba dang / ma rig pa'i kun du sbyor ba dang / lta ba'i kun du sbyor ba dang / mchog tu 'dzin pa'i kun du sbyor ba dang / the tsom gyi kun du sbyor ba dang / phrag dog gi kun du sbyor ba dang / ser sna'i kun du sbyor ba ste/ kun du sbyor ba de dag spong bar byed do/ /bag la nyal 'dor bar byed pa gang zhe na/ 'di lta ste/ 'dod pa'i 'dod chags kyi bag la nyal dang / lta ba'i bag la nyal dang / khong khro ba'i bag la nyal dang / ma rig pa'i bag la nyal dang / the tsom gyi bag la nyal te/ 'di dag ni gtso bo ji lta ba bzhin du srid pa gsum du yongs su 'jug par byed pa/ sa gsum du yongs su rgyu bar byed pa/ nyes pa gsum la yongs su 'jug par byed pa/ dus gsum gyi rjes su 'gro ba/ bar ma gsum gyi tshor ba gsum rjes su bsgoms pa/ skye ba gsum du 'pho bar byed pa ste/ 'khor ba'i rgyur gyur pa yin no/ /de nas gzhan yang ji ltar dge slong de rgyu dang rkyen du bcas pa 'di dag khong du</font><hr>63.116b<br><font size=+1>

chud par 'gyur/ mig gi rkyen ni gang / rgyu ni gang las skyes/ gzhi gang la lta bar byed cig gu snyam nas rnal 'byor spyod pa nang gi chos la chos kyi rjes su lta zhing gnas pa des thos pa las byung ba'i shes pa 'am lha'i mig gis brtags na mig gi rgyu ni las las byung zhing las kyis skye ba mngon par bsgrubs te/ dper na shing ba Ta'i sa bon chung ngu las shing ljon pa skye la shing ljon pa'i rgyu rkyen las yang shing ba Ta'i sa bon phra mo 'byung bar 'gyur ro/ /de bzhin du mi shes pa las las mngon par 'grub par 'gyur la/ las las kyang skye ba mngon par 'grub par 'gyur te/ skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba 'am/ 'khrug pa rnams yod cing 'byung bar 'gyur te/ de ltar las kyi rgyu sred pa'i zhags pa des bcings pa'i byis pa so so'i skye bo ni 'khor lo lta bu'i rgya mtshor yongs su 'khyam mo/ /tshor ba de dag thams cad kyi rgyu dang rkyen 'di dag la 'du shes kyi las su bya ba med de las med na sred pa 'byung bar mi 'gyur la de med na tshor ba med par 'gyur ro/ /rgyu rkyen ni dper na snying po la yang brten/ kong bu la yang brten/ me la yang brten nas mar me'i 'od skad cig la mngon par 'grub par 'gyur ro/ /de bzhin du dge slong de tshor ba'i rgyu dang rkyen mthong ba/ las kyi rgyu tshol zhing las kyi rjes su 'brang ba/ las kyi mthus tshor ba thams cad skye bar 'gyur ro/ /de la lus ni kong bu lta bu yin/ dbang po dag ni mar lta bu yin/ 'dod chags zhe sdang gti mug ni me lta bu yin te/ shes pa skad cig ma ni mar me'i 'od 'bar ba lta bu yin no/ /rnal 'byor pa gang gis srid pa gsum du 'gro ba'i tshor ba de nyid tshol zhing mthong ba ni shes pa yin te/ dper na gser mgar gser blangs nas las dang las su byas pa'i gser las rgyan gyi rnam pa legs par mngon par 'grub par byed do/ /de bzhin du rnal 'byor spyod pa</font><hr>63.117a<br><font size=+1>

gser mgar lta bu de dmigs pa gser lta bu la dmigs te/ gal te dmigs pa bzang na de las bzang po mngon par 'grub par 'gyur zhing / mya ngan las 'das par 'gro'o/ /gal te dmigs pa ngan na de ngan pa 'grub par 'gyur ro/ /'dir tshigs su bcad pa/ rgyu rkyen de nyid shes pa ni/ /don zhi nges par byas pa yin/ /thar pa'i rgyun la mngon dga' na/ /sred pas khyer bar mi 'gyur ro/ /lus can thams cad las dag gi/ /rjes 'brang las kyi skye gnas dang / /las kyi 'bras bur sbrel nas su/ /srid pa nyam ngar kun du 'khyam/ /gang zhig mi dge mi len cing / /rtag tu dge ba'i las dga' ba/ /zla 'od dri ma med pa ltar/ /rnal 'byor 'gro ba de 'drar 'gyur/ /me yis shing skam bsregs pa ltar/ /sdig pa'i chos rnams rab bsregs pa/ /sdig las grol zhing nyon mongs rgyal/ /sa gsum dag tu rnam par mdzes/ /gang zhig yid ni thar 'dod cing / /nams kyang 'khor bar mi dga' ba/ /de ni 'khor bar mi 'ching ste/ /mkha' la bya ni 'gro ba bzhin/ /gang zhig tshor 'byung de nyid shes/ /tshor ba'i 'bras bu rig pa ni/ /de nyid grol bar shes par bya/ /de nyid rig pa srid gsum du/ /bde sdug gis ni de mi gnod/ /zhim dang nga bas gos pa med/ /gang dag srid pa 'bar ba ltar/ /rnal 'byor de ni bsam pa ldan/ /blo gros rtag tu mi rmongs shing / /rtag tu chos kyi pha rol 'gro/ /dge slong sdom la mngon dga' ba/ /de lta bu ni dge slong yin/ /gnyen lta ba la dga' med cing / /mkhas pa dag la lta 'dod la/ /khyim gyi skyon las nges 'byung ba/ /de lta bu ni dge slong yin/ /dbang po thams cad rab zhi zhing / /yul rnams la ni chags med la/ /gnya' shing gang tsam lta ba dag /de lta bu ni dge slong yin/ /khro med khyim la spyod med cing / /tshong zong nyo 'tshong mi byed la/ /srang dang bzhi mdor mi dga' ba/ /de lta bu ni dge slong yin/ /glu dang gar la mi lta zhing / /nyes rtsom rnams la chags med la/ /gang dag dur khrod dga' byed pa/ /de lta bu ni dge slong yin/ /</font><hr>63.117b<br><font size=+1>

nyi ma gcig la bsod snyoms mchog /blangs nas sang gir mi sems la/ /lto 'grangs tsam gyis chog byed pa/ /de lta bu ni dge slong yin/ /gang dag gos mchog rnam spong zhing / /phyag dar khrod kyis chog 'dzin la/ /gang dag rigs par zas za ba/ /de lta bu ni dge slong yin/ /gang dag las ni mi rtsom zhing / /las rnams kun la bsam med la/ /spro med 'dud pa med pa ni/ /de lta bu ni dge slong yin/ /'dod pa'i khro las rnam grol zhing / /gti mug 'dam ni rnam spangs la/ /sdig pa'i chos kyis ma gos pa/ /de lta bu ni dge slong yin/ /kun du sbyor ba kun las 'das/ /bag la nyal ba thams cad spangs/ /bsam pa kun las rnam grol ba/ /de lta bu ni dge slong yin/ /'phags lam yan lag brgyad pa yis/ /mya ngan 'das pa'i grong khyer gnas/ /gang dag nyon mongs kun bcom pa/ /de lta bu ni dge slong yin/ /dbang po dul zhing blo gros brtan/ /'dod pa'i 'dam ni rnam par spangs/ /rtse gcig yid ni legs gnas pa/ /de lta bu ni dge slong yin/ /gang dag sa yi rim shes la/ /sa yi de nyid ston byed cing / /gang dag phan tshun sa shes pa/ /de lta bu ni dge slong yin/ /zag bcas zag pa med pa'i chos/ /rgyu dang rkyen du 'byung ba dag /rnam pa bzhin du kun shes pa/ /de lta bu ni dge slong yin/ /tshangs par spyod pa drang zhing zhi/ /rmugs dang gnyid ni rnam spangs la/ /nang par ldang zhing mkhas gtsang ba/ /de lta bu ni dge slong yin/ /gang zhig zhi gnas lhag mthong la/ /dga' zhing bsam gtan bzhi la dga'/ /dgon pa kun dgar dga' ba dag /de lta bu ni dge slong yin/ /nam mkha' la ni bya gnas pa/ /de grib rtag tu rjes 'gro ltar/ /gang blo dam pa'i chos la gnas/ /de lta bu ni dge slong yin/ /gang zhig nyon mongs nye nyon mongs/ /bcom zhing zhi lta blo gros gtsang / /dbugs dbyung rngub pa'i rnam pa shes/ /de lta bu ni dge slong yin/ /gang zhig rig</font><hr>63.118a<br><font size=+1>

pa'i cho ga shes/ /rnal 'byor rig cing de nyid ston/ /lam dang lam min rim shes pa/ /de lta bu ni dge slong yin/ /gang zhig dga' la mi chags shing / /'jigs pa dag la 'jigs med la/ /dpa' bo dga' dang 'jigs mnyam pa/ /de lta bu ni dge slong yin/ /rga dang 'chi ba'i de nyid shes/ /lha dang lha min phyag byas pa/ /sems kyi rnam pa phan tshun shes/ /de lta bu ni dge slong yin/ /gang zhig snam sbyar lhung bzed kyis/ /chog 'dzin sogs 'jog mi byed la/ /'dod pa chung zhing tshangs par spyod/ /de lta bu ni dge slong yin/ /dri med stan gcig zas za zhing / /zhim pa'i ro la mi chags la/ /rnyed dang bkur sti spangs pa dag /de lta bu ni dge slong yin/ /btang snyoms snying rje dag la dga'/ /'chab dang skyon ni rnam spangs shing / /nyes pa'i rdzas kun nges bsregs pa/ /de lta bu ni dge slong yin/ /dge slong de nang gi chos la chos kyi rjes su lta zhing tshor ba de dag ji lta ba bzhin du rjes su rtog ste/ de shes pa shin du zhib mos mig gi 'dus te reg pa las byung ba'i tshor ba'i dmigs pa rjes su rgyu ba med par mthong ngo / /dmigs pa gnyis pas lhan cig 'gag cing 'jig pa mthong ste/ mig gi 'dus te reg pa las byung ba'i tshor ba'i dmigs pa 'das nas bdag sgra la dmigs pa dang bcas pa'i tshor ba sdug pa 'am mi sdug pa skye ste/ bdag gi sems de dang lhan cig gyur pa med do snyam nas/ des sems kyi dmigs pa de brtan par byas nas 'dzin par byed do/ /rna ba'i tshor ba sgra la dmigs pa dang bcas pa de 'gags nas sna'i tshor ba dri la dmigs pa skye ste/ de sna'i tshor ba la yang rtog par byed cing shin du rtog par byed de/ bdag gi sna'i tshor ba dri dang bcas pa dge ba 'am/ mi dge ba 'am/ lung du bstan pa 'am/ lung du ma bstan pa skye ste/ bdag gi sna'i tshor ba de'i sems gyur pa gal te des sems gyur pa mthong na des yang dmigs pa de nyid la goms par byed</font><hr>63.118b<br><font size=+1>

cing spyod la 'bad cing brtson te las su rung bar byed la dge ba'i chos zag pa med pas sems goms par byed do/ /gal te mi g.yo na lce'i dmigs pa dge ba 'am/ mi dge ba 'am/ lung du bstan pa 'am/ lung du ma bstan pa la dmigs par byed de/ de dmigs pa de mngon sum du byas nas bde ba 'am sdug bsngal dang / sdug bsngal yang ma yin pa'i tshor ba la lta bar byed cing ci 'dis bdag gi sems gyur tam snyam mo/ /gal te ro la dmigs pa'i tshor ba skyes pas sems gyur pa mthong na des yang sems dmigs pa'i ka ba la mos pa'i thag pas bcing nas ji ltar sems 'di lce'i tshor ba dang bcas shing sred pa dang bcas pas mi 'phrogs par bya snyam nas spyod cing 'bad la nan tan du byed do// //'phags pa dam pa'i chos dran pa nye bar gzhag pa/  bam po bzhi pa/ de nas gzhan yang dge slong de lus kyi reg bya dang bcas pa'i reg bya'i tshor ba dmigs pa'i ka ba la bcings nas dge ba dang / mi dge ba dang / lung du ma bstan pa la rtog par byed de/ gal te de reg bya'i tshor ba des sems gyur par mthong na yang ji ltar dmigs pa'i ka ba la bcings nas las su rung bar byed cing gyur pa med pa de ltar byed do/ /yang dge slong de yid la 'ong ba'i yid dang shin du 'brel pa'i chos kyis tshor ba dge ba dang / mi dge ba dang / lung du bstan pa dang / lung du ma bstan pa la lta bar byed de/ gal te tshor ba de dag gis yid gyur na de dmigs pa'i ka ba de la mos pa'i thag pas bcings nas las su rung bar byed de gyur pa med pa de ltar byed do/ /yul drug lus la yod pa'i tshor ba la lta ba'i dge slong yang dag pa'i tshor ba 'byung ba dang zad pa de nyid mthong ba ni gnas lnga pa la 'jug ste/ de mig gi 'dus te reg pa las byung ba'i</font><hr>63.119a<br><font size=+1>

tshor ba shes pa las byung ba'i tshor ba shes pa'i sgron mas tshor ba myong bar byed pa'i tshor ba 'di dag gang zhig yin zhes rnam par rtog par byed do/ /de yid kyi rnam par shes pa'i tshor ba 'di ni rten cing 'brel par 'byung ba yin te/ yid dang shin du 'brel par mthong la/ byis pa so so'i skye bo thams cad ni yid kyi rnam par rtog pas 'phrogs shing shin du rtog pa'i mes bsregs te/ 'di la tshor ba po dang / byed pa po ni gang yang med kyi rgyu rkyen dang 'brel pa'i 'du byed kyi phung po 'di nyid skye/ 'du byed kyi phung po 'di nyid 'gag go snyam mo/ /de mig gi 'dus te reg pa las byung ba'i tshor ba ji lta ba bzhin rjes su mthong zhing rjes su 'jug pa des sems mi 'phrogs shing rnam par mi g.yo la skyon du 'gyur bar mi byed de dri ma can du mi byed do/ /yang dge slong de rna ba'i tshor ba la rtog par byed de/ tshor ba rjes su myong zhing rig pa'i tshor ba 'di gang yin snyam mo/ /de rna ba'i tshor ba 'di yid kyi rnam par shes pa dang shin du 'brel par mthong ste/ yid dang shin du 'brel pa de la gnas par zad kyi 'di la byed pa po dang tshor ba po med cing rna ba'i tshor ba rten cing 'brel par 'byung ba la byed pa po dang / tshor ba po med de/ 'du byed kyi phung po stong pa 'di rgyu rkyen gyi dbang gis skye zhing 'gag go snyam mo/ /yang dge slong de sna'i tshor ba la rtog par byed de tshor ba 'di myong zhing rig pa gang zhig yin snyam mo/ /de tshor ba yid kyi rnam par shes pa dang shin du 'brel par mthong ste/ de la dmigs pa de la gnas pa de rgyu dang rkyen las byung zhing rjes su myong ba'i mtshan nyid yin gyi 'du byed kyi phung po stong pa 'di byed pa pos gnas su ma byas shing tshor ba pos gnas su ma byas pa rgyun chags par 'jug pa yin no snyam ste/ de sna'i tshor ba rtogs nas byed pa po dang tshor ba po med cing don gyi bar du gcod par gyur pa ni med do snyam mo/ /yang dge slong de lce'i tshor ba la rnam par rtog ste/ lce'i tshor ba 'di myong zhing rig pa gang yin snyam mo/ /de lce'i tshor ba 'di yid kyi rnam par shes pa dang shin du</font><hr>63.119b<br><font size=+1>

'brel par mthong ste/ de la gnas pa de dang 'brel pa de la dmigs pa de'i rgyu las byung zhing / de la brten pa yin gyi/ 'di la byed pa po dang / tshor ba po dang / don gyi bar du gcod par 'gyur ba med de 'du byed kyi phung po 'di'i rgyu dang rkyen gyi dbang gis skye'o snyam mo/ /yang dge slong de lus kyi reg bya'i tshor ba la rtog par byed de lus kyi tshor ba myong zhing rig pa 'di gang yin snyam mo/ /de lus kyi tshor ba 'di yid kyi rnam par shes pa dang 'brel par mthong ste/ 'di la byed pa po'am tshor ba po don gyi bar du gcod par 'gyur ba ni med de 'du byed kyi phung po stong pa 'di rgyu dang rkyen gyi dbang gi 'jug go snyam mo/ /yang dge slong de yid kyi tshor ba la rnam par rtog par byed de/ yid kyi tshor ba myong zhing rig pa 'di gang yin snyam mo/ /de yid dang chos la brten nas yid kyi rnam par shes pa skye bar mthong ste gsum 'dus pa'i reg pa reg pa dang lhan cig byung ba'i tshor ba/ dper na rdzas dri zhim pa du ma bsdus pa las spos bzang po 'byung ngo / /spos de'i rgyu mi 'byung ba gcig kyang med pa de bzhin du rgyu dang rkyen 'dus pa las tshor ba thams cad 'byung gi/ byed pa pos gnas su ma byas shing tshor ba pos gnas su ma byas pa yin no/ /dper na lo ma la yang brten/ ze ba la yang brten/ sdong bu la yang brten/ ze 'bru la yang brten nas pad ma zhes bya ba'i me tog 'byung ste/ pad ma de'i rgyu gcig kyang med do/ /de bzhin du dmigs pa la yang brten/ nam mkha' la yang brten/ yid la byed pa la yang brten/ snang ba la yang brten nas mig gi 'dus te reg pa las byung ba'i tshor ba 'byung ste/ mig las skyes pa/ mig la brten pa'i tshor ba de rigs gcig pa ma yin/ rdzas gcig pa ma yin/ 'byung ba gcig pa ma yin zhing ther zug tu gnas pa ma yin la sprul pa ma yin no snyam mo/ /de ji lta ji ltar de nyid tshol ba'i dge slong de ni de ltar de'i chos dkar po 'byung bar 'gyur te/ </font><hr>63.120a<br><font size=+1>

dper na bu ram shing snod kyi nang du bcug nas mes bskol ba 'ang de dang po zhu zhing dri mar 'gyur ba ni bu ram dri ma can zhes bya'o/ /lan gnyis su bskol ba dang / dkar bar 'gyur zhing bu ram du shes so/ /lan gsum pa la shin du dkar bar 'gyur te/ de ji lta ji ltar bu ram shing bskol ba de lta de ltar shin du dri ma dang bral bar 'gyur ba de bzhin du dge slong dmigs pa'i snod du ye shes me lta bus sems kyi rgyun bu ram shing lta bu yongs su skol bar byed do/ /de'i dbu ba lta bu bsam gtan dang po thob par 'gyur zhing de'i dkar ba lta bu bsam gtan gnyis pa thob par 'gyur te/ de bzhin du ji lta ji ltar dge slong gi sems kyi rgyun ye shes kyi mes skol bar byed pa de lta de ltar zag pa med pa'i chos shin du dkar zhing shin du dri ma med la shin du skyon med par 'gyur te/ las phyir phyogs pa dri ma dang bral zhing dkar la dag pa skye bar 'gyur ro/ /gzhan yang dge slong de tshor ba de dag la shin du rnam pa phra ba gzhan gyis rtog par byed de/ sems can che ge mo zhig gi tshor ba mig gi 'dus te reg pa las byung ba phra ba 'am rags pa dri ma can gti mug dang ldan pa skyes pa de/ tshor ba rags pa che ge mo zhig gis bsal cing spangs te lhag ma dang bcas par bas so/ /rna ba'i tshor ba dang / sna'i tshor ba dang / lce'i tshor ba dang / lus kyi tshor ba yang de bzhin no/ /dge slong de de ltar brtson zhing spro la bdud kyi sde 'joms pa na/ sa bla'i gnod sbyin dang / bar snang la spyod pa'i gnod sbyin de dag gis kyang rgyal po chen po bzhi la mngon par bsnyad do/ /sa bla'i gnod sbyin dang / bar snang la spyod pa'i gnod sbyin de dag dang / rgyal po chen po bzhi po de dag gis kyang rgyal chen bzhi'i lha rnams la mngon par bsnyad do/ /sa bla'i gnod sbyin de dag dang / bar snang la spyod pa'i gnod sbyin de dag dang / rgyal po chen po bzhi po de dag dang / rgyal chen bzhi'i lha de dag gis kyang lha'i dbang</font><hr>63.120b<br><font size=+1>

po rgya byin la mngon par bsnyad do/ /lha'i dbang po brgya byin yang glang po che sa srung gi bu la zhon nas yid dga' bas 'thab bral gyi lha rnams la mngon par bsnyad de/ snga ma bzhin no/ /'thab bral gyi lha de dag kyang brgya byin la dga' nas rin po che sna tshogs thogs shing lus lha'i phreng ba dang / spos rnam pa sna tshogs kyis brgyan pa/ sgra dang / reg bya dang / gzugs dang / dri yid du 'ong zhing bde ba dpe med pa/ rab tu dga' ba'i shugs kyis dga' ldan gyi lha'i ris na rin po che sna bdun las byas pa'i khang pa dang / gzhal med khang dang / grong khyer rnam pa sna tshogs kyis brgyan cing dpag tshad stong phrag bzhi bcu yod pa/ yid kyis brtags pa zhes bya ba der byang chub sems dpa'i khang bzangs dpag tshad khri yod pa/ zag pa med par 'gro ba zhes bya ba de na bcom ldan 'das byams pa byang chub sems dpa' lnga brgya dang thabs gcig tu bzhugs pa de la 'thab bral gyi lha dag yid rab tu dga' bas gos phyogs gcig tu bgos te pus mo sa la btsugs mgo btud thal mo sbyar nas gsol pa/ lha 'di ltar 'dzam bu'i gling na las kyi sa la gnas pa/ grong che ge mo zhig dang / grong rdal mang ge mo zhig dang yul ga ge mo zhig tu rigs che ge mo zhig las rigs kyi bu che ge mo zhig skra dang kha spu bregs te/ gos ngur smrig bgos nas dad pas khyim nas khyim med par rab tu byung ste/ de spyod pa la nan tan bgyid cing bla ma la bsnyen bkur bgyid pa/ zag pa med pa'i chos kyi de nyid tshol zhing tshor ba'i de nyid mthong ba zhes bgyi ba sa gzhan bzhi pa la zhugs nas bdud kyi phyogs 'joms par bgyid cing dam pa'i chos kyi zam pa brtan par bgyid cing bla ma la bsnyen bkur bgyid pa/ zag pa med pa'i chos kyi de nyid tshol zhing tshor ba'i de nyid mthong ba zhes bgyi ba sa gzhan bzhi pa la zhugs nas bdud kyi phyogs 'joms</font><hr>63.121a<br><font size=+1>

par bgyid cing dam pa'i chos kyi zam pa rtan par bgyid/ chos dkar po rab tu ston par bgyid cing bdud kyi phyogs smod par bgyid la lha'i phyogs 'phel bar bgyid pa de bdag cag gis lha rnams la mngon par gsol lo/ /'thab bral gyi lha rnams la byams pas lha'i phyogs 'phel bar gyur pa de thos nas/ kye lha dag 'di ltar gang bdud kyi phyogs dma' bar byed cing / dam pa'i chos kyi phyogs mngon par mtho bar byed la/ nyon mongs pa rnams las rab tu grol bar byed cing bdud kyi sde rnam par 'jig par byed pa la bdag rab tu dga'o zhes gtam du byed do/ /gzhan yang dge slong des tshor ba'i tshogs drug mdor bsdus pa ji lta ba bzhin mthong nas tshor ba'i phung po'i sa'i chos sa gzhan lnga pa la ji ltar 'dug ce na/ rnal 'byor spyod pa nang gi chos la chos kyi rjes su lta zhing gnas pas brtags na/ yang dge slong de tshor ba'i de nyid mthong zhing tshor ba'i tshogs drug gi las kyi mthar byas pa 'du shes kyi phung po yang dag par rab tu rnam par 'byed cing mtshan mar byed do/ /sa gzhan 'du shes dang bcas pa gang yin snyam na/ bdag chos dkar po dben pa la spyod cing phan pa dang mi phan pa las dben par spyod pa'i 'du shes kyis 'du shes su byed cing de yang dag par sems par byed la de chos dkar po mtshan mar byed pa ni 'di ltar thog ma nyid du chos rnams rab tu rnam par 'byed de/ dmigs pa bstan du yod cing thogs pa dang bcas pa dang / bstan du med cing thogs pa'i 'du shes ji ltar skye bar 'gyur ba gang yin zhig gu snyam nas de shin du dben pas 'du shes de la rtog par byed cing de 'du shes des gzugs rnam pa bcu gcig la mtshan mar dmigs te/ 'di lta ste/ ring ba dang / thung ba dang / gru bzhi dang / zlum po dang / zur gsum dang / sngon po dang / ser po dang / dmar po dang / dkar po dang / gtsod ka'o/ /de la 'du shes kyi mtshan mas</font><hr>63.121b<br><font size=+1>

ring por byed pa ni/ kye ma byis pa blo zhan pa rnams kyis thog ma dang tha ma med pa'i skye ba dang / 'chi ba dang / las dang / 'bras bu dang / 'chi 'pho dang / 'byung ba dang / sdug pa dang / bral ba dang / grang ba dang / tsha ba dang / bkres pa dang / skom pa dang / dub pa dang / na ba dang / gzhan gyis bsgo ba dang / brnyas pa dang / bran gyi ngo bo dang / gcig la gcig za ba dang / sogs par byed cing don med par gyur pa dpag tu med pa 'di kun ni bzod par dka' ba yin te/ lus dang / ngag dang / yid kyis kun nas bslangs pa'i nyes par byas pa'i las kyi bye brag bye ba khrag khrig brgya stong phrag dpag tu med pa dag gis byis pa so so'i skye bo dag yang dang yang du khyab par byas shing rnam par gces pa'i 'khor ba 'di ni ring ngo snyam mo/ /de la mir gyur pa rnams la 'dod pas nyon mongs shing gcig la gcig 'drid pa dang / gzhal blugs dang / shags dang / tshong pa dang / rgyal po'i pho brang du sten pa dang / mtsho dang / ngam grog dang / yul gzhan du 'gro ba dang / 'thab mo dang / zhing rmed pa dang / phyugs skyong ba dang / kla klor skye ba dang / log par lta ba dang / dbang po ma tshang ba dang / dam pa'i chos dang bral ba dang / sangs rgyas 'byung ba dang bral ba dang / rkyen ma tshang ba dang / mi khom pa dang / chang 'thung ba dang / ma byin par len pa dang / brdzun du smra ba dang / 'dod pas log par g.yem pa dang / brnab sems dang / gnod sems dang / phra ma dang / tshig rtsub po dang / tshig kyal pa la yid rnam par zhen pa'i 'khor ba 'di ni ring ngo snyam du 'du shes kyi mtshan ma la dmigs par byed do/ /lha rnams kyi 'khor ba yang ring bar 'du shes kyi mtshan ma la dmigs par byed de/ yul sdug pa dang / sgra dang / ro dang / gzugs dang / dri la rab tu chags shing / 'dod chags dang / zhe sdang dang / gti mug dang / bag med pa dang / bud med kyi nyon mongs pa dang / dga' ba'i tshal dang / </font><hr>63.122a<br><font size=+1>

yongs su 'du dang / rnam par mdzes pa dang / shing rta sna tshogs dang / tshal dang / nags tshal dang / lteng ka dang / dal gyis 'bab pa dang / kun du rtse ba dang / me tog dang / spos dang / bdud rtsi'i ro dang rnam pa sna tshogs su rtse ba dang / kha zas dang / gnas khang la rab tu chags pa dang / tsan dan dang / lha'i me tog phreng dang / phye ma dang / byug pa dang / me tog mAn dA ra ba dang / lha'i rol mo dang / lha'i glu dbyangs la sems rab tu chags shing / dam pa'i chos la kha phyir phyogs pa'i 'khor ba ni ring ngo snyam mo/ /yi dgas rnams kyi 'khor ba yang ring bar 'du shes kyi mtshan ma la dmigs par byed de/ nyes par byas pa'i las kyis 'gro ba bkres pa dang / skom pa dang / dub pa dang / nyam chung ba dang / me'i char rab tu 'bab pa dang / mid pa khab tsam la lto ri tsam pa dang / lto sgal ba la zhar ba dang / phrag dog dang / ser sna skyes shing gcig la gcig mtshon gyis 'debs pa dang / mun nag tu 'jug cing g.yang sar rab tu ltung ba dang / chu bo dang / lteng ka dang / 'bab chu'i dngo dang / mtshor rgyug pa dang / gshin rje'i mis ral gri dang / dbyig pa dang / gzhor dang / mdung gis btab cing sdug bsngal ba/ skyugs pa dang / ngar snabs kyi kha zas lo 'bum phrag du mar za ba/ sdug bsngal rnam pa sna tshogs kyis mchi ma rab tu 'byung zhing bzod par dka' ba/ yul ngan byung zhing gdong dang lus skras khebs pa/ lus la srin bu 'bum zhugs pa/ lus nad thams cad 'byung ba'i gzhir gyur cing thebs pa/ 'khor bar yun ring du zhugs pa/ lcags kyi bya rog mchu 'bar ba dag gis mig phyung ba/ lus shing bsregs pa 'dra zhing pha rol gyis gnon pa/ gcig la gcig za ba/ dgon pa dpag tshad bye ba brgya phrag sum bcu rtsa drug tu zhugs pa/ mgon med cing zas dang / skom gyi mes lus bsregs pa/ mun nag tu zhugs pa'i yi dgas dag</font><hr>63.122b<br><font size=+1>

ni dam pa'i chos mnyan pa la kha phyir phyogs pa yin te/ log par lta bas bslus pa rnams kyi 'khor ba ni ring ngo snyam du 'du shes kyi mtshan ma la dmigs par byed do/ /gcig la gcig za zhing khong du chud par bya ba dang / khong du chud par bya ba ma yin pa shes pa la kha phyir phyogs pa rnams ni chu dang chu la spyod pa rnams rtag tu skom pas gdungs shing yongs su skams pa dang / gzung bas 'jigs pa chu srin byis pa gsod dang / chags brkam dang / sram dang / ru sbal dang / nya dang / nya mid dang / nya mid mid dang / chu srin kum b+hi ra dang / chu srin na kra dang / chu srin ma ka ra dang / chu srin na kra dang / chu srin nya phyis dang / chu srin dung la sogs pa chen po dang / chung ngu rtag tu gcig la gcig za ba dang / de las gzhan pa rgyas bshor zhing bzung bas 'jigs pa rnams dang / de bzhin du skam sa la rgyu ba ri dgas dang / ma he dang / phag rgod dang / glang po dang / khyu mchog dang / rta dang / bong bu dang / ba lang dang / ri dgas ru ru dang / dred mo dang / bse la sogs pa sdug bsngal sna tshogs kyis 'ching zhing mtshon gyis gsod pa dang / nad dang / rga ba dang / 'chi bas gcig la gcig gnod pa brgya phrag stong gis nyen pa rnams dang / de bzhin du nam mkha' la rgyu ba bya rog dang / 'ug pa dang / ngang pa dang / rma bya dang / khyim bya dang / bya rko ma sh+ti ka dang / phug ron dang / bya daM t+yu ha dang / bya tsa sha dang / bya 'dab brgya dang / bya tsha ya ba yin dang / bya shang shang te'u dang / bya san ta pa la sogs pa gzhan yang bya'i rigs dag gsod pa dang / 'ching ba dang / bkres pa dang / skom pa dang / gcig la gcig za ba dang / grang ba dang / tsha bas gnod pa rnams dang / gnas gsum la gnas pa skam sa dang / chu dang bar snang la rgyu ba'i dud 'gror gyur pa rnams la mi bzad cing so so'i 'jigs pa rnams kyi 'khor ba ni ring bar 'du shes kyi mtshan ma la dmigs par byed do/ /de bzhin du</font><hr>63.123a<br><font size=+1>

yang sos dang / thig nag dang / bsdus gzhom dang / ngu 'bod dang / ngu 'bod chen po dang / tsha ba dang / rab tu tsha ba dang / mnar med pa rnams kyi mi bzod pa/ bsam pa shin du ngan pa rnams kyi so so'i 'jigs pa brgya stong du ma yod pa/ me dang / mtshon dang / g.yang sa dang / brkyal pa'i chu bo dmar po'i nang du lus rab tu 'jug pa/ lo ma'i ral gri'i nang du 'jug cing 'dab mas so sor nyams su myong ba/ ba tshwa'i chu'i nang du 'jug cing sa rab tu 'bar ba la 'gro ba/ sreg par byed pa'i pad ma mi bzad pa/ gnod par byed pa/ bzod par dka' ba rnam pa du ma mtshungs pa med pa'i sems can dmyal ba rnams kyi 'khor ba ni ring bar 'du shes kyi mtshan ma la dmigs par byed do/ /dge slong de 'du shes kyi phung po rab tu rnam par dpyod pa la bstan du yod cing thogs pa dang bcas pa yun ring po'i gzugs 'phags pa'i bden pa bzhi la las dang 'bras bu'i rgyu'i gzhi dmigs pa sems can rnam pa sna tshogs dpag tshad brgya phrag stong gi 'gro bar song ba rnams la lta bar byed cing / mtshan mar byed la/ rnam par 'byed par byed/ gzhi la dmigs pa'i 'du shes rab tu gsal bas mthong ste/ 'khor ba la yid 'byung bar byed do/ /gzhan yang ji ltar na dge slong de thung ngu rnam par 'byed cing mngon sum du byed ce na/ rnal 'byor spyod pa nang gi chos la chos kyi rjes su lta zhing gnas pa des thos pa las byung ba'i shes pa 'am lha'i mig gis brtags na/ dge slong de bdud kyi sde rnam par 'jig par byed de/ ji ltar thung ba rnam par 'byed ce na/ 'khor ba thung ba'i brtul zhugs dang / sdom pa dang / sbyin pa dang / tshul khrims dang / chog shes pa dang / bla ma la gus pa dang / yid drang ba dang / yang dag pa'i lta ba pha ma la gus pa dang / sangs rgyas la chos nyan cing lta la bsnyen bkur byed pa dang / g.yo byed</font><hr>63.123b<br><font size=+1>

pa dang / gzhal glugs dang / 'drid pa dang / dge ba'i bshes gnyen gyi spyod pa ma yin pa spong ba dang / phyug pa dang / yid drang ba dang / snying brtse ba dang / lus dang / ngag dang / yid las su rung ba dang ldan zhing mi'i snying dang ldan pa rnams kyi 'khor ba ni thung bar 'du shes kyi mtshan ma la dmigs par byed do/ /de bzhin du gang dag bag med pa la zhugs pa rnams kyi dga' ba'i tshal dang / rnam par mdzes pa dang / shing rta sna tshogs dang / yongs 'du dang / nags tshal dang / lteng ka dang / pad ma sna tshogs dang / rgyan dang / do shal dang / bro gar dang / khron pa dang / shin du mdzes pa'i dpag bsam gyi shing dang / 'bab chu dang / chu mig tshag tshig dang / tshal dang / bdud rtsi dang / zas dang / gnas kyi khyad par dag spangs nas gang dag tshul khrims kyi rnam pa'i bsam gtan dang / klog pa la gnas shing legs par lta pa la kha ton du 'don pa dang / sbyin pa dang / dul ba dang / yang dag par sdom pa dang / tshangs par spyod pa dang / dbang po dul ba dang / smra ba'i tshig nyung ba dang / chos 'dod pa dang / zhi ba'i zas la gnas pa dang / lha gang yin pa de dag gi 'khor ba ni thung ngo / /ji skad bshad pa bzhin du sdug bsngal gyi rnam pa bkres pa dang / skom pa dang / kha skams pa dang / tshal shing bsregs pa bzhin du dman zhing zhum la skra dang / gdong shing bsregs pa lta bu'i lus can gang yin pa de dag sdug bsngal du mi bgrang bar gang dag skad cig tsam zhig kyang sangs rgyas dang / chos dang / dge 'dun la dbang po rab tu dang bas dad pa chung ngu zhig byas pa de dag gi 'khor ba ni thung bar 'du shes kyi mtshan ma la dmigs par byed do/ /gcig la gcig za zhing rdeg pa dang / grang ba dang / tsha ba dang / yul ngan dang / 'jigs pas 'jigs pa de dag gal te nus na skad cig tsam du rnam par</font><hr>63.124a<br><font size=+1>

gnod pa mi bgrang bar skad cig tsam zhig kyang sangs rgyas dang / chos dang / dge 'dun la sems dang bar byas pa'i dud 'gro de dag gi 'khor ba ni thung bar 'du shes kyi mtshan ma la dmigs par byed do/ /yang sos dang / thig nag dang / bsdus gzhom dang / ngu 'bod dang / ngu 'bod chen po dang / tsha ba dang / rab tu tsha ba dang / mnar med pa la sogs pa'i sems can dmyal ba rnams su skyes pa gang dag sdug bsngal shin du gnod pa rnam pa sna tshogs de dag sdug bsngal du mi bgrang bar/ gang dag skad cig tsam du tshul khrims la sems dad par byed pa'i sems can dmyal ba de dag gi 'khor ba ni thung bar 'du shes kyi mtshan ma la dmigs par byed de/ de de ltar 'khor ba thung bar sems so/ /'khor ba gru bzhi po ji lta bu zhig snyam na/ de byang gi sgra mi snyan gyi mi rnams ni bdag gi ba med cing bdag tu nga rgyal med la nges par gong du 'gro ba de rnams kyi 'khor ba ni gru bzhi po yin par 'du shes kyi mtshan ma la dmigs par byed do/ /sems can dmyal ba dang / yi dgas dang / dud 'gro mi shes pas yongs su 'gyur zhing sems bzang po ma yin pa'i rjes su 'jug pa'i 'khor ba ni zlum po yin par 'du shes kyi mtshan ma la dmigs so/ /dge ba dang / mi dge ba dang / lung du ma bstan pa'i las 'dren ma dag ni sems can dmyal ba dang / lha dang / 'dren ma mi rnams su skye bar 'gyur te/ de la mi dge ba'i las kyis ni sems can dmyal ba rnams su'o/ /dge ba'i las kyis ni lha rnams su'o/ /'dren mas ni mi rnams su skye ste/ las gsum nye bar 'gro'o/ /gang dag gnas gsum gyi skye bar skyes pa de rnams kyi 'khor ba ni zur gsum po yin par 'du shes kyi mtshan ma la dmigs par byed do/ /rgyal chen bzhi pa dang / 'thab bral gyi lha dang / gzhan 'phrul dbang byed kyi las lta bur skyes pa'i lha dag las shi nas lha rnams kyi nang du skye bar 'gyur/ gang dag mi</font><hr>63.124b<br><font size=+1>

las shi nas mi rnams kyi nang du skye bar 'gyur ba mi khom pa med pa'i sa de dag gi 'khor ba ni zlum po yin par 'du shes kyi mtshan ma la dmigs par byed do/ /las dmar pos yongs su bzung ba dag ni dud 'gro yin te/ de dag kyang gcig la gcig za zhing dmar po la dga' ba'i 'du shes kyi mtshan ma la dmigs par byed do/ /las kha dog dkar pos yongs su bzung ba ni lha dang mi yin te/ gtsang zhing dge ba'i las kyi lam rin po che las byung ba'i rim gyis lha dang mir skye ba 'dzin te/ lha 'chi ba na de la lha dag bde 'gro mi'i 'jig rten du bzhud cig ces smra'o/ /de bzhin du mi 'chi ba na gnyen dang / mdza' bshes dang / chung ma dag mig mchi mas gang zhing ngom zung gnag pa dag bdag cag thong la bde 'gro mi'i 'jig rten dgyes par bzhud cig ces smra'o/ /de 'di snyam du sems te/ mi de nyid thob kyang gang dge ba dang / sbyin pa dang / tshul khrims dang / shes rab la brtson 'grus med pa de ni sems can dmyal ba dang / yi dgas dang / dud 'gro'i dgon par gtses shing yongs su 'khyam ste/ so so'i skye bo ni las kyi lam gyis bslus shing chud gzan pa yin no snyam mo/ /dge slong de tshor ba'i de nyid mkhyen pa/ 'du shes kyi phung po la tshul bzhin yid la byed pa la dmigs pa'i de nyid mthong ba ni 'di ltar de nyid tshol bar byed de/ mig dang gzugs la brten nas mig gi rnam par shes pa skye'o/ /gsum 'dus pa las reg pa brjod pa'i 'du shes rnam par 'byed de/ gzugs mthong na bzang ba dang / mi bzang ba dang / nye ba dang / bskal pa dang / ring ba dang / thung ba dang / gru bzhi dang / zlum po dang / dkar po dang / zur gsum dang / gzugs kyi dbyibs 'du shes kyis yang dag par rnam par 'byed cing mtshan mar byed la gzhi la lta bar byed do/ /phung po dang / khams dang / skye mched kyi gzhi 'du shes su byed cing rnam par 'byed/ </font><hr>63.125a<br><font size=+1>

dge ba dang / mi dge ba'i las kyi rnam par smin pa shin du 'byed cing mngon sum du byed do/ /rgyu dang ldan pa la dmigs shing / rgyu ma yin pa dang ldan pa shes nas rnam par spong bar byed/ phan pa dang mi phan pa'i mtshan nyid mi 'dra ba 'das pa la 'du shes su byed de/ ji ltar 'dis bdag gi byas pa nyes pa byas pa'i 'du shes kyis 'du shes par byed de/ snga ma bzhin no/ /gal te 'du shes med na dran pa yang med de/ dran pa de dang 'du shes su 'brel pa ni de'i dmigs pa yin zhing de'i rkyen yin te/ dper na 'od de'i rkyen de'i gzhi de'i rgyu mar me yin pa de bzhin du dran pa ni 'du shes kyi rgyu 'du shes rab tu byung ba 'du shes kyi bdag po yin no snyam mo/ /dge slong de sa gzhan lnga pa 'du shes su reg pa zhes bya ba la 'jug ste/ de yang dag pa'i tshor ba bde ba la 'du shes su byed kyang de la dga' ba med la sems can dmyal ba rnams kyi las byas pa sdug bsngal de yang 'jigs pa med par de mtshungs par rtog ste/ gser bzang po bzhin no/ /dge slong 'du shes can de 'du shes kyi rnam pa gzhan gyis rtog par byed de/ de 'du shes las rnam par grol zhing rtog par byed pa gzhan ma yin pa bdag gi 'du shes kyi rkyen ni gang yin/ rgyu ni gang yin gzhi ni gang yin snyam mo/ /de 'du shes 'di ni rten cing 'brel par 'byung ba yin te/ rkyen tshogs pa des 'di skye zhing de 'gog pa las 'gag par 'gyur te/ dper na zla ba la yang brten/ chu shel la yang brten nas/ nor bu chu shel las chu dang ba 'byung ba de bzhin du rgyu dang rkyen la brten nas 'du shes 'byung bar 'gyur te/ 'du shes 'di ni rgyu med pa las 'byung ba ma yin zhing / byed pa po dang tshor ba pos ma byas/ 'dod rgyal bas ma byung bar 'di skye'o snyam mo/ /dge slong de 'du shes kyi phung po'i de nyid tshol ba yin te/ de 'du shes kyi de nyid mthong zhing de skye ba dang / </font><hr>63.125b<br><font size=+1>

'jig pa'i de nyid shes pa rim pa shin du phra mos tshol ba yin no/ /chu bo'i rgyun 'bab pa ltar 'du shes la zhugs pa dge ba 'byung zhing rkyen gyi dbang gis mi dge ba 'byung la rgyu dang rkyen gyi dbang gis mi dge bar 'gyur ba skyes so/ /de yang sems spre'u lta bu nyams pas lung du ma bstan pa 'gyur ba lung du ma bstan pa skyes so/ /de bde ba'i 'du shes la bde bar mi lta ste/ zag pa med pa'i bde ba la bde bar 'du shes shing bde ba la yang bde ba ma yin par 'du shes te bde ba de dag ni chung ngur shes so/ /ji ltar na dge ba'i phung po dang / khams dang / skye mched kyi phung po skye ba dang / 'gog par lta zhing tshor ba dag pa dang mngon par chags pa med ce na/ tshor ba nub pa des 'du shes mngon par dga' ba med cing 'du shes nub pa des 'du byed rnams 'byung bar 'dod pa med de/ gnas pa med cing 'jig pa med la gzhan du 'gyur ba med pa'i rnam par shes pa 'byung ba la mngon par 'dod pa med do/ /gnas pa med cing 'jig pa med la/ gzhan la 'gyur ba med pa'i ngo bo 'di ni dge slong phung po'i de nyid shes pa yin te/ bdud kyi yul la mi gnas shing / 'dod chags zhe sdang gti mug rnams kyis gnod pa med pa yin/ de rtag pa dang / bde ba dang / gtsang ba dang / bdag tu lta ba ma yin/ 'khor ba na sgra dang / reg pa dang / gzugs dang / dri sdug pa dra ba'i zhags pa lta bu dag gis 'ching bar mi 'gyur zhing dran pa nyams par mi 'gyur te/ de dran pa nye bar gnas pa rnam par shes shing zag pa zad par bya ba nus la mya ngan las 'das pa la mngon du phyogs par 'gyur ro/ /'dir tshigs su bcad pa/ dge slong brtson 'grus zhan pa dang / /le lo byed cing lta ba la/ /gang zhig rtag tu spro dga' med/ /de lta bu ni dge slong yin/ /mal cha stan la longs mi spyod/ /dge slong yin zhes sangs rgyas gsungs/ /</font><hr>63.126a<br><font size=+1>

gang zhig le lo mngon dga' ba/ /de ni dge ba'i 'os min no/ /nyon mongs rnams kyi gzhi gcig ni/ /le lo yin te gang la yod/ /gang la le lo gcig yod pa/ /de la chos ni med pa yin/ /bgo ba tsam gyis chog 'dzin pa/ /de ni dge slong yin zhes brjod/ /gang gi blo gros brjod med cing / /bsam gtan med la zag zad med/ /cha byad tsam gyis chog 'dzin pa/ /de lta bu ni dge slong min/ /gtsug lag khang dang kun dgar brtson/ /chos kyi spyod yul dga' med cing / /bud med chang la chags pa'i blo/ /de lta bu ni dge slong min/ /gang zhig bdud kyi 'ching gcod pa/ /sdig pa'i las dag gcod byed la/ /dge 'dun spyod yul mi spyod pa/ /de ni dge slong sangs rgyas gsungs/ /sbrul gdug dang ni ta mra dag /smin pa za ba nyis na rung / /tshul khrims 'chal na dge 'dun gyi/ /bza' btung spyod pa mi rung ngo / /gang zhig nyon mongs bsdus pa ni/ /de ni bsod snyoms 'os min zhing / /de ni bsod snyoms rigs min te/ /de ni dmyal ba'i 'os yin no/ /sbrul gdug khung na 'dug lta bu'i/ /nye ba gang gis bcom zhing spangs/ /dge slong de ni bsod snyoms spyod/ /de ni bud med lta ba med/ /gal te bdag nyid gtar bzhag cing / /sdig pa rnams la chags pa ni/ /dge 'dun rin chen sun byed pa/ /de ni dge slong ji ltar shes/ /gang zhig rnyed dang bkur sti dang / /gang zhig yul sdug sems byed la/ /bud med lta zhing de 'dod pa/ /dge min khyim min g.yon can yin/ /ji ltar me yis tshal bsregs bzhin/ /gang gis nyon mongs tshal bsregs pa/ /bram ze de yin de dge zhing / /sdig pa'i zas la mi chags so/ /rtag par grong du 'gro spro zhing / /g.yon can rtag tu khrus byed pa/ /rmongs pa bdag dang gzhan slu ste/ /dam chos lam la rmongs pa yin/ /yid ni zhi zhing dgon pa ru/ /rtag tu bsam gtan pha rol 'gro/ /bram ze de yin de dge zhing / /</font><hr>63.126b<br><font size=+1>

dge ba'i lam gyi spyod yul yin/ /dgon pa dag tu dga' byed pa/ /der ni 'dod chags bral ba dga'/ /'dod pa tshol ba'i yid dag ni/ /der ni dga' bar mi 'gyur ro/ /gang zhig 'bel ba'i gtam dga' zhing / /yul gyi sred pas mngon dga' ba/ /gang na 'chi ba med pa yi/ /zhi ba'i grong du mi 'gro 'o/ /rgyal po bsten cing zas dang skom/ /shin du zhim 'dod rtag khro ba/ /ming gi dge slong g.yo thabs kyis/ /gang dag rgyal po'i sgor 'dug cing / /khyim pa dag dang nye rtsom bcas/ /de nas de dag sun 'byin cing / /sbyin bdag bden sems slu bar byed/ /ji ltar glang chen tshal gnas bzhin/ /gang dag bu smad yongs spangs na/ /zhi ba'i tshal na gnas pa ni/ /de dag sred spangs bsam pa mnyam/ /dge slong de nyes pa de dag spangs nas de nyid mthong ba de las gzhin pa gzugs la sogs pa phung po'i de nyid mthong ba/ thar pa la 'bad cing spyod de bla ma la yongs su 'dri/ lam dang lam ma yin pa'i de nyid shes shing 'phags pa'i lam yan lag brgyad pas thar pa'i grong khyer de tshol ba ni lam brtson pa'i ngang tshul can mnyam par lta zhing dri ma med pa'i sems dang / zhi ba'i sems kyis lam de kun du bsten cing sgom ste mang du byed do/ /de zag pa med pa'i las kyi lam gyi dge ba dang yang dag par ldan pa des bdud kyi phyogs ni dmas par byed cing dam pa'i chos kyi phyogs ni 'phel bar byed do zhes sa bla'i gnod sbyin dag gis shes nas bar snang la spyod pa'i gnod sbyin dag la mngon par bsnyad do/ /de dag gis kyang rgyal po chen po bzhi la mngon par bsnyad do/ /de dag gis kyang rgyal chen bzhi pa nas snga ma bzhin du sbyar te/ 'thab bral dang dga' ldan gyi lha dag gis dga' ldan gyi gnas na byams pa bzhugs pa'i bar la mngon par bsnyad do/ /</font><hr>63.127a<br><font size=+1>

de nas byang chub sems dpa' gcig cig mchog tu dga' ches nas gzhan 'phrul dbang byed kyi lha rnams la mngon par bsnyad de/ 'dzam bu'i gling du rigs kyi bu che ge mo zhig skra dang kha spu bregs te/ gos ngur smrig bgos pa nas snga ma bzhin du sbyar te/ de nas gzhan 'phrul dbang byed kyi lha rnams yid mchog tu dga' ba'i bar du snga ma bzhin du sbyar ro/ /de nas gzhan yang dge slong des gzhan yang lnga pa la ji ltar 'jug cig gu snyam nas rnal 'byor spyod pa nang gi chos la chos kyi rjes su lta zhing gnas pa des thos pa las byung ba'i shes pa 'am lha'i mig gis brtags na/ skye mched gzugs can bcu la rtog par byed do/ /bcu gang zhe na/ 'di lta ste/ mig gi skye mched dang / gzugs kyi skye mched dang / rna ba'i skye mched dang / sgra'i skye mched dang / sna'i skye mched dang / dri'i skye mched dang / lce'i skye mched dang / ro'i skye mched dang / lus kyi skye mched dang / reg bya'i skye mched de/ skye mched gzugs can bcu po de dag la rtog par byed do/ /bdag gi mig gi skye mched la yang brten/ gzugs kyi skye mched la yang brten nas 'du shes su ji ltar 'gyur zhe na/ mig la yang brten gzugs la yang brten nas/ mig gi rnam par shes pa skye bar mthong ste/ gsum 'dus pa las reg pa/ reg pa dang lhan cig skyes pa tshor ba dang / 'du shes dang / sems pa 'byung ngo / /de la tshor ba gang yin pa de ni myong ba'o/ /sems pa gang yin pa de ni sems par byed/ /de la 'du shes pa yin te/ 'di ltar gzugs 'di ni ring po/ /gzugs 'di ni thung ngu / gzugs 'di ni sdug pa/ gzugs 'di ni mi sdug pa/ gzugs 'di ni bstan du yod pa gzugs 'di ni thogs pa dang bcas pa gzugs 'di ni bstan du med pa/ gzugs</font><hr>63.127b<br><font size=+1>

'di ni thogs pa med pa zhes rnam par rig byed ma yin pa'i bar rnam pa bcu gcig po 'di ni 'du shes kyi gzugs su rnam par dbye ste/ de ltar gsum 'dus pa las reg pa skye'o/ /de reg pa dang lhan cig skyes pa'i tshor ba dang sems pa 'byung ste/ de la mig gi 'dus te reg pa las byung ba'i tshor ba dang / 'du shes dang / sems pa myong ba'i don ni tshor ba'i don no/ /'du shes kyi don ni tshor ba'i tshe yang dag par shes pa yin te/ chos 'di dag la yid 'jug pa skye ba'i mtshan nyid mi 'dra zhing ngo bo nyid mi 'dra ba yin te/ dper na sa chen po bcu'i chos lta bu'o/ /sems pa'i mtshan nyid mi 'dra ba yang de bzhin te/ rnam par rtog pas yid la byed pa dang / dpyod pa dang / dran pa dang / tshor ba dang / 'du shes dang / sems pa dang / reg pa dang / brtson 'grus dang / ting nge 'dzin de dag ni dmigs pa gcig la mtshan nyid mi 'dra ba nyid yin no/ /de bzhin du tshor ba'i mtshan nyid kyang mi 'dra zhing de bzhin du 'du shes kyi mtshan nyid kyang mi 'dra ba yin te/ dper na nyi ma'i gzhi gcig yin kyang 'od kyi ngo bo tha dad pa de bzhin du tshor ba'i ngo bo nyid kyang gzhan yin la/ sems pa'i ngo bo nyid kyang gzhan yin no/ /de mig gi 'dus te reg pa las byung ba'i tshor ba dang / 'du shes dang / sems pa'i de kho na nyid shes nas/ mig 'di ni gsog tu mthong / gsob tu mthong / snying po med par mthong ngo / /yang dag par mthong ba'i dge slong de ni lam gyi de kho na nyid shes nas log par lta ba spangs te/ de yang dag pa'i lta ba sngon du btang bas de mig dang lhan cig skyes pa'i 'du shes kyi gti mug rnyog pa can gyi ngo bo nyid du gyur pa spong ngo / /sha'i gong bu'i de kho na nyid mthong ste/ tshil dang / rnag dang / khrag dang / </font><hr>63.128a<br><font size=+1>

mchi ma'i gnas yin par rig nas/ 'dod chags spong zhing mi rtag par rig nas rtag par mi lta ba yin la/ rus pa'i bu ga'i nang na sha'i gong bu yod par rig nas 'dod chags dang bral bar 'gyur/ rgyus pas sbrel bar rig cing mig gi skye mched 'di ni gcig la gcig 'brel par rtogs te/ 'di la snying po med cing bdag med par rig la/ mdor na mig 'di ni sdug bsngal du gyur pa yin no zhes rnam par shes shing mthong nas mig gi skye mched kyi 'dod chags dang bral bar 'gyur ro/ /de mig gi skye mched yang dag pa ji lta ba bzhin rtogs shing gzugs la rnam par dpyod par byed de/ gal te yang dag pa ma yin pa'i gzugs 'di sdug pa dang / mi sdug pa dang / lung du ma bstan pa yongs su rtog ste/ 'di ci la snying po yod dam/ ci gtsang ngam/ ci rtag gam/ ci bde ba yod dam snyam mo/ /de gzugs lta zhing shes te/ rtog pas gzugs su mi dmigs te/ 'di la snying po med do/ /gzugs sdug pa dang / mi sdug pa 'di ni kun du rtog pa tsam ste/ 'di la sdug pa dang / mi sdug pa'i ngo bo ni med la/ sdug pa dang / khong khro ba kho nar kun du rtog pas bzung ba'i 'jig rten 'di ni sdug pa dang sdang bar sems so snyam mo/ /de mig gi skye mched mthong nas/ rna ba'i skye mched la lta bar byed de/ de sgra la so sor rtog go/ /sgra skyes pa dbang po'i yul la 'jug ste/ des rna ba la yang brten/ sgra la yang brten/ de skyed pa'i yid la byed pa la yang brten nas rna ba'i rnam par shes pa skye ste/ gsum 'dus pa las reg pa/ reg pa dang lhan cig skyes pa'i tshor ba dang / 'du shes dang / sems pa 'byung ngo / /de la reg pa dang / lhan cig skyes pa gang gis myong bar byed/ de la reg pa dang lhan cig byung ba'i 'du shes byung ba'i 'du shes gang gis kun du shes par</font><hr>63.128b<br><font size=+1>

byed/   reg pa dang lhan cig byung ba'i sems gang gis sems par byed snyam na/ 'du shes ni 'di lta ste/ 'di ni ring ngo snyam pa'i mtshan nyid do/ /sgra 'byung ba'i rkyen 'di las skyes pa'i sgra mi gsal ba dang chung ba dang / chen por snyan pa dang mi snyan pa 'di 'byung ste/ de sgra byung ba de la so sor rig par byed cing yang dag par sems par byed la 'du shes kyis rnam par 'byed par byed/ yid kyis rnam par shes par byed cing tshor bas shes par byed la/ som nyis rnam par dpyod par byed do/ /de rna ba'i skye mched la mngon par zhen pa na rtog par byed/ rtog pa na rnam par dpyod par byed/ rnam par dpyod pa na so so yang dag par rig par byed de/ 'di la sgra ngo bo nyid kyis snyan pa 'am mi snyan pa ni med do/ /sgra snyan pa 'am mi snyan pa 'di ni kun du rtog pa tsam kho na ste/ sgra 'di ni ngo bo nyid kyis rtag pa 'am/ bde ba 'am/ snying po 'am/ bdag dang bcas pa ni med la/ sgra snyan pa 'am mi snyan pa 'di ni 'dod chags zhe sdang gti mug kho na'o snyam mo/ /de sgra'i skye mched la mngon par kun du rtog pa na/ sgra thos pa na rmongs pa med cing chags pa med la snying po med par rtogs so/ /de rna ba dang / sgra'i skye mched la mngon par rtog pa na/ rna ba'i rnam par shes pa la chags pa med cing 'dod chags dang bral ba 'thob ste/ rna ba'i rnam par shes pa ni bdag ma yin zhing / rna ba'i rnam par shes pa ni bdag gi ma yin snyam mo/ /reg pa dang / tshor ba dang / sems pa yang de bzhin no/ /yang dge slong de sna dang / dri'i skye mched la lta ste/ sna la yang brten/ dri la yang brten/ de skyed pa yid la byed pa la yang brten nas sna'i rnam par shes pa skye ste/ nye ba 'am/ ring ba 'am/ yid du 'ong ba 'am/ yid du mi 'ong ba 'am/ dri zhim pa 'am/ dri mi zhim pa 'am/ </font><hr>63.129a<br><font size=+1>

rlung gis khyer te 'ongs pa 'am/ khyer te mi 'ong ba'i dri so sor snom mo/ /de la sna'i skye mched la phyi rol gyi dri de sbyor bar byed de/ de la gsum 'dus pa las reg pa/ reg pa dang lhan cig skyes pa'i tshor ba dang / 'du shes dang / sems pa 'byung ngo / /de la myong ba'i mtshan nyid ni tshor ba'o/ /shes pa'i mtshan nyid ni 'du shes so/ /de rna ba dang / sgra'i skye mched mthong nas nang gi reg pa'i mtshan nyid ni reg pa/ shes pa'i mtshan nyid ni 'du shes/ de sems pa'i mtshan nyid ni 'du shes de sems par byed pa yin te/ chos 'di dag ni skad cig ma gcig la dmigs pa yin la/ bya ba ni tha dad par rtsom pa yin te/ dper na ji ltar ngo bo nyid mi 'dra ba sa chen po'i chos bcu pa lta bu'o/ /de bzhin du chos 'di dag thams cad kyi mtshan nyid tha dad cing skad cig ma gcig la gzhan bya ba gcig rtsom pa yin no snyam ste/ snga ma bzhin no/ /dge slong de sna dang dri'i skye mched kyi de kho na nyid shes par de nyid 'di ltar tshol te/ ci 'di la skye mched 'di rtag pa dang / brtan pa dang / ther zug pa med cing yongs su 'gyur ba yin te/ sna dang / dri'i skye mched mi rtag pa dang / sdug bsngal ba dang / stong pa dang / bdag med par shes la/ de dag thams cad la bdag med cing bdag gi med do zhes rig nas sna dang / dri'i skye mched 'di ni kun du rtog pa kho na tsam yin la/ des so so'i skye bo thams cad bcings pa yin te/ blo zhan pa dag ni rnam pa la so sor rtog go snyam mo/ /yang dge slong de lce'i skye mched tshol bar byed de/ lce la yang brten/ ro la yang brten/ de skyed pa yid la byed pa la yang brten nas/ lce'i rnam par shes pa skye ste/ gsum 'dus pa reg pa reg pa dang lhan cig skyes pa'i tshor ba dang / 'du shes dang / sems pa 'byung ngo / /</font><hr>63.129b<br><font size=+1>

de la myong ba'i mtshan nyid ni tshor ba/ shes pa'i mtshan nyid ni 'du shes/ reg pa'i mtshan nyid ni reg pa/ sems pa'i mtshan nyid ni sems par byed pa yin te/ chos 'di dag ni 'du shes kyi mtshan ma la dmigs pa yin zhing rang gi mtshan nyid dang spyi'i mtshan nyid du gyur pa/ bya ba tha dad pa rtsom zhing thams cad kyang don gcig rab tu bsgrub pa yin te/ dper na shing la yang brten/ skam pa la yang brten/ the'u la yang brten/ thab la yang brten/ mgar ba la yang brten nas lag pa'i rgyan sor gdub gcig byed de/ chos de dag thams cad kyi mtshan nyid mi 'dra ba de bzhin du lce'i skye mched kyi chos 'di yang / lce'i skye mched dang ro'i skye mched bskyed do/ /yang dge slong de lce'i skye mched kyi de kho na nyid mthong ba 'di ltar rab tu rtog par byed de/ lce'i skye mched la rtag pa 'am/ bde ba 'am/ gtsang ba 'am/ bdag dang bcas pa chung zad yod pa rnam pa thams cad du rnam par bsams na gang mtshan nyid de lta bu dang ldan pa'i chos chung ngu tsam yang mi dmigs te/ de lce dang ro'i skye mched kyi 'dod chags dang bral lo/ /de sems can rgya mtsho de dag thams cad gang du zhugs shing chags pa/ mi dang / lha dang / sems can dmyal ba dang / dud 'gro dang / yi dgas 'gro ba lnga po dag gcig la gcig gnod cing zhugs te 'ching ngo / /de lce dang ro'i skye mched las rnam par grol zhing 'dod chags dang bral te/ lce'i skye mched dag la bdag med cing lce dang ro'i skye mched dag la bdag gi med de/ bdag rtag pa 'am/ brtan pa 'am/ ther zug pa med cing yongs su 'gyur ba'i chos can yin te/ lce dang ro'i skye mched ni med pa yin no snyam ste/ de de las kyang 'dod chags dang bral lo/ /gzhan yang dge slong de lus dang / reg bya'i skye mched la lta bar byed de/ de lus la yang brten/ reg bya la yang brten</font><hr>63.130a<br><font size=+1>

nas/ lus kyi rnam par shes pa skye bar mthong ste/ gsum 'dus pa las reg pa/ reg pa dang lhan cig skyes pa'i tshor ba dang / 'du shes dang / sems pa 'byung ste/ chos 'di dag ni snga ma bzhin du shes par bya'o/ /ji ltar mig gi dbang po'i skye mched rnams bshad pa de bzhin du/ lus kyi reg pa yang khong du chud par bya'o// // 'phags pa dam pa'i chos dran pa nye bar gzhag pa bam po lnga pa/ de nas gzhan yang ji ltar na dge slong de skye mched gzugs can bcu brtags nas chos kyi skye mched kyi de kho na nyid rtog cing chos kyi skye mched la lta bar byed ce na/ rnal 'byor spyod pa nang gi chos la chos kyi rjes su lta zhing gnas pa des thos pa las byung ba'i shes pa 'am lha'i mig gis brtags na/ chos gang chos kyi skye mched du bsdus pa ni so sor brtags pas 'gog pa dang / so sor brtags pa ma yin pas 'gog pa dang nam mkha'o/ /de la chos gang chung zad med pa'i chos de bsdus pa ni nam mkha' yin no/ /so sor brtags pas 'gog pa zhes bya ba ni mya ngan las 'das pa la so sor rtog pa'i shes rab yin te/ de rnam pa du ma mngon sum du byas nas gnas so sor rtog pas nyon mongs pa sel zhing zad par byed la 'jig par byed/ zag pa med pa thams cad la phyogs par byed cing mngon du byed pa yin no/ /so sor brtags pa ma yin pas 'gog pa ni so sor brtags pa ma yin pa zhes bya ba gang mi shes shing shes pa med la/ so sor reg pa med/ shes pa ma yin zhing shin du khong du chud pa med la/ rab tu rtog pa med/ gzhan gyi rnam par shes pa brgya phrag stong skyes pa dag kyang 'jig par byed cing / mig dang / rna ba dang sna dang / lce dang / lus dang / yid kyi rnam par shes pa de la bdag 'jig par byed la/ yang 'byung bar mi byed pa gsum pa 'di ni so sor brtags pa ma yin pas 'gog pa ste/ nam mkha' dang chos gsum po 'di dag ni</font><hr>63.130b<br><font size=+1>

skye ba med la rtag pa de dag dus kyis ma bskyed cing skye bar mi 'gyur la mi skye'o/ /de nas gzhan yang ji ltar na dge slong de chos kyi skye mched gzugs dang gzugs ma yin pa rnam pa gnyis rnam par 'byed ce na/ de la gzugs can bcu ni skye mched gzugs can yin no/ /de la ji ltar na bstan du med cing thogs pa med pa'i mig gi rnam par shes pas bstan du yod cing thogs pa dang bcas pa'i gzugs ji ltar na dmigs par 'gyur/ de bzhin du ji ltar na rna ba'i rnam par shes pa bstan du med cing thogs pa med pas sgra 'dzin par 'gyur/ de bzhin du ji ltar na sna'i rnam par shes pa bstan du med cing thogs pa med pas dri 'dzin par 'gyur/ de bzhin du lce'i rnam par shes pa bstan du med cing thogs pa med pas ro rnam par shes par 'gyur/ de bzhin du lus kyi rnam par shes pa bstan du med cing thogs pa med pas phyi rol gyi skye mched lnga dang / gzhan nang gi skye mched lnga po 'di dag ji ltar na bstan du med cing thogs pa med pa dag gis bstan du yod cing thogs pa dang bcas pa'i skye mched dag ji ltar dmigs par 'gyur zhe na/ dge slong de ji tsam du dmigs pa'i rnam par 'gyur ba de tsam du rnam par mthong zhing de rnam par shes pa skye ste/ rgya dang rgya'i 'bur bzhin no/ /de la rgya de'i mi 'dra ba mkhrang ba dang / rgya'i 'jam pa dang / rnyi ba dang / mkhrang ba dang / mi mkhrang ba de las rgya'i 'bur 'byung ngo / /de bzhin du bstan du med cing thogs pa med pa'i rnam par shes pa bstan du yod cing thogs pa dang bcas pa la dmigs pa 'dzin to/ /gsum pa rgya'i 'bur 'byung ba bzhin du mi 'dra ba de dag thams cad las mi 'dra ba 'byung ste/ de ltar mi 'dra ba las mi 'dra ba 'byung ba ni mtha' dang po yin no/ /mtha' gnyis pa ni 'dra ba dag las 'dra ba 'byung ba yin te/ dper na thags dkar po dag las gos kyi snam bu dkar por shes pa lta bu'o/ /mtha' gsum pa ni mi mthun pa dag las mi mthun pa</font><hr>63.131a<br><font size=+1>

'byung ba yin te/ dper na gtsub shing las me 'byung zhing me dang shing mi mthun par mthong ba lta bu'o/ /mtha' bzhi pa ni sla ba las bska ba 'byung ba yin te/ dper na 'o ma sla ba las zho bska ba 'byung ba ni ji ltar 'o ma sla ba las zho bska ba 'byung ba de bzhin du dngos po mi 'dra ba mig gi rnam par shes pa la sogs pa rgyu rkyen gyi bye brag gis mig gi rnam par shes pa la sogs pa skye'o/ /'dir tshigs su bcad pa/ chos rtogs pa la mngon dga' zhing / /bsam gtan kun dgar gnas ldan la/ /de yi mtshan nyid shes pa ni/ /mya ngan 'das pa mchog 'thob bo/ /byams la rtag par kun du dga'/ /chos kyi spyod yul brtson byed cing / /lus kyi mtshan nyid de shes pa/ /de nyid kho na dge slong yin/ /gang gi blo gros tshul bzhin sems/ /'dod dang khro bas mi nyams pa/ /dge slong de yin shes par bya/ /de las bzlog na gzhan du 'gyur/ /'byung po kun la brtse zhing zhi/ /chags pa thams cad rnam spangs la/ /'ching ba kun las nges grol ba/ /de nyid rig pa dge slong yin/ /gang gi rnam shes las rung bzhin/ /gang dag yul gyis mi nyams pa/ /gser la dri ma med pa bzhin/ /dkar ba dge slong zhes bya 'o/ /gang gi yid la dga' ba dang / /mi dga' ba yis gos med cing / /skyon rnams thams cad rnam spangs pa/ /de ni dge ba'i gter du blta/ /tshul khrims nye bar khro med cing / /chos spyod pa dag dbang po thul/ /sems can mi dman blo gros ldan/ /de lta bu ni dge slong yin/ /gang dag bstan bcos bstan bcos don/ /rtag tu rnam shes blo gros dga'/ /bza' btung dag la dga' med pa/ /zhi ba'i yid de dge slong yin/ /gang dag tshal dgon gtsug lag khang / /dur khrod dang ni rtswa bting la/ /yid ni dga' bar byed pa dag /de lta bu ni dge slong yin/ /skyon rnams de nyid las shes shing / /'bras bu'i bye brag rig pa dang / /rgyu dang rkyen gyi de nyid shes/ /sdig dang bral ba dge slong yin/ /</font><hr>63.131b<br><font size=+1>

sdig pa'i dgon pa bcom byas shing / /skyon bcom dbang po thul ba dang / /yang srid rnam pa shes pa ni/ /zhi ba'i yid de dge slong yin/ /bsngags pas snying la dga' med la/ /smad pas zhum pa med pa ni/ /rgya mtsho lta bur zab pa ste/ /rnal rig dge slong zhes bya 'o/ /blo gros brtan pa bdag mi stod/ /snyan par smra zhing dus su smra/ /brkam med grags pa mkhas pa dag /dge slong de ni zhi zhes bya/ /'dod pa'i khams su 'gro ba'i rgyu/ /de bzhin gzugs kyi khams dang ni/ /gzugs med khams kyi de nyid shes/ /bstan rig dge slong zhes bya 'o/ /'jig rten gtam la chags med cing / /gang gi yul dag dug lta bu/ /chags pa'i skyon dag rtag 'joms pa/ /dge slong de ni sangs rgyas bstan/ /gang gi blo gros 'dod rnams la/ /'dam lta bur ni rtag tu lta/ /brtan pa blo gros nges grol zhing / /de ni 'khor ba'i 'ching las grol/ /gang zhig le lo thag srings pa/ /bsam gtan kha ton las rung zhing / /sems can rnams la phan byed pa/ /dgon gnas dge slong zhes bya'o/ /gang gi blo gros dris lan ldon/ /spobs dang ldan zhing dbang po thul/ /de ni chos kyi gtam shes te/ /gang dag bzlog na rtswa dang 'dra/ /gang gi blo gros lus dub pas/ /rnam pa kun du skyo med cing / /don du bya ba kun shes pa/ /de ni dge 'dun sogs pa byed/ /tshong zong phyir min longs phyir min/ /grags pa'i don du ga la zhig /gang blo dge 'dun don sems pa/ /de ni 'khor ba'i 'ching las grol/ /gang gi brtul zhugs mtho ris dang / /rnyed dang grags pa'i don du min/ /thams cad mya ngan 'das don byed/ /dge slong de ni zhi zhes bya/ /sdig pa dag ni rtag tu spangs/ /legs par byed la rtag dga' zhing / /sdig pa'i bshes dang mi 'dre ba/ /sangs rgyas</font><hr>63.132a<br><font size=+1>

bstan la dge slong yin/ /sems ni byams par bsgoms byas shing / /mkhas pa drang po'i sems ldan la/ /bslab pa'i gzhi la nyams med pa/ /mya ngan 'das pa yong mi ring / /'khor ba'i skye dang rga ba yi/ /'jigs las kha ni phyir phyogs shing / /bsam gtan ldan la bag yod pa/ /mya ngan 'das pa yong mi ring / /mi rtag stong pa bdag med dang / /bya ba'i rnam pa shes pa dang / /bsam gtan 'phel ba'i rnam shes pa/ /mya ngan 'das pa yong mi ring / /de nas gzhan yang dge slong de sa gzhan lnga pa las sa gzhan drug pa la ji ltar 'jug ce na/ rnal 'byor spyod pa nang gi chos la chos kyi rjes su lta zhing gnas pa des thos pa las byung ba'i shes pa 'am lha'i mig gis brtags na/ dge slong de mu bzhi pa la lhag par mos pa yin no/ /ji ltar na chos 'di dag gi rgyu 'dra ba dag las 'dra ba 'byung ba dang / mi 'dra ba dag las mi 'dra ba dang / 'dra ba ma yin pa dag las 'dra ba ma yin pa dang / phyed 'dra ba dag las phyed 'dra ba 'byung / ji ltar rgyu 'dra ba dag las 'dra ba 'byung zhe na/ dper na 'bru dang 'bru'i rgyur gyur pa dag las 'bru nyid skye ba de bzhin du/ nang gi dge ba'i las 'dra ba dag las 'dra ba'i 'bras bu nyid lha dang mi rnams la dmigs pa ni mu dang po yin no/ /rgyu mi 'dra ba dag las mi 'dra ba 'byung ba ni dper na 'o ma las zho skyur ba 'byung ba de bzhin du nang gi yang 'jig rten 'dir kun nas nyon mongs pa sgra dang / reg pa dang / ro dang / gzugs dang / dri 'dod pa sdug pa dag byas pas/ zho skyur ba 'byung ba de bzhin du mi 'dod cing mi sdug la yid du mi 'ong ba'i 'bras bu rnam par smin pa sems can dmyal ba dang / yi dgas dang / dud 'gro rnams la dmigs pa ni mu gnyis pa yin no/ /</font><hr>63.132b<br><font size=+1>

rgyu mi 'dra ba dag las mi 'dra ba 'byung ba ni dper na tshon sngon po dang / bab lar sbyar na kha dog mi 'dra ba 'ba' shig tu 'gyur ba de bzhin du nang gi chos la yang las dang 'bras bu rnam par smin pa'i las dang / 'bras bu mi 'dra ba 'byung ba ste/ las dang 'bras bu mi 'dra ba ni dper na/ log par lta ba mchod sbyin pa dag mtho ris 'dod pa'i phyir phyugs dag gsod de de dag sems can dmyal bar 'gro ba ni mu gsum pa yin no/ /rgyu phyed 'dra ba dag las phyed 'dra ba 'byung ba ni/ thags phra mo dkar po nyid las snam bu dkar po stug po nyid du byed de/ phra mo dang / stug po gnyis mi 'dra ba nyid du yod pa de bzhin du rgyu phyed 'dra ba dag las phyed 'dra ba 'byung ba ni mi dge ba'i las bsags pa phra mor gyur pa dag gis sems can dmyal ba chen po dag byed pa ni mu bzhi pa yin no/ /dge slong de las dang 'bras bu 'ong ba dang 'gro ba'i byed pa'i rjes su bsams pa mthong nas/ las dang 'bras bu 'khor lo bzhin du srid par 'gro ba'i mu bzhi pa sems par byed de/ ris dang ldan pa'i mi la gnod par byed pa'i las thob pa med pa yin pa de ni mu dang po yin no/ /mi la gnod par byed pa'i las thob pa gang yin pa ni mu gnyis pa yin no/ /gnod par byed pa'i las thob pa dang ma thob pa gang yin pa ni mu gsum pa yin no/ /gnod par byed pa'i las thob pa yang ma yin ma thob pa yang ma yin pa gang yin pa ni mu bzhi pa yin no/ /ris dang ldan par gnod par byed pa'i las thob pa med pa gang yin pa de ni yod de/ dper na 'jig rten par gyur pa dag tu rgyu skar ma thob par mi dag la gnod par byed pa lta bu'o/ /'jig rten las 'das pa mig gi rnam par shes pa las kyi rgya mtsho thob pa med pa'i mi la 'dod pa dang mya ngan la sogs pas gnod par byed pa ni mu</font><hr>63.133a<br><font size=+1>

dang po yin no/ /mi la gnod par byed pa'i las thob pa gang yin pa ni/ dper na 'jig rten pa dag me 'am ral gri dang phrad na sreg go zhe 'am gcod do zhes zer ba lta bu'o/ /'jig rten las 'das pa ni mi dge ba'i las thob na sems can dmyal ba dang / dud 'gro dang / yi dgas rnams su gnod pa byed pa ni mu gnyis pa yin no/ /gnod par byed pa'i las thob pa dang ma thob pa gang yin pa ni/ dper na 'jig rten pa dag rig sngags dang / dug gi mthu thob pa dang / ma thob pa sbyin par byed pa lta bu'o/ /'jig rten las 'das pa ni 'chi ba'i yul gyi dus su sems can dmyal ba rnams kyi mtshan ma'i gzugs brnyan thob pa ni mu gsum pa yin no/ /gnod par byed pa'i las thob pa yang ma yin ma thob pa yang ma yin pa gang yin pa ni/ dper na 'jig rten pa dag sman gyi sa bon btab pa skye bar 'gyur ba thob pa yang ma yin ma thob pa yang ma yin pa lta bu'o/ /'jig rten las 'das pa ni dper na/ dge slong dgra bcom pa la nges par myong bar 'gyur ba'i las ri rab tsam yod kyang dgra bcom pa mya ngan las 'das te/ dgra bcom pa la yod pa'i las de dag thob par byed cing gnod par yang mi 'gyur la grol ba ni mu bzhi pa yin no/ /tshe 'di la myong bar 'gyur la skyes nas myong bar 'gyur ba ma yin pa'i las ni mu dang po yin no/ /skyes nas myong bar 'gyur la/ tshe 'di la myong bar 'gyur ba ma yin pa ni mu gnyis pa yin no/ /skyes nas myong bar 'gyur ba dang / tshe 'di la 'ang myong bar 'gyur ba ni mu gsum pa yin no/ /tshe 'di la yang myong bar 'gyur ba ma yin pa dang / skyes nas kyang myong bar 'gyur ba ma yin pa'i mu bzhi pa yin no/ /tshe 'di la myong bar 'gyur la/ skyes nas myong bar 'gyur ba ma yin pa'i</font><hr>63.133b<br><font size=+1>

las gang yin zhe na/ dper na 'jig rten pa dag rgyal po la gnod pa byas na chad pas gcod pa ni tshe 'di la myong bar 'gyur ba yin la/ skyes nas myong bar 'gyur ba ma yin pa lta bu'o/ /'jig rten las 'das pa ni sbyin pas de bsngags par 'gyur ba tshe 'di la myong ba yod pa de dang 'jig rten pha rol du lhan cig mi 'gro ba ni mu dang po yin no/ /skyes nas myong bar 'gyur la/ tshe 'di la myong bar 'gyur ba ma yin pa ni dper na 'jig rten pa dag me dong du zhugs pas mtho ris thob par 'gyur ro zhes zer ba lta bu'o/ /'jig rten las 'das pa ni tshe 'di la dge ba 'am mi dge ba byas pas gzhan du rgyu dang 'bras bu mngon sum du mthong ba thob pa ni mu gnyis pa yin no/ /tshe 'di la myong bar 'gyur zhing skyes nas kyang myong bar 'gyur ba ni mu gsum pa yin te/ dper na 'jig rten pa dag tshe 'di la myong bar 'gyur ba dang / skyes nas myong bar 'gyur ba lta bu'o/ /'jig rten las 'das pa ni mu gsum pa bzhin no/ /tshe 'di la myong bar 'gyur ba ma yin zhing skyes nas kyang myong bar 'gyur ba ma yin pa ni dper na/ 'jig rten pa dag mi smra ba'i brtul zhugs lta bu yin te/ mi smra ba'i brtul zhugs dang / sbyin pa dang / tshul khrims dag ni tshe 'di la myong bar 'gyur ba yin no/ /'jig rten las 'das pa ni lung du ma bstan pa'i sems kyi las yin te/ lung du ma bstan pa'i las des tshe 'di la myong bar 'gyur ba'i 'bras bu rnam par smin pa yang mi dmigs shing skyes nas kyang myong bar 'gyur ba ma yin pa ni mu bzhi pa yin no/ /de ltar dge slong de phyogs gcig tu 'dug nas sems can dmyal ba dang / lha dang mi rnams kyi las dang 'bras bu dang / rnam par smin pa'i dra ba mang po</font><hr>63.134a<br><font size=+1>

yan lag tu ma mthong nas yang dag pa'i chos la chos kyi rjes su lta zhing gnas so/ /de nas gzhan yang dge slong de las kyi 'bras bu rnam par smin pa shes pa ji lta bu yin zhe na/ rnal 'byor spyod pa chos la chos kyi rjes su lta zhing gnas pa de/ las dang las kyi 'bras bu dge ba dang mi dge ba shes pa yin te/ 'di ltar sems can 'di dag lus kyis nyes par spyod pa dang ldan/ ngag gis nyes par spyod pa dang / yid kyis nyes par spyod pa dang ldan pa ni 'phags pa rnams la skur pa 'debs shing log par lta ba yang dag par blangs pa yin te/ de rgyu de dang rkyen de dag gis ngan 'gro log par ltung ba sems can dmyal ba 'am/ dud 'gro'i skye gnas sam/ yi dgas rnams kyi yul du skye'o/ /gzhan yang sems can 'di dag lus kyis legs par spyad pa dang ldan pa dang / ngag gis legs par spyad pa dang / yid kyis legs par spyad pa dang ldan pa ni 'phags pa rnams la skur pa 'debs pa ma yin te/ de dag rgyu de dang / rkyen de dag gis lus dang bral nas bde 'gro lha rnams kyi nang du skye'o/ /rang gi las dang / chos dang / rnam par smin par yang dag pa ji lta ba bzhin mthong ba'i dge slong de ni gzhan dag las thos pa la rnam par rtog cing / bdud kyi dbang du song ba'i sems can dag dang spyod pa mtshungs par mi spyod la mya ngan las 'das pa'i mthar gtugs pa'i spyod pa la yid 'byung ba dang / dge ba dang 'khor ba'i mthar gtug pa dang ldan pa dang / 'khor ba 'di las ji ltar bdag nyid kyis bdag dang / sbyin bdag dang / sbyin pa po dag sgrol ba ltar gzhan dag la yang phan gdags pa byed par gyur pas spyod do/ /chos dang las dang rnam par smin pa shes pa'i dge slong de sems can dmyal ba dang / </font><hr>63.134b<br><font size=+1>

yi dgas dang / dud 'gro dang / lha dang / mi rnams kyi las dang / chos dang / rnam par smin pa la rtog cing dpyod par byed de/ dper na nor bu shin du dang zhing gsal ba/ nor bu bai dUr+ya'i bu ga'i nang du skud pa bcug pa ser po 'am/ btsod ka 'am/ dkar po ji ltar snang ba de bzhin du/ las kyi nor bu'i nang du rnam par smin pa'i skud pa yod pa de dge slong thos pa las byung ba'i shes pa 'am/ lha'i mig rnam par dag pa des mthong ngo / /yang dge slong de thos pa las byung ba'i shes pas nor bu lta bu'i las dang / chos dang / rnam par smin pa mthong ste/ dper na nor bu dkar zhing shin du dkar ba gang zhig kun nas gsal zhing rma med la/ dang zhing dbug bzod pa/ las su byar rung zhing kun du sgor gyur la skye bo thams cad kyis bsngags pa/ nor dang ldan zhing rgyal po la 'os pa/ yon tan rnam pa de dag dang ldan pa'i nor bu de rgyal po 'am/ rgyal po'i bus de'i yon tan shes shing de'i rin shes par gyur nas/ rgyan du bya ba nas gdags pa'i bar du byas pa de bzhin du dge slong de phyogs dkar po dge ba bcu'i las kyi lam gyi nor bu 'di kun nas dkar zhing shin du gsal la sdig pa med pa/ kha na ma tho ba med cing dang la dbug bzod pa/ chos kyi phyogs dang gnyen po skyed pa/ dri ba dang lan ldon pa la chos kyi thur mas 'bigs par bzod cing las su rung ba sbyin pa dang / tshul khrims dang / shes pa dag ji lta ji ltar yongs su sngo bar byed pa de lta de ltar dge ba bcu'i las kyi lam gyi nor bu 'di las su rung ba nyid du de 'khor los sgyur ba'i rgyal srid dam/ bdud kyi rgyal srid dam/ de tshangs pa'i rgyal srid dam/ de zag pa med pa'i bsam gtan gyi ting nge 'dzin sgom pa'i rgyal srid 'grub par byed de/ de de ltar dam pa'i chos kyi nor bu 'di las su rung zhing kun du sgor</font><hr>63.135a<br><font size=+1>

gyur pa yin no/ /kun du sgo ni lha dang mi'i sgor gyur pa yin te/ de ltar dam pa'i chos kyi kun du sgor gyur pa ni 'khor ba'i grong khyer las 'byung zhing mya ngan las 'das pa'i sgo'i rjes su 'jug pa yin/ skye pa thams cad kyis bsngags pa zhes bya ba ni yang dag pa'i lta ba dang ldan pa slob pa rnams kyis bsngags pa'o/ /rgyal po la 'os pa zhes bya ba ni dam pa'i chos kyi lam bsgrub pa shes pa'i sems kyi dbang phyug tu rung ba'o/ /der zhugs pa zhes bya ba ni nor bu bai dUr+ya dang / dam pa'i chos kyi nor bu yon tan thams cad phun sum tshogs pa de dang / chos 'thun par dmigs pa'o/ /yang dge slong de las dang / chos dang / rnam par smin pa nor bu bzhin du mthong ste/ dper na nor bu gzhan zhig rma yod cing thams cad du bzang ba ma yin la/ kun gyi sgo ma yin/ dkar ba ma yin zhing dbug tu mi bzod la/ las su byar mi rung / skye bo kun gyis bsngags pa ma yin zhing / rgyal po 'am/ rgyal po'i bu la rung ba ma yin pa de bzhin du gzhan mu stegs can chos kyi gzugs brnyan gyi chos kyi nor bu rma yod pa de'i rma gcig po ni 'jig tshogs la lta ba dang / tshul khrims dang / brtul zhugs mchog tu 'dzin pa dang / the tsom yod pa yin no/ /kun gyi sgo ma yin pa ni sems can dmyal ba dang / yi dgas dang / dud 'gro'i sgo yin no/ /nor dang mi ldan pa ni zag pa med pa'i bkra shis dang mi ldan pa'o/ /dbug par mi bzod pa ni legs par 'dri ba dang lan glan pa'i chos kyi gtam 'bugs pa'i thur mar mi rung ba'o/ /rgyal po 'am rgyal po'i bu la 'os pa ma yin pa ni sems can thams cad kyi dbang phyug dam pa'i chos kyi lam du zhugs pa skyes bu gang zag brgyad rnams su mi rung ba ste/ rnam pa de lta bu'i</font><hr>63.135b<br><font size=+1>

chos kyi gzugs brnyan chos ma yin pa mgul du thogs so/ /de dag nor bu de'i gzugs brnyan gyi nor bu thogs nas sems can dmyal ba dang / yi dgas dang / dud 'gro rnams kyi 'khor ba thog ma med pa'i dus nas zhugs te yongs su 'khyam mo/ /de lta bas na dge slong nor bu de lta bu'i nor bur gyur te/ dper na byis pa so so'i skye bo ni bai dUr+ya dang 'dra ba'i nor bu mching bu mthong nas bai dUr+ya yin no snyam du sems pa bzhin no/ /dge slong de chos dang chos ma yin pa'i brtag pa'i de kho na shes pa sa gzhan bdun pa la 'jug ste/ de la zhugs pa'i brtul zhugs sa bla'i gnod sbyin dag gis mthong nas bar snang la spyod pa'i gnod sbyin dag la mngon par bsnyad do/ /de dag gis kyang rgyal po chen po bzhi la'o/ /de dag gis kyang rgyal chen bzhi'i lha rnams la'o/ /de dag gis kyang / sum bcu rtsa gsum pa rnams la'o/ /de dag gis kyang brgya byin la'o/ /brgya byin gyis ni 'thab bral ba rnams la'o/ /'thab bral ba dag gis ni dga' ldan pa rnams la'o/ /dga' ldan pa dag gis kyang byams pa la'o/ /byams pas kyang 'phrul dga' ba rnams la'o/ /'phrul dga' ba rnams kyis kyang gzhan 'phrul dbang byed pa rnams la 'dzam bu'i gling du rigs kyi bu che ge mo zhig ces bya ba snga ma bzhin du sbyar ro/ /de nas gzhan yang dge slong de las dang / chos dang / rnam par smin pa rnam par rig byed ma yin pa'i 'du shes kyi gzugs bcu gcig rjes su ji ltar mthong zhe na/ rnal 'byor spyod pa nang gi chos la chos kyi rjes su lta zhing gnas pa gang gi tshe chos thams cad kyi byed pa dang ldan pa gang sdom pa nyid blangs te/ de phan</font><hr>63.136a<br><font size=+1>

chad gnyid log gam/ myos sam/ rab tu myos kyang dge ba'i chos nyid kyi rgyun nyid rab tu 'jug ste/ dper na chu bo'i rgyun bar chad med pa rtag tu 'bab pa de bzhin du skyes bu de gnyid log gam/ myos sam/ rab tu myos pa'i 'jug pa yang de bzhin no/ /de ltar rnam par rig byed ma yin pa'i gzugs bstan du med pa thogs pa med par 'dod do/ /gzugs de ji lta bu yin zhe na/ las kyi ngo bo nyid yod pa nyid yin te/ de lta bas na gzugs de yang gzugs rnam pa bcu gcig po de dag yin la/ dge ba'i chos thams cad kyi rten du gyur pa yin no/ /dge slong des sems can 'di dag gi gzugs tha dad pa/ gnas skabs tha dad pa/ ming dang 'gro ba tha dad pa/ gnas kyi rnam pa tha dad pa ji lta bur mthong zhe na/ 'di ltar de sems can de dag gi/ sems tha dad pa/ gnas kyi rnam pa dang / mos pa dang / las kyi rnam pa tha dad pa mthong ba de'i phyir gzugs tha dad pa dang / gnas skabs tha dad pa dang / ming dang 'gro ba tha dad pa dang / gnas kyi rnam pa tha dad pa de dag ni dper na ri mo mkhan nam/ ri mo mkhan gyi slob ma mkhas pa zhig sa yid du 'ong zhing 'jam la mkhrang ba zhig mthong nas 'dug ste/ tshon sna tshogs dag gis ri mo'i rnam pa sna tshogs gzugs legs shing legs pa'i rnam pa sna tshogs sems kyi dbang gis 'dri ba de bzhin du sems ri mo mkhan nam ri mo mkhan gyi slob ma lta bu 'di lhag par mos pas khams gsum gyi sa shin du 'jam zhing mkhrang ba dag la las kyi 'bras bu rnam par smin pa dag gi 'khor ba'i sar gnas skabs tha dad pa dang / ming dang 'gro ba tha dad pa dang / rnam pa tha dad pa dang / </font><hr>63.136b<br><font size=+1>

sems can gyi gnas kyi rnam pa tha dad pa dag /sems ri mo mkhan lta bu des mngon par 'grub par byed do/ /yang ji ltar tshon dkar pos ni gzugs dkar por 'dri bar byed la/ dmar pos ni dmar por 'dri bar byed/ ser pos ni ser por 'dri bar byed/ tshon phug ron kha lta bus ni phug ron kha lta bu 'dri bar byed/ nag pos ni nag por 'dri bar byed pa de bzhin du sems ri mo mkhan lta bu 'di sems kyi dmigs pa dkar po nye bar bzung nas zag pa dang bcas pa 'dod chags la sogs pa'i dri ma dag gis nyon mongs pa med pa'i chos dkar po lha dang mi rnams kyi gzugs dkar po mngon par 'grub par byed do/ /ri mo mkhan gyis tshon dmar po blangs nas/ lha dang mi rnams kyi gzugs dmar po mngon par 'grub par byed de/ dmar po zhes bya ba ni/ sgra dang / ro dang / reg pa dang / gzugs dang / dri stug po dag gis ri mo'i gzhi la tshul bzhin du byas pa'o/ /yang sems ri mo mkhan lta bu des tshon ser po blangs nas dud 'gro mngon par 'grub par byed de/ de dag kyang ser po'i dbang gis gcig la gcig khrag 'thung bar byed cing sha za bar byed la/ gcig la gcig tshon ser po lta bur gyur pa'i 'dod chags zhe sdang gti mug gis gsod do/ /yang sems ri mo mkhan lta bu des tshon phug ron kha lta bu la dmigs pa mthong nas tshon phug ron kha lta bu'i las dri ma can yi dgas kyi 'gro ba byed de/ de dag kyang lus tsha la shing bsregs pa lta bu yin la/ sems ri mo mkhan lta bu ser sna la dmigs shing / gti mug rab rib kyi sgrib pa'i dbang gis bkres shing skom/ </font><hr>63.137a<br><font size=+1>

sdug bsngal rnam pa sna tshogs yongs su nyams pas zil gyis non pa yin no/ /yang sems ri mo mkhan lta bu des tshon rtsi nag po lta bu'i las kyi ngo bo blangs nas sems can dmyal ba'i gzugs nag po 'dri ba lta bur de dag kyang las nag pos lcags nag po'i ra ba 'bar bas bskor ba der skyes te/ lus nag po la nad dang / gnod pa dang / bkres shing skom pa rnam pa sna tshogs kyi gzhir gyur cing / rang gis nyes par byas pa gzhan yang mtshungs pa med pa'i gnod pa'i sdug bsngal gyis nyam thag pa yin no/ /yang dge slong rnal 'byor spyod pa de tshon rtsi lnga'i ri mo'i gzhi lta bu'i 'khor ba khams gsum du 'gro ba lngar kun du gnas shing sa gsum po 'dod pa'i khams kyi sa dang / gzugs kyi khams dang / gzugs med pa'i khams la kun du gnas te/ de la sems ri mo mkhan lta bu de 'dod pa bstan cing 'dod pa'i khams la dmigs pas gzugs rnam pa nyi shu rnam pa sna tshogs 'dri'o/ /'dod pa'i khams dang bral ba dag ni gzugs kyi khams la dmigs shing gnas pa de la brten pa'i sa'i gnas skabs bcu drug po dag ni bsam gtan bzhi'i bar gyis gzugs kyi khams mngon par 'dri'o/ /gzugs kyi khams la dmigs pa dang bral ba dag ni snyoms par 'jug pa bzhi'i sred pa la mnyam par dmigs pa'i sems ri mo mkhan lta bus gzugs med pa'i khams mngon par 'dri ste/ khams gsum gyi gzhi 'di ni rgya che ba yin no/ /yang dge slong des sems can gzhan gyi sems ri mo mkhan lta bu rnam pa gzhan gyis mthong ste/ de la sems ni ri mo mkhan lta bu yin no/ /lus ni ri mo'i tshon rtsi'i snod lta bu yin no/ /'dod chags zhe sdang gti mug dag ni las brtan par byas pa lta bu yin no/ /dmigs pa ni khri lta bu yin no/ /dbang po ni pir lta bu yin no/ /phyi rol gyi yul sgra dang / reg pa dang / ro dang / gzugs dang / dri sna tshogs</font><hr>63.137b<br><font size=+1>

dag ni tshon rtsi sna tshogs lta bu yin no/ /'khor ba ni rtsig pa lta bu yin no/ /shes pa ni snang ba lta bu yin no/ /brtson 'grus rtsom pa ni lag pa lta bu yin no/ /las kyi 'bras bu rnam par smin pas byas pa'i gzugs mang po dag ni ri mo'i gzugs cha byad dang / dbyibs dang / mdog dang / 'byor par gyur pa mang po dag lta bu yin no/ /yang dge slong bsam gtan la zhugs pa de/ sems ri mo mkhan lta bu de nyid rnam pa gzhan gyis mthong ste/ dper na gang ri mo mkhan de mgu na tshon rtsi'i rnam pa legs par sbyang ba byas pa gsal bar 'gyur zhing pir gyis yang dang yang du legs par 'dri na de'i tshe/ gzugs legs par 'dri ba de bzhin du gang sems ri mo mkhan lta bu 'di mgu na bsam gtan gyi bya ba la tshon rtsi lta bu'i bsam gtan gyi rnam pa yongs su sbyang ba byas pa tshon rtsi lta bur gsal bar 'gyur zhing pir gyis yang dang yang du legs par 'dri ba lta bu'i dmigs pa lung phog pa yongs su sbyang ba byas pas/ 'og dang steng du mnyam par 'jog pa dang / ldang ba la skyo ba med na/ sems ri mo mkhan lta bu de bsam gtan gyi sar gzugs legs par 'dri'o/ /gal te mi dga' na sems ri mo mkhan lta bu de/ sems can dmyal ba dang / yi dgas dang / dud 'gro'i sa ngan pa der 'gro ba'i ris dang / gnod pa dang / lcags kyi gtun shing pir lta bus mi dge ba'i tshon rtsi blangs nas snod lta bur gyur pa'i sems can dmyal ba dang / dud 'gro dang / yi dgas kyi gzugs de dud 'gro'i 'gro ba'i gzugs ma legs pa 'dri ste/ rgya cher snga ma bzhin du sbyar ro/ /yang dge slong de sems spre'u lta bur mthong ste/ ji ltar spre'u ni 'phyar ba yin te/ shing dang / lcug ma dang / me tog dang / 'bras bu dang / ri brags kyi bu ga dang / sman ljong tha dad pa thogs pa med par 'gro ba de bzhin du/ sems spre'u ltar 'phyar ba 'di yang tha dad pa</font><hr>63.138a<br><font size=+1>

lta bu'i sems can dmyal ba dang / yi dgas dang / dud 'gro dag gi 'gro ba lngar 'gro ste/ sems can ni shing lta bu'o/ /sred pa'i lcug ma ni lcug ma'i rnam pa du ma lta bu yin/ rtog pa ni me tog gi yal ga lta bu yin no/ /sgra dang / ro dang / gzugs dang / dri dang / ri sul dang / bu ga dang / spyod pa sdug pa dang mi sdug pa'i khams gsum ni 'bras bu lta bu yin no/ /lus ni phug pa lta bu yin no/ /sems spre'u lta bu sems can dmyal ba dang / yi dgas dang / dud 'gro dang / lha dang / mi rnams kyi gnas rnams su thogs pa med par 'gro ste/ sems spre'u lta bu de 'khor ba'i sar 'khyam mo/ /yang dge slong bsam gtan la zhugs pa de sems gar mkhan lta bur mthong ste/ ji ltar gar mkhan dag cha byad dang / tshon rtsi dang / sa dang / gos dang / sil snyan sna tshogs dag thogs nas/ gar mkhan gar byed pa de bzhin du/ sems gar mkhan lta bu 'di yang sa dang 'gro ba'i ris kyi sa sna tshogs su las kyis sprul pa'i cha byad sna tshogs thogs shing rgyu dang rkyen rnam pa sna tshogs 'dzin pa ni cha byad sna tshogs thogs pa lta bu yin no/ /byed pa dag ni sil snyan rnam pa sna tshogs lta bu yin no/ /'khor ba gar mkhan lta bu ni rang gi yul gar mkhan lta bu yin te/ gar nyid kyis sems gar mkhan lta bu 'khor ba thog ma med cing yun ring ba rnam pa sna tshogs du mar gar byed do/ /yang dge slong de sems nya lta bu chu bo'i nya lta bur mthong ste/ ji ltar nya ni ri'i chu bo 'gyur zhing dba' rlabs 'khrugs pa gting zab la rgyun drag ste/ bzod par dka' zhing 'bab pa'i rgyun gyis shing ljon pa mang po rtsa nas 'byin par nus la 'gyur ba'i shugs drag po bzlog par dka' ba'i las mi bzad par 'byung zhing 'jug pa de bzhin du/ sems nya lta bu 'di yang srid pa gsum gyi dba' rlabs 'khrugs pa ni 'gyur zhing dba' rlabs 'khrugs pa lta bu yin la/ mnar med pas mchog tu zab pa ni 'dod pa'i</font><hr>63.138b<br><font size=+1>

khams kyi chu bo rab med ltar gting zab pa yin/ byis pa so so'i skye bo thams cad kyi dge ba dang mi dge ba'i las kyi rgyun bzod par dka' ba'i 'gro ba dag tu pha rol du 'gro ba ni rgyun drag po bzod par dka' ba lta bu yin la/ 'gro ba lnga'i chu bor rgyu ba'i rgyun drag pos bskal pa du ma tsam du 'dren par 'gyur ba mi bzod pa ni 'bab pa'i rgyud 'gyur ba'i shugs drag pa lta bu yin/ mi rtag pa nyid kyis 'gyur ba'i shugs bzlog par dka' ba lta bu yin te/ srid pa chu bo lta bur sems nya lta bu 'byung zhing 'jug ste/ lha dang mi dag tu ni 'byung la sems can dmyal ba dang / yi dgas dang / dud 'gro rnams su ni sred pa chu bo lta bur sems nya lta bu 'jug go/ /de nas gzhan yang ji ltar na dge slong rnal 'byor la gnas pa de las dang chos dang rnam par smin pa shes shing sems can thams cad sems la rag las pa mthong la/ sems kyi rnam pa sems kyi dbang du gyur cing sems kyis bslus pa mthong ste/ rnal 'byor spyod pa nang gi chos la chos kyi rjes su lta zhing gnas pa des thos pa las byung ba'i shes pa 'am lha'i mig gis sems can thams cad sems kyi las la rag las shing sems kyi las kyi rnam pa la sems rag las pa mthong ste/ kye ma 'khor ba thog ma dang tha ma med pa nas 'gro ba du mar rab tu rgyu ba'i sems can 'di dag ji ltar 'gyur snyam mo/ /de thos pa las byung ba'i shes pa 'am lha'i mig gis sems can gyi sems kun nas nyon mongs pas 'ching zhing rnam par byang bas 'grol bar mthong ngo / /de la sems kyi rnam pa mang ste/ dmigs pa'i bye brag dang / ngo bo nyid kyi bye brag dang / 'gro ba'i ris kyi bye brag gis 'gro ba lha rnams kyi rnam pa lnga'o/ /rten bzang po'i bye brag gis dal 'byor dang ldan pa dang / kun du sbyor ba'i 'du byed dang / yang dag par ldan pa'i sems bag la nyal dang ldan pa dang / nam mkha' la sogs pa gsum dang rtag tu mi ldan pa ste/ rnam pa lnga yin no/ /de yang dbang po'i</font><hr>63.139a<br><font size=+1>

bye brag gis ni dpag tu med la/ sred pa'i gnas sna tshogs kyi bye brag gis mdor na kun nas nyon mongs pa 'di'i phyogs 'di ni sems las byung ba lngar 'gyur ro/ /ji ltar na rnam par byang ba'i phyogs su 'gyur zhe na/ nyon mongs pa'i rtsa ba gsum dag gi gnyen po gsum yin no/ /'das pa dang / ma 'ongs pa'i yang dag par rdzogs pa'i sangs rgyas thams cad kyi gsung rab yang dag pa'i lam ston pa ni 'di lta ste/ 'dod chags la ni mi sdug pa'o/ /zhe sdang la ni byams pa'o/ /gti mug la ni rten cing 'brel par 'byung ba'o/ /de lus la 'dod chags skye ba na/ de lus de la dmigs nas gnas shing rnam par 'byed de/ rkang pa dang / sor mo dang / mdog dang / yan lag dang / nying lag rags pa'i bar la rnam par 'byed pa ni bdag gang yin/ bdag gi ci yin zhes de rang gi yan lag gi phyogs la rkang pa dang / sen mo lus tha dad par lta ste/ gang la bdag tu nga rgyal 'jug pa 'di ni sen mo dang lus ma yin zhing / rkang pa'i sen mo lus sam bdag ma yin/ gang la bdag tu nga rgyal 'jug pa 'di ni/ rkang pa'i mthil lus ma yin zhing long bu bdag gam lus ma yin/ rkang pa'i rting ba bdag gam lus ma yin zhing bsdus pa bdag gam lus ma yin/ sta zur dang dpyi bdag gam lus ma yin/ gzhang bdag gam lus ma yin/ sgal ba'i rus par gyur pa bzhi bcu rtsa lnga bdag gam lus ma yin/ ltag pa bdag gam lus ma yin/ bzhin gyi rus par gyur pa bdag gam lus ma yin te/ dge slong des rnam par phye na don gzhan du gyur pa'i lus ma mthong zhing so so la yang lus ma mthong la/ rnam par phye na yang lus ma mthong ngo / /mig dang / rna ba dang / sna dang / lce dang / lus dang / yid la yang lus sam bdag mi mthong zhing bdag nyid med do/ /de ltar lus rdul phra mor so sor rnam par 'byed de/ de bdag gi lus yungs kar tsam dang phye ma lta bur mthong ngo / /de 'byung</font><hr>63.139b<br><font size=+1>

ba chen po rnams rnam par 'byed de bdag ni gang zhig /ci sa'i khams bdag yin nam/ chu'i khams bdag yin nam/ me'i khams bdag yin nam/ rlung gi khams bdag yin nam snyam mo/ /de don dam par na bdag gi khams ma mthong zhing bdag gi khams mthong ba med pa na don gzhan du gyur pa ma mthong ste/ dper na shing ljon pa du ma 'dus pa la tshal mthong la shing ljon pa re re la tshal med do/ /don dam par na tshal zhes bya ba shing ljon pa ma gtogs par tshal med la yang dag par na shing ljon pa yang shun pa dang / rtsa ba dang / yal ga dang / lo ma dang / lcug ma ma gtogs par don gzhan du gyur pa med de/ kun rdzob tu ni tshal yod do/ /de ltar lus 'di yang lag pa la sogs pa 'dus pa tsam 'di la kun rdzob tu 'di ni lus yin no zhes 'du shes 'jug go snyam nas de lus de'i chos kyi de kho na nyid shes nas lus la 'dod chags dang bral zhing lus kyi yan lag dang nying lag dag la 'dod chags dang bral bar 'gyur ro/ /de 'dod chags dang bral na dga' ba'i 'dod chags kyi mod las skyes pa yang 'byung ba'i sred pas gnod pa med de/ de ltar 'dod chags kyi gnyen po la rab tu brtson no/ /ji ltar na zhe sdang gi gnyen po la rab tu brtson zhe na/ de byams pa la gnas par 'gyur te/ kye ma sems can 'di dag ni nyam nga bar zhugs pa yin te/ 'di lta ste/ 'gro ba lnga rnams su skye ba dang / 'chi ba dang / 'chi 'pho dang / 'byung ba dag 'jigs pa lngar zhugs shing shi ba'i lus rus pa lta bu de dag la ma lta bur snying rje skye'o/ /rma la ba tshwas byugs pa lta bu'i sems can sdug bsngal ba 'di dag la ji ltar khro ba skyed de sems can de dag ni rang bzhin gyis sdug bsngal ba yin no snyam ste/ de nyon mongs pa'i rnam pa chen po gnyis pa la gnas so/ /yang dge slong de ji ltar na nyon mongs pa chen po gsum pa so sor 'jig pa la rab tu brtson zhe na/ gti mug gis bsgribs pa'i sems can ni lus kyis nyes par spyad pa spyod</font><hr>63.140a<br><font size=+1>

pa dang / ngag gis nyes par spyad pa spyod pa dang / yid kyis nyes par spyad pa spyod pa yin te/ lus dang bral nas ngan 'gro log par ltung ba sems can dmyal ba rnams su skye'o/ /gang gi tshe yang dag pa'i lta ba sngon du song bas gti mug dang bral bar 'gyur ba de'i tshe lus kyis legs par spyad pa dang / ngag gis legs par spyad pa dang / yid kyis legs par spyad pa spyod pa de chos dang chos ma yin pa'i de kho na nyid shes par 'gyur ro/ /gang gi tshe chos dang chos ma yin pa de dag gi de kho na nyid shes shing / rnam par shes par 'gyur ba de'i tshe nyon mongs pa chen po gsum pa'i ngo bo nyid med par 'gyur ro/ /dge slong de nyon mongs pa gsum po de dag gzhig pa'i gnyen po gsum ni nyon mongs pa dang nye ba'i nyon mongs pa thams cad kyi kun du sbyor ba dang / bag la nyal so sor gnas pa 'jig par 'gyur ba yin te/ dper na/ shing ljon pa'i rtsa ba bcad na shun pa dang / rtsa ba dang / 'dab ma dang / lo ma dang / sdong po dang / yal ga dang / me tog dang / 'bras bu la sogs pa de dag thams cad rul pa dang / rnyis par 'gyur ba de bzhin du gsum po de dag bcom na/ nyon mongs pa thams cad bcom par 'gyur ro snyam mo/ /de nas gzhan yang ji ltar na dge slong de sa gzhan bdun pa las sa gzhan brgyad pa la 'jug ce na/ rnal 'byor spyod pa de nang gi chos la chos kyi rjes su lta zhing gnas pa de thos pa las byung ba'i shes pa 'am/ lha'i mig gis mthong ste/ ji ltar na dge slong thog ma nyid du 'di ltar mig gis yang dag pa ji lta ba bzhin mthong zhing ji ltar na mig gis rnam par shes par bya ba'i gzugs rnams la byis pa so so'i skye bo kun du chags shing rnam par chags la shin du rmongs shig gu snyam na/ de la kun du chags pa'i gnas su 'gyur</font><hr>63.140b<br><font size=+1>

ba ni mdza' bshes mthong ba 'am/ gzugs sam/ bud med dam/ de las gzhan pa mthong na kun du chags par 'gyur ro/ /zhe sdang gi gnas su 'gyur ba ni 'gran zlar gyur pa 'am/ 'gran zla'i gnas su 'gyur ba dag la zhe sdang bar 'gyur ro/ /'dod chags dang zhe sdang gis bsgribs pa'i mig dag ni yang dag pa ji lta ba bzhin mi mthong ste/ gti mug gis bsgribs pa'i byis pa so so'i skye bo'i sems ni kun du rtog pa tsam gyi mig gi rnam par shes par bya ba la kun du chags shing rnam par chags la shin du rmongs so/ /sred pas bslus pa'i mi ni rang gi 'dod pa'i rnam par rtog pas bdag nyid la bdag nyid kun du chags par byed de/ dper na khyi ni sha med pa'i rus pa blangs te khar bcug go/ /de 'gram so'i bar du rus pa bcug pa'i kha chu 'dzag pas gsher ba la za la/ de la chags pa'i khyi yang rang gi kha'i so'i bar nas khrag 'ong ste/ de rus pa de'i ro yin par sems kyi ro 'di ni bdag nyid kyi khrag la bdag nyid myong bar byed do snyam du mi sems shing ro la chags pa'i khyi de lce yang za'o/ /ro la chags pa'i bsgribs pa rus pa yin par sems pa de ni kun du rtog pa tsam kho na yin te/ de bzhin du byis pa so so'i skye bo mig gi rnam par shes par bya ba'i gzugs mig tu sdug pa'i gzugs dag la kun du chags par 'gyur ro/ /de kha chu lta bu'i rnam par rtog par blo gros bsgribs pa yin la/ rnam par dpyod pa ni rus pa lta bu yin/ mig ni khar bcug pa lta bu yin te/ de lta de ltar za'o/ /de'i sred pa ni gang gis khrag 'dzag pa lta bu yin te/ 'di ni gzugs yin no snyam du sems pa 'di ni/ sred pa khrag gi ro la chags pa lta bu yin te/ de ro de la </font><hr>63.141a<br><font size=+1>

chags so/ /de la khyi ji lta ba bzhin du byis pa so so'i skye bo yang de dang 'dra/ rus pa ji lta ba bzhin du mig gi rnam par shes par bya ba'i gzugs kyang de dang 'dra/ 'gram sos za bar byed pa de ji lta ba bzhin du rnam par rtog pa yang de dang 'dra/ so ji lta ba bzhin du yul yang de dang 'dra ste/ de lta bas na mig gi rnam par shes par bya ba'i gzugs rus gong lta bu dag gis byis pa so so'i skye bo thams cad rnam par slu bar byed do snyam mo/ /yang dge slong de sems par byed do/ /ji ltar na 'khor bar yid byung ba'i dge slong dag sred pa'i 'jigs pas 'jigs shing / 'dod pa thams cad rab tu spong zhig gu snyam mo/ /ji ltar glang po che lo drug lon pa glang po che'i cho ga shes pa'i mis bskor cing lus chen po de shing thags kyis bskor te/ bcing ba lnga yis bcings nas bu ram shing dang / la du dang / bu ram chang dang / bza' ba dang / btung ba'i ro mang po sbyar cing / sil snyan dang / glu dang sgra dbyangs dag gis de rnam par 'dul bar byed de/ gang gis de tshal gyi bde ba brjed par bya ba brjed nas/ der glang po che tha mal pa dag dang lhan cig gnas par byed cing de gzhan gyis bkrir rung bar byed do/ /de nas glang po che'i cho ga shes pa des de ltar yongs su spyod pa na rang gi tshal gyi bde ba 'dod pa'i gnas ri dang / sman ljongs dang / tshal dang / me tog dang / 'bras bu dang / bya'i sgra dang / chu'i rgyun dang / sa phyogs dga' ba rjes su bsams shing bcings pa thams cad kyang bde ba de dag rjes su dran nas/ bcings pa thams cad bcad de/ glang po che'i cho ga shes pa'i mi la yang 'dzem pa med par byas/ shing thags btsugs</font><hr>63.141b<br><font size=+1>

pa yang bcom/ bu ram shing gi dum bu dang / la du dang / bu ram chang dang / btung ba'i ro dag ni 'thungs la glu dbyangs dag gis gzhag par ma nus shing de'i yid rnam par gdul ba dang / de'i tshal gyi bde ba brjed par bya bar ma nus/ glang po che tha mal pa dang lhan cig 'dra bar 'gro bar mi 'dod cing yang tshal de dag dran pa de bzhin du rnal 'byor spyod pa'i dge slong de thog ma med pa'i dus nas zhugs pa/ 'ching ba lnga dag gis bcings te/ lnga gang zhe na/ 'di lta ste/ sgra dang / reg pa dang / ro dang / gzugs dang / dri sdug pa dag yin no/ /glang po che cho ga shes pa'i mis bskor ba lta bu gang zhe na/ 'di lta ste/ mig dang / rna ba dang / sna dang / lce dang / lus dang / yid kyi rnam par shes pa kun nas nyon mongs pa rnams yin/ rang gi blo gros khyim gyi gzeb lta bus bskor ba ni 'di lta ste/ bu dang / chung ma dang / kun dga' ra ba dang / bran mo dang / bran pho dang / longs spyod dang / khyim gyis bskor ba yin/ bu ram shing dang / la du dang / bu ram chang dang / btung ba'i ro zhes bya ba ni kun du rtog pa'i la du 'dod chags kyi skom zhes bya ba de'i tshig bla dgas so/ /sred pa la rnam par chags pa ni glu dbyangs lta bu yin no/ /dga' ba'i 'dod chags ni bcings pa lta bu yin/ glang po che tha mal pa dang 'dra bar zhes bya ba ni mi tha mal pa log par lta ba glang po che zhes bya ba de'i tshig bla dgas yin no/ /lhan cig gnas shes bya ba ni de dag dang lhan cig 'jig tshogs la lta zhing tshul khrims dang / brtul zhugs mchog tu 'dzin pa dang / yang dag par 'brel pa mi tha mal pa'i khar sbyang lta bu log par lta ba'i gtam dag gis rab tu dga' ba'o/ /gzhan gyis bkrir rung ba zhes</font><hr>63.142a<br><font size=+1>

bya ba ni 'dod chags zhe sdang gti mug gi dbang du gyur pa zhes bya ba'i tshig bla dgas so/ /glang po che'i cho ga shes pa zhes bya ba ni rnal 'byor spyod pa zhes bya ba de'i tshig bla dgas yin no/ /yongs su spyod pa na zhes bya ba ni gti mug nyon mongs pa thams cad dang 'grogs pa zhes bya ba de'i tshig bla dgas so/ /nges par 'byung ba'i ri dran zhing ri'i sman ljongs zhes bya ba ni bsam gtan dang / snyoms par 'jug pa zhes bya ba de'i tshig bla dgas so/ /me tog dang 'bras bu zhes bya ba ni yang dag pa'i lam la sems bskyed pa'i 'bras bur gyur pa mya ngan las 'das pa'o/ /bya'i sgra zhes bya ba ni chos kyi gtam gyi sgra zhes bya ba de'i tshig bla dgas so/ /chu bo'i rgyun dga' ba zhes bya ba ni shes rab kyi chu bo zhes bya ba de'i tshig bla dgas so/ /rgyun ces bya ba ni sems rtse gcig ces bya ba de'i tshig bla dgas so/ /sa phyogs shes bya ba ni tshangs pa'i gnas shes bya ba de'i tshig bla dgas te/ 'di lta ste/ byams pa dang / snying rje dang / dga' ba dang / btang snyoms so/ /rjes su bsams nas shes bya ba ni bsam gtan gyi bde ba rjes su bsams pa yin te/ rnal 'byor spyod pa de glang po che'i tshogs lta bu'i rjes su 'gro'o/ /de lta bas na glang po che lta bur rnal 'byor spyod pas bya'i/ khyi lta bur ni mi bya'o/ /de nas gzhan yang ji ltar na dge slong de sa gzhan brgyad pa las sa gzhan dgu pa la 'jug ce na/ rnal 'byor spyod pa nang gi chos la chos kyi rjes su lta zhing gnas pa des thos pa las byung ba'i shes pa 'am lha'i mig gis brtags na/ khams gsum pa 'di dag thams cad ni mi rtag pa dang / sdug bsngal ba dang / stong pa dang / bdag med pa dang / mi gtsang ba'i snod du gyur pa 'dod pa thams cad kyang mthong ste/ dper na nags tshal gyi</font><hr>63.142b<br><font size=+1>

khrod na ri chen po'i ngam grog la shing 'bra go skye ba skyon du ma dang ldan pa yin te/ de la 'bras bu chung ngu yod pa blang bar dga' zhing nyes pa mang por 'gyur ba dang / ngam grog tu ltung ba'i nyes pas srog la the tsom za bar byed pa dang / khong stong gi nyes pas g.yang sa'i phyogs su ltung ba dang / shing mthon po la 'dzegs pa dag gi srog 'chad par byed pa'o/ /gal te mi byis pa so so'i skye bo rmongs shing mun par gyur pa dag ro la chags pa de 'bras bu de dag mthong nas/ ngam grog dang / g.yang sa dang / shing khong stong mthon po ltung ba'i sar 'gro ste 'chi bar 'gyur ba mi sems so/ /byis pa so so'i skye bo blo zhan pa ro chung ngu myong bas phrogs pa de dag shing de la 'dzegs so/ /de shing de las 'bras bu dag ma thob par de'i srog ni g.yang sar gtong ngo / /gal te rang bzhin gyis thabs gzhan dang ldan pa 'am/ dge ba'i las byed pa kha cig ni de 'dod chags kyi ro ches chung bas byis pa'i blo'i nyes dmigs ches mang ba bcings par mthong ba de bzhin du/ dge slong des nags tshal gyi khrod lta bur 'gro ba lnga'i rim pa mthong ngo // //'phags pa dam pa'i chos dran pa nye bar gzhag pa/ bam po drug pa/  ngam grog chen po zhes bya ba ni nyes pa thams cad ngam grog lta bu yin no/ /shing 'bra go zhes bya ba ni 'dod pa'i shing zhes bya ba de'i tshig bla dgas so/ /skyon brgya phrag du ma zhes bya ba ni nyon mongs pa brgya phrag stong du ma ste de dag tshor ba sdug bsngal zhes bya ba'i tshig bla dgas so/ /shing la yod pa'i 'bras bu zhes bya ba ni sgra dang / reg pa dang / ro dang / gzugs dang / dri sdug pa 'dod pa de dag la rnam par chags pa'i blo zhes</font><hr>63.143a<br><font size=+1>

bya ba de'i tshig bla dgas so/ /blang bar dka' zhes bya ba ni 'dod pa'i 'bras bu blang bar dka' ba yin te/ dper na rgya mtshor 'jug pa dang / mtshon gyis 'khrug pa dang / rgyal po la bsten pa dang / chom rkun dang / tshong pa la sogs pa'i nyon mongs pas thob pa bzhin no/ /'dod pa'i 'bras bu lta bu nyes pa mang po zhes bya ba ni 'dod chags zhe sdang gti mug ces bya ba de'i tshig bla dgas so/ /ngam grog dang / g.yang sa zhes bya ba ni sems can dmyal ba dang / dud 'gro dang / yi dgas kyi g.yang sa zhes bya ba de'i tshig bla dgas so/ /srog la the tsom za bar 'gyur zhes bya ba ni chos kyi srog ces bya ba de'i tshig bla dgas so/ /shing khong stong gi nyes pa zhes bya ba ni stong pa dang / gsog dang / gsob dang / snying po med pa zhes bya ba de'i tshig bla dgas so/ /rmongs pa'i mi 'gro'o zhes bya ba ni byis pa log par lta ba zhes bya ba de'i tshig bla dgas yin te/ de lta bas na skyon mang po du ma 'bras bu med pa'i 'dod pa mnog chung ba mthong nas dge slong de 'dod pa thams cad la kun du rtog par mi byed do/ /yang dge slong de 'dod pa me 'bar ba lta bur mthong ste/ ji ltar mar me mthong na dga' la reg na mchog tu tsha ba la/ phye ma leb rmongs pa mar me kha dog sdug par mthong nas mar me de'i nang du song ba dang / de 'chi bar 'gyur ba de bzhin du 'dod chags zhe sdang gti mug gis bsgribs pa'i byis pa so so'i skye bo phye ma leb lta bu dag ni 'dod pa thams cad la kun du dga' bar lta'o/ /mar me lta bu zhes bya ba ni gal te mar me der lus song ba'i phye ma leb bzhin du sems can dmyal ba dang / dud 'gro dang / yi dgas rnams su sreg par 'gyur te/ de lta bas na 'dod pa dag gis chog go snyam nas/ dge slong de 'dod pa</font><hr>63.143b<br><font size=+1>

dag las 'dod chags dang bral bar 'gyur ro/ /de nas gzhan yang dge slong de sems can dag 'ching ba gang gis bcings shing 'khor bar kun du 'khor snyam nas/ rnal 'byor spyod pa nang gi chos la chos kyi rjes su lta zhing gnas pa de thos pa las byung ba'i shes pa 'am lha'i mig gis brtags na/ 'jig rten 'di ni 'ching ba gnyis kyis bcings te/ zas kyi 'ching ba dang / reg pa'i 'ching ba'o/ /de la zas kyi 'ching ba ni rnam pa bzhi ste/ kham gyi zas gang zhe na/ 'di lta ste/ mi'i gnas dang / 'dod pa na spyod pa'i lha'i ris drug dang / sems can dmyal ba chen po brgyad dang / dud 'gro dang / yi dgas kyi phyogs gcig go/ /yid la byed pa'i zas yod pa de dag mthong ste/ 'di lta ste/ gzugs na spyod pa'i lha'i bsam gtan gyi zas so/ /reg pa'i zas ni bya dang / mig gis lta ba dag gi'o/ /de'i rnam pa gzhan ni 'dod pa'i khams kyi byis pa so so'i skye bo mi dang / yi dgas dang / dud 'gro dang / sems can dmyal ba 'di dag thams cad ni 'khrig pa'i reg pa la rab tu chags pa yin te/ gang 'dod pa la sten pa de ni 'dod pa'i khams su 'byung ngo / /mnyam par dmigs pa'i zas ni gzugs med pa'i snyoms par 'jug pa yin te/ de lta bas na 'jig rten 'di ni gnyis kyis bcings te/ kun du sbyor ba dang / bag la nyal ba thams cad kyi 'ching ba dag las de 'dod chags dang bral ba ma yin no/ /de mig gi rnam par rig par bya ba'i gzugs rnams la/ rnam pa gzhan gyis mig gis yang dag pa ji lta ba bzhin mthong ste/ mig gi 'dus te reg pa las byung ba gang yin pa de las bde bar 'gyur ba dang / dmigs pa bde ba la rnam par smin pa mi bde ba'i las byung ba de yang yang dag pa ji lta ba bzhin du mthong ngo / /de</font><hr>63.144a<br><font size=+1>

bzhin du mig gi rnam par rig par bya ba yid mi bde bar 'gyur ba'i gnas gang yin pa de mig gi 'dus te reg pa las byung ba'i sdug bsngal rnam par smin pa bde ba las byung ba de yang yang dag pa ji lta ba bzhin rab tu shes so/ /mig gi rnam par rig par bya ba de gang yin zhe na/ gzugs la dmigs pa bde ba ni rnam par smin pa mi bde ba yin te/ 'di la nang gi chos la chos kyi rjes su lta ba'i mig gis tshul bzhin ma yin pa yid la byed pa dmigs pa'i gzugs mthong ste/ da ltar byung ba'i rnam par smin pa bde ba la bde'o zhes rab tu shes shing / rtog par byed la ro myong bar byed do/ /yongs su 'gyur bas rnam par smin pa sdug bsngal ba ni sems can dmyal ba dang / yi dgas dang / dud 'gror yang dag par 'grub par 'gyur ro/ /gang dag da ltar byung ba la rnam par smin pa bde ba ma yin pa ma yin la yongs su 'gyur bas rnam par smin pa bde ba'i las de gang yin zhe na 'di la mig gis rnam par rig par bya ba'i gzugs rnams mthong nas mig gi 'dus te reg pa las byung ba'i tshul bzhin yid la byed pa la mngon du phyogs pa'i sems de la chags pa med cing yid 'jug pa med pa de ni da ltar byung ba la rnam par smin pa sdug bsngal ba yin la/ yongs su 'gyur bas lha dang mi'i bde bar skye zhing mya ngan las 'das pa'i mthar phyin par 'gyur ro/ /de bzhin du rna ba dang / sna dang / lce dang / lus dang / yid kyi rnam par shes pa'i chos rnam par shes pa'i chos rnams la yang sbyar ro/ /de nas gzhan yang ji ltar na dge slong de mig gis rig par bya ba'i gzugs rnams la btang snyoms su gnas zhe na/ rnal 'byor spyod pa nang gi chos la chos kyi rjes su lta zhing gnas pa'i dge slong gi mig gis 'di la gzugs mthong nas/ ma chags shing rnam par ma chags la rnyog pa can du ma yin/ smod pa med cing dga' bar mi byed la yid</font><hr>63.144b<br><font size=+1>

la mi byed/ tshul bzhin ma yin pa yid la byed pas bsgribs pa ma yin zhing btang snyoms pa yin te/ de ni btang snyoms su 'gyur ba'i gnas la sdug bsngal dang / bde bar 'gyur ba'i gnas mi dmigs so/ /yang dge slong de sa drug pa'i rab tu dbye ba'i ngo bo sa gzhan bcu pa la 'jug ste/ 'di lta ste/ mi lcogs pa med pa dang / bsam gtan dang po'i sa khyad par can dang / bsam gtan bzhi pa ste/ sa drug pa'i rab tu dbye ba la 'jug go/ /de skyes nas 'gog par 'gyur ba'i lam 'phags pa'i lam yan lag brgyad pa'i sgo rtogs shing khong du chud pa'i chos skye ba dang / 'jig pa mthong zhing yang dag par thob nas rab tu 'bad do/ /de de ltar rab tu 'bad pa na sa bla'i gnod sbyin dag gis bdud kyi 'ching ba phal cher spa gong bar mthong nas dga' ste/ bar snang la spyod pa'i gnod sbyin dag la mngon par bsnyad do/ /de dag gis kyang rgyal po chen po bzhi la mngon par bsnyad do/ /de dag gis kyang rgyal chen bzhi'i lha rnams la mngon par bsnyad do/ /rgyal chen bzhi'i ris pa rnams kyis kyang sum bcu rtsa gsum pa rnams la'o/ /sum bcu rtsa gsum pa rnams kyis kyang 'thab bral ba rnams la'o/ /'thab bral ba rnams kyis kyang dga' ldan pa rnams la'o/ /dga' ldan pa rnams kyis kyang 'phrul dga' ba rnams la'o/ /'phrul dga' ba rnams kyis kyang gzhan 'phrul dbang byed pa rnams la'o/ /gzhan 'phrul dbang byed pa rnams kyis kyang tshangs ris pa rnams la mngon par bsnyad de/ de ltar 'dzam bu'i gling du rigs kyi bu che ge mo zhig ces bya ba rgya cher snga ma bzhin du sbyar ba nas sa gzhan brgyad pa la 'jug pa dag sa drug pa'i nang du lhag par zhugs pa de tshangs ris kyi lha dag gis thos nas mchog tu dga' la bsam gtan la bde bar gnas pa btang ste/ kun du dga' bar gyur pa'i bar de thos nas shin du dga' bar 'gyur ro/ /'dir</font><hr>63.145a<br><font size=+1>

tshigs su bcad pa/ dge dang mi dge dag gi las/ /bdag gis byas pa'i las kun gyi/ /'bras bu nges par spyod 'gyur te/ /lus can dag dang 'brel pa yin/ /nyon mongs sa ni dang por mngar/ /rnam par smin pa tsha ba yin/ /de dag don med byed pas na/ /dug dang 'dra bar spang bar bya/ /nyon mongs dbang du mi 'gro zhing / /ye shes dbang du 'gro bya ste/ /ye shes ldan pa tshe 'di dang / /pha rol dag tu bde ba 'thob/ /ji ltar rtswa la mes bsregs bzhin/ /shes pas rtag tu nyon mongs gzhom/ /tshangs pa dkon mchog gsum ston pa/ /ye shes me lce mchog yin no/ /gang dag ye shes spyod yul dga'/ /de dag zhi ba'i lam la gnas/ /gang dag nyon mongs sbrul bsregs pa/ /de dag thams cad zhigs par gyur/ /dpa' bo gang dag phan tshun shes/ /mkhas pa de nyid mthong ba ni/ /de dag gnas ni dam par 'gro/ /skye dang 'chi ba spangs pa yin/ /gang dag 'khor la mngon dga' zhing / /mgu ba nyon mongs dgra dag gis/ /rtag tu bcing bas bcings pa ste/ /de dag sred pa nyam ngar 'khyam/ /gang dag nges 'byung blo yod cing / /gang dag rtag tu zhi spyod pa/ /de ni lha yi ris dag gi/ /tshangs pa'i 'jig rten 'byung bar 'gyur/ /'dod la sogs la gang sdang ba/ /sangs rgyas la sogs rtag tu mchod/ /shing skam me yis bsregs pa ltar/ /de ni 'khor ba 'jig par byed/ /gang dag sems kyi dbang mi 'gro/ /rtag tu de rjes sems 'gro ba/ /mun la nyi ma shar ba ltar/ /de ni nyon mongs nges par 'joms/ /sems ni dgra ngan dgra chen te/ /de las gzhan pa'i dgra med do/ /ri ni dus su bsregs pa ltar/ /sems can rtag tu sems kyis bsregs/ /byis pa blun po sems dbang song / /dbang po ma thul gang yin pa/ /de yi sdug bsngal zhi med cing / /de yi mya ngan 'das pa ring / /sdug bsngal sdug bsngal rnam smin dang / /</font><hr>63.145b<br><font size=+1>

sdug bsngal rgyu ni rnam shes pa/ /kun nas nyon mongs 'dus pa yi/ /'ching ba thams cad 'jig par byed/ /snang ba'i nang na shes pa mchog /mun pa'i nang na gti mug ste/ /de ltar gang zhig snang la dga'/ /de ni mkhas pa zhes bya 'o/ /don rnams mchog kun med byed pa/ /dpa' bos gti mug rnam par spongs/ /gang zhig gti mug dbang song ba/ /de la zhi ba med pa yin/ /gal te che bar bdag 'dod na/ /me yis reg par gyur kyang rung / /sbrul dang lhan cig 'dug kyang sla'i/ /nyon mongs lhan cig sbyor mi bya/ /bdud rtsi'i nang na shes pa mchog /che ba'i nang na gter mchog yin/ /gnyen gyi nang na gnyen mchog ste/ /nor gyi nang na nor mchog go/ /de lta bas na ye shes mes/ /rtag tu nyon mongs ri bsreg go/ /nyon mongs ri dag bsregs pa ni/ /bde ba'i gzhi la gnas pa yin/ /mi gang blo ni zhan pa dag /chos ma yin pa nyon mongs gzeb/ /'khor ba dag las ma rgal ba/ /mun pa mun nag nang du 'jug /gang dag chos la blo rtag pa/ /de dag dam pa rtag tu mchod/ /de dag tshe rabs 'bras bur ldan/ /de dag blo yis gtse ba med/ /de ltar dge slong de chos dang chos ma yin pa de dag gi rnam pa yang dag pa shes par gyur nas gnas te/ de ltar de shin du dri ma med pa'i sems kyis tshe 'bum phrag du ma'i 'khor ba'i ri'i rtse mo 'jig par byed cing spong bar byed la 'jom par byed de/ yang 'byung bar mi byed/ de'i nyon mongs pa'i dgra 'joms par byed cing / de'i mya ngan las 'das pa'i mthar byed do/ /de nas gzhan yang dge slong de las kyi chos kyi rnam par smin pa gzhan rjes su sems par byed de/ ji ltar na nyes par byas pa'i sems kyi rgyu'i rgyun rnam pa du ma chu bo'i rgyun ltar 'bab pa'i sems can rnams kyis nyes par byas pa'i las kyi 'bras</font><hr>63.146a<br><font size=+1>

bu'i sa mngon du gyur pa sems can dmyal ba'i tshor ba mi bzad pa tsha ba rtsub pa dag myong bar 'gyur snyam nas nang gi chos la chos kyi rjes su lta ba de legs par byas pa dang / nyes par byas pa'i de kho na nyid dpyod pa'i blos rtog par byed de/ kye ma srog chags 'di dag ni sems kyis bslus shing sred pas bslus nas yang sos dang / thig nag dang / bsdus gzhom dang / ngu 'bod dang / ngu 'bod chen po dang / tsha ba dang / rab tu tsha ba dang / mnar med pa'i gnod pa'i nyen 'khor gyi sems can dmyal bar ji ltar skye bar 'gyur/ ji ltar las mngon sum du gyur pa sems can dmyal ba'i 'khor ni gang zhig /sems can dmyal bar las gang gis srog chags rnams sems can dmyal ba'i 'khor du 'gro snyam nas/ dge slong des thos pa las byung ba'i shes pa 'am lha'i mig gis brtags na sems can dmyal ba chen po yang sos na yod pa'i 'khor gyi ming ni 'di lta ste/ mi gtsang ba'i 'dam dang / lcags kyis bsgyur ba dang / snod du btso ba dang / gnod pa rnam par ma zhi ba dang / mun pa dang / kun du mi dga' ba dang / tshor ba bdo ba dang / nad thams cad pa dang / mtshon 'bab pa dang / gnod pa drag pa dang / ne'u le nag po lta bu dang / gzhan du 'gyur ba dang / sdug bsngal gyis gnod pa dang / pad ma'i phreng ba dang / mtshe'u dang / gnod pa mtho ba ste/ yang sos kyi 'khor bcu drug yin no/ /de la las gang gis sems can dmyal ba yang sos kyi 'khor du skye bar 'gyur snyam nas/ dge slong des thos pa las byung ba'i shes pa 'am/ lha'i mig gis brtags na srog gcod pa kun du bsten cing bsgoms te mang du byas pa'i las dang las kyi nyer bsdogs dang / las kyi mjug dang ldan pas sems can dmyal ba yang sos su skye bar 'gyur te/ </font><hr>63.146b<br><font size=+1>

'di ltar srog gcod pa chen po dang / 'bring dang / tha mas gnod pa chen po dang / 'bring dang / tha mar 'gyur ro/ /de la sems can dmyal ba chen po ni mi tshul khrims dang ldan pa 'am sdom pa blangs pa 'am/ tshul khrims kyi phyogs spyod pa'i sems can gzhan sems can du yang shes la bsams bzhin du srog bcad de las kyi mjug kyang sogs shing 'chags par mi byed la sems 'gyod par mi byed/ gzhan dag la yang rung bar rjod cing phyir zhing byed/ gzhan dag kyang srog gcod pa de la gcod du 'jug cing rab tu spro bar byed/ dga' bar byed cing rab tu gnas par byed la slob par byed/ gzhan dag gis byas pa la rjes su yi rang bar byed pa'i mi gti mug can yang dang yang du byed pa'o/ /de sems can dmyal ba'i gnas der skye bar 'gyur te/ mi rnams kyi lo lnga bcu gang yin pa de ni rgyal chen bzhi'i nyin zhag gcig go/ /bgrang ba'i tshul de lta bu'i nyin zhag sum bcu la zla ba gcig go/ /zla ba bcu gnyis la lo gcig ste/ rgyal chen bzhi pa dag ni lo lnga brgyar 'tsho la de ni sems can dmyal ba chen po yang sos kyi nyin zhag gcig yin no/ /sdig pa tha ma dang / 'bring dang chen pos tshe thung ngu dang 'bring dang ring por 'gyur te/ dus ma yin par 'chi ba ni yod do/ /gal te sdig pa'i sa bon mi bzad pa byas na de'i 'khor gcig gam/ gnyis sam/ gsum 'am/ bzhi 'am/ lnga 'am/ drug nas de bzhin du 'khor bcu drug gi bar du smin par 'gyur ba nas sdig pa'i las bcom zhing bsal la zad par ma byas kyi bar du 'byung ngo / /sems can dmyal ba gzhan dag gi lo lnga brgya ni lha'i bgrang ba'i tshul dang 'thun te mi'i ni ma yin no/ /de nas gzhan yang ji ltar na dge slong de sems can dmyal ba'i 'khor dag gi las mngon sum du gyur pa yin zhe na/ rnal 'byor spyod pa nang gi chos la chos kyi rjes su</font><hr>63.147a<br><font size=+1>

lta zhing gnas pa sems ri mo mkhan lta bus ri mo lta bu'i rang gi las kyi 'bras bu'i sa'i cha sems kyi bsam pa'i gnas kyi rnam pa gnod pa bye ba khrag khrig 'bum phrag dag gi 'jigs pa gzhan dang mtshungs pa med pa'i sems can dmyal ba yang sos kyi 'khor dag rab tu 'byed par byed do/ /las gang gis 'khor mi gtsang ba'i 'dam du skye bar 'gyur snyam nas de thos pa las byung ba'i shes pa 'am lha'i mig gis brtags na mi gtsang ba'i 'dam du skye bar 'gyur ba ni/ mi dge ba'i las kyi sa bon du gyur pa srog gcod pa yin te/ gal te 'dod chags kyis byed na bya yis bya la 'am/ mig dud ka lta bus mig dud ka lta bu la 'am/ dud ka lta bus dud ka lta bu la 'am/ rgya 'am gdos kyis ri dgas dang ri dgas dag gsod par byed la/ 'chags par mi byed cing / las kyi nyer bsdogs dang / las kyi mjug sogs pa snga ma bzhin du sbyar te de der skye bar 'gyur ro/ /de'i gnod pa'i phyogs gcig tu 'gyur ba ni 'di lta ste/ mi gtsang ba'i 'dam gyi 'khor du mi gtsang ba rab tu 'bar ba ro tsha ba zangs bzhus pa lta bu dang ldan zhing srin bu mchu rdo rje lta bu dang ldan pa dag gis kun du gang ste/ de gal te mi gtsang ba de dag za na/ de'i srin bu de dag gis lus de'i nang du song ste sngar mchu za'o/ /phyis lce za ste/ de'i 'og tu rkan za/ rkan gyi 'og tu ol gong / ol gong gi 'og tu snying / snying gi 'og tu mchin pa/ mchin pa'i 'og tu mtsher pa/ mtsher pa'i 'og tu bA rash+ma/ ba rash+ma'i 'og tu bAk+sha li ka /'bAk+sha li ka'i 'og tu gnye ma/ gnye ma'i 'og tu rgyu ma/ rgyu ma'i 'og tu long ka'i nang du song nas gnad thams cad dang / so'i gnad rgyus pa dang / sha dang / glo ba dag ste/ mi gtsang ba'i lus las srin bu 'byung ba de dag gis za'o/ /de sems can dmyal ba'i tshor ba tsha ba/ rtsub pa/ mi bzad pa/ mi'i bgrang ba'i tshul gyis lo</font><hr>63.147b<br><font size=+1>

du ma lo 'bum phrag du mar tshor ba myong bar 'gyur te/ ji tsam du sdig pa bya'i/ srog gcod pa ni byas gsod srog chags dud ka lta bu ni dud ka lta bus gsod/ rgya dang gdos kyis ri dgas gsod pa rngon pa spyod pa'i ngang tshul can ni de dag gis gsod cing / de dag gis dbang du byas nas za ste/ de'i las kyi 'bras bu rnam par smin pas ji ltar de dag gis de zos pa de ltar srin bu de dag gis de'i nang du song nas za'o/ /rang gi las dge ba dang / mi dge ba'i 'bras bu 'dra ba ni gang gi tshe de'i sdig pa'i las bcom zhing spangs par gyur na/ de de'i tshe mi gtsang ba'i 'dam gyi 'khor gyi sems can dmyal ba las thar bar 'gyur zhing / sems ri mo mkhan lta bu de yang ri mo bris pa lta bu 'jig par 'gyur ro/ /de de las thar nas gal te lan grangs gzhan la myong bar 'gyur ba'i las su mi 'gyur na de dud 'gro byar skye bar 'gyur te/ de bya der gyur nas de bzhin du bya des gsod do/ /ri dgas su gyur na yang des sngon ji ltar rgya 'am/ gdos dag gis bya 'am ri dgas dag bsad pa'i las kyi 'bras bu des sems can dmyal bar smin pa'i rgyu 'thun pa'i 'bras bus dud 'gror skye'o/ /gal te lan grangs gzhan la myong bar 'gyur ba'i las kyis lha 'am mir skyes na las de dang rgyu 'thun par de tshe thung bar 'gyur ro/ /de nas gzhan yang dge slong de sems can dmyal ba yang sos kyi 'khor gnyis pa lcags kyis bsgyur ba zhes bya ba la rtog par byed de/ srog gcod pa'i las gang gis der skye bar 'gyur snyam nas/ de thos pa las byung ba'i shes pa 'am lha'i mig gis brtags na/ gal te rnyed pa dang / btsong ba dang / blang ba'i rgyu'i sems can dag srog gcod par byed de/ mtshon gyis gzhan bsad cing srog dang bral na/ de rgyu de dang / rkyen de dang / gzhi de 'chags par mi byed</font><hr>63.148a<br><font size=+1>

cing rab tu spro bar byed pa'i las dang / las kyi nyer bsdogs byas pa ni snga ma bzhin du sbyar te/ lus dang bral nas ngan 'gro log par ltung ba sems can dmyal ba lcags kyis bsgyur bar skye bar 'gyur ro/ /de na lcags kyi ra ba rab tu 'bar ba 'phang du dpag tshad bcu yod pa sems can dmyal ba'i mes rab tu 'bar te/ de'i drung na mi dag gi me ni sprin dang mtshungs so/ /mtshon rab tu 'bar ba'i shugs kyis kyang de dag gi lus la rab tu 'bab ste/ gang gis lus de dag yungs kar bzhin du gcod cing 'jig /sreg cing gsheg go/ /thams cad du mtshon gyi char rab tu 'bab ste/ dper na 'dzam bu gling du dus su char gyi rgyun 'bab pa ltar phyogs bcur mtshon gyi char gyis mngon par khebs te/ gang gis sems can dmyal ba de dag gshegs kyang 'chi bar ni mi 'gyur ro/ /de'i sdig pa'i las kyi 'bras bu rnam par smin pas yan lag rnams bcad cing gtubs pa dang / lcags kyis bsgyur ba'i sems can dmyal ba de na ral gri lo ma lta bu'i tshal yod de/ steng dang 'og gi so rno ba/ ba tshwa lta bu'i tshal de rgyang ring po nas tshal nag po'i phung po lta bu mthong nas/ de dag bkres pa dang / skom pas gdungs pa kun du rgyug cing cho nges 'debs pa na de gang du zhugs par gyur pa de dag kun nas mtshon gyi char gyis rnam par gsheg par byed do/ /der las kyi rgyu ni phyugs de dag la zas kyis brid nas bslus pa de'i las de dang 'bras bu de ni 'di ltar sems ri mo mkhan lta bus sems can dmyal ba'i ri mo'i gzhi la sems can dmyal ba pa'i mi dge ba'i las mngon par 'dri ba de lta de ltar sems can dmyal bar 'grub pa'i las so sor myong bar 'gyur ro/ /der sems can dmyal ba de dag ji tsam du de'i sdig pa'i las bcom zhing spangs la zad par ma byas pa de srid du/ lo 'bum phrag du</font><hr>63.148b<br><font size=+1>

mar gsheg par byed de/ gang sems ri mo mkhan lta bu des mngon par 'dri ba ni snga ma bzhin no/ /de nas gzhan yang dge slong de yang sos kyi 'khor gsum pa snod du btso ba zhes bya ba de'i 'bras bu rnam par smin pa la rtog par byed de/ las gang zhig gis der skyes par 'gyur snyam nas/ des thos pa las byung ba'i shes pas brtags na sems can rnga mo 'am/ phag gam/ mA ta la ka 'am/ ri bong du gyur pa 'am/ mA to la ka 'am/ dri sh+ya b+hu te gson pa dag bza' ba'i don du spu dbyi bar bya ba'i phyir der 'jug cing rab tu bskol te/ 'jog par byed pa de dag lus dang bral te/ shi nas ngan 'gro log par ltung bar sa bon dang mtshungs pa'i 'bras bu snod du btso bar skye bar 'gyur ro/ /de rab tu btso ba lcags kyi snod kyi nang du rab tu bcug nas sran ma mud ka bzhin du 'tshed de lo 'bum phrag du mar sems can dmyal ba pa'i me mi bzad pas 'tshed do/ /sems ri mo mkhan lta bu'i gzhi bcom zhing spangs te zad par byas na de de las yongs su thar bar 'gyur te/ sems can dmyal ba myong bar 'gyur ba dang / lan grangs gzhan la myong bar 'gyur ba dang / skyes nas myong bar 'gyur ba'i 'bras bu ni snga ma bzhin du sbyar te/ gang lha dang mi'i bar dag tu skye bar 'gyur la de tshe thung bar 'gyur ro/ /de 'khor snod du btso ba mthong nas yang dag pa ji lta ba bzhin nang gi chos la chos kyi rjes su lta zhing gnas pa'i dge slong de ji ltar na sems can dmyal ba'i 'khor la lta zhe na/ de thos pa las byung ba'i shes pa 'am/ lha'i mig gis brtags na/ 'di ltar dge slong de ni mchog tu dpa' ba/ bdud kyi sde mngon par 'joms shing 'khor ba'i rgya mtsho las sgrol ba/ tshul khrims kyi chus 'dod chags kyi me gsod par byed pa/ byams pa'i chu'i bum pas zhe sdang gi me gsod par byed pa/ rten cing 'brel par 'byung ba'i sgron mas gti mug</font><hr>63.149a<br><font size=+1>

gi rab rib sel bar byed de/ zab mo khong du chud pa'i dge slong ni 'khor ba'i rgya mtsho las rgal ba yin no/ /de nas gzhan yang dge slong de yang sos kyi 'khor bzhi pa gnod pa rnam par ma zhi ba zhes bya ba la rtog par byed de/ de rgyu dang 'bras bu rnam par smin pa ni sa bon dang / 'bras bur mtshungs te/ gang gis mir gyur pa'i yang sos gzhan gnod pa rnam pa du ma byas par 'gyur te/ 'di lta ste/ shing gi bar du btsir ba'i tshor ba dang / lum pa ka'i tshor ba dang / dud pa'i tshor ba dang / lam gyi tshor ba dang / dbang po'i lam 'dren pa'i tshor ba dang / sa'i tshor ba dang / rab tu ltung ba'i tshor ba dang / khab kyi tshor ba dang / thag pas 'dren pa'i tshor ba dang / glang po che'i steng nas ltung ba'i tshor ba dang / bye mas 'thor ba'i tshor ba dang / gtun shing gi tshor ba dang / lcag gzhus pa'i tshor ba dang / glad pa na ba'i tshor ba dang / bus pa dang / khye'u pang bar btsir ba lta bu'i tshor ba dang / grang ba dang dro ba'i tshor ba dang / chu'i tshor ba dang / khar gongs sam/ chu blugs pa'i tshor ba dang / shing la spyangs pa'i tshor ba dang / ngam grog dang g.yang sar rnam par 'jigs pa'i tshor ba dang / dgra'i dbang du gyur pa'i tshor ba dang / sba ba gcod pa'i tshor ba dang / sor mo la rab tu gnod pa'i tshor ba dang / spu 'thog pa'i tshor ba dang / mgo 'khor los bskor ba'i tshor ba dang / zha nye dang ro nye dang zangs bskol bar 'jug pa'i tshor ba dang / snar lcags rnon po 'jug pa'i tshor ba dang / sba ba'i gnas su sbrul 'jug pa'i tshor ba dang / bong bas 'phen pa'i tshor ba dang / sred pa'i tshor ba dang / lus la me'i phreng ba'i tshor ba dang / skra 'bal ba'i tshor ba dang / srog chags mar ko ta ka 'jug pa'i tshor ba dang / lpags pa gtubs pa'i tshor ba dang / tsAlbI na ka'i tshor ba dang / 'dus pa'i tshor ba dang / lus gtub pa'i</font><hr>63.149b<br><font size=+1>

tshor ba dang / rdza ma dang bum par btsos pa'i tshor ba dang / so phag gi tshor ba dang / lus phyed du ba tshwa blugs pa'i tshor ba dang / phyag dar gyi phye'i tshor ba dang / rab tu bsregs pa'i tshor ba dang / rkang pa'i mthe bo mtshon gyis bcad cing rab tu bsreg pa'i tshor ba dang / phyi phyi ling gi tshor ba dang / rgya mtsho sum bcu'i dbu ba'i tshor ba dang / lag pa dang / rkang pa'i tshor ba dang / ring du 'gro ba'i tshor ba dang / 'gram so'i tshor ba dang / snum gyi tshor ba dang / gser rdung ba'i tshor ba dang / tshabs cher skrangs pa'i tshor ba dang / bslang ba dang dbab pa'i tshor ba ste/ tshor ba de dag gis gang sdug bsngal gyi tshogs rnam pa sna tshogs du ma kun du spyod pa de dag ni lus dang bral nas ngan 'gro log par ltung ba sems can dmyal ba gnod pa rnam par ma zhi ba de ni der rgyu dang mtshungs pa'i 'bras bu myong bar 'gyur te/ sems can dmyal ba de'i rnam par smin pa dpe med pa bye ba stong phrag bcur bsgyur ba/ sngar ji skad bshad pa'i gnod pa de dag thams cad rang gi las kyi 'bras bu mngon sum du gyur pa'i sems can dmyal ba'i sa der de dag myong bar 'gyur ro/ /gang sems ri mo mkhan lta bus sreg pa'i pir dang / mi dge ba kun du rtog pa sna tshogs kyi tshon rtsi snod kyi gzhi lta bu'i snying la kun du 'dri ste/ bu dang chung ma'i mtshan ma dam pos de rjes su myong bar 'gyur ro/ /rang gis legs par byas ba'i las ni pha mas byas pa ma yin te/ ji tsam du sdig pa'i las bcom zhing spangs la zad par ma byas pa de srid du 'chi bar mi 'gyur ro/ /de nas shi nas gal te lan grangs gzhan la myong bar 'gyur ba'i las gang gis dud 'gro dang / yi dgas dag tu ma skyes la gal te mi rnams dang skal pa mnyam par gyur na/ rgyu 'thun pa'i 'bras bus de rtag tu bcing ba dang / gtse ba dang / gnod pa dang / rgyal po'i pho brang 'khor nas 'tshe ba dang / </font><hr>63.150a<br><font size=+1>

mi bde bar 'gyur/ skye bo kun gyis kyang mngon par gtse ste/ rtag tu sdug bsngal mi bzad par 'gyur/ gnyen 'dab dang / mdza' bshes dang / chung ma dang / bu dag dang yang zhe 'gras par 'gyur ro/ /de nas gzhan yang dge slong de sems can dmyal ba yang sos kyi 'khor lnga pa mun pa zhes bya ba la rtog par byed de/ sems can dag las kyi rnam par smin pa gang gis skye bar 'gyur snyam nas des thos pa las byung ba'i shes pas brtags na/ sems can gang dag log par lta ba las dang 'bras bu phyin ci log tu ston pa mchod sbyin dag la phyugs bsubs nas gsod par byed pa dang / rus sbal dag so phag gis mngon par g.yogs shing mun par 'jug par byed pa de dag lus dang bral nas ngan 'gro log par ltung ba sems can dmyal ba mun par skye bar 'gyur ro/ /der skyes nas kyang mun pa 'byung ba'i mes sreg par byed/ rdo rje lta bu'i ri shugs drag po dag 'ongs shing las kyi rlung gis bdas nas de gnyis kyi dbus su bcug la bya ma snyim pa nas gtor ba bzhin du thal bar rlog ste/ ji ltar skra'i rtse mo bsdus pa phan tshun skyabs med pa de ltar rtag tu gnod pa byed cing spu gri lta bu'i rlung rab tu 'bar ba langs pa gang gis 'di yan lag dang nying lagazhigs par byed do/ /skom pa dang / bkres pas lus rab tu 'bar ba de dag de ni de na ngud mo 'byin te ji ltar de dag gis rusbal me'i nang du bsregs shing / so phag dag gis mnar med pa der lo 'bum phrag du mar 'khrul 'khor la khab kyi bu ga tsam gyi snang ba med pa bzhin du snang ba med par byed la rang gi lus las byung ba'i spu rab tu 'bar ba dag gis kun du sreg par byed do/ /sems spre'u lta bus bag la nyal ri lta bu la rnam par rgyu zhing rgyu ri'i ngos ltar brtan pas rgyags pa ri'i rtse mo lta bu la</font><hr>63.150b<br><font size=+1>

gnas pa lta ba ngan pa'i ri khrod lta bu la rnam par rgyu zhing nga rgyal las byung ba shing ljon pa thibs po lta bur spyod pa/ khro ba brag gseb lta bu la gnas pa/ phrag dog yon tan bsags pa lta bu'i 'bras bu dang sred pa chu bo'i dbang du song ba lta bus gang mi dge ba'i rlabs byas pa de dag ji tsam du rnam par bcom zhing spangs la zad par ma byas pa de srid du 'chi ba'i dus mi byed do/ /de sems can dmyal ba'i 'khor mun pa de las thar nas/ gal te yi dgas dang dud 'gror ma skyes la mi dag dang skal ba mnyam par mi rnams kyi nang du skyes na/ de rgyu 'thun pa'i 'bras bus rtag tu bcing bas bcings par 'gyur zhing tshe thung bar 'gyur ro/ /de nas gzhan yang dge slong de sems can dmyal ba yang sos kyi 'khor drug pa kun du mi dga' ba zhes bya ba la rtog par byed de/ las gang gis sems can dmyal ba kun du mi dga' bar skye bar 'gyur snyam nas des thos pa las byung ba'i shes pas brtags na sems can la mngon par 'khu ba'i bsam pa yod pa ni rtag tu srog gcod pa la brtson pa yin te/ de dung dang / rnga pa Ta ha dang / bung bu'i skad kyis nags khrod na rnam par rgyu ba'i sems can ri dgas dang / bya dang / seng ge dang / dred dang / gung dang / spre'u la sogs pa bag tsha ba med par rgyu ba dag sgra de dag gis kun du skrag par byed cing rgyal po 'am/ blon po phal po cher yid kyis bsam pa yod pa'i rjes su rngon pa gsad pa'i bsam pa yod pa 'gro ba de ni lus dang bral nas ngan 'gro log par ltung ba sems can dmyal ba kun du mi dga' bar skye bar 'gyur ro/ /rgyu dang 'thun par 'bras bu 'byung ste/ ji ltar sems can de dag gis kun du mi dga' ba byas pa de ltar sems can de dag sems can dmyal ba'i me'i nang du bcug nas/ bya rog dang / 'ug pa dang / bya rgod</font><hr>63.151a<br><font size=+1>

dang / srin po dang / wa rnams kyi mchu rno la sgra mchog tu 'jigs pa rnams kyis rna ba drungs nas bcad cing za la/ mchog tu 'jigs pa mi 'dod cing mi sdug la yid du mi 'ong ba skye bo thams cad skrag par byed pa'i sgra des kun du mi dga' ba phal cher yid la gcags par 'gyur zhing srog chags mar ko ta ka'i mchu rdo rje lta bus yang dang yang du rus pa'i gseb dang nang du zhugs pa dag gis rna ba la za'o/ /sems nya lta bu de sred pa chu bo lta bu rnam par rgyu zhing khro ba dba' rlabs lta bur 'khrug pas 'khor ba ri bo'i gseb lta bu la gnas shing 'dod chags zhe sdang gti mug gi phyogs kyi sa 'dod pa'i ro chung ba mchil pa lta bu'i 'ching ba dang / lta ba ngan pa chu ltar zab pa la rnam par rgyu ba skye ba dang / 'chi ba'i 'gro ba'i lus 'di sgra dang / reg pa dang / ro dang / gzugs dang / dri la rtag tu sred pa gang mi dge ba'i las des dgod cing byas la de'i ngud mo 'byin pa ni mi myong gi bar du 'chi ba'i dus mi byed do/ /'dir tshigs su bcad pa/ rang gi sred pa grong gnas pa/ /sems ni nya 'dra rmongs pa yis/ /las byed tshe na dgar 'dzin la/ /myong ba'i tshe na ngu bar byed/ /gang tshe mi dge de yi las/ /lhag ma med par bcom zhing spangs/ /med gyur de ni de nas su/ /shi nas yi dgas dud 'gror skye/ /lan grangs gzhan la myong ba'i las/ /gang gis gal te der mi skye/ /gal te der ni mi rnams dang / /skal mnyam mi ru skye bar 'gyur/ /de ni rtag tu dman pa yin/ /zil gyis non cing nams kyang ni/ /de sems dga' ba skye mi 'gyur/ /gang dang gang ni byed pa dag /don med dga' ba med byed dang / /bu dang chung ma nor dang 'bru/ /gsod dang 'ching bar byed pa dang / /de ni mi dge las kyis su/ /dga' med rgyu 'thun 'bras bu yi/ /kun du mi dga' rtag tu thos/ /yang dge slong de</font><hr>63.151b<br><font size=+1>

sems can dmyal ba yang sos kyi 'khor bdun pa tshor ba bdo ba la rtog par byed de/ sems can dag las gang gis der skye bar 'gyur snyam nas des thos pa las byung ba'i shes pas brtags na sems can bag la nyal bdo ba dang / zhe 'gras pa bdo ba dang / sems zab pa bdo ba'i sems can srog gcod pa mang po bag med pa la 'jug ste/ de dag lus dang bral nas ngan 'gro log par ltung ba sems can dmyal ba tshor ba bdo bar skye bar 'gyur ro/ /der ba tshwa dang / mtshon dang / me dang / ngam grog dang / g.yang sa dang / phur bu dang / me 'bar ba'i phreng ba'i rgyan byas pa'i tshor ba la rtag tu rgyun mi 'chad par nyin gcig bzhin du 'jug par 'gyur ro/ /de nas gzhan yang dge slong de las kyi 'bras bu'i de kho na nyid shes pa mya ngan las 'das pa'i grong khyer tshol ba na 'khor ba'i sdug bsngal gyi de kho na nyid shes pa sems can dmyal ba chen po thig nag gi 'khor la rtog par byed de/ ji ltar thig nag gi 'khor gzhan gang zhig yod snyam nas des thos pa las byung ba'i shes pas brtags na sems can dmyal bar sreg pa mi bzad pa'i tshor ba rtag tu 'dus pa zhes bya ba'i sems can dmyal ba mthong ste/ sems can dag las gang gis sems can dmyal ba der skye bar 'gyur snyam nas des thos pa las byung ba'i shes pas brtags na gang lta ba ngan pa'i bstan bcos kyi gtan tshigs dang dpe dag gis tshul khrims spangs pa'i mi ngam grog gam g.yang sar rab tu ltung ba yang dag pa ma yin pa thams cad kyi dbang du song ba de lus dang bral nas/ ngan 'gro log par ltung ba sems can dmyal ba tshor ba 'dus par skye bar 'gyur ro/ /der gnod pa 'di dag 'byung bar 'gyur te/ 'di lta ste/ mi de thag pa rab tu 'bar bas bcings nas dpag tshad du mar</font><hr>63.152a<br><font size=+1>

gyen du bteg bteg ste ngam grog dag tu 'dor bar byed/ skyes nas spu gri dang mtshon gyi sa phyogs rnams su yang de dag 'dor bar byed/ yan lag dang nying lag thams cad nas sgra 'byin pa na rang gi sems kyis bslus shing 'khor ba'i 'khor lor zhugs nas 'khyam pa/ gti mug gis mun pas log par byas shing tshal kun nas bsregs pa lta bu'i lus dag la khyi mche ba rab tu rno ba rnams kyis kun du za bar byed kyang gang de na 'dug pa de dag la skyob pa 'am dpung gnyen nam bde bar byed pa 'am/ dbugs 'byin par byed pa gang yang med do/ /gshin rje'i 'jig rten pa'i gshin rje'i mi de dag gis ci rigs par tshigs su bcad de smras pa/ log par lta ba'i gti mug gis/ /gti mug zhags bsgribs skye bo khyod/ /sems can dmyal ba'i gnod pa dag /shin du mi bzad 'dus pa thob/ /mi yi skyes bu tha ma dag /log par lta bas dge kun bsregs/ /de yis sems can dmyal dang 'brel/ /gnod pa mi bzad khyer te 'ongs/ /gang dag log pa'i dbang song ba/ /sems kyis yongs su bslus pa yi/ /skyes bu blo zhan de dag ni/ /sems can dmyal bar kun du 'gro/ /dgra gzhan shin du spang bar sla'i/ /sems kyi dgra ni spang bar dka'/ /de yis bcings pa'i mi dag ni/ /gshin rje'i gnas su khrid par byed/ /yul rnams la ni rtag rgyug cing / /dam pa'i chos la mi rgyug la/ /dam chos lam la rmongs pa ni/ /sems can dmyal ba chen por khrid/ /gdul ba'i nang na sems gdul dka'/ /me yi nang na me mchog ste/ /gdul dka' myur du 'gro ba ni/ /dmyal ba'i nang na dmyal ba yin/ /gang dag sems kyi dbang song ba/ /mi de sems can dmyal bar 'gro/ /gang dag mi bzad de zlogs pa/ /de dag sdug bsngal rjes mi 'gro/ /'dod chags</font><hr>63.152b<br><font size=+1>

mi bzad me gcig yin/ /gti mug mun pa zhes bya'o/ /zhe sdang mi bzad dgra yin te/ /'gro ba dgra gsum dbang du song / /sngon gyi sems kyi rjes zhugs pa/ /khyod kyis mi dge gang byas pa'i/ /rmongs pa de yi 'bras bu spyod/ /khyod kyis legs pa dag ma byas/ /rang gi sems kyis yongs bslus pa/ /gzhan gyi nor dag phrogs pa dang / /gzhan gyi bud med bsten pa yis/ /skye bo dag ni rtag tu bcings/ /de yi las kyi rnam smin gyis/ /khyod ni de ring dbang du gyur/ /mi yi tha ma rang gis su/ /las ngan byas pas ngur ci yod/ /mi gang gis ni nyes byas pa/ /phyi nas blo la 'gyod par 'gyur/ /tshwa sgor sa bon btab pa ltar/ /de la de yi 'bras bu med/ /'dod pa dngar ba chung ldan pa/ /rnam par smin pa tsha ba yin/ /rmongs pa gang zhig de sten pa/ /de ni mun pa mun nag 'gro/ /bu dang chung ma bde bya'i phyir/ /rmongs pas ngan pa gang byas pas/ /sems can dmyal bar gcig pu sreg /rang gi las kyi 'bras bus bslus/ /gang zhig bu smad dbang song ba/ /mi ni ngan par byas pa sten/ /de ni dmyal ba 'dir 'gro ste/ /khyod kyis de yi rjes su myong / /bu dang chung ma'i don mi 'dod/ /mdza' bshes don lta ga la yod/ /'chi ba'i dus ni byung ba na/ /nye bar gnas shing bsrung ba med/ /gang dag kun nas nyon mongs sems/ /gang dag sred pas yongs bslus pa/ /de dag de ltar grogs su 'gyur/ /ci phyir khyed ni bsreg mi bya/ /sngon ni yul gyi dbang byas shing / /sred pa dag gis yongs su bslus/ /bdag nyid ngan pa bdag nyid kyis/ /byas pas bdag nyid ci ngur yod/ /de ltar sems can dmyal ba tshor ba 'dus pa la gshin rje'i mi dag gis sems can dmyal ba de dag las rjes su bstan pa na/ ji tsam du de'i sdig pa'i las byas shing bsags pa</font><hr>63.153a<br><font size=+1>

bcom zhing spangs la zad par ma byas pa de srid du gnod pa drag cing mi bzad pa du ma dag lo 'bum phrag du mar myong bar 'gyur ro/ /de phyis de las grol zhing thar nas gal te mi dag dang skal ba mnyam par lan grangs gzhan la myong bar 'gyur ba'i las kyis phrogs pa med na/ de rgyu 'thun pa'i 'bras bus 'gro lding ba dang / bar ba ra'i yul dang / rgya mtsho'i dbus kyi yul dang sin du'i yul dang / zhar ba'i gling gi yul dang / gang na bran mchog tu sdug bsngal bar 'gyur zhing dbul ba'i bran du 'gyur/ sgo srungs dang yan lag dang / nying lag thams cad nyams shing ma tshang ba dang / lus skom pa dang / bkres pas yongs su gdungs shing grang ba dang tsha ba'i gzhir gyur pa dang / shin du sdug bsngal zhing gzhan gyis rtag tu gtse ba dang / byis pa dag gis dbyug pa dang / bong ba dag gis brdeg cing skye bo kun gyis brnyas par 'gyur/ bu dang chung mas kyang rnam par spangs par 'gyur zhing mngal nas skyes tshun chad mchog tu sdug bsngal bar 'gyur/ las kyi rnam par smin pa'i 'bras bu ni rgyu dang mtshungs pa dang / rkyen dang mtshungs pa yin te ji ltar sngar byas pa de phyis de bzhin du spyod par 'gyur ro/ /de nas dge slong de nyes par byas pa myong bar 'gyur ba'i las de mthong nas sems can dmyal ba mun pa la dmigs pa dang / 'khor ba la phal cher shin du yid byung bar 'gyur ro/ /yang rnal 'byor spyod pa'i dge slong de rtog par byed de 'di ltar las kyi 'bras bu'i de kho na nyid mthong ba la rtag tu brtson zhing 'gro ba shin du bsngams pa la rab tu spyod pa/ 'khor ba thams cad la yid byung ba/ bdud kyi 'ching ba mchog tu dam pa gcod pa/ bdud kyi yul gyi dngos po mi 'dod cing nyon mongs pa 'dod chags dag gi dngos po dang lhan cig 'dug par mi 'dod pa/ dga' ba'i 'dod chags</font><hr>63.153b<br><font size=+1>

kyi mod las byung ba'i sred pa la mngon par mi dga' ba'i dge slong yon tan gyi rnam pa de lta bu dag dang ldan pa de sa bla'i gnod sbyin dag gis mthong nas bar snang la spyod pa dag la mngon par bsnyad do/ /de ltar snga ma bzhin du sbyar te/ tshangs ris dag gis thos pa'i bar rgya cher snga ma bzhin du sbyar ro/ /de nas gzhan yang dge slong de sems can dmyal ba thig nag gi 'khor la lta bar byed de/ sems can dmyal ba thig nag gi 'khor gzhan yang gang zhig yod snyam mo/ /de sems can dmyal ba rab tu mi bzad pa zhes bya ba mthong ste/ des sems can dag las gang gis der skye bar 'gyur snyam na khyim pa gang gis 'os pa ma yin pa'i gnas mal dang / na ba'i gsos sman gyi rkyen gyi yo byad mang po dag la spyad pa 'chab pa dang / gzhan la snyad btags te phyugs gsod pa 'am/ lha la snyad btags pa 'am/ bram ze 'dod pa'i sdig pas de lus dang bral nas ngan 'gro log par ltung ba sems can dmyal ba rab tu mi bzad par skye bar 'gyur ba mthong ngo / /der gnod pa 'di dag 'byung bar 'gyur te/ 'di lta ste/ bya rog dang / bya rgod dang / phag rgod gtum po dag gis mig 'byin cing / phag dang 'khrugs pa'i sgra dang / gtun shing dang / me rab tu 'bar ba dang / dmyal ba'i srungs ma drag pa rab tu mi bzad pa yod do/ /sems can dmyal ba rab tu mi bzad par skye ba'i gnod pa 'byung ba ni 'di lta ste/ mig 'byin pa dang / lce gcod pa dang / yan lag dang nying lag thams cad gcod pa dang / lcags kyi snod rab tu 'bar ba dag nas zangs kyi khu ba ldud pa dang / lus thams cad la phur bu 'dzugs pa dang / rkang pa gcod pa dang / bya rog gis za ba dang / nad thams cad kyis gnod pa byed par 'gyur te/ ji tsam du de'i sdig pa'i las bcom zhing spangs la zad par ma gyur pa de srid du sems can dmyal ba mi bzad</font><hr>63.154a<br><font size=+1>

par lo 'bum phrag du mar ngu ba na mgon med cing grogs med la/ gshin rje'i mi dag gis gsod par 'gyur ro/ /de sems can dmyal ba de nas thar bar 'gyur te/ thar nas kyang gal te lan grangs gzhan la myong bar 'gyur ba'i las gang gis dud 'gro dang yi dgas dag tu ma skyes la/ mi dag dang skal ba mnyam par mir skyes na/ de lag rdum dang long bar 'gyur zhing yun ring du gnas par mi 'gyur/ shi nas kyang srog chags las kyi lu gu rgyud kyis sbrel ba dag yang ngan song de dag kun du 'gro bar 'gyur la legs par byas pas ni legs pa dang / nyes par byas pas ni nyes pa 'thob par 'gyur te/ 'khor ba na skye zhing 'byung ba'i 'bras bu ni rgyu 'thun pa'i 'bras bu dang 'brel ba yin no/ /de nas gzhan yang dge slong de sems can dmyal ba thig nag gi 'khor lta bar byed de/ las gang gis sems can dmyal ba bya rgod kyis 'jigs par skye bar 'gyur snyam nas brtags na/ mi gang gis don du bya ba'i phyir mi bsad dam/ bcings sam/ bkres pa 'am/ skom par byas na/ de lus dang bral nas/ ngan 'gro log par ltung ba sems can dmyal ba bya rgod kyis 'jigs par skye bar 'gyur bar mthong ngo / /der gnod pa 'di dag 'byung bar 'gyur te/ 'di lta ste/ sems can dmyal ba pa'i sa gzhi lcags las byas pa dpag tshad brgya stong phrag bcu yod pa mes rab tu bsregs shing lcags las byas pa'i 'bras bu zur gsum pa kha dog chu lta bu rab tu 'bar ba rnams kyis kun du gang ba de na sems can dmyal ba pa dag gshin rje'i chad pas gcod par byed pa rab tu mang po dag gis kun du gsod par byed pa na ral gri dang mda' bo che yod pa'i lus kyi shugs drag po dag gis gsod cing nyin mtshan du gnod pa byed do/ /mtshon rnams kyis gsod pa na/ gang gi tshe mgon</font><hr>63.154b<br><font size=+1>

med pa 'bros par 'dod pa de'i tshe/ gshin rje'i mi de dag gis ral gri dang / mda' bo che dang / mda' rab tu 'bar ba dag gis kun du gsod par byed cing thang la yang bkres pa dang skom pa yod pa'i 'tsho ba dang 'brel la chu med cing mgon med/ dbugs 'byin pa med cing skyabs med la/ pha rol gyi gnod pas bkol ba na/ kun du sdug bsngal thams cad dang ldan par 'gyur ro/ /'dir tshigs su bcad pa/ grogs mang dag dang lhan cig tu/ /nyes par byas pa'i las byed pa/ /de yi las kyi 'bras bu ni/ /gcig pu srid pa srid par spyod/ /ji ltar mi dag 'jig rten du/ /bdag nyid ngan byas rgyug pa ltar/ /de ltar me dang mtshon dag dang / /dug dang dgra dag gnas pa min/ /las dang 'bral ba ma yin gyi/ /rang gi gnyen 'dab kun dang 'bral/ /'jig rten pha rol dge ba dang / /mi dge 'gro zhing rjes su 'gro/ /gang na me tog yod pa yi/ /der ni dri dag rjes su 'gro/ /de ltar dge dang mi dge ba'i/ /las ni 'gro zhing rjes su 'gro/ /ji ltar phyogs char dri 'gro zhing / /nags tshal dag tu 'dus pa yis/ /bya dag nang par gyes pa ltar/ /srog chags 'dus pa de dang 'dra/ /dpal che ba dag chud gsan cing / /'jig rten gyi ni nyes byas pa/ /gti mug gis ni yongs su bslus/ /mi dge'i las dag ci mi byed/ /gang dag zhi ba mchog mi 'gro/ /gang dag lha'i gnas mi 'gro/ /de yi rgyu la mchog rmongs pa/ /mun pa'i nang na de mun gnag /de ltar dmyal bar btso ba na/ /de ni bye ba du ma ru/ /rang gis nyes par byas pa yis/ /sems can dmyal bar yongs su 'khyam/ /ji srid de yi mi dge ba/ /ngan byas bcom zhing spangs pa dang / /zad par ma gyur de srid du/ /'chi ba'i dus ni byed mi 'gyur/ /gang tshe de yi las kyis der/ /thams cad du ni byang gyur na/ /dmyal ba bya rgod</font><hr>63.155a<br><font size=+1>

'jigs de las/ /de ni grol bar 'gyur ba yin/ /gal te de las de grol shing / /yi dgas dud 'gror ma skyes la/ /mi rnams dang ni skal mnyam par/ /gal te mi ru skyes gyur na/ /de ni rnga mo spyod 'gyur zhing / /khal glang dag la spyod par 'gyur/ /rgod ma dag la spyod 'gyur zhing / /glang po kha sgyur rta rdzi 'am/ /bshor ba dag gi rgya thogs pa/ /dbul zhing tshe ni thung bar 'gyur/ /ngan par byas pa'i las dag dang / /skyon du bgrang ba'i las rnams ni/ /rgyu dang 'bras bu 'thun pas na/ /'bras bu de dang 'thun par 'gyur// //'phags pa dam pa'i chos dran pa nye bar gzhag pa bam po bdun pa/  de nas gzhan yang dge slong de sems can dmyal ba chen po thig nag gi 'khor la rtog par byed de/ sems can dmyal ba de'i 'khor la gzhan dang gzhan nas kun du lta bar mi byed do/ /sems can dmyal ba chen po thig nag gi 'khor bcu drug po 'di yang ji ltar sems can dmyal ba chen po yang sos kyi 'khor bzhin no/ /yang dge slong de sems can dmyal ba'i 'khor gnyis pa dag la brtags na las kyi chos kyi rnam par smin pa shes shing / nyes par byas pa'i las kyi 'bras bu rnam par smin pa'i snying po thams cad rig ste/ byas la bsags pa dang / bsags la mi byed pa dang / byas la ma bsags pa'o/ /de la byas las bsags ni myong bar 'gyur bar nges pa yin/ bsags la mi byed pa ni myong bar 'gyur bar nges pa ma yin/ byas la ma bsags pa 'di yang myong bar 'gyur bar nges pa ma yin no/ /dge slong des sems can dmyal ba gzhan la brtags na/ des thos pa las byung ba'i shes pas mthong ste/ las kyi thag pas rgyud phan tshun sbrel ba'i 'khor dag gi las kyi 'bras bu rnam par smin pa rnam pa gsum gyi de kho na</font><hr>63.155b<br><font size=+1>

nyid shes pa ni de yang las rnam pa du ma sna tshogs du ma dag dang / sems phal cher dmigs pa'i dbang du gyur pa sems kyi dbang du gyur pa'i sems can dag mthong nas skyo bar gyur to/ /dge slong des sems can dmyal ba gzhan la brtags na des thos pa las byung ba'i shes pas sems can dmyal ba chen po gsum pa bsdus gzhom zhes bya ba mthong ngo / /der las bsags pa gang gis sems can dag nyes par byas pa'i las kyis smin par 'gyur snyam nas des thos pa las byung ba'i shes pas brtags na mi dge ba'i las rnam pa gsum po byas la bsags pa so sor myong bar 'gyur ba'i 'bras bus sems can dag sems can dmyal ba'i bsdus gzhom du skye bar 'gyur ro/ /'di lta ste/ srog gcod pa dang / ma byin par len pa dang / 'dod pas log par g.yem pa mi dge ba gsum po 'di dag gi las kyis srog chags dag sems can dmyal ba bsdus gzhom du skye bar 'gyur ro/ /der sdig pa chen pos ni sems can dmyal ba'i gzhir skye bar 'gyur/ 'bring dang chung ngu dag gis ni 'khor du'o/ /de dag gi chen po dang 'bring dang chung ngu rnams kyis ni gnod pa yang chen po dang 'bring dang chung ngur 'gyur ro/ /de dag gi sems kyi dbang du song ba'i las kyis kyang tshe ring po dang 'bring dang thung ngur 'gyur/ de dag gi sems kyi dmigs pa chen po dang 'bring gi dbang gis kyang gnod pa chen po dang / 'bring du 'gyur ro/ /las rnam pa gsum du rnam par gzhag ste lus dang ngag dang yid kyi'o/ /dus gsum du rnam par gzhag ste/ 'bring dang chen po dang tha ma'o/ /yang rnam pa gsum ste/ 'dod pa'i khams su skyed pa dang / gzugs kyi khams su skyed pa dang / gzugs med pa'i khams su skyed pa'o/ /yang rnam pa gsum ste/ da ltar byung ba dang 'das pa dang ma 'ongs pa'o/ /yang rnam pa gsum ste/ </font><hr>63.156a<br><font size=+1>

tshe 'di la myong bar 'gyur ba dang / skyes nas myong bar 'gyur ba dang / lan grangs gzhan la myong bar 'gyur ba'o/ /yang rnam pa gsum ste/ dge ba dang mi dge ba dang lung du ma bstan pa'o/ /yang rnam pa gsum ste/ tshe dang 'brel pa dang / srid pa bar ma dang 'brel pa dang / tshe gzhan dang 'brel pa'o/ /yang rnam pa gsum ste/ mi dang mi ma yin par 'brel pa rab tu 'byung ba dag yin te/ mi dang mi ma yin par 'brel pa ni/ 'di lta ste/ mir gyur pa las sems can dmyal bar las kyis 'phangs pa'o/ /byed pa'i khyad par zhes bya ba ni gang ci tsam du byed pa rtsom pa de'i byed pa'i rnam pa de tsam du las kyi rnam pa nyid skye bar 'gyur te/ dge slong dag ji ltar mos pa'i rdzu 'phrul thob pa bzhin no/ /yang rnam pa gsum ste/ byed pa byas pa dang / mi byed pa byas pa dang / 'brel par byas pa'o/ /de la byed pa byas pa ni ji ltar sngar dge sbyong du gyur pa phyis de'i rjes su 'thun par dgra bcom pa'i bar du byas pa'o/ /mi byed pa byas pa ni gang dag dge sbyong du gyur nas legs par bya ba mi byed pa'o/ /'brel pa byas pa ni ji ltar tshe 'di las shi nas tshe rabs gzhan du skye bar 'gyur ba'o/ /yang rnam pa gsum ste/ bsam gtan dang 'brel pa dang / bsam gtan dang 'brel pa ma yin pa dang / rnam par smin pa dang 'brel pa ma yin pa'o/ /de la bsam gtan dang 'brel pa zhes bya ba ni ji ltar bsam gtan dang po'i sa nas/ bsam gtan gnyis pa'i sar 'brel pa yin te/ bsam gtan gsum pa 'am/ bzhi par ma yin no/ /bsam gtan dang 'brel pa ma yin pa ni sbyin pa dang / tshul khrims la sogs pa'o/ /rnam par smin pa dang 'brel pa ma yin zhes bya ba ni ji ltar dgra bcom pa zag pa zad pa'i rnam par smin pa myong bar 'gyur bar nges pa/ tshe dang 'brel pa med pa yin te/ de ltar</font><hr>63.156b<br><font size=+1>

'jig rten las kyi dra ba dang 'brel pa rgya mtsho lta bu 'di kun phan tshun rag las shing skye ba'i rim pa'i las kyi rnam par smin par 'gyur te/ 'di la byed pa po 'am tshor ba po 'am 'dod rgyal gyi las ni gang yang med do snyam mo/ /dge slong de de ltar sems pa na bdud kyi sde rnam par 'jigs par byed cing dge ba'i chos sgrub par byed do/ /sems can dmyal ba bsdus gzhom gyi las kyi rnam par smin pa chen po yang rjes su mthong ste/ ji ltar na sems can dmyal ba bsdus gzhom gyi gzhir skye bar 'gyur snyam na des srog gcod pa dang / ma byin par len pa dang / 'dod pas log par g.yem pa kun du bsten cing bsgoms te mang du byas pa dang / las kyi nyer bsdogs pa dang / las kyi mjug dang / las mngon par bsten cing bsgoms te mang du byas pas sems can dmyal ba bsdus gzhom gyi 'khor du skye bar 'gyur ba mthong ngo / /der sems can dmyal ba gzhi'i gnod pa 'di dag 'byung ste/ 'di lta ste/ shing ljon pa'i khrod du bya rgod mchu rab tu 'bar ba dag gis bzung nas rgyu ma brus te za bar byed do/ /chu bo phur bus gang ba zhes bya ba na/ phur bu ring po rab tu 'bar ba der bcug nas gshin rje'i mis yang ral gri rab tu 'bar ba mang po dag gis gsod par byed do/ /de der 'dug pa na tshor ba drag cing rtsub pa gzhan dang mtshungs pa med pa dpe zla med pa dag myong bar 'gyur ro/ /'di lta ste/ phur bu rab tu 'bar ba'i tshor ba ni phur bu rab tu 'bar ba dag gis 'bigs par byed cing sems can dmyal ba de dag gshin rje'i mi de dag gis bzung nas de bzhin du skyod de sems can dmyal ba de dag phan tshun du bskyod pas rnam par 'khrugs shing ngu bar byed do/ /de na zangs dmar po bskol cing bzhus pa rab tu 'bar bas lus shing skam lta bur byed de/ </font><hr>63.157a<br><font size=+1>

rmongs par byed cing sreg par byed do/ /phur bus gang ba'i chu bo der bskol ba na/ sems can dmyal ba de dag kha cig ni lus rtswa ltar rab tu sreg go/ /kha cig ni rdo'i lci ba lta bur nub bo/ /kha cig ni lus nya lcibs ltar chu 'gram du byung ngo / /kha cig ni lus nya lta bu la bya rgod kyi mchu rab tu 'bar ba des za'o/ /kha cig ni lus mar sar gyi gong bu ltar zhu'o/ /kha cig ni lcags rab tu 'bar ba lta bu'i rdo bas lus kyi khog pa bye ma snyim pa nas gtor ba bzhin dum bu brgya 'am stong du rlog go/ /kha cig ni ba tshwas sreg pa na zangs sam lcags dag nang du bcug pa bzhin du zhu'o/ /kha cig ni phra skam rab tu 'bar ba dag gis bzung nas yang mtshon spu gri lta bus kun du gsod do/ /kha cig ni lus thags ltar cher brgyangs nas gsod do/ /kha cig ni khas bub tu bzhag nas gsod do/ /kha cig ni bum pa'i nang du 'jug par byed do/ /kha cig ni bum pa de'i nang du bcug nas der mon sran gre'u btso ba bzhin du steng du 'byung zhing 'og tu 'jug go/ /kha cig ni steng du byung nas ngu'o/ /kha cig ni gcig la gcig 'jus nas ngu'o/ /mgon med pa kha cig ni bya rgod dang / khwa dang / wa dang / khyi rab tu 'bar ba dag gis sa gzhi rab tu 'bar ba na gnas pa dag bzung nas za ste/ nyin gcig bzhin du tshor ba rnam pa sna tshogs myong ngo / /de ltar rang gi sems kyis bslus pa de lta bu de dag ni 'dod pas log par g.yem pa kun du spyod cing ma byin par len pas kun nas bslang ba la dmigs pa de dag ni tshor ba'i rnam pa 'bum phrag du ma myong bar 'gyur ro/ /yang sems can dmyal ba kun nas mgon tshol ba/ skyabs tshol ba de dag bdag cag nyon mongs pa 'di las skyob pa su zhig yod snyam nas kun du rgyug cing ngu ba na/ gshin rje'i mi de dag gis gtun shing rab tu 'bar ba dag gis bsnun cing chu bo dang / </font><hr>63.157b<br><font size=+1>

shing ljon pa dang / brag rab tu 'bar ba'i gseb dang / sman ljong dang / phu chu'i gseb dang / ri gseb dag tu shin du bcug nas gnod pa rnam pa sna tshogs dag byed de/ 'di lta ste/ shing ljon pa shin du mtho ba'i khar khrid nas yang de nas sa gzhi phur bu btsugs pa'i steng du rab tu 'bar bar byed cing de der yan lag bye brag tu nyams pa brgya 'am stong du 'gyur ro/ /yang sems can dmyal ba de dag gshin rje'i mi dag gis bzung nas/ lo ma ral gri'i nags tshal lta bur bcug ste/ 'dab ma spu gri lta bu 'bar bas gtser to/ /rang gi las kyis shing ljon pa de la bud med nyams dga' ba cha byad me tog gi phreng ba dang / phye ma dang byug pas lus rnam par glubs pa/ rgyan gyi cha byad mchog tu bzang bas mngon par brgyan pa/ shin tu gzhon zhing sen mo gtsang la sgeg bag can du chas pa byis pa so so'i skye bo thams cad kyi yid 'phrog par byed cing dga' ba sna tshogs dang ldan pa/ rin po che rnam pa sna tshogs kyi rgyan bkod pa thogs pa mthong ngo / /mthong nas sems can dmyal ba de shing drung du song ste/ 'di snyam du sems so/ /'di ni gang mir gyur cing mi byed pa na bdag gi yin no snyam nas rang gi las kyis bsgribs pa de shing de la 'dzeg par byed do/ /de shing de la 'dzeg pa na lo ma ral gri lta bu de dag gis sha gcod par byed do/ /sha bcad nas rgyus pa gcod do/ /rgyus pa bcad nas rus pa gcod do/ /rus pa bcad nas rkang 'byin par byed do/ /de ral gris kun du gshegs pa na/ bud med de la mchog tu chags pa'i blos shing de la 'dzeg par byed do/ /de las gnod pa 'di dag myong bzhin du sems kyis bslus pa de shing de la 'dzeg par byed do/ /shing de'i thor to la 'dzegs pa dang bud med de sa'i steng na gnas shing skyes bu la lta ba mthong ngo / /skyes bu la kun du</font><hr>63.158a<br><font size=+1>

chags pa'i mig gis rnam par lta bar byed cing skyes bu de la tshig snyan pas 'bod la sngar 'dzum zhing snyan par smra ste/ 'di ltar bdag ni khyod kyi slad du 'dir mchis na ci'i slad du bdag la tshig mi gsung zhing bdag gi lus dang mjal bar mi mdzad/ de nas sems can dmyal ba des las sprul pa byas pa de mthong nas yang kun du 'dod chags kyi sems kyis shing lo ma ral gri lta bu de las 'bab par byed do/ /de 'bab pa na lo ma spu gri rab tu 'bar ba lta bu de dag la kha gyen du lta ste/ de dag gis kyang sems can dmyal ba de dag sngar sha btogs so/ /phyi nas rgyus pa gcod do/ /de nas rus pa/ rus pa'i 'og tu gnad thams cad gcod do/ /de nas rkang brus te shin du gnod par byas so/ /de nas sems can dmyal ba snying la 'dod pa'i sred pas yongs su gdungs pa de dag gis bcad cing gsheg la gnad dang gnad gcod bzhin du bud med de la lta'o/ /'di ltar de la lta ba na bya rgod kyi mchu rab tu 'bar bas mig 'byin cing spu gri rnon po lta bus de'i rna ba yang gcod/ ngu ba na 'dab ma rab tu 'bar ba dag gis lce gcod cing de'i sna yang gcod de/ de'i yan lag dang / nying lag thams cad gcod do/ /'dod chags kyi sred pas yid phrogs pa yang sa la 'bab par byed pa dang yang bud med de shing khar 'dzeg go/ /'dzegs pa dang / de mthong nas yang de shing gi thor to de la 'dzeg par byed pa snga ma bzhin du sbyar te/ de ltar las kyi dbang gis 'phangs par rang gi sems kyis yongs su bslus pa'i sems can dmyal ba de lo 'bum phrag du ma lo bye ba 'bum phrag du mar sems can dmyal bar yongs su 'khyam mo/ /de ltar sems can dmyal ba de don gang gi phyir yongs su gdungs shing de ltar 'dod pas log par g.yem pa'i rgyus bsregs kyang de dag 'dod chags dang bral bar mi</font><hr>63.158b<br><font size=+1>

byed do/ /de ltar sems 'di ni thog ma med pa'i dus nas sems can dmyal ba dang / dud 'gro dang / yi dgas su song ba yin te/ de lta bas na sems can dmyal ba dag tu 'gro ba'i sems can gyi sems 'di la yid brtan par mi bya'o/ /yang sems can dmyal ba bsdus gzhom de na ri bya rgod dang nye ba zhes bya ba yod de/ de na sems can dmyal ba skom pa dang bkres pas gdungs pa de dag gis brgyugs pa dang / de'i tshe ri bya rgod dang nye ba la bya rgod lcags kyi mchu rab tu 'bar ba lus che zhing lto che ba dag gnas te/ de dag gi lto'i nang na me mdag yod do/ /gang gi tshe sems can dmyal ba dag mgon med cing skyabs med pa na ri de la 'dzeg par 'gyur ro/ /de nas mgon med pa ngu 'bod pa dag la bya rgod de dag gis glad pa btogs shing glad rgyas brus la mig kyang 'byin par byed do/ /gang gi tshe de'i glad pa dang glad rgyas dag 'thungs nas mgo yang 'dor bar byed do/ /klad rgyas dang mig phyung ba de dag sems can dmyal ba'i mun pa thibs po'i nang du brgyugs pa dang de las gzhan pa las kyis byas pa'i bya rgod lus che zhing kho lag che ba lto'i nang na me mdag yod pa'i bya rgod 'ongs te/ des sems can dmyal ba de dag bzung nas za'o/ /de ltar lto'i nang du song ba de dag lo 'bum phrag du mar sreg kyang de srog gcod pa kun du bsten cing bsgoms te mang du byas pa'i mthus 'chi ba'i dus mi byed do/ /'dod pas log par g.yem pa kun du bsten cing bsgoms te mang du byas pa'i mthus ni lo ma ral gri lta bu'i nags su bud med mthong ba yin no/ /ma byin par len pa kun du bsten cing bsgoms te mang du byas pa'i mthus ni sems can dmyal ba'i phyogs gzhan du 'gro'o/ /de na yul chu bo mtha' yas pha rol zhes bya ba zangs bskol cing bzhus pas rab tu gang ba'i chu bo de'i pha rol na sems can dmyal ba dag gis bza' ba dang / bca' ba dang / gnas mal</font><hr>63.159a<br><font size=+1>

mang zhing bzang ba dang / grib ma dang / nags tshal shin du gsal ba dag mthong zhing chu bo rab tu 'bab pa dang / lteng ka'i phyogs bsil ba dag mthong ste/ des de dag mthong nas snga ma bzhin du sbyar te brgyugs pa dang / gcig la gcig ngu zhing 'khrugs so/ /grogs po dag tshur shog tshur shog /bza' ba dang / bca' ba dang / gnas mal bde ba dag rnyed pa snga ma bzhin sbyar te/ de nas sems can dmyal ba de dag sgra thos nas sems can dmyal ba gzhan mgon 'dod pa/ skyabs 'dod pa/ dpung gnyen 'dod pa dag kun du rgyug go/ /de nas sems can dmyal ba de dag 'dus nas/ kye bdag cag gi bde ba dang mgon skyabs de phyogs gang nas thob par 'gyur zhes smra'o/ /de nas sems can dmyal ba de dag gis sems can dmyal ba gzhan dag mthong nas smras pa/ kye grogs po dag chu bo mtha' yas pha rol zhes bya ba'i pha rol na/ bza' ba dang / bca' ba dang / gnas mal dang / tshal dang / nags tshal mang po dag la ltos shig ces bya ba snga ma bzhin du sbyar te/ de nas sems can dmyal ba de dag thams cad la chu bo mtha' yas rab med des phan tshun gnod pa ro nye rab tu bskol ba bzhu ba'i dbu bas khebs pa dag tu de dag thams cad der lhung ngo / /lhung nas kha cig ni mar sar gyi gong bu ltar zhu'o/ /kha cig ni khwa mchu rab tu 'bar ba dag gis za'o/ /kha cig ni nya'i kha rab tu 'bar bas mid de lus kyi yan lag dang nying lag zhu ba de dag thams cad chu bo de'i nang du de dag thams cad zhu bar gyur to/ /de dag gi las ji ltar rigs pa rjes su bstan pa tshigs su bcad de smras pa/ khyod ni sems kyis bslus nas su/ /bu smad gang gi don byed pa/ /sdig las byung ba'i zhags pa yis/ /sems can dmyal ba'i gnas su khrid/ /blo ngan zhen pa khyed rnams kyis/ /gang gi don du</font><hr>63.159b<br><font size=+1>

sdig byas pa'i/ /bu dang chung ma grogs po dang / /gnyen 'dab rtsa lag gang du song / /mi yi sar ni khyod kyis su/ /bdag la nges par sdug ma byas/ /mi yi tha ma bu yi don/ /des na sdig pa khyod kyis byas/ /gang gis sngan chad sdig byas pa/ /phyis ni gnod par mi 'gyur min/ /bu dang chung mas bslus pa de/ /sems can dmyal ba drag por 'gyur/ /chung ma gnyen gyis ci byed cing / /bu des ci zhig byed par 'gyur/ /las kyi lam rgyags yod pa ni/ /gcig pu sems can dmyal bar sreg /bde ba 'byung ba ma smad pa/ /dge ba'i las ni ma byas pas/ /byis pa gti mug gis bslus pa/ /phyi nas don byed ci mi gdung / /gang zhig gti mug gis bslus pa/ /'dod chags zhe sdang rjes su 'gro/ /bu dang chung ma bde bya'i phyir/ /de dag kun gyi 'og tu 'gro/ /srog chags las kyi skye gnas dang / /rang gi las kyi 'bras bu spyod/ /legs byas lha yi 'jig rten du/ /nyes par byas pas de bzhin dma'/ /de ltar gshin rje'i mi de dag gis sems can dmyal ba bsdus pa de dag la rjes su bstan pa/ gang khyed cag gis byas pa'i las 'di dag su zhig spyod par 'gyur te dge ba 'am/ mi dge ba rang gis byas pa spyod par 'gyur zhing ma byas pa ni 'ong bar mi 'gyur la byas pa ni chud za bar mi 'gyur ro/ /de ltar sems can dmyal ba de dag ji srid du sdig pa'i las bcom zhing spangs la zad par ma gyur pa de srid du/ sems can dmyal ba bsdus gzhom du lo 'bum phrag du mar btso bar 'gyur ro/ /de ltar srog gcod pa dang / ma byin par len pa dang / 'dod pas log par g.yem pa kun du bsten cing bsgoms te mang du byas pa dag gi 'bras bu</font><hr>63.160a<br><font size=+1>

'thob par 'gyur ro/ /ji ltar khyed cag gis de dag nyid thob pa 'di ltar sems can dmyal ba de dag las thar nas/ gal te lan grangs gzhan la myong bar 'gyur ba'i las kyis yi dgas dang dud 'gro dag tu ma skyes la mi rnams dang skal ba mnyam par mir skyes na de tshe thung zhing dbul la chung ma ngan pa dang / de gzhan gyi chung ma la rab tu chags par gyur pa 'am de chung ma med par 'gyur la brnyas shing gzhan gyis bkol bar 'gyur te/ de ltar las de dang rgyu 'thun pa'i 'bras bu'i las kyi mthus bslus pa'i sems can dmyal bar 'gro ba la 'di dag thams cad 'byung bar 'gyur ro/ /de nas gzhan yang dge slong las kyi 'bras bu rnam par smin pa shes pa des sems can dmyal ba chen po bsdus gzhom gyi 'khor la brtags na/ des tshor ba tshad med pa dang / 'bras bu a la bud lta bur gcod pa dang / gnad dang / gnad gcod pa dang / bsdus pa dang / 'jigs par lta ba dang / nyam nga ba mang ba dang / gnod pa mi bzod pa dang / a tsa zer ba dang / kyi hud zer ba dang / rgyob shig pa dang / mchi ma'i rgyun me lta bur mi 'chad pa dang / dbang po thams cad 'gags pa dang / pad ma ltar gas pa dang / pad ma chen po ltar gas pa dang / me thab dang / lcags kyi me'i ra ba mthong ste/ 'di dag ni sems can dmyal ba chen po bsdus gzhom gyi 'khor bcu drug yin no/ /de las gang gis der skye bar 'gyur snyam nas dge slong de sems par byed de/ gang mi dge ba byas pa rnam pa gsum du 'gyur ba mthong ste/ 'di lta ste/ srog gcod pa dang / ma byin par len pa ni snga ma bzhin no/ /'dod pas log par g.yem pa kun du bsten cing bsgoms te mang du byas pa de ni de'i myong bar 'gyur bar nges pa yin te/ sems can dmyal ba'i las kyis tshor ba tshad med par skye bar 'gyur ro/ /gang bud med 'os pa ma yin pa</font><hr>63.160b<br><font size=+1>

la tshul bzhin ma yin pa'i 'dod pas log par bsten pa de ni sems can dmyal ba tshor ba tshad med par skye bar 'gyur te/ der gnod pa 'di dag 'byung bar 'gyur ro/ /'di lta ste gsal shing rab tu 'bar bas ro smad du 'bigs par byed de/ ro smad du bcug pa'i gsal shing de yang gal te rgyab 'bigs par byed/ gal te ltor/ gal te dbus su/ gal te rked pa'i phyogs su/ gal te phrag par/ gal te dpung mgor/ gal te mid par/ gal te khar/ gal te glad rgyas 'bigs/ gal te rna bar 'bigs te/ de ltar sems can dmyal ba de'i gsal shing de ni yan lag dang / nying lag thams cad 'bigs par byed/ gnod pa chen por byed/ sreg par byed/ yan lag thams cad 'tshed par byed de/ de gnod pa de dag myong bar byas nas tshor ba mi bzad pa yang rjes su myong bar byed do/ /'di lta ste/ lcags kyi phra skam rab tu 'bar bas rlig pa 'byin par byed cing bya rgod kyis kyang bzung nas za ste/ ji tsam du byas la bsags pa'i las bcom zhing spangs la zad par ma gyur pa de srid du ngu skad 'don to/ /gang gi tshe de'i las zad par gyur pa de'i tshe sems can dmyal ba de las thar par 'gyur ro/ /thar nas kyang gal te lan grangs gzhan la myong bar 'gyur ba'i las kyis yi dgas dang dud 'gro dag tu ma skyes la mi rnams dang skal ba mnyam par mir skyes na/ de'i mi dge ba'i las kyi rgyu 'thun pa'i 'bras bu des ma ning du 'gyur ro/ /de nas gzhan yang dge slong des sems can dmyal ba chen po bsdus gzhom gyi 'khor la brtags na/ des sems can dmyal ba 'bras bu a la bud lta bur gcod pa zhes bya ba mthong ngo / /der sems can dag las gang gis skye bar</font><hr>63.161a<br><font size=+1>

'gyur snyam na des srog gcod pa dang / ma byin par len pa dang / 'dod pas log par g.yem pa kun du bsten cing bsgoms te mang du byas pas de sems can dmyal ba 'bras bu a la bud lta bur gcod par skye ba mthong ngo / /der 'dod pas log par g.yem pa rnam pa du zhig byas pa yin snyam na gang bud med 'os pa ma yin pa'i khar bcug na de lus zhig nas ngan 'gro log par ltung ba sems can dmyal bar skye ste/ de la gnod pa 'di dag 'byung bar 'gyur ro/ /'di lta ste/ gshin rje'i mis de'i khar phur bu bcug nas brdung bas rdung bar byed de/ de phur bu brdungs pa des gal te ltag par phug nas 'byung bar byed pa bsgul ba dang rna bar 'byung ngo / /lcags kyi snod kyi nang du zangs rab tu bskol ba khar blugs so/ /des de'i mchu bsregs nas lce sreg go/ /lce bsregs nas rkan sreg ste de ltar mid pa bsregs pa nas lto'i bar du bsregs te ro smad du 'byung ngo / /'di dag ni 'dod pas log par g.yem pa kun du bsten cing bsgoms te mang du byas pa'i las kyi 'bras bu rnam par smin pa yin no/ /sems can dmyal ba de tshor ba'i rnam pa de dag myong ba ni ji srid du de'i sdig pa'i las bcom zhing spangs la zad par ma byas pa de srid du lo bye ba 'bum phrag du mar sreg cing 'tshed do/ /de de las thar bar 'gyur te/ thar nas kyang gal te lan grangs gzhan la myong bar 'gyur ba'i las kyis ma phrogs te/ yi dgas dang dud 'gro dag tu ma skyes la/ mi rnams dang skal ba mnyam par mir skyes na/ las de dang rgyu 'thun pa'i 'bras bus de'i kha nas dri rul pa lta bu 'byung ste/ srog chags gang gis tshor ba kun yid 'byung bar 'gyur ro/ /de nas gzhan yang dge slong las kyi 'bras bu rnam par smin pa shes pa des sems can dmyal ba chen po bsdus gzhom gyi 'khor la brtags na sems</font><hr>63.161b<br><font size=+1>

can dmyal ba gnad dang / gnad gcod pa zhes bya ba mthong ngo / /der sems can dag las gang gis skye bar 'gyur snyam na/ gang gis srog gcod pa dang / ma byin par len pa kun du bsten cing bsgoms te mang du byas pa des de sems can dmyal ba chen po gnad dang gnad gcod pa skye bar mthong ngo / /gang 'dod pas log par g.yem pa la mngon par dga' bar byas pa'i rnam pa ni 'di dag yin te/ 'di lta ste/ bud med gzhan 'dod chags mi 'dod pa de'i mngal ma yin par mthus bcug na/ de lus dang bral nas ngan 'gro log par ltung ba sems can dmyal ba gnad gcod par skye bar 'gyur ro/ /de la srog gcod pa dang / ma byin par len pa dag gi tshor ba gang yin pa ni snga ma bzhin du sbyar ro/ /'dod pas log par g.yem pa'i bye brag ni 'di lta ste/ dza ra dza ra nyis 'gyur du byas pa bsregs pa rab tu 'bar ba dag gis kha 'gengs te/ ji srid du de'i sdig pa'i las bcom zhing spangs la zad par ma gyur pa de srid du mgon med pa lo 'bum phrag du mar ngu 'bod do/ /de phyis sems can dmyal ba de las thar bar 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas dang dud 'gro dag tu ma skyes la/ mi rnams dang skal ba mnyam par mir skyes na las de dang rgyu 'thun pa'i 'bras bus de'i chung ma gzhan dag la rab tu chags par 'gyur ba bzlog par mi nus te/ byas la bsags pa'i las kyi rnam par smin pa ni tshor ba ma myong gi bar du chud za bar mi 'gyur ro/ /de nas gzhan yang dge slong des sems can dmyal ba bsdus gzhom gyi 'khor la brtags na das sems can dmyal ba 'jigs par lta ba zhes bya ba mthong ngo / /der srog chags dag las kyi rnam par smin pa gang gis skye bar 'gyur snyam na des srog gcod pa dang / ma byin par len pa dang / 'dod pas log</font><hr>63.162a<br><font size=+1>

par g.yem pa bsgoms te mang du byas pa/ byas la bsags pa de ni sems can dmyal ba 'jigs par lta bar skye bar 'gyur ba mthong ngo / /de la ji ltar na srog gcod pa dang / ma byin par len pas 'gyur snyam na snga ma bzhin du sbyar ro/ /'dod pas log par g.yem pa ni gang gis byis pa gzhan du bzhin du mthus lba ba'i gnas su bcug pa ni de lus dang bral nas ngan 'gro log par ltung ba sems can dmyal ba 'jigs par lta bar skye bar 'gyur ro/ /der gnod pa 'di dag 'byung bar 'gyur te/ 'di lta ste/ sems can dmyal ba der sngon mir gyur pa na de'i bu gang yin pa mthong ste/ las kyis byas pa de la 'di ltar de ni mir gyur pa na mir gyur pa bdag gi yin no snyam du sred pa'i yon tan 'byung ngo / /de nas bu de la gshin rje'i mi rnams kyis phur bu dag 'debs shing de ltar sba ba'i gnas su phur bu dag btab pa mthong ngo / /de mthong nas bu de la 'di ltar gnod pa 'byung ba de'i rnam pa yod pa de srid du yid la sdug bsngal skye zhing / gang la sdug bsngal gnod pa'i me 'byung ba de'i sdug bsngal gyi cha bcu drug yid la sdug bsngal gyis gnod pa skye bar 'gyur te/ yid kyi sdug bsngal khyad par che'o/ /lus kyi sdug bsngal 'di dag 'byung ste/ de la gnod pa 'byung bar 'gyur ba ni 'di lta ste/ gshin rje'i mi dag gis kha sbub du bzhag nas/ lcags rab tu 'bar ba'i snod kyi nang du zangs rab tu 'bar bas de'i sba ba'i gnas su ldugs so/ /de la de blugs pa dang / sba ba'i gnas nas long ka sreg go/ /long ka bsregs nas rgyu ma sreg go/ /de yang bsregs nas snying sreg go /snying yang bsregs nas mcher ba sreg go/ /mcher ba yang bsregs nas glo ba sreg go/ /glo ba bsregs nas ol kong sreg go/ /ol gong bsregs nas mid pa sreg ste/ mchil ma yang</font><hr>63.162b<br><font size=+1>

bsregs nas lce'i drung du sreg go/ /lce'i drung du yang bsregs nas lce sreg go/ /lce bsregs nas rkan sreg go/ /rkan bsregs nas glad pa sreg go/ /glad pa bsregs nas glad rgyas sreg ste/ 'bar ba de 'og tu byung nas 'gro'o/ /de ltar 'dod pas log par g.yem pa 'di ni lo 'bum phrag du mar las kyis byas pa'i bu dag mthong ste/ de lus dang yid la sdug bsngal gyis gnod pa na ji srid du de'i sdig pa'i las bcom zhing spangs la zad par ma byas pa de srid du lo 'bum phrag du mar sreg ste/ 'chi ba'i dus mi byed do/ /de phyis de las thar par 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas dang / dud 'gro dag tu ma skyes la de mi rnams dang skal ba mnyam par mir skyes na las de dang rgyu 'thun pa'i 'bras bus das khu chu nyams par 'gyur zhing de bu med par 'gyur la de ma ning zhes bya ste skye bo kun gyis smad par 'gyur ro/ /de nas gzhan yang dge slong de sems can dmyal ba chen po bsdus gzhom gyi 'khor la rtog par byed de/ 'khor gzhan gang zhig yod snyam mo/ /de thos pa las byung ba'i shes pas sems can dmyal ba gzhan 'khums pa zhes bya ba 'khums pa'i rang bzhin can yod par mthong ngo / /der sems can dag las gang gis skye bar 'gyur zhe na/ gang gis de phyugs rmig zlum po gcig gi mngal du bud med gzhan zhig yin par bsams te/ de la spyad do snyam pas bcug na de lus dang bral nas ngan 'gro log par ltung ba sems can dmyal ba 'khums par skye bar 'gyur ro/ /der gnod pa 'di dag 'byung bar 'gyur te/ 'di lta ste/ ba de dag gam/ rta rgod ma de dag la bdag gi snying gis gang sngon chags</font><hr>63.163a<br><font size=+1>

pa'i lus yin par bsam pa'i ba 'am/ rta rgod ma las kyis byas pa sems can dmyal bar mthong ngo / /de 'dod chags kyis zil gyis non pa'i sems kyis ba 'am rta rgod ma de la bsnyags so/ /de dag gi khong pa'i nang na lcags kyi me mdag rab tu 'bar ba dag gis gang ste/ gal te de dang phrad na de tshul bzhin ma yin pa'i las byas pa'i sgo des khong pa'i nang me mdag gis gang ba der 'jug par 'gyur te/ de de'i khong pa mun pa der lo 'bum phrag du mar sreg cing 'tshed de ngu bar yang mi nus so/ /de ji srid du rnam pa du mar bcom zhing spangs la zad par ma gyur pa de srid du 'tshed do/ /de phyis de las thar bar 'gyur te/ thar nas kyang gal te lan grangs gzhan la myong bar 'gyur ba'i las kyis dud 'gro dang yi dgas dag tu ma skyes la gal te mi rnams dang skal ba mnyam par mir skyes na gang du rang gi chung ma ma yin pa gzhan dag la byas la bsags pa/ 'dod pas log par g.yem pa rgyu 'thun pa'i 'bras bus de yul de lta bur skye bar 'gyur ro/ /de nas gzhan yang dge slong des gang sems can dmyal ba chen po de'i 'khor la brtags na/ des thos pa las byung ba'i shes pas sems can dmyal ba nyam nga ba mang ba zhes bya ba mthong ngo / /der sems can dag las gang gis skye bar 'gyur snyam na de dag gang gis srog gcod pa dang / ma byin par len pa dang / 'dod pas log par g.yem pa kun du bsten cing bsgoms la mang du byas pas 'gyur ba mthong ste/ srog gcod pa dang / ma byin par len pa ni snga ma bzhin no/ /'dod pas log par g.yem pa ni skyes pa gang zhig skyes pa la 'jug par byed na/ de lus dang bral nas ngan 'gro log par ltung ba'i sems can dmyal ba nyam</font><hr>63.163b<br><font size=+1>

nga ba mang bar skye bar 'gyur ro/ /byas la bsags pa'i las kyi mthus der gnod pa 'di 'byung bar 'gyur te/ 'di lta ste/ skyes pa de nyid sems can dmyal ba der mthong ste/ skra rab tu 'bar zhing lus thams cad rab tu 'bar la lus rdo rje ltar sra ba des 'dzin pa ni ji ltar bye ma chang ba nas gtor ba de ltar yan lag dang nying lag thams cad gnod pa byed do/ /de mi dge ba'i las kyis shi nas yang 'tsho bar 'gyur te/ de skyes pa rab tu 'bar ba des 'jigs shing zhum par byed do/ /des ngam grog de dag mthong ste/ de'i nang du lhung ngo / /de nam mkha' la gnas pa dang / ji ltar de yungs 'bru tsam du yang mi snang ba de ltar khwa mchu rab tu 'bar ba dag 'ongs nas dum bur gcod do/ /de yang byung bar gyur nas sa la lhung ba dang der wa kha rab tu 'bar ba dag 'ongs nas za bar byed do/ /gal te de'i rus pa dag zad par btogs na yang skye bar 'gyur te/ de byung ba dang / gshin rje'i mi dag gis lcags kyi rdza ma rab tu 'bar ba dag gi nang du 'tshed do/ /de ltar ji srid du mi dge ba'i las byas shing bsags pa bcom zhing spangs la zad par ma byas pa de srid du lo 'bum phrag du mar 'tshed cing za la phye mar rlog go /de phyis sems can dmyal ba nyam nga ba mang ba de las thar bar 'gyur te/ thar nas kyang de gal te lan grangs gzhan la myong bar 'gyur ba'i las kyis yi dgas dang / dud 'gro dag tu ma skyes la mi rnams dang skal ba mnyam par mir skyes na/ 'dod pas log pas log par g.yem pa'i rgyu 'thun pa'i 'bras bus de'i chung ma du ma chud za zhing chung ma gcig kyang mi 'grub la kun mi gzhan gyi drung du 'gro bar 'gyur ro/ /de nas gzhan yang dge slong des sems can dmyal ba chen po bsdus gzhom gyi 'khor la rtog par byed de sems can dmyal ba chen</font><hr>63.164a<br><font size=+1>

po bsdus gzhom gyi 'khor gzhan gang zhig yin snyam mo/ /de thos pa las byung ba'i shes pas sems can dmyal ba gnod pa mi bzad pa zhes bya ba mthong ngo / /der sems can dag las gang gis skye bar 'gyur snyam nas des brtags na/ gang gis srog gcod pa dang / ma byin par len pa dang / 'dod pas log par g.yem pa kun du bsten cing bsgoms te mang du byas pas 'gyur la de la srog gcod pa dang / ma byin par len pa ni snga ma bzhin no/ /'dod pas log par g.yem pa ni sde'i tshogs gzhan gyi bud med thob nas skyes pa mang po dag la byin zhing bdag nyid kyang mngal lam mngal ma yin par 'jug na de lus dang bral nas ngan 'gro log par ltung ba sems can dmyal ba gnod pa mi bzad par skye bar 'gyur ro/ /der gnod pa 'di dag 'byung bar 'gyur te/ 'di lta ste/ gshin rje'i mi rnams kyis rkang pa gyen du shing khar btags shing de gyen du btags pa la mes sreg ste/ gang gis de'i kha la sogs pa lus thams cad sreg cing de'i tshe de'i mig shin du sdug gu byung zhing skyes pa dag mes sreg go /de ltar na sems can dmyal ba de'i tshor ba drag pa tsha ba rtsub pa bzod par dka' ba yin no/ /de tshor ba des nyam thag pa na 'bod cing ngu skad 'byin la ngu zhing khro'o/ /sems can dmyal ba de skad 'byin pa de'i khar me bcug ste/ kha'i nang du me bcug pas glo ba dang / mcher ba dang / pho ba dang / long ka dang / 'doms dang / gzhang bsregs pa nas rkang pa'i bar du bsregs so/ /de sreg pa na yang nyam thag pa'i tshor ba myong bar 'gyur ba'i khwa de dag 'ongs nas de'i lus la za bar byed do/ /de tshor ba gnyis kyis zhen nas sreg cing ngu ste/ de ltar sreg pa na ji srid du de'i sdig pa'i las bcom</font><hr>63.164b<br><font size=+1>

zhing spangs la zad par ma byas pa de srid du de 'di ltar lo 'bum phrag du mar sems can dmyal ba de'i tshor ba drag cing tsha la mi bzad pa gzhan dang mtshungs pa med pa lo 'bum phrag du mar myong bar 'gyur ro/ /de sems can dmyal ba de las thar par 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas dang dud 'gro dag tu ma skyes la mi rnams dang skal ba mnyam par mir skyes na las de'i mthus de'i chung ma mchog tu dga' zhing mchog tu blta na sdug pa yang sde'i tshogs gzhan dag gis phrogs pa dang / de 'o dod 'bod cing ngu la mya ngan byed do/ /'dod pas log par g.yem pa'i rgyu 'thun pa'i 'bras bus chung ma de'i phyir 'jig rten 'di dang pha rol du yang 'o dod 'bod cing ngu bar byed la yongs su gdung bar byed do/ /de nas gzhan yang dge slong des sems can dmyal ba chen po bsdus gzhom gyi 'khor la rtog par byed de las gang gis sems can dmyal ba a tsa zer bar skye bar 'gyur snyam nas de thos pa las byung ba'i shes pas brtags na/ sngon tshul bzhin ma yin pa yid la byed pas bud med gzhan ma rnyed nas lug ma mo 'am/ bong mo la 'jug par byed cing mchod rten nam/ mchod rten gyi phyogs sam/ sangs rgyas la gus pa tsam yang byed pa med pa de lus dang bral nas ngan 'gro log par lhung ba sems can dmyal ba a tsa zer bar skya bar 'gyur ro/ /der gnod pa 'di dag 'byung bar 'gyur te/ 'di lta ste/ lcags kyi grog sbur tshor ba chen po bskyed pa dag gis yan lag dang nying lag thams cad la za bar byed do/ /sems can dmyal ba de dag gi lto yang mes gang bar 'gyur te/ rang gi las kyi rnam par smin pa drag cing mi bzad pas lo 'bum phrag du mar phyi nang sreg cing za'o/ /</font><hr>63.165a<br><font size=+1>

srin bu a tsa zer zhes bya bar yang skye bar 'gyur te/ gang sems can dmyal ba'i mi de dag gi sha la za'o/ /sha zos nas khrag 'thung ngo / /khrag 'thung nas rgyus pa gcod do/ /rgyus pa bcad nas rus pa 'cha'/ rkang 'jib cing rgyu ma dang / gnye ma dag la za bar byed do/ /de sreg cing 'tshed la za ba na/ 'o dod 'bod cing ngu la cho nges 'debs shing snying rje rje skad du smre sngags 'don to/ /ji srid du rnam par smin pa'i 'bras bu nye bar ma spyad kyi bar du de'i nyes par spyad pa'i las drag cing mi 'dod la mi sdug cing yid du mi 'ong bar 'gyur te/ ji srid du de'i sdig pa'i las bcom zhing spangs la zad par ma byas pa de srid du de lo 'bum phrag du mar sreg cing 'tshed la za bar byed do/ /de phyis sems can dmyal ba de las thar bar 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas dang dud 'gro dag tu ma skyes la mi rnams dang skal ba mnyam par mir skyes na/ mi de'i las kyi rgyu 'thun pa'i 'bras bu'i rgyus de la 'gran zla mang zhing / rgyal po'i pho brang 'khor du de'i 'grub pa med par 'gyur/ dbul zhing nor rdzas thams cad nyams par 'gyur la tshe thung bar 'gyur ro/ /de nas gzhan yang dge slong de sems can dmyal ba chen po bsdus gzhom gyi 'khor la rtog par byed de/ las kyi rnam par smin pa byas la bsags pa las kyi nyer bsdogs dang / las kyi mjug gang gis sems can dmyal ba kyi hud zer bar skye bar 'gyur snyam nas des thos pa las byung ba'i shes pas brtags na/ srog gcod pa dang / ma byin par len pa dang / 'dod pas log par g.yem pa kun du bsten cing bsgoms te mang du byas pa ni/ de lus dang bral nas ngan 'gro log par ltung ba sems can dmyal ba kyi hud zer bar skye bar</font><hr>63.165b<br><font size=+1>

'gyur ro/ /der las kyi rnam par smin pa gang gis skye bar 'gyur snyam na/ de la srog gcod pa dang / ma byin par len pa ni snga ma bzhin no/ /'dod pas log par g.yem pa ni gang kla klo dag tu skye bar 'gyur te/ de skye ba'i ris 'thun pa'i skyon gyis de gal te sring mo 'am/ gzhan 'os pa ma yin pa de lta bu dag la spyod par byed na de lus dang bral nas ngan 'gro log par ltung ba sems can dmyal ba kyi hud zer bar skye bar 'gyur ro/ /der gnod pa 'di dag 'byung bar 'gyur te/ 'di lta ste/ sems can dmyal ba der sems can dmyal ba pa dag sreg cing 'tshed la gshin rje'i mi rnams kyis gsod pa na/ gang gis dpag tshad lngar gang ba'i sgra de lta bu 'byin to/ /srid pa bar ma la gnas pa'i sems can dmyal ba des gzhi de las snying rje zhing 'jigs par thos pa las kyi dbang gis mi mthun pa log par thos te/ de'i ngu ba glu dbyangs snyan pa'i sgra lta bu dang / pheg rdob par thos so/ /de de ltar lta ba na bdag kyang 'gro'o snyam du sems so/ /sems bskyed ma thag tu srid pa nye bar len pa'i rkyen las byung bas der skye bar 'gyur ro/ /gang dang gang du srid pa bar ma pa'i nye bar len par byed pa de dang der skye bar 'gyur te/ nye bar len pa de byas pas der skyes so/ /lhan cig skyes ma thag tu sems can dmyal ba'i sdug bsngal 'byung bar 'gyur te/ sgra de dag sems can dmyal ba pa dag gi ngo bo nyid du thos te/ tshor ba mi bzad cing drag la tsha ba gzhan dang mtshungs pa med cing dpe zla med pa dag myong ba na sgra de nyis 'gyur gyis snying la 'bigs par byed do/ /gnod pa 'di dag kyang 'byung bar 'gyur te/ 'di lta ste/ lcags kyi ri rab tu 'bar ba khwa spungs pa zhes bya ba yod de/ de dpag tshad stong lnga brgyar 'bar la ring khyad gnam la thug pa zhig yod do/ /</font><hr>63.166a<br><font size=+1>

de la lcags kyi shing ljon pa dang / lcags kyi khwa rab tu 'bar ba dag gis gang ste/ ri de thams cad kyang rab tu 'bar ba me lce gcig tu gyur cing kun nas de'i las kyis byas pa'i mes rgyun mi 'chad par rab tu 'bar ba na/ nyes par byas pa'i las kyis ri de pad ma'i tshal gyis khebs par mthong zhing pad ma'i 'dab ma de dag 'od 'phro bar mthong nas de dag gcig la gcig bos te/ grogs po dag tshur shog tshur shog /ri tshal grib bsil ba can du 'dong / tshal sdug pa dag nye bar bsten par bya'o zhes smra'o/ /de nas sems can dmyal ba pa de dag la gshin rje'i mi rnams kyis rdo'i char dag gis rdeg pa na/ skyob pa 'dod pa/ skyabs 'dod pa/ mgon 'dod pa dag ri ga la ba der de dag rgyug go/ /ji ltar ri de la de ltar 'dzegs pa dang ri de yang 'bar ba'i phreng bas 'khrugs shing kun nas rab tu 'bar la khwa rab tu 'bar ba mchu shin du rno ba rnams kyis sems can dmyal ba shin du gang ba de dag mthong nas rgyug cing sems can dmyal ba de dag la za bar byed de/ kha cig ni glad pa dang glad rgyas la 'thog /kha cig ni mig la/ kha cig ni sna la/ kha cig ni 'gram pa'i lpags pa la/ kha cig ni rked pa'i ngos la/ kha cig ni lce la/ kha cig ni mgrin pa la/ kha cig ni mgrin pa'i lpags pa la/ kha cig ni mid pa la/ kha cig ni snying la/ kha cig ni glo ba la/ kha cig ni mtsher pa la/ kha cig ni rgyu ma la/ kha cig ni gnye ma sbom po la/ kha cig ni lto ba'i lpags pa la/ kha cig ni rna ba'i rus pa la/ kha cig ni brla la/ kha cig ni brla'i sbubs la/ kha cig ni rkang pa'i rting pa la/ kha cig ni rting pa'i lpags pa la/ kha cig ni rkang mthil la kha cig ni gzhang la kha cig ni rkang pa'i sor mo la 'thog go/ /rnam par</font><hr>63.166b<br><font size=+1>

phye nas za bar byed de/ kha cig ni mdun gyi ngos la/ kha cig ni glo la/ kha cig ni glo'i lpags pa la/ kha cig ni lag pa'i rgyab kyi rus pa la/ kha cig ni yan lag dang nying lag thams cad dang rkang yod pa'i sems can dmyal ba de dag so so so sor phye nas khwa de rnams kyis za bar byed do/ /yang las kyi dbang gis skye bar 'gyur te/ skyes nas kyang gshin rje'i mis 'jigs shing khwas 'jigs la skyob par 'dod pa/ skyabs 'dod pa dag ri khwa spungs pa ga la ba der rgyug go/ /de dag gang gi tshe las kyis byas pa'i mes 'bar ba'i phreng ba'i ri spungs pa de la 'dzeg pa na/ 'bar ba'i phreng bas lus yongs su dkris pa de dag ri de la lo 'bum phrag du mar sreg par 'gyur ro/ /ji srid du de'i sdig pa'i las bcom zhing spangs la zad par ma byas shing ji srid du de'i srog gcod pa dang / ma byin par len pa dang / 'dod pas log par g.yem pa/ kun nas bslang ba la kun du bsten cing bsgoms te mang du byas pa'i las bcom zhing spangs la zad par ma byas pa de srid du lo 'bum phrag du mar de'i las drag cing tsha ba byas la bsags pa'i mthus gang dag khwas spungs pa'i ri de'i rtse mo la yang gang gis byung ba dag 'dzeg par byed de/ de dag la 'bar ba de dag gis dpag tshad stong lnga brgyar gyen du bteg bteg ste/ phye ma leb bzhin du sreg par byed kyang cig car 'chi ba'i dus ni mi byed do/ /gang gi tshe de bcom zhing spangs la zad par byas pa de'i tshe/ sems can dmyal ba de las thar par 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas dang dud 'gro dag tu ma skyes la mi rnams dang skal ba mnyam par mir skyes na/ de'i las byas la bsags pa'i rgyu 'thun pa'i 'bras bus de'i yan lag dang nying lag thams cad las dri rul pa 'byung zhing mdze 'am de la sha bkra 'byung bar 'gyur/ 'gran zla mang zhing phal che la</font><hr>63.167a<br><font size=+1>

dbul ba dang / yul ngan par skye bar 'gyur ro/ /de nas gzhan yang dge slong des sems can dmyal ba chen po bsdus gzhom gyi 'khor la brtags na/ des thos pa las byung ba'i shes pas 'khor gzhan mchi ma'i rgyun me lta bu zhes bya ba yod par mthong ngo / /der sems can las kyi rnam par smin pa gang gis skye bar 'gyur snyam nas/ des thos pa las byung ba'i shes pas brtags na/ gang gis srog gcod pa dang / ma byin par len pa dang / 'dod pas log par g.yem pa kun du bsten cing bsgoms te mang du byas pas 'gyur te/ de la srog gcod pa dang / ma byin par len pa ni snga ma bzhin no/ /'dod pas log par g.yem pa ni dge slong ma tshul khrims ral cing spyod pa ngan pa la sngar gzhan gang zhig gis lhan cig mi tshangs par spyad pa byas la/ phyis gzhan zhig de dang lhan cig byed na/ de lus dang bral nas ngan 'gro log par ltung ba sems can dmyal ba mchi ma'i rgyun me lta bur skye bar 'gyur ro/ /der gnod pa 'di dag 'byung bar 'gyur te/ 'di lta ste/ tsha ba rtsub pa mi 'dod pa'i las kyi rnam pa de lta bu byas par 'gyur te/ gang gis kun nas rab tu 'bar ba'i mes sreg pa na/ mchi ma gang 'byung ba de dag me'i mchi mar 'byung ste/ de dag gis lus de dag sreg cing sems can dmyal ba de dag la gnod pa'i rnam pa de lta bus nyen par 'gyur ro/ /de yang gnod pa gzhan dag myong bar 'gyur te/ mig gi nang du seng ldeng gi mdag mas kun du 'gengs shing gshin rje'i mi rnams kyis rus pa rdung so sor 'byed la smyig ma lta bur 'bud cing sems can dmyal ba so sor 'jigs pa la/ lcags kyi phur bu dang gtun shing dang mda' bo che rnams kyis sems can dmyal ba de dag gi lus gcod cing 'bigs la dum bur rlog go/ /phra skam rab tu 'bar bas</font><hr>63.167b<br><font size=+1>

gzhang gdangs pa'i nang du zha nye bskol bas kun du bkang ste/ de'i nang zha nye bskol bas rab tu sreg la/ phyi rol me shin du 'bar bas rab tu sreg go/ /de gnyi gas sreg pa na tshor ba shin du tsha zhing mi bzad pa rnam pa du ma myong bar 'gyur ro// //'phags pa dam pa'i chos dran pa nye bar gzhag pa/  bam po brgyad pa/ 'dir tshigs su bcad pa/ dmyal ba'i sdig pa'i las kyis su/ /zha nye dag gis nang blugs shing / /me 'bar ba yis phyi rol du/ /sreg pa shin du sdug bsngal yin/ /gang dag sdug bsngal las 'bras skyes/ /tsha ba 'byung ba skye ba ni/ /khams gsum dag tu de yi dpe/ /bya bar sla ba ma yin no/ /rnam gsum 'bras bu gsum skyes pa/ /khams gsum dag tu skye ba ni/ /sems gsum las bslang nyes gsum skyes/ /gnas gsum dag tu smin par 'gyur/ /rgyu dang rkyen ni tshogs pa yis/ /kun bslang so so de nyid dag /de yi las kyi rnam smin ni/ /khams gsum dag na snang ba yin/ /ji lta ji ltar sems 'byung ba/ /de lta de ltar yongs 'gyur te/ /dge ba yis ni dge byed cing / /sdig pa yis ni sdig pa byed/ /las ni sems dang 'brel pa ste/ /srid pa las dang 'brel pa yin/ /sems dang las kyis kun bslang ba/ /'di ni 'khor bar yongs su bsgrags/ /sred pa gang gis bslus pa yis/ /sdang ba'i sems dang ldan pa'i las/ /'dir ni mi dag de byed de/ /de ni sems can dmyal bar 'tshed/ /gzhan gyis byas pa'i sdig pa ni/ /gzhan la yongs su smin myi 'gyur/ /srog chags kun gyis bdag nyid kyi/ /las kyi 'bras bu dag la spyod/ /khyod cag rang gi sems kyis su/ /'di dag thams cad bslus pa yin/ /me yis yongs su gdungs pa yis/ /ngu skad don med ci zhig 'byin/ /de ltar sems can dmyal ba de dag la gshin rje'i mi de dag</font><hr>63.168a<br><font size=+1>

gis rang gi las dag rang nyid kyis ma myong bar grol ba med do zhes rjes su bstan te/ de ltar las dang 'bras bur 'brel pa ni de thams cad srid pa bar mar dmigs so/ /de ltar rjes su ston pa na ji srid du de'i sdig pa'i las byas shing bsags pa bcom zhing spangs la zad par ma byas pa de srid du sems can dmyal ba de dag la gshin rje'i mi de rnams kyis lo 'bum phrag du mar sreg cing 'tshed do/ /phyis sems can dmyal ba de las thar bar 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas dang / dud 'gro dag tu ma skyes la mi rnams dang skal ba mnyam par mir skyes na/ las byas la bsags pa'i rgyu 'thun pa'i 'bras bu'i mthus skran can du 'gyur zhing skem po 'am/ byad ngan pa 'am/ sgo ba 'am/ lus tshal shing bsregs pa lta bur 'gyur ro/ /de nas gzhan yang dge slong las kyi 'bras bu rnam par smin pa shes pa des sems can dmyal ba chen po bsdus gzhom gyi 'khor la brtags na/ des thos pa las byung ba'i shes pas sems can dmyal ba dbang po thams cad kun du 'gags pa zhes bya ba ji ltar 'dug par mthong ngo / /der sems can dag las gang gis skye bar 'gyur snyam nas des brtags na gang gis srog gcod pa dang / ma byin par len pa dang / 'dod pas log par g.yem pa kun du bsten cing bsgoms te/ mang du byas par gyur pa de dag sems can dmyal bar skye bar 'gyur ro/ /de la srog gcod pa dang / ma byin par len pa'i rnam par smin pa ni sngar bshad pa bzhin no/ /'dod pas log par g.yem pa kun du bsten cing bsgoms te mang du byas pa rnam pa dur 'gyur snyam na shin du 'dod chags bdo ba gang gis bud med kyi skye gnas ma yin pa kha 'am/ rkub tu lan cig 'dod pas log</font><hr>63.168b<br><font size=+1>

par kun du bsten na/ de lus dang bral nas ngan 'gro log par ltung ba sems can dmyal ba dbang po thams cad kun du 'gags pa zhes bya bar skye bar 'gyur ro/ /der gnod pa 'di dag 'byung bar 'gyur te/ 'di lta ste/ khar me'i khams kyis gang bar bkang zhing lcags kyi snod kyi nang du zangs dmar po bzhus pa blugs nas brdzang bas brdzangs la/ 'og nas kyang srog chags mar ko ta ka'i mchu rab tu 'bar bas za'o/ /me 'bar ba'i phreng ba bcu gcig gis bskor ba'i dbus gdungs shing sreg ste/ yang sos shing yang sreg go/ /grog sbur rab tu 'bar ba dag gis ni mig za la zha nyes ni rna ba gang / ral gris ni sna bcad/ spu gris ni lce bcad/ spu gri'i char gyis ni lus gshegs te dbang po thams cad sdug bsngal chen po myong ba ni sems can dmyal ba pa'i rnam par smin pa bde ba med cing / sdug bsngal 'byung ba mi bzad la tsha ba gzhan dang mtshungs pa med cing dpe zla med pa de'i phyogs 'ga' zhig brjod na/ 'di lta ste/ ji ltar nyi ma'i 'od las mar me'i 'od de bas chung ba de ltar sems can dmyal ba pa'i sdug bsngal rjes su dpag par bya zhing lha rnams kyi bde ba dpe zla med pa bzhin du sems can dmyal ba pa rnams kyi sems can dmyal ba pa'i sdug bsngal yang dpe zla med do/ /de ci'i phyir zhe na/ lha'i 'jig rten dang / sems can dmyal ba'i bde ba dang / sdug bsngal ni gzhan dang mtshungs pa med de/ 'di ni phyogs 'ga' zhig brjod pa yin no/ /ji srid du de'i sdig pa'i las byas shing bsags pa byang zhing zhi la spangs shing zad par ma byas pa de srid du der tshor ba mi bzad cing tsha la drag pa dag myong bar 'gyur ro/ /de sems can dmyal ba de las thar bar 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas dang / dud 'gro dag tu ma skyes la/ </font><hr>63.169a<br><font size=+1>

mi rnams dang skal ba mnyam par mir skyes na de'i las byas shing bsags pa'i rgyu 'thun pa'i 'bras bu'i mthus/ de'i chung ma sdom pa med par 'gyur la/ chung ma des kyang de ltar chom rkun pa dag gnyer nas gsod par byed/ de bzhin du rgyal po'i pho brang 'khor du g.yo thabs sbyar nas gsod par byed/ de bzhin du dug gis gsod par byed cing de gnyid log pa dang / mtshon gyis gsod par byed de/ byas shing bsags pa'i las kyi rnam par smin pa ma myong bar thar pa med do/ /de nas gzhan yang dge slong des sems can dmyal ba chen po bsdus gzhom gyi 'khor la rtog par byed de/ des thos pa las byung ba'i shes pas sems can dmyal ba tshor ba mtha' med ces bya ba mthong ngo / /der sems can dag las gang gis skye bar 'gyur snyam nas des brtags na srog gcod pa dang / ma byin par len pa'i 'bras bu ni ji skad bshad pa bzhin no/ /gang shin du 'dod chags kyi sems kyis bud med 'os ma yin pa rjes su dran nas lag pas 'dod pas log par g.yem pa byas na de lus dang bral nas ngan 'gro log par ltung ba sems can dmyal ba tshor ba mtha' med par skye bar 'gyur ro/ /der gnod pa 'di dag 'byung bar 'gyur te/ byas shing bsags pa'i las kyis tshor ba shas che bar 'gyur ba ni 'di lta ste/ me'i tshor ba dang / mtshon gyi tshor ba dang / ba tshwa'i tshor ba dang / nad kyi tshor ba ste/ tshor ba de dag gting dpag dka' zhing mtha' dpag dka' la mtha' yas pa yin te/ ji skad bshad pa'i tshor ba de dag ni dpe bya bar sla ba ma yin no/ /de ltar sems can dmyal ba pa dag der rang gi sems kyis yongs su bslus pa yin te/ ji srid du de'i nyes par byas pa'i las bcom zhing spangs la zad par ma byas pa'i bar du lo 'bum phrag du mar sreg cing 'tshed do/ /de sems can dmyal ba</font><hr>63.169b<br><font size=+1>

de las thar bar 'gyur te/ thar nas kyang gal te lan grangs gzhan la myong bar 'gyur ba'i las yi dgas dang dud 'gro dag tu ma skyes la mi rnams dang skal ba mnyam par mir skyes na/ de dbul por 'gyur zhing ri brags dang / dgon pa dang / 'jigs pa dang / ri brags pa dag gi g.yog bran du 'gyur/ nad rnams kyis rtag tu na bar 'gyur ro/ /de nas gzhan yang dge slong des sems can dmyal ba chen po bsdus gzhom gyi 'khor la brtags na/ des thos pa las byung ba'i shes pas sems can dmyal ba chen po pad ma ltar gas pa zhes bya ba mthong ngo / /der sems can dag las gang gis skye bar 'gyur snyam na/ de gang gis ma byin par len pa dang / 'dod pas log par g.yem pa byas la bsags pas de sems can dmyal ba pad ma ltar gas par skye bar mthong ngo / /de la srog gcod pa dang / ma byin par len pa ni snga ma bzhin no/ /'dod pas log par g.yem pa ni dge sbyong du dam bcas pa gang zhig sngon gyi 'dod pa dag la sems gtong zhing ro myong bar byed la yid la byed/ tshul bzhin ma yin pa yid la byed pa'i ro myang bar byas pas mtshan mo nyal ba na de'i rmi lam du bud med de nyid dang lhan cig 'khrig par byed do/ /sad nas kyang mi tshangs par spyod pa rmi lam du rmis pa de nyid kyi ro myong bar byed cing yang yid la byed/ rjes su yi rang zhing gzhan dag la yang yon tan 'dzin la de dang lhan cig goms par byed/ mang du byed cing de dang de nyid la dga' bar byed na/ lus dang bral nas ngan 'gro log par ltung ba sems can dmyal ba pad ma ltar gas par skye bar 'gyur ro/ /der gnod pa 'di dag 'byung bar 'gyur te/ 'di lta ste/ ji ltar pad ma'i mdog nyid du gyur pa de ltar de'i snang ba kun du dmar po nyid du gyur te/ der sems can dmyal ba de dag bum pa dag gi nang du 'tshed cing lcags kyi bre bo'i nang du lcags kyi gtun shing rnams kyis</font><hr>63.170a<br><font size=+1>

'tshog go /de dag las thar nas mtsho chen po'i nang na pad ma sngon po skyes pa de rgyang ring po nas mthong nas de nas sems can dmyal ba pa skyabs 'dod pa mgon 'dod pa/ bkres pa dang skom pas yongs su gdungs pa'i lus can dag gnod pa de dag las thar nas bdag cag gis bde ba thob par bya'o zhes der dong ngo / /de nas brgya 'am stong yod pa de dag pad ma ga la ba der dong ngo / /der dong ba dang lam du phur bu btsugs pa dag gis rkang pa la zug go /rkang pa nyams pa de khas bub du lhung ngo / /khas bub du lhung ba de dag la phur bu rnams kyis zug go/ /gal te phyis gan du 'gyel na de dag gi rgyab la phur bu de rnams kyis zug cing 'bigs par byed do/ /gal te glos 'gyel na phur bu de rnams kyis de dag gi glo yang 'bigs par byed do/ /gal te 'dug na de'i 'og nas 'dzug go/ /de dag sreg cing 'tshed pa na gcig la gcig skad 'byin te/ skom pa dang bkres pas shin du gdungs pa'i lus can dag gcig la gcig skad 'byin cing ngu'o/ /mya ngan byed cing smre sngags 'don pa'i yid du gyur pa de dag thams cad pad ma de la lta zhing 'khod pa ni rgyab nas gshin rje'i mi rnams kyis ral gri dang / dgra sta dang / mda' bo che dang / mdung thung rnams kyis 'debs te/ de ltar sems can dmyal ba pa mgon 'dod pa/ skyabs 'dod pa/ bsil ba 'dod pa dag thabs 'ga' zhig gis pad ma de'i drung du phyin te/ de la 'dzegs pa dang / pad ma de yang seng ldeng gi me'i mdag ma lta bus gang zhing / rdo rje ltar sra ba'i lo ma rnams la de dag 'dzeg ste/ de yang kha zhum par 'gyur ro/ /de ltar las kyi mtha' nyes par spyad pa dang / nyes par byas pa'i las kyis ji srid du de'i sdig pa'i las byas shing bsags pa bcom zhing spangs la zad par ma byas pa de srid du las kyi dbang gis de dag</font><hr>63.170b<br><font size=+1>

sems can dmyal ba pad ma ltar gas pa der lo brgya phrag du ma 'am/ lo stong phrag du ma 'am/ lo bye ba phrag du mar bskol cing 'tshed kyang de dag dus las 'da' bar mi byed do/ /phyi nas thar bar 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas dang / dud 'gro dag tu ma skyes la mi rnams dang skal ba mnyam par mir skyes na de'i las byas shing bsags pa dag gis mthus de mig yon du 'gyur/ tshul khrims 'chal cing dbul la tshe thung bar 'gyur ro/ /de nas gzhan yang dge slong des sems can dmyal ba chen po bsdus gzhom gyi 'khor la brtags na/ des sems can dmyal ba pad ma chen po ltar gas pa zhes bya ba mthong ngo / /der sems can dag las gang gis skye bar 'gyur snyam na de dag gis srog gcod pa dang / ma byin par len pa dang / 'dod pas log par g.yem pa kun du bsten cing bsgoms te/ mang du byas pas de sems can dmyal ba pa pad ma chen po ltar gas par skye bar 'gyur ba mthong ngo / /de la srog gcod pa dang / ma byin par len pa ni snga ma bzhin no/ /'dod pas log par g.yem pa ni dge sbyong dge sbyong du dam bcas pa gang zhig tshul khrims ral la lud bong ltar spyod pa/ mya ngan las 'das par 'gro ba la smod pa ni 'di ltar tshangs par spyad pa spyod de 'dir bdag lha 'am lha gzhan zhig tu 'gyur bar bya snyam ste/ bdag lha'i 'jig rten der lha mos yongs su bskor bar gyur cig snyam ste/ de ltar tshangs par spyad pa de tshangs par spyod pa log par yongs su bsngo'o/ /de sred pa la spyod pa yin te/ de 'khor ba'i rgyur spyod cing sred pa'i rgyur spyod la de sdig pa spyod pa yin/ de na ba dang / rga ba dang / 'chi ba dang / mya ngan dang / smre sngags 'don</font><hr>63.171a<br><font size=+1>

pa dang / sdug bsngal ba dang / yid mi bde ba dang / 'khrug pa la sogs pa dag las yongs su thar bar mi 'gyur ro/ /shi ste lus dang bral nas kyang ngan 'gro log par lhung ba sems can dmyal ba pad ma chen po ltar gas par skye bar 'gyur ro/ /der gnod pa 'di dag 'byung bar 'gyur te/ 'di lta ste/ ba tshwa'i chu bo'i rlabs shes bya ba gang du ba tshwas gang bar ma gyur pa ni/ de na khab kyi bu ga tsam yang med pa/ zheng du dpag tshad lnga yod la/ chur dpag tshad brgya yod par 'jug go /sems can dmyal ba'i chu bo der de dag zhugs pa dang / tshor ba shin du tsha ba/ shin du rtsub pa/ shin du bzod par dka' ba dag myong ste/ de'i rus pa gang yin pa de dag rdor gyur/ skra gang yin pa de dag ni nya lci bas su gyur/ sha gang yin pa de dag ni 'dam du gyur/ ro nye bskol ba gang yin pa de dag ni chur gyur/ sems can dmyal ba gang yin pa de dag ni nyar gyur te/ chu bo des khas bub tu ded cing bskol to/ /'gram dag tu chags na khwa mchu rab tu 'bar ba rnams kyis za'o/ /gal te mgon 'dod pa/ skyabs 'dod pa dag chu bo de las thar nas 'bros pa na gshin rje'i mi rnams kyis lcags kyi mdung rab tu 'bar ba dag gis btab nas chu bo'i rlabs de nyid kyi nang du 'jug par byed do/ /de ltar de dag steng du byung ba na/ rkang pa 'tshed par byed la/ brla'i sbubs dang / rgyab kyi sha dag 'tshed par byed/ mgul pa'i sha yang chad par 'gyur/ rus pa yang bskol bar 'gyur/ mgo'i sha chad cing mgo'i thod pa yang chad par 'gyur te/ de ltar sems can dmyal ba pa de dag ji lta ji ltar chu bo der 'jug cing ji lta ji ltar zhugs pa de dag de lta de ltar lo 'bum phrag du mar sreg cing bskol la 'tshed do/ /yang sems can dmyal ba de dag nyon mongs pa'i chu bo de las thar nas mtsho</font><hr>63.171b<br><font size=+1>

dang me tog dang / pad ma sngon po yod par mthong ste/ mgon 'dod pa/ skyabs 'dod pa/ bde ba 'dod pa dag de'i drung du 'gro bar 'dod de de'i drung du dong ngo / /pad ma'i tshal de dag kyang lcags kyi pad ma yin/ de dag gi reg pa ni spu gri lta bu yin la sems can dmyal ba pa gang dag gis lus de la reg pa de dag ni gsheg par byed cing gcod par byed la za bar byed cing rdung bar byed do/ /de ltar gshin rje'i mi rnams kyis mngon par gtses pa dag pad ma'i tshal de dag la 'dzeg par byed de/ pad ma de dag gi nang me mdag gis rab tu gang ba yin la/ steng gi lo ma lcags las byas pa dag gis 'chums par byed de/ de'i nang du lan du mar sems can dmyal ba pa las byas pa de dag skye bar 'gyur te/ me mdag des lan 'bum phrag du mar sreg go/ /khwa dag gis sems can dmyal ba pa de dag gi mig za bar byed cing lce gcod par byed/ rna ba 'bigs par byed/ lus rnam par zad par byed do/ /de ltar rang gi las kyi 'bras bu la spyod pa'i sems can dmyal ba pa de dag ji srid du de'i sdig pa'i las bcom zhing spangs la zad par ma byas pa de srid du sems can dmyal ba chen po pad ma chen po ltar gas pa der 'tshed par byed do/ /de nas sems can dmyal ba de las thar bar 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas dang dud 'gro dag tu ma skyes la/ mi rnams dang skal ba mnyam par mir skyes na/ las de dang rgyu 'thun pa'i 'bras bus dmu rdzing can du 'gyur zhing / rtag tu bkres pa dang skom pas gdungs la/ khro bar yang 'gyur ba mthong ngo / /de nas gzhan yang dge slong des sems can dmyal ba chen po bsdus gzhom gyi 'khor la brtags na/ des thos pa las byung ba'i shes pas sems can dmyal ba me thab ces bya ba mthong ngo / /der sems can dag las gang gis skye bar 'gyur</font><hr>63.172a<br><font size=+1>

snyam nas des brtags na/ gang gis srog gcod pa dang / ma byin par len pa ni snga ma bzhin no/ /'dod pas log par g.yem pa ni dge sbyong dge sbyong du dam bcas pa des sngon gyi khyim na gnas pa'i bud med dag dang lhan cig tu rgod cing rtses pa dag de'i tshe de tshul bzhin ma yin pa yid la byed pas dran zhing yang dang yang du dran pa nyid du byed/ de la chags shing yongs su rtog par byed/ de 'dod chags de nyid la yang dang yang du sems par byed cing dge ba'i chos la sems par mi byed la chos dang 'thun pa'i chos mi sgrub/ sdug bsngal ba dang / kun 'byung ba dang / 'gog pa'i chos rjes su sems par mi byed cing rjes su mi slob la rjes su mi sgrub/ der las su rung bar mi byed cing sangs rgyas dang / chos dang / dge 'dun rjes su dran par mi byed 'chi ba rjes su dran par mi byed cing / 'khor ba la yid 'byung bar mi byed la/ kha na ma tho ba rdul tsam la yang 'jigs par mi lta/ gnas mal dang na ba'i gsos sman gyi rkyen mang po 'chang bar byed cing gnas mal dang / na ba'i gsos sman gyi rkyen mang po 'os pa ma yin pa'i gnas mal dang na ba'i gsos sman gyi rkyen rab tu mang po de dag des 'chang bar byed de/ rnam pa de lta bu byas pa ni de lus dang bral nas ngan 'gro log par ltung ba sems can dmyal ba me thab tu skye bar 'gyur ro/ /me thab kyi sems can dmyal ba de 'bar rab tu 'bar/ kun tu rab tu 'bar zhing / me lce gcig tu gyur par sreg ste/ der 'bar/ rab tu 'bar/ kun tu rab tu 'bar zhing me lce gcig tu ma gyur pa ni skra'i rtse mo tsam yang med do/ /der sems can dmyal ba pa de dag shing ljon pa lta bur rab tu 'bar te/ de 'bar rab tu 'bar/ kun du rab tu 'bar zhing me lce gcig tu gyur pa der skad 'byin to/ /de ltar skad 'byin pa na khar mes bkang ngo / /de tshor</font><hr>63.172b<br><font size=+1>

bas nyam thag pa dang yang de skad 'byin to/ /de'i rna bar me 'bar ba 'jug ste/ bcug nas skad 'byin cing ngu la smre sngags 'don to/ /de'i rna bar yang me 'bar ba 'jug cing de'i lus kyang kun nas rab tu 'bar bar 'gyur te/ de yang shin du 'khrugs shing skad 'byin la smre sngags 'don to/ /gal te tshul khrims dang mi ldan par gyur pa zhig pha rol gyi bsod snyoms zos la de'i lce lcags rab tu 'bar ba'i glegs mas sreg go/ /gal te tshul khrims can tshul bzhin ma yin pa yid la byed pas bud med dag mthong na de'i mig sreg par 'gyur ro/ /gang shin du chags pa'i sems kyis bud med gzhan dag dgod cing glu dbyangs len la sgra 'byin pa dag thos na de'i rna ba ro nye rab tu bskol bas 'gengs par 'gyur ro/ /tshul khrims 'chal pa 'os par 'gyur ba ma yin pa gang gis dge 'dun rnams kyi bdug spos yongs su bzung bas sna bcad cing sreg par 'gyur te/ de ltar tshul khrims 'chal pa de'i dbang po lnga car la sbyar te/ sems can dmyal bar las dang mtshungs pa'i chad pa drag po rab tu 'byung ngo / /las kyi mtha' nyes par spyad pa byas pa de ni ji srid du de'i sdig pa'i las bcom zhing spangs la zad par ma byas pa de srid du sems can dmyal ba kun nas me lce 'bar ba'i phreng bas 'khrugs pa'i sems can dmyal ba me thab der sreg cing 'tshed do/ /de de las thar nas gal te lan grangs gzhan la myong bar 'gyur ba'i las kyis yi dgas dang dud 'gro dag tu ma skyes la mi rnams dang skal ba mnyam par mir skyes na de'i sdig pa'i las de dang rgyu 'thun pa'i 'bras bus de byad lag ngan cing long ba dang / zha zhing dbul bar 'gyur la dar la bab pa nyid kyi tshe 'chi bar 'gyur ro/ /de nas gzhan yang dge slong las kyi 'bras bu rnam par smin pa shes pa des sems can dmyal ba chen po bsdus gzhom gyi 'khor</font><hr>63.173a<br><font size=+1>

la brtags na des thos pa las byung ba'i shes pas 'khor gzhan lcags kyi phye ma me mdag gi ra ba zhes bya ba yod pa mthong ngo / /der sems can dag las kyi rnam par smin pa gang gis skye bar 'gyur snyam nas des thos pa las byung ba'i shes pas brtags na gang gis srog gcod pa dang / ma byin par len pa ni snga ma bzhin no/ /dge sbyong dge sbyong du dam bcas pa gang gis mi'i gar dang glu dbyangs dang rgyan dag gi sgra thos nas tshul bzhin ma yin pa yid la byed pa g.yengs pa'i blos dgod pa dang / bsgegs pa dang / rtses pa de thos nas khu ba byung la byung nas kyang ro myong bar byed cing sogs na/ de lus dang bral nas ngan 'gro log par ltung ba sems can dmyal ba lcags kyi me mdag tu skye bar 'gyur ro/ /der gnod pa 'di dag 'byung bar 'gyur te/ 'di lta ste/ sems can dmyal ba pa de lcags kyi ra ba gru bzhi pas bskor ba dpag tshad lnga brgya yod pa de'i nang du sems can dmyal ba pa rang gi las kyis sreg cing der me'i char dang lcags kyi char rgyun mi 'chad par 'bab bo/ /der sems can dmyal ba pa dag lcags kyi char pas yan lag dang nying lag thams cad phye mar rlog la/ me mdag gi char pas gdungs shing sreg go /der char pa gnyis kyis nyam thag pa dag gnod pa de dag myong bar 'gyur te/ ji ltar sems can dmyal ba pa'i myong ba de dag gi gnod pa gang yin pa de ni dpe bya bar sla ba ma yin no/ /ji srid du de'i sdig pa'i las bcom zhing spangs la zad par ma byas pa de srid du dus las 'da' bar mi byed de/ rtsub cing mi bzad pa tsha ba 'jig rten thams cad 'jigs par byed cing mi 'dod la mi sdug cing yid du mi 'ong ba'i las byas pa'i tshor ba de lta bu myong bar 'gyur ro/ /de phyis de las yongs su thar bar 'gyur te/ gal te lan grangs</font><hr>63.173b<br><font size=+1>

gzhan la myong bar 'gyur ba'i las kyis yi dgas dang dud 'gro dag tu ma skyes la de mi rnams dang skal ba mnyam par mir skyes na las de dang rgyu 'thun pa'i 'bras bus de rtag tu chu bo chen po'i mnyan par 'gyur/ rtag tu 'jigs pa dang / nad bu can du 'gyur/ glang po che'i sos 'tsho zhing de rtag tu 'chi bas nyen par 'gyur ro/ /de nas gzhan yang dge slong des sems can dmyal ba chen po bsdus gzhom gyi 'khor la brtags na/ de 'khor gzhan gcig pa bcu bdun pa ma mthong la/ sems can dmyal ba chen po bsdus gzhom gyi 'khor gyi nyen kor bcu drug pa las kyi chos kyi rnam par smin pa yod pa mthong ngo / /de sems can rnams kyi las dang 'brel pa las kyi 'bras bu rnam par smin pa rnam pa sna tshogs dag mthong nas 'khor ba la yid byung ngo / /yang dge slong de ji ltar sems can dmyal ba chen po gsum gyi 'khor gyi las kyi 'bras bu'i de kho na nyid rig cing de las kyi 'bras bu rnam par smin pa dag 'dzin par byed la/ de lta zhing dmigs par byed de/ srid pa dag la yid byung ba thob cing bdud kyi yul gyi dngos po la mi 'dod pa rnal 'byor spyod pa nang gi chos la chos kyi rjes su lta zhing gnas so/ /de ltar brtson pa'i dge slong de sa bla'i gnod sbyin dag gis mthong nas/ bar snang la spyod pa'i gnod sbyin rnams la bsnyad do/ /de dag gis kyang rgyal po bzhi la bsnyad pa nas/ de ltar snga ma bzhin du sbyar te/ tshad med 'od kyi bar gyi lha rnams la bsnyad do/ /snga ma bzhin du sbyar te/ 'dzam bu'i gling du rigs kyi bu grong khyer che ge mo zhig ces bya ba nas skra dang kha spu bregs/ gos ngur smrig bgos te/ dad pas khyim nas khyim med par rab tu byung nas/ de sa gzhan dgu pa'i bar la zhugs pa de tshad med 'od kyi lha</font><hr>63.174a<br><font size=+1>

dag gis thos nas dga' bar gyur to/ /kye lha dag bdud kyi phyogs ni dma' bar 'gyur zhing dam pa'i chos kyi phyogs ni mtho bar 'gyur ba bdag cag dga'o zhe'o/ /de nas gzhan yang dge slong des sems can dmyal ba gsum mthong nas sems can dmyal ba bzhi pa ngu 'bod ces bya ba la rtog par byed do/ /der sems can dag las gang gis skye bar 'gyur snyam nas/ des thos pa las byung ba'i shes pas srog gcod pa dang / ma byin par len pa dang / 'dod pas log par g.yem pa dang / chang 'thung ba bzhi kun du bsten cing bsgoms te mang du byas pa dag gi las dang / nyer bsdogs dang / mjug byas shing bsags pa dag gis lus dang bral nas ngan 'gro sems can dmyal ba chen po ngu 'bod du skye bar 'gyur ba mthong ngo / /de la srog gcod pa dang / ma byin par len pa dang / 'dod pas log par g.yem pa'i 'bras bu rnam par smin pa ni sngar bshad pa bzhin no/ /chang dang sbyar ba'i chang kun du bsten cing bsgoms te mang du byas pa ni sems can dmyal ba ngu 'bod du skye bar 'gyur ro/ /gang gis khyim gyi gnas nas byung ste/ sdom pa blangs/ bsam gtan gyi bde sems sbyangs shing zhi ba'i dge slong gi dge 'dun dag gi 'khor du chang brims te ra ro bar byas na de lus dang bral nas ngan 'gro log par ltung ba sems can dmyal bar rab tu gdung ba chen pos byas pa'i tshor ba myong bar 'gyur ro/ /der gnod pa 'di dag 'byung bar 'gyur te/ 'di lta ste/ phra skam gyis kha gdangs pa'i nang du/ zangs dmar po bskol ba rab tu 'bar ba ldugs so/ /de 'thung ba ni de'i tshe sngar mchu sreg go/ /mchu bsregs nas rkan sreg go/ /rkan bsregs nas lce sreg go/ /lce bsregs nas mid pa sreg go/ /</font><hr>63.174b<br><font size=+1>

de bzhin du ol gong / de bzhin du gnye ma dang rgyu ma/ de bzhin du pho ba dang long ka bsregs nas ro smad du 'byung bar 'gyur la/ de ltar chang 'thung ba de ni mi dge ba myong bar 'gyur te/ de 'o dod 'bod cing ngu 'khrug cing smre sngags 'don to/ /de shin du 'khrug pa na gshin rje'i mi dag gis rjes su bstan pa tshigs su bcad de smras pa/ sdig pa dag ni byed pa na/ /'bras bu tsha ba shes par gyis/ /rmongs pa gang zhig bdag mi shes/ /phyi nas de ni yongs gdung 'gyur/ /ji ltar blo gros ngan pa dag /sdig pa dag gis las byas pa/ /ma ngu de ltar la gor spyod/ /smre sngags don med ci zhig 'don/ /sdig pa'i las kyi 'bras bu ni/ /mi ni kun gyis thob par 'gyur/ /gal te bdag nyid bde 'dod na/ /de ltar sdig pa bsten mi bya/ /dmyal ba drag po chen po ba/ /de dag las kyang sdig pa'i sems/ /thar kyang gti mug dbang song ba/ /yang dang yang du sdig pa byed/ /'di yis dmyal bar mi 'gro zhes/ /sdig pa la ni yid ma rton/ /me chung bas ni ri dang tshal/ /ljon par bcas pa sreg pa bzhin/ /rmongs pa sdig pa byed 'dod pa/ /gnod pa 'byung la 'dod mi byed/ /sdig pa'i rjes su 'bras bu 'jug /rgyu dang rkyen las byung ba mthong / /chos ni ci phyir bsten mi bya/ /sdig pa 'ang ci phyir rnam mi spong / /sdig pa spangs pa'i mi dag ni/ /sems can dmyal ba nyid mi mthong / /bdag gi sdig las 'bras bu dag /rmongs pa gang dag mi shes pas/ /de yis nyes pa 'di thob ste/ /blo ngan khyod ni de dag spyod/ /sdig pas sems can dmyal bar 'gro/ /sdig pas yongs su sreg 'gyur te/ /sdig pas mya ngan 'das mi 'thob/ /sdig pa lta bu'i dgra gzhan med/ /sdig pas sngon ni bslus pa dag /sdig pas yongs su sreg 'gyur te/ /sdig pa dag ni mi byed pa/ /</font><hr>63.175a<br><font size=+1>

de yi mdun du 'gro mi 'gyur/ /lam 'di zhi ba gtso bo ste/ /gang dag sred dbang mi gnas pa'o/ /sred pa spangs pa'i mi dag ni/ /mya ngan 'das dang nye bar gnas/ /sdig pa dag ni byed ldan zhing / /dge ba rnams kyang mi byed pa/ /sdig pas sreg 'gyur de lta bas/ /sdig pa yid la ma byed cig /sdig pa spyod pa'i mi dag ni/ /nams kyang bde ba mi 'thob bo/ /de ltar gal te bdag nyid kyis/ /bde 'dod chos la rtag tu sten/ /gang dag sdig pa sten byed pa/ /sdug bsngal de las sdug bsngal med/ /de lta bas na sdig mi bsten/ /gal te sdug bsngal dag gis skyo/ /legs pas legs pa'i don bya'o/ /legs la sdig pa'i bya ba dka'/ /sdig la sdig pa'i bya ba sla/ /'phags la sdig pa'i bya ba dka'o/ /de ltar gshin rje'i mi de rnams kyis sems can dmyal ba pa de dag la yang dang yang du bshad/ yang dang yang du bsgo zhing gnod pa rnam pa sna tshogs pa dag byed de/ 'di lta ste/ ri rab tu 'bar la kun du 'bar zhing mkhregs pa gnyis shugs kyis rgyug ste/ phan tshun 'dus pa de gnyis kyi bar du sems can dmyal ba pa de dag 'jug ste/ 'di lta ste/ ri de gnyis kyis 'thag pa ni ji ltar mngon pa med par de ltar shin du 'thag go/ /yang 'byung bar 'gyur te/ byung nas kyang yang ri de gnyis kyi dbus su bcug nas 'thag go/ /de'i sdig pa'i las zad par ma gyur gyi bar du lo 'bum phrag du ma'i bar du byung zhing 'thag go/ /de sems can dmyal ba'i phyogs de nas thar nas skyabs 'dod pa/ mgon 'dod pa/ dpung gnyen 'dod pa dag gzhan du rgyug pa dang / de dag gshin rje'i mi gzhan rnams dang phrad nas lcags kyi rdza ma'i nang du kha bub du bcug go/ /ji srid du de'i sdig pa'i las bcom zhing spangs la zad par ma gyur pa de srid du de dag</font><hr>63.175b<br><font size=+1>

der kha bub tu lo 'bum snyed du sreg par 'gyur ro/ /skyabs 'dod pa/ mgon 'dod pa/ bde ba 'dod pa de dag rdza mar btso ba de dag las thar nas gar bab bab tu 'bros so/ /ji srid du de'i sdig pa'i las bcom zhing spangs par ma gyur pa de srid du lo 'bum phrag du mar de dag gi mdun du lcags kyi khwa rab tu 'bar ba de dag gis bzung nas de dag gi yan lag dang yan lag /gnad dang gnad/ tshigs dang tshigs su brgya 'am stong du za'o/ /skyabs 'dod pa/ mgon 'dod pa/ dpung gnyen 'dod pa de dag de las thar nas kyang gar bab bab tu 'bros so/ /bkres pa dang / skom pas gdungs pa de dag mtsho'i chu rab tu dang ba zhig rgyang ring po nas mthong ste/ de dag der brgyugs pa dang / de dag kyang ro nye rab tu bskol bas gang ba yin te/ der khrus bya ba'i phyir 'jug go/ /gang gi tshe zhugs par gyur pa dang / sa phyogs de dag las kyis byas pa'i chu srin rnams kyis bzung nas khas bub tu drangs te/ ji srid du de'i sdig pa'i las bcom zhing spangs la zad par ma byas pa de srid du lo 'bum phrag du mar de dag ro nye de'i nang du skol lo/ /phyis las kyis byas pa'i chu srin de dag las thar par 'gyur te/ thar nas kyang tshor bas nyen pa skyabs 'dod pa/ mgon 'dod pa/ dpung gnyen 'dod pa dag gar bab bab tu 'bros so/ /gal te mdun na 'khod pa'i gshin rje'i mi rnams kyis mthong na de dag der 'dzin te/ bzung nas kyang mdung rtse rab tu 'bar ba dag gis 'bigs par byed do/ /de dag la mdung rtse de dag bar 'ga' rgyab tu phyung nas 'byung / bar 'ga' glor phug nas 'byung / bar 'ga' mgrin par phug nas 'byung ste/ sems can dmyal ba pa tshor bas nyen pa de dag gi sgra de sems can dmyal ba pa gzhan dag gis phyogs de nas glu dbyangs kyi sgrar thos so/ /de yang ngu ba'i sgra yin na las kyi dbang gis snyan par thos te/ skyabs 'dod pa/ mgon 'dod pa/ </font><hr>63.176a<br><font size=+1>

dpung gnyen 'dod pa de dag gnas der 'gro'o/ /ji srid du de'i sdig pa'i las byas shing bsags pa bcom zhing spangs la zad par ma byas pa de srid du lo 'bum phrag du mar de dag gshin rje'i mi de dag gis bzung nas mda' bo che dang mdung rab tu 'bar ba dag gis 'bigs par byed do/ /de dag de las thar bar 'gyur te/ thar nas kyang skyabs 'dod pa/ mgon 'dod pa dag gar bab bab tu 'bros so/ /de dag gis rgyang mi ring ba na grong dang khyim phun sum tshogs pa dang / chu bo dang lteng ka phun sum tshogs pa mthong ste/ de yi phyogs su de dag rgyug cing de dag grong de'i nang du 'jug go/ /grong de thams cad kyang rab tu bskol ba 'bar ba yin la/ nang na yang srog chags mar ko ta ka kha rdo rje lta bu la mche ba rno ba rnams kyis shin du gang ba yin te/ de dag gang gi tshe grong de'i nang du zhugs par gyur pa dang / khyim de'i sgo gcod par gyur te/ de dag der srog chags mar ko ta ka kha mche ba rno la rab tu 'bar ba rnams kyis ji srid du de'i sdig pa'i las bcom zhing spangs la zad par ma byas pa de srid du lo 'bum phrag du mar za bar byed do/ /gnod pa rgya mtsho lta bur gyur pa de las thar nas/ gal te lan grangs gzhan la myong bar 'gyur ba'i las kyis yi dgas dang / dud 'gro dag tu ma skyes la/ mi rnams dang skal ba mnyam par mir skyes na/ chang btung ba ldud pa gang yin pa de'i nyes par byas pa'i las kyi rgyu 'thun pa des/ de sems 'khrul bar 'gyur zhing dbul ba dang / lam po che dang bzhi mdo'i tshong pa dang / byis pa thams cad kyi bzhad gad par gyur cing bzhin gyi mdog ngan pa dang / so 'ba' shig snang ba dang / rkang pa shin du rdol ba dang / lus rtag tu bkres pa dang skom pas gdungs pa dang / bu dang chung ma dang pha dang ma dang gnyen bshes rnams kyis btang bar 'gyur ro/ /gang chang de sdom pa blangs pa dag gis 'thungs na de dag sems can</font><hr>63.176b<br><font size=+1>

dmyal ba chen po ngu 'bod du rnam par smin pa myong bar 'gyur bar rig par bya'o/ /de nas gzhan yang dge slong las kyi 'bras bu rnam par smin pa shes pa des sems can dmyal ba chen po ngu 'bod kyi 'khor la brtags na des 'khor sgra chen po zhes bya ba mthong ngo / /der sems can dag las gang gis skye bar 'gyur/ snyam nas des brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba kun du bsten cing bsgoms te mang du byas par 'gyur ro/ /de la srog gcod pa dang / ma byin par len pa dang / 'dod pas log par g.yem pa ni snga ma bzhin no/ /chang 'thung ba ni gang gis gso sbyong ba rnams la chang blud na des ni lus dang bral nas ngan 'gro log par ltung ba sems can dmyal ba sgra chen por skye bar 'gyur ro/ /der gnod pa 'di dag 'byung bar 'gyur te/ 'di lta ste/ ro nye rab tu bzhus pas thog ma nyid du khar ldugs so/ /ji ltar de dag gis gso sbyong ba rnams la blud pa de ltar lcags kyi phor pa rab tu 'bar ba'i nang nas ldud pa na/ ji ltar sems can dmyal ba gzhan dag na med pa snying rje ba'i sgra de lta bu 'byung bar 'gyur ro/ /de ltar snying rje ba'i sgra kun du 'byin pa na gang sgra 'byung ba des nam mkha' de thams cad shin du gang bar 'gyur ro/ /las kyi dbang gis sems can dmyal ba pa de rnams de ltar khro ba na khro ba de gshin rje'i mi rnams kyis thos nas kyang nyis 'gyur gyis khro bar byed do/ /de ltar chang btung ba'i 'thung ba de ma legs pa thams cad byed pa yin te/ sems mnyam par bzhag pas dge ba'i tshogs 'dzin par gyur pa'i sems de chang gis rnam par 'khrug par byed do/ /rnam par 'khrugs pa'i sems des ni bya ba dang bya ba ma yin pa so so'i ngo mi shes so/ /des na mi dge ba'i tshogs thams cad slong bar 'gyur ro/ /gang chang btung</font><hr>63.177a<br><font size=+1>

ba ldud pa ni de'i rgyu mi dge bar 'gyur te/ rgyu ji ltar byas pa de ltar 'bras bu nyes pa dang bcas par 'gyur la de gnod pa des shin du rno ba dang shin du yun ring bar gnod pa du ma 'byung ngo / /ji srid du de'i sdig pa'i las bcom zhing spangs la zad par ma byas pa de srid du/ sems can de dag sems can dmyal ba sgra chen po der gnod pa chen po'i sgra 'byin pa du ma dag 'byung bar 'gyur te/ des na sems can dmyal ba de sgra chen po zhes bya'o/ /de dag phyis thar bar 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas dang dud 'gro dag tu ma skyes la de mi rnams dang skal ba mnyam par gal te mir skyes na/ rgyu dang 'thun pa'i 'bras bus de yid mi gzhungs par 'gyur zhing de dus thung ngus kyang brjed par 'gyur/ de'i yid gzhungs pa chung bas longs spyod med par 'gyur zhing skye bo yang dga' bar mi 'gyur/ de'i nor de dag med par 'gyur zhing nad chung ngus kyang 'chi bar 'gyur ro/ /de nas gzhan yang dge slong las kyi 'bras bu rnam par smin pa shes pa des sems can dmyal ba chen po ngu 'bod kyi 'khor la brtags na des kye ma sems can dmyal ba ngu 'bod kyi 'khor bcu drug mthong ste/ 'di lta ste/ sgra chen po dang / thams cad sgra 'byin pa dang / skra me 'bar dang / me'i phye ma srin bu dang / lcags kyi me 'bar ba'i gtun shing dang / rdo me 'bar ba char ltar 'bab pa dang / gsod med dang / lcags tshal dgon pa dang / rab rib kun bsags dang / gshin rje'i mtshams kyi dgon pa dang / shing shal ma la'i tshal chen dang / chu shing bsregs pa dud pa'i tshal dang / me mdag dud pa'i tshal dang / glog gi na bun tshal dang / kun</font><hr>63.177b<br><font size=+1>

du rtog byed de/ de dag ni sems can dmyal ba chen po ngu 'bod kyi 'khor bcu drug yin no/ /der las kyi rnam par smin pa gang gis skye bar 'gyur snyam nas dge slong des brtags na/ sems can dmyal ba sgra chen po'i 'khor mthong nas 'khor gnyis pa thams cad sgra 'byin la rtog par byed do/ /des brtags na srog gcod pa dang / ma byin par len pa dang / 'dod pas log par g.yem pa ni snga ma bzhin no/ /chang 'thung ba ni gang gis kun du bsten cing bsgoms te mang du byas pa dang / dang po sdom pa blangs ma thag la chang blud na de lus dang bral nas ngan 'gro log par ltung ba sems can dmyal ba thams cad sgra 'byin du skye bar 'gyur ro/ /der gnod pa 'di dag 'byung bar 'gyur te/ ji lta ji ltar sems can dmyal ba pa rnams lcags kyi gtun shing gis rdeg pa nas de lta de ltar sgra chen po 'byin te/ des sems can dmyal ba'i 'khor de dag thams cad gang bar 'gyur ro/ /gal te khor yug dang / khor yug chen po'i ri dag dang / chu bo'i 'khor dag med na/ sgra des 'dzam bu'i gling la sogs pa mi'i gnas bzhi po der thams cad du 'byung bar 'gyur ro/ /de'i ngud mo'i sgra 'byin pa des ji srid du de'i sdig pa'i las bcom zhing spangs la zad par ma byas pa de srid du snying rje zhing de srid du ro med pa yin te/ de dag rang gi las dang 'thun par sems can dmyal ba pa de dag gis de srid du ngu ba'i sgra 'byin to/ /de dag phyis sems can dmyal ba de las thar bar 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas dang / dud 'gro dag tu ma skyes la/ mi rnams dang skal ba mnyam par mir skyes na chu dkon pa'i yul dang 'brog tu skye bar 'gyur te/ srog gcod pa dang / ma byin par len pa dang / 'dod pas log par g.yem pa'i 'bras bu ni snga ma bzhin no/ /</font><hr>63.178a<br><font size=+1>

de nas gzhan yang dge slong las kyi 'bras bu rnam par smin pa shes pa des/ sems can dmyal ba ngu 'bod kyi 'khor la brtags na/ des thos pa las byung ba'i shes pas 'khor skra me 'bar ba zhes bya ba mthong ste/ /der sems can dmyal ba pa dag las kyi rnam par smin pa gang gis skye bar 'gyur snyam nas des brtags na/ gang gis srog gcod pa dang / ma byin par len pa dang / 'dod pas log par g.yem pa kun du bsten cing bsgoms te mang du byas pa ni snga ma bzhin no/ /dge bsnyen bslab pa'i gzhi lnga yod pa la chang 'thung ba yon tan yin par bslab pa'i gzhi 'dzin du bcug na/ de lus dang bral nas ngan 'gro log par ltung ba sems can dmyal ba skra me 'bar bar skye bar 'gyur ro/ /der me'i char rab tu 'bar ba gang yin pa des sems can dmyal ba pa dag gi skra la sogs pa nas rkang pa'i bar dag tu sreg cing 'tshed la rab tu 'bar ro/ /sems can dmyal ba pa de dag gi rkang pa dag la ni khyi dang / glad pa la ni bya rgod mchu rab tu 'bar ba dang / dbus su ni wa dag gis za ste/ de ltar rang gi mi dge ba'i las byas pas sreg cing za'o/ /nyon mongs pa de dag ngu bzhin du/ gshin rje'i mi rnams la 'di skad ces smras so/ /bdag cag snying rje'i gnas su gyur/ /khyod la snying rje med dam ci/ /khyod la zhi ba med dam ci/ /bdag la khyed cag snying mi rje/ /de dag gis de skad smras pa dang / gshin rje'i mi dag gis slar smras pa/ /ji ltar khyed cag gti mug gis/ /bsgribs pa'i sdig las mang po byas/ /mi bzad pa yis khyed cag bdas/ /de ni nged kyi rgyu ma yin/ /rmongs pas tshul khrims ma bsrungs shing / /sdig pa mang po bsags pa byas/ /sdig pa mang po bsags pa yi/ /'bras bu de ni nye bar gnas/ /de la bdag cag rgyu med de/ /'di ni khyed cag nyid kyi rgyu/ /gang dag sdig pa'i las byed pa/ /de ni las de'i rgyu yin no/ /sred</font><hr>63.178b<br><font size=+1>

pa'i zhags pas bslus pa yi/ /khyed kyis sdig pa gang byas pa/ /de ni khyed la drag tu 'tshed/ /nged la ci zhig smra bar byed/ /sdig pa rgyu med ma yin te/ /sdig ma byas la rnam mi smin/ /gang gis sdig pa gang byas pa/ /de la de ni yongs su smin/ /chang ni dug gi mchog yin te/ /chang 'thung ba la bsten mi bya/ /chang 'thung ba la bsten pa ni/ /dge ba'i chos rnams nyams par 'gyur/ /gang gis rtag tu chang bsten pa/ /de yi blo ni mi brtan zhing / /blo yo ba la chos med de/ /de lta bas na chang spongs shig /nyams byed nang na nyams mchog ni/ /chang zhes mkhas pa rnams kyis bshad/ /mi las nyams pas nyams byed pa/ /de lta bas na chang mi bsten/ /chang 'thung ba la sten byed pa/ /mi sdug sdig pa'i chos yin te/ /de lta bas na dug lta bu'i/ /chang 'thung ba ni rnam par spongs/ /chang 'thung ba la gnas pa'i skyon/ /nor zad ngan par rjod byed cing / /le lo shin du skyed byed pas/ /de lta bas na de spongs shig /chang gis 'dod chags skyed byed cing / /de bzhin khro dang gti mug dag /yang dang yang du skyed byed pas/ /de lta bas na chang spongs shig /de ltar ji srid du de'i sdig pa'i las bcom zhing spangs la zad par ma byas pa de srid du rang gi las kyi 'bras bu la spyod pa'i sems can dmyal ba pa dag sems can dmyal ba skra me 'bar bar 'tshed do/ /de dag sems can dmyal ba de las thar bar 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas dang dud 'gro dag tu ma skyes la/ mi rnams dang skal ba mnyam par mir skyes na/ de dang rgyu 'thun pa'i 'bras bus gang du rnam pa thams cad du chang med pa'i yul de lta bur skye bar 'gyur zhing gzugs dang ro mngon par shes par mi 'gyur ro/ /de nas gzhan yang dge slong las kyi rnam par smin pa shes pa des sems can dmyal ba ngu 'bod kyi 'khor la rtog par byed de/ sems can dmyal ba chen po ngu 'bod </font><hr>63.179a<br><font size=+1>

kyi 'khor gzhan gang zhig yod snyam mo/ /des thos pa las byung ba'i shes pas sems can dmyal ba me'i phye ma srin bu zhes bya ba mthong ngo / /der sems can dag las kyi rnam par smin pa gang gis skye bar 'gyur snyam nas des brtags na/ gang gis srog gcod pa dang / ma byin par len pa dang / 'dod pas log par g.yem pa kun du bsten cing bsgoms te mang du byas pa ni snga ma bzhin no/ /chang 'tshong ba ni chu mang bar byed la rin thang gzhan yin na gzhan du 'tshong ste/ de la skyon kha na ma tho ba brdzun dang / ma byin par len pa dang / chang 'thung ba de dag byung ngo / /de lus dang bral nas ngan 'gro log par ltung ba sems can dmyal ba me'i phye ma srin bur skye bar 'gyur ro/ /der gnod pa 'di dag 'byung bar 'gyur te/ 'di lta ste/ nad bzhi brgya rtsa bzhi 'byung ste/ rlung las gyur pa brgya rtsa gcig dang / mkhris pa las gyur pa brgya rtsa gcig dang / bad kan las gyur pa brgya rtsa gcig dang / 'dus pa las gyur pa brgya rtsa gcig ste/ sems can dmyal ba pa dag dang 'thun par 'byung ngo / /gang nad gcig gis nyi ma gcig tu 'dzam bu'i gling dang / byang gi sgra mi snyan dang / nub kyi ba lang spyod dang / shar gyi lus 'phags kyi mi de dag kun ma lus par 'chi bar byed pa'i nad kyi rnam pa de lta bu dag sems can dmyal ba pa de dag la 'byung bar 'gyur ro/ /gnod pa gzhan dag yang dang yang du 'byung ste/ 'di lta ste/ sems can dmyal ba pa rang gi lus de dag la smin pa 'byung bar 'gyur te/ gang lpags pa dang / khrag dang / sha dang / tshil dang / rus pa dang / rkang dag la phug cing phug cing 'thung ngo / /de ltar mgon med pa/ gshin rje'i mis 'jigs shing ngu skad 'byin pa na me'i gnod pa rnam pa du ma 'byung ste/ ji srid du de'i sdig pa'i las bcom zhing spangs la zad par ma byas pa de srid du me des sreg cing 'tshed la rab tu 'bar bar byed do/ /de dag</font><hr>63.179b<br><font size=+1>

sems can dmyal ba de las thar bar 'gyur te/ gal te lan grangs gzhan la myong bar 'gyur ba'i las kyis yi dgas dang / dud 'gro dag tu ma skyes la/ mi rnams dang skal ba mnyam par mir skyes na/ de chang gi nyo tshong gi rgyu 'thun pa'i 'bras bus sdug bsngal ba dang dbul bar 'gyur ro/ /de nas gzhan yang dge slong las kyi 'bras bu rnam par smin pa shes pa des sems can dmyal ba ngu 'bod kyi 'khor la brtags na sems can dmyal ba lcags kyi me 'bar ba'i gtun shing zhes bya ba mthong ngo / /der sems can dag las gang gis skye bar 'gyur snyam nas des brtags na/ gang gis srog gcod pa dang / ma byin par len pa dang / 'dod pas log par g.yem pa kun du bsten cing bsgoms te mang du byas pa ni sems can dmyal ba lcags kyi me 'bar ba'i gtun shing du skye bar 'gyur te/ snga ma bzhin no/ /seng ge dang / stag dang / gzig dang / ri skegs dang / shang shang te'u dag chang gis brid de nyams par byas la bzung nas bsad pa gang yin pa de ni der skye bar 'gyur ro/ /der gnod pa 'di dag 'byung bar 'gyur te/ 'di lta ste/ lcags kyi gtun shing rab tu 'bar ba dag 'byung ngo / /las kyis byas pa'i gtun shing rnams kyis yan lag dang nying lag thams cad phye mar rlog cing gsod de ji ltar bye ma'i tshad tsam du de ltar yan lag dang nying lag thams cad phye mar rlog go/ /tshor ba des nyam thag pa dag 'o dod 'bod ngu skad 'byin/ smre sngags 'don cing phan tshun du rgyug ste/ brgyugs pa dang / gtun shing rab tu 'bar ba rnams kyis kun du 'tshog go/ /ji srid du de'i sdig pa'i las byas shing bsags pa bcom zhing spangs la zad par ma byas pa de srid du tshor bas nyen pa'i sems can de dag gshin rje'i mi rnams kyis bzung nas spu gri dag gis yan lag dang nying lag thams cad 'jog cing gsheg la 'dral lo/ /de phyis sems can dmyal ba</font><hr>63.180a<br><font size=+1>

de las thar bar 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas dang / dud 'gro dag tu ma skyes la mi rnams dang skal ba mnyam par mir skyes na/ las de dang rgyu 'thun pas dreg can du 'gyur/ las de dang rgyu 'thun pas dbul bar 'gyur zhing sman pa dang / sman sbyor ba dang bral ba'i yul ngan pa dang / rtswa dang / mya ngan dang / mes tshig pas 'jig pa mang ba'i yul ngan pa dag tu skye bar 'gyur ro// //'phags pa dam pa'i chos dran pa nye bar gzhag pa/  bam po dgu pa/ de nas gzhan yang dge slong las kyi 'bras bu rnam par smin pa shes pa des sems can dmyal ba chen po ngu 'bod kyi 'khor la brtags na/ des thos pa las byung ba'i shes pas 'khor rdo me 'bar ba char ltar 'bab pa zhes bya ba mthong ngo / /der sems can dmyal ba dag las gang gis skye bar 'gyur snyam nas des brtags na/ gang gis srog gcod pa dang / ma byin par len pa dang / 'dod pas log par g.yem pa kun tu bsten cing bsgoms te mang du byas pa ni sems can dmyal ba rdo me 'bar ba char ltar 'bab par skye bar 'gyur ro/ /chang ni g.yul 'gyed pa'i don du ji ltar glang po che chen pos g.yul du mi mang po gsod par 'gyur te/ de las bdag cag rgyal bar 'gyur bar bya'o snyam nas glang po che dag la chang blud de/ mi bsad na de dag las de'i rnam par smin pas sems can dmyal ba rdo me 'bar ba char ltar 'bab par skye bar 'gyur ro/ /der gnod pa 'di dag 'byung bar 'gyur te/ 'di lta ste/ sems can dmyal ba der las las skyes pa me rab tu 'bar ba'i glang po che srog thams cad 'phrog par byed pa 'byung ste/ des mi de bzung nas yan lag dang nying lag thams cad phug cing phye mar rlog par byed 'phen par byed cing rnam par 'tshe bar byed/ rnam par 'khrug par byed cing yan lag dang nying lag so sor 'byed par byed</font><hr>63.180b<br><font size=+1>

do/ /de nas de thar bar 'gyur te/ phyi nas de gshin rje'i mi rnams kyis gzung ngo / /bzung nas zangs dmar po rab tu bskol ba'i nang du bcug ste/ ji srid du de'i sdig pa'i las bcom zhing spangs la zad par ma byas kyi bar du de lo 'bum phrag du mar sreg cing 'tshed la gsod par byed do/ /de sems can dmyal ba de las thar bar 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas dang / dud 'gro dag tu ma skyes la mi rnams dang skal ba mnyam par mir skyes na/ las de dang rgyu 'thun pa'i 'bras bus des glang po che bsad par bshams kyang glang po che des gsod par 'gyur/ dbul zhing byad bzhin ngan la rkang pa dang lag pa bong bu'i rkang pa ltar 'gyur zhing lus rtag tu rtsub par 'gyur ba mthong ngo / /de nas gzhan yang dge slong las kyi 'bras bu rnam par smin pa shes pa des sems can dmyal ba chen po ngu 'bod kyi 'khor la brtags na/ des thos pa las byung ba'i shes pas sems can dmyal ba 'chi med ces bya ba mthong ngo / /der mi dag las gang gis skye bar 'gyur snyam nas des brtags na/ gang gis srog gcod pa dang / ma byin par len pa dang / 'dod pas log par g.yem pa kun du bsten cing bsgoms te mang du byas pa ni snga ma bzhin no/ /chang ni bud med gzhan 'os pa ma yin pa la blud de blud nas kyang myos pas 'khrul par byas la/ de dang lhan cig tu mi tshangs par spyad na de lus dang bral nas ngan 'gro log par ltung ba sems can dmyal ba 'chi med du skye bar 'gyur ro/ /der gnod pa 'di dag 'byung bar 'gyur te/ 'di lta ste/ khyi rab tu 'bar ba dag gis rlig pa 'byin par byed do/ /phyung zhing bton nas kyang yang shin du 'jam zhing sdug pa skye bar 'gyur ro/ /yang 'byin par byed de/ gnod pa don gyis byed pas ngu skad 'byin par byed do/ /de ltar de dag de las</font><hr>63.181a<br><font size=+1>

thar nas gar bab bab tu 'bros so/ /de dag bros pa'i mdun na ngam grog chen po de la bya rog dang / bya rgod dang / 'ug pa dang / bya d+ha mi ka lcags kyi mchu dang sen mo rab tu 'bar ba rnams kyis gang ba mthong ngo / /ngam grog de las sems can dmyal ba 'khams te bzhin gyur pa mgon 'dod pa/ skyabs 'dod pa de dag rab tu lhung ngo / /de nas bya rog dang / bya rgod dang / 'ug pa mchu dang sen mo rab tu 'bar ba rnams kyis yan lag dang nying lag so sor phye ste za'o/ /ji srid du de'i sdig pa'i las bcom zhing spangs la zad par ma byas pa de srid du lo 'bum phrag du mar yang skye bar 'gyur ro/ /de dag sems can dmyal ba de las thar par 'gyur te/ thar nas kyang lan grangs gzhan la myong bar 'gyur ba'i las kyis yi dgas dang / dud 'gro dag tu ma skyes la mi rnams dang skal ba mnyam par mir skyes na snga ma bzhin du sbyar te/ las de'i rgyu dang 'thun pa'i 'bras bus rgyal pos bzung zhing lus mdog ngan pa dang / bzhin mdog ngan par gyur cing de nyid du 'chi ba'i dus byed par 'gyur ba mthong ngo / /de nas gzhan yang dge slong las kyi 'bras bu rnam par smin pa shes pa des sems can dmyal ba chen po ngu 'bod kyi 'khor la brtags na/ gang gis srog gcod pa dang / ma byin par len pa dang / 'dod pas log par g.yem pa kun du bsten cing bsgoms te mang du byas pa snga ma bzhin du des mthong ngo / /chang ni dug dang sbyar nas dgra gsad par bya ba'i phyir blud na de lus dang bral nas ngan 'gro log par lhung ba 'khor lcags tshal dgon par skye bar 'gyur ro/ /'di lta ste/ lcags kyi 'khor lo 'khor ba rab tu 'bar ba der sems can dmyal ba pa de dag lcags kyi thag pas bcings nas lcags kyi 'khor los skor bar byed do/ /skor ba na dgra gshin rje'i mi rnams kyis yan lag dang nying lag thams cad la mtshon cha</font><hr>63.181b<br><font size=+1>

dag gis 'debs par byed de/ ji ltar yungs 'bru tsam du sems can dmyal ba pa de dag gi las kyis sha de dag la lhag ma ma lus par byed kyang de'i las nyes par byas pa'i rnam par smin pas dus las 'da' bar ni mi byed do/ /gal te de dag las zad nas 'khor lo 'khor ba de las thar nas gar bab bab tu 'bros pa dang / de dag las kyis byas pa'i lcags kyi sbrul rnams kyis bzung bar 'gyur te/ ji srid du de'i sdig pa'i las bcom zhing / spangs la zad par ma byas pa de srid du lo 'bum phrag du mar za'o/ /de phyis sems can dmyal ba de dag las thar bar 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas dang dud 'gro dag tu ma skyes la mi rnams dang skal ba mnyam par mir skyes na las de dang rgyu 'thun pa'i 'bras bus sbrul 'dzin pa 'am mgo'i nor bu 'byin par 'gyur yang las de dang rgyu 'thun pa'i 'bras bus sbrul rnams kyis srog dang 'bral bar 'gyur ba mthong ngo / /de nas gzhan yang dge slong las kyi 'bras bu rnam par smin pa shes pa des sems can dmyal ba ngu 'bod kyi 'khor la brtags na des 'khor rab rib kun bsags shes bya ba mthong ngo / /der sems can dag las gang gis skye bar 'gyur snyam nas des brtags na gang gis srog gcod pa dang / ma byin par len pa dang / 'dod pas log par g.yem pa kun du bsten cing bsgoms te mang du byas pa snga ma bzhin no/ /sems can so so 'tsho bar bya ba'i phyir chang 'thung ba'i zong ngam rin byin na de lus dang bral nas ngan 'gro log par ltung ba sems can dmyal ba rab rib kun bsags su skye bar 'gyur ro/ /der gnod pa 'di dag 'byung bar 'gyur te/ 'di lta ste/ sems can dmyal ba de thams cad mun pa yin te/ der gnod pa myong ba ni gshin rje'i mi dag kyang mi mngon la 'di dag sus byas</font><hr>63.182a<br><font size=+1>

shes gnod pa yang mi mngon te/ mun gnag las byung ba'i me'i nang du 'jug go/ /me de'i 'od kyang shin du mi gsal ba yin te/ bar skabs skra'i rtse mo tsam yang med pa'i me de'i nang du de dag sreg cing 'tshed la gdungs so/ /ngu zhing skad 'byin pa na ji srid du de'i sdig pa'i las byas shing bsags pa bcom zhing spangs la zad par ma byas pa de srid du sog le dag gis kyang mgo la sogs pa nas rkang pa'i bar du phyed mar gsheg go/ /phyis sems can dmyal ba de las thar bar 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas dang dud 'gro dag tu ma skyes la mi rnams dang skal ba mnyam par mir skyes na/ las de dang rgyu 'thun pa'i 'bras bus rtag tu skom pa dang bkres pas gdungs par 'gyur zhing der nor rdzas dang 'bral bar 'gyur la gang na bza' btung nyung ba'i gling de dag tu skye bar 'gyur ba mthong ngo / /de nas gzhan yang dge slong las kyi 'bras bu rnam par smin pa shes pa des sems can dmyal ba chen po ngu 'bod kyi 'khor la brtags na/ des thos pa las byung ba'i shes pas sems can dmyal ba gshin rje'i mtshams kyi dgon pa zhes bya ba mthong ngo / /der sems can dag las gang gis skye bar 'gyur snyam nas des brtags na/ gang srog gcod pa dang / ma byin par len pa dang / 'dod pas log par g.yem pa kun du bsten cing bsgoms te mang du byas pa ni snga ma bzhin no/ /gang gis nad mi bzad pas thebs pa dang / bu btsas pa dag la chang 'thung ba'i zong dang rin gyi don du gos kyi rgyu 'am zas kyi rgyu byin na/ de lus dang bral nas ngan 'gro log par ltung ba sems can dmyal ba gshin rje'i mtshams kyi dgon par skye bar 'gyur ro/ /der gnod pa 'di dag 'byung bar 'gyur te/ 'di lta ste/ rkang pa dang / sen mo la sogs pa gshin rje'i mi'i kha 'bar rab tu 'bar ba dag gis za bar byed do/ /zos nas kyang gnod pa 'byung</font><hr>63.182b<br><font size=+1>

bar 'gyur te/ 'di lta ste/ ji srid du de'i sdig pa'i las bcom zhing spangs la zad par ma byas pa de srid du mdung thung gi rtse mo rab tu 'bar ba dag gis lo 'bum phrag du mar 'tshed cing sreg la gsheg cing gsod do/ /de sems can dmyal ba de las thar bar 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas dang dud 'gro dag tu ma skyes la mi rnams dang skal ba mnyam par mir skyes na las de dang rgyu 'thun pa'i 'bras bus de yul ngan pa dang / gnas ngan pa dang / ri brags ngan pa dag tu phag 'tsho ba dang long bar 'gyur ba mthong ngo / /de nas gzhan yang dge slong las kyi 'bras bu rnam par smin pa shes pa des sems can dmyal ba chen po ngu 'bod kyi 'khor la brtags na des thos pa las byung ba'i shes pas sems can dmyal ba shing shal ma li'i tshal zhes bya ba yod pa mthong ngo / /der sems can dag las gang gis skye bar 'gyur snyam nas des brtags na gang gis srog gcod pa dang / ma byin par len pa dang / 'dod pas log par g.yem pa ni snga ma bzhin no/ /chang 'thung ba ni mchog tu mang pos chang shin du ra ro bar 'gyur ba'i rdzas de dag sbyor bar byed de/ de'i chang ji ltar kha cig ni dar ba lta bu dang / kha cig ni chu lta bu dang / kha cig ni zhog chu lta bu de ltar bcos nas 'brog dgon par zhugs pa'i ded dpon dag la blud de/ de yang ra ro zhing shin du ra ro bar 'gyur ba/ de kun gyis shin du ra ro bar byas te ra ro ba de dag des bsad nas nor gang dang gang yod pa de dang de dag phrogs na des bslus pa yin pas de 'jig rten na chom rkun pa zhes bya'o/ /de'i las kyis bskyod pas de lus dang bral nas ngan 'gro log par ltung ba sems can dmyal ba shing shal ma li chen po'i nags su skye bar 'gyur ro/ /der gnod pa 'di dag 'byung bar 'gyur te/ 'di lta ste/ me rab tu 'bar ba'i rdo'i char gyi tshogs kyis lus dag kun du sreg cing 'bigs la</font><hr>63.183a<br><font size=+1>

gcod par byed de sa'i bar du sreg par byed do/ /chu bo rab tu bskol ba'i me mdag ma dmar po tsha bas bzhus pa'i chu rtag tu 'jigs pa zhes bya ba yod de/ ji srid du de'i sdig pa'i las bcom zhing spangs la zad par ma byas pa de srid du zangs dang ro nyer bsres pa rab tu bskol ba'i chu bo der lo 'bum phrag du mar sreg cing 'tshed la gshin rje'i mi rnams kyis kyang ral gri dang mda' bo che rab tu 'bar ba dag gis kun du 'debs par byed do/ /de phyis thar bar 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas dang / dud 'gro dag tu ma skyes la mi rnams dang skal ba mnyam par mir skyes na las de dang rgyu 'thun pa'i 'bras bus mig gi mdog gnag cing rtag tu khro la phrag dog mang por 'gyur ba mthong ngo / /de nas gzhan yang dge slong las kyi 'bras bu rnam par smin pa shes pa des sems can dmyal ba chen po ngu 'bod kyi 'khor la brtags na/ des thos pa las byung ba'i shes pas shing shal ma li chen po'i tshal yod pa mthong ngo / /der sems can dag las gang gis skye bar 'gyur snyam nas des brtags na/ gang gis srog gcod pa dang / ma byin par len pa dang / 'dod pas log par g.yem pa kun du bsten cing bsgoms te mang du byas pa ni de lus dang bral nas ngan 'gro log par ltung ba sems can dmyal bar skye bar 'gyur te/ snga ma bzhin no/ /chang gi dbang du byas nas sings po ltar bcos te/ 'brog dgon pa'i skye bo mang po dag la blud na lus dang bral nas ngan 'gro log par ltung ba sems can dmyal ba shing shal ma li chen por skye bar 'gyur ro/ /de chang blud pa'i 'bras bus der gnod pa 'di dag 'byung bar 'gyur te/ 'di lta ste/ las kyis byas pa'i shing shal ma li'i 'phang du dpag tshad gcig tsam yod pa 'byung ste/ 'dab ma spu gri lta bu yin la/ yal ga me 'bar ba lta bu yin/ </font><hr>63.183b<br><font size=+1>

dud pa bdug cing rlung dug lta bu 'byung ste/ de ltar chang gi las kyis byas pa de 'byung ngo / /gang dpag tshad gcig tshun chad du rlung dug lta bus gnod par byed kyang srog dang 'bral bar ni mi 'gyur ro/ /ji lta ji ltar shing shal ma li chen po'i nags dpag tshad sum stong yod par chud na/ de lta de ltar mdag ma dang du bar bsres pa dug lta bu'i shugs kyis sdug bsngal 'bum snyed myong yang dus las 'da' bar ni mi 'gyur ro/ /gang gi tshe shing shal ma li chen po'i tshal du sems can dmyal ba pa gshin rje'i mi rnams kyis 'jigs par byas pa chud par gyur pa de'i tshe shing rnams las kun nas spu gri lta bu'i char rab tu 'bab ste/ gang lag na ral gri dang mda' bo che mang po thogs pa 'khrugs pa dag gis yan lag dang nying lag thams cad dang rgyus pa dang / gnad dang / ka ran da ra dang / rus pa dang / rkang thams cad yang dang yang du rnam par gshig cing 'dral la dum bur byed do/ /gshin rje'i mis 'jigs shing skrag pa de dag lcags kyi shing shal ma li chen po'i nags khrod na kha cig ni grib ma'i nang na zhum zhum por 'dug /kha cig ni shing khar 'dzeg /kha cig ni gshin rje'i mi de dag dang phrad nas ral gri dag gis 'debs shing gsheg go /de chang 'thung ba'i 'bras bus gang dag gi grib ma'i nang na zhum zhum por 'khod pa de dag gi mig kyang bya rgod kyis 'byin cing khu ba yang 'thung ngo / /chang 'thung ba de'i 'bras bus shing de la 'dzeg pa de dag kyang shing de dag las yal ga lhung bas de dag dum bu brgya 'am yang na stong du phye mar rlog go /gang dag tshal de'i thor to la 'dzegs pa de dag ba tshwa'i chu bo bzhus par 'jug ste/ ji srid du de'i sdig pa'i las bcom zhing spangs la zad par ma byas pa de srid du lo 'bum phrag du mar rgyus pa dang / rus pa dang / lus nyid kyis gnod pa myong bar 'gyur te/ 'di ni de'i phyogs 'ga' zhig bstan pa yin no/ /de de las</font><hr>63.184a<br><font size=+1>

thar bar 'gyur te/ thar nas kyang gal te lan grangs gzhan la myong bar 'gyur ba'i las kyis de mi rnams kyi skal ba dang mnyam par mir skyes na las de dang rgyu 'thun pa'i 'bras bus de yid rnam par g.yengs shing nad drag po 'am gal te snying nad dam/ gal te ngal skyen pa mang ba 'am/ gal te rkang bam gyis 'debs par 'gyur zhing gal te long bas nyam thag par 'gyur ba mthong ngo / /de nas gzhan yang dge slong las kyi 'bras bu rnam par smin pa shes pa des sems can dmyal ba chen po ngu 'bod kyi 'khor la brtags na des thos pa las byung ba'i shes pas sems can dmyal ba chu shing bsregs pa'i dud pa'i tshal zhes bya ba mthong ngo / /der sems can dag las gang gis skye bar 'gyur snyam nas des thos pa las byung ba'i shes pas brtags na/ srog gcod pa dang / ma byin par len pa dang / 'dod pas log par g.yem pa kun du bsten cing bsgoms te mang du byas pa ni snga ma bzhin no/ /chang 'thung ba ni bud med yon tan can dag la thabs gzhan gyi spyod pas brid de blud nas ra ro bar byas te sems 'khrul bar gyur na 'di lta ste/ sems can dmyal ba de ni las de'i rnam par smin pas kun nas dpag tshad lnga yod pa de'i nang dud pas 'khrigs shing rgya mtsho'i klong gi me'i mun gnag gis gtibs pa zabs su kun nas rgyang grags gsum du sa brkos pa der me mdag khrol bu rab tu 'bar bas shin du gang ba'i sa'i bu ga der sems can dmyal ba pa de dag nyin gcig bzhin du 'jug ste ngu skad 'byin par yang mi nus shing de bzhin du 'dzag sgo thams cad kyang mes gang bar 'gyur ro/ /de las thar nas chu shing gi dud pa des de ltar yang dang yang du 'dzag sgo thams cad gang bar 'gyur la 'di ltar me de la bde bar sems te/ du ba de'i mthu ni de ltar shin du rno ba nyid yin no/ /de las kyang thar nas ji srid du de'i sdig pa'i las bcom zhing spangs la zad par ma byas pa</font><hr>63.184b<br><font size=+1>

de srid du bya du ba'i mdog gi phreng ba zhes bya ba'i mchu shin du rno ba de dag gis rus pa phug nas rkang dag la za bar byed do/ /de phyis sems can dmyal ba de las thar bar 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas dang / dud 'gro dag tu ma skyes la mi rnams dang skal ba mnyam par mir skyes na/ las de dang rgyu 'thun pa'i 'bras bus glo dang mjug do dag la gdon gyi nad kyis thebs shing dbul ba dang tshe thung bar 'gyur bar mthong ngo / /de nas gzhan yang dge slong las kyi 'bras bu rnam par smin pa shes pa des sems can dmyal ba chen po ngu 'bod kyi 'khor la brtags na/ des thos pa las byung ba'i shes pas sems can dmyal ba me mdag dud pa'i tshal zhes bya ba mthong ngo / /der sems can dag las gang gis skye bar 'gyur snyam nas des brtags na/ gang gis srog gcod pa dang / ma byin par len pa dang / 'dod pas log par g.yem pa kun du bsten cing bsgoms te mang du byas pas ni snga ma bzhin no/ /chang 'thung ba ni dgra gsad pa'i phyir dang / chom rkun dang rgyal pos bkrabs pa gsad pa'i phyir blud na/ de lus dang bral nas ngan 'gro log par ltung ba sems can dmyal ba me mdag dud pa'i tshal du skye bar 'gyur ro/ /der gnod pa 'di dag 'byung bar 'gyur te/ 'di lta ste/ der las kyis byas pa'i me mdag spu gri lta bu'i rlung ldang la/ rlung des sems can dmyal ba pa de dag phan tshun gyi shugs kyis thug cing shin du thug go/ /de dag gi lus phan tshun thug pa na ji ltar bye ma chang ba nas gtor ba bzhin du de ltar lus de dag phye mar rlog go/ /yang las kyi dbang gis skye bar 'gyur te/ ji srid du de'i sdig pa'i las bcom zhing spangs la zad par ma byas pa de srid du lo 'bum phrag du mar gnod pa thams cad myong bar 'gyur te/ 'di lta ste/ spu gris gsheg cing me'i tshor ba dang / nad kyi tshor ba dang / mtshon cha'i tshor ba</font><hr>63.185a<br><font size=+1>

dang / ba tshwa'i tshor ba ste/ tshor ba mchog tu tsha ba/ mchog tu 'jigs pa de dag ji srid du de'i sdig pa'i las bcom zhing spangs la zad par ma byas pa de srid du lo 'bum phrag du mar myong bar 'gyur ro/ /phyis sems can dmyal ba de las thar bar 'gyur te/ thar nas kyang gal te mi rnams dang skal ba mnyam par mir skyes na/ las de dang rgyu 'thun pa'i 'bras bus gzhang 'brum rim gsum pas thebs par 'gyur zhing / rtag tu grang ba'i rims kyis thebs par 'gyur ba mthong ngo / /de nas gzhan yang dge slong las kyi 'bras bu rnam par smin pa shes pa des sems can dmyal ba chen po ngu 'bod kyi 'khor la brtags na/ des thos pa las byung ba'i shes pas sems can dmyal ba glog gi na bun tshal zhes bya ba ji ltar 'dug pa mthong ngo / /der sems can dag las gang gis skye bar 'gyur snyam nas des brtags na/ gang gis srog gcod pa dang / ma byin par len pa dang / 'dod pas log par g.yem pa kun du bsten cing bsgoms te mang du byas pa ni snga ma bzhin no/ /chang 'thung ba ni phyi rol la blo mngon par zhen pa'i ngang tshul can dag slu ba'i bsam pas blud na lus dang bral nas ngan 'gro log par ltung ba sems can dmyal ba glog gi na bun tshal du skye bar 'gyur ro/ /de dag la gnod pa 'di dag 'byung bar 'gyur te/ 'di lta ste/ sems can dmyal ba de khru nyis brgyar sems can dmyal ba pa'i mes rab tu gang ba der sems can dmyal ba pa dag gshin rje'i mi rnams kyis bzung nas 'jug ste/ rkang pa nas mgo la sogs pa'i bar bteg cing bzhus so/ /las kyi rlung gis yang skye bar 'gyur la me de ni lo ma sdud pa lta bu yin te/ ji tsam du phyogs bcur thag pas dkris pa bzhin du sems can dmyal ba pa de dag dkris nas ji ltar thal ba yang mi mngon pa de ltar sreg par byed do/ /yang 'byung bar 'gyur te/ ji srid du de'i sdig pa'i las bcom zhing spangs la</font><hr>63.185b<br><font size=+1>

zad par ma byas pa de srid du de ltar lo 'bum phrag du mar sreg go/ /de phyis sems can dmyal ba de las thar bar 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas dang dud 'gro dag tu ma skyes la mi rnams dang skal ba mnyam par mir skyes na de chang 'thung ba'i rgyu 'thun pa'i 'bras bus yul ya ba na dang / ba lhi ka der skyes shing bkol bas nyams par 'gyur te/ shugs drag pas bkol bar 'gyur ba mthong ngo / /de nas gzhan yang dge slong las kyi 'bras bu rnam par smin pa shes pa des sems can dmyal ba ngu 'bod kyi 'khor la brtags na des 'khor kun du rtog byed ces bya ba mthong ngo / /der sems can dag las kun du bsten cing bsgoms te mang du byas pa gang gis skye bar 'gyur snyam nas des brtags na/ gang gis srog gcod pa dang / ma byin par len pa dang / 'dod pas log par g.yem pa ni snga ma bzhin no/ /chang 'thung ba ni ji ltar 'di dag chang gis yid g.yengs na lam du 'jug pa la ngal bar mi 'gyur ro snyam nas lam du 'jug pa'i ched dang / rngon pa dag ri dgas gsad pa la 'gro ba mgyogs par 'gyur ro snyam nas blud na de lus dang bral nas ngan 'gro log par ltung ba sems can dmyal ba kun du rtog byed du skye bar 'gyur ro/ /de dag la gnod pa 'di dag 'byung bar 'gyur te/ 'di lta ste/ 'dod pa gang dang gang nyid du kun du sems pa de dang de nyid gshin rje'i mi dag gis brgya 'am yang na stong ngam/ bye ba brgya 'am yang na stong du byed de/ sems can dmyal ba'i 'khor gzhan du gnod pa gang dang gang 'byung ba de thams cad kyang bzhi 'gyur du der 'byung ste snga ma bzhin no/ /sems can dmyal ba pa rnams la gshin rje'i mi dag gis rjes su bstan pa'i tshigs su bcad de smras pa/ de yi las ni rnam gsum gyis/ /gnas skabs dgur ni 'tshed byed ces/ /rnam par smin pa bzhi bcu tham/ /</font><hr>63.186a<br><font size=+1>

drag po rab tu g.yos par 'gyur/ /don med gzhi ni chang yin te/ /sems can dmyal ba'i bzhad gad pa/ /dbang po thams cad rnam nyams shing / /don med pa yi rgyur gyur to/ /tshig la shin du dga' ba dang / /chags pa dang ni 'jigs pa dang / /ngag gi skyon dang rlom pa dang / /tshig rtsub gzhi ni de yin no/ /chang gis kun du g.yengs pa'i yid/ /bya dang mi bya mi shes pa/ /mi de phyugs dang mtshungs pa yin/ /de lta bas na chang spongs shig /chang gis g.yengs pa'i mi dag ni/ /gson yang shi ba dag dang mtshungs/ /gang zhig rtag tu gson 'dod pas/ /rtag par chang ni rnam par spongs/ /chang ni nyes pa kun gyi gzhi/ /rtag par don kun med par byed/ /ngan song gsum gyi them skas te/ /mun nag gnas ni chen po yin/ /chang gis sems can dmyal bar 'gro/ /de bzhin yi dgas 'jig rten dang / /chang gi skyon gyis bslus pa yi/ /mi dag dud 'gro rnams su 'gro/ /dug gi nang du dug ni chang / /de bzhin dmyal ba'i nang na dmyal/ /nad kyi nang na nad mchog ni/ /chang zhes mkhas pa rnams kyis bshad/ /blo dang dbang po nyams byed cing / /rin chen chos ni zad byed la/ /tshangs par spyod pa 'jig byed pa/ /mi bzad chang ni skye gnas gcig /rgyal po dang ni bstan bcos mkhas/ /chang gis yang bar byed 'gyur na/ /tha mal mi dag chang 'thung ba/ /bslus par 'gyur ba ci zhig smos/ /chang la bsten pa'i mi dag ni/ /chos rnams kun gyi sta re yin/ /ngo tsha med par byed pa'i mchog /yang ba dag tu nye bar bstan/ /chang gis phrogs par gyur pa'i sems/ /bya ba dang ni mi bya ba/ /mi shes rnam par mi shes shing / /thams cad mi yis mi shes so/ /gang zhig chang la sten byed pa/ /skye bo res 'ga' dga' byed cing / /res 'ga' yongs su gdung byed la/ /res 'ga' sdig pa byed pa yin/ /blo ni shin du rmongs skyed cing / /'jig rten gnyis ni rnam 'jig byed/ /thar pa'i</font><hr>63.186b<br><font size=+1>

chos la me lta bur/ /sreg byed kho na chang yin no/ /mi gang dag ni chang spong ba/ /chos kyi ngang tshul mnyam par bzhag /gang na 'chi ba med pa yi/ /gnas mchog dag tu de 'gro'o/ /chang 'thung ba yis bslus pa dag /de ni byed pa dman pa yin/ /mi bzad sems can dmyal bar ltung / /don med ci zhig yongs su gdungs/ /'thung ba'i tshe na chang zhim ste/ /rnam smin tshe na mchog tu tsha/ /kim pa ka nang kim pa ka /chang zhes mkhas pa rnams kyis bshad/ /bdag la 'di yis mi gnod ces/ /blo ldan chang la yid ma rton/ /myong na bsil yang rnam smin tsha/ /chang ni dmyal bar 'gro bar byed/ /sdig pa'i chos rnams byed pa la/ /sems g.yeng ba dag dga' bar byed/ /phyi nas rnam smin tsha ba ru/ /blo ngan yongs su gdung bar 'gyur/ /'dod pa rnams la blo mi gtang / /'dod pa mchog tu slu ba yin/ /'khor ba'i 'ching ba drag po ste/ /sems can dmyal ba kun gyi rgyu/ /gang zhig 'dod pa rnams la dga'/ /de yi sdug bsngal mtha' med do/ /'dod pa'i sbrul gyis zin pa la/ /bde ba nams kyang ga la yod/ /khyed cag 'dod pa mi bzad cing / /drag po sems can dmyal bar 'ongs/ /gnod pa shin du mi bzad la/ /don med ci zhig yongs su gdung / /gang tshe 'dod pas bslus pa yi/ /khyed cag gis ni sdig byas pa/ /de tshe ci phyir khro mi byed/ /de ring ci zhig yongs su gdung / /byas la bsags pa brtan pa yi/ /las dag gi ni 'bras bu snang / /sdig pa'i tshor ba mi bzad pa/ /de lta bas na sdig mi bya/ /sdig pa sdig pa'i rnam smin de/ /rtag tu sdig pa rnams su smin/ /sdig mi byed la sdig med do/ /de lta bas na sdig pa spongs/ /sdig pa yongs su spangs pa la/ /sdig pa'i 'jigs pa med pa yin/ /sdig pa rang gis byas pa gnod/ /gzhan gyis spyod par mi 'gyur ro/ /de ltar gshin rje'i mi de dag sems can dmyal ba pa de rnams la rjes su ston pa rjes su bstan nas</font><hr>63.187a<br><font size=+1>

ji srid du de'i sdig pa'i las bcom zhing spangs la zad par ma byas pa de srid du gnod pa rnam pa sna tshogs dag byed du 'jug go /phyis sems can dmyal ba de las thar bar 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas dang dud 'gro dag tu ma skyes la mi rnams dang skal ba mnyam par mir skyes na las de dang rgyu 'thun pa'i 'bras bus de mchog tu khro bas khro bar 'gyur zhing bka' blo mi bde bar 'gyur ba mthong ngo / /de nas gzhan yang dge slong las kyi 'bras bu rnam par smin pa shes pa des sems can dmyal ba chen po ngu 'bod kyi 'khor la rtog par byed kyi/ sems can dmyal ba chen po'i 'khor gyi nyen kor la kun du mi rtog ste/ las kyi 'bras bu rnam par smin pa yang mi mthong ngo / /de 'di snyam du sems te/ kye e ma sems can dmyal ba'i 'khor bcu drug po 'di yang ji ltar yang sos dang / thig nag dang / bsdus gzhom bzhin te/ bye brag tu na sems can dmyal ba der gnod pa gzhan gang dang gang dag yod pa sems can dmyal ba de la tshor ba de dag thams cad bcu 'gyur du 'gyur te/ las byas pa'i rgyu gang brtan pa srog gcod pa dang / ma byin par len pa dang / 'dod pas log par g.yem pa dang / sdom pa blangs pas chang ldud pa 'am 'thung ba'i las ngan pa bzhi 'gyur byas pas der skye bar 'gyur te/ las de'i 'bras bu rnam par smin pa bzhi 'gyur gyis tshe shin du ring por de dag la tshor ba shin du drag pa 'byung ngo / /dge slong des bzhi 'gyur mthong nas las kyi 'bras bu rnam par smin pa ji lta ba bzhin du rjes su bsams pa dang / 'khor ba la yid 'byung ba yang bcu 'gyur du yid 'byung ngo / /yang dge slong de sems can dmyal ba ji lta ba bzhin mthong nas 'khor ba la shin du 'jigs shing skrag ste/ sa gzhan bcu pa la zhugs pa/ rnal 'byor</font><hr>63.187b<br><font size=+1>

spyod pa nang gi chos la chos kyi rjes su lta zhing gnas so/ /de yang sa bla'i gnod sbyin dag gis shes nas/ bar snang la spyod pa'i gnod sbyin dag la mngon par bsnyad do/ /snga ma bzhin du sbyar te/ tshangs ris dang / tshangs pa mdun na 'don dang / tshangs pa chen po'i bar gyis thos nas bdud kyi phyogs ni dma' bar 'gyur zhing dam pa'i chos kyi phyogs ni mngon par mtho bar 'gyur ro zhes tshangs pa chen po'i ris kyi lha dag dga' ste/ rgya cher snga ma bzhin du sbyar ro/ /de nas gzhan yang dge slong las kyi 'bras bu rnam par smin pa shes pa des sems can dmyal ba gzhan la brtags na/ de thos pa las byung ba'i shes pas sems can dmyal ba ngu 'bod chen po zhes bya ba yod pa mthong ngo / /der sems can dag las gang gis skye bar 'gyur snyam nas/ des thos pa las byung ba'i shes pas brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun smra ba kun du bsten cing bsgoms te mang du byas pa rdzogs pa de ni sems can dmyal ba ngu 'bod chen por skye bar 'gyur te/ de la srog gcod pa dang / ma byin par len pa dang / 'dod pas log par g.yem pa dang / chang 'thung ba ni snga ma bzhin no/ /mchog tu bya bar dka' ba skye bo mkhas pa kun gyis rab tu smad pa/ ngan song kun gyi sgor gyur pa rnam pa du zhig gis brdzun du smra ba rdzogs par 'gyur snyam nas/ 'di lta ste/ rgyal po 'am/ blon po 'am/ 'khor gyi nang du 'dug kyang rung ste/ gnyis shig chos kyi srang la zhon nas rtsod pa'i tshe dpang po 'di ni tshad ma yin te/ gang 'dis smras pa de bdag cag gi tshad ma yin no zhes smras pa las de yang dran bzhin du don gzhan du smra 'am/ gal te nor gyi phyir ram/ gal te phyogs bzung ngam/ gal te 'dod chags kyis</font><hr>63.188a<br><font size=+1>

bdag nyid slu ba ni snga ma bzhin te/ 'di ltar brdzun 'di las kha na ma tho bar 'gyur ba chung zad kyang med de/ bdag gis brdzun de bya'o snyam nas/ de ltar de grub pa na nyes pa don med pa byas pa de las de gnyis kyi nang nas gcig la chad pa gcod de/ gal te bsad du dgos pa 'am/ gal te gsod pa 'am/ gal te khyim 'phrog ste/ ji ltar nyes pa'i tshul dang 'thun par brdzun du smras na/ de'i rgyus sdig pa'i mi de lus dang bral nas ngan 'gro log par ltung ba sems can dmyal ba ngu 'bod chen por skye bar 'gyur ro/ /der shin du tshe ring bar 'gyur te/ gang 'phrul dga'i lha rnams kyi tshe ni lha'i lo brgyad stong ngo / /gang mi'i bgrang ba'i tshul gyis na/ mi lo brgyad brgya la nyin zhag gcig ste/ de 'phrul dga' ba rnams kyi nyin zhag gcig yin no/ /de nyin zhag sum bcu la zla ba gcig go/ /zla ba bcu gnyis la lo gcig ste/ lha de rnams kyi tshe ni lha'i lo brgyad stong yin la de ni sems can dmyal ba ngu 'bod chen po'i nyin zhag gcig yin te/ der brdzun smra ba sdig can rnams gnas so/ /bdag dang gzhan la slu ba ni dge ba'i rtsa ba thams cad ma rung bar byed cing mun pa chen por gyur pa/ skye bo chen po'i yid ches par mi byed la skye bo mkhas pa kun dang lo stong du mi mthun pa/ nyan thos dang rang sangs rgyas dang yang dag par rdzogs pa'i sangs rgyas kyis smad pa/ 'jig rten pa dang 'jig rten las 'das pa'i lam gyis skyon du bgrang ba/ dge ba'i rtsa ba'i stegs thams cad la sta re lta bur gyur pa/ rtag tu gnod pas yongs su 'gyur ba/ ro myags pa snying po med pa las dug lta bur langs pa/ 'khor ba'i 'gro ba ngan pa'i rgyur gyur cing nyal nyil du gyur pa/ kha nas dri mnam pa skyed pa/ rtag tu sdug bsngal gyi dra ba'i rgyur gyur pa/ mi 'dod cing mi sdug la yid du mi 'ong ba sems can</font><hr>63.188b<br><font size=+1>

dmyal ba 'jigs pa chen po'i pho nya/ 'chi ba'i tshe rnam par spangs pa chen por byed pa/ gshin rje'i mi'i yul du phyin pa rnams kyi mi mdza' ba chen por gyur pa/ yi dgas dang / dud 'gro'i 'gro ba dag las g.yang sa lta bur gyur pa/ nyes par byas pa'i las kyi mtha'i rgyur gyur pa/ sems can dmyal ba'i 'jigs pa chen po byed pa/ dud 'gro dag gcig la gcig za ba'i rkyen du gyur pa/ thog ma med pa'i dus nas zhugs pa/ 'khor ba'i sa bon du gyur pa/ brdzun smra ba'i 'bras bus der skye bar 'gyur ro/ /sems can dmyal ba chen po de'i 'khor ni 'di lta ste/ sgra 'byin shin du sgra 'byin dang / tshor ba dpag tu med dang / tshor ba rtsub cing tsha la bzod par dka' dang / gnod pa dpe med pa dang / thams cad mun pa dang / 'jig rten bar gyi du ba dang / phye ma leb ltar rab tu ltung ba dang / srog 'chi ba dang bcas pa dang / gzhan du 'gyur ba dang / bsam pa dga' med dang / phan tshun gnod pa 'jug pa dang / nags tshal mes mched pa'i rgyud lta bu dang / tshor ba ring ba dang / tshor ba mtha' yas dang / khwa'i mchu rdo rje lta bu dang / khrag dang rkang za ba dang / me lce bcu gcig ste/ de dag ni sems can dmyal ba ngu 'bod chen po'i 'khor bcu drug yin no/ /sems can dmyal ba ngu 'bod chen po der sems can dag las byas shing bsags pa gang gis skye bar 'gyur snyam na las kyi nyer bsdogs dang las kyi lam dang / las kyi mjug kun du bsten cing bsgoms te mang du byas pas so sor 'jigs pa chen po sems can dmyal ba ngu 'bod chen por skye bar 'gyur ro/ /der gnod pa 'di dag 'byung bar 'gyur te/ 'di lta ste/ lce pad ma'i 'dab ma ltar shin du 'jam pa de kha nas drangs te rgyang grags gsum du brgyangs pa gshin rje'i mi 'jigs 'jigs ltar 'dug pas de bzung nas</font><hr>63.189a<br><font size=+1>

gshin rje'i mi rnams kyis lcags kyi thong gshol rab tu 'bar ba dag gis 'bugs shing rmed la yongs su 'dral lo/ /zangs dmar po rab tu 'bar bas chag chag 'debs shing lce las byung ba'i srin bu kha rab tu 'bar ba dag skye ste/ gang lce dag la za yang brdzun smra ba des lce de dag phyir kha'i nang du gzhug par mi nus so/ /de'i kha'i nang gi so gang yin pa de dag la so srin u lu ka la zhes bya ba byung ste/ de dag gis 'byin par byed cing de'i rkan yang las kyis byas pa'i rlung gis bye ma'i phye mar rlog go/ /de'i mid pa yang spu gri lta bu'i rlung gis 'jog par byed la/ de'i snying yang srin bu'i mchu rab tu 'bar ba dag gis za bar byed do/ /brdzun smra ba'i lus can ni sems can dmyal ba ngu 'bod chen po'i gzhir skyes nas sreg ste/ las byas pas kun nas bslang ba'i lus las byung ba'i srin bu rnams kyis lus rab tu 'bar ba'i rgyu ma dag la za'o/ /de'i nang na 'dug pa'i srin bu rnams dang / nad rnams kyis tshor ba mi bzad cing tsha la drag pa rnams myong ngo / /phyi rol du yang sdug bsngal rnam pa gnyis kyis gnod de/ 'di lta ste/ me las byung ba'i sems can dmyal ba pa dag la gshin rje'i mi rnams kyis tshor ba'i rgyu rnam pa sna tshogs dag gis 'jigs pa bskyed do/ /phur bu dag gis kyang yan lag dang nying lag thams cad dang lus kyi rtsa dang / rgyus pa dang / rus pa'i gseb thams cad 'bugs par byed do/ /gzhan yang tshor ba rnams kyis mngon par gtses par 'gyur te/ 'di lta ste/ ste'u yis yan lag nas rus pa la sogs pa'i bar thams cad 'jog go/ /brdzun smra ba smras pa de ni mchog tu don ma yin pa byed cing chos kyi stegs kun las rgal ba yin te/ brdzun smra ba ni don med pa thams cad kyi sgor gyur pa/ dge ba'i lo tog thams cad la ser ba lta bur</font><hr>63.189b<br><font size=+1>

gyur pa/ ngan 'gro thams cad kyi sgor gyur pa/ bya ba ma yin pa thams cad kyi gzhir gyur pa/ sems can thams cad kyi yid ches par 'gyur ba ma yin pa/ 'phags pa'i skye bo kun gyis mi gtsang ba dang 'dra bar smad par gyur pa/ rdzogs pa'i sangs rgyas dang nyan thos dang rang sangs rgyas dang dgra bcom pa dag gis dug bzhin du rnam par spangs pa/ 'jig rten pa dang 'jig rten las 'das pa'i lam gyi mun par gyur cing su yang 'dod pa med pa/ gcig tu sems can dmyal ba mngon du gyur cing gzhan dang mtshungs pa med pa/ mun nag du gyur pa yin te/ rnam pa de dag tu gyur pa don med pa 'byung ba yin no/ /gang dag smra zhing gang dag smras pa ni sems can dmyal ba ngu 'bod chen por rgyu de dang mtshungs par 'bras bu 'byung ste/ de'i rkang pa mes mar sar bzhin du 'ju zhing de'i bar yang sog le rab tu 'bar bas gsheg go/ /de lus dang yid thams cad du sdug bsngal zhing don med pa rgyu 'thun pa'i 'khor de'i mes sems can dmyal ba chen po dag 'tshed pa na/ nad thams cad kyis sems can dmyal ba mtshungs par kun du ngu skad 'byin to/ /nad mi bzad pa de dag gi ming gzung bar sla ba yang ma yin te/ de ni ji ltar bstan pa bzhin du ji srid du de'i sdig pa'i las byas shing bsags pa bcom zhing spangs la zad par ma byas pa de srid du lo 'bum phrag du ma brgya stong bye ba bye ba khrag khrig khrig tu sems can dmyal ba pa'i sdug bsngal myong bar 'gyur ro/ /de phyis sems can dmyal ba las thar bar 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas dang / dud 'gro dag tu ma skyes la mi rnams dang skal ba mnyam par mir skyes na/ de ltar srog gcod pa dang / ma byin par len pa dang / 'dod pas log par</font><hr>63.190a<br><font size=+1>

g.yem pa dang / chang 'thung ba dang / brdzun du smra ba dag gi rgyu 'thun pa'i 'bras bus de dbul zhing tshe thung la sems g.yengs pa/ ma ning skye bo kun gyis smad cing yid brtan pa'i gnas su mi 'gyur ro/ /'dir tshigs su bcad pa/ lus can brdzun du smra ba yi/ /chos gcig las ni 'gal byas pa/ /'jig rten pha rol rnam rgal ba'i/ /sdig pa don med gang med min/ /kun la yid ches mi byed pa/ /brdzun gyi tshig ni ma smra shig /'khor bar gang gis gnod pa ni/ /bde 'gro nyid ni mthong mi 'gyur/ /brdzun tshig rab tu 'jug pa ni/ /'jig rten gnyis la gnod byed cing / /kun gyi rnam par ldang byed la/ /chos rnams kun gyi dgon pa yin/ /gang gis bdag nyid gcod byed pa/ /nyes smra gang dag smras pa ni/ /mi dag skyes ma thag tu ni/ /kha nas sta re lta bu 'byung / /gang dag brdzun tshig smra ba ni/ /de ni don med kun gyis brtags/ /ngan song kun gyi rgyud yin zhing / /de ni mun nag skye gnas gcig /bden pas dman pa'i mi dag ni/ /mkhas pa kun gyis rnam par spangs/ /'jig rten 'dir ni rtswa ltar 'gyur/ /pha rol ngan song rnams su 'tshed/ /dpa' bo shin du brdzun mi smra/ /nyon mongs brdzun tshig smra ba dag /kha nas rul ba'i dri 'byung la/ /phyi nas lus kyis gdungs par 'gyur/ /bden pa rin chen rnam spangs pa/ /de la chos ni med pa yin/ /chos ni rnam par spangs pa la/ /sdug bsngal mtha' med gnas pa yin/ /chos rnams kun gyi sgron yin zhing / /khams rnams rin chen lta bur dga'/ /mtho ris lam gyi dam pa ni/ /bden pa yin zhes rims bral gsung / /bden pa yis ni mtho ris dang / /bden par smra ba thar par 'gro/ /bden pas dman pa'i mi dag ni/ /khyi dang 'dra bar rab tu bsgrags/ /gang la bden pa med pa ni/ /tha shal nang</font><hr>63.190b<br><font size=+1>

na de tha shal/ /bden pa chos kyi them skas te/ /snang ba'i 'byung khung chen po yin/ /thar pa'i chos kyi lam yin zhing / /nor gyi nang na nor mchog la/ /skyabs kyi nang na skyabs mchog ni/ /bden pa yin zhes mkhas pas bshad/ /snang ba'i nang na snang ba mchog /mig gi nang na 'ang mig dang ldan/ /nor rdzas med la nor rdzas te/ /rgyan gyi nang na 'ang rgyan bzang yin/ /bden pa mi zad gter yin te/ /rgyal po kun gyis dbrog mi nus/ /mi dag gang gis smra ba ni/ /'gro ba mchog tu 'gro ba yin/ /ji ltar bden pas skyes bu dag /brgyan pa mdzes te lha 'dra 'o/ /sna tshogs rgyan gyis skyes bu dag /brgyan pa de ltar mdzes pa myin/ /ji ltar 'jig rten pha rol du/ /pha med ma med don med cing / /bshes med gnyen med skyabs med pas/ /de ltar rtag tu bden pa smros/ /me yi nang na me mchog la/ /dug gi nang na dug mchog ste/ /ngan 'gro rnams kyi them skas ni/ /brdzun pa yin zhes yongs su bsgrags/ /reg na dug dang me 'dra ba/ /brdzun pa rnam par spang bar gyis/ /brdzun gyis bsregs pa'i mi dag ni/ /bsregs pa yin zhes mngon par brjod/ /de ltar mngon par 'bad kun gyis/ /mi dag brdzun ni ma smra shig /'jigs la sogs pa nyon mongs kun/ /brdzun las byung zhes yongs su brjod/ /de ltar dge slong de brdzun gyi las kyi 'bras bu'i de kho na lkog tu ma gyur pa mthong ba/ bden pa'i yon tan gyi de kho na mthong ba/ dge ba dang mi dge ba'i de kho na mthong ba/ sems can dmyal ba chen po ngu 'bod chen po'i 'khor la rtog par byed de/ des sems can dmyal ba sgra 'byin shin du sgra 'byin zhes bya ba mthong ngo / /der sems can dag las gang gis skye bar 'gyur snyam nas des thos pa las byung ba'i shes pas brtags na/ </font><hr>63.191a<br><font size=+1>

gang srog gcod pa dang / ma byin par len pa dang / 'dod pas log par g.yem pa dang / chang 'thung ba ni snga ma bzhin no/ /brdzun smra ba ni rtsod pa'i tshe rang gi gnyen 'dab kyi phyir ram phyogs gzung ba'i phyir ram/ phyogs su gyur pas smras la/ de smras nas kyang 'chags par mi byed skyon du mi 'dzin la kun du bsten cing bsgoms te mang du byas na/ de lus dang bral nas ngan 'gro log par ltung ba sems can dmyal ba sgra 'byin shin du sgra 'byin du skye bar 'gyur ro/ /der gnod pa 'di dag 'byung bar 'gyur te/ 'di lta ste/ de'i lce gang gis brdzun smras pa de la chad pas gcod par byed de/ gshin rje'i mi rnams kyis spu gris mid pa dral nas der 'byin te/ phyung nas ba tshwa'i chu rab tu tsha bas chag chag 'debs so/ /nang na yod pa'i lce la rul pa'i dri rab tu 'byung zhing srog chags mar ko ta ka'i kha rab tu 'bar bas kyang lce de la za'o/ /lus kyi tshor ba yang gang sems can dmyal ba yang sos la sogs pa'i bshad pa de thams cad kyi mtha' dag snga ma bzhin du ji srid du de'i brdzun gyi las de bcom zhing spangs la zad par ma byas pa de srid du sems can dmyal ba pa de la 'byung bar 'gyur ro/ /de phyis sems can dmyal ba de las thar bar 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas dang / dud 'gro dag tu ma skyes la mi rnams dang skal ba mnyam par mir skyes na de smyon par 'gyur zhing dbul bar 'gyur/ sems rnam par g.yengs pa dang / tshe thung ba dang / dbang po ma tshang ba dang / skye bo kun gyis smad pa dang / don thams cad med pa'i skal ba can du 'gyur ba mthong ngo / /de nas gzhan yang dge slong las kyi 'bras bu rnam par smin pa shes pa des sems</font><hr>63.191b<br><font size=+1>

can dmyal ba ngu 'bod chen po'i 'khor la brtags na/ des thos pa las byung ba'i shes pas ji ltar sems can dmyal ba ngu 'bod chen po'i 'khor tshor ba dpag tu med pa zhes bya ba yod pa mthong ngo / /der sems can dag las gang gis skye bar 'gyur snyam nas des thos pa las byung ba'i shes pas brtags na/ 'di ltar gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba byas pa ni snga ma bzhin no/ /brdzun smra ba ni 'dod chags kyi rgyu 'am zhe sdang gi rgyu mi bzad pas smras shing / gzhan la yang 'di ltar 'di ni bdag cag gi mdza' bo mchog tu sdug pa bdag cag la byams pa yin te/ phyogs bzung bar bya yis bden par ma smra shig ces bsgo ste/ der gzeng bstod cing rab tu bkod de btsud na de lus dang bral nas ngan 'gro log par ltung ba sems can dmyal ba tshor ba dpag tu med par 'gyur ro/ /der gnod pa 'di dag 'byung bar 'gyur te/ gang sems can dmyal ba yang sos la sogs pa'i bshad pa de mtha' dag sems can dmyal ba ngu 'bod chen por 'byung ste/ gang las kyi rgyu lci ba'i phyir gnod pa yang lci ba nyid du 'gyur ro/ /gnod pa lci ba nyid kyis las kyi 'bras bu rnam par smin pa yang dag par ston to/ /de ltar 'di ni dus mtha' med pa nas 'jigs pa dang rab tu ldan pa'i las dang nyon mongs pa dang bcas pa zo chun gyi rgyun ltar 'khor ba'i 'khor lor rab tu 'jug go/ /sdig pa gzhan thams cad kyi gnod pa gzhan du 'jug pa na brdzun du smra ba ni ches sdig po che yin no zhes brjod do/ /brdzun du smra ba rdzogs pa ni dge ba'i rtsa ba rton pa gcod par byed de/ rgyu ji lta ji lta ba bzhin du 'bras bu yang de lta</font><hr>63.192a<br><font size=+1>

de ltar 'gyur te/ rgyu 'dis sems can dmyal ba tshor ba dpag tu med par tshor ba 'byung ba gang yin pa de dag brjod par mi nus so/ /der gnod pa ni sems can dmyal ba pa gzhan thams cad dang yang mtshungs pa me dang / sems can dmyal ba pa sdig po che'i tshor ba 'byung ba ni 'di lta ste/ srin bus bslang ba'i tshor ba dang / srin bu'i tshor ba dang / skom pa dang bkres pa'i tshor ba dang / re thag chad pa'i tshor ba dang / so so'i mun nag gi sdug bsngal mtha' yas pa'i tshor ba dang / phan tshun phog pa'i tshor ba dang / sgra dang / reg pa dang / ro dang / gzugs dang / dri mi 'dod pa'i tshor ba dang / tshe rabs dran pa'i dgra bgegs kyi mtshon chas rab tu gcod pa'i tshor ba dang / ba tshwa'i chu bo las shin du sgrol ba'i tshor ba dang / phur bu rnams kyis 'debs pa'i tshor ba dang / rmog thag mes bsregs pa'i tshor ba dang / rtswa dar ba ltar gcod cing rdo rjes reg pa'i tshor ba dang / kun nas me dang tshal bsregs pa'i me 'bar ba'i phreng ba'i tshor ba ste/ de la sogs pa sems can dmyal ba dang 'thun pa'i tshor ba ji srid du brdzun smra ba nyes par spyad pa bcom zhing spangs la zad par ma byas pa de srid du g.yang sa chen po lta bu'i brdzun gyi 'bras bu sems can dmyal bar tshor ba dpag tu med pa 'byung ngo / /de phyis sems can dmyal ba de las thar bar 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas dang / dud 'gro dag tu ma skyes la mi rnams dang skal ba mnyam par mir skyes na/ de brdzun smra ba'i rgyu 'thun pa'i 'bras bus de rtag tu nad kyis mngon par 'debs shing sker bgegs pa dang / kha nad la sogs pa 'byung la/ dbul bar 'gyur/ sbyin pa po 'am/ sbyin</font><hr>63.192b<br><font size=+1>

bdag la sman slong ba na de yid mi ches par 'gyur te/ 'di yang ngag log par smra'o snyam nas mi thob ste/ de ni nad mi bzad pas thebs nas 'chi ba'i dus byed par mthong ngo / /de nas gzhan yang dge slong las kyi 'bras bu rnam par smin pa shes pa des sems can dmyal ba ngu 'bod chen po'i 'khor la brtags na/ des thos pa las byung ba'i shes pas sems can dmyal ba tshor ba rtsub cing tsha la bzod par dka' ba zhes bya ba mthong ngo / /der sems can dag las gang gis skye bar 'gyur snyam nas des thos pa las byung ba'i shes pas brtags na/ rgyal po 'am/ blon pos bdag rang gi don du rgyal srid kyi phyir ram/ nor rdzas kyi phyir ram/ srog gi phyir mngon sum du yid ches par smras la/ shin du mngon par gnod pa byas na/ de lus dang bral nas ngan 'gro log par ltung ba sems can dmyal ba tshor ba rtsub cing tsha la bzod par dka' bar skye bar 'gyur ro/ /der gnod pa 'di dag 'byung bar 'gyur te/ 'di lta ste/ rang gi lus las las kyis byas pa'i srin bu dag skye ste/ lus thams cad la zhugs shing gnad thams cad la zhugs la/ chu rgyus thams cad gcod cing rnam par gcod do/ /sems can dmyal ba grub pa dag /sha thams cad za zhing / glo ba za la mi bzad par yongs su 'gyur ba dag /sems can dmyal ba der tshor ba me ltar shin du drag pa dag tshor ba chen po 'phel ba dang / dug gi tshor ba me lta bu dang / tshor ba shin du drag pa ji skad bshad pa dag ni tshor ba rtsub cing tsha la bzod</font><hr>63.193a<br><font size=+1>

par dka' ba yin te/ sems can dmyal ba sdig pas 'tsho ba de'i mi bzad pa gang yin pa dag brjod par mi nus so/ /sems can dmyal ba pa de ji srid du de'i sdig pa'i las bcom zhing spangs la zad par ma byas pa de srid du 'tshed do/ /de phyis sems can dmyal ba de las thar bar 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas dang dud 'gro dag tu ma skyes la gal te mi rnams dang skal ba mnyam par mir skyes na/ las de dang rgyu 'thun pa'i 'bras bus de ma'i mngal du zhugs nas de'i nyes par byas pa'i las des ji srid du de'i nyes par byas pa'i las kyi mtha' spyad pa btsa' bar 'gyur ba de srid du/ ma yang rtag tu nad bu can du 'gyur/ gang gi tshe ma'i mngal de nas byung nas de phan chad de yang byis pa nas rtag tu nad bu can du 'gyur te/ sman pa thams cad kyis nad gso bar mi nus pa mthong ngo // //'phags pa dam pa'i chos dran pa nye bar gzhag pa/  bam po bcu pa/ de nas yang dge slong las kyi 'bras bu rnam par smin pa shes pa des sems can dmyal ba chen po ngu 'bod kyi 'khor la brtags na des sems can dmyal ba gnod pa dpe med pa zhes bya ba mthong ngo / /der sems can dag las byas shing bsags pa gang gis skye bar 'gyur snyam nas des brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun du smra ba kun du bsten cing bsgoms te mang du byas pas 'gyur ro/ /'di lta ste/ bu ram shing dang / sa bsdu ba'i don du zhing gi rnang sgal la sogs pa brdzun dang g.yo thabs kyis 'phrog cing rtsod la gzhan la yang brdzun gyis slu na de lus dang bral nas ngan 'gro log par ltung ba sems can dmyal ba gnod pa dpe med par skye bar 'gyur ro/ /der gnod pa 'di</font><hr>63.193b<br><font size=+1>

dag 'byung bar 'gyur te/ gang sems can dmyal ba yang sos la sogs pa de dag thams cad kyi snga ma bzhin du 'byung ngo / /gang sems can dmyal ba pa rnams kyi yang gnod pa 'byung ba ni 'di lta ste/ lcags mgar sbud pa dbugs kyis bkang ba gnyis kyis lcags rdung zhing gleb pa de bzhin du gshin rje'i mi rnams kyis sems can dmyal ba pa de sems can dmyal ba der sbud pa gnyis kyis 'bud cing 'ju'o/ /las kyis bsgrubs pa'i tsha ba thams cad kyis 'bud cing 'ju'o/ /brdung zhing gleb pa ni lcags bzhin kun du rdung ngo / /yang skye bar 'gyur te de nas phyung nas rdza ma'i nang du bcug ste/ ji srid du de'i sdig pa'i las bcom zhing spangs la zad par ma byas pa de ji srid du mon sran gre'u bzhin du bskol to/ /de sems can dmyal ba de las thar bar 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas dang / dud 'gro dag tu ma skyes la gal te mi rnams dang skal ba mnyam par mir skyes na/ las de dang rgyu 'thun pa'i 'bras bus de rtag tu skom pas gdungs shing khro la skye bo thams cad yid ches par mi 'gyur ba mthong ngo / /de nas gzhan yang dge slong las kyi 'bras bu rnam par smin pa shes pa des sems can dmyal ba chen po ngu 'bod kyi 'khor la brtags na des sems can dmyal ba thams cad mun pa zhes bya ba mthong ngo / /der sems can dag las kun du bsten cing bsgoms te mang du byas pa gang gis skye bar 'gyur snyam nas des brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba kun du bsten cing bsgoms te mang du byas par 'gyur ro/ /brdzun smra ba yang gzhan gyi bud med la nyal nas de rgyal po'i pho brang 'khor du 'di ltar bdag gis bud med 'di la ma nyal zhes smra la/ bud med kyi khyim thab mi de la yang gnod pa byed par mngon par</font><hr>63.194a<br><font size=+1>

sgrub na/ de lus dang bral nas ngan 'gro log par ltung ba sems can dmyal ba thams cad mun par skye bar 'gyur ro/ /der gnod pa 'di dag 'byung bar 'gyur te/ 'di lta ste/ spyi bor phug nas der lce 'byin te phyung nas kyang ral gri dag gis gcod do/ /bcad cing bcad cing yang skye bar 'gyur ro/ /yang mtshon cha hu lu ka rab tu 'bar ba dag gis ji srid du de'i sdig pa'i las bcom zhing spangs la zad par ma byas pa de srid du lo 'bum phrag du mar gcod do/ /de sems can dmyal ba de las thar bar 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas dang dud 'gro dag tu ma skyes la/ mi rnams dang skal ba mnyam par mir skyes na/ las de dang rgyu 'thun pa'i 'bras bus de dmus long dang 'on par 'gyur zhing de skyes ma thag tu kha zas lam po che dang bzhi mdor sdug phongs pas 'tsho bar 'gyur/ khyim gyi sgo du mar kha zas slongs mos 'tsho zhing tshe thung la bu dang chung mas kyang spangs par 'gyur ba mthong ngo / /de nas yang dge slong las kyi 'bras bu rnam par smin pa shes pa des sems can dmyal ba chen po ngu 'bod kyi 'khor sems can dmyal ba mun pa dang dud pa zhes bya ba la brtags te/ der sems can dag las gang gis skye bar 'gyur snyam nas des thos pa las byung ba'i shes pas brtags na gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba kun du bsten cing bsgoms te mang du byas par 'gyur ro/ /brdzun smra ba yang tshong pa khe spogs kyis 'tsho ba'i phyir/ rdzas 'di ni tshong pa'i nang khrims kyis bdag dbang ste/ 'di gzhan mi dbang zhes des brdzun smra zhing g.yo thabs kyis rdzas 'phrog na de lus dang bral nas ngan 'gro log par ltung ba sems can dmyal ba'i 'jig rten mun pa dang dud pa zhes bya bar skye bar 'gyur ro/ /der gnod pa</font><hr>63.194b<br><font size=+1>

'di dag 'byung bar 'gyur te/ 'di lta ste/ snga ma bzhin du gang sems can dmyal ba yang sos la sogs pa la 'byung ba ltar yan lag dang nying lag shin du 'jam pa thams cad bcad cing gtubs pa dang / yang rab tu ngu'o/ /de'i sdig pa'i las kyi rgyu 'thun pa rnam par smin pa tsha ba rnam par smin pa chen pos shin du 'jam pa de dag kyang bcad nas skye'o/ /sems can dmyal ba pa de cho nges 'debs pa na/ zla ba drug lus pa'i rus pa gang yin pa de dag kyang rang gi lus las byung ba'i srin bu rdo rje mchu can la kha rab tu 'bar zhing kha dog sna tshogs can dag gis za la gnod pa sna tshogs dang / gnod pa'i tshor ba byed de/ de ltar ji srid du de'i sdig pa'i las bcom zhing spangs la zad par ma byas pa de srid du lo brgya stong phrag du mar ro/ /de phyis sems can dmyal ba de las thar bar 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas dang / dud 'gro dag tu ma skyes la mi rnams dang skal ba mnyam par mir skyes na/ las de dang rgyu 'thun pa'i 'bras bus de'i lus las dri nga ba 'byung / de'i mgo 'am gos la yang drod gsher las skyes pa'i srin bu skye bar 'gyur zhing dbul bar 'gyur ro/ /mchu dang bzhin khab ltar phra la tshe thung bar yang 'gyur/ tshig yid mi ches shing skye bo thams cad mi dga' la sdug phongs par 'gyur ba mthong ngo / /de nas gzhan yang dge slong las kyi 'bras bu rnam par smin pa shes pa des sems can dmyal ba chen po ngu 'bod kyi 'khor la brtags te/ der sems can dag las gang gis skye bar 'gyur snyam nas/ des thos pa las byung ba'i shes pas sems can dmyal ba phye ma leb ltar 'jug pa dang 'dra ba zhes bya ba la brtags na/ gang gis srog gcod</font><hr>63.195a<br><font size=+1>

pa dang / ma byin par len pa dang / 'dod pas log par g.yem pa dang / chang 'thung ba kun du bsten cing bsgoms te mang du byas pas 'gyur ro/ /brdzun smra ba yang dge 'dun gyi rdzas kyi rnam pa nyo ba dang btsong ba zas sam gos cung zad cig blangs la/ dge 'dun gzhan la rin thang chen por 'debs shing chags pa dang ldan pa dag dge 'dun de dag la slu bar yang byed de/ 'di ltar bdag gis nyos pa 'di de bzhin du khyod la sbyin no zhes kyang smra zhing skyes bu rmongs pa de tshong pa'i bde la chags nas brdzun smra'o/ /de lus dang bral nas ngan 'gro log par ltung ba sems can dmyal ba phye ma leb ltar 'jug pa dang 'dra ba zhes bya bar skye bar 'gyur ro/ /der gnod pa 'di dag 'byung bar 'gyur te/ 'di lta ste/ khyis lto phug nas rgyu ma dag za'o/ /gshin rje'i mi rnams kyis ste'u rab tu 'bar ba dag gis rgyab kyi sha bzhogs nas srang gcig gam srang phyed du srang gis bcal nas khyi dag la sbyin par byed cing rkang dbyung ba'i phyir ste'u rnon po dag gis rus pa yang bzhog par byed do/ /skam pa rab tu 'bar bas mgul ba'i phyogs phug nas lce 'byin to/ /yan lag dang nying lag thams cad la phur bu rab tu 'bar ba dag btsugs nas sha dag bcad cing rgyus pa 'byin te/ de nyes par byas pa'i las kyi mtha' spyad pa rang gis byas pa'i las spyod cing brdzun smra ba de rnam par 'tshed do/ /sems can dmyal ba pa dag gshin rje'i mi rnams las thar nas me rtag tu 'bar bas gang ba'i sems can dmyal ba der ji srid du de'i sdig pa'i las bcom zhing spangs la zad par ma byas pa de srid du lo 'bum phrag du mar phye ma leb bzhin du skye zhing skye zhing sreg go /de phyis sems can dmyal ba de las thar</font><hr>63.195b<br><font size=+1>

bar 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas dang / dud 'gro dag tu ma skyes la/ mi rnams dang skal ba mnyam par mir skyes na/ las de dang rgyu 'thun pa'i 'bras bus de dbul zhing dman la bkren pa dang / gzhan gyis bkol ba'i rigs su skye bar 'gyur/ de byis pa nas kun nas shin du bsrungs kyang mes tshig par 'gyur ba mthong ngo / /de nas gzhan yang dge slong las kyi 'bras bu rnam par smin pa shes pa des sems can dmyal ba chen po ngu 'bod kyi 'khor la brtags na/ des sems can dmyal ba shi ma thag tu 'tsho ba zhes bya ba mthong ngo / /der sems can dag las gang gis skye bar 'gyur snyam nas des thos pa las byung ba'i shes pas brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang brdzun du smra ba kun du bsten cing bsgoms te mang du byas na/ de lus dang bral nas ngan 'gro log par ltung ba sems can dmyal ba shi ma thag tu 'tsho bar skye bar mthong ngo / /der sems can dmyal ba yang sos la sogs pa rnams kyi tshor ba gang yin pa de dag thams cad snga ma bzhin du 'byung ba'i steng du khyad par du na tho ba dag gis kun du btags pa na/ phog ma thag tu 'chi bar 'gyur zhing / btag pa dang yang 'tsho bar 'gyur la/ phog pa dang yang 'chi bar 'gyur te/ de ltar sems can dmyal ba pa dag lo 'bum phrag du mar skye zhing 'chi'o/ /de nyes par spyad pa'i las kyi mtha' spyad pa de las thar nas/ me tog ud pa la'i tshal mthong ste/ skyabs 'dod pa de der brgyugs pa dang / me tog</font><hr>63.196a<br><font size=+1>

ud pa la dag me sngon pos shin du gang bar gyur to/ /brdzun smra ba de'i 'bras bu de gang yin snyam na 'jigs sar 'gro ba'i tshong pa gsad pa'i phyir/ chom rkun pa gang zhig dge slong gi tshul du zhugs nas 'jigs sa na chom rkun med do zhes smras pa dang / de dag nang der dong ste phyin pa dang / rkyen des bcom pa'i las de'i 'bras bus me tog ud pa la gang yin pa de dag 'dab ma sngon pos gang bar zhugs pa yin te rkang pa med cing phyir 'byung bar mi nus so/ /de'i las kyi tshul de lta bu'i mthus de lag pa dang / rkang pa dang / mig dang bral zhing ji srid du de'i sdig pa'i las bcom zhing spangs la zad par ma byas pa de srid du lo 'bum phrag du mar me tog ud pa la mdag mes gang ba der sreg cing 'tshed la gsod cing yang 'tsho bar byed do/ /de sems can dmyal ba de las thar bar 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas dang / dud 'gro dag tu ma skyes la/ mi rnams dang skal ba mnyam par mir skyes na las de dang rgyu 'thun pas de rtog pa po dang / g.yo thabs smra bar 'gyur/ de'i nor rdzas bsags pa rgyal pos 'phrog cing de yang bcings pa'i tshe 'chi ba'i dus byed par 'gyur ba mthong ngo / /de nas gzhan yang dge slong las kyi 'bras bu rnam par smin pa shes pa des/ sems can dmyal ba chen po ngu 'bod kyi 'khor la brtags na/ des thos pa las byung ba'i shes pas sems can dmyal ba chen po ngu 'bod kyi sems can dmyal ba gzhan du 'gyur ba zhes bya ba mthong ngo / /der sems can dag las gang gis skye bar 'gyur snyam nas des brtags na/ </font><hr>63.196b<br><font size=+1>

gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba kun du bsten cing bsgoms te mang du byas pas 'gyur ro/ /brdzun smra ba yang de dbye ba 'am gsod pa 'am pha rol las rgyal bar bya ba'i phyir g.yo sgyu smra ba yin na/ 'di lta ste/ bdag ni rtag tu bden par smra ba yin te/ bdag bden pa smra'o zhes 'jig rten kun dad pa bskyed nas/ de de'i tshe brdzun sna tshogs smras pa gang gis yul 'khor 'joms par byed/ skyes bu dam pa gsod par byed/ dgra gzhan gyi nor rdzas 'phrog par byed do/ /sngon bden pa smra'o zhes 'jig rten yid ches pa thob par byas shing dad pa bskyed de/ de nas brdzun smra ba ni de cha lugs bzang por bsgyur cing rkun ma brdzun smra ba yin te/ de lus dang bral nas ngan 'gro log par ltung ba sems can dmyal ba gzhan du 'gyur bar skye bar 'gyur ro/ /der gnod pa 'di dag 'byung bar 'gyur te/ 'di lta ste/ rgyang ring po nas de'i ma dang pha dang bran dang bsten grogs dang sdug pa'i mi de dag mthong ngo / /sems can dmyal ba des mthong ba dang / de dag gi kha nas des tshig snyan pa dag thos pa dang / de dag gi drung du mgon 'dod pa/ skyabs 'dod pa/ dpung gnyen 'dod pa/ dpung gnyen tshol bas rgyug go/ /de ji lta ji ltar de dag gi drung du rgyug pa de lta de ltar mdag me mtsho lta bu'i nang du nub ste/ ji ltar rdo chur bo ba bzhin du nub bo/ /de nas 'byung la yan lag dang nying lag thams cad shin du bsregs te/ tshor bas nyam thag nas ngu skad 'don pa na/ de'i pha dang ma dang bu dang bsten grogs dag mthong ba dang yang rgyug go/ /de nas yang las kyis byas pa'i gshin rje'i mi sog le thogs pa</font><hr>63.197a<br><font size=+1>

dag lam nas byung ste/ de gshin rje'i mi de dag gis bzung ngo / /bzung nas shing bzhin du dbus gshog go/ /de res 'ga' de las thar na lpags pa dang / rus pa tsam lus pa yan lag dang nying lag thams cad phug cing dral ba'i lus rma mtshan can dag gar thar du 'bros so/ /de bros na yang gshin rje'i mi gzhan dag gis bzung ngo / /bzung nas las las byung ba'i zo chun rgyud ma'i nang rdos bkang ba der de bcug go/ /de nas zo chun rgyud mo rab tu 'bar ba 'khor lo ltar bskor te/ der brdzun smra ba de phye bzhin du 'thag cing phye mar rlog go/ /de zo chun rgyud mo de las byung ste/ thar nas ma dang pha dang sten grogs dang / snying du sdug pa mthong ste/ mgon 'dod pa/ skyabs 'dod pa/ dpung gnyen 'dod pa de/ de dag gi drung du brgyugs rjes su brgyugs pa dang / las kyis byas pa'i lam du phur bu dang / las kyi stag byung ste/ de des bzung ngo / /bzung nas khar bcug ste/ de 'gram so'i bar du bcug nas phur bu rno zhing rab tu 'bar ba rnams kyis gzer nas 'dren to/ /de sems pa dang ldan nas rgyug pa dang / de'i rkang pa yang gcog cing 'thub/ byin pa yang gcod cing 'thub la sreg go/ /de'i yan lag dang nying lag thams cad phug cing dral la lus bsregs shing lus nyams la rnam par nyams pa dang / rtsa dang / rgyus pa dang / rus pa dang / lus kyi lhag ma lus pa dag shin du rgyug ste/ de ltar brdzun smra ba kun du bsten cing bsgoms te mang du byas pa'i 'bras bus rgyu dang 'thun pa'i 'bras bu grub bo/ /'di ltar de bden par smra bar bsgrubs la/ de nas brdzun smra zhing g.yo thabs smra la shur lung smra ba dag de ltar de ma dang pha dang / sten grogs dang / snying du sdug pa mthong ngo / /brdzun smra ba de 'di ltar tshor ba rtsub pa tsha ba/ </font><hr>63.197b<br><font size=+1>

tshor ba rno ba/ mtha' yas pa dag ji srid du de'i sdig pa'i las bcom zhing spangs la zad par ma byas pa de srid du lo 'bum phrag du mar sreg go/ /'tshed do/ /gcod do/ /gsod do/ /de sems can dmyal ba de las thar bar 'gyur te/ thar nas kyang gal te lan grangs gzhan la myong bar 'gyur ba'i las kyis mi rnams dang skal ba mnyam par mir skyes na/ las de dang rgyu 'thun par de dbul zhing nad bu can dang / dman pa dang / dbang po ma tshang bar 'gyur/ skye bo thams cad la yid mi ches shing zhe 'gras pa dang mi mthun par 'gyur/ de'i bsam pa thams cad mi 'grub cing log par 'gyur ba mthong ngo / /de nas yang dge slong las kyi 'bras bu rnam par smin pa shes pa des sems can dmyal ba chen po ngu 'bod kyi 'khor la brtags na/ des thos pa las byung ba'i shes pas/ sems can dmyal ba kun dga' la re ba med pa zhes bya ba mthong ngo / /der sems can dag las gang gis skye bar 'gyur snyam nas des thos pa las byung ba'i shes pas brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba kun du bsten cing bsgoms te mang du byas pa ni snga ma bzhin no/ /brdzun smra ba ni rnam pa 'di dag smra ba yin te/ sdug bsngal ba dang / nad bu can dang / ltogs pa dang / dman pa dang / mgon med pa dang / bkren pa dag la nor rdzas sbyin par khas blangs pa las ma byin pa yin te/ 'bras sA lu'i bza' ba dang / btung ba dang / gos dang / mal cha dang / khyim sbyin par khas blangs pa las ma byin pa de ni rgyu des re ba med par 'gyur te/ de lus dang bral ba'i 'og tu ngan 'gro log par ltung ba sems can dmyal ba kun dga' la re ba med pa zhes bya bar skye bar 'gyur ro/ /</font><hr>63.198a<br><font size=+1>

der gnod pa'i rnam pa 'di dag 'byung bar 'gyur te/ 'di lta ste/ gang gis bza' ba sbyin par khas blangs pa las ma byin pa de ni sems can dmyal bar bza' ba dang / bca' ba zhim po dang / rgyan sna tshogs kyis klubs pa dag mthong ngo / /sems can dmyal ba pa ltogs pas nyen pa de dag rgyang ring po na bza' ba nyams dga' zhing smon pa'i bza' ba de dag mthong ste/ bza' ba de dag gi phyogs su rgyug pa dang / lam phur bu dang / spas gang zhing lam du sog le rab tu 'bar bas gsheg pa na phyogs der rgyug pa ni snga ma bzhin du sbyar ro/ /nam zas de thob pa dang / de dag lcags kyi thu lum rab tu 'bar ba lta bur gyur cing dri nga la mdog mi sdug pa las kyis byas pa tshul log par mthong ste/ de nye bar bltas pa dang / mig gi 'bras bu ltung ngo / /gang gi tshe bsnams pa dang dri des sna tshig nas byid do/ /reg pas yan lag dang nying lag thams cad rab tu tshig ste/ de'i lus srin bu me khyer lta bur byed do/ /ro bro ba lcags kyi thu lum bsregs pa lta bus lce sreg go/ /de sregs nas yang mid pa dang / snying dang / mchin pa dang / gnye ma dang / rgyu ma dang / pho ba dang / long ka nas ro smad kyi bar du bsregs nas 'byung ngo / /yang gang gis mal cha dang / khyim sbyin par khas blangs pa las brdzun smras pa de grang ba dang tsha bas gdungs shing re ba med par byas so/ /sems can dmyal ba pa de sa gzhi zangs kyi glegs ma rab tu bzhus par bzhag ste/ des yan lag dang nying lag thams cad rnam par 'ju zhing sreg go/ /des khyim sbyin par byas pa las ma byin pa de yang 'byung bar 'gyur te/ khyim gyi brdzun smra ba de lcags kyi khyim dga' ba dang / nye bar dga' ba tshad dpag tshad lnga bcu par lcags khu rab tu bskol ba'i nang du 'jug go/ /de der 'og nas steng du/ steng nas</font><hr>63.198b<br><font size=+1>

'og tu bskol ba na/ steng nas steng du 'byung zhing / 'og nas 'og tu 'byung bar bskol ba dang / rab tu tshos te yan lag dang nying lag thams cad rnam par zhigs shing sha dang / rgyus pa dang / lpags pa dang / rus pa dang / tshigs lhag ma lus pa thams cad kyang rnam par zhigs nas rab tu bskol bas gang ba'i rdza ma mun pa mun nag de gnyis kyi nang du 'byung ste/ gdungs shing rnam par khro la smre sngags 'don to/ /gang rdza ma gong ma der btsos pa dang / de'i 'og tu lcags kyi rdza ma 'og ma der rab tu 'tshed de/ 'di ltar 'og tu 'byung zhing de dag gi shugs kyis gcig la gcig phog ste/ lus dum bu brgya 'am gal te stong du gyes so/ /de nas yang 'byung ste/ sems can dmyal ba pa gzhan dag la phog ste/ ji srid du brdzun smra ba de'i las bcom zhing spangs la zad par ma byas pa de srid du las kyi zhags pas bcings pa dag yang lan 'bum snyed du rnam par zhigs so/ /de de las thar bar 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas dang dud 'gro dag tu ma skyes la/ mi rnams dang skal ba mnyam par mir skyes na las de dang rgyu 'thun pa'i 'bras bus de bran gyi rigs sam de dang 'thun par de nyid du skye bar 'gyur te/ gang khas blangs pa las brdzun du smras pa de ni de dang 'thun par las gzhan dang gzhan du 'gyur ro/ /de la 'khor ba thog ma med pa nas gnod pa gang zhugs pa thog ma med pa nas dge ba dang mi dge ba'i las kyis byas pa'i rgyud kyi 'khor ba'i mtha' kun du zhugs pa las kyi rgyud kyis dga' ba'i 'dod chags kyi mod la sred pa gang byung ba'i gnod pa des gzhan dag gi bran du 'gyur te/ bza' ba dang / btung ba dang / mal stan dang / nad kyi rkyen gso sman med</font><hr>63.199a<br><font size=+1>

cing / jo bo des rtag tu spyo bar 'gyur ba mthong ngo / /de nas gzhan yang las kyi 'bras bu rnam par smin pa shes pa des/ sems can dmyal ba chen po ngu 'bod kyi 'khor la brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba ni des snga ma bzhin du mthong ngo / /brdzun smra ba ni bzo bo tshogs shing 'dus pa'i nang du song nas rgyags pa bdo ba 'am zhe sdang ngam phan tshun mi mthun pas gang du tshogs shing 'du ba'i khrims bcas te chad pas gcad par bya ba las/ de nyes pa med bzhin du bdag dang gzhan bslus nas chad pas gcod par byed cing de yang goms par byed/ lan mang du byed la las kyi mjug bsags pa de ni lus dang bral nas ngan 'gro log par ltung ba sems can dmyal ba phan tshun gnod pa 'jug par skye bar 'gyur te/ gang gi tshe tshogs shing 'dus pa de dag gi nang du song nas gnod pa byas pa'i rgyu de dang rkyen des lus dang bral nas ngan 'gro log par ltung ba sems can dmyal ba phan tshun gnod pa 'jug par 'gyur ro/ /der gnod pa 'di dag 'byung bar 'gyur te/ gang yang sos dang / thig nag dang / bsdus gzhom dang / ngu 'bod la sogs par bshad pa snga ma bzhin du 'byung ba'i steng du bye brag tu 'byung ba ni 'di lta ste/ las byas pa'i sems can dmyal ba der seng ge mche ba rab tu 'bar ba 'byung ste/ de sems can dmyal ba pa brdzun smra ba de la sngon smras pa'i tshor ba dang ldan pas yang nas yang du za'o/ /de 'gram pa phye ba dang 'tsho bar 'gyur la btsums pa dang yang lus thams cad za ste/ de sos pa dang za'o/ /de sos pa dang za bar 'gyur te/ de'i las kyis byas pa'i seng ge'i so gtams pa'i</font><hr>63.199b<br><font size=+1>

bar du chud pa dang / de'i kha mdag ma rab tu 'bar bas gang ste/ de sos ni za la mes ni cig car sreg go/ /de ltar brdzun zer ba de srid du de'i sdig pa'i las bcom zhing spangs la zad par ma byas pa de srid du lo 'bum phrag du mar gnod pa dpe med pa rjes su myong bar 'gyur ro/ /de phyis sems can dmyal ba de las thar bar 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas dang dud 'gro dag tu ma skyes la mi rnams dang skal ba mnyam par mir skyes na/ las de dang rgyu 'thun pa'i 'bras bus de sbrul lam seng ge 'am stag gam dom gyis gsod par 'gyur ba mthong ngo / /de nas gzhan yang dge slong las kyi 'bras bu rnam par smin pa shes pa des sems can dmyal ba chen po ngu 'bod kyi 'khor la brtags na/ des thos pa las byung ba'i shes pas gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun zer ba mthong ste/ de skyes pa'i rigs gcig pa'i spun gyi nor gyi phyir ram/ pha dang mes po gcig pa'i spun de gnyis nor gyi phyir rtsod pa na/ de spun gnyis pa 'am/ khu bo 'am/ de dang rigs gcig pa'i ched du g.yo thabs kyi blo dang / brgyad pa'i blos brdzun mngon du zer zhing shes par byas rig par byas la las dang las kyi mjug dang / nyer bsdogs dang ldan par gyur na de lus dang bral nas ngan 'gro log par ltung ba sems can dmyal ba phan tshun gnod pa 'jug par skye bar 'gyur ro/ /der gnod pa 'di dag 'byung bar 'gyur te/ gang yang sos la sogs pa'i snga ma bzhin du 'byung ba'i steng du khyad par du 'byung ba ni las byas pas shan par 'gyur te/ gang rang gi gnyen 'dab de la bslus shing brdzun byas pas sha de bcad cing bdag gi kha der 'jug ste/ sems can dmyal ba pa nyes</font><hr>63.200a<br><font size=+1>

par byas pa'i las des rang ga sha de yang lcags ltar rab tu 'bar zhing ro bro ba med pa yin no/ /de la gnod pa gnyis 'byung ste/ shan pa byas pas lus la tshor ba 'byung ba dang / bkres shing skom pa byas pa gnyis te/ der sha bcad pa dang / de las byung ba'i srin bu dag skyes te/ gang rus pa gzhan dag dang / rkang tshun chad la yang za'o/ /de ltar nyes par byas pa'i las kyi mtha' spyad pa de srid du de'i sdig pa'i las bcom zhing spangs la zad par ma byas pa de srid du lo 'bum phrag du mar sems can dmyal ba phan tshun gnod pa 'jug par skye bar 'gyur ro/ /de sems can dmyal ba de las thar bar 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas dang / dud 'gro dag tu ma skyes la/ mi rnams dang skal ba mnyam par mir skyes na las de dang rgyu 'thun pa'i 'bras bus de rnams kyang pha dang mes po'i nor 'thob par mi 'gyur/ yid ches pa'i gnas su mi 'gyur zhing dbul por 'gyur ba mthong ngo / /de nas gzhan yang dge slong las kyi 'bras bu rnam par smin pa shes pa des sems can dmyal ba chen po ngu 'bod kyi 'khor la btags na/ des thos pa las byung ba'i shes pas sems can dmyal ba nags tshal mes mched pa'i rgyud lta bu zhes bya ba mthong ngo / /der sems can dag las gang gis skye bar 'gyur snyam nas des brtags na/ gang gis srog gcod pa dang / ma byin par len pa dang / 'dod pas log par g.yem pa dang / 'bru'i chang dang / sbyar ba'i chang myos par 'gyur ba blud pas 'gyur ro/ /brdzun smra bar 'gyur ba ni gyad tshogs shing 'du ba'i nang du song ste/ nyes pa byas nas chad pas 'jigs pa'i phyir bdag gis nyes pa ma byas shes smra na de lus dang bral ba'i 'og tu ngan 'gro log par ltung ba sems can dmyal ba nags tshal mes mched</font><hr>63.200b<br><font size=+1>

pa'i rgyud lta bur skye bar 'gyur ro/ /der gnod pa 'di dag 'byung bar 'gyur te/ 'di lta ste/ sems can dmyal ba yang sos la sogs pa'i gnod pa bsdus pa gang yin pa de dag thams cad sems can dmyal ba 'dir 'byung bar 'gyur ro/ /khyad par du 'byung ba ni lcags kyi glegs ma rab tu 'bar bas 'khrigs te/ de kun nas khrag dang sha 'dam lta bur gyur cing shing ljon pa keng shu ka ltar mtshon 'bab ste/ de'i tshe de'i lus de la lcags kyi glegs ma de 'byar bar 'gyur ro/ /gang gi tshe ngu skad 'don na de'i sha dang / tshil dang / khrag lcags kyi glegs ma de la 'khris pa gshin rje'i mi dag gi shugs kyis de'i lus las 'chu bar byed do/ /de sems can dmyal ba de las thar pa dang / mgon 'dod pa/ skyabs 'dod pa/ kun nas gtses pa gshin rje'i mi rnams kyis 'jigs shing skrag pa/ lus shig shig por gyur pa des ba tshwa'i chu bo gnod skyes shes bya ba mthong ste/ der rab tu 'jug go/ /de ltar gshin rje'i mi rnams kyis 'jigs pa'i zil gyis gnon pa de dag zhugs ma thag tu yan lag dang nying lag thams cad dang / lus chu rgyus mang pos brgyus shing sbrel ba dang / lpags pa dang / rus pa kun rnam par nyams shing lus kyi sha snyil ba'i lus de mar sar gyi gong bu bzhin rab tu 'ju yang de'i nyes par byas pa'i las kyi mthus de 'chi bar mi 'gyur ro/ /ji ltar 'od ma'i lo mas khengs pa/ bar med pa'i nags tshal mes mched pa'i rgyud kun nas rtag tu 'bar bar byas pas gang la mes ma mched pa 'am/ gang du sems can mi sreg pa 'am/ mi 'tshed pa med pa de ltar sems can dmyal ba nags tshal mes mched pa'i rgyud lta bu la khab kyi bu ga tsam gyi phyogs kyang mi dmigs te/ gang du sems can dmyal ba mgon 'dod pa/ skyabs 'dod pa dag mi sreg pa 'am/ mi 'tshed pa 'am/ ngu skad mi 'don pa 'am/ mi rgyug pa med do/ /</font><hr>63.201a<br><font size=+1>

de dag ji srid du de'i sdig pa'i las bcom zhing spangs la zad par ma byas pa de srid du sdug bsngal de dag las re shig thar par mi 'gyur ro/ /de phyis sems can dmyal ba de las thar par 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas dang / dud 'gro dag tu ma skyes la mi rnams dang skal ba mnyam par mir skyes na/ las de dang rgyu 'thun pa'i 'bras bus de'i kha nas tshig 'khums pa 'byung ste/ smra mi nus shing 'phral skad kyang smra bar mi nus na/ legs par sbyar te smra ba lta zhig nus par lta ga la 'gyur ba mthong ngo / /de nas gzhan yang dge slong las kyi 'bras bu rnam par smin pa shes pa des sems can dmyal ba chen po ngu 'bod kyi 'khor la brtags na/ des thos pa las byung ba'i shes pas sems can dmyal ba tshor ba ring ba zhes bya ba mthong ngo / /der sems can dag las gang gis skye bar 'gyur snyam nas des brtags na/ mi dge ba srog gcod pa dang / ma byin par len pa dang / 'dod pas log par g.yem pa dang / chang 'thung ba byas shing bsags par 'gyur ro/ /brdzun smra ba yang rnam pa 'di dag smras par 'gyur te/ sngar dran bzhin du chung zad khas blangs pa ni/ dge 'dun la dngos po chung zad khas blangs pa 'am/ de bzhin du sangs rgyas dang chos la gsal bar khas blangs la des phyis mi bzod pa byung nas bdag gis khas blangs pa med do zhes smra la dge 'dun la yang de'i khas blangs pa gang yin pa des gnod par gyur na/ de'i brdzun du smra ba de byas shing bsags la 'dus byas pa'i 'bras bus sems can dmyal ba tshor ba ring ba zhes bya ba der skye bar 'gyur ro/ /der gnod pa 'di dag 'byung bar 'gyur te/ 'di lta ste/ sems can dmyal ba yang sos la sogs par bshad pa gang yin pa de dag thams cad snga ma bzhin du 'byung ba'i steng du khyad par 'byung ba ni 'di yin te/ 'di lta ste/ </font><hr>63.201b<br><font size=+1>

gshin rje'i mi rnams kyis khab kyi rtse mo rab tu ring ba rno zhing phra la rab tu 'bar ba dag gis 'bigs par byed de/ de tshor bas nyam thag cing ngu skad 'byin to/ /de ngu skad 'byin pa ni 'di lta ste/ dong ba'i nang mdas bkang ba de ltar de'i kha dang lce la khab de dag nyid kyis rtag tu 'gengs te/ de tshor bas nyam thag par gyur kyang ngu skad 'don pa 'am smre sngags 'don par mi nus so/ /rang gi sems la brdzun smra bas bslang zhing bdag gzhan slu bar byed pa rtag tu tshor ba gzhan dang mi 'dra ba'i tshor ba myong bar 'gyur ro/ /sems can dmyal ba'i 'gro ba las thar nas kyang yan lag dang nying lag thams cad ba spu'i khung bu 'dra zhing lus thams cad nyams pa dag der gar bab bab tu tshor ba ring bas nyam thag par ltung ngo / /de ji lta ji ltar ltung ba de lta de ltar khab shin du rno bas de'i lus la 'dzugs par byed de/ de khab de dag gis yang dang yang du nyam thag par byed cing ches shin du sgra 'byin par byed la kha bkab pas zil gyis non pa ni 'khun zhing nang du 'khun par byed do/ /gal te khab de dag res 'ga' kha nas byung na de ngu skad 'byin par nus la/ gzhan du na kha bkag pas zil gyis non pa dag 'khun par byed do/ /lcags kyi sa gzhi rab tu 'bar ba dag la gred cing 'gre ldog /rab tu 'bying zhing rab tu 'jug la g.yo bar byed de/ gshin rje'i mis nyam thag pa sta re dang / mdung thung mda' bo che dang / gtun shing dang / mtshon chas lus thams cad shig shig por byas so/ /de ltar brdzun smras pa de ji srid de'i sdig pa'i las bcom zhing spangs la zad par ma byas pa de srid du lo 'bum phrag bye ba du mar tshor ba de dag myong bar 'gyur ro/ /de phyis sems can dmyal ba de las thar bar 'gyur te/ thar nas kyang gal te lan grangs gzhan la myong bar</font><hr>63.202a<br><font size=+1>

'gyur ba'i las kyis yi dgas dang / dud 'gro dag tu ma skyes la/ mi rnams dang skal ba mnyam par mir skyes na las de dang rgyu 'thun pa'i 'bras bus de dbul zhing tshig yid mi ches par 'gyur/ gang dang gang la don bcol ba'i de dang de khas len pa tsam du yang mi btub cing de shin du dbul bar byas pas yid re ba med par 'gyur ba mthong ngo / /de nas gzhan yang dge slong las kyi 'bras bu rnam par smin pa shes pa des sems can dmyal ba chen po ngu 'bod kyi 'khor la brtags na/ des thos pa las byung ba'i shes pas/ sems can dmyal ba tshor ba mtha' yas pa zhes bya ba mthong ngo / /der sems can dag las gang gis skye bar 'gyur snyam nas des brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung bas 'gyur ro/ /brdzun smra bar 'gyur ba ni 'di ltar tshong pa rgya mtshor zhugs pa dag gis mnyan pa gdos pa 'dzin pa la chom rkun pa rnams kyis snying brkam bcug gam/ nor rdzas kyis dbyen byas pa yin te/ chom rkun pa de dag nyid kyis sam tshong pa de dag gi nang nas kha cig gis dbyen byas pas tshong pa de dag la gdos pa 'dzin pas/ 'di ltar khyed cag rin po che'i gling du bkri'o zhes smras la de dag la de ltar dam bcas nas brdzun byas te/ thang gi gling la khrid pa las der gal te ba dan sngon po mthong bzhin du chom rkun pa 'ong ngo zhes tshong pa de dag la ma sbran te/ de dag kyang gdos pa 'dzin pa bden pa smra ba de bdag cag la slu bar mi byed do zhes yid brtan cing 'dug 'dug pa las gdos pa 'dzin pa des chom rkun pa dag tshong pa de dag gi nor med par byed du 'jug cing bdag kyang nor rdzas de 'phrog par byed na brdzun smras pa de lus dang bral nas ngan 'gro log par ltung ba sems can dmyal ba tshor ba mtha' yas par skye bar</font><hr>63.202b<br><font size=+1>

'gyur ro/ /der gnod pa 'di dag 'byung bar 'gyur te/ 'di lta ste/ sems can dmyal ba yang sos la sogs par sngar bshad pa bzhin de dag thams cad der 'byung ba'i steng du khyad par du 'byung ba ni sems can dmyal ba pa der skyes pa de dag gi mig phra skam 'dren pa rab tu 'bar ba dag gis 'dren to/ /mig 'dren pa dag gis drangs pa dang / de nas yang shin du gzhon sha can sdug par skyes te/ gnod pa ches mang ba dag gis de 'byin par byed do/ /de dag gi rna ba yang ro nye rab tu bskol bas bkang la gshin rje'i mi rnams kyis yan lag dang nying lag thams cad spu gri dag gis 'jog par byed do/ /srin bu ta la la lwa la ka zhes bya bas de'i gnye ma dang rgyu ma'i nang du zhugs nas rab tu za'o/ /phyi rol du ni mun pa kun nas shin du gnag pa der 'jug la phyi nang de dag thams cad du yang las kyis byas pa'i chu srin rab tu 'bar ba dag 'byung ste/ de dag gis za bar byed/ kha dang sen mo dang so rdo rje ltar rno zhing 'bar ba dag gis yan lag dang nying lag thams cad 'byed par byed/ phye mar rlog par byed de/ bye ma chang pa nas gtor ba bzhin byed do/ /de so'i bar de nas thar nas chu srin rab tu 'bar ba de dag gi lto'i nang du 'jug par byed do/ /de ltar de dag chu srin gyi lto der lo 'bum phrag du mar lo bye ba phrag du mar chu srin de dag gi lto rab tu 'bar bar dbugs med pa 'am/ dbugs chung bar sreg cing 'tshed do/ /brdzun smras pa dag tshor ba drag pa tsha ba rtsub pa myong zhing las kyi rgyu brdzun smra ba rang gi lces kun nas bslang bas sreg la phyis sems can dmyal ba pa'i mes kun du sreg go/ /'di ltar chu srin de dag gis yan lag dang nying lag thams cad dkris nas lus phye mar byas pa kha nas 'byin te/ de nas yang phyi rol du me mdag sngon pos sreg go/ /bsreg pa na gshin rje'i mi rnams kyis tshigs su bcad de</font><hr>63.203a<br><font size=+1>

bstan pa/ sems can dmyal ba'i rgyur gyur pa/ /brdzun du smra ba ston pa yin/ /sngon chad rgyu ni bsten byas pa/ /don med smre sngags yongs su 'don/ /me yi nang na me mchog ste/ /rgya mtsho dag kyang sreg byed na/ /gang dag brdzun smra shing dang rdo/ /rang bzhin 'dra ba smos ci dgos/ /mi gang bden pa spangs nas su/ /brdzun du smra ba sgrub byed pa/ /de ni rin chen spangs nas su/ /sdig pa'i bdag nyid rdo 'dra sgrub/ /bdag la sdug par mi byed gang / /de ni sems can dmyal la dga'/ /brdzun gyis rang lus me 'byung ste/ /blo dang mi ldan de bsten to/ /bden tshig legs par rnyed yin te/ /lus can kun gyi rgyan yin no/ /bden pa spangs nas brdzun smra ba/ /blo med ci phyir chags par byed/ /bden pa yon tan bdag nyid mchog /brdzun smra dran pa skyon yin te/ /rmongs pa yon tan btang nas su/ /ci phyir skyon la yongs su rgyug /sems can dmyal bar rtag 'gro ba/ /skyon gyi 'bras bu nyes pa yin/ /khyed cag yon tan de dang 'gras/ /mi bzad dmyal bar kun du gnas/ /sdug bsngal kun gyi sa bon ni/ /brdzun du smra bar rab tu grags/ /de bzhin bde ba bden yin te/ /de bas su zhig brdzun du smra/ /bden par smra ba'i mi dag ni/ /lus can kun gyi dga' ba yis/ /brdzun smra mi dang 'gras pa ste/ /de bas su zhig brdzun du smra/ /bden par smra ba'i mi dag ni/ /lha ltar rtag tu dga' ba yin/ /dmyal bar de ltar rmongs pa dag /de bzhin sems kyis brdzun du smra/ /legs pa'i las ni ma byas la/ /sdig pa du ma byas pa na/ /sdug bsngal mtha' yas skyes pa dag /ci zhig sdig pas yongs su gdung / /dge ba'i 'bras bu legs pa yin/ /sdig pas nyon mongs 'tshed par byed/ /blo ldan mi yis sdig byas kyang / /dge ba rjes su sten par byed/ /dge ba'i nang na bden pa mchog /skyon gyi nang na de bzhin brdzun/ /skyon spangs yon tan tshol byed pa/ /mi yi nang na</font><hr>63.203b<br><font size=+1>

mi mchog yin/ /bde 'byung bde ba'i 'bras bu ni/ /bden pas yongs su 'grub par 'gyur/ /bden pas bde ba 'thob 'gyur te/ /bden pas mya ngan 'das par 'gro/ /sdug bsngal 'byung ba 'bras bu tsha/ /sdug bsngal mod la 'tshed par 'gyur/ /sdug bsngal kun mtha' brdzun yin na/ /mi yis ci phyir spang mi bya/ /bden pa don gyis 'thob min te/ /nyon mongs pas kyang 'thob med na/ /ci phyir bden pa yongs spangs nas/ /brdzun smra ba la dga' bar byed/ /yul gzhan dag nas bden mi 'ong / /de ni gzhan du btsal ba med/ /chu la stegs btags stegs myin te/ /bden pa stegs kun mchog yin no/ /sgron ma'i nang na sgron ma mchog /bden pa yin zhes sangs rgyas gsung / /sman gyi nang na sman mchog ste/ /de yis rtag tu sdug bsngal sel/ /nged kyis sdig pa bzung ba med/ /khyed cag rmongs pa'i sems kyis su/ /ngan pa khyed kyis byas pas na/ /khyed cag yongs su gdungs pa yin/ /sems can dmyal bar skyes pa ni/ /sdig pa byang bas rnam par 'grol/ /kun du skad 'don pa yi mi/ /nams kyang thar bar ga la 'gyur/ /rang gi las kyis rnam bslus pa/ /rmongs pa khyed cag ci zhig ngu / /byis pa rang gi sems kyis bslus/ /blo med khyed cag ngu skad 'don/ /de ltar sems can dmyal ba'i srungs ma de dag gis/ sems can dmyal ba pa de dag la so sor rjes su bstan nas ji srid du de'i sdig pa'i las bcom zhing spangs la zad par ma byas pa de srid du gnod pa mi bzad pa'i rnam pa brgya phrag du ma ji ltar sngar bshad pa bzhin du 'byung ngo / /de phyis sems can dmyal ba de las thar bar 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas dang / </font><hr>63.204a<br><font size=+1>

dud 'gro dag tu ma skyes la mi rnams dang skal ba mnyam par mir skyes na/ las de dang rgyu 'thun pa'i 'bras bus de rtag tu gzhan du zhugs nas slu bar byed cing nor rdzas thams cad kyang 'phrog par byed/ de'i bya ba gzhan gang yin pa dag kyang tshegs chen por 'gyur zhing de'i tshig 'jig rten pa yid ches par mi 'gyur ba mthong ngo / /de nas gzhan yang dge slong las kyi 'bras bu rnam par smin pa shes pa des/ sems can dmyal ba chen po ngu 'bod kyi 'khor la brtags na/ des thos pa las byung ba'i shes pas sems can dmyal ba khwa mchu rdo rje lta bu zhes bya ba mthong ngo / /der sems can dag las gang gis skye bar 'gyur snyam nas des thos pa las byung ba'i shes pas brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun smra ba kun du bsten cing bsgoms la mang du byas pas 'gyur te/ de lus dang bral nas ngan 'gro log par ltung ba sems can dmyal ba khwa mchu rdo rje lta bu'i nang du skye bar 'gyur ro/ /der gang sems can dmyal ba yang sos la sogs pa'i gnod pa de dag thams cad 'byung bar 'gyur ro/ /brdzun ni gang zhig dge 'dun gyi 'khor gyi nang du song nas nad kyi rkyen gyis gsos sman sbyar bar khas blangs pa las ma byin na de lus dang bral nas ngan 'gro log par ltung ba sems can dmyal ba khwa mchu rdo rje lta bu'i nang du skye bar 'gyur ro/ /der gnod pa 'di dag 'byung bar 'gyur te/ 'das pa'i dus su las byas pa de dag khwa mchu rdo rje lta bus sha bcad cing bcad cing za'o/ /gang gi tshe sha bcad par gyur pa'i skad cig de nyid dang gnas de nyid du yang ches shin du gzhon sha can pad ma ltar 'jam pa skye bar 'gyur te/ de ci nas kyang tshor ba</font><hr>63.204b<br><font size=+1>

ches drag par bya ba'i phyir de nyid phyung zhing btogs pa dang / de nas yang ches shin du gzhon sha can sar pa gzhan dag skye bar 'gyur ro/ /de ltar sems can dmyal ba pa de dag lo 'bum phrag du mar khwa'i mchu rdo rje lta bus za bar byed do/ /de nas thar ba dang bye ma'i nang nas lcags rab tu 'bar ba 'byung la de bye ma de dag la rkang pas 'gro ste/ de ji ltar thal ba yang mi mngon pa de ltar des sreg par byed do/ /de nas langs pa dang yang thams cad 'byung bar 'gyur te/ gang gis brdzun de smras shing sdig pa'i rjes su smras pa brdzun smra bas brdzun zer ba smras pa de yang 'byung zhing 'byung zhing bdag nyid kyi lce yang bdag nyid za'o/ /'dir tshigs su bcad pa/ bdud rtsi dang ni dug nyid dag /mi rnams kyi ni lce la gnas/ /bden par smra ba bdud rtsi yin/ /brdzun gyi tshig ni dug dang 'dra/ /gang zhig bdud rtsi mngon 'dod pa/ /de ni rtag tu bden la gnas/ /gang zhig dug la mngon dga' ba/ /de ni brdzun gyi tshig la dga'/ /dug gis gnod par nges med kyi/ /brdzun du smra bas nges par 'gyur/ /gang zhig brdzun ni mngon smra ba/ /skyes bu de ni 'chi bar 'gyur/ /brdzun gyis bdag la mi phan na/ /gzhan la phan par ga la 'gyur/ /bdag dang gzhan gang sdug bsngal ba/ /de ni mi yis ci phyir bsten/ /de ltar brdzun la bsten pa ni/ /sdig pa sdig par 'grub 'gyur te/ /mtshon dang me dang ngam grog las/ /mi yi sdug bsngal de 'dra med/ /lus gcig 'phrog pa mthong ba ni/ /'chi ba dus las 'byung 'gyur te/ /tshe rabs snga phyi stong dag tu/ /brdzun gyi tshig gis chud gzon to/ /btsun pa'i rigs la mthor byed cing / /dma' ba'i rigs la rgyan du byed/ /thar pa'i lam dag ston</font><hr>63.205a<br><font size=+1>

byed pa/ /bden pa yin zhes mngon par brtags/ /sems can rnams kyi rang gi las/ /sred pas khyer bar gyur pa na/ /gzings 'dra bden smra mchog yin zhes/ /bde bar gshegs pas bka' stsal to/ /'jig rten thog ma tha ma med/ /sred pa'i zhags pa'i dbang du song / /'di ltar skyabs gzhan bden pa las/ /med ces chos la mkhas pas rig /gcer bu mtshon gyis gcod pa ltar/ /bden pas rtag tu nyon mongs gcod/ /mtshon gyis btab pas ngu bar 'gyur/ /bden pas nams kyang ngu ba med/ /'jig rten gnyis la phan byed pa/ /bden pa mi zad gter zhes bya/ /chos so cog gi khrims yin zhing / /nor gyi gzhi yi mchog yin no/ /bden pa'i yon tan rab bsgrubs pa/ /bde 'byung 'bras bu chen po yin/ /blo ldan ngan g.yo rnams spongs shig /de nyid mthong bas spangs pa yin/ /bden pa spangs pa'i mi dag khwa mchu rdo rje lta bus ji srid du/ de'i sdig pa'i las bcom zhing spangs la zad par ma byas pa de srid du lo 'bum phrag du mar 'tshed do/ /de phyis sems can dmyal ba de las thar bar 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas dang / dud 'gro dag tu ma skyes la mi rnams dang skal ba mnyam par mir skyes na/ las de dang rgyu 'thun pa'i 'bras bu tsha ba sems can dmyal bar 'gro ba bden pa de dang mi mthun par gyur pa brdzun smras pas/ de rtag tu 'thab pa dang / rtsod pa mang zhing rtag tu gzhan rgyal bar 'gyur la/ tshig gis 'jig rten pa'i yid mi ches par 'gyur ba mthong ngo / /de nas gzhan yang dge slong las kyi 'bras bu rnam par smin pa shes pa des sems can dmyal ba chen po ngu 'bod kyi 'khor la brtags na/ des thos pa las</font><hr>63.205b<br><font size=+1>

byung ba'i shes pas sems can dmyal ba khrag dang rkang za ba zhes bya ba mthong ngo / /sems can dmyal ba khrag dang rkang za ba der sems can dag las gang gis skye bar 'gyur snyam nas/ des thos pa las byung ba'i shes pas brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun smra ba byas shing bsags pas 'gyur te/ 'di lta ste/ rgyal po 'am blon po 'am rje dpon du gyur pas dpya thang las lhag par phab la 'di ltar ngas lhag par phab pa med do zhes smra zhing dpya 'bebs na de lus dang bral nas ngan 'gro log par ltung ba sems can dmyal ba khrag dang zhag za bar skye bar 'gyur ro/ /der gnod pa 'di dag 'byung bar 'gyur te/ 'di lta ste/ gang sems can dmyal ba yang sos dang thig nag la sogs par 'byung ba rnams 'byung ba'i steng du khyad par du 'byung ba ni 'di lta ste/ shing rab tu 'bar ba lo ma spu gri lta bu yod par brdzun smra ba de gshin rje'i mi rnams kyis lcags kyi thag pa rab tu 'bar ba dag gis bcings nas kha sbub tu spyangs so/ /kha sbub tu spyangs pa de'i rkang pa dag la mchu dang sen mo rdo rje ltar rno ba dag gis za ste/ kha sbub tu spyangs pa de dag khrag 'byung ba gang yin pa de la za ba des gnas par byed do/ /tshor ba thams cad kyi nang na kha zas kyi tshor ba mi bzad par bshad de/ de rang gi khrag la 'thung ngo / /de tshor ba gnyis dag gis yongs su gnod de me'i tshor ba dang / bkres pa dang skom pa'i tshor ba'o/ /'dir tshigs su bcad pa/ ji ltar bkres shing skom pa ni/ /las kyis shin du g.yengs pas gdungs/ /de ltar sreg pas sreg min zhing / /rlung drag pa yis khyer mi byed/ /de ltar lo brgya stong phrag du mar de rang gi khrag dang rkang dag la</font><hr>63.206a<br><font size=+1>

za ste/ 'di ltar ro smad me mchog tu tsha bas bsregs so/ /de ji srid du de'i sdig pa'i las bcom zhing spangs la zad par ma byas pa de srid du/ sems can dmyal ba der sreg go/ /de phyis sems can dmyal ba de las thar bar 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas dang / dud 'gro dag tu ma skyes la/ mi rnams dang skal ba mnyam par mir skyes na/ las de dang rgyu 'thun pa'i 'bras bus de dbul bar 'gyur zhing ngag yid mi ches pa dang / rtag tu de'i sna nas khrag 'dzag cing so shing 'cha' ba na khrag 'byung bar 'gyur ba mthong ngo / /de nas gzhan yang dge slong las kyi 'bras bu rnam par smin pa shes pa des sems can dmyal ba chen po ngu 'bod kyi 'khor la brtags na/ des thos pa las byung ba'i shes pas mthong ste/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung bas 'gyur ro/ /brdzun smra ba ni gnyis shig rtsod pa na rgyal po 'am/ blon po 'am/ gzhan yid ches pa'i gnas su bya bas nor blangs sam/ mdza' bshes sam/ 'dod chags sam/ zhe sdang gis phyogs bzung ste/ zhal ce yon por bcad na de lus dang bral nas ngan 'gro log par ltung ba sems can dmyal ba me lce bcu gcig pa der skye bar 'gyur ro/ /phyogs bzung ste/ brdzun smra ba de la gang sems can dmyal ba yang sos la sogs pa'i tshor ba gnod pa 'di dag thams cad bcu 'gyur du 'byung ba'i steng du khyad par du 'byung ba ni 'di lta ste/ rang gi lus las phyogs bcur me lce'i phung po bcu gcig 'byung bar 'gyur ro/ /brdzun smra ba'i lce'i kha las bkres pa dang skom pa 'byung bar 'gyur te/ zhal ce yon por gcod pa ni skad cig skad</font><hr>63.206b<br><font size=+1>

cig la skye zhing sreg go /sreg pa na tshor ba'i rnam pa de lta bu myong bar 'gyur te/ gang me lce'i phung po bcu gcig po de dag ni bcu drug gi char yang mi phod do/ /las kyis byas pa'i tshor ba de dag ji srid du de'i sdig pa'i las bcom zhing spangs la zad par ma byas pa de srid du 'di ltar de sems can dmyal ba me lce bcu gcig par lo 'bum phrag du mar sreg go/ /'tshed do/ /de phyis sems can dmyal ba de las thar bar 'gyur te/ thar nas kyang gal te lan grangs gzhan la myong bar 'gyur ba'i las kyis yi dgas dang / dud 'gro dag tu ma skyes la/ mi rnams dang skal ba mnyam par mir skyes na de zhal che yon por bcad pa'i rgyu 'thun pa'i 'bras bus de rtag tu bkres pa dang skom pas gdungs shing yan lag thams cad rnam par sreg pa dang / dbul zhing tshe thung ba dang / ngag yid mi ches pa dang / shin du glen pa dang / gzugs mi sdug pa dang / rkang lag nyams pa dang / dri ma can dang / gnas ngan pa sum mdo dang / bzhi mdo'i khyim du 'jug cing tshe gcig gi bar du shin du sdug bsngal bar 'gyur ro/ /de nas gzhan yang dge slong las kyi 'bras bu rnam par smin pa shes pa des sems can dmyal ba chen po ngu 'bod kyi 'khor la brtags na/ des sems can dmyal ba chen po de'i 'khor bcu bdun pa ni gcig kyang ma mthong ngo // //'phags pa dam pa'i chos dran pa nye bar gzhag pa/  bam po bcu gcig pa/ de nas gzhan yang rnal 'byor spyod pa nang gi chos la chos kyi rjes su lta zhing gnas pa'i dge slong de 'di ltar zhi ba/ rga ba med cing 'chi ba med pa/ zag pa med pa/ mya ngan las 'das pa'i lam la 'jug pa de'i brtson pa sa bla'i gnod sbyin dag gis mthong nas bar snang la spyod pa'i lha rnams la bsnyad pa nas/ rgya cher sbyar te/ 'od chung gi lha rnams kyi bar la bsnyad de/ 'di ltar 'dzam bu gling du</font><hr>63.207a<br><font size=+1>

rigs kyi bu che ge mo zhig ces bya ba nas rgya cher sbyar te/ sa gzhan bcu pa'i bar la zhugs pa bdud kyi yul gyi gzhi la mi 'dod cing / dga' ba'i 'dod chags kyi mod las byung ba'i sred pa'i dngos po dang lhan cig gnas pa dang / kun nas nyon mongs pa'i yul gyi dngos po rnams dang lhan cig mi gnas pa de 'od chung gi lha rnams kyis thos nas bdud kyi phyogs dma' bar 'gyur zhing / dam pa'i chos kyi phyogs mngon par mtho bar 'gyur ro zhes yid dga' bar 'gyur ro/ /de nas gzhan yang dge slong las kyi 'bras bu rnam par smin pa shes pa 'khor ba'i 'ching ba gcod pa la brtson pa de 'di snyam du sems te/ kye ma sems can 'di dag ni sdug bsngal ba yin te sred pas bslus pa/ gti mug gi kun du sbyor bas bcings pa/ sems bag la nyal rnams dang yang dag par ldan pa/ dus gsum du 'tshed kyang 'khor ba gcad pa'i phyir 'bad par mi byed pa'i sems can 'di dag la snying med dam ci/ 'on te snying la mi shes pa zhig yod dam/ 'on te shes pa yod kyang yid 'byung bar mi byed dam/ sems can 'di dag gi rnam par shes pa de gang zhig yin/ gal te sems can 'di ltar mtho ris su yun ring du gnas kyang yid 'byung bar bya ba yin na/ 'di ltar sems sra zhing mkhrang ba de lta ci smos/ gang gnod pa'i rnam pa du ma kun gyis sdug bsngal rjes su myong yang skyo bar mi byed do/ /yun ring po nas bag la nyal rjes su 'brang ba'i sems la mi mthun pa lnga yod de/ 'di lta ste/ rga ba dang / na ba dang / 'chi ba dang / mi sdug pa dang phrad pa dang / sdug pa dang bral ba'o/ /gzhan yang nyes dmigs kyi gnod pa bcu 'byung ste/ bkres pa dang / skom pa'i nyes dmigs dang / sdug pa dang bral ba'i nyes dmigs dang / yul nas yul du 'gro ba'i nyes dmigs dang / 'chi ba dang skye ba'i nyes dmigs dang / gzhan gyis</font><hr>63.207b<br><font size=+1>

brnyas pa'i nyes dmigs dang / gzhan gyis bcom pa'i nyes dmigs dang / grang ba dang tsha ba'i nyes dmigs dang / zlas dbye ba'i nyes dmigs dang / 'byor ba rgud pa'i nyes dmigs dang / 'dod pa'i nyes dmigs te/ de ltar mdor na nyes dmigs bcu dag gis sems mngon par gnod par byas kyang / kye mi dga' bar mi byed pa'i sems can 'di dag ni/ e ma thog ma med pa'i dus nas sems dgra lta bu g.yos pa dang / rna ba dang snying med cing rdo dang rdo rje lta bu'i sems yul rnam pa mang pos dam pa'i chos la nams kyang dga' bar mi byed pa/ yul gzugs dang / sgra dang reg pa dang / ro dang dri dug dang mtshon dang me lta bu'i sred pas rtag tu chog mi shes pas dug lta bu'i yul lnga dang / chom rkun lta bu'i skye mched drug dang / byang chub kyi yan lag bdun mi shes pa dang / 'phags pa'i lam yan lag brgyad par 'gro bar mi spro ba dang / sems can gyi gnas dgu mi shes pa dang / dge ba bcu'i las kyi lam mi shes pa dang / sa bcu gcig gi rnam par dpyod pa la blun pa dang / skye mched bcu gnyis kyi skye ba dang gnas pa la rab tu rnam par spyod pa mkhas pa dang / mi mkhas pa la rnam par spyod pa/ sa gong ma bcu gsum gyi spyod pa la blun pa/ sems kyi dmigs pa bcu bzhi dang 'grogs pa/ gnod pa bcwa lnga mi bzod pa/ gnod pa sdig pa'i mun pa bcu drug gis gnas pa/ byis pa'i shin du rnam par dpyod pa bcu bdun dang / tshor ba rab tu 'byung ba'i bu ga bcwa brgyad dang / 'gro ba rnam par rgyu ba'i srang bcu dgu dang / dgra gnas pa nyi shus sems de rnam pa nyi shur bslus par rig nas de sems can la snying rje bar sems so/ /dge slong de las kyi chos kyi rnam par smin pa la rab tu rnam par dpyod par byed de/ 'di ltar de bdud kyi 'ching ba gcod pa dag la rtag tu brtson par byed cing de nas yang blo skyed par byed de/ sems</font><hr>63.208a<br><font size=+1>

can dmyal ba ngu 'bod las gzhan pa sems can dmyal ba ches sdig pa che ba yod pa de'i thos pa las byung ba'i shes pas sems can dmyal ba chen po gzhan tsha ba zhes bya ba nyes par byas pa'i las rab tu bdo bas kun nas bslang ba/ sems can dmyal ba chen po ngu 'bod las gnod pa bcu 'gyur gyis lhag pa zhig yod pa mthong ngo / /'khor bcu drug la 'di lta ste/ rab tu sreg pa chen po dang / pad ma dkar po lta bu dang / sbrul 'khyil ba lta bu dang / zangs bzhus par nya 'khyug pa lta bu dang / lcags kyi bum pa dang / chu bo dmar po 'bab pa dang / rkang dang rus pa la srin bu mang ba dang / skye bo thams cad sreg pa dang / sar 'byin mtha' yas dang / pad ma chen po lta bu dang / mtha' drag dang / rus pa rdo rje lta bu 'byung zhing 'du ba dang / lcags nag po'i skud pas 'dral zhing gcod pa tsha ba dang / srin bu na kra dang / 'khor lo dang / me 'jigs 'jigs ltar skyes pa dang / nags tshal gyi me mun pa ltar 'khrigs pa dang / bung ba rdo rje lta bus gnod pa'i go cha zhes bya ste/ 'di dag ni sems can dmyal ba chen po tsha ba'i 'khor bcu drug yin te/ der tshe ni bgrang du mi lang ngo / /der sems can dag las gang gis skye bar 'gyur snyam nas/ des thos pa las byung ba'i shes pas brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun smra ba dang / log par lta ba kun du bsten cing bsgoms te mang du byas pas 'gyur la/ las kyi nyer bsdogs dang las kun gyi mjug kun du bsten cing bsgoms te mang du byas pas 'gyur ro/ /de lus dang bral nas ngan 'gro log par ltung ba sems can dmyal ba chen po tsha bar skye bar 'gyur ro/ /de la srog gcod pa dang / ma byin par len pa dang / </font><hr>63.208b<br><font size=+1>

'dod pas log par g.yem pa dang / chang 'thung ba dang / brdzun smra ba rnams kyi 'bras bu rnam par smin pa ni bshad zin to/ /log par lta ba ni gang gis kun du bsten cing bsgoms la pha rol la yang bstan pa yin te/ 'di lta ste/ sbyin pa med do/ /mchod sbyin med do/ /legs par byas pa dang / nyes par byas pa rnams kyi las kyi 'bras bu rnam par smin pa med do/ /'jig rten 'di med do/ /'jig rten pha rol med do/ /ma med do/ /pha med do/ /zhes de skad chad par smra ba ni las yod pa 'jig pa yin te/ gzhan dag la yang ston cing yang dag par rab tu 'jog par byed la yang dag par rab tu dga' bar byed pa log par lta ba bskyed nas/ pha rol dag la las kyi lam gyi rgyu med par ston pa ni chom rkun pa tshul bzang por 'chos pa yin te/ de lus dang bral nas ngan 'gro log par ltung ba sems can dmyal ba chen po tsha bar skye bar 'gyur ro/ de la las kyi lam dang las kyi 'bras bu yod bzhin du rnam par slu ba yin te/ de 'chi ba'i dus na srid pa bar ma'i bar du skye ba na/ ltas ngan pa'i mtshan ma 'byung bar 'gyur ba ni 'di lta ste/ 'jigs pa mchog tu mi bzad pa mun par nges par gyur pa dang / so so nas 'jigs par byed pa seng ge dang / stag dang / dred dang / gung dang / sbrul mang po phug dang / mun pa med pa na 'dug pa dang / des gzhan yang ri che zhing mtho ba de'i mgo'i steng du myur bar 'ong ba mthong ba dang / stag dang seng ge de dag kyang so so nas 'jigs par byed cing sgra 'byin pa thos pa dang / gzhan dag kyang gzugs mchog tu dman zhing snying rje rje ltar 'dug pa mthong ba dang / de dag la nag po lta bu mthong zhing me rab tu 'bar ba de'i steng na 'dug pa mthong ba dang / wa brgyal ba'i sgra drag po thos pa dang / gshin rje'i mi gzugs mi sdug par bsgyur</font><hr>63.209a<br><font size=+1>

ba dag mthong ba dang de skrag go/ /log par smra ba/ rgyu ngan pa smra ba/ phyogs ngan pa smra ba/ lta ba ngan pa smra ba/ las kyi 'bras bu rnam par slu ba smra ba/ ngam grog dang g.yang sa'i rgyu smra ba/ bdag nyid la bdag slu bar byed cing sdig pa chen po byed pa de'i las rtag tu bsten cing bsgoms te mang du byas la bsags pa'i 'bras bu ni 'chi khar mthong bar 'gyur te/ de 'jigs shing dbang po blong blong por 'gyur ba dang / bshang ba 'byung bar 'gyur ba 'am/ de bzhin du gci ba 'byung bar 'gyur ba 'am/ de bzhin du skad 'byin pa 'am/ de bzhin du kha gdong bar byed pa 'am/ de bzhin du mal gyi mtha' la nom par byed do/ /ri de bdag gi steng du 'ong ba mthong nas lag pas gzung bar 'dod pa de la mi dag na re 'di ltar 'di ni nam mkha' la reg par 'dod do zhes smra ste/ 'di ltar ri 'ong ba de yang dang yang du mthong ba dang / bdag nyid kyi lus thams cad kyis reg par byed do/ /'di ltar de nyes par byas pa'i las spyad cing las kyi 'bras bu bslus pa ni de ltar sems can dmyal ba yang dag par myong bar 'gyur ba'i ltas mang po 'byung bar 'gyur te/ 'di lta ste/ dper na mi zhig mi gtsang ba'i phung po da dung gi bar du ma mthong gis kyang dri nga ba'i dri mnam pa de bzhin du sems can dmyal ba da dung gi bar du ma mthong gis kyang sems can dmyal ba chen po'i mtshan ma mchog tu 'jigs shing drag pa dag 'byung bar 'gyur ro/ /ngan par lta zhing smra ba thams cad skrag par byed de/ skye bo byis pas bsgrubs pa nyes par byas pa'i zong / sems can dmyal bar brin pa'i rin/ der gnas pa'i rnam par smin pas de'i rlung bib pa la ka dang / su tsa ka shin du drag pa dag gis yan lag dang nying lag rnam par skul bar byed/ rnam par rdung bar byed/ rnam par gsheg par byed do/ /de'i lus</font><hr>63.209b<br><font size=+1>

bdo ba na/ de'i sems srid pa tha ma la tshor ba gnyis kyis gdungs pa yin te/ de srid pa tha ma pa la sems kyi dmigs pa legs par spyad pa'i 'du shes su byed do/ /de lta bas na mi'i 'jig rten nas rang gis byas shing bslus pa srid pa bar ma la sems can dmyal bar myong bar 'gyur ba'i ltas dag 'byung bar 'gyur ba ni 'di lta ste/ snying gi lam la sgra dang reg pa dang / ro dang gzugs dang dri mi 'dod pa dag 'byung bar 'gyur te/ sems can dmyal ba pa dag gi gzugs mi sdug pa'i sgra skad thos pa dang / rlung reg pa spu gri lta bus reg par byed pa dang / ro tsha ba'i ro myong bar byed pa dang / gzugs 'jigs par ston pa rab tu gdung lta bur byas pa dag kyang mthong bar 'gyur/ dri nga ba'i rdzas bsags pa'i dri dag mnam par 'gyur ro/ /de ltar yul thams cad kyis skrag pa sems can dmyal ba shin du log par lta bas mthong bar 'gyur te/ ji ltar des chos log par bstan pa de ltar sems can dmyal ba des mthong bar 'gyur ro/ /de 'di snyam du sems te/ kye ma yul grong khyer gyi tshul dang 'thun pa 'di re dga' der bdag ji ltar 'jug par bya snyam ste/ de la 'dod par byed do/ /de srid pa'i yan lag myong bar 'gyur ba rig nas der skye bar 'gyur te/ nye bar len pa'i rkyen gyis srid pa 'byung ba der sems bskyed ma thag tu skye bar 'gyur ro/ /der skyes ma thag tu gang sems can dmyal ba yang sos la sogs pa'i sdug bsngal de dag thams cad bcu 'gyur du 'byung ngo / /nad bzhi brgya rtsa bzhi yang 'byung ste/ drag pa sems can dmyal ba dang mtshungs pa/ gcig gi dper gcig rung ba/ don thams cad med par byed cing 'jigs par byed pa nyes par byas pa'i las kyi 'bras bur gyur pa dag yin no/ /me'i rnam pa 'di lta bu 'byung bar 'gyur te/ gang til 'bru</font><hr>63.210a<br><font size=+1>

tsam gyis ri dang nags tshal dang / tshong rdal dang gling dang bcas pa dag sreg na sems can dmyal ba pa'i lus dag lta smos kyang ci dgos te/ des mar gyi gong bu bzhin du sreg go/ /de nas yang 'byung bar 'gyur te/ nyin dang mtshan mor mi mngon zhing mun par zhugs pa na lo 'bum phrag du mar gnod pa'i rgya mtshor bying ba thams cad mun pa mun gnag tu gyur pa/ log par lta ba byas shing bsags la bsten pa dag gi 'bras bus de 'di ltar lo dpag tu med cing bgrang gis mi lang bar de'i sdig pa'i las bcom zhing spangs la zad par ma byas pa de srid du sdug bsngal dang tsha ba dpe med pas 'tshed do/ /sreg go/ /de sems can dmyal ba'i yun ring po de las 'das nas gal te sems can dmyal ba de las thar bar 'gyur te/ thar nas kyang tshe rabs lnga brgyar yi dgas ser sna can zhes bya ba der skye bar 'gyur ro/ /de nas thar nas kyang tshe rabs lnga brgyar dud 'gro thams cad kyis sdug bsngal ba gang yin pa der skye bar 'gyur ro/ /gal te brgya la gnya' shing bu gar rus sbal 'jug pa lta bur lan grangs gzhan la myong bar 'gyur ba'i las kyis mi rnams dang skal ba mnyam par mir skyes na log par lta ba de dang rgyu 'thun pa'i 'bras bus de kla klo'i rigs su skye bar 'gyur zhing dbul ba dang / nad dang / long ba dang / lag rdum dang / nad bu can du 'gyur/ tshe thung ba dang / tshig yid mi ches par 'gyur ba mthong ngo / /de nas gzhan yang dge slong las kyi 'bras bu rnam par smin pa shes pa des sems can dmyal ba chen po tsha ba'i 'khor la brtags na/ des thos pa las byung ba'i shes pas sems can dmyal ba rab tu sreg pa chen po zhes bya ba yod pa mthong ngo / /der sems can dag las gang gis skye bar 'gyur snyam nas des thos pa las byung ba'i shes pas brtags na/ </font><hr>63.210b<br><font size=+1>

gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun smra ba dang / log par lta ba las dang 'bras bu mi mthun par ston pa kun du bsten cing bsgoms te/ mang du byas pas 'gyur ro/ /'di lta ste/ srog gcod pa byas na srog gcod pa po tshe phyi ma la lha rnams su skye'o zhes zer ba de ni 'di ltar las dang 'bras bu mi mthun par ston pa yin no/ /de ci'i phyir zhe na/ srog chags rnams kyi snying la ches sdug bsngal ba med pa ma yin la 'di ltar lha rnams su skyes pa dag la ches bde ba med pa ma yin te/ sdug bsngal gyi rgyu srog gcod pa dang yang dag par ldan pa ni bde ba'i rgyur mi 'gyur sdug bsngal yang bde ba'i las kyi 'bras bur mi 'gyur te/ log par lta ba'i rnam pa de dag ston par byed pa de ni las de dang 'bras bu mi mthun par ston pa yin no/ /de lus dang bral nas ngan 'gro log par ltung ba sems can dmyal ba rab tu sreg pa chen por skye bar 'gyur ro/ /der gnod pa 'di dag 'byung bar 'gyur te/ 'di lta ste/ gang sems can dmyal ba yang sos la sogs par ji ltar bstan pa'i sdug bsngal de dag thams cad bcu 'gyur du 'byung ngo / /rang gi lus las kyang kun nas me 'byung ste/ rnam pa de lta bur rab tu sreg pa ni/ gang las byas pa'i sems can dmyal ba pa'i me'i phyi rol na gnas pa bcu drug gi char yang mi phod do/ /me de'i mdog kha ba 'dra la rnam pa de lta bus de rab tu sreg par byed de/ de'i phyi nang thams cad rab tu tshig go/ /yid la gcags pa las byung ba'i me gzhan gsum pa 'byung bar 'gyur te/ des kyang sems can dmyal ba pa de sreg go/ /log par lta ba de phyis 'di ltar log par lta ba'i 'bras bu ni tsha'o/ /rnam par smin pa'i 'bras bu ni che'o/ /ro myang ba ni cha 'o zhes mngon par shes par 'gyur ro/ /</font><hr>63.211a<br><font size=+1>

me de gsum gyis mngon par sreg pa ni skad cig tsam yang bde ba mi 'thob ste/ sems can dmyal ba tsha ba'i 'khor rab tu sreg pa chen por 'di ltar nyes par byas pa'i las kyi mtha' dpyad pa de/ der lo grangs med par yun ring mo zhig tu 'tshed de de'i sdig pa'i las bcom zhing spangs la zad par ma byas pa de srid du de sreg go/ /'tshed do/ /rnam par 'jig par byed do/ /de phyis sems can dmyal ba de las thar bar 'gyur te/ thar nas tshe rabs sum brgyar yi dgas rnams su skye bar 'gyur ro/ /tshe rabs nyis brgyar dud 'gro rnams su skye bar 'gyur ro/ /de de las thar nas gal te brgya la mi rnams dang skal ba mnyam par mir skyes na de pha ma la rim gro bya ba btang zhing sgra skad 'byin par 'gyur/ mi gtsang ba za zhing yul nas yul gzhan du rgyu ba dang / dam pa'i chos dang bral ba dang / skye bo kun gyis smad pa dang / bza' ba dang gnas pa'i khyi'i spyod lam dang mtshungs pa dang / rkang lag la thor pa 'byung ba dang / pha rol gyi bsod snyoms kyi zas gsob gsog tu gyur pa zos nas mi'i tshe 'di nyid la 'chi bar 'gyur te/ de ltar log par lta ba ni thog ma dang bar ma dang tha mar mi 'dod pa 'byung ba dge slong des mthong ngo / /yang dag pa'i lta ba ni blo'i sngon du 'gro zhing de kho na nyid mthong la yang dag pa'i lam la rab tu gnas pa mya ngan las 'das par 'gro ba na sngon du 'dren pa yin par mthong ngo / /de nas yang dge slong las kyi 'bras bu rnam par smin pa shes pa des sems can dmyal ba chen po tsha ba'i 'khor la brtags na des thos pa las byung ba'i shes pas 'khor pad ma dkar po lta bu zhes bya ba mthong ngo / /der sems can dag las gang gis skye bar 'gyur snyam nas des thos pa las byung ba'i shes pas brtags na/ gang gis srog gcod pa dang / ma byin par len pa dang / 'dod pas</font><hr>63.211b<br><font size=+1>

log par g.yem pa dang / chang 'thung ba dang / brdzun smra ba kun du bsten cing bsgoms te mang du byas pas 'gyur ro/ /log par lta ba yang rnam pa 'di dag kun tu bsten cing bsgoms te mang du byas pas 'gyur ba ni 'di lta ste/ zas mi za bas mtho ris thob par 'gyur ro/ /snyam nas de gzhan yang 'dzin du 'jug cing rjes su dga' bar byed du 'jug la rab tu 'jog par byed pa/ rgyu ngan pa dang / lta ba ngan pa gzhan gyis sems bcings pa dag bstan bcos ngan pa byed cing gzhan yang 'dzin du 'jug go/ /'dzin du bcug zas mi za ba la bkod nas srog dang bral bar byed do/ /de lus dang bral nas ngan 'gro log par ltung ba sems can dmyal ba pad ma dkar po lta bur skye bar 'gyur ro/ /de der skyes nas gang sems can dmyal ba yang sos la sogs pa'i sdug bsngal de dag thams cad nyis 'gyur du 'byung ba'i steng du gnod pa khyad par du 'byung ba ni 'di lta ste/ yan lag dang nying lag thams cad rtag tu 'bar ba'i phreng bar 'gyur te/ lus de la rgyu las dang 'thun pa'i rno ba dpe med pa'i rgyu des me rab tu 'bar ba yungs kar gyi tshad tsam yang ma khyab pa med de/ des rtag tu rab tu 'bar ro/ /ji ltar mi gtsang ba thams cad kyi nang na log par lta ba kun mi gtsang ba de bzhin du me thams cad kyi nang na me 'di kun tsha'o/ /me'i gnod pa dpe med pa des sems can dmyal ba pa de dag la rgyu dang 'thun pa'i 'bras bu 'byung ste/ des yun ring du sreg go/ /de gal te las kyi dbang gis me tog pad ma dkar po'i tshal na bya'i tshogs du mas kun du bsten pa chu 'bab pa phun sum tshogs pa mthong ba dang / sems can dmyal ba pa gzhan dag la smras pa/ kye 'di ltar rgyugs rgyugs/ pad ma dkar po'i tshal der bdag cag chu bsil ba btung bar bya'o/ /tshal grib bde ba dag</font><hr>63.212a<br><font size=+1>

bsten par bya'o zhes de dag gis de spro ba bskyed nas/ de dag nyid dang lhan cig tu pad ma dkar po'i tshal der rgyug go/ /brgyugs pa dang kha cig mdag me'i chu bo gang ba dag tu bying ngo / /bying nas yan lag dang nying lag thams cad rnam par zhigs so/ /rnam par zhigs nas yang 'byung bar 'gyur te/ byung nas de ltar pad ma dkar po'i tshal la sreg pas de nyid du rgyug go/ /brgyugs pa dang / sba'i lcug ma rab tu 'bar ba dag 'byung bar 'gyur te/ de dag gis yan lag dang nying lag thams cad dkri dkris nas nyams par byas te/ rus pa dang rkang tsam zhig yod par byas so/ /de nas yang skye bar 'gyur te/ skyes nas kyang de bzhin du pad ma dkar po'i tshal du rgyug pa dang / de'i sha la las kyis byas pa'i srin bu dag byung ste/ de la za'o/ /de la de dag thams cad kyis snga ma bzhin du re shig mig la 'phyang 'phyang nas mig za'o/ /sred pas nyam thag pa long bar gyur pa de der rgyug go/ /brgyugs pa na srin bu gzhan dag 'byung bar 'gyur te/ de dag gi lus mun par bsgribs pa ngu skad 'don pa de la rtag tu za'o/ /de nas yang mig nas 'byung ste/ de la yang za ste/ de ltar lo 'bum phrag du ma'i bar du za za nas skye bar 'gyur ro/ /yongs su rgyug pa na yang gal te yang pad ma dkar po'i tshal de dag dang phrad na/ de'i bsam pa dang lus thams cad rab tu sim pa dang / bdag gi bsam pa bzhin du pad ma dkar po'i tshal de dang phrad do snyam du sems skye'o/ /de der zhugs pa dang / pad ma dkar po de dag 'phang du dpag tshad lnga'o/ /rgyar dpag tshad gnyis kyi tshad de me 'bar ba'i pad ma dkar po de la las kyis bslus pa dag 'dzeg go/ /lhag ma gzhan dag ni 'dzeg cing 'khod la sems can dmyal ba pa de dag gi lus 'bar ba'i phreng ba'i yan lag dang ldan par 'gyur te/ </font><hr>63.212b<br><font size=+1>

'dzeg bzhin du de dag re ba med cing shin du sdug bsngal la bkres pa dang skom pas nyen pa de dag me mdag pad ma dkar po lta bus sreg go/ /'tshed do/ /'chi zhing skye'o/ /lus kyi yan lag dang / nying lag thams cad bsregs pa shing ki shu ka lta bu'i lus dag ji srid du de'i sdig pa'i las bcom zhing spangs la zad par ma byas pa de srid du yun ring por gnod pa myong bar 'gyur ro/ /de phyis sems can dmyal ba de las thar bar 'gyur te/ thar nas kyang tshe rabs bzhi brgyar yi dgas bkres shing skom par 'gyur ro/ /de las thar nas kyang tshe rabs sum brgyar dud 'gro rnams su skye bar 'gyur ro/ /gal te gnya' shing bu gar ru sbal 'jug pa lta bur lan grangs gzhan la myong bar 'gyur ba'i las kyis mi rnams dang skal ba mnyam par mir skyes na des log par lta ba spyad cing nyes par byas pa'i las de dang rgyu 'thun pa'i 'bras bus de mtshon gyis 'khrug cing mu ge dang chom rkun rab tu mang ba'i yul rnams su skye bar 'gyur/ der skyes nas kyang dbul zhing nad bu can dang gzhan gyis bskol cing sdug phongs par gyur la dbang po ma tshang bar 'gyur ba mthong ngo / /de nas yang dge slong las kyi 'bras bu rnam par smin pa shes pa des sems can dmyal ba chen po tsha ba'i 'khor la brtags na des thos pa las byung ba'i shes pas sems can dmyal ba sbrul 'khyil ba lta bu zhes bya ba mthong ngo / /der sems can dag las gang gis skye bar 'gyur snyam nas des brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun smra ba kun du bsten cing bsgoms te mang du byas pas 'gyur ro/ /log par lta ba yang kun du bsten cing</font><hr>63.213a<br><font size=+1>

bsgoms te mang du byas pas 'gyur ba ni 'di ltar tsog tsog por sgyings par 'dug la skom 'thung zhing lag pa la ldag na mya ngan las 'das pa 'thob ste/ 'dod chags zhe sdang gti mug spangs pas ma yin zhing dbang po zhi bas ma yin no zhes smra na de lus dang bral nas ngan 'gro log par ltung ba'i sems can dmyal ba sbrul 'khyil pa lta bur skye bar 'gyur ro/ /der gnod pa 'di dag 'byung bar 'gyur te/ 'di lta ste/ sems can dmyal ba de sbrul gdug pa gdengs ka can rab tu 'bar bas kun du gang ba de na sbrul dpag tshad tsam yod cing sbrul gdug pa dpag tshad tsam yod pas kyang shin du gang ba yin la kha cig ni lta ba'i dug /kha cig ni reg pa'i dug /kha cig ni mche ba'i dug ste/ de dag gis sems can dmyal ba de gang ngo / /der sems can dmyal ba kha cig gi nang du sbrul de dag 'byung bar 'gyur te/ gang dag nang du skyes pa la de'i tshe sbrul de dag gi lus reg pas chad pa'i phye bzhin 'thag go/ /gang dag kha'i nang du skyes pa ni mche ba dang 'dres pa'i dug rab tu 'bar ba de dag gis skye zhing skye zhing yang 'chi'o/ /shi nas yang 'tsho ste/ de dag me gsum gyis sreg go /'di lta ste/ dug gi me dang / sems can dmyal ba pa'i me dang / bkres pa dang skom pa'i mes de dag rang gi las dang 'thun par me gsum gyi dbus su bcug nas tshor ba tsha ba rtsub pa dag myong bar 'gyur ro/ /gzhan yang nad las byung ba'i tshor ba brjod par yang mi nus pa'i nad bzhi las byung ba'i mes de sreg go/ /de ltar nyes par byas pa'i las kyi mtha' spyad pa dag ji srid du de'i sdig pa'i las bcom zhing spangs la zad par ma byas pa de srid du yun ring por me'i nang du bcug nas sreg go /'thag go /skems so/ /rnam par zhigs par byed do/ /de phyis sems can dmyal ba de las</font><hr>63.213b<br><font size=+1>

thar bar 'gyur te/ thar nas kyang tshe rabs brgya lnga bcur yi dgas khab mgrin du skye bar 'gyur/ tshe rabs nyis brgyar me dang chu med pa'i gnas ri sul dpag tshad bcu gnyis par bkres pa dang / skom pa thams cad kyis yongs su gdungs pa'i dud 'gro seng ge dang / stag dang / dred dang / gung du skye bar 'gyur ro/ /gal te gnya' shing gi bu gar rus sbal 'jug pa lta bur mi rnams dang skal ba mnyam par mir skyes na/ las de dang rgyu 'thun pa'i 'bras bus de 'brog dgon pa'i mir 'gyur te/ gang dag gis nam yang kha zas mthong bar mi 'gyur na bza' ba lta smos kyang ci dgos te/ gzhan du na der rngad dang / rtswa dang / tshal gyi 'bras bus srog 'tsho bar 'gyur ba mthong ngo / /de nas gzhan yang dge slong las kyi 'bras bu rnam par smin pa shes pa des/ sems can dmyal ba chen po tsha ba'i 'khor la brtags na/ des sems can dmyal ba zangs bzhus par nya 'khyug pa lta bu zhes bya ba mthong ngo / /der sems can dag las gang gis skye bar 'gyur snyam nas/ des thos pa las byung ba'i shes pas brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun smra bas 'gyur ro/ /log par lta ba yang 'di ltar kun du bsten cing bsgoms la mang du byas pas 'gyur te/ 'dir 'gro ba 'di dag thams cad dbang phyug gis sprul te las kyis ma byas so zhes smra na/ de lus dang bral nas ngan 'gro log par ltung ba sems can dmyal ba zangs bzhus par nya 'khyug pa lta bur skye bar 'gyur ro/ /sems can de yang zangs bzhus pa rab tu 'bar bas rgya mtsho ltar gang ba'i sems can dmyal bar skye bar 'gyur te/ der yang las kyis byas pa'i lcags kyi nya rab tu 'bar ba dag rnam par rgyu zhing</font><hr>63.214a<br><font size=+1>

zangs bskol ba de'i dbus su shing lo ma spu gri dang mdung thung lta bu dag 'byung ste/ der sems can dmyal ba pa de dag skyes nas 'chi zhing skye ste/ yan lag dang nying lag thams cad zhigs so/ /zhugs pa na nub cing 'byung ste tshor bas nyen pa dag phan tshun rgyug cing ngu skad 'don to/ /gcig la gcig log par smras pas de dag de ltar ngu skad 'don pa na las kyis byas pa'i nya de dag sems can dmyal ba de dag gi drung du kha gdangs shing rgyug go/ /de nas nya de dag gis sems can dmyal ba pa de dag kha chu'i zhags pas bzung ste za zhing / de'i tshe so'i bar du phye mar rlags so/ /de dag gi lus phyed nya rnams kyis zos shing / phyed zangs bskol bar 'tshed do/ /de dag tshor ba drag pas nyen la/ tsha ba rtsub pa'i tshor ba gnyis myong bar 'gyur te/ de nya de rnams kyis phyed za ba dang / phyed zangs bskol bar 'tshed do/ /yun ring mo zhig 'das nas nya'i kha de nas thar ba dang / zangs bskol ba'i bum pa'i nang du 'jug go/ /zhugs pa dang / srin bu a pa ma si ka zhes bya ba rdo rje lta bur mche ba rno ba dug dpag tu med pa yod pa de dag gis bzung ngo / /bzung ba rnams zangs bzangs bskol ba'i bum pa mun par gyur pa der phye mar rlog go/ /phye mar rlags nas phye ma'i dum bu tsam du za'o/ /gang tshor bas nyen pa ngu skad 'don pa na/ de dag gis 'dzag sgo zangs bskol ba des 'gengs shing 'gog la 'tshed cing rnam par zhigs par byed do/ /zangs bskol ba de las yun ring mo zhig 'das nas yang rkyal lo/ /rkyal nas kyang las kyis byas pa'i rlung spu gri lta bu rnams kyis ji srid du de'i sdig pa'i las bcom zhing spangs la zad par ma byas pa de srid du log par smra ba las dang 'bras bu la slu bar zhugs pa dag phye mar rlog go/ /de phyis sems can dmyal ba de las thar bar 'gyur te/ </font><hr>63.214b<br><font size=+1>

thar nas kyang tshe rabs sum brgyar yi dgas kha zas med pa rnams kyi nang du skye bar 'gyur ro/ /yi dgas kyi yul de las thar nas kyang tshe rabs sum brgyar dud 'gro glang po che dang / dom dang grog sbur la sogs pa shin du sdug bsngal ba rtag tu bkres pa dang / skom pa dang / grang ba dang / tsha ba dang / rlung dang / gdung ba rnams su skye bar 'gyur ro/ /dud 'gro de las thar nas kyang gnya' shing gi bu gar rusbal 'jug pa lta bur gal te lan grangs gzhan la myong bar 'gyur ba'i las kyis mi rnams dang skal ba mnyam par mir skyes na las de dang rgyu 'thun pa'i 'bras bus de khyis 'tsho ba 'am shing thun nam nya bar skye bar 'gyur ba mthong ngo / /de nas yang dge slong las kyi 'bras bu rnam par smin pa shes pa des sems can dmyal ba chen po tsha ba'i 'khor la brtags na/ des thos pa las byung ba'i shes pas sems can dmyal ba lcags kyi bum pa zhes bya ba mthong ngo / /der sems can dag las gang gis skye bar 'gyur snyam nas des brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun smra ba kun du bsten cing bsgoms te mang du byas pas 'gyur ro/ /log par lta ba ni 'di ltar mtho ris su mi 'di dbang du 'gyur ro zhes mchod sbyin dag la mi dag gsod par byed pa dang / 'jig rten pha rol du de na dbang du bya ba'i phyir rus sbal dag gsod par byed cing gzhan dag kyang rab tu 'jog par byed pa nas skye ba'i bar du byed pa yin te/ lam bzang po sun par byed cing lam ngan pa la 'jog par byed pa'i las kyi rnam pa 'di dag ni log par lta ba yin no/ /de lus dang bral nas ngan 'gro log par ltung ba sems can dmyal ba lcags kyi bum par skye bar 'gyur te/ der sems can dmyal ba yang sos la sogs pa'i</font><hr>63.215a<br><font size=+1>

gnod pa 'di dag thams cad bcu 'gyur du 'byung ngo / /bum pa dpag tshad bcu pa drug 'byung ste/ de dag gi ming ni 'di dag yin te/ 'di lta ste/ zhugs ma thag tu sdug bsngal ba dang / skyabs med pa dang / rtag tu mes bskor ba dang / chu sog le lta bu dang / spu gri'i phreng ba dang / chu bskol ba'i nang du sbrul zhugs pa'o/ /der gang dag sdug bsngal mtshungs par 'tshed pa de dag la rnam pa de lta bu'i sdug bsngal 'byung ste/ gang du sems can dmyal ba pa de dag 'tshed pa na tshor ba'i sdug bsngal yang mtha' dag 'byung bar 'gyur ro/ /gang skyabs med pa/ 'tshed pa de dag la lus kyi skyabs kyang med cing yid dang chos kyi skyabs kyang med de/ gang ngan 'gro'i skyabs can de dag thams cad de na skyabs med do/ /gang rtag tu mes bskol ba yun ring por 'tshed pa de dag ni mes bskol ba'i zangs bzhus pa las byung bas ji ltar thal ba yang mi mngon pa de ltar lus rnam par zhigs par byed do/ /de nas yang lus de skye bar 'gyur te/ chu sog le lta bu der 'jug par byed do/ /zangs bskol ba'i chu de sog le lta bu yin te/ de dag thams cad me 'bar ba mched pa der bcug pa dang / 'og nas steng du 'byung zhing zangs bskol ba'i chu sog le lta bur gnad dang gnad dag la gnod par byed/ gshig par byed do/ /de nas yang de las steng nas 'og tu 'byung ste/ sog le de dag nyid kyis gsheg cing 'dral lo/ /mon sran gre'u lta bu'i rigs de dag lus steng dang 'og dang sa'i ngos la yun ring du 'joms so/ /gsheg go/ /sreg go/ /spu gri'i phreng ba'i nang du 'jug pa de dag la gnod pa 'byung ste/ 'di lta ste/ bum pa de spu gri rnams kyis gang ba yin te/ der sems can dmyal ba pa dag spu gri dug gis gos pa de dag gis yen lag dang nying lag gsheg par byed do/ /chu skol ba'i nang du sbrul zhugs</font><hr>63.215b<br><font size=+1>

pa de dag la gnod pa 'byung ba ni 'di lta ste/ chu bskol ba dpag tshad phyed du bskol ba shin du tsha ba 'byung ste/ der dbu ba'i nang na sbrul gnas pa mche ba mchog tu rno ba dag reg pa dang mthong bas me bzhin du sreg go/ /reg pas spu gri bzhin du gcod do/ /sems can dmyal ba pa de dag sbrul de dag gis gcod par byed de/ reg pas rus pa tsam lus par byed cing mthong bas skol bar byed la dbu ba bzhin du zhu bar byed do/ /chu bskol bas skol bar byed de/ sems can dmyal ba pa dag sdug bsngal shin du tsha zhing rtsub pa dag myong bar 'gyur ro/ /gal te gshin rje'i mi dag gzhan du dong bar gyur na de'i tshe bum pa de dag gi kha 'og ma'i bu ga med par 'gyur te/ des sems can dmyal ba pa dag 'bros par byed mi nus so/ /de nas gshin rje'i mi de dag 'di snyam du sems te/ 'di ltar sems can dmyal ba pa bu ga med pa'i bum pa'i nang 'dir zhugs pa dag rdo rje lta bu'i brkyang nul gyis bu ga med par byas te/ gnod pa rnam pa sna tshogs kyis sems can dmyal ba pa dag 'bros mi nus par bya'o snyam du sems so/ /de nas gshin rje'i mi de dag 'di snyam du sems te/ las kyis byas pa'i bum pa 'di dag thams cad kyi kha 'og ma bdag cag gis nges par yang me 'bar ba'i phreng ba mched pas nyis 'gyur du rab tu 'bar bar bya'o snyam nas/ de nas sems can dmyal ba pa de dag la gnod pa de dag gis gnod par byed do/ /de nas gshin rje'i mi de dag khros nas yang bum pa de dag lcags kyi shing de dag gis nyis 'gyur du rab tu sreg par byed do/ /de nas sems can dmyal ba pa de dag gyen du 'gro ba na zangs dmar po bskol bas phan tshun gnod par byed de/ sdug bsngal gyi gnod pa sna tshogs kyi nyam thag pa dag ji srid du de'i sdig pa'i las bcom zhing</font><hr>63.216a<br><font size=+1>

spangs la zad par ma byas pa de srid du kha cig ni rnam par zhigs so/ /kha cig ni sbrul gdug pa me ltar tsha bas skol cing sreg par byed do/ /de dag bum pa'i gnod pa de las thar bar 'gyur te/ thar nas kyang tshe rabs sum brgyar yi dgas dri za rnams kyi nang du skye bar 'gyur ro/ /gal te mi rnams dang skal ba mnyam par mir skyes na las de dang rgyu 'thun pa'i 'bras bus de bstan bcos ngan pa'i gtan tshigs kyis rmongs pa blo gros ngan pas don gyi phyir ram mtho ris kyi phyir sha dag la sogs par byed do/ /sred pa'i bag la nyal gyis 'brel bas de dag yang sdug bsngal de nyid don du gnyer bar byed pa mthong ngo / /de nas yang dge slong las kyi 'bras bu rnam par smin pa shes pa des sems can dmyal ba chen po tsha ba'i 'khor la brtags na/ des thos pa las byung ba'i shes pas sems can dmyal ba chu bo dmar po 'bab pa zhes bya ba mthong ngo / /der sems can log par lta ba'i las byas pa gang gis skye bar 'gyur snyam nas/ des thos pa las byung ba'i shes pas brtags na/ tshul khrims 'chal pa gang gis tshul khrims 'chal pa mang du byas nas phyis de 'di snyam du sems te/ bdag dka' thub ba byas pa dang / bdag gis nyes par byas pa dang / nyes par ma byas pa de dag thams cad 'byang bar 'gyur ro snyam nas de tshal du song ste/ shing la rkang pa btags nas mig mthur du spyangs te/ mtshon chas sna'am dpral ba gcod de/ de las gang khrag byung ba de dag mer bsreg lugs byed do/ /sreg pas mtho ris 'dod pa lam ngan par zhugs pa bye ma dag las til mar 'byung bar 'dod pa de khrag zad nas 'chi ste/ de lus dang bral nas ngan 'gro log par ltung ba sems can dmyal ba chu bo dmar po 'bab par skye bar 'gyur ro/ /der gnod pa 'di dag 'byung bar 'gyur te/ 'di lta ste/ gang sems can dmyal ba</font><hr>63.216b<br><font size=+1>

yang sos la sogs pa'i sdug bsngal bsdus pa de dag thams cad lnga 'gyur du 'byung ba'i steng du khyad par 'byung ba ni/ 'di ltar gshin rje'i mi dag tho ba dang / ral gri dang / mda' bo che dang / rdo rnams kyis ji ltar khrag dang / glad rgyas 'byung zhing 'bab pa de ltar phye mar rlog ste/ ji ltar chu bo des ded pa de ltar sems can dmyal ba pa skra dang rus pas mu khebs pa gzhan dag kyang chu bo des ded do/ /zangs bskol ba'i chu bo rab tu mi bzad cing mchog tu 'jigs pa zhes bya ba gnyis pa 'bab ste/ chu bo de'i nang na srog chags kyi rigs lang ku di ka zhes bya ba reg na me ltar tsha ba zhig yod pa des sems can dmyal ba pa de dag rab tu bsregs shing bsregs shing za'o/ /de ltar chu bo dmar po 'bab pa'i sems can dmyal ba pa dag gi lo bgrang gis mi lang ste/ ji srid du de'i log par lta ba sdig pa'i las bcom zhing spangs la zad par ma byas pa de srid du chu bo dmar po 'bab pa'i sems can dmyal bar yun ring du gnod pa dag myong bar 'gyur ro/ /de phyis sems can dmyal ba de las thar bar 'gyur te/ thar nas kyang las de dang rgyu 'thun pas tshe rabs lnga brgyar yi dgas bdug spos za ba rnams kyi nang du skye bar 'gyur ro/ /de las thar nas kyang tshe rabs bzhi brgyar dud 'gro rgya mtsho'i byar skye ste/ de chu bo'i sgor gnas pa 'am/ gal te mgo dmar por 'gyur ro/ /de gal te mi rnams dang skal ba mnyam par mir skyes na/ las de dang rgyu 'thun pa'i 'bras bus de dbul zhing nad bu can du 'gyur ba mthong ngo / /de nas gzhan yang dge slong las kyi 'bras bu rnam par smin pa shes pa des sems can dmyal ba chen po tsha ba'i 'khor la brtags na des thos pa las byung ba'i shes pas sems can dmyal ba rkang dang rus pa la srin bu mang ba zhes bya ba ji ltar 'dug pa mthong ngo / /</font><hr>63.217a<br><font size=+1>

der sems can dag las gang gis skye bar 'gyur snyam nas des thos pa las byung ba'i shes pas brtags na/ lus sam/ ngag gam/ yid kyi chad pa mi dge ba mang du byas nas/ de phyis thos pa ngan pas rmongs pa/ tshangs pa'i 'jig rten la sred pa/ lam ngan pa la rab tu gnas pa/ tshul khrims rnam par spangs pa/ tshul khrims 'chal pa'i rang bzhin dang ldan pa/ g.yo can pha rol la gnod pa dag tshul khrims spangs nas lci ba'i me thab byed de/ sdug bsngal ba tshe 'di la mi'i mes sreg go/ /de lus dang bral nas ngan 'gro log par ltung ba sems can dmyal ba rkang dang / rus pa la srin bu mang bar skye bar 'gyur ro/ /der gnod pa 'di dag 'byung bar 'gyur te/ 'di lta ste/ lcags las byas pa'i brdung bas de'i tshe mgo man chad kyi bar dag rdung bar byed do/ /ngu skad 'don pa na ji ltar sbyang rtsi'i tshigs ma bzhin du byed de/ yan lag dang nying lag thams cad mngon par dmigs su med par byed kyang log par lta bas de dang rgyu 'thun pa'i 'bras bus 'chi ba'i dus ni mi byed do/ /sems can dmyal ba pa de dag gi lus bsags par gyur pa dag ji ltar rkang dang rus pa chen po'i tshogs kyi ri 'phang du dpag tshad lnga yod cing rgyar dpag tshad gsum yod pa de ltar bsags par gyur te/ de dag la srin bu drod gsher las skyes pa sems can gyi grangs su bgrang ba zhig 'byung bar 'gyur ro/ /gang dag las ci zhig byas pas 'gyur snyam na/ skyes pa 'am/ bud med gang dag gis rang gi lus sam/ gzhan gyi lus las byung ba'i shig gam/ srog chags ma ko ta ka 'am/ rkang la za ba 'am/ gzhan yang rnam pa de lta bu bsad par gyur na de dag kyang lus dang bral nas ngan 'gro log par ltung ba sems can dmyal ba srin bu zhes bya ba der skye bar 'gyur ro/ /</font><hr>63.217b<br><font size=+1>

de dag gi 'du shes 'byung ba ni 'di lta ste/ las de dang rgyu 'thun pa'i 'bras bus lus 'byung zhes bya ba'i ri de la de dag skye bar 'gyur te/ de dag kyang sems can dmyal ba rkang dang rus pa la srin bu mang ba'i gshin rje'i mi gzhan dag 'ongs nas las kyis byas pa'i mes rab tu sreg par byed do/ /lus 'byung ba zhes bya ba'i srin bu yod pa der sems can dmyal ba pa lci ba'i me thab kyis bslus pa de dag de ma thag tu mes sreg go/ /de'i ri de sreg pa na 'phang du mes dpag tshad bcu tsam du 'bar bar byed de/ sems can dmyal ba pa de dag rang gi lus las byung ba'i me dang srin bu de dag gis lhan cig sreg par byed do/ /lus 'byung ba'i srin bu bong chung ba dag 'byung bar 'gyur te/ de las sdug bsngal ches mang ba 'byung ba ni sems can dmyal ba pa dag bsdus nas de dag mngon pa med par byed de/ phan tshun me 'bar ba'i phreng bas lus yongs su gdungs pa dag yun ji srid du de'i sdig pa'i las bcom zhing spangs la zad par ma byas pa de srid du lo bgrang gis mi lang bar sreg go/ /de phyis sems can dmyal ba de las thar bar 'gyur te/ thar nas kyang las de dang rgyu 'thun pa'i 'bras bus tshe rabs lnga brgyar ri gseb tu yi dgas khab mgrin du skye bar 'gyur ro/ /tshe rabs lnga brgyar rgya mtsho'i sa'i 'og gi chu grang mo ba tshwa'i chu'i nang gi nyar skye bar 'gyur ro/ /de dag de las thar nas gal te brgya la gnya' shing gi bu gar ru sbal 'jug pa lta bur mi rnams dang skal ba mnyam par mir skyes na de tshal na spyod cing tshal gyi nang na gnas pa 'am/ nags khrod na 'tsho ba 'am/ dbul zhing de tshal gyi mes sreg par 'gyur ba mthong ngo / /de nas dge slong las kyi 'bras bu rnam par smin pa shes pa des sems can dmyal ba chen po tsha ba'i 'khor la brtags na/ des thos pa las byung ba'i shes pas sems can dmyal ba skye bo thams</font><hr>63.218a<br><font size=+1>

cad sreg pa zhes bya ba ji ltar 'dug pa mthong ngo / /der sems can dag las gang gis skye bar 'gyur snyam nas des brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun smra ba snga ma bzhin kun du bsten cing bsgoms te mang du byas pas 'gyur ro/ /log par lta ba yang thos pa ngan pas rmongs pa lus kyi chad pa dang / ngag dang / yid kyi chad pas rnam par rmongs pa/ rtag tu chad pa rnam pa gsum gyis nyam thag pa/ log par lta ba yang mtshungs par spyod pa dag tshal lam/ ri 'am/ mtshams kyi bar ram/ chu 'am/ lcug ma'i tshal dag la mes sreg par byed pa dag 'di ltar me tshim par byas pas lha dag dga' bar 'gyur te/ de dag dga' ba dang / lha yul du khrid par byed de/ bdag lha'i 'jig rten de thob pa dang / me tshim par byas pas bdag der lha'i dga' ba thob par 'gyur ro snyam ste/ rmongs pa thos pa ngan pas bslus pa de lus dang bral nas ngan 'gro log par ltung ba sems can dmyal ba skye bo thams cad sreg pa zhes bya ba der skye bar 'gyur ro/ /der gnod pa 'di dag 'byung bar 'gyur te/ 'di lta ste/ gang sems can dmyal ba yang sos la sogs pa'i gnod pa de dag thams cad lnga gyur du 'byung ba'i steng du khyad par du 'byung ba ni/ 'di ltar der skyes pa gang dag las kyis sprul pa'i bu dang bu mo dang / chung ma dang / dga' ba'i bsten grogs dang / pha ma dang / de las gzhan pa dga' ba dang 'brel pa de dag 'tshed pa na/ bu dang / chung ma dang / sten grogs dang / pha ma'i tshogs de dag thams cad mthong ngo / /de dag kyang de ltar sems can dmyal bar 'tshed pa mthong ste/ 'tshed pa de mthong ba dang / yid kyi sdug bsngal mi bzad pa tsha ba rtsub pa dag myong bar byed do/ /dga' ba'i tshogs</font><hr>63.218b<br><font size=+1>

de dag thams cad mthong nas mya ngan gyi me'i rnam pa 'di lta bu 'byung bar 'gyur te/ gang sems can dmyal ba pa'i me de dag sreg pa'i me'i bcu drug gi char yang mi phod do/ /sems can dmyal ba pa'i me thams cad kyi nang na sred pa'i me thams cad ches shin du tsha'o/ /me rnams kyi nang na yang 'di me yin no/ /zhags pa rnams kyi nang na 'di zhags pa mchog yin no/ /'ching ba rnams kyi nang na 'di 'ching ba dam pa yin te/ 'ching ba des so so'i skye bo byis pa thams cad bcings so/ /gang log pa'i las kyis byas pa'i dga' ba'i tshogs sems can dmyal ba pa dag mthong nas kyang sred pas de bzhin sreg ste/ gang me de dag las byung ba'i sems can dmyal ba pa kha ba lta bur gyur pa de yang de'i bu dang chung ma'i tshogs dang / pha ma'i tshogs ngu skad 'don te/ 'di ltar bdag cag la yongs su bskyab pa gyis snying rje rje skad du ngu skad 'don kyang de dag yongs su bskyab par ga la nus te/ gang sems can dmyal ba pa dbang med pa mes sreg cing 'tshed do/ /de ltar ji srid du de'i sdig pa'i las bcom zhing spangs la zad par ma byas pa de srid du de yun ring po lo bgrang gis mi lang bar lus dang yid kyis mes sreg go/ /de phyis sems can dmyal ba de las thar bar 'gyur te/ thar nas kyang las de dang rgyu 'thun pa'i 'bras bus de lo sum brgyar yi dgas gtor ma za bar skye bar 'gyur/ tshe rabs lnga brgyar dung ma lta bu'i nang der de'i bus pa pho mo nya pa dag gis gsod par byed do/ /gal te gnya' shing gi bu gar ru sbal 'jug pa lta bur mi rnams dang skal ba mnyam par mir skyes na/ de dbul zhing tshe thung ba dang / dbang po ma tshang ba dang / bu dang chung ma dang bral zhing lha gang dag tu bran g.yog tu 'gyur ba mthong ngo / /de nas yang dge slong las kyi 'bras bu rnam par smin pa shes pa des sems can dmyal ba chen po tsha ba'i 'khor la brtags na/ des thos pa las</font><hr>63.219a<br><font size=+1>

byung ba'i shes pas sems can dmyal ba sar 'bying mtha' yas shes bya ba ji ltar 'dug pa mthong ngo / /der sems can dag las gang gis skye bar 'gyur snyam nas des brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun smra ba kun du bsten cing bsgoms te mang du byas pas 'gyur te/ mdor na lus kyi chad pa 'am/ ngag gi chad pa'i las kyi nyer bsdogs dang / las kyi mjug kun du bsten cing bsgoms te mang du byas pas 'gyur ro/ /de lus dang bral nas ngan 'gro log par ltung ba sems can dmyal ba sar 'bying mtha' yas su skye bar 'gyur ro/ /der sems can dmyal ba yang sos la sogs pa'i sdug bsngal bsdus pa de dag thams cad lnga 'gyur du 'byung ngo / /log par lta bar gyur pa ni thos pa ngan pa gang gis srin bu phre'u dang / grog sbur dang / sbrul dang / sbrul shin du gdug pa dang / ri dgas dang / bya rnams me'i nang du bcug na me de dag ni dga' bar 'gyur ro/ /dga' nas kyang 'jig rten mtha' yas pa sbyin par byed de/ mer bsregs pa de dag gis kyang drag po'i 'jig rten mi bzad par byed do/ /gang mer bcug pa de dag de'i chos chen po thob par 'gyur ro zhes bsgrags shing / de ltar 'dzin du 'jug pa ni chos log pas rnam par bslus pa log par lta ba yin te/ de lus dang bral nas ngan 'gro log par ltung ba sems can dmyal ba sar 'bying mtha' yas su skye bar 'gyur ro/ /der gnod pa 'di dag 'byung bar 'gyur te/ 'di lta ste/ mdag ma'i ri rgyar dpag tshad lnga yod pa kun nas sems can dmyal ba pa'i mes rab tu 'bar ba de la sems can dmyal ba pa de dag gshin rje'i mi rnams kyis 'deg cing 'dor bar byed de/ rkang pa dang / rked pa dang / 'doms dang / rgyab dang / dpung pa dang / mgrin pa dang / lag pa dang / mig dang / </font><hr>63.219b<br><font size=+1>

rna ba dang / mgo dang / glad pa'i bar bsregs nas de nas yang 'byung bar 'gyur te/[ ]sreg pa na ji srid du de'i sdig pa'i las bcom zhing spangs la zad par ma byas pa de srid du/ dus du ma yun ring po lo bgrang gis mi lang bar sreg go/ /de phyis sems can dmyal ba de las thar bar 'gyur te/ thar nas kyang log par lta ba mi bzad pas las de dang rgyu 'thun par tshe rabs lnga brgyar yi dgas mi gtsang ba za ba lus thams cad rab tu 'bar ba mtshan mo rgyu ba na skye bo kun gyis mthong ba dang / las ngan pa byas pa dbang du gyur par skye bar 'gyur ro/ /yi dgas kyi ris de las thar nas kyang dud 'gro lus thams cad la srin bu me lce rab tu 'bar ba 'byung zhing nyin mtshan du skye bo kun gyi mngon sum du 'gyur ba dang / khong pa'i nang du me zhugs pas sreg cing nyi ma'i 'od zer dag gis zil gyis non par 'gyur ba mthong ngo // //'phags pa dam pa'i chos dran pa nye bar gzhag pa/  bam po bcu gnyis pa/ de nas yang dge slong las kyi 'bras bu rnam par smin pa shes pa des sems can dmyal ba chen po tsha ba'i 'khor la brtags na/ des sems can dmyal ba pad ma chen po lta bu zhes bya ba mthong ngo / /der sems can dag las gang gis skye bar 'gyur snyam nas des thos pa las byung ba'i shes pas brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun smra ba kun du bsten cing bsgoms la/ mang du byas pas 'gyur te/ mdor bsdu na lus kyi chad pa dang / ngag gi chad pa'i las kyi nyer bsdogs dang / las kyi mjug dang ldan pa de ni lus dang bral nas ngan 'gro log par ltung ba sems can dmyal ba pad ma chen po lta bur skye bar 'gyur ro/ /log par lta ba yang rnam pa 'di dag byas pas 'gyur te/ 'di ltar</font><hr>63.220a<br><font size=+1>

mis gsang gi mchod sbyin byas pas 'jig rten nyams pa med pa thob par 'gyur ro zhes zer ba de ni lus dang bral nas ngan 'gro log par ltung ba sems can dmyal ba pad ma chen po lta bur skye bar 'gyur ro/ /der gnod pa 'di dag 'byung bar 'gyur te/ 'di lta ste/ sems can dmyal ba de'i byed gzugs pad ma lta bu yin te/ gang de dag gi ze ba'i bar rdo rje lta bu'i tsher mas gang ba der sems can dmyal ba dpag tshad lnga brgya tsam pa de tsher ma'i bar de dag tu skye bar 'gyur ro/ /skyes ma thag tu de dag gi lus thams cad tsher ma rnams kyis shin du phug ste/ gang ma phug pa gcig med pa ni der khab kyi bu ga tsam gyi phyogs kyang med de/ gang sems can dmyal ba pa'i mes rmas ma gang ba med do/ /de ltar ji srid du de'i srid pa'i las bcom zhing spangs la zad par ma byas pa de srid du yun ring por 'tshed do/ /sreg go/ /de phyis sems can dmyal ba de dag las thar bar 'gyur te/ thar nas kyang las de dang rgyu 'thun pa'i 'bras bus tshe rabs nyis brgyar yi dgas ljan ljin za bar 'gyur/ de de las shi nas kyang tshe rabs lnga brgyar rma bya dug za ba'i rigs su skye bar 'gyur ro/ /gal te de nas shi nas gnya' shing gi bu gar rusbal 'jug pa lta bur mi rnams dang skal ba mnyam par mir skyes na/ de rtag tu dbul zhing rtag tu phan tshun rag las pa mang ba dang / gal te ltad mo pas 'tsho ba'i gar mkhan nam/ gang rnam pa de las gzhan pa'i ltad mo pas 'tsho bar 'gyur te/ ji srid 'tsho'i bar du bkren pa rab tu 'gyur ba mthong ngo / /de nas yang dge slong las kyi 'bras bu rnam par smin pa shes pa des sems can dmyal ba chen po tsha ba'i 'khor la brtags na/ des thos pa las</font><hr>63.220b<br><font size=+1>

byung ba'i shes pas sems can dmyal ba mtha' drag ces bya ba mthong ngo / /der sems can dag las gang gis skye bar 'gyur snyam nas des brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun smra ba kun du bsten cing bsgoms te mang du byas pa ni snga ma bzhin no/ /log par lta ba kun du bsten cing bsgoms te mang du byas pas 'gyur ba ni 'di ltar chur zhugs pas nyes par byas pa thams cad 'byang bar 'gyur zhing khyab 'jug gi 'jig rten du skye bar 'gyur la gnas de nams kyang mi g.yo ste/ g.yo ba med pa der skye bar 'gyur ro zhes de pha rol dag kyang de nyid la 'jog par byed cing yang dag par dga' bar byed la/ chur zhugs pas srog dang bral bar byed na/ de chur zhugs pas 'chi ba'i dus byas nas sems can dmyal ba mtha' drag tu skye bar 'gyur ro/ /lus kyi chad pa dang / ngag gi chad pa dang / yid kyi chad pas nyams pa der skyes pa dag la gang sems can dmyal ba yang sos la sogs pa'i sdug bsngal thams cad snga ma bzhin du 'byung ba'i steng du khyad par du 'byung ba ni/ sems can dmyal ba de kun nas rdo zur shin du rno ba rnams kyis khebs pa kun nas ri rad rod shin du rno ba 'phang du dpag tshad bcu yod pas bsgribs pa de la bya yang 'gro bar mi nus na/ sems can dmyal ba pa dag ri de la rgal bar lta ga la nus te/ kun nas 'bar rab tu 'bar kun du rab tu 'bar te/ ri de dag kun nas me lce gcig tu gyur pa dang / sems can dmyal ba pa de las gcig gis sems can dmyal ba pa mtha' dag la/ kye grogs po dag ri'i rtse mor sems can dmyal ba 'di dag ri 'di dag las rgal ba dang bde ba thob bo zhes smra ste/ de ltar las ngan pas bskul ba'i sems can dmyal ba pa de sems can dmyal ba pa de dag la smra'o/ /</font><hr>63.221a<br><font size=+1>

smras ma thag tu sems can dmyal ba pa las ngan pas bskul ba de dag ri thag thug zar zur shin du mi bde zhing kun nas rab tu 'bar ba ga la ba der de dag rgyug kyang de dag 'dzeg par mi nus te/ de dag kha cig ni de nyid du mes 'tshig go/ /'jigs skrag pa kha cig ni de nyid du rdo dang ra ba la 'ju bzhin du sreg go/ /skrag cing dngangs pa'i sems can dmyal ba mgon 'dod pa/ skyabs 'dod pa/ dpung gnyen 'dod pa de kha cig ni gshin rje'i mi rnams kyi lag pa nas ral gri dang / tho bas yang nas yang du btags te/ de ltar sems can dmyal ba pa lus kyi chad pa dang / ngag gi chad pa dang / yid kyi chad pas nyen pa dag ji srid du de'i sdig pa'i las bcom zhing spangs la zad par ma byas pa de srid du shin du yun ring por 'tshed do/ /bsreg go/ /de phyis sems can dmyal ba de las thar bar 'gyur te/ thar nas kyang las de dang rgyu 'thun pa'i 'bras bus lo sum brgyar yi dgas khrag za ba'i ris dang 'thun par skye bar 'gyur/ de las thar nas kyang lo sum brgyar dud 'gro sbrul chen po'i rigs su skye bar 'gyur ro/ /gal te mi rnams dang skal ba mnyam par mir skyes na de dbul zhing nad bu can dang / yul ngan par skye zhing dbang po ma tshang ba dang / rtag tu 'jigs pa mang ba'i yul dag tu skye bar 'gyur ba mthong ngo / /de nas yang dge slong las kyi 'bras bu rnam par smin pa shes pa des/ sems can dmyal ba chen po tsha ba'i 'khor la brtags na/ des thos pa las byung ba'i shes pas sems can dmyal ba rus pa rdo rje lta bu 'byung zhing 'du ba zhes bya ba mthong ngo / /der sems can dag las gang gis skye bar 'gyur snyam nas des brtags na/ gang gis srog gcod pa dang / ma byin par len pa dang / </font><hr>63.221b<br><font size=+1>

'dod pas log par g.yem pa dang / chang 'thung ba dang / brdzun smra ba kun du bsten cing bsgoms te mang du byas pas 'gyur ro/ /log par lta ba yang kun du bsten cing bsgoms la mang du byas pas 'gyur te/ 'di ltar dngos po dag ni 'dod rgyal las 'byung zhing 'dod rgyal las 'gag ste/ 'di ltar tsher ma rno ba dang / rma bya dag gi bkra ba dang / 'di ltar smig rgyu dang dri za'i grong khyer dag gi rgyu rkyen ni med kyi 'dod rgyal las 'byung zhing 'gag ste/ dngos po thams cad ni de lta bu yin no zhes de de ltar gzhan dag kyang 'dod rgyal du lta bar gyur pa der rab tu 'jog par byed cing / yang dag par ston par byed la/ lus kyi chad pa dang / ngag gi chad pa dang / yid kyi chad pas nyams par byed pa de ni lus dang bral nas ngan 'gro log par ltung ba sems can dmyal ba rus pa rdo rje lta bu 'byung zhing 'du bar skye bar 'gyur ro/ /der sems can dmyal ba yang sos la sogs pa'i sdug bsngal bsdus pa de dag thams cad 'byung ba'i steng du khyad par du 'byung ba ni 'di ltar gshin rje'i mi rnams kyis gang gi tshe sems can dmyal ba pa de dag mtshon cha hu lu rnon po dag gis de'i sha med par byas la gang dgra gzhan byung bas rus pa de dag blangs te/ dgra des rus pas phan tshun btags so/ /rus pa de dag kyang de dag gi las nyes par byas pa des rdo rje lta bur gyur te/ kha cig gi mgo phug /kha cig gi rked pa phug /kha cig gi yan lag dang / nying lag thams cad thal bar rlog /kha cig gi khrag tsam lus par byed/ kha cig gi yan lag gcig 'jig par byed/ kha cig la phan tshun sbron par byed/ rus pa dang / rus pas sam/ rdo rab tu 'bar ba dag gis sems can dmyal ba pa</font><hr>63.222a<br><font size=+1>

de dag gcig la gcig rdeg cing gsod de/ sems can dmyal ba pa las kyis bskul ba de dag 'di ltar ji srid du de'i sdig pa'i las bcom zhing spangs la zad par ma byas pa de srid du yun shin du ring po/ /lo bgrang gis mi lang bar sems can dmyal ba de dag gcig la gcig gsod do/ /de phyis sems can dmyal ba de las thar bar 'gyur te/ thar nas kyang las de dang rgyu 'thun pa'i 'bras bus yi dgas rang gi glad rgyas za ba'i nang du skye bar 'gyur/ de nas shi nas kyang tshe rabs sum brgyar dud 'gro'i 'jig rten rtsangs pa dang / skyin 'khor dang / srog chags b+hi la kar skye bar 'gyur ro/ /de nas shi nas kyang gal te brgya la gnya' shing gi bu gar ru sbal 'jug pa lta bur mi rnams dang skal ba mnyam par mir skyes na de tshal du gnas pa dang / 'gro lding ba'i yul dang / an d+ha ka'i yul gyi dbus dag tu dbul ba dang / nad bu can dang / gzhan gyis bkol bar 'gyur ba mthong ngo / /de nas gzhan yang dge slong las kyi 'bras bu rnam par smin pa shes pa des/ sems can dmyal ba chen po tsha ba'i 'khor la brtags na/ des thos pa las byung ba'i shes pas sems can dmyal ba skud pa nag pos 'dral zhing gcod pa tsha ba zhes bya ba mthong ngo / /der sems can dag las gang gis skye bar 'gyur snyam nas des thos pa las byung ba'i shes pas brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun smra ba kun du bsten cing bsgoms te mang du byas pas 'gyur ro/ /log par lta bas ni mtshan ma dang mtshan ma las byung ba byas pa ston par byed/ sgom par byed/ mang du byed na/ de lus dang bral nas ngan 'gro log par ltung ba sems can dmyal ba lcags nag po'i skud pas 'dral zhing gcod pa tsha bar skye bar 'gyur ro/ /der gang sems can dmyal</font><hr>63.222b<br><font size=+1>

ba yang sos la sogs pa'i gnod pa bsdus pa de dag thams cad lnga 'gyur du 'byung ba'i steng du khyad par du 'byung ba ni rang gis byas pa nyes par byas pa'i las las byung ba'i skad pa nag pos gcal nas gshin rje'i mi rnams kyis mtshon cha'i so rno zhing rab tu 'bar ba dag gis rkang pa la sogs pa nas mgo'i bar du gcod do/ /de ltar de dag gcod pa na/ snying rje zhing rnam par khro la skad 'byin cing ngu'o/ /mtshon chas gsheg cing lcags nag po'i skud pas 'di ltar yungs kar tsam du yang mi mngon par ches phra bar gcod do/ /de ltar sems can dmyal ba pa de dag ji srid du de'i sdig pa'i las bcom zhing spangs la zad par ma byas pa de srid du yun shin du ring por gnod pa myong bar 'gyur ro/ /de phyis sems can dmyal ba de las thar bar 'gyur te/ thar nas kyang las de dang rgyu 'thun pa'i 'bras bus tshe rabs lnga brgyar yi dgas gtor ma za ba rnams kyi nang du skye bar 'gyur/ tshe rabs lnga brgyar dud 'gro chu'i srin bu dang / sdig pa dang / grog spur gyi skye gnas dag tu skye bar 'gyur/ gal te mi rnams dang skal ba mnyam par mir skyes na/ de de dag gi rgyu 'thun pas de tshe rabs su bkres pa dang / skom pas gdungs par 'gyur zhing gang rgyal po gzhan gyis gnod pa byas par 'gyur ba mthong ngo / /de nas gzhan yang dge slong las kyi 'bras bu rnam par smin pa shes pa des sems can dmyal ba chen po tsha ba'i 'khor la brtags na/ des thos pa las byung ba'i shes pas sems can dmyal ba srin bu na kra dang 'khor lo dang / me 'jigs 'jigs ltar skyes pa zhes bya ba mthong ngo / /der sems can dag las gang gis skye bar 'gyur snyam nas/ des thos pa las byung ba'i shes pas brtags na/ gang gis srog gcod pa dang / ma byin par len pa</font><hr>63.223a<br><font size=+1>

dang / 'dod pas log par g.yem pa dang / chang 'thung ba dang / brdzun smra ba kun du bsten cing bsgoms te mang du byas pas 'gyur ro/ /log par lta ba yang bsams shing bsgoms la mang du byas pas 'gyur te/ 'di ltar 'jig rten 'di rtag go/ /'jig rten 'di ther zug go/ /chos thams cad rtag go/ /chos rnams ni rtag ste/ phyin ci ma log pa'o zhes de ltar de phyin ci log tu lta ba ni log par lta ba yin te/ pha rol dag kyang log par lta ba de nyid la yang dag par 'jog par byed/ yang dag par 'dzin du 'jug par byed/ yang nas yang du ston cing 'khor la smra ba dang / rgyu ngan pa dang lta ba'i mtha' 'khor 'dzin du 'jug cing chos ma yin pa chos kyi tshul du ston pa de lus dang bral nas ngan 'gro log par ltung ba sems can dmyal ba srin bu na kra dang 'khor lo dang / me 'jigs 'jigs ltar skyes par skye bar 'gyur ro/ /der skyes nas gang sems can dmyal ba yang sos la sogs pa'i gnod pa bsdus pa de dag thams cad 'byung ba'i steng du khyad par du 'byung ba ni 'di ltar lcags kyi ka ba 'byung bar 'gyur te/ de'i glad par brgyab nas rkub tu 'byung ngo / /de nas byung nas kyang sa'i nang du lhan cig nub po/ /gsal shing gis phug nas srin bu na kra zhes bya bas lpags pa dang sha dang tshil thams cad za la/ de'i yan lag dang nying lag dag za zhing 'thung ste/ khrag 'byin par byed pa dang / lus sgul bar byed pa dang / sha gcod par byed pa dang / mig 'byin par byed pa dang / gzhungs pa dang / rgyus pa 'byin cing rtsa yang gcod pa dang 'dzag sgo sreg pa dang / spu 'thog pa dang / lpags pa 'dral ba dang / rgyus pa mang po'i nang du 'jug pa dang / snying dral nas 'thung ba dang / glo ba dang / rgyab dang / gnad dang / gnad dag la za bar byed do/ /de'i</font><hr>63.223b<br><font size=+1>

mid pa dang / lce dag phra skam rab tu 'bar bas drangs nas khyi zar 'jug go/ /rgyu ngan pa dang / lta ba ngan pa'i mthar chud pa ngan par smras pa gang de de'i nyes pas de dag thams cad sdug bsngal gyi dra bar chud pa yin te/ sems can dmyal ba pa log par lta ba g.yo sgyu'i lta ba/ g.yo sgyus 'gyed pa de dag log par smra ba chen po yin te/ gang de dag des der rab tu btsud cing lus kyi chad pa dang / ngag gi chad pa dang / yid kyi chad pas nyams pa de dag thams cad ji srid du de'i sdig pa'i las bcom zhing spangs la zad par ma byas pa de srid du yun shin du ring zhing lo bgrang gis mi lang bar sems can dmyal bar sreg go/ /de phyis sems can dmyal ba de las thar bar 'gyur te/ thar nas kyang las de dang rgyu 'thun pa'i 'bras bus tshe rabs sum brgyar yi dgas mi ro za bar skye bar 'gyur ro/ /de las thar nas kyang gal te gnya' shing gi bu gar rus sbal 'jug pa lta bur mi rnams dang skal ba mnyam par mir skyes na/ las de dang rgyu 'thun pa'i 'bras bus gang rgyal po gzhan gyis nyes pa byas pa de de'i lus la 'bab pa dang / de dbul zhing nad bu can dang / gzhan gyis bkol bar 'gyur zhing mi'i sha la za ba dang / lus snang ba'i 'du shes mi 'thob par 'gyur ba mthong ngo / /de nas gzhan yang dge slong las kyi 'bras bu rnam par smin pa shes pa des sems can dmyal ba chen po tsha ba'i 'khor la brtags na/ des thos pa las byung ba'i shes pas sems can dmyal ba nags tshal gyi me mun ltar 'khrigs pa zhes bya ba mthong ngo / /der sems can dag las gang gis skye bar 'gyur snyam nas des thos pa las byung ba'i shes pas brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / </font><hr>63.224a<br><font size=+1>

brdzun smra ba kun du bsten cing bsgoms la mang du byas pas 'gyur te/ las kyi nyer bsdogs dang las kyi mjug dang ldan pas 'gyur ro/ /de lus dang bral nas ngan 'gro log par ltung ba sems can dmyal ba nags tshal gyi me mun ltar 'khrigs pa zhes bya bar skye bar 'gyur ro/ /log par lta ba kun du bsten cing bsgoms te mang du byas pas 'gyur ba ni 'di ltar kha cig ni mi rtag go /kha cig ni rtag go /de la mi rtag pa ni lus yin no/ /rtag pa ni sa la sogs pa 'byung ba rnams yin te/ de mthar 'dzin pa lta ba gnyis kyi rgyu ngan pa/ lta ba ngan pa'i mtha' gzhan dag 'dzin du 'jug cing yang dag par dga' bar byed du 'jug la yang dag par rab tu 'jog /'khor la chos ma yin pa'i tshul gyis chos ston cing rab tu 'jog par byed pa de lus dang bral nas ngan 'gro log par ltung ba sems can dmyal ba nags tshal gyi me mun ltar 'khrigs par skye bar 'gyur ro/ /der gang sems can dmyal ba yang sos la sogs pa'i gnod pa de dag thams cad lnga 'gyur du 'byung ba'i steng du khyad par du 'byung ba ni 'di ltar gang gi tshe gshin rje'i mi'i gnod pa dag las gal te thar nas kyang phyis de'i las kyis byas pa'i mun pa mun nag gi tshogs kyi rlung ldang ste/ des sems can dmyal ba pa de dag dmigs pa med pa nam mkha' la ji ltar de'i lus kyang mi mngon pa de ltar skor ro/ /yongs su skor ba dang rlung gzhan spu gri lta bur ldang ste/ des lus de chang pa nas bye ma 'thor ba ltar phyogs bcur 'thor ro/ /de nas yang skye bar 'gyur te/ yang 'thor ro/ /de ltar ji srid du de'i sdig pa'i las bcom zhing spangs la zad par ma byas pa de srid du yun shin du ring ba lo bgrang gis mi lang bar sdug bsngal drag cing tsha la rtsub pa dag myong bar 'gyur ro/ /de phyis de las thar bar 'gyur te/ thar nas kyang las de dang rgyu 'thun</font><hr>63.224b<br><font size=+1>

pa'i 'bras bus tshe rabs bzhi brgyar yi dgas skyugs pa za ba rnams kyi nang du skye bar 'gyur ro/ /de las thar nas kyang gang dud 'gro lhag ma za ba bkres pa dang skom pas yongs su gdungs pa'i lus su 'gyur ba mthong ngo / /de nas gzhan yang dge slong las kyi 'bras bu rnam par smin pa shes pa des sems can dmyal ba chen po tsha ba'i 'khor la brtags na/ des thos pa las byung ba'i shes pas sems can dmyal ba bung ba rdo rje lta bus gnod pa'i go cha zhes bya ba ji ltar 'dug pa de mthong ngo / /der sems can dag las gang gis skye bar 'gyur snyam nas des thos pa las byung ba'i shes pas brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun smra ba kun du bsten cing bsgoms te mang du byas pas 'gyur ro/ /log par lta ba ni 'di ltar 'khor ba 'di ni thog ma yod cing rgyu yod pa'o/ /gang 'di dag thams cad kyi rgyu rtag pa dang mi rtag pa gnyis te/ des bskyed do zhes brdzun de rgyu ngan pa dang / lta ba ngan pa'i mthas bslad pa de chos ma yin pa chos kyi tshul du ston cing pha rol rab tu 'jog par byed yang dag pa'i lam las skol bar byed cing chos las phyir zlog par byed la log par lta ba yang dag par 'dzin du 'jug par byed kyang de de ltar ma yin te/ rgyur gyur pa rtag pa gang yang med do/ /rtag pa ni dus dang bral ba/ 'gyur ba med pa/ de skyed pa ma yin pa/ nam mkha' lta bu yin na de yang gzhan du rtog ste/ de lus dang bral nas ngan 'gro log par ltung ba sems can dmyal ba bung ba rdo rje lta bus gnod pa'i go char skye bar 'gyur ro/ /de lus kyi chad pa dang / ngag gi chad pa dang / yid kyi chad pas nyen pas nyams pa/ skyes bu ngan pa/ log par lta ba/ yang dag par smra ba phyir 'gog pa/ yang dag par ma yin pa smra ba la rab tu 'jog pa/ rmongs</font><hr>63.225a<br><font size=+1>

pas lam ngan par zhugs pa/ shes rab kyi nga rgyal can rang gis yongs su brtags pa smra ba ni gnod pa dag dang phrad de/ gang sems can dmyal ba yang sos la sogs pa'i gnod pa bsdus pa dag lnga 'gyur du 'byung ba'i steng du khyad par du 'byung ba 'di lta ste/ gshin rje'i mi phra skam phra mo thogs pas sha ba spu tsam du btogs btogs nas de nyid zar 'jug go/ /bung ba'i mchu rdo rje lta bu dag 'byung bar 'gyur la/ gang de'i lus la lan tshwa ltar drag par byed de de la khrag dron po 'byung ngo / /de gshin rje'i mi rnams kyis de nyid zar 'jug ste/ zas des de'i srog 'tsho bar byas so/ /nyes par byas pa'i las kyis bslus pa de yang bkres pa dang / skom pas lus dang snying bcu 'gyur du gdungs so/ /de nas yang las de dang rgyu 'thun par rang gi sha dang khrag de nyid 'byung bar byed de/ rang gi las kyis 'chi ba'i dus byed do/ /de nas yang rang gi sha dang khrag de nyid 'byung bar byed de/ ji srid du de'i sdig pa'i las bcom zhing spangs la zad par ma byas pa de srid du las kyis bslus pa de yun shin du ring po lo bgrang gis mi lang bar gnod pa myong bar 'gyur ro/ /de phyis sems can dmyal ba de las thar bar 'gyur te/ thar nas kyang las de dang rgyu 'thun pa'i 'bras bus tshe rabs bzhi brgyar yi dgas lhag ma za bar skye bar 'gyur ro/ /tshe rabs lnga brgyar dud 'gro tsi lin da dang / ba lang gi nags tshal la sogs par bkres pa dang / skom pas gdungs pa'i lus su skye bar 'gyur ba mthong ngo / /de nas yang dge slong las kyi 'bras bu rnam par smin pa shes pa des sems can dmyal ba chen po tsha ba'i 'khor la brtags na/ des bcu bdun pa ni gcig kyang ma mthong la/ 'di ltar sems can dmyal ba chen po tsha ba'i 'khor 'di'i mtha' ni 'di yin/ gnas pa ni 'di yin/ log par</font><hr>63.225b<br><font size=+1>

lta ba ngan par byas pa'i las byas pa rnams kyi gnas ni 'di yin no snyam ste/ des sems can dmyal ba chen po drug pa la brtags nas yang dag pa ji lta ba bzhin nang gi chos la chos kyi rjes su lta zhing gnas pa'i rnal 'byor spyod pa de rab tu dga' ba dang / sa bla ba'i gnod sbyin dag gis de mthong nas/ kye e ma dge slong 'di ni brtson pa ma nyams pa sa gzhan bcu gcig pa la zhugs shing 'khor ba'i dus rnam par gcod par byed pa de yang shes nas dga' ste/ bar snang la spyod pa'i gnod sbyin dag la snga ma bzhin mngon par bsnyad nas/ 'od chung gi lha'i bar dag la 'di ltar rigs kyi bu che ge mo zhig ces bya ba snga ma bzhin du sbyar te/ sa gzhan bcu gcig pa la zhugs pa/ bdud kyi gzhi dang lhan cig gnas par mi 'dod pa/ nyon mongs pa 'dod chags rnams dang lhan cig rtse bar mi 'dod pa/ yul la gnas pa'i 'gro ba sdug bsngal gyi gzhi mtha' yas pa mi 'dod pa'i bar dag bsnyad do/ /de nas yang dge slong des sems can dmyal ba yang sos dang / thig nag dang / bsdus gzhom dang / ngu 'bod dang / ngu 'bod chen po dang / tsha ba'i 'khor la brtags nas sems can dmyal ba gzhan dag la yang brtags na/ des thos pa las byung ba'i shes pas sems can dmyal ba rab tu tsha ba zhes bya ba mthong ngo / /der sems can dag las gang gis skye bar 'gyur snyam nas des brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun smra ba dang / log par lta ba kun du bsten cing bsgoms te mang du byas pas 'gyur ro/ /dge slong ma gzhon nu sdom pa la gnas pa/ tshul khrims ma nyams pa/ brkam pa med par spyod pa/ 'dod pa med pa'i brtul</font><hr>63.226a<br><font size=+1>

zhugs nyams par byas shing de bzhin gshegs pa'i bstan pa las 'khrul par byas la de sangs rgyas la mi dad par byas te/ 'di ltar sangs rgyas ni thams cad mkhyen pa ma yin na de'i dge slong ma'i dge 'dun rnam pa 'di lta bus ci zhig du 'gyur/ de dag thams cad ni brdzun yin te/ bstan pa de ni ngan pa yin zhing de ni dman pa yin te/ de la byin pas chos su mi 'gyur zhing de la byin pas mya ngan las 'das pa yang 'thob par mi 'gyur te/ dge 'dun 'di ni dmangs yin no zhes dge slong ma gzhon nu'i brtul zhugs las bskyod cing chos ma yin pa med do zhes de de ltar rjes su sems su bcug nas dge slong ma gzhon nu de brtul zhugs las skyod par byed/ chos ma yin pa med do zhes tshul khrims 'khrul pa dang lta ba 'khrul par byed na/ de lus kyi chad pa dang / ngag gi chad pa dang / yid kyi chad pas lus dang bral nas ngan 'gro log par ltung ba sems can dmyal ba rab du tsha bar skye bar 'gyur te/ lus kyi bong tshod dpag tshad tsam la mar sar 'ju ba lta bur lus shin du gzhon sha can du 'gyur/ de bzhin du mig dang / sgra dang / reg pa dang / ro dang / gzugs dang / dri shin du chung bas srog chad par byed de/ ji lta ji ltar sdig pa'i shas cher byas pa de lta de ltar lus dang yid ches shin du gzhon sha can du 'gyur ro/ /de'i las ngan pa byas pa dang mi dge ba'i las kyi mthus 'di ltar tshe 'di la sdug bsngal shin du drag pa dag myong bar 'gyur te/ 'chi ba'i dus kyi tshe nges par myong bar 'gyur ba ni/ ji ltar sems can dmyal ba yang sos su skyes pa de ltar 'chi ba'i dus kyi tshe myong bar 'gyur ro/ /nyi ma gsum lon nas 'chi ba'i bar du de'i lce lkugs par 'gyur zhing 'jigs pa'i 'du shes su 'gyur/ 'du byed rnams nyam chung bar 'gyur/ </font><hr>63.226b<br><font size=+1>

rnam par shes pa shin du skrag par 'gyur te/ tshul de lta bur 'byung ba chen po bzhi rnams kyis dkrugs nas shin du sdug bsngal bar 'gyur ro/ /sa'i khams sra ba'i ngo bo 'khrugs pas lus dang rtsa dang / rgyus pa dang / mid pa thams cad shin du 'gog par byed/ 'bugs par byed/ rab tu 'bugs par byed/ rnam par tho 'tsham par byed/ mar sar gyi gong bu bzhin du gnod par byed/ shin du 'thag par byed cing 'thas par byed do/ /chu'i khams 'khrugs pas kyang lus dang rtsa thams cad dang / rgyus pa brgya dag gis 'ching bar byed/ ches mkhrang bar byed/ chu ser du byed/ lhod lhod por byed/ dri skyed par byed/ srin bu gsod par byed/ 'dzag sgo thams cad 'gag par byed/ sgra ngar ngar po 'byin par byed/ mid pa dang / lce'i 'dzag sgor gyur pa'i tshor ba gnod par byed/ yan lag dang nying lag thams cad las rngul 'byung bar byed do/ /me'i khams 'khrugs pas kyang lus dang rtsa dang / rgyus pa thams cad sreg par byed/ 'tshed par byed/ sdug bsngal gyis nyam thag par byed/ lpags pa zangs kyi mdog lta bu byed/ nang du sreg pa skyed par byed/ phyi rol du rnam par sreg pa skyed par byed/ sred pa'i stobs rab tu skyed par byed/ kha skam par byed/ snying sreg par byed do/ /rlung gi khams 'khrugs pas kyang yang ba'i ngo bo g.yo ba las nam mkha' la bteg nas 'dor ba bzhin byed/ rtsub pa'i dngos pos yan lag dang nying lag thams cad dang / khams thams cad shin du rtsub par byed do/ /yan lag dang / nying lag thams cad dang / gnad thams cad kyi bar bar du rlung pib pa la ka dang / sU tsa ka khab lta bur gyur pa rgyu ste/ rlung pib pa la ka khab lta bu rab tu 'bar</font><hr>63.227a<br><font size=+1>

ba dag gis ba spu'i khung bu la sogs pa nas/ kha chu dang / lpags pa dang / sha dang / tshil dang / rus pa dang / rkang pa dang / khu chu'i bar dag la 'jog par byed de/ ste'u bzhin du gcod par byed/ 'jog par byed/ dbang po'i lam thams cad 'gog par byed/ bshang ba dang / gci ba'i gnas 'gog par byed/ srog chags kyi dbugs yang dag par 'gog par byed/ mid par mid pa'i sgo'i lam log par byed/ lta bas 'du shes phyin ci log tu byed/ rna bas sgra mi snyan pa thos/ de'i snar chu 'byung zhing de'i sen mo dag sngon por byed/ sna yon por byed cing rlig pa 'doms su 'phyang bar byed/ rkub kha na ba dang / pho mtshan na ba dang / reg pa mdag me dang mtshungs pas sdug bsngal bar byed/ lpags par gtogs pa dang / lpags pa dag skrangs par byed/ de'i skra dang / spu dag shig shig por byed de/ nyes par byas pa mi mthun par spyad pa dag 'chi dus su sdug bsngal mi bzad pa 'byung ba'i phyogs tsam zhig bshad pa yin te/ de ltar nyin zhag gsum du 'byung ba chen po bzhi 'khrugs pa rnams kyis rnam par 'tshe'o/ /gang gi tshe dus tha ma 'bab par 'gyur ba na/ sems can dmyal ba pa de'i 'jig rten pha rol gyi mtshan ma 'di dag 'byung bar 'gyur te/ 'di lta ste/ de'i gnas thams cad phyar ba ngan pa rab tu 'bar bas khebs par snang zhing rmi lam gyi gzugs lta bu dag mthong ngo / /gnas med pa'i seng ge dang / stag gi gzugs 'jigs 'jigs ltar 'dug pa'i rnam pa de lta bu dang / gzhan yang shin du 'jigs 'jigs ltar 'dug pa mi sdug pa dag mthong ngo / /rna bas sgra 'ur 'ur po 'jigs shing mi dga' ba'i tshig dag thos so/ /de'i lpags pa mtshon nyid kyis gcod do/ /</font><hr>63.227b<br><font size=+1>

srid pa tha ma par bab pa na rlung de de'i steng du 'byung bar 'gyur te/ sen mo dag btang nas rkang pa dag gtong / rkang pa dag btang nas byin pa gtong / byin pa btang nas brla gtong / brla btang nas 'doms gtong / 'doms btang nas lto gtong / lto btang nas snying gtong / snying btang nas sgra ngar ngar por byed de/ mchil ma dag skams par byed la mig ya gcig dmar por byed do/ /gshin rje'i mi lag na ral gri dang / tho ba thogs pa nam mkha' la 'gro ba dag mthong ba dang / de'i mdza' bshes dang / nye du dag na re nam mkha' la reg par 'dod do zhes smra'o/ /de dbugs chen pos nyam thag cing lus thams cad bral/ dbugs chad nas mar me ngan pa snying po di ma can bsregs pa ltar 'jig rten 'di nas srid pa bar mar skye ste/ rgyu dang mtshungs par 'bras bu dag 'byung ngo / /nyes par byas pa'i las kyi mtha' spyod pa de srid pa bar ma pa'i sdug bsngal rnams kyis mngon par nyams par 'gyur ro/ /des bdag nyid ji ltar mi lo brgyad khri bzhi stong thub pa'i byis pa lo brgyad lon pa'i tshad de lta bur mthong ste/ skye bo dag ni thams cad nas thams cad du mi snang ngo / /'byung ba chen po phra ba dang / rags pa dag 'byung ste/ phra mo bltar med cing thogs pa med pa de lta bu byung bas gang ri rab phug nas 'gro yang bdag nyid dang ri rab la yang gnod pa med na/ ri gzhan dag la lta smos kyang ci dgos/ de ltar de dag nyid lcags nag po lta bu'i kha dog dang mun pa mun nag gi rdzong gi nang du zhugs par mthong ste/ de bdag nyid kyis las byas pa/ des spu thams cad 'bar bar mthong ngo / /bdag nyid gshin rje'i mi rnams kyis lcags kyi thag pa nag pos phyin ci log tu dam par rab tu bcings par mthong ste/ rkang pa dag kyang shin du drag cing dug gis reg pa ltar mkhrang ba/ gzugs shin du 'jigs 'jigs ltar 'dug cing thags thogs med par 'gro</font><hr>63.228a<br><font size=+1>

ba gzhan yod pas thams cad kyi nang na bcing ba dam pos bdag nyid bcings par mthong ste/ ji ltar skra'i rtse mo'i phyogs tsam yang bcings pa dam po des de ltar ma bcings pa med do/ /sgra dang / reg pa dang / ro dang / gzugs dang / dri mi 'dod pa dag 'byung bar 'gyur te/ mig gis gzugs mig dang mi mthun pa/ kha dog mi sdug pa/ 'jigs 'jigs ltar 'dug cing rab tu 'bar ba mang po dag mthong ngo / /rna bas kyang gang tshig de la dga' bar mi 'gyur ba mi snyan pa mi 'dod pa yid du mi 'ong ba dag thos so/ /'di lta ste/ nyes par byas pa'i las kyi mtha' spyad pa lus kyi chad pa dang / ngag gi chad pa dang / yid kyi chad pa mi phan pa byed pa 'di dag 'thog ste/ mis legs par byas pa'i rin po che'i gling gis bslus shing mi dge ba bcu'i las kyi lam mi gtsang ba bsams bzhin du spyod pa/ phyin ci log gis rin po che'i gling nyams pa/ mtshon dang / me dang / dug dang / g.yang sa lta bu'i 'dod pas bslus pa/ gzhan gyi bud med kyi tshig gis rnam par bslus shing de la 'dod pa des mi dge ba rnam pa gsum byas so/ /blo ngan pas rang gi las byas par spyad pa de de ltar sems can dmyal ba rab tu tsha bar sdug bsngal sna tshogs nyam thag pa dag ji ltar bu dang chung ma mthong bas bslus pa nyes par spyad pa'i chad pa rnam pa 'di lta bu yang mi 'byung bar bya ba'i phyir bdag cag gis rnam pa brgya stong phrag du mar gnod pa bya'o snyam nas gshin rje'i mi rnams kyis srid pa bar ma pa dag la rjes su bstan pa'i tshigs su bcad pa smras pa/ gnyen bshes tshul ni dgra yin te/ /mi phan phan pa'i tshul gyis khyod/ /bcom nas mi yi 'jig rten nas/ /de ring mun nag chen por 'gro/ /ji ltar las ni rnam gsum byas/ /nyes gsum byas pa dgra gzhan med/ /las rnam gsum gyis khrid de 'ongs/ /gshin rje'i</font><hr>63.228b<br><font size=+1>

gnas su khrid par byed/ /las dag gcig cig byed pa ni/ /'bras bu gcig cig myong bar 'gyur/ /skye bo skye bo'i grogs med par/ /rdzong ni gcig cig rgal bar 'gyur/ /skye bo gang zhig skye bo 'dod/ /nyes par byas pa mang du byed/ /skye bos skye bo skyob mi nus/ /skye bo rang gis byas la spyod/ /skye bo bu yi 'du shes kyis/ /rmongs pa ci yi phyir na bslus/ /rmongs pas bslus pa khyod kyis su/ /sbyin la sogs pa'i blo ma bskyed/ /'jig rten 'di dang pha rol gyi/ /'jig rten de bzhin 'brang ba'i dgra/ /dgra yi nang na dgra dang po/ /ngan song thams cad rnam ston pa/ /dug dang me dang mtshon lta bu/ /rang gis byas pa ngan pa yin/ /khyod kyis las ni byas pa dag /khyod nyid rjes su spyod pa yin/ /gzhan gyis byas pa'i las de ni/ /pha rol dag la 'pho ba med/ /mi yis nyes par spyad byas pa/ /'jig rten 'di dang pha rol dang / /thog ma bar dang tha ma ru/ /bde 'byung bde ba'i ro mi myong / /de nyid 'dod par mi byed pa'i/ /sems ni rnam par dkrugs pa byas/ /byis pa'i sems dang yid 'phrogs pa/ /mi dge'i chos ni rnam par 'phel/ /yid kyis bslus pa'i sems can ni/ /yid kyis rab tu rnam par chags/ /mun pa nas ni mun pa ru/ /sems can dmyal bar sdig can 'gro/ /'khor bar mun pas bsgribs pa dag /sangs rgyas bstan pa rnyed par dka'/ /gang dag chos ni mi 'dod pa/ /sdug bsngal shin du sdug bsngal 'gro/ /gang zhig rtag tu sems ma zhi/ /yul rnams kyis ni nges par 'joms/ /gnas 'di dag tu de 'gro ste/ /'di ltar khyod nyid rjes su ltos/ /de ltar nyes par byas pa'i las kyi mtha' spyad pa/ rang gi lus dang ngag dang sems kyis bslus shing nyes par byas pa ni gshin rje'i mi de dag gis rjes su bstan nas sems can dmyal ba chen</font><hr>63.229a<br><font size=+1>

po rab tu tsha bar song ste/ snas ni ljan ljin dang rul pa dang mi gtsang ba'i tshogs kyi dri shin du mi zhim pa dag mnom mo/ /lces ni zangs rab tu tsha zhing mkhrang la ro bro ba med pa dang / dri dang ro dang gzugs yid du mi 'ong ba dag myong ngo / /sems can dmyal ba pa'i lus kyis kyang rlung spu gri dang me lta bu dang bcas pas reg go/ /yul 'jigs pa lngas mi 'jigs pa'i yid kyang sems can dmyal ba chen po sngar bstan pas shin du rnam par slong bar byed do/ /mid pa yang gshin rje'i mis rab tu dam por bcings shing las kyi rlung langs pa'i sems can dag gis dbang med par khrid do/ /gshin rje'i mi bzhin bsgyur cing lag pa dang rkang pa dang lto dang sen mo so so na 'jigs pa/ 'brug gi 'ur sgra 'jigs shing lag na mtshon cha thogs pa sprin nag po lta bu dang / mig 'bar zhing rab tu 'bar la mche ba 'khor lo ltar rno ba/ gsus pa rab tu che zhing lag pa thung ba/ sen mo mkhrang zhing rno la spred pa/ lus thams cad rtsa sbom pos khyab par sbrel ba'i rnam pa de lta bu dag gis nyes par byas pa'i las kyi mtha' dpyad pa de de ltar dpag tshad bye ba sum bcu rtsa drug dang / 'og tu dpag tshad bye ba bcu dang / sa dang rgya mtsho dang gling dang tshong 'dus dang ldan pa dpag tshad stong phrag drug bcu rtsa brgyad du khrid de rgya mtshor gtogs par de 'dug go/ /rnam pa 'di lta bu'i las kyi rlung gis 'phangs pa ni gang du yid kyis kyang dpe bya bar sla ba ma yin no/ /nyi ma dang zla ba dang / rlung 'gro ba med de/ rlung rnams kyi nang na ni las kyi rlung mchog yin te/ gzhan rlung ma yin pa de lta bur nyes par byas pa'i las kyi mtha' spyad pa de khrid de/ gshin rjes snga ma bzhin bstan to/ /nyes par byas pa'i las kyi zhags pas bcings pa gshin rje'i gnas de nas byung nas/ sems can du bgrang ba lus dang ldan pa'i las mi gtsang ba rnams kyis bcings pa sems can dmyal ba rab tu tsha ba</font><hr>63.229b<br><font size=+1>

der khrid do/ /sems can dmyal ba de rgyang ring po na kun rab tu 'bar ba mun pa mun nag dang / rgyang ring po na me 'bar ba/ rang gi bong tshod dpag tshad lnga stong yod pa/ skye 'grib med pa/ ches nyung ba dang / ches mang ba mthong ngo / /dpag tshad sum stong na sems can dmyal ba pa rnams kyi sgra 'byin pa thos te/ so so ni snying rje rje skad dang / 'jigs shing dman la gdangs mi snyan pa dga' ba med cing sdug bsngal tsha ba rtsub pa bzod par dka' zhing ro bro ba med pa rnam pa du ma dag lo 'bum phrag bye ba du mar lo bgrang gis mi lang bar rgyun du sgra 'byin pa thos so/ /sems can dmyal ba pa de rab tu tsha bar sgra 'byin pa des thos nas yid bcu 'gyur du 'jigs shing skrag go/ /sems can dmyal ba chen po rab tu tsha ba ga la ba de'i phyogs su yang gshin rje'i mi rnams kyis khrid nas tshigs su bcad pa 'di dag smras so/ /'di ni sems can dmyal ba'i sgra/ /thos nas blo ngan khyod 'jigs sam/ /gang du khyod ni me yis su/ /shing ltar bsregs na ji ltar bya/ /me yis bsregs pa bsregs pa min/ /ngan par byas pas khyod bsregs so/ /me ni zhi bar 'gyur srid kyi/ /nams kyang ngan byas me mi zhi/ /me yis 'jig rten mthar mi khyer/ /me yi phyi bzhin me mi 'brang / /ngan byas sdig pa'i me 'di yis/ /khyod dang bcas par myur bar sreg /ngan byas me yis gang bsregs pa/ /mi de dag ni dmyal bar sreg /ngan byas me ni gang spong ba/ /de dag dmyal ba'i 'jigs pa med/ /gang dag bdag tu gces 'dod dang / /gal te dmyal bar rnam 'jigs na/ /sdig pa dag ni rnam par spangs/ /de las sdug bsngal 'byung mi 'gyur/ /sdig pa shin du rnam spangs pa/ /sems ni rtag tu gtsang ba dang / /lus dang ngag gi tshogs zhi ba/ /mya ngan 'das pa yong mi ring / /sems can rtag tu sdig sems pa/ /rtag tu gti mug dbang du song / /sems</font><hr>63.230a<br><font size=+1>

can dmyal ba drag po thob/ /ci phyir rab tu mchi ma 'byin/ /ngan byas thog ma bar tha mar/ /sdug bsngal sdug bsngal rnam smin dang / /de bzhin sdug bsngal 'gro ba dang / /legs pa yongs su smin mi 'gyur/ /'jig rten pha rol khyod kyis sdig /sdig pa gang dag ngan byas mang / /de yi 'bras bu rnam smin ni/ /de ring mi bzad nye bar spyod/ /mi yis ngan byed byas pa ni/ /mi bzad shin du mi bzad 'gro/ /mi yis legs byed byas pa ni/ /bde las shin du bde bar 'gro/ /sdig pa'i 'bras bu mi bzad pa/ /bde ba 'thob par 'gyur ba med/ /bde ba dag gi 'bras bu yang / /mi bzad log par smin mi 'gyur/ /'khor ba thog ma med pa nas/ /legs byas 'bras bu bde ba dang / /ngan par byas pa'i las dag ni/ /de bzhin sdug bsngal 'bras bu dran/ /rgyu rkyen 'dra bar 'byung 'gyur gyi/ /log par rtog par mi byed de/ /ji ltar sngon gyi rgyu byas pa/ /de ltar 'bras bu thob par 'gyur/ /de ltar srid pa bar ma der las kyis byas pa'i gshin rje'i mi rnams kyis rjes su bstan nas de sems can dmyal ba der khrid do/ /thos na yang spu zing zhes byed cing shin du 'jigs pa mthong na lta smos kyang ci dgos pa srid pa bar ma des mthong nas gzugs la sogs pa'i phung po de dag ji ltar sems can dmyal bas byas pa dro ba 'dod pa de ltar grang bar byas pa'i sdug bsngal mi bzad pas sdug bsngal lo/ /de nye bar len pa nyid las srid pa 'byung la de ltar srid pa'i yan lag la gnas pa de las skye ba 'byung ste/ de'i mi dge ba'i las gang yin pa srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun smra ba dang / log par lta bas dge slong ma zhe sdang med pa/ tshul khrims dang ldan pa/ 'dod pa med pa/ 'os pa ma yin pa la rung bar bzung ste/ sun phyung na de'i mi dge</font><hr>63.230b<br><font size=+1>

ba'i las byas shing bsags pa'i rnam par smin pa lci ba'i shugs gang yin pa des me'i phung po 'bar ba rgyar dpag tshad lnga brgya yod cing 'phang du dpag tshad nyis brgya yod pa der las ngan pa byas pas 'phangs te/ ji ltar ri mthon po la lcags kyi mda' 'phangs pa thags thogs med par 'gro ba shugs kyis 'phen pa de ltar sems can dmyal ba pa de me thab der 'dor ro/ /'dor ba na las kyis byas pa'i phur bu rnams 'byung bar 'gyur te/ gang byung ba tsam gyis kyang lus yongs su mi gtong ngo / /de ltar de'i mgo thur du spyangs shing rkang pa gyen du bsgreng ste/ 'dor ba na dang po kho nar mes mig dang mgo'i lpags pa sreg go/ /de nas mgo'i thod pa/ de nas 'gram pa'i rus pa/ de nas so/ /so'i 'og tu so drung / so drung gi 'og tu mgrin pa'i rus pa/ mgrin pa'i rus pa'i 'og tu rgyab kyi rus pa dang / brang rus/ brang rus kyi 'og tu mgrin pa dang / mid pa/ de'i 'og tu mchin pa/ mchin pa'i 'og tu mcher pa/ mcher pa'i 'og tu rgyu ma/ rgyu ma'i 'og tu gnye ma/ gnye ma'i 'og tu mdoms/ mdoms kyi 'og tu pho mtshan/ pho mtshan gyi 'og tu brla/ brla'i 'og tu pus mo'i lha nga / pus mo'i lha nga'i 'og tu pus mo gnyi ga /pus mo gnyi ga'i 'og tu sor mo ste/ de ltar dang po las byed pa ngan pa byas pa de sems can dmyal ba pa'i me'i dong du 'dor ba na sreg cing 'tsho yang sdug bsngal rgyun myi chad par 'byung ste/ ji lta ji ltar ngan pa byas pa'i las yang dang yang du byas pa de lta de ltar sems can dmyal ba pa'i sdug bsngal yang dang yang du 'byung la de shugs kyis 'bar ba'i phreng ba'i thab tu 'dor zhing sa gzhi rdo rje lta bu la phyer btags pa dang / skyes nas de nas yang ji ltar pho long dang por sa la brdabs nas/ brtud de brdabs pa de lta de ltar de'i ro stod snga la ro smad phyis 'dor ba</font><hr>63.231a<br><font size=+1>

ngu skad 'don pa na de nas yang 'dor ro/ /'bar ba'i phreng bas phangs pa'i lus de de nas yang sreg pa na/ snga ma bzhin du me lce'i nang du 'jug go/ /de ltar de lo 'bum phrag du mar sems can dmyal ba'i me thab der sreg go/ /bsregs nas de nas yang dus zad kyi bar du 'byung ngo / /de nas me thab de las sems can du bgrang ba ma yin pa gshin rje'i mi phra skam rab tu 'bar ba thogs pas mi de bzung nas 'dren to/ /phra skam rab tu 'bar ba'i rnam pa de lta bu de bas gang me thab ches grang ste/ phra skam nyis 'gyur gyis tsha ba gang yin pa de'i rgyu ni gang rkyen ni gang yin snyam nas de la rgyu ni 'di yin te/ gang srog gcod pas me thab tu sreg la/ srog gcod pa dang / ma byin par len pa ngan pa byas pa dag phra skam gyis nyis 'gyur du rab tu sreg ste/ rgyu ni de yin rkyen ni de yin/ gzhi ni de yin no/ /phra skam gyis nyis 'gyur du rab tu sreg pa gang yin pa'i phra skam des drangs nas sems can du bgrang ba ma yin pa gshin rje'i mi de rnams kyis lcags kyi sa gzhi rab tu 'bar ba'i steng du 'jog go/ /phur bu rab tu 'bar ba'i phur bu des de'i rgyab dang / mdoms snga ma bzhin phug nas de'i steng du bzhag la ral gri shin du rnon po rab tu 'bar bas rlig pa dang pho mtshan lhan cig gcod de sdug bsngal sum 'gyur du myong ngo / /de'i rgyu ni gang yin/ rkyen ni gang yin/ gzhi ni gang yin snyam na/ de la rgyu ni 'di yin/ rkyen ni 'di yin/ gzhi ni 'di yin te/ 'di lta ste/ srog gcod pa dang / ma byin par len pa dang / 'dod pas log par g.yem pa rgyu dang rkyen dang gzhir gyur te/ rgyu des sdug bsngal sum 'gyur du myong ngo / /'di lta ste/ lcags mgar gyi sa na lcags mgar ram/ lcags mgar gyi slob mas sbud pa blangs te dbugs kyis bkang nas ji lta ji</font><hr>63.231b<br><font size=+1>

ltar dbugs kyis 'bud pa de lta de ltar nyes par byed pa'i las kyi mtha' byas pa de bzhin du sreg go/ /nyes par byas pa'i mgar ba ni las dang mjug ces bya ba'i tshig bla dgas so/ /mgar ba'i slob ma nyes par byas pa'i las zhes bya ba ni las kyi nyer bsdogs shes bya ba'i tshig bla dgas so/ /rlung zhes bya ba ni las kyi rlung zhes bya ba'i tshig bla dgas so/ /sbud pa zhes bya ba ni lta ba ngan pa zhes bya ba'i tshig bla dgas so/ /mdag ma rab tu 'bar ba zhes bya ba ni sems can dmyal ba pa zhes bya ba'i tshig bla dgas so/ /ji lta ji ltar sbud pa 'bud pa de lta de ltar sreg ces bya ba ni sems can dmyal ba pa dag kyang ji lta ji ltar shin du mi dge ba'i las byas pa de lta de ltar sdug bsngal shin du mi bzad pa myong bar 'gyur te/ de ni rgyu yin de ni rkyen yin no/ /ral gri'i gnod pa gang gis de shin du mi bzad pa sum 'gyur du 'byung bar 'gyur te/ srog gcod pa dang / ma byin par len pa dang / 'dod pas log par g.yem pa kun du bsten cing bsgoms te mang du byas pa rnams kyi 'bras bu de yin par rig par bya'o/ /sems can dmyal ba pa de 'jigs pas mig blong ba rnam par sgra 'byin cing 'phags pa ma byin pa'i las kyis 'tshed pa na dris pa/ kye grogs po dag khyed cag la ni ci zhig gnod/ sdug bsngal de dag gis mngon par nyam thag pa des gshin rje'i mi rnams la 'di ltar sdug bsngal tsha ba dag gis nyam thag pa'i sdug bsngal 'di dag ni sdug bsngal ba med kyi 'di ltar mdag cag ni skom pas gdungs so zhes smras pa dang / de gshin rje'i mi de dag gis thos nas 'jigs pa'i rlabs shes bya ba zangs dang zha nye bsregs pa rab tu bskol ba/ 'gram gnyi ga gnong pa na/ chu bo'i rlabs kyis sgra mthong zhing thos na/ 'jigs shing dngang ba de nas lcags kyi snod kyi nang du</font><hr>63.232a<br><font size=+1>

zangs dang zha nyer bsregs te bskol ba der blugs nas khyer te 'ongs nas/ 'di ltar kye grogs po dag 'thung zhes smras so/ /de skom pas gdungs pa'i bsam pas btung ba yin no snyam nas/ de lag pa gnyi gas blangs nas las kyis bsgribs pa skom pas gdungs pa 'thung ba dang de'i mchu sreg cing lce sreg pa nas mgul ba dang mid pa'i bar nas ro smad kyi bar du 'byung ste/ de sdug bsngal bzhi 'gyur du myong ngo / /bzhi 'gyur du bsregs pa de'i las kyi 'bras bu gang yin snyam na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba ni sdom pa blangs pas 'thungs shing khyim gyi gnas nas byung ba sdom pa blangs pa'i dge slong ma dag la blud pa de'i 'bras bu ni 'di yin te/ 'di ltar sems can dmyal ba pa de zangs dmar po rab tu bskol ba de la 'thung ba'i bsam pas len pa de yin no/ /de bzhin du dge slong tshul khrims dang ldan pas btung ba rung ba yin no snyam nas chang de yang dug ha la ha la lta bu yin te/ dge slong blo zhan pa des sbyin pa po dang sbyin bdag dag gi sa la dbo bar ma nus shing dge 'dun la 'jigs nas 'thungs pa de'i 'bras bu ni 'di yin te/ sems can dmyal ba pa'i zangs bzhus pa de sa dag la dbo bar mi nus te/ las de'i 'bras bu ni de yin no// //'phags pa dam pa'i chos dran pa nye bar gzhag pa/ bam po bcu gsum pa/ de nas yang gshin rje'i mi de dag gis sems can dmyal ba pa de dag la dris pa 'di ltar kye grogs po dag khyed la ci zhig gnod/ sems can dmyal ba pa de dag gis smras pa/ bkres pas rab kho nar gnod de sdug bsngal 'di yang bdag gi gnod pa de dag thams cad zil gyis non te/ bkres pa'i sdug bsngal gnas so/ /de nas gshin rje'i mi dag chu bo'i</font><hr>63.232b<br><font size=+1>

rlabs 'jigs pa nas lcags kyi thu lum lnga 'gyur du rab tu 'bar ba blangs te/ 'ongs pa dang / de nas sems can dmyal ba pa las gyis rnam par rmongs pa'i blo gros can de dag lcags kyi thu lum de dag bza' ba yin no snyam nas blangs te za ba dang / snga ma bzhin du de'i mchu sreg pa nas ro smad kyi bar du byung gis kyang 'chi bar mi byed do/ /de'i las ngan par byas pa'i dbang gis lce de yang slar 'byung bar 'gyur la pad ma'i 'dab ma ltar shin du 'jam zhing de'i lus kyang 'byung bar 'gyur te/ de'i las kyi 'bras bu ni de yin no/ /de nas yang dge slong des thos pa las byung ba'i shes pas de bzhin gshegs pa'i sgron ma lta bur gyur pa la gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun smra ba de'i 'bras bu ni 'di yin te/ gang tshul khrims 'chal pa lud bong ltar spyod pa tshul khrims dang ldan no snyam nas yul 'khor gyi bsod snyoms la yongs su spyod pa de'i 'bras bu ni de yin par shes so/ /de nas yang sems can dmyal ba pa de gshin rje'i mi de dag gis mthong nas de dag gi lce bsregs shing las kyis rnam par rmongs pa'i blo gros can de dag gi lce de kha de nas 'byin par byed de/ de yang brdzun du smra ba'i rgyu des pad ma'i 'dab ma ltar shin du 'jam pa rgyar dpag tshad phyed khebs so/ /de nas gshin rje'i mi de dag gis lce de bzung nas las kyis bsgrubs pa'i rmon pa brgya phrag du ma rnams kyis nyes par byas pa log par smra ba ngu zhing skad 'byin bzhin du shin du rmed do/ /de ltar lo 'bum phrag du ma lo bye ba brgya phrag bgrang gis mi lang ba'i bar du myong bar 'gyur te/ las byas shing bsags pa de dag gi 'bras bu rnam par smin pa dag ma myong bar sems can dmyal ba las thar pa med do/ /de nas gshin rje'i mi de dag gis sems can dmyal</font><hr>63.233a<br><font size=+1>

ba pa de dag la tshigs su bcad pa 'di dag rjes su bstan to/ /ji ltar khyod la srog gces pa/ /gzhan la 'ang de ltar rab tu gces/ /sdig pa dag gi rjes 'brang ba/ /khyod kyis ci phyir srog gcod byas/ /mi yis srog dang sdom byas nas/ /nor ni gang zhig yang dag bsgrubs/ /gzhan gyi nor la 'dod pas su/ /de ni khyod kyis ci phyir 'phrog /kun gyi nang na sdug pa ste/ /srog pas phongs pa'i chung ma de/ /khyod kyis 'dod chags chags pa yi/ /stobs kyis ci'i phyir na dbrog /skye bo rnam par rmongs pa'i blo/ /chos la mchog tu sun 'byin pa/ /sdig pa'i chang ni 'thung ba dag /khyod kyis ci phyir yongs ma spangs/ /dug lta bu yi lce las byung / /gang kun yid ches mi byed pa/ /brdzun du smra ba'i sdig pa dag /khyod kyis ci phyir yongs ma spangs/ /de ltar sdig pa rnam lnga yis/ /gang phyir rjes su chags ldan khyod/ /de phyir ma ngu legs par zo/ /smre sngags don med ci zhig 'don/ /dug lta bu yi sdig pa'i chos/ /gang phyir yongs su ma spangs par/ /de phyir 'bar ba'i phreng ba yis/ /dmyal ba 'khrugs pa chen po 'thob/ /de ltar sems can dmyal ba pa de dag la gshin rje'i mi de rnams kyis rjes su bstan pa bstan nas/ rang gis byas pa'i las rgya'i 'bur lta bur gyur pa'i gnod pa drag pa sna tshogs dang rnam pa du ma dag gis rdeg cing gsod de ji ltar mi dge ba'i rnam pa du ma kun du spyad pa de ltar sdug bsngal rnam pa du ma yang so sor myong bar 'gyur la rgyu dang mtshungs par 'bras bu 'byung zhing sa bon dang mtshungs par 'bras bu 'byung ngo / /'di ltar sems can dmyal ba chen po rab tu tsha ba der mi dge ba'i las byed pas shin du gang ba'i 'bras bu mi dge bas kyang shin du gang ba de lta bu la spyod de/ de ltar lo 'bum phrag du mar sdig pa'i las dgra lta bur gyur cing mi phan par 'dod pa des sems can dmyal</font><hr>63.233b<br><font size=+1>

ba de 'tshed do/ /de gal te de las thar nas mgon 'dod pa/ skyabs 'dod pa/ dpung gnyen 'dod pa rgyug pa dang / des rgyang ring po nas khyi'i tshogs chen po dag kha gdangs shing spro ba che la shin du mgyogs pa so rdo rje ltar rno zhing shin du 'jigs pa'i sgra 'byin pa'i khyi de khyi rnams kyis bskor nas rgyug cing 'ong ba mthong ngo / /mthong nas sems can dmyal ba pa de 'bros par brtsams pa dang / de nas khyi de dag thams cad kyis brgyugs nas de bzung ngo / /bzung nas kyang ma lus par za ste/ rgyus pa'i tshogs nas rgyus pa'i tshogs dang / gnad kyi bar nas gnad kyi bar dang / rus pa'i tshigs nas rus pa'i tshigs te/ ji ltar de yungs 'bru tsam yang ma lus pa de ltar yan lag dang nying lag thams cad za'o/ /de nas yang 'byung bar 'gyur te/ de ltar de yun ring du khyi de rnams za'o/ /de'i las kyi 'bras bu de gang zhig yin snyam na gang des sha stor bya ba'i phyir sems can bsad cing srog bcad pa'i 'bras bu ni de yin no/ /ma byin par len pa'i 'bras bu 'byung ba yang 'di ltar sems can dmyal ba pa des las kyis byas par gyur pa'i nor rdzas dag mthong ba dang / de dag kyang las las byung ba'i rmongs pa yin te/ 'di ltar 'di dag ni bdag gi yin na pha rol dag gis phrogs pa lta snyam du khong du chud nas de der rgyug pa dang / de gshin rje'i mi gzhan rnams kyis bzung ngo / /bzung nas kyang mtshon rnam par gcod pas gnad nas gnad shin du gcod cing sreg go/ /de sems can dmyal ba pa gzhan dag gi drung du rgyug la/ sems can dmyal ba pa de mthong nas de dag kyang gshin rje'i mi de rnams kyis bzung ste/ ral gri dang / mdung thung dang / mda' bo che dang / rdo rab tu 'bar ba rnams kyis rnam par gsheg par byed do/ /de dag kyang ma byin par len pa de'i 'bras bus ji srid du ma byin par len pa'i 'bras bu</font><hr>63.234a<br><font size=+1>

bcom zhing spangs la zad par ma byas pa de srid du lo 'bum phrag du mar gsheg par byed do/ /de phyis de las thar bar 'gyur te/ 'dod pas log par g.yem pas bud med ba tshwa'i chu bos khyer zhing shin du rtsub rtsub skad smra la rlabs kyis bdas pa na bar 'ga' ni steng du 'byung / bar 'ga' ni 'og tu 'jug cing sems can dmyal ba pa de la 'di ltar bdag la mgon med pa de ba tshwa'i chu bo'i nyon mongs pa 'di las bdag yongs su skyobs shig ces smra ba mthong ngo / /de nas sems can dmyal ba pa des bud med de'i sgra de thos nas las kyis rmongs pas ba tshwa'i chu bo der 'jug go/ /der zhugs ma thag nyid du de'i lus ba tshwa'i chu bo'i shugs kyis ji ltar rus pa yungs 'bru tsam yang ma lus pa de ltar khyer ro/ /de nas yang 'byung bar 'gyur te/ yang bud med de nyid rgyang ring po nas ba tshwa'i chu bo de nyid kyis khyer ba na bdag la mgon med na bdag yongs su skyobs shig ces sgra 'byin pa mthong ngo / /de nas yang bud med de la dmigs pa de'i drung nyid du rgyug go/ /de nas bud med de de la 'ju ste/ de'i sen mo lcags las byas pa'i mtshon rnon po rab tu 'bar ba lta bu dag gis mi de la 'jug pa dang / ji ltar de'i lus yungs 'bru tsam yang ma lus par de ltar rnam par 'thub po/ /lus kun du khrag gis chag chag ltar btab cing lus rgyus pa'i dra ba lus pa 'dod chags dag gi zil gyis non pa yang bud med de nyid kyi phyir rgyug ste/ de ba tshwa'i chu bo de'i nang du ji srid du de'i sdig pa'i las bcom zhing spangs la zad par ma byas pa de srid du ded do/ /de phyis sems can dmyal ba de las thar bar 'gyur la/ thar nas de nas yang 'byung bar 'gyur te/ bkres pas yongs su gdungs pa'i lus de gar bab bab tu yongs su rgyug go/ /de phyis chu bsil ba 'dod pa'i phyir chu bo'i dngo rab</font><hr>63.234b<br><font size=+1>

tu dang ba der rgyug go/ /de gang gi tshe phyin pa dang / chu dngo de yang zha nye rab tu skol ba 'jigs 'jigs ltar 'dug pa chen po yin zhing thams cad du dug rab tu drag pa dang / sbrul rnams kyis khebs te skom pas gdungs pa de dug dang sbrul de rnams dang lhan cig 'dres pa'i zha nye de la 'thung ngo / /de dag kyang las las byung ba yin te/ sbrul phra mor gyur pa'i mgo mi de la rab tu 'jug go/ /gang gi tshe sems can dmyal ba pa'i lto der zhugs par gyur pa de'i tshe/ lus chen por 'gyur te/ de lus de'i nang na rgyu ma dang gnye ma la sogs pa thams cad 'cha'o/ /'jib po/ /za'o/ /chang 'thung ba'i sdom pa de las 'das pa las kyis rmongs pa de lo 'bum phrag du mar de la 'thung zhing zha nye dang sbrul du 'dres pa des kyang sreg go/ /gsod do/ /shi zhing shi nas yang 'byung bar 'gyur la/ de'i chang gi sdom pa las 'das pa'i nyes pas lce yang sbrul de rnams kyis za bar byed de/ de ni brdzun du smra ba'i 'bras bu yin no/ /de ltar ji srid du de'i sdig pa'i las bcom zhing spangs la zad par ma byas pa de srid du lo 'bum phrag du mar sdug bsngal myong bar 'gyur ro/ /yang de nas thar nas gar bab bab tu 'bros so/ /byams par mi lta ba'i 'bras bu ni 'di ltar sems can dmyal ba pa de'i las las byung ba'i sems can gyis smras pa/ 'di ltar khyod 'dir rgyu med par ci ste 'tshed gnas 'di las gzhan dag kyang yod la de ngas khyod la bstan par bya ste/ der khyod bde ba 'thob par 'gyur ro/ /de nas mi des sems can dmyal ba pa de khrid de/ 'khor rnams kyi nang du 'jug par byed do/ /der yang mi des sems can dmyal ba pa de dag la gang gnod pa tha dad pa de dag myong bar byed de/ 'di lta ste/ phyogs thams cad rab tu sreg pa gang du gnod pa mang po dag gi phyogs thams cad rab tu 'bar zhing sreg go/ /</font><hr>63.235a<br><font size=+1>

lus chen po shin du sgra 'byin pa 'jigs 'jigs ltar 'dug pa gang du de'i lus dpag tshad bcu yod cing shin du gzhon pa 'tshed do/ /me spyi gtsug lta bu gang du me lce las byung ba'i sreg pa gzhan thams cad dang mtshungs pas 'tshed do/ /me mdag bye ma lta bu'i char rtag tu 'bab pa'i sgo gang du char rab tu 'bab pa ltar bye ma'i char rab tu 'bar ba 'bab pa'i nang na 'dug pa 'tshed do/ /me mdag gang du bus pa'i lus lta bu 'jug pa/ sems can dmyal ba pa'i mdag mes 'tshed do/ /sems can dmyal ba a la la zer bar phan tshun gyi yan lag dang nying lag thams cad phan tshun gcad pa'i sdug bsngal myong ngo / /shar gyur pa thams cad sdug bsngal bas 'tshed do/ /der gang gzhan yang so sor 'jigs shing bag tsha ba/ khyi dang seng ge dang / phag rgod dang / khwa dang / bya rgod dang / sbrul dag gis de rnam pa thams cad du sdug bsngal bar byed do/ /chu bo rab med rab tu tsha bar yang 'tshed do/ /sreg go/ /ba tshwa dang zangs dmar po dang / zha nye rab tu skol ba'i chu bo gang du brgya 'am yang na stong du rab tu ded cing de dag tu yang 'tshed do/ /rtag du mun pa mun nag las byung ba'i me'i gnod pa rnam pa sna tshogs dag gis kyang 'tshed do/ /sems can dmyal ba gnod pa'i phreng bar yang 'tshed do/ /mgo gang la 'khor lo rab tu 'bar ba 'khor zhing yan lag dang nying lag thams cad kyang sog le dag gis rnam par gsheg par byed do/ /de las thar nas srad bu'i rgyud 'dre ba dud pa ltar 'khrigs pa der gnod par byed de/ gang du kun nas thig skud rab tu 'bar ba dag gis brgya 'am yang na stong du btab btab nas gshin rje'i mi dag gis sems can dmyal ba pa de dag mtshon cha hu lu rab tu 'bar ba rnams kyis gcod par byed do/ /de las rnam</font><hr>63.235b<br><font size=+1>

par thar nas sems can dmyal ba skra shad 'dzings pa dang / bya khwa yod par gnod pa byed de/ gang du lus tshal shing bsregs pa lta bu'i rang gi lus las byung ba'i mes sreg go/ /gcig la gcig kyang sems can dmyal ba pa'i lo 'bum phrag du mar mtshon cha char ltar 'bab pas gcig la gcig 'jog go/ /de las thar nas kyang sems can dmyal ba snying rje rje skad sgra 'byin par 'tshed de/ gang du gnod pa'i rnam pa 'di lta bus nyam thag cing sgra 'byin par gyur pa ni gang sems can dmyal ba gzhan thams cad na yang rnam pa de lta bu med do/ /de las thar nas kyang sems can dmyal ba snying rje chen por skye bar 'gyur te/ der chos ngan pa gang dag chos su ston cing lta ba ngan pa rab tu ston pa de der bu sdug pa'i gzugs de dag sreg cing bskul ba na de yongs su smre sngags 'don te/ 'di ltar pha dang spun dang bu dang mdza' ba mgon med na/ bdag la yongs su skyobs shig ces de'i lag pa gnyi ga stod nas shin du snying rje rje skad 'byin pa mthong ngo / /de mthong nas mya ngan gyi me sreg pa'i bud shing gis sbar ba rnam pa de lta bu 'byung ste/ gang khyad par ni sems can dmyal ba pa'i me de kha ba dang mtshungs so/ /de shin du tsha ba rnam pa de lta bu gnyis kyis sreg cing shin du tsha ba'i sgra skad 'byin pa na gshin rje'i mis rjes su bstan pa'i tshigs su bcad pa smras pa/ sred pa'i me 'di'i drung na ni/ /'bar ba dag ni grang zhes bya/ /dmyal bar dmyal ba pa yi me/ /khams gsum dag ni sreg pa'i me/ /sems can dmyal bar gang 'byung ba/ /me 'di chung bar gyur pa yin/ /sreg pa'i rgyu las byung ba yi/ /me 'bar ba ni mang por mched/ /sems can dmyal ba sdig spyad pa/ /las zad nas ni rnam par grol/ /sred pa'i dbang du song ba'i me/ /khams gsum dag tu sreg par</font><hr>63.236a<br><font size=+1>

byed/ /'khor ba thog ma med dus nas/ /sred pa'i me yi rjes 'brang ba/ /sems can dmyal ba sred pa'i me/ /ci phyir dmyal ba'i me mi 'byung / /sems can dmyal ba pa yi me/ /lus ni shin du sreg par byed/ /sred pa'i me yis mi rnams kyi/ /lus yid shin du sreg par byed/ /de lta bas na sred rgyu las/ /byung ba'i me ni khyad par che/ /dmyal ba pa yi kha ba 'dra/ /sred pa'i me ni khyab par dran/ /sred 'brang rgyu ni gsum las byung / /las gsum dag ni yongs su bstan/ /dus gsum 'byung bar shes par byed/ /de ltar sred me gzhan du min/ /'dod chags mes ni mtho ris sreg /zhe sdang mes ni dud 'gro dran/ /gti mug mes ni dmyal ba sreg /sred pa'i mes ni kun du gnas/ /de ltar sred pa'i me yis su/ /gnas gsum thams cad rab 'bar bar/ /mthong nas chos ni ma spyad pa/ /de ring ci zhig yongs su gdungs/ /de ltar sems can dmyal ba snying rje chen por sems can dmyal ba pa gshin rje'i mi de rnams kyis rjes su bstan nas sdug bsngal dang gnod pa sna tshogs dag byed do/ /de de las thar nas kyang sems can dmyal ba tsha ba pa'i sar 'tshed do/ /der yang sems can dmyal ba pa dag gi lus kun nas bsregs nas/ lus shing king shu ka ltar byas so/ /de las thar nas kyang sems can dmyal ba shing skam ltar 'jigs par 'tshed de/ de ltar log par lta bas zin pa'i dge slong ma sun 'byin pa de 'khor bcu drug tu 'tshed do/ /de der ji srid du de'i sdig pa'i las bcom zhing spangs la zad par ma byas pa de srid du dus dpag tu med par sreg go/ /de phyis sems can dmyal ba de las thar bar 'gyur te/ thar nas kyang dge slong ma sun phyung ba'i las de'i rgyu dang 'thun pa'i 'bras bus tshe rabs stong phrag du mar yi dgas dang dud 'gro dag tu 'tshed par</font><hr>63.236b<br><font size=+1>

'gyur te/ bkres pa dang / skom pas gcig la gcig za ba dang / lus brgya phrag stong du dud 'gro dag gis za bar 'gyur/ log par lta ba dge slong ma sun phyung ba de 'on kyang gal te de gnya' shing gi bu gar ru sbal 'jug pa lta bur mi rnams dang skal ba mnyam par mir skyes na/ de tshe rabs lnga stong du mir gyur pa za mar 'gyur ba mthong ngo / /de nas gzhan yang dge slong las kyi 'bras bu rnam par smin pa shes pa des sems can dmyal ba rab tu tsha ba'i 'khor la brtags na/ des thos pa las byung ba'i shes pas sems can dmyal ba phyogs thams cad rab tu sreg pa zhes bya ba mthong ngo / /der sems can dag las gang gis skye bar 'gyur snyam nas des brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun smra ba dang / log par lta ba ni snga ma bzhin no/ /dge bsnyen ma bslab pa'i gzhi lnga yod pa sun phyung na de lus dang bral nas ngan 'gro log par ltung ba sems can dmyal ba phyogs thams cad rab tu sreg par skye bar 'gyur ro/ /der gnod pa 'di dag 'byung bar 'gyur te/ 'di lta ste/ sems can dmyal ba de ji ltar khab kyi bu ga tsam yang med pa de ltar kun nas rtag tu nam mkha' la yang rab tu 'bar bar 'gyur ba der sngar de'i lag pa me'i nang du 'jug ste/ ngu skad 'byin pa na me tsha zhing rtsub pa shin du drag pa'i stobs kyis ji ltar de'i thal ba yang mi mngon pa de ltar sreg go/ /de nas yang 'byung bar 'gyur te/ lo 'bum phrag du mar sreg go/ /de las thar nas mgon 'dod pa/ skyabs 'dod pa/ de gar bab bab tu 'bros pa dang / gshin rje'i mi rnams kyis bzung ngo / /</font><hr>63.237a<br><font size=+1>

bzung nas kyang lcags kyi thag pa kun nas rab tu 'bar ba dag gis rkang mthil gyi bar nas mgo'i bar de dag 'ching ste/ de'i khrag de dag thams cad de'i mgo la bsdus so/ /de phyis sems can dmyal ba pa de dag la gzugs pa'i phur pa blangs te mgor btsugs nas shugs kyis btab ste/ 'di ltar phur pa de mgul par byung ngo / /byung nas kyang shugs kyis phyung ba dang / de'i khrag de ji ltar sems can dmyal ba pa'i mgo las zangs bskol ba'i khrag 'byung ba de dang chung zad kyang khyad par med pa de ltar tsha ba 'byung ngo / /de rang gi lus las byung ba'i khrag des lo 'bum phrag du mar 'khru'o/ /sreg go/ /'chi'o/ /de'i las kyi mthus 'byung bar 'gyur te/ ji srid du de'i sdig pa'i las bcom zhing spangs la zad par ma byas pa de srid du/ sdig pa'i las des sreg go/ /'tshed do/ /de phyis sems can dmyal ba pa de las thar bar 'gyur te/ thar nas kyang las de dang rgyu 'thun pa'i 'bras bus lo 'bum phrag du mar yi dgas dang dud 'gro dag tu skye bar 'gyur te/ der yi dgas bkres pa dang skom pa'i sdug bsngal dag myong bar 'gyur ro/ /dud 'gro rnams su gcig la gcig lus brgya phrag du ma dag za zhing pha rol dag gis rnam par 'jig par 'gyur ro/ /de sdug bsngal de dag myong nas gal te gnya' shing gi bu gar ru sbal 'jug pa lta bur mi rnams dang skal ba mnyam par mir skyes na de dbul zhing nad bu can dang / pha rol gyis gnod pa dang / sems g.yengs pa dang / tshe thung bar 'gyur zhing tshe rabs bzhi brgyar za mar 'gyur ba mthong ngo / /de nas yang dge slong las kyi 'bras bu rnam par smin pa shes pa des sems can dmyal ba chen po rab tu tsha ba'i 'khor la brtags na/ des thos pa las byung ba'i shes pas sems can dmyal ba lus chen po shin du sgra 'byin</font><hr>63.237b<br><font size=+1>

'jigs 'jigs ltar 'dug pa zhes bya ba mthong ngo / /der sems can dag las gang gis skye bar 'gyur snyam nas des brtags na/ gang gis srog gcod pa dang / ma byin par len pa dang / 'dod pas log par g.yem pa dang / brdzun smra ba dang / log par lta ba ni snga ma bzhin no/ /gang gis tse lu rab tu sun 'byin par byed na/ de lus dang bral nas ngan 'gro log par ltung ba sems can dmyal ba lus chen po shin du sgra 'byin 'jigs 'jigs ltar 'dug par skye bar 'gyur ro/ /der gang sems can dmyal ba yang sos la sogs pa'i gnod pa 'byung ba bsdus pa de dag thams cad sems can dmyal ba lus chen po shin du sgra 'byin 'jigs 'jigs ltar 'dug par 'byung ba'i steng du khyad par du 'byung ba ni 'di ltar gang gi lus dpag tshad tsam la mar sar ltar shin du snyi ba'i lus de de dag gis bzung nas spu 'byin pa'i phra skam gyis ji ltar yungs dkar gyi 'bru tsam du de ltar sen mo la sogs pa nas rkang pa'i bar dag gcod par byed do/ /sdug bsngal gyis nyam thag pa de ji ltar sgra sems can dmyal ba pa gzhan dag thos nas kyang snying zags shing rdol ba de ltar sgra skad 'byin to/ /thog ma med pa'i dus nas de'i las kyi 'bras bus bslus shing sems kyi dgras yongs su bslus pa'i sems can dmyal ba pa shin du sdug bsngal bas nyam thag pa de dag nyid mthong nas 'di ltar gshin rje'i mi rnams kyis rjes su bstan pa'i tshigs su bcad pa smras pa/ 'dod pa yang dag ston pa'i tshig /snyan cing yid 'ong sna tshogs dag /smras pa sdig pa chen po yin/ /de yi 'bras bu 'dir 'ongs so/ /'dod par gyur pa'i tshig smra bas/ /spu gri rnon por brdar ba yi/ /so yis bdag rang bdag nyid kyi/ /lce ni yang dag bcad kyang sla/ /sems can 'dod chags kyis bslus shing / /zhe sdang gis ni yongs gdungs la/ /gti mug dbang du song ba dag /tshig mi snyan par smra bar byed/ /'dod chags chung bas zin pa gang / /</font><hr>63.238a<br><font size=+1>

nyes par byed pa mang du byed/ /rmongs pa gti mug dbang song ste/ /sdug bsngal las ni sdug bsngal 'thob/ /'dod pa'i dga' ba yud tsam ste/ /de ni bden med brtag pa'ang min/ /'gyur ba shin du mi bzad de/ /de ltas de ni yongs su spongs/ /'dod chags zil gyis non pa'i mi/ /sems can dmyal ba'i gnas su gnas/ /gang dag 'dod chags dbang mi 'gro/ /de dag dmyal ba'i 'jigs pa med/ /de ni sdig pa'i las byas pas/ /ngan song nges par myong ba yin/ /slong zhing dman pa snying rje'i skad/ /ci zhig de ring yongs su gdung / /sems can dmyal ba sdig byed pa/ /las zad nas ni thar 'gyur gyi/ /rnam par sgra 'byin mang 'gyur ba/ /thar pa dag tu ga la 'gyur/ /mi 'dod ngan 'gror 'gro ba'i las/ /byas pas 'dod chags dbang du gnas/ /rmongs pa gang zhig smre sngags 'don/ /de ni don med yongs su 'don/ /gang zhig ma 'ongs 'bras bu shes/ /da ltar byung ba'i dge la dga'/ /de ni dmyal bar skad mi 'byin/ /de ni ji ltar rjes su gdung / /de ltar yang de la ston pa dang / las byed pa ngan pa byas pa de gshin rje'i mi de rnams kyis rjes su bstan nas kyang ji srid du de'i sdig pa'i las bcom zhing spangs la zad par ma byas pa de srid du gnod pa rnam pa tha dad pa sna tshogs du ma dag gis gnod par byed do/ /de sems can dmyal ba de las thar nas las de dang rgyu 'thun pa'i 'bras bus tshe rabs stong phrag du mar dud 'gror skye bar 'gyur/ gal te brgya la gnya' shing gi bu gar rusbal 'jug pa lta bur mi rnams dang skal ba mnyam par mir skyes na tshe thung zhing dbul ba dang / sems g.yengs pa dang / ngag skye bo kun gyi yid mi ches par 'gyur zhing tshe rabs bzhi stong du za mar 'gyur ba mthong ngo / /de nas yang dge slong las kyi 'bras bu rnam par smin pa shes pa des sems can dmyal ba chen po rab tu tsha ba'i 'khor la brtags na des</font><hr>63.238b<br><font size=+1>

thos pa las byung ba'i shes pas sems can dmyal ba me spyi gtsug lta bu zhes bya ba mthong ngo / /der sems can dag las gang gis skye bar 'gyur snyam nas des brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun smra ba dang / log par lta ba kun du bsten cing bsgoms te mang du byas pas 'gyur ro/ /gang gis zhe sdang ba med cing spyod pa dang ldan pa'i bu mo'i skye gnas ma yin pa'i sgo sun phyung na/ de lus dang bral nas ngan 'gro log par ltung ba sems can dmyal ba me spyi gtsug lta bur skye bar 'gyur ro/ /der gang sems can dmyal ba chen po yang sos la sogs pa'i sdug bsngal de dag thams cad bcu 'gyur du 'byung ba'i steng du khyad par du 'gyur ba ni sems can dmyal ba me spyi gtsug lta bu de spyi gtsug 'dra la srog chags spyi gtsug ces bya ba byad gzugs gzhu rgyud ltar ring zhing shin du drag pa yod la mthong na yang shin du drag pa gnas so/ /de nas sems can dmyal ba pa de gshin rje'i mi rnams kyis bzung nas lcags kyi sa gzhi rab tu 'bar bar phor bu'i nang du lus thams cad dang / lag pa dang / rkang pa thams cad nub par bcug cing me shin du tsha bas rgyab sreg pa na ngu skad 'byin cing cho nges 'debs so/ /de nas gshin rje'i mi de rnams kyis srog chags me spyi gtsug lta bu zhes bya ba de dag blangs nas sems can dmyal ba pa de rnams kyi rkub tu 'jug par byed do/ /de dag gi lus gzhu rgyud lta bu yin zhing dug rnon po shin du mkhrang la tsha ba yod pa'i lus can de 'jug par byed do/ /de rab tu 'jug pa na reg pa me lta bur tsha ste/ sems can dmyal ba pa de dag thog ma nyid du de'i rkub sreg par byed do/ /bsregs nas za'o/ /de zos nas nang du 'jug</font><hr>63.239a<br><font size=+1>

ste long ka sreg go/ /bsregs nas kyang za'o/ /long ka zos nas lhag ma med par byas te/ gyen du byung nas pho ba sreg cing za'o/ /mtsher pa sreg nas za'o/ /de yang zos nas rgyu ma dang pho ba'i gnas ga la ba der 'gro'o/ /song nas pho ba'i gnas dang / gzhan rgyu ma dang gnye ma dag 'cha' zhing za'o/ /thams cad lhag ma med par bsregs shing zos pa dang sems can dmyal ba pa de'i rus pa seng seng por byas kyang srog dang ni mi 'bral lo/ /de phyis mid pa ga la ba der song nas de snying la 'cha' zhing yongs su sreg par byed do/ /de sreg cing kun nas za ba na ngu skad 'byin cing cho nges 'debs la yongs su smre sngags 'don to/ /de'i nang na me spyi gtsug lta bu 'bar zhing phyi rol tu sems can dmyal ba pa'i me ste me de gnyis kyis sreg cing za'o/ /de nas me spyi gtsug lta bu des de'i mid pa'i nang zos nas kha ga la ba der song ste/ de dang por lce drung 'cha' zhing za'o/ /de zos nas rna ba'i phyogs su song ste/ de yang za'o/ /glad pa dang glad rgyas ga la ba der song ste/ des glad pa dang glad rgyas de dag zos shing thod pa dang mgor gtogs pa zos nas thod pa dang mgor gtogs pa phug ste 'gro yang de'i las kyi mthus sems can dmyal ba pa de 'chi bar ni mi byed do/ /de'i lus nas bu ga yod de/ bu ga de dag tu zhugs nas sems can dmyal ba pa de mes sreg par byed cing rab tu 'bar bar byed do/ /nyes par byas pa'i las kyi mtha' spyad pa de'i lus kyi nang dang phyi rol kun nas rab tu 'bar ba yin te/ de ltar lo 'bum phrag du mar za zhing za'o/ /de nas yang 'tsho bar 'gyur la de nas 'chi bar 'gyur ro/ /de nas yang 'tsho ste/ de ltar mi 'di de'i nyes par byas pa byas shing bsags pa'i mthus gnod pa dag myong bar 'gyur ro/ /de de las thar nas gar bab bab tu 'bros pa dang / des sbrul chen po'i tshogs 'ong ba mthong ngo / /des de mthong</font><hr>63.239b<br><font size=+1>

nas shin du skrag cing yi mug ste gar bab bab tu 'bros so/ /de nas las kyis byas pa'i rlung gi shugs lta bu'i sbrul de dag mi de la 'dzin to/ /bzung nas mche ba chen po rno zhing dug chen po drag pas kun nas bskor nas sems can dmyal ba pa de lan brgya 'am yang na lan stong du sreg par byed do/ /sdug bsngal gyis kun nas nyam thag pa de bkres pa dang / sgom pa'i me dang / sbrul gyi dug gi me dang / sems can dmyal ba pa'i me ste/ me gsum gyis sreg go/ /de ltar de srid du de'i sdig pa'i las bcom zhing spangs la zad par ma byas pa de srid du lo 'bum phrag du ma lo bgrang gis mi lang bar sreg go/ /de phyis sems can dmyal ba de las thar bar 'gyur te/ thar nas kyang las de dang rgyu 'thun pa'i 'bras bus tshe rabs stong phrag du mar yi dgas dang dud 'gro dag tu skye bar 'gyur te/ yi dgas rnams su shin du bkres pa dang / skom pas gdungs par 'gyur/ yi dgas dang dud 'gro dag tu dud 'gror 'gyur ba thams cad du yang tshe rabs tshe rabs su 'byung zhing za bar 'gyur ro/ /de de las thar nas kyang gal te gnya' shing gi bu gar rusbal 'jug pa lta bur mi rnams dang skal ba mnyam par mir skyes na de tshe rabs lnga brgyar ma ning du 'gyur ba mthong ngo / /de nas yang dge slong las kyi 'bras bu rnam par smin pa shes pa des sems can dmyal ba chen po rab tu tsha ba'i 'khor la brtags na/ des thos pa las byung ba'i shes pas sems can dmyal ba mdag me bye ma lta bu'i char rtag tu 'bab pa zhes bya ba mthong ngo / /der sems can dag las gang gis skye bar 'gyur snyam nas des brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun smra ba dang / log par lta ba kun du bsten cing bsgoms te mang</font><hr>63.240a<br><font size=+1>

du byas pas 'gyur ro/ /gang gis tse lu ma sun 'byin par byed cing sun phyung nas kyang rjes su dga' bar byed la de nyid la shin du chags par byed na de lus dang bral nas ngan 'gro log par ltung ba sems can dmyal ba mdag me bye ma lta bu'i char rtag tu 'bab par skye bar 'gyur ro/ /der gang sems can dmyal ba yang sos la sogs pa'i gnod pa bsdus pa de dag thams cad dmyal ba 'dir 'byung ba'i steng du gnod pa khyad par du 'byung ba dag ni/ 'di lta ste/ sems can dmyal ba pa de'i 'khor ni dpag tshad lnga brgya yod la de thams cad rab tu 'bar ba/ bye ma rdo rje'i me mdag lta bu dag gis der dpe bya bar yang mi nus par gang ste/ 'di ltar 'tshed pa po yang nub par 'gyur na sems can dmyal ba pa las lci ba lta smos kyang ci dgos te/ de ji ltar chu 'bab pa'i shugs kyis ded pa de ltar der 'jug go/ /de nas yang las kyis nub pa 'byung bar 'gyur te/ de bye ma rdo rje'i gzegs ma lta bur zur gsum yod cing so rno ba de dag gis ji ltar de'i rus pa lhag ma yang med pa de ltar 'thag go/ /de nas yang 'tsho bar 'gyur la de nas yang 'thag ste 'chi zhing skye'o/ /de kun nas dga' ba med cing bye ma rab tu 'bar ba'i nang du nub ste/ sreg cing 'tshed pa dang skad 'byin cing yongs su smre sngags 'don te/ las kyis bsgribs pa sdug bsngal de las bdag nyid thar bar mi nus so/ /de yun ring mo zhig 'das la gal te las zad nas sems can dmyal ba de las thar bar 'gyur te/ de las de dang rgyu 'thun pa'i 'bras bus de tshe rabs stong phrag du mar yi dgas dang dud 'gro dag tu bkres pa dang skom pas gdungs par 'gyur/ dud 'gro gcig la gcig za bar srog lan stong 'chad par 'gyur/ de las thar nas kyang gal te gnya' shing gi bu gar ru sbal 'jug pa</font><hr>63.240b<br><font size=+1>

lta bur mi rnams dang skal ba mnyam par mir skyes na de tshe rabs lnga brgyar dbul zhing nad bu can dang / smyo ba dang / ngag yid mi ches pa dang / gzhan gyis bkol ba dang / za mar 'gyur ba mthong ngo / /de nas yang dge slong las kyi 'bras bu rnam par smin pa shes pa des sems can dmyal ba chen po rab tu tsha ba'i 'khor la brtags na/ des thos pa las byung ba'i shes pas sems can dmyal ba nang na me mdag yod pa zhes bya ba ji ltar 'dug pa mthong ngo / /der sems can dag las gang gis skye bar 'gyur snyam nas des brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun smra ba dang / log par lta ba kun du bsten cing bsgoms te mang du byas pa ni snga ma bzhin du 'gyur ro/ /gang gis dge bsnyen ma bslab pa'i gzhi lnga yod pa stobs kyis mnan nas mi tshangs par spyad pas bslab pa dral cing 'di snyam du srung ma mo bslab pa'i gzhi las 'das pa chos ma yin pa gang yang med do snyam du blo skye zhing las kyi 'bras bu la yid mi ches na de lus dang bral nas ngan 'gro log par ltung ba sems can dmyal ba nang na me mdag yod par skye bar 'gyur ro/ /der gang sems can dmyal ba yang sos la sogs pa'i gnod pa bsdus pa de dag thams cad sems can dmyal ba 'dir 'byung ba'i steng du khyad par du 'byung ba ni 'di ltar sems can dmyal ba pa de kun nas me mdag gi ri lnga la 'di lta ste/ kun sreg dang / gting zab dang / mun nag thibs dang / me mdag tsha ba lta bu dang / las mngon sum pa rnams kyis yongs su bskor ba der sems can dmyal ba de kun nas dpag tshad stong yod la/ ri de dag kyang kun nas ri khor yug dang khor yug chen po dag dang ha cang</font><hr>63.241a<br><font size=+1>

mi ring ba na yod de/ der sems can dmyal ba pa des ri de dag me tog ud pa las gang ba lta bu dang / shing ljon pa dang / nags tshal dang / lteng ka phun sum tshogs pa lta bur mthong ste/ de dag bde ba myong bar bya ba'i phyir de gang gi tshe brgyugs pa dang / de'i tshe las kyi rlung me lta bu langs pas bdas so/ /me mdag de dag kyang rlung des bus so/ /bus pa des sems can dmyal ba pa de kun nas yongs su dkris so/ /lus thams cad bsregs pa de yang ri de dag gi gzugs sngon por mthong ste/ tsha bas gdungs pa mgon 'dod pa/ skyabs 'dod pa/ dpung gnyen 'dod pa de yang rgyug go/ /de gang gi tshe ri de'i drung du phyin pa dang / de 'di ltar kun nas byi brun la lcags kyi mda' 'phen pa 'phangs pa tsam gyis 'gro ba mi mngon pa de ltar sems can dmyal ba pa de me mdag gi nang du 'gro ba'i 'gros kyang gar song gtol med par mi mngon no/ /de der song ma thag tu 'di ltar sreg cing 'tshed la skol ba na mun pa mun nag gi nang du song nas dbang po thams cad 'gags shing sdug bsngal thams cad kyi gzhir gyur te/ nyes pa byas pa'i 'bras bu thams cad mngon sum du byung la des gang mi dge ba byas shing bsags pa de dag de'i las kyi shugs kyis 'ongs pa'i 'bras bu la nye bar spyod do/ /de ltar me mdag gi mun pa'i nang na dpung gnyen med cing grogs med pa sdug bsngal mi bzad pas nyam thag par gyur pa/ yun ring du rang gis byas pa'i las kyi 'bras bu la spyod par zhugs pa yun ring du 'tshed do/ /de gal te yang las kyi rlung de dag nyid kyis me mdag de dag gi nang nas 'byin par byed de/ lus thams cad bskol cing sdug bsngal thams cad kyis nyam thag pa de rkang pa gar bab bab tu 'dor ro/ /de nas yang 'byung bar 'gyur te/ gshin rje'i mi rnams kyis bzung ngo / /bzung nas kyang</font><hr>63.241b<br><font size=+1>

de'i rkub sog le rab tu 'bar bas gcod do/ /bcad cing gtubs nas yang shin du gzhon sha can du skye bar 'gyur te/ de ltar lo 'bum phrag du mar de sog le'i sdug bsngal myong zhing de 'di skad du rnam par sgra 'byin par byed do/ /bdag gis las dag byas pa yi/ /'bras bu de dag bdag nyid yin/ /'dod chags dgra yis gdungs pa na/ /phyi nas sems can dmyal bar 'ongs/ /'dod chags gdungs pa'i las can gyi/ /bag med sa na mi gtsang ba'o/ /zhags pa de yis bcings pa yis/ /bdag ni gnas 'di dag tu 'ongs/ /sngon chad bdag ni 'dod chags kyi/ /'bras bu tsha snyam mi byed de/ /mi shes pa yis bdag bslus pas/ /'dir ni bdag gis byas la spyod/ /brtse med shin du drag pa yi/ /sdig pa dag gi dbang du song / /sdug bsngal rgya mtsho mtha' yas pa/ /'di las bdag nyid ji ltar thar/ /sdug bsngal dag las sdug bsngal las/ /'di yis bdag ni yongs su 'tshed/ /bdag ni sems can dmyal bar zad/ /bde ba 'thob pa ma mthong ngo / /de ltar sems can dmyal ba pa de nang na me mdag yod pa'i sems can dmyal bar shin du sdug bsngal bas nyam thag cing ngu skad 'don te/ sems can dmyal ba pa de ji srid du de'i sdig pa'i las bcom zhing spangs la zad par ma byas pa de srid du sdug bsngal myong bar 'gyur ro/ /de phyis sems can dmyal ba de las thar bar 'gyur te/ thar nas kyang las de dang rgyu 'thun pa'i 'bras bus tshe rabs brgya phrag du mar yi dgas dang dud 'gro dag tu skye bar 'gyur te/ yi dgas rnams su bkres pa dang skom pas gdungs pa'i lus can dag gcig la gcig lta ba kho nar zad do/ /dud 'gro rnams su gcig la gcig za ba lus lan brgyar 'chi bar 'gyur ro/ /de de las thar nas gal te gnya' shing gi bu gar rus sbal 'jug pa lta bur mi rnams dang skal ba mnyam par mir skyes na de'i las kyi mthus rtag tu rims kyis 'debs shing dbul</font><hr>63.242a<br><font size=+1>

ba dang / nad bu can dang / yan lag ma tshang bar 'gyur ba mthong ngo / /de nas yang dge slong las kyi 'bras bu rnam par smin pa shes pa des sems can dmyal ba chen po rab tu tsha ba'i 'khor la brtags na/ des thos pa las byung ba'i shes pas/ sems can dmyal ba a la la zer zhes bya ba mthong ngo / /der sems can dag las gang gis skye bar 'gyur snyam nas/ des brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun smra ba dang / log par lta ba kun du bsten cing bsgoms te mang du byas pas 'gyur ro/ /des 'di ltar bslab pa'i gzhi gcig gam/ gnyis sam/ gsum 'am/ bzhi 'am/ lnga las gzhan pa blangs pa dang / bu sring ngam/ bu sring dang 'dra ba 'am/ grogs kyi chung ma 'os pa ma yin pa dag la des 'di ltar brda byas nas slu bar byed na de lus dang bral nas ngan 'gro log par ltung ba sems can dmyal ba a la la zer bar skye bar 'gyur ro/ /der skyes nas kyang gang sems can dmyal ba yang sos la sogs pa'i gnod pa bsdus pa de dag thams cad 'byung ba'i steng du khyad par du 'byung ba ni 'di ltar rlung shin du drag cing shin du rtsub la shin du mi bzad pa shugs kyis mgyogs pa dang ldan pa ldang la/ gang gis sems can dmyal ba de dag gi lus so sor khyer bar byed de/ ji ltar rlung chen po shin du mi bzad cing rtsub pas ras bal gyi spu 'am/ spu'i snod glongs na spu rnams kyi gdags pa yang mi mngon par khyer ro/ /gang gis khyer ba'i ras bal de dag gi spu rnams rlung des phyogs bcur bdas shing khyer ba phan tshun thug pa de ltar sems can dmyal ba de dag gi lus sems can dmyal ba'i rlung spu gri lta bu des 'di ltar bye ma'i tshad tsam du yang mi mngon par khyer ro/ /gang gis lus de dag spu tsam dang nyung nyung ngur nyung</font><hr>63.242b<br><font size=+1>

nyung ngur byed de/ yan lag dang nying lag thams cad gdags par yang mngon par mi byed do/ /las ngan pa byas pas yang lus de dag 'byung bar 'gyur te/ de ltar ji srid du de'i sdig pa'i las bcom zhing spangs la zad par ma byas pa de srid du yang 'dod chags kyi dbang gis snga ma bzhin du khyer ro/ /yun ring mo zhig 'das nas gal te brgya la de'i rlung gi gnod pa las thar na de la byi ba mche ba rdo rje lta bu yod pa 'byung la gang de'i rkub yungs 'bru tsam du rlog ste/ brlags nas ngu skad 'don bzhin du za bar byed do/ /de zos nas rgyu ma dag za'o/ /long ka thams cad kyang za'o/ /long ka de dag zos nas rgyab tu 'byung la de'i rgal tshigs za ste/ de ltar de'i las kyi mthus sems can dmyal ba de lo 'bum phrag du mar sdug bsngal myong bar 'gyur ro/ /de gal te de las thar bar 'gyur te/ de yun ring mo zhig 'das nas gal te nyon mongs pa de las thar nas de gar bab bab tu 'bros so/ /de nas rang gi lus las byung ba'i srog chags mar ko ta ka rnams kyis gang zhing de'i rkub kyang de nas 'cha' zhing za'o/ /de ji srid du de'i sdig pa'i las bcom zhing spangs la zad par ma byas pa de srid du srog chags mar ko ta ka de rnams kyi sdug bsngal mi bzad pas ngu bar byed de/ 'o dod 'bod/ sgra skad 'byin/ smre sngags 'don to/ /de phyis sems can dmyal ba de las thar bar 'gyur te/ thar nas kyang las de dang rgyu 'thun pa'i 'bras bus tshe rabs stong phrag du mar yi dgas rang gi sha la za bar skye bar 'gyur te/ ji ltar de'i tshe des bdag nyid kyi bud med ma yin pa la mi tshangs par spyod pas rang gi sha la za ste/ des bdag nyid 'tsho bar byed do/ /gal te brgya la yi dgas kyi 'jig rten de las thar nas kyang de phag gi skye gnas su skye bar 'gyur te/ ji ltar des rang gi ma dag la chos ma yin pa byas pas gang du skyes par rang gi mas za bar</font><hr>63.243a<br><font size=+1>

byed do/ /de gal te de las thar nas gnya' shing gi bu gar rusbal 'jug pa lta bur mi rnams dang skal ba mnyam par mir skyes na/ de rtag tu skyes pa'i nad kyis 'debs shing de nad drag po mi bzad pas gnod pa byed la de'i pho mtshan gcod par byed do/ /gal te brgya la de'i chung ma zhig yod par gyur na yang ji ltar pha rol gyi bud med 'os pa ma yin par phrogs pa ltar/ de yang rung ba ma yin pa'i mi dag gis de 'phrog par byed de/ mi'i don 'di thams cad med par byed pa ni 'di lta ste/ 'jig rten dang 'jig rten las 'das pa'i chos rnams dang 'gal ba 'os pa ma yin pa'i drung du 'gro ba'o/ /de nas yang dge slong las kyi 'bras bu rnam par smin pa shes pa des sems can dmyal ba chen po rab tu tsha ba'i 'khor la brtags na/ des thos pa las byung ba'i shes pas sems can dmyal ba chen po rab tu tsha ba'i 'khor sems can dmyal ba shar gyur pa thams cad sdug bsngal ba ji ltar 'dug pa mthong ngo / /der sems can dag las gang gis skye bar 'gyur snyam nas des brtags na/ gang gis srog gcod pa dang / ma byin par len pa dang / 'dod par log par g.yem pa dang / chang 'thung ba dang / brdzun smra ba dang / log par lta ba kun du bsten cing bsgoms te mang du byas pas 'gyur ro/ /bud med sdom pa blangs pa gang gis 'os pa ma yin pa'i dge slong dbang du byas te/ chang blud nas de 'khrul par byas shing yid la gcags pa bskyed na/ de lus dang bral nas ngan 'gro log par ltung ba sems can dmyal ba shir gyur pa thams cad sdug bsngal bar skye bar 'gyur ro/ /der gang sems can dmyal ba yang sos la sogs pa'i sdug bsngal dang gnod pa bsdus pa de dag thams cad 'byung bar 'gyur te/ gang gis rtag tu tshul khrims dang ldan pa 'os pa ma yin pa la 'os pa nyid du</font><hr>63.243b<br><font size=+1>

goms par byed na/ de rtag tu mi dge bar zhugs pa des lam ngan pa de nyid rjes su bsten par byed do/ /las kyi gzhi ngan pa byas pa'i ngang tshul can mi dge ba'i las kyi mtha' dpyad pa des mi dge ba'i lam de rjes su bsten cing goms par byed do/ /sems can dmyal ba de sdug bsngal ches drag pa dang / sdug bsngal ches mi bzad pa dang / sdug bsngal ches rtsub cing tsha ba dag shin du so sor myong bar 'gyur te/ der gang sems can dmyal ba yang sos la sogs pa'i sdug bsngal bsdus pa de dag thams cad 'byung ba'i steng du khyad par du 'byung ba ni 'di lta ste/ rkang pa'i mthe bo la sogs pa nas mgo'i bar du mtshon cha hu lu rab tu 'bar ba dag gis sha ma gtogs par lpags pa gcod par byed de/ de ltar de'i yan lag dang nying lag thams cad dang / lpags pa dag gcod par byed pa'i sdug bsngal shin du mi bzad do/ /de'i lpags pa de dag kyang sa'i nang du bcug nas sreg par byed de/ de'i lus lpags pa med pa'i lus de dag la gshin rje'i mi de rnams kyis lcags kyi snod kyi nang du ba tshwa rab tu skol ba khyer nas ldugs par byed de/ des de speg par byed/ skol bar byed do/ /sdug bsngal gyis nyam thag cing sdug bsngal tsha ba rtsub pas/ nyam thag pa de ngu skad 'byin cing cho nges 'debs la yongs su smre sngags 'don to/ /de ltar de lo 'bum phrag du mar sdug bsngal myong bar 'gyur zhing lo bgrang gis mi lang ba'i bar du myong bar 'gyur te/ ji srid du de'i sdig pa'i las bcom zhing spangs la zad par ma byas pa de srid du sdug bsngal tsha ba shin du mi bzad pas gdungs so/ /de phyis sems can dmyal ba de las thar bar 'gyur te/ thar nas kyang gal te yi dgas dang dud 'gro dag tu ma skyes la gnya' shing gi bu gar rus sbal 'jug pa lta bur mi rnams dang skal ba mnyam par mir skyes na/ </font><hr>63.244a<br><font size=+1>

las de dang rgyu 'thun pa'i 'bras bus de dbul zhing nad bu can dang / lus dag la nad shin du mi bzad pas thebs par 'gyur/ de rgya mtsho'i nang gi bar dag tu gang ras 'thun par 'gyur ba mi ma tshang ba 'di lta ste/ rkang pa gcig pa dang / sna gcig pa dang / lag pa gcig pa dang / lus chung ba dang / tshe thung ba rnams te/ 'di lta ste/ der skyes pa nyi ma gcig cig thub par 'gyur ba mthong ngo // //'phags pa dam pa'i chos dran pa nye bar gzhag pa/  bam po bcu bzhi pa/ de nas yang dge slong las kyi 'bras bu rnam par smin pa shes pa des sems can dmyal ba chen po rab tu tsha ba'i 'khor la brtags na/ des thos pa las byung ba'i shes pas sems can dmyal ba chu bo rab med rab tu tsha ba zhes bya ba yod pa mthong ngo / /der sems can dag las gang gis skye bar 'gyur snyam nas des brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun smra ba dang / log par lta ba kun du bsten cing bsgoms te mang du byas pas 'gyur ro/ /stegs bu'i dbus su me bus nas lag pas bzung ste bskor nas sna blan pa grogs kyi chung ma nyams pa med pa la sun 'byin par byed cing sun phyung nas kyang mngon par dga' bar byed/ yang dag par dga' bar byed la/ mi dge ba de nyid la kun du spyod na/ de lus dang bral nas ngan 'gro log par ltung ba sems can dmyal ba chu bo rab med rab tu tsha bar skye bar 'gyur ro/ /der skyes nas gang sems can dmyal ba yang sos la sogs pa'i 'khor gyi gnod pa bsdus pa de dag thams cad 'byung ba'i steng du gnod pa khyad par du 'byung ba ni mun nag thibs pos nam mkha' gang ba nas las kyis byas pa'i dbyug pa dang / ral gri shin du rno ba dag rab tu 'bar ba der sems can dmyal ba pa de'i lus nang du nub bo/ /nang du nub</font><hr>63.244b<br><font size=+1>

nas sreg par byed cing yan lag dang nying lag thams cad shin du 'bugs par byed/ gsheg par byed/ 'tshed par byed/ yan lag dang / nying lag thams cad phan tshun 'bral bar byed do/ /de'i phyi rol me'i sdug bsngal gyis kyang sreg par byed cing nang du dbyug pa dang ral gris gsheg pa'i sdug bsngal ba na/ sdug bsngal shin du mi bzad cing tsha la rtsub pa gzhan dang mtshungs pa myong ngo / /sdug bsngal des bsgribs pa gar bab bab tu 'bros pa dang / des ngam grog chen po na chu bo rab med rab tu tsha ba zhes bya bar las las byung ba'i sbrul gdug pa rnams kyis rab tu gang bar mthong ngo / /der sdug bsngal gyis gdungs pa des 'khrul par mthong ste/ mi tho 'tsham par byed pa de rnams kyis de rab tu so sor phye nas sbrul gdug pa rnams kyis za bar byed do/ /sbrul gdug pa'i mche ba rnon po rnams kyis kun nas shin du sdug bsngal gyis nyam thag pa de/ der ji srid du de sdig pa'i las bcom zhing spangs la zad par ma byas pa de srid du ngu skad 'byin cing cho nges 'debs la yongs su smre sngags 'don to/ /de phyis de las yun ring mo zhig 'das shing lo bgrang gis mi lang ba na thar bar 'gyur te/ thar nas kyang gal te yi dgas dang dud 'gro dag tu ma skyes la gnya' shing gi bu gar rus sbal 'jug pa lta bur mi rnams dang skal ba mnyam par mir skyes na/ las de dang rgyu 'thun pa'i 'bras bus de dbul zhing nad bu can dang / yongs su smre sngags 'don pa dang / gzhan gyis bkol ba dang / dbang po ma tshang bar 'gyur/ mi byad gzugs rta rgod ma 'dra zhing tshang tshing gangs ri lta bu'i nang du skye la/ der kha zas 'bras bu'i rtsa ba 'ba' shig gis 'tsho bar byed de/ de gzhan las skyes pa'i kha zas nams kyang mngon par shes par mi 'gyur ba mthong ngo / /de nas yang dge slong las kyi 'bras bu rnam par smin pa shes pa des sems can dmyal ba chen po</font><hr>63.245a<br><font size=+1>

rab tu tsha ba'i 'khor la brtags na/ des thos pa las byung ba'i shes pas sems can dmyal ba rtag tu mun pa zhes bya ba mthong ngo / /der sems can dag las gang gis skye bar 'gyur snyam nas des brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun smra ba dang / log par lta ba kun du bsten cing bsgoms te mang du byas pas 'gyur ro/ /phyi rol pa'i 'dod chags dang bral ba de phyis 'dod chags mngon par spangs te 'dod chags zhe sdang gti mug dang bral ba de bud med dag gis bslus nas yang 'dod pa rnams la 'jug par byed na/ de lus dang bral nas ngan 'gro log par ltung ba sems can dmyal ba rtag tu mun pa zhes bya bar skye bar 'gyur ro/ /der skyes nas kyang gang sems can dmyal ba yang sos la sogs pa'i gnod pa drag pa bsdus pa de dag thams cad 'byung ba'i steng du khyad par du 'byung ba ni 'di ltar srin bu sa rko zhes bya ba dag gis de ji ltar dbu ba la 'bigs pa de ltar mchu rdo rje ltar rno ba de dag sems can dmyal ba pa de'i nyes par byas pa'i las des 'byung bar 'gyur la gang dag pas ches mi bde ba byed pa yin te/ ches sdug bsngal ba yin no/ /sa rko de rnams kyis rus pa dag phug pa nas rkang gi bar du za ste/ ji ltar sems can dmyal ba pa'i sdug bsngal bsdus pa de dag thams cad de ltar brgya'i cha dang / stong gi cha dang / brgya phrag stong gi char yang mi phod de/ de ltar bdag nyid de dag las thar bar byed mi nus so/ /de gang dang gang du 'bros pa de dang de nyid du srin bu dag gis mi gtong bar byed de/ de ltar de lo 'bum phrag du mar sreg go/ /'tshed do/ /sems can dmyal ba pa'i sdug bsngal ba dag gis nyam thag pa sems can dmyal ba der yun ring du sreg cing 'tshed kyang de'i las byas shing bsags pa sems can dmyal bar grub pa'i</font><hr>63.245b<br><font size=+1>

mthus 'chi ba'i dus ni mi byed do/ /de ji srid du de'i sdig pa'i las byas shing bsags pa bcom zhing spangs la zad par ma byas pa de srid du 'tshed do/ /de gal te yi dgas dang / dud 'gro dag du ma skyes la gnya' shing gi bu gar ru sbal 'jug pa lta bur mi rnams dang skal ba mnyam par mir skyes na/ las de dang rgyu 'thun pa'i 'bras bus de mdog ngan cing rkang lag rdol ba dang / tshong pa mo'i bran pho dang / bran mo bum pa thogs par 'gyur ba mthong ngo / /de nas yang dge slong las kyi 'bras bu rnam par smin pa shes pa des sems can dmyal ba chen po rab tu tsha ba'i 'khor la brtags na/ des thos pa las byung ba'i shes pas sems can dmyal ba gnod pa'i rgyud ces bya ba mthong ngo / /der sems can dag las gang gis skye bar 'gyur snyam nas des brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun smra ba dang / log par lta ba kun du bsten cing bsgoms te mang du byas pas 'gyur ro/ /tshul khrims dang ldan pa chos kyi lam las nyams pa med pa'i dge slong bag tsha ba med pa'i sar song ba las/ bud med sbyar ma zhig na re bdag la ci dga' ba mdzod cig /gal te dge slong khyod bdag dang lhan cig mjal bar mi mdzad na de bdag gis dge slong 'di bdag la 'dod par byed pa las de kho mos mi 'dod do zhes smra bar bya'o/ /des na khyod la chad pa chen pos gcod par 'gyur te/ gal te rgyal po'i 'khor nas sam/ gal te bdag gi khyim thab kyis gcod par byed do/ /gal te mdzad na de bdag gis khyod la bza' ba dang bca' ba mang po dbul bar bya ste/ de ltar 'o skol shin du dgyes par 'gyur zhing gzhan gyis kyang mi tshor</font><hr>63.246a<br><font size=+1>

bar 'gyur ro/ /'jig rten pa dag la yang dge slong 'di ni shin du tshul khrims dang ldan pa yin te/ 'di la mal cha dang / na ba'i rkyen gsos sman gyi yo byad mang po dag phul cig ces smra bar bgyi ste/ sbyin pa po dang / sbyin bdag tu 'gyur ro zhes de ltar 'jigs pas bsdigs nas brid de dge slong yang dag pa'i lam las nyams par byed na/ bud med de lus dang bral nas ngan 'gro log par ltung ba sems can dmyal ba gnod pa'i rgyud ces bya ba der skye bar 'gyur ro/ /der gang sems can dmyal ba chen po yang sos la sogs pa'i gnod pa bsdus pa de dag thams cad 'byung ba'i steng du gnod pa khyad par du 'byung ba dag ni 'di ltar gshin rje'i mi dag gis bud med de bzung ste btsir btsir nas lpags pa 'thog par byed do/ /lpags pa de dag btogs nas kyang yang g.yogs par 'byung zhing yang shin du gzhon nur skye ste/ kha dog shin du mi sdug par skye'o/ /de gshin rje'i mi rnams kyis dam por bzung nas lcags kyi so mangs rab tu 'bar ba blangs te de'i lus thams cad 'chad par byed/ rnam par gsheg par byed/ yongs su 'dral bar byed do/ /sdug bsngal gyis nyam thag pa'i bud med de nyes par byas pa'i las kyis bslus pa yun ring du ngu skad 'don cing cho nges 'debs la yongs su smre sngags 'don to/ /de ltar gnod pa myong bas gar bab bab tu 'bros pa dang / de nas las kyis sprul pa'i dge slong 'ong ba mthong ste/ sems 'dod pas bsgribs pa sems kyis yongs su bslus pa de de'i drung nyid du rgyug la/ de ltar 'dod pa dgra lta bu las rgyal bar bya bar dka' ba gang de'i gnas su rgyug par byed la de de dang phrad pa dang yongs su 'ju bar byed do/ /de yang me thab tu gyur nas kun nas rab tu 'bar ba der de rab tu 'jug par byed do/ /de mi des lo 'bum phrag du mar sems can dmyal ba gnod pa'i rgyud du ji srid</font><hr>63.246b<br><font size=+1>

du de'i sdig pa'i las byas shing bsags pa bcom zhing spangs la zad par ma byas pa de srid du sdug bsngal drag cing rtsub la shin du mi bzad pa myong bar 'gyur ro/ /de phyis sems can dmyal ba de las thar bar 'gyur te/ thar nas kyang las de dang rgyu 'thun pa'i 'bras bus tshe rabs lnga brgyar dud 'gro dag tu skye bar 'gyur ro/ /gal te gnya' shing gi bu gar rus sbal 'jug pa lta bur mi rnams dang skal ba mnyam par mir skyes na de yang bud med du 'gyur te/ grong khyer dang / grong khyer thams cad kyi ljan ljin 'phyag pa dang / grong khyer pa thams cad kyis smad pa dang / dbul zhing mdog ngan la rkang lag rdol ba dang / byad bzhin mthong na 'jigs su rung ba dang / pha ma dang / gnyen 'dab kyis spangs par 'gyur rtag tu chu phye bkra tsam gyis 'tsho zhing dri ma can dang / bgo ba ngan pa dang / lus kyi phyogs gcig nyams pa dang / lus shin du chad pa dang / 'gro ba na byis pa rnams kyis rdo dang / bong ba dag gis mngon par 'tshog ste/ sdug bsngal bas 'tsho bar 'gyur ba mthong ngo / /de nas yang dge slong las kyi 'bras bu rnam par smin pa/ shes pa des sems can dmyal ba chen po rab tu tsha ba'i 'khor la brtags na/ des thos pa las byung ba'i shes pas sems can dmyal ba srad bu'i rgyud 'bab pas dkrugs pa zhes bya ba mthong ngo / /der sems can dag las gang gis skye bar 'gyur snyam nas des brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun smra ba dang / log par lta ba kun du bsten cing bsgoms te kun du byas pas 'gyur ro/ /rgyal po snyems pas sam rgyal srid gzhan gyi yul 'khor 'phrog pa'i tshe dge slong ma nyon mongs pa med pa mthus sun phyung na de lus dang</font><hr>63.247a<br><font size=+1>

bral nas ngan 'gro log par ltung ba sems can dmyal ba srad bu'i rgyud dkrugs par skye bar 'gyur ro/ /der skyes nas kyang gang sems can dmyal ba yang sos la sogs pa'i gnod pa bsdus pa de dag thams cad 'byung ba'i steng du khyad par du 'byung ba ni 'di ltar sems can dmyal ba de thams cad 'di ltar dra ba rdo rje ltar sra ba'i nang du bcug nas der yan lag dang nying lag gi phyogs gang dang gang reg pa de dang der spu gri lta bus kun nas gcod par byed do/ /der yang ji ltar sbrang bu dag spu la rab tu 'phyang ba de ltar srad bu rdo rje lta bu'i dra ba la 'phyang ngo / /de nyid du skye zhing skye zhing 'chi ste/ gshin rje'i mi rnams kyis yan lag dang nying lag thams cad mda' rab tu 'bar ba dag gis sdog par byed do/ /de dra ba rdo rje ltar sra ba'i nang du bcug cing mda' dag gis kyang sdog pa na sdug bsngal shin du tsha ba drag cing mi bzad pa dag myong bar 'gyur te/ de ngu skad 'don cing cho nges 'debs la yongs su smre sngags 'don to/ /sdug bsngal mtha' yas pa dag gis nyam thag cing kun nas dbyer med la bcing ba kun gyis bcings pa na/ de gal te las kyi rkyen gyis thar na shin du sdug bsngal ba yin te/ gar bab bab tu 'bros so/ /de me mdag gi rlung dag gi nang du 'jug ste/ rab tu zhu zhing sreg la yongs su smre sngags 'don cing ngu skad 'byin pa na/ gnyis su med la grogs med pa des rgyang ring po na sgo chen po kun nas gsal ba zhig mthong nas der rgyug cing der rab tu 'jug par byed do/ /de yang sbrul chen po shugs rab tu drag cing gdug pa zhig yin te des mid do/ /sems can dmyal ba pa de lus kyi nang der sreg pa na skad 'byin par yang mi nus so/ /sbrul de yang las las byung ba yin te/ ji lta ji ltar bdag nyid yongs su dkri bar byed pa de lta de ltar sems can dmyal ba pa'i lus nang du zhugs pa de dag thams cad sgra skad 'byin par mi nus shing lus rtsa dang rgyus </font><hr>63.247b<br><font size=+1>

pa dang bral ba de dag thams cad bye ma ltar zhib mor byed de de ltar lo 'bum phrag du ma lo bye ba grangs med par de sbrul gyi lto der 'tshed do/ /'thub bo/ /de gal te yang sbrul des skyugs pa dang / lus shin du ma tshang ba/ lus rtsa dang / rgyus pa thams cad shig shig por gyur pa'i lus gar bab bab tu 'bros pa dang / des gshin rje'i mi rnams 'ong ba mthong ste/ de dag gis bzung nas de mtshon rnon po rnams kyis yan lag dang nying lag thams cad chu srin byis pa gsod ltar rnam par zhigs par byed do/ /de ltar ji srid du de'i sdig pa'i las bcom zhing spangs la zad par ma byas pa de srid du lo 'bum phrag du ma lo bgrang gis mi lang bar yun ring du sdug bsngal myong bar byed do/ /de phyis sems can dmyal ba de las thar bar 'gyur te/ thar nas kyang las de dang rgyu 'thun pa'i 'bras bus tshe rabs lnga brgyar yi dgas dang dud 'gro dag tu skye bar 'gyur ro/ /gal te gnya' shing gi bu gar ru sbal 'jug pa lta bur mi rnams dang skal ba mnyam par mir skyes na de dbul zhing nad bu can dang gzugs mi sdug par 'gyur/ rtag tu sgra mi snyan pa dag gis gnod par 'gyur la lus thams cad dug gis yog cing nyam thag par 'gyur ba mthong ngo / /de nas yang dge slong las kyi 'bras bu rnam par smin pa shes pa des sems can dmyal ba chen po rab tu tsha ba'i 'khor la brtags na/ des sems can dmyal ba skra shad 'dzings pa dang / bya khwa yod pa zhes bya ba mthong ngo / /der sems can dag las gang gis skye bar 'gyur snyam nas des brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun smra ba dang / log par lta ba kun du bsten cing bsgoms te mang du byas pas 'gyur ro/ /sring mo chang gis ra ro</font><hr>63.248a<br><font size=+1>

bar gyur pa la mi rigs par byas na de lus dang bral nas ngan 'gro log par ltung ba sems can dmyal ba skra shad 'dzings pa dang / bya khwa yod par skye bar 'gyur ro/ /der gang sems can dmyal ba chen po yang sos la sogs pa'i sdug bsngal bsdus pa de dag thams cad 'byung ba'i steng du khyad par du 'byung ba ni 'di lta ste/ zangs kyi zhi ga dag gi nang du 'jug par byed do/ /zhugs nas kyang der 'ju bar byed do/ /de nas yang 'tsho bar 'gyur ro/ /de nas yang 'ju bar byed de/ zhi ga de dag gi nang du bcug nas 'tsho yang 'tsho la 'chi yang 'chi ste/ 'chi ba dang 'tsho bar byed do/ /de 'di ltar gshin rje'i mi rnams kyis sbud pa gnyis kyis 'bud de/ ji ltar de'i sol ba dang / de'i zhi ga dag dang / sems can dmyal ba de'i lus kyang mi mngon par 'bud do/ /de ltar de lo 'bum phrag du mar zhi ga dag gi nang du bcug nas ji ltar mes gser 'ju ba ltar 'tshed do/ /de ltar de sems can dmyal ba der nyes par byas pa'i las kyi mtha' dpyad pas 'tshed de/ de gal te las zad pas zhi ga de dag gi zhabs kyi nang du lhung ste/ gshin rje'i mi rnams kyis bzung nas brdung ba rnams kyis ji ltar lcags mgar sa dag la lcags gong bur byas te/ lcags mgar gyis kun du rdung ba de ltar kun du rdung ngo / /de ltar kun du rdung ba na brdungs pa dang srog chad la de nas yang brdung ba bteg pa dang 'tsho ste/ de ltar sems can dmyal ba pa de yun ring du lo bgrang gis mi lang bar 'tshed do/ /de brgya la de las thar na gshin rje'i mi rnams kyis rnga bo che'i nang du 'jug par byed do/ /bcug nas kyang las kyis byas pa'i rnga bo che'i sgra gang gis de'i snying zhigs par byed pa rnam pa de lta bu 'byung bar 'gyur te/ snying rnam par zhigs pa de yang 'tsho bar 'gyur la de nas yang 'chi bar 'gyur te/ de ltar de ji srid du de'i sdig pa'i las byas shing</font><hr>63.248b<br><font size=+1>

bsags pa bcom zhing spangs la zad par ma byas pa de srid du 'tsho zhing 'chi'o/ /de phyis sems can dmyal ba de las thar bar 'gyur te/ thar nas kyang las de dang rgyu 'thun pa'i 'bras bus tshe rabs drug brgyar dud 'gro dag tu skye bar 'gyur ro/ /gal te brgya la mi rnams dang skal ba mnyam par mir skyes na de rtag tu snying skrag par 'gyur/ ri dgas kyi sems ltar rnam par 'khrul cing rgyal po'i 'khor nas rtag tu 'tshe bar 'gyur/ gzhan gyis sgra 'byin par byed cing bcing bas kyang tshe zad par byed de/ nams kyang sems bde bar mi 'gyur ba mthong ngo / /de nas yang dge slong las kyi 'bras bu rnam par smin pa shes pa des sems can dmyal ba chen po rab tu tsha ba'i 'khor la brtags na/ des thos pa las byung ba'i shes pas sems can dmyal ba snying rje rje skad sgra 'byin pa zhes bya ba mthong ngo / /der sems can dag las gang gis skye bar 'gyur snyam nas des brtags na/ gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun smra ba dang / log par lta ba kun du bsten cing bsgoms te mang du byas pas 'gyur ro/ /mchod sbyin gyi lam log par lta ba log par mthong ba'i lam gyis sring mo gzhon nu sun 'byin par byed pa ni ji ltar bram ze'i smrang las bud med gzhon nu 'dod chags langs pa gang bag mar blangs na des mi'i srog gcod pa dang 'dra ba 'thob par 'gyur ro zhes de ltar smrang ngan pas bslus pas 'os pa ma yin pa la byed pa de lus dang bral nas ngan 'gro log par ltung ba sems can dmyal ba snying rje rje skad sgra 'byin par skye bar 'gyur ro/ /der gang sems can dmyal ba yang sos la sogs pa'i gnod pa bsdus pa de dag thams cad 'byung ba'i steng du khyad par du 'byung ba ni 'di ltar gshin rje'i mi rnams kyis lag pa</font><hr>63.249a<br><font size=+1>

dag gis mde'u ste'u ka rab tu 'bar ba 'phen pa de ltar sems can dmyal ba pa 'phen te/ ji ltar bu sa la'i 'dab ma tsam du lus gang nyams pa dang rnam par nyams pa ma yin pa la lhag ma med par byed de/ de ltar yan lag dang nying lag thams cad nyams rnam par nyams shing rab tu 'bar la kun nas sdug bsngal mi bzad pas nyam thag pa mgon med cing grogs med la gnyis su med pa yun ring du lo bgrang gis mi lang bar sdug bsngal tsha ba rtsub pa myong bar 'gyur ro/ /gal te yang las zad pa'i rkyen gyis dbang gis mde'u ste'u ka dang / ral gri nyam nga ba de las thar na lcags kyi sa gzhi'i steng na me mdag rab tu 'bar ba'i phung por 'bying bzhin du 'bros so/ /sdug bsngal gyi gdung ba mang pos nyam thag cing ngu skad 'byin pa'i tshe/ thag nye ba na nags tshal chen po sprin nag po lta bu yod de/ kun nas bya skad snyan pas yongs su bskor cing de'i thag nye ba zhig na mtsho chen po chu rab tu dang ba zhig yod pa mthong nas de 'di snyam du sems so/ /kye e ma nag po 'di ni nags tshal yin la mtsho sngon po dang yang ldan pa zhig ste/ bdag ni 'dir bde ba thob par 'gyur ro snyam nas mgon 'dod pa/ skyabs 'dod pa/ dpung gnyen 'dod pa de nags tshal de'i drung du sa gzhi me mdag rab tu 'bar ba'i phung por 'bying bzhin du rgyug go/ /de gang gi tshe thag nye ba na/ nags tshal yod pa de dang bya dag gis kyang bskor ba mthong ba dang / shin du bde ba 'dod pa dpung gnyen 'dod pa de yang nags de dag nyid kyi drung du rab tu rgyug go/ /de gal te tshegs chen pos nags de'i drung du phyin pa dang / sngar gzhan du mthong la/ de gzhan zhig tu mthong ste sbrul shin du gdug cing rab tu 'jigs pa mgo stong yod pa/ mig rab tu 'bar ba/ byad bzhin 'jigs 'jigs ltar 'dug pa zhig dang / bya gang yin pa de dag kyang lus rab tu 'bar la de dag thams cad</font><hr>63.249b<br><font size=+1>

sems can dmyal ba pa'i sgra skad rab tu 'byin par mthong la sbrul des mod bzhin du bzung nas za bar byed de/ sdug bsngal sna tshogs kyis nyam thag pa cho nges 'debs pa na de yang sbrul de'i kha rab tu 'bar bas bzung nas kha'i bar du bcug ste za bar byed do/ /de las kyis byas pa'i sbrul de nyid kyis za ba ni yun ring po lo bgrang gis mi lang bar za bar byed do/ /de gal te las zad nas sbrul de nas thar nas skom pas gdungs pas mtsho de'i drung du rgyug go/ /mtsho de yang dud pa nag pos bsgribs shing nang yang sems can dmyal ba pa'i mes gang ste de mtsho der nub bo/ /mtsho de zabs su dpag tshad tsam ste/ der nub cing der sdug bsngal mi bzad pa myong ngo / /ji srid du de'i sdig pa'i las bcom zhing spangs la zad par ma byas pa de srid du rang gi las dang 'thun pa gzhan dang mi 'dra ba'i sdug bsngal myong bar 'gyur ro/ /de phyis sems can dmyal ba de las thar bar 'gyur te/ thar nas kyang las de dang rgyu 'thun pa'i 'bras bus tshe rabs bdun brgyar yi dgas dang / dud 'gro dag tu skye bar 'gyur ro/ /de gal te gnya' shing gi bu gar rus sbal 'jug pa lta bur mi rnams dang skal ba mnyam par mir skyes na de dbul zhing nad bu can dang / gzhan gyis bkol ba dang / lam gyi bzhi mdo dang / lam po cher sprad pa dang / mi'u thung du 'gyur ba mthong ngo / /de nas gzhan yang dge slong las kyi 'bras bu rnam par smin pa shes pa des sems can dmyal ba chen po rab tu tsha ba'i 'khor la brtags na/ des thos pa las byung ba'i shes pas sems can dmyal ba snying rje chen po zhes bya ba mthong ngo / /der sems can dag las gang gis skye bar 'gyur snyam nas des brtags na/ gang gis srog</font><hr>63.250a<br><font size=+1>

gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun smra ba dang / log par lta ba kun du bsten cing bsgoms te mang du byas pas 'gyur ro/ /gang gis slob tu bcug la slob pa'i tshig de yang dag pa'i lam rab tu ston pa yin na de 'dod chags bdo bas mkhan po de'i chung ma nyes pa med pa sun 'byin par byed cing 'jig rten pa dag la yang 'di ltar 'di ni mkhan mo ma dang 'dra ste/ bdag ni bu dang mtshungs so zhes kyang brjod la yid gcugs par 'dod na/ de lus dang bral nas ngan 'gro log par ltung ba sems can dmyal ba snying rje chen por skye bar 'gyur ro/ /der gang sems can dmyal ba yang sos la sogs pa'i gnod pa bsdus pa de dag thams cad 'byung ba'i steng du khyad par du 'byung ba ni 'di ltar gong dang 'og na so mi mthun pa'i kha gcod pa mtshon 'dzugs pa lta bus yang dang yang du gcod par byed do/ /de gcod pa na nang du gtogs pa'i sha dang / rgyus pa dang / lpags pa dang / chu ser dang / rus pa dang / rkang gi bar thams cad mtshon cha dag gis gcod par byed de/ de ltar snying rje rje skad du ngu zhing yongs su smre sngags 'don to/ /ji ltar sems can dmyal ba pa gzhan dag kyang ngus pa'i sgra des de ltar sdug bsngal mi bzad pas nyam thag ste/ shin du snying rje rje skad nyam thag pa na sdug bsngal de dag thams cad myong ngo / /gcod pa na srog chad par mi 'gyur te/ de ltar des ji srid du de'i sdig pa'i las bcom zhing spangs la zad par ma byas pa de srid du lo 'bum phrag du ma kun du bcad cing bcad cing yang 'byung bar 'gyur ro/ /de phyis sems can dmyal ba de las thar bar 'gyur te/ thar nas kyang las de dang rgyu 'thun pa'i 'bras bus tshe rabs drug stong du sems can dmyal ba dang / yi dgas dang / dud 'gro dag tu skye bar 'gyur ro/ /de las thar nas kyang gal te gnya' shing gi bu gar rusbal</font><hr>63.250b<br><font size=+1>

'jug pa lta bur mi rnams dang skal ba mnyam par mir skyes na/ de gal te mngal du 'am/ gal te btsas nas sam/ gal te gan kyal du bzhag pa na 'am/ gal te gog tsam na 'am/ gal te rgyug nus tsam na 'chi bar 'gyur zhing gang dang gang du skyes par dbang po thams cad ma tshang bar 'gyur ba mthong ngo / /de nas yang dge slong las kyi 'bras bu rnam par smin pa shes pa des sems can dmyal ba rab tu tsha ba'i 'khor la brtags na/ des thos pa las byung ba'i shes pas sems can dmyal ba snying rje med pa'i sa zhes bya ba mthong ngo / /der sems can dag las gang gis skye bar 'gyur snyam nas/ des brtags na gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun smra ba dang / log par lta ba kun du bsten cing bsgoms te mang du byas pas 'gyur ro/ /mna' ma la mi rigs par byas na/ de lus dang bral nas ngan 'gro log par ltung ba sems can dmyal ba snying rje med pa'i sar skye bar 'gyur ro/ /der skyes nas gang sems can dmyal ba yang sos la sogs pa'i gnod pa bsdus pa de dag thams cad 'byung ba ni 'di ltar de dag sa'i steng du phung po brtsegs mar byas te/ gshin rje'i mi rnams kyi zangs kyi sa gzhi rab tu bsregs par brgya 'am yang na stong gcig gi steng du gcig phung por byas pa ni ji ltar skra'i rtse mo la skabs med pa de ltar gcig gi steng du gcig bsdus nas sreg go/ /de ltar de dag gcig gi steng du gcig bcer bas gnod pa na ji ltar de dag gcig gi steng du gcig shin du thags dam por bcer ba'i bar mi mngon pa de ltar bsdu bar byas nas gshin rje'i mi rnams tho ba thogs te kun du 'tshog go/ /de ltar ji srid du sdig pa'i las bcom zhing spangs la zad par ma byas pa de srid du lo 'bum phrag du mar sdug bsngal mi bzad pa tsha ba rtsub pa myong bar 'gyur ro/ /</font><hr>63.251a<br><font size=+1>

de phyis sems can dmyal ba de las thar bar 'gyur te/ thar nas kyang las de dang rgyu 'thun pa'i 'bras bus tshe rabs dgu brgyar yi dgas dang / dud 'gro dag tu skye bar 'gyur ro/ /de las thar nas gnya' shing gi bu gar ru sbal 'jug pa lta bur mi rnams dang skal ba mnyam par mir skyes na/ de dbul zhing nad bu can dang / 'gran zla gzhan gyis bsad par 'gyur/ yul ngan par chu 'gram gyi mi kla klor skye bar 'gyur te/ der yang thams cad kyi tha mar 'gyur zhing tshe thung bar 'gyur ba mthong ngo / /de nas gzhan yang dge slong las kyi 'bras bu rnam par smin pa shes pa des sems can dmyal ba rab tu tsha ba'i 'khor la brtags na/ des thos pa las byung ba'i shes pas sems can dmyal ba shing skam bsdus pa lta bu zhes bya ba mthong ngo / /der sems can dag las gang gis skye bar 'gyur snyam nas/ des brtags na gang gis srog gcod pa dang / ma byin par len pa dang / 'dod pas log par g.yem pa dang / chang 'thung ba dang / brdzun smra ba kun du bsten cing bsgoms te mang du byas pas 'gyur ro/ /mi 'jigs pa sbyin pa byin pa'i chung ma nyes pa med par 'phrog pa ni de gsod pa'i sar khrid cing bsad du dogs pa na gang gis srog phyung ste/ mi de btang ba las des kyang drin med par byas nas de'i chung ma 'phrog par byed na/ de lus dang bral nas ngan 'gro log par ltung ba sems can dmyal ba shing skam bsdus pa lta bur skye bar 'gyur ro/ /der skyes nas gang sems can dmyal ba yang sos la sogs pa'i gnod pa bsdus pa de dag thams cad du 'byung ba'i steng du khyad par du 'byung ba ni 'di ltar sems can dmyal ba de chu bo sgra chen zhes bya ba de'i nang du 'jug par byed do/ /der sems can dmyal ba pa brgya stong du ma dag kyang 'jug par byed do/ /sems can dmyal ba pa de dag gi</font><hr>63.251b<br><font size=+1>

nang du 'jug par byed do/ /de de ltar de dag gi nang du zhugs shing shugs drag pos bdas pa rnams kyi 'og tu bcug nas de ji ltar skra'i rtse mo tsam yang mi mngon pa de ltar de dag gis steng nas steng du 'dug nas gnod par byed de/ de'i steng na sems can dmyal ba pa rnams 'khod do/ /'og tu ni zha nye rab tu bskol bas 'tshed cing sreg la gsod do/ /cho nges 'debs shing rtag tu sdug bsngal bas nyam thag ste/ de ltar sdug bsngal bas nyam thag pa phyir zhing las kyis byas pa'i chu srin dag nye bar 'ong ste/ gang dag gis sems can dmyal ba pa de yan lag dang nying lag thams cad za zhing 'byung ngo / /de shing skam ltar bsdus pa'i sdug bsngal myong ba na ji srid du de'i sdig pa'i las bcom zhing spangs la zad par ma byas pa de srid du yun ring por las kyis byas pa'i tshor ba shin du mi bzad pa'i sdug bsngal myong bar 'gyur ro/ /de phyis sems can dmyal ba de las thar bar 'gyur te/ thar nas kyang las de dang rgyu 'thun pa'i 'bras bus tshe rabs lnga brgyar yi dgas dang dud 'gro dag tu skye bar 'gyur ro/ /de de las thar nas kyang gal te mi rnams dang skal ba mnyam par mir skyes na/ de bud med kun gyi yid chags par mi 'gyur te/ de ji ltar bu'i ngo bo dang pha'i ngo bo dang / ming po'i ngo bo lta bu dang / tshe rabs lnga brgyar pho mtshan dang bral bar 'gyur ba mthong ngo / /de nas yang dge slong las kyi 'bras bu rnam par smin pa shes pa des sems can dmyal ba chen po rab tu tsha ba'i 'khor la brtags na/ des 'khor bcu drug pa dag las bcu bdun pa ma mthong ste/ sems can dmyal ba chen po rab tu tsha ba ni 'khor bcu drug dag gis yongs su bskor to/ /sems can dmyal ba chen po rab tu tsha ba'i mi bzad pa chen po ni de dag yin/ mjug ni de dag</font><hr>63.252a<br><font size=+1>

yin/ mtha' ni de dag yin te/ de rang gis byas pa'i las kyi 'bras bu'i sa la spyod pa'i mi dag 'tshed cing sreg ste/ 'di ltar gzhan gyis byas pa 'thob pa ma yin pa las dang 'thun par gnod pa myong ngo / /rang gis byas pa chud za bar mi 'gyur la gzhan gyis byas pa dang phrad pa med de/ byas pa chud za bar mi 'gyur zhing rang gis byas pa dang 'thun par 'bras bu dag 'byung bar 'gyur ro/ /rang gis byas pa'i skye gnas las skyes pa'i sems can dag ni rang gi las la spyod pa yin te/ 'di ltar dge ba 'am sdig pa'i las su 'gyur ba de'i las kyi bgo skal la spyod pa yin no/ /de ltar dge slong de sems can dmyal ba rnams la sems can dmyal bar gtogs pa'i rjes su sems pa srid pa mngon par grub pa la cung zad kyang bde ba med de/ rtag pa med la ther zug pa med cing bdag dang bcas pa ma yin par mthong ste/ 'khor ba thams cad mi rtag pa dang / sdug bsngal ba dang / stong pa dang / bdag med par mthong ngo / /de de ltar mthong ba na/ 'dod pa thams cad dang 'dod pa kun du sbyor ba dang / 'dod pa so sor 'brang ba dang / 'dod pa la rnam par rtog pa dang / 'dod pa'i gzhi dag la rab tu 'dod chags dang bral bar 'gyur ro/ /de phyir zhing yang 'dod pa'i nyes dmigs dag la ches shin du 'jigs par 'gyur te/ de ltar lus dang ngag dang yid kyi g.yo ba shin du bsdams pa de la bdud dang bdud kyi 'khor gyis rab tu mi tshugs so/ /de lta de ltar goms par byed pa de 'khor ba'i tshe rabs mang po'i rgyud zhigs par 'gyur/ bsrabs par 'gyur/ spangs par 'gyur/ lhod lhod por 'gyur ro/ /de nas yang rnal 'byor spyod pa nang gi chos la chos kyi rjes su lta zhing gnas pa'i</font><hr>63.252b<br><font size=+1>

dge slong 'di ni/ kye ma spro ba ma bri ba yin te/ sa gzhan bcu gcig pa la zhugs pa yin no snyam mo/ /de ltar spro ba ma bri ba de la sa bla'i gnod sbyin dag dga' nas bar snang la spyod pa'i gnod sbyin dag la mngon par bsnyad do/ /de dag gis kyang rgyal chen bzhi pa dag la mngon par bsnyad pa nas snga ma bzhin du sbyar te/ tshangs ris kyi lha'i bar dag la 'di ltar 'dzam bu'i gling du rigs che ge mo zhig las rigs kyi bu zhig grong che mo zhig dang / grong rdal mang ge mo zhig dang / ming ga ge mo zhig ces bya ba skra dang kha spu bregs nas gos ngur smrig bgos te dad pas khyim nas khyim med par rab tu byung ba de bdud kyi yul gyi dngos po mi 'dod cing 'dod chags kyi dga' ba'i mod las skyes pa'i sred pa'i dngos po dang lhan cig gnas par mi 'dod/ nyon mongs pa sbrul lta bu dang lhan cig dga' bar mi byed la/ gzhan gyi nyon mongs pa dag mthong nas 'khor ba thams cad las yid byung ngo zhes mngon par bsnyad do/ /de thos nas tshangs chen gyi ris kyi lha rnams bdud kyi phyogs ni dma' bar gyur to/ /dam pa'i chos kyi phyogs ni mngon par mtho'o zhes dga' ba skyes so/ /de ltar sa gzhan bcu gcig pa la zhugs pa/ rnal 'byor spyod pa'i lha'i mthong ba dang yang dag pa'i lam mthong ba/ las kyi chos kyi rnam par smin pa shes pa/ lus kyi chad pa dang / ngag gi chad pa dang / yid kyi chad pa'i de kho na nyid mthong ba de 'di snyam du sems te/ 'di ltar lus kyi chad pa dang / ngag gi chad pa dang / yid kyi chad pa shin du zhib mor rab tu rnam par 'byed pa na/ dge slong dag lha dang bcas pa'i 'jig rten dang / bdud dang bcas pa dang / tshangs pa dang bcas pa dang / dge sbyong dang / bram ze dang / </font><hr>63.253a<br><font size=+1>

skye dgur bcas pa dang / lha dang mir bcas pa dag gis de ltar rab tu rnam par 'byed pa mi shes na/ gzhan mu stegs can kun du rgyu ba pa dag gis shes pa lta smos kyang ci dgos te/ gnas med cing skabs med la/ nga'i slob ma dang / gang nga las thos pa ni ma gtogs so snyam mo/ /de ltar chad pa gsum shin du phra ba rab tu rnam par 'byed pa de ni de ltar shin du phra ba yin no/ /dge slong dag gzhan mu stegs can kun du rgyu ba dag gis dris na lan de ltar gdab par bya'o/ /gzhan mu stegs can kun du rgyu ba pa dag ni dris pa'i lan la shin du rmongs par 'gyur te/ de ci'i phyir zhe na/ dge slong dag 'di ltar 'khor bar gtogs pa'i sems can thams cad kyi yul ma yin pa'i phyir ro/ /de dag gi lus kyi chad pa dang / ngag gi chad pa dang / yid kyi chad pa rnam pa gsum po de ni rigs pa yin te/ nyes pa dang bcas pa/ dri ma dang bcas pa/ khyad du gsod pa dang bcas pa la sems pa yin/ skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba rnam par gcod pa ma yin/ 'phags pa rnams kyi chos mngon sum du byed pa yang ma yin/ mya ngan las 'das pa'i mthar thug pa ma yin/ gtan zad par byed pa ma yin/ zhi ba ma yin/ bde ba ma yin/ lha'i 'jig rten du skye bar byed pa yang ma yin te/ de dag lus kyi chad pa dang / ngag gi chad pa dang / yid kyi chad pa rnam pa gsum po la sems par byed do/ /dge slong dag gzhan mu stegs can kun du rgyu ba pa dag ni rang gi lus kyis mgu nas nga rgyal 'ba' shig byed par zad de/ skyon dang yon tan dpyod par mi byed do/ /de ltar lus kyi chad pa dang / ngag gi chad pa dang / yid kyi chad pa rnam pa gsum po de dag ni mi bzad pa chen po yin te/ de dag</font><hr>63.253b<br><font size=+1>

dang / nga'i dang / chung zad kyang 'dra ba med pa ni dper na mya ngan las 'das pa dang 'khor ba gnyis chung zad kyang mi 'dra ba bzhin te/ de ltar de dag gi chad pa rnam pa gsum dang nga'i dang 'dra ba med do/ /dge slong dag de de ltar lan gdab par bya ste/ phas kyi rgol ba dag gi ni stong pa yin la/ nga'i lam ni bde ba yin no/ /mya ngan las 'das pa ni zhi ba'o/ /'dus byas thams cad ni g.yo ba'o/ /'khor ba thams cad na bde ba med de/ gang rtag pa dang / brtan pa dang / ther zug dang / mi 'gyur ba'i chos can de dag la de ltar bsam par bya'o/ /dge slong dag de ltar lus kyi chad pa dang / ngag gi chad pa dang / yid kyi chad pa rnam pa gsum gyi de kho na nyid mthong ba'i dge slong de ni che ba yin no/ /rnal 'byor spyod pa'i dge slong thar pa'i grong khyer gyi de kho na nyid mthong ba de yang rtog par byed de/ dge slong de ji ltar na sa gzhan bcu gnyis pa la zhugs zhig gu snyam nas rnal 'byor spyod pa des brtags na/ dge slong 'di ni brtson pa ma bri ba yin la da dung du las ngan pa byas pa rnams kyi rgyu dang 'bras bu'i de kho na nyid la rtog par byed de/ sems can dmyal ba chen po bdun gyi 'khor dmyal ba mnar med pa zhes bya ba stong 'gyur du 'byung ba mthong ngo / /der sems can dag las gang gis skye bar 'gyur snyam nas des thos pa las byung ba'i shes pas brtags na/ gang gis bsams bzhin du ma bsad pa dang / pha bsad pa dang / bskal pa'i lhag mar gnas par 'gyur ba ni gang bskal pa'i tha mar nyes par byas pa'i las byas pa mnar med par 'grub par 'gyur ba de bskal pa'i lhag ma der smin to/ /gnod pa gang 'gags pa'i dus ni yang 'byung bar 'gyur ba med de/ de lta bas na byas pas bskal pa'i lhag mar smin te las khyad par can byas pas gnod pa drag pa rtsub pa tsha ba khyad par can 'byung bar 'gyur ro/ /</font><hr>63.254a<br><font size=+1>

gang mnar med pa'i las gcig byas pas ni sems la gnod par mi 'gyur te/ 'jam zhing bsam pa 'jam par 'gyur la/ 'di ltar mnar med pa 'di'i las gcig cig byas na gal te yang sems rtsub cing sems kyi bsam pa rtsub na/ de'i sdug bsngal drag pa dang rtsub par 'gyur te/ de'i gnod pa rnam pa de lta bur ni mi 'gyur ro/ /las kyi 'bras bu rnam par smin pa thams cad ni sems la rag las te sems kyi dbang du song zhing sems kyi kun du sbyor ba yin no sems kyi kun du sbyor bas 'ching ba'i sems can dag ni bcings pa yin la/ sems rnam par byang bas ni grol bar 'gyur ro/ /rim pa ji lta ba bzhin du mnar med pa rnams kyi gnod pa'i rim pa yang de ltar 'byung ste/ de'i sdug bsngal ba yang lus sbom zhing gzhon sha can du 'byung ngo / /de la mtshams med pa lnga'i las kyis ni lus dpag tshad lngar 'grub bo/ /las bzhis ni bzhi'o/ /las gsum gyis ni gsum mo/ /las gnyis kyis ni gnyis so/ /las gcig gis ni lus dpag tshad gcig 'grub par 'gyur ro/ /de nas yang dge slong des sems can dmyal ba chen po mnar med pa'i 'khor la brtags te/ sems can dmyal ba chen po'i 'khor 'di ni spu zing zhes byed pa yin no/ /des thos pa las byung ba'i shes pas sems can dmyal ba'i 'khor bcu drug pa ji ltar 'dug pa bzhin mthong ste/ gang dag gis sems can dmyal ba chen po de yongs su bskor ba ni 'di lta ste/ bya rog kha zhes bya ba dang / sa kun gyi 'og dang / tshor ba mtha' med ring dang / wa ltar sgra 'byin pa dang / lcags dang / lce spyang za dang / bya rog lto dang / lus zhum dang / sgra 'jigs ston dang / me tog kha ma bye ba lta bu dang / ri brtsegs 'bab dang / chu sgra dang / 'gram dang / ra dang / sdug bsngal kun dkris dang / dri 'dod dang / lcags snam dang / </font><hr>63.254b<br><font size=+1>

'gro ba mer 'jig ste/ 'di dag ni sems can dmyal ba chen po mnar med pa'i 'khor bcu drug yin no/ /de nas yang dge slong des 'chi ba'i dus la sogs pa nas srid pa bar mar skye ba'i bar la rtog ste/ ji ltar na sems can dmyal ba pa mnar med par 'gro ba sdug bsngal las sdug bsngal nyid du 'byung bar 'gyur snyam nas des brtags na/ 'dod chags dang / zhe sdang dang / gti mug gi zil gyis non pa'i srog chags ngan pa byed pa byas pa dag ni mnar med par 'gro'o snyam mo/ /de la mnar med par ni kha cig 'di ltar de lha'i 'jig rten 'dod pa'i phyir mer 'jug par byed/ gang dag ri ngos g.yang sa las 'dor bar byed/ gang dag chur 'jug par byed/ gang dag zas mi sbyin pas gsod par byed de/ lam ngan pas rnam par rmongs pa thos pa ngan pas rnam par bslus shing gti mug pa dag ma gsod par byed do/ /kha cig mtho ris 'dod pas 'di ltar zas mi sbyin pas sam/ ri la g.yang du gtong bas sam/ mer 'jug pas sam/ chur 'jug pas ma bsad na mtho ris 'thob bo snyam nas de mtho ris la sred pas srog dang bral bar byed do/ /kha cig ni zhe sdang ba sems mi brtan pa'i ngo bo nyid kyi rkyen gyis te/ de ltar nyes pa gsum gyi zil gyis non pa'i srog chags dag gis srog gcod par byed pa ni mnar med par 'gro'o/ /de la mnar med pa ni kha cig zhing chen por gyur pa de ma shes nas khrag 'byin par byed pa dang / de bzhin du dge 'dun dbyen byed pa dang / dgra bcom pa yang srog dang bral bar byed pa ni phyir zhing zhe sdang gis zil gyis non pa yin te/ de ltar don thams cad med cing rab tu gcod par byed pa de dag ni sems can dmyal ba chen po mnar med par skye bar 'gyur ro/ /de dag 'chi ba'i dus kyi tshe kha cig</font><hr>63.255a<br><font size=+1>

rang gi lus nyid la mnar med pa'i me gnas shing 'byung bar 'gyur/ kha cig 'chi ba'i dus byas ma thag tu srid pa bar mar 'byung bar 'gyur la/ de'i 'og tu mnar med par skye bar 'gyur ro/ /gang gi tshe mnar med pa'i las byas pa de'i tshe de phan chad rab tu 'byung ba myong bar 'gyur ba'i las kyi skal ba nges par bsregs par 'gyur/ de'i sdom pa so sor skye bar mi 'gyur/ dge ba'i las kyi mtha' spyad pa bsregs pa myong bar 'gyur bar ma nges pa dang / lan grangs gzhan la myong bar 'gyur ba dang / skyes nas myong bar 'gyur ba de nges par sems can dmyal bar 'byung bar 'gyur/ de tshe thung bar yang 'gyur/ gang gis lo brgya thub par 'gyur ba de lo nyi shu zhig thub par 'gyur/ gang yid kyis rtog cing sems par byed pa de dag thams cad kyang ji ltar tshwa sgo la sa bon btab pa bzhin 'bras bu med par 'gyur/ de phan chad lha gang phyi bzhin du 'brang ba des de yongs su spong bar byed/ de'i las kyi mtha' 'bras bu med par 'gyur/ de'i dbang po yul rnams la zhan par 'gyur/ rtag tu rmi lam ngan pa dag kyang mthong bar 'gyur/ don med pa kun la yang sbyor bar 'gyur/ gal te de'i bu dang chung ma dang / bran dang bran mo dag yod na de thams cad kyis yongs su spong bar 'gyur/ rtag tu bkres pa dang / skom pas phongs par 'gyur/ gal te zas zhim po zhig sbyar na de yang ji lta ba bzhin du mi 'gyur skad kyang 'gag 'gag por 'gyur/ rtag tu bzhin gyi mdog ngan cing rtsub pa dang / rtag tu sems 'khrul pa dang / rang gi nye du dang / gnyen 'dab kyi tshogs thams cad kyis kyang yongs su brnyas pa dang / de'i sems la glo bur du skrag pa 'byung bar 'gyur/ 'jig rten 'di dag thams cad dud pas 'khrigs par mthong bar 'gyur/ de'i khams sngon ltar nams kyang mnyam par mi 'gyur/ rgyang ring po na gzugs</font><hr>63.255b<br><font size=+1>

mi sdug pa med bzhin du mthong bar 'gyur/ rlung chung ngus ded par 'gyur/ rtag tu bdag nyid tsha bas gdungs par 'gyur/ rtag tu mkhris pa'i nad kyis nyam thag par 'gyur/ de'i kha rtag tu kha ba dang / lan tshwa bro bar 'gyur/ mal gyi gzhi thams cad 'jam pa yin yang rtsub par 'gyur/ gling bu dang / khar rnga dang / rdza rnga dang / pi bang gi sgra dag kyang 'jigs shing bag tsha bar thos par 'gyur na sgra gzhan dag lta smos kyang ci dgos/ de'i sna yang rtag tu nyams par 'gyur te/ des rdzas dri zhim po dag kyang mi tshor ro/ /de'i lus thams cad las kyang dri nga ba 'byung bar 'gyur/ de'i skra dang / spu thams cad 'byi zhing de'i so dag mdog ngan par 'gyur/ rkang pa dang / lag pa rab tu rdol bar 'gyur/ bde ba thams cad las yongs su nyams par 'gyur/ rmi lam na lha dag gis rtag tu gtse bar 'gyur/ de rtag tu snying nad kyis 'debs par 'gyur/ de'i snying gas par 'gyur/ lus rnams kyang sdug par mi 'gyur/ gal te brgya la me tog dag btags na/ de dag myur du rnyis par 'gyur/ de'i gos dag kyang myur du zad par 'gyur te/ lus dang gos dag bkrus kyang dri ma can du 'gyur/ glo bur du lam gol bar 'gro na 'gyel bar 'gyur te/ de'i lus 'gyel bas nyams shing de'i lus la rma mang po 'byung bar 'gyur la yun ring pos 'tsho bar 'gyur/ gnyid log na mgul skams shing sad nas kyang chu 'thung ba nyid du 'gyur/ sbyin byed ma'i bus gnod par gyur pa na grong dang grong khyer dag stong pa nyid du mthong bar 'gyur/ gza' dang / skar ma dang / rgyu skar dag gi gzugs log par mthong bar 'gyur/ rlung chung ngu langs pa kun dang phrad na yang mtshon gyis btab pa lta bur drag par 'gyur/ me chung ngu dag gis reg na yang sreg par 'gyur/ nyi ma yang</font><hr>63.256a<br><font size=+1>

nyis gyur gyis tsha bar 'gyur/ zla ba yang dro bar 'gyur te/ zla ba shin du dro ba myong bar 'gyur/ chu bsil ba thams cad kyang dro bar 'gyur/ tshal dang nags tshal bde ba dag la 'jigs 'jigs ltar 'dug par mthong bar 'gyur/ bya'i skad snyan pa dag wa skad 'jigs pa lta bur thos par 'gyur/ 'jig rten thams cad dur khrod lta bur rig cing rtag tu dga' ba med par 'gyur/ de chang gis mchog tu dga' bar skye bar mi 'gyur/ ngo tsha med cing tshul med par 'gyur te/ srang dang bzhi mdo dag tu skye bo'i mngon sum du bshang gci byed par 'gyur// //'phags pa dam pa'i chos dran pa nye bar gzhag pa/  bam po bcwa lnga pa/ lha thams cad kyis kyang yongs su spangs par 'gyur/ don thams cad med pa'i skal ba can du 'gyur/ mdog tshal shing bsregs pa lta bur 'gyur/ skye bo dang yul mi kun dang zhe 'gras par 'gyur te/ de dag ni mnar med pa de'i mtshan ma tshe 'di la sngar 'byung ba yin no/ /de'i 'og tu de 'chi ba'i mtshan ma 'byung ba ni nyin par zla ba mthong zhing mtshan mo nyi ma mthong bar 'gyur/ rang gi grib ma mi mthong bar 'gyur/ glo bur du sgra mi snyan pa thos par 'gyur/ de'i sna yon por 'gyur/ de'i skra dang kha spu 'dzings par 'gyur/ thog mar rims kyis 'debs shing 'chi ba'i bar du nad kyis 'debs te/ de kun nas me mdag rab tu 'bar ba lta bu'i rims kyis shin du gdungs shing nad bzhi brgya rtsa bzhi lta bu ma yin pa dag gis nyam thag pa/ kun nas me mdag gi klung dag tu 'tshed pa na srin bu'i rigs brgyad bcu dag la rlung brgyad bcu dag lus dang rtsa dang / rgyus pa dang / lpags pa dang / rus pa dang / sha dang / tshil dag tu zhugs nas gnod par byed do/ /'di lta ste/ srin bu'i rigs brgyad bcu dag la rlung</font><hr>63.256b<br><font size=+1>

brgyad bcu dag gis gnod par byed do/ /srin bu spu can la rlung spu sun 'byin gyis gnod par byed do/ /srin bu kha gnag la rlung dag gi rjes su 'thun pas gnod par byed do/ /srin bu sbro med la rlung mi lam 'khrul ston gyis gnod par byed do/ /srin bu rab phye byed la rlung bzod med kyis gnod par byed do/ /srin bu rnam par rmongs byed la rlung lces brjed pa mi bzod kyis gnod par byed do/ /srin bu med mdog byed la rlung ro bro khrid byed kyis gnod par byed do/ /srin bu 'gred byed la rlung mchin pa 'jigs byed kyis gnod par byed do/ /srin bu 'og 'gro la rlung bshang ba steng 'gros gnod par byed do/ /srin bu ud ting ga la rlung gzhang rgyus gnod par byed do/ /srin bu kun rtog mthong la rlung dran pa nyams byed kyis gnod par byed do/ /srin bu dri nga la rlung lpags pa 'jig byed kyis gnod par byed do/ /srin bu rus pa legs skyes la rlung ro bro ba 'jigs byed kyis gnod par byed do/ /srin bu kha dmar la rlung sha 'jig byed kyis gnod par byed do/ /srin bu brtson bcas la rlung rgyags pa 'jig byed kyis gnod par byed do/ /srin bu gnad rgyu za la rlung rus pa 'jig byed kyis gnod par byed do/ /srin bu mtshon cha kha la rlung rus khu 'jig byed kyis gnod par byed do/ /srin bu spu gri kha la rlung gnyer mar song gis gnod par byed do/ /srin bu spu med la rlung mgo skya byed kyis gnod par byed do/ /srin bu khab gdong la rlung rdul 'jig gis gnod par byed do/ /srin bu s+phi s+phi dza la rlung gci ba shin du 'jug byed kyis gnod par byed do/ /srin bu rkang med la rlung zas ldan gyis gnod par byed do/ /srin bu bshang ba g.yeng byed la rlung so 'gas byed kyis gnod</font><hr>63.257a<br><font size=+1>

par byed do/ /srin bu gsum byed la rlung rtse'u chung la sogs kyis gnod par byed do/ /srin bu rgyu ma 'jig byed la rlung 'og tu 'gros gnod par byed do/ /srin bu dpos byed la rlung gyen du 'gros gnod par byed do/ /srin bu mdog bzang la rlung ngos ldang gis gnod par byed do/ /srin bu gzhang rkang la rlung mid par 'gros gnod par byed do/ /srin bu lpags byed la rlung sems sun 'byin gyis gnod par byed do/ /srin bu tshil gnod la rlung 'khrug byed kyis gnod par byed do/ /srin bu bsags byung la rlung mig 'dzums 'byed byed kyis gnod par byed do/ /srin bu dri mi zhim la rlung phan tshun phrad pa lngas gnod par byed do/ /srin bu sa ha tsu ra ba la rlung snying po 'jig byed kyis gnod par byed do/ /srin bu gnod byed la rlung snying po 'chags byed kyis gnod par byed do/ /srin bu snying po me tog skyed la rlung 'ong ba dang / 'gro ba dang gnas pa dang rgyug par byed pas gnod par byed do/ /srin bu ku ha ka chen po dang / phag 'tshong dang / nag po dang / za chen dang / srin bu rkang dro dag la rlung mig dang rna ba dang / sna dang lce 'jig gis gnod par byed do/ /srin bu rus pa 'jig byed la rlung mkhris pa 'jig byed kyis gnod par byed do/ /srin bu rkang gnag la rlung bad kan 'jig byed kyis gnod par byed do/ /srin bu tshigs gcod la rlung gzhungs pa 'jig byed kyis gnod par byed do/ /srin bu glad par rgyu la rlung srin mo gnas kyis gnod par byed do/ /srin bu glad rgyas za la rlung rkang pa ngos gnas kyis gnod par byed do/ /srin bu thod par rgyu la rlung sems med byed kyis gnod par byed do/ /srin bu skra za la rlung 'byed byed kyis gnod par byed do/ /srin bu rna rgyu la rlung 'gro ba nyams byed kyis gnod par byed do/ /srin bu snabs 'khri la rlung long bu 'jig gis gnod par byed do/ /srin bu tshil nad rgyu la rlung 'byin pa 'jig byed kyis gnod par byed do/ /srin bu kha chu 'debs</font><hr>63.257b<br><font size=+1>

la rlung tshigs 'byed kyis gnod par byed do/ /srin bu so drung za la rlung 'byin pa 'jig pa tshor med byed kyis gnod par byed do/ /srin bu kha chu za la rlung spro ba 'jig byed kyis gnod par byed do/ /srin bu bad kan rlan byed la rlung sna 'phul rengs byed kyis gnod par byed do/ /srin bu rab tu skyug byed la rlung ro bro ba bcu khyer ba nang du rgyu zhing du sh+ya ga ta ldog byed kyis gnod par byed do/ /srin bu sbrang rtsi myos la rlung tshigs 'khrugs byed kyis gnod par byed do/ /srin bu ro drug sred la rlung spu dang sen mo dang bshang ba 'jig byed kyis gnod par byed do/ /srin bu bar bur la rlung kha chu 'khrul byed kyis gnod par byed do/ /srin bu ro yid 'byung la rlung shig shig byed kyis gnod par byed do/ /srin bu rmi lam sred la rlung 'doms rengs kyis gnod par byed do/ /srin bu spu za la rlung bshang ba skams byed kyis gnod par byed do/ /srin bu so su ra la rlung rtsib logs 'ching byed kyis gnod par byed do/ /srin bu skye ba'i ma la rlung khwa bu ga drug gis gnod par byed do/ /srin bu u ma ba ra la rlung yan lag dang nying lag 'thung byed kyis gnod par byed do/ /srin bu rab zag la rlung me 'jig byed kyis gnod par byed do/ /srin bu spu gling la rlung yan lag dang nying lag kun byed kyis gnod par byed do/ /srin bu spu zan la rlung brtan 'gems kyis gnod par byed do/ /srin bu si mi si ma la rlung yan lag kun khyab kyis gnod par byed do/ /srin bu u ma bu ga la rlung sreg byed kyis gnod par byed do/ /srin bu rmas bslad la rlung 'jig byed kyis gnod par byed do/ /srin bu tsun tsu sgra la rlung steng 'og gis gnod par byed do/ /srin bu rgyus pa gcod la rlung mi'i srog gang la song ba 'chi byed kyis gnod par byed do/ /srin bu</font><hr>63.258a<br><font size=+1>

rtsa gcod la rlung mig 'byed kyis gnod par byed de/ ji ltar srog chags thams cad 'chi ba'i dus su srin bu dag la rlung dag gis so so nges par gnod pa byed pa de ltar mnar med pa ma yin te/ de'i las ngan pa byas pas 'og dang steng du mi mthun pa'i las kyis byas pa'i rlung rab tu drag pa dag so sor ldang ste/ de ltar rlung brgyad bcu dag gis srin bu brgyad bcu dag la gnod par byed do/ /rlung dag gis ji lta ji ltar srin bu dag la gnod par byed pa bzlog pa de lta bu mi byed do/ /dang por rlung pib pa la ka dri zhim pa dag gis de'i lus thams cad ji ltar bu ram shing dbang shing gis btsir ba de ltar skams par byed do/ /khrag thams cad skams par byed/ gnad thams cad du gnod par byed/ rgyus pa thams cad gcod par byed/ sdug bsngal gyis rkang thams cad rab tu 'ju bar byed do/ /nyes par byas pa las kyi mtha' spyad pa 'chi ba'i dus kyi tshe mnar med pa de'i khar srin bu gsal bar 'byung bar 'gyur ro/ /sems can dmyal ba pa de'i khyim ni 'di lta ste/ ko ba nag pos g.yogs shing phyogs gcig tu rab tu 'bar ba dang / yang ko ba nag po de'i phyogs gcig nas me 'byung ste/ khang pa'i nang thams cad rab tu 'bar bar mthong ngo / /des khyim rab tu 'bar bar mthong nas bzhin mog mog por gyur te/ ngu zhing skad 'byin la lag pa g.yob par byed/ mig 'gul bar byed/ kha nas kha chu 'dzag par 'gyur/ so dag gis so dag la 'debs par byed/ mchus mchu la reg par byed do/ /snang ba gnyis pa mthong ba ni mun pa mun nag thibs por gyur cing ri brag chen po la so sor 'jigs pa chen po seng ge dang / stag dang / dred dang / gung dang / sbrul 'jigs pas gang ba steng du 'ong ba mthong nas bshang ba 'byin to/ /de'i steng du ri de 'ong ba'i 'jigs pas lag pa rkyong bar byed pa dang / de nye du dag</font><hr>63.258b<br><font size=+1>

gis mthong nas nam mkha' la reg par 'dod do zhes smra'o/ /de'i 'og tu de bzhin du brag dang / nags tshal dang / ri 'or dang / lcug tshal mang po 'bar ba'i phreng ba steng du 'ong bar mthong ste/ shin du 'khrul pa ngu skad 'byin cing sgra ngar ngar po 'thon la bshang ba 'byin to/ /mig 'gyur bar byed cing 'jigs bzhin mog mog por mchi ma 'byin par byed/ spu tsher ma ltar 'greng / de'i rlig pa yang gyen du 'greng la khu chu gtong bar byed do/ /de'i 'og tu yang de 'byung ba chen po bzhi dag kun du 'khrug par 'gyur te/ 'di lta ste/ sa'i khams dang / chu'i khams dang / me'i khams dang / rlung gi khams so/ /de la sa'i khams 'khrugs pas yan lag thams cad sra ba'i ngo bos rdung bar byed de/ dper na rdo gnyis dag gi dbus su dbu ba'i gong bu bzhin gnod par byed pa dang / dper na bye ma chang pa nas gtor ba bzhin lus kyi dbyibs thams cad dang / yan lag dang nying lag thams cad kun nas gnod par byed/ rnam par zhigs par byed/ rnam par gcod par byed de/ de'i sa'i khams 'khrugs pas de sdug bsngal shin du tsha ba myong bar 'gyur ro/ /de'i 'og tu de'i las nyes par byas pas chu'i khams kyang rab tu 'khrugs par 'gyur te/ de 'khrugs pas de ngu skad 'byin cing sgra ngar ngar po 'don to/ /de'i rgyus pa dang shar bcas pa rlan cing lhod lhod por 'gyur te/ chu'i rgyun mang du 'byung bar 'gyur/ de'i rna ba dang mig nas kyang chu'i rgyun mang po byung ba nub par 'gyur ro/ /de'i 'og tu me'i khams kyang 'khrug par 'gyur te/ de me mdag gi tshogs mang po'i nang du bcug nas sreg go/ /de'i sdug bsngal ni yan lag dang nying lag thams cad sdug bsngal drag cing tsha la rtsub cing gdung ba skye bar 'gyur te/ 'jigs pas nyam thag pa de ngu skad 'byin/ 'o dod 'bod/ glo g.yas g.yon 'gyur bar byed/ </font><hr>63.259a<br><font size=+1>

lag pa g.yob par byed de/ mgo skad cig kyang 'jog mi phod do/ /de'i 'og tu rlung gi khams kyang 'khrugs par 'gyur te/ de'i rlung gi khams sra ba rtsub pa/ mang ba/ yang ba/ grang bas yan lag dang / nying lag thams cad mkhrang ba nyid kyis rdung bar byed/ mang ba nyid kyis gleb par byed/ yang ba nyid kyis nam mkha' la 'deg pa ltar byed cing g.yang sa chen por 'dor ba ltar byed/ grang ba nyid kyis rgyus pa dag skum par byed do/ /de 'chi ba'i dus kyi tshe sbrul rab tu gdug pa lta bur 'byung ba chen po bzhi dag rab tu 'khrugs pa'i sdug bsngal gyi rnam pa de lta bu 'byung bar 'gyur te/ gang dpe bya bar yang sla ba ma yin no/ /de'i lus thams cad bu ba'i gong bu bzhin du myur du 'gyes par 'gyur/ rnam par 'jig par 'gyur/ sreg par 'gyur/ 'tshed par 'gyur te/ kun nas sdug bsngal gyi tshor ba mi bzad pas nyam thag pa mal gyi mtha' ma nam mkha' la nyug ste/ de'i srid pa tha ma pa'i sems nye bar 'gyur ro/ /de ri brag che zhing mtho ba'i khar bteg bteg nas 'dor bar byed de bor nas de rten med pa nam mkha' la kun du 'khyam zhing yongs su 'khyam mo/ /de nas rgya'i 'bur lta bur de srid pa tha ma'i sems dang ldan par 'gyur te/ des gshin rje'i mi byad bzhin dang / rkang lag mi sdug par bsgyur ba/ kha gdong glang po che dang / rta dang / bong bu dang / phag dang / gung dang / seng ge dang / stag dang / gzig dang / ne'u le dang / wa dang / skyugs pa za ba lag na mtshon cha sna tshogs thogs pa dag gis sems can dmyal ba pa de la bsdigs pa na/ de gcig pus mthong gi gzhan gang gis kyang de mi mthong ngo / /de 'jigs pa mi bzad pas mig 'gyur zhing mar me'i snum zad nas 'chi ba bzhin du 'chi bar 'gyur te/ srid pa bar mar de'i gzugs bltar snang la thogs pa med</font><hr>63.259b<br><font size=+1>

pa byas pa byis pa lo brgyad lon pa lta bur skye bar 'gyur ro/ /'chi ba'i dus byas ma thag tu gshin rje'i mi rnams kyis 'dzin par byed de/ bzung nas kyang lcags kyi thag pa rab tu 'bar bas mgul nas 'ching zhing lag pa gnyi ga phyin ci log tu bcings so/ /des phyogs dang phyogs mtshams dang sa gzhi dang nam mkha' dag rtag tu 'bar rab tu 'bar ba kun du rab tu 'bar bar mthong ngo / /me'i nang de dag na gshin rje'i mi byad bzhin mi sdug par bsgyur ba du ma dag kyang mthong ste/ me'i nang de dag tu 'dor bar byed do/ /'dor zhing sems can dmyal ba pa de dag la bsdigs pa na lag na mtshon cha sna tshogs pa de dag mthong nas thag pa'i bcing bas bcings te gshin rje'i mi mchog tu 'jigs shing skrag par byed pa de dag gis spyo zhing lho phyogs dag tu khrid pa na/ 'di ltar snying rje rje skad yongs su smre sngags 'don to/ /ded dpon mi mkhas 'khrul pa ltar/ /gson pa'i sa nas bdag nyams so/ /byad bzhin bsgyur bas yongs bskor cing / /dbang med 'jigs pa dag tu khrid/ /rtag tu bar snang phyogs dag dang / /phyogs mtshams nyid dang sa rnams dag /thams cad bar chad med par ni/ /'bar ba'i phreng ba dag gis 'khrugs/ /sdug bsngal dbang med gang du khrid/ /bdag gis gnas ni mi shes so/ /'brog dgon dag tu bdas pa na/ /kun nas grogs ni byed pa med/ /sdug bsngal 'di las rnam grol bar/ /mgon skyabs byed pa gang yang med/ /nus pa med cing dbang med la/ /sdug bsngal me yis yongs gdungs so/ /bcing bas lag pa bcings nas su/ /dbang med bdag ni gang du khrid/ /don rnams dang ni mdza' bshes dang / /bu dag dang ni chung ma la/ /kyi hud bdag drin chud zos te/ /sdug bsngal</font><hr>63.260a<br><font size=+1>

'di las skyob mi byed/ /dga' ba med cing nyams gyur la/ /sems ni sdug bsngal dag gis nyams/ /'chi ba'i zhags pas bzung ba yi/ /skyabs ni nye bar mi mngon no/ /bdag la khros ltar tshig smra ba/ /kun nas spyo ba brgyad par byed/ /'di gang yin zhig kun nas su/ /'ching ba 'di ni gang zhig yin/ /bdag gis gang dang gang mthong ba/ /yul dang de bzhin dgon pa ste/ /de dang de dag kun gyi nang / /thams cad me yis yongs su bskor/ /phyogs rnams kun na dga' med de/ /'khrug pa dag gis yongs su bskor/ /skyabs su 'gyur ba yong med cing / /bdag la kun nas grogs med do/ /mun gnag mi bzad nang du 'jug /me mdag phung por bcas pas bsgribs/ /nam mkha' rgyu skar gza' dag dang / /skar ma dag kyang mi mthong ste/ /'di dag thams cad log pa yin/ /mun gnag dag gis yongs su bskor/ /dbang po lnga ni thams cad dag /kun nas phyin ci log tu gyur/ /bdag gi lus ni thams cad dag /sog les yongs su gsheg par byed/ /skyabs su 'gyur ba yong med de/ /bdag gi gnas ni gar 'gyur zhig /sdug bsngal tshogs ni 'phel 'gyur te/ /bdag ni kun nas yongs su bskor/ /lus dang sems las skyes pa yi/ /sdug bsngal yang dang yang du 'phel/ /sdug bsngal gyis ni non pa na/ /de la kun nas grogs med do/ /rang gi las kyi 'bras bus dkrugs/ /las kyis bskyed pa'i gshin rje dang / /'khor dag shin du 'khrugs nas su/ /bltas te de nas tshig smras pa/ /sngon chad bya ba gang byed pa/ /de ni phyi nas yongs su sems/ /gti mug gis ni yongs bslus pa/ /phyi nas ci zhig yongs su gdung / /gnod las gnod pa gang che ba/ /sdig pa las ni sdig pa che/ /khyod kyis ngan byas gang byas pa/ /sdug bsngal</font><hr>63.260b<br><font size=+1>

las ni sdug bsngal che/ /bskal pa 'am bskal pa'i lhag ma ru/ /khyod ni me yis sreg par byed/ /ngan byas mang po ci byas pa/ /gti mug yongs su bsam par gyis/ /las kyi zhags pas bcings pa la/ /lha dang lha min dri za dang / /sha za lto 'phye srin po dag /khyod la yongs su skyob mi byed/ /las kyi zhags pas gang bcings pa/ /mi de sems can dmyal bar bcings/ /rgyu dang rkyen gyis 'gro ba yi/ /thams cad dbang med khrid par byed/ /las byas nges par 'gro ba ni/ /ma ni gsod par byed pa ste/ /sdig pa 'di ni shin du sdig /sdig las sdig pa chen po yin/ /gang gis khyod ni sngon bskyed pa/ /pha yi khu chu las bskyed na/ /de la khyod kyis gnod byas shing / /dbang med mtshon gyis srog bcad byas/ /gang zhig khams gsum khyad par 'phags/ /nyes pa thams cad rnam spangs shing / /'ching ba kun las nges grol ba/ /de la khyod kyis sdig pa byas/ /chos rnams kun gyi gter yin zhing / /thar pa'i sgo ni rnam 'byed pa/ /khyod kyis dge 'dun dbyen byas sdig /de yi 'bras bu 'dir 'ongs so/ /sbyor ba thams cad las 'das shing / /bag la nyal ba kun spangs pa/ /rmongs pas dgra bcom gnod bskyed pa'i/ /de yi 'bras bu nye bar spyod/ /chos rnams kun la me lta bu/ /bden pa rin chen rnam 'jig pa/ /rtag tu khyod kyis brdzun smras pa'i/ /de yi gnod pa spyad par gyis/ /phan tshun dbyen ni bya ba'i phyir/ /bsams bzhin du ni yang dang yang / /phra ma de ni mngon smras pa/ /de yi 'bras bu 'dir 'ongs so/ /gang gi rgyud la gdung byed mchog /mtshon dang me dang dug lta bu'i/ /khyod kyis rtag tu tshig rtsub smras/ /de yi 'bras bu nye bar spyod/ /snga phyi 'brel pa med pa'i tshig /don med rigs pa med pa dang / /'brel myed mang du smras pa yi/ /de yi 'bras</font><hr>63.261a<br><font size=+1>

bu 'dir thob po/ /srog ni rtag tu lhur len pa/ /srog chags dbang med 'jigs byas shing / /khyod kyis mang du rnam par gtses/ /de yi 'bras bu mang po thob/ /chags pas non pa'i yid kyis su/ /khyod kyis gzhan gyi nor rdzas phrogs/ /gang dag 'dod pa'i dbang song ba/ /de yi dus ni 'dir 'ongs so/ /rnam rtog bud shing byung gyur pa/ /me ni gnyis pa 'dra ba yin/ /'dod pa dag la log par spyad/ /don med ci zhig yongs su gdung / /gzhan gyi nor la chags sems pa/ /rang nyid kyi ni bsam pas bsams/ /de la bya bar nus pa med/ /de yi 'bras bu de ring spyod/ /gang la gnod sems mang yod pa/ /de yis gnod sems yongs su bsams/ /dmyal dang nye ste de lta bas/ /nged cag gis ni yongs su 'dren/ /log par ston pa mi bzad de/ /las gnyis rnam par 'jig byed pa/ /khyod kyis log par lta ba la/ /gzhan gyi yid dag mngon par bcug /lus dang ngag dang yid rnams kyis/ /sdig pa'i chos ni 'di dag ste/ /gti mug rjes su zhugs khyod kyis/ /byas shing gzhan dag rab tu sbyar/ /byas pas nges par 'gro ba yi/ /dmyal ba drag po 'di thob ste/ /nged cag gis ni yongs bskor ba/ /gti mug ci zhig yongs su gdung / /rgya mtsho'i khyad par gang yin pa/ /gang gi khyad par chu thigs tsam/ /gang dag mi bzod thob pa yi/ /sdug bsngal 'di ni de tsam mo/ /mi ni gang zhig sdig byed pa/ /de bdag nges par phangs mi byed/ /bdag gi yid la sdig pa byas/ /sdig pas sems can dmyal bar 'tshed/ /sdig pas sdig pa'i rjes su 'gro/ /de bzhin dge bas dge bar mthong / /sdig byed dge la sdang ba ni/ /sems can dmyal bar skye bar 'gyur/ /mi dge'i blo yis dge ba dag /btang nas ci phyir sdig par 'gro/ /rmongs</font><hr>63.261b<br><font size=+1>

pas rin chen bor nas su/ /ci phyir rdo'i rjes su rgyug /sangs rgyas rin chen la sogs pa/ /sna tshogs chos kyis mtshungs par gang / /mi yi chos ni thob pa dag /ci phyir mang du spyad mi bya/ /sdig pa yongs su spangs pa yin/ /sems ni rtag tu dge ba dag /mya ngan 'das pa lag na yod/ /rtog pa rnams kyis mi mthong ngo / /thog ma dbus dang mthar dge ba/ /bde ba'i chos ni rtag tu 'byung / /thog ma dbus dang mthar mi dge/ /sdig pa'i las kyi 'bras bu yin/ /de ltar rtag tu sdig spangs shing / /rtag tu dge la dmigs par gyis/ /sdig pa yongs su spangs pa ni/ /rtag tu bde la gnas pa yin/ /'khor ba thog ma med pa nas/ /yang dang yang du sdig pas gdungs/ /byis pa gti mug dbang song ba/ /ci yi phyir na skyo mi bya/ /sdig pa yis ni sngon bsregs shing / /phyi nas me yis sreg par byed/ /sdig pa'i rgyu las byung ba'i dmyal/ /sdig pa rnams su yongs su 'tshed/ /sdig pa don med smra ba ni/ /sems ni yang bas smra bar byed/ /tsha ba gang gis yongs sreg pa/ /ci yi phyir na sdig par byed/ /khyod ni sgo dag du mar gyur/ /de lta bas na sdug bsngal 'gyur/ /de ltar de ni bsdigs pa na/ /gshin rje'i pho nya du ma yis/ /las kyi zhags pa'i dbang song la/ /mi bzad dmyal bar 'khrid par byed/ /de yi yan lag dang nying lag thams cad shing khong stong gi nang na me 'bar ba lta bus bsregs shing thag nye ba na sems can dmyal ba chen po'i sgo gang dpe bya bar yang mi nus pa mthong ngo / /'dir tshigs su bcad pa/ gru bzhi pa la sgo bzhi yod/ /dpag med sbrul gyis rnam par phye/ /sems can dmyal ba du ma dag /dbang med der ni 'tshed par byed/ /de ltar de sems can dmyal ba pa rnams kyi sgra chen po shin du mi bzad pa rtsub pa tsha ba mi snyan pa tha dad pa 'jigs su rung zhing gzhan dang</font><hr>63.262a<br><font size=+1>

mtshungs pa med pa thos nas mi mthun pa dag dpag tshad nyi khri lnga stong nas de mngon par thos so/ /thos nas gang sems can dmyal ba gzhan du skyes pa'i sems can de dag kyang sems can dmyal ba'i sdug bsngal de thams cad brjed nas sems 'khrugs par gyur cing de las gzhan pa sems can dmyal ba pa thams cad kyang byas pa'i sdug bsngal brjed nas 'chi ba'i dus byed na/ gang gis sngon gyi sgra de dag rnams kyang ma thos pa lta smos kyang ci dgos/ sems can dmyal ba pa'i snang ba byas pa'i srid pa bar ma la sdug bsngal sna tshogs kyis nyen pa de'i sems rnam par rmongs te/ yang phyir zhing sgra des bcu 'gyur du rnam par rmongs so/ /de yi sdug bsngal gyi rnam pa mtha' dang mu med pa lus dang yid la sdug bsngal gyis nyam thag pa'i sems de phyir zhing rmi lam gyi gzugs brnyan lta bur rnam par 'khrug par 'gyur ro/ /de mnar med pa dang nye bar gnas pa de'i tshe/ las kyis bskyed pa las kyis byas pa'i rlung grang ba ldang ste/ khyad par gang sa'i 'og na chu yod cing / sa'i 'og gi bar na chu gnas pa bar gyi bskal pa'i nyi ma thams cad kyis kyang sngon ma reg pa de lta bu bas kyang de grang ste/ gang mi'i chab ram shin du grang ba dang 'dra'o/ /chu de dag pas shin du grang ba las kyis byas pa'i spu gri lta bu'i rlung de ri dpag tshad bcu pa yang sgyel nus par ldang ste/ phal cher rlung de'i nang du bcug nas srid pa bar ma'i grang ba rnam pa de lta bus gzugs la sogs pa'i phung po bdas so/ /'di ltar de dang mthun pa'i nyi ma bdun shar ba'i tsha ba stong pas lhag par tsha ba'i me mngon par 'bar ro/ /srid pa'i yan lag ni 'di yin te/ 'di lta ste/ nye bar len pa'i rkyen gyis srid pa 'byung ngo / /de 'dod pa bskyed ma thag nyid du srid pa bar ma'i phung po 'gag par 'gyur la srid pa gzhan du skye ba'i tshor ba'i phung po dag 'byung bar 'gyur te/ dper na sum</font><hr>63.262b<br><font size=+1>

bcu rtsa gsum pa'i lha rnams kyi mig lnga dang / bzhi dang / gsum 'byung ba de bzhin du las kyi dbang gis mi 'dra ba'i lus dpag tshad gcig pa mngon par 'grub par 'gyur ro/ /de mgo thur du bstan cing rkang pa gyen du bsgreng ste ltung ba na mnar med pa'i me lce rab tu 'bar ba'i shugs kyis brdabs shing rab tu nyams pa lo nyis stong du 'gro'o/ /de ltar spyi'u tshugs su de mnar med pa'i sar song ste/ de'i 'og na de las gzhan pa 'di lta ste/ mnar med pa med do/ /'dod pa'i khams 'di'i mtha' ni mnar med pa yin la gzugs kyi khams kyi mtha' ni gyen du drangs te 'og min gyi lha'i bar yin te khams gnyis so/ /de ltar de ltung ba na skye ba'i srid pa thob nas de ma thag pa'i rkyen gyis rtag tu gnod cing sdug bsngal gyi shugs rab tu 'byung ste/ de'i drung na rab tu tsha bar skyes pa'i sems can dmyal ba pa dag gzhan 'phrul dbang byed kyi lha dang 'dra bar mngon no/ /de 'bar ba 'khrugs shing mi bzad pa'i sems can dmyal ba'i nang du skyes so/ /skyes ma thag tu sems can dmyal ba pa'i mes yud tsam zhig gdungs te/ de'i tshe lus yongs su bsregs shing tsha bar 'gyur ro/ /de'i gnas de yongs su tshol bar byed de/ gal te ri'i rgyal po ri rab la 'khyud cing / de ltar de stong phrag drug bcur yongs su bskor la/ de chu bo dang / shing ljon pa dang / lteng ka dang / nags tshal du bcas pa bskor ba tsam gyis sems can dmyal ba pa'i me du mas sreg par byed de/ sems can dmyal ba pa gzhan yun ring du skyes pa dag ni ma gtogs so/ /de ltar sreg pa 'di chung zad 'dra ba bstan pa ni 'di ltar me shin du tsha bas dog le yongs su bsregs pa'i nang du snum gyi thigs pa bsregs pa de bzhin du las kyi rgyu gcig gis mnar med par skyes pa'i lus las 'byung po</font><hr>63.263a<br><font size=+1>

ri tshogs gnas dang bcas pa dang / ri dang / lha dang / lha ma yin dang / ri chen po dang / sman ljongs dang / gling dang / tshal du bcas shing rgya mtsho dang bcas pa sreg go/ /gang gis las gnyis byas na des rgya mtsho gnyis snga ma bzhin sreg go/ /gang gis gsum byas na rgya mtsho gsum sreg go/ /de ltar bzhis rgya mtsho bzhi ste/ lus la dog le bsregs pa bzhin lhung ma thag tu sreg go/ /ri khor yug dang / khor yug chen po dang / rgya mtshor gtogs pa dag ni klu dang / lha ma yin dang / dud 'gror skyes pa'i tshogs dang bcas pa dang / mi'i gnas bzhi dang / 'dod pa na spyod pa'i lha drug dag gi skyabs yin no/ /de ci'i phyir zhe na/ mnar med pa'i sems can dmyal ba pa dag gi lus dri nga ba des de dag thams cad ma rung bar 'gyur te/ de ltar sems can dmyal ba pa dag dri nga ba'i lus las dri 'byung ngo / /ri mthon po dag gis dri de yong mi tshor te/ sems can dmyal ba pa de las byas shing bskyed pa dang / ma bskyed pa dang / rnam par phye ba'i dri nga ba de dri gzhan gyis dpe bya bar mi nus so/ /de'i tshe sems can dmyal ba pa rnams kyi bya'i rigs dag 'byung bar 'gyur te/ mchu rab tu 'bar ba mkhrang zhing rno la shugs ser ba myur du 'bab pa lta bu'i shugs kyis sems can dmyal ba pa de dag thams cad kyi lus dang / lpags pa dang / sha dang / tshil dang / rus pa dang / rkang rnams rab tu 'dren te/ 'di lta ste/ me las me 'byung ba de bzhin du 'byung zhing der gnas der 'gro de la za'o/ /sems can dmyal ba pa rnams kyi sha zos/ rus pa phug /sha drangs nas khrag la 'thung ngo / /de dag kyang zos nas rkang dag la za'o/ /de nas ngu zhing cho nges 'debs la yongs su smre sngags 'don cing rmongs pa na bya'i rigs gzhan dag 'byung bar 'gyur te/ 'di lta</font><hr>63.263b<br><font size=+1>

ste/ bya me lce spyod pa zhes bya bas gang me lce'i nang du zhugs nas sreg ste/ mthong ma thag tu sems can dmyal ba pa rnams kyis glad pa phug nas khrag 'thung ngo / /bya glad pa'i bar na rgyu zhes bya bas glad pa phug nas mchu rab tu 'bar bas glad rgyas 'thung ngo / /bya zas su lce za zhes bya bas lce kha gnyis su drangs nas rab tu za bar byed do/ /de yang zos shing yang pad ma'i 'dab ma ltar shin du 'jam pa skye'o/ /bya so 'byin zhes bya bas mchu gnyi ga phra skam ltar 'dzin cing rab tu 'bar bas so thams cad 'byin par byed do/ /bya mid pa la sogs pa 'dren pa zhes bya bas gang mid pa'i sha dag zhib mor 'thub cing za bar byed do/ /bya glo ba za ba zhes bya bas gang glo ba dag za bar byed do/ /bya pho ba za ba zhes bya bas gang snying dag gshags nas der zhugs te ro bro ba za bar byed do/ /bya mchin pa 'jig byed ces bya bas gang mchin pa dag za bar byed do/ /bya bu gar za ba zhes bya bas gang sems can dag gi bu ga za bar byed do/ /bya sgal tshigs dga' zhes bya bas gang sgal tshigs dag phug nas gzhungs pa dag zos te phyir 'byung ngo / /bya gnad gsang zhes bya bas gang gnad kyi bar thams cad phug cing gnad dag phye ste/ bar du zhugs nas ngu bzhin du rkang gi bcud 'thung ngo / /bya khab ltar 'bigs zhes bya bas gang mchu khab lta bus khrag 'thung ngo / /de bzhin du bya 'gram rus kyi bar du zhugs shing rus pa gzhan dag phug nas rus pa'i bar na gnas shes bya bas phyi rol na yang za bar byed do/ /bya lpags pa rnam drug za zhes bya bas gang lpags pa rnam pa drug za bar byed do/ /bya sen mo 'byin zhes bya bas gang sen mo thams cad 'byin to/ /bya tshil za zhes bya bas gang lpags pa dag phug nas tshil za bar byed do/ /bya rgyus pa 'byin zhes bya bas gang rgyus pa thams cad phyung nas za'o/ /bya shad</font><hr>63.264a<br><font size=+1>

'dzings zhes bya bas skra drung nas 'byin par byed do/ /de ltar de mnar med pa'i phyogs dpag tshad sum stong na bya 'jigs 'jigs ltar 'dug pa zhes bya ba des sems can dmyal ba pa de las gzhan pa rnams kyis de ma thag tu lo 'bum phrag du mar za bar byed cing yang slar 'byung bar byed do/ /de gal te yang mnar med pa na bya 'jigs 'jigs ltar 'dug pa'i phyogs de dag las thar na sdug bsngal gyi dra ba thams cad kyis yongs su dkris pa ngam grog dang g.yang sa zhes bya ba'i phyogs gnyis pa yod de/ der mgon 'dod pa/ skyabs 'dod pa/ skyob par 'dod pa 'gro ba na/ kun nas me lce'i phung po bcu gcig gis khebs shing grogs med la las kyi zhags pa'i bcing bas bcings nas phyi nang kun du dgras gang ba'i dgon par zhugs so/ /sems can dmyal ba'i tshogs thams cad pas ches shin du nyon mongs par zhugs la ngam grog dang g.yang sa zhes bya ba'i phyogs su rgyug ste/ der lhung nas rkang pa rab tu sreg go/ /bteg pa dang shin du 'jam zhing gzhon sha can du 'gyur te/ sdug bsngal tsha zhing mi bzad pa'i sdug bsngal gyis mngon par gdungs so/ /de ltar de 'jigs shing bzhin mdog mog mog por gyur pa'i rkang lag dang yan lag thams cad rab tu zhum pa na ngam grog dang g.yang sa zhes bya ba'i yul de 'byung bar 'gyur te/ ngam grog dang g.yang sa dpag tshad sum stong yod pa'i yul der de lhung bar 'gyur ro/ /yang las kyis byas pa'i rlung gis 'deg cing de 'dor ba na/ bya kang ka dang / khwa dang / bya rgod dang / 'ug pa rnams kyis za bar byed do/ /de nas yang rlung spu gri dang me lta bus gyen du 'deg cing 'dor ba na/ de dag nyid kyis za bar byed de/ de ltar de 'deg cing 'dor ba lo 'bum phrag du mar byed do/ /de la gal te yang de las thar na 'khor lo ltar yongs su bskor ba mtshan ma'i bar zhes bya ba'i phyogs su rgyug</font><hr>63.264b<br><font size=+1>

go/ /phyogs der yang 'khor lo'i rtsibs stong yod la lte ba rdo rje las byas pa shin du 'bar zhing myur bar 'khor ba 'byung ste/ de dang lhan cig 'gro ba nyid kyis 'khor lo de lus la bab nas 'khor ro/ /mgo'i 'khor lo gcig gis glad pa 'thag par byed/ de nas glad rgyas rab tu 'bar ba dag 'byung ba nas mig gi bar du 'byung bar byed do/ /phrag pa gnyis ka la 'khor lo gnyis 'khor te des rus pa dang rkang dag phye mar rlog go/ /lag pa gnyis la yang 'byung ste/ des gtsub shing bzhin du lag pa gnyi ga la me 'byung la/ de me nyis 'gyur gyis sreg go/ /de bzhin du de'i brang la 'khor lo rab tu 'bar ba yongs su 'khor te des de'i rus pa thams cad bcom bcom nas 'thag ste/ bye ma'i phye ma bzhin du byed do/ /de'i rgyab la yang lcags kyi me mdag gis reg cing 'khor lo rtsibs stong pa 'khor te/ des brang gi phyogs dang / rgyab kyi rus par gtogs pa la sogs pa thams cad 'joms so/ /de nas de'i 'doms su lcags kyi mtshon brang kol li ka 'byung ste/ des mdoms thams cad gtsub shing bzhin du gtsubs nas 'dren par byed cing de'i long ka thams cad 'bigs par byed do/ /phug nas kyang rgyu ma dag la yang 'bigs par byed do/ /pus mo'i lha nga la yang 'khor lo 'byung ste/ des pus mo'i lha nga de 'bigs par byed do/ /de bzhin du long bu la yang 'byung ste/ des de'i rus pa dag phug nas rkang dag za bar byed do/ /de'i rkang mthil la yang phur bu rnams kyis 'bigs par byed de/ des kyang gdung ba cher byas shing sdug bsngal skyed par byed do/ /de ltar las kyi mtha' nyes par byas pa spyod pa mnar med pa'i sdug bsngal rang gi las kyis byas pa thun mong ma yin pa mi bzad pa tsha ba rtsub pa'i gnod pa dag lo 'bum phrag du mar 'byung bar 'gyur ro/ /de gal te yang</font><hr>63.265a<br><font size=+1>

de las thar na gnod pa myong bzhin du 'bros par byed do/ /mgon 'dod pa/ skyabs 'dod pa/ dpung gnyen 'dod pa de bros pa na ri chen po zhig yod par mthong nas de la rgyug go/ /ri de yang srin bu mar ko ta ka yan lag dang nying lag rab tu 'bar ba rnams kyis gang la/ de ltar de srin bu mar ko ta ka reg na rtag tu me ltar tsha ba rnams kyi nang du skye bar 'gyur te/ de rnams kyis de kun nas yongs su bskor nas rdul phran tsam du za bar byed do/ /cho nges 'debs pa na srin bu mar ko ta ka kha'i nang du yang zhugs nas mid par song ste/ pho ba dang / long ka'i nang du zhugs nas za bar byed cing de sdug bsngal mi bzad pa tsha ba rtsub pa dag myong ngo / /gang sngon shin du nyes par spyad pa byas pa dang / gang mnar med pa byas pa dang / mi dge ba bcu'i las kyi lam dang ldan pa de ni rgyu de dang 'thun pa'i 'bras bu nye bar spyod par 'gyur te/ de ltar de srin bu mar ko ta ka'i ri der lo 'bum phrag du mar sdug bsngal myong bar 'gyur ro/ /gal te yang de las thar na sha za ba seng ge dang / stag dang / dred dang / gung dang / dom gyis gang ba'i tshal du rgyug pa dang / de rnams kyis de bzung ngo / /bzung nas kyang yan lag rab tu za bar byed de/ la la ni glad pa brtol nas glad rgyas za bar byed/ la la ni brla'i ngos la/ la la ni rgyu ma la/ la la ni gnye ma la/ la la ni long ka la/ la la ni pho ba la/ la la ni byin pa'i spu la/ la la ni pus mo la/ la la ni rkang pa la/ la la ni rkang mthil la za ste/ de ltar de bza' bza' nas yang shin du gzhon sha can du 'byung bar 'gyur ro/ /shin du gzhon sha can de la yang dang yang du lhag par sdug bsngal myong bar 'gyur la yang zos na yang de'i sha rdzogs par skye bar 'gyur te/ des srog gcod</font><hr>63.265b<br><font size=+1>

pa byas shing bsags pa'i 'bras bu ni de yin no/ /de ltar de rang gis byas pa gzhan dang mi 'dra ba'i sdig pa'i las de lo 'bum phrag du mar myong bar 'gyur ro/ /de nas yang dge slong de ma byin par len pa kun du bsten cing bsgoms te mang du byas pa'i 'bras bu so so yang dag par myong ba la rtog par byed de/ des thos pa las byung ba'i shes pas brtags na/ 'di ltar de nyes par byas pa'i las kyi mtha' la spyod pa mgal me'i 'khor lo dang / dri za'i grong khyer dang / ri dgas skom pa lta bu dag la don gyi rnam pa chen po dbyig dang / nor bu dang / gos dang / nor dang / 'bru'i tshogs su lta'o/ /de ltar de chags pas zil gyis non la/ las kyi rmongs pa dag 'di snyam du sems te/ 'di dag ni bdag gi yin no snyam mo/ /de ltar rmongs pa sdig pa byed pa de me mdag rab tu 'bar ba'i chu bo dag las rgal nas rdzas kyi rnam pa de dag gi drung du rgyug pa dang / las kyis byas pa'i gshin rje'i mi rnams kyis bzung ste/ de mtshon cha'i dra ba'i nang du bcug nas yan lag dang nying lag thams cad gsheg cing gcod la sreg ste rus pa'i lhag ma ma lus par byed kyang de thog ma med pa'i dus nas zhugs pa de gnas skabs de dag tu yang 'dod pa de spong bar mi byed do/ /'dir tshigs su bcad pa/ bud shing lta bu'i rtog byung bas/ /nga rgyal phrag dog me ltar 'bar/ /shing gi mes ni mi sreg gi/ /'jig rten 'dod pa'i mes sreg go/ /'dod pa'i dug gis zin pa gang / /de dag la ni bde ba med/ /'dod pa bsnyen cing bsten byas na/ /phyir yang de bzhin rab tu 'phel/ /ji lta ji ltar 'dod gyur na/ /'dod pa du ma 'phel bar 'gyur/ /me las 'bros par nus srid kyi/ /'dod pa'i me las mi nus so/ /'dod pas yongs su bslus pa yis/ /'jig rten 'khor lo bzhin du 'khyam/ /thog ma med pa'i 'jig rten la/ /'dod pa lta bu'i dgra med do/ /'dod pas yongs su bslus</font><hr>63.266a<br><font size=+1>

pa dag /rgya mtsho'i chu nang 'jug par byed/ /mtshon cha thigs pa 'bab pa yi/ /g.yul du yang dag rab tu 'jug /'dod pa'i rgyu yis sa bdag rnams/ /phan tshun dag tu 'jig par byed/ /nor la sred pas ma bu yang / /'thab mo'i g.yul ni 'gyed par byed/ /sred pa'i dug las rnam grol ba/ /'dod pa'i me mdag rnam par spangs/ /bong ba gser ltar mnyam pa de/ /mya ngan 'das pa'i mthar 'gro'o/ /nor gyi nang na tshul khrims mchog /nyi ma 'od dang ldan pa bzhin/ /nor dang bral nas 'gro 'gyur gyi/ /tshul khrims 'di ni mdun na gnas/ /tshul khrims kyis ni sum bcu gsum/ /de bzhin bsam gtan spyod yul 'gro/ /'jig rten 'di dang pha rol du/ /tshul khrims gzi dang mtshungs pa med/ /mnar med par ni skyes pa dag /nor la 'dod pas bsregs pa yin/ /'dod pa'i me ni gang 'byung ba/ /yul der me ni 'byung mi 'gyur/ /mkhas pa'i ye shes chu yis su/ /bsgrims te 'dod pa'i me mdag sod/ /'dod pa med par ma byas na/ /mya ngan 'das pa thag ring ngo / /de ltar sems can dmyal ba pa de 'dod pa'i me des sreg pa na yang mnar med pa'i me gnyis pa mtshon 'bab pa dang bcas pas sum 'gyur du sreg go/ /der yang mgal me bskor ba dang / dri za'i grong khyer dang / ri dgas skom pa lta bu'i nor dag la 'phrog par byed pa dang / log par bsgyur ba rmi lam gyi mi lta bu sems can dmyal ba pa gshin rje'i mi de dag gis ma byin par blangs pa'i sems can dmyal ba de lo 'bum phrag du mar sdug bsngal myong bar byed do/ /de nas yang dge slong de 'dod pas log par g.yem pa'i mnar med pa de'i 'bras bu la rtog par byed de/ des brtags na/ 'di ltar sdig pa byed pa de mtshon cha nyam nga ba de las thar na/ ji ltar yang las kyis 'khrul pa me mdag gi</font><hr>63.266b<br><font size=+1>

chu bo las rgal nas log par rnam par lta ba zhes bya ba'i phyogs gzhan du zhugs so/ /des las kyis byas pa'i bud med dag gang sngon gyi dran pa nyams pa des mthong ngo / /de dag mthong nas de thog ma med pa'i dus nas goms pa'i 'dod chags kyi me 'byung ste/ de der rgyug par byed do/ /gang na bud med 'khor ba de dag las kyis byas pa/ lcags kyi bud med dag yin te/ de dag gis de bzung ngo / /bzung nas kyang lce la sogs pa la za ste ji ltar de'i lus de la yungs 'bru tsam gyi lhag ma yang ma lus par de ltar za'o/ /de nas yang 'byung bar 'gyur te/ yang za'o/ /de sdug bsngal tsha ba rtsub pa myong bzhin du 'dod chags kyi me de dag las ldog par mi byed kyi/ gang na bud med de dag gnas pa der yang dang yang shin du rgyug par byed do/ /de ji ltar 'dod chags kyi mes gnod pa de ltar sdug bsngal gnod par mi rtsi'o/ /de nas bud med de dag yang lus rdo rje dang lcags rab tu 'bar ba'i lus kyis mi de bzung nas 'bar ba'i phreng ba 'khrugs pa'i lus kun gyis sems can dmyal ba de bye ma chang pa nas gtor ba bzhin du gtor to/ /lus thams cad phye mar byas pa de slar yang 'byung bar 'gyur te/ de nas shin du rgyug kyang de'i 'dod chags zhi bar mi 'gyur ro/ /de'i gnas de lta bu mthong nas dge slong des bsams te/ thos pa las byung ba'i shes pas 'di ltar tshigs su bcad de smras pa/ bud med ngan song gzhi yin zhing / /kun nas nor ni zad par byed/ /mi gang bud med tshig nyan pa/ /de la bde ba ga la yod/ /don med chos la dga' ba ni/ /bud med g.yo dang phrag dog mang / /'jig rten gnyis ni rnam 'jig pa/ /skyes pa rnams kyi mdun na gnas/ /de'i tshig shin du mi brtan te/ /rtag tu 'dod chags skyed la mkhas/ /de yi snying ni gzhan sems la/ /</font><hr>63.267a<br><font size=+1>

gzhan gyi tshul gyis smra bar byed/ /dang por mnyen zhing srun byed la/ /phyi nas sems ni rdo rje 'dra/ /sems ni yang la phan pa med/ /bkur sti dag ni dran mi byed/ /legs pa brgya ni chud gzon la/ /ma legs gcig pu dran par byed/ /sdig pa'i sa gzhi bud med yin/ /snying ni glog gi ngo bo bzhin/ /skyes pa chags pa'i sems yod pa/ /'jig pa'i rgyu ni bud med byed/ /'jig rten 'di dang pha rol tu/ /'jig byed nang na bud med 'jig /gal te bde ba'i mchog 'dod na/ /de ltar bud med rnam par spongs/ /bud med rtag tu spangs pa ni/ /'jig rten 'di dang pha rol bde/ /gang zhig dbul ba spong 'dod cing / /gang zhig bdag ni 'byor 'dod dang / /gang zhig mya ngan 'das 'gro 'dod/ /mi des bud med spang bar byos/ /de ltar phyin ci log tu mthong ba snying rnam par rmongs pa de lo 'bum phrag du mar sreg go/ /gsheg go/ /gsod do/ /de nas yang slar 'byung bar 'gyur te/ de gal te de las thar nas de nas yang me mdag gi chu bo'i nang du bying zhing 'tshed pa na bkres pa dang / skom pas gdungs te/ gar bab bab tu 'bros so/ /de nas yang dge slong de mnar med pa'i mi dge ba byed pas gang brdzun du smra ba de kun du bsten cing bsgoms te mang du byas pa'i 'bras bu la brtags na des thos pa las byung ba'i shes pas mthong ste/ 'di ltar sems can dmyal ba lus bkres pa dang skom pas 'khrugs shing gdungs pa de gshin rje'i mi stobs po che rnams kyis bzung ngo / /bzung nas kyang kye grogs po dag khyed la ci gnod ces 'dri'o/ /las kyi dbang gis bskul ba de dag bdag cag bkres so zhes smra'o/ /de nas de dag gshin rje'i mi de rnams kyis bzung ngo / /bzung nas kyang de'i kha gsheg par byed de/ de nas lce 'byin par byed do/ /lce de yang las kyi dbang gis dpag tshad lnga</font><hr>63.267b<br><font size=+1>

brgya tsam du 'gyur ro/ /brdzun du smra ba de'i 'bras bus de phyung ma thag tu/ de gshin rje'i mi rnams kyis bzung nas lcags kyi sa gzhi rab tu 'bar ba la ldag tu 'jug cing las kyis byas pa'i thong gshol rtse mo rab tu 'bar ba dang bcas pa'i rmon glang stobs dang ldan pa stong byung ste/ lce de'i steng du song nas rmod par byed do/ /de las rnag dang khrag dang srin bu 'dzag pa chu bo ltar 'bab bo/ /rnag dang srin bur 'dres pa'i lce de yang ji ltar lha rnams kyi mig bzhin du gzhon sha can du 'gyur te/ de'i lce'i phyogs la rmos pa de dag slar yang tha mal par 'gyur ro/ /de nas yang lo 'bum phrag du ma 'am/ lo bye bar rmod de lce de la sdug bsngal mi bzad pa 'byung ngo / /tsha zhing rtsub la rab tu rtsub pa/ drag pas kyang shin du drag pa/ sdug bsngal mi bzad pa dag gis nyam thag pa de ku cho 'don/ cho nges 'debs ngu skad 'byin kyang de'i sdug bsngal de sus kyang sel bar mi byed do/ /gang bdag gis byas pa de dag ni pha mas ma byas/ lhas ma byas/ mi gzhan gyis ma byas/ 'dod rgyal las ma byung / gzhan nas ma 'ongs/ byas pa chud mi za ste/ rang gis byas pa'i las kyi 'bras bu yod do/ /de nas de dag ngu skad 'byin bzhin du 'di ltar gshin rje'i mi rnams kyis rjes su bstan pa tshigs su bcad de smras pa/ rtsub shing drag la bde med pa/ /brdzun du smra ba rnam par spongs/ /brdzun du smra ba'i mi rnams ni/ /sems dag la yang rnam par 'jig /de ni yid ches gnas ma yin/ /mkhas pa kun gyis rnam par spangs/ /bdag nyid la ni bslus byas nas/ /pha rol la ni brdzun smra ba/ /skyes bu dpa' sems can dag gis/ /dgra bzhin du ni rnam par smad/ /gang tshe bdag dang gzhan 'jig pa/ /dang por mi mthun kha nas smra/ /mi yis rnam par ma spangs na/ /lha rnams kyis kyang</font><hr>63.268a<br><font size=+1>

gtong bar byed/ /yid la brdzun gyi tshig sems na/ /dma' zhing 'og mar 'gro bar 'gyur/ /mi gang log pas mngon nyams pa/ /de dag bde ba'i gnas med do/ /'jig rten 'jig rten 'das lam la/ /brdzun du smra ba rnam par smad/ /'byed pas 'byed pa'i rnam smin te/ /brdzun du smra ba rnam par spongs/ /de ltar de la gnas pa'i mi/ /dmyal ba yin par nye bar brtag /mi mchog bden pa smra ba ni/ /'jig rten kun gyis mchod par 'gyur/ /brdzun du smra ba rnam par spongs/ /'on tang bden pa'i mchog tu 'gyur/ /'tshe med bden tshig smra ba ni/ /'byung po kun la brtse zhing mnyen/ /bden pa mtho ris skas yin zhing / /chos rnams 'byung khung chen po yin/ /mi gang gshin rje'i 'jig rten dang / /de bzhin dmyal bar 'gro ba yi/ /de'i rgyu brdzun du smra ba ste/ /mi mkhas pa dag smra bar byed/ /dug dang zhags pa gdos 'dra zhing / /de ni mtshon dug me dang 'dra/ /brdzun du smra bar mi bya ste/ /de yi 'bras bu sdug bsngal mang / /de ltar las 'bras zhe 'gras pa/ /de ni rnam ston 'chi bar byed/ /zhi ba'i tshig ni smra bar gyis/ /smad par bya ba rnam par spongs/ /de ltar sems can dmyal ba pa de sdug bsngal mi bzad pa myong ba na de lo 'bum phrag du mar de'i lce 'byin par byed do/ /de gal te yang sems can dmyal ba pa de'i kha'i nang du ldud par byed de/ 'jigs shing skrag la byad bzhin mog mog po de me mdag gi chu bo'i nang du sreg bzhin du gar bab bab tu 'bros so/ /de ltar sdug bsngal gyis nyen cing mgon med/ skyabs med/ dpung gnyen med pa de la yang gshin rje'i mi rnams 'byung bar 'gyur te/ gshin rje'i mi lag na tho ba dang ral gri thogs pa de rnams kyis mi de ngu skad 'don cing</font><hr>63.268b<br><font size=+1>

yang dang yang du mnar med pa'i mes sreg pa na glad pa la sogs pa nas rkang pa'i bar du phye mar byed do/ /de nas dge slong de phra ma kun du bsten cing bsgoms te mang du byas pa'i rnam par smin pa la rtog par byed de/ des thos pa las byung ba'i shes pas brtags na/ 'di ltar phra ma'i las kyi 'bras bus bskul ba'i sems can dmyal ba pa de shin du mi bzad pa'i sa gzhan la 'jug par byed de/ de gshin rje'i mi drag shul chen po ston pa gzhan rnams kyis bzung ngo / /bzung nas sems can dmyal ba pa de la/ gshin rje'i mi rnams kyis smras pa/ grogs po dag khyed la ci gnod/ de dag gis smras pa/ bdag cag la bkres pa gnod do/ /de nas gshin rje'i mi de rnams kyis de'i kha de gdangs nas lag pas lce 'byin par byed do/ /de yang dpag tshad sum brgyar 'gyur te de ltar phyir zhing rgya cher 'gyur ro/ /gshin rje'i mi rnams ral gri so rab tu 'bar ba dag blangs te lce de la gcod par byed do/ /khyi dang wa rnams kyang phyogs gzhan dag la za bar byed de/ de ltar sdug bsngal mchog tu tsha ba myong ba dag so sor myong ngo / /de lce dang bral ba'i tshig mi gsal bas ngu skad 'byin cing cho nges 'debs te/ de ltar de ngu skad 'byin pa na 'di ltar gshin rje'i mi rnams kyis rjes su bstan pa tshigs su bcad de smras pa// //'phags pa dam pa'i chos dran pa nye bar gzhag pa/  bam po bcu drug pa/ dbyen gyi bsam pa mang po yis/ /khyod kyis mang du gang smras pa/ /chos rnams kyi ni sdig par 'gyur/ /de yi 'bras bu 'dir 'ongs so/ /mi mthun pa la gang dga' ba/ /de ni rtag tu mdza' bshes dang / /gnyen 'dab rtsa lag 'byed pa yin/ /dam pas phra ma rnam par smad/ /srid pa nyam ngar gar skyes pa/ /</font><hr>63.269a<br><font size=+1>

rtag tu dman par skye bar 'gyur/ /phra ma la ni gang sbyor ba/ /phyir zhing gti mug dbang du 'gro/ /phra ma la ni gang 'jug pa/ /sdig pa sten par byed pa ste/ /sdig pa'i las kyis dmyal ba ru/ /yang dang yang du 'tshed par byed/ /phra ma'i kha ni gnyis su mthong / /phyi ma'i sha la shin du za/ /yid gcugs dam pa med par byed/ /gsang ba'i tshig ni sun 'byin to/ /gang dag phra ma spangs pa ni/ /de la rtag tu grub pa gnas/ /mdza' bshes gnyen 'dab rtsa lag dang / /de ni nams kyang 'bral mi 'gyur/ /phra ma spangs pa zhi ba ni/ /legs shing sdig dang bral ba yin/ /de ni rtag tu sa bdag gi/ /gsang ba 'dzin par byed pa yin/ /chos ni ma spyad gang yang med/ /phra ma dag kyang ma spangs pa/ /phra ma'i 'bras bu myong bar gyis/ /de ring ci zhig yongs su smre/ /de ltar rjes su bstan cing lce'i sdug bsngal myong ba na de lo 'bum phrag du mar sdug bsngal gyi nang du song ste bying ngo / /de sdug bsngal tsha ba rtsub pa myong ba na gal te yang de'i lce 'jam por 'gyur te gshin rje'i mi de dag kyang mi snang bar 'gyur ro/ /de dag de las thar na sems can dmyal ba pa shin du mi bzad cing drag pa las kyi shing gi mthu dang / rnam par smin pa'i rlung dmar langs pa'i mes sreg pa na gar bab bab du 'bros so/ /de nas gshin rje'i mi gzhan dag gis sems can dmyal ba de bzung ngo / /bzung nas kyang smras pa/ grogs po dag khyed la ci zhig gnod/ las kyi 'bras bus bskul ba de dag gis smras pa/ lce'i sdug bsngal gnod do/ /de nas lce de brgyangs nas bzung ngo / /bzung nas mtshon cha so bdar ba rnams kyis gtub gtub nas yang de nyid zar gzhug pa'i phyir kha'i nang du</font><hr>63.269b<br><font size=+1>

'jug ste/ bkres pa dang skom pas gdungs shing kha gdong nyams pa de rang gi khrag dang / kha chu 'dzag pa dang / rang gi lce de nyid la za'o/ /lce gtub gtub pa de las kyi dbang gis yang skye bar 'gyur te/ de nas yang sdug bsngal gyis nyam thag pa dag sa la 'phye zhing 'gre ldog la yongs su ngu skad 'byin to/ /de ltar sdug bsngal gyis nyam thag pa de'i mig gi 'bras bu ni 'gyur/ sdug bsngal gyis nyam thag cing dman la grogs med pa gcig pu rang gis byas pa la nye bar spyod do/ /'di ltar gshin rje'i mi rnams kyis rjes su bstan pa tshigs su bcad de smras pa/ tshig rtsub zhes bya gang mthong ba/ /mda' ltar rno ba khyod kyi tshig /gzhu lta bu yi lce las 'phangs/ /de yi 'bras bu 'dir 'ongs so/ /gang la tshig rtsub 'byung ba ni/ /dug lta bu yi lce las 'byung / /'jig rten la ni sha za 'dra/ /de dag yongs su spang bar gyis/ /ji ltar yid 'byung 'gyur ba ni/ /nyam ngar tshig rtsub smra ba ste/ /me mtshon dug ni 'byung ba la/ /mi dge de ltar yid mi 'byung / /gtsub shing lta bu'i lce las byung / /shing lta bu yi snying gis spel/ /'jig rten tshig rtsub me ltar 'bar/ /shing skam lta bur sreg par byed/ /gang dag snyan par smra la dga'/ /'jig rten kun gyis phyag byed do/ /'jig rten kun la ma dang 'dra/ /de ni pha dang 'dra bar dga'/ /dang por snyan par smra ba dge/ /bde 'jam bde ba 'byung ba yin/ /sdig pa mi zad sel ba yin/ /mi sdug sa kun sbyong ba yin/ /tshig snyan mtho ris skas yin te/ /tshig snyan dge ba'i gter yin no/ /tshig snyan 'jig rten gnyen yin te/ /tshig snyan legs pa mngon par 'grub/ /khyod kyis tshig rtsub de smras pas/ /sems can dmyal ba drag por 'ongs/ /lce de dag la'ang gnod par byed/ /de ring ci zhig yongs su smre/ /</font><hr>63.270a<br><font size=+1>

de ltar rjes su bstan pa na brdzun du smras pa de kun du bsten cing bsgoms te/ mang du byas la rjes su yi rang zhing ma bshags pa dang / lo 'bum phrag du mar lhan cig gnas so/ /de gal te yang de las thar na gar bab bab tu 'bros pa dang / de nas mdun nas gshin rje'i mi rnams kyis bzung ste/ de sdug bsngal mi bzad la drag pas yongs su gdungs shing tshor bar byed pa mthong ngo / /de nas yang dge slong de tshig kyal pa kun du bsten cing bsgoms te/ mang du byas pa'i sdig pa mi dge ba'i las kyi 'bras bu'i rnam par smin pa la rtog par byed de/ des thos pa las byung ba'i shes pas brtags na/ sems can dmyal ba pa 'di dag rang gi las kyi 'bras bu la spyod pa sdug bsngal gyis nyam thag cing shin du mi bde ba de dag gshin rje'i mi rnams las thar nas kyang gar bab bab tu 'bros so/ /de nas gshin rje'i mi gzhan dag gis bzung nas smras pa/ kye grogs po dag khyed la ci gnod/ de dag gis smras pa/ bdag cag la bkres pa dang / skom pa gnod do zhes smras nas tshigs su bcad de smras pa/ tha mar gyur pa stong phrag dag /rang gi lus las gtsub shing 'byung / /bkres dang skom las byung ba'i mes/ /bdag la mi bzad sreg par byed/ /kha ba me ltar khyad par che/ /de ni ri rab yungs 'bru bzhin/ /sems can dmyal bar sreg pa ni/ /bkres pa'i khyad par de 'dra 'o/ /sems can dmyal ba'i me byung ba/ /de ni gzhan du gnod par byed/ /bkres dang skom las byung ba'i me/ /lha dag la yang yod pa min/ /gnod pa mi bzad gang yin pa/ /de dag dmyal bar bdag la byung / /bkres pa'i me yis gnod pa ltar/ /de dag de ltar mi gnod do/ /de'i tshig de thos nas gshin rje'i pho nya dag phra skam rab tu 'bar ba dag blangs nas kha gdangs pa'i nang du snod rab tu 'bar bar zangs shin du</font><hr>63.270b<br><font size=+1>

bzhus pa khyer nas blugs te/ tshig kyal pa smras pa'i 'bras bu des ji ltar kha ba chal chol me'i nang du 'ju ba de bzhin du de'i lce yang de ltar sreg go /de sreg pa mi 'dra ba gnyis kyis sreg pa na ngu skad 'byin cho nges 'debs ku cho 'don cing mig shin du 'gyur bar byed de/ zangs dmar po rab tu 'bar ba des de'i lce sreg par byed do/ /lce bsregs nas mid pa sreg go /mid pa bsregs nas snying sreg go /snying bsregs nas rgyu ma sreg go /de dag kyang sregs nas long ka sreg go /long ka yang bsregs nas thur du byung ngo / /de ltar de sreg pa na 'di ltar gshin rje'i mi rnams kyis rjes su bstan pa tshigs su bcad de smras pa/ snga phyi 'brel pa med pa'i tshig /don med thog tu mi phebs te/ /'brel med khyod kyis gang smras pa/ /de yi 'bras bu 'di 'dra 'o/ /gang dag rtag tu bden mi smra/ /tshig don bzang po ma yin zhing / /lce de mkhas pas mi mthong ste/ /sha yi gong bu tsam du zad/ /gang dag rtag tu bden smra ba/ /yon tan brtan zhing rtag tu legs/ /de ni mtho ris skas yin te/ /de la lce zhes mi brjod do/ /de nas gshin rje'i mi de dag gis sems can dmyal ba pa de la rjes su bstan nas zangs dmar po rab tu bskol ba de dag sems can dmyal ba pa'i khar ldugs te/ lo 'bum phrag du mar 'brel pa med par smra ba de'i rnam par smin pa snying rje rje ltar myong ngo / /de nas gal te sems can dmyal ba pa de gshin rje'i mi de dag gis btang nas gar bab bab tu 'bros so/ /me mdag gi chu bo'i nang dag tu bying ste/ rab tu 'ju ba na rkang pa dang / byin pa dang rked pa dag me mdag gi chu bo de dag gi nang du mar sar gyi gong bu lta bur rab tu 'ju bar byed do/ /de nas yang 'byung bar 'gyur te/ de ltar mgon 'dod pa/ skyabs 'dod pa/ dpung gnyen 'dod pa</font><hr>63.271a<br><font size=+1>

de gar bab bab tu 'bros so/ /de nas las kyis byas pa'i nor rdzas mang po gsob gsog snying po med pa gzhan gyis yongs su bzung ba dag las kyis bskul ba rmongs pa de 'di ni bdag gi yin no snyam mo/ /de nas sems can dmyal ba pa de nor rdzas ga la yod pa de nyid du rgyug go /de brnab sems mi dge ba kun bsten cing bsgoms te mang du byas pa'i 'bras bu 'di ni gang sems can dmyal ba pa des de ltar log par mthong ba yin no/ /de ltar brnab sems mang por mthong ba de'i lag tu mtshon cha 'byung bar 'gyur te/ des brgyugs pa dang / sems can dmyal ba pa gzhan dag gis lag tu yang mtshon cha 'byung bar 'gyur te/ de dang de dag lhan cig mtshon gyis 'gyed do/ /sems can dmyal ba pa de dang de dag mtshon rnon po rnams kyis 'jog par byed do/ /bzhog pa de dag kyang rus gong gi lhag ma de tsam zhig lus par byed do/ /de nas yang slar skye bar 'gyur te/ yang de bzhin du gzhog par byed cing de dag yang skye bar 'gyur ro/ /de nas lo 'bum phrag du ma 'das pa dang / las kyis byas pa'i gshin rje'i mi rnams 'ongs nas de dag gi mtshon cha rnon po blangs te/ sems can dmyal ba pa de rnams dang / sems can dmyal ba pa gzhan de rnams la ji ltar yungs 'bru bas kyang phra ba de ltar lus kyi sha la 'jog ste/ de ltar rus gong gi lhag ma tsam zhig lus par byed do/ /de ngu skad 'byin cho nges 'debs/ ngu zhing smre sngags 'don pa bzhog bzhog nas yang skye bar 'gyur te/ ji ltar chu srin byis pa gsod bzhog bzhog nas chu'i nang du bcug pa dang / de nas yang slar skye bar 'gyur ba de bzhin du sems can dmyal ba pa de dag la yang slar skye bar 'gyur ro/ /de ltar sdug bsngal gyis nyam thag cing ngu skad 'byin pa</font><hr>63.271b<br><font size=+1>

de dag la 'di ltar gshin rje'i mi rnams kyis rjes su bstan pa tshigs su bcad de smras pa/ brnab sems kyis ni nyams pa'i mi/ /brnab sems kyis ni yongs su bslus/ /gzhan nor bdag gir bya snyam pa/ /de ltar de ni bslus pa yin/ /brnab sems sdig pa yid byed pa/ /'dzangs pa rnams kyis ma bsten to/ /mar me 'bar ba'i me bzhin du/ /bdag gis byas pas sreg par byed/ /brnab sems sdig pa yid byed pa/ /gnod pa dag ni nye bar byed/ /tsha bar smin cing dug 'byung ba/ /gang yin de ni rtag tu spongs/ /gzhan gyi phun sum tshogs mthong nas/ /bdag gir bya snyam bsams pa ni/ /brnab sems de yis bslang pa yi/ /dug gi 'bras bu 'dir 'ongs so/ /de ltar de gshin rje'i mi de rnams kyis spyo spyo brgyad brgyad nas lo 'bum phrag mang por gnod pa nyid kyis gnod par byed de/ de'i sdig pa'i las kyis 'byang bar mi 'gyur ro/ /de nas yun ring mo zhig 'das nas sems can dmyal ba pa de me mdag gi chu bo'i nang du bying zhing 'bros pa na/ gar bab bab tu 'bros pa dang / lcags kyi sa gzhi rab tu 'bar ba'i steng du bab nas de nas yang dang yang du 'gre ldog ste/ langs nas kun du rgyug pa na/ gcig pu gnyis su med cing grogs med pa las kyi dbang gis gyur pa'i sems can dmyal ba pa las kyis dgra'i nang du song ngo / /gal te yang gshin rje'i mi de dag las thar nas gar bab bab tu 'bros so/ /de nas gnod sems kun du bsten cing bsgoms te mang du byas pa de'i 'bras bu nye bar gnas pa ni mgon 'dod pa/ skyabs 'dod pa/ dpung gnyen 'dod pa de skyabs dang dpung gnyen 'dod cing las kyis byas pa'i seng ge dang / stag dang / sbrul shin du khros pa dag mdun du 'dug pa dang / de de dag la 'jigs nas gar bab bab tu 'bros kyang de mi dge ba'i</font><hr>63.272a<br><font size=+1>

las kyis 'bros par ga la nus te/ de de dag gis bzung ngo / /bzung nas kyang shin du 'khrugs pa rnams kyis dang por re shig glad pa la za'o/ /de'i glad pa la za ba na ngu skad 'byin cing smre sngags 'don la 'gre ldog par byed do/ /de'i rtsib logs la yang mche ba dug ltar rno ba kun gyis brad brad nas za zhing stag dag gis kyang rgyab tu zos/ rkang pa ni mes bsregs shing gshin rje'i mi rnams kyis kyang rgyang ring po la sogs par 'phangs so/ /de ltar snying rje chen po'i shugs thob pa de la 'di ltar gshin rje'i mi rnams kyis rjes su bstan pa tshigs su bcad de smras pa/ mi yi skyes bu tha ma la/ /gnod sems me 'dra yod pa ni/ /sreg pa dag las sreg pa thob/ /don med ci zhig yongs su smre/ /sems can dmyal bar skye ba yi/ /rgyu ni mi bzad gnod sems yin/ /thag pa gang gis bcings pa yi/ /mi ni yongs su khrid par byed/ /gnod sems dag gis rmongs pa'i mi/ /rtag tu de la yid 'jug pa/ /zhi bar shin du mi 'gyur te/ /bu ga'i nang na sbrul 'dug bzhin/ /mi gang gnod sems mi bzad cing / /shin du drag pa'i ngo bo ni/ /nyi ma la ni mun pa bzhin/ /de dag la ni bde ba med/ /gnod sems snying la yod pa ni/ /kun gyis bsrung bar mi nus te/ /bshes grogs gnyen gyi mis ma yin/ /chos dang don gyi tshogs kyis min/ /gnod sems 'di ni mun pa yi/ /tshogs dang 'dra zhes brjod pa yin/ /gnod sems skyed par byed pa ni/ /gnod sems zhes ni yongs su sgrogs/ /gnod sems med pa ji ltar 'gyur/ /gnod sems med pa mchog tu dge/ /gnod sems yod pa pha rol tu/ /mi bzad 'chi bar de dag 'gro/ /gnod sems kyis ni drangs pa dag /sems can dmyal ba drag por 'ongs/ /las zad nas ni thar 'gyur zhing / /dmyal bar 'gre ldog mi byed do/ /de ltar bstan</font><hr>63.272b<br><font size=+1>

cing rjes su bstan nas gshin rje'i mi rnams dang seng ge dang / stag gnod sems mang du yod pa rnams kyis 'thun par rdeg cing za bar byed de/ sa bon las 'bras bu 'byung ba bzhin du de'i gnod sems dang 'thun par las kyi rnam par smin pa 'byung ste/ de ltar sems can dmyal ba de las de'i 'bras bus 'tshed cing za'o/ /de gal te yang de las thar na mgon 'dod pa/ skyabs 'dod pa/ gar bab bab tu 'bros so/ /sdig pa chen pos bskul ba log par lta ba mtshams med pa lnga'i lam ni 'di yin te/ mnar med par skyes nas de nas nges par myong bar 'gyur ba'i mtshams med pa gzhan dag yod pa der skye la skyes ma thag tu las so sor myong bar 'gyur ro/ /sems can dmyal ba pa de mu stegs kun du rgyu dang / rdzogs byed dang / lhas byin dang / ko ka li ka gang du 'tshed pa'i gnas der sems can dmyal ba chen po 'di yang 'gro bar 'gyur te/ gang na sdug bsngal nges par myong bar 'gyur ba mi zad pa tsha ba drag pa bas kyang shin du drag pa/ de dag rjes su myong ngo / /de'i sdug bsngal sems can thams cad kyis dpe bya bar sla ba ma yin te/ mnar med pa'i sdug bsngal de myong bar 'gyur ro/ /sdig pa byed pa de mun pa'i tshogs su gyur pa dang / sems can thams cad spu zing zhes byed pa mnar med pa chen po ga la ba der de'i 'tshed do/ /sreg go /gsheg go /mtshon char ltar 'bab pas bzhog go /de nas yang 'byung bar 'gyur te/ yang 'jog go /gsheg go /sreg go /mda' bo che dang / rdo rje dang / ser ba dang / rdo char ltar 'bab pas gsod do/ /de ltar mtshams med pa lnga byed pa de dag sreg pa na/ me'i phung po bcu gcig byung ste/ de dag shin du sdug bsngal bar byed do/ /der phyogs bcu'i me 'bar ba bcu dang / me'i phung po bcu gcig 'byung ste/ bkres pa dang / </font><hr>63.273a<br><font size=+1>

skom pa byas nas khar 'byung ngo / /de'i lus kyi steng 'og dang / rtsib logs su 'bar ba'i phreng ba mched pas ji ltar de'i lus kyi gseb phra mo yang mi mngon pa de ltar sreg go/ /me de yang ji ltar skra de dag gi rtse mo'i bar yang mi mngon pa de ltar phan tshun shin du nyon mongs par 'tshed pas mnar med do/ /bde ba'i bar skabs kyi dus chung zad kyang med pas mnar med do/ /dbang po thams cad yul kun la 'tshed cing yid dang 'gal bas mnar med de 'jig rten de nas shi nas sems can dmyal ba chen po mnar med pa ma gtogs par de las gzhan du mi skye ste/ mnar ba'i gzhi med cing gnod pa'i grangs kyi bar med pa'i phyir mnar med do/ /'dod pa'i khams su gtogs pa'i sems can thams cad kyi 'og tu gyur pa ni mnar med pa de dag yin te/ gzhan dag mnar med pa yin pas mnar med do/ /sems can dmyal ba chen po de'i mgo la ji ltar steng nas gnod pas kun nas nyon mongs pa ltar de'i mgo la yang de'i bar skabs kyi gzhi med pas mnar med do/ /sa gzhi zangs dmar po rab tu bskol ba dang / khrag dang / sha dang rus par 'dres shing 'khrugs pa dag la bar med pa de bzhin du mnar med pa yang lpags pa dang / sha dang / tshil dang / rus pa dang / rkang du gtogs pa thams cad rab tu 'bar te/ de ltar kun nas rab tu 'bar ba dag la mngon pa yang med cing mnar ba'i gzhi chung zad kyang med pa'i phyir mnar med do/ /ri las chu 'bab pa'i shugs ltar nyin gcig bzhin du gnod pa dpe med pa 'phel zhing 'byung ste/ de ltar gnod pa rnams mnar ba'i gzhi cung zad kyang med pas mnar med do/ /srid pa bar ma 'gag pa dang / dus mnyam du lan grangs gzhan la myong bar 'gyur ba'i las kyis der skyes nas mnar ba'i gzhi'i bar shin du chung ba yang med pa'i phyir</font><hr>63.273b<br><font size=+1>

mnar med de/ de ltar gnod pa brjod par mi nus kyang chung zad cig dper bya na rgya mtsho'i chu'i thigs pa bgrang bar sla ba ma yin pa de bzhin du mnar med pa rnams kyi las nyes par byas pa lnga'i gnod pa bgrang ba 'am/ brjod par sla ba ma yin no/ /'di lta ste/ ji ltar mnar med pa'i las lci ba'i mthus de'i tshe sdug bsngal gyi gnas gzhan ci yang med de sdug bsngal de yang de lta bu yin no/ /gang gis mnar med pa'i las gcig byas na/ de'i sdug bsngal chung bar 'gyur ro/ /gang gis las gnyis byas na de'i tshad thams cad bas lus che bar 'gyur te/ sdug bsngal yang de ltar rgyu dang rgyu yis 'bras bu lci bar 'gyur ro/ /bde ba dang sdug bsngal gyi rgyu ni dpe med par 'gyur te/ 'dod pa rnams kyi ni bde ba yin mi 'dod pa rnams kyi ni sdug bsngal ba yin te/ gnas 'di gnyis ni steng dang / 'og dang mtha' dag tu dpe bya bar mi nus so/ /de ci'i phyir zhe na/ legs par byas pa dang / nyes par byas pa'i mtha' dag ni rgyu 'thun par 'bras bu 'byung ste/ sems can dmyal ba pa rnams kyang de dang 'dra bar dpe bya bar mi nus so/ /de ltar de bskal pa 'am/ bskal pa las lhag par bsregs nas las de zad nas thar bar 'gyur te/ rgyu rkyen zad na 'bras bu yang zad par 'gyur ro/ /ji ltar me shi na tsha ba med par 'gyur ba dang / sa bon zad na 'bras bu yang zad par 'gyur ba de bzhin du gang gi tshe mnar med pa'i mi dge ba'i las de bcom zhing spangs la zad par gyur pa de'i tshe sems can dmyal ba de las thar bar 'gyur ro/ /thar nas kyang rgyu 'thun pa'i 'bras bu ri gseb khab rtse lta bu'i nang du yi dgas rnams su skye bar 'gyur ro/ /der skyes nas bkres pa dang skom pas gdungs shing lus tshal shing sregs pa lta bur 'gyur ro/ /de las thar nas kyang dud 'gro 'am chu srin byis pa gsod pa</font><hr>63.274a<br><font size=+1>

dag tu skye bar 'gyur ro/ /de bzhin du ljan ljin gyi tshogs phyi sa mi gtsang ba 'jig par byed pa'i srin bur 'gyur ro/ /tshe rabs nyis stong du yi dgas bkres shing skom pa dag gis gdungs par 'gyur zhing bsregs par 'gyur/ tshe rabs nyis stong du dud 'gro rnams su skye ste/ yang las kyi dbang gis rgyu dang 'thun pa'i 'bras bus dud 'gro'i ris sdug bsngal rnam pa sna tshogs kun dang za ba dang gsad pa'i bsam pa tha dad pa rnams kyi nang du skye bar 'gyur ro/ /de gcig la gcig za ba'i sdug bsngal de las thar nas gal te lan grangs gzhan la myong bar 'gyur ba'i las kyis mi'i nang du skyes na las de dang rgyu 'thun par tshe rabs lnga brgyar mngal du 'chi bar 'gyur ro/ /tshe rabs lnga brgyar byung ma thag tu 'chi bar 'gyur/ tshe rabs lnga brgyar gog thal thul tsam na 'chi bar 'gyur ro/ /gal te yang phyis rgyu dang 'thun pa'i 'bras bu ma lus par 'byung ste de lus mtha' yas pa nas zhugs pa/ las kyi dra ba dang 'thun pa'i 'bras bu chung ngu dang 'bring dang chen po dmigs par 'gyur ro/ /'dir dge slong gis tshigs su bcad de smras pa/ 'khor ba thog ma med pa nas/ /las kyi dra bas bsgribs pa'i mi/ /rang gi las kyi rgyu 'bras las/ /byung ba skye zhing 'chi ba yin/ /lha las dmyal bar skye 'gyur zhing / /dmyal las de bzhin lha yul du/ /mi rnams yi dgas yul du 'am/ /sems can dmyal bar rab tu 'gro/ /gzhan dang gzhan du 'byung zhing skye/ /gzhan dang gzhan du 'byung zhing bde/ /sred pa'i las gyis byung ba'i tshe/ /dbang phyug la sogs de ma byas/ /'khor bar srog chags rnams kyis ni/ /rtag tu las ni grangs med byas/ /de bzhin gshegs pa ma gtogs pas/ /mkhas pas nam yang mi shes so/ /las de'i rnam pa bdag gis shes/ /rgyu dang</font><hr>63.274b<br><font size=+1>

rkyen ni rtag tu rig /stobs de bdag dang ldan pas na/ /srog chags kun la so sor phan/ /dge slong dag de ltar dge slong des mnar med pa'i sdug bsngal dag so sor mthong ba na 'khor ba thams cad la yid 'byung zhing byams pa mchog gi bdag nyid dang / snying rje yongs su bsgos pa'i sems nye bar gzhag pas sa gzhan bcu gcig pa la zhugs so/ /de sa gzhan de la zhugs pa dang / sa bla ba dag dga' nas bar snang la spyod pa'i gnod sbyin rnams la mngon par bsnyad do/ /de dag gis kyang rgyal po chen po bzhi la bsnyad do/ /de dag gis kyang rgyal chen bzhi'i lha rnams la bsnyad de/ de ltar snga ma bzhin du sbyar nas/ tshangs pa chen po'i lha rnams kyi bar dag gcig la gcig sgrogs te/ 'di ltar lha 'dzam bu'i gling na yul che ge mo zhig na rigs kyi bu mang ge mo zhig skra dang kha spu bregs gos ngur smrig bgos nas dad pas khyim nas khyim med par rab tu byung ste/ de bdud dang lhan cig g.yul 'gyed par 'dod la de yul gyi dngos po la mi 'dod de/ kun nas nyon mongs pa'i shul rnams la dga' bar mi byed de/ de sa bcu gcig pa la zhugs pa de thos nas lha tshangs pa chen po bdud kyi phyogs ni dmas so/ /dam pa'i chos kyi phyogs ni mtho'o/ /dge ba'i phyogs ni 'phel to/ /chos la chos kyi rjes su 'jug pa ni kun nas byung ngo zhes yid rab tu dga'o/ /dge slong dag de nas yang rnal 'byor spyod pa nang gi chos la chos kyi rjes su lta zhing gnas pa mnar med pa ji lta ba bzhin mthong nas/ de'i 'khor ji ltar 'dug snyam nas rtog par byed de/ kye ma sems can dmyal ba chen po'i 'khor ji snyed cig yod snyam du yongs su rtog par byed do/ /des thos pa las byung ba'i shes pa 'am lha'i mig gis 'di ltar mnar med pa dge slong gi yid byung ba de mthong nas de'i 'khor</font><hr>63.275a<br><font size=+1>

gzhan la rtog par byed do/ /de nas yang dge slong las kyi 'bras bu rnam par smin pa shes pa des/ sems can dmyal ba chen po mnar med pa'i 'khor la rtog par byed de/ kye ma sems can dmyal ba chen po'i 'khor ji snyed cig yod snyam mo/ /des thos pa las byung ba'i shes pas ji ltar sems can dmyal ba chen po gzhan dag gi 'khor bcu drug pa yod pa de bzhin du mnar med pa yang 'khor bcu drug gi bar du yod par mthong ste/ 'di lta ste/ bya rog kha dang / thams cad sa 'og dang / sdug bsngal mtha' yas mang dang / wa skad 'byin dang / lcags kyi lce spyang gi zas dang / lto gnag dang / lus zhum dang / rmi lam 'jigs byed ston dang / lus zhum mi bzad 'phyang dang / ri brtsegs char ltar 'bab dang / bya 'dzam pa skad 'byin dang / skar phreng dang / sdug bsngal kun gyis nyen dang / gos dri dang / lcags glebs dang / 'gro ba mes sreg ste/ 'di dag ni sems can dmyal ba chen po'i 'khor bcu drug yin no/ /de la mi dge ba bcu'i las kyi lam dang / sems can dmyal ba chen por 'gro ba lnga dag gis mnar med pa 'grub pa mthong ste/ nang du lnga dag byas pas mnar med pa der skye bar 'gyur ro/ /de dang 'thun pa'i las chung ngu byas pas ni de'i 'khor du skye bar 'gyur te/ ji ltar las byas shing bsags pa las kyi nyer bsdogs dang / las kyi mjug byas pa bsten cing bsgoms te mang du byas pa bzhin du sems can dmyal ba'i 'khor gzhan du skye bar 'gyur ro/ /de la mang du mnar med pa lnga 'byung ste/ 'di lta ste/ bsams bzhin du ma la ngan sems kyis khrag 'byin par byed cing 'byin pa de la dga' bar byed/ goms par byed/ mang du byed/ pha rol dag la ston par byed/ de nyid la rab tu 'jog par byed cing de nyid kyi las byed du 'jug na/ de lus dang bral nas ngan</font><hr>63.275b<br><font size=+1>

'gro log par ltung ba sems can dmyal ba bya rog kha zhes bya bar skye bar 'gyur ro/ /der skyes nas mnar med pa ma gtogs par gang yang sos la sogs pa bdun gyi gnod pa thams cad brgya 'gyur du 'byung ngo / /khyad par 'byung ba ji ltar bya rog gi kha ltar gdangs nas gshin rje'i mi nag po zhes bya bas ba tshwa'i chu bo de dag len par byed do/ /ba tshwa'i chu bo de dag ni shugs drag pa yin te/ ba tshwa'i chu bo de la kha zed du 'jug go/ /ba tshwa'i chu bo des mchu dang / rkan dang / so dang / mid pa dang / rna ba dang / snying dang / mchin pa dang / rgyu ma dang / pho ba dang / long ka dang / glo ba dag bsregs nas thur du byung ngo / /de tsha ba'i chu bo'i nang du song ste/ khong ba'i nang du song zhing bu ga'i nang du song ba des gsog du gyur cing phyi rol 'ba' shig lus te las kyi chad pas bzung zhing sdug bsngal tsha ba rtsub pa dag myong ba na/ dus yun ring po lo bgrang gis mi lang bar 'tshed par byed de/ de ji srid du de'i sdig pa'i las bcom zhing spangs la zad par ma gyur pa de srid du 'tshed do/ /de de las thar na las de dang rgyu 'thun par tshe rabs stong du yi dgas lto gug du skye bar 'gyur/ tshe rabs stong du dud 'gro glang po che dang / sri ma ra dang / d+hu na d+hu dang / ma ra dang / sre mo dang / sbrul dang / 'ga' la dang / go ta ka dang / sa rko dang / sbrang bu dang / phye ba dang / ba glang gi rigs rnams su skye bar 'gyur ro/ /gal te yang de las thar nas mi rnams dang skal ba mnyam par mir skyes na/ de rngon pa'i rigs su skye bar 'gyur te/ tshe rabs nyis brgyar mngal du gnas pa nyid na 'am/ gog thal thul na 'am/ kha spu skyes tsam na 'chi bar 'gyur te/ bag chags des de phyir zhing sdig pa byed pa mthong ngo / /de nas yang dge slong las kyi 'bras bu rnam par smin pa shes pa des sems can dmyal ba chen po mnar med pa'i 'khor</font><hr>63.276a<br><font size=+1>

la brtags na/ des thos pa las byung ba'i shes pas sems can dmyal ba thams cad sa 'og ces bya ba mthong ngo / /der sems can dag las gang gis skye bar 'gyur snyam nas des thos pa las byung ba'i shes pas brtags na/ gang gis bsams pa bzhin du dge slong ma dgra bcom pa zag pa zad pa la kun du bsten cing bsgoms te mang du byas na/ de lus dang bral nas ngan 'gro log par ltung ba sems can dmyal ba thams cad sa 'og tu skye bar 'gyur ro/ /der skyes nas kyang de la gang sems can dmyal ba yang sos la sogs pa bdun gyis gnod pa bsdus pa de dag thams cad brgya 'gyur du 'byung bar 'gyur ro/ /khyad par du 'byung ba ni 'di lcags kyi sa gzhi de brkos nas gshin rje'i mi rnams kyis mgo thur du bstan te sa brkos par de'i mgo gang yin pa thur du bstan cing rkang lag gang yin pa de dag gyen du ston par byed do/ /de sdug bsngal gyis nyam thag nas ngu skad 'don mi nus/ cho nges 'debs mi nus/ ku cho 'byin mi nus so/ /de'i lus thur du bstan pa gang yin pa de dag thams cad gshin rje'i mi rnams kyis ste'u thogs te rus pa lhag ma ma lus pa'i bar du bzhog par byed do/ /rus pa de dag la yang ba tshwa'i chus chag chag 'debs te de dag la chag chag btab nas kyang 'gre ldog go /de'i ba tshwa'i chag chag btab pa de dag las de phyung na srog gi lhag ma chung zad cig lus pa zangs dmar po rab tu bskol ba 'khrigs pas bdas shing lcags kyi snod rab tu sreg par par byed do/ /de der mon sran gre'u dang / rgya sran 'tshed pa ltar steng 'og du 'byung ba na lcags kyi bum pa kun bltar mi snang bar kun nas rlangs pas 'khrigs te/ ji srid du de'i sdig pa'i las bcom zhing spangs la zad par ma byas pa de srid du lo 'bum phrag du mar rdung zhing 'tshed do/ /de</font><hr>63.276b<br><font size=+1>

phyis sems can dmyal ba de las thar nas bskal pa 'am bskal pa'i lhag mar bsreg pa'i gnod pa bsam gyis mi khyab pa chung zad cig 'byung bar 'gyur ro/ /de de las thar nas tshe rabs stong du yi dgas kha zas med pa'i nang du skye bar 'gyur te/ de'i lus bkres pa dang / skom pas gdungs shing kun nas thams cad du mar me'i snying po 'bar ba ltar rab tu 'bar ro/ /de de las thar na las de dang rgyu 'thun par tshe rabs stong du dud 'gro mya ngam gyi bya bkres pa dang / skom pas gdungs pa 'di lta ste/ bye'u mchil pa dang / wa dang / zin pa dang / 'ba' sa ka dang / skyin gor dang / tung ka dang / ri dgas mA tri ka dang / ba ra po ta dang / khyi dang / mche ba gtsigs la sogs pa'i dud 'gro rnams su skye bar 'gyur ro/ /de las kyang thar nas gal te mi rnams dang skal ba mnyam par mir skyes na de mi rta gdong can gyi yul du skye bar 'gyur/ tshe rabs nyis brgyar yang mngal du 'chi bar 'gyur/ gal te yang byang nas 'tsho na de dbul zhing nad kyis nyon mongs par 'gyur/ de bzhin du tshe rabs lnga brgyar za ma dang ma ning du 'gyur ba mthong ngo / /de nas yang dge slong las kyi 'bras bu rnam par smin pa shes pa des sems can dmyal ba chen po mnar med pa'i 'khor la brtags na/ des thos pa las byung ba'i shes pas sems can dmyal ba sdug bsngal mtha' yas mang zhes bya ba ji ltar gnas pa mthong ngo / /der sems can dag las gang gis skye bar 'gyur snyam nas des thos pa las byung ba'i shes pas brtags na/ shin du chags pa'i snying gis yul la sems 'jug pa 'am/ sdig pa'i grogs po dang phrad pas sam/ ra ro ba'i nyes pas ma la 'khrig pa byas shing sad nas kyang shin du chags pa'i 'dod chags dang ldan pas 'khrig pa byas la sdig pa'i grogs po'i tshig gis de nas chags nas yang de nyid la</font><hr>63.277a<br><font size=+1>

'khrig par byed/ kun du sten cing sgom la mang du byed/ gzhan dag kyang de nyid la rab tu 'jog par byed na de lus dang bral nas ngan 'gro log par ltung ba sems can dmyal ba sdug bsngal mtha' yas mang du skye bar 'gyur ro/ /der skyes nas kyang gang sems can dmyal ba yang sos la sogs pa'i gnod pa de dag thams cad 'byung ngo / /khyad par du 'byung ba ni 'di ltar de'i rkub tu phur bu rab tu 'bar ba rnams dang / tsher ma gang yin pa dag 'jug par byed do/ /snar yang tho ba dag blangs nas phur bu rnams 'debs par byed/ rna gung du yang tho ba dag gis phur bu rnams 'debs par byed/ khar yang tho ba blangs nas phur bu so rno zhing 'bar rab tu 'bar ba rnams kyis rab tu 'gengs par byed/ de'i 'og tu kha'i sdug bsngal rab tu 'bar ba dang / 'og tu gyur pa'i sdug bsngal dag gis sdug bsngal bar byed/ sreg par byed/ gsheg par byed/ rdeg par byed/ rngo bar byed do/ /nang gi mnar med pa'i kun nas rnam pa thams cad du sdug bsngal gyis nyen te ji ltar de dpe bya bar sla ba ma yin pa de ltar ji srid du de'i sdig pa'i las bcom zhing spangs la zad par ma byas pa de srid du sdug bsngal myong bar 'gyur ro/ /de phyis sems can dmyal ba bskal pa 'am/ bskal pa las lhag par bsregs pa de las thar na sdig pa'i las de dang rgyu 'thun pa'i 'bras bus tshe rabs bzhi stong du yi dgas kha thur du bltas pa mdag ma za ba'i nang du lus bkres pa dang / skom pas gdungs pa'i lus su skye bar 'gyur ro/ /mya ngam chu dang / grib ma med pa smyig ma'i tshal gyi dud 'gro dag tu yang skye bar 'gyur/ srog chags ri la gnas pa grib ma 'jigs byed dang / mun pa can dang / zin pa gnas pa de dag gi dud 'gro kha gdong nyams shing shi la thug pa'i rnam pa de lta bur skye bar 'gyur ro/ /gang 'od ma'i tshal du rlung gi dud pas</font><hr>63.277b<br><font size=+1>

me 'byung ste/ me des tshe rabs bzhi stong du sreg cing 'tshed do/ /de las kyang thar nas gal te mi rnams dang skal ba mnyam par mir skyes na/ de'i chung ma bsrungs par mi 'gyur/ gzhan gyi chung ma dang lhan cig 'dug par 'gyur/ de rgyal po 'am/ blon pos de'i rlig pa 'byin par byed/ khyim thams cad yongs su spangs par 'gyur/ lam po che 'am/ bzhi mdo 'am/ grong khyer ram/ gzhan gyi sgor rag lus par 'gyur/ rtag tu skom slong zhing bkres la lus chung bar 'gyur/ de yang dang yang du nad chen pos thebs par 'gyur te/ de srang ngam bzhi mdo 'am dur khrod du sdug bsngal mi bzad pas nyam thag nas 'chi bar 'gyur ba mthong ngo / /de nas yang dge slong las kyi 'bras bu rnam par smin pa shes pa des sems can dmyal ba chen po mnar med pa'i 'khor la brtags na/ des thos pa las byung ba'i shes pas sems can dmyal ba wa skad 'byin zhes bya ba mthong ngo / /der sems can dag las gang gis skye bar 'gyur snyam nas/ des thos pa las byung ba'i shes pas brtags na/ gang thams cad mkhyen pa 'am/ rang sangs rgyas sam/ dgra bcom pa 'am/ chos dang 'dul ba la ngan du brjod cing chos ma yin pa la chos lta bur brjod la gzhan dag kyang chos ma yin pa la rab tu 'jog par byed/ shin du dga' bar byed/ rab tu dga' bar byed la/ de chos ma yin pa de nyid la yang dang yang du chos lta bur ston par byed cing 'phags pa rnams la rtag tu mi snyan par brjod na de lus dang bral nas ngan 'gro log par ltung ba sems can dmyal ba wa skad 'byin par skye bar 'gyur ro/ /der skyes nas kyang sems can dmyal ba yang sos la sogs pa bdun gyi gnod pa bsdus pa de dag thams cad rang gi las kyi 'bras bu dang 'thun par 'byung ngo / /</font><hr>63.278a<br><font size=+1>

khyad par du 'byung ba ni 'di ltar sems can dmyal ba de'i las kyis byas pa'i wa kha rab tu 'bar ba rnams kyis shin du gang la der skyes ma thag tu wa mche ba rab tu 'bar ba rnams rgyug ste/ 'phags pa la skur pa 'debs pa de la 'dzin par byed do/ /sdig pa byed pa de'i mgo yang gzhan/ lce yang gzhan/ glad pa yang gzhan/ brang zhol yang gzhan/ snying yang gzhan/ mcher pa yang gzhan/ rgyu ma yang gzhan/ gnye ma yang gzhan/ lto yang gzhan/ sta zur yang gzhan/ brla'i rus sbubs kyang gzhan/ byin pa'i sbubs kyang gzhan/ pus mo'i lha nga yang gzhan/ lag pa dang rkang pa yang gzhan/ sor mo yang gzhan/ rkang pa'i sor mo yang gzhan du khyer te/ de ltar yan lag dang nying lag zhigs pa thams cad so sor khyer ro/ /de nas yang de'i sdig pa'i las kyis byas shing bsags pa so so yang dag pa myong ba'i 'bras bu skye bar 'gyur te/ de ltar na yun ring du 'bras bu de myong bar 'gyur ro/ /de gal te yang thar nas gar bab bab tu 'bros pa dang / gshin rje'i mi gzhan dag gis bzung nas de'i kha de gdangs te lce bzung nas mtshon hu lu dag gis dum bur dum bur gcod do/ /bcad nas kyang yang skye bar 'gyur te/ de'i ngag mi gtsang ba 'byin pa gang gis 'phags pa la skur pa btab pa dang / pha rol dag la chos ma yin pa la chos lta bur bstan pa ni de ltar de yun ring du sdug bsngal gyi tshor ba tsha ba dag myong bar 'gyur ro/ /de gal te yang de las thar nas mgon 'dod pa/ skyabs 'dod pa/ dpung gnyen 'dod pa/ gar bab bab tu 'bros pa dang / de'i las kyis byas pa gshin rje'i mi dag 'byung bar 'gyur te/ de dag gis yang bzung ngo / /bzung nas kyang phyin ci log tu smra ba dang / g.yo thabs smra ba sdig pa smra ba/ chos ngan</font><hr>63.278b<br><font size=+1>

pa'i chos kyis sems can dag lam bzang po las skyod par byed cing smra ba de de rnams kyis bzung ste kha gdangs nas de'i lce phyung ngo / /de yang 'jam zhing zangs kyi mdog ltar dmar ba rgyang grags tsam du skyes te/ de yang lcags kyi sa gzhi rab tu 'bar ba la ldag du 'jug go/ /ldag du bcug nas thong gshol gyi so rno zhing 'bar la rab tu 'bar ba brgya dang / rmon glang rmig pa 'dor ba rno zhing rab tu 'bar ba thong mkhan dang ldan pa rnams kyis don ma yin pa byed pa 'jig rten pha rol tu 'gro ba ba'i dbang du gyur cing don ma yin pa'i skye gnas lcer ming btags pa de la rmed par byed de/ de ltar de yun ring du 'tshed cing sreg go/ /de'i lce gnod pa dang phrad pa de ngu bar byed/ 'khun par byed/ ku cho 'don par byed/ ngu skad 'byin par byed/ mig yongs su 'gyur bar byed do/ /de ltar de ngu skad 'byin pa na 'di ltar gshin rje'i mi rnams kyis rjes su bstan pa tshigs su bcad de smras pa/ sdig tshig yid la bsams nas su/ /'phags pa smod gang dmyal bar ni/ /bye ba lnga bcu rtsa drug dang / /de bzhin bye ba phrag drug gnas/ /chos ma yin pa chos tshul dang / /sdig byed legs pa'i tshul du ni/ /khyod kyis sngon ni gang smras pa/ /me des khyod la skrag par byed/ /ji ltar sems can khyad par can/ /chos 'dod dag las khyod kyis su/ /nges par ngan 'gror 'gro ba yin/ /bde med sdig pa rab tu smras/ /gang zhig rtag tu brdzun smra zhing / /chos ma yin smra chos ldan min/ /de yul kun gyi rkun ma yin/ /rkun ma tha mal rkun ma min/ /chos smra ba yi mi dag gang / /chos nyid la ni spyod pa ste/ /gang du 'gro ba gnod med pa'i/ /rtag pa'i gnas su de 'gro 'o/ /'khrug med mi zad nor yin te/ /skye bo kun gyi jo bor che/ /bden pa mtho</font><hr>63.279a<br><font size=+1>

ris skas yin te/ /de nyid mya ngan 'das pa'i sgo/ /de ltar bden pa mchog brtags pa/ /rtag tu chos shes dran pa ni/ /mya ngan dga' ba med gnas su/ /mi mchog 'di ni 'gro bar 'gyur/ /khyod kyis chos ni rnam spangs pa/ /mkhas pa rnams kyis smad pa yin/ /khyod kyis mi bzad gang bsgrags pa/ /de 'dir khyod la rnam par 'tshed/ /de ltar 'phags pa la skur pa 'debs pa'i mi de gshin rje'i mi de rnams kyis rjes su bstan nas gnod pa snga ma dag pas mang bar gnod par byed de/ gang de'i ming yang shes par sla ba ma yin no/ /'phags pa la ngan du brjod pa de nyid kyi gnod pa mi zad pa gang yin pa rgyu dang 'thun par 'bras bu 'byung ba ni de bzhin gshegs pas gsung ste/ de ltar ji srid du de'i sdig pa'i las bcom zhing spangs la zad par ma byas pa de srid du 'tshed do/ /de sems can dmyal ba de las thar na/ las de dang rgyu 'thun par tshe rabs 'bum du yi dgas bzlums pa'i nang du skye bar 'gyur la gang dag gi lus sha'i gong bu ltar bzlums par 'gyur te/ mthong ba med/ thos pa med/ mnom pa med/ smra ba med do/ /de de las thar nas kyang tshe rabs sum stong du ljan ljin gyi srin bur 'gyur/ de las kyang thar nas gal te mi rnams dang skal ba mnyam par mir skyes na/ de tshe rabs lnga brgyar dbul zhing tshig kun gyis yid mi ches pa dang / brjed ngas pa dang / lkug pa dang / 'on par 'gyur ba mthong ngo / /de nas yang dge slong las kyi 'bras bu rnam par smin pa shes pa des/ sems can dmyal ba chen po mnar med pa'i 'khor la brtags na/ des thos pa las byung ba'i shes pas sems can dmyal ba lcags kyi ce spyang gi zas shes bya ba mthong ngo / /der sems can dag las gang gis skye bar 'gyur snyam nas des thos pa las byung ba'i shes pas brtags na/ </font><hr>63.279b<br><font size=+1>

gang gis shin du 'khrugs pa'i sems dang sems rtsub mos bsam bsam ste/ dga' nas dge 'dun gyi gtsug lag khang la me sbar la der yang sangs rgyas kyi sku gzugs bsregs shing dge 'dun gyi gnas na mal stan dang / gos dang / nor dang / 'bru'i 'byor ba mang po dag me'i nyes pas tshig la tshig pa de la yang rjes su dga' bar byed cing 'gyod par mi byed/ gzhan dag kyang de nyid la 'jog par byed/ shin du dga' bar byed/ yang dag par rab tu dga' bar byed la las dang las kyi nyer bsdogs dang / las kyi mjug dang ldan par byed na/ de lus dang bral nas ngan 'gro log par ltung ba sems can dmyal ba lcags kyi lce spang gi zas shes bya bar skye bar 'gyur ro/ /der skyes nas kyang gang sems can dmyal ba yang sos la sogs pa'i sdug bsngal bsdus pa gang yin pa de dag thams cad 'byung ste/ thams cad stong 'gyur du 'byung ngo / /khyad par du 'byung ba ni ji ltar las lci bas gnod pa yang lci bar 'gyur te/ gang gnod pa'i rgyu dang 'thun par 'bras bu 'byung zhing sa bon dang 'thun par 'bras bu 'byung ngo / /'di ltar der skyes pa'i las kyi rkyen gyis lus thams cad kun nas rab tu 'bar bar 'gyur lus de las mgo bcu gcig byung ba dpag tshad bcu bcu yod de/ sems can dmyal ba thams cad pas shin du drag cing mi bzad pa 'byung ngo / /de'i dbus na 'dug pa mi ri lta bur kun nas rnam pa thams cad du rab tu 'bar kun du rab tu 'bar te/ bkres pa dang skom pas gdungs pa'i lus dag 'tshed do/ /sreg go/ /gsod do/ /kun nas lag pa gyen du bsgreng ste/ de'i lag pa de yang dpag tshad lnga brgya tsam du 'bar ba'i phreng bas 'khrugs shing de'i rwa'i ri ltar sreg go/ /de kun nas sreg pa na ngu skad 'byin 'o dod 'bod ku cho 'don cing yongs</font><hr>63.280a<br><font size=+1>

su smre sngags 'don to/ /de ngu skad 'don pa na me lce des de'i kha thams cad 'gengs par byed do/ /de'i kha phye ba dang / phyi rol du kun nas rab tu 'bar zhing rtag tu me lce gcig tu gyur pa yang dang yang du 'phel ba'i mes sreg pa na yun ring du 'tshed do/ /de gal te yang de las thar nas gar bab bab tu 'bros so/ /mgon 'dod pa/ skyabs 'dod pa/ dpung gnyen 'dod pa/ bde ba 'dod pa de 'bros pa dang / legs par byas pa dang / nyes par byas pa'i las kyis 'brel pa sems can dmyal ba de las gnas gzhan du 'byung ste/ mtshan mo ri la char 'bab pa'i chu ltar gnod pa 'phel lo/ /de'i lcags kyi rdo rgyang grags tsam rab tu 'bab ste de dag gis de'i glad pa la sogs pa nas rkang pa'i bar ji ltar bca' sga btags pa lta bur de ltar phye mar byed de de'i mngon pa med par byed do/ /de ltar de lcags las byas pa'i rdo mi bzad pa char ltar 'bab pas btags pa na de nas yang slar 'tsho bar 'gyur te/ lce spyang gi mche ba rab tu 'bar ba dag gis de'i lus bca' sga ltar srab mor byas shing za'o/ /de nas yang byung zhing skyes nas lce spyang mi bzad pa de dag gis za ste/ de ltar yang yun ring du 'tshed cing sreg go/ /slar yang skye bar 'gyur te/ de ltar de las de myong bar 'gyur/ so so yang dag par tshor bar 'gyur/ de sdug bsngal tsha ba rtsub pa gnod pa dag myong bar 'gyur te/ rang gis byas shing gzhan gyis ma byas pa ma byas pa phrad pa ma yin/ byung ba rnams kyis byas pa chud za ba ma yin/ rgyu med pa ma yin/ 'dod rgyal las byung ba ma yin/ rgyu dang rkyen mi mthun pa las byung ba ma yin/ byed pa pos byin gyis ma brlabs/ tshor ba pos byin gyis ma brlabs te/ ji srid du de'i sdig pa'i las bcom zhing spangs la zad par ma byas pa de srid du rang gi rgyu rkyen gyis</font><hr>63.280b<br><font size=+1>

byas pa myong bar 'gyur ro/ /de sems can dmyal ba de las thar na las de dang rgyu 'thun par tshe rabs stong du yi dgas mchog tu mi bzad par smin te/ lus kun nas rab tu 'bar zhing ngu skad 'byin ku cho 'don pa na skye bo kun gyi gnas grong du mtshan mo ngu zhing nyin par yang nyi ma'i 'od mdag me char ltar 'bab pas ji srid du de'i steg pa'i las kyi me 'byung ba bcom zhing spangs la zad par ma byas pa de srid du sreg par byed do/ /de las kyang thar na dgon pa'i dud 'gro rkang pa brgya bar 'gyur te/ rtag tu bkres pa dang / skom pas gdungs la kha gnyis kyis bdag nyid nyon mongs par 'dren cing de'i lus thams cad srin bu mar ko ta ka rnams kyis za bar byed do/ /de gal te yang dud 'gro'i skye gnas de las thar la gal te mi rnams dang skal ba mnyam par so sor myong bar 'gyur ba'i las kyis mir skyes na/ de sprin nag po 'dra bar 'gyur zhing nyams par gyur pa yongs su spangs pa dbul ba yun ring du rngo mong gis nyon mongs shing gzhan la rag las pa mang zhing lus bkres pa dang / skom pas gdungs la de'i srog gi 'tsho ba yang gzhan la rag las par 'gyur te/ de ltar tshe rabs stong du yi dgas rnams dang / tshe rabs stong du dud 'gro rnams dang / gnas skabs de dag gi mir 'gyur ba mthong ngo // //'phags pa dam pa'i chos dran pa nye bar gzhag pa/  bam po bcu bdun pa/ de nas yang dge slong las kyi 'bras bu rnam par smin pa shes pa des/ sems can dmyal ba chen po mnar med pa'i 'khor la brtags na/ des thos pa las byung ba'i shes pas sems can dmyal ba lto gnag ces bya ba mthong ngo / /der sems can dag las gang gis skye bar 'gyur snyam nas des thos pa las byung ba'i shes pas brtags na/ </font><hr>63.281a<br><font size=+1>

gang gis sangs rgyas kyi dkor nor ma byin par blangs te/ de la yang spyod la spyad nas kyang dag par mi byed/ las de'i 'bras bu la yid mi ches te/ de nas yang spyod par byed gzhan dag kyang de nyid la rab tu 'jog par byed/ sangs rgyas kyi gtogs pa sangs rgyas kyi dkor nor yin la yang bar sems na/ de lus bral nas ngan 'gro log par ltung ba sems can dmyal ba lto gnag tu skye bar 'gyur ro/ /der skyes nas kyang gang sems can dmyal ba yang sos la sogs pa bdun gyi gnod pa de dag thams cad brgya 'gyur du 'byung ngo / /khyad par du 'byung ba ni 'di ltar lus bkres pa dang skom pas gdungs te/ rang gi sha nyid la za'o/ /de nas yang slar skye bar 'gyur te/ de ltar lo brgya stong bye ba phrag du mar za zhing slar skye bar 'gyur ro/ /sdug bsngal nyis 'gyur gyis gdungs pa de'i sdug bsngal gyi las byas pa de brgya gyur du 'gyur te/ bkres pa dang skom pa'i sdug bsngal gyis kyang sdug bsngal lo/ /rang gi lus las byung ba'i sdug bsngal gyis kyang sdug bsngal te/ de ltar de rang gi sha dag la za bar byed cing gar bab bab tu 'bros pa dang / de sbrul po che lto gnag la mdog sprin ltar 'dug pa dang phrad de/ des de'i sen mo la sogs pa dang rus pa la sogs pa mthar chags kyis za'o/ /de nas sos pa dang yang za ste/ de ltar gang zhig thams cad kyi mchog tu gyur pa sangs rgyas kyi ma rung bar byas pa'i las des yun ring du sdug bsngal myong bar 'gyur ro/ /de gal te de las thar nas phyogs seng ldeng gi mdag ma rab tu 'bar ba'i gong bu bsags pa na dpag tshad tsam gyi nang du 'jug ste/ de mdag ma de'i nang du song nas lo brgya stong bye ba phrag du mar sreg cing 'tshed do/ /de nas yang slar skye bar 'gyur te/ de ltar des mthong nas gal te thar na mgon</font><hr>63.281b<br><font size=+1>

'dod pa/ skyabs 'dod pa/ dpung gnyen 'dod pa'i drung du gshin rje'i mi dag 'ongs nas phra skam rab tu 'bar ba de dag gis bzung ngo / /des bzung nas lcags kyi bum pa 'bar ba'i nang du bcug ste/ de der mon sran dang / sran chung bzhin du sreg cing 'tshed la yongs su skol te/ steng 'og tu 'byung ba'i sdug bsngal shin du 'jigs shing tsha ba myong ba ni de'i dpe bya bar yang sla ba ma yin no/ /sems can dmyal ba pa de'i sdug bsngal ni khams gsum thams cad kyi rgyu 'bras 'thun pas kyang brgya dang stong gi char yang mi phod de/ de ltar de gnod pa brgya phrag stong yod pa sdug bsngal gyi rgya mtsho shugs dang ldan pa shin du tsha bar bdas pa na/ rang gi las kyi 'bras bu mngon sum du gyur te/ ji srid du de'i sdig pa'i las bcom zhing spangs la zad par ma byas pa de srid du 'tshed par byed do/ /de phyis sems can dmyal ba lto gnag de las thar bar 'gyur te/ thar nas kyang las de dang rgyu 'thun par tshe rabs nyis brgyar yi dgas kha zas mi gtsang ba za rnams su skye bar 'gyur/ de gal te de las thar nas kyang tshe rabs bdun brgyar dud 'gro skyugs pa za bar skye bar 'gyur/ de las thar nas kyang gnya' shing gi bu gar ru sbal 'jug pa lta bur mi rnams dang skal ba mnyam par mir skyes nas de yang ba lang rdzir gyur nas mi gtsang ba za bar 'gyur ba mthong ngo / /de nas yang dge slong las kyi 'bras bu rnam par smin pa shes pa des sems can dmyal ba chen po mnar med pa'i 'khor la brtags na/ des thos pa las byung ba'i shes pas sems can dmyal ba lus zhum zhes bya ba mthong ngo / /der sems can dag las gang gis skye bar 'gyur snyam nas des thos pa las byung ba'i shes pas brtags na/ gang gis</font><hr>63.282a<br><font size=+1>

chos kyi dkor nor la spyad cing byas pa bsags la/ las dang las kyi nyer bsdogs dang las kyi mjug dang yang bcas par gyur/ gzhan dag kyang de la gzengs stod par byed na/ de lus dang bral nas ngan 'gro log par ltung ba sems can dmyal ba lus zhum du skye bar 'gyur ro/ /der skyes nas kyang gang sems can dmyal ba yang sos la sogs pa'i gnod pa de dag thams cad brgya 'gyur du 'byung ste/ gang de dag gi ming yang shes par sla ba ma yin no/ /khyad par du 'byung ba ni 'di ltar lcags kyi ljon shing rab tu 'bar zhing rab tu mched pa gnyis 'byung ste/ de dag kyang las kyi rlung gi shugs drag pos phan tshun 'drud par byed do/ /de gnyis kyi dbus su sems can dmyal ba pa'i lus de g.yas g.yon su shugs drag po kun gyis gnod par byed/ rnam par zhum par byed/ ta la'i 'dab ma ltar byed do/ /de nas yang slar 'byung ste yang rnam par zhum par byed do/ /de tshal chen po'i shing ljon pa shin du mi bzad pa gnyis kyi bar du bcug nas phan tshun bsgul ba dang lus las byung ba'i sdug bsngal myong bar 'gyur la/ gal te ma bsgul na rnam par zhum par byas pa ltung bar 'gyur ro/ /de de las ltung ba dang / lcags kyi bya rdo rje'i mchu can dag shing de dag gi yal ga la gnas te/ de dag gis sems can dmyal ba pa de'i mgo dang glad pa btog btog nas 'bigs par byed do/ /phug nas mig dag la za bar byed do/ /snying rje rje skad du ngu skad 'byin cing smre sngags 'don pa na de'i mig zos nas mgo dang glad pa 'bigs so/ /de phug nas glad rgyas kyang zos nas snying gsheg par byed do/ /de yang gshegs nas nang du song ste/ khrag 'thung ngo / /'thungs nas rgyu ma la za'o/ /de dag kyang zos nas mcher pa la za'o/ /mcher pa zos nas long ka</font><hr>63.282b<br><font size=+1>

la za'o/ /de dag kyang zos nas 'doms la za'o/ /brla'i sbubs la yang za'o/ /pus mo'i lha nga la yang za'o/ /rkang pa dag gi sor mo la yang za la de ltar de sdug bsngal drag po de dag yun ring po lo bgrang gis mi lang bar myong bar 'gyur te/ gang gi ming lo brgyar yang shes pa sla ba ma yin no/ /phyogs gcig cig shes par bya na/ ji ltar rgya mtsho'i chu khyor gang blangs pa de'i phyogs tsam du brjod pa de bzhin du 'di yang phyogs gcig tsam zhig brjod de/ de ltar de ji snyam du de'i sdig pa'i las byas shing bsags pa so sor myong bar 'gyur ba bcom zhing spangs la zad par ma byas pa de srid du sdug bsngal de dag myong bar 'gyur ro/ /de sems can dmyal ba de las thar par 'gyur te/ thar nas kyang las de dang rgyu 'thun par tshe rabs stong du yi dgas mchil ma za ba rnams su skye bar 'gyur ro/ /de gal te srog gis 'tsho ba tsam du 'gyur zhing lus shin du bkres pa dang / skom pas gdungs pa yi dgas kyi 'jig rten de las shi nas kyang ba tshwa'i chu'i nang du dud 'gro nyar skye bar 'gyur/ rtag tu rgya mtsho'i chu'i gseb kyi nang na spyod pa'i chu srin na kra'am/ ma ka ra'am/ rus sbal du 'gyur/ tshe rabs stong du kun du rtag tu bkres pa dang / skom pas gdungs shing ba tshwa'i chu la yongs su spyod par 'gyur/ de las thar nas gal te so sor myong bar 'gyur ba'i las kyis mi rnams dang skal ba mnyam par mir skyes na/ de de'i tshe yul gnyis kyi bar du skye bar 'gyur te/ gang du sa bdag gnyis kyi mtshams phan tshun thab mo 'gyed pa'i yul du skye bar 'gyur ro/ /der de'i nor rdzas bsags bsags pa de dag gzhan gyis 'phrog par byed cing rgyal po'i chad pas kyang de gzung ngo / /bzung nas kyang btson rar</font><hr>63.283a<br><font size=+1>

'jug par 'gyur/ lus bkres pa dang skom pas gdungs par 'gyur/ srog tsam gyis 'tsho ba gzhan la rag las shing shin du sdug bsngal bar 'gyur ba mthong ngo / /de nas yang dge slong las kyi 'bras bu rnam par smin pa shes pa des sems can dmyal ba chen po mnar med pa'i 'khor la brtags na/ des thos pa las byung ba'i shes pas sems can dmyal ba rmi lam 'jigs byed ston ces bya bar mthong ngo / /der sems can dag las gang gis skye bar 'gyur snyam nas des thos pa las byung ba'i shes pas brtags na/ gang gis lo nyes byung ba'i tshe dge 'dun gyi 'du ba'i sgo la dge slong zas 'dod pa dag nye bar lhags pa'i zas dang skom zos shing nye bar spyad la mi sdig pa byed pas de yang phrogs te kha zas de dag kyang bcad/ kha zas bcad pas de dag gi lus la gnod cing dge ba'i chos yid la byed mi nus par gyur/ bsam gtan la dga' ba med par gyur/ sems mi sbyong bar gyur/ mi sdig pa byed pa de yang dge 'dun gyi 'du ba'i sgo de phrogs nas 'chags par mi byed cing 'gyod par mi byed la de nas slar yang 'du ba'i sgo de nyid la mi dge ba'i las mngon par byed par dga' zhing gzhan dag kyang de nyid la byed du 'jug rjes su dga' bar byed cing de'i las dang las kyi nyer bsdogs dang / las kyi mjug byas na de lus dang bral nas ngan 'gro log par ltung ba sems can dmyal ba mi lam 'jigs byed ston du skye bar 'gyur ro/ /der skyes nas kyang gang sems can dmyal ba yang sos la sogs pa'i gnod pa bsdus pa de dag thams cad 'byung ngo / /khyad par du 'byung ba ni byas pa brgya 'gyur du 'byung ste/ gang de ltar sems can thams cad kyi gnod pa de dag de ltar mi zad pa de ltar rtsub pa de ltar bzod par dka' ba</font><hr>63.283b<br><font size=+1>

de ltar sdug bsngal mtha' med pa rang gis byas pa'i las byung zhing bslang ba de'i ming yang shes par sla ba ma yin te/ de'i phyogs tsam zhig brjod na 'di lta ste/ rgya mtsho las chu skyor gang blangs pa de bzhin du brjod do/ /ji ltar mi dag gi rmi lam 'jigs pa dag mthong ba de bzhin du sems can dmyal ba rmi lam 'jigs byed ston der yang / gshin rje'i mi lag na tho ba sna tshogs thogs pa de dag 'byung ste/ sdig pa byed pa'i mi de bzung nas lcags kyi sa gzhi'i steng du 'jog par byed do/ /lcags kyi lung pa'i nang du yang de'i lus bcug nas gtun shing gis phye mar rlog ste rus pa de 'di ltar sbrang rtsi'i tshigs ma'i gong bu ltar byed do/ /de nas yang slar skye bar 'gyur te/ yang tho ba rnams kyis phye mar rlog ste/ de'i sdig pa'i las byas shing bsags pa so so yang dag pa myong bar 'gyur ba'i mthus 'bras bu de nye bar spyod do/ /lung pa gnod pa de las thar na gal te yang rang gi las kyis mtshon cha'i nags tshal gyi nang du khrid nas 'gro ste/ mtshon cha'i nags tshal der phyin nas lus la mtshon 'bab pas gnod pa mang du byed/ gsheg par byed/ 'joms par byed/ phye mar rlog par byed/ de'i lus kyi lpags pa thams cad hral hrol du byas nas rgyug par byed do/ /mgon 'dod pa/ skyabs 'dod pa/ dpung gnyen 'dod pa de rgyug pa de dang / der mtshon cha chen po char ltar 'bab pas gsheg par byed/ 'joms par byed do/ /rtsa dang rgyus pa thams cad shad shad por byas te/ lus gang la lpags pa bya sgro tsam yang ma lus par byas nas lus kyi rus pa'i dra ba tsam zhig 'jog go/ /rgyus pa sbrel ba'i gnad de dag tu yang mtshon char ltar 'bab pas gcod cing gsheg par byed de/ de gcod pa na snying rje rje skad du ku cho 'don cing yongs su smre sngags 'don la thams cad du 'bros so/ /rang gi lus dang yid kyis kun nas bslang</font><hr>63.284a<br><font size=+1>

ba'i mi dge ba'i las kyis bslus pa de bdag nyid thams cad du las des shin du 'tshed par byed do/ /rnam par smin pa ma myong bar de dag 'gag par mi 'gyur zhing mi dge ba'i las de ma myong bar thar ba med de/ gang gi tshe so sor myong na de sems can dmyal ba de las thar bar 'gyur ro/ /thar nas kyang las de dang rgyu 'thun par tshe rabs stong du yi dgas mchil ma za ba rnams kyi nang du skye bar 'gyur ro/ /de las thar nas kyang tshe rabs lnga brgyar 'od ma'i tshal du srin bur skye bar 'gyur te/ gang dang gang du skyes par rdo 'bab pas 'dam bu srab mor brdungs pa ltar lus shin du srab mor rdung ba'i gnod pa myong bar byed do/ /de las thar nas kyang gal te mi rnams dang skal ba mnyam par mir skyes na/ de dbul zhing nad bu can dang / gzhan gyis mngag pa dang / yul bye ma can dang / mya ngam dang / g.yang sa dang / chu med pa dang / rtswa med pa dang / nags tshal med pa dang / ne'u gsing med pa dang / lteng ka med pa'i 'khor rtag tu gnod par skye bar 'gyur ba mthong ngo / /de nas yang dge slong las kyi 'bras bu rnam par smin pa shes pa des sems can dmyal ba chen po mnar med pa'i 'khor la brtags na/ des thos pa las byung ba'i shes pas sems can dmyal ba la lus zhum mi zad 'phyang zhes bya ba mthong ngo / /der sems can dag las gang gis skye bar 'gyur snyam nas des thos pa las byung ba'i shes pas brtags na/ sbyin pa po 'am sbyin bdag gang gis 'di ltar rdzas 'dis nad pa de dag nyid kyi don du 'gyur bar bya'o snyam nas gus pa dang / dad pa dang / dang ba dang / yid gsal bas nad pa khyim gyi nang nas byung ba de'i nad zhi bar bya ba'i phyir rdzas byin pa sdig pa can lung bong ltar spyod pa khong gsog tu 'dug pa gos ngur smrig bgos pa des nad pa'i gsos</font><hr>63.284b<br><font size=+1>

sman gyi rkyen gyis yo byad du byas pa 'phrog par byed do/ /phrogs nas kyang rang nyid za'o/ /zos nas kyang 'chags par mi byed/ 'gyod par mi byed/ sbyong bar mi byed cing de nas yang byed la gzhan dag kyang dad par byed/ rab tu 'jug par byed/ rjes su dga' bar byed cing yang dang yang du sems kyis ro myong bar byed na de lus dang bral nas ngan 'gro log par ltung ba sems can dmyal ba lus zhum mi zad 'phyang du skye bar 'gyur ro/ /der skyes nas kyang gang sems can dmyal ba yang sos la sogs pa'i gnod pa bsdus pa de dag thams cad 'byung ngo / /khyad par du 'byung ba ni 'di ltar sems can dmyal ba de na lcags kyi shing ljon pa yal ga rab tu rgyas shing rab tu 'bar ba dpag tshad tsam yod de rab tu mched cing 'bar ba'i rnam pa de lta bu de khong pa'i nang du 'tshed do/ /gang gis sems can dmyal ba de la rdo reg na rdo rje ltar sra zhing rab tu 'bar bas yal ga rgyas shing rab tu 'bar bas yang brgya 'gyur du rab tu sreg ste shing gi me de'i rnam pa ni de lta bu yin no/ /shing de'i rtsa ba'i 'og tu sems can dmyal ba pa de skye bar 'gyur te/ nad bzhi brgya rtsa bzhis gnad par byas shing 'phel bar byed pa na/ gcig pu zla med cing grogs med par sdug bsngal myong ngo / /gang de'i mgo de thur du bstan cing rkang pa gyen du bsgreng ba'i shing de'i me'i mthu de ni me gzhan gang yin pa de dag chu bsil ba dang 'dra ste/ de'i rtsa bar de de ltar gnod par byed de/ ji ltar skra'i rtse mo'i bar tsam yang med pa de ltar gnod par byed do/ /de nad de dag gis kyang nyon mongs shing me brgya 'gyur gyis sreg la shing gi 'og tu song bas kyang shin du gnod pa na yun ring po lo bgrang gis mi lang bar gnod pa myong ngo / /de ltar de gnod pa myong ba na yang gshin rje'i mi lag na mtshon cha thogs pa dag mtshon cha blangs nas/ gnad dang / </font><hr>63.285a<br><font size=+1>

gnad dag gcod par byed cing lpags pa 'dral bar byed do/ /de gnod pa lnga yis gnod par byed de/ nad dang / shing gi me dang / mtshon cha dang / bkres pa dang / skom pas yun ring po lo bgrang gis mi lang bar sdug bsngal myong ngo / /spu zing zhes byed pa brgya phrag khri dang ldan pa de mngon par brjod pa des ji srid du de'i sdig pa'i las bcom zhing spangs la zad par ma byas pa de srid du sdug bsngal tsha ba mi bde ba rtsub pa dag myong bar 'gyur ro/ /gang gi tshe las de zad na sems can dmyal ba de las thar bar 'gyur la thar nas kyang de las de dang rgyu 'thun par yi dgas me mdag dang dud pa za ba rnams kyi nang du skye bar 'gyur te/ lus bkres pa dang skom pas gdungs shing bsregs pa lta bur 'gyur/ yi dgas kyi 'jig rten de las thar nas kyang tshe rabs lnga brgyar dud 'gro me mdag char ltar 'bab pa dang bye ma char ltar 'bab pas sreg cing 'tshed do/ /dud 'gro'i 'jig rten de las thar nas kyang gal te mi rnams dang skal ba mnyam par mir skyes na 'du ba'i gzhir gnas shing rdo la za ste/ skyes nas shin du sdug bsngal la nams kyang lto 'drangs par mi 'gyur lce'i rtse mos kyang zas zhim po myong bar mi 'gyur te thos pa tsam 'ba' shig tu zad do/ /gzhan gyis bkol zhing dbul ba dang / nad bu can dang smad par 'gyur ba mthong ngo / /de nas yang dge slong las kyi 'bras bu rnam par smin pa shes pa des sems can dmyal ba chen po mnar med pa'i 'khor la brtags na/ des thos pa las byung ba'i shes pas sems can dmyal ba ri brtsegs char ltar 'bab pa zhes bya ba mthong ngo / /der sems can dag las gang gis skye bar 'gyur snyam nas des thos pa las byung ba'i shes pas brtags na/ gang gis</font><hr>63.285b<br><font size=+1>

rang sangs rgyas bkres pa'i zas phrogs na de lus dang bral nas ngan 'gro log par ltung ba sems can dmyal ba ri brtsegs char ltar 'bab pa zhes bya bar skye bar 'gyur ro/ /der skyes nas kyang sems can dmyal ba yang sos la sogs pa'i gnod pa bsdus pa de dag thams cad brgya 'gyur du 'byung ngo / /khyad par du 'byung ba ni tho ba dang / mdung thung dang / rdza ma dang / lung pa'i sdug bsngal dang / mtshon cha 'bab pa'i sdug bsngal sna tshogs myong bar byas shing ri brtsegs char ltar 'bab pa de'i steng du bab po/ /de'i steng du ri brtsegs pa dpag tshad tsam yod pa bab pa gang gis de bye ma chang pa nas gtor ba bzhin phye mar rlog go/ /phye mar brlags pa dang yang slar skye bar 'gyur ro/ /de nas yang phye mar rlog par byed do/ /me'i phung po bcu gcig gis dbus su bcug nas me thab kyi nang du lus ma lus par bsregs so/ /de'i mig skyes pa yang phyung nas gtubs shing bcad de gtor to/ /de'i lce yang gshin rje'i mi rnams kyis bcad do/ /bcad nas kyang slar skye'o/ /de'i sna yang bcad cing zha nye rab tu bskol bas 'gengs so/ /de'i rna ba yang zangs dmar po bzhus pas 'gengs so/ /ba tshwa rab tu bskol bas lcags kyi snod rab tu bsregs pa bkang ste/ khyer nas de la chag chag 'debs shing yang spu gri rnams kyis shin du 'jog par byed do/ /nad bzhi brgya rtsa bzhi rnams kyis rtag tu gnod par byed do/ /de kun nas sdug bsngal gyis nyam thag cing thams cad nas rab tu 'bar ba me lce gcig tu gyur pa na sems can dmyal ba pa'i sdug bsngal tsha bas rtsub pa dag ji srid du de'i sdig pa'i las byas shing bsags pa so sor myong bar 'gyur ba bcom zhing spangs la zad par ma byas pa de srid du yun ring po lo bgrang gis mi lang bar 'gyur ro/ /de phyis</font><hr>63.286a<br><font size=+1>

sems can dmyal ba de las thar bar 'gyur te/ thar nas kyang las de dang rgyu 'thun par tshe rabs lnga brgyar yi dgas grog sbur yan lag rno ba 'bab pas nyam thag cing tsan da ni ka za ba'i nang du skye bar 'gyur ro/ /de gal te de las thar nas kyang tshe rabs bdun brgyar tsi ri ka dgon pa na gnas pa ma rungs pa sgra 'byin pa'i nang du ri dgas ru rur skye bar 'gyur te/ lus rtag tu bkres pa dang skom pas gdungs par 'gyur/ de gal te de las thar nas kyang gal te mi rnams dang skal ba mnyam par mir skyes na/ de rtag tu khur 'khur zhing gzhan gyis bkol bar 'gyur/ gnod pa sna tshogs kyis lus shig shig por gyur cing mtshan mo dang nyin par bde bar gnas par mi 'gyur/ rkang pa dang lag pa dag rdol cing gdong rtag tu rtsub par 'gyur/ lus kyi mdog ngan pa dri ma can la rtag tu gos dang bral bar 'gyur/ las de dang rgyu 'thun par mir gyur na yang tshe rabs lnga brgyar mi yi dgas kyi gzugs lta bur 'gyur/ mtshan mo dang nyin par lus dang yid bde bar gnas par mi 'gyur ba mthong ngo / /de nas yang dge slong las kyi 'bras bu rnam par smin pa shes pa des sems can dmyal ba chen po mnar med pa'i 'khor la brtags na/ des thos pa las byung ba'i shes pas sems can dmyal ba bya 'dzam pa sgra 'byin ces bya ba mthong ngo / /der sems can dag las gang gis skye bar 'gyur snyam nas des thos pa las byung ba'i shes pas brtags na/ gang gis yul dgon dung na chu nyung ngu zhig yod pa dang srog chags rnams su 'bral te/ de la srog ltos/ de la rag las shing / 'dren pa srog 'tsho ba de dag dang 'brel ba'i chu de mi ngan pa sdang ba'i sems kyis bcad do/ /de'i chu bcad pas yul de thams cad ma rung bar byas pa nas yi</font><hr>63.286b<br><font size=+1>

dgas dang bya'i bar thams cad kyang shi la grong dang / grong khyer gyi dge sbyong dang bram ze kun la gnod par byas/ skom gyis gdungs par byas shing de'i chu bcad pas yul ma rung bar byas pa de lus dang bral nas ngan 'gro log par ltung ba sems can dmyal ba bya 'dzam pa sgra 'byin du skye bar 'gyur ro/ /der skyes nas kyang gang sems can dmyal ba yang sos la sogs pa'i gnod pa bsdus pa de dag thams cad 'byung ngo / /khyad par du 'byung ba ni 'di ltar dgon pa dpag tshad bdun brgya yod pa dang / lcags kyi shing ljon pa dang / ri brags rab tu 'bar zhing mi bzad pa de la sems can dmyal ba des phyin ci log tu chu dang shing ljon pa dang nags tshal dang lteng ka phyun chogs par mthong ngo / /de yang bkres pa dang skom pa dpe med cing shin tu mi bzad pa'i me des bsregs nas ngu skad 'byin yongs su smre sngags 'don bzhin du bdag gis btung ngo snyam nas lteng ka de'i drung du rgyug pa dang / de yang ba tshwa rab tu bskol bas gang ngo / /de nas yang gshin rje'i mi lag na mtshon thogs pa brgya 'byung ste/ de dag gis de bzung ngo / /bzung nas kyang mtshon cha rnams kyis gshegs shing 'dral to/ /de sdug bsngal gnyis kyi sdug bsngal ba yin te/ mtshon cha dang bkres skom gyi sdug bsngal lo/ /de ltar yun ring du mtshon cha dang dgon pa'i sdug bsngal myong ngo / /de gal te de las thar nas kyang bkres pa dang / skom pas nyen pa gar bab bab tu 'bros pa dang / des chu bsil ba dag cig mthong nas der song ngo / /der song ba dang chu de dag kyang bya 'dzam pa skad 'byin ces bya ba glang po che tsam la mchu rno ba zhig yin te des bzung ngo / /gzung nas kyang gnam du 'phangs so/ /'phangs pa na 'khrul cing dran pa dang bral bas slar log pa dang sa gzhi rab tu 'bar la sra zhing reg par mi bzod pa'i steng du rdo bzhin du lhung ste/ de der dum bu brgyar gyes so/ /</font><hr>63.287a<br><font size=+1>

de nas yang slar 'dus te sos pa dang / bya dag gis bzung nas de sngon bzhin du sdug bsngal bar byed do/ /nad thams cad kyis kyang thabs nas da ltar sngon bzhin du lo bye ba 'bum phrag du mar byas pa'i sdug bsngal gyi rnam pa de dag myong ngo / /de gal te de las thar nas kyang yang gshin rje'i mi rnams kyis bzung ngo / /bzung nas kyang zangs dmar po rab tu bskol ba chu bo'i klong lta bur bcug go/ /de bcug nas dbu ba'i gong bu bzhin du rab tu bzhus so/ /de nas yang slar 'byung ste/ nyes par byas pa'i las kyi mtha' spyad pa de de ltar yun ring du lo bgrang gis mi lang bar 'tshed do/ /de gal te de las thar nas kyang lus bkres pa dang / skom pas gdungs pa yul ma rung bar byed pa de rang gi las kyis byas pa myong bzhin du gar bab bab tu 'bros pa dang / lam du phur bu rtse mo shin du brdar cing rno ba byung ste/ des de'i rkang mthil la sogs pa brtol ba nas pus mo'i lha nga'i bar du brtol to/ /rkang pa brtol ba de lus ni rab tu 'bar/ sdug bsngal gyis nyam ni thag /snying rje rje skad du ku cho ni 'byin/ yongs su smre sngags ni 'don/ ngu zhing rang gi khrag gi nang du lhung zhing bying ngo / /de nas yang lus kyi yan lag thams cad bsregs pa langs nas de ltar sems blong blong por gyur pa de 'gro ba dang / khyi so rab tu 'bar ba dag 'ongs nas de dag gis bzung ste/ de'i yan lag dang nying lag thams cad dang / lpags pa dang khrag dang sha dang tshil dang rkang yan chad la za'o/ /de ltar yul ma rung bar byed pa de ji srid du de'i sdig pa'i las byas shing bsags pa so sor myong bar 'gyur ba ma zad cing ma spangs pa de srid du rang gi gnod pa yun ring du myong bar 'gyur ro/ /de phyis las de dang 'thun par tshe rabs lnga brgyar dud 'gro 'phye bo rnams kyi nang du skye bar 'gyur te/ </font><hr>63.287b<br><font size=+1>

gar skyes par ser bas sam/ sbrul dag gis gsod pa 'am/ rlung dag gis gsod par 'gyur/ de de las thar nas kyang gal te mi rnams dang skal ba mnyam par mir skyes na de ri khrod pa'i rigs su skye zhing skye bo kun gyis smad par 'gyur ba mthong ngo / /de nas yang dge slong las kyi 'bras bu rnam par smin pa shes pa des sems can dmyal ba chen po mnar med pa'i 'khor la brtags na/ des thos pa las byung ba'i shes pas sems can dmyal ba skar phreng zhes bya ba mthong ngo / /der sems can dag las gang gis skye bar 'gyur snyam nas des thos pa las byung ba'i shes pas brtags nas/ gang nyon mongs pa thams cad zad par byed 'dod pa 'gog pa las langs pa'i dge slong dang por shin du bkres pa de'i kha zas phrogs te phrogs nas kyang mgu zhing yid rab tu dga' la yang dang yang du ro myong bar byed/ legs par sems/ de nyid la gzhan dag kyang gzeng stod par byed la las dang las kyi nyer bsdogs dang / las kyi mjug dang yang dag par ldan pa byas shing bsags pa'i las mi bzad pa rnam pa de lta bu byed na/ de lus dang bral nas ngan 'gro log par ltung ba sems can dmyal ba skar phreng du skye bar 'gyur ro/ /der skyes nas kyang gang sems can dmyal ba yang sos la sogs pa'i gnod pa bsdus pa de dag thams cad brgya 'gyur du 'byung ngo / /khyad par du 'byung ba ni 'di ltar sems can dmyal ba de'i gnas grwa gnyis pa yod de kun nas rdza mas yongs su bskor to/ /grwa gcig na rdza ma rab tu 'bar ba skar ma bkram pa lta bur lo bye ba khrag khrig sum bcu rtsa dgu dang / ther 'bum dgu stong dang / bye ba dung phyur phrag drug bcu dang / skyang 'phyes bye ba sum bcu sa dzA li ni dang / kod TU di kod TU dang / ke sa ra stong phrag nyi shu ste/ </font><hr>63.288a<br><font size=+1>

grangs kyi tshad de snyed kyi bar du 'tshed cing bsreg ste/ nya ltar 'gre ldog go/ /zangs dmar po bskol ba rab tu 'bar ba rdza mar blugs par nyin gcig bzhin du tsha bar byas shing sdug bsngal drag pa rtsub pa mi bzad pa 'phel te ngu skad 'don cing cho nges 'debs so/ /de ltar de nyes par byas pa'i las smad par bya ba rang gi sems las byung bas yun ring du snga ma bzhin du 'tshed do/ /de gal te phyogs gcig las thar nas kyang rlung sems dang phrag par 'jug ces bya ba spu gri lta bus gnad thams cad dang / gnad so so dag bcad nas des sems can dmyal ba pa de'i steng du phyung ste/ sems can dmyal ba pa'i grwa gnyis pa der bcug go /sems can dmyal ba pa rlung gis bdas nas grwa gnyis su bcug pa'i lus kyi khams su gtogs pa thams cad bye ma snyed du gtubs shing bcad de lus la rtsa rgyus tsam lus par byed do/ /de ltar de bcad pa'i lhag ma de gshin rje'i mi rnams kyis bzung ngo / /bzung nas rdza ma skar ma'i phreng ba lta bur rlung gis bdas te bcug go /de yang dang yang du der bcug pa na rkang pa gyen du bsgreng zhing mgo thur du bstan pa dang thog ma nyid du mgo ltung ngo / /de'i 'og tu zangs dmar po rab tu bskol bas mig ltung bar byed do/ /de'i 'og tu de'i kha'i lpags pa ltung bar byed do/ /de'i mid par zangs dmar po bzhus pas gang ste/ de'i mid pa thams cad khyab par sreg pa na ngu skad 'byin pa 'am 'bros par mi nus so/ /de ltar de'i lus kyi sdug bsngal gyis nyam thag pa yang dang yang du gshin rje'i mi de dag gis tho ba blangs nas mgo slar byung ba dag la rdeg par byed do/ /glad pa nyams pa des de'i lus thams cad khyab ste mgo dang lus dang khog pa yun ring du 'gre ldog pa ltar 'gre ste/ de ltar de sems can dmyal ba</font><hr>63.288b<br><font size=+1>

skar phreng gi grwa gnyis par ji srid du de'i sdig pa'i las byas shing bsags pa bcom zhing spangs la zad par ma byas pa de srid du 'tshed do/ /de'i las byas shing bsags pa zad nas de de las thar bar 'gyur te/ thar nas kyang las de dang rgyu 'thun par tshe rabs stong du yi dgas zas la re bar skye bar 'gyur te/ de ltar tshe rabs bdun brgyar tshegs chen pos lo brgyar bsgrubs na zas lan gcig cig rnyed par skye bar 'gyur/ tshe rabs lnga brgyar ri 'or na gnas pa'i ri dgas rnams kyi nang du skye bar 'gyur te/ rtag tu 'khrul pas 'jigs shing skye bo kun gyis 'jigs pa dang / ri 'or gyi gseb mi med par yang rtag tu 'khrul cing lus skem la mdog ngan par 'gyur ro/ /de phyis las kyi lhag ma des lings pa dag 'ong ba'i gnod pas srog dang bral bar 'gyur ro/ /de de nas shi nas kyang gal te so sor myong bar 'gyur ba'i las kyis mi rnams dang skal ba mnyam par mir skyes na/ de rtag tu tshong pa'i lam ston par byed par 'gyur/ rtag tu lus bkres shing skom la dub pa dang / yi chad pa dang / gzhan la rag las pa mang ba dang / srog tsam gyis 'tsho ste/ de ltar mi'i gzugs brnyan du gyur pa/ rtag tu sdug bsngal gyis sdug bsngal bar gyur pa mthong ngo / /de nas yang dge slong las kyi 'bras bu rnam par smin pa shes pa des sems can dmyal ba chen po mnar med pa'i 'khor la brtags na/ des thos pa las byung ba'i shes pas sems can dmyal ba sdug bsngal kun gyis nyen zhes bya ba mthong ngo / /der sems can dag las gang gis skye bar 'gyur snyam nas des thos pa las byung ba'i shes pas brtags na/ gang gis thams cad mkhyen pa'i gsung rab glegs bam la bris pa sdang ba'i sems dang log par lta ba dang / log par 'khu ba'i</font><hr>63.289a<br><font size=+1>

sems kyis 'di ltar sangs rgyas la srog chags dag chos de nyan pa dad pa med par bya ba'i phyir chos kyi gzhi bshig te btang ngo snyam nas bor na de log par lta ba byas shing bsags pa'i las kyis sems rnyog par byas shing gzhan dag kyang de la rab tu 'jog par byed/ yang dag par dga' bar byed la de nas yang chos kyi glegs bam du gtogs pa sdang ba'i sems kyis 'dor bar byed de/ las dang las kyi nyer bsdogs dang las kyi mjug la phyi phyir zhing de nyid la dga' bar byed na/ de lus dang bral nas ngan 'gro log par ltung ba sems can dmyal ba sdug bsngal ba kun gyis nyen par skye bar 'gyur ro/ /der skyes nas kyang gang sems can dmyal ba yang sos la sogs pa bdun gyis gnod pa bsdus pa de dag thams cad 'byung ngo / /khyad par du 'byung ba ni 'di ltar dmyal ba pa'i mig la zangs dmar po rab tu bzhus te chag chag btab pas rab tu zhu ba dang / de bzhin du bye ma rab tu 'bar ba reg na/ rdo rje ltar sra ba rnams kyis mig de la btab nas lag pas bzung ste mi bzad pas mnyes so/ /de ltar mig la mnyes pa gang yin pa de bye ma reg pas rab tu zhu'o/ /de nas yang slar skye bar 'gyur te/ yang mnyes so/ /sog le rab tu 'bar ba yang blangs nas lag pa gnyis bcad do/ /de nas yang slar 'byung bar 'gyur te/ phyed rdza ma rab tu 'bar ba'i nang du lhung ste 'tshed do/ /de'i phyed kyang mtshon gyis bzhog par byed cing gcod par byed do/ /de'i mig gnyis kyis dam pa'i chos mthong nas bor ba de'i rnam par smin pa ni de yin no/ /gang lag pas bor ba de'i rnam par smin pa ni de'i lag pa bcad pa yin no/ /gang gis nyes par spyad pa de bsags pa ni rdza ma'i nang du bcug pa ste/ 'tshed pa na bya'i mchu rno la rab tu 'bar bas gzas</font><hr>63.289b<br><font size=+1>

te phug za zhing steng gi khu ba la 'thung bar byed do/ /de'i 'og tu song ba'i lpags pa lhag ma rdza ma'i nang du ma bcug pa phyed po de ni gshin rje'i mi rnams kyis ste'u yis bzhog go/ /phyed bzhogs nas shin du srab mor byed do/ /de nas ba tshwa'i chus kyang chag chag 'debs so/ /khab rtse mo rno zhing rab tu 'bar ba 'bigs par byed pas skabs yod yod du lus la 'bigs par byed do/ /de'i mgo yang 'khor los yongs su 'khor ro/ /de las thar ba dang kun nas rab tu bzhus pa'i rgyun mi 'chad pa'i 'bab pa de la 'thung bar byed do/ /de ltar de gnod pa myong ba na der las mi bzad pa byas shing bsags pa ji srid du de'i sdig pa'i las byas shing bsags pa bcom zhing spangs la zad par ma byas pa de srid du myong bar 'gyur ro/ /de phyis sems can dmyal ba de las thar bar 'gyur te/ thar nas kyang las de dang rgyu 'thun par tshe rabs lnga brgyar yi dgas dud pa za ba rnams kyi nang du skye bar 'gyur te/ de'i snying ngan song gis bsgribs la lus la gnod par 'gyur ro/ /gal te de las thar nas kyang tshe rabs bdun brgyar dud 'gro mtshan mo rgyu ba 'ug pa thur du lta bar skye bar 'gyur/ de las thar nas kyang so sor myong bar 'gyur ba'i las kyis gal te mi rnams dang skal ba mnyam par mir skyes na/ tshe rabs bdun brgyar gangs khrod du gnas shing zas su ko dra ba za la dbul ba dang kla klor 'gyur ba mthong ngo / /de nas yang dge slong las kyi 'bras bu rnam par smin pa shes pa des sems can dmyal ba chen po mnar med pa'i 'khor la brtags na/ des thos pa las byung ba'i shes pas sems can dmyal ba gos dri zhes bya ba mthong ngo / /der sems can dag las gang gis skye bar 'gyur snyam nas des thos pa las byung ba'i shes pas brtags na/ log par</font><hr>63.290a<br><font size=+1>

lta ba gang gis ched du bsams/ ched cher byas/ dga' bar byas/ shes par byas shing mngon par zhen pa'i blos 'di ltar yo byad 'di dag bsregs pas dge slong de dag ma rung bar bya'o snyam nas dge 'dun gyi zhing ngam/ bu ram shing ngam/ ldum ra 'am/ kun dga'i ra ba 'am/ de las gzhan pa dge 'dun gyi 'tsho ba'i yo byad rnams mes bsregs la de las dang las kyi mjug dang ldan na de lus dang bral nas ngan 'gro log par ltung ba sems can dmyal ba gos drir skye bar 'gyur ro/ /der skyes nas kyang gang sems can dmyal ba yang sos la sogs pa bdun gyi gnod pa bsdus pa de dag thams cad brgya 'gyur du 'byung ngo / /khyed par du 'byung ba ni 'di ltar sems can dmyal ba de kun nas dra ba rab tu 'bar bas 'khor te kun nas dra ba khab kyi bu ga tsam gyis khebs pa der skyes so/ /sems can dmyal ba de gshin rje'i mi rnams kyis mda' rab tu 'bar zhing rno la shugs drag pas glo gnyi gar brgyab pa na dra ba de'i nang nas 'bros pa dang de dra ba'i mig nas 'bros par mi nus shing de dra ba der shin du thogs te/ de'i dra ba rno ba'i mthus bdag nyid 'byin par mi nus so/ /dra ba des lag pa yang gcod par byed/ rtsib logs kyang bzhog par byed/ yan lag dang nying lag thams cad kyang rus pa la thug gi bar du bzhog par byed do/ /dra ba des bzhog pa na yang yang du gshin rje'i mi de rnams kyis mde'u yi rtse mo shin du bdar bas lan brgya 'am yang na stong du gsod do/ /las kyi dra bas bsgribs pa de mda'i sdug bsngal gyis yun ring du nyon mongs te/ sems can dmyal ba der ji srid du de'i sdig pa'i las byas shing bsags pa bcom zhing spangs la zad par ma byas pa de srid du sdug bsngal mi zad pa rtsub pa gzhan dang mi 'dra ba dag myong bar 'gyur ro/ /de phyis sems can</font><hr>63.290b<br><font size=+1>

dmyal ba de las thar bar 'gyur te/ thar nas kyang las de dang rgyu 'thun par tshe rabs bdun brgyar yi dgas khyim gyi nang na bu 'byin pa'i skad ngan 'don pa rnams kyi nang du skye bar 'gyur/ de las thar nas kyang tshe rabs lnga brgyar dud 'gro'i skye gnas khyim bya dang rma bya dang ba lang dag gi lci ba'i nang du skye bar 'gyur/ de las thar nas kyang de mi rnams dang skal ba mnyam par mir skyes na/ de las de dang rgyu 'thun par gtum po'i bu btsa' ba'i khyim du skye bar 'gyur ba mthong ngo / /de nas yang dge slong las kyi 'bras bu rnam par smin pa shes pa des sems can dmyal ba chen po mnar med pa'i 'khor la brtags na/ des thos pa las byung ba'i shes pas sems can dmyal ba lcags glebs shes bya ba mthong ngo / /der sems can dag las gang gis skye bar 'gyur snyam nas des thos pa las byung ba'i shes pas brtags na/ mi brtan pa dang / mi brtan pa'i sems kyi blo ngan pa bslu ba'i bsam pa gang gis 'di ltar dbyar zas med pa'i tshe/ dge slong dag la nad kyi gsos sman gyi rkyen dang zas dag sbyar gyis dge slong dag sems las chung ngur gyis shig /tshegs chung ngus gnas par gyis shig /yid kyi las chung bar gyis shig ces smras nas/ dge slong dag spyan drangs la/ dge slong de dag kyang de'i dad pa bskyed pa des zas med pa'i tshe yang de'i dad pa bskyed pa des yon bdag gzhan du ma btsal to/ /de nas yang mi ngan pa des dge slong de dag gi re ba med par byas pa dang / zas med pa de'i tshe la la ni 'chi ba'i dus byed/ la la ni dge ba'i chos bskyed par mi nus/ la la ni shin du sdug bsngal bar gyur/ la la ni yul gzhan du 'gro bar byed de/ de ltar gang dge slong de dag la brdzun byas pa de sems can dmyal ba lcags glebs su skye bar 'gyur ro/ /</font><hr>63.291a<br><font size=+1>

der skyes nas kyang sems can dmyal ba yang sos la sogs pa'i gnod pa bsdus pa de dag thams cad 'byung bar 'gyur ro/ /khyad par du 'byung ba ni 'di ltar sems can dmyal ba pa de me'i phung po bcu gcig gis yongs su bskor cing bkres pa dang skom pas yongs su gdungs la/ gshin rje'i mi rnams kyis yang dang yang du zangs dmar po bskol ba dang / lcags kyi thu lum rab tu 'bar bas sems can dmyal ba lus zhum pa de pad ma chen po kha btsums pa dang phye ba ltar sreg go/ /'tshed do/ /skems so/ /gsod do/ /de nas yang slar skye bar 'gyur te/ gnod pa khyad par du 'byung ba ni ji ltar las byas pa bzhin du de'i lcags glebs pa chu zheng dpag tshad lnga yod pa kun nas rab tu 'bar la kun nas me lce gcig tu gyur pa khyer te des slu bar byed pa de yongs su dkris shing du mar bskor to/ /lus kun nas rab tu 'bar ba ku cho 'don pa na so sor nyams shing thams cad nas bde ba khab kyi bu ga tsam yang med do/ /me dang lcags glebs pa des rtag tu khyab ste/ de ltar de sdug bsngal drag pa rtsub pa shin du mi bzad pa dag myong ngo / /bkres pa dang skom par gyur cing lcags glebs pa dang me 'byung bas de ltar de ji srid du de'i sdig pa'i las byas shing bsags pa bcom zhing spangs la zad par ma byas pa de srid du gnod pa de dag myong bar 'gyur ro/ /de de las thar na las de dag dang rgyu 'thun par tshe rabs bdun stong du yi dgas glad rgyas za ba rnams kyi nang du skye bar 'gyur ro/ /de las thar nas kyang tshe rabs bdun stong du dud 'gro kha zas med pa 'am me za ba rnams kyi nang du skye bar 'gyur ro/ /de las thar nas kyang gal te so sor myong bar 'gyur ba'i las kyis mi rnams dang skal ba mnyam par mir skyes na/ de rtag tu rgyal pos btson rar bcug cing tshe rabs lnga brgyar bkres</font><hr>63.291b<br><font size=+1>

pa dang skom pa dag gis 'chi ba'i dus byed par 'gyur ba mthong ngo / /de nas yang dge slong las kyi 'bras bu rnam par smin pa shes pa des sems can dmyal ba chen po mnar med pa'i 'khor la brtags na des thos pa las byung ba'i shes pas sems can dmyal ba 'gro ba mes sreg ces bya ba mthong ngo / /der sems can dag las gang gis skye bar 'gyur snyam nas des thos pa las byung ba'i shes pas brtags na/ gang gis 'di ltar 'phags pa dang 'phags pa'i gang zag mi gnas par bya'o snyam nas sangs rgyas kyi gtsug lag khang 'jig par byed dam/ de sangs rgyas kyi gsung rab yi ger bris pa 'byid dam/ klan ka btsal ba'i phyir mkhas pa dag la mi mkhas pa'i bdag nyid can gyis sangs rgyas kyi gsung rab nyan par byed de thos nas kyang chos 'dul ba de la 'jug par mi byed cing yongs su mi snyan par brjod la brjod nas kyang kun du bsten cing bsgoms la mang du byed na de lus dang bral nas ngan 'gro log par ltung ba sems can dmyal ba 'gro ba mes sreg tu skye bar 'gyur ro/ /der skyes nas kyang gang sems can dmyal ba yang sos la sogs pa'i gnod pa bsdus pa de dag thams cad brgya 'gyur du 'byung ngo / /khyad par du 'byung ba ni 'di ltar sems can dmyal ba de la khyad par thams cad stong 'gyur du 'byung ste/ sbrul rnams kyis 'khris shing kun nas dra bar gang ba der sems can dmyal ba der 'gro bar byed do/ /'gro ba na gshin rje'i mi lag na tho ba thogs pa de dag thams cad kyis sreg par byed de dug gi me tshan po ches kyang sreg par byed do/ /de dug dang sems can dmyal ba'i me gnyis kyi nang du sreg pa na snying rje rje skad du ngu skad 'byin smre sngags 'don cho nges 'debs so/ /de de ltar cho nges 'debs pa dang / 'di ltar gshin rje'i mi rnams kyis rjes su bstan</font><hr>63.292a<br><font size=+1>

pa tshigs su bcad de smras pa/ glen pa dam pa'i chos yul la/ /rmongs pa'i shugs kyis thams cad du/ /sred pa'i dug gis myos pa dag /don med ci zhig yongs su smre/ /sdig byed dga' bar mthong ba ni/ /bzlog na mthong ba med pa yin/ /sdig pa byed tshe bde ba ni/ /bzlog na me dang 'dra ba yin/ /sdig pa byed pa'i mi dag ni/ /'jig rten kun gyis rnam par smad/ /dge ba byed pa rtag tu bstod/ /de bas sdig pa rnam par spongs/ /mi 'dod mi phan sdang ba yi/ /rnam par smin pa sdug bsngal cha/ /sdig pa sdig pa'i rnam smin te/ /de ltar blo ldan de spongs shig /sdig la rtag tu sdig pa yod/ /sdig pa med la sdig med do/ /byed la ltos la sdig yod de/ /byed pa rnams kyi rjes su 'jug /sdig pa sems la rag las shing / /'bras bu sems la rag las te/ /sems ni rkyen las skyes par mthong / /rgyu dang rkyen las shin du byung / /sems can sems kyis bslus nas su/ /sdig pa'i dbang gis 'ongs pa dag /gnod pa'i mchog ste stobs po che/ /sems can dmyal ba drag por 'gro/ /sems dbang gyur pa mi 'gro ste/ /rtag tu chos dbang 'gyur mi 'gro/ /chos spyod pa ni rtag tu bde/ /sdig spyod pa ni mi bde 'o/ /chos ma yin pas legs med cing / /log par 'tshed par mi byed de/ /rgyu dang 'dra bar de mthong zhing / /'bras bu sna tshogs 'grub par 'gyur/ /rgyu dang 'bras bu 'thun par 'byung / /nams kyang log par 'byung med de/ /'dus byas kyi ni chos 'di dag /rgyu dang 'bras bur shin du 'byung / /rgyu med 'bras bu yod ma mthong / /sems can dmyal bar rnam par phye/ /rgyu sbyor las ni 'bras bur sbyor/ /sems can dmyal bar rnam par 'tshed/ /byas shing bsags pa drag pa dang / /nges par ngan 'gror</font><hr>63.292b<br><font size=+1>

'gro ba yi/ /las dang 'bras bur 'brel pa ni/ /sems can dmyal bar rnam par 'tshed/ /so sor bshags pa rnam pa yis/ /las gang rnam par bzlog bya ba/ /de mi 'dod pa lam de nyid/ /rnam par mthong bas 'bras bu mthong / /'od gang sgron la rag las te/ /de bzhin 'bras bu las la thogs/ /gzhan dang gzhan las 'bras 'byung ste/ /'dus byas thams cad de 'dra 'o/ /gzhan dang gzhan las de mthong ste/ /gzhan dang gzhan du dbang sbyor ro/ /'thun par rjes su 'brel pa ni/ /de nyid mthong ba dag gis mthong / /rgyud la rgyu 'bras med min te/ /dbang phyug la sogs gnas pa med/ /'dus byas chos kun 'byung ba ni/ /de nyid mthong ba dag gis bstan/ /'khor ba thog ma med pa nas/ /rgyu dang rkyen las byung ba ste/ /las rnams dang ni 'thun par mthong / /log par brtag par mi bya 'o/ /gang 'dod las kyi dbang song ba/ /srog chags las kyi rgyu las skyes/ /las 'bras de nyid shes pa de/ /dag pa yin zhes mngon par rtogs/ /gti mug zhags pa'i dbang song ba/ /khyod kyis sdig de rtag tu byas/ /sdig dang bcas pa'i las byas pas/ /byis pa don med ci zhig gdung / /sdig la sdig pa rtag tu gnas/ /de bzhin chos la chos gnas te/ /de nyid las ni ston byed pa/ /brtan pa dag gis gnyi ga spong / /sangs rgyas bstan la rmongs pa dang / /lam dang lam min rmongs pa gang / /de dag la ni zhi med de/ /mun pa la ni nyi ma bzhin/ /rtag tu chos dang chos min dang / /rgyu dang rkyen la rmongs pa dang / /gnod mchog shin du mi bzad pa/ /sems can dmyal ba drag po thob/ /gtan tshigs ldan pa'i tshig rnams kyis/ /de la bsgo nas gshin rje'i mi/ /mdung thung gtun shing thogs nas su/ /de nas khro zhing rngam par 'gyur/ /de nas yang</font><hr>63.293a<br><font size=+1>

mtshon cha rnam pa du ma dag thogs nas ji srid du de'i sdig pa'i las byas shing bsags pa bcom zhing spangs la zad par ma gyur pa de srid du lo 'bum phrag du ma'i dus nas bskyed pa rang gi las kyis byas pa la spyod pa'i sems can dmyal ba de dag la gsod do/ /de phyis sems can dmyal ba de las thar bar 'gyur te/ thar nas kyang las de'i mthus tshe rabs bdun brgyar yi dgas gtor khung nas 'bab pa 'thung ba rnams kyi nang du skye bar 'gyur/ de de las thar nas kyang las de dang rgyu 'thun par tshe rabs lnga brgyar dud 'gro si mi si mi rnams kyi nang du skye bar 'gyur te/ de las thar nas kyang mi rnams kyi nang du bya rog ltar dman par skye bar 'gyur te/ der rtag tu kha zas snying po med pa za zhing skom yang rnyog ma can 'thung bar 'gyur la skom de yang lan 'ga' zhig 'thung bar 'gyur ba mthong ngo // //'phags pa dam pa'i chos dran pa nye bar gzhag pa/  bam po bcwa brgyad pa/ de nas yang dge slong las kyi 'bras bu rnam par smin pa shes pa des sems can dmyal ba chen po mnar med pa'i 'khor la brtags na/ des 'og dang thad kar phra ba 'am rags pa 'am rjes su zhugs pa'i 'khor gang bcu bdun pa gcig kyang ma mthong ngo / /de de ltar sems pa na lam mthong ba'i dge slong de 'di snyam du sems te/ kye e ma bdag gis sems can dmyal ba brgyad po dag gi 'khor bcu drug rnams kyi mtha' mthong ste/ nyes par byas pa'i las kyis 'di de tsam zhig pa lta snyam mo/ /byis pa so so'i skye bo thams cad kyis byas shing bsags pa'i gnod pa'i sa dang / las ngan pa byas shing mngon du gyur pa'i sems can dmyal ba chen po brgyad kyi 'khor las skyes pa 'am/ de bzhin du ches shin du lci ba'i rnam pa mnar med pa gang du sems can</font><hr>63.293b<br><font size=+1>

dmyal ba chen po mnar med pa ma gtogs par srog chags dag sreg pa'i sems can dmyal ba chen po gzhan dgu pa ma mthong ngo / /gang du 'di'i phyogs gcig las stong gi cha gcig cig bstan te/ rgyu gang ngas bshad pa 'am/ mnyan pa'am/ dpe bya bar yang sla ba ma yin no/ /de ltar sems can dmyal ba pa'i sdug bsngal bzod par dka' ba de ltar gzhan dang mtshungs pa med pa sdug bsngal dpe med pa de rgyu gang dang / mnyam pa gang dang / gang de nyid khong du chud cing shes par byas na gang khrag tu skyugs nas 'chi bar 'gyur te/ de ltar sems can dmyal ba pa de'i gnod pa sdug bsngal bas ches sdug bsngal ba mi 'dod pa mi sdug pa yid du mi 'ong ba yin no/ /de nas dge slong des sems can dmyal ba de mthong nas 'khor ba'i sdug bsngal thams cad la yid byung ste/ 'dus byas thams cad la mi rtag pa dang / sdug bsngal ba dang / stong pa dang / bdag med par mthong ngo / /de'i 'og tu 'phags pa'i bden pa 'di la rnam par dpyad pas 'khor ba la sems shin du 'dod chags dang bral bar byed/ yid byung bar byed/ mi dga' bar byed cing 'khor ba la smod par byed do/ /rnam pa de dag gis 'khor ba mi bzad pa shin du 'jigs par mthong nas/ de 'di snyam du sems te/ kye e ma sems can 'di dag ni lha'i lta ba dang shin du bral zhing mig dang bral ba yin te/ yang dang yang du sems can dmyal ba shin du mi bzad pa/ shin du tsha ba shin du 'jigs par skyes kyang skyo bar mi byed de/ byis pa so so'i skye bo 'di dag 'khor ba thog ma med pa nas sred pa'i zhags pas bcings pa yin snyam mo/ /de nas yang rnal 'byor spyod pa nang gi chos la chos kyi rjes su lta zhing gnas pa 'di ltar dge slong rgyun mi 'chad par spro ba de mi bzad pa bas kyang shin du mi zad pa sems can dmyal ba yang sos la</font><hr>63.294a<br><font size=+1>

sogs pa mnar med pa'i bar gyi las kyi 'bras bu rnam par smin pa thams cad kyis sa gzhan bcu gsum pa la zhugs te/ bdud kyi yul la mi dga' zhing bdud kyi dbang du mi 'gro bdud kyi 'ching ba thams cad rnam par gcod cing bdud kyi yul la gnas par mi byed de rtag tu brtson pa'i dge slong de bag la nyal gyi sbyor ba ma lus par bcad nas mya ngan las 'das pa'i grong khyer du 'jug par byed do/ /de'i spro ba sa bla ba'i gnod sbyin dag gis mthong nas bar snang la spyod pa'i gnod sbyin rnams la bsnyad de/ 'di ltar gang rigs che ge mo zhig las rigs kyi bu de grong mang ge mo zhig dang / grong rdal ga ge mo zhig dang / yul ga ge mo zhig nas skra dang kha spu bregs gos ngur smrig bgos nas dad pas khyim nas khyim med par rab tu byung ste/ rtsol zhing 'bad pa na yang dag pa'i lam gzhan dang mi 'dra ba'i lta ba thun mong ma yin pa 'jig rten las 'das pa las kyi chos kyi rnam par smin pa shes pa sa gzhan bcu gcig pa zhugs te/ sems can dmyal bar zhugs pa rnams kyi thog ma dang tha ma'i sdug bsngal shes so/ /de ltar sa bla'i gnod sbyin dag gis bar snang la spyod pa'i gnod sbyin dag la bsnyad do/ /de dag gis kyang de ltar snga ma bzhin du rgyal po chen po bzhi la bsnyad do/ /de dag gis kyang sum bcu rtsa gsum pa rnams la/ de dag gis kyang 'thab bral rnams la/ 'thab bral ba rnams kyis kyang dga' ldan pa rnams la/ dga' ldan pa rnams kyis kyang 'phrul dga' rnams la/ 'phrul dga' rnams kyis kyang gzhan 'phrul dbang byed pa rnams la bsnyad do/ /de ltar rim gyis snga ma bzhin du 'od chung gi lha rnams kyi bar la bsnyad de 'di ltar lha khyed cag sems shin du mnyam par bzhag pas nyon cig /'di ltar</font><hr>63.294b<br><font size=+1>

'dzam bu'i gling na rigs che ge mo zhig las rigs kyi bu mang ge mo zhig yul ga ge mo zhig nas skra dang kha spu bregs gos ngur smrig bgos nas dad pas khyim nas khyim med par rab tu byung ste/ de rtsol zhing 'bad la sgrim pa na spra ba mi 'dri zhing bdud kyi dngos po mi 'dod la dga' ba'i 'dod chags kyi mod las byung ba'i sred pa dang lhan cig shin du chags par mi byed kun nas nyon mongs shing mi sdug pa gzugs dang / sgra dang dri dang ro dang / reg bya rnams kyis shin du chags par mi byed de/ de sa gzhan bcu gsum pa la zhugs so/ /sems can dmyal ba brgyad po kun gyi las kyi chos kyi rnam par smin pa shes pa'i dge slong gis 'khor ba ma rig pa'i mun pa'i sdug bsngal thams cad shes nas ji lta ba bzhin du yid byung ste/ bdud kyi phyogs kyi dngos po ni dmas so/ /dam pa'i chos kyi phyogs ni mngon par mtho'o zhes de thos nas 'od chung gi lha rnams mchog tu dga' zhing 'khod do/ 'di ltar bdud kyi phyogs ni dmas so/ /dam pa'i chos kyi phyogs ni mngon par mtho'o snyam mo/ /de ltar lha rnams dga' ba'i yid kyis dam pa'i chos nyan par 'gyur na gang dad pa dang dad pa'i rjes su 'brang zhing de kho na nyid mthong ba'i skyes bu dam pa de dag las de dang rgyu 'thun par dam pa'i chos 'phel zhing rgyas pa yid dga' bar 'gyur ba lta smos kyang ci dgos/ de nas yang dge slong las kyi 'bras bu rnam par smin pa shes pa des sems can dmyal ba'i gnod pa rgya mtsho'i chu lta bu kun du sred pa glong lta bur g.yo ba sems can dmyal ba chen po yang sos la sogs pa nas mnar med pa'i bar rgya che ba'i nang sa'i 'og 'jigs par rdzogs byed dang / kun du rgyu dang / ko ka li ka dang / lhas</font><hr>63.295a<br><font size=+1>

byin dag nya dang chu srin chen po ltar zin cing sems can dmyal ba pa'i lhag ma zha mid dang / nya mid chen po dang / chu srin na kra dang / chu srin kum b+hi ra dang / chu srin byis pa gsod dang / rus sbal dang / sram 'khrugs pa lta bu dag 'dod chags zhe sdang gti mug rlung gi shugs dang klong 'khyil pa lta bus sems g.yo ba'i rlabs klong lta bur 'khyil pa de'i dus kyi mtha'i shugs dbu ba lta bus sems can dmyal ba pa gnod pa rab tu mang ba mchi ma ltar gang bar ngu zhing smre sngags 'don la cho nges 'debs/ ha ha'i sgra skad kyi shugs dang sems kyi shugs rlabs ltar mang ba nyes par byas pa'i las klu'i shugs lta bus sdug bsngal char ltar 'bebs shing mnar med pa zab mor bskal pa'i mtha'i me 'bar ba'i shugs kyis khor yug dang chu btsos pa lta bu'i sems can dmyal ba chen po'i sdug bsngal rgya mtsho lta bur mtha' med la mi bzad pa mthong nas/ dge slong de yid byung ste/ 'di ltar tshigs su bcad de smras pa/ sred pas yongs su bslus byas shing / /rmongs pas rmongs pa'i sems can dag /skye zhing 'chi ba nyam nga ba/ /'og du 'jig rten 'gro bar 'gyur/ /mi yul las ni dmyal bar 'gyur/ /dmyal ba las ni lha yul du/ /mi nyid las ni dud 'gror 'gro/ /de nas yi dgas 'gro bar 'gyur/ /sems can 'dod chags dbang song ba/ /rang gi las kyis 'gro ba 'khrul/ /gti mug zhags pas bcings pa dag /srid pa'i mtshor ni rnam par 'khyam/ /'khor bar mi ni sdug bsngal 'di/ /rnam pa sna tshogs goms byas te/ /der ni rgyu de goms pas na/ /ji ltar mchog tu skye mi 'gyur/ /lha dag bag med pa yis nyams/ /mi dag yongs su tshol bas nyams/ /yi dgas bkres dang skom pas nyams/ /dud 'gro gcig la gcig</font><hr>63.295b<br><font size=+1>

za'o/ /sems can dmyal ba dmyal ba'i mes/ /yi dgas rmongs pas rtag tu nyams/ /'khor ba khyab kyi rtse tsam yang / /bde ba nyid ni cung zad med/ /rmongs pa'i sems kyis skye bo dag /sdug bsngal las ni bde la chags/ /sdug bsngal 'di las thar ba gang / /yang dag lam ni ston pa med/ /gang dag rtag tu chos mi bsgrub/ /gang dag rtag tu bden mi bsgrub/ /bsam gtan rtag tu mi bsgrub gang / /de dag sdug bsngal bral mi 'gyur/ /'jig rten 'di dang pha rol du/ /rtag tu ma 'dra pha 'dra zhing / /gnyen dang 'dra zhing sgron 'dra ba/ /sangs rgyas kyis ni chos bstan to/ /rtag tu nyes gsum dbang song ba/ /phung po gsum nas sems can dag /rtag tu khams gsum dag tu 'jug /de ni sdug bsngal gsum dang ldan/ /las gsum dbang song 'khrul pa dag /de ni ngan song gsum na rgyu/ /srid gsum chags pa'i 'gro ba dag /rim pa gsum du rnam par rgyu/ /gang zhig dkon mchog mchog gsum dang / /gang zhig byang chub gsum dbang song / /gang zhig lta ba gsum spangs pa/ /de dag la ni sdug bsngal med/ /dus skabs gsum la rtag gnas shing / /dga' ba gsum gyi de nyid mthong / /gsum gyi cha yis lto 'drangs pa/ /de ni mya ngan bral bar 'gyur/ /phung po gsum la sems mnyam zhing / /las gsum rnam par dpyod pa gang / /de ni 'khor bar mya ngan gyi/ /rnam pa bral zhing rims med 'gyur/ /lam dang lam min rnam pa shes/ /dngos dang dngos med rnam sems pa/ /byams pa'i sems ni bsgoms pa gang / /de ni 'gro ba mchog tu 'gro/ /kun nas rab tu rnam gsal zhing / /dpa' bo rnyog pa med pa yi/ /yid ni sdig dang ma 'dres pa/ /mi de rnam par rab tu grol/ /gang zhig yang dag lam zhugs shing / /dran dang ldan pa stobs che la/ /srid pa dag la 'dod bral ba/ /de ni</font><hr>63.296a<br><font size=+1>

nges par grol bar 'gyur/ /srid pa 'dod cing dga' ba la/ /mi gang mngon par mi dga' ba/ /de la srid las skyes pa yi/ /sdug bsngal shin du chung ba 'ang med/ /mi zad pas ni mi zad 'byung / /mi zad pa yis yongs bsgyur ba/ /'dod pa dug dang me lta bu/ /rab tu bsgrims te spang bar gyis/ /'dod pa yongs su spang byas shing / /rtag tu thar la dga' ba ni/ /nyi ma shar bas mun med ltar/ /mi dge'i chos rnams 'jig par 'gyur/ /de ltar rtag tu dge bsten zhing / /mi dge ba nyid spang bar gyis/ /mdor na nges par bstan pa ni/ /dge dang mi dge yongs su rtogs/ /de ltar dge slong de 'jig rten 'di dang 'jig rten pha rol de la phan par 'dod pa'i blos sems can dmyal ba'i sdug bsngal mngon par brtags nas/ sems can rnams la snying brtse ba rjes su 'jug par byed de/ byams pa bsgoms pa'i sems kyis de sems can dmyal ba 'jigs shing nyam nga ba thams cad la mngon par brtags shing las kyi 'bras bu rnam par smin pa yang shes nas mchog tu yid byung ba'i sems kyis rtog par byed de/ e ma sems can 'di dag ji ltar srid pa'i dgon par 'jigs shing sdug bsngal sna tshogs kyi nang du bying zhig gu snyam nas de snying rje'i blo 'di ltar nye bar 'jog par byed de/ 'di ltar mi dag de ma thag tu ngan song du 'gro ba ni las ngan pa byas pa rang gi ser snas bslus shing / longs spyod ngan pa 'dod la/ rnyed pa ngan pas zil gyis non pa rnams sbyin pa dag ma byin par gyur te/ de dag gis dge sbyong dang bram ze dang / phongs pa dang / long ba dang / bkren pa slongs mo ba rnams la ser sna'i dri mas sbags pa'i sems kyis sbyin pa dag ma byin zhing bsod nams dag ma byas la 'jig rten 'di dang pha rol du tshul khrims mtsho lta bur gyur pa ma bsrungs/ bu dang chung ma dang / bran pho dang / </font><hr>63.296b<br><font size=+1>

bran mo dag la yang sbyin pa ma byin la ser snas 'jig rten pha rol la bslus pa de yi dgas rnams kyi nang du skye bar 'gyur te/ yi dgas kyi rgyud du skyes pa yang phal cher yi dgas mor skye bar 'gyur ro/ /mi thab mo dang phrag dog gi dri ma gang gis nang gi sems nyams par byas pa 'dis na yi dgas mo rnams kyi nang du skye bar 'gyur ro snyam mo/ /de nas yang las kyi 'bras bu rnam par smin pa shes pa des yi dgas kyi yul la rtog par byed de yi dgas kyi yul 'di gang zhig snyam mo/ /des thos pa las byung ba'i shes pas brtags na yi dgas ni mdor bsdu na rnam pa gnyis te/ 'jig rten na rgyu ba dang / yi dgas kyi yul na gnas pa'o/ /de la rgyu ba ni mtshan mo dag gal te mi rnams kyis mthong bar 'gyur ro/ /yi dgas kyi yul na gnas pa ni gang du sa'i 'og dpag tshad lnga brgya na gnas te/ yi dgas kyi yul gyi rkyen ma gtogs par 'dzam bu'i gling gi mtha' nas dpag tshad sum stong drug brgya yod do/ /de dag 'dzam bu'i gling dang thag nye ba dang ring ba ni nges pa med do/ /de nas yang dge slong las kyi 'bras bu rnam par smin pa shes pa des yi dgas kyi 'gro ba la rtog par byed de/ yi dgas kyi yul ci tsam yod snyam nas des thos pa las byung ba'i shes pas brtags na/ yi dgas rnam pa mang ste mdor bsdu na rnam pa sum bcu rtsa drug yod do/ /de dag thams cad phrag dog dang ser sna'i rgyus der skye bar 'gyur la bsam pa sna tshogs skyed pa dang / sdug bsngal ba dang / bsam pa dang / bza' ba sna tshogs dang / g.yo ba sna tshogs dang / gnas sna tshogs dang / lus bkres pa dang skom pas gdungs pa yin no/ /de dag thams cad mdor bsdu na rnam pa sum bcu rtsa drug yod de/ 'di lta ste/ yi dgas lto gug dang / yi dgas kha khab ltar phra ba dang / yi dgas bshang ba za ba dang / yi dgas kun ston dang / </font><hr>63.297a<br><font size=+1>

yi dgas dri za ba dang / yi dgas chos za ba dang / yi dgas sbyin pa za ba dang / yi dgas chu 'thung ba dang / bsam pas 'tsho ba dang / mchil ma za ba dang / phreng ba za ba dang / khrag za ba dang / sha za ba dang / bdug pa za ba dang / drag shul spyod pa dang / glags lta ba dang / sa'i 'og na gnas pa dang / yi dgas mthu bo che dang / mtshan mo lus rab tu 'bar ba dang / mi rnams la glags lta ba dang / 'dod pa'i gzugs can dang / gling gi bar na gnas pa dang / gshin rje'i dbyug pa dang / byis pa la za ba dang / tshangs pa'i srin po dang / 'bru drus pa'i shun pa za ba dang / mi gtsang ba za ba dang / lam po che na gnas pa dang / mang du za ba dang / me mdag za ba dang / dug za ba dang / dgon pa na gnas pa dang / dur khrod na gnas pa dang / shing la gnas pa dang / lam gyi bzhi mdo na gnas pa dang / bdud kyi sde ste de ltar mdor bsdu na yi dgas kyi rigs sum bcu rtsa drug yod do/ /rgya cher ni sems kyi bsam pa'i las kyi cha'i bye brag dang bsam pa sna tshogs kyi bye brag gis dpag tu med do/ /de nas yang dge slong las kyi 'bras bu rnam par smin pa shes pa des yi dgas shin tu bkres pa dang / skom pas gdungs pa'i lus can rnams phal cher phrag dog dang ser snas nyams pa dag yin zhing rgya cher ni lus dang ngag dang / yid kyi las gsum gyis skye la bye brag tu dbye na mi dge ba'i las kyi lam rnam pa bcu dang yang dag par ldan pas yi dgas rnams kyi nang du skye bar 'gyur ro/ /de mdor bsdu na mi dge ba'i las kyi lam rnam pa bcu'i mi dge ba'i rgyu gang yin pa la srog chags kyi sdug bsngal thams cad de la rag las/ de la spyod/ de las skye zhing 'byung de'i phyi bzhin 'brang de dang 'brel/ rgyu de las byung ba yin te/ ngan song gis kun du 'khor yang 'khor ba la yid 'byung bar mi byed do/ /</font><hr>63.297b<br><font size=+1>

sems spre'u lta bu thog ma med pa'i dus nas 'khor bar zhugs shing sdug bsngal gzing gzing ba'i bar na gnas pa la goms pa yan lag dang nying lag gi dra ba sna tshogs can gyi nang na sdom zhing 'khor ba'i ri la myur du gnas pa sems gzing gzing ba'i bag chags kyi rtog pa yang gcig tu shes par sla ba ma yin la de ltar 'gro ba myur du 'gro ba 'di sems spre'u lta bu yin te/ de lta bas na sems 'di re shig thog ma nyid du shin du dul bar bya'o/ /de ltar ma byas na ngan song gis mi bzad pa rnams su sems can dag shin du sdug bsngal bar 'gyur zhing de ltar ma byas na 'khor bar sems kyi dgras zin te/ bde ba 'thob par mi 'gyur ba mthong ngo / /de ltar dge slong de so sor rab tu rnam par 'byed pa na yang dang yang du 'khor ba 'di la yid byung zhing mi dga' la 'khor bar gtogs pa'i sdug bsngal thams cad la rnam par smod par byed do/ /dge slong de de ltar sems par byed cing yi dgas rnam pa du ma dag la sems pa na 'di ltar rab tu rnam par 'byed pa ni las dang las kyi rnam par smin pa'i byed rgyu gang yin pa'i cha gcig cig rab tu rnam par 'byed de skye ba rgyu med pa ma yin zhing bde ba dang / sdug bsngal dang / 'thun pa dang mi mthun pa dang / skye ba ngan pa dang / bzang ba dang / rigs bzang ba dang / rigs ngan par skye ba ni srog chags thams cad kyi tshe 'chi ba dang skye ba 'dod rgyal gyis chung zad kyang byas pa med do snyam mo/ /las kyi chos kyi rnam par smin pa shes pa'i dge slong des yi dgas rnams kyi las kyi chos rnam par dbye ba dag rnam par 'byed de/ des thos pa las byung ba'i shes pas brtags na yi dgas lto gug ces bya ba rang gi lus nyis 'gyur gyis che zhing kha dang lag pa dang rkang pa nyams la thams cad du lto gug pa yin te/ bu ga'i gseb dag tu me mdag gis rab tu bkang / lus bkres pa dang</font><hr>63.298a<br><font size=+1>

skom pas gdungs/ lus tshal shing bsregs pa lta bu 'gro ba'i dus mtha' med pa nas bcings pa dag dga' ba med cing grogs med la mgon med pa yin no/ /de dag las gang gis der skye bar 'gyur snyam nas des thos pa las byung ba'i shes pas brtags na/ gla mi nor 'dod pa gang gis 'di ltar bdag gis gla dag khyim du bsag go snyam nas srog gcod pa byed cing phyugs la 'tshe 'am/ de snying rje med pa chags pa'i dbang gis srog gcod pa byed la sgom zhing sten te mang du byed na de lus dang bral nas ngan 'gro log par ltung ba sa'i 'og dpag tshad lnga brgya na yi dgas lto gug gi rigs rnams su skye bar 'gyur ro/ /de sa'i phyogs mun pa'i nang der skyes pa dang / steng gi phyogs nas ri rnams kyis btsir cing 'og gi phyogs nas ri gnyis pas bteg ste de ri gnyis kyi bar du rang gi ngo bo'i lus kyi dpag tshad tsam la leb leb por byas shing bkres pa dang / skom pas shin du gdungs so/ /tshe'i tshad kyi mtha' ni tshe rabs lnga brgya yin te/ mi'i lo bcu la yi dgas kyi bgrang ba'i tshul gyis nyin zhag gcig ste bar du 'chi ba'i dus byed pa ni yod do/ /mi dge ba'i las gzhan gnyis pa byas pa ni 'di lta ste/ skyes pa'am/ bud med la nor rdzas bcol ba bcabs nas 'di ltar bdag la bdag med do zhes smra na las de'i rnam par smin pas der skye bar 'gyur la zang zing gi sbyin pa yang ma byin/ chos kyi sbyin pa yang ma byin/ mi 'jigs pa'i sbyin pa yang ma byin te/ sbyin pa gsum po de dag dang bral la ser sna dang phrag dog gis sems rtag tu zil gyis non pa ni der skye bar 'gyur ro/ /de nas yang dge slong las kyi 'bras bu rnam par smin pa shes pa des yi dgas rnams la brtags nas des thos pa las byung ba'i shes pas yi dgas kha khab ltar phra ba zhes bya ba ji ltar 'dug pa mthong ngo / /der sems can dag las gang</font><hr>63.298b<br><font size=+1>

gis skye bar 'gyur snyam nas des thos pa las byung ba'i shes pas brtags na/ nor rdzas kyi phyir mi rnams gsod pa'i gshed ma gang pha rol la phrag dog dang ser sna yang dag par blangs shing rtag tu mngon par brtson la bkren pa bkren pa'i rang bzhin can 'di lta ste/ zang zing gi sbyin pa dang / chos kyi sbyin pa dang / mi 'jigs pa sbyin pa ste/ sbyin pa rnams spangs pa ni de lus dang bral nas ngan 'gro log par ltung ba yi dgas kha khab ltar phra ba rnams kyi nang du skye bar 'gyur ro/ /rang gi las kyi 'bras bus bslus pa der skyes pa de dag gi kha'i sgo khab ltar phra zhing lto ri tsam du che bar 'gyur la rtag tu bkres pa dang skom pa'i nyon mongs pas gdungs par 'gyur/ lus kyi mes kyang bkres pa dang skom pas dkrugs la phyi rol du yang tshal shing gi me mched pas dkrugs par 'gyur/ grang ba dang / tsha ba dang / sha sbrang dang / sbrang bu dang / srog chags mar go ta kas za ba dang / rims la sogs pas de ltar skyes pa dang bud med der skyes pa'i lus dang yid las byung ba'i sdug bsngal sna tshogs kyis mi'i lo bcu la yi dgas kyi bgrang ba'i tshul gyis nyin zhag gcig pa'i tshe rabs lnga brgyar mngon par gdungs te tshe bar chad du 'gyur ba ni yod do/ /der skye bar 'gyur ba'i las gnyis pas kyang yang der skye bar 'gyur te/ 'di ltar dge sbyong dang bram ze dag bdag cag gi der zan sbyin no zhes byas la bza' ba dang bca' ba dag kyang yod bzhin du bud med ser snas mngon par zin pa de khyim thab la bslu ba'i bsam pas 'di ltar ci yang med na/ dge sbyong dang bram ze dag la sbyin du ga la yod ces smras na de yang lus dang bral nas ngan 'gro log par ltung ba yi dgas kha khab ltar phra ba rnams kyi nang du skye bar 'gyur ro/ /ser sna de kun du bsten cing bsgoms te mang du byas pas bud med phal cher</font><hr>63.299a<br><font size=+1>

yi dgas rnams kyi nang du brdzus te skye bar 'gyur ba de ltar mi'i nang du skye bar mi 'gyur te/ 'dod pa la phrag dog dang / ser snas nyams pa'i rgyu gang gis yi dgas mor 'gyur ba de ltar mi'i nang du skye bar mi 'gyur ro/ /bud med ni sems chung zhing sems yang ba yin la de ltar rgyu de dang rkyen des yi dgas mo rnams kyi nang du skye bar 'gyur te/ de ji srid du ser sna dang phrag dog byas pa'i sdig pa de bcom zhing spangs la zad par ma byas pa de srid du der skye bar 'gyur ro/ /de phyis yi dgas kyi 'jig rten de las thar bar 'gyur te/ thar nas kyang las de dang rgyu 'thun par gal te lan grangs gzhan la myong bar 'gyur ba'i las kyis dud 'gro rnams kyi nang du skye bar 'gyur ro/ /bya khug rta rnams kyi nang du skyes nas de rtag tu bkres pa dang skom pas gdungs par 'gyur/ de las thar nas kyang gal te lan grangs gzhan la myong bar 'gyur ba'i las mir 'grub pa'i las kyis mi rnams dang skal ba mnyam par mir skyes na/ skyes pa 'am bud med de rtag tu bkres pa dang skom pas gdungs par 'gyur/ rtag tu sdug bsngal zhing zas gzhan du tshol la lam po che dang / bzhi mdor 'tsho bar 'gyur ba mthong ngo / /de nas yang dge slong las kyi 'bras bu rnam par smin pa shes pa des yi dgas kyi 'jig rten la brtags na des thos pa las byung ba'i shes pas yi dgas skyugs pa za ba zhes bya ba ji ltar 'dug pa mthong ngo / /der skyes pa 'am bud med dag las gang gis skye bar 'gyur snyam nas des thos pa las byung ba'i shes pas brtags na/ bud med gang bza' ba dang / bca' ba dang ro myang bas khyim thab la mngon par gnod par byed cing bdag nyid ni de dag la za bar byed la phrag dog dang ser snas kyang rtag tu zil gyis non/ bu dang bu mo gzhan dang mi 'dra bar mi dga' ba ma yin la/ dga' ba dang slu ba</font><hr>63.299b<br><font size=+1>

ma yin te/ mi slu ba la mngon par gnod pa byas na de yang lus dang bral nas ngan 'gro log par ltung ba yi dgas skyugs pa za ba rnams kyi nang du skye bar 'gyur ro/ /der skyes nas kyang de rtag tu de'i lus kyi bdag nyid dpag tshad phyed tsam yod pa bkres pa dang skom pas gdungs te dgon pa chen por gcig pu chu btsal ba'i phyir rgyug cing thams cad du cho nges 'debs smre sngags 'don pa na de chos sbyin pa dang zang zing sbyin pa dang mi 'jigs pa sbyin pa ma byas te/ sbyin pa gsum dang bral ba dag der skye bar 'gyur ro/ /tshe'i mtha' ni snga ma bzhin te/ de ji srid du ser sna byas pa'i sdig pa de bcom zhing spangs la zad par ma byas pa de srid du bkres pa dang / skom pas gdungs par 'gyur ro/ /de phyis sdig pa de las thar bar 'gyur te/ thar nas kyang las de dang rgyu 'thun par gal te dud 'gro rnams kyi nang du skyes na de skyugs pa za bar 'gyur te/ ji ltar yi dgas rnams kyi nang du skyugs pa za bas srog chung zad kyang 'tsho bar gyur pa de ltar dud 'gro rnams su yang 'gyur ro/ /de las thar nas kyang gal te mi rnams dang skal ba mnyam par mir skyes na de mchod ston gyi tshe dge sbyong dang bram ze bkad pa rnams kyi gral du slongs mos de'i srog 'tsho ba thub par 'gyur ba mthong ngo / /de nas yang dge slong las kyi 'bras bu rnam par smin pa shes pa des yi dgas kyi 'jig rten la brtags na/ des thos pa las byung ba'i shes pas yi dgas bshang ba za ba zhes bya ba mthong ngo / /der skyes pa 'am bud med dag las gang gis skye bar 'gyur zhig gu snyam nas de thos pa las byung ba'i shes pas brtags na/ gang gis ser sna kun du bsten cing bsgoms te mang du byas par gyur/ snga ma bzhin du sbyin pa dang bral la dge sbyong dang bram ze dag la yang kha zas lhag mar byas pa byin te/ de dag kyang gtsang ma zhig yin no snyam nas zos na skyes pa 'am bud med de lus dang bral nas</font><hr>63.300a<br><font size=+1>

yi dgas bshang ba za ba rnams kyi nang du skye bar 'gyur ro/ /de'i las kyi mthus de'i tshe yang snga ma bzhin la de'i lus bkres pa dang skom pas gdungs te/ gal te de rnyed na yang rtag tu mi rnyed la de yang chung ste/ lto tshim par mi 'gyur ro/ /gal te yang yi dgas rnams kyi nang du bshang ba rnyed na srin bu zhugs shing zos la bu gar byas pa ngan ngon zhig rnyed de/ rgyang ring zhing tshegs chen pos rnyed pa de yang chog par mi rnyed do/ /de ltar de'i tshe'i mtha' sdug bsngal ba 'thob ste/ de ji srid du de'i sdig pa'i las yi dgas kyi 'jig rten 'grub pa ser sna byas pa bcom zhing spangs la zad par ma byas pa de srid du bkres pa dang skom pa de byas pa'i sdug bsngal myong bar 'gyur/ de phyis yi dgas kyi 'jig rten bshang ba za ba de las thar bar 'gyur te/ thar nas kyang las de dang rgyu 'thun par ji ltar las nye bar 'gro bas 'khor ba na yongs su 'khyam mo/ /de gal te yang mi rnams kyi nang du gnya' shing gi bu gar rusbal 'jug pa lta bur mi rnams dang skal ba mnyam par mir skyes na/ de dbul zhing nad bu can la bza' ba nyung ba dang / srog gi 'tsho ba rtag tu gzhan la rag las shing tshegs chen pos 'tsho ba 'thob la don du ma med pa'i snod du 'gyur/ sems shes pa dang mi shes pa phal pa yin zhing lus rma mtshan dang dri ma can mi sdug pa skye bo kun gyis smad par 'gyur/ de'i kha nas kyang dri mnam po 'byung zhing glo bur du so nag por 'gyur ba mthong ngo / /de nas yang dge slong las kyi 'bras bu rnam par smin pa shes pa des ser sna'i gnas su gyur pa'i yi dgas kyi 'jig rten la brtags na/ des thos pa las byung ba'i shes pas ser sna thams cad kyi gnas su gyur pa yi dgas kha zas med pa zhes bya ba mthong ngo / /der las gang gis skye bar 'gyur snyam nas des thos pa las byung ba'i shes pas brtags na/ skyes pa'am bud med ser snas zil gyis non cing phrag dog gi zil</font><hr>63.300b<br><font size=+1>

gyis non pa dang / g.yo thabs sam slu bar byed pa stobs dang ldan pa gang gis sems can dag bcing bas bcings te/ kha zas ma byin pas srog dang phral la/ srog dang phral nas kyang snying nas 'chags par mi byed la 'gyod par mi byed/ yang las de nyid byas nas rjes su dga' bar byed cing gzhan dag kyang de nyid la rab tu 'jog par byed/ las dang las kyi nyer bsdogs dang / las kyi mjug dag byas nas yang de nyid byed na de lus dang bral nas ngan 'gro log par ltung ba yi dgas kha zas med pa rnams kyi nang du skye bar 'gyur ro/ /skyes pa 'am/ bud med de der skyes nas kha zas med par byas nas bkres pa dang skom par byas pa me des sreg pa na yang dang yang du ri las chu 'bab pa'i shugs ltar bkres pa dang skom pa'i sdug bsngal mang du 'phel lo/ /de'i kha zas med par byas pa'i mthu des ji ltar thal ba yang mi mngon pa de ltar de'i nang dang yan lag dang nying lag thams cad sreg go/ /de nas yang yan lag dang nying lag de dag slar 'byung bar 'gyur te/ yang sreg par byed do/ /de bkres pa dang skom pas gdungs pa dang / lus bsregs pa ste/ sdug bsngal gnyis kyis sreg pa na rang gi las kyi 'bras bu nyes par byas pas bslus pa de sdug bsngal gyis nyam thag nas shin du ngu skad 'byin/ cho nges 'debs/ smre sngags 'don cing phyogs dang phyogs mtshams su rgyug ste de ni de'i nang du 'byung ba'i sdug bsngal yin no/ /phyi rol du 'byung ba yang las kyis byas pa'i mes yan lag dang nying lag thams cad sreg par byed do/ /me nang du song ba slar byung nas phyi rol gyi lus kyang sreg par byed de/ dper na shing khong stong gi nang du me zhugs pa shing gi nang bsregs nas phyi rol sreg pa de bzhin du me des yi dgas de'i nang du bsregs nas phyi rol yang sreg par byed do/ /de nang dang</font><hr>63.301a<br><font size=+1>

phyi rol thams cad tshal shing bsregs pa lta bur rab tu bsregs te me lce gcig tu gyur pas ngu skad 'byin cing cho nges 'debs so/ /de der cho nges 'debs pa na khar me 'byung ste/ de yang dang yang du de'i lus thams cad 'bar ba nyis 'gyur gyis ches rab tu 'bar bar byed do/ /gang dang gang du 'gro ba'i lam de dang der rtswa dar b+ha rab tu 'bar ba khab lta bu 'byung bar 'gyur la gang de'i rkang pa gnyis bor ba ma rung bar byed de rkang pa ma rung ba de ngu skad 'byin/ cho nges 'debs/ yongs su smre sngags 'don to/ /de yongs su smre sngags 'don pa na de'i lce mar sar gyi gong bu ltar zhu bar byed de/ de nas yang nyes par byas pa'i las des slar 'byung bar 'gyur ro/ /de gang dang gang du rgyug pa de dang der de'i nyes par byas pa'i las des chu dang / lteng ka dang / 'bab chu'i dngo dang / mtsho dang / chu 'dzag pa dang / chu bo dang / khron pa thams cad dang bral bar 'gyur/ tshal dang / nags tshal dang / khyim dang ne'u gsing gi sa gzhi dang bral bar 'gyur/ tshal dang nags tshal dag kyang log par mthong ste/ ri dang ljon shing dang / ri sul gyi sa phyogs thams cad kyang rab tu 'bar bar mthong ngo / /kun nas yi dgas kyi chang pa lag na ral gri dang gtun shing khyer ba rnams kyis gtse bar byed cing spyo bar byed pas mchog tu sdug bsngal te/ rang gi phrag dog dang ser snas bslus shing sems kyi dgra dang lhan cig ldan pas tshe yang snga ma bzhin no/ /de ltar de nyes pa byas pa'i las byas pas ji srid du de'i sdig pa'i las byas shing bsags pa bcom zhing spangs la zad par ma byas pa de srid du yi dgas kha zas med pa'i sdug bsngal myong bar 'gyur/ de phyis yi dgas kyi yul de las thar bar 'gyur te/ thar nas kyang las de dang rgyu 'thun par rang gis byas pa'i las spyad pa ji ltar las</font><hr>63.301b<br><font size=+1>

nye bar 'gro bas 'khor bar yongs su 'khyam mo/ /de gal te mi rnams kyi nang du gnya' shing gi bu gar rusbal 'jug pa lta bur mi rnams dang skal ba mnyam par mir skyes na de mngal na gnas pa na ma de zas 'dod pa med par 'gyur/ gang gis ma de'i lus dang bzhin kha dog mchog tu mi sdug par 'gyur/ de gal te mngal de nyid du gnas pa na las rab tu mthu che ba dang srog bcad pa rab tu mthu che ba des 'chi ba'i dus byed par 'gyur/ gal te yang brgya la btsa' bar gyur na de ltar ngan pa byas pa 'dus byas de'i ma rtag tu dri nga zhing mdog mi sdug la mdangs med par 'gyur/ de srog gi 'tsho ba dus thung zhing tshegs chen pos thob par 'gyur/ yul gyi bdag po rgyal pos kyang de ltar btson rar bcug nas bkres pa dang / skom pa dag gis 'chi ba'i dus byed par 'gyur ba mthong ngo / /de nas yang dge slong las kyi 'bras bu rnam par smin pa shes pa des yi dgas kyi 'jig rten la brtags na/ des thos pa las byung ba'i shes pas yi dgas dri za ba zhes bya ba ji ltar 'dug pa mthong ngo / /der las gang gis skye bar 'gyur snyam nas des thos pa las byung ba'i shes pas brtags na/ gang gis bza' ba dang btung ba mang po shin du bsdus nas bdag 'ba' shig za la/ bu dang chung ma dag la yang dag par 'ged par mi byed/ de dag ro bro ba 'dod na dri tsam zhig la snom du 'jug /de bu dang chung ma de'i mdun du rang 'ba' shig za bar byed la/ phrag dog dang ser snas zin pas yang dag par 'ged par mi byed de/ de ltar bu dang chung ma ris 'thun pa lhan cig 'khod pa la brnyas par byed cing gzhan dag kyang de nyid la rab tu 'jog par byed pa la rjes su dga' zhing de nas yang bdag gcig pu za bar byed la de byas nas kyang skyon du mi 'gyur zhing / ngo tsha bar mi byed na de lus dang bral nas ngan 'gro log par ltung ba yi dgas dri za ba rnams kyi nang du skye bar</font><hr>63.302a<br><font size=+1>

'gyur ro/ /der skyes nas lus rtag tu bkres pa dang skom pas gdungs shing gar bab bab tu rgyug ste ngu skad 'byin cho nges 'debs/ smre sngags 'don to/ /de gal te yang lha khang ngam/ mchod rten nam/ khyim gzhan du yon bdag dad pas bdug spos dri zhim po dag bdugs pa dang de des dga' bar 'gyur/ de bzhin du dri gzhan gyis kyang dga' bar 'gyur/ de ltar 'di ni yi dgas dri za ba'i phyogs gcig yin no/ /dri za'i phyogs gzhan yang 'di ltar mi dag la nad byung ba na nad pa gang yin pa de dag gi phyir lha khang ngam/ kun dga' ra ba dag tu bdug spos gang bdugs pa'i dri des de tshim par 'gyur te/ des srog 'tsho ba 'thob cing de'i phyi bzhin 'brang / gzhi des lus kyi srog 'tsho ba 'thob ste/ de ltar de'i las kyi mthus yi dgas de dri za bar 'gyur zhing srog gi tshegs chen pos za ba de 'thob par 'gyur/ der skyes nas kyang ji srid du sdig pa'i las de bcom zhing spangs la zad par ma byas pa de srid du bkres pa dang skom pa'i sdug bsngal myong bar 'gyur/ de phyis yi dgas kyi 'jig rten de las thar bar 'gyur te/ thar nas kyang las de dang rgyu 'thun par las kyi 'bras bu la spyod pa 'khor ba na yongs su 'khyam mo/ /gal te mis byas pa'i myong bar 'gyur ba'i las kyis brgya la mi rnams kyi nang du gnya' shing gi bu gar rus sbal 'jug pa lta bur mir skyes na de dbul zhing nad bu can la lus thams cad las dri de 'byung bar 'gyur ba mthong ngo / /de nas yang dge slong las kyi 'bras bu rnam par smin pa shes pa des yi dgas kyi 'jig rten la brtags na/ des thos pa las byung ba'i shes pas yi dgas chos kyi sbyin pa za ba zhes bya ba der 'jug pa thob pa des srog 'tsho ba 'thob par 'gyur ba ji ltar 'dug pa mthong ngo / /der las gang gis skye bar 'gyur snyam nas des thos pa las byung ba'i shes pas brtags na</font><hr>63.302b<br><font size=+1>

gang rang bzhin gyis ser sna dang / phrag dog gis zil gyis non pa yin la srog gso ba kho na'i thabs sam rgyu des dad pa med cing dad pa med la pha rol phan gdags pa'i bsam pa med pa'i rgyus skyon du bgrang ba'i chos ston par byed cing de tshul khrims dang ldan pa ma yin te/ 'di lta ste/ srog gcod pa'i chos kyi gtam dang / g.yul du 'chi ba'i chos dang / nor rdzas nan gyis 'phrog pa'i chos dang / khyu mchog bag yangs su gtang ba'i chos te/ des skyon du bgrang ba'i chos kyi rnam grangs de dag pha rol dag la bstan nas de las rnyed pa gang yin pa de sbyin par mi byed cing stsogs pa 'ba' zhig byed na phrag dog gi zil gyis non pa mi ngan pa de lus dang bral nas ngan 'gro log par ltung ba yi dgas chos kyi sbyin pa za ba rnams kyi nang du skye bar 'gyur te/ de'i tshe ni snga ma bzhin no/ /de ri'i yul nas ri'i yul du yongs su rgyug cing lus bkres pa dang skom pas gdungs la thams cad du ngu skad 'byin pa/ shing skam 'dra zhing skra ring la ngom zum gnag pa lus thams cad spu zing pos khebs shing rtsa dang rgyus pa'i dra bas dkris la lpags pa dang rus pa tsam lus pa/ lus ring zhing sen mo mi sdug pa/ rang gis nyes par byas pas yongs su bslus pa/ mig gi khung ring zhing bskums la gdong mchi mas yog pa/ lus sprin nag po 'dra zhing mi sdug pas mngon par khebs pa/ yan lag dang nying lag thams cad dang spu rnams kyi nang du sbrang bu dang / sha sbrang dang / srog chags mar ko ta ka rnams zhugs nas za ba na thams cad du yongs su rgyug go /gal te brgya la dge 'dun gyi gtsug lag khang gi nang du song nas yongs su rgyug pa na/ de gal te dge 'dun gyi 'am dge 'dun gyi gtsug lag khang du tshes gcig la gnod sbyin la byin pa'i rnyad pa 'thob</font><hr>63.303a<br><font size=+1>

cing dge 'dun gyi gnas brtan nam/ gzhan gyis chos kyi sbyin pa byin pas mngon par mgu bar 'gyur la de des shin du tshim par 'gyur/ des srog 'tsho ba 'thob par 'gyur/ des 'tsho ba rnyed par 'gyur te/ ji srid du sdig pa'i las de bcom zhing spangs la zad par ma byas pa de srid du yi dgas kyi sdug bsngal myong bar 'gyur/ de de las thar nas kyang las de dang rgyu 'thun par rang gi las la spyod pa sna tshogs dang rnam pa sna tshogs byas pa 'khor ba na tshe sna tshogs myong bar 'gyur/ de gal te brgya la gnya' shing gi bu gar rus sbal 'jug pa lta bur mi rnams dang skal ba mnyam par mir skyes na/ de gzugs bram ze lta bu yin zhing lha rten gyi drung du phyugs gsod pa byed dam za bar byed/ srog 'tsho ba gzhan la rtag tu rag las shing des srog 'tsho ba thob par 'gyur/ de nas yang de nyes par byas pa rjes su 'brel pas sems can dmyal bar 'gro bar 'gyur ba mthong ngo / /de nas yang dge slong las kyi 'bras bu rnam par smin pa shes pa des yi dgas kyi 'jig rten la brtags na/ des thos pa las byung ba'i shes pas yi dgas kyi 'jig rten yi dgas chu 'thung ba zhes bya ba ji ltar 'dug pa mthong ngo / /de dag las gang gis skye bar 'gyur snyam nas des thos pa las byung ba'i shes pas brtags na/ 'di ltar mi rigs par chags pa'i zil gyis non pa'i sems can chang 'tshong ba gang gis khyim na chang yod pa dang / sbyar ba'i chang dang / bu ram gyi chang 'tshong bar byed pa ser sna dang phrag dog gis mngon par nyams pa de chang de dag chus bslad de chang btung ba pha rol po de dag la 'drid par byed/ rnam par 'tshe bar byed cing des sbyin pa dag ma byin/ bsod nams dag mi byed/ tshul khrims mngon par mi srung / chos mi nyan/ chos mi spyod/ gzhan dag kyang mi rigs par</font><hr>63.303b<br><font size=+1>

chags pa de la 'jog cing rjes su dga' bar byed la las dang las kyi nyer sdogs dang las kyi mjug dang bcas pas byed na/ de nyes par byas pa des lus dang bral nas ngan 'gro log par ltung ba yi dgas chu 'thung ba rnams kyi nang du skye bar 'gyur ro/ /lus rtag tu bkres pa dang skom pas gdungs pa de yul chu med pa'i ri brags dang 'brog dang dgon pa chen po rnams su yongs su 'khyam mo/ /mdog bung ba dang sol ba 'dra zhing yan lag dang nying lag thams cad sra la rtsub ste shin du rdol ba dang / de'i lus 'bar bas 'khrigs shing kha gdong skra ring po rnams kyis mun par khebs te rtag tu bkres pa dang skom pa las byung ba'i mes gdungs pa na gal te res 'ga' brgya la chu dang nye bar gyur pa de'i tshe chu rgal ba gang 'bog pa/ rkang pa'i chu'i gzer ma 'byung ba dang / chos spyod pa gang dag chu 'gram du lag pa dag gis chu 'thor zhing gang skom pa de dag la sbyin no zhes smra ba de dag gis de srog 'tsho ba 'thob par 'gyur ro/ /gal te ma byin par 'dod nas de chu 'gram du 'dug ste/ btung ba 'thung ba dang / chu'i rgyun de srung ba'i yi dgas rnams kyis mngon par 'tshe bar byed cing lus kyang kun nas gze gze btog btog pa lta bur byed do/ /sdug bsngal gyis nyam thag pa de de nas yang ngu skad 'byin/ smre sngags 'don cing yongs su rgyug go /nyes par byas pa'i las kyis bslus pa de ji srid du de'i sdig pa'i las byas shing bsags pa de bcom zhing spangs la zad par ma byas pa de srid du der sdug bsngal de myong bar 'gyur ro/ /de phyis yi dgas kyi 'jig rten de nas thar bar 'gyur te/ thar nas kyang las de dang rgyu 'thun par rang gi las rlung lta bus 'khyam pa na 'khor ba na yongs su 'khyam mo/ /de gal te brgya la mi rnams kyi nang du gnya' shing gi bu gar rus sbal 'jug pa lta</font><hr>63.304a<br><font size=+1>

bur mi rnams dang skal ba mnyam par mir skyes na de chu dang / lteng ka dang / nags tshal dang bral ba ri brags dang 'brog dang / grong ngan par skye bar 'gyur/ rtag tu khron pa'i chu la 'thung bar 'gyur/ mkhris pa'i nad kyis 'debs par 'gyur/ nyin mtshan du skom med pas gnod par 'gyur ba mthong ngo / /de nas yang dge slong las kyi 'bras bu rnam par smin pa shes pa des yi dgas kyi 'jig rten la brtags na/ des thos pa las byung ba'i shes pas yi dgas kyi 'jig rten na yi dgas kun ston ces bya ba mthong ngo / /de dag las gang gis skye bar 'gyur snyam nas des thos pa las byung ba'i shes pas brtags na/ mi ngan pa phrag dog dang ser snas zil gyis non cing mi rigs par chags pa la brkam pa la brkam pa gang gis mkhas pa dbul po'i 'tsho ba tshegs chen pos bsgrubs pa dag la rin thang steng du ma bab pa'i rin mi 'dra ba zang zing byin la de rtag tu de la dga' zhing slu bar byed de/ gzhan dag kyang las ngan par byed pa de nyid la 'god par byed cing 'jog par byed la sbyin pa dag ni mi gtong ngo / /bsod nams kyang mi byed/ tshul khrims la mi gnas/ dad pas nye bar 'gro bar mi byed/ chos dang 'thun pa'i chos mi spyod/ drang po dang dul bar mi byed/ dge ba'i bshes gnyen gyi ngang tshul can du mi byed cing yang dang yang phrag dog dang ser snas zil gyis non par gyur na de lus dang bral nas ngan 'gro log par ltung ba'i yi dgas kun ston rnams kyi nang du skye bar 'gyur te/ de la 'jig rten pa de dag pha zhes brjod do/ /de rtag tu lus dang bkres pa dang / skom pas gdungs shing lus tshal shing bsregs pa 'dra la dga' ba med pas nyams par 'gyur/ mchi mas gdong yog cing rkang pa dang lag pa shin du rdol la/ skras kha gdong mun pa ltar khebs pa/ lto'i mdog sprin nag po 'dra zhing</font><hr>63.304b<br><font size=+1>

ngu skad 'byin/ smre sngags 'don pa na 'di ltar smre sngags yongs su 'don te/ ma byin pas lta ga la 'thob/ /ma btab 'bras bu ga la 'byung / /sgron ma med na 'od med ltar/ /ma byin bde ba ga la yod/ /ji ltar lus can long ba yi/ /mig gis lta bar nus med ltar/ /sbyin dang bral ba de 'dra ste/ /yi dgas bde ba mi rnyed do/ /yi dgas 'jig rten yi dgas gang / /de bzhin nor med 'jigs gsum du/ /shin du mi dga' 'khyam byed pa/ /de ni ser sna'i 'bras bu yin/ /rang gi las 'bras za ba yi/ /srog chags las la longs spyod pa/ /ma byin ci yang mis 'thob ste/ /byas pa chud ni za ba med/ /yi dgas 'jig rten gnas pa dag /ngan byas rnams kyis bdag cag bsregs/ /bkres dang skom las byung ba yi/ /me yis 'dir ni yongs su spyad/ /bdag cag rnams ni skom pa las/ /nam bral bde ba 'byung bar 'gyur/ /yongs su gdung las bdag cag rnams/ /nam na yongs su thar bar 'gyur/ /lam dang lam min mi shes shing / /las kyi 'bras bu dag mi shes/ /bkres dang skom las byung ba'i me/ /tsha ba 'byung ba ma shes so/ /bzhin ni skra yis mun ltar khebs/ /re ba med cing srog rnams btang / /lpags pa rgyus pa'i dra bas sbrel/ /bdag 'tsho kyi hud sdug bsngal lo/ /dgon par chud pa'i lus can rnams/ /thams cad du yang sdug bsngal te/ /'dir ni skyob pa gang yang med/ /bdag cag sdug bsngal zhugs par gyur/ /de ltar yi dgas kun ston par byed pa de dag ngu skad 'byin/ smre sngags 'don cing thams cad yongs su 'khyam mo/ /de dag gal te yang yongs su rgyug pa na dge slong des mthong nas sems par byed de/ kye e ma khyad par du 'dod pa'i khams kyi 'khor ba rab tu 'bar ro snyam mo/ /de ltar yongs su rgyug pa de</font><hr>63.305a<br><font size=+1>

dag la gal te dad pa can zhig gis kyang byin la de 'di rigs der skyes pa zhig kyang yin na de 'byung bar 'gyur te/ de de las srog gi 'tsho ba 'thob par 'gyur zhing skyob pa de yin la skyabs de yin te de la rten to/ /de ltar de srid du sdig pa'i las de bcom zhing spangs la zad par ma byas pa de srid du 'tsho bar 'gyur ro/ /de phyis yi dgas kyi 'jig rten de las thar bar 'gyur te/ thar nas kyang las de dang rgyu 'thun par rang gi las kyi 'bras bu la spyod pa rang gi las rlung lta bus ded par byed do/ /de dag gal te yang mi rnams kyi nang du gnya' shing gi bu gar rus sbal 'jug pa lta bur mi rnams dang skal ba mnyam par mir skyes na de rdza rnga rdung ba 'am/ dril sgra sgrogs pa 'am/ gtsug lag khang gi srungs mar 'gyur ba mthong ngo / /de nas yang dge slong las kyi 'bras bu rnam par smin pa shes pa des yi dgas kyi 'jig rten la rnam par brtags na/ des thos pa las byung ba'i shes pas yi dgas kyi 'jig rten na yi dgas mchil ma za ba zhes bya ba ji ltar 'dug pa mthong ngo / /de dag las gang gis skye bar 'gyur snyam nas des thos pa las byung ba'i shes pas brtags na/ 'di ltar mi ngan pa skyes pa 'am bu med phrag dog dang ser snas zil gyis non pa dge 'dun nam gzhan mkhas pa'i rnam pa de lta bu dag gi kha zas lhag mar byas la de 'di ltar lhag mar ma byas so zhes smras nas de dag kyang yid ches pa'i dbang gis kha zas mi 'dra ba de za bar byed do/ /mi ngan pa de yang dang yang du de ltar de nyid la dga' bar byed cing gzhan dag kyang de nyid la rab tu 'jog par byed la sbyin pa dag gtong bar mi byed/ tshul khrims la mi gnas/ mkhas pa la mi bsten/ chos dang 'thun par mi spyod/ yang dang yang du kha zas lhag mar byed pa'i las de nyid la mngon par dga' bar</font><hr>63.305b<br><font size=+1>

byed na de lus dang bral nas ngan 'gro log par ltung ba yi dgas mchil ma za ba rnams kyi nang du skye bar 'gyur ro/ /der skyes nas lus bkres pa dang skom pas gdungs pa'i mchil ma bor ba ljan ljin nam brtsig pa la reg pa 'am sa la bor ba de kham gyis za bar byed de des srog 'tsho ba 'thob par 'gyur zhing de'i phyi bzhin 'brang la skyabs de yin zas de yin te/ ji srid du sdig pa'i las de bcom zhing spangs la zad par ma byas pa de srid du der 'byung bar 'gyur ro/ /de phyis yi dgas kyi 'jig rten de las thar bar 'gyur te/ thar nas kyang las de dang rgyu 'thun par rang gi las kyi 'bras bu la spyod pa 'khor ba na yongs su 'khyam mo/ /de gal te brgya la mi rnams dang skal ba mnyam par mir skyes na de dbul zhing nad bu can la sna rul bar 'gyur/ rtag tu dge 'dun gyi nang na ljan ljin 'phyag par 'gyur/ las kyi 'tsho ba dang lhag ma za bar 'gyur ba mthong ngo // //'phags pa dam pa'i chos dran pa nye bar gzhag pa/  bam po bcu dgu pa/ de nas yang dge slong las kyi 'bras bu rnam par smin pa shes pa des yi dgas kyi 'jig rten la brtags na/ des thos pa las byung ba'i shes pas yi dgas kyi 'jig rten na nyes par byas pa spyod pa/ bkres skom chung zhing lus gos med pa ji ltar 'dug pa mthong ngo / /de las gang gis der skye bar 'gyur snyam nas des thos pa las byung ba'i shes pas brtags na/ des gnod sems kyi phyir ni ma yin gyi/ gtsang ba 'dod pa'i phyir sangs rgyas la phreng ba phul ba rku ba dang / de bzhin du bla ma dag gi phreng ba yang rku bar byed na de lus dang bral nas ngan 'gro log par ltung ba yi dgas phreng ba za ba rnams kyi nang du skye bar 'gyur te/ </font><hr>63.306a<br><font size=+1>

de mchod rten nam gnod sbyin gyi gnas su skye bar 'gyur zhing de mthu che ba dang dbang che bar yang 'gyur ro/ /de legs par byas pa dang nyes par byas pa'i rmi lam dag ston par nus so/ /gal te mi gang la rang bzhin gyi mi dge ba zhig byung la yi dgas de la kha zer na/ de gzhi des mi de la 'tshe bar byed pa dang / 'jig rten pa de dag gnod sbyin 'di ni rdzu 'phrul che ba mthu che ba zhig go zhes brjod do/ /de phreng ba mang po thob ste/ de des shin du tshim par 'gyur zhing lus bkres pa dang skom pas gdungs par yang mi 'gyur/ 'jig rten gyis kyang mngon par bstod par 'gyur te/ de des rtag tu rab tu dga' bar 'gyur ro/ /der yi dgas phreng ba za ba de srid du sdig pa'i las sdig pa chung ba de bcom zhing spangs la zad par ma byas pa de srid du 'tsho bar 'gyur ro/ /de phyis yi dgas kyi 'jig rten de las thar bar 'gyur te/ thar nas kyang las de dang rgyu 'thun par byas pa nye bar 'gro ba ji lta ba bzhin de la spyod cing 'khor ba na yongs su 'khyam mo/ /de gal te brgya la mi rnams dang skal ba mnyam par mir skyes na de phreng ba mkhan du 'gyur te mu dang mtha' dang / mjug des de'i 'tsho ba nye bar 'grub pa mthong ngo / /de nas yang dge slong las kyi 'bras bu rnam par smin pa shes pa des yi dgas kyi 'jig rten la brtags na/ des thos pa las byung ba'i shes pas yi dgas kyi 'jig rten na yi dgas khrag za ba zhes bya ba khrag gis srog 'tsho bar byed pa ji ltar 'dug pa mthong ngo / /der sems can dag las gang gis skye bar 'gyur snyam nas des thos pa las byung ba'i shes pas brtags na/ mi gang la la de'i lus brtan par bya ba'i phyir sha'i khrag 'thung la de la dga' zhing gtum pa dang / phrag dog dang ser snas mngon par nyams pa/ bu dang chung ma la slu bar byed cing srog</font><hr>63.306b<br><font size=+1>

gcod par byed na khrag la 'chums pa'i ngang tshul can te/ de lus dang bral nas ngan 'gro log par ltung ba yi dgas khrag za ba rnams kyi nang du skye bar 'gyur ro/ /der skyes nas kyang de las de nyid kyis bskyed pa'i yul du skye bar 'gyur la de la mi dag 'di ni gnod sbyin zhig yin no zhes rjod de/ de la mchod pa yang byed do/ /de la kun nas bskor nas khrag gi gtor mas kyang mchod par byed de/ de phyir zhing khrag 'thung bas myos nas mi dag la gnod pa byed do/ /de la mi dag yang dang yang gnod sbyin 'di ni rdzu 'phrul che zhing mthu che ba zhig yin no zhes brjod de/ de ltar de gcig nas gcig tu rjod par byed do/ /tshe yang snga ma bzhin te/ de ltar de ji srid du sdig pa'i las de bcom zhing spangs la zad par ma byas pa de srid du de ltar yi dgas rdzu 'phrul che ba de nyid byed do/ /de de las thar na las de dang rgyu 'thun par rang gi las la spyod pa las nye bar 'gro ba ji lta ba bzhin du 'khor ba na yongs su 'khyam mo/ /de gal te brgya la mi rnams dang skal ba mnyam par mir skyes pa 'am bud med du skyes na mi de mkha' 'gro ma 'am mkha' 'gror 'gyur ba mthong ngo / /de nas yang dge slong las kyi 'bras bu rnam par smin pa shes pa des yi dgas kyi 'jig rten la brtags na/ des thos pa las byung ba'i shes pas yi dgas kyi 'jig rten na yi dgas sha za ba zhes bya ba ji ltar 'dug pa mthong ngo / /de las gang gis skye bar 'gyur snyam nas des thos pa las byung ba'i shes pas brtags na/ ser sna la chags pa'i zil gyis non pa gang gis ba lang ngam/ rta 'am/ ri dgas sam/ phag gam/ lug shi ba'i sha rin thang ngam/ srang la g.yo byas nas rin chen por btsongs na de lus dang bral nas ngan 'gro log par ltung ba yi dgas sha za ba rnams kyi nang du skye bar 'gyur ro/ /de bzhi mdo dang / sum mdo dang / tshong 'dus dang / lam bzhi dang / srang dang / grong khyer dang / gtsug</font><hr>63.307a<br><font size=+1>

lag khang gi gnas rnams kyi gnod sbyin du skye bar 'gyur te/ ngo bo nyid gtum la gyur pa shes so/ /yi dgas rdzu 'phrul che ba mi dge ba'i las shin du mi zad pa yang ma yin la/ de sbyin pa tsher ma lta bu yang byin te/ rgyu des rdzu 'phrul che ba nyid du 'gyur ro/ /de la mi phal pa dag ma he dang / ri dgas dang / sbrul dang / lug la sogs pa dag srog bcad nas shas shin du tshim par byed do/ /de ltar de nyes par byas pa'i ngo bo nyid kyis ji srid du mi dge ba'i las phrag dog byas pa de bcom zhing spangs la zad par ma byas pa de srid du der 'byung bar 'gyur ro/ /de phyis yi dgas kyi 'jig rten de las thar bar 'gyur te/ thar nas kyang las de dang rgyu 'thun par las nye bar 'gro ba dang / las so sor 'brang ba ji lta ba bzhin du 'khor ba na yongs su 'khyam mo/ /gal te brgya la las legs par byas pa des gnya' shing gi bu gar rus sbal 'jug pa lta bur mi rnams dang skal ba mnyam par mir skyes na sha za ba shan pa phal pa 'am dum bur byed pa'i mir 'gyur ba mthong ngo / /de nas yang dge slong las kyi 'bras bu rnam par smin pa shes pa des yi dgas kyi 'jig rten la brtags na/ des thos pa las byung ba'i shes pas yi dgas bdug pa za ba zhes bya ba de thob pas des srog 'tsho ba 'thob pa ji ltar 'dug pa mthong ngo / /de las gang gis der skye bar 'gyur snyam nas des thos pa las byung ba'i shes pas brtags na/ 'di ltar lhus cher ser snas zil gyis non cing las kyi 'bras bu mngon par mi shes pa/ sangs rgyas zhes bya ba 'di zhing ma yin no snyam nas zhing du mngon par ma shes pa gang gis bdug spos bzang po bzhag la bdug spos ngan pa khyer te/ sems dang ba med cing dad pa med par gyur pa/ las kyi 'bras bu yang dag par myong bar 'dod pa/ gzhan gyi ngor 'di ltar bdug</font><hr>63.307b<br><font size=+1>

spos phul bas bdag gi las kyi 'bras bur 'gyur snyam na de lus dang bral nas ngan 'gro log par ltung ba yi dgas rdzu 'phrul che ba me tog phreng ba dang / phye ma dang / byug pa dang / spos dang rol mo'i sgra la rab tu dga' zhing bdug pa za ba'i gnod sbyin du 'gyur te/ gnod sbyin gyi gnas sum mdo dang / bzhi mdo 'am/ lam po che 'am/ srang ngam/ gtsug lag khang ngam/ kun dga' ra ba 'am/ bskyed mos tshal lam/ khyim 'am/ mkhar ram/ pu shu dag tu a ga ru nag po'i bdug spos kyis myos par 'gyur zhing skye bo kun gyis phyag byas par 'gyur ba ni sems dang rdzas kyi yon gyis ma yin gyi zhing bzang po'i yon yin te/ sangs rgyas dang chos dang dge 'dun la chung ngu zhig phul na yang 'bras bu chen por 'gyur ro/ /dper na gang gi tshe shing n+ya gro d+ha'i sa bon chung ngu zhing gshin pa la btab pa de'i tshe shing ljon pa yal ga bzang zhing lo ma'i tshogs chen por 'gyur ro/ /de bzhin du de zhing bzang po sangs rgyas dang / chos dang dge 'dun la phul ba'i 'bras bu yang zhing gi yon tan dang mthus chen por 'gyur ro/ /de ltar yi dgas rdzu 'phrul che ba de bde ba nyams su myong ste las zad pas yi dgas kyi 'jig rten de las thar bar 'gyur te/ thar nas kyang las de dang rgyu 'thun par las nye bar 'gro ba ji lta ba bzhin du 'khor ba na yongs su 'khyam mo/ /de gal te mi'i nang du gnya' shing gi bu gar rus sbal 'jug pa lta bur mi rnams dang skal ba mnyam par mir skyes na/ de rtag tu de dbul ba'i rigs su skye zhing rtag tu me tog phreng ba dang / phye ma dang / byug pas lus byugs te lus shin du dri zhim par 'gyur ba mthong ngo / /de nas yang dge slong las kyi 'bras bu rnam par smin pa shes pa des yi dgas kyi 'jig rten la brtags na/ des thos pa las byung ba'i shes pas yi dgas</font><hr>63.308a<br><font size=+1>

drag shul spyod pa zhes bya ba ji ltar 'dug pa mthong ngo / /der sems can dag las gang gis skye bar 'gyur snyam nas des thos pa las byung ba'i shes pas brtags na/ mi ngan pa ser snas zil gyis non cing dge sbyong gi tshul 'dzin pa tshul khrims 'chal pa gang gis dge sbyong gzhan la tha snyad btags nas 'di ltar dge sbyong zhig shin du nad mi bzad pas thebs te de sbyin bdag khyod kyis na ba'i gsos sman gyi rkyen gyi yo byad dag byin cig ces smras nas/ de blangs te bdag nyid za bar byed de zla des ngan g.yo byed par gyur nas tshul sna tshogs bzung ste yul nas yul du rgyug cing sbyin bdag rnams la slu bar byed na de lus dang bral nas ngan 'gro log par ltung ba yi dgas drag shul spyod pa rnams kyi nang du skye bar 'gyur ro/ /der skyes nas kha zas ljan ljin mi gtsang ba za bar 'gyur/ rtag tu lus bkres pa dang skom pas gdungs par 'gyur/ mi gang mi gtsang ba de la brnyas par byed cing de ltar nga rgyal med par byed/ glags mthong ba nyid kyis gzhan dag gi rmi lam du 'jigs pa ston par byed cing dur khrod rnams su dga' bar byed/ lus dang spu thams cad rab tu 'bar la yul 'jig pa'i tshe rab tu dga' bar 'gyur/ drag shul du spyod pa'i rig sngags dag gis gzhan dag drangs nas rnam par 'tshe bar byed/ yud tsam cig gis dpag tshad brgya phrag stong nas kyang drangs te 'ong bar byed do/ /de ltar drag shul spyod pa'i yi dgas de gnod sbyin gyi ming thob ste de la skye bo phal pa dag gnod sbyin 'di ni rdzu 'phrul che zhing gnod sbyin mthu che ba yin no snyam nas mchod pa byed do/ /de ltar de skye bo rnam pa sna tshogs la gnod pa byed cing rnam par 'tshe ba na ji srid du tshe ma zad pa de srid du 'tsho bar 'gyur ro/ /de phyis de las 'chi bar 'gyur te shi nas kyang las de dang rgyu 'thun par rang gi las la spyod pa 'khor ba na yongs su 'khyam mo/ /</font><hr>63.308b<br><font size=+1>

de gal te brgya la mi rnams dang skal ba mnyam par mir skyes na de 'byung po mi bzad pa gnod sbyin mo skyong bar 'gyur ba mthong ngo / /de nas yang dge slong las kyi 'bras bu rnam par smin pa shes pa des yi dgas kyi 'jig rten la brtags na/ des thos pa las byung ba'i shes pas yi dgas kyi 'jig rten na yi dgas glags lta ba zhes bya ba rang gi ngo bo nyid kyis kyang glags lta ba ji ltar 'dug pa mthong ngo / /de las gang gis der skye bar 'gyur snyam nas des thos pa las byung ba'i shes pas brtags na/ 'di ltar phrag dog dang ser snas zil gyis non pas gzhan gyi nor rdzas la g.yo thabs dang ngan g.yo dang / slu ba dang 'khu ba byas shing grong dang / grong khyer dang / tshong 'dus pa la brid de glags rnyed pa dang / pha rol 'jig par byed cing sbyin pa dag mi gtong / bsod nams kyang mi byed/ mkhas pa la lhur mi lta/ rtag tu ser snas zil gyis non cing gzhan la 'khu ba'i bsam pas gzhan gyi phun sum tshogs pa mthong nas yid gzhan du sems/ bshes grogs dang / gnyen 'dab dang / rtsa lag dang mi mthun zhing yul la zhe 'gras pa skye bo thams cad kyi mngon sum du gyur pa de lus dang bral nas ngan 'gro log par ltung ba yi dgas glags lta ba rnams kyi nang du skye bar 'gyur ro/ /lus dang spu rtag tu rab tu 'bar zhing lus bkres pa dang skom pas gdungs la/ lus shing ljon pa king shu ka 'dra ba ngu skad 'byin smre sngags 'don cing sa phyogs gang na chu yod cig gu/ gzhan gang na bdag gis bza' ba'i kha zas kyi rnam pa cung zad yod cig gu snyam nas rgyug par byed do/ /de res 'ga' gal te mi blo zhan pa zhig dang phrad la/ mi de mchod rten skor bar mi byed pa dang / de'i phyi bzhin du 'brang ba'i lha des gtong bar 'gyur la/ de'i tshe mi de'i phyi bzhin 'brang ba'i lha dang bral bar 'gyur te yi dgas glags lta</font><hr>63.309a<br><font size=+1>

ba des glags rnyed nas rnam par 'tshe bar byed cing de bzung nas de'i tshe srog 'tsho bar byed do/ /de bzhin du mi gzhan gang dag bud med dang phrad pa btsog gi nyes pa 'am kha zas dang btung ba zos pa'i lhag ma mi gtsang ba'i nyes pa ma bkrus na lha yang rnam par 'tshe bar byed la yi dgas de de nyid kyis srog 'tsho ba 'thob par 'gyur zhing de'i mgon de yin la skyabs de yin te/ ji srid du sdig pa'i las de bcom zhing spangs la zad par ma byas pa de srid du 'tsho bar 'gyur ro/ /de phyis yi dgas kyi 'jig rten de las thar bar 'gyur te/ thar nas kyang las de dang rgyu 'thun par las la spyod pa 'khor ba na yongs su 'khyam mo/ /de gal te mi rnams dang skal ba mnyam par mir skyes na/ de rtag tu rgyal po dang / chu dang / chom rkun dang / me dang dgon pa dag gis ma rung bar byed cing rtag tu dbul ba dang nad bu can dang dman par 'gyur ba mthong ngo / /de nas yang dge slong las kyi 'bras bu rnam par smin pa shes pa des yi dgas kyi 'jig rten la brtags na/ des thos pa las byung ba'i shes pas yi dgas kyi 'jig rten na yi dgas sa'i 'og na gnas pa zhes bya ba mthong ngo / /der sems can dag las gang gis skye bar 'gyur snyam nas des thos pa las byung ba'i shes pas brtags na/ mi blo gros ngan pa ser snas zil gyis non pa'i gzhi gang gi btson ra bya ba'i phyir sa brkos pa mun nag gi nang du sems can bcings pa gang dag phan tshun blta bar yang mi mthong ste/ de dag ngu skad 'byin cing ku cho 'don/ so so mgon med la shin du sdug bsngal ba dag mi ngan pa gang gis btson rar 'jug par byed na de lus dang bral nas ngan 'gro log par ltung ba yi dgas sa'i 'og na gnas pa sa gzhi mun pa mun gnag gi nang du 'byung bar 'gyur te/ de lus kyi tshad dpag tshad gsum yod la kun nas sbrul gdug</font><hr>63.309b<br><font size=+1>

pas dkris shing de rlung grang la mi mthun pa rnams kyis shin du gnod par byed/ lus spu can bkres pa dang skom pas mchog tu gdungs pas ngu la lus skra ring pos khebs pa/ yang dang yang du sdug bsngal rnam pa sna tshogs rnam pa du ma rnams kyis mngon par gdungs shing dgon pa mi bzad par zhugs/ sdug bsngal drag cing mi bzad pa myong bzhin du yongs su rgyug la/ gcig pu zla med cing grogs med pa/ rlung spu gri lta bus bdas pa na ji srid du nyes par byas pa'i las bcom zhing spangs la zad par ma byas pa de srid du de myong bar 'gyur ro/ /de phyis de las thar bar 'gyur te/ thar nas kyang las de dang rgyu 'thun par las nye bar 'gro ba ji lta ba bzhin du 'khor ba na yongs su 'khyam mo/ /de gal te mi rnams kyi nang du gnya' shing gi bu gar rus sbal 'jug pa lta bur mi rnams dang skal ba mnyam par mir skyes na de ri gseb dang rgya mtsho'i ri dang nyi ma dang zla ba med pa'i yul rnams su long bar 'gyur zhing srog 'tsho ba gzhan dag la rag las pa dang / dbul por 'gyur ba mthong ngo / /de nas yang dge slong las kyi 'bras bu rnam par smin pa shes pa des yi dgas kyi 'jig rten la brtags na/ des thos pa las byung ba'i shes pas yi dgas kyi 'jig rten na yi dgas rdzu 'phrul che ba zhes bya ba rang bzhin gyis rdzu 'phrul che zhing mthu che ba ji ltar 'dug pa mthong ngo / /de las gang gis der skye bar 'gyur snyam nas des thos pa las byung ba'i shes pas brtags na/ sems can ser snas nyams pa gang g.yo thabs dang sgyus sam/ mthus gzhan gyi nor phrogs te/ gzhan dag la byin pa dang / sems dang ldan pa ma yin zhing / zhing bzang po ma yin pa la sbyin pa tsher ma lta bu/ mtshungs pa'i sbyin pa 'gran pa dang / dbang med pa dang / sba ba dang / spogs dang / ngo chen dang / sten sten pa dang / slar re ba la sogs pa'i sbyin pa</font><hr>63.310a<br><font size=+1>

tsher ma lta bu dang mtshungs pa dag byin na de lus dang bral nas ngan 'gro log par ltung ba yi dgas mthu bo cher 'gyur ro/ /de der skyes nas yi dgas lus bkres pa dang skom pas gdungs pa rnams kyis yongs su bskor ba/ 'brog dgon pa 'am/ ri zad zed kyi gseb bam/ rgya mtsho'i mtha'i gling dag tu yi dgas rdzu 'phrul chen por 'gyur te/ bdag gcig pu mchog tu bde bar 'gyur ro/ /gzhan lus tshal shing bsregs pa lta bu dang / lus bkres pa dang skom pas gdungs shing lus gdungs pa bkren pa'i mig gis lta ba rnams kyis mngon par bskor ba bdag gcig pu mchog tu bde bar 'gyur te/ sbyin pa ngan pa de'i 'bras bu bdag gcig pu nye bar spyod do/ /shin du sdug bsngal bas 'khrigs shing yongs su bskor ba gang gi tshe las de zad par gyur pa de'i tshe de de las thar bar 'gyur te/ thar nas kyang las de dang rgyu 'thun par rang gi las kyi 'bras bu la spyod pa 'khor ba na 'gro ba sna tshogs su skye bar 'gyur ro/ /de gal te mi rnams kyi nang du gnya' shing gi bu gar rus sbal 'jug pa lta bur mi rnams dang skal ba mnyam par mir skyes na de lo nyes byung ba'i yul dag tu rgyal po 'am rgyal phran du 'gyur ba mthong ngo / /de nas yang dge slong las kyi 'bras bu rnam par smin pa shes pa des yi dgas kyi 'jig rten la brtags na/ des thos pa las byung ba'i shes pas yi dgas kyi 'jig rten na/ yi dgas mtshan mo lus rab tu 'bar ba zhes bya ba ngo bo nyid kyis kyang mtshan mo rab tu 'bar te ngu bzhin du grong gi 'dab dang / grong khyer gyi 'dab dang / tshong 'dus kyi 'dab dang / ri'i gnas rnams su rgyug pa/ shing ljon pa rab tu 'bar ba 'dra zhing lus bkres pa dang / skom pas gdungs pa ji ltar 'dug pa mthong ngo / /de las gang gis der skye bar 'gyur</font><hr>63.310b<br><font size=+1>

snyam nas des thos pa las byung ba'i shes pas brtags na/ ji ltar phrag dog gis zil gyis non pa gang pha rol la gnod par byed pa g.yo thabs dang sgyu byed pa/ yul ma rung bar byed pa/ ljongs 'jig par byed pa/ mi gsod pa/ gnyen mdab dang / bshes grogs dang / rtsa lag 'jig par byed pa/ de dag bshig nas kyang rgyal po 'am/ blon po la 'bul bar byed de/ de las yang thabs thob nas de nas yang sdig pa byed pa'i mi yul de dag nyid snga ma bzhin du 'jig par byed la sbyin pa dang / tshul khrims dang / thos pa dang bral ba mkhas pa la sdang bar byed cing gnod par byed pa de de lus dang bral nas ngan 'gro log par ltung ba yi dgas mtshan mo lus rab tu 'bar ba rnams kyi nang du skye bar 'gyur ro/ /des ji ltar de dag mtshan mo btson rar bcug ste/ lus la gnod pa byas pa de bzhin du las de dang rgyu 'thun par las mi zad pa des de'i lus kyang mtshan mo rab tu 'bar bar 'gyur ro/ /ji ltar des btson rar bcug nas ngu zhing ngu skad 'byin la cho nges 'debs pa de bzhin du yi dgas de'i lus mtshan mo rab tu 'bar bar 'gyur te/ de ltar de ji srid du sdig pa'i las de bcom zhing spangs la zad par ma byas pa de srid du las de myong bar 'gyur ro/ /de phyis yi dgas kyi 'jig rten de las thar bar 'gyur te/ thar nas kyang las de dang rgyu 'thun par las nye bar 'gro ba ji lta ba bzhin du 'khor ba na yongs su 'khyam mo/ /de gal te mi rnams kyi nang du gnya' shing gi bu gar rus sbal 'jug pa lta bur mi rnams dang skal ba mnyam par mir skyes na/ de rtag tu gzhan gyis gnod pa byas par 'gyur/ nor rdzas bsags bsags pa yang rtag tu rgyal po'i 'khor nas kyang 'phrog par byed/ shing ljon pa'i kha nas rtag tu lhung bar 'gyur te/ de lhung nas lus snad par 'gyur</font><hr>63.311a<br><font size=+1>

ba mthong ngo / /de nas yang dge slong las kyi 'bras bu rnam par smin pa shes pa des yi dgas kyi 'jig rten la brtags na/ des thos pa las byung ba'i shes pas yi dgas kyi 'jig rten na/ yi dgas mi rnams kyi bus pa la glags lta ba zhes bya ba bus pa gang btsas ma thag tu 'phrog par byed pa ji ltar 'dug pa mthong ngo / /de las kyi 'bras bu gang gis der skye bar 'gyur snyam nas des thos pa las byung ba'i shes pas brtags na/ gang gis sngon gzhan du skyes pa na de'i bus pa bsad pa dang skyes pa 'am bud med de sems can de la zhe sdang skyes nas 'di ltar bdag gnod sbyin du gyur te de dag gi bus pa gsad par bya'o snyam du sems na/ de lus dang bral nas ngan 'gro log par ltung ba yi dgas gzhan la glags lta ba rnams kyi nang du skye bar 'gyur ro/ /de khro ba de la mngon par zhugs pa'i blos rtag tu de yid la byed par 'gyur te/ gal te bud med de bu btsa' bar gyur na de'i bus pa de de las bdag gis glags rnyed nas dbrog par bya'o snyam du sems so/ /yi dgas de mgyogs par skyes te ji ltar dpag tshad brgya phrag stong dag na khrag gi dri tshor na yang der yud tsam gyis phyin par 'gro ste/ de gang gi tshe bud med de btsa' bar 'gyur ba de'i tshe yi dgas glags lta ba 'khon du 'dzin cing dgra'i glags lta ba de chung ngur gyur nas gnas so/ /de gang gi tshe thams cad du tshol te glags tshol/ dmigs pa tshol/ gsab gseb tshol/ gzhi tshol/ rgyu tshol/ nyes pa tshol/ spyod pa tha dad pa tshol/ bkra shis ma yin pa tshol/ skar khung gi bu ga tshol/ sgo'i bu ga tshol/ gzhir 'jug pa tshol/ chu mi gtsang ba tshol/ gsang sngags la glags tshol/ rig sngags la glags tshol/ bkra shis la glags tshol/ grib ma la glags tshol/ dngos po</font><hr>63.311b<br><font size=+1>

la glags tshol/ me mdag gi bu ga tshol/ sa'i bu ga tshol/ mtshon cha'i bu ga tshol/ khang pa'i pu shu dang / ngam grog dang / g.yang sa'i bu ga tshol te/ de ltar yi dgas snying la 'khon du 'dzin pa chen po yod pa de glags rnam pa sna tshogs dag tshol lo/ /de gal te ji skad bstan pa'i glags dag rnyed na de btsa' ba'i khyim na gnas pa nyid 'phrog par byed do/ /gal te ma rnyed na glags rnam pa sna tshogs tshol ba de lo bcu 'das kyi bar du yang 'phrog par byed do/ /de ltar snying la 'khon du 'dzin pa mi dge ba dang 'brel pa mi dge ba nyid kun du spyod bzhin du lus bkres pa dang / skom pas gdungs pa des gal te nus na de'i bus pa de phrogs nas gsod par byed do/ /ji ste lus kyi dbang ngam srung ba'i dbang gis ma nus na snying la 'khon du 'dzin pa de 'chi ba'i dus byed de/ de ltar shi nas las nye bar 'gro ba ji lta ba bzhin du las kyi dbang gis 'khor ba na yongs su 'khyam mo/ /de gal te yang brgya la mi rnams kyi nang du gnya' shing gi bu gar rus sbal 'jug pa lta bur mi rnams dang skal ba mnyam par mir skyes na/ sngon 'brel pa'i sgra de dang rgyu 'thun par de sngar bshad pa'i snying la 'khon du 'dzin pa des rgyu med bzhin du thabs rnam pa sna tshogs kyis rab tu gsod pa'i dgra 'byung bar 'gyur ba mthong ngo / /de nas yang dge slong las kyi 'bras bu rnam par smin pa shes pa des yi dgas kyi 'jig rten la brtags na des thos pa las byung ba'i shes pas yi dgas kyi 'jig rten na yi dgas 'dod pa'i gzugs can zhes bya ba ji ltar 'dug pa mthong ngo / /de las gang gis der skye bar 'gyur snyam nas des thos pa las byung ba'i shes pas brtags na/ bud med dam/ ma ning gang bud med kyi cha byad du zhugs shing de bud med smad 'tshong ma'i cha byad sna tshogs su zhugs nas pha rol dag 'dod chags skyed par byed cing de nas yang 'dod pa de</font><hr>63.312a<br><font size=+1>

nyid la g.yengs nas 'jug par byed la bcug nas kyang phrag dog dang ser snas zil gyis non pas pha rol las gla nor rdzas dag len par byed do/ /blangs nas kyang res 'ga' zhing ngan pa dang snod ngan pa dang yul ngan pa la sbyin pa'i dngos po ngan pa tsher ma lta bu dang ldan pa cung zad tsam sbyin par byed de rgyu des de 'chi ba'i dus byas pa na yi dgas 'dod pa'i gzugs can rnams kyi nang du skye bar 'gyur ro/ /der skyes nas kyang yi dgas kyi gzugs kyi tshul sna tshogs 'dzin te/ tshul bzang ba 'am/ tshul ngan pa 'am/ gzugs bzang ba 'am/ gzugs ngan pa 'am/ sdug pa 'am/ skyes pa'i gzugs sam/ bud med kyi gzugs sam/ dud 'gro'i gzugs dag byed par nus so/ /de tshul sna tshogs dag bzung nas yul nas yul dag tu 'gro bar nus so/ /de rgyu dang bcas rkyen dang bcas par gyur na kha zas bza' bar nus so/ /rgyu'i gzugs de shin duchung bar byas nas khyim du 'jug par byed de zhugs nas kha zas de la za bar byed do/ /khyim na gnas pa de gzhan la bdag cag gi kha zas yi dgas kyis zos so zhes smra'o/ /res 'ga' yang lha 'am mi'i tshul du gnas nas dus kyi dga' ston dag gi kha zas la za bar byed do/ /res 'ga' yang byar sprul nas dur 'thor ba'i kha zas dag la za bar byed do/ /res 'ga' yang mi snang bar byas nas 'phrog par byed de/ de ji ltar 'dod pa de bzhin du gzugs rnam pa sna tshogs su byed do/ /de la 'jig rten dag gnod sbyin ji ltar 'dod pa'i gzugs can zhig yin no zhes brjod do/ /de res 'ga' yang bud med du sprul nas grong mi'i chos kyis skyes pa 'dren par byed do/ /de ltar de tshul sna tshogs bzung nas 'jig rten slu bar byed de/ de ji srid du yi dgas dang ldan pa'i sdig pa'i las de bcom zhing spangs la zad par ma byas pa de srid du de ltar 'jig rten bslus nas yi dgas kyi 'jig rten du skye bar 'gyur ro/ /</font><hr>63.312b<br><font size=+1>

de phyis yi dgas kyi 'jig rten de las thar bar 'gyur te/ thar nas kyang las de dang rgyu 'thun par rang gis byas pa'i las la spyod pa la 'khor ba na yongs su 'khyam mo/ /de gal te yang brgya la mi rnams kyi nang du gnya' shing gi bu gar rus sbal 'jug pa lta bur mi rnams dang skal ba mnyam par mir skyes na/ de bro gar mkhan tshul sna tshogs 'dzin par 'gyur zhing de bzhin du spyod pa'i tshul gzhan sna tshogs 'dzin par 'gyur te/ de tshul sna tshogs 'dzin pa'i las des 'tsho ba de bzhin du bdag nyid 'tsho bar byed de bdag gi chung ma gzhan dag la byin nas tshegs chen pos 'tsho ba 'grub par 'gyur ba mthong ngo / /de nas yang dge slong las kyi 'bras bu rnam par smin pa shes pa des yi dgas kyi 'jig rten la brtags na/ des thos pa las byung ba'i shes pas yi dgas rgya mtsho'i gling gi bar na gnas pa zhes bya ba ji ltar 'dug pa mthong ngo / /de dag las gang gis der skye bar 'gyur snyam nas des thos pa las byung ba'i shes pas brtags na/ dgon par zhugs pa gang 'jigs shing bzhin mog mog por gyur/ nad kyis nyam thag ste/ mgon med cing bshes pa med pa can de la sems can gzhan phrag dog dang ser snas nyams shing mi rigs par chags la brkam pa gang gis zong ngan pas nor rdzas bzang po la rin 'dra bar 'debs shing slu bar byed na/ mi ser snas nyams pa de 'chi ba'i dus byas nas rgya mtsho dang nye ba'i dgon pa mang po dang / shing ljon pa dang / lteng ka dang / chu bo dang / tshal dang / nags tshal med pa'i yul dag tu grang ba'i tshe ni brgya 'gyur du grang la tsha ba'i tshe ni brgya 'gyur du tsha ste/ lus bkres pa dang skom pas gdungs pa 'am/ zil pa'i thigs pas srog 'tsho ba'i yi dgas su 'gyur ro/ /rgya mtsho'i chu yang btung bar mi thob la/ de dag gi las ngan par byas pa des rgya mtsho yang thams cad du skams par</font><hr>63.313a<br><font size=+1>

'gyur te/ ri dang nags tshal dang rgya mtshor bcas pa de yang rab tu 'bar bar mthong ngo / /de re ba med cing thams cad nas gnod pa/ lus bkres pa dang skom pas gdungs pa ngu zhing smre sngags 'don bzhin du gnas nas gnas dag tu rgyug la/ ngu skad 'byin/ smre sngags 'don/ cho nges 'debs kyang de la grogs su gyur pa su yang med de de la skyob pa med/ dpung gnyen med do/ /rang gi las kyis sems bslus pa de skras mun pa ltar khebs shing lus kyi yan lag dang nying lag thams cad rgyus pa'i dra bas sbrel ba lag pa gnyis so sor phral te brgyangs pa dang / ku cho 'don pa kun nas mgon 'dod cing dpung gnyen 'dod kyang de'i mgon du 'gyur ba su yang med de/ de ltar de ji srid du sdig pa'i las de bcom zhing spangs la zad par ma byas pa de srid du 'tsho bar mi 'gyur ro/ /de phyis yi dgas kyi 'jig rten de las thar bar 'gyur te/ thar nas kyang las de dang rgyu 'thun par gal te mi rnams kyi nang du gnya' shing gi bu gar rus sbal 'jug pa lta bur mi rnams dang skal ba mnyam par mir skyes na/ de de bzhin du gling gi bar na gnas pa'i mir 'gyur te/ gling chu nyung ba der rkang pa gcig pa 'am lus thung bar 'gyur ba mthong ngo / /de nas yang dge slong las kyi 'bras bu rnam par smin pa shes pa des yi dgas kyi 'jig rten la brtags na/ des thos pa las byung ba'i shes pas yi dgas kyi 'jig rten na yi dgas gshin rje'i chad pa zhes bya ba ji ltar 'dug pa mthong ngo / /de las gang gis der skye bar 'gyur snyam nas des thos pa las byung ba'i shes pas brtags na/ mi gang phrag dog dang ser snas nyams shing rgyal po'i mi mna' byed pa sems drag shul can snying rje med pa/ chos kyi tshul btang ba/ 'jig rten thams cad kyis smad pa de lus dang bral nas ngan 'gro log par ltung ba yi dgas kyi yul na yi dgas gshin rje'i chad pa zhes bya bar 'gyur te/ </font><hr>63.313b<br><font size=+1>

gang mi'i 'jig rten na mi nyes par byas pa'i las kyis gshin rje'i bsgo ba nyan par 'gyur ro/ /de'i nyes par byas pa'i las kyis gshin rje'i mi nye bar 'dug ste shin du dngangs par byed cing cha byad bsgyur ba 'chang ba/ lus bsgyur ba 'chang ba/ lus bsgyur ba/ lag tu mtshon cha thogs pa/ lus skras mun pa ltar khebs pa/ mchu dang lto 'phyang ba/ rna ba 'phyang ba/ ha ha'i sgra dang mtshon cha 'debs pa rnams kyis mi de la 'jigs par byed do/ /de dag gis mi de mthong nas phyis lag pa bcing bas bcings te gshin rje'i 'jig rten gshin rje'i drung du khrid do/ /'di ltar de lha dang mi'i 'jig rten nas yi dgas kyi yul du khrid de lus kyis nyes par spyad pa dang / ngag gis nyes par spyad pa dang / yid kyis nyes par spyad pa dang ldan pa de la lhas rjes su bstan par gsol zhes smras so/ /de nas gshin rje'i rgyal pos mi de la 'di ltar rjes su bstan pa/ mkhas pa rang gi las kyis su/ /mi dag tu ni khyod skyes na/ /rin chen gling du khyod bslus pa/ /ci yi phyir na chos ma spyad/ /bde ba las la rag las mthong / /yid ni de bzhin bde ba las/ /'chi dang skye ba rnams spyad pa/ /chos ni yid dang rjes su 'brel/ /'du byed thams cad mi rtag ste/ /chu yi chu bur lta bu yin/ /'jig rten 'di dang pha rol du/ /de ltar legs pa'i las spyod do/ /gang zhig rtag tu dge byed pa/ /kun du mi dge yong mi byed/ /de ni ngar lta lam mi 'dod/ /mtho ris skas la kun du gnas/ /byis pa gang dag sems med pa/ /rtag tu nyes par spyod la dga'/ /sdig pa nges par rnam spangs pa/ /'gro ba bzang por 'gro bar 'gyur/ /'jig rten las kyi 'bras bu mthong / /lha la rnam pa sna tshogs mthong / /gang zhig bag med shin du rtsub/ /de dag nges par</font><hr>63.314a<br><font size=+1>

'phags mi byed/ /gang gi don du lus dang ngag /yid kyis mang du sdig byas pa/ /de dag thams cad gzhan du dong / /gnas 'dir khyod ni gcig pu 'dug /mi ni rnyed dka' thob nas su/ /gang zhig sdig pa mang byed pa/ /shin du slu ba mi zad de/ /ngan 'gror nges par 'gro ba yin/ /gang zhig sdig las bral ba ni/ /shin du dge la dga' 'gyur te/ /de ni bde las bde 'thob cing / /mya ngan 'das par rab tu 'gro/ /gang zhig dge la nyer bsten pa/ /mi ni shin du bkra shis 'gyur/ /gang zhig sdig la nyer bsten pa/ /de ni shin du bkra mi shis/ /thog ma bar dang mthar ngan pa/ /dam pas de ni rnam par smad/ /sdig pa sdig par 'gro ba mthong / /sems can dmyal ba nye bar rtog /las dge dbang po thul ba ni/ /'jig rten dag na shin du bzang / /lus dang bral nas bde 'gro ste/ /lha yi 'jig rten skye bar 'gyur/ /khyod ni bcing ba dam pos bcings/ /gshin rje'i pho nyas dbang du byas/ /gshin rje'i 'jig rten bsten dka' ba/ /drag po mi bzad khyod kyis thob/ /khyod kyis ngan byas gang byas pa/ /las de 'dir ni spyad par gyis/ /byis pa rang gis byas la spyad/ /gzhan gyis spyod pa nyid mi 'gyur/ /de ltar de gshin rjes rjes su bstan pa na gshin rje'i chad pa de dag mngon sum du gyur to/ /de nas de bstan nas gshin rje'i mis nyes par byed pa byas pa rang gi las kyi 'bras bus bslus pa de phyir byung nas las nye bar 'gro ba ji lta ba bzhin du khrid de ji srid du sdig pa'i las byas shing bsags pa de bcom zhing spangs la zad par ma byas pa de srid du zas rlung la za bar byed do/ /de phyis yi dgas kyi 'jig rten de las thar bar 'gyur te/ thar nas kyang gal te mi rnams dang skal ba mnyam par mir skyes na las de dang rgyu 'thun par ri nyam nga ba dang chu mi bde ba'i 'gram du gnas te lam du 'gro ba skyed</font><hr>63.314b<br><font size=+1>

par 'gyur ba mthong ngo / /de nas yang rnal 'byor spyod pa nang gi chos la chos kyi rjes su lta zhing gnas pa dge slong des sa gzhan bcu bzhi pa la ji ltar 'jug snyam nas des thos pa las byung ba'i shes pa 'am lha'i mig gis gzugs kyi skye mched bcu mthong ste/ 'di lta ste/ mig gi skye mched dang / gzugs kyi skye mched dang / rna ba'i skye mched dang / sgra'i skye mched dang / sna'i skye mched dang / dri'i skye mched dang / lce'i skye mched dang / ro'i skye mched dang / lus kyi skye mched dang / reg bya'i skye mched do/ /de 'di snyam du sems te/ mig dang gzugs la brten nas bdag gi 'du shes byung ngo snyam ste/ des brtags na mig dang gzugs la brten nas mig gi rnam par shes pa skye ste/ gsum 'dus pa las reg pa/ reg pa dang lhan cig skyes pa tshor ba dang / 'du shes dang / sems pa dang / rnam par shes pa 'byung ste/ reg par byed pas reg pa/ tshor bar byed pas tshor ba/ shes par byed pas 'du shes te/ 'di ltar gzugs 'di ni ring ngo thung ngo / /sdug go mi sdug go/ /bstan du yod pa'o/ /thogs pa dang bcas pa'o snyam pa'o/ /sems par byed pas sems pa'o/ /yang rnam par shes par byed pas rnam par shes pa ste/ chos de dag dmigs pa gcig la 'jug cing 'byung bar 'gyur te/ mtshan nyid gzhan dang gzhan/ ngo bo nyid gzhan dang gzhan yin no/ /'di ltar sa chen po'i chos bcu ni tshor ba dang / 'du shes dang / sems pa dang / reg pa dang / yid la byed pa dang / 'dun pa dang / mos pa dang / dran pa dang / ting nge 'dzin dang / shes rab ste/ de ltar dmigs pa gcig la mtshan nyid gzhan du 'dod do/ /rnam par shes pa la sogs pa chos bcu gcig po de dag kyang ji ltar nyi ma'i 'od zer gcig tu 'du yang 'on kyang ngo bo nyid gzhan pa de bzhin du</font><hr>63.315a<br><font size=+1>

rnam par shes pa'i ngo bo nyid gzhan pa nas sems pa'i bar du gzhan no snyam ste/ dge slong gzugs kyi skye mched kyi de kho na nyid shes pa des mig gsog dang / gsob dang snying po med pa dang / yang dag pa ma yin par mthong ngo / /phyogs bcur lam gyi de nyid shes shing log par lta ba spangs pa yang dag pa'i lta ba sngon du 'dren pas mig gi rnam pa gti mug gi rnyog par gyur pa spong ste de kho na nyid mthong ba des sha'i gong bur byas pa rnag nyung ngu dang 'chi ma mang po'i gnas yin no snyam du rig nas de la 'dod chags skye ba rab tu spong ngo / /mi rtag pa yin no snyam nas mi rtag par lta bar byed/ sha'i gong bu dang rus pa'i bu ga'i rnam pa yin no snyam nas 'dod chags dang bral bar byed/ rgyus pas sbrel pa yin no snyam nas mig gi skye mched phan tshun rag las pa 'di la rtog ste/ 'di la snying po med cing bdag med par rig go/ /mdor na mig 'di ni sdug bsngal yin no bar shes shing mthong nas mig gi skye mched kyi 'dod chags dang bral lo/ /de mig gi skye mched ji lta ba bzhin rtogs nas gzugs la yang rnam par dpyod par byed de/ gzugs gang sdug pa dang mi sdug pa dang lung du ma bstan pa 'di ni kun du rtog pa tsam ste/ 'di la snying po ci yod/ gtsang ba ci yod/ rtag pa ci yod/ mi rtag pa ci yod ces lta ba na rnam par rtog cing dpyod par byed do/ /dpyod pa na so so yang dag par rig par byed de gzugs 'di la ngo bo nyid kyis bde ba med pa des gzugs mthong zhing shes la rtog pa 'thob bo/ /gzugs 'di la snying po med de gzugs sdug pa dang mi sdug pa 'di ni kun du brtags pa tsam mo/ /'di la sdug pa dang mi sdug pa'i ngo bo med de/ 'jig rten 'di 'ba' shig sdug pa dang mi sdug par 'dod do/ /gzugs 'di ni ngo bo nyid kyis</font><hr>63.315b<br><font size=+1>

rtag pa 'am/ brtan pa 'am/ ther zug pa 'am/ bde ba 'am/ snying po 'am/ bdag dang bcas pa ma yin te/ 'dod chags dang zhe sdang dang gti mug gis bsgribs pa na gzugs sdug go mi sdug go snyam du sems so snyam nas de gzugs kyi skye mched yang dag par brtags te/ mig dang gzugs mthong nas chags par mi byed/ rmongs par mi byed/ snying po yod par mi sems so/ /mig dang gzugs kyi skye mched la mngon par brtags nas mig gi rnam par shes pa la chags par mi byed cing 'dod chags dang bral bar byed do/ /mig gi rnam par shes pa bdag ma yin/ mig gi rnam par shes pa bdag gi ma yin te de bzhin du reg pa dang / tshor ba dang / 'du shes dang / sems pa bdag ma yin/ sems pa bdag gi ma yin no bar rig go/ /de nas yang dge slong las kyi 'bras bu rnam par smin pa shes pa des yi dgas kyi 'jig rten la brtags na/ des thos pa las byung ba'i shes pas yi dgas kyi yul na yi dgas byis pa la za ba zhes bya ba ji ltar 'dug pa mthong ngo / /de las gang gis der skye bar 'gyur snyam nas des thos pa las byung ba'i shes pas brtags na/ nad pa rnams kyi lha mchod pa 'am gnod sbyin mchod pa'i phyir las mi zad pa drag po gang gis gzhan dag bslus nas nor rdzas phrogs sam lug bsad na de lus dang bral nas ngan 'gro log par ltung ba sems can dmyal ba yang sos su skye bar 'gyur ro/ /de nas thar nas kyang yi dgas byis pa la za ba'i nang du skye bar 'gyur la gang srog gcod pa gzhan zhig gal te mi'i so so yang dag par myong bar 'gyur ba'i las kyis mi'i skye gnas su skyes na/ de srog gcod pa mang du byas pa ji lta ba bzhin du yi dgas des gsod par byed de/ de mngal na gnas pa na gsod pa 'am/ de btsas pa'i khyim du gsod pa 'am/ de gog thal</font><hr>63.316a<br><font size=+1>

thul na gsod pa 'am/ de phud bu bcas pa na gsod pa 'am/ de yongs su rgyug pa na gsod par byed de/ de ltar yi dgas des rim gyis bus pa de gsod par byed do/ /de gang gi tshe nyes par byas pa'i las des yi dgas de glags tshol te glags rnyed nas bus pa de la za bar byed do/ /'dir tshigs su bcad pa/ kha cig mngal te de bzhin du/ /gzhan ni btsas pa'i khyim dang gzhan/ /de bzhin gog ni thal thul dang / /yongs su rgyug na 'chi bar 'gyur/ /de ltar skom pa dang bkres pas gdungs pa'i lus de rang gis nyes par byas pa'i las myong bar 'gyur te/ 'di ltar byis pa'i srog 'tsho bar gyur pa na nyes par byas pa las nyes par byas pa nye bar sgrub cing de ltar byis pa la za ba'i yi dgas de nyes par byas pa las shin du nyes par byas pa'i las gzhan rgyun mi 'chad pa na yi dgas kyi 'jig rten de myong bar 'gyur te/ de ltar de ji srid du de'i sdig pa'i las byas shing bsags pa bcom zhing spangs la zad par ma byas pa de srid du yi dgas kyi 'jig rten der skye bar 'gyur ro/ /gal te mi rnams dang skal ba mnyam par mir skyes na las de dang rgyu 'thun par de'i bus pa rim gro byas kyang 'tsho bar mi 'gyur ro/ /'dir tshigs su bcad pa/ nyes par byas pa'i las 'brel bas/ /nyes par byas pa'i 'bras bur brjod/ /de bzhin legs byas 'bras bu ni/ /rnam par smin pa bde bar mthong / /las kyi thag pa ring po yis/ /byis pa dam du bcings pa'i rnams/ /mya ngan 'das pa'i grong mchog tu/ /'gro bar mi 'gyur thar bar dka'/ /ye shes mtshon gyis de bcad nas/ /gang du de ni mi 'jug cing / /nges par grol bar rims nad bral/ /dam pa mya ngan 'das par 'gro/ /ji ltar nya dag rgyas bcus na/ /bde bar yongs su dbyung du rung / /de ltar sems can sred bcings pa/ /</font><hr>63.316b<br><font size=+1>

'chi bdag gis ni nye bar 'dren/ /dug dang bcas pa'i mdas phog pa'i/ /ri dgas gang dang gar 'gro ba/ /de dang der ni dug 'gro ste/ /de bzhin mi'i dug sred pa yin/ /'gro ba 'gro bar rjes 'brang ba/ /sred pa dug 'dra spang bar gyis/ /shing skam me yis sreg pa ltar/ /byis pa rnams la de yis sreg /re shig dga' ste shes par dka'/ /rnam par smin pa me pa 'dra/ /gal te bde ba nyid 'dod na/ /sred pa de las thar bar gyis/ /ji ltar mchil pas zin pa yi/ /nya ni 'chi ba'i dbang du 'gro/ /de ltar sred pas zin pa yi/ /mi rnams yi dgas dbang du 'gro/ /yi dgas yul du yi dgas gang / /sdug bsngal ba dag yongs su rgyug /dmyal bar sems can dmyal ba rnams/ /de dag sred pa chen pos bskyod/ /mi gang nyon mongs nor bral zhing / /gzhan gyi drin gyis 'tsho ba yi/ /phal pa de ni sred pa yis/ /bskyod ces thub pa rab tu gsung / /de ltar dge slong des ser sna dug lta bu kun gyis bskyod pa de dpyad nas yang 'khor ba las yid 'byung bar byed do/ /de nas yang dge slong las kyi 'bras bu rnam par smin pa shes pa des yi dgas kyi 'jig rten la brtags na/ des thos pa las byung ba'i shes pas yi dgas kyi yul na yi dgas mdangs za ba zhes bya ba ji ltar 'dug pa mthong ngo / /de las gang gis der skye bar 'gyur snyam nas des thos pa las byung ba'i shes pas brtags na/ dgra mdza' bo ltar bcos pa ngo gnyis pa gang gis 'di ltar khyod g.yul 'gyed par zhugs shig dang khyod kyi phyi bzhin bdag gis yang dag par bsrung bar bya'o zhes yongs su bslus nas de gzi byin dang mthu nyid skyes so/ /skyes nas g.yul 'gyed par zhugs pa dang / yongs su gtong bar byed cing 'di ltar de 'dir bzung na de'i nor gang yin pa de dag rgyal po'i 'khor du gsol te</font><hr>63.317a<br><font size=+1>

bdag gir bya'o snyam nas mis bslus pa de des bsad na slu slu ba de lus dang bral nas ngan 'gro log par ltung ba yi dgas mdangs za ba rnams kyi nang du skye bar 'gyur te/ de lus bkres pa dang skom pas gdungs shing lus mtshon gyis rtag tu gsheg la lus kyi lpags pa dang / sha dang rus pa rnam par nyams pa mtshon cha 'bab pa rnams kyi phyogs su 'gro ba na gar bab bab tu 'bros so/ /de rnam pa gzhan du 'bros pa na mi mi gtsang ba gang gzhan nam mchod rten skor bar mi byed pa de'i glags yi dgas des rnyed nas de'i gzi brjid 'phrog par byed do/ /des gal te lo bcu 'am gal te lo nyi shur de 'tsho bar byed de de ltar shin du sdug bsngal bar 'gyur te/ ji srid du de'i sdig pa'i las byas shing bsags pa nges par myong bar 'gyur ba las kyi nyer bsdogs dang / las kyi dngos gzhi dang / las kyi mjug dang yang dag par ldan pa bcom zhing spangs la zad par ma byas pa de srid du rang gi las kyi 'bras bu la spyod pa rang gis byas pa la za ba rang gi las kyis skye ba'i rgyun shin du 'khor ro/ /de phyis yi dgas kyi 'jig rten de las thar bar 'gyur te/ thar nas kyang gal te lan grangs gzhan la myong bar 'gyur ba'i las kyis mi rnams kyi nang du skyes na/ las de dang rgyu 'thun par de lha rten gyi sar 'tsho ba dang / rtog ge pa dang / tshegs chen pos 'tsho ba dang / gzhan la rag las pas 'tsho bar 'gyur ba mthong ngo // //'phags pa dam pa'i chos dran pa nye bar gzhag pa/  bam po nyi shu pa/ de nas yang dge slong las kyi 'bras bu rnam par smin pa shes pa des yi dgas kyi 'jig rten la brtags na/ des thos pa las byung ba'i shes pas yi dgas kyi yul na yi dgas</font><hr>63.317b<br><font size=+1>

tshangs pa'i srin po zhes bya ba ji ltar 'dug pa mthong ngo / /de las gang gis der skye bar 'gyur snyam nas des thos pa las byung ba'i shes pas brtags na/ mchod sbyin ngan par byed pa gang gis srog gcod pa dang / yang dag par ldan pa shin du gsod par dga' ba'i mchod sbyin byas pa dang / zas dang skom so sor khe spogs byed pa dang / rin chung ngus nyos la rin chen por 'tshong ba dang / phrag dog dang ser snas nyams pa de lus dang bral nas ngan 'gro log par ltung ba yi dgas kyi 'jig rten na lus bkres pa dang skom pas gdungs pa tshangs pa'i srin por 'gyur ro/ /de ltar de mi yi gzugs kyis yongs su rgyug cing sems can rnams la nye bar 'tshe bar byed de/ de sum mdo 'am/ bzhi mdo dben par 'dug go/ /'dug nas kyang glags lta ba de mi rnams la nye bar 'tshe bar byed do/ /phal cher bram ze 'dra bar 'gyur la de nas mi snang bar 'gyur zhing yang mi rnams la nye bar 'tshe bar byed de/ yi dgas la sems pa dag na re/ 'di ltar de ni gdon gyis zin to zhes 'jig rten pa de dag brjod do/ /de ltar de sdig pa dang 'brel cing sdig byed la lus bkres pa dang skom pas gdungs pa yin te/ de ltar tshangs pa'i srin po de ji srid du de'i sdig pa'i las byas shing bsags pa phrag dog dang ser sna dang yang dag par ldan pa bcom zhing spangs la zad par ma byas pa de srid du yi dgas kyi yul de na gnas par byed do/ /de phyis yi dgas kyi 'jig rten de las thar bar 'gyur te/ thar nas kyang gal te lan grangs gzhan la myong bar 'gyur ba'i las kyis mir skyes na las de dang rgyu 'thun par de mi la za ba 'am/ de mkha' 'gro ma mi'i khrag 'thung bar 'gyur ba mthong ngo / /de nas yang dge slong las kyi 'bras bu rnam par smin pa shes pa des yi dgas kyi 'jig rten la brtags na/ des</font><hr>63.318a<br><font size=+1>

thos pa las byung ba'i shes pas yi dgas kyi yul na yi dgas me'i khung bur za ba zhes bya ba ji ltar 'dug pa mthong ngo / /de las gang gis der skye bar 'gyur snyam nas des thos pa las byung ba'i shes pas brtags na/ phrag dog dang ser snas nyams pa dge ba'i bshes gnyen lta bur bcos nas dge 'dun gyi zas skom zos na/ de lus dang bral nas ngan 'gro log par ltung ba sems can dmyal bar skye bar 'gyur ro/ /de nas shi nas yi dgas me'i khung bur za ba rnams kyi nang du skye bar 'gyur ro/ /der skyes nas kyang lus tshal shing bsregs pa 'dra zhing lus bkres pa dang skom pas gdungs la rang gi las kyis yongs su bslus pa gcig pu thams cad du rgyug pa na de'i srog gi 'tsho ba 'di ltar 'gyur te/ gang gi tshe me'i nang du gzhan 'ga' zhig lhung na phyed tshig par 'gyur te/ de me dang 'dra zhing me'i char lta bu la za'o/ /de me'i khung bu de dang 'dra ste bkres pa dang skom pas gdungs pa de dag dang me des nyis 'gyur du sreg go/ /de sreg pa na gang mi dge ba'i las de byas shing bsags pa nges par myong bar 'gyur ba de'i las kyi mthus ngu skad 'byin cing ku cho 'don to/ /de der ji srid du de'i sdig pa'i las byas shing bsags pa bcom zhing spangs la zad par ma byas pa de srid du sdug bsngal myong zhing nye bar spyod par 'gyur ro/ /de las zad de de las thar nas gal te mi rnams dang so so yang dag par myong bar 'gyur ba'i las kyis mir skyes na/ las de dang rgyu 'thun par de dbul zhing nad bu can du 'gyur la mes bsreg pa'i khung bur sreg par 'gyur ba mthong ngo / /de nas yang dge slong las kyi 'bras bu rnam par smin pa shes pa des yi dgas kyi 'jig rten la</font><hr>63.318b<br><font size=+1>

brtags na/ des thos pa las byung ba'i shes pas gang gis ser sna kun du bsten cing bsgoms te mang du byas pa'i las kyi dngos gzhi dang las kyi mjug yang dag par blangs pa de lus dang bral nas ngan 'gro log par ltung ba yi dgas kyi 'jig rten srang mi gtsang ba rnams su skye bar 'gyur ba mthong ste/ yi dgas de las gang gis skye bar 'gyur snyam nas des thos pa las byung ba'i shes pas brtags na/ dge 'dun gyi rim gro byed pa phrag dog dang ser snas nyams pa gang gis bza' ba dang bca' ba la sogs pa zhim po dag la yang dag par spyod par byed cing tshangs par spyod pa dang ldan pa gtsang ma rnams la kha zas ngan pa sbyin par byed na de srang mi gtsang bar yi dgas gnas pa rnams kyi nang du skye bar 'gyur ro/ /der skyes nas kyang nyin par lus bltar mi mthong zhing / mtshan mo mthong ba nyid du 'gyur ro/ /de dag gang grong ngam/ grong khyer ram/ ri brags sam/ 'tsho skyong gi gnas sam/ bya rog gi gnas sam/ gsher sa na gnas pa kun gyis bshang ba dang gci ba'i sa dang / gcig tu nyal nyil dang / ljan ljin gyi sa dang / phyi sa bsags par gyur pa 'am/ kun nas srin bus khebs shing dri nga ba shin du 'jigs pa/ skye bo kun mthong ma thag tu skyug bro bar 'gyur ba/ srin bu yun ring du gnas pa/ myags pa der dge 'dun gyi kha zas zhim po za bar byed pa yi dgas su skye bar 'gyur ro/ /shin du sdug bsngal ba dag der skyes nas kyang gang las kyis byas pa'i gshin rje'i mi rnams kyis ral gri rab tu 'bar ba thogs pa de dag las mi gtsang ba de dus thams cad du bza' bar mi 'thob bo/ /gal te zla ba phyed na 'thob cing gal te zla ba gcig na thob pa gang yin pa de yang tshim par mi 'thob cing zos nas kyang skyug par 'gyur te/ lus bkres pa dang skom pas gdungs pa de dag 'di ltar ngu skad</font><hr>63.319a<br><font size=+1>

'byin cing cho nges 'debs phan tshun rgyug cing smre sngags 'don te sa bon mi gtsang gyur pa las/ /shin du mi bzad yongs su 'gyur/ /sdig pa'i las kyi 'bras bu ni/ /rgyu dang 'dra bar mthong ba yin/ /sdig pas drangs pa'i skye bo ni/ /mchil pas log par drangs pa bzhin/ /mchil las nya ni thar srid kyi/ /sdig las sdig pa mi 'thar ro/ /sdig pa'i thag pa mi zad pas/ /glo bur du ni 'dren pa na/ /yi dgas gnas su 'dren byed de/ /bkres dang skom pa chen pos bsgribs/ /bkres dang skom las byung ba'i mes/ /mi zad gdungs par 'gyur ba ltar/ /me dang mtshon dang dug rnams kyis/ /de ltar mi zad gdung mi 'gyur/ /gang du bde ba chung gyur pa/ /skad cig med cing thang cig med/ /yud tsam med cing mtshan mo med/ /rtag tu bdag ni sdug bsngal bsgribs/ /sdug bsngal gyi ni rgyu bsten pas/ /sdug bsngal las ni sdug bsngal thob/ /sdug bsngal las ni rnam grol te/ /bdag la bde ba 'byung bar 'gyur/ /gang du bdag ni rgyug pa der/ /'bab chu'i dngo dang chu mi mngon/ /lteng ka rnams kyang skams gyur cing / /chu bo dag kyang med par gyur/ /bdag ni rtag tu chu 'dod nas/ /sa la yongs su rgyug pa na/ /brag dang nags tshal stug por bcas/ /chu bo de dag skams par gyur/ /bdag gi lus ni bsregs pa ste/ /bkres dang skom pa'i me yis gdungs/ /lhag par skyabs su 'gro med de/ /nyon mongs shin du mi bzad 'ongs/ /de ltar rang gi las kyi 'bras bus bslus pa'i yi dgas de ji srid du de'i sdig pa'i las byas shing bsags pa bcom zhing spangs la zad par ma byas pa de srid du ngu skad 'byin cing smre sngags 'don to/ /de phyis yi dgas kyi 'jig rten de las thar bar 'gyur te/ thar nas kyang gal te lan grangs gzhan la myong bar 'gyur ba'i las kyis mir skyes na las de dang rgyu 'thun par gal te bud med dam bud med smad 'tshong mar 'gyur ro/ /gal te skyes par gyur na de grong khyer gyi ljan ljin 'phyag pa 'am/ </font><hr>63.319b<br><font size=+1>

de bud med kyi cha byad du zhugs nas des nye bar 'tsho bar 'gyur ba mthong ngo / /de nas yang dge slong las kyi 'bras bu rnam par smin pa shes pa des yi dgas kyi gnas na yi dgas gzhan gang zhig skye bar 'gyur snyam nas yi dgas kyi 'jig rten la brtags na/ des thos pa las byung ba'i shes pas yi dgas kyi yul na yi dgas rlung za ba zhes bya ba ji ltar 'dug pa mthong ngo / /de las gang gis der skye bar 'gyur snyam nas/ des thos pa las byung ba'i shes pas brtags na/ lto bo che lto 'ba' shig sems pa gang gis dge sbyong dang bram ze dang nyon mongs pa dang sdug bsngal ba dag la nyi ma 'ga' tsam gyi zas sbyin par khas blangs te/ dam bcas nas brdzun byas la de dag kyang de'i nyin par bkres pa dang skom pas shin du gdungs par gyur nas rlung bsil bas reg par gnas na/ brdzun zer zer ba de lus dang bral nas ngan 'gro log par ltung ba yi dgas rlung za ba rnams kyi nang du skye bar 'gyur ro/ /der skyes nas kyang de yongs su rgyug pa na de'i kha zas med cing re ba med la gnas med de/ mgon med par rang gi sems kyis yongs su bslus pa de'i mig gi yul du gang yang sos la sogs pa'i rdzas bza' ba dang / btung ba dang / gnas khang dang / kun dga' ra ba nyams dga' ba mang po dag rgyang ring po nas mthong ste bza' ba dang btung ba'i don du der rgyug go/ /de der rgyug pa na ngal dub pas bkres pa dang skom pa nyis 'gyur du 'gyur te/ de kha gdang bar byed do/ /de'i kha gdangs par rlung 'jug ste/ de rlung de 'ba' shig kha'i nang du song bas bkres pa gang sel bar byed cing gang gis lus mi gtsang ba de 'dzin par byed do/ /de'i bza' ba dang btung ba de dag kyang ri dgas skom pas phyin ci log tu mthong ba ltar gsob dang / gsog dang / snying po med pa dang / mgal me'i 'khor lo dang 'dra</font><hr>63.320a<br><font size=+1>

bar snang ba kho na tsam du zad do/ /ji ltar des sbyin pa snying po med pa gsog byin pa de bzhin du gsog rjes su mthong ngo / /'dir tshigs su bcad pa/ rgyu dang 'thun par 'bras bu zhes/ /blo gros ldan pa de skad gsung / /rgyu dang mi mthun 'bras bu ni/ /lus can rnams la smin mi 'gyur/ /skye ba lug rgyud mang po yi/ /rgyu dang rkyen gyis shin du 'brel/ /'khor bar gang gis sbrel ba yi/ /lus can 'gro bar mi 'gyur ro/ /shin du sbrel ba dam po dang / /mchog tu mi bzad de bkrol nas/ /gang na sdug bsngal mi gnas pa/ /zhi ba mchog tu 'gro bar 'gyur/ /de ltar rgyu dang 'thun pa'i 'bras bu la nye bar spyod cing rgyug pa na/ sems bslus pa de ji srid du de'i sdig pa'i las byas shing bsags pa so so yang dag par myong bar 'gyur ba'i las bcom zhing spangs la zad par ma byas pa de srid du rlung 'ba' shig za ba'i lus bdag nyid 'dzin par byed do/ /de phyis yi dgas kyi 'jig rten de las thar bar 'gyur te/ thar nas kyang gal te lan grangs gzhan la myong bar 'gyur ba'i las mi yis so so yang dag par myong bar 'gyur ba'i las kyis mir skyes na las de dang rgyu 'thun par de rtag tu dbul por 'gyur/ gang de la shes bzhin du nor dang bza' ba dang btung ba dang ston mo dang gnas dang chu dag med par 'gyur zhing sbyin par mi byed la yid mi gcugs par 'gyur/ kha zas med par byas pa'i sems ni re ba la dga' zhing re ba med pa la yang dga' ste/ mngon par nyams pa'i lus shin du sdug bsngal bar 'tsho bar mthong ngo / /'dir tshigs su bcad pa/ 'dir ni sdig pa'i bag chags kyis/ /thams cad du ni sdug bsngal byed/ /lus can rnams dang mi mthun pa/ /mi gtsang ba yi dri bzhin no/ /yun ring ngan 'gro bcom pa yi/ /dge ba'i bag chags dga' byed de/ /me tog</font><hr>63.320b<br><font size=+1>

nyams kyang til dag la/ /bag chags snang ba ji bzhin no/ /de nas yang dge slong las kyi 'bras bu rnam par smin pa shes pa des/ yi dgas kyi 'jig rten la brtags na/ des thos pa las byung ba'i shes pas yi dgas kyi yul na yi dgas mdag me za ba zhes bya ba ji ltar 'dug pa mthong ngo / /de las gang gis der skye bar 'gyur snyam nas des thos pa las byung ba'i shes pas brtags na/ zhal che bar bskos pa phrag dog dang ser snas 'jungs pa gang gis gzung bar bya ba nyes pa med pa dag bzung nas bcings te/ bkres pa dang skom pas yongs su gnod par byas la de yang gzung ba'i sdug bsngal gyis nyam thag par byas shing / shin du gnod par byas pa re ba med la bkres pa dang skom pas gdungs nas thal ba za la de'i las kyi rnam par smin pas gzhi de las shi bar gyur na zhal che bar bskos pa'i mi sdig pa'i las de'i mthus lus dang bral nas ngan 'gro log par ltung ba yi dgas mdag me za ba rnams kyi nang du skye bar 'gyur ro/ /las mi bzad pa da ltar bde la rnam par smin pa sdug bsngal mi 'dod pa mi sdug pa yid du mi 'ong ba dug nag po lta bu dang 'dres pa'i mthus de rtag tu dur khrod kyi mdag me la za yang mdag me des tshim par mi 'gyur ro/ /de mdag me'i zas des lus kyi me shin du tsha ba chung zad zhi bar byed de/ me la chus bsad pa bzhin no/ /de lta bas na dug nag po lta bu dang shin du rtse rtse bas chog ste/ nag po dang 'dres pa spangs na 'dod chags dang bral bar 'gyur ro/ /gang du byis pa nag po'i dbang du song ba dag ni me'i sdug bsngal bsil bar gyur kyang sdug bsngal ni me gzhan gyis dpe bya bar nus pa gang yang med do/ /de ltar de ji srid du de'i sdig pa'i las so so yang dag par myong bar 'gyur ba bcom zhing spangs la zad par ma byas pa de srid du yi dgas kyi yul de na gnas</font><hr>63.321a<br><font size=+1>

so de phyis yi dgas kyi yul de las thar bar 'gyur te/ thar nas kyang mi dang so so yang dag par myong bar 'gyur ba'i las kyis mir skyes na/ las de dang rgyu 'thun par de ri 'or gang du lo nyes byung zhing gsog za ba rnams kyi nang du skye bar 'gyur la res 'ga' yang kha zas zhim por mi 'gyur zhing rtag tu kha zas lan tshwa med par 'gyur ba mthong ngo / /de nas yang dge slong las kyi 'bras bu rnam par smin pa shes pa des yi dgas kyi 'jig rten la brtags na/ des thos pa las byung ba'i shes pa des yi dgas kyi yul na yi dgas dug za ba zhes bya ba rang bzhin gyis dug za ba ji ltar 'dug pa mthong ngo / /de las gang gis der skye bar 'gyur snyam nas des thos pa las byung ba'i shes pas brtags na/ ser snas nyams pa gang gis nor rdzas kyi phyir pha rol dag la dug blud la de yang shi na dug ldud ldud pa lus dang bral nas ngan 'gro log par ltung ba sems can dmyal ba yang sos su skye bar 'gyur ro/ /de nas thar nas kyang yi dgas dug za ba rnams kyi nang du skye bar 'gyur te/ de ri 'bigs byed kyi ri sul dang / ri yongs 'du'i ri sul dang / ri kha ba can gyi rtse mo dang / ri ma la ya'i gseb gang yin pa de dag dang / ri'i rtse mo dug mang zhing chu med pa dang / sbrul gnas pa'i dgon pa dang / grang lhags che ba'i dgon pa dog cing shin du 'jigs pa dang / shing ljon pa yal ga 'phyang ba med pa dang / rdo ngan pa 'ba' shig yod pa dang / seng ge dang / stag gis gsod pa shin du 'jigs pa gang yin pa de dag tu skye bar 'gyur ro/ /der skyes nas kyang grang ba'i dus su grang ba brgya 'gyur myong bar 'gyur la/ tsha ba'i dus su tsha ba brgya 'gyur myong bar 'gyur ro/ /las byas pa tsha ba'i dus su zhag lngar me'i char pa lus rnams la 'bab cing grang ba'i dus su zhag lngar lhags pa</font><hr>63.321b<br><font size=+1>

char pa lta bu 'bab bo/ /nyes par byas pa'i las des me mdag de dag dang mi dga' ba dgon pa lta bu de dag gi nang na lus bkres pa dang skom pas gdungs pa dag ku cho 'don ngu skad 'byin/ cho nges 'debs smre sngags 'don te/ lus bkres pa dang skom pas gdungs pa dag la dug gi reg pa lcags kyi thu lum rab tu 'bar ba lta bu gang yin pa de dag mid par byed do/ /mid ma thag tu shi'o/ /de nas yang nyes par byas pa'i las des skye bar 'gyur te/ skyes nas kyang bkres pa dang skom pa de sdug bsngal nyis 'gyur bas lhag par myong bar 'gyur ro/ /de ltar de ngu skad 'byin pa na/ bya'i mchu rnon pos kyang de'i mig phyung nas za bar byed de/ de phyir zhing sdug bsngal gyis nyam thag nas ngu skad 'byin/ ku cho 'don/ cho nges 'debs/ /mig phyung ba de dag skye bar 'gyur la de nas yang 'byin par byed de/ de ltar ji srid du de'i sdig pa'i las byas shing bsags pa so so yang dag par myong bar 'gyur ba bcom zhing spangs la zad par ma byas pa de srid du sdug bsngal myong bar 'gyur ro/ /de phyis yi dgas kyi 'jig rten de las thar bar 'gyur te/ thar nas kyang gal te lan grangs gzhan la myong bar 'gyur ba'i las kyis mir skyes na/ las de dang rgyu 'thun par de lam po che dang bzhi mdor 'tsho bar 'gyur/ dug ldud ldud pa'i las kyi lhag ma des yang de'i srog chad par 'gyur ba mthong ngo / /de nas yang dge slong las kyi 'bras bu rnam par smin pa shes pa des yi dgas kyi 'jig rten la brtags na/ des thos pa las byung ba'i shes pas yi dgas kyi yul na yi dgas dgon pa na 'dug pa zhes bya ba ji ltar 'dug pa mthong ngo / /de las gang gis der skye bar 'gyur snyam nas des thos pa las byung ba'i shes pas brtags na/ chom rkun pa gang gis 'brog dgon pa chen po dang / chu med pa dang / shin du dog pa dang / nyi ma'i 'od kyis kun du tsha ba dag tu lteng ka dang nags</font><hr>63.322a<br><font size=+1>

tshal dag gi lam byas nas chom rkun pa de dag gis lteng ka de dag 'dzeg par byed de/ 'di ltar bdag cag gis 'dir 'gron po 'ongs te skom gyis gdungs shing mthu chung ba dag nor rdzas kyi phyir gsad par bya 'o snyam nas de dag phrag dog dang ser snas nyams shing sbyin pa dang bral ba dag gis de ltar 'dron po de dag gsod par byed do/ /de dag lus dang bral nas ngan 'gro log par ltung ba yi dgas dgon pa na 'dug pa rnams kyi nang du skye bar 'gyur ro/ /der skyes nas kyang mar me'i shing ltar 'brog rab tu 'bar ba rnams kyi nang nyid du nyi ma'i gdung bas gdungs te mgon 'dod pa/ skyabs 'dod pa/ dpung gnyen 'dod pa dag chu dang bza' ba'i phyir rgyug cing ku cho 'don to/ /de dag las kyi nyes pa des rgyang ring po na ri dgas skom pa lta bur chu dang ba 'dra ba zhig yod par mthong ngo / /de dag gis de mthong ste chu rnyed do snyam nas rgyug ste/ re ba dang bcas pa'i sems kyis ngal ba grangs su yang mi rtsi ba na de ji lta ji ltar rgyug pa de lta de ltar ri dgas skom pa lta bur ngo bo nyid kyis gsog tu 'dug pa de dag ga la zhig thob par 'gyur/ de dag ngal ba'i nyes pas rtsa dar b+ha'i rtse mos rkang pa'i rting pa dag tu zug nas 'gyel zhing na nas kha cig 'chi ba'i dus byed do/ /de nas yang las kyi lhag ma des 'tsho bar 'gyur te/ de ltar lus bkres pa dang skom pa bcu 'gyur gyis gnas par byed do/ /bya rog dang 'ug pa dang / bya rgod brgya snyed kyis lus dang mig dag pa can bcos su 'thob cing za ste/ rus pa la thug gi bar du 'bigs par byed do/ /mgon med pa/ dpung gnyen med pa de dag sdug bsngal sum 'gyur gyis shin du sdug bsngal te/ phan tshun der song nas 'di ltar smre sngags 'don te/ bya rog 'ug pa thams cad nas/ /rdo rje chen po'i mchu rnon gyis/ /mngon par gtses so skyabs med cing / /bde bar blta bar mi</font><hr>63.322b<br><font size=+1>

mthong ngo / /ji ltar bdag gis 'dron po bcom/ /de yi las de nye bar gnas/ /'di ni gzugs brnyan lta bu ste/ /de bzhin 'bras bu 'dir 'ongs so/ /las kyi zhags pas bcings gyur cing / /las kyi thag pas gnod par byas/ /las zad ma gyur bar du ni/ /dpung gnyen byed pa mi mthong ngo / /skye bo las kyis khrid byed cing / /las kyis yongs su 'dren par byed/ /gang du las ni rnam smin pa/ /der ni las kyis 'phen par byed/ /gnas gsum du ni las kyis 'phangs/ /'khor lo bzhin du rtag tu 'khyam/ /de lta bas na dge bya zhes/ /sdig pa mi phan rtag tu spongs/ /sdig pa gang dag mi 'dod cing / /de dag me dang 'dra bar mthong / /bkres dang skom pa'i mes gdungs pa/ /de ni yi dgas gnas su khrid/ /skom pa'i sdug bsngal 'byung ba ni/ /yang dang yang du rab tu 'phel/ /bdag ni me yi phreng ba yis/ /mched pa'i ri dang 'dra bar 'gyur/ /ri la me 'bar chu bo yi/ /rgyun gyis thams cad gsad nus kyi/ /rgya mtsho'i klung gis bdag gi me/ /'di ni gsad par mi nus so/ /las kyi shing skam byung nas su/ /sred pa'i rlung gis grogs byas te/ /bdag ni kun nas yongs bskor nas/ /las kyi me yis shin du bsregs/ /tshul khrims brtson 'grus ye shes chu/ /sbyin pa'i snod ni rab bzung nas/ /srid gsum rjes 'gro las kyi me/ /bdag nyid chen pos 'jig par byed/ /gang dag las kyi dbang song zhing / /las gsum gyis ni yongs su bsgyur/ /gsum nyid kyis ni rmongs pa dag /de ni gnas gsum rgyu bar byed/ /las dbang sum bcu rtsa drug dang / /bzhi bcur song zhing rnam par rgyu/ /dgu bcu rtsa brgyad ma bcom pa/ /khams gsum du ni de 'gro'o/ /gang dag brgya rtsa brgyad shes shing / /bcu gnyis don la sems pa po/ /chos dang chos min rnam shes gang / /de dag bde ba mtha' yas so/ /mtshan nyid gnyis kyi rnam shes shing / /brgyad gnyis yongs su shes pa po/ /bcu drug skye ba rig pa gang / /</font><hr>63.323a<br><font size=+1>

skye bo de ni sdig pas bsregs/ /brtan po lam gnyis lta ba dang / /gzhi rnams yongs su mthar phyin cing / /chu bo bzhi las rnam grol ba/ /mkhas pa de ni sdig pa bsregs/ /lam brgyad de nyid 'jug rig cing / /stobs bcu dag ni mthong ba dang / /sdug bsngal gnyis kyi rgyu rig pa/ /zad pa med pa'i gnas su 'gro/ /gang dag bden gnyis pha rol phyin/ /dran pa bzhi la rnam par dpyod/ /brtan po dus gsum don sems pa/ /de ni bdud kyi dbang mi 'gro/ /dkar po'i chos ni rnam spangs shing / /rang gi las kyi 'bras bus rmongs/ /de ni bdag gi sdig las kyis/ /yi dgas 'jig rten 'dir phyin to/ /de ltar yi dgas de dag gi nang nas kha cig sngon dge ba'i las chung zad byas pas shes rab shin du rno bar 'gyur te/ de la dmigs par gyur pa'i yi dgas de dag la de skad du rjes su bstan to/ /rjes su bstan nas kyang ji srid du de'i sdig pa'i las byas shing bsags pa bcom zhing spangs la zad par ma byas pa de srid du rang gi sdug bsngal so sor myong bar byed do/ /de phyis yi dgas kyi 'jig rten de las thar bar 'gyur te/ thar nas kyang gal te lan grangs gzhan la myong bar 'gyur ba'i las kyis mi rnams dang skal ba mnyam par mir skyes na las de dang rgyu 'thun par de yi dgas kyi brtul zhugs dang yi dgas kyi rjes su 'brang bar 'gyur ba mthong ngo / /de nas yang dge slong las kyi 'bras bu rnam par smin pa shes pa des yi dgas kyi 'jig rten la brtags na/ des thos pa las byung ba'i shes pas yi dgas kyi yul na yi dgas dur khrod na 'dug pa zhes bya ba ji ltar gnas pa mthong ngo / /de las gang gis der skye bar 'gyur snyam nas des thos pa las byung ba'i shes pas brtags na/ sems can ser snas nyams pa gang gis sangs rgyas la gzhan gyis me tog phul ba dag des brkus so/ /brkus nas kyang khe 'dod pa'i phyir btsongs na de lus dang bral nas ngan 'gro</font><hr>63.323b<br><font size=+1>

log par ltung ba lus bkres pa dang skom pas gdungs pa yi dgas dur khrod na 'dug pa rnams kyi nang du skye bar 'gyur ro/ /dur khrod na 'dug pa de dag gi kha zas ni 'di lta ste/ dur khrod kyi phyag dar gang yang rung ba du ba'i rgyun med pa de la de dag zla ba gcig gi bar du za zhing 'dug la/ de nas kha zas med par 'khod do/ /rtag tu de'i mgo lcags kyi phreng ba rab tu 'bar bas bcings shing de gang nas gang du skyes pa'i glad pa rab tu 'ju bar byed la mgo yi thod pa yang sreg par byed do/ /lcags las byas pa'i phreng ba gnyis pas kyang de'i mid pa bcings shing des de'i mid pa dang brang yang sreg ste/ sangs rgyas kyi me tog brkus pa'i rgyu des na yan lag dang nying lag thams cad kyi nang du me de dag song nas sreg par byed do/ /lus kyang srin bus yog cing sdug bsngal mi bzad pas nyam thag la srin po gzhan zhig dur khrod der 'ongs nas des kyang de dag tho ba dang / ral gri dang / gtun shing rnams kyis kun nas phye mar rlog go/ /de ngu skad 'byin cing smre sngags 'don pa na sdug bsngal gsum gyis nyam thag ste/ bkres pa dang skom pa'i sdug bsngal dang / lcags kyi phreng ba'i sdug bsngal dang / gzhan gyis ral gri dang / tho bas brdegs pa'i sdug bsngal te/ de ltar de dag myong zhing nyes par byed pa de 'bral bar byed la smre sngags 'don pa na 'di ltar tshigs su bcad de smras pa/ bkres dang skom pa'i sdug bsngal dang / /gnyis pa me'i sdug bsngal 'byung / /gsum pa tho ba ral gri yi/ /sdug bsngal de ni bdag gis myong / /rang gi sems dang las kyis su/ /'dir ni bslus shing yongs su rmongs/ /yi dgas gnas su skyes gyur cing / /mdza' bshes gnyen dang bral bar 'gyur/ /stobs dang bral ba'i las dag gi/ /zhags pa yis ni khrid pa na/ /bshes gnyen bu dang chung ma dang / /rtsa lag gis kyang skyob mi byed/ /ji ltar las bzhin skyob gzhan med/ /rnam pa gsum ni bdag gis</font><hr>63.324a<br><font size=+1>

myong / /sbyin dang tshul khrims thos dang gzhan/ /rnam pa gsum ni yongs su bsgribs/ /gti mug dra bas bsgribs pa 'dir/ /bdag gis ngan byas gang ma byas/ /mi bzad rgyur ni gyur pa yi/ /las rnams kyi ni 'bras bu 'ongs/ /shin du mi bzad yi dgas yul/ /sdig las gal te bdag grol na/ /yang dang yang du sdig pa'i las/ /bdag gis nams kyang mi bya 'o/ /de ltar yi dgas smra pa de dag ji srid du de'i sdig pa'i las byas shing bsags pa so so yang dag par myong bar 'gyur ba bcom zhing spangs la zad par ma byas pa de srid du der sdug bsngal chen po des gnod cing yid la gcags par 'gyur ro/ /de phyis yi dgas kyi 'jig rten de las thar bar 'gyur te/ thar nas kyang gal te mi rnams dang yang dag par myong bar 'gyur ba lan grangs gzhan la myong bar 'gyur ba'i las kyis mi rnams dang skal ba mnyam par mi rnams kyi nang du skyes na/ las de dang rgyu 'thun par de gtum zhing dur khrod kyi gos kyis 'tsho bar 'gyur ba mthong ngo / /de nas yang dge slong las kyi 'bras bu rnam par smin pa shes pa des yi dgas kyi 'jig rten la brtags na/ des thos pa las byung ba'i shes pas yi dgas kyi yul na yi dgas shing gi nang na gnas pa zhes bya ba ji ltar 'dug pa mthong ngo / /de las gang gis der skye bar 'gyur snyam nas des thos pa las byung ba'i shes pas brtags na/ gang gis dge 'dun gyi 'tsho ba'i shing ljon pa 'am/ de bzhin du skye bo bkres pa dang skom pa dang / lus ngal ba kun gyi 'tsho ba'i don du rdzing bu dang / khron pa byas pa de dag ser snas nyams pa des ma rung par byas sam/ shing skam 'dod pa'i phyir 'di ltar 'di dag ni bdag gi shing bya'o snyam nas gcod par byed cing de de bzhin du byed na lus dang bral nas ngan 'gro log par ltung ba yi dgas shing gi nang na 'dug par 'gyur ro/ /der skyes nas kyang de'i las kyis shing gseb tu skyes pa de shin du grang ba dang tsha bas gnod de/ ji ltar srin bu shing skam gyi nang du skyes</font><hr>63.324b<br><font size=+1>

pa thams cad nas gnod pa bzhin no/ /shin du sdug bsngal bas nyam thag pa de gal te brgya la sdug bsngal de rtse zhil bar byed na de shing skam gyi gseb na srin bu mar ko ta ka dang / a sho ta ra rnams kyis za zhing de'i zas su 'gyur ro/ /gang kha cig gis bsams nas gtor ma gtor na des srog 'tsho bar byed de/ yi dgas kyi yul de na ji srid du de'i sdig pa'i las byas shing bsags pa so so yang dag par myong bar 'gyur ba bcom zhing spangs la nyams par ma byas pa de srid du sdug bsngal rab tu mi bzad pa de myong bar 'gyur ro/ /de phyis yi dgas kyi yul de las thar bar 'gyur te/ thar nas kyang gal te lan grangs gzhan la myong bar 'gyur ba'i las kyis mi rnams dang skal ba mnyam par mir skyes na/ las de dang rgyu 'thun par de tshal dang rtswa dang sman dang / nags khrod dang / shing skam dang / me tog gis srog 'tsho ste/ 'tsho ba gzhan la rag las shing shin du sdug bsngal bar 'gyur ba mthong ngo / /de nas yang dge slong las kyi 'bras bu rnam par smin pa shes pa des yi dgas kyi 'jig rten la brtags na/ des thos pa las byung ba'i shes pas yi dgas kyi yul na yi dgas lam gyi bzhi mdo na gnas pa zhes bya ba ji ltar 'dug pa mthong ngo / /de las gang gis der skye bar 'gyur snyam nas des thos pa las byung ba'i shes pas brtags na/ rkun po gzhan la gnod pa bya ba'i blo dang ser snas nyams pa gang gis zas dang skom brnogs shing de 'gron po dag gi zas dang skom ma byin nas dgod la de dag kyang gnas der shin du sdug bsngal bar gyur nas rkun po de las kyi mthu des shi nas lam gyi bzhi mdo na gnas pa'i yi dgas su 'gyur ro/ /pha rol gyi yid bcugs pa bcom pa'i las de'i mthus sog le dag 'byung bar 'gyur te/ </font><hr>63.325a<br><font size=+1>

de dag gis nyin gcig bzhin du de'i lus bkres pa dang skom pas gdungs pa de rnam pa bzhir gcod par byed/ gsheg par byed/ yan lag rnams gtub par byed do/ /gang gi tshe skye bo dag 'jig par 'gyur ba de'i tshe byis pa phal byis pa'i rang bzhin can las dang 'bras bu mngon par mi shes shing 'bras bu dang rgyu ngan pa la lta ba de dag de'i tshe lam gyi bzhi mdor gtor ma 'dor bar byed de 'di ltar 'dis nad pa'i nad rab tu zhi bar 'gyur ro snyam nas gtor ma de lam gyi bzhi mdo de dag tu 'thor bar byed do/ /de des dga' bar 'gyur te/ des srog 'tsho bar 'gyur zhing des gnas par 'gyur la des so sor ston par byed de/ ji srid du de'i sdig pa'i las byas shing bsags pa so so yang dag par myong bar 'gyur ba bcom zhing spangs la zad par ma byas pa de srid du yi dgas kyi yul der gnas so/ /de phyis yi dgas kyi 'jig rten de las thar bar 'gyur te/ thar nas kyang gal te lan grangs gzhan la myong bar 'gyur ba'i las dang mi so so yang dag par myong bar 'gyur ba'i las kyis mir skyes na las de dang rgyu 'thun par de rigs ngan pa phyugs gsod pa byed par 'gyur ba mthong ngo / /de nas yang dge slong las kyi 'bras bu rnam par smin pa shes pa des yi dgas kyi 'jig rten la brtags na/ des thos pa las byung ba'i shes pas yi dgas kyi yul na yi dgas bdud kyi ris shes bya ba ji ltar 'dug pa mthong ngo / /de las gang gis der skye bar 'gyur snyam nas des thos pa las byung ba'i shes pas brtags na/ las ngan pas 'tsho ba/ g.yos gzhan la gnod par byed pa/ rgyu ngan pa dang lta ba ngan pa'i mtha' la de nyid yin no bar mngon par zhen pa gang gis lam bzang po sun par byas na/ de lus dang bral nas ngan 'gro log par ltung ba yi dgas</font><hr>63.325b<br><font size=+1>

bdud kyi ris rnams kyi nang du skye bar 'gyur ro/ /der skyes nas kyang rtag tu dge slong bsam gtan gyi zas kyis gnas pa rnams kyi sems rnyog pa can du byed rnam par 'tshe bar byed/ sgra bo che 'don par byed/ de rmi lam du bgegs dag byed de dam pa'i chos la sdang ba ni bdud kyi dbang du 'gro bar 'gyur ro/ /de ltar yang dag pa ma yin pa'i lam du zhugs pa de ni tshe 'di la myong bar 'gyur ba yi dgas kyi yul du skye bar 'gyur te/ kha zas ni lcags kyi thu lum za bar 'gyur ro/ /de de dag gis sreg cing shin du sdug bsngal ba myong ba na/ shin du sdug bsngal ba de las skyo bar mi byed de/ de de nas shi nas sems can dmyal ba'i nang du skye bar 'gyur ro/ /de nas bskal pa mang po zhig gis mi lus thob par 'gyur te/ gal te bskal pa khri 'am/ gal te bskal pa nyi khris 'thob la/ de ltar nges par ngan song gsum rnams su 'tshed do/ /sreg go /za'o/ /gal te yang de nas lan grangs gzhan la myong bar 'gyur ba'i las kyis gnya' shing gi bu gar rusbal 'jug pa lta bur mi rnams dang skal ba mnyam par mir skyes na/ las de dang rgyu 'thun par de long ba dang / 'on pa dang / lkug pa dang / dran pa nyams pa dang / nad du mas lus nyams pa dang / shin du dbul bar 'gyur ba mthong ngo / /de nas yang dge slong las kyi 'bras bu rnam par smin pa shes pa des yi dgas kyi 'jig rten la brtags na/ des thos pa las byung ba'i shes pas 'di ltar yi dgas kyi 'jig rten las kyi 'bras bu rnam par smin pa'i bye brag gis yi dgas kyi 'gro ba rags pa de tsam dag ni mthong na 'khor 'bum phrag du ma ni</font><hr>63.326a<br><font size=+1>

ma mthong ste/ gang rgya mtsho'i mtha'i bar rnams dang / gang rgya mtsho'i gling rnams dang / gang 'dzam bu'i gling rnams dang / nub kyi ba lang spyod dang / shar gyi lus 'phags dang / byang gi sgra mi snyan la sogs pa'i gling chen po rnams kyi bar na gnas pa de dag gi ming gi rnam grangs tsam shes so/ /srin po dang / sha za dang grul bum de dag gi las kyi 'bras bu rnam par smin pa dag ni shin du phra bar shes par bya ste/ gang las gang gis der skyes/ kha zas ni ci za/ spyod pa ni ci yin/ rgyu ni ci zhig yin snyam mo/ /de dag gi gnas na sems ni spre'u ltar sdom pa med par rnam par g.yo la/ ba lang gi rna ba 'gul zhing ldog pa chu shing tshal du zhugs na rna ba shin du 'gul ba ltar ni rab tu rgyug /bum pa rdol ba ltar yul thams cad la ni khyab/ rlung chen pos rdul bslang ba ltar shin du g.yo bar ni byed/ seng ge dang stag dang sbrul gdug pa dag pas kyang shin du gdul ni dka'/ gang g.yos pa ni de'i pha rol du 'bras bu de dang 'thun par thob ste/ sems can rnams kyi sems kun nas nyon mongs pa las ni kun nas nyon mongs la/ sems rnam par byang ba las ni rnam par grol bar 'gyur te shes par dka'o/ /sems ni rgyal po 'dra la/ dbang po rnams ni zhabs 'bring ba lta bu yin te/ de la rag las pa ni las yin la/ las la rag las pa ni 'bras bu yin/ 'bras bu la rag las pa ni 'gro ba lnga dag yin no/ /sems 'khrul 'khor mkhan 'dra zhing lus ni 'khrul 'khor 'dra la/ dbang po rnams dang dbang po'i don ni skud pa 'dra ste/ sems ma dul ba de ni ngan song du 'gro la/ shin du dul zhing legs par yongs su sbyang ba byas pa ni lha dang mi'i 'gro bar 'gro ba dang / g.yo ba med pa'i gnas mya ngan las 'da' bar 'gro'o snyam ste/ de ltar dge slong de sems</font><hr>63.326b<br><font size=+1>

kyi rnam pa shin du phra ba la rnam par dpyad nas 'khor ba rnams la shin du skyo ba skyes te/ sems can dmyal ba 'khor dang bcas pa dag la skyo la/ de ltar yang yi dgas kyi 'jig rten dag la lhag par shin du skyo ste/ sdug bsngal 'phags pa'i bden pa rtogs/ sdug bsngal 'phags pa'i lam rtogs shing lam bzang po dang lam la gnas pa rtogs so/ /yi dgas kyi le'u ste gnyis pa rdzogs so// //de nas yang rnal 'byor spyod pa nang gi chos la chos kyi rjes su lta zhing gnas pa 'di ltar dge slong las kyi 'bras bu'i de kho na nyid mthong ba des sems can dmyal ba 'khor dang bcas pa rnams la brtags shing 'gro ba gnyis pa la yang brtags nas 'khor ba mi bzad pa yang dag pa ji lta ba bzhin mthong ste yid la yang 'jog par byed do/ /'di ltar dge slong de bdud kyi yul na mi gnas shing / de mya ngan las 'das pa'i mtha' la gnas la de'i spro ba mi ldog ste/ 'bras bur gyur pa sa gzhan bcwa lnga pa la zhugs so/ /de zhugs pa dang sa bla'i gnod sbyin dag dga' nas bar snang la rgyu ba'i gnod sbyin rnams la bsnyad do/ /de dag gis kyang rgyal chen bzhi rnams la'o/ /de dag gis kyang sum bcu rtsa gsum pa rnams la'o/ /sum bcu rtsa gsum pa rnams kyis kyang 'thab bral ba rnams la'o/ /'thab bral ba rnams kyis kyang dga' ldan pa rnams la'o/ /dga' ldan pa rnams kyis kyang 'phrul dga' ba rnams la'o/ /'phrul dga' ba rnams kyis kyang gzhan 'phrul dbang byed pa rnams la'o/ /de ltar 'dod pa'i khams kyi sgra dag gzugs kyi khams su yang grag pa nas tshangs ris la sogs pa'i bar dag dang / 'od gsal gyi bar rnams su sgra grag ste/ 'di ltar kye lha dag 'dzam bu'i gling du rigs kyi bu che ge mo zhig dang / grong mang ge mo</font><hr>63.327a<br><font size=+1>

zhig dang / grong khyer ga ge mo zhig dang / grong rdal che ge mo zhig dang / yul mang ge mo zhig na ming ga ge mo zhig ces bya ba skra dang kha spu bregs nas gos ngur smrig bgos te dad pas khyim nas khyim med par rab tu byung ngo / /de bdud kyi gzhi dang lhan cig gnas par mi 'dod la de'i yul gyi dngos po yang mi 'dod/ bdud kyi sde ni 'joms par byed/ bdud kyi g.yog ni 'jig par byed/ nyon mongs pa'i ri ni shin du g.yo bar byed/ dam pa'i chos kyi lam du ni 'jug par byed/ de'i 'od ni rab tu 'byung bar 'gyur te/ de ltar sa gzhan bcwa lnga pa la zhugs so/ /de thos nas 'od gsal gyi lha rnams dga' ste/ lha gzhan dag la smras pa/ 'di ltar kye lha dag bdag cag ni mchog tu dga' ste/ gang bdud kyi phyogs ni dma'o/ /dam pa'i chos kyi phyogs ni mngon par mtho'o/ /bdud kyi 'khor ni yongs su nyams so/ /dam pa'i chos kyi chu bo ni rab tu 'bab po/ /mu stegs kyi mtsho ni rnam par skems so/ /'dod chags dang zhe sdang dang gti mug rnams ni rab tu rtse zhil lo/ /chos ma yin pa'i phyogs ni zhig go /dam pa'i chos kyi phyogs ni rab tu 'phel lo/ /'khor ba ni 'jig ste/ kye de dag bdag cag gis thos nas mchog tu dga'o/ /de ltar dam pa'i chos kyi sgra 'od gsal gyi lha'i ris kyi bar du gcig nas gcig tu grag ste/ dge slong de brtson 'grus ni brtsams sems ni dge zhing mi g.yo la brtan/ g.yo med cing drang po'i rang bzhin can yin te/ de ltar de'i dge ba'i sgra mya ngan las 'das pa'i grong khyer gyi sngon du 'dren par grag go/ /de nas yang dge slong las kyi 'bras bu rnam par smin pa shes pa des sems can dmyal ba'i las kyi chos kyi rnam par smin pa yang dag pa ji lta ba bzhin shes shing sems can dmyal ba rnams kyi</font><hr>63.327b<br><font size=+1>

'khor brgya sum bcu rtsa drug gi tshe ring ba dang tshe'i lhag pa'i tshad dang bcas pa de yang yang dag pa ji lta ba bzhin shes nas 'gro ba gnyis pa la yang rtog par byed de/ yi dgas rnam pa yod pa yang mdor bsdu na rnam pa sum bcu rtsa drug yod pa la rtog par byed do/ /rim par 'khod pa'i de dag gi de kho na nyid la rtog ste/ des thos pa las byung ba'i shes pas dud 'gro'i rnam pa bye ba sum bcu rtsa bzhi mthong nas/ 'di ltar 'gro ba lnga dag ni sems kyi kha na las shing rag lus pa yin la phal cher kun kyang cha byad dang gzugs dang 'gro ba dang kha zas sna tshogs 'chang ba/ 'thun pa dang mi mthun pa dang / sdang ba dang mi sdang ba dang / bshes pa dang mi bshes pa dang / lhan cig spyod pa dang lhan cig mi spyod pa'i rigs can dag yin no/ /de dag gi nang nas 'dab ma yod par gyur pa ni 'di lta ste/ ri dgas kyi tshogs dang bya'i tshogs bya rog dang ngang pa la sogs pa yin te/ 'thun pa dang myi mthun par gyur pa dag ni 'di ltar wa dang / khyi lta bu ste de la sogs pa'o/ /sdang ba dang mi sdang ba dag ni 'di lta ste/ bya rog dang 'ug pa dang / rta dang ma he dang / sbrul dang ne'u le la sogs pa lta bu dag go /de la srog chags dag las gang gis cha byad dang gzugs dang 'gro ba dang kha zas sna tshogs su 'gyur snyam nas des thos pa las byung ba'i shes pas brtags na/ 'di ltar srog chags dag sems sna tshogs dang / srog chags dag rag las pa dang / las rnam pa sna tshogs byed de/ de dag gi 'gro ba rnam pa sna tshogs su 'gyur zhing kha zas rnam pa sna tshogs su 'gyur ro/ /de la gang 'thun pa dang mi mthun pa'i rgyu gang yin snyam nas de dag gi las la rnam par dpyod de des thos pa las byung ba'i shes pas brtags na/ mir gyur pa gang gis lta ba log pa'i bstan bcos</font><hr>63.328a<br><font size=+1>

brjod la mkhas pa nga rgyal can gnyis pas kyang bstan bcos ngan pa gnyis pa brjod na de gnyis kyi thos pa de don med pa dang / bde ba ma yin pa dang / bde 'gror 'gro ba ma yin te/ bstan bcos ngan pa dang rgyu ngan pa dang lta ba ngan pa'i mtha' de gnyis kyis phan tshun dga' bar byed na de gnyis shi nas sems can dmyal ba rnams kyi nang du skye bar 'gyur ro/ /gal te dud 'gro rnams kyi nang du skyes na de'i tshe 'thun pa dang mi mthun pa'i rgyus phan tshun rab tu sdang bar 'gyur te 'di lta ste/ sbrul dang / ne'u le dang / rta dang / ma he dang / bya rog dang / 'ug pa dag lta bu'o/ /de nas yang dge slong las kyi 'bras bu rnam par smin pa shes pa des dud 'gro'i 'jig rten la rtog par byed de rgyu gang dang las gang gis dud 'gro dag lhan cig spyod pa'i grogs su 'gyur snyam nas/ des thos pa las byung ba'i shes pas brtags na/ 'khor ba la mngon par chags pa'i sbyin bdag gang gis 'di ltar las 'dis ni bdag dud 'gro'i skye gnas gzhan dag tu skyes na yang khyod bdag gi khyim thab tu 'gyur zhing bdag kyang khyod kyi chung mar gyur cig snyam nas sbyin pa byin na/ de lus dang bral nas ngan 'gro log par ltung ba dud 'gro bde ba rnams kyi nang du skye bar 'gyur te/ 'di lta ste shang shang te'u dang / thi ba dang / ngur pa de dag las yongs su byas pa'i rgyus 'khrig pa la dga' ba yin no/ /de nas yang dge slong las kyi 'bras bu rnam par smin pa shes pa des wa la sogs pa'i mi mthun pa la rtog par byed de de dag las gang gis wa dang / khyi dag tu skye bar 'gyur snyam nas de thos pa las byung ba'i shes pas brtags na/ gang gis mkhas pa dang sdom pa dang ldan pa rnams kyi kha zas zhim po</font><hr>63.328b<br><font size=+1>

phrogs shing dus rtag tu 'dod par sems la/ brnab sems kyi shas che na de lus dang bral nas ngan 'gro log par ltung ba dud 'gro rnams kyi nang du skye bar 'gyur te/ wa dag dang 'thab 'dod cing phan tshun rab tu rtsod par 'gyur ba mthong ngo / /de nas yang dge slong las kyi 'bras bu rnam par smin pa shes pa des ri dgas rnams la brtags na des thos pa las byung ba'i shes pas sngon mir gyur la dung dang rnga sgra dag gis sbungs byed pa gang gis grong dang grong khyer dang tshong rdal pa dag bskrad cing sgra des pha rol dag la 'jigs pa bskyed na de lus dang bral nas ngan 'gro log par ltung ba sems can dmyal bar skye bar 'gyur ro/ /de nas thar nas ri dgas rnams kyi nang du skye bar 'gyur te/ las de'i mthus sems rtag tu skrag par 'gyur zhing ji ltar grong dang grong khyer dang tshong rdal pa dag bskrad nas dgon par byas pa de bzhin du dgon par gnas pa 'am nags tshal gyi nang du gnas par 'gyur ro/ /de gal te mi rnams dang skal ba mnyam par mir skyes na las de dang rgyu 'thun par de rtag tu sems skrag par 'gyur/ sems shin du zhan pa dang / sems rmongs par 'gyur ro/ /des phyogs tsam du dud 'gro'i 'jig rten la rtog par byed de dra ba mang po'i dud 'gror 'gyur la/ de ltar lhag ma yang las kyi mthus phan tshun mi mthun par 'gyur ba mthong ngo / /de nas yang dge slong las kyi 'bras bu rnam par smin pa shes pa des/ dud 'gro'i 'jig rten la rtog par byed de/ rdzus te skyes pa de dag las gang gis skye bar 'gyur snyam nas des thos pa las byung ba'i shes pas brtags na/ mir gyur pa gang gis zab dar bya ba'i phyir srin bu rnams chu'i nang du skol bar byed do/ /</font><hr>63.329a<br><font size=+1>

de dag bskol ba na rdzus te skye ba'i srin bu gtsug ces bya ba gzhan bye ba tshogs du ma dag skye bar 'gyur te/ phra mo de dag mchod sbyin byed pas mchod sbyin bya ba'i phyir mer sreg na/ de lus dang bral nas ngan 'gro log par ltung ba sems can dmyal ba rnams kyi nang du skye bar 'gyur ro/ /de nas thar nas dud 'gror rdzus te skye ba dar gyi srin bu la sogs pa rnam pa du mar skye bar 'gyur ba mthong ngo / /de nas yang dge slong las kyi 'bras bu rnam par smin pa shes pa des dud 'gro'i 'jig rten la rtog par byed de/ dud 'gro drod gsher las skyes pa de dag las gang gis skyes par 'gyur snyam nas des thos pa las byung ba'i shes pas brtags na/ mi ngan pa lta ba log pa gang gis nor rdzas 'dod pa'i phyir nya dang ru sbal dang srog chags d+hun du gsod pa dag sa brkos nas 'jug gam/ de bzhin du sram dang bcas pa gzhan dag kyang sa brkos nas 'jug cing der srin bu drod gsher las skyes pa rnams skyes la de dag mi ngan pa des mchod sbyin gyi phyir ram/ nor rdzas 'dod pa'i phyir gsod na de lus dang bral nas ngan 'gro log par ltung ba sems can dmyal ba rnams kyi nang du skye bar 'gyur ro/ /de nas thar nas kyang srin bu drod gsher las skye ba sbrang bu dang / shig la sogs pa'i nang du skye bar 'gyur ro/ /skye gnas gnyis pa la yang dag pa gzhan ma yin pa'i lam gyis lta ba dang blo gros gzhan ma yin pa khong du chud pa shin du zhib mos so sor rtog par byed do/ /de nas yang dge slong las kyi 'bras bu rnam par smin pa shes pa des/ dud 'gro'i 'jig rten la rtog par byed de/ las gang gis dud 'gro sgo nga las skye bar 'gyur snyam nas des thos pa las byung ba'i shes pas brtags na/ gang la la 'jig rten pa'i bsam</font><hr>63.329b<br><font size=+1>

gtan thob pas 'dod chags dang zhe sdang dang gti mug rab tu zhi ba las gal te rkyen zhig gis zhe sdang skyes la de yid kyi nyes pas yul 'jig par byed na de lus dang bral nas ngan 'gro log par ltung ba sems can dmyal ba rnams kyi nang du skye bar 'gyur ro/ /de nas thar nas kyang dud 'gro sgo nga las skye ba bya rgod dang khwa la sogs pa'i nang du skye bar 'gyur ro/ /de nas thar nas kyang gal te mi rnams dang skal ba mnyam par mir skyes na de rtag tu khro zhing 'jigs par 'gyur ba mthong ngo / /de nas yang dge slong las kyi 'bras bu rnam par smin pa shes pa des dud 'gro'i 'jig rten la rtog par byed de/ las gang gis dud 'gro mngal nas skye bar 'gyur snyam nas des thos pa las byung ba'i shes pas brtags na/ 'dod chags la zhen pa gang gis gseb rgod ma la gtong ba dang / glang khyu ba la gtong ba dang / nags tshal la me gtong ba dang / mi sbyar po 'os ma yin pa la byed na de lus dang bral nas ngan 'gro log par ltung ba sems can dmyal ba'i nang du skye bar 'gyur ro/ /de nas thar nas kyang dud 'gro mngal nas skye ba rnams kyi nang du skye bar 'gyur ro/ /de nas thar nas kyang gal te mi rnams dang skal ba mnyam par mir skyes na las de dang rgyu 'thun par de 'gro ba gsum par skye bar 'gyur ba mthong ngo / /de ltar dge slong des dud 'gro rnam pa bcu gcig la brtags na/ de nas yang zas rnam pa bzhi kham gyi zas dang / yid la sems pa dang / reg pa dang / dga' ba rnams la rtog par byed cing zas rnam pa bzhi'i 'bras bu rnam par smin pa la rjes su sems par byed de/ des thos pa las byung ba'i shes pas brtags na/ gang gis tshul ngan pa dang ldan pa chom</font><hr>63.330a<br><font size=+1>

rkun pa dag la kham gyi zas byin te 'di ltar 'di zo la bdag gi dgra sod cig ces byas pa dang kha zas la brkam pas nyams pa de dag gis kyang de bzhin du srog bcad na de lus dang bral nas ngan 'gro log par ltung ba sems can dmyal ba'i nang du skye bar 'gyur ro/ /de nas thar nas kyang las de'i mthus dud 'gro kham gyi zas za ba rnams kyi nang du skye bar 'gyur te/ 'di lta ste/ ba lang dang / ma he dang / bong bu dang / phag dang / khyi dang / wa dang / rnga mo dang / rta dang / lug dang / ri dgas dang / ra dang / srog chags sri mar dang / khwa dang / bya rgod dang / ngang pa dang / srog chags ti ti b+ha dang / skyar mo dang / srog chags rA ma dang / dgo ba dang / srog chags ku rang ga dang / ri dgas mo dang / srog chags ka ta ma b+ha dang / nor bu'i mchu dang / shang shang te'u dang / sbrul dag gnas tsher ma can dang / ngam grogs la sogs pa mtha' yas pa rnams su skye bar 'gyur ro/ /phyogs dag la yang rab tu dpyod par byed cing reg pa'i zas la yang rjes su sems par byed de/ sgo nga las skye bar gtogs shing 'byung ba dag ni 'di lta ste/ bya dang / chu na gnas pa dang / shug tu 'brel pa dang / rgya mtsho'i 'gram nas skye ba dang / rgya mtshor skyes pa dang / klu dang / sbrul dang / khung na gnas pa la sogs pa de dag las gang gis reg pa'i kha zas za bar 'gyur zhig gu snyam nas dge slong de rnam par dpyod par byed do/ /des thos pa las byung ba'i shes pas brtags na/ gang gis pha rol dag la sbyin pa sbyin no snyam du bsams la ma smras par yid kyis phyin te 'chi ba'i dus byas na de gal te lan grangs gzhan la myong bar 'gyur ba'i las kyis dud 'gro rnams kyi nang du skyes na bsam pa 'ba' shig gi las de nyid kyi mthus de reg</font><hr>63.330b<br><font size=+1>

pa'i zas de za bar 'gyur ba mthong ngo / /de nas yang dge slong las kyi 'bras bu rnam par smin pa shes pa des dud 'gro'i 'jig rten la rtog par byed de/ zas gsum pa yid la sems pa zhes bya ba des sems can de dag ji ltar bdag nyid 'tsho bar byed snyam nas des thos pa las byung ba'i shes pas brtags na/ 'di ltar sgo nga las skye ba nya dang / chu srin ma ka ra dang / kum b+hi ra dang / na kra dang / nya phyis dang / dung la sogs pa'i sgo nga las skye ba skyes pa rnams yid la sems pa'i zas des 'tsho bar byed do/ /gal te ma 'am/ gal te phas rang gi bu dran na dran pa des tshim par byed de/ de nas yang 'phel bar byed cing 'tsho bar byed la kha zas kyi bya ba yang byed do/ /de las gang gis 'gyur snyam nas dge slong de rab tu dpyod de des thos pa las byung ba'i shes pas brtags na/ blo zhan cing las dang 'bras bu dag mngon par mi shes pa gang gis gzhan dag la 'di ltar ngas khyod la zla ba phyed dam zla ba gcig na nor rdzas kyi rnam pa 'am/ kha zas kyi rnam pa 'am/ nor gyi dbyig gi rnam pa chung zad sbyin no zhes khas blangs la de'i tshig de dbul po des thos nas dga' bar 'gyur te/ 'di ltar sbyin bdag 'dis bdag dbul po la khas blangs pa de bdag la sbyin par byed do snyam nas de yid mchog tu dga' nas de bzhin du zla ba phyed dam zla ba gcig gi dus su de 'ongs nas de'i drung du phyin pa dang / mi ngan pa des kha stongs par byas na de lus dang bral nas ngan 'gro log par ltung ba sems can dmyal ba dga' ba dang dga' ba med pa'i nang du skye bar 'gyur ro/ /de nas thar nas kyang gal te dud 'gro rnams kyi nang du skyes na 'di ltar des de la brdzun byas nas yid dga' bar byas pa de'i mthus de yid la</font><hr>63.331a<br><font size=+1>

sems pa'i zas 'thob par 'gyur ro/ /gal te mi rnams kyi nang du skyes na las de dang rgyu 'thun par de de'i bran nyid du 'gyur ba mthong ngo / /de nas yang dge slong las kyi 'bras bu rnam par smin pa shes pa des dud 'gro'i 'jig rten kha zas bzhi pa dga' ba zhes bya ba la rtog par byed de des thos pa las byung ba'i shes pas 'di ltar dud 'gro'i yul na dud 'gro kun nas nyon mongs pa can gyi dga' ba'i zas kyis 'tsho ba yod de/ nags khung na sbrul po che a dza ga ra zhes pa dag pa'i zas dang rlung za zhing 'tsho ba dang / srog chags ga la go li ka dang / ri zhol gnas zhes bya ba la sogs pa dang gzhan yang yod de/ de la 'od gsal gyi lha rnams kyi dga' ba'i zas ni gnod sems med pa'i dga' ba'i zas kyis 'tsho ba yin gyi dud 'gro'i dga' ba'i zas ni 'khon gyi lta ba dang / 'khon dam du 'dzin pa'i sems dang ldan pa yin na de dag las gang gis der skye bar 'gyur snyam nas des thos pa las byung ba'i shes pas brtags na/ zhe sdang gi rang bzhin can gang yin pa ste/ 'khon gyi rgyu dang 'thun pa dang / gti mug gi shas che ba des srog gcod par byas na de lus dang bral nas ngan 'gro log par ltung ba sems can dmyal ba rnams kyi nang du skye bar 'gyur ro/ /de 'khon dang dga' ba'i gzhi yod pa des dud 'gro rnams kyi nang du skyes na dga' ba'i zas dang rlung za bar 'gyur ro/ /de gal te mi rnams dang skal ba mnyam par mir skyes na/ las de dang rgyu 'thun par de rtag par glo bur du pha rol dang / lhan cig rgyu med par 'thab pa dang 'brel par 'gyur ba mthong ngo / /de nas yang dge slong las kyi 'bras bu rnam par smin pa shes pa des rnam</font><hr>63.331b<br><font size=+1>

pa gzhan gyis dud 'gro'i 'jig rten mtha' yas pa la rtog par byed de/ yang chu'i nang na rgyu ba dag ji ltar skye bar 'gyur snyam nas des thos pa las byung ba'i shes pas brtags na/ gang blo zhan cing rnam par shes pa zhan pa skom gyis gdungs bzhin du 'chi ba'i dus byed na de lus dang bral nas ngan 'gro log par ltung ba chu'i nang na rgyu bar 'gyur ro/ /de bzhin du nya'i skye gnas rnam pa sna tshogs kyi nang na gcig pu skye bar 'gyur ro/ /de skom gyis gdungs nas srid pa bar ma la chu de mthong bar 'gyur te/ don du gnyer ba des da ni bdag 'dir skye bar 'gyur snyam nas sems bskyad ma thag tu de nyid du skye bar 'gyur te/ srid pa ni rgyu dang rkyen gyis 'byung la srid pa'i yan lag la gnas pa ni de lta bu yin no/ /gang de sbyin pa ma yin zhing bsod nams ma bsgrubs pa'i las kyi rnam par smin pa des chu rtag tu dro bar 'gyur zhing / de'i kha yongs su skam par 'gyur la reg pa ba tshwa dang 'dra bar 'gyur ba mthong ngo / /de nas yang dge slong las kyi 'bras bu rnam par smin pa shes pa de bya skam sa la rgyu ba dang / bar snang la rgyu ba dag la rtog par byed de/ las gang gis bya dag bar snang la 'phur zhing nam mkha' rten med pa la rten par byed snyam nas des thos pa las byung ba'i shes pas brtags na/ 'di ltar rdzu 'phrul ni rnam pa gsum ste/ 'di lta ste/ mos pas bsgyur ba dang / lus kyis 'gro ba dang / yid ltar mgyogs pa'o/ /de la mos pas bsgyur ba ni rdzu 'phrul can dag gi yin te ji ltar mos pa de</font><hr>63.332a<br><font size=+1>

ltar 'gro ba dang / gal te sa'i khams su rab tu mos pa na de'i tshe nam mkha' sa'i khams su mthong nas 'gro bar byed pa lta bu'o/ /lus kyis 'gro ba ni chos nyid kyi khyad par las gyur pa ste bya rnams lta bu'o/ /yid ltar mgyogs pa ni de bzhin gshegs pa sangs rgyas kyi yin la/ yid kyis ji ltar gzas pa de bzhin du gnas gzhan du phyin par byed pa yin te/ de yang khams gsum gyi las so so'i bye brag gis de ltar rdzu 'phrul rnam pa gsum du 'gyur ba mthong ngo / /de ltar bsgrubs pa'i dge ba 'di yi skye bo kun/ /bsod nams yeng shes tshogs bsags te/ /bsod nams ye shes las byung ba'i/ /dam pa gnyis ni thob par shog / //</font><hr>64.1a<br><font size=+1>

(ra) @#/ ! /mdo sde sna tshogs kyi skor bzhugs so/ /[(黃) 經藏第二十五部]</font><hr>64.1b<br><font size=+1>

'phags pa dam pa'i chos dran pa nye bar gzhag pa/ bam po nyer gcig pa/ de nas yang dge slong las kyi 'bras bu rnam par smin pa shes pa des dud 'gro'i 'jig rten la rtog par byed de/ sems can dmyal ba dang / yi dgas dang / dud 'gro dang / lha dang mi dang / chu dang skam sa dang / bar snang la rgyu ba'i bya rnams dang / ri dgas la sogs pa 'byung bar 'gyur la/ ci'i phyir na sems can dmyal ba'i sar sdug bsngal myong bar 'gyur snyam nas/ des thos pa las byung ba'i shes pas brtags na/ sems can dmyal ba'i sa na dud 'gro'i sems can du bgrang ba dang / sems can du bgrang ba ma yin pa sna tshogs dag mthong ngo / /der sems can dmyal ba pa de dag skye ba na mes sreg cing bya lus phyin ci log tu 'dug pa gzhan de dag bde bar mthong ste/ de dag 'dir skye bar 'gyur ro snyam du bsams pa dang / sems bskyed ma thag nyid du med de de rnams kyi nang du skye bar 'gyur te/ ji ltar sems can dmyal ba pa rnams kyi 'bras bu rnam par</font><hr>64.2a<br><font size=+1>

smin pa sngar bstan pa de bzhin du bya de rnams la yang 'gyur ro/ /sems can bgrang ba ma yin pa rnams ni las byas shing bsags pa mi 'dra la sems can dmyal bar gang dang gang dag 'byung ba de dag thams cad 'jigs pa chen por mthong ste/ seng ge dang / stag dang / 'ug pa dang / srog chags mar ko ta ka dang / sbrul dang sbrul chen po 'jigs 'jigs ltar 'dug pa chen po dag 'byung bar 'gyur ro/ /sems can dmyal ba pa sems can du bgrang ba la sems can du bgrang ba ma yin pa rnams kyis gnod par byed de/ der sems can du bgrang ba la las kyis bskyed pa'i dud 'gro sems can du bgrang ba ma yin pa gzhan dag gis gnod par byas kyang / de dag bdag nyid ni sdug bsngal myong bar mi 'gyur ro/ /de nas yang dge slong las kyi 'bras bu rnam par smin pa shes pa des/ yi dgas kyi 'jig rten la rtog par byed de/ yi dgas lus bkres pa dang skom pas gdungs pa de dag gi 'jig rten na dud 'gro dag las gang gis skye bar 'gyur snyam nas/ des thos pa las byung ba'i shes pas brtags na rnam pa sum bcu rtsa drug gang yin pa rnams su skye bar 'gyur ro/ /byar gyur pa de dag ni mi yul du byar gyur la de dag gis bya gzhan 'di lta ste/ byan lag dang / ne'u le dang / bya rog dang / bya rgod la sogs pa de dag gis bsad nas za'o/ /de 'chi ba'i dus byas nas srog bcad pa'i rnam par smin pas yi dgas kyi 'jig rten du byar skye bar 'gyur te/ lus bkres pa dang skom pas gdungs pa'i byar 'gyur ro/ /de dag gi kha zas ni yi dgas rnams kyi mig phyung nas za la glad pa yang 'thung ngo / /gang gi tshe de dag za ba na/ de'i tshe nyes par byas pa'i las kyis rkang dang glad pa dag shin du tsha ste/ ba tshwa dang zangs bzhus pa lta bur 'gyur ro/ /de ltar dge slong de yi dgas kyi 'jig rten na bya 'dug pa dag la brtags nas/ 'di ltar rjes su bstan pa tshigs su bcad de smras pa/ las ngan mi dge tsha bas 'dir/ /rnam par smin pa tsha ba ste/ /gnod pa chen po byed pa yin/ /de lta bas na</font><hr>64.2b<br><font size=+1>

sdig pa spongs/ /ser snas nye bar shin du nyams/ /nyes byas las ni mi bya'o/ /ser snas nyams pa'i skye bo dag /yi dgas dud 'gro rnams su 'gro/ /dud 'gro'i skye gnas bsgrubs nas su/ /gcig la gcig ni khro ba dang / /'ching zhing gsod la za bar byed/ /de lta bas na gti mug spongs/ /gti mug gis ni nyams pa'i sems/ /tshul khrims sbyin pa rnam spong ba/ /byis pa sred pas bslus pa dag /dud 'gro'i skye gnas dag tu skye/ /rung dang mi rung mi shes la/ /bza' dang mi bza' de bzhin te/ /don dang don min pha rol gang / /chos dang chos min 'gal bar byed/ /dbang po lnga ni blun zhing rmongs/ /mi rnams dud 'gro'i skye gnas 'gro/ /de ltar dge slong de dud 'gro'i 'jig rten la chung zad rtog par byed de/ de ltar las kyi lu gu rgyud kyis tshe 'bum phrag du mar nye bar sbrel ba dag /de ltar sdug bsngal 'bum phrag du ma dpag tu med pa'i sdug bsngal gyi klung gis sbrel cing dud 'gror mngon pa'i las du ma dang / rgyu dang rkyen du ma dag gis bsam pa phan tshun 'brel pa dag ni gang rgya mtsho dpag tshad bcu yod par 'khod de/ /nya dang chu srin ma ka ra dang / nya mid dang / chu srin na kra dang / dung gnas pa dag gis de dag phan tshun 'jigs par byed do/ /de dag rmongs pa'i sems kyis 'dod chags spyod par byed de/ rgyu des rung ba dang mi rung ba mngon par mi shes pas/ de'i phyir rgya mtsho'i gnas zab mor skye bar 'gyur la/ ba tshwa'i chu yis bskol ba/ rtag tu skom pas mngon par gdungs pa dag phan tshun gsod pa'i rnam pas 'jigs par 'gyur ro/ /rgya mtsho bar ma na gnas pa gang yin pa de dag ni zhe sdang spyod pa dag yin te/ de dag lhag par zhe sdang gi rgyus rgya mtsho'i bar dpag tshad stong yod pa der klu rnams su skye zhing rtag tu gnas so/ /klu de dag phan tshun khro ba dag skyed cing sems khros pas 'khrugs nas phan tshun dug gtong bar byed la/ rtag tu gnod par sems pa yin no/ /de dag gi gnas ni longs spyod ldan zhes bya ste/ de la dpag tshad sum stong yod la/ gnas de klu'i rgyal po rnams kyis shin du</font><hr>64.3a<br><font size=+1>

gang ngo / /gnas de rnams na klu'i rgyal po rnam pa gnyis gnas te/ chos dang ldan pa dang / chos dang mi ldan pa'o/ /de dag mi'i 'jig rten thams cad la bde bar byed pa dang / gnod par byed pa yin no/ /gnas de'i klu'i rgyal po chos dang ldan pa rnams gang du gnas pa der klu'i rdul dag mi 'bab bo/ /gang du chos dang mi ldan pa dag gnas pa der klu'i rdul dag 'bab par 'gyur te/ de yang bye ma rab tu 'bar ba 'dra la mgo la 'bab bo/ /des klu'i rgyal po de dag kun gyi gnas rab tu sreg par byed la/ des klu'i bu smad du gtogs pa thams cad kyang sreg par byed de/ de nas yang 'byung bar byed pa mthong ngo / /de nas yang dge slong las kyi 'bras bu rnam par smin pa shes pa des klu rnams kyi klu'i rdul gyi rgyur gyur pa dang / las la rjes su sems par byed de/ las gang gis klu de dag gi rdul du 'gyur snyam nas/ des thos pa las byung ba'i shes pas brtags na/ khro bas zil gyis non cing bus pa'i blo can nam/ rmongs pa'i blo can gang gis dge 'dun gyi gtsug lag khang ngam/ grong ngam grong khyer ram/ grong rdal mes bsregs na/ de lus dang bral nas sems can dmyal ba'i nang du skye bar 'gyur ro/ /de nas thar nas dud 'gro klu rnams kyi nang du skye bar 'gyur te/ de sngon mes bsregs pa'i nyes pa'i rgyu des/ de la 'bab pa'i klu'i rdul 'bab par mthong ngo / /de nas yang dge slong de klu'i 'jig rten la rtog par byed de/ las gang gis klu rnams la klu'i bye ma 'bab cing las gang gis der skye bar 'gyur snyam nas/ des thos pa las byung ba'i shes pas brtags na/ gang mu stegs su gyur cing 'jig rten pa'i kun nas nyon mongs pa'i tshul can yin la/ de sbyin pa tsher ma dang bcas pa yang byin na/ snga ma bzhin tsher ma bdun gyi nang du skyes la/ khros pas kyang bsgribs nas 'di ltar klu rnams kyi nang du skye bar gyur cig ces klu rnams kyi nang du smon lam btab na/ de lus dang bral nas ngan 'gro log par ltung ba longs spyod ldan gyi klu rnams kyi nang du skye bar 'gyur ro/ /der skyes nas kyang ha cang khro</font><hr>64.3b<br><font size=+1>

ba'i rang bzhin can du mi 'gyur la/ chos dang ldan zhing chos kyi rjes su 'jug par 'gyur te/ de la klu'i rdul de mi 'bab cing mgo la yang mi 'bab bo/ /de nas yang dge slong las kyi 'bras bu rnam par smin pa shes pa de klu'i 'jig rten la rtog par byed de/ las gang gis klu rnams kyi gnas longs spyod ldan na/ chos dang ldan pa'i klu de dag rnam pa du yod/ chos dang mi ldan pa de dag rnam pa du yod snyam nas/ des thos pa las byung ba'i shes pas brtags na/ gang du chos dang ldan pa dag gnas pa der ni rin po che'i ra bas bskor cing rin po che sna bdun 'byung la/ kun nas 'od 'byung ste/ lteng ka dang / 'bab chu dang / ud pa la phun sum tshogs pa ni skye/ bdud rtsi'i kha zas la ni za/ rtag tu bde ba la ni gnas/ lus me tog dang / phye ma dang / byug pas ni brgyan/ mgo sbrul du 'dug pa kho nar zad la/ gzhan du na 'dod pa'i gzugs can du 'gyur te/ gang du rab tu 'gro bar 'dod pa dang / gang du rnam par rgyu bar 'dod pa der so sor gnas par byed do/ /de la klu'i rgyal po 'di rnams ni chos dang ldan pa yin te/ 'di lta ste/ mgo bdun pa dang / glang po'i gdong dang / klu'i rgyal po nor rgyas kyi bu dang / de bzhin du klu'i rgyal po 'jog po dang / klu'i rgyal po bzang ldan dang / klu'i rgyal po skyed pa dang / klu'i rgyal po mi 'joms pa dang / klu'i rgyal po sprin phreng can dang / klu'i rgyal po 'khyil pa dang / klu'i rgyal po kun 'gro dang / klu'i rgyal po rab spro ste/ klu'i rgyal po 'di rnams ni chos dang ldan zhing chos kyi rjes su 'jug pa yin no/ /de rnams ni lo legs par bya ba'i phyir dus su 'bab pa'i char mi nyung bar bde bar 'bebs par byed la/ dus ma yin par 'byung ba'i ser ba dang / sprin dang / rlung dag gtong bar mi byed do/ /sangs rgyas dang / chos dang / dge 'dun la dad cing dad pas rjes su 'jug pa yin/ sangs rgyas kyi sku gdung srung sa la/ klu'i rdul dang bral bas shin du bde ba yin no/ /de yang mi'i gnas bzhi la 'di lta ste/ 'dzam bu'i gling dang / </font><hr>64.4a<br><font size=+1>

nub kyi ba lang spyod dang / shar gyi lus 'phags dang / byang gi sgra mi snyan rnams su char 'bebs par byed de/ gang gi tshe dge sbyong dang / bram ze dag chos dang ldan zhing chos kyi rjes su 'jug pa'i mi 'byung ba de'i tshe/ chos kyi bye brag gis klu'i rgyal po chos dang ldan pa dag stobs rab tu che bar 'gyur te/ de'i tshe char legs par 'bebs par byed cing de'i tshe lo legs par 'gyur la/ dri dang ro kha dog phun sum tshogs par 'gyur/ 'gro ba dang / dug dang / rlung gzhan gyis gnod par byed par mi 'gyur zhing / 'bras bu bzang po 'byung bar 'gyur la/ nyi ma dang zla ba'i 'od dag gis gnod par mi 'gyur/ klu'i rgyal po chos dang ldan pa rnams ni klu'i gdug pa dang rlung dag gtong bar mi byed do/ /'dzam bu'i gling gi sems can rnams kyi srog gi bar chad ni rgyu bzhis byed de/ 'di lta ste/ lo nyes dang / mtshon gyis 'khrugs pa dang / dug dang rlung gis reg pa dang / chu'i nyes pa'o/ /de la gal te chos dang ldan zhing chos kyi rjes su 'jug pa'i skye dgu dag 'byung na/ chos dang ldan pa'i klu de dag stobs dang ldan par 'gyur te/ de dag sprin ngan pa dag sprul par mi byed cing / de dag sprin ngan pa dang 'du bar mi byed la/ rlung ngan pa dag gtong bar mi byed do/ /de chu bo dag la gnod par mi byed cing chu bzang pos 'bru rnams legs par skyed de/ me tog dang 'bras bu dag ro bro ba dang / mdog bzang ba dang / dri dang ro phun sum tshogs par 'byung ngo / /des sems can rnams dga' bar byed la/ nad dag dang bral zhing khams rnams stobs dang ldan par 'gyur/ de dag yang las legs pa dag byed la/ de dag sems can rnams kyi dbang gi 'bras bu yang 'bru rnams phun sum tshogs par byed de/ de ltar rim gyis 'dzam bu'i gling gi mi rnams la/ klu dag gces spras byed par 'gyur ba mthong ngo / /de nas yang dge slong las kyi 'bras bu rnam par smin pa shes pa des 'dzam bu'i gling so sor shes par byas nas/ nub kyi ba lang spyod kyi gling la rjes su sems par byed de/ chos dang ldan zhing chos kyi rjes su 'jug pa dag ji ltar</font><hr>64.4b<br><font size=+1>

kun du srung bar byed cig gu snyam mo/ /gling der mi yid shin du 'jam pa dag 'byung bar 'gyur la/ de dag la bar chad gcig 'byung ba ni 'di lta ste chu rnyog pa can yin te/ des nub kyi ba lang spyod kyi mi rnams dus nye bar 'dums par byed do/ /klu'i rgyal po chos dang ldan zhing chos kyi rjes su 'jug pa de dag sprin ldang bar mi byed cing ngam grog dang / g.yang sa dang ri bo mi bzad pa rnams la/ de dag chu rnyog pa can mi 'bebs la/ klu rnams kyi mthus chu rnyog pa med par byas pas/ nub kyi ba lang spyod kyi mi rnams bde bar gnas pa mthong ngo / /de nas yang dge slong las kyi 'bras bu rnam par smin pa shes pa de shar gyi lus 'phags gling la rtog par byed de/ kye ma chos dang ldan zhing chos kyi rjes su 'jug pa'i klu dag shar gyi lus 'phags gling bde bar bya ba la ji ltar 'bad snyam nas/ des thos pa las byung ba'i shes pas brtags na/ shar gyi lus 'phags kyi mi rnams la glog gi 'jigs pa dang / sgra'i 'jigs pas bar chad 'byung bar 'gyur te/ de dag gang gi tshe glog mthong ba dang / sgra thos pa de'i tshe sems shin du 'jam pa dag la nad 'byung bar 'gyur ro/ /gang gi tshe der chos dang ldan zhing chos kyi rjes su 'jug pa'i klu'i bdag po dag sgra yang mi 'byin/ glog kyang mi gtong ste/ de'i tshe klu'i bdag po rnams kyis shar gyi lus 'phags kyi mi rnams la nad 'byung bar mi byed pa mthong ngo / /de nas yang dge slong las kyi 'bras bu rnam par smin pa shes pa de byang gi sgra mi snyan gyi mi rnams kyi gnod pa la rjes su sems par byed de/ kye ma byang gi sgra mi snyan gyi mi rnams la gnod pa ji ltar 'byung bar 'gyur snyam nas/ des thos pa las byung ba'i shes pas brtags na/ byang gi sgra mi snyan pa rnams la rlung grang mos gnod par byed de/ sprin nag pos gnod pa dang / rlung grang mos me tog de dag zhum par 'gyur la/ dri mi zhim par 'gyur/ de nas de dag yid mi dga' ba skye ste/ sprin nag po'i rkyen gyis bya dag skad mi snyan pa 'byin la/ pi bang dang / rdza rnga'i sgra yang mi snyan par 'gyur ro/ /ri kun du snang byed la sogs pa la gnas pa rnams la/ de ltar klus byas pa dag gis</font><hr>64.5a<br><font size=+1>

gnod par byed do/ /gang gi tshe chos dang ldan zhing chos kyi rjes su 'jug pa'i rgyal po 'byung ba de'i tshe rlung grang mo dag 'byung bar mi 'gyur la/ sprin nag po yang 'byung bar mi 'gyur ro/ /de ltar mi'i gnas bzhi dag la klu'i rgyal po chos dang ldan zhing chos kyi rjes su 'jug pa rnams bde ba sgrub par byed/ phan pa sgrub par byed do/ /de nas yang dge slong las kyi 'bras bu rnam par smin pa shes pa de/ klu'i 'jig rten la rtog par byed de/ las gang gis chos dang ldan zhing chos kyi rjes su 'jug par mi 'gyur snyam nas/ des thos pa las byung ba'i shes pas brtags na/ ji ltar klu'i gnas longs spyod ldan na/ klu rnams kyi rgyal po chos dang mi ldan pa 'di lta ste/ klu'i rgyal po rab 'joms dang / klu'i rgyal po bsgyings pa dang / klu'i rgyal po nag po dang / klu'i rgyal po hu lu hu lu ste/ de dag rgya mtsho bar ma longs spyod ldan na gnas so/ /chos dang mi ldan zhing chos kyi rjes su 'jug par mi byed pa de dag gi mthu ji lta bu yin snyam nas/ des thos pa las byung ba'i shes pas brtags na/ gang gi tshe dge sbyong du mi 'dzin pa dang / bram zer mi 'dzin pa'i skye dgu dag 'byung ba de'i tshe/ klu de dag gi dbang du 'gyur ro/ /de'i tshe de dag 'dzam bu'i gling du sems gdug cing lus las dug mang po 'byung bar byed de/ de dag sprin ngan pa'i nang na rgyu zhing dug gi shing ljon pa 'byung bar byed de/ de dag gis rlung ma rung bar byed/ rlung des chu ma rung bar byed/ chu ma rung bar byas pa des/ 'bru'i tshogs shin du ma rung bar byed de/ kha zas de zos pa las nad dag rab tu 'khrug par byed do/ /'bru ma rung bar byas pa des tshe dag thung bar 'gyur te/ de ltar rgyal po nyes pa che zhing sdang bas kyang phan tshun gsod pa dag byed do/ /de nas nyes pa des 'dzam bu'i gling gi mi dag rab tu nyung bar 'gyur te/ rkyen 'dis klu ma rungs pa rnams bar chad byed par 'gyur ba mthong ngo / /de nas yang dge slong las kyi 'bras bu rnam par smin pa shes pa de/ klu'i rgyal po la so sor rtog par byed de/ chos dang mi ldan pa'i rgyal po dag nub kyi ba lang spyod kyi mi rnams kyi bar chad ji ltar</font><hr>64.5b<br><font size=+1>

byed cig gu snyam nas/ des thos pa las byung ba'i shes pas brtags na/ gang gi tshe mi rnams kyi rgyal po chos dang mi ldan pa de dag 'byung ba de'i tshe/ klu'i rgyal po chos dang mi ldan zhing chos kyi rjes su mi 'jug pa dag nub kyi ba lang spyod kyi ngam grog dang / g.yang sa dang / ri bo'i rtse mi bzad pa rnams la char dbyug pa lta bu 'bebs par byed de/ char pa'i chu des chu rnyog pa can du byed do/ /nub kyi ba lang spyod kyi mi rnams de la 'thung bar byed de/ bar chad byed pa'i rgyu ni 'di yin no/ /dge slong de nub kyi ba lang spyod kyi gling la yang dag pa ji lta ba bzhin so sor brtags nas/ nang gi so sor rig par byed do/ /de nas yang dge slong las kyi 'bras bu rnam par smin pa shes pa de/ shar gyi lus 'phags gling la rtog par byed de/ des thos pa las byung ba'i shes pas brtags na/ gang gi tshe chos dang mi ldan zhing chos kyi rjes su mi 'jug pa'i skye dgu dag 'byung ba de'i tshe klu'i bdag po ma rungs pa dag gi stobs rab tu che bar 'gyur ro/ /de dag shar gyi lus 'phags gling du sgra rab tu chen por 'byin te/ 'di lta ste/ ri chen po snyil ba na sgra 'byung ba de lta bu de dag thos nas/ shar gyi lus 'phags gling gi mi rnams kyi snying shin du 'jam par mi 'gyur te/ de dag kha cig nad kyis 'debs so/ /de bzhin du glog kyang 'byin te/ 'di ltar phyogs bcu thams cad 'bar ba'i phreng bas 'khrugs par 'gyur zhing sprin gyi nang du zhugs pa'i klu de dag gzugs 'jigs 'jigs ltar bsgyur ba/ mig ni shing rta'i 'khor lo tsam/ gzugs ni ri nag po 'dra la mgo gsum po las me thams cad gtong zhing khyi'i gzugs dang / sbrul gyi gzugs te/ gzugs du ma/ gzugs mi bzad pa dag mthong ngo / /de dag mthong nas shar gyi lus 'phags gling gi mi rnams kyi bar chad du 'gyur ba mthong ngo / /de nas yang dge slong las kyi 'bras bu rnam par smin pa shes pa de/ mtho ris las gzhan pa mtho ris kyi 'jig rten gnyis pa lta bu/ byang gi sgra mi snyan gyi gling la rtog par byed de/ klu'i bdag po ma rungs pa</font><hr>64.6a<br><font size=+1>

dag byang gi sgra mi snyan gyi mi rnams la ji ltar gnod pa skyed par byed snyam nas/ des thos pa las byung ba'i shes pas brtags na/ ji ltar byang gi sgra mi snyan gyi mi rnams la snga ma bzhin du pad ma dang / rtag tu me tog rgyas pa dang / rtag tu dri zhim pa dang / mchog tu nyams dga' ba dag yin te/ de dag mthong nas byang gi sgra mi snyan gyi mi rnams 'drangs pa dang / dga' bar 'gyur ro/ /gang gi tshe dge sbyong du mi 'dzin pa dang / bram zer mi 'dzin pa'i skye dgu dag 'byung ba de'i tshe/ klu ma rungs pa dag gis byang gi sgra mi snyan du sprin stug po ri lta bu dag 'byin par byed de/ de dag byung ma thag tu nyi ma sgrib par byed do/ /des bsgribs pa'i skyon gyis pad ma dag zhum par 'gyur zhing dri mi zhim par 'gyur la nyi ma bzhin du gsal bar mi 'gyur ro/ /de dag zhum pa tsam gyis byang gi sgra mi snyan gyi mi rnams yid dman par 'gyur ro/ /sprin dang rlung yang gtong bar byed la des pi bang dang / rdza rnga rnams kyi sgra mi snyan par 'gyur te/ de ltar mi'i gnas bzhi la klu rnams bar chad byed pa mthong ngo / /de nas yang dge slong las kyi 'bras bu rnam par smin pa shes pa de/ gling bzhi'i nang na bzang ba dang / bzang ba ma yin pa dag la rtog par byed de/ des thos pa las byung ba'i shes pas brtags na/ gang byang gi sgra mi snyan gyi ni bde ba mngon du che ba yin la/ mi'i gnas gsum dag ni ma yin no/ /'dzam bu'i gling du ji lta ji ltar chos dang ldan pa dang / chos dang mi ldan pa'i skye dgu 'byung ba de lta de ltar 'phel ba dang / 'grib pa dang / bde ba dang / sdug bsngal ba dag yod de/ gling gsum gyi nang na 'di ni las kyis yin no/ /'dir ni dge ba bcu'i las kyi lam dag sems pa yin zhing / 'dir ni sangs rgyas 'byung ba yin la/ 'dir ni mi'i gnas bzhi dag gi rag las pa yin te/ 'dir ni dge ba bcu'i las kyi lam dag nges par sems shing rnam par dpyod pa yin/ 'dir ni tshangs par spyod pa'i gnas yin/ 'dir ni 'chi ba dang skye ba sems pa yin/ 'dir ni rdo rje las</font><hr>64.6b<br><font size=+1>

byas pa'i rdo rje'i gdan yod de/ gang 'dzam bu'i gling du dpag tshad brgyad khri bzhi stong 'bigs pa 'khor ba thams cad med la rdo rje'i gdan zil gyis gnon pa yang med de/ sangs rgyas bcom ldan 'das gang la gnas nas byang chub kyi thugs bskyed pa'i rgyu 'dis na 'dzam bu'i gling 'dir 'khrungs te/ rgyu gang dang byang chub thob par byed pa dge ba'i rtsa ba'i grangs kyi rgyun gang yin pa de ni ri'i rgyal po ri rab kyis kyang yang dag par gzung mi nus na sa phyogs gzhan lta smos kyang ci dgos/ gang gis 'dzam bu'i gling 'dir sangs rgyas 'byung ba'i rgyu ni 'di yin te/ 'dir de gnya' shing gi bu gar ru sbal 'jug pa lta bur 'khrung gi/ gling gzhan du ni ma yin te/ de'i rgyu ni de yin rkyen ni de yin no/ /gang mi'i gnas bzhi la kun gyi gtso bo ni 'dzam bu'i gling 'di yin te/ gling gzhan dag ni ma yin no/ /de nas yang dge slong las kyi 'bras bu rnam par smin pa shes pa de/ klu'i 'jig rten la rtog par byed de/ las gang gis klu'i rgyal po chos dang mi ldan zhing chos dang 'thun par mi byed pa rnams sbal pa za ba dang / bye ma za ba dang / rlung za bar 'gyur snyam nas/ des thos pa las byung ba'i shes pas brtags na/ sngon myir gyur pa'i tshe gang gis bu dang chung ma rnams bkol te/ btsan snogs byed la/ bu smad ni 'gram chu langs te/ re bzhin du lta ba dang / de bdag gcig pu zas mang po za la/ bu smad la ni kha zas ngan pa sbyin par byed pa las/ de lus dang bral ba'i 'og tu klu'i skye gnas su skye la zas su sbal pa za ba dang / bye ma za ba dang / rlung za ba mthong ste/ las dang 'dra bar 'bras bu smin pa'i phyir ro/ /de nas yang dge slong las kyi 'bras bu rnam par smin pa shes pa des klu'i 'jig rten la rtog par byed de/ las gang gis klu de rnams char 'bebs par byed/ las gang gis ser ba 'bebs par byed cig gu snyam nas/ des thos pa las byung ba'i shes pas brtags na/ gal te chos dang mi ldan pa'i klu'i rgyal po rnams 'khrugs na gcig la gcig bsnyogs te/ khros pas char sprin bsgrubs nas/ char 'bebs par</font><hr>64.7a<br><font size=+1>

byed cing gnod pa'i sprin dang rlung dang ser ba dang ldan pa'i char drag po dag 'bebs par byed la/ des na zhing la nas dang 'bras dang 'bru thams cad ma rung bar byed de/ de ltar gnod pa'i char 'bebs par byed pa mthong ngo / /de nas yang dge slong las kyi 'bras bu rnam par smin pa shes pa des klu'i 'jig rten la rtog par byed de/ klu rnams 'dzam bu'i gling du rnyed pa dang ldan par bya ba'i phyir bu ram shing gi tshal dang / zhing la nas dang gro dang / 'bru rnams 'phel bar bya ba'i don du bde bar byed pa'i char ji ltar 'bebs par byed snyam nas/ des thos pa las byung ba'i shes pas brtags na/ sems can rnams kyi dbang gi 'bras bus skye bo thams cad la phan pa dang bde ba'i phyir klu'i rgyal po chos dang ldan zhing chos dang 'thun par byed pa rnams 'byung bar 'gyur te/ de dag gis 'bru mod par bya ba'i phyir char 'bebs pa mthong ngo / /de nas yang dge slong las kyi 'bras bu rnam par smin pa shes pa des/ klu'i 'jig rten la rtog par byed de/ rgya mtsho dang rgya mtsho'i lag dag na/ klu ji snyed cig gnas snyam nas/ des thos pa las byung ba'i shes pas brtags na/ gal te 'dzam bu'i gling pa'i mi rnams phal cher chos dang mi ldan par gyur na/ de'i tshe chos dang mi ldan pa rnams rgya mtsho'i chu lag dag tu klu grangs med par skye bar 'gyur ro/ /gal te phal cher chos dang ldan na ni klu bye ba phrag lnga bcu rtsa bdun 'byung bar 'gyur te/ de dag rgya mtsho'i chu lag bzhi po dag tu rgyu bar 'gyur ro/ /de nas yang dge slong las kyi 'bras bu rnam par smin pa shes pa de/ klu'i 'jig rten la rtog par byed de/ des rgya mtsho'i chu lag dang bcas pa'i rgya mtsho'i nang gi klu'i grong khyer longs spyod ldan zhes bya ba la brtags nas/ rgya mtsho'i gting gi sa gzhi la rtog par byed de/ rgya mtsho'i gting gi sa gzhi la su dag gnas snyam nas/ des thos pa las byung ba'i shes pas brtags na/ lha dang 'gran pa'i lha ma yin zhes bya ba dag gnas so/ /de dag mdor bsdu na rnam pa gnyis te/ </font><hr>64.7b<br><font size=+1>

yi dgas kyi 'gro bar gtogs pa rnams dang / dud 'gro'i 'gro bar gtogs pa rnams so/ /de la yi dgas kyi 'gro bar gtogs pa rnams ni bdud kyi ris kyi yi dgas rnams dang / yi dgas rdzu 'phrul chen po rnams so/ /dud 'gro 'i 'gro bar gtogs pa gang yin pa de dag ni rgya mtsho'i gting gis gzhi la gnas te/ ri rab kyi rten dpag tshad brgyad khri bzhi stong yod pa'i sa'i 'og na gnas so/ /de dag kyang mdor bsdu na/ sa gzhi bzhi yod do/ /de la sa gzhi dang po la ni dpag tshad nyi khri gcig stong yod de/ sa gzhi de na ni lha ma yin rnams kyi rgyal po sgra gcan zhes bya ba gnas so/ /des ni 'dod pa'i khams su thams cad pas lhag pa'i gzugs sprul nus la mi rnams kyi dge ba dang mi dge ba'i dbang gis de 'di snyam du sems te/ bdag cag lha ma yin rnams kyi 'gran zla ni lha rnams yin gyis/ bdag gis dgra de dag gi tshal dang / nags tshal dang / lha'i bu mo gang dag la lha rnams rab tu chags shing dga' bar 'dzin pa de dag blta'o snyam nas/ des de ltar bsams nas bdag nyid kyi lus brgyan te nor bu'i rgyal po mthon ka chen po'am nor bu'i rgyal po pad ma rA ga 'am/ gser gyi rgyal po lam mer 'dug pa 'am/ dmar lnga'i rgyal po gser ram/ gos kyi rgyal po ma btags pa kha dog sna tshogs sngon po dang / dmar po dang / ser po dang / nag po rnams kyis mdzes par byed cing / nor bu'i rgyal po gang rgyan du thogs pa de'i kha dog gis sgra gcan de'i lus kyi tshad ri tsam yod pa de thams cad nor bu'i 'od de kho na dang 'dra bar snang bar 'gyur te/ gal te mthon ka chen po rgyan du thogs na ni de'i lus thams cad mchog tu sngon por snang bar 'gyur ro/ /dmar po yang de dang 'dra'o/ /ser po yang de dang 'dra'o/ /gal te spug rgyan du thogs na ni de'i lus thams cad nor bu de'i kha dog bzhin du snang bar 'gyur ro/ /nor bu gzhan dag rgyan du thogs na yang / de dang de bzhin du de'i kha dog 'dra bar snang bar 'gyur ro/ /de lha rnams kyi 'gran zla yin la/ lha ma yin</font><hr>64.8a<br><font size=+1>

gyi bu mo rnams dang / lha'i bu mo rnams ni rang bzhin gyis chags su rung ba yin te/ de dag la chags par gyur nas/ sgra gcan de phan tshun 'gro ba'i chas su zhugs nas sa gzhi de nas 'byung ngo / /sgra gcan gyi sa gzhi de na de'i grong khyer 'od can zhes bya ba dpag tshad brgya stong yod pa rin po che sna du ma'i tshal dang / nags tshal dang / shing ljon pa dang / khang khyim dang / lteng ka dang / 'bab chu dang / rdzing dang / chu ka bde ba rnams kyis mdzes par byas pa de'i nang nas lha ma yin gyi dbang po de lus me tog gi phreng ba dang / phye ma dang / spos kyi byug pa rnams kyis brgyan te byung nas/ de lha rnams kyi tshal dang / nags tshal rnams la lta bar byed do/ /de lta zhing 'dug pa na gal te 'dzam bu 'i gling gi mi rnams chos ma yin pa la zhugs te/ phar mi 'dzin pa dang / mar mi 'dzin pa dang / dge sbyong du mi 'dzin pa dang / bram zer mi 'dzin pa dang / rang gi pha tshan gyi nang na rgan rabs kyi rim pa med pa dang / chos la mi rten pa dang / dkon mchog gsum la mchod pa mi byed pa dang / dge ba dang mi dge ba'i las la mi lta bar gyur na ni/ de'i tshe sa tha ma la gnas pa rgyal chen bzhi'i ris kyi lha rnams mthu chung bar 'gyur te/ gcig gis gcig bsogs nas kye lha rnams seng ge mo'i bu sgra gcan ni bdag cag bsad pa'i phyir brtul te byung ngo zhes 'dzer to/ /gang gi tshe 'dzam bu'i gling gi mi rnams chos dang ldan par gyur te/ phar 'dzin pa dang / mar 'dzin pa dang / dge sbyong du 'dzin pa dang / bram zer 'dzin pa dang / rang gi pha tshan gyi nang na rgan rabs kyi rim pa yod pa dang / chos la rten pa dang / dkon mchog gsum la mchod pa byed pa dang / dge ba dang / mi dge ba'i las la lta bar gyur na ni/ de'i tshe sa tha ma la gnas pa rgyal chen bzhi'i ris kyi lha rnams kyis rin po che sna tshogs blangs nas/ lus brgyan/ cha lugs sna tshogs su cha zhing / lus me tog gi phreng ba dang / phye ma dang / spos kyi byug pa rnams kyis brgyan te/ mtshon cha sna</font><hr>64.8b<br><font size=+1>

tshogs kyi char 'bebs la/ ha ha zhes bya ba'i sgra sgrogs shing ri rab kyi khong na tshal dang / nags tshal gang na seng ge mo'i bu sgra gcan 'dug pa de dag tu rgyug go/ /mi rgal na ni ri rab kyi ngos la tshal dang nags tshal 'dug pa dag la nyi ma'i zer gyis phog pa'i 'od zer 'bum phrag mang po de'i gdong du bab ste/ mig la gnod par gyur pa mthong ngo / /des nyi ma'i zer de mthong nas/ nyi ma'i zer gyis mig 'khrugs te/ nyi ma'i lan gyis lha'i bu mo rnams kyang blta bar ma nus/ lha'i tshal dang / nags tshal rnams dang / rdzing rnams dang / lha'i 'byor pa rnams kyang blta bar ma nus snyam nas/ des bsams pa/ kye ma nyi ma'i lan gyis lha'i bu mo rnams bdag gis blta bar ma nus so snyam ste/ khros pas mig rtsa dmar por gyur cing / lag pas nyi ma'i dkyil 'khor sgrib par byed do/ /des nyi ma'i dkyil 'khor lag pas bsgribs nas/ de bdag gis lha mo rnams dang / mtho ris blta'o snyam ste/ mdog sdug cing yid du 'ong ba blta ba la rtse tshugs su 'dud do/ /de nas rgya mtshos ni de'i rked par phyin la/ snga ma bzhin du nor bu'i rgyan ji lta bu thogs pa de lta bu'i kha dog gis rked pa yan chad khyab par 'dug ste/ nor bu'i 'od kyis lag pa sngon po 'am/ dmar po'am/ ser po'am/ nag por gyur te/ lag pas nyi ma'i zer gyi gnod pa bsgribs pa de bram ze rtog ge pa log pa'i thos pas bslus pa rnams kyis mthong nas/ nyi ma gza' sdig can gyis zin to/ /nyi ma gza' dmar pos zin to/ /nyi ma gza' ser pos zin to/ /nyi ma gza' nag pos zin to zhes zer zhing las dang 'bras bu rgyab tu bor nas de lta bus 'tsho ba tshol ba'i phyir/ 'di ltar lo legs par 'gyur ro/ /lo nyes par 'gyur ro/ /rgyal po la rung bar 'gyur ro/ /rgyal po la mi rung bar 'gyur ro/ /bltas bzang ngo / /ltas ngan par 'gyur ro zhes rtog ge'i rig pas ston par byed do/ /yang dag par na ni des nyi ma lag pas bsgribs nas lha'i 'jig rten tshal/ </font><hr>64.9a<br><font size=+1>

nags tshal dang / lteng ka dang / rin po ches mdzes par byas pa dang bcas pa bde blag tu lta bar byed pa yin no/ /de nas lha'i dbang po brgya byin gyis de mthong nas lha rnams la nga'i shing rta sngon du thong la/ sgra gcan 'di zlog shig ces bsgo'o/ /de nas lha'i dbang po brgya byin gyis bsgo ba bzhin du lha rnams lus rin po che sna tshogs kyis brgyan te/ seng ge mo'i bu sgra gcan ga la ba der 'thab mo bya ba'i phyir rgyug go/ /de nas des lha de rnams mthong nas phyir rang gi gnas su 'gro bar 'gyur ro/ /de nas yang dge slong las kyi 'bras bu rnam par smin pa shes pa de zla ba la gza' 'jug pa la rtog par byed de/ zla ba la sgra gcan ji ltar 'dzin snyam nas/ des thos pa las byung ba'i shes pas brtags na/ sgra gcan gyi g.yog 'khor gang yin pa de dag rtag tu rgya mtsho'i chu'i steng du rgyu ba de dag gis zla ba shar phyogs kyi ri'i rtse mo nas 'dzam bu'i gling du 'ong ba na bai DUr+ya'i 'od kyi dkyil na brgya 'gyur bas kyang mdzes par mthong nas/ sgra gcan gyi g.yog 'khor rnams kyis sgra gcan la bsnyad de/ rgyal po chen po zla ba nya ba de lha'i bu mo'i bzhin kho na ltar 'dug pa 'ong ngo zhes zer ro/ /de nas de dag las thos nas sgra gcan lha'i bu mo la chags pas zla ba la lta 'dod par gyur nas/ sgra gcan rang gis gzhi nas byung ste/ lha'i bu mo'i bzhin la reg par 'dod pa'i phyir/ thag ring po nas zla ba'i dkyil 'khor la sgrib par byed pa'i tshe/ rin po che du mas snga ma bzhin du lus brgyan pa de/ 'dzam bu'i gling pa'i rtog ge pa rnams kyis mthong nas yul gyi mi rnams la bsnyad de/ gza' nag po zhig go /gza' dmar po zhig go/ /gza' ser po zhig go /lo legs par 'gyur ro/ /lo nyes par 'gyur ro/ /rgyal po la rung bar 'gyur ro/ /rgyal po la mi rung bar 'gyur ro/ /mtshon gyis 'gyed par 'gyur ro/ /bde bar 'gyur ro zhes zer ro/ /nub kyi ba lang spyod dang / shar gyi lus 'phags dang / byang gi sgra mi snyan logs na gza' 'dug ste/ nyi ma dang zla ba la sgrib na ni gling de dag na rtog ge pa dag kyang med/ log</font><hr>64.9b<br><font size=+1>

par smra ba dag kyang med de/ de ltar na rgyu de lta bus gzas zla ba dang nyi ma'i dkyil 'khor la sgrib par byed do/ /rtog ge pa rnams ni gnam grum pa yang ston par byed de/ sgra gcan sa'i 'og na 'dug pa la lha ma yin rnams kyis smras pa/ kye ma ji ltar lha'i dbang po kau shi ka ri rab kyi steng na/ grong khyer blta na sdug dang / lha'i 'dun sa chos bzang na lha'i 'dod pa'i yon tan lnga 'byor cing ldan par 'dug la bde ba rnams nyams su myong ste/ de ltar lha rnams kyi rgyal po ni kau shi ka lags/ bdag cag gi rgyal po ni khyod lags te/ de bas ches mthu che zhing ches rdzu 'phrul che ba lags kyis bdag cag dong la/ dbang po dang bcas pa'i lha rnams dang g.yul 'gyed par bgyi'o/ /de'i grong khyer yang gzhom par bgyi'o/ /zhes zer ro/ /de ltar lha ma yin gyi dbang po sgra gcan/ lha ma yin rnams kyis sbad nas khros te skad 'byin cing grong khyer 'od can de nas rings par byung ste/ gang gi tshe des skad phyung ba de'i tshe/ rtog ge pa rnams na re/ gnam grum pa 'di ni lha'i ltas yin te/ lo legs par 'gyur ro/ /lo nyes par 'gyur ro/ /rgyal po la rung bar 'gyur ro/ /rgyal po la mi rung bar 'gyur ro/ /mtshon gyis 'gyed par 'gyur ro/ /mtshon gyis 'gyed par mi 'gyur ro zhes zer te/ de dag sbyin bsreg byed cing zhi ba dang / bde legs su bya ba dag byed do/ /de nas lha ma yin gyi dbang po sgra gcan 'di snyam du sems te/ ji tsam du grong khyer 'od can na/ nor bu rnams 'od gsal bar 'dug pa tsam du bdag gi pho brang 'od can 'od gsal bar 'gyur la/ 'od mi gsal na ni de 'od kyang zhan par 'gyur ba de bzhin du/ lha rnams kyi 'od byed pa yang nor bu dang 'dra bar zla ba nya ba dang nyi ma yin gyis/ bdag gis dkyil 'khor de gnyis re re nas bsgrib par bya'o/ /de ltar byas pa dang lha rnams kyi 'od med par 'gyur ro snyam ste/ de blo de lta bus gal te nyin par byung na ni des snga ma bzhin du lag pa ya gcig gis ni nyi ma'i dkyil 'khor sgrib par byed do/ /lag pa ya gcig gis ni ri rab kyi zom la nom</font><hr>64.10a<br><font size=+1>

par byed do/ /de nas lha rnams kyis de'i lag pa mthong nas/ 'thab pa'i phyir cha bar byed do/ /de nas de dud 'gror gtogs pa yin pas snying stobs chung la lha rnams kyi lus rin po che sna tshogs kyis brgyan pa gzi brjid kyi lus can dag mthong nas de bag tsha ba skyes te/ phyir sa'i 'og tu grong khyer 'od can du 'gro bar 'gyur ba 'di na nyi ma dang / zla ba la gza' 'jug pa dang / gnam grum pa'i rgyu gnyis pa yin no/ /de nas yang dge slong las kyi 'bras bu rnam par smin pa shes pa de/ lha ma yin chen po sgra gcan gyi bde ba la rtog par byed de/ des thos pa las byung ba'i shes pas brtags na/ 'di ltar de'i grong khyer ni dpag tshad brgya stong yod la/ ri rab la rten te/ rin po che sna tshogs kyis mdzes par byas pa/ chu klung dang / lteng ka dang / bskyed mos tshal dang ldan pa/ sa gzhi gser btso mas brgyan pa/ gser gyi khang khyim byi ru'i shing ljon pas mdzes par byas pa dang ldan pa/ dril bu g.yer ka can gyi shing ljon pas sgra sgrags pa/ sil snyan dang rol mo'i sgra dang / glu dbyangs kyis rab tu dga' bar byas pa/ mtshe'u gser gyi pad ma dag gis mdzes par byas pa dang ldan pa/ gser gyi ngang mo dang / zal mo dang / ngur pa rnams kyis mdzes par byas pa de ni 'di lta ste/ lha yul gyi bya lta bu rma bya blta na sdug pa dag dang / nor bu'i mchu can lta bu dag dang / dus thams cad du rab tu dga' bzhin du 'dug pa dag dang / 'gros sdug pa dag dang / rin po che sna bdun gyi lus can dag dang / bai DUr+ya sngon po'i mdog can dag dang / mthon ka chen po'i mdog can dag dang / rab tu dga' zhing khang bzangs kyi rtse mo mdzes par byed pa dag dang / mig mi 'dzums shing char sprin gyi 'brug sgra lta bu'i sgra skad 'byin pa dag dang / ltad mo che ba dag dang / bya'o cog dang 'dra bar ston pa dag dang / mthong na yid dang 'thad pa dag dang / mig 'gram ring ba sha stag dang / bya ag ni tsu Da zhes bya ba/ mig zur</font><hr>64.10b<br><font size=+1>

med pa mgo gnyis pa la chung ma gnyis dang lhan cig 'grogs pa dag dang / me tog gi khu bas myos shing / ba ku le'i me tog bzhin du lhan cig gtams pa dag dang / skad kyi gdangs brag ca can gser gyi rwa can dag dang / bai DUr+ya'i rwa can chu la rtse ba dag dang / dus tshigs su rgyags pa dang / rgyags shing rab tu dga' ba dag dang / mig gi mdog snum pa sha stag dang / bya ka ra da zhes bya ba me'i mdog can rnga sgra lta bu gdangs dang ldan pa sha stag dang / bya spu spad ma zhes bya ba mdog 'jam zhing glog gi kha dog can dag dang / spu sdug spel ma can nags khrod du rgyu ba dag dang / sal sul dang / gshang gshong dag na rgyu ba dag dang / rtag tu rgyags pa sha stag dang / bya b+h+ring ga ra dza dang / hu lu kun da dang / mu lu kun da dang / sprig ka gan d+ha zhes bya ba khang khyim la gnas pa/ mdog 'ja' tshon ltar 'dug pa dag dang / me tog gi chun po mchog lta bu dag dang / mgrin pa mdzes pa dag dang / mgrin pa dmar ba dag dang / pad ma lta bu dag dang / 'dab ma 'jam pa dag dang / 'dab ma drag tu bskyod pa dang / 'dab ma kha dog dang dbyibs du ma dang ldan pa dag dang / mchu ring zhing nor bu dang / gser las grub pa sha stag dang / khu byug dang / bya bang lus mkhregs shing mgrin pa mtho la dri ma med cing 'dab ma'i mdog sdug la gnyis shing kha la lding ba dang / gnyis shing chu 'thung ba dang / gnyis shing thang la 'grogs pa dang / gar byed bzhin du skad 'byin pa dang / rgyags shing skad 'byin pa sha stag dang / shing ljon pa ba ku la la gnas pa'i bya'i rigs rnams skyed mos tshal dang / nags tshal du bcas pa'i grong khyer de kho ra khor yug na gnas shing skad 'byin pa dang / grong khyer de na mtsho yod pa rnams pad ma'i tshal rnam pa sna tshogs kyis gang la/ nags kyis 'khor cing mdzes par byas so/ /grong khyer de na gser gyi shing ljon pa'i nags tshal bzhi yod de/ grong khyer de'i nags tshal de dag thams cad kyi tshad ni dpag tshad brgya</font><hr>64.11a<br><font size=+1>

yod do/ /de na nags tshal gcig gi ming ni rtsed mo can zhes bya'o/ /gcig gi ming ni rgyags pa'i kun dga' ra ba zhes bya'o/ /gcig gi ming ni ngang pa'i gnas zhes bya'o/ /gcig gi ming ni khu byug gi kun dga' ra ba zhes bya ste/ nags tshal bzhi po de rnams kyis grong khyer de'i kho ra khor yug nas sba bar byas so/ /nags tshal de na shing ljon pa'i rigs sum stong yod de/ shing ljon pa de dag gi nang na gtso bo ni 'di lta ste/ sprin ltar sgrib pa dang / yal ga mtho la 'jam pa dang / bya gnas dang / rtag tu me tog rgyas dang / dpag tshad gcig tu ngad ldang ba dang / bung bas gang ba dang / sbrang rtsi 'dzag dang / gser mdog can dang / chang 'dzag dang / tsan dan sa mchog dang / sprin nag po'i mdog can dang / lo ma bdun pa dang / ke ta ka dang / shing sprig ka dang / ser bu ngad ldang dang / a ka ru nag po'i mdog can dang / kun tu mig ldan dang / sgron shing dang / nor bu'i ljon shing dang / me mdog dang / mya ngan 'tshang sngon po dang / mya ngan 'tshang dmar po dang / ba ku la dang / ardzun dang / ni tsu la dang / sin du ba ra ti dang / ti la ka dang / ni pa zhes bya ba rnams te/ kho ra khor yug nas pad ma'i tshal gyis 'khor ba/ me tog rgyas dang / ma du ka dang / na li ke ra dang / pa na sa dang / chu shing dang / sku ba 'phyang dang / be+edUr+ya dang / sa 'gebs dang / gnam 'grib dang / sprin mdog can dang / mthong dga' dang / sprin 'khor dang / bya mangs dang / bung mangs dang / spos phreng ldan dang / me tog dri zhim dang / kha dog sna tshogs can dang / me tog can dang / dus tshigs kun dga' dang / dus tshigs so sor dga' dang / bud med mthong dga' dang / bud med sbyin dang / rgun shing dang / ka pid tha dang / pa ru sha ka dang / kha dog dang rgyan gyis klubs pa dang / 'od can dang chu 'gram skyes dang / ri mthongs dga' byed dang / rgyang ring snang dang / de lta bu la sogs pa kha cig ni 'dzam bu'i gling na skye ba/ kha cig ni byang gi sgra mi snyan na skye ba/ shing ljon pa kha cig ni lha ma yin gyi grong khyer na skye ba dag yod do/ /lha ma yin gyi grong khyer snang</font><hr>64.11b<br><font size=+1>

ldan de na shing kha cig ni me tog 'ba' shig gi shing dang / kha cig me tog dang ldan pa'i shing dang / kha cig ni 'bras bu'i shing dang / kha cig ni chang 'byung ba'i shing dag yod do/ /lha ma yin gyi dbang po chen po sgra gcan de'i kho ra khor yug nas lha ma yin gyi bu mo dag gis bskor te/ shin tu gar byed cing dgod la ci mdzes su 'chos te/ rab tu rtse zhing rab tu dga' bar byed de/ kun nas nyon mongs pa can ring por mi thogs pa/ mi rtag cing mi brtan pa/ mi bde bar 'gyur ba'i bde ba nyams su myong ngo / /lha ma yin gyi dbang po de la btsun mo bzhi yod de/ gcig gi ming ni yid bzhin mdzes 'gyur zhes bya/ gcig gi ming ni spos kun ldan zhes bya/ gcig gi ming ni nags tshal mdzes shes bya/ gcig gi ming ni bkra shis ma zhes bya'o/ /de dag gi g.yog mo yang lha ma yin gyi bu mo khrag khrig phrag bcu gnyis yod de/ de'i nang na de'i kho ra khor yug nas bskor te/ 'dod pa la sems zhen cing 'dug go/ /de'i tshe ngo mtshar rung ba'i bde ba dang / yul gyi longs spyod gang yin pa de dag gi ming yang shes par sla ba ma yin no/ /de de na lha ma yin bye ba phrag du mas zhabs 'bring byas te/ khang bzangs ka ba stong gis mdzes par byas pa/ dngul las byas pa'i khang bzhag gis dkrigs pa de na/ rtse zhing dga' la dga' dgur spyod de/ rang gi las kyi 'bras bu la spyod do/ /de nas yang dge slong las kyi 'bras bu rnam par smin pa shes pa des/ sgra gcan gyi las dang chos la brtags te/ las gang gis na lha ma yin gyi dbang po sgra gcan 'gro ba de lta bur song shig gu/ 'di las ci zhig byas na las de'i rnam par smin pas 'bras bu 'di lta bu myong bar 'gyur snyam mo/ /'di la tshigs su bcad pa dag yod de/ rgyu med par ni bde ba dag /ji ltar byas kyang myong mi 'gyur/ /'bras bu las dang 'brel pa ste/ /'bras bu sa bon rag las bzhin/ /legs byas 'bras bu dge ba ste/ /lha dang mir ni nges par 'gyur/ /nyes byas ngan song gsum du nges/ /lha min 'jig rten ji lta</font><hr>64.12a<br><font size=+1>

bur/ /shes rab zhan zhing shes rab 'chal/ /dud 'gro'i skye gnas skyes de dag /ji ltar bde ba myong ba mthong / /'di la rgyu zhig yod par 'gyur/ /de ltar dge slong mchog tu yid gzhungs pa dang ldan pa des/ thos pa las byung ba'i shes rab kyis brtags na/ de sngon bram ze rig byed dang / rig byed kyi yan lag dang / gtam rgyud lhur byed pa/ sbyin pa la mchog tu dga' ba zhig tu gyur nas/ des nags khung gi lam du zhugs pa rnams la yang btung ba dang / kha zas dang / 'bras bu dang / rtsa ba dang / chu dang / khyim dang / mal cha dang / stan gyi sbyin pa dag byin la/ sgo bzhin 'khod pa'i dman pa dang / long ba dang / bkren pa dang / sdug phongs pa rnams la yang zas dang / skom dang / mal cha dang / stan mang po dag byin te/ de'i tshe ni yang dag pa'i lta ba dang ldan par gyur to/ /de lan cig gcig na dge 'dun gyi gtsug lag khang mi thi la'i tshal zhes bya ba rgyar dpag tshad nyi shu yod la/ mchod rten 'bum phrag du mas brgyan pa/ gser 'bar bas 'khor ba zhig /rgyal po ni mi zhes bya ba la sogs pa rgyal po lnga brgyas byas pa yod de/ de'i nang na yang mchod rten 'og gi gdan gser las byas pa/ kho ra khor yug nas gser 'bar bas 'khor ba/ rin po che sna bdun gyis mdzes par byas pa/ 'bur rnam pa sna tshogs kyis mdzes par byas pa/ sangs rgyas kyi theg pa'i tshig sna tshogs kyis mdzes par byas pa zhig yod la/ mchod rten de la yang tshal dang / nags tshal bris pa dag yod de/ snga ma bzhin no/ /de'i tshe na shing ljon pa gang dag sgra gcan gyi gnas su bris pa de dag thams cad 'dzam bu'i gling na yod de/ ri mo mkhan rnams kyis ji ltar mthong ba bzhin du mchod rten de la bris so/ /rdzing bu mang po byas gang ba dag kyang yod de snga ma bzhin no/ /de lan cig gcig shing rta bzhi stong dang nags khung der song ste/ 'gron po nags khung du dong ba rnams kyi phyir/ zas dang / thug pa dang / chu dag khyer ro/ /de nas re shig na mchod rten</font><hr>64.12b<br><font size=+1>

'phang du dpag tshad gnyis yod la/ chu zheng du rgyang grags lnga yod pa der mi sdig can zhig gis gsar du me btang nas me des mchod rten de tshig la thug ste/ bram ze des me shor ba de mthong nas/ de 'di snyam du sems te/ bdag la 'di'i bsod nams kyang mi dgos/ 'di thams cad mkhyen pa'i gnas kyang ma yin mod kyi/ 'on kyang 'di mdzes pa kho na zhig pas mes tshig na mi rung la/ rgyal pos kyang bdag la bka' gyod smrar med par bya'o snyam ste/ des dad cing gus pa med par shing rta de dag gis chu bskyas nas mchod rten de las me bsad de/ 'di ltar des ched cher mi 'dzin par rgod bzhin du/ gal te 'di las bsod nams kyi rnam par smin pa zhig yod na ni/ de rags pa zhig yin grang gis/ de'i rnam par smin pas/ ci nas kyang 'dod pa'i khams na bdag las lus che ba gzhan med pa tsam du gyur cig ces byas te/ dad pa med pa dang / sems pa med pa dang / rtag tu 'thab par sems pa'i phyir/ las de'i mthus sems pa med pa'i las de'i 'bras bu zhing dam pa'i bsod nams las lha ma yin gyi dbang por skyes par mthong ngo / /de nas yang dge slong las kyi 'bras bu rnam par smin pa shes pa des sgra gcan gyi yul sa gzhan yang ji tsam zhig yod ces des thos pa las byung ba'i shes pa 'am/ lha'i mig gis brtags na/ sa gzhi dpag tshad khri sum stong yod de/ gser gyi sa gzhi la tshal dang / nags tshal dang / lteng ka dang / rdzing dang / bya dang / shing ljon pa dang / khyim dang / grong khyer dang / gling dang / lha ma yin gyi bu mos gang ba dang / nor bu mang po dang ldan pa'i thang bud med gdu bus brgyan pa bzhin du mdzes pa de na lha ma yin gyi dbang po sgra gcan dbang byed cing dgra zla med la/ rang dgar byed cing gar dga' bar 'gro ba dang / lha ma yin gyi dbang po'i yul sa de na lha ma yin rnams kyi yul bcu gsum yod de/ de na lha ma yin rnams gnas so/ /de rnams kyi ming la 'di lta ste/ za ba po rnams dang / rab tu rgyug pa rnams dang nad</font><hr>64.13a<br><font size=+1>

gtong ba la dga' ba rnams dang / nor bu'i do thogs pa rnams dang / bung ba ltar 'khyil pa rnams dang / mig dmar ba rnams dang / kun du rgyug pa rnams dang / chu na gnas pa rnams dang / nam mkha' la gnas pa rnams dang / lhun po'i khong na gnas pa rnams dang / lteng ka sdug gu rnams dang / nya gdong po rnams dang / lam chen ldan rnams so/ /de dag gi 'phel 'grib ni gang gi tshe skye dgu rnams dge sbyong du mi 'dzin bram zer mi 'dzin pa de'i tshe ni lha'i phyogs ni 'grib par 'gyur la/ lha ma yin gyi phyogs ni 'phel bar 'gyur te/ de'i tshe chos dang mi ldan pa rnams ni ches mthu che la/ lha rnams ni zhan par 'gyur ro/ /gang gi tshe skye dgu rnams dge sbyong du 'dzin cing bram zer 'dzin pa de'i tshe ni/ lha ma yin gyi phyogs ni 'grib par 'gyur la/ lha'i phyogs ni 'phel bar 'gyur te/ lha dang lha ma yin gnyis kyi 'phel 'grib ni de ltar chos dang chos ma yin pa la rag las so/ /de nas yang dge slong las kyi 'bras bu rnam par smin pa shes pa de sgra gcan gyi yul na gnas pa'i lha ma yin rnams kyi las dang chos la rtog par byed de/ des thos pa las byung ba'i shes rab kyis brtags na/ gang dag gis dud 'gro rnams la srog gi sbyin pa byas te/ nya rnams gson par bya ba'i phyir/ nya ba'i rgya rnams dral ba dang / gang dag gis rnyed pa 'dod pa'i phyir ram/ grags pa 'dod pa'i phyir ram/ rgyal pos bka' stsal pa'i phyir ram/ rigs kyi chos lugs su yod pa'i phyir srog chags legs par bsrungs la/ lhag ma gzhan ni chos ma yin pa thams cad byed pa de dag lus dang bral ba'i 'og tu ngan song log par ltung ba sgra gcan gyi yul du lha ma yin du skye bar 'gyur te/ de dag gi tshe'i tshad kyi khyad par ni mi rnams kyi lo lnga brgya gang yin pa de de dag gi nyin zhag gcig tu rtsi ba de lta bu'i lo lnga stong thub ste/ bar ma dor 'chi ba ni yod do/ /rab 'bring du 'gyur ba ni sems la rag las so/ /bong tshod dang kha dog dang mtha' yang</font><hr>64.13b<br><font size=+1>

las dang chos la rag las te/ sems can rnams kyi sems dang mos pa sna tshogs las 'gyur ro// //'phags pa dam pa'i chos dran pa nye bar gzhag pa/  bam po nyer gnyis pa/ de nas yang dge slong las kyi 'bras bu rnam par smin pa shes pa de/ rgya mtsho'i gting sgra gcan gyis/ gzhi la rtog par byed de/ des thos pa las byung ba'i shes pa shin du gsal zhing shin du rnam par dag pas/ sgra gcan gyi sa gzhi'i 'og na sa gzhi gnyis pa yul sa tha dad pa zla ba'i phreng ba zhes bya ba dpag tshad nyi khri chig stong yod pa ji ltar 'dug pa mthong ngo / /de na lha ma yin mgul phreng zhes bya ba gnas pa lha ma yin de rnams kyi bdag po mgul phreng zhes bya ba zhig yod de/ sa gzhi de na gnyis shing rtse ba zhes bya ba'i grong khyer dpag tshad brgyad stong pa tshal dang / nags tshal dang / lteng ka dang ldan pa pad ma'i rdzing dang / 'bab chu dang / ri sul dang / gser gyi ri bo dang / gser gyi brag dang / pha bong dang / bya skyibs dang / ri dgas dang / bya spu sdug gu rnams kyis mdzes par byas pa/ bai DUr+ya'i sa gzhi dang / gsing ma mdog sdug gus mdzes par byas pa/ bya sna tshogs skad snyan pa 'byin pa lha ma yin gyi tshogs mang po yul gyi skye bo 'byor pas gang ba kun nas rin po che sna bdun mchog tu yid du 'ong bas brgyan pa/ shing ljon pa dag gis snga ma bzhin du mdzes par byas pa/ klu'i me tog dang / klu'i shing mya ngan 'tshang dang / shing d+ha bA dang / seng ldeng dang / rgya skegs kyi shing sna tshogs kyis mdzes par byas pa/ de na shing ljon pa'i sna grangs 'di lta bu dag lhag par mang du yod de/ 'di lta ste/ ni sha dang / pra ha sa dang / i ti ni sha dang / ba gu da dang / ni tan ta dang / me tog ljid dang / kun du dga' dang / me tog rgyas dang / ljid kyis non dang / lo lnga zhing me tog 'byung ba dang / bung ba mngon dga' dang / sgra 'ur 'ur dang / bya skad ca co can dang / dkar por snang dang / lo mas rgyas rnams te/ gnyis shing rtse ba'i grong</font><hr>64.14a<br><font size=+1>

khyer de na shing ljon pa'i sna grangs de lta bu de dag lhag par mthong ngo / /grong khyer de yang gser gyi ri rtse bzhi pa'i dbus na 'dug ste/ 'di lta ste/ ri'i rtse mo dga' byed dang / ri'i rtse mo lhang tsher dang / ri'i rtse mo rtse mi snang dang / ri'i rtse mo yid 'ong gser zhes bya ba rnams te/ de dag kyang kun nas phang du dpag tshad lnga stong yod do/ /de dag gi tshal rnams kyang 'bab chu dang / chu bo dang / chu bsil dang / ri dgas kyi tshogs kha dog rnam pa sna tshogs can rnams kyis mdzes par byas pa/ skyes pa dang / bud med kyi tshogs rtag tu dga' ba rnams kyis gang ba/ rin po che'i sgo sna tshogs rnams kyis mdzes par byas pa/ tsan dan sa mchog gi shing ljon pa 'dud pa'i rlung ltar rtag tu bsil zhing dri zhim pa rnams kyis nye bar 'tsho la/ me tog gi rnam pa dag gis rtag tu brgyan pa/ rma bya 'bum phrag du ma sgra snyan pa 'byin pa/ lha ma yin chen pos bskyangs pa grang ba dang tsha bas nyams pa med la/ skye bo rab tu dga' bas rtag tu gang ba/ rol mo'i sgra dang / glu dang / bro dang / dgod pas rtag tu dga' ba yin no/ /lha ma yin gyi grong khyer chen po skar phreng de dag gi dbus na mtsho chen po kun nas chu dang zheng du dpag tshad lnga yod pa/ rab tu dang ba/ ro shin tu zhim pa/ 'dam rdzab dang / rnyog pa med pa/ chu rtag pa/ zla ba gnyis pa ltar rab tu gsal ba yin no/ /skar phreng gi dbus na mtsho yod pa gang yin pa de ni kun mthong zhes bya la/ de'i mthu 'di lta bu yin te/ gang gi tshe lha ma yin g.yul 'gyed par byed pa de'i tshe lha ma yin mgul phreng dag mtsho kun mthong der 'gro bar byed do/ /de dag mtshon cha dang / go mtshon sna tshogs thogs nas g.yul 'gyed pa'i ltas blta ba'i phyir mtsho de yongs su bskor nas 'khod do/ /de dag gi gzugs brnyan de dag ji ltar me long g.ya' med pa'i nang na/ gzugs brnyan snang ba de ltar mtsho de'i nang na snang ngo / /de dag lha dang lha ma yin gyi g.yul du gal te pham par gyur na/ mtsho de'i nang du rang rang gi gzugs brnyan de dag</font><hr>64.14b<br><font size=+1>

'bros par snang ngo / /gang dag lha dang lha ma yin gyi g.yul 'gyed pa der 'chi bar 'gyur na ni rang rang gi gzugs brnyan mtsho'i nang na 'chi bar snang ngo / /lha ma yin rnams kyi bdag po mgul phreng zhes bya ba gang yin pa de dang lha ma yin gyi dbang po lha ma yin gyi grong khyer 'dod pa'i klung zhes bya ba na 'dug pa gang yin pa de 'bros pa dang / nges par 'chi bar 'gyur ba de ltar mtsho de'i nang du mthong ngo / /de dag 'di snyam du sems te/ gang gis bdag cag kun mthong gi mtsho'i nang du lha rnams las pham zhing nyams par 'gyur ba mthong ba'i rgyu gang yin rkyen gang yin snyam byed do/ /de nas yang de rnams grong khyer de dag tu dong ste/ lo brgya lon nam/ lo lnga brgya lon nam/ de ltar lo bcu lon nam/ de nas yang mtsho kun mthong ga la bar lha ma yin mgul phreng dang / lha ma yin gyi dbang po brtan pa dang / lhan cig dong ste/ de ltar mtshon cha dang / go mtshon sna tshogs thogs pa/ cha byad dang / me tog phreng dang / phye ma dang / byug pas lus bskus pa de dag mtsho kun mthong de yongs su bskor nas 'khod do/ /de nas yang mtsho yongs su bskor ba de dag nyid kyis mtsho de'i nang du 'dzam bu'i gling gi mi mar 'dzin pa dang / phar 'dzin pa dang / dge sbyong du 'dzin pa dang / chos dang ldan zhing chos kyi rjes su 'jug pa/ lha dang 'thun par sgrub pa de dag shi nas lha rnams kyi nang du skye bar 'gyur ba mthong ngo / /de nas mtsho de'i nang du lha'i phyogs ni rgyal bar 'gyur/ lha ma yin gyi phyogs ni pham par 'gyur ba mthong ba dang / lha ma yin mgul phreng zhes bya ba dang / lha ma yin gyi dbang po brtan pa zhes bya ba de dag 'di snyam sems te/ kye ma lha rnams ni mi la rag las/ mi'i kha na las/ mi la rten pa yin te/ bdag cag gis gang mi rnams la mi phan pa dang / mi bde bar bya ba'i phyir 'bad pa dang / de dag nyams pas lha rnams kyang thub par 'gyur ro snyam du de ltar bsams nas/ lha ma yin mgul phreng dang / lha ma yin gyi dbang po brtan pa dag sems par</font><hr>64.15a<br><font size=+1>

byed de 'di ltar mi rnams ni kha zas la rag las shing brten pa yin te/ mi de rnams kyi kha zas chud gsan pa la 'bad par bya'o snyam nas/ de dag gis de ltar shes nas rgya mtsho'i nang na klu chos dang mi ldan pa khro ba shas che ba/ rtag tu gnod pa'i bsam pa can 'khod pa gang yin pa de dag la smra bar byed de/ 'di lta ste/ klu'i rgyal po rab 'joms dang / klu'i rgyal po nag po dang / klu'i rgyal po bsgyings pa dang / klu'i rgyal po hu lu hu lu ste/ de dag la sogs pa chos dang mi ldan zhing chos kyi rjes su mi 'jug pa rnams la/ lha ma yin mgul phreng dag na re/ 'di ltar khyed cag la rag las pa'i mi de dag ni lha'i phyogs yin la/ de dag gi srog kyang kha zas kyis 'tsho 'o/ /khyed cag la rag las pa kha zas kyis 'tsho ba'i mi de dag ji ltar med par 'gyur ba de ltar gyis shig /gang gi phyir 'di ltar khyed cag dang / klu'i rgyal po nor rgyas dang / 'jog po la sogs pa shin du dgrar gyur pa ltar bdag cag dang lha rnams kyang de lta bu yin te/ khyed cag gis bdag cag gi grogs bya ba de ni rigs pa yin no zhes smras so/ /de nas lha ma yin mgul phreng dang / lha ma yin gyi dbang po brtan pa dag gi tshig thos nas chos dang mi ldan pa'i klu rnams kyis bdag cag dang khyed cag phyogs 'thun pa yin te/ de ltar bya'o zhes smras nas de dag ni rang gi gnas su dong ngo / /klu'i rgyal po khro bas gdungs pa rnams kyang gnas su dong nas/ gal te chu dpag tshad brgyar g.yo bar byed/ gal te dpag tshad nyis brgyar/ gal te dpag tshad sum brgyar g.yo bar byed do/ /chu'i steng na ni sa 'dug ste/ gang gi tshe klu sdang ba rnams kyis chu g.yo bar byed pa de'i tshe chu g.yos pas sa g.yo bar byed la/ phyogs de'i chu'i tshad ji tsam du g.yo bar byed pa de tsam du sa g.yo bar byed de/ klu sdang ba khro bas gdungs pa rnams kyi mthu ni de lta bu yin no/ /de dag bram ze rtog ge pa bstan bcos ngan pas bslus pa rnams kyis tshor nas 'di ltar lo legs par 'gyur ro/ /lo nyes par 'gyur ro/ /rgyal po la rung bar 'gyur ro/ /</font><hr>64.15b<br><font size=+1>

rgyal po la mi rung bar 'gyur ro/ /mtshon gyis 'khrug par 'gyur ro/ /mtshon gyis 'khrugs pa med par 'gyur ro/ /char legs par 'bab par 'gyur ro/ /char legs par 'babs par mi 'gyur ro/ /ba lang dang bram ze 'phel bar 'gyur ro/ /ba lang dang bram ze 'grib par 'gyur ro zhes de ltar mi rtog ge pa dag mngon par rjod par byed de de ltar sa g.yo bar 'gyur ro/ /yang rgyu gzhan gyis sa g.yo bar byed pa la de ltar dge slong de thos pa las byung ba'i shes pas rtog par byed de/ sems can rnams kyi dge ba dang mi dge ba'i dbang gis rlung sa 'dzin zhes bya ba g.yo bar byed do/ /de g.yos pas chu g.yo bar byed de/ chu g.yos pas kyang sa g.yo bar byed de/ dpag tshad lnga brgya 'am/ dpag tshad brgya 'am/ dpag tshad nyis brgya 'am/ dpag tshad sum brgya 'am/ dpag tshad bzhi brgya 'am/ de ltar tshad ji tsam du rlung g.yo bar byed pa'i tshad de tsam du chu g.yo bar byed la/ chu g.yo ba'i tshad kyis sa g.yo bar byed do/ /de la gang rlung dag g.yo ba na chu g.yo bar byed/ chu g.yos pas sa g.yo bar byed pa'i rgyu ni gang rkyen ni gang gzhi ni gang yin snyam nas/ dge slong des thos pa las byung ba'i shes pa'am/ lha'i mig gis brtags na/ rlung gis chu 'dzin la/ chu la sa brten te/ rlung de dag g.yos na chu g.yo bar 'gyur/ de dag g.yos pas sa g.yo bar 'gyur ro snyam nas de ltar rgyu des na sa g.yo bar 'gyur ro/ /sa g.yo ba de yang dge slong des rnam pa gnyis su mthong ste/ gal te dge ba'i las kyi dbang gis g.yo na ni de dge bar 'gyur te/ sems can rnams kyi bde ba dang lo legs pa yin no/ /gal te mi dge ba'i dbang gis g.yo na ni las kyi mtha' spyad cing gang byas pa'i sems can rnams kyi de mi dge bar 'gyur ro/ /dge ba dang mi dge ba la rag las pa thams cad ni rgyu med pa ma yin/ 'dod rgyal las byung ba ma yin/ byed pa pos gnas su byas pa ma yin te/ rgyu dang 'thun par 'bras bu 'byung ngo / /'bras bu mngon par mi shes pa'i rtog ge pa dag na re/ 'di ltar dbang po'i phyogs dag sa</font><hr>64.16a<br><font size=+1>

g.yo'o/ /rlung gi phyogs dag sa g.yo'o/ /chu lha'i phyogs dag sa g.yo ste/ lo legs par 'gyur ro/ /lo nyes par 'gyur ro/ /rgyal po la rung bar 'gyur ro/ /rgyal po la mi rung bar 'gyur ro/ /char legs par 'bab par 'gyur ro/ /char legs par 'bab par mi 'gyur ro/ /mtshon gyis 'khrug par 'gyur ro/ /mtshon gyis 'khrug pa med par 'gyur ro/ /ba lang dang bram ze 'phel bar 'gyur ro/ /ba lang dang bram ze 'grib par 'gyur ro zhes de ltar rtog ge pa dag rtog par byed do/ /de yang gcig cig yin te/ gal te 'dod rgyal ba brgya snyed yod pa de dag gi nang na 'di ltar 'du shes pa 'di kho na nyid gcig yin no zhes de dag rjod par byed do/ /de nas gzhan yang dge slong las kyi 'bras bu rnam par smin pa shes pa de lha ma yin mgul phreng dang / lha ma yin gyi dbang po brtan pa dang / klu'i rgyal po chos dang mi ldan pa rab 'joms la sogs pa 'jig rten la phan par mi byed pa shes nas/ gnyen po chos dang ldan pa la rjes su sems par byed de/ kye ma klu sdang ba de dag dang lha ma yin sdig can 'jig rten la mi phan par byed pa de dag ji ltar pham par 'gyur snyam nas des thos pa las byung ba'i shes pas brtags na/ 'di ltar gal te 'dzam bu'i gling du chos dang ldan zhing chos kyi rjes su 'jug pa'i mi dge sbyong du 'dzin pa dang / bram zer 'dzin pa dang / rigs kyi rgan rabs la gus par byed pa'i rgyal po dang blon po chen po 'byung na/ sa bla'i gnod sbyin de dag mthu che bar 'gyur te/ de dag gi klu dang / lha ma yin sdig can sa'i 'og na gnas pa de dag g.yos par mthong nas chos dang ldan zhing chos kyi rjes su 'jug pa'i sa bla'i gnod sbyin de dag gis bar snang la rgyu ba'i gnod sbyin rnams dang / klu'i rgyal po 'jog po dang / nor rgyas kyi bu la sogs pa la yang snga ma bzhin bsnyad do/ /de nas sa bla'i gnod sbyin de dag las thos nas bar snang la spyod pa'i gnod sbyin rdzu 'phrul che zhing mthu che bar 'gyur te/ rgyal chen bzhi'i lha kun du rgyu ba rnams la sbran pa'i phyir khro ba'i shugs kyis kha rlangs dag par snang la 'byung zhing 'ong la/ </font><hr>64.16b<br><font size=+1>

'di ltar lha dag klu sdang ba rnams dang / lha ma yin sdig can rnams mi chos dang ldan zhing chos kyi rjes su 'jug pa rnams ma rung bar bya ba'i phyir 'jug par byed do zhes bsnyad do/ /gnod sbyin gyi kha rlangs byung ba de rtog ge pa bstan bcos ngan pa la sems rnam par rmongs pa dag gis mthong nas/ 'di ltar gshin rje'i bu brgya rtsa gcig gi nang na gshin rje'i bu du ba 'jug rings 'byung ngo zhes brjod de/ gnod sbyin mthu rab tu chen po brgya rtsa gcig gyen du 'gro ba snang ba mi snang ba gang yin pa de dag la rtog ge pa dag na re 'di ltar 'di ni gshin rje'i bu brgya rtsa gcig gi nang na mjug rings 'byung ngo zhes gzhan du yongs su rtog cing lo legs par 'gyur ro/ /lo nyes par 'gyur ro/ /rgyal po la rung bar 'gyur ro/ /rgyal po la mi rung bar 'gyur ro/ /mtshon gyis 'khrug par 'gyur ro/ /mtshon gyis 'khrug pa med par 'gyur ro/ /ba lang dang bram ze 'phel bar 'gyur ro/ /ba lang dang bram ze 'grib par 'gyur ro/ /char legs par 'bab par 'gyur ro/ /char legs par 'bab par mi 'gyur ro/ /yul mi che ge mo zhig la gnod par 'gyur ro/ /yul gyi mi che ge mo zhig la gnod par mi 'gyur ro zhes de dag log par rtog par byed pa mthong ngo / /de nas yang dge slong las kyi 'bras bu rnam par smin pa shes pa de/ klu rnams dang / lha ma yin sdig can g.yos pa rnams la rtog par byed de/ des thos pa las byung ba'i shes pas 'di ltar gnod sbyin rdzu 'phrul che zhing mthu che ba rnams lha kun du rgyu ba rnams la sgrogs par byed pa sngar bstan pa ji lta ba bzhin mthong ste/ kun du rgyu ba rgyal chen bzhi pa de rnams kyis kyang 'di ltar lha ma yin gyi phyogs ni 'grib bo/ /bdag cag gi lha'i phyogs kyi stobs ni rab tu che'o/ /'dzam bu'i gling ni chos dang ldan zhing chos kyi rjes su 'jug pa'i mi mar 'dzin pa dang / phar 'dzin pa dang / dge sbyong du 'dzin pa dang / bram zer 'dzin pa dang / sdom pa blangs pa dang / rigs kyi rgan rabs la gus par byed pa dag yod pas klu sdang ba dang / lha ma yin sdig can rnams las bdag cag rgyal bar 'gyur gyis ma 'jigs shig ma 'jigs</font><hr>64.17a<br><font size=+1>

shig ces sgrogs par byed do/ /gnod sbyin rdzu 'phrul che zhing mthu che ba de dag lha kun tu rgyu ba de dag la tshig de thos nas/ lha ma yin du gtogs pa la shin tu khro yang khro la rab tu dga' ba rnams klu'i rgyal po chos dang ldan zhing chos kyi rjes su 'jug pa 'jog po dang / nor rgyas kyi bu la sogs pa la de dag thams cad snga ma bzhin du bsnyad do/ /lus thams cad rab tu 'bar ba dag gal te nyin par 'ong na de'i tshe nyi ma'i 'od zer rnams zil gyis mnan nas mi mngon no/ /de nas lus thams cad rab tu 'bar ba dag klu chos dang ldan zhing chos kyi rjes su 'jug pa rnams la sbran pa'i phyir mtshan mo rgya mtsho'i nang du 'ong na de dag thams cad skye bo kun gyis mthong bar 'gyur la/ de mthong nas rtog ge pa rnams skar mda' ltung bar sems te/ 'di ltar skar mda' ltung bas lo legs par 'gyur ro/ /lo nyes par 'gyur ro/ /rgyal po la rung bar 'gyur ro/ /rgyal po la mi rung bar 'gyur ro/ /mtshon gyis 'khrug par 'gyur ro/ /mtshon gyis 'khrugs pa med par 'gyur ro/ /mi ngas 'byung bar 'gyur ro/ /mi ngas 'byung bar mi 'gyur ro/ /ba lang dang bram ze dag 'phel bar 'gyur ro/ /ba lang dang bram ze dag 'grib par 'gyur ro zhes de ltar las mngon par mi shes pa dag 'thun par yongs su rtog par byed do/ /de nas yang dge slong de skar mda' ltung ba la rtog par byed de/ des thos pa las byung ba'i shes pas rgyu gzhan gyis skar mda' ltung ba ji ltar ltung ba mthong ste/ lha rnams kyi gzhal med khang mgyogs par nam mkha' la 'gro la/ gzhal med khang phan tshun 'gro ba gang yin pa de dag 'drud pa las me 'byung ba gang yin pa de dag la rtog ge pa dag na re/ 'di ltar skar mda' rab tu ltung ba las lo legs par 'gyur ro/ /lo nyes par 'gyur ro/ /rgyal po la rung bar 'gyur ro/ /rgyal po la mi rung bar 'gyur ro/ /bde bar 'gyur ro/ /mi bde bar 'gyur ro/ /ba lang dang bram ze 'phel bar 'gyur ro/ /ba lang dang bram ze 'grib par 'gyur ro zhes de ltar rtog ge pa las kyi 'bras bu</font><hr>64.17b<br><font size=+1>

mngon par mi shes pa dag 'jig rten pa'i mtshan ma'i ltas ston par byed do/ /de ci'i phyir zhe na/ de ltar las kyi 'bras bu rnam par smin pa phra mo so sor shes pa gang yin pa ni lha dang bcas pa dang / bdud dang bcas pa dang / tshangs pa dang bcas pa dang / dge sbyong dang bram zer bcas pa'i skye dgu dang / lha dang mi dang / lha ma yin rnams kyi nang na de med de/ 'di ltar bdag cag gi chos 'dul ba la sems pa de dge ba bcu'i las kyi lam gtso bor byed pa yin no/ /de nas yang dge slong las kyi 'bras bu rnam par smin pa shes pa de so sor rtog par byed de/ kye ma bar snang la rgyu ba'i gnod sbyin mthu bo che rnams kun tu rgyu ba'i lha rnams kyi drung dang / rgya mtsho na gnas pa'i klu chos dang ldan pa rnams kyi drung du ji ltar 'gro snyam nas/ des thos pa las byung ba'i shes pas brtags na/ bar snang la rgyu ba'i gnod sbyin rab tu 'bar ba rnams rgya mtshor zhugs te/ klu'i rgyal po chos dang ldan pa nor rgyas kyi bu dang / 'jog po la sogs pa la 'di ltar lha ma yin mgul phreng dang / lha ma yin gyi dbang po brtan pa de dag mtsho kun mthong du bdag nyid la lta bar byed do zhes snga ma bzhin bar snang la rgyu ba'i gnod sbyin rnams la thos nas klu'i rgyal po longs spyod ldan la gnas pa nor rgyas kyi bu dang / 'jog po la sogs pas bar snang la rgyu ba'i klu rnams la 'di ltar bdag gis chos dang mi ldan pa'i klu de dag mthus phyir bzlog cing bskrad de/ chad pas kyang bcad nas/ 'dzam bu'i gling na chos dang ldan pa rnams kyi lo legs par bya ba dang / char dbab pa dang / rlung gis gnod pa med par bya ba dang / 'dzam bu'i gling du 'bras sA lu dang / nas dang / bza' ba dag 'byung bar bya ba dang / chos dang ldan zhing chos kyi rjes su 'jug pa'i mi rnams kyi grogs bya'o zhes bsnyad do/ /klu de dag la de skad bsnyad nas sa bla'i gnod sbyin rnams klu chos dang mi ldan pa dag ga la ba der g.yul 'gyed pa'i phyir dong ste/ klu'i rgyal po rab 'jom dang / klu'i rgyal po bsgyings pa la sogs pa la/ </font><hr>64.18a<br><font size=+1>

'di ltar khyed ni chos dang mi ldan zhing chos kyi rjes su mi 'jug pa yin la/ nged ni chos dang ldan zhing chos kyi rjes su 'jug pa yin te/ de ltar khyed cag dang nged cag mi mthun par gyur cing 'gran zlar gyur pas nged cag ni khyed cag la brdeg pa'i phyir 'dir 'ongs so zhes smras so/ /de thos nas klu'i rgyal po rab 'joms dang / bsgyings pa la sogs pa de dag g.yul 'gyed du lhags te de dag phan tshun glog gi char mang po byung ba na/ de gang gi tshe mar 'dzin pa dang / phar 'dzin pa dang / dge sbyong du 'dzin pa dang / bram zer 'dzin pa'i skye dgu 'byung ba de'i tshe/ klu'i rgyal po nor rgyas kyi bu dang / 'jog po la sogs pa rgyal bar 'gyur la/ klu'i rgyal po rab 'joms la sogs pa pham par 'gyur te/ de ltar 'dzam bu'i gling du char legs par 'bab par 'gyur zhing des na lo legs par 'gyur ro/ /de'i tshe rtog ge pa dag na re 'di ni rgyu skar gyi yon tan yin no/ /'di ni gza'i yon tan yin no/ /'di ni ltas kyi yon tan yin no zhes brjod de char legs par 'bab pa gang dus dus su 'bab pas char dus dang mthun par rab tu 'bab ste/ ba lang dang bram ze dag kyang de'i 'bras bu yin gyi gzhan gyi ni ma yin no zhe'o/ /gang gi tshe mar mi 'dzin pa dang / phar mi 'dzin pa dang / dge sbyong du mi 'dzin pa dang / bram zer mi 'dzin pa dang / chos dang mi ldan zhing chos kyi rjes su mi 'jug pa'i skye dgu dag 'byung ba de'i tshe/ klu'i rgyal po chos dang ldan pa nor rgyas kyi bu la sogs pa pham par 'gyur la/ klu'i rgyal po rab 'joms dang / klu'i rgyal po bsgyings pa la sogs pa rgyal bar 'gyur te/ lo nyes 'byung bar byed/ char 'bab mi mkhas par byed/ char drag rnams kyis lo tog ma rung bar byed/ than pa 'byung bar byed pa dang / bram ze rtog ge pa dag gzhan du sgyur bar byed de/ 'di ltar 'di ni rgyu skar gyi nyes pa yin no/ /'di ni gza'i nyes pa yin no/ /'di ni dus kyi nyes pa yin no/ /'di ni ltas kyi nyes pa yin no zhes de ltar rtog ge pa las kyi 'bras bu mngon par mi shes pa dag 'di ltar</font><hr>64.18b<br><font size=+1>

gzhan du sgyur yang de kho na mi mthong ngo / /de ci'i phyir zhe na/ de ni nga'i nyan thos sam/ nga'i chos 'dul ba 'di thos nas las kyi 'bras bu rnam par smin pa so sor shes pa gtso bor byed pa 'am/ 'bras bu so sor shes pa ma gtogs par lha dang bcas pa'i 'jig rten dang / tshangs pa dang bcas pa dang / dge sbyong dang bram zer bcas pa'i skye dgu dang / lha dang mi dang lha ma yin rnams kyi yul gyi 'jug pa ma yin te/ gzhan ma yin par mthong ngo / /de nas yang dge slong las kyi 'bras bu rnam par smin pa shes pa de lha ma yin gyi sa la rtog par byed de/ gang gi tshe gang du klu chos dang mi ldan zhing chos kyi rjes su mi 'jug pa rnams klu chos dang ldan pa rnams kyis pham par byas pa de'i tshe/ lha ma yin mgul phreng dag gis shes par 'gyur te/ lha ma yin mgul phreng dag dang / lha ma yin skar phreng gi grong khyer na gnas pa dang / gzhan tshal dang nags tshal na gnas pa de dag thams cad yi mug cing byin nyams la bzhin ngo tsha nas khyim du phyir ltags te/ kye e ma lha ma yin bdag cag rnams kyis lha rnams thub par ma nus la byin nyams so/ /gang gi tshe bdag cag gis lha rnams pham par byed nus zhig gu zhes de skad smras nas/ lha ma yin mgul phreng dag gis sgra gcan la/ lha ma yin gyi dbang po 'di ltar slad kyis yun mi ring bar bdag cag gis lha rnams pham par bgyid par rngo thogs gis nan tan mdzad du gsol zhes smras pa dang / de skad thos nas/ lha ma yin gyi dbang po sgra gcan gyis lha ma yin mgul phreng dang / lha ma yin gyi dbang po brtan pa dag la 'di ltar ngas yun mi ring bar lha dag dbang po dang bcas te/ thub par bya yis snying las chung ngur 'khod cig ces smras so/ /sgra gcan las lha ma yin mgul phreng dag gis de skad thos nas/ de nas yid rab tu dga' ste/ rang gi gnas su zhugs so/ /de nas yang dge slong las kyi 'bras bu rnam par smin pa shes pa des lha ma yin gyi grong khyer skar phreng zhes bya ba la brtags nas/ phyi rol la yang so sor rtog par byed de/ mgul phreng zhes bya ba dag gis gzhan phyi rol gyi tshal dang / </font><hr>64.19a<br><font size=+1>

nags tshal rnam pa du yod snyam nas/ des thos pa las byung ba'i shes pas brtags na/ lha ma yin gzhan mgul phreng zhes bya ba dag gi tshal dang / bya rnams dang / nags tshal dang / nye ba'i tshal dang / lteng ka dang / 'bab chu'i dngo dang / pad ma'i rdzing rnams kyis dpag tshad khri phrag sum stong du gang ba/ bya ngang pa dang / ka ran da ba dang / ngur pa dag gis mdzes par byas shing nye bar brgyan la kun du sdug par byas pa/ kun nas nyams dga' ba/ spro zhing rab tu dga' la/ rtag tu mang ba ji ltar 'dug pa mthong ste/ de na tshal chen po bdun yod pa la 'di lta ste/ gser gyi 'og phag sprin dang / rtag tu nyams dga' dang / bskyed mos tshal dga' dang / 'bras bu rtag tu mdzes dang / rlung bde dang / tin di kun dga' dang / spras pa ste/ de dag ni lha ma yin mgul phreng dag gi skye bo gnas pa'i tshal chen po dag yin no/ /sa de dag kyang lha ma yin rtag tu dga' ba rnams kyis gang ba yin te/ lha ma yin las kyi 'bras bu la spyod pa rnams gnas par mthong ngo / /de nas yang dge slong las kyi 'bras bu rnam par smin pa shes pa de lha ma yin mgul phreng dag gi las kyi 'bras bu rnam par smin pa la rtog par byed de/ mgul phreng dag las gang gis der skye bar 'gyur snyam nas/ des thos pa las byung ba'i shes pas brtags na/ phyi rol pa gang gis gtan pa dang bcas pa/ sdig pa dang bcas pa/ skyon dang bcas pas mchod sbyin byas shing bza' ba dang / bca' ba rab tu mang po dag bshams nas/ tshul khrims dang ldan pa la ma byin/ sems kyis ma bsgoms pa'i sbyin pa ngan pa sbyin pa de byin pa de ni lus dang bral nas ngan 'gro log par ltung ba dud 'gro'i 'gro ba lha ma yin mgul phreng rnams kyi nang du skye bar 'gyur la/ sbyin pa tha ma dang / 'bring dang / mchog rnams kyis bde ba tha ma dang / 'bring dang / mchog myong bar 'gyur te/ rgyu dang mthun par 'bras bu 'byung bar 'gyur ba mthong ngo / /de nas yang dge slong las kyi 'bras bu rnam par smin pa shes pa de lha ma yin gyi dbang po brtan pa'i las kyi 'bras bu rnam par smin pa la rtog par byed de/ las kyi 'bras bu rnam par smin pa gang</font><hr>64.19b<br><font size=+1>

gis brtan pa dag lha ma yin rnams kyi rgyal srid byed snyam nas des thos pa las byung ba'i shes pas brtags na/ 'di ltar mir gyur pa/ rkun ma gzhan gyi nor rdzas kyis 'tsho ba/ sems pa dang bral ba'i sems kyis phyi rol pa'i 'dod chags dang bral ba gcig la zas kyis tshim par byin pa'i las des lha ma yin rnams kyi rgyal srid byed pa mthong ngo / /de nas yang dge slong de lha ma yin mgul phreng zhes bya ba'i tshe la rtog par byed de/ lha ma yin mgul phreng gi tshe'i tshad ji srid du thub snyam nas/ des thos pa las byung ba'i shes pa 'am/ lha'i mig gis brtags na/ mi rnams kyi lo drug brgya gang yin pa de dag ni lha ma yin mgul phreng rnams kyis nyin zhag gcig la grangs rtsis pa de'i lo drug stong thub ste/ dus ma yin par 'chi ba ni yod do/ /legs par byas pa dang / nyes par byas pa'i las kyi 'bras bu ni las thams cad la rag las pa yin no/ /des dud 'gro'i 'gro bar bsdus pa lha ma yin gnyis pa dag gi sa la brtags na/ chos la chos kyi rjes su lta zhing gnas so/ /sems can 'khor bar gtogs pa thams cad ni chos la rten pa/ chos kyi 'gro ba chos skyob pa yin te/ legs par byas pas lha dang mi rnams kyi nang du skye la/ nyes par byas pas sems can dmyal ba dang / yi dgas dang / dud 'gro rnams kyi nang du skye bar 'gyur ro/ /de nas yang dge slong las kyi 'bras bu rnam par smin pa shes pa de rtog par byed de/ ji ltar na lha kun du rgyu ba rnams gnod sbyin rdzu 'phrul chen po rnams las thos nas/ ci zhig byed cig gu snyam nas/ des thos pa las byung ba'i shes pas brtags na/ 'di ltar lha kun du rgyu ba rnams rgyal chen bzhi dang lha phreng thogs rnams la 'di ltar lha ma yin chos dang mi ldan zhing chos kyi rjes su mi 'jug pa rnams kyis klu rnams la 'di ltar chos dang ldan zhing chos kyi rjes su 'jug pa'i mi rgyu gang gis 'chi ba'i dus byas nas/ lha rnams kyi nang du skye bar 'gyur ba rnams la bar chad bya bar 'bod cig /de dag sbyin pa dang / tshul khrims dang / shes pa thams cad kyang kha zas la rag las pa yin la/ de dag kyang kha</font><hr>64.20a<br><font size=+1>

zas la rten pa yin pas/ 'dzam bu'i gling du khyed deng la/ lo tog thams cad dbrog pa dang / 'bru thams cad ma rung bar bya ba'i char phob shig ces rab tu gzeng stod par byed pa de dag bdag cag la bsnyad do/ /chos dang ldan zhing chos kyi rjes su 'jug pa bar snang la rgyu ba'i gnod sbyin gang yin pa de rnams kyis kyang de dag bdag cag la bsnyad la/ bdag cag gis kyang khyed cag la bsnyad pa lags so/ /khyed cag gis kyang nye ba na gnas pa'i lha gang yod pa de dag la bsnyad cing / lag na yol go thogs pa rnams kyis kyang pi bang can gsum pa rnams la/ pi bang can gsum pa rnams kyis kyang rtag tu myos pa rnams la bsnyad de/ de ltar rgyal chen bzhi pa rnams kyis chos dang mi mthun pa 'di rgya cher bsnyad do/ /so so'i bye brag ji lta bu yin pa rgyal chen bzhi pa de rnams kyis kyang grong khyer chen po blta na sdug na lha'i mdun sa chos bzang dag gi 'dod pa'i yon tan lnga 'byor par gyur pa'i lha rnams kyi dbang po kau shi ka la snga ma bzhin rgya cher bsnyad do/ /de nas lha rnams kyi dbang po kau shi kas 'jig rten skyong ba rnams la bsgo ba/ 'jig rten skyong ba dag 'dzam bu'i gling na ci sangs rgyas dkon mchog la dad dam/ chos dkon mchog la dad dam/ dge 'dun dkon mchog la dad dam/ dge sbyong du 'dzin tam/ bram zer 'dzin tam/ byas pa gzo 'am/ byas pa la phan 'dogs sam/ drang ba yin nam/ drang ba'i rang bzhin can yin nam/ mar 'dzin tam/ phar 'dzin tam/ rigs kyi rgan rabs la gus par byed dam/ tshes grangs kyi smyung ba la nye bar gnas sam/ g.yo thabs dang tshul 'chos pa la ma chags sam/ gzhal lugs la g.yo byed cing mi slu 'am/ phan tshun gnod pa dag byed dam mi byed/ 'dzam bu'i gling du deng la rtogs shig ces bsgo ba dang / lha de ltar 'tshal lo zhes smras nas/ 'jig rten skyong ba dag mi rnams la phan par bya ba'i phyir 'dzam bu'i gling ga la ba der dong ste/ yul nas yul/ ljongs nas ljongs/ grong rdal nas grong rdal/ grong nas grong / </font><hr>64.20b<br><font size=+1>

grong khyer nas grong khyer/ tshong rdal nas tshong rdal du de dag rtog par byed de/ 'dzam bu'i gling na chos dang ldan zhing chos kyi rjes su 'jug pa'i mi dag gang gnas pa 'dzam bu'i gling 'di thams cad la snga ma bzhin so sor rtog par byed do/ /'jig rten skyong ba bzhi po de dag gal te/ chos dang ldan zhing chos kyi rjes su 'jug pa'i skye dgu dag mthong na de ltar rgya mtsho'i nang du zhugs nas longs spyod ldan na gnas pa'i klu nor rgyas kyi bu dang / 'jog po la sogs pa la klu dag ma 'jigs shig /grogs po dag ma 'jigs shig /dam pa'i chos kyi phyogs ni 'phel lo/ /bdud kyi phyogs ni 'grib bo/ /mun nag mi gsal ba'i phyogs ni sel lo/ /bdud kyi phyogs ni srabs so/ /chos dang ldan zhing chos kyi rjes su 'jug pa'i lha dang mi dang klu rnams rab tu dga'o/ /chos kyi rnga ni kun du brdungs so/ /chos kyi dbyangs rab tu len du bcug ste/ lha'i phyogs ni 'phel lo/ /bdud kyi phyogs ni 'grib bo/ /klu dang lha ma yin chos dang mi ldan pa rnams ni 'grib cing 'dug go zhes bsnyad do/ /de thos nas klu nor rgyas kyi bu dang / 'jog po la sogs pa dga' bar gyur pa rnams kyis 'jig rten skyong ba mgu ba dag la 'di skad ces lha dag bdag cag rab tu dga' ste/ bdag cag dang mi'i 'jig rten na mi rnams la klu dang lha ma yin chos dang mi ldan pa rnams kyis bar chad bya bar mi nus te/ rab tu dga' zhing mchis so zhes de skad lha rnams kyi dbang po brgya byin la gsol cig ces smras pa dang / de skad thos nas klu rnams kyi drung nas/ 'jig rten skyong ba dag lha rnams kyi dbang po brgya byin ga la ba der dong ste/ snga ma bzhin de skad bsnyad pa dang / de nas lha rnams kyi dbang po brgya byin yid rab tu dga' nas/ /'di ltar tshigs su bcad de smras pa/ thub pa de nyid gzigs pa yis/ /khyed la lam btod 'di gsungs la/ /mi gang rab tu gnas pa ni/ /lha yi 'dun sar 'gro bar 'gyur/ /sems can rnams la bden dang de bzhin du/ /sbyin dang byams pa srung zhing tshig snyan smra/ /yang dag lta dang dri ma bral ba'i yid/ /sangs rgyas kyis ni mtho ris lam du gsungs/ /</font><hr>64.21a<br><font size=+1>

dkar po'i chos dang yang dag ldan/ /dkar po'i sems la rten pa rnams/ /snang las snang ba'i me tog dang / /sgron las sgron ma gzhan 'byung ltar/ /snang las snang ba'i mchog 'byung zhing / /bde las shin du bde bar 'gro/ /de bas skyes bu sgron ma mchog /ngam grog tu ni ltung mi 'gyur/ /rtag tu nor bu dri med ltar/ /rtag tu gang zhig sems dag pa/ /de ni zhi ste nga med brtan/ /lha rnams kyi ni nang du 'gro/ /bsam gtan tshul khrims ting 'dzin dag /gang gi sems la shin du bsgoms/ /brtan po de ni gser 'dra ste/ /lha rnams kyi ni nang du 'gro/ /srog gcod pa dag spangs pa dang / /sems can kun la snying rje mchog /brtse ldan drang po zhi ba dag /lha rnams kyi ni nang du 'gro/ /'jig rten kun la tshig 'jam zhing / /zhe sdang las ni rnam spangs la/ /sdig pa'i chos kyis ma gos pa/ /lha rnams kyi ni nang du 'gro/ /gang la rtswa dang gser mnyam zhing / /gang gis 'dod pa dug lta bu/ /'dod pa spangs pa'i brten po de/ /lha rnams kyi ni nang du 'gro/ /'dod chags rgyu ste yid 'ong ba'i/ /yul gyis ma drangs gang yin pa/ /de ni 'jigs pa'i dgon las rgal/ /lha rnams kyi ni nang du 'gro/ /grogs po gnyen bshes rtsa lag dang / /phan tshun mi mthun gyur pa la/ /gang zhig shin du sdums byed pa/ /lha rnams kyi ni nang du 'gro/ /'dod pa'i 'dam las drangs shing skyon bsal ba/ /sems can kun la rtag tu bde 'dod gang / /de ni dri med zhi ba yid grol zhing / /de ltar bdud kyi stobs ni 'joms par byed/ /gang zhig dbang la blo gnas shing / /blo yi dbang du mi 'gro gang / /de ni dgra las rnam rgyal te/ /lha rnams kyi ni nang du 'gro/ /lus kyi las mtha' dge ba dag /sdig las bral ba bde ldan gang / /de ni 'dod spangs bsam gtan pa/ /lha rnams kyi ni nang du 'gro/ /sdig pa'i grogs po rnam spangs shing / /sred pa'i zhags las rnam grol ba/ /bud med zhags pas ma bcings pa/ /lha rnams kyi ni nang du 'gro/ /gang dag chos la rab 'bad</font><hr>64.21b<br><font size=+1>

cing / /sbyin dang tshul khrims ting 'dzin ldan/ /blo gros brtan zhing rtag brtson pa/ /lha rnams kyi ni nang du 'gro/ /ral gris zhags pa bcad pa ltar/ /gang gis 'ching ba bcad pa de/ /rang dbang zhags pa bcad pa yin/ /lha rnams kyi ni nang du 'gro/ /'dod pa'i dri mas ma gos brkam pa med/ /skyon dag spangs shing bcom ste sred dang bral/ /nyes med dri bral sems can brtan pa de/ /rang gi 'bras bu la spyod mtho ris 'gro/ /sems can mir ni gyur pa gang / /legs par byas pa mang spyad pa/ las kyi rnam smin de yis su/ /lha yi 'jig rten rab tu 'gengs/ /mi yi mthu yis lha 'byung la/ /lha yi mthu yis mi 'byung ste/ /phan tshun mthus 'byung 'di dag ni/ /dam pa'i chos kyi lam du gnas/ /lha yi bde 'gro mi yin la/ /mi yi bde 'gro lha yin te/ /ngan song gsum gyi sa dag ni/ /dge ba'i las rnams spangs pa yin/ /de ni khyed yin rtag tu brtson/ /legs par mthong ba mchog yin te/ /rtag tu chos spel byed pa gang / /lha mchog rnams ni rab tu 'bod/ /bde ba thams cad chos la las/ /mya ngan 'das pa chos la las/ /gnyid log rnams la chos ston cig /'gro ba mchog ni chos yin no/ /de skad ces bsgo nas lha rnams kyi dbang po brgya byin 'jig rten skyong ba de dag la yang 'di skad du mi rnams yongs su bsrung ba'i phyir dang / chos rnams 'phel bar bya ba'i phyir 'bod cig ces bsgo'o/ /de nas yang dge slong las kyi 'bras bu rnam par smin pa shes pa des lha rnams kyi sems kyi rtog pa rig nas nang gi chos la chos kyi rjes su lta zhing gnas so/ /de nas yang dge slong las kyi 'bras bu rnam par smin pa shes pa des lha ma yin rnams kyi sa gnyis pa la brtags nas/ /sa gsum pa la rtog par byed de/ lha ma yin rnams kyi sa gsum pa'i rnam pa ji lta bu yin snyam nas/ des thos pa las byung ba'i shes pas brtags na/ sa gzhi gsum pa gang yin pa ni dpag tshad nyi khri chig stong yod do/ /sa gzhi de yang gnas bzang po zhes bya ste/ tshal dang / nags tshal dang / lteng ka dang / 'bab chu dang / skye bo 'thun pa sna</font><hr>64.22a<br><font size=+1>

tshogs kyis gang ba/ rtag tu spro ba dang / rol mo'i sgra snyan pas gang ngo / /grong khyer zab pa zhes bya ba dpag tshad brgyad stong pa yod de/ grong khyer de na lha ma yin gyi dbang po me tog phreng zhes bya ba gnas so/ /lha ma yin de rnams kyang rtse ba la gnas pa zhes bya la/ grong khyer zab pa de yang rin po che'i rnam pa du ma dang / tshal dang / nags tshal dang / lteng ka dang / pad ma'i rdzing rab tu mang po dang ldan pa/ 'dam dang rnyog pa dang bral ba'i pad ma skye ba'i rdzing rnams kyis mdzes par byas pa lha ma yin rtse ba'i grogs po dang ldan pa rnams kyis kun nas yongs su bskor ba/ dus tshigs drug nyams dga' ba/ tshal chen po bzhi rnams kyis mdzes par byas pa la 'di lta ste/ dril bu g.yer kha'i phreng ba'i tshal zhes bya ba/ gang du dril bu g.yer kha'i shing ljon pa rtag tu sgra dbyangs snyan pa 'byin pa dang / 'di ltar tshal gnyis pa gser phreng zhes bya ba gang du gser gyi shing ljon pa skye ba dang / tshal gsum pa me phreng zhes bya ba gang du me lta bu'i shing ljon pa 'bras bu dmar po 'byung ba dang / tshal bzhi pa 'dres pa zhes bya ba gang du me tog dang 'bras bu 'dres pa rnams kyis mdzes par byas pa yin te/ tshal bzhi po de rnams kyis lha ma yin gyi grong khyer zab pa mdzes par byas so/ /gang na lha ma yin rtse ba'i grogs dang lhan cig gnas pa ni lha dang 'thun par bde bar gnas pa yin te/ de ltar gnas pa de dag ni me tog phreng dang / phye ma dang / byug pa rnams kyis lus brgyan pa/ spro ba dang / dga' ba dang / rtse ba dang / rgod pa rnams kyis rtag tu gnas pa/ lha ma yin gyi bu mo 'bum snyed kyis yongs su bskor ba/ lha ma yin gyi dbang po me tog phreng gis bskyangs pa/ bskyed mos tshal du rtag tu rtse bar gnas pa/ lus kyi bar bar ni rin po che rnam pa sna tshogs kyis brgyan pa yin te/ lha ma yin gyi dbang po brtan pas gnas gnyis pa na gnas pa/ lha ma yin 'dzam b+ha zhes bya ba/ lha ma yin me tog phreng zhes bya ba'i drung du mngags te/ 'di ltar mi'i 'jig rten na mi 'di dag thams cad mar 'dzin pa dang / phar 'dzin pa dang / dge sbyong du 'dzin pa dang / bram</font><hr>64.22b<br><font size=+1>

zer 'dzin pa dang / byas pa la phan 'dogs pa yin la/ de ltar gnas pa de dag ni mi mthu che ba rnams kyis lha rnams mthu che ba yin te/ de ni bdag cag dang klu dang bcas pa rnams kyis nges par lha dang mi rnams kyi dam pa'i chos kyi bar chad bya ba la 'bad par bya'o zhes snga ma bzhin du de dag thos nas/ gnas gsum pa na gnas pa lha ma yin gyi dbang po me tog phreng shin du mi dga' ste/ bdag cag gi dgra bo lha 'di dag ni mi la rag las pa yin pas/ lha dang mi'i bar chad bya'o zhes smras so/ /de nas lha ma yin rtse zhing gnas pa mtshon dang go cha sna tshogs kyis lus rnam par brgyan pa/ shin du chas pa rnams klu rnams kyi gnas longs spyod ldan ga la ba der dong ngo / /de nas lha ma yin gyi sgra de dag thos nas klu'i rgyal po chen po nor rgyas kyi bu dang / 'jog po la sogs pa lus la glog gi phreng ba 'bar ba 'byung ba/ shin du chas pa rnams glog mang po char ltar 'byin pa na rgya mtsho'i dbus nas klu 'bum phrag bye ba du ma dag mngon par 'byung ngo / /de nas lha ma yin de rnams dang / klu de rnams rgya mtsho'i dbus su g.yul chen po 'gyed par 'gyur te/ de gang gi tshe chos dang ldan zhing chos kyi rjes su 'jug pa'i mi 'byung ba de'i tshe lha ma yin rnams pham par 'gyur la/ gal te chos dang mi ldan zhing chos kyi rjes su mi 'jug pa'i skye dgu 'byung na snga ma bzhin de'i tshe lha ma yin gyi phyogs rgyal bar 'gyur te/ klu'i phyogs pham par 'gyur ro/ /de ltar thams cad chos la rag las pa yin te/ de gang gi tshe klu pham par gyur na/ de dag kun du rgyu ba'i lha rnams la kye grogs po dag 'di ltar lha ma yin rnams kyi mthu la bgegs bya ba'i phyir 'bod cig ces smras so/ /de nas kun du rgyu ba'i lha khro bas gdungs pa rnams kha rlangs 'byin bzhin du rgyal chen bzhi'i lha rnams la/ kye lha dag 'di ltar lha ma yin gyi phyogs 'di ni mthu che ste/ klu rnams ni pham mo/ /lha ma yin rnams ni rgyal gyis g.yul bsham pa la rab tu 'bod cig ces smras so/ /kun du rgyu ba'i lha'i bu de dag dang / kha rlangs de mthong nas kyang rtog ge pa dag na re/ 'di ltar du ba mjug rings byung ste/ lo legs</font><hr>64.23a<br><font size=+1>

par 'gyur ro/ /lo nyes par 'gyur ro/ /char legs par 'bab par 'gyur ro/ /char legs par 'bab par mi 'gyur ro zhes snga ma bzhin du sbyar te/ 'di ni du ba mjug rings ston pa'i rgyu gnyis pa yin no/ /de gang gi tshe lha dang / klu dang / gnod sbyin dag rgyal bar 'gyur ba de'i tshe/ char legs par 'bab cing lo legs par 'gyur/ /de'i tshe nad 'byung bar mi 'gyur zhing / mtshon gyis 'khrug par mi 'gyur ba dang / 'di lta ste/ rtog ge pa dag na re 'di ltar gzas char phab bo zhes bya ba la sogs pa rgya cher sbyar ro/ /de nas gang gi tshe chos dang mi ldan zhing chos kyi rjes su mi 'jug pa'i skye dgu 'byung zhing mar mi 'dzin pa dang / phar mi 'dzin pa dang / rgan rabs la gus par mi byed pa de'i tshe/ lha ma yin gyi phyogs ni rgyal bar 'gyur te/ char mi 'bab cing chos dang mi ldan pa rnams kyis lo legs par mi 'gyur la/ mtshon gyis 'khrug par yang 'gyur ro/ /de la rtog ge pa dag gzhan du sgyur te/ gza'i nyes pas char mi 'bab bo/ /rgyu skar gyi nyes pas lo legs par mi 'gyur ro zhes snga ma bzhin du sbyar te/ de ltar chos dang chos ma yin pa mngon par mi shes pa rtog ge pa dag gzhan du sgyur zhing 'jig rten pa la gzhan du sgrogs so/ /de ltar mi shes pas nyams pa thams cad ni mu stegs ya mtshan gyi blor 'gyur ro/ /gang gi tshe lha ma yin rnams kyis klu rnams zil gyis mnan pa de'i tshe/ de nas yang 'jig rten skyong ba bzhi dag rgyal chen bzhi pa rnams la 'di ltar sgra sgrogs par byed de/ chos lugs rgyal bar gyur cig chos min rgyal ma gyur/ /bden pa rgyal bar gyur cig brdzun pa rgyal ma gyur/ /lha rnams rgyal bar gyur cig lha min rgyal ma gyur/ /snang ba rgyal bar gyur cig mun pa rgyal ma gyur/ /sbyin pa rgyal bar gyur cig 'jungs pa rgyal ma gyur/ /tshul khrims rgyal bar gyur cig gsod pa rgyal ma gyur/ /sangs rgyas rgyal bar gyur cig mu stegs rgyal ma gyur/ /brtan pa rgyal bar gyur cig g.yo ba rgyal ma gyur/ /chos bzhin rgyal bar gyur cig dor sgyu rgyal ma gyur/ /snying rje rgyal bar gyur cig brtse med rgyal ma gyur/ /byams pa rgyal bar gyur</font><hr>64.23b<br><font size=+1>

cig khro ba rgyal ma gyur/ /brgya byin rgyal bar gyur cig lha min rgyal ma gyur/ /gong ma rgyal bar gyur cig 'og ma rgyal ma gyur/ /'drangs pa rgyal bar gyur cig bkres pa rgyal ma gyur/ /ye shes rgyal bar gyur cig gti mug rgyal ma gyur/ /bya ba rgyal bar gyur cig bya min rgyal ma gyur/ /brtson 'grus rgyal bar gyur cig le lo rgyal ma gyur/ /skyes pa rgyal bar gyur cig bud med rgyal ma gyur/ /rgan rabs rgyal bar gyur cig byis pa rgyal ma gyur/ /bzod pa rgyal bar gyur cig sdang ba rgyal ma gyur/ /mi rnams rgyal bar gyur cig rab 'jom la sogs pa/ /phung bar byed pa'i klu rnams rgyal bar ma gyur cig /nyin mo rgyal bar gyur cig mtshan mo rgyal ma gyur/ /zla ba rgyal bar gyur cig gza' rnams rgyal ma gyur/ /lo tog rgyal bar gyur cig brtsigs ma rgyal ma gyur/ /bde ba rgyal bar gyur cig bde min rgyal ma gyur/ /nad med rgyal bar gyur cig nad rnams rgya lam gyur/ /'jam po rgyal bar gyur cig rtsub po rgyal ma gyur/ /thar pa rgyal bar gyur cig bcings pa rgyal ma gyur/ /gzhung lugs rgyal bar gyur cig lugs min rgyal ma gyur/ /gces pa rnams ni thams cad rab tu rgyal bar shog /gces min dag ni dus rnams kun du bcom par shog /de ltar 'jig rten skyong ba bzhi dag rnga bo che thogs nas lha rnams la rgyugs shig rgyugs shig ces smras so/ /de nas lha rnams de dag gis smras pa thos nas mtshon cha dang go cha sna tshogs bgos te/ klu rnams dang / lha ma yin rnams lhan cig g.yul 'gyed par mig btsums pa tsam gyi tshad du der thams cad phyin to/ /de nas lha ma yin rnams kyis de dag la brtags nas/ 'di ltar dge sbyong du 'dzin pa dang / bram zer 'dzin pa'i skye dgu 'byung ba snga ma bzhin sbyar te/ de'i tshe lha ma yin rnams kyis lha de dag mthong nas/ sa'i 'og gzhan ga la bar thams cad du 'jug par byed do/ /gal te dge sbyong du 'dzin pa dang / bram zer mi 'dzin pa'i skye dgu 'byung na/ lha rnams dang de dag lhan cig g.yul 'gyed par shom ste/ de dag yud tsam zhig</font><hr>64.24a<br><font size=+1>

g.yul bkye nas lha rnams kyis pham par byas nas/ de nas yang lha ma yin gyi dbang po me tog phreng dang / lha ma yin pham pa rnams dang lhan cig rang rang gi gnas su 'jug pa mthong ngo / /de nas yang dge slong las kyi 'bras bu rnam par smin pa shes pa des lha dang lha ma yin gyi g.yul mthong nas/ yang dag pa ji lta ba bzhin chos la chos kyi rjes su lta zhing gnas so/ /de nas yang dge slong las kyi 'bras bu rnam par smin pa shes pa de gnas gsum pa la gnas pa zhes bya ba'i lha ma yin me tog phreng zhes bya ba la sogs pa'i las kyi chos kyi rnam par smin pa la rtog par byed de/ las kyi chos kyi rnam par smin pa gang gis lha ma yin gnas gsum pa gnas bzang du skye bar 'gyur snyam nas/ des thos pa las byung ba'i shes pas brtags na/ gang gis dus su sbyor ba'i don du gyad dam/ sil khrol ba 'am/ du gul la ka ba'am/ bsdus pa 'am/ dge 'dun par gyur pa dag la sbyin pa ngan pa byin pa de sems pa dang mi ldan zhing / zhing bzang po ma yin pa la byin pa de lus dang bral nas ngan 'gro log par ltung ba gnas gsum pa na gnas pa'i lha ma yin rnams kyi nang du skye bar 'gyur ro/ /de dag ni mi rnams kyi lo bdun brgya gang yin pa de dag gi nyin zhag gcig yin la/ bgrang ba de yi lo bdun stong thub ste/ dus ma yin par 'chi ba ni yod par mthong ngo / /de nas yang dge slong las kyi 'bras bu rnam par smin pa shes pa de/ lha ma yin gyi bdag po me tog phreng gi las kyi 'bras bu rnam par smin pa la sems par byed de/ des thos pa las byung ba'i shes pas brtags na/ 'di ltar sems pa dang mi ldan pa gang gis tshul khrims 'chal ba la zan gcig byin na las des lha ma yin gyi gnas zab par lha ma yin gyi bdag po bdud rtsi dri ma can za bar 'gyur ba mthong ngo / /de nas yang dge slong las kyi 'bras bu rnam par smin pa shes pa de sa gzhan bzhi pa la rtog par byed de/ des thos pa las byung ba'i shes pas 'di ltar dud 'gror gtogs pa lha ma yin gyi gnas gzhan bzhi pa mi g.yo ba zhes bya ba dpag tshad nyi khri chig stong yod pa mthong ngo / /de'i dbus na grong khyer</font><hr>64.24b<br><font size=+1>

mdzes pa zhes bya ba dpag tshad brgyad stong pa gcig yod do/ /gnas de yang dpag tshad khri sum stong yod de/ grong khyer de na lha ma yin gyi dbang po rab spro zhes bya ba gnas so/ /gnas de na lha ma yin gnas pa gang yin pa de dag gi ming ni kun spro zhes bya ste/ stobs che ba yin no/ /rgyal po de yang lha ma yin de dag pas stobs shin du che ba yin te/ shin du bde ba/ shin du brtan pa/ mthu dang ldan pa/ rdzu 'phrul dang ldan pa/ gar yang 'jigs pa med pa/ dbang po dang bcas pa'i 'jig rten yang grangs su mi rtsi ba/ brtson 'grus lhag pas rab tu rgyags pa thams cad sa'i 'og gi gting na gnas pa yin la/ de las 'og tu gyur pa ni gzhan gang yang med de/ de nor bu'i sa gzhi'i steng na gnas so/ /de rtag par yid rab tu dga' zhing rtag tu spro la dga' ba rtag par yid sna tshogs su shin du phye ba/ yul gyi srid pa sna tshogs la rnam par chags pa dag gnas gzhan bzhi pa grong khyer zab pa na shin du bde bar gnas so/ /grong khyer de yang kun nas pad ma'i rdzing dang / lteng ka dang / 'bab chu'i dngo dang / bskyed pa'i sa dang / ra bas mdzes par byas pa/ rin po che sna bdun gyi khang pas brgyan pa/ 'gran zla dang bral ba/ phan tshun bshes gnyen mi mthun pa dang bral ba/ phan tshun 'khrug pa dang bral ba/ 'gran zla'i 'jigs pa dang bral ba/ nam mkha' gnyis pa lta bu yin te/ ji ltar nam mkha' la gza' dang / rgyu skar dang / skar ma'i tshogs rnams du ma dag gis mdzes par byas pa de ltar grong khyer de yang kun nas rin po che rnam pa sna tshogs dag gis brgyan cing mdzes pa yin no/ /'dir tshigs su bcad pa/ byed kun sems la rag las shing / /'bras bu sems la rag las mthong / /ji ltar sems ni sna tshogs ltar/ /de lta bur ni 'bras bu 'ang mthong / /'jig rten srid gsum rjes 'gro 'di/ /thams cad sems kyis sna tshogs bris/ /sems kyi dbang du ma gyur gang / /de yi gnas ni ye med do/ /yid ni thar dang bcings pa yi/ /gnyis kyi gzhi dang rgyu ru 'gyur/ /dge ba yis ni skye bo 'gro la/ /mi dges myur du 'ching bar byed/ /de ltar sems can sems</font><hr>64.25a<br><font size=+1>

kyi dbang / /srid gsum dag na 'khyam par 'gyur/ /sred pas rmongs pa'i sems can rnams/ /sems kyi dbang du gyur nas 'gro/ /dmus long lam bzang mi mthong ltar/ /mya ngan 'das pa thob mi 'gyur/ /ji ltar sems can de rnams kyis yang dag pa'i lam bsgrubs pa de ltar rgyu sna tshogs dang 'thun par gyur pa'i gnas de sna tshogs su snang ngo / /'di ltar gnas de grong khyer de'i phyi rol na 'dug pa yin te/ shing ljon pa dang / nye ba'i tshal dang / lteng ka dang / grong rdal dang / pad ma'i rdzing dang / chu bo rnam pa sna tshogs dang / bya rnam pa brgya snyed kyis mdzes par byas pa yin no/ /de'i gnas bzhi pa de na lha ma yin gnas pa gang yin pa de dag kun spro zhes bya ste/ brtan pa bag tsha ba med pa/ cha byad dang rgyan shin du bzang bas lus brgyan pa rnams gnas pa/ phan tshun yid la cung zad kyang 'khrug par mi byed pa/ rtag tu yid la spro zhing dga' ba dang ldan pa/ bud med cha byad dang rgyan sna tshogs kyis brgyan pa'i tshogs rnams kyis yongs su bskor cing gnas te/ brgya 'am yang na stong du dga' bar byed/ rtse bar byed/ yongs su spyod par byed do/ /gnas bzhi pa de yang nor bu thogs pa'i bud med rnams kyis rtag tu brgyan pa/ lha ma yin kun spro rnams rtag tu lha ma yin gyi dbang po rab spro'i bka' shin du nyan pa/ yid shin du phye ba/ del bka' nyan pa'i ngo bo ni rtag tu dbang du gyur par mthong ngo / /de nas yang dge slong las kyi 'bras bu rnam par smin pa shes pa de/ lha ma yin gyi dbang po rab spro'i las kyi rnam par smin pa la rtog par byed de/ der las gang gis skye bar 'gyur snyam nas/ des thos pa las byung ba'i shes pas brtags na/ 'di ltar 'das pa'i dus na log par lta ba la zhen pa/ las kyi 'bras bu mngon par mi shes pa/ sangs rgyas dang / chos dang / dge 'dun las phyir phyogs par gyur pa gang la re shig cig na dge slong tshul khrims dang ldan pa/ shin du brtson 'grus dang ldan pa lam du zhugs par gyur pa zhig gis nan gyis bsod snyoms gcig bslangs pa dang byin no/ /byin nas kyang bdag gis bsod snyoms byin pa'i 'bras bu ni don med cing 'di las</font><hr>64.25b<br><font size=+1>

bdag gi chos su 'gyur ba yang med la/ log par rab tu byung ba/ dmangs rigs 'di la bdag gis bsod snyoms sbyin pa 'di ni che sgo can la bsod snyoms byin par zad do zhes kyang smra la/ zhing 'ba' shig yon tan dang ldan la/ gzhan gyi ngo chen gyis sbyin pa tsher ma can nyams pa byin pa des lus dang bral nas ngan 'gro log par ltung ba dud 'gro rnams kyi nang du skye bar 'gyur te/ sa gzhi shin du 'byor pa/ rin po ches brgyan pa/ g.yo ba med pa dag tu zhing shin du yon tan dang ldan pa dang / sems pas dngos po ma bzung ba de'i las kyi rnam par smin pas lha ma yin kun spro zhes bya ba rnams kyi bdag po rab spro zhes bya ba so sor 'gran pa lta bu'i bde ba thams cad dang ldan par 'gyur ba mthong ngo // //'phags pa dam pa'i chos dran pa nye bar gzhag pa/  bam po nyer gsum pa/ de nas yang dge slong las kyi 'bras bu rnam par smin pa shes pa des lha ma yin kun spro zhes bya ba rnams kyi las kyi rnam par smin pa la rtog par byed de/ las kyi rnam par smin pa gang gis lha ma yin gyi gnas su lha ma yin kun spro dag ji ltar skye bar 'gyur snyam nas/ des thos pa las byung ba'i shes pas brtags na/ sred pa'i ro la zhen par gyur pa gang sems can yod pa'i tshal du gnas te/ 'di ltar tshal de dag na sems can 'khod pa de rnams sus kyang ma bsdus/ gang gis kyang lhug par ma bkod de/ bdag gis tshal 'dir bsdu bar bya'o snyam nas/ sems can la snying brtse ba'i phyir dang / bdag nyid kyi 'tsho ba sbrang rtsi dag 'dod pa'i phyir sdud par byed na/ de lus dang bral nas lha ma yin rnams kyi nang du skye bar 'gyur te/ de'i 'tsho ba'i phyir sems can bsrungs pa'i rnam par smin pa'i rgyus/ kun spro rnams kyi nang du skye bar 'gyur ba mthong ngo / /de nas yang dge slong las kyi 'bras bu rnam par smin pa shes pa de/ lha dang lha ma yin g.yul 'gyed pa la rtog par byed de/ des thos pa las byung ba'i shes pas brtags na/ 'di ltar klu'i gtso bo longs spyod ldan na gnas pa chos dang ldan zhing chos kyi rjes su 'jug pa mgo bdun yod pa 'di lta ste/ klu'i rgyal po nor</font><hr>64.26a<br><font size=+1>

rgyas kyi bu dang / klu'i rgyal po 'jog po dang / klu'i rgyal po bzang po dang / klu'i rgyal po ro hi na dang / klu'i rgyal po sprin phreng dang / klu'i rgyal po klong dang / klu'i rgyal po kun 'gro dang / klu'i rgyal po rab spro dang / klu'i rgyal po char 'bebs te/ de dag ni chos dang ldan zhing chos kyi rjes su 'jug pa/ yang dag pa'i lta ba dang / tshul khrims la zhugs pa yin no/ /snga ma bzhin du sbyar te/ chos dang mi ldan zhing chos kyi rjes su mi 'jug pa la 'di lta ste/ klu'i rgyal po rab 'joms dang / klu'i rgyal po bsgyings pa dang / klu'i rgyal po nag po dang / klu'i rgyal po hu lu hu lu dag pham par gyur pa de'i tshe sa'i 'og na gnas pa dang / ri rab la rten pa dang / chu'i nang du zhugs pa ga la ba der rgyug par byed de/ 'di lta ste/ gnas dang po la rten pa'i lha ma yin rnams kyis gnyis shing rtse ba zhes bya ba'i lha ma yin de dag la smras pa/ klu'i rgyal po nor rgyas kyi bu dang / 'jog po la sogs pa 'di dag dang rgyal chen bzhi'i lha dang bcas pas bdag cag gtses kyis khyed bdag cag gi grogs su tshur shog rgyug /de nas de thos nas lha ma yin gnyis shing rtse ba dag lha ma yin gyi grong khyer 'od ldan zhes bya ba gang na lha ma yin gyi dbang po sgra gcan gnas pa ga la ba der dong ste phyin nas/ lha ma yin gyi dbang po sgra gcan la snga ma bzhin du thams cad bsnyad do/ /de nas gal te lha ma yin gyi dbang po sgra gcan 'di ltar dge sbyong du 'dzin pa dang / bram zer 'dzin pa dang / byas pa la phan 'dogs pa dang / rigs kyi rgan rabs la gus par byed par shes pa de'i tshe lha ma yin gyi dbang po sgra gcan klu'i rgyal po rab 'joms la sogs pa la/ 'di ltar bdag cag gi gnas gnyis pa na/ gnas pa'i lha ma yin rnams la/ 'di ltar lha rnams kyis bdag cag mngon par gtses so zhes sbran par bya ba'i bar du snga ma bzhin du sbyar te/ klu'i rgyal po 'jog po la sogs pa de dag nyid khog shig khog shig ces bsgo'o/ /de nas lha ma yin gyi dbang po sgra gcan gnas gnyis pa na gnas pa'i lha ma yin mgul phreng zhes bya ba de dag la 'di ltar klu'i rgyal po rab 'joms la sogs pa/ klu'i rgyal</font><hr>64.26b<br><font size=+1>

po nor rgyas kyi bu dang / 'jog po la sogs pa dang / rgyal chen bzhi'i ris kyi lha rnams kyis mngon par gtses so zhes smras so/ /de nas de thos nas/ lha ma yin mgul phreng dag lha ma yin gyi grong skar phreng zhes bya ba na lha ma yin gyi dbang po 'khod pa gang yin pa de dag la 'di ltar kye rgyal po chen po bdag cag la lha ma yin gyi dbang po sgra gcan dang / klu'i rgyal po rab 'jom la sogs pa na re 'di ltar klu'i rgyal po rab 'jom la sogs pa dag klu'i rgyal po 'jog po dang / nor rgyas kyi bu la sogs pa dang / rgyal chen bzhi'i lha rnams kyis mngon par gtses so zhes mchi'o/ /lha ma yin gyi dbang pos de thos nas/ gal te dge sbyong du 'dzin pa dang / bram zer 'dzin pa'i skye dgu chos kyi rjes su 'jug pa 'byung ba dang / bdag nyid kyi stobs che chung mthong ba de'i tshe/ lha ma yin mgul phreng de dag la 'di ltar kye ma 'dzam bu'i gling gi mi rnams chos dang ldan zhing chos kyi rjes su 'jug pas lha rnams stobs rab tu che ste/ 'di dag bdag gis gnas gsum pa na gnas pa'i lha ma yin rnams la snga ma bzhin bsnyad par bya'o zhes smras so/ /de nas lha ma yin kun 'gro zhes bya ba la bsnyad do/ /de nas lha ma yin kun 'gro dag gis gang na lha ma yin gyi dbang po me tog phreng zhes bya ba gnas pa'i grong khyer zab pa zhes bya ba ga la ba der dong ste lha ma yin kun 'gros de thams cad snga ma bzhin bsnyad do/ /de nas lha ma yin gyi dbang po me tog phreng zhes bya bas/ gal te chos dang ldan zhing chos kyi rjes su 'jug pa/ dge sbyong du 'dzin pa dang / bram zer 'dzin pa'i skye dgu mthong na/ des lha ma yin de dag la 'di ltar gnas bzhi pa na gnas pa'i lha ma yin rnams la mngon par bsnyad par bya'o zhes smras so/ /de nas gnas gsum pa na gnas pa'i lha ma yin gyi dbang pos gnas bzhi pa la gnas pa'i lha ma yin rnams 'khod pa ga la ba der dong ste/ 'di ltar klu'i rgyal po rab 'joms la sogs pa dag klu'i rgyal po 'jog po dang / nor rgyas kyi bu la sogs pa rgyal chen bzhi'i lha rnams kyis mngon par gtses te/ de ltar klu 'di dag ni bdag cag gi phyogs yin pas bdag cag rnams kyis nges par</font><hr>64.27a<br><font size=+1>

lha rnams kyi bar chad bya ba la 'bad par bya'o zhes smras so/ /de nas gnas bzhi pa la gnas pa'i lha ma yin dpung bzangs dag gis de dag mthong nas/ grong khyer zab pa zhes bya ba gang na lha ma yin gyi dbang po rab spro zhes bya ba ga la ba der dong ngo / /de nas lha ma yin rings thabs su 'ong ba de dag mthong nas/ lha ma yin rnams ci'i phyir rings thabs su 'ongs shes dris so/ /de nas lha ma yin dpung bzangs dag gis lha ma yin gyi dbang po rab spro la snga ma bzhin bsnyad do/ /de nas lha ma yin gyi dbang po rab spros lha ma yin gyi dbang po de dag la 'di skad ces kye ma lha ma yin gyi dbang po sgra gcan dag brtson 'grus chung ba yin te/ klu'i rgyal po rab 'jom la sogs pa gnas pa gang yin pa de dag rgyal chen bzhi'i lha rnams kyis pham par byas te/ de dag la bdag gis dge sbyong du 'dzin pa dang / bram zer 'dzin pa'i skye dgu rtsis la ma chags pa dang / chos kyi rjes su chos bsgrub pa rtsis la ma chags par bya'o zhes smras so/ /de nas lha ma yin gyi dbang po de rang gi lha ma yin rnams 'khod pa ga la ba der dong ngo / /de nas lha ma yin gyi dbang po rab spro dpung bzangs dag la 'di ltar bdag ni klu'i rgyal po 'jog po dang / nor rgyas kyi bu la sogs pa dang / rgyal chen bzhi'i lha rnams la bar chad bya ba'i phyir chas te/ lha ma yin rnams kyi dbang po'i brtson 'grus dang / spro ba dang / 'khor dang bcas pa/ mtshungs pa med pa thams cad lha rnams dang g.yul 'gyed par 'dong gis 'di ltar lha ma yin rnams myur du chos shig ces bsgo'o/ /de nas lha ma yin gyi dbang po rab spros lha ma yin gyi dbang po gsum dag gang chos kyi rnam pa 'di lta bu bzod pa khyod la ci brtson 'grus med dam/ rten med dam/ 'di ltar bdag ni rang gi lag mthu dang brtson 'grus dang ldan pas cha'o zhes smras so/ /de nas yang lha ma yin gyi dbang po rab dgod ring por ma thogs par rang gi lha ma yin rnams la grogs po dag rings par chos shig rings par chos shig /'di ltar bdag gis lha ma yin gyi dbang po ma lus pa rnams la yang sbran zin te/ bdag myur du cha yis/ lag tu mtshon cha sna tshogs blangs par shes nas/ lha ma yin gyi g.yul la brtson</font><hr>64.27b<br><font size=+1>

par gyis shig /de dag gi blos rig nas bsgrub par bya ba gang yin pa de dag bsgrub par bya ste/ lha rnams kyis pham par byar mi bzod do zhes smras so/ /de nas lha ma yin gyi dbang po rab dgod kyis de skad smras nas/ rang gi brtson 'grus chen po dang stobs kyis dregs pa/ blo gros shin du rgya che ba/ rang gi stobs dang gzhan gyi stobs tshad ma grangs su mi rtsi bar rang gi gnas nas chas nas gnas gzhan gsum par 'gro bar byed de/ grong khyer zab pa na lha ma yin gyi bdag po me tog phreng lha ma yin bye ba khrag khrig du ma ga la ba der song ste phyin nas brtsams pa'i yid kyis lha ma yin gyi dbang po me tog phreng la smras pa/ 'di ltar klu'i rgyal po 'jog po dang / nor rgyas kyi bu la sogs pa dang / lha dang bcas pa dag las rgyal bar bya yis lha ma yin gyi g.yul 'gyed par 'dong 'dong / de skad smras pa dang / me tog phreng des smras pa/ 'di ltar g.yul 'gyed pa 'di ni bdag cag gi dus ma yin te/ mar 'dzin pa dang / phar 'dzin pa dang / rigs kyi rgan rabs la rim gro byed pa dang / dge sbyong du 'dzin pa dang / bram zer 'dzin pa dang / chos la chos kyi rjes su 'jug pa dag yod pas/ lha'i phyogs stobs che ste/ de lta bas na de ring bdag cag gi g.yul 'gyed pa'i dus ma yin no zhes smras so/ /de nas lha ma yin gyi dbang po rab spro de'i tshig ma mnyan par 'di ltar klu dang lha de dag bdag gcig pus pham par bya bar nus na/ khyed dang bcas pas lta smos kyang ci dgos te/ pham par bya yis lha ma yin gyi dbang po dag 'dong 'dong zhes smras so/ /de nas me tog phreng zhes bya ba des spro ba bskyed nas/ lha ma yin gyi sde bye ba phrag du ma dang lhan cig gnas gzhan gnyis pa ga la ba der dong ngo / /de nas lha ma yin gyi dbang po sgra gcan la rab spro dang / brtan pa dang / me tog phreng dag gis lha rnams las rgyal bar bya yis/ lha ma yin gyi g.yul 'gyed par 'dong 'dong zhes smras so/ /de nas lha ma yin gyi dbang po sgra gcan gyis de dag la smras pa/ kye ma lha ma yin gyi dbang po dag dus la ma bab ste/ bdag cag gi g.yul 'gyed pa'i dus ma yin no/ /'dzam bu'i gling gi mi rnams chos dang ldan</font><hr>64.28a<br><font size=+1>

zhing chos kyi rjes su 'jug ste/ mar 'dzin pa dang / phar 'dzin pa dang / dge sbyong du 'dzin pa dang / bram zer 'dzin pa'i skye dgu dag lha yul du skye la/ lha'i phyogs stobs che bas g.yul 'gyed par mi nus te/ lha ma yin gyi dus ma yin no zhes smras so/ /de nas thams cad yid 'thun par lha ma yin sgra gcan de la 'di skad ces 'di ltar bdag cag lha rnams dang g.yul 'gyed par spro yis 'dong 'dong zhes smras so/ /de nas lha ma yin gyi dbang po sgra gcan de dag gi bsam pa dang 'thun par rgya mtsho'i nang nas chas nas klu'i rgyal po rab 'jom la sogs pa ga la ba der song ste/ 'di ltar bdag cag lha ma yin gyi dbang po 'di dag thams cad dang 'ongs te/ klu'i rgyal po 'jog po dang / nor rgyas kyi bu la sogs pa ga la ba der bdag cag g.yul 'gyed du 'ong ngo zhes smras so/ /de nas rab 'jom gyis de thos nas yid rab tu dga' ste/ 'jog po dang nor rgyas kyi bu la sogs pa ga la ba der g.yul 'gyed pa'i phyir 'khor dang bcas pa dong ngo / /de nas klu'i bdag po 'jog po dang / nor rgyas kyi bu la sogs pa yang klu'i rgyal po rab 'jom la sogs pa gang du g.yul bshams par g.yul 'gyed du dong ngo / /de nas de dag de ltar phan tshun g.yul 'gyed pa dang / chos dang mi ldan pa'i klu'i bdag po rnams pham par gyur to/ /de ltar de dag pham pa dang / lha ma yin bye ba phrag du ma dag rgyug par byed do/ /de nas 'jog po dang / nor rgyas kyi bu la sogs pas de dag mthong nas lha ma yin ga la bar 'khod par g.yul 'gyed du brgyugs so/ /de nas klu rnams dang / lha ma yin tshad med pa de rnams rgya mtsho'i steng du phan tshun g.yul 'gyed de/ me char ltar 'bab pa dang / mtshon cha char ltar 'bab pa tshad med pa de dang / dug nag po rnam par gdungs shing blo dman pa de rnams phan tshun g.yul 'gyed do/ /de gang gi tshe chos dang ldan zhing chos kyi rjes su 'jug pa/ dge sbyong du 'dzin pa dang / bram zer 'dzin pa'i skye dgu byung na/ de dag klu 'ba' shig gis lha ma yin rnams pham par byed do/ /gal te shin du chos dang mi ldan pa'i skye dgu byung na de'i tshe lha ma yin rnams kyis</font><hr>64.28b<br><font size=+1>

klu rnams pham par byed do/ /gang gi tshe klu rnams pham par 'gyur ba de'i tshe lha kun du rgyu ba rnams la 'di ltar sa'i 'og na gnas pa 'di dag thams cad kyis bdag cag rnam pa thams cad du gtses te/ de dag dang bdag cag phan tshun g.yul 'gyed par mi nus kyis rgyugs shig rgyugs shig ces smras so/ /de nas lha kun du rgyu ba rnams mtshon cha dang lag cha sna tshogs thogs te/ lha ma yin ga la 'khod pa der 'dong bar byed do/ /de nas lha kun du rgyu ba rnams klu'i rgyal po 'jog po dang / nor rgyas kyi bu la sogs pa ga la ba der dong ste phyin nas/ klu rnams la smras pa/ bdag cag rnams lha ma yin tshar gcad pa'i phyir 'ding 'ongs te/ bdag cag khyed kyis bsgrubs pa lha ma yin gzhig pa'i phyir 'di nyid du 'ongs so/ /de skad ces smras pa dang / de nas yang klu rnams lha dang lhan cig du lha ma yin gyi dbang po sgra gcan ga la ba der dong ngo / /de nas lha ma yin rnams kyis de dag de ltar mthong nas/ de nas yang lha rnams ga la ba der g.yul 'gyed du dong ngo / /de nas lha dang lha ma yin rgya mtsho'i nang du g.yul 'gyed par 'gyur te/ gang gi tshe chos dang ldan zhing chos kyi rjes su 'jug pa 'byung ba de'i tshe lha kun du rgyu ba rnams kyis myur du lha ma yin rnams pham par byed do/ /de nas lha rnams kyis lha ma yin rnams pham par byas nas/ de nas yang lha ma yin gyi dbang po sgra gcan gyi gnas ga la ba der dong ngo / /de nas lha ma yin gnas gzhan gnyis pa na gnas pa de dag rang gi phyogs mngon par bcom pa mngon du mthong nas/ bdag cag 'di na g.yul 'gyed par 'khod na lha ma yin rnams ci'i phyir 'bros/ lha ma yin rnams ci'i phyir 'bros shes smras so/ /de nas yang lha ma yin rnams g.yul 'gyed du lha rnams ga la ba der rgyug par byed do/ /de nas lha dang lha ma yin rgya mtsho'i dbus su phan tshun mngon par gnod pa'i g.yul chen po 'khrugs pa bkye bar gyur to/ /de nas gang gi tshe lha rnams rgyal ba de'i tshe lha rnams kyis lha ma yin gyi dpung mngon par bcom mo/ /de'i tshe 'jigs pas bskor ba'i sa na gnas pa'i lha ma yin rnams lha rnams ga la ba der 'dong</font><hr>64.29a<br><font size=+1>

bar byed do/ /de nas lha rnams kyis lha ma yin gyi dpung mi bzad pa de dag mngon par mthong nas 'khod do/ /de nas lha ma yin rnams yang lha rnams ga la ba der g.yul 'gyed du dong ste/ phan tshun g.yul chen po de dag bkye bar gyur to/ /de nas gang gi tshe lha rnams pham par gyur pa de'i tshe 'jig rten skyong ba dag lha lag na yol go thogs pa dag ga la ba der dong ste/ 'di ltar lha ma yin rnams kyis bdag cag mngon par gtses kyis rgyugs shig rgyugs shig ces smras so/ /de thos nas lha lag na yol go thogs pa dag lha ma yin ga la ba der g.yul 'gyed du dong ngo / /de nas lha lag na yol go thogs pa mtshon cha dang / lag cha sna tshogs can dag lha ma yin ga la ba der dong ngo / /de nas lha de dag mngon par mthong nas/ yang lha ma yin rnams khros nas brgyugs so/ /de nas lha lag na yol go thogs pa rnams dang / lha ma yin de rnams phan tshun spu zing zhes byed pa'i g.yul chen po bkye ba dang / 'di ltar lha dang lha ma yin gyi g.yul 'di lta bu mtshungs pa med pa bkye'o zhes de dag mngon par brjod do/ /de dag gang gi tshe chos dang ldan zhing chos kyi rjes su 'jug pa'i skye dgu dag 'byung ba de'i tshe lha lag na yol go thogs pa rnams kyis lha ma yin rnams pham par byed de/ de'i tshe rgya mtsho'i dbus su lha dang lha ma yin shin du 'jom pa chos dang chos ma yin pa la rten pa'i rtags can du gyur pa dag gzhan dang mi 'dra ba'i g.yul bkye'o/ /gang gi tshe lha lag na yol go thogs pa de dag pham par gyur pa de'i tshe 'jig rten skyong ba rnams lha phreng thogs dag ga la ba der dong ste/ lha ma yin rnams pham par mdzod cig ces smras pa dang / lha ma yin de rnams la mngon par brtags nas/ lha phreng thogs rgyug par byed do/ /lha kun du rgyu ba dang / lag na yol go thogs pa dang / lha phreng thogs de rnams kyang phyogs gcig tu gyur cing / 'jog po dang / nor rgyas kyi bu la sogs pa yang gcig tu 'dus/ /lha ma yin sgra gcan gyi sa pa dang / grong khyer 'od ldan na gnas pa dang / gnyis shing rtse ba dang / gnas gnyis pa na gnas pa dang / /mgul phreng dag ste/ bye ba khrag khrig grangs med pa du ma phyogs gcig tu</font><hr>64.29b<br><font size=+1>

gyur pa dang g.yul chen po bkye ste/ gang gi tshe de dag chos dang ldan zhing chos kyi rjes su 'jug pa byung ba de'i tshe/ lha'i phyogs ni rgyal bar 'gyur la/ lha ma yin gyi phyogs ni pham par 'gyur te/ chos la rten pa shin du legs par 'gyur na/ chos la mi rten pa lta ga la zhig 'gyur/ /gang gi tshe de dag chos dang mi ldan zhing chos kyi rjes su mi 'jug pa byung ba de'i tshe lha ma yin gyi phyogs rgyal bar 'gyur ro/ /lha ma yin gyi dpung de dag 'jig rten skyong ba rnams kyis mngon par mthong nas lha rtag tu myos gnas ga la ba der dong ste/ lha dag lha ma yin gyi phyogs rnams rgyal bar gyur gyis rgyugs shig rgyugs shig ces smras so/ /de thos nas lha rtag tu myos gnas dag lha ma yin gyi phyogs ga la ba der mngon par 'joms su dong ste/ mtshon cha dang lag cha sna tshogs thogs pa'i tshogs 'bum phrag du ma dag rgya mtsho'i nang na gnas pa ga la ba der lha ma yin rnams pham par bya ba'i phyir ha ha'i sgra phyung nas rings par mngon par 'joms par byed cing / rnam par 'joms par byed pa gnod pa du ma byed pa de dag phan tshun g.yul mi zad pa chen po bkye'o/ /de nas gang gi tshe lha rnams kyis lha ma yin rnams pham par byas pa na/ de dag lha ma yin gyi dbang po sgra gcan ga la ba der dong ngo / /de nas lha ma yin gyi dbang po sgra gcan gyis lha ma yin de dag la 'di skad ces khyed cag gi dpung du bdag cag gnas na/ grogs po dag ci ste 'bros/ lha dag nyung zhing 'di dag khyed cag las lhag pa med la/ 'di dag ni brtson 'grus chung ste/ bdag cag gis lha rnams pham par bya yis/ de lta bas na lha ma yin gyi dbang po dag slar log shig ces smras so/ /de nas lha ma yin gyi dbang po sgra gcan las de skad thos nas/ lha ma yin dag lha rnams dang g.yul 'gyed du phyir log go /de nas yang lha dang lha ma yin de dag mtshon cha 'debs pa 'khrugs pa'i rnam pa du ma'i g.yul 'gyed par byed de/ /de'i tshe lha ma yin gnas gnyis pa na gnas pa gnyis shing rtse ba dang gnas gsum pa na gnas pa mgul phreng gi ris su gtogs pa thams cad lha dang g.yul 'gyed par phyir log go/ /de dag gang gi tshe/ chos dang mi ldan zhing</font><hr>64.30a<br><font size=+1>

chos kyi rjes su mi 'jug pa'i skye dgu byung ba de'i tshe/ lha ma yin gyi phyogs kyis lha'i phyogs pham par byed do/ /gal te chos dang ldan zhing chos kyi rjes su 'jug pa'i skye dgu dag byung na/ lha'i phyogs de dag gis lha ma yin gyi phyogs pham par byed de/ de ltar lha rnams ni chos kyi gtso bo/ /chos kyi rgyal mtshan/ chos la gzhol ba yin no/ /lha ma yin de dag thams cad ni chos dang mi ldan pa/ chos ma yin pa la brten pa/ chos kyis skyob pa ma yin no/ /de nas lha rnams 'di snyam du sems te/ kye ma lha ma yin 'di dag gis bdag cag la de ltar gtse bar ci ste gnas/ 'di dag ni bdag cag las khyad zhugs pa yang med la/ mtshungs pa yang ma yin no/ /'dzam bu'i gling na yang da dung du mar 'dzin pa dang / phar 'dzin pa dang / chos dang ldan zhing chos kyi rjes su 'jug pa dang / rgan rabs la rim gro byed pa dang / gso sbyong la nye bar gnas pa dang / sbyin pa dag kyang sbyin/ bsod nams dag kyang byed/ bag yod pa la bag yod par gnas pa'i mi dag yod de/ de ltar bag yod pa la bag yod par gnas pa de dag 'chi ba'i dus byas nas lha rnams kyi nang du skye bar 'gyur te/ lha ma yin gyi chos 'phel ba dang / chos 'byung bar ni mi 'gyur ro snyam mo/ /de dag gis de ltar rig nas kun du rgyu ba dang / phreng thogs dang / kun di pa ka dang / rtag tu myos pa'i lha rnams chos kyi rgyal mtshan khyer te/ lha ma yin gyi dpung ga la ba der lha de dag thams cad reg ma thogs par rgyug cing byed cing 'di ltar lha ma yin rnams sdod cig /khyed cag gis nged rnams la ci'i phyir gtse/ nged cag las khyed kyi dpung khyad zhugs pa yang med/ gtso bo yang ma yin/ mtshon cha yang mi mang bas nged cag 'di rnams ni khyed rnams gzhom pa'i phyir lhags pa yin gyis/ yang sa'i 'og tu ma 'gro shig /mngon par gtse bar byed pa'i blo can chos dang mi ldan zhing chos kyi rjes su mi 'jug pa 'di dag thams cad la bde ba 'am mya ngan las 'das pa med do/ /de skad ces smras nas/ klu nor rgyas kyi bu dang / 'jog po la sogs pa dang lhan cig de dag thams cad dang bdag nyid thams cad las mtshon cha dang / lag cha char ltar 'bebs shing lha ma yin ga la ba der</font><hr>64.30b<br><font size=+1>

'dong bar byed do/ /de nas klu rnams kyang me rab tu 'bar ba char ltar 'bebs shing lha ma yin ga la ba der rgyug par byed do/ /de nas lha ma yin rnams kyis kyang klu de dag la mngon par brtags nas/ chos dang mi ldan zhing chos kyi rjes su mi 'jug pa'i klu rab 'jom la sogs pa la/ 'di ltar khyed kyang bdag cag gi phyogs yin gyis/ klu'i rgyal po nor rgyas kyi bu dang / 'jog po la sogs pa ga la ba der klu rnams dang g.yul 'gyed du rgyugs shig ces bsgo'o/ /de nas de dag thos nas klu rab 'jom la sogs pa klu 'jog po dang / nor rgyas kyi bu la sogs pa ga la ba der me char ltar 'bebs pas mngon par 'tshed par byed do/ /klu de dag gis kyang me'i char chen po 'bebs la lha dang lha ma yin rnams kyang g.yul chen po 'gyed de/ de nas yang lha rnams kyis lha ma yin rnams pham par byas so/ /de nas de dag lha ma yin gyi dbang po sgra gcan ga la ba der 'dong bar byed do/ /'jigs shing bzhin mog mog por gyur pa skyabs 'dod pa kun lha ma yin gyi dbang po sgra gcan ga la ba de nyid du 'dong bar byed do/ /de nas sgra gcan gyis de dag mthong nas yang 'di ltar bdag 'di na gnas na lha ma yin khyed cag rnams la ci zhig gnod/ /bdag gcig pus lha rnams dbang po dang bcas pa bcom ste/ lha'i 'jig rten thams cad bdag cag gir bya na khyed dang 'khod pas lta smos kyang ci dgos/ lha'i dpung 'di dag kyang chen po ma yin na/ grogs po dag ci gnod/ 'di ltar bdag gis lha ma yin gyi dbang po brtan pa dang / me tog phreng dang / rab dgod dang / thags zangs ris dag la sbran la bdag nyid kyis lha rnams las rgyal bar bya'o zhes smras so/ /de nas lha ma yin gyi dbang po sgra gcan lha ma yin gyi dbang po brtan pa dang / lha ma yin gyi dbang po me tog phreng dang / lha ma yin gyi dbang po rab dgod dang / lha ma yin gyi dbang po thags zangs ris ga la ba der rings par song ste phyin nas/ de dag la 'di ltar lha 'di dag thams cad dang / rgyal chen bzhi pa thams cad bdag cag gi phyir 'ong gis lha ma yin gyi dbang po 'di dag kun shes nas lan bya ba gang yin pa la so sor soms shig ces smras so/ /de nas tshig de thos nas lha ma yin gyi dbang po kun gyis sgra gcan de</font><hr>64.31a<br><font size=+1>

la 'di ltar lha rnams dang g.yul 'gyed du bdag nyid thams cad kyis bdag cag 'di dag 'khod cing bdag cag rtog par byed kyis sum bcu rtsa gsum pa'i lha kau shi ka la sogs pa dang bcas pa la bar chad bya ba dang / gang gis lha ma yin rnams 'byung bar bya ba'i phyir khyod song shig ces smras so/ /de nas lha ma yin sgra gcan lha dang lha ma yin gyi g.yul ga la ba der bdag nyid g.yul 'gyed du song ste/ de dag mthong nas lha ma yin gyi dbang po de lha ma yin rnams la kye ma lha'i stobs rab tu che'o/ /kye ma lha ma yin rnams lha'i stobs rab tu che ste/ g.yul 'gyed par lha 'khod pa 'di dag la phyir brgal bar mi nus so zhes smras so/ /de nas lha ma yin gyi dbang po sgra gcan lha rnams ga la ba der mtshon cha dang lag cha char ltar 'bebs shing g.yul 'gyed du song ngo / /de nas lha rnams kyis lha ma yin gyi dbang po sgra gcan de ltar rgyug pa mngon par mthong nas/ klu de dag yang lhan cig tu me char ltar mngon par 'bebs shing lha ma yin gyi dbang po sgra gcan ga la ba der sgra gcan gzhom pa'i phyir rgyug par byed do/ /de nas lha dang lha ma yin de dag gi g.yul chen po mtshon cha dang / lag cha dang / rdo rje char ltar 'bebs shing mtshungs par g.yul bkye ba dang / de dag gang gi tshe chos dang ldan zhing chos kyi rjes su 'jug pa/ dge sbyong du 'dzin pa/ bram zer 'dzin pa/ rigs kyi rgan rabs kyi rjes su 'jug pa'i skye dgu dag byung ba de'i tshe lha rnams kyis lha ma yin rnams pham par byed do/ /gal te chos dang mi ldan zhing chos kyi rjes su mi 'jug pa dag byung ba de'i tshe lha ma yin rnams kyis lha rnams pham par byed de/ de ltar lha dang lha ma yin gyi g.yul chen po 'gyed pa ni chos dang chos ma yin pa'i kha na las pa yin no/ /de nas gang gi tshe lha ma yin rgyal zhing lha pham par gyur pa de'i tshe lha rnams phan tshun du lha dag chos la soms shig /lha dag chos gtso bor gyis shig /lha rnams ni chos kyis rgyal bar 'gyur ro zhes brjod do/ /de nas chos yid la byas shing chos la dad pa bskyed pa'i lha rnams yang lha ma yin ga la ba der dong ngo / /de nas chos kyis bskyabs pa'i lha rnams gzi brjid brgya 'gyur du 'byung ste/ de ltar de dag gzi brjid kyis 'bar ba mngon par</font><hr>64.31b<br><font size=+1>

mthong nas/ lha ma yin shin du sgyid lug pa rnams la lha ma yin gyi dbang pos 'di skad ces khyed ci ste sgyid lug /'di dag ni bdag cag las gzi brjid dam/ mtshon cha 'am/ lag cha 'am/ dpung stobs sam/ phal che ba khyad zhugs pa med de/ de dag la khyed ci ste sgyid lug ces smras so/ /de nas de'i tshig de thos nas yang lha ma yin sgra gcan la sogs pa/ lha rnams ga la ba der phyir log ste 'ong ngo / /de nas lha chos kyis rgyas pa'i lus can de dag thams cad lha ma yin ga la ba der shugs myur bar rgyug par byed de/ lha dang lha ma yin de dag phan tshun 'dres nas g.yul 'gyed do/ /de dag gi nang na sgra gcan stobs chen por gnas te/ ri rab gnyis pa lta bur gnas so/ /de chos nyid kyi mthus lha rnams kyis pham par byed de/ skyob pa rnams kyi nang na chos skyob pa mchog yin no/ /snang ba rnams kyi nang na chos snang ba mchog yin no/ /de nas lha ma yin sgra gcan la sogs pa lha ma yin pham pa rnams mngon par mthong nas/ lha ma yin kun nas sgyid lug pa rnams de nas yang dbugs phyung ste/ 'di skad ces lha ma yin dag ci ste 'bros/ lha ma yin 'di dag mi ngan pa'i sar ci ste gnas/ lha dang lha ma yin du ma'i nang na dpa' bo ma yin/ lag cha thogs pa ma yin/ mtshon chas 'jigs pa ma yin gyis phyir log ste 'khod cig /'di dag gis ci ste gnod ces smras so/ /de nas de'i tshe de thos nas yang lha ma yin rnams g.yul 'gyed du phyir log go/ /de nas yang des gzeng bstod cing mgu bar byas pa/ nga rgyal gyis khengs pa rnams/ lha rnams ga la ba der g.yul bkye ba dang / de nas yang 'bros so/ /de nas sgra gcan ni lha ma yin de dag kun gyi dang po kho na la 'dug ste/ de dang po kho nar 'dug ste/ de la rten/ des skyob/ de la 'khor ba'i lha ma yin de dag thams cad rgyal chen bzhi'i lha ga la ba der sgra gcan gyi mthu la rten pa/ stobs skyes pa dag rgyug par byed cing / 'di ltar bdag cag gi lha ma yin gyi dbang po sgra gcan 'di dang po kho na la zhugs pas lha rnams dbang po dang bcas pa yang thub par 'gyur na/ rgyal chen bzhi'i lha 'ba'</font><hr>64.32a<br><font size=+1>

shig lta smos kyang ci dgos snyam sems so/ /de nas yang phan tshun rtog cing mtshon cha'i tshogs kyi rgyun gcig la gcig 'debs pa na/ sgra gcan yang lha ma yin rnams rgyal bar bya zhing lha rnams pham par bya ba'i phyir lha ga la 'khod pa der rdo ri tsam 'phen cing gnod par byed do/ /de nas sgra gcan de/ de ltar lha rnams la rdo char ltar 'bebs pa/ 'jig rten skyong ba dag gis mngon par mthong nas/ lha rnams la sgra gcan 'di ni rdo char ltar 'bebs pas bdag cag la mngon par gnod par byed na/ lha dag mtshon cha dang / lag cha char ltar dbab pa rnams kyis de bzlog cing / 'di ltar yang lha rnams la gnod pa med par mdzod cig /de dag la 'jig rten skyong ba dag gis 'di skad smras nas/ lha ma yin gyi dbang po sgra gcan ga la ba der sgra gcan dag pham par bya ba'i phyir khro ba'i shugs kyis rgyug par byed do/ /de nas sgra gcan dang / 'jig rten skyong ba dag shin du spu zing zhes byed pa/ rdo dang lag char bsres pa'i g.yul bkye'o/ /rdo char ltar 'bebs pa des rgya mtsho kun nas rab tu 'khrug par byed cing / lha'i rdo char ltar 'bebs pa rnams kyis kyang / de ltar rgya mtsho na gnas pa'i sems can 'bum phrag du ma dag gsod par byed/ 'khrug par byed/ kun nas rgya mtsho'i dpung 'khrug par byed do/ /de nas sgra gcan de dang / 'jig rten skyong ba dag g.yul chen por bkye ba lha dang lha ma yin rnams kyis mngon par mthong nas ngo mtshar cher skyes te/ kye ma g.yul 'gyed pa rnams kyi nang na 'di ni g.yul chen po yin no zhes brjod do/ /de nas gang gi tshe chos dang ldan zhing chos kyi rjes su 'jug pa'i skye dgu dag byung ba de'i tshe lag cha dang dpung dang 'jigs par bya ba kun med kyis kyang / lha ma yin gyi dbang po sgra gcan pham par 'gyur/ gal te chos dang mi ldan zhing chos kyi rjes su mi 'jug pa'i skye dgu dag byung ba de'i tshe/ lha ma yin gyi dbang po sgra gcan mngon par mtho bar 'gyur te/ lha rnams ni ma yin no/ /de ltar 'di dag thams cad ni gtso bo las gyur te/ glo bur pa ni ma yin no/ /de nas gang gi tshe lha ma yin gyi dbang po sgra gcan dpung dang</font><hr>64.32b<br><font size=+1>

mthu rtsal nyams te/ pham par gyur pa de'i tshe lha ma yin shin du yi chad pa rnams kyis yang smras pa/ lha ma yin 'di dag ci ste 'bros/ rgud pa'i chos mang po sgrub pa ni bdag cag rgud par gyur te/ nyon mongs pa des chog go chog go/ /bdag cag rang gi gnas rnams su yang bde ba 'am/ lha ma yin rnams kyi nang du yang yid bde ba'i ngo bor mi nus te/ blo de lta bu ma byed par blo mthu rtsal dang bcas par gyis shig /rang gi gnas su 'gro ma 'dod par slar log shig slar log shig /de nas tshig de thos nas yang lha ma yin thams cad 'jig rten skyong ba dag ga la ba der g.yul 'gyed du brgyugs so/ /de nas yang phan tshun lhan cig rdo mtshungs pa med pa char ltar 'bebs shing ri'i rtse mor glog char ltar 'byin te/ yul ngan du byas par spu shin du zing zhes byed pa'i g.yul bkye'o/ /de nas yang lha'i dpung gis lha ma yin gyi dpung pham par byas so/ /de nas yang lha ma yin de dag thams cad 'di snyam du sems te/ kye ma lha 'di rnams mthu chen po dang ldan pa yin no/ /'di ltar bdag cag rang gi mthu bskyed pa dang / de bdag cag gi don dang / bde ba'i phyir dang / phan par bya ba'i phyir gnas gnyis pa na gnas pa skar phreng gi bdag po lha ma yin gyi dbang po brtan pa la skyabs su dong bar bya'o/ /lha ma yin gyi dbang po brtan pa de ni rang bzhin gyis brtan pa yin te/ lha dang lha ma yin rnams kyi g.yul du dbang po dang bcas par brgya 'am/ yang na stong du stobs kyis rgyal ba yin no snyam mo/ /de nas de ltar lha ma yin gyi gtso bo de dag thams cad lha ma yin gyi dbang po brtan pa ga la ba der dong ngo / /de nas de dag thams cad kyis lha ma yin gyi dbang po brtan pa de la 'di skad smras so/ /kye ma lha ma yin gyi dbang po dag 'di ltar lha'i phyogs stobs rab tu che ste/ lha ma yin sgra gcan dang bcas pa rnams kyis phyir brgal bar mi nus pas/ lha ma yin gyi dbang pos lha ma yin rnams kyi dpung bgyi ba dang / skyabs bgyi ba dang / pha rol gzhom pa'i phyir de dag nges par bgyi ba'i rigs so/ /khyod kyi lag na mtshon cha yod pas lha dag dbang po dang bcas pa yang bdag cag la phyir rgol bar mi nus te/ khyod kyis</font><hr>64.33a<br><font size=+1>

lha dang lha ma yin rnams kyi g.yul du rgyal ba mang du brnyes pa lags so/ /lha ma yin gyi dbang po de dag nges par bzlog tu gsol/ lag na mtshon cha chen po thogs pa/ rang gi dpung dang mthu rtsal bskyed cing lha rnams pham par bgyi ba 'i phyir bzlog tu gsol/ khyod kyis brgya byin nyid kyang brgya stong du pham par bgyis te/ lha de rnams khyod kyi mthu rtsal gyis pham par bgyis pa lags so/ /de nas brtan pa lha ma yin gyi dbang po de dag las tshig de thos nas/ lha ma yin gyi dbang po me tog phreng ga la ba dang / thags zangs ris dang / rab dgod ga la ba der dong ste phyin nas/ lha ma yin gyi dbang po de dag la 'di skad ces smras so/ /lha ma yin gyi dbang po'i phyogs sgra gcan dang bcas pa lha rnams kyis pham par byas te/ lha rnams ni stobs rab tu che'o/ /stobs rab tu che bas bzod par dka' ste/ lha ma yin rnams kyis bzod par mi nus so/ /g.yul 'gyed par rgyal bar bgyi ba'i phyir de gnang bar mdzod cig /de nas lha ma yin gyi dbang po me tog phreng dang / thags zangs ris dang / rab dgod kyis lha ma yin gyi dbang po brtan pa de la 'di skad smras so/ /lha ma yin gyi dbang po bdag cag 'di dag khyod kyi grogs su 'khod pa yin gyis khyod song shig khyod song shig /bdag cag gis grogs byas pas khyod dang sgra gcan dang bcas pas lha thams cad las kyang rgyal bar nus so/ /de nas tshig de thos nas lha ma yin gyi dbang po brtan pa de lha ma yin gyi dbang po sgra gcan ga la ba der g.yul 'gyed pa'i phyir song ngo / /de nas lha ma yin rnams kyis lha ma yin gyi dbang po brtan pa de mthong nas shin du mgu zhing mthu rtsal skyes pa rnams lha rnams ga la ba der mtshon cha dang / lag cha dang / mda' dag 'phen cing 'debs pa na thams cad lha ma yin gyi dbang po gnyis dang lhan cig lha rnams ga la ba der rgyug par byed do/ /de nas lha rnams kyis lha ma yin de dag mthong nas 'di skad ces smras so/ /lha ma yin dag 'di ltar yang dang yang du bdag cag rnams kyis pham par bya 'dod dam/ de nas yang brtson 'grus la dmigs nas dud 'gro'i 'gro ba ngo bo nyid kyis pham pa rnams yang 'ong bar byed do/ /</font><hr>64.33b<br><font size=+1>

de nas de ltar rig nas lha shin du brtson 'grus brtsams pa/ mtshon cha dang lag cha sna tshogs thogs pa de dag thams cad lha ma yin ga la ba de nyid du 'gros shin du myur bar 'gro bar byed do/ /de nas lha ma yin gyi dbang po brtan pa dang / sgra gcan gyis 'di smras so/ /lha rnams bdag cag gi steng du 'ongs te/ lha rnams g.yul 'gyed du 'ong ngo / /bdag cag gis de dag nges par g.yul 'di gnyis kyi bar du bcug ste/ gzhom par bya'o/ /de nas de skad smras ma thag tu lha ma yin gyi dbang po brtan pa dang / sgra gcan phan tshun rgyal bar 'dod pa dag lhan cig tu rgyal chen bzhi'i lha rnams ga la ba der 'dong bar byed do/ /de nas lha rnams ni nyi ma nub pa'i phyogs su lta/ lha ma yin rnams ni shar ba'i phyogs su lta ste/ de ltar shar ba'i 'od zer gyi mthu des mig rab tu nyams pa dang / de nas lha ma yin gyi mtshon cha char ltar 'bebs pa rnams la/ dbab par ma nus so/ /de nas lha ma yin mig bsgribs pa rnams phan tshun du 'di ltar nyi ma'i 'od zer rnams kyis mig rab tu nyams te/ bdag cag gis lha rnams la brgal bar mi nus so zhes smras so/ /de nas lha ma yin gyi dbang po sgra gcan gyi rang gi lag pas nyi ma sgrib par byed de/ 'di yang nyi ma gzas zin pa'i rgyu gsum pa yin no/ /de'i tshe rgyu mi shes pa'i rtog ge pa rnams 'di ltar lo legs par 'gyur ro/ /lo nyes par 'gyur ro/ /char cher legs par 'bab par 'gyur ro/ /char chung ngu 'bab par 'gyur ro/ /rgyal po la rung bar 'gyur ro/ /rgyal po la mi rung bar 'gyur ro/ /skye bo 'jig par 'gyur ro/ /skye bo 'jig par mi 'gyur ro zhes brjod de/ de ltar bstan bcos ngan pas bslus pa rnams gzhan du rtog par byed do/ /de ltar sgra gcan des nyi ma'i dkyil 'khor de bsgribs te/ 'od zer yang bzlog nas blta bar bde ba dang / lha rnams mngon par mthong nas lha ma yin gyi dbang po brtan pa la smras pa/ lha dag bde bar mthong ngo / /lha ma yin rnams bde bar ma mthong gis pha rol pham par bya ba la 'bod cig /de nas lha ma yin rnams mtshon cha'i tshogs rnams char ltar mngon par 'bebs shing lha rnams ga la ba der</font><hr>64.34a<br><font size=+1>

brtan pas sna drangs nas rgyug par byed do/ /lha rnams kyis kyang de dag mthong nas mtshon cha sna tshogs thogs te/ lha ma yin ga la ba der rgyug par byed do/ /de nas phreng thogs kyi lha rnams ga la ba der brtan pa de dag rgyug cing / de dag mtshon cha sna tshogs kyi char mngon par 'bebs pa na/ phreng thogs kyi lha rnams kyis de dag mngon par mthong nas 'di skad smras so/ /lha ma yin gyi dbang po dag legs so legs so/ /'di ltar khyed rnams lan du ma zhig tu pham par byas kyang khyed chos la so sor rig par mi byed dam/ nged ni chos kyi tshul dang ldan/ chos la gzhol/ chos sgrub pa yin te/ nged ni chos ma spangs pas rgyal bar 'dod do/ /khyed ni brnab sems kyis gnod de/ gzhan gyi rdzas la rang gir bya ba'i brnab sems yod do/ /brnab sems mang ba de ni khyed yin te/ chos ma yin pa dang ldan par gyur pas/ dge ba bcu'i las kyi lam dang yang dag par ldan pa/ chos dang ldan zhing chos kyi rjes su 'dug pa'i lha rnams ji ltar pham par byar 'dod/ mun pas ni snang gsal chen po rnams kyang zil gyis gnon par mi nus so/ /de nas rnam pa 'di dag smras pa na/ brtan pas de dag la 'di skad smras so/ /kye mang du smra ci dgos/ khyed kyi 'byor pa la nged rnams kyang smon pa med do/ /lha ma yin gyi dbang po thags zangs ris dang / rab dgod la sogs pa bzhi po 'di dag gi dpung bshams pa rnams kyis lha thams cad pham par bya ba'i phyir 'khod de/ nged ni khyod kyi 'byor pa la dga' ba med do/ /de skad smras nas/ phreng thogs kyi lha ga la ba der rgyug par byed do/ /de 'ong bar mngon par mthong nas/ ji ltar de'i lus kyi ngo bo shin du phra ba yang mi mngon pa de ltar mda' sna tshogs char ltar phab bo/ /de ltar brtan pa mtshon cha'i char gyi nang du tshud nas kyang phreng thogs kyi lha rnams kyis 'di skad smras so/ /las kyis bcom zhing sgrub pa brnab sems mang po 'di cir dgos/ chos ma yin pas ni nams kyang chos zil gyis mnan pa med de/ nged ni khyed la chung zad kyang 'tshe bar mi byed na/ nged la ci ste gnod pa</font><hr>64.34b<br><font size=+1>

byed/ de de skad smra ba na/ lha de dag ga la ba der rgyug par byed do/ /de nas phreng thogs kyi lha rnams kyis klu de dag la smras pa/ dpung don med pas khengs pa 'di khyed kyis me'i char mngon par phob shig dang / 'on kyang dpung gi mthu 'di nyams par 'gyur ro/ /de skad smras pa dang / klu'i rgyal po 'jog pos phyogs gcig tu klu'i rgyal po rab 'jom la me'i char phab pa dang / brtan pa ga la ba der rgyug par byed de/ me'i char mngon par phab pa na de lha ma yin gyi dbang po brtan pa ga la ba der brgyugs so/ /de nas lha ma yin dang / klu de dag me'i char chen po'i nang du chud par gyur to/ /de nas de dag la me'i char mngon par phab pa dang / lha ma yin gyi dbang po sgra gcan ri dpag tshad bcu pa gcig blangs nas/ phreng thogs kyi lha rnams ga la ba der rgyug par byed do/ /de 'ong ba mngon par mthong nas lha lag na yol go thogs pa dag ri bsreg pa'i phyir me'i char mngon par 'bebs shing rgyug par byed do/ /de nas me'i char des ni ri de thams cad bsregs so/ /de ltar de bsregs par rig nas brtan pa de mthu nyams te/ lha de rnams la 'di skad smras so/ /'di ltar bdag gis ri rab tu 'bar ba gzhan thams cad steng du dbab bo/ /de nas lha ma yin rnams kyis ri rab tu 'bar ba gzhan zhig de'i drung du khyer ro/ /de nas brtan pa das de khyer nas lha rnams kyi steng du 'phangs so/ /de nas lha de rnams kyis lha ma yin chen po la 'di skad smras so/ /chos ma yin pas ni chos las rgyal bar mi nus te/ nged ni chos mdun du byas nas gnas so/ /khyed ni chos ma yin pa la brten nas gnas so/ /de ltar de dag lha rnams kyis spyos pa mthong nas/ lha ma yin gyi dbang po sgra gcan gyis lha ma yin thams cad bsdus te lha rnams ga la ba der dong ngo / /de ltar de dag 'ong ba mngon par mthong nas/ lha rnams kyang lha ma yin dag ga la ba der rgyug par byed de/ lha dang lha ma yin de dag mtshon cha du ma dang ldan pa'i g.yul shin du mi zad pa bkye bar gyur to/ /de nas lha rnams kyis chos brjod/ bden pa'i byin gyis brlabs byas/ dkon mchog gsum la skyabs su 'gro ba yid la byas nas/ </font><hr>64.35a<br><font size=+1>

lha ma yin ga la ba der dong ngo / /lha de dag mthong ma thag tu lha ma yin gyi dpung de thams cad brgya 'am stong du bcom mo/ /de nas lha ma yin de dag thams cad sa'i 'og ga la ba der bros so/ /klu chos dang mi ldan pa rab 'jom la sogs pas lha ma yin de dag la 'di skad smras so/ /lha ma yin dag bdag cag bor nas ci ste 'bros/ klu 'jog po dang / nor rgyas kyi bu la sogs pa de dag bdag cag gis thub na/ khyed kyis lha 'di dag 'ba' shig thub par 'gyur ro/ /gang de ltar 'jigs par gnas na/ rang gi dpung nyams drod med par ci'i phyir sa'i 'og nas ldang / lha rnams dang lhan cig ci'i phyir 'gal bar byed/ 'gal ba'i rang bzhin can khyed ni sa'i 'og tu 'dong du yod grang na nged gar 'dong / 'jog po dang nor rgyas kyi bu la sogs pas bcom pa gar 'dong / lha ma yin de dag gis de skad thos nas/ de nas yang lha ga la ba der g.yul 'gyed du slar log go/ /de nas yang thogs pa med pa'i blo can de dag lha ma yin ga la ba der thams cad 'bad de brgyugs so/ /de nas de dag 'ong ba mngon par mthong ste/ lha ma yin rnams kyis bzlog par ma nus so/ /de nas yang lha ma yin gyi dbang po sgra gcan lha ma yin gyi dbang po brtan pa dang lhan cig tu sa'i 'og ga la ba der dong ngo / /de nas lha ma yin gyi dpung de ltar nyams pa mthong nas/ lha ma yin kha cig lha ma yin gyi dbang po gnas gsum pa na gnas pa ga la ba der brgyugs te/ 'di ltar rgyal po chen po me tog phreng bzhengs/ lha'i tshogs de dag bzlog tu mi rung la/ lha ma yin thams cad pham par byas te phyogs kun du bkod par gyur to/ /khyod kyis ni lha dang lha ma yin gyi g.yul du mar rnam par rgyal ba brnyes la/ rgyal ba brnyes par 'gyur gyis/ khyod kyis de dag dgongs te bzhengs/ lha'i dbang po bcas pa las rgyal bar spyod cig /lha ma yin gyi dbang po me tog phreng gis de dag thams cad yid la bzung nas mtshon cha dang lag cha rnam pa sna tshogs thogs/ lha ma yin bye ba du mas yongs su bskor/ nam mkha'i phyogs thams cad sgra rnams kyis yongs su</font><hr>64.35b<br><font size=+1>

'gengs shing / de dag lha dang lha ma yin gyi g.yul ga la ba der 'dong bar byed do/ /lha ma yin gyi dbang po sgra gcan gyis stong snyed 'ong ba mngon par mthong nas/ brtan pa la smras pa/ 'di dag ni lha ma yin gyi dbang po me tog phreng yin te/ bdag cag gi 'byor par bya ba dang / lha rnams pham par bya ba'i phyir 'ong gis/ lha ma yin de dag slar zlog shig /'di ni lha ma yin gyi dbang po bdag cag gi 'byor par bya ba'i phyir 'ong ngo / /de thos nas lha ma yin dag de nas yang g.yul 'gyed pa 'i phyir log go/ /de nas yang de dag rgyal chen bzhi'i lha rnams ga la ba der lhags so/ /de dag lhags pa na lha rnams kyis 'di skad smras so/ /dud 'gro khyed yun ji srid cig tu de skyong bar byed/ gti mug gis bsgribs pa khyed rnams rang gi dpung gzhig par bya ba'i phyir log gam/ de skad smras nas/ de nas yang lha rnams lha ma yin ga la ba der brgyugs so/ /de nas me tog phreng gis lha ma yin de dag la 'di skad smras so/ /lha ma yin rnams bzlums te 'khod pa ci sems lha rnams la gnod pa ci'i phyir mi bya/ so sor mi mthun par 'khod pa lha rnams pham par mi bya 'am/ /'di na bdag gnas pa gcig pus lha thams cad las rgyal bar nus na/ gang lha ma yin gyi dbang po brtan pa dang / seng ge mo'i bu sgra gcan bdag cag gi grogs su gyur pas smos kyang ci dgos te/ 'jigs par ma byed cig /khyed cag kun kyang thams cad du g.yul gyi 'jigs pa med pa yin na/ sgyid lug pa des ma chog gam/ lha ma yin rnams rgyal bar gyur cig /lha ma yin rnams mthu rtsal dang bcas pas rnam par rgyal bar gyur cig /de skad ces smras nas/ de nas yang lha ma yin gyi dbang po me tog phreng de dang / lha ma yin gyi dbang po rnams dang lhan cig lha phreng thogs dang / rtag tu myos gnas dang / lag na yol go thogs dang / pi bang can gsum pa'i lha'i dbang po rnams baidUr+ya'i ri'i rtse mor 'dzegs te/ 'khod cing thams cad du khyab par byas nas sred pa skye ste/ 'di ltar sum bcu rtsa gsum pa'i lha rnams dang brgya byin med kyang</font><hr>64.36a<br><font size=+1>

bdag cag 'ba' shig gis lha ma yin rnams chos gcig dang bcas pas lan du mar thub par byas so/ /de dag gis de skad smras pa dang / lha ma yin rnams kyis rgya mtsho de nyid khyab par byas nas/ de nas yang g.yul 'gyed par byung ngo / /de nas lha rnams kyis lha ma yin de dag 'ong ba mngon par mthong nas smras pa/ 'di ltar lha ma yin bdag nyid thams cad dpung ches 'phel te/ 'ong ba 'di dag ni nges par lha ma yin gyi dbang po gsum pa me tog phreng yin te/ de dag 'ong ba lta zhing de dag la de skad smras pa dang / lha ma yin g.yul 'gyed par mdun nyid na 'khod do/ /de nas lha rnams kyis de dag mthong nas smras pa/ khyed gang gis bslus nas 'ongs/ da dung du chos dang ldan zhing chos kyi rjes su 'jug pa'i mi mar 'dzin pa/ phar 'dzin pa/ dge sbyong du 'dzin pa/ bram zer 'dzin pa/ dge ba don du gnyer ba/ dge ba la zhugs pa yod pa de dag shi ba'i dus byas nas lha rnams kyi nang du skye bar 'gyur ro/ /de ni nged yin te/ khyed pas ches dpung che la ches gtso bo yin no/ /de lta bas na chos bsgrubs pa bdag cag la khyed kyis mngon par ma gtse shig /bdag cag la khyed kyis ci'i phyir gtse/ de nas de skad smras pa dang / lha ma yin rnams kyis lha rnams kyi tshig rtsis la ma chags par byas nas/ lha rnams dang g.yul 'gyed pa'i phyir lhags so/ /de nas lha rnams yang lha ma yin rnams ga la ba der nam mkha' bkang nas lha ma yin rnams gzhom pa'i phyir dang / de dag phan tshun rgyal bar bya ba'i phyir 'dong bar byed do/ /de nas yang de dag g.yul gyi rnam pa de lta bu bkye ste/ sgra gang gis rgya mtsho na gnas pa nya dang / srog chags dung dang / chu srin dang / chu srin byis pa gsod dang / nya mid dang / nya mid chen po dang / chu srin na kra dang / chu srin du na d+hu gsod mang po rnams kyi snying brgya 'am stong du rnam par gas so/ /de dag mtshon cha dpe med pa du ma char gyi rgyun ltar shin du 'bab pas lha dang lha ma yin g.yul bkye'o/ /lha ma yin gyi dbang po me tog phreng gis lha ma yin</font><hr>64.36b<br><font size=+1>

de dag bkye nas gcig pu 'dug ste/ lha rnams la 'di skad smra'o/ /nga nyid kyis yun ring du g.yul 'dir ma 'dug ste/ de 'dug na ni rnam par rgyal ba thob pas dang khyed rnams gzhom pa'i phyir dang / lha ma yin rnams 'byor par bya ba'i phyir 'ongs pa yin no/ /nga 'ba' shig 'dug pas lha dbang po dang bcas pa yang mdun du 'dug mi nus na/ rgyal chen bzhi'i lha 'ba' shig lta smos kyang ci dgos te/ ngas pham par bya'o/ /de skad smras nas/ lha rnams ga la ba der 'gro bar byed do/ /lha lag na yol go thogs pa rnams kyis de 'ong bar mngon par mthong nas/ lha ma yin gyi dbang po me tog phreng de gzhom pa'i phyir ga la ba der 'dong bar byed do/ /de nas rgya mtsho'i dbus nas ri dpag tshad lnga pa dang / dpag tshad bzhi pa dang / dpag tshad gsum pa dang / dpag tshad gnyis pa dang / dpag tshad kyi tshad rab tu 'bar ba dag phyung zhing phyung zhing lha lag na yol go thogs pa ga la ba der 'phen par byed do/ /de 'phen pa na lha lag na yol go thogs pa rnams kyis chos rjes su dran par byas/ dkon mchog gsum la skyabs su song nas/ mda'i rgyun rnams kyis ri de dag rgya mtsho'i dbus der bye ma chang pa nas gtor ba bzhin gtor to/ /me tog gi phreng des las kyi 'bras bu de dag med par mngon par mthong nas lag na dbyug to thogs te/ lha lag na yol go thogs pa ga la ba de'i mdun nyid du 'dug go/ /de dag 'khor dang bcas/ dpung dang bcas pa 'ong ba mngon par mthong nas char gnam lcags lta bu'i mthu yis dbyug tho de gcod par byed cing / lha ma yin de dag nyam smad de de ltar de dag pham par byas so/ /lha ma yin gyi dbang po brtan pa yang lha rtag tu myos gnas ga la der g.yul 'gyed pa'i phyir mtshon cha kun 'jom dpag tshad tsam blangs nas 'dong bar byed do/ /de nas lha ma yin gyi rgyal pos lha de dag la 'di skad smras so/ /'di ltar de ring bdag gis thams cad las rgyal bar bya ste/ thams cad mtshon cha kun 'jom gyis gshin rje'i gnas ga la ba der nye bar bkye'o zhes de skad sgra bsgrags nas lha rtag tu myos gnas rnams ga la ba der 'dong bar byed do/ /'jig rten skyong ba</font><hr>64.37a<br><font size=+1>

rnams kyis de 'ong ba mngon par mthong nas lag stobs kyis mtshon cha phrogs te/ lha ma yin de nyid kyi brang du brgyab bo// //'phags pa dam pa'i chos dran pa nye bar gzhag pa/ bam po nyer bzhi pa/ de mtshon cha des brgyab pa dang nyams nas sa'i 'og ga la ba der 'gro bar byed do/ /de'i 'khor lha ma yin mgul phreng rnams kyis gang gis nyams pa mngon par mthong nas/ nyams pa srog gi lhag ma lus pa de dag thams cad kyang sa'i 'og ga la ba der rgyug par byed do/ /lha ma yin gyi dbang po sgra gcan yang 'khor dang bcas te/ lha pi bang can gsum pa ga la ba der 'dong bar byed do/ /rang gi lag mthus dregs pa de dag 'ongs pa mngon par mthong nas lha rnams me char ltar mngon par 'bebs shing / de dag kyang lha ma yin gyi dbang po sgra gcan ga la ba der rgyug par byed do/ /me char ltar phab pa des kun du mngon par sreg pa na 'khor dang bcas par sa'i 'og ga la ba de nyid du rgyug par byed do/ /lha ma yin gyi dbang po gsum po de dag mthong nas lha rnams ni snying rab tu dga' bar gyur/ lha ma yin rnams ni yid dman par gyur te/ mthu rtsal nyams pa/ mgon 'dod pa/ skyabs 'dod pa/ dpung gnyen 'dod pa thams cad sa'i 'og gi sgo ga la ba der rgyug par byed do/ /de dag gang gi tshe sa'i 'og gi sgo der lhags pa de'i tshe/ lha rnams yang baidUr+ya'i ri'i rtse mo de nyid la 'dzegs te 'khod do/ /'di ltar lha ma yin rnams gor ma chag par yang 'ong bar 'gyur te/ gang gi phyir thags zangs ris dang rab dgod dag da dung du ma 'ongs te/ lha ma yin de dag ni de la srog ltos/ de la rten/ de gtso bor byed pa yin no/ /de las rgyal ba ni/ thams cad las rgyal bar 'gyur la/ de las pham na ni 'di dag thams cad las pham par 'gyur ro zhes de skad smras nas/ lha thams cad dga' ba shin du skyes/ mthu shin du skyes te/ de skad brjod cing g.yul 'gyed pa'i phyir nges par gnas par byed do/ /klu'i rgyal po rab 'jom la sogs pa yang longs spyod ldan gyi grong khyer ga la ba de na klu'i rgyal po nor rgyas kyi bu dang / 'jog po la</font><hr>64.37b<br><font size=+1>

sogs pas dpung gi mthu rtsal lhag ma lus pa rnams bcom mo/ /de dag kyang rab dgod de la shin du sems shing de'i tshe de la dpung tshol te/ des lha rnams gzhom par nus kyi/ gzhan du na lha ma yin gyi phyogs ni shin du pham la/ lha'i phyogs ni rab tu 'phel lo snyam mo/ /de ltar lha ma yin gyi phyogs klu dang lha ma yin de dag thams cad yid sdug bsngal zhing gnas so/ /de ltar de dag gnas shing lha ma yin rnams kyang yid dman par gnas te/ thags zangs ris dang / rab dgod dag gis 'di ltar lha ma yin gnas gsum pa na gnas pa me tog phreng dang / brtan pa dang / sgra gcan yang pham par gyur to zhes thos te/ de ltar mthu med par byas so/ /de ltar spro ba med pa/ dpung dang mthu nyams pa de dag la mgon gzhan med de/ 'di ltar ma yin gyi dbang po khyod du bas so/ /de nas lha ma yin gyi dbang po rab dgod kyis 'di skad smras so/ /lha ma yin rnams lha ma yin gyi dbang po gsum dag ga la gnas rtogs shig rtogs shig /de skad smras pa dang / lha ma yin rnams kyis lha ma yin gyi dbang po de la 'di skad smras so/ /'di ltar sa'i 'og gi sgo'i tha ma na lha ma yin dpung dang mthu nyams pa thams cad khyod la srog ltos/ khyod la dpung tshol/ khyod la rten cing mchis te/ mtshar kho nar ngo tsha nas sa'i 'og gi nang du yang mchi ba'i rngo ma thog go/ /de nas thags zangs ris dang rab dgod kyis 'di skad smras so/ /ci lha de rnams kyi brgya byin 'ongs sam ma 'ongs/ lha ma yin rnams kyis smras pa/ ma mchis so/ /de nas rab dgod khros pa'i mig dmar pos rang gi dpung la lta zhing 'di skad smras so/ /rgyal chen bzhi pa dag nyi tshes gnas gsum du gtogs pa'i lha ma yin rnams pham par byas/ dpung dang mthu nyams par byas/ brtson pa med par byas te/ kye ma lha ma yin rnams lha'i ris nyi tshe gang gis dpung dang mthu nyams par byas pa de'i phyir 'di ltar nga chas te/ lha thams cad pham par bya'o/ /de skad smras nas/ lha ma yin gyi dbang po de lha ma yin gyi dbang po kun gyi dpung bas lhag par brtson pa gang yin pa des dpon sna thams</font><hr>64.38a<br><font size=+1>

cad la bsgo ba 'di ltar lha gsad pa dang / lha gzhom pa dang / lha rnams la bar chad bya ba'i phyir bdag cha yis rnga bo che rdungs shig rdungs shig /lha dang brgya byin du bcas pa nga gcig pus thub par byas te/ nga ni bdag bar ma dor pham par mi 'dod do/ /gang lha'i brtson 'grus dpung dang ldan pa dag lha ma yin gyi bu mo rnams la lta ba dang / nyug par 'dod pa ci ngas mi shes snyam 'am/ de skad smras nas thags zangs ris dang / rab dgod de dag rnga sgra 'byin cing lha ma yin rnams rgyugs shig rgyugs shig /'di ltar ngas lha thams cad pham par bya ba dang / lha ma yin thams cad 'byor par bya ba'i phyir bdag nyid cha'o/ /de skad ces bsgo nas shing rta 'khor lo rtsibs 'bum dang / lha ma yin gyi 'od nyi ma lta bu bye ba phrag du ma dang chas so/ /de chas pa dang / ri dang / chu bo dang / ri khrad khrod dang / ri'i 'or dang / ri'i rtse mo dang / ri rab tu bcas pa g.yo ba nas legs par mthong gi tshal na lha rnams kyi dbang po brgya byin lha'i mdun sa chos bzang na 'dug pa'i stan gyi bar du g.yo ba dang / de 'di snyam du sems te/ /kye e ma bdag gi stan yang g.yo ba las na gor ma chag par lha dang lha ma yin g.yul 'gyed par 'gyur te/ lha ma yin gyi rgyal po thags zangs ris de chas pa ltar/ 'di ltar tshal dang / nags tshal 'di dang / ri khrad khrod dang / chu klung dang / ri ngos dang bcas pa thams cad dang / ri'i rgyal po ri rab 'di yang rab tu g.yo'o/ /brgya byin des de ltar rig nas/ lha rnams la bsgo ba/ sum bcu rtsa gsum pa'i lha rnams chos shig chos shig /'di ltar rab dgod dang thags zangs ris dag lha rnams pham par bya ba'i phyir cha zhing 'dug go/ /de'i phyir bdag nyid kyang 'di ltar glang po che sa srung gi bu la zhon te/ lha thams cad dang lhan cig tu lha dang lha ma yin gyi g.yul ga la ba der 'dong bar bya'o/ /gang gi phyir rab dgod dang / thags zangs ris kyi g.yul 'gyed pa gang yin pa der lha 'dug pa ni ngas ma mthong ngo / /de skad smras pa dang / 'di ltar lha rnams kyi dbang po brgya byin de ni dpung gi gtso</font><hr>64.38b<br><font size=+1>

bo yin te/ lha'i mdun sa chos bzang dang / grong khyer blta na sdug na gnas pa rnams la yang bsgo/ bzhi mdo dang bzhi mdo/ /sum mdo dang sum mdo dag tu yang 'di ltar lha rnams kyi dbang po brgya byin de ni lha dang lha ma yin gyi g.yul 'gyed par 'gro ste/ rab dgod dang thags zangs ris dag ga la ba de nyid du thams cad 'dong bar bya'o zhes bsgo'o/ /de nas de dag la de skad smras pa dang / lag cha dang / mtshon cha sna tshogs kyi gnas su gyur pa/ shing rta sna tshogs kyi tshal du 'dong bar byed de/ mtshon cha thams cad yod pa der lha brgya 'am/ stong ngam/ khri 'am/ bye ba mtshon cha don du gnyer ba de dag shing rta sna tshogs kyi tshal du 'dong bar byed do/ /de dag rgyug pa na rgya mtsho brug pa lta bu'i sgra byung ste/ lha rnams phan tshun 'dong ba shin du brtul ba'i rdul gang gis nam mkha' yog par gyur pa rnam pa de lta bu byung ngo / /de ltar de dag mtshon cha rnams blangs nas nam mkha' la rgyu ba rnams ni nam mkha' la/ skam sa la rgyu ba rnams ni skam sa la/ ri'i rtse mo la rgyu ba rnams ni ri'i rtse mo kun du gang nas 'dong ngo / /lha gzhan tshal dang / nags tshal dag na gnas shing rtser dong ba'i lha gang yin pa de dag kyang rnga sgra thos nas/ shing rta sna tshogs kyi tshal ga la ba der rgyug par byed do/ /sum bcu rtsa gsum pa'i lha'i 'dod pa kun kyang btang nas/ thams cad rgyug par byed do/ /mtshon cha dang / lag cha dang / go mtshon rab tu mang po brgya 'am/ stong ngam/ bye ba 'am/ bye ba brgya phrag stong snyed dag blangs nas/ de dag thams cad brgya byin shin du mthong bar 'dod cing 'khod do/ /de nas brgya byin gyis de dag gi nyams drod rig nas lha thams cad rab tu dga' bar byed cing shing rta rab tu mang po la zhon te/ shing rta kha cig ni rin po che sna bdun gyis brgyan/ kha cig ni gser gyis brgyan/ kha cig ni dngul gyis brgyan/ kha cig ni baidUr+yas brgyan/ kha cig ni shel gyis brgyan/ kha cig ni spug la sogs pa'i rin po che chen po rnams kyis brgyan/ kha cig ni nor bu sna tshogs kyis brgyan cing / dril bu g.yer kha'i dra bas gtibs pa/ kun nas mdzes pa/ </font><hr>64.39a<br><font size=+1>

las kyi mchog ji lta ba bzhin du thob pa/ rang gi gzi brjid kyis rtag tu mdzes pa na kha cig ni gser gyi ri rab kyi rtse mo dag khyab par gnas so/ /brgya 'am stong snyed kha cig ni nam mkha' la dong ste/ lha'i dbang po lha ma yin rnams pham par bya ba'i phyir nam 'gro zhig gu snyam nas/ brgya byin la shin du lta zhing 'khod do/ /de ltar phan tshun kun nas gtam zer zhing 'khod do/ /'thab pa la yid zhugs pa thams cad 'khod do/ /de dag de ltar 'khod pa dang / lha'i dbang pos glang po che'i kha lo sgyur ba ma ta li la bsgo ba/ 'di ltar bzang po song la nga'i glang po che sa srung gi bu glang po che thams cad kyi yon tan dang ldan pa kha drug yod pa de la zhon nas ngas lha ma yin rnams pham par bya'o zhes sgo shig /de nas ma ta lis brgya byin gyi bka' mnos nas/ rang gi 'dod pas sprul pa'i pad ma'i tshal na glang po che sa srung gi bu glang po che mang pos yongs su bskor ba ga la ba der song ngo / /de nas glang po che cang shes de la 'di skad smras so/ /'di ltar lha'i dbang po brgya byin de khyod la 'bod de/ lha ma yin gyi g.yul du khyod la zhon nas lha ma yin rnams pham par bya'o zhes gsung ngo / /de nas glang po che sa srung gi bu ma ta li ga la ba der song ste phyin nas/ lha'i 'dun sa chos bzang ga la ba der song ngo / /der 'ongs pa dang ma ta lis brgya byin la smras pa/ lha'i dbang po 'di ltar glang po che'i mchog de mchis so/ /brgya byin gyi rdzu 'phrul gyis de'i lus de la kha skyon med pa brgya sprul par byed de/ kha re re la so dkar po bcu bcu/ so re re la pad ma'i rdzing bu bcu bcu/ pad ma'i rdzing bu re re la pad ma stong stong / pad ma re re la ri bo bcu bcu/ ri bo re re la pog ri brgya brgya/ pog ri re re la lha mo brgya brgya/ sil snyan yan lag lnga dang ldan pas glu len bro rdung zhing / shin du chags su rung ba gzhan dang mi 'dra ba'i glu dbyangs dang yang dag par ldan pa dag len te/ de ltar glang po'i mchog sa srung gi bu la lha'i dbang po brgya byin sprul pa byed do/ /glang po che'i dbang po de yang lus kun nas dpag tshad stong yod do/ /lha'i dbang po</font><hr>64.39b<br><font size=+1>

brgya byin lha ma yin rnams pham par bya ba'i phyir sil snyan dang / rol mo'i sgra dang / glu dang / ca co dang / ga zha'i sgra dbyangs 'byin pa rnams kyis rnam par mdzes pa na kun nas rnam pa de lta bu dang ldan pa'i glang po che mchog dkar po de la zhon no/ /de nas de 'gro ba mngon par mthong nas/ lha rnams kyang shing rta kha dog rnam pa sna tshogs la zhon te/ mtshon cha sna tshogs ni thogs/ lus la rgyan sna tshogs ni btags/ rgod pa dang / rtse ba dang / sgra di ri ri 'don pa dang / rab tu dga' ba'i yid rnam pa du ma phyir zhing yid rab tu dga' bar gyur to/ /de nas lha'i dbang po brgya byin dbus kyi stan la 'dug ste/ bsod nams kyi stobs chen po dang ni ldan/ lha'i mchog mang pos ni yongs su bskor/ gzhan dang mi 'dra bar ni brjid/ lha rnam pa sna tshogs kyis ni yongs su bskor te/ sum bcu rtsa gsum pa'i bdag po nyi ma 'bum bas lhag pa'i 'od kyis nam mkha' 'gengs shing / sil snyan dang / glu dbyangs rnam pa sna tshogs kyis 'gengs pa na/ nam mkha'i dpag tshad nyi khrir bkang nas lha dang lha ma yin gyi g.yul ga la ba der 'jug par byed do/ /de nas de 'jug pa na/ 'jig rten skyong ba rnams bred skad 'byin cing / brgya byin gyi drung du phyin nas/ 'di ltar lha'i dbang po lha rnams pham par bya ba'i phyir rab dgod dang / thags zangs ris dag mchi ste/ 'di ltar rgya mtsho thams cad rab tu dkrugs/ ri bor gtogs pa stong rab tu g.yo bar bgyid/ lha ma yin rnams sgra 'jebs par 'byin te/ shin du 'jigs pa'i sgra thos so/ /gang thos nas rgya mtsho na gnas pa nya dang klu dag kyang mthu chung bar gyur/ srin po dang sha za dag kyang gum par gyur/ klu'i rgyal po chos dang mi ldan pa rab 'joms la sogs pa ni shin du dga' nas/ 'brug sgra 'byin/ klu'i rgyal po chos dang ldan pa 'jog po dang / nor rgyas kyi bu la sogs pa ni 'di ltar lha ma yin gyi dbang po thags zangs ris sa'i 'og nas byung ngo snyam nas/ yid dman par gyur te/ 'brug sgra mi sgrogs/ gser gyi ri bo drug khri ri rab dang</font><hr>64.40a<br><font size=+1>

bcas pa gang yin pa de dag thams cad kyang g.yo bar bgyid/ 'byung po thams cad kyang sgyid lug par gyur nas/ phreng thogs dang / rtag tu myos gnas dang / lag na yol go thogs pa dang / pi bang can gsum pa shin du sgyid lug pa rnams kyis bdag lha'i dbang po'i drung du mngags pa lags na/ lha lan du bgyi ba gang lags pa de bsgrub du gsol/ 'di ltar bdag cag rnams kyis ni gnas gsum du gtogs pa'i lha ma yin gyi dbang po gsum po me tog phreng dang / sgra gcan dang / brtan pa dag g.yul du lan brgya 'am stong du thub lags so/ /'jig rten skyong ba rnams las de skad thos nas/ lha'i dbang pos de dag la smras pa/ 'jig rten skyong ba rnams 'di dag thams cad ji lta ba bzhin bdag gis rig ste/ 'di ltar rab dgod dang thags zangs ris dag chas pa'i phyir bdag kyang de dag chad pas gcad pa dang / lha de rnams kyi skyabs dang dpung bya ba'i phyir 'di ltar bdag 'gro bar bya'o/ /bdag ni chos kyi skyabs/ chos kyi dpung gnyen/ chos kyi rten/ chos kyi rgyal mtshan/ chos tshol ba yin te/ bdag ni chos ma yin pa la mi dga' la/ chos ma yin pa la yid kyang mi 'jug go/ /da ltar bdag cag yon tan de lta bu dang ldan pa rnams la nams kyang thub par mi 'gyur gyis/ de dag la ma 'jigs shig ma 'jigs shig /bdag kyang dpung gi tshogs rab tu mang pos lha ma yin ga la ba der 'gro bar bya yis/ de dag la 'jigs par ma byed cig /'dzam bu'i gling na da dung du mar 'dzin pa dang / phar 'dzin pa dang / dge sbyong du 'dzin pa dang / bram zer 'dzin pa dang / byas pa gzo ba dang / chos dang ldan zhing chos skyong ba dang / dam pa'i chos la dga' ba dang / dam pa'i chos dang dge 'dun la gus pa dang / las dang 'bras bu'i de nyid rig pa dang / gso sbyong la nye bar gnas pa dang / sbyin pa dag sbyin par byed/ bsod nams byed pa'i rang bzhin can dag rjes su sbyong bar byed/ ye shes la goms par byed/ de la yid zhugs par byed pa dag yod la/ bdag gis kyang chos dang 'thun</font><hr>64.40b<br><font size=+1>

pa'i chos kyi rang bzhin can bsgrubs te/ de dag dang bdag cag nyung gis kyang lha ma yin du gtogs pa rnams kyis 'jigs pa med do/ /de skad smras nas lha'i dbang po baidUr+ya'i ri ga la ba dang / rgyal chen bzhi'i lha rnams ga la ba der song ste/ de dag mngon par mthong nas lha'i dbang pos smras pa/ 'jig rten skyong ba dag rgyal chen bzhi'i lha 'di dag 'khod pa ni lha ma yin rnams pham par bya ba'i phyir 'khod pa yin no/ /lha'i dbang pos de skad smras pa dang / 'jig rten skyong ba dag gis slar smras pa/ 'di ltar rgyal chen bzhi'i lha 'di dag ni brgya byin khyod la rten/ khyod la skyabs tshol/ khyod la gnas pa kho na lags te/ lha ma yin gyi dbang po tshogs dang bcas pa yang rtsis la ma chags par bgyid do/ /de skad smras pa na sum bcu rtsa gsum pa'i lha rnams brgya byin la/ lha'i dbang po brgya byin sngon du 'dren pa dang bcas par rgyal bar spyon cig ces gsong por smra zhing bstod par byed do/ /de lha'i tshogs kyis bstod cing rgyal chen bzhi'i lha ga la ba der 'dong bar byed do/ /de nas lha'i dbang po 'khor dang bcas pa shing rta 'bum phrag du ma dang lha'i tshogs kyis ni yongs su bskor/ glang po che sa srung gi bu la ni snga ma bzhin zhon/ rin po che sna bdun gyis ni mdzes par byas/ nam mkha' ltar rtag tu lus 'od kyis ni gsal bar byas/ phyogs bcur rol mo'i sgra dang / sil snyan gyi sgra du mas ni bkang / lha yid rab tu dga' ba 'bum phrag du mas ni yongs su bskor/ ri rab thams cad la gnas pa'i dri za rnams kyis ni mdzes par byas/ lha dang drang srong gi tshogs rnams kyis ni mngon par bstod de/ bde ba dpe med pa nyams su myong zhing las kyi 'bras bu shin du legs pa la spyod pa 'ong ba dag mthong nas rgyal chen bzhi'i lha rnams yid rab tu dga' bar gyur to/ /de nas de dag mngon par mthong nas smras pa/ 'di ltar nga ni lha ma yin pham par bya ba'i phyir da dpung chen po dang lhags pa yin gyis ma 'jigs shig ma 'jigs shig /de thos nas rgyal chen bzhi'i</font><hr>64.41a<br><font size=+1>

lha rnams yid rab tu dga' ste 'di skad smras so/ /lha'i dbang po 'di ltar lha ma yin 'di dag bdag cag 'ba' shig gis kyang pham par bgyi ba'i slad du mchis pa lags na/ lha'i dbang po dang bcas pas lta smos kyang ci 'tshal te/ khyod kyi dpung gis bdag cag bskyabs pas na/ lha ma yin du gtogs pa'i 'jigs pa chung zad kyang ma mchis so/ /de skad smras nas lha ma yin lta ba kho nar 'dod pa de la mngon du phyogs pa lha rnams kyi dbang po brgya byin de ga la ba der yongs su bskor te/ 'khod pa rnams 'di ltar lha ma yin gyi dbang po thags zangs ris de lha ma yin gyi dbang po sgra gcan dang / brtan pa dang / me tog phreng dang / lhan cig dus ji srid cig na 'ong bar 'gyur snyam mo/ /de ltar lcags kyi ya lad mi phyed pa bgos pa/ lag na mtshon cha sna tshogs thogs pa/ lha ma yin pham par bya ba'i phyir g.yul du chas pa/ yid gcig tu gyur pa dag rin po che rnam pa sna tshogs kyis mdzes par byas pa'i shing rta la zhon pa rnams 'khod do/ /de ltar chos dang ldan zhing chos kyi rjes su 'jug pa'i klu 'jog po dang / nor rgyas kyi bu la sogs pa g.yul 'gyed par shin du chas pa/ brgya byin la lta zhing bka' gus par nod pa dag /brgya byin gyis bka' ci zhig stsol bar 'gyur snyam zhing 'khod de/ de ltar sa'i 'og mtha' dag kun la mngon par rtog par 'dod pa rnams la 'di ltar lha ma yin gyi dbang po bzhi lha ma yin 'khor dang bcas pa thams cad kyis yongs su bskor ba/ lag na mtshon cha dang / lag cha sna tshogs bye ba phrag du ma thogs pa lag par shin du bsdus pa/ lag pa'i sor mos 'dzin pa rnams kyis yongs su bskor ba dag mas cha bar byed do/ /de dag gi phyi bzhin du yang 'bum phrag bye ba du ma dag gis yongs su bskor cing / ri rab thams cad mthu chen pos sgul bar byed pa/ lha ma yin de dag thams cad dang bcas pa/ dpung dang brtson 'grus lhag par che ba/ mtshon cha dpag tu med pa la mkhas pa/  </font><hr>64.41b<br><font size=+1>

ri rab gnyis lta bur cha ba na/ klu'i rgyal po chos dang mi ldan zhing chos kyi rjes su mi 'jug pa rab 'jom la sogs pas sa'i 'og gi bdag po thags zangs ris dang / rab dgod yongs su bskor to/ /de nas de ltar lha dang lha ma yin 'khod pa dag lha rnams kyis ni nam mkha' bkang nas 'khod/ lha ma yin rnams kyis kyang rgya mtsho khebs par 'khod de/ ngo mtshar gyi yid kyis phan tshun 'thab pa la shin du mos pa/ phan tshun du 'bod par 'dod pa na/ de ltar klu'i rgyal po 'jog po dang / nor rgyas kyi bu la sogs pa dang / 'jig rten skyong ba de dag dang lhan cig 'khod pa rnams 'di ltar lha'i dbang pos bdag cag gi mdun na lha ma yin de ltar 'khod pa 'di dag la/ lha ma yin dang bdag cag 'thab mo gyis shig ces ji ste bka' mi stsol zhes brjod do/ /de nas lha'i dbang pos de dag la 'di skad smras so/ /'di ltar 'jig rten skyong ba dag 'dzam bu'i gling du rings par mngag par bya ste/ kye 'dzam bu'i gling na mar 'dzin pa/ phar 'dzin pa/ chos dang ldan zhing chos kyi rjes su 'jug pa'i mi dag yod dam med/ de ltar brtags nas lha ma yin rnams pham par bya'o/ /lha dag ni chos skyob pa yin/ chos kyi gnas yin te/ chos 'phel ba na lha rnams 'phel bar 'gyur la/ chos 'grib pa na lha rnams 'grib par 'gyur ro/ /de ltar 'jig rten skyong ba dag mi yul 'dzam bu'i gling du bdag gis mngag par bya'o/ /de skad smras nas/ lha'i dbang po brgya byin gyis 'jig rten skyong ba rnams la bsgo ba/ khyed 'dzam bu'i gling du myur du deng la/ 'di ltar chos dang ldan zhing chos kyi rjes su 'jug pa/ mar 'dzin pa/ phar 'dzin pa/ rigs kyi gtso bo'i rjes su 'jug pa/ gso sbyong la nye bar gnas pa/ sbyin pa gtong ba/ tshul khrims bsrung ba/ bag yod pa rnams bag yod par gnas pa/ rang gi chos kyi rjes su 'jug pa dag la so sor rtogs shig /de skad bsgo ba dang / 'jig rten skyong ba bzhi mda' 'phangs pa ltar shin tu </font><hr>64.42a<br><font size=+1>

mgyogs par 'dzam bu'i gling du dong ngo / /dong nas gnas nas gnas/ grong nas grong / grong khyer nas grong khyer/ grong rdal nas grong rdal/ bzhi mdo nas bzhi mdo/ yul nas yul/ ljongs nas ljongs/ thams cad du so sor rtog par byed de/ kye 'di dag mar 'dzin pa/ phar 'dzin pa/ dge sbyong du 'dzin pa/ bram zer 'dzin pa dag su yod/ rigs kyi rgan rabs rjes su skyong ba dag su yod ces de ltar 'dzam bu'i gling 'di ma lus par so sor rtog par byed do/ /de dag gis 'dzam bu'i gling na chos dang ldan zhing chos kyi rjes su 'jug pa'i mi/ mar 'dzin pa/ phar 'dzin pa/ dge sbyong du 'dzin pa/ bram zer 'dzin pa/ rigs kyi rgan rabs rjes su skyong ste/ 'dzam bu'i gling gi mi rnams chos thams cad dang ldan par mthong ngo / /de dag gis de ltar rig nas yid dga' ste/ mda' 'phangs pa ltar shin du mgyogs par lha rnams kyi dbang po brgya byin ga la ba der 'ongs nas yid shin du dga' ba de dag gis lha'i dbang po brgya byin la 'di skad smras so/ /lha rnams kyi dbang po brgya byin dgyes par mdzad du gsol/ 'dzam bu'i gling na chos dang ldan zhing chos kyi rjes su 'jug pa mar 'dzin pa/ phar 'dzin pa/ dge sbyong du 'dzin pa/ bram zer 'dzin pa/ rigs kyi rgan rabs rjes su skyong ba/ sbyin pa gtong ba/ bsod nams bgyid pa dag mchis te/ lha'i phyogs ni rab tu 'phel bar bgyid la/ lha ma yin gyi phyogs ni yongs su 'grib par bgyid lags so/ /de skad smras pa dang / lha'i dbang po brgya byin yid rab tu dga' nas/ 'jig rten skyong ba dag la smras pa/ 'di ltar 'dzam bu'i gling na chos dang ldan zhing chos kyi rjes su 'jug pa'i mi dag yod pas na/ bdag cag gis lha ma yin gyi phyogs pham par bya yis lha khyod kun yid dga' bar gyis shig /de skad thos nas lha rnams yid rab tu dga' ba skyes te/ yid dga' ba bcu 'gyur du skyes pa'i stobs kyis brgya byin la smras pa/ lha'i dbang po ci la gzhes ci la</font><hr>64.42b<br><font size=+1>

gzhes dgra las rgyal bar spyon cig /khyod kyi bka' drin la bdag cag gis lha ma yin rnams pham par bgyi'o/ /de skad smras pa dang / lha'i dbang pos klu'i rgyal po nor rgyas kyi bu dang / 'jog po la sogs pa la 'di skad smras so/ /chos dang mi ldan pa klu rab 'jom la sogs pa dang / lha ma yin thags zangs ris dang / rab dgod la sogs pa thams cad gzhom pa'i phyir khyed rgyugs shig rgyugs shig /de skad smras pa dang / klu'i bdag po 'jog po dang / nor rgyas kyi bu la sogs pa klu'i bdag po chos dang mi ldan zhing chos kyi rjes su mi 'jug pa lha ma yin gyi phyogs su gnas pa rab 'jom la sogs pa ga la ba de dag gi drung du khros pa'i shugs kyis me char ltar 'bebs shing rgyug go/ /de nas rab 'jom yang thags bzangs ris dang rab dgod kyis bsgo ba dang / de dag 'ong ba mngon par mthong nas glog char ltar mngon par 'bebs so/ /de rab tu 'bar ba de dag thams cad tsha ba'i sdug bsngal mngon par myong zhing de nas yang pham pa dag lha ma yin gyi dpung ga la ba der rgyug par byed do/ /dpung dang mthu nyams pa de lha ma yin gyi nang du song nas 'di skad smras so/ /nyams pa bdag cag gis rgyal bar dka' ste/ bdag cag 'dus na ni bsgrim mi dgos par lha rnams las rgyal bar nus so/ /de skad smras nas/ de nas yang klu'i rgyal po 'jog po dang / nor rgyas kyi bu la sogs pa ga la ba der dong ba dang / de dag 'ong ba 'jog po dang / nor rgyas kyi bu des mthong nas smras pa/ 'di ltar rab 'jom bdag cag gi drung du 'ong ba chad pa drag pos gcad par bya'o/ /gzhan du na de yang dang yang du bdag cag la 'tshe bar byed do/ /de skad smras nas/ klu'i rgyal po rab 'jom la sogs pa ga la ba der brgyugs nas/ 'jog po des rab 'jom de bzung nas steng du me'i char phab bo/ /de me'i char des ri dang bcas pa rab tu sreg pa na/ srog 'dod pa lha ma yin gyi phyogs ga la ba der rgyug par byed do/ /de ltar de 'ongs pa mngon par mthong nas/ lha ma yin gyi</font><hr>64.43a<br><font size=+1>

dbang po sgra gcan gyis lha ma yin gyi dbang po de dag la smras pa/ 'di ltar klu pham pa de dag la khyed yid drang por ltos shig /de skad smras nas/ bdag dang bcas pa'i dpung des brgyugs so/ /de 'ong ba mthong nas lha lag na yol go thogs pa rnams kyis kyang brgyugs te/ de ltar de dag phan tshun 'ong ba na/ rgya mtsho'i dbus su lha dang lha ma yin ri'i rtse mo mi bzad pa 'phen pa/ shin du 'jigs su rung ba/ shin du bzod par dka' ba'i g.yul bkye'o/ /lha dang lha ma yin rnam par 'khrugs pa des lha ma yin rgya mtsho na rgyu ba 'bum phrag du ma dag las kha cig ni 'on par gyur/ kha cig ni srog dang bral lo lha dang lha ma yin de dag rnam par 'khrugs pas/ mtshon cha 'bum phrag nyam nga ba char ltar bab pa'i g.yul bkye'o/ /de nas khyad par ni 'di yod de/ lha gang gi rkang pa bcad na slar nad med par skye bar 'gyur/ lag pa bcad na yang nad med par skye bar 'gyur/ de ltar yan lag dang nying lag thams cad bcad cing gtubs kyang skye bar 'gyur te/ nad med pa dang / gnod pa med pa dang / mdog nyams par mi 'gyur la/ de'i tshe skye zhing 'byung bar 'gyur ro/ /mgo bcad pa ni ma gtogs te/ lha rnams kyi dgra yang zhi bar 'gyur ro/ /lha ma yin rnams kyang ji ltar mi rnams la mtshon chas btab na gnod pa de ltar lha ma yin rnams la yang de bzhin du 'byung ste/ lha dang lha ma yin dag nang gi khyad par ni de lta bu yin te/ de ltar lha lag na yol go thogs pa rnams dang / lha ma yin sgra gcan gyi sar gtogs pa rnams kyi khyad par ni de lta bu yin no/ /de nas lha lag na yol go thogs pa rnams kyis ri rtse mo can du ma blangs nas lha ma yin ga la ba der brgyugs te/ ri char ltar 'bebs pa des lha ma yin de dag gi dpung brgya 'am/ stong du bcom mo/ /de bcom pa mngon par mthong nas/ sgra gcan gyis ri dpag tshad gsum pa blangs nas brgyugs so/ /lha lag na yol go thogs pa rnams kyis de ltar 'ong ba mngon par mthong nas/ mtshon cha dang</font><hr>64.43b<br><font size=+1>

lag cha thogs te/ lha ma yin ga la ba der brgyugs so/ /ri de mtshon cha char ltar phab pa des ji ltar bye ma bzhin de ltar zhib mor brlags nas rgya mtsho'i nang du gtor to/ /de 'ong ba mngon par mthong nas dud 'gro'i ngo bo sems can gyi tha ma sgra gcan de yongs su yi chad do/ /mtshon cha char ltar 'bab pa na lha ma yin gyi dpung ga la ba der brgyugs so/ /lha ma yin gyi dbang po brtan pas de 'ong ba mngon par mthong nas/ rang gi 'khor rnams la smras pa/ ri rab gnyis kyi tshad ltar 'dug pa chas pa 'di gcig pus lha 'di dag thams cad chad pas gcad par nus su gsha' lta zhig na/ 'di ltar bong tshod 'ba' shig cher zad de mthu chung nas lha rnams kyis bsngags pa dang / mgon 'dod pa/ skyabs 'dod pa/ dpung gnyen 'dod pa/ lha ma yin ga la ba der rgyug par byed pa/ lha ma yin phal pa dang mtshungs pa 'di ni mthu dman pa yin la smad pa nyid yin no/ /'di'i mdun na 'thab par gnas pa lha lag na yol go thogs pa gang yin pa 'di dag ni snying stobs che ba yin no/ /de skad smras nas/ lha ma yin gyi dbang po brtan pa rang gi 'khor dang yang lhan cig lha ma yin mchog tu rgya che ba mgul phreng dang yang thabs gcig tu g.yul 'gyed pa'i phyir lha lag na yol go thogs pa ga la ba der rgyug par byed do/ /lha rnams kyis brtan pa dang de dag lhan cig 'ong ba mthong nas lha phreng thogs rnams la smras so/ /'di ltar brtan pa bdag nyid thams cad lha lag na yol go thogs pa rnams kyi drung du rgyug gis lha rnams kyang rgyugs shig rgyugs shig /de skad smras nas de nas yang lha ma yin gyi dbang po sgra gcan dang / brtan pa ga la ba der dong ngo / /de nas yang sgra gcan de brtan pas phyir bzlog ste/ khong brta brta nas de nas yang phan tshun 'dus te/ lus kyi mthu dang dpung tshol bar 'dod pa 'dus pa dag lha ga la ba der phyir log pa dang / lha lag na yol go thogs pa dang / lha ma yin sgra gcan gyi sar gtogs pa mgul phreng de</font><hr>64.44a<br><font size=+1>

dag dang phan tshun dgrar gyur pa/ phan tshun mi bzod pa/ so so'i dpung chen po'i g.yul 'gyed de/ ri'i rtse mo rnams dang / brag gi rtse mo rnams dang / mda' char ltar 'bab pa rnams dang / mtshon char ltar 'bab pa rnams dang / shing ljon pa char ltar 'bab pa rnams kyis rtag tu nam mkha' phan tshun mun pa thibs po ltar gsal bar mi mngon te bar chad byed pa bye ba 'bum phrag du ma'i g.yul dpe med pa 'gyed do/ /de ltar lha rnams kyi yan lag dang nying lag bcad cing gtubs pa dag ni de nas yang snga ma bzhin slar skye'o/ /lha ma yin rnams kyi yan lag dang nying lag du ma bcad pa dag ni nad dang bcas par 'gyur la/ skye bar yang mi 'gyur ro/ /mgo bcad pa rnams kyang mi dang 'dra bar mi skye'o/ /lha rnams kyang mgo bcad pa dang / rked pa bcad pa yang 'chi bar 'gyur ro/ /de ltar lha ma yin ji lta ba de ltar lha rnams zad par mi 'gyur ro/ /de nas lha dang lha ma yin rnam par nyams pa na lha ma yin rnams shin du zad pa de ltar lha rnams ni ma yin no/ /de nas lhag ma phyed tsam lus pa lha rnams kyis bcom pa/ skyabs 'dod pa/ dpung gnyen 'dod pa dag sa'i 'og gi sgo ga la ba der rgyug par byed de/ sgra ha ha 'byin pa'i lha rnams kyis nye bar bcom pa/ brtson 'grus chung ba/ skyabs zhan pa/ srog dman pa dag lha ma yin gyi dbang po brtan pa dang yang lhan cig sgra gcan dang yang lhan cig tu bros so/ /lha ma yin gyi dbang po de gnyis mthu nyams shing gnas nyams pa dag me tog phreng gis mthong nas lha ma yin gyi dbang po gsum pa la smras pa/ 'di ltar bdag cag gi lha ma yin ga la ba der 'dong gis rgyugs shig /brtson 'grus chung ba'i lha rnams bdag cag gi dpung dang / brtson 'grus dang / 'thun pas pham par bya'o/ /des de skad smras pa dang / de nas me tog phreng lha rnams ga la ba der rgyug par byed do/ /de nas de dag 'ong ba mthong nas dpung chen pos de nas yang bcom pa'i lhag ma phan</font><hr>64.44b<br><font size=+1>

tshun gyi brtson 'grus dang / phan tshun gyi dpung gis 'dus pa bdag nyid dang 'khor mang po dang bcas pa phyir log ste phan tshun 'di skad smra'o/ /'di ltar lha ma yin zhes ming du btags pa 'di ci 'bros pa kho nar gyur tam/ brtson pa la mi gnas sam/ mtshon cha la mi rten pa lta zhig ste/ rang gi gnas su yongs su nyams par 'gyur la/ chung ma de dag gi nang du yongs su nyams par 'gyur ro/ /de skad smras nas/ de nas yang dpung dang mthu rgyas pa mtshon cha sna tshogs thogs pa dag lha ga la ba der rgyug par byed de/ ri'i rtse mo 'tsher ba lta bu dang rlung gi shugs ltar mngon par mgyogs pa de dag g.yul 'gyed pa'i phyir yang log go/ /de nas lha kun du rgyu ba dang / lha phreng thogs dang / lha rtag tu myos gnas dang / lha lag na yol go thogs pa thams cad phan tshun du 'di ltar kye ma lha ma yin 'dus pa 'di dag thams cad ni blo gros mi brtan pa yin te/ kye ma lha ma yin rnams gang gis bdag nyid dang / bdag cag gi dpung gi khyad par khong du chud kyang de dag rgyug par byed do zhes brjod do/ /de dag gis de skad smras nas/ lha rnams kyang lha ma yin dag ga la ba der rgyug par byed do/ /phan tshun rgyal ba brtod pa na lha dang lha ma yin de dag gzhan dang mi 'dra ba'i g.yul bkye ste/ phan tshun ri bo char ltar 'bebs pa dang / me char ltar 'bebs pa dang / rdo char ltar 'bebs pa dang / mtshon cha char ltar 'bebs pa dang / dpung gi tshogs rnam par 'joms pas mngon par bcom mo/ /de dag mtshon cha du ma dang / rnam par 'joms pa du ma dang / nyam nga ba du ma dang / de ltar srog gcod pa du ma dag gis g.yul dpe med pa bkye ste/ de dag rgya mtsho kun nas bar med par 'khod nas g.yul bkye'o/ /'di ltar de gzhan dang mi 'dra ba'i phyir de ni dpe bya bar yang mi nus te/ de dag g.yul rnam pa du ma bkye'o/ /klu rnams kyang klu rnams dang lhan cig g.yul dpe med pa bkye'o/ /de ltar g.yul rnam pa du ma de dag lha'i dbang po brgya byin gyis mthong nas sum bcu rtsa</font><hr>64.45a<br><font size=+1>

gsum pa'i lha rnams la smras pa/ 'di ltar rab dgod ni da dung 'dug ste/ ma gtogs par lha ma yin de dag thams cad rgyug par byed kyis khyed chos shig chos shig /de dag chas pa'i phyir bdag kyang glang po che sa srung gi bu la zhon te cha'o/ /de nas brgya byin gyis lha rnams la de skad smras nas yid rtse gcig gis glang po che sa srung gi bu la 'di skad ces smras so/ /glang po che'i rgyab tu zhon te/ ngas lha ma yin gyi lhag ma lus pa thags zangs ris dang / rab dgod kho na dang / lha ma yin de dag gi lhag ma thams cad las rnam par rgyal bar bya'o/ /de skad smras nas/ de rdo rje gsor te lha ma yin gyi dpung la kun du lta zhing 'dug go/ /de nas lha dang lha ma yin g.yul shin du mi bzad par 'jug pa na/ lha ma yin rnams ni yongs su nyams/ lha rnams ni rgyal te shin du dga' nas/ lha ma yin rnams kyi drung du rgyug par byed do/ /lha rnams kyi dbang po brgya byin yang 'dzum rangs te/ lha ma yin thams cad kyi dpung 'jom du chas pa na rab dgod 'di snyam du sems te/ kye ma 'di ltar lha ma yin gyi dbang po gsum po dang / gnas gsum na 'khod pa'i lha ma yin bye ba phrag du ma mthu nyams par byas pa 'di dag ni ji ltar sngar mtsho kun mngon du mthong ba de ltar 'di dag gyur te/ kye ma mtsho der mthong ba ni ma nor ba yin no/ /'di ltar brgya byin pham par bya ba dang / lha thams cad kyang gzhom par bya ba'i phyir bdag cha ste/ kye ma lha de dag dang bdag khyad par cang med do// snyam mo/ /blo de lta bu bskyed nas g.yul du rings par 'jug par bya ba'i phyir sa'i 'og gi sgor 'khod do/ /rab dgod dang thags zangs ris khros pas gzir ba de nyid du 'khod pa dang ri kun ni g.yos/ rgya mtsho yang rlabs rnams kyis kun du 'khrugs par byed/ nyi ma'i 'od zer dmar po thams cad kyang ri la shar te/ 'khor dang bcas pa sa'i 'og gi sgo de nyid du 'khod pa dang / de nas lha rnams kyis lha ma yin sgra gcan la sogs pa pham par byas shing nyams</font><hr>64.45b<br><font size=+1>

par byas pa rnams sa'i 'og gi sgo ga la ba der rgyug cing spro ba med pa/ mgon med pa/ kun nas gnod pa/ ha ha'i sgra rnams kyis sems dkrugs pa/ kun nas zhum pa/ mgon med par gyur pa rnams de skad phan tshun rjod pa na lha ma yin gzhan kha cig gis smras pa/ lha ma yin dag ma 'bros ma 'bros/ ci ste byol/ ci ste bros/ slar log slar log /de skad smra zhing phan tshun de skad brjod pa'i lha ma yin rnams ri rtse mo can char ltar phab pas kun du btags pa na/ lha yid rab tu dga' ba rnams lha ma yin chos dang mi ldan zhing chos kyi rjes su mi 'jug pa dag zung shig rtogs shig /bdag cag la dud 'gro 'di dag glo bur du khro bar byed kyang g.yul la 'jigs pa med de/ lha ngan pa 'di dag gi g.yul la 'jigs pa med do/ /mtshon cha dang / lag cha la mkhas pa yang ma yin te/ 'di dag ni ji ltar slar ldog par mi 'gyur ba de ltar rgyal bar bya ste/ kye ma dus ma yin pa'i g.yul 'gyed par rtag tu 'dod pa 'di dag ni ji ltar phyir mi ldog par 'gyur ba de ltar rgyal bar bya'o/ /de ltar phan tshun spro ba bskyed nas/ lha ma yin rnams shin du gzhom par yid zhugs pa khros pa mig shin du dmar ba dag lha ma yin ga la ba der dong nas ral gri dang / mtshon cha kun nas char ltar 'bebs te/ ji ltar char gyi rgyun 'bab pa ltar 'bebs shing / de ltar me yang char ltar 'bebs so/ /de nas de ltar lha ma yin blong blong por 'khod pa shing rta 'bum snyed la zhon pa/ lha ma yin du mas yongs su bskor ba dag sa'i 'og gi sgor 'khod de/ lha rnams ga la ba der mtshon cha sna tshogs char ltar 'bebs la/ ri dpag tshad gsum dang bzhi dang / lnga'i tshad tsam 'phen par byed do/ /de lta bu char ltar mngon par 'bebs pa dang / rnam pa de lta bur chas pa de dag lha ma yin rnams kyis kyang mngon par mthong nas/ de nas yang dbugs phyin te/ g.yul 'gyed par phyir log nas/ rab dgod dang lha ma yin de dag nyid la</font><hr>64.46a<br><font size=+1>

spro ba skyed par byed de/ 'di ltar bdag ni lha thams cad gzhom pa'i phyir chas pa yin gyis lha ma yin dag slar log slar log /lha ma yin gyi dbang po dag ci ste 'bros ci ste 'bros/ ma la khyim du bud med dag gi ngor yang ji skad smra/ 'di ltar skyes pa ni bdag cag yin na skyes pa'i ming yang med de/ skyes pa zhes bya ba don med par 'gyur ro/ /de skad smras pa dang / rab dgod lha rnams ga la ba der rgyug par byed do/ /de rgyug pa mngon par mthong nas lha rnams kyang de dang g.yul 'gyed par rab dgod ga la ba der brgyugs so/ /lha dang lha ma yin de dag phan tshun g.yul 'dres par bkye ste/ sgra byung ba gang yin pa des ri'i lcong dang ri rab thams cad kyang kun du gang ngo / /sgra gcan 'ba' shig lam du zhugs nas lha lag na yol go thogs pa dag ga la ba der brgyugs so/ /lha ma yin gyi dbang po brtan pa lag na dbyug to thogs pa yang lha phreng thogs dag ga la ba der brgyugs so/ /lha ma yin gyi dbang po me tog phreng yang ri dpag tshad gsum pa tsam cig blangs nas/ lha pi bang can gsum pa dang / lha kun du rgyu ba dag ga la ba der brgyugs te/ phan tshun g.yul chen po bkye ba na gtam du brjod na sems can thams cad kyi spu zing zhes byed na/ gang mngon du mthong ba 'am/ thos pa lta smos kyang ci dgos/ lha ma yin gyi dbang po rab dgod kyang rlung gis nam mkha'i sprin ltar lha rnams mngon par 'jom te/ shin du brtson 'grus dang ldan pa de la lha gang gis kyang phyir brgal bar mi nus so/ /de nas de ltar rgyal chen bzhi'i lha rnams la mngon par 'tshe ba na sum bcu rtsa gsum gyi bdag po brgya byin gyis sum bcu rtsa gsum pa rnams la 'di skad smras so/ /lha ma yin 'ba' shig gis lha 'di dag la mngon par 'tshe zhing 'dug na/ dpung phyi ma pa'i lha de dag ci ste mi rgyug /lha ma yin gyi dpung gis lha rnams yongs su nyams shing bcom pa dag ci khyed pham par dga' 'am/ gang lha'i 'dun sa chos bzang na 'khod pa dag ma gtogs par sum bcu rtsa gsum</font><hr>64.46b<br><font size=+1>

pa'i lha rnams rgyugs shig /ma lus par rgyugs shig /de skad bsgo nas rab dgod dang thags zangs ris ga la ba der brgyugs so/ /rab dgod kyi steng du sum bcu rtsa gsum pa'i mda'i tshogs rnams dang / ri bo char ltar bar mtshams med pas nam mkha' bkang nas mngon par 'bebs la/ rab dgod kyang ri bo char ltar mngon par 'bebs shing sum bcu rtsa gsum pa'i lha rnams ga la ba der 'dong bar byed do/ /nam mkha' thams cad sgras kun du 'gengs shing lha dang lha ma yin phan tshun rgyal ba la rtod pa de dag dpung gi tshogs ma lus pa thams cad kyis g.yul 'gyed do/ /de ltar g.yul 'gyed pa na/ gser gyi ri bo 'bum snyed phan tshun 'drud pa'i bur ma lhung ba'i rdul gyis nam mkha' khebs te/ nam mkha' kun nas bar mtshams med par dpag tshad stong tsam gser gyi rdul gyis khebs so/ /rdul gyi bar de dag na yang ji ltar char gyi rgyun mi 'chad par 'bab pa ltar rnam pa de lta bu'i mda'i tshogs phan tshun char ltar 'bebs so/ /de bzhin du phan tshun ri bo char ltar mngon par 'bebs shing lha ma yin bye ba du ma de dag 'joms par byed pa'i g.yul bkye'o/ /lha stong phrag du ma rnams kyang gzhom par bya ba'i phyir g.yul shin du mi zad pa bkye'o/ /de nas lha ma yin snying stobs chung ba pham par gyur pa shir dogs pa gang yin pa de dag sa'i 'og tu zhugs so/ /ma lus par bcom pa zhugs pa de dag la lha ma yin gyi bu mo dag gis smras pa/ kye ma lhag mar gyur pa bdag cag gi khyim thab de dag ga re/ de skad 'dri ba de dag la lha ma yin rnams kyis smras pa/ de dag ni 'di ltar lha dang lha ma yin gyi g.yul las rgyal ba thob ste/ 'dir 'ong ngo / /de nas lha ma yin gyi bu mo dag mtsho kun mthong ba ga la ba der dong ba dang / de dag thams cad mthong ste/ ji ltar lha rnams kyis lha ma yin rnams btags shing bcom ste/ de ltar lan brgya 'am stong du pham par byas pa de dag de bzhin mthong nas/ khyim thab bsad pa'i phyir nyon mongs shin du yi</font><hr>64.47a<br><font size=+1>

chad de sa'i steng du 'dug nas ngu bar byed/ smre sngags 'don/ rab tu sdug bsngal ba kun mtsho de yongs su bskor nas 'khod la brang rdung bar byed/ skra 'bal bar byed/ lus la 'brad par byed/ mchi mas gdong gsher bar byed do/ /de ltar mtsho'i nang na khyim thab dag pham ste/ bsad par mthong nas/ smre sngags 'don to/ /de nas lha dang lha ma yin gyi g.yul shin du mi zad par 'jug pa na lha ma yin gyi dbang po rab dgod lha ma yin bye ba snyed kyis yongs su bskor nas/ lha'i dbang po brgya byin ga la ba der 'gro bar byed do/ /de dag nyid 'ong ba mngon par mthong nas lha rnams la bsgo ba/ 'di ltar lha ma yin 'di dag ni g.yul 'gyed du bdag cag ga la ba der 'ong ste/ dpung chung ngu gdul bar dka' ba de dag ni ji ltar 'od kyis mun pa bsal ba de ltar grogs chos kyis rgyal bar bya'o/ /des lha rnams la de skad bsgo nas/ glang po che'i rgyal po sa srung gi bu la zhon te/ lcags kyi mda' 'phangs pa bzhin du rab dgod ga la ba der brgyugs so/ /de rgyug pa na lha'i dbang po brgya byin 'dun sa chos bzang na gnas pa'i lha rnams kyis yongs su bskor nas/ rdo dang shing gis 'gyed pa dag lha ma yin gyi dpung ga la ba der brgyugs so/ /kha cig ni mda' char ltar mngon par 'bebs shing rab dgod ga la ba der rgyug par byed do/ /rab dgod kyang brgya byin ga la ba der shing rta sgyur bar byed cing 'di ltar brgya byin bas bdag rgyal bar bya'o zhes zer ro/ /de nas brgya byin gyis rab dgod de la 'di skad smras so/ /chos ma yin pa'i lam la gnas pa'i dud 'gro da gar 'gro/ 'di ltar nga ni khyod pham par bya ba'i phyir 'ongs te/ 'di ltar ngas khyod rgyags pa dang phral nas/ de nas yang sa'i 'og tu gtang bar bya'o/ /de nas thags zangs ris dang / rab dgod kyis brgya byin la smras pa/ 'di ltar nga yang brgya byin khyod dang lha thams cad chad pa gcad par bya ba'i phyir 'ongs pa yin no/ /</font><hr>64.47b<br><font size=+1>

de nas thags zangs ris dang rab dgod kyis gser gyi ri dpag tshad lnga pa gcig 'phangs so/ /'phangs pa de mngon par mthong nas glang po che sa srung gi bu'i kha nas dbugs phyung bas ri de bye ma chang pa nas gtor ba bzhin phyir bzlog nas rgya mtshor lhung ngo / /ri phye mar brlags shing gtor ba de mngon par mthong nas/ de nas yang lha ma yin dag gis ri bo rdo rje'i lte ba can dpag tshad lnga pa gcig blangs nas brgya byin ga la ba der 'phangs so/ /'phangs pa de mngon par mthong nas sa srung gi bu'i sna'i thor tos bzung ste/ slar lha ma yin gyi dbang po la 'phangs te/ glang po che 'di ni cang shes pa yin no/ /rang gi ri 'phangs pa des de'i brang du brgyab pa dang / rab dgod de brgyab pa des nyams nas stan de las lhung zhing / slar 'khod de brgyab pa des rab tu nyams so/ /de mthong nas sum bcu rtsa gsum pa dag sgra chen pos nam mkha' bkang nas/ 'di ltar lha'i dbang pos dud 'gro de pham par byas te/ 'dir re shig glang po che'i mchog 'dis 'phangs pa'i shugs kyis mngon par nyams shing g.yos na gal te rdo rjes brgyab par gyur na lta smos kyang ci dgos/ de skad smras nas/ lha ma yin ga la ba der brgyugs te/ la la ni rdo dang shing gis 'gyed/ la la ni ri bos 'gyed/ la la ni rtse gsum kha gdeng gis 'gyed/ la la ni ste'u khas 'gyed/ la la ni glog 'byung bas 'gyed/ la la ni thong gshol gyis 'gyed/ la la ni stobs kyis 'gyed/ la la ni 'khor los 'gyed/ la la ni ral gris 'gyed/ la la ni nam mkha' la 'gro bas 'gyed/ la la ni sna stsogs pas 'gyed/ la la ni tho bas 'gyed/ la la ni mtshon cha mchog tu bdams pas 'gyed/ la la ni mtshon cha dri ma med pas 'gyed/ la la ni mtshon cha rab byed kyis 'gyed/ la la ni mtshon cha byi bdar byed kyis 'gyed/ la la ni mtshon cha brtsegs pas 'gyed/ la la ni mes 'gyed/ la la ni chus</font><hr>64.48a<br><font size=+1>

'gyed/ la la ni chu 'bebs pas 'gyed/ la la ni thams cad kyis 'gyed/ la la ni mtshon cha nag pos 'gyed/ la la ni sgyu mas 'gyed/ la la ni 'dud pas 'gyed/ la la ni sen mos 'gyed/ la la ni sgras 'gyed de/ sgra'i shugs gang mnyan par yang mi nus so/ /la la ni rdog pa rdeg pas 'gyed de/ rnam pa de lta bu'i go mtshon sna tshogs kyis lus shin du bsrungs pa rnams kyis lha ma yin rnams pham par bya ba'i phyir brgya byin lha thams cad kyi mdun du bzhag go/ /de nas mog mog por gyur pa de mngon par mthong nas/ lha ma yin gyi dbang po thags zangs ris la sogs pa lag na mtshon cha sna tshogs pa rnams rab dgod kyi dpung bya ba dang / brgya byin btag pa'i phyir brgya byin ga la ba der 'dong bar byed do/ /de nas lha ma yin gyi dbang po bzhi po dag brgya byin kho na la 'gyed du 'ong ba mngon par mthong nas/ lha rnams brgya byin gyi dpung gi rim gro bya ba dang / rang gi rtsal ston cing brgya byin ga la ba der 'dong bar byed do/ /de nas brgya byin gyis 'ong ba de dag mngon par mthong nas shin du khros te chas nas smras pa dud 'gro khyed ci ste shin du rmongs/ gang khyed kyi dpung rnam pa 'di lta bu ni re shig lha ma yin thams cad la bdog par gyur kyang de dag nga 'ba' shig gis pham par bya bar nus so/ /de ci'i phyir zhe na/ 'di dag gi dpung ni chos yin te/ lha rnams kyi dpung ni chos yin no/ /lha ma yin rnams kyi dpung ni chos ma yin no/ /chos dang chos ma yin pa'i khyad par ni che ste/ gang khyad par ni mun pa dang nyi ma ltar che'o/ /gang khyad par ni bden pa dang brdzun pa ltar che'o/ /gang khyad par ni ri rab dang yungs 'bru ltar che'o/ /gang khyad par ni thar pa dang bcings pa ltar che'o/ /gang khyad par ni bzar rung ba dang bzar mi rung ba ltar che'o/ /gang khyad par ni bdud rtsi dang dug ltar che'o/ /gang khyad par ni mtshan mo dang nyin par ltar che'o/ /gang khyad par ni nor bu mching bu dang / rin po che</font><hr>64.48b<br><font size=+1>

ltar che'o/ /gang khyad par ni dbul ba dang phyug pa ltar che'o/ /gang khyad par ni bya ba dang mi bya ba ltar che'o/ /gang khyad par ni nyi ma dang srin bu me khyer ltar che'o/ /gang khyad par ni khro ba la rlung dang srin bu mang ku ltar che'o/ /gang khyad par ni mthong ba dang / mi mthong ba ltar che'o/ /gang khyad par ni yang dag pa'i lam dang / yang dag pa ma yin pa'i lam ltar che'o/ /gang khyad par ni sangs rgyas dang gzhan mu stegs pa ltar che'o/ /gang khyad par ni gnam dang sa ltar che'o/ /gang khyad par ni bskal pa dang skad cig ma ltar che ste/ nga dang khyed ni khyad par de ltar che'o/ /khyed ni chos ma yin pa la gtso bor byed la/ nged ni chos gtso bor byed do/ /khyod ni shes rab dman pa yin la/ lha rnams ni shes rab dang bcas pa yin no/ /khyed ni brtson pa med pa yin la/ lha rnams ni brtson pa dang bcas pa yin no/ /khyed ni dud 'gro yin la lha rnams ni lha yin te/ lha de dag ni de lta bu yin par khong du chud nas khyed nged kyi drung du mngon par rgyug pa ni mi rigs so/ /de skad smras nas/ glang po che sa srung gi bu kha lo bsgyur te/ 'di ltar tshigs su bcad pa 'di dag kyang smras nas/ lha ma yin gyi dbang po ga la ba der rgyug par byed do/ /chos kyis chos min pham par byas/ bden pas brdzun pa pham par byas/ /shes pas gti mug pham par byas/ /lha yis lha min pham par byas/ /de skad smras nas/ glang po che sa srung gi bu kha lo bsgyur te/ sprul pa yang snga ma bzhin byas nas lha ma yin gyi dbang po bzhi po de dag thams cad ga la ba der lha'i dbang po brgya byin rdo rje rtse mo stong yod pa ni thogs/ bsdigs pa'i mtshan ma tsam sems kyis gsad cing bcing bar lhag par mos pa'i sems ni med pas/ rlung gi shugs pas ches mgyogs par rab tu rgyug par byed do/ /lha ma yin de dag mngon par rgyug pa dang / de dag 'ong ba mngon par mthong nas/ rgyal chen bzhi dang sum bcu rtsa gsum pa'i</font><hr>64.49a<br><font size=+1>

lha rnams kyang rgyug par byed do/ /lha dang lha ma yin de dag phan tshun rnam par 'jom pa na so sor rgyal bar 'dod pa/ gcig la gcig mngon par 'bebs pa/ mog mog por gyur pa/ lha ma yin kha cig ni srog dang bral bar gyur/ de bzhin du lha ma yin kha cig ni sdug bsngal gyis nyam thag ste/ phyir log /kha cig ni yi chad nas phyir log /kha cig ni mig tshugs su lta zhing 'khod/ kha cig ni rang gi gnas su 'gro bar sems shing 'khod/ kha cig ni zhe sdang gis nyam thag /kha cig ni gti mug gis sems bsgribs/ kha cig ni yongs su nyams shing yid dman par gnas te de ltar gnas pa rnams la sa srung gi bu'i steng na 'dug pa lha'i dbang po sprul pa byed do/ /de nas glang po che sa srung gi bu kha re re la pad ma re re/ pad ma re re la dbang po lag na rdo rje thogs pa mtshon cha dang go mtshon bgos pa rnams sngar bstan pa bzhin lha ma yin gyi dbang pos mthong ste/ de dag kyang dbang po'i glang po che sa srung gi bu kha stong yod pa/ kha re re la pad ma'i rdzing stong yod do/ /pad ma'i rdzing re re la pad ma stong yod do/ /pad ma re re la mdab ma stong yod do/ /pad ma re re la snying po brgya yod do/ /de dag kyang sa srung gi bu'i kha nas byung ste/ mdab ma de dag dang snying po de dag thams cad la dbang po rtag tu lag na rdo rje dang / mtshon cha dang / lag cha thogs pa bye ba khrag khrig 'bum phrag du ma 'khod par mthong ngo / /de nas sprul pa de lta bu mngon par mthong nas/ lha ma yin rnams skrag 'khrugs te/ dbang po go mtshon dang cha byad sna tshogs thogs pa rnams kyis de rtag tu gang zhing dpung dang mthu dpe med pa rnams kyis nam mkha' 'di bar mtshams med par byas so/ /mtshon cha'i tshogs kyis phyogs dang phyogs mtshams thams cad bar mtshams med par gang bar byas so/ /dbang po rnams kyis sa'i 'og gang yin pa de dang / de yang bar mtshams med par byas par</font><hr>64.49b<br><font size=+1>

dogs so zhes de skad lha ma yin shin du skrag pa de rnams phan tshun smra'o/ /de skad smra ba de rnams la rab dgod kyis smra ba/ lha ma yin dag ngas dbang po sa srung gi bu dang bcas te phyir bzlog par byas/ ma 'jigs shig ma 'jigs shig /de skad smras nas glang po che'i rgyal po sa srung gi bu ga la ba der brgyugs so// //'phags pa dam pa'i chos dran pa nye bar gzhag pa/ bam po nyer lnga pa/ de 'ong ba mngon par mthong nas/ sa srung gi bu'i sna'i thor tos bzung ste/ nam mkha' la gsob bzhin skor bar byed do/ /de bskor ba na srog gi lhag ma chung zad cig lus nas btang ngo / /de btang ba dang de nas yang 'du shes rnyed nas lha ma yin de dag la 'di skad smra'o/ /ci dpung 'di gcig pu dpa' ba yin nam/ lha ma yin gyi dbang po khyed kun lha'i dbang po la rgol mi nus sam/ de nas lha ma yin gyi dbang po bsdus pa de dag thams cad de nas yang sa srung gi bu ga la ba der brgyugs so/ /de dag 'ong ba mngon par mthong nas/ dbang pos de dag gi srog bcad par bya ba'i phyir ni ma yin gyi/ pha rol pham pa kho nar bya ba'i phyir sgyu ma'i ser ba rdo rje lta bu rnam pa du ma phab bo/ /de nas yang dbang po ga la ba der ri char ltar 'bebs shing lha'i dbang po de'i steng du mtshon cha rnam pa sna tshogs 'phen to/ /de la ri bo char ltar 'bebs pa na/ char gyi rgyun dus su 'bab pa ltar ri bo char ltar 'bab pa rnams kyang mdzes pa yin te/ de ltar lha dang lha ma yin gyi g.yul dpe med pa rnam pa sna tshogs bkye'o/ /de nas lha rnams kyis lha ma yin de dag mngon par mthong nas/ de nas yang lha rnams lha ma yin gyi dpung ga la ba der brgyugs so/ /de nas lha ma yin yang g.yul 'gyed pa'i phyir/ lha rnams ga la ba der brgyugs so/ /de nas rnam pa du mar 'khrugs shing skrag par byed pa rnam pa du ma byung ste/ de ltar lha dang lha ma yin rnams kyang g.yul gsal bar bkye'o/ /de ltar dbang po dang lha ma</font><hr>64.50a<br><font size=+1>

yin rnams mtshon cha dang rdo rjes 'joms pa lta bu'i g.yul chen po gzhan dang mi 'dra ba mang po bkye'o/ /lha ma yin rnam pa du ma dag mngon par mthong nas brgya byin gyis lha ma yin gyi dbang po dag srog dang bral bar ni mi byed la/ pham pa kho nar bya ba'i phyir ched du gnas so/ /de nas lha ma yin gyi dbang po de dag thams cad kyang lha ma yin gyi dbang po rab dgod dang thags zangs ris de dag dang bcas pa pham pa nyid du gyur te/ mgon 'dod pa/ skyabs 'dod pa/ gnas 'dod pa/ spro ba med pa dag sa'i 'og gi sgo ga la ba de dang der 'bros par byed do/ /rab dgod de shin du 'bros pa ni/ lha ma yin gyi dbang po gzhan gsum po 'khor 'bum snyed dang ldan pa rnams kyis mdun na skad ngan thon cing kun nas mngon par gnod pa rnams kyis 'bros pa na brgya byin gyis sa srung gi bu la smras pa/ glang po che'i dbang po rab dgod dang thags zangs ris kyi brtson 'grus ni shor/ shing rta ni chag kyang ngas de dag gsad par mi nus te/ drang srong chen pos mya ngan las 'das par 'gro ba'i gzhi ni srog gcod pa spangs pa yin no zhes gsungs te/ 'di ni sems can thams cad la slu ba med pa'i gzhi yin no/ /de rang gi srog dang lhan cig song yang blas/ de'i shing rta brgya 'am stong du gzhom par bya ba la khyod rings par chos shig /des de skad bsgo nas brgya byin des sprul pa byas pa dang / glang po che'i dbang po dang lhan cig sa'i 'og gi sgo ga la ba der rlung gi shugs ltar brgyugs so/ /de 'ong ba mngon par mthong nas/ rab dgod dang thags zangs ris shin du skrag ste/ mthu med pa dag sa'i 'og gi sgo ga la ba der rings par rgyug go/ /de nas mgyogs par song nas/ sa srung gi bu'i stobs kyis shing rta de las rab dgod de phab nas shing rta dang phral lo/ /de nas shing rta de sna'i thor tos de'i mig sngar rtswa bzhin du brgya 'am stong du bcom mo/ /me tog phreng yang dpung dang mthu nyams nas/ sa'i 'og gi sgo ga la ba der 'bros par</font><hr>64.50b<br><font size=+1>

byed de/ srog la bsam pa bsdus pa/ brtson 'grus nyams pa/ spro ba med pa/ rang gi bu dang chung ma snying la bsams nas/ sa'i 'og gi sgo ga la ba der rgyug go/ /lha ma yin gyi dbang po brtan pa yang gson par 'dod de/ rang gi khyim du phyogs nas sa'i 'og gi sgo ga la ba der rgyug go/ /lha ma yin gyi dbang po sgra gcan gson par 'dod pa lus bong che ba 'ba' shig tu 'dug pa yang sa'i 'og gi sgo ga la ba der rgyug go/ /de ltar lha ma yin gyi dbang po 'khor dang bcas pa de dag thams cad nyams pa dang / lha rnams shin du dga' nas/ 'di skad smras so/ /lha ma yin rnams kyis mi mthun pa'i mtha' las 'bras bu nyams pa'i lhag ma thob ste/ 'bros khung tshol bar gyur pa rnams nged chos la lta zhing sa'i 'og gi sgo gzung bar bya'o zhes smras nas/ lha shin tu dga' ba de dag rlung gis sprin kun du gtor ba ltar lha ma yin rnams la rlung gi shugs lta bus kun du 'tshe bar byed do/ /de nas dbang pos lha ma yin de dag la smras pa/ gang rang gi lus med par bya ba'i phyir dang lha ma yin mang po 'di rnams srog dang bral bar bya ba'i phyir don med pa/ 'khon zhugs pa/ nyes pa'i gnas 'di dag ci'i phyir byas/ lha rnams kyi rgyal ba dang pham pa ni mi la rag las pa yin la/ da dung du mi'i 'jig rten na skyes bu chos dang ldan zhing chos kyi rjes su 'jug pa thams cad brtan pa dag yod na/ khyed kyis yul dang dus de dag shes bzhin du bdag nyid gsod pa'i dgra don med pa 'di dag byas so/ /de nas yang lha ma yin nyams pa srog gi skyabs tshol ba rnams sa'i sgo ga la ba de nyid du rgyug go/ /de nas dbang pos lha rnams la bsgo ba/ lha dag slar log slar log /phyis pham par 'gyur ba'i srog dang ldan pa rnams rang gi gnas su thong shig /de nas dbang po la lha rnams kyis smras pa/ 'di ltar lha ma yin khengs pa 'di</font><hr>64.51a<br><font size=+1>

dag ni bdag nyid dang gzhan gyi dpung khong du ma chud pa lags te/ 'di dag ni bdag cag gis nges par ji ltar slar ldog par mi 'gyur ba de ltar dgra bsal bar bgyi'o/ /bdag cag ni 'di dag la gnod pa mi bgyid de/ 'di ltar bdag cag mtho ris na rang gi las kyi 'bras bu la spyod cing mchis na/ 'di dag gis mi'i 'jig rten na bdag cag gi chos dang ldan zhing chos kyi rjes su 'jug pa'i mi rnams la ci ste bar chad bgyi bar 'bad/ dgra 'di dag ma bsal bar bdag cag slar mi mchi'o/ /de dag gis de skad smras nas/ de nas yang lag cha dang / mtshon cha dang / go mtshon sna tshogs bgos te/ 'di ltar lha ma yin 'di dag nges par shin du tshar gcad par bya'o snyam pa'i blo des lha ma yin rnams gzhom pa'i phyir shugs dang ldan pas brgyugs so/ /de ltar yid la byed pa de lta bu dang 'bad pa de lta bu dag la/ de nas yang lha'i dbang po'i yid snying rjes brlan pas smras pa/ lha ma yin rab dgod la sogs pa btag pa khyed kyi snying la brtse ba med dam/ de skad smras nas/ lha'i mdun sa chos bzang na lha 'khod pa gang yin pa de dag bsdus nas slar log go/ /de nas lha'i dbang po slar log pa mthong nas/ rgyal chen bzhi'i lha rnams kyis sum bcu rtsa gsum pa rnams la smras pa/ 'di ltar lha'i dbang po de slar gshegs so/ /lha'i dbang po de slar gshegs kyis khyed kyang ma lus par slar gshegs shig ces smras nas/ rgyal ba thob pa'i lha rnams slar log ste/ de nas yang phan tshun dga' ba'i yid kyis rang gi gnas su dong ngo / /lha'i dbang po brgya byin yang sum bcu rtsa gsum pa rnams kyis mngon par bstod cing sa srung gi bu la zhon te/ yid dga' bas sum bcu rtsa gsum pa'i lha'i mdun sa chos bzang ga la ba der 'dzegs te dong ngo / /lha rnams kyang rang rang gnas su dong nas/ de nas yang go mtshon dang / lag cha rnams shing rta sna tshogs kyi tshal du bzhag go/ /glang po che sa srung</font><hr>64.51b<br><font size=+1>

gi bu yang sprul pa de dag bsdus nas tha mal par gnas te/ rang gi rdzing bu pad ma dang / ud pa las khebs par zhugs so/ /de ltar lha rnams lha'i 'jig rten du dong nas gzugs dang / sgra dang / dri dang / ro yid du 'ong ba la nye bar spyod de/ lha'i 'dod pa'i yon tan lnga 'byor cing ldan par gyur pa rnams kyi gnas so/ /klu'i rgyal po 'jog po dang / nor rgyas kyi bu la sogs pa rgyal ba thob pa rnams kyang snying rab tu dga' ste/ rang gi gnas longs spyod ldan pa ga la ba der dong ngo / /lha ma yin btag btag ste nyams pa'i lhag ma lus shig shig por gyur pa nyams rab tu nyams pa'i sems can ngo tsha nas mgo smad pa rnams kyang / bud med rab tu ngu zhing yid dman pa rnams kyis mdun nas bsu ba na/ sgra gcan gyis lha ma yin gyi dbang po snying stobs nyams pa de dag la smras pa/ da ltar 'thab pa'i dus la ma bab bo zhes ngas sngar ma byas sam/ da dung du mi'i 'jig rten na chos dang ldan zhing chos kyi rjes su 'jug pa'i mi mar 'dzin pa/ phar 'dzin pa/ dge sbyong du 'dzin pa/ bram zer 'dzin pa/ rigs kyi rgan rabs kyi rjes su 'jug pa dag yod pas lha'i phyogs ni rab tu 'phel la/ bdag cag gi phyogs ni 'grib po zhes bdag gis sngar bsgo na/ de yang khyed kyis ma mnyan te/ bdag gi tshig de ltar ma byas pas 'di ni de'i 'bras bu yin no/ /lha rnams kyis lha ma yin nyams par byas pa 'bum phrag du ma gang yin pa dag la sgra gcan gyis de skad smras pa dang / lha ma yin gzhan zhig gis kyang smras pa/ 'di ltar g.yul 'gyed pa'i dus la ma bab bo zhes smras pa/ ma mnyan pa'i 'bras bu ni 'di yin no/ /lha ma yin mgul phreng gis kyang smras pa/ 'di ltar gang gis mi bya bar bya ba de dag gi ngo bo med pa la blo gros ngan pa 'di skyes pa nye bar gnas so/ /de dag thams cad phan tshun de skad smre zhing rang rang gi gnas ga la ba der dong ngo / /thags</font><hr>64.52a<br><font size=+1>

zangs ris kyang gnas gzhan bzhi par ngo tsha nas mgo smad de zhugs pa dang / lha ma yin gyi bu mo nyams pa rab tu ngu zhing ngom zum gnag pa rnams kyis yongs su bskor nas rang gi gnas su dong ngo / /klu rab 'jom la sogs pa chos dang mi ldan zhing chos kyi rjes su mi 'jug pa/ snying stobs rab tu nyams pa rnams kyang klu'i gnas longs spyod ldan ga la ba der dong ngo / /de ltar sred pa'i dug gis nyams pa'i sems can phan tshun rab tu nyams pa dag 'khor ba na 'khor zhing 'khyam yang bde ba mi mthong ngo / /de dag rjes su mthong nas 'phags pa nyan thos 'dod pa dag gi 'dod chags dang bral lo/ /de nas gzhan yang rnal 'byor spyod pa nang gi chos la chos kyi rjes su lta zhing gnas pa la 'di ltar dge slong 'di ni sa gzhan bcu bdun pa la zhugs te/ de kho na nyid la blo shin du zhen to/ /de thos nas sa bla'i gnod sbyin shin du dga' nas bar snang la rgyu ba'i gnod sbyin rnams la sbran to/ /de dag gis kyang 'jig rten skyong ba rnams la snga ma bzhin sbyar te/ chung dge'i bar du yang de bzhin du sbyar te/ 'di ltar 'dzam bu'i gling na rigs kyi bu che ge mo zhig /grong mang ge mo zhig /grong rdal ga ge mo zhig tu ming che ge mo zhes bya ba skra dang kha spu bregs/ gos ngur smrig bgos nas dad pas khyim nas khyim med par rab tu byung ste/ de bdud kyi yul gyi dngos po ni mi 'dod/ nyon mongs pa'i dngos po rnams dang yang lhan cig gnas par mi byed la/ 'khor ba las shin du 'dod chags dang bral te/ de ltar 'bad pas kun du khyab nas/ sa gzhan bcu bdun pa la zhugs so/ /de thos nas lha rnams shin du dga' nas bstod de/ 'di ltar gang bdud kyi phyogs ni 'grib la/ dam pa'i chos kyi phyogs 'phel ba ni bdag cag dga'o/ /dud 'gro'i le'u rdzogs so//            //de nas gzhan yang dge slong las kyi 'bras bu rnam par smin pa shes pa des/ sems can dmyal ba dang / </font><hr>64.52b<br><font size=+1>

dud 'gro dang / yi dgas nyes par byas pa rnams kyi las kyi 'bras bu rnam par smin pa shin du phra ba thams cad kyang ji lta ba bzhin brtags shing shes te/ yid la bzung nas legs par byas pa'i las rnams la yang las kyi 'bras bu rnam par smin pa la rtog par byed de/ 'di ltar sems can thams cad ni sdug bsngal dang mi mthun pa bde ba 'dod pa yin la/ lha rnams ni bde ba bsags pa la dga' ba yin te/ de rnams kyi las kyi chos dang / rnam par smin pa dang / skye ba dang / 'chi ba shin du phra ba dag la yang rtog par byed do/ /las dge ba byas shing bsags pa so sor yang dag par myong bar 'gyur ba ni las kyi 'bras bu rnam par smin pa 'dod pa sdug pa yid du 'ong ba so sor yang dag par myong bar 'gyur bar so sor rig par bya'o/ /de la tshul khrims rnam pa bdun gyis mtho ris su skye bar 'gyur te/ lus kyi gsum dang / ngag gi bzhi kun du bsten cing bsgoms te/ mang du byas pas 'dod pa na spyod pa'i lha drug gi nang du skye bar 'gyur ro/ /chung ngu dang / 'bring dang / chen pos 'dod pa na spyod pa'i lha drug dag chung ngu dang / 'bring dang / chen po'i 'gro ba 'thob ste/ tshe thung ngu dang / 'bring dang / ring po dang / kha zas ngan pa dang / 'bring dang / bzang po dang / gzugs ngan pa dang / 'bring dang / bzang po dang / brtson 'grus chung ngu dang / 'bring dang / chen po dang / bde ba chung ngu dang / 'bring dang / chen por 'gyur ro/ /de la lha'i ris gnyis ni ri rab la gnas so/ /bzhi ni sprin gyi phung po ltar nam mkha' la gnas so/ /de la lha'i ris dang po ni mdor bsdu na rgyal chen bzhi'i ris rnams so/ /de dag gi gnas dang po ni phreng thogs rnams te/ de dag kun nas ri rab kyi phyogs bzhi la rten cing gnas so/ /de la phreng thogs de rnams kyi bye brag dang po nyid du 'byung ba ni 'di lta bu yin la/ </font><hr>64.53a<br><font size=+1>

phyogs phyogs de rnams kyi bye brag kyang ming dang las kyis 'gyur te/ de ltar las du mas bskyed pa'i tshe de la gnas pa bde ba nyams su myong bar 'gyur la/ gzugs dang lang tsho dang g.yo ba rnam pa du mar 'gyur ro/ las kyi dra ba kun ni rgya'i 'bur ltar 'byung ste/ rgyu med pa ma yin/ 'dod rgyal las ma byung / las gzhan gyis bskyed pa ma yin no/ /de lta bas na skyes bu gang bdag skyid par 'dod na dge ba'i chos rnams la 'bad par bya'o/ /sems can rnams kyi las dge ba dang mi dge ba dang / lung du ma bstan pa'i las kyi dra ba ni thog ma med pa'i dus nas zhugs pa yin te/ las kyi dra ba gang gis sbrel ba'i sems can rnams ni zo chun rgyud mo ltar sems can dmyal ba dang / dud 'gro dang / mi'i 'jig rten gyi 'khor bar yongs su 'khyam mo/ /srog chags rnams ni kun nas gar gyi ltad mo pa lta bu yin te/ dge ba'i las kyi mtha' spyad pa ni lha'i 'jig rten du skye bar 'gyur ro/ /de la lha rnams gnas pa ri'i rgyal po ri rab ni ri bo khri phrag drug bcus yongs su bskor ba yin la/ rin po che sna tshogs 'bar ba'i phreng ba'i 'od kyis gsal bar byas pa/ steng na 'bab chu dang / lteng ka dang / pad mo'i rdzing rnam pa sna tshogs kyis mdzes par byas pa/ 'phang du dpag tshad brgyad khri bzhi stong yod pa/ ngos bzhi rin po che las byas pa/ las legs par byas pa'i lha rnams kyis yongs su bskor ba/ sa bde ba 'bar ba du mas gsal zhing dga' ba yin te/ de la 'di ltar dge slong de thog ma kho nar sa'i cha rnam par 'byed do/ /de la gnas dang po ni lha phreng thogs rnams kyi yin la/ de dag gi gnas bcu yod de/ 'di lta ste/ zur la gnas pa dang / mtha' la gnas pa dang / 'bras bus nye bar 'tsho ba dang / yon tan dkar po spyod pa dang / thams cad rab tu dga' bar gnas pa dang / 'gro mgyogs pa dang / yul la chags pa dang / 'dod pa la chags pa dang / yid g.yo</font><hr>64.53b<br><font size=+1>

ba dang / tshal dang nye ba'i tshal na gnas pa yin te/ de ltar gnas rab tu dbye ba ni bcu yod do/ /ri rab kyi ngos 'dzam bu'i gling logs su lta ba gang yin pa de na ni/ zur na gnas pa zhes bya bar ming btags so/ /de'i 'og tu gnas pa de dang de gang nye ba na mtha' la gnas pa zhes bya bar ming btags so/ /nub kyi ba lang spyod kyi phyogs gang yin pa de na 'bras bus nye bar 'tsho ba zhes bya bar ming btags so/ /de dang nye ba na yon tan dkar po spyod pa gnas so/ /shar gyi lus 'phags kyi phyogs gang yin pa de na thams cad rab tu dga' bar gnas pa zhes bya ba gnas so/ /de dang nye ba na 'gro mgyogs gnas so/ /byang gi sgra mi snyan gyi gling gi phyogs gang yin pa de na yul la chags pa gnas so/ /de dang nye ba na 'dod pa la chags pa dang / de dang nye ba na yid g.yo ba dang / de dang nye ba na tshal dang nye ba'i tshal na gnas pa zhes bya ba gnas te/ de dag gi gnas so so kun la dpag tshad stong stong yod do/ /de dag gi dang po ni rgya mtsho'i nang gi steng yin te/ de dag gi tshe ni mi rnams kyi lo lnga bcu gang yin pa de'i nyin zhag gcig yin no/ /de ltar bsgyur ba'i lo lnga brgya thub ste/ dus su 'chi ba yang yod/ dus ma yin par 'chi ba yang yod do/ /de nas yang dge slong las kyi 'bras bu rnam par smin pa shes pa de/ gnas de dag gi dga' ba la rtog par byed de/ las gang gis gnas der skye bar 'gyur snyam nas/ des thos pa las byung ba'i shes pas brtags na/ gang gis legs par byas pa'i las 'di byas na skye bar 'gyur te/ de ni 'di ltar shin du dang ba'i sems de la yid zhugs pa gzhan du ma g.yengs pa'i yid gsal bas sangs rgyas sam/ chos sam/ dge 'dun la skyabs su song na/ de 'chi ba'i dus byas nas bde 'gro mtho ris kyi 'jig rten zur na gnas pa zhes bya ba der shin du dang ba'i sems de skyabs su song ba'i rgyus skye bar 'gyur ro/ /der skyes nas</font><hr>64.54a<br><font size=+1>

kyang de'i lus gzi brjid dang ldan zhing lus rang gi 'od kyis brgyan la bde bar gnas par 'gyur ro/ /'di lta ste/ chung zad cig dpe bya na 'khor los sgyur ba'i rgyal po'i bde ba gang yin pa de ni lha gnas pa gcig gi bcu drug gi char yang mi phod do/ /gnas de dag ni chu'i nang na mu tig gi bye ma yod la/ de'i ming ni 'di yin te/ 'di lta ste/ 'dod pa 'byung zhes bya'o/ /de'i mthu ni 'di lta bu yin te/ 'di lta ste/ mtha' la gnas pa dang / zur la gnas pa'i lha'i yid la bsams pa gang yin pa de dag chu'i rnam pa chu bo de las 'thob bo/ /gzhan yang chu bo mu tig dang / byi ru 'bab pa zhes bya ba yod de/ lha mo'i tshogs kyis yongs su bskor ba yin no/ /de na yang rin po che rnam pa sna tshogs 'bab ste/ 'di lta ste/ bai dUr+ya'i thur ma dang / rdo rje'i dum bu dang / nor bu mthon ka dang / mthon ka chen po dang / spug me mdog rnam pa du ma ste/ gzhan yang zur na gnas pa'i lha de dag brgyan par bya ba'i phyir rnam pa de lta bu dag 'byung ngo / /de dag gi sems la brgyan par 'dod pa'i rgyan gang yin pa dag de la 'thob par 'gyur ro/ /gzhan yang chu bo spos chu zhes bya ba 'bab ste/ de na yang bya ngang pa dang / ka ran da ba dang / ngur pas brgyan la/ 'gram gnyi ga shing ljon pa dang / gser gyi shing ljon pa dbyibs dang kha dog sna tshogs dang ldan pa rnams kyis yongs su bskor cing bya rnams kyis kyang yongs su bskor ba yin no/ /'di ltar lha rnams kyis dri bsnams na yid rab tu dga' la/ de ltar yang dang yang rtag tu de la snas bsnams nas dri tshor ba dang / snom pa po brgya gyur du yid dga' bar 'gyur te/ de dag gzhan yang 'dod pa'i yon tan lnga 'byor cing ldan par gyur pa rnams kyis dga' bar byed do/ /shing rnams kyi rnam pa ni 'di lta bu yin te/ 'di lta ste/ yal ga dmar la lo ma ljang khur 'dug pa dang / yal ga ljang khu la lo ma dmar por</font><hr>64.54b<br><font size=+1>

'dug pa dag go/ /lo ma'i kha dog lnga la 'di lta ste/ sngon po dang / ser po dang / ljang khu dang / nag po dang / dkar po dang / bung ba kha dog sna tshogs dang ldan pa rnams kyis mdzes par byas pa sgra 'byin pa rnams kyis rtag tu yid dga' ba yin te/ de ltar legs par byas pa'i las kyi 'bras bu dag la rtse bar byed/ dga' bar byed/ yongs su spyod par byed do/ /ri rab dag la rin po che sna tshogs kyi rtse mo dang / gad kha dang / bu ga dag kyang yod de/ de la ri 'di lta bu dag yod de/ 'di lta ste mtho zhing bkra ba/ 'bab chu sna tshogs bsil ba/ bya skad snyan pa 'byin pa/ spos kyis bsgos pa/ dus tshigs dang rtag tu ldan pa yin te/ rin po che sna bdun gyis brgyan pa'i ri rnam pa de lta bu la zur na gnas pa'i lha rnams dga' bar byed/ yongs su spyod par byed cing bde ba sna tshogs kyis ni myos/ lha mo rnam pa sna tshogs kyis ni yongs su bskor/ rgod pa dang / 'gying ba dang / rtsed mo ni byed de/ ji srid du gsum la skyabs su song ba'i las kyi rnam par smin pa las byung ba 'dod pa sdug pa yid du 'ong ba zad par ma gyur pa de srid du 'dod pa'i yon tan lnga rnams kyis dga' bar byed la/ phyis kyang mya ngan las 'das pa'i mtha' 'thob par 'gyur ro/ /gal te mi rnams dang skal ba mnyam par mir skyes na/ las de dang rgyu 'thun par de rtag tu dga' la mchog tu bde ba dang ldan par spyod pa dang / nor rdzas dang ldan par 'gyur ba mthong ngo / /de nas yang dge slong las kyi 'bras bu rnam par smin pa shes pa de lha'i 'jig rten la rtog par byed de/ des thos pa las byung ba'i shes pas lha phreng thogs rnams kyi gnas gzhan mtha' la gnas pa zhes bya ba mthong ngo / /lha'i 'jig rten der las gang gis skye bar 'gyur snyam nas/ des thos pa las byung ba'i shes pas brtags na/ tshul</font><hr>64.55a<br><font size=+1>

khrims dang ldan pa gang gis tshul khrims dang ldan pa dag la tshul khrims dang ldan pa yin no snyam yid la byas nas/ chu bo las bsgral ba'i phyir stegs btsugs sam gru byin te/ chu bo chen po skye bo mi bde ba las sgrol bar byed cing sdig pa la yang mi 'jug na/ de lus dang bral nas bde 'gro mtho ris lha'i 'jig rten mtha' la gnas pa'i lha rnams kyi nang du skye bar 'gyur ro/ /der skyes nas kyang legs par byas pa'i las kyi mtha' spyad pa de/ lha'i ris der bde ba sna tshogs la gnas shing lha'i 'jig rten de pad ma'i rdzing gis yongs su bskor ba yin no/ /de nas pad ma'i rdzing bsil la shin du dang ba ro dang / dri dang mdog skyon med pas gang ba yin la/ lha mo'i tshogs rtag tu rgod pa dang / ldem pa dang / rtse ba dang / yongs su spyod pa rnams kyis gang ba yin no/ /de na de lha mo'i tshogs mang po dag gis shin du mchod la/ lus rin po che sna tshogs kyis brgyan to/ /rna bar sil snyan rnam pa lnga dang ldan la/ lha mo de rnams kyis nye bar rtsen te/ bde bar gnas pa/ tshal dang / nye ba'i tshal dang / lteng ka dang / kun dga' ra ba rnams su bde ba myong bar byed do/ /de na lteng ka yod pa dag ni 'di lta ste/ 'bab bde dang / bud med sdug dang / mthong dga' dang / kun dga' dang / sprin phreng dang / lteng ka phreng dang / yid bzhin sna tshogs dang / dus mi mthong ngo / /tshal dag kyang yod de/ mthong na nyams dga' dang / mthong na yid 'thun dang / rlung legs par mngon ldang dag go/ /me tog gi rnam pas mdzes pa bzhi yod de/ 'di lta ste/ spos 'byung dang / sna tshogs dang / bung ba mngon dga' dang / rtag tu nyams dga' ste/ tshal de rnams su lha de lha mo rnam pa sna tshogs dag gis yongs su bskor cing 'dod pa'i yon tan lnga la sems chags pa bde ba myong bar byed do/ /rin po che sna tshogs kyis lus brgyan pa de thogs pa'i</font><hr>64.55b<br><font size=+1>

'gros dang / nyams pa med pa'i 'gros kyis gang dga' bar 'gro zhing gar dga' bar byed do/ /yul lnga la chags pa de ri las chu bo 'bab pa ltar nyin gcig bzhin bde ba 'phel te/ dbang po lnga po chu lta bu 'dod pa rlabs lta bu dag la rtse zhing bskyed mos tshal nas bskyed mos tshal/ nags tshal nas nags tshal/ lteng ka nas lteng ka /gser gyi ri'i rtse mo rin po che sna tshogs kyis brgyan pa nas/ ri'i rtse mo gzhan dag la 'gro bar byed do/ /rtse bar byed pa lha mo yid du 'ong zhing dga' ba me tog phreng bzang po dpe med pa thogs pa rnams kyis yongs su bskor cing bza' ba dang / btung ba rnam pa sna tshogs kyis lus shin du tshim pa yin te/ de ltar de ji srid du de'i 'dod pa sdug pa/ yid du 'ong ba legs par byas pa'i las kyi sprul pa dpe med pa legs pa'i rgyu las byung ba zad par ma gyur pa de srid du bde ba de myong bar byed do/ /de las de zad nas de nas shi ste/ gal te mi rnams dang skal ba mnyam par mir skyes nas/ las de dang rgyu 'thun par de drang dkan phye la 'byor pa dang ldan zhing rgyal po'i mdzod kyi spyan du yang 'gyur bar mthong ngo / /de nas yang dge slong las kyi 'bras bu rnam par smin pa shes pa de/ lha phreng thogs rnams kyi gnas la rtog par byed de/ des thos pa las byung ba'i shes pas brtags na/ lha phreng thogs rnams kyi gnas gsum pa 'bras bus nye bar 'tsho ba zhes bya ba ji ltar 'dug pa mthong ngo / /der legs par byas pa'i las gang gis lha rnams kyi nang du skye bar 'gyur snyam nas/ des thos pa las byung ba'i shes pas brtags na/ tshul khrims dang ldan pa lus dang / ngag dang / yid rab tu zhi ba/ byams pa bsgoms pa'i sems gang gis lo nyes mi bzad pa phal cher byung ba'i yul rnams su/ 'di ltar lam du zhugs pa bkres par gyur pa gang yin pa de dag 'bras bu de rnams kyis shin du tshim zhing bde bar gnas par bya'o snyam nas/ sems can rnams</font><hr>64.56a<br><font size=+1>

la phan pa dang bde bar bya ba'i phyir 'bras bu'i shing ngam/ kun dga' ra ba dag bskyed cing byas la/ de dag kyang de ltar shin du bde bar gyur na de lus dang bral nas bde 'gro mtho ris lha'i 'jig rten 'bras bu nye bar 'tsho ba zhes bya ba'i lha de rnams kyi nang du skye bar 'gyur ro/ /der skyes nas kyang de lha mo gzugs dang lang tsho dpe med pa dang ldan pa/ bde bar gnas pa mtshungs pa med pa rnams kyis yongs su bskor bar 'gyur ro/ /tshal dang nye ba'i tshal dang / lha'i me tog dang 'bras bu phun sum tshogs pa dang / gser gyi byi ru'i dra ba 'phyang ba dang / dril bu g.yer ka'i sgra bsgrags pa de dag shin du dga' bar byed de/ bde ba la chags pa'i dbang po lnga shin du bde ba dang ldan no/ /de na tshal dang dga' bar 'gyur ba 'di lta bu dag 'byung bar 'gyur te/ 'di lta ste/ 'bras bu kun phyed ces bya ba'i tshal dang / kun dga' gzhi zhes bya ba'i tshal dang / dma' ba dang mtho ba zhes bya ba'i tshal dang / kun nas bde ba zhes bya ba'i tshal dang / rtag tu dga' ba zhes bya ba'i tshal dang / bung ba rtag myos zhes bya ba'i tshal dang / gser gyi grib ma zhes bya ba'i tshal te/ tshal de rnams su lha mo'i tshogs kyis yongs su bskor nas dga' bar byed la/ pad ma'i tshal dang / lteng ka dang / 'bab chu sgra lhung lhung 'bab pa'i tshal rab tu mang po dag na yang dga' bar byed do/ /rang gi 'od dang shing ljon pa rab tu 'bar zhing gsal ba dang / bya rtag tu myos shing sgra 'byin pa dang / kha zas mang po bzas mi lang ba dang / rin po che sna bdun gyis mdzes par byas pa ri bo'i rtse mo rnam pa sna tshogs dag na yang mngon par byed do/ /de na ri rab kyi rtse mo'i ming 'di lta bu dag yod de/ 'di lta ste/ ri'i 'od kyi phreng ba zhes bya ba dang / 'dzam bu'i tshal dang / chu dkar dang / dgod phreng dang / rtag dga' ste/ ri bo'i rtse mo de dag na legs par byas pa'i las kyi mtha' spyad pa dag mngon par dga' bar byed do/ /</font><hr>64.56b<br><font size=+1>

rang gis legs par byas pa'i las kyis bsgyur te/ gnas pa rtag tu yul la dga' ste/ ji skad bstan pa'i gnas de dag na/ lha mo brgya phrag du mas yongs su bskor ba dang lhan cig dga' bar byed/ yongs su spyod par byed do/ /'dir tshigs su bcad pa/ mtho ris thams cad 'dod pa ni/ /rgyu chung ba yis thob par 'gyur/ /de bas nyes par spyad spangs te/ /rtag tu legs par spyad la spyod/ /sbyin pa sems la goms pa dang / /tshul khrims yongs su bsrungs pa ni/ /'dod pa'i yon tan lnga 'byor pa/ /lha yi gnas su 'gro bar byed/ /ji ltar tshul khrims legs bsrungs pa/ /pha ma don dang bshes grogs dang / /gnyen 'dun dag gi bde ba yang / /de lta bur ni myong mi 'gyur/ /tshul khrims 'di dang pha rol skyob/ /tshul khrims 'di yi rten gyi mchog /tshul khrims rtag tu ldan pa'i mi/ /bde las bde ba 'thob par 'gyur/ /rang gi las kyis bsgyur ba dag /sbyin dang tshul khrims yang dag spyod/ /mi gang gtsang mar spyod pa rnams/ /de dag lha yi gnas su 'gro/ /tshul khrims gter ni zad mi shes/ /tshul khrims bde ba mtha' yas te/ /tshul khrims lhag par srung ba'i mi/ /rtag tu bde bar gnas pa yin/ /bsngags pa dang ni nor 'dod dang / /pha rol mtho ris dag la dga'/ /bde gsum tshol bar 'dod pa yi/ /blo dang ldan pas tshul khrims srungs/ /mi gang tshul khrims ldan pa ni/ /tshul khrims nyid la rten par byed/ /gang la 'chi ba med pa yi/ /bde las de ni mya ngan 'da'/ /thog ma med pa'i 'khor ba nas/ /'dod chags gti mug la sogs bsgribs/ /snang byed mchog ni tshul khrims te/ /de bas tshul khrims yang dag spyod/ /tshul khrims mtsho ltar rnyog med pa/ /tshul khrims de ni bsngags pa yin/ /rgyal po chom rkun me dang chus/ /tshul khrims nor la 'phrogs</font><hr>64.57a<br><font size=+1>

mi nus/ /de bas tshul khrims rtag tu brten/ /tshul khrims 'chal pa rnam par smad/ /tshul la mngon par dga' ba'i mi/ /de ni mya ngan 'das dang nye/ /skyes bu tshul khrims ldan pa bsngags/ /tshul khrims ldan pa 'ang bsten par byed/ /tshul khrims nyi ma lta bur mdzes/ /tshul khrims 'chal pa rnam par smad/ /dri ma med cing gnod pa med/ /rims nad med cing mya ngan med/ /rdzogs sangs rgyas kyis tshul khrims bsngags/ /mya ngan 'das pa'i grong khyer nye/ /rtag tu tshul khrims ldan pa yi/ /mi dag nges par kun du 'gengs/ /tshul khrims yongs su bsrungs pa ni/ /'chi ba'i tshe na mi 'jigs so/ /tshul khrims thog ma tha mar dge/ /bde ba thams cad rab tu 'jug /skyes bu tshul khrims ldan pa bsngags/ /tshul 'chal dga' ba ba lang yin/ /tshul khrims 'chal pa'i mi dag ni/ /dud 'gro rnams dang mtshungs pa yin/ /bya dang mi bya mi shes te/ /de bas tshul khrims yang dag spyod/ /tshul khrims gos kyis gang g.yogs pa/ /skyes bu de ni g.yogs pa yin/ /tshul khrims spangs pa gang yin pa/ /gcer bu de ni phyugs dang mtshungs/ /skyes bu tshul khrims ldan pa ni/ /rang gi skyed tshal 'gro ba bzhin/ /tshul khrims ldan pa 'dir 'ongs pa/ /der ni gnyen ltar sems par byed/ /tshul khrims gtsang ma yang dag spyod/ /dge ba'i las dang ldan pa yi/ /skye bo bya ba legs byas pa/ /de ni lha yi 'jig rten 'gro/ /skyes bu tshul khrims rtag ldan pa/ /'dod pa gang dang gang tshol ba/ /de dag de yi so sor 'grub/ /tshul khrims kyis ni yongs su 'phel/ /'jig rten 'di dang pha rol du/ /tshul khrims grogs kyi mchog yin no/ /de bas grogs po yon tan mchog /tshul khrims nyid la rtag tu spyod/ /bkres skom 'jigs pa mi zad pa/ /nyam ngar</font><hr>64.57b<br><font size=+1>

skyob pa mchog yin te/ /tshul khrims gnas shing bsgoms pa bstod/ /'jig rten pha rol nye bar 'gro/ /gang zhig tshul 'bras 'di lta bur/ /gal te tshul ldan rab shes na/ /de ni mtshon rnon thogs nas 'dir/ /bdag nyid mgul gcod la sogs byed/ /dpe med bshad du med pa ste/ /shin du dge dang yang dag ldan/ /tshul khrims 'bras bu dri ma med/ /bde bar gshegs pas rab tu bstan/ /dang po de bzhin bar du dge/ /de bzhin tha mar dge ba yin/ /tshul khrims 'bras bu dri ma med/ /de ni dge las bde chen thob/ /de bas de yis de yon tan/ /rig nas tshul nyid rtag tu spyod/ /'di dang gzhan du skyob byed pa/ /tshul khrims lta bu gang yang med/ /de ltar dge slong tshul khrims kyi yon tan gyi de kho na nyid la sems pa de/ tshul khrims la ni stod par byed la/ tshul khrims 'chal pa la ni rtag tu smod par byed do/ /de ltar de lha'i gnas na 'dod pa'i yon tan lnga 'byor pas bde ste/ der ji srid du dge ba'i tshul khrims de so so yang dag par ldan par 'gyur ba de srid du dga' bar byed do/ /de dag zad nas shi ste/ /gal te mi rnams dang skal ba mnyam par mir skyes na/ las de dang rgyu 'thun par rdzu 'phrul dang ldan zhing gzugs shin du blta na sdug pa dang / gnas dang nye ba'i tshal gyi bar dag tu skye bar 'gyur ro/ /de nas yang dge slong las kyi 'bras bu rnam par smin pa shes pa de lha phreng thogs kyi gnas la rtog par byed de/ des thos pa las byung ba'i shes pas lha phreng thogs rnams kyi gnas bzhi pa gang na lha dag dga' bar byed pa/ yon tan dkar po spyod pa zhes bya ba ji ltar 'dug pa mthong ngo / /der sems can dag las gang gis skye bar 'gyur snyam nas/ des thos pa las byung ba'i shes pas brtags na me tog phreng bas 'tsho ba blo zhan pa yid dang bas sems chung zad bskyed pa/ zhing dang dngos po kho na yon tan dang ldan pa</font><hr>64.58a<br><font size=+1>

ma yin pa lam du zhugs pa gang gis sangs rgyas sam/ mchod rten dag la me tog snyim pa gang zhig phul na/ de lus dang bral nas bde 'gro mtho ris kyi 'jig rten yon tan dkar po spyod pa'i lha rnams kyi nang du skye bar 'gyur ro/ /der skyes nas kyang de'i lus yon tan dkar po'i phreng ba btags so/ /gnas de yang kun nas bai dUr+ya bas lhag pa'i rin po che sna bdun gyi rdo rnams kyis mdzes pa yin no/ /gnas de rin po che sna bdun gyis spras pa'i bya skad snyan pa 'byin pa rnams kyis kyang yongs su bskor ba kun nas gsal ba yin te/ de nas yang brgya 'gyur du shin du gsal bas mdzes pa yin no/ /de ltar gnas de rnam pa du mas brgyan cing shing ljon pa rnams kyis kyang mdzes pa yin te/ 'di lta ste 'gram na pad ma skye ba dang / rgyan du bya bar blo yod pa lta bu'i shing ljon pa dag la gos spos kyis bsgos pa'i dri rnams kyis dpag tshad du khyab la/ me tog rtag tu 'byung ba dang / 'bras bu rtag tu 'byung ba yin te/ gnas de rnam pa de dag dang / gzhan de dag gis mdzes pa yin no/ /de na bde ba la gnas pa de dag kun dga' ra ba dang / chu bo dang lha mo'i tshogs sna tshogs glu len cing yul nas yul dang / gnas nas gnas dang / bskyed mos tshal nas bskyed mos tshal du yongs su rgyu ba na bde ba dag myong bar byed la/ brgod pa dang rtses pa dang / dga' ba dang / dga' dgur spyad de bde bar gnas pa dga' dgur spyod pa spyad cing bde ba dpe med pa dag myong bar byed do/ /gnas de dma' ba dang / mtho bar yang 'gyur te/ mar sar ltar 'jam pa rkang pa bzhag na nems shes byed la/ rkang pa bteg na par ces byed do/ /gnas de phyogs gzhan dag tu shing bal ltar yang 'jam par 'gyur te/ nems shes byed pa dang / par zhes byed pa ni snga ma bzhin no/ /shing thams cad kyang rang las 'od 'byung ste/ nyi ma'i 'od ltar bde ba yin la/ </font><hr>64.58b<br><font size=+1>

gser gyi shing ljon pa de rnams ni gnas kyang lo ma rnyis par mi 'gyur/ me tog rnyis par mi 'gyur te/ de ltar las las skyes pa'i tshul khrims kyi dbang gis yongs su sbrel ba/ legs par byas pa'i las kyis mngon sum du gyur pa rgya'i 'bur lta bur lha'i bde ba dpe med pa dag myong ngo / /rnam pa de lta bur nyams dga' ba bskyed mos tshal dang / nags tshal dang / lteng ka de dag tu rang gi las ngan pa dang / 'bring dang bzang po rnams kyis lha dag rtse bar byed cing dga' dgur spyod do/ /rang gi las kyis lus brgyan pa rnams rang las 'od 'byung la gzugs dang / sgra dang / dri dang / ro dang / reg bya dag myong zhing de dag gi lus nams kyang nyams par mi 'gyur la/ bkres pa dang / skom pa yang med do/ /sgra dang ro dang gzugs dang dri zhim pa rnams kyis tshim pa med pa'i lha sred pa la sems chags pa dag gang dang gang 'dod pa de dang de nyid lha rnams la 'grub la/ gang dang gang 'grub pa de dang de dag gzhan gyis nyams par mi byed do/ /lha rang dgar spyod cing rtag tu mgu ba/ rtag tu yid rab tu dga' ba/ gar dga' mgur rab tu 'gro ba'i lha sprul pa dag rang dgar rnam par rgyu la/ lus sbom pa'i lha dag ni yang bar 'gyur ro/ /mig 'dzums pa dang phye ste 'gro ba'i lha dag ni mig 'dzums pa dang phye bas dpag tshad bye ba bye bar 'gro yang ngal ba med la yang bar 'gyur ro/ /dper na nam mkha' la rlung ngal bar mi 'gyur la/ de bzhin du lha rnams la yang ngal ba'i skyon med par 'gyur ro/ /yid gsal ba'i lha rnams kyi lus ni yang la dri ma dang bral ba yin no/ /thams cad du 'gro bar nus pa dag ni gzugs ji ltar 'dod pa bzhin du 'gyur la/ lha dang lha mo rab tu dga' bas kun du gang ba/ lha yi na chung thams cad tshal dang nye ba'i tshal dag na 'khod pa/ lha dang lha mo rnams lhan cig 'dod pa'i</font><hr>64.59a<br><font size=+1>

yon tan lnga 'dod pa myong bar bya ba sdug pa myong bar bya ba/ yid du 'ong ba myong bar bya ba dang / bde bar gnas pa myong bar bya ba rnams kyis dga' bar byed do/ /de ltar phan tshun gnas pa mtho ris kyi gnas ri brags dang / tshal dang nye ba'i tshal gyi bar sna tshogs dag na 'bral ba'i sdug bsngal rtsis la ma chags par yul mi brtan pa rnams kyis nyin gcig bzhin myos pa na bag med par gnas pa dga' ba'i 'dod chags kyi mod las byung ba'i sred pas bslus pa rnams/ ji srid du de'i 'dod pa sdug pa yid du 'ong ba'i las mtho ris su skye ba'i rgyu las byung ba/ byas shing bsags pa zad par ma gyur pa de srid du dga' bar byed do/ /de phyis de nas 'chi bar 'gyur te/ shi nas kyang rang gi las nye bar 'gro ba ji lta ba bzhin sems can dmyal ba dang / yi dgas dang / dud 'gro'i nang du skye bar 'gyur ro/ /gal te yang legs par byas pa'i las kyis mi dang so so yang dag par myong bar 'gyur ba'i mi rnams kyi nang du skyes na/ las de dang rgyu 'thun par de grong khyer gyi dpon po 'am yul gyi dpon por 'gyur te/ skye bo rtag tu dga' ba rnams kyis gang ba'i yul du skye bar 'gyur la/ nad med pa dang / gzugs bzang po dang ldan par 'gyur ba mthong ngo / /de nas yang dge slong las kyi 'bras bu rnam par smin pa shes pa de/ lha phreng thogs kyi gnas la rtog par byed do/ /des thos pa las byung ba'i shes pas lha phreng thogs rnams kyi gnas thams cad dga' bar gnas shes bya ba ji ltar 'dug pa mthong ngo / /der sems can dag las gang gis skye bar 'gyur snyam nas/ des thos pa las byung ba'i shes pas brtags na/ tshul khrims dang ldan pa'i sems pa gang gis gzhan la mi gnod par me tog bskyed nas sam/ tshong zong gis nyos nas btogs te/ sangs rgyas bcom ldan 'das la</font><hr>64.59b<br><font size=+1>

phul na/ de lus dang bral nas bde 'gro mtho ris kyi 'jig rten thams cad dga' bar gnas pa'i lha rnams kyi nang du skye bar 'gyur ro/ /der skyes nas kyang de bde ba rnam pa bzhi myong bar 'gyur te/ 'di lta ste/ 'gran zla med pa dang / gar dga' dgur 'gro ba dang / lha gzhan gyi zil gyis mi non pa dang / lha mo yang lha gzhan la mi rten pa dang / sil snyan yan lag lnga dang ldan pas skyid par byed/ yongs su spyod par byed/ rtse bar byed/ dga' bar byed/ yang dag par dga' bar byed cing gnas so/ /rtse ba rnam pa sna tshogs kyis rtse bar byed de/ 'di lta ste/ chu na rtse ba dang / pad ma'i rdzing la rtse ba dang / me tog la rtse ba dang / 'bras bu la rtse ba dang / spos la rtse ba dang / bya la rtse ba dang / tshal gyi nang na rgyu zhing rtse ba dang / bung ba sgra 'byin pas rtse la phan tshun lta bas mi ngoms pa'i lha mo'i tshogs kyis yongs su bskor ba dag dga' bar byed do/ /lha dang lha mo phan tshun du phrag dog byed pa'i sdug bsngal spangs pa dag dri shin du zhim pos legs par bde ba dang ldan no/ /gnas de pad ma'i rdzing rnams kyis kyang yongs su bskor ba yin te/ /'di lta ste/ pad ma'i rdzing shin du dri zhim pa dang / pad ma ma rnyis pa'i pad ma'i rdzing dang / pad ma dang / ud pa lar 'dres pa dang ldan pa'i pad ma'i rdzing dang de dang gzhan dag gis kyang rtag tu gang ba'i rdzing dag yod de/ rnam pa de lta bu'i pad ma rnam pa du ma dag gis pad ma'i rdzing de kun nas khebs pa yin no/ /de rnams su lha dga' ba la gnas pa dag shin du nyams dga' ba dang / mchog tu bde bar byed pa rnam pa sna tshogs kyi bde ba myong ngo / /tshal gser gyi lo ma can bung bas 'khrigs pa'i tshal gyi bar bar dag na yang dga' bar byed do/ /spos sna tshogs dang ldan pa dag na bya sgra snyan pa 'byin pa dag kyang thos te/ de'i khyad par ni mi'i sil snyan yan</font><hr>64.60a<br><font size=+1>

lag lnga dang ldan pa dag bcu drug gi char yang mi phod do/ /de ltar de dag gi mig kyang gzugs rnams kyis yang dag par tshim par byed/ rna ba yang rol mo sna tshogs dang glu rnam pa sna tshogs kyis snyan par byed/ lpags pa yang gos thags su ma btags pa rnams kyis 'jam par byed/ sna yang lha'i dri rnam pa du mas zhim par byed de/ de ltar yul lnga la chags pa de dga' ba rnam pa du ma dang / gzugs rgyun mi 'chad pa gzhan gyis mi 'phrogs pa gzhan gyis bkur du med pa'i bde ba du ma dang / lha'i bza' ba dang btung ba mdog bzang ba dri dang ro zhim pa du ma dag kyang myong ngo / /de gar dga' bar yang 'gro ste/ rang gi las dang 'thun par gar dga' bar 'gro'o/ /de ltar de tshal nas tshal dang / pad ma'i rdzing nas pad ma'i rdzing dang / nye ba'i tshal nas nye ba'i tshal dag tu lha mo'i tshogs du mas yongs su bskor te yongs su rgyu bar byed cing bde ba sna tshogs dag la gnas so/ /de 'dod pa sdug pa yid du 'ong ba'i las kyi 'bras bu la nye bar spyod pa na/ shing ljon pa rang gi 'od dang ldan pa rnams kyis yongs su bskor ba/ gser gyi bya'i tshogs kyi sgra thos na yid 'phrog bar byed pa rnams kyis rna bar snyan par byed de/ de ltar de lha'i gzugs kyi bde ba dpe med pa du mas gzhan gyis mi 'phrogs pa de ji srid du de'i 'dod pa sdug pa yid du 'ong ba/ zhing dam pas bskyed pa/ mthar mya ngan las 'da' bar 'gyur ba'i las zad par ma gyur pa de srid du myong bar byed do/ /gang gi tshe zad par gyur te phyis lha'i 'jig rten de nas 'chi bar 'gyur te/ shi nas kyang rang gi las nye bar 'gro ba ji lta ba bzhin sems can dmyal ba dang / yi dgas dang / dud 'gro rnams kyi nang du skye bar 'gyur ro/ /gal te mi dang so so yang dag par myong bar 'gyur ba'i las kyis mi rnams kyi nang du skyes na/ de grong khyer ram grong khyer chung ngur dbang byed</font><hr>64.60b<br><font size=+1>

par 'gyur/ 'byor pa mang ba dang / blo rgya che ba dang / bran khol du ma dang ldan pa dang / shin du bde ba dang ldan pa dang / zhing bzang po la legs par byas pa'i las des mthar mya ngan las 'da' bar 'gyur ba mthong ngo / /de nas yang dge slong las kyi 'bras bu rnam par smin pa shes pa de/ lha phreng thogs kyi gnas la rtog par byed de/ des thos pa las byung ba'i shes pas lha'i 'jig rten gyi gnas dag na lha'i gnas 'gro mgyogs shes bya ba ji ltar 'dug pa mthong ngo / /der sems can dag las gang gis skye bar 'gyur snyam nas/ des thos pa las byung ba'i shes pas brtags na/ tshul khrims dang ldan par gyur pa gang gis tshal mes bsregs pa'i gsab gseb du srog chags dag sreg pa na/ chus gtor te thar bar byas pa dang / skad cig de la shi ba la thug pa rnams kyi 'jigs pa bskyabs na/ de lus dang bral nas bde 'gro mtho ris kyi 'jig rten lha phreng thogs rnams kyi nang du skye bar 'gyur ro/ /der skyes nas kyang mi 'jigs pa sbyin par byed pa/ mi 'jigs pa sbyin pa'i tshul khrims kyi rgyu las byung ba de lha'i bde ba dpe med pa de myong bar 'gyur ro/ /de'i gzugs dang / sgra dang / dri dang ro dang / reg bya bde ba dag 'thob la/ lha mo'i tshogs brgya phrag du ma dag gis yongs su bskor cing sil snyan dang / bro gar dang / dga' dgur spyod pa'i tshogs mang po brgya snyed kyis yongs su bskor to/ /gzhal med khang chen po gser gyi lan kan ni bres/ dril bu g.yer ka'i sgra ni drag tu 'khrol/ mu tig gi dra bas ni skar khung g.yogs/ nor bu sngon po brgya snyed kyis brgyan pa dag na/ lha mo'i tshogs du mas yongs su bskor cing dga' bar byed do/ /lha mo gang dang gang mthong ba de dang de dag gi rjes su yid chags shing / de dag la dga' ba bskyed/ de dag la mig chags de dag la rjes su chags la/ de bde ba la mngon par rtog pa na/ rgyan dang</font><hr>64.61a<br><font size=+1>

cha byad sna tshogs 'bum snyed kyis brgyan pa/ lus rtag tu spos kyis byugs pa/ rtag par rab tu dga' ba rnams kyis yongs su bskor ba yin te/ de ltar tshul dang 'thun pa rnams mthong nas/ shin du dga' bar byed do/ /rna bas sgra mnyan par bya ba yang 'dod pa sdug pa yid du 'ong ba rnam pa du ma dag thos te/ 'di lta ste/ gser gyi bya rkang pa dang mchu byi ru ltar dmar ba dang / ri dang 'bab chu dang / gsab gseb na 'khod pa sna tshogs dag gi sgra rnams thos so/ /gang dag dpe bya bar yang mi nus pa de dag kha cig ni ril dong ste/ mngon par dga' bar byed do/ /kha cig ni ri'i gseb du dong / kha cig ni me tog gi gseb du dong / kha cig ni chu'i nang na rgyu/ kha cig ni nam mkha' la dong / kha cig ni gad kha dang sman ljong du dong / /kha cig ni gser gyi ri'i phug tu dong nas sgra snyan pa 'byin te/ de ltar rna bas kyang 'dod pa sdug pa yid du 'ong ba thos so/ /snas kyang shin du dri zhim pa myong ste/ 'di lta ste/ me tog dri'i ngad dang ldan pa dpe med pa du ma bsnams na bde ba dang / lha mo dri bsung dang ldan pa dang / gzhan yang dri zhim po rnam pa sna tshogs dag la snom par byed de/ de ltar snas kyang dri 'dod pa sdug pa yid du 'ong ba dag la snom par byed do/ /lces kyang ro myong bar byed de/ 'di lta ste/ bdud rtsi rnam pa du ma dag gi khyad par gang zin pa dag ni mi'i sbrang chang dang sbyar ba'i chang gis 'bum gyi char yang mi phod do/ /de ni chung zad cig dper bya ba yin no/ /lus kyis kyang gang dang gang la reg pa thags su ma btags pa'i gos nyid la reg par byed de/ de dag kyang 'jam zhing nem la srab pa/ reg na bde zhing dga' ba rnam pa du ma dag gyon no/ /yid kyis gang dang gang bsams pa de dang de nyid la 'grub par 'gyur te/ 'grub pa gang yin pa de ni 'dod pa sdug pa yid du 'ong ba gzhan dang thun mong ma yin pa 'grub</font><hr>64.61b<br><font size=+1>

par 'gyur ro/ /de ltar sred pa drug po rnam pa du ma dag la blo rnam par chags pa de bde ba du ma 'byor cing ldan par gyur nas pad ma'i tshal du ma'i nang na mngon par dga' bar byed do/ /de bzhin du byi ru dang gser btso ma'i tshal du ma dang / bya sgra snyan pa 'byin pa rnam pa sna tshogs kyi nang na mngon par dga' bar byed do/ /de bzhin du lha mo'i nang du song nas dga' bar byed do/ /de bzhin du nor bu'i gzhal med khang gi nang na dga' bar byed do/ /de bzhin du lha'i pad ma'i rdzing gis yongs su bskor ba/ chu bo dang / 'bab chu'i phyogs bkra shis pa rnams su dga' bar byed do/ /de ltar rnam par smin pa sred pa sna tshogs de dge slong des thos pa las byung ba'i shes pas mngon par brtags nas 'di ltar tshigs su bcad de smras pa/ dbang po drug las byung ba yi/ /yul gyi bud shing sreg byed pa/ /sred pa'i me yis lha rnams sreg /shing mes de ltar ga la sreg /bde bas yongs su bslus pa rnams/ /bde la dga' zhing bde bas bsgribs/ /sred pas yongs su bslus pa rnams/ /ltung bar 'gyur ba mi shes so/ /bde kun zad pa'i mthar 'gyur te/ /bde ba la ni rtag pa med/ /lha dag lha yi 'jig rten nas/ /'chi ba'i sdug bsngal gang yin dang / /dmyal bar sdug bsngal gang 'byung dang / /bral ba sngon du 'dren byed pas/ /gal te bdag nyid bde 'dod na/ /de phyir de la chags mi bya// //'phags pa dam pa'i chos dran pa nye bar gzhag pa/  bam po nyer drug pa/ dge slong des de ltar rjes su bsams na 'jig rten du gtogs pa'i bde ba rang dbang med cing mi brtan pa mthar ltung bar 'gyur ba de dag la yang mngon par brtags te/ kye ma sems can 'di dag ni sred pas yongs su bslus nas ltung bar 'gyur ba khong du ma chud do snyam nas/ de mtho ris la yang sems 'dod chags dang bral lo/ /de ltar lha'i 'jig rten de na ji srid du</font><hr>64.62a<br><font size=+1>

de'i 'dod pa sdug pa yid du 'ong ba byas shing bsags pa zad par ma gyur pa de srid du lha mo de dag dang dga' bar byed yongs su spyod par byed do/ /de phyis de nas 'chi bar 'gyur te/ shi nas kyang las nye bar 'gro ba ji lta ba bzhin sems can dmyal ba dang / yi dgas dang / dud 'gro'i nang du skye bar 'gyur ro/ /gal te mi rnams dang skal ba mnyam par mi'i nang du skyes na/ de las de dang rgyu 'thun par shin du bde ba dang ldan zhing rtag tu 'jigs pa med pa dang / skye bo thams cad dga' ba dang / rgyal pos bkur ba dang / ji srid 'tsho'i bar du gnod pa med la mi 'jigs pa byin pa de phyis mthar mya ngan las 'da' bar 'gyur ba mthong ngo / /de nas yang dge slong las kyi 'bras bu rnam par smin pa shes pa de/ lha phreng thogs kyi gnas la rtog par byed de/ des thos pa las byung ba'i shes pas lha phreng thogs rnams kyi gnas yul la chags pa zhes bya ba ji ltar 'dug pa mthong ngo / /der sems can dag las gang gis skye bar 'gyur snyam nas/ des thos pa las byung ba'i shes pas brtags na/ legs par byas pa'i las kyi mtha' spyad pa/ phan par 'dod pa'i sems dang ldan pa gang gis mdza' bshes dang / gnyen 'dab dang / rtsa lag dag so sor bye ste/ gcig la gcig gnod par byed pa'i blo can dag bsdums byas na/ de lus dang bral nas bde 'gro mtho ris kyi 'jig rten yul la chags pa'i lha rnams kyi nang du skye bar 'gyur ro/ /der skyes nas kyang legs par byas pa'i las kyi mtha' spyad pa de/ gnas der bsam pa dga' dgur 'grub ste/ gang dang gang bsams pa de dang de dag de nas 'thob par 'gyur ro/ /'di lta ste/ rgyan dang bgo ba sna tshogs dang / de bzhin du rna cha gdub khor dang / dpung rgyan de dag mtho ris dang 'thun par 'thob bo/ /chu bo dang 'bab chu dang sal sul dang / glu dang rol mo'i</font><hr>64.62b<br><font size=+1>

sgra dbyangs sna tshogs 'byung ba dang / 'di lta ste/ bya tan da pa'i sgra rnams kyi nang na dga' bar byed/ lha mo'i glu dbyangs snyan pa brag cha 'byin pas kyang dga' bar byed de/ de rtag tu yid dga' bar byed pa yin no/ /ngang pa'i shing rta rin po che sna tshogs kyis brgyan pa/ rin po che sna bdun gyis spras pa rnams kyis/ tshal dang nye ba'i tshal dang / 'bab chu dang / pad ma'i tshal rnams su rgyu bar byed do/ /lha mo'i tshogs kyis yongs su bskor cing tshal dang nye ba'i tshal bzang pos 'tsho la/ gser gyi pad ma rnams kyi nang na mngon par dga' bar byed do/ /de na tshal 'di lta bu dag yod de/ 'di lta ste/ byi ru'i tshal dang / bai dUr+ya'i tshal dang / shing ta la ba tin tu ka'i tshal dang / bya myos pa'i tshal dang / pad ma dang ldan pa'i tshal dang / bya tan da pa'i tshal dang / khu byug gi tshal te/ tshal de rnams su legs par byas pa'i las kyi sa bon grogs su gyur pa dga' bar byed do/ /chu bo yang lha'i chu bo dang ba dag yod de/ 'di lta ste/ 'bab chu dang / pad ma dang / nye ba'i tshal dang / lteng ka nor bus brgyan pa dang / yid la ji ltar 'dod pa'i chu sgra yid du 'ong ba dang / bya'i sgra myur bar 'byung ste/ chu bo de dag gis gnas gang yin pa rtag tu brgyan pa yin no/ /'di lta ste/ gang na chu bo 'bab pa med pa na/ gzugs dang / dri dang / ro rnam pa sna tshogs dang / bud med gzugs sna tshogs dang ldan yang / gang yon tan dang mi ldan pa 'am/ sbrum ma lta bur mi mdzes la/ de bzhin du mtho ris kyi gnas der dga' bar mi 'gyur ro/ /de lta bas na lha'i 'jig rten na chu gtso bo yin te/ chu las skye ba 'byung / chus mngon par dga' bar byed la/ kun nas nyon mongs pa rnams kyi ro dang / nye ba'i tshal du bgrod pa de'i nang na/ 'di lta ste/ chu 'di ni ro'i mchog yin no/ /de lta bas na lha dang / mi rnams kyi rgyan du gyur pa dang / yo byad du gyur pa ni</font><hr>64.63a<br><font size=+1>

chu yin la/ lha dang mi kun gyi bya ba 'am/ don ni de la rag las pa yin no/ /chu yon tan de lta bu dang ldan par rig nas/ chu la mngon par dga' ba'i lha de dag mngon par dga' bar byed/ yongs su spyod par byed la/ chu sgra lhung lhung por 'bab pa de dag tu dga' bar byed do/ /de chu bo'i 'gram de dag tu mngon par rtses nas/ chu me long ltar gsal ba ga la ba der 'gro bar byed do/ /de lha'i tshal lha'i bde ba phun sum tshogs pa de na shing ljon pa me long ltar gsal ba mthong ngo / /shing ljon pa de dag gi sdong po me long ltar gsal la/ de dag gi nang du gang gis legs par byas pa'i las nges par myong bar 'gyur ba byas pa dag thams cad nas thams cad du snang ngo / /legs par byas pa'i las de dag gi mthus shing de dag gam/ tshal gyi bar gyi sa gzhi gnas pa de dag du 'am/ gser gyi sa gzhi me long lta bur gsal ba 'am/ tshal gyi bar gyi sa gzhi bsil ba rnams su gang dang gang legs par byas pa dang / nyes par byas pa de dang de'i legs par byas pa'i las kyi mthus gnas de rnams su mthong bar 'gyur ro/ /shing ljon pa de dag la 'am/ tshal gyi bar gyi sa gzhi de dag tu 'am/ sa gzhi bsil ba de dag tu las legs par byas pa'i bde ba dang / tshe rabs brgya snyed nas bsags pa'i nyes par byas pa de dag kyang mthong ngo / /de legs par byas pa'i las kyis bsgrubs pa mthong ba dang / sa de rnams dang gzhan dag la yang snga ma bzhin du dga' bar byed do/ /des ji ltar sngon skye ba dang / 'chi ba'i las kyi 'bras bu byas shing / 'gro ba lngar gtogs pa'i bde ba dang / sdug bsngal bsgrubs pa'i las de dag ji lta ba bzhin mthong ste/ des gal te sems can dmyal ba'i las mi gtsang bar byas na des de bzhin du mthong ngo / /sems can dmyal ba yang sos dang / thig nag dang / bsdus gzhom dang / ngu 'bod dang / ngu 'bod chen</font><hr>64.63b<br><font size=+1>

po la sogs par sems can dmyal ba'i gnod pa gang 'byung ba de dag thams cad snga ma bzhin du mthong ste/ sems can dmyal ba rnams su 'byung ba yan chad snga ma bzhin du mthong ngo / /ji ltar lha rnams kyi bde ba dpe med pa de ltar sems can dmyal ba pa rnams kyi sdug bsngal rnam pa du ma yang mthong ste/ de sems can dmyal ba der gtogs pa'i sdug bsngal las ches sdug bsngal ba mngon par mthong ngo / /bdag gcig pus mthong ba dang / gang lha'i 'jig rten du gtogs pa dang / lha'i bde ba yul gyi rnam pa de ltar byung ba de dag kyang ji ltar tshe rabs gzhan du nye bar spyad pa de ltar ma brjed de des mthong ngo / /shin du mi mthun par gyur pa sems can dmyal ba'i sdug bsngal rnam pa mang po de dag des mthong nas/ bde ba de thams cad bde bar tshor ba med de/ 'di lta ste/ chu bo gang gA'i nang du lan tshwa srang gcig btab pa mi tshor ba de bzhin du/ de'i yid las byung ba nges par myong bar 'gyur ba'i lha'i bde ba de dag tshor ba med do/ /glu dbyangs dang / sil snyan gyi dbyangs la dga' ba dang / bya'i sgra di ri ri 'don pa yang bdag nyid kyi gnas skabs de dag dran nas/ tshal gyi bar gyi sa gzhi dag la bde ba so sor myong bar byed do/ /de gal te lha'i bde ba des sems g.yengs nas brjod pa dang / yang de phyogs gzhan zhig gi shing ljon pa'i sdong po dag la bdag nyid yi dgas su gyur nas sdug bsngal rnam pa sna tshogs kyis gzir cing lus bkres pa dang skom pas gdungs par mthong ngo / /nges par myong bar 'gyur ba'i las des bskul ba de/ bdag nyid de ltar mthong nas de nas yang 'jigs pa skyes te/ des lha gzhan dag la 'di skad smras so/ /grogs po dag shing ljon pa rnams la mi sdug pa 'di dag mthong ngam/ ji ltar bdag gis mthong ba ltar ci khyed kyis mthong ngam/ de dag gis 'di skad smras so/ /bdag cag gis ma mthong ste/ gang gis nges par myong bar 'gyur ba'i</font><hr>64.64a<br><font size=+1>

las ma byas pa de dag gis ni de nyid mi mthong la/ gang gis byas pa des ni mthong ngo / /bdag nyid yi dgas kyi 'jig rten du 'gro ba des lha de dag la smras pa/ grogs po dag khyed kyis mthong ngam/ des smras pa/ mthong ngo / /de gnyis yi dgas kyi 'gro ba der sdug bsngal chen po mthong nas ji ltar tshe rabs stong du gyur pa de ltar lha'i bde ba de dag rjed de/ de shin du yi chad nas de nas yang yul de nas 'pho bar byed do/ /de nas yang lha'i bde ba'i dbang du gyur nas/ de gzugs dang / sgra dang / dri dang / ro dang / reg bya yid du 'ong ba la ni nags tshal dang / nye ba'i tshal dang / pad ma'i rdzing gi 'gram rnam pa sna tshogs dang / bya sgra sna tshogs 'byin pa dang / tshal gyi bar bar dag na dga' bar byed la/ lha mo cha byad sna tshogs thogs pa dang yang lhan cig dga' bar byed do/ /de nas yang sred pas bdas pa na yang skabs shig tu/ me long lta bu'i tshal du song ba dang / de nas yang nges par myong ba'i las kyi skul bas bskul ba bdag nyid dud 'gror song nas gcig la gcig za ba de mthong ste/ gzhan gyis kyang de la za la des kyang gzhan la za ba dud 'gro phan tshun za ba'i sdug bsngal chen po ji ltar sngon des byas pa bdag nyid kyis mthong ngo / /des bdag nyid de lta bur gyur pa mthong nas de nas yang mi dga' ba chen po skyes te/ bdag nyid kyi gzugs che la mi sdug pa sdug bsngal gyi rnam pa mang po du ma ci ste mthong zhigu snyam nas des yang gzhan dag la yang snga ma bzhin du smras so/ /de nas yang yul la sems rnam par chags pa/ yul gzugs dang / sgra dang / dri dang / ro dang / reg bya sdug pa rnams kyi dbang du gyur pa dag de ltar 'khor ba'i sdug bsngal gyi phyang mo la nyug go/ /de nas yang me long lta bu'i tshal de nyid du mir skyes pa mthong ste/ ji ltar mdza' bshes dang / gnyen 'dun dang / rtsa lag phan tshun kho na byung ste/ bye ba dag sdud cing bsdum byas pa'i tshul khrims kyi las dang ldan pa thams cad des mthong</font><hr>64.64b<br><font size=+1>

ba dang / bdag ni rgyu de dang / rkyen de dang / gzhi des lus dang bral nas bde 'gro lha'i nang 'dir skyes pa lta snyam nas/ de las bdag gir bya ba dang / las kyi bgo skal la spyod par bdag nyid kyis mthong ngo / /des de dag mthong nas de nas yang mi dga' ba skyes so/ /de nas yang sems mi brtan pa lha'i bde ba'i dbang du gyur pa de/ gzugs dang / sgra dang / dri dang / ro dang / reg bya bde ba dag la spyod par byed do/ /de ltar sems rab tu myos pa de/ de nas yang bde ba'i myos pas sems g.yengs pa rab tu myos shing bag med pa la gnas pa dag dge ba'i las kyi 'bras bu de nyid la spyod par byed do/ /des bdag nyid lha'i 'jig rten de nas shi ste/ gzhan du skye la/ de nas yang sems can dmyal ba dang / yi dgas dang / dud 'gro'i nang du skye bar mthong ngo / /de nas bdag nyid de lta bur 'gyur ba mthong ba dang / shin du mi dga' ba skyes nas/ gnas 'di ni mi rtag pa/ mi brtan pa/ 'gyur ba'i chos can yin te/ de lta bas na 'di nas bdag nyid 'chi bar 'gyur zhing / lha mo 'di dag la yang bdag dbang bar mi 'gyur te/ kye ma chos thams cad ni 'bral ba dang / 'dus byas kyi chos rnams ni mi brtan la gnod pa dang bcas pas tab tab por 'dug pa yin te/ bdag cag ni phan tshun 'bral ba yin no snyam mo/ /de de ltar sems pa dang / 'jig rten skyong ba dag gis lha'i 'jig rten la smras pa/ da khyed cag thugs dgyes par mdzod cig /'dzam bu'i gling na da dung du chos dang ldan zhing chos kyi rjes su 'jug pa'i mi mar 'dzin pa/ phar 'dzin pa/ dge sbyong du 'dzin pa/ bram zer 'dzin pa dag yod pas lha'i phyogs ni 'phel lo/ /bdud kyi phyogs ni 'grib bo/ /'jig rten na yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ bla na med pa/ skyes bu 'dul ba'i kha lo sgyur ba byung ste/ de chos 'chad pa/ thog</font><hr>64.65a<br><font size=+1>

mar dge ba/ bar du dge ba/ don bzang po/ tshig 'bru bzang po/ ma 'dres pa/ yongs su rdzogs pa/ yongs su dag pa/ yongs su byang ba bde ba/ thabs dang ldan pa/ zhi ba'i chos 'di lta ste/ 'di ni gzugs/ gzugs 'di ni kun 'byung ba/ gzugs 'di ni 'gog pa/ gzugs 'di ni 'gog par 'gyur ba'i lam yin no zhes 'chad do/ /de thos nas me long lta bu'i tshal de na 'khod pa gang yin pa bdag nyid kyi las kyi 'bras bu'i rnam pa mthong ba des/ 'jig rten skyong ba de dag la smras pa/ sangs rgyas bcom ldan 'das 'jig rten du byung ba dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ bla na med pa/ skyes bu 'dul ba'i kha lo sgyur ba/ de su zhig yin/ de nas 'jig rten skyong ba de dag gis slar smras pa/ 'dzam bu'i gling du byung ba 'di ni sems can thams cad la chos ston pa yin no/ /de nas lha de 'jig rten skyong ba dag las de skad thos nas/ 'dzam bu'i gling ga la ba der 'gro bar byed de/ lha de lha'i 'jig rten nas 'chi ba'i sdug bsngal gyis 'jigs skrag /mi'i 'jig rten nas 'chi bas 'jigs skrag /dud 'gro'i 'jig rten na/ gcig la gcig za bas 'jigs skrag /yi dgas kyi 'jig rten na bkres pa dang / skom pa'i sdug bsngal gyis 'jigs skrag /sems can dmyal ba dag na gnod pas 'jigs skrag ste/ de ltar 'gro ba lnga rnams na 'jigs pa lnga yod par mthong nas/ bcom ldan 'das kyi drung du song ba dang / bcom ldan 'das mdzes pa/ gsal ba/ dbang po zhi ba/ thugs zhi ba/ dul ba dang zhi gnas/ mchog brnyes pa/ dul ba dang zhi gnas dam pa brnyes pa/ skyes bu glang po/ skyes bu cang mkhyen pa/ gser gyi phung po ltar gzi brjid 'bar ba/ nyi ma gnyis pa ltar 'od gsal ba/ ri rab</font><hr>64.65b<br><font size=+1>

ltar brtan pa/ mtshon ltar zab pa/ gser gyi ri bo lta bu shing ljon pa'i drung na bzhugs pa des rgyang ring po nas mthong ngo / /lha'i yang lha rnams de lta bu de mthong nas dad pa skyes pa'i lha bcom ldan 'das ga la ba der song nas/ bcom ldan 'das kyi zhabs gnyis la gtugs te phyag 'tshal nas phyogs gcig tu 'dug ste/ lhas bcom ldan 'das la 'di skad ces gsol to/ /bcom ldan 'das gang rtag pa brtan pa ther zug 'gyur ba ma mchis pa'i chos dang ldan pa'i gnas lta mchis lags sam/ de nas bcom ldan 'das kyis lha dag la 'phags pa'i bden pa bzhi'i gtam de dag bstan to/ /de nas lha rnams kyis bcom ldan 'das las gtam de dag thos nas ji lta ba bzhin sems la bzung ste/ de nas yang lha'i 'jig rten ga la ba der dong ngo / /der dong nas kyang de nas yang lha'i bde ba rnam pa lnga dang ldan pa rnams ji srid du de'i 'dod pa sdug pa yid du 'ong ba byas shing bsags pa zad par ma gyur pa de srid du dga' bar byed do/ /de phyis lha'i 'jig rten de nas 'chi bar 'gyur te/ shi nas kyang las nye bar 'gro ba ji lta ba bzhin sems can dmyal ba dang / yi dgas dang / dud 'gro rnams kyi nang du skye bar 'gyur ro/ /gal te mi rnams dang skal ba mnyam par mi rnams kyi nang du skyes na/ las de dang rgyu 'thun par de kho na nyid mthong bar mi 'gyur la/ de rtag tu mdza' bshes dang / gnyen 'dab dang / rtsa lag shin du mi phyed pa dang ldan zhing nor bzang po dang ldan par 'gyur ba mthong ngo / /de nas yang dge slong las kyi 'bras bu rnam par smin pa shes pa de/ lha phreng thogs kyi gnas la rtog par byed de/ des thos pa las byung ba'i shes pas lha'i 'jig rten na 'dod pa la chags pa zhes bya ba ji ltar 'dug pa mthong ngo / /der sems can gang dag las gang gis skye bar 'gyur snyam nas/ des thos pa las byung ba'i shes pas brtags na/ gang gis chos</font><hr>64.66a<br><font size=+1>

mnyan pa byas na lus dang bral nas bde 'gro mtho ris kyi 'jig rten yul la chags pa zhes bya ba'i gnas kyi pha rol na 'dod pa la chags pa zhes bya ba gnas pa'i lha rnams kyi nang du skye bar 'gyur ro/ /der skyes nas kyang des legs par byas pa'i las kyi 'bras bu 'byung ba ni 'di lta ste/ dngul gyi khang pa na 'dug pa ltar rin po che sna bdun gyi gzhal med khang yangs pa gser gyi stegs bu can lha'i bya rnams kyis yongs su bskor ba dag 'byung ste/ 'di lta ste/ bya yid du 'thad pa dang / sgra kun 'byin pa dang / chu na rgyu ba dang / gser lta bu dag ste/ bya de lta bu dag gis kun tu gang ba yin no/ /sa phyogs de na chu bo dang / 'bab chu dang / lteng ka dang / nye ba'i tshal dang yang ldan pa yin no/ /phyogs de na bya'i rnam pa 'bum snyed kyis kyang kun du gang ba yin te/ de na lha rnams 'dod pa'i yon tan bzhi dang / kha cig 'dod pa'i yon tan lnga 'byor cing ldan par gyur pa rnams kyis dga' bar byed do/ /lha'i mig gis gzugs gang dang gang mthong ba de dang de dag 'dod pa sdug pa yid du 'ong ba mthong ngo / /rna bas sgra gang dang gang thos pa de dag kyang 'dod pa sdug pa yid du 'ong ba thos so/ /snas dri gang dang gang bsnams pa de dang de dag kun kyang 'dod pa sdug pa yid du 'ong ba la snom mo/ /lces ro gang dang gang myang bar byed pa de dang de dag kyang 'dod pa sdug pa yid du 'ong ba myong ngo / /lus kyis gang dang gang la reg pa de dang de dag kyang 'dod pa sdug pa yid du 'ong ba la reg par byed do/ /yid kyis gang dang gang la sems pa de dag kyang 'dod pa sdug pa yid du 'ong ba la sems shing 'grub par gyur te/ 'dod pa'i yon tan lnga la sems chags pa de shin tu bde ba dang ldan par gnas so/ /'dod pa la chags pa'i lha rnams kyi gnas ni gzhan dang mi 'dra bar lha'i gnas dang ldan te/ bde ba dag myong ba na ji srid du de'i 'dod pa sdug pa yid du 'ong ba/ bde bar byas pa shin tu nyams dga' ba/ 'jig rten 'di dang 'jig</font><hr>64.66b<br><font size=+1>

rten pha rol la phan pa/ tshul khrims kyi las byas pa ma zad kyi bar du de de na bde ba myong ngo / /de phyis 'dod pa sdug pa yid du 'ong ba'i gnas de nas 'chi bar 'gyur te/ shi nas kyang las nye bar 'gro ba ji lta ba bzhin sems can dmyal ba dang / yi dgas dang / dud 'gro'i nang du skye bar 'gyur ro/ /gal te lan grangs gzhan la myong bar 'gyur ba'i las kyis mi rnams dang skal ba mnyam par mi'i nang du skyes na de las de dang rgyu 'thun par yul chen po shin tu 'byor pa dang ldan pa dag tu skye bar 'gyur te/ 'di lta ste/ ka shi ka dang / ko sa la dag tu rgyal rigs shing sA la chen po lta bu dang / bram ze'i rigs shing sA la chen po lta bur skye bar 'gyur ba mthong ngo / /de nas yang dge slong las kyi 'bras bu rnam par smin pa shes pa de/ lha'i 'jig rten la rtog par byed de/ legs par byas pa'i las kyi mtha' spyad pa gang gis phreng thogs kyi gnas yid g.yo ba'i lha rnams kyi nang du skye bar 'gyur snyam nas/ des thos pa las byung ba'i shes pas brtags na tshul khrims dang ldan par gyur pa sems pa yod pa yid gsal bas zhing bzang po mngon par shes pa gus shing sems dang ba gang gis sangs rgyas sam/ mchod rten nam/ dge 'dun gyi gnas phyag dar legs par byas na/ de lus dang bral nas bde 'gro mtho ris kyi 'jig rten yid g.yo ba'i lha rnams kyi nang du skye bar 'gyur ro/ /der skyes nas kyang de'i lus sha dang / rus pa dang / chu ser dang bral ba las dri bsung dpag tshad brgyar 'byung la/ ji ltar me long shin tu g.ya' med pa'i nang du thams cad snang ba de ltar lha'i lus de la lha'i ris de na nye bar gnas pa gang yin pa thams cad snang ste/ de ltar legs par byas pa'i las kyi 'bras bu la nye bar spyod do/ /gnas de dag na lha'i tshal bzhi yod de/ 'di lta ste/ skyon med pa'i tshal dang / gsal ba'i tshal dang / dri zhim pa'i tshal dang / me tog</font><hr>64.67a<br><font size=+1>

man da ra ba'i tshal te/ mang po de dag na sdong bu ni bai dUr+ya/ ze ba ni dngul las byas pa'i pad ma'i rdzing yod la/ bya ngang pa dang / ka ran da pa dang / ngur pa sgra 'byin pas gang ba/ me tog mdog dang dri sna tshogs dang ldan pa rnams kyis khebs pa 'dam rdzab kyi skyon dang bral ba/ chu rnyog pa dang bral ba/ nya lcibs dang bral ba/ chu rtag tu dri zhim pas gang ba yin no/ /tshal de dag na dus tshigs rab tu dga' bar byed pa drug yod la/ bya dag bya mo dang lhan cig 'khod pa yang snang ste/ rdzing du dong nas dga' bar byed cing rang gis byas pa'i las la spyod do/ /shing ljon pa de dag kyang dus tshigs thams cad du rtag tu me tog gis rgyas la rnyis pa'i skyon dang bral ba phan tshun 'gran pa ltar dus thams cad du me tog rgyas so/ /de ltar legs par byas pa'i las kyi mtha' spyad pa de/ tshal dang nye ba'i tshal de rnams su lha mo yid du 'ong ba rgyan dang cha byad dang / spud pa sna tshogs thogs pa rnams kyis yongs su bskor nas 'dod pa sdug pa yid du 'ong ba'i bde ba dag myong bar byed do/ /srid pa'i yul la rnam par chags shing dga' ba/ yul drug la blo shin du chags pa de/ chu'i nang na nya rgya'i gseb tu nya chud de nya rgyas bsdus pa ltar bde bas nam chung zad kyang skyo bar mi byed de/ de ji srid du de'i 'dod pa sdug pa yid du 'ong ba'i las ma zad pa de srid du de na lha'i bde ba rnam pa du ma la spyod do/ /de phyis lha'i 'jig rten de nas 'chi bar 'gyur te/ shi nas kyang las nye bar 'gro ba ji lta ba bzhin sems can dmyal ba dang / yi dgas dang / dud 'gro'i nang du skye bar 'gyur ro/ /gal te lan grangs gzhan la myong bar 'gyur ba'i las kyis mi rnams dang skal ba mnyam par mi'i nang du skyes na/ de rang gi las dang rgyu 'thun par ded dpon chen por gyur te/ shin du 'byor pa dang ldan pa dang rgyal pos kyang bkur bar 'gyur ba mthong ngo / /de nas yang dge slong las kyi 'bras bu</font><hr>64.67b<br><font size=+1>

rnam par smin pa shes pa de/ lha phreng thogs kyi gnas la rtog par byed de/ des thos pa las byung ba'i shes pas lha phreng thogs rnams kyi gnas gang na lha 'khod pa tshal dang nye ba'i tshal na gnas pa zhes bya ba ji ltar 'dug pa mthong ngo / /de dag las gang gis der skye bar 'gyur snyam nas/ des thos pa las byung ba'i shes pas brtags na/ tshul khrims dang ldan par gyur pa/ sems dang ba/ dge 'dun la zhing du shes pa gang gis chos gos bya ba'i phyir se 'bru gcig phul la/ phul nas kyang yang dang yang du sems kyis yongs su spel bar byed/ rjes su dga' bar byed/ bdag nyid la bdag nyid rab tu dga' bar byed na/ de lus dang bral nas bde 'gro mtho ris kyi 'jig rten tshal dang nye ba'i tshal gyi nang na gnas pa'i lha rnams kyi nang du skye bar 'gyur ro/ /der skyes nas de lha'i tshal dang nye ba'i tshal na ni gnas/ bdag nyid gar dga' dgur ni 'chag cing 'gro/ chu la yang mi nub par 'gro ste/ 'di lta ste/ thang la 'gro ba bzhin du 'gro la/ de bzhin du bar snang la yang thogs pa med par 'gro'o/ /de ji skad bstan pa'i gnas rnams su lha'i phreng ba dang / gos ni gyon shin du bde ba dang ni ldan/ rang dga' nyams thag tu gnas shing dga' bar ni byed/ tshal dang nye ba'i tshal dang / 'bab chu dang / lteng ka nyams dga' zhing shin du dri zhim pa sna tshogs kyi nang na lha mo'i tshogs kyis ni yongs su bskor/ nyi ma gnyis pa ltar rang gi gzi brjid kyis 'bar zhing lha'i bde ba rang gis byas pa'i rgyu las byung ba/ rgyu'i stobs dang 'brel pa la nye bar spyod par byed de/ gzhan gyis byas la gzhan spyod pa ni med do/ /rang gis byas pa'i las kyi 'bras bu la spyod pa/ las kyis nges par 'byung ba'i srog chags rnams legs par byas pas ni lha dang mi rnams kyi nang du skye bar 'gyur la nyes par</font><hr>64.68a<br><font size=+1>

byas pas ni/ sems can dmyal ba dang / yi dgas dang / dud 'gro rnams kyi nang du skye bar 'gyur ro/ /legs par byas pa'i las kyis der skyes pa de ji srid du legs par byas pa'i las zad par ma gyur pa de srid du de na bde ba la spyod par byed do/ /de phyis de nas 'chi bar 'gyur te/ shi nas kyang las nye bar 'gro ba ji lta ba bzhin sems can dmyal ba dang / yi dgas dang / dud 'gro'i nang du skye bar 'gyur ro/ /gal te lan grangs gzhan la myong bar 'gyur ba'i las kyis mi rnams dang skal ba mnyam par mi'i nang du skyes na/ de las de dang rgyu 'thun par skye bo tshal na gnas pa rnams kyi nang na 'byor pa dang ldan zhing gzhan gyis gnod pa med la rang dgar longs spyod par 'gyur ba mthong ngo / /de nas yang dge slong las kyi 'bras bu rnam par smin pa shes pa de/ lha phreng thogs rnams kyi gnas bcu ma lus par brtags nas/ lha gzhan lag na yol go thogs shes bya ba dag la rtog par byed do/ /lha de rnams kyi gnas gang na gnas pa rang dga' zhing rang gi yid dang 'thun par 'dod pa ji tsam yod snyam nas/ des thos pa las byung ba'i shes pas brtags na/ 'di ltar lha lag na yol go thogs pa rnams kyi gnas kyang bcu yod de/ 'di lta ste/ pad ma'i nang na rgyu ba dang / bung ba'i sgra snyan pa dang / sgra la chags pa dang / dris dregs dga' dang / rlung la spyod pa dang / me tog phreng dga' dang / kun du lta ba dang / rtag tu dga' ba dang / dri la chags pa dang / spyi gtsug thar te/ lha lag na yol go thogs pa rnams kyi gnas ni bcu po 'di dag yin no/ /sa de rnams na lha dag las so sor byas pa gang gis lha'i 'jig rten du skye bar 'gyur snyam nas des thos pa las byung ba'i shes pas brtags na/ tshul khrims dang ldan par gyur cing legs par byas pa'i las kyi mtha' spyad pa sems bsgoms pa'i yid dang ldan</font><hr>64.68b<br><font size=+1>

pa gang gis sangs rgyas dang / chos dang / dge 'dun la phyag 'tshal lo zhes lan gsum brjod na/ de der mthar shin du mya ngan las 'da' bar 'gyur ba'i las skyed pa yin te/ mi'i gnas skabs kyi rnam par smin pa gang yin pa de nam 'chi ba'i dus byas nas lus dang bral na bde 'gro mtho ris kyi 'jig rten lha lag na yol go thogs pa rnams kyi gnas pad ma'i nang na rgyu ba zhes bya ba der skye bar 'gyur ro/ /der skyes nas kyang de'i gnas de ni yon tan lnga dang ldan pa'i ro shin du zhim pa la chags pa'i mig mi 'dzums pa/ lus nyi ma ltar gsal ba/ lha'i 'dod pa dang sdug pa dang yid du 'ong ba la mngon par dga' ba/ bya chu skyar gyi mdog lta bu'i pad ma kun gyis mdzes par byas la/ pad ma de dang nams kyang zhum par mi 'gyur ba dang / pad ma re re las kyang lha'i dri dpag tshad tsam du 'byung ste/ des lha'i dri de dag thams cad dang / gzhan yang me tog rnam pa sna tshogs kyi dri rnams zil gyis gnon par byed pa dang / bung ba kha dog sna tshogs can kha cig gser gyi bya lta bur 'dug la/ kha cig ma he'i mig gi mdog lta bu dang / kha cig bai dUr+ya'i mdog lta bur 'dug pa dag sgra rnam pa sna tshogs 'byin te/ de'i khyad par ni mi rnams kyis legs par bslabs pa'i pi bang gi sgra 'byin pa na/ shin du snyan cing lhag par dga' bar byed pa'i sgra kun du gang bar 'byung ba dag 'bum gyi char yang mi phod do/ /de ci'i phyir zhe na/ lha'i 'dod pa la mi yis dper byar med pa'i phyir te/ mi gang gis kyang lha'i sgra mnyan par mi nus so/ /de ci'i phyir zhe na/ 'khor los sgyur ba dang / 'dod chags dang bral ba ma gtogs par de la mi'i 'jug pa'i yul ma yin no/ /'di ltar 'khor los sgyur ba ni stobs dang ldan la dbang po rnams kyang stobs dang ldan pas lha dang mi'i 'dod pa la spyod par nus so/ /'di ltar 'dod</font><hr>64.69a<br><font size=+1>

chags dang bral ba ni de'i dbang po dga' bar 'gyur ba yang med la g.yo ba yang med de/ de ltar de na bung ba'i sgra 'byung ba dag des mnyan par nus so/ /dud 'gror gyur pa sems rmongs par gyur pa rnams kyi sgra yang de lta bu yin na/ 'dod pa la sems chags pa'i lha'i tshogs rnams kyi glu dbyangs dang sgra lta smos kyang ci dgos te/ dpe med pa yin la/ 'di ltar sgra la chags par byed pa la yang skyo bar mi 'gyur zhing / gzugs dang / dri dang / ro dang / reg bya rnams kyis kyang de dang mi mthun par skyo bar mi byed do/ /de ltar de sgo du ma de dang / sred pa'i sgo'i thabs du ma'i bde ba de dag la ji srid du de'i 'dod pa sdug pa yid du 'ong ba'i las mtho ris su skyes pa zad par ma gyur pa de srid du spyod par byed do/ /de phyis de nas 'chi bar 'gyur te/ shi nas kyang gal te lan grangs gzhan la myong bar 'gyur ba'i las kyis sems can dmyal ba dang / yi dgas dang / dud 'gro'i nang du ma skyes la/ mi rnams dang skal ba mnyam par mi'i nang du skyes na/ de las de dang rgyu 'thun par grong khyer du grong gi bdag po shin du 'byor pa dang ldan pa 'am tshong dpon du 'gyur la gzhan du yang rgyu dang rkyen de dang gzhi des mthar mya ngan las 'das par 'gyur ba mthong ngo / /de nas yang dge slong las kyi 'bras bu rnam par smin pa shes pa de/ lha lag na yol go thogs pa rnams kyi gnas la rtog par byed de/ des thos pa las byung ba'i shes pas lha rnams kyi gnas bung ba'i sgra snyan zhes bya ba ji ltar 'dug pa mthong ngo / /der sems can dag las gang gis skye bar 'gyur snyam nas/ des thos pa las byung ba'i shes pas brtags na tshul khrims dang ldan zhing shes rab dang ldan pa sems pas bsgoms pa'i snying dang / snying rjes brlan pa'i yid sems can la phan par zhugs pas mchod rten la rol mo'i sgra dang dris mchod na/ de lus dang bral nas bde 'gro mtho ris kyi 'jig rten lha lag na yol</font><hr>64.69b<br><font size=+1>

go thogs pa rnams kyi gnas bung ba'i sgra snyan du skye bar 'gyur ro/ /der skyes nas kyang rang gi las kyi 'bras bu la gnas pa de sil snyan dang / glu dbyangs dang / bro gar dang / rgod pa dang / 'jo ba dang / nyams dga' ba rnam pa sna tshogs kyi bde ba la spyod pa pad ma'i dris myos pa'i lha mo glu dbyangs thos na yid 'phrog par byed pa'i dbyangs la ni nyan/ bde bar gnas pa'i kun dga' ra ba na nye bar spyod pa'i lha mo'i tshogs du ma dag ni dbyangs kyi sgra 'byin/ me tog rnam pa sna tshogs 'dres pa'i dri'i ngad kyis ni lus la reg cing zhim pa du mas mdzes par byas pa'i ri rab kyi rtse mo rnams la sdug pa thos na shin du dga' bar byed pa rnams dang lhan cig rnam par rgyu zhing gnas la dga' bar byed do/ /de ltar legs par byas pa'i las kyi 'bras bu la nye bar spyod pa mngon par mthong nas/ dge ba'i las la stod cing 'di ltar tshigs su bcad de smras pa/ las 'di dag ni lha yi yul/ /gsum gyi them pa'i skas su gyur/ /de la 'dzeg pa'i mi rnams ni/ /lha yul bde ba 'byung bar 'gro/ /ngag la rnam pa bzhi bsdams te/ /lus las byung ba rnam gsum mo/ /them skas bdun la 'dzegs nas su/ /lha yul gsum du 'gro bar byed/ /tshul khrims spyod pa shin du bde/ /nor spyod de ltar bde ba min/ /nor gyis mi ni 'grib byed la/ /tshul khrims kyis ni 'grib mi byed/ /des ni mi dag legs par byed/ /so so dag tu 'ang de mdzes so/ /de bas mtho ris 'gro ba la/ /thub mchog rnams kyis dge bar bsngags/ /skyes bu dge ba spyod pa rnams/ /skyed mos tshal du 'gro ba bzhin/ /lha yi 'jig rten du mar de/ /bde ba rnams kyi 'byung khung mchog /rang gi lus las byung ba yi/ /'od kyis de dag 'bar ba na/ /rang gi las kyis bkur ba rnams/ /mtho ris gnas na</font><hr>64.70a<br><font size=+1>

dga' bar byed/ /rtag tu dga' bar gnas pa dang / /rtag tu bde bar gnas pa yi/ /lha gang yin pa lha yi gnas/ /de na tshul khrims byed rgyu yin/ /tshul ldan de yi tshul khrims ni/ /du ma 'ang legs par bsrungs pa yin/ /'bras bu mtho ris smin par 'gyur/ /de bas tshul khrims rtag tu spyod/ /tshul khrims mtho ris skas yin la/ /bad rgyu 'byung ba'i gnas yin no/ /tshul khrims spangs pa'i mi dag ni/ /gang du 'ang bde ba mi 'thob po/ /tshul khrims chu ni dang ba dang / /kun du rnam par gang ba yis/ /khrus byas mi dag lha yi gnas/ /lha yi 'jig rten 'gro bar 'gyur/ /lha yi phreng ba rgyan rnams dang / /lha yi bde ba ldan pa gang / /de kun dge ba'i rgyu las byung / /lha yi gnas na dga' bar byed/ /gang zhig lha mos yongs bskor dang / /gang zhig nyi zla 'dra ba rnams/ /de kun dge ba'i rgyu las byung / /lha dag lha yi nang na dga'/ /gang zhig bsams na 'byung byed pa/ /byung nas kyang ni 'grib med cing / /dge ba rtag tu 'phel 'gyur ba/ /de kun dge ba'i rgyu las byung / /gang zhig tshul khrims rjes su 'jug /bde ba dag ni grangs med la/ /thams cad du ni 'phel byed la/ /mi yis thams cad 'thob par 'gyur/ /rtag tu dge ba spyod pa'i mi/ /rgyal pos kyang ni rtag tu bkur/ /dge bas mi ni dge bar 'gyur/ /de bas tshul khrims rtag tu spyod/ /dge ba spyod pa rtag tu dul/ /'byung po kun la snying brtse mchog /rtag tu sbyin dang byams ldan pa/ /lha dag 'du ba'i gnas su 'gro/ /srog gcod pa las ldog pa dang / /sems can kun la snying brtse mchog /yang dag las kyi mtha' ldan pa/ /lha dag 'du ba'i gnas su 'gro/ /ma byin chung zad len mi byed/ /sbyin la 'ang de ni rtag tu dga'/ /blo ldan blo gros dbang po zhi/ /lha dag 'du ba'i gnas su 'gro/ /gang zhig log par</font><hr>64.70b<br><font size=+1>

g.yem dang bral/ /yang dag lam la rtag tu dga'/ /mya ngan 'das la som nyi med/ /lha rnams kyi ni nang du 'gro/ /gang zhig 'thungs na skyes bu dag /yid la mi dga' mang byed pa/ /chang spangs shin du brtan pa dag /lha rnams kyi ni nang du 'gro/ /bde ba du ma skyed byed cing / /thams cad dbugs ni 'byin byed pa/ /tshul khrims legs par spyad bya zhing / /nyes pa byas pa 'ang rnam par spongs/ /de ltar dge slong des bde ba 'byung ba rnam pa du ma dag mngon par mthong nas bung ba sgra snyan gyi lha rnams la mngon par bstod do/ /de ltar lha de dag lha'i 'jig rten du gtogs pa'i bung ba mang po rnams kyis sgra snyan pa 'byin pa na/ ji srid du de'i 'dod pa sdug pa yid du 'ong ba'i las zad par ma gyur pa de srid du dga' bar byed do/ /de phyis lha'i 'jig rten de nas 'chi bar 'gyur te/ shi nas kyang gal te lan grangs gzhan la myong bar 'gyur ba'i las kyis sems can dmyal ba dang / yi dgas dang / dud 'gro'i nang du ma skyes la/ mi rnams dang skal ba mnyam par mi'i nang du skyes na/ de las de dang rgyu 'thun par me tog gi phreng ba bzang po thogs shing rtag du bde ba dang ldan pa dang / gnod pa med par gnas pa dang / yun ring du 'tsho ba dang / longs spyod dang ldan par 'gyur ba mthong ngo / /de nas yang dge slong las kyi 'bras bu rnam par smin pa shes pa de lha lag na yol go thogs pa rnams kyi gnas la rtog par byed de/ des thos pa las byung ba'i shes pas lha lag na yol go thogs pa rnams kyi gnas sgra la chags pa zhes bya ba ji ltar 'dug pa mthong ngo / /der sems can dag las gang gis skye bar 'gyur snyam nas/ des thos pa las byung ba'i shes pas brtags na/ tshul khrims dang ldan par gyur cing sems shin du bsgoms pa gang gis sangs rgyas gzi byin dpag tu med pa dang ldan pa la gdugs phul na/ de lus dang bral nas bde 'gro</font><hr>64.71a<br><font size=+1>

mtho ris kyi 'jig rten sgra la chags pa zhes bya ba'i lha rnams kyi nang du skye bar 'gyur ro/ /der skyes nas kyang lha'i bde ba dang ldan pa de gser dang / dngul dang / bai dUr+ya'i ri rnam pa sna tshogs la rgyu ba dag la bde ba rnam pa sna tshogs 'byung ste/ lha mo'i tshogs kyis yongs su bskor ba 'khor dang bcas pa dag rin po che sna bdun gyi ri'i rtse mo rnams su rgyu zhing rol mo'i tshal zhes bya ba'i tshal der 'jug par byed do/ /lha'i phreng ba dang / gos gyon pa me tog gi phreng ba dang / phye ma dang / byug pa dang lhan cig skyes pa'i dris rnam par brgyan pa de res 'ga' spos kyi tshal zhes bya ba shing ljon pa sna tshogs kyis mdzes par byas pa'i tshal du yang 'jug par byed do/ /tshal de na chu bo dang / 'bab chu dang / lteng ka dang / pad ma'i rdzing dang / shing ljon pas mdzes par byas pa yin te/ rnam pa ji tsam du bya 'dab chags kyis mdzes par byas pa'i rnam pa de tsam du 'od gang gis sdug pa lta bur lha'i 'od stong dang / 'od kyi rnam pa gzhan yang sngon po dang / ser po dang / btsod ka'i mdog tu 'byung ste/ tshal de kha dog bzang po yin no/ /las kyi mtha' spyad pa la zhugs pa'i tshal de na me tog du mas bsgos pa dri shin du zhim pa'i dri ngad dang por rdzi 'byung ste/ gang gi tshe rdzi des lo ma de dag la phog par gyur pa de'i tshe rdzis phog pa'i lo ma phan tshun reg pa las rol mo'i sgra 'byung ste/ de'i khyad par ni lha ma yin gyi gnas na spyod pa'i rol mo dag bcu drug gi char yang mi phod pa'i rnam pa de lta bu dag 'byung ngo / /gang gi tshe lo ma re re la phog pa de'i tshe yang rol mo'i sgra shin du chags su rung ba 'byung ste/ de sil snyan yan lag lnga 'byor cing ldan par gyur la/ yul shin tu nyams dga' zhing yid du 'ong ba rnams kyis myos so/ /de nas yang lo ma'i rol mo'i sgra des sred pa la chags shing dga' ba bag med pa brgya snyed la gnas par byed do/ /sgra la</font><hr>64.71b<br><font size=+1>

chags pa/ sgra la zhen pa/ sgras bslus pa de/ ji srid du de'i 'dod pa sdug pa yid du 'ong ba'i las byas shing bsags pa zad par ma gyur pa de srid du/ sgra dang dri dang ro dang reg bya khyad par du sdug pa dag myong bar byed do/ /de phyis lha'i ris de nas 'chi bar 'gyur te/ shi nas kyang gal te lan grangs gzhan la myong bar 'gyur ba'i las kyis sems can dmyal ba dang / yi dgas dang / dud 'gro'i nang du ma skyes la/ mi rnams dang skal ba mnyam par mi'i nang du skyes na/ de las de dang rgyu 'thun par rol mo la mngon par dga' bar 'gyur zhing nor dang / 'bru dang / khyim dang chung ma shin du 'byor ba dang / yun ring du 'tsho ba dang / rgyal po'i pho brang du yang bkur bar 'gyur ba mthong ngo / /de nas yang dge slong las kyi 'bras bu rnam par smin pa shes pa de lha lag na yol go thogs pa rnams kyi gnas la rtog par byed de/ der lha dag las gang gis skye bar 'gyur ming ni ci zhas bya snyam nas des thos pa las byung ba'i shes pas brtags na lha'i 'jig rten na lha rnams kyi gnas dris dregs dga' zhes bya ba ji ltar 'dug pa mthong ngo / /der sems can dag las gang gis skye bar 'gyur snyam nas/ des thos pa las byung ba'i shes pas brtags na/ sems shin du tshul khrims dang ldan pa/ sems yongs su bsgoms pa gang gis mchod rten gyi bum pa 'am gdugs la dri chab phul na/ de lus dang bral nas bde 'gro mtho ris kyi 'jig rten dris dregs dga'i lha rnams kyi nang du skye bar 'gyur ro/ /der skyes nas kyang lha'i bde ba dang ni ldan/ bde ba dpe med pa'i kha zas la ni rten/ lha'i bdud rtsi'i zas kyis ni tshim/ lus dang yid kyi gdung ba dang ni bral/ lha'i phreng ba dang / gos gyon pa rtag du sil snyan yan lag lngas rtsen cing / rgod pa dang / dga' ba dang / rtse ba'i grogs dang ldan pa lha mo'i tshogs</font><hr>64.72a<br><font size=+1>

rnams ni glu dbyangs len/ nyin gcig bzhin rgyun mi chad par ri sul las chu'i shugs 'bab pa ltar bde ba rnams ni 'phel/ nor bu mthon ka dang / spug dang / dngul gyi ri'i rtse mo rnams su dga' bar byed cing / chu bo dang / 'bab chu dang / lteng ka rnam pa sna tshogs ni mthong / tshal gyi nang na gnas pa bya dang khu byug rnams kyang mthong ste/ lta ba du ma'i zi lang bar lta ba/ tshal dang nags tshal yid du 'ong ba rnams su lta bar byed kyang / sems tshim pa med pa dag lha'i 'jig rten de na gnas so/ /chu bo dang / 'bab chu dang / lteng ka dang / tshal dang nye ba'i tshal rnams na mtho ris kyi chu'i ro gang dang gang 'byung ba dag ni 'di ltar 'dzam bu'i gling na legs par byas pa'i las kyis dgun chang dang sbyar ba'i chang dang / sha kha ra'i chang gi ro 'byung ba rnam pa de lta bur 'byung ngo / /de ltar legs par byas pa'i las kyi mtha' spyad pa de/ lha'i 'jig rten de na ji srid du de'i legs par byas pa'i las zad par ma gyur pa de srid du lha mo'i tshogs du mas yongs su bskor ba dag dang dga' bar byed do/ /de phyis de nas 'chi bar 'gyur te shi nas kyang gal te lan grangs gzhan la myong bar 'gyur ba'i las kyis sems can dmyal ba dang / yi dgas dang / dud 'gro'i nang du ma skyes la mi rnams dang skal ba mnyam par mi'i nang du skyes na/ de las de dang rgyu 'thun par bran khyim bdog cing nor dang 'bru mang po kun nas gang bar 'gyur bar mthong ngo / /de nas yang dge slong las kyi 'bras bu rnam par smin pa shes pa de/ lha lag na yol go thogs pa rnams kyi gnas la rtog par byed de/ des thos pa las byung ba'i shes pas lha lag na yol go thogs pa rnams kyi gnas rlung gi rgyu zhes bya ba ji ltar 'dug pa mthong ngo / /der sems can dag las gang gis skye bar 'gyur snyam nas/ des thos pa las</font><hr>64.72b<br><font size=+1>

byung ba'i shes pas brtags na/ tshul khrims dang ldan par gyur cing / sems yongs su bsgoms pa'i snying rje dang ldan pa gang gis tsha bas gdungs pa'i dge slong rnams la rlung yab kyis rlung g.yabs te/ gang gis rlung 'byung ba reg na bde ba ku shi ra'i dri dang 'dres pas dge slong shin du tsha bas gdungs pa de rnams rlung des bsam gtan dang / kha ton 'don pa dang 'jug par bya ba dag byed par nus na/ sbyin bdag de las byas pa'i rkyen des lus dang bral nas bde 'gro mtho ris kyi 'jig rten rlung la spyod pa'i lha rnams kyi nang du skye bar 'gyur ro/ /der skyes nas kyang legs par byas pa'i las kyi mtha' spyad pa de la rlung dri zhim pa dpe med pa ldang ngo / /gang rgyal chen bzhi'i lha rnams kyi rlung dpe med pa ldang ba 'ba' shig tu ma zad kyi/ lha'i ris gzhan nas rlung langs pa'i dri 'bum 'gyur du zhim la/ shin du bsil bar yang ldang ste/ rnam par smin pa bzang po gcig dang / gnyis dang / gsum dang / bzhi dang / lnga 'gyur du 'byung ngo / /der rgyal chen bzhi pa rnams kyi rlung ni nyis 'gyur du 'byung ngo / /rgyal chen bzhi pa rnams las lhag par sum bcu rtsa gsum pa rnams kyi sum 'gyur du 'byung ngo / /sum bcu rtsa gsum pa rnams las lhag par 'thab bral ba rnams kyi bzhi 'gyur du 'byung ngo / /'thab bral ba rnams las lhag par dga' ldan pa rnams kyi lnga 'gyur du 'byung ngo / /dga' ldan pa rnams las lhag par 'phrul dga' ba rnams kyi drug 'gyur du 'byung ngo / /de dag pas kyang lhag par gzhan 'phrul dbang byed rnams kyi yang 'byung ste/ de ltar sems can rnams kyi las kyi bye brag las 'gro ba'i ris kyi bye brag tu 'gyur ro/ /las byas pa de dag mngon par mthong nas/ legs par byas pa'i las des rlung la spyod pa'i lha de rnams la/ lha'i ris drug na rlung langs pa</font><hr>64.73a<br><font size=+1>

dpe med pa dri zhim pa bde ba gang yin pa de dag ldang ngo / /rlung de dag gi mthu gcig cig bshad par bya ste/ 'di ltar de'i mthu thams cad ni bshad par mi nus so/ /lha de rnams kyi rlung dga' dgur byed pa ldang ste/ de ni gang gi tshe rol mo'i sgra 'byung bar 'dod na de'i tshe rlung de ri dang nags tshal gyi gseb tu song nas ji ltar de lha mos rol mo byas pa chung zad kying snyan par mi 'gyur ba de lta bur ldang ngo / /gal te shin du dri zhim par 'dod na de gzhan 'phrul dbang byed kyi lha'i ris man chad kyi mdog dpe med pa dang ldan pa dag las langs nas lha de rnams kyi drung du ldang bar byed do/ /gal te bsil ba 'dod na de ji ltar de dag gi lus la bzod pa rnam pa de lta bu'i bsil ba ldang ngo / /gal te yul gzhan du 'gro bar 'dod dam/ de bzhin du bai dUr+ya'i ri rab kyi rtse mo lta bar 'dod dam/ de bzhin du dngul gyi 'am/ de bzhin du 'dzam bu'i chu bo'i gser gyi 'am/ de bzhin du shel gyi 'am/ de bzhin du me tog dang / 'bras bu 'am/ chu bo dang / 'bab chu dang / lteng ka dang / tshal dang / nye ba'i tshal bya dang me tog nyams dga' ba'i yul sna tshogs lta bar 'dod pa dang / lha mo sna tshogs kyis yongs su bskor te 'gro bar 'dod pa'i lha rnams la rlung sgra dang / dri dang / bde ba rnam pa du ma dang ldan pa de dag ldang bar byed do/ /tshal dang nye ba'i tshal dang / dka' thub kyi tshal dang / ri khrod rnam pa sna tshogs su snga ma bzhin khyer bar yang byed de/ de ltar rlung 'ong ba dang 'gro ba dag 'dod pa lnga la dga' ba'i lha rnams dang lhan cig dga' bar byed/ rtse bar byed/ yongs su spyod par byed do/ /phrag dog dang 'thab mo dag gis skyo ba med pa/ phan tshun grogs su gyur pa/ phan tshun gnod pa med pa rnams yid gcugs shing gnas de dag la yid zhugs pa/ rang gi las kyis bsgyur ba rnams dga' bar byed do/ /lha'i</font><hr>64.73b<br><font size=+1>

'jig rten na lha rang gi las tha ma dang 'bring dang bzang po rnams kyis rgya'i 'bur lta bur las kyi 'bras bu 'byung ba ni/ ji ltar rlung phrag dog dang ser sna dang bral ba'i shugs 'byung la/ shugs zad nas sa la 'bab pa de ltar ji srid du las kyi rnam pa tha ma dang / 'bring dang / bzang po legs par byas pa'i rnam pa de srid du 'byung ba'i shugs spyad la/ de nas yang legs par byas pa'i las zad nas lha'i 'jig rten de nas 'chi bar 'gyur ro/ /sems can rnams ni las kyi skye zhing las la rtog pa yin la/ ji ltar las byas pa de ltar 'gro bar 'gyur te/ sems can rnams kyi skye ba ni rgyu med pa las byung ba ma yin no/ /dge slong des las de dag mthong nas 'di ltar tshigs su bcad de smras pa/ ji ltar nyi ma'i rjes su dus 'gyur zhing / /ji ltar dus kyi rjes su zhing rnams skye/ /de ltar las kyi rjes su skye ba 'byung / /rgyu med pa las skye ba 'byung mi 'gyur/ /gang gis lus can bcings pa rnams/ /tshe rabs gzhan ni stong dag tu/ /rnam par chags pa mang po'i las/ /rnam gsum lu gu rgyud kyis bcings/ /ji ltar sbrang rtsi dug dang zas/ /'dres pa yongs su spong bar byed/ /de ltar lha yi bder gtogs pa/ /mthar ni ltung ba rnam par spongs/ /gang zhig sdug bsngal 'chi ba na/ /bsod nams zad de dman pa ni/ /rang gi chung ma rnams kyis spangs/ /de 'dra ba ni dpe med do/ /legs byas zad de dman pa ni/ /sgron ma 'bar ba zad pa ltar/ /lha khyod gang du 'gro 'gyur zhes/ /sdug bsngal chen po rab tu skyed/ /sred pa'i dug gis rnam bsregs shing / /mya ngan gyis ni sems nyams te/ lus dang ngag gi spyod dman pa/ /lha ni ltung ba dag gis 'jigs/ /'dod rnams shin tu slu byed de/ /ji lta ji ltar bde myangs pa/ /</font><hr>64.74a<br><font size=+1>

de lta de ltar yongs su gtong / /de dag sdug bsngal rab tu che/ /lha yi yul nas ltung ba na/ /sdug bsngal rab tu skye ba gang / /de yi khyad par sems can dmyal/ /bcu drug char yang mi phod do/ /sred pas 'khor ba kun byas pa/ /'bar ba'i phreng ba rnams kyis dkrugs/ /srid pa'i sgrog gis bcings pa yi/ /sems can rnams ni ngan 'gror 'gro/ /lha yi 'jig rten 'chi ba'i mtha'/ /de bzhin sa steng 'chi ba'i mtha'/ /'khor ba las ni mi 'byung bas/ /sdug bsngal mthong nas rnam par spongs/ /skye bo bag med dga' ba gang / /de ni thar pa mi 'thob ste/ /bag med dug gis rmongs pa ni/ /de la mya ngan 'das pa ring / /bag med dgra yi mchog yin pas/ /bag med rnams la chags ma byed/ /shin tu bag med lha rnams ni/ /yang dang yang du dmyal bar ltung / /gnas gsum 'khrul 'khor 'khor ba ltar/ /'khrul 'khor las kyis 'khyam par byed/ /de bas sred pa'i chags pa spongs/ /'dod chags bral ba zhi ba'i gnas/ /de ltar dge slong des lha'i 'jig rten gyi mtha' ltung bar mthong nas 'dod pa la 'dod chags dang bral lo/ /rlung la spyod pa'i lha de rnams kyi mi rtag pa dang / bde ba de dag la las kyi rgyus bskyed cing mi rtag pa nyid dang 'brel ba yin pa lta zhes rnam par dpyod par byed do/ /lha de rnams kyang ji srid du de'i legs par byas pa'i las zad par ma gyur pa de srid du de dga' bar byed do/ /de phyis de nas 'chi bar 'gyur te/ ji ltar dus ji srid du legs par byas pa'i las yod pa dang 'od gsal ba 'byung ba'i dus de srid du lha rnams lha'i 'jig rten na spyod do/ /de zad nas lhung bar 'gyur la/ /lhung nas kyang yang sems can dmyal ba dang / yi dgas dang / dud 'gro'i nang du skye bar 'gyur ro/ /gal te mi rnams dang skal ba mnyam par mi'i nang du</font><hr>64.74b<br><font size=+1>

skyes na/ de las de dang rgyu 'thun par rlung gis bdas nas/ 'gro ba rgya mtshor spyod cing 'tsho ba'i ded dpon du 'gyur ba mthong ngo // //'phags pa dam pa'i chos dran pa nye bar gzhag pa/ bam po nyer bdun pa/ de nas yang dge slong las kyi 'bras bu rnam par smin pa shes pa de lha lag na yol go thogs pa rnams kyi gnas la rtog par byed de/ des thos pa las byung ba'i shes pas lha lag na yol go thogs pa rnams kyi gnas me tog phreng dga' zhes bya ba ji ltar 'dug pa mthong ngo / /der sems can dag las gang gis skye bar 'gyur snyam nas/ des thos pa las byung ba'i shes pas brtags nas tshul khrims dang ldan par gyur cing lus dang ngag gi las kyi mtha' yang dag pa sems pas yongs su bsgoms pa'i sems dang ldan pa gang gis tsha ba'i dus su dge 'dun la chu ril ba gang phul ba 'am/ lam du zhugs pa 'am/ 'brog dgon par zhugs pa dag la yang chu ril ba gang byin na/ de lus dang bral nas bde 'gro mtho ris kyi 'jig rten me tog phreng dga' ba'i lha rnams kyi nang du skye bar 'gyur ro/ /der skyes nas kyang de'i lus bde ba dang sgeg pa sna tshogs su ni spyod/ lha mo'i sil snyan gyi sgra 'byin cing dgon pa sna tshogs kyi nang du ni zhugs/ bai dUr+ya dang / gser dang / dngul gyi ri rab kyi gshong na rtse ba dag dang lhan cig ni gnas/ ri khrod rnam pa sna tshogs na lha mo dang ni lhan cig 'khod/ rlung dri zhim pos reg pa'i lus me tog phreng ba thogs pa/ 'bab chu dang / lteng kas brgyan pa'i yul rnams na dga' bar byed cing lha mo mang po'i nang na spyod pa na lo 'bum phrag du ma song ngo / /de ltar gnas pa de res 'ga' tshal 'bab chu zhes bya ba na gnas te tshal de na dga' bar byed do/ /tshal de ni bai dUr+ya'i shing ljon pa la gser gyi 'dab ma yod pa dang / gser gyi shing la bai dUr+ya'i 'dab ma yod pa dang / dngul gyi</font><hr>64.75a<br><font size=+1>

shing la gser gyi 'dab ma dag yod de/ tshal de'i nang du zhugs pa de rtag par yid rab tu dga' la/ lus rang gi 'od dang ldan pa yin no/ /de'i legs par byas pa'i las des shing de dag brtol ba las mtho ris dang 'thun pa'i skom 'byung ste/ skom de'i khyad par ni mi'i rgun chang dang sbyar ba'i chang dang / sha kha ra'i chang dag 'bras bu pi tsu man da'i ro dang mtshungs te/ skom de ni lha'i ro dang mdog dang stobs dang ldan pa yin no/ /de'i dri dpag tshad du yang 'byung ste bya'i tshogs lus gser dang dngul gyi mdog lta bu yid rab tu dga' ba kun gyis skom de 'thungs nas tshal de sgra yid du 'ong ba 'byin cing kun du 'gengs so/ /shing de dag gi sdong po brtol nas skom 'byung ba de la bung ba'i tshogs 'ub 'ub 'du ste/ skom kha cig gi mdog ni gser lta bu yin/ kha cig gi mdog ni bai dUr+ya lta bu yin/ kha cig gi mdog ni spug lta bu yin/ kha cig gi mdog ni pad ma rA ga lta bu yin/ kha cig gi mdog ni ma rgad lta bu yin te/ skom de dag kun nas byung nas brug pa chu bo ltar 'bab bo/ /skom gyi chu bo de'i ming yang mtha' med 'bab ces bya ste/ chu bo'i rgyar dpag tshad gnyis yod pa'i 'gram gnyi ga nyams dga' la/ 'gram gnyi ga lha dang lha mo'i tshogs kyis yongs su bskor cing glu len la gser gyi pad mas khebs pa 'bab bo/ /de nas lha mo'i tshogs kyis 'thungs pa dang yid rab tu dga' ste/ rgod par byed/ rtse bar byed/ phan tshun gser gyi pad ma'i sdong bu bai dUr+ya rnams kyis sgeg par byed/ rtse bar byed/ rgod par byed do/ /shing rta sna tshogs la zhon pa rnams rgyug par byed cing dgod par byed la/ lha'i chu yan lag brgyad dang ldan pas phan tshun 'thor bar byed do/ /lha de rnams kyi pad ma'i rdzing yod pa de ni kun nas bsten pa zhes bya la gzhan dang mi 'dra ba dpe med pa yin te/ legs par byas pa'i las</font><hr>64.75b<br><font size=+1>

kyis bsgyur ba'i lha de rnams ji srid du de'i 'dod pa sdug pa yid du 'ong ba'i las zad par ma gyur pa de srid du gnas so/ /de phyis lha'i 'jig rten de nas 'chi bar 'gyur te/ shi nas kyang gal te lan grangs gzhan la myong bar 'gyur ba'i las kyis sems can dmyal ba dang / yi dgas dang / dud 'gro'i nang du ma skyes la/ mi rnams dang skal ba mnyam par mi'i nang du skyes na/ de las de dang rgyu 'thun par bkres pa dang skom pa yong ye med cing 'byor pa dang ldan pa'i yul du skye la/ nor dang shin du ldan pa dang skye bo thams cad dga' bar 'gyur ba mthong ngo / /de nas yang dge slong las kyi 'bras bu rnam par smin pa shes pa de/ lha lag na yol go thogs pa rnams kyi gnas la rtog par byed de/ des thos pa las byung ba'i shes pas brtags na lha lag na yol go thogs pa rnams kyi gnas kun du lta ba zhes bya ba ji ltar 'dug pa mthong ngo / /der sems can dag las gang gis skye bar 'gyur snyam nas/ des thos pa las byung ba'i shes pas brtags na/ tshul khrims dang ldan par gyur cing legs par byas pa'i las kyi mtha' spyad par gyur pa/ sems pas yongs su bsgoms pa'i snying gis brlan pa/ skyo ba med cing shin du dga' ba'i sems pa gang bdag la phan pa med kyang / tshul khrims 'chal ba'i nad pa'i rim gro byed na de lus dang bral nas bde 'gro mtho ris kyi 'jig rten kun du lta ba'i lha rnams kyi nang du skye bar 'gyur ro/ /der skyes nas kyang lha'i phreng ba dang / gos gyon pa rab tu dga' ba de lha'i 'dod pa'i yon tan lnga 'byor pa'i bde ba dang ni ldan/ yid rtag tu dga' ba lha'i 'dod pa'i yon tan lnga rnams dang ldan pa dag bskyed mos tshal nas bskyed mos tshal du ni rgyu/ dga' dgur gnas pa grogs sdug gu lha mo'i tshogs du mas bskor cing yongs su spyod par ni byed/ nyi ma'i 'od ltar ni gsal/ dge ba ni</font><hr>64.76a<br><font size=+1>

rgya cher 'phel/ lha'i tshogs thams cad kyis ni mchod/ ri rab rin po che du ma'i 'od kyis gsal bar byas shing rab tu 'bar ba dag la ni gnas/ gos tshon can rnam pa sna tshogs ni bgos/ mtho ris dang 'thun pa'i rin po che du ma dag gi rgyan gdags par bya ba ni btags/ tshal na rnam par rgyu ba'i lhas bsams pa'i tshal dkrigs pa sna tshogs dag na ni gnas/ pad ma'i rdzing dang / lteng ka dang / chu'i dngo dang / 'bab chu dang / chu bo dang / 'bab chu'i rgyun dang / stegs sna tshogs dag la rnam par rgyu ba na/ rang gi las rnams las kyi bya ba byed do/ /de ltar de yongs su rgyu ba na/ phyogs gzhan zhig na tshal dril bu g.yer ka'i dra bas gtibs shing gser gyi lan kan bres pa zhig des mthong ste/ bya rnam pa sna tshogs gnas pa/ bya'i tshogs skad snyan cing 'jebs pa 'byin pa rnams kyis ni kun du gang / rlung gis phog nas rab tu g.yos pa'i dril bu g.yer ka'i sgra ni drag tu 'khrol/ nyi ma 'bum snyed kyi 'od dang ni ldan/ ri rab las byung ba gser gyi ri bdun la 'di lta ste/ shin du mtho dang / rab sbyor dang / char dga' ba dang / klus brtol dang / rab chags gsal dang / rin chen char 'bebs dang / rgyu skar phreng gis yongs su bskor ba/ dril bu g.yer ka'i dra bas gtibs pa'i tshal der 'jug par byed do/ /rnam pa de lta bu'i tshal lha'i phreng ba la sogs pas rnam par brgyan pa de na/ lha mo tshal gyi gsab gseb na rgyu zhing rtse ba gang yin pa de dag 'od zer 'bum snyed 'byung ba ltar tshal de ni snang ngo / /shing ljon pa'i bar bar na 'khod pa'i lha de dag gis de rnams mthong nas/ de nas yang 'dod pa'i yon tan lnga la blo rnam par chags pa dag blta ba'i phyir de'i drung du 'dong zhing shin du rgyug par</font><hr>64.76b<br><font size=+1>

byed de/ gser gyi pad ma rnams kyis de dag dang rtse bar byed/ yongs su spyod par byed/ rgod par byed/ sgeg par byed la/ rol mo'i sgra rnams kyis kyang shin du dga' bar byed do/ /de ltar 'dod pa la blo rnam par chags pa de mig lha'i gzugs yid du 'ong ba rnams kyis chog mi shes so/ /rna ba sgra snyan pa gsal ba yid du 'ong ba rnams kyis chog mi shes so/ /sna dri zhim pa bsung che ba yid du 'ong ba rnams kyis chog mi shes so/ /lce ro zhim pa bro ba yid du 'ong ba rnams kyis chog mi shes so/ /lpags pa reg bya bde ba 'jam pa yang ba yid du 'ong ba rnams kyis chog mi shes te/ sred pa drug gi mes yongs su bskor ba de kun nas sreg par byed do/ /de ltar chog mi shes pa de dge slong des mngon par mthong nas 'di ltar tshigs su bcad de smras pa/ lha yi 'jig rten kun nas su/ /sred pa'i me yis yongs su bskor/ /rmongs pa 'dod pa'i dbang song ba/ /chags pa dbang med sred par byed/ /ji lta ji ltar shing rnyed na/ /de lta da ltar sreg pa 'phel/ /ji lta ji ltar bde thob na/ /de lta de ltar sred me 'phel/ /shing mes sreg pa'i nyes pa rnams/ /mi yis yongs su spung nus kyi/ /'jig rten sred mes sreg pa ni/ /yongs su spang bar mi nus so/ /chu bo chen po rgal 'dod la/ /chu srin gyis ni 'jigs pa gang / /de dag bde ba'i mthar phyin na/ /sred pas de la gnod mi 'gyur/ /sred pa'i zhags las rnam grol zhing / /'dod chags zhe sdang spong ba po/ /nyes sdig las ni grol ba gang / /mkhas pa de ni mya ngan bral/ /gang zhig tshul khrims srung ba nyid/ /mtho ris de la yid zhugs na/ /de dag tshul khrims sdig dang bcas/ /zas dang dug ni 'dres pa bzhin/ /bskal pa bye ba stong rnams su/ /sred pas bslus pa'i mi rnams ni/ /</font><hr>64.77a<br><font size=+1>

shin du rmongs pa de mi stong / /yid ni gti mug dbang du song / /skom gyis gdungs pa'i khur tsa ba/ /lan tshwa'i chu ni 'thungs pa ltar/ /sred pas bslus pa'i sems can rnams/ /sred pa nyid kyi rjes su 'brang / /skye bo skad cig tshim byed la/ /skad cig gis ni skom byed pa/ /skyes bu tha ma sred pa yis/ /gdungs pa lam gol tshol ba bzhin/ /de bas sred pa bsten myi bya/ /sred pa de ni bsten par dka'/ /sred pa'i dbang du song ba'i mi/ /'khor ba las ni 'grol mi 'gyur/ /gang zhig bde ba bla na med/ /bsam gtan bskyed mos tshal la dga'/ /mya ngan 'das pa'i grong ston pa/ /de dag bde ba de bzhin 'gyur/ /bde ba bla na med pa rnams/ /lha yul spyod pa'i skye bo dag /sred pa'i zhags pas drangs nas su/ /yang dang yang du dmyal bar ltung / /'chi mtha' dang por dge ba smin/ /yang dag lam ni ston mdzad pas/ /sred la rtag tu sten byed pa/ /'di yis sdug bsngal tsha zhes gsungs/ /de ltar dge slong des lha'i 'jig rten 'dod pa'i dba' rlabs kyis bdas shing 'chi ba'i sdug bsngal mngon par mthong nas 'khor ba la yid byung ngo / /de ltar lha'i de ji srid du 'dod pa sdug pa yid du 'ong ba byas shing bsags pa'i las de zad par ma gyur pa de srid du gnas kun du lta ba dag la dga' bar byed do/ /de phyis lha'i 'jig rten de nas 'chi bar 'gyur te/ shi nas kyang gal te lan grangs gzhan la myong bar 'gyur ba'i las kyis sems can dmyal ba dang / yi dgas dang / dud 'gro'i nang du ma skyes la/ mi rnams dang skal ba mnyam par mi'i nang du skyes na/ las de dang rgyu 'thun par bu dang / chung ma dang / bran pho dang / bran mo dang / las byed pa dang / zho shas 'tsho ba dang / rtag tu ldan zhing shin du 'byor bar 'gyur</font><hr>64.77b<br><font size=+1>

ba mthong ngo / /de nas yang dge slong las kyi 'bras bu rnam par smin pa shes pa des/ lha lag na yol go thogs pa rnams kyi gnas la rtog par byed de/ des thos pa las byung ba'i shes pas brtags na/ lha lag na yol go thogs pa rnams kyi gnas rtag tu dga' ba zhes bya ba ji ltar 'dug pa mthong ngo / /der sems can dag las gang gis skye bar 'gyur snyam nas/ des thos pa las byung ba'i shes pas brtags na/ tshul khrims dang ldan par gyur cing sems pa gsal ba'i snying dang ldan pa gang gis rgyal pos gsad par bya ba btson ra'i nang du bcug pa las nor rdzas thams cad phul nas/ de thar bar byas sam/ de bzhin du rgyal po'i bu'am/ de dang 'thun pa dag la phul nas de thar bar byas la/ de las nor rdzas sna 'ga' yang len par mi byed de/ snying rjes brlan pa'i snying gis sems can rnams la phan pa kho na byed cing legs par byas na/ de lus dang bral nas bde 'gro mtho ris kyi 'jig rten rtag tu dga' ba'i lha rnams kyi nang du skye bar 'gyur ro/ /der skyes nas kyang lha de rnams ngo bo nyid kyis yid rab tu dga' ba yin la/ de dag pas kyang de brgya 'gyur du yid rab tu dga' bar 'gyur te/ las de dang rgyu 'thun par 'bras bu 'brel pas rgyu dang 'thun par 'bras bu 'byung ngo / /lha'i 'jig rten der skyes pa de lha mo'i tshogs mang pos ni yongs su bskor/ glu dbyangs dang / bro gar dang / bzhad gad dang / rtsed mo dang / dga' dgur spyod pa'i lha mo rnams kyis ni mtha' 'khor te/ nye bar spyod cing ri rab dang / ri dang / ri phug dang / ri khrod rnams su ni rgyu/ de bai dUr+ya'i rdo leb bzang po reg na shin du bde ba rnams kyi steng na rang dgar ni spyod/ chu bo dang / 'bab chu dang / lteng ka dang / tshal dang / nye ba'i tshal rnams su shin du bde ba dang ldan pa dag dga' bar byed/ </font><hr>64.78a<br><font size=+1>

bde ba de'i khyad par ni 'khor los sgyur ba'i bde bas 'bum gyi char yang mi phod do/ /de ci'i phyir zhe na/ ris 'thun pa de dang / sha dang / rus pa dang / chu ser dang bral ba de'i phyir bde'o/ /lha'i rin po che'i phreng ba dang / gos du ma gyon pa me tog brgyus pa dang / bgo ba sna tshogs kyis lus brgyan pa de/ ri rab kyi drung dag na rgyu bar byed de/ gal te gser gyi ri zom la 'dzegs na gser de'i mthus de gser lta bur 'gyur ro/ /gal te bai dUr+ya'i zom la 'dzegs na bai dUr+ya'i mthus bai dUr+ya'i mdog lta bur 'gyur te/ bdag nyid mtsho'i nang du zhugs pa ltar gyur kyang 'dam rdzab kyis gos pa lta bur ni mi 'gyur ro/ /gal te shel gyi ri zom la 'dzegs na shel gyi 'od des de zla ba gnyis pa lta bur 'gyur ro/ /gal te dngul gyi ri zom la 'dzegs na dngul de'i mthus de'i yan lag dang nying lag thams cad kha ba dang me tog ku mu da ltar 'gyur te/ de ltar lha mo'i tshogs kyis yongs su bskor ba de/ sil snyan yan lag lnga dang ldan pa'i tshal dang / nye ba'i tshal rnams su dga' bar byed/ yongs su spyod par byed cing / lha'i bde ba dpe med pa myong bar byed do/ /de ltar de rnam par spyod pa na shing ljon pa du mas mdzes par byas pa/ lha'i nyams dga' bar byed pa'i tshal zhes bya ba zhig rgyang ring po nas mthong ba dang / der lha de dag 'dzam bu'i chu bo'i gser gyi shing rta la zhon nas 'gro bar byed do/ /tshal de yang bya rnam pa sna tshogs sgra 'byin cing tshal gyi lcug ma gzhon nu 'phyang ba dag tu shing rtas phyin pa dang / bya lha'i skad du rtse ba zhes bya ba lha rnams dang smra ba 'thun pa dag lha de'i dge ba'i las kyi mthus bskul ba dang / 'di ltar tshigs su bcad de smras pa/ dga' bar byed pa'i las rnams dag /skyes bu gang zhig 'dir byed pa/ /de yi las kyi rnam smin ni/ /</font><hr>64.78b<br><font size=+1>

legs par yongs su smin par 'gyur/ /bde ba thob pa'i lha de dag /bag med pa la ma bsten na/ /de ni bde las bde thob cing / /mya ngan 'das pa'i rjes su 'gro/ /bde ba'i mtha' de zad 'gyur zhing / /'di la rtag dang ther zug med/ /de thob gzhal med khang rnams la/ /skyes bu mchog rnams chags ma byed/ /bde mtha' rtag tu lhung 'gyur zhing / /bde la rtag pa nyid med de/ /rgyu de thams cad rig nas su/ /yid la nges par legs par byos/ /bsags pa thams cad tha mar zad/ /mtho ba'i mtha' ni tha mar rnyil/ /'du ba'i mtha' ni tha mar 'bral/ /'tsho ba'i mtha' ni tha mar 'chi/ /skyes pa rtag tu 'chi 'gyur zhing / /de la rtag pa nyid med de/ /khams gsum dag tu sngon byung zhe 'am/ /phyi nas 'byung ba nyid med do/ /ji ltar nyi ma 'char ba dang / /nub par 'gyur ba rab tu mngon/ /de ltar skyes pa thams cad kyi/ /tha mar 'chi ba gnas pa yin/ /chos rnams kyi ni ngo bo nyid/ /skye dang 'jig pa 'di shes nas/ /bag med yid la ma byed cig /bag med dug gi mchog yin no/ /bag yod 'chi med gnas yin la/ /bag med 'chi ba'i gnas yin no/ /bag yod 'chi bar mi 'gyur la/ /bag med rnams ni rtag tu 'chi/ /ji ltar dug dang ji ltar me/ /srog chags bag med de bzhin te/ /bag med myos pa'i sems can rnams/ /sdug las sdug bsngal de 'gro'o/ /rtag tu bag yod mi rnams ni/ /'jig rten kun gyis phyag byas shing / /gang na bag med mi gnas pa/ /zhi ba mchog tu 'gro bar byed/ /de kun mtha' ni zad 'gyur te/ /rmongs pa gang zhig mi rig pa/ /de ni phyi nas 'chi 'gyur te/ /ma byas don med gdung bar byed/ /rtag tu bdag nyid dga' 'dod na/ /'chi ba'i bar du dge ba byos/ /chos spyod bde ba yin no zhes/ /mkhas pa rnams kyis gdams pa</font><hr>64.79a<br><font size=+1>

yin/ /rgyu yi de nyid rnam ston pa/ /sangs rgyas rnams kyis 'khor ba kun/ /rtag tu mi rtag mi brtan la/ /'gyur zhing tsha bar rtag tu gsungs/ /de nas lha des bya de rnams kyi tshig thos nas/ yang dag par bsams te yid la yang dga' ba bskyed pa dang / /sngon gyi tshe'i 'bras bu dran nas yud tsam zhig bag med pa la ma zhugs so/ /mos pa'i srab skyogs kyis yid de 'dzin par byed de/ gzugs dang / sgra dang / dri dang / ro dang / reg bya yid du 'ong ba rnams la bag med pa ma skyes so/ /de nas yang yid mi brtan pa de lha'i bde ba'i dbang du gyur te/ ji srid du 'dod pa sdug pa yid du 'ong ba de ma zad kyi bar du/ de yul sdug pa de rnams la spyod par byed de/ de phyis lha yul de nas 'chi bar 'gyur te/ shi nas kyang gal te lan grangs gzhan la myong bar 'gyur ba'i las kyis sems can dmyal ba dang / yi dgas dang / dud 'gro'i nang du ma skyes la/ mi rnams dang skal ba mnyam par mi'i nang du skyes na/ de las de dang rgyu mthun par nams kyang bcings par mi 'gyur zhing / rtag tu bde ba dang ldan la nyam nga ba rnams las thar par 'gyur ba mthong ngo / /de nas yang dge slong las kyi 'bras bu rnam par smin pa shes pa de/ lha lag na yol go thogs pa rnams kyi gnas la rtog par byed de/ des thos pa las byung ba'i shes pas brtags na/ lha lag na yol go thogs pa rnams kyi gnas dri la chags pa zhes bya ba ji ltar 'dug pa mthong ngo / /der sems can dag las gang gis skye bar 'gyur snyam nas/ des thos pa las byung ba'i shes pas brtags na/ skyes bu tshul khrims dang ldan pa sems pas yongs su bsgoms pa'i snying dang yid shin du dang ba/ sems rnyog pa med par gyur pa/ gzhan la gnod pa med pa gang gis sangs rgyas sam/ chos sam dge 'dun la zhing chen por shes nas/ gos</font><hr>64.79b<br><font size=+1>

shin du dri zhim pa rnams kyis mchod pa byas la legs par byas so snyam du yang sems na/ de lus dang bral nas bde 'gro mtho ris kyi 'jig rten dri la chags pa'i lha rnams kyi nang du skye bar 'gyur ro/ /der skyes nas kyang shin du bde ba dang / rang gi 'od dang ldan pa dang / sil snyan yan lag lnga dang ldan pas yid rab tu dga' zhing dga' dgur spyod pa de dus ring mo zhig 'das so/ /dus ring po 'das pa de yang yul gyi bde ba des lha de dag gis mi rig ste/ gang bdag gi dus 'di 'das so zhes dbang po dang bde ba mi brtan pa thog ma med pa'i dus nas zhugs pa'i yul rnams la chog mi shes pa rnams kyis mi rig go/ /de ltar snying la chags pa'i me tog gi phreng ba dang / phye ma dang / byug pas lus bskus pa de/ tshal gyi bar bar dag na rgyu bar byed la/ shing ljon pa mang po'i 'od kyis brgyan pa/ chu bo dang / stegs dang / tshal dang / skyed mos tshal dag gis brgyan pa'i yul nyams dga' ba'i tshal rnams la rten par byed pa/ 'dod pa mang po la snying chags pa dag yul gyi bde ba des lha'i 'jig rten gyi mtha' 'di ltung bar khong du mi chud do/ /de ltar yul gyi sred pas yongs su bslus pa de/ ji srid du 'dod pa sdug pa yid du 'ong ba byas shing bsags pa'i las de zad par ma gyur pa de srid du lha'i 'jig rten de dag na dga' bar byed/ yongs su spyod par byed do/ /de phyis lha'i 'jig rten de nas 'chi bar 'gyur te/ shi nas kyang gal te lan grangs gzhan la myong bar 'gyur ba'i las kyis sems can dmyal ba dang / yi dgas dang / dud 'gro'i nang du ma skyes la/ mi rnams dang skal ba mnyam par mi'i nang du skyes na/ de las de dang rgyu 'thun par yul rtag tu bsil bar skye bar 'gyur te/ yul gnod pa med pa dang / mtshon cha dang / dgon pa dang / lo nyes 'byung ba dang bral ba'i yul rnams su skye</font><hr>64.80a<br><font size=+1>

la/ skye bo kun gyis mchod par 'gyur ba mthong ngo / /de nas yang dge slong las kyi 'bras bu rnam par smin pa shes pa de/ lha lag na yol go thogs pa rnams kyi gnas la rtog par byed de/ des thos pa las byung ba'i shes pas lha'i mig gis lha lag na yol go thogs pa rnams kyi gnas spyi gtsug thar ces bya ba ji ltar 'dug pa mthong ngo / /der sems can dag las gang gis skye bar 'gyur snyam nas/ des thos pa las byung ba'i shes pas brtags na/ rgyal po la gnod pa byed pa'i mi spyi gtsug nas bzung ste spyangs pa dang / sdug bsngal ba las gang gis de thar bar byas na/ de lus dang bral nas bde 'gro mtho ris kyi 'jig rten spyi gtsug thar zhes bya ba'i lha rnams kyi nang du skye bar 'gyur ro/ /rgyal chen bzhi'i gnas gsum gyi nang na de'i nyams dga' ba/ shin du yid du 'ong ba/ 'dod pa la rten pa/ de'i ngo bo 'dod pa/ 'dod pa nye bar mchod pa/ 'dod pa rgyun chad pa med pa gang yin pa bsdus pa de dag thams cad 'byung la/ bde ba'i gnas de na bde ba des mngon par 'dod pa/ ji srid du 'dod pa sdug pa yid du 'ong ba byas shing bsags pa'i las de zad par ma gyur pa de srid du de na lha mo'i tshogs kyis yongs su bskor ba de sil snyan yan lag lnga dang ldan zhing yul gyi bde ba dang / nyams bde ba des dga' bar byed do/ /de phyis lha'i 'jig rten de nas 'chi bar 'gyur te/ shi nas kyang gal te lan grangs gzhan la myong bar 'gyur ba'i las kyis sems can dmyal ba dang / yi dgas dang / dud 'gro'i nang du ma skyes la/ mi rnams dang skal ba mnyam par mi'i nang du skyes na/ de las de dang rgyu 'thun par mya ngan dang / 'jigs pa dang / gnod pa dang bral bar 'gyur la/ skyon med pa dang / gzugs bzang ba dang / skye bo thams cad dga' ba dang / shin du</font><hr>64.80b<br><font size=+1>

'byor pa dang ldan pa dang / dus dang 'thun pa'i gzugs bzang ba dang / tshe'i bar chad med par 'chi bar 'gyur ba mthong ngo / /de nas yang dge slong de gnas bcu mthar chags su rtog par byed de/ lha lag na yol go thogs pa rnams kyi gnas de tsam du zad dam zhes rtog par byed do/ /des gnas bcu las gnas gzhan bcu gcig pa med de/ lha lag na yol go thogs pa rnams kyi gnas bcu ni de dag nyid yin par mthong ngo / /des lha lag na yol go thogs pa rnams kyi gnas bcu ma lus par brtags nas/ rgyal chen bzhi'i nang na che ba gnas gsum pa rtag tu myos gnas shes bya ba thams cad la rtog par byed de/ lha rtag tu myos gnas de dag gi gnas ji tsam zhig yod zhig gu snyam nas/ des thos pa las byung ba'i shes pas brtags na/ rtag tu myos gnas de dag gi gnas kyang bcu yod de/ 'di lta ste/ lhag par dga' ba dang / ud pa la'i mdog dang / pad ma dkar spyod dang / grong khyer dmar gnas dang / sna tshogs dang / mtho bar gnas dang / rgun chang myos gnas dang / yul la 'dod pa dang / chu bsil gnas dang / brtan dga' ste/ lha rtag tu myos gnas rnams kyi gnas ni bcu po 'di dag yin no/ /sa gzhan gang zhig tu las gang gis gang du skye bar 'gyur snyam nas/ des thos pa las byung ba'i shes pas brtags na/ sems shin du dang zhing rnying la rnyog pa med pa dang / sems bzang po yang dag pa'i lta ba dang ldan pa gang gis shing ljon pa chen po gang la yi dgas dang / gnod sbyin dang / srin po dag gnas pa'i shing ljon pa de gcod pa na yongs su skyob par byed la/ yi dgas dang / gnod sbyin dang / srin po de dag gnas dang bral bas 'tshe bar mi byed/ de'i mthus bde bar gnas na de lus dang bral nas bde 'gro mtho ris kyi gnas lhag par dga' ba'i lha rnams kyi nang du</font><hr>64.81a<br><font size=+1>

skye bar 'gyur ro/ /der skyes nas kyang de gnas gzhan de na chu bsil ba zhes bya ba'i rdzing bu yangs pa gser gyi mdog dang ldan pa/ bya ngang pa dang / ka ran da ba dang / ngur pa lus gser gyi kha dog can sgra 'byin pa rnams kyis mdzes par byas pa/ rin po che sna bdun gyi pad ma rab tu mang po rnams kyis mdzes par byas pa yin no/ /pad ma'i rdzing chu bsil ba de dag na yang kun nas gser gyi tshal zhes bya ba yod de/ pad ma'i rdzing de gser dang dngul gyi shing ljon pa rnams kyis kun nas dkrigs shing bskor nas skye'o/ /shing de rnams kyang pad ma'i rdzing gi chu de'i nang na de rnams kyi grib ma 'bab pa'i gzugs du ma gzugs brnyan lta bur snang la/ pad ma'i rdzing de yang chu'i nang du shing ljon pa'i grib ma de rnams kyi gzugs brnyan lta bur snang ngo / /de yang pad ma dang / me tog ud pa la dang / ku mu das mdzes par byas pa dag ni/ ji ltar brgya byin yang der rtse ba'i blo skye ba de ltar mdzes pa yin no/ /gang gi tshe lha dang lha ma yin g.yul 'gyed par 'babs pa na nyi ma shar ba'i mdog lta bu'i pad ma 'bum phrag du mas mdzes par byas pa de rnams mthong ste/ brtags nas lha rnams la smras pa/ kye ma 'di ltar chu bsil ba'i rdzing bu skyon med pa 'di nyid shin du nyams dga' ba yin no/ /de nas yon tan de lta bu dang ldan pa'i rdzing bu de rnams su yid rtag tu dga' zhing rdzing bu'i 'gram du yid rab tu mgu ba'i lha dang / lha mo'i tshogs dang bcas pas sil snyan yan lag lnga dang ldan zhing bde ba dpe med pa dang ldan pa ci dga' dgur byed pa'i lha mo'i tshogs kyis yongs su bskor ba/ shin du bde ba dang ldan pa/ kha zas dang / gnas dang / rang dgar za zhing 'khod pa rnams dga' bar byed/ yongs su spyod par byed do/ /de nas yang byung nas gal te gnas gzhan du 'gro bar 'dod na/ lus dang sems gdung ba rnams dang bral ba/ sems shin du dga' ba bde ba</font><hr>64.81b<br><font size=+1>

shin du rgya che zhing 'dod pa dang ldan pa rnams lha dang lha mo'i tshogs dgod cing glu dbyangs len la/ bro gar byed pa dang ldan pa rnams kyis yongs su bskor cing rtag tu rtse ba na/ lha'i lus dang yid la bde ba gang dang gang dag 'dod pa de dang de dag nyon mongs pa med cing shin du rgyas pa dang / tshegs chung ngus 'byung bar 'gyur ro/ /dbang po lnga yul lnga dag la spyod pa yang bde ba la gnas pa des tshim mi myong bar 'gyur ro/ /de ci'i phyir zhe na/ sred pa me ltar yul dag la spyod pa de yul gang gis kyang tshim par mi 'gyur ro/ /de ltar ri dang bskyed mos tshal dang / chu bo dang / gzhal med khang dang / lteng ka dang / chu dong rnam pa sna tshogs dang / rin po che sna tshogs dang / rin po che sna bdun gyis mdzes par byas pa/ bya rnam pa sna tshogs sgra snyan pa 'byin cing 'don pa rnams su lha de grogs dang lhan cig bde ba du ma la gnas shing bai dUr+ya'i tshal gyi grib mas mdzes par byas pa dag na bya rnam pa sna tshogs sgra 'byin cing 'don pa'i tshal dang nye ba'i tshal rnams na dga' bar byed/ rtse bar byed/ mgu bar byed/ dga' dgur spyod par byed do/ /bai dUr+ya dang / gser dang / dngul dang / byi ru'i ri rab kyi zom la rang dgar 'khod pa/ kha cig ni nyi ma ltar gzi che/ kha cig ni zla ba ltar mdangs gsal/ kha cig ni gzugs dpe med pa dang ldan te/ ji ltar legs par byas pa'i las de rnams kyis lus mngon par bsgrubs pa de ltar lha yul du yang rnam par mdzes pa yin no/ /rgyu rkyen dang 'thun par spyod pa de ji srid du 'dod pa sdug pa yid du 'ong ba byas shing bsags pa'i las de zad par ma gyur pa de srid du lha'i 'jig rten de na sil snyan yan lag lnga dang ldan pas dga' bar byed/ rtse bar byed/ dga' dgur spyod par byed do/ /de phyis lha'i 'jig rten de nas 'chi bar 'gyur te/ shi nas kyang gal te lan grangs gzhan la myong bar</font><hr>64.82a<br><font size=+1>

'gyur ba'i las kyis sems can dmyal ba dang / yi dgas dang / dud 'gro'i nang du ma skyes la/ mi rnams dang skal ba mnyam par mi'i nang du skyes na/ de las de dang rgyu 'thun par shin du nyams dga' ba'i yul lo legs shing bde bar skye la/ shin du 'byor pa dang ldan zhing / mchog tu bde bar 'gyur ba mthong ngo / /de nas yang dge slong las kyi 'bras bu rnam par smin pa shes pa de/ lha rtag tu myos gnas kyi gnas la rtog par byed de/ des thos pa las byung ba'i shes pas/ lha rtag tu myos gnas rnams kyi gnas ud pa la mdog ces bya ba ji ltar gnas pa mthong ngo / /der sems can dag las gang gis skye bar 'gyur snyam nas/ des thos pa las byung ba'i shes pas brtags na/ chos dang ldan zhing chos kyi rjes su 'jug pa/ tshul khrims dang ldan pa gang gis 'di ltar me tog ud pa la bskyed pa 'dis sangs rgyas dang / chos dang dge 'dun rnams kyi longs spyod bya'o snyam du bsams nas bskyed la/ de yang 'bul bar byed cing de sems la dga' bar yang 'dzin na/ de lus dang bral nas bde 'gro mtho ris kyi 'jig rten ud pa la mdog gi lha rnams kyi nang du skye bar 'gyur ro/ /der skyes nas kyang lha yul du rtse ba'i skye bo dang / dga' dgur spyad pa de dag yang rtse ba dang / dga' ba dang / steg pa dang / 'jo ba dang / rol mo'i sgra dang / glu dbyangs dang / bro gar byed pa dang ni ldan/ bde ba du ma la ni gnas/ tshal nas tshal dang / bai dUr+ya'i tshal gyi grib ma mdzes pa dang / gser btso ma dang / byi ru lta bu'i sa gzhi bde ba mtho dman ran pa rnams su ni rgyu/ lha mo'i tshogs du mas ni yongs su bskor/ kha zas zhim po ni za/ de dag kun kyang 'dod pa thams cad bsam pa tsam gyis ni 'grub/ ngo bo nyid du ma la ni gnas/ bde ba las</font><hr>64.82b<br><font size=+1>

mchog tu bde ba ni thob/ dbang po lnga yul lnga la chags shing dga' ba ni nyin gcig bzhin nyams dga' bar byed/ ud pa la sngon po dang / bai dUr+ya'i mdog lta bu'i lus ni ud pa la'i tshal nas ud pa la'i tshal du rgyu/ ud pa la'i dri gang yin pa de dpag tshad brgyar ni ldang / ud pa la'i dri zhim po des lha'i me tog gi dri zhim po gzhan thams cad zil gyis mnan nas rgyal po bzhin du ni mdzes/ rgyu dang 'thun par 'bras bu 'byung bar yang dag par rdzogs pa'i sangs rgyas rnams kyis gsungs te/ de mtho ris su phyin nas kyang me tog ud pa la de rnams las dga' ba rnam pa mang po du ma 'thob bo/ /de nas de ltar spyod cing bde ba la gnas pa'i dbang po drug nges par 'byung ba la dga' ba/ ji srid du 'dod pa sdug pa yid du 'ong ba byas shing bsags pa'i las de zad par ma gyur pa de srid du de na dga' bar byed do/ /de phyis lha'i 'jig rten de nas 'chi bar 'gyur te/ shi nas kyang gal te lan grangs gzhan la myong bar 'gyur ba'i las kyis sems can dmyal ba dang / yi dgas dang / dud 'gro'i nang du ma skyes la/ mi rnams dang / skal ba mnyam par mi'i nang du skyes na/ de las de dang rgyu 'thun par me tog mang po bskyed cing 'byor pa'i yul rnams su skye bar 'gyur la/ shin du rgya che ba dang ldan pa dang / mchog tu bde ba dang ldan pa dang / gnod pa med par 'gyur ba mthong ngo / /de nas yang dge slong las kyi 'bras bu rnam par smin pa shes pa de/ lha rtag tu myos gnas rnams kyi gnas la rtog par byed de/ des thos pa las byung ba'i shes pas/ lha yul na rtag tu myos gnas rnams kyi gnas/ pad ma dkar spyod ces bya ba ji ltar 'dug pa mthong ngo / /der sems can dag las gang gis skye bar 'gyur snyam nas/ des thos pa las byung ba'i shes pas brtags na/ tshul khrims dang ldan par gyur cing / lus ngag gi dri ma dang bral ba sems pas</font><hr>64.83a<br><font size=+1>

yongs su bsgoms pa'i snying dang ldan pa gang gis sangs rgyas sam/ chos sam/ dge 'dun la me tog dbul ba'i don du pad ma'i tshal bskyed cing / sangs rgyas dang / chos dang / dge 'dun la yang sems dad pa dang ldan par gyur na/ de lus dang bral nas bde 'gro mtho ris kyi gnas pad ma dkar spyod kyi lha rnams kyi nang du skye bar 'gyur ro/ /der skyes nas kyang legs par byas pa'i las kyi 'bras bu la spyod pa de/ 'di lta ste/ rgyan dang / rin po che dang / 'od sna tshogs kyis ni lus brgyan/ lha'i tshogs thams cad kyis ni mchod/ lha mo'i tshogs me tog phreng ba thogs pa rnams kyis ni yongs su bskor/ rdo rje dang / mthon ka dang / ma rgad dang / spug dang / 'phyang 'phrul gyi 'od kyis ni lus brgyan/ dga' ya yar rab tu dga' zhing rtse bar ni gnas/ mtho ris dang 'thun pa'i kun dga'i ra bar gnas shing bde ba rtag tu myong ste/ ji srid du 'dod pa sdug pa yid du 'ong ba'i las byas shing bsags pa'i las de zad par ma gyur pa de srid du de bde ba dpe med pa rnam pa du ma yon tan shin du che ba dang ldan pa/ skye bo thams cad dang lhan cig gzhan la gnod pa med cing kun nas nyon mongs pa med pa rnam pa sna tshogs de dang de dag myong bar byed do/ /de phyis lha'i 'jig rten de nas 'chi bar 'gyur te/ shi nas kyang gal te lan grangs gzhan la myong bar 'gyur ba'i las kyis sems can dmyal ba dang / yi dgas dang / dud 'gro'i nang du ma skyes la/ mi rnams dang skal ba mnyam par mi rnams kyi nang du skyes na/ de las de dang rgyu 'thun par nor gyi bdag po shin du bde ba dang ldan zhing bu dang dbang phyug dang ldan pa dang / rgyal pos kyang bkur bar 'gyur ba mthong ngo / /de nas yang dge slong las kyi 'bras bu rnam par smin pa shes pa de/ lha rtag tu</font><hr>64.83b<br><font size=+1>

myos gnas rnams kyi gnas la rtog par byed de/ des thos pa las byung ba'i shes pas lha rtag tu myos gnas rnams kyi gnas grong khyer dmar gnas shes bya ba ji ltar 'dug pa mthong ngo / /gnas der sems can dag las gang gis skye bar 'gyur snyam nas/ des thos pa las byung ba'i shes pas brtags na/ sems pa dang ldan pa phan par 'dod pa gus pa'i snying dang ldan pa gang yin pa des/ dge slong yang dag par rab tu byung ba'i chos gos shing byis pa la'i shun pas kha dog dmar por bsgyur ram/ gur kum 'am/ btsod dam/ mtshal lam/ skyu ru ra 'am/ btsag gam/ bab la 'am/ ldong ros sam/ me tog ban du sa tsur dang bcas pas kha dog dmar por bsgyur na/ de lus dang bral nas bde 'gro mtho ris kyi 'jig rten grong khyer dmar gnas kyi lha rnams kyi nang du skye bar 'gyur ro/ /der skyes nas kyang phreng ba dang gos dmar po gyon pa de'i gnas de ni 'od kyis brgyan pa'i lus kyis rtag tu gsal bar byas pa yin la/ lha de dag thams cad kyang ci dga' dgur spyod pa yin te/ de rnams kyi mthus gnas de dag thams cad rnam pa de lta bur dmar bar 'gyur ro/ /ji ltar pad ma rA ga'i 'od de gos pa med pa ltar lha de rnams kyang de ltar dmar por snang bar 'gyur ro/ /rgyan gyi kha dog sngon po dang / ser por 'dres shing rin po ches klubs pa gzhan gang yin pa de dag thams cad kyang dmar por 'gyur te/ legs par byas pa'i las des de'i gos gsal ba rnams kyis dmar por 'gyur ro/ /gang gi tshe de rtse zhing gzhal med khang dang pad ma'i tshal dang / lteng ka dang / tshal dang / nye ba'i tshal sna tshogs dang / lha mo cha byad dang rgyan dmar po sna tshogs thogs pa rnams kyis yongs su bskor ba dag yul du mar 'gro ba na/ de'i tshe de dag gi rgyan rnams kyi tshon rtsi gsal ba dang / kha dog</font><hr>64.84a<br><font size=+1>

thams cad kyang gsal bar snang ngo / /rin po che'i 'od sna tshogs kyis brgyan pa/ lha'i bu de tshal nas tshal dang / ri'i zom nas ri'i zom dang / pad ma'i tshal nas pad ma'i tshal dang / chu bo dang / 'bab chu dang / lteng ka dang / nye ba'i tshal nas chu bo dang / 'bab chu dang / lteng ka dang / nye ba'i tshal du 'gro bar byed do/ /sil snyan yan lag lnga dang ldan pa'i glu dbyangs nye bar len cing phan tshun grogs su gyur pa/ so sor chags pa'i snying gis dga' bar byed/ rtse bar byed/ dga' dgur spyod par byed do/ /sred pa'i tshogs drug gis yid rab tu dga' ba dag bdud rtsi'i zas bzang po la ni za/ myos pa'i skyon dang bral ba'i btung ba zhim po ni tshim par 'thung ste/ ji srid du tshogs chen pos yongs su bskor nas dga' ba sna tshogs byed do/ /de ltar de dag rtse ba sna tshogs dge slong des mngon par mthong nas/ 'di ltar tshigs su bcad de smras pa/ mtho bas mtho ba'i ri rab na/ /de bas mtho ba rtag tu dge //lha mchog rnams kyi 'og min du/ /dge bas skye bo khrid par byed/ /rnam pa sna tshogs du ma yi/ /tshul khrims dag kyang bsrungs na ni/ /dge ba'i las kyi rnam smin 'di/ /lha rnams nang du smin par 'gyur/ /tshul khrims chu ni shin du dang / /rab tu gang bar kun nas su/ /khrus byas mi ni lha rnams kyi/ /bde ba'i drung du 'gro bar 'gyur/ /sbyin dang tshul khrims rtag tu dul/ /'byung po kun la phan par dga'/ /ye shes brtson la byams sems ldan/ /lha yi mdun sar 'gro bar 'gyur/ /nyes bcom byed dang ldan pa dang / /tshul khrims rin po che yis brgyan/ /sems can kun la brtse ldan pa/ /lha yul rnams na de dag mkhas/ /drang po rnams ni gser 'dra ste/ /dri ma dang ni sdig rnams sbyangs/ /yang dag las kyi mtha' brtson pa/ /lha yul rnams na de dag</font><hr>64.84b<br><font size=+1>

mkhas/ /sems can kun la brtse ldan zhing / /sems can kun la phan 'dod la/ /sdig kun rnam par spangs pa gang / /de dag lha yi gnas na gnas/ /legs par rtog pa nyin gcig bzhin/ /tshul khrims srung bar byed pa gang / /nyin gcig bzhin du de rnams kyi/ /bde ba du ma de dag myong / /skyes bu de nyid sems pa po/ /tshul khrims rta la zhon nas su/ /rtsen pa du ma ldan pa dag /lha yi gnas su 'gro bar byed/ /gang zhig lha yi gnas na rtse/ /gang zhig bde ba bla na med/ /de dag 'thun par tshul khrims kyi/ /'bras bur de bzhin gshegs pas gsungs/ /gang zhig lha yi phreng rgyan dang / /lha yi phreng bas bklubs pa dang / /lha rnams mtho ris rtse ba ni/ /de kun dge ba'i rgyu las byung / /pad ma ud pal nyams dga'i tshal/ /tshal dang nags tshal brgyan pa dang / /mtho ris lha rnams dga' ba gang / /de kun dge las skyes pa'i 'bras/ /nam mkha' gzhal med khang gnas dang / /lha yi rin chen brgyan pa dang / /lha rnams dri med gsal ba gang / /de dag tshul khrims 'bras bu yin/ /gser dang me tog sna tshogs dang / /kun nas ri bo'i steng rnams su/ /lha rnams dga' byed gang yin de/ /tshul khrims las byung 'bras bu yin/ /ji ltar mi dag rang khyim du/ /zhugs nas 'jigs pa med par 'gyur/ /de bzhin tshul khrims yang dag spyod/ /mi rnams lha yi gnas su 'gro/ /'di ltar lha yi nang du 'gro ba'i dri/ /bla med tshul khrims ldan pa dri zhim pa/ /me tog ke ta ka dang ma lu ka /tsam pa ka yi dri dang mtshungs pa min/ /tshul khrims yongs su srung ba gang / /de dag 'tsho ba'i phul yin no/ /gang zhig tshul khrims yongs spong ba/ /'chi ba'i nang na mi bzad 'chi/ /bdag la rtag tu byams 'dod pa 'ang / /yon tan 'di dag rig nas su/ /tshul khrims</font><hr>64.85a<br><font size=+1>

legs par bsrung bya zhing / /tshul khrims 'chal pa rnam par spong / /tshul khrims srung ba rtag tu dul/ /bzod pa ldan zhing blta na sdug /them skas lta bur 'dzegs nas su/ /lha yi 'dun sar 'gro bar byed/ /de ltar dge slong des rang gi las la spyod pa'i lha rnams kyang mthong / las kyi 'bras bu sna tshogs kyang mthong nas 'khor ba las 'dod chags dang bral lo/ /grong khyer dmar po na gnas pa'i lha de dag kyang ji srid du 'dod pa sdug pa yid du 'ong ba legs par byas shing bsags pa'i las de zad par ma gyur pa de srid du de na dga' bar byed/ /rtse bar byed/ dga' dgur spyod par byed do/ /de phyis lha'i ris de nas 'chi bar 'gyur te/ shi nas kyang gal te lan grangs gzhan la myong bar 'gyur ba'i las kyis sems can dmyal ba dang / yi dgas dang / dud 'gro'i nang du ma skyes la/ mi rnams dang skal ba mnyam par mi'i nang du skyes na/ de las de dang rgyu 'thun par 'jig rten pa thams cad dga' zhing nor mang po dang ldan pa dang / lho phyogs su gnod pa med par skye bar 'gyur bar mthong ngo / /de nas yang dge slong las kyi 'bras bu rnam par smin pa shes pa de/ lha rtag tu myos gnas rnams kyi gnas la rtog par byed de/ des thos pa las byung ba'i shes pas/ lha rtag tu myos gnas rnams kyi gnas sna tshogs shes bya ba ji ltar 'dug pa mthong ngo / /der sems can dag las gang gis skye bar 'gyur snyam nas/ des thos pa las byung ba'i shes pas brtags na 'di ltar sems pa dang ldan par gyur cing sems pas brlan pa'i snying dang ldan pa gang gis sems can tshul khrims dang ldan pa rnams la bza' ba dang / btung ba dang / bza' bca' dang / tshod ma sna tshogs dag byin na/ de lus dang bral nas bde 'gro mtho ris kyi 'jig rten sna tshogs kyi lha rnams kyi nang du skye</font><hr>64.85b<br><font size=+1>

bar 'gyur ro/ /las sna tshogs kyis bskyed pa/ bde ba sna tshogs la ni spyod/ g.yog pa dang mal stan sna tshogs kyi nang na ni 'gre/ bde bar gnas pa'i kun dga' ra ba dang / rtse ba dang / 'gros sna tshogs ni byed/ tshal dang bskyed mos tshal sna tshogs su ni 'gro/ lha mo'i tshogs cha byad sna tshogs thogs pa ni phyi bzhin 'brang / tshal dang / nags tshal dang / ri bo sna tshogs dang / chu bo dang / pad ma'i tshal dang / ud pa la dang / me tog dang / 'bras bu'i bskyed mos tshal sna tshogs dag na ni gnas/ bgo ba dang / mal cha dang / sgeg pa'i tshal sna tshogs na ni spyod/ ga zha'i gtam brjod cing 'du 'dzi la dga' la/ shin du chags pa'i sems sna tshogs kyis ni 'tsho/ rtog pas bskyed pa la dga' zhing / blo rnam par chags pa rab tu myos pa yin te/ de ltar las sna tshogs byas nas rgyu sna tshogs byed pa de tshal sna tshogs rnams su bde ba sna tshogs dag myong bar byed do/ /de nas dge slong de shin du dga' nas 'di ltar tshigs su bcad de smras pa/ ri mo mkhan gyi ri mo rnams/ /de ni sna tshogs 'dri ma yin/ /gang zhig las kyi ri mo mkhan/ /mtho ris su ni mang du 'dri/ /tshon rtsis bris pa bris mi 'gyur/ /de ni bgrang par grangs yod kyi/ /las kyis bris pa grangs med de/ /de ni sems kyis 'dri bar byed/ /brtsig pa zhig na nges par yang / /ri mo ma lus 'jig par 'gyur/ /las kyis bris pa lus zhig kyang / /'jig pa nyid du mi 'gyur ro/ /ji ltar ri mo mkhan gcig cig /ri mo sna tshogs 'dri ba dag /de bzhin sems ni gcig pu yis/ /las rnams sna tshogs byed par 'gyur/ /ji ltar tshon rtsi gsal ba lngas/ /bris pa snang la stod par byed/ /de ltar dbang po lnga rnams kyi/ /las kyis 'khor bar 'khor bar 'dri/ /ri mo mkhan gyi mi dag ni/ /du ma dag tu snang 'gyur gyi/ /ri mo mkhan de sems phra bas/ /</font><hr>64.86a<br><font size=+1>

thams cad du ni mi mthong ngo / /ri mo legs shing legs pa dag /ji ltar brtsig ngos rnams la 'dri/ /las rnams legs shing legs pa dag /de ltar sems la 'dri bar byed/ /ji ltar nyin dang mtshan rnams su/ /sems rgyun 'byung la sems gnas 'gyur/ /de ltar nyin dang mtshan rnams su/ /de bzhin las kyi rjes su 'jug /ji ltar rlung dang dud pa rdul/ /gdung ba rnams kyis ri mo 'jig /de ltar dge dang mi dge ba/ /spangs na las kyi ri mo 'jig /de ltar dge slong des sems ri mo mkhan lta bu la rag las pa mngon par mthong nas/ las kyi de nyid rnam par mthong ba 'khor ba las yid byung ngo / /lha sna tshogs de dag gi las sna tshogs de dag kyang ji srid du 'dod pa sdug pa yid du 'ong ba'i las byas shing bsags pa bde 'gro nges par myong bar 'gyur ba de zad par ma gyur pa de srid du myong bar byed do/ /de phyis lha'i 'jig rten de nas 'chi bar 'gyur te/ shi nas kyang gal te lan grangs gzhan la myong bar 'gyur ba'i las kyis sems can dmyal ba dang / yi dgas dang / dud 'gro'i nang du ma skyes la/ mi rnams dang skal ba mnyam par mi'i nang du skyes na/ de las de dang rgyu 'thun par rtag tu rgyu zhes bya ba rdzu 'phrul che ba dang / nor dang ldan pa dang / dpon sna byed pas 'tsho bar 'gyur bar mthong ngo / /de nas yang dge slong las kyi 'bras bu rnam par smin pa shes pa de/ lha rtag tu myos gnas rnams kyi gnas la rtog par byed de/ des thos pa las byung ba'i shes pas brtags na/ lha rtag tu myos gnas rnams kyi gnas mtho bar gnas shes bya ba ji ltar 'dug pa mthong ngo / /der sems can dag las gang gis skye bar 'gyur snyam nas/ des thos pa las byung ba'i shes pas brtags na/ legs par spyad pa'i las mngon par shes pas/ sems pas yongs su bsgoms pa'i sems dang ldan pa gang gis sems can rnams kyi grang ba dang tsha ba</font><hr>64.86b<br><font size=+1>

yongs su bskyab pa'i phyir bsod nams kyi gnas mal byas na/ de lus dang bral nas bde 'gro mtho ris kyi 'jig rten mtho bar gnas pa'i lha rnams kyi nang du skye bar 'gyur ro/ /der skyes nas kyang reg pa las bde bar gnas pa de dbang po lnga'i yul gyi bde ba rnam pa du ma rnam pa mang po dag myong bar 'gyur ro/ /lha'i ris de na tshal dang nye ba'i tshal dag yod de/ 'di lta ste/ me tog man dA ra ba la rtse ba dang / stug po sbyor gnas dang / ngal bso bde dang / rtse dang sgra 'byin ldan dang / sgyu ma kun dga' dang / 'jigs med de tshal dang nye ba'i tshal de dag tu lha de lha mo'i tshogs kyis yongs su bskor ba dang bcas pa dag dga' bar byed/ dgod par byed/ rtse bar byed/ sgeg par byed do/ /sil snyan yan lag lnga dang ldan pas dga' bar byed cing blo rang dgar gnas pa bdag nyid chen po ci dgar sgrogs pa/ bde ba mchog dang ldan pa sgyid par gnas pa rnams pad ma'i tshal du 'dong bar byed de/ mtho ris dang 'thun pa'i rin po che'i snying po rab tu mang pos rnam par brgyan pa/ rtag tu bag tsha ba med par spyod pa rnams yul mtho ba nas yul mtho ba dang / gser gyi ri rab 'bar ba'i phreng ba'i 'od rnams kyis gsal bar byas pa de dag la lus nad med pa rnams yongs su rgyu bar byed cing rtag tu bde bas myos par gnas pa/ legs par byas pa mang po 'dod par byas pa'i las kyis der skyes pa rnams dga' bar byed/ rtse bar byed/ dga' dgur spyod par byed do/ /chu bo dang / 'bab chu dang / lteng kas brgyan pa'i mtho ris kyi yul rnams na/ ji srid du 'dod pa sdug pa yid du 'ong ba'i las de zad par ma gyur pa de srid du de na dga' bar byed do/ /de phyis lha'i 'jig rten de nas 'chi bar 'gyur te/ shi nas kyang gal te lan grangs gzhan la myong bar 'gyur ba'i las kyis sems can dmyal ba dang / yi dgas dang / dud 'gro'i nang du ma skyes la/ mi rnams dang skal ba mnyam</font><hr>64.87a<br><font size=+1>

par mi'i nang du skyes na/ de las de dang rgyu 'thun par rgyal po chos sems pa chen por 'gyur zhing 'jig rten thams cad dga' bar 'gyur ba mthong ngo // //'phags pa dam pa'i chos dran pa nye bar gzhag pa/ bam po nyer brgyad pa/ de nas yang dge slong las kyi 'bras bu rnam par smin pa shes pa de/ lha rtag tu myos gnas rnams kyi gnas la rtog par byed de/ des thos pa las byung ba'i shes pas brtags na/ lha rtag tu myos gnas rnams kyi gnas rgun chang myos gnas shes bya ba ji ltar 'dug pa mthong ngo / /der sems can dag las gang gis skye bar 'gyur snyam nas/ des thos pa las byung ba'i shes pas brtags na/ legs par byas pa'i las kyi mtha' spyad pa/ tshul khrims dang ldan par gyur pa/ phan par 'dod pa/ 'jam pa'i snying rje dang / rang bzhin gyis ngang 'jam pa/ drang ba/ g.yo med pa/ gzhan la gnod pa med pa gang gis phyogs bzhi'i dge sbyong dang bram ze nyon mongs pa mgon med pa rnams la nyin gcig gam/ gnyis sam/ gsum 'am/ bzhi lta smos kyang ci dgos te/ de ltar rim gyis rgya cher rtag res 'khor byin na de lus dang bral nas bde 'gro mtho ris kyi 'jig rten lha rtag tu myos gnas rnams kyi gnas rgun chang myos gnas rnams kyi nang du skye bar 'gyur ba mthong ngo / /der skyes nas kyang mtho ris kyi bskyed mos tshal na bde bar gnas pa de gser gyi dril bu g.yer ka'i dra bas bres pa/ sgra mang po 'byin pa dang ldan pa'i tshal rnams kyi nang na lha mo'i tshogs kyis yongs su bskor cing / 'dod pa sdug pa yid du 'ong ba'i yul la chags pa dag dga' dgur spyod par byed do/ /lha gzhon nu gzhan rab tu mang po rnams kyis mngon par mchod cing lha'i bdud rtsi'i skom mang pos ni myos/ me tog mAn dA ra ba'i phreng bas ni mgo na brgyan/ pad ma'i tshal gyi gsab gseb na ni gnas/ </font><hr>64.87b<br><font size=+1>

gser dang / bai dUr+ya dang / shel dang / dngul gyi ri dag la ni 'dzeg /bung ba sgra skad snyan pa 'byin pa'i pad ma'i tshal rnams kyi nang na rnam par rgyu bar ni byed/ lha mo'i tshogs kyis yongs su bskor cing nyi ma 'bum so so na 'gran pa lta bu'i me tog mAn dA ra ba dang / pad ma'i tshal rnams kyi nang na/ gser gyi bya sgra 'byin pa thos na rnar snyan pa dang / rol mo yan lag lnga dang ldan pa thos na snyan cing bde ba rnams kyi nang na mngon par dga' bar byed do/ /gser dang / bai dUr+ya'i rdo leb kyis sa gzhi legs par mnyams pa dang / mu tig gi bye mas gzhi mnyams pa'i mtsho lha'i chu yon tan yan lag brgyad dang ldan pa rnams kyi nang na dga' bar byed do/ /rang gis byas pa'i bsod nams kyis sprul pa'i lhun po dag la/ gser dang / bai dUr+ya dang / dngul dang / shel gyi rdo yis mdzes par byas pa'i ri bzang po'i rtse mo dag na mngon par dga' bar byed de/ dga' ba dang skyid pa sna tshogs la gnas pa/ lha dang lha mos dkrigs pa'i nang na dgod cing rtse la g.yer ba/ lha dang lha mo'i tshogs kyis yongs su bskor ba de ji srid du 'dod pa sdug pa yid du 'ong ba rang gis byas shing bsags pa'i las de zad par ma gyur pa de srid du rang gis legs par byas pa'i las kyi 'bras bu la nye bar spyod par byed do/ /gang gi tshe las zad par gyur pa dang / de phyis lha'i ris de nas 'chi bar 'gyur te/ shi nas kyang gal te lan grangs gzhan la myong bar 'gyur ba'i las kyis sems can dmyal ba dang / yi dgas dang / dud 'gro'i nang du ma skyes la/ mi rnams dang skal ba mnyam par mi'i nang du skyes na/ de las de dang rgyu 'thun par rtag tu bde ba dang ldan zhing ri 'bigs byed kyi sman ljongs dag tu gnas pa dang / rgyal po'i yid ches par 'gyur ba mthong ngo / /de nas yang dge slong las kyi 'bras bu rnam par smin pa shes pa de/ lha rtag tu myos gnas rnams kyi gnas</font><hr>64.88a<br><font size=+1>

la rtog par byed de/ des thos pa las byung ba'i shes pas/ lha rtag tu myos gnas rnams kyi gnas yul la 'dod pa zhes bya ba mthong ngo / /der sems can dag las gang gis skye bar 'gyur snyam nas/ des thos pa las byung ba'i shes pas brtags na/ sems dang ldan par gyur pa gang gis tshul khrims dang ldan yang rung / mi ldan yang rung / lta ba log kyang rung / ma log kyang rung ba zhig nad kyis thebs pa la/ nad rkyen dang sman dang nad g.yog dag byin la/ de yang nad sos par gyur na/ de lus dang bral nas bde 'gro mtho ris kyi 'jig rten yul la dga' ba'i lha rnams kyi nang du skye bar 'gyur ro/ /der skyes nas kyang 'jigs pa thams cad dang bral bar shes pa de/ lha'i gnas gzhan dag tu mchod cing las 'phel ba las bde ba 'phel bar 'gyur te/ ji ltar mar me 'bar ba las 'od 'byung ba de ltar las 'phel ba las bde ba 'phel bar 'gyur ro/ /de ltar lha rnams lha'i 'jig rten na las kyi 'bras bu de la spyod pa rnam par smin pa shin du nyams dga'i ba/ dpe med pa thun mong ma yin pa dag 'byung ngo / /legs par byas pa'i las des der skyes pa de bai dUr+ya dang / nor bu dang / dngul gyi lhun po gsal ba'i rtse mo mthon po rnams na shin tu bde bar gnas pa'i kun dga'i ra ba dag yod de/ bskyed mos tshal dang / stegs bu du mas brgyan pa'i sa dag la gnas shing tshal dang nye ba'i tshal rin po che sna bdun gyis brgyan pa/ 'od sna tshogs kyis yun ring du nyams dga' bar byed pa rnams kyi nang na lha mo'i tshogs kyis yongs su bskor te/ de dag gis rtsed mo byed pa na/ de ltar dbang po lnga dang / blo yul la chags pa de ci dga' dgur bde ba la gnas te/ ji srid du 'dod pa sdug pa yid du 'ong ba byas shing bsags pa'i las de zad par ma gyur pa de srid du lha yul lha'i gnas de na 'dod pa</font><hr>64.88b<br><font size=+1>

thams cad la blo rnam par chags pa de/ dga' bar byed/ gnas par byed/ dga' dgur spyod par byed de/ de zad nas de nas yang las kyi 'bras bu la spyod pa ji lta ba bzhin sems can dmyal ba dang / yi dgas dang / dud 'gro'i nang du skye bar 'gyur ro/ /gal te mi rnams dang skal ba mnyam par mi'i nang du skyes na/ de las de dang rgyu 'thun par byed gzugs bzang po dang ldan zhing gar yang 'jigs pa med pa dang / nor bzang po dang ldan pa dang / rgyal po'i 'khor gyis mchod pa dang / tshe ring ba dang / yul bzang por skye ste/ dus kyang chos bzang po la dga' ba'i dus su skye bar 'gyur bar mthong ngo / /de nas yang dge slong las kyi 'bras bu rnam par smin pa shes pa des/ lha rtag tu myos gnas rnams kyi gnas la rtog par byed de/ des thos pa las byung ba'i shes pas/ lha rtag tu myos gnas rnams kyi gnas chu bsil gnas shes bya ba ji ltar 'dug pa mthong ngo / /der sems can dag las gang gis skye bar 'gyur snyam nas/ des thos pa las byung ba'i shes pas brtags na/ snying rje can sems pas yongs su bsgoms pa'i snying dang ldan pa gang gis sems can gzhan 'chi ba'i dus kyi tshe/ skom gyis gdungs pa skom pa bsal bar bya ba'i phyir ram/ gshin rje'i mi yis 'jigs pa bstan nas 'khrugs par gyur pa la bu ram chu 'am/ chu grang mo blud na de legs par byas pa'i las kyi mthu des gang gi tshe 'chi bar 'gyur ba de'i tshe/ lha rtag tu myos gnas rnams kyi gnas chu bsil bar gnas shes bya ba'i lha de dag gi nang du skye bar 'gyur ro/ /der skyes nas kyang chu bsil ba'i tshogs 'bab chu dang / chu bo phun sum tshogs pa'i sa phyogs dag na de dga' bar byed do/ /de lha'i btung ba'i rnam pa 'di lta bu dag 'byung bar 'gyur te/ 'di lta ste mthong na myos pa skyed pa dang / dris myos pa skyed pa dang / </font><hr>64.89a<br><font size=+1>

reg pas myos pa skyed pa dang / sgra thos na myos pa skyed par byed pa/ myos pa'i skyon dang bral zhing snying dga' bar byed pa yin no/ /yon tan lnga dang ldan pa'i btung ba dag kyang 'byung ste/ 'di lta ste/ btung ba de dag 'thungs nas lha rnams lha'i stobs bcu gyur du 'byung bar 'gyur ro/ /ji ltar nam mkha' la 'gro ba nyams par yang mi 'gyur zhing ltung bar yang mi 'gyur la/ de bzhin du sa la yang 'bying bar mi 'gyur ro/ /de'i brtson 'grus yongs su nyams pa yang med la ca co dang / ga zha'i sgra la mngon par dga' zhing yid shin du dga' ba de rab tu dga' ba brgya gyur du 'byung bar 'gyur ro/ /de'i rna ba yang mnyan par bya ba la thogs pa med de/ shin du bde ba yang dag par 'byung bar 'gyur ba/ mtho ris dang 'thun par gnas pa/ yul gyi bde ba nyams dga' ba dag myong bar 'byung bar 'gyur ro/ /rin po che sna bdun gyi shing ljon pa'i tshal 'di lta bu dag kyang yod de/ 'di lta ste/ tshal g.yer byed dang / kun dga' dang / tshal dga' bder gnas dang / tshal yid tshim dang / tshal rlung bde dang / tshal sgra lnga 'byin dang / tshal 'bab zer sgra rol mo dang / tshal yid 'thun dang / tshal bde bar gnas pa de rnams kyi nang na mngon par dga' bar byed do/ /mig gis kyang gzugs 'dod pa sdug pa yid du 'ong ba dag mthong ngo / /rna bas kyang sgra snyan pa rnar 'thad pa yid du 'ong ba dag thos so/ /snas kyang dri zhim pa bsung che ba yid du 'ong ba dag snom mo/ /de ltar lces kyang ro zhim pa bro che ba yid du 'ong ba dag myong ste/ de ltar rnam pa de lta bus yid tshim par byas pa'i snying dang dbang po lnga yul la chags pa'i dga' ba dang bde ba dag myong bar byed do/ /de ltar de sred pa'i tshogs drug gi mes nyin gcig bzhin sreg par byed la/ 'dod chags kyi mes kyang nyin gcig</font><hr>64.89b<br><font size=+1>

bzhin yongs su sreg ste/ 'dod chags kyi me dang / bag med pa'i me lce drug shin du stobs che bar gyur kyang de dag des mi rig go /bag med pa des yid phrogs shing bag med pa'i gnas su skyes pa/ bag med pa des nyams pa/ legs par byas pa'i las des yul gyi bde ba la lhag par dga' ba zad pa med pa de ni ji srid du 'dod pa sdug pa yid du 'ong ba byas shing bsags pa'i las de zad par ma gyur pa de srid du de nas bde ba myong bar byed do/ /gang gi tshe las zad par gyur pa dang / de phyis lha'i 'jig rten de nas 'chi bar 'gyur te/ shi nas kyang gal te lan grangs gzhan la myong bar 'gyur ba'i las kyis sems can dmyal ba dang / yi dgas dang / dud 'gro'i nang du ma skyes la/ mi rnams dang skal ba mnyam par mi'i nang du skyes na/ de las de dang rgyu 'thun par bkres pa dang / sgom pa dang / ngal ba dang / lo nyes 'byung ba'i 'jigs pa yong mi 'byung la/ rtag par shin du bde bar gnas pa dang / yul ma mthong ba rnams su 'ongs na/ yang dag par mgu bar 'gyur ba dang / de la bya ba med bzhin du yang mal stan dang / na ba'i gsos sman gyi rkyen gyis yo byad mang po dag sbyin pa byed pa mthong ngo / /de nas yang dge slong las kyi 'bras bu rnam par smin pa shes pa de/ lha rtag tu myos gnas rnams kyi gnas la rtog par byed de/ des thos pa las byung ba'i shes pas lha rtag tu myos gnas rnams kyi gnas brtan dga' zhes bya ba ji ltar 'dug pa mthong ngo / /der sems can dag las gang gis skye bar 'gyur snyam nas/ des thos pa las byung ba'i shes pas brtags na/ gang gis spong ba'i tshul khrims dang ldan pa'i dge slong yid skyo bar bya ba'i phyir mi ro 'am mi ro lta bur bris pa zhig bzhag na/ de bde 'gro mtho ris kyi 'jig rten brtan dga'i lha rnams kyi nang du skye bar 'gyur ro/ /der</font><hr>64.90a<br><font size=+1>

skyes nas kyang rtag tu brtan dga' de bai dUr+ya dang / gser dang / byi ru dang / an da rnyil dang / ma rgad lta bu'i mtho ris kyi gnas dag na yang dang yang du dga' bar byed cing nyin gcig bzhin du bde ba bar chad med pa 'bum snyed dag myong bar byed do/ /rol mo mang po du ma 'bum snyed dag mang du thos na bar chad med par dga' ba lhag par chags te/ kun nas nyon mongs pa 'byung ba gang yin pa de ni dper byar yang med la/ mtho ris su zas dang / skom dang / gos dang / me tog dang / dris myos shing dga' ba mang po du ma 'byung ngo / /der dga' ba 'di lta bu 'byung ste/ 'di lta ste/ tshal mthong na dga' ba dang / bya sna tshogs sgra 'byin na dga' ba dang / rol mos dga' ba dang / lha mo mthong na dga' ba dang / rgyags par gnas na dga' ba dang / dri zhim pos dga' ba dang / thags su ma btags pa'i gos gyon na dga' ba dang / spos sna tshogs kyis phog na dga' ba dang / bza' ba dang / btung ba tshogs la dga' ba dang / rtsen pas dga' ba dang / nam mkha' la 'gro bas dga' ba dang / snying du sdug pa'i lha mthong na dga' ba dang / rin po che'i ri'i rtse mo nas ri'i rtse mo blta na dga' ste/ de dag la sogs pas mngon par dga' la/ dga' ba du ma gzhan rnams la yang shin du chags te/ bde ba shin du yid du 'ong ba'i kun dga' ra ba dang / sil snyan yan lag lnga dang ldan pa'i glu dbyangs len pa dang / rang gis byas pa'i bde ba la gnas pa lha'i bde ba rnam pa du ma de dag ji srid du 'dod pa sdug pa yid du 'ong ba legs par byas pa'i las de zad par ma gyur pa de srid du myong bar byed do/ /las de zad nas de nas yang lha'i 'jig rten de nas 'chi bar 'gyur te/ shi nas kyang gal te lan grangs gzhan la myong bar 'gyur ba'i las kyis sems can dmyal ba dang / yi dgas dang / dud 'gro'i nang du ma skyes la/ </font><hr>64.90b<br><font size=+1>

mi rnams dang skal ba mnyam par mi'i nang du skyes na/ de las de dang rgyu 'thun par bskyed mos tshal sna tshogs kyi nang na gnas shing shin du bde ba dang ldan pa dang / bgo ba'i gos sna tshogs dang / dga' gtam sna tshogs dang / spyod pa sna tshogs dang / blta bar bya ba sna tshogs mthong bar 'gyur ba mthong ngo / /de nas yang dge slong des rgyal chen bzhi'i lha rnams kyi gnas gsum dang / las kyi 'bras bu rnam par smin pa dang bcas pa rnam par phye nas gnas bzhi pa la rtog par byed de/ des thos pa las byung ba'i shes pas pi bang can gsum pa zhes bya ba'i lha rnams mthong ngo / /de rnams kyi gnas bcu po yang 'di lta ste/ dri dga' dang / sgra snyan pa dang / de la chags dang / skyor chu skyes dang / lus dkar dang / phan tshun dga' dang / yang dag chags spyod dang / 'khor dang / rnam spyod dang / dkyil mo dkrung gi steng du skye ba dang ldan par gnas pa dag ste/ lha pi bang can gsum pa rnams kyi gnas ni bcu po de dag yin no/ /dge slong de de rnams kyi las kyi rnam par smin pa rnam par 'byed par byed de/ gnas de rnams su lha dag las gang gis skye bar 'gyur zhig gu snyam nas/ des thos pa las byung ba'i shes pas brtags na/ 'di ltar las de dag byed na de ltar de dang 'thun par skye bar 'gyur la/ las de dang 'thun par rnam par smin pa 'byung ngo / /de la rgyal chen bzhi'i gnas dang po dri dga' zhes bya ba der sems can dag las gang gis skye bar 'gyur snyam nas/ des thos pa las byung ba'i shes pas brtags na/ sems pa dang ldan par gyur cing / des sems bsgoms pa des lus bsgoms pa gong gis bsod nams bsags par bya ba'i phyir/ dge 'dun dag la kun dga' ra ba'i sa 'am/ bu ram shing gi ra ba 'am/ 'bra go'i ra ba 'am/ shing a mra'i ra ba phul la/ de yang yongs su spyod par byed na/ </font><hr>64.91a<br><font size=+1>

de lus dang bral nas bde 'gro mtho ris kyi 'jig rten dri dga'i lha rnams kyi nang du skye bar 'gyur ro/ /der skyes nas kyang bde ba du ma thob cing spyod pa de/ lha'i tsan dan dang / tsan dan sa mchog gi byug pas lus byugs pa/ lha mo'i tshogs du mas yongs su bskor ba/ gzugs dang cha byad sna tshogs dang ldan pa dgod pa dang / rtse ba dang / sgeg chos la mkhas pa rnams dang / lhan cig pad ma'i tshal dang / lteng ka dang / nags tshal gyi bar dag na me tog gi phreng ba dang / gos gyon pa/ yid rab tu dga' ba rnams dga' bar byed/ dga' dgur spyod par byed do/ /de'i lha'i dri rnam pa du ma dag pad ma'i tshal de dag dang / lha'i me tog de dag brtol nas dpag tshad brgyar bsung stobs cher 'byung ngo / /dri snams pa'i lha mo gang yin pa de dag thams cad dri shin du nyams dga' zhing mchog tu yid du 'ong ba rnam pa du mas myos pa rnams/ yang lha'i dri des brgya gyur du myos par 'gyur ro/ /shin du myos pa'i lha'i ris de dag nyid la sems chags pa rnams lha de dag nyid dang / rnam pa du ma brgya gyur du dga' dgur spyod par byed la/ de rnams lhan cig chu bo'i drung du 'gro bar byed do/ /chu bo de dag gi ming ni 'di lta ste/ rin chen 'bab ces bya ba dang / rin po che'i dum bu 'bab dang / gser 'bab dang / chang 'bab chu bo dang / sbrang rtsi 'bab pa'i chu bo dang / dbu ba rog rog 'bab pa dag ste/ chu bo de dag thams cad kyi 'gram na/ bya ngang pa dang / ka ran da ba dang / ngur ba'i tshogs kyis brgyan pa bya sgra 'byin pa rnams dang / shing ljon pas mtha' khebs pa yin la/ shing de dag kyang rin po che sna bdun gyi bya rnams kyis kun nas dkrigs shing sgra yid du 'ong ba 'byin pa dag yin te/ lha mo'i tshogs glu snyan pa len pa la mkhas pa gang yin pa de dag kyang bya'i sgra dbyangs 'byin pa thos nas/ tshal gyi nang na rgyu ba'i bya gzhan</font><hr>64.91b<br><font size=+1>

sgra 'byin pa lha'i rnar snyan pa de dag la shin du nyan par byed do/ /yul gyi 'dod pa la sems rnam par chags shing bya'i sgra 'byin pa de la snying shin du chags pa de dag gis bde ba de thams cad bor nas bya'i sgra de la nyan par byed de/ bya'i sgra yid du 'ong ba sna tshogs dag thos na bde ba rnam pa du ma sna tshogs dang / sgra dbyangs bdun dang ldan zhing rgyun mi drag pa 'byin pa la nyan par byed do/ /chu bo gzhan dag tu sgra 'byin par lha mo rnams dga' bar byed/ glu dbyangs len/ dgod par byed la/ lha'i chang myos pa'i skyon dang bral ba dag la 'thung bar byed do/ /de dag de rnams kyis mthong nas kyang de rnams dang lhan cig dga' bar byed la/ bai dUr+ya dang / dngul dang / shel dang / gser gyi ri bo gzhan dag gi rtse mo dang / chu bo dang / 'bab chu dang / lteng ka dang / nags tshal mdzes pa dang / pad ma'i tshal bya'i tshogs sna tshogs kyis brgyan pa rnams su lha mo de rnams dang lhan cig dga' bar byed do/ /gzhan yang phyogs gzhan dag na bai dUr+ya sngon po'i dum bu lta bu dang / me tog sna tshogs kyis khebs pa'i sa phyogs dag na dga' bar byed de/ de ltar de legs par byas pa'i las de dang rgyu 'thun par sil snyan yan lag lnga dang ldan pas mtho ris kyi bde ba yid du 'ong ba rnam pa du ma dag myong ngo / /lha'i bde ba de yang dge slong des thos pa las byung ba'i shes pas rtogs nas 'di ltar tshigs su bcad de smras pa/ rnam par chags pa'i dbang po lnga/ /de ltar yul rnams lnga la chags/ /'dod chags skad cig mi 'byung ba 'ang / /yul gyis tshim par mi byed do/ /yul rnams kun gyi nang na gcig /'dir ni bud med kho na lta/ /yul kun zil gyis mnan nas su/ /'dod chags me ni chen por 'bar/ /tshogs pa dang ni ma tshogs dang / /'chi ba dang ni gtam brjod pa 'ang / /bud med rgyu las kun 'byung ste/ /me yis mi 'di sreg par byed/ /</font><hr>64.92a<br><font size=+1>

me ni tshogs dang 'bar 'gyur gyi/ /ma tshogs 'bar bar mi 'gyur la/ /tshogs na 'ang 'bar la ma tshogs kyang / /lha rnams 'dod chags me 'bar ro/ /me de'i yul de med pa dang / /rgyang ring na go sreg mi byed/ /'dod chags me ni nye ring 'dra/ /mi zad dga' bas sreg par byed/ /kun du rtog pa'i shing skam 'byung / /dga' ba ya yo'i shugs dang ldan/ /sreg pa'i mar la smyugs pa 'di/ /'dod chags me yis dga' bas sreg /'di ltar me yis lus gcig ni/ /bsregs nas rab tu zhi bar 'gyur/ /ming dang gzugs dang ma bral ba'i/ /'dod chags me ni zhi mi 'gyur/ /sreg byed mi bzad me la ni/ /'byung po dga' bar mi byed la/ /'dod chags me ni rab rno yang / /mi rnams yid ni 'byung mi byed/ /dbang po lnga las byung ba yi/ /'di ni yul rnams lnga yis bsgribs/ /sred pa rlung gi stobs dang mtshungs/ /'dod chags me yis skye dgu sreg /rtog pa'i gtsub shing las byung ba'i/ /yul rnams kyis ni yongs su spel/ /lus ni shing ltar sreg byed kyang / /de ni skye bos mi mthong ngo / /ji lta ji ltar 'dod chags me/ /rab tu 'bar bas sreg byed pa/ /de lta de ltar 'dod chags dri/ /bde ba bzhin du yongs su bsten/ /me ni rab tu gsal 'gyur la/ /'dod chags me ni mun pas bsgribs/ /de bas dug dang dgra lta bu/ /brtan pos 'dod chags me spongs shig /de ltar dge slong des de dag mthong nas 'dod chags kyi mes sreg pa'i lha la snying brtse bar byed la/ lha'i sred par gtogs pa dag la yang skyon de dag rtogs nas/ sred par mi byed do/ /de ltar dri dga'i sa phyogs na bde ba rnam pa du ma dag ji srid du 'dod pa sdug pa yid du 'ong ba legs par byas pa'i las de zad par ma gyur pa de srid du myong bar byed do/ /de phyis lha'i 'jig rten de nas 'chi bar 'gyur te/ shi nas</font><hr>64.92b<br><font size=+1>

kyang gal te lan grangs gzhan la myong bar 'gyur ba'i las kyis sems can dmyal ba dang / yi dgas dang / dud 'gro'i nang du ma skyes la/ mi rnams dang skal ba mnyam par mi'i nang du skyes na/ de las de dang rgyu 'thun par rtag tu sa phyogs bde ba thob cing shin du 'byor pa dang ldan par 'gyur ba mthong ngo / /de nas yang dge slong las kyi 'bras bu rnam par smin pa shes pa de/ lha pi bang can gsum pa rnams kyi gnas la rtog par byed de/ des thos pa las byung ba'i shes pas/ lha rnams kyi gnas sgra snyan pa zhes bya ba ji ltar 'dug pa mthong ngo / /der sems can dag las gang gis skye bar 'gyur snyam nas/ des thos pa las byung ba'i shes pas brtags na/ legs par byas pa'i las spyad cing / sems pa dang / yang dag pa'i lta ba dang ldan par gyur pa gang gis lta ba log par zhugs pa dag la tshigs bcad gcig bstan la/ de dag kyang sems yud tsam zhig sangs rgyas la dad pa skyes na/ de lus dang bral nas bde 'gro mtho ris kyi 'jig rten sgra snyan pa'i lha rnams kyi nang du skye bar 'gyur ro/ /der skyes nas kyang dbang po yul la dga' zhing bde ba de lha'i mtsho 'gram na rtse ba la ni dga'/ pad ma'i tshal gyi phreng ba dang / gser gyi ri la gnas shing lha'i rol mo byed pa la ni dga'/ lha mo gzugs dang / rnam pa sna tshogs thogs pa/ 'dzum zhing 'jo sgeg la mngon par dga' ba/ byad bzhin gyi mdangs sdug cing dbang phyug mtshungs pa med pa la dga' ba rnams kyis ni yongs su bskor/ rtag tu nyin gcig bzhin bde ba la gnas pa rab tu 'phel zhing bai dUr+ya'i ri'i rtse mo dag na gnas la/ bde ba sna tshogs spyod pa me tog gi phreng ba dang / phye ma dang / byug pas lus brgyan pa dag de na dga' bar byed do/ /yul gyi rnam pa mang po la dga' ba/ ri rab dang ri khrod yangs pa na gnas pa dag gser gyi ri</font><hr>64.93a<br><font size=+1>

dang tshal rnams kyi nang na dga' bar byed de/ de na gser gyi ri 'di lta bu dag yod de/ 'di lta ste/ ri mkha' thug ces bya ba dang / ri grib med ces bya ba dang / ri thams cad dga' zhes bya ba dang / ri yid bzhin sprul ces bya ba dag ste/ ri de dag ni rin po ches rnam par phye zhing mdzes la/ gser gyi tshal gyis mdzes par byas pa/ ri'i rtse mo rnams na lha'i tshogs snying rab tu dga' ba rnams rtag tu glu dbyangs kyi sgra ni 'byin/ chu dang zhing bsil la gtsang ba'i rgyun dag dang / pad ma'i rdzing rnams kyis ni rtag tu mdzes par byas/ bya rtag tu myos shing rnar snyan pa/ sgra 'byin pa rnams ni nye ba na 'khod/ mig du shin du sdug pa'i ri'i sa phyogs kyi sman ljongs de rnams na rang gi las la spyod pa'i lha de dag dga' bar byed/ rgyu bar byed/ rtse bar byed/ dga' dgur spyod par byed do/ /lha mo bzang mo rnams kyis yongs su bskor cing / bya myos pa sgra 'byin pa dang / gser gyi bung ba myos pa mang po rnams kyis yongs su bskor ba'i lha de dag thams cad reg na bde ba'i lha'i lcug ma'i khyim rnams su 'khor dang lhan cig dga' bar byed do/ /de ltar de na gnas pa de ni/ ji srid du 'dod pa sdug pa yid du 'ong ba lha las ldog par mi 'gyur ba'i las de zad par ma gyur pa de srid du dga' bar byed do/ /gang gi tshe zad par gyur pa dang / de lha'i ris de nas 'chi bar 'gyur te/ shi nas kyang las nye bar 'gro ba ji lta ba bzhin sems can dmyal ba dang / yi dgas dang / dud 'gro rnams kyi 'khor bar yongs su 'khyam par 'gyur ro/ /gal te mi rnams kyi nang du skal ba mnyam par mi'i nang du skyes na/ de las de dang rgyu 'thun par rtag tu rigs shin du che ba'i nang du skye zhing shin du 'byor ba dang ldan pa dang / skye bo kun gyis mchod pa dang / ris 'thun pa'i gzugs bzang po dang ldan pa dang / skyon med pa dang / bran pho dang / bran mo dang / skye bo</font><hr>64.93b<br><font size=+1>

dang ldan par 'gyur ba mthong ngo / /de nas yang dge slong las kyi 'bras bu rnam par smin pa shes pa de/ lha pi bang can gsum pa rnams kyi gnas la rtog par byed de/ des thos pa las byung ba'i shes pas lha rnams kyi lha'i gnas de la chags pa zhes bya ba ji ltar 'dug pa mthong ngo / /der sems can dag las gang gis skye bar 'gyur snyam nas/ des thos pa las byung ba'i shes pas brtags na/ legs par byas pa'i las kyi mtha' spyad par gyur pa/ de la rab tu chags pa'i yid sems pa dang ldan par gyur pa gang gis grogs po la skom phor gang tsam blud pa 'am/ 'gron po rnams la srog chags lu ta dang / ki ta dang / sbrang bu mchu rings dag gis 'jigs pa las bde bar bya ba'i phyir khron pa dag 'gebs par byed de/ 'di ltar srog chags dug dang 'dres pa 'di dag gi dug chu'i nang du song na/ de las 'gron po lam du zhugs pa rnams kyi srog gi bar chad du 'gyur ra snyam nas bya ba ci yang med kyis kyang / byams sems kyis khron pa la 'thung ba'i skye bo gzhan la phan par bya ba'i phyir gzhi de las de g.yog par byed na/ skyes bu dge ba de lus dang bral nas bde 'gro mtho ris kyi 'jig rten lha pi bang thogs pa rnams kyi gnas de la chags pa zhes bya bar skye bar 'gyur ro/ /der skyes nas de'i lus ni nyi ma gnyis pa lta bur gzi che ste/ legs par byas pa'i las rnams kyis lus thams cad ni brgyan/ ri dang ri bo dang / ri sul dang / 'bab chu na gnas pa rnams de dang spyod pa'i ngang tshul 'thun pa'i lha mo'i tshogs gzugs dang / lang tsho dang / rgyan rnam pa sna tshogs thogs pa rnams kyis ni yongs su bskor/ gzugs dang / sgra dang / dri dang / ro dang / reg bya sdug pa du ma la rab tu chags shing mchog tu bde ba dang ldan pa yin no/ /gnas de dag na rin po che sna bdun gyi shing ljon pa rnams kyis yongs su bskor</font><hr>64.94a<br><font size=+1>

ba'i ri dang tshal 'di lta bu dag yod de/ 'di lta ste/ rnyis pa med pa'i tshal ni tshal de na me tog rnams kyang rnyis pa med cing / dri dang yang bral ba med pa dang / gser gyi grib ma'i tshal zhes bya ba gser gyi lcug mas dra bar bris shing / bai dUr+ya'i bung ba rnams kyis mdzes par byas la/ rma bya dang khu byug sgra 'byin to/ /bya de dag kyang rin po che sna bdun gyi sgro gshog dang ldan la/ sgra snyan cing 'jebs par 'byin pa yin te/ tshal de na shin du nyams dga' bar yang bdag nyid kyis mthong nas shin du bde bar gyur to/ /de na bya 'di lta bu dag yod de bkra ba dang sgro gshog bkra ba dang / lha rnams kyi snying la 'dod pa bskyed pa gang yin pa de dag des sgra 'byin par byed de/ de thos nas lha rnams kyang ngo mtshar cher skyes la/ 'di ltar bya 'di dag ni lha dang 'thun par mthong ste/ gang bdag cag gi yid la 'dod pa de dag bya de rnams sgra 'byin par byed snyam mo/ /bya chu zhim gnas shes bya ba de dag gi kha nas chang ro dang dri'i ngo bo gtsang ba phun sum tshogs pa 'byung ngo / /kha nas byung ba'i chang de la yang bya gzhan rnams 'thung bar byed do/ de 'thungs nas bya de dag bcu gyur du myos shing yid rab tu dga' nas brgya gyur du sgra 'byin par byed do/ /lha de dag gi glu dbyangs phan tshun 'dres pa brgya gyur du snyan pa yin te/ bya de dag gi sgra dang / lha mo de dag gi glu dbyangs thos nas 'dod pa la chags pa'i lha yid shin du bde ba rnams brgya gyur du dga' ba skye zhing de dag gi glu dbyangs dang sgra la chags par byed do/ /bya mchu sgyur 'gro zhes bya ba gang dril bu g.yer kha'i dra ba sgra 'khrol ba'i gsab gseb na dga' bar byed pa la 'di ltar ci 'di na bya'i sgra 'byin nam/ ci dril bu g.yer kha'i sgra 'byin ces gsal bar mi mngon pa de ltar de dag dang lhan cig sgra 'byin te/ phan tshun 'dres pa nyis gyur du yang snyan pa yin no/ /bya 'gram</font><hr>64.94b<br><font size=+1>

gyi mtha' na spyod pa zhes bya ba gang chang rtag tu chu bo ltar 'bab pa'i 'gram dang gser gyi pad ma'i bar bar dag na gnas so/ /bya grib ma'i nang na rgyu ba zhes bya ba gang ji tsam du sred pa'i rnam pa dang 'dres na gzugs kyi rnam pa de tsam 'gyur te/ rnam pa de srid du gnas so/ /bya chags pa zhes bya ba gang gal te lha shin du nyams dga' ba rnams dang nye bar lha mo de dag gnas na brgya gyur du mdzes te tshal dang / nags tshal du ma rnams kyi nang na yang rtag tu bde bar gnas pa dag dga' bar byed do/ /yid la bsams pa gang yin pa de dang de dag nyid 'grub par 'gyur te/ shin du rgya che bar gyur cing / dga' ba dang / sdug pa dang / yid du 'ong ba skye'o/ /lha mo'i tshogs du mas yongs su bskor ba'i lha de tshal dang / nye ba'i tshal de rnams kyi nang na dga' bar byed de/ gser dang / dngul dang / bai dUr+ya'i ri'i rtse mo gzhan dang / gzhan dag la bai dUr+ya'i pad ma'i rdzing gis yongs su bskor cing / bya ngang pa dang / ka ran da bas kyang bskor ba/ bai dUr+ya sngon po lta bu'i chu shin du dri zhim pas gang ba/ chang du ma 'byung ba/ bai dUr+ya dang / gser dang / dngul gyi shing ljon pa shin du dri zhim pa rnam pa du mas gtibs pa/ kun nas ri 'di lta bu kun yod de/ bsams na sna tshogs 'byung dang / sa stengs yangs dang / sa phyogs mtho dma' dang / gzhi mnyam stengs dga' ste/ de rnams su lha mo'i tshogs kyis yongs su bskor ba'i lha thams cad nam mkha' las 'gro zhing 'bab la/ kun nas dga' bar byed cing dga' dgur spyod par byed do/ /gzugs sdug pa 'bum phrag du ma dag la lta bar byed de/ sgra snyan pa 'jebs pa yid du 'ong ba 'bum phrag du ma la nyan par byed do/ /dri zhim pa bro che ba yid du 'ong ba 'bum phrag du ma dag la snom par byed do/ /de bzhin du reg pas reg par bya ba dag la reg par byed do/ /de ltar dbang po thams</font><hr>64.95a<br><font size=+1>

cad yul la myong bar byed de/ rang gis byas pa de ji srid du 'dod pa sdug pa yid du 'ong ba'i las de zad par ma gyur pa de srid du gnas de dag na dga' bar byed do/ /de phyis lha'i 'jig rten de nas 'chi bar 'gyur te/ shi nas kyang las nye bar 'gro ba ji lta ba bzhin sems can dmyal ba dang / yi dgas dang / dud 'gro'i nang du 'khor bar 'gyur ro/ /gal te lan grangs gzhan la myong bar 'gyur ba'i las kyis mi rnams dang skal ba mnyam par mi'i nang du skyes na/ de las de dang rgyu 'thun par rtag par rgyun du bde ba dang ldan zhing kun dga'i ra bar bde bar gnas pa dang / rgyal po byams pa dang skye bo thams cad la sdug par 'gyur ba mthong ngo / /de nas yang dge slong las kyi 'bras bu rnam par smin pa shes pa de/ lha pi bang can gsum pa'i gnas la rtog par byed de/ des thos pa las byung ba'i shes pas lha rnams kyi gnas skyor chus skyes shes bya ba ji ltar 'dug pa mthong ngo / /der sems can dag las gang gis skye bar 'gyur snyam nas des thos pa las byung ba'i shes pas brtags na/ legs par byas pa'i las kyi mtha' spyad pa/ sems pas yongs su bsgoms pa'i snying dang / snying rjes brlan pa'i sems dang ldan pa gang gis sems can 'chi bar 'gyur ba skom gyis gdungs te/ mgul sgra ngar ngar por bgags shing srog chung zad yod pa la skom blud dam/ de bzhin du gang gis de'i srog bde bar 'gyur bar bya ba'i phyir sman dag byin na de lus dang bral nas bde 'gro mtho ris kyi 'jig rten pi bang gsum pa'i lha rnams kyi nang skyor chus skyes pa'i gnas su skye bar 'gyur ro/ /der skyes nas kyang de lha'i dbang po'i lus dang mtshungs shing lha mo'i tshogs kyis kun nas bskor te/ bde ba rgyun mi 'chad la rtag tu gnas pa yin no/ /de ltar rang gi las la spyod pa de tshal du ma dang / chu bo dang / 'bab chu du ma dag kyang rab tu mthong ste/ </font><hr>64.95b<br><font size=+1>

de res 'ga' lha mo'i tshogs kyis yongs su bskor nas/ tshal phreng zhes bya ba der 'dong bar byed do/ /tshal de yang chu bo dang / lteng ka dang / pad ma'i tshal du ma dag gis brgyan cing lha'i rol mo'i sgra dag gis mdzes par byas la lha dang lha mo'i tshogs rab tu dga' ba rnams kyis gang ba yin no/ /tshal de na shing ljon pa me tog dang 'bras bu du mas brgyan pa/ lha'i rol mo'i sgra 'byin pa/ bya'i sgra ca co snyan pa 'byin pa yin no/ /tshal de ni rin po che sna tshogs kyi shing ljon pa rnams kyis yongs su bskor ba yin te/ 'di lta ste/ rtag tu dga' ba dang / yang dag par dga' bar byed pa'i me tog man dA ra ba dang / pad ma dang / de ji ltar dga' ba rnams kyis bskor ba yin no/ /me tog de dag gi dri'i mthu ni 'di lta bu yin te/ lha rnams dri ji lta ji ltar 'dod pa de lta de ltar me tog de dag las 'byung la/ me tog gcig gis me tog de thams cad kyi dri'i bya ba byed do/ /tshal phreng ba de nyid na lha rab tu dga' zhing bro gar byed pa phan tshun grogs su gyur pa rnams tshal me tog lnga pa zhes bya bar 'dong bar byed do/ /de na yang bya dus su dran par byed pa zhes bya ba yod de/ des lha de dag mthong nas 'di ltar tshig 'brel ba'i tshigs su bcad de smras pa/ bsod nams dag ni nyams dga' la/ /de dag 'bras bu mchog tu dge/ /bsod nams lta bur sgrol ba med/ /de lta bas na bsod nams byos/ /bsod nams gnyen gyi mchog yin te/ /bsod nams gter ni zad mi shes/ /bsod nams mar me lta bu yin/ /de bzhin pha dang ma dang mtshungs/ /bsod nams byas na 'gro ba'i lha/ /bsod nams kyis ni bzang 'gror 'khrid/ /mi yul bsod nams byas pa ni/ /de dag lha yul dga' bar byed/ /'di ltar bsod nams che ba'i mi/ /rtag tu bde dang ldan par 'gyur/ /bsod nams lta bu'i bde ba med/ /de lta bas na</font><hr>64.96a<br><font size=+1>

bsod nams kyis/ /'jig rten gnyis la phan byed cing / /dga' dang nor gyi rgyur gyur pa/ /bsod nams yin par rtag tu mthong / /de ltar bsod nams bde mchog ldan/ /rtag tu bsod nams rjes 'brang ste/ /de ni grib ma bzhin du 'brang / /de bas bsod nams bde mchog ste/ /bsod nams lta bu'i bde ba med/ /bsod nams zad pa'i lha rnams ni/ /rang gis byas pa'i rjes su ltung / /'jig rten dge dang mi dge'i 'bras/ /de bas bsod nams yang dag spyod/ /lha yi yul du bdag cag gang / /dud 'gro'i skye gnas 'thun par gnas/ /bsod nams ma yin rgyur gyur pa/ /rang gis byas pas sems rmongs so/ /gang zhig bsod nams dman pa ni/ /gdul dka' rtag tu ngan 'gror 'gro/ /bye ma la ni mar med ltar/ /de la bde ba ga la yod/ /sems kyis bslus pa'i rmongs pa rnams/ /bsod nams kyis ni yongs su spangs/ /de dag la ni bde med cing / /de dag sdug bsngal mtha' med do/ /yang dang yang du skye 'gyur zhing / /yang dang yang du 'chi 'gyur ba/ /lha dag bde bas myos pa gang / /de dag la ni bde rtag med/ /las kyis rgyar ni bcug gyur cing / /gti mug gis ni bslus pa rnams/ /'khor ba thog ma med pa nas/ /'khrul 'khor bzhin du 'khyam par byed/ /lha dag lha yi 'jig rten nas/ /'chi bar 'gyur ba'i sdug bsngal gang / /de ni dmyal las dmyal bar du/ /de yi dpe byar yong med do/ /bde mtha' rtag tu ltung bar go/ /'di dag ci zhig mi shes sam/ /lha rnams 'chi med yul lta bur/ /bde bas rmongs rnams lta bar byed/ /skye dang 'chi ba'i 'jig rten ni/ /grangs su bgrang du yod med kyang / /sred pas yongs su bslus pa yi/ /mi rnams yid ni 'byung mi</font><hr>64.96b<br><font size=+1>

byed/ /de nas lha de rnams lha'i bya de'i sgra de thos nas/ chung zad cig yid la byed pa dang / yang bag med pa de nyid kyi dbang du gyur te/ sred pas srid par spyod pa de dag thams cad ni sems la rtag tu rag las pa yin no/ /phreng ba'i tshal de na bde ba las bde bar gnas pa de dag sil snyan yan lag lnga dang ldan pas bro gar byed/ rgod par byed do/ /yul bud shing lta bur gyur pa la/ bag med pa me lta bus rgyun mi 'chad par sreg pa na yul nas yul dang / nye ba'i tshal nas nye ba'i tshal dang / ri'i steng nas ri'i steng dang / gzhal med khang nas gzhal med khang dang / pad ma'i tshal nas pad ma'i tshal dang / rin po che'i ri'i rtse mo nas rin po che'i ri'i rtse mor rgyu ste/ de ltar lha mo dang lhan cig yul gyi sred pas bdas pas na/ lha de rnams ji srid du 'dod pa sdug pa yid du 'ong ba'i las de zad par ma gyur pa de srid du lha'i 'jig rten de na dga' bar byed do/ /de zad nas de nas yang ltung bar 'gyur te/ lhung nas kyang las nye bar 'gro ba ji lta ba bzhin sems can dmyal ba dang / yi dgas dang / dud 'gro'i 'khor bar yongs su 'khyam mo/ /gal te mi rnams dang skal ba mnyam par mi'i nang du skyes na de las de dang rgyu 'thun par tshe rabs tshe rabs su nad med par 'gyur zhing nyon mongs pa med pa dang / skye bo dam pa kun gyi yid du 'ong ba dang / bkres pa dang / skom pa dang bral ba'i yul bzang por skye ba dang / me tog gis brgyan par 'gyur ba mthong ngo / /de nas yang dge slong las kyi 'bras bu rnam par smin pa shes pa de/ lha pi bang can gsum pa rnams kyi gnas la rtog par byed de/ des thos pa las byung ba'i shes pas lha pi bang can gsum pa rnams kyi gnas lus dkar zhes bya ba ji ltar 'dug pa mthong ngo / /der sems can dag las gang gis skye bar 'gyur snyam nas/ des thos pa las byung ba'i shes pas</font><hr>64.97a<br><font size=+1>

brtags na/ zhing dang zhing ma yin pa'i rnam pa shes shing yid shin du dang ba dang / sems pas yongs su bsgoms pa'i snying dang ldan pa dang / der yid zhugs shing sems g.yeng ba med pa las kyi 'bras bu mngon par shes pa gang gis mchod rten nam/ dge 'dun gyi gtsug lag khang gi brkyang nul rlung ngam/ nyi ma 'am/ char pas zad pa slar brkyang nul byugs la/ de ltar byas nas de rjes su dga' zhing gzhan dag kyang de nyid la dga' bar byed du 'jug la/ lugs bzhin du byed du 'jug ste de ltar byed na de lus dang bral nas bde 'gro mtho ris kyi 'jig rten lus dkar gyi lha rnams kyi nang du skye bar 'gyur ro/ /der skyes nas kyang de dag thams cad dkar po kho nar snang ste/ de'i khyad par ni dung dang / kha ba dang / me tog ku mu da dang / 'o ma dang bcas pa dag ni bcu drug gi char yang mi phod do/ /de ltar rnam pa de lta bu'i gzhal med khang dang / shing rta dang gnas dag dang gzhan dag kyang kun nas dkar zhing mchog tu dkar por snang bar 'gyur te/ 'di ltar lus kyang mchog tu dkar ba nyid du 'gyur ro/ /dga' bar byed pa'i ngang tshul can de dag bskyed mos tshal du dga' ston byed du 'dong ste/ 'di ltar byi ru'i tshal zhes bya ba gnas de dag tu sil snyan dang glu dbyangs sna tshogs kyi sgra 'byin cing dgod pa dang / shin du yid dga' ba'i grogs po rnams dang lhan cig tshal der 'dong bar byed do/ /de ltar de dag byi ru'i tshal gyi nang du 'dong ste/ gang gi tshe zhugs pa dang bya sna tshogs sgra 'byin cing gser btso ma'i shing ljon pas mdzes pa yin no/ /shing ljon pa'i nye ba'i tshal gyis mdzes par byas pa'i byi ru'i tshal de'i mthu ni 'di lta bu yin te/ ji ltar kha dog dmar po gzhan dang mi mthun par 'byung ba de ltar shing ljon pa'i 'od dmar po rnam pa de lta bu 'byung ngo / /lha de dag thams cad tshal de'i mthus dkar po de rnams dang bral nas kha dog shin du</font><hr>64.97b<br><font size=+1>

dmar por gyur pa dang / phan tshun gtam du bdag cag gi lus lhan cig skyes pa'i mdzes pa gang yin pa de dag tshal gyi kha dog gi mthus mi snang bar gyur to/ /shing ljon pa de dag kun nas kha dog dmar po kho na yin te/ bdag cag ni tshal gzhan du 'dong bar bya'o zhes brjod do/ /de nas lha de rnams lha mo de dag dang lhan cig bai dUr+ya'i tshal ga la ba der 'dong bar byed do/ /tshal de yang bai dUr+ya'i mdog des ji ltar 'dzam bu'i gling gi gnam ltar kun nas sngo ba yin no/ /de nas lha rnams tshal der yang kha dog dkar po gang yin pa de dag bai dUr+ya'i shing ljon pa'i dbyibs de rnams kyis kyang zil gyis mnon to/ /shing de rnams la bya gnas pa gang yin pa de dag kyang kha dog sngon por gyur la/ pad ma gang yin pa de dag kyang sngon por gyur te/ de ltar bai dUr+ya'i tshal de dag thams cad sngon po nyid yin no/ /de nas lus dkar ba lha mo'i tshogs mang pos yongs su bskor ba lha'i rol mo'i sgra dang / dri dang glu dbyangs dang bcas pa rnams tshal de na yun ring du dga' bar byed/ rtse bar byed/ dga' dgur spyod par byed cing / lha'i bde ba 'dod pa'i yon tan lnga myong bar byed do/ /de nas yun ring zhig lon nas lha lus dkar po rnams rtse ba'i don du dngul gyi shing ljon pa'i tshal du 'dong bar byed do/ /dngul gyi tshal de ni kun nas kha dog dkar por snang zhing tshal de na gang ci yod pa de thams cad dkar ba yin la/ tshal de na pad ma yang dngul gyi pad ma shin du nyams dga' ba yin no/ /bya rnams kyang dngul gyi bya yin te/ de ltar lha lus dkar po dang ldan pa de dag thams cad tshal de'i nang du zhugs pa ji ltar 'o ma'i nang na zla ba'i gzugs brnyan snang ba de ltar mdzes pa yin no/ /tshal de na lha rnams yun ring du dga' bar byed/ dga' dgur spyod par byed cing lha'i dpe med pa 'dod pa'i bde ba yan lag lnga dang ldan pas bde ba myong bar byed do/ /de dag der yang dga' bar byas</font><hr>64.98a<br><font size=+1>

nas lus sna tshogs ga la ba der 'dong bar byed do/ /tshal de yang shing ljon pa sna tshogs kyis mdzes par byas shing gser gyi shing ljon pa rnams kyis kyang mdzes par byas pa yin te/ /de bzhin du dngul gyi shing ljon pa rnams dang / de bzhin du bai dUr+ya'i shing ljon pa rnams dang / de bzhin du lo ma sna tshogs rnams kyis mdzes par byas pa yin no/ /shing de rnams kyang kha dog sna tshogs kyi lo ma dang / mdog sna tshogs kyis mdzes pa yin la/ tshal de'i nang na lha de rnams de dag nyid kyis lus rnams rgyan sna tshogs kyis brgyan par gyur to/ /tshal de na yang lha de rnams yun ring du dga' bar byed/ dga' dgur spyod par byed de/ lha mo'i tshogs kyi nang na 'khod pa rnams de dag gis glu dbyangs nye bar len cing de na yang de rnams yun ring du rtses nas kun du mthong ba'i gser gyi ri ga la ba der 'dong bar byed do/ /de yang rin po che sna bdun gyis brgyan pa yin te/ lha de dag gis ri kun mthong chu bo dang / 'bab chu dang / lteng ka mang pos brgyan pa/ tshal dang / nags tshal dang ldan pa/ pad ma'i rdzing du mas 'khor ba/ bya'i tshogs mang po'i sgra 'byin pa'i ri bo de la 'dzegs nas ri'i rgyal po ri rab drug khris bskor ba de rnams kyi dbus na ri'i rgyal po ri rab 'dug pa de dag thams cad mthong ngo / /de nas lha lus dkar po rnams kun nas mthong ba'i ri bo de la lha mo dang lhan cig yun ring du rtse bar byed/ dga' dgur spyod par byed do/ /de nas yang de rnams de las babs nas ri bo phyogs gtsang ma zhes bya ba ga la ba der 'dzeg par byed de/ ri bo de la yang gnas gzhan dag nas skyes pa'i lha rnams dga' ba'i mthus ri bo de la 'ongs nas dga' bar byed do/ /lha gzhan de rnams dang lha lus dkar po de rnams dang yang phan tshun lhan cig sil snyan yan lag lnga dang ldan pas dga'</font><hr>64.98b<br><font size=+1>

bar byed cing dga' dgur spyod par byed do/ /de nas lha yul gyi phyogs cha dga' ba de rnams su lha de dag yun ring du dga' bar byas nas/ mar zad nas mar me 'chi bar 'gyur zhing nyin par gyi mtha' zad na nyi ma nub par 'gyur ba de ltar lha de rnams legs par byas pa'i las zad nas mar me ltar lha'i 'jig rten de nas 'chi bar 'gyur te/ shi nas kyang las nye bar 'gro ba ji lta ba bzhin sems can dmyal ba dang / yi dgas dang / dud 'gro'i nang du skye bar 'gyur ro/ /gal te mi rnams dang skal ba mnyam par mi'i nang du skyes na/ de las de dang rgyu 'thun par pad ma'i rtsa lag lta bur mdog dkar sham bzang por 'gyur zhing stod phyogs sam rgya yul la sogs par skye bar 'gyur la/ rtag tu bde ba dang ldan pa dang / mi'i gtso bo chen po'i yid gcugs par 'gyur ba mthong ngo / /de nas yang dge slong las kyi 'bras bu rnam par smin pa shes pa de lha pi bang can gsum pa rnams kyi gnas su rtog par byed de/ des thos pa las byung ba'i shes pas brtags na/ lha'i 'jig rten na lha phan tshun dga' ba zhes bya ba ji ltar 'dug pa mthong ngo / /gnas der sems can dag las gang gis skye bar 'gyur snyam nas des thos pa las byung ba'i shes pas brtags na/ sems can dge ba phan tshun grogs su gyur pa/ sems pa dang tshul khrims dang ldan pa/ gol la'i dge 'dun gyi gtso bor gyur pa gang dag gis sbyin pa byin/ tshul khrims bsrungs na de dag thams cad rgyu de dang rkyen de las lus dang bral nas bde 'gro mtho ris kyi 'jig rten phan tshun dga' ba'i lha rnams kyi nang du skye bar 'gyur ro/ /der skyes nas kyang phan tshun bde ba skyed cing sems 'thun par bskyed pa de rnams bsod nams kyi tshogs smin par 'gyur ro/ /de na lha'i pad ma'i rdzing na gnas shing kha zas la dga' ba de yul nyams dga' zhing bde ba dag myong bar byed de/ sil snyan yan lag lnga dang ldan pas yid rab tu dga'</font><hr>64.99a<br><font size=+1>

ba dag dgod par byed/ dga' bar byed/ rtse bar byed/ dga' dgur spyod par byed la/ lha mo'i tshogs gzugs dang cha byad sna tshogs dang ldan pa rnams kyis yongs su bskor nas gser dang rin po che sna tshogs kyi sa gzhi dang / ri de rnams la dga' bar byed do/ /de ltar rang gi las kyi 'bras bu la spyod cing dga' ba de rnams su chu bo'i 'gram bai dUr+ya dang / nor bu'i lan kan bres pa dang / gser gyi rnam pa'i bya ngang pa dang / ngur pa rnams kyis mdzes par byas pa/ 'gram na shing ljon pa skyes pa rnams kyi sdug gur brgyan pa'i sman ljong dag na lha mo'i tshogs kyis yongs su bskor ba rnams dga' bar byed do/ /der de dag dga' bar byas nas mu tig 'bab par byed pa zhes bya ba'i chu bo ga la ba der 'dong bar byed do/ /chu bo de dag na chu gang yin pa de dag ni chang ro rnam pa du ma dang ldan pa rnyog pa med pa 'bab bo/ /bye ma gang yin pa de dag ni mu tig yin la/ 'dam rdzab gang yin pa de dag ni gser yin te/ chu bo de nor bu kha dog bzang po du mas brgyan pa nya rnams kyis shin du mdzes pa yin no/ /de'i ngos gnyi ga na gser gyi shing ljon pa rnams la mdab ma ni bai dUr+ya/ bai dUr+ya'i shing ljon pa rnams la gser gyi 'dab ma yod de/ 'dab ma yod pa de dag thams cad la dus tshigs thams cad kyi 'bras bu dang me tog bzang dgus khebs pa yin no/ /bya'i tshogs rtag par rab tu dga' ba rnams kyis kun du gang la thos na yid 'phrog pa'i sgra 'byin pa yin te/ bya'i tshogs mthong na dga' ba rnam pa de lta bu dag dang / rtag tu kun nas dga' ba'i lha de rnams dang / lhan cig byed pa lta bur dus thams cad du dga' bar byed do/ /der de rnams kyis yang dag par dga' bar byas nas phyogs gzhan snyan pa spyod pa zhes bya ba ga la ba der 'dong bar byed do/ /phyogs de na lcug mas g.yogs pa'i khyim yod de/ rin po che mar rgad kyi dum bu ring po skyon med phye ba</font><hr>64.99b<br><font size=+1>

phyogs kyi rim pa mtho dma' dang ldan zhing pad ma'i tshal gyis brgyan pa/ sa phyogs shin du rnam par phye ba rin po che sna tshogs kyi bya rnams kyis mdzes par byas pa/ la la dag na yang gser gyi sa gzhi'i phyogs nyams dga' bar bai dUr+ya'i lcug ma'i dra bas gtibs pa/ bung ba dang me tog gis kun du gang ba/ lha dang lha mo'i tshogs rtag tu dga' ya ya ste/ rab tu dga' ba rnams kyis kun du gang ba/ legs par byas pa'i las la spyod pa'i lha de rnams kun du dga' bar byed do/ /de nas kyang phyogs gzhan zhig na/ chu dang lteng ka dang / tshal dang / 'bab stegs mang po yod par 'dong bar byed do/ /'bab stegs dang / tshal de dag na chu na rgyu ba'i bya mdog bzang po gang yin pa de rnams kyis nam mkha'i phyogs de dag thams cad bar mtshams med par kun du bkang nas sgra 'byin to/ /chang chu bo ltar 'bab pa rnyog pa med pa rnam pa du ma dag 'bab ste/ gsar gyi rdo las dba' rlabs kyi sgra 'byung zhing dbu ba 'khrugs pa'i sgra khrol la 'byung la/ bya rab tu dga' ba'i sgra 'byin pa long long po rnams dang chu bo de rnams kyi ngos gnyi ga na 'khod pa'i lha mo'i tshogs kyis yongs su bskor ba rnams dang dga' bar byed rtse bar byed do/ /lag na gser gyi pad ma thogs pa rnams phan tshun rdeg pa na de ltar phan tshun yid gcugs pa lhan cig rtse ba de rnams kyis dus ring du 'das so// //'phags pa dam pa'i chos dran pa nye bar gzhag pa/ bam po nyer dgu pa/ phyogs de nas kyang myos byed tshal zhes bya ba der lha thams cad rtse ba'i grogs dang lhan cig 'dong bar byed do/ /tshal de na sems kyi rnam pa thams cad myos byed kyis mun par gyur te/ bya de dag ni 'bras bu'i ro rnams kyis myos/ bai dUr+ya'i bung ba dag ni me tog gi ro rnams kyis myos/ khu byug dag ni dpyid mthong nas myos/ 'gram na rgyu</font><hr>64.100a<br><font size=+1>

ba'i bya dag ni chang gi ro rnams kyis myos/ de bzhin du lha rnams ni lha'i 'dod pa'i yon tan lnga rnams gyis myos/ de bzhin du lha mo rnams kyang lha'i tshogs dang lhan cig 'dod pa'i ros myos te/ de ltar 'dod pa'i ros myos pa'i bud med rnams ni gzhan gyis myos par mi 'gyur gyi/ 'di ltar bud med thams cad ni 'dod pa lhur len pa yin la/ de la sems zhugs/ de la gzhol/ de la gnas/ de'i rang bzhin yin no/ /lha de dag kyang myos byed mthong nas brgya 'gyur du myos pa rnams de na dga' bar byed do/ /de ltar lha de rnams ji srid du 'dod pa sdug pa yid du 'ong ba'i las zad par ma gyur pa de srid du de na dga' bar byed do/ /de las de zad nas lha'i ris de nas kyang 'chi bar 'gyur te/ shi nas kyang las nye bar 'gro ba ji lta ba bzhin sems can dmyal ba dang / yi dgas dang / dud 'gro'i nang du 'khor bar 'gyur ro/ /gal te mi rnams dang skal ba mnyam par mi'i nang du skyes na/ bsod nams gcig pa de dag thams cad yul dang ljongs dang grong khyer gcig tu skye bar 'gyur zhing thams cad 'byor pa phun sum tshogs pa dang / thams cad rigs che zhing btsun par skye ba dang / thams cad phan tshun dga' zhing bya ba gcig pa dang / dge ba'i nang du skye bar 'gyur ba mthong ste de dag rgyu 'thun par dge ba 'am mi dge ba gang yin pa de dag thams cad kun la 'byung gi so so la ni ma yin no/ /de nas yang dge slong las kyi 'bras bu rnam par smin pa shes pa de/ lha pi bang can gsum pa'i gnas la rtog par byed de/ des thos pa las byung ba'i shes pas/ lha pi bang can gsum pa rnams kyi gnas yang dag chags spyod ces bya ba ji ltar 'dug pa mthong ngo / /der sems can dag las gang gis skye bar 'gyur snyam nas/ des thos pa las byung ba'i shes rab kyis brtags na/ zhal ta pa tshul khrims dang ldan par gyur pa</font><hr>64.100b<br><font size=+1>

gang gis khyim pa gzhan dag dga' bar byas/ gzeng bstod mgu bar byas/ dad par byas nas sems yongs su bsgoms pa de/ zhing yon tan dang ldan pa la sbyin pa sbyin du bcug cing tshul khrims kyang srung du bcug na/ de lus dang bral nas bde 'gro mtho ris kyi 'jig rten yang dag chags spyod kyi lha rnams kyi nang du skye bar 'gyur ro/ /der skyes nas kyang rang gi mthu 'di lta bu 'byung bar 'gyur te/ las gang gis bdag cag 'dir skyes zhig gu snyam nas/ de dag mir skyes pa yang dag par dran no/ /'di ni mi'i 'jig rten na bdag gi dge ba'i bshes gnyen du gyur pa yin te/ 'di'i sbyin bdag ni bdag yin no/ /rgyu de dang rkyen de dang gzhi des de dang bdag bsod nams 'thun par gyur nas/ 'dir 'ongs pa lta zhig gu snyam mo/ /de bzhin du dge ba'i bshes gnyen nyan thos de yang skye ba dran te/ 'di ltar 'di ni bdag gi sems dang bas sbyin pa sbyin du bcug pa yin te/ rgyu de dang rkyen de dang gzhi des de nas bdag lha'i 'jig rten 'dir sems dang ldan par skyes pa lta snyam nas/ de ltar yang dag chags spyod kyi lha rnams kyi gnas su skyes so/ /de nas gzhan du gyur te/ pad ma'i tshogs lta bu'i lha mo mang po byad gzugs dang mdog dang lang tsho dang sdug pa so so du mas brgyan pa mthong ngo / /lha mo de dag mthong nas lha de rnams kyis mthong ma thag tu ji ltar tshe rabs snga ma la byas pa shin du phra mo yang mi dran zhing yul la sems rnam par chags pa/ bag med pa'i gnas su skyes pa/ yul gyi bde bas sems phrogs pa de ltar 'dod pa rnams kyis 'phangs pa'i yid skye bar byed do/ /de nas yang dag chags spyod kyi lha rnams kyis/ lha mo'i tshogs 'bum phrag du ma byad gzugs dpe med pa dang ldan pa de dag mthong nas/ thog ma med pa'i dus nas zhugs pa'i 'dod chags kyi mes yid rab tu bsregs pa ni/ ji ltar mes bud shing skam po yun ring</font><hr>64.101a<br><font size=+1>

du sreg par byed pa de ltar lha de rnams kyi yid de dag rab tu sreg par byed do/ /lha mo de dag ga la ba der 'gro bar byed la lha mo rtag tu 'dod pa la don gcig tu byed pa yang kha rlangs dri zhim pos nam mkha' 'gengs shing lha'i cha byad du ma thogs la lag na pad ma khyer te/ lha ga la ba der 'dong bar byed do/ /de nas lha de rnams dang lha mo de rnams lha'i 'dod pa bde ba rnam pa du ma de dag myong bar byed do/ /de nas bag med pa de lta bur rig nas dge slong de 'khor ba'i sdug bsngal nyam nga ba du ma las yid byung nas 'di ltar tshigs su bcad de smras pa/ nyin mo gsar du byung ba yis/ /rnying pa med par byed pa ltar/ /bde dang sdug bsngal sar pa yis/ /rnying pa nye bar rjod par byed/ /de ltar lha yi 'jig rten du/ /bde ba 'dzin pa'i skye bo dag /'tsho ba'i mtha' ni 'chi ba dang / /ji ste 'bral ba'i mtha' mi rig /ji ltar shing dang sbrang rtsir sres/ /ji ltar dug dang zas bsres pa/ /de ltar bde ba 'di kun gyi/ /mtha' mi bde ba ma rig go/ /lha yul du ni lhag par yang / /yul rnams lta la ga la ngoms/ /sred pas ngoms pa med pa de/ /khyad par du yang ga la bde/ /shin du bde ba'i stobs las ni/ /lha yul rnams su ye nas sred/ /sred mes yongs su gdung rnams kyi/ /bde ba nye bar ma dmigs so/ /gcig tu bde spyod sred bral zhing / /nga med re ba med pa dang / /mya ngan 'das grong 'gro ba ni/ /bde gang yin pa de 'thob bo/ /gang dag sred pa'i bag la nyal/ /yod ye sems la mi 'jog pa/ /de dag thog mtha'i dri ma bral/ /bde ba'i nang na 'ang de bde'o/ /sems ni shin du bsdus pa dang / /thams cad du ni re med dang / /bya dang mi bya ma rmongs pa/ bde ba rtag tu nye bar gnas/ /gang gis 'khor ba'i rgyur gyur pa/ /dga' bcas 'byung ba bcom pa dag /brtan po gtso de pha rol 'gro/ /bde ldan mya ngan 'das la gnas/ /gang zhig 'dod chags zhe sdang ldan/ /sred bcas de la bde ba med/ /gang zhig</font><hr>64.101b<br><font size=+1>

'dod chags me las grol/ /de ni dri med bde bar 'dod/ /de ltar dge slong des bag med pa la gnas pa'i lha de rnams nyin gcig bzhin du sred pa'i me rab tu 'phel bar byed pa'i bag med pa rnams mthong nas snying rje bar byed do/ /de nas lha de rnams kyang lha mo'i tshogs dang lhan cig tu tshal du bas 'khrigs pa zhes bya ba ga la ba der lha mo'i tshogs g.yer ba rol mo dang / glu dbyangs dang gad mo sna tshogs 'don pas yongs su bskor ba bde bar gnas pa rnams bskyed mos tshal du dga' spyod byed du dong ste/ kha cig ni lha mo'i tshogs kyis yongs su bskor nas nam mkha' la bya bzhin du 'gro/ kha cig ni gzhal med khang bya ngang pas bteg pa rnams kyis 'gro/ kha cig ni grogs dang ldan pa'i gzhal med khang rnams kyis 'gro/ kha cig ni lha mo'i tshogs de dag nyid kyis bskor nas rkang pas 'gro ste/ bde bar gnas pa de rnams glu dbyangs len zhing lus ngal ba med pa de thams cad tshal du bas 'khrigs pa zhes bya ba ga la ba der 'dong bar byed do/ /de nas tshal de na lha gzhan sngar 'ongs pa gang yin pa de rnams kyis lha gzhan de dag mthong nas de nas yang rab tu dga' ste/ yid shin du mgu bar gyur to/ /de nas lha gsar du 'ongs pa rnams dang / lha rnying pa rnams phan tshun 'dres nas ca co dang rol mo'i sgra skyes te/ rab tu dga' zhing nyams dga' ba skyes so/ /du bas 'khrigs pa'i tshal de kun sgra rnam pa du mas kun du gang ste/ 'di lta ste/ gling bu'i sgra dang / pi bang gi sgra dang / rdza rnga'i sgra dang / khar rnga'i sgra dang / lha mo rgyan gyis brgyan pa'i sgra dang / de bzhin du de na glu dbyangs dang dgod pa'i sgra dang / chu bo dang / mtsho dang / chu mang po rnam pa sna tshogs 'bab pa'i sgra dang / rin po che'i bya kha dog dang / dbyibs rnam pa sna tshogs su 'dug pa'i sgra dang / lha rnams kyi glu dbyangs kyi sgra thos na snyan pa dag ste/ de ltar tshal de sgra snyan pa</font><hr>64.102a<br><font size=+1>

kun gyis gang ba yin no/ /tshal de na lha'i sman dang / bya dang / klung dang / lteng ka dang / me tog dang / 'bras bu phun sum tshogs pa dang / lha'i 'dod pa'i yon tan lnga 'byor pa dag gis lha rnams bskyed mos tshal gyi dga' spyod byas nas bde ba nyams su myong ngo / /de rnams tshal de nas byung nas yang lhun po so sor snang ba zhes bya ba'i ri'i rtse mo ga la ba der lha mo'i tshogs kyis yongs su bskor nas 'dong bar byed de/ lha de rnams der 'dong ba na so sor snang ba'i ri'i rtse mo der lhags so/ /lha'i pad ma'i rdzing dang lteng ka dang nye ba'i tshal phun sum tshogs pa dang ldan pa'i ri'i rtse mo de na rgyal po chen po 'phags skyes po lha mo'i tshogs kyis yongs su bskor ba gnas te/ 'jig rten thams cad kyi don sgrub cing mi'i 'jig rten na chos dang chos kyis bskyed pa'i mi chos dang ldan pa ni ji tsam zhig yod/ chos dang mi ldan pa ni ji tsam zhig yod/ 'jig rten la phan par sgrub pa ni ji tsam zhig yod/ phan par mi sgrub pa ni ji tsam zhig yod/ dam pa'i chos kyi mthu che 'am chos ma yin pa mthu che/ bdud kyi phyogs lha ma yin brtan pa dang / klu rab 'jom la sogs pa mthu che 'am mi che zhes rtog par byed de/ de ltar skye dgu rnams skyong ba de ri kun snang de la gnas so/ /ri'i rtse mo de dang ha cang mi nye ba ri rab kyi ngos la nyi ma 'khor bar byed de/ de'i 'od la rgyal po chen po 'phags skyes po de chos dang ldan pa'i chos kyi bye brag gis mi'i 'jig rten tu nyi ma'i 'od ji ltar gtong zhig gu zhes dpyod par byed do/ /nyi ma 'khor ba'i gzhi la mkhas pa de nyi ma la rtog par byed de/ gal te chos dang ldan pa'i mi chos rjes su skyong ba byung ba de'i tshe/ de bzhin du nyi ma chos kyis yongs su rgyas pa yin te/ de ltar mdog gsal ba nyid dang / dus dang 'thun par lhan ner 'char la/ de las mi rnams kyi lus la ni nad mi 'byung zhing 'bru rnams la yang</font><hr>64.102b<br><font size=+1>

nad mi 'byung ngo / /gal te chos dang mi ldan pa'i chos kyi rjes su 'jug pa byung na/ de'i tshe nyi ma'i 'od chos ma yin pa dang 'thun par lhan ner mi 'char te/ de las chos ma yin pa'i mthu des 'bru rnams mi skye zhing nyams par 'gyur ro/ /de ltar 'di dag thams cad ni chos dang chos ma yin pa byas pa'i dbang gi 'bras bu yin te/ rgyu med pa las ni ma byung ngo / /ri de yang nyi ma'i 'od dang 'thun pas so sor snang ba zhes ming du btags te/ rgyal po chen po 'phags skyes po de la gnas nas 'jig rten la rtog par byed do/ /yang dag chags spyod kyi lha de rnams so sor snang ba'i ri'i rtse mor dong nas yid rab tu dga' la gsal ba de mthong nas kyang brgya gyur du yid rab tu dga' ba skyes so/ /'phags skyes pos 'jig rten de dag mngon par brtags shing rang gis byas pa'i las des lha dang lha mo de dag thams cad kun nas brgya gyur du gzi brjid 'bar bar mthong ba dang / 'jig rten skyong ba 'phags skyes po de yid rab tu dga' nas 'di ltar tshigs su bcad de smras pa/ rgyu gsum rnam gsum las byung ba/ /legs byas rnam gsum byas pas na/ /'bras bu che gsum yon tan gsum/ /gsum gnas sa ni gsum du gnas/ /khyed rnams chos la mchog tu gzhol/ /'tshe ba med pa'i sbyin mchog dang / /bden dang bzod dang dul dang ldan/ /thams cad mtho ris gnas su lhags/ /lha yi gnas na lha gang dag /lha yi rgyan dang lha yi phreng / /phun sum tshogs pas brgyan pa rnams/ /dga' bar byed pa 'di dag dge/ /bag med dga' ba'i skye bo gang / /dge ba spyod par mi byed pa/ /chos la rnam par rmongs pa de/ /mtho ris dag tu ga la skye/ /legs par byas pas mi dag 'dir/ /lus can rnams ni skyes gyur te/ /las kyi rnam smin de yis na/ /lha yi yul du de dag skyes/ /gang zhig bdag nyid dga' 'gyur zhing / /gang zhig blo gros bder</font><hr>64.103a<br><font size=+1>

gnas pa/ /lha yi yul du skye 'gyur ba/ /de ni bsod nams chen po byed/ /chung dang 'bring dang bder gnas pa/ /lha rnams kyi ni bde chen gang / /'di ni chung dang 'bring dang che'i/ /bsod nams kyi ni 'bras bur mngon/ /lus can gang gis ji tsam du/ /bsod nams kyi ni rnam pa byas/ /rnam pa de tsam de bde ba/ /lha yi 'jig rten rnams su smin/ /de ltar 'phags skyes po des lha de dag mthong ste/ tshigs su bcad pa smras nas de dag nyid dang lhan cig 'thun par byed de/ ri dang nags tshal dang / lteng ka dang / tshal dang / lha'i me tog dang / 'bras bur ldan pa'i sa phyogs dang / bya sna tshogs sgra 'byin pa dang / kun nas lha dang lha mo'i tshogs kyis gang ba dang / ri mthong na nyams dga' ba dang / dbang po drug bde bar byed pa rnams su/ dbang po drug don la chags pa bag med par gnas pa'i lha de rnams sil snyan yan lag lnga dang ldan pas kha mngon par dga' bar byed cing / pad ma'i tshal dang skyed mos tshal dang / chang chu ltar 'bab pa dang / bai dUr+ya'i tshal dang / lteng ka dang / chu mig gis brgyan pa phan tshun grogs su gyur pa rnams/ ji srid du 'dod pa sdug pa yid du 'ong ba legs par byas pa'i las zad par ma gyur pa de srid du dga' bar byed do/ /de zad nas de nas yang lha'i ris de nas 'chi bar 'gyur te/ shi nas kyang las nye bar 'gro ba ji lta ba bzhin sems can dmyal ba dang / yi dgas dang / dud 'gro'i nang du skye bar 'gyur ro/ /gal te lan grangs gzhan la myong bar 'gyur ba'i las kyis mi rnams dang skal ba mnyam par mi'i nang du skyes na/ de las de dang rgyu 'thun par mang du smra ba nor mang ba ded dpon chen por 'gyur ba mthong ngo / /de nas yang dge slong las kyi 'bras bu rnam par smin pa shes pa de/ lha pi bang can gsum pa rnams kyi gnas la rtog par byed de/ des thos pa las byung ba'i shes pas/ de dag gi gnas 'khor dang spyod pa zhes bya ba</font><hr>64.103b<br><font size=+1>

ji ltar 'dug pa mthong ngo / /der sems can dag las gang gis skye bar 'gyur snyam nas/ des thos pa las byung ba'i shes pas brtags na/ tshul khrims dang ldan par gyur cing / sems kyi rgyud sems pas bsgoms pa gang gis sbyin pa sbyin/ tshul khrims bsrungs/ chos mnyan par byas pa'i sbyin bdag de la lag nas sbyin pa po grogs su gyur pa gzhan zhig /des snying brlan cing dge ba'i sems dang ldan pa/ dad pas sems rlan pa/ 'di ltar yang sems la rtog par byed de/ sbyin bdag 'di ni bsod nams dang ldan pa zhig go/ /da bdag la yang rdzas kyi rnam pa de snyed yod na/ de ltar bdag gis kyang gzhan dag la sbyin par bya'o snyam sems na sbyin pa la sems dang ba des lus dang bral nas bde 'gro mtho ris kyi 'jig rten 'khor dang spyod pa'i lha rnams kyi nang du skye bar 'gyur ro/ /der skyes nas kyang yul du mas snying rab tu myos pa rnams rtag tu ldan par gyur te/ sil snyan sna tshogs sgra 'byin pa'i nye ba'i tshal dang / bai dUr+ya dang / nor bu'i lan kan bres pa'i rdzing rnams na gser gyi pad mas khebs pa dang / bya'i tshogs kyi rnam pa sgra 'byin pa'i tshal dang / nye ba'i tshal de rnams na/ bya myos pa sgra 'byin pa nyams dga' bar byed pa dag na dga' bar byed la/ /kha cig ni shing ljon pa tshang tshing dag gi nang na khu byug dang / rma bya sgra snyan pa chags su rung ba 'byin pa rnams na lha mo dag dang lhan cig dga' bar byed do/ /kha cig ni pad ma'i tshal sdong bu ni bai dUr+ya/ mdab ma ni gser/ ze ba rdo rjer 'dug pa rnams kyi nang na dga' bar byed do/ /kha cig ni rgun chang gi tshal rnams na 'bras bu nye phan gyis myos pa'i lha mo yul la rnam par chags pa rnams dang lhan cig rgun chang 'thung bar byed do/ /kha cig ni ri'i zom bai dUr+ya'i rdos gcal bkram pas rnam par phye ba'i sa phyogs rnams na dga' bar byed do/ /kha cig ni ri'i zom mu men gyis gtams pa'i chu gtsang ma</font><hr>64.104a<br><font size=+1>

dri ma med pa 'bab pa'i chu bo rnams kyi nang na sdug pa dag dang lhan cig dga' bar byed do/ /kha cig ni 'bab stegs dang sa gzhi mu tig gi bye ma bdal ba dag na chu bsil la dang zhing gtsang ste dri ma med pa rnams kyi nang na dga' bar byed do/ /kha cig ni rin po che sna bdun gyis brgyan pa'i yang thog nam mkha' la thug pa rnams kyi nang na dga' bar byed do/ /kha cig ni lha mo'i tshogs kyis yongs su bskor nas/ sil snyan yan lag lnga dang ldan pas dga' bar byed do/ /kha cig ni dpag bsam gyi shing ljon pa la dril bu g.yer ka'i sgra drag tu 'khrol bas mdzes pa rnams kyi nang na dga' bar byed do/ /kha cig ni dus tshigs drug gi tshal shing ljon pa dag dang nye ba/ rtag tu dga' ya yar gyur pa rnams kyi nang na snying du sdug cing 'dod pa rnams dang lhan cig dga' bar byed do/ /kha cig sa phyogs gser btso mas brgyan pa dang / ri bo'i zom gyi steng du 'dzegs nas sa phyogs kyi chu bo rnams la yang lta bar byed de/ de ltar rang gi las kyis sprul pa lha'i bde ba dpe med pa rnam pa sna tshogs myong ngo / /de ltar sred pa la rnam par chags pa'i lha rnams kyi mig gzugs dang kha dog 'dod pa yid du 'ong ba rnam pa du ma dag gis chog mi shes so/ /rna ba yang yul bde ba sgra snyan pa gsal ba yid du 'ong ba rnam pa du ma dag gis chog mi shes so/ /sna yang yul bde ba dri zhim pa bsung che ba yid du 'ong ba rnam pa du ma dag gis chog mi shes so/ /lce yang yul bde ba ro zhim pa bro che ba yid du 'ong ba rnam pa du ma dag gis chog mi shes so/ /lus kyang yul bde ba reg bya 'dod pa 'jam pa yid du 'ong ba rnam pa du ma dag gis chog mi shes so/ /yid kyang yul rnyog pa med pa 'dod pa sdug pa yid du 'ong ba rnam pa du ma dag gis chog mi shes te/ de ltar dbang po drug yul la chags pa'i lha rnams chog mi shes pa yin no/ /ji ltar yul rnams kyis sred pa spel ba de ltar 'phel bar 'gyur te/ me 'bar ba bzhin la de yang yul gyi bde ba ji</font><hr>64.104b<br><font size=+1>

ltar dmigs pa de ltar rnam pa du mar 'phel bar 'gyur ro/ /sred pa des bsgribs pa'i lha chog mi shes par gyur pa rnams shin du bde ba'i mtha' dmigs su med de/ de ltar ji srid du 'dod pa sdug pa yid du 'ong ba legs par byas pa'i las de zad par ma gyur pa de srid du/ lha'i bde ba dpe med pa rnam pa du ma myong ngo / /de phyis lha'i 'jig rten de nas 'chi bar 'gyur te/ shi nas kyang rang gis byas pa'i las kyis sems can dmyal ba dang / yi dgas dang / dud 'gro'i nang du skye bar 'gyur ro/ /gal te mi rnams dang skal ba mnyam par mi'i nang du skyes na/ de las de dang rgyu 'thun par tshogs gcig tu spyod pa rgya mtsho'i tshong pa 'am/ tshong rdal du gnas pa 'am/ ri bo'i bar na gnas par 'gyur la gnyen che ba dang 'brel ba dang rang dgar gnas pa dang / rgyal po la rag las par mi 'gyur ba dang / shin du 'byor pa dang / rang dbang du 'gyur ba mthong ngo / /de nas dge slong las kyi 'bras bu rnam par smin pa shes pa de/ lha pi bang can gsum pa'i gnas la rtog par byed de/ des thos pa las byung ba'i shes pas lha de rnams kyi gnas dkyil mo dkrung gi steng du skyes shes bya ba ji ltar 'dug pa mthong ngo / /der sems can dag las gang gis skye bar 'gyur snyam nas des thos pa las byung ba'i shes pas brtags na/ snying rje dam pa dang ldan pa gang gis sems can chus khyer ba 'am/ lo nyes byung nas ltogs te srog chad la thug pa la byams pas brlan pa'i yid kyis bu bzhin skyong bar byed cing dgos pa med kyang sems pas bsgoms pa'i snying kho nas yang dag par bskyabs na/ de lus dang bral nas bde 'gro mtho ris kyi 'jig rten dkyil mo dkrung du gnas pa'i lha rnams kyi nang du rdzus te skye bar 'gyur ro/ /de na lha dang lha mo gnas la/ lha gzhan yang phyogs gzhan na lhan cig nye bar gnas te/ lha'i bu de lha'i dkyil mo dkrung bcas pa'i steng du skyes so/ /de la lha de bu'i blo skye la lha mo de yang de bzhin du</font><hr>64.105a<br><font size=+1>

bu'i blo skye'o/ /de nas lha'i bu de yang de gnyis la pha ma'i blo skye'o/ /de dag dang lha'i bu de nyid dang rtse bar byed de/ ji ltar 'dzam bu'i gling na mi shin du dga' ba rtse ba de ltar de dag kyang lha'i 'jig rten na lha dang dkyil mo dkrung gi steng na gnas pa de dang rtse bar byed do/ /'di ltar bu khyod bdag cag gi bur gyur pa ni 'bras bu dang bcas pa yin te/ khyod bdag cag gis lha'i tshal dang nye ba'i tshal dang / lteng ka thams cad du bde ba bskyed par bya'o/ /ri'i zom dang gser gyi lcug ma'i dra bas bris pa dang / mtshe'u dang 'bab chu phun sum tshogs pa dang / lcug ma'i khyim phun sum tshogs pa dang / pad ma'i rdzing rnams na gser gyi pad mas khebs shing bung bas mdzes pa dang / chu ba dang ldan pa dang / chang chu bo ltar 'bab pa dang / rgun chang ro zhim po sna tshogs kyi rgyags pa skyed par byed pa'i mtho ris thams cad du khyod dang lhan cig dga' bar bya ste/ der khyod dang bdag cag lhan cig dga' bar bya'o/ /de nas lha'i bu des pha ma de gnyis la 'di skad ces smras so/ /bdag la yab yum gyis rnam pa 'di lta bu stsal ba gang lags pa de ni bdag bde 'gror skyes pa 'bras bu mchis so/ /bdag kyang yab yum la gus par bgyid pa dang gus par mnyan par bgyi'o/ /de nas lha de yid rab tu dga' nas lha'i bu blangs te/ lha mo dang lhan cig 'dzam bu na da char 'bebs shes bya ba'i tshal der 'dong bar byed do/ /lha de yang lha mos bskor cing / lha'i bu de yang de dag thams cad dang 'dzam bu na da char 'bebs kyi tshal der dong ba dang / tshal de 'dzam bu na da'i shing ljon pa thams cad dang / me tog gi tshogs 'phyang ba dang / kha cig 'bras bu'i tshogs 'phyang ba rnams kyis khebs pa yin no/ /me tog gi shing ljon pa gang yin pa de dag ni shin du dri zhim pa dpag tshad lngar 'byung ba'i me tog kha dog dang dbyibs sna tshogs dag 'thor bar byed de/ 'di lta ste sngon po dang / ser po dang / ljang gu dang / dmar po dang / </font><hr>64.105b<br><font size=+1>

btsod ka dag go/ /dbyibs sna tshogs pa dag ni 'jog po ltar zlum pa dang / ring po dang / gru bzhi dang / lha'i dga' ba dang 'thun pa'i rna ba'i gong rgyan dang / gdub khor 'gran pa lta bur gyur pa mthong ngo / /de nas lha des lha'i bu de la 'di skad smras so/ /bu 'di ni 'dzam bu chu bo char 'bebs shes bya ba'i tshal yin la/ tshal 'di ni dga' dga' ltar me tog rgyas pa yin te/ shing ljon pa phan tshun rlung gi shugs kyis bskyod pa dang / lha'i tshogs thams cad la 'thor bar byed do/ /bu der khyod dang bdag cag lhan cig dga' bar byos shig /rtses shig /dga' dgur spyad par gyis shig /bu khyod kyang lha mo'i tshogs snying du sdug cing mdzes pa dang ldan pa rtag tu yid 'thad pa rnams dang dga' dgur spyod par 'gyur ro/ /de skad smras nas tshal der yang thams cad rtse ba'i don du 'jug par byed de/ tshal de na lha'i bya 'bod pa zhes bya bas lha'i bu gang yin pa de dag la 'di ltar tshigs su bcad de smras pa/ bzang po khyod ni legs par byon/ /khyod kyis legs byas byas dang ldan/ /tshul khrims rnam pa bdun bsrungs pa/ /de yi 'bras bu 'dir 'ongs so/ /tshul khrims 'bras bu bde ba ni/ /lha yi 'jig rten rnams su smin/ /sgrol bar byed pa'i tshul khrims kyis/ /'khor ba 'di las sgrol bar byed/ /tshul khrims chu ni rnam dag pas/ /sems brtan gang zhig 'khru byed pa/ /'dzam bu gser gyi me tog gis/ /lha yi yul du de 'khru'o/ /tshul khrims sa bon bskyed nas su/ /tshul khrims sna tshogs rnams la ni/ /'di ltar lha yi yul rnams kyis/ /khyod ni rtse zhing spyod par byed/ /mi gang rtag tu yid dul zhing / /tshul khrims kyis ni brgyan pa rnams/ /gang na bde ba mtha' yas pa/ /lha yi gnas su de 'gro'o/ /legs par bya ba byas pa'i mi/ /bde ba las bde mchog tu 'gro/ /tshul khrims kyis ni yongs spel rnams/ /</font><hr>64.106a<br><font size=+1>

lha yi gnas na rtse bar byed/ /tshul khrims skas la 'dzegs pa yi/ /mi rnams bde 'gror rab tu 'gro/ /shes pas yongs su spel ba rnams/ /ye shes kyis ni mkha' la gzhol/ /de bas tshul khrims rtag bsrung zhing / /sbyin shes dka' thub nor rnams kyis/ /dug dang mtshon dang me lta bu'i/ /tshul khrims 'chal pa rtag tu spongs/ /de ltar tshul khrims legs bsrungs pa/ /mi ni bzang 'gror khrid par byed/ /bde gnas thob par bya ba la/ /tshul khrims lta bu gang yang med/ /de ltar bya 'bod pa po de rnams kyis lha'i bu de'i sems la gzung du rung ba'i tshigs su bcad pa rnams kyis mngon par dga' bar byas shing rjes su dga' bar byas pa dang / lha'i bu des bya'i sgra dbyangs de dag yid la bzung nas rjes su dga' bar byed do/ /de rjes su dga' bar byas nas/ de nas yang pha de dang lhan cig tshal der 'jug par byed do/ /de nas dpag bsam gyi shing ljon pa rnams kyis mdzes par byas pa'i tshal de nyi ma ltar gsal zhing rnam par mdzes pa 'bum phrag du ma'i tshogs dang ldan pa de na 'bab chu dang lteng kas brgyan pa/ bai dUr+ya dang dngul gyi shing ljon pa rnams kyis kyang nye bar mdzes par byas pa nyams dga' ba rnam pa du ma de dag mthong nas lha'i bu skyes nas yun ring du ma lon pa de shin du dga' ba dpe med pa thob bo/ /de nas de'i bar skabs su tshal de na rnam par rgyu ba na lha mo khyim thab shi ste yun ring du ma lon pa gzhan dag gis mthong ngo / /de nas lha mo'i tshogs de dag gis lha'i bu gsar du byung ba 'di la chung ma med par yang rig /de byad gzugs dang ldan par mthong nas/ rgod par byed/ rtse bar byed/ sgeg par byed/ bro gar byed cing rol mo'i sgra dang / sil snyan dang bcas pa thams cad lha'i bu de'i drung du rgyug par byed do/ /lha'i bu yang pha ma dag bor 'dod pas bsgribs pa'i yid kyis lha mo de dag ga la 'khod pa der rgyug par byed</font><hr>64.106b<br><font size=+1>

do/ /de nas de dag phan tshun mthong nas/ lha de dag lha mo de dag dga' ba skyes shing bde ba dpe med pa nye bar skyes so/ /phan tshun dga' ba skyes pa de rnams kyang sil snyan yan lag lnga dang ldan pas ji ltar bde ba sna tshogs la gnas pa'i lha gzhan dag dga' bar byed pa de ltar dga' bar byed de/ ri dang nags tshal dang / lteng ka dang gser dang / dngul dang / spug dang / gser btso ma'i ri'i zom dang / mu tig gi bye ma bdal ba dang / dngul gyi rdo dang / lha'i pad ma'i rdzing khebs pa dang / bya sna tshogs sgra snyan pa 'byin pa dang / chu bo dang / 'bab chu dang / lteng kas brgyan pa rnams su lha mo de rnams dang lhan cig dga' bar byed do/ /lha'i bde ba dang ldan pa de ri nas ri dang skyed mos tshal nas bskyed mos tshal du 'gro bar byed do/ /de ltar ngo mtshar gyi sems bsgribs pa de lha'i 'jig rten rmad du byung ba mthong nas/ ji srid du 'dod pa sdug pa yid du 'ong ba byas shing bsags pa'i las de zad par ma gyur pa de srid du de dag dang lhan cig dga' bar byed do/ /de nas de'i tshe zad pa dang / lha'i 'jig rten de nas 'chi bar 'gyur te/ shi nas kyang las nye bar 'gro ba ji lta ba bzhin sems can dmyal ba dang / yi dgas dang / dud 'gro'i nang du skye bar 'gyur ro/ /gal te mi rnams dang skal ba mnyam par mi'i nang du skyes na/ de las de dang rgyu 'thun par rgyal po 'am blon po chen por 'gyur la/ skye bo thams cad dga' ba dang / byad gzugs bzang po dang ldan pa dang / yon tan dang ldan par 'gyur ba mthong ngo / /de nas yang dge slong las kyi 'bras bu rnam par smin pa shes pa de/ lha pi bang can gsum pa'i gnas la rtog par byed de/ des thos pa las byung ba'i shes pas brtags na/ lha pi bang can gsum pa'i gnas spyod pa dang ldan pa zhes bya ba ji ltar 'dug pa mthong ngo / /der sems can dag las gang gis</font><hr>64.107a<br><font size=+1>

skye bar 'gyur snyam nas/ des thos pa las byung ba'i shes rab kyi brtags na/ zhal ta ba tshul khrims dang ldan par gyur pa gang gis khyim pa gzhan dag dga' bar byas/ gzings bstod mgu bar byas/ dad par byas nas sems yongs su sgom pa de/ zhing yon tan dang ldan pa la sbyin pa sbyin du bcug cing tshul khrims kyang bsrung du bcug na/ de lus dang bral nas bde 'gro mtho ris kyi 'jig rten yang dag chags spyod kyi lha rnams kyi nang du skye bar 'gyur ro/ /der skyes nas kyang rang gi mthu 'di lta bu 'byung bar 'gyur te/ las gang gis bdag cag 'dir skyes zhig go snyam nas/ de dag mir skyes pa yang dag par dran no/ /'di ni mi'i 'jig rten na bdag gi dge ba'i bshes gnyen du gyur pa yin te/ 'di'i sbyin bdag ni bdag yin no/ /rgyu de dang rkyen de dang gzhi des de dang bdag bsod nams mthun par gyur nas/ 'dir 'ongs pa lta zhig go snyam mo/ /de bzhin du dge ba'i bshes gnyen nyan thos de yang skye ba dran te/ 'di ltar 'di ni bdag gi sems dang bas sbyin pa sbyin du bcug pa yin te/ rgyu de dang rkyen de dang gzhi des de nas bdag lha'i 'jig rten 'dir sems dang ldan par skyes pa lta bya snyam nas/ de ltar yang dag chags spyod kyi lha rnams kyi gnas su skyes so/ /de nas gzhan du gyur te/ pad ma'i tshogs lta bu'i lha mo mang po byad gzugs dang mdog dang lang tsho dang sdug pa sogs du mas brgyan pa mthong ngo / /lha mo de dag mthong nas lha de rnams kyi mthong ma thag tu ji ltar tshe rabs snga ma la byas pa shin tu phra mo yang mi dran zhing yul la sems chags pa/ bag med pa'i gnas su skyes pa/ yul gyi bde bas sems phrogs pa de ltar 'dod pa rnams kyis 'phangs pa'i yid skye bar byed do/ /de nas yang chags spyod kyi lha rnams kyis/ lha mo'i tshogs 'bum phrag du ma byad gzugs dpe med pa dang ldan pa de dag mthong nas/ thog ma med pa'i dus nas zhugs pa'i 'dod chags kyi mes yid rab tu bsregs pa ni/ ji ltar mes bud shing skam po yun ring du sreg par byed pa de ltar lha de rnams kyi yid de dag rab tu sreg par byed do/ /lha mo de dag ga la ba der 'dod bar byed la lha mo rtag tu 'dod pa la don cig tu byed pa yang kha rlangs dri zhim pos nam mkha' 'gengs shing lha'i cha byad du ma la lag na pad ma khyer te/ lha ga la ba der 'dong bar byed do/ /</font><hr>64.107b<br><font size=+1>

de nas lha de rnams dang lha mo de rnams lha'i 'dod pa bde ba rnam pa du ma de dag myong bar byed do/ /de nas bag med pa de lta bur rig nas dge slong de 'khor ba'i sdug bsngal nyams nga ba du ma las yid byung nas 'di ltar tshigs su bcad de smras pa/ nyin mo gsar du byung ba yis/ /rnying pa med par byed pa ltar/ /bde dang sdug bsngal sar pa yis/ /rnying pa nye bar brjod par byed/ /de ltar lha'i 'jig rten du/ /bde ba 'dzin pa'i skye bo dag /'tsho ba'i mtha' ni mchis ba dang / /ji ste 'bral ba'i mtha' mi rig /ji ltar shing dang sbrang rtsir bsres/ /ji ltar dug dang zas sres pa/ /de ltar bde ba 'di kun gyi/ /mtha' mi bde ba ma rig go/ /lha yul du ni lhag par yang / /yul rnams lta la ga la ngoms/ /sred pas ngoms pa med pa de/ /khyad par du yang ga la bde/ /shin tu bde ba'i stobs las ni/ /lha yul rnams su ye nas sred/ /sred mes yongs su gdung rnams kyi/ /bde ba nye bar ma dmigs so/ /gcig tu bde spyod sred bral zhing / /nga med re ba med pa dang / /mya ngan 'das grong 'gro ba ni/ /bde gang yin pa de thob bo/ /gang dag sred pa'i bag la nyal/ /yang ye sems la mi 'jog pa/ /de dag thog mtha' dri ma bral/ /bde ba'i nang na 'ang de bde'o/ /sems ni shin tu bsdus pa dang / /thams cad du ni re med dang / /bya dang mi bya ma rmongs pa/ bde ba rtag tu nye bar gnas/ /gang gis 'khor ba'i rgyur gyur pa/ /dga' bcas 'byung ba bcom pa dag /brtan po gtso de pha rol 'gro/ /bde ldan mya ngan 'das la gnas/ /gang zhig 'dod chags zhe sdang ldan/ /sred bcas de la bde ba med/ /gang zhig 'dod chags me las grol/ /de ni dri ma bde bar 'dod/ /de ltar dge slong des bag med pa la gnas pa'i lha de rnams nyin gcig bzhin du sred pa'i me rab tu 'phel bar byed pa'i bag med pa rnams mthong nas snying rje bar byed do/ /de nas lha de rnams kyang lha mo'i tshogs dang lhan cig tu tshal du bas 'khrigs pa zhes bya ba ga la ba der lha mo'i tshogs g.yer ba rol mo dang / glu dbyangs dang gad mo sna tshogs 'don pas yongs su bskor ba bde bar gnas pa rnams skyed mos tshal du dga' spyod byed du dong ste/ kha cig ni lha mo'i tshogs kyis yongasu bskor nas nam mkha' la bya bzhin du 'gro/ kha cig ni gzhal med khang bya</font><hr>64.108a<br><font size=+1>

ngang pas bteg pa rnams kyi 'gro/ kha cig ni grogs dang ldan pa'i gzhal med khang rnams kyis 'gro/ kha cig ni lha mo'i tshogs de dag nyid kyis bskor nas rkang pas 'gro ste/ bde bar gnas pa de rnams glu dbyangs len zhing lus ngal ba med pa de thams cad tshal du bas 'khrigs pa zhes bya ba ga la ba der 'dong bar byed do/ /de nas tshal de na lha gzhan sngar 'ongs pa gang yin pa de rnams kyis lha gzhan de dag mthong nas de nas yang rab tu dga' ste/ yid shin tu mgu bar gyur to/ /de nas lha gsar du brdos pa rnams dang / lha rnying pa rnams phan tshun 'dres nas ca co dang rol mo'i sgra skyes te/ rab tu dga' zhing nyams dga' ba skyes so/ /du bas 'khrigs pa'i tshal de kun sgra rnam pa du mas kun tu gang ste/ 'di lta ste/ gling bu'i sgra dang / pi bang gi sgra dang / rdza rnga'i sgra dang / lha mo rgyan gyis brgyan pa'i sgra dang / de bzhin du de na glu dbyangs dang dgod pa'i sgra dang / chu bo dang mtsho dang / chu bo mang po rnam pa sna tshogs 'bab pa'i sgra dang / rin po che'i bya kha dog dang / dbyibs rnam pa sna tshogs su 'dug pa'i sgra dang / lha rnams kyi glu dbyangs kyi sgra thos na snyan pa dag te/ de ltar tshal de sgra snyan pa kun gyis gang ba yin no/ /tshal de na lha'i sman dang / bya dang klung dang ljeng ka dang / me tog dang / 'bras bu phun sum tshogs pa dang / lha'i 'dod pa'i yon tan lnga 'byor pa dag gis lha rnams skyed mos tshal gyi dga' spyod byas nas bde ba nyams su myong ngo / /de rnams tshal de nas byung nas yang lhun po so sor snang ba zhes bya ba'i ri'i rtse mo ga la ba der lha mo'i tshogs kyis yongs su bskor nas 'dong bar byed de/ lha de rnams der 'dong ba na so sor snang ba'i ri'i rtse mo der lhags so/ /lha'i pad ma'i rdzing dang ljeng ka dang nye ba'i tshal phun su tshogs pa ldan pa'i ri'i rtse mo de na rgyal po chen po 'phags skyes po lha mo'i tshogs kyi yongs su bskor ba gnas te/ 'jig rten thams cad kyi don bsgrub cing mi'i 'jig rten na chos dang chos kyis skyed pa'i mi chos dang ldan pa ni ji tsam zhig yod/ chos dang mi ldan pa ni ji tsam zhig yod/ 'jig rten la phan par sgrub pa ni ji tsam zhig yod/ phan par mi sgrub pa ni ji tsam zhig yod/ dam pa'i chos kyi mthu che 'am chos ma yin pa mthu che/ bdud kyi phyogs lha ma yin brtan pa dang / klu rab 'joms la sogs pa mthu che 'am mi che zhes rtog par byed de/ de ltar skye dgu rnams skyong ba de ri kun snang de la gnas so/ /ri'i rtse mo de dang ha cang mi</font><hr>64.108b<br><font size=+1>

nye ba ri rab kyi ngos la nyi ma 'khor bar byed de/ de'i 'od la rgyal po chen po 'phags skyes po de chos dang ldan pa'i chos kyi bye brag gis mi'i 'jig rten du nyi ma'i 'od ji ltar gtong zhig gu zhes dpyod par byed do/ /nyi ma 'khor ba'i gzhi la mkhas pa de nyi ma la rtog par byed de/ gal te chos dang ldan pa'i mi chos rjes su skyong ba byung ba de'i tshe/ de bzhin du nyi ma chos kyis yongs su rgyas pa yin te/ de ltar mdog gsal ba nyid dang / dus dang mthun par lhan ner 'char la/ de las mi rnams kyi lus la ni nad mi 'byung zhing 'bru rnams la yang nad mi 'byung ngo / /gal te chos dang mi ldan pa'i chos kyi rjes su 'jug pa byung na/ de'i tshe nyi ma'i 'od chos ma yin pa mthun par lhan ner mi 'char te/ de las chos ma yin pa'i mthu des 'bru rnams mi skye zhing nyams par 'gyur ro/ /de ltar 'di dag thams cad ni chos dang chos ma yin pa byas pa'i dbang gi 'bras bu yin te/ rgyu med pa las ni ma byung ngo / /ri de yang nyi ma'i 'od dang mthun pas so sor snang ba zhes ming du btags te/ rgyal po chen po 'phags skyes po de la gnas nas 'jig rten la rtogs par byed do/ /yang dag chags spyod kyi lha de rnams so sor snang ba'i ri'i rtse mor dong nas yid rab tu dga' la gsal ba de mthong nas kyang brgya 'gyur tu yid rab tu dga' ba skyes so/ /'phags skyes pos 'jig rten de dag mngon par brtags shing rang gis byas pa'i las des lha dang lha mo de dag thams cad kun nas brgya 'gyur du gzi brjid 'bar bar mthong ba dang / de ltar 'phags skyes po des lha de dag mthong ste/ tshigs su bcad pa smras nas de dag nyid dang lhan cig mthun bar byed de/ ri dang nags tshal dang lteng ka dang cha le dang / lha'i me tog dang / 'bras bu ldan ba'i sa phyogs dang / bya sna tshogs sgra 'byin pa dang / kun nas lha dang lha mo'i tshogs kyi gang ba dang / ri mthong nam nyams dga' ba dang / dbang bo drug bde bar rnams su/ dbang po drug don la chags pa bag med bar gnas pa'i lha de rnams sil snyan yan lag lnga dang ldan pas</font><hr>64.109a<br><font size=+1>

nyim shar ba lta bu'i mdog rnams kyis brgyan pa yin no/ /gang du pad ma dang bai dUr+ya'i shing ljon pa'i 'od kun du 'byung ba rnams kyis gzhal med khang chen po de nye bar brgyan te rab tu gsal ba yin no/ /gzhal med khang chen po de 'od sngon pos rnam par mdzes shing gser gyi lo ma rnams dang 'od dmar pos kyang rnam par mdzes pa yin no/ /de nas yang gzhal med khang chen po de nyid na khyim dang nye ba'i tshal rnam pa gzhan gyis mdzes pa yin te/ khyim dang nye ba'i tshal de ni rab tu dbye ba du mas brgyan pa/ rin po che sna tshogs kyis bkra bar byas pa/ rin po che sna bdun gyi shing ljon pa rnams dang khyim dang tshal rnams kyis brgyan pa/ shin du nyams dga' zhing mthong na yid du 'thad pa gang yin pa dag mthong nas brgya byin yang ngo mtshar cher skyes so/ /de'i dbus na mtsho chen po yod de/ gser btso ma lta bu'i chu rnams kyis mdzes par byas pa/ phye ma du mas bkra bar byas pa/ bya kha dog sna tshogs can rnams kyis brgyan pa yin no/ /de nas lha de dag sil snyan sna tshogs kyi sgra 'byin cing 'gro ba na bro rdung glu len rtse rgod/ phan tshun yid gcugs pa dag mtsho rnam par rgyal byed ces bya ba der dong ngo / /de nas lha shin du bag med pa de dag rnam par rgyal byed na gnas pa'i bya rnams kyis mthong nas 'di ltar tshigs su bcad de smras pa/ ji ltar pad ma'i tshal dag tu/ /rjen za bya rgod mdzes ma yin/ /de bzhin zhi ba'i dgon pa ru/ /mi dge spyod pa mi mdzes so/ /ji ltar nyi ma 'od grang na/ /log par gyur te mi 'thun ltar/ /bag med lha rnams ga la zhig /zhi ba'i tshal du ga la dga'/ /sred dang bral ba'i bde ba dang / /sdug bsngal grol ba'i skyob pa gang / /bde ba de yi khyad par las/ /bde ba'i grangs su mi rtsi'o/ /rab tu myos med bsam gtan pa/ /kun tu zhags las grol ba yi/ /bde gang de ni bde mchog ste/ /sred pas bslus ba 'di ma yin/ /tshal 'di</font><hr>64.109b<br><font size=+1>

thub pas bstan pa ste/ /shin du bsgoms pa rnams kyis bstan/ /lha mchog 'dod chags yid byed kyi/ /bsten par 'os pa ma yin no/ /khyod kyi bde ba gang yin 'di/ /de ni rtag par ma yin te/ /sred pa med pas bsten pa gang / /de ni zhi mchog bde ba yin/ /gang zhig thob nas sdug bsngal kun/ /thams cad du ni gcod par 'gyur/ /gnas mchog rtog pa gang yin pa/ /tshal 'di nges par bsten pa yin/ /ngan g.yo spyod cing zhim za la/ /bags chags kyis ni sems bslus pa/ /shin du bsgoms pa zhi ba'i tshal/ /dga' ba bsten par mi 'os so/ /dge ba'i yul du zhi ba nyid/ /bsgoms pa'i sems ni dga' byed kyi/ /'dod chags spyod pa rnams kyi sems/ /tshal gyi gnas su mi dga'o/ /gang zhig rtag tu sems zhi ba/ /mi de tshal du dga' 'gyur gyi/ /'dod chags kyis ni sems dkrugs pa/ /tshal rnams su ni dga' mi 'thob/ /dmigs pa lnga yis 'jigs byed pa/ /sred pa nyid kyis sreg mi 'gyur/ /sred las rnam grol dri med pa/ /ngan song grong khyer mi 'gro'o/ /skye ba yod na rtag tu 'chi/ /nad med med na nad yod cing / /phun sum sdug bsngal lhan cig skye/ /gzhon nu dag kyang rtag tu rgas/ /sdug pa kun dang bral 'gyur zhing / /rtag tu 'du ba med par shes/ /'di ni rtag tu 'jig rten chos/ /yang dag rdzogs sangs rgyas kyis bshad/ /rtag tu srid gsum nyam nga bar/ /gang gi blo ni mi rmongs pa/ /skyes bu dam pa de yis ni/ /zhi ba'i tshal du dga' ba 'thob/ /kun rtog 'dod chags mi brtan pa/ /rtag tu 'dod chags la sogs bsgribs/ /bde ba 'byung ba zhi ba'i tshal/ /zhi ba de nyid 'thob mi 'gyur/ /gang zhig rtag tu yad zhi zhing / /tshal du rnal 'byor bsam gtan pa/ /de dag rtag par tshal du dga'/ /'dod chags tshol ba ma yin no/ /tshal rnams su ni</font><hr>64.110a<br><font size=+1>

mngon par dga' bar byedacing / pad ma'i tshal dang skyed mos tshal dang / chang chu ltar 'bab pa dang / bai dUr+ya'i tshal dang / lteng ka dang / chu mig gis rgyan pa phan tshun grogs su gyur pa rnams/ ji srid du 'dod pa sdug pa yid du 'ong ba legs par par byas pa'i las zad par ma gyur pa de srid du dga' bar byed do/ /de zad nas de nas yang lha'i ris de nas mchi bar 'gyur te/ shi nas kyang las nye bar 'gro ba ji lta ba bzhin sems can dmyal ba dang / yi dgas dang / dud 'gro'i nang du skye bar 'gyur ro/ /gal te lan grangs gzhan la myong bar 'gyur ba'i las kyis mi rnams dang bskal ba mnyam par mi'i nang du skyes na/ de las de dang rgyu mthun par mang du smra ba nor mang ba ded dpon chen por 'gyur ba mthong ngo / /de nas dge slong las kyi rnam par smin pa shes pa de/ lha pi bang can gsum pa rnams kyi gnas la rtog par byed de/ des thos pa las byung ba'i shes pas/ de dag gi gnas 'khor dang spyod pa zhes bya ba ji ltar 'dug pa mthong ngo / /der sems can dag las gang gis skye bar 'gyur snyam nas/ des thos pa las byung ba'i shes pas brtags na/ tshul khrims dang ldan par gyur cing / sems kyi rgyud sems pas bsgoms pa gang gis sbyin pa sbyin/ tshul khrims bsrungs/ chos mnyen par byas pa'i sbyin bdag de la lag nas sbyin pa po grogs su gyur pa gzhan zhig des snying rlan cing dge ba'i sems dang ldan pa/ dad pas sems rlan pa/ 'di ltar yang sems la rtog par byed de/ sbyin bdag 'di ni bsod nams dang ldan pa zhig go/ /de bdag la yang rdzas kyi rnam pa de snyed yod na/ de ltar bdag gis kyang gzhan dag la sbyin pa bya'o snyam sems na sbyin pa la sems dang ba des lus dang bral nas bde 'gro mtho ris kyi 'jig rten 'khor dang spyod pa'i lha rnams kyi nang du skye bar 'gyur ro/ /der skyes nas kyang yul du mas snying rab tu myos pa rnams rtag tu ldan par gyur te/ sil snyan sna tshogs sgra 'byin pa'i nye ba'i tshal dang / bai dUr+ya dang / nor bu lan kan bris pa'i rdzing rnams na gser gyi pad mas khebs pa dang / bya'i tshogs kyi rnam pa sgra sbyin pa'i tshal dang / nye ba'i tshal de rnams na/ bya myos pa sgra 'byin pa nyams dga' bar byed pa dag na dga' bar byed la/ /kha cig ni shing ljon pa tshang tshing dag gis nang na khu byug dang / rma bya sgra snyan pa chags su rung ba</font><hr>64.110b<br><font size=+1>

'byin pa rnams na lha mo dag dang lhan cig dga' bar byed do/ /kha cig ni pad ma'i tshal sdong bu ni bai dUr+ya 'dab ma ni gser/ ze ba rdo rjer 'dug pa rnams kyi nang dga' bar byed do/ /kha cig ni rgun chang gi tshal rnams na 'bras bu nye phan gyis myos pa'i lha mo yul la rnam par chags pa rnams dang lhan cig rgun chang mthung bar byed do/ /kha cig ni ri'i zom bai dUr+ya'i rdos bcal du bkram pas rnam par phye ba'i sa phyogs rnams na dga' bar byed do/ /kha cig ni ri'i zom mu men gyis gtams pa'i chu gtsang ma dri ma med pa 'bab pa'i chu bo rnams kyi nang na sdug pa dag dang lhan cig dga' bar byed do/ /kha cig ni 'bab stegs dang sa gzhi mu tig gi bye ma bdal ba dag na chu bsil la dang zhing gtsang ste dri ma med pa rnams gyi nang na dga' bar byed do/ /kha cig ni rin po che sna bdun gyis rgyan pa'i yang thog nam mkha' la thug pa rnams kyi nang na dga' bar byed do/ /kha cig ni lha mo'i tshogs kyis yongs su bskor nas/ sil snyan yan lag lnga dang ldan pas dga' bar byed do/ /kha cig ni dpag bsam gyi shing ljon pa la dril bu g.yer ka'i sgra drag tu 'khrol bas mdzes pa rnams kyi nang na dga' bar byed do/ /kha cig ni dus tshigs drug gi tshal shing ljon pa dag dang nye ba/ rtag tu dga' ya yar gyur pa rnams kyi nang na snying du sdug cing 'dod pa rnams dang lhan cig dga' bar byed do/ /kha cig ni sa phyogs gser btso mas brgyan pa dang / ri bo'i zom gyi steng du 'dzegs nas sa phyogs kyi chu bo rnams la yang lta bar byed de/ de ltar rang gi las kyis sprul pa lha'i bde ba dpe med pa rnam pa sna tshogs myong ngo / /de ltar srid pa la rnam par chags pa'i lha rnams kyi mig gzugs dang kha dog 'dod pa yid 'ong ba rnam pa du ma dag gis chog mi shes so/ /rna ba yang yul bde ba sgra snyan pa gsal ba yid du 'ong ba rnam pa du ma dag gis chog mi shes so/ /sna yang yul bde ba dri zhim pa gsung che ba yid du 'ong ba rnam pa du ma dag gis chog mi shes so/ /lce'i yang yul bde ba ro zhim pa bro che ba yid du 'ong ba rnam pa du ma dag gi chog mi shes so/ /lus kyang yul bde ba reg bya 'dod pa 'jam pa yid du 'ong ba rnam pa du ma dag gi chog mi shes so/ /yid kyang yul rnyog pa med pa 'dod pa sdug pa yid du 'ong ba rnam pa du ma dag gi chog mi shes te/ de ltar dbang po drug yul la chags pa'i lha</font><hr>64.111a<br><font size=+1>

rnams chog mi shes pa yin no/ /ji ltar yul rnams kyis sred pa spel ba de ltar 'phel bar 'gyur te/ me 'bar ba bzhin la de yang yul gyi bde ba ji ltar dmigs pa de ltar rnam pa du mar 'phel bar 'gyur ro/ /srid pa des bsgribs pa'i lha chog mi shes par gyur pa rnams shin tu bde ba'i mtha' dmigs su med do/ /de ltar ji srid du 'dod pa sdug pa yid du 'ong ba legs par byas pa'i las de zad par ma gyur pa de srid du/ lha'i bde ba dpe med pa rnam pa du ma myong ngo / /de phyis lha'i 'jig rten de nas 'chi bar 'gyur te/ shi nas kyang rang gis byas shing bsags pa'i las kyis sems can dmyal ba dang yi dgas dang dud 'gro'i nang du skye bar 'gyur ro/ /gal te mi rnams dang skal ba mnyam par mi'i nang du skyes na/ de las de dang rgyu mthun par tshogs gcig tu spyod pa rgya mtsho'i tshong pa 'am/ tshong rdal du gnas pa 'am/ ri bo'i bar na gnas par 'gyur la gnyen che ba dang 'brel ba dang rang dgar gnas pa/ rgyal po la rag las par mi 'gyur ba dang / shin tu 'byor pa dang / rang dbang du 'gyur ba mthong ngo / /de nas dge slong las gyi rnam par smin pa shes pa de/ lha pi bang can gsum pa'i gnas la rtog par byed de/ des thos pa las byung ba'i shes pas lha de rnams kyi gnas dkyil mo dkrung gi steng du skyes shes bya ba ji ltar 'dug pa mthong ngo / /der sems can dag las gang gis skye bar 'gyur snyam nas des thos pa las byung ba'i shes pas brtag na/ snying rje dam pa dang ldan pa gang gis sems can chus khyer ba 'am lo nyes byung nas ltog te srog chad la thug pa la byams pas brlan pa'i yid kyis bu bzhin skyong bar byed cing dgos pa med kyang sems pas bsgoms pa'i snying kho nas yang dag par bskyabs na/ de lus dang bral nas bde 'gro mtho ris kyi 'jig rten dkyil mo dkrung du gnas pa'i lha rnams kyi nang du rdzus te skye bar 'gyur ro/ /de na lha dang lha mo gnas la/ lha gzhan yang phyogs gzhan na lhan cig nye bar gnas te/ lha'i bu de lha'i dkyil mo dkrung bcas pa'i steng du skyes so/ /de la lha de bu'i blo skye la lha mo de yang de bzhin du bu'i blo skye'o/ /de nas lha'i bu de yang de gnyis la pha ma'i blo skye'o/ /de dag dang lha'i bu de nyid dang rtse bar byed de/ ji ltar 'dzam bu'i gling na mi shin tu dga' ba rtse ba de ltar de dag kyang</font><hr>64.111b<br><font size=+1>

lha'i 'jig rten na lha dang dkyil mo dkrung gi steng na gnas pa de dang rtse bar byed do/ /'di ltar bu khyod bdag cag gi bur gyur pa ni 'bras bu dang bcas pa yin no/ khyod bdag cag gis lha'i tshal dang nye ba'i tshal dang / lteng ka thams cad du bde ba bskyed par bya'o/ /ri'i zom dang gser gyi lcug ma'i dra bas bres pa dang / mtshe'u dang 'bab chu phun sum tshogs pa dang / lcug ma'i khyim phun sum tshogs pa dang / pad ma'i rdzing rnams na gser gyi pad mas khebs shing bung bas mdzes pa dang / chu dang ba ldan pa dang / chang chu bo ltar 'bab pa dang / rgun chang ro zhim po sna tshogs kyi rgyag pa skyed par byed pa'i mtho ris thams cad du khyod dang lhan cig dga' bar bya ste/ der khyod dang bdag cag lhan cig dga' bar bya'o/ /de nas lha'i bu des pha ma de gnyis la 'di skad ces smras so/ /bdag la yab yum gyi rnam pa 'di lta bu stsal ba gang lags pa de ni bdag bde 'gror skyes pa 'bras bu mchis so/ /bdag kyang yab yum la gus par bgyid pa dang gus par mnyan par bgyi'o/ /de nas lha de yid rab tu dga' nas lha'i bu blangs te/ lha mo dang lhan cig 'dzam bu na da char 'beb shes bya ba'i tshal der 'dong bar byed do/ /lha de yang lha mos bskor cing / lha'i bu de yang de dag thams cad dang 'dzam bu na da char 'beb kyi tshal der dong ba dang / tshal de 'dzam bu na da'i shing ljon pa thams cad dang / me tog gi tshogs 'phyang ba dang / kha cig 'bras bu'i tshogs 'phyang ba rnams kyis khebs pa yin no/ /me tog gi shing ljon pa gang yin pa de dag ni shin tu dri zhim pa dpag tshad lngar 'byung ba'i me tog kha dog dang dbyibs sna tshogs dag 'thor bar byed de/ 'di lta ste sngon po dang / ser po dang / ljang gu dang / dmar po dang / tsod ka dag go/ /dbyibs sna tshogs pa dag ni 'jog po ltar zlum po dang / ring po dang / gru bzhi dang / lha'i dga' ba dang mthun pa'i rna ba'i gong rgyan dang / gdub khor 'gran pa lta bur gyur pa mthong ngo / /de nas lha des lha'i bu de la 'di skad smras so/ /bu 'di ni 'dzam bu chu bo char 'bebs shes bya ba'i tshal yin la/ tshal 'di ni dga' dga' ltar me tog rgyas pa yin te/ shing ljon pa phan tshun rlung gis shugs kyis bskyod</font><hr>64.112a<br><font size=+1>

pa dang / lha'i tshogs thams cad la 'thor bar byed do/ /bu der khong dang bdag cag lhan cig dga' bar byos shig /rtses shig /dga' dgur spyad par gyis shig /bu khyod kyang lha mo'i tshogs snying du sdug cing mdzes pa dang ldan pa rtag tu yid du 'thad pa rnams dang dga' dgur spyod par 'gyur ro/ /de skad smras nas tshal der yang thams cad rtse ba'i don du 'jug par byed de/ tshal de na lha'i bya 'bod pa zhes bya bas lha'i bu gang yin pa de dag la 'di ltar tshigs su bcad de smras pa/ bzang po khyod ni legs par byon/ /khyod kyis legs byas byas dang ldan/ /tshul khrims rnam pa bdun bsrungs pa/ /de'i 'bras bu 'dir 'ongs so/ /tshul khrims 'bras bu bde ba ni/ /lha yi 'jig rten rnams su smin/ /sgrol bar byed pa'i tshul khrims kyis/ /'khor ba 'di las sgrol bar byed/ /tshul khrims chu ni rnam dag pas/ /sems brten gang zhig 'khru byed pa/ /'dzam bu gser gyi me tog gis/ /lha'i yul du de 'khru'o/ /tshul khrims sa bon bskyed nas su/ /tshul khrims sna tshogs rnams la ni/ /'di ltar lha'i yul rnams kyis/ /khyod ni rtse zhing spyod par byed/ /mi gang rtag tu yid dul zhing / /tshul khrims kyis ni brgyan pa dang / /gang na bde ba mtha' yas pa/ /lha'i gnas su de 'gro'o/ /legs par bya ba byas pa'i mi/ /bde las bde ba mchog tu 'gro/ /tshul khrims kyis ni yongs spel rnams/ /lha'i gnas na rtse bar byed/ /tshul khrims skas la 'dzags pa yi/ /mi rnam bde 'gror rab tu 'gro/ /shes pas yongasu spel ba yi/ /ye shes kyis ni mkha' la gzhol/ /de bas tshul khrims rtag bsrung zhing / /sbyin shes dka' thub nor rnams kyis/ /dug dang mtshon dang me lta bu'i/ /tshul khrims 'chal pa rtag tu spongs/ /de ltar tshul khrims legs bsrungs pa/ /mi ni bzang 'gror khrid par byed/ /bde gnas thob par bya ba la/ /tshul khrims lta bu gang yang med/ /de ltar bya 'bod pa po de rnams kyis lha'i bu de'i sems la gzung du rung ba'i tshigs su bcad pa rnams kyis mngon par</font><hr>64.112b<br><font size=+1>

dga' bar byas shing / /rjes su dga' bar byas pa dang / lha'i bu des bya'i sgra dbyangs de dag yid la gzung nas rjes su dga' bar byed do/ /de rjes su dga' bar byas nas/ de nas yang pha de dang lhan cig tshal der 'jug par byed do/ /de nas dpag bsam gyi shing ljon pa rnams kyis mdzes par byas pa'i tshal de nyi ma ltar gsal zhing rnam par mdzes pa 'bum phrag du ma'i tshogs dang ldan pa de na 'bab chu dang ljeng kas brgyan pa/ bai dUr+ya dang dngul gyi shing ljon pa rnams kyis kyang nye bar mdzes par byas pa nyams dga' ba rnam pa du ma de dag mthong nas lha'i bu skyes nas yun ring du ma lon pa de shin tu dga' ba dpe med pa thob bo/ /de nas de'i bar skabs su tshal de na rnam par rgyu ba na lha mo khyim thab shi ste yun ring du ma lon pa gzhan dag gis mthong ngo / /de nas lha mo'i tshogs de dag gis lha'i bu gsar du byung ba 'di la chung ma med par yang rig /de byad gzugs dang ldan par mthong nas god par byed/ rtse bar byed/ sgeg par byed/ bro gar byed cing rol mo'i sgra dang / sil snyen dang bcas pa thams cad lha'i bu de'i drung du rgyug par byed do/ /lha'i bu yang pha ma dag bor 'dod pas bsgribs pa'i yid kyis lha mo de dag ga la 'khod pa der rgyug par byed do/ /de dag phan tshun mthong nas/ lha de dag lha mo de dag dga' ba skyes shing bde ba dpe med pa nye bar skyes so/ /phan tshun dga' ba skyes pa de rnams kyang sil snyen yan lag lnga dang ldan pas ji ltar bde ba sna tshogs la gnas pa'i lha gzhan dag dga' bar byed pa de ltar dga' bar byed de/ ri dang nag tshal dang / lteng ka dang gser dang / dngul dang / spug dang / gser gtso ma'i ri'i zom dang / mu tig gi bye ma bdal ba dang / dngul gyi rdo dang / lha'i pad ma'i rdzing khebs pa dang / bya sna tshogs sgra snyen pa 'byin pa dang / chu bo dang / 'bab chu dang / lteng kas brgyan pa rnams su lha mo de rnams dang lhan cig dga' bar byed do/ /lha'i bde ba dang ldan pa de ri nas ri dang skyed mos tshal nas skyed mos tshal du 'gro bar byed do/ /de ltar ngo mtshar gyi sems bsgribs pa de lha'i 'jig rten rmad du byung ba mthong nas/ ji srid du 'dod pa</font><hr>64.113a<br><font size=+1>

sdug pa yid du 'ong ba byas shing bsags pa'i las de zad par ma gyur pa de srid du de dag dang lhan cig dga' bar byed do/ /de nas de'i tshe zad pa dang / lha'i 'jig rten de nas 'chi bar 'gyur te/ shi nas kyang las nye bar 'gro ba ji lta bzhin sems can dmyal ba dang / yi dgas dang / dud 'gro'i nang du skye bar 'gyur ro/ /gal te mi rnams dang skal ba mnyam par mi'i nang du skyes na/ de las de dang rgyu mthun par rgyal po 'am blon po chen por 'gyur la/ skye bo thams cad dga' ba dang / byad gzugs bzang po dang ldan pa dang / yon tan dang ldan par 'gyur ba mthong ngo / /de nas yang dge slong las kyi 'bras bu rnam par smin pa shes pa de/ lha pi bang can gsum pa'i gnas la rtog par byed de/ des thos pa las byung ba'i shes pas brtags na/ lha pi bang can gsum pa'i gnas spyod pa dang ldan pa zhes bya ba ji ltar 'dug pa mthong ngo / /der sems can dag las gang gis skye bar 'gyur snyam nas/ des thos pa las byung ba'i shes pas brtags na/ legs par byas pa'i las ji ltar yod pa bzhin spyod pa/ sems can dag 'dzings te 'bab pa 'am tshal khung stug po'i nang du song nas/ srog la the tshom za ba 'chi ba la thug pa dag thar par byas shing / sems can la phan pa'i sems dang ldan pa/ shin tu gdams pa dang / lus dang ngag dang / yid kyi tshul khrims la spyod na/ de lus dang bral nas bde 'gro mtho ris kyi 'jig rten spyod pa dang ldan par gnas pa'i lha rnams kyi nang du skye bar 'gyur ro/ /der skyes nas kyang zla ba'i 'od dang mtshungs pa de kun nas gzi brjid ni 'bar/ dbang po dul ba'i bde ba dang ni ldan/ 'dod pa'i yon tan lnga rnams kyis nyin cig bzhin du ni rtse/ lha mo'i tshogs du ma dang ni nye bar spyod/ lha'i 'phreng ba dang gos ni gyon/ yang dang yang du 'jo sgeg ni byed/ tshal dang nye ba'i tshal dang 'bab chu'i dong mang po rnams su ni rtse ste/ de ltar de rtse ba na shel gyi tshal zhes bya ba der 'gro bar byed do/ /tshal de na shel gyi shing ljon pa thams cad kyis kun nas gsal ba yin la shing ljon pa me tog dang 'bras bus khebs pa de dag gi me tog dang lo</font><hr>64.113b<br><font size=+1>

ma phun sum tshogs pa rnams kyang ji ltar lhang tsher ltar gsal ba 'am me long ltar gsal ba yin no/ /'bras bu rnams kyang gru gzhi dang zlum por skyes te/ me long bzhin du gsal ba yin no/ /de nas lha de gang gi tshe tshal de'i nang du zhugs pa dang / de'i tshe rang gi lus kyi gzugs brnyan 'bum snyed 'byung ba mthong ngo / /des gzugs brnyan shin tu rgya che ba me tog phreng ba dang / byug pas rnam par brgyan pa phun sum tshogs pa de dag mthong nas de brgya 'gyur du dregs pa skyes te/ kye e ma bdag gi gzugs brnyan gyi rnam pa ji snyed 'byung ba 'di dag lha gzhan rnams la rnam pa de lta bu mi 'byung ngo / /'jig rten skyong ba mig mi bzang de tshal de'i nang du zhugs nas/ 'jig rten gyi bya ba dag la rtog par byed do/ /tshal de'i mthu ni 'di lta bu yin te/ gal te sa dang bar snang la rgyu ba'i gnod sbyin dag gis 'dzam bu'i gling gi sems can rnams kyi dbang gis 'bras bus chos dang chos ma yin pa byas pa de dag nges par ma sbran ji ltar mi chos dang ldan pa 'am/ mi chos dang mi ldan pa byung ba de ltar shel gyi shing ljon pa rnams kyi tshal de'i nang du mthong la/ phyis gnod sbyin dag rgyal po chen po la mi'i bya ba'i rnam pa sbron par byed do/ /de nas mig mi bzang de mir gtogs pa'i chos ma yin pa byas pa thams cad mthong nas tshal de la mgu'o/ /gal te mi chos dang mi ldan zhing chos kyi rjes su mi 'jug pa dag byung na/ dge ba dang mi dge ba dag de bzhin du brgya byin la sbron par byed do/ /de ltar tshal de'i mthu mthong nas de nas lha de tshal de nas 'chi bar 'gyur te/ shi nas kyang las nye bar 'gro ba ji lta ba bzhin 'khor ba na sems can dmyal ba dang / yi dgas dang / dud 'gro'i nang du skye bar 'gyur ro/ /gal te mi rnams dang skal ba mnyam par mi'i nang du skyes na/ de las de dang rgyu mthun par rtag tu yang dag pa'i lta ba dang ldan la chos kyi gnas la 'byor cing 'grub pa chen por 'gyur ba mthong ngo / /de nas yang dge slong las kyi 'bras bu rnam par smin pa shes pa de lha pi bang can gsum pa'i gnas la rtog par byed de/ des gnas gzhan bcu gcig pa ni ma mthong ngo / /rgyal chen bzhi'i lha rnams kyi gnas rnam pa bzhi po kun tu rgyu zhes bya ba kho nar zad de/ gang de dag ni ri'i rgyal po ri rab kyi ngos la 'khod do/ /gzhal med khang dang ldan pa'i lha gang yin pa de dag la mu stegs pa gzhan dag gza' dang skar ma dang rgyu skar dag yin par 'du shes te/ de rnams kyi rigs pa bgrangs na bye ba phrag sum bcu rtsa drug yod do/ /de nas las gang gis der skye bar 'gyur snyam nas/ des thos pa las byung ba shes pas brtags na/ der yang lus dang ngag gi tshul khrims bdun po rnam pa sna chogs kyi der skye'i/ </font><hr>64.114a<br><font size=+1>

skye bar 'gyur snyam nas/ des thos pa las byung ba'i shes pas brtags na/ legs par byas pa'i las ji ltar yod pa bzhin spyod pa/ sems can dag 'dzings te 'bab pa 'am tshal khung stug po'i nang du song nas/ srog la the tshom za ba 'chi ba la thug pa dag thar par byas shing / sems can la phan pa'i sems dang ldan pa dang / shin du bsdams pa dang / lus dang / ngag dang / yid kyi tshul khrims spyod na/ de lus dang bral nas bde 'gro mtho ris kyi 'jig rten spyod pa dang ldan par gnas pa'i lha rnams kyi nang du skye bar 'gyur ro/ /der skyes nas kyang zla ba'i 'od dang mtshungs pa de kun nas gzi brjid ni 'bar/ dbang po dul ba'i bde ba dang ni ldan/ 'dod pa'i yon tan lnga rnams kyis nyin gcig bzhin du ni rtse/ lha mo'i tshogs du ma dang ni nye bar spyod/ lha'i phreng ba dang gos ni gyon/ yang dang yang du 'jo sgeg ni byed/ tshal dang nye ba'i tshal dang 'bab chu'i dngo mang po rnams su ni rtse ste/ de ltar de rtse ba na shel gyi tshal zhes bya ba der 'gro bar byed do/ /tshal de na shel gyi shing ljon pa thams cad kyis kun nas gsal ba yin la shing ljon pa me tog dang 'bras bus khebs pa de dag gis me tog dang lo ma phun sum tshogs pa rnams kyang ji ltar lhang tsher ltar gsal ba 'am me long ltar gsal ba yin no/ /'bras bu rnams kyang gru bzhi dang zlum por skyes te/ me long bzhin du gsal ba yin no/ /de nas lha de gang gi tshe tshal de'i nang du zhugs pa dang / de'i tshe rang gi lus kyi gzugs brnyan 'bum snyed 'byung ba mthong ngo / /des gzugs brnyan shin du rgya che ba me tog phreng ba dang / byug pas rnam par brgyan pa phun sum tshogs pa de dag mthong nas de brgya 'gyur du dregs pa skye ste/ kye e ma bdag gi gzugs brnyan gyi rnam pa ji snyed 'byung ba 'di dag lha gzhan rnams la rnam pa de lta bu mi 'byung ngo / /'jig rten skyong ba mig mi bzang de tshal de'i nang du zhugs nas/ 'jig rten gyi bya ba dag la rtog par byed do/ /tshal de'i mthu ni 'di lta bu yin te/ gal te sa dang bar snang la rgyu ba'i gnod</font><hr>64.114b<br><font size=+1>

sbyin dag gis 'dzam bu'i gling gi sems can rnams kyi dbang gi 'bras bus chos dang chos ma yin pa byas pa de dag rings par ma sbran ji ltar mi chos dang ldan pa 'am/ mi chos dang mi ldan pa byung ba de ltar shel gyi shing ljon pa rnams kyi tshal de'i nang du mthong la/ phyis gnod sbyin dag rgyal po chen po la mi'i bya ba'i rnam pa sbron par byed do/ /de nas mig mi bzang de mir gtogs pa'i mi chos ma yin pa byas pa thams cad mthong nas tshal de la mgu'o/ /gal te mi chos dang mi ldan zhing chos kyi rjes su mi 'jug pa dag byung na/ dge ba dang mi dge ba dag de bzhin du brgya byin la sbron par byed do/ /de ltar tshal de'i mthu mthong nas/ de nas lha de tshal de nas 'chi bar 'gyur te/ shi nas kyang las nye bar 'gro ba ji lta ba bzhin 'khor ba na sems can dmyal ba dang / yi dgas dang / dud 'gro'i nang du skye bar 'gyur ro/ /gal te mi rnams dang skal ba mnyam par mi'i nang du skyes na/ de las de dang rgyu 'thun par rtag tu yang dag pa'i lta ba dang ldan la/ chos kyi gnas la 'byor cing 'grub pa chen por 'gyur ba mthong ngo / /de nas yang dge slong las kyi 'bras bu rnam par smin pa shes pa de/ lha pi bang can gsum pa'i gnas la rtog par byed de/ des gnas gzhan bcu gcig pa ni ma mthong ngo / /rgyal chen bzhi'i lha rnams kyi gnas rnam pa bzhi po kun du rgyu zhes bya ba kho nar zad de/ gang de dag ni ri'i rgyal po ri rab kyi ngos la 'khor ro/ /gzhal med khang dang ldan pa'i lha gang yin pa de dag la mu stegs pa gzhan dag gza' dang skar ma dang / rgyu skar dag yin par 'du shes te/ de rnams kyi rags pa bgrangs na bye ba phrag sum bcu rtsa drug yod do/ /de nas las gang gis der skye bar 'gyur snyam nas/ des thos pa las byung ba'i shes pas brtags na/ der yang lus dang ngag gi tshul khrims bdun po rnam pa sna tshogs kyis der skye'o/ /de la lus kyi rnam pa gsum dang / ngag gi rnam pa bzhi ste/ mdor bsdu na/ sems can rnams las kyi dbang gi 'bras bu rnam pa du mas der skye bar 'gyur ro/ /de'i phyir sems can rnams kyi las dge ba dang / mi dge ba byas pa'i rkyen</font><hr>64.115a<br><font size=+1>

gyi bye brag gis shes par byed do/ /nyi ma dang zla ba de yang lha kun du rgyu ba de rnams ri'i rgyal po ri rab kyi ngos la 'khor ba'i sar 'khor bar byed de/ rlung 'khor los bskor ba zhes bya ba gang gis byas pa des/ lha de dag thams cad ri'i rgyal po ri rab de la 'khor bar byed do/ /de dag gi bar yangs pa na 'jig rten skyong ba dang ku be ra gnyis gnas te/ lha de rnams rgyal po chen po de dag dang lhan cig gling bzhi rnams su kun du rgyu'o/ /nor bu sngon po dang / ser po dang / ljang khu sna tshogs kyi gzhal med khang rnams kyi nang na snga ma bzhin du sbyar te/ de dag ji srid du 'dod pa sdug pa yid du 'ong ba byas shing bsags pa'i las de zad par ma gyur pa de srid du/ kun du rgyu ba de dag na 'dod pa'i yon tan lnga ji ltar 'dod pa rnams kyis dga' bar byed do/ /de'i las zad nas de nas yang las nye bar 'gro ba ji lta ba bzhin sems can dmyal ba dang / yi dgas dang dud 'gro'i nang du skye bar 'gyur ro/ /gal te mi rnams dang skal ba mnyam par mi'i nang du skyes na/ de las de dang rgyu 'thun par rtag tu yul du 'gro ba'i nang du 'gyur te/ 'di ltar tshul khrims kyi rgyu des bde yang rung / mi bde yang rung glo bur du yul gzhan kun du 'gro bar 'gyur ba mthong ngo / /de nas yang dge slong las kyi 'bras bu rnam par smin pa shes pa de/ rgyal chen bzhi'i lha rnams la rtog par byed de/ des thos pa las byung ba'i shes pas brtags na/ gnas skabs gzhan gcig kyang shes par ma nus la/ gnas skabs gzhan gcig kyang mthong bar ma gyur nas/ de 'di snyam du sems te/ rgyal chen bzhi'i lha rnams ni mtha' yas te/ de ltar mtha' med do snyam mo/ /rang gi las kyis ri rab la tshal dang / nye ba'i tshal bzhi dag tu dga' bar byed cing skor bar byed do/ /ri rab kyi ngos gang la nyi ma 'khor ba'i ngos de dang des mi'i gnas gang du ri rab kyi grib ma de 'bab ste/ de ltar de 'dzam bu'i gling du mtshan mor 'gyur ro/ /byang phyogs na rlung 'khor lo'i gzugs shes bya ba yongs su 'khor zhing / des byang phyogs kyi skar ma gang yin pa de dag</font><hr>64.115b<br><font size=+1>

thams cad 'char du mi ster la/ nub tu yang mi ster te/ de ltar rlung gi dbang gis phyogs su 'khor zhing 'dug go /mu stegs pa gzhan de nyid ma mthong zhing skar ma'i dpyad mngon par mi shes la phyogs gcig tu lta ba'i mu stegs pa de dag gis mthong nas/ 'di ltar de ni chu srin byis pa gsod yin te/ nub tu mi ster la/ drang srong bdun dag gis 'dzin to snyam mo/ /de ltar des rgyal chen bzhi'i lha rnams ma lus par mthong zhing sa dang bcas pa la yang dag pa ji lta ba bzhin mthong nas 'khor ba la yid byung ngo / /de ltar de dag mthong nas lha rnams kyi ltung ba'i sdug bsngal mngon par rtogs nas yid byung ste/ 'khor ba na gnas su rung ba rtag pa 'am/ brtan pa 'am/ ther zug pa 'am/ mi 'gyur ba'i chos can gang yang med la/ 'du ba dang 'bral ba'i bgo skal la spyod pa/ las kyi bgo skal la spyod pa/ las kyi skye gnas pa las la rton par mi byed pa med de/ de ltar dge slong des thos pa las byung ba'i shes pas brtags so/ /de nas yang rnal 'byor spyod pa nang gi chos la chos kyi rjes su lta zhing gnas so/ /de ltar dge slong de byis pa so so'i skye bo kun gang la dga' ba de la rag las par 'gyur te/ sred pa'i rgyu bskyed pa de dag 'di ltar bdag cag mtho ris su skye bar 'gyur zhing der bdag cag bde bar gyur cig snyam nas tshangs par spyad pa spyod do/ /de ltar spyod pa de la yang dge slong de lha'i bde ba rnam pa gzhan dag la yang dmigs shing thos pa las byung ba'i shes pas mthong nas dga' bar mi byed/ chags par mi byed la/ bdud dang lhan cig 'gyed par nus shing 'khor ba'i rgya mtsho las rgal ba'i bsam pa can yin te/ de ltar dge slong de sa gzhan bcu bdun pa la zhugs so/ /sa bla'i gnod sbyin dag gis de thos nas dga' ste/ bar snang la spyod pa'i gnod sbyin rnams la mngon par bsnyad do/ /de dag gis kyang rgyal chen bzhi pa rnams la bsnyad la/ snga ma bzhin tshad med 'od kyi lha rnams kyi bar la gcig nas gcig tu bsnyad do/ /'di ltar lha dag 'dzam bu'i gling na</font><hr>64.116a<br><font size=+1>

rigs kyi bu grong che ge mo zhig dang / grong rdal mang ge mo zhig dang / rigs ga ge mo zhig dang / yul che ge mo zhig nas mi mang ge mo zhes bya ba skra dang kha spu bregs nas gos ngur smrig bgos te/ dad pas khyim nas khyim med par rab tu byung ngo / /dge slong de bdud dang lhan cig 'gyed par 'bad cing brtson la srid pas nyam nga ba las rgal ba'i bsam pa yod do/ /de ltar tshad med 'od kyi lha rnams kyis thos nas yid mchog tu dga' zhing de dag la lha bdag ni dga' ste/ gang mi'i 'jig rten du chos dang ldan zhing chos kyi rjes su 'jug pa dag nges par 'byung la/ ye shes rtsom pa goms par byed/ yongs su spyod par byed/ bdud dang lhan cig 'gyed par byed de/ bdud kyi phyogs ni dma'o/ /dam pa'i chos kyi phyogs ni mtho'o/ /sangs rgyas rnams kyis bshad pa'i dam pa'i chos ni 'phel lo zhes lha de dag bsnyad do/ /de nas yang dge slong de tshul khrims la rab tu rnam par spyod par byed de/ tshul khrims med pa 'am shes pa med pa ni mtho ris kyi 'jig rten du lhar skye ba med do snyam nas/ des thos pa las byung ba'i shes pas brtags na/ tshul khrims tsam gyis ni mtho ris su skye bar 'gyur ro/ /sbyin pas ni der skye bar mi 'gyur zhing longs spyod shin du che bar 'gyur la/ shes pas ni de nas shi nas ngan song du 'gro bar mi 'gyur ro/ /de la tshul khrims gang dang rnam pa dus lha'i 'jig rten gang du skye bar 'gyur snyam nas/ des brtags na tshul khrims rnam pa bdun gyis lha'i ris drug rnams kyi nang du tha ma dang 'bring dang mchog tu skye bar 'gyur te/ srog gcod pa spangs pa'i tshul khrims kyis rgyal chen bzhi pa rnams kyi nang du skye bar 'gyur ro/ /srog gcod pa dang / ma byin par len pa spangs pas sum bcu rtsa gsum pa rnams kyi nang du skye bar 'gyur ro/ srog gcod pa dang / ma byin par len pa dang / 'dod pas log par g.yem pa spangs pas 'thab bral ba rnams kyi nang du skye bar 'gyur ro/ /sdom pa blangs te srog gcod pa dang / ma byin par len pa dang / 'dod pas log par g.yem pa spangs shing brdzun</font><hr>64.116b<br><font size=+1>

dang phra ma dang / tshig rtsub po dang / ngag kyal pa spangs pas dga' ldan pa rnams kyi nang du skye bar 'gyur ro/ /'jig rten pa'i sdom pa blangs te/ sangs rgyas 'ba' shig la dad la/ srog gcod pa dang / ma byin par len pa dang / 'dod pas log par g.yem pa dang / brdzun dang / phra ma dang / tshig rtsub po spangs pas 'phrul dga' ba rnams kyi nang du skye bar 'gyur ro/ /de bzhin du srog gcod pa dang / ma byin par len pa dang / 'dod pas log par g.yem pa dang / brdzun dang / phra ma dang / tshig rtsub po dang / ngag kyal pa spangs pas gzhan 'phrul dbang byed kyi lha rnams kyi nang du skye bar 'gyur ro/ /de ltar dge slong de las dang tshul khrims su 'brel pa rnams lha'i 'jig rten du skye ba la rjes su sems te/ sdom pa blangs pa'i gang zag gang du ji ltar skye bar 'gyur snyam nas/ des thos pa las byung ba'i shes pas brtags nas/ srog gcod pa spangs pa'i sdom pa blangs pa ni de rgyal chen bzhi pa rnams kyi nang du skye bar 'gyur te/ srog gcod pa spangs pa sngom pas/ bong tshod dang / brtson 'grus dang kha dog dang dbang phyug dang / tshe dag ches ring bar 'gyur ro/ /srog gcod pa dang / ma byin par len pa dag spangs pa'i sdom pa blangs pa ni sum bcu rtsa gsum pa rnams kyi nang du skye bar 'gyur te/ spangs pa de dag pas bong tshod dang / brtson 'grus dang / spro ba dang / gzugs dang / stobs dang / dbang phyug dang / tshe dag mchog tu ring bar 'gyur ro/ /srog gcod pa dang ma byin par len pa dang / 'dod pas log par g.yem pa spang ba kun du bsten cing bsgoms te mang du byas pas 'thab bral ba rnams kyi nang du skye bar 'gyur te/ spangs pa de dag pas de bong tshod dang / kha dog dang / dbang phyug dang / tshe dang / gzugs la sogs pa ches bzang bar 'gyur ro/ /dga' ldan pa rnams kyi nang du sems dang shes pa gnyis kyi khyad par gyis bong tshod dang / kha dog dang / dbang phyug dang / dad pa dang / bde ba khyad par can du 'gyur ro/ /srog gcod pa dang / ma byin par len pa dang / 'dod pas log par g.yem pa dang / brdzun dang / phra ma spangs pa'i sdom pa la gnas pa ni 'phrul dga' ba rnams kyi nang du skye bar</font><hr>64.117a<br><font size=+1>

'gyur te/ spangs pa de dag pas de bong tshod dang / dbang phyug dang / bde ba dang tshe ring ba dag ches mchog tu 'gyur ro/ /srog gcod pa dang / ma byin par len pa dang / 'dod pas log par g.yen pa dang / brdzun dang / phra ma dang / tshig kyal pa spangs pa'i sdom pa la gnas pa ni gzhan 'phrul dbang byed rnams kyi nang du skye bar 'gyur te/ spangs pa de dag pas de bong tshod dang / dbang phyug dang / bde ba dang / mthu dang / gzugs dang / tshe dag ches lhag par 'gyur zhing bdud sdig can gyi tshig nyan par mi 'gyur la/ de des thub par mi 'gyur ba mthong ngo / /de nas yang dge slong las kyi 'bras bu rnam par smin pa shes pa de/ tshul khrims mtho ris su skye ba'i sa bon du ji ltar 'gyur snyam nas shin du zhib mor dpyod de/ des brtags na sems dang sems las byung ba chen pos tshul khrims chung ngu dang 'bring dang chen por 'gyur/ 'dod pa na spyod pa'i lha drug rnams kyi nang du sems kyi khyad par gyis sems las byung ba khyad par du 'gyur la/ sems las byung ba'i tshul khrims kyi khyad par gyis skye ba khyad par du 'gyur ba mthong ngo / /de nas yang dge slong de tshul khrims la dpyod par byed de tshul khrims rnam pa du yod snyam nas/ des brtags na tshul khrims rnam pa gnyis te/ 'jig rten pa lhan cig skyes pa dang / 'du ba byas pa'o/ /de la lhan cig skyes pa ni bcos ma ma byas pa'o/ /'du ba ni bcos ma byas pa'o/ /yang tshul khrims rnam pa gnyis te/ khyim na gnas pa'i spyod pa dang / khyim na mi gnas pa'i spyod pa'o/ /de la khyim na gnas pa'i spyod pa ni bslab pa'i gzhi lnga'o/ /khyim na mi gnas pa'i spyod pa ni bslab pa'i gzhi so so thar pas rab tu byung ba rnams kyi'o/ /yang tshul khrims rnam pa gnyis te/ sna gcig spyod pa dang du ma spyod pa'o/ /de la sna gcig spyod pa ni bslab pa'i gzhi gcig 'dzin pa'o/ /du ma spyod pa ni gnyis sam/ gsum 'dzin pa'o/ /yang rnam pa gnyis te/ skye mched dang / skye mched ma yin pa'o/ /de la skye mched ni tshe rabs thams cad du bslab pa'i gzhi 'dzin pa'o/ /</font><hr>64.117b<br><font size=+1>

skye mched ma yin pa ni 'di ltar sems kyi khyad par gyis sam/ spro ba'i khyad par gyis bslab pa'i gzhi 'dzin pa'o/ /yang rnam pa gnyis te/ rnyog pa dang bcas pa dang / rnyog pa med pa'o/ /de la rnyog pa dang bcas pa ni mtho ris su skye bar 'dod pa'i sems so/ /rnyog pa med pa ni mya ngan las 'da' bar 'gro bar 'dod pa'o/ /yang rnam pa gnyis te/ 'jig rten pa dang / 'jig rten las 'das pa'o/ /de la 'jig rten pa ni zag pa dang bcas pa'o/ /'jig rten las 'das pa ni zag pa med pa'o/ /yang rnam pa gnyis te/ bdag 'dzin pa dang / gzhan 'dzin pa'o/ /de la bdag 'dzin pa ni bdag nyid kyis tshul khrims 'dzin pa'o/ /gzhan 'dzin pa ni gzhan yang rigs pa'i tshul khrims la 'jog par byed pa'o/ /yang rnam pa gnyis te/ 'jug pa dang / ldog pa'o/ /de la 'jug pa ni 'khor bar 'jug par byed pa'o/ /ldog pa ni ye shes kyi rgyu ste mi slob pa'i ye shes la dmigs pa'o/ /yang rnam pa gnyis te/ ye shes dang ldan pa dang / sbyin pa dang ldan pa'o/ /de la sbyin pa dang ldan pa ni longs spyod chen po thob pa'o/ /ye shes dang ldan pa ni mya ngan las 'das pa thob pa'o/ /yang rnam pa gnyis te/ phyi rol du spyod pa 'jug pa dang / nang du spyod pa 'jug pa'o/ /de la phyi rol du spyod pa 'jug pa ni lus la mi rten pa'o/ /nang du spyod pa 'jug pa ni sems rab tu dad pas byas pa'i sems dang ngag go/ /yang rnam pa gnyis te/ goms pa dang / ma goms pa'o/ /de la goms pa ni tshe rabs du ma dag tu goms pa'o/ /ma goms pa ni tshe gcig tu goms pa ste/ de ltar dge slong de rnam pa du mas tshul khrims rnam pa gnyis gnyis la dpyod par byed do/ /de nas yang dge slong de shin du zhib por tshul khrims rab tu rnam par 'byed par byed de/ tshul khrims sna tshogs du yod/ rnam pa du yod snyam nas des brtags na/ tshul khrims rnam pa gsum ste/ phyogs gcig pa dang / phyogs gcig pa ma yin pa dang / mtho ris su 'gro ba'o/ / </font><hr>64.118a<br><font size=+1>

de la phyogs gcig pa ni bslab pa'i gzhi gcig 'dzin pa'o/ /phyogs gcig pa ma yin pa ni bslab pa'i gzhi gnyis sam gsum 'dzin pa'o/ /mtho ris su 'gro ba ni bslab pa'i gzhi tshogs par 'dzin pa'o/ /yang rnam pa gsum ste/ nor la sred par byas pa dang / nor la sred par ma byas pa dang / lhan cig skyes pa'o/ /de la nor la sred par byas pa ni stobs 'gyed pas 'tsho ba'o/ /nor la sred par ma byas pa ni nad bu can rnams kyi'o/ /lhan cig skyes pa ni mya ngan chen pos thebs pa yin te 'di ni chung ngo / /yang rnam pa gsum ste/ bsam gtan dang lhan cig spyod pa dang / bsam gtan ma yin pa dang lhan cig spyod pa dang / langs nas lhan cig spyod pa'o/ /de la bsam gtan dang lhan cig spyod pa ni 'jig rten pa rnams kyi rkyen med pa'i bar gyis 'dod chags la sogs pa skyed par mi byed pa'o/ /bsam gtan ma yin pa dang lhan cig spyod pa ni phyi rol pa rnams kyi bsam gtan med kyang de ltar tshul khrims su 'gyur ba yin no/ /langs nas lhan cig spyod pa ni skyon gang dmigs nas de dag des yongs su spong bar byed pa yin te/ ji ltar chang gis myos nas mi gtsang ba kun du spyod do/ /des chang de so sor gcod par byed pa bzhin no/ /yang rnam pa gsum ste/ ngan g.yo byed pas srung ba dang / ngan g.yo byed pa ma yin pas srung ba dang / lhan cig skyes pa'o/ /de la ngan g.yo byed pas srung ba ni nyon mongs shing 'bras bu chung ba'o/ /ngan g.yo byed pa ma yin pas srung ba ni 'bras bu che ba'o/ /lhan cig skyes pa ni sems las byung ba'i bye brag gis 'bras bu che ba 'am/ /'bras bu chung bar 'gyur ba'o/ /yang rnam pa gsum ste/ rkyen gyis 'dzin pa dang / rkyen med pas 'dzin pa dang / bya ba ma yin pa'o/ /de la rkyen gyis 'dzin pa ni bslab pa'i gzhi tshul khrims yang dag par blangs pa de rkyen rnyed nas srung ba yin te/ bslab pa'i gzhi bsdus nas 'dzin pa'o/ /rkyen med pas 'dzin pa ni gang rkyen med pa des srung ba'o/ /bya ba ma yin pa zhes bya ba ni rigs chen por skyes pa rnams kyi bya ba ma</font><hr>64.118b<br><font size=+1>

yin pa sdig pa mi byed pa'o/ /de la rkyen gyis 'dzin pa ni sems las byung ba'i bye brag gis 'dzin te 'bras bu che ba yin no/ /rkyen med pas 'dzin pa ni de rnam par mi shes te 'bras bu chung ba yin no/ /bya ba ma yin pas byas pa ni 'jig rten 'dir legs par byed pa yin te/ 'bras bu che ba 'am/ slar chung bar 'gyur ro/ /yang rnam pa gsum ste/ bla mas 'jigs pa dang / bla ma ma yin pas 'jigs pa dang / ngan song du 'gro bas 'jigs pa'o/ /de la gang bla mas 'jigs nas tshul khrims len pa de ni chung ba yin no/ /gang bla ma ma yin pas 'jigs nas len pa de ni 'bring yin no/ /gang ngan song du 'gro bas 'jigs nas len pa de ni chen po yin no/ /yang rnam pa gsum ste/ bdag nyid tshul khrims dang ldan par byed pa dang / gzhan tshul khrims la 'jog par byed pa dang / gzhan la btang snyoms su gnas pa'o/ /yang tshul khrims rnam pa gsum ste/ gags dang bcas pa dang gags med pa dang / gags thams cad pa'o/ /de la gags dang bcas pa ni gang sngon tshul khrims dang ldan la/ phyis tshul khrims 'chal pa yin te/ gags dang bcas pa'i tshul khrims ni de yin no/ /gags med pa ni rtag par tshe rabs su thog ma dang bar dang tha ma'i mthar tshul khrims dang ldan pa nyid yin no/ /gags thams cad pa zhes bya ba ni lta ba log pas srog gcod pa la sogs pa'i mchod sbyin byed pa'i tshul khrims yin no/ /de nas yang dge slong de tshul khrims rnam pa bzhi rnam par 'byed cing rtog par byed de/ ngag gi brdzun dang phra ma dang tshig rtsub po dang / tshig kyal pa ste/ de dag dang 'bral bar byed do/ /yang tshul khrims rnam pa lnga ste/ yul lnga spangs pa bskyed pa'o/ /yang tshul khrims rnam pa drug ste/ bar chad byed pa dang bar chad byed pa med pa dang / rgyal po'i chad pas 'jigs nas blangs pa dang / 'brel pas blangs pa dang rtog pa med pa dang lhan cig skyes pa'o/ /yang tshul khrims rnam pa bdun te/ lus dang ngag gi'o/ /de ltar dge slong de tshul khrims rnam pa du ma la rab tu spyod par byed de/ gang gis sems can rnams ngan 'gro'i</font><hr>64.119a<br><font size=+1>

'jigs pa las grol bar byed pa de ni mdor na rnam pa gnyis te/ 'jig rten pa dang / 'jig rten las 'das pa yin no snyam mo// //'phags pa dam pa'i chos dran pa nye bar gzhag pa/ bam po sum bcu pa/ de nas rgyal chen bzhi'i lha rnams mthong nas/ sum bcu rtsa gsum pa'i gnas dang / las rnams la rtog par byed de/ legs par byas pa'i las dang / legs par ma byas pa'i las kyi rjes su spyad pa gang gis/ sum bcu rtsa gsum pa'i lha rnams kyi nang du skye bar 'gyur snyam nas/ des thos pa las byung ba'i shes pas brtags na/ sum bcu rtsa gsum pa'i lha rnams ji ltar 'dug pa ni 'di lta ste/ chos bzang na gnas pa dang / mtho ba na gnas pa dang / ri rtse na gnas pa dang / legs mthong na gnas pa dang / phyogs gcig na gnas pa dang / shing gseb na gnas pa dang / shing rta sna tshogs na gnas pa dang / dga' byed na gnas pa dang / rnam mdzes na gnas pa dang / yongs 'du na gnas pa dang / 'dres pa'i 'gram na gnas pa dang / tshang tshing gi 'gram na gnas pa dang / nor bu'i snying po na gnas pa dang / kun tu gsal bar spyod pa dang / gser phug gi khang pa dang / phreng ba'i grib ma dang / dma' ba dang mtho ba na rgyu ba dang / bkra ba sna tshogs kyis phye ba/ sbyor ba la 'jug pa dang / zhib tu spyod pa dang / glu'i sgra la shin tu dga' zhing mngon par chags pa dang / gzi brjid 'bar ba dang / zla ba'i gnas ltar rgyu ba dang / shing sA la zung dang / mig phye zhing 'gro ba dang / btsums nas 'gro ba dang / lus kyi mdog bzang zhing che ba dang / nor bu 'phyang ba dang / ris 'thun pa dang / 'khor na gnas pa dang / mtho bar spyod pa dang / gzi brjid mchog dang / gzi brjid phreng dang / ma 'dres pa dag ste/ de ltar sum bcu rtsa gsum pa'i lha de rnams ni gnas sum bcu rtsa gsum na 'khod do/ /de la dge slong las kyi chos kyi 'bras bu rnam par smin pa dang / tshul khrims zhib tu khong du chud pa de/ de ltar lha rnams kyi legs par byas pa'i las dag la rtog par byed de/ las byas shing bsags pa gang gis bde</font><hr>64.119b<br><font size=+1>

'gro skyed pa 'dod pa dang sdug pa'i rnam par smin pa bde bas rnam par smin pa bde zhing skye bo yongs su smra ba bsdus pa/ sgra dang reg pa dang / ro dang / rnam par smin pa bde ba skyed pa rnams kyis gang du skye bar 'gyur snyam nas des thos pa las byung ba'i shes pas brtags na/ ya mtshan can gyi mthong ba dang thos pa kun nas dgos pa gzhan ma yin pa sangs rgyas kyi bstan pas lha rnams kyi skye ba dga' zhing bde bar gnas pa dpe med pa dag mthong ste/ lha'i 'dun sa chos bzang gang du lha'i rgyal po kau shi kas chos dang 'thun par skyong ngo / /phyi rol gyi 'du shes rnyed pas lha rnams kyi gnas pa dang por byas nas/ de ltar sa kun gyi ris rnam par 'byed par byed de/ dge slong de tshul khrims shin tu bsgoms pa rnam pa gang gis lha'i mdun sa chos bzang du skye bar 'gyur snyam nas/ des thos pa las byung ba'i shes pas brtags na gang tshul khrims rnam pa bdun bsrungs te/ de ma nyams pa dang / ma ral ba dang / ma zhig pa dang / dam zhing gzhan dang mi 'dra bar rab tu spyod la/ sems las byung bas yongs su bsgoms pa'i sbyin pa dus la bab pa yang byin cing yon tan du gyur pa yang 'di lta ste dgra bcom pa 'am/ pha ma nad pa 'am/ phyir mi 'ong ba 'am/ lan cig phyir 'ong ba 'am/ rgyun tu zhugs pa 'am/ 'gog pa las langs pa 'am/ lam la zhugs pa 'am/ byams pa dang / snying rje dang / dga' ba dang / btang snyoms bsgoms pa 'am/ 'chi bas 'jigs shing nyen pa la srog byin na/ lus dang bral nas bde 'gro mtho ris kyi 'jig rten lha'i 'dun sa chos bzang du lha'i bdag por 'gyur la/ brgya byin kau shi ka lha'i mdun sa chos bzang na gnas te lha mo sdug pa yid du 'ong ba bye ba phrag dgu bcu rtsa dgus yongs su bskor ba'i nang na dga' bar byed cing lha mo de dag gis kyang de la rim gro byed de/ ji ltar skyes pa gcig la bud med gcig gis rim gro byed pa de bzhin du de dag thams cad de la rim gro byed do/ /de dag gi nang na sdug cing yid du 'ong ba sems gcig pa'i btsun mo dam pa la lha mo de dag</font><hr>64.120a<br><font size=+1>

rim gro byed de/ de yang de dag la gus par byed do/ /lha'i mdun sa chos bzang de yang dpag tshad lnga brgya yod de/ kha khyer ni nor bu bai dUr+ya/ ka ba ni byi rus shin tu mdzes par byas pa lan kan ni shel las byas shing spug gis ni brgyan/ brtsig pa ni gser btso ma las byas shing rdo rjes brgyan te/ nor bus dga' bar byed pa khri ni pad ma rA ga dang / an da rnyil gyis mdzes par spras pa/ la la kha cig tu pad ma 'dab ma ni bai dUr+ya/ ze ba ni rdo rje'i myu gu/ sdong bu ni 'dam rdzab med pa'i thang las skyes pa gser lta bus mdzes par brgyan to/ /rdzing bu'i bar kha cig na bya 'khod pa yang sgro ni bai dUr+ya/ mchu ni pad ma rA ga /lus ni mthon ka lta bu rnams kyis pad ma'i rdzing de gang ngo / /kha cig tu nor bu'i bya rnam pa gzhan gyis rdzing de kun tu gang ste/ 'di lta ste/ rkang pa ni bai dUr+ya/ sgro ni mthon ka /mchu ni spug /mig ni byi ru lta bu rnams kyis rdzing gi bar dag kun tu gang ngo / /kha cig tu yang rdzing de rnam pa gzhan gyis mdzes par byas pa yin te/ 'di lta ste/ lus thams cad ni 'dzam bu chu bo'i gser/ sgro ni byi ru/ mig ni shin tu 'jam pa/ rkang pa ni mu tig gi kha dog lta bu yin no/ /pad ma'i rdzing kha cig dag tu yang bung ba myos pa bai dUr+ya'i mdog lta bu rnams kyis pad ma'i rdzing chen po bcu mdzes par byas pas/ lha'i mdun sa chos bzang mdzes par byas pa yin te/ 'di lta ste/ dga' 'byung dang / pad ma che 'byung dang / rab tu dga' ba dang / rab dga' chen po dang / rtse dga' dang / bsams 'gro dang / shing rta kun 'gro dang / kun rtog rgyu dang / dpag bsam gyi shing la spyod pa dang / dben 'gro dbang po'i 'od de mtsho de rnams kyis lha'i 'dun sa chos bzang de brgyan to/ /yang pad ma'i tshal rnam pa gzhan dag yod de/ pad ma'i tshal de dag gi sdong bu ni dngul/ ze ba ni gser/ 'dab ma ni bai dUr+ya/ snying po ni 'dam rdzab med pa nas skyes pa rdo rje'i mdog lta bu yin no/ /yang pad ma rnam pa gzhan dag ni</font><hr>64.120b<br><font size=+1>

'di lta bu yin te/ 'di lta ste/ sdong bu ni rdo rje'i mdog lta bu/ 'dab ma phan tshun 'dres pa ni 'di ltar pad ma ra ga dang / 'dab ma kha cig ni bai dUr+ya/ 'dab ma kha cig ni spug rgyan gyi mdog /'dab ma kha cig ni gser lta bu yin te/ de ltar pad ma de dag gi kha dog 'dres pa yin no/ /lha'i rgyal po brgya byin gyi pad ma ni 'dab ma brgya pa dang / la la ni 'dab ma nyis brgya pa/ la la 'dab ma sum brgya pa/ la la 'dab ma bzhi brgya pa/ la la 'dab ma lnga brgya pa/ la la 'dab ma drug brgya pa/ la la 'dab ma bdun brgya pa/ la la 'dab ma brgyad brgya pa/ la la 'dab ma dgu brgya pa/ la la 'dab ma stong yod de/ kha dog sna tshogs dang / kha dog gcig pa dang / rgyu ba dang mi rgyu ba dag brgya byin gyi gnas lha'i mdun sa chos bzang du 'byung ngo / /yang pad ma'i nang de dag nyid du lha'i bya 'jug pa dang / gsab gseb kyi nang na gnas pa rnams kyis kun du gang ba ni 'di lta ste/ gang dus tshigs thams cad du rgyags pa/ 'gram pa rdul cing rol mo'i sgras rtag tu gar byed pa dag yin te/ de dag gang gi tshe brgya byin rdzing de dag tu lha mo'i tshogs gyis lhan cig yongs su bskor nas rtse ba de'i tshe bya de dag de bzhin dga' bar byed de/ ji ltar yan lag lnga dang ldan pa'i sil snyan gyi sgra de bzhin du bya de dag kyang sgra 'byin la/ rgyags pas myos pa zhes bya ba'i bya rab tu gar byed pa dag byung ngo / /gang gi tshe brgya byin gang rdzing de dag tu dga' bar byed pa de'i tshe de dag kyang de bzhin du gar byed de/ ji ltar lha mo dag byed pa bzhin no/ /bya khor yug ces bya ba gser gyi mdog can me tog gi phreng ba mchu la 'phyang ba dag 'byung ste/ gang rdzing de dag gi 'gram gyi nang phan tshun kun nas rdzing de dag tu gnas nas gar byed cing sgra 'byin par byed de/ lha'i rgyal po brgya byin gyi rdzing ni de lta bu yin par mthong ngo / /de nas yang dge slong de brgya byin gyi lha'i mdun sa chos bzang legs par byas pa'i las kyis sprul pa la rtog par byed de/ des brtags na rdzing gi bar na gnas</font><hr>64.121a<br><font size=+1>

pa'i nya rnams kha cig ni gser gyi mdog can/ kha cig ni dngul gyi mdog can/ kha cig ni bai dUr+ya'i mdog can la/ mdab ma ni pad ma ral gri mdog /mig ni spug lta bu/ lto ni pad ma'i mdog /kha cig gi rgyab ni rin po che sna tshogs kyi thig le bkra ba dag gis brgyan/ kha cig gi mdab ma ni rin po che rnam pa sna bdun gyi mdog tu 'dug ste/ pad ma'i rdzing de rnams su dga' bar byed do/ /de nas dge slong de brgya byin gyi pad ma'i rdzing rnam pa gzhan de dag nyid la rtog par byed de/ gang gis de dag gis ris nyid rnam pa du yod cig gu snyam nas des thos pa las byung ba'i shes pas brtags na/ sa de dag gi ris kha cig dag bye ma bdal ba lta bur mu tig bkram pa/ kha cig dngul gyi phye ma/ kha cig gser gyi phye ma/ kha cig nor bu bai dUr+ya bkram ste/ de ltar brgya byin gyi legs par byas pa'i las kyi sprul pas de dag gi ris bkra ba dag mthong ngo / /de nas yang dge slong de gnas de dag gi ris nyid la rtog par byed de/ des thos pa las byung ba'i shes pas brtags na/ 'di ltar rdzing de dag nyid kyi 'gram de kun nas kha cig gi kha khyer gser las byas pa dag gis yongs su bskor/ kha cig gi kha khyer nor bu bai dUr+ya/ kha cig ni dngul las byas/ kha cig gser dag las byas la/ mu tig gi dra bas kun nas bres pa yin te/ de ltar bya'i tshogs kha dog sna tshogs dga' ba'i sgra dang 'gro ba rnams kyis pad ma'i rdzing gi 'gram de dag kun du gang bar mthong ngo / /de nas yang dge slong las kyi 'bras bu rnam par smin pa shes pa de lha'i mdun sa chos bzang la rtog par byed de/ pad ma'i rdzing gi pad ma de dag gi nang na rgyu ba bung ba'i tshogs kyi mdog dang kha dog sna tshogs la 'di lta ste/ gser gyi mdog can rnams kyi nang du bung ba dngul gyi mdog can/ mdab ma rdo rje'i myu gu lta bu reg na bde ba dag rgyu la dngul gyi pad ma rnams kyi nang du bung ba gser gyi mdog can dag rgyu ste/ de ltar sna tshogs dag pad ma</font><hr>64.121b<br><font size=+1>

sna tshogs rnams kyi nang na rgyu'o/ /de ltar las dge bas 'bras bu sna tshogs dag 'byung bar 'gyur ba mthong ngo / /de nas yang dge slong de lha'i mdun sa chos bzang de nyid la thos pa las byung ba'i shes pas rtog cing de'i tshal dag la yang rab tu dpyod par byed de/ lha'i dbang po brgya byin gyi tshal dag rnam pa du yod snyam nas des thos pa las byung ba'i shes pas brtags na/ 'di ltar lha'i mdun sa chos bzang dag na tshal yod la/ de ltar tshal de re re la rab tu dpyod par byed de/ de'i tshal dpe med pa zhes bya ba dang / bkra ba zhes bya ba tshal bzhi po de dag ni lha'i mdun sa chos bzang dag na yod do/ /de ltar de tshal re re dag la rab tu dpyod par byed de/ tshal gang du lha rnams kyi dbang po brgya byin lha mo'i tshogs kyis yongs su bskor cing / lha'i 'dod pa'i yon tan lnga la gzugs dang / sgra dang / dri dang / ro dang / reg pa rnams kyis dga' zhing mgu la rtse zhing yongs su spyod pa'i tshal ni gang yin/ dga' bar spyod pa'i rnam pa ni du zhig yod cig gu snyam nas/ des thos pa las byung ba'i shes pas brtags na/ bud med dga' ba zhes bya ba'i tshal yod de/ tshal de ni lha'i shing ljon pa dang / me tog dang 'bras bus ni brgyan/ bya'i tshogs kyis yongs su bskor/ shing de dpag bsam gyi shing zhes bya la/ de ltar de dag ni ji ltar 'dod pa zhes bya bar 'gyur te/ gang sum bcu rtsa gsum dag yid la sems par byed pa de tshal de dag las rnyed par 'gyur ro/ /de dag gang gi tshe rtse ba'i phyir tshal der nye bar 'gro bar byed na de'i tshe shing ljon pa de dag gi me tog shin du bzang po rab tu rgyas shing me tog kha phye bar 'gyur ro/ /gang gi tshe bud med dag tshal de dag gi nang du zhugs la shing ljon pa'i drung du nye bar song ste/ shing ljon pa dag las me tog rnams len par 'dod pa de'i tshe ji ltar bud med kyis slebs tsam du shing ljon pa de dag 'phyang bar 'gyur ro/ /yang de ltar me tog gi rnam pa de dag blangs pa dang / </font><hr>64.122a<br><font size=+1>

me tog gi rnam pa gzhan dang / kha dog gzhan dang / dri gzhan dang / dbyibs gzhan dang / rnam pa gzhan dag 'byung bar 'gyur te/ lha mo de dag gis ji lta ji ltar bsams pa bzhin dpag bsam gyi shing de dag gi don du 'byung bar 'gyur ro/ /yang dpag bsam gyi shing de dag rnam pa gzhan du ston te/ rol mo'i sgra'i rnam pa thos na nyams dga' ba rnam pa lnga'i bar dag 'byung ba ni/ rgyud can dang / rnga dang / sil dkrol dang / gling bu dang / sgra snyan pa dag lha mo de dag gi yid kyis bsams shing / de bzhin du dbyangs kyi rnam pa mnyan par bya'o snyam mo/ /de nas sems bskyed ma thag tu shing ljon pa'i lo ma rnams kyi nang du dge ba'i las kyis skyed pa'i rlung de dag rab tu ldang ngo / /rlung gang gis lo ma de dag la de bzhin phog pa dang / de ltar rnam pa ji snyed yod pa de dag lo ma de dag las 'byung ste/ de bas na dpag bsam gyi shing zhes bya'o/ /yang dpag bsams kyi shing rnam pa gzhan du 'gyur te/ ji ltar lha mo 'dod 'gro dag sems dang 'thun pa'i rgyan dang / gos dang 'bras bu'i rnam pa ji lta ba bzhin lha mo'i yid la 'dod na/ de sems bskyed ma thag tu dpag bsams kyi shing de dag las 'byung zhing / de nas yang de mdzes par 'dug ste/ de bas na dpag bsams kyi shing zhes bya'o/ /de dag kyang kha cig bai dUr+ya'i mdog la gser gyi lo ma dang / kha cig sdong po gser la dngul gyi yal ga dang / bai dUr+ya'i 'dab ma dang / ke ger ta ka'i lo ma dang / kha cig lo ma rin po che sna bdun lta bu las rnam pa du ma ro bro ba dang / 'bras bu du ma dag thob par byed do/ /yang dpag bsam gyi shing rnam pa gzhan du bstan pa de gang zhe na/ 'di lta ste/ lha mo gang dag brgya byin la lta bar spro na/ brgya byin de'i dge ba'i las kyis sprul pa sgyu mas byas pa'i dbang po de mthong bar 'gyur te/ de dag dang lha mo dag lhan cig dga' bar byed cing yongs su spyod par byed do/ /de ltar dbang po de dbang po bye ba de snyed sprul par byed de/ shing ljon pa de dag gi drung du lha mo bye ba dgu</font><hr>64.122b<br><font size=+1>

bcu rtsa dgu re re dang / dbang po de dag dang / lhan cig rtse zhing yongs su spyod pa na/ lha mo de dag gcig la gcig ni mi mthong ngo / /gang dang gang gi tshe lha mo dag ji tsam du brgya byin gyi cha byad dang / rgyan gyi rnam pa dag yid la sems pa de srid du cha byad dang rgyan gyi rnam pa nyid mthong nas gnyis sprod par byed la/ de srid du tshal gyi nang du rnam pa du mar dga' bar byed cing yongs su sprod par byed de/ de bas na dpag bsam gyi shing zhes bya'o/ /de dag gal te rab tu 'byed pa na/ tshal de'i nang na ri yod pa ri rtse ba zhes bya ba mthong ste/ ri de yang rin po che sna bdun gyi rang bzhin yin zhing / rdo rje myu gu'i rdo rje bkram pa gser gyi lcug ma tshang tshing 'dres pas khyim byas pa/ gser dang dngul mthon ka lta bu'i ri dgas rnams kyis mdzes par byas pa bya sna tshogs skad 'byin pa/ dga' ba'i ri de la khang bzangs rgyal ba mchog 'gro zhes bya ba ka ba stong yod de/ gser dang / bai dUr+ya dang / mthon ka'i ka ba 'dres pa rnams kyis mdzes par byas pa/ kun nas rdo rje dang / mu tig rags pa rnams kyis spras pa/ 'ja' lta bu'i rnam pa khri snyed kyis sdug par byas pa/ bai dUr+ya'i seng ge'i khri la stan khra bos g.yogs shing / steng du gding ba 'jam po bting ba/ khang bzangs de na bai dUr+ya'i stan stong gis mdzes par byas pa/ brgya byin lha dang lha ma yin du bkye ba las rnam par rgyal nas mdzes par byas pa de sum bcu rtsa gsum gyi sar song nas/ lha thams cad kyi rang bzhin lha rnams dang lhan cig rab tu dga'o/ /de nas lha mo de dag khang bzangs der song nas rtse bar byed/ glu len par byed/ bro rdung bar byed/ yongs su spyod par byed/ phan tshun rtsed mo dag byed pa na/ rang gi las ngan pa dang bzang po dang 'bring po rnams kyis dga' bar byed do/ /de dag res 'ga' khang bzangs rgyal ba mchog 'gro de nas babs nas/ de nas yang ri rtse ba de nyid la gnas par byed der 'dod chags dang ldan pa'i sems kyis 'dod chags gcig pu don du byed pa dag phan tshun dga' bar byed do/ /'di ltar bud med thams cad</font><hr>64.123a<br><font size=+1>

ni 'dod chags kyi tshogs dang ldan pa yin la/ mtho ris na khyad par du lha'i yul dag na che ba yin no/ /de dag gal te yongs su rgyu ba na ri de la bza' ba dang btung ba yod pa'i sar nye bar 'gro bar byed de/ de yang gzugs dang / kha dog dang / dri dang / ro sna tshogs yod la btung ba myos par byed pa/ lha'i gzugs dang / dri dang / ro phun sum tshogs pa rnams kyis gang ba yin no/ /de la btung ba'i rnam pa de dag ni ra ro ba'i skyon dang bral ba yin te/ 'di lta ste/ dga' bar byed pa'i btung ba gang 'thungs na lha mo dag shin du dga' bar 'gyur ba dang / mthong bar byed pa zhes bya ba'i btung ba gang 'thungs na/ mtho ris kyi tshal dang / nye ba'i tshal thams cad ri gzhan du mas chod kyang mthong bar 'gyur ba dang / ro rab tu mang po zhes bya ba'i btung ba ro mang po'i 'dod pa gang 'thungs na spro ba dang / kha dog dang / gzugs dang / stobs brgya 'gyur du 'gyur ba'i btung ba de dag lha mos 'thungs nas/ yang zas kyi don du zas yod pa dag tu 'gro bar byed do/ /de'i zas dag rang gi las dang rjes su 'thun pa yin te/ ngan pa dang / 'bring dang / bzang po yin la/ ro dang / kha dog dang / dri dang / reg pa'i rnam pa las kyis bsgrubs pa phun sum tshogs pa yin no/ /de bzhin du btung ba dag kyang rang gi las kyis bsgrubs pa'i ngo bo so sor bstan pa yin te/ de dag gis btung ba de 'thungs shing zas bdud rtsi de yang zos nas/ rtse ba'i ri de la rol mo'i sa ga la ba der 'ong ngo / /sa de dag na pi bang khog pa ni bai dUr+ya gser gyi 'dab mas ni brgyan/ gser skud ring pos ni rgyud byas pa dang / gser las byas pa'i rnga dag las sgra snyan pa dag 'byung ngo / /de bzhin du smyug ma'i nang 'dres pa'i sbu gu rnam pa du ma dag kyang lha mo de dag gis mthong ste/ de ltar sil dkrol dang / gling bu dang / sgra snyan pa la sogs pa rol mo'i rgyu du ma dag gis yang de dag gi yid rab tu dga' bar byed do/ /thams cad rgyan thams cad kyis brgyan pa de rnams rol mo'i rgyu de dag blangs nas/ phan tshun yang dag par dga' bar bya ba dang / </font><hr>64.123b<br><font size=+1>

'dod chags sna tshogs skyed pa dang / chags pa mnyam pa dang / tshang tshing na gnas pa myog ces byed pa dang / shin du 'dod chags skyed pa phun sum tshogs pa bya ba'i phyir rol mo dag byed do/ /de nas yang de dag gis rol mo de byas nas dril bu g.yer kha yod pa'i sa ga la ba der 'dong ngo / /sa de dag na dril bu g.yer ka sgra mang po'i tshogs dag 'khrol te/ gang dag rlung gis bskyod pa'i sgra rnams brgya phrag du ma dag grag go/ /de dag gis sgra de thos nas yang cha byad dang / gzugs dang rgyan sna tshogs thogs pa rnams shin du dga' ste/ bro gar byed/ dgod par byed/ glu len no/ /sgra des tshim nas yang de nas babs ste/ ngang pa dang / ngur pas 'dzes par byas pa'i rdzing ga la ba der 'dong bar byed de/ bya ngang pa dang / ka ran da ba dang / ngur pa dang / gser dang / dngul gyi 'dog lta bu'i bya'i tshogs gzhan rnams kyis kyang rdzing 'dzes par byas pa de dang de dag tu chu la rtse ba'i phyir zhugs so/ /ser sna dang phrag dog dang bral ba de dag thams cad der babs nas/ pad ma'i sdong bu gser dang bai dUr+ya lta bu rnams kyis phan tshun rdeg par byed la/ de dag yun ring du ca co'i sgra dang / chu yan lag brgyad dang ldan zhing yon tan thams cad dang ldan pa la yun ring du rtses/ bya'i tshogs rnams dang yang lhan cig rtses nas/ de nas yang rgyags pa du ma byed pa rgyags pa la dga' ba/ rgyags pa don du gnyer ba/ rgyags pa'i ngo bo rgyags pas ngoms mi myong ba/ yul la brkam pa dag sa ris gzhan dag du 'dong bar byed de/ tshal me long tshal zhes bya ba der dong ngo / /der bdag nyid kyi gzugs rnyan cha byad dang / rgyan bzang pos brgyan par gyur pa mthong ste/ bdag nyid kyi gzugs brnyan yon tan sna tshogs phun sum tshogs pa de nye bar mthong zhing me long gi dkyil 'khor sna tshogs su rang gi yon tan phun sum tshogs pa dang / cha byad dang / rgyan phun sum tshogs pa mthong ngo / /der mthong nas de nas yang gzugs kyis rgyags pa bcu 'gyur tu 'jug ste/ </font><hr>64.124a<br><font size=+1>

gang gi phyir bud med rgyags pas myos pa ni rnam pa gsum ste/ 'di lta ste/ gzugs kyis rgyags pa dang / skyes pas rgyags pa dang / nga rgyal gyis rgyags pa'o/ /de dag rang gi gzugs rgyags pas myos pa mthong nas/ gzhan dag la bud med kyi grangs su chung zad kyang mi rtsi'o/ /de nas yang me long gi sa de las gzhan pa dus tshigs thams cad ces bya ba'i tshal du 'dong bar byed de/ tshal de na dus tshigs drug rtag tu yod la 'khor lo bzhin yongs su 'khor ba yin te/ 'di lta ste/ dgun dang / dgun smad dang / dpyid dang / sos ka dang / dbyar dang / ston to/ /tshal de kun nas dus tshigs dang / 'thun par sa ris dang / tshal gyi bya kha dog bzang po du ma rnams dang dus tshigs dang mthun par 'gro ba rnams kyis sdug par byas pa'i tshal der bde bar gnas par bya ba'i phyir dong ngo / /phan tshun grogs byed pa/ phan tshun thab mo dang phrag dog gis mi dga' ba med pa/ phan tshun 'dzem pa med pa phan tshun sdug cing byams pa/ de rnams tshal de mthong nas dus tshigs gang yin pa dang 'dod pa gang yin pa'i tshal der de rnams dong ste/ tshal de na dus tshigs dang mthun par rtsed mo byed do/ /dus tshigs kun so sor byung ba'i tshal na dus tshigs sna tshogs su byung ba rnams kyis yid la rtse ba'i rnam pa skyes pa lha mo de dag dang bya'i tshogs dang lhan cig ji srid gzhan du spro ba ma skyes pa de srid du dga' bar byed rtse bar byed do/ /de nas yang rtse zhing gnas pa yid rab tu dga' ba de dag yang lha'i rgyal po brgya byin ga la ba der dong ste khyim thab de mngon par mthong nas cho ga sna tshogs la mkhas pa'i lha mo de rnams kyis kun nas yongs su bskor te/ bro gar byed/ rgod par byed/ glu dbyangs len to/ /de ltar lha'i rgyal po brgya byin gyi tshal gcig la yon tan gyi rnam pa phun sum tshogs pa yin te/ lha'i rgyal po brgya byin gyi tshal gcig ni de lta bu yin no/ /de nas yang dge slong de lha'i rgyal po brgya byin gyi tshal gnyis pa la rtog par byed de/ </font><hr>64.124b<br><font size=+1>

tshal de rnam pa ni du yod/ ming ni ji skad btags zhig gu snyam nas/ des thos pa las byung ba'i shes pas brtags na/ tshal kun dga' zhes bya ba yod de/ tshal de na yon tan du yod cig gu snyam nas des thos pa las byung ba'i shes pas brtags na/ 'di ltar tshal de ni ngo bo nyid kyis kun dga' ba yin te/ tshal de na lha dang lha mo'i tshogs rab tu dga' bas ni kun tu gang / thams cad nas rtag tu dog cing phan tshun gyi gdong mthon po gzhan dang gzhan 'byes pa skyed par lha'i rgyal po brgya byin lha'i bu mo 'bum gyis yongs su bskor te/ dga' spyod la gnas par bya ba'i phyir 'gro bar byed do/ /lha'i dbang po brgya byin de 'gro ba na bskyed mos tshal du 'gro ba'i shing rta brgyad khri bzhi stong gi rgyu bai dUr+ya las byas shing dril bu g.yer ka mang po 'phyang ba kha cig rta mgo bo 'dzam bu'i chu bo'i gser gyis brgyan cing / rtsib logs dngul gyis gtams la rin po che sna bdun gyis mdzes par byas pas khrid/ kha cig ni ngang pas khrid/ kha cig ni nam mkha' la 'gro/ kha cig ni sa la 'gro la/ glu dbyangs dang / sil snyan dang / rol mo rnam pa sna tshogs kyis bskor ba'i lha'i gtso bo dag zhugs te/ brgya byin gyi 'khor byas nas dong ngo / /bal glang brgyad khri bzhi stong gi lus gser gyi dra bas g.yogs shing / lus la dril bu g.yer ka ni 'phyang / lus la stan khra bo dang gding bas ni g.yogs/ 'gram pa la dngul gyi thig le gsal ba ni 'dzag /lha'i rol mo'i glu dbyangs dag len pa na/ lha'i gtso bo dag zhon te/ brgya byin gyi ngo 'ba' shig tu lta bas brgya byin yongs su bskor nas bskyed mos tshal du 'dong ngo / /lha mo brgyad khri bzhi stong cha byad dang rgyan sna tshogs thogs shing kha dog dang / gzugs sna tshogs su 'dug pa dag brgya byin 'ba' shig lta la/ kha cig ni bro gar byed/ kha cig ni glu len/ de dag gi nang na kha cig ni yan lag lnga dang ldan pa'i rol mo byed/ kha cig ni rtsed mo sna tshogs byed cing bskyed mos tshal du</font><hr>64.125a<br><font size=+1>

dga' spyod byed du 'dong ngo / /bro gar mkhan cha byad rnam bzhi dang / gzugs dang / cha byad sna tshogs dang ldan pa dag kyang bro gar byed/ rtsed mo byed yongs su spyod par byed pa dag brgya byin gyi ngo 'ba' shig tu lta zhing bskyed mos tshal ga la ba der dga' bar byed du 'dong ste/ lha'i dbang po brgya byin bde sogs dang lhan cig de dag gi nang du zhugs nas/ shing rta rtsibs brgya pa bai dUr+ya dang / gser dang / spug dang / pad ma rA ga dang / an da rnyil dang / mthon ka chen pos brgyan pa'i shing rta gang yin pa de/ ngang pa'i lus ni 'dzam bu chu bo'i gser rkang pa ni byi ru/ mig ni rin po che ke ke ru/ lus ni pad ma rA ga /mchu ni byi ru/ sgro ni mu tig gi mdog lta bu stong phrag brgya snyed kyis shing rta de 'dren par byed de/ brgya byin gyi yid la 'dod pa bzhin du 'gro bar byed do/ /shing rta mchog de'i nang na brgya byin lha'i rin po che sna tshogs kyis brgyan cing / nyi ma brgya bas lhag pa'i gzi dang ldan pa bde sogs dang lhan cig tu bskyed mos tshal ga la ba der 'dong ngo / /sum bcu rtsa gsum gyi lha de dag thams cad de ltar lha'i bde ba dang ni ldan/ lha'i sgra dang / reg pa dang / ro dang / gzugs dang / dri'i reg pas myos shing lha'i dbang po brgya byin lha kun gyis yongs su bskor te/ tshal dang nye ba'i tshal dag yang dag par lta bar byed la gser gyi shing rta'i nang du zhugs te/ bde sogs dang lhan cig snga ma bzhin du kun dga'i tshal ga la ba der 'dong ngo / /lha'i bdag po de bde ba rnam pa brgya stong phrag du ma dag nye bar spyod pa na/ shing rta dang / glang po che dang / lha dang / lha'i blon po glu dang / sil snyan dang / dbyangs dang / rol mo'i sgra rnams kyis mngon par mchod cing kun dga'i tshal ga la ba der gnas par bya ba'i don du 'dong ngo / /brgya byin de ltar 'gro ba na gang de'i tshal de na lha mo sgeg mo 'khod pa de dag gis glu dang / rol mo'i sgra dang / sil snyan sna tshogs thos pa de dag lha gzhan rnams dang lhan cig thos te yid rab tu dga' nas rgyug par byed do/ /de dag lag</font><hr>64.125b<br><font size=+1>

na pad ma thogs shing sil snyan sna tshogs dang / glu dbyangs nye bar len la tshal de nas 'byung bar byed do/ /de nas lha'i dbang po brgya byin gyis de dag mthong nas rang gi lha dag la smras pa/ kye lha rnams lha mo 'di dag ni kun dga'i tshal nas nga mthong ste sur 'ongs la/ sil snyan dang / rol mo'i sgra byung ba dang / gzhan yang rin po che'i cha byad dang / gzugs rnam pa du ma yod pa de dag la lha rnams ltos/ gang lha mo de dag dang bdag cag lhan cig lha'i tshal bskyed mos tshal du rtse zhing dga' spyod byed du 'dong ngo / /de nas lha'i dbang po brgya byin gyi tshig de thos nas lha rnams kyis tshig 'di skad ces smras so/ /lha'i dbang po lha mo 'di dag thams cad ni khyod kyi lags te/ skyabs khyod lags/ rten khyod lags/ mgon khyod lags so/ /de nas lha'i dbang po brgya byin gyis tshig 'di skad ces smras so/ /'di dag gi gtso bo ni nga ma yin te/ rten nga ma yin/ skyabs nga ma yin/ 'di dag ni nga'i ma yin no/ /'di dag las kyi mthus rab tu rgyug pa yin te/ bdag po las yin/ rten las yin/ rton pa las yin te/ las ngan pa dang / 'bring dang / bzang po gang yin pa de dag gis de ltar 'gyur la/ las kyi dbang de dag gis ngan pa dang / 'bring dang / bzang por byas pa yin gyi nga'i mthu ni ma yin no/ /de nas de'i tshe 'di ltar lha rnams kyi dbang pos tshigs su bcad de smras pa/ las ngan pas ni lus can rnams/ /'gro ba dag ni ngan par 'gyur/ /'bring dag gis ni 'bring du mthong / /de bas bzang ba mi rnams so/ /gang gis gang du gang gi tshe/ /gang byas las ni rjes myong ba/ /de yis der ni de yi tshe/ /las de lus la rnam smin 'gyur/ /lha khang 'od kyi phreng ba can/ /bde ba'i rnam pas rtse byed pa/ /de ni dge ba'i 'bras bur mthong / /khyad par du ni dri ma med/ /mi ni las dag gang byed pa/ /dge 'am yang na mi dge byed/ /de yi 'bras bu de tshe mthong / /bde 'am yang na mi bder 'gyur/ /bde ba'i rnam pa 'di rnams kyis/ /lha dag du mar rtse ba gang / /de rgyu nga ni ma yin te/ /rgyu de sngon ni byas pa yin/ /de nas lha de rnams kyis</font><hr>64.126a<br><font size=+1>

brgya byin de'i kha nas tshigs bcad de dag thos te rjes su yi rang la spyi bos blangs nas/ yang bskyed mos tshal du gnas par bya ba'i phyir/ bskyed mos tshal ga la ba der 'dong ngo / /de nas lha mo stong ngam/ stong phrag brgya de dag so so'i lag pa pad mas brel cing / cha byad dang / gzugs dang / rgyan sna tshogs thogs pa yin te/ 'di ltar lha mo de dag phan tshun so so na cha byad dang / gzugs dang / 'gros dang / glu dbyangs dang / rol mo byed pa dag mi 'dra ba yin no/ /de ltar dge ba'i las du mas sprul pa'i lha mo brgya 'am stong de dag shin tu mkhas pas sprul pa yin no/ /de nas de dag thams cad lha'i dbang po brgya byin ga la ba der logs su phyogs shing bro gar byed la/ kun dga'i tshal de ga la ba der 'dong bar byed do/ /tshal der sngar 'jug pa na dngul gyi shing ljon pa rnams dang / dngul gyi mdab ma dang / dngul gyi sa gzhi dang / dngul gyi mdog lta bu rnams kyis mdzes par byas pa/ bya thams cad kyang dngul gyi bya ste/ bya'i tshogs kyi rnam pas kun tu gang la/ sgra rnam pa sna tshogs 'byin pas mdzes par byas pa dang po nyid du lha'i dbang po brgya byin zhabs 'bring ba dang / lhan cig 'jug par byed do/ /de 'jug pa na rin po che rnam pa sna tshogs kyis brgyan pa'i 'od dang / tshal dngul gyis brgyan pa'i 'od gang yin pa'i 'od gnyis po de dag phan tshun 'khril ba lta bur 'byung zhing 'od dag gis nam mkha' brgyan pa lta bur yang 'byung ngo / /brgya byin de yang yid rab tu dga' la/ lha mo de dag so so'i glu shin tu snyan cing snyoms pa len te/ sil snyan yan lag lnga dang ldan pa phyad par byed do/ /shing rta brgyad khri bzhi stong dang / de bzhin du glang po che brgyad khri bzhi stong rnams kyang snga ma bzhin te/ nor bu dang / dril bu g.yer ka dang / gling bu'i sgra rnams thos nas/ lha mo stong phrag du ma rnams kyis bstod cing lha mo 'bum phrag dgu bcu rtsa dgus yongs su bskor ba yin te/ sum bcu rtsa gsum gyi dbang phyug gi lus dang sems kyi bde ba gang yin pa de ni dpe bya bar sla ba ma yin no/ /de ci'i phyir zhe na/ sum</font><hr>64.126b<br><font size=+1>

bcu rtsa gsum gyi dbang phyug gi lha'i gnas pa dang / kha zas kyi bde ba de ni gzhan dang mi 'dra'o/ /de nas lha'i dbang po brgya byin lha'i 'dod pa'i yon tan lnga 'byor pa dngul gyi tshal de'i nang du zhugs nas/ lha'i tshogs dang lha mo'i tshogs thams cad dang bcas pa yun ring du rtse bar byed/ yongs su spyod par byed de/ yul gyi bde ba des mchog tu bde'o/ /de nas yang lha'i dbang po brgya byin rtse zhing gnas pa'i don du yang lha mo'i tshogs thams cad dang / shing rta dang / glang po che rnams dang bcas pa snga ma bzhin tshal de ga la ba der 'dong ngo / /der phyin nas gser gyi tshal gnyis pa gser btso ma'i kha dog lta bu dang de bzhin du 'bras bu rnams kyis mdzes par byas pa mthong ngo / /mi lnga'i zheng gi tshad tsam gyi 'bras bu ro sbrang rtsi ltar mngar la dri'i rnam pa phun sum tshogs pa'i 'bras bu de gang zos na/ shin tu dregs pa skye bar 'gyur ba mthong nas yal ga bkug ste 'bras bu de dag glang po che rnams kyis za bar byed do/ /de nas 'bras bu zos pa'i glang po che de dag myos te 'gying zhing 'gro ba rnams/ ji ltar lha rnams kyang / kye e ma glang po che myos shing 'gying la 'gro ba rnams 'bras bu'i ro thams cad zos nas myos te/ rab tu gar byed pa ngo mtshar du byed pa de ltar sil snyan gyi sgra des lhan cig gar byed do/ /de bzhin du gser gyi tshal de na bya'i tshogs du ma sgra 'byin la/ tshal de na bya dngul gyi kha dog can de dag de rnams la chags shing 'dug pas shin tu mdzes par byas so/ /lha'i dbang po brgya byin yang lha mo de dag dang / lhan cig lha de dag dang yang lhan cig lha'i bu mo bde sogs dang yang bdag nyid lhan cig tu dga' bar byed/ yongs su spyod par byed rtse bar byed tshim par byed do/ /lha de dag kyang rang gi slas rnams kyi nang na dga' bar byed/ yongs su spyod par byed/ glu dbyangs len/ bro gar byed/ rgad par byed de/ legs pa byas pa'i lha rnams phan tshun phrag dog dang / ser sna dag med par rtsed mo byed do/ /de nas gser gyi tshal de'i nang na chu bsil ba zhes bya ba'i rdzing bu gnyis yod de/ de yang gser dang bai dUr+ya'i pad ma rnams kyis bkra bar</font><hr>64.127a<br><font size=+1>

brgyan pa yin la/ sum bcu rtsa gsum na gnas pa'i lha rnams dang / lha'i mdun sa chos bzang na gnas pa brgya byin gyi sngon du 'gro ba gang yin pa de dag gis yongs su bskor te/ rdzing de dag gi 'gram na lha mo'i tshogs rnams dang lhan cig sil snyan yan lag lnga dang ldan pa rnams kyis rtse bar byed de/ yongs su spyod par byed do/ /de nas yang khang pa chos bzang gi nang na lha 'khod pa de dag tshal kun dga' ga la ba der 'dong ngo / /tshal de'i nang na bai dUr+ya'i shing ljon pas mdzes par byas shing / gser gyi mdog gi 'bras bus brgyan pa yin la/ lha'i 'bras bu de dag gi nang du khu ba zhim pos ji ltar gang ba ni 'dzam bu'i gling na Di ker+ya dang / pa na sa bzhin no/ /shun pa sra ba'i nang na 'bras bu mngar ba zhes bya ba dri zhim la/ mdog bzang po mang ba yod de/ de nas lha de dag gis 'bras bu de blangs nas gshags te 'thung ngo / /sbrang rtsi bas lhag pa'i ro yod pa 'thungs nas kyang myos pa'i nyes pa dang / 'brel bas myos so/ /de nas lha dag myos pa rnam pa gsum gyis myos par 'gyur te/ 'di lta ste/ bud med kyis myos pa dang / 'bras bu'i khu bas myos pa dang / lha'i 'dod pa'i yon tan lnga rnams kyis myos pa yin te/ de ltar lha rnams lha mo'i tshogs dag dang lhan cig myos pa rnam pa gsum gyis myos so/ /lha'i dbang po brgya byin yang brgya byin gyi mdun du 'gro ba dang lhan cig bdud rtsi la za ste/ rang gi las kyi 'bras bu tshong pa lta bus bsgrubs pa'i bdud rtsi de blangs nas za bar byed do/ /brgya byin lha'i tshogs dang bcas pa thams cad kyis yongs su bskor nas yul gnas nas gnas su song ste/ dga' bar byed/ rtse bar byed/ yongs su spyod par byed do/ /bai dUr+ya'i tshal de dag thams cad bya dang / bung ba dang / dril bu g.yer ka dang / ro sna tshogs dag gis nyams dga' ba yin te/ tshal der yun ring du dga' bar byas so/ /de nas yang lha'i dbang po brgya byin lha'i tshogs de dag nyid dang / lha'i mdun sa chos bzang du 'jug par byed do/ /de nas yang lha'i mdun sa chos bzang na lha'i tshal gsum pa dpe med pa zhes bya ba yod de/ tshal ngo bo nyid kyis dpe</font><hr>64.127b<br><font size=+1>

med pa gang yin pa der lha'i rgyal po brgya byin gyi bu lnga brgya rang gi slas kyis yongs su bskor nas rtse bar byed/ yongs su spyod par byed de/ 'di dag ni 'byor pa yin no/ /de'i 'og tu rgyas pa ni 'di lta ste/ lha'i dbang po brgya byin gyi bu de dag 'di lta bu yin te/ thams cad chos dang ldan zhing chos kyi rjes su 'jug pa thams cad yang dag pa'i lta ba dang ldan pa/ yang dag pa'i lta ba sngar blangs pa'i lha rnams lha dang lha ma yin las rnam par rgyal ba 'thob pa thams cad mar 'dzin pa/ phar 'dzin pa/ dge sbyong du 'dzin pa/ bram zer 'dzin pa/ phan tshun kun yid 'thun par gyur pa yin la de dag res 'ga' 'di snyam du 'di ltar bdag cag nges par bskyed mos tshal dpe med pa zhes bya ba der dga' spyod byed du bdag cag lha mo tshogs dang bcas pas yongs su bskor te 'dong bar bya'o snyam mo/ /de ltar de dag thams cad bsams nas skyed mos tshal dpe med pa ga la ba der 'dong ngo / /de ltar lha'i bu re re dag gi lha mo bye ba yod pa de dag gzugs dang / lang tsho phun sum tshogs pa/ phan tshun gyi bya ba gcig pu ni rgyags par gnas pa/ rgyags pa lhur byed pa lta bu 'thun pa yin te/ lha'i dbang po brgya byin ga la ba der dong nas lha 'di ltar bdag cag bskyed mos tshal der gnas par bgyi ba'i slad du bskyed mos tshal dpe ma mchis par mchi bar bgyi'o/ /lha bskyed mos tshal dpe ma mchis pa der bdag cag dang lhan cig gnas par mdzad pa'i slad du gshegs pa ni 'os pa lags na dgongs su gsol/ brgya byin gyis smras pa/ de lta ma yin no/ /bskyed mos tshal gyi dga' spyod ni ngas byas zin te/ chos kyi rjes su chos bsgrubs pa dang / 'dun pa sngon du btang ba'i phyir bdag cag gi don rjes su bsgrub par bya'o/ /ngas ni lha rnams kyi bag yod pas skyed mos tshal du dga' spyod byas nas slar 'ongs pa yin no/ /lha rnams ni bag med pa'i nyes pas nyon mongs pa yin te/ de ltar bag yod par bya zhing de lta bas na bag med pa'i nyes pa'i dug mi bzad pa spongs shig ces smras so/ /</font><hr>64.128a<br><font size=+1>

'dir tshigs su bcad pa/ bag yod bdud rtsi'i gnas yin te/ /bag med 'chi ba'i gnas yin no/ /bag yod 'chi bar mi 'gyur te/ /bag med pa ni rtag tu 'chi/ /bag yod 'chi med gzhi yin te/ /bag med pa ni 'chi ba'i gzhi/ /bu dag bdag ni bag yod pas/ /lha rnams kyi ni gtso bor gyur/ /de ni bdag ste bde gshegs bka'/ /bu dag bdag gis bsgrub par bya/ /bdag gis sdom brtson can gyi bka'/ /nams kyang 'da' ba mi bya ste/ /thub pa'i bka' las 'da' ba gang / /'dod pa yis ni rmongs pa yin/ /sdug bsngal de las thar med de/ /rtag tu sdug bsngal rjes su 'gro/ /de ltar lha'i dbang po des bu de dag la bsgo nas/ rang gi gnas lha'i mdun sa chos bzang du zhugs so/ /de nas brgya byin gyi bu yid rab tu dga' zhing phan tshun nang 'thun pa rnams rang gi gnas lha'i gser bzang po las byas shing rgyan gyis brgyan pa/ glu dbyangs dang / rol mo'i sgra 'byin pa/ rnam pa sna tshogs phan tshun brgyan pa'i brgya byin gyi gnas ga la ba der 'jug go/ /zhugs nas kyang 'di ltar bdag cag ni bskyed mos tshal du dga' spyod bya ba'i phyir/ bskyed mos tshal dpe med par dga' spyod byed du 'dong ngo zhes smras so/ /de nas lha'i bu gzhon nu bdun khri dag kha cig ni gser gyi rta la zhon/ kha cig ni lha'i bya'i steng du zhon/ lha mo dag rjes su 'gro zhing lha mo kha cig nam mkha' la 'gro kha cig lha mo dang lha'i tshogs kyis yongs su bskor te/ pad ma mchog gi nang nas 'gro la/ bde ba mchog rjes su myong zhing / rol mo dang / glu dbyangs len pa dag dang lhan cig tshal dpe med pa ga la ba der 'dong bar byed do/ /de nas brgya byin gyi bu de rnams kyi lus lha'i phreng bas brgyan cing lha'i tsan dan gyis bskus te/ rang gi 'od kha cig ni nyi ma'i 'od dang 'dra/ kha cig ni zla ba'i 'od dang 'dra/ kha cig gza' dang skar ma'i 'od dang 'dra ste/ ji ltar las dag byas pa bzhin mdzes shing / bskyed mos tshal shin tu gang ba dpe med pa</font><hr>64.128b<br><font size=+1>

ga la ba der 'dong bar byed de/ gcig la gcig legs par bya ba la gzhol zhing sdug pa lha'i yul dag nye bar spyod bzhin du tshal der zhugs so/ /tshal de yang ngo bo nyid kyis dpe med pa yin te/ de'i phyogs 'ga' kho na zhig dper gzung zhing bya na tshal der zhugs na de'i tshe dri'i rnam pa dpe med pa rab tu ldang ste/ gang tsan dan sa mchog gi dri gzhan bcu drug gi char yang mi phod do/ /de ltar dri de yid du 'ong ste/ snams pa gang yin pa de yang bde ba dang ldan pa'i rnam pa de lta bu yin no/ /der de dag phan tshun ngo mtshar skye bar 'gyur te/ bdag cag gi bde ba ma yin no/ /snyam nas skom 'thungs te tshal der zhugs so/ /de nas zhugs pa dang tshal de dag gi dang po bstan pa ni dge ba'i las 'bad pa dag gis bskyed pa'i shing ljon pa'i cha sdug pa yin te/ tshal de na shing ljon pa'i sdong po rnams kyi cha sdug par byas pa yin no/ /de dag brgya tsam ni bai dUr+ya las byas/ brgya tsam ni gser las byas/ brgya tsam ni dngul las byas/ brgya tsam ni shel las byas pa yin te/ de ltar de'i tshe shing ljon pa rnams kyi sdong po sna tshogs yin no/ /'di lta ste dper na 'dzam bu'i gling na ri mo bris pa'i ngos sdug pa de bzhin du shing ljon pa sna tshogs de dag sdug pa yin no/ /shing ljon pa sdug pa de rnams kyi rnam pa du ma dang / kha dog du ma dang / gzugs du ma dang / dbyibs du ma yod pa de dag lha'i bu me long gi ngos ltar dri ma med pa de dag gis mthong nas/ de nas yang lta ba skyed cing kun tu rgyu ba 'bum phrag du ma dag kun nas rab tu dga' zhing lha mo'i tshogs kyis gang ba/ rol mo dang / sil snyan gyi sgra 'byin pa'i rnam pa rab tu dga' ba'i yid kyis bskyed mos tshal du yun ring du bde bar bya ba'i phyir/ tshal dpe med pa de ga la ba der 'dong bar byed do/ /de ltar der zhugs pa dang lha'i bya'i tshogs de dag sgro ni gser/ lto ni bai dUr+ya/ rkang pa ni byi ru/ rgyab ni dngul/ mig ni rin po che ke ke ru ste/ shin du rnar snyan pa'i rnam pa de dag gi sgra 'byin par byed do/ /de nas lha'i bu rnams kyis bya'i tshogs de rnams</font><hr>64.129a<br><font size=+1>

kyang mthong ngo / /sgra mchog tu snyan cing 'jebs pa 'byin pa yang rnar thos shing / bya de dag mthong nas/ lha'i bu de rnams rang gi bya dag la phan tshun smod par byed de/ 'di ltar khyed kun gson cig /bya sgra 'byin pa rnam pa du ma dang / kha dog dang ldan pa du ma dang / sgra rnam pa du mas lha mo'i tshogs de rnams kyi glu dbyangs de dag thams cad kun nas mi mngon pa de ltar zil gyis non to/ /de nas bya de dag gi sgra thos nas de nas yang de'i 'og tu bskyed mos tshal du rtse bar bya ba'i phyir tshal du 'dong bar byed do/ /de nas pad ma'i rdzing pad ma'i nyi ma'i 'od lta bu zhes bya ba thams cad mthong ste/ pad ma'i 'dab ma nyi ma lta bu stong gis yongs su bskor ba de dag la mngon par brtags nas/ lha'i bu cha byad dang / gzugs sna tshogs 'chang ba de dag snga ma bzhin pad ma'i rdzing de ga la ba der 'dong bar byed do/ /de nas lha'i bu de dag lha mo'i tshogs dang bcas pas yongs su bskor cing pad ma'i rdzing de bskor nas/ bro rdung bar byed/ glu dbyangs len/ rgod par byed/ rtsed mo byed/ yongs su spyod par byed de/ lha'i bu de dag bde ba sna tshogs kyi brgyags pas myos so/ /de nas yang pad ma'i tshal gyi phyogs de nas de dag phan tshun lhan cig tu lha'i rgyags pas myos shing / lha yul gyi gnas chen po tshal de'i nang ga la ba der 'dong bar byed do/ /de nas lha mo'i tshogs gar byed cing / lus la cha byad dang / rgyan sna tshogs thogs pa de dag thams cad chu bo 'bab pa'i tshal dga' ba ga la ba der 'dong bar byed de/ tshal de na yang chu bo 'bab pa'i chu'i rnam pa ni 'di lta ste/ 'o ma'i chu dang / chang gi ro'i chu dang / sbrang rtsi'i chu dang / rgun chang gi chu dang / lha'i btung ba'i chu dang / bung bas khebs pa dang / bya'i tshogs brgyas yongs su bskor ba dang / gser gyi rdo dang / byi ru'i rdo dang / dngul gyi rdo dang / rdo sna tshogs 'bab pa dag mthong ngo / /de nas lha'i bu lha mo'i tshogs kyis yongs su bskor ba de dag der rtses nas/ tshal ga la ba der lha mo rnams dang lhan cig yun ring du dga' bar byed yongs su spyod par byed do/ /de nas chu bo</font><hr>64.129b<br><font size=+1>

'bab pa'i phyogs de nas kyang lha'i me tog gi tshal ga la ba der 'dong bar byed do/ /de na lha'i me tog ma rnyis pa dpag tshad bcur dri rgya cher 'byung ba dag yod de/ 'di lta ste/ me tog zla ba'i 'od ces bya ba zla ba'i mdog lta bu dang me tog nyi ma'i 'od ces bya ba nyi ma'i mdog lta bu yin yang 'od tsha ba med pa dang / gza' dang skar ma lta bu'i 'bras bu'i tshal thams cad du lha'i bu de dag 'dong bar byed do/ /tshal der 'bras bu 'byung ba dag ni 'di lta ste/ sbrang rtsi gong bu'i 'bras bu dang / 'bras bu rno ba dang / 'jam pa zhu ba'i 'bras bu dang / dri'i 'bras bu ste/ dri gang shin tu tshim par byed pa nyid dang / ro drug pa'i 'bras bu dang / ji ltar ro 'dod pa'i 'bras bu dang / ro mi ngoms pa'i 'bras bu ste/ 'bras bu'i rnam pa de dag ni lha rnams kyis legs par byas pa'i las kyi sprul pa'i 'bras bu yin te/ tshal dpe med pa der 'byung bar 'gyur ro/ /tshal der yang lha rnams dga' bar byed/ rtse bar byed/ yongs su spyod par byed/ za bar byed/ 'cha' bar byed/ 'thog par byed/ 'thung bar byed/ 'jib par byed/ de dag der dga' bar byas nas/ tshal bya bro gar byed pa zhes bya ba'i phyogs ga la ba der 'dong bar byed de/ tshal de na bya'i tshogs skad 'byin pa dag mthong zhing glu dbyangs kyi sgra gzhan 'byin pa dang / gar gzhan byed pa dang / sgra snyan pa gzhan gyis rna lam yongs su gang ste/ de rnams kyis der sgra snyan pa yid du 'ong ba de dag thos nas kyang rtse bar byed do/ /de nas 'dres pa'i tshal gzhan du 'dong bar byed de/ tshal de thams cad 'dres pa 'di lta bu yin te/ ji ltar thams cad sngar bstan pa bzhin du tshal 'bras bu dang / me tog dang chu bo dang / shing ljon pa dang / bya'i tshogs phun sum tshogs pa yod de/ des na 'dres pa'i tshal zhes bya'o/ /de dag kyang 'dres pa'i tshal der lha'i 'dod pa'i yon tan lnga dag 'byor cing ldan par gyur pas rtse zhing 'ong ba'i sgras dga' bar byed de/ de nas de dag de na gnas shing shin tu</font><hr>64.130a<br><font size=+1>

yun ring bar byed do/ /de nas lha'i rgyal po brgya byin 'di snyam du sems te/ lha'i bu bag med pa la gnas pa de dag gang yin bde ba 'di thams cad kyi mtha' zad par 'gyur ba khong du ma chud do snyam mo/ /de nas lha'i bu de dag thams cad kyis lha'i rgyal po brgya byin gyi bsam pa shes nas/ ji ltar dong dong ba'i lam de nyid nas de ltar slar 'gro ste/ 'di ltar lha'i rgyal po brgya byin ga la ba der 'dong bar byed do/ /de nas lha mo de dag kyang 'gros myur bar lha'i 'dun sa chos bzang ga la ba der rtse ba'i don du 'jug par byed do/ /de nas brgya byin gyis lha'i bu de rnams la mngon par brtags nas 'di ltar tshigs su bcad de smras pa/ sred dang bcas pa'i yul rnams la/ /ngoms pa dag tu ga la 'gyur/ /ngoms pa sred bral gang yin pa/ /lus can de ni mya ngan bral/ /skye bo yul la mngon dga' ba/ /nams kyang bde bar mi 'gyur te/ /yul ni dug dang 'dra bar mthong / /yongs su gyur pa mi zad do/ /'dir ni yul la 'jug byed pa/ /thog ma bar dang tha ma med/ /'jig rten 'di min pha rol min/ /bde ba byed pa gang la yod/ /skye ba rtag pa shin tu zad/ /lang tsho dag ni rings par 'gro/ /'du ba dang ni 'bral ba dang / lhan cig skye bar yongs su mthong / /rab tu bslus pa du ma dag /bde dang sdug pas rtag bsgribs kyang / /srog chags rmongs pas bslus pa dag /yid ni 'byung bar mi byed do/ /'di ltar byis pa thams cad ni/ /sred pa dag la rtse bar byed/ /ji ltar shing la me 'bar bzhin/ /yul rnams la ni ngoms pa med/ /skye bo ngoms med 'di dag kun/ /yul rnams kyis ni yongs su bslus/ /'chi dang nye bar 'gro byed kyang / /gzugs rnams dang ni 'bral mi byed/ /lam rgyags dag ni ma bsags pa/ /yul rnams kyis ni yongs su bslus/ /sred pas yongs su rmongs pa yi/ /lha dag dbang med 'chi bar 'gyur/ /'dod pas rmongs pa khyed kun la/ /nga yis rjes su bstan pa yin/ /'di ltar chos gnas dam pa ste/ /bdag la</font><hr>64.130b<br><font size=+1>

phan pa rtag tu gyis/ /chos la spyod pa'i mi dag ni/ /bde las bde ba 'thob 'gyur te/ /mya ngan 'das dang gzhan zhi ba/ /myur ba nyid du shin tu 'gro/ /de lta bas na pha rol gyi/ /bsod nams dag gi phung po gyis/ /rtag tu bsod nams byed pa ni/ /dul zhing zag med gnas su 'gro/ /de nas brgya byin tshig thos nas/ /sems byung bzang ba zhi dang dul/ /brgya byin bu ste de dag kun/ /pha yis rjes su bstan pa yin/ /de nas lha'i rgyal po brgya byin legs par bya ba'i las byed pa ngan song gi sgo bcad pas bu de dag la mngon par gtams te/ lam bzang po la yang dag par btsud nas tshal sna tshogs ga la ba der bdag nyid bde bar gnas pa dang / dge ba bya ba'i phyir 'gro bar byed de/ de nas legs par byas pa'i las sna tshogs byas pa'i tshal sna tshogs na lha'i rgyal po brgya byin gyi khang pa brtsegs pa sna tshogs la 'di lta ste/ shel las byas pa dang / byi ru las byas pa dang / gser las byas pa dang / dngul las byas pa dang / mthon ka las byas pa dang / mthon ka chen po las byas pa dang / gser btso ma las byas pa lnga brgya snyed yod do/ /de nas brgya byin gyi tshal sna tshogs de shing ljon pa 'bum phrag du ma snyed kyis mdzes shing / /pad ma nyi ma 'char ba'i mdog lta bu rnams kyis mdzes par byas pa de la mngon par brtags na/ 'di ltar tshigs su bcad de smras pa/ bsod nams dag gis dga' 'gyur te/ /brgya stong dag du bya ba yin/ /bsod nams sna tshogs byas pa yis/ /kun nas sna tshogs smin par 'gyur/ /legs byas las ni ma byas pa/ /sems kyi bran du song ba'i mi/ /sems kyi dgra yis yongs bslus pa/ /dbang med ngan song rnams su ltung / /khang pa brtsegs pa thams cad dag /kun tu sna tshogs las yin te/ /lha rnams nang du lha spyod pa/ /legs par byas pas mang por 'phel/ /de nas lha'i rgyal po brgya byin gyis tshigs su bcad pa de dag smras nas khang pa brtsegs pa gzhan ga la ba der 'gro bar byed do/ /legs par byas pa'i las kyis sprul pa'i khang pa brtsegs pa der stan khra bo 'jam zhing</font><hr>64.131a<br><font size=+1>

'phar la lhod pa dag ni bting / rin po che las byas pa'i stan du mas ni mdzes par byas/ 'od kyi phreng ba rnam pa du ma yod pa de dag la mngon par brtags nas lha'i rgyal po brgya byin nang du zhugs so/ /zhugs nas de na dga' bar byed/ yongs su spyod par byed do/ /nang du zhugs pa'i khang pa brtsegs pa de rin po che las byas pa yin te/ rin po che 'bar ba du mas rnam par brgyan pa/ 'od du ma 'byung ba/ me tog rnam pa du mas mdzes par byas pa/ de'i nang du zhugs nas kyang lha mo'i tshogs du mas yongs su bskor te/ de ltar de rnams glu dbyangs len bzhin du tshal de na rtse bar byed/ yongs su spyod par byed do/ /tshal de na yang mtho zhing dma' ba'i sa ris legs par rnam par phye ba dang / me tog rnam pa sna tshogs kyis khebs pa'i sa ris legs par rnam par phye ba dang / gser gyi bya rnam pa sna tshogs skad 'byin pa'i sa ris legs par rnam par phye ba dang / la la dag tu yang rin po che sna bdun gyi shing ljon pa rnams kyis mdzes par byas pa bya dang bung ba sna tshogs sgra skad snyan pa 'byin cing / kha cig dag na yang dpag bsam gyi shing ljon pa'i sa ris legs par rnam par phye ba dag la lha'i dbang po brgya byin de kun tu mig gis rtog par byed cing / lha'i tshogs kyis gang ba zla ba dang nyi ma bas lhag pa'i 'od dag gi gzi brjid 'bar bas dga' bar byed do/ /gser gyi shing ljon pa rnams kyis yongs su bskor cing / bai dUr+ya'i khang bzangs kyis dkrigs pa/ kun nas gser dang / dngul gyi ka ba zung rnams kyis mdzes par byas shing / bai dUr+ya sngon po'i pad ma'i mtsho rnams kyis mdzes par byas pa de mthong ngo / /de nas lha'i rgyal po brgya byin 'di snyam du sems te/ khang bzangs 'dir bdag gnas par bya ba'i phyir 'jug par bya'o snyam mo/ /de nas lha rnams kyang 'di snyam du sems te/ da ni lha'i rgyal po brgya byin khang pa brtsegs pa 'dir 'jug par 'gyur te/ der bdag cag rang gi 'khor gyis yongs su bskor cing lha mo'i tshogs kyis nye bar glu len pa dang / tshal dang nye ba'i tshal du 'chag cing rtsed mo bya zhing glu dag blangs te bde ba nyams su myong bar</font><hr>64.131b<br><font size=+1>

bya'o snyam mo/ /de nas brgya byin 'di snyam du sems te/ gal te lha dang lha mo dag gis skabs phye na/ bdag khang bzangs 'dir 'jug par bya'o snyam mo/ /de nas lha dag gis 'phral la 'di skad ces smras so/ /khyod rang gi skyed mos tshal dag tu gshegs la dgyes pa mdzad du gsol/ de nas brgya byin gyis tshig de thos nas lha dag rang gi tshal dang / nye ba'i tshal dang bskyed mos tshal dang / pad ma'i rdzing dang / mtshe'u dang / rang gi slas ga la yod pa der rtse ba'i phyir 'gro bar byed do/ /de nas lha'i rgyal po dbang po khang pa brtsegs pa ga la ba der 'gro bar byed de/ bai dUr+ya'i tshal dri ma med pa der zhugs nas thags su btags pa ma yin pa'i lha'i stan khra bo bting ba'i steng du 'dug go/ /'dug nas de'i legs par byas pa'i las dang / dge ba'i las des bskul nas/ brtsig ngos shin tu gsal ba la rtog pa byed de/ brgya byin gang tshe 'phos pa ri mor bris pa lta bu de dag sa der mthong ngo / /de dag gi ming der bris pa rnams la yang rtog par byed de der dbang po tshe 'phos pa ni 'di rnams yin no/ /'di lta ste/ legs 'byor zhes bya ba dang / 'byor pa zhes bya ba dang / legs spyod ldan zhes bya ba dang / dkar po zhes bya ba dang / blo gros bzang zhes bya ba dang / kun bde zhes bya ba dang / brtan pa zhes bya ba dang / kun tu mig ces bya ba dang / mig stong zhes bya ba dang / thams cad dga' zhes bya ba dang / stong snang zhes bya ba dang / gzi brjid phreng ldan zhes bya ba dang / dpal 'dzin ces bya ba dang / mdog sngon zhes bya ba dang / mi 'chi zhes bya ba dang / mi 'gyur zhes bya ba dang / bde byed ces bya ba dang / mchog sbyin 'dzin ces bya ba dang / bkra shis 'dzin ces bya ba dang / kun dga' zhes bya ba dang / brgya byin zhes bya ba la sogs dbang po sum bcu lha'i 'jig rten nas tshe 'phos pa dang / dge ba'i las kyis der skyes pa dang / de'i dge ba'i las zad nas lha'i dbang po'i gnas de nas tshe 'phos te/ de nas yang sems can dmyal ba dang / dud 'gro dang / yi dgas rnams kyi nang du skyes pa mthong zhing lus sdug</font><hr>64.132a<br><font size=+1>

bsngal du mas mngon par nyams pa dag mthong ngo / /tshe rabs de dag gi nang du skyes pa de dag shin du sdug bsngal zhing sdug bsngal gyis gnod pa de rnams gzugs brnyan lta bur gyur pa mthong ngo // //'phags pa dam pa'i chos dran pa nye bar gzhag pa/ bam po sum cu gcig pa/ yi dgas rnams kyi nang du skyes pa/ lus bkres pa dang / skom pas gdungs shing lus lpags pa dang / rus pa dang / rgyus pas sbrel ba lta bu gang yin pa de dag dang / dud 'gro rnams kyi nang du skyes pa/ phan tshun lus la za ba'i sdug bsngal gyis gdungs shing za ba gang yin pa de dag dang / mi rnams kyi nang du skyes pa tshol ba'i sdug bsngal gyis mngon par gdungs pa gang yin pa de dag kyang mthong ste/ de ltar de dag mthong nas 'khor ba mi zad par byas pa la bde ba 'byung ba med cing / kye ma 'khor ba 'di kun ni gnod pa phal che zhing mang ba yin/ kun nas snying po myed pa yin/ 'khor ba 'di la gang rtag pa 'am/ brtan pa 'am/ ther zug gam/ mi 'gyur ba'i chos can skra'i rtse mo tsam yang med do/ /kye ma dbang po 'di dag rang gi las kyi 'bras bu la longs spyad nas 'di nas tshe 'phos te/ sems can dmyal ba dang / dud 'gro dang / yi dgas rnams kyi nang du skyes pa rnams bde ba'i rnam pa 'di lta bu'i mtha' sdug bsngal gyi rnam pa de lta bu sten par ga la nus/ kye ma 'khor ba 'di ni shin tu mi zad pa yin zhing / shin du 'jigs pa yin la/ mchog tu mi dga' bar byed pa yin no/ /sum bcu rtsa gsum gyi dbang phyug ces bya ba shin tu bde ba'i skal ba can gang yin pa de dag kyang mchog tu mi zad pa'i gnas skabs 'di dag tu song ba lta zhig snyam sems so/ /de ltar de yid byung nas bdag nyid la rtog par byed de/ de bdag nyid kyi ngan song gi 'gro ba ni bcad/ lha dag las mi rnams kyi nang du skye zhing / mi dag las tshe 'phos nas de nas yang lha rnams kyi nang du skye bar 'gyur ba mthong ngo / /gang gi tshe mi rnams kyi nang du skye bar 'gyur ba de'i tshe yul bzang po shin du rgyas pa'i ljongs dang / grong dang / grong khyer dang / rigs</font><hr>64.132b<br><font size=+1>

bzang po dang / spyod pa bzang zhing yon tan phun sum tshogs pa dang / lta ba log pa dang / khengs pa dang / rgyags pa dang / nga rgyal dang bral ba'i rigs bzang por skye bar 'gyur ro/ /gal te yang bdag nyid mi rnams kyi nang du skyes na yang de rgyal po'i rigs sam/ gal te blon po rtag tu spyod pa gtsang zhing yon tan phun sum tshogs pa dbang phyug dam pa mthu chen por 'gyur ba mthong ngo / /'di ltar bdag mi yul de nas shi nas yang gar skye bar 'gyur zhig gu snyam mo/ /de bdag nyid lha rnams kyi nang du skyes te/ mchog tu rdzu 'phrul che zhing shin du mthu che ba dang / ngo tsha ba kha na las pa med par 'gyur ro/ /lha gzhan rnams kha zas za ba'i dus de'i tshe lha rnams bdag nyid kyis sdig pa dang 'dres pa'i zas kyi las ngan pa bskyed pa des shin du ngo tsha bar 'gyur ro/ /gang gi ji srid du las kyi rnam pa byas pa de srid du de'i zas kyi rnam pa de lta bu 'byung bar 'gyur te/ zas de mngon par mthong nas lha rnams shin tu ngo tsha bar 'gyur ro/ /de ltar bdag gi zas shin du che ba mchog tu zhim pa/ rab tu mang ba de dag bdag nyid kyis mthong nas/ de 'di snyam du sems te/ bdag tshe rabs ji snyed cig tu 'di ltar 'gyur snyam nas des khang pa brtsegs pa'i brtsig pa de nyid la brtags na/ dge ba'i las des bdag lha rnams kyi nang du lan bdun mi rnams kyi nang du lan bdun phan tshun tshe 'pho ba lan bdun mthong nas/ bdag gi tshe 'pho ba brgyad pa lha rnams dang / mi rnams dang / sems can dmyal ba rnams dang / dud 'gro rnams dang / yi dgas rnams kyi nang du skye ba ma mthong nas/ de 'di snyam du sems te/ 'di dag gang du yang bdag nyid ma mthong ste/ bdag gang du ji ltar skye bar 'gyur zhigu snyam mo/ /de bdag nyid gang du yang ma mthong nas/ de shin du ngo mtshar cher skyes te/ kye ma bdag gi tshe brgyad pa ma mthong ngo snyam nas/ de sems shing 'dug 'dug pa las yun ring zhig lon pa dang dran pa rnyed de/ bdag gis bcom ldan 'das las bdag tshe rabs bdun rjes nas rgyun du zhugs par 'gyur la/ phyis phung po'i lhag ma med pa'i dbyings la 'jug par 'gyur ro zhes thos so/ /</font><hr>64.133a<br><font size=+1>

da ni bdag skal ba de lta bu dang ldan par 'gyur ro snyam ste/ de ltar brtags nas/ de nas yang bcom ldan 'das la phyag 'tshal bar byed de/ yid shin du dang zhing rnyog pa med pas bcom ldan 'das la phyag 'tshal bar byed do/ /yid rab tu dga' bas phyag byas nas/ de nas yang gding ba shin du 'byor pa btags pa las byas pa ma yin pa phun sum tshogs pa dang / 'dzam bu chu bo'i gser bzang po'i stan de nyid la 'dug pa dang / brgya byin gyi gzugs de nyid brtsig pa'i nang na snang ba mthong ngo / /de nas lha'i rgyal po brgya byin 'di snyam du sems te/ 'di ltar bdag yang lha'i mdun sa chos bzang lha rnams yang dag par blta bar bya ba'i phyir 'jug par bya'o snyam mo/ /de nas lha'i rgyal po brgya byin stan de las langs nas tshal sna tshogs kyi phyogs ga la ba der 'gro bar byed de/ der yang lha dang lha mo'i nang na dga' bar byed/ dga' dgur spyod par byed la/ lha'i 'dod pa'i yon tan lnga rnams 'byor cing ldan par gyur pas dga' bar byed/ yongs su spyod par byed do/ /bya dang shing ljon pa dang / pad ma'i rdzing dang lteng ka dang nye ba'i tshal gyi rnam pas mdzes par byas pa'i tshal sna tshogs su de dag gis lha'i rgyal po brgya byin de mngon par mthong nas/ de dag thams cad kyis sil snyan dang rol mo rnam pa sna tshogs dag blangs te/ lha'i rgyal po brgya byin ga la ba der 'dong bar byed do/ /dong nas kyang brgya byin la gsong por smras shing brgya byin yongs su bskor nas/ lha'i tshogs thams cad bro rdung bar byed/ glu dbyangs len/ rgod par byed do/ /brgya byin sngar 'gro la/ lha mo cha byad dang / gzugs sna tshogs dang ldan pa dag phyi bzhin 'brang zhing rol mo'i sgra sna tshogs kyis lha'i mdun sa chos bzangs der 'gro bar byed do/ /de dag thams cad yid rab tu dga' bas sil snyan dang / rol mo sna tshogs dang / gar byas/ gad mo bgad/ dga' bar byas/ rtsed mo rtses nas lhan cig tu 'dong bar byed do/ /de nas chos bzangs na gnas pa'i lha brgya byin la rim gro byed par 'dod pa rnams kyang / lha'i rgyal po brgya byin ga la ba der 'dong bar byed do/ /de nas sil snyan dang / glu dbyangs kyi sgra sna tshogs</font><hr>64.133b<br><font size=+1>

'byin pa'i lha de rnams kyang phyir byung nas de dag phan tshun 'dus so/ /lha'i tshogs 'dus shing yang dag par dga' la/ mngon par mthong ba de rnams kyi bro gar dang / glu'i sgra shin du snyan pa sred pa kun du ston pa'i sgra des lha'i 'jig rten dang bcas pa thams cad kun du gang ngo / /sgra de dag thos nas lha gang tshal dang / nye ba'i tshal gzhan rnams kyi nang 'khod pa dag lha'i 'dod pa'i yon tan lnga rnams 'byor cing ldan par gyur pas dga' bar byed rtse bar byed dga' dgur spyod par byed do/ /de dag kyang lha'i mdun sa chos bzang ga la ba der 'dong bar byed de/ dong nas kyang brgya byin la gsong por smras shing rgyal bar spyon cig ces brjod nas/ 'bum phrag du mar yongs su bskor te lha'i mdun sa chos bzang ga la ba der 'dong bar byed do/ /dge ba'i las sna tshogs kyis glu len/ bro rdung zhing cha byad dang / rgyan rnam pa bzhi thogs pa der skyes pa dag ni tshul khrims phun sum tshogs pa legs par bsrungs shing bsgoms pa de'i 'bras bu'i rnam pa yin te/ de la nye bar spyod par byed do/ /lha'i tshogs thams cad chos bzang du zhugs te/ brgya byin gyi gnas dpag tshad lnga brgyar rgya che zhing gser btso mas rnam par brgyan pa/ bai dUr+ya'i shing ljon pas nye bar mdzes par byas pa/ shing ljon pa rnams kyis kyang mdzes par byas pa/ me tog 'jam pos rgyas pa shin du dri zhim zhing dpag tshad lnga'i bar du dri rab tu 'byung bar byed pa/ yid du 'ong ba dga' bar byed la/ sdug cing yid du 'thad pa gzhan gyis mi thub pa dag yod de/ de dag thams cad kyang lha'i mdun sar brgya byin gyis yongs su bskyangs pa yin no/ /de dag lha'i dbang po brgya byin dang bcas shing lha mo'i tshogs bye ba phrag dgu bcu rnams dang lhan cig du 'dod pa'i yon tan lnga po de rnams kyis dga' bar byed/ rtse bar byed do/ /der zhugs nas/ khang bzangs rab tu dga' bar gnas pa zhes bya ba de'i nang du 'dong bar byed do/ /bai dUr+ya dang / gser dang / dngul dang / spug las byas pa'i ka ba rnams dang / gser las byas pa'i stan rnams kyis nye bar mdzes par byas</font><hr>64.134a<br><font size=+1>

pa/ thags su btags pa ma yin pa'i stan khra bo 'jam la nems shes byed cing 'phar la lhod pa rnams bting ba/ steng du gding ba yon tan phun sum tshogs pa'i stan rnams la lha'i tshogs thams cad brgya byin gyis gnang nas 'khod do/ /de nas lha'i dbang po brgya byin gyis lha rnams la 'di skad smras so/ /bdag cag legs par byas pa'i las des lha'i 'jig rten 'dir skyes la/ de zad nas ltung ba ni gdon mi za'o/ /bdag cag thams cad las kyi 'bras bu'i bgo skal la ji ltar spyod pa bzhin bdag cag lha rnams kyi nang du 'ong la/ de nas yang bdag cag ltung ba'i mthar 'gyur te/ de lta bas na lha dag sdug bsngal de dag thams cad mngon par shes par byas la dge ba la 'bad par gyis shig /de nas brgya byin gyi tshig de thos nas/ de dag kun gyis brgya byin la 'di skad smras so/ /brgya byin khyod kyis de ji ltar thugs su chud pa de bzhin lags te/ bdag cag kun de ltar rang gi las kyi 'bras bu la nye bar spyod pa lha'i dga' ba dang bde ba de las ltung bar 'gyur na/ de las gzhan pa bdag cag rgyu gang gis ltung bar mi 'gyur ba bstan du gsol/ de nas brgya byin gyis lha de rnams la 'di skad smras so/ /gang 'dus byas kyi rnam pa 'jig pa'i mtha' can rtag par 'gyur ba 'am/ ther zug tu 'gyur ba 'am/ mi 'gyur ba'i chos can gyi gnas de ni 'og gam/ thad ka 'am/ dbus sam/ steng na yang med do/ /kun nas nyon mongs pa la rtag tu chags pa'i blo des ni cho ga 'drangs te/ sdug bsngal la mtha' med cing legs pa med/ bde ba'i rang bzhin ma yin/ rgyu dang rkyen khong du chud pa skyed pa ma yin/ yang dag par bskyed pa yin/ sdug bsngal gyi mtha' 'di lta bu la rtog par mi byed de/ khyed cag phal cher mtho ris nas tshe 'phos te/ sems can dmyal ba dang / yi dgas dang dud 'gro rnams kyi nang du skye'o/ /de nas yang legs par byas pa'i las kyis 'dir skyes pa rnams rang gi las kyi 'bras bu'i bgo skal la spyod pa mtho ris na lha'i bde ba dag myong bar 'gyur ro/ /de nas yang las kyis</font><hr>64.134b<br><font size=+1>

gzings pa rnams ltung bar 'gyur te/ sems can dmyal ba dang / yi dgas dang / dud 'gro rnams kyi nang du nye bar spyod par 'gyur gyis lha rnams de la shin tu bag yod par gyis shig /'di ltar bdag gis gang gA'i klung gi bye ma snyed kyi sangs rgyas rnams kyis mdor bsdus te gsungs pa'i chos de kho na dang / gzhan gang gis 'khor ba las thar par 'gyur ba bshad par bya'o/ /'di lta ste/ ma rig pa'i rkyen gyis 'du byed rnams/ 'du byed kyi rkyen gyis rnam par shes pa/ rnam par shes pa'i rkyen gyis ming dang gzugs/ ming dang gzugs kyi rkyen gyis skye mched drug /skye mched drug gi rkyen gyis reg pa/ reg pa'i rkyen kyis tshor ba/ tshor ba'i rkyen kyis sred pa/ sred pa'i rkyen kyis len pa/ len pa'i rkyen kyis srid pa/ srid pa'i rkyen kyis skye ba/ skye ba'i rkyen kyis rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams 'byung bar 'gyur te/ de ltar sdug bsngal gyi phung po chen po 'di 'ba' shig 'byung bar 'gyur ro/ /yang ma rig pa 'gags pas 'du byed 'gag par 'gyur la/ 'du byed 'gags pas rnam par shes pa 'gag /rnam par shes pa 'gags pas/ ming dang gzugs 'gag /ming dang gzugs 'gags pas skye mched drug 'gag /skye mched drug 'gags pas reg pa 'gag /reg pa 'gags pas tshor ba 'gag /tshor ba 'gags pas sred pa 'gag /sred pa 'gags pas len pa 'gag /len pa 'gags pas srid pa 'gag /srid pa 'gags pas skye ba 'gag /skye ba 'gags pas/ rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams 'gag par 'gyur te/ de ltar sdug bsngal gyi phung po chen po 'di 'ba' shig 'gag par 'gyur ro/ /de ltar lha dag 'khor ba 'di'i 'jug pa dang ldog pa zhes bya ba mthong zhing shes na nyon mongs pa zad nas thar bar 'gyur te/ mya ngan las 'das pa zhes bya ba/ 'jig pa med pa/ rtag pa/ </font><hr>64.135a<br><font size=+1>

dga' ba med pa/ 'chi ba med pa/ zag pa med pa 'thob ste/ de ltar lha dag srog chags rnams 'khor ba 'di las thar bar 'gyur ro/ /gang 'dus byas kyi rnam pa 'jig pa med pa'i mtha' 'am/ zad pa med pa'i mtha' 'am/ chud za ba med pa'i mtha' 'am/ tshe rabs su 'gag pa med pa'i chos shes bya ba'i gnas gzhan 'khor ba na med do/ /gang na gtan du bde bar 'gyur ba dang / ltung ba'i mtha' med pa dang / zad pa dang 'jig pa'i mtha' med pa dang / 'byung ba dang 'jig par 'gyur ba'i chos can ma yin pa med do/ /de nas brgya byin gyi kha nas tshig de dag thos nas/ lha gang tshe rabs gzhan dag tu sems bsgoms pa dam pa'i chos la mngon par dga' zhing blo shin du zhen pa de dag ni yid la bag yod par 'gyur zhing / sangs rgyas dang / chos dang / dge 'dun rnams la gcig tu dad la mya ngan las 'das pa'i sa bon bde ba'i las 'phen par byed do/ /yid ma bsgoms pa gang yin pa de dag de nas yang bag med cing sems 'khrugs par 'gyur la/ sred pas bslus pa rnams lha'i 'dod pa'i yon tan lnga rnams 'byor cing ldan par gyur pas dga' bar byed do/ /de nas yang des bslus pa rnams rtse ba don du byed cing dga' bar byed de/ de ltar de dag gi 'khor ba'i sdug bsngal mtha' med par 'gyur ro/ /de ltar lha'i rgyal po brgya byin des chos bshad pa na 'jig rten skyong ba bzhi rnams lha'i mdun sa chos bzang dag tu so sor 'khod de/ 'di ltar lha'i rgyal po brgya byin lha rnams dang lhan cig gang na bzhugs shes dpyod par byed do/ /de nas de ltar brgya byin lha'i stan la 'dug cing lha'i tshogs kyis yongs su bskor la gzi brjid 'bar ba na/ lha yul gyi bde ba dpe med pa du ma dang ldan pa rgyang ring po nas mthong ngo / /de mthong nas 'jig rten skyong ba bzhi rnams brgya byin ga la ba der 'dong bar byed do/ /dong nas brgya byin la gsong por smra ste/ lha'i stan mchog tu nyams dga' ba bzang po la phyogs gcig tu 'khod do/ /de nas yang stan mchog tu nyams dga' ba bzang po de dag las langs te/ </font><hr>64.135b<br><font size=+1>

brgya byin ga la ba de logs su phyogs nas 'dug ste/ brgya byin la 'di skad smras so/ /lha'i dbang po 'di ltar 'dzam bu'i gling gi mi rnams ni dge ba bcu'i las kyi lam la mngon par brtson zhing chos la dga' ba/ mar 'dzin pa dang / phar 'dzin pa dang / dge sbyong du 'dzin pa dang / bram zer 'dzin pa dang / rigs kyi rgan rabs la gus par bgyid kyis/ lha'i dbang po khyod dgyes par mdzad du gsol/ de nas lha'i dbang po brgya byin gyis tshig de dag thos nas 'di skad smras so/ /lha dag bdag ni dga'o/ /rgyal po chen po khyed cag ni 'jig rten skyong zhing 'jig rten la phan par 'dod pa phan gdags par rab tu zhugs pa yin te/ bdag gi dga' ba yang thos nas/ khyed bde legs su gyur cig /de nas 'dzam bu'i gling du chos dang mi ldan zhing chos ma yin pa'i rjes su zhugs pa'i mi de dag de bzhin du 'jig rten skyong ba rnams brgya byin la smra bar byed de/ 'dzam bu'i gling na mi chos dang mi ldan zhing chos ma yin pa'i rjes su 'jug pa mar mi 'dzin pa dang / phar mi 'dzin pa dang / dge sbyong du mi 'dzin pa dang / bram zer mi 'dzin pa dang / rigs kyi rgan rabs kyi rjes su mi 'jug pa dag mchis te/ bdud kyi phyogs ni 'phel lo/ /dam pa'i chos kyi phyogs ni 'grib po zhes bsnyad do/ /lha'i rgyal po brgya byin gyis de thos nas/ rgyal chen bzhi'i lha rnams dang / sum bcu rtsa gsum pa ji ltar phyogs pa rnams la bos nas smras pa/ lha ma yin brtan pa dang / rab spro la sogs pa/ klu chos ma yin pa dang ldan pa rab 'joms la sogs pa sa'i 'og nas langs te/ bdag cag la g.yul 'gyed du 'ong gis/ lha khyed rnams chos shig /de nas brgya byin gyi bka' de mnos nas/ gang rgyal chen bzhi'i lha rnams brgya byin gyi bkas shin du rings par lag cha dang / mtshon cha sna tshogs snga ma bzhin thogs te/ ri bo zla ba zhes bya ba'i ri ga la ba der 'dong bar byed do/ /de nas 'jig rten skyong ba de rnams dong ba dang / lha'i dbang po brgya byin yang lha'i tshogs sna tshogs kyis ni bskor/ lha'i phreng ba dang / </font><hr>64.136a<br><font size=+1>

gos ni gyon/ lang tsho la bab pa'i gzugs rgyan sna tshogs kyis ni brgyan/ lha mo rnams ni rjes su 'brang zhing lha'i tshogs kyis yongs su bskor ba dang lhan cig thams cad mngon par 'byor ces bya ba ga la ba der 'dong bar byed de/ bskyed mos tshal gang yin pa de ri rab dang sgra lta bur chung zad 'dra ba'i dper bya na/ 'di ltar zla ba rgyu skar gyi tshogs kyis yongs su bskor ba lta bu dang / nyi ma gza'i tshogs kyis bskor ba mi mthun par mthong ba lta bu dang / ri rab gser gyi ri stong gis bskor ba lta bu dang / shing ljon pa lha'i gser dang / dngul dang / bai dUr+ya dang / mthon ka dang / pad ma rag ga'i mdog lta bu rnams kyis nye bar mdzes par byas pa'i bskyed mos tshal de lha'i me tog gis mdzes par byas shing bya'i tshogs kyis yongs su bskor la sgra skad snyan pa 'byin pa lha'i pad ma'i rdzing gyis mdzes par byas pa yin no/ /lha'i rgyal po brgya byin gyi glang po che'i rgyal po sa srung gi bu zhes bya ba bskyed mos tshal chen po de na rdzing de dag snga ma bzhin yod pa'i nang na bal glang mo dang lhan cig rtse bar byed/ gser dang / bai dUr+ya'i pad ma'i nang na bal glang mo dang lhan cig rtse zhing yul der 'gro bar byed do/ /lha'i rgyal po brgya byin lha'i rgyal po'i tshogs dang / lha mo'i tshogs sna tshogs kyis yongs su bskor ba ltar/ glang po che'i rgyal po de yang de lta bu yin la/ pad ma gser btso ma lta bu dang / nam mkha' la nyi ma 'bum phrag 'char ba de lta bu'i 'od bzang po 'char ba dang ldan pa rnams kyis mdzes par byas pa der de dga' bar byed/ yongs su spyod par byed/ rtsed mo byed/ dud 'gror gyur kyang lha'i bde ba myong ba yin no/ /de nas lha'i rgyal po brgya byin der song nas lag pa gnyis kyis byugs shing byi bdar byed la/ kye bdag gi glang po che'i rgyal po 'di ni g.yul 'gyed pa la dgos pa yin te/ lha dang lha ma yin 'thab pa'i tshe/ 'di'i steng nas bdag rgyal ba thob bo/ /de nas glang po che mchog byi bdar byas nas/ bskyed mos tshal thams cad 'byor ldan na khang bzangs mya ngan</font><hr>64.136b<br><font size=+1>

bral zhes bya ba ga la ba der 'gro bar byed de/ chu'i zam pa lta bu'i skas de las 'dzegs nas/ der lha dang / lha mo'i tshogs kyis yongs su bskor te 'jug par byed do/ /der zhugs nas lha'i rgyal po de lha mo bye ba phrag dgu'i mdun na rtse bar byed/ dga' bar byed do/ /lha'i rgyal po de rnams dang lhan cig lha'i 'dod pa'i yon tan lnga rnams 'byor cing ldan par gyur pas rtse bar byed/ dga' bar byed/ yongs su spyod par byed do/ /lha'i rgyal po rang gi las dang 'thun par longs spyod 'byor te/ lha de dag dang lha'i rgyal po de ji srid du 'dod pa sdug pa/ yid du 'ong ba byas shing bsags pa dang / so so yang dag par myong bar 'gyur ba bde ba'i rnam par smin pa/ bde ba so sor yang dag par myong bar 'gyur ba'i las zad par ma gyur pa de srid du 'di ltar bskyed mos tshal brgya snyed kyis brgyan pa'i lha'i mdun sa chos bzang gi bskyed mos tshal de na bde ba kun dang ldan zhing lha'i tshogs thams cad dang bcas pas yan lag lnga dang ldan pa'i rol mo rnams kyis rtse bar byed/ dga' bar byed do/ /de dag phyis lha'i mdun sa chos bzangs nas 'chi bar 'gyur te/ shi nas kyang ji ltar las de dang nye bar 'gro zhing myong bar 'gyur ba bzhin sems can dmyal ba dang / yi dgas dang / dud 'gro rnams kyi nang du skye bar 'gyur ro/ /gal te mi rnams dang skal ba mnyam par mi'i nang du skyes na/ de las de dang rgyu 'thun par mchog tu bde ba dang rig pa'i blo dri ma med pa dang / phan tshun gyi gtso bo 'am/ grong gi gtso bo 'am/ yul gyi gtso bo 'am/ grong khyer gyi gtso bo 'am/ phan tshun gyi gnyen mdab dang / rtsa lag dang / bde bar lhan cig 'khod par 'gyur ro/ /lha'i rgyal po de ni ngan song gi sgo bcad pa yin te/ lha de dag gi 'chi 'pho ba la mngon par brtags nas 'di ltar tshigs su bcad de smras pa/ sa gang yin pa de dag gi/ /tshal ni pad ma sna tshogs dang / /rtse mo mchog ste nyams dga' dang / /rin po che dang ldan pa dang / /mtsho dang 'bab</font><hr>64.137a<br><font size=+1>

chu rin po che'i/ /rdo ba sna tshogs rnams kyis brgyan/ /ljon shing me tog sna tshogs dang / /bya ni sna tshogs dag gis khebs/ /gser las byas pa'i dpag bsam shing / /kha cig dri med bai dUr+ya/ /dngul dang gser ni btso ma yin/ /tshal ni rnam par 'dres pa bskyed/ /bung ba rnams ni sgra 'byin pas/ /pad ma'i rdzing ni rnam par mdzes/ /khang bzangs mchog ni nyams dga' zhing / /rin po che ni che dang ldan/ /rnam par brgyan pa nyams dga' ste/ /lha la 'os pa thams cad yod/ /de dag thams cad de bzhin 'dug /skye bo rnams ni yongs su 'gyur/ /kye ma sred pas bslus pa yi/ /lha rnams kun gyi bde ba ni/ /sgyu ma chu bur dbu ba dang / /dri za'i grong khyer lta bu yin/ /sred pa dug dang me 'dra ba/ /'jig rten 'jig pa'i phyir gnas te/ /sred pa'i mtshor ni 'khyam byed cing / /skye bo de kun 'jig par byed/ /'dod pa longs pas chog mi shes/ /bde ba 'dod pas chog mi shes/ /'chi ba'i me yis rnam bsregs pa/ /lha tshogs de dag ga las 'ongs/ /sred 'dis 'jig rten gzigs pa rnams/ /ye nas ngan te 'phags pa min/ /gang gis rnam par rmongs pa'i lha/ /'chi ba yi ni dbang du song / /lha dang mi dang lha ma yin/ /gnod sbyin sems can dmyal ba klu/ /'chi ba'i zhags pas mi zad par/ /thams cad dbang med 'gro bar 'gyur/ /khams gsum pa ste 'di dag kun/ /'chi ba'i zhags pas sbrel gyur kyang / /sred pa'i rmongs pas rmongs pa rnams/ /dbang med mthong bar mi 'gyur ro/ /de ltar brgya byin gyis rtag tu lha de rnams kyi skye ba dang / gzhan mi rtag pa 'chi ba dag mthong nas/ lha dag shin du go bar bya ba'i tshigs su bcad de smras pa/ 'byung po kun la phan bzhed pa/ /bcom ldan de la phyag 'tshal lo/ /gang gis sred pa dug 'dra 'di/ /'jig rten pa la mang du gsungs/ /mdor na shes dang shes bya dag /de yis 'di kun thugs su chud/ /shes dang shes bya ma gtogs par/ /gsum pa dmigs par mi 'gyur ro/ /'di ni mi rtag sdug bsngal stong / /byed pa po yang</font><hr>64.137b<br><font size=+1>

spangs pa yin/ /de nyid lam ni rnam ston pa/ /sangs rgyas kyis ni 'khor bar gsungs/ /de ltar dbang po de phyag rgya 'dis btab pa'i yid dri ma med pas bcom ldan 'das la bstod do/ /bstod nas de nas yang lha'i bde ba yang nyams su myong bar byed de/ de ltar de lha'i bde ba thams cad myong ba yin no/ /de nas yang dge slong las kyi 'bras bu rnam par smin pa shes pa des sum bcu rtsa gsum pa'i lha rnams kyi gnas la rtog par byed de/ des thos pa las byung ba'i shes pas sum bcu rtsa gsum pa'i lha rnams kyi gnas mtho ba na gnas pa zhes bya ba ji ltar 'dug pa mthong ngo / /sems can dag las gang gis der skye bar 'gyur snyam nas/ des thos pa las byung ba'i shes pas brtags na 'di ltar gang gzhan gyis gsod pa po dag nyi ma gcig tsam du srog gcod pa spong ba'i tshul khrims srung du gcug la/ 'khor ba las thar pa 'dod pa rnams ma byin par len pa dang / rgyal po'i chad pas 'jigs nas 'bras bu chung ngur 'gyur ba yang spong du 'jug na/ de lus dang bral nas bde 'gro sum bcu rtsa gsum pa'i lha rnams kyi nang na mtho ba'i gnas su skye bar 'gyur ro/ /gnas mtho ba de yang ri rab kyi steng na mtho ba yin la khyed cag gi las sna tshogs snang ba bzhin gser dang dngul gyi bgra bas phye ba yin no/ /lha rnams mtho ba'i gnas der 'dzegs nas/ ri rab kyi drung thams cad lta bar byed de/ gser dang dngul las byas shing / bai dUr+ya bkra bas rnam par phye ba rnam pa du ma la lta bar byed do/ /lha'i phreng ba dang gos gyon pa rnams gser gyis brgyan pa'i sa gzhi rnams la dga' bar byed/ yongs su spyod par byed la/ lha mo'i tshogs sna tshogs kyis yongs su bskor cing sdug pa dang / lhan cig bai dUr+ya'i tshal dang nye ba'i tshal rnams su dga' bar byed/ yongs su spyod par byed do/ /der de dag gi rtag tu bza' ba dang / btung ba chu bo ltar 'bab ste/ 'di lta ste/ chu bo ro zhim pa zhes bya ba dang / chu bo shugs chen 'bab ces bya ba dang / chu bo dga' bcas shes bya ba dang / chu bo dga' bcas ches zhes bya ba dang / </font><hr>64.138a<br><font size=+1>

chu bo brtsegs 'bab ces bya ba dang / chu bo shugs phreng zhes bya ba dang / chu bo stong 'bab ces bya ba dang / chu bo gar dgar 'bab ces bya ba ste/ chu bo de dag ni myos pa'i skyon dang bral zhing btung ba rnam pa sna tshogs thams cad rab tu 'bab pa yin no/ /ro sna tshogs dang mdog sna tshogs yod pa yin te/ 'di lta ste 'o ma'i mdog dang / pad ma ra ga'i mdog dang / an da rnyil gyi mdog dang 'thun pa dang / bai dUr+ya'i mdog dang / gser gyi mdog ltar ser ba dang / kha cig mdog 'dres pa dang / chu shin du dri zhim zhing brtan pa dag tu khyad par 'phags pa yang 'bab bo/ /gzhan yang bza' ba ro dang / dri dang mdog sna tshogs su 'byung ste/ 'di lta ste/ ro sha kha ra 'dra ba dang / lha'i dri dang / mdog dang mdog skya bo dang / ro ji ltar 'dod pa dag ste/ lha rnams ji ltar 'dod pa de bzhin du bza' ba rnams kyi ro de dag kyang de ltar 'gyur ro/ /tshal dang nags tshal sna tshogs dag me tog dri zhim po rnams kyis nye bar mdzes par byas shing bya kha dog sna tshogs dang / rnam pa sna tshogs rnams kyis mdzes par byas pa yin te/ de dag sa'i phyogs nyams dga' ba der lha dang lha mo'i tshogs kyis yongs su bskor nas sil snyan dang / glu dbyangs dang / bro gar sna tshogs kyis rtse bar byed/ dga' bar byed/ yongs su spyod par byed do/ /der tshal 'di dag 'byung bar 'gyur te/ shing sA la'i tshal dang / shing sA la chen po'i tshal dang / ji ltar 'dod pa'i shing ljon pa'i tshal dang / me tog rtag tu yod pa'i tshal dang / rlung ji ltar 'dod pa bzhin bde bar 'bab pa'i tshal te/ tshal dga' ba de rnams na/ gser gyi lcug ma 'phyangs pas ni mdzes/ dril bu g.yer ka'i dra bas ni dkrigs bya 'bum snyed sgra 'byin pa dga' ba lha'i dbang po 'dod pa'i yon tan lnga'i bde ba dag gis lha rnams nye bar 'tsho bar byed do/ /phan tshun grogs su gyur cing phan tshun longs spyod pa gcig pu don du byed pa/ nad dang mya ngan dang bral ba/ bkres pa dang skom pa dang bral ba/ lus ngan ba dang bral ba/ tshol ba'i nyon mongs pa dang bral ba/ ci dgar spyod pa la brtson pa/ </font><hr>64.138b<br><font size=+1>

ci dgar rgyu ba/ ci dgar gnas pa dag tshal gyi nang dang / bskyed mos tshal dang / pad ma'i tshal dang / mthong na yid 'phrog rnams su dga' bar byed do/ /mtho ba na gnas pa 'dod pa'i yon tan lngas tshim pa'i lha rnams 'od ni rang gi 'od la lus ni ji ltar 'dod pa bzhin/ phra ba dang / sbom pa dang / yang bar sgyur ba/ ci dgar 'gro ba/ gar dgar 'gro ba/ rang dgar 'gro ba/ gang thob par 'dod pa de thob par 'gyur zhing / thob nas sus kyang mi 'phrogs pa thob nas de'i dbang du 'gyur ro/ /mtho ba'i gnas na gnas par gyur pa'i lha de rnams la bde ba'i rnam pa gzhan yang yod de/ rang gis legs par byas pa'i las rgyu dang 'bras bus kun nas bslang bas ji srid du 'dod cing sdug la yid du 'ong ba legs par bsrungs pa'i tshul khrims srog gcod pa dang / ma byin par len pa spangs pa zad par ma gyur pa de srid du lha mo'i tshogs rnams dang dga' bar byed/ dga' dgur spyod par byed do/ /der las zad nas lha'i ris de nas 'chi bar 'gyur te/ shi nas las kyis 'gro ba ji lta ba dang las la rtog pa dang / 'gro ba ji lta ba bzhin skye bar 'gyur te/ sems can dmyal ba dang / yi dgas dang / dud 'gro rnams kyi nang na skye bar 'gyur ro/ /gal te mi rnams dang skal ba mnyam par mi'i nang du skyes na/ de las de dang rgyu 'thun par ri la gnas pa rtag tu bde bar 'gyur zhing / nor dang shin tu ldan pa dang / rab tu bde ba dang / mchog tu gzugs bzang ba dang / 'jig rten gyi bar bzang por dro ba dang bsil ba'i tshal rnams kyi nang du skye bar 'gyur ba mthong ngo / /de nas yang dge slong las kyi 'bras bu rnam par smin pa shes pa de sum bcu rtsa gsum pa'i lha rnams kyi gnas la rtog par byed de/ des thos pa las byung ba'i shes pas lha rnams kyi gnas ri rtse na gnas pa zhes bya ba ji ltar 'dug pa mthong ngo / /der sems can dag las gang gis skye bar 'gyur snyam nas/ des thos pa las byung ba'i shes pas brtags na gang gis lus kyi tshul khrims rnam gnyis bsrungs pa yin te/ srog chags</font><hr>64.139a<br><font size=+1>

gsad par chad pa dang / bcings pa thar bar byas shing mthu rab tu che bar gyur la nus par ldan pa zhig lam du zhugs te bkres shing skom bzhin du bu ram shing ngam ldum ra 'am/ rdzi'u grong dag tu ba'i bcud dam/ bu ram shing gi bcud ma byin par blangs pa/ sems can gsad par bya ba/ ma byin par blangs nas 'jigs te 'gro ba thar bar byas pa'i skyes bu dam pa de lus dang bral nas bde 'gro mtho ris kyi 'jig rten sum bcu rtsa gsum gyi gnas ri rtser gnas pa'i lha rnams kyi nang du skye bar 'gyur ro/ /der skyes nas kyang de bde ba'i longs spyod du ma dang ldan zhing de yul chu bo lta bu du mas bdas pa yin la/ de yang 'dod chags chu bo lta bu yin/ 'di lta ste 'dod chags kyi chu bo dang / rgyags pa'i glong dang / mgu ba'i gling du chags pa dang / kun dga'i chu mig dang / kun tu rtog pa'i rlabs dang / gzugs dang / sgra dang / dri dang / ro dang / reg bya sdug pa'i bya dang / lta ba chu srin 'dzin khri kun tu 'khrugs pa dang / rab tu thogs pa du ma ya yor 'gro ba dang / tshal dang / nye ba'i tshal chu yis bar bur ded pa dang / phra dog gi nya dang / spro ba chu las brgal ba dang / yul du ma'i ri khrod nas chu 'bab ste/ sred pa'i chu bo 'dam rdzab la sogs pa rnam pa de lta bu dag las lha rnams 'byung bar mi nus so/ /gzhan yang chu bo gang gA'i pha rol gyi 'gram gyi rlabs mi mngon pa ltar/ thog ma med pa'i dus nas/ rgyun du shin du zab mor rab tu zhugs pa/ 'dod pa dang / gzugs dang / gzugs med pa'i khams na skye ba dang / rga ba dang / na ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rlabs lta bus khyab cing myur du 'gro ba'i sred pa chu klung lta bu de sems can dmyal ba'i rgyu yang yin la/ mi rnams kyis kyang chog par 'dzin mi nus te/ de ltar sred pa'i rnam pa chu bo lta bus ri rtse na gnas pa'i lha rnams rab tu 'das so/ /der lha de dag lha mo'i tshogs kyis yongs su bskor te/ lha'i 'dod pa'i yon tan lnga rnams 'byor cing ldan par gyur pas dga'</font><hr>64.139b<br><font size=+1>

bar byed/ rtse bar byed/ dga' dgur spyod par byed do/ /der tshal de lta bu de dag 'byung bar 'gyur te/ 'di lta ste/ tshal rtag tu rab dga' zhes bya ba dang / tshal rtag tu mngon dga' zhes bya ba dang / tshal sprin ltar dkar brtsegs zhes bya ba dang / tshal kun nas mngon dga' zhes bya ba dang / tshal zla ba 'dra zhes bya ba dang / tshal gang gA'i steng du rgyu zhes bya ba ste/ tshal 'di dag ni ri rtse na gnas pa'i lha rnams kyi yin no/ /tshal de rnams kyi nang du lha dag bde ba du ma dang ldan zhing / bud med kyi dga' ba rnams dang lhan cig rtse bar byed/ dga' dgur spyod par byed do/ /btung ba'i chu bo rnams kyang 'di lta ste/ chu bo sna tshogs zhes bya ba dang / chu bo lag mthil gyis byug cing reg pa zhes bya ba dang / chu bo ngoms mi myong zhes bya ba dang / chu bo me tog ku mu da dang / ud pa la skye zhes bya ba ste/ chu bo de dag gi 'gram gnyi ga ril khebs pa yin no/ /dngul dang / shel dang / gser gyi shing ljon pa 'bras bu dang ldan zhing me tog dang ldan pa rnams kyis lha'i sa gzhi de dag nyams dga' bar brgyan pa'i sa gzhi der dge ba'i las sna tshogs dang / byas pa sna tshogs kun nas bslang ba rnams kyis tshal de dag dang / chu bo de dag dang / sa gzhi de dag dang / zas dang skom chu bo ltar 'bab pa de dag tu/ de rnams lha'i rol mo dang / lha'i gnas pa chen po dang / thags su btags pa ma yin pa'i lha'i gos rnams kyis dga' bar byed do/ /lha de rnams rang las 'od 'byung la/ sha dang / rus pa dang / rnag khrag dang bral ba/ lus dang ngag dang yid ngal ba dang bral ba/ lus dang yid rtag tu kun nas dga' ba rnams ji srid du lus dang ngag gi 'dod pa sdug pa yid du 'ong ba shin du bsil ba rnam par smin pa mchog tu bde ba mtho ris su skye ba nges par myong bar 'gyur ba'i dge ba'i las ma zad pa de srid du 'gros 'chos shing dga' bar byed/ rtse bar byed/ yongs su spyod par byed do/ /de dag zad de lha'i 'jig rten de nas 'chi bar 'gyur la shi nas kyang las ji ltar byas pa bzhin sems can dmyal ba dang / dud 'gro dang / yi dgas</font><hr>64.140a<br><font size=+1>

rnams kyi nang du skye bar 'gyur ro/ /gal te lan grangs gzhan la myong bar 'gyur ba mir 'grub pa'i las kyis mi rnams kyi nang du skyes na/ de las de dang rgyu 'thun par de rtag tu longs spyod can du 'gyur zhing rtag tu shes pa la dga' ba/ yid la rgod pa dang / rtsed mo dang / rtse ba dang / yul bzang por skye bar 'gyur ba mthong ngo / /de nas yang dge slong las kyi 'bras bu rnam par smin pa shes pa de/ sum bcu rtsa gsum pa'i lha rnams kyi gnas la rtog par byed de/ sum bcu rtsa gsum na lha rnams kyi gnas gzhan gang zhig yod snyam nas/ des thos pa las byung ba'i shes pas brtags na/ blta na sdug pa gnas pa zhes bya ba'i gnas ji ltar 'dug pa mthong ngo / /der sems can dag las gang gis skye bar 'gyur ba snyam nas/ des brtags na gang tshul khrims dang ldan pa 'am/ sems can gzhan chus khyer ba 'am/ mtshon gyis gsad par bya ba srog phyung zhing / nor rdzas sam/ bdag nyid la mi lta bar chu nas phyung ba dang / bkres bzhin du lam du 'gro ba na gzhan gyis ma byin par blang ba la rab tu spro ba bskyed kyang len par mi byed/ gzhan yang phyogs dben par phyin la 'tsho ba nyam nga bar gyur kyang 'bras bu dang rtsa ba dag ma byin par len par mi byed cing / tshul khrims dang ldan pa ma gus par bslab pa'i gzhi rdul phra mo tsam ral ba la yang 'jigs par lta na de lus dang bral nas bde 'gro grong khyer chen po blta na sdug tu skye bar 'gyur ro/ /grong khyer de yang dpag tshad khri yod la/ khyams khris legs par rnam par phye ba yin no/ /grong khyer de'i sa gzhi 'dzam bu chu bo'i gser las byas la/ kun nas khang pa chen po bai dUr+ya las byas pa dang / gzhan yang dngul las byas pa dang / gzhan yang 'dzam bu chu bo'i gser las byas pa dang / mthon ka sna tshogs las byas pa dang / gzhan yang rin po che sna bdun las byas pa'i khri dag gis bkra bar phye ba yin no/ /de dag gi srang yang kun nas shin du rnam par phye ba yin la/ bzhi mdo dang / ba gam dang / sgo dang / pu shu'i rtse mo dang / </font><hr>64.140b<br><font size=+1>

khang bzangs kyis ris shin du rnam par phye ba yin no/ /khang pa de dag kyang nyi ma gang med kyang / sgron ma lta bur 'gyur te/ ji ltar nyi ma med na sgron ma gsal bar byed pa de ltar nyi ma med kyang khang pa'i mchog de rnams las de ltar 'od 'byung ngo / /grong khyer de dag kun nas tshal dang / nye ba'i tshal de rnams kyis mdzes par byas pa yin te/ tshal dang nye ba'i tshal kha cig bai dUr+ya las byas pa dag la mu tig gi dra bas bres/ kha cig gser gyi shing ljon pa dag la dngul gyi dra bas bres/ kha cig dngul gyi shing ljon pa dag la gser gyi dril bu g.yer ka'i sgra 'byin/ kha cig ni rin po che sna bdun gyi shing ljon pa'i bskyed mos tshal bkra ba yin la/ kha cig dpag bsam gyi shing yin te/ lha gang dag gi yid la bsams pa de tshal de dag las thob par 'gyur ro/ /tshal kha cig an da rnyil dang / bai dUr+ya las byas pa yin te/ de gser gyi bya rnams sgra snyan pa sna tshogs 'byin la/ gser gyi tshal gang yin pa de na dngul gyi bya rnams skad snyan pa 'byin cing rtse/ mthon ka'i tshal gang yin pa de na bya pad ma rA ga'i mdog tu 'dug pa rnams skad snyan pa 'byin cing rtse/ gser gyi tshal gang yin pa de na bya lus sna tshogs 'dres pa rnams skad snyan pa 'byin cing rtse ste/ de ltar grong khyer chen po legs par mthong na nye ba'i tshal du gyur pa rnams mdzes pa yin no/ /srang dang gser gyi khang pa mdzes par byas pa gang yin pa de dag la dngul gyi ka ba dang / bai dUr+ya'i shing ljon pa rnams kyis mdzes par byas pa yin/ gser gyi srang gang yin pa de dag la bai dUr+ya'i ka ba btsugs shing gser gyi shing ljon pa dang / khang pas brgyan/ srang dang / khyim 'dres pas mdzes par byas pa gang yin pa de na bya gser gyi mdog can yod de/ grong khyer blta na sdug gang dang gang du snang ba de dang de dpe med par mthong ngo / /grong khyer de yang kun nas tshal chen po bzhi rnams kyis mdzes par byas pa yin te/ 'di lta ste/ dra ba'i phreng ba dang / shing chen po dang / 'od gsal ba dang / mthong na dga' bas so/ /tshal thams cad dpag tshad nyis brgya lnga bcu yod de/ </font><hr>64.141a<br><font size=+1>

tshal de thams cad na chu bo chen po khri yod pa gser gyi pad mas khebs pa yin no/ /chu bo de dag shin du nyams dga' ba yin zhing 'gram gnyi ga zhig pa med la/ de dag gser dang / dngul dang / shel dang / an da rnyil dang / shing ljon pa rnams kyis mdzes par byas pa yin no/ /tshal chen po de dag bung ba 'dab ma bai dUr+ya la lus dngul du 'dug pa'i tshogs rnams kyis mdzes par byas pa yin te/ gang bung ba rnams kyi sgra snyan pa'i drung na mi'i gling bu'i sgras bcu drug gi char yang mi phod do/ /bai dUr+ya'i shing ljon pa rnams la 'bras bu gser gyi mdog can shin du dri zhim zhing khar snyi ba bas ches lhag pa'i ro dag yod la/ 'bras bu rnams kyi dri gang yin pa dpag tshad du 'byung ngo / /bya rnams ngo bo nyid kyis rgyags pa yin la/ de nas dri gang yin pa des brgya 'gyur du shin du rgyags par 'gyur ro/ /gser gyi shing ljon pa gang yin pa de rnams la dngul gyi 'bras bu lha'i dri dang / mdog dang / ro lnga dang ldan pa dag 'byung / shing ljon pa bai dUr+ya'i sdong po dang gser gyi 'dab ma yod pa gang yin pa de rnams la 'bras bu kha dog sna tshogs yod pa dag 'byung ste/ de ltar tshal kha dog rnam pa du ma/ rnam pa sna tshogs dpe med pa gzhan dang mi 'dra bas/ grong khyer chen po blta na sdug yongs su bskor nas rnam par gnas so/ /kun tu rtog pa'i ri mo bris pa ltar lha'i las rnam pa du ma byas shing las rnam pa du ma sna tshogs byas pa rnams kyis de rnams kyang sna tshogs su byung ba yin te/ de ltar 'bras bu rgyu dang 'thun par rgyu'i 'bras bu yin no/ /ji ltar sa bon gyi rnam pa ji srid yod pa de srid du 'bras bu'i rnam pa yang 'byung bar 'gyur te/ de ltar grong khyer blta na sdug na gnas pa'i lha rnams bde ba mang po du ma dag gis phrogs pa yin no/ /grong khyer de ngo bo nyid kyis legs mthong nyid yin te/ tshal khang bzangs gser dang / byi ru dang / spug dag gis brgyan cing mdzes par byas pa/ dril bu g.yer ka'i dra ba sna tshogs kyis dkrigs pa/ gser gyi dril bu g.yer kha sgra snyan pa 'byin pas mdzes par byas pa/ tshal dang nye ba'i tshal dang / bskyed mos tshal de dag tu blta</font><hr>64.141b<br><font size=+1>

na sdug na gnas pa'i lha rnams 'khod do/ /lha'i grong khyer na gnas rgyan dang / rol mo dang / sil snyan rtag tu sgra 'byin pa rab tu 'byin cing / lha dang lha mo'i tshogs rnams kyis kun du gang ba de na btung ba dang phreng ba dag gis mdzes par byas pa/ rgyal mtshan dang / ba dan bye ba 'bum phrag du ma dag rlung gis rab tu bskyod do/ /yang ri rab kyi steng gi grong khyer du lha'i tshogs bye ba phrag brgya stong du ma dag gis kun du gang zhing las chen po rnams kyis mdzes par byas pa de na/ 'di ltar lha mthu rab tu che ba mchod par 'os pa chen po/ rdzu 'phrul che ba/ bskyed mos tshal gyi dga' spyod la rtag tu yid mi dga' ba/ lha dang lha mo'i tshogs 'bum phrag du mas kun du gang ba sa ya phrag 'bum 'khod pa rnams brgya byin gyis ma lus par yongs su shes so/ /gang gi tshe lha de rnams gal te lha'i grong khyer chen po bskyed mos tshal gyi dga' spyod de nas bskyed mos tshal du dga' spyod byed du 'gro ba de'i tshe lha rnams shing rta 'bum phrag du ma rnams dang 'gro ste/ lha de rnams 'gro ba na/ rgyal mtshan dang / ru mtshon sdug gu rnam pa sna tshogs kyis mdzes par byas pa'i shing rta rnam pa sna tshogs dang / kha dog sdug gu rnam pa sna tshogs dang / dbyibs sna tshogs su 'dug pa bye ba phrag stong dkrigs pa dag byung ngo / /'di lta ste/ an da rnyil las byas pa'i gzhal med khang gang yin pa de la shing rta'i mda' pad ma rA ga las byas shing / de la shing rta'i steng gi khang pa rin po che las byas/ lam ni spug las byas/ phyi rol ni bai dUr+ya las byas/ sa ris ni gser las byas la/ kun nas dril bu g.yer ka 'khrigs pa'i sgra 'byin pa yin no/ /de nas yang lha rnams gzhal med khang rnam pa sna tshogs gzhan gyis 'gro bar byed de/ 'di lta ste/ shing rta'i mda' ni gser las byas/ shing rta'i steng gi khang pa ni bai dUr+ya las byas/ sa ris ni spug las byas/ mu tig gi dra bas ni g.yogs/ phyi rol ni rin po che margad lta bu las byas/ ngos ni byi ru las byas/ srog shing ni dngul las byas pa yin no/ /kha cig shing rta'i mchog rnam pa gzhan gyis 'gro bar byed de/ 'di lta ste/ kun nas shing</font><hr>64.142a<br><font size=+1>

rta'i mda' ni gser las byas/ ngos ni mu tig gis g.yogs/ sa ris ni pad ma ra gas shin du rnam par phye/ srog shing ni dngul las byas/ kun nas byi rus ni mdzes par byas pa yin te/ shing rta 'bum phrag mang po gsal ba mtshan nyid dpe med pa de dag lha'i tshogs rnams kyis kun nas yongs su bskor te/ 'bum phrag rnam pa du ma de rnams la lha dag nyid zhon nas tshal chen po de rnams ga la ba der 'dong bar byed de/ rgyal mtshan la la bai dUr+ya las byas/ rgyal mtshan la la gser las byas/ yu ba la la dngul las byas/ rgyal mtshan la la'i yu ba pad ma rA ga las byas/ rgyal mtshan dang / ru mtshon la la'i mdog du ma yod pa dag gis nam mkha' bar med par byas nas/ bskyed mos tshal du gnas par bya ba'i phyir/ yid rab tu dga' bas tshal chen po bzhi po ga la ba der 'dong bar byed do/ /de ltar lha de rnams 'dong ba na sil snyan bye ba 'bum phrag du ma sgra 'byin cing / rol mo'i sgra snyan pa sna tshogs phan tshun dom par zhugs pa dag yod de/ shin du bzang zhing nyams dga' ba'i khyad par che ba yin no/ /ji ltar las byas pa ngan pa dang / 'bring dang / chen po byas pa bzhin las bde ba rnams kyi rjes su 'jug pa na 'dong bar byed de/ lha de rnams so so la lha mo'i tshogs brgya 'am/ stong ngam/ 'bum rnams gar byed/ glu len/ rab tu rgod cing yan lag lnga dang ldan pa'i rol mo snyan pa dang bcas pa rdob pa zhes bya ba kun tu gang zhing byed la tshal chen po zhes bya ba ga la ba der 'dong bar byed do/ /lha'i 'dod pa'i yon tan lnga rnams 'byor cing ldan par gyur pa'i lha mo de dag thams cad lha de rnams dang so sor phrad nas de ltar bro gar byed/ rgod par byed/ rtsed mo byed do/ /'di ltar lha de rnams 'dod pa la rnam par zhen pa zhes bya bas dga' bar byed de/ lha'i sgra snyan pa tshang tshing gi nang na lha'i snyan pa de dang / gar dga' dgur 'gro ba'i lha de rnams lha'i 'dod pa'i rnam pa gang yin pa de nyid kyis der bskyed mos tshal du 'gro bar byed de/ la la nam mkha' la sprin nag po 'gro ba lta bu bai dUr+ya'i mdog can de rnams 'gro bar byed/ lha'i mchog de dag kha cig ni 'di ltar</font><hr>64.142b<br><font size=+1>

rgyan sna tshogs dang / gos sna tshogs dang / cha byad sna tshogs dang / dga' ba'i gtam sna tshogs kyis dga' gtam smra zhing nam mkha' khyab par byas nas tshal chen po ga la ba der 'dong bar byed do/ /lha'i mchog gzhan kha cig ni gser gyi sa gzhi'i lam nas rab tu 'gro la/ 'gro ba de rnams kyi shing rta 'bum phrag du ma'i mu khyud kyis gser gyi rdul bslang ste nam mkha' khyab par byas nas 'dug go/ /gang gis nam mkha' de skya bor byed kyang / lha rnams la 'go bar mi byed la/ lha gang 'chi ba dang nye bar 'gyur ba de rnams kyi gdong ngam/ gos de la ni 'go bar byed do/ /lha gang gzhan dag gis rdul de mthong zhing 'chi ba'i ltas mthong la/ de 'chi ba'i sdug bsngal mtha' med par 'gyur ba mngon par mthong nas/ de snying rje rje lta bur gyur pa'i sems kyis 'di ltar tshigs su bcad de smras pa/ bud shing lta bu'i yul 'byung dang / /mes bsregs lta bu'i 'chi 'gyur ba/ /lam 'di nas ni lha rnams dag /brgya 'am yang na stong du 'dir/ /'chi ba gzhan gyis mthong 'gyur la/ /bdag nyid kyis ni mi mthong ste/ /phyi nas nyon mongs phrad pa dang / /bdag nyid kyis ni sdug bsngal rig /bag med pa dang 'dres pa'i sems/ /yul la rtag tu mngon par dga'/ /lus can lhan cig skyes gnas pa/ /'chi ba brtan pa mi rig go/ /bag med pa la mngon dga' zhing / /bde ba nyams dga' byed pa na/ /'chi bdag sde yis 'di drangs pa/ /rab tu 'jom ste dug dang 'dra/ /'chi ba'i zhags pas bzung ba yi/ /khyod la skyob pa byed med de/ /sman dang sngags dang las mi skyob/ /de bzhin lha min lha min skyob/ /rdul rnams kyis ni gdong g.yogs pa/ /bdag nyid kyis ni mi rig ste/ /'di ni 'chi ba'i pho nya yin/ /shi ba phyi nas thob par 'ong / /gang zhig bde ba'i don ma mthong / /skye ba rtag tu brkam chags shing / /sred pas ngoms ni mi myong ba/ /glo bur du ni 'chi bar 'gyur/ /'chi bas btang ba chen po 'di/ /khyod kyi pho nya dang po ste/ /'di yi 'og tu 'chi ba yang / /shin tu mi bzad 'byung bar 'gyur/ /tshal dang nye ba'i tshal brgyan pa/ /rang gi las</font><hr>64.143a<br><font size=+1>

kyi 'bras bu spyad/ /sems can ri bo mchog de nas/ /dbang med bcings te khrid par 'gyur/ /myos pas rtse bar gnas pa dag /bde bas ngoms ni mi myong zhing / /rmongs pa sred pas ma ngoms pa/ /dbang med sa steng ltung bar 'gyur/ /ji ltar rtag tu me dag las/ /du ba sngar ni 'byung 'gyur ba/ /de ltar 'chi ba'i rtags byung ste/ /phyi nas 'chi ba gnas par 'gyur/ /de ltar lha de dag bag med pa chung ba la gnas shing / sems sngon dge ba'i rtsa ba spyad pa la goms pa yin la/ lha de'i bar chad de mthong nas bdag nyid dang lha de rjes su ston par byed do/ /de ltar lha de'i gtam smra ba na/ shing rta la zhon pa/ shing rta sna tshogs la zhon zhing / shing rta'i dril bu g.yer kha'i dra bas dkrigs pa/ lus cha byad du mas 'bar ba/ mig rgyas pa lta bur 'dug pa/ lha'i phreng ba dang / gos gyon pa gser btso mas rnam par brgyan pa/ gang ri rab kyi ri'i rtse mo stong snyed du phye mar rlog cing 'ong ngo / /de nas lha de lha'i tshogs de rnams rtog cing 'ong ba na/ de bzhin du la la ni nam mkha' la/ la la ni sa la/ la la ni bya'i shing rta rnams kyis/ la la ni lha mo dang lhan cig glu len/ bro rdung zhing 'ong ste/ tshal dang nye ba'i tshal de dag lha'i pad ma dang / shing ljon pa dang / chu bo dang / bya dang / 'bras bu dang / me tog dang / rin po che sna tshogs dang / kun nas mchog tu nyams dga' ba'i tshal dang / nye ba'i tshal gyi phyogs ga la ba der 'dong bar byed do/ /blta na sdug na gnas pa'i lha de rnams shing rta'i mchog de dag la zhon nas/ gser gyi shing ljon pa nyi ma lta bu yod pa ga la ba der dong ngo / /gang gzhan bar snang la rgyu ba de dag kyang bar snang de las babs nas bskyed mos tshal ga la ba der dong ngo / /de ltar lha'i tshogs de dag thams cad 'dus nas sil snyan gyi sgra dang / glu dbyangs kyi sgra rnam pa sna tshogs kyis dga' bar byed/ yongs su spyod par byed de/ phan tshun grogs su gyur cing / phan tshun 'gyed pa dang / phrag dog la skyo ba med pa rnams bro gar byed/ rgod par byed/ dga' dgur spyod par byed do/ /sil snyan yan lag lnga dang ldan pa la 'di</font><hr>64.143b<br><font size=+1>

lta ste/ rgyud dang / rnga dang / sil dkrol dang / gling bu'i sgra dang / glu ste rnam pa 'di lngas khas chu bo ltar 'bab pa dang / btung ba chu bo ltar 'bab pa'i ngogs su lha dang lha mo'i tshogs de dag phan tshun dga' zhing lhan cig tu bskyed mos tshal der rtses nas gang na bai dUr+ya dang gser gyi 'bras bu yod pa/ 'bras bu mdog dang dri zhim pa ro mngar ba/ sbrang rtsi lta bu rnams kyis mdzes par byas pa yin te/ de shing ljon pa'i drung de dag tu yang 'dod pa nyams dga' ba'i lha mo gzugs myi mdzes pa med pa'i gzugs rnams dang lhan cig 'bras bu'i ros myos nas yun ring du dga' bar byed do/ /de nas de ltar bde ba la gnas shing rgyags pas myos pa'i lha dang lha mo'i tshogs de rnams bro gar dang / glu dbyangs dang / dgod pa'i sgra de dag thos shing / gang lha'i rgyal po brgya byin gyi rjes su 'gro la phyi bzhin du 'brang ba de rnams sgra de dag thos nas/ lha'i rgyal po brgya byin ga la ba der 'dong bar byed do/ /de ltar de dag thams cad brgya byin gyi drung du dong nas/ brgya byin la gsong por smras shing / thal mo sbyar nas mgo bo gtugs te/ brgya byin la bsnyad pa/ lha'i dbang po 'di ltar blta na sdug na gnas pa'i lha'i tshogs de dag thams cad bskyed mos tshal du dga' spyod bgyid du mchi na/ lha'i dbang po de dag mkhyen par mdzod cig /de nas brgya byin de dag las tshig de thos nas/ lha rnams la 'di ltar blta na sdug na gnas pa'i lha dag gang nas dong ba'i bskyed mos tshal du bdag cag kun 'dong gis khyed rnams 'dong bar shoms shig ces bsgo'o/ /de nas brgya byin gyis tshig de thos nas chos bzang na gnas pa'i lha rnams kyang shing rta rgyal mtshan sna tshogs can la zhon/ la la gser gyi shing rta srog shing bai dUr+ya las byas pa ba dan btags pa rnams la zhon/ la la bai dUr+ya'i shing rta srog shing gser las byas pa rnams la zhon/ la la ni rin po che sna bdun bkra zhing ba dan sna tshogs kyis mdzes par byas pa rnams la zhon/ la la gser gyi bya sgra snyan cing shin du mdzes par 'byung ba'i bya'i shing rta rnams la zhon/ la la rta khra bo 'gros 'jam</font><hr>64.144a<br><font size=+1>

zhing bde ba dag la shing rtas blangs nas/ shing rta de rnams rta de rnams la btags te/ rta'i shing rtas 'gro bar byed/ de ltar gzhan yang gser gyi bya ngang pa ni bai dUr+ya/ sgro ni pad ma ra ga'i mdog lta bu rnams kyi steng du zhon nas/ lha'i dbang po brgya byin dang lhan cig tu blta na sdug gi grong khyer chen po ga la ba dang / bskyed mos tshal ga la ba yod pa der 'dong bar byed do/ /yang lha gzhan dag rin po che sna bdun gyi rma bya'i gzugs dang ldan zhing / mdongs kyi tshogs kyis khebs pa gang mi'i 'jig rten na yang gzugs phun sum tshogs pa yin la lha'i 'jig rten na lha gzhan dang mi 'dra ba legs par byas pa'i las rnams kyis mngon par brgyan pa lta smos kyang ci dgos te/ de dag gi mdog sdug cing dbyibs legs pa dang bya bar yang mi nus pa'i steng du zhon no/ /rnam pa de lta bu dang ldan pa de dag la gzhan dag zhon nas blta na sdug gi skyed mos tshal dang / nye ba'i tshal ga la ba der 'dong bar byed de/ lha'i tshogs de rnams rol mo'i sgra dang / glu dbyangs sna tshogs kyis dgod cing rtse la yongs su spyod pa dang / lha gzhan myos shing 'khod pa rnams bskyed mos tshal ga la ba der 'dong bar byed do/ /lha'i rgyal po brgya byin gyi shing rta bzhi yang 'khor lo rtsibs stong dang legs par ldan pa/ shing rta rin po che sna bdun las byas pa yin te/ 'di lta ste/ an da rnyil dang / pad ma rA ga dang / spug shin du gsal ba dang / bai dUr+ya dang / byi ru dang / rdo rje dang shel la gser gyi khye'u rnams kyis mngon par brgyan pa/ shing rta'i mchog de la brgya byin zhon nas/ rin po che sna bdun gyi bya ngang pa gser gyi pad ma ltar rgyas shing / dbyibs dang / cha byad sna tshogs dang ldan pa sgra che zhing gdangs snyan pa 'byin pa de'i drung na lha mo'i dbyangs kyang snyan pa/ mi 'gyur ba stong gis khrid de/ brgya byin gyi shing rta rnam pa de lta bu dang ldan pa ngang pa rnams kyis khrid par byed do/ /shing rta de la yang tshon rtsi sna tshogs kyis bsgyur ba'i 'phan lnga brgya/ 'phan shing bai dUr+ya dang / gser dang dngul las byas pa las btags so/ /'phan gyi kha dog ni 'di lta ste/ sngon po dang / ser po dang / btsod ka dmar po dang / </font><hr>64.144b<br><font size=+1>

dkar pos mdzes par byas pa yin la/ shing rta de la lha'i rgyal po de zhon nas/ lha mo'i tshogs du ma ni nye ba na glu dbyangs len/ lha 'bum phrag du ma yang mdun du song nas glu dbyangs len cing nam mkha' la ni yang dang yang du 'gro/ sa la ni yang dang yang du 'gro ste/ gar dga' bar 'gro ba/ ci dgar byed pa/ lha'i bde ba de la nye bar spyod cing sil snyan yan lag lnga dang ldan pas nyams dga' bzhin du grong khyer blta na sdug dang / bskyed mos tshal ga la ba der 'dong bar byed do/ /der 'dong ba na lha'i tshogs gzhan dag gis mthong nas bro byed/ gad mo rgod/ rtsed mo rtse/ rol mo byed cing pad ma sna tshogs sdong bu bai dUr+ya las byas pa dag lag du khyer nas/ lha'i rgyal po brgya byin lha rnams dang lhan cig gang nas mngon du 'ong ba der blta na sdug pa na gnas pa'i lha de rnams kyis kyang bskyed mos tshal nas byung nas 'ong ngo / /de nas brgya byin gyis bdag cag gi drung 'dir 'ong gis khyed kyis 'di dag dang rtse ba de bya ba'i rigs so zhes kyang bsgo'o/ /de nas brgya byin gyi kha nas tshig thos pa spyi bos blangs nas/ blta na sdug na gnas pa'i lha ga la ba der chu blang ba'i phyir brgyugs so/ /lha mo'i nang nas lha mo de dag kyang blta na sdug pa'i gnas pa'i nang du chu blang ba'i phyir brgyugs so/ /blta na sdug na gnas pa'i lha mo dang / chos bzang na gnas pa'i lha mo dag kyang gang de nas phan tshun rgyug go/ /de ltar lha rnams phan tshun du gser gyi pad ma'i mdab ma dag blangs nas bskyed mos tshal ga la ba der rgyug la/ de dag phan tshun lhan cig tu dgod cing rtse la rgyu'o/ /lha'i dbang po brgya byin bar snang la rgyu zhing 'dug pas kyang lha dang lha mo rnams me tog ku mu das rtse ba de dag mthong ngo / /lha de rnams chu la yun ring du rtse ba de byas nas/ de nas yang mchog ste/ pad ma la rtse ba rtsom par byed do/ /lha dang lha mo de dag phan tshun pad ma la rtse bar byed de/ la la gser gyi pad ma rnams kyis/ la la bai dUr+ya dang gser gyi sdong bu rnams kyis/ la la sdong bu sna tshogs rnams kyis rtse ste de ltar phan tshun rtsed mo byed do/ /de ltar phan tshun yun ring du bstegs shing rtses nas/ 'bras bu'i tshal ga la ba der 'dong bar byed do/ /</font><hr>64.145a<br><font size=+1>

de dag gis 'bras bu snyi ba blangs nas/ phan tshun steg 'dod pa 'phen par byed do/ /'bras bu la rtse ba de yang byas nas chang gi tshal ga la yod pa der 'dong bar byed do/ /tshal der song nas myos pa'i skyon dang bral zhing 'khrug pa med pa ji ltar 'dod pa bzhin ro zhim pa las ji ltar byas pa bzhin du zhim pa dag la 'thung bar byed do/ /lha'i rgyal po brgya byin yang shing rta'i mchog de las babs nas lha'i kun dga' ra ba ga la ba der song ste/ de dag gi nang du 'dug go /lha'i rgyal po de rgyal po de rnams kyis mthong nas phan tshun kun yid dga' ste/ lha'i rgyal po la mchod pa byed do// //'phags pa dam pa'i chos dran pa nye bar gzhag pa/ bam po sum cu rtsa gnyis pa/ de ltar kun gyis thal mo spyi bor sbyar te/ mchod pa byas nas/ 'di ltar lha'i dbang po bzhugs pa bdag cag gi srog gi 'bras bu mchis pa lags te/ lha'i rgyal po brgya byin ni gang bdag cag gi pha ma dag pas lhag par srog stsol ba lags so zhes smras nas/ de ltar brgya byin de la de rnams kyis legs par mchod do/ /de nas yang lha de dag la 'di skad ces khyed ni bdag gi bu dang 'dra/ spun dang 'dra zhes smras nas/ de ltar de dag phan tshun legs par mchod pa byas te/ de nas yang bag med pa'i sar zhugs nas/ bag med pa de nyid la gnas so/ /de nas yang tshal dang nye ba'i tshal dag bya'i tshogs rnams kyis sgra 'byin pa/ 'bab chu dang klung dang tshang tshing sna tshogs kyis brgyan pa/ gser gyi chu bo pad ma'i tshal dang nye ba'i tshal mdzes par byas pa/ sa gzhi mnyam zhing 'jam la mi rtsub pa/ mtho dman gyis brgyan pa/ bai dUr+ya dang gser dang dngul dang shel gyi shing ljon pas brgyan pa/ bza' ba dang btung ba chu bo ltar 'bab cing 'bras bu sna tshogs dang ldan pa/ me tog man da ra dang pad ma la sogs pa me tog chen po rnams kyis mdzes par byas pa/ tshang tshing rnams kyi nang na lha'i mi dang bud med rgod rgod/ rtse rtse rgal rgal yongs su spyad pas bsten pa'i tshang tshing gi tshal dang skyed mos tshal rnams su lha'i sil snyan yan lag lnga dang ldan pa dang lha'i kha zas dang / </font><hr>64.145b<br><font size=+1>

lha'i yul lnga 'byor cing ldan par gyur pa rnams kyis kyang dga' bar byed do/ /de nas yang blta na sdug pa na gnas pa dang chos bzang na gnas pa dga' bar byed pa/ rang gi gnas gnas su zhugs so/ /de dag der zhugs nas kyang / ji srid tu 'dod pa yid tu 'ong ba byas shing bsags pa'i las de zad par ma gyur pa de srid du dga' bar byed do/ /de dag phyis lha'i ris de nas 'chi bar 'gyur te shi nas kyang las nye bar 'gro ba ji lta ba bzhin/ sems can dmyal ba dang yi dgas dang dud 'gro rnams kyi nang du skye bar 'gyur ro/ /gal te lan grangs gzhan la myong bar 'gyur ba'i las kyis mi rnams dang skal ba mnyam par mi'i nang du skyes na/ las de dang rgyu 'thun par de rtag tu shin du bde bar 'gyur zhing / rig pa'i blo dri ma med pa dang / rol mo la dga' ba ste/ bro gar dang glu dbyangs dang rgod pa dang rtse ba la dga'/ rtag tu spro ba la dga' zhing bza' ba dang btung ba dang bca' ba dang bza' bar bya ba mang po la dga' ba dang yams kyi nad med cing / rims nad med la mya ngan dang bral bar 'gyur ba mthong ngo / /de nas yang dge slong las kyi 'bras bu rnam par smin pa shes pa de/ sum bcu rtsa gsum pa'i lha rnams kyi gnas la rtog par byed de/ des thos pa las byung ba'i shes pas lha rnams kyi gnas phyogs gcig na gnas pa zhes bya ba ji ltar 'dug pa mthong ngo / /der sems can dag las gang gis skye bar 'gyur snyam nas/ des thos pa las byung ba'i shes pas brtags na/ tshul khrims dang ldan pa/ 'byor pa yang shin du chung zhing dman par gyur pa gang gis/ gzhan dag las nor rdzas kyi rnam pa 'am kha zas dag blangs te/ shin du sdug bsngal yang bu dang chung ma 'ba' zhig la mi sbyor bar sems yongs su bsgoms pa'i yid kyis nor rdzas sam/ kha zas de dag gzhan sdug bsngal zhing pha rol gzhan dag nyon mongs pa dang long ba dang dbul ba dang mgon med pa rnams la bgo bsha' byas nas sbyin par byed pa dang srog chags gzhan gyi chung ma la 'khrig pa'i dga' bas rab tu chags pa dag /gzhi</font><hr>64.146a<br><font size=+1>

des mngon par bzung ste/ srog bcad pa'i nyon mongs pa 'thob cing gshed ma'i lag tu bskur ba/ lho phyogs kyi sgo nas khrid de srog bcad par 'gyur ba/ nyon mongs pa'i rnam pa de lta bu'i nang du chud pa las thar bar byas na/ de lus dang bral nas bde 'gro mtho ris kyi 'jig rten phyogs gcig na gnas pa'i lha rnams kyi gnas su skye bar 'gyur ro/ /der skyes nas kyang legs par bya ba byas pa/ dge ba'i las shin du rgya che ba byas shing yang dag par spyad pa de rang gi lus las kun nas 'od 'byung ste/ dper na nyi ma'i 'od 'byung ba bzhin no/ /yang 'od de dag gi kha dog sngon po dang ser po dang btsod kha dang ljang gu dang dkar por 'byung ste/ lha de'i 'od des lha'i 'jig rten gyi 'od gsal ba de dag thams cad de nas yang bcu 'gyur bas lhag par gsal bar byed do/ /dper na gza' dang skar ma'i 'od kyis 'dzam bu'i gling gsal bar byed la/ de nas yang zla ba'i 'od kyis gsal bar byed pa de bzhin du/ lha de'i rang gi lus kyi 'od kyis lha'i gnas de dag thams cad brgyan pa bzhin rnam par gsal bar byed do/ /'od des gzugs phun sum tshogs pa de dag thams cad dang ldan pa'i lha de la/ lha de dag gis mngon par brtags te/ rnam pa de lta bu'i khyad par gang gi drung na/ lha gzhan de dag srin bu me khyer bzhin gsal ba med do/ /lha'i ris der lha de skyes ma thag tu lha mo de dag thams cad lha de ga la ba der rgyug cing skyes ma thag tu rgyan thams cad 'byung bar 'gyur te 'di lta ste/ gang gi gtsug gi nor bu mthon ka chen po'i 'od kyis dpag tshad dag tu 'od snang bar byed pa bzhin du/ 'od gang gis gzhan mtho ris na gnas pa'i 'od de dag thams cad dang phyi rol gyi nor bu de dag thams cad de ltar zil gyis gnon par byed do/ /ji ltar nyi ma shar bas srin bu me khyer rnams kyi 'od zil gyis gnon par byed pa de bzhin du lha de dag zil gyis gnon par byed do/ /de nas skyes ma thag tu rin po che sna bdun gyi cod pan dpag tshad brgyar 'od 'phro ba 'byung bar 'gyur te/ 'od kun gyis</font><hr>64.146b<br><font size=+1>

brgyan cing 'od zer 'byung la gang gis 'od sngon po dang ser po dang btsod kha dang ljang gu dang dkar po dag 'byung bar 'gyur ro/ /de'i 'og tu rin po che sna bdun gyi mgul rgyan dpag tshad brgyar 'od 'phro ba 'byung bar 'gyur ro/ /de ltar de'i 'og tu rin po che sna bdun gyi rgyan phreng 'byung bar 'gyur ro/ /de'i 'og tu phreng ba 'chang ba rdo rjes brgyan pa 'byung bar 'gyur ro/ /de'i 'og tu de'i rked pa'i phreng rgyan ji ltar 'ja'i kha dog lta bur skye zhing 'byung bar 'gyur ro/ /de'i 'og tu de'i lham rin po che sna bdun gyis spras pa/ 'od sna tshogs dang ldan pa 'byung bar 'gyur te/ shugs gang gis rim pa 'di ltar 'gro ba ni/ gang gi tshe lha de 'di snyam du 'di ltar bdag che ge mo zhig tu nam mkha' las 'gro'o snyam du bsams na sems bskyed ma thag tu lha yul du 'byung ba'i lham des lha de bteg ste nam mkha' la khyer nas gnas der 'gro ste/ lus ngal ba med cing gnod pa thams cad dang bral bar 'gyur ro/ /gang de'i 'og tu de'i gos thags su btags pa ma yin pa rin po che sna tshogs las byas pa 'od gsal ba 'byung bar 'gyur te/ gang gi 'od kyis lha'i ris nyams dga' bar 'gyur ro/ /lha de skyes ma thag tu 'di snyam du sems te/ las byas pa gang gis bdag 'dir skyes shig gu snyam nas/ des brtags na las legs par byas pa dang nyes par byas pa'i gzhi 'dzam bu gling de nas bdag shi ste/ der gang bya ba legs par bya ba 'am/ nyes par byas pa 'am/ nye par byas pa de 'dir nye bar spyod pa 'gyur te/ de dag gis legs par byas pa'i las kyi rgyu des bdag 'dir skyes te/ rgyu med pas ni ma yin no snyam mo/ /de de ltar bsams pa dang thang cig tu lha mo gzugs dang lang tsho phun sum tshogs pa ji snyed pa thams cad nye bar 'ong bar byed de/ de dag gi rgyan gyi sgra ji ltar mi yul na sil snyan yan lag lnga dang shin du ldan pa de dag gi sgra 'byung ba de ltar de rnams kyi sgra 'byung bar byed do/ /de dag gi dri yang dpag tshad gnyis su gang bar 'gyur te/ dri gang gis me tog thams cad kyi dri zil gyis gnon par 'gyur/ de dag gi gzugs dang lang tsho sngon ma byung ba 'byung bar 'gyur zhing tshim pa dang dga' ba 'byung bar</font><hr>64.147a<br><font size=+1>

'gyur la/ sngon gyi gos kyi yon tan rnams kyang 'byung bar 'gyur ro/ /lha de'i legs par byas pa'i las des/ 'di lta ste/ nyi ma shar ba'i nyi ma'i 'od kyis me tog thams cad rab tu rgyas par 'gyur ba de ltar lha de'i 'od byung bas lha mo de dag thams cad kyi gzugs rab tu rgyas par 'gyur te/ de dag dang de phrad nas 'dzum zhing dga' ba dag gis rtsed mo byed do/ /de dag gis de pang du blangs te tshal dang nye ba'i tshal ga la ba de nyid du 'gros sdug gus khyer zhing lha de'i mdun du sil snyan sna tshogs dang rgod pa'i sgras dga' bar byed pa de dag lha la lta zhing tshal dang nye ba'i tshal de dag ga la ba der 'dong bar byed do/ /lha de'i gnas su tshal 'di dag 'byung bar 'gyur te/ 'di lta ste/ pad ma rmad byung gi tshal yod de/ tshal de na gang gi tshe lha de 'jug pa de'i tshe/ gom pa 'dor ba'i sa dag la pad ma sdong bu ni bai dUr+ya myu gu ni rdo rje/ snying po ni gser/ lo ma ni 'jam zhing 'dab ma 'jam pa dang bung ba'i tshogs kyis mdzes par byed pa dag 'byung bar 'gyur la/ de dag la lha de'i rkang pa gnyis 'jog par byed do/ /de nas rkang pa bteg pa dang pad ma gzhan dag 'byung bar 'gyur zhing snga ma zhum par 'gyur ro/ /de pad ma'i tshal de nas sbrang rtsi'i chu'i tshal zhes bya ba sbrang rtsi'i chu'i tshal ga la ba der 'dong bar byed de/ tshal de na lha'i shing ljon pa gser las byas pa de dag thams cad las lha'i rgun chang 'dzag ste/ lha'i ro dang dri dang ldan pa'i rgun chang de dag la lha'i mchog de 'thung bar byed de/ myos pa'i skyon dang bral ba'i sbrang rtsi de dag la lha rnams 'thung bar byed do/ /dri dang ro sngon ma byung ba de dag la 'thungs nas kyang tshal gsum mdzes shes bya ba ga la ba der 'dong bar byed do/ /der gsum mdzes dpe med pa 'byung ste/ 'di lta ste/ bya dang bung ba'i tshogs sgra 'byin pa dang gzhan dang mi 'dra ba'i sgra dang lha mo rol mo byed pa 'byung ngo / /lha'i mchog de tshal gsum mdzes de na/ bskyed mos tshal dang tshal nas nye ba'i tshal dang pad ma'i rdzing nas pad ma'i rdzing dang lteng ka nas lteng gar dga' bar byed/ rtse bar byed dga' mgur spyod par byed do/ /bya sgra sna tshogs 'byin pa la nyan cing</font><hr>64.147b<br><font size=+1>

dbang po lnga yul lnga la tshim pa med pa'i yid sred pa'i mes sreg pa na/ ji srid du de'i legs par byas pa'i las ma zad pa de srid du dga' bar byed do/ /de las de zad nas de nas yang lha'i ris de nas 'chi bar 'gyur te/ shi nas kyang las kyi thag pas bcings pa rang gis byas pa'i las rnams kyis sems can dmyal ba dang yi dgas dang dud 'gro rnams kyi nang du skye bar 'gyur ro/ /gal te mi'i so so yang dag par myong bar 'gyur ba'i las kyis mi rnams kyi nang du skyes na/ las de dang rgyu 'thun par de gzugs dang rigs dang yon tan phun sum tshogs shing kun nas mchog tu bde ba dang ldan pa dang rang dang 'brel ba las 'tsho zhing gzhan la rag ma lus pa dang rang 'dod pa bzhin spyod cing nad med pa dang gnod pa med pa dang tsher ma med pa dang shin tu 'byor pa dang de bzhin du gsum ldan gyi dus su 'am de bzhin du gtso bo'i nang du 'am/ de bzhin du rgyal srid phyed la dbang ba 'am rgyal tshab bam/ tshong pa 'byor pa'i mchog nor dang 'bru dang gser dngul thams cad dang ldan par 'gyur ba mthong ngo / /de nas yang dge slong las kyi 'bras bu rnam par smin pa shes pa de sum bcu rtsa gsum pa'i lha rnams kyi gnas la rtog par byed de/ des thos pa las byung ba'i shes pas sum bcu rtsa gsum pa'i lha rnams kyi gnas shing gsab na gnas pa zhes ji ltar 'dug pa mthong ngo / /der sems can dag las gang gis skye bar 'gyur snyam nas/ des thos pa las byung ba'i shes pas brtags na/ gang gis rkun po chad pas bcad par 'os pa bzung ba/ gang 'jig rten pha rol la 'jigs pa'i bsam pas/ de la chad pas mi gcod cing gnod par mi byed pa dang pha rol gzhan gyis rkun po gzung ba de yang sems can la phan par 'dod pa/ byams par gzhol ba'i sems dang ldan pa'i bsam pas thar bar byed pa dang / ma la yang mal cha dang na ba'i rkyen gyi gso sman dang / yo byad sbyin par byed cing gong ma'i rdzas bsgrubs pa de dag rku ba'i sems kyis mi rku ba dang / tshig 'jam zhing tshig nyung la phan par smra ba dang / nyin gcig bzhin sangs rgyas la gus par phyag 'tshal zhing / sangs rgyas</font><hr>64.148a<br><font size=+1>

la spos sam me tog gam bdug pa dag phul te phyag 'tshal la/ de'i yon tan yang rjes su dran pa dang / bla ma la lus kyis kyang gus par byed cing / myur du ldang ba dang gus par phyag 'tshal ba dang rtag tu snyan par smra ba dang sdig pa'i grogs po mthong na shin du 'dre bar mi byed la/ de dag dang lhan cig dga' ba dang 'gro ba dang phrad pa dang mngon par smra bar mi byed/ mi nyon mongs pa'i sems dang ldan pa/ 'phags pa ma yin pa/ 'jig rten pas spangs pa rnams dang lhan cig dga' bar mi byed la/ thad kar lta zhing 'dug par mi byed pa dang rgan po la legs par lta ste/ rgan po shes pa dang ldan pa/ sems can la byams shing pha rol gdung bar mi byed pa/ 'jig rten kun gyis bkur ba/ snyan par smra ba/ 'jam por smra ba dag la bsnyen bkur byed cing / yang dag par rnam par byed pa'i tshul khrims kyang yod pa dang bran pho dang bran mo dang las byed pa dang zho shas 'tsho ba rnams la rgyu med par 'tshe bar mi byed pa dang bza' ba mang du mi za ba dang 'dod dgur 'gro ba'i tshul du mi byed pa dang gnod pa'i tshul med pa dang glo bur du mi 'khrug pa dang shan pa dang nyo tshong dang khyi yis 'tsho ba dang snyis 'tsho ba dri ma dang bcas pa la sogs pa dang nyo tshong la sogs pa chos ma yin pa dang yang dag par 'brel bar mi byed pa dang chang 'tshong gi khyim du dga' ba med pa dang bud med la rag las shing sdig pa byed pa dang spyod pa nyams pa dang tab tab por mi 'gro ba dang smra ba na gzhan gyi gsang mi shor ba dang grogs po rnams la glags lta zhing gsang ste dgra mi byed pa dang gnad btsal te rgyal po la mi smra ba dang gzhan gyi zhing rnams la skye ba'i ldum ra mthong nas bdag nyid kyir mi byed pa dang yul mi'i dpya nar ma drug cha gcig 'bul ba las lhag par mi 'bebs pa dang gzhan gyi zhing dang chu dang skal ba byin pa mi 'phrog pa dang mtshan mo 'am/ nyon mo gzhan gyi 'bras bu mi 'phrog pa dang rku sems thams cad dang bral ba 'am/ re re dang bral ba 'am/ nyung ngur bral ba yin te/ ji ltar nyung ngur bral ba yin</font><hr>64.148b<br><font size=+1>

zhe na/ las kyi nyer bsdogs mi byed pa dang las bar ma dang bral ba yin te/ gang byas pa 'chags par byed cing skyon du rtsi la mi byed pa dang chen po dang bral ba yin te/ las kyi nyer bsdogs mi byed pa dang de bzhin byed du mi 'jug cing / gzhan gyis byas nas kyang 'chags su 'jug pa dang so sor rjes su yi rang bar mi byed pa dang mi ngan pa de rnam par spong bar byed la/ chung ngu dang 'bring dang chen po byed pa de chung ngu dang 'bring dang chen po'i 'bras bu la spyod pa yin te/ de ltar legs par byas pa'i las kyi mtha' spyod pa/ nyes par byed pa rnam par spangs pa de lus dang bral nas bde 'gro mtho ris kyi 'jig rten shing gseb na gnas pa'i lha rnams kyi nang du skye bar 'gyur ro/ /de der skyes nas kyang lha'i lus sha dang rus pa dang rnag khrag dang bral ba yin te/ gang bde ba myong bar 'gyur ba de'i dpe bya bar yang sla ba ma yin mod kyi/ cung zad cig dper bya na 'di lta ste/ sems can gang sems can dmyal ba yang sos su skye ba dang gang gser gyi 'khor los sgyur ba'i rgyal po'i khyad par gang yin pa dang lha'i bde ba myong ba'i mi 'khor los sgyur ba'i rgyal po gling bzhi pa'i rin po che sna bdun dang ldan pa'i khyad par gang yin pa'i khyad par de ni shing gseb na gnas pa'i lha de'i dper cung zad bya ba yin no/ /shing gseb na gnas pa'i lha de ri rab kyi steng dpag tshad sum stong yod par dpal dang ldan pa rin po che sna bdun gyi lha'i shing ljon pa dang chu bos mdzes par byas pa lta bur/ phyogs de na tshal kun spyod ces bya ba gser gyi shing ljon pa yod pa der 'di ltar lha rnams kyi sems la gang du bdag cag 'gro bar bya ba der shing ljon pa dag bdag cag gi phyi bzhin du de ltar 'ong bar shog shig snyam mo/ /de sems bskyed ma thag nyid du shing gseb na gnas pa'i lha rnams gar 'gro ba de dag gi phyi bzhin du de ltar 'ong ste/ dper na 'khor los sgyur ba'i rgyal po sems bskyed ma thag nyid du 'khor lo nam mkha' la 'gro ba de ltar lha rnams kyi sems bskyed ma thag nyid du shing ljon pa dag nam mkha' las 'ong ngo / /lha rnams gar 'dod pa der yang sa steng du 'bab par 'gyur te/ </font><hr>64.149a<br><font size=+1>

dper na bya dag sa'i phyogs gang dang gang du 'gro zhing gnas pa de dang de nyid du gnas par 'gyur ba de bzhin du shing ljon pa de dag thams cad de ltar 'gyur te/ 'di ni shing gseb na gnas pa'i lha rnams kyi rang gis byas pa'i las kyi mthu gcig yin no/ /de nas yang mthu 'byung ste/ de ltar legs par byas pa'i las de dag gi mthu ni lha rnams gang du 'dong ba der bya dag sil snyan yan lag lnga dang ldan pa lta bu'i sgra 'byin bzhin du phyi bzhin 'brang zhing 'dong ngo / /de nas gzhan yang legs par byas pa'i las rnams kyi mthu ni lha rnams nam mkha' la 'dong ba dang bcas par 'gro ba'i lha dag pad ma'i rdzing na bung ba myos pa'i sgra 'byin pa dang gser gyi bya ngang pas mdzes par byas shing / bya ka ran da ba dang ngur pa rnams kyis mdzes par byas pa ga la ba der 'dong bar byed do/ /de nas gzhan yang shing gseb na gnas pa'i lha rnams kyis legs par byas pa'i mthu ni lha/ lha'i phreng ba dang gos gyon pa dag nam mkha' gang la 'gro ba'i nam mkha' der/ lha'i pad ma sdong bu bai dUr+ya las byas pa'i gnas dag 'byung bar 'gyur te/ 'dab ma stong yod pa'i 'dab ma de re re la lha mo 'khod nas/ lha ga la ba der 'dong bar byed do/ /de nas yang shing gseb na gnas pa'i legs par byas pa rnams kyi las kyi mthu ni/ lha dag lha'i pad ma la 'dug nas gang du 'gro ba der nam mkha' de las lha'i btung bas gang ba'i lha'i snod dag lag tu 'ong ste/ btung ba de dag lha dang lha mo de dag dang lhan cig 'thung zhing dga' bar byed/ glu dbyangs len/ yongs su spyod par byed la/ phyogs gzhan gang du 'dong bar yang 'gro'o/ /de nas gzhan yang shing gseb na gnas pa rnams kyi las kyi mthu ni/ lha rnams gang dang gang 'dod pa de dang de thams cad 'byor bar 'gyur zhing / lha'i 'jig rten gyi gnas nas gnas gzhan du rnam pa gang gzhan gyis 'gro 'dod pa'i ri dang ri'i rtse mo de dag tu yang / lha'i me tog dang 'bras bu dang chu bo phun sum tshogs pa dang tshal dang nye ba'i tshal phun sum tshogs pa dag nam mkha' las 'byung bar 'gyur ro/ /lha gnas pa de rnams lha mo dag gis yongs</font><hr>64.149b<br><font size=+1>

su bskor la lhan cig tu lha'i sil snyan yan lag lnga dang ldan pa'i glu dbyangs nye ba na len cing / de dag nyid dang yul nas yul du nam mkha' la 'gro ba na/ de nas chos bzang na gnas pa dang blta na sdug pa na gnas pa yid dga' bas gnas mthon po mthong ste/ ji ltar 'dzam bu'i gling na mi rgyu ba dag /lha gzhal med khang gsal ba na gnas pas mthong ba bzhin no/ /de ltar chos bzang na gnas pa'i lha de dag dang blta na sdug na gnas pa'i lha de dag phan tshun du kye 'di ltar shing gseb na gnas pa'i lha de dag bde ba mchog dang ldan te/ bdag cag pas khyad ches bde la/ lha'i sil snyan yan lag lnga dang ldan pa dag nye bar len cing gar dga' 'gur rgyu ba/ gar 'dod par 'gro ba/ ci bder gnas/ thogs pa med par 'gro ba/ yul nas yul du 'gro'o zhes brjod do/ /de nas lha'i rgyal po brgya byin yang pad ma 'dab ma stong la sdong bu lha'i gser dang bai dUr+ya las byas pa'i steng du 'dug nas/ lha mo bzang mo dag dang lhan cig nam mkha' las 'gro'o/ /legs par byas pa'i las kyis sprul pa'i pad ma de yang nyams dga' ba 'di lta bu yin te/ 'dab ma thams cad la lha mo lha'i phreng ba dang gos gyon pa gser gyi rgyan gyis brgyan pa thams cad yid rab tu dga' ba/ thams cad sil snyan yan lag lnga dang ldan pa'i dga' bas myos pa/ thams cad brgya byin la phyogs pa/ so so gzugs dang lang tsho dar la bab pa'i dregs pas myos pa lnga 'khod de/ de dag thams cad lha'i rgyal po brgya byin dang lhan cig tu/ shing gseb na gnas pa'i lha rnams ga la ba der nam mkha' las 'dong bar byed do/ /shing gseb na gnas pa'i lha de dag gis kyang brgya byin de mthong nas phyir zhing yid rab tu dga' la/ yang ji ltar bshad pa'i gnas de dag las babs nas/ lha'i rgyal po brgya byin ga la ba der 'dong bar byed do/ /dong nas brgya byin de la spyi bos phyag 'tshal te/ tshig gis kyang bstod do/ /brgya byin gyi sngon du 'gro ba dang / shing gseb na gnas pa'i lha snying dga' ba rnams kyis brgya byin de yongs su bskor nas/ brgya byin mngon par 'dod</font><hr>64.150a<br><font size=+1>

pa'i gnas sam/ bskyed mos tshal lam/ ri bo'i steng ngam tshal lam nye ba'i tshal lam pad ma'i rdzing ngam/ gnas gzhan ga la ba der nam mkha' las 'dong bar byed do/ /brgya byin gyi sngon du 'gro ba de rnams der yun ring du rtses nas/ de nas yang rang gi gnas ga la ba der 'dong bar byed de/ brgya byin gyi sngon du 'gro ba rnams ji ltar song ba de ltar slar 'ong bar byed do/ /de nas brgya byin yang lha'i 'dun sa chos bzang ga la ba der 'gro bar byed do/ /gzugs dang sgra dang dri dang ro dang / reg bya sdug gus myos pa'i lha de dag kyang ji srid du sdug pa 'dod pa/ yid du 'ong ba byas shing bsags pa'i las de zad par ma gyur pa de srid du dga' bar byed do/ /de phyis lha'i ris de nas 'chi bar 'gyur te/ shi nas kyang las nye bar 'gro ba ji lta ba bzhin sems can dmyal ba dang yi dgas dang dud 'gro rnams kyi nang du skye bar 'gyur ro/ /gal te mi rnams dang skal ba mnyam par mi'i nang du skyes na/ las de dang rgyu 'thun par de rtag tu bde ba mchog dang ldan zhing rtag tu nad med pa dang gnod pa med pa dang nor dang shin du ldan zhing mchog tu bde ba dang de bzhin du sde gzhan gyis 'jigs pa med pa'i bar gyi gling dag gi rgyal por 'gyur ba 'am rgyal tshab du 'gyur bar mthong ngo / /de nas yang dge slong las kyi 'bras bu rnam par smin pa shes pa de/ sum bcu rtsa gsum pa'i lha rnams kyi gnas la rtog par byed de/ des thos pa las byung ba'i shes pas sum bcu rtsa gsum pa'i lha rnams kyi gnas shing rta sna tshogs na gnas pa zhes bya ba ji ltar 'dug pa mthong ngo / /der sems can dag las gang gis skye bar 'gyur snyam nas/ des thos pa las byung ba'i shes pas brtags na/ mchod rten gyi gnas rnams su sngon yo byad sbyar ba rnams rgyal po mi rigs pa 'am blon po mi rigs pa 'am mi rigs par chags pa la brkam pa/ las la 'jigs pa med pa/ gang gis gcod par byed pa la/ skyes bu dam pa yid dang sems bsgoms pa sangs rgyas kyi yon tan mngon par dran pa 'am tshig shin du snyan cing gsal bas</font><hr>64.150b<br><font size=+1>

sangs rgyas la bstod nas de phyir zlog par byed dam 'tshob par byed na/ de lus dang bral nas bde 'gro mtho ris kyi 'jig rten sum bcu rtsa gsum gyi lha rnams kyi nang shing rta sna tshogs na gnas pa'i sar skye bar 'gyur ro/ /der skyes nas kyang shin du dge ba'i las byed pa de sil snyan yan lag lnga dang ldan pas dga' bar byed/ rtse bar byed/ dga' mgur spyod par byed/ gnas par byed do/ /sa der las kyi 'bras bu gzhan gyis kyang skye bar 'gyur ba ni/ srog gcod pa dang ma byin par len pa spangs pas 'gyur te 'di lta ste/ khyis 'tsho ba las ri dgas thar bar byed la/ bdag nyid kyang mi byed/ byed du yang mi 'jug /gzhan gyis byas pa la rjes su yi rang bar yang mi byed pa dang / ji ltar ma byin par len pa mi byed de/ ma byin par len pa ji ltar spangs pa yin zhe na/ bdag nyid yul gyi bdag po 'am rgyal po 'am blon por gyur pas pha rol la chad pas gcod par mi byed cing / gzhan byed pa yang zlog par byed la/ chos sam khrims la 'jog par byed pa de dag ni shing rta sna tshogs su skyes par 'gyur ba'i las rnam pa gnyis pa yin no/ /tshal gyi rgyar dpag tshad sum stong yod pa de na/ lha dag shing rta sna tshogs rnams kyis dga' bar byed de/ des na shing rta sna tshogs shes bya ba'i ming du btags la/ shing rta sna tshogs der gnas pa'i lha rnams rtse bar byed do/ /shing rta dang shing rta'i nang na gser dang dngul gyi pad ma bai dUr+ya shin du blta na sdug pa dri mchog tu yid du 'thad pa'i rdzing 'byung la/ bung ba bai dUr+ya'i mdog lta bu'i tshogs lding ba rnams kyis nye bar mdzes par byas pa yin no/ /tshal der bkra ba 'di dag kun 'byung bar 'gyur te de brjod pa/ pad ma'i rdzing rnams su pad ma bkra ba 'byung ba ni 'di lta ste/ pad ma la la pad ma'i phyed mthon ka las byas pa/ phyed bai dUr+ya las byas pa yin te bkra ba gcig yin no/ /yang bkra ba gzhan ni phyed bai dUr+ya las byas la phyed gser las byas pa yin te bkra ba gzhan yin no/ /yang bkra ba gzhan ni pad ma 'dab ma brgya pa thams cad</font><hr>64.151a<br><font size=+1>

kyi pad ma la pad ma phyed kyi pad ma'i 'dab ma ni gser las byas la gzhan ni pad ma rA ga'i mdog lta bu yin no/ /yang bkra ba gzhan 'byung ba ni/ pad ma bai dUr+ya'i 'dab ma dag la bung ba gser gyi mdog can rgyu la/ dngul gyi 'dab ma dag la bung ba pad ma rA ga'i mdog can rgyu'o/ /yang bkra ba gzhan 'byung ba ni bai dUr+ya'i pad ma'i sdong bu la ni gser gyis yongs su dkris/ gser gyi pad ma'i sdong bu la ni rin po ches yongs su dkris/ dngul gyi pad ma'i sdong bu la ni spug gis yongs su dkris/ rin po che margad kyi kha dog lta bu'i sdong bu la ni 'dzam bu chu bo'i gser gyis yongs su dkris so/ /bung ba sgra 'byin pa kha dog rnam pa sna tshogs su 'dug pa rnams kyis pad ma'i rdzing bu de dag khebs pa yin te 'di lta ste/ 'dzam bu'i gling na me tog tsu la sa'i dog pa la bung ba rnams kyis rtag tu khebs pa ltar shing rta sna tshogs kyi yang de dang 'dra'o/ /de nas legs par byas pa'i las rnams kyis gnas sna tshogs 'byung bar 'gyur te 'di lta ste/ 'dzam bu'i gling na lag bzo mkhas pa 'am lag bzo'i slob ma mkhas pa zhig gis brtsig ngos la bkra ba 'dab ma sna tshogs bkod pa/ tshon rtsi sna tshogs kyis bris pa ltar/ tshal gyi gnas de na yang de lta bu yin no/ /yang shing rta sna tshogs kyi tshal gyi bkra ba gzhan ni bya sna tshogs kyi sgro dang rkang pa dang mgo dang lto dang mig bkra ba dag 'byung ste 'di lta ste/ bya gang gi lto gser du 'dug pa de'i sgro dngul yin la/ rgyab pad ma rA ga'i mdog dang mig rin po che ke ke ru'i mdog /de bzhin du gang dngul gyi ltor 'dug pa de'i sgro gser la mig bai dUr+ya'i mdog dang mig gi 'bras bu pad ma rA ga'i mdog la rgyab bkra bar 'dug ste/ rin po che sna bdun gyi mdog lta bu'i bya sna tshogs rnams kyis nye bar mdzes par byas so/ /'di ni shing rta sna tshogs kyi tshal gyi bkra ba gzhan yin te 'di lta ste/ ri'i rtse mo 'byung ba dang 'di lta ste/ mthon ka dang / bai dUr+ya dang / spug dang rin po che ke ke ru dang gser te/ de rnams kyi 'od kyis tshal de spras shing brgyan pa yin no/ /tshal de phan tshun</font><hr>64.151b<br><font size=+1>

gyi 'od zer 'khyil pas shin tu gang la/ lha'i 'od zer gyi mthus shin tu mdzes par byas pa yin no/ /yang tshal sna tshogs bkra ba gzhan ni lcug ma 'phyang ba dang shing gel ba sna tshogs dag phan tshun 'dzings par 'dug la/ kha dog gsum 'byung ba ni 'di lta ste/ bai dUr+ya'i lcug ma la pad ma rA ga'i mdog gi 'bras bu de 'phyang bar 'gyur zhing / an da rnyil gyi mdog lta bus lhan cig dkris pa yin/ dngul gyi lcug ma la pad ma rA ga'i mdog gi 'od kyis lhan cig bskor ba yin/ de bzhin du spug dang gser gyi lcug ma la gser gyi lcug mas lhan cig dkris pa yin 'di lta ste/ rin po che ke ke ru'i mdog lta bu'i lcug ma la dngul gyis yongs su dkris pa yin te/ de ltar lcug ma kha dog gnyis pa 'phyang ba yongs su dkris pa yin no/ /lcug ma 'phyang ba kha dog gsum pa rnams la yongs su dkris pa ni 'di lta ste/ bai dUr+ya'i lcug ma la gser dang ke ke ru'i mdog lta bus kun tu dkris pa yin/ de bzhin du lcug ma ke ke ru'i mdog lta bu la gser dang dngul lta bus yongs su dkris pa yin/ de bzhin du dngul gyi lcug ma la pad ma spug dang mthon ka lta bus yongs su dkris pa yin te/ de ltar lcug ma re re la gnyis gnyis kyis kun tu dkris pa yin no/ /yang shing rta sna tshogs kyi tshal du bkra ba gzhan 'byung ba ni gser gyi lcug ma dag las me tog bai dUr+ya'i mdog lta bu 'byung / de bzhin du dngul gyi lcug ma dag las me tog mthon ka'i mdog lta bu 'byung / de bzhin du gser gyi lcug ma dag las me tog ke ke ru'i mdog lta bu 'byung / de bzhin du spug gi lcug ma dag las me tog bai dUr+ya'i mdog lta bu 'byung ste/ de ltar lcug ma sna tshogs dag las me tog sna tshogs dag 'byung ngo / /las sna tshogs kyis bskyed pa sems sna tshogs kyis bslang ba rgyu sna tshogs dang 'thun pa ni yang dag par skyes pa sna tshogs dag yin te/ de ltar las rnams kyi rgyu dang gzhi des de ltar shing rta sna tshogs kyi tshal thams cad bkra ba yin no/ /ji ltar sa bon las 'bras bu 'byung ba de bzhin du rgyu dang 'thun par 'bras</font><hr>64.152a<br><font size=+1>

bu 'byung ste/ gang 'dir las byed pa rnam pa gang ji ltar 'phangs pa dang gang gi tshe zhing gi rnam pa ji lta bu dang sems pa'i rnam pa ji lta bu nas/ sna tshogs su slong bar byed pa'i bar gyi las rnam pa sna tshogs su slong bar byed pa'i bar gyi las rnam pa sna tshogs byas pa'i 'bras bu ni de ltar rgya'i 'bur lta bur 'byung bar 'gyur ro/ /mtho ris sam sems can dmyal ba gang rgyu med par 'bras bu 'byung ba de med de gzhan gyis byas la rnam par smin pa gzhan la 'byung ba de ni gnas med do/ /de nas yang dge slong las kyi 'bras bu rnam par smin pa shes pa de/ shing rta sna tshogs kyi tshal bkra ba dang 'jig rten bkra ba la yang rtog par byed de/ sum bcu rtsa gsum pa'i shing rta sna tshogs na lha rnams las ci zhig byed cig gu snyam nas/ des thos pa las byung ba'i shes pas brtags na/ 'di ltar dus gang gi tshe/ mi chos dang mi ldan pa chos ma yin pa'i rjes su 'jug pa mar mi 'dzin pa/ phar mi 'dzin pa/ dge sbyong du mi 'dzin pa/ bram zer mi 'dzin pa/ rigs kyi rgan rabs la gus par mi byed pa/ dge ba'i bshes gnyen du mi 'dzin pa/ las dang 'bras bu la yid mi ches pa/ yang dag pa'i lta ba med pa/ yang dag pa'i lta ba'i sngon du 'gro ba med pa de'i tshe/ bdud sdig can dag dga' bar 'gyur la/ de'i chos dang chos kyi rjes su 'jug pa'i 'khor bzhi po de dag 'jig rten du 'byung bar 'gyur te 'di lta ste/ bdud kyi ris 'jig rten skyong ba 'thab pa zhes bya ba dang bdud kyi ris 'jig rten skyong ba g.yeng byed ces bya ba gang chos spyod pa'i sems can rnams kyi sems g.yeng bar byed pa 'am dam pa'i chos nyan pa gnyid log par byed pa dang gsum pa lhag par chags par rmongs pa zhes bya ba sbyin pa dag gtong ba na/ sbyin pa po dang sbyin bdag rnams kyi sems chags pa skyed par byed de/ 'di ltar bdag gis gang dge sbyong dang bram ze zhing du gyur pa rnams la sbyin du bdag gi bu dang chung ma ci bza' ci bgo snyam du sems par byed de/ bdud kyi ris 'jig</font><hr>64.152b<br><font size=+1>

rten skyong ba gsum pa dag sems can rnams rnam par rmongs par byed cing 'jig rten na rgyu bar byed do/ /bdud kyi ris 'jig rten skyong ba bzhi pa 'du shes log pa zhes bya ba de 'jig rten na rgyu zhing de rab tu 'byung ba rnams kyi sems rab tu mi 'byung bar 'gyur ro/ /dang po ni chags pa dang sbyor ba dang grong du 'jug pa dang tshong zong nyo tshong byed pa dang bud med la lta 'dod pa dang chang 'tshong gi khyim du 'jug pa dang 'thab rtsod dang dge 'dun 'byed pa dang rmi lam gyi gnod pa'i sems skyed par byed do/ /bdud kyi ris 'jig rten skyong ba bzhi po de dag gang gi tshe chos dang mi ldan pa'i skye dgu 'dzam bu'i gling du byed par nus pa dang ldan pa 'byung ba de'i tshe/ bdud sdig can dag la lha dag dam pa'i chos kyi phyogs ni 'grib bo/ /bdud kyi phyogs ni 'phel te dgyes par mdzod cig ces bsnyad do/ /de dag las thos nas bdud sdig can dag gi rjes su 'brang ba de dag la bdag cag gi phyogs ji ltar 'phel/ dam pa'i chos kyi phyogs ji ltar 'gribs shes dris so/ /de dag gis lha'i 'dzam bu'i gling na mi chos ma yin pa dang ldan pa chos ma yin pa'i rjes su 'jug pa mar mi 'dzin pa phar mi 'dzin pa dge sbyong du mi 'dzin pa bram zer mi 'dzin pa rigs kyi rgan rabs kyi rjes su mi 'jug pa bdag cag gi 'dod chags kyi chags pas zil gyis mnan cing dam pa'i chos mnyan pa la yang gnod pa bgyid do/ /de nas rab tu 'byung ba'i blos phal cher rab tu byung ba rnams dang khyim na gnas pa sdom pa blangs shing tshangs par spyod pa rnams kyi rmi lam du yang bud med kyi gzugs su sprul nas rmi lam gyi gnod pa bgyid du stsal/ sbyin pa po dang sbyin bdag rnams kyi sbyin pa gtong ba na bu dang chung ma la rag las pa'i sems kyis yid chags par gyur pa bgyis/ yid mdza' ba dang 'khrugs par bgyis/ rab tu byung ba yang nyo tshong gi zong la sems brtson par bgyis/ 'thab pa dang rtsod pa dang mtshang 'drud pa la dga' bar bgyis te/ de ltar bdag cag gi thabs 'di rnams kyis bdud kyi phyogs ni</font><hr>64.153a<br><font size=+1>

spel/ dam pa'i chos kyi phyogs ni bshig go zhes smras so/ /bdud sdig can gyis de thos nas/ lha ma yin sgra gcan dang brtan pa dang rab dgod dang gzhan dag dang klu rab 'jom la sogs pa dag la 'di ltar sangs rgyas kyi bstan pa ni yongs su rmas so/ /bdag cag gi phyogs ni 'phel te/ khyed dga' bar gyis shig ces bsgo'o/ /de ltar yang 'jig rten skyong ba de dag nyid yang sa'i 'og tu gtong bar byed de/ sa'i 'og tu song nas/ rab dgod dang thags zangs ris la snga ma bzhin du bsnyad do/ /de thos nas lha ma yin rnams rab tu dga' ste/ klu rab 'jom la sogs pa chos dang mi ldan zhing chos kyi rjes su mi 'jug pa rnams la bsnyad do/ /longs spyod ldan na gnas pa'i klu de rnams kyis thos nas kyang shin tu dga' ste/ de dag mi rnams la snga ma bzhin du bgegs byed do/ /de dag kyang 'phags skyes po la sogs pa 'jig rten skyong ba gzhan dag las de dag thams cad snga ma bzhin du thos nas/ lha'i rgyal po brgya byin sum bcu rtsa gsum pa'i lha rnams dang lhan cig shing rta sna tshogs kyi tshal du 'jug par byed do/ /de zhugs nas lha rnams bos te/ 'di ltar 'jig rten skyong ba 'di dag na re/ 'di ltar bdud kyi ris kyi lha rnams rab tu mthu dang ldan pa yin te/ lha ma yin thags zangs ris dang rab dgod la sogs pa dang klu rab 'jom la sogs pa mthu rab tu che'o zhes zer gyis/ de la lha khyed cag gis lha'i tshogs thams cad 'dir bsdu ba'i rigs so/ /'dus nas kyang bdag cag lha'i tshogs thams cad lha ma yin dang g.yul sprad pa'i phyir rin po ches brgyan pa'i brtsegs pa sna tshogs su 'dong ngo / /de thos nas lha thams cad kyis de ltar 'tshal lo zhes smras nas rang gi gnas ga la ba der 'dong ngo / /dong nas lha gzhan thams cad bsdus nas/ mdor bsdus te/ shing rta sna tshogs kyi tshal ga la ba der 'dong ngo / /dong nas bskyed mos tshal shing rta sna tshogs kyi gnas nyid du 'khod cing sil snyan sgra dbyangs sna tshogs dang glu dag len pa na/ shing rta sna tshogs kyis bkra ba rnams su dga' bar byed do/ /gang shing rta sna tshogs kyi tshal na rtag pa rtag pa nyid du 'khod</font><hr>64.153b<br><font size=+1>

pa'i lha de dag ni bskyed mos tshal gar yang mi 'gro'o/ /de nas lha'i dbang po des lha de dag bsdus nas shing rta sna tshogs kyi tshal de nas dong ngo / /shing rta sna tshogs kyi tshal na gnas pa'i lha de dag kyang ji srid du 'dod pa sdug pa yid du 'ong ba byas shing bsags pa'i las zad par ma gyur pa de srid du de na dga' bar byed do/ /de zad nas lha'i ris de nas 'chi bar 'gyur te/ shi nas kyang nye bar 'gro ba ji lta ba bzhin sems can dmyal ba dang yi dgas dang dud 'gro rnams kyi nang du skye bar 'gyur ro/ /gal te mi rnams kyi nang du skyes na/ las de dang rgyu 'thun par de rtag tu bde bar 'gyur zhing / na tshod thog ma nas 'chi ba'i bar du me tog gi phreng ba sdug gu thogs shing cha byad sna tshogs dang shing rta sna tshogs la dga' ba dang skye bo kun dga' bar 'gyur/ gal te de rab tu byung na de seng ge'i khri la 'dug nas chos dang gtam sna tshogs smra ba dang gtam sna tshogs kyis 'khor kyang kun nas shin du dga' bar byed pa mthong ngo / /de nas yang dge slong las kyi 'bras bu rnam par smin pa shes pa de/ sum bcu rtsa gsum pa'i lha rnams kyi gnas la rtog par byed de/ des thos pa las byung ba'i shes pas sum bcu rtsa gsum pa'i lha rnams kyi gnas dga' ba na gnas pa zhes bya ba ji ltar 'dug pa mthong ngo / /der sems can dag las gang gis skye bar 'gyur snyam nas/ des thos pa las byung ba'i shes pas brtags na/ skyes bu dam pa bsam pa dge bar gyur pa gang gis srog gcod par mi byed cing ma byin par len pa yang mi byed la/ byed du ma bcug /pha rol byed pa yang bzlog /bdag nyid mi byed/ byed du mi 'jug /byas na yang 'chags par byed cing skyon du bgrang bar byed la sdig pa'i grogs po de yongs su spong bar byed do/ /de la srog gcod pa dang bral ba ni gang yin rnam pa ni du yod cig gu snyam nas/ 'di ni bya ne'u bzung ba thar bar byed cing sdom pa len du bcug nas bdag nyid mi byed la so sor 'chags par byed pa 'am/ bya pas bya bzung ba nor rdzas kyis blus te thar bar byed la gzhan yang de nyid la rab tu 'jog par byed/ rab tu dga' bar byed/ rab tu spro bar byed</font><hr>64.154a<br><font size=+1>

pa dang ma byin par len pa spangs pa ji lta bu yin/ ma byin par len pa spangs pa gang yin zhig gu snyam na/ 'dir sdud pa por gyur nas grong rnams 'dzin tam tshong rdal lam grong rdal lam phyugs kyi lhas 'dzin pa 'am rgyal pos 'di ltar lug dang ba lang dang bong bu la sogs pa bsdus shig ces bsgo ba las/ de yang sdom pa'i 'jigs pas skrag nas ma byin par len pa mi byed na/ de lus dang bral nas bde 'gro mtho ris kyi 'jig rten sum bcu rtsa gsum pa'i lha rnams kyi nang dga' ba'i tshal du skye bar 'gyur ro/ /las gzhan gyis kyang 'gyur te/ chos nyan pa yang chos nyan pa po rnams dga' bar bya ba'i phyir tshes grangs dang yul dang dus dang ldan par byas la de dag kyang dga' bar byas te/ de dag yid rab tu dga' ba sems rtse gcig gis chos nyan na/ dam pa'i chos nyan pa'i slob dpon de lus dang bral nas bde 'gro mtho ris kyi 'jig rten dga' ba'i tshal du skye bar 'gyur ro/ /sbyin pa thams cad kyi nang na sbyin pa'i mchog 'di yin te 'di lta ste/ chos sbyin pa zhes bya'o/ /rgyu 'dis kyang lus dang bral nas bde 'gro mtho ris kyi 'jig rten sum bcu rtsa gsum pa'i lha rnams kyi nang na dga' ba'i tshal du skye bar 'gyur ro/ /der skyes nas kyang de lha'i bde ba phun sum tshogs pa dpe med pa brgya phrag stong du ma myong ba na/ 'di ltar gang du tshal de'i phyogs kyi cha ni 'di yin te/ dpag tshad sum stong yod la rin po che sna bdun gyi shing ljon pa rnams kyis nye bar mdzes par byas pa yin te/ de ltar lha rnams rtag tu dga' bar byed cing gzhan gar yang mi 'gro ste/ de bas na lhan cig skyes pa'i yon tan gyis de dga' ba'i tshal zhes bya'o/ /de na shing ljon pa thams cad 'dod pa dag gang lha rnams kyi yid kyis yang dag par sems par byed pa de dag nyid lha de rnams kyis shing ljon pa las 'thob par 'gyur te/ 'di ltar lha rnams kyi yid la bdag khyim zhig 'dod do snyam na/ de nas de ltar lha des yid la byas ma thag tu shing ljon pa de'i yal ga'i rtse mo</font><hr>64.154b<br><font size=+1>

las 'byung bar 'gyur te/ shing ljon pa de'i khang bzang rin po che sna bdun dang ldan zhing nye bar mdzes par byas pa/ ka ba stong yod pa'i khang bzang mthong bar 'gyur ro/ /khang pa de'i ka ba so sor de'i phyogs phyogs bai dUr+ya las byas shing / la la gser las byas/ la la shel las byas/ la la ke ke ru las byas/ la la spug las byas pa yin no/ /de nas khyim gyi mchog de shing ljon pa'i rtse mo de la yod pa mthong nas de 'di snyam du sems te/ da ni bdag lam 'jam zhing mtho dma' ru 'gyur ba nas/ khyim 'dir 'jug par bya'o snyam bsams ma thag nyid du shing ljon pa de nyid la lam mthong ste der 'jug par byed do/ /de ltar lam de nyid nas zhugs pa dang de 'di snyam du sems te/ da ni bdag gi khyim 'dir khyim nang du pad ma'i rdzing zhig yod na rung ngo snyam mo/ /de sems bskyed ma thag nyid du pad ma'i rdzing rin po che sna bdun las byas pa/ bya ngang pa dang ka ran da ba dang ngur pa sna tshogs kyis nye bar mdzes par byas pa 'byung ngo / /de nas yang lha de 'di snyam du sems te/ bdag gi sil snyan dang glu dbyangs yan lag lnga dang ldan pa 'byung bar gyur cig snyam mo/ /de sems bskyed ma thag nyid du gang rlung ngad 'jam pa rab tu ldang bar 'gyur te/ rnam pa ji srid du phan tshun reg pa na sgra 'byung ba'i rnam pa de srid du sil snyan yan lag lnga dang ldan pa 'byung ngo / /lha de 'di snyam du sems te/ shing ljon pa'i nang gi khang par da ni bza' ba dang btung ba chu bo ltar 'bab par gyur cig snyam mo/ /de sems bskyed ma thag nyid du shing ljon pa'i yal ga de dag rdol nas bza' ba chu bo snyed dang btung ba chu bo snyed kha dog dang ro dang reg pa phun sum tshogs pa byung ngo / /de 'di snyam du sems te da ni bdag bdud rtsi bza' bar bya'o snyam mo/ /de sems bskyed ma thag nyid du bdud rtsi lha'i ro dang dri dang mdog phun sum tshogs pa 'byung ste de de la za bar byed do/ /de des shin du tshim pa dang de nas yang lha mo de rnams dang lhan cig rtse bar byed yongs su spyod par byed de/ de ltar dga' ba'i tshal du lha dag shing gi drung du song</font><hr>64.155a<br><font size=+1>

ste bde ba nye bar spyod par byed do/ /de gal te yang shing ljon pa'i mchog de las 'bebs par byed do/ /de sa'i steng du song nas sa de la 'chag par byed do/ /de 'chag pa na bai dUr+ya'i sdong bu dang ldan pa'i pad ma gser gyi 'dab ma mtho ris su 'os pa/ 'jam zhing 'phar ba kun nas mchog tu nyams dga' zhing shin du dri zhim pa dag 'byung bar 'gyur te/ de dag la rkang pas 'gro zhing lha de 'chag par byed la/ lha'i sil snyan yan lag lnga dang ldan pa'i dbyangs len pa/ de ltar lha de rkang pas 'chag pa'i bde ba nye bar myong ngo / /de rnam par rtog pa 'bum snyed du ma dag 'grub zhing bde ba myong ste dbang po lnga rnams kyi yul lnga rnams la myong bar byed do/ /dbang po kun rang gi yul gyis tshim pa med par 'gyur te 'di lta ste/ mig gis gzugs gang mthong ba de dag zlos pa med par mthong la/ gang mthong ba de dag sna tshogs pa/ nyams dga' ba mig tu 'ong ba yin no/ /mig dang bas 'dod pa sdug pa yid du 'ong ba 'dzin cing mthong ste/ de ltar mig gzugs rnams kyis tshim pa med do/ /gang rna bas mnyan pa yang nyams dga' ba gzhan dang mi 'dra ba yin te rna ba yang sgra rnams kyis tshim pa med do/ /de ltar snas kyang dri snom par byed de/ gang bsnom pa de dag kyang 'dod pa sdug pa yid du 'ong ba rnams la bsnom ste sna yang dri rnams kyis tshim pa med do/ /de ltar lces kyang ro rnams myong bar byed de gang myang bar bya ba de dag kyang shin du 'dod pa dag la myang bar byed cing yid du 'ong ba dag la myang bar byed do/ /de ltar lus kyis kyang reg bya la reg par byed de gang reg par bya ba de dag kyang 'dod pa sdug pa yid du 'ong ba dag la myong bar byed do/ /de ltar yid kyis gang bsam par bya ba de yang 'dod pa sdug pa yid du 'ong ba dag la sems par byed de/ de ltar sred pa'i tshogs drug la lus rnam par chags pa dag tshal de na rgod par byed/ dga' bar byed/ dga' mgur spyod par byed/ rtse bar byed kyang 'dod pa rnams kyis tshim pa med do/ /de yul 'og ma dgon pa lta bu la dbang po mthon por byung ba'i rnam par rtog pa rlung lta bus bskyed pa'i dge ba med pa shin du byung ba'i mes nyin gcig bzhin sreg kyang / de sred pa'i 'dod pa rnams kyis</font><hr>64.155b<br><font size=+1>

tshim pa bskyed par mi byed do/ /de ltar de dag dga' ba'i tshal na rtse zhing yul du ma la dga' ba myong ba kun tu rtse ste/ dga' ba myong ba na lha ma yin las rnam par rgyal ba/ lha'i rgyal po brgya byin yang snga ma bzhin du ri brtsegs pa sna tshogs ga la ba der 'gro bar byed do/ /der song nas kyang lha rnams bos te lha dga' ba'i tshal du dga' bar gyis shig /lha'i 'dod pa'i yon tan lnga 'byor cing ldan par gyur pa rnams kyis rtses shig /'di ltar bdag ni bdud kyi sde thag zangs ris la sogs pa las rnam par rgyal te/ bdag dga' ba'i tshal du 'gro yis/ de ltar lha thams cad lha mo'i tshogs dang bdag cag rnams kyi dbyar zla ba bzhir gnas pa'i bskyed mos tshal du dga' spyod bya ba ga la ba dor dong la/ lha'i 'dod pa'i yon tan lnga rnams kyis nges par dga' bar bya'o zhes bsgo'o/ /de nas lha'i rgyal po brgya byin gyis sum bcu rtsa gsum pa rnams la bsgo nas/ shin du dga' ba chen po dang yang dag par ldan pa glang po che sa srung gi bu bos te/ 'di ltar glang po che'i mchog chos shig /nga bskyed mos tshal du dga' spyod bya ba'i phyir/ dga' ba'i tshal na bskyed mos tshal gyi dga' spyod ga la ba der 'gro ste/ lha dang lha mo'i tshogs dang bcas pas yongs su bskor la dga' ba'i tshal ga la ba der 'dong gis khyod kyis ji ltar sngon yang yongs su sprul pa byas pa de/ de ltar khyod kyi rgyab tu zhon pa dang mgo la/ zhon pa dang so la zhon pa dang rtsib logs la zhon pa dang bdag po dang tshal dang mtsho dang ri dang ri rtse dang tshal dang nye ba'i tshal dag sprul pa gyis shig ces bsgo'o/ /de nas brgya byin gyi tshig thos nas/ glang po che'i mchog sa srung gi bu bdag nyid chen por sprul te lus chen por byas so/ /de mgo brgyar sprul te mgo re re la so bcu bcu'o/ /so re re la pad ma'i rdzing bcu bcu'o/ /pad ma'i rdzing re re la pad ma stong stong ngo / /pad ma stong stong la ni rin po che sna bdun gyi 'dab ma yod do/ /'dab ma stong stong la rin po che sna bdun gyi bung ba yod cing / 'dab ma stong stong la lha rnams 'khod kyang lha mo'i tshogs dang phan tshun nyam nga ba med do/ /de dag glang po che mchog gi mgo la zhon pa/ </font><hr>64.156a<br><font size=+1>

lha'i 'dod pa'i yon tan lnga 'byor cing ldan par gyur pa rnams dga' ba'i tshal ga la ba der nam mkha' las 'dong ngo / /glang po che'i mchog gi rtsib logs la yang tshal gnyis sprul te/ tshal rab tu dga' ba zhes bya ba dang / tshal gnyis pa 'dod bde zhes bya ba'o/ /tshal gnyis po de na shing ljon pa dang 'bab chu dang lteng ka phun sum tshogs pa dang rin po che sna bdun gyi shing ljon pa phun sum tshogs pa dang dpag bsam gyi shing ljon pa phun sum tshogs pa yod do/ /tshal de na gnas pa'i lha rnams dga' zhing dga' mgur spyod la lha'i 'dod pa'i yon tan lnga rnams kyis dga' ba na/ lha dang lha mo'i tshogs kyis gang ba/ glang po che'i rgyal po sa srung gi bu ri rab gnyis pa lta bu dga' ba'i tshal ga la ba der 'gro bar byed do/ /glang po che mchog gi rgyab tu yang grong khyer mnyam zhing 'jam pa'i ngos shes bya ba blta na sdug gnyis pa lta bu sprul te/ srang dang bzhi mdo dang sum mdo dang nye ba'i tshal dang shing ljon pa dang rin po che sna bdun las byas pa'i khang pa rnams kyis nye bar mdzes par byas so/ /de'i dbus su khang pa sprul te rin po che sna bdun las byas pa'i ka ba brgya yod pa'i ka ba rnams kyis nye bar mdzes par byas so/ /de'i dbus su mtsho 'byung ste der lha'i rgyal po lha mo'i tshogs rnams dang lhan cig rtse bar byed cing / sil snyan yan lag lnga dang ldan pas lha'i rgyal po brgya byin dga' bar byed la/ dga' mgur spyod bzhin du dga' ba'i tshal ga la ba der 'gro bar byed do/ /de 'gro ba na yang 'gyur ba med de ji ltar ri rab la gnas pa 'gyur bar mi mngon pa de ltar glang po che'i mchog 'gro yang mi mngon no/ /de nas yang glang po che'i rna ba la pad ma'i rdzing gnyis sprul te rgyar dpag tshad bcu gcig go/ /gnyis pa yang dpag tshad bcu yod do/ /gcig ni zab pa zhes bya'o/ /gnyis pa ni dang ba zhes bya ste chu yon tan yan lag brgyad dang ldan pas shin du gang ba yin no/ /de na ud pa la bai dUr+ya'i 'dab ma dang rin po che'i sdong bu dag skyes la/ kha cig ni pad ma rA ga'i mdog lta bu la bung bas nye bar mdzes</font><hr>64.156b<br><font size=+1>

par byas shing / me tog rgyas la lha'i dri phun sum tshogs pa yin te/ ud pa la de dag gi nang gi ze ba'i stan la lha dang lha mo gang dag lhan cig 'khod de dga' bar byed la/ lha kha cig ni chus rtse zhing pad mas rtse bar byed kyang lha rnams kyis ci glang po che'i mchog 'di 'gro 'am mi 'gro mi rig go/ /glang po che mchog gi lag pa'i steng du rdzing ring po sprul te srid du dpag tshad lnga yod pa/ khang bzang yang thog can gyis yongs su bskor la lha'i shing ljon pa dang ldan pa/ me tog sna tshogs kyis khebs pa/ me tog man da ra bas khebs pa/ bung ba sgra di ri ri 'byin pa dang ldan pa/ lha'i tsan dan gor shir sha'i 'dab mas nye bar mdzes par byas pa/ gser gyi shing ljon pa dang me tog rnam pa sna tshogs gzhan rnams kyis shin du khebs pa yin te/ me tog de rnams kyi nang na 'khod pa'i lha mo me tog gi ze ba'i steng na 'dug pa dag rol mo byed cing de dag glu dbyangs len la/ lha'i rgyal po de la yang tshig dge ba rnams kyis bstod par byed de/ de ltar glang po che mchog gi lag pa'i steng du yang rdzing ring po sprul to/ /de nas yang glang po che'i rgyal po'i sna'i thor to la rdzing chen po rgyar dpag tshad tsam yod pa sprul te/ pad ma rgya che ba 'bum phrag du ma dri shin du zhim pa yin la/ gang lha'i dri de dpag tshad bcur ldang ngo / /pad ma chen po 'dab mas nye bar mdzes par byas pa'i 'dab ma re re la/ lha dang lha mo'i tshogs rnams nye bar glu dbyangs len cing rtse bar byed/ dga' mgur spyod par byed kyang lha rnams rtse zhing yongs su spyod pa phan tshun mi mthong la de bzhin du gnod pa dang bral ba yin no/ /de ltar yang sna'i thor to la gnas pa/ sum bcu rtsa gsum pa'i lha de rnams dga' ba'i tshal ga la ba der 'dong bar byed do/ /de ltar ri rab kyi steng du 'gro yang glang po che'i mchog 'gyur bar lha rnams kyis rig go/ /de nas yang glang po che'i mchog gi sna la ri chen po 'byung khungs kyis brgyan pa zhes bya ba sprul te/ ri de nyid la 'byung khungs sna tshogs kyis brgyan cing lha'i shing ljon pas nye bar mdzes par</font><hr>64.157a<br><font size=+1>

byas pa/ 'bab chu dang lteng ka dang nye ba'i tshal dang mtsho dang pad ma'i rdzing gis brgyan par lha gzhan dag kyang rtse bar byed dga' bar byed/ rgod par byed de glang po che'i mchog me tog gis bkra ba de'i mgo la yang ri sprul to/ /de nas yang glang po che mchog gi so'i thor to zla ba tshes pa lta bu la nye ba'i tshal dag sprul te/ me tog dang mtshos sa gzhi rtag tu gang ba'i thang lta bur bkra bar byas shing 'dab mas kyang nye bar mdzes par byas bung ba lang long 'khrigs pa dang khu byug gi sgra di ri ri 'byin pa dang / skam la rgyu ba rin po che sna bdun gyi rma bya dang shang shang te'u shin du yid du 'ong ba du ma dang / gzhan yang lha'i bya rnams kyis so la sprul pa nye bar mdzes par byas so/ /glang po che'i mchog lus chen por gyur nas dga' ba'i tshal ga la ba der 'gro bar byed de/ lha'i tshogs kyis yongs su bskor cing ngal ba med la stobs dang ldan pa 'gros mdzes pas rab tu 'gro'o/ /de nas yang glang po che'i mchog de'i sna gnyis kyi nang nas sna chu'i rgyun 'dzag ste 'di lta ste/ 'dzam bu'i gling na mtsho gang gA dang ya mu na'i chu 'bab pa/ shin du dang zhing rnyog pa med pa bsil ba rab tu 'bab pa bzhin no/ /de bzhin du cung zad dpe lta bur bya na ji ltar mi'i gnas bzhi dag na sman dang rtswa dang / nags khrod dang nas dang gro tsha bas gdungs shing skams pa rnams de nas yang sos par bya ba'i phyir/ 'bru dang lo ma rnams kyi steng na chu 'bab pa mngon pa de ltar glang po che'i rgyal po de'i rab tu dbye ba yang rtag tu de lta bu yin no/ /gal te chu 'bab pa de rlung gis nam mkha' la 'thor bar byed cing / rlung gis rgyang ring du skams par byed pa de ni zil pa 'di yin te mi'i gnas gsum na snang ngo / /de nas yang glang po che'i rgyal po'i mchog de'i sna sgra 'bud pas 'byung ba de ni nam mkha'i dbus na lha rgyu ba rnams kyi nang du 'bab pa/ 'od dkar por rgyu ba mngon pa 'di yin te/ gang mu stegs pa gzhan dag na re 'di ltar 'di ni dbang po'i lam mo zhes rjod do/ /yang gzhan dag na re 'di ltar 'di ni glang po che sa srung gi bu'i lam yin no zhes brjod kyang de ltar chu dkar po'i ngo bo nyid de mi shes so/ /</font><hr>64.157b<br><font size=+1>

'phags pa dam pa'i chos dran pa nye bar gzhag pa/ bam po sum bcu gsum pa/ de dag rlung gis gtor ba dang 'phral la 'bab cing de nyid ri dgas skom pa lta bur mthong la/ ngo bo gzhan du 'gyur te ngo bo dag ni mi gsal ba'i ngo bor snang ngo / /de nas yang glang po che'i rgyal po'i mchog de'i spyi bo la ri yod pa gang yin pa de'i spyi bo thams cad la rgyal mtshan gyi mchog bai dUr+ya'i gdub 'khor dang / gser gyi gdugs sprul te/ ji ltar nyi ma gnyis pa lta bur de de ltar rnam par mdzes so/ /glang po che'i mchog de'i steng na ba dan yang sprul te ring khyad dpag tshad tsam mo/ /ba dan de kun nas 'od dkar po 'byung ste/ gang mthong nas lha ma yin rgya mtsho na gnas pa rnams phan tshun du 'di ltar 'di ni lha rnams 'ongs pa yin te/ lha'i rgyal po brgya byin gyi ba dan rgyal byed ces bya ba snang ngo zhes zer ro/ /de nas glang po che'i rgyal po'i mchog de dga' ba'i tshal ga la ba der 'gro bar byed do/ /tshal de rgyang ring po nyid nas mthong nas lha rnams la smras pa/ khyed cag thams cad du nyams dga' ba chen po de nyid la ltos/ tshal chen po kun nas mthong na dga' ba gang du lha 'di dag lha ma yin las rgyal ba thob pa/ sum bcu rtsa gsum pa'i lha rnams dang lhan cig tu zla ba bzhir dga' bar gyis shig /de nas lha dag gis tshig de thos nas lha de dag gis smras pa/ ji ltar bdag cag la brgya byin gyis bka' stsal pa de ltar bdag cag rnams kyis bsgrub par bgyi'o/ /de skad ces smras nas brgya byin gyi glang po che sa srung gi bu dga' ba'i tshal du nye bar phyin no/ /de nas gang lha gzhan dga' ba'i tshal de na rtsed mo byed pa de dag dga' bar byed cing yongs su spyod par byed la/ lha'i 'dod pa'i yon tan lnga 'byor cing ldan par gyur pa de dag thams cad rgyal mtshan gyi mchog dang glang po che'i rgyal po sa srung gi bu nye bar mthong nas/ dga' ba'i tshal gyi ri la rtse zhing gnas pa'i lha rnams yid rab tu dga' zhing / lha'i rgyal po brgya byin ga la ba der dong ste phyin nas lha'i rgyal po la mgor thal mo sbyar te mchod nas/ brgya byin gyi mdun du sil snyan dang sgra dbyangs dang rol mo sna tshogs kyi dga' ba dang</font><hr>64.158a<br><font size=+1>

brgya byin gyi mdun na bro gar dag byed bzhin du dga' ba'i tshal chen po de ga la ba der 'dong bar byed do/ /lha'i rgyal po brgya byin yang glang po che sa srung gi bu las babs nas/ lha'i tshogs dang lhan cig tu dga' ba'i tshal ga la ba der 'jug go/ /steng du zhon pa'i lha kun dang de bzhin du mgo la zhon pa dang de bzhin du so la zhon pa dang de bzhin du rtsib logs la zhon pa de dag thams cad glang po che sa srung gi bu las babs nas/ dga' ba'i tshal ga la ba der rtse ba dang dga' ba dang bde bar gnas par bya ba'i phyir dong ngo / /de nas gang dga' ba'i tshal chen po na snga na 'khod pa'i lha de dag dang gang brgya byin dang lhan cig lha ma yin gyi g.yul las rnam par rgyal ba thob pa de dag thams cad 'dod pa'i yon tan lnga 'byor cing ldan par gyur pa rnams/ dbyar zla ba bzhir bde ba dpe med pa de rjes su myong ngo / /lha'i rgyal po brgya byin yang lha dang lha mo'i tshogs kyis yongs su bskor/ de dag kyang lha dang lha mo'i tshogs kyis yongs su bskor nas/ dga' bar byed dga' mgur spyod par byed do/ /bde ba dpe med pa de rjes su myong ba na/ skabs der ji srid du las byas shing bsags pa de zad par ma gyur pa de srid du de na dga' bar byed do/ /las dang tshe zad pa'i lha gang yin pa de dag phyis lha'i 'jig rten dga' ba'i tshal de nas 'chi bar 'gyur te/ shi nas kyang las nye bar 'gro ba ji lta ba bzhin sems can dmyal ba dang yi dgas dang dud 'gro rnams kyi nang du skye bar 'gyur ro/ /gal te mi rnams dang skal ba mnyam par mi'i nang du skyes na/ las de dang rgyu 'thun par rtag tu bde bar 'gyur zhing / sgyu rtsal gyi blo dri ma med pa dang gzugs mchog tu mdzes pa dang skye bo thams cad kyi yid du shin du 'thad pa dang tshal dang 'bab chu dang ri dang lteng ga dang nye ba'i tshal yod pa dga' ba rnams kyi nang du skye bar 'gyur la/ der yang skye bo mang po dga' ba dang dbang che ba dang shin du 'byor ba dang bde bar 'gyur ba mthong ngo / /de nas yang dge slong las kyi 'bras bu rnam par smin pa shes pa de/ glang po che'i rgyal po chen po sa srung gi bu'i las dang 'bras bu rnam par smin pa la rtog par byed de/ 'di </font><hr>64.158b<br><font size=+1>

ltar de las kyi rnam pa gang gis rdzu 'phrul che ba dang mthu che bar gyur nas/ lha chen po lha ma yin gyi g.yul las rnam par rgyal ba thob cing las gang dang rnam pa ji lta bu zhig gis dud 'gror skyes snyam nas/ des thos pa las byung ba'i shes pas brtags na/ 'di ltar 'di ni sngon sems can tshe lo bdun khri thub pa na bram ze chen po rig byed dang rig byed kyi yan lag dang sngon byung ba dang sngon gyi rabs shes pa zhig byung ste/ des sbyin pa byin bsod nams byas dman pa dang mgon med pa dang long ba dang sdug bsngal ba rnams la rtag res 'khor yang byas/ sems shin du dge zhing 'jig rten kun la phan par byed pa yin no/ /de'i tshe rgyal po legs mthong zhes bya ba de'i dga' spyod chen po shin du nyams dga' ba ji ltar lha rnams dang ji ltar de bzhin gshegs pa'i lta bu byed de/ glang po che brgyad khri bzhi stong gser gyi dra bas g.yogs shing dril bu g.yer kha'i dra bas brgyan pa dang rta brgyad khri bzhi stong kun nas gser gyi dril bu g.yer kha'i sgra 'byung bas brgyan pa dang de bzhin du bud med brgyad khri bzhi stong gis yongs su bskor cing rjes su 'brang ba dang de bzhin du sil snyan brgyad khri bzhi stong dag gis yongs su bskor te/ nye ba'i tshal gyi phreng ba zhes bya ba gzhal med khang ga la ba der dong bar byed do/ /rgyal po legs mthong gi mchog tu bde ba shin du rgya che ba'i 'byor pa de dag la bram ze des kun nas mngon par brtags nas/ bram ze'i 'byor pa shin du phun sum tshogs pas kyang rgyal po chen po de'i dga' spyod byed pa ga la ba der song ngo / /bram ze de'i ming ni skye bo kun snyoms zhes bya'o/ /de nas bram ze skye bo kun snyoms rgyal po de dang de'i 'byor pa dang ldan pa dang / rgyal po de'i rtag tu bzhon pa glang po che sprin brtsegs zhes bya ba yod de/ de'i lus de kun nas dril bu g.yer ka'i dra bas brgyan pa mu tig gi phreng ba rnams btags pa/ kun nas bzo mkhas pas rgyan byas pa/ rnam pa sna tshogs kyis nye bar mdzes par byas pa/ sil snyan gyi sgra rnam pa sna tshogs nye bar 'byin pa na/ bskyed mos tshal du 'gro ba'i glang po che shin tu rgya che</font><hr>64.159a<br><font size=+1>

ba mchog tu blta na sdug pa/ rab tu bde ba mthong ba dang bram ze skye bo kun snyoms de/ kye e ma glang po che 'di ni mchog tu bde ba dang ldan pa yin te/ lha de bzhin du bdag kyang da ni lha'i rgyal po brgya byin gyi rtag tu bzhon pa'i glang po che'i rgyal por gyur cig snyam du sems skyes so/ /de sbyin pa de'i mthu dang de'i las kyi mthus lus dang bral nas bde 'gro mtho ris kyi 'jig rten sum bcu rtsa gsum pa'i ris su lha'i rgyal po brgya byin gyi rtag tu bzhon pa glang po che'i rgyal por skyes so/ /de nas de'i tshe dge slong des 'di ltar tshigs su bcad de smras pa/ las 'di ri mo mkhan lta bu/ /gang dang gang du 'dri byed pa/ /sems kyi dbang phyug chen po yis/ /de dang der ni 'di 'dri byed/ /yongs su 'gyur ba'i bye brag gis/ gang dang gang du sbyor byed pa/ /khams gsum 'gro bar rgyu ba rnams/ /de dang der ni sems kyis gtong / /lus can rnams kyi las kun ni/ /sems la rag las 'jug par 'gyur/ /de ltar rtag tu sems dul ba/ /'chi med gnas su khrid par 'gyur/ /bsnyen par dka' zhing yang ba dang / /gang yang rung bar ltung ba yi/ /sems ni dul na legs pa yin/ /sems dul bde ba thob par 'gyur/ /gang gis rtag tu sems dul ba/ /de yis rtag tu nyes pa bcom/ /nyes pa bcom pa'i brtan po la/ /sdug bsngal nyid kyis gnod mi 'gyur/ /gang zhig 'dir ni sdug bsngal zhing / /gang zhig gzhan du sdug bsngal ba/ /de dag thams cad mi bzad pa'i/ /sems 'di yang zhing gsos pa yis/ /lha dang lha min sha za klu/ /lto 'phye srin por bcas pa yi/ /gtso bo mchog gcig sems yin te/ /de ni srid gsum rgyal po bzhin/ /sems ni lha yi yul rnams dang / /sems ni mi yul rnams su khrid/ /sems ni ngan 'gro rnams su khrid/ /sems kyis skye dgu 'khyam par byed/ /phan pa med pa'i yul rnams kyis/ /'khrul zhing nyams par gyur pa'i sems/ /sred pa yis ni 'das pa na/ /sdug bsngal mtha' med pa la gnas/ /spyod pa gcig la rtag tu sbas/ /bsnyen</font><hr>64.159b<br><font size=+1>

par dga' la stobs po che/ /nyams par byed la mi mngon pa/ /de ni mi brtan myur du 'gro/ /de 'dra'i sems ni gang yin pa/ /mkhas pa rnams ni 'dul bar byed/ /de dag bdud kyis bcings las 'das/ /pha rol bde ba 'byung ba thob/ /rnam rtog mi bzad g.yon can te/ /de ni gting dpag dka' zhing g.yo/ /de lta bu la rten pa'i sems/ /dmyal ba'i g.yang sar nye bar ltung / /nyes pa de dag las grol zhing / /dbang po don gyi dbang mi 'gro/ /sdig pa'i chos kyis ma gos pa/ /'chi med gnas su khrid par 'gyur/ /sems ni rgyu dang rkyen las skyes/ /de ni rnal 'byor mchog la 'jug /myur du gyur pa'i dbang gis su/ /de bzhin de ni shin du 'jug /de ltar las ni byed pa yis/ /'bras bu de ni sna tshogs 'byung / /gcig tu phra mo gcig spyad pa/ /skad cig gnyis par mi 'dug ste/ /de yi lus dang 'gro ba ni/ /'jig rten mtha' ni gang du khrid/ /lam ni gang nas 'gro 'gyur ba/ /thams cad du ni shes par dka'/ /gang du lus ni 'gro ba dang / /'dug pa dang ni las byed pa/ /de yi las ni mthong 'gyur na/ /rnal 'byor de ni mi mthong ngo / /de ni gdul bar dka' ba ste/ /de yi lus kyang mi rig go/ /sems can kun gyi rtog mi bzad/ /yang bar spyod la mig kyang med/ /sdig dang sdig mi byed pa mthong / /de ni sgyu ma lta bu yin/ /de yi rtog pa mi rig cing / /'gro ba med pa mi mthong ngo / /tshe rabs dag ni brgya snyed du/ /skye bo thams cad khrid byed pa/ /'di ni mtshon gyis mi chod cing / /me yis sreg par mi byed do/ /skye bo mig med thams cad ni/ /gcod par byed cing sreg par byed/ /las kyi thag pa dam po yis/ /skye bo bcings pa sdug bsngal che/ /tshe rabs dag ni stong snyed du/ /khrid par byed kyang mi mthong ngo / /skad cig tu ni dge byed cing / /skad cig tu ni mi dge byed/ /dge dang mi dge byed pa yi/ /sems dul ba ni bde bar 'gyur/ /sgo drug nas ni byung ba yis/ /yul rnams la ni rab tu brkam/ /'jig rten mthar ni sems khrid pa/ /nyon mongs yang dag mi rig go/ /de ltar dge</font><hr>64.160a<br><font size=+1>

slong des legs par byas pa chen po de chung ngur bsgyur ba mthong nas/ yid la legs par byas zhes bya ba'i las gang gis phal lam lha gzhan du 'gyur ba zhig na/ 'di ltar de sems gtso bo'i dbang dang / sems yongs su 'gyur ba'i dbang gis dud 'gror grub pa lta zhes rjod do/ /de nas yang dge slong las kyi 'bras bu rnam par smin pa shes pa de/ sum bcu rtsa gsum pa'i lha rnams kyi gnas la rtog par byed de/ des thos pa las byung ba'i shes pas sa rnam mdzes na zhes bya ba ji ltar 'dug pa mthong ngo / /der sems can dag las gang gis skye bar 'gyur snyam nas/ des thos pa las byung ba'i shes pas brtags na/ gang bdag nyid tshul khrims bsrungs shing / gzhan yang bsrung bcug /bdag nyid sdig pa mi byed cing / gzhan yang zlog par byed/ skyon du bgrang bar byed la/ tshul khrims la yang rab tu bkod/ de bdag nyid kyang tshul khrims dri ma med pa brtan pa dang nyer bsdogs yongs su dag pa srung bar byed pa dang srog gcod pa dang ma byin par len pa spangs pa yin te/ srog gcod pa rnam pa du spangs zhe na/ 'dir sdom pas bsdams pas sems can mang po dang grog sbur mang po dang sdig pa mang po dang sbal pa mang po dang srog chags gnas na gnas pa mang po dang ne'u le mang po gnas pa'i sa brkos pa gang gis/ sems can gnod par 'gyur ba rko bar mi byed la/ gzhan sdom pa blangs pa 'am/ sdom pa ma blangs pa yang phyir zlog par byed skyon du 'grang bar byed 'gog par byed/ 'chags su 'jug par byed pa'o/ /ma byin par len pa spangs pa'i tshul khrims ji ltar 'dzin ce na/ 'di la rdza mkhan nam gzhan gyis yongs su bzung ba la rku sems kyis cung zad tsam yang mi len la/ gzhan len na yang phyir zlog par byed cing / tshul khrims la rab tu 'jog par byed la rjes su yi rang bar mi byed pa yin te/ de ltar srog gcod pa dang ma byin par len pa'i rnam par spangs pa'i skyes bu dam pa tshul khrims spyod pa de/ lus dang bral nas bde 'gro mtho ris kyi</font><hr>64.160b<br><font size=+1>

'jig rten rnam par mdzes na gnas pa'i gnas su skye bar 'gyur ro/ /rtag tu dga' zhing glu dbyangs dang bgad pa dang rtses pa dang rab tu rtses pa dang dga' dgur spyod pa skye bo rang gi 'od dang ldan pas rtag tu gang ba'i tshal dang nye ba'i tshal dang bskyed mos tshal gyi gnas rnams su skye bar 'gyur te/ tshul khrims bzang po bsrung ba mtho ris kyi gnas su skye bar 'gyur ro/ /las bya ba legs par byas pa de'i yul shin du nyams dga' zhing longs spyod dang ldan pa'i 'byor pa'i 'di yin te 'di lta ste/ tshal de kun nas gser gyi dra ba'i skud pas nye bar sbrel zhing dril bu g.yer kha'i sgra si li li 'byung ngo / /de la dril bu g.yer kha'i rnam pa ni 'di dag yin te 'di lta ste/ gang las kyis byas pa'i bai dUr+ya'i dril bu g.yer kha rgyang ring po nyid nas mthong nas/ 'di ltar las bya ba legs par byas pa zhi ba khyod byon pa lta zhes smra zhing / 'di ltar tshigs su bcad de smras pa/ yid ni shin du dang ba yis/ /tshul khrims dag ni gang bsrungs pa/ /de ni tshul khrims bsrungs pa yi/ /bde ba 'dir ni nye bar gnas/ /tshul khrims legs par bsrungs pa dang / /goms pa du ma byas pa yi/ /yongs su 'gyur ba bde ba dang / /mya ngan 'das pa 'ang rtogs par 'gyur/ /tshul khrims ngan 'gro rnams las skyob/ /tshul khrims bzang 'gror khrid par byed/ /de ltar tshul khrims rtag tu bsrungs/ /yongs su 'gyur ba'i bsil ba yin/ /'chi dus yang dag 'byung ba'i tshe/ /tshul ldan ga las 'jigs pa med/ /ngan 'gro las skyob bdag las med/ /tshul khrims skyob pa mchog yin no/ /de ni khyod de tshul chen gyis/ /thams cad du ni bsrungs pa yin/ /lha yi gnas su 'ongs pa dag /shin du bag med ma byed cig /de ltar lha de legs par byas pa'i las kyis dril bu g.yer kha'i sgra des bag med pa'i nyes pa rnams khong du chud par byed do/ /de nas gang lha yun ring bar tshul khrims bsrungs pa de/ legs par khong du chud nas/ skad cig tsam du yang shin du bag med pa mi byed do/ /</font><hr>64.161a<br><font size=+1>

gang gis tshe rabs mang po shin du goms pa med pa de ni de'i tshe/ sgra rnam par 'byin pa yi khong du mi chud par 'gyur la/ de ltar de phyir zhing shin du bag med par 'gyur ba zhig na/ de ltar de yang dag par khong du chud nas/ de nas yang gzhan du 'gro bar byed de/ tshal dang nye ba'i tshal rin po che sna bdun gyis nye bar mdzes par byas pa'i gnas rnams ga la ba der 'gro bar byed do/ /rnam mdzes kyi tshal de yang kun nas dpag tshad sum stong yod la sa bzhi po 'di dag ste tshal chen po'i sa gzhi dang grong khyer chen po blta na sdug pa zhes bya ba thams cad che ba yin la/ sa lhag ma gzhan dag ni chung ba yin no/ /tshal de yang kun nas gru bzhi pa yin te/ tshal de'i ngos bzhi la bai dUr+ya shin du dri ma med pa'i dpag bsam gyi shing chen po bzhi yod de shing de dag gi 'od rgyar kun nas dpag tshad tsam la/ ring du yang dpag tshad lnga stong du 'byung ste/ shing de dag gi 'od nyi ma bzhin du snang ngo / /shing de dag gi yal ga dang lo ma rnams la lha dang lha mo'i tshogs lhan cig rtse bar byed cing yid la gang dang gang 'dod pa de de dag las 'thob bo/ /shing de dag gi dbus na/ rnam mdzes kyi tshal de kun nas gser dang dngul dang bai dUr+ya'i pad ma'i rdzing rnams kyis nye bar mdzes par byas/ gser btso ma dri ma med pa'i shing ljon pa rnams kyis nye bar mdzes par byas/ kun nas zhing ma rmos pa chen po shin du dri ma med cing shin du gtsang ba dang shin du ro zhim pa dang brtson 'grus chen pos nye bar mdzes par byas/ bya dkar po dri ma med pa lta bu mthong na yid du 'thad pa thos na nyams dga' ba sgra 'byin pa rnams kyis nye bar mdzes par byas so/ /tshal de na gang bya dngul gyi sgro yod pa de dag gi mgo gser la/ lto ba bai dUr+ya/ mchu ke ke ru/ mig pad ma rA ga'i mdog lta bu yin te/ de ltar bya thams cad kyi kha dog rnam par dbye'o/ /gang shing rnams kyi kha dog dngul lta bu de dag gi steng na gser gyi bya rnams gnas/ gang gser gyi shing ljon pa de dag la dngul gyi bya rnams gnas/ gang bai dUr+ya'i shing ljon pa de dag gi yal ga'i gsab gseb na bya pad ma rA ga'i mdog lta bu gnas/ gang</font><hr>64.161b<br><font size=+1>

shing ljon pa pad ma rA ga'i mdog lta bu de dag la bya mthon ka'i kha dog lta bu rgyu ste/ 'bras bu thams cad la za zhing sbrang rtsi dag la yang 'thung ngo / /gang kun nas rin po che sna bdun gyi shing ljon pa rnams la rin po che sna bdun gyi sgro bkra ba bya de dag kyang rtse bar byed/ skad 'byin par byed do/ /de ltar bung ba'i tshogs kyang pad ma mang po rnams kyi nang na/ las sna tshogs byas pa/ lus bkra ba/ dus kyi bsam pa sna tshogs yod pa/ pad ma'i gseb tu zhugs shing ze ba'i gsab gseb na gnas pa rnams dga' bar byed phan tshun rtse bar byed/ yongs su spyod par byed do/ /de ltar shing ljon pa'i rnam pa de lta bu'i grib ma yon tan kun 'byor pa'i steng na/ lha rnams lha mo'i tshogs dang lhan cig tu dga' bar byed/ yongs su spyod par byed do/ /tshal de yang lha thams cad kyi yon tan kun shin du phun sum tshogs pa yin te/ gang gi tshe lha rnams lha ma yin rnams dang g.yul 'gyed par 'gyur ba de'i tshe/ lha'i rgyal po brgya byin lha rnams la 'di ltar lha rnams sta gon gyis shig /ri bo zla ba la gnas pa'i lha ma yin 'di dag lha rnams la mngon par gnod pa byed kyis chos shig ces bsgo'o/ /de thos nas sum bcu rtsa gsum pa'i lha rnams rnam mdzes kyi tshal ga la ba der dong ste phyin nas/ lha'i tshogs thams cad dang brgya byin gyi mdun du 'gro ba dag rnam mdzes kyi tshul du 'jug go de rnams zhugs nas kyang phyogs bzhi dag gi phyogs bzhi ga la ba de rnams na/ lha'i bai dUr+ya'i shing ljon pa chen po shin du dri ma med pa bzhi yod pa de dag gi sdong po gang yin pa de dag la me long bzhin du lha rnams kyi lus mngon no/ /de dag rnam par rgyal ba'i mtshan ma mthong ba dang yang lha gang dag lha dang lha ma yin gyi g.yul 'gyed pa na yan lag dang 'bral ba 'am chad par 'gyur ba rang gis gcod pa/ gzugs brnyan gang 'byung ba shing de rnam kyi nang na snang ste/ gang lha yan lag chad par 'gyur ba de dag de nyid du yang phyir skye bar 'gyur la gang de'i mgo gcod pa 'am rked pa gcod pa ni ma gtogs te/ de ltar lha de dag phyir skye bar mi 'gyur ro/ /ji ltar lha mgo gcod pa 'am rked pa gcod par</font><hr>64.162a<br><font size=+1>

'gyur ba de bzhin bdag nyid kyis mthong bar 'gyur te/ de la bdag nyid de mthong nas lha de dag la bsnyad do/ /lha de rnams de 'chi ba'i dus yongs su spang ba'i don du brgya byin la 'di ltar lha 'di dag ni lha ma yin rnams dang / g.yul 'gyed pa'i tshe 'gum par 'gyur ro zhes bsnyad do/ /de thos nas brgya byin gyis/ grogs po khyod g.yul 'gyed par ma 'gro shig /khyod kyi tshe'i bar chad du ma gyur cig ces zlog par byed do/ /'bras bu de gang gi yin zhig gu snyam du dge slong de sems par byed do/ /des thos pa las byung ba'i shes pas brtags na/ sems dang yid snying rje dang ldan par 'gyur ba gang gis shen pas gsad par bshams pa las thar bar byas pa'i las kyi rnam par smin pa des rnam mdzes su shing ljon pa'i rnam pa de lta bu skye ste/ me long lta bur gyur pa de la gzugs brnyan snang ngo / /de nas yang lha rnams rnam mdzes kyi tshal ga la ba der 'dong ngo / /dong nas kyang 'dres pa'i tshal ga la ba der 'dong ngo / /dong nas kyang rnam mdzes kyi tshal de'i dbus na tshal yod de/ de yang 'dod pa thams cad kyi shing ljon pa rnams kyis nye bar mdzes par byas pa yin la der zhugs nas lha rnams gros byed do/ /'di ltar lha dang lha ma yin rnams kyi dpung che chung la sems par byed de/ lha ma yin rnams dpung gang dang ldan zhing / lha rnams dpung gang dang ldan zhig ces lha de rnams phan tshun dpyod par byed do/ /de nas lha'i rgyal po brgya byin gyis lha rnams la smras pa/ chos la rten pa dag ni chos kyis lha rnams kyi nang du skye bar 'gyur te/ gang gi tshe 'dzam bu'i gling na gnas pa'i mi rnams rtsod pa'i dus su dge ba bcu'i las kyi lam gtsor 'dzin cing / dge ba bcu'i las kyi lam yang dag par blangs te spyod pa dang pha rol yang spyod du 'jug pa dang lus dang ngag gi tshul khrims rnam pa bdun yang ma ral ba dang ma zhig pa dang ma nyams pa dang brtan zhing tshul 'chos pa med par bsrungs pa de'i tshe/ 'dzam bu'i gling gi mi rnams 'chi ba'i dus byas nas lha rnams kyi nang du skye bar 'gyur te/ ji ltar sgro ba bye mas bkang ba kha thur du bstan pa'i bye ma'i shugs 'bab pa bzhin du</font><hr>64.162b<br><font size=+1>

de ltar mi dag lha rnams kyi nang du skye bar 'gyur ro/ /de ltar lha'i dpung mngon par 'phel la/ lha ma yin gyi dpung yongs su 'grib ste/ lha ma yin gyi brtson 'grus zhan par 'gyur ba de'i tshe/ ri bo zla ba la gnas pa'i lha ma yin gyi dpung / lha rnams kyis zlog pa nyid du byed do/ /de nas dus gzhan du las kyi lam dri ma can spyod pa'i mi rnams dge ba'i las kyi lam ral ba dang zhig pa dang nyams pa dang brtan por mi spyod pa de'i tshe/ 'dzam bu'i gling gi mi rnams 'chi ba'i dus byas nas/ lha rnams kyi nang du skye bar 'gyur te 'di lta ste/ shing ljon pa a mra rab tu smin pa dag la skyes bu stobs dang ldan pas shin du sgul bar byed do/ /de shin du bsgul ba na ji ltar a mra lhung ba de ltar mi dag lha rnams kyi nang du skye bar 'gyur ro/ /de nas yang dus 'das pa na/ dge ba shin du dri ma can spyod pa'i mi 'byung ba rnams lus dang ngag gi tshul khrims mi srung zhing shin du brtan por mi spyod/ /shin du dkar ba ma yin/ rtag par ma yin pa de dag 'chi ba'i dus byas nas/ lha shin du dman pa rnams kyi nang du skye bar 'gyur te 'di lta ste/ shing ljon pa bil ba sbom po brtan pa 'bras bu ma smin par gyur pa la mi stobs chung ngu'i 'dom gyis 'khyud nas shin du sgul bar byed pa de tshegs chen pos shin du sgul bar byed do/ /gang sgul bar byed pa de dag kyang zhan pa yin te/ de sgul ba na bil ba'i 'bras bu gang zhig 'bab pa na smin pa nyung zad cig 'bab par 'gyur ba de bzhin du/ da ltar gyi mi tshul khrims dri ma can de lha rnams kyi nang du skye bar 'gyur ro/ /lha khyed cag kyang shin du bag med pa la gnas la/ shin du bag med pa la gnas pa de ni bag med pas chog ste lha ma yin gyi dpung ni 'phel lo/ /lha'i dpung ni 'grib bo/ /da ltar chos ma yin pa spyod pa'i mi rnams chos ma yin pa'i tshul dang / lus dang ngag gi tshul khrims rnam pa bdun mi spyod cing ma rungs pa/ pha rol gdung bar byed pa/ mar mi 'dzin pa/ phar mi 'dzin pa/ chos ma yin pa dang ldan pa/ chos ma yin pa'i rjes su 'jug pa de dag 'chi ba'i dus byas nas sems can dmyal ba dang yi dgas dang lha ma yin rnams kyi nang</font><hr>64.163a<br><font size=+1>

du skye bar 'gyur te 'di lta ste/ sgro ba bye mas bkang ba'i kha thur du bstan nas/ skyes bu stobs dang ldan pas ji ltar kha nas blug ste gtong ba de bzhin du da ltar gyi mi rnams sems can dmyal ba dang dud 'gro dang lha ma yin rnams kyi nang du skye bar 'gyur ro/ /gal te dge ba dang mi dge ba spyod pa'i mi 'byung ba de dag de ltar tshul khrims phyogs gcig pa cung zad dang lus kyi cung zad dang ngag gi cung zad srung ba de'i tshe/ 'chi ba'i dus byas nas/ kha cig ni sems can dmyal ba dang yi dgas dang lha ma yin rnams kyi nang du skye la/ kha cig ni lha rnams kyi nang du skye ste 'di lta ste shing ljon pa a mra smin pa dag la skyes bu stobs dang ldan pa'i mdom gyis 'khyud pa dag gang a mra rab tu smin pa'i 'bras bu de dang de dag tu ltung bar 'gyur la/ gang ma smin pa de dag ltung bar mi 'gyur ro/ /de bzhin du dge ba 'dres par spyod pa'i mi rnams kha cig ni lha rnams kyi nang du skye la/ kha cig ni sems can dmyal ba dang yi dgas dang lha ma yin rnams kyi nang du skye bar 'gyur ro/ /gang gi tshe thams cad du chos ma yin pa'i skye dgu phal cher 'byung ba/ mar mi 'dzin phar mi 'dzin dge sbyong du mi 'dzin bram zer mi 'dzin rigs kyi rgan rabs kyi rjes su mi 'jug pa/ lus dang ngag gi tshul khrims cung zad kyang mi srung ba de'i tshe/ 'dzam bu'i gling gi mi de rnams 'chi ba'i dus byas nas sems can dmyal ba dang yi dgas dang lha ma yin rnams kyi nang du skye bar 'gyur te/ de'i tshe lha ma yin gyi stobs ni 'phel lo/ /lha'i stobs ni yongs su 'grib bo/ /de la nga yang lha dang lha ma yin gyi g.yul 'gyed par 'gro ste/ nga nyid kyis rgyal bar nus kyi/ lha gzhan dag gis ni ma yin no/ /de ltar 'di yid la byos la lha rnams chos la 'bad par gyis shig /chos la yang dag par dga' bas ni 'jig rten 'di dang pha rol kun tu bsrungs par 'gyur ro/ /mthu rnams kyi nang na ni chos mthu che ste gzhan mthur mi snang ngo / /de ltar yid la bya ba 'di yid la byos te/ lha ma yin pham par bya ba la rab tu 'bod cig /de skad ces bsgo ba dang brgya byin la 'di skad ces smras so/ /ji ltar khyod kyis bka' stsal pa de bzhin sgrub cing</font><hr>64.163b<br><font size=+1>

mchis te/ ji ltar brgya byin gyis bdag cag la bka' stsal pa de bzhin no zhes smras nas/ go cha'i tshal ga la ba der go cha bgo ba'i don du 'dong bar byed do/ /de nas shing de dag las lha rnams kyi go cha mi phyed pa dag rab tu 'byung ste/ gang gyon nas lus mi phyed pa rnams de ltar thams cad rnam par spang ngo / /ji ltar ri bo'i rtse la gnas pa'i nyi ma 'od dmar po 'char ba de ltar brjid pa na/ ri bo zla ba zhes bya ba ga la ba der g.yul 'gyed pa'i don du 'dong bar byed de/ de nas yang lha dang lha ma yin g.yul 'gyed pa snga ma bzhin du de rnams g.yul 'gyed do/ /de nas gang lha de rnams rnam mdzes su so sor gnas te/ 'dod pa'i yon tan lnga 'byor cing ldan par gyur pa rnams kyis de dag phan tshun grogs su gyur pa/ yid 'dod chags kyis rab tu myos pa kun 'di lta ste/ bai dUr+ya'i tshal dang gser gyi shing ljon pa'i tshal dang lha'i rin po che ke ke ru'i tshal dang lha'i me tog dang 'bras bu 'byor pa dang bya sgra sna tshogs 'byin pa/ dga' ba rnams kyi nang na dga' bar byed pa mthong ngo / /de nas yang dge slong las kyi 'bras bu rnam par smin pa shes pa de/ sum bcu rtsa gsum pa'i lha'i bya rnams kyi rnam par smin pa la rjes su sems par byed de/ bya 'di dag las gang gis kha dog dang cha byad sna tshogs su 'dug pa dang sgra sna tshogs 'byin pa dang rin po che sna tshogs kyi nang na bde bar 'khod cing / tshal dang nye ba'i tshal rnams kyi nang na dga' bar byed rtse bar byed yongs su spyod par byed snyam mo/ /las kyi de kho na zhib mor shes pa de las kyi 'bras bu la rtog par byed de/ des thos pa las byung ba'i shes pas brtags na/ ri mo mkhan gla za ba sems la g.yo med pa gang gis gzugs sam kun dga' ra ba 'am/ bskyed mos tshal tshon rtsi kha dog bzang po sna tshogs kyis rnam par 'dri ba 'di lta ste/ kha dog sngon po dang ser po dang dmar po dang 'dres pa rnams kyis brtsig ngos sam gtsug lag khang ngam mchod rten kyi khang pa'i nang du sangs rgyas kyi byin gyis rlabs kyis gla za bas shing ljon pa dang bya dang mi dang stag dang rta dang grong khyer dang tshal dang nye ba'i tshal dang lteng ka dang bskyed</font><hr>64.164a<br><font size=+1>

mos tshal dang pad ma'i tshal dang mtsho dang dge sbyong dang bram ze dang grong dang tshong rdal dang gzhal med khang la sogs pa bris pa dang sangs rgyas dang chos kyi byin brlabs kyis yon bdag rnams kyi lung bzhin du bzo bo gla ba las byed pa rnams kyis gzhi bsnyams pa dang byugs pa dang gser dang dngul las byas pa 'am zangs las byas pa 'am de dag la sogs pa gzugs gzhan dag tshon rtsi bzang po dag gis sna tshogs su bris na/ de dag lus dang bral nas bde 'gro lha rnams kyi nang du 'dri 'dri ba de bzhin du byar skye'o/ /tshul khrims spangs pa las sna tshogs byas pa bung bar gyur nas dga' bar byed do/ /de ltar lha rnams kyi las dang 'bras bu dang 'thun par 'gyur te/ ji ltar blun po de rnams kyis las de dag sems pa bzhin byas pa de bzhin du de dag blun por gyur nas/ lha rnams kyi tshal dang nye ba'i tshal bde ba dang shing ljon pa dang ri'i rtse mo rnams su bde ba de dag myong bar 'gyur ro/ /gang gis ji ltar gzhi sbyangs pa dang byugs pa dang ba glang gi so 'am dngul lam gser la sogs pa la gzugs ji lta ba bzhin byas pa ni/ las rnam pa sna tshogs du ma'i gzugs rgya'i 'bur lta bur skye bar 'gyur ro/ /lha de dag kyang rnam mdzes kyi tshal de na ji srid du 'dod pa sdug pa yid du 'ong ba byas shing bsags pa/ so sor yang dag par myong bar 'gyur ba'i las zad par ma gyur pa de srid du/ lha dang lha mo'i tshogs kyis yongs su bskor ba/ dga' bar byed dga' mgur spyod par byed/ rtse bar byed de lha'i bde ba sna tshogs myong bar 'gyur ro/ /de zad nas de nas yang 'chi bar 'gyur te/ shi nas kyang las nye bar 'gro ba ji lta ba bzhin sems can dmyal ba dang yi dgas dang dud 'gro rnams kyi nang du skye bar 'gyur ro/ /gal te lan grangs gzhan la myong bar 'gyur ba legs par byas pa'i las mi dang so so yang dag par myong bar 'gyur bas/ mi rnams kyi nang du skyes na/ legs par byas pa'i las de dang rgyu 'thun par de rtag tu so so yang dag par myong bar 'gyur ba/ bde bar gnas pa'i bde bas rgyal po 'am rgyal tshab du</font><hr>64.164b<br><font size=+1>

yang dag par 'grub la/ skye bo du mas mchod par 'gyur ba dang rtag tu bskyed mos tshal la dga' ba dang rtag tu dga' ston la dga' ba dang rtag tu yid rab tu dga' zhing gzugs dang rgyan dang cha byad bzang ba dang rtag tu bza' ba dang btung ba dang kha zas gzhan bca' ba bde ba dang yang dag par ldan pa dang rtag tu mal cha dang bskyed mos tshal du gnas pa/ bde ba dang ldan pa dang bran dang bran mo dang las byed pa dang zho shas 'tsho ba dang 'khol ba dag dang ldan par 'gyur ba mthong ngo / /de nas yang dge slong las kyi 'bras bu rnam par smin pa shes pa de/ sum bcu rtsa gsum pa'i lha rnams kyi sa la rtog par byed de/ des thos pa las byung ba'i shes pas lha rnams kyi sa yongs 'du na gnas pa zhes bya ba ji ltar 'dus pa mthong ngo / /der sems can dag las gang gis skye bar 'gyur snyam nas/ des thos pa las byung ba'i shes pas brtags na skyes bu dam pa shes pa dang ldan par 'gyur ba gang gis pha ma la gos dang zas dang mal cha dang na ba'i gsos sman gyi rkyen gyi yo byad yongs su byin la/ gzhan dag kyang dge ba'i las de nyid la 'jog par byed cing / yang dag par 'jog par byed la so sor 'jog par byed de/ rnam pa de lta bu'i sbyin pa sbyin par byed pa dang srog gcod phra mo yang srung ba yin te/ 'bras bu smin pa rul bar gyur pa'i nang na srin bu yod par bag tsha nas za bar mi byed la/ gzhan dag za na yang zlog par byed cing smod par byed la/ de bdag nyid kyang tshul khrims srung gzhan dag kyang tshul khrims la rab tu 'jog par byed do/ /ji ltar na ma byin par len pa spangs she na/ 'di la ma byin pa len pa 'di lta ste/ mtshams su byas par bya ba dang 'bras bu sar pa shugs kyis khyer te bor ba 'am kun dga' ra bar lhung ste bor ba yang spong bar byed la/ gzhan yang zlog cing len pa la smod par byed/ dge ba'i lam la rab tu 'jog par byed pa/ bdag dang gzhan la phan par zhugs pa'i skyes bu dam pa de lus dang bral nas shi ba'i 'og tu sum bcu rtsa gsum pa'i lha rnams kyi sar skye bar 'gyur te/ yongs 'du na gnas pa'i</font><hr>64.165a<br><font size=+1>

lha rnams kyi nang du skye bar 'gyur ro/ /shing ljon pa gcig pu de lhag par mdzes pa yin te/ gang gi tshe chos dang ldan zhing chos kyi rjes su 'jug pa'i mi 'byung ba na/ 'di ltar yang lha'i rgyal po lha thams cad kyi bya ba legs par byas pa dang nyes par byas pa dang 'dzam bu gling gi mi rnams kyi spyad pa legs par byas pa dang nyes par byas pa'i nang na de'i dri dang mdog dang me tog dang lo ma dang 'bras bu phun sum tshogs pa yin no zhes de rjod par byed do/ /gang gi tshe 'dzam bu'i gling du chos dang ldan zhing chos kyi rjes su 'jug pa'i mi 'byung ba de'i tshe/ shing yongs 'du sa brtol me tog rgyas par 'gyur zhing / dpag tshad brgyar dri 'byung la/ 'od kyis rnam par mdzes te/ gzi brjid kyis kyang 'bar ba de'i sum bcu rtsa gsum pa'i lha rnams yid dga' nas/ shing yongs 'du sa brtol yongs su bskor te 'khod la/ e ma 'di ltar yongs 'du sa brtol rnam pa thams cad du me tog rgyas pa 'di/ gor ma chag par 'dzam bu'i gling gi mi rnams dge sbyong du 'dzin/ bram zer 'dzin rigs kyi rgan rabs la mchod pa byed/ rigs kyi rgan rabs kyi rjes su zhugs pa lta zhig ste/ 'di ltar bdag cag gi shing ljon pa 'di rnam pa thams cad du me tog rab tu rgyas so snyam sems so/ /lha de dag de dang nye bar dbyar zla ba bzhir lha'i 'dod pa'i yon tan lnga 'byor cing ldan par gyur pa rnams kyis gnas par byed do/ /gang gi tshe shing yongs 'du sa brtol gyi me tog gi rnam pa phyed rgyas pa de'i tshe/ sum bcu rtsa gsum pa'i lha rnams shin du dga' bar 'gyur te/ e ma 'dzam bu gling gi mi rnams gor ma chag par tshul khrims 'dres par spyod pa la zhugs pa de'i tshe/ shing yongs 'du sa brtol gyi me tog gi rnam pa 'dres par 'byung bar 'gyur ro/ /gang gi tshe thams cad du chos ma yin pa'i skye dgu phal cher 'byung ba de'i tshe/ shing yongs 'du sa brtol thams cad tu lo ma dang 'dab ma rnyis par 'gyur zhing / de bzhin du mdog kyang mi sdug /de bzhin du dri yang mi zhim/ de bzhin du 'od kyang mi gsal te/ dper na rgun khug rna dang sprin gyis</font><hr>64.165b<br><font size=+1>

'khrigs na/ nyi ma'i 'od rab tu dro ba dang ldan pa med la/ 'od kyi mthu nyams pa sems can rnams kyis mthong bar 'gyur ba de bzhin du/ shing yongs 'du sa brtol gyi 'od chung la dri'i rnam pa de lta bu dang ldan par mi 'gyur zhing / 'od kyis gnas par mi 'gyur ba de'i tshe/ shing yongs 'du sa brtol na gnas pa'i lha rnams brgya byin la/ lha kye ma shing yongs 'du sa brtol 'od chung zhing dri mi bda' la/ ji ltar sngon mdzes pa dang ldan pa de da ltar mdzes pa ma lags te/ gor ma bkum par 'dzam bu'i gling na skye dgu chos ma lags pa bgyid pa/ dge sbyong du mi 'dzin pa/ bram zer mi 'dzin pa/ rigs kyi rgan rabs kyi rjes su mi 'jug pa dag mchis so zhes bsnyad do/ /lha'i rgyal po brgya byin gyis de thos nas/ sangs rgyas kyi sku gzugs blangs te/ shing yongs 'du sa brtol ga la ba der lha'i tshogs dang lhan cig yongs su bskor nas 'dong bar byed de/ sangs rgyas la shin du gus pa skyes shing / sangs rgyas kyi yon tan mngon par dran na/ lha rnams la 'di ltar shing yongs 'du sa brtol 'di thams cad du lo ma rnyis par gyur pa'i shing yongs 'du sa brtol ga la ba der kho bo 'gro yis lha gzhan de dag chos shig /'di ltar bdag ni shin du gsal bar gnas pa'i mchod rten khyer/ bcom ldan 'das kyi sku gzugs thogs te shing gi rgyal po de dag ga la ba der song la shing de'i drung du bdag bcom ldan 'das la lha'i dri dang phreng ba dang byug pas mchod pa bya'o de skad ces smras so/ /de nas brgya byin gyi tshig lha rnams kyis thos nas lha brgya phrag stong du ma dag lha'i rgyal po brgya byin ga la ba der 'dong ngo / /brgya byin yang sangs rgyas kyi sku gzugs spyi bo la khyer nas/ shing yongs 'du sa brtol ga la ba der dong ba dang shing yongs 'du sa brtol gyi drung na gnas pa'i lha gzhan dag gis rgyang ring po nyid nas mthong ste/ shing yongs 'du sa brtol gyi lo ma rnyis par 'gyur cing 'od mi gsal la dpal dang ldan pa med nas yid shin du lhag par mi dga'o/ /de nas brgya byin gyis bcom ldan 'das de shing gi drung du gser btso ma lta bu'i sa gzhi la bai dUr+ya'i gdan gyi steng</font><hr>64.166a<br><font size=+1>

du bzhag nas/ lha'i tshogs dang bcas pa dad pa skyes pa dang bcas pa'i rim gro thams cad kyis bcom ldan 'das la dri dang tshal gyi me tog ma li ka dang mAn dA ra ba dang pad ma dag ste/ rnam pa de lta bu'i spos dang me tog rnams kyis bkrus shing mchod pa byas nas/ brgya byin gyis lha rnams la ji ltar lha dag dad pa yang dag par skyes pa ni ser sna dang bral zhing bag med pa dang bral ba la gnas par dga' ba yin te/ de ltar sangs rgyas dang chos dang 'phags pa'i tshogs ni khams gsum pa'i bla ma yin la/ bdag cag gi bla ma yang yin no zhes smras so/ /de nas lha dad pa skyes pa thams cad sangs rgyas la phyag 'tshal bar byed do/ /de nas de'i tshe brgya byin gyis 'di ltar tshigs su bcad de smras pa/ sems can kun gyi gnyen gcig pa/ /sred pa'i dug las rnam grol zhing / /srid pa'i pha rol yang dag rgal/ /thams cad mkhyen la phyag 'tshal lo/ /de nas brgya byin thal mo sbyar nas/ bcom ldan 'das ga la ba der song ste phyin nas lha'i tshogs dang lhan cig yongs su bskor cing pus mo gtsugs nas 'di ltar tshigs su bcad de smras pa/ sems can kun gyi gtso gcig pa/ /'dod chags zhe sdang gti mug bcom/ /rims nad med cing mtshungs med pa/ /thams cad mkhyen la phyag 'tshal lo/ /de nas lha'i tshogs de dag thams cad kyang / shing gi rgyal po de yongs su bskor nas 'khod de/ thams cad dad pa yang dag par skyes pa/ thams cad dbang po gzhol ba'i lha kun ji lta ji ltar sems dang la yid dge zhing / sangs rgyas dang chos la phal cher mchod pa byed pa de lta de ltar shing de 'dab ma bye nas/ kha 'bye bar 'gyur ro/ /de nas de mthong nas de ltar phyir zhing shing yongs 'du sa brtol rim gyis sngon bzhin du me tog rnam pa thams cad du rgyas par 'gyur la/ shing yongs 'du sa brtol gyi 'od kyis dpag tshad brgya dag tu mdzes te/ dris ni khyab 'dab ma ni sprin gyi mdog ltar dkar bung bas ni nye bar mdzes par byas/ grib ma ni bde/ kun nas lha'i tshogs kyis ni gang / </font><hr>64.166b<br><font size=+1>

nyi ma gnyis pa ltar ni mdzes te de'i sngon gyi dpal de dag mthong nas lha rnams dga' bar 'gyur ro/ /dpag tshad brgya dag tu dri 'byung ba ldang la rlung yang dpag tshad brgya dag tu rab tu ldang ste/ dri yid du 'ong bar 'gyur zhing shing gi rgyal po 'od kyis mdzes pa yin no/ /dper na ri bo stong phrag drug bcu thams cad kyi nang na ri'i rgyal po ri rab mdzes pa de bzhin du/ shing ljon pa rnams pa sna tshogs kyi nang na shing yongs 'du sa brtol de bzhin du rnam par mdzes shing kun du snang la lhan ne ba yin no/ /de nas yang dpal rdzogs shing dpal shin du rgyas la/ dpal 'bar te kun nas kyang 'od 'bar ba na/ sum bcu rtsa gsum pa'i lha rnams yid rab tu dga' bar gyur te phan tshun du 'di ltar lha rnams sangs rgyas kyi spyan mtshungs pa med pa'i mthu la ltos/ gang du sangs rgyas kyi mthus shing yongs 'du sa brtol 'di sngon gyi mdog dang dri dang phreng ba dang lo ma dang 'od rnams yod de/ ji ltar yid 'phel ba de ltar sum bcu rtsa gsum pa'i lha rnams kyang gor ma chag par stobs dang mthu dang rdzu 'phrul byas pa yang che bar 'gyur/ 'dzam bu'i gling gi chos kyi rjes su 'jug pa rnams kyang chos la blo gros 'jug ste/ chos dang ldan pa'i bsam pa de dag da ltar nye bar 'jug pa ni/ bdud kyi sgrub pa'i stobs rab tu med par 'gyur zhing bdud kyi ris kyi lha ma yin dang klu 'jig rten skyong ba chos ma yin pa dang ldan pa dag chos la bgegs byed par mi 'gyur/ chos la smod pa byed par mi 'gyur la/ lha mo rnams kyi nang du lha bdag cag zil gyis gnon par mi 'gyur te/ shing gi rgyal po 'di mthong bas bdud kyi stobs ni nyams shing / lha'i stobs ni rab tu 'phel bar khyed cag gis shes par gyis shig ces smras so/ /de nas brgya byin gyi sngon du 'gro ba'i lha rnams de ltar phan tshun gtam yang dag par rjod pa na/ de nas yang chos dang ldan zhing chos kyi rjes su 'jug pa'i 'jig rten skyong ba bzhi dag 'dzam bu'i gling nas sum bcu rtsa gsum pa'i lha rnams kyi 'dun sa ga la ba der 'dong bar byed do/ /</font><hr>64.167a<br><font size=+1>

de nas shing yongs 'du sa brtol gyi drung na lha'i gtso bo brgya byin la sogs pa sangs rgyas bcom ldan 'das la sems rab tu dang ba dang yid rab tu dang ba dang rang gi 'od zer 'bar ba gsal bas mchod pa byed pa na 'jig rten skyong ba bzhi dag gis rgyang ring po nyid nas mthong ngo / /de nas de dag gi drung du phyin nas 'jig rten skyong ba bzhi dag gis lha'i rgyal po brgya byin la spyi bos phyag 'tshal te smras pa/ 'di ltar lha'i gtso bo brgya byin la sogs pa dgyes par mdzod cig /da ltar chos dang ldan zhing chos kyi rjes su 'jug pa'i mi rnams chos ni spyod/ chos ma yin mi spyod de/ mar 'dzin pa phar 'dzin pa dge sbyong du 'dzin pa bram zer 'dzin pa rigs kyi rgan rabs kyi rjes su 'jug pa rnams chos spyod kyis dgyes par mdzod cig /de nas de dag las thos nas lha'i gtso bo brgya byin la sogs pa yid rab tu dga' ba mchog tu dga' ste/ de nas yang 'jig rten skyong ba dag la mchod nas/ 'di ltar mi'i 'jig rten na mi chos pa dang ldan pa rnams 'jig rten skyong ba dag gi kun dga' ba'i skal bar gyur cig /de nas lha de dag thams cad kun dga' ba skyes par rig nas/ shing yongs 'du sa brtol gyi drung du sangs rgyas bcom ldan 'das blangs pa de nas yang mchod nas/ lha'i mdun sa chos bzang ga la ba der sangs rgyas bcom ldan 'das khyer ro/ /lha gzhan lhag ma gang yin pa de dag ni shing yongs 'du sa brtol ga la ba der dong ste phyin nas brgya byin gyi mdun du 'gro ba yid rab tu dga' ba rnams shing yongs 'du sa brtol ga la ba der dong ste phyin nas/ shing gi rgyal po de'i drung du dbyar zla ba bzhi'i bar du lha'i 'dod pa'i yon tan lnga 'byor cing ldan par gyur pa rnams kyis dga' bar byed/ yongs su spyod par byed do/ /lha yid rab tu dga' ba lha mo'i tshogs rnams kyis yongs su bskor ba dag dga' bar byed/ yongs su spyod par byed cing / bde ba dpe med pa nye bar myong bar byed do/ /de ltar de nyid na gnas pa dbyar zla ba bzhi 'das pa dang de dag gi nang nas las dang tshe zad pa'i lha gang yin pa de dag lha'i</font><hr>64.167b<br><font size=+1>

'jig rten de nas 'chi bar 'gyur te/ shi nas kyang las nye bar 'gro ba ji lta ba bzhin/ sems can dmyal ba dang yi dgas dang dud 'gro rnams kyi nang du skye bar 'gyur ro/ /gal te lan grangs gzhan la myong bar 'gyur ba'i las mi dang so so yang dag par myong bar 'gyur bas/ mi dag dang skal ba mnyam par mi rnams kyi nang du skyes na/ las de dang rgyu 'thun par de rtag tu gzugs bzang zhing shin du blta na sdug pa dang yid rab tu dga' bar 'gyur/ rtag tu bde zhing byad bzhin kun gyis blta bar mngon par dga' ba dang rtse ba la dga' bar 'gyur/ rtag tu dgod pa dang dga' ba dang rtse ba la dga' zhing bud med thams cad kyis blta bar mngon par dga' ba dang shin du bde ba dang ldan te/ rgyal po 'am rgyal tshab du 'gyur bar mthong ngo / /de nas yang dge slong las kyi 'bras bu rnam par smin pa shes pa des/ sum bcu rtsa gsum pa'i lha rnams kyi sa la rtog par byed de/ des thos pa las byung ba'i shes pas/ sum bcu rtsa gsum pa'i lha 'dres pa'i 'gram na gnas pa zhes bya ba ji ltar 'dug pa mthong ngo / /der sems can dag las gang gis skye bar 'gyur snyam nas/ des thos pa las byung ba'i shes pas brtags na tshul khrims dang ldan par gyur cing / sems can gzhan la phan par 'dod pa'i sems yongs su bsgoms pa'i snying rje dang ldan pa gang gis/ yon tan mchog dang ldan pa 'am tshul khrims dang ldan pa 'am shes rab dang ldan pa 'am nad pa la zan gcig tsam byin pa 'am bdag nyid kyang srog gcod pa mi byed la/ shing ljon pa'i gseb na grog sbur ram srog chags mar ko ta ka 'am/ sems can gyi rnam pa de lta bu gzhan dag la ba lang rdzi 'am phyugs rdzi 'am rnga mo'i rdzi 'am glang po che'i rdzi 'am de bzhin du gzhan bong bu'i rdzi 'am rta rdzi dgun gyi dus sam dgun smad kyi dus su grang bas nyen te 'brog dgon pa dag tu phyin nas me bus na/ skyes bu dam pa sems can la phan par zhugs pa des me de chu 'am thal bas zhi bar byas nas/ srin bu de dag thar bar byed pa dang gzhan srog</font><hr>64.168a<br><font size=+1>

gcod pa byed pa yang phyir zlog par byed/ bdag nyid kyang mi byed la gal te byas pa zhig yod na yang de smod par byed/ so sor 'chags par byed/ gzhan la yang rjes su yi rang bar mi byed/ skyon du 'grang bar mi byed 'jog par mi byed/ lam bde ba la rab tu 'jog par byed de/ de ltar rnam pa de dag dang tshul de dag gis srog gcod pa spangs pa yin no/ /ma byin par len pa spangs pa ji lta bu yin snyam na/ 'di la ma byin par len pa mi byed pa yin no/ /ma byin par len pa mi byed pa'i rnam pa du yod snyam na 'di lta ste/ dgun dang dgun smad grang ba'i dus su shing skam po med/ shing ljon pa med pa'i dgon par lam du zhugs pa de na/ ba lang rdzi 'am glang po che'i rdzi 'am rnga mo'i rdzi grang bas nyen pa dag gis me bud pa'i phyir ram mtshan mo bsro bar bya ba'i phyir/ ba lang gi lci ba 'am glang po che'i lci ba 'am lo ma 'am 'dab ma 'am shing bur dag spungs te/ bzhag pa de dag la lam du zhugs pa de grang bas shin du nyen par gyur kyang pha rol gyi yin no snyam du bsams nas/ rku ba'i sems kyis len par mi byed/ pha rol len pa yang zlog par byed/ gal te bdag gis blangs na/ de 'chags par byed la phyir zhing mi byed/ gzhan dag kyang lam dge ba la rab tu 'jog par byed/ gzhan gyis blangs pa la yang rjes su yi rang bar mi byed de/ las kyi nyer bsdogs dang las kyi mjug ma byin par len pa las byung ba zlog par byed cing / bdag nyid kyang mi byed pa yin te/ sdig pa'i las rdul phran tsam gyis kyang 'jigs par lta ba'i skyes bu dge ba de/ lus dang bral nas bde 'gro mtho ris kyi 'jig rten sum bcu rtsa gsum gyi lha 'dres pa'i 'gram na gnas pa'i lha rnams kyi nang du skye bar 'gyur ro/ /'dres pa'i 'gram na gnas pa'i sa de yang 'di lta ste/ dngul gyi sa gzhi la gser rnams kyis bkra bar brgyan pa/ gser rnams kyis 'gram de yang bkra bar brgyan</font><hr>64.168b<br><font size=+1>

dngul gyis bkra bar brgyan pa yang de bzhin bkra bar brgyan/ de bzhin du ke ke rus bkra bar brgyan pa dang / de bzhin du rdo rje mang pos bkra bar brgyan pa yin te/ de ltar sa de las kyi 'bras bu dang 'thun par rnam par mdzes pa rin po che sna tshogs kyis spras pa/ shing ljon pa rgyan rnam pa sna tshogs kyis brgyan pa rnams kyis nye bar mdzes par byas shing sdug par byas pa/ kun nas ri dgas dang bya sdug pa rnam pa sna tshogs kyis brgyan pa/ ri dgas dang bya'i kha dog rnam pa sna tshogs kyis 'gram khebs pa/ tshal dang nye ba'i tshal yang rin po che sna bdun rnam pa du ma dag gis nye bar mdzes par byas pa yin no/ /de nas tshal de na 'dres pa'i 'gram na gnas pa'i lha shing gseb na 'khod pa rnams lus kun gser btso mas brgyan cing / lha mo brgya phrag stong gis yongs su bskor ba/ lha'i 'dod pa'i yon tan lnga 'byor cing ldan par gyur pa rnams kyis dga' bar byed de/ de dag rnam pa ji srid du 'gram gang gang du gnas shing rin po che'i 'od gang gis brgyan pa'i rnam pa de srid du/ lus thams cad kyi kha dog tu 'gyur te/ rin po che'i shing ljon pa de rnams kyi 'od kyis lus thams cad brgyan pa nyid yin no/ /shing ljon pa de dag gi drung du song nas bde ba sna tshogs dang ldan pa rnams dga' bar byed yongs su spyod par byed do/ /de ltar de dag gis dga' bar byas nas lha mo de rnams dang lhan cig tu 'bab chu'i tshal ga la ba der 'dong bar byed do/ /'bab chu'i tshal de yang kun nas gser gyi shing ljon pa 'gram nas skyes pa rnams kyis khebs pa yin te/ shing ljon pa de rnams kyi lo ma ser pos khebs pa'i 'od kyis 'bab chu kun nas chu ser por gyur te/ de dag drag tu 'bab kyang de dkar po nyid du mi mngon no/ /shing ljon pa rnams kyi gsab gseb na lha gang dag lha mo dang lhan cig dga' bar byed/ yongs su spyod par byed pa de dag 'di snyam du sems te/ 'di ltar shing ljon pa rnams kyi yal ga dag rdol nas bdag cag rnams kyi chang</font><hr>64.169a<br><font size=+1>

zhim po 'byung bar gyur cig ces snyam mo/ /de nas sems bskyed ma thag tu shing ljon pa de dag rdol nas lha rnams kyi dge ba'i las des chang ro dang mdog dang dri sna tshogs dang ldan pa dag byung nas/ shing ljon pa'i yal ga dag las 'bab bo/ /de 'bab pa na lha dag gis mngon par mthong nas/ snod rnam pa sna tshogs kyis bcus te/ rin po che'i snod rnam pa sna tshogs thogs nas/ de dag 'thung bar byed de lha'i chang bde ba des brgya snyed du myos so/ /chang des myos pa rnams bud med mthong ba'i bde ba sred pa'i mes kun nas sreg par byed kyang / bsregs so snyam du mi sems te bde bas bsgribs pa rnams sems pa med do/ /de nas yang lha de rnams 'di snyam du sems te/ ji lta ji ltar lha'i thos pa nyams dga' ba rtag tu dga' bar byed pa'i rol mo rnam pa sna tshogs bdag cag gis mnyan par bya'o snyam mo// //'phags pa dam pa'i chos dran pa nye bar gzhag pa/ bam po sum bcu bzhi pa/ de ltar sems bskyed ma thag nyid du dge ba'i las des rol mo'i sgra shing ljon pa rnams las 'byung ste/ shing de dag rlung gis skyod par byed do/ /de dag skyod pa na lo ma de dag las rnam pa 'di lta bu'i sgra 'byung ste/ ji ltar sil snyan yan lag lnga dang ldan pa'i sgra snyan pa/ sgra brnyan sil dkrol zhes byed pa dang yang dag par ldan pa de lta bu'i sgra shin du thos par 'gyur ro/ /sgra de dag thos nas kyang lha de dag 'di snyam du sems te/ 'di ltar da ni shing dag las bdud rtsi 'byung bar gyur cig snyam mo/ /de ltar sems bskyed ma thag nyid du ji ltar zo ba kha thur du bstan pa rnams kyi nang nas kha ra 'am kha ra'i dum bu kha dog dpe med pa dang ldan pa 'byung ba de bzhin du shing ljon pa rnams las bdud rtsi 'byung ste de dag lha rnams za bar byed do/ /des tshim nas glu dbyangs dang / sil snyan gyi sgra 'byung ba rnams nye bar len bzhin du rin po che'i sa ga la ba der lha mig mi 'dzums par rgyu ba rnams 'dong bar byed do/ /de dag rin po che'i sar dong nas phan tshun grogs</font><hr>64.169b<br><font size=+1>

su gyur pa/ 'dod chags lhur 'dzin par sems pa yin te/ der yid zhugs pa der dga' bar gyur pa de dang 'thun pa'i spyod pa dang dga' ba'i lha'i 'dod pa'i yon tan lnga 'byor cing ldan par gyur pa rnams kyis dga' bar byed/ dga' mgur spyod par byed do/ /tshal de nas yang kun nas tshal zhes bya ba der 'gro bar byed 'dong bar byed do/ /tshal de na bya'i rigs bdun la 'di lta ste/ gser gyi ngang pa kha cig rin po che sna bdun lta bu dang / ne tso kha dog sna tshogs su 'dug pa kha cig an da rnyil lta bu dang bya ka ran da ba kha cig ke ke ru'i mdog lta bu dang kha cig bai dUr+ya lta bu dang ngur pa kha cig an da rnyil lta bu yin la/ kha cig spug lta bu dang rma bya kha dog rin po che sna bdun lta bu yin la/ kha cig mthon ka lta bu dang / shang shang te'u yang sna tshogs su 'dug ste/ kha cig byi ru lta bu dang / bya ka la ping ka rin po che sna bdun lta bu yin la/ kha cig dngul gyi mdog lta bu yin no/ /de dag thams cad mthong ba bde ba/ sgra snyan cing 'jebs pa 'byin pa la mkhas pa yin te/ kha cig nam mkha' la bdag nyid phan tshun 'khor lo bzhin byas nas rtse bar byed de/ ji ltar lha rnams kyi rol mo'i sgra 'byung ba de ltar yongs su 'byin par byed cing / ji ltar lha mo'i tshogs yan lag lnga dang ldan pa la shin du chags par 'gyur ba de ltar sgra gzhan dag 'byung bar byed do/ /gzhan kha cig pad ma'i tshal bung ba'i tshogs kyis nye bar mdzes par byas pa rnams su bya mo rnams dang lhan cig bcas par dga' bar byed skad 'byin par byed do/ /gzhan dag skam sa la 'dug nas bya mo rnams dang lhan cig bcas par dga' bar byed dga' mgur spyod par byed do/ /gzhan dag gser dang dngul gyi shing ljon pa 'dab ma sna tshogs kyis nye bar mdzes par byas pa rnams kyi nang na de'i grib mas lus mngon par brgyan pa rnams rtse bar byed dga' mgur spyod par byed de/ de ltar bya de dag dga' bar byed do/ /de nas bya de rnams yongs su</font><hr>64.170a<br><font size=+1>

rtse ba na lha de rnams kyis mthong nas/ de nas yang rab tu dga' ba'i yid dang rnar snyan pa'i yid kyis bya'i sgra rnam pa sna tshogs 'byin pa bde bar thos so/ /de nas lha de dag dang lha mo de dag kyang nam mkha' la rgyu ba de dag gi nang du zhugs nas/ nam mkha' la rgyu zhing rtse bar byed do/ /de bzhin du chu la rgyu ba rnams dang lhan cig chu'i nang na rgyu/ skam la rgyu ba rnams dang lhan cig skam la rgyu zhing rtse bar byed do/ /lha de dag kyang lha mo rnams dang lhan cig bya de dag dang de bzhin rtse bar byed/ dga' mgur spyod par byed do/ /de nas dge slong des lha de dag dang bya de dag mtshungs par 'dod pas sems phrogs shing myos pa rnams la 'di ltar tshigs su bcad de smras pa/ dud 'gro 'dod pa spyod pa dag /gti mug gis ni bskyod pa yin/ /de lta bas na lha rnams ni/ /lha dang dud 'gro mtshungs pa yin/ /skal ba bzang po thob pa'i mi/ /bag med rnams la mi spyod na/ /de ni mkhas pa zhes brjod de/ /de las zlog pa gzhan yin no/ /lha rnams bag med pa yis phrogs/ /sems can dmyal bar rab tu 'gro/ /de lta bas na mkhas pa rnams/ /bag med dug dang 'dra bar brjod/ /blo zhan bag med rnam dag gis/ /sngar ni bde ba lta bur mthong / /bag med las byung 'bras thob nas/ /don med de ni phyis gdung ngo / /skye bo mkhas pas bag med pa/ /don kun med par byed mthong nas/ /de ltar de las gzhan dge ba/ /gang yin bag med mi bsten to/ /bag med gzhan du sdug bsngal zhing / /bag yod gzhan du bde ba ste/ /bag med pa dang bag yod dag /mtshan nyid bsdus te bshad pa yin/ /gang zhig sdug bsngal 'dod 'gyur ba/ /de ni bag med bsten par byed/ /gang zhig shin du bag med pa/ /nam yang bde ba mi 'thob bo/ /bag med bral ba dam pa ni/ /'chi ba med pa'i gnas su 'gro/ /gang zhig shin du bag yod pa/ /dmyal ba'i sdug bsngal mi myong ngo / /gal te blo zhan lha rnams</font><hr>64.170b<br><font size=+1>

dang / /dud 'gro mtshungs par rtse byed na/ /lha rnams dang ni dud 'gro dag /khyad par med pa nyid yin no/ /lha dang lha ma yin dang ni/ /yi dgas de bzhin dmyal ba rnams/ /ris 'thun blo dang 'gro ba dag /kun du mi 'thun tha dad do/ /blo mi 'thun pas las mi 'thun/ /las mi 'thun las de bzhin 'gro/ /las mi 'thun pa sna tshogs las/ /'gro ba rnams kyang snang ba yin/ /las rnams sna tshogs tha dad pas/ /lha rnams shin du bag med de/ /lha yi 'jig rten las ltung ba/ /khong du chud par mi 'gyur ro/ /gang tshe lha yi 'jig rten las/ /ltung bar 'gyur ba de tshe lha/ /khyed kyi sdug bsngal nye ba yin/ /bdag nyid bde ba shes par gyis/ /de ltar rtog pas rnam par nyams/ /bag med pas kyang bslus pa yin/ /sred pas gdungs pa'i lha rnams ni/ /sems can dmyal bar ltung bar 'gyur/ /lha dag dmyal bar gang song ba/ /'di ni shin du dpya ba yin/ /rtse mo nyams su len 'gyur rnams/ /gnod pa mi bzad nyams su myong / /srog chags sems ni rmongs pa dag /'khor ba las ni yid mi 'byung / /sred pas yongs su bslus pa rnams/ /sdug bsngal las ni sdug bsngal 'thob/ /de ltar dge slong des lha de rnams ni shin du bag med pa khong du chud nas rjes su ston par byed do/ /de nas lha de rnams yul gyi bde ba thams cad nye bar myong yang / ji ltar me shing la mched pa ltar yul rnams kyis tshim pa nyid med de/ ji srid du las byas shing bsags pa de zad par ma gyur pa de srid du dga' bar byed la/ de'i 'dod pa sdug pa yid du 'ong ba'i bde ba rjes su myong bar byed do/ /de zad nas de nas yang lha'i 'jig rten de nas 'chi bar 'gyur te/ shi nas kyang las nye bar 'gro ba ji lta ba bzhin sems can dmyal ba dang yi dgas dang dud 'gro rnams kyi nang du skye bar 'gyur ro/ /gal te lan grangs gzhan la myong bar 'gyur ba'i las kyis mi rnams dang skal ba mnyam par</font><hr>64.171a<br><font size=+1>

mi'i nang du skyes na las de dang rgyu 'thun par de rtag du shin du bde bar 'gyur/ zas dang skom mang ba'i yul du nor dang 'bru'i bang mdzod mang po 'byor pa dang rgyal po 'am blon po chen po byed par 'gyur ba mthong ngo / /de nas yang dge slong las kyi 'bras bu rnam par smin pa shes pa de/ sum bcu rtsa gsum pa'i lha rnams kyi sa la rtog par byed de/ des thos pa las byung ba'i shes pas lha rnams kyi gnas tshang tshing gi 'gram na gnas pa zhes bya ba ji ltar 'dug pa mthong ngo / /der sems can dag las gang gis skye bar 'gyur snyam nas/ des thos pa las byung ba'i shes pas brtags na/ sems can skyes bu dam pa sems dge bar bsgoms pa'i snying dang ldan pa gang gis bsam gtan dang po thob pa'i dge slong dag la bsod snyoms byin zhing gzhan dag kyang sbyin du 'jug /byin pa la rjes su yi rang bar byed/ gzhan dag kyang de nyid la rab tu dga' bar byed/ rab tu 'dzud par byed rab tu 'jog par byed de/ de ltar sbyin pa la bdag nyid mngon par dga' ba yin/ srog gcod pa dang ma byin par len pa dag dang bral ba ji lta bu zhig yin/ 'di la ma byin par len pa spangs pa rnam pa du yod rnam pa ji lta bu yin zhe na/ 'di ni lam du zhugs pa na khron pa dang lteng ka dang 'bab chu dag tu 'dron po rnams la phan par bya ba'i phyir chu rdza 'am kham phor sbyar ba gang yin pa de dag la gzhan gyis 'di ltar dbye 'di ni rgya che zhing phyogs gzhan na yang chu med la bdag cag la yang chu snod chu rdza 'am phru ba khyer ba med de/ de gal te bdag cag gis khron pa'i phyogs de nas ma khyer na skom pas bdag cag gi srog chad par 'gyur ro/ /zhes bskul kyang de len par mi byed pa yin te/ bdag nyid skom par shes kyang ma byin par len pa'i 'jigs pas chu rdza 'am kham bor len par mi byed la gzhan len pa la yang rjes su yi rang bar mi byed/ phyir</font><hr>64.171b<br><font size=+1>

zlog par byed/ dge ba'i lam la rab tu 'jog par byed de/ de ltar ma byin par len pa spangs pa yin zhing rnam pa de dag yin te srog chad par 'gyur yang ma byin par len pa mi byed pa yin no/ /srog gcod pa spangs pa ji lta bu yin rnam pa du yod ce na/ 'di la bdag nyid srog gcod par mi byed gzhan byed pa yang phyir zlog par byed/ rab tu mi 'jog par byed/ byas na yang skyon du 'grang zhing mang du smod par byed pa yin no/ /'di ni skar khung nas 'ong ba 'am g.yogs pa'i steng na 'dug pa 'am nyi ma 'am dud pas gdungs pa na srin bu phre'u 'am grog sbur phra mo dag la yang kun nas gnod pa'i sems kyis gnod par mi byed/ srog dang bral bar mi byed/ /gzhan byed na yang phyir zlog par byed/ skyon du bgrang bar byed/ dge ba'i lam la rab tu 'jog par byed/ dge ba'i mi bdag nyid dge ba byed cing gzhan yang rab tu gzhog par byed pa de lus dang bral nas bde 'gro mtho ris kyi 'jig rten sum bcu rtsa gsum gyi lha rnams kyi nang 'dres pa'i 'gram na gnas pa'i sar skye bar 'gyur ro/ /der skyes nas kyang legs par byas pa'i las kyi mtha' spyad pa de dge ba'i las la spyod pa/ las byas pa'i rnam par smin pa las 'byung ba ni 'di lta ste/ dngul gyi tshal rgya che zhes bya ba 'byung ste/ tshal de na rin po che sna tshogs kyi 'od gsal ba rin po che an da rnyil dang / bai dUr+ya'i 'od dri ma med cing gsal la bya sna tshogs sgra 'byin pa rnar snyan pa dus tshigs drug tu rtag par shing ljon pa me tog mchog rab tu rgyas pa 'bab chu dang chu klung dang lteng kas brgyan pa rin po che an da rnyil dang bai dUr+ya'i pad ma nyams dga' ba gser btso ma'i ri bo mthon pos brgyan pa chu na rgyu ba dang skam la rgyu ba'i bya ri bo mthon po'i gsab gseb dang 'gram na gnas pa/ gzugs dang cha byad sna tshogs su 'dug pa/ sgra skad chen po 'byin pa rnams kyis brgyan pa dge ba'i las kyi 'bras bus sprul pa na/ lha de dge ba'i las kyi 'bras bu la spyod de yun</font><hr>64.172a<br><font size=+1>

ring du bde ba rgyun mi 'chad par spyod do/ /lha mo'i tshogs rnam pa sna tshogs stong snyed kyis yongs su bskor cing / lha'i phreng ba dang gos gyon la dpal rnam pa sna tshogs kyi gzugs dang ldan pa de/ lha mo de dag nye bar glu dbyangs len cing yongs su spyod pa na/ tshal der rnam par rgyu bar byed do/ /de rgyu ba na dge ba'i las des bskul ba'i bya rnams kyis 'di ltar tshigs su bcad de smras pa/ dge ba'i las kyis skye bo dag /lha yi yul du mchod par 'gyur/ /de ltar mi dges dmyal bar khrid/ /las kyi 'gyur ba de 'dra'o/ /lha yi 'jig rten thob nas su/ /lha gang khyad du gsod mi byed/ /gang du sred pas mi gnod pa/ /de yi bde las bde bar 'gro/ /las kyi thag pa ring po yis/ /srid par rgyu ba bcings pa rnams/ /dgra dag 'khor los bcings pa ltar/ /dbang med las kyis 'khyam par byed/ /ji ltar mkha' la rlung shugs kyis/ /phyag dar dum bur gtor ba ltar/ /de ltar srid par rgyu ba rnams/ /steng dang thad kar 'khyam par 'gyur/ /ji ltar rgyu dang rkyen dag las/ /pad ma byung ba mdzes pa ltar/ /de bzhin dge ba'i las kyis su/ /lha yul du ni byung ba mdzes/ /ji ltar shel ni rab dang zhing / /ji ltar nam mkha' rab dang ltar/ /de ltar sems ni rab dang ba/ /bde ba mchog tu 'gro bar 'gyur/ /de yis lnga dag bsrungs pa yis/ /rtag tu bcings pa gsum las grol/ /chos gcig las ni rab 'das pa/ /lha yi 'jig rten mchod par 'gyur/ /ngo tsha med cing khrel med dang / /rgod dang sdig pa'i grogs po ni/ /'di dag dug dang me dang 'dra/ /mkhas pas de dag bsrung bar gyis/ /bden dang sbyin dang de bzhin du/ /bzod dang rtag tu dge bshes gnyen/ /'byung po rnams la rtag byams pa/ /lha yul gyi ni lam rgyags yin/ /mi dag sems la g.yo med pa/ /bde bas bskyod pa mnyam bzhag pa/ /rang gi las 'bras mngon sum</font><hr>64.172b<br><font size=+1>

ste/ /lha yi gnas su 'ongs pa yin/ /chos dang chos min gtsor 'dzin pa/ /kun nas 'jig rten srog yin te/ /'di ltar chos las skyob gzhan med/ /de bas chos la dga' bar gyis/ /gang zhig chos ni yongs spangs nas/ /mi dag nyes par byed la dga'/ /de ni nyes pas gdungs pa yis/ /rtag tu sdug bsngal nyid du 'gyur/ /lha yi 'jig rten thob nas su/ /bag med rnams la chags gyur pa/ /de ni dge ba'i las mtha' zad/ /'chi ba'i mtha' ni mi rig go/ /gang na 'chi bar 'gyur ba med/ /de ni gtan du bde dang legs/ /'chi ba'i zhags pas bcings pa dag /nam yang bde ba yod ma yin/ /ji lta ji ltar bde thob pa/ /de ltar sred pa'i tshogs 'phel lo/ /sred pa'i me yis gdungs pa ni/ /sems can dmyal bar nye bar 'dren/ /lha la bag med mi rigs kyis/ /shin du bag med ma byed cig /bag med nyes pas rnam nyams pa/ /sum bcu rtsa gsum gnas nas 'chi/ /de ltar bya de rnams kyis rjes su bstan pa na/ lha mos yid g.yengs shing yul gyi sred pas blo gros dang blo phrogs pa dang bya'i sgra rnam par 'byin pa bden pa de thos par mi 'gyur la/ de tshal dang nye ba'i tshal dang lteng ka dang 'bab chu dag la rjes su bsten par byed do/ /de gal te kun dga' ra ba bde bar gnas pa'i lteng ka zhes bya ba ri mtho ba ga la ba der 'dong bar byed do/ /ri mtho ba de na bya mngon par dga' ba zhes bya ba bya mo rnams dang lhan cig phan tshun dga' zhing phan tshun shin du lta 'dod pa dag lteng ka dang pad ma'i tshal sna tshogs de rnams su rtse bar byed do/ /de nas bya de rnams mthong nas lha de dag 'di snyam du sems te/ kye e ma bya gzugs sna tshogs can 'di dag sgra sna tshogs 'byin cing nyams dga' bar byed pa yin te/ mtho ris kyi bya bsdus pa thams cad 'thun par sgra 'byin pa 'am sna tshogs su sgra 'byin par byed pa'i bya de rnams kyi steng du gnas bcas la bdag zhon te/ </font><hr>64.173a<br><font size=+1>

tshal dang nye ba'i tshal dang lteng ka dag blta bar bya'o snyam mo/ /de nas sems bskyed ma thag nyid du lha de dag gi bya rnams lus chen por gyur nas/ lha de dag ga la ba der myur du nye bar 'dong bar byed do/ /de nas lha des bya de dag la lag gis nyug par byed do/ /byugs nas kyang zhon no/ /de nas bya rnams la zhon ma thag nyid du las sprul pa mngon par dga' ba'i bya'i tshogs dag nam mkha' la 'dong bar byed do/ /de nas bya sna tshogs pa de rnams kyi rgyab tu zhon ma thag nyid du yid la rin po che sna bdun gyi gzhal med khang tshal dang nye ba'i tshal dang lteng ka dang 'bab chu dang pad ma phun sum tshogs shing bya rnam pa sna tshogs nye bar rtse bar sems par byed do/ /de nas sems bskyed ma thag nyid du bya de rnams kyi rgyab tu gzhal med khang de dag ji ltar lha des yid la bsams pa de bzhin du 'byung ngo / /de nas lha de dag gi phyi bzhin du lha mo cha byad rnam pa sna tshogs thogs pa dag rjes su 'brang zhing nye bar spyod pa na nam mkha'i dkyil nas 'dong ste yul nas yul dag tu 'dong bar byed la/ de thams cad lha'i bde ba dag gis rtse zhing nye bar spyod pa na/ mtho ris kyi gnas dag la dga' ba dang shin du dga' ba dang mchog tu dga' bar rtog par byed do/ /des sa de dag la rtog rtog nas sred pa 'bum 'gyur gyis g.yeng bar byed de/ 'di ltar sems can thams cad kyi gnas dpe bya bar mi nus so/ /de ltar sgo drug nas sred pa'i me 'bar ba mchog tu mi bzad pa yid la 'bar ba yin te/ de bde ba gzugs brnyan lta bu'i sdug bsngal des mngon par nyams bzhin du bya de rnams kyi steng du zhon nas/ sil snyan yan lag lnga dang ldan pa'i sgra snyan pa yid du 'ong ba dpe med pa nye bar len cing ri rab kyi zhabs thams cad la lta bar byed de/ de tshal dang nye ba'i tshal dang lteng ka phun sum tshogs pa dang nags tshal dang ri ngos dang shing ljon pa dang phyogs gcig pa dang pad ma'i tshal du mas</font><hr>64.173b<br><font size=+1>

khebs pa dang bya sna tshogs kyis gang ba dang lha dang lha mo dang lha'i bu mo phan tshun rtse ba na mthong ngo / /yul de na dga' ba 'bum phrag du ma yod de/ yul shin du rnam par phye ba'i dga' ba thams cad mthong yang 'dod pa rnams kyis de srid du tshim pa med pa nyid yin te/ dga' ba'i 'dod chags kyi mod las skyes pa'i sems kyis g.yengs pa'i sred pa'i lha de rnams yul dag gis dbang po rnams shin du tshim pa med do/ /de ltar de yun ring po du mar bya'i steng gzhal med khang na gnas pa des ri bo khri phrag drug bcu'i nang na/ ri'i rgyal po ri rab 'dug pa de dag thams cad la lta bar byed de/ lha las legs par bya ba thams cad kyi gnas dpe med pa nyams dga' ba rin po che du ma 'bar ba/ ngos bzhi kun nas lham pa kha dog rnam pa bzhis shin du rnam par phye ba yin te 'di lta ste/ bai dUr+ya dang dngul dang gser dang shel shin du bzang ba'i ri rab de la des ma lus par bltas nas rang rang gi gnas ga la ba der 'dong bar byed do/ /de ltar bya rnams kyi steng na zhon pa de dag bya de dag la sna tshogs su sems par byed de ji lta ji ltar kha dog dang gzugs dang cha byad dang dbyibs bsams pa de lta de ltar 'gyur ro/ /de nas yang de bya de rnams kyi steng du zhon nas rdzing chu dang ba zhes bya ba ga la ba der 'dong bar byed do/ /rdzing de yang kun nas dpag tshad lnga yod la kun nas lham pa rin po che an da rnyil dang bai dUr+ya rnams kyis sna tshogs su brgyan cing gzhan pad ma rnams kyis kyang nye bar mdzes par byas pa/ legs par byas pa'i las mngon sum du gyur pa der dong nas de na lha mo de rnams dang lhan cig tu lha'i 'dod pa'i yon tan lnga 'byor cing ldan par gyur pa rnams kyis rtse bar byed do/ /pad ma de rnams kyi bar dag na bung ba bzhin du sbrang rtsi de dag la 'thung bar byed cing / bdud rtsi la yang za bar byed/ lha'i dri dang ro dang mdog phun sum tshogs shing / zla ba ltar dri ma med la ro dang shin du ldan pa de</font><hr>64.174a<br><font size=+1>

dag la za bar byed do/ /gos de dag kyang gyon nas ji srid du 'dod pa sdug pa yid du 'ong ba byas shing bsags pa'i las de zad par ma gyur pa de srid du de dag dang lhan cig du dga' bar byed dga' mgur spyod par byed do/ /de phyis lha'i 'jig rten de nas 'chi bar 'gyur te/ shi nas kyang las nye bar 'gro ba ji lta ba bzhin sems can dmyal ba dang yi dgas dang dud 'gro rnams kyi nang du skye bar 'gyur ro/ /gal te mi rnams dang skal ba mnyam par mi'i nang du skyes na las de dang rgyu 'thun par de rtag par shin du bde zhing bzhon pa dang bskyed mos tshal phun sum tshogs la skye bo kun dga' ba'i rgyal po 'am blon po chen por 'gyur ba mthong ngo / /de nas yang dge slong las kyi 'bras bu rnam par smin pa shes pa de sum bcu rtsa gsum pa'i lha rnams kyi gnas la rtog par byed de/ des thos pa las byung ba'i shes pas/ lha rnams kyi gnas nor bu'i snying po zhes bya ba ji ltar 'dug pa mthong ngo / /der sems can dag las gang gis skye bar 'gyur snyam nas des thos pa las byung ba'i shes pas brtags na/ skyes bu dge ba phan par 'dod pa gang gis srog gcod pa dang ma byin par len pa mi byed la gzhan byed pa yang phyir zlog par byed de dge ba'i lam la rab tu 'jog pa yin no/ /bdag nyid kyis srog gcod pa mi byed pa'i rnam pa du yod ce na/ 'di la sbrang bu'i sbrang rtsi dang bung ba'i sbrang rtsi dag las drod gsher las skye ba'i srin bu dag 'byung bar mthong nas/ de srog gcod pa'i 'jigs pas sbrang rtsi za bar mi byed cing gzhan za na yang phyir zlog par byed la/ rjes su yi rang bar mi byed 'di ni sdig pa'i yin no bar shes nas spong bar byed de/ de thabs kyis kun kyang 'dre bar mi byed la mig zur tsam gyis kyang lta bar mi byed de srog gcod pa dang bral ba'i rnam pa ni de dag yin no/ /ma byin par len pa dang bral ba ji lta bu yin zhe na/ 'di la sdom pa blangs pas mchod rten gyi gnas su sangs rgyas la</font><hr>64.174b<br><font size=+1>

mar me phul ba de'i 'od la yang bkru bar mi byed cing des bdag gi las mi byed/ de las snag tsha yang 'byin par mi byed la phra rab tsam la yang 'jigs par lta ba yin te/ de ltar srog gcod pa dang ma byin par len pa dag spangs pa yin no/ /yang srog gcod pa dang ma byin par len pa spangs pa ji lta bu yin zhe na/ 'di la sbrang bu 'am srog chags mar ko ta ka 'am nam mkha' la rgyu ba dag gsod par mi byed pa yin te/ de dag la 'phral la bsams nas gsod par mi byed la/ gzhan gyis bzung ba zhig yod na yang thar bar byed srog gcod pa byas pa nyes par byas pa'i 'bras bu 'chags par byed gzhan gyis srog gcod pa byas na/ sdig pa'i 'bras bu sems can dmyal ba chen po yang sos su 'grub kyis khyed ma byed cig ces 'doms pa yin te/ de ltar gzhan yang bzlog nas sdom pa la rab tu 'jog par byed de/ de ni sdig pa spangs pa yin no/ /bdag dang gzhan gyi rgyud tshul khrims la rab tu zhugs pa'i rgyun rab tu 'jug par 'gyur ba ni 'di la dgon par 'am lam du zhugs pa/ lam rgyags nyung yang srog la mi lta bar gzhan lam rgyags nyung ba 'am lam rgyags med pa sdug bsngal ba la srog yongs su btang nas rang gi kha zas bgo bshA byed pa de ni 'bras bu che ba yin no/ /zhing gi 'bras bu'i khyad par sems pa ni dus su phyin pa dang ldan pa yin te/ 'di ltar nad rnams kyi nang na bkres pa nad che ba yin no/ de la ma bltas par 'bras bu chen por yang dag par sbyor ba yin no/ /de ltar tshul khrims gnyi ga srung ba bdag dang / gzhan la phan par rab tu zhugs pa sems rnyog pa med pa drang po'i rang bzhin can sems can shin du mi dge ba phra rab tsam la yang 'jigs par lta ba de/ ma dang pha'i lus la nor bu dag gi rgyan 'dogs pa 'am sangs rgyas la nor bu dag gi rgyan 'bul ba'i mi de lus dang bral nas/ </font><hr>64.175a<br><font size=+1>

sum bcu rtsa gsum pa'i lha rnams kyi nang nor bu'i snying po'i sar skye bar 'gyur ro/ /der skyes nas kyang legs par byed pa'i las byas pa de shin du blta na sdug pa lha'i yul gyi bde ba byung ste/ 'di lta ste/ dge ba'i las kyi mtha' spyad pa de'i lus de thams cad gzi brjid 'byung la/ lus de las gzi brjid 'byung ba kun du dpag tshad lnga brgyar 'byung ngo / /dper na nyi ma shar ba na nyi mas ri gsal bar byed pa/ de ltar de'i gsal bas thams cad du snang bar byed la gnas gzhan thams cad kyang de'i rab tu gsal ba des de nas yang brgya 'gyur du rab tu gsal bar byed do/ /mdog sngon po dang / btsod ka dang / dmar po rnams kyis gsal bar byed do/ /dper na 'ja'i mdog mdzes par 'gyur ba de bas kyang lha'i rang gi lus las 'od byung ba brgya 'gyur gyis mdzes pa yin te/ dge ba'i las des mngon par bsgrubs pa'i lus kyi 'od byung bas lha'i tshogs thams cad zil gyis mnan nas rnam par mdzes so/ /ji ltar nyi ma'i 'od kyis gza' dang skar ma dang rgyu skar thams cad zil gyis mnan nas rnam par mdzes pa de bzhin du/ lha de 'od kyi phreng ba 'bar zhing de rang gi gzi brjid des 'bar ba na rang gi gnas de dag la rtog par byed do/ /gnas de yang kun nas nor bu rnam pa sna tshogs kyis nye bar spras shing sna tshogs su brgyan pa/ kun nas thams cad du rnam par mdzes pa yin te nyi ma brgya lta bur 'od 'byung ba yin no/ /des de dag mthong nas yid rab tu dga' bas phyogs gnyis pa la rtog par byed de/ de na lha mo gzugs bzang mo dang ldan pa rgyan dpe med pa thogs pa 'dod pa'i rgyu rnam pa sna tshogs skyed pa sten pa dag mthong ste/ 'di lta ste/ de dag gi nang nas kha cig ni rol mo'i rnam pa rdza rnga dang / gling bu dang / lcags kyi sil dkrol de dag la sten to/ /de dag gi nang nas gzhan kha cig ni lha mo</font><hr>64.175b<br><font size=+1>

rnams kyi nang du song nas bro rdung zhing glu len la me tog phreng bas mgul brgyan pa dag ngang pa rnams dang / lhan cig pad ma'i tshal rnams kyi nang du chu la rnam par rtse bar byed do/ /gzhan dag ni lha'i 'bras bu dag la za'o/ /gzhan dag ni dpag bsam gyi shing gi nang du dong nas me tog rnams 'thog par byed cing lha'i glu dbyangs dpe med pa dag kyang len te 'dod pa yang dag par skye bo kun gyi yid shin du mgu bar byed pa rnam pa du ma yod do/ /de der skyes te lha mo de dag mthong nas thog ma nyid du yul gyi mchog 'dod chags kyi sbrul gyi mche ba lta bu'i yul bde ba lngas mngon par zin pa/ stan de las langs nas gzhan du 'gro ste gang na lha mo na tshod dpe med pa dang ldan pa lha'i phreng ba dang / gos gyon pa de dag mthong nas de 'dod chags kyi mes yongs su gdungs pa'i yid kyis der 'gro bar byed la de dag kyang lha de ga la ba der 'dong bar byed do/ /de nas lha'i bu gzhan de 'chi ba na yongs su gtong bar byed de/ ji ltar bung ba dag gis me tog skam po bor nas sar pa'i drung du 'gro ba de ltar lha de 'chi ba na lha mo dag gis yongs su btang nas/ me tog sar pa lta bu'i lha'i bu gzhan gyi drung du 'gro bar byed la/ me tog sna tshogs kyi phreng ba thogs pa snying du sdug cing chags pa lha'i bu gzhon nu dang thams cad du 'dris pa/ thog ma med pa'i dus nas goms pa'i 'dod chags kyis nye bar spyod pas rtse bar byed do/ /lha'i bu de yang 'chi ba na rang gi lha mo de dag gzhan du dong ba mngon par mthong nas yid la gdung ba'i rnam pa de lta bus shin du gdungs te/ ji ltar sems can dmyal ba mnar med pa'i mes mnar med pa'i lus bsregs pa de ltar de'i sdug pa gzhan du dong bar gyur pa'i yid la 'chi ba'i sdug bsngal gyis yid shin du gdungs pas shin du</font><hr>64.176a<br><font size=+1>

gdungs te/ sum bcu rtsa gsum gyi gnas nas lha'i bu 'chi ba na phrag dog dang / ser sna'i yid sdug bsngal ba des mngon par nyams pa de 'chi ba'i dus byed do/ /de srid pa phyi mar sems shin du gdungs pa de la dmigs pa'i nye bar len pa'i rkyen gyi srid pas sems rnyog pa can du byas pa de/ de las gzhan yang mi mthong ste/ de de nas shi nas yang sems can dmyal ba dang yi dgas dang / dud 'gro rnams kyi nang du skye bar 'gyur ro/ /de'i rgyu 'thun pa'i 'bras bu gang zhig yin zhe na gang gis gzhan gyi bud med la sdom pa ma bzung ba yin te byi ba byas pa yin no/ /de gal te dge ba'i las gzhan gyis lha rnams kyi nang du skyes kyang 'chi ba'i dus de'i tshe/ de la gzhan gyi chung ma phrogs pa'i sdig pa'i las kyi rkyen 'byung ngo / /de ltar legs par byas pa'i nang na nyes par byas pa yang de ltar smin par 'gyur te/ de lta bas na nyes par byed pa chung ngu yang mi bya'o/ /ji ltar lha rnams 'chi ba na tshul khrims rnam pa bdun ma ral pa'i rgyu 'thun pa'i 'bras bu mi 'byung ba de ltar 'thab bral ba rnams kyi yang yin te/ de ni rgya cher phyis 'chad do/ /de nas lha'i bu shi ba de'i lha'i bu mo de dag lha'i bu gsar du byung ba de ga la ba der lha'i phreng ba mdog bzang po/ dri dang reg pa ma rnyings pa de dag blangs nas lha'i bu de'i lus la 'dogs par byed do/ /lha'i bu de yang thog ma skyes ma thag tu dga' yid rab tu dga' ste/ lha'i bu mo de dag gi drung du 'gro bar byed do/ /de nas lha'i bu de lha'i bu mo de dag dang / phan tshun snying shin du dga' ba rnams tshal dang / nye ba'i tshal ga la ba der 'dong bar byed do/ /de lha'i ris de na chu rnyog pa med pa'i nang na pad ma bai dUr+ya'i mdog la 'dab ma gser dang snying po rdo rjer skyes pa</font><hr>64.176b<br><font size=+1>

dag la bung ba 'bum snyed kyis yongs su bskor ba yin te/ bung ba de dag kyang kha cig gi lus bai dUr+ya la sgro gser du 'dug pa dang / kha cig gi lus gser la sgro dngul du 'dug pa dang kha cig gi lus 'dres pa dang / kha cig gi lus byi ru la sgro ke ke rur 'dug pa yin te/ de dag rtag tu 'dam nas skyes pa'i pad ma ma rnyis pa dag gi nang na rtse bar byed dga' mgur spyod par byed do/ /de ltar lha mo rnams sgra snyan pa des glu dbyangs shin du len cing / pheg rdob par byed pa de bzhin du bung ba pad ma'i gsab gseb du dong ba de rnams sgra 'byin par byed do/ /de nas lha'i bu de lha mo de rnams dang lhan cig rdzing de dag gi nang du 'jug ste/ de chu la rtse bar byed cing / rgod rtse dga' dga' mgur spyod par byed do/ /de ltar de rnams kyis shin du yun ring bar rtse ba nye bar sbyar nas tshal gser gyi shing ljon pa'i phreng ba zhes bya ba shing ljon pa gnyis kyis khebs pa ga la ba der dong bar byed la glu dbyangs dang / sil snyan dang rol mo'i sgra sna tshogs dang ldan pa gser btso ma'i ri bo rin po che'i rtse mo bzang po la rtog ste/ rtse mo dang ldan pa de dag la lha'i tshogs du ma dang lha mo gzhan dag dang lhan cig rtse zhing lta bar byed do/ /lha'i rang gi pad ma'i tshal dang / me tog ud pa la'i tshal dri rnam pa sna tshogs dang / lha'i dri phun sum tshogs pa rnams kyi nang na lha'i phreng ba dang gos dar gyon pa 'dzam bu chu bo'i gser btso mas brgyan pa'i lha dang lha mo gzhan de dag dang lhan cig sil snyan yan lag lnga dang ldan pa nye bar len cing rtse bar byed do/ /gzhan dag ni bya ngang pa dang ka raN Da ba sgra snyan par 'byin cing rma bya dang ngang pa sbrengs pa'i nang du zhugs nas rtse bar byed do/ /de nas yang lha'i tshogs nam mkha'i gzhal med khang na 'khod pa gzhan dag nam mkha' la lha mo'i tshogs dang lhan cig rtse bar byed do/ /nam mkha' la sgron ma lta bur gyur pa lha'i rol mo la blo shin du</font><hr>64.177a<br><font size=+1>

chags pa rnams me tog gi char mngon par 'bebs shing sil snyan yan lag lnga dang ldan pa nye bar len pa na lha'i bde ba dag rjes su myong bar byed do/ /de nas yang lha'i tshogs gzhan dag phan tshun grogs su gyur pa chang zhim po dag 'thung zhing phan tshun dga' la 'thun pa'i tshig gis 'dum pa dag mthong ngo / /de nas yang lha'i tshogs rang gi las dang rgyu 'thun pa'i bdud rtsi mdog dang / ro dang dri dang / bde ba phun sum tshogs pa dag za ba mthong ngo / /de nas yang lha gzhan dag rin po che sna bdun gyi lha'i shing ljon pa dag las rin po che sna bdun gyi me tog dag 'thog cing bdag nyid la 'ching ba dag mthong ngo / /de nas yang lha'i tshogs gzhan dag lha'i 'bras bu lag na thogs te phan tshun 'phen zhing za ba dag mthong ngo / /de nas yang lha'i tshogs gzhan dag lha'i ngang pa rin po che sna bdun gyi sgro gshog brkyang ba'i steng du zhon nas nam mkha' la 'gro ba na phan tshun lus la gnod pa med do/ /de nas yang lha gzhan dag cong dang rnga dang sil dkrol dang gling bu dag dang yang dag par rab tu ldan pa'i rol mo byed pa na lha mo rnams lha de rnams kyi mdun na bro gar byed de de dag dang lhan cig rtse zhing lhan cig dga' ba dang lha'i pad ma rnams kyis phan tshun rdeg pa na 'dod pa la zhen pa de yongs su rgod la 'dod pa sten cing smra ba dag mthong ngo / /de ltar lha'i bu gsar du skyes pa de lha'i 'jig rten sna tshogs kyis sprul pa de mthong ste/ yid la sems pa dag gi mig gzugs sna tshogs lta ba la ngoms pa mi skye/ bdag gi rna ba sgra rnam pa sna tshogs du ma la nyan pa la ngoms pa mi skye ba dag gi sna dri rnam pa sna tshogs pa sno ba la ngoms pa mi skye/ bdag gi lce ro phun sum tshogs pa ro myang bar bya ba drug la ngoms pa mi skye/ bdag gi lus bgo ba'i reg pa dang rgyan dang byug pa'i reg pa ste/ reg pa rnam pa sna tshogs dag la ngoms pa mi skye/ </font><hr>64.177b<br><font size=+1>

bdag gi yid sdug pa sna tshogs yid du 'ong ba'i chos byung ba thams cad la ngoms pa skye ba med pa de ni bdag yin te/ kun nas bde ba la chags pa bde ba myong bar bya'o snyam mo/ /de ltar rjes su bsams pa de phan tshun shin du nyams dga' ba mtho ris dang 'thun pa sna tshogs dag gi yul dang yul dag la nye bar sten par byed do/ /sred pa'i tshogs drug la rnam par chags pa de kun nas sred pa'i mes yongs su bskor nas sreg par byed de dper na sos ka rab tu tsha ba'i nyi ma'i gung la mi zhig mya ngam gyi nang du zhugs te/ mya ngan gyi nang du zhugs pa de'i mya ngan kun nas rtswa dang 'dab ma dang lo ma dang shing ljon pa'i yal ga 'phyang ba dang tshal dang ri khrod kyi tshal skam po dang brag dang ri sul der mi gang zhig gis me btang ngo / /de nas mi de kun nas tshal gyi me des yongs su bskor ba skom gyis gdungs te/ gar bab bab tu 'bros so/ /de nas gang dang gang du 'bros pa de dang de nyid du me'i phung po rab tu tsha ba/ tshal gyi shing sreg par byed pa kun nas shin du 'bar ba yin te/ de ltar shin du 'bar bar byas pas tshal gyi shing thams cad sreg par byed do/ /de nas mi de lam gang dang gang du 'gro ba de dang / de nyid du kun nas rab tu 'bar ba mthong ste/ de me de'i nang du song nas sreg par byed kyang 'bros par mi nus la/ de ltar me'i nang du song ba de thul gyis tshig par 'gyur ba de bzhin du byis pa so so'i skye bo las kyi me thams cad rtsa dang yal ga dang lo ma dang / mdab ma skam po la sreg pa'i tshal gyi me lta bu'i sred pa'i mya ngam gyi nang du rab tu 'jug par byed do/ /de nas de sred pa lta bu'i bag la nyal gyi kun du sbyor ba'i stobs rab tu che ba/ rnam par rtog pa rlung lta bus bskyod pa'i 'jig rten pa'i bsam gtan thob pa thams cad shing dang tshal dang lcug ma 'phyang ba</font><hr>64.178a<br><font size=+1>

skam po dang ri khrod lta bu yin te/ de yang de ltar sred pa me lta bus nges par sreg par byed do/ /kun nas rab tu 'bar zhes bya ba ni kun nas sred pa'i tshogs drug rab tu 'bar ba yin no/ /gar bab bab tu 'bros shes bya ba ni/ gang dang gang du dbang po shin du chags pa'i sems yul la rjes su sten par byed pa de/ de nyid du yul la sred pa'i me lta bus sreg par byed la shin du rnam par rtog pa'i yul rlung lta bus g.yengs pa yin no/ /de de nyid du yul la sred pa'i mes sreg pa na lha dag kun du 'jigs par 'gyur te/ de ni me tha mal pa la sreg par bya ba'i dper bya ba yin no/ /de ltar lha de lha'i gnas de na legs par byas pa'i rnam pa 'bum snyed dag la nye bar spyod pa yin te ji srid du 'dod pa sdug pa yid du 'ong ba byas shing bsags pa'i las de zad par ma gyur pa de srid du dga' bar byed do/ /de phyis lha'i ris de nas 'chi bar 'gyur te/ shi nas kyang las nye bar 'gro ba ji lta ba bzhin/ sems can dmyal ba dang / yi dgas dang dud 'gro rnams kyi nang du skye bar 'gyur ro/ /gal te mi dang so so yang dag par myong bar 'gyur ba'i las kyis mi rnams dang skal ba mnyam par mi'i nang du skyes na las de dang rgyu 'thun par de rin po che'i sa gzhi dag la rin po che kun gyis brgyan pa'i khang pa phun sum tshogs pa thams cad tu rgyal po 'am blon po chen por skye bar 'gyur te/ rtag tu rab tu bde ba dang ldan par 'gyur/ rgyal po dga' ba dang skye bo kun dga' ba dang bu dang nor dang 'bru phun sum tshogs par 'gyur ba mthong ngo / /de nas yang dge slong las kyi 'bras bu rnam par smin pa shes pa de sum bcu rtsa gsum pa'i lha rnams kyi gnas la rtog par byed de/ des thos pa las byung ba'i shes pas lha rnams kyi gnas kun du gsal bar spyod pa zhes</font><hr>64.178b<br><font size=+1>

bya ba ji ltar 'dug pa mthong ngo / /der sems can dag las gang gis skye bar 'gyur snyam nas des thos pa las byung ba'i shes pas brtags na skyes bu dam pa dge ba spyod pa gang gis srog gcod pa dang ma byin par len pa mi bde la rjes su yi rang bar mi byed gzhan gyis byas na yang phyir zlog par byed cing smod par byed do/ /nyes par byas pa srog gcod pa'i las kyi 'bras bu'i rnam par smin pa yang dag par ston pa rnam pa du ma yod ce na/ 'di la lo ma sngon po 'am/ chu dag gi nang na srin bu shin du phra mo yang mthong nas za bar mi byed la chu la yang 'thung bar mi byed do/ yongs su 'tshag par byed de btsags nas kyang chu'i nang nas byung ba'i srin bu de dag sa skam po'i steng du chu tshags de sprug par mi byed kyi/ srin bu de dag gi srog chad par mi 'gyur ba'i chu'i gnas gang yin pa de nyid du srin bu de dag 'jog par byed do/ /yang des shin du 'tsho bar byed de gzhan dag kyang de bzhin du byed du 'jug cing / dge ba'i lam la gnas par byed la rab tu 'jog par byed do/ /ma byin par len pa spangs pa ji lta bu yin rnam pa du yod ce na/ 'di la bu ram shing gi tshal lam 'bra go 'am 'bras bu ma du lung ka 'am tA ma pu ra ka 'am pa na sa 'am nA Di ke ra 'am chu shing gi 'bras bu gzhan gyis yongs su bzung ba rnams la rku sems kyis rang gi skyed shing du bya ba 'am kun dga' ra ba nyams dga' bar bya ba 'am longs spyad pa dga' bar bya ba 'am chags pa'i rgyu 'am tshong pa'i khe spogs bya bar bsams nas sa bon 'bru gcig tsam yang len par mi byed la/ gzhan byed pa yang phyir zlog par byed/ de bzhin du byed du 'jug cing / dge ba'i lam la yang rab tu 'jog par byed pa yin te/ de bdag la phan zhing gzhan la phan par byed pa/ tshul khrims srung ba spangs pa yang dag par blangs pa yin no/ /yang srog gcod pa dang ma byin par len pa dag las tshul khrims tshol zhing tshul</font><hr>64.179a<br><font size=+1>

khrims la rab tu gnas pa ji lta bu yin zhe na/ 'di la srin bus bslang ba'i nad mi bzad pa chen pos thebs te/ srog chad du dogs kyang srin bu rnams gsad par mi bya'o snyam nas srin bu gsad pa'i sman sbyor bar mi byed cing gzhan yang byed du mi 'jug la de ltar srog chad du dogs kyang srin bu gsod par mi byed pa yin te/ 'di ni bdag dang gzhan la phan par sbyor ba yin no/ /ma byin par len pa spangs pa ji lta bu yin zhe na/ 'di la ma byin par len pa shin du phra mo yang mi len pa yin no/ /sbyin pa yang sbyin par byed de rnam pa du yod ce na/ 'di la bdag nyid kyi nad rab tu zhi bar bya ba'i phyir sman sbyar ba de gzhan mthong ngam thos nas bdag nyid kyis sman sbyar ba de bdag gir ma byas kyang rung 'di ltar de bde bar gyur cig snyam nas gzhan la sbyin par byed de/ sbyin bdag dam pa mya ngan las 'das pa'i mthar thug pa'i sbyin pa sbyin pa de/ lus dang bral nas bde 'gro mtho ris kyi 'jig rten sum bcu rtsa gsum pa'i lha rnams kyi nang kun du gsal bar spyod pa zhes bya ba'i gnas der skye bar 'gyur ro/ /der skyes nas kyang de'i legs par byas pa'i las des/ gnas de yang rin po che thams cad kyi 'od kyis kun du gsal ba bzhin du rnam par mdzes pa yin no/ /de der skyes pa dang shin du rgya che ba dang ldan pa'i lha mo rnams kyis mngon par mchod nas/ tshal sil snyan rnam pa sna tshogs kyi sgra dang ldan pa'i 'khor zhes bya ba der 'dong bar byed do/ /bya dang shing ljon pas brgyan pa zhes bya ba'i tshal de yang de rnams kyis nye bar brgyan pa yin no/ /bya de rnams kyi mthu ni 'di lta bu yin te/ bya de gang dang gang du nam mkha' la 'gro ba de dang der shing de dag kyang bya de rnams kyi mthus nam mkha' la 'gro'o/ /lha gang dag shing ljon pa la</font><hr>64.179b<br><font size=+1>

gnas pa'i shing de dag kyang de bzhin du nam mkha' la 'gro'o/ /gnas de na shing la gnas pa rnams kyi pad ma'i rdzing dag 'byung bar 'gyur te/ pad ma sna tshogs gser gyis brgyan pa/ 'dab ma bai dUr+ya sdong bu gser la/ gze ba dngul yin te/ pad ma de dag lha mo rnams 'dzegs nas snying po la 'khod cing glu dbyangs len no/ /glu dbyangs len pa na dge ba'i las des pad ma de dag gi bar bar nas chang zhim po dag 'byung bar 'gyur la/ de yang dga' 'bab ces bya ba yin te/ de dag la de rnams 'thung bar byed do/ /de bzhin du pad ma'i snying po la 'khod pa'i lha'i bu de dag thams cad mngon par glu dbyangs len cing dga' mgur spyod pa na 'thung bar byed de/ de ltar pad ma'i gsab gseb na 'khod pa bde ba de lha mo rnams kyis yongs su bskor cing yun ring du chang zhim po dag la 'thung bar byed do/ /yun ring du bde ba nye bar spyad nas nam mkha' de las 'babs par byed de/ de ltar bya de dag dang 'di ltar lha mo'i tshogs kyis lhan cig bskor ba me tog ku ba la ya'i khyim zhes bya ba der 'dong bar byed do/ /khyim de yang me tog ku ba la ya las byas pa/ kun nas rgyar dpag tshad brgya phrag stong yod de 'dab ma re re la lha mo sna tshogs sil snyan yan lag lnga dang ldan pa glu len zhing bro rdung bar byed do/ /gal te me tog ku ba la ya'i 'dab ma sngon po'i 'od des kun nas thams cad tu sngon por 'gyur la gal te 'dab ma gzhan dmar na de de ltar me tog ku ba la ya'i 'dab ma dmar po des kha dog sna tshogs kyis brgyan pa gzhan gang yin pa de dag kyang dmar po de'i mthus de bzhin du dmar por 'gyur ro/ /ud pa la dmar po dang / rtsa ba dang snying po las byung ba'i stobs kyis ze ba'i nang na snying po yod pa gang yin pa de dag la las bya bas</font><hr>64.180a<br><font size=+1>

legs par byas pa'i lha mo rnam pa sna tshogs kyis yongs su bskor te gnas so/ /ze ba'i khri de rnams kyi steng na/ lha mo'i lag pa na pad ma sna tshogs thogs pa dag /lha'i bu dang lhan cig glu dbyangs len bro gar byed rtsed mo byed/ dga' mgur spyod par byed do/ /der yang yun ring du rtses nas/ 'dab ma las byas pa'i khyim du 'jug par byed de/ des chu klung yid 'ong lta zhes bya ba shin du nyams dga' zhing 'gram gnyi ga shing ljon pas yongs su bskor ba mthong ngo / /chu klung de yang shin du nyams dga' ba yin la/ dga' ba 'di lta bu yin te/ 'di lta ste 'gram gnyi ga shing ljon pa rnam pa sna tshogs kyis shin du rnam par phye ba yal ga dang lcug ma rnam pa sna tshogs kyis shin du rnam par phye ba lo ma rnams kyi bar bar na/ bya gnas pa sgro dang mchu sdug la sgra snyan cing 'jebs pa 'byin pa/ bde ba rnam pa du ma yid du 'ong ba'i bya rnams kyis 'gram mtha' dag brgyan pa yin no/ /yid la zas sam skom nas rnam pa gzhan cung zad yid du 'thad pa'i bar gang dang gang bsams pa de dang de nyid chu bo de las rab tu 'byung ngo / /de nas yang chu bo shin du nyams dga' ba de las rnam pa gzhan 'byung ba ni 'di lta ste/ mtha' gnyi ga na lha mo cha byad dang gzugs sna tshogs dang ldan pa lag na rol mo'i sgra rnam pa sna tshogs thogs shing glu dbyangs len bro gar byed rtsed mo byed de phan tshun 'dres pa yin no/ /'di ltar yang yid du 'thad pa 'ba' shig yod la dga' ba'i rnam pa de lta bu dang ldan pa de chu bo'i nang du 'jug par byed de lha'i bu las spyod pa legs par byas pa des de dag kyang mthong ngo / /de nas yang lha'i bu mo yid rab tu dga' ba de rnams bro gar byed glu dbyangs len rgod par byed cing / rol mo'i sgra sna tshogs dag kyang 'byin par byed do/ /lha mo yid</font><hr>64.180b<br><font size=+1>

rab tu dga' ba de dag kyang lha'i rol mo sil snyan yan lag lnga dang ldan pa dag thogs nas lha las spyod pa legs par byas pa ga la ba der 'dong bar byed do/ /lha des lha de dag dang lha mo gzhon nu na tshod dang ldan zhing cha byad dang rgyan thogs pa/ shin du dga' bar byed pa dag mthong nas/ de nas yang dga' ba'i 'dod chags brgya 'gyur gyis skyed pa na/ lha mo gzhan de dag dang lhan cig lha mo de dag ga la ba der rgyug par byed do/ /de nas chu bo'i 'gram gyi lha mo gang yin pa de dag dang me tog ku ba la ya'i khyim nas byung ba gang yin pa de dag phan tshun 'dres shing phan tshun nyams dga' ba'i sgra 'byin par byed do/ /lha'i tshogs gang yin pa de dag thams cad rin po che'i ri rab kyi rtse mo rnams su lha'i rol mo'i sgras 'gengs par byed do/ /rnam pa de lta bu'i yid du 'ong ba'i sgra de dag thos nas lha gzhan dag rtse mo gzhan dag tu lha mo'i tshogs dang lhan cig rtse bar byed do/ /de dag gis kyang sgra de thos nas dga' ba nyid yid la byas te rings par chu bo'i 'gram yid du 'ong ba de dag ga la ba der 'dong bar byed do/ /lha dang lha mo'i tshogs phan tshun 'dres pa de dag 'thab pa dang phrag dog dang rgyags pa rnams kyis skyo ba med cing / phan tshun grogs su gyur la gnod pa med pa dag glu len zhing rgod par byed do/ /phan tshun gzhan dag ni chang zhim po 'drim par byed cing 'thun bar byed la/ lha dang lha mo'i tshogs gzhan dag kyang bdud rtsi la za bar byed do/ /de ltar yun ring du rtse ba la zhugs pa de dag de nas yang chu bo'i 'gram de nas rgyags pa la gnas pa'i lha rtse zhing 'gying bar 'gro ba dag tshal dang nye ba'i tshal de rnams ga la ba der 'dong bar byed do/ /bde ba 'bum phrag de lta bu dang ldan pa'i lha rnams ji srid du 'dod pa sdug pa yid du 'ong ba'i las byas shing bsags pa de zad par ma gyur pa de srid du nye</font><hr>64.181a<br><font size=+1>

bar spyod par byed do/ /de phyis lha'i 'jig rten de nas 'chi bar 'gyur te/ shi nas kyang las nye bar 'gro ba ji lta ba bzhin sems can dmyal ba dang yi dgas dang dud 'gro rnams kyi nang du skye bar 'gyur ro/ /gal te brgya la mi dang so so yang dag par myong bar 'gyur ba'i las kyis mi rnams kyi nang du skyes na las de dang rgyu 'thun par de rtag tu bde ba dang ldan zhing khrus dang byug pa dang rgyan la dga' bar 'gyur/ rtag tu pad ma dang me tog ku mu da dang ko ka na da dang ku ba la ya la dga' bar 'gyur/ drang zhing drang po'i rang bzhin can mkhas pa chos dang ldan pa la dga' ba rgyal po 'am blon po chen po 'am khyim bdag gam yul gyi spyan nam ded dpon chen po 'am tshong pa thams cad kyi gtso bor 'gyur bar mthong ngo / /de nas yang dge slong las kyi 'bras bu rnam par smin pa shes pa de sum bcu rtsa gsum pa'i lha rnams kyi gnas la rtog par byed de/ des thos pa las byung ba'i shes pas/ lha rnams kyi gnas gser gyi rna phug gi khang pa zhes bya ba ji ltar 'dug pa mthong ngo / /der sems can dag las gang gis skye bar 'gyur snyam nas/ des thos pa las byung ba'i shes pa 'am lha'i mig gis brtags na/ skyes bu dge ba tshul khrims dang ldan par gyur pa gang gis srog gcod pa dang ma byin par len pa dag spangs pa yin te/ rnam pa du spangs pa ji lta bu yin zhe na/ dgra bdag gi srog gcod par byed pa 'am/ bu bsad pa 'am chung ma phrogs pa g.yul gyi nang du zhugs pa la yongs su skyob par byed cing rdeg par yang mi byed/ gzhan pha rol dag gis dgra bzung yang yongs su skyob par byed cing tshig snyan par smra la/ nor rdzas dag byin nas thar bar byed/ phyir zhing phan pa nyid byed/ de ltar mi ngan pa de yang g.yul gyi nang du</font><hr>64.181b<br><font size=+1>

zhugs pa thar bar byas nas/ snga ma bzhin yang dang yang du 'chi bar 'gyur ba srog byin zhing mi dga' bar mi byed do/ /sdom pa blangs pa las kyi 'bras bu la 'jigs pa des/ dgra'i steng du mtshon cha bsags pa 'bab pa las srung bar byed cing / srog gcod pa'i 'jigs pas 'debs par mi byed/ bdag nyid kyi srog kyang yongs su gtong la 'debs par mi byed pa yin te/ rnam pa de dag ni srog gcod pa dang bral ba yin no/ /ma byin par len pa spangs pa ji lta bu rnam pa du zhig rnam pa ni ji lta bu yin zhe na/ 'di la sdom pa blangs pa kha na ma tho ba rdul phran tsam la yang 'jigs par lta zhing las dang las kyi 'bras bu la 'jigs skrag pa de sdig pa rnams mi byed/ bsod nams ma yin pa dag la mi bsten/ las spyod pa 'os pa ma yin pa'i gnas dag mi byed pa'i skyes bu dam pa de ni ma byin par len pa spangs pa yin no/ /'di la sdom pa blangs pa rdul phran tsam la yang 'jigs par lta bar gyur pas gtsug lag khang du 'gro 'am nye ba'i tshal du slob du 'gro 'am chu'i don du 'gro ba'i phyir gzhan dag gi g.yul 'gyed pa'i lham 'am rtswa las byas pa 'am grong mi 'am sred las byas pa 'am/ sba las byas pa gzhan gyis ma gnang bar mi spyod cing / gang de dag bslab pa'i gzhi las 'da' ba'i 'jigs pas nyin mo 'am mtshan mor rku sems kyis mi rku ba yin te/ rnam pa de dag ni srog gcod pa dang ma byin par len pa dag dang bral ba yin no/ /tshul khrims la rab tu bzhag pa ji lta bu yin zhig gu snyam na/ 'di la mi dge ba mi 'dod pa mi sdug pa yid du mi 'ong ba sdig pa'i chos rnams spangs pa yin te/ rnyog pa med pa spangs pa dang ldan pa legs par 'phel ba slu ba med pa'i tshul khrims srung ba yin no/ /tshul khrims</font><hr>64.182a<br><font size=+1>

de ni mtho ris su skye bar nges pa yin la/ mya ngan las 'das pa'i mthar thug par 'gyur te/ 'dod na byang chub gsum gyi so so yang dag par myong ba mya ngan las 'das pa'i mthar thug par 'gyur ro// //'phags pa dam pa'i chos dran pa nye bar gzhag pa/ bam po sum bcu lnga pa/ gzhan yang 'di la gal te nags kyi nang du 'gron por song ba 'am lam gol bar zhugs sam grogs dang bcas pa 'am grogs med par song ba dang sha rjen pa za ba ltogs pa dag ltogs pa'i mthus rang gi bu btsas pa dag la za bar byed pa mthong ba dang / 'di ltar sha rjen za ba 'di rang gi bu la za bar ma gyur cig /bkres pas nyen pa 'di srog yongs su gtong bar ma gyur cig /bdag gi sha dag gis 'di tshim par gyur cig snyam nas de'i drung du zar gzhug pa'i phyir song ste/ de bdag nyid kyi lus gtong bar byed pa sems can la snying rje zhing mkhas pa ma dang bu'i srog sbyin par byed pa de ni tshul khrims la rab tu zhugs pa yin no/ /sbyin pa la rab tu zhugs pa ji lta bu yin zhe na/ 'di la dbul por gyur cing tshegs chen pos 'tsho bar byed pa chos dang ldan pa sdom pa blangs pa kha na ma tho ba rdul phran tsam yang mi skyed pa de gal te 'gog pa las langs pa'i dge slong der 'ongs nas bslangs pa dang de sems pa dang ldan par gyur nas/ de'i bu dang chung ma'i zas su sbyar ba nyung ngu gang yin pa de dag 'gog pa las langs pa'i dge slong de la 'bul bar byed cing bdag nyid kyang nyin mtshan du mi za 'am nyung ngu za la lhag ma la yang sems par byed gzhan dag kyang de ltar srog gcod pa dang ma byin par len pa dag las phyir zlog par byed/ dge ba'i lam la rab tu 'jog par byed pa na yang shin du rjes su yi rang bar byed cing rab tu spro bar byed dge ba'i las de nyid la rab tu</font><hr>64.182b<br><font size=+1>

'jog par byed/ de nas yang rab tu gzeng stod par byed skyes su dge ba bdag nyid la phan pa byed pa ni lus dang bral nas bde 'gro mtho ris kyi 'jig rten sum bcu rtsa gsum pa'i lha rnams kyi nang du dri tsam zhig gis gser gyi yon tan gyi khyim gyi gnas su skye bar 'gyur ro/ /der skyes nas kyang las bya ba legs par byas pa de gser gyi khyim gyi gnas su skyes nas bde ba yang dag par myong bar 'gyur ba 'dod pa'i bde ba nges par myong bar 'gyur ro/ /gnas de na gser las byas pa'i khyim rin po che thams cad kyi 'od kyis brgyan pa yod de phug de ni 'od nyid yin no/ /khyim zhes bya ba'i phug ni 'di yin te der brgya byin yang 'ongs nas ngo mtshar skyes te brgya 'gyur du rtse bar byed cing / 'di ltar tshigs su bcad de yang smras pa/ kye ma dge ba sngon byas pa'i/ /yang dang yang du bde ba dag /sngon byas rjes su ldan pa'i rgyu/ /mtho ris rnams su lha spyod do/ /sngar ni rta gnyis ldan pa yi/ /shing rta yon tan de bzhin gnyis/ /ye shes lcag dang ldan pa yis/ /shing rta nyi ma bzhin du gsal/ /tshul khrims ldan zhing snying rjer ldan/ /'byung po kun la snying brtse zhing / /ma lta bur ni phan byed pa/ /lha yi gnas su rab tu 'gro/ /'di ltar snying rje tshol ba'i mi/ /'byung po kun la phan dga' ba/ /de la rten pa'i mi dag ni/ /sum bcu rtsa gsum gnas su 'gro/ /rtag tu dul zhing snying rjer ldan/ /'byung po kun la phan dga' ba/ /de ni mchod pa'i gnas 'gyur zhing / /'jig rten pha rol mtho ris dga'/ /snying rjer ldan pa'i mi dag ni/ /zla ba lta bur mdzes 'gyur zhing / /mi de rtag tu lha 'dra la/ /lha rnams kyis ni 'dud par byed/ /'byung po kun gyi gnas gyur pa/ /mya ngan bral zhing nyon mongs bral/ /de ltar bde ba 'dod pa yis/ /</font><hr>64.183a<br><font size=+1>

rab tu dang bas snying rje bsten/ /de nas de ltar brgya byin gyis tshigs su bcad pa dag smras nas phug de na stan gyi mchog gser las byas pa rin po che sna bdun 'od rab tu 'bar ba/ steng du gding ba stan khra bo dang ldan pa rdo 'jam pa gshis su bab pa dbyibs dang cha byad sna tshogs dang ldan pa de dag gi steng du 'dug ste/ lha'i rgyal po brgya byin de lha'i tshogs rnams dang lhan cig 'khod do/ /lha rnams dang lhan cig 'khod nas lha mo'i tshogs kyis yongs su bskor cing gzugs dang cha byad sna tshogs dang ldan pa'i lha mo rnams dang lhan cig yun ring du rtse bar byed yongs su spyod par byed do/ /de ltar yun ring zhig lon pa dang phug de dag nas byung ste/ lha sna tshogs brgya snyed kyis yongs su bskor nas kun dga' ra ba'i skyed mos tshal zhes bya ba ga la ba der 'dong bar byed do/ /de ltar sil snyan dang rol mo'i sgra sna tshogs 'byin pa'i lha'i tshogs mthu che ba rnams phyi bzhin 'brang zhing 'dong ba na des kun dga' ra ba'i bskyed mos tshal shing ljon pa 'bum phrag du ma gsal ba/ gser dang / bai dUr+ya'i shing ljon pa'i 'od kyi phreng ba 'bar ba rnams kyis kun nas mdzes par 'dug pa de dag rgyang ring po nas mthong ngo / /bskyed mos tshal dang tshal rnam pa sna tshogs kyis brgyan pa de dper bya bar mi nus kyang / cung zad cig dper bya na ji ltar nyi ma bdun shar ba'i 'od zer 'byung ba ltar/ bskyed mos tshal de'i 'od kyang de lta bu yin te/ 'od sna tshogs de dag 'byung ba ni 'di lta ste/ kha dog sngon po dang / ser po dang btsod ka dang dkar po ste/ 'od kha cig ni 'dres pa yin no/ /des tshal de dag dang bskyed mos tshal de kun nas rab tu 'bar ba lta bur rnam par mdzes te/ 'od kyi kha dog sna tshogs rnams kyis 'khor</font><hr>64.183b<br><font size=+1>

gsal bar byas shing brgyan pa de yang lha'i rgyal po brgya byin gyis mthong nas lha rnams la smras pa/ 'di ltar kun dga' ra ba'i bskyed mos tshal dang nye ba'i tshal brgyan pa la lha khyed kun ltos shig /'di dag kun mthong lags so zhes smras so/ /'dir sngon brgya byin gyi stan gyi phyed la 'khor los sgyur ba'i rgyal po gling bzhi la dbang bar 'dug ste/ lha mo'i tshogs kyis yongs su bskor nas rtses so/ /lha'i 'jig rten gnyis la dbang ba lo 'bum phrag bye ba du mar spyad kyang tshim pa med de/ dus de zad nas las kyi mtha' spyad pa legs par byas pa tshal der gnas pa de'i bzang ba gang yin pa dang brjid pa gang yin pa de srid du rab tu mthu che bar gyur to/ /de ltar lha kun nyon cig /sngon gyi dus na rgyal po nga las nu zhes bya ba zhig byung ste/ de mi'i gnas bzhi rnams la 'chad pa med cing mtshon gyis brdab med par bka' stsol bar byed do/ /de sngon las legs par byas pa rnams kyis 'dod pa dag la tshim pa med cing / de lha'i yul 'dir 'ong bar byed do/ /de 'ong ba na rang gi lus las 'od 'byung bas/ ri'i rgyal po ri rab 'di bcu 'gyur du 'od dang ldan par gyur to/ /lha thams cad kyang zil gyis mnan nas 'od kyi nang du 'dus te/ de'i tshe rgyal po de rgyal chen bzhi pa'i lha rnams kyis mngon par mthong nas/ mchod yon dang rkang pa bkru ba dag thogs nas dong ste/ rgyal po chen po tshur gshegs bdag cag ni khyod kyi slad du mchis pa lags te/ bdag cag gi mchod yon khyod la 'os pa lags so/ /des lha rnams kyi nang du mchod yon blangs nas de nas yang sum bcu rtsa gsum pa'i lha rnams kyi nang du 'gro bar byed do/ /'od des sum bcu rtsa gsum gyi 'od kun med par byas te/ de ltar de gcig pu mi rnams kyi nang na nyi ma ltar</font><hr>64.184a<br><font size=+1>

rnam par mdzes pa de bzhin du de lha'i ris 'dir yang rnam par mdzes pa yin no/ /de ltar lha de dag gi 'od med par byas pa 'jig rten skyong ba bzhi rnams kyis mngon par mthong nas/ lha rtabs pa de rnams la smras pa/ 'di ltar rgyal po nga las nu de sum bcu rtsa gsum du 'ong ste/ 'od 'di ni 'khor los sgyur ba de'i shing rta dang 'khor lo dang lus kyi gzi brjid yin gyi/ 'od 'di ni lha ma yin rnams kyi ma yin la/ sa la rgyu ba gang gi yang ma yin te brtabs pas chog chog /rgyal po de ni chos dang ldan zhing chos kyi rjes su 'jug pa bzhin no/ /de dag la de skad smras pa dang / rgyal po de sum bcu rtsa gsum du 'ongs so/ /de'i tshe brgya byin kun dga' ra ba'i bskyed mos tshal na rtse bar byed dga' mgur spyod par byed do/ /de nas brgya byin gyis rgyal po de mthong nas khyod 'dir byon pa stan gyi phyed 'di lags so zhes stan gyi phyed bstabs so/ /de nas lha'i dbang po brgya byin de dang lhan cig stan phyed phyed la 'khod do/ /'dod pa'i yon tan lnga 'byor cing ldan par gyur pa rnams kyis yun ring du 'khod do/ /de legs par byas pa'i las zad na/ de nas yang slar lhung ngo / /des sum bcu rtsa gsum gyi gnas 'di dag kun dpyad nas/ 'di ltar kun dga' ra ba'i bskyed mos tshal 'dir dga' ba'i rnam pa 'di lta bu gzhan ma myong ngo / /de ltar bskyed mos tshal rin po che du mas rnam par brgyan pa 'di nyams dga' ba yin te/ de ltar sa 'di'i gzhal med khang mdzes pa gang yin pa de nyi ma bzhin rnam par mdzes pa yin no/ /de nas lha'i dbang pos de skad smras nas/ lha brgya phrag stong gis kun nas yongs su bskor te/ kun dga' ra ba'i bskyed mos tshal ga la ba der 'dong bar</font><hr>64.184b<br><font size=+1>

byed do/ /bskyed mos tshal du dong ste/ lha dang lha mo'i tshogs kyi rnam pas yongs su bskor nas/ rtse bar byed dga' mgur spyod par byed do/ /de ltar de shing ljon pa sna tshogs dang 'od rnam pa sna tshogs kyis brgyan par yun ring du bde ba rnam pa du ma myong nas rin po che sna bdun las byas pa'i shing rta nyi ma ltar gsal bas nam mkha' de nyid la sil snyan dang / rol mo sna tshogs rjes su 'brang bzhin du lha'i 'dun sa chos bzang ga la ba der dong ste phyin pa dang / de nyid du lha gzhan dag ji srid du 'dod pa sdug pa yid du 'ong ba byas shing bsags pa de zad par ma gyur pa de srid du 'dod pa'i yon tan lnga dang ldan pa rnams kyis rtse bar byed dga' mgur spyod par byed do/ /de zad nas de nas yang sems can dmyal ba dang dud 'gro dang yi dgas rnams kyi nang du skye bar 'gyur ro/ /gal te mi rnams dang skal ba mnyam par mi'i nang du skyes na/ las de dang rgyu 'thun par de rtsod pa'i dus su mi skye zhing rdzogs ldan gyi dus su skye bar 'gyur/ yul shin du nyams dga' zhing tshal dang nye ba'i tshal dang ldan pa dang 'bras sA lu dang nas dang gro dang bu ram shing ro dang ldan pa dang skye bo dang shin du ldan pa dang chos dang shin du ldan par skye bar 'gyur te/ rgyal po 'am blon po chen po skye bo kun dga' ba gzugs bzang po dang ldan zhing dbang po tshang ba dang bu dang tsha bo dang ldan par 'gyur ba mthong ngo / /de nas yang dge slong las kyi 'bras bu rnam par smin pa shes pa des/ sum bcu rtsa gsum pa'i lha rnams kyi gnas la rtog par byed de/ des thos pa las byung ba'i shes pas sum bcu rtsa gsum pa'i lha rnams kyi gnas phreng ba'i grib ma zhes bya ba ji ltar 'dug pa mthong ngo / /der sems can dag las gang gis skye bar 'gyur snyam nas/ des thos pa las byung ba'i</font><hr>64.185a<br><font size=+1>

shes pas brtags na/ las kyi mtha' spyad pa legs par spyad pa sems dge ba'i bsam pa dang ldan par gyur pa gang gis srog gcod pa dang ma byin par len pa spangs pa yin no/ /rnam pa du yod ce na/ gang bdag nyid kyis srog mi gcod pa yin te/ 'di ltar chu srin byis pa gsod dam kum b+hi ra 'am na kra 'am shang ka chu 'gram du bzung ste/ bcings nas gson bzhin du sha btogs nas za ba 'am/ tshong ba srog gcod pa'i rnam pa de lta bu dang bral zhing srog gcod pa gzhan yang tshul khrims la rab tu 'jog par byed/ srog gcod pa la rjes su yi rang bar mi byed cing phyir zlog par byed la/ phyir bzlog nas dge ba'i lam la rab tu 'jog par byed pa yin te rnam pa de dag ni srog gcod pa spangs pa yin no/ /ma byin par len pa spangs pa ji lta bu yin zhe na/ 'di la skyes bu dge ba dad pa dang ldan par gyur pa/ drang zhing drang po'i rang bzhin can sdom pa blangs pa chags pa'i bsam pa med pa/ gang gis dge 'dun gyi nang ngam mchod rten la bdug spos phul ba de la de sdom pa'i bsam pas snom par mi byed/ dri zhim po des gos la gos par mi byed myong bar mi byed sna'i lus dang phrad kyang mi 'dod pa yin te rnam pa de dag yin no/ /gzhan yang ma byin pa len pa shin du chung ba yang mi len la/ gzhan len pa yang de ltar phyir zlog par byed/ dge ba'i lam la rab tu 'jog par byed/ de ltar phyir zhing lam bzang po la gnas par byed pa yin te/ de ni bdag la phan pa gzhan la phan pa byed pa'i skyes bu yin no/ /srog chags rnams kyi phan pa la rab tu zhugs pa ji lta bu yin zhe na/ ji ltar rang gi bu'i srog gcod par mi byed pa de bzhin du srog chags phre'u dang grog sbur la sogs pa srog chags thams cad gsod par mi byed cing de</font><hr>64.185b<br><font size=+1>

ltar gzhan dag kyang tshul khrims de nyid srung du 'jug la dge ba'i lam la rab tu 'jog pa yin no/ /sbyin pa la dga' ba ji lta bu yin zhe na/ 'di la dbul po tshegs chen pos 'tsho ba bsam gtan dang po thob pa lam du zhugs pa la rang gi snod de nas zas kyi skal ba sbyin par byed cing / gzhan yang sbyin pa de lta bu byed du 'jug la bsod nams dag byed du 'jug pa yin te/ bdag dang gzhan la phan pa byed pa de lus dang bral na mtho ris sum bcu rtsa gsum pa'i lha rnams kyi nang phreng ba'i grib ma'i lha rnams kyi nang du skye bar 'gyur ro/ /der skyes nas kyang de'i phreng ba'i grib ma'i lha rnams kyi nang lha'i ris de na shing ljon pa phreng ba'i grib ma zhes bya ba kun nas 'od kyi phreng ba 'byung ba yod de/ me tog de dag gi dri shin du zhim pa kun du dpag tshad tsam du 'byung la/ shing ljon pa gzhan dag gi me tog rdol nas dri zhim po rab tu 'byung ngo / /de ltar yun ring du dga' ba'i me tog re re gang yin pas phreng ba lha'i mgo la 'ching bar byed do/ /phreng ba de yang kha dog rnam pa sna tshogs su yod de/ kha dog sngon po dang ser po dang btsod kha dang dang dkar po rnams kun nas shin du rnam par phye ba yin no/ /ji ltar mi'i 'jig rten na ri mo mkhan shin du mkhas pa/ legs par bslabs pa byas shing mkhas pa'i las kyis gnas dang gnas dag tu phreng ba shin du sdug par bris pa de ltar shing la rnam par 'byung bar 'gyur te/ shing de rnams las phun sum tshogs pa de lta bu skye bar 'gyur ro/ /de nas yang rnam pa gzhan gyis lha de rnams yul gyi bde ba lnga myong bar 'gyur te/ sil snyan yan lag lnga dang yang dag par ldan pa rnams tshal dang nye ba'i tshal du rtse bar byed/ dga' mgur spyod par byed do/ /'dod pa thams cad yang dag par 'byor pa des/ lha rnams</font><hr>64.186a<br><font size=+1>

gang dang gang yid la sems pa de dang de nyid yang dag par 'grub bo/ /de ltar nyams su dga' ba rnams sna tshogs du ma 'byung bar 'gyur te/ las legs par byas pa des lha rnams kyi thams cad yang dag par 'grub bo/ /de nas bde ba gzhan dang yang dag par ldan par 'gyur te/ rdzing me tog sna tshogs dang ldan pa zhes bya ba yod la de'i mthu 'di lta bu 'byung ste 'di lta ste/ me tog kha phye ba zhes bya ba 'byung ngo / /de nam yang zhum par mi 'gyur la/ rin po che sna bdun gyi bung ba rnams kyis nye bar brgyan te bung ba de dag kyang lha'i glu dbyangs len pa yin no/ /der lha mo de rnams shin du dga' ba bskyed de/ kye e ma bung ba sna tshogs dag shin du nyams dga' bar byed pa yin la/ bdag cag gi snying la yang rab tu sim pa 'byung ngo zhes phan tshun smra ste de ltar bung ba sna tshogs kyi rdzing rnams su glu dbyangs len no/ /de nas yang rdzing shin du bkra ba rnams su/ bya ngang pa dang ngang mo babs pa rnams kyis pad ma'i rdul slong ste/ gser dang dngul gyi kha dog lta bu'i rdul gang gis chu de dag thams cad mnyam par khebs so/ /chu khebs pa de ngur pa rnams kyis mngon par mthong nas skad snyan pa 'byin cing rgyug go/ /de ltar bya rnams kyis 'dra bar gang ba'i rdzing de dag yang dag par shes nas/ lha dang lha mo'i tshogs kyis gang ba rnams yid shin du rab tu dga' bas bya'i tshogs de dag ga la ba der shin du glu len bro rdung zhing 'dong bar byed do/ /lha gzhan gang yin pa de dag kyang rol mo'i sgra rnam pa sna tshogs kyis rtse ba rnams yongs su btang nas bya'i tshogs 'dus pa ga la ba der rtse ba'i don du 'dod par byed do/ /de nas der yang dga' bar byas nas bskyed mos tshal khang bzangs dkrigs pa zhes bya ba ga la ba der 'dong bar byed do/ /khang bzangs dkrigs pa de na rin po che sna bdun gyi ka ba rnams kyis yongs su bskor ba yin te 'di lta ste/ bai dUr+ya dang gser</font><hr>64.186b<br><font size=+1>

dang dngul dang shel dang spug rnams kyis brgyan cing mdzes par byas so/ /lha mo rnam pa sna tshogs kyis kyang brgyan cing sa phyogs de mdzes par byas pa yin te/ der yang lha rnams dga' bar byed rtse bar byed/ dga' mgur spyod par byed do/ /der yang yid shin du bde ba lha'i rgyan gyis rnam par brgyan pa/ lha'i tsan dan gyis lus bskus pa phan tshun gnod pa kun med pa dang ldan pa phan tshun dga' ba phan tshun snying la mi bde ba med pa dang ldan pa/ phan tshun phrag dog dang thab mo rnams kyis skyo ba med pa rang gi las kyi 'bras bu la spyod pa mtho ris kyi sa sna tshogs rnams su las sna tshogs dang ldan pa/ rang gi las kyi 'bras bu mngon sum pa'i lha rnams rtse bar byed nye bar spyod par byed do/ /de nas yang dpag bsam gyi shing gi tshal ga la ba der 'dong bar byed do/ /der mthu 'di 'byung ste/ yid la gang dang gang sems pa de dang de dag shing de rnams nyid las 'thob bo/ /tshal de na shin du dri zhim zhing ro phun sum tshogs pa'i bza' ba dang btung ba chu bo ltar 'bab ste las legs par byas pa mngon sum du gyur pa'i lha de rnams yid rab tu dga' bas rtse zhing chu bo de rnams kyi chang zhim po la 'thung la bdud rtsi la yang za bar byed do/ /bza' ba dang btung ba'i ro des tshim pa med pa de rnams bde ba 'bar ba lta bu de brgya 'gyur du mdzes pa yin no/ /de nas der yang rtse bar byed de/ rtse ba sna tshogs byas nas pad ma dkar po'i lo ma'i tshal zhes bya ba ga la ba der 'dong bar byed do/ /tshal de na pad ma dkar po gang yin pa de dag gi lo ma dang mdog dang dri dang ro shin du phun sum tshogs pa yin la de dag las chang zhim po 'byung ste/ ji ltar ston sa nas chang gi rgyun 'byung ba de bzhin du yongs su 'byung ngo / /pad ma dkar po'i mdog gang yin pa las chang gi mdog dang ro dang dri de dang mthun par de nyid las</font><hr>64.187a<br><font size=+1>

'byung ngo / /pad ma gser gyi mdog gang yin pa las chang gi mdog de dang 'thun par 'byung ngo / /bai dUr+ya'i mdog gang yin pa las de dag kyang mdog de nyid dang 'thun par 'byung ngo / /shel gyi mdog gang yin pa las de dag kyang de nyid dang 'thun par 'byung ngo / /sngo bsangs dang spug lta bu gang yin pa las chang gi mdog de dag kyang de dang 'thun par 'byung ngo / /kha dog sna tshogs gser gyi 'dab ma bai dUr+ya'i sdong bu/ rdo rje'i myu gu dang / ze ba gang yin pa las chang sna tshogs de dag kyang de lta bu nyid du 'byung ste/ kun nas dri shin du zhim pa dang ldan pa'i chang de dag las kyang 'thungs nas rtse zhing bskyed mos tshal gzhan kun snang zhes bya ba der rtse ba la gnas par bya ba'i phyir 'dong bar byed do/ /de nas bskyed mos tshal kun snang der yang phyin nas/ de na gnas pa'i lha kun sum bcu rtsa gsum pa'i lha rnams rtse zhing gnas pa'i sa de dag nyid la lta bar byed de/ de na lha rnams lha'i bde ba la nye bar spyod pa mthong ngo / /de nas de dag thams cad kyang mthong nas de na dga' ba 'di dag yod de 'di lta ste/ kun nas rdzing kun du bskor ba zhes bya ba yod de/ des bskyed mos tshal de kun nas yongs su bskor ba yin la/ zheng du rgyang grags gsum yod pa chu shin du dang bas yongs su gang ba bai dUr+ya bcag 'phro'i mdog lta bu'i chus shin du gang ba yin no/ /rdzing kun nas bskor bar bya ngang pa dang ngur pas mdzes par byas pa yin te/ bya thams cad kyang kun nas mdog bzang po rgyab ni gser btso ma rkang pa ni byi ru mig ni ke ke ru mgo gi wang gis thig ler bris pa sgra snyan pa snyan par 'byin te/ sgra'i gdangs sna tshogs su 'byin cing rtse bar byed do/ /der dong nas bskyed mos tshal gyi nang du zhugs pa'i lha de rnams gser gyi 'od des ji ltar seng ldeng gi 'dab ma bsdus pa'i nang na gser dang ra gan bsregs pa lta bur de ltar mdzes pa yin la/ lha de</font><hr>64.187b<br><font size=+1>

rnams phan tshun rang rang gi dngos po de dag la lta bar byed de/ 'di ltar lha'i gzhal med khang gi mthu 'di la khyed rnams ltos/ 'dir bdag cag gi gzhal med khang gi mthus kha dog ser po nyis 'gyur du 'byung ngo zhes smras so/ /de rnams gzhal med khang sna tshogs de dag na shin du dga' ste/ der yang 'dod pa'i yon tan lnga 'byor cing ldan par gyur pa rnams kyis dga' bar byed rtse bar byed do/ /lha'i yul la sems chags pa dag sred pas chog mi shes te/ ji ltar sbyin sreg byed pa'i me chog mi shes pa de bzhin du lha rnams kyis sgra dang ro dang gzugs dang dri sdug pa yul gyi chu bo rnams nyid kyis chog mi shes te/ ji srid du las byas shing bsags pa bcom zhing spangs par ma gyur pa de srid du/ des de dag na rtse bar byed dga' mgur spyod par byed do/ /de zad nas de nas yang lha'i ris de nas 'chi bar 'gyur te shi nas kyang las nye bar 'gro ba ji lta bu bzhin/ sems can dmyal ba dang yi dgas dang dud 'gro rnams kyi nang du skye bar 'gyur ro/ /gal te lan grangs gzhan la myong bar 'gyur ba'i las kyis mi rnams kyi nang du skyes na/ las de dang rgyu 'thun par de rtag tu shin du bde bar 'gyur/ lus me tog gi phreng ba dang phye ma dang byug pas byugs pa dang rtag tu yid rab tu dga' la mchog tu 'byor pa dang ldan pa'i rgyal po 'am blon po chen por 'gyur te/ skye bo kun dga' ba dang nad med pa dang gnod pa med par 'gyur ba mthong ngo / /de nas yang dge slong las kyi 'bras bu rnam par smin pa shes pa de/ sum bcu rtsa gsum gyi lha rnams kyi gnas la rtog par byed de/ des thos pa las byung ba'i shes pas lha rnams kyi gnas dma' ba dang mtho ba na rgyu ba zhes bya ba ji ltar 'dug pa mthong ngo / /der sems can dag las gang gis skye bar 'gyur snyam nas/ des thos pa las byung ba'i shes pas</font><hr>64.188a<br><font size=+1>

brtags na gang gis srog gcod pa dang ma byin par len pa dag spangs pa yin te 'di lta ste/ 'tsho ba'i don du sbrul gsod pa pos sbrul rnams kyi mgo bo bshags nas nor bu 'byin par byed de/ 'di ltar nor bu 'di dag gis bdag cag gi 'tsho ba bya'o snyam nas/ sbrul de dag gsod par byed do/ /rnam pa de lta bu'i srog gcod pa mi byed cing / gzhan grog sbur la sogs pa la yang yid kyis gnod pa mi byed la/ sems can gzhan sems can du 'du shes nas srog gcod par mi byed pa yin te rnam pa de dag ni srog gcod pa spangs pa yin no/ /ma byin par len pa spangs pa ji lta bu yin zhe na/ 'di la rtswa dang bong ba tsam yang rku sems kyis rku bar mi byed cing ma byin par len pa shin du phra mo yang mi len pa yin no/ /'di lta ste/ glegs bam 'am de dang 'thun pa gzhan dag rku sems kyis len par byed la/ de blangs nas gzhung slob par byed pa yin te/ rnam pa de lta bu yang spangs pa yin no/ /sbyin pa sbyin pa ji lta bu yin zhe na/ 'di la tshegs chen pos 'tsho bar gyur kyang / gang bdog pa de la ser sna mi byed la/ bsam gtan dang po thob pa dag la chos gos dang bsod snyoms dang mal cha dang na ba'i gso sman gyi rkyen gyi yo byad dag 'bul bar byed cing / de bzhin du bsod snyoms 'bul bar byed/ dge 'dun gnas pa'i sa phyogs kyi bde ba/ dge 'dun bde bar gnas par bya ba'i phyir mnyam par byed pa yin te/ de ltar bdag nyid kyang sbyin pa la dga' la/ gzhan yang dge ba'i lam de nyid la rab tu 'jog par byed/ sdig pa las kyang zlog par byed pa'i skyes bu dge ba bdag nyid dang / gzhan nyid la phan par rab tu zhugs pa ni/ lus dang bral nas bde 'gro mtho ris kyi 'jig rten sum bcu rtsa gsum pa'i lha rnams kyi nang dma' ba dang mtho ba'i gnas su skye bar 'gyur ro/ /</font><hr>64.188b<br><font size=+1>

shin du bde bar gnas pa der skyes pa'i gnas de dag tu stan khra bo'i nang ras bal gyis gang ba lta bur mnyen zhing gzhi shin du 'jam pa la rkang pa bzhag na nems shes byed/ de nas rkang pa bteg na par ces byed la mnyen pa yin te/ dper na rlung gi shugs kyis chu rab tu bskyod na rlabs mi 'thun par 'byung la/ de nas rlung gi shugs med na mnyam par 'gyur ba de bzhin du sa gzhi de yang kun nas dma' ba dang mtho ba yin no/ /de nas yang gnas de kun nas shin du dri ma med pa yin te/ dper na me long shin du dri ma med pa'i nang du gzugs brnyan bsgyur ba 'byung ba de bzhin du gnas de dag tu lha de'i gzugs brnyan snang ngo / /de nas yang gnas de nyid tu lha'i ngo mtshar du bya ba 'byung ste/ gang lha gzhan de dag bsam pa sems pa 'am lha gzhan du 'gro bar sems na/ de ji ltar yi ger bris pa 'am yi ge kun du mngon par bris pa mthong ba de ltar lha de so sor shes shing so sor mngon par shes te/ de nas yang lha mo de dag dang shin du rtse bar byed do/ /de nas gzhan yang gnas de dag tu ngo mtshar du bya ba gzhan gang bstan pa'i gnas ni 'di lta bu yin te/ lha de dag gang 'dod pa'i bde ba de dag thams cad 'byor par 'gyur la/ de ltar lha de rnams sum bcu rtsa gsum pa'i lha'i ris mtho ba dang dma' ba'i gnas dag na bde ba myong ba yin no/ /de nas yang lha gnas pa bskyed mos tshal na rtse zhing gnas pa de dag bskyed mos tshal du dga' spyod byed tu 'dong ste/ 'di lta ste/ chang zhim po'i tshal zhes bya ba tshal chen po kun nas dril bu g.yer ka'i dra ba sgra 'byin pas dkrigs pa/ shing ljon pa rnam pa du ma rnams kyis brgyan pa/ bya sna tshogs dang me tog dang 'bras bus shin du rnam par phye ba'i tshal de na/ lha de rnams sil snyan yan lag lnga dang ldan pas kun nas bskor nas rtse</font><hr>64.189a<br><font size=+1>

bar byed de/ shin du yid tu 'ong ba dbang po lnga'i yul gyi 'bras bu bde ba dag myong bar byed do/ /de nas yang gnas de dag na gzhal med khang gi tshal dag yod de/ 'di lta ste tshal sar pa'o/ /tshal de na gang gi tshe lha dag bskyed mos tshal du dga' spyod byed du 'dong ba de'i tshe shing ljon pa de rnams kyi gzugs gsar du skye ste/ 'di ltar lha mo de dag gis 'bras bu bde bar btog tu slebs par 'gyur ro/ /tshal de yang kun nas rin po che sna bdun las skyes pa/ shing ljon pa nyi ma shar ba'i 'od lta bu rnams kyis brgyan pa/ me tog dang 'bras bu kha dog du ma rnams kyis brgyan pa/ bya sna tshogs sgra 'byin cing dga' bar byed pa'i bya rnams kyis brgyan pa/ lo ma'i nang du gnas pa'i bya sgra 'byin pa rnams kyis tshal de kun nas sgra 'byin pa lta bu yin te/ de ltar shin du dga' ba'i tshal de na lha de rnams yul drug la chags pa'i sred pas dga' bar byed/ rgod par byed/ rtse bar byed/ dga' mgur spyod par byed do/ /de dag 'di ltar shin du nyams dga' ba mig dang rna ba dang sna'i ro dga' ba'i tshal de nas mtho brtsegs shes bya ba ri rab kyi rtse mo der 'dong bar byed do/ /lha mo blta na sdug cing rgyan dang cha byad sdug pa de rnams nye ba na glu dbyangs len bzhin du mtho brtsegs shes bya ba ri rab kyi rtse mo kun nas rgyar dpag tshad bcu yod pa der dong ngo / /de'i steng na rnam par mdzes pa zhes bya ba'i rdzing rin po che sna bdun gyi me tog ud pa la sngon po dang / ko ka na dang ku mu da rnams kyis khebs pa chu rnyog pa med cing / bya ngang pa dang ngur pa'i sgra rnar snyan pa 'byin pa kun nas khang bzangs kyis yongs su bskor cing / rin po che sna bdun gyi ka ba rnams kyis brgyan pa/ kun nas tshal dang nye ba'i tshal gyis phyogs bskor ba/ gzugs blta na sdug pa rnams kyis rdzing bskor bar lha de rnams lha mo'i tshogs kyis yongs su</font><hr>64.189b<br><font size=+1>

bskor nas bro gar byed/ rgod par byed rtse bar byed do/ /myos pa'i skyon dang bral ba'i lha'i chang dag la 'thung bar byed cing / 'dod pa'i ro drug tu gyur pa'i 'bras bu zhim po gzhan dag la za la/ 'bras bu de dag gi nang na yod pa'i chang la/ lha mo rgyan dang cha byad sna tshogs thogs pa de dag dang lhan cig 'thung bar byed do/ /phyogs gzhan na lha mo rnams glu dbyangs len/ rgod pa byed cing pi bang dang gling bu dang khar rnga la mkhas pa phan tshun dga' bar gnas pa'i lha mo dang lha'i tshogs dag rdzing de bskor nas lha dang lha mo'i tshogs yid du 'ong ba rnam pa sna tshogs nye bar gnas pa rnams kyis yun ring du rtse bar byed/ dga' mgur spyod par byed do/ /de nas gal te yun ring du 'das na/ lha de rnams rdzing gi phyogs de nas thams cad yid du 'ong ba'i bskyed mos tshal ga la ba der 'dong bar byed de/ lus me tog gi phreng ba dang phye ma dang byug pas byugs pa/ rang gi 'od la rang gi legs par byas pa/ dman pa dang 'bring dang khyad par du 'phags pa las byas pa'i mthu de dag dang lhan cig tu rtse bar byed do/ /las de dang rgyu 'thun par yid bde ba 'byung bar 'gyur te/ gang gis legs par byas pa rnam pa ji tsam du byas pa de'i rnam pa de tsam nyid du mig gi rnam par shes pa'i dmigs pa yid bde ba 'byung ngo / /'di ltar gang gis las dman pa byas na de dang 'thun par gzugs dmigs pa gcig la gzugs de nyid mthong bar 'gyur/ gang gis las 'bring du byas na de gzugs 'bring po blta na sdug pa gzugs de nyid mthong bar 'gyur te/ de'i yid bde ba 'bring du 'byung bar 'gyur/ gang gis las khyad par du 'phags pa byas na/ lha de gzugs dang bong tshod dang mdog dang dbyibs dang gzugs shin du blta na sdug pa mthong bar 'gyur te/ lha'i ris 'dod pa na spyod pa thams cad dang / sa thams cad du</font><hr>64.190a<br><font size=+1>

bsnyed pa gang yin pa gzugs dang dri dang reg pa dmigs pa thams cad ni de lta bu yin la/ de dag gi nang na lha dag nyid ni spyi gcig ste/ gzhan du na las kyi 'bras bu rnam par smin pa rnam pa gsum du mi 'gyur ro/ /de lta bas na yid bde ba rnam pa gsum yang gzhan dang gzhan du rig par bya ste de bzhin du las so sos lha mo gzugs bzang zhing rgyan dang cha byad thogs pa so sor rig par bya'o/ /de nas lha yid bde ba bskyed mos tshal du dong ba sgra dang reg pa dang ro dang gzugs dang dri la tshim pa med pa de dag thams cad dge slong des mthong nas 'di ltar tshigs su bcad de smras pa/ bskal mthar nyi mas rab bsregs na/ /rgya mtsho rnams kyang skam 'gyur gyi/ /bskal pa bye ba brgya rnams su 'ang / /mthong ba'i gzugs kyis tshim mi 'gyur/ /char 'bab la sogs chu rnams kyis/ /rgya mtsho gang bar 'gyur srid kyi/ /lta ba rgya mtsho'i gzugs rnams kyis/ /tshim pa yod par mi 'gyur ro/ /'dod pa dag las tshim med pa/ /lus can mya ngan ldan pa yi/ /sred pa sna tshogs gang yin pa/ /sred de ci ga bder brtag gam/ /'dod pa skyed pa'i bde ba gang / /mkhas la bde ba de mi 'dod/ /'dod las rnam par grol ba gang / /de ni bde las bde mchog 'gyur/ /bde dang 'dra bar 'dres pa gang / /zas ni dug dang 'dres pa bzhin/ /sred dang rnam par bral ba gang / /zas dang 'o mar 'dres pa bzhin/ /gti mug mun pa mi shes pa/ /byis pa rnams ni 'dod pas bsregs/ /ma la ya yi nags tshal gang / /srin bu ngan pas chud gzan bzhin/ /sred dang bcas la rtog pa gang / /de rnams kyi ni grangs med la/ /rnam par rtog pa tshim med pa/ /'chi bdag rgyal pos mngon par 'joms/ /rnam rtog</font><hr>64.190b<br><font size=+1>

'dod pa'i dbang song rnams/ /sred pa dag gi yul na gnas/ /bde ba'i skal ba ma mthong ste/ /de ltar de bzhin gshegs pas mkhyen/ /'dod pa rab tu slu byed pa/ /rmongs pa'i chos te rmi lam dang / /dri za'i grong khyer lta bu dang / /gsog dang gsob ste snying po med/ /sgyu ma 'dra zhing dbu ba 'dra/ /de bzhin 'bras bu kim pa 'dra/ /'dod pa 'jig rten phan mi byed/ /me lta bur ni yongs su bsgrags/ /'dod pa'i nyes dmigs shes pa gang / /de ni 'bras bu myong bas rmongs/ /brtan po de nyid mthong ba de/ /the tshom bral zhing nyon mongs bral/ /bsams na de bzhin 'thob 'gyur la/ /mi rnams de bzhin rab tu nyams/ /thams cad du ni sdig byed pa/ /'dod pa 'jig rten zang zing bzhin/ /'dod pas yid ni tshim med pa/ /lha rnams de dang de 'chi ste/ /'dod pa'i dgra yis yongs su bslus/ /rmongs pa sems can dmyal bar ltung / /'dod pa chags pa dug gi gnas/ /bud med nya ltar 'jug pa dag /chu bo'i rlabs ni g.yo ba dang / /grog gi phreng ba lta bu yin/ /rnam par bsams na rnam par 'phel/ /'phel ba rnams ni me dang 'dra/ /'dod zhi thogs med tha ma med/ /de bas blo ldan rnam par spongs/ /ji lta ji ltar sten byed pa/ /de lta de ltar 'phel 'gyur te/ /reg pa me dang 'dra bar mched/ /'dod pa'i rnam par smin pa tsha/ /rtag tu nyes pa 'di shes na/ /brtan po 'dod pas bral bar byed/ /'dod pa yongs su spangs pa yi/ /bde ba mthar thug thob par 'gyur/ /stong phrag dag ni 'bum snyed kyi/ /grangs med pa yi lha rnams dag /me yis 'jigs pa dmyal ba ru/ /'dod pa bsten pa ltung bar 'gyur/ /ji ltar bde ba 'dod pa dag /me dang dug dang mtshon</font><hr>64.191a<br><font size=+1>

cha spongs/ /sems can dmyal ba'i rgyur 'gyur ba/ /de ltar rtag tu 'dod pa spongs/ /mi gang 'dod pa'i dbang song ba/ /'dod pa dag gis ma bslus zhe 'am/ /sdug bsngal gyis ni mi gnod ces/ /nam yang ma mthong ma thos so/ /thams cad gnas skabs thams cad tu/ /'dod pa me lce 'bar ba 'dra/ /de dag yid la ma byed cig /de lta bas na 'dod pas chog /de nas dge slong des lha 'dod pa'i dbang du song ba de dag mngon par mthong nas/ gzhan yang lha shin du bag med pa rnams la snying rjes yang dang yang du ston to/ /de nas yang yid bde ba de thams cad dang ldan pa'i lha de dag thams cad bskyed mos tshal du 'dong ste/ lha mo cha byad dang sil snyan sna tshogs thogs pa de rnams nye bar glu dbyangs len cing / sil snyan dang rol mo sna tshogs kyis dbang po thams cad g.yengs pa bskyed mos tshal de nyid du 'dong bar byed do/ /bskyed mos tshal de yang 'bab chu dang lteng ka dang tshal dang nye ba'i tshal dang gling dang pad ma'i rdzing du ma rnams kyis brgyan pa mthong na shin du yid tu 'thad pa/ phyogs gang dang gang du lha'i mig blta ba 'jug pa de dang der 'dod pa sdug pa/ yid du 'ong ba'i gzugs rnam pa sna tshogs mthong ste/ de ltar mig gis gzugs sdug pa rnams mthong ngo / /de nas yang lha rnams gang dang gang du sgra mnyan par 'dod de/ 'gro ba de dang der lha rnams kyis sgra 'dod pa snyan pa yid du 'ong ba rnams thos so/ /de bzhin du gang dang gang du snas dri snom par 'dod pa de dang de nyid du 'dod pa zhim pa yid du 'ong ba chags par 'gyur ba shin du yid du 'ong ba'i dri dag bsnom mo/ /de bzhin du ro dang ro'i dbang po yang gang dang gang du lha rnams gtong ba de dang de nyid du lha de rnams ro nyams dga' ba/ ro shin du zhim pa'i ro'i ston mo sgrib</font><hr>64.191b<br><font size=+1>

pa med cing ji ltar 'dod pa rnams la za bar byed do/ /de bzhin du lus kyis kyang chos gang dag 'dod pa de dag kyang 'dod pa sdug pa yid du 'ong ba de dag nyid la reg par byed do/ /de bzhin du yid kyis kyang chos gang dag 'dod pa de dag kyang 'dod pa sdug pa yid du 'ong ba de dag nyid yang dag par shes so/ /lha'i yul la chags shing bag med pa la gnas pa'i lha de rnams yid la sgrib pa med la/ bde ba dang cha byad dang 'dod pa nye bar spyod pa na ji srid du 'dod pa sdug pa yid du 'ong ba'i las byas shing bsags pa so so yang dag par myong bar 'gyur ba de zad par ma gyur na de srid du rtse bar byed do/ /de zad nas lha'i 'jig rten de nas 'chi bar 'gyur te/ shi nas kyang las nye bar 'gro ba ji lta ba bzhin sems can dmyal ba dang yi dgas dang dud 'gro rnams kyi nang du skye bar 'gyur ro/ /las ji ltar byas pa bzhin gal te mi rnams dang skal ba mnyam par mi'i nang du skyes na las de dang rgyu 'thun par de rtag tu shin du bde ba dang ldan zhing me tog phreng dang phye ma dang byug pa la dga' ba/ sems drang zhing nor mang po dang ldan pa dang yid rab tu bde ba dang sems can thams cad kyi yang dag par myong bar 'gyur ba gzugs bzang po dang ldan pa dang skye bo'i tshogs thams cad rab tu dga' ba dang shin du bsdus pa'i chung ma bu dang chung ma dang ldan pa dang spyod pa nyams pa med pa dang ldan par 'gyur/ nam yang de dag gi nor dag rgyal po dang chu dang me dag gi 'jigs pas 'phrog pa med cing rgyal po'i bu 'am rigs chen por skye bar 'gyur ba mthong ngo / /de nas yang dge slong las kyi 'bras bu rnam par smin pa shes pa de/ sum bcu rtsa gsum pa'i lha rnams kyi gnas la rtog par byed de/ des thos pa las byung ba'i shes pas lha rnams kyi gnas bkra ba sna tshogs kyis phye ba zhes bya ba ji ltar</font><hr>64.192a<br><font size=+1>

'dug pa mthong ngo / /der sems can dag las gang gis skye bar 'gyur snyam nas des thos pa las byung ba'i shes pas brtags na/ skyes bu dge ba dge ba'i bsam pa can du gyur pa gang gis srog gcod pa dang ma byin par len pa spangs shing / gzhan dag kyang de ltar byed du 'jug la dge ba'i lam la rab tu 'jog par byed pa yin no/ /srog gcod pa spangs pa rnam pa du yod ce na/ 'di la gzhan la thams cad nas gnas skabs thams cad du gnod pa mi byed cing gnod pa byed du mi 'jug la rjes su yi rang bar mi byed/ srog gcod pa dang lhan cig rtse bar mi byed 'dre bar mi byed tshig tsam yang mi smra kun nas nyon mongs pa'i gtam mi zer sdig pa byed pa de dang lhan cig lam du yang 'grogs te mi 'gro ba yin no/ /srog gcod pa mi byed pa ji lta bu yin zhe na 'di la slu bar byed pa gang glu 'am rol mo'i sgra 'am pi ldir 'am rnga sgra 'am gling bu'i sgras ri dgas sam bya dag gsod par byed pa 'am ri'i gsab gseb na 'khod pa'i ri dgas sam bya dag gsod par byed cing / gzhan dag kyang de nyid la rab tu 'jog par byed pa'i phyogs de dag spangs shing de dag thar bar byed smod par byed byed du mi 'jug yid la yang sems par mi byed pa yin te rnam pa de dag ni srog gcod pa spangs pa yin no/ /ma byin par len pa spangs pa ji lta bu yin zhe na/ 'di la 'jal blugs la g.yo byed cing slu bar byed pa tshong pa'i bsam pa can chos dang mi ldan zhing chos kyi rjes su mi 'jug pa ma byin par len pas 'jig rten slu bar byed pa yin no/ /slu bar byed pa ji lta bu yin rnam pa ni du yod ce na/ 'di lta ste/ srang mda'i nang du bye ma blugs nas bye mas gzhal blugs la g.yo byed pa yin te/ rnam pa de dag gis skyon du mi lta</font><hr>64.192b<br><font size=+1>

bar sems can slu bar byed pa yin no/ /de dag phyir zlog par byed de 'di ltar bdag gi phyir ram bu dang chung ma'i phyir ram nor rdzas bsags pa'i phyir ram sdig pa'i grogs po'i phyir rtag tu ma byin par len pa ma byed cig /yi dgas dang dud 'gro dag gi 'gro bar mi ltung bar gyis shig /rnam par smin pa mi bzad pa yin te ma byin par len pa'i rnam par smin pa mi bzad pa yin no zhes de ltar bdag nyid mi byed cing rkyen du gtogs pa yang yongs su spong bar byed/ gzhan dag kyang phyir zlog par byed rjes su yi rang bar mi byed dge ba'i lam yang rab tu 'jog par byed pa yin te/ de ltar skyes bu de ni bdag la phan pa dang gzhan la phan pa byed pa yin no/ /yang sbyin pa la dga' ba ji lta bu yin zhe na/ 'di la rgyu med cing 'bras bu dang mi ldan pa rgya mtsho rgal te 'am 'grog dgon pa rgal te 'am gzhan dag la bsten nas/ nor bsgrubs pa gang yin pa de dag mgon med cing nyon mongs sdug bsngal ba la sems bsgoms pa/ yid gus pa bskyed par gyur pa/ dbang po dang ba sngon du 'gro bas sbyin par byed pa dang bsam gtan gnyis pa thob pa 'am/ de las gzhan pa sdug bsngal ba la sbyin par byed pa yin te/ de dag ni sbyin pa la mngon par dga' ba yin no/ /srog chags rnams kyi srog sbyin pa ji lta bu yin zhe na/ 'di la nya pa 'am bya pas nya dag bzungs nas de yang 'tshong par byed pa na srog gi lhag ma rin gyis blus nas thar bar byed pa yin te/ de rang gi chu'i nang du 'jug cing gtong la rab tu 'jog par byed sems dang dbang po yang rab tu dga' bar byed/ gzhan dag kyang de lta bur byed du 'jug /yang dag par dga' bar byed/ dge ba la mngon par 'jug par byed/ bsams</font><hr>64.193a<br><font size=+1>

nas kyang kye e ma bdag gis las legs par bsgrubs so/ /yang bya'o gzhan dag kyang byed du gzhug go snyam ste/ de ltar legs par byas pa'i las kyi nyer bsdogs dang las kyi lam dang las kyi mjug bdag dang gzhan gnyi ga la phan par byed pa dang srog gcod pa dang ma byin par len pa dag spangs pa yin te/ yang dang yang srog chags la phan pa'i phyir ram srog yongs su bskyab pa'i phyir ram srog sbyin pa'i phyir ma byin par len pa spangs pa yin no/ /bdag dang gzhan yang sbyin pa la mngon par dga' ba yin te bdag dang gzhan nyid tshul khrims rnam pa gnyis srung ngo / /rnam pa yang bdag nyid 'jug pa dang ldog pa yin te/ skyes bu tshul khrims dang ldan pa bdag dang gzhan la phan par byed pa lus dang bral te/ shi ba'i 'og tu bde 'gro mtho ris kyi 'jig rten sum bcu rtsa gsum pa'i lha rnams kyi nang bkra ba sna tshogs kyis phye ba'i gnas su skye bar 'gyur ro/ /der skyes nas kyang legs par byas pa'i las kyi mtha' spyad pa nor bu'i gzugs rnam pa sna tshogs kyi 'od kyis phye ba bkra ba'i gnas rnams su skyes pa de dang po nyid du re shig lus las 'od 'byung ste/ gzugs sna tshogs dang kha dog dang bgo ba rnam pa sna tshogs 'byung ngo / /de'i lha'i bgo ba dang byug pa dang lus brgyan pa sna tshogs phyi bzhin 'brang ngo / /lha de'i dang po byung ba dag la 'di snyam du sems te/ bdag las gang gis 'dir skyes zhig gu snyam ste/ de yid kyis sngon ji ltar byas pa sngon gyi tshe rjes su dran par byed do/ /de 'di snyam du sems te/ kye e ma 'di ni legs par byas pa'i las kyi 'bras bu nye bar gnas pa yin te/ e ma bdag ni legs par byas pa'i las kyi mtha' spyad pa/ legs par byas pa'i las kyis 'dir skyes pa lta zhig snyam</font><hr>64.193b<br><font size=+1>

mo/ /de de ltar sems pa na de nas legs par byas pa'i las kyi dbang de dang lhan cig tu lha de'i las dang las kyi dbang gis thog ma kho nar re shig sil snyan yan lag lnga dang ldan pa'i sgra thos so/ /thog mar kun nas 'ongs pa mngon par 'dod cing dga' ba'i lha mo de dag glu len te/ glu gang gis gnas de kun nas ri'i rtse mo dang phug gang bar byed cing snyan pa des ri dgas dang bya rgyags pa thams cad gar byed do/ /yang dang yang glu de dag gi sgra thos nas brgya 'gyur du rgyags pas dregs te/ de ltar thog ma kho na de'i glu'i sgras sems g.yeng bar byed do/ /de'i 'og tu de'i gzugs mthong ba la thog mar 'dod pa dang lhan cig 'dod chags skye ste/ de ltar de yon tan du mas yid g.yengs pa/ gzugs mthong bas tshim pa'i lha mo de dag phyir phyogs pa mthong la/ de dag kyang gzugs dang cha byad dang rgyan du mas brgyan pa gzugs dang cha byad dpe med pa dang ldan pa yin no/ /de 'di snyam du sems te/ 'di dag su yin 'di dag gang gi yin snyam mo/ /de sems bskyed ma thag nyid du shin du 'dod chags bskyed pa'i blo la lha mo de dag gis 'di ltar tshigs su bcad de smras pa/ shin du 'dod chags sna tshogs kyi/ /rgyu yi mchog ni bdag cag ste/ /de ni lha khyod kyi lags pas/ /bde ba'i rnam pas rol par mdzod/ /de ltar des tshigs su bcad pa yid la bzung ste bde ba'i rnam pa de dag mthong nas/ lha mo de dag ga la ba de logs su shin du phyogs shing mthong bar 'dod pa reg pa 'dod pa yang dang yang du de nyid du 'gro bar byed do/ /'di ltar de'i 'dod chags kyi rgyu gsum pa 'byung ste/ sems ni dbang po la rag las par 'gyur la/ dbang po la rag las pa ni/ yul la sems 'gyur ba kho na la rag las pa yin te/ de ltar chags sems dang ldan pa de yang de</font><hr>64.194a<br><font size=+1>

dag la reg par 'dod pa reg par byed la/ shin du chags sems dang ldan pa de dag kyang lha de nyid la reg par byed de/ de ltar 'dod chags kyi rgyu gsum pa nye bar 'byung ngo / /de'i dri mtshungs pa med pa thob nas 'di snyam du sems te/ 'di lta bur yid du 'ong ba bdag cag gi sna 'dren par byed pa shin du chags pa'i rgyu dri 'di su'i yin zhig gu snyam mo/ /de lha mo de dag gis de ltar 'khyud pa dang dri mtshungs pa med pa nyid la de snom par byed do/ /gang dper bya ba med pa de brtags nas dri 'di ni lha mo'i yin no snyam ste/ de ltar de 'dod chags kyi rgyu bzhi pa'i dbang du gyur pa yin no/ /de ltar yul bzhi la sems shin du chags pa de la lha mo de dag chang zhim po rnam pa sna tshogs dang lha'i zas bdud rtsi dag stobs par byed de/ de ltar de'i 'dod chags bskyed pa'i rgyu lnga la 'byung ngo / /de ltar de'i shin du 'dod chags bskyed pa'i rgyu lnga la rnam par chags pa/ dpe med pa thog ma kho nar 'byung ste/ lha'i 'dod pa sten pa yang dag pa ma yin pa'i las kyi 'bras bu dang por shes pa de dag thams cad yul gyi bde ba la rnam par chags pas mi mngon no/ /de nas yang shin du chags shing shin du 'dod chags pa'i sems pa 'dod chags kyis bskyed pa'i snying gis lha mo de dag ga la ba der 'gro bar byed do/ /de dag thams cad kyang lha'i bu de ga la ba der phan tshun rgod cing rtse la dga' mgur spyod pa bzhin du 'dong bar byed do/ /de dag gi lha'i bu de dang phrad nas shin du 'dod chags kyis bskyed pa'i tshig rnams kyis de dang rtse bar byed de/ bro rdung glu len rgod rgod rtse rtse rgal rgal dga' mgur spyad nas 'khod pa/ gzugs dang cha byad sna tshogs dang dar la bab pa dang ldan pa rnams tshal dang nags tshal dang lteng ka dang 'bab chu dang pad ma chen po'i tshal ga la ba de dag tu 'dong bar byed do/ /de nas yang</font><hr>64.194b<br><font size=+1>

de rnams kun mthong yid 'ong zhes bya ba'i tshal ga la ba der lha dag dang lhan cig 'dong bar byed de/ kun mthong yid 'ong gi tshal de yang gnas de dang lhan cig pa'i lha de dag thams cad rtag tu kun dga'i ra bar dga' zhing gnas so/ /tshal de yang rtag tu 'dod pa thams cad dang yang dag par ldan pa'i shing ljon pa rnam pa du mas brgyan pa yin te 'di lta ste/ gser gyi sdong po la dngul gyi lo ma dang ke ke ru'i yal ga dang mu tig lta bu'i 'bras bu dang ro dang gzugs phun sum tshogs pa yin la/ de ltar shing ljon pa rnam pa du ma dpe med pa rnams kyis tshal de brgyan to/ /gzhan yang rnam pa gzhan gyis tshal de nyid brgyan pa yin te 'di lta ste/ bai dUr+ya'i shing ljon pa'i sdong po la gser gyi lo ma dang ke ke ru'i 'dab ma dang 'bras bu dngul mdog dang spug gis rnam par phye ba yin no/ /yang shing ljon pa rnam pa gzhan 'byung ste 'di lta ste/ sdong po nyer nyer pos rnam par phye zhing thams cad du rin po che sna bdun las byas pa yin no/ /'di lta ste/ gser las byas pa dang thams cad bai dUr+ya las byas pa dang thams cad ke ke ru las byas pa dang thams cad dngul las byas pa dang / thams cad spu gu las byas pa yin te shing ljon pa'i sdong po thams cad shin du rnam par phye ba yin no/ /yang shing ljon pa de dag gi mtha' dang yal ga rnams kyang de bzhin du thams cad rin po che sna bdun las byas pa yin te 'bras bu dang me tog phun sum tshogs pa dag lha'i me tog rnams kyis brgyan pa yin no/ /me tog de dag las kyang kha dog sna tshogs dang dri rnam pa sna tshogs dag 'byung ste me tog de rnams kyi dri dpag tshad drug tu 'byung ngo / /bung ba kha dog sna tshogs rnams kyang me tog gi ros myos nas shing ljon pa de rnams kyi nang na rgyu bar byed de/ de ltar las dkar po rnam pa sna tshogs kyis kun mthong yid 'ong gi shing ljon pa rnams mdzes pa yin no/ /yang pad</font><hr>64.195a<br><font size=+1>

ma dang ud pa la'i tshal dag mdzes pa ji lta bu yin zhe na 'di lta ste/ tshal de kun nas bai dUr+ya'i sdong bu dang gser gyi 'dab ma dang ke ke ru'i ze ba dang an da rnyil gyi mdog lta bu'i bung ba rnams kyis brgyan pa'i bung ba thams cad sgra snyan pa 'byin te/ ji ltar lha rnams kyi thos pa nyams dga' ba de bas kyang rab tu stobs che bar yid bde ba skye'o/ /yang tshal de nyid kun nas gsal zhing mdzes pa yin te 'di lta ste/ tshal gyi kha dog rnam pa sna tshogs kyis mdzes pa dag ni 'di lta ste/ kha dog sngon po dang ser po dang btsod ka dag yin no/ /ji ltar 'dzam bu'i gling nas phyogs shin du sdug par byas pa ltar tshal rnam par mdzes shing / tshal gsal ba de na stegs dang lteng ka dang tshal bu dang pad ma'i 'dab ma dag gis brgyan pa de kun nas rnam par mdzes pa yin no/ /tshal yon tan de lta bu dang ldan pa de na lha de rnams rtse ba na mngon par mthong nas yid rab tu dga' ba'i lha de dag lha mo'i tshogs des yongs su bskor ba dang lhan cig bde bar 'dong bar bya ba'i phyir nam mkha' la gar bab bab tu 'dong bar byed pa dang / lha gzhan dag lha sngon ma byung ba 'di dag bdag cag gi drung du 'ongs so zhes shes nas lha de dag nyid kyi drung du 'dong bar byed de/ phan tshun tshig snyan pa nyid kyis bos nas phan tshun grogs su gyur pa pad ma'i tshal rnam pa sna tshogs la dga' ba dag sil snyan yan lag lnga dang ldan pas rtse bar byed dga' mgur spyod par byed do/ /de nas lha de rnams de ltar yun ring du kun mthong gi tshal der lha'i 'dod pa'i yon tan lnga rnams kyis rtses nas/ bskyed mos tshal myos gnas shes bya ba ga la ba der 'dod pa'i yon tan lnga 'byor cing ldan par gyur pa rnams 'dong bar byed do/ /bskyed mos tshal de yang kha khyer rnam pa sna tshogs kyis yongs su bskor cing khron pa dang 'bab chu dang rdzing ring po nyams dga'</font><hr>64.195b<br><font size=+1>

ba yin no/ /de na rin po che sna bdun las byas pa'i khang bzangs dkrigs pa gser gyis phye ba dang yang dag par ldan pa/ sa du ma shin du rnam par phye ba nyams dga' ba yin no/ /bya sna tshogs sgra snyan pa 'byin cing gar byed pa dag nyams dga' ba yin no/ /rtag tu 'bab chu dang chu bo'i sgra khru lu lu snyan par 'byin pa nyams dga' ba yin no/ /rtag tu bza' ba dang btung ba mdog dang ro dang dri phun sum tshogs pa chu bo ltar 'bab bo/ /de nas yul der dong nas lha de rnams lha mo'i tshogs cha byad dang rgyan sna tshogs kyis rnam par brgyan pa rang gis legs par byas pa'i las la spyod pa rnams dang lhan cig 'dod pa'i yon tan lnga 'byor cing ldan par gyur pa rnams kyis rtse bar byed do/ /de ltar lha de rnams kyi rtse ba dang dga' mgur spyod pa dag yun ring du 'das kyang lha bag med pa la gnas pa des khong du mi chud do// //'phags pa dam pa'i chos dran pa nye bar gzhag pa/ bam po sum bcu drug pa/ de ltar yul lnga la rnam par chags shing bde ba la gnas pa de rnams kyi las legs par byas pa gang yin pa de dag zad par 'gyur ro/ /de zad nas de nas yang 'chi ba 'byung yang sems bag med pa'i dbang du gyur pa sred pas bslus pa kun nas sred pas 'das shing 'dod chags kyi mes gardungs pa na bde bas myos pas snying myos pa rnams mi mthong ngo / /gang gi tshe bde ba'i rtse ba thams cad kyi gzhi yongs su btang ba/ 'jigs pa'i grong khyer chen po'i mi rtag pa nyid mthong bar gyur pa ma nor cing nges par 'gro ba'i ngo bo 'chi ba mngon du 'ongs pa de'i tshe sdug bsngal chen po yang rig par 'gyur te/ de'i tshe lha rnams kyi sems khong du chud pa'i dus yin no/ /de ltar bag med pa'i yul la dga' ba de rnams ji srid du 'dod pa sdug pa yid du 'ong ba nges par myong bar 'gyur ba'i las de</font><hr>64.196a<br><font size=+1>

zad par ma gyur pa de srid du bde ba de dag myong bar 'gyur ro/ /de zad nas yang lha'i 'jig rten de nas 'chi bar 'gyur te/ shi nas kyang las nye bar 'gro ba ji lta ba bzhin sems can dmyal ba dang yi dgas dang dud 'gro rnams kyi nang du skye bar 'gyur ro/ /gal te nges par myong bar 'gyur ba'i las mi dang so so yang dag par myong bar 'gyur bas mi rnams kyi nang du skyes na/ las de dang rgyu 'thun par de shin du bde bar 'gyur zhing / nor dang 'bru phun sum tshogs pa dang drang zhing drang po'i rang bzhin can yul dbus su skye bar 'gyur te/ gang du bya ba dang mi bya ba shes shing chos dang chos ma yin pa shes par 'gyur ba dang / gang du mi tshogs pa thams cad kyi nang du skye bar 'gyur ba dang gang du chos dang ldan zhing chos kyi rjes su 'jug pa'i rgyal por 'gyur ba dang gang du 'jig rten gyi spyod pa smad pa med par 'gyur ba der skye bar 'gyur la/ skye bo kun gyi mig dga' zhing byis pa dang rgan po thams cad kyang dga' bar 'gyur/ lus rtag tu nad med pa dang gzugs bzang po dang ldan pa dang stobs dang ldan pa dang / gang las kyang 'jigs pa med pa dang sems can thams cad dbugs 'byin pa dang bu dang chung ma dang ldan pa dang 'dod pa thams cad yang dag par 'byor pa dang / nor rdzas kyi rnam pa la rgyal po 'am chu 'am me 'am chom rkun gyi 'jigs pa dang dogs shing 'jigs pa gang nas kyang mi 'ong bar 'gyur ba mthong ngo / /de nas yang dge slong las kyi 'bras bu rnam par smin pa shes pa de sum bcu rtsa gsum pa'i lha rnams kyi gnas la rtog par byed de/ des thos pa las byung ba'i shes pas lha rnams kyi gnas sbyor ba la 'jug pa zhes bya ba ji ltar 'dug pa mthong ngo / /der sems can dag las gang gis skye bar 'gyur snyam nas des thos pa las byung ba'i shes pas brtags na/ sems can dge</font><hr>64.196b<br><font size=+1>

bar gyur pa lta ba ma nor ba mang pos rtag tu las kyi 'bras bu'i de kho na nyid mthong ba rtag tu yang dag pa'i lta ba la yid zhen pa/ rtag tu drang po'i rang bzhin can gzhan la gnod pa mi byed pa/ rtag tu pha ma la gus pa rtag tu chos la phyir mi ldog cing spro ba/ sangs rgyas dang chos dang dge 'dun la gus pa skyes pa gang gis srog gcod pa dang ma byin par len pa mi byed cing byed du mi 'jug la/ rjes su yi rang bar mi byed/ pha rol byed pa yang phyir zlog par byed/ gzeng mi stod/ byas na yang smod par byed/ las kyi 'bras bu yang dag par ston par byed/ gzhan la de kho na nyid bstan pas gang legs par bya ba byas pa de rab tu gzeng stod par byed/ dge ba'i lam la rab tu 'jog par byed/ de nas yang byed du 'jug /byas pa la yang rjes su yi rang bar byed/ bdag nyid kyang srog gcod pa dang ma byin par len pa dag spangs la gzhan dag kyang de nyid la rab tu sbyor bar byed do/ /legs par byas pa'i lam rnam pa gnyis kyis gang sdom pa ma blangs pa de ni len du 'jug par byed la/ gang blangs pa de ni brtan por byed du 'jug ste/ gnyi ga legs par bya ba byas pa bdag nyid dang gzhan nyid la phan pa byas pa de ni mtho ris su skye bar 'gyur ro/ /srog gcod pa spangs pa rnam pa du yod cig gu snyam na/ 'di la srog gcod pa mi dge ba mi byed pa yin no/ /rnam pa ji lta bu/ rnam grangs du yod ce na/ 'di la sems can gzhan la sems can du 'du shes nas srin bu phre'u dang grog sbur la sogs pa la 'tshe bar mi byed cing srog gcod par mi byed pa yin no/ /'di la srog gcod pa mi byed pa ni gang / byi ba 'am skyin gor ram 'ol pa 'am ri dgas dag g.yo thabs kyis 'dzin pa de dag phyir zlog par byed pa yin no/ /g.yo</font><hr>64.197a<br><font size=+1>

thabs kyi rnam pa du yod ce na/ 'di la 'dzin par byed pa rnyong lta bus sam/ bu gar rgyas 'gebs pas sam rtswa'i dra bas sam snyis sam 'brel bas sam rlubs kyis sam gdos kyis 'dzin par byed la/ bzung nas kyang srog gcod par byed pa de dag zlog par byed cing yang dag par dga' bar mi byed gzeng stod par mi byed 'di ltar srog chags dag gi srog gcod par ma byed cig ces zlog par byed cing chos la yang rab tu 'jog par byed de/ rnam pa de dag ni srog gcod pa la yang dag par chags pa'i srog chags zlog par byed pa yin no/ /ma byin par len pa spangs pa ji lta bu yin zhe na 'di la rtswa tsam la yang rku sems kyis mi rku la gzhan dag kyang zlog pa yin no/ /rnam pa du zhig ce na/ 'di la ma byin par len pa'i mi kha cig de nyid la dga' ba'o/ /rnam pa du zhig yod snyam na/ 'di la mchod rten la bud med dag dang lhan cig rol mo'i sgra byed pa dang gzhan dag bro gar byed gzhan dag glu dbyangs len gzhan dag yongs su spyod par byed rgod par byed rtse bar byed dga' mgur spyod par byed/ rab tu dga' bar byed pa dag la chos dang mi ldan pa'i mi dge 'dun gyi kun dga' ra ba dang gnas bsrung ba 'am rol mo byed pa 'am mchod rten las 'tsho ba dag /rol mo'i sgra byed pa de dag las len tam ma byin par len pa gzhan byed dam yang rnam pa gzhan gyis ma byin par len pa byed pa'o/ /'di la gla ni de la bud med rnams gla len pa yin te/ gla sbyin par byas nas/ 'khrig par bya bar bos te/ 'khrig pa dag byas nas ji ltar sngar dam bcas pa bzhin de ltar mi ster ba yin no/ /yang rnam pa gzhan gyis ma byin par len pa byed de/ 'di ltar nya pa 'am rngon pa 'am shen pa dag las 'tsho ba rin sbyin par byas pa las mi ster ba yin te/ rim gyi rnam pa</font><hr>64.197b<br><font size=+1>

'dis srog gcod pa dang ma byin par len pa yin na/ las de dag mi byed cing byed na yang rjes su yi rang bar mi byed la yid kyis kyang rtog par mi byed pa yin no/ /sbyin pa sbyin pa ji lta bu yin zhe na/ 'di la tshegs chen pos 'tsho bar gyur kyang bsam gtan gsum pa 'thob pa 'am gzhan dag la sbyin pa sbyin zhing bsod nams dag byed pa yin te/ rnam pa de lta bur phongs par gyur kyang gzhan la sbyin par byed pa ni/ ji ltar gzhan dag la sbyin par byed pa de ltar rang gi bu la yang yid kyi shes pa gus pas sbyin par byed de/ de ltar sbyin pa sbyin par byed do/ /srog gcod pa spangs nas tshul khrims la rab tu zhugs pa ji lta bu yin zhe na/ 'di la ljan ljin phyags pas sems can dag srog chad par byed pa na phyir zlog par byed cing de nyid du chu ldugs par byed skams la phyung ba de dag kyang ljan ljin de nyid du phyir 'jug par byed pa yin te/ de dag ni srog gcod par mi byed pa dang dge ba la rab tu zhugs pa yin no/ /dge ba'i las 'di gnyis byas pa'i skyes bu dam pa de lus dang bral nas bde 'gro mtho ris kyi 'jig rten sum bcu rtsa gsum pa'i lha rnams kyi nang du skye bar 'gyur ro/ /der skyes nas kyang las kyi mtha' spyad pa legs par byas pa 'dod pa thams cad la rnam par chags pa de lha'i sil snyan yan lag lnga dang ldan pa'i dbyangs nye bar len pa na/ lha mo'i tshogs sna tshogs kyis yongs su bskor ba bde ba dpe med pa rjes su myong ngo / /de'i dpe 'dir cung zad cig bya na 'di ltar gang 'khor los sgyur ba'i rgyal po gser gyi 'khor los sgyur ba'i shin du bde bar gyur pa dag /lha'i stan la gnas la lha'i bde ba de'i bcu drug gi char yang mi phod do/ /'di la lha sha dang rus pa dang chu ser dang bral ba ser sna dang bral ba mig 'dzums pa dang phye ba dang bral ba gos kyi rdul dang bral ba du ba dang khug rna 'dres pa dang bral ba bshang ba dang gci ba dang</font><hr>64.198a<br><font size=+1>

bral ba rang la 'od yod pa yin te/ 'khor los sgyur ba'i rgyal po de lta bu ma yin no/ /rang gi bu dang chung ma la 'dzin pa dang bral ba phrag dog dang bral ba rang gi bza' ba dang btung ba dang bral ba gnyid dang snyom pa dang bral ba yin la 'khor los sgyur ba'i rgyal po ni de lta bu ma yin te/ rnam pa 'dis 'khor los sgyur ba'i rgyal po lha rnams kyi bcu drug gi char yang mi phod de/ de ltar mi'i rim pa mngon sum gyi cung zad cig dper bya ba yin no/ /de ltar lha rnams 'dod pa'i yon tan lnga 'byor cing ldan par gyur pa rnams kyis rtse zhing gnas so/ /der skyes pa'i lha de rnams kyi tshal kA bI ra zhes bya ba srid du dpag tshad bcu yod la zheng du dpag tshad lnga yod de/ kun nas gser gyi bya rnam pa sna tshogs du ma rnams kyis yongs su bskor ba/ kun nas gi wang gi thig les bkra bar brgyan to/ /de nas tshal de me tog bzang po rnams kyis shin du rnam par mdzes par brgyan cing / rin po che sna bdun gyi shing ljon pa rnams kyis brgyan pa yin te/ shing ljon pa de rnams kyi nang na bya gnas pa de dag shin du rnam par mdzes pa yin no/ /dper na gser mgar dag gis rin po che rnam pa sna tshogs dang shing ljon pa sna tshogs kyi ri mo rnams kyis mi rnams kyi rgyan sdug gur byed pa de ltar lha de rnams kyi tshal de dang shing ljon pa de dag rnam par mdzes pa yin la bya'i gzugs dang kha dog rnam pa sna tshogs de rnams kyis brgyan pa yin te 'di ni cung zad cig 'dra ba'i dper bya ba yin no/ /de nas yang lha de rnams tshal de nyid na phan tshun pad ma rnam pa sna tshogs dag gis rtse bar byed de 'di lta ste/ kun nas bai dUr+ya'i 'dab ma dang sbu gu dang ze ba dang lo ma rnams kyis rtse bar byed do/ /gang 'dab ma rnams kyi nang de dag na pad ma rA ga'i mdog lta bur shin du dmar zhing shin du dri zhim pa de dag me tog</font><hr>64.198b<br><font size=+1>

thams cad brtol nas dpag tshad brgyar 'byung la/ dri gang gis myos pa'i lha de dag kyang pad ma'i lo ma'i dris bcu 'gyur du lhag par myos par 'gyur ro/ /de nas yang kA bI ra'i tshal na lha dag lha mo'i tshogs dang lhan cig dga' bar byed dga' mgur spyod par byed do/ /de nas sems bskyed ma thag nyid du da ni bdag cag bza' ba chu ltar 'bab pa dang btung ba chu ltar 'bab pa'i drung du 'dong ngo snyam sems so/ /de nas de dag sems bskyed ma thag nyid tu gzhal med khang chen po pu shu dang rta babs sna tshogs dang dril bu g.yer ka 'khrol ba'i dra ba rnam pa sna tshogs dkrigs pa/ rin po che'i 'phan btags pa'i rta babs rnam pa sna tshogs dang gser dang shel dang rin po che dang ke ke ru'i ka ba sna tshogs btsugs pa dag bya ngang pas khyer ro/ /kha cig ni bya ka ran da bas khyer ro/ /kha cig ni phug ron gyis khyer ro/ /kha cig ni shang shang te 'us khyer ro/ /kha cig ni bya tsa ko ras khyer ro/ /kha cig ni bya sna tshogs lhan cig gis khyer te/ rgyal mtshan de dag gi steng du 'dug pa/ las kyi mtha' spyad pa legs par byas pa'i lha rnams kA bI ra'i tshal chen po'i bza' ba dang btung ba chu bo ltar 'bab pa ga la ba der 'dong bar byed de/ rgyags par gnas pa rtse ba'i don du lha mo'i tshogs dang lhan cig zas dang skom chu bo ltar 'bab pa/ ga la ba der 'dong bar byed do/ /de nas zas dang skom gyi yul der phyin te/ lha de dag rin po che'i gzhal med khang de dag nas 'thung bar byed dga' bar byed yongs su spyod par byed de/ sil snyan dang rol mo'i sgra dang glu rnam pa sna tshogs kyis dga' bar byed do/ /de ltar de rnams yongs su spyod pa na yun ring du 'das kyang lha de rnams bde bar gnas pa des mi tshor ro/ /de dag gal te yun ring zhig lon nas kun dga' ra ba kun mthong mtho zhes</font><hr>64.199a<br><font size=+1>

bya ba ga la ba der lha'i tshal blta ba'i phyir 'dong bar byed de/ gzhal med khang de rnams kyi nang na 'khod pa de dag lha gzhan dag dang lhan cig mtho bar phyin no/ /kun dga' ra ba kun mthong mtho zhes bya ba de na glu rnam pa sna tshogs len zhing rol mo'i sgra 'byin par byed/ bro rdung bar byed dgod par byed de phan tshun grogs su gyur pa rgyags pa gcig pu don du byed pa dag rtse bar byed do/ /de nas kun dga' ra ba kun mthong gi tshal de na lha gnas pa rnams mthong ste/ ri'i rgyal po ri rab kyi phyogs gcig na gang tshal dang nye ba'i tshal gyis brgyan pa/ gser btso ma'i rdo leb 'bar ba spungs pa/ 'bab chu dang chu bo dang stegs dang lteng ka dang zas dang skom chu bo ltar 'bab pa rnam pa sna tshogs kyis brgyan pa/ lha mo'i tshogs rnam pa sna tshogs grangs med pas kun du gang ba/ thams cad dang 'thun pa'i las kyi 'jig rten gyis bzung ba/ ri bo stong phrag drug bcus yongs su bskor ba/ brtsegs mtho chen po na lha dang lha ma yin dang mi 'am ci dang lto 'phye gnas pa/ dge ba du ma'i las kyi mtha' spyad pa'i lha rnams gnas pa/ dge ba'i las rnam pa sna tshogs mngon du gyur pa/ rtse mo rin po che sna bzhis brgyan pa/ gnas dang gnas dag tu lha rnams 'dong ba na cha byad dang rgyan sna tshogs dang gzugs snying du sdug cing yid du 'ong ba dang ldan pa/ lha rnams phan tshun grogs su gyur cing sems shin du 'dod chags dang ldan pa/ phan tshun bag med par gnas pa'i sa phan tshun gtam shin du snyan pa nyams dga' ba sna tshogs zer ba na/ cha byad dang gzugs dang kha zas dang gnas pa tha ma dang 'bring dang khyad par du 'phags pa dag mthong ngo / /de dag 'di snyam du sems te/ bdag cag 'ba' shig la bde ba yod pa ma yin gyi/ lha gzhan dag la yang shin du nyams dga' ba'i ngo bo lha mo</font><hr>64.199b<br><font size=+1>

rnams kyi tshogs dang rtse bar byed dga' mgur spyod par byed do snyam ste/ de ltar sna tshogs lha rnam pa du ma dang dpag bsam gyi shing mdog dang ro dang gzugs dang dri rnam pa sna tshogs kyis brgyan pa dang gzhan yang tshal dang nye ba'i tshal dag mthong ngo / /de nas yang lha rnams gnas gzhan du dong ste phyin nas lha gzhan ri brtsegs mtho ba dang brtsegs pa chen po 'bab chu dang chu bo dang lteng ka sna tshogs kyis brgyan pa dag mthong ste/ ri gang gi rtse mo dag la nyi zla 'khor zhing 'gro ba de dag la yang rtog par byed do/ /de nyi ma rab tu snang ba'i gzugs brnyan brgya 'am yang na stong du snang ste gang du sgra gcan zin gyi lag gis bzung ba ni snga ma bzhin no/ /de nas yang gzhal med khang na gnas pa'i lha de dag nam mkha'i steng nas 'gro zhing yid la ngo mtshar skyes pa de bzhin du lha mo'i tshogs kyis yongs su bskor cing bro gar dang sil snyan dang bcas pa/ sil snyan yan lag lnga dang ldan pa'i glu dbyangs len cing ri'i rgyal po de thams cad skor bar byed to/ /de dag gis ri'i rgyal po tshal dang nags tshal dang ri khrod dang bcas pa de thams cad mthong nas/ de nas yang rang gi gnas de dag nyid du dong ste phyin pa dang sil snyan yan lag lnga dang ldan pas bro rdung bar byed/ rgod par byed dga' mgur spyod par byed do/ /bde ba'i rnam pa'i myos pas myos pa dus du ma rnam par chags pa la dga' ba dag tshal dang nags tshal dang lteng ka rnams su 'dod pa'i yon tan lnga 'byor cing ldan par gyur pa dag gis rtse bar byed do/ /de ltar de dag yun ring du yongs su 'das kyang dus tshod mi shes te thams cad du yid bag med pa'i dbang du gyur pa dag khong du mi chud do/ /yang de dag rtse ba na ri kun nas dga' ba zhes bya ba rgyar dpag tshad lnga la 'phang du dpag tshad bcu yod pa de la kha cig gzhal med khang gi steng du 'dug /kha cig bya'i steng du zhon nas 'dzeg par byed do/ /</font><hr>64.200a<br><font size=+1>

ri kun nas dga' ba de rin po che sna tshogs kyis brgyan pa/ stegs dang nye ba'i tshal dang lteng kas brgyan pa/ stegs kyi rim pa 'bum snyed dang pad ma'i tshal brgya snyed kyis brgyan pa/ ri 'byung kun sna tshogs kyis brgyan pa/ rin po che sna bdun 'od 'byung bas brgyan pa/ dpag bsam gyi shing dag 'bar ba de na lha de dag rtse bar byed dga' dgur spyod par byed de/ cong dang rnga dang sil dkrol dang gling bu dang glu dag gis myos pa phan tshun grogs su gyur pa/ rang gis byas pa'i las kyi 'bras bu la spyod pa rnams rtse bar byed yongs su spyod par byed do/ /de dag dus yun ring du rtse bar byed kyang bag med pa la gnas pa dag khong du mi chud de/ yul gyis kun nas bslang ba de dag nyid kyis tshim pa med cing shin du sdug pa'i bde bas rnam par rmongs pa de dag me tog ku ba la'i tshal du 'dong bar byed do/ /me tog ku ba la'i pad ma rnams kyi kha rab tu bye ba de yang bung ba 'bum snyed kyis gang ba yin te/ bung ba de dag nyid dang lhan cig 'dod pa'i bde ba tshim pa med pas chang 'thung zhing glu len no/ /'dod pa dag gis brgya 'am yang na stong du tshim pa med pa la lag na rol mo'i sgra sna tshogs thogs shing rtag tu myos par gnas pa/ phan tshun rgyags pa du ma don du byed pa de dag bskyed mos tshal chen po 'dod pa nges par thob ces bya ba ga la ba der 'dong ngo / /tshim pa med pa de dag ji srid du 'dod pa sdug pa yid du 'ong ba byas shing bsags pa'i las de zad par ma gyur pa de srid du/ bag med pa la gnas pa dag phan tshun rtse bar byed dga' mgur spyod par byed do/ /de phyis lha'i 'jig rten de nas 'chi bar 'gyur te/ shi nas kyang las nye bar 'gro ba ji lta ba bzhin sems can dmyal ba dang yi dgas dang dud 'gro rnams kyi nang du skye bar 'gyur ro/ /gal te lan grangs gzhan la myong bar 'gyur ba'i las kyis mi rnams dang skal ba mnyam par</font><hr>64.200b<br><font size=+1>

mi'i nang du skyes na/ las de dang rgyu 'thun par de rtag tu na ba med cing bzhin gyi mdog bzang bar 'gyur/ rgyal pos bkrabs pa 'am tshong pa 'am khyim bdag rnams kyis brdung bar mi 'gyur/ shin du bde zhing yid la rig pa'i blo gsal bar 'gyur ba mthong ngo / /de nas yang dge slong las kyi 'bras bu rnam par smin pa shes pa de sum bcu rtsa gsum pa'i lha rnams kyi gnas la rtog par byed de/ des thos pa las byung ba'i shes pas lha rnams kyi gnas zhib du dpyod pa zhes bya ba ji ltar 'dug pa mthong ngo / /der sems can dag las gang gis skye bar 'gyur snyam nas/ des thos pa las byung ba'i shes pas brtags na skyes bu dge ba bdag dang gzhan la phan par zhugs pa g.yo med pa/ gzhan la gnod pa mi byed pa/ mi drang po'i rang bzhin can/ mi'i las su gyur pa/ gang gis dge ba'i las kyi ngo bo nyid byas pa/ rnam par smin pa bde ba/ bsil ba/ rnam par smin pa bsil ba/ bde ba bkra shis pa/ rnam par smin pa bkra shis pa/ skye bo thams cad kyis mchod pa/ skye bo thams cad kyi sdug pa/ 'jig rten 'di dang 'jig rten pha rol tu bde ba byed pa/ skyes bu gang 'jig rten 'di nas 'gro zhing 'jig rten pha rol tu pha mar gyur pa/ skyabs su gyur pa/ bde ba du ma 'byung bar gyur pa/ bde ba byas pa skye bar gyur pa ni legs par byas pa de'i las kyis byed par 'gyur te/ 'di lta ste srog gcod pa dang ma byin par len pa mi byed cing byed du mi 'jug la/ byed du mi gnang nyes par byas pa'i tshul khrims la dad pa dang thad kar lhan cig gnas shing 'dre bar mi byed dga' bar yang mi byed tshul khrims 'chal pa de dang lhan cig rnam par byang ba 'thun par mi sgrub la/ 'di ltar tshul khrims dang ldan pa dang lhan cig rtag tu dga' bar byed/ de dang lhan cig 'dre bar byed/ </font><hr>64.201a<br><font size=+1>

de dang rnam par byang ba 'thun par sgrub de dang thad kar 'dug par yang byed/ de dang lhan cig rtse zhing 'jig rten gyi spyod pa byed/ chos dang chos ma yin par sems par byed de/ skyes bu dge ba de bdag nyid sdig pa mi byed la/ sdig pa'i grogs po dang lhan cig dga' bar mi byed/ thams cad kun nas yongs su dag par byed pa'i skyes bu dam pa/ shin du tshul khrims 'chal pa dag kyang dge ba'i lam la rab tu 'jog par byed cing yang dag pa'i lam ston par byed 'gro ba'i zhing bzang po la dge ba'i las kyi sa bon 'debs par byed/ de kun nas sems gser ltar sbyangs shing dri ma med pa'i sems dge ba'i las kyi mtha' spyad pa'i bde ba ni/ tshe 'di dang pha rol la 'thob cing so so yang dag par myong bar 'gyur ro/ /srog gcod pa spangs pa ji lta bu rnam pa ni du zhig yod ce na/ 'di la kun nas 'dod par bya ba me tog gi rgyu dag bskyed par bya ba'i don du/ du ba dang dug bsres pa bzhag nas srog chags dun du lha 'am 'ol ba 'am sha sbrang chen po 'am rkang brgya pa dag la reg par byas nas gsod par byed pa ni/ 'di ltar bdag gi me tog gi rgyu 'am lcug ma gzings pa 'am me tog gam 'bras bu dag mi nyams par bya'o snyam nas/ srin bu gsad pa'i phyir du bas gsod pa dang 'bra go dang rgun 'brum rnyis pa'i nang na srin bu'i rnam pa yod pa lag gis gnod par mi byed la/ btung ba ma brtags par 'thung zhing de las skyes pa'i srin bu yang gsod na de ltung bar 'gyur te/ srin bu de rnams dang srog chags de dag kyang so sor brtags nas 'thung bar byed la yun ring du bzhag pa/ drod gsher las chung ngur skyes pa'i 'jigs pa dang myos byed las skyes pa'i 'jigs pas kyang 'thung bar mi byed pa yin te/ rnam pa phra mo de dag ni srog gcod pa spangs pa yin no/ /ma byin</font><hr>64.201b<br><font size=+1>

par len pa spangs pa ji lta bu/ rnam pa du/ rnam pa ni ji lta bu yin zhe na/ 'di la rtag tu lo nyes byung bar 'dod pa de lo nyes byung na bdag gis 'gron bu'i khe brgyad 'gyur du thob par bya'o/ /yul ma ga d+hA'i gzhal bre yang shin du chung bar 'gyur/ gang gi nas dang gro la sogs pa dang 'bru zhag drug bcus smin pa la sogs pa yang mi 'byung la bdag gcig pu'i yod par gyur cig snyam du de ltar sems so/ /sems can rnams kyi bar chad bya bar sems te/ de ltar bdag gis srog chags rnams gtse bar bya'o/ /bsdu bar bya'o snyam ste de yang dang yang du de ltar bsams pa dang gal te sems can rnams kyi skal ba chung ba des/ dus ngan pa zhig byung ba dang dga' la yid shin du dga' nas ji ltar bdag gis bsams pa de ltar bdag dga' bar byed pa 'ongs so snyam nas/ de bre mi 'thun pa dang yon tan dang bral ba brtson 'grus nyams pa'i yon tan mi 'thun pas nas dang gro dang 'bras sA lu dag gis gzhan la slu bar byed do/ /de ltar gang gi tshe sems par byed pa las kyi nyer bsdogs yin no/ /gang gi tshe slu bar byed pa de'i tshe las yin no/ /gang gi tshe srog chags dag bslus nas sems la 'dod par byed la dga' bar byed pa de'i tshe las kyi mjug yin te/ ji skad bshad pa'i nyes pa dag spangs shing mi byed pa yin no/ /'byor pa nyung bar gyur kyang gzhal blugs kyi g.yo dag gis gzhan la slu bar mi byed la gzhan byed na yang rjes su yi rang bar mi byed/ gal te lo nyes byung ba'i tshe bdag nyid tshong pa zhig byed na yang de ji lta ba bzhin de ltar 'tshong bar byed la/ chos dang ldan zhing chos kyi bsam pas rnyed pa'i rin thob par byed de/ de ltar de srog gcod pa dang ma byin par len pa spangs pa yin no/ /mi dge ba la zhugs pa dge ba la rab tu 'jug pa ji lta bu yin zhe na/ 'di la</font><hr>64.202a<br><font size=+1>

skyes bu dam pa legs par spyod cing dge ba spyod pa rtag tu bdag la phan pa dang gzhan la phan par byed pa/ 'byor pa nyung bar gyur pa/ tshegs chen pos 'tsho ba/ tshegs chen pos 'byor pa dag sbyin pa po dang sbyin bdag gi drung du 'dug ste/ de dag la slob par byed/ sbyin pa'i 'bras bu dag kyang shes la/ sbyin pa'i 'bras bu de kun du ro myong bar byed/ kun du myangs nas kyang yang dang yang du mgon med cing nyon mongs sdug bsngal ba 'am bsam gtan gsum pa thob pa 'am de dang 'thun pa 'am de la zhugs pa la sbyin pa byed pa yin te/ de ni legs par byas pa'i las kyi mtha' spyad pa rnams kyis chos dang 'thun pa'i longs spyod bsgrubs nas de gsum gyis sbyin par byed do/ /gsum ni gang gi tshe sbyin pa sbyin par bya'o snyam du sems pa de'i tshe las kyi nyer bsdogs yin no/ /gang sbyin par byed pa de las yin no/ /gang gi tshe byin nas yid kyis ro myong bar byed cing de ltar yid la sems pa de'i tshe las kyi mjug yin no/ /de ltar dge ba stong nyis brgya bya ba byas pa de lus dang bral nas bde 'gro mtho ris kyi 'jig rten zhib tu spyod pa'i gnas su skye bar 'gyur ro/ /der skyes nas kyang dge ba'i las kyi mtha' spyad pa de las zhib mo des yid la ji ltar 'dod pa bzhin bdag nyid kyi ngo bo che ba 'am chung bar 'gyur ro/ /lha'i gnas de dag kyang rin po che sna bdun gyi shing ljon pa rnams mdog shin du gsal zhing rang gi dge ba'i las kyis dri ma med pa yin no/ /tshal de yang srid du dpag tshad nyi shu la zheng du dpag tshad bcu yod de/ chu bo dang 'bab chu dang lteng ka dang tshal dang nye ba'i tshal dang nang gi tshal rnams kyis shin du gang ba shin du blta na sdug pa yin la/ shing ljon pa rnams kyis tshal gang yin pa 'di dri ma med pa dang gsal ba yin te/ de yal ga dang lo ma dang 'dab ma rnams kha dog dang me tog</font><hr>64.202b<br><font size=+1>

sna tshogs kyis brgyan pa/ gser btso ma'i mdog dang mtshungs pa kha cig dngul gyi mdog lta bu dang gzhan dag bai dUr+ya'i mdog lta bu yin no/ /tshal dang tshal gyi shing ljon pa de rnams kyi lo ma dang 'dab ma dang shing gzhon nu dang yal ga dang yal ga phra mo me long lta bu'i nang dag tu lha de rnams kyi ngo bo gsal bar snang ste/ 'di lta ste shing gcig gi nang du snang ba de bzhin du shing ljon pa 'bum rnams kyi nang du yan lag dang nying lag thams cad snang ste/ lha'i lus de gcig pu las kyi gzugs brnyan dang 'thun par shing ljon pa 'bum phrag du ma dag gi nang na snang ngo / /yang shing ljon pa de rnams kyi ngo mtshar ba gzhan ni/ ji tsam du las kyi rnam pa dman pa dang 'bring dang khyad par du 'phags pa gang dag gis lha de dag las kyi rnam par smin pa dang bcas pa yin te/ de yang las byas pa ji lta ba bzhin shing ljon pa de rnams kyi shun pa dang rtsa ba dang yal ga dang lo ma dang mdab ma'i nang na thams cad snang ngo / /de nas lha'i rgyal po brgya byin lha dang lha mo'i tshogs 'bum phrag du mas yongs su bskor ba/ lus thams cad me tog gi phreng ba dang byug pas rnam par brgyan pa/ nyi ma 'bum pas lhag pa'i 'od 'bar ba/ tshal der 'dong bar byed do/ /de nas zhib du spyod pa'i lha rnams brgya byin de 'ong ba mngon du mthong nas gus pa dang bcas pa'i sems kyis lha'i rgyal po brgya byin ga la ba der dong ste/ phyin nas brgya byin la gsong por smras shing spyi bor thal mo sbyar te mchod nas yid la gus pa dang bcas pa thams cad tshal ga la ba der 'dong bar byed do/ /de nas lha'i rgyal po brgya byin la snyan pa dang phan pa'i sems thams cad kyis mchod de/ lha dang lha mo'i tshogs dge ba'i las kyi mtha' shin du rgya che ba spyad pa de dang lhan cig yongs su bskor nas bde bar gnas par bya ba'i phyir tshal ga la ba der 'dong bar byed do/ /</font><hr>64.203a<br><font size=+1>

de bya sna tshogs skad 'byin pas shin tu gang ba/ gser gyi shing ljon pa rnams kyis brgyan pa'i tshal der phyin te/ las 'thun pa mngon sum du gyur pa de dag kyang las kyi chos kyi rnam par smin pa mngon par mthong nas brgya byin des 'di ltar tshigs su bcad de smras pa/ ljon pa sna tshogs 'di rnams ni/ /dge ba'i las kyis mngon du gyur/ /yi ge med kyang shin du 'thun/ /mkhas pa rnams ni rjod par byed/ /rnam par smin pa gang gang gis/ /gang dang gang du skye 'gyur ba/ /mi yis de dang de dag tu/ /dge ba 'am yang na mi dge 'thob/ /skye bo dge ba'i las kyis su/ /rtag par lha rnams nang du skye/ /de bzhin mi dges mi tha ma/ /sems can dmyal bar lhung bar gyur/ /dge dang mi dge dag la chags/ /'dod can 'dod pas rmongs pa rnams/ /gang dag nges par 'byung 'gyur ba/ /'chi ba khong du mi chud do/ /ljon pa rnams la mngon pa gang / /'di ni dge ba'i rnam smin te/ /bde bas yid ni rmongs pa dag /bde las dga' ba 'bral mi nus/ /yul 'dod pa yi srog chags rnams/ /'dod pa'i ro yis rab myos pa/ /gang gis bcings pa'i lus can ni/ /dra ba ldan pas rtag tu gnod/ /ji ltar 'jig rten dag gi me/ /tsha dang lhan cig skye ba ltar/ /bud med mi bzad 'dod chags dang / /nges par lhan cig skye bar 'gyur/ /ji ltar bud med las byung me/ /lus can rnams kyi snying 'jug pa/ /me 'di gang zhig byung ba ni/ /de ltar tsha bar mi 'gyur ro/ /'jig rten thams cad rnam 'jig cing / /chos ni thams cad zad byed la/ /sems can dmyal ba 'di yi rgyu/ /bud med yin zhes drang srong gsung / /bud med khar ni tshig snyan smra/ /snying ni gdug pa'i dug dang mtshungs/ /yid du 'ong la 'ang 'dug</font><hr>64.203b<br><font size=+1>

mi byed/ /de la mi ni su zhig dga'/ /yud tsam gyis ni dga' byed la/ /de bzhin yud kyis dga' mi byed/ /snying du sdug pa 'ang gnas mi byed/ /brtan pa med de glog dang mtshungs/ /slu bar byed pa'i rgyu la mkhas/ /rtag tu bya ba lhur byed cing / /rtag tu yid la phrad par 'dod/ /rtag tu nga rgyal 'ba' shig sems/ /lha dang mi dang sha za dang / /lto 'phye rnams dang srin po yi/ /'ching bar gyur pa bud med de/ /shin du mi bzad dug dang mtshungs/ /phan pa med dang rigs med dang / /mthu rtsal che ba 'ang dran mi byed/ /sems ni gnas pa med pa ste/ /bud med rlung gi shugs dang mtshungs/ /gang du phun sum tshogs gyur pa/ /der ni bud med chags byed la/ /dbul bar gyur dang 'dor byed de/ /skyes pa nges par gtong bar byed/ /skyes pa gang dang gang phrad pa/ /de la bud med chags 'gyur zhing / /de ni myur zhing ches myur bar/ /gtong ste mi 'thun gnas par byed/ /ji ltar bung ba me tog dag /skams na thams cad gtong bar byed/ /de ltar nor dang bral ba yi/ /mi ni bud med rnams kyis gtong / /snying ni mi bzad ral gri 'dra/ /mun pas khebs pa brtan pa med/ /gang gi rgyu yis bud med rnams/ /skyes pa 'jig pa'i phyir skyes so/ /ji ltar bud med 'ching byed pa/ /lha rnams la ni 'ching gzhan med/ /bud med 'ching bas bcings pa dag /sems can dmyal bar ltung bar byed/ /bud med las byung 'dod chags gang / /'dod chags nang na 'di che ste/ /bud med 'dod chags yid bsregs pa/ /phyi nas me yis sreg par byed/ /'dod chags kyis ni nyams pa'i mi/ /las rnams kyang ni mngon sum ste/ /bud med 'dod chags rnam rmongs pa/ /rmugs pa'i snying gis mi rig go/ /skyes pa dang ni yid gcugs shing / /</font><hr>64.204a<br><font size=+1>

dga' ba du ma byas nas su/ /sbrul gyi lpags pa 'dor ba ltar/ /bud med kyis ni glo bur 'dor/ /thabs kun gyis ni bud med bsgrubs/ /thams cad du ni yongs bskyangs kyang / /bud med shin du mi bzad pa/ /bdag gir bya bar mi nus so/ /de ltar rang bzhin de yin te/ /bud med rnams ni sems mi brtan/ /skyes pa brtan pa'i sems kyis su/ /de la nam yang yid mi rton/ /de nas lha'i dbang po de'i kha nas thos shing las legs par byas pa gang yin pa'i lha de dag gis/ brgya byin gyi tshig de thos nas yid la byed pa dang bral zhing skyo ba skyes pa rnams/ skyo ba skyes nas 'di ltar tshigs su bcad de smras pa/ ji ltar brgya byin de bzhin te/ /de nyid mtshan nyid khyod kyis gsungs/ /bud med zhags par gyur pa'i sems/ /bdag cag gis ni ma rtogs so/ /de nas brgya byin gyis lha de dag las tshigs su bcad pa de thos nas/ tshal de bya sgra snyan pa 'byin cing nyams dga' ba gzhal med khang du mas brgyan pa 'bab chu dang chu bo dang lha'i rol mo'i sgra rnar snyan cing yid du 'ong ba/ gser btso ma lta bu'i ri dgas kyis rnam par brgyan pa lha dang lha mo'i tshogs kyis kun tu gang ba ga la ba der/ lha'i rgyal po kau shi ka de lha'i tshogs dang lhan cig bde ba la gnas par bya ba dang lha'i bde ba nyid la yang dang yang du spyad par bya ba'i phyir 'dong bar byed de/ de tshal de na 'dod pa'i yon tan lnga rnams dang yang dag par ldan zhing shin du nyams dga' ba/ dbang po mchog thams cad yul thams cad la rnam par dga' ba'i bde ba myong bar byed do/ /de dag kyang spyad nas ri rab kyi rtse mo spos brtsegs shes bya ba rin po che sna bdun 'bar ba lha'i 'byung khung mu tig gi phreng ba rnams kyis rnam par brgyan pa ltar 'bab chu dang chu bo bye ma mu tig lta ba rnams gyis nye bar brgyan pa/ chu bo de dag gi 'gram gnyi ga na lha'i bya sgra</font><hr>64.204b<br><font size=+1>

'byin cing shin du blta na sdug pa/ yid du 'ong zhing nyams dga' ba de dag na lha'i rgyal po brgya byin de lha mo'i tshogs kyis yongs su bskor nas/ lha cha byad dang gzugs sna tshogs dang ldan pa rnams rjes su 'brang zhing rtse bar byed do/ /de der yang yun ring du sil snyan yan lag lnga dang ldan pas rtses nas/ gzhal med khang bskyed mos tshal gyis brgyan pa spyi bo zhes bya ba ga la ba der 'dong bar byed de/ lha dang lha mo'i tshogs yid rab tu dga' ba dang lhan cig der dong ste phyin pa dang gang lha gzhan 'dod pa'i yon tan lngas yid phrogs pa dag gnas gzhan dag na rtse bar byed la/ de dag bskyed mos tshal spyi bo ga la ba der 'dong bar byed do/ /gzhal med khang dang bskyed mos tshal phun sum tshogs pa de yang ri bo thams cad bas 'phang mtho la/ 'di ltar 'thab bral ba'i lha rnams kyi drung nas 'od gsal ba cung zad 'byung ste/ ji ltar mi'i gnas bzhi rnams su ri rab las 'od gsal ba 'byung ba de ltar 'thab bral ba'i lha rnams kyi drung nas 'od gsal ba phyis 'byung ngo / /'jig rten spyi bo pa la 'od cung zad kyang med kyang 'jig rten spyi bo ba de stong gyur du mdzes pa yin no/ /de nas der yang brgya byin gyis dus yun ring du rtses nas de nas yang de bzhin du lha dang lha mo'i tshogs kyis yongs su bskor te lha'i 'dun sa chos bzang ga la ba der 'dong bar byed do/ /zhib du spyod pa'i lha de dag kyang lha'i gnas de dag na/ ji srid tu 'dod pa sdug pa yid du 'ong ba byas shing bsags pa'i las de zad par ma gyur pa de srid du 'dod pa'i yon tan lnga 'byor cing ldan par gyur pa rnams kyis rtse bar byed dga' mgur spyod par byed do/ /de phyis lha'i 'jig rten de nas 'chi bar 'gyur te/ shi nas kyang las nye bar 'gro ba ji lta ba bzhin sems can dmyal ba dang yi dgas dang dud 'gro rnams kyi nang du skyi bar 'gyur ro/ /gal te lan grangs gzhan la</font><hr>64.205a<br><font size=+1>

myong bar 'gyur ba'i las kyis mi rnams kyi nang du skyes na/ las de dang rgyu 'thun par de rtag par mchog tu bde ste rgyal po 'am blon po chen por 'gyur/ rtag tu skra zhib mo sdug gur 'khyil ba dang rtag tu yid shin du zab pa dang thams cad kyis dka' bar bya ba rnams la don dang ldan par shes pa dang rab tu mang por mi smra zhing nyung ngur smra ba dang rtag tu shin du gos gtsang zhing dkar ba dang chung ma mi g.yem pa dang khyim thab kyi gnas la dga' zhing khyim thab la dga' la phyi rol du mi 'khyam pa dang rtag tu sbyin pa la dga' zhing sems shin du drang ba dang rang gi 'khor dang mdza' bshes dang rtsa lag la dga' ba dang bla ma la dga' ba dang tshes grangs la dga' ba dang rang gi bud med la dga' ba dang tshul khrims dang ldan pa dang gzhan gyi bud med la mi dga' ba dang spos dang phreng ba la dga' ba dang sdig pa'i grogs po la mi dga' ba dang rigs dma' bar mi skye ba dang gzugs dang cha byad dang rgyan bzang por 'gyur ba mthong ngo / /de nas yang dge slong las kyi 'bras bu rnam par smin pa shes pa de sum bcu rtsa gsum pa'i lha rnams kyi gnas la rtog par byed de/ des thos pa las byung ba'i shes pas lha rnams kyi gnas glu'i sgra la shin tu dga' zhing mngon par chags pa zhes bya ba ji ltar 'dug pa mthong ngo / /sa der sems can dag las gang gis skye bar 'gyur snyam nas/ des thos pa las byung ba'i shes pas brtags na/ bdag la phan pa dang gzhan la phan pa'i phyir sems dge ba las dge ba sems dri ma dang bral zhing gsal ba/ lus dang ngag gi las kyi mtha' dge ba/ las kyi mtha' spyad pa dge zhing 'dod pa/ gtan du phan par 'dod pa/ snying rje'i bdag nyid can las dang 'bras bu la dad pa/ yang dag pa'i lta ba dang yang dag pa'i las kyi mtha' dang / tshul khrims kyi yon tan gnyis la rab tu zhugs pa/ rkog ma yin par</font><hr>64.205b<br><font size=+1>

byed pa/ sems ma g.yengs pa/ spyod pa ma g.yengs pa/ sdig pa'i grogs po'i ngang tshul can ma yin pa/ mar 'dzin pa/ phar 'dzin pa/ dge sbyong du 'dzin pa/ bram zer 'dzin pa/ gang gi las kyi nyer bsdogs dang las dang las kyi mjug dang gsum ste/ tshul khrims de dag kun kyang shin du yongs su dag par byas/ tshul khrims kyi yon tan gnyis kyang bsrungs/ srog gcod pa dang ma byin par len pa yang rnam par spangs pa yin no/ /srog gcod pa shin du bsrungs pa rnam pa du yod ce na/ 'di la nas dang gro dang 'bras sA lu rnams kyi nang na sems can srin bu phra mo skyes pa dag rang thag la mi 'thag la/ de ltar srog chags de dag shin du bsrung ba'i phyir ram ma byin par len pas 'jigs pa'i phyir/ nas dang gro de dag kyang 'tshong bar mi byed/ ba lang dang rta dang rnga mo dang bung bu dag la khur bkal bas rgyab snad pa dang de dag la srin bu byung ba rnams chu 'am rtsab mos 'khru zhing srin bu mi shi ba'i cho ga yang byed de/ 'di ltar bya sgro rnams kyis blangs nas/ sha nyams pa gzhan la srin bu de dag 'jog par byed/ chos ma yin pa'i 'jigs pas 'di ltar ba lang dang rta dang rnga mo dang bong bu dag la gnod par ma gyur cig /srin bur gyur pa'i srin bu rnams kyang 'chi bar ma gyur cig ces de ltar gnyi ga'i srog srung bar byed/ srog chags phre'u dang grog sbur la sogs pa yang shin du srung bar byed/ rnam pa thams cad kyi thams cad du kun la phan par 'dod pa/ nyin mo dang mtshan mo yid la bag med par mi byed/ srog chags rnams la yid kyis kyang 'khu bar mi byed/ sems can pha rol po dang po nas sems can gyi 'du shes bskyed de/ srog chags phre'u dang grog sbur la sogs pa de dag kun du srung bar byed cing gnas skabs thams cad du dge ba'i las kyi mtha' spyod pa yin te/ de dag ni srog gcod pa srung ba yin zhing</font><hr>64.206a<br><font size=+1>

de dag ni srog gcod pa spangs pa yin no/ /ma byin par len pa spangs pa ji lta bu yin/ rnam pa ni du yod ce na/ 'di la de ltar dge ba'i las kyi mtha' spyod pa de sems can sbal ba 'am sre mo 'am khyi 'am wa bzung ba de dag zas gzhan gyis thar bar byed do/ /thar bar byas nas kyang sha rjen za ba de dag la zas de dag sbyin par byed do/ /bsres pa de dag kyang de dag nyid za bar byed de/ de ltar srog chags de dag kyang shin du bsrungs pa yin no/ /de ni lha rnams kyi nang du skye bar 'gyur la de ltar ma byin par len pas ni lha rnams kyi nang nas shi nas dud 'gro rnams kyi nang du skye bar 'gyur te rnam pa de dag ni ma byin par len pa spangs pa yin no/ /bdag nyid kyis kyang spangs la gzhan dag kyang dge ba'i lam la rab tu 'jog par byed/ dge ba la ma zhugs pa yang dge ba'i lam la rab tu 'jog par byed/ zhugs pa 'ang yang dang yang du gzeng stod par byed/ las kyi 'bras bu nye bar ston par byed/ rgyur byed/ khong du chud par byed de/ rnam pa de dag ni srog gcod pa dang ma byin par len pa spangs pa yin no/ /legs pa la 'jug pa ji lta bu yin zhe na/ 'di la 'byor pa nyung bar gyur kyang chos rtogs pas 'tsho ba/ sbrang rtsi dang sbrang bu'i sbrang rtsi'i phyir sems can gsod pa dag nor zas byin nas sbrang bu rnams kyi srog skyob pa yin te/ de ni sems can rnams kyi srog sbyin pa yin no/ /ma byin par len pa spangs shing / sbyin pa la mngon par dga' ba ji lta bu yin zhe na/ 'di la de ltar tshegs chen pos 'tsho ba chos dang ldan zhing chos kyi rjes su 'jug pa de/ bsam gtan bzhi thob pa 'am gzhan dag la zas sbyin pa dang de bzhin du tshegs chen pos 'tsho bas srog chags dag dgra'i lag tu song ste/ mtshon gyis 'khrug cing bsad du dogs pa na de thar bar byed pa yin no/ /sbyin pa rnams kyi nang na</font><hr>64.206b<br><font size=+1>

mchog ni 'di yin te 'di lta ste/ chos sbyin pa 'am srog sbyin pa yin la de gnyi ga'i sbyin pa dag tu gyur pa/ skyes bu dam pa de gzhan dag kyang de ltar byed du 'jug byas pa la yang rjes su yi rang bar byed pa de ni dge ba'i tshul khrims la rab tu zhugs pa yin no/ /tshul khrims dang ldan pa de lus dang bral nas bde 'gro mtho ris kyi 'jig rten sum bcu rtsa gsum pa'i lha rnams kyi nang du glu'i sgra la shin du dga' zhing mngon par chags pa'i gnas su skye bar 'gyur ro/ /der skyes nas kyang dge ba'i las kyis sprul pa de la mchod pa byed de/ 'di ltar gang shin du rgya che ba thams cad dang ldan pa'i tshal 'di thams cad mngon par brgyan pa/ 'di thams cad legs par byas pa'i las kyis bskyod pa yin te/ lha'i gnas 'di gom gang tsam yang gang legs par byas pa'i las kyis ma sprul pa 'am gang du lha rnams kyis ma brtsegs pa 'am der bde ba'i rnam pa spyad nas mi shi ba 'am rang gis byas pa'i las kyi 'bras bu zad nas nyams par ma gyur pa med de/ gang du bdag cag gi lus mngon sum du gyur kyang sred pa'i zhags pas bcings pa/ sred pas rnam par bsgyur ba/ yang dang yang du rnam par bslus pa rnams yid 'byung bar mi byed do/ /de ltar de brgya byin gyis mthong nas yang dang yang du tshal de dag nyid ga la ba der bde bar gnas par bya ba'i phyir 'ong bar byed do/ /de skal ba nges par myong bar byed pa/ me tog dang 'bras bu dang lcug ma 'phyang bas khebs pa'i shing ljon pa sna tshogs dang bza' ba dang btung ba chu bo ltar 'bab pa phun sum tshogs pa ga la ba der lha'i tshogs dang lhan cig 'dong bar byed do/ /tshal gyi phyogs der yang lha mo'i tshogs dang lhan cig rtses nas/ bskyed mos tshal myos 'gro 'dul zhes bya ba ga la ba der bde bar gnas par bya ba'i phyir 'dong bar byed do/ /de nas brgya byin lha de dag dang lha gzhan rnams dang yang</font><hr>64.207a<br><font size=+1>

lhan cig tu gzhal med khang myos 'gro 'dul zhes bya ba ga la ba der 'dong bar byed do/ /de nas brgya byin gyis bskyed mos tshal de mngon par mthong nas khyed cag bskyed mos tshal 'di ltos shig ces smras so/ /lha rnams kyis brgya byin mthong lags so zhes smras so/ /de nas yang brgya byin gyis lha rnams la sngon byung ba'i rabs rjod par byed de/ 'di ltar bdag gis tshal 'dir lha rnams kyi nang du sngon gyi tshe rabs thos te/ bcom ldan 'das 'khor ba 'jig gis lha rnams la chos bshad pa 'di lta ste/ thog mar yang dge /bar du yang dge /tha mar yang dge ba/ don bzang po/ tshig 'bru bzang po/ yongs su rdzogs pa/ yongs su byang ba'i chos bstan te 'di lta ste/ 'di yod pas 'di 'byung / 'di skyes pa'i phyir 'di skye/ 'di 'gag pa'i phyir 'di 'gag go/ /gang zhig yod na ci zhig 'byung zhe na 'di lta ste/ 'dod pa rnams yod na nyes dmigs 'byung la/ 'dod pa rnams med na nyes dmigs mi 'byung ste/ lha dag 'di ni yod pas 'di 'byung ba yin no/ /gang zhig med na ci zhig mi 'byung zhe na/ lha dag 'di lta ste/ 'dod pa rnams med na 'dod pa'i nyes dmigs rnams mi 'byung ste 'di ni 'di med pas 'di mi 'byung ba yin no/ /gang zhig 'gag na ci zhig 'gag ce na/ sred pa 'gags pas 'dod pa 'am 'dod pa'i nyes dmigs 'gags te/ lha dag 'di ni 'di 'gags pas 'di 'gag pa yin no/ /lha dag gzhan yang 'di yod pas 'di 'byung la/ 'di med pas 'di mi 'byung ba ni 'di lta ste/ sred pa'i rkyen gyis 'dun pa sngon du 'gro ba 'byung la/ 'dun pa'i rkyen gyis 'dun pa skyed pa yid la byed pa mi 'thun pa 'byung ngo / /de la 'dun pa gang yin pa de ni bya ba'i bsam pa yin no/ /rmongs pa tshol ba gang yin pa de ni ma</font><hr>64.207b<br><font size=+1>

rig pa yin no/ /ma rig pas rmongs pa yang dang yang du yul rnams la tshim pa med pa gang yin pa de ni sred pa yin no/ /gang tshim pa med pa 'am tshol ba gang yin pa de ni 'dod chags yin te/ lha dag 'di yang 'di yod pas 'di 'byung ba yin no/ /gang zhig med na ci zhig 'byung zhe na 'di lta ste/ sred pa med na tshim pa med pa'i ngo bo mi 'byung ste/ 'di yang 'di 'gags pas 'di 'gag pa yin no/ /lha dag gzhan yang 'di yod pas 'di 'byung la 'di med pas 'di mi 'byung ba ni 'di lta ste/ byas shing bsags pa'i las rnam par smin pa 'byung la/ byas shing bsags pa'i las med na rnam par smin pa mi 'byung ste/ lha dag 'di yang 'di yod pas 'di 'byung la 'di med pas 'di mi 'byung ba yin no/ /lha dag gzhan yang 'di yod pas 'di 'byung la 'di med pas 'di mi 'byung ba ni 'di lta ste/ mig la yang brten gzugs la yang brten nas yid la byed pa sngon du 'gro ba'i mig gi rnam par shes pa 'byung ste lha dag 'di yang 'di yod pas 'di 'byung ba yin no/ /gang zhig med na ci zhig mi 'byung zhe na 'di lta ste/ gzugs kyang med mig kyang med yid la byed pa yang med na mig gi rnam par shes pa mi 'byung ste/ lha dag 'di yang 'di med pas 'di mi 'byung ba yin no/ /lha dag gzhan yang 'di yod pas 'di 'byung ba ni 'di lta ste/ bye ma dang 'jim pa dang 'khor lo dang skud pa dang chu la sogs pa rgyu la brten nas bum pa 'byung bar 'gyur te/ lha dag 'di yang 'di yod pas 'di 'byung ba yin no/ /yang gang zhig med na ci zhig mi 'byung bar 'gyur zhe na 'di lta ste/ bye ma dang 'jim pa dang 'khor lo dang skud pa dang chu la sogs pa rgyu rnams med na bum pa mi 'byung ste/ 'di yang med na 'di mi 'byung ba yin no/ /lha dag gzhan yang 'di yod na 'di 'byung ba ni 'di lta ste/ 'du ba yod na 'bral ba 'byung ste/ 'di</font><hr>64.208a<br><font size=+1>

yang 'di yod na 'di 'byung ba yin no/ /gang zhig med na ci zhig mi 'byung zhe na 'di lta ste/ 'du ba med na 'bral ba'i sdug bsngal mi 'byung ste/ lha dag 'di yang 'di med pas 'di mi 'byung ba yin no/ /lha dag gzhan yang 'di yod pas 'di 'byung ba ni 'di lta ste/ skye ba yod na 'chi ba 'byung la/ skye ba med na 'chi ba mi 'byung ste/ lha dag 'di yang yod pas 'di 'byung la 'di med pas 'di mi 'byung ba yin no/ /lha dag gzhan yang 'di yod pas 'di 'byung ba ni 'di lta ste/ 'dod chags kyi me yod na nges par gdung bar 'gyur te/ ji ltar me yod na nges par sreg pa yod pa bzhin no/ /lha dag 'di yang 'di yod pas 'di 'byung ba yin no/ /gang zhig med na ci zhig mi 'byung zhe na 'di lta ste/ 'dod chags med cing 'dod chags kyi me med na 'dod chags kyi gdung ba mi 'byung ste/ ji ltar me med na sreg pa mi 'byung ba bzhin no/ /lha dag 'di yang 'di med na 'di mi 'byung ba yin no/ /lha dag gzhan yang 'di yod na 'di 'byung ba ni 'di lta ste/ pha ma dang khu chu dang khrag dang nges par 'byung ba skye ba dang mngal du skye bar 'gyur ba'i las nges pa dang dri za nye bar len pa yod na skye ba 'byung ba yod de/ lha dag 'di yang 'di yod pas 'di 'byung ba yin no/ /gang zhig med na ci zhig mi 'byung zhe na 'di lta ste/ pha ma yang med khu chu dang khrag kyang med yang dag par myong bar 'gyur ba'i las kyang med na mngal du nye bar len pa sngon du 'gro ba mi 'byung ste/ lha dag 'di yang 'di med pas 'di mi 'byung ba yin no/ /lha dag gzhan yang 'di yod pas 'di 'byung la 'di med pas 'di mi 'byung ba ni 'di lta ste/ tshu rol yod na pha rol yod pa yin no/ /gang zhig med cing ci zhig mi 'byung zhe na 'di lta ste/ tshu rol med na pha rol med de lha dag 'di yang yod na 'di 'byung la/ 'di med na 'di mi 'byung ba yin no/ /de ltar phan tshun rkyen dang bcas pa nye bar</font><hr>64.208b<br><font size=+1>

bzung nas btags pa yin te/ phan tshun rkyen dang bcas pas 'dus byas thams cad 'byung zhing 'brel bar 'byung ba la brten nas 'byung ste 'di lta ste/ ma rig pa'i rkyen kyis 'du byed rnams/ 'du byed kyi rkyen kyis rnam par shes pa ste/ de ltar rten cing 'brel par 'byung ba thams cad rgya cher khong du chud par bya'o/ /lha dag de yang bcom ldan 'das des myos 'gro 'dul gyi gzhal med khang chen po der mi'i nyin zhag bgrang ba'i tshul gyis lo lnga stong du chos bshad do/ /'dir bdag gis khyed la phyogs gcig tsam zhig bshad pa 'di yin te/ de ltar gang gA'i klung gi bye ma ltar rgya che ba yang dag par rdzogs pa'i sangs rgyas bcom ldan 'das rnams kyi 'thun te chos kyi lugs ni gcig yin no// //'phags pa dam pa'i chos dran pa nye bar gzhag pa/ bam po sum bcu bdun pa/ de nas bcom ldan 'das des lha dung phyur phrag bdun dag gi zag pa zad par mdzad cing mig dri ma dang bral ba bskyed nas/ de nas yang 'dzam bu'i gling ga la ba der gshegs so/ /der gshegs nas mi rnams la yang thugs rje dam pas chos ston te 'di lta ste/ ma rig pa'i rkyen kyis 'du byed rnams shes rgya cher khong du chud par bya'o/ /der yang sems can la phan par bzhed pa des mi rnams kyi zag pa du ma zad par mdzad de/ de ltar sangs rgyas bcom ldan 'das lha dang mi rnams la chos 'chad pa/ lha dang mi rnams kyi ston pa yin no/ /de bzhin du brgya byin des lha de rnams la smras nas/ gzhal med khang chen po myos 'gro 'dul zhes bya ba ga la ba der dong ste phyin pa dang pad ma'i rdzing bya kha dog sna tshogs dag dang rin po che sna bdun gyi pad ma rnams kyis nye bar bskor ba mthong ngo / /rin po che sna bdun gyi pad ma yang 'dab ma kha dog sna tshogs dang cha byad sna tshogs dang dbyibs dang cha byad dang ldan pa</font><hr>64.209a<br><font size=+1>

dang / nyi ma shar ba lta bu'i mdog rnams kyis brgyan pa yin no/ /gang du pad+ma dang bai dUr+ya'i shing ljon pa'i 'od kun 'byung ba rnams kyis gzhal med khang chen po de nye bar brgyan te/ rab tu gsal ba yin no/ /gzhal med khang chen po de 'od sngon pos rnam par mdzes shing gser gyi lo ma rnams dang 'od dmar pos kyang rnam par mdzes pa yin no/ /de nas yang gzhal med khang chen po de ba'i tshal rnam pa gzhan gyis mdzes pa yin te/ khyim dang nye ba'i tshal de ni rab tu dbye ba du mas brgyan pa/ rin po che sna tshogs kyi shing ljon pa rnams dang / khyim dang tshal rnams kyis brgyan pa/ shin du nyams dga' zhing mthong na yid du 'thad pa gang yin pa dag mthong nas/ brgya byin yang ngo mtshar cher skyes so/ /de'i dbus na mtsho chen po yod de/ gser btso ma lta bu'i chu rnams kyis mdzes par byas pa/ phye ma du mas bkra bar byas pa/ kha dog sna tshogs can rnams kyis brgyan pa yin no/ /de nas lha de dag sil snyan sna tshogs kyi sgra 'byin cing 'gro ba na bro brdung / glu len rtse rgod/ phan tshun yid gcug pa dag mtsho rnam par rgyal byed ces bya ba der dong ngo / /de nas lha dag shin du bag med pa de dag rnam par rgyal byed na gnas pa'i bya rnams kyis mthong nas 'di ltar tshigs su bcad de smras pa/ ji ltar pad ma'i tshal dag du/ /rjen za bya rgod mdzes ma yin/ /de bzhin zhi ba'i dgon pa ru/ /mi dge spyod pa mi mdzes so/ /ji ltar nyi ma 'od grang na/ /log par gyur te mi mthun ltar/ /bag med lha rnams ga la zhig /zhi ba'i tshal du ga la dga'/ /sred dang bral ba'i bde ba dang / /sdug bsngal grol ba'i skyob pa gang / /bde ba de'i khyad par 'das/ /bde ba'i grangs su mi brtsi'o/ /rab tu myos med bsam gtan pa/ /kun tu zhags las grol ba yi/ /bde gang de ni bde mchog te/ /sred pas bslu ba 'di ma yin/ /tshal 'di thub pas bstan pa ste/ /shin tu bsgom pa rnams kyis bstan/ /lha mchog 'dod chags yid byed kyi/ /bstan par 'os pa ma yin</font><hr>64.209b<br><font size=+1>

no/ /khyod kyi bde ba gang yin 'di/ /de ni rtag par ma yin te/ /sred pa med pas bsten pa gang / /de ni zhi mchog bde ba yin/ /gang zhig thob nas sdug bsngal kun/ /thams cad du ni gcod par 'gyur/ /gnas mchog rtog pa gang yin pa/ /tshal 'di nges par bsten pa yin/ /ngan g.yo spyod cing zhim za la/ /brkam chags kyis ni sems bslus pa/ /shan tu bsgoms pa zhi ba'i tshal/ /dga' ba bsten par mi 'os so/ /dge ba'i yul du zhi ba nyid/ /bsgoms pa'i sems ni dga' byed kyi/ /'dod chags spyod pa rnams kyi sems/ /tshal gyi gnas su mi dga'o/ /gang zhig rtag tu sems zhi ba/ /mi de tshal du dga' 'gyur gyi/ /'dod chags kyis ni sems dkrugs pa/ /tshal rnams su ni dga' mi 'thob/ /dmigs pa lnga yis 'jigs byed pa/ /sred pa nyid kyis sreg mi 'gyur/ /sred las rnam grol dri med pa/ /ngan song grong khyer mi 'gro'o/ /skye ba yod na rtag tu 'chi/ /nad med na nad med cing / /phun sum sdug bsngal lhan cig skye/ /gzhon nu dag kyang rtag tu rgas/ /sdug pa kun dang bral 'gyur zhing / /rtag tu 'du ba med par shes/ /'di ni rtag tu 'jig rten chos/ /yang dag rdzogs sangs rgyas kyis bshad/ /rtag tu srid gsum nyams nga bar/ /gang gi blo ni mi rmongs pa/ /skyes bu dam pa de yis ni/ /zhi ba'i tshal du dga' ba 'thob/ /kun rtog 'dod chags mi brtan pa/ /rtag tu 'dod chags la sogs bsgribs/ /bde ba 'byung ba zhi ba'i tshal/ /zhi ba de nyid 'thob mi 'gyur/ /gang zhig rtag tu yid zhi zhing / /tshal du rnal 'byor bsam gtan pa/ /de dag rtag par tshal du dga'/ /'dod chags tshol ba ma yin no/ /tshal rnams su ni</font><hr>64.210a<br><font size=+1>

bsgoms pa sems/ /grong dag tu yang g.yo mi 'gyur/ /de bas rtag tu tshal bsten bya/ /grong khyer gyis ni gnod mi 'gyur/ /mi yi 'dod chags la sogs yid/ /grong khyer dag tu rnam par g.yeng / /rmongs pa mi brtan g.yengs pa de/ /tshal du phyir zhing dang bar byed/ /gang phyir sdig dang bral ba de/ /bral ba'i yid kyis bsten bya ste/ /de bas mchog tu zhi ba'i tshal/ /rnal 'byor rnams kyi gnas chen yin/ /sems dang dbang po rab zhi ba/ /rnal 'byor snying la dga' ba gang / /de ni brgya byin stong snyed kyi/ /shin du dga' bar mi 'gyur ro/ /thams cad du ni rnam byang ba/ /rnal 'byor pa yi dga' mthong gang / /rtag tu 'dod chags rjes 'gro ba/ /'thab bral ba yang de ma mthong / /'dod pa'i dbang song dga' ba gang / /de ni rtag tu sdug bsngal 'byung / /nyon mongs bcom pa'i dga' ba gang / /de ni rtag tu dga' ba yin/ /'khor ba thog ma med pa nas/ /dgra rnams su ni sems 'byung ste/ /de ni bcom nas dga' 'byung gang / /de la 'dod pas ga la gnod/ 'dod pa las byung dga' ba ni/ /sdig bcas sdug bsngal 'bras bu tshe/ /gang zhig 'dod las rnam grol ba/ /de ni dga' ba mchog yin no/ /de la brten nas rnal 'byor pa/ /'gro ba mchog tu 'gro bar 'gyur/ /'dod pas byas pa'i dga' ba yis/ /'chi med gnas su khrid mi 'gyur/ /sten pa'i tshe na mngar la dga'/ /rnam par smin pa me dang mtshungs/ /'dod las byung ba'i dga' ba ni/ /rtag tu sems can dmyal bar 'gro/ /sten pa'i tshe na mngar la dga'/ /bar du kun nas dga' 'gyur te/ /mthar yang zhi zhing dri med pa/ /'chi ba med pa'i gnas su 'gro/ /thog ma bar dang mthar dge gang / /rtag tu ma ltar sdug pa yin/ /de ni spangs nas byis pa dag /'dod pa'i yul la ci phyir chags/ /bar dang mtha' ngan sdug bsngal dang / /rtag tu skyon</font><hr>64.210b<br><font size=+1>

gyi glong gis bsgribs/ /bde ba 'byung ba ma mthong gang / /de ni byis pas ci phyir bsten/ /ji ltar dug gi snye ma la/ /dga' ba reg na 'bar ba 'byung / /de ltar 'dod pas dga' byas pa/ /yongs su byung na dug dang mtshungs/ /ji ltar me yis sreg pa na/ /'bar bar 'gyur te zhi med cing / /sreg pas kyang ni gzhan gsod de/ /'dod byas dga' ba de dang mtshungs/ /phye ma leb kyis 'bar ba mthong / /tshig pa'i nyes pa mi mthong ste/ /de ltar 'dod bskyed dga' ba ni/ /blo med rnams kyis mthong bar 'gyur/ /'dod chags bskyed pa'i gdung ba gang / /'dod pa pa rnams rtag tu sreg /phye ma leb ni 'tshig pa ltar/ /thams cad du ni mi mthong ngo / /de bas 'dod pa'i dug spangs te/ /lha rnams ye shes rtag dga' zhing / /tshe ni don med mi bya la/ /khyed cag bag med ma 'gro zhig /bag med pa yis rnam rmongs pa/ /skyes bu thams cad chags par 'gyur/ /de ni phyi nas bral ba na/ /de tshe gdung bas gdungs par 'gyur/ /rtag tu 'dod pas rnam rmongs pa/ /de ni dge ba'i las mtha' zad/ /'dod pa rmongs pas bslus pa ni/ /sum bcu gsum nas dmyal bar 'gro/ /ji srid 'chi ba mi 'ong dang / /ji srid sems nyid rdzogs pa ni/ /de srid chos la yid kyi don/ /nye bar zhi ba dag tu 'gyur/ /sred chu shin du mi bzad pa/ /mtho ris kyi ni yul du 'bab/ /rnam rtog shugs ltar mi brtan zhing / /nyes gsum bro ba lta bu 'byung / /bag med pa ni chu ltar zab/ /bud med 'dod chags nya lcibs 'dra/ /glu dang sil snyan sgra myur mtshungs/ /lha ni rdo ltar mi brtan no/ /sbrul lta bu yi yul gyis khebs/ /yid ni myur ba'i rlabs dang 'dra/ /lha rnams 'dod chags kyis bslus pa/ /rmongs pa de dag 'jug par byed/ /'di ltar de ni mi mthong ste/ /blo med pa dag 'jug par 'gyur/ /ji ltar</font><hr>64.211a<br><font size=+1>

dug gi ljon shing gi/ /me tog bung ba rnams 'jib pa/ /de ltar 'di ni dug 'dra ste/ /rmongs pa rnams ni bde la spyod/ /bung bas dug ni 'thungs pa dag /gal te kha cig 'tsho 'gyur gyi/ /'dod pa'i dug ni 'thungs pa yis/ /'tsho ba rnyed pa dka' bar 'gyur/ /nyes gsum skam shing lta bu byung / /bag med rlung shugs ldan pa 'dra/ /sred pa me 'drar lha yi tshogs/ /sreg par byed kyang mi rig go/ /nyes pa las byung sa 'di ni/ /bag med pa yi gsing mas bsgribs/ /rang gis byas pa rmongs pa'i lha/ /rmugs pa rnams ni rtag tu rgyu/ /bag med pa rnams 'dod pa'i rgyu/ /yul dag mi brtan mi bzad de/ /brtan po de la yid ma rton/ /'di ltar de ni rmi lam 'dra/ /rmi lam dmyal ba'i rgyu ma yin/ /'dod pa'i rmi lam rgyu yin te/ /de bas 'dod pa 'di spongs la/ /rtag tu legs pa spyad pa spyod/ /tshal ni legs pa shin du spyad/ /nyes par spyad pa'i mi yis min/ /'di ltar de dang 'brel ba ni/ /legs pa'i gnas shes brjod pa yin/ /'dod pa tshol ba'i lha kun kyis/ /gnas ni gang zhig ma thob pa/ /brtan po bag yod pa la dga'/ /mi yis gnas de 'thob par 'gyur/ /de ltar brgya byin de tshal myos 'gro 'dul du 'jug pa na tshigs su bcad pa smras nas/ /yang tshal de nyid ga la ba der dong ste phyin pa dang tshal de dge ba spyad pa du ma dang slob pa dang mi slob pa'i skye bo bsod nams sna tshogs byas pas gtsang ba/ drang srong chen po bcom ldan 'das 'khor ba 'jig gi drung du gang byung ba legs par byas pa'i las kyi mtha' spyad pa de rnams kyis bsten pa yin no/ /de nas lha'i rgyal po brgya byin lha'i tshogs dang lhan cig yongs su bskor te/ lha'i sil snyan rnam pa sna tshogs kyi sgra rnams gyis dga' bzhin du 'jug par byed do/ /de la 'jug pa na tshal des tshal de dag thams cad kyi mdzes pa zil gyis mnan nas/ </font><hr>64.211b<br><font size=+1>

rnam par gnas pa de mthong ste/ ji ltar ri bo stong phrag drug bcu rnams kyi nang na ri'i rgyal po ri rab rnam par mdzes pa de ltar ches shin du mdzes pa yin no/ /ji ltar lha'i dbang po brgya byin de lha de rnams kyi nang na ches shin du rnam par mdzes pa de lta bu'i rim pa kun kyis tshal de dag zil gyis mnan cing sum rtsa gsum pa'i tshal dang nye ba'i tshal de dag thams cad zil gyis mnan nas mdzes pa bzang ba yin no/ /brgya byin de lha'i tshogs thams cad kyis yongs su bskor nas 'dzam bu'i gser gyi tshal/ gser gyi lan kan gyi dra bas yongs su bskor ba dang gser gyi shing ljon pa thams cad kyis yongs su bskor ba ga la ba der 'dong bar byed do/ /de nas brgya byin gyis lha de dag la smras pa/ kye lha dag sdug pa thams cad zil gyis mnan nas rnam par gnas pa/ lteng ka dang 'bab chu'i dngo dang tshal dang chu bo du ma phun sum tshogs pa'i tshal 'di la ltos/ kye lha yon tan kun gyis yongs su bskor ba mthong lags te/ drang srong chen po de'i thugs dang zhing sku gsal ba mtshungs pa med pa thams cad mkhyen pa nyid dang 'thun pa/ thams cad mkhyen pa nyid kyis bsgoms pa'i shing ljon pa'i tshal dang nye ba'i tshal 'di dag la bdag cag kyang ngo mtshar cher gyur to/ /gang du lha'i tshogs kyi shin du ches bde ba lhag par bde ba dpe med pa/ rnam pa du ma dag kyang mngon par zil gyis mnan te/ skyes bu kha lo sgyur ba dam pa 'di zhi ba mchog tu 'das kyang da dung du 'bras bu'i lhag ma 'di de ring gi 'bras bu lta bur mchis so/ /de nas yang lha'i rgyal po brgya byin tshal khang pa brtsegs pa'i tshal zhes bya ba tshal chen po de nyid kyi phyogs gang du/ bcom ldan 'das de bzhugs bzhugs pa de ga la ba der 'gro bar byed do/ /de nas khang pa brtsegs pa bzhi 'bum gyis yongs su bskor ba/ rin po sna bdun la 'di lta ste/ an da rnyil dang rdo rje dang margad dang spug dang bai dUr+ya</font><hr>64.212a<br><font size=+1>

rnams las byas pa/ kha khyer phye ba rnam pa sna tshogs kyis yongs su bskor ba/ rgyal mtshan dang ba dan rnam pa sna tshogs bsgreng ba/ ba dan dmar po phra mo sna tshogs kyis bskor ba/ kun nas tshal de rab tu bro rdung ba lta bur rnam par mdzes pa yin te/ khang pa brtsegs pa de rnams kyi nang na thams cad mkhyen pa'i khang pa brtsegs pa de de ltar mdzes pa yin no/ /ji ltar 'dzam bu'i gling na dbyar gyi dus sam ston gyi dus su nam mkha' la sprin med pa na nyi ma dang zla bas gza' dang skar ma'i tshogs thams cad kyi 'od zil gyis mnan nas/ dbus na mdzes pa de ltar khang pa brtsegs pa de dag thams cad kyi 'od zil gyis mnan nas/ bcom ldan 'das kyi khang pa brtsegs pa de rnam par mdzes pa yin no/ /de la yang dang yang du rnam pa de lta bu'i 'od 'byung ste/ 'di ltar brgya byin 'ba' zhig ma gtogs par khang pa brtsegs pa'i 'od rab tu 'bar ba de la lha gang yang yun ring du lta bar mi nus te/ dper na 'dzam bu'i gling gi mi rnams so ga rab tu tsha ba'i nyi ma'i gung la nyi ma yun ring du blta bar mi nus pa ltar/ khang pa brtsegs pa 'di yang de lta bu yin no/ /de nas brgya byin khang pa brtsegs pa der song ste phyin nas lha rnams la smras pa/ lha dag khang pa brtsegs pa'i 'od la ltos/ lha'i mchog mthong lags so/ /'di ltar bcom ldan 'das skyes bu 'dul ba'i kha lo sgyur ba bla na med pa de nyan thos som nyi dang bral ba/ bden pa mthong ba/ gnyi ga'i cha las rnam par grol ba/ mngon par shes pa drug dang ldan pa/ rdzu 'phrul gyi rkang pa bzhi bsgom pa 'bum phrag bzhi rnams dang thabs gcig tu lha rnams la phan pa dang bde ba'i phyir tshal dang gzhal med khang myos 'gro 'dul ba 'dir gshegs so/ /de dbyar zla ba bzhir gnas 'dir bzhugs nas sum bcu rtsa gsum pa'i lha rnams la chos bshad de/ 'di ltar 'di</font><hr>64.212b<br><font size=+1>

ni gzugs so/ /'di ni gzugs kun 'byung ba'o/ /'di ni gzugs 'gag pa'o/ /'di ni gzugs 'gag par 'gyur ba'i lam mo/ /de bzhin du tshor ba dang 'du shes dang 'du byed rnams kyi kun 'byung ba/ rtag tu nyes dmigs 'byung ba rim bzhin du bshad do/ /de ltar bcom ldan 'das des rim gyis lha rab tu myos shing / /rab tu bag med par gnas pa/ 'chi ba'i sdug bsngal la mi lta ba/ rgyags pa 'ba' shig don du byed pa'i lha rnams la phan pa dang bde ba'i phyir rang gi mtshan nyid dang spyi'i mtshan nyid kyis chos ji lta ba bzhin bshad do/ /de nas yang bcom ldan 'das des rnam pa gzhan gyis lha bag med par gnas pa rnams la rjes su bstan pa 'di ltar tshigs su bcad de bka' stsal pa/ bag med 'khor ba'i rtsa ba ste/ /de bzhin lha yi gnas kyang yin/ /bag med dug gis myos pa gang / /de dag srid pa nyam ngar bying / /bag med rnams las grol ba gang / /de ni srid pa'i mtsho las rgal/ /bag med mun pa'i rtsa ba ste/ /ma rig mun pa byed pa yin/ /mun pa yis ni rmongs pa gang / /de dag la ni mig med do/ /'di ltar snang ba'i gzhi po ni/ /me dang nyi ma yin par brjod/ /de ltar rmongs pa rnams kyi gtso/ /bag med yin par yongs su brjod/ /bag med pa yi mes gdungs pas/ /de yi yid ni rnam par g.yo/ /gang gis rmongs pa'i byis pa dag /sems can dmyal bar rab tu 'gro/ /bag med pa yis rmongs pa'i lha/ /bud med dbang sgyur mi brtan pa/ /'bral dang sdug bsngal brjed nas su/ /'du ba dang ni bde ba 'dod/ /sdug bsngal che la nye bar gnas/ /'tsho ba'i mtha' ni 'chi ba yin/ /bde ba'i mtha' ni mi brtan ltung / /'du ba'i mtha' yang 'bral bar 'gyur/ /bde mtha' rtag tu ltung ba dang / /lang tsho'i mtha' ni rga ba ste/ /lus can kun ni las kyi</font><hr>64.213a<br><font size=+1>

mtha'/ /dge dang mi dge las kyis su/ /lus can thams cad bcings gyur pa/ /phyi nas ro bro med par shes/ /'di dag 'gro ba tha dad par/ /gar mkhan bzhin du gar byed de/ /las kyi gar gyis bcings pa dag /'di ni 'khor bar rtag tu 'khyam/ /brtan po de la yid ma rton/ /las 'gror rtag tu ma 'gro shig /thabs rnams kun gyis dug lta bur/ /bag med yongs su spang bar gyis/ /bag med pa las grol ba ni/ /srid gsum mtsho las rgal ba yin/ /de ltar bcom ldan 'das 'khor ba 'jig des lha khri phrag dgu btul cing / bag med par ro bro ba dang bral ba mtho ris thams cad du bstan te/ lha'i bya ba chen po yang mdzad/ gnas 'di yang rjes su bzung nas de nas yang slob ma de dag nyid dang lhan cig 'dzam bu'i gling ga la ba der gshegs so/ /de nas brgya byin gyis de ltar ma lus par de thams cad lha de dag la bsnyad nas khang pa brtsegs pa de ga la ba der dong ngo / /de nas khang pa brtsegs pa rin po che du mas rnam par brgyan pa/ ji tsam du rin po che'i rnam pa shin du khyad par du 'phags pa'i rnam pa de snyed kyis brgyan pa der zhugs so/ /lha de rnams kyis kyang sngon ma mthong ste/ de nas lha de dag ngo mtshar du gyur par rig nas/ de nas yang brgya byin des lha de dag la 'di skad smras so/ /khang pa brtsegs pa rin po che rnams kyis mdzes par byas la sngon ma mthong ba 'di la khyed cag ltos/ brgya byan mthong lags so/ /rin po che'i khang pa brtsegs pa 'di dag ni/ bcom ldan 'das de la 'thab bral gyi lha dad par gyur pa rnams kyis 'dir phul ba yin la de dag gis mthus 'di blta bar mi nus te lha de dag gi mthu ni de lta bu yin no/ /de dag kyang ji ltar khyed cag bzhin shin du bag med pa yin no/ /de nas smad par bdag nyid kyis rig cing legs par byas pa'i las kyang</font><hr>64.213b<br><font size=+1>

nyams par rig par lha de dag kun kyis rgyags pa bcom ste/ gus pas mgo bo smad thor tshugs rab tu g.yos/ mig dang bzhin rab tu dga' bar gyur pa thams cad bcom ldan 'das kyi khang pa brtsegs pa de phyag 'tshal bar byed do/ /de ltar yid la skyo ba skyes pa rnams kyi las nyams par bdag nyid kyis rig nas/ skyo ba skyes pa gang kha cig gis ni byang chub tu sems bskyed/ kha cig gis ni rang sangs rgyas su/ kha cig gis ni nyan thos kyi byang chub tu/ kha cig ni bcom ldan 'das de la dad pa cher skyes so/ /de nas brgya byin gyi sngon na 'dug pa'i lha de dag thams cad bcom ldan 'das la yid dad pa skyes so/ /de nas lha'i rgyal po brgya byin yang rang gcig pu gang du bcom ldan 'das de bzhugs shing gnas la chos kyang bstan pa'i gzhal med khang de nyid du song nas/ bcom ldan 'das 'khor ba 'jig de'i gzims cha rdo rje lta bu dang yo byed phun sum tshogs pa rnam pa sna tshogs rmad du byung ba gang yin pa de dag la dpyod par byed do/ /'di ltar gzims cha 'di dag gi nang na bcom ldan 'das bzhugs bzhugs pa yin no/ /snyam nas de dag la yang brgya byin de gus pas mgo btud de lus thams cad kyis phyag 'tshal zhing / bcom ldan 'das de la gus pa chen pos gzims cha'i gdan gyi gzhi de la phyag 'tshal bar byed do/ /des de la phyag 'tshal te langs pa dang brtsig ngos dag la 'di ltar tshigs su bcad pa de bris pa mthong ba/ g.yang sar lhung ba'i gang zag ni/ /gal te 'tsho bar 'gyur yang srid/ /bag med par ni ltung ba dag /nam yang bde skal mi 'thob bo/ /gal te las rnams thams cad la/ /gang zag shin du bag med pa/ /de ni nyin dang mtshan dag tu/ /nam yang dge bar mi 'gyur ro/ /'jig rten cung zad bde gang dang / 'jig rten 'das pa'i 'dod pa</font><hr>64.214a<br><font size=+1>

gang / /de dag bag med pa yis 'jig /de bas de ni yongs su spongs/ /bag yod bdud rtsi'i gzhi yin la/ /bag med 'chi ba'i gzhi yin te/ /bag yod pas ni mi 'chi zhing / /bag med pas ni rtag tu 'chi/ /bag yod pas ni lha rnams kyi/ /gtso bo mchog dang ldan par 'gyur/ /bag med 'khor ba'i gzhi yin la/ /bag yod 'khor ba'i pha rol 'gro/ /de lta bas na bag med spongs/ /thams cad du ni bde ldan 'gyur/ /gang zhig rtag tu bde 'dod cing / /sdug bsngal las ni 'jigs pa gang / /bag med mi la dug dang 'dra/ /de yis bag med rnam par spongs/ /skye bo bya ba ngan byas pa/ /bag med nyid la mngon dga' ste/ /bag med dug gis rmongs pa rnams/ /g.yang sar rab tu ltung bar 'gyur/ /bag yod gzhan du legs par 'gyur/ /bag med pa lta ga la zhig /bag yod pa yis bde 'gyur la/ /bag med pas ni sdug bsngal te/ /bde dang sdug bsngal gzhi 'di dag /thams cad bsdus te bshad pa yin/ /yon tan skyon dag rnam shes gang / /de ni gang bzang len par byed/ /de nas brgya byin gyis tshigs su bcad pa de dag smras nas/ de nas yang gus pa chen po skyes pa'i yid rab tu gsal bas bcom ldan 'das de nyid la phyag 'tshal lo/ /de nas yun ring du bag yod pa bsngags shing bag med pa smad nas yang lha de dag ga la ba de nyid du song ngo / /de nas lha rnams kyang brgya byin de mthong nas/ de dag gus pas rings thabs su brgya byin ga la ba der dong ngo / /de nas brgya byin gyis kyang de dag gi nang du tshigs su bcad pa de dag smras te/ 'di ltar tshigs su bcad pa 'di dag ni bdag cag la phan pa dang bde ba'i phyir/ bcom ldan 'das don mdzad par bzhed pa des bris pa yin no/ /de dag thos nas yid rab tu dang ba'i lha de dag</font><hr>64.214b<br><font size=+1>

kun kyang bcom ldan 'das la phyag 'tshal zhing 'di skad kyang smra ste/ 'di ltar bcom ldan 'das de nges par skye bo'i mig yin te/ des bdag cag gi don du tshigs su bcad pa 'di dag gsungs pa lta zhes smras nas/ de dag de na yun ring zhig tu shin du bag yod par gyur to/ /de nas gzhan yang lha dag gis sil snyan dang rol mo'i sgra dbyangs rnam pa shin du mang po dag blangs pa dang de nas lha de dag gis 'di ltar 'di dag ni zhib tu spyod pa'i lha dag bskyed mos tshal du dga' spyod byed du 'dong ste/ gnas 'dir dong zhing sil snyan dang rol mo'i sgra dbyangs sna tshogs nye bar len la/ lha mo'i tshogs rnam pa du ma glu dbyangs len zhing 'dir 'ong ngo snyam du de dag rig nas/ gang lha de dag bskyed mos tshal du dga' spyod byed tu 'dong bar bdag cag kyang de dag gi drung nyid du nges par 'dong bar bya'o snyam mo/ /de nas de ltar rig nas bag med pa'i ngo bo nyid kyis phrogs pa rnams/ de nas yang sil snyan gyi sgra dang glu dbyangs dang rol mo'i sgra sna tshogs phyung nas/ zhib tu spyod pa'i lha de dag ga la ba der phan tshun shin du mthong bar 'dod pa rnams dong ste/ yid rtag par rab tu dga' ba'i tshal dang nye ba'i tshal rin po che sna tshogs dang ldan pa/ gser gyi lcug ma 'phyang bas khebs pa rnams su ji srid du 'dod pa sdug pa yid du 'ong ba byas shing bsags pa'i las de zad par ma gyur pa de srid du phan tshun dga' bar byed rtse bar byed dga' mgur spyod par byed do/ /de zad nas rab tu ltung ste las nye bar 'gro ba ji lta ba bzhin 'khor bar sems can dmyal ba dang yi dgas dang dud 'gro rnams kyi nang du skye bar 'gyur ro/ /ngan song gi sgo bcad pa gang yin pa de dag gal te mi rnams dang skal ba mnyam par mi'i nang du skyes na/ las de dang rgyu 'thun par yul shin du rgyas pa 'bab chu dang chu bo dang lteng ka rab tu mang ba phun sum tshogs pa/ rtag tu legs par byas pa'i las kyi mtha' rnams su shin du rgyas par 'gyur te/ </font><hr>64.215a<br><font size=+1>

mchog tu rgya che ba'i rgyal po 'am blon po chen po skye bo kun dga' ba/ blo gros rgya che zhing sbyin pa dang tshul khrims la mngon par dga' la rtag tu dge ba byed par mngon par 'gyur ba mthong ngo / /de nas yang dge slong las kyi 'bras bu rnam par smin pa shes pa de sum bcu rtsa gsum pa'i lha rnams kyi sa la rtog par byed de/ des thos pa las byung ba'i shes pas lha rnams kyi gnas gzi brjid 'bar ba zhes bya ba/ ji ltar 'dug pa mthong ngo / /der sems can dag las gang gis skye bar 'gyur snyam nas des thos pa las byung ba'i shes pas brtags na/ 'di ltar skyes bu dam pa dge ba dang ldan pa/ skyes bu dam pa rtag tu bag yod pa dang ldan par gyur pa/ sems can rnams la phan par 'dod pa/ las kyi 'bras bu la dad pa/ skyes bu dam pa 'du ba gang gis srog gcod pa dang ma byin par len pa spangs pas 'gyur te 'di lta ste/ shing sha ba skye ba'i nang ngam a mra skye ba'i nang ngam/ nA ri ke ra skye ba'i nang na sgo nga yod pa dag bya 'am sbrul dag gis bzung na/ de dag gzhan la phan par zhugs pa snying rjes brlan pa'i yid kyis thar bar byed pa yin te/ de ltar srog chags dag thar bar byed pa yin no/ /ma byin par len pa spangs pa ji lta bu yin zhe na/ 'di la shing ba la sha'i tshal du ba la sha'i lo ma yang len par mi byed la/ gzhan gyis blangs par shes nas kyang zlog par byed/ lam du zhugs pa na 'bra go sa la lhung ba yang len par mi byed la/ gzhan gyis blangs par shes nas kyang zlog par byed pa yin te/ de ltar ma byin par len pa spangs pa yin no/ /dge ba spyod pa ji lta bu yin zhe na/ 'di la sbyin pa la mngon par dga' ste/ lo nyes byung ba'i tshe dge sbyong dag la lo lnga pa'i gzhal ba phyed sbyin nam sdom pa blangs pa'i nad pa dag la zas sbyin par byed cing / gzhan dag kyang de nyid la rab tu 'jog par byed dga' bar byed rab tu</font><hr>64.215b<br><font size=+1>

dga' bar byed las kyi 'bras bu ston par byed/ sangs rgyas dang chos dang dge 'dun rtag par rjes su dran par byed/ pha 'am dge bsnyen sdom pa blangs pa phal pa la yang na ba'i gsos sman gyi rkyen gyi yo byad sbyin par byed/ gzhan dag kyang de nyid la de ltar rab tu 'jog par byed/ las kyi 'bras bu yang ston par byed/ yang dang yang du gzhan la phan par rab tu zhugs shing / sdig pa'i grogs po dang spyod par mi byed/ thad kar zur tsam yang mi gnas ngang de dang lhan cig smra bar mi byed/ de la tshig tsam yang mi smra/ lus dang ngag gi las kyi mtha' rtag tu legs par bsdams pa/ bdag la phan pa dang gzhan la phan par zhugs pa de lus dang bral nas bde 'gro mtho ris kyi 'jig rten sum bcu rtsa gsum pa'i lha gzi brjid 'bar ba'i lha rnams kyi nang du skye bar 'gyur ro/ /der skyes nas kyang legs par byas pa'i las kyi mtha' spyad pa de/ rang gi 'od zla ba'i 'od dang mtshungs pa yin no/ /sa gzhi de yang nyams dga' ba 'di lta bu yin te 'di lta ste/ tshal dang nye ba'i tshal rin po che sna bdun gyis shin du gang ba yin/ chu bo yang chu 'bab pa sna tshogs 'byung zhing / pad ma sdong bu bai dUr+ya rnams kyis yongs su bskor ba yin/ pad ma gser gyi 'dab ma rnams kyis kyang chu bo de dag khebs pa yin la/ chu rab tu gsal ba gser gyi rdo sna tshogs pa rnams kyis sgra mthon dman du 'byin pa/ gar byed pa lta bur 'bab pa/ bya sna tshogs sgra 'dres par 'byin pa rab tu dga' ba mang ba dang / lha dang lha mo'i tshogs rab tu dga' bas gang zhing gser gyi ri bo'i rtse la rgyu ba gzhan dag bai dUr+ya'i ri la rgyu ba bya ngang pa dang ka ran Da ba dang ngur pa'i tshogs myos pa sgra sna tshogs 'byin pa/ pad ma'i tshal gyi gsab gseb na lha dang lha mo'i tshogs rab tu dga' zhing dgod pa 'gram gnyi ga lha'i tshogs rnams kyis kun du gang ba yin te/ chu bo de dag</font><hr>64.216a<br><font size=+1>

thams cad kyi rlabs rab tu 'byung ba'i sgra yid du 'ong ba 'byung ba yin no/ /gzhan yang pad ma'i rdzing dag yod de/ pad ma'i gsab gseb de dag na yang rin po che sna tshogs kyi bung ba 'od gsal zhing mdzes pa sna tshogs kyis brgyan pa yin no/ /lha dag de dag la yang rtog par byed de lha'i tshogs kyis yongs su bskor ba/ lus rin po che sna tshogs kyis rnam par brgyan pa/ 'od kyi phreng ba rgya che ba dag chu bo de dag na rtse bar byed cing dus yun ring du dga' ba nges par mthar byed ces bya ba'i tshal der 'dong bar byed de rtse ba'i phyir nye bar dong ngo / /sil snyan dang rol mo'i sgra sna tshogs 'byin pa rjes su 'brang zhing phan tshun grogs su gyur pa rgyags pa 'ba' shig don du byed pa de dag tshal der dong nas/ pad ma'i tshal pi bang gis rtse ba zhes bya ba kun nas dpag tshad lnga brgyar mtshungs par gang ba der dga' bar gnas pa dag 'jug par byed do/ /pad ma de dag kyang mdog dang ro dang dri mchog dang ldan zhing mtho ris dang 'thun pa'i chang gis shin du gang ba yin no/ /de nas lha shin du bde ba de dag chang zhim po de dag la mthung zhing glu len to/ /de nas bag med par gnas pa de dag bya bgegs mi byed par 'gro ba zhes bya bas mthong ste/ de dag gis lha bag med par gnas pa de dag la mngon par brtags nas 'di ltar tshigs su bcad de smras pa/ khrel med ngo tsha med pa dang / /le lo'i sdig pa'i grogs po rnams/ /'di dag mtho ris sa bon min/ /mkhas pas de dag bsrung bar gyis/ /khrel med ngo tsha med pa dang / /rtag tu sdig pa rjes su spyod/ /mi ni g.yang sa las ltung ste/ /de ni phyi nas rig par 'gyur/ /ma dad pa dang rmugs dang gnyid/ /de bzhin gar yang 'jigs mi byed/ /'chab dang 'tshig dang rmongs pa ni/ /de dag mtho ris rgyur mi 'gyur/ /chang 'thung brdzun tshig rab tu smra/ /</font><hr>64.216b<br><font size=+1>

gnod sems de bzhin lhag par brkam/ /las 'bras la ni dad med pa/ /kun du sems can dmyal ba'i rgyu/ /yid kyi skyon dang gnod sems dang / /sdang ba'i las rnams bsrung bar gyis/ /mi kun sdang ba'i las kyis su/ /sems can dmyal ba nye bar rtog /brtan pa med pa sdig spyod cing / /rtag tu 'dod pa'i dbang du song / /le lo khor mor brdzun smra ba/ /de ni dge ba'i 'os min no/ /gang gi tshul khrims 'ching bu dang / /sprin gyis khebs ltar smad pa dag /de ni smad pa'i tshul khrims kyis/ /mi ni smad par skye bar 'gyur/ /gang dag sdig la blo gnas pa/ /de dag mun pa mtha' med la/ /gang dag sangs rgyas blo gnas pa/ /de dag mun pa bsal ba yin/ /de bzhin du chos dang dge 'dun la yang brjod par bya'o/ /bag med rmongs pa'i lha rnams ni/ /yang dang yang du chang gis rmongs/ /bag med gnyid kyis rmongs pa de/ /mi rnams sems can dmyal bar rgyu/ /ji ltar skyes na nges par ni/ /'chi ba yod pa de lta bur/ /skye bo skye ba yod pa yi/ /steng na 'jig pa yod par 'gyur/ /bag med rgya lta bu yis bzung / /rgya mtsho lta bu'i yul du klubs/ /sred pa'i lcags sgrog dag tu bcug /lha rnams du mar rtse bar byed/ /skyes ma thag tu lha dag gi/ /skad cig de la bde zad 'gyur/ /bag med pa yis bsgribs pa'i sems/ /dbang med pa dag shes mi 'gyur/ /bag med pa yis 'khrul pa 'di/ /rtag tu yul la 'dod par byed/ /'dod pa'i bde bas tshim med pa/ /lha rnams dag ni sdug bsngal lo/ /gang zhig sred pa'i dbang song ba/ /lha de skad cig thang cig dang / /nam yang yud tsam dag tu yang / /nye bar spyod par mi 'gyur ro/ /gang du lha dag dbang med cing / /'dod pa'i dbang song rtse byed pa/ /sa 'di</font><hr>64.217a<br><font size=+1>

</font><hr>64.217b<br><font size=+1>

</font><hr>64.218a<br><font size=+1>

sred pas nyon mongs te/ /rnam par rtog pa brgya yis bsgribs/ /ji ltar dmyal bar rgyu ba rnams/ /de yi me yis sreg par byed/ /de ltar 'dod pa las byung mes/ /lha rnams dag ni sreg par byed/ /bkres dang skom las byung ba'i mes/ /de ltar yi dgas rnams kyang sreg /gsod pa'i me yis dud 'gro rnams/ /mi rnams kun du tshol bas so/ /de ltar kun nas byung ba'i mes/ /sems can 'jig rten ma lus par/ /kun nas yongs su bskor nas su/ /sreg par byed kyang mi rig go/ /de ltar bya de dag gis lha de rnams la mngon par brtags nas/ yang dang yang du rab tu go bar byed do/ /de nas de na lha gang dag sngon las dge ba byas shing spyad pa de dag gal te yang bya de dag gi sgra rnar thos nas 'thung bar mi byed de/ yud tsam zhig bag yod pa dang ldan nas/ de nas yang yul sgra dang reg pa dang gzugs dang ro dang dri sdug pa dpe med pa rnams kyi dbang du song ste/ de'i ngo bo nyid kyi dbang du song ba'i yid dag de nas yang sil snyan yan lag lnga dang ldan pas tshal dang nye ba'i tshal rnams su lha dag rtse zhing gang dang gang myong bar 'dod pa de dang de shin du myong ngo / /lha mo 'bum snyed kyis yongs su bskor cing rang gis byas pa la spyod pa kha cig ni bai dUr+ya dang an da rnyil dang spug las byas pa'i ri rab kyi ri'i rtse mo dang tshal dang nye ba'i tshal gyi sa dang 'bab chu dang lteng ka pad mas rnam par brgyan pa ri'i rtse mo bya sdug gu sna tshogs kyis rnam par brgyan pa/ bai dUr+ya'i 'dab ma dang gser gyi ze ba dang shel gyi sdong bu'i pad ma'i rdzing dag tu bung ba'i tshogs kyis shin du gang ba'i yul dpe med pa chu bo'i klung lta bu rnam pa sna tshogs kyi dbang du song ba na yang dang yang du rtse bar byed kyang nges par myong bar 'gyur ba'i sdug bsngal gang yin pa de dag mi rig ste/ de ltar ji srid du byas shing bsags pa'i las de zad par</font><hr>64.218b<br><font size=+1>

ma gyur pa de srid du phan tshun grogs su gyur pa dag dga' bar byed rtse bar byed do/ /de zad nas ltung bar 'gyur te/ ji ltar nyi ma nub na nyin mo zad pa de ltar lha rnams legs par byas pa zad na mtho ris kyi mtha' nas ltung bar 'gyur ro/ /lhung nas kyang las nye bar 'gro ba ji lta ba bzhin sems can dmyal ba dang yi dgas dang dud 'gro rnams kyi nang du skye bar 'gyur ro/ /gal te mi rnams dang skal ba mnyam par mi'i nang du skyes na las de dang rgyu 'thun par de shin du bde bar 'gyur te/ nor mang ba dang mchog tu rgya che ba la dga' ba dang dam pa'i chos la dga' ba dang rtag tu shes pa la dga' ba dang dge sbyong dang bram ze la dga' ba dang tshe ring por yang 'gyur ba mthong ngo / /de nas yang dge slong las kyi 'bras bu rnam par smin pa shes pa de sum bcu rtsa gsum pa'i lha rnams kyi gnas la rtog par byed de/ des thos pa las byung ba'i shes pas sum bcu rtsa gsum pa'i lha rnams kyi gnas zla ba'i gnas ltar rgyu ba zhes bya ba ji ltar 'dug pa mthong ngo / /der sems can dag las gang gis skye bar 'gyur snyam nas/ des thos pa las byung ba'i shes pas brtags na dge ba'i las kyi mtha' dpyod pa sems dri ma dang bral ba/ sems shin du bsgoms pa/ yid shin du bsgoms pa gang gis sangs rgyas kyi sku gzugs bya ba skyon med par byas pa dang / de bzhin du bcom ldan 'das kyi sku gzugs gser ram dngul lam zangs sam lcags las byas pa la yid dang bas/ pir ram rab tu gsal bar byed pas sdug par byed cing sku gzugs dri ma dang bral ba mchog tu sdug pa de dag mthong nas sbyin bdag de shin du snying dga' la sems kyis kyang yang dang yang du byed na/ de sems kyi zhing yon tan bzang po dang sems kyi rgyu sems bsgoms pas dag</font><hr>64.219a<br><font size=+1>

</font><hr>64.219b<br><font size=+1>

\u0f7a ba spyod pa bde ba dang ldan par</font><hr>64.220a<br><font size=+1>

</font><hr>64.220b<br><font size=+1>

</font><hr>64.221a<br><font size=+1>

'gyur/ gzhan yang srog gcod pa dang ma byin par len pa spong ba yin te/ srog chags rnams la yid kyis kyang gsod par mi byed cing gnod par mi byed la/ gzhan byed na yang rjes su yi rang bar mi byed phyir zlog par byed/ dge ba'i lam la rab tu 'jog par byed pa bdag dang gzhan la phan pa byed pa'i skyes bu dam pa de ni bde ba myong bar 'gyur ro/ /srog gcod pa spangs pa rnam pa du yod cen/ 'di la shin du gus pas bsams nas yid kyis kyang gsod par mi byed cing / gsod par byed du mi 'jug /legs par byas pa'i las byed pa de drod gsher las skyes pa'i sems can mal gzhi'i 'og tu skyes nas za bar byed pa de dag kyang bzung nas gsod par mi byed la/ srin bu phre'u dang grog sbur yang gsod par mi byed pa yin te/ rnam pa de dag ni srog gcod pa spangs pa yin no/ /ma byin par len pa spangs pa ji lta bu yin zhe na/ yang skyes bu dam pa dge ba legs par byas pa'i las la tshim pa med pas thams cad du ma byin par mi len te de lta bas na ma byin par len pa spangs pa yin no/ /rnam pa ji lta bu yin rnam pa du yod ce na/ 'di la grang bas nyen pa 'am dro bas nyen kyang gzhan gyis yongs su bzung ba'i shing skam 'am bong ba 'am gdugs kyi grib ma tsam gyis kyang 'tsho ba'i mi rnams kyi grib ma 'phrog par mi byed/ 'gron po dag shing ljon pa'i grib ma dag la ngal so zhing 'dug pa dbang gis bskrad nas/ grib ma de dag la bsil bar 'dug cing de dag kyang gdung bas gdungs la shin du sdug bsngal bar gyur pa rnam pa de lta bu'i ma byin par len pa yang yongs su spong zhing mi byed la/ grib ma ma byin par len pa gzhan byed pa yang phyir zlog par byed pa yin te/ ma byin par len pa shin du chung ngu yang</font><hr>64.221b<br><font size=+1>

spong zhing srog gcod pa yang spong ba ni lus dang bral nas shi ba'i 'og tu bde 'gro mtho ris kyi 'jig rten sum bcu rtsa gsum pa'i lha rnams kyi nang zla ba'i gnas ltar rgyu ba'i lha rnams su skye bar 'gyur ro/ /der skyes nas kyang legs par byas pa'i las kyi mtha' spyad pa/ rgyu rkyen dang 'thun par spyad pa de 'bras bu de dang 'thun par 'byung ste 'di lta ste/ zla ba nya ba bcu'i 'od kyi rnam pa ji snyed yod pa'i rnam pa de snyed kyi 'od lha'i lus de thams cad las shin du dri ma med pa 'byung ngo / /lha de'i 'od gang yin pa'i 'od des mtho ris kyi phyogs dang bcas pa brgya 'gyur du gsal ba dang ldan par 'gyur ro/ /'od de yang tsha ba dang bsil ba med de lha thams cad kyi mig tu sdug pa yin no/ /lha de dag kyang gnas gzhan du skyes pa'i lha de dag gi 'od pas khyad par du 'phags pa yin te/ de'i las dge ba'i mthus kun nas dpag tshad bcur rin po che dang rin po che'i 'od thams cad kyang zil gyis mnan nas lha de'i 'od mngon par gsal lo/ /de nas lha de lha'i tshogs du mas yongs su bskor cing sil snyan dang rol mo'i sgra sna tshogs 'byin la/ glu dbyangs nye bar len bzhin du bskyed mos tshal dga' ba lnga zhes bya ba ga la ba der 'dong bar byed do/ /tshal de na gang sum bcu rtsa gsum pa thams cad pas khyad par du 'phags pa shin du dga' ba lnga 'byung ste 'di lta ste/ shing ljon pa rnams kyi gzi brjid dang 'bras bu dang bya blo gros rgya che ba dang pad ma'i rdzing gi chu dang 'bab chu rab tu mang ba dang nam mkha' la rlung dri dang ldan pa dril bu g.yer ka'i sgra lta bu du ma ldang ba'o/ /de nas lha de lha'i tshogs kyis yongs su bskor nas dga' ba lnga'i tshal de ga la ba der 'dong bar byed de/ sil snyan dang rol mo'i sgra dang glu sgra rnam pa sna tshogs kyis dga' ba dang lha mo gzugs bzang mo dang ldan zhing cha byad dang rgyan sna tshogs</font><hr>64.222a<br><font size=+1>

</font><hr>64.222b<br><font size=+1>

</font><hr>64.223a<br><font size=+1>

thogs pa rjes su 'brang ba dang lha'i tshogs rnam pa sna tshogs kyis yongs su bskor cing sil snyan dang rol mo'i sgra yan lag lnga dang ldan pa nye bar len pa na bde ba shin du rgya che ba dag myong ngo / /shing gi yon tan shin du rgya che ba mngon du gyur pa gang yin pa'i las byas pa des dri thams cad zil gyis mnan nas dpag tshad lngar 'byung ngo / /'di ltar mtho ris pas kyang bzang ba'i mtho ris kyi shing ljon pa kha cig gi 'od ni nyi ma bas lhag par gsal te 'od shin du bzang po mi tsha mi grang ngo / /'bras bu yang dri dang ro dang reg pa dang ldan te dri de dag gis dri thams cad zil gyis mnan nas dpag tshad lngar 'byung ngo / /'bras bu gza' dang skar ma'i tshogs lta bu de dag las chang zhim po myos pa'i skyon dang bral ba rnam pa sna tshogs dag rtag tu 'byung la/ chang gi mdog dri dang ro sna tshogs su 'gyur te de dag gi dri dpag tshad lngar 'byung ngo / /ro yang rnam pa ji snyed du 'dod pa'i rnam pa de snyed du chang de'i ro 'grub par 'gyur te yon tan de snyed dang ldan pa yin no/ /bya yang bag med pa yang dag par khong du chud par bya ba zhes bya ste/ de dag gis ni lha shin du bag med pa rnams la 'di ltar yang dang yang du tshigs su bcad de smras pa/ skyes bu mchog dag chos 'dul ba/ /tab tab por ni byed pa de/ /legs par byas pa'i las zad cing / /tshe yang skad cig byed pa'i rgyu/ /dar la bab pa shin du 'joms/ /srog kyang thams cad bral bar byed/ /phun sum tshogs pa thams cad 'jig /bag med yid la ma byed cig /mtho ris rtag tu mi 'thob la/ /dal ba rtag tu mi ldan pas/ ji srid de ni mi ltung bar/ /de srid dge la brtson par gyis/ /chos la shin du bsdams pa dang / /sems kyang bsrung ba byas pas ni/ /gang na</font><hr>64.223b<br><font size=+1>

skyon dag med pa yi/ /sngon ma mthong ba'i gnas 'thob 'gyur/ /gang dag rtag tu yid g.yengs shing / /chos la 'ang gzhol bar mi byed pa/ /de dag gi ni bde ba 'di/ /don med 'gyur te mi ldog go/ /tshul khrims gzhis ni lus can gyis/ /mtho ris rnams su de 'di thob/ /tshul khrims de la mi bsten gang / /de ni phyi nas yongs su gdung / /de bas tshul ldan rtag par ni/ /tshul khrims nyid la bsten par bya/ /tshul khrims med pa rmongs pa'i mi/ /mtho ris su ni 'gro mi 'gyur/ /lha yi 'dod pa lnga ldan pa/ /bde ba spyod pa gang yin 'di/ /de ni tshul khrims dag pa yi/ /'bras bu chen po thob pa yin/ /bag med dug gis shin du rmongs/ /'dod pa spyod pa'i lha gang dag /'tsho ba'i mtha' ni 'jig pa dang / /g.yo ba thams cad mi rig go/ /bag med pa yis rnam rmongs pa/ /lha rnams dag ni stong phrag dang / /'bum phrag dag ni du ma rnams/ /'dod pa'i me yis rnam par bsregs/ /bag med rnam par rmongs pa yis/ /mi rnams thams cad dbang du byed/ /de ni phyi nas nyon mongs 'thob/ /'bras bu gang yin de rig go/ /yul rnams la ni rtag par sems/ /g.yo ba chen po rgyug byed pa/ /nyon mongs rmongs pa skyed pa gang / /'byung bar 'gyur ba de mthong ngo / /yul rnams la ni chags pa'i sems/ /nyon mongs khong du mi chud de/ /nyon mongs glong du skyes pa dag /de ni phyi nas yongs su gdung / /kun du sbyor ba phrag brgyas bcas/ /yul la rnam rtog 'byung ba ni/ /'khor 'dra sems ni rgyal po bzhin/ /de dag lhan cig spyod par 'gyur/ /gang dag tu ni yid 'jug pa/ /mi shes pa rnams der 'jug ste/ /mthu yis phan tshun myos pa dag /srid pa gsum na 'khyam par 'gyur/ /brtan po gang dag de</font><hr>64.224a<br><font size=+1>

nyid rig /mi brtan sdug bsngal stong la sogs/ /'gro ba'i gnas pa mthong 'gyur te/ /de dag la ni sdug bsngal med/ /rtag tu 'dod pa tshol byed pa/ /bud med rag las rmongs pa gang / /de dag lha yi 'jig rten du/ /tha ma dag ni mthong bar 'gyur/ /ri 'di ljon shing tshal du bcas/ /rin chen sna tshogs rnam par brgyan/ /lcug ma tshang tshing dag gis khebs/ /pad ma'i rdzing gis rnam par brgyan/ /'bab chu rnam pa sna tshogs dang / /'khri shing rnams kyis mdzes par byas/ /skye bo'i las kyi mngon sum 'di/ /brtol nas mkha' la byung gyur pa/ /ri rab bskal pa'i mes bsregs te/ /thams cad du ni mi 'byung na/ /bag med rgyags pas rmongs pa yi/ /skye ba dang ni 'jig 'gyur ba/ /dbu ba chu bur lta bu yi/ /de ni lha gang smos ci dgos/ /de nas de na lha sngon dge ba'i las kyi mtha' dpyad pa la goms pa gang yin pa de dag bya'i sgra de thos nas/ 'di ltar bya 'di dag rnam par sgra 'byin pa de bzhin yin no snyam nas de nas yud tsam zhig khong du chud do/ /khong du chud nas de nas yang yul la rnam par rmongs pa/ yul rnams kyis dbang du byas pa nyid sgra dang reg pa dang ro dang gzugs dang dri sdug pa rnam pa sna tshogs dag gis dbang du byas pa dag ji ltar tshe rabs gzhan du bya ba dang mi bya ba dag byas pa ltar bya'i sgra de dag cung zad kyang yid la mi 'jog go/ /de ltar sems 'di da ltar byung ba'i yul la brkam zhing ma 'ongs pa'i nyon mongs pa khong du mi chud la shin du mi dran no/ /da ltar byung ba'i yul la mngon par 'dod pas rmongs pa/ sems can dmyal ba dang yi dgas dang dud 'gro rnams sam gal te yang lha dang mi rnams kyi nang na 'khyam mo/ /de ltar thog ma med pa'i dus nas nyon mongs pa rtsub mo byas pa mi dran la sdug bsngal</font><hr>64.224b<br><font size=+1>

rjes su myong ste/ sems can dmyal ba dang yi dgas dang dud 'gro rnams kyi nang du sdug bsngal mi bzad pa shin du tsha ba 'byung ngo / /thog ma med pa'i dus nas bcos dka' zhing gdul ba dka' ba de dag yid shin du rgya che ba ma gtogs par gdul bar mi nus so/ /de nas dge slong de dpyod par byed de bya rnams las gang gis bag med par gnas pa'i lha rnams la yang dag par gyur pa/ snying po med pa ma yin pa'i chos khong du chud par byed snyam nas/ des thos pa las byung ba'i shes pa 'am lha'i mig gis brtags na/ mi'i 'jig rten na gyad dam sil dkrol ba 'am gar mkhan rab tu myos par gnas pa gang yin pa de dag gos ngur smrig bgos te gar byed dam/ de nas sangs rgyas kyi yon tan glu dbyangs su len la/ de las nor rdzas kyi rnam pa 'am gos sam 'bras bu b+ha la lA ta ka thob pa de dag dge slong dang bram ze dag la sbyin par mi byed kyi/ gzhan du na shin du mgu nas spyod par byed pa de dag gos ngur smrig bgos pa tsam nyid kyis de lus dang bral nas shi ba'i 'og tu de'i las kyi mthus lha rnams kyi bya shin du bde bar 'gyur ba mthong ngo / /de nas yang lha phan tshun grogs su gyur pa rgyags pa 'ba' shig don du byed pa dag bai dUr+ya'i shing ljon pa gser gyi 'dab ma dang shel gyi lcug mas dkrigs pa'i lo ma dang / gzhan yang lcug ma dang / shing gis khebs pa dang byi ru mdzes pa sna tshogs dang / bung ba 'bum snyed kyis yongs su bskor ba dang / gser dang / mu tig gi ldum bu sngon po nyams dga' ba rnams na bro rdung glu len to/ /gzhan yang ri'i rgyal po ri rab kyi rtse mo rin po che sna bdun gyis rnam par brgyan pa/ 'bar ba'i phreng ba 'khrugs pa lta bu dang / gzhan yang gser dang / dngul dang / shel dang / bai dUr+ya'i pad ma'i rdzing rnams su rtse bar byed do/ /yang phyogs gzhan na gzhal med khang ba</font><hr>64.225a<br><font size=+1>

gam gyi phreng ba gsal zhing mdzes pa rnams na rtse bar byed yongs su spyod par byed de/ lha mo dang lhan cig 'thab mo dang phrag dog gi 'jigs pas skyo ba med pa phan tshun gnod pa med pa/ gus pa skyes shing de la yid dang bar gyur pa rnams bde ba shin du dpe med myong bar byed do/ /de nas yang lha de rnams dpag bsam gyi shing gi phyogs su bro rdung zhing 'jug par byed la/ der zhugs nas kyang rtog pa dang bcas pa'i blo yid la 'dod pa gang yin pa de dag thams cad mtho ris dang 'thun par 'thob ste/ de dag dpag bsam gyi shing zhes bya ba'i ming 'thob bo/ /der yang de dag yun ring du yul gyi bde ba 'dod pa sdug pa yid du 'ong ba nye bar spyad nas/ gser las byas pa'i ri rab mtho ba de ga la ba der 'dong bar byed de/ 'bab chu sna tshogs kyis brgyan par de dag 'dzeg par byed do/ /lha'i tshogs kyis yongs su bskor cing glu dbyangs dang sil snyan dang rol mo'i sgra 'byin pas rna gung g.yer ba de la yid zhugs pa yul gyi bde ba lha'i rna bar snyan pa thos so// //'phags pa dam pa'i chos dran pa nye bar gzhag pa/ bam po sum bcu brgyad pa/ lha rnams kyi mig gi yul du byas pa yang bde ba dpe med pa shin du rgya che ba myong ste 'di lta ste/ lha'i gzugs dang cha byad dang rgyan sna tshogs dang rang gi las kyis sprul pa'i gzugs dang cha byad dang rgyan gong nas gong du rnam pa sna tshogs dag mthong ngo / /ri rab la yang tshal dang nags tshal dang lteng ka dang pad ma'i gzugs rnam pa du ma dang de bzhin du me tog gi tshal dang nye ba'i tshal rnam pa sna tshogs dmigs pa du ma yod pa'i dri zhim po mngon par 'byung ba dag la lha rnams bsnom par byed de/ shin du yid du 'thad cing yul gyi reg pa la rnam par chags par 'gyur ro/ /lha rnams gang reg par 'dod pa de nyid ka tsa lin di ka lta bur 'jam pa yin te/ rdul dang bral ba dri ma dang bral ba</font><hr>64.225b<br><font size=+1>

thags su ma btags pa/ tshon du ma gsal ba/ dri mngon par zhim pa/ mthong na shin du yid 'phrog pa yin te/ de ltar reg pa'i yul gyis lha rgyags pa rnams myos shing gnas so/ /gzhan yang yid la sems pa gang yin pa de de nyid yon tan du ma dang ldan pa/ thun mong ma yin pa/ gzhan gyi mthus nyams pa ma yin pa/ gdug pa ma yin pa dag 'grub par 'gyur ro/ /de ltar bde ba'i myos pa rnam pa du ma la gnas pa rang gi 'od dang ldan zhing lha mo'i tshogs du mas yongs su bskor ba'i lha de dag gnas de rnams su skye bar 'gyur te/ ji srid du 'dod pa sdug pa yid du 'ong ba byas shing bsags pa'i las de zad par ma gyur pa de srid du rtse bar byed dga' mgur spyod par byed bde ba myong bar byed do/ /de phyis lha'i 'jig rten shin du yid du 'ong ba de nas 'chi bar 'gyur te/ shi nas kyang las nye bar 'gro ba ji lta ba bzhin sems can dmyal ba dang yi dgas dang dud 'gro rnams kyi nang du skye bar 'gyur ro/ /gal te mi rnams dang skal ba mnyam par mi'i nang du skyes na/ las de dang rgyu 'thun par de skyes phan chad nas rtag tu bde bar 'gyur zhing / bong skyed che ba dang gang na chos dang 'thun pa dang yang dag pa'i lta ba dang ldan pa'i yul bzang por rgyal po 'am blon po chen por skye bar 'gyur te/ skyes bu dam pa sdig pa'i grogs po dang phrad par mi 'gyur ba mthong ngo / /de nas yang dge slong las kyi 'bras bu rnam par smin pa shes pa de sum bcu rtsa gsum pa'i lha rnams kyi sa la rtog par byed de/ des thos pa las byung ba'i shes pas sum bcu rtsa gsum pa'i lha rnams kyi gnas shing sA la zung zhes bya ba ji ltar 'dug pa mthong ngo / /der sems can dag las gang gis skye bar 'gyur snyam nas des thos pa las byung ba'i shes pas brtags na/ yang dag pa'i lta ba la zhugs pa tshul khrims dang ldan par gyur cing / sems can rnams la phan par 'dod pas rtag tu tshul khrims dang ldan par gyur la/ yang dag pa'i</font><hr>64.226a<br><font size=+1>

lus dang ngag la zhugs par gyur pa gang gis 'di ltar 'grog gi sems can skom pa rnams srog chad par mi bya'o snyam nas/ de yang de ltar sems pa yongs su bsgoms pas sems sgom par byed de ri 'or dang 'brog dag tu yur chu dang 'bab chu dang lteng ka dang rdzing bu dag byas par chu chen po dag las 'bebs par byed/ srog chags rnams kyi lam nor ba dang lam nor nas 'grog dgon pa dag tu zhugs te/ 'jigs nas bzhin mog mog por gyur pa lam gol ba dgon pa chen por zhugs pa de dag la lam ston par byed cing / nyon mongs pa chen po de las sgrol bar byed kyang de dag gis 'tsho bar ma byed la sems can la phan par zhugs pa kho na yin te/ de dag ni sbyin pa sbyin zhing srog skyong ba yang yin no/ /yang srog gcod pa dang ma byin par len pa spangs pa ji lta bu yin zhe na/ 'di la de dag nyid dam gzhan zhig bsam pa de dang 'thun par zhugs pa dge ba'i las kyi mtha' spyod pa dag /de ltar srog chags gsad pa'i rgyu yod kyang gsod par mi byed pa yin te 'di lta ste/ khyim na srog chags drod gsher las skyes pa 'am mngal nas skyes pa phra mo 'am sbom por 'byung ba dag khyim de'i rdzas 'jig par byed pa 'am de bzhin du nyal ba'i steng du lhung nas gnyid 'drogs par byed kyang sems can rnams la phan par 'dod pa de gsod par mi byed/ sbal pa dang sdig pa yang gsod par mi byed/ srog yongs su chad la thug kyang de dag la gsod par mi byed cing gdug pa la yang bzod par byed do/ /de ltar de bsad pa'i rgyu yod kyang srog chags rnams la 'tshe bar mi byed cing srung bar byed pa yin te de dag ni srog gcod pa spangs pa yin no/ /ma byin par len pa spangs pa ji lta bu yin rnam pa ni du yod ce na/ de ltar legs par byas pa'i las kyi mtha' spyod pa de'i 'grog dgon par zhugs pa'i dpon por gyur kyang / tshong pa rnams kyis tshong pa'i phyir chu dang</font><hr>64.226b<br><font size=+1>

lan tshwa nag por bsres pa gang yin pa de dag kyang srung bar byed la skom pas gdungs te/ srog chad la thug kyang chu de dag tshong pas ma blud kyi bar du 'thung bar mi byed la/ gang gi tshe tshong pas blud pa de'i tshe chu de la 'thung bar byed cing gzhan dag la yang ldud par byed de/ de ltar dbang yod par gyur kyang rin ma byin par mi len te/ 'di yang ma byin par len pa spangs pa yin no/ /las kyi 'bras bu shin du phra mo mthong ba/ rtag par sangs rgyas dang chos kyi rjes su zhugs pa/ de'i yon tan dran pa lhur byed la/ sems pas sems bsgoms pa ni sdig pa'i grogs po dang yud tsam yang mi sten/ kun du smra ba'i tshig tsam yang mi smra/ de dang lam du yang 'grogs par mi byed/ gang dge ba'i chos thams cad kyi bar chad byed pa'i gtso ni 'di yin te 'di lta ste/ sdig pa'i grogs po dang 'du ba zhes bya ba yin la/ de dang smra ba 'am de dang lhan cig 'ong zhing 'gro ba 'am de'i grib ma dang phrad par yang mi byed do/ /de ci'i phyir zhe na/ 'dod chags dang zhe sdang dang gti mug rnams kyi gzhir gyur pa ni sdig pa'i grogs po dug gi shing ljon pa lta bu yongs su spang bar bya ba yin te/ de ltar skyes bu dam pa kun nas gser btso ma lta bur gyur pa de lus dang bral nas bde 'gro mtho ris kyi 'jig rten sum bcu rtsa gsum pa'i lha rnams kyi nang shing sA la zung gi gnas su skye bar 'gyur ro/ /der skyes nas kyang legs par byas pa'i las kyi mtha' dpyad pa de/ legs par byas pa kha na ma tho ba med pa/ skye bo dge ba kun gyis mchod pa/ de'i legs par byas pa'i las nges par myong bar 'gyur ba/ lha'i nang du skye bar 'gyur ba'i 'bras bu la nye bar spyod par 'gyur te 'di lta ste/ lha de rang gi 'od 'byung bar 'gyur la de'i 'od ji ltar mi'i grangs kyi tshul gyis nyin gcig bzhin bgrangs pa dang zhag dang zla bar 'phel bar 'gyur ba de ltar rgyu gang gis 'od de/ lha rnams kyi nyin mo dang mtshan mo med par rang gi 'od kyis gsal bar 'gyur te/ de ltar lha'i 'od de 'phel ba yin</font><hr>64.227a<br><font size=+1>

no/ /'di ltar lha gzhan dag kyang / 'di ni bdag cag gi gnas gzhan du skyes pa'i lha thams cad pas 'od lhag par bzang ngo snyam nas/ lha mo dag gi mdun du shin du ngo tsha ba skye'o/ /de nas lha rnams brgya byin gyi drung du song nas dris pa/ kye brgya byin 'di ltar lha gsar du skyes pa zhig mchis te/ de'i 'od kyis bdag cag thams cad zil gyis mnan nas mchis so/ /de nas brgya byin gyis de'i tshe 'di ltar tshigs su bcad de smras pa/ gser gyi ri bo ri rab 'di/ /'od kyi phreng ba gang yin pa/ /'od de tshul khrims las byung 'di'i/ /bcu drug char yang mi phod do/ /tshul khrims rtag tu 'bar ba na/ /gser ni btso ma lta bu ste/ /rang gi las kyis yang dag ldan/ /sum bcu rtsa gsum brgyan par 'gyur/ /dman dang 'bring dang khyad par 'phags/ /tshul khrims rnam pa gsum rnams kyi/ /'bras bu de bzhin rnam gsum ste/ /dman dang 'bring dang mchog tu mthong / /bag med spangs pa'i tshul khrims ni/ /bag yod pa yis 'phel ba yin/ /de ni rtag tu bde sbyin mthong / /'di ni chos nyid rnam par gnas/ /lus can tshul khrims las byung ba'i/ /dri med 'od ni gang yin pa/ /de ni nyi ma stong snyed dag /'dus pa'i 'od kyis thub mi 'gyur/ /tshul khrims rnam bdun dga' ba dag /mi mchog dam pa gang srung ba/ /sangs rgyas kyis ni bshad pa gang / /de ni las kyi 'bras bu spyod/ /lus can legs par byas pa yi/ /las rnams 'dir ni chud mi za/ /de bzhin las rnams ma byas pa'i/ /'ong bar ma mthong 'jig pa 'ang med/ /byis pa rgyu la ma chags la/ /rnam par smin la chags par byed/ /bye ma rnams la mar med ltar/ /rgyu med na ni 'bras bu med/ /ser sna med cing dge ba yi/ /skyes bu dge ba spyod pa yin/ /sdig pa'i bdag nyid rmongs pa gang / /de ni rtag tu khro la spyod/ /de ltar lha de dag la brgya byin des legs par byas pa'i las kyi 'bras bu khong du chud par bsnyad do/ /</font><hr>64.227b<br><font size=+1>

de nas lha rnams brgya byin gyi tshig de spyi bos blangs nas yang shing sA la zung gi gnas ga la ba de nyid du 'dong bar byed do/ /dong nas de lha dang lha mo'i tshogs dang lhan cig dga' bar byed/ dga' mgur spyod par byed cing sil snyan sna tshogs kyi sgra 'byin pa rjes su 'brang bzhin du shing sa la de gnyis kyi gnas ga la ba de nyid du 'dong bar byed do/ /shing sa la de gnyis kyang sum bcu rtsa gsum du gtogs pa'i tshal dang nye ba'i tshal thams cad pas tshad dang mdog dang me tog dang 'od dag gis lhag pa yin no/ /shing sA la de gnyis kyang dril bu g.yer ka sgra 'byung ba'i dra ba 'phyang ba dang / lo ma las kyang ji ltar sil snyan yan lag lnga dang ldan pa'i sgra 'byung ba de ltar de gnyis la sgra 'byung ngo / /de dag lo ma'i sgra de thos nas yang dga' bar gnas par bya ba'i phyir shing sA la de gnyis ga la ba de nyid du 'dong bar byed do/ /de nas nye bar dong nas lha de dag shing sa la de gnyis la 'dzeg par byed do/ /shing sa la de gnyis kyi steng na yang pad ma'i rdzing chu rab tu dga' ba zhes bya ba yod de/ bya ngang pa dang ka ran da dang ngur pa sgra snyan pa 'byin cing rtag tu chu yan lag brgyad dang ldan pas shin du gang ba yin no/ /de la 'dzegs nas lha rnams kyis 'di ltar shing sA la 'di gnyis ma gtogs par shing ljon pa gang gi steng na yang / pad ma'i rdzing med pa shin du ngo mtshar che ba 'di mthong ste/ kye ma shing sA la 'di gnyis ni shing yongs 'du sa brtol ma gtogs par shing ljon pa thams cad kyi nang na kun gyi gtso bo yin zhing thams cad du dga' ba yin no snyam mo/ /de nas de dag rig nas de gnyis kyi steng na lha de dag lha mo'i tshogs dang lhan cig bde ba nye bar sbyar ba dang yul gyi bde ba sna tshogs kyis dga' bar byed rtse bar byed dga' mgur spyod par byed do/ /de dag der yun ring du bde ba dag myong nas rtag tu rtse ba zhes bya ba ga la der mgo la pad ma'i phreng ba thogs pa thags su ma gtags pa'i gos kha dog rnam pa sna tshogs bgos pa/ kha dog sna tshogs las lus kyi</font><hr>64.228a<br><font size=+1>

'od 'byung ba rnams 'dong bar byed do/ /lha de rnams kyi lus las 'od 'byung ba gang yin pa de cung zad cig dper bya na/ ji ltar mi'i 'jig rten na dbyar gyi dus su 'ja' kha dog can kha dog sdug gu gsum dang ldan pa 'byung ba de ltar lha de rnams kyi pad ma de dag las 'od sngon po dang ser po dang dmar po 'byung ngo / /de nas lha de dag dga' bar gnas par bya ba'i phyir bskyed mos tshal du dga' spyod byed tu 'dong ste/ 'dod pa'i yon tan lnga dang ldan zhing yul gyi bde ba la nye bar spyod pa ni/ ri bo'i chu bo'i shugs ltar thams cad tu yul gyi bde ba rjes su myong ngo / /de nas lha'i rgyal po brgya byin shing sA la zung gi lha rnams kyi sa ga la ba der chos bzang na gnas pa'i lha'i tshogs kun dang lhan cig bskyed mos tshal du dga' spyod bya ba'i phyir 'dong bar byed de/ sil snyan dang rol mo'i sgra sna tshogs 'byin cing / lha mo'i tshogs rnam pa sna tshogs dag mdun na glu dbyangs len bzhin du 'dong bar byed do/ /de nas brgya byin gang nas 'ong ba der shing sA la zung gi lha rnams 'ong bar byed do/ /'ongs nas de dag kyang sil snyan dang rol mo'i sgra sna tshogs 'byin cing / lha mo'i tshogs kyis bskor ba rnams thal mo spyi bor sbyar te/ brgya byin la mchod nas lha mo dang lha de dag kun kyang phan tshun 'dres shing chos bzang na gnas pa dang shing sA la zung gi sa na gnas pa de dag phan tshun grogs su gyur pa/ shin du snying du sdug par gyur pa phan tshun yid la gnod pa med pa phan tshun 'thun par gyur pa rnams sil snyan yan lag lnga dang ldan pa chags su rung ba snyan pa 'thun pa 'thun pa nyid dang rjes su ldan pa skye bo thams cad kyi snying 'dzin par gyur pas bro rdung la rgod bzhin du shing sA la zung de gnyis ga la ba der 'dong bar byed do/ /dong nas kyang lha de rnams kun gyi sngon du 'gro ba brgya byin yongs su bskor nas bro rdung bar byed rgod par byed chang zhim po dag kyang 'thung bar byed do/ /de nas lha'i rgyal po brgya byin</font><hr>64.228b<br><font size=+1>

gyis lha de dag la 'di skad smras so/ /lha dag shing yongs 'du sa brtol ma gtogs par sum bcu rtsa gsum pa'i tshal dang nye ba'i tshal shing ljon pa thams cad kyi nang na kun du gtso bor gyur pa shing sA la zung 'di gnyis la ltos/ lha'i rgyal po mthong lags so/ /de nas brgya byin gyis de dag la 'di skad smras so/ /kye lha khyed cag gis shing sA la zung 'di'i mthu ma shes kyi lha khyed rnams kyis gzugs 'ba' shig shes par zad de/ shing sA la 'di gnyis kyi mthu ltos shig /de nas lha'i rgyal po brgya byin shing rta las babs nas/ rdo rje'i phyogs gcig gis shing sA la zung ya cig la bsnun pa dang / de nas sdong po las sgo bye ste shing sA la de'i nang na stegs dang 'bab chu dang lteng ka dang tshal dang nye ba'i tshal nyams dga' ba sna tshogs dang 'bab chu yang shin du bsil zhing pad ma'i tshal gyis khebs pa/ stegs dang ri rtse dag gis brgyan pa/ kha cig ni nor bu las byas/ kha cig ni dngul las byas/ kha cig ni shel las byas/ kha cig ni bai dUr+ya las byas pa yin te/ 'bab chu dang chu bo dang ri bo nyams dga' ba sna tshogs pa dag mthong ngo / /de nas gzhan yang lha de rnams shing sA la zung de ya gcig gi nang du zhugs pa dang pad ma'i rdzing rin po che sna bdun gyi pad ma rnams kyis brgyan pa/ bung ba 'bum snyed kyis yongs su bskor ba dag mthong ngo / /gser dang dngul dang bai dUr+ya dang an da rnyil gyi shing ljon pa 'od gsal ba'i tshal bya'i tshogs kyis yongs su bskor ba dag kyang mthong ngo / /bya de dag kyang 'dab gshog gi mtha' rin po che sna bdun las byas shing rgyas pa yin te/ ji ltar sgra 'byin pa thos nas lha dag kyang sngon ma byung ba ngo mtshar che ba mthong nas shin du dga' ba myong zhing / gzhan la yang ngo mtshar bskyed pa de lta bu'i sgra snyan pa rnam pa du ma 'byin to/ /de nas lha'i rgyal po brgya byin yang lha'i tshogs dang lhan cig</font><hr>64.229a<br><font size=+1>

yongs su bskor te/ tshal dang nye ba'i tshal legs par mthong bar 'dod pa shing sA la zung ya cig gi nang na gzhal med khang dkrigs pa ga la ba der dong ngo / /der yang lha rnams kyis khang bzangs rnam pa sna tshogs dkrigs pa dag na ka ba nyams dga' ba rnam pa sna tshogs kyis brgyan pa/ ka ba dang ra ba rin po che sna bdun gyis rnam par brgyan pa la 'di lta ste/ an da rnyil dang bai dUr+ya dang gser dang dngul dang spug dang shel dang mu tig rnams kyis ka ba rnam pa du mar phye zhing sna tshogs su brgyan pa/ stan khra bo rnam pa sna tshogs legs par bting ba/ rin po che'i gos sna tshogs kyis mdzes par byas pa/ 'dug khri de dag kyang sdug par byas shing rkang pa rnam pa sna tshogs kyis mdzes par byas pa'i 'dug khri'i rkang pa de la nye bar brgyan pa 'di lta ste/ rdo rje dang an da rnyil dang shel dang gser dang dngul gyis rnam par brgyan pa dag mthong ngo / /de nas gzhan yang brgya byin sngon du 'gro ba'i lha shing sA la zung gi nang du zhugs pa rnams ri'i rtse mo kun nas mthong na yid du 'ong ba/ bya sna tshogs 'bum snyed kyis yongs su bskor cing skad 'byin pa dag mthong ngo / /de nas lha rnams la brgya byin gyis 'di skad smras so/ /shing sa la zung gi nang na nyams dga' ba 'di la khyed cag ltos/ lha'i rgyal pos de skad smras pa dang / lha rnams kyis 'di skad smras so/ /brgya byin ji lta ba bzhin mthong lags so/ /de nas lha'i 'khor de na 'di ltar lha bag med pas yid shin du lhag par dbang du byas pa gang yin pa de dag mthong ba dang de dag bkar nas las kyi 'bras bu shin du bstan pa'i phyir las kyi me long gi khang pa zhes bya ba der 'jug par byed do/ /de nas las kyi me long gi khang pa der zhugs nas brgya byin des bai dUr+ya'i rtsig ngos shin du dri ma med pa/ me long g.ya' med pa ltar kun nas gsal ba de dag ston</font><hr>64.229b<br><font size=+1>

par byed do/ /de nas gzhan yang brgya byin des lha rnams la ston par byed de/ lha dag las kyi 'bras bu la nye bar spyod pa brtsig ngos me long lta bu la bris pa sna tshogs snang ba 'di yin te/ gang dang gang gis las gang byas pa dang rnam pa gang dang gus pa gang gis gang gi tshe/ zhing gang la dngos po gang byin pa ji ltar byin pa dang dad pa gang gis sbyin pa dang dus gang gi tshe byin pa de ltar yongs su bsngos pa dang gang gi tshe yongs su bsngos pa dang 'bras bu gang du skye bar yongs su bsngos pa dang rnam pa gang gis yongs su bsngo ba'i sbyin pa'i 'bras bu snang ba de dag la khyed cag ltos de nas gzhan yang brgya byin des lha de dag la rab tu ston par byed de/ 'di ltar tshul khrims shin du bsgoms pa/ 'gro ba thams cad du pha ma lta bur gyur pa/ slu ba med pa/ rnam par smin pa mchog tu nyams dga' ba/ mtsho ltar rnyog pa med pa/ mtho ris su 'gro ba'i sa bon gang gis gang gi tshe ji ltar gang zhig gang rnams la rnam pa gang gis tshul khrims rnam pa bdun srung ba de/ de'i tshe rnam pa des gnas skabs der skyes pa de'i tshul khrims kyi 'bras bu de/ lha dang mi rnams kyi nang du smin pa la khyed cag ltos/ de nas gzhan yang brgya byin des lha de dag nyid la der las kyi me long nyid rab tu ston par byed de/ 'di ltar 'di dag kun ni las kyi 'bras bu'i tshogs yin te/ ye shes kyi sgron ma'i skyes bu gang gis gang gi tshe 'di ltar ye shes la goms shing / yang dag pa'i lta bar gyur pa ye shes de'i tha ma dang 'bring dang mchog zag pa dang bcas pa dang zag pa med pa'i 'bras bu la khyed cag ltos/ de nas gzhan yang brgya byin des lha de dag nyid la sbyin pa dang tshul khrims dang ye shes rnam pa dgu'i gnas skabs rab tu ston par byed de/ sbyin pa tha ma dang 'bring dang mchog gis mtho ris rnams su 'bras bu rnam par smin pa 'byung bar 'gyur ro/ /de la sems bsgoms shing / zhing yon tan dang ldan la slu ba med pa'i mtshan nyid dang ldan yang dngos po phun sum</font><hr>64.230a<br><font size=+1>

tshogs pa ma yin na 'bras bu de nyid chung la/ 'bras bu yi dgas mthu bo cher 'gyur te/ dud 'gro zhig na yang 'bras bu bde ba 'thob par 'gyur ro/ /lha dag las kyi me long 'di nyid kyi nang na 'bras bu gzugs brnyan snang ba sbyin pa 'bring 'di la ltos/ las kyi 'bras bu sna tshogs bris pa'i rtsig ngos la sbyin pa'i 'bras bu 'bring ni/ sems ma bsgoms shing dngos po yon tan dang yang mi ldan la/ zhing yon tan dang ldan pa kho na la sbyin pa'i 'bras bu ni/ nub kyi ba lang spyod dam shar gyi lus 'phags gling gi mi rnams kyi nang 'am dud 'gro 'am gnod sbyin nam lha ma yin rnams kyi nang du 'bras bu 'thob par 'gyur te/ 'bras bu 'bring po thob pa de yang de ltar me long lta bur lha de dag nyid kyi mngon sum du snang ngo / /de nas gzhan yang brgya byin gyis las kyi me long de nyid kyi nang na gzugs brnyan gyi ngo bor gyur pa/ 'di ltar sbyin pa'i 'bras bu rnam pa gsum po 'di yang rab tu ston par byed do/ /gzhan yang lha khyed cag tha ma dang 'bring dang mchog la ltos shig /de la tha ma ni rnam pa gzhan gyis mi 'gyur te/ 'di ltar sems ma bsgoms la zhing phun sum tshogs pa yin no/ /de la sems ma bsgoms pa ji lta bu yin zhe na/ sbyin bdag gang srog chags la shin du phan pa byas shing / zhing dang dngos po rnyed kyang sems dang ba ma yin te/ lus kyis mngon par ldang ba dang / phyag 'tshal ba la sogs pa gus par mi byed pa 'di ni zhing yon tan ldan zhing / dngos po yon tan dang ldan pa yin yang sems yon tan dang ldan pa ma yin te/ sbyin pa slu ba med pa byas pas/ ri brags sam kla klo rnams kyi rgyal po 'am blon po chen por 'gyur ba las kyi me long gi sa gzhi nyid la khyed cag ltos shig ces de ltar brgya byin de lha rnams la rab tu ston par byed do/ /gzhan yang sbyin pa'i mchog 'di ni sems dang ldan pa dang zhing yon tan phun</font><hr>64.230b<br><font size=+1>

sum tshogs pa dang sems bsgoms pa yon tan phun sum tshogs pa yin no/ /de la zhing dam pa ni sangs rgyas la sogs pa'o/ /dngos po ni bza' ba la sogs pa'o/ /sems bsgoms pa ni sems dang ba dang gus pa yin te sbyin pa 'bras bu chen po 'di ni lha dang mi rnams kyi nang du skye bar 'gyur ro/ /de la lha rnams kyi nang du ni lha chen por 'gyur la/ mi rnams kyi nang du ni gling bzhi pa 'khor los sgyur ba'i rgyal po rdzu 'phrul che ba/ rin po che sna bdun dang ldan pa/ nye ba'i rin po che sna bdun dang ldan pa/ chos dang ldan zhing chos kyi rjes su lta ba/ phun sum tshogs pa thams cad spyad nas de la brten te tshul khrims spyod cing ye shes kyang shes par byed do/ /de mya ngan las 'das pa'i grong khyer du 'jug par byed de/ sbyin pa 'di ni bla na med cing sbyin pa 'di nyid bla na med pa yin no/ /gzhan yang sbyin pa'i 'bras bu bai dUr+ya shin du dri ma med pa'i las kyi brtsig ngos la snang ba 'di brgya byin des lha de dag nyid la rab tu ston par byed de/ 'di ltar rnam pa gsum gyis sbyin pa'i 'bras bu gzugs brnyan snang ba 'di la ltos/ de nas yang brgya byin des lha dag la rab tu ston par byed de/ 'di ltar zang zing sbyin pa dang mi 'jigs pa sbyin pa dang chos sbyin pa'o/ /de la zang zing sbyin pas ni snga ma bzhin longs spyod chen por 'gyur/ mi 'jigs pa byin pas ni yul bzang po'i rgyal por 'gyur te/ mtshon cha dang lo nyes dang bgo pa dang bral ba/ dus ma yin par 'chi ba'i 'jigs pa dang bral ba/ 'gran zla'i 'jigs pa dang bral ba/ nad kyi 'jigs pa dang bral ba/ me'i 'jigs pa dang bral ba/ chu'i 'jigs pa dang bral ba/ 'chi ba'i 'jigs pa dang bral bar rgyal po 'am blon po chen po yun ring du gnas par byed do/ /'di ni mi 'jigs pa byin pa'i 'bras bu las kyi me long gi nang du sbyin pa 'bring po 'di ji lta ba</font><hr>64.231a<br><font size=+1>

bzhin snang ngo / /gzhan yang sbyin pa rnams kyi nang na sbyin pa mchog las kyi me long gi brtsig ngos la snang ba/ sbyin pa 'di dag gi nang na dam pa ni 'di lta ste/ 'khor ba thams cad las nges par 'byung ba'i sa bon/ chos sbyin pa yin te/ sbyin pa mchog 'di sbyin pa'i 'bras bu ni byang chub gsum smin par 'gyur ro/ /gzhan yang chos sbyin pa de nyid kyi 'bras bu snang ste/ nye bar 'tsho ba'i rgyu dang grags pa'i rgyu dang 'gran zla gzhan zil gyis gnon pa'i rgyu dang gzhan la phan gdags pa'i rgyu kho na yin no/ /de la nye bar 'tsho ba'i rgyu ni gang gzhan la phan gdags par zhugs pas ma yin gyi/ nye bar 'tsho bar bya ba'i don du chos ston par byed pa 'di ni tha ma yin te/ 'di ltar gzhan la phan gdags par sems bsgoms pa'i snying gis 'chad par mi byed pa yin la nor rdzas kho na'i phyir 'chad pa yin no/ /ji ltar gzhan dag la 'chad pa de ltar sgrub pa mi byed pa 'di ni sbyin pa tha ma yin no/ /de lta bas na nor rdzas thob pa gang yin pa de dag chang gis zad par byed dam bud med dang lhan cig zad par byed pa tshul khrims rnam par spangs pa 'di ni gar mkhan lta bu'i chos nyid kho nar zhugs pa yin te chos kyi sbyin pa 'di ni 'bras bu chung ba yin no/ /de'i rnam par smin pa gar skye zhe na/ des las kyi me long la mthong ste lha rnams kyi nang du bya mkhas pa'i rang bzhin can du 'gyur la/ de bzhin du tshigs su bcad pa ston par 'gyur te 'di ni chos kyi sbyin pa tha ma yin no/ /chos kyi sbyin pa 'bring ji lta bu yin zhe na/ grags pa 'dod pa'i phyir chos 'chad pa 'am chos smra ba gzhan zil gyis gnon pa'i phyir zhe sdang gi tshul gyis 'chad pa de'i chos kyi sbyin pa ni 'bras bu chung ba yin la/ de'i 'bras bu rnam par smin</font><hr>64.231b<br><font size=+1>

pas ni lha 'am mi 'bring po rnams kyi nang du smin par 'gyur te/ de ltar brgya byin des las kyi me long gi gnas dag tu lha rnams la ston par byed mthong bar byed do/ /gzhan yang chos sbyin pa mchog ni sems bsgoms pa/ skyon med pa blo gdul bar bya ba'i phyir ston pa yin la 'tsho bar mi byed log par lta ba gzhan dag kyang chos 'dul ba la rab tu 'jog par byed la 'tsho bar mi byed pa yin te/ de ltar bdag dang gzhan la phan par zhugs pa mthar mya ngan las 'das pa'i chos sbyin pa mchog yin no/ /yang brgya byin des chos kyi sbyin pa de nyid kyi 'bras bu rnam pa gzhan gyis lha rnams la ston par byed yang dag par 'chad par byed de/ shes rab kyis ma grol ba ni tha ma yin no/ /tshul khrims la zhugs pa ni 'bring yin no/ /shes rab kyis rnam par grol ba ni mchog yin no/ /de la shes rab tha ma ni de sbyin pa'i gtam dang yang dag par ldan pa shin du khong du chud par chos ston pa ma yin la sbyin pa'i 'bras bu 'ba' shig ston pa yin te de rgyu de dang gzhi de la brten nas sbyin pa la gnas shing tshul khrims dang shes rab la yang gnas so/ /de dad pa 'ba' shig gi rjes su 'brang ba yin la/ dgra bcom pa zag pa zad pa gnyi ga'i cha las rnam par grol ba 'di chos sbyin pa tha ma yin te/ 'di ltar sbyin pa'i gtam dang ldan pa 'di ni chos sbyin pa yin no/ /chos sbyin pa 'bring ni tshul khrims kyi gtam dang rab tu ldan zhing sems yongs su bsgoms pas ston pa shes rab 'bring yin la/ de'i las kyi 'bras bu rnam par smin pa ni las kyi me long gi brtsig ngos kyi nang na snang ste/ 'di ltar shes rab kyi rjes su 'brang ba dgra bcom pa 'am shin du myur bar zag pa zad par byed na rang sangs rgyas su 'gyur te/ </font><hr>64.232a<br><font size=+1>

chos sbyin pa 'bring de'i rgyus las kyi rnam par smin pa las kyi me long gi nang na snang ngo / /gzhan yang chos sbyin pa mchog ni 'di lta ste/ sems shin du yongs su bsgoms pa/ 'dod pa med par shes pa sbyin zhing yon tan 'ba' shig mngon par rjod par byed/ gzhan la phan gdags par zhugs pa chos ston pa yin te 'di lta ste/ 'dod pa'i nyes dmigs kyi ro myang ba las nges par 'byung ba 'am/ gzhan log pa'i lta ba la zhugs pa yang chos 'dul ba la rab tu 'jog par byed cing / chos 'dul ba skyon med pa yang ston par byed pa yin te 'di ni chos sbyin pa mchog yin no/ /de'i 'bras bu ni byang chub tu 'gyur te yang dag par rdzogs pa'i sangs rgyas rig pa dang zhabs su ldan pa/ bla na med pa skyes bu 'dul ba'i kha lo sgyur ba/ lha dang mi rnams kyi ston pa/ chos 'dul ba bla na med pa/ thog ma dang bar dang tha mar dge ba/ de ni chos sbyin pa mchog yin no/ /de ltar brgya byin des las kyi me long gi brtsig ngos la rnam pa du ma yod pa lha rnams la ston par byed de/ de ltar thams cad ston par byed do/ /'di ltar lha gzhan gang yin pa dag la mngon par brtags na/ lha de dag kun nas shin du ngo tsha bar gyur pa dang de dag la de ltar ma byed cig /'di ltar srid pa dang srid par rgyu dang 'thun par 'bras bu mngon par 'grub bo zhes bstan te/ de ltar zla ba bas lhag pa'i lus gang yin pa de dag mthong nas/ bdag gi drung du lhags pa de dag nyid la bstan pa'i phyir/ las byas pa 'dis las tha ma dang 'bring dang gsum po 'di dag lha rnams la bstan pa yin te lha dag ngo tsha bar byas pas des chog chog /de nas lha de rnams kyis ma mthong ba ngo mtshar che ba de la mngon par brtags nas 'khor ba la shin du yid skyo ba rnams kyis 'di ltar tshigs su bcad de smras pa/ 'dod pa don med rgyags pas myos/ /lha</font><hr>64.232b<br><font size=+1>

rnams rang bzhin stobs chung ba/ /'dod pa rnams kyis 'khyam zhing rtse/ /'jigs pa chen po mi mthong ngo / /'dod pa mi phan byed rnams la/ /lha gang yid ni rton byed pa/ /legs byas zad nas blun po dag /phyi nas so sor rig par 'gyur/ /lha rnams la ni bye brag tu/ /phun sum ldan pa mod la 'jig /ji lta ji ltar bde dang dga'/ /de 'jig de ltar nyon mongs so/ /gang tshe lha yi 'jig rten nas/ /sems can dmyal bar lha ltung ba/ /lus dang yid kyi sdug bsngal gyis/ /thams cad du ni gnod par 'gyur/ /de yi sdug bsngal shin du tsha/ /de yi tshad gzung mi nus so/ /sdug bsngal rnams kyi nang na mchog /'bral ba sdug bsngal yongs su rjod/ /de yang lha yi tshogs nang na/ /gtso bor rtag tu yang dag 'jug /sems kyis yongs su bslus pa yi/ /lha rnams kyis kyang mi mthong ngo / /'dod pas shin du bslus pa rnams/ /da ltar bzang ba skad cig ste/ /brgya dang 'bum dang de bzhin du/ /bye ba ther 'bum phrag brgya yi/ /'dod pa thob kyang 'jig 'gyur ba/ /de la mi dag yid ma rton/ /legs par byas pa'i las kyi rgyus/ /de yi 'bras bu rtag tu bde/ /shing nyams 'bras bu med pa ltar/ /rgyu zad nas ni 'bras bu med/ /bag med de nyid mthong rnams kyis/ /srog zad byed pa dug ltar mthong / /rtag tu me ltar sreg byed cing / /mtshon cha ltar ni gcod par byed/ /sngon ni mdza' bshes lta bur mthong / /phyi nas dgra lta bur mthong ngo / /lus can kun la bag med pa/ /mchil pa lta bur rab tu 'jug /lha dang lha min mi dag dang / /klu rnams la yang khyad par du/ /don rnams thams cad med byed pa/ /de yis bag med rgyu mthong ngo / /brgya byin bdag cag bsod nams bgyis/ /legs par bgyis pa dag kyang bsrungs/ /khyod kyis srid pa'i btson ra gang / /'di dag thams cad bstan pa las/ /de ltar brgya byin lha de la/ /smras nas de nas</font><hr>64.233a<br><font size=+1>

'di skad smras/ /brgya byin khyod la ngo mtshar rmad/ /chen po 'di ni su yis bstan/ /de la brgya byin des smras pa/ /gang gis bstan 'di nga las nyon/ /bdag skyes pa na sngon gyi lha phreng bzang zhes bya ba zhig yod de/ de dang bdag shin du bshes par gyur to/ /des brgyud pa las thos la 'ga' zhig gi phyir yang 'di ltar bcom ldan 'das 'od srung zhes bya ba zhig gdul ba'i dbang gis mtho ris 'dir gshegs shes thos so/ /des kyang lha shin du bag med par gnas pa rnams rtag tu gzigs nas/ de dag la phan par mdzad pa'i phyir shing sa la zung 'di bkrun to/ /las kyi me long sprul pa'i nang de yang bdag cag rab tu bag med par gyur pa dang khyod bag med par ma gnas shig ces lha des shin du bstan te 'di ltar 'dus byas thams cad ni log par ltung ba yin la/ gang gi tshe khyod dam lha bag med par gnas pa gzhan dag phan tshun gzugs tha ma dang 'bring dang mchog la ngo tsha dang bcas par gyur pa de'i tshe/ khyod kyis lha dad pa can bag yod pa la gnas pa ma yin pa gang yin pa de dag nang du bcug ste/ 'di dag bstan cing de rnams la rmad du byung ba 'di yang dag par bstan par bya'o/ /'di ltar bcom ldan 'das des kyang lha rnams la phan par mdzad pa'i phyir 'di bstan cing / lha dag kyang btul la las kyi me long gis rgyags pa dang phral nas dge ba'i lam la rab tu bkod de/ de nas yang slar 'dzam bu'i gling du gshegs so zhes bstan to/ /lha de las bdag gis de skad thos te thos nas kyang gcig tu 'ga' la lha de dag ngo tsha ba dang bcas te lhags so/ /de dag gi ngo tsha ba bsal ba'i phyir dang bag med pa dang dregs pa bsal ba'i phyir las kyi me long gi brtsig ngos la bris pa tha ma dang 'bring dang mchog 'di khyed cag la rab tu bstan pa yin no/ /gzhan yang shing sA la zung</font><hr>64.233b<br><font size=+1>

gnyis pa 'di nyid tu 'jug par bya'o/ /de yang de bzhin du bcom ldan 'das 'od srung de nyid kyis lha rnams la phan par mdzad pa'i phyir/ las kyi dra ba skye ba dang 'chi ba lta bur sprul pa mdzad pa de yang bdag gis khyed cag la rab tu bstan par bya'o/ /de nas de skad smras nas/ yang brgya byin gyis lha de dag la 'di skad du/ bcom ldan 'das 'od srung de la spyi bos phyag 'tshal lo zhes smras nas/ de nas yang de ltar sgo de nyid nas phyir byung ba dang sgo yang de bzhin du bcad do/ /de nas lha yid rab tu dga' ba/ phyi rol gyi bskyed mos tshal na dga' spyod byed par zhugs pa/ sil snyan gyi sgra rnam pa sna tshogs 'byin pa rab tu myos pa bro rdung zhing rgod pa gang yin pa de dag gis brgya byin nye ba na 'dug par rig nas mgo bos so sor phyag 'tshal nas/ yang yid shin du chags pa dag bro rdung bar byed rgod par byed phan tshun pad ma dag blangs nas rdeg par byed do/ /de nas brgya byin dang lhan cig shing sA la zung der zhugs pa'i lha gang yin pa de dag gis lha de rnams la rmad du byung ba de dag ston par byed kyang / bag med pa'i dbang du gyur pa de dag nyan par yang mi byed la rmad du byung ba de la gang yang dad pa mi skyed do/ /de nas brgya byin yang lha de rnams kyi sems bsrung ba'i phyir spyod pa de dag nyid dang lhan cig pad ma'i tshal de rnams na dga' bar byed cing sil snyan dang rol mo'i sgra sna tshogs 'byin pa/ phan tshun grogs su gyur pa/ rgyags pa 'ba' shig don du byed pa/ lha'i phreng ba dang rgyan dang ldan pa/ shin du bde ba dang ldan pa/ 'dod pa'i yid rab tu myos pa/ rang gi legs par byas pa la chags pa rnams tshal dang nye ba'i tshal dag na yongs su spyod par byed dga' bar byed do/ /de rnams kyi nang na las byas pa'i me long gi gnas rmad du byung ba mthong ba'i lha gang yin pa de dag bya ba byas pa bzhin</font><hr>64.234a<br><font size=+1>

du rgyags pa'i spyod lam la gnas pa dang bral zhing sems snying rje can du gyur nas lha de dag la mngon par rtog pa na/ kye ma lha rab tu myos par gnas pa 'di dag gis ni 'di ltar nges par ltung bar 'gyur zhing lhung nas kyang / sems can dmyal ba dang yi dgas dang dud 'gro rnams kyi nang du skye bar 'gyur la/ 'khor ba'i mthar gtugs pa'i bar du las la rton pa las kyi rang bzhin can dag ji ltar las dge ba'i ma sdig pa byed pa de de bzhin du las kyi skal bar 'gyur ba dag mi shes so snyam nas/ de ltar lha de rnams lha de dag la snying rje bar byed do/ /de nas chos bzang na gnas pa'i lha phyi ma de dag kyang brgya byin la 'di ltar lha'i rgyal po khyod kyi bka' drin la bdag cag 'dod pa'i yon tan lnga 'byor cing ldan par gyur pa rnams kyis lha'i tshal dang nye ba'i tshal dag na dga' bar bgyid dga' mgur spyod par bgyid na/ lha'i rgyal po bdag cag la dgongs par mi mdzad dam zhes smras so/ /de nas brgya byin gyis 'di ltar tshigs su bcad de 'di skad smra snga ba/ lha dag bdag ni byed pa mang / /bag med pa la gnas pa med/ /gang zag bag med dbang gyur pa/ /de nyid rab tu mi mthong ngo / /rtag tu bag med dbang gyur gang / /de ni dge ba'i 'os min te/ /dge ba spangs pa'i gang zag ni/ /sems can dmyal bar nye bar 'dren/ /dga' zhing yid du 'ong ba kun/ /rab tu 'bral bar 'gyur srid kyang / /'tsho ba'i mtha' ni 'chi ba dag /lha yis shin tu mi mthong ngo / /'chi ba'i tshe na 'byung ba gang / /dbang po sems ni blong ba dag /nges par 'byung bar 'gyur ba gang / /sdug bsngal mi bzad de shes kyis/ /srid gsum 'dus byas thams cad ni/ /'gal me 'khor lo lta bu dang / /dri za'i grong khyer</font><hr>64.234b<br><font size=+1>

lta bu dang / /dbu ba chu bur lta bu ste/ /rmongs pa dbu ba'i phung po la/ /mal stan 'ding bar byed pa gang / /rmongs pa 'dus byas byed pa de/ /mi brtan bdag nyid mngon par chags/ /las kyis yongs su sbrel ba ni/ /'chi ba'i tshe na lha dang mi/ /de bzhin gnod sbyin lha ma yin/ /klu dang mkha' lding skyob mi byed/ /'chi ba'i rgyal po mi bzad pa/ /ji srid ma 'ongs bar du ni/ /de srid legs par byas spyod pa/ /phyi nas gdung bar ma byed cig /srid pas de dag yang drangs pa/ /yul rnams la ni rgyug par byed/ /khyed la du mar bsgo ba yin/ /bag med rnams la ma chags shig /yul gyis dam du bcings pa ni/ /sems can dmyal ba kun gyi rgyu/ /de bas gtan du spangs nas su/ /nges par legs par yid la byos/ /de ltar brgya byin des lha de rnams la rjes su bstan pa dang 'di ltar bde ba de'i dbang du gyur pa rnams cung zad kyang sems la mi 'jog go/ /las kyi me long mngon sum du mthong ba'i lha gang yin pa de dag ni ma gtogs te/ de rnams ni shin du yid chad nas brgya byin la 'di skad smras so/ /lha'i dbang po 'di ltar shing sA la zung gnyis par gshegs dang / de nas yang bcom ldan 'das 'od srung des lha bag med pas rmongs pa rnams la phan par bgyi ba'i slad du/ las kyi dra ba skye ba dang 'chi bar 'thun pa'i sprul pa gang lags pa de dag lha'i rgyal pos bdag cag la rab tu bstan du gsol/ de nas brgya byin gyis lha shin du bag med pas gnas pa dag rig nas tshal dang nye ba'i tshal rnams su rtser dong ngo / /de nas yang lha rnam par g.yengs pa de rnams dang shin du yi chad pa dag dang yang lhan cig shing sA la zung gnyis pa ga la ba der dong ste phyin nas/ de bzhin du des sdong po de nyid kyi sgo 'byed par byed do/ /'byed pa dang de bzhin du sgo bye ste/ brgya byin de lha de rnams dang lhan cig de nyid du zhugs pa</font><hr>64.235a<br><font size=+1>

dang lha rnams kyis tshal dang nye ba'i tshal nyams dga' ba/ sngon chad gar yang ma mthong ba'i dga' ba gang yin pa de dag dang 'dod pa thams cad 'byor pa/ bya rnam pa sna tshogs kun nas long long por 'khod pa/ pad ma'i tshal gyis brgyan pa/ gser btso ma'i shing ljon pas kun nas 'khrigs pa thams cad du mthong na dga' zhing yid du 'ong ba/ 'jig rten gyi bde ba'i mchog blta na sdug pa/ rlung bsten na bde ba/ ri'i zom yang rin po che'i rdo sna bdun gyis rnam par brgyan pa/ bya rnam pa sna tshogs skad 'byin pa mthong ngo / /dpag bsam gyi shing nyi ma ltar gzi che bas kun nas gsal ba yin te/ nyi ma lta bu de rnams kyis shing sA la'i nang de dag thams cad rnam par gsal ba/ bza' ba dang btung ba'i chu bo yang dri dang ro dang mdog sna tshogs su 'bab pa rnams mthu rab tu che bar 'bab pa/ de'i nang na dri shin du mi bzad par zhim po yod de/ yon tan sna tshogs phun sum tshogs pa de rnams snas rim gyis shin du myong bar byed do/ /de ltar dbang po lnga rnams kyi yul lnga sems dang ldan pa ltar sdug par ston pa/ nyi ma nub pa ltar mi rtag ste 'phral 'phral la byung ba'i stobs kyis/ dbang du gyur pa'i lha gang yin pa de rnams kyi dbang po yang shin du bde ba nyid yin na/ gang las bar mas nye bar 'gro ba rnams lta smos kyang ci dgos/ de nas lha'i rgyal po brgya byin tshal dang nye ba'i tshal dang nye ba'i tshal shin du nyams dga' ba gang yin pa de dag thams cad de rnams la yang dag par bstan te de dag gi khyad par ni phyi rol na gnas pa rnams kyi tshal dang nye ba'i tshal nyams dga' ba gang yin pa de dag de'i bcu drug gi char yang mi phod do/ /de nas lha'i dbang pos thams cad ma lus par bstan nas rdo shin du gsal ba las sa gzhi byas</font><hr>64.235b<br><font size=+1>

pa/ lhag par nyams dga' ba bstan par bya ba'i phyir ga la ba der 'dong bar byed do/ /bai dUr+ya'i khang bzangs ka ba stong yod la pad ma rA ga'i lan kan bres pa/ sa gzhi gser las byas pa/ tshur dpag tshad lnga yod pa/ zheng du dpag tshad gsum yod pa/ bcom ldan 'das 'od srung de'i rdzu 'phrul gyis mdzad pa yin no/ /de nas brgya byin khang bzangs rin po che sna bdun gyi them skas kyis brgyan pa de la lha de rnams dang lhan cig der 'dzegs pa dang khang bzangs de la/ bcom ldan 'das de nyid kyi gzugs brnyan sprul pa gang yin pa de la/ 'di ni bcom ldan 'das nyid chos ston pa yin no snyam du sems so/ /de nas brgya byin gyis bcom ldan 'das kyi gzugs brnyan de la mgo bos phyag 'tshal te/ lha'i tshogs rnams dang lhan cig shin du gyur pa'i yid kyis phyag 'tshal nas/ 'di ltar tshigs su bcad de smras pa/ rab tu grol ba skyob mdzad cing / /zhi ba dang ni thar pa'i sgo/ /'byed par mdzad pa 'jig rten mgon/ /de yi gzugs brnyan 'di bzhugs so/ /mi gang zhi ba'i yid kyis su/ /'di la rtag tu phyag 'tshal na/ /de ni srid pa'i 'jigs las thar/ /mya ngan 'das pa 'ang rtogs par 'gyur/ /mya ngan 'das grong ston mdzad pa/ /chos 'di gsung ba gang yin pa/ /de ni zhi ba mchog tu dga'/ /de ni mtha' las byung zhes bya/ /skyes bu brtan po rtsal po ches/ /de yi bka' la brten na ni/ /gtan du bde ba 'byung ba gang / /rtag pa'i gnas ni 'thob par 'gyur/ /skyes bu de nyid sems pa po/ /sgrol byed 'di la brten nas su/ /srid gsum rgya mtsho chu bo'i klong / /mi bzad 'jigs las sgrol bar byed/ /'di ni 'jig rten bcas pa'i mig /kun nas 'bral ba'i mig rnams yin/ /shing las byung ba me min gyi/ /'di ni me yi nang na mchog /'dod chags la sogs dri ma yis/ /mi rnams sems la sdig bcas</font><hr>64.236a<br><font size=+1>

pa/ /khyu mchog de'i bka' ye shes chus/ /dag pa nyid du 'khru bar mdzad/ /mu stegs shes pa'i nga rgyal can/ /kun gyis gnas gang ma mthong ba/ /gnas de khyod kyi dri ma med/ /gsung rnams kyis ni mi la bstan/ /skye bo shin du bag med pa/ /'di dag mgon po khyod kyis bsgral/ /mgon po rgal nas pha rol gshegs/ /skye bo gzhan yang sgrol bar mdzad/ /skye bo kun la sman slad du/ /khyod nyid gcig pur bzhugs par byas/ /phan med rnams la phan mdzad phyir/ /khyod nyid kho na mi mchog lags/ /de ltar brgya byin des gzugs brnyan de la bstod cing / gus par phyag 'tshal/ lha thams cad dang bcas pas kyang bcom ldan 'das kyi gzugs brnyan sprul pa de la mngon par phyag 'tshal/ na bza' chos gos byin gyis brlabs pa thags su ma btags pa gang yin pa de la yang lha rnams mgo bos phyag 'tshal te/ gzugs brnyan de mthong nas yang rgyags pa nyid yongs su nyams par gyur to/ /de'i rdzu 'phrul gyis mdzad pa'i gzugs brnyan gyi rnam pa ji lta bur bzhugs pa de lta bur brgya byin gyis 'bum gyi char yang mi phod na/ lha gzhan gyis lta smos kyang ci dgos/ de nas brgya byin gyis rdzu 'phrul mdzad pa'i gzugs brnyan de mthong nas/ de nas yang lha de rnams la phan par bya ba dang lha bag med pas myos pa rnams/ bag med pa dang dbral bar bya ba'i phyir/ las kyi dra ba skye ba dang 'chi ba'i ngo bo rdzu 'phrul byas pa de bstan to/ /de nas lha de rnams kyis brgya byin la smras pa/ lha'i dbang po 'di ltar bcom ldan 'das des shing sA la zung 'di'i nang du las kyi dra ba skye ba dang 'chi ba'i ngo bo 'di sprul pa mdzad la/ slad rol du ci'i slad du ma mdzad/ 'di ltar nga yang de la ngo mtshar cher skyes te/ de nas lha des nga rgyags pa dang dbral bar bya ba'i phyir 'di bstan to/ /de nyid la ngas dris pa dang des smras pa/ 'di ltar 'di rtag tu</font><hr>64.236b<br><font size=+1>

mthong ba dang skye bo thams cad ngo mtshar cher skyes te/ de ngo mtshar che bar rig nas 'jigs par bya ba dang dad par bya ba dang dang bar bya ba'i phyir/ rgyu 'dis na bcom ldan 'das des phyi rol du sprul pa ma mdzad do/ /phyi rol du sprul pa mdzad na ni skye bo kun gyis yang dang yang du mthong zhing / phan mi thogs la gzugs brnyan de zhig par yang 'gyur te/ rgyu 'dis na shing sA la zung gi nang du sprul pa 'di mdzad cing / shing sA la zung gi nang du ngo mtshar che ba'i sprul pa gnyis mdzad do/ /gang skye bo kun gyis blta bar mi bya ba'i rgyu 'dis na bcom ldan 'das des shing ljon pa'i nang du skye ba dang 'chi ba'i ngo bo las kyi dra ba'i sprul pa 'di mdzad do/ /de nas brgya byin las lha rnams kyis de skad thos nas ngo mtshar che'o snyam pa dang bral nas/ de nas yang skye ba dang 'chi ba'i ngo bo las kyi dra ba de khang bzangs dpag tshad lnga pa'i rtsig ngos dag la bris pa de dag rab tu bstan par brtsams so/ /de la re shig dang por srog gcod pa rnams kyi gnas kyang sngar bstan pa bzhin gnod pa yang sngar bstan pa bzhin du sbyar te/ sems can dmyal ba yang sos 'khor bcu drug pa sprul to/ /de nas thar nas gal te yi dgas rnams kyi nang du skyes na/ shin du phrag dog can dang shin du khro bar 'gyur la/ de gzhan gyis mtshon cha rnam pa du ma dag gis gsod par byed do/ /de nas las kyi dra bas 'brel pa dud 'gro rnams kyi nang du skyes na de sha za ba'i skye gnas su skye bar 'gyur la/ de sha'i don du mtshon cha dag gis bsad nas za bar byed do/ /de bzhin du sha rjen za ba seng ge dang stag dag gi skye gnas su skye bar 'gyur la shin du mi sdug pa de mtshon chas gsod par 'gyur ro/ /de nas shi nas gal te mi rnams kyi nang du skyes na/ de shin du thab mo byed pa 'khrug pa la dga' la sems bde bar mi gnas pa kho na yin te/ de mtshon gyis bsad nas tshe thung bar 'gyur ro/ /gal te lan</font><hr>64.237a<br><font size=+1>

grangs gzhan la myong bar 'gyur ba'i las 'ga' zhig gis lha rnams kyi nang du skyes na/ de bong skyed dang mdog dang dbyibs rnams nyams par 'gyur la tshe thung bar 'gyur te/ lha dang lha ma yin gyi g.yul du gsod par 'gyur ba de dag gi rnam pa brtsig ngos la snang ngo / /de nas srog gcod pa dang ma byin par len pa'i rgyu las byung ba'i sems can dmyal ba chen po gzhan thig nag 'khor bcu drug pa sngar bstan pa bzhin mthong ngo / de nas shi nas gal te yi dgas rnams kyi nang du skyes na/ de snga ma bzhin du mtshon gyis gcod par 'gyur ro/ /gal te res 'ga' yang mi gtsang ba'am gzhan zhig gam de dang 'thun pa zhig srog 'tsho ba'i don du rnyed na/ de yi dgas gzhan gyis yan lag dang nying lag thams cad phye mar brlags nas 'phrog par byed do/ /de rgyu des shi nas gal te dud 'gro rnams kyi nang du skyes na de bya khug rta 'am 'grog dgon pa chu dang bral ba rnams su skye bar 'gyur ro/ /bkres pa dang skom pas gdungs pa'i lus de nas kyang shi nas gal te mi rnams kyi nang du skyes na/ dbul po de yul mtshon gyis 'khrug pa 'am lo nyes byung bar skye bar 'gyur te/ mtshon gyis 'chi ba 'am ltogs te 'chi bar 'gyur ro/ /gang gi tshe res 'ga' yang bza' ba zhig rnyed na de gzhan gyis 'phrog par byed la zos na yang 'ju bar mi 'gyur ro/ /de nas shi nas kyang gal te lha rnams kyi nang du skyes na/ de'i lus dang bong skyed dang mdog dang dbyibs de dag dman par 'gyur ro/ /bdud rtsi yang skyon dang bcas par 'byung ste/ de lha gzhan rnams kyi drung du shin du ngo tsha bas skyengs par 'gyur ro/ /sil snyan yan lag lnga dang ldan pa yang mi snyan par 'gyur la tshe thung bar yang 'gyur te/ de ltar lha rnams kyis las kyis byas pa'i sprul pa de mthong ngo / /de nas yang brgya byin dang lha rnams kyis/ sems can dmyal ba bsdus gzhom der las kyi rnam pa srog gcod pa dang ma byin par len</font><hr>64.237b<br><font size=+1>

pa dang 'dod pas log par g.yem pa spyad pas skye bar 'gyur ba 'khor bcu drug pa sngar bstan pa bzhin mthong ngo / /de nas thar nas gal te yi dgas rnams kyi nang du skyes na/ de tshe ring bar 'gyur zhing res 'ga' srog gzungs kyi zas rnyed pa gang yin pa de dag kyang gzhan gyis phrogs la/ yi dgas skyugs pa za ba rnams kyi nang du skye bar 'gyur ro/ /de'i chung ma gang yin pa de de'i mngon sum du yi dgas gzhan dag gis 'phrog par byed la/ de mtshon cha blangs nas mtshon gyis btab ste gsod par byed do/ /de nas thar nas kyang gal te dud 'gro rnams kyi nang du skyes na de ma he dang rta dang ba lang dang skyugs pa za ba la sogs pa'i nang du skye zhing tshe ring bar 'gyur/ bdog pa gzhan gang yin pa de dag kyang mthu chung ngur gyur pas gzhan dag gis 'phrog par byed do/ /de nas thar nas kyang gal te mi rnams dang skal ba mnyam par mi'i nang du skyes na/ de tshe thung zhing dbul ba dang de'i chung ma yang gzhan gyis 'phrog par 'gyur ro/ /de'i las kyi brtsig ngos dag la gzugs brnyan bris pa 'di lta bu yang snang ste 'di lta ste sems can dmyal ba chen po ngu 'bod 'khor dang bcas pa'i las kyi 'bras bu sngar bstan pa bzhin snang ngo / /de nas thar nas kyang gal te yi dgas rnams kyi nang du skyes na/ de rtag tu tshe ring ba nyid tu 'gyur zhing las de smin par 'gyur ba ji lta ba bzhin dam pa chad pa'i sa 'am khab mgrin rnams kyi nang du skye bar 'gyur ro/ /de rang bzhin gyis bkres pas nyam thag cing rang gi chung ma gang yin pa de gzhan dag gis 'phrog par byed do/ /de gal te yang rgyags pa'i tshul dang rgyags pa'i rgyus dug za bar byed la/ de dug gi me mi bzad pas sreg par byed do/ /de las thar nas kyang gal te dud 'gro rnams kyi nang du skyes na/ de phan tshun za ba'i sdug bsngal gyis mngon par nyams par 'gyur/ de nas thar nas kyang gal te lha rnams kyi nang du skyes na/ de las de dang rgyu 'thun par</font><hr>64.238a<br><font size=+1>

bong skyed dang mdog dang dbyibs dman zhing tshe thung ba dang lha dang lha ma yin gyi g.yul 'gyed par 'chi ba dang de'i lus la rin po che btags pa yang 'od mi gsal ba dang de'i lha mo yang gus par mi nyan cing gzhan du 'gro ba dang de'i bdud rtsi yang ro chung ba dang blo zhan pa dang sems g.yengs pa dang de la lha gzhan rnams kyis gnod par byed do/ /de nas yang brgya byin de dang lha de rnams dang lhan cig las kyi brtsig ngos de dag nyid la rtog par byed de/ 'di ltar sems can dmyal ba ngu 'bod 'khor dang bcas pa'i las kyi 'bras bu sngar bstan pa bzhin mthong ngo / /de nas thar nas kyang gal te yi dgas rnams kyi nang du skyes na snga ma bzhin du 'gyur la khyad par du 'byung ba ni/ de gang dang gang du 'gro ba de dang der lce bcad cing skye bar 'gyur ro/ /de nas thar nas kyang gal te dud 'gro rnams kyi nang du skyes na/ de bya gong ma sreg dang sreg pa dang ka ra ka b+ha rnams kyi nang du skye bar 'gyur la/ brdzun du smra ba de dang rgyu 'thun par rang gis skad phyung ba nyid kyis gsod par byed do/ /de nas thar nas kyang gal te mi rnams kyi nang du skyes na/ de'i las kyi 'bras bu snga ma dang 'thun par tshig gzung bar 'os par mi 'gyur ro/ /de nas thar nas kyang gal te legs par byas pa'i las kyis lha rnams kyi nang du skyes na/ de brdzun du smras pa'i las de dang rgyu 'thun par sgra mi snyan pa 'am glu blang bar mi nus pa 'am skad gag gag po 'am lha kun gyi nang na tshig bzung bar mi 'os pa dang ji ltar lha gzhan dag smra ba de ltar mngon par rjod pa legs par sbyar ba shin du yid du 'ong bar smra mi nus par 'gyur ro/ /de nas yang brgya byin de sems can dmyal ba tsha ba'i las kyi 'bras bu la sngar bstan pa bzhin rtog par byed do/ /de las thar nas gal te yi dgas rnams kyi nang du skyes na ljan ljin spyod pa rnams kyi nang du skye bar 'gyur te/ de snga ma bzhin du lnga 'gyur gyis sdug</font><hr>64.238b<br><font size=+1>

bsngal bar 'gyur ro/ /gal te dud 'gro rnams kyi nang du skyes na de rgya mtsho'i chu srin du 'gyur ro/ /gal te mi rnams kyi nang du skyes na bzhin mi sdug par 'gyur ro/ /de nas kyang thar nas gal te lha rnams kyi nang du skyes na de snga ma bzhin du smad par 'gyur ro/ /rab tu tsha ba dang mnar med pa'i las kyi rnam par smin pa dag ni lha rnams mthong ba tsam nyid kyis shi bar gyur na mi rung ngo snyam nas/ sems can dmyal ba chen po de gnyis kyi 'jigs pa dag sprul pa ma mdzad de/ lha yul rnams su sems can dmyal ba de gnyis kyi skye ba sprul pa ma mdzad do// //'phags pa dam pa'i chos dran pa nye bar gzhag pa/ bam po sum bcu dgu pa/ de nas brgya byin gyis lha de rnams mngon par mthong nas 'di ltar tshigs su bcad de smras pa/ ji ltar phyag dar rnams la rlung / /bab na yang dag 'thor byed cing / /dbang med mkha' la 'khyam pa ltar/ /las 'gro skye dgu de bzhin no/ /dbye ba dang ni 'bral ba dang / /bde dang de bzhin sdug bsngal dag /las la rag las de med par/ /de bas cung zad 'jug mi 'gyur/ /thub pa de nyid gzigs pa yis/ /las kyi phyogs 'di sprul pa mdzad/ /sems kyi sa bon las rnams ni/ /'di ltar kun nas mtha' med do/ /las rnams kyang ni sna tshogs la/ /de yis 'gro 'di sna tshogs byas/ /de bzhin gshegs pa ma gtogs par/ /sems dang ldan pas shes par dka'/ /gcig dang brgya dang stong dang ni/ /khri phrag dang ni 'bum rnams kyis/ /sna tshogs su ni skyed byed pa/ /las kyi dra ba 'di che'o/ /ji ltar skud byas btags pa yi/ /bya dag thag ring gnas pa yang / /kun tu drangs nas 'ching byed ltar/ /las skud 'di yang de dang 'dra/ /de ltar brgya byin des/ lha de rnams la sems can rnams kyi tshe 'di la myong</font><hr>64.239a<br><font size=+1>

bar 'gyur ba dang / myong bar 'gyur bar ma nges pa dang / skyes nas myong bar 'gyur ba dang / lan grangs gzhan la myong bar 'gyur ba'i ngo mtshar che ba rnam pa du ma de dag bstan cing / de nas yang dge ba dang mi dge ba dang lung du ma bstan pa rnam pa mtha' yas pa dang las kyi dra ba mtha' yas pa bstan nas/ bcom ldan 'das kyi gzugs brnyan sangs rgyas kyi mdzad pa de dag la/ lha de rnams dang lhan cig mgo bos phyag 'tshal nas/ de nas yang 'khor ba la yid skyo ba'i lha de rnams dang lhan cig shing sA la zung de nas byung ngo / /de nas sgo de brgya byin des ji ltar sngar bcad pa de ltar bcad do/ /de nas brgya byin phyir byung nas lha de rnams la rtog par byed de/ bag med par gnas pa rnams phan tshun rtse zhing dga' mgur spyod pa mthong ba dang / lha'i rgyal po de snying rje skyes nas 'di ltar tshigs su bcad de smras pa/ bag med pa yis yongs bslus pa/ /de yi blo la 'khrig pa dang / /zas la rtag tu dga' ba rnams/ /lha yi lus mdog dud 'gror zad/ /gang tshe legs par spyad pa'i las/ /lha yi gnas nas zad gyur na/ /de tshe phyir yang khyod nyid go/ /bag med pa la spyod par 'gyur/ /bag med dgra yis zin pa dang / /las kyi rlung gis bdas pa rnams/ /'gro ba de dang de dag tu/ /lha rnams shing bzhin ltung bar 'gyur/ /lha yi gnas nas lan brgya 'am/ /khri phrag nyid du skye 'chi yang / /skyo ba skyed par mi byed pa/ /snying la mya ngan rab tu skye/ /de ltar brgya byin de lha dag gi drung du 'gro bar byed la/ de dag kyang lha'i rgyal po de nyid mthong nas yid rab tu dga' zhing gus pa dang bcas pas rings par dong ngo / /de nas brgya byin lha de dag nyid dang lhan cig sems gzung bar bya ba'i don du/ sil snyan yan lag lnga dang ldan pa tshal dang nye ba'i tshal nyams dga' ba</font><hr>64.239b<br><font size=+1>

rnams su bro gar byed dga' mgur spyod par byed do/ /shing sA la zung gi phyi rol dag na gnas pa'i lha gang yin pa de dag kyang 'bab chu dang tshal dang nye ba'i tshal dang ldan pa de rnams na dga' bar byed do/ /brgya byin yang chos bzang na 'khod pa'i lha thams cad dang lhan cig chos bzang de nyid tu dong ngo / /shing sA la zung gi nang na 'khod pa'i lha de dag kyang ji srid du 'dod pa sdug pa yid du 'ong ba'i las byas shing bsags pa de zad cing mthar thug par ma gyur pa de srid du dga' bar byed do/ /de nas phyis lha'i 'jig rten de nas 'chi bar 'gyur te/ shi nas kyang las nye bar 'gro ba ji lta ba bzhin sems can dmyal ba dang yi dgas dang dud 'gro'i nang du skye bar 'gyur ro/ /gal te mi dang so so yang dag par myong bar 'gyur ba'i las kyis mi'i nang du skyes nas/ de las de dang rgyu 'thun par rtag tu bde ba dang ldan zhing tshal gyi bdag po tshal gyis 'tsho ba dang tshal gyi nang na 'tsho ba 'am ri ma la ya na gnas shing rtag tu bde ba dang ldan par 'gyur ba mthong ngo / /de nas yang dge slong las kyi 'bras bu rnam par smin pa shes pa de/ sum bcu rtsa gsum pa'i lha rnams kyi gnas la rtog par byed de/ des thos pa las byung ba'i shes pas sum bcu rtsa gsum pa'i lha rnams kyi gnas mig phye zhing 'gro ba dang btsums nas 'gro ba zhes bya ba ji ltar 'dug pa mthong ngo / /der sems can dag las gang gis skye bar 'gyur snyam nas/ des thos pa las byung ba'i shes pas brtags na/ legs par byas pa'i las kyi mtha' spyad pa/ drang po'i rang bzhin can g.yo sgyu med pa gzhan la mi gnod dang las dang 'bras bu la dad pa yang dag pa'i lta ba dang yang dag pa'i las kyi mtha' dang ldan pa gang zhig nor rdzas mang po dang ldan par</font><hr>64.240a<br><font size=+1>

gyur nas sbyin pa sbyin zhing / rgya mtshor 'jug pa'i tshong pa'i ched du chos kyi stegs gru byin la tshong pa de yang der zhugs te/ shin du 'byor pa dang ldan pas sbyin pa sbyin/ bsod nams dag byed la de yang de las 'tsho bar mi byed na/ de ltar sbyin pa byin zhing bsod nams byed pa yin no/ /ma byin par len pa spangs pa ji lta bu yin zhe na/ res 'ga' sde gzhan gyis 'jigs sam/ rgyal pos 'jigs nas grong med par gyur par lam du zhugs pa gang yin pa de 'jug par byed la/ zhugs nas kyang las kyi 'bras bus 'jigs pa dang pa dang ldan pa rgyal po'i chad pas 'jigs pa ma yin pas/ de nas chung zad phub ma tsam yang len par mi byed na de ma byin par len pa spangs pa yin no/ /srog gcod pa spangs pa ji lta bu yin zhe na/ 'di la srog chags rkang brgya pa kha gnyis yod pa rgyas bzung ba dag gsod par mi byed la/ yid la yang sdig pa sems par mi byed pa dang seng ge dang stag rgyu ba'i sa dag tu de dag gsad par bya ba'i phyir/ rngon pa de rnams kyis rnyi btsugs sam rngon pa de rnams la nor rdzas byin nas/ rnyi de dag las thar bar byas la de la rung bar mi rjod kyi/ yid la gcugs par byed cing gzhan dag kyang dge ba de nyid la sbyor bar byed/ rab tu 'jog par byed/ yang dang yang du legs par byas pa gzhan dang gzhan dag shin tu legs par byed na/ de ltar srog gcod pa dang ma byin par len pa spangs pa'i skyes bu de ni dge ba'i las rnams la dmigs shing / de'i las kyi mtha' yang 'grub pa dang de'i bsams pa thams cad kyang lha rnams sgrub pa dang de'i bzhin gyi mdog kyang gsal ba dang de la lha rnams kyis kyang mchod par 'gyur te/ de dag ni de'i las kyi 'bras bu tshe 'di la 'byung ba yin no/ /phyis lus dang bral nas shi ba'i 'og tu</font><hr>64.240b<br><font size=+1>

bde 'gro mtho ris kyi 'jig rten sum bcu rtsa gsum gyi lha rnams kyi nang du skye bar 'gyur te/ legs par byas pa'i las kyi mtha' spyad pa sum bcu rtsa gsum pa'i lha mig phye ba dang btsums te 'gro ba'i gnas su skye bar 'gyur ro/ /der skyes nas kyang legs par byas pa'i las kyis mtha' shin du brgyan pa de'i nyams dga' ba'i gnas gang yin pa de ni/ mi thams cad kyi bsam pas bsam par yang mi nus te der skye bar 'gyur ro/ /lha de rang gi 'od dang bde ba mchog dang ldan la sha dang rus pa dang chu ser dang bral ba/ 'gran zla'i 'jigs pa gzhan dang bral ba/ kun du tshol ba'i 'jigs pa dang bral ba/ ser sna dang bral ba/ mi mdza' ba dang phrad pa dang bral ba/ 'chi ba'i dus de ma gtogs par dus de la nad kyi 'jigs pa dang bral ba/ gnod pa'i 'jigs pa dang bral ba/ nad dang 'chi ba'i 'jigs pa dang bral ba/ rga ba'i 'jigs pa dang bral ba/ rab tu bag med pa dus de srid du shin du nyams dga' ba thams cad mthong ste/ mtho ris kyi bde ba la 'chums pa'i 'dod pa'i yon tan lnga gcig tu yid du 'ong ba/ yul gyi bde ba rnam pa du ma rnams kyis gzhal med khang gser dang bai dUr+ya dang nor bu'i lan kan bres pa'i gzhal med khang dkrigs pa/ gzhan dag na shing ljon pa dang nye ba'i tshal rnam pa sna tshogs yod pa/ rin po che sna bdun gyi pad ma'i rdzing rnams kyi nang na bya ngang pa dang ngur pa dang ka raN Da bas brgyan cing rma bya myos pa sgra 'byin pa ri'i sman ljongs rnams na bya sna tshogs kyis bsten pa/ ri rab kyi ri'i rtse mo rnams na yang rin po che sna bdun gyi 'byung khung gis brgyan pa/ lteng ka rnams kyi nang na gser dang dngul dang mu tig gi bye ma bdal ba/ ri rab kyi sman ljongs rnams kyi nang na yang rin po che sna tshogs kyi shing ljon pa rnams kyis brgyan pa/ shing ljon pa rnams kyang nyi ma ltar gsal ba/ ri khrod tshang tshing dag na yang gser dang</font><hr>64.241a<br><font size=+1>

bai dUr+ya'i lcug ma'i tshogs 'phyang zhing / me tog gi lcug ma 'phyang bas brgyan pa/ bung ba 'bum gyis brgyan pa/ ri rab kyi phug pa rnams kyang rin po che bzang pos brgyan pa/ rdo leb dang sa'i phyogs cha mtho dman ran pa/ ri'i zom rnams kyang rin po che sna tshogs kyis brgyan cing rdo leb kyis brgyan pa/ me tog dri zhim po rgya cher sbyangs pa dang ldan pa/ rang gi bsam pas brgyan pa bas kyang ches lhag cing / nyams dga' ba'i sa phyogs snying dga' ba rnams dang / gzhan yang gad ka dang dgon pa dag na shing ljon pa rab tu 'bar ba lta bus brgyan pa/ dpag bsam gyi shing ljon pa 'bum gyis mdzes par byas pa/ rang gis byas pa'i las kyi mtha' la spyod pa/ lha dang lha mo 'bum snyed kyis yongs su bskor ba/ rol mo dang sil snyan gyi sgras rna ba tshim par byed cing / pi bang gi sgra yongs su 'byin par byed pa de rnams na rtse bar byed do/ /des gang dang gang mthong ba de dang de nyid 'thob cing 'gyur ba med la yon tan thams cad dang ldan pa/ thun mong ma yin pa gzhan gyis 'phrog par mi nus pa yin no/ /de nas lha 'bum snyed kyis yongs su bskor ba de/ lha'i tshogs gzhan rnams kyi nang na yongs su spyod pa na/ res 'ga' de dus ston gyi tshigs shes bya ba 'dod pa kun las byung ba'i shing ljon pa rnams kyis brgyan pa/ 'bab chu'i tshogs brgya snyed kyis gang ba/ pad ma'i rdzing du mas rnam par brgyan pa/ lha 'bum snyed du mas bsten bsten pa/ bai dUr+ya'i lcug ma 'phyang bas bskor ba/ gzhal med khang gi rtse mo la bya skad 'byin pa 'bum snyed kyis bskor cing nyams dga' bar byed pa'i ri de la 'dzeg par byed do/ /de nas legs par byas pa'i las kyi mtha' spyad pa de nyams dga' ba'i ri'i zom de na bde ba myong bar byed de/ /legs par byas pa'i las kyi rin gyis nyos pa rnams ni/ 'dod rgyal las ma byung / gzhan gyis</font><hr>64.241b<br><font size=+1>

ma byas/ gzhan nas ma 'ongs nyams pa ma yin/ dbang phyug la sogs pa mgu nas byin pa ma yin pa de dag la de 'dzegs nas ri'i zom de na/ bdag nyid dang mtshungs pa'i 'od dang ldan pa'i lha dang lha mo'i tshogs rnam pa du ma 'bum snyed kyis kun du gang zhing / sil snyan yan lag lnga dang ldan pas/ dga' bar byed pa gang yin pa de dag dga' bar byed cing / dga' mgur spyod par byed la lha de dag kyang de bzhin du rang gi 'od dang de bzhin gzugs dang dbang phyug gi mthu dang ldan zhing / de dag kyang de bzhin du mig mi 'dzums par lta ba/ de dag kyang de bzhin du pad ma'i phreng ba thogs pa/ de dag kyang de bzhin du thags su ma btags pa'i gos gyon pa yin te/ de ltar lha mthu bo che de thams cad mthong ngo / /de nas lha'i bu de ri'i zom de la 'dzegs nas sa phyogs dag la rtog par byed de/ legs par byas pa'i las kyi mtha' spyad pa'i lha de'i gnas su gyur pa gnas gnyis na gnas pa/ chu bo dang ri rab 'od kyi phreng ba 'bar ba/ rnam pa sna tshogs kyis yang dag par gang ba'i sa phyogs rnams mngon par mthong nas snga ma bzhin snying shin du dga' ste/ lha'i bde ba mchog myong ngo / /lha de rnams kyi mthu ni 'di lta bu yin te/ gang gi tshe lha dang lha ma yin g.yul 'gyed par 'gyur ba na/ de mig phye ba tsam gyis brgyab par 'gyur la/ gang gi tshe lha ma yin mig tshums kyis byas pa de'i tshe/ sum bcu rtsa gsum gyi bar du 'gro ste/ de ltar mgyogs pa yin no/ /rgyu dang mtshungs par 'bras bu 'byung ste/ ji ltar rgya mtsho las sgrol bar byed pa'i gru myur du sbyin par bya ba de dag byin pa des/ sems can dag sgrol bar byed pa de ltar de dag gi mgyogs par 'gyur ba de ni mig phye ba tsam gyis 'gro la/ btsums pa tsam gyis slar ldog ste/ sngon byas pa'i rgyu des na myur bar 'gro ba yin no/ /de nas yun ring mo zhig tu lha'i bde ba de myong bar</font><hr>64.242a<br><font size=+1>

byed do/ /de nas gal te legs par byas pa'i las zad nas lha'i bu 'chi bar 'gyur la/ de'i 'chi ba'i ltas lnga po 'bru mar zad na mar me'i snang ba zad pa 'di lta bu dag 'byung bar 'gyur te/ de dang po rdul 'byung bar 'gyur ba dang dbang po thams cad nyams pa dang 'dod pa'i yon tan lnga thams cad tu ro mi bro ba myong ste/ lha gzhan dag gis mthong nas ngo tsha ba dang rang gi lha mo lha gzhan gyi drung du 'gro ba dang de yang mthong nas/ phrag dog dang ser snas bskyed pa 'bral ba'i sdug bsngal sna tshogs gang rab tu tsha ba'i me lta bu 'byung ngo / /gal te gzhan du ma byin par len pa zhig blangs na/ de lan grangs gzhan la myong bar 'gyur ba'i las kyis dus de'i tshe snon du 'gyur te/ de'i rgyan de dag thams cad lha mo de dag gis 'phrog par byed la/ phrogs nas kyang lha'i bu gzhan la 'dogs par byed do/ /gal te brdzun smras pa zhig yin na/ de dag gzhan du smra bar byed cing gzhan du 'gro bar byed la/ lha mo de dag gzhan du nyan par byed de/ tshig brlang pos de la mngon par spyo bar byed do/ /gal te skye ba gzhan dag tu sdom pa blangs pa rnams la/ btung ba chang blud dam bdag nyid kyi bslab pa bshig gam chang 'thungs na/ de lan grangs gzhan la myong bar 'gyur ba'i las kyis dus de'i tshe snon du 'gyur te/ de 'chi ba'i dus de na sems 'khrug pa 'am dran pa nyams pa 'am de bzhin du nyis 'gyur du kun du gdung bar byed la/ de sems can dmyal bar 'gro bar 'gyur ro/ /gal te srog gcod pa zhig yin na/ de tshe thung ngur gyur nas myur du 'chi bar 'gyur ro/ /'dod pas log par g.yem pas ni chung ma gzhan gyi drung du 'gro bar 'gyur te/ de ltar sdom pa lnga bral la/ lan grangs gzhan la myong bar 'gyur ba'i las kyi zhags pas bcings pa/ 'chi ltas lngas rnam par dkrugs pa/ bag med par gnas pa/ de 'chi bdag gi rgyal pos 'dren par byed do/ /de ltar gnas skabs thams</font><hr>64.242b<br><font size=+1>

cad du tshul khrims kyi mtha' legs par ma spyad de/ mtho ris kyi rgyur spyod pa gang yin pa de ni sred pa yin no/ /de nas las kyi zhags pas bcings pa de sems can dmyal ba dang yi dgas dang dud 'gro'i nang du skye bar 'gyur ro/ /legs pa'i mtha' ma yin pa/ mtho ris kyi bde ba de dag nyid dge slong des mthong ste/ 'dus byas kyi chos thams cad kyi nang na phyogs gcig tu gyur pa nyams dga' ba rnams kyi nang na/ nyams par byed cing nyes pa kho nar gyur pa/ nges par gzhan du gyur cing gnas pa ma yin la/ glog ltar 'bras bu mi brtan pa 'dod pa thams cad kyi nang na/ nyes pa dang bcas pa'i g.yo ba nyid rtogs nas/ 'di ltar tshigs su bcad de smras pa/ rmongs pa bag med lha yul du/ /mi bzad me yis yongs su bskor/ /btung ba rnyog can 'thungs nas su/ /sems can dmyal bar ltung bar byed/ /dang por 'dod chags nyid kyis bsgyur/ /zhe sdang gis kyang zil gyis non/ /gti mug nyid kyis rmongs byas pa/ /de yis bya ba stongs par byas/ /sil snyan yan lag lnga dag gis/ /kun nas rab tu bslus pa rnams/ /gang dag nges par 'byung 'gyur ba/ /'chi ba'i sdug bsngal mi rig go/ /khyod kyis gang la 'dod chags spyad/ /lha mo 'di dag mi brtan te/ /de dag gis ni khyod spangs nas/ /de nas gzhan du 'gro bar byed/ /skyes pa dar na bsten byed la/ /rgud par gyur na spong byed pa/ /bud med lhan cig spyad pa yi/ /'di dag gi ni rang bzhin mthong / /'dod chags rmongs pa'i skyes pa 'di/ /ri dgas bzhin du rmongs par byed/ /phyi nas rgud par gyur pa dang / /yang ba'i sems kyis gtong bar byed/ /de ni nyon mongs mi bzad la/ /nye bar gnas tshe bud med ni/ /phan dang bkur sti dga' ba dang / /rgyun rings bshes pa 'ang dran mi byed/ /ji ltar me tog rnyings gyur na/ /bung bas btang ste gzhan</font><hr>64.243a<br><font size=+1>

du 'gro/ /de ltar nyon mongs gyur pa'i tshe/ /bud med rnams kyis btang nas 'gro/ /dug dang sbrang rtsir 'dres pa ltar/ /bud med thams cad ma brtags na/ /dga' ba rnams kyi rgyur 'gyur zhing / /snying du sdug kyang brtan pa med/ /mi dag 'dod pa rnams kyis rmongs/ /tshig rnams kyis kyang khyad par du/ /skyes bu brtan po khong brtan pa/ /yid la de dang gcugs ma byed/ /'di rnams kyis ni mi dag rmongs/ /khyad par du ni 'dod pas bsgyur/ /pha rol tu ni 'gro ba gang / /bdag la phan par mi byed do/ /lha dang mi dang lha ma yin/ /gnod sbyin sha za lto 'phye srin/ /mig 'phrul lta bu'i bud med kyis/ /khyad par du ni slu bar byed/ /'dod pa skyes pa'i bde ba gang / /phal pa yul las byung gyur pa/ /'chi ba'i dus la bab pa na/ /tha chad lha rnams nyams par byed/ /'chi ba'i zhags pas dam bcings pa/ /khyod ni dus su khyer 'gyur gyi/ /sa gzhi 'di dag thams cad dang / /tshal dang nye tshal brgyan mi khyer/ /kun nas lha yi 'jig rten nas/ /'chi bdag gis ni drangs pa na/ /bud med ci byed gnyen rnams ci/ /bde ba dag gis zhi cig 'gyur/ /de ltar dge slong de lha de'i 'chi ba mngon par mthong nas snying rje bar byed cing yul rnams la yang smod par byed do/ /rang gis byas pa spyad pa'i lha'i bu de yang las kyi zhags pas gang du 'dren pa der khrid par byed de/ lha bag med pa la gnos pa 'dod pa lnga la rnam par chags pa de dag kyang / de nas yang dga' bar byed dga' mgur spyod par byed de/ yul gnyis kyis kun du drangs pa na/ ji srid tu 'dod pa sdug pa yid du 'ong ba nges par myong bar 'gyur ba'i bde ba de zad par ma gyur pa de srid du/ tshal dang nags tshal thams cad na dga' bar byed/ dga' mgur spyod par byed do/ /de phyis nges par bsgoms pa'i dus byed pa chos dang yang dag par ldan pas las nye bar 'gro ba ji lta ba bzhin/ sems can dmyal ba dang yi dgas dang dud 'gro'i nang du skye bar 'gyur ro/ /gal te mi rnams dang skal ba mnyam par mi'i nang du skyes na/ de las de dang rgyu 'thun par rtag tu bde ba dang ldan zhing nor bzang po dang ldan pa dang lam</font><hr>64.243b<br><font size=+1>

du 'gro ba na rkang gis mi 'gro ste/ rta dang glang po che dang dre'u yi bzhon pa la zhon pa dang rgyal po 'am blon po chen por 'gyur ba mthong ngo / /de nas yang dge slong las kyi 'bras bu rnam par smin pa shes pa de/ sum bcu rtsa gsum pa'i lha rnams kyi gnas la rtog par byed de/ des thos pa las byung ba'i shes pas brtags na/ sum bcu rtsa gsum pa'i lha rnams kyi gnas/ lus kyi mdog bzang zhing che ba zhes bya ba ji ltar 'dug pa mthong ngo / /der sems can dag las gang gis skye bar 'gyur snyam nas/ des thos pa las byung ba'i shes pas brtags na/ skyes bu dam pa sems tshul khrims dang ldan pa gang gis tshul khrims rnam pa bdun dang 'thun pa 'am gzhan nam phyogs 'ga' legs par bsrungs na/ de rgyu dang mthun par 'bras bu myong bar 'gyur la/ sems kyis bsgoms pa kho na 'am lta ba dang ldan pa de srog gcod pa dang / ma byin par len pa dag ni shin du bsrungs/ sdom pa skyon med pa ni blangs/ gcig tu skyes bu dam pa 'dod cing bde ba nges pa'i rgyur gyur pa/ 'jig rten 'di'i sdom pa legs pa zhes bya ba rnam pa de lta bu'i las legs par byas pa/ 'phags pa ma yin pa'i skyes bu dam pa/ ma byin par len pa nyid spong ba ni/ 'di la ma byin par len pa chung ngu yang len par mi byed de 'di lta ste/ rgya mtsho dang nye ba na 'am 'bab chu dang nye bar gnas pa na/ gzhan gyis phyogs gang yin pa dag la gzhan gyi rgya mtsho'i rlabs kyis bdas te 'ongs pa/ dung 'am b+hal lA ta ka 'am sha b+ha ri ka 'am de dang 'thun pa de dag kyang len par mi byed/ gzhan gyi nor rdzas kyi rnam pa gzhan dag kyang len par mi byed la/ nor rdzas kyi rnam pa rtswa yang las kyi 'bras bu la 'jigs la/ rgyal po'i chad pas 'jigs pa ma yin pa/ rku ba'i sems kyis ma byin par len par mi byed pa yin te/ rnam pa de lta bu ni ma byin par len pa spangs pa yin no/ /srog gcod pa spangs pa'i rnam pa ji lta bu</font><hr>64.244a<br><font size=+1>

yin zhe na/ 'di ni legs par byas pa'i las kyi mtha' spyad pa/ 'jig rten pha rol la 'jigs par sems pa/ las kyi 'bras bu la sems dad pa drang po drang po'i rang bzhin can/ gzhan la mi gnod pa sdig pa'i grogs po spangs pa bde ba tshol ba de lcug ma'i nang du 'gro ba 'am chu rgal ba na grib gnon gyi gdon gyis zin tam srog chags tan tus zin te shi la thug kyang grib gnon gyi gdon de gsad 'dod pa'i phyir dug gis 'thor bar mi byed de/ 'di la gang gi tshe grib ma la dug gtor na/ de'i tshe rang gi grib gnon de'i grib ma de la bab pas 'chi bar 'gyur te/ de'i phyir gnod pa bya ba shes kyang grib gnon gyi gdon de gsod par mi byed do/ /srog chags tan tu la slar gnod par bya ba shes kyang gsod par mi byed de/ de la chu med par byas na 'chi bar 'gyur ba 'am me long bstan pa 'am me long rtag tu bstan pas 'chi bar 'gyur te/ de phyir gnod par bya ba'i rgyu shes kyang gsod par mi byed la/ rang gi srog chad la thug kyang nyes par bya ba mi byed de/ de ltar legs par bya ba'i las kyi mtha' byed pa de/ lus dang bral te shi nas bde 'gro mtho ris kyi 'jig rten sum bcu rtsa gsum pa'i lha rnams kyi gnas lus dang mdog bzang zhing che ba'i nang du skye bar 'gyur ro/ /der skyes nas kyang legs par byas pa'i las kyi mtha' dpyad pa de/ rang gi 'od dang ni ldan sil snyan yan lag lnga dang ldan pa'i sgra ni 'byin/ yid shin du bde ba dang ni ldan/ 'dod pa thams cad ni 'byor/ de lha mo stong gis bskor te/ ri rab kyi sa gzhi la ni rgyu/ sa phyogs 'dzam bu nA da'i gser gyis brgyan pa'i 'jig rten gyi khams nyams dga' ba dang ri'i zom gyi bar bar dag na dga' zhing bde ba ni myong bar byed do/ /'dod pa'i longs spyod thams cad dang ldan pa/ dpag bsam gyi shing la bsams pas 'dod pa thams cad 'grub pa de yun ring du bde ba myong bar byed do/ /'khor dang bcas</font><hr>64.244b<br><font size=+1>

pa yongs su spyod pa de/ phyi rol gyi grib ma zhes bya ba'i tshal der 'dong bar byed de/ 'dzam bu nA da'i gser gyi shing ljon pas brgyan pa/ de bzhin du dngul gyi shing ljon pa la gser gyi 'dab ma dang / bai dUr+ya'i 'bras bus mdzes pa yin no/ /phyi rol gyi grib ma'i tshal de'i phyogs gzhan du yang / de res 'ga' yongs su rgyu ba na lus rin po che sna bdun gyis brgyan zhing / thig le sna tshogs kyis spras pa/ rtog pa sna tshogs can te/ rma bya'i tshogs de dag mthong nas legs par blta zhing rtse ba'i phyir der 'gro bar byed do/ /de de dag gi nang du phyin nas rma bya mthong na yid 'phrog par byed pa de rnams kyi nang na dga' bar byed do/ /rma bya de dag gis de mthong nas sil snyan thams cad pas ches lhag pa'i sgra nyams dga' ba chags su rung ba rnam pa sna tshogs du ma 'byin to/ /rma bya de'i sgra rnam pa de lta bu 'byin pa de'i khyad par ni lha'i rol mo'i sgra dag bcu drug gi char yang mi phod de/ rma bya de'i sgra'i drung na lha mo de'i glu dbyangs dag bong skad 'byin pa dang mtshungs so/ /de nas lha de 'di snyam du sems te/ bdag kyang mthu 'di lta bur gyur pas da ni rma bya de dag la zhon te/ gnas nas gnas dang tshang tshing nas tshang tshing dang ri rab kyi ri'i rtse mo nas/ ri rab kyi ri'i rtse mor lha mo'i tshogs kyis bskor ba dang lhan cig yongs su rgyu zhing de ltar rma bya'i steng du zhon nas/ re shig 'jig rten gyi dga' ba 'di dag thams cad la blta bar bya'o snyam mo/ /las bya ba legs par bas pa de bsams ma thag tu bong skyed dang mdog dang stobs dang brtson 'grus phun sum tshogs pa/ lus rin po che thams cad kyis brgyan pa'i rma bya bzhon du rung bar rked pa stod pa de dag nye bar lhags so/ /des de dag mthong nas de la zhon pa dang / rma bya de yang des zhon par rig nas nam mkha'i dkyil na rgyu bar byed do/ /de ltar lha de dag kun gyis kyang so sor zhon nas/ de'i ri rab kyi ri'i rtse mo nas ri'i rtse mo dang pad ma'i tshal nas pad ma'i tshal dang tshal nas tshal te/ ri rab kyi sa phyogs</font><hr>64.245a<br><font size=+1>

de dag thams cad tu de skye bo dang lhan cig mthong na dga' ba rnams la lta bar byed do/ /de nas de ltar de yongs su rgyu ba na res 'ga' 'jig rten skyong ba dag 'dzam bu'i gling gi bya ba/ chos dang chos ma yin pa dag sbran pa'i phyir/ rgyal chen bzhi pa 'am sum bcu rtsa gsum du gcig nas gcig tu sbron par byed do/ /de nas lha de dang 'jig rten skyong ba de dag nam mkha' la glo bur du 'ongs te phrad pa dang lha des de dag la smras pa/ /khyod gang nas 'ongs/ /de dag gis lha de la 'di skad smras so/ /bdag cag ni chos dang chos ma yin pa sbran pa'i phyir/ 'dzam bu'i gling legs par byas pa'i las kyi gzhi shin du nyams dga' ba/ chu bo dang 'bab chu dang lteng ka dang nye ba'i tshal dang kun dga' ra ba mang po phun sum tshogs pa nas mchis so/ /de nas lha'i bu des 'jig rten skyong ba de dag las thos nas ngo mtshar skyes te/ mthu chen po dang ldan pa/ rma bya mthu chen po la yang zhon pa/ 'gro ba thams cad tu stobs thogs pa med pa'i lha/ ngo mtshar skyes pa de 'dzam bu'i gling ga la ba der 'bab par byed de/ nyi ma gnyis pa ltar gsal zhing lha'i phreng ba dang gos gyon pa de 'dzam bu'i gling gi tshal dang nye ba'i tshal dang chu bo dang lteng ka dang pad ma'i tshal dang shing ljon pa dang grong dang grong khyer dang tshong 'dus dang ldan pa 'di thams cad la de ltad mo lta bar byed do/ /de nas bram ze dag gis de rnams mthong nas rtog par byed de/ 'di ltar bya khyung la zhon pa 'di ni gtogs 'dod yin no/ /gzhan dag kyang rtog par byed de/ 'di ltar rma bya la zhon pa 'di ni gzhon nu yin te/ 'jig rten dang bram ze dag srung bar byed do/ /gzhan mu stegs pa dag kyang rtog par byed de/ 'di ltar khyu mchog la zhon pa 'di ni dbang phyug chen po lha dang bcas pa yin te/ 'jig rten skyed par byed srung bar byed/ 'dzin par byed skyed par byed cing / 'jig par yang byed do/ /de nas yang 'jig rten rnams skyed pa dang gnas pa dang</font><hr>64.245b<br><font size=+1>

'byin par byed pa yin no zhes rtog ste/ de ltar lha de rnams la bram ze dag rnam pa du mar yongs su rtog par byed la/ bstod byed dga' byed bstan bcos dag byed de kho na nyid ma yin pa la de kho na nyid ltar lta tshig 'khyal pa smra ba/ yid shin du rnam par rmongs pa de dag gzhan dag la yang log pa nyid kyis sbyor bar byed do/ /lha'i bu de rnams kyis ltad mo bltas nas/ de nas yang rang gi gnas de nyid du slar 'dong ngo / /de ltar lta bar gyur pa'i byis pa rnams de kho na nyid ma yin pa de kho na ltar lta'o/ /lha de rnams la lta ba de yang 'jig pa'i dus su 'byung ba 'am res 'ga' cha gnyis ldan pa 'am gsum ldan gyi dus na 'byung ste/ lha de rnams la lta ba ni lta ba ngan pa dang mtshungs so/ /de ltar bdag nyid rab tu rtog par byed la/ bdag nyid kyis rab tu brtags na gzhan dag la yang sgrogs par byed de/ 'di dag ni bram ze rnams kyi lta bar gyur pa yin no/ /de nas lha de rnams slar 'ongs nas lha gzhan de dag la/ kye ma grogs po dag 'di ltar bdag cag sa'i steng du babs te/ sa phyogs shin du rnam par phye ba nyams dga' ba de dag bdag cag gis mthong ngo zhes smras so/ /de skad thos nas lha gzhan dag kyang bzhon pa sna tshogs la zhon te/ rgyan dang cha byad sna tshogs btags nas 'dzam bu'i gling ga la ba der 'bab par byed de/ kha cig ni glang po che la zhon/ kha cig ni ma he la zhon/ kha cig ni rma bya la zhon/ kha cig ni bzhon pa med par nam mkha' la 'dug ste/ de rnams kyis sa phyogs nyams dga' ba thams cad la lta bar byed do/ /de dag bltas nas sa phyogs nyams dga' ba lteng ka dang nye ba'i tshal dang ne'u gsing ga la yod pa der 'bab par byed do/ /tshal gyi phyogs de dag gi nang na bram ze kha cig dka' thub drag po spyod pa yod de/ de ltar thos pa ngan pa dang mtshungs shing thos pa ngan pa dang 'brel ba dag /gang gi tshe phan tshun grogs dang bcas pa de dag sa</font><hr>64.246a<br><font size=+1>

phyogs de la lta ba de'i tshe/ tshal gyi nang na spyod pa'i bram ze de dag gis lha de rnams mngon sum du mthong nas gzhan dag la sgrogs par byed do/ /gang sa phyogs 'dir skyes pa de ni rang dgar kun tu brtags pa zhes bya ba yin la/ sngon thos pa dang 'brel pas rjod par byed de/ 'di ltar 'di ni bram ze'o/ /'di ni gtogs 'dod do/ /'di ni dbang phyug chen po'o/ /'di ni gzhon nu'o zhes de ltar so sor rtog par byed do/ /sa phyogs 'di ni lha chen po'i gnas yin no/ /'di ni gtogs 'dod kyi'o/ /'di ni gzhon nu'i 'o/ /'di ni tshangs pa'i yin no zhes de ltar rab tu brtags nas/ gtan tshigs dang nye bar sbyor ba dang mjug bsdu ba lta ba ngan pa dang 'brel ba'i bstan bcos dag kyang byed do/ /de nyid la de dag gis gzhan dang gzhan dag kyang 'jog par byed do/ /de ltar de bdag nyid kyis lta ba ngan pa mngon par brtags nas gzhan dag la yang sgrogs par byed la/ de dag kyang gzhan la sgrogs/ de dag kyang yang gzhan la sgrogs par byed de/ de ltar rim pa de dag gis lta bar gyur pa yin no/ /gang gi tshe lha de rnams mtho ris kyi dga' ba dang 'thun par mtsho dang nye bar 'khod dam/ de bzhin du mtsho'i nang du zhugs pa de la tshal gyi nang na spyod pa rang dgar goms pa de dag gzhan la sgrogs par byed de/ 'di ltar mtsho 'di ni tshangs pa'i yin no/ /'di ni skal ldan sred med kyi bu'i yin no/ /'di ni dbang phyug chen po'i yin no/ /'di ni gzhon nu'i yin no zhes de ltar lta ba ngan pa'i dbang du gyur pa'i sems kyis gtan tshigs dang dpe dang nye bar sbyor ba dang mjug bsdu ba dang ldan pa'i bstan bcos dag byed la de ltar gzhan dag la bstan bcos rab tu grags par 'gyur te/ de ltar gzhan dang gzhan du lta bar gyur pa yin no/ /de nas yang rnam pa gzhan gyis rab tu rtog par byed de/ de kho na nyid khong du chud par ni mi 'gyur ro/ /tshal gyi nang na spyod pa de dag gis lha de rnams gsal bar mi mthong ste/ byad gzugs ma nor bar shes par</font><hr>64.246b<br><font size=+1>

mi 'gyur ro/ /de nas kyang lha de rnams me ltar gzi brjid 'bar zhing yul nas yul du 'dong bar byed/ tshal nas tshal du 'dong bar byed pa dang tshal gyi nang na spyod pa'i bram ze gang yin pa de dag gzhan du rtog par byed de/ 'di ltar bdag nyid me'i nang du mngon par bcug pa de dag ni rgyu de dang rkyen des lus dang bral nas bde 'gro mtho ris kyi 'jig rten lha rnams kyi nang du skye bar 'gyur ro zhes de ltar gzhan du brtags nas lta ba'i rnam pa skyed par byed la gtan tshigs dang dpe dang nye bar sbyor ba dang mjug bsdu ba ngan pa dang 'brel ba'i bstan bcos dag kyang byed do/ /de nas gzhan dag gis bstan bcos de dag thos nas bdag nyid me'i nang du 'jug par byed de/ de ltar yang dag pas ma yin pa'i lta bar gyur to/ /de rnams ni las kyi 'bras bu spong bar byed pa yin te/ de spangs pas ngan 'gro log par ltung ba sems can dmyal bar skye bar 'gyur ro/ /de nas gzhan yang yang dag pa ma yin pa'i lta ba'i rnam pa sgrub pa ni tshal gyi nang na spyod pa'i bram ze dag gis/ lha de rnams rgyang ring po zhig na lta ba mi gsal bar mthong ste/ 'di ltar ri'i rtse mo me tog dang lteng ka phun sum tshogs pa gang yin pa de dag la lha 'dzegs nas gzi brjid 'bar zhing nam mkha' la 'gro ba dang de nas tshal gyi nang na spyod pa'i bram ze dag gis mthong nas rang dgar rtog par byed de/ 'di ltar mir gyur pa 'di rnams kyis ri las g.yang du ltung bar byas na rgyu de dang rkyen des bde 'gro mtho ris kyi 'jig rten lha rnams kyi nang du skye bar 'gyur bas/ bdag cag kyang ri rtse nas thar bar bya'o zhes de ltar gzhan dag la yang ston par byed la/ bstan bcos ngan pa dag kyang byed cing las kyi 'bras bu la yang skur pa 'debs so/ /las kyi 'bras bu la skur pa 'debs pa bdag dang gzhan log par lta ba rnams ni lus dang bral nas ngan 'gro log par ltung ba/ sems can dmyal ba'i nang du skye bar</font><hr>64.247a<br><font size=+1>

'gyur te/ de ltar yang lta ba'i rnam pa gzhan yin no/ /de nas yang tshal gyi nang na spyod pa'i bram ze de dag gis/ lha de rnams gzhan du mthong nas rang dgar gzhan du rtog par byed de/ 'di lta ste/ lha rnams ha cang yang mi nye ha cang yang mi ring ba zhig na 'khod pa de rnams kyi cha byad gzugs cung zad cig shes pa dang / de bzhin du mthong nas gzugs de rnams gzhan nyid du rtog par byed de/ 'di ltar lha rnams kyi zhal ni me yin pas/ de ltar rnam pa gzhan gyis me'i nang du sbyin sreg byed pa gang yin pa de ni lus dang bral nas de bde 'gro mtho ris kyi 'jig rten lha rnams kyi nang du skye bar 'gyur ro zhes de ltar de kho na nyid ma mthong ba rnams ni/ gtan tshigs dang dpe ngan pa dang sbyar ba'i bstan bcos dag kyang byed do/ /de ltar gtan tshigs dang dpe ngan pa dang sbyar ba'i lta ba'i rnam pa gzhan yang byed la/ pha rol dag kyang de nyid la 'dzin du 'jug par byed de/ bdag la phan pa dang gzhan la phan par zhugs pa ma yin pa de lus dang bral nas ngan 'gro log par ltung ba/ sems can dmyal ba'i nang du skye bar 'gyur ro/ /de nas yang tshal gyi nang na spyod pa'i bram ze gzhan dag gis lha de rnams mthong nas gzugs sam spyod pa ni shes la/ de dag gis de rnams zas za ba ma mthong / sbyin pa byed pa mthong ba dang 'di snyam du sems te/ 'di ltar lha 'di rnams zas mi za/ skom mi 'thung ba las na/ gor ma chag par bdag cag gis kyang zas ma zos kyang de lus dang bral nas bde 'gro mtho ris kyi 'jig rten lha rnams kyi nang du skye bar 'gyur ro snyam nas de dag las kyi 'bras bu la skur pa 'debs shing / 'di ltar zas ma zos pa 'am zas zhim po ma zos pas mtho ris 'thob par 'gyur ro zhes bstan bcos ngan pa dag kyang byed la/ de gzhan dag kyang gtan tshigs dang dpe ngan pa ston pa'i tshig rnams kyis de nyid 'dzin du 'jug par byed de/ de ltar bdag dang gzhan log par lta ba/ las kyi</font><hr>64.247b<br><font size=+1>

'bras bu la skur pa 'debs pa ni/ lus dang bral nas ngan 'gro log par ltung ba/ sems can dmyal ba'i nang du skye bar 'gyur ro/ /de ltar de kho na nyid ma mthong ba ni ngan 'gro thams cad kyi sgor gyur pa yin no/ /lha de rnams kyi skad cig tsam 'am thang cig tsam 'am de tsam gang yin pa de la mi rnams kyi lor bgrangs na yun ring ste/ de la bram ze de dag 'di ltar lha 'di dag ni rtag pa brtan pa ther zug pa mi 'gyur ba'i chos can yin la/ de dag 'jig rten skyed par yang byed la 'jig par byed pa yin no zhes de ltar bstan bcos byed cing gzhan dag kyang de nyid la 'dzin du 'jug par byed pa/ rgyu dang 'bras bu la skur pa 'debs pa de ni lus dang bral nas ngan 'gro log par ltung ba sems can dmyal ba'i nang du skye bar 'gyur ro/ /de ltar sems kyi dgras yongs su bslus pa'i sems rnam pa du mar de kho na nyid la mi lta ba/ de kho na nyid ma mthong ba ni lta bar gyur pa'i bstan bcos dag byed do/ /de nas de ltar de kho na nyid ma yin pas sems yongs su bslus pa'i sems can rnams/ dge slong des mngon par mthong nas tshigs su bcad de smras pa/ sems kyi sbrul ni mi bzad dang / /sred pa'i dug dang rnam 'dres pa/ /mgo lnga pa yis zin pa dag /don med ci zhig yongs su gdung / /sred pa'i chu bo chen po 'di/ /mu lnga las ni kun du byung / /de yi tshu rol 'gram dag na/ /dogs dang bcas la pha rol zhing / /ma mthong bar ni shi yang sla/ /lta ba ngan pa ga la rung / /lta ba ngan pas rmongs pa yi/ /mi rnams sems can dmyal bar 'gro/ /log par smra bas bslus pa yi/ /mi rnams log par lta dang ldan/ /rgyu ma yin la rgyu ltar lta/ /mi bzad sems can dmyal bar 'gro/ /rgyu 'bras dag la rmongs gyur cing / /de nyid lta la rnam rmongs pa/ /sems can sdug bsngal skal ba can/ /srid pa'i btson rar shin du chags/ /</font><hr>64.248a<br><font size=+1>

las dang 'bras bu rnam smin dang / /de bzhin skye dang 'chi ba dang / /'gro ba de nyid mthong ba ni/ /mi de pha rol 'gro ba yin/ /byis pa 'dod pa tshol byed pa/ /phyi phyir 'dod pa rnams kyis rmongs/ /phye ma leb ltar rmongs pa de/ /sems can dmyal ba'i me yis sreg /dka' thub ngan pa mi spyod cing / /tshul khrims spyod la brten nas su/ /yang dag lta ba lhur len rnams/ /mi yul nas ni lha yul 'gro/ /khyed cag dka' thub ngan pas gdungs/ /log par lta ba lhur len rnams/ /shes pas lhag pa'i nga rgyal rmongs/ /skye bo gzhan yang rmongs par byed/ /gti mug mun rum thibs po yi/ /chu bo chen por 'jug byed pa/ /skye bo 'di dag rgyur gyur te/ /'jig rten rang bzhin sdug bsngal lo/ /lus kyi dka' thub mi bzad zhes/ /mkhas pa rnams ni de skad gsung / /sems kyi dka' thub nyid kyis ni/ /nyon mongs ri kun sreg par byed/ /yang dag ye shes sngon 'dren pa/ /nyon mongs zad las rnam thar 'di/ /skyes bu de nyid mthong ba'o/ /dgon dang bral bas thob par 'gyur/ /blo gros gzhan dang gzhan rnams kyis/ /'jig rten 'di kun rnam par bslus/ /gang la log par smra ba dag /mchog tu zhi bar 'gro mi 'gyur/ /'jig rten pa la log pa'i tshig /shin du mang por rab tu grags/ /'jig rten 'das pa'i bskal pa brgyar/ /nam yang grags par mi 'gyur ro/ /de bas 'jig rten 'das tshig gzung / /'jig rten pa lta ga la zhig /'jig rten pa yi tshig dag ni/ /dug 'dra 'khor bar 'chi bar mthong / /sred la mi dga' rtag bde ba/ /nges par bsod nams byed pa po/ /'jig rten 'das tshig dge ba zhes/ /mkhas pa rnams ni yang dag gsung / /lta ba dang ni gtan tshigs ngan pas bsgyur/ /gsob dang gsog dang sdig dang 'dres pa yi/ /tshig gis kun nas bslus pa'i mi rnams ni/ /mun nag chen po ngan song rnams su lhung / /de ltar dge slong des de kho na nyid</font><hr>64.248b<br><font size=+1>

mthong bar 'gyur ba'i sems can rnams la/ de kho na nyid bstan par bya ba'i phyir tshigs su bcad de smras pa/ sems can 'di kun de nyid khong ma chud/ /don med dpe dang gtan tshigs ngan pa yis/ /gzhan yang rmongs par byed la bdag nyid kyang / /dmyal bar ltung byed gzhan yang byed du 'jug /lha de rnams kyis mi'i 'jig rten 'di thams cad rig nas/ bzhon pa de rnams dang lhan cig tu sum bcu rtsa gsum pa rnams kyi rang gi gnas ga la ba der dong ste/ lha gzhan rnams la yang snga ma bzhin du bsnyad do/ /sil snyan rnam pa sna tshogs sgra 'byin pa'i tshal dang nye ba'i tshal lha'i yon tan phun sum tshogs pa rin po che thams cad 'bar ba'i 'od kyis brgyan pa rnams na/ ji srid du 'dod pa sdug pa yid du 'ong ba byas shing bsags pa/ bde ba nges par 'grub pa'i las de zad par ma gyur pa de srid du dga' bar byed/ /dga' mgur spyod par byed do/ /de zad nas lha'i ris de nas 'chi bar 'gyur te/ shi nas kyang las nye bar 'gro ba ji lta ba bzhin sems can dmyal ba dang yi dgas dang dud 'gro'i nang du skye bar 'gyur ro/ /gal te mi rnams dang skal ba mnyam par mi'i nang du skyes na/ de las de dang rgyu 'thun par rtag tu bde ba dang ldan zhing shin du nad med pa dang ldan pa dang gnod pa thams cad dang bral ba dang yul dang ljongs shin du lo legs pa rnams su skye la/ der skyes nas kyang byad gzugs bzang por 'gyur te/ shin du byad gzugs bzang po dang ldan pa dang skye bo thams cad yang dag par dga' ba dang dbang po tshang ba dang nor rdzas dam pa dang ldan te/ rgyal po 'am blon po chen por 'gyur ba mthong ngo / /de nas yang dge slong las kyi 'bras bu rnam par smin pa shes pa de/ sum bcu rtsa gsum pa'i lha rnams kyi gnas la rtog par byed do/ des thos pa las byung ba'i shes pas/ sum bcu rtsa gsum pa'i lha rnams kyi gnas nor bu 'phyang ba zhes bya</font><hr>64.249a<br><font size=+1>

ba ji ltar 'dug pa mthong ngo / /der sems can dag las gang gis skye bar 'gyur snyam nas/ des thos pa las byung ba'i shes pas brtags na/ blo rgya che zhing tshul khrims dang ldan par gyur la/ legs par byas pa'i las kyi mtha' spyad pa/ rtag tu las dang 'bras bu'i de kho na nyid la lta ba sems dam pa dang ldan pa/ yang dang yang du las dang 'bras bu la dad par gyur pa gang gis/ dge ba'i las byas la mi dge ba spangs pa/ drang po drang po'i rang bzhin can/ sdig pa'i grogs po dag mi bsten cing / de dag dang lhan cig dga' bar yang mi byed la/ lam du 'grogs pa na tshig kyang smra bar mi byed la/ mig zur gyis kyang lta bar mi byed de/ de ltar kun nas dge ba'i las kyi mtha' spyod pa/ gser sbyangs pa dang mtshungs pa de legs par bya ba byas pa des/ tshe 'di la gzhan yang dga' bar 'gyur ro/ /legs par bya ba byas pa ji lta bu zhig /rnam pa ni du zhe na/ 'di ni mdo sde dang 'dul ba dang chos mngon pa kha ton slob pa la zhugs pa'i dge slong nyin mtshan du brtson pa gang dag mar me med pa'i gzhis/ sangs rgyas kyi gsung rab slob ma nus pa de mar me med nas kha ton slob pa btang ste/ 'dug pa la sangs rgyas kyi gsung rab la gus shing / dge slong de rnams la yang sems dad pas bsgoms pa'i snying dang ldan pa/ chos dang dge 'dun la gus pa dkon mchog gsum la dad pa skyes pa de dge 'dun zhing chen po de la mar me dag 'bul bar byed la/ gzhan yang dge ba nyis 'gyur tu byed du 'jug pa dang / de ltar dge slong de rnams brtson 'grus bya ba'i don du yul sa tsha bar zhugs pa rnams la bsil yang sbyin par byed do/ /des dge slong rnams dge ba'i phyogs byed de/ tsha ba bsal ba dang mar me byin pas/ de dag mun pa'i mi bde ba dang bral zhing tsha ba'i gnod pa dang bral te/ kun nas shin du bde ba dang ldan la/ ngal sor yod pa tshangs par</font><hr>64.249b<br><font size=+1>

spyod pa de/ thams cad mkhyen pa'i bka' bde bar slob par byed/ sems par byed la thams cad mkhyen pa'i bka' dri ba dang / lan glan pa la phan tshun kha ton slob par byed de/ mar me'i yon tan de dang bsil yab kyi rlung bsil ba des dge slong rnams mun pa'i mi bde ba dang bral zhing tsha ba'i gnod pa dang bral te/ sbyin bdag de'i mthus bde blag tu kha ton slob par byed/ yang dag par sems par byed/ yid shin du brtson par gyur na/ de ltar bdag dang gzhan la phan par zhugs pa'i skyes bu dge ba dang tshul khrims dang ldan par gyur pa de/ lus dang bral nas shi ba'i 'og tu bde 'gro mtho ris kyi 'jig rten nor bu 'phyang ba'i lha rnams kyi nang du skye bar 'gyur ro/ /der skyes nas kyang legs par byas pa'i las kyi mtha' mngon sum du gyur pa de/ shin du bde ba'i rgyu legs par byas pa'i las kyi 'bras bu'i skal ba la ni spyod/ ji ltar nyi ma rang las 'od 'byung ba de bas bcu 'gyur gyis lhag pa'i 'od kyi phreng ba ni 'byung / lha'i tshogs thams cad kyis shin du bkur ba na lha mo du ma 'bum snyed rim gro bya ba'i phyir ni 'ong / lha mo gus pa skyes pa de rnams ji ltar snga nas bshes pa ltar yid gcugs par gyur cing / bzhin 'dzum la rgyan thams cad kyis glubs pas gang ba rnams ni/ byad gzugs dang cha byad dang rgyan lhag par bzang ba dang gzugs bzang ba dang dbyibs legs pa dang lus legs pa yin la/ phan tshun thab mo dang phrag dog dang 'jigs pa'i ngo bo ni med/ gcig la gcig yid gcugs pa ni skyes/ gnod pa med pa'i snying dang ldan pa rnams phan tshun 'brang bar mi dga' ba skad cig tsam yang med de/ de skad cig kyang nyams pa med do/ /yon tan de lta bu dang ldan pa kun yid rab tu dga' bar gyur nas thams cad kyis kyang pad ma dag blangs te lha de'i drung du 'dong bar byed do/ /kha cig gis ni gser gyi pad ma blangs/ kha cig</font><hr>64.250a<br><font size=+1>

gis ni dngul gyi pad ma/ kha cig gis ni bai dUr+ya'i pad ma/ kha cig gis ni shel gyi pad ma/ kha cig gis ni rin po che dang 'dres pa dag blangs te/ 'di ltar gang gi lag na dngul gyi pad ma yod pa de'i pad ma'i sdong bu ni gser/ ze ba ni pad ma rA ga'i mdog yin no/ /gang gi pad ma bai dUr+ya'i pad ma yin na de'i sdong bu ni gser yin no/ /gang gi pad ma gser yin na de'i me tog an da rnyil yin no/ /gang gi pad ma spug yin na de'i sdong bu an da rnyil yin no/ gang gi lag na pad ma dmar po thogs na de'i ze ba ni rdo rje'i mdog lta bu yin te/ de ltar lha mo de rnams lha de'i drung du 'dong bar byed do/ /dong nas kyang yid gcugs pa de la kun nas pad ma char ltar 'bebs te/ ji ltar dbyar gyi dus rnams su sprin gyi rgyal po dag las char kyi rgyun mngon par 'bab pa de ltar lha de la lha mo de rnams kyis pad ma'i char 'bebs par byed do/ /lha de skyes ma thag nyid du dang por lha mo de rnams mthong nas/ lha rnams kyi ngo bo nyid kyi snying g.yo bar byed na yid shin du dga' bar gyur pa lta smos kyang ci dgos/ de skyes ma thag tu dang por de rnams mthong nas 'dod chags kyis 'phangs pa'i yid dang / ngo mtshar du gyur pa'i snying rab tu dga' ba dang yan lag dang nying lag thams cad kyang dga' bar gyur nas/ mod nyid la stan de nas lha mo de rnams ga la ba der rgyug par byed do/ /'dod chags skyes pa de dag phan tshun 'dres par gyur nas/ de nas yang lha mo de rnams dang lha de yang dang yang du dga' ba nyid lhag par bskyed par bya ba'i phyir/ shin du bro gar byed rgod par byed glu len par byed do/ /de nas lha de lha mo de rnams kyis yongs su bskor nas/ tshal dang nye ba'i tshal rin po che sna tshogs 'bar ba/ 'dod pa'i yon tan thams cad dang ldan pa/ shing ljon pa rnams dang shing ljon pa'i drung rnams dang ldan pa/ bya sna tshogs 'dres shing sgra 'byin pa thos na snyan pa/ me tog dang 'bras bu'i phyogs ji ltar 'dod pa bzhin 'grub pa chu bo dang 'bab chu dang lteng ka rnams 'bum</font><hr>64.250b<br><font size=+1>

snyed kyis gang ba'i tshal dang nye ba'i tshal de rnams su/ lha de lha mo de rnams dang lhan cig gnas par bya ba'i phyir 'dong bar byed de/ rang gis byas pa'i las mngon sum du gyur pa des/ bde ba dpe med pa rnams du ma dag myong ngo / /de nas de de rnams kyis yongs su bskor nas sil snyan yan lag lnga dang ldan pas rtse zhing / 'dod pa thams cad bsams na 'grub pa lus kyi mtha' rgya chen po byed pa'i lha de/ 'phags pa'i tshul khrims de la brten pa'i 'bras bu la spyod par byed do/ /de nas de ltar lha de de rnams kyis yongs su bskor nas/ lha de rnams dang yang nor bu 'phyang ba'i tshal ga la ba der 'dong bar byed do/ /lha gzhan rnams kyis de dag mthong nas/ yid rab tu dga' ba gus pa dang bcas pa/ lha dang lha mo'i tshogs kyis yongs su bskor ba rnams/ lha gsar du byung ba de ga la ba der 'dong bar byed do/ /gus pa dang bcas pa'i yid kyis/ de la gnyen ltar sems shing thams cad yid rab tu dga' bas lha de'i drung du dong ngo / /lha gsar du byung ba de yang yid dga' ba skyes nas lha de rnams 'ong ba ga la ba der 'gro bar byed do/ /de nas yang lha de rnams dang lha gsar du byung ba de dang nor bu 'phyang ba'i tshal 'dod pa lnga 'grub pa de na dga' bar byed/ dga' mgur spyod par byed cing dga' ba dang 'thun pa'i sil snyan yan lag lnga dang ldan pa/ thos na shin du yid tu 'ong la de bzhin du rnar snyan pa dag gis lha de rnams dga' bar byed rtse bar byed dga' mgur spyod par byed do/ /de nas yang lha rnams nor bu 'phyang ba'i tshal na/ lha mo sgeg mo rab tu dga' ba rnam pa du ma rol mo'i sgra 'byin zhing shin du nyams dga' bar byed pa'i nang na/ lha rnams lta bas bde ba myong bar byed de 'di lta ste/ tshal gyi nang gi sa gzhi rin po che sna bdun gyis brgyan pa/ kun nas kha dog dang mdog gser gyi gos bgos pa ltar mdzes pa yin te/ de ltar dga' bar byed pa'i shing ljon pa skyes pa rnams phan tshun 'gran pa ltar me tog rab tu</font><hr>64.251a<br><font size=+1>

rgyas pa/ rin po che sna tshogs kyi shing ljon pa rnams kyis brgyan pa/ tshal dang nye ba'i tshal gyi sa gzhi mtho dma' ran pa/ bza' ba'i tshogs dang btung ba'i tshogs mang pos gang ba kun nas blta na sdug cing nyams dga' la lhag par mdzes pa yin no/ /de nas yang lha de lha rnams dang lhan cig sil snyan sna tshogs dang bcas pa dga' bar byed/ dga' mgur spyod par byed la/ shin du bde ba dang ldan pa dag 'phyang ba'i tshal la sten par byed do/ /lha dang lha mo'i tshogs kyis yongs su bskor ba de/ bai dUr+ya'i rdo leb ces bya ba'i sa phyogs de la yang sten par byed de/ des sa phyogs de na nor bu las byas pa'i gos kyi ngo bo nyid shing ljon pa rnams las 'phyang ba mthong ste/ nyi ma shar ba lta bur shin du gzi brjid dang ldan pa/ skye bo thams cad kyis mthong na bde ba yin la rlung gis bskyod na mtho dman du 'phar ba yin no// //'phags pa dam pa'i chos dran pa nye bar gzhag pa/ bam po bzhi bcu tham pa/ bung ba 'bum snyed kyis kyang khyab pa yin la/ bung ba kha dog mdzes pa rnam pa sna tshogs dag gis brgyan pa/ kun nas shing ljon pa 'bum snyed 'od 'bar ba ltar gsar pa yin no/ /lha de rnams kyis shing ljon pa de dag mthong nas ngo mtshar cher skyes pa'i mig phye ste/ shing ljon pa de dag rlung gis bskyod pa'i lo ma 'phyang ba kun nas mdzes pa ga la ba der lha mo'i tshogs thams cad dang lhan cig 'dong bar byed do/ /de dag kun nas rgya che ba de rnams kyi nang na sil snyan yan lag lnga dang ldan pas dga' bar byed rtse bar byed dga' mgur spyod par byed do/ /de nas tshal 'phyang ba'i nang de na sems ngo mtshar du dga' ba'i lha de rnams lcang lo 'phrugs pa de dag rtse ba'i don du spyang bar byed do/ /spyangs pa dag la rtse ba na lcang lo 'phrugs pa la lta bas chog nas de dag 'di snyam du sems te/ da ni lcang lo 'phrugs pa dag las rgun chang yon tan thams cad dang ldan pa 'byung bar gyur cig snyam du sems</font><hr>64.251b<br><font size=+1>

bskyed ma thag nyid tu lcang lo 'phrugs pa de dag las lha de rnams kyi rgun chang byung ngo / /de dag kyang lha de rnams kyis sngon ma mthong ba yin te/ sngon ma byung ba'i btung ba mdog dang dri dang ro dang reg pa byung bar gyur pa dag la de rnams ngo mtshar cher skyes shing mig dang bzhin 'dzum la yid brgya 'gyur du rab tu dga' ba skyes so/ /rgun chang ngo mtshar che ba mdog dang dri dang ro phun sum tshogs pa/ shing lo 'phrugs pa rnams las byung ba de dag 'thungs nas bdag cag bcu 'gyur du rab tu dga' bar bya'o snyam mo/ /de nas lha de rnams bai dUr+ya'i snod thogs te rgun chang de dag bcus nas/ rgun chang 'di ci bder gsol cig ces phan tshun 'drim par byed do/ /de ltar de rnams 'thung ba ni gang gis ji srid du sbyin pa byin nam/ tshul khrims bsrungs pa de ni de srid tu chang de mdog dang dri dang ro dang ldan pa'i yon tan khyad par che bar 'byung ngo / /de nas chang de lhag par zhim par rig nas/ de na lha sbyin pa dang tshul khrims chung ngu dang ldan pa gang yin pa de'i chang de dag mi zhim par shes nas shin du ngo tsha ba skyes so/ /shin du ngo tsha bar rig nas bya lo ma dang rgun chang gi nang na spyod pa zhes bya ba gang shing ljon pa de rnams kyi lo ma'i nang du song ste/ rgun chang rtag tu 'thung ba dag gis 'di ltar tshigs su bcad de smras pa/ chang 'thung rgyags pas myos pa yi/ /sems can gti mug dbang gyur rnams/ /gti mug zhags pas mngon sum du/ /sred pa'i ros ni 'thung bar byed/ /gti mug zhags pa chang yin te/ /'thungs nas gshin rjes skul bar byed/ /mtho ris nas ni dmyal bar ltung / /de bas chang la ma reg cig /mthong dang reg dang bsnams pa las/ /chang gis mi ni rmongs par byed/ /de bas kun du zhags pa yin/ /de ni ring bar yongs su spongs/ /mthong ba las ni chags pa skye/ /reg pa las ni dri 'byung la/ /dri las ro la chags pa 'byung / /ro rnams kyis</font><hr>64.252a<br><font size=+1>

ni tha mar 'gro/ /ji ltar chang la nges brten na/ /de ltar ming dang gzugs 'jig ste/ /zhags pa'i nang na tha ma ni/ /chang zhes mkhas pa rnams gsung ngo / /ngag dang mig dang 'gro ba nyid/ /tshabs po cher ni 'khrul byed la/ /blo bral rmongs pa 'khrul pa ni/ /ci yang sgrub par mi byed do/ /sa la ltung ba'i mi de la/ /bud med rnams kyang 'phya bar byed/ /'gul ba med pa shing skam 'dra/ /g.yo ba med pa sa la ltung / /chang 'thung ba la goms pa ni/ /'chi bar 'gyur zhes grags par byed/ /ha la ha la'i dug bas lhag /'chi zhags pas kyang de lhag go/ /chang 'thung ba la rtag tu ni/ /nyes dmigs sum bcu rtsa drug yod/ /de bas nyes dmigs shes pa gang / /de yis chang ni rnam par spongs/ /rigs btsun mkhas pa dag la ni/ /dri ma chen por byed pa yin/ /skye bo ka sa'i me tog ltar/ /yang ba kho nar byed pa yin/ /de ltar bya de dag dud 'gror gyur gyis kyang lha de dag la rgod par byed na/ lha gzhan dag lta smos kyang ci dgos/ de nas las legs par byas pa'i sa bon gyis ji lta ba bzhin gyur pa'i lha rnams/ sbrang rtsi'i chang mdog dang dri dang ro phun sum tshogs pa dang tha ma dang 'bring dang khyad zhugs pa de dag 'thungs nas/ tshal rgyun gyi gnas zhes bya ba ga la ba der gnas par bya ba'i don du 'dong bar byed la/ rna gung du sil snyan gyi sgras 'dir cing yid rab tu dga' la/ me tog ud pa la sngon po'i phreng ba bsgyus pas mdzes pa dag dong ngo / /rgyun gyi gnas de nas kyang lha dang lha mo'i tshogs kyis gang ba rab tu dga' la/ phan tshun shin du mgu bar gnas pa/ lus gser gyi 'od kyis brgyan pa rnams sprin gyi tshal der myur bar dong ngo / /de nas sprin gyi tshal du dong ba'i lha dga' ba la gnas pa/ bag med pa de rnams la bskul bar bya ba'i phyir/ brgya byin glang po che sa srung gi bu rnam par rgyal byed ces bya ba de nyid rgyan 'bum snyed kyis brgyan pa la zhon nas/ lha dang lha mo'i tshogs rab tu dga' bas gang ba dang sprin gyi tshal zhes bya ba der</font><hr>64.252b<br><font size=+1>

dong ngo / /de nas lha de rnams kyis lha'i rgyal po brgya byin mthong nas/ sems gus pa dang bcas shing thor tshugs dang me tog phreng ba dang rgyan phreng thogs pa thams cad kyis brgya byin la bstod cing / sil snyan sna tshogs kyi sgra dang dbyangs nye bar 'byin la brgya byin gyi mdun du bro gar dang tshul sdug gus 'gro bar byed do/ /lha'i rgyal po brgya byin yang de bzhin du glang po che sa srung gi bu la zhon bzhin du/ lha de rnams la tshig snyan pa rnams kyis mngon par dga' bar byed do/ /de nas brgya byin lha de rnams kyi nang na cung zad cig dga' bar gnas par rtse bar byas nas/ lha de rnams la 'di skad smras so/ /'di ltar legs par byas pa'i las kyi mtha' spyad pa'i lha khyed rnams nga lha ma yin rgyags shing khro bar gyur pa rgyags pa dang dbral bar bya ba'i phyir/ dga' ba'i tshal du 'gro ba'i bar du dga' bar gyis shig /de nas brgya byin gyi tshig de skad thos nas lha rnams kyis smras pa/ 'di ltar lha bdag cag kyang lha ma yin de rgyags pa dang dbral bar bgyi ba'i slad du mchi'o/ /de nas brgya byin gyis lha de rnams zlog par byed de/ don 'di nga 'ba' shig gis nus kyis khyed spro bar ma byed cig /de nas lha de rnams bzlog nas/ lha'i rgyal po brgya byin de dga' ba'i tshal ga la ba dang rang gi kun dga' ra ba ga la ba der song ba dang / gang na nyal mal bcas pa'i nyal mal de na/ lha ma yin sprin gyi phung po lta bur 'phel ba zhugs pa dag la lha mang pos spyo bar byed do/ /ji lta ji ltar spyos pa de lta de ltar 'phel bar 'gyur ro/ /de ltar de 'phel bar gyur pa mthong nas lha mi bzod par gyur pa de rnams yang spyo bar byed do/ /de nas yang lha ma yin rgyags shing khro bar gyur pa/ rab tu 'phel zhing mngon par 'phel la/ de ltar bzod pa med pa'i gzugs mthong nas/ brgya byin gyis smras pa/ 'di ltar khro bas mngon par 'phel ba 'di la ni gang gis de'i rgyags pa bsal ba'i gnyen po bya dgos so snyam nas/ de nas de'i tshe brgya byin gyis 'di ltar tshigs su bcad de smras pa/ </font><hr>64.253a<br><font size=+1>

khro bas nyams pa'i khro ba ni/ /bzod pas khro ba nyid las rgyal/ /chos min chos kyis nges par rgyal/ /mun pa 'od kyis rnam par rgyal/ /bden pa rnams kyis brdzun tshig bcom/ /phra ma 'ang ting nge 'dzin gyis bcom/ /tshig rtsub gnyen pa rnams kyis rgyal/ /sdang ba mnyen pa nyid kyis rgyal/ /srog gcod byams pa rnams kyis rgyal/ /rku sems rtag tu sbyin pas rgyal/ /tshul bzhin yid la mi byed pa/ /tshul bzhin gyis ni rtag tu rgyal/ /ma rig pa ni rig pas rgyal/ /de bzhin mun pa snang bas so/ /mun pa'i phyogs kyi de nyid ni/ /snang ba'i phyogs kyis rgyal bar gyur/ /log pa'i 'dod pa mi gtsang ba/ /dpyod cing rig pas rnam par rgyal/ /lam ngan zhugs pa'i 'phags pa'i lam/ /yan lag brgyad pas rtag tu rgyal/ /sdar ma 'di ni mi 'jigs pa/ /bzhi rnams kho nas rgyal ba yin/ /brjed ngas pa ni dran pas bcom/ /mi shes pa ni shes nyid kyis/ /'dod chags bdo ba'i mi rnams ni/ /dgon gnas brtson pa rnams kyis rgyal/ /tshal rnams dkrigs pa thams cad ni/ /ri rab ri yis rnam par rgyal/ /sa las byung ba'i chu kun ni/ /rgya mtsho yis ni rgyal bar 'gyur/ /kun nas gza' dang skar ma rnams/ /nyi ma'i 'od kyis rnam par rgyal/ /lugs min de bzhin lugs kyis rgyal/ /dbul ba sbyin pa tshogs pas rgyal/ /dor sgyu drang po rnams kyis rgyal/ /brdzun zer ba ni bden pas bcom/ /log pa yang dag nyid kyis rgyal/ /grang ba byung ba me yis rgyal/ /skom pa chu yis rnam par rgyal/ /bkres pa de bzhin ston mos rgyal/ /ri dgas snying stobs yod pa gang / /thams cad seng ges rnam par rgyal/ /'dod chen che ba chog shes pas/ /rtag tu rgyal bar rab tu grags/ /snying rje rtag tu bsngags pa yin/ /snying rje med pa bsngags pa min/ /shes pa che la rtag tu dul/ /skyes bu de nyid smra rnams kyis/ /las ngan rnams kyi log pa nyid/ /</font><hr>64.253b<br><font size=+1>

lhag par smra ba'i mi rnams bcom/ /yon por smra ba'i mu stegs kun/ /sangs rgyas kyis ni rnam par rgyal/ /lha ma yin ni lha yis rgyal/ /chos nyid 'di ni rnam par gnas/ /brgya byin ltar ni bcos pa byed/ /kun las ngas kyang rnam rgyal na/ /'og ma khyed cag gang yin pa/ /'di dag 'ongs pa smos ci dgos/ /mal gzhi 'di dag thams cad ni/ /chos lhur len pa rnams sten gyi/ /chos min pa la brtson pa yi/ /rmongs pa'i blo yis bsten bya min/ /de nas brgya byin gyi kha nas tshig de dag thos nas gang gi tshe/ ji lta ji ltar spyos pa dang de lta de ltar 'phel ba'i lha ma yin gang yin pa de dag la bden pa'i tshig 'dis phog pa dang 'phel ba med la/ stobs dang mdog dang snying stobs dag bri bar gyur to/ /sems can dman pa de dag mthong nas brgya byin gyi zhabs 'bring ba gang yin pa de rnams kyis/ sems can dman pa'i rkang pa dag nas bzung ste/ phyung nas dga' ba'i tshal de nas bskrad do/ /brgya byin yid rab tu dga' ba yang glang pos srung gi bu la zhon nas/ nor bu 'phyang ba'i lha rnams kyi gnas ga la ba der 'gro bar byed de/ bya ba byas pa'i lha'i tshogs thams cad kyis yongs su bskor ba shin du dpe med pa'i lha'i 'dod pa thams cad grub cing ldan pa de nas yang lha de dag gi drung du phyin to/ /nor bu 'phyang ba na gnas pa'i lha de rnams kyang brgya byin dang phrad nas mngon par bstod do/ /yang thams cad sprin gyi tshal ga la ba de nyid du dong ngo / /de ltar brgya byin gyi mdun na 'don pa yid shin du mgu ba 'dod pa thams cad dang ldan pa rnams/ tshal dang nye ba'i tshal gyi sa gzhi mthon dma' ran pa/ sa phyogs shin du rnam par phye ba me tog mang po bsags pa/ tshal dkrigs pa me tog gi ldum bu 'phyang ba'i ljid kyis ldum bu 'phyang ba'i khyim nyams dga' ba/ kun nas shin du dga' ba rnams su dga' bar byed do/ /brgya byin gyi mdun na lha mo'i tshogs yid rab tu dga' ba rnams kyang pi</font><hr>64.254a<br><font size=+1>

bang dang rdza rnga dang khar rnga dang gling bu dang pi ldir dag khyer nas glu len par byed dga' bar byed dga' mgur spyod par byed do/ /brgya byin yang glang po che sa srung gi bu la zhon te/ rol mo'i kha dpon gzhan rnams kyis bskor nas bstod cing / sil snyan yan lag lnga dang ldan pas lhan cig rtse bar byed de 'di lta ste/ jeng dang rnga dang khar dkrol dang gling bu dang glu dbyangs kyis mdun du bskor nas rtse bar byed dga' bar byed do/ /glang po che'i rgyal po de yang gzugs ri bas che ste/ ri chen po 'gul ba lta bur 'dug pa'i glang po che de la zhon pa ni/ ji ltar gangs ri kha bas yog pa'i ri'i rtse mo'i steng na sos ka'i dus su nyi ma'i 'od zer sprin dang mun pa dang bral ba shin du gsal bar shar ba de ltar mdzes pa yin no/ /de ltar brgya byin lha dang lha mo'i tshogs ngan song gi sgo gcod pa yid shin du mgu ba blo gros bzang po dang 'thun pas yongs su bskor ba dang lhan cig /bai dUr+ya dang dngul dang shel dang an da rnyil dang mthon ka chen po dang pad ma rA ga dang gser btso ma dang spug pas ches lhag pa'i tshal dang nye ba'i tshal nyams dga' ba rnams na/ rgyu bar byed rtse bar byed dga' bar byed de/ gang de kho na nyid shin du phun sum tshogs pa lhag par bde ba myong ngo / /de lta mod kyi des 'dod pa yang dag par grub pa/ 'jig rten gyi phun sum tshogs pa 'byung ba 'jig par rig nas/ dga' ba yang med la 'khrug pa yang med do/ /phun sum tshogs pa thams cad kyi mtha' ni rgud par 'gyur ro snyam du rig nas/ 'di ltar rang gi las la spyod pa/ las kyi rlung gis gtor ba rnams sems can dmyal ba dang yi dgas dang dud 'gro rnams kyi nang na 'khyam zhing / lha dang lha mo'i tshogs 'grogs pa 'di thams cad dang bral ba'i lha rnams shi nas gar 'gro/ /kye ma byis pa so so'i skye bo bslus pa 'di dag thams cad ni las byas pa chen po myong ngo snyam du nang du yid la sems par byed do/ /de nas de'i tshe brgya byin gyis 'di ltar tshigs su bcad de smras pa/ nam mkha'</font><hr>64.254b<br><font size=+1>

la ni sprin chags pa/ /rlung gis kun du gtor ba rnams/ /'dus pa dag kyang 'gyes pa ltar/ /'khor ba'i srog chags de bzhin no/ /ji ltar dus tshigs dus tshigs su/ /me tog byung ba mi yis mthong / /dus tshigs thams cad thal gyur na/ /ji ltar byung ba so sor 'jig /de ltar legs par byas pa'i lha/ /dus su byung na dga' byed la/ /dge ba'i dus ni thal gyur na/ /ji ltar byung ba so sor 'jig /ji ltar dus tshigs dus tshigs su/ /shing lo du ma skye 'gyur ba/ /dus tshigs dus ni thal 'gyur na/ /de dag kun nas 'jig par 'gyur/ /de ltar lha rnams lo ma 'dra/ /srid pa 'di ni shing lta bu/ /bde ba rtag tu 'jig 'gyur te/ /brtan pa dang ni rtag pa med/ /ji ltar char pa 'bab dus na/ /mkha' la char 'bab ldog pa med/ /de ltar bde ba 'di dag kun/ /'gro bar 'gyur te log pa med/ /ji ltar rma bya'i sgro dag ni/ /rlung gis kun du khyer gyur pa/ /de ni zad par bya phyir 'jig /bde ba'i gzhi ni de dang 'dra/ /ji ltar mer ni shing bcug na/ /nges par rab tu sreg par byed/ /de ltar dus ni me dang 'dra/ /mi rnams shing skam lta bu yin/ /brgya 'am yang na stong dag tu/ /'di dag 'ong dang 'gro 'gyur yang / /de ltar sred pas rmongs pa 'di/ /yang dag rig par mi 'gyur ro/ /sred dang rmongs pa'i mig 'phrul gyis/ /thams cad du ni rnam par gang / /ji ltar dge skal ma yin pa/ /de ltar lha rnams rab tu bslus/ /de ltar brgya byin des lha de rnams la snying rje bskyed nas/ de nas yang glang po che sa srung gi bu de la zhon te/ lha'i tshogs kyis yongs su bskor ba/ sil snyan dang rol mo'i sgra dbyangs sna tshogs len bzhin du lha'i 'dun sa chos bzangs de nyid du 'dong bar byed de/ chos bzangs na gnas pa rgyal ba thob pa dag la lha gzhan rnams kyis mchod cing phyin te/ nor bu 'phyang ba na gnas pa'i lha 'dod pas tshim pa med pa rnams ji srid tu 'dod pa sdug pa yid du 'ong ba byas shing bsags pa/ so so yang dag par myong bar 'gyur ba'i las de zad pa dang spangs</font><hr>64.255a<br><font size=+1>

pa dang / zhig par ma gyur pa de srid tu gzugs dang sgra dang dri dang ro rnams kyis tshal dang nye ba'i tshal rnams kyi nang na rtse bar byed dga' mgur spyod par byed do/ /de de nas shi nas kyang las nye bar 'gro ba ji lta ba bzhin/ sems can dmyal ba dang yi dgas dang dud 'gro'i nang du skye bar 'gyur ro/ /gal te mi rnams dang skal ba mnyam par mi'i nang du skyes na/ de las de dang rgyu 'thun par rigs rgya chen po'i nang du skye la/ shin du bde ba dang ldan pa dang bong tshod che zhing bzang ba dang yul dbus su skye ba dang chos bzang po dang ldan pa dang shin du 'byor pa dang bu dang tsha bo dang ldan pa dang yun ring du gnas pa dang gnod pa med pa'i bran khol bdog pa dang skye bo thams cad dga' ba dang yang dag par ldan pa dang rgyal po 'am blon po chen por 'gyur ba mthong ngo / /de nas yang dge slong las kyi 'bras bu rnam par smin pa shes pa de/ sum bcu rtsa gsum pa'i lha rnams kyi gnas la rtog par byed de/ des thos pa las byung ba'i shes pas lha rnams kyi gnas ris 'thun pa zhes bya ba ji ltar 'dug pa mthong ngo / /der sems can dag las gang gis skye bar 'gyur snyam nas des thos pa las byung ba'i shes pas brtags na/ legs par byas pa'i las kyi mtha' spyad pa/ lus dang ngag dang yid kyi mtha' yang dag par bsdams pa/ g.yo sgyu med pa/ gzhan la mi gnod pa blo gros rtag tu rgya che ba/ drang po drang po'i rang bzhin can sdig pa'i grogs po spong ba/ gang thabs kun gyis sdig pa'i grogs po spong bar byed la/ de dang lhan cig 'dre bar mi byed/ de dang tshig kyang mi smra/ de la mig zur tsam yang mi lta/ lam du yang lhan cig mi 'grogs/ de mthong nas kyang rtag tu spong bar byed la/ de'i grogs po gang yin pa de yang spong bar byed/ btsun pa dag la rten par byed cing / rtag tu dam pa'i chos nyan pa'i ngang tshul can yin la/ de thos nas dge ba dang mi dge ba dang lung du ma bstan pa'i chos rnams kyang rnam par shes/ spang bar bya ba spong bar byed la/ spang bar mi bya ba yang spang bar mi bya ba rab tu shes nas yid</font><hr>64.255b<br><font size=+1>

la legs par byed pa dang shin du mnyam par bzhag pa dang dran pa dang sems kyi dbang du mi 'gro bar dran pa nye bar gnas pa dang brkam chags med pa dang / tshul khrims rnam pa bdun rjes su skyong la rdul tsam yang 'khrul pa med pa dang / kha na ma tho ba phra mo rdul tsam la yang 'jigs par lta ba dang / kun nas las dag la dri ma med pa yin te/ gser btso ma ltar skyon med pa srog gcod pa dang ma byin par len pa de dang de dag spong bar byed la/ sbyin pa yang byin/ bsod nams kyang byed do/ /srog chags dag thar par byed pa ji lta bu yin zhe na/ 'di ni rgyal po 'am blon pos skyes pa dang bud med byi ba byed pa lhan cig bzung nas bcings te/ grong khyer gyi lho phyogs kyi sgor khrid la/ rnga brdungs nas ming dang rus kyang bsgrags te/ grogs byed pa su yang med/ mi dga' la 'jigs bzhin mog mog par gyur pa dur khrod logs su kha bstan te/ khrid pa dang des nor rdzas kyis bslus te/ thar bar byed pa dang gzhan yang sbyin pa gtong / /bsod nams dag byed pa yin no/ /dge ba dag ji lta bu yin zhe na/ de ltar de gal te chu nyung ba mya ngam gyi phyogs su dge 'dun gnas par gyur la/ de yang dge slong dag skom gyis srog chad la thug ste/ shin du sdug bsngal bar gyur pa dang / des gnas pa de rnams kyi don du kun dga' ra ba'i dbus su rdzing bu 'am khron pa dag byas la/ chu phyung ba de dag gi nang 'dam rdzab kyis gang ngam srin bu rnams kyis yog pa dang de dag la de las byed de/ srin bu de dag sa skam po dag la 'chi bar mi 'gyur bar bya ba'i phyir/ gsher sa'i phyogs gzhan du 'jog par byed de/ de ltar srog gcod pa chung ngu yang srung bar byed do/ /gzhan du yang 'bab chu dag gi nang na srin bu gnas pa de dag kyang blangs nas de nas yang srog btsa' bar bya ba'i phyir/ chu yod pa'i phyogs rnams su 'jog par byed de/ de ltar kun nas dge ba'i las kyi mtha' spyod pa ni srog gcod par mi byed do/ /ma byin par len pa spangs</font><hr>64.256a<br><font size=+1>

pa ji lta bu yin zhe na/ 'di ni rku sems kyis rtsa ba yang len par mi byed pa yin te/ phyogs dag na shing dang smyig ma'i ldum bu skyes pa yang len par mi byed/ gzhan du 'phos pa'i grong dang kun dga' ra ba rnying pa dag gzhan gyis yongs su bzung ba med la/ da dung du sus kyang 'dzin par mi 'gyur gyis kyang / sngon gzhan gyis bsgrubs pa zhig yin no snyam du yid la sems par byed la/ de bsam pa des len par mi byed de/ de ma byin par len pa spangs pa yin no/ /kun nas legs par byas pa'i las kyi mtha' spyad pa de/ lus dang bral nas shi ba'i 'og tu ris 'thun pa'i lha rnams kyi gnas kyi nang du skye bar 'gyur ro/ /der skyes nas kyang de phyir phyogs pa nyid tu skye ste/ gal te gser gyi stan nam gal te dngul gyi 'am gal te shel gyi 'am gal te gser btso ma'i 'am gal te an da rnyil gyi 'am gal te mthon ka chen po 'am gal te mu tig gi 'am gal te spug gi stan gyi steng du skye bar 'gyur ro/ /de skyes ma thag tu 'di snyam du sems te/ las dge ba gang zhig gis bdag 'dir skyes snyam mo/ /des sngon gyi rjes su dran te/ 'di ltar dge ba'i rnam pa pha ma ltar byams pa/ rnam par smin pa bsil ba/ bde ba nges par myong bar 'gyur ba'i rnam pa ji snyed pa des lha rnams kyi nang du skyes so snyam ste/ des las de dag rjes su dran zhing las kyi 'bras bu yang mngon sum nyid du mthong nas/ dge ba'i las rnams la ni stod par byed la/ mi dge ba dag la ni smod par byed do/ /tshe rabs dran zhing las kyi gzhir gyur pa/ dge ba pha ma lta bu du ma'i las kyi gzhi mi'i rjes su dran nas/ de nas de'i tshe 'di ltar tshigs su bcad de smras pa/ gang zhig bag yod thob nas su/ /mi yi tshe ni legs par thob/ /legs par bya ba'i las byas na/ /lha yi 'jig rten nye bar 'gro/ /mi yi tshe ni rnyed dka' ste/ /de ni rnyed nas bag med gang / /mi de bag med mun pa las/ /'khyams nas sems can dmyal bar ltung / /</font><hr>64.256b<br><font size=+1>

legs byas rnam pa gsum byas shing / /rnam pa bdun yang goms byas la/ /dgra gsum bsad pa'i mi dag ni/ /lha rnams kyi ni nang du 'gro/ /nyon mongs nges par sel byed la/ /dga' bas sel bar mi byed gang / /dga' ba bsal ba'i dag pa de/ /lha rnams kyi ni nang du 'gro/ /sdug bsngal chen po'i sgor gyur pa/ /ser sna nges par bsal byas shing / /sbyin pa 'ang sna tshogs byin pa ni/ /lha rnams kyi ni nang du 'gro/ /srog chags dag ni srog bzhin du/ /snying brtses rtag tu bsrung byas shing / /byams sems rtag tu dul ba dag /lha rnams kyi ni nang du 'gro/ /ma byin me ltar rig nas su/ /kun nas byin pa byas gyur zhing / /sems dang blo gros bsgoms pa ni/ /lha rnams kyi ni nang du 'gro/ /de nyid don la sems pa po/ /gzhan gyi chung ma 'ang ma ltar lta/ /'dod skyes nyes pas ma gos pa/ /lha rnams kyi ni nang du 'gro/ /gang zhig rang sems me 'di dag /lce yi gtsub shing yang dag byung / /brdzun du smra ba rjod byed gang / /de ni bcom na bde 'gror 'gro/ /bshes grogs rtag tu don med byed/ /phra ma rtag tu bcom nas su/ /'jam por smra bar dga' ba ni/ /lha rnams kyi ni nang du 'gro/ /mtshon cha lta bu'i tshig rtsub dag /brtan pos yong ye spong byed la/ /rtag tu tshig 'jam rab tu smra/ /de ni bde 'gror 'gro bar 'gyur/ /gang gi lce yi rtse mo la/ /'brel med mi smra smra mi 'gyur/ /yang dag smra la dus nyid shes/ /lha rnams kyi ni nang du 'gro/ /sangs rgyas gsungs pa'i rnam pa bdun/ /gang gis tshul khrims 'di bsrungs pa/ /brtan po tshul nyid shes pa de/ /lha rnams kyi ni nang du 'gro/ /de ltar lha gsar du skyes pa de phyir phyogs pa skyes ma thag nyid du tshe rabs dran nas yul rnams kyi dbang du blo gros gyur kyang / sngon bsgoms shing goms pa'i blos smras so/ /de nas gsar du skyes pa de shin du gzhon la gtsang gtsang ltar 'dug par mthong zhing rtogs nas/ lha mo de rnams lha de'i drung du rgyug par byed de ji ltar me tog gi ro 'thung</font><hr>64.257a<br><font size=+1>

bar 'dod pa'i bung ba rnams me tog nyid la rgyug par byed pa de ltar lha mo lag na sil snyan dang rol mo rnam pa sna tshogs thogs pa/ gzhan dag gi lag na gling bu dang rdza rnga thogs pa/ lus la me tog phreng ba dang phye ma dang byug pas bskus pa me tog gi phreng ba rnams thogs pa dang / gzhan dag ni me tog gi char mngon par 'bebs/ gzhan dag ni glu len zhing gar mkhan ltar mdzes pa de rnams/ lha de'i drung du kun du rgyug par byed do/ /de ltar rgyan dang cha byad rnam pa sna tshogs thogs pa/ gzugs rnam pa sna tshogs dang ldan pa/ cho ga rnam pa sna tshogs la mkhas pa/ cha byad rnam pa sna tshogs 'chang ba rnam pa sna tshogs bdog pa/ gzugs gcig bas gcig bzang zhing byad gzugs mchog dang ldan pa rnams/ lha gsar du skyes pa de la lan brgya 'am lan stong du mngon par brtags nas sngon gyi lha 'chi ba dag bor te/ lha gsar du skyes pa yid du sdug pa'i drung du/ lha mo de rnams ji ltar shin du skom pa dag mtsho skams pa bor nas/ mtsho chu bsil zhing dang bas kun du gang ba'i drung du rgyug pa de ltar gsar du skyes pa la 'dod pa ngoms mi myong ba'i lha mo de dag thams cad kyis rab tu brgyugs so/ /de nas lha gsar du skyes pa des de rnams kyi rgyan gyi sgra nyid thos nas/ sems 'dod chags kyis g.yengs par 'gyur na/ de rnams kyi byad gzugs de dang spyod pa de dag mthong na lta smos kyang ci dgos/ de bzhin du de'i sems sil snyan yan lag lnga dang ldan pa dang yo byad de dag gis g.yengs pa dang ji ltar tshe rabs 'bum lon pa ltar brjed de/ 'di ltar lha rnams kyi ngo bo ni 'di lta ste/ lha nyid bag med pa'i gnas yin no/ /de nas lha gsar du skyes pa de lha mo sgeg chos mkhas pa de rnams kyis kun nas 'khor bar bskor nas/ tshul bzhin ma yin pa'i sems 'dod chags kun tu ston pa'i tshig rnams kyis de ltar g.yengs te/ 'di ltar de ltar de dag gi dbang kho nar gyur nas shin</font><hr>64.257b<br><font size=+1>

du bag med par gnas so/ /de de rnams kyis bskor nas 'dod pa thams cad 'byor pa/ sngon ma myong ba'i bde ba 'thob ste/ yid shin du mgu bas lha mo de dag ga la ba der 'gro bar byed do/ /de yang de rnams kyis nye bar bsten te/ dgod dgod/ rtse rtse/ smra smra/ 'bur 'bur ba'i blos lam de nyid nas 'dong bar byed do/ /bya snyis bzung ba ltar kun du 'dod chags kyi snyis bzung ba de/ snyi de rnams kyis kun nas bzung nas mngon par mdzes pa de dag ga la ba der khrid pa dang / des sngon ma mthong ba shin du nyams dga' ba rin po che sna bdun gyi sa phyogs mthong na shin du yid 'phrogs pa/ rin po che sna bdun 'bar ba'i sa phyogs dag mthong ngo / /de nas yang de dag tu lha'i phreng ba dang gos rnam pa du ma gyon pa/ bde ba dang nyams dga' ba rnam pa du ma yun ring du myong nas/ tshal dgon pa dga' ba zhes bya ba ga la ba der sil snyan yan lag lnga dang ldan pa'i glu dbyangs len zhing 'dong bar byed do/ /lha de lha mo de rnams dang lhan cig mngon par rtse zhing tshal der phyin pa dang / bya kha dog dang dbyibs dang 'gros dang gzugs sna tshogs su 'dug pa/ sgra shin du snyan pa 'byin pa/ byad gzugs rnam pa sna tshogs su 'dug pa dag mthong ngo / /de dag kyang bya mo rnams kyi dbang du gyur pa yin te/ de rnams gar 'gro ba der bya de dag kyang de rnams kyi dbang du gyur nas 'gro'o/ /de bzhin du ldum bu'i nang ga la ba de rnams 'dug pa dang der yang bya de dag 'dug par byed do/ /me tog gi chang gang na yod par de rnams 'thung ba dang bya de dag kyang de na 'thung bar byed do/ /me tog gi dog pa dag gi nang ga la bar lus zhugs pa dang der yang bya de dag de bzhin du 'jug par byed do/ /yul gang dag btang nas nam mkha' la 'gro ba dang der yang bya de dag 'gro bar byed do/ /'bras bu gang yin pa dag la de rnams kyi mchus za ba dang de dag kyang de bzhin du 'bras bu de nyid la za bar byed do/ /pad ma'i tshal ga la bar de rnams la gnas par bya ba'i phyir 'dong ba dang de dag kyang de bzhin du de rnams dang lhan cig</font><hr>64.258a<br><font size=+1>

phyogs de'i pad ma'i rdzing nyid du 'dong bar byed do/ /lhan cig spyod pa bya mo rnams ri'i rtse mo ga la bar 'dong ba dang de dag kyang mgul du skud pas btags pa bzhin du de rnams kyi dbang du gyur nas 'dong bar byed do/ /de bzhin du bung ba mo dag pad ma'i gsab gseb du 'dong ba dang bung ba rnams kyang 'dong la ri dgas mo rnams kyis kyang ri dgas dag dbang du byas/ lha mo rnams kyis kyang lha dag dbang du byas te/ de dag ni dbyar gyi dus su mtsho gcig tu chus gang bar gyur pa ltar shin du lhod lhod por thar bar dka' ba'i bcing bas bsdams pa/ 'di dag thams cad ni bud med kyi dbang du gyur par rig nas/ dge slong des 'di ltar tshigs su bcad de smras pa/ zhags pa'i nang na 'di dam ste/ /'di ltar bud med zhags pa dam/ /'di yis bcings pa'i mi rnams ni/ /srid pa'i btson rar rgyug par byed/ /zhags pas mgul bcings zhags min gyi/ /snying zhags bud med 'di mi bzad/ /snying gi zhags pas bcings pa yi/ /mi rnams sdug bsngal skal ba can/ /zhags pa bsreg cing gtub tu rung / /bud med zhags pa bsreg mi rung / /dmyal ba yi dgas dud 'gro'i nang / /'gro zhing rjes su 'gro bar byed/ /lus can tshogs su ldan pa la/ /zhags pa chen pos 'ching bar byed/ /de bzhin lus med sems 'di la/ /bud med zhags pas 'ching bar byed/ /gang gis skye bo 'ching byed pa/ /zhags pa de ni tshad gzung rung / /bud med kyi ni 'ching ba che/ /de ni tshad gzung mi rig go/ /'dis ni re shig dga' ba dang / /kun nas thar bar dka' ba yi/ /zhags pas bcings pa'i mi rnams ni/ /srid pa'i mtsho las mi 'grol lo/ /zhags pas mgul lam lus gcig cig /'ching byed gal te 'ching mi byed/ /bud med zhags pa chen po 'di/ /dbang po drug rnams 'ching bar byed/ /lcags sam shing ngam gres ma gang yin pa/ /'ching ba 'di ni dam par 'phags mi gsung / /</font><hr>64.258b<br><font size=+1>

blo zhan bu smad rnams la lta ba gang / /kun du chags pa'i sems ni dam/ /zhes gsung / de ltar dge slong de 'dod pa la smod par byed do/ /de nas lha de bud med mchog de rnams kyis kun nas dga' ba nyid kyi zhags pas bcings nas/ tshal dang nye ba'i tshal mthong na yid 'phrog pa rnam pa sna tshogs gang dag dpe bya bar yang sla ba ma yin pa de dag tu khrid do/ /de nas de ltar lha de dga' dgur spyod pa na res 'ga' pad ma'i tshal/ ngang pa'i pad ma'i tshal zhes bya ba der de lha mo'i tshogs kyis yongs su bskor nas 'gro bar byed do/ /pad ma'i tshal de yang lha dang lha mo'i tshogs mang pos yongs su bskor nas dga' bar byed pa/ 'dod pa'i yon tan lnga 'byor cing ldan par gyur pa rnams kyis dga' bar byed/ rtse bar byed/ dga' mgur spyod par byed do/ /lha mos yongs su bskor ba ris 'thun pa'i lha rnams sil snyan yan lag lnga dang ldan pa'i sgra 'byung ba chags su rung ba snyan pa lha thams cad 'thun par yid 'phrog par byed pa/ shin du 'dod pa ston par byed pas lhan cig dga' bar byed do/ /de rnams gser gyi ri gzhan la 'dzeg par byed de/ thams cad kyang nyams dga' ba rgya che zhing dga' bar byed pa'i yul gyi rjes su 'jug go/ /de dag de ltar dga' ba na blo 'di lta bu skye ste/ bdag cag kun phan tshun grogs su gyur pa yin te/ lha'i 'dun sa chos bzang gi bskyed mos tshal du dga' ston bya ba'i phyir 'dong ngo snyam mo/ /de nas lha dang lha mo'i tshogs kyis yongs su bskor ba de dag thams cad kha cig ni nam mkha' la 'dzegs nas 'gro/ kha cig ni ngang pa'i shing rta la zhon kha cig ni rma bya'i shing rta la zhon kha cig ni nam mkha' la bkad sa phub pa'i nang du zhugs/ kha cig ni gzhal med khang dang ra ba rnam pa sna tshogs su phye ba'i nang du zhugs nas/ brgya byin blta ba'i phyir lha'i 'dun sa chos bzang ga la ba der dong ngo / /sil snyan dang rol mo'i sgra dang glu dbyangs rnam pa sna tshogs kyis phyogs thams cad rab tu 'gengs shing brgya byin gyi gnas su phyin to/ /de rnams kyi glu</font><hr>64.259a<br><font size=+1>

dbyangs kyi sgra snyan pa dpe med pa de thos nas/ lha'i rgyal po brgya byin gyis chos bzangs na gnas pa'i lha rnams la smras pa/ kye grogs po dag dga' bar gnas pa'i lha 'di dag gang yin/ gnas ni gang na gnas/ de nas lha de dag gis de skad thos nas/ lha de rnams myur du shes par bya ba'i phyir de nas yang lha de rnams la myur du brtags nas/ brgya byin la smras pa/ brgya byin 'di ltar lha 'di rnams ni gnas ris 'thun pa na gnas pa lags te/ 'di brgya byin gyi zhal mthong bar bgyi ba'i slad du mchi'o/ /de nas brgya byin gyis de dag la 'di skad smras so/ /'di ltar yid rab tu dga' ba sil snyan dang rol mo'i sgra dang yo byad rnam pa sna tshogs dang ldan pa'i lha khyed rnams kyang ris 'thun pa'i lha rnams gang nas 'ong ba der dga' bar gnas par bya ba'i phyir bsur deng shig /brgya byin gyis de skad bsgo ba dang / chos bzangs na gnas pa'i lha lag na sil snyan dang rol mo rnam pa sna tshogs thogs pa me tog phreng ba dang phye ma dang byug pa dang do shal dang nor bu dang rgyan phreng 'phyang ba dpung pa rnams la dpung rgyan btags pa/ thor tshugs dang yid g.yos pa/ rin po che 'od gsal ba sna tshogs kyis lus brgyan pa/ ngo bo nyid kyis dkar sham nyid tu 'dug pa/ rin po che sna tshogs kyis lus gsal bar byas pa rnams ris 'thun pa'i lha dag ga la ba der dong ngo / /yid lhag par rab tu dga' ba de rnams phan tshun rdzu 'phrul gyis 'gran cing sil snyan dang rol mo'i sgra dang glu dbyangs rnam pa sna tshogs la mngon par dga' ba dag lha'i rgyal po brgya byin ga la ba der 'dong bar byed de brgya byin de'i gnas su dong ngo / /de nas lha'i rgyal po brgya byin khang bzangs ka ba 'bum rnyed yod pa'i nang na rgyal ba thob pa zhes bya ba'i seng ge'i khri la 'dug go/ /bde bar 'dug pa gzi brjid 'bar zhing lha 'bum snyed kyis bskor/ shin du legs par byas pa rnams kyi las dag la ni nye bar spyod/ gzi brjid ni nyi ma brgya bas lhag /lha'i rgyal por gyur gyis kyang bag yod pa la ni</font><hr>64.259b<br><font size=+1>

gnas te/ lha'i rgyal po de lta bu de mthong nas/ lha de dag thams cad yid bcu gyur tu rab tu dga' nas/ brgya byin la gsong por smra zhing bro gar byed rgod par byed la/ 'di ltar brgya byin la mngon par bstod pa'i tshigs su bcad pa/ chos spyod rtag tu zhi ba dang / /gang dag yul gyis mi gtse ba/ /lha rnams dang ni 'jig rten bcas/ /lha rgyal brgya byin rtag tu skyongs/ /chos kyis 'jig rten rnams 'chos kyi/ /chos ma yin pa ga la zhig /chos spyod rtag tu bde dang ldan/ /de las bzlog na bde ldan min/ /chos spyod pa yang ye shes la/ /nges par bsten pa bde ba lags/ /'tshe ba med cing bden tshig smra/ /de yang gcig tu bde ba lags/ /'jig rten yon tan gang lags dang / /'jig rten 'das pa'i yon tan gang / /de dag thams cad ma lus par/ /sum bcu gsum dbang brgya byin mnga'/ /'jigs pa rnams kyi skyabs mdzad cing / /sdug bsngal rnams kyi rtag tu rten/ /lha dang lha min mir bcas pa'i/ /'jig rten de yang 'dzin mdzad pa/ /de ni rgyal po brgya byin lags/ /dri ma dang ni skyon rnams bsal/ /bdag nyid sdig pa gsum bsal cing / /dkon mchog gsum la skyabs su gshegs/ /las 'bras gsum gyi de nyid mkhyen/ /byang chub gsum ni rab tu rtogs/ /bag med gnas su skyes gyur kyang / /bag med rnams la chags mi mnga'/ /dgra las rgyal zhing mdzad pa tshol/ /brgya byin skye dgu 'dzin par mdzad/ /de ltar lha gang yin pa de rnams kyi nang na blo gros mchog dang ldan pa brgya byin de la ris 'thun pa'i lha de rnams kyis mngon par bstod par byed do/ /de nas brgya byin gyis lha de rnams mthong nas tshig 'jam po bzang pos bstod par byed cing ston par byed de/ 'di ltar lha khyed rnams ni bag med pa la gnas pa yin no/ /legs pa thams cad kyi nang na ni bag yod pa ni gter ba yin la/ bag med pa ni don med pa yin no/ /de nas lha de rnams kyis yun ring mo zhig tu brgya byin la mngon par bstod nas gang nas 'ongs pa</font><hr>64.260a<br><font size=+1>

de nyid nas nam mkha' la 'gro bar byed de/ sngar ji ltar 'ongs pa bzhin brgya byin snga la lha de rnams phyi nas dong ngo / /de nas brgya byin 'di snyam sems te/ kye ma bag med pa la gnas pa'i lha rnams ni 'chi ba'i sdug bsngal khong du ma chud de/ 'di rnams skyo ba bskyed par bya ba'i phyir/ bdag gi gor ma chag par sprul pa zhig bya'o snyam mo/ /de nas brgya byin gyi rdzu 'phrul gyis srid pa bar ma pa'i sprul pa byas pa gang yin pa de dag lha rnams la bstan te tshal dang nye ba'i tshal dang ri'i zom dang pad ma'i tshal rnams su yo byad mkho ba nye bar bsten pa gang yin pa de dag gis lhan cig rtses glu blangs dga' bar byas shing dga' mgur spyad pa dang byad gzugs che zhing 'od lhag par bzang ba de dag 'chi zhing dbang phyug dang lha mo'i 'khor rnams kyis ni btang / dbang thang thams cad dang skal ba bzang po thams cad ni zad/ bzhin ni mog mog por gyur/ sems can dmyal bar skye bar 'gyur ba gang dag lag ris ni lag pa rgyab tu bcings/ rtag tu ngus pa'i mig dang bzhin mchi mas ni gsher/ du ba 'thul ba'i mun pa dang mes ni yongs su bskor/ gshin rje'i mi rnams kyis spyo brgyad cing / shin du bkres pa dang skom pas gdungs pa'i bzhin 'jigs pa nyam nga ba chen por ni bdas/ lus tshal shing bsregs pa lta bu dag /mi shin tu 'jigs 'jigs ltar 'dug pa rnams kyis ded par byed pa na/ mi sdug par sgyur ba cha byad sna tshogs ni thogs/ lus dang gzugs rnam pa sna tshogs su 'dug pa'i lag pa dag na ral gri dang dbyug pa dang zhags pa ni thogs/ gzhan dag ni lha'i 'jig rten der 'gro bar byed la/ gzhan dag ni 'babs par byed pa de rnams kyis ri rab de la kun nas khyab par lhags nas/ de rnams kun nas 'ong bar byed cing 'jug par byed do/ /zhugs pa gang yin pa de dag gis lha rnams bzung nas/ zhags pa rnam pa sna tshogs kyis bcings te thur du khrid par byed la/ rgya lcag rnams kyis kyang</font><hr>64.260b<br><font size=+1>

rdob par byed spyo bar byed/ me'i phreng ba 'bar ba 'khrigs pa'i tshogs kyis gdung bar byed pa de bzhin du sems can dmyal ba ga la ba der 'gro bar byed do/ /gshin rje'i mi lag na zhags pa thogs shing / khro ba de dag phan tshun du 'di ltar gshin rje'i pho nya rnams rings par shog rings par shog /bag med cing bag med par gnas pa'i lha 'di dag ji ltar yang yang bag med par mi 'gyur ba 'am bag med par mi gnas pa de ltar sems can dmyal ba rnams kyi nang du bdag cag gis gdul bar bya'o zhes smra ste/ de ltar ha ha zhes sgra 'don cing / ri'i rgyal po ri rab kyi nam mkha' las 'bab par byed do/ /de nas steng dang 'og dang ngos kyi gnas de dag thams cad brgya 'am stong 'am khri 'am bye bar 'joms shing kun gyis nam mkha' de bar mtshams med par khyab par 'khod nas/ 'phel ba dang 'grib par byed cing 'di ltar khyed rnams kyis 'dod pa myong ba dang yan lag lnga dang ldan pa gang yin pa de dag gshin rje'i mi'i zhags pa rnams kyis bcings nas/ gshin rje'i 'jig rten du rta'i shugs bzhin du khrid pa na/ khyed la phan pa ci byed ces kun nas spyo bar byed do/ /de ltar sems can dmyal bar skye ba gang yin pa de dag de bzhin du ris 'thun pa'i lha legs par byas pa'i sems dang ldan pa de rnams kyis mthong ngo / /de nas srid pa bar ma pa'i lha gang yin pa de dag la 'di ltar gshin rje'i mi rnams kyis tshigs su bcad de smras pa/ 'dod pa rnams la chags pa'i blos/ /khyed kyis legs byas ma spyad pa/ /gang yin bde dang bral ba de'i/ /'bras bu 'di ni nye bar gnas/ /bag med pa la dga' ba'i lha/ /bya ba rnams la 'jug byed gang / /de ni phyi nas 'chi ba'i tshe/ /rang gi sems kyis gdung bar byed/ /ji ltar dbang po lnga dag las/ /byung ba'i bag med sreg par byed/ /de ltar me yis sreg mi byed/ /mtshon chas kyang ni gcod mi byed/ /ji ltar bde gzhi sdug bsngal la/ /de ltar bshes gzhi dgrar 'gyur ba/ /bag med bsten las 'byung 'gyur</font><hr>64.261a<br><font size=+1>

te/ /de bas de ni yongs su spongs/ /bag med sred dang 'dres pa dang / /'dod chags de yi rjes 'brel pa/ /dgra gsum 'di ni mi bzad de/ /mi yi bde ba 'jig par byed/ /rgod pa dang ni sdig par 'dre/ /le lo de bzhin rkam chags nyid/ /tshul khrims dag kyang spong byed pa/ /de dag sems can dmyal ba'i rgyu/ /tshul khrims gang zhig bde la bsil/ /yongs su gyur pa 'ang bsil ba la/ /rtag tu rmongs pa mi sten na/ /de ni phyis nas yongs su gdung / /chang 'thung de bzhin 'tshe ba dang / /gzhan gyi bud med mngon par dga'/ /chags shing blo gros 'thab pa nyid/ /de ni sems can dmyal ba'i rgyu/ /phra ma sdig dang 'dre ba dang / /yang dag sdom med log par lta/ /sems la cal col mang ba nyid/ /mi ni rtag tu 'jigs par byed/ /brnab sems tshig rtsub bcas pa dang / /mngon pa'i nga rgyal log par smra/ /de ni 'jig rten 'dir mi phan/ /pha rol tu yang phan mi 'gyur/ /dge ba rnams kyis rtag tu spong / /mi dge rnams kyis sten byed pa/ /las 'di la ni ma dad na/ /don med rnams kyi gzhi 'di yin/ /sems can rnams kyi bde sdug gang / /las kyi 'bras bu ma rig la/ /rgyu 'bras la ni rmongs pa de/ /phyi nas gdung bas gdungs par 'gyur/ /gang zhig log par smra la brtson/ /rtag tu mkhas ltar nga rgyal can/ /phyi nas nyon mongs byung ba'i tshe/ /de yis las kyi 'bras bu rtogs/ /gang zhig 'jig rten 'dir 'khyam zhing / /gang zhig sdug bsngal des bying ba/ /ma rig pa yis de bskyed ces/ /de bzhin gshegs pa rnams gsung ngo / /de ltar brgya byin gyis sprul pa'i gshin rje'i mi de rnams srid pa bar ma de dag la gtam rjod cing spyo bar byed do/ /de nas yang brgya byin de lha de rnams la gang dud 'gro rnams kyi nang du skye ba'i sprul pa ston par byed do/ /de rnams kyi srid pa bar ma par de dag dang tshul 'thun pa gzugs brnyan du gyur pa/ de dang 'thun pa rgya'i 'bur ltar gyur pa/ srid pa bar ma pa'i gzugs rnam pa du ma dag byung ste/ de dag gcig la gcig</font><hr>64.261b<br><font size=+1>

za ba dang gsod pa dang ngo bo yod pa dang ngo bo med par byed pa dang 'jigs pa chen po skyed pa na/ der lha yid rmongs pa gang yin pa de dag gis mthong ngo / /de nas yang brgya byin de lha de rnams la gang yi dgas rnams kyi nang du skye ba'i sprul pa ston par byed de 'di lta ste/ lus bkres pa dang skom pas gdungs pa/ bzhin rtag tu skras mun par khebs pa/ bzhin shin du 'jigs 'jigs ltar 'dug pa/ lus tshal shing bsregs pa ltar 'dug pa/ bya rog dang 'ug pa rnams kyis mig dang rna ba dang sna dang lce btogs pa dag lha'i 'jig rten de nas 'og gi nam mkha' de la ltung bar mthong ngo / /de ltar lha de rnams kyis sprul pa shin du 'jigs 'jigs ltar 'dug pa/ rab tu dngangs par byed pa de dag mthong ba dang / de rnams kyis brgya byin de la bltas nas smras pa/ brgya byin sngon ma mthong ba'i lha ma yin nam/ de dang tshul 'thun pa gzhan rnams kyis/ lha 'di dag la lag ris phyin ci log tu bcings nas khrid na ci ste btang snyoms su bzhugs/ ri rab ma lus par khyab pa lha ma yin gyi gzugs 'di dag ni/ sngan chad lha dang lha ma yin thams cad g.yul 'gyed pa na bdag cag gis ma mthong ste/ gnas 'dir ni sngon chad lha ma yin kun lan 'ga' yang ma mchis pa lags na/ brgya byin ci chos nyams lags sam/ 'di ltar 'jig rten skyong ba dag sum bcu rtsa gsum gyi dbang phyug khyod dang bdag cag la dus dus su sgrol ba lags na/ 'jig rten na phar 'dzin pa dang mar 'dzin pa dang dge sbyong du 'dzin pa dang bram zer 'dzin pa dang rigs kyi rgan rabs la ri mor bgyid pa dag ma mchis sam brgya byin 'jig rten na sangs rgyas mchod pa ma mchis sam chos mchod pa ma mchis sam/ dge 'dun mchod pa ma mchis sam rgyu dang 'bras bu'i de kho na nyid 'tshal ba ma mchis sam ci na lha 'di rnams shin du 'jigs par bgyid/ sum bcu rtsa gsum gyi dbang phyug glang po che'i rgyal po sa srung gi bu la bcibs la g.yul bsham du gsol/ </font><hr>64.262a<br><font size=+1>

lha mtshon cha sna tshogs thogs pa rnams go bskon du gsol/ rnga bo che brdung du gsol/ khyod dang bdag cag g.yul du cha bar bgyi'o zhes ris 'thun pa'i lha kha cig brgya byin la de skad smra la/ gzhan kha cig ni ngo mtshar che ba 'di dag mthong nas yid shin du mi dga' la/ rab tu 'jigs pa'i mig dang bzhin mog mog por gyur nas brgya byin nyid la skyabs su song ste/ lha'i dbang po bdag cag gi gnas 'dir sngon ma mthong ba'i lha ma yin rnams mchis kyis bdag cag bskyab du gsol/ bdag cag bskyab du gsol zhes smra'o/ /de ltar 'jigs pas dkrugs pa gzhan dag brgya byin gyi drung du dong nas smras so/ /lha gzhan dag phyis dge bar 'gyur ba gang yin pa de dag gis sprul pa de mthong nas/ de nas yang snying 'jigs pa rnams lha'i 'dun sa chos bzangs ga la ba der brgyugs so/ /yang mtshon cha don du gnyer ba gzhan dag gis ni tshal dang nye ba'i tshal rnams su brgyugs so/ /der mtshon cha don du gnyer ba gang yin pa de dag gis sprul pa de mthong yang brgal ba 'am gzung bar mi nus te mthong ba kho nar zad de dper na me long gi nang na gzugs brnyan mthong yang gzung ba 'am brgal bar mi nus pa bzhin no/ /brgya byin des sprul pa gzhan byas pa ni ji ltar lha ma yin gyi gtso bo sgra gcan dang brtan pa la sogs pa de ltar 'dren par byas te/ gtso bo thams cad lag ris lag pa phyin ci log tu bcings nas rgya lcag rnams kyis 'ju bar byed/ mtshon cha rnams kyis gsheg par byed cing spyo bar byed do/ /lag ris lag pa phyin ci log tu bcings pa de dag snying rje rje skad du/ ngu skad 'byin cing smre sngags 'don te/ lha ma yin rnams la yang lha rnams kyis sdug bsngal sprul pa de'i nang na snang ba gang yin pa de dag stong 'gyur du snang ngo / /de dag gis kyang sprul pa gang yin pa de mthong ba dang / yang dang yang shin du 'jigs skrag cing ngo mtshar dang 'dres pa rnams/ de nas yang lha'i rgyal po brgya byin de ga la ba der dong nas/ de dag gis yang brgya byin</font><hr>64.262b<br><font size=+1>

la smras pa/ brgya byin shin du dpung che ba 'di dag su lags/ shin du spro ba che ba 'di dag su lags/ 'di ltar lha dang lha ma yin gtso bo gang lags pa de dag gi lag ris lag pa phyin ci log tu bcings nas khrid par bgyid la/ rdeg par bgyid/ gsod par bgyid/ spyo bar bgyid pa dang shin tu spu zing zhes bgyid pa ngo mtshar che ba 'di dag ci lags/ brgya byin bdag cag dang nye ba na mchis pa 'di dag su lags mkhyen tam/ lha dang lha ma yin gzhig par bgyi ba'i slad du lhags pa 'jig rten thams cad gzhom par bgyi ba la brtson pa/ 'di dag bdag cag yong ye glo bar ma chud na su lags/ gal te mkhyen na 'di dag bdag cag la bka' stsal du gsol/ ji ste mi mkhyen na de dag la lan ci bgyi ba dgongs su gsol// //'phags pa dam pa'i chos dran pa nye bar gzhag pa/ bam po bzhi bcu gcig pa/ de nas brgya byin 'di snyam du sems te/ bag med pa la gnas pa'i lha 'di dag ni de kho na nyid khong du chud pa la skyabs su 'gro ba la yang brtson pa ma yin no/ /de rnams kyi dregs pa bsal bar bya ba'i phyir ngas sprul pa 'di dag byas par zad de/ da 'di rnams yid byung dang sems las su rung bar 'gyur la/ sems shin du las su rung ba'i lha gang yin pa de rnams la da bdag gis bshad par bya'o snyam mo/ /de nas sems las su rung bar rig nas brgya byin des smras pa/ 'di ltar nyon cig /shin du dpung che ba gzugs shin du bzod par dka' ba kun nas gzhan 'joms par byed pa gang yin pa 'di dag ni/ lha 'di dag thams cad kyi dpung rnams kyis phyir gzhil ba 'am/ sngags rnams kyis kyang phyir bzlog par mi nus so/ /khyed pas khyad par du 'phags pa gzhan gang yin pa de dag gis kyang 'di dag la mi bzod na/ gang byad gzugs dang mdog dang dbang phyug dman pa khyed lta smos kyang ci dgos/ gshin rje'i pho nya 'di dag ni pho nya nag po zhes bya ste/ gang 'chi ba'i dus la nye bar gnas pa las dang</font><hr>64.263a<br><font size=+1>

nyon mongs pas sbrel ba'i srog chags rnams bcings nas/ sems can dmyal ba dang yi dgas dang dud 'gro rnams kyi nang du khrid par byed do/ /'di ni 'khor ba thams cad tu gtogs pa'i sems can thams cad kyi chos nyid tu gnas pa yin no/ /'khor bar gtogs pa'i sems can rnams kyi chos brgyad yod de brgyad gang zhe na/ skyes nas 'chi ba ni gnas dang po yin no/ /nad med pa na ba ni gnas gnyis pa yin no/ /lang tsho rga ba ni gnas gsum pa yin no/ /ldan pa las mi ldan pa ni gnas bzhi pa yin no/ /'jig rten ni las bdag gir bya ba las kyi bgo skal la spyod pa las la rton pa yin te/ ji lta ji ltar dge ba 'am sdig pa byed pa de lta de ltar las dag la spyod par 'gyur ba ni gnas lnga pa yin no/ /dga' ba dang yid du 'ong ba 'di dag thams cad las dngos po tha dad pa dang dngos po med pa dang dmas pa dang mi ldan pa dang bral ba 'di ni gnas drug pa yin no/ /'jig rten na mi slu ba ni gzhan gyis bsod nams sam sdig pa byas pa gzhan la 'gro bar 'gyur ro zhes bya ba 'di ni gnas med la chos nyid 'di ni 'gro ba la mi slu ba yin te/ 'di ni gnas bdun pa yin no/ /'gro ba bag med pa dag res 'ga' dge bar 'gyur ro zhes zer ba 'di ni gnas med de/ gnas brgyad po gang rnams kyis 'khor ba 'dir 'jug pa'i gnas ni brgyad po 'di dag yin no/ /'di ltar chos 'di rnams ni ngo bo nyid tu gnas pa yin te/ rgyu rkyen las byung ba 'di dag ni mgyogs pas bzlog pa 'am dpung gis phyir bzlog par mi nus so/ /de bzhin du gshin rje'i mi 'di dag dpung ngam mgyogs pas bzlog par mi nus la gzung bar yang mi nus te/ 'di ni 'khor ba thams cad kyi chos yin no/ /gang dag sdig pa byed pa de dag la 'di dag gis gshin rje'i 'jig rten du chad pas gcod par byed de/ lha dang lha ma yin dang sems can dmyal ba dang gnod sbyin dang srin po dang sha za dang klu la sogs pa sems can dmyal ba dang yi dgas dang dud 'gro'i nang du skyes pa'i sems can rnams la 'di dag</font><hr>64.263b<br><font size=+1>

rnam pa du mar chad pas gcod par byed do/ /de nas lha rnams kyis brgya byin la 'di skad smras so/ /brgya byin 'di ltar thabs kun gyis bdag cag 'di dag gi dbang du mchi bar mi 'gyur ba'i thabs bsgrub pa de mkhyen lags sam/ de nas brgya byin gyis de'i tshe lha de rnams la 'di skad smras so/ /thabs yod de thabs gang gis lha rnams la 'di dag gis cung zad kyang byar mi nus so/ /lha rnams kyi thabs de yang gang zhe na 'di lta ste/ chos gcig cig spang bar bya ste/ 'di lta ste bag med pa'o/ /chos gnyis shig bsgom par bya ste/ zhi gnas dang lhag mthong ngo / /skyon gsum zhig spang bar bya ste 'di lta ste/ 'dod chags dang zhe sdang dang gti mug rnams so/ /'phags pa'i bden pa bzhi shes par bya ste/ sdug bsngal dang kun 'byung dang lam dang 'gog pa ni sdug bsngal 'gog pa'o/ /lnga zhig don du legs par srung zhing de kho na nyid yongs su shes par bya ba ni 'di lta ste/ gzugs la sogs pa yul lnga'o/ /drug cig legs par bsrung bar bya ba ni 'di lta ste dbang po drug go/ /bdun zhig legs par shes par bya ste/ byang chub kyi yan lag bdun no/ /lam brgyad kyis 'gro bar bya ste/ yang dag pa'i rtog pa la sogs pas so/ /sems can dgu'i gnas yongs su shes par bya ste/ de rnams kyi las kyi 'bras bu thob pa'o/ /bsgom pa bcu gcig shes par bya/ skye mched bcu gnyis shes par bya/ dran pa bcu gsum dran par bya/ sems kyi rnam pa bcu bzhi bsgom par bya/ dngos po bcu lnga yongs su shes par bya/ dbugs 'byung ba dang rngub pa dran pa rnam pa bcu drug shes par bya/ srid pa bar ma pa'i 'gro ba dang 'brel pa zag pa bcu bdun spang bar bya/ khams bcwa brgyad kyi mtshan nyid yongs su shes par bya/ srid pa bar ma pa'i bcu dgu yongs su shes par bya/ 'dod pa'i khams su nye bar 'gro bar sems can gyi gnas nyi shu dang de dag gi 'gro ba dang ris dang nyon mongs pa 'byung ba rnams yongs su shes par bya ste</font><hr>64.264a<br><font size=+1>

de dag shes na lha 'am mi dag ngan song gi gnas gsum du de rnams kyi dbang du mi 'gyur te de dag 'jug pa'i yul ma yin no/ /dge ba'i chos thams cad bskyed par bya ba'i phyir/ lha 'am mi'i dge ba'i rtsa ba yang dag par bzung ba la ngan song gi 'jigs pa mi 'byung ba la 'chi ba'i tshe yang / gshin rje'i mi byad mi sdug par bsgyur ba 'jigs pa bskyed par mi byed do/ /de lta bas na dang po kho nar bag med pa yongs su spang bar bya ste/ de ni phyogs dkar po thams cad kyi bgegs su 'gyur pa yin no/ /skyes bu'i 'jig rten pa'i don yang ma yin la/ 'jig rten las 'das pa'i bde ba'i skal bar yang mi 'gyur ro/ /sems bag med pa'i dbang du 'gyur ba'i mi phyugs dang mtshungs te/ gnyid ma log kyang gnyid log pa nyid dang mtshungs so/ /don dang don ma yin pa dang bsod nams dang bsod nams ma yin pa dang gshin gnyen dang bshes gnyen ma yin pa dang zhing dang zhing ma yin pa dang brjod par bya ba dang brjod par bya ba ma yin pa dang zas dang zas ma yin pa dang yon tan dang skyon yin pa mi shes pa yin te/ de lta bas na thams cad don med par byed pa'i gzhir gyur pa/ dang po kho nar bag med pa yongs su spang bar bya'o/ /shin du bag med pa'i lha de dag gshin rje mi'i dbang du ci ste mi 'gyur/ de nas de'i tshe brgya byin gyis 'di ltar tshigs su bcad de smras pa/ blun po chos la mi dga' zhing / /rtag tu bag med dga' ba gang / /de ni 'chi ba'i dus bag tshe/ /gshin rje'i pho nya'i dbang du 'gro/ /bag med pa ni dug lta bur/ /mkhas pa yongs su srung ba gang / /de ni 'chi ba'i dus bab tshe/ /skal ba ldan pa bde bar 'gyur/ /bag med shin du 'chi bar byed/ /bag yod pa ni bde ba che/ /de lta bas na bde 'dod pas/ /yid la rtag tu bag yod byos/ /de la lha dag chos gcig spang bar bya ste/ 'di lta ste/ bag med pa'o zhes gang smras pa/ bag med pa la zhugs pa de ni rnam pa drug yod de/ drug gang zhe na/ 'di ni mig gis gzugs mthong nas bag</font><hr>64.264b<br><font size=+1>

med pas phrogs pa'i sems kyis gzugs bzang po 'am gzugs ngan pa 'am nag po 'am dkar po 'am dmar po 'am ring po 'am thung ngu 'am gru bzhi 'am zlum po dag gi de kho na nyid khong du mi chud do/ /de bzhin du bag med pas phrogs pa'i blos/ 'jig rten pa'i de kho na nyid kyang khong du mi chud la/ bag med pas phrogs pa'i blos 'jig rten las 'das pa'i yang khong du mi chud do/ /de bzhin du bag med pas phrogs pa'i blos gzugs de nyid mthong nas ji lta ba bzhin khong du mi chud la/ lus la lus kyi rjes su lta bar yang mi 'gyur ro/ /'phags pa'i bden pa bzhi la mngon par zhugs pa'i yid kyis gzugs de la dpyod par mi byed/ de kho na tshol bar mi byed do/ /de bzhin du bag med pas 'jig rten pa'i don yang mi mthong la/ 'jig rten las 'das pa yang mi mthong ngo / /yang de bzhin du de bag med pas phrogs pa'i blos rna bas sgra thos kyang / glu blangs pa 'am smras pa 'di'i don gang yin pa 'am rang gi don nam don med pa mi shes te/ de ltar 'jig rten pa'i don mi shes so/ /chos mdo'i sde dang tshigs su bcad pa'i sde dang dbyangs kyis bsnyad pa'i sde dang lung du bstan pa'i sde dang ched du brjod pa'i sde dang gleng gzhi'i sde dang rtogs pa brjod pa'i sde dang de lta bu byung ba'i sde dang skyes pa rabs kyi sde dang shin du rgyas pa'i sde dang rmad du byung ba'i sde dang rnam par gtan la dbab pa bstan pa'i sde 'chad pa 'di ni mi shes la/ des bshad pa de'i don yang shes par mi 'gyur ro/ /bag med pas phrogs pa de 'chi ba'i dus na gshin rje'i mi'i dbang du 'gyur ro/ /yang bag med pas phrogs pa'i sems kyi snas dri snom pa na dri zhim pa 'am dri nga ba 'am me tog gi dri mi shes so/ /de bzhin du 'jig rten pa'i dri yang mi shes la/ 'jig rten las 'das pa'i yang mi shes so/ /bdug spos kyi dri yang mi shes la/ de'i tshe bag med pa des dkon mchog gsum la res 'ga' yang bdug spos dbul ba ma phul te/ de ltar bag med pa dag dri mi shes so/ /</font><hr>64.265a<br><font size=+1>

yang bag med pas phrogs pa dag ro shes par mi 'gyur te/ ro myong bar byed pa na yang blo gzhan du zhugs pas ro 'di mngar ba 'am skyur ba 'am lan tshwa 'am tsha ba 'am kha ba 'am bska ba 'am ba tsha gang yin pa mi shes pa ni de ltar gzhan du phrogs pa'i blos mi shes so/ /bag med pas phrogs pa'i blos 'jig rten las 'das pa'i ro yang mi shes la chos kyi ro yang mi shes so/ /yang bag med pas phrogs pa'i blos lus kyi reg pa yang mi shes la/ lus la rten pa'i las kyang mi byed/ las kyi mtha' la yang mi rten/ legs par bya ba yang ma byas/ de'i khyim gyi yo byad kyang mi sogs pas de'i khyim dbul bar 'gyur ro/ /'jig rten las 'das pa'i las kyang mi byed/ bla ma rnams la yang mi sten cing / gsong por smra ba dang phyag 'tshal ba'i ngo bo nyid ma yin te/ bag med pas phrogs pa'i blos ni reg pa yang mi shes so/ /de bzhin du yid kyis kyang gtsang ba dang mi gtsang ba dang / dge ba dang mi dge ba dang lung du bstan pa dang lung du ma bstan pa'i chos rnams mi shes la/ de shi ba'i tshe 'chi ba'i chad pas nyen nas shin du sdug bsngal te/ gshin rje'i mi'i dbang du 'gyur ro/ /de lta bas na chos gcig cig spang bar bya ba ni 'di lta ste/ bag med pa yin no/ /chos gnyis bsgom par bya ste/ zhi gnas dang lhag mthong ngo zhes gang smras pa/ de gnyis ni mya ngan las 'das pa'i lam ston pa shin du gya nom pa'o/ /de la zhi gnas zhes bya ba ni chos skyes pa dang ma skyes pa rnams zhi bar byed pa yin no/ /lus dang chos dang sems dang sems kyi chos dang sems med pa'i chos dang phyogs dkar po dang phyogs nag po mthong bas lhag mthong ngo / /skyon gsum spang bar bya'o zhes gang smras pa/ de la mi gtsang bas ni 'dod chags spang bar bya'o/ /byams pas ni zhe sdang spang bar bya'o/ /ye shes kyis ni gti mug spang bar bya ste de ltar phyogs gsum mo/ /phyogs gsum gyi gnyen po yang gsum ste de dag kyang bag </font><hr>64.265b<br><font size=+1>

med pas spong bar mi byed do/ /de phyis 'chi ba'i dus yang dag par byung ba na gshin rje'i mi'i dbang du 'gyur ro/ /'phags pa'i bden pa bzhi gang zhe na/ 'di lta ste/ sdug bsngal ba dang kun 'byung ba dang 'gog pa dang lam mo zhes gang smras pa/ de la sdug bsngal ba ni lus dang sems kyi'o/ /kun 'byung ba ni phung po dang khams dang skye mched rnams kyi kun 'byung ba'o/ /'gog pa ni zhi ba'o/ /lam ni yan lag brgyad de/ 'phags pa'i bden pa bzhi po 'di dag bsgom par bya'o/ /lnga zhig legs par bsrung bar bya'o zhes gang smras pa yul lnga ste/ gzugs dang sgra dang dri dang ro dang reg bya 'di lnga bsrung bar bya ba yin no/ /de kho na nyid yongs su shes par bya ba gang yin zhe na/ bsrung bar bya ba drug po 'di lta ste/ mig la sogs pa dbang po drug yul rnams la bsrung bar bya ba yin no/ /bdun zhig legs par shes par bya ba gang smras pa/ gang zhe na 'di lta ste/ byang chub kyi yan lag bdun yin te bdun po de byang chub kyi yan lag tu 'gyur ro/ /dper na lus kyi yan lag dang grong khyer gyi yan lag dang gnas kyi yan lag tu 'gyur ba de bzhin du 'di dag byang chub kyi yan lag tu 'gyur ro/ /de dag kyang gang zhe na 'di lta ste/ dran pa yang dag byang chub kyi yan lag dang / chos rnam par 'byed pa yang dag byang chub kyi yan lag dang / brtson 'grus yang dag byang chub kyi yan lag dang / dga' ba yang dag byang chub kyi yan lag dang / shin du sbyangs pa yang dag byang chub kyi yan lag dang / ting nge 'dzin yang dag byang chub kyi yan lag dang / btang snyoms yang dag byang chub kyi yan lag go/ /de la dran pa yang dag byang chub kyi yan lag gi mtshan nyid ci yin zhe na 'di lta ste/ 'dus byas kyi chos kyi nyes dmigs kyi chos de kho na nyid bden pa bden par dran pa dang mya ngan las 'das pa zhi ba bsags par dran pa yin te/ de ni dran pa yang dag byang chub kyi yan lag de'i dang po yin no/ /chos rnam par 'byed pa yang dag byang chub kyi yan lag</font><hr>64.266a<br><font size=+1>

gnyis pa de'i mtshan nyid ci yin zhe na 'di lta ste/ shes rab kyis don dam par 'byed par byed do/ /'byed pa zhes bya ba ni chos rnams kyi de kho na'i mtshan nyid yin te/ 'di ni chos rnam par 'byed pa yang dag byang chub kyi yan lag yin no/ /don de dag nyid yang dang yang yid la byed cing 'bad pa dang 'grus pa dang brtson par 'gyur te/ de ni brtson 'grus yang dag byang chub kyi yan lag yin no/ /yang yid la byed par mngon par 'dod cing dga' ba nyid du 'gyur ba ni/ dga' ba yang dag byang chub kyi yan lag yin no/ /yang don de dag nyid yid la byed cing lus kyi chos dang sems kyi chos nyid ji ltar de las su rung ba nyid dang 'jam pa dang yang de ltar rnal 'byor la bde ba 'du ba nyid tu 'gyur ba ni/ shin du sbyangs pa yang dag byang chub kyi yan lag yin no/ /yang don de dag nyid yid la byed cing dmigs pa las gzhan du mi gnas pa des sems 'dzin par 'gyur ba ni/ ting nge 'dzin yang dag byang chub kyi yan lag yin no/ /yang ting nge 'dzin de dag nyid btang snyoms su blo gzhan du mi 'gyur ba ni btang snyoms yang dag byang chub kyi yan lag yin no/ /byang chub kyi yan lag gi 'bras bu sna tshogs su 'byung ste/ ye shes sna tshogs dang tshul khrims sna tshogs dang nyon mongs pa spong ba sna tshogs 'byung ngo / /byang chub kyi yan lag 'di rnams dmigs pa gcig la gong nas gong du rim par 'phel la 'bras bu ni tha dad par 'byung ngo / /lha dag de ltar byang chub kyi yan lag bdun la bag yod pas blta bar bya'o yid la bya'o/ /'di la myos pa med pa'i bde ba tshol ba 'jig rten pha rol la 'jigs skrag pa/ mya ngan las 'das pa'i grong gi lam tshol ba'i 'phags pa'i lam yan lag brgyad pa ni/ 'phags pa'i bden pa yang dag pa'i lta ba dang 'phags pa'i bden pa yang dag pa'i rtog pa dang 'phags pa'i bden pa yang dag pa'i ngag dang 'phags pa'i bden pa yang dag pa'i las kyi mtha' dang 'phags pa'i bden pa yang dag pa'i 'tsho ba dang yang</font><hr>64.266b<br><font size=+1>

dag pa'i rtsol ba dang yang dag pa'i dran pa dang yang dag pa'i ting nge 'dzin to/ /lha dag de la 'phags pa'i bden pa 'di dag thams cad ci yin zhe na/ 'bras bu ni ci yod/ mtshan nyid ni gang yin/ 'phags pa'i lam yan lag brgyad pa ci zhig dang ldan zhe na/ de la 'phags pa'i bden pa yang dag pa'i lta ba ni yang dag pa ji lta ba bzhin lta ba yin te/ chos rnams kyi rang gi mtshan nyid dang spyi'i mtshan nyid la yang dag pa ji lta ba bzhin lta ba yin no/ /chos de dag nyid la sems skyed pa ni yang dag pa'i rtog pa'o/ /yang dag pa'i ngag bsdu ba ni yang dag pa'i rtog pas ngag gi sdom pa brdzun la sogs pa rnam pa bzhi ldog pa'i sdom pa 'di ni yang dag pa'i ngag yin no/ /lus kyis nyes par spyad pa rnam pa gsum ldog cing yang dag par len pa 'di ni yang dag pa'i las kyi mtha' yin no/ /mi dge ba'i chos kyi 'tsho ba ldog cing sdom pa 'di ni yang dag pa'i 'tsho ba yin no/ /don de dag nyid yid la byed cing brtson 'grus 'jug pa gang yin pa 'di ni yang dag pa'i rtsol ba yin no/ /chos kyi don de dag nyid yid la byed cing ji ltar skyes bu dam pa'i brjed pa med pa 'di ni yang dag pa'i dran pa yin no/ /chos kyi don yang dag pa de dag nyid yid la byed cing / sems rtse gcig pa nyid dang nges pa nyid tu byed pa gang yin pa de dag ni yang dag pa'i ting nge 'dzin yin no/ /'phags pa'i lam yan lag brgyad pa 'di dag la dmigs par byed pa gang yin pa de ni 'chi ba'i tshe/ gshin rje'i mi rnams kyi dbang du mi 'gyur ro/ /yang sems can dgu'i gnas rgya cher blta bar bya ste 'di lta ste/ tshor ba dang 'du shes dang sems pa dang reg pa dang yid la byed pa dang / 'dun pa dang mos pa dang dran pa dang ting nge 'dzin dang dad pa ste/ sa chen po pa chos gtso bo bcu po 'di dag ni sems dang lhan cig kho na skye bar 'gyur ro/ /de rnams kyi mtshan nyid yongs su shes par bya ba ni chos de'i mtshan nyid</font><hr>64.267a<br><font size=+1>

gang yin pa'i mtshan nyid ni tha dad pa yin la/ chos de dag ni nyi ma'i 'od zer ltar dus gcig tu 'byung ste/ chos de dag gi mtshan nyid ni mi mang mi nyung bar sems dang lhan cig 'byung ngo / /de la 'du shes ni yang dag par shes par byed pa'i mtshan nyid yin te/ chos rnams so so'i ngo bo'i mtshan nyid dang ldan pa yang dag par shes pa gang yin pa de 'du shes yin no/ /sems pa zhes bya ba ni dge ba dang mi dge ba dang lung du ma bstan pa rnam pa gsum la yid kyi g.yo ba'o/ /yang rnam pa gsum ste/ lus la rten pa 'am ngag la rten pa 'am yid la rten pa'i mtshan nyid yin no/ /gsum 'dus pa las reg pa myong bar 'gyur ba gsum 'byung ngo / /myong bar 'gyur ba gsum gyi gtso bo ji lta bu yin zhe na/ bde ba myong bar 'gyur ba dang sdug bsngal myong bar 'gyur ba dang sdug bsngal yang ma yin bde ba yang ma yin pa myong bar 'gyur ba'o/ /gtso bo yid la byed pa zhes bya ba ni chos rnams la 'jug pa yin no/ /'dun pa zhes bya ba ni bsam pa gang yin pa'o gtso bo mos pa zhes bya ba ni gang gis spobs pa skye bar 'gyur ba'i spobs pa yin no/ /dad pa zhes bya ba ni dad pa can nyid do/ /gtso bo brtson 'grus zhes bya ba ni spro ba'o/ /dran pa zhes bya ba ni dmigs pa mngon par brjod pa nyid de/ sems rmongs pa med pa'o/ /gtso bo ting nge 'dzin ces bya ba ni sems rtse gcig pa nyid do/ /shes rab ces bya ba ni chos rnam par 'byed pa yin te/ gang gis chos rnams rab tu rnam par 'byed par byed pa'o/ /gzhan yang sa chen po pa gzhan bcu yod la/ chos de dag sgrub pa gang yin pa de ni 'chi ba'i tshe/ gshin rje'i mi'i dbang du 'gyur te 'di lta ste/ ma dad pa dang 'gyod pa dang brjed ngas pa dang sems g.yengs pa dang shes rab 'chal pa dang tshul bzhin ma yin pa yid la byed pa dang log par mos pa dang rgod pa dang ma rig pa dang bag med pa'o/ /chos bcu po 'di dag ni nyon mongs pa'i sa chen po rnams yin</font><hr>64.267b<br><font size=+1>

te/ nyon mongs pa'i srid pa skyed pa gshin rje'i mis thob pa'i rgyu dag yin no/ /da ni gtso bo ji skad bshad pa bstan pa 'di rnams kyi mtshan nyid bshad par bya'o/ /de la ma dad pa zhes bya ba ni mos pa med pa yin te/ gang gis chos rnams la mos pa med pa'o/ /le lo zhes bya ba ni brtson 'grus gtong ba le lo nyid yin no/ /brjed ngas pa zhes bya ba ni chos rnams la mi dran pa gang yin pa'o/ /sems g.yengs pa zhes bya ba ni dmigs pa du mar 'gyur ba'o/ /shes rab 'chal pa zhes bya ba ni sems mi mkhas pa'o/ /tshul bzhin yid la mi byed pa ni lam ma yin pas chos rnams la tshul bzhin du sems par mi byed cing mi gtsang ba la gtsang ngo snyam du sems pa'o/ /gtso bo log par mos pa zhes bya ba ni log par 'dzin pa log par gzung nas dam du byed pa'o/ /gtso bo rgod pa zhes bya ba ni sems rnam par ma zhi ba'o/ /ma rig pa zhes bya ba ni khams gsum pa'i chos mi shes pa'o/ /bag med pa zhes bya ba ni gang gis dge ba'i chos rnams mi bsgrub pa yin te/ nyon mongs pa de rnams ni sa chen po pa'i chos dmad par bya ba yin no/ /chos bcu po gzhan sa chung ngu pa zhes bya ba gang yin pa 'byung ste/ de dag gang zhe na 'di lta ste/ khro ba dang 'khon du 'dzin pa dang ston pa dang 'tshig pa dang sgyu dang g.yo dang phrag dog dang ser sna dang nga rgyal dang lhag pa'i nga rgyal yin no/ /gtso bo chos bcu po 'di dag ni sa chung ngus bsdus pa yin la ma 'ongs pa dang ldan pa'i rkyen sa chung ngu pa yin no/ /de la khro ba zhes bya ba ni sems 'khrugs shing khros pa nyid yin no/ /'khon du 'dzin pa zhes bya ba ni dgra la dam du sems pa nyid yin no/ /ston pa zhes bya ba ni sdig pa gsum gyi 'chi ba'o/ /rab tu 'tshig pa zhes bya ba ni chos ma yin pa la dam du 'dzin pa'o/ /sgyu zhes bya ba ni slu ba yin te gang gis slu bar byed pa'o/ /skye mched bcu gnyis shes par bya zhes</font><hr>64.268a<br><font size=+1>

'byung ba de dag gi gtso bo gang yin zhe na mig dang rna ba dang sna dang lce dang lus dang yid de/ nang gi skye mched rnams dang / de dag gi gzugs dang sgra dang dri dang ro dang reg bya dang chos te phyi'i skye mched rnams yongs su shes par bya zhing / mtshan nyid dang ngo bo nyid dang 'byung ba shas che ba rnam pa gsum yongs su shes par bya'o/ /de la mig gi mtshan nyid ni 'byung ba chen po dang ba/ gzugs so sor rig par byed pa yin te de'i rgyu ni mig yin no/ /de bzhin du rna ba la sogs pa rang gi mtshan nyid yul gyi phyogs kyis khong du chud par bya ste/ de ni mtshan nyid yin no/ /gtso bo'i ngo bo nyid ji ltar shes par bya zhe na/ ngo bo nyid ces bya ba ni phyin ci ma log pa yin te/ rgyu dang rkyen lnga dag las mig gi rnam par shes pa 'byung ngo / /gang dag las 'byung zhe na/ mig dang gzugs dang snang ba dang nam mkha' dang yid la byed pa dag las 'byung la/ rna ba'i rnam par shes pa ni de ltar mi 'byung ste/ mun pa 'am mun pa ma yin pa la yang sgra thos par rung ngo / /de la snang ba gtso bo ma yin te cung zad kyang byed pa med do/ /sna dang lce dang lus dang yid la yang de bzhin du snang ba gtso bo ma yin te cung zad kyang byed pa med do/ /yid kyi rnam par shes pa la ni snang ba 'byung bar yang 'gyur la mi 'byung bar 'gyur ro/ /ji ltar 'byung bar 'gyur la ji ltar 'byung bar mi 'gyur zhe na/ mig gi rnam par shes pas don myong ba'i yid kyi rnam par shes pa 'byung ba gang yin pa'i dmigs pa de la snang ba med na 'byung bar mi 'gyur ro/ /lhag ma rnams la ni med kyang 'byung bar 'gyur ro/ /yang skye mched rnams la 'byung ba shas che ba med na mi 'byung ba yongs su shes par bya'o/ /med na mi 'byung ba ji ltar shes par bya zhe na/ 'byung ba chen po bzhi dag gi phan tshun gnas su gyur pa/ mngon par 'phel ba dang zad par 'gyur ro/ /de la mig la ni me dang sa'i khams kyi shas che'o/ /sna dang lus la ni rlung gi khams kyi shas che'o/ /lce la ni chu'i khams kyi shas</font><hr>64.268b<br><font size=+1>

che'o/ /rna ba la ni nam mkha'i khams kyi shas che ste/ de yang gang na mgul pa dang bu ga'i nam mkha' shas che bas zil gyis gnon par mthong ngo / /de ltar rna ba de'i 'dzin pa 'byung ste/ de ltar skye mched rnams kyi shas che ba dang chung ba so sor shes par bya'o/ /yang skye mched de rnams la rtog par byed de/ nye bar 'dzin pa ni gang zhig yin/ ring bar 'dzin pa ni gang zhig yin zhe na/ de la sna dang lce dang lus ni nye bar 'dzin pa yin no/ /mig ni ha cang ring ba yang ma yin/ ha cang nye ba yang ma yin par 'dzin pa yin no/ /rna ba ni ha cang ring bar 'dzin pa ma yin no/ /sna ni shin du nye bar 'dzin pa yin te/ shin du nye ba nang na yod pa'i sna chu dri mi zhim pa ji ltar myong ba rnams la snoM par byed do/ /de bzhin du rna ba yang nang du zhugs pa'i rlung gi sgra thos so/ /rnam par shes pa de dag thams cad kyang rnam par shes pa gnyis kyis shes te/ mig gi rnam par shes pa dang yid kyi rnam par shes pa'o/ /yang dag par 'brel ba de dag thams cad ni ji ltar me gang zhig la bud shing tha dad pa las me tha dad par 'gyur ba de ltar rnam par shes pa rnams kyang rgyu dang rkyen tha dad pa la rten pa las rnam par shes pa tha dad par 'byung ngo / /de ltar skye mched rnams kyi gtso bo shes pa gang yin pa de ni bag med pa la gnas par mi 'gyur zhing / de de rnams la chags par mi 'gyur/ slong bar mi 'gyur/ zhe sdang 'byung bar mi 'gyur ro/ /skyes bu dam pa ni 'chi ba'i tshe/ gshin rje'i mi rnams kyis 'jigs par mi 'gyur zhing bzhin mi sdug par bsgyur ba rnams kyis 'jigs par mi 'gyur/ lag ris lag pa phyin ci log tu bcings par mi 'gyur/ gshin rje'i 'jig rten mthong bar mi 'gyur/ sems can dmyal ba dang yi dgas dang dud 'gro'i nang du skye bar mi 'gyur ro/ /de bzhin du bde ba dang ldan par 'gyur zhing / mtha' las byung ba'i shin tu bde ba myong bar 'gyur la bag med pas phrogs par mi 'gyur ro/ /yang skye mched de</font><hr>64.269a<br><font size=+1>

dag nyid la mi rtag pa dang sdug bsngal ba dang stong pa dang bdag med pa'i gnas dang rten zil gyis gnon cing so sor rtog par byed pa ni bag med pa'i dbang du mi 'gyur ro/ /mig gi rnam par shes pa byung ba la yang gsob gsog snying po med pa sgyu ma lta bur rtog go/ /de zhig nas gzhan rna ba'i rnam par shes pa 'byung ba de nyid la yang / gsob gsog snying po med pa dang / de bzhin du nang gi skye mched drug dang phyi'i skye mched drug la so sor rtog par byed do/ /skye ba dang 'jig pa dag na 'dzin par byed pa/ ro myang ba dang bcas pa rnams la mi brtan pa dang gnod pa dang bcas pa dang rgyu dang rkyen gzhan dang gzhan dag las skyes pa yang dag pa ji lta ba bzhin rab tu shes pa de ni gzugs rnams kyis 'phrogs par mi 'gyur ro/ /de bzhin du myos pa med pa ni lha'i 'dod pa rnams la sems kun du g.yeng bar mi 'gyur na/ myi'i 'dod pa rnams lta zhig ga la 'gyur/ de nas brgya byin gyis de'i tshe/ 'di ltar tshigs su bcad de smras pa/ dge ba rnams la bgegs byed pa/ /skye mched khams la rmongs pa yin/ /chos rnams kun la bag med pa/ /rab tu 'jug pa yod pa yin/ /nyes pa gsum la rnam chags pa/ /ngan song sgor ni nye ba gang / /shin du rmongs pa sdig pa'i mchog /bag med rab tu 'jug par byed/ /byis pa bag med dga' ba gang / /de ni 'chi ba'i lag na gnas/ /bag med pa la rten pa gang / /de dag thams cad 'jigs par byed/ /chos gcig las ni rnam 'das shing / /chos gnyis la ni sems pa'o/ /gnas gsum mtshan nyid rig pa gang / /skye bo de ni bde skal ldan/ /gang tshe lha rnams bsod nams zad/ /bag med pa yis rnam par gtses/ /bde bas rmongs pa ltung ba gang / /de tshe de la su zhig skyob/ /de tshe chos gcig dge ba ni/ /bzod pa rgya cher yang dag ldan/ /gang tshe kun nas 'byung po la/ /bzod dang snying rjer ldan pa ni/ /'di dag 'chi ba'i dus kyi tshe/ /'jigs pa che la dpung du 'gyur/ /de bas bag med bral rnams kyis/ /</font><hr>64.269b<br><font size=+1>

rab tu bsgrims te bsten par bya/ /ma rig pa ni spangs na dge/ /rig pa rnams ni rtag tu bsrung / /rig pa ma rig rnam shes pa/ /mi de de yis gtse mi 'gyur/ /'di ltar skyes bu'i don nges te/ /gang zhig bag med spong ba yin/ /bag yod pa la dga' ba nyid/ /de ni skyes bu'i don 'dod do/ /bag med 'ching ba'i zhags yin la/ /de las grol ba bag yod pa/ /de dag mtshan nyid mdor bsdu na/ /'ching ba dang ni thar bar 'gyur/ /'di dag rig nas rtag tu lha/ /bag med rnams la chags pa gang / de ni phyi nas 'chi ba'i tshe/ /de yi 'bras bu de shes 'gyur/ /de ltar brgya byin gyis skye mched bcu gnyis kyi mtshan nyid bag med par 'gyur ba rgya cher lha rnams la ston te/ gang sngon dge ba'i rtsa ba bskyed pa/ bag med pa chung ba gang yin pa de dag ni bag med pa la shin du gnas par mi byed de/ chos bshad pa don yod par bya'o snyam nas de dag nyid khong du chud par byed do/ /dbang po yongs su mi smin pa rnams ni/ chu bur ma smin pa brtol ba dang gzag pa dang bskam pa dang gso ba bzhin du ga la zhig khong du chud par 'gyur te mi 'gyur ro/ /lha'i rgyal po brgya byin des gong nas gong du tshig gi rim pa re res skye mched bcu gnyis dag gi mtshan nyid ji lta ba bzhin bshad cing / lha de rnams la rdzu 'phrul rmad du byung ba de dag kyang bstan nas/ de nas yang rims kyis byung ba dran pa dang / 'brel pa rnams kyi mtshan nyid dang dmigs pa dang rgyu dang rkyen dag bag med pa dang bral bar bya ba'i don du khong du chud par byed do/ /brgya byin de srog chags gsod pa sprul pa bstan pas 'jigs shing mi dga' ba'i lha de dag nyid nges par 'byung ba'i thabs kyi don dang / phan par bya ba'i phyir yang dang yang du chos ston par byed do/ /gtso bo sems las byung ba'i g.yo zhes bya ba ni drang po ma yin pa nyid de/ 'khor bar shin du 'ching bar byed pa ma rungs pa nyid yin no/ /phrag dog ces bya ba ni gzhan la gnod par byed pa'i ngo bo nyid yin no/ /gtso bo ser sna zhes bya ba ni nor rdzas zad du dogs pas 'jigs pa nyid dang / </font><hr>64.270a<br><font size=+1>

sems las byung ba brkam pa nyid yin te/ 'di dag ni khams gsum kun kyi sa las byung ba chung ngu yin no/ /de dag kyang khams gsum du so sor dbye na du yod ce na/ khro ba dang 'khon du 'dzin pa dang phrag dog dang ser sna dang ston pa dang sgyu dang 'tshig pa ni 'dod pa'i khams su 'jug la/ g.yo gcig pu ni/ 'dod pa'i khams dang tshangs pa'i 'jig rten du yang 'byung ngo / /nga rgyal dang lhag pa'i nga rgyal ni khams gsum car du 'byung ste/ gtso bo chos bcu po 'di dag ni sa chung ngu las byung ba yin no/ /gzhan yang gtso bo dge ba chos bcu po sa chen po las byung ba yod de/ gang zhe na 'di lta ste/ chags pa med pa dang zhe sdang med pa dang ngo tsha shes pa dang khrel yod pa dang dad pa dang shin du sbyangs pa dang bag yod pa dang brtson 'grus dang btang snyoms dang 'tshe ba med pa yin te/ dge ba 'di dag ni sa chen po las byung ba yin no/ /de la 'di dag gi so so'i mtshan nyid 'di lta ste/ dge ba'i chos de dag thams cad kyi gzhir gyur pa ni chags pa med pa 'di yin te/ de dag thams cad kyi rtsa bar gyur pa yin no/ /de bzhin du zhe sdang med pa yang yin no/ /ngo tsha shes pa zhes bya ba ni bdag nyid dben par 'dug cing bdag nyid 'jigs par sems pa'o/ /khrel yod pa zhes bya ba ni pha rol gyi khrel yod pa'o/ /dad pa zhes bya ba ni 'gro ba'i dang ba'o/ /shin du sbyangs pa zhes bya ba ni dge ba'i sems dang lus kyi sems kyi gnas ngan len sel ba'i gnas yin te/ rab tu sim par byed pa'o/ /bag yod pa zhes bya ba ni dge ba'i chos rnams sgrub pa'o/ /btang snyoms shes bya ba ni bya ba dang mi bya ba dang rgyu dang rkyen dag la snyoms par 'dug pa gang yin pa'o/ /gtso bo mi 'tshe ba zhes bya ba ni sems can rnams la gnod pa med pa yin no/ /dge ba 'di dag ni sa chen po las byung ba yin te de dag bshad pa yin no/ /'di dag la sems mi 'jug pa de dag ni 'chi ba'i tshe/ gshin rje'i mi rnams kyi dbang du 'gro la/ de dag 'chi ba'i dus de'i tshe kun du dngang bar 'gyur ro/ /</font><hr>64.270b<br><font size=+1>

de ci'i phyir zhe na/ dge bas yang dag par ma zin pa'i phyir ro/ /ji skad bstan pa'i sems dang sems las byung ba'i chos sa chen po las byung ba rnams dang / dge ba sa chen po las byung ba rnams dang / chung ngu sa chen po las byung ba rnams kyi rang gi mtshan nyid bsdus pa'i ming ni bcu pa zhes bya'o/ /yang gtso bo bcu gcig bsgom pa zhes bya ba gang yin zhe na/ 'di la dge slong lus dang lus la rtog par byed do/ /brtags nas kun du chags par mi byed/ rmongs par mi byed la de sems la dam du 'dzin par byed de/ 'di ni bsgom pa dang po yin no/ /gzhan yang dge slong de bsgom pa la goms par byed de/ sngon 'dod pa nye bar spyad pa gang yin pa de dag la smod par byed/ ro myong bar mi byed/ dgong par byed skyon du 'grang bar byed pa 'di ni bsgom pa gnyis pa yin no/ /gzhan yang dge slong de bsgom pa goms par byed de/ 'di ltar bdag bag yod na/ yul kun dang ldan pa'i yul rnams kyis mi 'phrogs la/ bag la nyal gyi sbyor ba thams cad zad par 'gyur te/ de ltar bag yod pa la gnas pa ni/ bag yod pa de sgom par byed cing / goms par byed pa 'di ni bsgom pa gsum pa yin no/ /gzhan yang dge slong de bsgom pa goms par byed de/ dge ba'i chos rnams yid la byed cing de dag kyang goms par byed pa ni/ 'di ltar bdag gi dge ba'i chos skyes pa 'di dag ni rnam par smin pa bde ba rgyu bde ba rkyen bde ba yin te/ bdag la rnam par smin pa bde ba de dag 'byung bar 'gyur ro snyam mo/ /de bzhin du mi dge ba rnams la yang rtog par byed la/ de'i bsgom pa de ni yang dag par 'gyur te/ 'di ni bsgom pa bzhi pa yin no/ /gzhan yang dge slong de bsgom pa goms par byed de/ 'di ltar bdag la tshor ba bde ba skyes pa de ci las byung / rang bzhin ci yin rgyu ci yin rkyen ci yin gzhi ci yin/ skyes pa des bdag gi sems g.yeng bar mi byed dam zhes/ tshor ba de dag la yang dag pa ji lta ba bzhin goms par byed la/ de dag la yang snying po med par lta</font><hr>64.271a<br><font size=+1>

ste/ gsob dang gsog dang snying po med par goms par byed pa 'di ni bsgom pa lnga pa yin no/ /yang dge slong de bsgom pa goms par byed de/ 'di ltar 'du byed gang yin pa de rnams ni mi rtag pa dang / sdug bsngal ba dang stong pa dang bdag med pa dang gsog phan tshun gyi stobs kyis byung ba rnams 'byung ste/ stobs gcig gis skyed pa ma yin no zhes de ltar goms par byed do/ /de de rnams la chags par mi byed pa 'di ni bsgom pa drug pa yin no/ /gzhan yang dge slong de bsgom pa bdun pa goms par byed de/ 'di ltar bdag gi yid la byed pa dge ba dag skyes so/ /dge ba'i rgyus skyes pa de yid la byed pa gzhan gyis nyams te/ bdag gi dmigs pa de brjed de/ de bzhin du bdag gi yid la byed pa mi dge ba skyes la/ de yang yid la byed pa dge bas nyams te/ bdag gi dge ba'i chos de rnams kyi bar chad byung ngo snyam mo/ /de ltar rtag tu dmigs pa yid la byed pa 'di ni bsgom pa bdun pa yin no/ /gzhan yang dge slong de bsgom pa brgyad pa goms par byed de/ 'di ltar chos ni rang gi mtshan nyid dang spyi'i mtshan nyid yin la chos 'di dag rang gi mtshan nyid phyin ci ma log par 'dzin te/ chos thams cad kyi 'dres pa med pa 'di nyid ni chos nyid du gnas pa yin no/ /bdag skyes pa dang gor ma chag par 'chi ba nye bar gnas par 'gyur te/ 'dus byas kyi chos la gang mtshan nyid gsum med par gyur pa gang yang med do snyam du de ltar sgom pa ni chos thams cad kyi mi rtag pa nyid bsgom pa yin te/ de ltar bsgom pa'i dge slong de ni bsgom pa brgyad bsgom pa yin no/ /gzhan yang dge slong de bsgom pa dgu pa goms par byed de/ 'di ltar kun nas nyon mongs pa'i rtsa ba 'dod chags dang zhe sdang dang gti mug gsum gyi gnyen po mi gtsang ba dang byams pa dang rten cing 'brel par 'byung ba de dag gnyen po yin te/ de ltar goms par byed/ rtag tu yid la byed pa 'di yang bsgom pa dgu pa yin no/ /gzhan yang dge slong de bsgom pa bcu pa goms par byed de/ 'di ltar sangs</font><hr>64.271b<br><font size=+1>

rgyas kyi yon tan rjes su dran pa bsgom ste/ de yang 'jig rten la phan pa dang bde bar bya ba'i phyir ro/ /de lta bas na bdag nyid la rtag tu phan par 'dod pa rnams kyis de nyid bsgom par bya'o zhes yang dag par dran par byed pa ni bsgom pa bcu pa yin no/ /gzhan yang dge slong bsgom pa bcu gcig goms par byed de/ 'di ltar gcig nas gcig tu brgyud de/ thos pa skad cig re re la goms par byed do/ /'di ltar gcig nas gcig tu brgyud pa skad cig re re ni mngal nas byung ba dang skyes pa dang shi ba'i bar dang mngal na gnas pa dang gzhon nu dang lang tsho nas rga ba'i mthar thug gi bar du de ltar goms par byed pa dge slong de 'am gzhan yang rung ste/ 'chi ba'i tshe gshin rje'i mi'i dbang du mi 'gro zhing bzhin mi sdug par bsgyur ba sdig pa byed pa gzhan de dag kyang mthong bar mi 'gyur ro/ /dran pa bcu gsum dang 'brel pa legs par bsgom pa gang yin pa de dag ni phan pa dang bde ba dang mthar mya ngan las 'das par 'gyur ro/ /bcu gsum gang zhe na/ 'di la bag yod pa dran pa dang nye bar gnas pa dran pa dang g.yeng ba med pa dran pa yin te/ dran pa de dag la nye bar gnas nas 'di lta ste/ bud med ces bya ba'i lus kha dog bzang po 'am kha dog ngan pa mthong ba de'i nang mi gtsang ba mnam pa'i gzhi dang / mi brtan pa phyi sa'i khung ltar dran pa nye bar gnas pa dang / dran pa mi g.yo ba ni grong khyer gyi phyogs sam grong gi phyogs dag tu bsod snyoms kyi phyir rgyu ba 'am yul dag tu 'gro ba na bud med kyi 'du shes kyi dbang du mi 'gyur ro/ /de ci'i phyir zhe na/ dran pa nye bar gnas pa'i phyir te/ 'di ni dran pa dang 'brel pa dang po yin no/ /gzhan yang dran pa dang 'brel pa ni phyi rol gyi tshal nyams dga' ba dang / chu bo nyams dga' ba dang lteng ka nyams dga' ba dang bskyed mos tshal nyams dga' ba rnams mthong nas kyang 'di ltar dran pa nye bar 'jog ste/ nyams dga' ba'i ngo bo gang yin pa de dag gis dus ni phyis 'byung ste/ byis pa'i sems</font><hr>64.272a<br><font size=+1>

rab tu chags par byed pa de dag ni rnyi rnyi por 'gyur lhags par 'gyur mi sdug par 'gyur 'dab ma rnyis shing lo ma sil sil por lhags par 'gyur ro/ /de dag de ltar gyur gyis kyang thams cad du 'byung bar yang mi 'gyur la/ kye ma 'di dag la nyams dga' ba ci zhig yod snyam ste/ de ltar dran pa dang 'brel par byed do/ /de ltar dran pa nye bar gnas pa brkam pa med pa de ni phyi nang gi yul gyi gzugs kyis nyams pa med cing bdud kyis kyang gnod pa med do/ /gzhan yang de'i don dang phan par bya ba'i phyir dran pa dang 'brel pa gsum pa de dran par byed do/ /ji ltar dran par byed dran pa dang 'brel pa'i dmigs pa ni gang yin zhe na/ 'dis sngon zos pa 'am nyal ba 'am dga' bar byas pa 'am dmigs pa bsten pa gang yin pa de dag dran nas rtog par mi byed cing yid la dam du 'dzin par mi byed do/ /de ltar de byis pa so so'i skye bo rnams kyi dbang po dag ni tshim pa byed do snyam ste/ de ltar dran pa dang 'brel bar byed do gzhan yang dran pa dang 'brel pa bzhi pa dran par byed de/ gang du rnyed pa dang bkur sti dang mal stan dang na ba'i gsos sman gyi rkyen kyi yo byad rab tu mang po thob pa der dga' ba dang 'brel par mi byed cing kun du chags par mi byed do/ /'di ltar rnyed pa dang bkur sti lhur byed pas/ dge sbyong nyams par 'gyur la/ gang zag de yang lpags pa ral nas sha ral bar 'gyur/ sha ral nas chu rgyus chad par 'gyur/ chu rgyus chad nas rus pa chag par 'gyur/ rus pa chag nas rkang yang zad par 'gyur te/ rnyed pa dang bkur stis ni de ltar byed par 'gyur ro/ /rnyed pa dang bkur sti 'di ni dge ba'i chos thams cad kyi bar chad byed pa'i rgyu yin te/ legs par dran pa nye bar gnas pa ni/ phyogs gcig la gnas pa yin no/ /gzhan yang dran pa dang 'brel pa lnga pa dran par byed de/ grong dang grong khyer dang ljongs su rab tu rgyu bar mi byed/ grong khyer dag la</font><hr>64.272b<br><font size=+1>

bsten par mi byed/ yul mi dag dang 'brel pa'i gtam smra ba'i ngo bor mi byed/ 'du 'dzi dang dga' bar gnas par mi byed do/ /'di ltar grong dang grong khyer dang ljongs su gnas par byed pa gang yin pa de dag ni blo g.yengs par 'gyur la rang gi don kyang byed par mi nus so/ /de ltar de dag gi don ji lta ba bzhin mthong ba nyid kyis dran pa skyes par 'gyur ro/ /gzhan yang dran pa dang 'brel pa drug pa dran par byed de/ de ltar skyon du lta ba de ni dur khrod dang shing drung dang sog khrod dang ri'i gsab gseb dang khang stong du bsten par byed cing su dang yang lhan cig gnas par mi byed 'dre bar mi byed do/ /'di ltar 'dre bar mi byed pa'i dge slong ni dge ba'i chos rnams 'thob par 'gyur la/ spang bar bya ba yang spong bar 'gyur ro/ /gzhan yang dran pa dang 'brel pa bdun pa dran par byed de/ lha'i gtam rnams la yang chags pa mi skyed la/ sems can dmyal ba pa'i gtam rnams la yang yid 'byung bar mi byed do/ /de 'di snyam du dran par byed de/ lha rnams kyi mtha' ni ltung zhing gnod pa dang bcas la gshin rje'i mi'i dbang du gyur pa yin no/ /sems can dmyal ba pa yang las kyis drangs pa yin te/ rjes su dga' bar mi bya zhing gzhan byed pa yang phyir bzlog par bya'o snyam ste/ de mtho ris la yang mi dga'/ sems can dmyal ba la yang 'jigs pa med de/ dga' ba dang 'jigs pa spangs pa de ni dge ba dran pa'i ngo bor 'gyur te/ dran pa nye bar gnas pa yin no/ /gzhan yang dran pa dang 'brel pa brgyad pa dran par byed de/ bdag gi dran pa nye bar gnas pa ni legs pa yin te/ mi dge ba'i chos snang ba rnams nyams shing zad la bcom zhing spangs par gyur to/ /gzhan yang yid la mi dge ba skyes pa des/ bdag gi dge ba dran pa nyams shing bdag gi kun nas bar chad byung ste/ de la bdag gis yang dge ba'i dran pa nyid bskyed par bya'o snyam nas/ de ltar dmigs pa dang mtshan nyid dran pa de gcig nas gcig tu 'grang bar byed do/ /yid la gcig tu gyur</font><hr>64.273a<br><font size=+1>

cing gcig tu 'dus pa ni dran pa las su rung bar 'gyur ro/ /de ni chu bo'i shugs kyi rlabs mi brtan pa/ yul nor ba dgra lta bu dag las sems 'dzin par nus so/ /gzhan yang dran pa dang 'brel pa dgu pa dran par byed de/ nyin gcig bzhin sangs rgyas kyi yon tan rjes su dran par byed dam pa'i chos la rtag tu gus par byed/ bla ma rnams la dad par byed cing de'i bsgrub pa la yang gnas par byed/ blo shin tu mnyam par gzhog par byed/ gnya' shing gang tsam du lta bar byed/ sems can thams cad la phan par mos pa dran par byed de/ de'i dran pa dang 'brel pa de ni 'bras bu dang bcas pa mtha' mya ngan las 'das par 'gyur ro/ /gzhan yang dran pa dang 'brel pa bcu pa dran par byed de/ blo gros shin du mnyam par gzhog par byed la/ 'di ltar 'jigs pa chen po bzhi po 'di dag 'ong ste/ rga ba dang na ba dang 'chi ba dang rgud pa dang bzhi'o/ /de dgra chen po dag gis rtag tu rnam par 'jigs te/ dga' bar mi sems so/ /bzhi zhig kyang shin du mi brtan par mthong ste/ tshe dang nad med pa dang lang tsho dang phun sum tshogs pa bzhi'o/ /de sngar bstan pa bzhi po de dag la rtag tu 'jigs shing mi brtan pa gzhan yang goms par byed pa ni yul rnams kyis 'phrogs par mi 'gyur zhing / dga' ba'i 'dod chags kyi dbang du mi 'gro la/ dran pa nye bar gnas par 'gyur te/ nyon mongs pa'i ri zad par nus so/ /gzhan yang dran pa dang 'brel ba bcu gcig pa dran par byed de/ dge 'dun la gang zag gis 'byed par mi byed la/ le lo la brtson zhing spyod par mi byed/ gang zag gis gang zag rab tu 'byed par byed pa ni nyams par 'gyur bas/ gnod par mi byed la phan par yang mi byed pa de ni/ de ltar sems dang bar 'gyur zhing de'i dran pa yang las su rung bar 'gyur te/ gnod pa med pa lhur len par byed do/ /gzhan yang dran pa dang 'brel ba bcu gnyis pa dran par byed do/ /rtag tu dam pa'i chos nyan pa lhur len par byed do/ /de lhur len par byed de lhur len pa dang ldan pa des chos 'dzin par byed pa</font><hr>64.273b<br><font size=+1>

gang yin pa de dag phyir zhing dam du 'dzin par byed do/ /kha na ma tho ba dang bcas pa dang kha na ma tho ba med pa'i chos rnams rnam par shes par byed de/ de mar mes mun nag gi gzugs dag mthong ba ltar bcom ldan 'das kyis gsungs pa'i chos kyi sgron mas kha na ma tho ba dang bcas pa dang kha na ma tho ba med pa dag mthong ngo / /de ltar shin du mnyam par gzhag pa'i dran pa 'byung ba de ni nyon mongs pa'i dra ba'i dbang du mi 'gro zhing bdud kyi dbang du mi 'gro ste/ de ltar dran pa dang 'brel pa bcu gnyis pa yang dran par byed do/ /gzhan yang dran pa dang 'brel pa bcu gsum pa dran par byed de/ skad cig skad cig la lus dang sems dang tshor ba'i rang gi mtshan nyid sgrub pa'i dran pa 'byung ste/ dran pa nye bar gzhag pa 'di dag so sor shes par byed cing yid la yang dam du 'dzin par byed do/ /yid la byas pa de rnams kyis bag med pa la sten par mi 'gyur zhing / bag yod pa la sten par byed pa de ni gshin rje'i mi'i dbang du 'gro bar mi 'gyur la rang dbang du 'gyur dran pa nyams par mi 'gyur ba dang dus ma yin pa la spyod par mi 'gyur ba dang yul ma yin par spyod par mi 'gyur ba dang spyod yul ma yin par spyod par mi 'gyur te/ 'brel pa 'di dag ni dran pa thams cad kyi nang du 'brel pa yin no/ /gzhan yang sems kyi khams bcu bzhi bsgom par bya zhes gang smras pa/ legs par bsgom na shin du sbyang ba byas shing shin du dul/ shin du dag par 'gyur la/ bag med pas phrogs par yang mi 'gyur ro/ /'di lta ste/ mos pa dang brtson 'grus dang rab tu zhi ba dang slob dpon la bsnyen bkur ba dang sdig pa'i grogs po yongs su spangs pa dang sangs rgyas kyi gsung la goms pa dang tshul bzhin yid la byed pa la goms pa dang rgod pa yongs su spangs pa dang chos dang chos ma yin pa'i rgyu dang 'bras bu la dad pa dang sngon gyi 'dod pa brjed pa dang bud med la lta ba yongs su spangs pa dang gnyen la lta zhing lhag par spyod pa med pa dang yul thams cad yang dag par bzung ba dang skye ba dang 'chi ba'i 'jigs pa yin te/ bcu bzhi po 'di</font><hr>64.274a<br><font size=+1>

rnams kyis sems yongs su bsgoms pa de ni shin du yongs su bsgoms pa yin la/ rgyu 'di rnams kyis shin du yongs su sbyang ba byas pa ni 'chi ba'i tshe 'gro ba ngan pa'i pho nya mi 'byung la/ ngan song gi sgo yang 'bye bar mi 'gyur/ dam pa'i chos la blun par mi 'gyur/ mi mgul du thag pas bcings pa ltar gar dga' mgur 'gro ba rgyu ba rnams su khrid par mi 'gyur/ mi ngan pa yid ches pa'i bya ma rta lta bu'i las byed par mi 'gyur ro/ /'di dag thams cad ni dam pa'i chos thob pa na 'di lta ste/ sems shin du dul zhing shin du sbyang ba byas la/ shin du mthar phyin pa ni lha dang mi rnams kyi nang du khrid par byed do/ /phyis kyang mya ngan las 'das pa'i grong khyer gyi sgo 'byed par 'gyur ro/ /de lta bas na gtso bo 'di dag la sems yongs su sbyang ba byas pa de ni shin du sbyang ba byas pa yin te/ gshin rje'i mi'i dbang du 'gro bar mi 'gyur ro/ /yang brgya byin de ngan song gi 'jigs pas nyen cing gshin rje'i mi mthong bas nyam thag pa'i lha rnams la chos ston par byed do/ /'di ltar bdag gis khyed cag la chos gcig nas bzung ste/ rim pa re re las bcu bzhi'i bar du chos bstan pa rim pa de la bab ste dngos po bcwa lnga bshad par bya'o/ /bcom ldan 'das las bdag gis ji ltar thos pa de ltar khyed cag la yang bshad par bya'o/ /dngos po bcwa lnga gang zhe na/ khyim gyi gnas nas byung nas dge sbyong du dam bcas pas spang bar bya zhing dmad par bya ba dang / gzhan byed pa yang phyir bzlog par bya ba gang yin pa de dag yin no/ /'di lta ste/ dang po kho nar dngos po gos ngur smrig nyid yongs su shes par bya ste/ gang rgyags pa yang dag par skyed par mi byed pa'i gos ngur smrig gi rnam pa de lta bu bgo bar bya'o/ /de ci'i phyir zhe na/ gos ngur smrig gi rgyags pas myos pa ni lung bong ltar spyod cing 'gro ba 'byed par byed pa yin la/ rgyags pa'i lus de sgeg pa lhur len par 'gyur ro/ /de ni dge ba'i chos sgrub par mi byed la/ bud med la lta ba lhur len par byed do/ /de rgod pa la 'jug par byed de/ </font><hr>64.274b<br><font size=+1>

de ltar sems yang ba gzhan gang yin pa de yang gos kyis rgyags par 'gyur ro/ /de lta bas na bgo bar bya ba de ni gang gis dro ba dang grang ba'i 'jigs par mi 'gyur zhing / gang gis lus g.yog pa tsam du gyis shig dang / de ni bag med pa'i 'gro ba'i dbang du mi 'gyur zhing / 'chi ba'i dus na yang 'gyod pa yod par mi 'gyur ro/ /dngos po yongs su shes par bya ba'i 'di ni yongs su shes par bya ba dang po yin no/ /gzhan yang dngos po gang yongs su shes par bya ba gnyis pa ni dge sbyong chog shes par gnas pas shes par bya ba yin te/ bdag shes par 'am/ rab tu byung ba gang gis tshul khrims dang ldan par 'gyur snyam nas/ de'i rjes su 'jug par byed la sbyin bdag dang sbyin pa po las mal stan dang / na ba'i gsos sman gyi rkyen gyi yo byad dang de dang 'thun pa dang de dang 'dra ba dag len par mi byed pa de ni/ de ltar bar chad 'byung bar mi 'gyur te/ 'di ni yongs su shes par bya ba'i dngos po gnyis pa yin no/ /gzhan yang yongs su shes par bya ba'i dngos po gsum pa ni de'i chags pas mal stan yid la mi bya ba dang dgon pa dang tshal de dag na gnas pa btang nas/ gang du yon tan dang ldan par 'gyur ba ma yin pa bsod snyoms sam/ thug pa mang po sbyin pa de dag 'dod pas grong gi nang ngam/ grong khyer gyi nang du gnas pa de ni de'i bar chad chen po 'byung la/ dge ba'i chos mi sgrub pa de dang chog mi shes pa de dang yang dag ldan par 'gyur ro/ /dge sbyong gi mchog ni 'di yin te 'di lta ste/ chog shes pa dang bag yod pa'o/ /chog mi shes pa de dag nyid la dga' ba gang yin pa de ni bslus par 'gyur zhing / mi ngan pa dag la mar chad 'byung ste ngan skyugs za ba dang mtshungs so// //'phags pa dam pa'i chos dran pa nye bar gzhag pa/ bam po bzhi bcu gnyis pa/ de nas gzhan yang dngos po bzhi pa yongs su shes par bya ste/ de yang gang zhe na 'di lta ste/ kha ton rab tu shes la/ kha ton 'don pa de dang</font><hr>64.275a<br><font size=+1>

yang dag par ldan pa shes pa de tsam gyis chog ste lhag par mi bslab bo/ /bdag gis lhag par so sor shes na/ sbyin bdag dang sbyin pa po dag gis rna lam du thos pa yin no snyam nas/ na ba'i gsos sman rkyen gyi yo byad rnams bdag la sbyin par byed do/ /de bdag la bar chad dang ldan par 'gyur bas/ de ni bdag la 'os pa ma yin no snyam pa'i bdag nyid de ni chog shes pa yin te/ dge slong de lta bu ni chog shes pa yin no/ /gzhan yang dngos po lnga pa yongs su shes par bya ba ni gang gis 'dod pa chung ba dang chog shes pa dang bag yod pa la gnas pa yin te/ dngos po de gang zhe na/ 'di la dge sbyong gang zhig dge 'dun gyis mngags sam nad pa'i phyir ram nor rdzas kyi phyir mngags pa 'am sbyin pa po dang sbyin bdag gi drung du mngags pa las khyim la nye bar sten par byed la/ de sbyin bdag de dag gi drung na btung ba dag kyang 'thung zhing 'dug na/ de ni de'i kun 'byung bar chad don med par gyur la/ lus yongs su ngal ba don med pa dang / rtsol ba don med par 'gyur ro/ /de ci'i phyir zhe na/ de yang de mngon par 'dod cing ro la 'chums pas nyams pa khyim de nyid du 'gro ste/ de der yang ba nyid kyis 'gro bar byed do/ /des na bdag la phan par mi byed la/ nad pa la yang phan par mi byed cing / dge 'dun gyi bya ba yang sgrub par mi byed do/ /rgyu yang ba rnams kyi nang na mchog ni 'di yin te 'di lta ste/ khyim gcig tu 'jug cing bza' btung la dga' ba nyid dang gang chung zad smra ba dang 'chal pa yin te/ chos gsum po de dag ni 'jig rten pa dang 'jig rten las 'das pas smad par bya ba'i gnas yin no/ /de lta bas na de dag ni chog shes pa dang / bag yod pa la gnas pa dag gis yongs su spang bar bya'o/ /gzhan yang dngos po drug pa yongs su shes par bya ba ni/ dge sbyong 'dod chen chung bas sam/ rab tu byung ba bsod snyoms la yang dag par gnas pas/ ji tsam du nyin gcig 'grangs pa'i bsod snyoms de tsam zhig blang bar bya'i/ sang dag gi ni so sor bsags par mi bya'o/ /de la mngon par chags par</font><hr>64.275b<br><font size=+1>

gyur na de'i sems de yang bar 'gyur te/ bsam gtan dang 'dod pa dag la sems dang ba med par 'gyur ro/ /bsod snyoms 'di dag zad par ma gyur cig snyam nas/ de ltar chung ngu la chags pa yang bar chad du 'gyur na/ rnyed pa dang bkur sti de dag la mngon par chags pa lta smos kyang ci dgos te dngos po yongs su 'dzin pa gang yin pa de dag ni sred pas lhag par bcings pa yin no/ /gzhan yang dngos po bdun pa yongs su shes par bya ba de gang yin zhe na/ 'di la ma thos pa dang ma mthong ba'i yul dang ljongs su rgyu ba rnams rgyu ba na/ rigs chen po las rab tu 'byung ba'i dge sbyong 'dod chen chung bas smra bar mi bya ste/ 'di ltar bdag rigs che ge mo zhig las rab tu byung ngo zhe 'am/ bdag rigs chen po las rab tu byung ngo zhes de skad bdag nyid kyis smra bar mi bya'o/ /gzhan yang lhan cig gnas pa 'am/ nye gnas shig smra na yang phyir bzlog par bya'o/ /'di ltar dge sbyong gi dngos po tsam nyid las sbyin bdag dang sbyin pa po dag mal stan dang na ba'i gsos sman gyi rkyen gyi yo byad rnams bdag la sbyin par byed de/ des ni bdag dngos po yongs su 'dzin pa dang ldan par 'gyur la/ ji ste ma blangs na bdag gi nye gnas de'i yid mi dga' bar 'gyur ro/ /de gal te bdag la yid mi dga' bar byed na de de dag gi bar chad du 'gyur te/ 'jig rten pha rol la phan par mi 'gyur ro/ /dngos po bzung ba yang de ltar yongs su shes par bya ste/ dge slong de lta bu ni 'dod chen chung bar 'gyur/ srid pas mi zin par 'gyur/ sems g.yengs par mi 'gyur/ dran pa nye bar gnas par 'gyur/ dam pa'i chos dang bsam gtan la gnas pa'i kun dga' ba la mngon par dga' bar 'gyur/ lus la lus kyi rjes su blta ba dang / sems la sems kyi rjes su lta ba dang / tshor ba la tshor ba'i rjes su lta ba dang / chos la chos kyi rjes su lta bar 'gyur te/ 'dod chen chung ba de ni srid pa'i brtson ra las 'bros par nus so/ /gzhan yang 'di la dge slong 'dod chen chung ba chog shes pa/ rnyed pa dang bkur sti'i</font><hr>64.276a<br><font size=+1>

'jigs pa dang bral bas dngos po brgyad pa yongs su shes par bya ste/ dngos po yongs su shes par bya ba de gang zhe na/ 'di la skye bo mang po 'dzin pa snod spyad dang yo byad mang ba lhan cig gnas pa mang ba/ rnyed pa dang bkur sti la mngon par dga' ba mang ba/ ro la 'chums pa/ spyan 'dren pa la shin du yid zhugs pa/ gnyen 'dun lta 'dod pa'i dge sbyong gis yul rgyu ba'i bya ba 'am lhan cig gnas pa 'am 'gro bar mi bya'o/ /de ci 'i phyir zhe na/ bag med pas phrogs pa'i dge slong de ji ltar rnyed pa dang bkur sti la mngon par dga' ba de ltar de yang skye bos shes par 'gyur la/ de ltar 'grogs pa de la yang rnyed pa dang bkur stis gos par 'gyur ro/ /gal te blang ba dag ji ste len par mi byed na/ snod spyad dang yo byad mang ba dang / spyan 'dren pa la mngon par dga' ba de'i yid kyi 'dun pa la mngon par gnod par 'gyur ro/ /sbyin bdag dang sbyin pa po rnams kyi drung du yang song nas/ dge slong 'dod chen chung ba de la smod par byed de/ 'di ltar dge slong 'di ni tshul 'chos pa/ skye bo thams cad slu bar byed pa la nang gi yid ni sdig pa can yin no zhes de ltar de la yang gnod par byed la/ bdag nyid la yang gnod par byed do/ /de lta bas na 'dod chen chung ba'i dge slong dang 'dod chen che ba dang lhan cig yid kyi nyes pas gnas par mi bya'o/ /gzhan yang 'di ltar 'dod chen chung ba'i dge slong 'khor bas 'jigs shing skrag pa rnyed pa dang bkur sti dang bral ba/ rtag tu sems mnyam par bzhag pas dngos po dgu pa yongs su shes par bya'o/ /dngos po yongs su shes par bya ba gang zhe na/ 'di ltar khyim na gnas pa rig pa'i gnas rnams la goms pa gang yin pa de dag rab tu byung bar gyur nas/ de rnams bsgrag par mi bya ste 'di lta ste/ sman pa 'am ri mo mkhan nam gar mkhan nam gtar mkhan nam rnam pa de lta bu dang 'thun pa 'am rig pa'i gnas gzhan dag kyang</font><hr>64.276b<br><font size=+1>

rung bsgrags par mi bya'o/ /de ci'i phyir zhe na/ bdag rnyed pa dang bkur sti la mngon par dga' bar sbyin bdag dang sbyin pa pos mngon par shes par gyur na/ de ni bdag gi bar chad du 'gyur zhing de la rnam par chags na/ dge ba'i chos rnams sgrub par mi 'gyur/ sems rtse gcig tu mi 'gyur/ bsam gtan gyi zas rnams la bdag gi sems dang bar mi 'gyur/ de bdag gi bar chad du 'gyur/ bdag dang gzhan la phan pa nyams par 'gyur ro/ /lhan cig gnas pa lhur mi bya ste/ yid de dang chags pa de ni phan par mi 'gyur bas de lta bas na yongs su spang bar bya'o/ /gzhan yang dge slong 'dod chen chung ba blo dang ldan pa rnyed pa dang bkur sti spong bar 'dod pas/ dngos po bcu pa yongs su shes par bya ste/ 'di ltar grong khyer dang nye ba na 'am grong dang nye ba na 'am ri 'or dang nye ba na 'am tshong 'dus dang nye ba'i gtsug lag khang na gnas pa gang yin pa 'di dag mthong ste/ dge slong dang dge slong ma rnams kyis gang ba dang kha zas kyis gang ba dang chang 'thung bas gang ba dang nyo tshong byed pas gang ba dang sbyor ba byed pas gang ba dang khang pa chung ngu'i nang na gnas pa'i sten grogs rnams dang dge slong dag lhan cig gnas pa mthong na/ dge slong 'dod chen chung ba yid zhi ba/ bdud kyi 'ching ba gcod par 'dod pas gnas par mi bya'o/ /de ci'i phyir zhe na/ grong khyer pa 'am grong mi 'am ri brags na gnas pa 'am tshong 'dus na gnas pa de dag gis dge slong mi brtan pa de dag tshul khrims 'chal par khong du chud cing rig nas/ dge slong gcig po de la rnyed pa dang bkur sti byed do/ /de gal te so sor blangs na ni/ 'dod chen chung bar mi 'gyur la/ ji ste so sor ma blangs na ni sbyin pa po de rnams kyi bar chad du 'gyur zhing gcig po de la sbyin pa byin pa gang yin pa de la zhe sdang gi sems rab tu nyes pa'i dge slong gzhan gang yin pa de dag la yang bar chad du 'gyur ro/ /skyon de dag rtogs nas/ dge slong 'dod chen chung bas kun du spyod pa dang 'dres pa rnams dang lhan cig gnas par mi bya'o/ /</font><hr>64.277a<br><font size=+1>

gzhan yang dngos po bcu gcig pa yongs su shes par bya ste/ 'di ltar 'jig rten pa'i shes pas ltas dag ston pa'i shes pa gang yin pa de yang des gzhan dag la smra bar mi bya'o/ /'di ltar dgra bcom pa yin no snyam du shes nas/ de la rnyed pa dang bkur stis mchod pa byed la de ni de'i bar chad tu 'gyur ro/ /'dod chen chung ba sel bar mi 'gyur ro/ /gzhan yang dngos po bcu gnyis pa yongs su shes par bya ste/ 'di ltar gang gis zhing 'di la sbyin pa chen po sbyin par byed do snyam nas/ rmad du byung ba bstan pa'i phyir bcom ldan 'das kyi ring bsrel dag khyer nas/ grong khyer nas grong khyer dang grong nas grong dang ri brags dang tshong 'dus nas tshong 'dus su 'gro'o/ /de yang thos pa nyung ba yin la/ des 'dod chen chung ba shin du thos pa mang po dang ldan pa de la ched du brjod cing gzeng stod de yang dag par dga' bar byas nas 'jug par byed do/ /'di snyam du sbyin bdag dang sbyin pa po rnams la thos pa mang pos chos 'chad la/ ring bsrel rnams la yang gus pa'i sbyin bdag dang sbyin pa po dag yon 'bul bar byed de/ nor rdzas de dag bdag gir bya'o snyam du sems na/ 'dod chen chung zhing shin du chog shes pa de de dang lhan cig 'grogs par mi bya 'khod par mi bya'o/ /gzhan gyi skyon des tshul khrims 'chal pa de yang sbyin bdag dang sbyin pa po dag gis shes par 'gyur te de dag gi bar chad du 'gyur ro/ /de lta bas na yang dag pa yid la byed pa 'am gshin rje'i gnas la 'jigs shing skrag pa 'am bag med pas 'jigs pa ni tshul khrims 'chal pa dang lhan cig 'grogs par mi bya gnas par mi bya'o/ /gzhan yang dngos po bcu gsum pa yongs su shes par bya ste/ dge slong 'dod chen chung ba bsod snyoms spyod pa bag yod par gnas pa ro la chags pa rnam par spangs pas gzhan gyis drod mi zin par rtag tu brtan pa dang ldan par bya'o/ /gzhan yang dngos po bcu bzhi pa yongs su shes par</font><hr>64.277b<br><font size=+1>

bya ste/ phyag dar khrod na gnas pa 'am phyag dar rnams kyis chog shes pa ni/ chog shes par bya ba'i don du gos shin du zad pa dag gyon par byed do/ /gzhan yang dge slong chog shes pa bdud kyi sde 'joms par byed pas/ dngos po bcwa lnga yongs su shes par bya ste/ bcwa lnga gang zhe na 'di lta ste/ sdig pa'i grogs po spangs pa/ gcig pu gnas shing gcig pu gnas par ston pa ni thog ma med pa'i dus nas zhugs pa/ nyon mongs pa'i ri sra ba sbyong bar byed do/ /de ltar chog shes pa ni shin du bde ba dang ldan zhing 'chi ba'i tshe yang gshin rje'i mi'i dbang du 'gro bar mi 'gyur/ gshin rje'i pho nya gzugs dang bzhin dang mig mi sdug par bsgyur ba rnams mthong bar mi 'gyur la/ shin du 'jigs pa med par 'gyur ro/ /de nas brgya byin gyis 'di ltar tshigs su bcad de smras pa/ ji lta ji ltar chog shes la/ /sdom brtson rtag tu sten byed pa/ /de lta de ltar zhi ba yi/ drung du de ni 'jug par byed/ /bya ba rnams la byed med cing / /mya ngan 'das la 'bad ldan pa/ /de ni bdud kyi yul dag la/ /nam yang 'jug par mi 'gyur ro/ /gang gi yid la 'dod chags bral/ /rtag tu 'bad pa nyid dag dang / /ye shes la ni rgyun du brtson/ /de ni sdug bsngal ga la 'dod/ /'das pa'i 'jigs pa yang dag dran/ /da ltar byung na 'ang blo dang ldan/ /ma 'ongs chog shes pa gang / /de ni nyon mongs 'ching las grol/ /bag yod pa la rtag tu dga'/ /sngar ma dang ni gcugs pa med/ /dri med shes la bsten pa de/ /mya ngan 'das pa'i mtha' la gnas/ bag med pa yang nyams gyur na/ /lha rnams bde ba chen po 'thob/ /bag med pa la gnas pa gang / /skyes bu de ni 'chi 'gyur na/ /mi gang rmongs pa bag med pa'i/ /dbang du bsten pa smos ci dgos/ /gang zhig rtag tu ye shes chus/ /'tsho ba rab tu myos pa med/ /bag med pa las bag yod pa/ /'di ni mchog tu 'dod pa yin/ /bag med sdug bsngal rtsa ba ste/ /nyes pa 'chi ba bzhin</font><hr>64.278a<br><font size=+1>

du spongs/ /de ltar brgya byin gyis sprul pa'i gshin rje'i mis 'jigs shing skrag pa'i lha de rnams la chos ston par byed do/ /gang sems rab tu dang zhing mngon par 'dod pa'i lha de rnams kyis gshin rje'i mi de rnams dang / de rnams kyi gzugs mi snang bar blos mngon sum du mthong nas/ lha de rnams sems rangs par gyur to/ /de nas yang 'jigs shing skrag nas tshal dang nye ba'i tshal rnams su gab pa'i lha gang yin pa de dag gis kyang brgya byin mthong nas ga la ba der dong ste phyin pa dang / brgya byin chos de ston par byed do/ /brgya byin gyis de rnams kyi sems de dag rig nas/ ji lta ji ltar lha de rnams kyi sems de dag dga' bar 'gyur ba de lta de ltar mthar kyis sprul pa de rnams mi snang bar byed do/ /de nas yang chos la gus pa skyes pa rnams chos nyan par byed cing brgya byin la yang gsol ba 'debs te/ 'di ltar chos kyi mthu 'di ni bdag cag gi mngon sum du gyur to/ /ji lta ji ltar khyod kyis bdag cag la chos 'di dag ston par mdzad pa de lta de ltar gshin rje'i mi 'di dag 'bros shing mi snang bar bgyid do/ /bcom ldan 'das kyis gsungs pa'i chos 'dul ba'i mthu 'di thos pa tsam gyis de ltar bgyid na/ sgrub pa gang lags pa de dag lta smos kyang ci 'tshal te 'chi ba med pa'i gnas su 'chi'o/ /de nas brgya byin yid rab tu dga' nas bdag gis thams cad du bya ba byas par gyur to/ /bdag gis shin du bag med pa la gnas pa gang yin pa de dag bag yod pa'i snying la btsud do snyam mo/ /yang yid rab tu dga' ba 'di rnams la bdag gis chos zab mo bla ma gzhan dag las ji ltar thos pa bzhin bshad par bya'o/ /thar pa'i grong khyer gyi sgo 'byed pa ni dbugs rngub pa dang 'byung ba dran pa yin te/ de ni bdag gis sngon gyi lha rnams las brgyud de thos so/ /bcom ldan 'das las kyang de bzhin du thos te/ bdag gis ji ltar thos pa de de bzhin du lha de rnams la bshad par bya'o/ /'phags</font><hr>64.278b<br><font size=+1>

pa'i bden pa bzhi gtam dang 'dres par gyur pa rnams/ 'phags pa'i bden pa re re la rnam pa bzhi bzhir phye ste bshad pa dang / de bzhin du lha de rnams la shin du phan pa byas par 'gyur ro/ /thabs gang yin pa des chos bshad de/ shin du phan par byas pa dang 'khor bar chud pa'i sems can rnams kyi yid nyid la rtag tu 'jog par byed do/ /de la dngos po bcwa lnga ni bstan zin to/ /da ni dbugs rngub pa dang 'byung ba dran pa rnam pa bcu drug po dag rim pa dang 'thun pa dang sbyor ba dang 'phags pa'i bden pa'i phyogs dbye ba dang rang gi mtshan nyid dang rgyu'i mtshan nyid kyis lha 'di dag la bshad par bya'o/ /de la rim pa ji lta bu yin zhe na/ 'di la rnal 'byor pa rang gi lus kyi cha shas la sems spre'u lta bu 'dogs par byed do/ /rnam par shes pa dgag pa'i don du gtso bo gang gi 'dogs par byed ce na de ni yid rtse gcig pas so/ /de nas lus kyi mtshan nyid rim kyis spyod par byed de/ de nyon mongs pa dang nyon mongs pa ma yin pa dang lung du ma bstan pa'i lus la lus kyi rjes su lta zhing gnas so/ /bde ba dang sdug bsngal ba dang sdug bsngal yang ma yin bde ba yang ma yin pa'i mtshan nyid de dag gi tshor ba la tshor ba'i rjes su lta zhing gnas so/ /dge ba dang mi dge ba dang lung du ma bstan pa'i chos la chos kyi rjes su lta zhing gnas te/ dran pa nye bar gzhag pa bzhi po de dag gi rang gi mtshan nyid ji lta ba bzhin du lta bar byed do/ /de ltar rnal 'byor pa de chos shes bya ba la zhugs te/ zhi ba dang rtogs par chud pa/ 'du byed thams cad kyi rang gi mtshan nyid la lta bar byed cing 'phags pa'i bden pa bzhi'i mtshan nyid dran pa nye bar gzhag pa bzhi rnams la lta bar byed do/ /dran pa nye bar gzhag pa ni 'di dag thams cad yin te 'di lta ste/ skad cig ma gcig nas gcig tu 'jug pa mi rtag pa dang dbang phyug rtag pa dang bral ba nyid kyis stong pa dang dbang phyug dang bral ba nyid kyis bdag med pa dang nyon mongs pa 'jig pa pha rol tu 'gro</font><hr>64.279a<br><font size=+1>

ba nyid kyis sdug bsngal ba yin te/ de ltar de dran pa nye bar gzhag pa bzhi dag la lta bar byed do/ /'phags pa'i bden pa bzhi'i rang gi mtshan nyid ji lta ba bzhin mthong ba dang dro ba zhes bya ba chos kyi blo skye ste/ ji ltar me 'byung ba na sngar du ba 'byung la phyis me 'byung ba dang ji ltar gtsub shing gis gtsub pa na dro ba sngar 'byung la/ phyis me 'byung bar 'gyur ba de ltar nyon mongs pa dang mi shes pa thams cad kyi dro ba 'byung bar 'gyur ro/ /'phags pa'i chos 'dul ba la 'phags pa'i bden pa bzhi dpyod pa rnam pa bcu drug tu chud pa/ dga' ba dang dang ba tsam yin no/ /dro bar gyur pa'i chos de ji ltar 'byung / gtso bo 'phags pa'i bden pa bzhi la ji ltar 'byed ce na 'di lta ste/ 'phags pa'i bden pa sdug bsngal ba ni 'di dag yin te/ rgyu dang rkyen nyid kyis mi rtag pa dang gnod pa nyid kyis sdug bsngal ba dang skyes bu dang bral ba nyid kyis stong pa dang rang dbang du mi 'jug pa nyid kyis bdag med pa yin te/ de ltar rnal 'byor pa de 'phags pa'i bden pa sdug bsngal ba la rnam pa bzhir 'byed do/ /'phags pa'i bden pa sdug bsngal ba'i 'og tu kun 'byung ba 'byung ngo / /kun 'byung ba de la yang rnam pa bzhir 'byed de 'di lta ste/ 'du byed 'brel bar 'jug pa nyid kyis kun 'byung ba dang de 'bras bu dang 'thun pa nyid kyis rgyu dang rab tu 'byed pa'i rnam pa kun nyid kyis rab tu skye ba dang 'bras bu dang mi 'thun par 'brel pa nyid kyis rkyen yin no/ /'gog pa la yang rnam pa bzhir 'byed de/ gtso bo rnal 'byor pa de ji ltar 'byed ce na 'di lta ste/ nyon mongs pa kun med pa nyid kyis 'gog pa dang nyon mongs pa'i me spangs pa nyid kyis zhi ba dang chos kun kyi gtso bo nyid kyis gya nom pa dang 'khor ba las nges par 'byin pa nyid kyis nges par 'byung ba yin no/ /gtso bo rnal 'byor pa de lam la yang rnam pa bzhir byed de 'di lta ste/ byang grol 'thob pa nyid kyis lam dang phyin ci ma log pa nyid kyis rigs pa dang 'phags pa'i</font><hr>64.279b<br><font size=+1>

skye bo thams cad gnas pa nyid kyis sgrub pa dang 'khor ba'i nyon mongs pa 'gog pa nyid kyis nges par 'byin pa yin no/ /de ltar bdag gis rnal 'byor rgya chen po rnam pa bcu drug khyed la bstan pa yin te/ dro ba ni de lta bu yin no/ /des na de'i dro bar gyur pa zhes bya ba'i chos 'phel bar gyur na/ spyi bo zhes bya ba'i chos skye bar 'gyur te/ yon tan dang ldan pa'i dkon mchog gsum dang phung po'i nyes dmigs la mngon par dad pa'i rnal 'byor pa de/ de las gzhan pa khyad par du 'phags pa spyi bo la dpyod par byed do/ /spyi bor gyur pa zhes pa'i chos de mdor bsdu na ri'i spyi bo lta bu yin no/ /de'i 'og tu gtso bo'i spyi bo 'phel ba dang rjes su 'thun pa'i bzod pa zhes bya ba dge ba'i rtsa ba skye bar 'gyur te/ gsum gyi skabs bden pa de bzod pa nyid kyis spyi bo'i rnam pa dang mi mthun pa'i bzod pa zhes bya ba'i chos 'byung ste/ de ni bzod pa nyid kyis bzod pa zhes bya ba'i chos 'byung ngo / /bzod pa 'phel bas skad cig gcig la 'jig rten pa'i chos kyi mchog 'byung ste/ sems dang sems las byung ba de dag dus de la 'byung ngo / /'jig rten pa'i chos kyi mchog thob pa dang / de'i 'og tu rgyun du zhugs par 'gyur la der ni bdag gi lus dbang du yod de/ de ni gshin rje'i mi rnams mi mthong zhing de dag la 'jigs pa med do/ /gtso bo de dag thams cad ni bag yod pas thob par 'gyur te/ de lta bas na bag yod pa la goms par bya'o/ /de nas brgya byin gyis de'i tshe 'di ltar tshigs su bcad de smras pa/ dbugs 'byung rngub pa'i cho ga shes/ /rnam pa bcu drug de nyid rig /dro bar gyur pa'i tshul shes gang / /bzod pa'i de nyid tshul la mkhas/ /'jig rten mchog gi chos shes pa/ /de yi 'og tu de nyid rig /chos nyid rim bzhin rig pa de/ /yang dag lam las g.yo ba med/ /sbyor ba gsum las nges grol zhing / /'jigs pa nyam nga brgyad med la/ /brtan po ngan 'gro brgyad med pa/ /rgyun du zhugs shes nges par brjod/ /</font><hr>64.280a<br><font size=+1>

nges par ngan 'gror 'gro ba yi/ /mi dge chos rnams bsal ba dang / /thar pa'i rgyun du 'gro ba yi/ /rgyun du zhugs zhes bya ba yin/ /de ltar bdag gis dbugs 'byung ba dang rngub pa dran pa rnam pa bcu drug khyed rnams la bstan pa yin gyis de gzung bar gyis shig /lam de dag ni zhi zhing thar pa'i grong khyer du 'jug par byed la 'jigs pa med pa 'phags pa'i skye bo thams cad dgyes pa yin no/ /de lta bas na lam de dag ni khyed rnams kyis nges par bsten par bya'o/ /'di ltar gshin rje'i mi rnams kyis 'jigs pa khyed la dbugs 'byung ba dang rngub pa dran pa bcu drug rim bzhin bstan pa yin no/ /gtso bo dag gshin rje'i mis 'jigs shing skrag pa'i lha 'am mis srid pa bar ma'i 'gro ba dang 'brel ba bcu bdun spang bar bya ste/ srid pa bar ma de dag gang zhe na 'di lta ste/ 'chi ba'i tshe gang gzugs snang bar 'gyur ba dag yin no/ /'di lta ste/ mi gang mi'i 'jig rten nas 'chi la/ lha rnams kyi nang du skye ba de ni srid pa bar mar mtshan ma sdug gu dag mthong bar 'gyur te 'di lta ste/ snam bu dkar po 'am skya snar shin du srab cing 'jam pa dag 'bab ste/ de ma thag tu de'i snying rab tu dga' zhing bzhin gyi mdog gsal bar 'gyur ro/ /de'i 'og tu des gnas kun dga' ra ba nyams dga' ba dang lteng ka nyams dga' ba dang chu bo nyams dga' ba dang yul dang nye ba'i tshal nyams dga' ba dag mthong ngo / /de'i 'og tu rgod pa dang rtse ba dang glu dbyangs shin du yid du 'ong ba dag thos so/ /de'i 'og tu sngon ma myong ba'i dri skye bo thams cad kyi yid du 'thad pa rdzas du ma dag sbyar ba la snom mo/ /de'i 'og tu reg bya shin du 'jam pa dag la reg par byed do/ /de'i 'og tu lha dang lha mo dag 'byung ste/ de'i legs par byas pa'i las rnams kyang mngon du 'byung ngo / /gnad chad par gyur pa dang phyis mtshan ma 'di dag 'byung bar 'gyur te/ de'i bzhin rab tu 'dzum</font><hr>64.280b<br><font size=+1>

la bzhin gyi mdog rnam par dag par 'gyur ro/ /rang gi gnyen 'dab dang rtsa lag tu zhing smre sngags 'don pa gang yin pa de dag mtshan ma de rnams kyis phrogs pas mi thos mi mthong la der yid mi 'jug ste/ shin du bde ba'i chos kyis zhugs pa de 'chi ba'i dus byed do/ /de'i srid pa bar mar shin du bde ba 'byung ba dang 'thun pa lha'i ris dang mtshungs pa/ so so'i mtshan ma rgya'i 'bur lta bur 'byung bar 'gyur ro/ /lha'i ris kyi gzugs brnyan 'dod pa'i khams kyi gnas drug dang mtshungs pa bde ba la gnas pa de dang 'thun pa yul de dang 'thun pa reg bya de dang 'thun pa mthong ba de dang 'thun pa dag 'byung ngo / /de phyis de'i 'og tu srid pa la gnas la lha'i ris gang du skye bar 'gyur ba de shin du bzang por mthong ste yul la srid pas de dag len par byed do/ /de der skye bar 'gyur zhing srid pa bar ma dang po mthong bar 'gyur ro/ /lha gtso bo dag gzhan yang srid pa bar mar gnas pa de gang yin zhe na/ gal te 'dzam bu gling nas mi dag 'chi la/ de gal te byang gi sgra mi snyan du skye bar 'gyur na des snam bu dmar po bu ga dkar po yod pa yang zhing 'jam la shin du yid tu 'ong ba mthong ngo / /de de la chags par 'gyur zhing de de la 'dzin par byed do/ /de 'chi ba na nam mkha' la lag pa g.yob par byed do/ /gnyen 'dun de dag na re/ nam mkha' nyid la nyug par byed do zhes rjod do/ /de'i 'og tu yang rlung 'byung la 'chi ba gang yin pa'i dus su grang bar 'gyur te dro bar 'dod pa'i 'du shes 'byung ngo / /de nas dro ba byung ba dang de'i grang ba ldog par 'gyur ro/ /reg pa des de'i bde ba 'byung la de sems bde ba de la dmigs pa'i sems kyis 'phrog par byed de/ ngu ba dang cho nges 'debs pa dang skra 'bal ba'i sgra mi thos so/ /brgya la las mi brtan pa nyid kyis thos na yang / de las kyi rlung gzhan rnams kyis gzhan du khyer bar byed de/ de ltar gnyen 'dun dag 'chi ba</font><hr>64.281a<br><font size=+1>

dus su bar chad byed pa yin no/ /de nas byang gi sgra mi snyan de nyid du skye bar 'gyur ro/ /de'i 'og tu de'i dge ba'i mtshan ma rnams 'byung bar 'gyur te/ mtsho sngon po bya ngang pa dang ka raN Da ba dang ngur pas gang zhing me tog gis yog pa gcig mthong nas de der rgyug par byed do/ /de'i 'og tu de srid pa tha ma pa'i sems 'byung ste/ de shi nas mtsho de nyid mthong ba dang de na pad ma'i khrod kyi nang rnams na rtse bar byed do/ /de gang gi tshe byang gi sgra mi snyan du ma'i mngal du skye bar 'gyur na/ de mtsho de nas thang la 'byung ngo / /des der 'khrig pa mi gtsang bas pha ma sbyor bar mthong ba dang log par mthong ste/ pha ni bya ngang par mthong ma ni bya ngang mor mthong ngo / /gal te bdag nyid bud med du 'gyur na ni bdag nyid ngang mor mthong ngo / /ji ste skyes par 'gyur na ni bdag nyid ngang phor mthong ste/ des ngang pa de bskrad nas ma dang 'khrig pa'i chos kyis sbyor bar byed de/ de ltar byang gi sgra mi snyan du skye bar 'gyur ro/ /srid pa bar ma gnyis pa ni de lta bu yin no/ /de nas 'dzam bu gling de nas shi nas/ gal te nub kyi ba lang spyod kyi mi rnams kyi nang du skye bar 'gyur na/ de'i mtshan ma 'di dag 'byung bar 'gyur te 'di lta ste/ 'chi ba'i tshe de'i khyim thams cad ser por mthong la snam bu ser po kha dog bzang po ser por snang zhing kun nas sprin lta bur mthong ngo / /de snam bu de nyid la nyug par byed pa dang nam mkha' la nyug par byed do zhes ma de ngu bar byed do/ /de'i 'og tu de'i srid pa tha ma pa'i sems 'byung ste/ des bdag nyid ba lang gi gzugs dang ba lang long long por 'khod pa kun rmi lam lta bur mthong ngo / /de gang gi tshe pha ma dag sbyor bar byed pa dang de gal te skyes par 'gyur na ni/ de bdag nyid pho khyu mchog byad gzugs chen po khyu mchog gi zla lta bur mthong ngo / /pha de 'ong ba dang des bskrad nas de dang lhan cig sbyor bar byed de/ de ltar nub kyi ba lang spyod du skye bar 'gyur ro/ /ji ste bud med du 'gyur na ni bdag</font><hr>64.281b<br><font size=+1>

nyid sdug par mthong ste de 'di snyam du sems so/ /khyu mchog 'di go 'di la ci phyir zhon/ 'di dang bdag tu sbyor bar bya'o snyam pa de ni nub kyi ba lang spyod tu bud med du 'gyur ro/ /srid pa bar ma gsum pa ni de lta bu yin no/ /gzhan yang srid pa bar ma bzhi pa ni 'di ltar gal te shar phyogs kyi lus 'phags gling gi mi rnams kyi nang du skye bar 'gyur na/ de 'chi ba'i dus na srid pa tha ma dang nye ba'i sems la snam bu sngon po mthong ste/ des khyim gyi nang na gnas bzhin du nam mkha' de la kun nas shin du sngo bar snang zhing sdug pa gcig pa mthong ngo / /de de la nom par byed cing bdag gi steng du lhung bar ma gyur cig snyam byed pa la/ gnyen 'dun de dag na re 'di ltar nam mkha' la reg par byed do zhes brjod do/ /de'i 'og tu de'i srid pa tha ma'i sems 'byung ste/ de srid pa bar ma la bdag nyid rta lta bur mthong ngo / /de shar gyi lus 'phags gling de na pha ma ni rta gseb dang rgod mar sbyor ba lta bur snang la/ de gal te skyes par 'gyur na ni 'di snyam du sems te rgod ma 'di dang bdag sbyor ba bya'o snyam pa'i sems 'byung ngo / /gal te bud med du 'gyur na ni de 'di snyam du sems te/ 'di ltar gseb 'di bdag la rgal du gzhug par bya'o snyam pa de ni bud med tu 'gyur te/ srid pa bar ma bzhi pa yin no/ /gzhan yang srid pa bar ma lnga pa ni 'di ltar gang gi tshe byang gi sgra mi snyan dag nas 'chi bar 'gyur ba de'i tshe/ de'i 'chi ba'i yul gyi dus la gong ma'i cha dang 'thun pa'i mtshan ma nges par rnam pa du zhig 'byung zhe na/ gtso bo dag de gang gi tshe 'chi bar 'gyur ba de'i tshe/ gal te las chen po dang sems kyi dbang gi las khyad chen pos lha'i 'jig rten der skye na/ de'i mtshan ma 'di dag 'byung bar 'gyur te 'di lta ste/ gcig pu sems rmi lam lta bu nam mkha' la nyug par byed cing rmi lam lta bur lta ba/ me tog nyams dga' ba dri shin du zhim pa mdog phun sum tshogs pa/ shin du rgya che ba kha dog sngon</font><hr>64.282a<br><font size=+1>

po dang ser po dang dmar po dang dkar po 'dug pa zhig mthong la/ de dag lag tu 'ong bar mthong ba dang de de rnams la chags par byed do/ /de 'di snyam du sems te/ da ni bdag gi me tog 'di dag gi shing ljon pa gang yin pa de dag blta zhing 'dzeg par bya'o snyam mo/ /de de'i 'og tu de la dmigs pa'i sems las byung ba srid pa phyi ma'i sems 'byung ngo / /de srid pa bar ma la shing ljon pa sngon po dang ser po dang dkar po dang me tog rnam pa du ma yod pa de dag mthong ba dang de 'di snyam du sems te/ 'di ltar bdag gis shing ljon pa rnams la 'dzeg par bya'o snyam nas/ de shing ljon pa de dag la 'dzeg pa shes pa 'am gal te ri rab de la 'dzeg par byed do/ /des lha'i 'jig rten me tog dang 'bras bus mdzes par byas pa sna tshogs de dag mthong nas 'di snyam du sems so/ /da ni bdag 'dir 'gro bar bya ste/ bdag me tog dang 'bras bu phun sum tshogs pa'i yul gang yin pa de dag tu gnas par bya'o snyam pa de ni skye ba chung ngur 'gyur ba lnga pa yin no/ /gzhan yang srid pa bar ma 'bring po drug pa ni/ byang gi sgra mi snyan gyi mi tshe 'das pa'i las 'bring pos de'i srid pa bar ma pa'i mtshan ma 'di dag 'byung bar 'gyur ro/ /'di lta ste/ 'chi ba'i tshe 'di ltar pad ma shin du nyams dga' ba bung ba dag gis mdzes par byas pa de dag nges par mthong la/ kun nas shin du dri zhim pa la yid chags par gyur pas 'dzeg par byed do/ /gang gi tshe 'dzegs par gyur pa de'i tshe/ 'dzegs ma thag tu pad ma de nam mkha'i dkyil du 'phar bar byed do/ /yang nam mkha' de nyid la 'phar ba na rmi lam lta bur shes so/ /gzhan yang skye ba'i tshe pad ma nyams dga' ba bung bas mdzes par byas pa thams cad du lhag par nyams dga' bar mthong ba dang / de 'dzin par byed la da ni bdag gis gnas 'di dag thob ste/ pad ma 'di rnams bdag gir gyur cig snyam mo/ /de'i sems bskyed ma thag nyid du skye bar 'gyur te/ srid pa'i yan lag ni de lta</font><hr>64.282b<br><font size=+1>

bu yin no/ /de ltar lha'i 'jig rten lha rnams kyi nang du las bar mas skye ba bar ma 'byung bar 'gyur ro/ /gzhan yang srid pa bar ma pa'i 'gro ba dang 'brel pa bdun pa ni 'di lta ste/ gal te las bzang po zhig yin na mtho ris sum bcu rtsa gsum gyi gnas rnams su mchog tu skye bar 'gyur ro/ /de byang gi sgra mi snyan dag nas 'chi ba na/ 'chi ba'i yul gyi dus su gzhal med khang shin du nyams dga' ba dang / tshal dang nye ba'i tshal sdug pa shin du nyams dga' ba dag mthong ba dang / de rang gi bzhin du de de dag la 'dzeg par byed do/ /de de dag la 'dzegs nas nam mkha' la 'dzeg par byed do/ /de 'dzeg pa na rnam pa thams cad du nyams dga' ba mthong ba dang de 'di snyam du sems te/ da ni bdag gnas 'dir 'gro'o snyam mo/ /des sems bskyed ma thag nyid tu der skye bar 'gyur ro/ /de ltar byang gi sgra mi snyan dag nas las mchog gis skye bar 'gyur te/ de ni 'gro ba dang 'brel ba bdun pa yin no/ /gzhan yang 'gro ba dang 'brel pa brgyad pa ni gal te byang gi sgra mi snyan de dag nyid na 'chi ba de 'chi ba'i yul gyi dus su mtshan ma rnam pa du 'byung zhe na/ gtso bo dag des bskyed mos tshal dkrigs pa rin po ches mdzes par byas pa shin du nyams dga' ba rnams mthong ngo / /de rnams dri shin du zhim pa la yang snom par byed do/ /de 'chi ba'i yul gyi dus su tshor ba mi bzad pa mi 'byung ste/ de'i tshor ba zhan pa nyid kyis sems rnyog pa can du mi 'gyur la de blo gsal bas 'chi ba'i dus byed do/ /des srid pa tha ma thob nas de nas yang de bzhin du gzhal med khang dang ra ba de dag mthong ba dang de 'di snyam du sems te/ da ni bdag gzhal med khang 'di dag gi nang du 'jug par bya'o/ /snyam nas de dag gi nang du zhugs pa dang srid pa bar ma la gnas pa des kun du rgyu ba'i lha rnams rnam par rgyu ba dang rgyug pa dang ri bo'i gsab gseb kyi nang dang zom dag la 'ong pa dang phan tshun phrad pa dang / gzhan du 'gro</font><hr>64.283a<br><font size=+1>

ba bdag mthong ngo / /de'i 'og tu bdag nyid mthong ngo / /mthong ba dang de nas 'jug par byed de/ thams cad kyang rmi lam lta bur phyod phyod por mthong ngo / /de'i 'og tu mtho ris kyi nyams dga' ba gzhal med khang nyams dga' ba du ma dang 'dod pa 'byor pa de dag thams cad mthong ngo / /de dag mthong ba dang de 'di snyam du sems te/ da ni bdag 'di'i nang du 'jug par bya'o snyam mo/ /de sems bskyed ma thag nyid tu der skye bar 'gyur te/ srid pa'i yan lag la len pa'i rkyen gyis srid pa 'byung bar 'gyur ro/ /de ltar 'di ni mchog dang 'bring dang chung ngu dang gsum gyis skye bar 'gyur ro/ /de skye ba na tshal dang nye ba'i tshal dang bskyed mos tshal khyad par du 'phags pa dag mthong ba dang de dag la 'dod par byed de/ de ltar byang gi sgra mi snyan dag nas 'dir skye bar 'gyur ro/ /byang gi sgra mi snyan na gnas pa 'dir skyes pa de dag thams cad kyi rgyu 'thun pa'i 'bras bus blo 'byung ba ni shin du 'dod pa la chags pa yin te/ de dag yul la lhag par chags pa/ bro gar dang glu dbyangs dang rgod pa dang rtse ba dang kha zas dang gnas mal la lhag par dga' ba dang / ri'i rtse mo la lhag par rgyu ba glu len pa la lhag par dga' ba yid shin du myos pa yin te thams cad de lta bu yin no/ /de ci'i phyir zhe na/ de la gnas pa'i ngo bo nyid kyis goms pa'i mi rnams yang goms par byed pa na/ sred pa'i stobs rab tu che ba yin no/ /gtso bo dag byang gi sgra mi snyan dag nas mi 'dir skyes pa rnams 'chi ba'i dus su mtshan ma 'byung ba dang bsil ba dang gnas ni de lta bu yin no/ /'di ltar nub kyi ba lang spyod kyi gling nas mi dag 'chi ba na gal te lan grangs gzhan la myong bar 'gyur bas lha rnams kyi nang du ji ltar skye bar 'gyur/ de 'chi ba na de yi 'gro ba bar ma ni ji lta bu yin/ srid pa phyir mar 'grogs pa dang mtshan ma ni ci dag 'byung / srid pa bar ma'i mtshan ma rmi lam lta bu phyod phyod po dag ji ltar mthong zhe na/ gtso bo dag 'di la nub kyi ba lang spyod kyi gling nas 'chi ste/ </font><hr>64.283b<br><font size=+1>

nges par 'chi ba'i dus byed la/ legs par byas pa'i las kyis rkyen rnams khyer ba na/ sgra ngar ngar por lhag par 'byung bar mi 'gyur/ gnad kyi sdug bsngal mi 'byung / de'i dbang po yang gsal bar 'gyur ro/ /de'i 'og tu chu klung sngon po gsal ba bai dUr+ya'i mdog ltar 'dug pa zhig mthong ba dang de der gnas par bya ba'i phyir 'jug par byed cing de lag rkyal byed do/ /chu klung de yang reg na ha cang grang ba yang ma yin la ha cang dro ba yang ma yin no/ /de chu des khyer ba dang ji lta ji ltar 'gram du rgyug pa de lta de ltar skye ba dang nye bar 'gyur ro/ /nyon mongs pa dag gis skye ba des thang la bu med shin du blta na sdug pa cha byad dang rgyan btags pa glu len bro rdung ba rnams mthong ngo / /de dag mthong nas 'khrig par bya ba'i blo 'byung ste/ de 'khrig par bya ba'i don du der 'gro bar byed do/ /de gang gi tshe zhon pa dang de'i tshe de skye bar 'gyur te/ lha'i bde ba rnams kyang myong ngo / /gang srid pa bar ma rmi lam lta bu phyod phyod po rnam pa du ma las sad nas gzugs gsal bar mthong ba ltar de skye bar 'gyur te/ de ni 'gro ba bar ma bcu pa yin la/ las bar ma dang chung ngus skye ba nub kyi ba lang spyod rnams kyi snang ba gcig yin no/ /srid pa bar mar mthong ba gcig dang skye ba gcig gi rim pa ni thams cad 'thun la/ byang gi sgra mi snyan dag gi ltar mi 'byung ste mtshan nyid gsum kun 'thun no/ /gtso bo dag shar gyi lus 'phags gling gi mi rnams 'chi ba'i dus kyi tshe/ mtshan ma 'am 'jig rten gyi khams sam 'chi ba'i yul gyi dus su skye bar 'gyur ba na/ rang gi mtshan ma dag ji ltar mthong bar 'gyur zhe na/ srid pa tha ma'i sems la lan kan bres pa'i gnas de nyid nyams dga' la/ ba dan dang rgyal mtshan bsgreng ba zhig kyang mthong la/ de srid pa bar ma'i khyim der dga' ba skyes nas/ yul nas yul du rgyug par byed pa de'i tshe skye ba'i srid pa dang lhan cig nye bar 'gyur ro/ /des</font><hr>64.284a<br><font size=+1>

gnas de'i phyi rol na glu dbyangs kyi sgra dang yang dag par ldan pa'i bud med cha byad mang po thogs pa rtag tu glu len zhing bro rdung ba rmi lam lta bu zhig dang / de bzhin du skyes pa glu len bro rdung ba zhig mthong ba dang de 'di snyam sems te/ 'di ltar bdag gnas 'dir song la skyes pa dang bud med de dag la blta zhing de bzhin du lhan cig glu blang bro brdung ngo / /'di ltar skyes pa glu len bro rdung ba 'di dag ni shin du yid tu 'ong zhing shin du rnar snyan pa yin te/ bdag song la de rnams dang lhan cig 'dre bar bya'o snyam mo/ /des 'di ltar bdag 'dres par gyur to snyam du shes pa dang ji ltar gnyid las sad pa de ltar de der skye bar 'gyur la/ de'i skyes pa de dag dang bud med de dag kyang mi snang bar gyur to/ /mtho ris kyi tshal dang nye ba'i tshal phun sum tshogs par bdag nyid skyes par mthong ste/ de de ltar skye bar 'gyur ro/ /gnas gzhan bcu gcig pa ni de lta bu yin te/ de ltar mi'i gnas bzhi pa dang gzhan yang 'jig rten mtha' yas pa'i skye ba 'byung bar 'gyur ro/ /gtso bo dag 'gro ba bar mi 'byed pa 'di ni phra ste/ phyi rol pa'i shes pa 'jig rten pa'i lta ba dang yang dag par ldan pa gang yang rung ba dag gis de dag shes par mi nus so/ /las mi dge bas yi dgas rnams kyi nang du skyes pa mi dge ba de zad par 'gyur la/ nyes par byas pa'i las kyi mtha' dpyad pa de zad nas 'gro ba gzhan du dpyad pa legs par byas pa/ lan grangs gzhan la myong bar 'gyur ba/ pha ma lta bur shin du yid tu 'ong ba/ so so yang dag par myong bar 'gyur bas gang gi tshe lha rnams kyi nang du skye bar 'gyur ba de'i tshe/ mtshan ma 'di ci dag cig 'byung srid pa tha ma'i sems la mtshan ma ji lta bu dag 'byung bar 'gyur zhe na/ gtso bo dag de la gang gi tshe yi dgas 'chi zhing mtho ris su skye bar 'gyur ba de'i tshe/ de'i lus bkres pa dang skom pas gdungs pa sems</font><hr>64.284b<br><font size=+1>

rtag tu phrag dog dang ser snas nyams pa/ rtag tu kha zas la rkam par gyur pa/ rtag tu btung ba la chags pa gang yin pa de bza' ba dang btung ba la ma gtogs par gzhan du rgyug pa de nyung bar 'gyur/ de'i lus bsil bar 'gyur zhing lhag par sra bar mi 'gyur la/ de'i spu yang ring zhing sdug par mi 'gyur/ srin bus gang ba de dag thams cad zhigs par 'gyur/ de'i bzhin gyi mdog kyang gsal bar 'gyur/ de la rlung bsil zhing bde ba rnams reg par 'gyur ro/ /de'i 'og tu srid pa tha ma pa'i mtshan ma dang nye bar gyur cing / bkres pa dang skom pa shin du chung bar gyur pa dang 'phral la dbang po rnams tshim par 'gyur la/ bya rog dang 'ug pa gang dag gis rtag tu mig rnams za bar byed pa de rnams mi snang bar gyur to/ /de'i 'og tu srid pa bar ma la zas dang skom gyi tshogs mthong ba dang de'i blo sngon goms pa'i 'phen pa skyes pas rgyug par byed kyang / sems kyis mthong bar zad kyi/ za bar yang mi byed la 'thung bar yang mi byed de/ de ni mthong ba kho na tsam du zad do/ /ji ltar rmi lam na dngos po mthong ba la mi mkho ba med la/ 'thungs kyang ngoms pa med pa de bzhin du des de mthong zhing des bltas kyang de tshim par mi 'gyur te/ mthong ba kho nas de snying dga' bar mthong ngo / /ji ltar sad pa'i dus su gzugs bden pa rnams khong du chud pa de ltar mtho ris kyi ngo bo shin du nyams dga' ba rnams mthong ba dang de nas yang yid tu 'ong ba de rnams la de rgyug par byed do/ /de ltar len pa yang byed de da ni bdag gis yul 'di dag thob par bya'o snyam nas de dag len par byed do/ /nye bar blangs ma thag tu lha rnams kyi nang du skye bar 'gyur te/ 'gro ba bar ma bcu gnyis pa ni de lta bu yin no/ /gtso bo dag gzhan yang gti mug zad nas ngo mtshar che ba'i 'gro ba bar ma bcu gsum pa ji lta bu yin zhe na/ gti mug</font><hr>64.285a<br><font size=+1>

kun du mang ba dud 'gro rnam pa du ma dag lan grangs gzhan la myong bar 'gyur ba'i las kyis tshe rabs 'bum phrag bye ba du mar/ sems can dmyal ba dang yi dgas dang dud 'gro nyes par byas pa'i las dag nye bar spyad nas/ 'di ltar yang bskal pa du mar las kyi 'khor ba mi bzad pa shin du dpyad par dka' ba thog ma med pa'i dus nas ya yor 'dug pa phan par mi byed pas sems can rnams 'khyam par byed do/ /dud 'gro rnam pa du ma dag ni zas du ma dang 'gro ba du ma dang lus du ma dang gnas du ma dang sems kyi sa bon du ma dang las du ma byed pa gang yin pa de dag gi nyes par byas pa'i las zad pa ni yid ches par dka' ste/ ji ltar chu thigs par bcus pas rgya mtsho skams par 'gyur ba yid ches par dka' ba de ltar las kyi rgya mtsho'i thigs par bcus pa yang ngo mtshar che ba yin no/ /de gang gi tshe dud 'gro dag las yongs su thar na/ de lha'i ris gnyis po rgyal chen bzhi pa 'am/ sum bcu rtsa gsum pa gang yang rung bar skye bar 'gyur ro/ /de dud 'gro'i nyam nga ba chen po las 'chi zhing thar bar 'gyur ba de'i tshe/ bde ba chen po nye bar gnas pa'i mtshan ma rnam pa du ma dang dngos po du ma dang ldan pa'i mtshan ma la dmigs pa bshad par mi nus so/ /sems can dmyal ba pa mtho ris su skye bar 'gyur ba ni ngo mtshar mi che'i/ /yi dgas dang dud 'gro dag mtho ris su skye ba ni ngo mtshar che'o/ /de ci'i phyir zhe na/ yi dgas pas dud 'gro gti mug mang ba'i phyir te/ gzhan la nyes pa mang po byed la/ de dag tshe gcig gis 'bum phrag tu sbyor ba dang bskal pa 'am bskal pa brgya 'am bskal pa 'bum phrag tu sbyor bar byed pa/ las kyi lu gu rgyud kyis tshe gcig nas gcig tu brgyud pa de dag pas ni sems can dmyal bar skyes pa ches sla'i/ yi dgas dang dud 'gro rnams kyi nang du skyes pa ni mi rung ste/ rgyu des na sems can dmyal bar skyes pa ches rung gi dud 'gro ni mi rung ngo / /</font><hr>64.285b<br><font size=+1>

de ltar de sdug bsngal shin du mi bzad pa las gal te thar na/ de dag gis 'di dag phal cher mthong nas skye bar 'gyur te 'di lta ste/ 'chi ba'i dus su gti mug srabs par 'gyur zhing shes pa chung ngu 'byung bar 'gyur ba ni/ 'di ltar sngon byung bas de bas khyad par du 'byung ba 'am rno bar 'byung ngo / /de 'chi ba'i dus kyi tshe/ ri snang bar gyur pa mthong ba dang lcug ma 'phyang ba dang 'bab chus gang ba rnam pa sna tshogs dag mthong ngo / /kha zas 'byung ba gang yin pa'i kha zas de yang ri de la mthong ngo / /kun rdzob kyi shes pas de'i 'dod pa bde ba gang yin pa de dag tshal de na 'am ri de la mthong ngo / /de'i tshe de kha zas kyi don du 'am der 'gro ba 'am de la rten pa'i phyir rgyug par byed pa de yang rmi lam lta bur mthong ste/ de ji lta ji ltar rgyug pa de lta de ltar de'i skye ba'i srid pa nye bar 'gyur ro/ /de gang gi tshe skye ba nye bar gnas par 'gyur ba de'i tshe/ gzugs gu lu lu byed pa dag mthong ngo / /sngon tshe rabs 'bum du ma mthong ba gang yin pa de dag la 'di ci zhig 'di gang zhig yin snyam du de'i rnam par shes pa la ngo mtshar cher 'byung ste/ de ci'i phyir zhe na/ ngo bo gzhan pa nyid kyis ma goms pa'i phyir ro/ /ngo mtshar du gyur pa de ni bdag 'dir 'gro bar bya ba 'am/ 'gro bar mi bya snyam du de la dmigs par yang byed la/ 'di dag thams cad bdag dbang bar bya'o snyam du yang sems te/ legs par byas pa'i las de dang rkyen des de ltar blo skyed do/ /sems bskyed ma thag nyid tu lha'i 'jig rten der skye bar 'gyur te/ srid pa bar mar 'gro ba dang 'brel ba bcu gsum pa ni de lta bu yin no/ /gar mkhan rnams kyi nang na shin du dka' ba shin du rmad tu byung ba shin du rnam par rig par dka' ba 'di yin te 'di lta ste/ las kyi gar mkhan las gzhi sna tshogs kyi gar chen po sems kyi gar dag ltad mo'i gzhi'i 'khor ba na gar byed do/ /brgya byin des de skad smras pa dang lha rnams shin du gus pa'i yid skyes nas</font><hr>64.286a<br><font size=+1>

'di skad smra'o/ /'di ltar brgya byin bdag cag la/ /'jig rten 'di dang pha rol du/ /skye dgu rnams la phan mdzad pa/ /rgyal po pha dang ma dang mtshungs/ /gang gis bag med rnam bral zhing / /thams cad du ni 'byung mi 'gyur/ /mtha' las byung ba thar bar 'gro/ /bdag cag la ni chos ston mdzad/ /khyod kyi las dang 'bras bur bcas/ /mngon sum yang dag rab tu bstan/ /skye dang 'chi ba'i ngo bo dag /brgya byin 'jig rten bka' mchid ston/ /khyod kyis de nyid rnam par bstan/ /bdag cag la ni legs par mdzad/ /bdag cag gang dag yid rmongs pa/ /ye shes mkhas pa nyid tu mdzad/ /bud med 'dod chags yid zhen cing / /rtag tu 'dod pa tshol rnams la/ /rgyu dang 'bras bu yang dag 'byung / /de ni khyod kyis rab tu bstan/ /brgya byin long ba'i mig dang 'dra/ /nad pa rnams la sman pa ltar/ /khyod kyis chos lam bstan pa gang / /bdag cag la ni sman par mdzad/ /ji lta ji ltar brgya byin khyod/ /phan pa'i chos ni ston mdzad pa/ /de lta de ltar gshin rje'i mi/ /phan med mig can nyams par 'gyur/ /de ltar brgya byin des/ dud 'gro rnams kyi srid pa bar ma bshad nas/ yang srid pa bar mar 'gro ba dang 'brel ba bcu bzhi pa ston par byed do/ /'di ltar sems can dmyal ba pa dag res 'ga' legs par byas pa'i las kyi rkyen dang / legs par byas pa'i las kyi rgyu lan grangs gzhan la myong bar 'gyur ba/ shin du bsil ba shin du phan par 'dod pa/ dma' ba dang mtho bar 'gyur ba'i rgyu gang gis gal te sdug bsngal dpe med pa las grol nas/ bde ba dpe med par ji ltar skye bar 'gyur/ de'i yang sos dang thig nag dang bsdus gzhom dang ngu 'bod dang ngu 'bod chen po dang tsha ba la sogs pa sems can dmyal ba chen po dang / 'di ltar sems can dmyal ba'i 'khor tu gtogs pa'i rnam par smin pa shin du tsha ba</font><hr>64.286b<br><font size=+1>

spu shin du zing zhes byed pa me 'bar ba 'khrugs pa dang bcas pa dag nas/ sems can dmyal ba pa 'chi ba rnams dang 'chi ba de dag gi las zad nas 'chi ba rnams kyi mtshan ma ji ltar 'byung bar 'gyur/ srid pa bar ma nas srid pa bar mar ji ltar skye ba dang 'chi bar 'gyur/ ji ltar na las kyi rkyen gyi dbang gis shin du sdug bsngal dang ldan pa 'am shin du bde ba dang ldan par 'gyur zhe na/ gtso bo dag sems can dmyal ba pa ngan song zad pa de'i 'chi ba ni/ de gang gi tshe rdza ma'i nang du bcug ste 'chi bar byed do/ /de bcug pa tsam nyid kyis dbu ba bzhin du so sor zhu bar byed kyang lus gzhan du skye bar mi 'gyur ro/ /gal te de lan cig kho nar tho bas gsod cing 'chi ba'i dus byed kyang lus gzhan du skye bar mi 'gyur ro/ /gal te lung ba'i nang du 'jug par byed la/ de bcug pa tsam nyid kyis srog 'jig par byed kyang lus gzhan du skye bar mi 'gyur ro/ /gal te ba tshwa'i chu bo'i nang du 'jug par byed la/ de lan cig kho nar rab tu zhu bar byed kyang de'i lus gzhan du skye bar mi 'gyur ro/ /gal te phur bu rnams kyis btab la de phur bu rnams kyis btab ste/ nyams pa nyid kyis 'chi bar 'gyur yang / de'i lus yang skye bar mi 'gyur ro/ /gal te bya rgod dam khwa rnams kyis bzung nas za bar byed kyang de yang 'byung bar mi 'gyur ro/ /gal te seng ge dang stag dang dred dang gung dang gzig rnams kyis 'dzin par byed la/ bzung nas kyang gal te za bar byed na de yang 'byung bar mi 'gyur te/ de ltar sems can dmyal ba pa de las rnam par zad nas 'chi bar 'gyur ro/ /de 'chi ba'i dus la bab pa'i tshe/ gshin rje'i mi gnod par byed pa gang yin pa de dag thams cad mi snang bar 'gyur ro/ /sems can du bgrang ba ma yin pa de dag ji ltar mar dang snying po zad na mar me med par 'gyur ba de bzhin du las zad na/ sems</font><hr>64.287a<br><font size=+1>

can dmyal ba la gnod pa byed pa gshin rje'i mi rnams 'byung bar mi 'gyur ro/ /ji ltar 'dzam bu gling du nyi ma nub na de'i tshe mun pa yang 'byung ba de ltar las byas pa zad na/ bzhin gyi mdog dang mig mi sdug par bsgyur ba gzugs de dag thams cad kyang mi snang bar 'gyur ro/ /ji ltar gang gi tshe brtsig pa zhig na de'i tshe ri mo yang 'jig par 'gyur ba de bzhin du/ gang gi tshe las kyi brtsig pa zhig na/ de'i tshe sems can du bgrang ba ma yin pa gshin rje'i mi gzugs mi sdug par bsgyur ba de dag kyang 'jig par 'gyur ro/ /de dag ni bcom ldan 'das kyis gsungs pa yin te/ de ltar sems can dmyal ba de dag sems can dmyal ba zad nas thar bar 'gyur ro// //'phags pa dam pa'i chos dran pa nye bar bzhag pa/ bam po bzhi bcu gsum pa'o/ /de nas brgya byin gyis de'i tshe lha de rnams la 'di ltar tshigs su bcad de smras pa/ ji ltar mi dag srog gcod pa/ /dgra rnams las ni thar ba rnams/ /bde ba 'dod pa thabs kun gyis/ /mdza' bshes mang po mngon du 'phrad/ /de ltar dmyal ba stobs po che/ /las 'di dag las nges grol ba/ /lha yul zhi bar 'gro ba yi/ /las rnams legs par byas pas thob/ /de ni yon tan du mas brgyan/ /lha yi gnas su khrid byed la/ /ji ltar legs par byas pa'i las/ /de ma zad par dga' bar byed/ /de ni de nas zad dang phyir/ /dbang med mi dag ltung bar 'gyur/ /mar me'i snying po zad pa gang / /mar me 'chi bar 'gyur ba ltar/ /las kyi rlung las yang dag byung / /de ni dma' dang mthon por mthong / /rlung zhugs dbang gis 'khrul pa yi/ /'jig rten 'di ni yongs su 'khor/ /shes pa'i dbang du gyur pa gang / /de ni 'khor bar mi 'jug go/ /ji ltar pad ma'i rtsa rgyud kyis/ /ri mchog ri rab mi 'gul ltar/ /de ni las kyi zhags pa yis/ /nam yang 'dren par mi 'gyur ro/ /de ltar de ni mgon bral zhing / /</font><hr>64.287b<br><font size=+1>

mya ngan bral la nyon mongs bral/ /ri rab kyi ni rtse mo ltar/ /brtan po dag tu 'khor mi 'gyur/ /de ltar brgya byin des lha de rnams la tshigs su bcad pa smras pa/ sems can dmyal ba las thar ba de'i srid pa bar ma'i mtshan ma sngon chad ma mthong ba rnams la brtags nas/ nam mkha' la rlung shin du bsil ba lus la reg par byed de reg na shin du bde ba shin du dri zhim pa/ brten na shin du bde ba sgra snyan pa thos te 'di lta ste/ pi bang gi sgra 'am de las gzhan pa'i rgyud las byung ba'i sgra de ltar rlung dag gi sgra thos so/ /dri yang shin du yid du 'ong ba la snom mo/ /gzugs kyang shin du yid du 'ong ba dag mthong ste/ 'di lta ste/ tshal dang nye ba'i tshal dang lteng ka dang 'bab chu'i dngo dang pad ma'i tshal shin du dri zhim zhing rgya che ba dag mthong ngo / /rna bas kyang glu dbyangs kyi sgra shin du yid du 'ong ba dag thos so/ /bdag nyid kyi byad gzugs shin du che la rab tu gzi brjid dang ldan pa/ lhag par dri zhim pa phreng bas brgyan pa mthong ngo / /kun du thogs pa med cing nam mkha' shin du dri ma med pa thams cad la/ gza' dang skar ma dang rgyu skar gsal ba rnams kyis khyab par mthong ngo / /mtsho dag na yang bya ngang pa dang ka ran da bar 'dres pa'i sgra dag thos so/ /de nas yang srid pa bar mar zhugs te/ srid pa 'byung ba'i pi bang dang gling bu dang rnga dang glu dbyangs kyi sgra dag thos pa dang lo bye ba phrag du mar ma myong ba'i de'i yid la rab tu dga' bar 'gyur ba/ thams cad tu mtshan ma bzang po rnams 'byung bar 'gyur ba dang mdza' bshes dang gnyen 'dab dang rtsa lag dag dang phrad pa lta bur bdag nyid sems la nyin gcig bzhin snying rab tu dga' bar 'gyur ro/ /ji lta ji ltar srid par skye bar 'gyur ba de 'di 'am gzhan rgyal chen bzhi'i lha'i rigs su skyes pa dang tshal dang nye ba'i tshal shin du nyams dga' ba dang dri shin du zhim pa dang tshal dang rin po che sna bdun gyi tshal dang bud med kyang ngo bo nyid</font><hr>64.288a<br><font size=+1>

kyis yid du 'ong ba gang yin pa dag mthong ngo / /de 'di snyam du sems te/ da ni bdag 'dir skye bar bya 'am thob par bya'o snyam mo/ /des sems bskyed ma thag nyid du skye bar 'gyur la srid pa'i yan lag gi rim pa ni 'di lta ste/ nye bar len pa'i rkyen gyis srid pa 'byung ngo / /de ltar srog chags dag sems can dmyal ba las thar cing ngan pa byas pa las yongs su thar nas bde ba dpe med pa thob par 'gyur te srid pa bar ma'i 'gro ba bcu bzhi pa ni da lta bu yin no/ /srid pa bar mar 'gro ba dang 'brel pa bco lnga pa ji ltar shes par bya/ /gang gi tshe mi dag las shi nas gal te mi rnams kyi nang du skye ba de'i tshe mtshan ma ci dag 'byung / mngon par 'dod pa de ji lta bu yin zhe na/ 'di la gang gi tshe 'chi ba'i dus su mi dag nyid las shi nas gal te mi rnams kyi nang du skye na/ de'i mtshan ma 'di lta bu dag 'byung bar 'gyur te/ ji ltar ri brtsegs pa chen po'i grib ma rdo thal gyis bskus pa'i thang la 'bab pa de ltar grib ma lta bu zhig bab pa dang 'di snyam du sems te/ bdag gi steng du thams cad 'bab bo snyam nas/ de lag pa gnyis kas ri 'bab pa phyir 'phul bar byed la/ 'bab pa na lag pa gnyis kas 'dzin par byed cing lag pa g.yob par byed pa dang de'i gnyen 'dun dag na re 'di ltar nam mkha' la reg par byed do zhes brjod do/ /de'i 'og tu snam bu dkar po zhig mthong nas/ de'i steng na yang snam bu dmar po zhig yod par mthong ngo / /de'i 'og tu srid pa tha ma pa'i sems la ji ltar snang ba mthong ba de'i mi gsal ba de dag las rmongs par 'gyur te/ ji ltar rmi lam na gzugs dag la blo rmongs pa ji ltar de rmongs par 'gyur ro/ /de pha ma gnyis 'khrig pa'i chos dang ldan par gyur pa na/ gal te skyes par 'gyur na ni de log par mthong bar 'gyur te/ ma la ni chung ma'i 'du shes skye'o/ /pha la ni dgra'i 'du shes skye'o/ /de 'di snyam du sems te/ </font><hr>64.288b<br><font size=+1>

bdag 'di'i drung du 'gro'o snyam nas/ de ma de la 'khrig pa'i phyir phrad par byed do/ /ji ste bud med du 'gyur na ni de 'di snyam du sems te/ bdag gi khyim thab 'di 'dis phrogs so snyam nas/ de la zhe sdang skyed par byed do/ /de ma de skyes pa de dang 'byed par 'dod cing bdag nyid de dang phrad par byed do/ /de'i tshe srid pa bar ma pa'i rnam par shes pa 'gag cing skye ba'i srid pa'i rnam par shes pa 'byung ste/ de ma thag pa'i rkyen gyis rgya'i 'bur ltar rnam par shes pa 'byung bar 'gyur ro/ /mi dag las shi nas mi rnams kyi nang du skye ba'i mtshan nyid ni de lta bu yin no/ /gzhan yang 'gro ba dang 'brel pa bcu drug pa ni 'di ltar lha dag nyid las 'chi ba na/ gtso bo dag gang gi tshe lha las shi nas lha rnams kyi nang du skye bar 'gyur ba de'i tshe/ de la 'di ltar lha gzhan sems can dmyal ba dang yi dgas dang / dud 'gro'i nang du skye ba rnams kyi sdug bsngal de dag 'byung bar mi 'gyur la/ chung mas 'dor ba'i sdug bsngal mi 'byung / rgyan 'phrog par mi byed/ lha'i bu gzhan stan de la 'dug par mi mthong ste/ sdug bsngal mi bzad pa de dag mthong bar mi 'gyur ro/ /de shi ba'i stan de la lha gzhan dag skye bar 'gyur la/ de'i 'gro ba lha'i nang du skye ba ches bzang bar 'gyur ro/ /'di ltar gal te rgyal chen bzhi pa dag las shi nas sum bcu rtsa gsum du skye bar 'gyur ba de'i mtshan ma shin du nyams dga' ba bzang po dag mthong bar 'gyur te/ 'di ltar des sngon gar yang ma thos pa'i rnam pa gang yin pa'i rnam pa de lta bu'i glu dbyangs thos la/ de bzhin du yul lnga'i mtshan ma bzang po mthong ngo / /de'i 'og tu de'i srid pa tha ma pa'i sems 'byung ste/ des srid pa bar ma la bud med shin du bzang mo lhag par blta na sdug pa/ byad gzugs rab tu bzang ba rnams kyi lag na rol mo rnam pa sna tshogs thogs pa mthong ngo / /'bab chu dang bskyed mos tshal yon tan</font><hr>64.289a<br><font size=+1>

sna tshogs dang ldan zhing / de ltar yid tu 'ong ba sngon gar yang ma mthong ba srid pa bar ma'i gang yin pa de dag des rmi lam lta bur mthong ngo / /de gang gi tshe skye ba'i srid pa dang nye zhing phrad par 'gyur ba de'i tshe sad pa'i dus ltar 'dod pa/ shin tu nyams dga' ba/ 'dod pa'i yon tan lnga 'byor ba des sngon nams kyang ma mthong ba de rnams gsal bar mthong ngo / /de nas 'di snyam du sems te/ kye e ma ngo mtshar che ba rnam pa 'di lta bu sngon bdag gis gar yang ma mthong ste/ da ni bdag 'dir 'jug par bya'o snyam sems so/ /des sems bskyed ma thag nyid tu der skye bar 'gyur te/ srid pa bar mar 'ga' ba dang 'brel pa bcu drug pa ni de lta bu yin no/ /gtso bo dag gzhan yang srid pa bar mar 'gro ba dang 'grel ba bcu bdun pa ji ltar 'byung zhe na/ de ltar lha'i ris gzhan gang dang gang dag nas ches dma' bar skye bar 'gyur ba de ni lteng ka dang chu dngo dang 'bab chu chung ba dag mthong ba dang / ji ltar de la 'dod pa de ltar bkres pas mngon par nyams par 'gyur zhing de der skye bar 'gyur ro/ /de ltar lha rnams kyi srid pa'i yan lag la rnam pa gnyis sam/ rnam pa gcig tu 'gro ba lha rnams kyi nang du skye bar 'gyur ro/ /gzhan yang srid pa bar mar 'gro ba dang 'brel ba ni gal te shar gyi lus 'phags po'i mi dag nub kyi ba lang spyod rnams kyi nang du skye bar 'gyur ba de'i 'chi ba'i dus gang zhig la mtshan ma rnam pa ji lta bu dag 'byung bar 'gyur/ gal te nub kyi ba lang spyod kyi mi shar gyi lus 'phags su skye bar 'gyur na/ de gnyis 'chi ba'i dus su mtshan ma rnam pa ji lta bu zhig 'byung bar 'gyur zhe na/ gtso bo dag phan tshun skye ba dag gi mtshan ma ni de bzhin du 'byung ste/ 'di lta ste/ srid pa tha ma pa'i dus su phug gi sgo chen po rib rib por bsgrigs pa zhig mthong la/ de nas ba dan skar mda' lta bur shin du bzang ba/ la la ni dmar po/ </font><hr>64.289b<br><font size=+1>

la la ni dmar skya dag cig byung ba dang / de lag pa gnyis kyis de la 'dzin par byed do/ /des ji lta ji ltar ba dan de la bzung ba de lta de ltar mi de yang phug gi nang du 'jug par byed la/ srid pa tha ma pa btang ste/ shi nas srid pa bar ma la gnas te/ ba dan de nyid la 'dzin par 'dod pa kun du rgyug par byed do/ /de ji lta ji ltar rgyug pa de lta de ltar de'i skye ba'i srid pa'i nye bar gnas par 'gyur la/ des snga ma bzhin du khyu mchog ba dang lhan cig 'khod pa dang / gseb dang rgod mar lhan cig 'khod par mthong ba dang / de der kun du 'dod chags skyed par byed do/ /gtso bo dag 'gro ba dang 'brel pa bcu bdun pa ni de lta bur shes par bya'o/ /de ltar shes pas shin du bag yod par bya'o/ /de ci'i phyir zhe na/ bag med pa ni gang yang 'khor ba las 'grol ba med la/ 'jig rten pa'i legs pa gang yang 'thob par mi 'gyur ro/ /bag med pa ni legs pa thams cad don med par byed pa nyid yin te/ de lta bas na legs pa thams cad don du gnyer ba'i lha 'am mi shes rab dang ldan par gyur pas yongs su spang bar byed pa de rab tu 'bad pas yongs su spongs shig /gtso bo dag de ltar srid pa bar mar 'gro ba dang 'brel pa bcu bdun pa dag sred pa'i ngo bo nyid la rtog par 'dod cing de kho na tshol bar 'dod pa'i lha 'am mis shes par bya/ dpyad par bya/ brtag par bya'o/ /gtso bo dag gzhan yang rim pa brgyad pa cig nas chos nyi shu'i bar du bstan pa gang gi nang nas bcu bdun gyi bar ni bstan zin to/ /gtso bo dag da ni 'gro ba dang 'brel pa dag las gzhan pa'i khams bcwa brgyad bstan pa khams de dag gi rim pa la bab pas rim pa de bstan par bya'o/ /de la khams shes bstan pa gang yin pa de gang zhe na/ de la mos pa rnam pa du ma dag gi khams rnam pa du mar 'gyur ro/ /skyon gsum gyis bsgribs pa'i sems can ni phung po</font><hr>64.290a<br><font size=+1>

gsum la gnas la/ gsum gyis so sor dbang bsgyur to/ /phra mo la mos pa'i sems can byed pa sna tshogs/ rang bzhin sna tshogs/ las sna tshogs 'gro ba sna tshogs bde ba dang sdug bsngal myong ba sna tshogs/ byad gzugs sna tshogs/ dbang sna tshogs pa de dag thams cad ni sems kyi rang bzhin sems kyi khams la rag las pa yin la/ srid pa'i ris su srid pa sna tshogs nyid 'byung ba yin te/ de ltar sems can rnams kyi sems kyi khams ni mtha' yas so/ /lha dang mi dang dud 'gro dang yi dgas dang sems can dmyal ba rnams kyi 'gro ba rags rims kyi mdor bsdu na/ bgrang bar gtogs pa'i khams bcwa brgyad ni sems kyi skyon la rag las pa yin te/ khams bcwa brgyad tu bsdu ba de dag thams cad ni mdor bsdus pa yin no/ /de la khams dang po ni 'dod chags kyi shas che ba'i khams dag na/ lha dang mi dang yi dgas dang dud 'gro rnams kyi bud med nga rgyal spyod pa kun yin la/ de dag gi zhe sdang de ni chung ba yin te/ 'di ni khams dang po yin no/ dud 'gro spyi rnams kyi nang na rma bya dang mchil pa dang khu byug dang phug ron dang / bA na bi ka dang pu shud dang bung ba dang nya dang khyim bya dang / ba lin da ka la sogs pa'i dud 'gror gtogs pa ni 'dod chags kyi khams shas che ba yin no/ /dud 'gror gtogs pa'i 'dod chags kyi khams 'bring po'i shas yod pa gang zhe na/ 'di lta ste/ rta dang byi la dang skyugs pa za ba dang / bong bu dang ma he dang phag dang glang po che dang rnga mo dang / khyi dang da ra dang bya rog dang bya ne'u le dang / 'ug pa dang tshad pa bye'u dang / ya ti ka la sogs pa dag ni 'dod chags 'bring por spyod pa yin te/ sems kyi khams gnyis pa yin no/ /de la dud 'gro de dag gi 'dod chags kyi khams chung ba gang zhe na/ 'di lta ste/ seng ge dang stag dang dred dang gung dang ra dang gla ba dang / bya ka lan da ka dang wa dang sa ko'u shi dang / sa la le</font><hr>64.290b<br><font size=+1>

dang mdzo dang chu srin dang chu srin d+hun d+hu gsod dang / tsu lun da la sogs pa dus su 'khrig par byed pa de dag ni/ dus su 'khrig tu 'gro ba yin no/ /dus ma yin par 'dod chags spyod pa chung ba yin te/ de dag ni dud 'gro 'i khams gsum pa yin no/ /de dag ma gtogs pa gzhan rnam pa du ma/ tshe du ma/ ming du ma gang yin pa de dag ni bshad par mi nus shing bgrang bar mi nus so/ /yang dud 'gro de dag gi nang nyid na zhe sdang che ba gang yin zhe na/ gang zhe sdang lhag par che ba nyid yin la 'dod chags che ba ma yin te/ 'di ni khams bzhi pa yin no/ 'di lta ste/ seng ge dang stag dang gung dang / sbrul dang ne'u le dang srog chags rlung 'gam dang / kab tab bya dang srin gyi me da dang ka ko da ra da dang / tsi lin da ka dang 'ol ba dang pra ro hi na dang chu srin na kra dang / chu srin byis pa gsod dang phag la sogs pa ni zhe sdang gi khams lhag par che ba yin no/ /khams lnga pa ni gang yin/ dud 'gro de dag nyid kyi nang na zhe sdang 'bring du spyod pa gang zhe na/ ba lang dang yu ba bin ta ka dang / ka pa ling ka dang sa lin d+ha ka dang / kA Do da ra dang id kya ha ka dang / rma bya dang khyim bya dang byi la dang / byi ba la sogs pa ni zhe sdang 'bring du spyod pa yin no/ /de la khams lnga pa dud 'gro de dag nyid kyi nang na zhe sdang chung ngu spyod pa gang yin zhe na/ 'di lta ste/ ngang pa dang chu skyar dang srog chags kad t+ya dang / sha ba dang khu byug dang / mchil pa dang / bzhad dang / bong bu dang rus sbal dang ri bong gsod dang / srog chags sU k+sham tsa ra dang / u tsa tsa ka dang ra sha sha ka dang / sbal pa la sogs pa ni zhe sdang chung ngu spyod pa yin no/ /de la khams drug pa gang zhe na/ yi dgas rnams kyi nang na yi dgas rdzu 'phrul chen po 'dod chags spyod pa gang yin pa de dag yin no/ /khams bdun pa ni dud 'gro'i nang du gtogs pa lha ma yin 'dod chags kyi khams lhag par che ba gang yin pa de dag yin no/ /khams</font><hr>64.291a<br><font size=+1>

brgyad pa ni 'dod chags 'bring du spyod pa dud pa za ba gang yin pa de dag yin no/ /khams dgu pa ni 'dod chags chung ngur spyod pa gtor ma za ba gang yin pa de dag yin no/ /khams bcu pa ni lha ril ba spyi lugs nas 'thung ba gang yin pa de dag ni lha gzhan dag pas 'dod chags spyod pa chung ba yin la/ zhe sdang che ba yin te/ g.yul 'gyed pa la brkam zhing rtag tu brtson pa/ lha ma yin gyi g.yul 'gyed par 'dod pa de dag ni 'dod chags lhag par chung ba yin no/ /khams bcu pa 'di ltar phreng thogs rnams ni 'dod chags 'bring du spyod/ zhe sdang 'bring du spyod pa yin te/ khams 'bring po yin no/ /rtag tu myos gnas pa rnams ni 'dod chags kyi khams lhag par che ba yin/ zhe sdang gi khams chung ba yin te/ thams cad du mngon par brtson pa yin no/ /khams bcu gcig pa kun du rgyu ba dag ni zhe sdang gi khams lhag par che la 'dod chags chung ba yin no/ /khams bcu gnyis pa ni sum bcu rtsa gsum pa 'dod chags spyod pa kun yin la/ zhe sdang chung ngu spyod pa rnams yin no/ /khams bcu gsum pa ni byang gi sgra mi snyan pa 'dod chags kyi khams che ba kun yin no/ /khams bcu bzhi pa ni nub kyi ba lang spyod pa zhe sdang spyod pa kun yin no/ /khams bcwa lnga pa ni shar gyi lus 'phags po rnams 'dod chags dang zhe sdang 'dres par che ste/ khams mnyam pa yin no/ /khams bcu drug pa ni 'dzam bu'i gling gi mi rang bzhin sna tshogs/ spyod pa sna tshogs/ mos pa sna tshogs pa rnams yin no/ /bcu bdun pa ni lha gzhan dang sems can dmyal ba 'dod chags spyod pa thams cad yin te/ 'di ltar de'i gnas dag na yang sems can dmyal ba pa rnams bud med dag la mngon par 'dod do/ /'di ltar las byas pa'i sems can dmyal ba pa rnams dang / lha'i gnas bzhi rnams ni 'dod chags lhag par che ba yin no/ /sems can rnams kyi rang</font><hr>64.291b<br><font size=+1>

bzhin gang yin pa de nyid khams yin pa de nyid gnas yin/ de nyid mos pa yin te/ thams cad mdor bsdu na/ de dag nyid khams bcwa brgyad yin no/ /gang na 'dod chags dang zhe sdang spyod pa de na gti mug la gnas la/ de ltar 'dod chags dang zhe sdang dag ni gti mug la rag las pa yin te/ rmongs pa med na chags pa 'am g.yo ba med do/ /gtso bo dag de ltar skyon gsum gyi bye brag tha dad pa bzhi'i skyon gyis khams 'byung bar 'gyur ro/ /gtso bo dag yang khams bcwa brgyad yod de/ 'di lta ste/ mig gi khams dang / gzugs kyi khams dang / mig gi rnam par shes pa'i khams dang / rna ba'i khams dang / sgra'i khams dang / rna ba'i rnam par shes pa'i khams dang / sna'i khams dang / dri'i khams dang / sna'i rnam par shes pa'i khams dang / lce'i khams dang / ro'i khams dang / lce'i rnam par shes pa'i khams dang / lus kyi khams dang / reg bya'i khams dang / lus kyi rnam par shes pa'i khams dang / yid kyi khams dang / chos kyi khams dang / yid kyi rnam par shes pa'i khams te/ gtso bo dag gzhan 'di dag kyang khams yin no/ /'di dag ni gnod pa thams cad kyi rgyur gyur cing / byis pa so so'i skye bo thams cad rmongs par byed pa yin te/ lha 'am mi bag yod pas yul de dag la bsams nas bsrung bar bya'o/ /gang gnyi ga 'dzin pa bag med pa'i mi rnams kyi srid pa bcu dgu ni 'di lta ste/ bsam gtan bzhir nye bar 'gro ba gnas gtsang ma dang bcas pa bcu drug dang / 'dod pa'i khams su nye bar 'gro ba gsum ste/ 'di lta ste sems can dmyal ba dang / dud 'gro dang / mi rnams so/ /yi dgas rnams ni de dag dang 'brel pa yin te/ sems can dmyal ba myong bar byed pa/ sdug bsngal mang po lhag par myong ba yin no/ /'dod pa'i khams na gnas tha dad pa nyi shu yod de/ kha cig dag rnam pa bcur yang 'chad</font><hr>64.292a<br><font size=+1>

do/ /gtso bo dag dngos po tha dad pa de dag thams cad khong du chud par bya'o/ /de nas lha de rnams kyis brgya byin gyi kha nas chos de dag thos nas/ yang brgya byin la mngon par bstod cing tshigs su bcad de smras pa/ thams cad mchog tu zhi byed pa/ /brgya byin khyod kyi chos 'di bshad/ /'jigs dang dngangs pa byung ba'i tshe/ /sgrub la bdag cag gnas par bgyi/ /chos gang 'chad par mdzad pa ni/ /gzhan la phan par bzhed pa lags/ /mya ngan 'das 'gro ston pa po/ /de ni pha dang de ni ma/ /legs par gsungs pa'i tshig gcig po/ /ston pa gang zhig ston mdzad pa/ /de ni 'gro gzhan lam shes shing / /lus can rnams kyi mgon tu 'gyur/ /legs par gsungs pa'i tshig la ni/ /brgya byin rin thang ma mchis te/ /gang zhig nor gyis mi rnyed pa/ /zhi ba'i tshig de rnyed pa lags/ /nor rdzas thun mong spyod par mthong / /chos dag gi ni blo mi 'phel/ /mi yi nor rdzas zad 'gyur gyi/ /chos kyi nor rdzas rnams mi zad/ /skye ba'i tshe rabs stong dag tu/ /chos gcig rjes su 'gro bar byed/ /gom pa gcig pu 'gro byed kyang / /nor ni rjes su 'gro mi 'gyur/ /rgyal po chom rkun chu rnams kyis/ /mi rnams kyi ni nor rdzas 'phrog /chos kyi nor ni de rnams kyis/ /nam yang dbrog par mi nus so/ /de ltar brgya byin de la lha de rnams kyis mngon par mchod do/ /mchod nas kyang de nas yang brgya byin gyi mdun du 'khod do/ /brgya byin gyis kyang snying gi las gya nom pa de dag byas nas/ lha'i bde ba de dag thams cad kyang mi rtag pa dang mi brtan pa dang bdag med pa bstan cing / sprul pa de yang mi snang bar byas so/ /de nas yang lha yid mya ngan las 'das pa ris 'thun par spyod pa'i gnas de dag nyid du phyin pa de thams cad ji srid du 'dod pa sdug pa/ yid du 'ong ba so so yang</font><hr>64.292b<br><font size=+1>

dag par myong ba/ bde ba 'grub pa'i las de dag zad pa dang spangs pa dang gtugs par ma gyur pa de srid du dga' bar byed do/ /de phyis lha'i ris de nas 'chi bar 'gyur te/ shi nas kyang las sngar bstan pa de dang rgyu 'thun par/ de dag phal cher ngan song du 'gro bar mi 'gyur ro/ /gang dag mi rnams kyi nang du skyes pa de dag chos bzang po dang ldan zhing chos kyi rjes su 'jug par 'gyur la/ rtag tu dgon par gnas pa dang rtag tu 'jig rten pha rol la 'jigs par lta ba yin no/ /de dag chos thos nas kyang rab tu 'byung bar byed do/ /kha cig ni rgyun tu zhugs par 'gyur ba nas dgra bcom pa'i bar du 'gyur bar mthong ngo / /de nas yang dge slong las kyi 'bras bu rnam par smin pa shes pa de/ sum bcu rtsa gsum pa'i lha rnams la rtog par byed de/ des thos pa las byung ba'i shes pas/ sum bcu rtsa gsum pa'i lha rnams kyi gnas 'khor na gnas pa zhes bya ba ji ltar 'dug pa mthong ngo / /der sems can dag las gang gis skye bar 'gyur snyam nas/ des thos pa las byung ba'i shes pas brtags na/ skyes bu dam pa chos dang ldan zhing chos kyi rjes su 'jug pa/ drang po drang po'i rang bzhin can gzhan la gnod pa med pa/ rtag tu las kyi 'bras bu'i de kho na nyid la lta ba/ tshul khrims thams cad du yongs su dag pa/ rtag par shin tu dga' ba/ g.yo sgyu rnam par spangs pa/ gser btso ma ltar kun nas skyon med pa/ yang dag par lta ba/ yang dag par lta bas sngon 'dren pa tshul khrims gtsang ba/ 'jig rten pha rol la 'jigs par lta ba gang gis sbyin pa dag byin zhing bsod nams dag byas pas skye bar 'gyur te/ 'di lta ste/ dgon pa dag na dge slong mang po bdud kyi 'ching ba rtag tu gcod par 'dod pa rnams bsam gtan byed la/ de dag tsha bas gdungs par gyur te/ tsha bas gdungs pa rnams sam</font><hr>64.293a<br><font size=+1>

skom gyis gdungs pa rnams la sha kha ra dang / chu byin nam rnga ma'i bsil yab yu ba can sbyin par byed pa de lta bu ni sbyin pa byin pa yin no/ /srog gcod pa spangs pa rnam pa gang yin zhe na/ 'di la khyim la sten pa gang gis 'byor pa dang ldan pa dag gi don tu 'di ltar de dag rtsed mo byed par 'gyur ro snyam nas/ sten pa pos khu byug 'am rma bya tshal na 'dris pa de dag de nas bzung ste/ mi mthong ba dang 'chi bar 'gyur ba'i bya de dag zong gis blus nas thar bar byed la/ de dag kyang slar tshal gyi nang nyid du dong ste/ de na gnas la de nas yang 'tsho bar byed cing bde ba dag la nye bar spyod du 'jug pa yin te/ de lta bu ni srog gcod pa spangs pa yin no/ /ji ltar na ma byin par len pa dag las ldog pa yin/ ji ltar na ma byin pa len pa yongs su spong ba yin zhe na/ 'di la las kyi 'bras bu chung ngu la 'jigs par lta ba yin te/ 'di ltar de ni rdzing 'am lteng ka 'am chu klung gi ngogs sam rnam pa de lta bu gzhan gang yang rung ba dag tu tshangs pa mtshungs par spyod pa sdom brtson can gzhan la phan par bya ba'i phyir/ so shing ngam sbrang rtsi'i chur sbyar ba de dag des spong bar byed cing rku sems dang ldan par gyur nas len par mi byed pa yin te/ rnam pa de lta bu ni ma byin par len pa las ldog pa yin no/ /de lus dang bral nas bde 'gro mtho ris kyi 'jig rten sum bcu rtsa gsum pa rnams kyi nang du lha 'khor na gnas pa zhes bya ba de rnams kyi nang du skye bar 'gyur ro/ /der skyes nas 'dod pa thams cad 'byor te/ sil snyan yan lag lnga dang ldan pas tshal dang nye ba'i tshal rnams kyi nang na/ bya rnam pa sna tshogs sgra 'byin pa rnams dang / pad ma'i rdzing rnams kyi nang na bung ba'i tshogs sgra 'byin pa rnams dang / bya ka raN Da ba dang ngang pa sgra skad 'byin pa rnams dang tshal rnams kyi nang na yang rin po che sna bdun gyi shing</font><hr>64.293b<br><font size=+1>

ljon pas brgyan pa rnams dang / lteng ka rnams kyi nang na yang bai dUr+ya sngon po bcag 'phro lta bu'i chus shin du gang ba rnams dang / ri'i rtse mo rnams kyang rin po che sna bdun gyi rdo rab tu gsal la gser dang dngul dang shel dang an da rnyil gyi ri'i phug rnams kyi nang dang / bya rnam pa sna tshogs sgra rnam par 'byin pa rnams kyi nang na rtse bar byed do/ /de dag gi kha dog dang sgro gshog kyang rin po che sna bdun ltar 'dug pa yin te/ sgra rnam pa sna tshogs 'byin cing nyams dga' ba rnams rna khung du sgra 'byin pa/ phan tshun 'thun pa rnam pa du ma snyan par 'byin pa/ de dag thams cad rnar snyan par 'byin te/ gang gis tshal dang nye ba'i tshal de dag nyid sgra 'byin pa lta bur 'byin te/ tshal dang nye ba'i tshal de dag kha cig na kun nas sgra di ri rir 'byin te/ shin du nyams dga' ba yang yin no/ /tshal de rnams kyi nang na zas kyi tshogs dang skom gyi tshogs kun las shin du zhim pa rab tu 'bab ste/ lha de rnams kyang rab tu dga' ba skyed na mi gzhan dag lta smos kyang ci dgos/ rnam pa de lta bu'i tshal dang nye ba'i tshal de rnams kyi nang na/ byad gzugs sna tshogs cha byed sna tshogs lus la rgyan rnam pa sna tshogs thogs pa rnams lan brgya 'am stong du dga' bar byed dga' mgur spyod par byed do/ /de dag gi nang na las bzang po legs par byas pa/ rang gi 'od dang gzi brjid mchog dang ldan pa bde ba sna tshogs gyis yongs su bskor ba dga' bar byed dga' mgur spyod par byed la 'dod pa rnam pa thams cad myong bar byed do/ /de bde ba'i rnam pa de lta bu'i myos pas myos pa mngon par mthong nas/ yid tu dga' ba de rnams kyis lha de yongs su bskor te/ dga' bar byed dga' mgur spyod par byed do/ /de ltar de dag de bzhin du dga' zhing rtse la dga' mgur spyod pa na/ 'di snyam</font><hr>64.294a<br><font size=+1>

sems te bdag cag bai dUr+ya'i nor bus lan kan bres pa'i tshal/ kun nas nor bu'i ljon shing bkra ba sna tshogs su phye ba rnams kyis yongs su bskor ba bya sna tshogs sgra 'byin pas kun tu gang ba rnams su 'dong bar bya'o snyam mo tshal de na lha rab tu dga' ba/ lha dang lha mo'i tshogs kyis gang ba rnams sil snyan yan lag lnga dang ldan pas dga' bar byed dga' mgur spyod par byed do/ /tshal de'i nang na chu gnas pa zhes bya ba'i rdzing yod de/ shin tu nyams dga' la chu rab tu dang ba yin te/ de'i 'gram na lha de rnams rtse bar byed dga' bar byed do/ /de nas lha'i bu gsar du skyes pa de lha de rnams dang lhan cig rdzing de nyid kyi drung du 'gro bar byed do/ /de nas lha de rnams kyis kyang de rig nas rgod cing rtse la 'gros 'chos pas lha de dag ga la ba der 'dong bar byed de/ de'i rdzing chu gnas pa dag na phan tshun grogs su gyur pa dag dang dga' bar byed dga' mgur spyod par byed do/ /rdzing de la yang mthu 'di lta bu yod de/ ji ltar 'dod pa dang chu'i rnam pa ji tsam du 'dod pa rnam pa de tsam du de 'gyur ro/ /gal te 'dod na de chang mdog dang dri dang ro gsal zhing shin tu zhim la bung ba'i tshogs dang ldan par 'gyur te/ 'dod pa ji lta ba bzhin du 'gyur zhing / bdud rtsi dang 'thun par 'gyur ro/ /mdog dang ro dang dri shin tu zhim po dang ldan pa chu gnas pa'i rdzing de/ bdud rtsi shin tu zhim pa shin tu 'jam pa mdog zla ba lta bus kun tu gang ba yin no/ /de nas 'di snyam sems te/ 'di ltar rdzing 'di shing ljon pas gang bar gyur cig snyam na/ de shing ljon pa yon tan mchog dang ldan pa dang shing ljon pa dril bu g.yer ka'i dra bas gtibs shing lo mas rol mo 'byung ba rnams kyis de bzhin du gang bar 'gyur ro/ /rlung gi shugs kyis rab tu bskyod pa'i shing ljon pa de rnams las sil snyan yan lag lnga dang ldan pa'i rnam pa ji snyed pa/ </font><hr>64.294b<br><font size=+1>

rnam pa de snyed kyi sgra 'byin par 'gyur ro/ /de nas yang lha de rnams 'di snyam du sems te/ 'di ltar bdag cag rdzing de dag gi nang du 'jug par bya'o snyam pa dang / lha de dag gis sems bskyed ma thag tu der 'jug par byed do/ /de dag zhugs pa dang nang du chu 'byung bar 'gyur la/ nang du zhugs pa rnams kyis rdzing de nyid kyi nang na nor bu'i lan kan rnam pa sna tshogs kyis brgyan cing lo ma rnams kyis khebs pa'i gzhal med khang la la ni bai dUr+ya las byas/ la la ni gser las byas/ la la ni dngul las byas/ la la ni shel las byas/ la la ni an da rnyil las byas/ la la ni 'dren mar byas pa dag mthong ngo / /khang pa dang tshal de rnams kyi nang na thags su ma btags pa'i stan khra bo shin tu yid du 'ong ba/ bsams pa bzhin du sdug pa'i mal stan sna tshogs bting ba'i steng na/ lha dang lha mo dang lha'i bu mo'i tshogs de rnams dang lhan cig dga' bar byed dga' mgur spyod par byed do/ /de rnams sa phyogs der yang dga' zhing shin tu sdug pa rnam pa du ma/ 'dod pa'i yon tan ngoms mi myong ba 'thab mo dang phrag dog gi skyon rnams kyis skyo ba med pa shin tu snying du sdug cing yon tan dang ldan pa phan tshun grogs su gyur pa rnams dang dga' bar byed dga' mgur spyod par byed de/ 'dod pa'i yon tan lnga rnams kyis lhan cig dga' bar byed do/ /de dag kyang de nas langs nas tshal shin tu sdug pa zhes bya ba ga la ba der 'dong bar byed do/ /tshal de yang bya mad ta din da sgra snyan pa mang po 'byin pa/ 'bab chu dang chu klung dang lteng ka dang 'bab chu'i ngos kun tu gang ba bya khri snyed sgra ca co 'byin pas kun nas yongs su gang zhing / sgra snyan pa'i ca cos kun tu snyan pa yin no/ /tshal gang na shing ljon pa nyi ma'i 'od ltar rnam par gsal ba'i tshal yon tan sna tshogs dang ldan pa/ bya'i tshogs kun nas lang long 'phur ba/ 'bab chu 'bum</font><hr>64.295a<br><font size=+1>

snyed kyis brgyan pa de na/ lha rang gi 'od dang ldan pa de rnams lha mo dag dang lhan cig lha'i yon tan sna tshogs pa'i yul rnams kyis dga' bar byed do/ /mi shes pa rnams kyi dga' ba'i nang na mchog 'di yin te 'di lta ste/ bud med la dga' ba zhes bya la zhags pa des bcings pa'i byis pa so so'i skye bo thams cad ni 'khor ba na dga' bar byed do/ /lha de dag de rnams dang lhan cig phan tshun dga' ba rab tu mang po sna tshogs dang ldan pas yun ring du shin du dga' bar byas nas ri rab kyi rtse mo mad ta ka Ta ma zhes bya ba ga la ba der/ lha mo rang gi 'od dang ldan pa byad gzugs che zhing bzang la rgyan sdug gu thogs pa 'brang ba rnams dang lhan cig gzhal med khang gi nang du zhugs nas nam mkha'i dkyil nas 'dong bar byed de/ nam mkha'i dkyil du zhugs pa gos rlung gis bud pa de rnams ri rab kyi rtse mo med ta ka da ma der gzhal med khang gi dga' spyod byed du 'dong bar byed do/ /de dag na gzhal med khang gi dbyibs sdug pa lha'i pad ma'i rdzing dang lteng kas mdzes par byas pa/ rin po che sna bdun gyi ri'i zom gsal ba/ thags su ma btags pa'i rdzas kyis nye bar mdzes par byas pa/ kun nas mchog tu legs pa dang ldan pa mad ta ka Ta ma de'i gnas dpe med cing shin du mtho la brtsegs pa dag de rnams kyis mthong la/ de rnams kyi nang na dga' bar byed dga' mgur spyod par byed do/ /de ltar de dag rtse ba na/ re shig na glo bur du de dag thams cad kyi gzi 'bar la/ nyi ma'i mdog dang mthun pa'i 'od kyi rnam pa de lta bu zhig byung ste/ de nas yang ji ltar lha rnams shin du dngangs la khas bub du gyur/ mig btsums nas lhung ba yon tan 'bum dang ldan pa'i 'od de lta bu zhig byung ste/ 'di ltar 'od kyi rnam pa 'di lta bu sngon nam yang ma mthong ngo / /'od de yang yud tsam zhig tal gyis byung nas nub ste/ ji ltar 'dzam bu gling na skar mda' ltung ba yud tsam zhig</font><hr>64.295b<br><font size=+1>

tal gyis byung nas nub pa dang / sems can dag kyang shin du dngangs par gyur pa de ltar lha de rnams kyis 'od de byung ba mthong nas/ lha'i tshogs rnams dang lhan cig dngangs par gyur la/ de nas yang yun ring zhig lon pa dang dbugs byung ba de dag thams cad yud tsam gyis ngo mtshar cher skyes te/ gang gis bdag cag thams cad dngangs la de nas yang 'od de nyid mi snang bar gyur pa rnam pa de lta bu'i 'od de ci zhig yin snyam mo/ /ngo mtshar cher skyes pa de dag lha'i 'dun sa chos bzangs ga la ba der dong ste phyin nas lha dang lha mo'i tshogs kyis yongs su skor ba/ ngo mtshar skyes shing dngangs pa de dag brgya byin ga la gnas pa der dong nas de dag gis brgya byin mngon par mthong ba dang mgo bos phyag 'tshal te/ kun nas yongs su bskor te 'khod do/ /de nas brgya byin gyis mdun na 'don pa'i lha gang yin pa de rnams rtse bar byed dga' bar byed phreng ba dang rgyan dang pad ma'i phreng ba sna tshogs thogs pa/ bzhin 'dzum la nor bus lto sngo bsangs su 'dug pa/ mdog gser btso ma'i 'od ltar gsal ba'i lha'i tshogs de dag thams cad brgya byin gyi mdun na rtse bar byed dga' bar byed dga' mgur spyod par byed do/ /de nas 'khor na gnas pa'i lha gang yin pa de rnams ni dga' bar mi byed dga' mgur spyod par mi byed/ brgya byin la mngon par bstod par mi byed/ glu mi len bro mi rdung lha gzhan la tshig cung zad kyang smra bar mi byed do/ /de nas lha'i rgyal po brgya byin gyis 'khor na gnas pa de rnams la 'di skad smras so/ /kye gtso bo dag ci ste glu mi len bro mi rdung rgod par mi byed/ de nas 'khor na gnas pa'i lha rnams kyis brgya byin la 'di skad smras so/ /brgya byin bdag cag gis gang sngon gar yang ma mthong ba mthong sngon ma thos pa thos so/ /de nas brgya byin gyis de dag la 'di skad smras so/ /'khor na gnas pa rnams kyis ngo</font><hr>64.296a<br><font size=+1>

mtshar zhig mthong ba de ci yin/ de nas 'khor na gnas pa'i lha rnams kyis brgya byin la 'di skad smras so/ /brgya byin 'di ni bdag cag bskyed mos tshal du dga' spyod byed du ri'i rtse mo mad ta ka Da mar mchis pa dang bdag cag rnams kyis nam mkha' las ji tsam du gang gis ri'i rtse mo de rab tu 'bar ba lta bu'i 'od kyi rnam pa de lta bu byung ba zhig mthong ste/ de la bdag cag ngo mtshar skyes na brgya byin de cir 'gyur/ de nas brgya byin gyis de thos nas yud tsam zhig bsams te/ lha de rnams la 'di skad smras so/ /lha dag res 'ga' 'od de lta bu 'byung ba yod de/ bdag gis 'di'i ngo mtshar gnyis pa de thos so/ /gang gi tshe bdag gis ngo mtshar dang po de thos pa des/ bdag gis de bzhin gshegs pa la bcom ldan 'das ngo mtshar ba de ci lags zhes zhus so/ /de nas bcom ldan 'das la de skad ces zhus pa dang bka' stsal pa/ kau shi ka khyod ni ngan song gi sgo bcad pa yin pas 'jigs par ma byed cig 'khor bar gtogs pa'i sems can thams cad kyi chos nyid ni 'di yin te 'di lta ste/ mi rtag pa zhes bya ba yin no/ /gang yin pa de ngas khyod la bshad kyis nyon cig /lha 'thab bral zhes bya ba dag yod de de dag gi drung na sum bcu rtsa gsum pa rnams kyi bong skyed dang mdog dang dbyibs dang longs spyod rnams 'bum gyi char yang mi phod do/ /de dag gang gi tshe las yongs su zad pa dang de nas ltung bar 'gyur te/ de dag dpag tshad 'bum phrag du ma dag nas ltung ba na 'od de chung ngur 'gyur ro/ /ji ltar mar me zad pa'i dus su 'od chung zhing mi gsal bar 'gyur ba de ltar de nam mkha' la 'chi ba'i dus na/ 'od de rnam pa de lta bur chung bar 'gyur ro/ /brgya byin gang gi 'od rab tu gsal ba de dag ni brjod par mi nus shing / /sum bcu rtsa gsum pa rnams kyis blta bar yang mi nus so/ /de ci'i phyir zhe na/ rtogs pa'i yul</font><hr>64.296b<br><font size=+1>

ma yin pa'i phyir 'jug pa'i yul ma yin no/ /kau shi ka de ltar 'thab bral gyi lha'i 'od gang yin pa/ sum bcu rtsa gsum pa'i lhas gang yang blta bar yang mi nus te/ de ni gzhan gyi las kyi 'bras bu sum 'gyur du 'byung la/ sum bcu rtsa gsum pa rnams kyi 'bras bu ni gzhan gyi nyis 'gyur du 'byung ngo / /de dag bdag gis de bzhin gshegs pa las de skad thos pa 'di dag khyod la bstan pa yin no/ /gtso bo dag de'i tshe skyo ba skyes te/ lha de 'chi ba na nam mkha' dpag tshad 'bum phrag du ma dag nas 'od 'byung ba gang yin pa de dag lha khyed kyis mthong ba dang / de la 'jigs par ma byed cig /de nas brgya byin gyis de'i tshe 'di ltar tshigs su bcad de smras pa/ ji lta ji ltar bde chen dang / /ji lta ji ltar longs spyod pa/ /de lta de ltar sdug bsngal che/ /nges par mthar ni ltung bar 'gyur/ /las dang mthun par 'bras bu ni/ /rtag tu de bzhin gshegs pas gzigs/ /las kyis lhag par khyad 'jug la/ /'bras bu 'ang de bzhin khyad 'jug go/ /ji ltar gong nas gong dag tu/ /las rnams kyi ni 'brel ba mthong / /de ltar gong nas gong dag tu/ /'bras bu 'ang de ltar 'brel pa yin/ /skye bar 'gyur ba 'di rnams kyi/ /las ni nges par gnas pa ste/ /skye las mchog nyid lus dang mdog /stobs dang tshe rnams 'thob par 'gyur/ /las zad nas ni ltung 'gyur te/ /'di dag thams cad nges par ltung / /sa bon nges par tshig pa la/ /nam yang skye ba yod ma yin/ /mar me rtag tu skad cig ltar/ /sems kyang skad cig 'brel par mthong / /rgyu ste sems dang 'thun par ni/ /las kyang de bzhin skad cig go/ /mi rtag las las gang skyes pa/ /de ni skye 'jig chos can yin/ /zag dang bcas pa'i bde ba de/ /rtag tu sngon med phyis mi 'byung / /skye med 'jig med bdag nyid gang / /nyon mongs las</font><hr>64.297a<br><font size=+1>

grol de bde'o/ /gang zhig thob nas 'khor ba yi/ /yul las gnod med nges par 'gro/ /gang zhig srid bral 'dod med la/ /srid pa'i skyon las rnam grol ba/ /lus can gyi ni bde ba de/ /pha rol gnas pa'i skyob pa yin/ /cung zad zag bcas bde ba gang / /de dag thams cad skad cig dgongs/ /gang zhig de las rnam grol ba/ /de dag thams cad brtan par bde/ /de ltar brgya byin des/ 'khor na gnas pa'i lha de rnams la de kho na nyid ston par byed do/ /bstan nas yang de rnams phyung ste rang gi gnas su gtong bar byed do/ /chos 'di skad kyang bstan te/ 'di ltar dus thams cad du bag yod par bya'o/ /de nas lha de rnams kyang kha cig rang gi gnas der dong ste/ de nas yang yul gyi dbang du gyur pa rnams/ sil snyan yan lag lnga dang ldan pas dga' bar byed dga' mgur spyod par byed do/ /sil snyan dang rol mo'i sgra rnam pa sna tshogs kyis snyan par byas pa'i tshal dang gnas rnams na ji srid du 'dod pa sdug pa yid du 'ong ba byas shing bsags pa'i las zad par ma gyur pa de srid du/ dga' bar byed dga' mgur spyod par byed do/ /de phyis las de zad nas/ lha'i 'jig rten de nas 'chi bar 'gyur te/ shi nas kyang las nye bar 'gro ba ji lta ba bzhin/ sems can dmyal ba dang yi dgas dang dud 'gro rnams kyi nang du skye bar 'gyur ro/ /gal te kha cig mi rnams dang skal ba mnyam par mi'i nang du skye bar gyur na/ las de dang rgyu 'thun par de rtag par mchog tu bde ba dang ldan par 'gyur te/ rdzu 'phrul che ba dang skye bo thams cad dga' ba dang nad med pa dang sdug bsngal med pa dang rigs btsun zhing che bar skye ba dang skyes phan chad mchog tu bde la blta na sdug par 'gyur ba mthong ngo / /de nas yang dge slong las kyi 'bras bu rnam par smin pa shes pa de sum bcu rtsa gsum pa'i lha</font><hr>64.297b<br><font size=+1>

rnams kyi gnas la rtog par byed de/ des thos pa las byung ba'i shes pas/ sum bcu rtsa gsum pa'i lha rnams kyi gnas mtho bar spyod pa zhes bya ba ji ltar 'dug pa mthong ngo / /gnas der sems can dang / las gang gis skye bar 'gyur snyam nas/ des thos pa las byung ba'i shes pas brtags na/ chos dang ldan zhing chos kyi rjes su lta ba rtag tu las kyi 'bras bu la yang dag par lta ba/ rtag tu yang dag pa'i lta bar sngon du 'dren pa gang gis nor gyi sbyin pa byin pa dang / bsod nams dag byas pas skye bar 'gyur te/ 'di lta ste/ tshul khrims phyogs gcig bsrungs la tshul khrims kha cig srung ba dang de'i 'og tu tshul khrims thams cad srung ba'i dge 'dun lam du zhugs pa dag la lham 'am snod spyad dag sbyin par byed pa dang srog gcod pa dang ma byin par len pa dag spangs pa yin te 'di lta ste/ 'gro lding ba 'am ri khrod pa 'am skra 'phyang bas 'brog dgon pa dag tu mi gsad pa'i phyir bzung ba de dag thar bar byed pa dang / 'brog dgon pa dag tu chom rkun pa rnams kyis bcom pa'i nor rdzas khyer te 'ongs pa de dag /rgyal por gyur gyis kyang ma byin par len pa'i 'jigs pas rgyal po'i skal ba len par mi byed pa yin te/ de ltar 'di ni ma byin par len pa spong ba yin no/ /ji ltar na srog gcod pa spong ba yin zhe na/ 'di ni 'di ltar de rgyal por gyur la/ nyes byed byed pa gzhan gyis bzung ste phul ba de yang de las kyi 'bras bu la 'jigs nas gsod par mi byed pa yin te/ de ni lus dang bral nas bde 'gro mtho ris kyi 'jig rten sum bcu rtsa gsum pa'i lha rnams kyi gnas mtho bar spyod pa zhes bya bar skye bar 'gyur ro/ /der skyes nas kyang de'i las kyi mtha' legs par byas shing spyad pas lha mo sum stong dag de'i rim gro byed par 'gyur te/ de dag thams cad kyang cha byad dang</font><hr>64.298a<br><font size=+1>

rgyan btags pa/ lag na sil snyan rnam pa sna tshogs dang lag na mkho ba rnam pa sna tshogs dang lag na rol mo rnam pa sna tshogs thogs la/ glu dbyangs rnam pa sna tshogs kyis bstod cing lha de ga la ba der 'dong bar byed do/ /des kyang de rnams mthong nas lha mo de rnams ga la ba der 'gro bar byed do/ /de rnams kyang shin du gus pas de'i drung du 'dong bar byed do/ /de ltar phan tshun snying du sdug pa de dag thams cad bskyed mos tshal rtag tu dga' ba zhes bya ba ga la ba der 'dong bar byed do/ /bskyed mos tshal rtag tu dga' ba zhes bya ba de yang kun nas bai dUr+ya dang dngul dang gser gyi shing ljon pas ni brgyan/ 'bab chu dang lteng ka dang / pad ma'i tshal gyis mdzes par byas shing / chu bo du ma brgya snyed ni legs par 'bab/ dril bu g.yer ka'i dra ba rnam pa sna tshogs kyis ni gtibs/ kun nas bya'i rigs du ma lding zhing sgra snyan pa'i rnam pa mang po stong snyed ni 'byin/ bskyed mos tshal de lha'i rnam pa sna tshogs pa rnams kyis ni khyab ste/ lha de rnams dang tshal de phan tshun mdzes pa yin no/ /tshal de'i dbus na rtse ba'i ri zhes bya ba rin po che sna bdun gyir yod do/ /de na yang rin po che'i ri dgas rnam pa du ma yod la/ de dag 'di lta bur mdzes pa yin te 'di lta ste/ rtsib logs ni pad ma rA ga'i mdog ltar dmar la/ rgyab ni dngul ltar dkar lto ni gser ltar ser/ rkang pa ni byi ru/ rwa ni shel lta bu yin la kha cig ni mdog 'thun te/ lus thams cad dngul gyi mdog dang de bzhin du gser gyi mdog tu 'dug go/ /de ltar tshal de na ri dgas rgyu ba rnams kyi lus kyi rnam pa dag gis kun nas mdzes pa yin no/ /lha'i tshogs de rnams dang lhan cig spyod par byed la/ ri dgas de rnams kyang lha mo de rnams dang lhan cig glu len par byed de/ ji ltar lha mo de rnams kyang shin du 'thun zhing snyan la</font><hr>64.298b<br><font size=+1>

mchog tu yid tu 'thad pa'i glu len no/ /de ni lha de rnams yun ring du rnam pa du ma dga' bar byas nas/ 'bab chu 'bab pa gzhan ga la ba der lhan cig rgyu bar byed cing / ri rab kyi rtse mo chu sman ljongs zhes bya der shing rta rnam pa sna tshogs la zhon pa/ sil snyan yan lag lnga dang ldan pas glu dbyangs nye bar len zhing 'dod pa dam pa dang ldan la/ shin tu dga' ba skyes pa legs pa mchog dang ldan pa rnams 'dong bar byed do/ /der phyin nas kyang chu klung dang 'bab chu dang chu bo sman ljongs kyi ri rab kyi rtse mo der yang dga' bar byed do/ /chu bo'i nang rnams dang 'bab chu'i nang rnams dang pad ma'i rdzing gi nang rnams na rol mo'i sgra rnar grag cing shin tu rgyags par gnas pa/ rtag tu rtse ba rtag tu rgya che ba lha dang lha mo'i tshogs phan tshun 'thun pa rnams kyis gang ba/ me tog phreng ba dang phye ma dang byug pas lus bskus pa/ pad ma'i phreng bas mgo dkris pa dag dga' bar byed de/ las legs par byas pas bsgyur ba rnams de'i stobs dang de so sor 'brang ba/ lha dang 'thun pa bde ba byed pas rtse bar byed do/ /der 'di ni phyogs gcig bstan par zad la/ thams cad ni mi kun gyis brjod par mi nus te/ 'di ltar lha'i bde ba de brjod par mi nus te/ 'di ltar lha'i bde ba de brjod par mi nus shing 'di lha'i bde ba de ni gzhan dang mi 'dra ba dpe med pa yin no/ /las legs par byas pa'i rgyu las byung ba/ ris 'thun pa'i dbang gis sten pa dag bde ba du ma myong ngo / /'dod pa'i yon tan lnga la dga' ba de rnams ji srid du 'dod pa sdug pa yid du 'ong ba byas shing bsags pa'i las zad pa dang / spangs pa dang / gtugs par ma gyur pa de srid du de na dga' bar byed do/ /de phyis lha'i ris de nas 'chi bar 'gyur te/ shi nas kyang las nye bar 'gro ba ji lta ba bzhin sems can dmyal ba dang / yi dgas dang / dud 'gro</font><hr>64.299a<br><font size=+1>

rnams kyi nang na skye bar 'gyur ro/ /gal te mi rnams dang skal ba mnyam par mi'i nang du skyes na/ de las de dang rgyu mthun par rtag tu mchog tu bde bar 'gyur zhing dben pa na gnas pa dang / ri khrod na gnas pa dang / gzi che ba dang / rgya che ba dang / rgyal po 'am/ blon po chen por 'gyur ba mthong ngo / /de nas yang dge slong las kyi 'bras bu rnam par smin pa shes pa de sum bcu rtsa gsum pa'i lha rnams kyi gnas la rtog par byed de/ des thos pa las byung ba'i shes pas lha rnams kyi gnas gzi brjid mchog ces bya ba ji ltar 'dug pa mthong ngo / /der sems can dag las gang gis skye bar 'gyur snyam nas/ des thos pa las byung ba'i shes pas ji ltar gnas pa btags na/ sems can dge ba/ blo gros rgya che ba gang gis sbyin pa byin/ bsod nams byas/ tshul khrims rnam pa bdun yang bsrungs/ sdig pa'i grogs po dang tom col du mi 'dre/ sdig pa dang bcas pa'i tshul khrims mi bsrung / bsod nams kyang ji lta ba bzhin du byed/ gcig kho nar 'bad cing yid drang ba'i rang bzhin can/ mdog gser sbyangs pa dang 'thun pa yin te/ tshul khrims rnam pa du bsrungs she na 'di lta ste/ srog gcod pa dang / ma byin par len pa dag spangs pa yin no/ /'di la g.yul chen por zhugs pa na/ gang drung du 'ongs pa'i sdom pa'i 'dzem pas de srog kyang btang nas gsod par mi byed do/ /de ltar srog gcod pa spangs pa yin no/ /ji ltar na ma byin pa len pa spangs pa yin zhe na/ 'di ni ri'i rtse mo yang snyil bar byed pa/ pha rol gyi dpung 'joms shing / sems can thams cad gzhan gyi nor rdzas 'phrog pa na/ de bkres shing skom la/ srog chad la thug gis kyang sdom pa blangs pa'i 'dzem pas ma byin par len par mi byed do/ /ji ltar sbyin pa gtong ba ga la zhe na/ 'di ni sangs rgyas</font><hr>64.299b<br><font size=+1>

mchod cing chos mnyan pa'i don du sems bzang po bsgoms pa'i yid yang dag pa'i lta ba sngon du 'gro ba'i blos mar me 'bul bar byed na/ de lus dang bral nas bde 'gro mtho ris kyi 'jig rten sum bcu rtsa gsum pa'i lha rnams kyi nang na/ gzi brjid mchog gi lha'i gnas su skye bar 'gyur ro/ /der skyes nas kyang gzi brjid kyi phreng ba can byad gzugs che la shin du sdug pa de las legs par byas pa des rgyu dang 'thun par 'bras bu myong bar 'gyur ro/ /rna bas sil snyan yan lag lnga dang ldan pa yang dang yang du thos so/ /snas kyang me tog man dA ra dang / pad ma dang / ud pa la sngon po dang / rin po che sna bdun gyi dri yang dang yang du bsnom mo/ /lces kyang bdud rtsi'i ro zhim po lha'i chang rgyun du 'thung ngo / /mig gis kyang ri sul gyi ngos sna tshogs dang / rin po che sna bdun gyi gzugs mthong ngo / /lus kyis kyang lha'i reg bya shin du dri zhim pa'i thags su ma btags pa'i gos rnams gyon la/ pad ma dang / ud pa la'i lo ma me tog phreng ba dang / byug pa sna tshogs dag la reg par byed de/ de ltar de las legs par byas pa dag gi 'bras bu la spyod par byed do/ /lha mo stong snyed kyis yongs su bskor ba de gser btso ma lta bu'i tshal dang / nags tshal rnams dang / dril bu g.yer kha'i sgra drag tu 'khrol ba rnams dang / dngul gyi lcug ma'i tshogs rlung gis bskyod pa'i nang na bde ba mchog rnams myong ngo / /lha dag glu dbyangs len pa na/ rol mo jeng dang / rnga dang gling bu dang / glu snyan pa dang 'brel pa dag thos so/ /shin du bde ba dang ldan pa lha'i phreng ba dang gos gyon pa gser rnam pa du mas gang ba'i ri sul rnams dang / ri rab dang ri bo'i rtse mo bai dUr+ya dang gser dang dngul dang an da rnyil dang rin po che mthon ka chen po dang shel las grub pa rnams kyang mthong ngo // //'phags pa dem pa'i chos dran pa nye bar gzhag pa/ bam po bzhi bcu rtsa bzhi pa/ </font><hr>64.300a<br><font size=+1>

ri'i rtse mo me long lta bur gyur pa de dag gcig gi gzugs brnyan gcig gi nang du snang ngo / /lha dang lha mo'i tshogs kyis yongs su bskor ba de yang ri me long lta bu de rnams kyi nang na lan brgya 'am stong du snang ngo / /de gzugs brnyan de rnams la bdag nyid lta bar byed la/ bltas nas kyang brgya 'gyur du rab tu dga' ba skye'o/ /lha mo rnams kyang de bzhin du dga' ba skye ste/ kye ma 'di ltar bdag cag byad gzugs che zhing bzang ba dang ldan par rtag par shin du bde ba rnams sil snyan yan lag lnga dang ldan pa rnyed nas rtse bar bya'o/ /lha'i 'dod pa'i yon tan lngas bskyed pa'i bde ba la nye bar spyad par bya'o snyam mo/ /de ltar yid g.yengs pa de dag ri nas ri/ ri 'or nas ri 'or du 'dong ste/ sred pa'i dug gis myos pa'i mi ltar yid rtag tu ma bsdams pa/ bag med pas nyams pa'i lha dang lha mo rnams dang lhan cig ri'i rgyal po de la rgyu bar byed do/ /bza' btung bdud rtsi'i rnam pa sna tshogs kyi myos pa phan tshun dga' ba'i dbang du gyur pa/ phan tshun yid gcugs pa/ phan tshun snying 'brel pa dag /tshal dang nags tshal bya sna tshogs sgra di ri ri 'byin pa rnam pa du ma rnams kyi nang na dga' bar byed de/ de ltar rtag par rgyu ba cha byad dang / phreng ba dang gos gyon pa mgo la me tog phreng ba btags pa/ rgyan phreng 'phyang ba de dag dpag bsam gyi shing gi tshal nas/ dpag bsam gyi shing gi tshal rnams kyi nang na rgyu bar byed do/ /de ltar yongs su rgyu ba na shin du bde ba dang ldan pa de dag /res 'ga' chu bo chang chu ltar 'bab pa zhes bya bar ud pa la dmar po dang / pad ma dang me tog ku mu das khebs pa/ bya ka ran da ba dang ngang ngur pas mdzes pa der 'jug par byed la/ chu bo'i 'gram de dag na lha phan tshun grogs su gyur pa de rnams chang 'thung bar byed cing / bya blta na sdug pa rnams dang yang lhan cig rtse bar byed do/ /de nas srid pas myos pa'i lha de rnams</font><hr>64.300b<br><font size=+1>

kyang yang dang yang du chang 'thung ba nyid kyis brgya 'gyur du mdangs 'bar te/ yul lnga'i yam sreg shing las byung ba'i sred pa'i mes bsreg par byas kyang / 'dod pa'i sred pas gdungs pa ngoms mi myong ngo / /kun nas 'dod pa'i zhags pas bcings pa/ rgyal po la gnod pa byed byed pa'i mi btson rar bcug pa lta bu de rnams lha'i 'jig rten 'bum phrag du ma mthong ba nyams dga' ba na rtag tu rgyu bar byed do/ /chang chu ltar 'bab pa'i ngogs de dag na rtse ba'i lha de rnams dang / bya rtag par rab tu myos shing snying shin du dga' ba gang yin pa de rnams/ pad ma dang ud pa la'i tshal de dag na dga' bar byed do/ /chu dmar po la spyod pa zhes bya ba phan tshun grogs su gyur cing / sgro gshog rin po che sna bdun las grub pa lta bur rang gi 'od dang ldan pa de rnams kyis lha rab tu myos pa de rnams mngon par mthong nas/ 'di ltar tshigs su bcad de smras pa/ lha rnams rtag par rab tu dga'/ /bdag cag rtag par rab tu dga'/ /lha rnams dang ni bya rnams kyi/ /bye brag dag ni mi dmigs so/ /de dag chos spyod ma mthong ste/ /nams kyang thar pa spyod pa med/ /gal te der gyur lha rnams dang / /bya gyur de rnams mtshungs pa yin/ /gang zhig bag med rnam grol zhing / /gang zhig chos la rtag tu dga'/ /'jig rten na ni lha de dag /bag yod gnas pa dam pas mkhyen/ /gal te lha rnams rtse dga' dang / /gal te bdag cag rtse dga' na/ /lha dang mkha' la rgyu ba rnams/ /bye brag yod par mi 'gyur ro/ /las rnams kyi ni bye brag gis/ /skye ba'i chos dag bye brag 'gyur/ /chos ma yin par ltung ba dag /gar yang skye ba legs mi 'gyur/ /gang zhig 'khor ba 'di dag kun/ /mthar ni zad par mi rig pa/ /lha de dang ni blo rmongs pa/ /bya rnams dang ni rtag tu mtshungs/ /skye sdug rga ba'i sdug bsngal dang / /'chi ba nyid kyi sdug bsngal dang / /</font><hr>64.301a<br><font size=+1>

sdug dang bral bar bcas pa yi/ /sdug bsngal 'di dag brgyud pa yin/ /dri med chos kyi spyod yul la/ /gang zhig de ltar blo gnas pa/ /'jig rten na ni lha de dag /bag yod gnas pa dam pas mkhyen/ /gang zhig skye ba'i rgyu las byung / /sdug bsngal yin par legs rig pa/ /'dod pa phan med byed rnams la/ /lha de dag ni chags mi byed/ /mdza' bshes gnyen 'dun rang gi 'khor/ /mang po rnams dang bral ba na/ /gang zhig 'khor bar skyo mi byed/ /lha de dag ni bya dang mtshungs/ /bag med de nyid gzigs pa yis/ /chang 'thung cung zad the ger gzigs/ /chang 'thung ba ni 'jug 'gyur gyi/ /bag med 'jug par mi 'gyur ro/ /bag med nyams pa'i mi dag ni/ /'khor ba lngar ni 'khyam par byed/ /de bas chang gi bag med las/ /rnam pa kun gyis khyad par che/ /chang zhim gyis ni nyin gcig tu/ /lus can rnams ni bag med byed/ /bskal pa bye bar 'khyam pa na/ /bag med byang bar mi 'gyur ro/ /bag med pa dang bral ba gang / /de dag 'chi med gnas su 'gro/ /gang zhig bag med dbang du song / /mi de srid par rtag tu 'gro/ /phan par byed pa mi yis ni/ /bag med pa dag spang bar gyis/ /'di ltar nyon mongs bag med pa/ /sangs rgyas kyis ni mi zad bsgrags/ /'di ltar sems yang bya dag kyang / /bag med pa la mi dga' na/ /ci phyir lha rnams bag med pa/ /de ni khyad par spong mi byed/ /de ltar legs par byas pas bskul bas/ lha rnams la phan par bya ba'i phyir de khong du chud par bya ba'i don du bya gang yin pa de dag pha ma ltar 'doms par byed kyang bag med pas sems phrogs pa'i lha de rnams bdag la phan par ston pa 'dzin par mi byed do/ /de nas yang rtse ba la gnas pa'i lha shin du skyid par gnas pa/ rtag tu yid rab tu dga' ba/ sil snyan dang / rol mo'i sgra 'byin pa/ yid chags su rung ba sna tshogs dang chas te/ </font><hr>64.301b<br><font size=+1>

tshal gzhan ma ta la zhes bya ba ga la ba der 'dong bar byed do/ /de nas tshal ma ta lar phyin nas lha phan tshun grogs su gyur la/ shin du skyid cing yid rab tu dga' ba de rnams rin po che sna bdun gyi lcug ma dang / lo ma phan tshun 'brel cing me tog gi snye ma 'phyang la/ bung ba 'bum snyed 'khod pa'i nang dang / rin po che sna bdun gyi tshal rnams kyi nang na rang gi lha mo rnam pa du mas gang ba rnams dang lhan cig glu dbyangs shin du snyan pa gang gi tshal dang / nye ba'i tshal thams cad glu len pa lta bu'i brag ca'i sgras dga' bar byed/ dga' mgur spyod par byed do/ /glu dbyangs len pa'i sgra dang / bung ba sgra 'byin pa dang / bya rnams kyang sgra 'byin pa rnam pa de lta bur snyan cing 'thun pa'i sgra de dag nyid gcig tu 'dus te 'byung ba des/ ri rab shin tu nyams dga' ba de yang rnas 'thad pa'i glu dbyangs dang / mthong na dga' ba des yang nyis 'gyur du dga' bar gyur la/ de la lha rnams lha mo'i tshogs byad gzugs dang / cha byad dang 'dzum pa dang g.yer bag can dang / lhan cig 'dod pa'i tshogs la nye bar spyod/ rtse bar byed/ dga' bar byed/ dga' mgur spyod par byed do/ /de rnams gnas de dag na ji srid du 'dod pa/ sdug pa yid tu 'ong ba byas shing bsags pa so so yang dag par myong bar 'gyur ba'i las zad pa dang / spangs pa dang gtugs par ma gyur pa de srid du dga' bar byed/ rtse bar byed do/ /'di lta ste/ zad par gyur na/ de phyis lha'i ris 'dod pa dang / bde ba'i tshogs du ma de nas 'chi bar 'gyur te/ shi nas kyang las nye bar 'gro ba ji lta ba bzhin sems can dmyal ba dang yi dgas dang dud 'gro rnams kyi nang du skye bar 'gyur ro/ /gal te mi rnams dang skal ba mnyam par mi'i nang du skyes na de las de dang rgyu 'thun par shin du bde bar 'gyur te/ yid rtse bar dga' ba dag thams cad mgu zhing rab tu dga' ba dang byad gzugs sdug pa dang ji ltar 'dug pa mthong ngo / /der sems can dag las gang gis skye</font><hr>64.302a<br><font size=+1>

bar 'gyur snyam nas/ des thos pa las byung ba'i shes pas btags na/ dge zhing legs pa'i skyes bu gang gis lha'i nang du nges par skye bar 'gyur ba'i bsod nams dag byas pas 'gyur te/ 'di lta ste skyes bu dge ba/ g.yo sgyu med pa/ gzhan la gnod pa med pa/ dam pa'i chos rtog pa sems can thams cad la phan par 'dod pa yang dag pa'i lta bas sngon du 'dren pa sangs rgyas dang chos dang dge 'dun la rtag tu sems gus par gyur pa/ rtag tu yid brlan pa gang gis bsod nams byas pas 'gyur ro/ /de rnam pa du zhe na/ 'di ni dge 'dun gyi gnas khang ngam mchod rten nyams pa bcos te/ gnas khang ngam mchod rten gang yin pa de dag brtan par byed pa 'am de bzhin du brtsig rmang 'chos sam/ de bzhin du sangs rgyas kyi 'am mchod rten gyi 'am dge 'dun gyi nor rdzas la me shor na srog la mi lta bar me'i nang du zhugs te zhi bar byas nas me de las thar bar byed pa 'am de bzhin du mi dag la mes sreg pa na/ sems can la brtse ba'i snying rjes thar bar byed pa rnam pa de lta bu ni bsod nams byed pa yin no/ /srog gcod pa dang ma byin par len pa dag las ldog pa rnam pa du zhe na/ gang zhig lam du zhugs pa na/ gser ram dngul lam/ rin po che 'am gzhan de dang 'thun pa lhung ba gang yin pa dag lam du rnyed pa dang / kye su'i yin/ kye 'di su'i yin zhes de sgrogs par byed la/ de gal te la la zhig gis 'di ni bdag gi yin no zhes smras te/ de yang rang gi yin par gyur na/ de la sbyin par byed do/ /ji ste su yang 'dod pa med la su yang smra ba med na/ 'di ltar 'di ni bdag gis zhag bdun gyi bar du bcangs/ de nas yang yul phyogs de na 'dug pa/ rgyal po 'am blon po chen po dag la sbran nas 'phrog par mi byed la/ sgrogs par byed do/ /de'i tshe chos dang mi ldan pas 'phrog par byed na/ de dag la sbran par mi bya zhing phyis sangs rgyas dang chos dge 'dun dag la dbul bar</font><hr>64.302b<br><font size=+1>

bya/ de bzhin du bstabs par bya ste/ de lta bu ni ma byin par len pa mi byed pa yin no/ /srog gcod pa spangs pa ji lta bu yin zhe na/ 'di ni lam du zhugs nas 'gro ba'i lam dag na/ srin bu ma ko ta ka dang sbal pa dang sdig sbrul dag gis khebs na/ sems can la snying brtse bas de dag gi steng du 'gro bar mi byed de/ las kyi 'bras bu'i de kho na la lta ba/ 'khor ba'i nyes dmigs shes pa/ skye ba dang 'chi ba la spyod pa des/ don gyi 'bras bu mang po dag kyang dang du blangs nas/ lam gzhan nas bskor te 'gro ba yin te/ de lta bu ni srog gcod pa spangs pa yin no/ /sdom pa ma blangs pa'i mi de ni lus dang bral nas bde 'gro mtho ris kyi 'jig rten sum bcu rtsa gsum pa'i lha rnams kyi gnas gzig phreng 'bar ba zhes bya ba'i nang du skye bar 'gyur ro/ /der skyes nas kyang shin du bde ba la rten cing bde ba dang ldan pa/ rang gis byas pa'i las la spyod pa de'i bde ba gang yin pa de dag ni brjod par mi nus so/ /phyogs 'ga' zhig brjod na 'di ltar gnas de ni kun nas 'od 'bar ba yin te/ de'i khyad par nyi ma'i 'od dang 'thun la mthong ba 'thun yang 'od de mi bzod pa ma yin pa de ltar de'i las bde ba'i rgyur gyur pa'i mthus 'bar ba yin no/ /de na rang gi 'od dang ldan pa de dga' bar byed de/ lha mo 'bum snyed kyis yongs su bskor ba de/ gser dang bai dUr+ya dang shel dang an da rnyil gyi gzhal med khang bzang po rnams kyi nang na/ 'dod pa du ma la sems gtad pa dga' bar byed de/ rtse bar byed dga' dgur spyod par byed do/ /de shing ljon pa rtag tu me tog dang lo ma rgyas pa dang rtag tu bya'i tshogs sgra snyan pa 'byin pas mdzes par byas pa'i tshal gyi nang dag na rna ba dang mig gis bsten pa'i yul nyams dga' ba dag mthong zhing thos so/ /de ltar de tshal gyi nang btsums pa dang phye ba lta bu zhes bya ba shing ljon pa de dag mig btsums pa dang phye ba lta bu mthong ste/ mthu dang stobs shin du che ba des rnam pa de lta bu'i tshal gyi</font><hr>64.303a<br><font size=+1>

nang rnams na dga' bar byed do/ /de nas yang lha dang lha mo'i tshogs du mas yongs su bskor cing / mig dang snying ltad mos g.yengs pa dag tshal glu dbyangs len pa'i kun dga'i ra ba zhes bya ba der 'gro bar byed do/ /de'i phyi bzhin du yang lha 'bum phrag du ma ri rab kyi gshong dag na sil snyan dang sgra dbyangs sna tshogs 'byin cing 'dong bar byed do/ /phan tshun brag ca 'byung ba'i sgra 'byin pa de dag ri rab kyi nang gi khrod nas kun nas glu dbyangs 'byung ba lta bur byed cing 'gro bar byed do/ /de ltar de 'gro ba na lha gzhan tshal dang nye ba'i tshal rnams kyi nang na rtse zhing dga' bar byed pa gang yin pa de dag sgra shin du snyan zhing yid 'phrog pa de thos nas/ brgya byin gnyis pa lta bu gzhan 'di su zhig yin snyam nas 'gro bar byed do/ /shin du mgu ba des de mngon par mthong nas yid ngo mtshar skyes pa de'i drung du rgyug par byed do/ /lha phan tshun dga' ba skyes pa de rnams kyis de mngon par mthong nas khyed tshur sheg khyed tshur sheg 'di ni bdag cag thams cad pas lus shin du che la/ brgya byin lta bu gzhan zhig bdag cag gi gnas 'dir byung ngo zhes brjod do/ /de nas lha gzhan dag kyang rings par lha dag ga la ba der dong ste/ lha rnams kyis yongs su bskor nas bkur sti byas/ bro dang glu dang / rgod pa dang sgeg pa dang rab tu dga' ba'i yid dang / de la mchod pa byas pa'i yid kyis tshal rab tu dga' ba zhes bya ba ga la ba der bskyed mos tshal gyi dga' spyod byed du 'dong bar byed do/ /lha dang lha mo'i tshogs rab tu dga' ba rnams/ rgod cing bro rdung bzhin du/ de nas yang snying bsnyen bkur bya ba la zhugs pa de dag slar log ste de nyid la lta bar byed do/ /de nas des kyang de rnams mngon par mthong nas yid rab tu dga' bas smras pa/ snying gcugs par sdug pa khyed rnams kyis bdag drangs te/ khyed kyis bdag gi mdun du dga' ba 'di lta bu sbyar na/ kye bdag cag gang</font><hr>64.303b<br><font size=+1>

du 'dong / de nas lha de rnams kyis gsar du skyes pa'i lha de la 'di ltar bdag cag 'di rnams ni tshal rab tu dga' ba'i kun dga' ra ba zhes bya ba lha'i mchog tu nyams dga'i tshal der bdag cag 'dong bar bya ste/ der 'dod pa'i yon tan lnga lhag par spyad par bya'o/ /de nas lha des sngon ma mthong ba'i tshal der yang yid ltad mo la zhugs par yang dang yang rings par gyur pa'i yid nyid kyis tshal rab tu dga' ba'i kun dga' ra ba zhes bya ba ga la ba der 'dong bar byed do/ /de nas tshal de rgyang ring po zhig na nyi ma'i tshal lta bu kun nas 'od zer bzang pos rab tu 'bar ba lta bur mthong ngo / /de nas lha gsar du skyes pa des tshal de mngon par mthong nas yang dang yang mchog tu dga' ba skyes par gyur pa'i yid kyis tshal de ga la ba der 'dong bar byed do/ /de nas dga' ba rnam pa du ma yod pa tshal bzhi dag dang 'thun pa/ legs par 'byung ba'i tshal der phyin pa dang bya 'bum snyed rnam par sgra sil li li 'byin te/ kha cig ni sgra 'byin par byed/ kha cig ni 'bod par byed/ kha cig gis ni rnam pa du mar yongs su bskor nas yid rab tu dga' bas sgra 'byin par byed de/ de ltar tshal de rnams na sgra 'byin par byed do/ /yang phyogs gzhan zhig na ri sul rnam pa sna tshogs yod par gser gyi rdo leb rnam pa du ma la chu 'bab pas phog pa'i chu sgra de dang bya ngang pa dang ngur pa dang ka ran da ba dag chu 'gram rnams na sgra 'byin te/ chu bo de rnams kyi bya dag de ltar rnam pa du mar sgra 'byin pa thos so/ /de nas de dag gis kyang chu 'bab pa'i sgra mngon par brtags nas chu 'gram de dag na lha dang lha mo'i tshogs kyis bskor ba'i lha de dag dga' bar byed/ rtse bar byed dga' dgur spyod par byed la/ tshal dang nye ba'i tshal dag na yang mchog tu bde ba myong bar byed do/ /de nas yang 'dod pa lnga las byung ba'i bde ba myong bar byed la/ yang dpag bsam gyi shing gi drung du rgyug par byed do/ /shing de dag kyang mngon par mthong ste/ kha cig ni zla ba'i 'od ltar lhan pa dang kha cig ni nyi ma'i 'od ltar gsal ba yin te/ shing de</font><hr>64.304a<br><font size=+1>

rnams kyi drung dag tu yang lha de lha rnams kyis bskor nas dga' bar byed/ dga' dgur spyod par byed yul lnga'i bde ba rnam pa du ma myong bar byed de/ 'dod pa'i bde ba gang brjod par yang mi nus so/ /de dpag bsam gyi shing gi tshal der yang bde ba rnam pa mang po du ma myong nas pad ma'i tshal bya ngang pa dang ngur pa dang ka ran da bas brgyan pa ga la ba der brgya byin bzhin du mchog tu dga' ba'i lha thams cad kyis yongs su bskor ba'i lha de yang yid rab tu dga' bas 'dong bar byed do/ /de nas der yang lha'i 'dod pa'i bde ba spyad nas/ ri bo'i rtse mo mtho brtsegs shes bya ba'i ri bo'i rtse mo ga la ba der 'dong bar byed do/ /glu len bro rdung 'dzum zhing sgeg par lha dang lha mo grogs su gyur pa phan tshun yid gcugs pa/ gcig la gcig gnod pa mi byed cing snying du sdug pa rnams shin du bde ba myong bar byed do/ /ri bo'i rtse mo mtho brtsegs shes bya ba rtse mo sna tshogs pa de la 'dzegs nas/ yon tan thams cad dang ldan pa/ 'bab chu dang mtshe'u dang lteng ka sna tshogs kyis brgyan pa dang lha'i pad ma'i tshal dang ldan zhing des kyang brgyan pa/ pad ma'i tshal de na yang pad ma'i tshal mang pos mdzes par byas pa/ bya'i tshogs 'bum phrag du ma lding ba/ shin du bde ba dang ldan zhing yid shin du bde la mchog tu dge ste/ legs pa mchog gis shin du 'bar ba rnams mthong nas/ lha de rnams dang lhan cig bskyed mos tshal dang nye ba'i tshal dang bung ba sbrang rtsi 'byung ba'i tshal dang dpag bsam gyi shing gi tshal dang bya sna tshogs sgra 'byin par byed pa rnams kyi nang na dga' bar byed/ rtse bar byed dga' mgur spyod par byed do/ /ri bo'i rtse mo mtho brtsegs ri zom sna tshogs yod pa de na las legs par byas pa de der yang yun ring du rtses na/ de nas yang lha de rnams dang lhan cig bskyed mos tshal gyi dga' spyod byed tu rang gi gnas de nyid la rtog par byed de/ gsar du skyes pa'i yid ltad mo la zhugs pa/ lha phyi bzhin</font><hr>64.304b<br><font size=+1>

'brang ba stong snyed kyis bskor cing / thams cad tu yang de dag nyid kyis yongs su bskor ba rnams brgya byin blta ba'i phyir lha'i mdun sa chos bzang ga la ba der 'dong bar byed do/ /de nas rin po che sna tshogs kyis brgyan pa/ rin po che'i khang bzangs lan kan sna tshogs kyis bskor ba sngar bstan pa dang 'thun pa chos bzang du phyin pa dang / de nas lha'i dbang po brgya byin gyis/ lha de mngon par mthong nas rim gro byas shing 'di ltar tshigs su bcad de smras pa/ 'di dag legs byas 'bras bu ste/ /da ltar legs par gnas pa yin/ /de ni zad nas lha yul nas/ /khyod ni log par ltung bar byed/ /las kyis nyams te ltung ba dag /gang dang gang du skye 'gyur gang / /de ni phyis ni gdung med par/ /khyod kyis de ltar bya ba yin/ /bde la sems ni chags gyur cing / /bag med pa yis nyams gyur nas/ /ma byas bdud kyi dbang gyur pa/ /lha rnams sems can dmyal bar 'gro/ /gcig gis ltung ba mthong nas su/ /skye bo ji ste yid mi 'byung / /bdag kyang ltung ba 'di dag gis/ /rnam pa kun du ltung du dogs/ /gang zhig ring nas 'jigs mthong ste/ /sgrub pa dag la 'bad byed pa/ /de ni 'chi ba'i dus kyi tshe/ /gnod dang bral te 'jigs pa med/ /gang zhig ring nas bag med pas/ /blo ngan 'jigs par mi sems pa/ /phyi nas nyon mongs byung tshe de/ /phyi nas gdung bas sreg par 'gyur/ /lha yul nas ni nges par go/ /kun nas dngos po lhung bar 'gyur/ /'dod pa'i dbang gyur de rig na/ /'di la nams kyang ltung ba med/ /sems can 'dod pas bslus pa dang / /'dod pas rnam par rmongs pa dang / /'dod pa'i zhags pas drangs gyur pa/ /de dag rtag tu dmyal bar ltung / /rtag tu nyon mongs 'di rig nas/ /bdag la phan par byed pa'i yid/ /shin du dul ba'i yid kyis ni/ /lha rnams gdung bar mi 'gyur ro/ /yid kyi dug dang 'dod</font><hr>64.305a<br><font size=+1>

shugs kyis/ /rnam pa kun du zin pa gang / /'chi bdag dbang gyur rmongs pa de/ /skye bo 'dod pa'i me yis nyams/ /'chi ba'i tshe na gnyen mdab dang / /mdza' bshes rtsa lag gnyen 'dun dang / /'bral ba'i sdug sngal gang byung ba/ /de ni bshad par mi nus so/ /de ni 'chi bar nye gyur te/ /ri bo bzhin du ltung ba na/ /bzlog par mi nus stobs ldan pa/ /mi rnams kyis ni 'dren par byed/ /sdug pa dang ni 'du gyur la/ /rnam pa kun du 'ang bral bar gyur/ /de nas rig nas lha mchog gis/ /bag med rnams la chags ma byed/ /dbang po rtag tu 'dod rnams kyis/ /'dir ni nams kyang ngoms mi myong / /ji ltar mer ni mar blugs bzhin/ /sred pa rtag tu 'phel bar gyur/ /'di ltar sgo rnams sna tshogs kyis/ /sred pa'i 'jig rten 'jig byed pa/ /mi rnams rtag tu sems dmyal dang / /yi dgas dud 'gro'i nang du 'khyam/ /'chi dang skye bo'i 'phyang mo la/ /mi mkhas skye bo nyon mongs pa/ /de ni rig nas sred bral te/ /'gro ba mchog tu de 'gro'o/ /brtan po bcings las nges grol ba/ /mya ngan bral zhing gnod dang bral/ /gang zhig sred pa'i dbang mi 'gro/ /de ni rtag tu bde bar 'dug /gang dag gnas skabs thams cad tu/ /ye shes la ni yid nye ba/ /mkhas pa de ni skye ba yin/ /sdug bsngal zhags pas de mi 'ching / /gang dag yid la mtshan ma med/ /gang dag sred pas yid byung ba/ /de ni dgon pa'i dri ma bral/ /bde ba 'byung ba'i mchog cig thob/ /gang dag sdug bsngal mi skyo zhing / /gang dag bde la chags mi byed/ /bde sdug las ni grol ba de/ /mya ngan 'das pa'i grong khyer 'gro/ /byams pa dang ni snying rje yis/ /mi rnams rtag tu sems ldan pa/ /rgyu 'bras de nyid shes pa de/ /sdug bsngal zhags pas nges par</font><hr>64.305b<br><font size=+1>

'byung / /gang dag kun du rtog pa la/ /yid mi dga' ste skyon spangs pa/ /de dag skyon gyi 'jigs las grol/ /gnas mchog dam par 'gro bar 'gyur/ /'du ba dag la 'bral ba yod/ /lang tsho la yang rtag tu dga'/ /'tsho ba la yang rtag tu 'chi/ /gzhi 'di dag ni rtag tu gnas/ /lha yul nas ni ltung ba de/ /mi bzad khad kyis mngon du 'ong / /de ni bsams te bag med pa/ /khyod kyis nams kyang brten mi bya/ /rmongs pa gang zhig thabs med pas/ /bde ba rtag tu tshol byed pa/ /bye ma rnams las 'bru mar ltar/ /de ni rtag tu rnyed mi 'gyur/ /bag med rtag tu dga' ba gang / /de la bde ba'i skal ba med/ /sdug bsngal shing gi drung gcig po/ /shin du mi bzad bag med yin/ /chos dang chos min nges pa nyid/ /'di ste bdag gis khyod la bstan/ /khyod kyi yid kyis de zung shig /phyis ni gdung bar ma byed cig /rmongs pa gang zhig bla ma'i tshig /phan pa nyid ni 'dzin mi byed/ /phyis de nyon mongs byung ba'i tshe/ /rang gi sems kyis gdungs par byed/ /bye ba ther 'bum stong phrag dang / /sa ya dang ni dung phyur dag /grangs med pa yi lha rnams ni/ /bag med pa yis rnam par bslus/ /nges par mi rtag me yis su/ /bskal mthar ri mchog 'di sreg na/ /dbu ba chu shing lta bu yi/ /lha rnams gang zhig smos ci dgos/ /'du byas skye dang g.yo ba gang / /de ni sred par cung zad med/ /gang zhig rtag pa 'am bde 'gyur ba/ /de yi gnas ni yod pa yin/ /ji ltar bag med pa yis 'phrogs pa yi/ /gsar byung lha de la ni thabs du mas/ /brgya byin des ni de skad phan brtags kyang / /de ltar tshig gcig tsam yang ma zin to/ /de nas brgya byin gyis de rig nas 'dug go/ /lha des kyang brgya byin de la spyi bos phyag 'tshal te/ sil snyan dang rol mo'i sgra dang glu dbyangs sna tshogs la yid chags pa'i lha 'bum snyed kyis yongs su bskor te/ lha de rnams nyid dang</font><hr>64.306a<br><font size=+1>

lhan cig rang gi gnas ga la ba der 'dong bar byed do/ /nags tshal dang pad ma dang chu'i lteng ka dang pad ma'i tshal rnams kyis brgyan pa dang lha'i rol mo'i sgra 'byin pa shin du nyams dga' ba dang 'bab chu 'bum snyed kyis brgyan pa dang / bya sgra 'byin pa shin du yid tu 'ong ba dag mthong ngo / /de lha rnams kyis mchod cing bde ba du ma dag myong ba dang ri'i gsab gseb de dag na rin po che'i 'od kyi phreng ba lang long 'bar ba/ shin du bde ba rnam pa du ma dag mthong ba dang bskyed mos tshal tu dga' spyod byed du 'dong bar byed do/ /bag med pa rnam pa du mas yid phrogs pa/ 'dod pa la sems chags pa rnams 'dod pa'i mes bsregs pa na/ yid 'byung ba'i rten dbang po lnga las byung ba'i me lce lnga po des sreg par byed kyang mi rig ste/ dgra ltar mi mngon la/ bshes gnyen gyi gzugs can dgra ma rungs pa de dang lhan cig dga' bar byed do/ /de ltar lha de ji srid du 'dod pa sdug pa yid tu 'ong ba byas shing bsags pa so so yang dag par myong bar 'gyur ba'i las zad par ma gyur pa de srid tu/ lha de rnams dang lhan cig dga' bar byed/ rtse bar byed/ dga' mgur spyod par byed de/ /dug gi chu bos ded par byed do/ /de dag zad nas las nye bar 'gro ba ji lta ba bzhin sems can dmyal ba dang yi dgas dang dud 'gro rnams kyi nang du skye bar 'gyur ro/ /gal te brgya la las legs par byas pa gzhan zhig gis mi rnams kyi nang du skyes na/ de las de dang rgyu 'thun par rtag tu bde ba dang ldan par 'gyur zhing byad gzugs bzang po dang ldan pa dang yon tan du ma dang ldan pa'i rigs su skye ba dang skye bo thams cad kyis bkur ba dang tshe gcig gi bar du rgyal po yang gnang chen byed par 'gyur ba mthong ngo / /de nas dge slong las kyi 'bras bu rnam par smin pa shes pa des/ /lha rnams kyi gnas la rtog par byed de/ des thos pa las byung ba'i shes pas sum bcu rtsa gsum pa'i lha rnams kyi gnas ma</font><hr>64.306b<br><font size=+1>

'dres pa zhes bya ba ji ltar 'dug pa mthong ngo / /der sems can dag las gang gis skye bar 'gyur snyam nas/ des thos pa las byung ba'i shes pas brtags na/ dge ba sems bzang po dang ldan pa rgyu dang 'bras bu la shin du yid ches pa gang gis tshul khrims rnam pa bdun bsrungs pa/ sems la snying rjes brlan pa'i yid dang ldan pa/ sdig pa'i grogs po dang mi 'dre ba/ mi dge ba spyod pa dang lhan cig smra bar mi byed pa/ dkon mchog gsum la rtag tu dad pa dang ldan pa/ yid zhi zhing yid shin du mnyam par bzhag pa blo ma g.yengs shing ma 'dres par gnas pa/ ya mtshan can 'dod nas rigs nas rigs su mi 'gro ba/ sems can thams cad la snyan par smra ba/ dus su smra ba/ bden par smra ba/ bla ma rnams la rim gror byed pa dang dam pa'i chos nyan cing lta ba'i ngang tshul can du gyur pa/ sbyin pa dang tshul khrims ci nus su bsrung bar 'gyur te/ de lam du 'gro ba na gzhan gyi rtsa tsam yang rku sems dag gis len par mi byed la sbal pa dang srog chags dun d+hu b+ha rnams la yang lta zhing rtog par byed de/ 'di ltar bdag gis de dag gsad par mi bya'o snyam nas gang gi phyir srog chags thams cad kyi gces chen dam pa ni srog yin te/ gzhi de yid la rtse gcig tu byas nas srog chags rnams la rab tu 'bad de srung bar byed do/ /ji ltar na srog gcod pa spangs pa yin zhe na/ kha zas kyi bde bar bya ba'i don du gal te sha 'am kha zas gzhan zhig blangs pa dang gang gis de'i srog chad de gzhan du 'gyur ba de yang tsha ba'i rkyen nam/ yun ring du lon pa'i rkyen gyis srin bus gang la srin bu de dag de nas phyung na ni gor ma chag par 'chi bar 'gyur bas bdag ni shi yang sla'i/ srog chags 'di dag ni 'chi bar mi 'gyur zhing srog chags rnams kyi srog chad par ma gyur cig snyam nas/ de bdag nyid kyi srog yongs su gtong bar</font><hr>64.307a<br><font size=+1>

byed kyi/ kha zas de dag las srin bu 'byin par mi byed de/ de ltar skyes bu dam pa de kha na ma tho ba rdul tsam la yang 'jigs par lta zhing rgyu tshol ba lhur byed pa yin no/ /ji ltar na ma byin par len pa spangs pa yin zhe na/ de ltar skyes bu dge ba sems can thams cad la phan pa lhur byed pa de gzhan gyi bdag nyid kyi don du yongs su bzung ba de las ma byin par len par 'gyur ro snyam nas/ zhing ngam kun dga' ra ba 'am grong rdal dag la gdab par brdobs pa'i ba lang gi lci ba'i thal ba tsam yang len par mi byed pa yin te/ de ltar ma byin par len pa shin du phra mo yang spong bar byed la tshul khrims ma 'dres pa/ ma nogs pa sdig pa med pa skyon med pa la spyod do/ /de de ltar spyod spyod pa las lus dang bral nas bde 'gro mtho ris kyi 'jig rten sum bcu rtsa gsum pa'i lha rnams kyi nang ma 'dres pa'i gnas su skye bar 'gyur ro/ /der skyes nas kyang shin du bde ba dang ldan pa/ lus nyi ma bas lhag la rang gi 'od dang ldan pa'i lha de las legs par byas shing byas pa bsags pa so so yang dag par myong bar 'gyur ba'i 'bras bus lha'i bde ba du ma dag myong bar byed do/ /lha'i phreng ba dang gos gyon pa/ lha 'bum snyed kyis yongs su bskor ba de rin po che sna bdun gyi tshal dang nags tshal bsten par bya ba rnams kyi nang na lha'i tshogs dang lhan cig dga' bar byed do/ /de ltar shin du bde ba dang ldan pa yongs su spyod pa de res 'ga' tshal ro brgya mchog gis bsten pa zhes bya ba ga la ba der 'dong bar byed do/ /des de mngon par mthong nas lhag par dga' ba skyes te/ lha de rnams kyis mthong ba dang kye gang gi tshal 'di tshal gzhan dag pas lhag par mdzes la/ me tog dang 'bras bu dang ri sul dang sman ljongs dang lteng ka dang 'bab chu'i dngo dang bya sgra 'byung ba dang sa rnam par phye ba dang ri dgas dang ri dgas las khyad par 'phags pa'i rgyu gang yin zhes smras so/ /sngon gyi</font><hr>64.307b<br><font size=+1>

lha gzhan zhig gis tshig de thos nas smras pa/ 'di ltar bdag cag gis gzhan dang gzhan dag las 'di skad ces thos te 'di ltar 'khor los sgyur ba'i rgyal po nga las nu zhes bya ba gling bzhi dang / gling bar rnams su lo 'bum phrag du mar spyod kyang 'dod pa rnams kyis ngoms pa med do/ /'dod pa rnams kyis ngoms pa med pa de rgyal chen bzhi'i ris kyi lam na 'khor los drangs nas lha'i 'jig rten 'dir 'ongs te/ de mi'i bgrang ba'i tshul gyis lo 'bum phrag du mar nye bar 'tsho yang 'dod pa rnams kyis ngoms pa med do/ /de gar yang 'dod pas chog mi shes nas lha'i 'jig rten 'dir 'ongs te/ brgya byin gyi stan gyi phyed la 'dug kyang 'dod pa rnams kyis ngoms pa med do/ /de gang gi tshe bskyed mos tshal du dga' spyod byed tu 'gro la/ de 'dug pa'i dga' spyod byed tu tshal 'dir 'gro ste/ tshal 'di ni yon tan du ma dang ldan zhing bsten pa dang ldan pa yin no/ /rgyu des na yon tan du ma dang ldan pa'i tshal 'di ni da dung du lhag par nyams dga' ba yin no/ /rgyal po nga las nu brgya byin gyis stan la 'dug pa de yang rang gis byas pa'i las zad pa dang lha'i gnas de nas lhung ngo zhes bdag cag gis gzhan dang gzhan dag las thos te/ gzhan du na bdag cag gis tshal 'di mngon sum du mthong ba ni ma yin no/ /de ltar tshal 'di ni da dung du 'di ltar shin du 'byor pa yin no/ /de nas lha de rnams kyis tshig de thos pa dang ngo mtshar dang bral ba rab tu dga' ba'i yid sil snyan yan lag lnga dang ldan pas dga' bar byed/ dga' mgur spyod par byed la/ 'dod pa'i yon tan rnam pa lnga po du ma dang ldan pa'i yid kyi tshal der 'gro bar byed do/ /de ltar 'gro ba na de'i bya shin du rtse ba zhes bya ba las legs par byas pas bskul ba des lha de la 'di ltar tshigs su bcad de smras pa/ de yi rgyu ste sred pa yis/ /'dod pa rnams la ngoms mi myong / /sred pas ngoms pa skyed byed pa/ /yid nyid ngoms par mi byed do/ /</font><hr>64.308a<br><font size=+1>

'chi ba nye bar gnas pa 'di/ /skye bo kun gyis shes par bya/ /de bas de yi lan bya ba/ /thabs rnams kun gyis mi nus so/ /shin du dus ni ring nas kyang / /bde ba du ma dag spyad nas/ /nges par lhung bar 'gyur bas na/ /de lta bas na chos la 'bod/ /chos gcig kho na skyabs kyi mchog /chos gcig kho na rten gyi mchog /chos kyis srog ni 'tsho 'gyur la/ /chos ma yin pas 'chi bar 'gyur/ /chos spyod chos la spyod byed cing / /chos nyid la ni sten byed na/ /de ni bde las bde 'gyur la/ /sdug bsngal rjes su mthong mi 'gyur/ /chos ma yin par spyod pa'i mi/ /gang tshe chos min sten byed na/ sems can dmyal bar de rtag tu/ /yang dang yang du sdug bsngal 'gyur/ /ji tsam gnas rnams bstan pa ni/ /de tsam brgya byin yul yin la/ /brgya byin gnas ni gzhan med de/ /'di ltar de dag nges pa yin/ /sum cu rtsa gsum kun nas su/ /gang na lha rnams 'chi med dang / /log par ltung ba'i las med pa/ /de ni phyogs 'ga' yod ma yin/ /rgyu rnams du mar 'gro ba dang / snying po nges pa sna tshogs pa/ /brgya byin chos ni ston byed kyang / /lha rnams sten par mi byed do/ /mkhas pa las ni kau shi ka /mdzod yin phyir na lus yin la/ /pad ma la ni dga' bas na/ /sdig pa 'ang rnam par spong bar byed/ /de ni dam chos rtag tu 'chad/ /lha rnams kyi ni pha 'dra yang / /bag med pa yis sems 'khrugs shing / /rmongs pa de dag 'dzin mi byed/ /de ltar lha de dag dang bya rnams kyis brjod pa thos par gyur du zin kyang / /ngo bo nyid kyis bag med pas kun nas phrogs pa'i sems yin pa'i phyir skyo ba skye bar yang mi 'gyur ro/ /des de dag rnams la brtsi bgrang yang ma byas par slar nyid kyang da ltar ba'i yul gyi bde ba rnams kyis dga' bar byed kyi/ gzhan mthong ba ni ma yin no/ /</font><hr>64.308b<br><font size=+1>

ji srid tu 'dod pa sdug pa yid tu 'ong ba byas shing bsags pa so sor myong bar 'gyur ba'i legs par byas pa'i las de dag rnams zad par ma gyur pa'i dus de srid tu/ lha'i rigs de dag rnams su 'dod pa'i yul lnga la dga' bar byed do/ /phyi nas ni lha'i 'jig rten de dag las 'chi 'pho bar 'gyur ro/ /shi 'phos nas kyang ji ltar las kyi nye bar 'gro bar 'gyur ba'i dmyal ba dang yi dgas dang dud 'gro rnams su skye bar 'gyur ro/ /gal te mi rnams dang skal ba 'thun par gyur pa mi rnams kyi nang du skyes par gyur na/ de rtag tu yang mchog tu skyid par 'gyur ba dang mchog tu dge legs dang ldan pa dang longs spyod mchog dang ldan pa dang shin du gzugs bzang ba dang / skye bo rnams thams cad byams par yang las de'i rgyu 'thun pas 'gyur ro/ /gzhan yang dge slong las kyi 'bras bu rnam par smin pa shes pa de sum cu rtsa gsum pa'i lha rnams kyi sa la kun du lta bar byed na/ sa gcig gi phyogs kyang rung ste/ sum bcu rtsa bzhi par gyur pa ni des mthong ba med do/ /ji srid tu lha dang bcas pa'i sa rnams ni sum bcu rtsa gsum po de dag tsam dang ldan pa yin gyi 'di dag rnams kyi sa gzhan 'ga' zhig kyang yod pa ni ma yin no/ /brgya byin yang de snyed cig la nus pa dang ldan pa yin zhing de tsam la stobs dang ldan pa yin no/ /de dag las dga' bar 'gyur ba gzhan ni med do/ /'dis dang por lha'i rigs 'di dag rnams la kun du lta bar byed de/ rgyu dang 'bras bu cha 'dra bar rjes su 'brel bar las kyi 'bras bu mthong ba dang yang dag par ldan pa de sa rnams thams cad so so so so la yang kun du bltas nas/ 'khor ba la kun nas yid 'byung bar 'gyur te/ 'chi 'pho dang skye ba dang sdug pa rnams dang rnam par 'bral ba dang mi 'thun pa rnams dang kun du phrad pa dang rga ba dang na ba dang 'chi ba rnams kyi ngam grog tu gyur pa/ shin du nyam nga ba'i 'jigs pa du ma</font><hr>64.309a<br><font size=+1>

rnams la nges par zhugs pa yin par mngon du legs par mthong ba'i phyir ro/ /rnam pa gcig la yang sdug bsngal gyi chu bo du ma rnams yin zhing sreg bzhin pa rnams kun nas mngon par mthong bas nges par skyo ba skye ba yin te/ kye ma bdag cag gi 'jig rten ni shin du nyams thag pa la zhugs nas bgrod pa yin no/ /'di lta ste skye ba dang rga ba dang 'chi ba'i 'jigs pa'i ngam grog rnams su bying bar gyur to/ /'on kyang kun du rmongs pa yang ma yin no/ /'khor ba las ni nges par 'byung bar bya ba'i thabs kyang yod pa ma yin no/ /gang dag bde ba dang rtag pa dang brtan pa dang ther zug dang / yongs su mi 'gyur bar gyur pa yang cung zad kyang yod pa ma yin la/ byis pa rnams ni phal cher rmongs pa'i phyir na/ kun du rig pa yang ma yin pas lus kyi don du nyes par spyad pa mang po rnams rab tu 'byin par byed do/ /'on kyang lus ni rnam par 'jig par 'gyur ba yin no/ /nyes par spyod pa'i las de dag rnams ni phyi bzhin kho nar rjes su 'brel bar 'gyur ba yin no/ /de nas de'i tshe na dge slong des tshigs su bcad pa brjod pa ji ltar/ mal cha stan sogs bsnyen bkur gyis/ /ma lus bcom par gyur pa yang / /bdag gir byed mkhan bdag lus las/ /nam yang 'ga' zhig gis byas min/ /byas pa chud gzon mi bzad pa/ /rtag par glags ni tshol byed pa'i/ /lus po dgra bo'i don du ni/ /mkhas rnams sdig pa ga la byed/ /nang gi tshang dang don med pa/ /mang po rnams ni rtag 'byed cing / /mi gtsang phung por gyur pa la/ /lus shes mngon par brjod pa yin/ /'chi ba nye bar gnas pa bzhin/ /de nyid spyod pa por rig bya/ /gson pa skad cig las gong du/ /'gro ba med cing 'gag pa dang / /skad cig re rer lus 'di ni/ /rnying par 'gyur zhing slar ldog med/ /de lta na yang sems med pa'i/ /</font><hr>64.309b<br><font size=+1>

byis pa lang tsho'i rgyags pas bslus/ /nor stong rgyags pas dregs pa yis/ /bdag la phan pa min rnams byed/ /de ni 'chi bar nyer phyogs na/ /de bzhin de yang sdig pas sreg /gang la rtag par sbyin gtong dang / /nyer longs spyod pa'i sems med pa'i/ /nor de 'jungs pas yongs bsrungs nas/ /de dag chud ni 'dza' ba yin/ /gang zhig dam pa'i sems kyis za/ /bla ma rnams la'ang sbyin byed pa'i/ /nor de rnams ni mdzes par mthong / /bzlog pa rnams ni rtswa dang mtshungs/ /sbyin pa dri ma med sbyin na/ /'jig rten 'di dang pha rol du 'ang / /nor de nyam chung rnams kyi stobs/ /dmus long rnams la mig bzhin no/ /tshul khrims rnam bdun bzang po ste/ /go 'phang slu ba med pa yin/ /tshul khrims kyis ni bsrungs gyur pa'i/ /skyes bu lha yi nang du 'gro/ /mchog tu rgya che'i shes ldan pa/ /rtag tu nyon mongs 'joms la dga'/ /des na 'chi ba kun bcad nas/ /'pho ba med par 'gro ba yin/ /srid mtsho shin du 'jigs chen la/ /de ltar sa zam de dag mthong / /bzhon pa de dag la zhon pas/ /sems ldan pha rol pha rol sgrol/ /de ltar sbyin pa dang tshul khrims dang shes rab rnams kyi 'bras bu mngon par shes par 'gyur ba de kho na nyid mthong ba dang ldan pa rab tu 'gro bar 'dod pa'i dge slong des/ de dag rnams legs par mngon par mthong ba yin no/ /ji ltar dge slong des gzhan bcwa brgyad pa 'di la kun du gnas nas 'khor ba rnams thams cad nges par yid 'byung ngo / /mya ngan las 'das pa la spyod par 'gyur ro/ /bdud kyi yul la 'dod par mi 'gyur ro/ /gzhi de dag rnams rig par gyur nas kyang sa bla pa'i lha rnams kyis bar snang la rgyu ba'i lha rnams la mngon du shes par byed do/ /de dag rnams kyis kyang 'jig rten skyong bar byed pa bzhi po rnams la'o/ /de dag gis kyang rgyal chen rigs bzhi pa rnams</font><hr>64.310a<br><font size=+1>

la'o/ /de dag gi rnams kyis kyang sum bcu rtsa gsum pa rnams la'o/ /de dag rnams kyis kyang 'thab bral ba rnams la'o/ /de ltar ji srid du 'od gsal ba rnams kyi bar du kun du rig par byed do/ /sum bcu rtsa gsum pa rnams kyi sa rnams rdzogs so//         //sangs rgyas dang byang chub sems dpa' thams cad la phyag 'tshal lo/ /las kyi 'bras bu dang bcas pa'i 'thab bral ba rnams dang / 'jig rten skyong ba rnams gang yin pa de ni rtag tu rgyu dang 'bras bu las 'gyur ro/ /gzhan yang dge slong las kyi 'bras bu rnam par smin pa shes pa de/ spro ba mi ldog pa'i sum bcu rtsa gsum pa rnams la kun du lta ba ni sum bcu rtsa gsum gyi lha rnams kyi steng gi lha gzi brjid dang brtson 'grus dang spro ba dang 'od dang tshe tshad kyis lhag par gnas pa rnams su yin na/ ji ltar sum bcu rtsa gsum pa'i lha rnams las sngon gyi thabs kyis ches khyad par du 'phags par gyur pa las kyi chos kyi rnam par smin pa ches bla lhag pa ni 'thab bral ba zhes bya ba yin par des thos pa las byung ba'i shes rab kyis mthong ngo / /de ltar yang tshul khrims rnam pa sna tshogs kyis der skyes te/ srog gcod pa ma byin par len pa 'dod pa log par g.yem pa rnam par spangs shing legs par bsgoms la/ ma nyams pa/ ma ral ba ma zags pa brtan pa/ 'phags pa'i skye bo thams cad dgyes pa rtag tu tshul khrims kyi rnam par smin pa dang ldan pas de'i rjes thogs su mya ngan las 'das pa'i grong khyer du 'gro ba'i rtsa lag tu gyur pa 'khor ba'i rgya mtsho'i zam par gyur pa'i tshul khrims kyi zam pa de la zhon pa srid pa'i rgya mtsho'i pha rol du sgrol ba'i rnal 'byor pa de kho na nyid sems pa po rang gi tshul khrims rnam pa bdun dang ldan pa'i dman pa dang bar ma dang khyad tu 'phags pa ni snga ma bzhin te/ las dang chos kyi rnam par smin pa'i 'thab bral gyi lha rnams la 'di lta ste/ ri'i rgyal po</font><hr>64.310b<br><font size=+1>

ri rab lhun po'i drung na 'thab bral gyi lha rnams ji tsam gyis 'phang du mtho ba dang / dbyibs ci lta bu dang gzi brjid ci lta bu dang mtho ba'i gnas kyis khyad par ci lta bus rab tu gnas pa dang / 'thab bral gyi lha rnams kyis rnams kyang ci tsam cig yod pa yang des thos pa las byung ba'i shes rab kyis mthong ste ci ltar srog gcod pa dang / ma byin par len pa dang 'dod pas log par g.yem pa rnam par spong ba bsten cing bsgoms la lan mang du byas shing gzhan rnams la yang bstan cing bkod la/ rang dang gzhan la phan pa la rab tu zhugs pa'i sems can rnams kyis gnas de 'thob bo/ /de'i 'phang du mtho ba la kun du lta bar byed pa na ji ltar drug bcu rtsa brgyad kyis lhag pa'i dpag tshad stong phrag brgyar mtho bar 'jug pa yin te/ 'thab bral ni lhun po las nyis 'gyur gyi tshad kyis mtho ba de dag gis ji snyed cig yod pa des ji lta ba bzhin du sa rnams mthong ba ni sa rnams kyang nyi shu rtsa bdun te/ dpag tshad stong phrag lngar 'thab bral de nam mkha' la kun du gnas te sprin bzhin du nye 'khor rlung gis 'degs so/ /ji ltar sa 'di 'degs pa rtsa ba nas rlung gis dang chus kyang 'dzin no/ /chu klung gis 'dzin no/ /de kho na bzhin du rlung 'khrigs pa zhes bya bas phyogs gcig nas gang gis 'thab bral gyi lha rnams kyi phung po sprin dang 'dra bar 'degs pa'i sa nyi shu rtsa bdun du 'gyur ba ni 'di lta ste/ rab kyi shugs kyi bdag dang / rgyun gnas na rnam par rgyu ba dang / brtsegs pa rgyu ba dang / yid kyi rgyan dang / rab tu rnam par 'dres pa'i khor yug na rgyu ba dang / rlung rgyu ba dang / rab tu mtho ba dang / 'bras bu dang ldan pa dang / gcig tu dga' ba dang / 'gro ba dang yang dag par ldan pa dang / 'od zer brgya 'phro ba dang / bsdams par rgyu ba dang / rtag tu bde ba dang / bde ba rab tu 'phel ba dang ldan pa dang / ri'i tshogs na rgyu ba dang / rnam pa sna tshogs par</font><hr>64.311a<br><font size=+1>

rnam par bkra ba dang / zla ba mthong bar 'dod pa'i tshal dang / khor yug la gnas pa dang / bsam gtan sgra'i bya bas dben pa dang / nga rgyal ldog pa dang / 'jug pa'i spyod pa dang / tshogs pa rgyu ba na rnam par rgyu ba dang / rang gi yul bar rgyu ba dang / rang lus kyi rgyags pa dang / nga rgyal rtags kyi gzi brjid dang / skyed mos tshal gyi mchog dang / nags tshal gyi 'od zer zhes bya ba ste sa nyi shu rtsa bdun po de dag go/ //'phags pa dam pa'i chos dran pa nye bar gzhag pa/ bam po bzhi bcu lnga pa/ de rnams su 'thab bral gyi lha rnams kyi mnga' bdag mu su lun d+ha zhes bya ba rgyal srid byed pa ni ji ltar rgyal chen rigs bzhi dang sum cu rtsa gsum pa rnams kyi brgya byin yin pa de ltar mu su lun d+ha 'thab bral ba rnams kyi mnga' bdag yin te chos la chos kyi rjes su 'jug pa brgya byin pas stong 'gyur gyis chos dang che ba dang bde bas mtho ba de'i lus kyi tshad ni dpag tshad lnga pa 'od kyi rang bzhin no/ /brgya byin ni rgyang grags gcig yin par 'dod do/ /'thab bral ba rnams kyi rgyal po byed pa rgyal po mu su lun d+ha ni kau shi ka las khyad par du 'phags te de'i lus gcig gi lus kyi yan lag de yang brgya byin stong gis kyang bsgrun du med de/ rgyu'i khyad par gyis 'bras bu yang khyad par du byas pa'i phyir ro/ /de ltar gyur pa yang 'dir ji lta bar dge slong gis tshigs su bcad pa'i dbyangs kyis bsnyad pa/ ji ltar khu ru chung ba'i gru/ /'phyo zhing gting du mi nub pa/ /de bzhin sdig chung skyes bu ni/ /steng nas gting du 'byin pa min/ /ji ltar ljon shing brtan 'gyur ltar/ /lha yi 'jig rten 'di yang yin/ /de ltar dge slong de 'thab bral gyi lha rnams kyi las dang 'bras bu'i rgyu rkyen gyis bde ba thob pa'i bya ba la rnam par lta bar byed pa ni 'thab bral gyi lha rnams na ri chen po bzhir ji lta bar des mthong ste/ ri thams cad kyang dpag</font><hr>64.311b<br><font size=+1>

tshad stong phrag bcu pa'o/ /de la ri rnams kyi ming ni 'di yin te/ 'di lta ste rab tu gtsang ba dang rab tu dang ba dang rab tu dang ba chen po dang bar yangs pa zhes bya ba dang ste ri chen po de rnams so/ /sa gzhan gyi ri ni ma gtogs pa'o/ /ri rnams kyang rnam pa du mar kha dog dang dbyibs du ma las yon tan du ma'i bdag nyid chen po 'dzin pa'i ri stong phrag du ma lha'i me tog dang ldan pa nye 'khor 'thab bral ba'i lhas kun du gang ba'o/ /de las nyi shu rtsa bdun po rnams la rnam pa sna tshogs pa'i ris gang ba sna tshogs pa'i 'bab chu dang / chu klung dang rdzing bu dang nye ba'i nags dang shing brgya stong phrag du mas khyab pa dbyibs dang dri dang kha dog dang ro du mar bya ba phun sum tshogs pa ljon shing dang pad ma'i mtshe'u rnam pa du ma gang gi khyad par gyi sum cu rtsa gsum pa rnams kyi ri dang chu klung dang / rdzing bu dang nags dang nye ba'i nags de dag de bzhin du chung zad kyang khyad par med pa ni ji ltar mi'i shing dang chu klung dang rdzing bu dang / nags dang nye ba'i nags kyi dga' ba de ltar sum cu rtsa gsum pa rnams kyi dga' ba yang khyad par med do/ /'thab bral ba rnams dang gang cung zad khyad par gyi rgyu ni rgyu 'bras mang ba nyid do/ /de ni legs par byas pa'i bsod nams du ma'i rgyu 'thun pa'i las de'i 'bras bu'o/ /gang yang dge ba'i las kyi sprul pa de ni brjod par nus pa ma yin no/ /las sna tshogs kyi rgyu 'thun pa las byung ba rgyu gang gis nges par ston pa yang de sems can thams cad kyis brjod par nus pa yang ma yin te/ /rgyu'i ming yang med pa'i las rnams las byung ba de sems can thams cad kyis brjod par mi nus pa'i phyir ro/ /gang gi phyir las rnams kyi rgyu'i tshad kyi ming med pa'i phyir ro/ /gang gis skal ba mtshungs par gyur pa lha'i rdzas dang yang dag par rab tu ldan par gyur pa de rnams kyi brgya stong gi phyogs gcig phal cher bdag gis 'dir brjod de/ rgyu gang gis tshul khrims mi slu ba yin pa'i go skabs kyi 'bras bu de ci nas kyang bstan par bya ba yin te/  </font><hr>64.312a<br><font size=+1>

rgyu gang gi phyir na tshul khrims spyod pa de dag rab tu spro ba skyed pa yin la gang yang ye shes dang ldan pa de dag bcu 'gyur gyis rab tu spro bar byed de/ rgyu gang gis tshul khrims dang shes rab dag khyad par chen po yod pa'i phyir te/ tshul khrims kyis ni lhar skye la shes rab kyis ni mya ngan las 'das pa thob pa yin pas/ de ltar tshul khrims kyi yon tan brjod na shes rab can rnams 'di snyam du sems te/ tshul khrims gang la rnam pa 'di lta bu'i 'bras bu 'byung na shes rab kyis bdag cag la cir yang 'gyur ro zhes so/ /gzhan yang rab tu spro ba bskyed pas shes rab rtsom pa'i rtsol ba byed la byas pas kyang srid pa la chags pa'i bsngags par mi 'gyur ro/ /gzhan yang rgyu mtshan gzhan gyis kyang ste ji ltar gang la rnam pa 'di lta bur yun ring du gnas pa gnod pa nyung ba rnams la yang rnam par 'jig pa 'byung na/ gang yang mi rnams brgyal ba'i 'dod pa ni nyes dmigs dang ldan pa dang mnog chung ba g.yo ba nye bar 'tshe ba thun mong ba rgya chen po dang / chom rkun dang chu dang rgyal po'i chad pa la sogs pa'i rgud pa du ma thabs ma yin pa'i gzhir gyur pa la lta smos kyang ci dgos/ des na rgyu 'dis kyang mtho ris kyi gtam mngon par brjod do/ /gzhan yang rgyu mtshan 'dis yin te gang dag rdzu 'phrul chen po dang ldan pa rnams 'di ltar rgyu gzhan ni ci yang med kyis dbang phyug gis sprul pa'o snyam du sems pa de dag gis sprul pa 'gag par bya ba'i don du 'bras bu bshad de/ rgyu med par skye bar 'gyur ba'i las rnams kyi 'bras bu ni yod pa ma yin no/ /gzhan gyi bka' drin gyis dang rgyu 'bras dag 'dod rgyal ba ma yin gyis 'dra ba yin no/ /gzhan gyi rgyu gzhan du 'gyur ba ma yin no/ /legs par byas pa'i las rgyur gyur pas dmyal bar skye bar 'gyur ba ni med do/ /mdzes pa ma yin pa'i las rgyur gyur pas mtho ris su skye bar 'gyur ba ni med do/ /des na de ltar rgyu 'bras kyi gzhir gyur pas ni sbyin pa dang tshul khrims dang shes rab dang bsgom pa dang nges pa la gnas pa'i ngo bo'i las rnams</font><hr>64.312b<br><font size=+1>

kyi mtho ris kyi gtam 'di yin no/ /gnyis dag gi gtam bya bar mi nus te bde ba dang sdug bsngal gnyis kyi'o/ /dmyal ba'i sdug bsngal dang lha rnams kyi bde ba'o/ /de las 'di ni de'i phyogs gcig gi las rnams kyi dpe brjod pa yin no/ /gzhan yang dge slong las dang 'bras bu'i rnam par smin pa shes pa de 'thab bral ba'i lha rnams kyi sa la kun du lta bar byed pa na/ /des thos pa las byung ba'i rang bzhin gyi shes rab kyis 'thab bral ba rnams kyis rab kyi shugs zhes bya ba ji lta ba bzhin du yod pa mthong ngo / /der las gang gis sems can skye ba yang des thos pa las byung ba'i rang bzhin gyi shes rab kyis mthong ba ni ji ltar skyes bu dam pa gang gis tshul khrims la spyod pa dang / kha na ma tho ba cung zad tsam la yang 'jigs par lta ba dang sems drang ba dang drang po'i rang bzhin can dang g.yo med pa dang gzhan gdung bar mi byed pa dang / yang dag pa'i lta ba can yang dag pa'i lta ba sngon du btang bas rtag tu yang rmongs pa ma yin pa'i blos mi rtag pa dang sdug bsngal ba dang stong pa dang bdag med par 'jig rten 'di la lta ba sangs rgyas dang chos dang dge 'dun rnams rjes su dran pa la zhugs pa srog gcod pa dang ma byin par len pa srung bar gyur pa ni snga ma bzhin no/ /'dod pa log par g.yem pa yang mi sten te/ yid las byas nas byung ba ni ji ltar gzhan dang ldan pas kun du ldan nas 'khrig pas rtag tu mngon par zhen cing kun nas rab tu 'jug pa 'di ni 'dod pa la log par g.yem par brjod do/ /skyes bu dam pa des de ltar thos nas gal te gzhan dang ldan pas kun nas ldan pa mthong na de la mi sems kun du mi rtog yid la mi byed do/ /yang gang dag gis sems shing kun du rab tu rtog par byed pa de dag kyang rab tu 'gog par byed cing de dag la yang las kyi 'bras bu nye bar ston par byed de/ khyod kyang ma byed cig des dmyal bar skye bar 'gyur bas ma byed cig ces/ de ltar las dang 'bras bu'i de kho na nyid ston pa po gzhan gyis mi 'phrogs pa gzhan</font><hr>64.313a<br><font size=+1>

gyis mi bkri ba de ni lus zhig nas bde 'gro mtho ris kyi 'jig rten gyi 'thab bral gyi lha las 'thab bral gyi sa rab kyi shugs kyi lha rnams kyi nang du skye ba yin no/ /der skyes pa ni legs par byas pa'i las kyi mtha' la spyad pa 'dod pa la log par g.yem pa'i 'jigs pas 'jigs pa rnams so/ /de der skyes pa na lha dang lha mo brgya stong gis yongs su bskor nas skyes pa tsam nyid na de bzhin du glu len par byed de/ ji ltar legs par gnyid log par rngas legs par slong bar byed pa de bzhin du de skyes pa tsam nyid na rdzus te skyes pa de ltar glu dang rnga sgra yan lag brgyad dang ldan pa kun nas bsgrags pas dran pa rnyed par 'gyur ba la 'di lta ste/ brjod pa'i tshad dang ldan pa dang snyan par gyur pa dang ldan pa dang dge legs dang ldan pa dang zab pa dang ldan pa dang skye dgu thams cad dga' bar byed pa dang / dpag tshad stong phrag brgyad cur rnam par nyams pa med par kun du sgrogs pa'i sgra dang chos kyi tshig dang ldan pa dang kun nas ma 'dres pa dang ste/ shin tu bar yang legs par byas pa'i las spyad pa po rnam pa de lta bu yan lag brgyad dang ldan pa'i glus sad par byed do/ /de'i rang gi lus las byung ba'i 'od dpag tshad lngar khyab pa'o/ /sngon po ser po dmar po dkar po 'ja' tshon gyi kha dog lta bu'o/ /de langs pa tsam nyid na 'od de 'byung ngo / /de yang ji ltar rang gi cha byad kyis nyi ma dang zla ba ltar mdzes la/ de langs pa na lha brgya stong gis yongs su bskor te rab tu dga' bas gzi brjid kyi nags zhes bya ba der 'gro'o/ /lha dang lha mo'i tshogs kyis yongs su bskor ba 'thab bral ba de la yang me tog gi rigs mi rnyings pa 'di dag yod de/ 'di lta ste mig gi bdud rtsi'i me tog dang dri'i bdud rtsi dang kha dog dang drir bcas pa thos na dga' ba 'di dag gang gi nus par 'gyur ba 'di ni yul phyogs gang dang gang du de'i ming gzung bar byas pa'i yul de dang der me tog gis nam mkha' las dri 'byin no/ /zla ba las lhag pa'i kha</font><hr>64.313b<br><font size=+1>

dog zhes bya ba'i me tog dang thams cad du rgyu ba zhes bya ba'i me tog ste de dag rnams ni shing gi 'dab ma la me tog de rnams skye'o/ /de bos pa na me tog de rnams phyi bzhin kho nar 'ong ste/ gang la lha de rnams kyi 'dod pas 'gyur ba yin no/ /zhon pa'i bzhon pa rnams ni ljon shing gi bzhon pa la zhon te me tog gi khyim nang na gnas nas gang du 'dod pa der lha rnams nam mkha' la 'gro bar byed do/ /ji ltar gzhal yas khang nas kun du rgyu ba'i lha de ltar 'thab bral ba'i lha rnams me tog gi khyim la gnas nas 'gro ste 'jig rten ma lus pa mig btsum tsam la 'od 'bar ba dang bcas par gyur par mthong ngo / /'on kyang ngal bar mi 'gyur ro/ /bar med par 'brel ba'i khyim dga' ba zhes bya ba'i shing gang dag gi nang yang de bzhin du dga' ba yin te/ gang la nang du lha rnams rjes su zhugs nas dga' bar byed pa'i nags dang / rdzing bu dang nye ba'i nags de dag thams cad las ches khyad par du dga' bar gyur pa'i ljon shing gang dang gang dag la gzi brjid 'di dag yod de/ gal te lha rnams 'dod par gyur na 'thab bral gyi sa de thams cad kyi dpal rnams thams cad gnas der 'ong bar 'gyur ro/ /shing de dag gi gzi brjid kyis de yang ljon shing la dga' ste lha de rnams yan lag brgyad pa'i rnga skad mtshungs pa med pas ljon shing de dag rnams la dga' bar byed pa na yang dri 'byung zhes bya ba'i shing gang dag la mthu 'di dag yod pa yin te/ lha rnams kyis mngon par 'dod par gyur pa'i dri'i rnam pa de srid kho na'i dri can du shing de 'gyur ro/ /me tog gi khyim dga' ba zhes bya ba'i shing gang la nang gi khyim dang ldan par lha rnams dang nags dang nye ba'i nags dang rdzing bur dga' bar byed la/ de ni sngon po ser po dmar po'i mdog dang / rnam pa sna tshogs pa'i dri dang kha dog phun sum tshogs pa de la gang gi tshe lha de 'jug par byed pa de'i tshe shing dang me tog gang dag rnams kha dog thams cad par 'gyur ro/ /</font><hr>64.314a<br><font size=+1>

kha dog der lha 'gyur ro/ /de'i kha dog tu lha 'gyur ro/ /de thams cad mi 'gyur ba'i gos can du mi 'gyur te/ shing dang me tog rnams kyi mthus so/ /nam mkha' la rgyu ba zhes bya ba'i shing gang gis mig btsum tsam la nam mkha' la dpag tshad brgya stong du 'gro'o/ /'dod pas 'gro ba nyi ma dang mtshungs pa'i gzi brjid can rnams so/ /de ltar gsar du skyes pa'i lha de lha dang lha mo brgya stong gis yongs su bskor nas rnam pa du ma'i phreng ba dang / phye ma dang byug pa'i dpal gyis shin tu brgyan pas shing la kun du 'gro bar byed do/ /de'i mdun na de'i tshe na lha mo rnam pa sna tshogs kyi gos rin po che rnam pa du ma 'bar ba rab tu dga' ba ches lhag pa'i lus can rnams mdun na gar dang g.yo ba dang 'gying ba dang glu'i sgra sna tshogs pas dpag tshad stong phrag du ma gang bar byed do/ /de yang legs par byas pa'i las kyi mtha' la spyad pa dang ldan pas de dag rnams kyi blo na de ltar rnam par snang ste/ gang yang cung zad tsam gyis 'dra ba dang sngar mthong ba rnams dper byas par zad do/ /ji ltar zla ba'i phyi na skar ma rnams 'gro ba de lta bu las brgya stong gis lha 'di mdzes te rnam pa sna tshogs pa'i sgra 'byin pa dang / glu dang / dgod pa dang / 'gying ba dang / glu mkhan dang bcas pas gang na nags de yod pa der 'gro'o/ /nags de'i nye 'khor na bya brgya stong gis kun du gang ba 'bab chu dang / rdzing bu du mas nye bar mdzes par gyur pa nye 'khor mchog tu dga' ba/ nyi ma brgya stong bas lhag par gsal bar byed do/ /gang la de ltar cung zad tsam 'dra ba'i sgo nas dper brjod byas te/ ji ltar mi rnams na nags mchog tu dga' bar gyur pa dang / 'bab chu dang / 'jug ngogs dang / rdzing bu 'jug ngogs mdzes pa gang yin pa de ni rgyal chen bzhi'i nags dang / nye ba'i nags rnams kyi khyad par gyi bcu drug gi char yang mi phod do/ /yang de bzhin du gang rgyal chen ris bzhi'i nags kyis kyang gang yang sum cu rtsa gsum pa rnams kyi nags dang / nye ba'i nags kyi dga' bar gyur pa gang yin pa de'i khyad par gyi bcu drug gi char</font><hr>64.314b<br><font size=+1>

yang mi phod do/ /de ltar gong nas gong gi khyad par gyi rim pas dge ba'i las dang mi dge ba'i las rnams las gong nas gong gi dga' ba ni/ dge ba dang yang dag par rab tu ldan pa'i sems rtse gcig pas las gzhan mi byed par mthong zhing dge la legs pas rigs pa grol ba'i spobs pa dang ldan pa'i sems can thams cad kyi shes rab kyis kyang phyogs gcig kyang brjod par bya mi nus so/ /de ci'i phyir zhe na/ mi rtog pa'i yul gyi yul rtogs pa ma yin pa 'di mi rnams thams cad dang / de bzhin du dbang po dang bcas pa'i sum cu rtsa gsum pa rnams thams cad kyis lo stong phrag brgyar yang mtshe ma'i lha rnams kyi bde ba'i phyogs gcig tsam yang brjod par mi nus so/ /de ci'i phyir zhe na/ 'di dag rnams thams cad ni sum cu rtsa gsum pa rnams kyi yul ma yin pa dang mthong ba'i yang ma yin pa'i phyir te/ gang la dper brjod du byas pa ni nam yang mthong ba yang ma yin la chung zad kyang thos pa yang ma yin gyi phyogs gcig tsam 'dir bsngags pa brjod pa yin no/ /dge ba'i chos la brtson pa'i don du bsngags pa brjod de/ dge ba'i chos byas shing bsags pa myong bar 'gyur bar nges pa bsam gyis mi khyab pa dga' ba dang bde ba thams cad kyi yang phyogs gcig tsam mthong la phyogs gcig pu zhig bsngags par zad do/ /ji ltar mkhas shing thams cad la byang ba'i ri mo mkhan nam ri mo mkhan gyi slob mas kyang rung ste zla ba dang mtshungs pa'am yang na nyi ma bris la/ des de'i 'od bri bar bya mi nus la zer ma ma yin/ nam mkha' la 'gro ba dang 'ong ba'i spyod pa yang ma yin/ gzi brjid ma yin la 'jam pa dang gdug pa yang ma yin gyi/ zla ba'i rnam pa tsam 'ba' zhig mngon par bris par zad do/ /de bzhin du 'dir yang 'thab bral gyi lha rnams kyi bsngags pa yang brjod par mi nus so/ /dga' ba yang brjod par mi nus so/ /</font><hr>64.315a<br><font size=+1>

mthu stobs dang nags dang nye ba'i nags dang dpal ma yin no/ /rim yin rang bzhin ma yin no/ /yul gyi bde ba rnams kyang ma yin/ 'od dang phreng ba dang lha mo dang mnyam par bgrod pa'i bde ba yang ma yin gyi cung zad mngon par brjod pa tsam cig 'dir byas so/ /'dra ba ni cung zad tsam cig kyang ma byas so/ /slar yang lha de skyed mos tshal de dag nyid kyi ltad mo rnam pa du mar dga' ba 'dod pa du ma dang ldan pa'i phun sum tshogs pa 'jug ngogs dang / skyed mos tshal du ma dang ldan pa'i sa'i cha rnams la rjes su ltar 'gro bar byed do/ /'dod pa'i yon tan lnga la rnam par chags pa'i yid can gnas pa med pa'i shugs kyis g.yo ba'i kun du rtog pa'i chu rlabs kyis bskyod pa'i srid pa'i chu bos khyer bar gyur pas thams cad las mthong na dga' bar gyur pa ni lha'i ris der rjes su mthong ba la nags de ni 'dod pa'i yon tan du ma phun sum tshogs pa ste chu klung dang / 'bab chu dang shing dang shing gel ba dang 'khri shing gi khang bus gang ba sgra du ma 'byin pa'i bya brgya stong gis kun du gang ba der nye bar 'gro'o/ /nye bar song nas kyang nye 'khor de na sngar ma mthong ba'i mchog tu phun sum tshogs pa de dang phrad nas kyang de lha mo'i tshogs dang bcas pas yongs su bskor nas chu klung gi gle'i mu tig gi phye ma'i bye ma la gser dang dngul dang in dra nI la'i mdog dang mtshungs pa'i sgro can gyi byas gang ba chu klung chen po'i ngos na rnam pa sna tshogs pa'i sgra 'byin pa'i ljon shing gis gang ba chu klung gi 'gram gyi gad pa dga' ba rab kyi mchog tu skyid pa'i lha mo'i tshogs kyis yongs su bskor nas dga' zhing rtse bar byed la/ zhabs 'bring du ma yang byed pas dus shin tu ring bar de de na dga' bar byas nas gang na rin po che'i 'gram zhes bya ba'i nags yod pa der skye bo thams cad kyis yongs su bskor nas 'gro'o/ /des nags de mthong ba las gzhi'i cha ni rin po che bdun gyi rang bzhin 'od gsal ba gang la rin po</font><hr>64.315b<br><font size=+1>

che'i rang bzhin du gyur pa thams cad dga' ba'i ri'i rtse mo dang / chu klung gi 'gram dang 'bab chu dang rdzing bu dang pad ma'i rdzing bu du ma dga' bar gyur pa la bung ba brgya stong gis nye bar mdzes par byas pas gzhi kun gyi cha shas ni mchog tu dga' bar gyur pa dang ri'i gseb dag mthong ngo / /des legs par byas pa'i las kyi 'bras bu'i dbang po dang ldan pa de rin po che'i nye ba'i gnas la lha mo'i tshogs kyis yongs su bskor ba'i dbus na rtse zhing dga' la kun du spyod de/ 'thab bral ba rnams dang rjes su 'thun pa'i bde ba dge ba'i rtsa bas bskrun pa la nye bar longs spyod par rgyu/ dge ba'i rtsa ba de dang 'thun par de'i 'bras bu rnams kyang rnam pa du mar de bzhin du 'gyur ro/ /de na yang rnam pa brgya stong du ma'i rnam par rtog pa'i bde ba thams cad las 'phags pa nyams su myong ngo / /de la yang 'dod pa'i yon tan lnga spyad nas gang na 'jug ngogs med pa ma yin pa zhes bya ba 'thab bral ba rnams kyi sa'i cha der 'gro'o/ /de na yang dga' ba'i yon tan du ma phun sum tshogs pa nye bar bgrod do/ /de la yang rgyu rnam pa sna tshogs pa'i lha'i glu mkhan gyi glu dang yang dag par ldan pa'i bde ba nyams su myong ngo / /gang yang brjod par mi nus pa ni sred pa dang ldan pa'i mes snying tshig pa rnams kun du rtog pa'i shugs kyis kun du 'khrul pa'i blo gar yang gnas pa med pas yul la gdung bar smig rgyu ba'i sems spre'u yis lha'i bde ba'i 'bras bu la spyod pa bag med pas bud med lta ba la ched cher byed pa dang / rtag tu dga' ba du ma'i chu gang dag gis kyang rtag tu 'khor bar byed pa yin no/ /'thab bral gyi lha'i ris rnams kyi nye 'khor du rin po che'i pad ma phun sum tshogs pa 'byung ba ni thun mong pa ma yin pa mchog tu dga' ba'i yul gyi bde ba rnam pa du ma gzhan gyi mthu stobs kyis dbrog tu med pas kyang dbang po rnams mi tshim mo/ /ci lta ci ltar dga' ba de lta de ltar yongs su</font><hr>64.316a<br><font size=+1>

smin la dga' bar gyur pa'i pad ma gang dag kho na bsams pa de lta de ltar nyid du 'byung ste legs par byas pa las byas pa'i phyir ro/ /de nas mu su lun d+ha 'di snyam du sems te ma la bdag lha 'di dag rnams dang lhan cig tu nam mkha' la gnas par bya'o snyam mo/ /de nas sems bskyed pa tsam nyid kyis 'thab bral ba'i lha'i mnga' bdag mu su lun d+ha lha'i tshogs kyis yongs su bskor nas lha'i tshogs thams cad dang bcas pa nam mkha'i dkyil du 'phags so/ /de nam mkha' la de ltar 'gro ste de dang lha de rnams de ltar cung zad kyang mi g.yo zhing mi brjod la lus kyi cha 'ga' zhig chung zad kyang gzhan du 'gyur ba yang med par ro/ /de nas lha thams cad kyang pad ma la zhon nas nam mkha' la 'gro'o/ /rnga skad yan lag lnga dang ldan pas yongs su bskor nas gar dang ldan pa dgod pa dang ldan pa kun tu spyod pa dang ldan pa lha'i bde bas yongs su rgyas par 'dod pa'i yon tan lngas legs par gtad cing yang dag par ldan par gyur pa de ltar skyid par gyur pa'i lha pad ma'i 'dab ma dag la zhon nas 'gro ste/ ji ltar yang dag pa'i gnas de ltar mnan na nem la bteg na 'phar bar gyur pa'i rin po che bdun gyi rang bzhin du gyur pa'i pad ma'i 'dab ma rnams la zhon nas gong ma gong ma'i 'dab ma rnams lhung ba de mdzes pa ni ji ltar mi rnams kyi yul na nang nub kyi thun mtshams kyi dus na thams cad zangs bzhin du nam mkha' shin tu rnam par snang ba la pad ma de yang de ltar shin tu 'bar ro/ /lha de thams cad phan tshun du bde ba dang ldan pas gang na ku be ra'i tshogs kyi nags zhes bya ba'i nags na shin tu 'jam zhing mtho ba'i ri'i rtse mo der dga' bar rgyur 'gro bar byed do/ /de nas ri de'i rtse mo la lha de dag gis slebs nas rin po che bdun gyi 'bab chu dang chu klung dang rdzing bu du mas nye bar mdzes par gyur pa pad ma'i nags yongs su rgyas par</font><hr>64.316b<br><font size=+1>

mdzes par gyur pa ni nyi ma brgya'i 'od zer bas ches lhag par gyur pa'i 'od kyi gzi brjid can de na/ lha dang lha mo'i tshogs kyis gang ba rin po che'i rang bzhin du ma nyi ma dang mdog mtshungs pa'i shing gis nye bar mdzes par 'jam zhing mtho ba'i ri de dang pad ma der lha de dag rnams kyis phyin nas ri de'i nags na gar byed cing phan tshun du kun du spyod do/ /de nas yang 'dab ma stong phrag brgya pa'i pad ma la'o/ /de rnams pad ma de dag rnams la kun du zhugs nas phyir yang 'jam zhing mtho ba'i ri de la 'dzeg go /bde ba la spyad pa'i don du 'thab bral gyi mnga' bdag mu su lun d+ha yang lha'i tshogs kyis yongs su bskor ba dang bcas nas gang na lha de dag rnams dga' dgur kun tu spyod pa der 'gro'o/ /lha de dag rnams kyis kyang de mngon du legs par mthong nas yid rab tu dga' bar gyur pa'i yid dang ldan pas gar byed par gyur dgod par yang byed cing kun du spyod par yang byed do/ /'thab bral gyi bdag po mu su lun d+ha de yang de ltar rab kyi mchog tu yid dga' ste/ lha rnams rang gi las dbang por gyur pa rang gi las kyi 'bras bu'i skye gnas pa de las de dag rnams kyis lha dman pa dang bar ma dang khyad du 'phags pa dman pa dang bar mar skyed pa dang / dman pa dang bar ma'i gzugs dman pa dang bar ma dang khyad par du 'phags pa'i bde ba'o/ /'thab bral gyi lha thams cad pas dman pa'i bde ba gang yin pa de yang bcu drug char bgrang ba'i rim pas kyang brgya byin la nam yang mi 'gyur la/ re zhig brgya byin de nyid kyi bde ba yang brjod par mi nus na/ ci yang brgya phrag sum 'gyur du las kyi mtha' la spyad pa'i 'thab bral ba rnams kyi rdzogs par brjod par nus sam/ de nyid ni dge ba kun du rgyas pa'i legs par byas pa'i las rnams kyi yang 'bras bu de 'ba' zhig de ltar tshul khrims dang ldan pa rnams rab tu dga' ba bskyed par bya ba'i don du 'thab bral gyi lha 'di rnams kyi phun sum tshogs pa'i dga'</font><hr>64.317a<br><font size=+1>

ba rnam pa du ma'i sgo nas bsngags pa yin gyi/ srid pa 'ba' zhig mngon par zhen pas ni ma yin no/ /gzhan yang 'thab bral gyi mnga' bdag mu su lun d+ha rnam pa sna tshogs pa brgya stong du ma'i rnam par rtog pa yon tan du ma dang ldan pa'i dpe med pa'i bde ba pad ma 'di rnams dang 'jam zhing mtho ba rin po che bdun gyi rang bzhin gyi ri de la rnyed nas/ gzhan yang 'thab bral gyi mnga' bdag 'di ltar rjes su rnam par sems par byed de/ ma la bdag gang yang pad ma chen po 'di'i nang du 'jug par bya ba yin te bde ba'i mchog gis gnas par bya ba'i don du lha'i tshogs thams cad kyi sa dang btsun mo'i 'khor rnams dang bcas pa rnams kyis so/ /de nas 'thab bral gyi mnga' bdag mu su lun d+ha lte ba la gnas pa tsam kho nas de'i legs par byas pa'i las kyis snying po de phyir zhing nyid du kha bye'o/ /lte ba de yang gang de'i lte ba de thams cad kyi nang du 'gyur ro/ /de nas lte ba de'i nye 'khor kun las gzhan du gyur pa'i bug pa byung la rnam pa de lta bu'i 'od rnams kyang pad ma chen po de'i lte ba las kun nas byung ba'i lha de dag rnams kyis rnam pa ji lta bu'i gzhan du sngar ma mthong ba dang ma thos pa dag ste/ nye 'khor du yang de dpag tshad brgya bas cher lhag pa'i 'od zer 'byung ba la 'od kha dog du ma 'bar ba lta bur snang ba'o/ /de nas lha de rnams dang 'thab bral gyi mnga' bdag mu su lun d+ha yang gcig tu ngo mtshar ba'i ca co'i sgra kun tu 'byin pa ni 'od 'di dag rnams pad ma gang gi lte ba las byung bar gyur/ de nas 'thab bral ba rnams kyi mnga' bdag gis lha de dag rnams la 'di skad du bgros par gyur te/ lha dag pad ma chen po 'di'i 'od zer rnam pa 'di lta bu kun nas byung zhing 'phro ba la ji lta ba bzhin du ltos dang / des slar smras pa ji lta ba bzhin du bdag cag gis mthong ste/ 'di dag mchog tu ngo mtshar che ba'i 'od byed pa'o/ /de nas yang 'thab bral ba rnams kyi mnga' bdag</font><hr>64.317b<br><font size=+1>

gis yang 'gro bar byed de/ ji ltar gang yang nyung ngu na bdag cag yul ljongs dang bcas pa'i skye bo'i tshogs thams cad kyis pad ma chen po 'di'i nang gi lte ba dus ring du blta bar bya'o/ /de nas lha de dag rnams thams cad yid 'thun par gyur pas de la gsol pa/ ji ltar 'thab bral ba'i mnga' bdag gis gsungs pa de ltar bdag cag rnams kyis bya ba yin pas na de ltar bdag cag rnams kyi 'khor dang bcas pa pad ma chen po 'di'i nang du lha dang lha mo'i tshogs kyis bskor ba 'thun par bdag cag 'thab bral gyi mnga' bdag dang bcas pa pad ma chen po 'di'i nang gang yin pa der 'jug par bya'o/ /de nas lha de dag rnams dang mu su lun d+ha de yang lha dang lha mo'i tshogs kyis yongs su bskor ba rnams gang na lte ba yod pa der legs par song ste/ pad ma'i nang lta bar byed pa ni ngo mtshar ba'i don du'o/ /de nas snying po de'i bug pa der phyin nas bug pa de nyid du zhugs te/ ji ltar btso ma'i gser mchog gi mdog nyi ma'i 'od dang lhan cig tu phan tshun spros par gyur pa na nam mkha' la nyi ma'i zla dang ldan par gyur pa de bzhin du pad ma chen po de'i gzi brjid kyi khyad par mthong bas lha de dag rnams kyis 'od zer de dag rnams ma bzod nas mig kun nas btsums par gyur pa dang / mchog tu dga' ba'i yid kyis nang du zhugs par yang gyur la/ rnam pa 'di lta bu'i 'od mtshungs pa med pa 'di ni gang yang bdag cag rnams kyis sngar nam yang mthong ma myong ngo zhes ca co'i sgra yang sgrogs so/ /de nas yang lha de dag rnams ches rings par mu su lun d+ha dang por byas nas rjes su 'jug par byed la/ mu su lun d+ha yang mchog tu rangs pa'i yid kyis yid tshim pa med pas lha de dag rnams dang pad ma'i nang du 'jug go /de zhugs pa na mthong ba de'i nang na rin po che brgya stong du ma 'od rnam pa gsal bar byed pa'i skyed mos tshal brgya phrag du ma dang ldan pa/ 'od dang ldan pa'i khang bzangs brgya stong du ma dang 'od 'bar ba'i</font><hr>64.318a<br><font size=+1>

ljon shing brgya stong du ma dang ldan pa/ rin po che bdun gyi rang bzhin gyi skyed shing gi nags dang nye ba'i nags brgya stong du mas nye bar mdzes par gyur pa mdog dang dbyibs du ma dang ldan pa'i rnam par rtog pa rgya che ba brgya stong gi bya'i tshogs kyis kyang gang ba rtsed mo'i ri brgya phrag du ma dang ldan pa/ rdzing bu brgya phrag du ma dang ldan pa/ gzhal med khang brgya phrag du ma dang ldan pa/ 'bab chu brgya phrag du ma dang ldan pa/ chu mig dang rdzing bu dang chu klung dang tshang tshing dang khrad khrod brgya phrag du ma dang ldan pa/ ji skad du brjod pa'i dngos po thams cad kyang rin po che bdun gyi rang bzhin las byas pa'i mdog dang dbyibs dang tshad kyi rnam pa mngon par dga' ba/ ji ltar de yang 'thab bral gyi bdag po mu su lun d+has kyang sngar ma mthong na/ 'thab bral gyi lha gzhan gyis lta smos kyang ci dgos/ de las pad ma gang gi nang gi mtshe'u rnams ni rab tu dang ba'i lha rdzas kyi chu yin la de dag gi 'gram rnams la la ni shel gyi rang bzhin no/ /la la ni dngul gyi rdo dang bye ma'o/ /'ga' zhig ni gser btso ma'i rang bzhin no/ /yang la la ni in dra nI la'i rang bzhin no/ /la la ni pad ma rA ga'i rang bzhin no/ /'ga' zhig ni cha rnam pa sna tshogs kyis rnam par bkra bar byas pa rnams te/ de bzhin du gang yang pad ma'i rdzing bu de rnams rnam pa sna tshogs pa'i rin po che sna tshogs pa'i rang bzhin gyi pad ma rnams kyis nye bar mdzes par gyur pa rnams so/ /'ga' zhig ni kha dog gcig pa'i pad mas nye bar mdzes par gyur pa'o/ /'ga' zhig ni rnam pa du ma'i mdog gi 'dab ma'i pad mas nye bar mdzes pa la 'di lta ste/ sngon po dang ser po dang dmar po dang dkar po'i mdog gi mtsho las skyes pa'i pad mas nye bar mdzes par byas pa'o/ /de la gang 'dab ma sngon po de ni dri ma med pa'i in dra nI la'i rang bzhin no/ /gang ser po de ni gser gyi rang bzhin no/ /gang dkar po de ni dngul gyi rang bzhin no/ /gang dmar po de ni pad ma rA ga'i rang bzhin rnams te/ de ltar pad ma chen po de'i nang na</font><hr>64.318b<br><font size=+1>

rnam pa du ma'i pad ma yod do/ /de nas lha de rnams rab tu dga' ba'i yid kyis bung ba brgya stong gis yongs su gang ba'i pad ma der nye bar bzung nas gzhan yang gang na de dag dga' ba chen por gyur pa'i nags dang nye ba'i nags de dang legs par ldan pa gang yin pa'i dga' ba chen po der 'gro'o/ /rnam pa sna tshogs pa'i rnga sgra sgrogs pa'i glu sgras rnar snyan pas yid tshim pa med par rab tu dga' ba'i lha dang lha mo'i tshogs kyis yongs su bskor ba ku co'i sgras yid tshim pa med pa de rnams kyis bgrod pa'i nags de ni rnam pa sna tshogs pa'i bya brgya stong gis dga' bar gyur pa'i sgra sna tshogs 'byin pa rin po che sna bdun gyis nye bar mdzes pa'i sa gzhi'i cha kun kyang mnan na nem zhing bteg na 'phar ba mchog tu 'jam pa de dag rnams la yang rnam par rgyu bar byed pa na/ thams cad nas kyang yid kun du rangs shing dga' ba ni gong ma gong ma de dag rnams mthong ba na dga' bar 'gyur zhing / phan tshun du grogs kyi bya ba dang ldan pa dang phan tshun du kun nas chags pa'i yid dang ldan pa dag gis kyang dga' bar yang 'gyur ro/ /nye ba'i nags de la yang dus shin tu yun ring du bag med par gnas pa'i phan tshun mchog tu kun dga' ba'i bag med par gnas nas/ gzhan yang gang na skyed mos tshal gyi phreng ba zhes bya ba'i rin po che sna tshogs kyi rang bzhin yod pa der 'gro bar byed do/ /rnga skad yan lag lnga dang ldan pas sna tshogs pa'i rol mo dang glus rab tu dga' ba dang ldan pa'i yid can rnams 'dod pa drug la rnam par chags pas lta ba la brkam par gyur pa rgyags pa la don gcig pas bag med par rnam par spyod par yang byed pa dang rtse bar gyur cing / kun du spyod par yang gyur pa rnams kyis der nye bar phyin nas kyang 'od zer rnams mthong bar gyur pa ni ji ltar nyi ma'i phreng ba rnams gang yin pa de ltar 'od rnams yin par rtogs so/ /de srid kyi 'od zer 'bar ba nyid yin pa'i yul phyogs kyi nye 'khor na yon tan gzhan</font><hr>64.319a<br><font size=+1>

yang lha de dag gis mthong ba rnams la 'di lta ste/ ser po dang dmar po dang dkar po rnams du ma nyid mthong ba'i yul phyogs de dag gi sa gzhi'i cha de dag rnams kun nas dga' ba de rnams la yang de rnam pa du mar mngon par dga' bar byas nas gang na rtsed mo'i ri yod pa der nye bar 'gro bar byed do/ /slar yang yul gyi bde ba ngoms mi shes pas de dag rnams kyang rtsed mo'i ri rnams rin po che bdun gyi khams kyis rnam par brgyan pa la gnas du ma yod pa rnams so/ /de na yang ljon shing brgya phrag du ma rnam par 'gyur ba dang ldan pa la bya'i tshang dga' bar gyur pa dang ldan pa 'bab chu dang chu klung dang rdzing bu dang nags dang nye ba'i nags dang ri dang sman ljongs dang ri logs dang ri rtswa dang klung na ri dgas kyi tshogs dang / pad ma'i mtshe 'us rnam par brgyan pa'i rtsed mo'i ri slebs nas 'phyos te lha rdzas kyi 'dod pa'i yon tan lnga dang bcas shing ldan par gyur pa phan tshun lhan cig tu lha rdzas kyi cha byad du mas rnam par gsal ba dang bcas pa/ rgyan dang cha byad kyis mdzes pa'i lha'i bu mos yongs su bskor ba de la yang dus shin tu yun ring por yul gyi bde ba ngoms mi shes pa rnams kyis dga' bar byed do/ /gzhan yang gang na gzhal yas khang gi khang bu'i phreng ba yod pa der nye bar 'gro'o/ /khyad par du ngoms mi shes pa'i yul gyi bde ba la dga' bar gnas par bya ba'i phyir te/ ngoms mi shes pa'i lha rdzas kyi 'dod pa'i yon tan lnga la rnam pa du ma dang rnam par rtog pa du mas lha'i 'dod pa kun du gsal bar byed pa sred pa'i mes legs par gsal bar byas pas rnam pa du mar dga' bar byed cing / lha dang lha mo rnams kyi tshogs kyis rnam pa du mar rab tu dga' bar byed pa ni 'thab bral ba rnams kyi mnga' bdag mu su lun d+ha dang bcas pa de dag rnams pad ma'i nang nyi ma brgya stong bas ches lhag pa'i gzi brjid dang ldan pa mchog tu zhi zhing gdug pa dang bral ba de la phan tshun du dga' bar gyur pa/  </font><hr>64.319b<br><font size=+1>

mchog tu blta bar dga' ba mchog tu dbang po lnga bde bar gnas par gyur pa rnams ni mchog tu dge ba/ mchog tu mdzes pa/ 'phags pa'i skye bo rnams shin tu dgyes pa'i dge ba'i rtsa ba legs par rnam par dag pa'i 'bras bur gyur pa rnam par rtog pa du mas yul du ma'i bde ba rnams la nye bar longs spyod do/ /phan tshun du 'drul bar byed pa dang phan tshun du smra bar byed pa la zhugs pa'i yid can rnams phan tshun du gus par byed pa legs par skyes pas ngoms pa med pa'i sems kyis de rnams de ltar pad ma 'di'i nang na dus yun ring por dga' bar byed do/ /de nas dus nam zhig na yul gyi bde bas ma ngoms par yang ci dga' bar gyur nas phyir byung nas/ snying po'i sgo de nyid nas ji lta ba'i nang du rjes su zhugs te/ de bzhin du phyir byung nas de mngon par mthong nas dus yun ring por phyir mi 'byung ngo / /yang de kho na nyid mthong ba zhes bya ba'i bya 'jam zhing mtho ba'i ri de'i steng na gnas pa des de mthong nas tshigs su bcad pa smras pa ni ji ltar/ gzugs rnams skad cig 'di dag gi /na tshod de bzhin skad cig yin/ /de bzhin bde ba zad kyang ni/ /blo gros med pas go ba min/ /dge ba'i mtshan nyid du ma de'i/ /skye ba 'di dag thams cad de/ /gang tshe dus kyi 'khor lo yis/ /rim par gshegs nas rnam par 'jig /brgya phrag du ma'i mtshan nyid kyi/ /ji ltar sngon gyi de nyid dang / /de ltar skye ba 'di dag kyang / /'chi bdag rgyal pos pham par byed/ /rtag tu bde bas gnas pa yi/ /bag med yid can de dag rnams/ /'chi bdag bdud kyi zhags pa 'dis/ /rtsom pas bde ba 'joms byed yin/ /bde ba snang ba stobs dang shugs/ /'thun pa rnam par 'bral byed po/ /'chi bdag rgyal po stobs ldan pa/ /'di ni nye bar 'dren pa yin/ /gang zhig nye bar 'ong ba po/ /de dag bag med ces bya rnams/ /gson pa bde ba dang bcas pa/ /rings par 'joms par byed pa</font><hr>64.320a<br><font size=+1>

yin/ /bag med pas ni phrogs pa'i lha/ /dus ring du ni 'di nyams pa/ /bde ba du mas bslus pa yi/ /yongs su rtogs pa ma yin no/ /gal te nyi ma'i 'od zer las/ /dbang po brkam par 'gyur ba'i sems/ /gshin rje'i 'jig rten 'ongs gyur pa/ /de tshe de 'bras shes par 'gyur/ /lus dang stobs dag rnying ba dang / /de bzhin bde ba'ang skad cig pa/ /de lta na yang chags yid can/ /legs par rtogs min mig med pas/ /rtag tu bde bas gnas pa yi/ /dga' ba las kyang dga' bar 'gro/ /gang tshe 'di dag gar 'gro yang / /'chi bdag rgyal pos 'joms par byed/ /rgas pas 'thung ba'i rgyal po yis/ /rmongs pa gang yang lus pa med/ /phyis de 'chi ba'i dus na ni/ /rang sems me yis gdung bar byed/ /yul rnams kyis ni dbang po rnams/ /tshim pa skye bar 'gyur ma yin/ /gal te ye shes gsal byed kyis/ /gang phan pa ni mi 'phen na/ /rnam rtog brgya yi dri ma yis/ /yul rnams kyang ni bsten pa na/ /rlung gis bskyod pa'i me bzhin du/ /kun du g.yo bas rab tu 'jug /brtson pa'i shugs kyis de rtogs nas/ /rtag tu me 'bar 'dod pa yi/ /yul sdom shes rab ldan pa yi/ /de nyid dpyod pa po yis rtogs/ /gang dag rtag tu 'khrul pa'i yid/ /rtag tu yul la mchog 'dzin te/ /blo bral dga' ba de thams cad/ /thams cad gti mug byed pa yin/ /log pa'i blo yis bsten 'gyur bas/ /yul gyi me ni 'phel 'gyur te/ /ji ltar bud shing dang ldan pa'i/ /me ni rlung gis bus pa ltar/ /mi g.yo 'dod chags dbang 'gro ba/ /rtag tu 'dod dbang rjes 'gro ba'i/ /lha de 'dod chags kyis bslus nas/ /lha yi 'jig rten dag nas lhung / /dam pa'i yid la legs yon ldan/ /bde gang dang por byung ba 'di/ /rnam par zhig nas de gar song / /gson pa skad cig g.yo ba ste/ /ji ltar de ni rnam 'jig pa/ /srog ni g.yo ba skad cig pa/ /gal te de 'jig gang gi phyir/ /de bzhin</font><hr>64.320b<br><font size=+1>

du ni srog 'di la/ /dus ni ring po min par yang / /'byung bar 'gyur te the tsom med/ /yul 'di dag gis mang du dga'/ /yid ni de la rtag tu song / /de dang bral bar gyur pa yis/ /sdug bsngal yang ni rig pa min/ /lha yi 'dod yon ldan pa yi/ /gang de bde ba 'di dag rnams/ /bral bar 'gyur ba'i sdug bsngal gyi/ /bcu drug char yang mi phod do/ /dri ma gnyis gsum bcom pa'i phyir/ /ji lta nyid du skye ba min/ /srid ldan de ltar tshim pa med/ /'dod pa dag las rgyal ba min/ /ma dpyad pa yi sems kyis ni/ /rtag tu 'dod pa rjes sten pa/ /dus ring rjes su 'brel pa yi/ /sdug bsngal nyid ni zhi ba min/ /rmongs pa myur du chags par byed/ /sdug bsngal nyid ni shes pa min/ /phyi nas sdug phongs gyur pa na/ /gang 'bras bu yin shes par 'gyur/ /'dod pa yud tsam bzang ba ste/ /'di ni mchog tu mi bzad pa'o/ /'di dag pho nya 'ong ba ste/ /'ong bas phan pa min pa byed/ /gang de long ba yid ches pa/ /shes pa'i mig med pas byas so/ /'obs dang g.yang dang 'dra ba yi/ /mi de dmyal bar 'gro ba yin/ /rtag tu mi la phan byed pa'i/ /bag yod pa ni grogs kyi mchog /bag med pa ni dgra yi mchog /de phyir grogs nyid mchog yin no/ /thams cad du ni rjes 'gro 'di/ /de ni mi bzad dag gi mchog /ngan 'gro rnams kyi lam gyi mchog /'di ni bag med ces byar brjod/ /bag med pas ni bag med pa'i/ /yul gang la ni chags byed pa/ /rmongs pa'i yid can mi de ni/ /rtag tu sdug bsngal skal ldan yin/ /gang dag 'jigs sdug yod min zhing / /shes pas kun lta'ang med par ni/ /bde ba don du gnyer ba'i lha/ /de ni phyugs dang mtshungs par mthong / /zas dang 'khrig pa la dga' ba/ /phyugs rnams kyi ni snying du 'ong / /dga' ba de yis lha rnams gang / /'gro ba de ni phyugs dang mtshungs/ /sems kyi khyad par gyur pa yis/ /las kyi khyad par de bzhin no/ /las yon nyams pa dag gis ni/ /khyad par dmigs pa ma yin no/ /rol pas rnam par rtse ba</font><hr>64.321a<br><font size=+1>

yis/ /'chi bdag kha na gnas pa yin/ /'chi bdag dus su legs phyin pas/ /gdul dkas 'bras bu shes par 'gyur/ /ji srid 'chi ba ma byung zhing / /ji srid blo ni ma 'khrugs pa/ /blo ldan yid rab brtson pas ni/ /de srid chos la dga' bar gyis/ /gson pa thams cad 'jig byed dang / /bde ba thams cad zad byed cing / /sdug pa kun dang 'bral byed pa'i/ /'chi bdag 'di ni 'ong ba yang / /de tshe sgra chen pos nas ni/ /'chi bdag mchog tu mi bzad la/ /chos spangs pa yi skyabs gzhan med/ /de phyir chos la dga' bar gyis/ /bag med snying gi lus can rnams/ /de dag 'chi bdag rnams kyis khyer/ /bag med pas ni bcom gyur pa/ /snga phyir 'chi bdag gis rab 'joms/ /chos kyis 'tsho dang bde ba rnams/ /de nyid yang dag rab brjod pa/ /mtho ris lam ni rab ston pa'i/ /bag yod pa zhes brjod pa yin/ /de dag don dang don min dang / /bcings dang thar pa'ang de bzhin du/ /bag yod bag med ces bya dang / /yon tan skyon zhes kyang mtshungs so/ /rnam par rmongs pa'i yid kyi lhas/ /de ltar rnam par mi shes so/ /dgra dang lhan cig dga' ba dang / /shes rab nyams par byed pa yang / /de kho na nyid mthong ba zhes bya ba'i byas lha de rnams mngon par kun du mthong nas/ de ltar yang dag pa rnam pa du ma'i sgo nas rjes su ston yang legs par rtogs pa yang ma yin te/ bag med pas kun nas phrogs pa'i sems yul la ched cher byed pas 'dod pa'i yon tan lngas nye bar phrogs pa'i yid can rnams kyis ni de kho na yang dag par mi shes la/ gang dag ci nas kyang skye bo thams cad kyis myong bar 'gyur ba'i 'chi 'pho dang skye ba'i 'jigs pa de ni nges pa kho nar rab tu 'joms pa can gyi 'dus byas thams cad la 'byung bar 'gyur ro/ /gzhan yang lha de dag rnams nyid de'i tshe de kho na ltar pad ma de la gnas nas 'jam zhing mtho ba'i ri'i mchog de nyid dang / de bzhin du snying po'i 'dab ma de la mi g.yo bar legs par gnas</font><hr>64.321b<br><font size=+1>

te gang na nang yangs pa zhes bya ba'i mtsho yod pa der nye bar 'gro ste/ rnam pa sna tshogs pa'i glu dang rnga sgra dang ldan pa dang rol cha 'dzin pa'i mkhan po dang gar dang dgod pa dang 'gying ba dang glu nye bar len pa dang bcas pas de rnams nang yangs pa zhes bya ba'i mtsho der nye bar 'gro'o/ /mtsho de'i nye 'khor na yang khang bzangs lnga brgyas nye bar bskor ba rin po che sna bdun gyi lan kan mang po ches rnam par bkra ba'i yon tan gyis ches gsal bar byed pa nye 'khor yang shin tu dga' bas lha rnams rtse ba'i sa dang mngon par ldan par gyur pa/ khang bzangs rnam pa du ma la kha cig ni skar khung dang bcas pa stegs bu dang bcas pa steng yongs su rgyas pa/ mchog tu rab tu dga' ba'i zas dang skom dang stan rnam pa du ma dang bcas pa rnams phan tshun du kun nas chags pa'i yid kyis rtag par yang zas la ched cher byed pa'i dga' bas gnas pa dang / lha dang lha mo'i tshogs rnams rtag tu rnga skad yan lag lnga dang ldan pas mang du dga' ba de dag rnams de ltar dga' zhing bde bas gnas pa rnams chags pa'i yid dang ldan pas lhan cig kho nar pad ma'i snying po'i nang du legs par rab tu gnas shing nam mkha' la kun du gnas te/ 'thab bral gyi mnga' bdag mu su lun d+ha lha'i tshogs thams cad kyis yongs su bskor te/ gang na nang yangs pa zhes bya ba'i mtsho yod pa der nye bar 'gro'o/ /der nye bar phyin pa dang de la mang du dga' bar byed pa dang / kun du spyod par byed pa'i lha gang yin pa de dag rnams mngon par mthong zhing rnam pa sna tshogs pa'i rnga dang rol mo'i sgra dang ldan pa de rnams kyis kyang mu su lun d+ha de mthong nas shin tu yang bcu 'gyur gyis rab tu dga' bar gyur pa'i yid can de dag rnams khang bzangs thams cad nas dang / khang bu'i phreng ba thams cad nas dang pad ma'i rdzing bu thams cad nas dang / gnas gzhan thams cad nas kyang lha de dag rnams lhan cig kho nar langs nas snyan zhing sgra dang rnam par 'gyur ba dang ldan pa'i yid ches rab tu dga' bas/  </font><hr>64.322a<br><font size=+1>

gang na 'thab bral gyi mnga' bdag mu su lun d+ha nam mkha' la rgyu bas gnas pa der thams cad 'khod par gyur la/ thabs cig tu legs par skyes pa'i gus pa dang dga' ba dang ldan pas de de na de ltar nam mkha' la legs par gnas pa mngon par mthong nas thal mo spyi bor sbyar nas lus kun gyis phyag 'tshal te/ lha de dag rnams thams cad kyis kyang mu su lun d+ha de mdun du byas nas gar dang ldan pas gang na mtsho nang yangs pa zhes bya ba yon tan thams cad phun sum tshogs pa gzhal yas khang gi phreng ba du ma rnam pa sna tshogs pas rnam par brgyan pa/ chags par gyur pa'i sgra'i khyad par sna tshogs sgrogs pa/ ljon shing brgya stong du ma dang ldan pa nyi ma brgya stong bas ches lhag pa'i 'od 'bar ba'i lha'i tshogs kyis yongs su bskor zhing rtag tu spro ba'i 'thab bral ba'i lha rnams kyis sa de dag tu sleb nas/ 'thab bral ba rnams kyi mnga' bdag mu su lun d+ha de sa gzhi la legs par bzhugs pa la rab tu dga' ba mchog dang ldan pa'i lha rnams kyis bstod par 'gyur zhing / des lha de rnams kyang tshig rnam pa du mas mgu bar byas nas gang na mtsho'i 'jug ngogs yod pa der de dag rnams legs par 'gro'o/ /de dag rnams der nye bar song nas de dag kyang mthong na yid 'phrog pa zhes bya ba'i khang bzangs yod pa der 'jug go /der zhugs pa na yang rin po che sna bdun gyi 'od kyi phreng ba dang ldan pa'i cha shas rnam pa sna tshogs par rnam par bkra bas yon tan du ma'i dpal stong phrag dang ldan zhing lha dang lha mo'i tshogs thams cad kyis mtshungs par mchod par byed de/ 'thab bral ba rnams kyi mnga' bdag de der legs par zhugs pa'i tshe ni lha rdzas mchog gi dpal mchog dang ldan pa'i rin po che sna bdun gyis rnam par bkra bar byas pa'i seng ge'i khri la thams cad kyi bde ba ston pa'i lha'i rgyal po de legs par bzhugs te/ mchog tu dga' bas lhag par dga' ba ches rgan pa'i lha'i tshogs kyis yongs</font><hr>64.322b<br><font size=+1>

su bskor zhing mdun du bdar nas lha brgya stong du mas nye bar mdzes par gyur pa na/ de nas lha'i rgyal po de nyid kyis de dag rnams na so ches lhag pas rgan pa'i lha de rnams la dris pa/ bdag cag gi bla ma'i mchog dus ring po nas mjal ba'i 'thab bral gyi mnga' bdag ci'i phyir pad ma la legs par zhon nas 'dir byon/ de nas mu su lun d+ha des lha de dag la 'di skad ces smras te/ lha khyed rnams ngas ngo mtshar che ba pad ma'i nang du mthong nas nged lha dang lha mo'i tshogs thams cad kyis kun tu gang ba pad ma gang la zhon nas 'dir 'ongs la/ der yang rgya cher 'thab bral gyi bdag po de la shin tu yon tan phun sum tshogs pa thams cad rnam pa du ma'i sgo nas mkhyen par byed de/ rgan pa'i mchog de dag thams cad kyis sngar bzhin no/ /de nas de thos pa dang lha gang dag ches lhag par blta na sdug cing mthong ba ni ches dge legs su 'gyur ba de dag gis 'thab bral gyi mnga' bdag mu su lun d+ha de la skyes pa'i rabs de dag nges par mkhyen par byed de/ lha nyid kyi zhal snga nas ji lta ba bzhin du gsan lags dang / gang gi bdag nyid chen po de dang gang dag gi yang gzi brjid chen po dang ldan pa de'i nang yin la/ pad ma chen po de'i nang ni de srid cig gi 'dod par bya ba mchog dang ldan pa dang / yon tan du ma de srid dang ldan pa'i rnam pa de lta bu 'thab bral ba rnams kyi lha'i ris 'di rnams na rnam pa de lta bu las rdzas gzhan yod pa ni ma yin te/ ci ltar de'i nang du 'di ltar thos te/ ji ltar grags pa gser thub zhes bya ba'i bcom ldan 'das bla na med pa skyes bu 'dul ba/ kha lo sgyur ba/ lha dang mi rnams kyi ston pa 'jig rten du byung bar gyur la/ des bstan par gyur pa'i chos ni dang por dge ba/ bar du dge ba/ tha mar dge ba/ don bzang po/ /tshig 'bru bzang po 'ba' zhig pa/ yongs su rdzogs pa/ yongs su dag pa/ yongs su byang ba'i chos ston par mdzad de/ ji ltar 'di ni gzugs so/ /'di ni gzugs kun du 'byung ba'o/ /'di ni</font><hr>64.323a<br><font size=+1>

gzugs 'gog pa'o/ /'di ni gzugs 'gog par 'gro ba'i lam mo zhes de ltar rtogs par byed pa'i chos dang po dang tha ma dang bar du dge ba bstan par gyur to/ /de'i gsung rab kyis 'dzam bu'i gling gi yul ljongs stong phrag brgya'i skye bo rab tu mang po rnams kyis bden pa mthong bar 'gyur zhing khyad par du 'phags pa'i 'bras bu rnams la nye bar longs spyod pa dang rim gyis ji lta ba bzhin du phyir mi ldog pa dang / rgyun du zhugs pa dang de bzhin du bsam gtan bzhi pa thob pa dang bsam gtan gsum pa thob pa dang ji srid du bsam gtan dang po thob pa'i bar du skyes bu'i mdzad pa dag mdzad nas/ skye bo lhag ma rnams kyang dge ba'i rtsa ba bcu la spyod pas chos par gyur pa'i yul ljongs pa bye ba phrag stong ni legs par byas pa'i las kyi mtha' la spyod pa la bkod nas gzigs pa gzhan gang zhig ni nga'i gdul byar gyur pa yin na/ des mi las shin tu 'das pa'i lha'i mig gis gzigs pa ni/ ji ltar 'thab bral gyi lha rnams kyi nang na nga'i gdul bya'i lha yod pa ni de dag gi mnga' bdag tu gyur pa so'u myo'i ming can de'i yang dge ba rnams ni nang du nub par gyur cing bag med pas kyang bag med par gnas pa de dang nye bar gnas pa'i lha gzhan rnams las kyang gang dag dbang po yongs su smin pa rnams kyang bag med pas bag med par gnas par gyur la/ de dag la thugs brtse ba'i phyir bcom ldan 'das gser thub de 'jig rten 'dir bzhugs par gyur te/ lha rnams la phan par bzhed pas dang 'thun par mdzad pa'i don gyi phyir dang / sdug bsngal zad pa'i don du dang / bag med pas 'dre ba dang bral bar bya ba'i phyir te/ zag pa zad pa stong phrag lngas yongs su bskor nas de 'thab bral na gnas pa rnams thams cad bas kyang mang bas ches lhag pa nyid kyi 'od phal po che ches lhag par 'phro bar mdzad par gyur to/ /de mngon par mthong nas kyang lha rnams gang dag gis nam yang thams cad mkhyen pa sngar ma mthong ba</font><hr>64.323b<br><font size=+1>

de dag rnams ches lhag par yang ngo mtshar skyes te/ sngar med pa'i lha nyid kyi gzugs 'di ni yon tan du mas lhag pa'i gzhan rnams dang 'dra ba ma yin pa'i gzugs 'dis ni lha'i 'jig rten 'di ma lus pa 'od 'dis kun du bkang ngo / /de dang thag nye bar song nas de thos pas kyang mngon par mthong nas/ lha de dag rnams mchog tu ngo mtshar ba skyes par gyur to/ /gang yang de'i cha byad ni ji lta bu zhig 'dzin pa yin zhes te/ gang dag rnams lha 'di dang bsnyen nas gnas par gyur to/ /de nas lha de dag rnams kyang rnam pa sna tshogs pa'i pad ma'i rdzing bu spangs nas gang na bcom ldan 'das gser thub yod pa der blta bar bya ba'i don du nye bar 'gro'o/ /de nas bcom ldan 'das kyis kyang de dag mngon par gzigs pa dang nam mkha' la 'phags nas bzhugs par gyur to/ /bzhugs nas kyang rnam pa sna tshogs pa'i rdzu 'phrul mngon par 'du mdzad par gyur te/ yon tan du ma'i rnam par rtog pa 'byung ba rnams so/ /de yang lus kyi stod nas chu 'bab pa rnams ni mdog dang ro dang dri phun sum tshogs pa rnam pa de srid dang ldan pa'i khyad par gang dag gis lha'i chu gang yin pa rnams rnam pa thams cad kyi sgo nas bcu drug gi char yang mi phod do/ /lus kyi stod kyi nye 'khor dag nas rnam pa du mar rab tu 'bar bar byed pa'i kha dog du ma dang ldan pa'i mes khyab par gyur pa la 'di lta ste/ sngon po dang ser po dang dmar po dang le brgan gyi mdog dang ldan pa rnams so/ /yang rdzu 'phrul gzhan yang bcom ldan 'das des mdzad par gyur pa rnams la 'di lta ste/ gcig tu gyur nas brgya phrag rnams su 'gyur ba dang / brgya stong du 'gyur zhing lha'i 'jig rten 'di ma lus par gang bar byed do/ /'od zer rnams dang bdag gi dngos po yang slar yang gcig tu 'gyur ro/ /gzhan yang bcom ldan 'das kyis mchog tu gyur pa'i rdzu 'phrul 'dir mdzad par gyur pa la ji ltar lha'i sa de dag rnams gang yin pa de'i</font><hr>64.324a<br><font size=+1>

phyag gcig gis bteg nas lag pa'i mthil du 'jog go /nags dang nye ba'i nags dang rdzing bu dang 'bab chu dang ldan pa'i lha'i tshogs dang bcas pa nam mkha' la 'phen par byed cing / ji lta ji ltar mig gi yul las shin tu 'da' bar byed de/ phyir yang de kho na bzhin du bshig nas slar legs par 'jog go /gzhan yang bcom ldan 'das des rdzu 'phrul chen po dag mdzad par gyur te/ de yang ri rnams gang dag las ches che ba'i tshad dang ldan pa de rnams bcom ldan 'das kyis rtsa ba nas bteg nas nam mkha' la rnam par 'phen par byed de/ nags dang nye ba'i nags dang bcas pa dang rdzing bu dang 'bab chu dang sman ljongs dang ldan pa dang lha'i tshogs rnams kyis yongs su bskor ba dang bcas pa rnams kyis ji ltar gang du phyin pa yang mi shes par byed do/ /phyir yang de kho na bzhin du 'bebs par byed na yang ci 'dir rkang pa yang kun du bskyod par gyur tam zhes de ltar tshogs pa rnams ji lta ba bzhin du mi shes par byed do/ /gzhan yang bcom ldan 'das 'dis rdzu 'phrul mdzad par gyur te/ rnam pa du ma dang kha dog du ma dang rnam par rtog pa du ma dang cha byad du ma dang yon tan sna tshogs pa dang ldan pa'i gzugs su bdag nyid kyi dngos po byed pa ni ri'i rtse mo rnams su mthong la/ nags gzhan dang gzhan gyi nang du yang mthong la pad ma'i rdzing bu rnams kyi nang du yang mthong ngo / /khang bzangs kyi phreng ba rnams la yang mthong ngo / /ljon shing gi rtse mor yang mthong ngo / /gtsang po'i 'gram dang mtshe'u rnams la yang mthong la skyed mos tshal dang nye ba'i nags su yang mthong zhing thams cad du bsam gtan dang ldan par gyur pa ste/ rnam pa du mar yang nam mkha' la gzims cha la longs spyod par mdzad cing phyir yang bzhugs par mdzad de/ slar yang nam mkha' la 'chag pa la kun du sbyor ba mdzad do/ /phyir yang bzhud par mdzad cing bzhugs par yang mdzad do/ /gzhan yang bcom ldan 'das</font><hr>64.324b<br><font size=+1>

kyis rdzu 'phrul 'di mdzad par gyur te/ gang dag gi khyad par gyis rnga skad yan lag lnga dang ldan pa 'di ji lta ba bzhin du mdzes pa ma yin pa'i rnam pa de srid kyi gsung dbyangs kyis chos rnams bstan par gyur la ci ltar mi'i rnga sgra'i khyad par gyis mi rnams kyi nang na bya rog gi sgra mi mdzes pa de ltar lha'i tshogs thams cad mi mdzes par gyur to/ /de thos nas kyang lha gang dag rnams glu'i myos pas rgyags pa de thams cad kyang legs par myos pa dang bral bar 'gyur ro/ /gzhan yang bcom ldan 'das kyis rdzu 'phrul mdzad par gyur te/ 'di lta ste/ nam mkha' la lha'i bu mo dang lha rnams rnam pa de srid dag sprul pa gang dag gi khyad par gyis 'thab bral gyi lha 'di dag rnams srin bu me khyer dang 'dra ba tsam du yang mi 'gyur te/ tshad dang kha dog dang dbyibs dang gzugs dang cha byad dang rgyan dang nye ba'i nags rnams kyi bde ba'i khyad par can gyi sprul pa'i lha de rnams mthong nas bdag cag rang rnams rtswa dang 'dra bar shes par gyur nas spu du ma langs pa dang / 'thab bral gyi lha rnams ngo tsha ba dang bcas par gyur cing kha nyen pa dang bcas par gyur pa dang / gzugs lang tsho dang 'dod pas rgyags pa dang bral ba legs par skyes so/ /de ltar 'thab bral gyi lha de dag gi/ bcom ldan 'das des dbang po mchog dang mchog ma yin pa mkhyen pa dang bsam pa mkhyen pa dang rgyu 'bras kyi rnam par smin pa mkhyen pa dang chags pa med par mkhyen pa po 'jig rten la phan par zhugs pa mchog tu thugs rje chen po dang ldan pas/ gang na so'u myo zhes bya ba 'thab bral ba rnams kyi mnga' bdag yod pa der yang cho 'phrul de dag rnams mdzad par gyur pa na/ da ltar so'u myo zhes bya ba'i 'thab bral ba rnams kyi mnga' bdag kyang mchog tu bag med par gyur pa rnams ji lta ba bzhin du thams cad du nye bar bcom par 'gyur ro/ /dus de dag gi tshe na yang 'thab bral gyi mnga' bdag so'u myo zhes bya ba de dang / lha'i tshogs thams cad kyang pad ma chen po 'di</font><hr>64.324c<br><font size=+1>

# las byung ste gnas pa ni ji ltar 'thab bral gyi mnga' bdag mu su lun d+ha khyod skyed mos tshal gyi ltad mo la 'gro ba bzhin no/ /de nas bcom ldan 'das kyis pad ma chen po de'i nang du rdzu 'phrul gyi cho 'phrul de dag rnams kyis ni so'u myo'i rgyags pa dang bral bar bya ba'i don du yin zhing / pad ma chen po 'di'i nang du sprul pa 'di dag rnams gang yin pa 'di dag thams cad ni 'thab bral gyi mnga' bdag khyod kyis sngar ma mthong ba de dag rnams yin te/ skyed mos tshal dang rdzing bu dang chu klung dang ri dang khang bzangs dang spyod yul rnams dga' ba'i rnam par rtog pa du ma dang ldan pa de dag rnams ni so'u myo de'i bag med pa dang 'dre ba bral bar bya ba'i don du'o/ /de nas pad ma chen po 'di'i nang du zhugs pa rnams dang / sprul pa thams cad kyang brjod nas gang na 'thab bral ba rnams kyi mnga' bdag so'u myo yod pa de'i pad ma de'i steng du brtol lo/ /brtol nas steng du nges par byung ba'i pad ma'i 'dab ma bye ba phrag brgya stong pa la gnas par gyur pa la de'i snying po 'di la ni bcom ldan 'das legs par bzhugs so/ /'dab ma rnams la yang nyan thos rnams rnam pa sna tshogs pa'i rdzu 'phrul byed pa rnams de dag la la ni nam mkha'i dkyil du 'phags par byed de phyir yang pad ma'i nang du rjes su zhugs so/ /gzhan yang nyan thos gzhan dag rnams ni glang po che dang rta'i rgyab tu zhon nas nam mkha'i dkyil du 'phags te 'byung ngo / /gzhan yang mchog tu dri zhim pa rnam pa sna tshogs pa'i char gyi rgyun kun du 'bebs par byed de nyan thos de dag rnams rdzu 'phrul rnam pa sna tshogs pa byed do/ /de nas 'thab bral ba rnams kyi mnga' bdag so'u myo yid rab tu dang ba dang ldan pa sngon legs par byas pa'i las rnams kyis bskul bas 'di snyam du sems par gyur te/ 'di lta bu 'di dag rnams gang gi mthu stobs yin na/ gang dag gi</font><hr>64.324d<br><font size=+1>

# khyad par gyis bdag cag rnams gzugs dang mthu stobs kyis kyang chung zad kyang ma yin zhes so/ /de nas gang du las byas pa lha'i spyan gyis kun nas gzigs pa'i bcom ldan 'das kyis nyan thos rnams la bka' stsal pa/ so'u myo 'di ni lha dang bcas pa'i 'jig rten rnams dang bdud dang bcas pa dang dge sbyong dang bram ze'i rigs dang bcas pa'i skye dgu rnams kyi dang ste/ lha dang mi dang lha ma yin du bcas pa rnams kyi ston pa sangs rgyas bcom ldan 'das zhes bya ba ji lta ba bzhin du thams cad mkhyen pa thams cad gzigs pa 'dis 'jig rten 'di rnams thams cad la chos ston par mdzad pa yin te/ dang por dge ba bar du dge ba tha mar dge ba don bzang po tshig 'bru bzang po 'ba' zhig pa yongs su rdzogs pa yongs su dag pa ston par byed pa ni gcig tu nges par gnas pa'i mya ngan las 'das pa thob par byed pa yin no/ /gang dag ce na/ 'di dag ni gzugs so/ /'di dag ni gzugs kun 'byung ba rnams so/ /'di dag ni gzugs 'gog pa'o/ /'di dag ni gzugs 'gog par 'gro ba'i lam rnams yin no/ /'di ni khyed rnams la ston par mdzad pa po yin te lha rnams kyi chos kyi don du dang / phan par bya ba'i don dang bde bar bya ba'i don du sku 'di 'thab bral gyi lha'i ris su byon pa yin no/ /de nas gsungs pa de rnams la cung zad cig thos nas 'thab bral gyi mnga' bdag so'u myos 'di skad ces gsol to/ /bdag cag gi bla ma bdag gis nye bar bsten par bgyi lags na ji ltar 'di'i mchod pa rnams bgyi/ 'di mchod pa'i dbang du byas pa'i lo rgyus rnams kyang bdag cag gis mngon par mi 'tshal lags so/ /de nas dge sbyong des so'u myo de la smras pa/ de bzhin gshegs pa la nye bar bsten par gyis shig /so'u myo nye bar bsten pa na yang dbu rgyan dang rgyan rnams dang bral ba dang legs par dul ba'i cha byad rnams</font><hr>64.325a<br><font size=+1>

kyis dang / dbang po rnams rab tu dang bar gyur pa dang yid mnyam par bzhag par gyur pas/ pus mo dag gi lha nga sa la so sor btsugs te/ mgo bos rgyal po bzhin du mngon par phyag 'tshol la chos gos phrag pa'i phyogs gcig tu byas te mgo bos kun nas btud pas bcom ldan 'das kyi spyan sngar gnas par bya'o/ /dbang po legs par kha bye ba dang ldan pa'i lha de dag rnams thams cad kyis lhan cig tu dge sbyong de'i spyan snga nas kun du spyod pa legs pa 'di dag rnams kyi don nye bar rnyed nas/ 'thab bral ba rnams kyi mnga' bdag lha brgya stong gis yongs su bskor cing dbu rgyan dang bral ba dang rgyan dang mdzes pa'i cha byad kun nas spangs pa dang / dbang po rnams shin tu dul legs par dul ba zhi bar gyur pa'i yid kyis/ bcom ldan 'das gang pad ma chen po'i snying po la nyan thos rnams kyis yongs su bskor bar gyur pa ni rgyu skar gyi tshogs kyis yongs su bskor ba'i zla ba lta bu dang thams cad nas yongs su bskor bar gyur pa'i ri'i rgyal po ri rab lhun po lta bu dang / mtsho chen po rnams kyis yongs su bskor ba'i rgya mtsho dang 'dra ba'i rgyal po chen po brgyad cu rtsa bzhis yongs su bskor ba'i 'khor los sgyur ba dang 'dra ba 'od zer rnams kyis yongs su bskor ba'i nyi ma dang 'dra ba/ de lta bur bcom ldan 'das de nyan thos kyi tshogs rnams kyis yongs su bskor zhing mchog tu mtshungs pa med pa'i gzi brjid dang ldan pa'i 'od rnam par 'phro bar gyur pas rnam par gsal bar pad ma'i snying po la bzhugs so/ /de nas so'u myo 'thab bral ba rnams kyi mnga' bdag gang na bcom ldan 'das bzhugs pa der thal mo spyi bor sbyar ba byas nas phyogs gcig tu 'dug go /de nas bcom ldan 'das la 'di skad ces gsol te/ bag med pa dang ji lta ba bzhin du bral ba mchis lags sam/ de nas steng na gnas pa'i so'u myo de la bcom ldan 'das gser thub kyis zab cing</font><hr>64.325b<br><font size=+1>

rgya che ba dang ldan pa'i gsung dbyangs kyi khyad par gyis 'thab bral gyi 'jig rten de thams cad ji lta bar yongs su bkang bas 'di skad ces bka' stsal to/ /so'u myo ngas ji lta ba bzhin du chos bshad par bya ste/ dang por dge ba bar du dge ba tha mar dge ba don bzang po tshig 'bru bzang po 'ba' zhig pa yongs su rdzogs pa yongs su dag pa yongs su byang ba tshangs par spyod pa legs par bshad par bya'o/ /de legs par rab tu yid la gyis la nyon cig dang ngas bshad kyis de skad ces gsungs pa dang / lha de bcom ldan 'das kyi ltar nyan no/ /bcom ldan 'das kyis so'u myo la sogs pa'i lha de dag rnams la 'di skad ces gsungs so/ /rgyu dgu dang rkyen dgu dang rgyu mtshan dgus bag med pa sten cing goms par byas la lan mang du byas pas ni byis pa'i skye bo thams cad 'joms shing brlag par 'gyur la/ lus zhig nas kyang thabs ma yin pa log par ltung ba dmyal ba dang yi dgas dang dud 'gror skye bar 'gyur ba dang / rgyu gang yod pas sdug bsngal yang kun du 'phel bar byed cing 'khor ba'i 'ching ba yin pa dang mya ngan las 'das pa'i mthar thug par mi 'gyur ba dang / 'dod chags dang mi 'bral ba dang bde ba ma yin pa don ma yin no/ /rgyu dgus bag med pa gang zhe na/ 'di la bud med rnams la lta ba la bsten par gyur pa yin te/ dang ba ma yin pa'i lus dang ngag dang yid rnams kyis dbang po ma bsdams pa nye bar sten par byed do/ /yang dag pas bskyed pa ma yin pa'i lus dang ngag dang yid can gyis spyod yul ma yin pa la spyod pa dam pa'i chos rnams nyan pa'i rang bzhin can ma yin pa rnams rgod pa rnams kyi dbang po rnams rgod pas ma bsdams pa'i rgyu gcig las bag med pa'i bag med pas bag med pa po'i sems can rnams lus kyis legs par spyod par mi byed/ ngag gis legs par spyod pa ma yin/ yid kyis legs par spyod pa ma yin no/ /lus dang ngag dang yid kyis legs par</font><hr>64.326a<br><font size=+1>

spyod pa ma yin pas lus dang ngag dang yid kyis nyes par spyad pa spyod la/ byas shing bsags pa'i las kyang byed par 'gyur ro/ /blo gros ngan pa de lus zhig pa na thabs ma yin pa log par ltung ba dmyal ba dang yi dgas dang dud 'gror skye bar 'gyur te/ bag med pas rnam par nyams pa'i phyir ro/ /de'i phyir na skyes bu dam pa rtag tu dge ba 'dod pa rnams kyis bag med pa yongs su spang bar bya ste 'di ni bag med pa'i rgyu dang po'o/ /gzhan yang so'u myo bag med pa ni rgyu gang gis bag med pa rab tu 'jug pa de ni dge ba'i rtsa ba'i phyogs 'joms par byed pa'i mi 'thun pa'i phyogs rnams yin te/ de bzhin du sems g.yo bar gyur pas mig gis gzugs rnams mthong nas kun du rtog par byed la/ yid kyis kyang yang dang yang du sems par byed de/ de kho na la chags par gyur te yid gzhan du 'jug par mi byed do/ /de'i rang bzhin can du yang 'gyur te rtag tu mi dge ba spyod par 'gyur ro/ /dran pa nye bar ma bzhag par 'gyur ro/ /blo rnam par g.yeng bar 'gyur ro/ /de lus zhig pa na thabs ma yin pa'i log par ltung ba dmyal bar skye'o/ /bag med pa'i rgyu las 'di ni bag med pa'i rgyu gnyis pa'o/ /gzhan yang bag med pa'i rgyu ni 'di lta ste yang dag pa ma yin pa kun du 'dres pa ma yin zhing sngon thos pa yang ma yin pa rnams 'ba' zhig yid kyis kun du rtog par byed do/ /'dod chags la rten pa'am/ zhe sdang la rten pa'am/ gti mug la rten pas kyang rung ste/ des de dag rnams la sems par gyur pa na de la song ba'i yid can de la song ba'i sems kyis chos gzhan rnams la sems par mi byed do/ /de'i yid rnam par g.yeng bar 'gyur te/ bag med pa'i rgyu gsum pa 'di gang gis kun nas bcings nas sems can rnams kyi lus dang ngag dang yid nyes par spyad pa rnams la spyod par byed de/ de lus zhig pa na thabs ma yin pa log par ltung ba dmyal ba rnams su skye'o/ /bag</font><hr>64.326b<br><font size=+1>

med pas rnam par nyams par byas pa 'di ni rgyu gsum pa'o/ /gzhan yang bag med pa'i rgyu bzhi pas sems can gang dag bag med pa rnams ni lus zhig nas thabs ma yin pa log par ltung ba dmyal ba rnams su skye bar 'gyur ro/ /bag med pa'i rgyu 'di yang so'u myo gang zhe na/ 'di lta ste lha mo rnams la lta ba la ched cher byed pa'o/ /de yang yang dag pa ma yin par gyur pa'i gzugs mthong bas kyang dga' ba dang / sems g.yo bar gyur pas rab tu rtog par byed do/ /kun du rtog par byed do/ /de yang gleng bslangs la dga' bar kun du gnas pa'i blos ji lta bur yang kun du rtog par byed do/ /lus dang ngag dang yid rnams kyis kyang legs par spyod par mi byed do/ /de lus zhig pa na thabs ma yin pa log par ltung ba dmyal bar skye bar 'gyur te/ 'di ni bag med pa'i rgyu bzhi pa'o/ /gzhan yang bag med pa'i rgyu lnga pa 'di lta ste/ tshal rab tu dga' ba'am/ rdzing bu dga' ba'am/ nags dang nye ba'i nags dga' bar gyur pa'am/ pad ma'i rdzing bu dga' ba rnams mthong nas de dag rnams la dga' zhing dga' bas de dag rnams la yang rtse dga' la mchog tu byed par 'gyur ro/ /dge ba rnams sems par mi byed do/ /mnyam par gzhag pa'i dran pa can du mi 'gyur te bag med pa rnams la sten pa'o/ /bag med pas rnam par sad par byas pa'i phyir lus zhig nas thabs ma yin pa log par ltung ba dmyal ba rnams su skye bar 'gyur ro/ /gzhan yang bag med pa'i rgyu lnga pa ni so'u myo 'di ni sdig pa'i grogs po rnams la sten par 'gyur la de dang bsten pas kyang rnam pa de lta bu kho na'i rang bzhin can du slob la spyod yul rnams la lhan cig tu spyod par 'gyur ro/ /nyes par spyod pa rnams spyod par 'gyur ro/ /bya ba ngan pa rnams rjes su sgrub par byed do/ /sdig pa'i grogs po rnams la sten pa po de bag med pas gnas par gyur pa rnams ni bag med pa'i skyon gyis lus</font><hr>64.327a<br><font size=+1>

zhig nas thabs ma yin pa log par ltung ba dmyal ba rnams su skye bar 'gyur ba yin no/ /gzhan yang so'u myo bag med pa'i rgyu ni 'di lta ste spyod pa rnam pa du ma byed par gyur la blo mang ba yin/ lus kyi legs par bya ba rnams rtsom pa ma yin/ nges pa med pa dang blo gang du yang gnas pa med pa yin te/ des don gcig la yang nges par rtsom pa yang ma yin no/ /de'i lus kyi las rnams thams cad nges pa kho nar le lo can du 'gyur ro/ /'jig rten dang 'jig rten las 'das pa'i las kyi mtha' thams cad nyams par 'gyur te/ sbyin pa mi gtong bsod nams mi byed legs par bsam par bya ba rnams mi sems so/ /tshul khrims nyams pa de bag med pa'i rkyen rnams kyis lus zhig ste shi ba'i 'og tu dmyal ba rnams su skye bar 'gyur ro/ /gzhan yang bag med pa'i rgyu drug pa rnams ni 'di lta ste/ yang dag pa'i mthong ba 'phags pa'i bden pa bzhi po rnams dang 'phags pa'i lam yan lag brgyad po rnams kyang sun bton nas/ tshul bzhin ma yin pa lta ba'i rang bzhin can du 'gyur ro/ /de bag med pa des de'i yid bag med par 'gyur zhing rnam par g.yeng bas lus zhig pa na thabs ma yin pa log par ltung ba dmyal ba rnams su skye bar 'gyur ba 'di dag ni bag med pa'i rgyu drug pa yin no/ /gzhan yang bag med pa'i rgyu rnams kyis ji ltar rtag pa kho nar yang ro la gang dang gang du yang sred par gyur nas de dang der yang ros 'ching bar 'gyur zhing / de nyid la chags par yang byed do/ /yid de la 'gro bar 'gyur ba dang / de'i rang bzhin can dang / de ltar gyur pa'i yid can du 'gyur gyi/ de gzhan du ni chung zad kyang mi sems so/ /legs par spyod par mi byed do/ /rang bzhin gyis zhi bar 'gyur ba ma yin kun nas bsdams pa'i rang bzhin can ma yin no/ /de ro rnams la mngon par sred pa rnams kyis bslus pa de ltar gyur pa'i</font><hr>64.327b<br><font size=+1>

gshis can legs par bya ba mi rtag pa dang sdug bsngal ba dang / stong pa dang bdag med pa dang bzhi po rnams skad cig tsam yang sems par mi byed do/ /rang la phan pa rnams mi byed do/ /so'u myo de ni lus zhig nas thabs ma yin pa log par ltung ba dmyal ba rnams su skye bar 'gyur te/ de ltar na bag med pa'i rgyur gyur pa bdun pa yin no/ /so'u myo gzhan yang shin tu bag med pa'i rgyur gyur pa brgyad pa yod de/ bde ba 'di gang ji srid du thob par gyur pa rnams la de srid nyid du kun du zhen par byed de/ de rtag pa dang brtan pa dang ther zug tu mthong la rnam par 'gyur ba'i chos can du de ma rtogs pas lus dang ngag dang yid kyi legs par byad par byod par mi 'gyur ro/ /don rnams dang don ma yin pa rnams shes pa ma yin no/ /chos dang chos ma yin pa'i rgud par ltung ba'i sdug bsngal gyi dbang du byas nas blo 'jug par 'gyur ba ma yin no/ /dmyal ba dang yi dgas dud 'gro rnams kyi 'gro ba brgya stong du ma rnams su sdug bsngal gyi rnam par rtog pa du ma so sor nyams su myong ba yid la sems par yang mi byed do/ /shing bzhin du 'chi bdag las bzlog pa'i thabs kyang tshol bar mi byed/ 'khor ba'i skye bo thams cad rab tu 'joms pa'i bde ba ngan pa rnams la de ltar rab tu chags pa rnams phyis 'chi bdag gi dus su phyin nas longs spyod ngan pa rnams la chags pa'i rnam par brkam pa de rjes la 'gyod pa'i mes sreg par byed do/ /lus zhig nas kyang thabs ma yin pas ngan 'gro log par ltung ba dmyal bar skye'o/ /so'u myo gzhan yang bag med pa'i rgyu dgu pa yod de/ ji ltar lha dang mi rnams sred pa dang ldan pas rnam pa sna tshogs pa'i bde ba la chags pa'i yid kyis sangs rgyas dang chos dang dge 'dun rnams la sgrub par mi byed de'i rang bzhin can yang ma yin la/ de dag gi tshig rnams nyan par mi byed</font><hr>64.328a<br><font size=+1>

'phags pa'i gdul byar rjes su gnas pa yang ma yin/ don dang don ma yin pa rnams mi shes so/ /de dag rjes su rjod par byed pa'i rang bzhin can ma yin no/ /sgrub pa la 'jug par 'gyur ba ma yin/ 'jig rten pa rnams la mchog tu 'jigs par ston pa yin/ rgud pa'i sdug bsngal rnams rig pa yang ma yin la/ rang gi don rnams las ni nyams shing rang gi sems kyis bslus pa rnams ni lus zhig pa na thabs ma yin pa log par ltung ba dmyal bar skye'o/ /so'u myo 'di ni dbang phyug dang rtag pa dang brtan pa dang ther zug ni ma yin gyi rnam par 'gyur ba'i chos can rnams yin la/ ji ltar 'thab bral gyi mnga' bdag so'u myo khyod kho na bzhin du brgya stong phrag du ma rnams byung ba la de dag rnams gar song / 'dir yang rang gis byas pa'i las rnams kyi 'bras bu'i bgo skal la spyod pas legs par byas pa dang / nyes par byas pa'i las kyi zhags pas kun nas bcings nas 'khor ba rnams na 'khor te/ legs par byas pa'i las rnams kyis ni lha dang mi rnams su skye'o/ /mi dge ba rnams kyis ni dmyal ba dang yi dgas dang dud 'gro rnams su skye'o/ /de lta bas na so'u myo bag med pa rnams kyis gnas par 'gyur bar mi bya ste/ gal te mi thob par 'dod pa rnams kyis so/ /de ci'i phyir zhe na/ srog dang longs spyod dang gson pa yang mi rtag pas na de rnams bdag nyid kyi yid la byas la bag med pas gnas par mi bya'o/ /bag med pa'i rgyu gang gis lha brgya stong phrag du ma rnams log par ltung ngo / /de'i phyir bag med pa ji lta bas 'gro bar mi bya ste/ 'di dag rnams ni blun po rnams kyi lam yin gyi skyes bu dam pa rnams kyi ni ma yin te/ gang gi phyir skyes pa thams cad ni nges par 'chi ba mdun na rnam par gnas pa kho na'o/ /</font><hr>64.328b<br><font size=+1>

de bzhin du rga ba dang / de bzhin du nad rnams dang / de bzhin du sdug pa dang bral ba dang / de bzhin du dge ba dang mi dge ba'i las rnams la nye bar longs spyod pa mi slu ba 'di dag rnams ni rtag tu rjes su 'brel pa'i phyir na srog chags thams cad rlag par byed pa'o/ /de nas de'i tshe lha rnams la bcom ldan 'das kyis tshigs su bcad pa gsungs pa 'di ltar/ bag med pa yi ljon shing la/ /yal ga rnam gsum rab tu gnas/ /rga nad dang ni 'chi ba ste/ /rtag tu de yi steng na gnas/ /skyes bu spyod pa dam ldan pa/ /rgas sogs kyis ni gnod pa med/ /blo ldan rtag par byed gnas ni/ /nam yang bag med kyis mi rga/ /skyon rnams rtag tu 'joms pa dang / /bag med mchog 'dzin pa yang min/ /de ni skyon dang 'jigs grol nas/ /bde ba bla na med pa thob/ /bag med pas byas bde rnams gang / /de ni 'jigs bcas mthar legs min/ /gang yang de las rnam grol ba/ /de bde rtag tu 'gyur ba med/ /brgya phrag ther 'bum phrag tu yang / /bag med pas ni rnam nyams byas/ /de lta na yang mi dbang 'gro/ /de la dang po kho nar gnas/ /phyin ci log ni rnam bzhi'i yang / /bag med pa ni steng na gnas/ /gnas pa'i bag med pa des kyang / /'jig rten dgra rnams bzhi 'joms so/ /gang la rnam rtog du ma yi/ /'jigs pa du ma'i g.yang sa yi/ /'khor bar 'khor ba'i sdug bsngal de/ /bag med pa yi bya ba yin/ /bag med gcig dang bral ba yis/ /bde ba 'pho ba med pa 'thob/ /chos rnams kun dang zag med pa/ /bag med pa yis rnam par 'joms/ /lha rnams kyi yang bag med pa/ /gong nas gong du 'phel ba yin/ /bag med pa yis kun rmongs lha/ /ji ltar mya ngan 'das par 'gro/ /de la de dag so'u myo yid/ /</font><hr>64.329a<br><font size=+1>

rnam rtog du mas soms la ni/ /ji ltar phyin nas mi gdung ba/ /de ltar bdag la phan pas gnos/ /lha gang gi ni bde ba gang / /gzhan yang cung zad gang phyis ni/ /de kun mi rtag shes bya ste/ /'dus byas la ni 'di dag 'byung / /dngos gang 'dus byas nang 'dus pa/ /nges par de ni rnam par 'jig /'byung zhing rnam 'jig mi rtag bde/ /rtag tu sdug bsngal skal ldan yin/ /skyes bu bag med pas nyams pa/ /gang zhig blo la de dag byed/ /de ni 'bral ba kun byung nas/ /sdug bsngal gyis ni yongs su gdung / /de ltar tshul du mas bcom ldan 'das des so'u myo de gdul bar bya ba'i don du/ 'jig rten gyi mig de lha'i tshogs rnams kyis yongs su bskor nas 'dul bar mdzad/ bag med pa rnams yang go bar mdzad do/ /mi bzod pa'i 'ching ba gang gis lha rnams rang dbang med par ltung ngo / /de nas lha'i rgyal pos bcom ldan 'das de'i spyan snga nas chos bstan pa de rnams nye bar thos pa dang / lha stong phrag nyi shu dang bcas pa rnams rgyun du zhugs par gyur to/ /de nas bcom ldan 'das ngas gdul bya'i bya ba byas na lhag ma gzhan la phan pa'i bya bar gyur pa gzhan ci yod ces dpyod par mdzad de/ de nas yang ma 'ongs pa mkhyen pa dang ldan pa'i bcom ldan 'das rnam par dpyod par mdzad de/ bdag gis bsgrub par bya ba sems can rnams la phan pa dang bde bar gyur pa dang / sdug bsngal gyi mtha' mar byed par gyur pa gang yin pa ma 'ongs pa'i dus na gzhan ci zhig yod/ de nas slar yang pad ma'i nang gang yin pa der bcom ldan 'das des rdzu 'phrul gyi dbang gis sprul pa rnams mdzad do/ /de kho na ltar rdzu 'phrul gyi cho 'phrul gyis bzhag par gyur la bya'i tshogs rnams gang yin pa de dag gis kyang tshigs su bcad pa rnams</font><hr>64.329b<br><font size=+1>

'chad par byed la/ de rnams de ltar kun nas rdzogs par gyur pa dang / rdzu 'phrul gyi cho 'phrul de nyid kyi stobs kyis ji ltar ma 'ongs pa'i dus na so'u myo 'chi 'phos nas/ mu su lun d+ha zhes bya ba'i gzugs su 'thab bral ba'i mnga' bdag 'byung ste/ bag med pas gnas pa 'byung bar 'gyur ro/ /de sems can bzang po 'byung bar 'gyur la/ de nam zhig na skyed mos tshal gyi sa rnams su 'gro bar 'gyur te/ 'jam zhing mtho ba'i ri de'i steng gi pad ma chen po der 'gro bar 'gyur ro/ /de snying po la legs par 'dug par 'gyur ro/ /de ngas sprul pa'i 'od 'di yod pa'i nang der 'gro bar 'gyur la/ de ca co'i sgra dang ldan pas nang 'di la legs par lta'o/ /de mchog tu dga' bar 'gyur ba'i pad ma chen po 'di'i nang nas 'byung bar byed par 'gyur ro/ /phyir yang zhugs par 'gyur ro/ /lha gzhan rnams la yang legs par go bar byed do/ /de la lha gang dag thos pa brgyud pas mngon par dga' ba'i chos rnams ston pa'i rnam par bshad pa rnams 'byung bar 'gyur te/ de la go bar byed pa yin no/ /de rnams thos pa tsam nyid kyis mu su lun d+ha sangs rgyas bcom ldan 'das la rab tu dang ba thob par 'gyur ro/ /sangs rgyas la rab tu dad pa des mya ngan las 'das pa mthar byed par 'gyur ro/ /gzhan yang rab tu dang ba skyes pas dus mi ring ba na shAkya thub pa zhes bya ba 'byung bar 'gyur ba yin te/ sangs rgyas bcom ldan 'das de'i drung du chos rnams nyan par 'gyur ro/ /de la mu su lun d+ha thos pa brgyud pa 'di dag rnams ni bdag cag gi sngon gyi lha rnams kyi drung du 'di dag rnams thos la de ji lta bu kho nar bdag cag gis thos pa de de lta bu kho na bzhin du 'di thams cad shin tu ngo mtshar ba skyes par gyur to/ /nged rnams kyis legs par bstan pa 'di</font><hr>64.330a<br><font size=+1>

dag rnams khyod kyis pad ma chen po'i nang du mthong ba las kyang bcom ldan 'das 'khrungs par gyur pa 'di ni shAkya thub pa bla na med pa'o/ /de'i phyir na the tshom med pas khyod chos nyon cig dang / bcom ldan 'das kyis ji skad gsungs pa des de bzhin du khyod nges par legs pa 'thob bo/ /lha de dag rnams kyi rtsa nas mu su lun d+has thos pas yang dag par dga' ba skyes pa dang / gus pa legs par skyes te ji ltar bdag gis thos pa brgyud pa gser thub kyis gsungs pa'i mdo 'di dag gis kyang lha rnams kyi nang du yid rab tu tshim pa skyes na/ je dang po dngos kho nar bcom ldan 'das kyi spyan sngar gang chos kyi tshig rnams bdag gis mnyan na lta ba dag la smos kyang ci dgos zhes/ des de ltar rig nas lha stong phrag brgyad cu po rnams dang gang na bA rA Na sI zhes bya ba yod pa der 'gro bar byed pa na/ des bcom ldan 'das blta bas chog mi shes pa mthong bar gyur pa ni byang chub kyi phyogs rnams kyi chos sum cu rtsa bdun po rnams kyis brgyan pa'i sku gser gyi phung po'i mdog 'dra bar 'od 'bar bar gyur pas 'jig rten gyi khams thams cad du phan par mdzad pa la rab tu zhugs pa/ 'jig rten pa rnams kyi mig tu gyur pas 'khor brgya phrag du ma rnams la 'phags pa'i bden pa bzhi'i gtam dang yang dag par ldan pa ston par mdzad do/ /de nas mu su lun d+ha gang na bcom ldan 'das bzhugs pa der song ngo / /phyin nas kyang stong phrag brgyad cu dang bcas pa'i lha rnams kyis zhabs gnyis la phyag 'tshal lo/ /de nas bcom ldan 'das kyis mu su lun d+ha dang thabs gcig tu gyur pa rnams la 'di skad ces bka' stsal te/ mu su lun d+ha bde bar 'ongs sam/ gang yang bcom ldan 'das gser thub kyi chos kye mdo ji lta ba bzhin du rtogs sam/ ji lta ba bzhin</font><hr>64.330b<br><font size=+1>

du mu su lun d+ha stong phrag pas lhag par rab tu dang ba legs par skyes par gyur nas 'di snyam du sems so/ /kye ma'o shin tu ngo mtshar to thams cad mkhyen pa'i ye shes shin tu phra ba'i ye shes rtogs pa la thogs pa mi mnga' ba'i gang zhig bdag la byung ba de dag rnams bcom ldan 'das 'dis ji lta ba bzhin du legs par mkhyen no/ /de nas gzhan yang mu su lun d+has bcom ldan 'das kyi zhabs gnyis la phyag byas nas lha stong phrag brgyad cu po rnams dang thabs cig tu gyur pas phyogs gcig tu 'khod do/ /de nas bcom ldan 'das kyis 'di skad ces bka' stsal te/ mu su lun d+has chos bshad par bya ba rnams ni dang por dge ba/ bar du dge ba/ tha mar dge ba/ don bzang po tshig 'bru bzang po 'ba' zhig pa yongs su rdzogs pa yongs su dag pa/ yongs su byang ba'i chos rnams ngas bshad par bya ste/ 'di lta ste/ lha'i 'gro ba pa rnams mngon par dga' ba zhes bya ba'i chos kyi rnam grangs yod de/ de legs par rab tu yid la byas te/ nyon cig dang / ngas bshad par bya'o/ /de skad ces bka' stsal pa dang / lha rnams bcom ldan 'das kyi ltar nyan pa la bcom ldan 'das kyis 'di skad ces bka' stsal to/ /dge slong dag lha'i skye bo rnams mngon par dga' ba zhes bya ba'i chos kyi rnam grangs de dag rnams gang zhe na/ 'di ltar bcu gnyis po 'di dag ni mu su lun d+ha lha rnams kyi lam du gyur pa gang la mngon par zhugs te rab tu gnas par gyur pa'i skyes bu rnams ni lha'i yul du legs par phyin par 'gyur ro/ /dper na lam rnams la kun nas brten cing lam rnams kyi rgyal pos ni 'jigs pa dang bral zhing dogs pa dang bral bas nyams pa med par lus dang ngag dang yid snyoms shing mi ngal bar skyes bu rnams grong khyer du legs par 'jug par byed pa yin la/  </font><hr>64.331a<br><font size=+1>

de bzhin du lam bcu gnyis po 'di rnams kyi bzhon pa la skyes bu dam pa rnams legs par zhon nas lha rnams kyi 'jig rten du 'gro'o/ /bcu gnyis po rnams gang zhe na/ 'di lta ste/ re zhig dang po kho nar bden pa'i lam mo/ /mu su lun d+ha bden pa de la yang yon tan lnga ste gang gi phyir bden par smra ba'i skyes bu rnams la yang skye bo thams cad kyis yid ches pa'i gnas su byed par 'gyur ro/ /rtag tu dbang che bar yang 'gyur ro/ /bzhin dang mdog kyang rtag par rab tu dang bar 'gyur ro/ /lha rnams kyis kyang smod par mi byed do/ /de dag ni mthong ba'i chos kyi 'bras bu rnams yin la/ lus zhig nas bde 'gro mtho ris pa lha rnams kyi nang du skye bar 'gyur ro/ /tshigs su bcad pa yang 'di yin te/ bden par smra ba rtag tu dul/ /lha rnams kyis kyang yongs bskor dang / /'jig rten dga' bar 'gyur ba dang / /phyi nas lha ni rangs par 'gyur/ /mu su lun d+ha 'di dag rnams ni mtho ris kyi lam dang po yin no/ /gzhan yang mu su lun d+ha mtho ris kyi lam rnams la 'di lta ste/ sbyin pa ma nyams pa dang nyes pa can ma yin pa dang srid par yongs su 'jug pa ma yin pa sems kyis legs par bsams pa 'di ni mtho ris kyi lam gnyis pa yin pa gang gis lha'i 'jig rten du skye bar 'gyur ba ni legs par byas pa'i las kyi mtha' la spyod pa rnams yin la/ mdor bsdu na sbyin pa'i yon tan ni rnam pa gsum ste/ 'di lta ste/ 'jig rten pa rnams 'thun par 'dzin par 'gyur ro/ /rtag tu sems bsgoms pa'i bdag nyid can yin pa'i phyir na sems kyi bde ba nyams su myong bar byed de/ phyi mar yang longs spyod chen po dang ldan par 'gyur ro/ /'di ni lha'i 'jig rten pa rnams kyi lam gnyis</font><hr>64.331b<br><font size=+1>

pa'o/ /'di la yang tshigs su bcad pa/ sbyin pa byin pas 'thun gyur zhing / /sems kyi rgyud kyang tshim par byed/ /phyis de longs spyod ldan par 'gyur/ /sbyin pa'i 'bras bu 'di 'dra yin/ /gzhan yang mu su lun d+ha mtho ris kyi lam gsum pa 'di lta ste bzod pa'o/ /bzod pa dang ldan pa'i skyes bu rnams la ni yon tan 'di dag rnams yin te/ 'di lta ste/ 'thab pa dang rtsod pa dang 'gyed par mi 'gyur ro/ /'di ni yon tan dang po yin no/ /'di'i nor rnams dbrog par byar mi nus so/ /skye bo thams cad dang 'thun par 'gyur ro/ /lus zhig nas bde 'gro mtho ris kyi 'jig rten du skye'o/ /'di la yang tshigs su bcad pa/ bzod pa'i spyod dang yang dag ldan/ /grogs ldan cis kyang 'jigs pa med/ /'jig rten 'dir ni 'thun 'gyur zhing / /phyi nas lha rnams dag tu dga'/ /gzhan yang mu su lun d+ha mtho ris kyi lam rnams la bzhi pa 'di lta ste/ tshig snyan pa'o/ /snyan pa las kyang yon tan drug tu 'gyur ba ni 'di lta ste/ skye bo rnams thams cad dga' bar 'gyur ba dang / bdag nyid su la yang mi 'jigs pa dang / rtag tu bde bas dga' ba dang / rab tu dang ba dang / dogs pa rnams med pa dang / nye bar sten par gyur pa dang rnams te yon tan drug po de dag yin no/ /tshig snyan par gyur pa 'di la yang tshigs su bcad pa/ 'jig rten pa 'di dgar gyur dang / /'dir yang snyan pa mngon par 'phel/ /bzhin ni blta bar 'os 'gyur zhing / /lha yi 'jig rten du yang 'gro/ /gzhan yang mu su lun d+ha lha'i 'jig rten pa rnams kyi lam lnga pa/ 'di lta ste/ thams cad la yang de snying brtse ba dang ldan pa'o/ /brtse ba dang ldan pa'i skyes bu rnams ni</font><hr>64.332a<br><font size=+1>

mya ngan las 'das pa'i mthar byed par 'gyur te/ de'i nyi ma re re zhing 'khor mtha' yas pa dang yon tan tshad med par 'gyur ro/ /tshigs su bcad pa ni 'di yin te/ 'jig rten skye bo thams cad kyi/ /de ni pha 'dra ma 'dra nyid/ /rtag par snying rje rin chen ni/ /gang dag yid la gnas pa'i mchog /gzhan yang mu su lun d+ha lha'i lam drug pa gang dag gis skyes bu rnams lha'i 'jig rten du skyed mos tshal gyi ltad mo bzhin du 'gro bar 'gyur ba ni 'di lta ste/ sems rab tu mnyam par bzhag pa'i phyir na skyes bu rnams legs par bya ba rnams byed par 'gyur ba yin zhing legs par bsam pa sems par byed pa yin/ ngag rnams legs par 'gyur ba yin no/ /de dag rnams ni mdor bsdu na legs par sems mnyam par bzhag pa rnams kyi yon tan yin no/ /'di la yang tshigs su bcad pa/ sems ni rab tu mnyam bzhag pa/ /rtag tu chos ni rjes mthong zhing / /nyes pa'i dbang gis mi 'gro ste/ /nyi la mun pa skye min bzhin/ /mu su lun d+ha de dag rnams ni dge ba'i chos thams cad kyi rtsa bar gyur pa yin te/ 'di lta ste/ sems rab tu mnyam par bzhag pa'o/ /gzhan yang lha'i lam bdun pa rnams gang la zhugs nas skyes bu rnams lha'i 'jig rten du phyin par byed pa rnams ni 'di lta ste/ yang dag pa'i lta ba la gnas pa'i skyes bu rnams mya ngan las 'das pa nyid la yang gnas par gyur na lha'i 'jig rten du 'gyur ba la lta smos kyang ci dgos/ de'i lus dang ngag dang yid kyi las kyi mtha' cung zad gang byed pa de dag rnams thams cad kyang phan pa'i don kho na yin pas mya ngan las 'das pa rtogs pa'i don du 'gyur ro/ /lha'i 'jig rten du skye bar 'gyur ro/ /yang 'di la tshigs su bcad par gyur pa ni/ yang dag lta bas phul</font><hr>64.332b<br><font size=+1>

byung ba/ /gang gi sems la 'byung 'gyur ba/ /khyim pa yin yang 'khor ba yi/ /'ching ba las grol de shes bya/ /gzhan yang lha'i lam brgyad pa rnams 'di lta ste/ sdig pa'i grogs po yongs su spangs pa rnams la mdor bsdu na skyon gsum mi 'byung ste/ skyes bu dam pa rnams spong bar mi 'gyur ba dang / bslab pa mtshungs pa yin zhes byas nas zhal snga nas yid ches pa'i gnas su yang 'gyur ro/ /gzhan yang skyon khyad par can rnams 'byung bar mi 'gyur ba yin no/ 'di la yang tshigs su bcad pa ni/ sdig pa'i grogs po mi sten pa'i/ /skyes bu bde ba'i skal ldan yin/ /sdig pa'i grogs po legs bsten pas/ /don min kun gyi mchog tu 'gyur/ /gzhan yang mu su lun d+ha lam dgu pa 'di lta ste/ dam pa'i chos nyan par byed pa'o/ /dam pa'i chos la yang mdor bsdu na yon tan bdun yod de/ 'di ltar ma thos pa rnams thos par byed/ thos pa rnams rtas par byed/ gang yang tha mal pa'i sdig par gyur pa de dag rnams spong bar byed do/ /'phags pa rnams la lta ba'i rang bzhin can du 'gyur ro/ /sangs rgyas la phyir zhing nyid du rab tu dang ba skye bar 'gyur ba yin no/ /'di'i tshe dag kyang 'phel bar 'gyur ba yin no/ /lus zhig nas kyang lha rnams su skye bar 'gyur ba yin no/ /'di ltar yin pa la yang tshigs su bcad pa/ skyes bus ma thos thos par byed/ /thos pa yang ni brtan par 'gyur/ /sdig pa spong bar byed pa yin/ /phyi mar lhar ni skye ba yin/ /gzhan yang mu su lun d+ha lha'i lam bcu pa ni 'di lta ste/ sems 'jam por 'gyur ba'o/ /de la yang yon tan bzhi ni 'di lta ste/ zhe sdang bar mi byed do/ /gal te brgya la zhig byas na yang de brtan par</font><hr>64.333a<br><font size=+1>

mi byed do/ /khro bas shin tu gnod par mi 'gyur ro/ /lus zhig nas kyang lha rnams kyi nang du skye bar 'gyur ro/ /tshigs su bcad pa yang 'di yin te/ sems gang dge ba'i dri med ldan/ /zhe sdang gis ni gnod byed min/ /brnab sems dri ma 'byung min te/ /lha yi 'jig rten du yang skye/ /gzhan yang mu su lun d+ha lha'i lam rnams las bcu gcig pa ni 'di lta ste/ las dang 'bras bu la dad pa'i stobs bskyed pa'o/ /las kyi 'bras bu rnams la dad pa'i stobs skyed pa'i skyes bu rnams ni sdig pa thams cad rnam par spangs par 'gyur ro/ /kha na ma tho ba cung zad tsam rnams la yang 'jigs par lta bar 'gyur ro/ /des legs par byas pa dang nyes par byas pa'i las rnams kyi 'bras bu yang kun nas rig par 'gyur ro/ /'di lta ste/ 'dus byas rnams byed par mi 'gyur ro/ /de legs par byas pa'i las la goms pa'i dbang gis lus zhig nas bde 'gro mtho ris kyi lha rnams kyi nang du skye bar 'gyur ro/ /tshigs su bcad pa yang 'di yin te/ gang gi las 'bras rnam smin shes/ /rtag tu phra mo legs mthong ba/ /'di ni sdig pas gos min te/ /'dam gyi pad ma ji bzhin no/ /gzhan yang mu su lun d+ha mtho ris kyi lam gang dag la mngon par zhugs nas skyes bu lha rnams kyi 'jig rten du skye bar 'gyur ba ni 'di lta ste/ dkon mchog gsum la rab tu dang ba phyin ci ma log pa'o/ /dkon mchog gsum la rab tu dang ba'i phyin ci ma log pa de ni yon tan brgya phrag du ma dang ldan pa yin pa gang gi phyir na yon tan du ma dang ldan pa des kyang yon tan rnams zil gyis mnan nas rnam par rgyal bas gsal zhing mdzes so/ /'di lta ste/ skyes bu de dag rnams ni mya ngan las </font><hr>64.333b<br><font size=+1>

'das pa'i mthar phyin par 'gyur ro/ /sngon du lha dang mi rnams kyi bde ba nyams su myong bar 'gyur te/ lam bcu gnyis po 'dis skyes bu rnams sam/ lha gang dag bag med pa dang ldan pa ma yin pa de dag rnams kyang mtho ris su 'gro'o/ /bag med pa la zhugs pa'i skyes bu rnams ni 'jig rten pa dang / 'jig rten las 'das pa'i bde ba rnams kyang mi thob pa'o/ /de lta bas na mu su lun d+ha ji lta bu kho nar sngon gyi drang srong gser thub des/ 'thab bral ba rnams kyi bdag po so'u myo de la chos bstan pa'i chos de nyid kho na de bzhin gshegs pa rnams thams cad kyi yin pa yang / ji lta ba bzhin du khyod kyi tshe ches rgan pa rnams kyi drung nas thos pa yin no/ /'di la yang tshigs su bcad par gyur pa ni/ dkon mchog gsum la rab dad pa/ /'byung 'gyur 'bras bu du ma dang / /mya ngan 'da' bar 'gyur ba ste/ /sngon du nye bar mtho ris skye/ /lam bcu gnyis po de dag rnams bar ma chad pas der rtag tu 'gro bar 'gyur gyi gzhan du ni ma yin no/ /de nas mu su lun d+has bcom ldan 'das kyi spyan snga nas chos kyi rnam grangs 'di thos pas/ lha brgya stong phrag brgyad cu po rnams dang rgyun du zhugs pa'i 'bras bu thob par gyur to/ /de nas 'thab bral ba rnams kyi mnga' bdag mu su lun d+has/ bcom ldan 'das kyi zhabs gnyis la phyag 'tshal nas/ tshigs su bcad pa 'di dag rnams smras te/ ji ltar/ de bzhin gshegs pa khyod drin gyis/ /ngan song 'jigs pa las bdag grol/ /lha ni 'di rnams thams cad kyang / /mgon po khyod kyi chos kyis bsgral/ /srid pa'i btson ra rgya chen la/ /lha dang bcas pa rab zhugs pa/ /bder gshegs bstan pa gang la bdag /bdag gi skye ba deng 'bras bcas/ /</font><hr>64.334a<br><font size=+1>

de skad ces smras nas/ mu su lun d+ha bA rA Na sI nas 'phags nas/ lha'i tshogs dang bcas pa rnams nam mkha'i dkyil du 'phags te/ de rnams gang na 'thab bral ba rnams kyi sa rnams yod pa der/ lha de thams cad nyid rab tu zhugs nas/ de rnams de re zhig gi tshe dga' dgur gyur pas kyang kun tu spyod de/ ji srid du de dag rnams/ skye ba gcig gi dbang du byas pa'i tshe ma zad kyi bar du'o/ /de zad nas phyis kyang gang gis sdig pa'i sgo rnams bcad pa'i mi rnams su de skye'o/ /skyes nas kyang / mchog tu gzhon sha chags pa dang / gzugs dang lang tsho phul du phyin pa dang 'byor cing yang yul ljongs la dbang bar 'gyur ro/ /gang dag rgyun du zhugs pa ma yin pa de dag rnams ni tshe 'phos nas/ ji ltar chos rnams kyis nye bar 'gro bar 'gyur ba dmyal ba dang / yi dgas dang / dud 'gro rnams su skye'o/ /de dag rnams nas 'phos nas gal te yang mi rnams dang skal ba mtshungs par mir skyes na yang / de rnams de bzhin du gzhon sha can du 'gyur zhing rgyan dang cha lugs la mchog tu dga' bar yang 'gyur te/ de'i rgyu 'thun pa'i las rnams kyis so/ /</font><hr>65.1a<br><font size=+1>

(la) @#/ ! /mdo sde sna tshogs kyi skor bzhugs so/ /[(黃) 經藏第二十六部]</font><hr>65.1b<br><font size=+1>

'phags pa dam pa'i chos dran pa nye bar gzhan pa/ bam po bzhi bcu rtsa drug pa/ gzhan yang dge slong las kyi 'bras bu rnam par smin pa shes pa de 'thab bral ba'i sa rnams la rnam par blta bar byed pa na/ des thos pa las byung ba'i shes rab kyis mthong bar gyur pa ni 'thab bral ba'i lha rnams kyi sa ji lta ba bzhin du yod pa gzhon pa rgya che ba la rnam par rgyu ba zhes bya'o/ /der yang las gang gis sems can skye bar 'gyur ba yang des thos pa las byung ba'i shes pas mthong ste skyes bu dam pa gang dag gis dge ba'i bdag nyid la bde legs ston par byed pas ni dpe med pa'i yon tan dang ldan pa yang gang kho na bdag gis gzugs mthong ba de nyid ni 'dod pa sdug pa yid du 'ong ba gzhan rnams dang 'dra ba ma yin pa rnams mthong ngo / /gang yang rna bas thos pa rnams ni rnam pa sna tshogs pa'i glu rnams/ </font><hr>65.2a<br><font size=+1>

bya'i sgra dang chu klung dang 'bab chu dang / mtshe'u la sogs pa'i sgra rnams te/ de rnams ni 'dod pa sdug pa yid du 'ong ba gzhan rnams dang mi 'dra ba mtshungs pa med par gyur pas yid tshim pa med par byed pa rnams yin no/ /de bzhin du bdag gis snas snom pa rnams gang yin pa de rnams kyang 'dod pa sdug pa yid tu 'ong ba rnam pa du mar gzhan rnams dang 'dra ba ma yin par gyur pa snga na med pa yid tshim pa med par byed pa rnams bdag gis snoM mo/ /gzhan yang bdag gi lces ro rnam pa du ma myang bar byed pa na de rnams kyang rnam pa du mar gzhan dang mi 'dra ba yid ngoms pa med par byed pa rnams so/ /gang yang bdag gi lus kyis reg bya rnams la reg par byed pa na rnam pa sna tshogs shing rnam pa du mar gzhan dang mtshungs pa ma yin pa yul gyi bde ba gang cung zad kyang ma lus pa thams cad nags 'di dag rnams na med pa ma yin te/ lha rdzas kyi 'dod pa'i yon tan lnga po rnams rnam pa du mar phun tshum tshogs pa rnam par brtag par bya ba du mar gzhan rnams dang mtshungs pa ma yin pa'i lha rnams su skye'o/ /lha rnams kyis nags rnams mthong bas ni ma yin gyi nags 'di dag tu zhugs pa tsam nyid na lha khyed rnams 'dir shin du ngo mtshar bar gyur par mthong ba yin la/ gang yang lha rnams kyi mnga' bdag mu su lun d+ha sngon du byas nas lha 'di dag rnams nang rnams su 'jug par gyur pa lta smos kyang ci dgos/ de la yang bye ba stong phrag sa ya phrag dgu'i rgyan dang cha byad rnam pa sna tshogs pa'i gzugs dang lang tsho dang glu dang rol mo'i yon tan rnams dang ldan pa'i lha'i bu mo rab tu dga' bar gyur pa'i bzhin mngon du bstan par gyur pa bye ba stong phrag sa ya phrag dgus mngon par mchod par byed par gyur pa'i 'dod pa'i yon tan lnga phun sum tshogs pa'i dpal la spyod par byed pa rnams yin zhing / lha de dag rnams kyis mnga' bdag mu su lun d+ha</font><hr>65.2b<br><font size=+1>

de la ni ci nas kyang lha rnams kyis legs par lta bar byed pa yin te rgyu gang gis yin na yul rnams de'i yin pa'i phyir dang / de yang bdag cag thams cad kyi mnga' bdag tu gyur pa pha bzhin dang ma bzhin du 'thab bral gyi sa rnams su legs par slob par byed pa yin no/ /de dag rnams thos nas lha gsar du skyes pa de dag phyir yang lha'i bu mo de dag gis yongs su bskor ba'i lha nyid la lta bar byed de/ dman pa dang bar ma'i gzugs dang cha byad rgyan can skye'o/ /re re zhing 'dod pa'i yon tan dang bde ba'i zas kyis gnas pa 'dod pa'i yon tan lnga'i zas dang ldan pa rnams kyis mngon par mthong nas rtse bar byed par 'gyur ba dang / lha mo de dag rnams dang lha gzhan rnams kyis kyang ngag snyan pas mnyes par byed par 'gyur la/ de na yon tan stong phrag du ma dang ldan pa rin po che bdun gyi rang bzhin gyi ljon shing rnams kyis nye bar mdzes par gyur pa shing gi phreng ba brgya stong phrag du mas yongs su mdzes par byas pa dpag bsam kyi shing gi nags la gzhan rnams la gang dang gang dag bsams pa de dang de dag rnams dpag bsams kyi shing de rnams las byung ngo / /de ltar yon tan phun sum tshogs pa'i shing de dag rnams la gsar du skyes pa'i lhas shing de dag yon tan phul du byung ba rnams du mar phun sum tshogs pa'i yul gyi longs spyod rnams gang yin pa kho nas dga' ba'i nags rnams mngon par mthong nas mig gi rgyu ba phyir mi zlogs pa'i shin du bar yang dga' ba 'di dag rnams la rtag par rgyun mi chad par rab tu lta bar gyur pas de dag rnams dang bcas pa nags chen po de'i nang du legs par gzhug par byed la/ bza' ba dang btung ba'i chu klung brgya stong phrag mang po dang ldan pa kha dog sna tshogs pa'i bya rnams kyis nye 'khor na ca co'i sgra rab tu 'byin pa dang shin du mnyam par 'os pa'i lha mo'i tshogs kyis glu mchog gi sgra rnams kyis kun du gang bar gyur pa bya'i sgra</font><hr>65.3a<br><font size=+1>

rnams dang 'dres pas yid 'phrog par byed do/ /gzhan yang lha gzhan rnams zhugs par gyur pa na lha gsar du skyes pa des mthong ba ni shin du ngo mtshar bar gyur pa'i pad ma'i tshal ring du ni dpag tshad gsum mo/ /rgyar ni dpag tshad gnyis pa'i pad ma chen po'i nags rnams ni dbyibs du ma dang gzugs du mas nye bar mdzes par gyur pa la 'di lta ste/ ston ka'i dus na nam mkha' dri ma dang bral ba la rab tu 'bar ba'i gza' dang skar mas mdzes pa bzhin du de'i nye 'khor rnams na yang lha dang lha mo'i tshogs phal che bar gyur pa brgya stong gis yongs su gang bar gyur pa dang / rab tu dga' ba'i lha dang lha mo'i tshogs rnams kyis ni gar rnams dang rgod par byed pa rnams kyis kyang rnga sgra yan lag lnga dang ldan pas phan tshun thabs gcig tu dga' bar gyur cing phan tshun du legs par gtam 'dre ba 'byung ba'i yid can rnams phan tshun du yud tsam cig kyang kun du chags pa dang / dga' ba dang yang bral bar 'gyur ba ma yin no/ /de ltar gyur pa'i yid de lta bur gyur pa'i sems kyis ngal bar gyur pa yang med pa blo yang de dag skye ba'i yid des kun du drangs pa rnams kyi nye 'khor na ches rab tu dga' ba'i lha'i tshogs kyis yongs su bskor ba'o/ /gzhan yang lha des mthong ba ni pad ma'i nags de dag rnams na rnam pa sna tshogs pa'i bya rnams chu la rgyu ba dag kyang phan tshun du dga' zhing kun du spyod par yang byed do/ /phan tshun du chags pa'i yid can de dag rnams kyang de bzhin du phan tshun du grogs kyi bya ba yang rjes su byed do/ /de dag rnams kyi rjes su bya ba yang byed la lha rnams ji lta ba bzhin du de dag rnams de lta ba bzhin du ngur pa dang / bya ka dam pa dang bya ka raN Da ba pa dang / de dag rnams lhan cig tu pad ma'i nags de la rnam pa du ma dga'o/ /de mchog tu dga' ba'i dang bar gyur pa can gyi chu de 'jug ngos rnams na lha de rnams la la ni gser gyi 'dab ma can gyi pad ma blangs nas bdud rtsi 'thung zhing glu</font><hr>65.3b<br><font size=+1>

yang len par byed de/ lha mo'i tshogs rnams kyis yongs su bskor nas rnam pa sna tshogs pa'i lha'i bde ba rnams dang yang dag par ldan no/ /yang gzhan rnams ni dngul gyi rang bzhin gyi bdud rtsi blangs nas so pad ma rA ga dang mtshungs pa'i mdog can rang gi las rnams dang rjes su 'thun pa rnams 'thung bar byed de/ dga' ba dang ldan pas ji srid tu ser po rnams kyang ngo / /yang lha gzhan ni shel gyi rang bzhin gyi pad ma'i 'dab ma rnams la bdud rtsi mchog tu dri zhim pa dang ldan pa mchog tu phun sum tshogs pa mchog tu bsil bar gyur pa lhan cig spyod pa rnams dang / lhan cig tu rang gi las dang 'dra ba'i rtsi rnams 'thung bar byed do/ /yang lha gzhan rnams ni pad ma'i nags de dag nyid kho na na blta bar bya ba'i ches mchog tu dga' ba'i yul lnga'i yon tan rnams dang yang dag par ldan pa in dra nI la'i rang bzhin gyi mdog dang ldan pa'i me tog pad ma'i 'dab ma la gnas pa'i bdud rtsi blangs nas 'khor dga' ba rnams dang dga' bar byed do/ /lha gzhan rnams kyang lha'i me tog rnams kyis legs par rgyas pa lha'i bdud rtsi dang ldan pa'i shing rnams kyi nang du song bar gyur pa dang rgyags shing bag med pas rnam par rgyu bas nags gzhan gyi gseb du rnam par rgyu ba rnams sna tshogs par dga' ba'i 'khor rnams dang bcas pa'i lha rdzas kyi ro dang dri dang kha dog du ma phun sum tshogs pa dang ldan pa'i 'bras bu gzhibs nas de'i nang du song nas ro gzhan 'thung bar byed cing / glu yang len par byed de mchog tu dga' ba'i yid dang ldan pas so/ /yang lha gzhan rnams ni gser dang dngul dang shel dang in dra nI la'i rang bzhin de dag rnams la rnam pa sna tshogs pa'i me tog gis gang bas g.yogs pa khri shing gi phug tu gyur pa la/ khri shing gi bla re bres pa'i khang pa la 'khor dang bcas pa rnams dga' zhing lha mo rnams dang bcas pa glu len par yang byed do/ /yang lha gzhan dag rnams ni</font><hr>65.4a<br><font size=+1>

chu klung gi 'gram rnams la brten nas byas kun du sgra sgrogs pa dang ldan pa mnan na nem la bteg na 'phar ba'i sa gzhi'i cha reg na 'jam par gyur pa la skyes pa shing rnams kyi me tog kha dog lnga dang yang dag par ldan pa'i phreng bar bya ba'i phreng ba rnams len la/ kha cig ni sil ma dang yang dag par ldan pa'i me tog rnams yongs su blangs nas lhan cig tu spyod pa rnams dang / bdag nyid kyang mnoM par byed do/ /lha gzhan rnams ni de dang nye ba na rol mo 'i sgra dag byed do/ /yang lha gzhan dag rnams ni rnam pa sna tshogs pa'i rin po che'i rdo ba sna tshogs par gyur pa rnams la 'di lta ste in dra nI la dang shel dang / gser dang dngul gyi rang bzhin rnams la dga' bar byed cing kun du spyod par yang byed de/ ji srid tu 'dod cing sdug la yid du 'ong bar 'gyur ba'i las byas shing bsags pa rnams la zad par ma gyur kyi bar du'o/ /de dag rnams zad nas slar yang dmyal ba dang / yi dgas dang / dud 'gro rnams su skye ba yin no/ /de rnams nas 'phos nas lan grangs gzhan la myong bar 'gyur ba'i las rnams kyis gal te mi rnams dang skal ba mtshungs par gyur pa'i phyir skyes na yang de dag tu gzhon sha can dang / mchog tu gzugs dang lang tsho dang ldan pa dang / yid dga' ba dang / longs spyod dang / yul ljongs rnams la yang dbang bar 'gyur ba yin te/ las de rnams kyi rgyu 'thun pa'i dbang gis so/ /gzhan yang dge slong las kyi 'bras bu rnam par smin pa shes pa de/ 'thab bral gyi lha rnams kyi sa la rnam par lta bar byed pa na/ des thos pa las byung ba'i shes rab kyis 'thab bral ba rnams kyi rgyun gnas na rnam par rgyu ba zhes bya ba yod pa ji lta ba bzhin du mthong ngo / /der yang las gang gis sems can rnams skye bar 'gyur ba yin no/ des thos pa las byung ba'i shes rab kyis mthong ba gang dag drang por gyur cing drang po'i rang bzhin can dad pa'i stobs</font><hr>65.4b<br><font size=+1>

can du gyur pas srog gcod pa dang / ma byin par len pa rnams rnam par spangs shing kun nas yongs su dag par gyur la/ 'dod pas log par g.yem pa yang mi sten cing / goms par mi byed la lan mang du byed par mi 'gyur ba ni 'di lta ste/ bud med rnams kyi mig la brten nas ma yin zhing / mig gis gzugs la yang 'dod pa'i 'dod chags kyis kun du lta bar mi byed do/ /sems rgyud tshul bzhin ma yin pa yid la byed pas zil kyis non par gyur na de yang phyir spong bar byed do/ /kun du rtog par mi byed do/ /dug bzhin du yongs su spong bar byed do/ /skyes bu dam pa de dag rnams lus zhig nas mtho ris bde 'gro'i 'jig rten rnams las 'thab bral ba rnams kyi gang rgyun kyis gnas na rgyu ba zhes bya ba lha de'i sar skye ba'o/ /der skyes pa 'di'i yang nyi ma dang mtshungs pa'i gzi brjid kyi dge ba shar ba'i 'bras bu la longs spyod pa dpe med pa'i bde ba dang ldan pa de lha rdzas yul du ma nye bar sten pa rnams te/ dang po kho na nyid tu skyes pa'i sems kun du dga' zhing rab tu dga' ba'i yid kyis ji ltar bdag gcig pu gnas zhes de'i sems bskyed pa tsam nyid na nags de dag rnams kyi nang kun nas 'ong ba ni rnam pa du ma rnam pa sna tshogs pa'i rgyan dang cha byed dang ldan pa mgo la pad ma'i phreng ba'i 'od rnam par 'bar ba rnam pa sna tshogs pa'i gos kha dog sna tshogs can bgos pa rnams gang na lha de yod pa der nyung bar 'ong bar 'gyur ro/ /'ongs nas kyang bsgrin por gyur pa rgyan dang cha lugs stong phrag brgyas mngon par brgyan pa rnams lha gsar du skyes pa de dag nye bar 'ongs te/ de yongs su bskor nas rol mos brel ba'i yid can dang mchog tu glu la chags pa'i yid can gyis/ lha de nye bar sgyur zhing rnam pa du mar yid kyi rjes su 'thun pas shin du yon tan phun sum</font><hr>65.5a<br><font size=+1>

tshogs pa gzhan gyi snying dbang du gyur pa'i lha mchog la lha'i bu mo de dag nye bar sten par byed do/ /des kyang lha'i bu mo de dag rnams mthong ba dang snga na ma mthong ba'i kun du 'dod chags pa skyes nas dpyod par byed de/ 'di dag su yin ci las 'ongs zhes so/ /de nas de'i drung du 'ongs pa mngon par mthong nas/ rnam pa sna tshogs pa'i rnam par 'dod chags pa'i bag stong phrag du ma'i rnam par rtog pa dang / rgyan rnam pa sna tshogs pa rnam par gsal ba'i rin po ches lus lam mer gyur pa gser btso ma'i rna gdub kyis 'gram pa'i ngos la thug par gyur pa/ rnam par rtog pa du ma dang ldan pa'i rol chas lag pa brel ba rnams te/ dpe rnam pa de lta bu rnams gang yin pa de srid kyis ni sum bcu rtsa gsum pa'i lang tsho la bab pa'i glu mkhan ma rnams kyang dpe med pa yin na/ gang yang yon tan rnams sum 'gyur gyis yon tan dang ldan pa'i dge ba'i las du ma yongs su dag pa las legs par skyes pa'i 'thab bral gyi lha mo rnams la lta smos kyang ci dgos/ sum bcu rtsa gsum pa'i lha mo rnams dang mi rnams kyi glu mkhan gyi khyad par gang yin pas ji ltar glu len pa'i khyad par yod pa de ltar gzugs dang lang tsho la bab pa dang tshad dang rol mo'i bde ba rnams dang / nags dang nags 'dab dang pad ma'i bdud rtsi dang 'bab chu dang khang pa dang mtshe'u dang gzhal yas khang rnams kyis de ltar khyad par gong nas gong du 'phags pas/ ji srid tu gzhan 'phrul dbang byed kyi lha rnams kyi gong du 'phags pa'i gzugs dang lang tsho dang spro bas ches dga' bar gyur pa yin no/ /de ci'i phyir zhe na/ las kyi 'bras bu lci bar gyur pas dang / sems dang tshul khrims dri ma med pa'i khyad par rnams las yin no/ /de ltar yin dang 'thab bral gyi lha mo rnams ni dpe med pa yin no/ /de rnams thams cad kyang 'dir mi rtag pa 'ba' shig gi dbang du byas pa yin la</font><hr>65.5b<br><font size=+1>

'dod pa la sogs pa rnams kyi dbang du byas pa yang de dag gi bde ba'i phyogs gcig la gnas par bya ba'i don du mngon par bsngags pa yin zhing de'i rgyus kyang gang dag blo gros dman pa rnams srid pa la mngon par zhen pas tshul khrims la spyod par byed de rgyu gang gis gang dag srid pa la srid pa'i blo dman pa tshul khrims la spyod la/ ji ltar tshul khrims des bdag cag rnams lhar skye bar 'gyur ro zhes snyam pa'i blo de bzlog par bya ba'i don du 'di dag rnams mi rtag pa dang / 'pho bar 'gyur ba dang / 'thun pa rnams dang rnam par 'bral bar 'gyur ba'i skyon rnams brjod do/ /srid pa la mngon par sred pa'i rgyu cung zad tsam po gang yin pas kyang dge ba'i chos rnams thams cad kyi bar chad byed par 'gyur ro/ /steng dang 'og dang thad kar bsdus pa ni gnas rnams na gang dag rtag pa dang ther zug dang / rnam par mi rtog par 'gyur ba'i go skabs de ni yod pa ma yin no/ /rgyu 'dis kyang mtho ris 'di dag rnams kyi bsngags pa brjod kyi srid pa la sred pa 'ba' zhig gis ni ma yin no/ /de nas yang lha'i bu mo de dag lha de dag la nye bar brten nas rnam par rtog pa du mas glu len cing 'jo zhing sgeg par yang byed do/ /de nas gsar du skyes pas sngar ma mthong ba rnams mthong nas 'di snyam du sems par gyur te/ 'di rnams ni gang yin ci zhig rtogs nas 'dir 'ongs te gang dag gis bdag la brten par byed/ de nas sems bskyed pa tsam nyid na de ltar legs par byas pa'i las kyis bskul nas gzhon nu ma des 'di skad ces smras te/ ji ltar khyod bdag cag la dbang che ba dang kha drag par yang gyur te gsar pa khyod la phan pa dang / bde ba la gnas par bya ba'i don du rjes su spyod cing zhabs 'bring byed pa yin la/ khyod ni bdag gi jo bo yin na bdag cag ci'i phyir smra bar mi byed/ de nas des kyang de bzhin du de dag rnams go nas smras pa/ gal te</font><hr>65.6a<br><font size=+1>

ji ltar byed pa rnams ji lta ba bzhin du gal te nga'i yin par gyur na/ de dag rnams kyis cis kyang bdag nags dang nye ba'i nags rnams kun du lta ba'i don du 'bad par byed par 'gyur ba yin la/ yin pa'i rgyu mtshan yang gang yin na bde ba'i rgyur 'gyur bas na mtho ris kyi 'jig rten 'dir skyes pa yin no/ /de nas gzhon nu ma de dag gis de rjes su 'phyangs shing 'khyud te/ rnam pa du mar nye bar bskyod nas slar yang des lha la 'di skad smra zhing gnas te/ gzhon nu nags dang nye ba'i nags rnam pa du ma dag rnams rnam pa sna tshogs pa'i lha'i tshogs kyis legs par gang ba mthong na/ dga' ba rnam pa sna tshogs pa dang bya rnam pa sna tshogs pa rnams kyi sgra thos na yid 'phrog pa dang / sna tshogs pa'i 'bab chu dang / mtshe'u phun sum tshogs pa dang ldan pas mdzes pa/ rin po che sna bdun gyi ri sna tshogs pa brgya stong gi phung po 'bar ba dang / sman ljongs dang ri khrod kyi cha shas mdzes pa sna tshogs pa dang / bya rnam pa sna tshogs pa'i skad kun du 'byin pa dang / rdzing bu rnams kyi sa gzhi'i cha shas legs pa rnams dang de dag yon tan de lta bu dang ldan pa rnams su lha khyod nyid bdag cag rnams dang lhan cig dga' zhing kun du spyod pa dang / rnam pa du mar rgyags pas gnas nye bar bsten par gyis shig /de nas gsar du skyes pa'i lhas de dag rnams kyi drung nas de ltar thos nas 'di skad smras te/ ji ltar 'dod par de dag rnams bya la rag mod de de skad smras nas de'i rjes la stan las langs te bde ba thams cad la spyad pa'i don du rang dbang du gyur pa'i lha mo de dag rnams nags dang nye ba'i nags thams cad tu 'gro bar byed de/ glu dang rnga sgra dang rol mo sna tshogs pa lag na thogs pa bag med pa'i sa pa rnams bag med pa'i sa'i don du nye bar 'gro bar byed de/ /de nas</font><hr>65.6b<br><font size=+1>

de dag nyid kyi sngon du bde bas gnas pa'i dbang du byas nas 'gro bar gyur pa rnams de nas mnyam du 'grogs pa'i lha'i bu mo rnams lha mo gzhan dang lhan cig rtse bar byed la/ de dag phan tshun du brdos par gyur pas lha de dang yang phan tshun du legs par mthong nas lha de dga' ba nyid skyes la/ 'thun pa kun du skye zhing de dag rnams kyang phan tshun lhan cig tu skye/ lha dang lha mo de dag kyang phan tshun lhan cig tu yid kun du 'dres pa'i tshogs de dag thams cad ma lus pa rnams gang na rtsed mo'i nags zhes bya ba'i nags dpag tshad stong phrag gsum yod pa der 'gro'o/ /nags de na yang brgya stong bye ba khrag khrig du ma'i tshogs pa rnams kyis legs par gang ba/ gang gi dga' ba'i khyad par gyi dbang du byas na ni dge ba'i tshal zhes bya ba'i nags ches 'jigs pa'i 'brog dgon pa dang 'dra ba yin no/ /rgyun gnas na rnam par rgyu ba'i lha rnams kyi sa'i rtsed mo'i nags ni de ltar dga' ba yin no/ /de nas lha de snga nas ma mthong ba'i dga' ba de dag rnams dang / sngar ma mthong ba rnams dang / sngar ma thos pa rnams rnam par rtag tu med pa dang dpe med par rjes su mngon par mthong nas bzhin rab tu dga' ba'i mig dang ldan pa la lha gsar du skyes pa de la lha mo des smras pa/ ji ltar bdag cag lhan cig spyod pa dang bcas pa'i snga na med pa 'di dag rnams ci yin/ gzhan yang lha de lha'i phreng ba'i mchog rnams 'chang ba lha rdzas kyi tsan dan gyi gzugs kyi lus nam mkha' la khang bu la lhan cig spyod pa dang bcas pas glu len par byed pa dang / rgod par gyur pa dang 'gying bar gyur pas glu dang bcas pas rol mo'i sgra rnams byed pas gang na rgyal po mu su lun d+ha'i gnas der song ngo / /gzhan yang lha gzhan rnams ni nam mkha'i khang bu'i spyod yul na lha rnams kyi pad ma lag na thogs pa lha rdzas kyi stan la 'dug pa nam mkha' la dga' bar gyur pas</font><hr>65.7a<br><font size=+1>

'gying zhing 'gro bar byed do/ /lha gzhan dag kyang lag na pi bang thogs nas thams cad tu 'gro ba dang / rgyu ba shin du phra ba brgya phrag du ma rnams brtol zhing nyams pa med par de dag rnams gang nas rgyal po mu su lun d+ha'i gnas der rab tu dga' ba'i yid kyis legs par nye bar 'gro bar byed do/ /yang lha gzhan rnams ni nam mkha' la legs par gnas nas lha rdzas kyi me tog gi char 'bebs shing glu len pa dang yang ldan pas lhan cig spyod pa rnams dang bcas pa gang na mu su lun d+ha'i gnas yod pa der nye bar bde bar 'gro'o/ /de ltar rnam pa du mar yang rnam par rtog pa du ma dag gis dga' ba du ma rnams cher nye bar skyes pa mthong ba na lha gsar du skyes pa der 'gro bar byed de/ lha mo de dag gi tshogs de dag rnams dang lha du mas 'thun pa dang snyan pa'i tshig rnam pa du ma rjod par byed cing 'gro'o/ /de nas lha gsar du skyes pa des shin du ring ba nas nyi ma brgya stong dang mtshungs pa'i 'od rnams gang dag mthong ba ni/ gang dag lha yin pa de dag rnams kyis kyang mig dag gis blta bar bya mi nus pa rnams dang / mnyan par bya ba rgya chen po'i sgra rnams kyang thos par gyur te dga' ba dang / gsal ba dang ma 'dres pa dang mtshungs pa'i sgra rnams phyogs bzhir nye bar rnyed nas lha de yid ches nyin du dga' ba des lhan cig spyod pa rnams la 'di skad ces smras so/ /'dir ches lhag par dga' bar gyur pa'i gnas 'od mngon par gsal ba dang ldan par mthong ba 'di ci yin/ gang yang 'dir rnam pa 'di lta bu'i ca co rgya chen po snyan zhing snyoms la rnam par 'dres pa'i sgra'i tshogs rnams dang gar yang thos par 'gyur ro/ /de nas lhan cig spyod pa de dag gis lha de la 'di skad ces smras te/ ji ltar 'thab bral ba'i lha rnams kyi mnga' bdag 'di ni mdun du brgya stong phrag du mas yongs su bskor nas dga' bar byed cing / pad ma brgya phrag dang lha'i</font><hr>65.7b<br><font size=+1>

bu mo du ma'i tshogs kyis yongs su bskor nas lha'i tshogs thams cad kyis mngon par stod par byed pa ni/ dga' ldan gyi mnga' bdag rab tu zhi ba bzhin du rtse zhing dga' la kun du spyod par yang byed do/ /de nas yang lha gsar du skyes pa de ngo mtshar ba gzhan yid la skyes te/ gzhan rab tu zhi ba zhes bya ba gzhan gang la rnam pa 'di lta bu'i sa dag yod par gyur pa'i de gang yin na zhes lha des lhan cig spyod pa de dag rnams la slar smras pa/ gang la rnam pa 'di lta bu'i sa yod pa'i rab tu zhi ba zhes bya ba de ni gang yin pa nges par de gang na gnas pa yin/ des ni bdag cag rnams 'dir kun nas mngon par mthong ba yin la bdag cag gis mthong ngo / /des tshig de dag rnams thos zhing dran par yang byas nas gsar du skyes pa 'dis bdag nyid chen po ji lta ba bzhin du kun nas smras par gyur pa/ rab tu zhi ba bdag cag rnams kyis blta bar bya'o/ /de la slar nyid bos nas 'di skad ces brjod de ji ltar dga' ldan zhes bya ba'i lha rnams gang dag bdag gi steng na gnas pa yin te/ gang dag gi khyad par gyis kyang bdag cag rnams brgya stong gi cha tsam du yang mi 'gyur zhing rim pa thams cad dang / bde ba rnams thams cad las dang 'bras bu'i 'brel pa thams cad kyis kyang de 'thab bral gyi lha de rnams cung zad tsam yang ma yin no/ /'di dag rnams kyang 'thab bral ba rnams kyi mnga' bdag pas kyang ches lhag pa'i gzi brjid can no/ /de yang bdag cag rnams kyi gong na gnas so/ /lha gang dag rnams sam de dag rnams kyis kyang rung de la 'gro bar bya ba'i yul ma yin gyi/ lha gang dag gtso bor gyur pa/ shin du stobs che ba de dag rnams las 'ga' zhig gnas der 'gro bar byed do/ /thams cad kyis ni gnas der 'gro nus pa ma yin no/ /de nas lha gsar du skyes pa de 'di snyam du sems par gyur te/ e ma bdag cag rnams</font><hr>65.8a<br><font size=+1>

kyi bde ba ni ci lta bu zhig yin nas lha de dag rnams ni 'thab bral ba'i lha rnams kyi mnga' bdag gi drung na yang bla lhag par gyur to/ /de nas de ltar 'di dag rnams yud tsam zhig bsams nas yang slar yang g.yo ba'i sems dang ldan pa'i phyir dang yul la shin du kha phyogs pas phrogs pa'i yid kyis kyang dga' ba de dag rnams la lha de dag rnams mngon par lta bar rtsom par byed pa na/ kun nas mchog tu snying ches dga' ba'i rnam pa gang dang gang gis de ltar rnam pa thams cad mthong bar gyur pa na dal bus rim gyis yul der phyin par gyur to/ /yul gang na rgyal po mu su lun d+ha de dga' bar byed te lha brgya stong phrag bye ba du ma rnams kyis yongs su bskor ba pad ma brgya phrag dang lha'i bu mo mang po rnams kyis kyang dpal shin du 'bar bar gyur pa/ mtshungs pa med pa'i gzugs dang cha byad dga' zhing 'tsher la gzhon pa/ gzi brjid kyi yon tan phun sum tshogs pa de bzhin du dpe med par rnam par 'bar ro/ /lha de dag rnams thams cad kyang de'i 'od kyis mngon par zil kyis gnon par byed de/ dper na nyi mas gza' dang skar ma dang rgyu skar thams cad kyi 'od zil kyis mnan nas rnam par snang bar byed do/ /'thab bral gyi mnga' bdag de gzi brjid mchog dang ldan pa'i seng ge'i khri che zhing shin du bzang ba reg par 'jam par gyur pa 'od mtha' yas pa dang ldan pa'i rin po che'i rang bzhin la 'dug par gyur nas shin du ngo mtshar ba'i gzugs dang cha byad dang gzi brjid phun sum tshogs pa'i shin du rnar snyan par gyur pa'i glu rnams dang rnga sgra rnams dang 'jo sgeg gi khyad par du mas shin du lhag par yang snying dang rna ba'i khung rgyas pas yul de na gnas pa rnams 'dod pa'i yon tan lnga la longs spyod pa'i rnam pa ji lta bu rnams ni dga' la yang yod ma yin no/ /ji ltar brgya byin gyi dpal rnams yang cung zad kyang</font><hr>65.8b<br><font size=+1>

ma yin te/ de'i lus gang yin pa las 'od zer gyi rgyal po lnga brgya kun nas 'phro bas mchog tu gsal bar byed pa dang ldan la brgya byin gyi ni phrag pa gnyis las mchog gnyis 'phro ba'o/ /de'i dbang po drug po rnams ni ris 'thun pa rnams su skal ba mnyam pa las dang dge ba'i chos rnams kyi mtha' las byung ba yin pas brgya byin gyi drung na yon tan rnams brgya log tu 'gyur ro/ /des na brgya byin gyi dper mi bzod do/ /de'i gzugs dang de'i bde ba dang / de'i yul dang de'i 'khor dpe med pa rnams yin pa'i gang dag gzi brjid dman pa'i lha de dag thams cad kyi khyad par gyis kyang brgya byin cung zad kyang ma yin na mu su lun d+ha ni 'od zer gyi phung po rang gi nang gi nang dang phyi rol rnams kyang mchog tu gtsang bar 'gyur pa de lta bu la ji ltar dper bya bar nus te mi nus so/ /de nas lha gsar du skyes pa de'i gzugs dang dbang phyug dang rgyags pa dang 'od kyi rang bzhin rnams rgyang ring gnas dang lhan cig tu mthong ba nyid kyis de 'di ltar nyams dma' bar gyur te/ kye ma ma la bdag cag rnams 'di la yod pa'i khyad par gyis ni brgya'i char yang stong gi char yang / brgya stong gi char yang mi phod de mchog tu dge ba'i las kyi mtha' la spyad pa 'di ni nges la kho nar lha rnams kyi mnga' bdag mu su lun d+ha yin no/ /'di'i yang gzi brjid rnams 'di yin na rab tu zhi ba zhes bya ba gzhan gzi brjid mchog dang ldan pa gzugs phun sum tshogs pa gang yin pa bdag gis thos pa la lta smos kyang ci dgos te/ lha 'di dag rnams kyi las kyi lam gong nas gong du ches khyad par du 'phags pa rnams la 'jug pa'i phyir ro/ /de nas de ltar nges par bzung nas gzhan yang dal bus glu dang rnga sgra dang rol mo'i sgra sgrogs pa lhag ma rnams nyan par byed do/ /de nas lha gsar du skyes pa de brgya la cig na yang 'thab bral gyi mnga' bdag de dang nye bar rim gyis sleb par gyur</font><hr>65.9a<br><font size=+1>

pa na ji ltar de dag gtso bor gyur pa rnams dang / gzugs dang cha byad dang mdangs dang 'od dang tshad dang shin du snyan pa bla lhag pa ji lta bu dang ldan pa'i lha'i bu mo bdun stong gis gang dang thag nye ba na lhag par snyan pa'i glu len cing 'jo sgeg pa dang / bzhad gad dang g.yog gi bya ba rnams kyang byed la lha'i bu mo'i tshogs gzhan rnams ni grangs yod pa ma yin no/ /shes bzhin du yang thag nye ba dang / ring ba'i yul du dga' zhing bdud rtsi rnams kyang 'thung bar byed do/ /phan tshun lhan cig tu rgyags pa la don gcig pa rnams thams cad kyang 'di snyam du sems te/ bdag gcig pu mu su lun d+ha dang lhan cig tu dga' bar bya'i gzhan rnams ni ma yin no/ /gzhan rnams 'ga' zhig gis kyang 'gal bar mi byed par bdag gcig pu kho na tshul thams cad kyis 'thun par bya'o/ /ji ltar bdag gis grong pa'i chos kyi yang tha mal pa'i kun du sbyor ba'i chos kyis 'thab bral ba'i brjod pa dang ldan pas kun du sbyor ba thob par 'gyur na zhes rgyu 'dis lha'i bu mo rnams kun du rtog pas nges par 'ong bar 'gyur te/ re re zhing thams cad kyang ji ltar bdag kho nas thams cad kyis 'thun par bya'o/ /bdag nyid thams cad kyis ngas lha nyid dang lhan cig tu dga' bar bya'o/ /rgyu 'dis bdag mu su lun d+ha dang lhan cig tu dga' bar bya'i gzhan rnams dang ni ma yin la bdag gcig pus sdug par lta'i gzhan 'ga' zhig gis kyang de ltar rjes su 'thun pas ni ma yin no/ /bdag gis grong pa'i chos kyi yang tha mal pa'i kun du sbyor ba'i chos kyis 'thab bral ba'i brjod pa dang ldan pas kun nas sbyor ba ji lta ba 'thob par 'gyur ba yin no/ /rgyu 'dis de dag rnams thams cad de bzhin du kun nas 'ong bar 'gyur ro/ /re re zhing thams cad kyang ngas 'di la 'thun pa thams cad bya'o/ /ngas bdag nyid thams cad kyis lha dang gnyis rgyu 'di lhan cig tu dga' bar bya'o/ /</font><hr>65.9b<br><font size=+1>

slar yang lha gsar du skyes pa de gang na mu su lun d+ha lha rnams kyi bdag po yod pa der nye bar legs par 'gro'o/ /de dang shin du thag nye bar phyin nas mthong ba lha brgya stong phrag du mas yongs su bskor ba'i dbus na yang ches gsal bar gyur pa'i dpal dang ldan pa rnam pa du ma nas yon tan phun sum tshogs pa'i tshig rnams kyis dga' bar byed do/ /ngas lha rnams dang gsar du skyes pa yang mi rtogs pa ni 'ga' yang yod pa ma yin no/ /des brgya la zhig na lha gsar du skyes pa de mthong na gang na lha gsar du skyes pa yod pa der bzhin mngon du bsgyur nas mig gtod par byed do/ /lha gzhan rnams kyis tshig snyan pa ji lta bu dang ldan pas gsar du skyes pa'i lha de la skul bar byed de/ gzigs par mdzad pa 'di ni ji lta ba bzhin du lha rnams kyi rgyal po yin no/ /de yin pas na phyag legs par 'tshal bar gyis shig /de ltar de bzhin du skyes pa de dang nye bar song nas de'i spyan sngar rab tu legs par bskul ba dang phyag 'tshal bar byed do/ /de nas des de ltar shes nas mu su lun d+has phyir la smras pa/ gsar du skyes pa jo bo khyod 'thab bral gyis rnams su song dang 'thab bral gyi lha 'di rnams ni dga' bar 'gyur ba yin te/ ches rab tu sems dga' ba rnams dge ba'i las kyi tshogs rnams kyi las kyis 'dir skyes pa yin pas na des na bde bar 'ongs sam/ de ltar yin pa yang rang gi las kyi 'bras bu la longs spyod pas dus shin du ring por bag yod pas lha'i 'jig rten 'di na gnas pa yin no/ /de nas de'i dus na 'thab bral gyi mnga' bdag gis tshigs su bcad pa ji lta ba bzhin du brjod pa/ lha ni skyes par 'gyur ba yi/ /dka' ba gang na skyes pa des/ /'chi 'pho ba yi sdug bsngal gyi/ /bcu drug char yang mi chog go/ /mnog chung 'bras bu du ma yin/ /rtag tu skyes bu</font><hr>65.10a<br><font size=+1>

slu ba po/ /dri za'i grong khyer dang 'dra ba/ /'dod pa myang ba tsam bzang ba'i/ /gang de sems can 'joms de dag /blo ldan gyis ni yid ma rton/ /de ltar 'thab bral gyi bdag po des lha gsar du skyes pa de la rjod par byed do/ /de nas lha gsar du skyes pa des de la 'di skad ces smras te/ lha lags bdag gis 'dir nyes dmigs ji lta bar mi shes don dang phan tshun gyi dgos pa yang rig cing shes pa ma yin pa 'di ji lta bar lha rnams thams cad la 'gyur ba yin la de ltar bdag kyang yin no/ /de nas 'thab bral gyi bdag po mu su lun d+has tshigs su bcad pas 'di skad ces smras pa/ ji ltar 'chi bdag dus ni 'byung ba na/ /'ga' zhig 'gar yang bde ba min/ /de bzhin du ni 'gro na yang / /'ga' zhig rjes su 'gro ba min/ /sems sna tshogs shing sems can gzhan/ /khams sna tshogs dang de bzhin gzhan/ /des na rnam pa sna tshogs pa'i/ /srid pa'i 'chi ba'i las rnams byed/ /gang tshe skyes pa de tshe nas/ /mi ni 'chi bdag dbang du 'gro/ /sna tshogs rmongs par ltung ba yi/ /'jigs pa de yang ma rig go/ /gang tshe 'chi 'pho byung ba ni/ /srid pa 'jig par byed pa'i mchog /'jigs gang 'chi bdag che 'ongs pa/ /rmongs pa'i bdag gis de tshe rtogs/ /bag yod la dga' skye ba ni/ /yang dang yang du 'byung ba min/ /lha ni yul rnams kyis rmongs pa/ /yid med pas kyang rtogs pa min/ /yul gyi chags pas kun lta ba'i/ /sred pa'i dug gis rmongs byas pa/ /rtogs min rtag tu lha yi ni/ /'chi 'pho de ni 'jigs chen yin/ /'chi bas tha mar de bzhin du/ /sdug bsngal lus can rnams la skyed/ /ji ltar skyes pas lha rnams la/ /'chi 'pho kun du nges par 'byung / /las kyi rlung gis kun du 'khor/ /sbyor bas kyang ni</font><hr>65.10b<br><font size=+1>

sdug bsngal nas/ /skyes bu lhung byed 'chi bdag sgras/ /sems ni kun du bslus pa yin/ /pha med ma yang med pa dang / /bshes med gnyen 'dun med par ni/ /lhan cig rang dbang med ces smra/ /de ltar skyes bu dus kyis bskul/ /lhan cig 'grogs min skye bo 'di/ /skye bo tha mal pa yis bslus/ /yid kyi zhags pa 'ba' zhig gis/ /skye bo slu bar byed pa yin/ /skye bo rang gi skye bo 'dir/ /spun nam skyob byed 'ga' yod min/ /'chi bdag dus ni byung ba na/ /rang skye 'ang ji ltar skye bo yin/ /lha rnams gang gis mthong ba yin/ /bde ba 'di dag bde 'byung ba/ /de ni rab kyi shugs 'gro ba'i/ /'chi bdag rgyal pos 'phrog par byed/ /rtag tu 'dod pa'i rjes 'gro ba/ /yul gyi 'khrul pas brkam pa yin/ /nges par sdug bsngal che 'byung ba/ /gang yang rtog par 'gyur ma yin/ /de ltar lha gsar du skyes pa de mu su lun d+ha des yang dag pa ji lta bas chos nyid la rjes su bzung ngo / /de nas lha des de dag rnams thos nas yud tsam cig skyo bas gnas par gyur nas/ phyi nas slar yang gar dang glu dang rgod par byed pa dang rgyags pa rnams kyis kun nas khrid par byed de/ rgyu gang gi phyir na byis pa so so'i skye bo rnams thams cad kyi snying mi rtag pa yin pa'i phyir te/ khyad par du yang gang gi tshe bde bar gyur pa rnams dang srid pa rnams kyi dbang gis rjes su 'jug par 'gyur ba de'i brgya 'gyur gyis kyang ches tsab hral can du 'gyur ba yin no/ /rgyu 'di dag gis na bag med pas gnas pa'i lha rnams kyi snying la chos kyi cha shas cung zad tsam yang legs par 'jug par mi 'gyur ro/ /de nas lha gsar du skyes pa de mu su lun d+ha'i gnas de las phyir yang rtsed mo'i nags su bdag nyid kyi skye bo de dag rnams nyid kun dang bcas pa rnams dang / de bzhin du</font><hr>65.11a<br><font size=+1>

gar byed par 'gyur ba dang dga' bar gyur pas 'dod pa'i yon tan lnga dang ldan pa'i yul gyi bde ba rnams dang yang dag par ldan pas de kho na bzhin du phyir yang rgyun gnas na rnam par rgyu ba'i sa de dag rnams kun du 'gro bar byed do/ /des bde ba'i sa de dag rnams rjes su thob nas kyang de dag nyid tu lha gzhan dag rnams dang lhan cig dga' bar byed pa dang kun du spyod par yang byed do/ /de lha gzhan de dag rnams dang lhan cig dga' bar gyur pa las khyogs kyi khang bu yangs pa zhes bya ba'i bskyed mos tshal gyi sa la rim gyis 'gro bar byed do/ /de na ni dga' ba 'di dag rnams yod de ji ltar khrag khrig phrag nyi shur rnam pa sna tshogs pa dang / kha dog dang dbyibs sna tshogs pa'i bskyed mos tshal dang / pad ma'i rdzing bu dang mtshe'u dang nags dang nags 'dab dang bya'i tshogs dang 'bab chu dang ri'i rtse mo rin po che sna bdun gyi rang bzhin dang / de 'dra ba'i rnam par rtog pa'i khyogs kyi khang bu rnams yin te/ lha de dag rnams kyis legs par byas pa'i las kyis gal te lha rnams kyi yid kyis kun du rtog par byed pa ni khyogs kyi khang bu de dag dang nags tshal dang nags 'dab dang mtshe'u dang bcas pa rnams ji lta ba bzhin du nam mkha'i dkyil du 'phags na ci ma rung de dag gi sems bskyed pa tsam nyid na khang bu de dag rnams dang / nags tshal dang nags 'dab dang mtshe'u dang 'bab chu dang ljon shing dang pad ma'i rdzing bu rnams dang yang dag par ldan pa rnams nam mkha' la kun kyang 'phags pa ni bya bzhin no/ /de nas 'di bzhin du lha rnams yid la kun du sems par byed de/ ji ltar khyogs kyi khang pa chen po 'di dag rnams bdag cag bde bas gnas pa'i don du mi g.yo bar gnas par gyur mod/ de dag gi sems bskyed pa tsam nyid kyis de bzhin du 'gyur ro/ /gal te gzhan yang 'di ltar so sor kun du rtog par byed de/ </font><hr>65.11b<br><font size=+1>

zas dang skom gyi chu bo rnam pa du ma rab tu 'bab par gyur la rag des de bzhin du sems bskyed pa tsam nyid kyis ro dang kha dog dang dri yongs su gang ba lha de dag rnams kyis legs par byas pa'i las kyi dbang gis 'bab par gyur te legs par byas pa'i las rnams yul du gyur pa'i mi rnams kyang rtogs par 'gyur ba ni ma yin no/ /gzhan yang gal te lha de dag rnams 'di snyam du sems par 'gyur te/ ji ltar dpag tshad brgyar yang gzhal yas khang de dag rnams kha 'bye bar 'gyur grang / de dag rnams kyi sems bskyed pa tsam kho nas kha 'byed par 'gyur te/ rnam pa du mar dga' ba'i mtshe'u spro ba dang 'bab chu dang chu klung dang tshang tshing dang khang pa dang steng khang dang bcas pa'i khang pas kyang phun sum tshogs par gyur pa dang sna tshogs pa'i nags tshal dang nags 'dab dang pad ma'i tshal rnams dang ljon shing phun sum tshogs pa yang de bzhin du kha 'bye bar 'gyur la/ lha de dag rnams kyang ji lta ba bzhin du yid ches mchog gi rab tu dga' bar 'gyur te/ ji ltar bde bar gnas pa rnams kyis bdag cag rnams kyang ji lta ba bzhin du yid ches mchog gi rab tu dga' bar 'gyur ba de ni ji ltar bde bar gnas pa rnams kyis bdag cag rnams gnas par bya'o zhes mchog tu yid rab tu dga' ba rnams lha gzhan rnams dang lhan cig tu gang na khang bu de dag rnams yod pa la rnam pa du mas bdag cag rnams dang thabs gcig tu dga' bar bya'o/ /'dir ni rnam pa du mar lha gang yin pa 'thab bral gyi mnga' bdag mu su lun d+ha de'i srid par rtsed mo'i nags su rnam pa du mar dga' bar byed par 'gyur ba'i lha de dag rnams kyang 'dir ni khang bu 'di dag rnams su zhugs par gyur na ci ma rung / de nas sems bskyed pa tsam kho nas rgyun kyi nags na rnam par rgyu ba'i lha de dag rnams nam mkha' la rnam pa sna tshogs pa'i bzhon pa</font><hr>65.12a<br><font size=+1>

rnams kyis 'gro bar byed pa la 'di lta ste/ ngang pa'i bzhon pa dang rma bya'i bzhon pa dang khu byug gi bzhon pa dang me tog gi bzhon pa dang ngang ngur gyi bzhon pa dang shang shang te'u'i bzhon pa dang / ljon shing gi bzhon pa rnams te rnam pa de lta bu'i bzhon pas gang na khang bu de dag rnams yod pa der 'gro bar 'gyur te/ mchog tu rab tu dga' ba'i yid kyis rol mo dang rnga sgra dang glu rnams kyis dga' bar gyur pa rnam pa sna tshogs pa'i cha byad can gyi lha'i bu mo sgrin pa rnams kyis rjes su 'brang bar byed pa'i rgod par byed pa dang / 'gying bar byed pa dang do shal dang pad ma 'phyang ba rnams kyi mchan khung lcong ba dang bcas pas phyi bzhin 'brang bar gyur pa mchog tu gzhon sha can mchog tu dga' ba dang ldan pas gar dang rnga sgra dang rol cha dang glu mchog len pa dang ldan pa'i lha'i sa bas mngon par bstod pa dang ldan pas gang na khyogs kyi khang bu yod pa der legs par nye bar 'gro ba'o/ /nam mkha'i dkyil du mngon par byung nas gang na rtse dga' chen po'i khang bu rnams legs par gnas nas lha rnams rtse dga' bar byed pa der 'ongs par gyur to/ /de nas de dag phan tshun du rab tu dga' ba'i yid can rnams de ltar rtse bar gyur pa rnams bag med par gnas pa rnams sems rnal du mi gnas pa rnams ni bag med par gnas pa rnams la 'thab bral gyi mnga' bdag mu su lun d+ha 'di ltar kun du lta bar byed de lha bag med pas bag med par gnas pa rnams la ji lta ba bzhin gyi thabs su gyur pa ci zhig yod na gang bdag gis dman pa la kha phyogs pa bag med pas gnas pa'i lha de dag rnams la rjes su 'thun pa'i thabs gang yin pa bdag gis bya'o/ /de nas brtags pa'i blo dang ldan pa des rnam par dpyad nas lha gzhan rnams las gang dag de dang lhan cig rjes su spyod pa'i rgyun du zhugs pa de dag rnams dang lhan</font><hr>65.12b<br><font size=+1>

cig tu legs par 'gro bar byede ji ltar lha rgyun gyi gnas na rgyu ba 'di dag rnams la ji lta ba bzhin du ji ltar phan par 'gyur ba yin/ bla na med pa'i dge ba'i chos rnams kyis ji ltar bdag dang gzhan la phan pa byas par 'gyur ba yin pa dang / gang yang bdag gis bar chad tu mi 'gyur ba dang / gal te yang lha de dag rnams grogs po'i mchog tu de 'gyur ba ni gang dag gis sgrol ba la nges par sbyor ba'o/ /yang gang dag gis sdig pa nye bar ston pa de dag rnams ni dgra bo yin te gang gis dmyal ba kun nas sgrub pa'i las rnams byed pa'i phyir ro/ /lha de nyid kyis de ltar rgyun du zhugs pa rnams dang lhan cig tu gros byas nas gang na khyogs kyi khang bu yod pa der nye bar legs par 'gro bar byed de/ rdzu 'phrul gyi gzhal yas khang gzhan zhig gzung ba na ni chu klung dang mtshe'u dang ljon shing dang 'bab chu dang nags dang nye ba'i gnas rnams mchog tu phun sum tshogs pa dga' ba du ma nyid dang yang dag par ldan pa de 'dra ba'i dga' ba'i khyad par gyis rgyun gyis gnas na spyod pa rnams kyi rnam par gsal ba gang dag yin pa de dag rnams ni brgya'i cha dang stong gi char yang mi phod do/ /de ci'i phyir zhe na/ legs par byas pa'i las can rnams kyi mnga' bdag yin pa'i phyir te legs par spyod pa'i las kyi mtha' la spyod pa'i 'thab bral ba'i lha rnams thams cad kyi nang na gang yang 'thab bral gyi mnga' bdag mu su lun d+ha ni legs par byas pa'i las kyi mnga' bdag yin pa'i phyir dang / gang yang legs par byas pa'i las rnams ches bla lhag par gyur pa yin pa'i phyir ro/ /de'i rdzu 'phrul rnams kyang lhag pa yin no/ /rgyu 'di dag rnams kyi phyir na 'thab bral ba'i gzhal yas khang thams cad las khang bu de'i steng na dga' bas rnam par gsal te lham</font><hr>65.13a<br><font size=+1>

me'o/ /dper na nyi ma'i drung du ni gzhal yas khang thams cad kyis char mi phod cing mdzes pa yang ma yin no/ /khang bu de'i khyad par rnams las ni khang pa gzhan de dag rnams kyis char yang mi chog go/ /de sna tshogs pa'i yon tan gyi rnam pa phun sum tshogs pa de srid dang ldan pa'i khang pa des nam mkha'i dbyings gang na rgyun gyi gnas na rnam par rgyu ba'i lha dag dga' bar byed pa der nye bar legs par 'gro bar byed pa na lha gang dag rgyun du zhugs pa yin pa de dag rnams ni 'thab bral ba'i mnga' bdag legs par mngon sum mthong nas/ bag med pa rnams dga' ba dman par 'gyur ro/ /lha gang dag bag med pas bag med par rgyu ba de dag rnams ni khang pa de dag rnams su kun nas rings pas zhugs nas de dag rnams gang rgyal po mu su lun d+ha yod pa der nye bar legs par 'gro ba'o/ /de nas stong phrag brgyar yang de rdzu 'phrul byed par gyur te/ de ji ltar lha gang dag khang bu zhugs pa rnams khong nas thams cad tu mi mthong ba nyid du byas te de kho na gzhal yas khang na gnas pa thams cad du yang mi mthong bar gyur to/ /lha nyid kyis rang gi rdzu 'phrul rnams kyis de dag rnams de ltar bkag nas phan tshun du mi mthong ngo / /bgad pa dang 'jo sgeg dang rtsed mo rtse ba rnams las cung zad tsam yang thos par mi 'gyur te/ rdzu 'phrul de dag rnams kyi mthu stobs kyis de dag rang bzhin de bzhin du gyur nas phan tshun du de dag rnams de lta bur gyur te de dag thams cad ji ltar khang bu gang yin pa 'dir su dag lha de dag rnams ji lta bar thag nye bar gyur pa rnams dang / gang yang bdag cag dang lhan cig tu gzhal yas khang 'dir zhugs par gyur pa de dag thams cad gang du song bar gyur pa zhes thams cad du byas kyang mthong bar mi 'gyur ba de ltar gong nas lha de gang na 'thab bral gyi bdag po mu su</font><hr>65.13b<br><font size=+1>

lun d+ha yod pa der legs par nye bar song ba na de gcig pu zhig mthong bar gyur to/ /gang yang lha des rgyun du zhugs par gyur pa de rnams mthong bar 'gyur gyi lha gzhan rgyun du zhugs pa ma yin pa rnams phan tshun du mi mthong ngo / /de ltar rdzu 'phrul gyis bkag pas de ngo mtshar ba dang bcas shing 'jigs pa dang yang bcas par gyur nas mu su lun d+ha la 'di skad smras so/ /lha ji ltar gang dag gzhal yas khang du zhugs pa'i lha de dag rnams thams cad 'khor dang bcas pa ma mthong ba de dag rnams gar song / de nas mu su lun d+has de la 'di skad ces smras te lha gang dag bag med pas bag med par rgyu ba de dag rnams thams cad las kyi bya bas shi 'phos nas ji ltar las kyis nye bar 'gro ba kun du 'byung ste/ dmyal ba dang yi dgas dang dud 'gro dang mi'i 'gro ba rnams su skyes so/ /gzhan yang gang dag bag med par gyur pa rnams bag med pas gnas pa rnams kyang rung ste/ de dag rnams ni phyir zhing bag med pas nye bar bcom pa dang yul rnams kyi sred pas kyang nye bar brlag par 'gyur ro/ /gang dag 'dod pa'i yon tan lnga la rab tu zhen par gyur pa rnams ni kun du rtog pa'i rtsed mo can gyi yul gyi mi rnams rang gi sems kyi srub shing las kun du byung ba las kyi rlung gis btab nas sred pa'i rtse mo lnga 'bar bas 'thab bral gyi srid pa rnams su bsags nas phyi nas ni rnam pa sna tshogs pa'i zer zug gis dmyal ba rnams su sreg par byed de bzang po ma yin pa'i sems kyis yongs su bslus pa shin du rnam par nyams pa rnams lus zhig nas der skye'o/ /des na de ltar bag med pa'i skyon rnams ni skyon thams cad kyi steng na bla lhag pa yin no/ /bag med pa'i skyon gyis rnam par nyams pa'i rgyu gang gis dge ba'i chos thams cad mi mthong ba'i lha gang dag rnams kyis sems bzang pos bdag nyid kyis bdag nyid 'dul bar mi byed pa de dag rnams ni rang gi</font><hr>65.14a<br><font size=+1>

sems kyis bslus nas phyi nas de ni gdung bar 'gyur ba kho na yin no/ /de nas 'thab bral gyi mnga' bdag mu su lun d+ha de'i spyan sngar der gtam de dag rnams rnyed nas lha de dag phan tshun du skyo ba dang bcas pa dang 'jigs pa dang ldan pas 'di skad ces smras te/ lha dbang skad cig kho na la ji ltar lha de dag dang bral zhing thams cad 'chi 'phos te lha de dag rnams thams cad la 'dir ci zhig byung nas med par gyur na rgyun gyi gnas na rnam par rgyu ba'i lha rnams kyi sa 'di dag thams cad kun du stong par 'gyur/ sdug bsngal rnams las 'chi 'pho ba zhes bya ba'i sdug bsngal rnams ni chen po yin pas thabs ma yin par mi 'gyur ba gang yin pa dang / bdag cag rnams sdug bsngal gyi skal ba can du mi 'gyur ba dang / sdug bsngal ba rnams dang bral ba las byung ba'i sdug bsngal gyis kyang bdag cag rnams la gnod par mi 'gyur ba dang / dmyal ba rnams dang / yi dgas rnams dang / dud 'gro rnams su yang bdag cag rnams skye bar mi 'gyur ba de skal ba chen po dang ldan pas nye bar bstan du gsol/ de nas de'i tshe lha rnams kyi bdag pos ji lta ba bzhin du tshigs su bcad pas brjod pa/ skyog po'i lam la spyod pa yi/ /mis ni bzang po mthong ba min/ /chu ni bsrubs par gyur na yang / /me ni nam yang srid pa min/ /rgyu med de la 'bras bu ni/ /nam yang cung zad 'byung ba min/ /bag med yon tan gyis 'ga' zhig /mthar thug legs par 'jug pa min/ /lha gang skye ba bag med pas/ /nye bar 'joms par 'jug byed pa/ /de ni legs byas zad nas ni/ /rmongs pa log par ltung bar skye/ /dga' bar gyur pa'i 'dod pa la/ /gang zhig de lta'i blo skye ba/ /phyis de sdug bsngal dang phrad nas/ /rmongs pa sems ni gdung bar byed/ /'dod pa'i me yis bsregs pa dang / /yul rnams kyis ni rmongs pas kyang / /</font><hr>65.14b<br><font size=+1>

gang zhig bde rnams bla med pa/ /mthar thug bde bar 'gyur ba min/ /'jig rten 'dod pas bde gang dang / /gang yang sred byung bde bas ni/ /nang gi bdag nyid 'di gcig gi/ /bcu drug char yang mi chog ste/ /chu chen shin du sbyangs las skye/ /dkar zhing 'khor ba las thar byed/ /sred zad bde ba mthong ba po/ /dpag med bde ba sgrub byed yin/ /bde ba dogs pa med pa yi/ /skyon med nges par sbyar ldan pa/ /bde gang bsam gtan las skyes yin/ /gang yang sred pas mi 'ching zhing / /rtog pa yis kyang mi 'tshe bar/ /de yi ming gis smos ci dgos/ /de thob srid pa'i pha rol du/ /rtag tu bde bar 'gyur ba yin/ /gang gi snying la 'dod gnas pas/ /de srid bde bar 'gyur min te/ /de ni sdug bsngal kun skal 'os/ /dmyal bar nye bar rgyug pa yin/ /las kyi zhags pas de drangs nas/ /lhan cig sbyor bar byed pa yi/ /sdug bsngal de las rnam grol du/ /skye bo 'gas kyang nus ma yin/ /'khor bar 'gro dang 'ong ba rnams/ /mthong ba las kyi rgyu las byung / /'gro dang 'ong ba rtag tu yang / /las skyes rgyu les byung ba yin/ /'dod pa la ni chags byed pa'i/ /byis pas 'chi 'pho legs rtogs min/ /skye ba las kun 'byung ba yi/ /'chi 'pho'i mthar de dam pas gzigs/ /bde ba rjes su bsten pa yis/ /byis pa rnams ni ngoms pa med/ /byis pa rtag tu ngoms med pas/ /rtag tu rang nyid 'joms su 'gro/ /thog ma bar dang mthar dge min/ /'jig rten 'di dang phyi mar min/ /skyon rnams sten pa ma rig las/ /kun nas rab tu 'jug par mthong / /gang tshe las zad mi mthong bas/ /'jig rten 'di nas 'og ltung ba/ /rmongs pa'i bdag nyid bag med pas/ /yul rnams sten pas de tshe rig /tshe 'di shin du myur 'gro ba/ /byis pa</font><hr>65.15a<br><font size=+1>

rnams kyis rtogs pa min/ /phyi nas sdug bsngal byung ba yis/ /so sor rig 'gyur sdug bsngal bas/ /gal te sdug bsngal la khyod 'jigs/ /gal te 'chi bdag la 'jigs na 'ang / /blo ldan rtag tu dam chos kyis/ /de bzhin bde ba 'ang 'thob par 'gyur/ /de ltar mu su lun d+ha'i kha nas brjod pa rnams lha de dag rnams kyis thos nas bag med pas gnas par gyur pa'i dus de dag kyang 'das pa dang / gzhan yang mu su lun d+ha la de dag rnams kyis 'di skad ces slar brjod de lha'i dbang po ji ltar rnam pa thams cad du yang ma yin par lha rnams thams cad nyid mthong bar ma gyur lags na de dag rnams skad cig gcig la thams cad kyang 'chi 'phos sam shi bar gyur tam gzhan dag tu song bar gyur pa de ci nas kyang bdag cag rnams la lha'i dbang po bshad tu gsol/ de nas gzhan yang lha de dag rnams la mu su lun d+has phyir la smras pa/ ji lta ba bzhin du 'dir las kyi dbang gis 'ong ba de lta ba bzhin du cis kyang slar 'gro bar bya dgos so/ /las zad pa na nges par myong bar bya ba'i don yin pas na srog chags su gtogs pa'i thams cad kyis phan tshun du 'dus pa dang 'bral ba las byung ba'i sdug bsngal ni nges par myong bar 'gyur ba rga ba dang nad rnams dang / 'chi ba dang gsum po de dag rnams re re zhing yang phun sum tshogs par 'gyur ba rnams 'byung bar 'gyur te gson pa rnams kyi srog dang nad med pa dang lang tsho la bab pa rnams la'o/ /de la gang dag skyes bu 'am lha rnams kyang rung ste bag med par ma gyur pa dang / bag med pas gnas pa ma yin pa dang / gang dag dang po nas bag med pa de dag gis gnas pa ma yin pa dang / gang dag dang po nyid nas 'jigs pa de dag rnams so sor rig par bya'o/ /ji ltar de dag rnams kyis gson pa dang nad med pa dang lang tsho rnams 'joms par</font><hr>65.15b<br><font size=+1>

byed pa nges pa kho nar 'byung bar 'gyur ro/ /ma 'ongs pa nam 'chi bdag gi dus de byung bar gyur pa na bzlog pa'i thabs ni rnam pa gsum yin pa las 'di lta ste/ sbyin pas dang tshul khrims kyis dang shes rab kyis dang ste/ bzlog pa'i thabs ni gsum po de dag rnams yin no/ /'jigs pa chen po rnam pa gsum po de dag rnams ni rnam par rtog pa du ma'i rnam par rtog pa'i rang bzhin rnams rtag par rgyun du phyi bzhin rjes su 'brang ba rnams gang dag gis mi spong ba de dag rnams phyis 'chi ba'i dus su phyin pa na yongs su dag pa'i dbang po thams cad bzhin dang mig ra ra por gyur pas rang gi skye bo dang gnyen dang 'khor dang sde tshan thams cad yongs su spangs nas 'chi 'pho bar 'gyur ba na sdug pa rnam pa du ma dang 'bral ba'i mes sreg par gyur pas mchog tu sdug bsngal bar 'chi bdag gis nges par 'khrid par byed do/ /gang gi tshe 'dod pa'i yon tan lnga kun du 'byung ba'i rnam par rtog pa du ma de dang de dag rnams kyis rab tu gar byed pa dang rgod pa dang 'gying bag dang kun du spyod pa dang nags tshal dang / skyed mos tshal rnams kyi longs spyod bag med pa dug gi grogs po'i bde ba rnams kyis de dag gis tshe dgra bzhin du 'bigs par byed do/ /gang dag gi 'bras bu des phyis 'gyod pa'i mes gdung bar byed de ci zhig bdag gis bsgrubs par gyur na gang yang shes rab dang sbyin pa dka' thub kyi tshul khrims rnams kyis ni rjes su ma bsgrubs shing bag med pas bdag bag med par gnas par gyur pas mchog rnams ni rjes su ma bsgrubs so/ /rang gi skye bo dang gnyen bshes kyi tshogs rnams kyis nga cig pu zhig spangs shing mchog tu dga' bar gyur pa bdag cag gi lha'i 'jig rten gyi dga' bar gyur pa'i yul du ma de dag rnams dang bdag 'bral bar 'gyur ba zhes de de ltar rjes su gdung bar byed do/ /phyi</font><hr>65.16a<br><font size=+1>

nas ji srid du stobs dang ldan pa'i 'chi bdag rgyal po gzhan 'dis lha rnams thams cad rab tu ma bcom zhing dus de ma yin pa de srid tu nad rnams dang rgud pa du ma rnams nges par rtogs par byas la ci nas kyang bag med pas gzhom par bya ste/ de ltar bag med pa spangs pa rnams ni bde legs kyi mchog tu 'gyur ro/ /phyi nas 'chi bdag gi dus na gdung ba'i mes sreg par yang mi 'gyur te rgud pa thams cad 'byung ba'i dus su lam 'di dag ni mchog tu mdzes pa'o/ /'di lta ste/ sbyin pa dang tshul khrims dang shes rab kyang gzhan du bsten cing bsgoms la lan mang du byas pa rnams ni dus de'i tshe na skyabs su 'gyur ro/ /ji srid tu 'di slu bar mi byed pa yin pa dang bsran mi nus pa dang thabs med par gyur pa ni skye bo thams cad kyi srog 'phrog pa'i 'chi ba yin la/ ci'i phyir na de bzlog pa la lha dag brtson par mi byed pa yin/ gang dag phan pa ma yin pa byed pas bzang ba g.yang sa dang dug chen po dang me dang mtshungs pa yang gang bag med pa rnams yin no/ /de nas lha gzhan yang lha gang dag bag med pa'i dbang gis 'gro ba'i lha de dag rnams ni bag med pa'i dgra des shin du legs pa'i bud med la lta ba la ched cher byed pas nags tshal dang nags mdab dang / mtshe'u rnams la rtse ba la ches dga' ba ri'i rtse mo la rnam par rgyu bar byed pa rnams ni dngos po thams cad mi rtag pa la rtag pa'i blo skyed par byed de/ ji ltar rtag par bdag cag lha'i bu mo 'di dag rnams dang lhan cig tu dga' bar bdag gis bya'o/ /rtag tu yang lang tsho 'di dag 'byung bar 'gyur zhing bdag cag rnams la nam yang 'bral ba 'byung bar mi 'gyur ro/ /de de ltar yul rnams kyi bde ba la shin du 'chums pa la rtag par rab tu 'joms par byed pa rnams kyi mchog thogs pa med pa'i 'gros dang ldan pa bzlog tu med pa'i</font><hr>65.16b<br><font size=+1>

'chi bdag lhan cig tu 'byung bar 'gyur ba la de'i tshe lha'i bu mo rnams kyis yongs su skyob par 'gyur ba ma yin no/ /gang yang 'di dag rnams blos yongs su ma brtags par rtag tu mnyam par bgrod par byed la/ de'i tshe gang rjes su spyad par 'gyur ba de dag thams cad ni gsog dang gsob dang snying po med pa yin no/ /de bag med pas rnam par bcos nas dmyal ba dang yi dgas dang dud 'gro rnams su skye ba'o/ /gzhan yang gti mug gis bcom pa'i lha rnams thog ma med pa nas 'jug pa'i 'chi 'pho ba dang skye ba'i sdug bsngal gyis lan cig ma yin par rab tu bcom yang blo gros med pas 'dod chags dang bral bar yang mi 'gyur ro/ /de nas lha'i bdag po mu su lun d+has de skad ces lha rnams la chos kyi don dang yang dag par ldan pa'i tshig brjod pas de la gang dag rang gi blo skyon med pas de dag rnams tshig gi bdud rtsi'i ro de la dmigs pas kyang chags pa dang bral ba'i blo skyes par 'gyur nas de dag gis lha'i rgyal po de la 'di skad ces gsol pa ni ji ltar/ phan pa gang yang de bzhin yang / /gang yang rnam gsum dang ldan pa/ /de kho na yi tshig gang ni/ /phan pa mdzad pa'i lha yis gsungs/ /gang zhig zhi bdag 'dzin byed pa/ /bde ba dam pa rab tu 'thob/ /bde ba las kyang ches bde ba/ /nges pas rtag tu 'grub par 'gyur/ /gang dag de las bzlog pa yang / /bag med pa yis nyer bcom lha/ /rmongs pa yi ni bdag nyid de/ /dmyal bar skye bar 'gyur ba yin/ /de ltar lha des lha gzhan la brjod nas gzhan yang lha de kun du skyo ba'i yid kyis lha'i rgyal po de la 'di skad ces smras pa/ ji ltar lha dbang rnam pa thams cad tu bdag cag the tsom du gyur te khang bur zhugs pa'i lha de rnams ci zhig nongs/ de ltar kun nas skyo ba'i yid mngon par mthong ba dang / bag yod par gnas pa yang yid</font><hr>65.17a<br><font size=+1>

kyis kun du mthong nas de bzhin du rtogs pas de'i dbang du byas pa spangs te slar yang lha de de dag nyid phan tshun du legs par ston par byed do/ /de nas de dag rnams phan tshun du mngon par mthong nas rjes su 'thun par spyod pa'i tshogs kun dang mchog tu dga' ba dang ldan par gyur to/ /de nas de dag nyid kho na yid rab tu dga' ba rnams la gzhan yang mu su lun d+has brjod pa/ ji ltar lha rnams phan tshun du ma mthong ba ni nga'i rdzu 'phrul gang dag gi stobs kyis bkag par gyur pa yin la/ yang gang gi tshe shugs chen po dang ldan pa rab tu 'jigs pa rab tu 'joms pa'i 'chi bdag rgyal po de 'ong bar gyur nas dmyal ba dang yi dgas dang dud 'gror skyes par gyur pa de'i tshe 'ga' zhig kyang phan tshun du bskal pa bye ba phrag brgya stong du yang mi mthong ngo / /des na de dag rnams rtogs par gyis la bdag nyid bag med par gnas par ma byed/ sems brel dog can du ma byed/ bag yod par gnas par gyis/ yul rnams la yid mchog tu song bar ma byed par de lta bu'i blos rjes su bsgrub par gyis shig /de bzhin du ji lta bar bshad pa dang lha rab tu mang po rnams yid mchog tu skyo ba'i dbang gis rgyun du zhugs pa thob par gyur to/ /de nas mu su lun d+ha de ltar rig nas rab tu dga' ba'i yid kyis bya ba ni byas so zhes yid la bsam pa yongs su rdzogs nas slar yang rtsed mo'i nags gang na yod pa der nye bar legs par 'gro bar byed do/ /gang la rgyun gnas nas rnam par rgyu ba zhes bya ba'i lha mchog tu bag med pas gnas pa rnams te/ mchog tu dge ba'i yid can ni gang dag de na rgyun du zhugs pa rnams gnas so/ /gang yang rnam pa thams cad tu sems yang bar gyur pa bag med pas mchog tu bag med pa la rjes su chags pa bag med pas myos pa rnams</font><hr>65.17b<br><font size=+1>

de bzhin du nags dang / nye ba'i nags dang mtshe'u dang bskyed mos tshal dang nags khrod rnams su lhan cig spyod pa dang bcas pa rnams dga' bar byed do/ /'chi bdag gi 'jigs pa rnams mi 'grang bar de dag rnams de srid tu dga' bar byed cing rtse bar yang byed do/ /pad ma'i tshal nas pad ma'i tshal/ ri'i rtse mo gnas rnams nas gnas rnams su dga' zhing rtse bar yang byed de phan tshun lhan cig tu rgyags pa la don 'thun pas ji srid tu 'dod pa sdug pa yid tu 'ong ba byas shing bsags pa'i dge ba'i las rnams zad par ma gyur pa de srid tu'o/ /des de dag rnams zad pa dang gzhan yang don byas pa ma yin pa'i dmyal ba dang yi dgas dang dud 'gro rnams su skye'o/ /gal te yang las gzhan gyis mi rnams dang skal ba 'thun par mir skye bar gyur na yang de rtag tu skyid cing don chen por 'gyur ro/ /mchog tu gzugs bzang ba mchog tu longs spyod che ba skye bo thams cad dga' zhing snying du sdug pa yid tu 'ong ba rang bzhin gyis chos la dga' ba yid gar dang glu dang 'jo sgeg dang skye bo rnams la dga' bar gyur pas lha khang dang skyed mos tshal dang mtshe'u dang pad ma'i tshal rnams la spyod cing rgyu bar 'gyur ro/ /rgyal por gyur pa 'am de dag dang 'dra ba'i phun sum tshogs pa dang ldan pa dang 'tshe ba med pa dang thams cad du grogs po dang gnyen bshes dang rang gi skye bo rnams byams par yang 'gyur ro/ /rtag tu bden par smra ba dang rtag tu sems kyi rgyud drang ba dang rtag par yang dga' ba'i skyes bu de rnams dang lhan cig tu dga' bar 'gyur zhing sems drang pos spyod pa thams cad ma nyams par 'gyur ro/ /yon tan thams cad phun sum tshogs pa de ltar de skal ba 'thun pa rnams su 'gro ba ni de'i rgyu 'thun pa'i las kyis yin no/ /gzhan yang dge slong las kyi 'bras bu rnam par smin pa shes pa de rnams 'thab bral kyi</font><hr>65.18a<br><font size=+1>

sa rnams la kun du lta bar byed de ji ltar yod pa des thos pa las byung ba'i shas rab kyis mthong ba 'thab bral ba rnams kyis brtsegs pa rgyu ba zhes bya ba de las gang gis sems can skye bar 'gyur ba yang thos pa las byung ba'i shes rab kyis de mthong ste/ ji ltar skyes bu dam pa gang dag rtag tu yang las kyi 'bras bus 'jigs par gyur pa drang por gyur pa drang po'i rang bzhin can/ yang dag pa'i lta bas yang dag pa'i las byed pa sdig pa'i grogs po yongs su spong bas rtag tu yang sangs rgyas dang chos dang dge 'dun rnams rjes su dran pa/ kha na ma tho ba cung zad tsam la yang 'jigs par lta bas srog gcod pa dang ma byin par len pa rnam par spangs par gyur pa rnams kyis 'dod pa la log par g.yem pa yang spangs pa yin te/ de bzhin du yang ji ltar 'gro bar gyur pa na bud med rnams kyi gar dang glu 'am rgyan nam sgra rnams thos nas myang bar byed cing tshul bzhin ma yin pa'i yid la byed pas de la blo rjes su song nas yang dag pa'i sems ma yin pa'i skyon de dag rnams des de bzhin du rtogs nas rnam pa thams cad du kun du rtog par mi byed do/ /de de bzhin du 'dod pa la log par g.yem pa yongs su spong ba la zhugs pa rnams ni lus zhig nas mtho ris bde 'gro'i 'jig rten las brtsegs pa rgyu ba'i lha rnams kyi nang du skye'o/ /der skyes pa na yang 'di'i legs par byas pa'i las la spyad pas bde ba rgya chen po myong ba'i skal ba can rang gi 'od dang ldan pa yul lnga'i 'dod pa'i bde ba la rnam par chags pa'i klung na brtsegs pa zhes bya ba'i ri ni rin po che sna bdun gyi rang bzhin gyi ljon shing rnams kyi gnas la mchog tu dga' bas gang ba ni/ bya'i tshogs rtse zhing legs par rgyu ba'i rkang pa bsten par 'os pa/ spyod pa dang cha byad dang dbyibs du ma dang ldan pa/ brgya stong gis kun du gang ba</font><hr>65.18b<br><font size=+1>

mchog tu blta bar dga' ba/ rnam pa du mar kha dog du ma spyod yul du ma dbyibs du ma'i ri dgas rnams kyis yongs su gang ba'i ri de mchog tu dga' ba'i 'bab chu dang chu klung dang mtshe'u dang tshang tshing dang 'khris shing gi khang bu dang 'bras bu dang / me tog gi shing gis kun du gang zhing dpag bsam gyi shing gis nye bar mdzes par gyur pa nye 'khor du dpag tshad sum brgya pa/ lha dang lha mo'i tshogs rnams kyis nye 'khor kun du gang ba nye 'khor na mchog tu yid 'phrog pa'i lha mchog gi tshogs rnams gnas pa'i ri de la kun du rtogs pa na nags dang nye ba'i nags rnams ni cha shas rnam par phye zhing rnam par bkra ba'o/ /ri de'i nye 'khor na rin po che sna bdun gyi gzhi rab tu rnam par phye ba ngos gcig ni in dra nI la'i rang bzhin te nye 'khor de las byung ba'i 'od rnams ni dpag tshad stong phrag drug bcur nges par 'phro'o/ /ji ltar 'od 'byin pas nam mkha' thams cad sngon por mngon par 'gyur ro/ /lha gang dag rgyan dang cha byad rnam pa sna tshogs pa/ rnam pa sna tshogs pa'i rin po che la sogs pa'i cha shas rnam par bkra ba'i lus dang ldan pa yin te/ de dag rnams nam mkha' las klung na brtsegs pa'i ri'i ngos la 'gro bar byed de/ de'i tshe de dag rnams thams cad zil gyis mnan pa'i phyir na rnam pa sna tshogs par mi 'gyur ro/ /lha de dag rnams thams cad kha dog gcig pa mchog tu sngo ba'i mdog tu 'gyur ro/ /ri de'i ngos gcig de lta bur 'gyur ro/ /gzhan yang klung na brtsegs pa'i ri de'i ngos gzhan gnyis pa ni 'di lta ste shel kyi rang bzhin no/ /de dag rnams thams cad la yang rnam pa sna tshogs pa'i rgyan dang ldan pa'i lha rnams yod de cha shas rnam par bkra ba rnams gang gi tshe ri de'i logs la 'brel bar 'gyur ro/ /de'i tshe thams cad kyang</font><hr>65.19a<br><font size=+1>

shel gyi kha dog tu 'gyur te de dag 'thun pa'i gzugs rnams dang de dang mnyam pa'i cha shas rnams su 'gyur ro/ /yang klung na brtsegs pa'i ri de'i logs gzhan gsum pa ni dngul gyi rang bzhin yin te de'i 'od rnams ni dpag tshad lnga brgyar nges par 'phro ba'o/ /mchog tu dkar ba dang mchog tu 'bar ba dang ldan pa blta bar mchog tu sdug pa'i logs de la yang lha gang dag nye bar 'gro ba rnams de kho na bzhin du rnam par bkra ba'i rgyan dang cha byad du gyur pa las kha dog gcig tu 'bar te mchog tu dkar ba dang mdog mchog tu 'od gsal ba'i ri de dang kha dog mtshungs par 'gyur ro/ /yang ri de'i logs gzhan bzhi pa ni 'dzam bu'i chu bo'i gser gyi rang bzhin nye 'khor na nyi ma ltar snang ba shin du yang gzi brjid dang ldan par de'i 'od dpag tshad stong du 'phro ba ni gcig tu 'bar zhing 'khrigs pa bzhin du ste des nam mkha' rnam par gsal bar byed do/ /lha gang yang de'i ngos kyi nam mkha' la kun nas gnas nas 'gro bar byed pa de dag thams cad de'i 'od kyis gser btso ma'i rang bzhin gyi mdog can du 'gyur ro/ /gzhan yang klung na brtsegs pa'i ri de'i ngos lnga pa pad ma rA ga'i 'od dang mtshungs par snang ba ste/ logs de'i nye 'khor rnams ni mchog tu dmar ba rnam par snang bar byed pas de'i 'od zer rnams ni dpag tshad stong du nges par 'phro ba'o/ /ngos de la yang lha gang dag 'gro bar byed pa de dag thams cad rnam pa sna tshogs pa'i gzugs su yang gyur nas kha dog shin du dmar por snang bar 'gyur ro/ /gang yang rin po che dmar po gang dag lus la legs par brtags par gyur pa de dag rnams ni brgya 'gyur gyis kyang ches lhag pa'i rin po che rnams su 'gyur te/ ri de'i logs kyi 'od kyi khyad par gyis yin no/ /gzhan yang ri de'i ngos drug pa ni rdo rje dang mtshungs pa'i kha dog rnams te de'i 'od rnams</font><hr>65.19b<br><font size=+1>

kyang dpag tshad stong du khyab par 'gro ba'o/ /nye 'khor kun nas kyang 'ja' tshon lta bu'i 'od bye ba phrag 'phro bar 'gyur ro/ /ngos de la lha gang zhig 'gro bar byed pa de dag kyang de bzhin du 'ja' tshon dang mtshungs pa'i kha dog du 'gyur te klung na brtsegs pa'i ri de'i gzi brjid kyis yin no/ /gzhan yang ri de'i ngos bdun pa ni rin po che bdun gyi rang bzhin yin te/ sna bdun nyid kho na'i rin po ches rnam par bkra ba'i ngos der lha gang dag 'gro bar byed pa de dag thams cad rnam pa sna tshogs pa rnams kyis lus brgyan par 'gyur ro/ /gos rnams kyang rnam pa sna tshogs par 'gyur ro/ /ngos de'i 'od rnams kyang dpag tshad stong du yin te/ de ltar na klung na brtsegs pa'i ri de'i nye 'khor na dpal gyis rnam par gsal ba yin no/ /de bzhin du ri rnams kyi rgyal po steng gi ri rab lhun po yang de ltar yin la ri rnams kyi rgyal po ri rab lhun po des kyang ri klung na brtsegs pa'i 'od zer rnams sam dga' bar 'gyur ba 'am/ rin po che'i 'od rnams sam/ dga' bar gyur pa rin po che'i 'od rnams kyang rung ste/ brgya'i char yang mi phod la stong gi char yang mi phod do/ /ri de ni de srid du dga' ba yin no/ /de ci'i phyir zhe na/ dge ba'i las kyi stobs kyi ste 'thab bral ba rnams legs par byas pa ches lhag pa dang yongs su dag pa'i las can yin pa'i phyir te rgyu 'dis na thams cad las nye 'khor kun du ches dga' ba yin no/ /gzhan yang ri de'i nye 'khor na mchog tu rnam par dag pa'i gzi brjid mchog dang ldan pa thams cad dang bcas pas mu tig mchog gi dra bas yongs su g.yogs pa'i ri de ni legs par byas pa'i las las kun du byung bas mu tig gi phreng ba'i tshogs bres pas de bzhin du rnam par mdzes pa ni ji ltar yid smon gyis kun nas bsams pa'i grong khyer chen po mu tig gi phreng bres pas de bzhin du</font><hr>65.20a<br><font size=+1>

sgra 'byin to/ /dra ba de rgya chen por gyur pa'i logs la yang rnam pa sna tshogs pa'i bya'i tshogs brgya stong gnas la logs de la gnas pa'i bya rnams kyis kyang lha gang dag bag med par gyur pa dang / bag med par spyod pa'i lha de rnams la bya des 'bod par byed de/ bya de rnams kyang brjod pa rnam pa sna tshogs pa zhes bya ba'i tshigs su bcad pa lha de dag rnams la rjod pa byed pa ji ltar/ rnam pa sna tshogs las dbang gis/ 'gro ba'i skye ba 'di lhas thob/ /de thob gang zhig chos mi shes/ /phyis nas de ni gdung bar 'gyur/ /tshal dang skyed tshal dga' ba 'dir/ /khri shing stegs bu dkyil 'khor du/ /gang 'di 'jig rten rnam bkra ba/ /de kun dge ba las skyes 'bras/ /gang dang gang gis ji ltar yang / /mdzes par 'gyur ba'i las byas pa/ /de dang de yis de bzhin du/ /'bras rnams de rjes 'jug par mthong / /lha rnams la ni so sor yang / /dman par mchog gi bde ba mthong / /gang dang gang gis byas ci ltar/ /de dang de 'bras de bzhin no/ /gti mug dbang gis 'gro ba'i lha/ /rmongs pa'i sna tshogs cha byad can/ /yid ni shin du 'khrul pa yi/ /rmongs pas 'jig chen ma mthong ngo / /rnam rmongs bag med pa yis gang / /rang la phan pa byed ma yin/ /'dod dga' rnam pa sna tshogs pa'i/ /rnam pa sna tshogs 'bras 'dod pa/ /las rnams kyang ni mi byed pa'i/ lha de'i sems ni rmongs pa yin/ /'bras bu gang dag yid 'ong ba'i/ /sna tshogs nges par 'byung 'gyur gang / /de yis mar me spangs nas ni/ /'od la mchog tu lta bar byed/ /gang yang 'bras bu dang 'dra bar/ /'dod pa'i lha ni dam pa'i mchog /gang yang rgyu 'bras de nyid shes/ /bde ba yi ni skal ldan yin/ /sa bon med pa'i 'bras bu min/ /mar me med par gang la 'od/ /</font><hr>65.20b<br><font size=+1>

tshul khrims med la mtho ris med/ /shes rab med la grol lam ci/ /gal te grol na de bde yin/ /'dod pa spangs pa skyob pa yin/ /'dod pa'i sred las rnam grol dang / /nga yi med la 'ang blo ldan yin/ /gal te las skyes bde 'di rnams/ /de kun rnyog dang bcas pa yin/ /mthar thug pa ni gang yin pa/ /de kun dri ma med par dran/ /mi rnams bskal pa brgyar yang ni/ /yul gyis ngoms pa yod ma yin/ /bde ba gang yin de rnams la/ /yul rnams sten la ngoms yod min/ /bsten par gyur na rtag par 'dod/ /phyir zhing phyir zhing 'phel bar 'gyur/ /de 'phel ba ni dug dang mtshungs/ log par lta bar gyur pa yin/ /rgud pa la mkhas 'jigs rung ba/ /rtag par ltung ba'i rgyu du ma/ /de dag yongs su ma spangs na 'ang / /mig bral phal cher ltung ba yin/ /skyon dang yon tan yongs shes pa/ /de dag mkhas pa'i mtshan nyid yin/ /skyon yon yongs su mi shes pa/ /de dag rmongs pa'i byed pa yin/ /yon tan la ni yon tan blo/ /skyon rnams la yang de bzhin no/ /skyon yon de nyid shes pa de/ /rtag tu bde ba'i skal ldan yin/ /de la de dag yul rnams kyi/ /skyon yon shes par de 'dir 'dod/ /shes rab yongs su spangs nas ni/ /yul rnams lha yis ji ltar sten/ /de dag bya de dag rnams mu tig gi dra ba'i gseb du song nas phan pa'i don du rjod par byed de lha de dag rnams nyid la phan pa'i don du'o/ /gzhan yang ri de nyid kyi nye 'khor gyi steng na 'od kyi phreng ba rnam par bkra ba'i chun po sbrel bar gyur pa rnams ni du mar mdzes pa dang / nye 'khor na 'bar ba de bzhin du steng du yang gsal bar byed de ji ltar 'dzam bu'i gling pas kha dog gsum pa rnams dbang po'i gzhu zhes mngon par brjod pa yin la de'i logs rnams la yang</font><hr>65.21a<br><font size=+1>

gal te lha rnams lta bar byed na rin po che rnam pa sna tshogs pa'i 'od kyi gzi brjid kyis de la yang rab tu dga' bar 'gyur ro/ /de nas logs de dag las lha gang dag gis ri de'i logs re re zhing bltas pa na rin po che du ma 'od 'byin pa shin du dga' ba ngo mtshar shin du che ba rnams mthong ngo / /logs re rer lha de dag rnams logs re rer zhing yang dga' bar byed de rnam pa du mar las sna tshogs pa byas pa'i bde ba chen po nyams su myong bar byed do/ /ri de na ri rab lhun po bzhin du gzhan yang nags 'di dag rnams yod de 'di lta ste/ mdzes pa'i rgyan zhes bya ba'i nags tshal dang / rtsed mo dga' ba zhes bya ba'i nags tshal dang / nyin mor byed pas dga' ba zhes bya ba'i nags tshal dang / bdud rtsis mdzes pa zhes bya ba'i nags tshal dang / nags bzhi po de rnams dang nye ba'i nags dang / 'bab chu dang mtshe'u dang / pad ma'i tshal dang chu klung dang tshang tshing dang / khrad khrod rnams na bya rnam par sgra 'don pa dang rnam par bkra ba'i me tog legs par bkram pa ljon shing la bya'i tshogs rnam par sgrogs pa dang / khang bzangs dang khyogs kyi khang bu'i phreng ba rnams dang kun ldan pa yin no/ /ri de dang nags de dag rnams su rgyun gnas na rgyu ba'i lha de dag rnams ci nas 'khor dang bcas pa rnams rtag par lha rdzas kyi 'dod pa'i yon tan lnga dpe med pa rnams la dga' zhing mgu bar kun tu spyod de/ nags bzhi po de dag gi nye 'khor rnams ni mchog tu dga' bar gyur pa'o/ /de la nags gcig ni 'dzam bu'i chu bo'i gser gyi rang bzhin te nags de'i 'dab ma rnams ni bai dUr+ya'i rang bzhin la me tog rnams kyang pad ma rA ga'i mdog dang 'dra ba'o/ /yang nags gzhan 'di ni dngul gyi rang bzhin yin la de'i 'dab ma rnams ni gser bzang po'i mdog can yin zhing me tog kyang rnam pa du mar mchog du dri zhim par gyur pa dag dpag tshad</font><hr>65.21b<br><font size=+1>

brgyar dri rnams 'gro bar 'gyur te dri rnams gang dag bsnams par gyur pa'i lha de dag rnams de shin du che ba'i mchog tu rab tu dga' ba lhag par 'gyur ro/ /nags gsum pa ni bai dUr+ya'i rang bzhin no/ /de'i lo ma rnams ni dngul gyi rang bzhin yin la me tog kyang dri du ma dang ldan pa rnam pa sna tshogs pa'i kha dog go/ /nags bzhi pa na rnam pa du mar 'bab chu dang chu klung dang rdzing bu dang bya rnam par sgra 'byin pa stong phrag brgya'i yon tan phun sum tshogs pa'i nags de rnams na yang sna tshogs pa'i bya rnam par bkra ba rnams kun nas sgra sgrogs pa ni ji ltar sum bcu rtsa gsum pa rnams kyi dbus kyi brgya byin bzhin te de ltar yang shin du 'thab bral zhes bya ba ches lhag pa'i mdog dang stobs dang gzi brjid kyi yon tan phun sum tshogs pa dge ba'i las kyi mtha' du ma la spyad pa'i phyir mchog tu gzi brjid che ba dang ldan pa ri de nyid lha brgya stong du mas yongs su bskor nas/ yul mang po'i yon tan phun sum tshogs pa rnams la rnam pa du mar dga' bar byed de/ lha shin du 'thab bral ni mchog tu rdzu 'phrul che ba dang mthu stobs mchog dang ldan pa yin no/ /de rang gi las kyi sprul pa'i 'dod pa'i yon tan lnga phun sum tshogs pa dga' bar gyur pa'i yul lnga po de rnams kyi dbang po drug gi bde ba la de nye bar longs spyod do/ /shin du 'thab bral kyi lha rnams ni ches che ba yin te de'i legs par byas pa 'i las rnams kyis ri de rnam pa de srid du dga' bar 'gyur ba yin no/ /dga' bar 'gyur ba de dag rnams mngon par mthong nas kyang dus thams cad du rab tu dga' ba zhes bya ba'i bya'i tshogs rnams kyis de dag dang lhan cig skyes pa'i dbyangs las kyis byas pa'i mngon par dga' bar 'gyur ba'i tshigs su bcad pa dang ldan pas tshigs su bcad pa rnams brjod pa ni ji ltar/ sems ldan mi yi shes rab kyis/ /yid la</font><hr>65.22a<br><font size=+1>

smon dgu brgya yis kyang / /bde de bya bar mi nus te/ /ji ltar las byung bdag nyid che/ /shin du che dang mchog tu che/ /dga' ba las kyang mchog dga' de/ /rnyed pa skyes bu byed 'bras te/ /de ni tshul khrims mdzes pa yin/ /chu bo 'gyur ldog 'gro ba yi/ /yul gyi sgo yi 'gyur ldog las/ /gang dag 'di las sems 'dul ba'i/ /lha de bde ba'i skal ldan yin/ /bsod nams bdag nyid kyis byas pa/ /bdag nyid la ni sgrub par byed/ /bde ba 'am gal te sdug bsngal gang / /bdag nyid kho nas nyer longs spyod/ /skyes bu rtag tu sdig byed pa/ /bkra bzhin du yang bdag nyid gnas/ /dge ba byed pa de bzhin du/ /bdag la 'grogs bzhin rab tu sgrub/ /chu bo yi ni rgyun bzhin du/ /skye bas skyes bu la rab 'jug /gang yid tshul khrims la dga' ba/ /bsod nams gzi brjid dri med ldan/ /phun tshogs phal chen la gnas nas/ /don min pa ni rab sgrub pa/ /gang zhig sdig la dga' ba'i blos/ /rtag tu yul la ched cher 'dzin/ /yul na dga' ba'i 'gyur ldog gis/ /rtag tu chags pa'i rjes su 'brang / /gang blo chos la mi gnas pa/ /mi de sdug bsngal skal ldan yin/ /gang phyir bde chos nye 'khor las/ /sdug bsngal bdud kyi chos 'di yin/ /skye ba de nyid shes pa yis/ /bde sdug mtshan nyid der shes bya/ /gang yang bde ba de 'dod pas/ /dam chos rjes su spyad par gyis/ /sdug bsngal gang zhig mngon zhen 'dis/ /chos de byed las yin par 'dod/ /sdug bsngal rnam pa sna tshogs dang / /rgyu med bde ba mthong ba min/ /bde sdug tha dad gyur te ltar/ /rtsol bas rang phan chos la spyod/ /gang gi rnam rtog du ma dang / /gang yang rnam pa du ma yi/ /skye ba rab tu thob pa 'di/ /de kun las las skyes</font><hr>65.22b<br><font size=+1>

pa'i 'bras/ /gang zhig chos rnams mi 'dod pa/ /skye ba 'bras bus stong pa yin/ /chos kyi mtho ris dag tu 'bab/ /chos spyod pa ni bde dang ldan/ /de ltar de kun 'thob nus pa/ /dam chos dbang byas 'bras bu yin/ /skyes bu ngan pa chos mi 'dzin/ /dmyal bar nye bar 'gro ba yin/ /shi bar gyur pa mchog yin gyi/ /lus la smod pa de ltar min/ /chos spangs pa yi skyes bu ni/ /rtag tu 'khor bar 'khyam par 'gyur/ /chos kyi mig dang mi ldan pa'i/ /ti mug gis kyang non pa'i sems/ /sa sgren la 'bab char ji bzhin/ /bde bar mthong ba 'di don med/ /chos kyi myu gu yid zhing la/ /skye ba min te sems med pas/ /gang gi rang bzhin blun pa'i blo/ /chos min spyod pa la dga'o/ /chos min lam la brten nas ni/ /skye bo sdig dbang rjes su 'gro/ /sems kyis yongs su ded pa ni/ /yun rings 'khor bar 'khyam pa yin/ /sems 'di skad cig skad cig la/ /rnam pa du mar yongs su 'jug /yang mo'i rang bzhin rtsab hral can/ /sgyu ma dri za ltar snang ba/ /sems dang rnam shes legs bsdams pas/ /gang nyid 'ching ba yin par 'dod/ /'ching ba ngan pa shugs chen de/ /rnam pa du mar yongs su rgyug /'dod pa dang bcas yul la yang / /sred pa'i dbang dang ldan des kyang / /lha de rnams ni de bslus so/ /bag med dbang du gyur pa yis/ /gson pa rnam par bcom nas kyang / /log par ltung ba 'ang ma rtogs so/ /rnam par 'joms dang zad pa dang / /bde ba mi rtag g.yo bar ni/ /bde nyid thams cad gyur pa yang / /rmongs pas rig pa ma yin no/ /sred pa rmongs pa bag med gang / /ro bde rnams kyang de bzhin du/ /lha yi tshogs ni rnam rmongs pas/ /srid nas srid par 'khyam pa yin/ /med gyur nas ni yod par 'gyur/ /yod pa nges</font><hr>65.23a<br><font size=+1>

par g.yo ba 'ang yin/ /lha rnams ltung bar gyur pa yi/ /chos de 'di la rnam par gnas/ /zhes bya ba'o/ /de ltar bya de dag gis ri de la rgyu ba rnams la dam pa'i chos dang ldan pa rnam pa du mar rjod par byed do/ /de nas lha gang dag sngon legs par byas pa'i las la spyad par gyur pa de dag rnams ni bya de dag gis rnam par brjod pa nye bar 'dzin to/ /nye bar bzung nas kyang yid la byed do/ /gang dag chos rnams la rjes su ma spyad pa de dag rnams kyis ni tshig gcig kyang mi go'o/ /de'i phyir na rang la phan pa dang gzhan rnams la phan par 'dod pas brtson pa du mas kyang ye shes kyi snang ba la ched cher 'gyur bar bya'i skyabs kyi rnam pa de lta bu sman rnams sam ngan 'gro thams cad las nges par sgrol bar 'gyur ba gzhan ni yod pa ma yin no/ /ye shes kyis ni ji lta ba bzhin du bde ba mchog gi sa bon du 'gyur te bsten pa dang bsams pa dang bsnyen bkur byas de dag gis shes rab de lta yon tan dang ldan pas na nges pa kho nar mya ngan las 'das pa mthar byed par 'gyur ro/ /lha gang dag bag med par rnam par rgyu ba rnams kyis bya de dag rnams kyi rnam par brjod pa nye bar bzungs nas de dag rnams yud tsam zhig bag med pa nye bar zhi bar 'gyur ro/ /gzhan yang lha de dag rnams de nyid kyis nags dang nye ba'i nags dga' ba de na rin po che du mas rnam par gsal ba'i rtse mor lha de dag 'dod pa'i yon tan lnga yang dag par ldan par gyur pas rnam pa du mar dga' zhing kun du yang spyod de ji srid du 'dod pa dang sdug pa dang yid du 'ong ba byas shing bsags pa'i las rnams zad par ma gyur bar du'o/ /des de dag rnams zad nas gzhan yang rnam par 'jug cing rab tu yang ltung ste ji ltar las rnams kyis nye bar 'gro ba dmyal ba dang yi dgas dang dud 'gro rnams su skye'o/ /lhag ma rnams kyis gal te mi rnams dang skal ba mnyam pa mir skyes na</font><hr>65.23b<br><font size=+1>

de rtag tu skyid pa'i mchog tu 'gyur ro/ /skyes pa nas gzung nas gzhan rnams kyis kyang bka' mi sgo ba dang / rang ci 'dod pa bzhin du byed pa dang mchog tu longs spyod dang ldan pa dang shes rab la mchog tu dga' ba dang mchog tu yon tan dang gzugs phun sum tshogs pa dang / skye bo thams cad kyis byams shing snying du sdug la yid du 'ong zhing mthun par 'dzin pa dang skye bo thams cad kyis mchod par byed pa dang dga' zhing 'dod pa'i yul rnams sam tshong 'dus dang grong khyer rnams su skye bar 'gyur ro/ /rang gi skye bo dang grogs dang gnyen 'dun rnams kyis kyang mchod par 'gyur ro/ /rgyal po 'am rgyal po'i blon po rnams su 'am sems drang po'i rang bzhin can chos dang ldan pa chos kyi rjes su 'jug pa'i yang dag pa'i lta ba can du las de'i rgyu 'thun par 'gyur ro// //'phags pa dam pa'i chos dran pa nye bar gzhag pa/ bam po bzhi bcu rtsa bdun pa/ gzhan yang dge slong las kyi 'bras bu rnam par smin pa shes pa de 'thab bral gyi lha rnams kyi sa la rnam par lta bar byed pa na ji ltar yod pa des thos pa las byung ba'i shes rab kyis shes pa ni 'thab bral ba'i lha rnams kyis brtsegs pa rgyu ba zhes bya'o/ /sa der las gang gi sems can rnams skye bar 'gyur ba yang des thos pa las byung ba'i shes rab kyis mthong ba ni ji ltar gang dag gis legs par byas pa'i las kyi mtha' la spyod pa rnams mchog tu tshul khrims dang ldan par gyur nas rtag tu gzhan la gdung bar mi byed par gyur cing 'phags pa bzhed pa'i tshul khrims kyi mchog byas shing bsags par gyur pa/ ma nyams pa/ skyon med pa/ ma smas pa/ brtan pa/ bde 'gro thams cad kyi sgo 'byed par byed cing ngan song gi sgo thams cad gcod pas mchog tu bsil ba'i rnam par smyin pa can pha dang ma lta bur gyur pas shin tu bar yang skyabs 'os su gyur</font><hr>65.24a<br><font size=+1>

pa mchog tu 'jig rten la phan par gyur pa'i yon tan gsum dang ldan pas skye bar 'gyur ro/ /yon tan gsum po rnams gang zhe na/ 'di lta ste/ srog gcod pa dang ma byin par len pa dang 'dod pas log par g.yem pa spong ba'o/ /de la srog gcod pa dang ma byin par len pa ni bshad zin no/ /'dod pas log par g.yem pa rnam pa 'di lta bu rnams kyang spong ste/ dper na yang ji ltar rings pa rings par 'gro bar 'gyur ba na brtsig pa'i phag gam rab tu rgyu ba mthong ba na yang rung ste/ bud med kyi gar ram rgyan rnams kyi sgra thos nas kyang ro myang bar mi byed do/ /kun du rtog par mi byed do/ /de la yid kyis rab tu smon par mi byed do/ /gzhan dag rnams byed pa na yang rjes su yid rang bar mi byed do/ /byed pa rnams kyang rab tu 'gogs par byed de bshags su 'jug go/ /nyes dmigs rnams ston par byed do/ /nyes dmigs rnams kyi zhing ji lta ba 'di ni 'di lta ste/ 'dod pa la log par g.yem pa'o/ /rgyu des ni sems can rnams dmyal bar rjes su rgyug par byed do zhes de ltar gzhan rnams legs par 'gogs par byed cing so sor go bar byed do/ /dge ba'i las rnams kyi mtha' la spyod pa de de ltar byed par 'gyur zhing de lta bu'i tshul khrims la rab tu gnas pas de ltar yang yongs su dag par tshangs par spyad pa spyod pa de dag rnams ni lus zhig nas bde 'gro mtho ris kyi 'jig rten las 'thab bral gyi lha'i sa brtsegs pa rgyu ba zhes bya ba der skye'o/ /der nges par skyes pa 'dis dge ba'i las kyi mtha' la spyad pas bde ba 'di dag rnams 'byung ste/ 'di lta ste/ brtsegs pa rgyu ba'i ri ni nye 'khor du dpag tshad lnga brgya'o/ /bya'i sgra yid du 'ong ba rnam par sgrogs pa dga' bar 'gyur ba brgya phrag gis nye 'khor kun du gang ba gting du song ba dang ldan pa'i nang gi gdangs kyi sgras khyab pas</font><hr>65.24b<br><font size=+1>

glu snyan pa dang 'dra ba nye 'khor na rnam par gsal bar byed do/ /de yang gang gi tshe dang po kho na skye bar gyur pa na de rin po che sna bdun gyi rang bzhin gyi ljon shing dang nye bar skye'o/ /de ji ltar mi rnams gnyid log pa nyid na tho rangs kyi glu dbyangs kyis rab tu sad par byed pa de bzhin du de bya'i sgra thos na yid 'phrog pas rab tu sad par byed do/ /ji ltar ri rnams kyi rtse mo la ston ka'i nyi ma dang po shar bar gyur pa de bzhin du de'i bdag nyid kyi dngos po rnam par gsal ba yin no/ /de ltar cung zad kyang 'dra ba tsam cig dper byas par zad do/ /gang gi tshe de rnam pa thams cad du blo rnyed par 'gyur ba de'i tshe/ de'i legs par byas pa'i las byas pa'i las kyi bya des dran par bya ba'i don du legs par byas pa'i las kho na'i tshigs su bcad pa brjod pa ni ji ltar/ 'khrul 'khor rgyus pas sbrel byas shing / /bshang gci mchil ma'i sa gzhi gang / /bud med las khyod 'di nas ni/ /pha rol 'gro bas mi nus pas/ /slu byed thang gi ri bo ste/ /shin du brtson pa'i khyad par gyis/ /tsab hral shin du sems 'khrul ba'i/ /bud med ngan la khyod ma 'khrul/ /rgyan rnams dang ni de bzhin sgras/ /rnam 'khrul shin du 'khrul par brjod/ /bud med brjod pa'i thabs lag gis/ /skyes bu myur du 'phrog par byed/ /rnam pa sna tshogs me tog la/ /rkang drug ji ltar rgyu byed pa/ /de bzhin de ni mi rnams la/ /bud med rnam pa du mas rgyu/ /ji ltar me tog rtsi 'thungs nas/ /me tog gzhan la 'gro bar 'gyur/ /de bzhin skyes pa 'thungs nas ni/ /bud med myur du 'gro bar 'gyur/ /nor dang sgom la spyad pa dang / khron ma rtag tu bsten dka' ba/ /mi ni bslus nas myur ba yang / /gzhan du yang ni 'gro ba yin/ /g.yo dang sgyu dang ri dang ni/ /kA la ku Ta'i</font><hr>65.25a<br><font size=+1>

dug dang mtshungs/ /bud med skyes pa'i 'joms byed yin/ /don min byed par rnam par gnas/ /ji ltar rlung dang nam mkha' dang / /me rnams mi yis sbrel mi nus/ /de bzhin thabs brgyas bud med rnams/ /mi yis bsrung bar nus pa min/ /don min nad dang 'chi bdag dang / /nyes par byas pa'i las rnams kyi 'ang / /rgyur 'gyur mchog ni bud med yin/ /thar pa'i spyod las 'ching ba yang / /gang yang rnam pa du mar yang / /'jigs pa'i g.yang sa dag tu yang / /mi yi 'jig rten 'khrid byed pa'i/ /de rgyu mchog kyang bud med yin/ /stobs min lang tshos kyang ma yin/ /mkhas pas kyang ni zhi mi nus/ /nyi ma'i 'od zer ji lta bar/ /mo rnams tsab hral lhan cig skyes/ /mar me'i 'od rnams ji ltar 'dir/ /de dag rnams kyi snying mi rtag /de rnams zhe sdang rtag par yang / /rta rnams 'thab mo ji bzhin no/ /nor zad nas ni chags dang bral/ /nor zos nas ni 'joms par byed/ /ci srid nor yod de srid mod/ /nor nyams bud med ga la rnyed/ /sten dang sbyin dang nyer longs spyod/ /rnam pa tha dad thabs kyis kyang / /sems ni 'bar ba dang mtshungs pa'i/ /bud med gzung bar nus min te/ /ji ltar skyes bus rjes 'thun par/ /ji lta ji ltar 'du byed pa/ /de lta de ltar bud med kyis/ /mi de rnams ni rtag tu slu/ /ji ltar mi la me tog brgyan/ /de bzhin gzugs kyis brgyan pa yi/ /bud med rnams kyi sems 'di yin/ /dug gi me tog mthong ji bzhin/ /blta dga' zhi byed ma yin no/ /bud med dug gi me tog mtshungs/ /rab tu brtson pas yongs su spangs/ /mi rnams rtag par 'dod pa dang / /yul rnams la yang ched cher 'dzin/ /'jig rten 'di dang gzhan du yang / /mi ni bde ba'i skal ldan min/ /bde la</font><hr>65.25b<br><font size=+1>

chags dang bag med gang / /le lo dang ni tsab hral g.yo/ /sdig pa sten byed zhim po za/ /mis ni bzang po mthong ba min/ /sbyor ldan brtan po brtson 'grus can/ /chos pa bud med rnam spangs pa/ /mkhas pa rgyu 'bras la dad pa'i/ /mis ni bzang po 'thob pa yin/ /skyon gyi dra ba 'di dag kun/ /bud med sgyu yis sa 'dir spyod/ /thos ldan bud med rnam spangs pa/ /'thab bral mnga' bdag mnga' bdag che/ /de ltar lha des rmi lam gyi nang bzhin du gnyid sad pa na thos so/ /bya de'i sgra rnam par sgrogs pa'i bya de dag ni rnam pa du mar yon tan shin du phun sum tshogs pa gshog pa gnyis phan par 'gyur ba'i las byas pa'i bya ba de dag gis bstan par gyur pa na/ lha gsar du skyes pa des thos par gyur la thos nas kyang lha de dag rnams yid ches pa skye ba'o/ /shes rab de skye ba gzhan du rjes su zhugs pa'i shes pa rnams dran par 'gyur bas gang yang yon tan gsum dang ldan pa'i 'dod pa sdug pa yid du 'ong ba'i tshul khrims bsrungs pa de rjes su dran no/ /rjes su dran nas kyang tshigs su bcad pa brjod pa ji ltar/ gang phyir bud med rnam spangs pa/ /gcig las tshul khrims thams cad yin/ /bud med rnam spangs blo ldan rnams/ /mya ngan 'das grong 'gro ba rnams/ /mes min mtshon chas kyang ma yin/ /stobs min srog chags dag gis kyang / /bud med rgyu yis 'ching ba ni/ /bcad par mi nus sgrub dka' de/ /de rgyu rtag tu spang ba dang / /smad par yang ni brtson par gyis/ /de spangs pas ni 'thab bral gyi/ /bde ba bla na med 'di 'thob/ /bde ba gzhan las ches bde ba/ /'gyur med go 'phang nga yis thob/ /de ltar bya de dag rnams kyi gzugs dang rtse dga' ba mngon par mthong zhing sgra rnam par brjod pa rnams kyang thos nas rab tu</font><hr>65.26a<br><font size=+1>

dga' ba'i yid kyis de lha'i 'jig rten rnams la mngon par lta bar byed pa na des mthong ba ni brtsegs pa rgyu ba'i ri de kun du khyab par ljon shing brgya stong phrag du ma rnams 'od kyi phreng ba dang ldan pa rnams mthong ba dang / 'bab chu brgya stong dang rab tu ldan pa bya'i tshogs rnams kyis sgra kun nas sgrogs pa'i sgra rnams thos par 'gyur ro/ /rnam pa sna tshogs pa'i rin po che'i sgros spras pa rnam pa sna tshogs par dga' bar 'gyur ba'i pad ma'i rdzing bu brgya stong dang ldan pa la bung ba'i tshogs sgra 'byin pas nye bar mdzes par gyur pa snga na ma mthong ba shin du dga' bar gyur pa'i ri gzhan dang mi 'dra ba 'thab bral kyi 'jig rten rnams des mngon par mthong nas de dang 'dra ba'i ngo bo'i dga' ba thob par gyur to/ /de shing gi drung de las langs nas de rang gi lus la kun du lta'o/ /des legs par mngon par mthong ba ni rang gi 'od rnams kyis gsal bar gyur pa/ 'od zer brgya phrag du ma rnams kyis rab tu gsal bar byed pa mchog tu gyur pa'i dpal gyis ches snang bar gyur pas mthong nas shin du ngo mtshar bar rang gi lus mngon par mthong nas gzugs kyi rgyags pas dregs par 'gyur ro/ /de'i rjes la rgyags pa gnyis pa 'di de'i snying la 'jug par 'gyur ba ni 'di lta ste de 'di snyam du sems par 'gyur ro/ /nga lta bu 'ga' zhig yod pa ma yin zhes de'i sems skyed pa tsam nyid na lha gang dag gis gang dag rnams lhas sems par byed pa de dag rnams nyid phun sum tshogs par 'gyur ro/ /de'i nang du yang rgyags pa gsum pa snying la 'jug par 'gyur te/ de'i rjes la 'di'i dbang po lnga yul lnga po rnams la de'i snying dang sems dga' bar 'gyur ro/ /de de ltar rnam pa bdun du yid 'phrog pa gang yin pa de'i dge ba'i chos la brtson par bya ba de dag rnams thams cad kyang de bzhin du brjed par 'gyur te sems yang bar gyur pa'i</font><hr>65.26b<br><font size=+1>

phyir dang / bag med pa mang bar gyur pa'i phyir dang / rtag tu bag med pas bag med par gnas pa'i phyir yang ste/ yul lnga'i zhags pas bcings shing srid pa'i 'chums rdul rnams kyis kyang 'gul bar chags par gyur pas de brtsegs pa rgyu ba'i ri de la 'khod de bde bas gnas par bya ba'i phyir ro/ /ri de la yang sa gsum yod de 'og gi sa dang steng gi sa ste/ de la 'og gi sa la nags tshal lnga yod pa rnams la 'di lta ste/ dri rgyu ba dang 'od zer gyi rtse mo dang 'od 'phro ba dang rtag tu mngon par dga' ba dang / mtho bar brtsegs pa'o/ /de la dri rgyu ba'i nags na ni gang cung zad cig skye ba de dag thams cad dri ches lhag par 'gyur ro/ /dri de dag kyang dpag tshad lnga stong du 'gro bar 'gyur ro/ /'od zer gyi rtse mo'i nags na ni mtshungs pa med pa'i rnam pa du ma'i 'od zer rin po che las byung ba rnams kyi mngon par gsal bar gyur pa'o/ /nyi ma brgya stong bas lhag pa'i 'od 'phro ba'i nags na ni shin du bar yang 'od 'bar ba dang ldan pa'i lha rnams gnas so/ /'dod pa'i yon tan lnga phun sum tshogs pa'i rtag tu mngon par dga' ba'i nags na ni mtsho bran dang 'bab chu rnams kyang brgya stong phrag du mar lha rdzas kyi ro dang dri dang kha dog rnams phun sum tshogs pa rnam pa du ma rnams so/ /mtho bar brtsigs pa'i nags na ni mchog tu mtho ba'i rtse mo rin po che sna bdun gyi rang bzhin gsal bar gyur pa'i rtse mo rnams yin no/ /sa gnyis pa 'di dag rnams na yang rin po che bdun gyi rang bzhin du gyur pa'i steng khang brgya stong du ma yod do/ /pad ma'i rdzing bu na bya'i tshogs dga' bar 'gyur ba brgya stong dang gzhan yang sgra dang reg bya dang ro dang gzugs dang / dri rnams 'dod pa sdug pa yid du 'ong ba 'thun pa/ yid rtag tu 'dre bar byed pa rnams kyis kun du gang ba'o/ /steng gi sa 'di'i sa gzhi de'i gzhi la dpag tshad brgyar lha mthu stobs che</font><hr>65.27a<br><font size=+1>

bas kun du gang ba'o/ /gzhi de dag la yang rin po che'i nags shes bya ba rnam pa sna tshogs pa'i 'bab chu dang zas kyi chu klung dang skom gyi chu klung dang ljon shing dang mtshe'u dang pad ma'i rdzing dang tshal dang skyed mos tshal dang dpag bsam gyi shing dang lha rdzas kyi me tog dang 'bras bu'i yon tan lhag pa brgya stong dang ldan par gyur pa rab tu dga' ba'i lha dang lha mo brgya stong phrag gis kun du gang ba de dag la song nas kyang shin du 'thab bral ni mu su lun d+ha dang lhan cig 'ongs nas lha rdzas kyi 'dod pa'i yon tan lnga po 'dod pa'i sgra dang reg bya dang ro dang gzugs dang dri dang yang dag par ldan pa sred pa'i me rnams skyed par byed pa la dga' zhing kun du spyod par yang byed do/ /de ltar lha de brtsegs pa rgyu ba'i ri de la rnam pa sna tshogs pa'i yul gyi bde ba'i rgyu 'bras so sor rnam pa tha dad pa rnams la dga' bzhin du kun du spyod par byed do/ /de nas lha gsar du skyes pa de yul gyi bde bas nges par bskul nas gang na ri yod pa de dag nyid du phal che ba kho nar nye bar 'gro ba na de gcig pur mthong nas lha gzhan de dang nye bar bsnyen nas 'gro bar byed do mig dga' bas kun du rgyas pas de'i drung du nye bar 'gro na ji ltar lha 'di ni gsar du skyes pa yin no zhes so/ /de bzhin du lha gzhan gyis kyang de la 'di skad ces smra ste/ ji ltar gsar du skyes pa yin no zhes bya ba ji lta ba bzhin du 'di'i srid pa ji ltar shes/ de nas lha des 'di skad ces smra ste ji ltar rtags lnga po de dag ni lha gsar du skyes pa de'i yin pa la 'di lta ste 'od rnams 'phro bar 'gyur ro/ /gos rnams ni rang gi lus las 'phros pa'i 'od zer gyis lus rnams rab tu 'gebs par 'gyur gyi 'di la gos ni yod pa yang ma yin no/ /'di ni lha'i rtags dang po yin no/ /gzhan yang lha gsar du skyes pa'i rtags 'di lta ste/ ngo mtshar bar gyur pas mig gi rgyu ba kun du gtod par byed de de shin du ngo mtshar</font><hr>65.27b<br><font size=+1>

bar gyur pas nags dang nye ba'i nags sngar ma mthong ba rnams la lta bar byed pa 'di ni gsar du skyes pa'i rgyu mtshan gnyis pa'o/ /gzhan yang gsar du skyes pa'i rgyu mtshan 'di lta ste/ bud med rnams mthong nas ngo tsha dang bcas par 'gyur ro/ /shes chung ba dang dogs pa dang bcas par 'gyur ro/ /gzhan yang gsar du skyes pa'i lha'i rgyu mtshan ni snga na med pa'i lha mthong nas dogs pa dang bcas pas tsar bsnyen no/ /gzhan yang gsar du skyes pa'i rtags ni ji ltar nam mkha' la 'phags na 'jigs par 'gyur zhing nyam nga bar 'gyur ro/ /de yang cung zad dang thung ngu na dang dal bus kyi dbang gis sa gzhi dang thag nye bar gyur pas phan tshun la brten nas 'gro'o/ /rgyu mtshan lnga po de dag ni gsar du skyes pa rnams kyis yin no/ /de la 'dir ni rtags 'di dag rnams thams cad kyis kyang gsar du skyes pa de mngon par mtshon par byed do/ /gsar du skyes pa de bdag gis 'dir bsten par bya'o/ /de nas lha de lha de dag rnams kyis nye bar bsnyen cing yongs su bskor nas brjod pa ji lta ba bzhin du ltos dang skal ba chen po dang ldan pa khyod nye bar skyes pa ni rang gis byas pa'i mdzes pa'i las du ma'i tshul khrims rab tu bsrungs shing bsgoms de nyams shing smras pa dang thun tshags ma yin pas khyod 'dir skyes so/ /de ltar lha gang dag shin du bag med pa'i yid can ma yin pa des lha de la de skad ces thams cad smras nas gang na brtsegs pa rgyu ba de'i sa nye bar 'phel ba der 'khod do/ /srid pa'i gzhi la 'dug nas kyang sna tshogs pa'i glu dang rol mo'i sgra yid rab tu dga' ba phan tshun lhan cig tu rgyags pa la don gcig pa de dag mngon par mthong nas lha gsar du skyes pa de rab tu dpyod par byed de ji ltar bdag gcig pu ri'i gseb de dag tu zhugs par bya'o zhes sa de dag rnams su yang brgyus par gyur nas gang na</font><hr>65.28a<br><font size=+1>

brtsegs pa rgyu ba'i ri yod pa der zhugs so/ /de nas des lha'i bu mo'i tshogs ches che ba rnams rgyan dang cha byad du ma dang / bca' bdar du mas nye bar brgyan pa rnam pa du ma'i rol mo dang rnga sgra dang glu dbyangs kyis rab tu dga' bar gyur pa rnams mthong ngo / /de nas lha mo de dag rnams kyis lha de mngon par gsar bar mthong nas kun du bskor nas mchog tu rab tu dga' ba mchog tu rgya che ba'i cha byad dang rgyan can ngo mtshar bar gyur pa'i mig dag gis lha de mchod par bya'o zhes byas nas nye bar gnas par gyur to/ /de nas thag nye bar bsnyen te phyin nas kyang lha mo de dag rnams de dang por mthong ba tshim zhing mchog tu dga' ba'i yid kyis lha de la 'di skad ces smras so/ /ji ltar lha khyod nyid mthong bas ched du byas te nged 'dir 'ongs kyis rang gi las kyi 'bras bu dge ba'i 'bras bu nags dang nye ba'i nags rnams dang rnam pa sna tshogs pa'i ri'i sul dang gad logs dang ri zhol rnams su dga' bar mdzod gzhan yang mtho ris kyi gnas rin po che bdun gyi rang bzhin rnam pa sna tshogs pa'i 'od zer gyi phreng ba rnams dang ri du ma rnams la rnam pa sna tshogs pa'i me tog gi shing gi tshogs kun nas 'dud pa mi g.yo ba rnams dang ri rnams kyi nags khrod rnams la khri shing gi khang bu rnams dang / gzhan yang mtho ris kyi sa phyogs rnams la yang rnam pa sna tshogs pa'i rol mo'i sgra dang rnga sgra dang glu sgra kun nas bsgrags pa rnams dang 'tsher ba'i gser bdun spras pas rnam par gsal ba rnams dang gzhan yang yul phyogs gzhan rnams la 'bab chu dang chu klung dang tshang tshing dang pad ma'i tshal rnam pa du ma rnams dang gzhan yang nam mkha'i dkyil na gzhal yas khang brgya stong dang rab tu ldan par mchog tu dga' ba rnams la bdag cag rnams dang lhan cig tu lha dga' bar mdzod/ de nas dge ba'i las rnams thams cad las byung bar gyur pa'i lha des de</font><hr>65.28b<br><font size=+1>

dag rnams la 'di skad ces smras so/ /'dod pa thams cad kyis ngoms par byed pa'i mtho ris kyi sa rnams su bdag cag rnams ji lta ba bzhin du dga' bar bya'o/ /de nas phan tshun lhan cig tu sna tshogs pa'i rnga sgra sgrogs par gyur pas rab tu dga' ba dang ldan pa'i yid can rnams legs par byas pa'i las ma lus pa'i 'bras bu la nye bar longs spyod par gyur pas gzhan gang dang gang gzhan na shing rta sna tshogs pa zhes bya ba 'i nags yod pa der legs par nye bar 'gro bar byed la nags de na ni blta bar sdug pa'i gzugs du ma'i yul rnams dang de bzhin du ro rnam pa sna tshogs pa'i dga' bar 'gyur ba'i ro du ma rnams dang de bzhin du dga' bar 'gyur ba'i dri du ma rnam pa sna tshogs pa'i dri rnams dang / de bzhin du dga' bar 'gyur ba'i reg bya du ma rnam pa sna tshogs pa mnan na nem la bteg na 'phar ba'i sa phyogs dang / ma btags pa'i gos 'jam zhing srab la tshogs dam pa du ma rnams dang / de bzhin du dga' ba rnam pa du ma sna tshogs pa'i bya rnams kyi sgra dang / glu dang pheg rdob pa'i glu mkhan gyi sgra chags par 'gyur ba'i dbyangs kyi sgra du ma rnams so/ /de lam de nyid nas yul rnams la nye bar byed cing rgyan dang cha byad sna tshogs pa'i lha'i bu mo rnams dang / rnam pa du mar lhan cig tu dga' bar byed do/ /de nas nags de dag na yon tan de dag rnams shin du phun sum tshogs pa lha dang lha mo du mas kun du gang ba yid shin du ngo mtshar che ba rnams kyi dbang du gyur pas legs par mthong ba dang rnam pa du mar yang mig gi rgyu ba legs par gtod par byed do/ /nags dang nye ba'i nags de dag rnams kyi yul phyogs rnams la mar ga ta'i sdong bu rnams kyi rtse mo sngon po'i phreng ba rnams dang / sa gzhi rnams la yang thang la rgyu ba'i bya rnam pa sna tshogs pa rnam par bkra ba rin po che sna bdun gyi rang bzhin gyi</font><hr>65.29a<br><font size=+1>

thig les rnam par bkra bar byas pa'i bya rnams phan tshun lhan cig tu tshig gdangs snyan pa rnams kyis lhan cig tu dga' bar byed par mthong ngo / /de ltar thang rnams la rnam par mthong bar gyur nas de dag rnams mthong nas chu rnams la yang mthong ba ni rgyags pa'i kA raN Da ba dang / ngur pa dang ngang pa'i sgra'i khyad par can mchog tu rgya che ba'i cha shas rnam pa sna tshogs pa sngon po'i nags kyi phreng ba rnams su mig rig rig por gyur pas rnam par bkra ba'i gzugs rnams nye bar 'dzin no/ /gzhan yang 'dis rnam pa sna tshogs pa'i 'dod pa'i bde ba dang ldan pas nam mkha'i dkyil du rnam par lta bar byed pa na lha mo'i tshogs brgya stong du mas kun du gang ba dang mchog tu rnam par bkra ba'i rgyan dang cha byad can gyi lha'i bu mo'i tshogs rnams kyis nye 'khor kun du gang ba'i de ltar rnam par bkra ba rnams des mthong ba yin te ji ltar kha dog rnam par bkra ba 'am/ brtsig pa'i logs sam/ tshon gyis bris pa'i thang ka bzhin du nam mkha'i dkyil de dag de bzhin du rnam par bkra ba rnams mthong bar 'gyur ro/ /glu dang gar dang rnga'i sgra kun nas sgrogs pa de dag rnams des mthong nas mthong ba'i skyon rnams rtsom par 'gyur te/ nam mkha' nas nam mkhar rnam par rtog pa rnam pa du mar g.yo zhing 'gyur ba'i skye gnas brgyas kyang nam mkha'i dkyil du bltas nas phyir yang gang na pad ma'i tshal me tog gi tshogs rnams kyis rnam par bkra bar byas pa in dra nI la dang ser po dang dmar po rnams kyis dbyibs sna tshogs pa gsal bar byas pas rnam par bkra bar gyur pa'i bya chu la rgyu ba rnams kyis kyang tho 'khor rnams yongs su skor ba de dag rnams kyang lha des mchog tu dga' ba'i yid kyis lta bar byed do/ /de nas thams cad du lha'i tshogs mthong ba ni rgyun mi 'chad par chu la 'jug pa rnams dang rgyun mi 'chad par nam mkha' la rgyu ba rnams</font><hr>65.29b<br><font size=+1>

dang / rtag tu chu la rgyu ba'i bya rnams dang lha'i tshogs rnams dang chu'i nang na rgyu ba mchog tu dpe med pa'i gzugs rnams la lta bar byed pa dang sngon gyi dge ba'i 'bras bu rnams yin par rjod par yang byed de de yang ji ltar/ lta byed rgya mtsho 'di la ni/ /gzugs kyis ngoms pa yod ma yin/ /de bzhin yid du 'ong ba'i ro/ /ros kyang ngoms pa yod ma yin/ /sna yang rtag tu dri yis ni/ /ngoms par 'gro ba ma yin no/ /reg bya bde dang ldan pa yi/ /reg byas lus kyang ngoms yod min/ /shin du snyan cing dga' ba'i sgras/ /'di yi rna ba ngoms ldan min/ /yid kyang ngoms par mthong min te/ /de bzhin chos kyis kyang ngoms min/ /dbang po drug kyang 'gyur ldog gi/ /thag pas bzung zhing dkris nas ni/ /'dod pa'i sa la rnam mang du/ /rtag tu skrag cing 'khor bar byed/ /'bar ba la ni rtswa bzhin du/ /lha rnams la ni ngoms yod min/ /mi rnams kyi ni rang bzhin 'di/ /gang zhig ngoms pa med pa yi/ /dbang po drug mi gdug pa ni/ /rnam rtog rlung gis brgyal ba yi/ /gang yang 'jig rten 'di tshig pa/ /blo gros med pas ma rig go/ /bag med rnams kyi sa 'di na/ /chos kyi lam la mi sten rnams/ /dga' ba'i yul gyi spyod yul las/ /rang nyid bag med chags bral gyis/ /de ltar lha de dag rnams kyis sngon byas pa rnams dran pas skye ba gzhan dran nas ci lta ba bzhin du tshigs su bcad pa brjod pa yin no/ /slar yang rang bzhin gyis yul rnams la srid pas khrid par 'gyur te/ 'dod pa'i lus rnams shin du g.yo bar gyur pa'i sgra dang / reg bya dang ro dang gzugs dang dri rnams yon tan du ma dang legs par ldan pa nyid nyi ma re re zhing rab tu 'phel bar gyur pa brgya phrag rnams kyis khrid par 'gyur la/ gzhan yang lha de dag nyid dang lhan cig tu dga' bar byed cing 'dod pa'i yon tan lnga la rnam pa du ma dang rnam par rtog pa du mas yongs su phrogs nas kun du spyod par</font><hr>65.30a<br><font size=+1>

byed do/ /gzhan yang lha du ma rnams dang lhan cig tu nags dang nye ba'i nags khrod dang chu gshal la bya'i tshogs brgya stong sgra 'byin pa rin po che bdun gyi khyams dang ldan pa de la dga' bar byed do/ /gzhan yang dga' bar gyur pa de dag rnams la lha lhag ma de dag rnams dga' bar byed pa der lha'i tshogs rnams dang bcas pa dga' bas gnas par bya ba'i don du legs par nye bar 'gro ba'o/ /de dag rnams der legs par nye bar song nas de dag phan tshun du yang mchog tu snyan pa thos na dga' ba dang yang dag par ldan pa smras par gyur cing dus yun ring por yang brjod nas de dag la song ba'i yid can rnams ji ltar gnod pa med pa dang phan tshun grogs su yang gyur pas rtse zhing 'jo sgeg go/ /rim pa 'di dag gis lha gang dag thams cad pas nyung ba de dag la yang lha'i bu mo phyir 'brang bar byed pa ni stong phrag bcu yin te/ rtag tu 'dod pa la rnam par chags pa'i sems rtag tu 'dod pa'i yon tan rnams kyis mi ngoms par rtag tu 'jo sgeg gis rgyu ba brgya stong du mas rtag tu sems kun du chags pa de ltar rtag tu bud med rnams yul de la mchog tu dga' bar byed pa de'i rgyu gang yin rkyen gang yin/ gang yang mtho ris kyi 'jig rten na mo rnams phal che bar gyur gyi de na skyes pa de dag rnams de na lhag ma yin zhe na/ rgyu yod pa yin te/ 'di ltar 'dod chags ches stobs che ba dang bar ma rnams zhe sdang bar ma rnams dang chung ba rnams lha'i 'jig rten du yin pas te/ de la gang dag lha'i 'jig rten du skye bar 'gyur ba na srid pa bar ma do ba des srid pa bar ma do la gnas pa na 'dod pa phun sum tshogs pa'i bud med rnams mthong bar gyur la des kyang 'dod chags bla lhag par 'gyur zhing de bud med rnams gtsor byed par 'gyur ro/ /bde ba la mngon par zhen pa'i dbang gis de srid pa bar ma do bar gyur pa na yang de bud med rnams nye bar len par byed do/ /rgyu 'di dag</font><hr>65.30b<br><font size=+1>

gis na mtho ris na bud med rnams ches phal che'i skyes pa ni ma yin no/ /de dag rnams lha 'ga' zhig la ni stong phrag bcu yod do/ /'ga' zhig la ni nyi shu'o/ /'ga' zhig la ni sum bcu'o/ /'ga' zhig la ni bzhi bcu'o/ /'ga' zhig la ni lnga bcu'o/ /'ga' zhig la ni drug bcu nas de ltar ci srid du rim pas stong phrag brgya 'am/ phal che la lhag par 'gyur ro/ /bud med de rnams 'dod pa de nad pa rnams kyis ngoms pa med pa'i sa la skyes pa yin te grong pa'i chos rnams kyi rim pa la rgyal chen ris bzhi pa rnams ni mi rnams bzhin no/ /'khrig pa mi rnams dang mtshungs pa ni sum cu rtsa gsum pa rnams so/ /'thab bral ba rnams ni reg pas so/ /dga' ldan pa rnams ni smras pas so/ /'phrul dga' ba rnams kyi ni bltas pas so/ /dri dang brjod pa rnams nyan pas te gal te ring ba nas dri rnams 'dzin par byed dam/ gal te yang mnyan par gyur na gzhan 'phrul dbang byed pa rnams ngoms par mi 'gyur ro/ /rim pa 'di dag gis lha gcig kyang lha mo rnams thams cad dang 'thun par 'gyur ro/ /mang po rnams blo 'thun pa dang mig sngar sdug pa dang lha rnams ni sha dang rus pa dang srin rnams dang shin du bral ba dang lha rnams ni ring ba dang thung ba rnam par spangs shing stobs dang ldan pa yin no/ /de rtag tu yang stobs nyams pa med pa dang pha rol gnon pa dang gzi brjid che bar yang 'gyur ro/ /rim pa 'dis lha gcig kyang lha'i bu mo brgya stong mang po rnams dang yang 'thun par 'gyur ro/ /mdangs gsal ba rnams kyis kyang rtag tu kun nas gang bas legs par rgyu bas dang snying la bde ba rgya chen po dang ldan pas kyang de dag rnams mtho ris der 'jug ste ji ltar 'dod par 'gro ba dang 'ong ba rgyu bar byed do/ /rim pa 'dis mtho ris kyi lha mo rnams thams cad mchog tu gyur pa gzhan dang gzhan rnams la dga'</font><hr>65.31a<br><font size=+1>

bar byed de/ de bzhin du sems 'dod pa la dga' bar 'gyur ba yin no/ /gzhan yang lha de lhan cig spyod pa rnams dang 'dod pa'i 'dod pa rnams la ji ltar 'dod pa bzhin du dga' mgur kun tu spyod par byed de/ rnam pa mang po dang rnam par rtog pa du mar mtho ris dang rjes su 'thun pa rnams dang / rang gi las dang 'dra ba rnams kyis brtsegs pa rgyu ba'i 'thab bral gyi sa la dus shin du ring por rnam pa du mar 'dod pa'i yon tan lnga la dga' bar byed do/ /lha dang lha mo'i tshogs kyis gang ba de ga shed na kun du rgyu ba na rlung gtum pos g.yos pa zhes bya ba'i nags der rims kyis phyin pa dang dga' bas gnas pa'i don du rtse bar gyur te ji srid du sngon gyi las kyi rgyu rnams kyis so/ /de la las rnams gcig kyang ma mthong nas lha mo'i tshogs rnams kyis yongs su bskor ba las phyir la spangs nas 'gyur zhing lha mo rnams kyis bor bar gyur pa dang de 'chi 'pho bar 'gyur ba nad kyi gzugs su rtags 'di dag rnams 'byung ste/ 'di lta ste/ pad ma rnams gang gi tsar nye bar phyin pa'i pad ma kha bye ba dang bcas pa de dag rnams kha 'dzum par 'gyur te/ de ni snga ltas rnams kyi dang po yin no/ /gzhan yang 'chi 'pho ba'i rtags ni pad ma'i rdzing bu'i yul phyogs de dag rnams sam shing rnams kyi gseb tu nye bar phyin pa na yul de bung ba rnams kyis yongs su bor nas yul gzhan du 'gro bar 'gyur ba ni rtags gnyis pa'o/ /gzhan yang rtags gsum pa ni gang dag lha mo rnams dang lhan cig tu rtse ba de dag gi rol mo de dag rnams la de 'dod chags dang bral bar 'gyur ro/ /gzhan yang rtags ni ljon shing gang la snyen pa'i ljon shing de'i me tog thams cad rnyings par 'gyur te de dag rtags bzhi pa'o/ /gzhan yang rtags lnga pa ni shing rta gang gis skyed mos tshal gyi ltad mo la nam mkha' nas 'gro bar byed pa na nam mkha' la 'phag par mi nus so/ /rtags de dag rnams ni 'thab</font><hr>65.31b<br><font size=+1>

bral ba rnams kyi yin no/ /ji ltar sum bcu rtsa gsum pa rnams kyi ni mchan khung la sogs pa rnams nas rngul rgya chen por 'byung ba rnams yin te/ de las kyang nges par 'chi 'pho bar 'gyur ba'i rtags kyi tha ma dge ba'i las yongs su zad pa'i rjes thogs su sdig pa gang gis 'chi ba'i dus byed par 'gyur ba rnams yin no/ /de dag rnams kyang 'chi ba'i rtags chen po bcu gnyis yin la de'i skad cig la 'chi ba'i rtags rnams rim gyis mthong bar 'gyur te/ sngon gyi rgyu dang bcas pa'i lha de mi nyid du 'chi 'pho bar 'gyur ba'i lha de myur du 'chi 'pho ba'i rtags ni 'di lta ste/ gang gis lus las 'od rnams 'byung bar 'gyur ba de rang gi lus kyi rjes su 'jug ste ji ltar nub par 'gyur ba'i nyi ma bzhin no/ /gzhan yang 'chi 'pho ba'i ltas yod pa ni ji ltar me tog gi phreng ba dang 'bras bu rnams rab tu mi sdug par 'gyur ro/ /gzhan yang de'i kha na 'chi 'pho ba'i rtags su gyur pa ni 'di lta ste/ mgo bo la me tog gang dag btags par gyur pa de nas rab tu nyil nas 'gro'o/ /gzhan yang de'i dus na 'chi 'pho bar 'gyur ba'i ltas yod pa ni 'di lta ste/ chu'i nang du song ba'i bdag gi gzugs brnyan gang dang gang du skye bar 'gyur ba de dag nyid kyi lus kyi gzugs brnyan mthong bar 'gyur de dmyal ba dang yi dgas dang dud 'gro dang mi rnams kyi rnam pa de srid kho nas nang du song bar bdag nyid kyi gzugs brnyan mthong bar 'gyur ro/ /mthong ba 'di dag ni de'i rjes la 'chi 'pho ba'i rtags lnga pa yin te/ gang dag gis de'i gzugs brnyan can rnams sam rnam pa de 'dra ba nyid mthong nas kyang shin du skrag par 'gyur ro/ /de'i ba spu rnams kyang tsher ma ltar ldang ngo / /gzhan yang de'i skad cig la 'chi 'pho ba'i rtags su gyur pa ni 'di lta ste/ gnas la rnam par 'byung bar 'gyur te gal te bai dUr+ya'i rang bzhin gyi stan la gnas par 'gyur ram/ gal te na dngul gyi rang bzhin nam/ gal te na gser gyi rang bzhin</font><hr>65.32a<br><font size=+1>

nam/ gal te na in dra nI la'i rang bzhin gyi stan de dag rnams thams cad kyang zangs mar 'gyur ro/ /gzhan yang de dang 'brel nas 'chi 'pho bar 'gyur ba'i ltas la 'di lta ste/ rlung gis 'di'i gos kun tu skyod par byed do/ /reg bya tsha mo rnams kyis stan las rdo rje bab pa bzhin du tshor ro/ /de dag rnams kyis 'di'i yid rnam par 'gyur ba skyed do/ /de yid rnam par 'gyur bar gyur pas sgra dang reg bya dang ro dang gzugs dang dri 'dod pa ma yin pa rnams la sgrub par byed do/ /de'i rjes la 'di'i mi rtag pa'i me rnams nye bar 'ong bar 'gyur ro/ /de'i rjes thogs su phan tshun du 'chi 'pho ba'i rtags rab tu 'byung bar 'gyur te/ bai dUr+ya'i rang bzhin gyi rdo la ji lta ba bzhin du gzhan rnams la yang mi mthong ngo / /mgo bo ma lus par lhung bar mthong ngo / /de'i rjes thogs la 'di myur bar 'byung bar 'gyur te/ rnam pa de srid kyi 'chi ba'i rtags de rnams kyis 'chi ba de rab tu rtogs nas bud med rnams kyis de yongs su spang ngo / /kha drag par yang 'gyur bas de'i sems la mya ngan kun du 'byung bar 'gyur ro/ /'dus pa dang bral bas bskyed pa'i mya ngan gyi rnam pa 'di lta bu dag skye ste/ gang dag gi khyad par gyis gang dag des nye bar longs spyod pa de dag rnams thams cad kyis bcu drug char yang mi phod par ro/ /de'i rjes thogs la 'di'i de dang 'brel par 'chi 'pho ba'i rtags bcu las 'byung ste/ 'di ltar dbang po thams cad nyams par 'gyur ro/ /mig la sogs pa rnams kyis kun nas 'khor ba bzhin skyes bu'i gzugs mthong ngo / /de'i rjes la 'chi 'pho ba'i rtags bcu gcig pa yin te/ 'di lta ste/ yid kyang gnas pa med pa nyid du 'byung bar 'gyur te zo chun gyi 'khor lo bzhin du de gcig tu yang gnas pa mi 'thob bo/ /'chi 'pho ba'i rang bzhin gyi sdug bsngal rnams mthong nas</font><hr>65.32b<br><font size=+1>

mchog tu g.yo ba'i yid can du 'gyur ro/ /de'i rjes thogs la 'di'i srog gi dbang po 'gags par 'gro bar 'gyur te/ de ni sdong bu zad pa dang snum med pa dang 'od nyams nas 'gag par 'gyur ba bzhin du de ltar 'gags nas 'gro bar 'gyur bar lha des mthong ngo / /'chi ma 'phos na yang gang la de rjes su spyod pa'i ljon shing de nyid tshig par 'gyur bar mngon par mthong ngo / /ji ltar bya rnams kyis kyang btang nas nags gzhan dag du 'gro bar byed do/ /phyi nas kyang sngar gyi yon tan rnams mthong bar 'gyur ro/ /de bzhin du lha mo des lha de btang nas gzhan du 'gro ba'o/ /de nas lha de'i sems kyi tha mas rang rang gi rgud pa chen po mngon par mthong nas shin du mi bzod pa'i yid kyis tshigs su bcad pa ji ltar/ ji ltar gyur pa'i mi rnams kyi/ /rang gi las kyi gnas rnams dang / /yul la gnas pa gtong ba dang / /de tshe bud med rnams chags bral/ /'gro bas 'byor pa shin du gtong / /rang gi las kyis spangs pa yi/ /lha mthong nas ni tsab hral can/ /bud med rnams ni gzhan du rgyug /bde ba btsog pa mi gtsang ba/ /tsab hral sems ni mi gnas pa/ /bud med rnams btsog 'dod pa 'di/ /gnas pa med pa'i grogs de btsog /sdug bsngal bzhi po 'di dag ni/ /mi yis rtag tu bsten pa yin/ /gang phyir yul ni mi 'drar nges/ /de phyir nges par rnam par spongs/ /las rnams kyis ni bde ba dang / /sdug bsngal bar yang 'gyur ba yin/ /las rnams kyis ni srog chags khrid/ /las rnams kyis ni nyams thag byed/ /gang la yon tan ltas gtad pa'i/ /lha rnams bde ba mchog thob pa/ /phyi nas ltung 'gyur rgud dbang gis/ /lha gnas skal ba nyams pa yin/ /sangs rgyas de nyid legs ston pa/ /thar pa'i lam ni ston pa po/ /las rnams sgyu mas kun bslang 'di/ /'khor ba yin par yongs</font><hr>65.33a<br><font size=+1>

su sgrags/ /gang zhig tsab hral gyur pa dang / /gang tshe gang yang skyon sgrub pa/ /bud med dgos pas mnyes gshin rnams/ /de yi steng na legs par gnas/ /mun pa rnams rgyu nyi ma min/ /me ni grang ba'i rgyu ma yin/ /snying bde snying la gnas pa yang / /cung zad bud med rnams la med/ /ji ltar bzhin du sa 'di brtan/ /rlung ni ji bzhin rtag tu g.yo/ /de bzhin bud med byas shes min/ /skyon rnams bud med la rtag yod/ /skyes pas dus ring rab brtson pas/ /bud med bsgyur bzlog mang byas pa/ /sdug bsngal byung nas spong byed de/ /skam po'i mtsho la sgong skyes bzhin/ /gyen la chu 'gro mthong ba med/ /lha rgyal rtag tu 'dod pa min/ /ri rnams 'gro ba yod pa min/ /snying yang me yis bde byed min/ /mi rnams chos nor snyan pa yi/ /rtag tu gegs byed par yang dran/ /don min dra ba'i skye gnas dang / /skyon rnams 'byung bar 'gyur ba yang / /rdo rje yang ni 'jam 'gyur ram/ /mes kyang tsha ba 'dor ram ci/ /de yi rang bzhin khyad par can/ /g.yo ni bud med kyis spong min/ /spyod pa dang ni khrims kyis min/ /sbyin pa gang snyan bsgyur bzlog gis/ /sems ni 'bar ba lta bu yi/ /bud med dang du blang mi nus/ /bde ba na ni tshungs par 'gro/ /sdug bsngal ba ni spong bar byed/ /phan pa rnams ni brjod gyur nas/ /skyon cig pu ni dran pa yin/ /nags dang nye nags ri yi rtse/ /bde ba du ma kun spyad nas/ /nyam nga drag po kun byung nas/ /bud med rnams kyis yongs su 'dor/ /de ltar na lha des lha mo de dag rnams mngon par mthong nas lha de yongs su spangs par gyur pa na 'jig rten la dpyod pa'i rnam par dpyod pas de ltar tshigs su bcad pa brjod do/ /de yang khron ma'i rang bzhin yin pas de'i dus nyid na de brjed nas lha gzhan la nye bar sten par byed de/ ji ltar sbrang rtsi 'dren byed kyis ba mo dang lhags pas bcom</font><hr>65.33b<br><font size=+1>

pa yi pad ma 'dab ma rnyings pa yongs su spangs nas mtsho skyes gzhan rnams la sten par byed pa de bzhin du lha mo de dag lha de yongs su spangs nas gzhan la bsten nas de slar yang yan lag lnga dang ldan pa'i rnga sgra dang yang dag par ldan pas dga' mgur kun du spyod de nags tshal dang bskyed mos tshal dang mtshe'u dang pad ma'i tshal rnams la rnam pa sna tshogs par rnam par bkra ba'i gzugs dang / rnam pa sna tshogs pa'i bya skad rnam pa sna tshogs pa kun du sgrogs pa dpag bsam kyi shing brgya stong dang ldan pa rnams la de ltar des sngon tu brgyus pa'i lha dran nas bde ba nyams su myong bar 'gyur ro/ /ci ltar skye ba brgya stong rnam par brjed cing skad cig la mig lta ba de ltar sngon gyi yon tan dran pa'i byas pa shes pa rnams 'joms par byed pa bud med 'di dag rnams thams cad la 'thun pa zhes bya ba'i ming can ni nges par 'ga' zhig kyang med kyi rdzas kyi rgyu'i don 'ba' shig gam/ dgos pa gzhan gyis kyang so so la nye bar gnas pa dang skyes bu 'joms par byed pa yang yin no/ /ngo bo nyid kyis kyang 'ga' zhig la yang mthar thug par gnas pa ma yin te/ gang yang 'di dag gi rang bzhin yang sngon gyi byas pa 'di 'ga' zhig kyang shes pa ma yin no/ /de ci'i phyir zhe na/ sems g.yo ba'i rang bzhin yin pa'i phyir zo chun 'khor mo dang dri za'i grong khyer dang smig rgyu dang mtshungs pa'i ngo bo ni bud med thams cad yin te 'di dag gi rang bzhin no/ /de nas lha des de ltar mngon sum nyid du lha gzhan gyi 'chi 'pho mthong nas sngon bsgoms pa'i sems kyi gzhan yang tshigs su bcad pa brjod pa ji ltar/ lha gang g.yo ba'i yid kyis ni/ /'dod la longs spyod bag med pas/ /'chi 'pho'i srog gi tha ma yi/ /'jigs pa drag po ma mthong ngo / /gang tshe kho na lha 'gro ba/ /de tshe 'chi ba'i ngal ba nyid/ /nyin mo zad pa ji bzhin du/ /mtshan mo nges par 'byung</font><hr>65.34a<br><font size=+1>

ba yin/ /nyin mo gson par shes par bya/ /mtshan mo 'chi ba dang mtshungs so/ /de phyir de gnyis rtogs byas la/ /yid kyis nges par legs pa gyis/ /de ltar lha des sngon gyi skye ba dran pas dran par gyur nas mi'i dus rtsi bas 'jal bar byed de/ de la lha rnams kyi gnas na ni rtag tu nyin mo nyid yin gyi lha rnams rang gi 'od kyi mthus mtshan mo yod pa ma yin pa'i rgyu gang gis lha rnams dus 'grang bar byed pa yin no/ /de nas lha des rnam pa de lta bu rnams rig nas slar yang lha rnams kyi rang bzhin yin pa'i phyir dang / las byas pa rnams kyi 'bras bu la nye bar longs spyad par bya ba yin pa'i gnas nyid ni nges par mi slu ba yin par byas nas phyis yang de nags tshal dang nye ba'i nags tshal du rtse dga' ba dang kun du yang spyod do/ /rnga skad yan lag lnga dang ldan pas chu klung dang tshang tshing dang pad ma'i tshal dang ri rnams kyi khrod rnams la yang lha'i tshogs gzhan rnams dang lhan cig du dga' bar byed de lha de dag rnams kyi yang rnam pa du mar gcig nas gcig tu brgyud pa'i 'jig rten pa'i gtam gyi bde ba nye bar ston par byed do/ /chos rnams kyi rang bzhin yang rjes su 'jug par byed do/ /ji srid du 'dod pa sdug pa yid du 'ong ba byas shing bsags pa'i las rnams zad par ma gyur gyi bar de srid du ste/ de dag rnams zad nas kyang lha'i ris de dag rnams nas 'chi 'pho bar 'gyur ro/ /shi 'phos nas kyang ji ltar las kyis nye bar 'gro ba'i dmyal ba dang yi dgas dang dud 'gro rnams su skye'o/ /gang yang gzhan rnams su mi rnams dang skal ba mtshungs pa'i mir skyes par gyur na yang de rtag tu skyid de bar 'gyur ro/ /chos dang ldan pa'i yul dang lhar yang skye'o/ /rig pas skyangs pa'i blo rgyas pa dang skye bo thams cad byams par yang 'gyur ro/ /rgyal po dag tu yang 'gyur ro/ /des brgya la pha rol gyi dpung rnams dang g.yul 'gyed par byed na yang 'di'i yul rnams su nam</font><hr>65.34b<br><font size=+1>

yang pha rol gyi dpung gis 'jigs par mi 'gyur ro/ /mchog tu skyid pa dang 'di rjes su sgom pa'i rang bzhin can du yang 'gyur ro/ /de'i rjes su bsgoms pas ci ste na rgyal po'am rgyal po'i blon por yang 'gyur ro/ /las 'di'i rgyu 'thun pas rtag tu skyid pa'i mchog tu yang 'gyur ro/ /gzhan yang dge slong las kyi 'bras bu rnam par smin pa rnams shes pa des 'thab bral ba'i lha rnams kyi sa la lta bar byed pa las/ des thos pa las byung ba'i shes rab kyis 'thab bral ba rnams kyi sa yid kyi rgyan zhes bya ba yod pa ji lta ba bzhin du mthong ngo / /de las gang gi sems can rnams skye bar 'gyur ba yang des thos pa las byung ba'i shes rab kyis mthong ba ji ltar dge ba'i skyes bu gang gis de blo dang ldan par 'gyur zhing drang po drang po'i rang bzhin can yang dag pa'i lta ba can rtag tu las dang 'bras bu'i de kho na nyid shes pas srog bcod pa dang ma byin par len pa phyin cad rab tu bsdams par gyur la sngar bzhin du 'dod pa la log par g.yem pa yang mi byed par 'gyur zhing yid kyis kyang de rnam par rtog par mi byed la rjes su yi rang bar mi 'gyur ba ni 'di lta ste cung zad cig tsam yang bud med rnams la tshul bzhin ma yin pa'i yid la byed pas lta bar mi byed do/ /rab tu rtog par mi byed do/ /ro myang bar mi byed do/ /dga' ba'i 'dod chags rnam par rtog pa dang lhan cig 'grogs pa'i 'dod chags kyis kun nas 'chi bas de lta bar mi byed do/ /rnam pa thams cad du yang 'khrig pa las byung ba'i tshul bzhin ma yin pa yid la byed pas sems par mi byed do/ /rab tu 'gogs par byed cing go bar byed de ji ltar mi 'dod pa/ mi sdug pa yid du mi 'ong ba 'dod pa la log par g.yem pa 'di'i rnam par smin pa rnams yin zhes te de thams cad du rnam pa thams cad kyis bdag nyid mi byed cing gzhan rnams la yang rjes su yi rang bar mi byed do/ /bdag gzhan thams cad la phan par byed pa/ rtag tu yang</font><hr>65.35a<br><font size=+1>

nges par legs pa la zhugs pa/ sdom pa 'dzin pa chen po/ 'jigs par byed pa'i kun du sbyor ba chen po las rnam par grol ba mchog tu dka' ba spyod pa la mchog tu 'dzin par gyur pa/ rtag tu yang dgos pa'i rjes su song ba'i dran pa can/ lus rnams la mi sdug par lta ba/ dngos po rnams la mnyam par lta ba/ rtag tu mnyam par lta ba'i dran pa can chags zhen med pa/ bud med kyi g.yo sgyu'i zhags pa las grol ba/ bud med dang skyes pa'i rgyu las rab tu rgal ba/ skye bo thams cad kyi blo gtad pa/ thams cad yid ches pa'i gnas su gyur pa/ tshul khrims dang ldan pa'i mthong ba'i chos kyi 'bras bu ni 'di dag rnams yin no/ /'dod pa la log par spyod pa yang shin du bsten cing bsgoms la mang du byas te yid kyis rnam par bsams pa'i 'dod pa'i me de rnams nye bar bcom pa/ mchog tu brtan par gyur pa/ mchog tu dga' bar gyur pa/ mchog tu bde bas gnas pa/ shin du dga' ba rnam par spyod pa/ yongs su dag pa'i sems can de lus zhig nas shi ba'i 'og tu mtho ris bde 'gro 'jig rten las 'thab bral ba rnams kyi nang sa yid kyi rgyan zhes bya bar skye bar 'gyur ro/ /de de la skyes pa na yang 'di'i bde ba'i las byed pa por gyur pas lha'i bde ba du mas gnas pa yin te sha dang rus pa dang chu ser rnams dang bral ba dang rang nyid kyi 'od dang ldan pas rtag tu yang bde bar gnas so/ /'dod pa'i yon tan rgya chen po la rtag par rgyun du 'dod pa thams cad nyams su myong ngo / /des de lta bu'i yon tan dang ldan pa'i lha rdzas kyi bde ba nye bar longs spyod par gyur pa na lha mo brgya stong gis yongs su bskor ba ni gza' dang skar ma'i tshogs kyis ji lta bar gsal zhing 'tsher la ji lta ba bzhin du ri rab lhun po rnam par mdzes par gyur pa de bzhin du lha de legs par byas pa'i las rnams kyis sprul pa'i 'od kyi phreng ba rnams kyis rnam par</font><hr>65.35b<br><font size=+1>

mdzes so/ /rtag tu gcig pu mngon par gsal bar byas shing de lha rnams kyis yongs su bskor nas dga' bar byed de 'dod pa'i yon tan lnga rnam pa du mar yan lag lngas yid du 'ong bar gyur pa sgra dang / reg bya dang ro dang gzugs dang dri'i bde ba rnams kyis nye bar 'tsho bar byas nas de 'di snyam du sems te/ yul ches dga' ba gzhan gang dag tu bdag gis nye bar 'gro bar bya/ de'i sems bskyed pa dang dus gcig tu dge ba'i las kyis de yid song ba'i lha mo rnams kyis mngon par mthong nas smras pa/ ji ltar lha yul gcig gi bde bas nye bar gnas pa 'dir bdag cag ci la sdod yul gzhan rnams su 'gro bar bya ste/ mtha' yang gang khang bu stong yod pa zhes bya ba'i rtse mo rin po che sna tshogs kyi rnam par brgyan pa/ lha brgya stong phrag du mas bsten pa der bdag cag rnams 'gro bar bya'o/ /des tshig 'di nye bar bzung nas dang / gang yang nye bar 'gro ba'i nags dang gang yang des mngon par brjod pa la lha de mchog tu dga' ba'i yid kyis brjod pa ji ltar 'dod pa de ltar bdag cag 'gro ba'o/ /de nas lha de dag nam mkha'i dkyil du 'phags nas gang na khang bu stong gi rtse mo rin po che'i khams du ma dang ldan pa/ lha mo brgya stong du ma sgra sgrogs pa gang la dpag tshad lnga brgyar shin du dga' ba du ma'i glu snyan pa len pa/ gar gyis chags par byed pa'i dga' ba'i rang bzhin gyi sgra thos so/ /nam mkha'i dkyil du song ba'i lha dang lha mo'i tshogs kyis yongs su bskor nas glu de dag len par 'gyur zhing rab tu dga' bar gyur pa'i yid kyis/ gang na khang bu stong zhes bya ba'i rtse mo der rings par gyur pas nye bar 'gro ba'o/ /lha mo rnams kyang glu dang gar dang 'jo sgeg gis rnam par brgyan pa'i sgra thos nas ngo mtshar zhing rab tu dga' ba lhag pas phyi bzhin kho nar nye bar 'gro'o/ /de dag rnams gang gi tshe khang bu stong gi rtse mo de'i drung du phyin par gyur pa na/ de'i tshe de'i 'byor pa du ma rnams 'thong ba la 'di lta ste/ rin po che bdun gyi</font><hr>65.36a<br><font size=+1>

rang bzhin phun sum tshogs pa rnams dang / pad ma'i rdzing bu dga' ba phun sum tshogs pa rnams dang / bya sgra snyan cing zhi ba blta na sdug pa de 'gro ba na phan tshun 'dre zhing gnas pa'i dga' ba phun sum tshogs pa rnams dang / 'bab chu dang mtshe'u'i chu bsil ba'i sgra phun sum tshogs pa rnams dang / nags na sgra dang mthong na dga' ba'i bya'i rnam par 'gyur ba rnam pa sna tshogs pa phun sum tshogs pa rnams dang / rin po che bdun gyi rang bzhin rnam pa sna tshogs pa rnams dang / khang bu'i gral rims blta na sdug pa rnams dang rin po che'i sa gzhi rnam pa sna tshogs shing rnam pa du mar mdzes pa phun sum tshogs pa rnams dang so sor lha dang lha mo dga' bar gnas pa'i 'dzum pa lta bar mdzes pa rnam par rgyu ba'i dga' ba phun sum tshogs pa rnams dang ri dang chu gshal dang gang ba'i bang rim dang nags kyi phreng ba rnam pa sna tshogs pas spras pa'i mdzes pa shin du ngo mtshar ba du ma mthong na mdzes pa phun sum tshogs pa rnams dang / ngang pa dang kA raN Da ba dang ngang ngur chu la 'gro ba dang 'ong ba dga' zhing chags par 'gyur ba'i sgra 'byin pa rnam pa du ma sna tshogs pa'i dga' ba kun du skyed pa'i rang bzhin phun sum tshogs pa rnams dang ba dan dang rgyal mtshan rnam par bkra ba du mas rnam par spras pa rlung gis legs par bskyod pas blta na mdzes pa phun sum tshogs pa rnams dang / nam mkha' la khang bu'i phreng ba 'gro ba rnams stug cing 'khrigs pa'i rin po che rnams shin du drud pa'i gzi brjid kyi ngo bo rnams kun nas blta bar mdzes pa phun sum tshogs pa rnams dang / phan tshun du reg cing bsnyes pa'i ca co'i sgras yongs su rgod pa'i lha'i tshogs phun sum tshogs pa rnams dang sgra sgrags pa mnyam pa dang mi mnyam pa'i rin po che'i gzhi la brtsegs pa'i phung po legs par tshogs pa'i dbang po'i rdo rje phal po che byung ba'i ri'i rtse mo dang bang rim dang nye</font><hr>65.36b<br><font size=+1>

ba'i nags kyi khyad par blta na sdug pa du ma phun sum tshogs pa rnams dang / bang rim gyi me tog gi rigs brgya stong du ma dbyibs dang kha dog dang dri'i rigs du ma dang 'dab ma la rnam par rgyu zhing nye bar 'gro ba la sten cing yongs su rgyug pa'i sgra phun sum tshogs pa rnams te/ khang bu stong yod pa'i ri'i rtse mo de ni de ltar phun sum tshogs pa yin no/ /lha dang lha mo'i tshogs rnams kyis yongs su bskor nas rnam pa du mar nam mkha' la 'gro ba nyid la yang kun du lta bar byed do/ /rnam pa de lta bu dag gi phun sum tshogs pa de dag rnams mngon par mthong nas lha des rab kyi mchog tu dga' ba'i blos lha mo rnams la 'di skad ces smras so/ /khang bu stong yod pa'i rtse mo 'di la khyed rnams ji lta ba bzhin du ltos dang rtse mo 'di ni phun sum tshogs pa chen pos dga' bar 'gyur ba'o zhes rnam pa de lta bu rnam pa du ma'i tshig de dag rnams nye bar bzung nas lha mo des lha de la 'di skad ces smras so/ /bdag cag rnams kyis mdzes pa 'di dag rnams mthong lags kyis rtag par rgyun du bdag cag rnams kyis yul phyogs 'di brgya phrag dang stong phrag dang rnam pa mang por yang mthong gis lha nyid kyis nam yang mthong ma myong bas na de dag rnams lhas legs par blta bar gyis shig /de de ltar rang bzhin des rjes su zhugs te rang gi skye bo dang bcas pa dang rang gi tshogs pa dang bcas pa rnams kyis kyang gzhal yas khang stong gi rtse mo de mngon par mthong bar gyur te/ nam mkha' la byung bar gyur nas gsar du skyes pa gang dag lhan cig na lha rnams kyi tshogs rtse ba'i phan tshun gyi ca co'i sgras mig rnam par gdangs pa dang rab tu yang dga' ba'i lha de mngon par mthong nas 'ga' zhig ni lha de rjes su 'ongs pa la lta'o/ /'ga' zhig ni 'di ni gsar du skyes pa yin zhes byas nas rab tu dga' nas des de'i mgul pa nas 'khyud par byed de ji ltar 'phel bas bdag cag gi phyogs rab tu mang bar 'gyur te lha'i</font><hr>65.37a<br><font size=+1>

tshogs shin du phal po che rnams kyis rol mo'i sgra kun du bsgrags pa'i rtse mo bdag cag la 'byung bar 'gyur te/ ches mang zhing shin du mang ba'i stobs can lha rnams kyi mnga' bdag mu su lun d+ha 'di'i spyan sngar bdag cag rtsed mo bya'o/ /de lha'i tshogs kyis yongs su bskor ba las lha gzhan gyis thag ring ba nyid nas lha de nyid mngon par mthong nas thal mo spyi bor sbyar te so so nas mchod par byed do/ /rtse mo 'dir khyod kyis phyin gyis/ 'di ji lta ba bzhin du ltos dang / gang la lha shin du 'thab bral dang lha'i mnga' bdag kyang lha'i tshogs du mas yongs su bskor nas rtse bar byed de legs par byas pa'i las kyi mtha' la spyad pa'i lha rnams pad ma du mas yongs su bskor nas rtse bar byed de/ legs par byas pa'i las kyis rtsed mo'i nags la sogs pa'i gnas der 'ongs par gyur la/ de la lha snga na med pa 'di rtsed mo'i don du 'ongs so zhes bya ba'i 'thab bral ba'i tshig de thos nas lha gsar du skyes pa de 'di snyam du sems te/ gang na 'thab bral ba rnams kyi rgyal po 'di 'dod pa'i yon tan lnga la rtsed mo rtse de skad ces smras nas des lhan cig tu zhabs 'bring byed pa la 'di skad ces bos te/ gang na rgyal po mu su lun d+ha rtsed mo rtse ba der bdag cag 'gro bar bya'o/ /de ltar tshig 'di bzung nas gang na rgyal po rtsed mo rtse ba der glu dang rnga sgra dang rol mo dang rab tu dga' ba'i glu mkhan dang bcas te 'gro ba'o/ /de nas mu su lun d+ha ud pa la dmar po'i nang du song zhing gseb tu song ba rgyang ring po nas mthong ngo / /ud pa la dmar po de'i mdzes pa ni 'di dag rnams yin te/ 'di lta ste/ stong phrag brgya pa'i 'dab ma'i ud pa la de'i 'dab ma de la phug tu zhugs pa dang 'dra ba'i khang pa ji ltar mchog tu dri zhim pa na lha mos bya'i tshogs rnams dang lhan cig tu rtse bar byed do/ /bya'i tshogs gang dag chu'i rgyun la rgyu ba de dag rnams ni rnam pa du mar snyan pa'i sgra</font><hr>65.37b<br><font size=+1>

kun nas sgrogs so/ /yang ud pa la dmar po de'i 'od ni rnam pa 'di lta bu yin te/ rin po che rnam pa sna tshogs pa'i 'od gang dag de kun nas 'brel par 'gyur ro/ /rnam pa sna tshogs pa'i 'od de dag rnams thams cad 'od des zil gyis gnon te/ ud pa la rin po che yin pa'i phyir ro/ /ud pa la de gang gis rin po che thams cad kyi 'od kyi khyad par rnams zil gyis gnon par 'gyur ba'i rnam pa de srid kyi dmar por 'gyur ro/ /rnam pa ji srid kyi mchog tu dmar ba'i pad ma rA ga'i 'am ston ka'i nyi ma shar bar gyur pa yang rung ste/ rnam pa de srid kyi dmar por skyed pa bas de dag ches lhag par dmar ba yin no/ /gzhan yang ud pa la dmar po de'i 'dab ma'i nang na lha mo de dag rnams nang du song ba'i bung ba'i tshogs dang lhan cig tu dam par 'tsher ba'i 'dab ma'i nang du song nas lha rdzas kyi 'dod pa'i yon tan lnga la dga' bar byed de/ ud pa la dmar po de dag gi nang du song ba'i lha de dag rnams kyang 'di snyam du sems te gang chung ngu na bdag cag bdud rtsi btung bar bya'o zhes de dag gi sems bskyed pa tsam nyid na 'dab ma de dag gi gseb kyi nang nas mchog gi dri dang reg pa bsil ba rnam pa du ma yongs su 'bab pa'o/ /lha de dag dang lha rnams kyi mnga' bdag mu su lun d+ha de yang yul gyi bde ba mchog tu rgya che ba nyams su myong bar byed do/ /de dag 'di snyam du sems te/ ma la bdag cag ud pa la'i nang du zhugs pa rnams kyi 'di lta bu'i glu dbyangs rnams su gyur mod/ de dag gi sems bskyed pa tsam nyid na reg na bde ba'i rlung rnams rab tu 'phyur la rlung des rab tu btab pa na sems bskyed pa dang / dus cig tu ud pa la dmar po de'i ud pa la'i 'dab ma rnams phan tshun du drud pa'i sgra rnams 'di lta bu rab tu 'byung ste/ gang gi khyad par gyis rnga skad yan lag lnga pa de'i bcu drug char yang mi phod do/ /de dag gis sngar ma byung ba'i sgra thos nas mchog tu rab tu dga' ba'i yid kyis shin du rtag</font><hr>65.38a<br><font size=+1>

par rna ba'i rnam par shes pa ud pa la dmar po'i 'dab ma'i gseb tu song bas 'thab bral gyi mnga' bdag mu su lun d+ha dang lhan cig tu de dag rnams dga' bar 'gyur ro/ /gzhan yang 'di lta bu'i rtsed mo rnams de dag rnams kyi sems la 'byung ste/ ma la bdag cag 'dir gnas nas rtsed mo rnam par rgyu ba rnams kyi bdag cag rnams 'di na kun nas gnas pa nyid kyis ud pa la 'di nam mkha' la 'phags na rung de dag rnams sems bskyed pa dang lhan cig kho nar ud pa la de nam mkha' la kun nas ngang pa bzhin du 'phags so/ /de dag la gnas nas mthong ba nags dang nye ba'i nags dga' ba rnams la lha gzhan rang gi las dang 'dra ba'i longs spyod par bya ba mtshungs pa la rtse zhing nye bar longs spyod par byed do/ /de dag rnams de'i nang der song nas dpe med pa shin du rnam par dag pa'i tshul khrims de'i mthus de ltar rgyal po mu su lun d+ha dang lhan cig tu rnam pa du ma dang rnam par rtog pa du mar rtse dga' zhing yongs su spyod do/ /de dang mtshungs par 'bras bu la nye bar longs spyod de/ dman pa dang 'bring dang bar ma dang khyad par du 'phags pa'i dbang du byas nas de dag nags dang nye ba'i nags dang mtshe'u dang dpal phal po che de dag rnams la yun ring por de bzhin du bltas nas gzhan yang yid kyi rtags kyis gang yin pa de dang rtse mo khang bu stong yod pa rtse mo der nye bar 'gro ba'o/ /bsam gyis mi khyab pa'i las kyis byas pa'i sa der gsar du skyes pa des sleb nas mchog tu rab tu dga' ba'i yid kyis gang na ud pa la dmar po'i ze'u 'bru'i gseb na mu su lun d+ha song nas lha mo du mas yongs su bskor nas dga' zhing kun du spyod par byed de gar dang rnga sgra dang rol mo'i sgra dang glu nye bar len par gyur pas mchog tu rgya che ba 'thab bral ba rnams kyi sa la/ 'dod pa'i yon tan lnga phun sum tshogs pa'i yul gyi bde ba rnams nyams</font><hr>65.38b<br><font size=+1>

su myong ngo / /mu su lun d+ha de'i ud pa la dmar po'i 'od de rnams kyang nye 'khor na mchog tu dpe med pa'i dmar pos snang bas kun nas bskor ba bzhin du snang ngo / /de ltar na ji ltar mya ngan med dmar po'i mdog kun nas 'bar bas kyang bcu drug gi char yang mi phod do/ /de kho na bzhin du 'di dag rnams de la rnam pa du mar lha'i bde ba nyams su myong bar byed la de nas slar yang lha gsar du skyes pa de gang na 'thab bral gyi mnga' bdag yod pa der lhan cig spyod pa'i 'khor dang bcas pa rnams nye bar legs par 'gro ba'o/ /phyin nas kyang spyi bo'i steng du thal mo sbyar ba byas nas phyag 'tshal lo/ /de nas phyag 'tshal ba'i gsar du skyes pa de la mu su lun d+has tshigs su bcad pa smras pa ji ltar/ tshul khrims yon tan gsum ldan pa/ /gang zhig sngon byas pa yi las/ /las de'i rnam par smin pa ni/ /bde ba 'di dag nye bar gnas/ /bag med dbang du 'gro ba yis/ /de zad par ni mi bya'o/ /phyir zhing dge ba'i las gzhan yang / /rab tu brtson pas de dag bya/ /dge ba'i las rnams bzang po yin/ /mi dge ba yang spang bar bya/ /dge dang rjes 'bral bde ba'i mchog /mi dges ji bzhin don min yin/ /stobs dang spro ba ma log par/ /mi gang dge ba'i las byed pa/ /de ni rtag tu bde 'gyur dang / /mya ngan 'da' bar 'gro ba yang / /gang zhig bag med kun rnyed nas/ /mi gang dge la mi 'jug pa/ /de ni dge ba'i las kyi mtha'/ /zad nas dmyal bar rgyug pa yin/ /rab tu brtson pas legs byas pa'i/ /dge ba shin du rnam dag gis/ /gang la sdug bsngal mi dmigs pa'i/ /bsod nams go 'phang de 'thob bo/ /gang yang dbang rnams dbang gis dang / /yul rnams la yang de bzhin te/ /'ching ba kun gyis de bcings nas/ /'khor ba'i lam du 'jug pa yin/ /sdig pa'i chos kyis ma gos pa'i/ /legs par sbyangs pa'i gser 'dra ba/ /srid pa'i dgon pa las</font><hr>65.39a<br><font size=+1>

grol nas/ /de ni kun nas bde bar gnas/ /don min 'di rnams rtsa ba ni/ /gang zhig bag med rjes sten pa'o/ /de nyid spangs pa mchog yin te/ /skyid chen thams cad byed pa yin/ /bde dang yang dag ldan pa yin/ /gsar skyes de ni khyod yin pas/ /ji ltar chu la nye rjes 'gro/ /de bzhin blo yis rjes su bsgrubs/ /mtho ris bag med dbang 'gro dang / /lha gang bud med dbang song bas/ /de na bud med mes bsregs nas/ /rtag tu sdug bsngal skal ldan yin/ /de phyir rab tu brtson pa yis/ /lhas ni bud med yongs spang bar/ /bya'o 'dod pa 'jig rten gyi/ /yid rnams 'dzin pa'i 'ching ba yin/ /don dang don min la rnam rmongs/ /chos dang chos min yang de bzhin/ /skyes bu skal ba chung ba la/ /mya ngan 'das pa de la ring / /lci ba yang ba de nyid shes/ /brtags pa chos kyi spyod yul can/ /chos 'dod 'bras bu 'dod pa ni/ /bde ba de 'dra 'thob pa yin/ /dbang po rnams kyis rtag tu yang / /khrid byed sems ni gdul dka' ba/ /legs par 'dzin byed gang 'dzin pa/ /brtan de pha rol 'gro ba po/ /yul rnams la ni khyab pa'i yid/ /thag pas g.yo ba'i yid 'dzin pa/ /blo ldan legs par 'dzin byed gang / /lha de 'jig rten mkhas pa yin/ /nye bar longs spyod yid dga' ba'i/ /bde ba du ma thob pa la/ /gang zhig 'dod la chags min pa'i/ /mi des bde legs thob par 'gro/ /dge ba'i las de khyod kyis byas/ /dga' ba'i yul gyi ngam grog gi/ /'thab bral srid pa khyod kyis thob/ /yid ni bag med ma byed cig /de ltar skyes pa de yang ni/ /bye brag de bzhin ther 'bum phrag /lha dang lha mo tshogs nyid kyis/ /las 'bras skal ba dang ldan pa/ /sems kyis yongs su sprul pa yi/ /las kyi 'phyang mo rtogs par dka'/ /gang la brten nas 'khor ba 'di/ /srog chags gti mug gis bslus so/ /skye dang 'chi ba'i</font><hr>65.39b<br><font size=+1>

'khor lo ni/ /yan lag bcu gnyis la spyod pas/ /'jig rten 'khor zhing 'khor ba ste/ /'khor ba 'di ni sems kyis bslus/ /lha rnams 'di dag thams cad nyid/ /song zhing 'gro dang 'gro ba yin/ /bai dUr+ya rtse dga' ba dang / /rtse mo dga' ba gnas pa yin/ /de bzhin nags kyi phreng gzhan yang / /ri rnams de dang 'dra ba yin/ /skye bo rnams ni rje bar 'gyur/ /tshal dang skyed tshal dga' ba dang / /sa gzhi'i cha shas thams cad ni/ /'gyur ba med pa nyid du gnas/ /skye bo rnams ni snor ba yin/ /yu ba bai dUr+ya rang bzhin/ /gser gyi khyad par can dag gi/ /pad ma'i rdzing rnams de kho nas/ /skye dgu rnams ni rje ba yin/ /mtsho dang chu klung dga' ba la/ /bya yi tshogs kyis legs bsten pa/ /de nyid bzhin du rnam 'gyur med/ /skye bo 'di rnams nges par rje/ /de bzhin gzhal med khang rnams dang / /yang thog rtse yang de bzhin du/ /'gyur ba med par gnas pa nyid/ /skye bo rnams ni rje ba yin/ /rje bar byed pa'i 'phyang mo dang / /yul rnams kyis kyang bslus pa la/ /de lta na yang 'jig rten gyi/ /snying la skyo ba'i ming mi skye/ /'khor ba la ni rgyu ba'i sems/ /goms pa'i dbang gis rtsub 'gyur ba'i/ /sdug bsngal chen po gzhan gang ni/ /snying gis tshor ba ma yin te/ /phyugs zhags khrim gyi khog tshe yin/ /'ching ba ji bzhin 'ga' med pas/ /re re zhing ni kun gsod pa/ /lhag ma rnams la 'khrul pa med/ /ces so/ /de ltar mu su lun d+ha des chos kyis khong brnangs pa'i yid kyis rjes su gdams so/ /gdams nas kyang slar yang lha brgya stong du mas rjes su 'brang bar gyur pas ud pa la dmar po de las gzhan 'jig rten thams cad pa zhes bya ba'i ri'i rtse mo der rjes su 'gro bar byed do/ /rtse mo 'jig rten pa thams cad pa de yang dpag tshad lnga brgyar rin po che bdun gyi rang bzhin gyi rigs dang ldan pa/ 'bab chu dang mtshe'u dang / </font><hr>65.40a<br><font size=+1>

pad ma'i rdzing bu dang nags tshal dang skyed mo tshal dang me tog dang bya'i tshogs rnams kyi kun du gang ba yon tan du ma phun sum tshogs pa dang / ri'i yan lag dang nying lag rnams yon tan thams cad dang ldan pa/ 'bab chu dang mtshe'u du ma phun sum tshogs pa der mu su lun d+ha 'dir sleb pa dang dga' bas rnam par rgyu bar byed do/ /'jig rten thams cad kyi ri'i rtse mo de na yang dpag tshad lnga brgyar dga' ba 'di lta bu rnams yod pa la 'di lta ste/ rtse mo de'i rtsa ba'i nye 'khor rnams na mthong na dga' ba zhes bya ba'i rdzing bu de rnams kyis rtse mo de yongs su bskor nas de'i dbus na rwa bzhin du rtse mo 'di legs par gnas so/ /'di la rin po che sna bdun gyi rang bzhin khor yug tu byas pa'i bang rims rnams yod do/ /des rtse mo 'di'i mchog de kun nas snang bar 'gyur ro/ /nye 'khor kun las dpung pa ltar mtho bar gyur pas lha'i 'jig rten las de dpag tshad lnga brgyas mtho ba rtse mo de'i nye 'khor rnams na yang stegs bdun rgyan gyi rang bzhin snang bar byas te brtol bar gyur nas rnam par gnas par gyur pa la 'di lta ste/ gser gyi rang bzhin gyi stegs bu dang / dngul gyi rang bzhin gyi stegs bu dang bai dUr+ya'i rang bzhin gyi stegs bu dang in dra nI la'i rang bzhin gyi stegs bu dang / spug gi rang bzhin gyi stegs bu dang pad ma dmar po'i rang bzhin gyi stegs bu dang / dbyig gi rang bzhin gyis yongs su bskor ba'i stegs bu de rnams kyis de'i nye 'khor yongs su khyab pa mchog tu rgya che zhing mdzes pa'i mchog tu dga' bar gyur pa'i lha dang lha mo'i tshogs kyis gang ba mthong zhing thos na mchog tu yid 'phrog pa rin po che'i mchog dang ldan pas shin tu rnam par gsal lo/ /de nas 'thab bral ba'i lha rnams gyi mnga' bdag mu su lun d+ha gang na 'jig rten thams cad pa der lha brgya stong du mas yongs su bskor nas song ngo / /lha khrag</font><hr>65.40b<br><font size=+1>

khrig du mas rtse mo kun nas mthong ngo / /mthong nas kyang 'di skad brjod de/ 'thab bral 'jig rten ma lus las/ /dpung pa bzhin 'dir mthon por snang / /'jig rten thams cad la rtag tu/ /lha tshogs 'jig rten rnams kyis brten/ /rnam par snang byed ri yi mchog /rin chen ldan pa bzhin du snang / /rab tu dang ba'i chu dang ni/ /pad ma'i rdzing bu yang dag ldan/ /nags dang nye nags dga' ba la/ /bya dang ri dgas dag gis bsten/ /dga' ldan ri phug rgya chen can/ /nam mkha' brtol nas mthon por gnas/ /lha rdzas phreng bas brgyan pa yi/ /lha rnams rtag tu sten 'gyur te/ /glu gar rab tu dga' ba dang / /lha rnams dag ni thams cad kyis/ /rnga skad yan lag lnga pas ni/ /dga' ba bzhin du mtshon par byed/ /dga' chen po yi rtse mo 'di/ /'od kyi phreng bas kun du khyab/ /las rnams yon tan gsum ldan pa'i/ /legs par byas pa mdzes pa 'di/ /nye 'khor gang la kun brten nas/ /lha yi tshogs ni rtse byed par/ /bdag cag kyang ni der brten la/ /rnam mang bde la bdag dga' bya/ /'dod ldan rnam nyid bde don du/ /sa 'di kun nas gnas pa yin/ /'chi 'pho nyid dang skye ba rnams/ /de bzhin lha 'di rnams byis pa/ /bag med pas phrogs sems can rnams/ /'chi bdagashan pa'i dbang gis 'gro/ /nges par 'khrul pa dang bral bar/ /'chi ba phyugs bzhin rtogs pa min/ /de ltar mu su lun d+ha des 'jig rten thams cad pa'i rtse mo mthong ba dang mchog tu dga' ba'i lha mo brgya stong bye ba khrag khrig phrag du mas legs par gang ba yul du ma la rab tu chags pa'i yid can rnams mthong ba dang las kyi 'bras bu'i de kho na nyid ma mthong ba'i lha rnams mthong ba dang / bag med pas gnas pas sred pa'i sbyor ba dang ldan pa ni ngoms pa med pas 'dod pa'i mes tshig par gyur pa rnams mngon par mthong nas thugs rjes rjes su brtse bas kyang tshigs su bcad pa rnams brjod do/ /brjod nas kyang phyir yang</font><hr>65.41a<br><font size=+1>

gang na 'jig rten thams cad yod pa der nye bar legs par song ngo / /yang nges pa kho nar las kyi 'bras bu la nye bar longs spyod pas myong bar 'gyur ba nges pas khrid nas dga' ba'i g.yo bar gyur pas de yang lha brgya stong du mas yongs su bskor nas gzhan yang de nyid kyi skyed mos tshal kyi ltad mo la 'jug cing rtse mo la 'khod do de dag rnams mthong nas kyang lha gang dag 'dod pa'i yon tan lnga dang ldan pas de'i tshe rtse mo de la dga' mgur kun du spyod cing dga' ba'i zas kyis rnam par rgyu ba rnams 'ga' zhig ni nam mkha'i dkyil du byung nas rab tu gnas so/ /gzhan ni rnam pa sna tshogs pa'i phreng ba dang byug pas lus byug go/ /gzhan ni bya'i rang bzhin gyi gzhal yas khang gi nam mkha' la'o/ /gzhan ni lhan cig spyod pas yongs su bskor nas gang na 'thab bral gyi mnga' bdag yod pa der 'gro bar 'gyur ro/ /gzhan ni rnga skad yan lag lnga pa rjes su chags pas de gang gis 'dod pa kun du skyed pas yongs su skor zhing lhan cig spyod pa rnams kyang rgyan dang cha lugs du ma'i gzugs 'dzin pa mang po rnams kyis yongs su bskor nas/ gang na rgyal po de 'ong bar gyur pa der 'gro bar 'gyur ro/ /lha gzhan ni rang nyid kho na lha'i rnying pa med pa me tog lha rdzas kyi dri dang ldan pa'i me tog gi char 'bebs par 'gyur zhing gang na 'thab bral ba'i mnga' bdag 'ong bar gyur pa der nye bar legs par 'gro'o/ /yang lha gzhan ni gser gyi rnga chen po dang pi bang dang khar rnga dang sil snyan gzhan gyi sgra snyan pa dang glu len pa dang ldan pas gang na 'thab bral ba'i bdag po mu su lun d+ha 'ong ba der nye bar 'gro'o/ /yang lha gzhan me tog drir ldan chen po'i chang gis mig rnam par 'gyur ba rnams lha rdzas kyi phreng ba thogs nas nam mkha' la gnas pa'i gos rlung gis rnam par g.yo bar gyur pas gang na 'thab bral gyi bdag po de yod par nye bar 'gro bar 'gyur ro/ /</font><hr>65.41b<br><font size=+1>

yang lha gzhan ni nam mkha'i dbyings su 'phags nas 'thab bral gyi lha bdag mu su lun d+ha gang na ba der 'gro ba'o/ /de ltar lha du ma rnams rgyan dang cha byad du ma dang gzugs du ma rnams kyis te/ ji ltar las dman pa dang 'bring pa dang khyad par du 'phags pas gzugs dang cha byad dang rgyan dang ldan pa rnams gang na 'thab bral gyi mnga' bdag de yod pa der mchod pa rnams bya ba'i rgyu mtshan gyis so so nas nye bar legs par 'gro ba'o/ /de nas lha'i rgyal po de lha'i tshogs thams cad kyis mngon par bstod par gyur cing gang na rtse mo de yod pa der legs par phyin no/ /rtse mo de yang phyir zhing nyid du shin du dga' bar lha'i rgyal po des mngon par mthong bar 'gyur ro/ /mnga' bdag des sems can rnams la 'dod pa'i yon tan dang ldan pa'i yul lnga'i bde ba la nye bar longs spyod par byed de/ dpe med pa rnam pa du ma'i lha rdzas rnams legs par byas pa'i las kyi mthus nyi ma re re la 'phel bar 'gyur ba'i nags dang nye ba'i nags dang mtshe'u dang pad ma'i nags la 'dod pa du ma longs spyad nas lha rnams dang lhan cig rtses par gyur pas 'thab bral gyi mnga' bdag de gang na 'jig rten thams cad pa'i rtse mo'i steng gis yod pa der nye bar legs par 'gro bar 'gyur ro/ /lha'i tshogs chen pos yongs su bskor nas legs par byas pa'i las kyi stobs kyis dang / thabs ma yin pa'i sgo kun du 'byung ba'i stobs kyis kyang ji srid kyi bar du lha'i bu mo rnams 'chi 'pho bar 'gyur ba mthong ba de dag gi snga rtags gsar par gyur pa ni 'chi ba'i dus na 'di lta ste/ nu ma dag rnyid par 'gyur ro/ /gnyer ma skye ba'i ngo bos mtshon par byed pa dang / g.yo bar gyur pas kyang yin gyi reg pas me tog bcings pa rnam par nyil ba 'ba' shig tu ni ma zad de/ mgo la me tog dmar po gang dag bcings nas yod pa de dag ser por 'gyur ro/ /gzhan yang 'chi 'pho ba'i rtags su gyur pa la 'di lta ste/ </font><hr>65.42a<br><font size=+1>

yang dag pa ma yin pa'i 'gro ba'o/ /gzhan yang 'chi 'pho ba'i rtags yod pa ni 'di lta ste/ rlung gis gos 'degs shing ma btags pa'i gos rnams kyang btags par 'gyur ba dang / reg bya rtsub por yang 'gyur ro/ /gzhan yang lha'i bu mo rnams 'chi 'pho ba'i rtags yod pa ni 'di lta ste/ nam mkha' la 'gro bar byed pa na ngal bar 'gyur ro/ /ji ltar chu lus kyi steng du 'byung bar byed do/ /rab tu dang ba yang shin du rnyog par 'gyur ro/ /gzhan yang 'chi 'pho ba'i ltas su gyur pa ni dper na shing la me tog 'ga' zhig gi don du 'am 'bras bu'i don du nye bar reg pa na shing de shin du ring bar 'gyur ro/ /reg par nus pa yang ma yin no/ /lha gang zhig la rna ba gtod pas rjes su chags par gyur pa de las 'dod chags dang bral bar 'gyur ro/ /gzugs ngan par yang mthong ngo / /gzhan yang 'chi 'pho ba'i rtags su gyur pa ni lha mo'i skra rnams rlung gis kun nas skyod par byed pa dang rtsub par yang 'gyur ro/ /'chi ba'i rtags de dag rnams ni mi rnams kyi rtsis kyis ji srid lo stong gi bar du 'gyur ro/ /de ni de dag rnams kyi rtsis kyis nyi ma bcu'o/ /de'i rjes thogs su 'chi 'pho ba'i rtags su gyur pa rnams ni lha de dag rnams kyi de dag las nyis 'gyur du 'chi 'pho ba'i rtags gang dag gi rjes la 'chi bar 'gyur ba ste/ lha rnams rtag tu 'dod pa la shin du rnam par chags pas yid kun du gnas pa'i sems pa can du 'gyur ba rnams kyi rtags ni 'di lta sta/ sa la 'gro ba na sa rtsub par gyur te/ mnan na nem la bteg na 'phar bar sa gzhi mi 'gyur ro/ /gcig pu cig mngon par dga' ba'i lha mo gnyis dang nye bar 'dre bar mi byed do/ /gzhan yang de'i skad cig la 'chi 'pho ba shin du nye ba'i ltas yod de/ dper na mi 'dod bzhin du sa gzhi 'gul bar 'gyur ro/ /gzhan yang nye bar 'chi 'pho ba'i rtags</font><hr>65.42b<br><font size=+1>

yod de/ dper na glu rtsed kyi glu brjed pa dang ji lta ba bzhin du zhugs pa rnams 'ga' zhig kyang nye bar mthong bar mi 'gyur ro/ /glu mkhan dang gar dang glu rnams ji ste las kyi khyad par las lha mo rnams kyis legs par shes pa gyur pa de kho na bzhin las yongs su zad pas brjed par yang 'gyur ro/ /gzhan yang de dang 'brel bar 'chi 'pho ba'i rtags su gyur pa ni gal te pad ma'i rdzing bu 'am/ mtshe'u 'am 'bab chu la yang bsnyen pa na de la skye ba gang du skye bar 'gyur ba'i rnam pa de lta bu nyid kyi gzugs chu la mthong ngo / /gzhan yang de ma thag tu 'chi 'pho ba'i ltas yod de/ gang yang 'di rgyan btags par gyur pa rnams la dpung rgyan dang mgul rgyan dang brtsibs logs kyi rgyan la sogs pa kun lci bar 'gyur ro/ /gzhan yang de ma thag tu 'chi 'pho ba'i rtags yod pa la/ 'di ltar gang na 'dug pa'i stan gyi mchog de kha dog rnams nyams pa'i rnam par 'gyur ba 'byung ste/ gal te gser ram/ gal te bai dUr+ya'i rang bzhin nam/ in dra nI la'i rang bzhin yin pa las de dag thams cad shing gi rang bzhin du 'gyur ro/ /gzhan yang de ma thag tu 'chi 'pho ba'i mtshan mar gyur pa la/ 'di ltar gsar du skyes pa'i mtshe'u ni phyin ci log tu mthong ngo / /gzhan yang rjes nyid du 'chi ba'i dus kyi yin pa'i 'chi 'pho bar 'gyur ba'i rtags ni mchog tu 'jigs su rung ba 'di lta ste/ rngul lus po thams cad nas 'dzag pa ni ji ltar mi rnams bzhin no/ /gzhan yang 'chi 'pho ba'i rtags su gyur pa la dper na lha'i rigs 'di dag rnams ma lus pa 'khor bar byed do/ /'khor lo la zhon pa bzhin du 'khor bar gyur nas stong par mthong ngo / /dbang po thams cad la yang yul des gnod par 'gyur ro/ /dga' ba med par yang 'gyur ba dang / snying mi dga' ba rnams la dmigs par 'gyur ro/ /'di'i</font><hr>65.43a<br><font size=+1>

srog gi sgo lta bur gyur pa'i las rnams gang gi tshe yang skye ba gzhan du skye bar 'gyur ba na de dang rjes su 'thun pa'i snang ba yang kun du 'byung ste sngar bzhin no/ /lha'i bu mo de yang sems mchog dang bcas pa'i dbang gis de bzhin du srid pa bar ma do yin te/ de ltar lha'i bu mo rnams 'chi 'pho ba mngon par mthong zhing mchog tu yid kyang byung la lha'i bu mo dag log par ltung ba yang mngon par mthong nas tshigs su bcad pa brjod pa ji ltar/ bud med 'jig rten 'ching byed yin/ /slu byed 'thab mo 'phel byed yin/ /chos min log par ltung rnams kyi/ /skyon rnams gzhi yang rtag tu yin/ /mi rnams 'ching ba gang de rnams/ /bud med chags dbang 'gro bas yin/ /de ltar 'chi bdag dmag gi sdis/ /stobs rab kyis ni shin du 'joms/ /'jo sgeg smin ma bskyod sogs pas/ /mi rmongs mo rnams kyis slus nas/ /rang gi las 'bras bskal pa yis/ /'chi bdag dus su 'bros pa yin/ /pad rdzing nye nags brag rnams dang / /chu klung dang ni chu gshal la/ /rtsed mo mang du rtse byas nas/ /bud med sdug kun de gar song / /nges par yang ni 'chi ba dang / /nges par yang ni rnam par bral/ /de ltar yin yang skyes bu rnams/ /rtag tu chags pa'i dbang gis 'gro/ /sred pa rnams kyis lan mang du/ /'jig rten thams cad rnam nyams byas/ /gang dag bud med 'ching ba 'di/ /smras chen bzod par dka' ba yin/ /gang yang 'jig rten 'ching ba 'di/ /'dod pa'i 'dod chags rang bzhin che/ /de ltar gzhan yang rtsol bas ni/ /rnam par dpyad na rnyed 'gyur pa/ /'dod pa'i mda' yis rnam du mar/ /mi bcos nas ni de gar song / /bud med 'dod pa'i dbang 'gro bas/ /rang nyid kyis ni gzhan rgyal byed/ /de ltar 'thab bral gyi mnga' bdag mu su lun d+ha des mngon par mthong zhing 'chi 'pho</font><hr>65.43b<br><font size=+1>

ba'i 'jigs pa bzlog par mi nus pa du ma kha nas brjod nas nges par 'gyur ba'i skal ba can mngon par mthong la/ gang lha de dag 'dod pa'i yon tan lnga dang ldan pa rnam pa du mar rtse dga' la 'chi 'pho ba'i 'jigs pa rtogs par mi 'gyur ba rnams phyugs dang mtshungs par rtogs nas/ kye ma 'chi ba dang nye ba la ji ltar 'di dag rnams 'jigs pa kun du skye bar mi 'gyur/ des de ltar yid la bsams nas 'jigs pa'i yid kyang drag por byas kyang gzhan dag rnams la 'chi 'pho ba'i 'jigs pa de go bar byed nus pa yang ma yin no/ /yul dang dus ma yin par chos pa bshad pa'i rgyu mtshan gyis kyang yang bar 'gyur ba'i phyir te/ lha de dag thams cad kyang yul rnams la mchog tu 'dzin pa dang / yid kyang de la song ba ste dus ma yin par de dag rnams la gzhug par bya bar mi nus pa'i phyir ro/ /de nas de'i nang 'jigs par byas nas phyir yang lha de dag rnams rjes su 'jug par bya ba'i don du rnam pa du mar rtse dga' zhing kun du yang spyod do/ /de nas lha de 'jig rten thams cad pa'i rtse mo de la lha gang dag ches mngon par dga' bar gyur pa'i pad ma dang / me tog gi tshal dang / nye ba'i tshal dga' ba de dag la lha dang lha mo phan tshun lhan cig 'grogs par gyur pa de la song ba'i yid kyis myos pa la don gcig pa yul gyi sred pa'i tshogs kyis dug gi yul la ched cher 'dzin pas nags dang nye ba'i nags dang mtshe'u dang sa'i cha shas la rnam pa du mar dga' ba dang glu len pa dang bdud rtsi yang mchog tu dri dang reg bya phun sum tshogs pa rnams 'thung ngo / /rnam par rtog pa du mas glu'i sgras kyang dga' bar byed de/ de de ltar dga' bar gyur pas rtse mo de'i nang na dbus kyi stegs bu yod pa der rtse mo dang bcas pas ri la nye bar legs par 'gro'o/ /stegs bu de yang bai dUr+ya'i rang bzhin du gyur par mthong ngo / /lha rnams la nyams shing rnam</font><hr>65.44a<br><font size=+1>

par 'gyur bar byed pa gang zhig skyed de/ de dag rnams kyi rin po che rnam pa sna tshogs pa gang yin pa de dag thams cad bai dUr+ya de'i 'od kyis de gcig tu sngon po'i gzugs su mngon par 'gyur ro/ /thams cad gcig tu sngon po'i tshogs su skyes so/ /lha de dag gis rnam pa de lta bu'i sngon po de rnams nye bar rtogs nas mchog tu ngo mtshar skyes nas 'di skad ces brjod par gyur te/ ji ltar gzhal yas khang brgya stong mang po bdag cag gis mthong ba la bai dUr+ya'i 'od 'di ni bdag cag gis mthong ba'i 'od rnams ma yin na ji ltar de dag ri 'di gang zhig gi gzi brjid yin par gyur/ de nas de dag de ltar brjod pa dang de las sngon gyi lha cig gis sngon thos pa'i gtam rgyud brjod pa 'di'i rgyu gang yin pa rnams ji lta ba bzhin du nyon dang / lha rnams 'od sngo zhing che ba gang yin pa 'di dang 'di lta bu'i gzi brjid kyang 'di ltar rjes su thos te/ ji ltar 'ga' zhig gi dus su yang dag par rdzogs pa'i sangs rgyas 'od srung su grags pa la mchod pa byed nas dga' ldan gyi mnga' bdag rab tu zhi ba 'dzam bu'i gling du babs par 'gyur la des 'jig rten thams cad pa'i rtse mo 'di'i nor bu bai dUr+ya 'di dag tu lha de dag rnams ngo mtshar ba dang dga' bar 'gyur ba'i nor bu cig 'dir bcug go/ /ji ltar 'di'i gzi brjid kyis 'thab bral ba rnams kyi las kyi 'bras bu lci ba nyid dang yang ba nyid shes pa dang / nga rgyal yang chag par 'gyur ro/ /gang dag gis chos kyi gshis dang ldan par 'gyur ro/ /'thab bral ba rnams dang / dga' ldan pa rnams kyi khyad par gang yin pa de yang 'thab bral ba rnams kyi nor bu 'dis khyad par du shes par 'gyur te/ de dag rnams rnam pa de srid kyi bde ba dang yang dag par ldan la de dag gi khyad par gyis bdag cag rnams gang yin pa ni cung zad tsam dang / 'od kyi tshad dang mgog dang dbyibs shin du chung ba dang</font><hr>65.44b<br><font size=+1>

stobs shin du chung ba dang sa rnams shin du chung bas ci yang ma yin no/ /las kyi mtha' rnams kyis des nor bu de'i gzi brjid nye bar dmigs nas yid mchog tu kun nas rangs par 'gyur ro/ /gang dag bag med pas bag med par gnas pa 'byung bar 'gyur ba de dag gi rgyags pa dang bral bar 'gyur ro/ /yang gang dag chos pa chos kyi rjes su 'jug pa 'byung bar 'gyur te/ de dag rnams phyir zhing yang de nyid kyi rigs su je bas je chos kyi rjes su 'jug pa'i rang bzhin du 'gyur ro/ /rgyu 'dis dga' ldan gyi mnga' bdag des nor bu 'di bcug pa yin no/ /de nas lha rab tu mang po de dag lha de'i drung nas tshig 'di dag rnams nye bar thos nas mchog tu rangs pa'i yid kyis nor bu de lta ba la ngo mtshar ba kun du skyes nas 'jig rten thams cad pa'i rtse mo de'i nye 'khor la de tshol lo/ /nor bu de ji lta bar phyogs gcig na mthong ngo / /ji ltar gang gis brgya 'gyur du 'od zer kun nas spro bar byed de nor bu gzhan dag gzi brjid che ba de dag la yang nor bu 'dis zil gyis gnon na gal te gzi brjid med pa rnams la lta smos kyang ci dgos/ de nas gzhan 'thab bral nas 'byung ba'i nor bu gzi brjid can 'od dang ldan pa'i nor bu gang yin pa de rnams spangs nas nor bu de gcig pu nye bar len par byed do/ /nye bar blangs pa'i nor bu des kyang 'od kyis dpag tshad stong phrag bcu khyab par byas nas gnas so/ /'thab bral ba rnams kyi nor bu rnams gang dang gang yin pa de dang de dag rnams thams cad 'di'i 'od kyis zil gyis gnon par 'gyur ro/ /ji ltar nyi ma shar bas gza' dang skar ma dang / rgyu skar rnams kyi 'od zil gyis gnon no/ /de bzhin du 'thab bral nas 'byung ba'i nor bu rnams thams cad zil gyis gnon par 'gyur ro/ /de nas de'i gzi brjid de 'dra bar mthong nas lha de dag thams cad kyi nga rgyal zhi bar gyur pa dang / phyir zhing 'od kyi zil gyis mnan pas dman par</font><hr>65.45a<br><font size=+1>

gyur pas lha dag nor bu de nyid kho na la lta'o/ /gang yang de la chags pa dang bral bar byed pa'i tshigs su bcad pa gser bzang po'i yi ges bris pa ji ltar/ bag med pas ni mi gnas par/ /rnyog pa'i dri ma sbyangs pa yi/ /las rjes rtag tu gang 'jug pa'i/ /bde ba des ni rtag tu mthong / /skyid de pa dang sdug pa dang / /'khogs dang rtse mo lang tsho yang / /'chi bdag rgyal pos rab tu 'joms/ /gzugs bzang ba dang gzugs ngan dang / /stobs ldan de bzhin stobs med dang / /mgon med pa dang mgon nyams kyang / /'chi bdag rgyal pos shin du 'joms/ /rgyal po rnams sam de bzhin bran/ /rang byung de bzhin khyim pa rnams/ /khron ma rnams sam 'jam po yang / /'chi bdag rgyal pos rab tu 'joms/ /dbul po min dang nor med dang / /yon tan de bzhin yon tan med/ /bud med rnams dang skyes pa yang / /'chi bdag rgyal pos kun nas 'joms/ /byes na gnas dang khyim gnas dang / /chu 'am gal te thang la gnas/ /ri yi rtse la gnas pa yang / /'chi bdag rgyal pos rnam par 'joms/ /ma nyal ba dang de bzhin nyal/ /za ba dang ni de bzhin 'dug /'jig rten thams cad rab 'joms pa/ /'chi bdag rgyal pos rab tu 'joms/ /sa gnas nam mkha'i khang bur gnas/ /dus kyi 'khor lo 'di yi ni/ /'chi bdag rgyal pos rnam par 'joms/ /skal ldan de bzhin bzang po dang / /gsod byed de bzhin chos pa dang / /nad pa rang bzhin gnas lus kyang / /'chi bdag rgyal pos rnam par 'joms/ /gtum po rang bzhin bzang rnams dang / /nor ldan de bzhin 'jungs pa dang / /bag med pa dang bag yod kyang / /'chi bdag rgyal pos 'joms par byed/ /dmyal ba de bzhin yi dgas dang / /dud 'gro de bzhin mi rnams dang / /stobs ldan spro ba ma log pa 'ang / /'chi bdag rgyal pos kun nas 'joms/ /lha gang 'dod pa'i</font><hr>65.45b<br><font size=+1>

khams na dang / /gzugs kyi khams na gang gnas pa/ /de kun phyir ldog mi nus pa'i/ /'chi bdag rgyal pos kun nas 'joms/ /gzugs med med pa'i lha gang yang / /snyoms 'jug nyer len las skyes pa/ /de kun phyir bzlog stobs med pa'i/ /'chi bdag rgyal pos kun nas 'joms/ /'dus byas cung zad gang skyes pa/ /rtag par yang de rnam par 'jig /gang la 'jigs pa yod min pa'i/ /'dus byas cung zad ma mthong ngo / /'chi bdag stobs 'di shes byas nas/ /'dod pa'i skyon yang thams cad dang / /sred pa'i slu byed rnams las dang / /srid pa'i mtsho las chags bral gyis/ /myang bar dga' ba 'di dag kyang / /dmyal ba yi yang rgyu rnams yin/ /'dod pa'i yul gyi 'gyur ldog des/ /ldog par byed pas sbrul dang 'dra/ /de la sdug bsngal 'di rtogs nas/ /'chi bdag stobs las stobs med pa'i/ /sems 'di legs par 'dul bar gyis/ /de yis 'gro ba 'di 'khor byed/ /nags dang nye nags brag rnams dang / /gzhal yas khang yang thams cad las/ /dus kyi me yis rnam ltung ba'i/ /lha rnams thams cad ltung bar 'gyur/ /bag med yid can rmongs pa yis/ /phyir zhing yul rnams dag gis slu/ /sred pa'i zhags pas dam bcings nas/ /lha rnams ngan 'gro dag tu ltung / /de nas lha de bai dUr+ya chen po der tshigs su bcad pa 'di dag rnams thos nas gang dge ba goms pa'i sems dang ldan pa de thos pa dang de ltar mchog tu skyo bar 'gyur ro/ /gang yang yul la kun du rmongs pa de yul de nyid kyis rmongs pas slar yang de nyid la dga' zhing kun du spyod do/ /de nas de dag 'jig rten thams cad par song nas nor bu nye bar bskor nas gzhan yang nor bu 'di'i 'od rnam pa de srid du gyur pa la lha mchog tu ngo mtshar skyes te/ de nas lha de rnams rang bzhin kho nas bag med par gnas par 'gyur bas yul du ma'i bde ba la rnam par rtog</font><hr>65.46a<br><font size=+1>

pa du mas rnam pa du mar dga' bar byed do/ /bde ba gang yin pa'i bde ba yang dpe brjod par bya bar nus pa ma yin no/ /de nas lha de dag rnams phyir yang bag med par gnas par gyur pas sna tshogs pa'i rnga sgra dang / rol mo'i sgra nye bar bsgrags par gyur pas gang na chu chen po zhes bya ba'i chu klung der nye bar 'gro'o/ /bag med pa brtan po'i sred pa'i zhags pas shin du drangs par gyur pa/ yul la lta ba brtan po thogs pa med pa'i dus nas goms pa des drangs par gyur pas gang na chu chen po'i chu klung yod pa der nye bar legs par 'gro'o/ /rnam pa sna tshogs pa'i rnga sgra dang glus sbrel ba'i snying phan tshun lhan cig tu dga' bar byed do/ /chu chen po'i chu klung de yang ljon shing dang pad ma du mas khyab pa/ rnam pa sna tshogs pa'i byas sgra kun du sgrogs pa/ thos na dga' ba/ pad ma'i dri mchog gis bsgos pa'i chu'i ngogs gnyis ga na mchog tu rangs pa'i lha'i tshogs kyis glu len pas yongs su bskor nas/ lha de dag srid pa chung ba nas nye bar legs par 'gro'o/ /de nas phan tshun lhan cig tu mchog tu dga' ba'i yid kyis de dag rnams ngos der dga' bar byed de/ rnga skad yan lag lnga dang ldan pa ste/ chags pa dang mtshungs pas dang snyan pas kyang lha de dag 'dod pa'i yon tan lngas rnam pa du mar dga' bar byed do/ /chu klung de yang mgyogs pa'i chu mchog tu mgyogs par 'grogs pa yin no/ /de'i ngos gnyis ga la bya lo 'dab gzhon nu la gnas pa zhes bya ba de legs par bya ba'i las kyis bskul nas mchog tu dga' ba'i yid kyis lha de dag rnams la phan pa'i don du tshigs su bcad pa brjod pa/ ri gzar chu 'bab myur ba ltar/ /bde ba thams cad rab nyams 'gyur/ /bag med dbang gis 'jug pas na/ /blo dang bral bas rig pa 'ang min/ /nges par lus can rnams kyi ni/ /srog dang bde ba yud tsam yin/ /dmus long</font><hr>65.46b<br><font size=+1>

bzhin du dam pa'i lam/ /blo bral bas kyang rig pa min/ /mig bral long ba mchog yin gyi/ /'dod pas rmongs pa ma yin no/ /bde ba'i rjes su 'brang byed pa'i/ /mi ni dmyal bar nye bar rgyug /spyod pa dam pa dang ldan pa'i/ /mig med dmyal bar ltung ma yin/ /de phyir mig med mchog yin gyi/ /'dod dbang mi ni ma yin no/ /'dod pa phan pa byed min pas/ /lan gcig min par sems rmongs pa/ /'dod pa rnams kyis rmugs pas na/ /rang sems skyo bar 'gyur ba yin/ /'dod pa spyod pa rnams la ni/ /shes rab rnam par shes kyang med/ /'dod pa las skyes sdug bsngal gang / /btang nas slar yang 'dod rjes 'brangs/ /kim pa'i 'bras bu dang 'dra ba'i/ /'dod pa'i dgra bo grogs po'i gzugs/ /'chi bdag srid pa'i ltung ba dang / /ngan 'gror yang ni yang dang yang / /rnam pa du mar 'gro 'ong ba/ /ldog pa med pa'i chu ji ltar/ de bzhin mi rnams bde ba brgya/ /thams cad du ni zlogs pa min/ /de ltar lo 'dab gzhon nu la gnas pa'i bya des yang dag pa'i las kyis bskul nas tshigs gcad brjod do/ /de nas lha de dag legs par byams pa'i sems dang ldan pa des tshigs bcad de thos nas mchog tu skyo ba'i yid kyis spyod par byed de/ ji ltar khyed dud 'gror gyur pa rnams la yang de lta bu'i chos kyi rjes su song ba'i blo yod na/ bdag cag rnams ni ma yin pas de lta bu la 'jug pa'i yid la ni log par ltung bar 'gyur ro/ /de nas de ltar lha de dag gis kyang rig nas 'ga' zhig gis kyang chu klung de yongs su btang nas phyogs gcig na 'di ltar tshigs su bcad pa 'don pa ji ltar/ lus can kun gyi gson pa ni/ /chu yi chu bur 'dra ba yin/ /chu bo'i rlabs bzhin g.yo ba yi/ /lang tsho rnams ni rnam par 'gyur/ /sems can lhag ma ma lus kun/ /'chi bdag rgyal po'i dbang yin la/ /srid mthar byed pa'i thabs</font><hr>65.47a<br><font size=+1>

dag pa'i/ /blo snying sems kyang mi skyed do/ /ji srid lus ni ma smras shing / /ji srid skye bo legs dri med/ /de srid chos kyi yid dang gang / /ngan song rnams kyis 'jigs par gyis/ /de ltar lha de dag phan tshun du chos kyi rjes su 'brangs pa'i 'dod pa dag rjod cing de ltar yud tsam cig dam pa'i chos yid la byas nas/ dbang po rnams ni snyen par dga' ba yin pa'i phyir na/ slar yang bsam gyis mi khyab pa'i rnam pa du mar 'dod pa sdug pa yid du 'ong ba'i yul gyi bde ba rnams mthong nas/ gang na lha de dag dga' mgu zhing kun du yang spyod pa der dga' bas gnas par byed pas nye bar 'gro ste/ de ltar yul gyis kun du rmongs pas nyi ma re re zhing 'phel bar 'gyur te/ lha rdzas kyi 'dod pa'i yon tan lnga'i yul la kun nas 'jug pa'i rgyus mchog tu dga' ba rnams la de ji srid du 'dod pa sdug pa legs par byas pa'i las du ma rnams zad par ma gyur gyi bar de srid du de la dga' bar byed do/ /mchog tu dga' bar 'gyur ba'i lha rdzas kyi yul lnga dang yang dag par ldan pa de la dga' bar byed do/ /de zad nas slar yang las kyi dbang gis 'gro bas dmyal ba dang yi dgas dang dud 'gro rnams su skye ba'o/ /gal te yang gzhan rnams nas 'chi 'phos nas kyang mi rnams dang skal ba mnyam par mir skyes na yang de mchog tu longs spyod dang ldan par 'gyur ro/ /mchog tu gnod pa med pa dang longs spyod can dang rigs mchog tu skye ba dang / yul ljongs kyi mi thams cad dang mthun pa dang / yul ljongs kyi mi thams cad kyis mchod pa dang / 'tshe ba med pa dang nad med pa mchog tu yid gzhungs pa dang mchog tu yang bran pho bran mo dang las byed pa dang zho shas 'tsho ba rnams 'thun par 'gyur ro/ /rjes su chags par 'gyur ba'i grong khyer phun sum tshogs pa dang ldan pa dang yul ljongs su skye bar 'gyur ro/ /gang na chos ma yin pa mi shes pa'i kla klor gyur pa'i yul der skye bar mi 'gyur ro/ /dbang</font><hr>65.47b<br><font size=+1>

po yongs su rdzogs par yang 'gyur ro/ /yid rgyas pa dang sems dang bcas pa dang / mchog tu dbang du gyur pa'i blo dang yang ldan par 'gyur te/ de yis legs par byas shing bsags la mchog tu 'phags pa'i skye bo 'gegs pa'i yon tan gsum dang ldan pa'i nges par lhar skye bar 'gyur ba'i skyes pa'i las kyi rgyu 'thun pas yin no// //'phags pa dam pa'i chos dran pa nye bar gzhag pa/ bam po bzhi bcu rtsa brgyad pa/ gzhan yang dge slong las kyi 'bras bu rnam par smin pa shes pa de 'thab bral ba'i lha rnams kyi sa la kun du lta bar byed pa na/ des thos pa las byung ba'i shes rab kyis 'thab bral ba'i lha rnams kyi sa ji lta ba bzhin du yod pa mthong ba ni rgyun gyis rgyu ba zhes bya ba'o/ /des las gang dag gis sems can rnams skye bar 'gyur ba des thos pa las byung ba'i shes rab kyis mthong ba/ legs par byas pa'i las kyi mtha' la spyod pa/ drang po drang po'i sems dang ldan pa/ chos pa chos kyi rjes su 'brang ba/ ma nyams shing ma smas par spyod pa sdig pa yongs su spangs pa des 'dod pa rnams yongs su spangs pa'i dge ba'i bshes gnyen gyi sems dang ldan pa/ kha na ma tho ba rdul phra rab tsam la yang 'jigs par lta ba/ yang dag pa'i lta ba mngon du byas pa/ sdig pa'i grogs po yongs su spangs pa/ rtag tu yang las dang 'bras bu la dad pa dang ldan pa/ sems shin du mnyam par bzhag pas gang gis lus kyi legs par spyod pa dang ngag gis legs par spyod pa byas par gyur pa tshul khrims yon tan gsum dang ldan pa'i tshul khrims bsrungs par gyur pa la 'di lta ste/ srog gcod pa dang ma byin par len pa dang / 'dod pa log par g.yem pa las de la srog gcod pa dang ma byin par len pa ni snga ma bzhin no/ /'dod pas log par g.yem pa spangs par gyur pa</font><hr>65.48a<br><font size=+1>

yang ji ltar bud med la dar tsam cig kyang so sor lta ba dang ro myang bar mi byed la/ mtshan mo yang yid kyis mig gi gzugs dang lhan cig tu rnam par rtog par mi byed do/ /'dod pa chung bar 'gyur zhing mchog tu chog shes pa dang / nyin mo spyod pa'i sar 'gro ba na yang yid shin du mnyam par bzhag par 'gyur ro/ /sems shin du legs par gzung ba'i thag pas 'dzin pas dbang po rnams myur du 'dzin par byed do/ /lus kyi rjes su 'brangs pa'i blo dang ldan par 'gyur ro/ /sems legs par bsrung ba la kun nas dga' bar 'gyur ro/ /khams dang skye mched dang phung po rnams la rab tu dpyod pa la dga' bar 'gyur ro/ /tshogs pa dang 'dus pa la dga' bar mi 'gyur ro/ /nyi ma phyed kyang spyod yul la 'dre bar mi byed do/ /mi g.yo can nam gtum mo 'am khyim la 'ang sten par mi byed do/ /grong du 'jug pa'i rang bzhin can du mi 'gyur ro/ /grong khyer dang lam po che dang bzhi mdo rnams su 'gro ba dang / 'ong ba'i ngang tshul can du mi 'gyur ro/ /gnyen dang grogs lta ba la brtson par mi 'gyur/ de la myur ba'i blo dang ldan par 'gyur ro/ /rtag tu brtson pa dang ldan par 'gyur ro/ /shes pa dang rnam par shes pa'i spyod yul la rtag tu brtson par 'gyur ro/ /tshul bzhin yid la byed pas rtag tu yang bla ma la brten par byed do/ /rnam pa de lta bu'i tshul khrims byed pa po de lus zhig nas shi ba'i pha rol tu 'thab bral gyi lha rnams kyi sa las tshogs pa rgyun gyis rgyu ba'i lha rnams kyi nang du skye'o/ /skyes pa na yang 'di ni mchog tu rol mo dang ldan pa mchog tu skyid par gyur pa de'i rgya'i rjes dang 'dra ba'i bde ba rnam pa du ma dang ldan par 'gyur ro/ /sa de yang ri gnyis dag gis yongs su bskor ba yin zhing de la rgyun gyis rgyu ba'i ri la nags bzhi yod pa rnams la 'di lta ste/ grib ma snum zhing nag pa dang / rnam pa du mar 'gro ba dang</font><hr>65.48b<br><font size=+1>

thams cad skye ba dang rab tu dang bar 'gro ba'o/ /de la snum zhing nag pa'i zhad can ni in dra nI la 'ba' shig dang mtshungs pa'i kha dog gi shing rnams la gser dang dngul gyi 'dab ma can gang gi mdzes pa bstan par mi nus pa'i phun sum tshogs pa gang gi yal ga dang grib ma dpag tshad lnga brgya pa brtol nas 'gro ste/ ches gnag pa'i char sprin bzhin no/ /du ma 'gro ba'i nags gzhan dang thams cad skye ba yang nags gzhan yin te/ de dag na ni shing gi rigs du ma rnams yod de/ ljon shing de rnams ni kha dog du ma dang dbyibs du ma dang / tshad du ma dang sdong bu du ma dang bya'i tshogs du mas bsten par gyur pa la 'di lta ste/ gser gyi sdong bu la dngul gyi 'dab ma dang / bai dUr+ya'i sdong bu la byi ru'i 'dab ma dang / byi ru'i sdong bu la dngul gyi 'dab ma dang / 'dren ma'i grib ma dang khris shing gis khyab pa'i shing rnams te/ sa gzhi'i cha yang khris shing gi khang pas nye bar dben pa/ sa phyogs kyi cha de yang thams cad las mchog tu rgya che ba dang mchog tu dga' ba'i bung ba'i tshogs rnams sgra rnams 'byin pas mdzes pa dang ldan pa yin la/ rnam pa de lta bu ni nags gnyis pa yang yin te/ nags gzhan thams cad nges par skye ba na ni rnam pa du ma'i 'bab chu dang chu klung gi sgra g+ha ra g+ha ra'i gdangs kyi sgra rnam pa du ma dang ldan pas chu klung gi sgras sa phyogs kyi cha khyab par gyur pa'o/ /rma bya dang khu byug gi sgra mnyan par snyan pas kun nas gang ba'o/ /gzhan yang rab tu dang bar 'gro ba ni bstan par mi nus par dga' zhing gsal ba'i shing gi gzugs rnams yin te/ nags dang nye ba'i nags dang pad ma'i tshal rnams kyi grib ma'i tshogs kyi tshogs pa de dag thams cad shin du gsal bar mthong ngo / /yang lha gang dag rgyun de la gnas pa 'am 'dre bar byed pa rnams kyang kA tsa 'am/ lhang tsher srab mos bar du chod pa'i gzugs bzhin du mthong ngo / /gzhan yang ri de'i gzi brjid kyis 'chi 'pho ba'i dus su rnam pa gang gis lha</font><hr>65.49a<br><font size=+1>

rnams dus byed par 'gyur ba'i rnam pa de dang de dag nyams pa med pa dang ma lus par yang rgyun gyi ri de la mthong bar 'gyur ro/ /des myur ba med par 'chi 'pho ba de mthong nas kyang srid pa la yid 'byung bar 'gyur ro/ /bag med pa spyod par yang mi 'gyur ro/ /des bdag nyid rnam par 'jig par rig par 'gyur ro/ /de lta bu'i yon tan ldan pa'i sar skye ba ni dge ba'i las rnam pa du ma rnams kyis yin no/ /des na der skye ba'i lha de dag rnams ni dang po kho na rgyun gyi ri la skye bar 'gyur ro/ /bag med pas gnas par yang mi 'gyur te/ bdag nyid log par ltung bas so/ /de gsar du skyes par gyur pa na nags dang rdzing bu dang spro ba'i pad ma'i nags la rnam pa sna tshogs par mchog tu dga' ba'i 'dod pa'i yon tan lnga phun sum tshogs pas rnga sgra dang lha'i bu mo'i tshogs kyis yongs su bskor nas dga' zhing kun du spyod par byed de/ rnam pa du ma dang rnam par rtog pa du mas rgyun gyi ri'i nags rnams la sngar bshad pa'i lha des sngon dge ba'i las kyi mtha' rnams la spyad pas rnam pa du ma'i rnam par rtog pa rnam pa mang po rang bzhin du mar yang dga' bar byed do/ /legs par byas pa'i las kyi mtha' des mchog tu stobs dang ldan pa dang gzi brjid mchog dang ldan pa de'i 'di ltar dga' ba yin te/ ri de dag las shin du ngo mtshar bar gyur pa'i rang bzhin gyi rgyu mtshan lnga mthong ngo / /gang dag ce na/ 'di lta ste/ skye ba gzhan gang las 'chi 'pho ba de mthong ngo / /skye ba gzhan gyi las gang gis der skyes pa dang / lha'i rigs de nas ji srid cig na 'chi bar 'gyur zhing 'chi 'phos pa nas kyang gang du skye ba dang / der yang bde ba ji srid cig la nye bar longs spyod par byed pa'o/ /gzhan gyi la yang de bzhin du mthong ste/ yang lha'i rigs der dus gzhan la yang ji srid du bskal pa brgya na 'am/ bskal pa bye ba phrag brgya na yang skye bar 'gyur ba des mthong la/ ji ltar bdag lha'i rigs 'dir skye bar ni 'gyur gyi/ 'on</font><hr>65.49b<br><font size=+1>

kyang dus kyi 'grib pa ni ma gtogs te/ shes pas gzhal bar mi nus pa'i rang bzhin yin pa'i phyir ro/ /de dag rnams ni dge ba'i las rnams kyis ri de'i gzi brjid kyis ngo mtshar ba 'di dag mthong ngo / /des ngo mtshar ba rnam pa du ma yang dag par mngon par mthong nas kyang rang gi legs par byas pa'i las kyis kyang yid 'byung ngo / /skye ba dang 'chi 'pho ba'i srid pa'i ngam grog gi skyon gyis dang po kho nar bsod nams kyi las rnams la yang yid 'byung bar 'gyur ro/ /gzer zug mi bzad pa rnams kyis 'jigs pa'i skyon gyis 'dren ma rnams kyis kyang yid 'byung ste/ 'dren ma srid pa'i ngam grog gi skyon rnams des de ltar mthong nas ri la song nas kyang mngon par lta bar byed do/ /slar yang de 'khor bar song ba'i 'chi 'pho dang skye ba'i srid pa'i ngam grog gi skyon gyi ngam grog gi mi zlogs pa nyin mtshan du shin du 'phel bar 'gyur bas sdug bsngal rnam pa du ma'i 'phyang mo rnams mngon par mthong bar gyur pas gzhan rnams la yang dga' bar mi 'gyur ro/ /lha rdzas kyi 'dod pa'i yon tan shin du yid du 'ong ba sgra dang reg bya dang ro dang gzugs dang dri rnams phul du phyin pa'i 'bras bu dug dang 'dres pa ji lta ba yin pa'i phyir/ de'i tshe bde ba ma yin te/ de rnam pa du mas lha rdzas kyi yul gyi bde ba rnams la rab tu zhe sdang bar 'gyur ro/ /de ltar rab tu zhe sdang ba des lha gzhan dang gzhan rnams la yang phan pa dang bde ba 'dod pas rab tu ston par byed do/ /de la lha gang dag lus dang ngag dang yid bsgoms pa rnams legs par byed pa'i las can du 'gyur te/ ji ltar gang dag chos smra ba po dam pa'i chos ston pa des sems can gzhan dag rnams bag med pas bag med par gnas pa rnams la rnam pa du mar shin du gsal bar sangs rgyas kyi gsung legs par ston par byed do/ /sems can bag med pa rnams kyis bag med pa la gnas pa rnams yul gyi ngam grog du mar byeng</font><hr>65.50a<br><font size=+1>

bar gyur pa de dag rnams la 'jigs pa lnga ston par byed pa ni 'di lta ste/ skye ba'i 'jigs pa dang rgas pa'i 'jigs pa dang nad kyi 'jigs pa dang 'chi ba'i 'jigs pa dang rang gi las kyi 'jigs pa ste/ ji ltar las kyis sems can 'di dag rnams 'byung bar 'gyur la/ de'i skal ba can de lta bur 'byung bar 'gyur ro/ /'thun pa yid du 'ong ba dang 'bral ba'i 'jigs pa dang 'dus pa dang 'bral ba'i 'jigs pa dang 'jigs pa de bzhi gang dag gis rab tu ston par byed do/ /'dod pa'i sems kyis ma yin/ bsnyen bkur 'dod pas ma yin/ dregs pas dang bsgying ba'i rgyus ma yin zhing / ma 'dres par sangs rgyas kyi gsung ston to/ /gzhan dag gis gzhan du ma thos pa'i dpe dang ldan pa rnams thos pa nyung ba'i 'jigs pas 'dir sangs rgyas kyi gsung bag tsam zhig brjod pa yin la/ des dus 'da' bar 'gyur ba'i phyir na rgyu mtshan dang dpe gzhan rnams ni ma yin te/ ma thos pa rnams phyi nas rjod par byed do/ /rnam pa sna tshogs pa rnams 'dod pas ni des 'da' bar 'gyur bas na des de ltar chos 'chad par 'gyur ro/ /de'i rgyus des kyang 'chi 'pho dang skye bas byas pa'i 'jigs pa rnams 'khor bar byas par mthong ngo / /chos ston pa thams cad las 'bras bu mang bar 'gyur ba ni 'di lta ste/ ma dang pha dang nad pa dang lta ba log pa can zhi ba'i lta ba skye bar byed pa dang / 'chi ba'i yul dang dus kyi sems can rnams la chos ston par byed pa dang / gang 'dod rgyal ba rgyu med par 'khor bar 'jug par 'gyur ba rgyu med pa'i 'jug pa ni med do/ /chos ma thos pa rnams la ste gang gis nam yang chos thos par ma gyur pa 'brog dgon par zhugs pa rnams dang / lam du 'gro ba rnams dang / de yang rgya mtshor rab tu 'gro ba rnams dang / bag med pa rnams dang / rgyal po 'am rgyal po'i bu 'am lang tshos bag med par gyur pa rnams kyi rgyags pa zhi bar byed pa dang / gang dag srog gcod pa lhag par gyur</font><hr>65.50b<br><font size=+1>

pa rnams dang / bag med pa rnams la yang srog gcod pa'i nyes dmigs ston pa'i don du chos ston par byed pa dang / das de srog gcod pa las zlog par byed do/ /'khrug pa la dga' ba'i sems can rnams mtho ris kyi lam dang / thos pa nyams pa rnams rtag tu de la mngon par brtson par bya ba dang ste/ chos rab tu brtson pa du mas de ltar bstan par bya'o/ /bud med rnams kyang phrag dog gis bcom pa dang / ser sna'i 'jigs pa'i skyon gyis ma bgrangs pa rnams la yang ser sna dgag pa'i don du yang chos ston par byed do/ /de zlog par byed do/ /gang zag bcu gnyis po de dag rnams la gang gis chos bstan par gyur pa de yang dag pa ji lta bas chos ston pa po lus zhig nas 'thab bral gyi lha rnams kyi rgyun gyi sar skye'o/ /las kyis byas pa'i skye ba dang 'chi 'pho 'dir mthong ngo / /'khor ba thams cad la yid 'byung bar 'gyur ro/ /yang gang dag gis chos bstan par ma gyur pa de dag gis ni bstan par byas pa de thams cad ma mthong bar gyur nas dga' zhing kun du spyad par yang byed de/ 'dod pa'i yon tan du ma phun sum tshogs pa du mar 'drud pa'i dbyangs snyan pa ngal sos pa'i bya'i sgra legs par 'byin pa dril bu g.yer ka'i sgra 'byung ba sna tshogs pa'i kha dog dang dri phun sum tshogs pa'i pad ma'i rdzing bu la bung ba'i tshogs brgya stong phrag gi sgra'i rnam pa 'dres pa sgrogs pa rnams la dga' bar byas nas/ gzhan yang gang na rgyun gyi ri'i zhol dang bang rim yod pa rnams la de dga' bar byed do/ /mchog tu gzugs dang yon tan phun sum tshogs pas yon tan gyi mchog dang ldan pa'i lha'i bu mo rnams lhan cig tu glu len par byed dga' bar gyur pa dang mchog gi ro dang dri dang / mdog phun sum tshogs pas mchog tu dga' ba bskyed pa'i bdud rtsi 'thung bar byed do/ /gang 'thungs nas yang phyis bag med par gnas pa'i lha rnams ches</font><hr>65.51a<br><font size=+1>

lhag par rgyags pa kun du skyed do/ /gzhan yang rgyags pas gnas pa rnams gang na ri de'i bya rnam par dga' ba zhes bya ba'i nags nye 'khor du bai dUr+ya'i stegs bu byi dor byas pa gser gyis brgyan pa'i stegs bu'i nye 'khor na rin po che sna bdun gyis nye bar mdzes pa de la nye bar sten par byed do/ /nye 'khor du byas bskor ba ni mchog du mdzes pa shin du yon tan phun sum tshogs pas yongs su bskor ba der gnas par byed do/ /lha de dag 'dod pa'i yon tan lngas rtse bar gyur pas mi ngoms pas rtag tu yang gdung ba de dag tshim pa'i mtha' 'byung ba med do/ /ji ltar bud shing rlung dang rnam par 'dres pa'i me ni ngoms pa nam yang 'byung bar mi 'gyur ro/ /de bzhin du sred pa dang bcas pa'i byis pa nam yang tshim pa'i mtha' 'byung ba med de/ de ci'i phyir zhe na/ thog ma med pa'i dus nas bzung nas 'jug pa'i sred pas bslus pa'i byis pa so so skye bo'i sred pa ngoms pa med pa'i sred pas nye bar song ba'i yid dang / rang gi yul la yang ngoms pa med pa rnams bde ba'i dbang pos nam yang tshim pa skye ba ma yin no/ /dga' bar gyur pa'i stegs bu de la khang bu mchog tu dga' ba mchog tu rgya che bar dga' bar gyur pa mchog tu yon tan phun sum tshogs pa lha de 'dod pa'i yon tan lnga la rnam pa du ma dang / rnam par rtog pa du mas 'dod pa du ma dang ldan pas lhan cig tu dga' bar byed do/ /de nas bag med pas rgyu ba de dag de ltar rjes su tshol bar gyur pa gang yin pa'i lha de dag rnams bag yod pas bag yod par gnas pa de dag gis de rnams mthong nas rjes su brtse bas kyang tshigs su bcad pa rjod pa ji ltar/ gang zhig ji ltar sems byed pa/ /de ltar des ni 'dod par mthong / /dge ba yis ni 'dod pa 'jig /mi dge bas ni rab tu 'phel/ /sems zhi ba yi yid kyis ni/ /'dod pa mtshon dang dug bzhin mthong / /blo rab ma</font><hr>65.51b<br><font size=+1>

zhi byis rnams kyis/ /dga' bar gyur pa mthong ba yin/ /dbang po rnams dang yul rnams kyang / /rang sems 'di la rag las yin/ /sems ni kun nas 'drer sbyor bas/ /yongs su smin par 'gro ba yin/ /de nyid ring bar gyur pa yis/ /brtan pas legs par 'ching ba yin/ /gzugs kyi spyi ni ma mthong na/ /yongs smin ji ltar so so yin/ /gzugs ci 'dra ba de 'dra kun/ /yul ni sems kyi rgyu las yin/ /sems dul ba ni rtag tu zhi/ /skyon dang 'dres pa rnam par smad/ /ji ltar chu ni gcig nyid la/ /mdog gzugs rnam pa tha dad yin/ /kun nyon mongs sogs sna tshogs nyid/ /de bzhin sems la rab tu 'jug /gang yang skyed pa'i dbang gis na/ /phyi yi 'khrul 'khor bya ba byed/ /sems kyi g.yo bas de yi ngag /'jig rten 'di ni rab tu 'jug /sems can bag med nyer bcom pa/ /'dod pa'i ro la de mchog 'dzin/ /gzugs rnams la ni rtag tu chags/ /yongs su 'gyur ba mi shes so/ /rgyun gyi grib ma'i gzugs legs pa/ /las kyi rnam smin gang yin pa/ /de ni mthong nas ji ltar lta/ /'dod spyod yul la dam par 'gro/ /gal ste 'dod pa rtag yin na/ /de las 'bral bar 'gyur ma yin/ /de lta yin dang 'dod sred la/ /dam par 'gro min sbyang ba ni/ /dang por mi rtag sdug bsngal dang / /stong dang bdag med nyid kyang ste/ /sdug bsngal rnam smyin can de la/ /ji ltar chags 'gyur blo ldan rnams/ /mtho ris las ni rab nyams nas/ /las kyis khrid par gyur pa yis/ /yul rnams kyis ni bslus pa'i yang / /las de dmigs pa ma yin no/ /de ltar lha de ni bag med pa ma yin bag med pas gnas pa ma yin pa des lha gzhan de dag la tshul du mas rjes su ston to/ /yang dag par gyur pa'i las kyi rang bzhin so so'i las kyis byas pa'i rang bzhin yang dag par mthong nas so so'i</font><hr>65.52a<br><font size=+1>

las kyi 'jigs pas rjes su brtse bar gyur nas 'chad par byed do/ /de ltar rgyun gyis rnam par rgyu ba'i lha rnams rgyun gyi ri la dga' bar 'gyur ro/ /rnam pa du mas de kho na nyid nges par byed pa mthong ngo / /gzhan yang lha gang dag rgyun gyi ri la gnas pa de dag gi nags dang / nye ba'i nags de dag mchog tu dga' bar gyur pa phal cher nags de dag ni bai dUr+ya'i rang bzhin dang / dngul gyi rang bzhin yin la/ ji ltar de dag gi gtso bo rnams kyi ming du gyur pa ni 'di lta ste/ grib ma gcig pu pa dang / de la grib ma gcig pu pa ni grib ma med pa yin te/ de la grib ma gcig pa'i nags kyang bai dUr+ya'i rang bzhin mchog tu dga' ba/ mnan na nem la bteg na 'phar ba'i sa'i cha la bya'i tshogs kyis sgra kun du sgrogs pa pad ma'i rdzing bu brgya phrag dang ldan pa/ 'bab chu dang / rdzing bu dang / mtshe'u brgya phrag dang ldan pa rnams na lha de dag dga' bas gnas pas rnam pa du mar dga' bar byed do/ /de la grib ma gcig pu pa nyid kyi nags na rdzing chen po lnga la ngang pa dang / kA Na Da ba dang / ngur pa rnams phan tshun du mchog tu rangs par gyur pas rnam pa sna tshogs pa'i skad gdangs kyi sgra thos na ches dga' ba rnam pa du ma legs par bsgos pas sgrogs pa'i sgra rnams kyis dga' bar byed de/ chu las skyes pa du ma chu las yang dag par byung ba rnams la rlung gis bskyod pa'i rlabs kyi shugs chen pos 'dam gyi dri ma dang rnam par bral ba/ mchog tu dri ma med pa'i rdzing bu'i pad ma'i bu ga dang / 'dab ma gzhan gyi bu ga la phan tshun gcig grogs su gyur pas dga' zhing kun du spyod par yang byed do/ /de la rdzing bu lnga po 'di rnams kyang yod de/ de bzhin du mthong na dga' ba dang / ngoms pa med pa'i chu dang / bya mngon par dga' ba dang / rtag tu kun dga' ba dang / lha rnams dga' ba'o/ /de dag la dbyibs du ma dang / kha dog du mar gyur pa'i bung ba brgya stong</font><hr>65.52b<br><font size=+1>

du ma bkra bas mchog tu dga' bar gyur pa'i bdud rtsi gcig tu ro la sred pa'i bung ba rnams 'thung bar byed cing mchog tu rgya che ba'i sgra 'byin par gyur la/ de dag der kun du sgrogs pa thos pas yid 'phrog pa legs par mthong nas lha rgyun na spyod pa de rnams rab tu rgyug par byed do/ /rdzing bu de dag rnams kyi chu ni shin du rab tu dang ba/ mdog dang / dbyibs dang / mchog tu dri zhim pa'i chu rnams lha de dag gis yang dag par mthong nas rdzing bu de dag rnams su rims kyis zhugs te/ lhan cig spyod pa dang bcas nas chu'i rtsed mo rnams byed par 'gyur bas 'dod pa'i yon tan lngas ches phun sum tshogs pa la nye bar longs spyod pa de dag rnam pa de lta bu'i dga' ba yang dag par skye zhing rnam pa du mar dga' bar byas na/ gzhan yang mchog tu yid 'phrog pa'i sgra 'byung bar 'gyur te/ rnam par 'dres pa rnam pa sna tshogs pa rnams la 'di lta ste/ klu'i sgra dang / dri za'i sgra dang / chu'i sgra dang / rnam pa sna tshogs par bya sgra 'byin te/ sgra de dag rnams phan tshun du rnam par 'dres pa dang / phan tshun du tshig tha mi dad pa rnams kyis dga' bar gyur pa'i tshig dang gcig tu rgyun na sgra sgrogs pa kun nas 'dres pa rnams kyang de bzhin du mdzes pa dang / de lhan cig spyod pa dang bcas pa'i lha de dag rnams dang / bya rnam par sgra 'byin pa kun du 'dres pa rnams dang / de bzhin du de dag rnams kyi glu'i sgra du ma rnam par 'dres pa'i tshig rnams thos na yid 'phrog par 'byung ngo / /gang dag ri'i gseb gzhan rnams la lha rnams rtse dga' ba de dag rnams kyi de na 'dod pa thams cad mchog tu phun sum tshogs pa la rtse ba rnams la gtso bor mi byed do/ /gang yang phyogs gzhan na ri dgas dang bya rnams dga' bar byed cing / rnam pa sna tshogs par mchog tu dga' bar gyur pa'i bza' ba gang yin pa rnams za bar byed pa de rjes su btang nas/ rna ba dang mig g.yo</font><hr>65.53a<br><font size=+1>

ba med par gang rnam par 'dres pa'i bya'i rnam par brjod pa dang / legs par 'dres pa'i glu'i sgra rnams nyan par byed do/ /de ltar blangs pa'i mi rtag pa mchog tu dga' ba gang dag lan cig dang / lan cig ma yin par yang glu'i sgra rnams nyan par byed do/ /de ltar glu 'di'i sgra dga' bar gyur pa yin te/ gang las gzhan na gnas pa'i lha'i tshogs rnams kyang spro bar 'gyur ba yin no/ /de nas de ltar rgyun na rab tu rnam par rgyu ba'i lha rnams dus shin du ring por mchog tu dga' bar gyur pa'i gzhi rdzing bu lnga la bde ba la longs spyod nas/ gang na btung ba dga' ba zhes bya ba'i nags btung bas yang dag par gang ba bgrod na dga' bar gyur pa der 'gro'o/ /btung ba'i don dang rgyags pas gnas pa'i don du de gang gi tshe btung ba'i don du dga' ba der rim gyis phyin par 'gyur ro/ /de'i tshe legs par byas pa'i las kyis btung ba gzhal du med pa thams cad kyi chu klung rab tu dang ba'i chu la de dag rnams chu de'i nang du nub par zhugs so/ /mchog tu dri dang / ro dang / kha dog phun sum tshogs pa'i rtsi dag 'byung bar 'gyur ro/ /btung ba gang gi re shig dri nyid kyang dpag tshad ltar 'gro bar 'gyur ro/ /rjes su 'thun pa dang bzlog par yang lngas 'gro bar 'gyur ro/ /ji ltar yang lha rnams ji ltar 'dod pa de kho na bzhin du 'thung ba de dag rnams 'grub par 'gyur ro/ /rjes su chags pa'i sems kyi dbang gis mchog tu 'jig pa rnams kyi bde ba'i rtse mo de dag rnams yin no/ /'di lta ste/ ji ltar 'dod par gnas rnams su rgyu ba'i skyes bu ni rang gnas dang bral bar gyur na yang rang gi sems bde bar kun du rgyu bas bde ba 'phel na gang yang 'dod pa'i yon tan lnga phun sum tshogs pa rnga skad yan lag lnga pa dang bcas pa dang / rnam pa du mar rang dbang du gyur pa rnams dga' ba la lta smos kyang ci dgos/ de dag de ltar rtse bar gyur pa rnams btung ba gang</font><hr>65.53b<br><font size=+1>

btung ba'i skyon rnams thams cad dang bral ba/ snying la kun nas legs par ldan pa gang yang dri zhim po phun sum tshogs pa rnams 'thung bar byed de/ rnam pa de lta bu'i dga' ba skye bar 'gyur ba de ni gang brjod par yang mi nus so/ /de ltar rgyags pas rnam par rgyu ba'i lha de dag rnams rtsi 'thung bar byed la lhan cig spyod pa dang bcas pa rnams dus yun ring du rjes su 'jug go/ /sred pas rnam par zhen pa'i yid thog ma med pa'i dus na 'jug pa nyams su myong ba rnams de kho na bzhin du goms par byed pas sred pa'i dug gis rnam par rgyags pa de ltar ngoms pa med pa'i rgyun na gnas pa'i lha de dag rnams 'di snyam du sems te/ ma mthong na yang bdag cag rnams rgyun gyis ri 'di'i rgyab tu mngon par 'dzeg par bya'o zhes de ltar de dag rnams phan tshun 'thun par rjes su 'jug pa'i yid gcig pa nyid du 'dun pa skyes par gyur nas de ltar yin no zhes byas nas thams cad kyang yid 'thun par byas te/ gang na ri de yod par rab tu dga' ba'i yid kyis mchog tu gsal ba dang ldan pa de'i gzi brjid 'bar bar gyur pa rang gi las la longs spyod pas gang na rgyun gyi ri'i steng der 'phyo ba'i sems kyis 'babs par byed do/ /phyin nas kyang mchog tu rdzu 'phrul che bas yan lag lnga dang ldan pa'i rnga skad dang yang dag par ldan pas phyogs 'jig par byed pa dri mchog gis kyang gsal bar byed do/ /nam mkha'i dkyil na skar ma bas ches lhag pa'i lus rtse ba dang ldan pas 'khod par byed do/ /'khod nas rdzu 'phrul dang ldan pas mchog tu legs par byas pa'i las dang ldan pas gang nas de mthong bar 'gyur ba'i ri'i rgyab na dril bu g.yer kha rnams dang / 'bab chu dang / chu klung dang rdzing bu dang / tshal dang / 'jug ngogs dang / me tog dang / bya'i sgra skad phun sum tshogs pa dang / lha rdzas mchog gi dri dang / rab tu dang ba dang / nye 'khor yang kun du mnyam pa dang / 'od dang ldan pa'i ri de'i rgyab tu phyin</font><hr>65.54a<br><font size=+1>

nas slar nyid kyang nam mkha' la 'khod do/ /mchog tu skyid pa'i lhan cig spyod pa'i grogs rnams dang bcas pa la lha kha cig gi ni brgya kho na'o/ /gzhan gyi ni nyis brgya'o/ /de men rnams kyi ni sum brgya'o/ /de bzhin du rang gi las kyi khyad par gyis khyad par du gyur pa yin no/ /lhan cig spyod pa'i 'khor 'phel ba dang 'grib pa ni gzhan kha cig gi ni stong ngo / /gzhan gyi ni stong phrag gnyis so/ /gzhan rnams kyi ni stong phrag gsum ste/ de ltar ji srid du stong phrag nyi shur 'gyur ro/ /rnam pa sna tshogs pa'i gar dang rnga skad kyi sgras bsgrags par gyur pa na dga' zhing glu yang len pas nags nas nags gzhan nye bar sten to/ /de bzhin du pad ma'i nags nas rtsi byed pad ma'i nags rnams su 'gro la rtsi 'byung ba dang yang dag par ldan pa rnams nas rtsi'i nags su 'gro bar 'gyur te/ lha de dag rnams rnga skad yan lag lnga nye bar sgrogs par gyur pa'i ri de'i rgyab de na gzhan dga' ba lhag par gyur pa'i khams mchog dang rab tu ldan par gyur pa rnams la 'di lta ste/ gang dag rdo yin pa de dag rnams ni thams cad kyang rin po che'i rang bzhin mchog tu rnam par bkra ba'i cha shas kyi sa'i cha rnams yin no/ /nyi ma bas ches lhag pa'i 'od rnams dang ldan pa/ mnan na nem la bteg na 'phar ba ni ji ltar 'dzam bu'i gling pa rnams kyi go na kI mchog tu 'jam pa'i ras bal gyis bkang ba 'am/ gang nang tshangs can du gyur pa mnan na nem la bteg na 'phar ba rnams sam/ 'jam por gyur pa gzhan yang rung ste rkang pa bzhag gam ma bzhag pa na yang nem par byed pa rnams yin no/ /de bzhin du rgyun gyi ri gang yin pa de'i rgyab na gang cung zad rin po cher gyur pa 'am/ sa'i cha 'am/ ljon shing gi yal ga 'am/ ri'i rtse mo 'am/ ud pa la 'am/ nor bu'i rang bzhin rnams kyang rung ste/ de thams cad mchog tu</font><hr>65.54b<br><font size=+1>

'jam pa dang mchog tu reg na bde ba dang / mchog tu mthong na yid 'phrog pas dga' ba ni ji ltar rnam par bkra ba rnams dang 'dra ba yin no/ /rnam par bkra bar gyur pa'i ri de'i rgyab tu phyin nas lha de rnams dga' bar byed cing yongs su spyod do/ /rnam pa sna tshogs pa'i bde ba'i skal ba can rnams lhan cig spyod pa'i 'khor ba dang bcas pa phan tshun du de la rjes su song bas chags pa'i yid can 'dod pa'i yon tan thams cad phun sum tshogs pa'i reg bya'i bde ba nyams su myong bar byed do/ /rgyun gyi ri'i rgyab tu phyin nas mchog tu dga' bar gyur pa'i lha brgya stong phrag du ma'i tshogs kyis gang ba thams cad nas kyang glu dang gar mchog dang ldan pa'i lha'i bu mos yongs su bskor bas lha de dag lha'i yul gyi bde ba rnams nyams su myong bar byed do/ /de dag rnams de ltar dga' bas dus yun ring por yan lag lnga dang ldan pa'i rnga skad dang / yul lnga'i bde ba rnams kyang nyams su myong bas dus ring po 'das par byas nas tshogs pa rnams dang / 'dus pa rnams dga' bar byed cing glu mchog gi sgra rnams la yang rab tu chags par gyur pa las nam zhig gi tshe na 'thab bral ba'i 'jig rten pa rnams kyis mthong ma myong ba mchog tu ming du bya ba'i 'od chen po mchog tu phal che ba gzhan zhig de dag rnams kyis mthong nas lha gang dag sems stobs chung ba de dag rnams las kha cig ni ma bzod par gyur pas mig gnyis lag pas bkab nas sa la 'gyel bar gyur to/ /lha gzhan kha cig ni 'od ma bzod nas shing gi go skabs rnams su bzha' bar gyur to/ /rin po che'i rang bzhin gyi phug gi nang du yang lhan cig spyod pa'i 'khor dang bcas te gab par gyur to/ /lha gzhan gang dag sems stobs lhag par gyur pa de dag ni sems stobs dang ldan pas tshogs pa rnams de kho na bzhin du byas nas shin du ngo mtshar bas yid tshim par phyir</font><hr>65.55a<br><font size=+1>

nyid kyang des 'gal bar byed par yang mi rtsi bar lta bar byed par rtsom ste/ 'di ci zhig yin par gyur na/ de lta bu 'di gang gi yin rnam pa de lta bu gang yin pa'i 'od gang gis ri 'di'i rgyab tu de lta bu'i 'od kyis dga' ba de lta bu'i rin po che dang ldan pa/ de ltar kun nas 'bar ba dang ldan par gyur pa/ de skad du yang brjod nas ji ltar bdag cag rnams kyis sngar nam yang ma mthong ngo zhes de ltar yid la byas te/ nam mkha' la blta bar brtsams pa na ji srid du 'od chen por gyur pa lhung ba mthong ste/ mchog tu gyur pa'i 'od 'bar ba dang ldan pa dang / g.yo bar gyur pa ltar nam mkha' las lhung ngo / /lhung bar gyur pa'i 'od de la kun du lta bar byed cing 'od lhung ba 'di'i 'od kyi tshad ni ci tsam cig yin par gyur na zhes de'i tshad tsam 'ba' zhig rnam par brtags pa tsam gyis bltas nas gleng rjod kyang byed de/ ji ltar dpag tshad lnga stong rnams su 'thab bral gyi nam mkha' la rab tu 'bar ba bzhin du 'od 'bab cing rab tu lhung ste/ rnam pa de lta bu'i 'od byed pa 'di gzhal bar yang mi nus so/ /de nas ji ltar 'od de dang nye bar gyur pa de ltar mchog tu sems stobs dang ldan par gyur pa'i lha des kyang lta bar mi nus pas mig dag 'dzums par byed do/ /de ci'i phyir zhe na/ gzi brjid gang ma bzod pas mig rnams kyis rtogs pa'i yul ma yin pa'i phyir te/ slar yang mig 'gebs par byed do/ /lag pas yud tsam cig bkab nas slar yang ca co legs par skyed pa'i yid can rnams phyir mig rnam par phye nas slar yang nam mkha' de nyid la yang dag par lta bar byed do/ /de nas slar yang nam mkha' de nyid la lta'o/ /de nas phyis yang nye bar song nas lta bar byed do/ /de'i tshe de ltar gyur pa'i 'od de la the tsom du gyur pa'i yid kyis phan tshun du gtam byed pa ni de ltar ngo mtshar skyes pa nam mkha' las rab tu lhung bar gyur pa 'di dag ci yin/ tshan pa rnams kyis kyang bzla bar</font><hr>65.55b<br><font size=+1>

nus pa ma yin pa gang gis lha'i 'jig rten 'di thams cad rab tu 'bar bar gyur pa nyid kyi rnam pa de lta bu ngo mtshar ba 'di ci yin/ de nas 'od bab par gyur cing rab tu lhung bar gyur pa'i 'od de nyid dus shin du ring ba na nam mkhar rab tu zhi zhing nub la nges par 'gags par gyur to/ /nam mkha' la gnas nas rab tu bab par gyur pa de legs par 'gags pa dang / de nas lha gang dag shin du sems stobs dman par gyur pa de dag rnams de 'gags par gyur pa'i tshe na phyir yang phug gi sgo rnams nas byung nas rjes su spyod pa'i 'khor dang bcas pa rnams 'jigs pa dang bral nas de dag phan tshun du gtam byed pa/ rmad du byung bar gyur pa dang / ngo mtshar ba skyed pa dang / bdag cag rnams 'jigs par byed pa po byung ba 'di dag ci yin zhes so/ /de nas de skad smras nas kyang de nas de kho na skad phan tshun du brjod kyang legs par shes pa yang ma yin no/ /de nas ngo mtshar ba cig byung ba de dag ci yin zhes de ltar dus ring du so sor rtog par byed do/ /cung zad cig ni ngo mtshar bas yin la/ rmad du byung ba de dag ci byung ba yin zhes de nas de ltar dus yun ring du rtog pa cung zad cig ni 'jigs pas yin no/ /de nas de ltar rgyun gyi rgyab na gnas pa'i lha rnams dga' ba dang / kun du spyod par yang byed pa las gzhan yang g.yo ba'i sems yin pas dang / yul gyis kun nas 'phrogs pa'i phyir rnam pa du ma spyod cing kun du spyod par yang byed de/ rnam pa mang po dang rnam par rtog pa du mar rnga skad yan lag lnga pas nags dang tshal rnams su dus yun ring po 'da' bar lha dang lha mo brgya stong phrag khrag khrig du mas yongs su bskor nas lha shin du 'thab bral dang / shin du 'thab bral gyi mnga' bdag mu su lun d+ha rgyun gyi rgyab de nyid na gnas te/ rnga skad yan lag lnga pas nye bar sgrogs par byed do/ /dus ring du 'da' bar yang lha dang</font><hr>65.56a<br><font size=+1>

lha mo khrag khrig brgya stong du mas yongs su bskor te/ shin du 'thab bral gyi mnga' bdag mu su lun d+ha dang de kho na bzhin du rgyun gyi rgyab tu gnas nas rnga skad yan lag lnga pa bsgrags par gyur pa dang / yid kyang rab kyi mchog tu dga' bas pad ma'i stan rnams la yang legs par gnas pa rnams la/ lha brgya stong du mas rgyan dang cha byad sna tshogs pa dang ldan pa 'od zer yang du ma dang ldan pa rnams kyis glu dang rol mo brgya stong nye bar bsgrags par gyur pa mchog tu snyan par rjes su zhugs pa yid shin du rab tu dga' bas ri de la rtag tu nam mkha' gang ba bzhin du ste/ de na gnas pa'i tshogs pa thams cad kyis rnam pa du ma dang / rgyan dang cha byad du ma dang / gzugs du ma dang / yon tan brgya stong du ma rnams dang ldan pa'i lha'i bu mo rnams kyis yongs su bskor te ri de'i rgyab na lha'i tshogs rnams gnas nas 'dod pa'i yon tan lngas dga' bar byed pa rnams mthong ngo / /de dag rnams 'thab bral gyi mnga' bdag gis mngon par mthong nas shin du mchog tu rangs pas lhan cig rjes su spyod pa dang bcas pa rnams rings pa dang bcas pa nyid kyis tshogs pa'i rgyun gang la so sor gnas par nye bar rgyug par byed la/ de dag rnams kyis kyang mu su lun d+ha de mngon par mthong nas rings pa dang bcas pas gang na lha'i bdag po yod pa der phyi bzhin 'brang ba'i 'khor dang bcas pa rnams nye bar rgyug par byed de/ rol mo dang glu dang bcas pa la glu la rab tu rjes su dga' ba'i yid can de dag rnams phan tshun 'dre bar gyur pas gnas bzhin du rtag tu nam mkha' la dang / ri de'i rgyab la yang gar byed par 'gyur ba dang / glu len par 'gyur bas kyang mu su lun d+ha mngon par stod par byed cing / rnga skad yan lag lnga dang legs par ldan zhing yang dag par ldan pas dus yun ring por rtsed mo du ma byed do/ /de dag</font><hr>65.56b<br><font size=+1>

rnams de ltar rtse bar byed pa dang dga' bar yang byed pa las/ gzhan yang dus ring du 'da' bar gyur pa na rnam pa de srid kho na'i 'od kun du byung bar gyur pa ni snga ma kho na bzhin te/ de nas gzhan yang lha rnams skyes pa ni mchog tu ngo mtshar ba yang dag par skyes pa ste/ gzhan 'ga' zhig ni shin du 'jigs pa'i yid kyis gang na lha'i bdag po yod pa der yang dag par 'khyud par byed de/ shin tu skrag pa snying la rjes su zhugs pa'i phyir ro/ /gzhan ni nam mkha'i dkyil du lta bar gyur pas dkyil de la ched che ba skye'o/ /gzhan 'od de lhung ba'i don gang yin pa thos pa rnams ni lhung ba de nges par shes pa po lha mu su lun d+ha la sogs pa bag med pa dang bral ba rnams de'i tshe gus pa dang ma bral bas sangs rgyas la rab tu phyag 'tshal bar byed do/ /gzhan dag ni sems stobs nyams pa dang brtan par gnas pa bcom pas phug gi sgo dang shing gseb rnams su gab par 'gyur ro/ /gzhan ni slar yang gang na 'thab bral gyi bdag po yod pa der skyabs pa'i don du rgyug par byed de/ skyabs btsal ba'i don du'o/ /de dag de ltar mchog tu ngo mtshar rmad du byung ba'i shes pa po mngon par mthong nas thams cad kyi mu su lun d+ha la gsol pa/ 'od nam mkha' la gnas nas lhung ba gang yin pa de dag ji lta ba bzhin du lhas shes par mdzad du gsol/ lha legs par shes par mdzod dang rnam pa de lta bu ltung ba de ci lags/ de nas lha de dag rnams gang yin pas mi shes pa'i don de dag rnams kyis lha'i bdag po de la 'di skad ces smras so/ /ji lta bar bdag cag rnams kyis mi 'tshal na lha rnams kyi bdag po ngo mtshar ba de dag ci lags/ 'di dag bdag cag gis mthong lags kyang rtogs pa ni ma lags rnam pa de lta bu 'di ci lags/ de nas lha'i tshogs thams cad 'dus pa la 'thab bral ba rnams kyi bdag pos 'di skad ces brjod do/ /rung gis gang zhig bdag</font><hr>65.57a<br><font size=+1>

nyid thams cad kho nas nam mkha' las lhung ba de dag ni/ mchog tu nges par 'bar ba gang yin pa de ni mig las 'das nas lhag par gnas pa/ khyed rnams kun nas skrag par byed pa dang ngo mtshar ba skyed par byed pa rnams nyon cig /de nas ngo mtshar bas yid tshim pa med pa'i kun nas 'dus pa de dag rnams nyid thams cad la 'thab bral gyi bdag po des 'di skad brjod de/ nyon cig dang gang yang lhung ba de dag ni rnam pa thams cad du tshad dang / mdog dang / dbyibs dang / tshe'i tshad ring ba dang / so so'i las rnams kyang re re zhing brgya 'gyur gyis lhag par gyur pa'i lha'i rigs bdag cag gi steng na gnas pa ni/ byang chub sems dpa' rnams kyi gzhal yas khang ste/ mchog tu rnam par dag pa'i tshul khrims rnam pa lnga ma nyams pa/ ma brtol ba/ ma zags pa/ brtan pa/ snying po dang ldan pa dang rnam pa du mar yang ste/ mir gyur pa gang dag lus zhig nas mtho ris bde 'gro'i 'jig rten dga' ldan gyi lha zhes bya ba de dag rnams kyi nang du skye bar 'gyur ro/ /de dag gi yang rtsed mo gang yin pa dang / dga' ba gang yin pa dang / nags tshal gang yin pa dang / lha'i bu mo gang yin pa dang / 'od zer gyi rnam pa ji lta bu gang yin pa dang / gang yang gzugs dang / gzi brjid gang yin pa dang / gang yang shes rab dang / gang yang tshe ring ba dang / ji srid du rnam pa du ma rnams dang gang yang bde ba rnams dang lus dang / yid dang / gang yang longs spyod dang / rnam pa ji lta bu'i gzugs kyi lha mo rnams kyi yang khyad par la 'thab bral gyi lhas bcu drug char yang mi phod do/ /de dag rnams kyi gzi brjid gang yin pa 'di bdag cag rnams kyis brjod par mi nus so/ /de dag rnams kyi khyad par gyis bdag cag rnams srin bu me khyer tsam du yang gzi brjid kyis mi phod la longs spyod kyis kyang mi chog gi cung zad tsam cha 'dra bar zad do/ /de dus ring por rnam</font><hr>65.57b<br><font size=+1>

pa du mar bde ba rnams la longs spyad nas lha'i mchog tu dga' bar gyur pa'i bde ba mchog 'dod pa'i yon tan lnga dang ldan par gyur pa rnam pa sna tshogs pa'i yul la longs spyod pa dga' bar gyur pa ni 'thab bral gyi lha rnams las rim pa thams cad kyis shin du 'das pa yin zhing / dus yun ring du 'das pa'i phyir dang / de'i las rnams kyang zad pas dang / mi rtag pa'i thog nges par bab pas dang / nges par myong bar 'gyur ba yin pas te/ sems can thams cad kyis nges par myong bar 'gyur bar nges pa ni gang longs spyod dang na tshod dang shes pa rnams sems can thams cad kyis nges par myong bar 'gyur ba ni mi rtag pa'i dbang gis na/ tshe yongs su zad pas dang / legs par byas pa'i las rnams kyang yongs su zad par gyur nas 'chi 'phos nas dga' ldan gyi lha'i rigs de las lhung ba yin no/ /'byung bar 'gyur ba'i 'dus byas de ni sna tshogs pa'i bud shing dang chu dang yang dag par ldan pas 'di lta ste/ skye ba dang ldan pa'i yan lag rnams kyang gang skyes pa'i 'dus byas rnams ni stobs kyis mi 'jigs pa de ni khams gsum na yod pa ma yin te/ mi zad pa dang mthar thug par mi 'gyur na ni de dag rtag par 'gyur ba zhig na/ sems can dang bcas pa rnams la gnas skabs 'di ni dmigs pa yang ma yin te/ 'dus byas rnams ni 'jig par 'gyur ba'i ngo bo yin pa'i phyir ro/ /sems can nges par lhung ba'i mtha' ma yin pas bdag cag gi lha'i rigs su de dga' ldan nas lhung ngo / /de'i yang legs par byas pa'i las zad nas de'i rjes nyid la 'chi 'pho bar 'gyur ro/ /snum dang sdong bu zad pa na sgron ma sgron ma'i yul phyogs su dus kyi rlung gis yid rnams rab tu nyams par 'gyur ro/ /ji ltar sa bon gyi rnam pa nyams pa'i dus kyi rjes thogs la</font><hr>65.58a<br><font size=+1>

myu gu skye bar 'gyur ba de bzhin du las dang bcas par lkog tu gyur pa'i tshe yongs su zad par gyur pa de dag de'i rjes la de ltar 'chi 'pho'o/ /de'i 'od de dag khyed kyis mthong bar zad do/ /las yongs su zad nas shi ba'i ro de'i lus rnam par nyams pa de'i 'od kyang 'di yin na/ gang yang gzhan las gcig gis yongs su sprul pa'i mchog tu rgya che bas mchog tu rgya che bar gyur pa nges par 'byung ba'i las kyi 'bras bu dge bas sprul pa mchog tu 'od kyi rang bzhin yin pa de'i dpe brjod pa 'dis ni/ kye 'thab bral ba rnams dpe brjod pa go bar gyis shig dang / gang la rnam pa 'di lta bu'i 'od yod na 'od dang rgyan du mas mngon par brgyan pa mchog tu yid du 'ong ba gang yin pa'i dpe brjod par bya bar mi nus te/ de rnam pa 'di lta bu'i dge ba'i las kyis bzhi 'gyur du sprul pa de yang yongs su nyams par gyur na/ sum 'gyur gyi shin du chung ba'i las kyis sprul pa 'thab bral ba rnams su skyes pa khyed cag rnams kyi bdag gi dngos po rnyog ma dang bcas pa dman pa'i lus rnams la lta ci smos/ de nas de'i tshe mu su lun d+has tshigs su bcad pa brjod pa ji ltar/ mi rtag mig bzlog 'od kyis ni/ /rab tu bsregs pa dga' ldan lha/ /de dbang ltos nas nges par 'gag /mar me snum ni zad pa bzhin/ /las kyis 'phen pas 'phangs pa yin/ /bcu gnyis rtsibs ni stobs po che/ /las kyi 'khor lo 'khor ba 'di/ /ltung zhing skye bas g.yo ba yin/ /rnam pa sna tshogs yul brtsom pa/ /du ma'i kha dang ldan pa yi/ /dga' ldan ltung 'gyur rang dbang med/ /dus kyi dbang gis 'ong ba yin/ /dus kyi dbang gis zhugs pa ni/ /ji ltar shing rnams skye ba yin/ /de yang dus dang phrad nas ni/ /'od ni 'dir ni 'ongs pa yin/ /ji ltar dus ni legs phyin nas/ /lha ni bde</font><hr>65.58b<br><font size=+1>

bar 'gyur ba yin/ /phyi nas de nyid kun btang nas/ /dbang dang bral bas de ltung ngo / /las kyi dus ni yongs thob nas/ /'jig rten 'di ni yongs su 'phel/ /bde ldan sdug bsngal ldan 'gyur ba/ /dus kyi dbang gis 'ong ba yin/ /gal te bde 'am sdug kyang rung / /'jig rten rtag par yid brtan min/ /rgyu dang rkyen gyis bskyed pa yi/ /bde sdug rnam pa tha dad de/ /yod min bde ba 'ga' zhig ni/ /de dag las dbang rjes su 'gro/ /de ltar sdug bsngal mi 'dod kyang / /skyes bu las kyi rgyu can yin/ /phan tshun 'bras bu kun byung nas/ /'dus byas kun ni rab tu 'jug /de nyid rgyur ni shes byas pas/ /'phags pa'i bden pa bzhi yin te/ /'phags pa'i bden pa rtogs pa yi/ /skyes bu rtag tu grol ba yin/ /yul la shin du rmongs pa yi/ /skye dgu 'khor ba 'khor lo bzhin/ /don rig de nyid la mkhas pa'i/ /skye bo yang ni grol ba yin/ /de de ltar rtogs sems can ni/ /skye dgu thams cad rtag pa min/ /blo ldan legs par bya ba gyis/ /skyon rnams kyang ni spang bar gyis/ /de ltar 'jigs pa dang bcas pa'i 'thab bral gyi lha shin du 'thab bral la sogs pa de dag rnams la rnam par rtog pa du mas kyang lam de ston pa po chos nyid dang nye bar 'brel ba'i 'thab bral gyi mnga' bdag des chos bstan to/ /de nas lha de rnams bsam pa tha dad pa skyes pa'i yid can rnams la 'ga' zhig ni skyo bar gyur pa'i yid can du 'gyur ro/ /kha cig ni 'khor ba la mngon par phyogs par gyur pa'i yid can du gyur to/ /gzhan ni rab tu 'jigs pa'i yid skyes so/ /gzhan ni mi slu ba'i tshig thos nas slar yang 'jug par byed pa'i yid kyis yul de rnams la ched du byed pas nags dang nye ba'i nags dang yang dag par ldan pa'i rnam pa sna tshogs pa'i bskyed mos tshal dang / 'bab chu dang / rdzing bu dang ldan pa/ khris shing dang</font><hr>65.59a<br><font size=+1>

ljon pas gang ba dang / rin po che'i khrod dga' ba rnams na bya'i skad rnam pa sna tshogs pa thos na yid 'phrog pa/ pad ma'i rdzing bu brgyas brgyan pas dga' bar gyur pa na rin po che bdun dang ldan pa de la sgra dang / reg bya dang / ro dang / gzugs dang / dri rnams kyi yul dang / glu mkhan du ma yid du 'ong bas bsten pas rgyun gyi ri'i rgyab dga' ba na rjes bzhin 'brang ba'i 'khor dang bcas pa yul la 'chums pa'i skye bo de mchog tu ma bgrangs par phyir yang dga' ba'i yul gyi dbang du gyur nas lhan cig spyod pa'i 'khor gyis bskor nas dga' zhing kun du spyod do/ /rnam pa sna tshogs pa'i yul gyi bde ba rnam pa du ma la brten nas bsgrub par dka' ba'i ri las gyur pa'i sems spre'u de rnam pa de lta bu'i bde ba dang yang dag par ldan pa'i lha rdzas kyi bde ba nyams su myong bar gyur pa las/ gzhan yang gang na rtsed mo'i nags legs par gnas par de dag nyid dang mu su lun d+ha dang bcas pa rnams kha cig ni nam mkha' las so/ /kha cig ni bzhon pa chen po rnams kyis so/ /kha cig ni rnam par rtog pa du ma dang ldan pa'i shing rta'i bzhon pa la zhon pa la 'di lta ste/ rma bya'i rgyab tu dang / kha cig ni glang po che'i bzhon pas so/ /kha cig ni ngang pa'i bzhon pas so/ /kha cig ni kA ran Da ba'i rang bzhin gyi bzhon pas so/ /kha cig ni bud med kyi tshogs kyis yongs su bskor nas glu len par byed de/ glu dang / rnga sgra dang / rol mo'i sgra kun du sgrogs pas mtho ris kyi nye ba'i nags su byed pas mu su lun d+ha sdun du byas nas gang na rtsed mo'i nags zhes bya ba'i nags mu su lun d+ha'i gnas yod pa der nye bar 'gro'o/ /rnam pa sna tshogs pas bskyed pa'i blos gnas de lha 'ga' zhig ni yid 'byung bar 'gyur ro/ /kha cig ni bag med pa la gnas pas de bzhin du dga' bar byed de/ rnam par rtog pa du mas yul gyi bde ba</font><hr>65.59b<br><font size=+1>

rnams la'o/ /de ltar gang rtsed mo'i nags na rgyun du gnas pa'i 'thab bral gyi lha rnams dang / gzhan yang tshogs pa rgyu ba na gnas pa de dag rnams yang rgyun gyi ri'i rgyab tu rnam pa sna tshogs pa'i bsam pa can rnam pa du ma'i blo dang ldan pa rnams dga' bar byed/ kun du dga' bar yang byed do/ /kha cig ni skyo ba'i yid can du 'gyur ro/ /de ltar rnam pa du ma dang rnam par rtog pa du ma dang yul du ma la dga' bar byed de/ rgyun na gnas pa'i lha de rnams dus de srid du dga' bar byed kun du spyod par yang byed de/ ji srid du 'dod pa'i sdug pa yid du 'ong ba'i rgyur gyur pa'i yid du 'ong ba'i las rnams zad pa dang / rul ba dang / rnag par ma gyur gyi bar du'o/ /de dag de ltar yang yul du ma'i bde bas rnam par mi ngoms pa'i lha'i rigs de las 'chi 'pho'o/ /'chi 'phos nas kyang bsgrubs pa bzhin du las kyi zhags pas nye bar bcings nas dmyal ba dang / yi dgas dang / dud 'gro rnams su skye bar 'gyur ro/ /de dag rnams gal te gnas gzhan du mi rnams dang skal ba 'thun par mir skyes na de rtag tu gzhon sha can gyi mchog tu 'gyur ro/ /dbang po ma nyams pa dang / blo dang ldan pa dang / mchog tu blo rgya che ba dang / mchog tu phun sum tshogs pa dang / yul ljongs thams cad kyis mchod par 'gyur ba dang / gzugs dang ldan pa dang / 'jigs pa dang bral ba dang / rgyal po 'am rgyal po'i bka' blon bar yang las de dag gi rgyu 'thun pas 'gyur ro/ /gzhan yang dge slong las kyi 'bras bu rnam par smin pa rnams shes pa de/ 'thab bral gyi lha rnams kyi sa la rnam par lta bar byed pa na/ 'thab bral ba'i lha rnams kyi sa rgya chen po'i khor yug na rgyu ba zhes bya ba ji lta ba bzhin du yod pa des thos pa las byung ba'i shes rab kyis mthong la/ der las gang gis sems can rnams skye bar 'gyur ba des thos pa las byung ba'i shes rab kyis mthong ba ni skyes bu dam pa'i rjes su bsten pa las dang / </font><hr>65.60a<br><font size=+1>

'bras bu la dad pa dang ldan pa/ drang po drang po'i rang bzhin can chos kyi rjes su 'jug pas tshul khrims dang ldan par gyur nas dad pa'i stobs kyis rtag tu yang las rnams la sems par gyur pa/ yang dag pa'i lta ba can/ yang dag pa'i lta ba sngon du 'gro bas sems las su rung ba dang / rtag tu yang rgan po rnams kyis rjes su gdams par byed pa dge ba'i bshes gnyen la sten pa sangs rgyas dang / chos dang / dge 'dun la rtag tu dang bar gyur pa'i rang bzhin can/ 'chi 'pho dang skye ba'i rgyun la dad pa dang ldan pa/ rtag par yang legs par rab tu bzung ba'i dbang po can yul rnams kyis bsdus pa'i 'khor ba'i 'jigs pas 'jigs pa dang ldan pa/ rnam par 'bral ba'i sdug bsngal gsal bar shes pa skye ba dang / rgas pa dang / 'chi ba dang / mi mthun pa dang phrad pa dang / 'thun pa dang bral ba'i sdug bsngal mngon par shes pa nye bar len pa'i phung po lnga'i nyes dmigs rnams shes pa rtag tu yang dag par brtson pas dge ba'i las rnams la spyod pa/ sdig pa'i grogs po yongs su spangs pa/ rtag tu yang dam pa'i chos nyan pa la brod par gyur pa/ der gtogs pa rnams la dpyod par byed pa thos pa'i don de kho na nyid la blo gzhol ba de'i sgo nas de la ched cher byed pa/ 'dod pa'i ro myang ba rnams snying po med par shes pas rtag tu yang dbang po lnga legs par sdom par gyur nas/ srog gcod pa dang / ma byin par len pa spangs par gyur pa ni snga ma bzhin te/ 'dod pa la log par g.yem pa yang yongs su spangs par gyur pa ni bud med rnams dang lhan cig tu mig kyang legs par lta bar mi byed do/ /de dag gi gar ram glu 'am rgyan gyi sgra thos na yang ro myang bar mi byed do/ /cung zad tsam zhig mthong ba 'am thos pas kyang tshul bzhin ma yin pa yid la byed pas lhan cig dga' bar byas nas rangs par byed pa dang / de la song bar 'gyur ba'i yid can yang ma yin no/ /rmi lam na yang bud med dang sten</font><hr>65.60b<br><font size=+1>

par byed pa dang / nyin mo yang rnam par zhen par byed pa dang / de la song ba'i blos tshul bzhin ma yin pa yid la byed pa yang ma yin no/ /rtag par ldan par rab tu 'jug par mi byed do/ /rtag par yang tshul bzhin du yid la byed pa rgyu bar byed do/ /dug bzhin du yang 'dod pa la log par g.yem pa yongs su spong bar byed do/ /de de lta bu'i yon tan rnams dang ldan pa de dge bar spyod pa rtag par yang dge ba la 'jug pas blo rnam pa du mar dri ma'i rnyog pa legs par sbyangs pa/ drang po drang po'i rigs can kun nas yongs su dag pa'i tshul khrims spyod par gyur pas lus zhig pa na mtho ris bde 'gro'i 'jig rten las 'thab bral gyi lha rnams kyis rgya che ba'i khor yug na spyod par skye'o/ /yon tan gsum dang ldan pa des bsten cing bsgoms la lan mang du byas pa'i 'dod pa sdug pa yid du 'ong ba'i tshul khrims la spyad pa'ibras bus der skyes pa na lha'i bya mthong zhing sgra legs par 'don pa yang thos te mchog tu thos na yid 'phrog pa dang / mdog blta bar sdug pa dang / bya de rnams kyis kyang snom par bya ba de dag rjes su longs spyod par byed de/ dang po kho na reg par byed pa yang mchog tu bde ba'i reg bya can bde ba byed pa'i reg bya gang yin pa sngon nam yang ma reg pa rnams so/ /yid kyang shin du rab tu dang ba rnyog pa med pa rab kyi mchog tu rangs pa mchog tu yid du 'ong bar spyod pa'i yid dang yang dag par ldan pas yid rab tu rangs pa yin no/ /ro rnams kyang rnam pa sna tshogs myong bar byed do/ /gang yang sngon nam yang ma myangs pa de ltar rnam par shes pa drug gi tshogs rnam par chags shing dga' ba de ltar snga na med pa nye bar longs spyod par gyur pa na 'di snyam du sems te/ 'jig rten 'di ni gang yin/ gang zhig tu bdag byung bar gyur na de la bdag gis thams cad shin du dga' bar gyur pa dang / 'jag rten 'di thams cad kyang 'dod pa sdug pa yid du 'ong ba'i gzugs gcig tu bdag gis</font><hr>65.61a<br><font size=+1>

mthong ngo / /gzhan yang rang gi lus kyi bkod pa mthong ba na rang gi 'od nyi ma bas ches lhag pas rnam par rgyal bar gyur pa/ sha dang rus pa dang chu ser dang bral ba/ mi gtsang ba rnams dang bral ba/ grib ma dang bral ba/ mig 'dzums pa dang 'byed pa dang bral ba/ rtsa dang rgyus pa dang rus pa rnams dang bral ba/ tshigs dang gnad rnams dang de kun nas 'dzin pa dang bral ba/ sa gzhi dang grib ma dang bral ba rtsub mo bral bas lus dang yul dang yul phyogs so so shin du 'jam pa rdul dang 'gro ba las kyis dub pa dang bral ba/ blon pa dang 'dod pa'i thog rdungs dang 'gro 'ong don du gnyer ba'i thog rdungs dang bral ba/ chu ser rdo rje'i kyi gyog dang phan tshun du 'gal ba'i 'khor lo spu'i kyi gyog gcig bu skyes pa'i spu dang skra rnams dang bral ba/ lpags pa dang mig gis mthong ba thogs pa dang bral ba/ sgra dang reg bya dang / ro dang gzugs dang dri rnams kyi yul rnams la dog pa dang bral ba/ lus kyi ring ba dang thung ba dang bral ba/ gsar pa dang gsar pa ma yin pa las 'das pa nyid kyi lus de'i dus na bud med la lta ba'i ser sna dang phrag dog dang 'jigs pa dang zhen pa dang bral ba/ 'dus pa la dga' ba dang bral ba/ slong ba don du gnyer ba'i 'jigs pa dang bral ba/ ngar 'dzin pa 'khor lo'i rdzas dang / 'gro ba dang 'ong ba na phyir rgol ba'i 'jigs pa dang / sprul pa'i gnas la 'jigs pa dang / rang gis bud med yongs su 'dzin pa'i skyon rnams dang bral ba/ kha cig ni nags na kun du rgyu ba'i 'jigs pa dang / dgra'i 'jigs pa dang bral ba/ dog pa'i 'jigs pa dang bral ba yongs su mgu bar byed pa dang / rang gi lta ba 'dod pa nyams pa dang bral ba'o/ /rnam pa du ma'i lha rdzas kyi yul sten pa sa rab tu 'phel bas ched cher byed pa mngon par zhen pas bde ba la mngon par 'chums pa blo dman par gyur pas 'di ltar sems kyis bsams nas rab tu rtog</font><hr>65.61b<br><font size=+1>

par byed de nga ni gang yin/ gang nas 'dir 'ongs/ gnas 'di'i ming ni ci yin zhes de ltar de'i blos rab tu rtog par 'gyur ba ni dper na ra ro bar gyur pa'i skyes bu nyal ba 'am gnyid 'gags nas thun gsum la rab tu sad pa na yid kyis rab tu rtog par byed de/ bdag ni gang yin/ gang na gnas pa yin/ ra ro ba des bsam pas bsams nas so sor shes par 'gyur ba de bzhin du 'dir lha gsar du skyes pa des kyang dus shin du ring bar bsams nas so sor shes par gyur te/ ji ltar bdag mi nas 'chi 'phos nas 'dir skyes so/ /de'i sems ci 'dra ba ni bdag mir gyur pa na ma yin la/ rnam pa de 'dra ba'i yid kyis bsgos pa'i rgyud can yang lha'i 'jig rten de na yod pa rnams yin no/ /yul lnga po rnams la 'di na zhen par byed de/ de de ltar bsgos pa'i rgyud can yin pas lha'i 'jig rten de la so sor de kho na bzhin du mngon par zhen par 'gyur ro/ /sngon de'i rgyud la bsgos par gyur pas dus shin du ring ba ni legs par shes te/ bdag ni lha'i nang 'dir skyes te legs par byas pa'i las kyis lha'i 'jig rten du skyes so/ /de lta bu gang yin pa ni 'thab bral nas 'chi 'phos nas lhar skyes pa ma yin par blta ste/ de ni rnam pa de lta bu'i rol mo'i rang bzhin can yin pa'i phyir ro/ /ji ltar lha nyid nas 'chi 'phos nas mir skye ba ni sngon des bsgos pa'i rgyud yin pas de 'dra ba'i rang bzhin du 'gyur ro/ /'di bzhin du mi rnams nas 'chi 'phos nas yang des bsgos pa'i rgyud yin pas de kho na 'dra ba'i rang bzhin du 'gyur ro/ /lhar yang rang bzhin des spyod par 'gyur te/ rang bzhin sems kyi rgyu 'thun pa yin pa'i phyir ro/ /gal te dmyal ba nas 'chi 'phos nas lhar skyes par 'gyur na/ de dmyal bar ni skyes nas myong bar 'gyur ba'i las kyis gal te shed na'o/ /cung zad cig gang zhig tu spyad pa de lan grangs gzhan nyid la yin pa gang gi phyir dmyal ba rnams dmyal bar gnas nas dam pa'i las cung</font><hr>65.62a<br><font size=+1>

zad kyis de lan drangs gzhan la der skye bar 'gyur te/ de der skyes pa des rnam pa de srid kyi de dang chos 'thun pa'i sdug bsngal de so sor myong bar gyur nas rnam pa de srid nyid kyi bde ba rnams nye bar dmigs pas phyir yang yid mchog tu rangs par 'gyur ro/ / khro ba ches lhag par 'gyur ro/ /ches lhag par bsil ba'i nags dang / nye ba'i nags dang / 'bab chu dang / rdzing bu la sten pa'i rang bzhin can du 'gyur ro/ /shin du lhag par rnam par rgyu ba'i rang bzhin can du 'gyur ro/ /shin du lhag par zas la spyod par byed par 'gyur ba'i rang bzhin can du 'gyur te des bsgos pa'i rgyud yin pa'i phyir ro/ /gal te yi dgas las 'chi 'phos pa yin na de'i spyod pa ches mang ba yin te/ des rtag tu bsgos pa'i phyir ches lhag par zas dang skom la spyod par 'gyur ro/ /rtag tu yang shin du bsil ba la dga' bar 'gyur ro/ /bud med la sten pa ched cher byed par 'gyur ro/ /des lhag par bsgos pa'i sems dang ldan par 'gyur ro/ /gal te ma yin na dud 'gro rnam pa du ma rnams las 'chi 'phos nas lan grangs gzhan la myong bar 'gyur ba'i las kyis lha rnams su skyes na de skom dang zas la spyod pa'i rang bzhin can du 'gyur ro/ /de lha rnams gyi nang der skyes pa na dud 'gro'i rigs du ma yin pa'i phyir/ rnam pa de srid nyid du 'gyur te/ mdor bsdu na zas kyis dman pa dang mchog tu 'gyur ro/ /shin du lhag par yang 'dod pa rnams la rmongs pa tshabs che bar 'gyur te/ rgyud des bsgos pa yin pa'i phyir ro/ /gal te lha rnams nas lha 'chi 'phos nas slar yang lha rnams nyid du skye ba rnams las de gal te gzugs med pa bzhi po rnams kyi snyoms par 'jug pa thob nas 'chi 'pho la de 'chi 'phos nas kyang de kho na bzhin du des bsgos pa'i rgyud yin pas de kho na bzhin du 'dod pa'i sgra dang / reg bya dang / ro dang / gzugs dang / dri rnams la yang rab tu 'jug par gyur pa na shin du bar sems</font><hr>65.62b<br><font size=+1>

rnam par g.yeng bar mi 'gyur te/ des bsgos pa'i phyir ro/ /gal te gzugs la spyod pa bsam gtan dang po la kun nas rten pa nas ji srid du bsam gtan bzhi pa la rten pa rnams dang / ji srid du bzhi pa la rten pa'i dbang du byas te/ de bzhin du 'dod pa'i khams pa 'di skyes pa'i yang sems rgyud de bzhin du dman pa dang / bar ma dang / mchog tu gyur pa bsam gtan la mos par 'gyur ro/ /yul rnams la dga' ba dman par 'gyur ro/ /gal te 'dod pa na spyod pa'i lha nyid las 'chi 'phos te 'dod pa na spyod pa nyid du skyes na brgya la na skyes nas myong bar 'gyur ba gang gis gang gi phyir lha dang mi rnams kyi 'gro ba'i rigs gnyis po dag tu dkar po byas par gyur pa'o/ /des na las rnams pa gnyis byas pa'i nye bar longs spyod pa dang / yang dag pa'i sbyor ba'i lha rnams thams cad lha rnams nyid du skye bar 'gyur te/ gnas gtsang ma pa rnams ni ma gtogs pa'o/ /de dag rnams na ni skyes nas myong bar 'gyur ba'i las kyang med la lan grangs gzhan la myong bar 'gyur ba'i las kyang mi byed do/ /de ltar las kyi rlung gis yongs su 'khyam pa'i 'jig rten ma lus pa 'di dag yongs su 'khyam ste/ sna tshogs skud pa'i 'khrul 'khor de rnam pa sna tshogs pa'i zhags pas bcings nas sems kyi mos pa brgya stong phrag du ma dang ldan pa/ rnam par rtog pa du ma dang / rgyud du ma 'gro ba lngar yongs su 'khyam mo/ /rgyu 'dis lha gsar du skyes pa go bar bya ste/ de ltar so sor yid la byed pa rnams skye'o/ /de nas de ltar rig nas lha des ji lta ba bzhin du so sor shes par 'gyur te/ skye ba gzhan che ge mo cig nas 'chi 'phos nas 'dir skyes so/ /de gal ta mi nyid las 'chi 'phos nas sam/ slar yang lhar skyes par gyur na yang / skyes nas myong bar 'gyur ba'i las yin na des las de rnam par shes so/ /gal te lan grangs gzhan la myong</font><hr>65.63a<br><font size=+1>

bar 'gyur ba'i las yin na de dag ni 'dis shes pa kho na ma yin te/ rgyu de dag lha de'i rtogs pa'i yul ma yin pa'i phyir ro/ /lan grangs gzhan la myong bar 'gyur ba rnams ni gal te shed na bskal pa brgya rkyen dang phrad nas 'bras bu 'byin par byed do/ /gal te na bskal pa brgya stong na'o/ /gal te bskal pa brgya stong phrag gzhal du med pa rnams na ste rang nyid skye ba'i rgyu lha'i mig gis mi mthong ngo / /de de ltar skye ba'i rgyu mngon par ma mthong bar gyur nas gnas par 'gyur te/ ji srid du de rjes thogs nyid la de dge ba goms pa'i yul rnam pa du ma rab tu 'byung bar 'gyur ba rnams kyang de bzhin du 'gyur ro/ /ji ltar bdag 'thab bral gyi lha rnams kyi nang las rgya chen po'i khor yug na spyod pa'i sa la skyes so/ /de'i sems bskyed pa tsam nyid na dge ba'i las kyi mthus shin du lha'i bu mo'i tshogs shin du mang ba rnams rab tu 'byung bar 'gyur zhing nye bar brgyugs nas 'ong ngo / /lha de'i dge ba'i rkyen gang yin pa des 'byung bar 'gyur ba yin te/ dus nye ba na skyes pa yin no zhes byas nas myur du rgyug pa yin la gang yang skyes nas ring du lon pa de dag ni rnam par 'grib pa'i phyir ro/ /de nas lha de de dag gis bskor nas mchog tu yid dga' ba'i nags dang nye ba'i nags rnams su bde ba nyams su myong bar 'gyur ro/ /las rnams kyi rin gyis nyos pa'i yon tan mchog dang ldan pas mchog tu dga' bar gyur pa rnams la rjes su longs spyod par byed do/ /sa de la yang ri dang / nags dang / nye ba'i nags dang / rdzing bu dang / tshang tshing dang / 'bab chu dang / pad ma'i mtshe'u dang / ri ngos dang / nags lham me ba dang / phug dang / khris shing gis legs par g.yogs pa'i khang bu dang / bya'i tshogs brgya stong rnam par chags par 'gyur ba'i skad 'don pas yid dga' ba dang / ring du skyong bas dga' bar 'gyur ba'i lha'i bu mo brgya stong gi glus rnam par gsal bar byed</font><hr>65.63b<br><font size=+1>

pa dga' ba skyed pa'i gar gyis dga' bar gyur pa dang / nye ba'i nags rnams na rin po che sna bdun gyi rang bzhin gyi rnam par gsal zhing 'bar ba mthong na mchog tu yid 'phrog pa'i ri dgas rnams dang / rin po che sna bdun gyi rang bzhin gyi rdo brgya phrag 'od 'byin pa'i rtse mo rgya chen po zhes bya ba de gang yin pa'i ri de la khams du ma dang ldan pa'i rtse mo rin po ches nye bar gsal bar byed pa'i rtse mo la khris shing gi khang bu yod pa dang / rgya che ba'i rdos dga' ba bting ba dang / tshang tshing dang / pad ma'i nags dang / bskyed mos tshal dang / mtshe'u dang / 'bab chu dang / chu klung gi 'gram dang / ljongs dang / ri'i rtse mos kyang dbyibs dang yon tan du ma dang ldan pa rnams la dang / bsil ba'i chu rdul gyi 'bab chu stong phrag brgyar bsil ba rnams la lha de dge ba'i las rnam pa sna tshogs pa dang ldan pa'i gzugs kyis dga' bar byed/ kun du sbyor bar yang byed pas rnam pa sna tshogs pa'i bde ba rnams nyams su myong bar byed do/ /lha'i tshogs de dag rnams de ltar dga' bar gyur cing rtse bar gyur pa ni rnam par rtog pa du ma rnams kyis yin la/ mdor bsdu na gang dag chu la rtse ba la dga' ba de dag rnams ni chu la rtse bas dga' bar byed pa ste/ phal cher dmyal ba dang / yi dgas dang / dud 'gro rnams nas yin pas shin du chags pa'i yid kyis lhan cig tu dga' bar byed kyi las legs par byas pa rnams kyang ni yongs su spyod par byed pa yang ma yin la lha de dag rnams kyi rang gi lus rnams dang lhan cig tu rigs thams cad la 'di dag gi las ngo shes par byed pa'i ming rnams legs par skye bar 'gyur ro/ /lha gang dag gis dang / legs par byas pa'i las gang gis dang / rnam pa ji srid gcig gis dang / tshul gang gis byas pa dang / dus nam gyi tshe na byas pa dang / rkyen gang gis dang / skye ba gzhan du skyes pa gang gi tshe na byas pa dang / dman pa dang / bar ma dang / khyad du 'phags pa'i zhing dang / dngos po rnams rnam pa</font><hr>65.64a<br><font size=+1>

ji snyed cig gi yon tan phun sum tshogs pas dge ba byas par gyur pa rnams de dag thams cad dus dang bcas pa mngon sum du shes pa dang bcas par steng du ming dang kha byang rnams yi ger bris pa lhan cig tu skyes pa skye bar 'gyur ro/ /dper na sgrin pa dang mig ches rno ba'i yi ge mkhan gyis cha shas rab tu rnam par phye ba'i yi ge mngon par bris par gyur pa de bzhin du lha de'i yig mkhan spyang pos legs par byas pa'i las kyi brtsig pa'i logs de la legs par byas pa'i las de dag thams cad mngon par bris par 'gyur ro/ /mchog dang kha dog gang gis mchog tu mdzes par byed pa dang / mchog tu yid 'phrog par 'gyur ba'i kha dog de legs par byas pa'i las des lha de rdzogs par byed do/ /de rnam pa sna tshogs pa dang khyad par du 'phags pa'i mtshan nyid kyi kha dog gis mngon par bris pa des brgya 'gyur du rnam par mdzes so/ /dper na mchog tu dga' ba lan brgyar btul ba'i gser gsal ba la pad ma rA ga nye bar bcug pa 'am in dra nI la 'am mchog tu mdzes par gyur pa'i rnam pa de lta bu'i rin po che'i rigs su gyur pa gzhan yang rung ste/ de bzhin du lha de las kyis byas pa mngon sum du shes par bris pa des rnam par mdzes shing gsal lo/ /bris pa de yang rang nyid kyi mig gis mi mthong la rgyu gang gis 'grin pa dang mig phor dang las de nye bar skye'o/ /brang la yang ste/ rgyu des na rang nyid kyis mngon par bris pa de mi mthong ngo / /phan tshun du ni mthong bar 'gyur te/ gang gi tshe lha de shin du yang bag med pa'i yid can du mi 'gyur ro/ /de'i tshe thams cad ji lta ba bzhin du mthong ngo / /'di nyid ni rgya chen po'i khor yug na spyod pa'i lha rnams kyi sa'i mchog tu rmad du byung ba cig yin no/ /gzhan yang ngo mtshar bar gyur pa ni ji ltar legs par byas pa'i las kyis byas pa'i brang na yod pa de ltar dpral bar yang bris pa yin no/ /gang gi tshe rnam pa</font><hr>65.64b<br><font size=+1>

gang gis dus gang du 'chi 'pho bar 'gyur ba dang / 'chi 'phos nas kyang gang du cir skye bar 'gyur ba dang / der yang dus ring du 'gro ba dang bcas pa dang / kha dog du mar 'gyur ba yang mngon par bris pa ni lha de dag gi ngo mtshar ba gzhan yin te/ de dag ni las kyis bskyed pa yin no/ /yi ge'i phreng de dag rnams de ltar rnam par bkra bas rnam par mdzes pa ches lhag pa ni ji ltar rnam pa du ma sna tshogs pa'i me tog legs par spel ba'i phreng ba rnams kyis sa gzhan rnams na gnas pa'i lha rnams mdzes pa yin la/ gzhan rnams la rnam par gsal bar byed do/ /de bzhin du rnam par mdzes pa yin te/ de dag gis legs par byas pa'i las gzhan byas pa lha rnams yin pa'i phyir ro/ /de nas lha de dag rnams de ltar rang gi las kyis lus kha byang du btab pa rnams ni rtogs pa yang ma yin par mtho ris kyi nye ba'i nags rnams la sna tshogs pa'i cha byad dang rgyan 'chang ba rnams dang lhan cig tu rnam pa du mar dga' bar byed de/ rgya chen po'i khor yug na spyod pa rnams su de de ltar dga' bar 'gyur zhing rtse bar gyur nas gang na dus shin du ring bar rnam par bkra ba'i chu zhes bya ba'i chu klung ngos rnam pa sna tshogs par dga' ba rtse mo nas rtse mor 'bab pa/ rin po che'i khams rnam pa sna tshogs pa dang ldan pa bya'i tshogs du mas brjod pa'i sgra kun du sgrogs pa/ shing gi tshal mthug po du ma dang ldan pa/ me tog rnam pa mang po stong phrag brgyas cha shas rnam par bkra bar byas pas rnam par bkra ba'i ngos na lha'i bu mo'i tshogs kyis bsten pa'o/ /gzhan yang rnam par bkra ba'i rtse mo'i ngos kyi ngo mtshar che bar gyur pa ni rgyar ji lta bar rtse mo'i ngos nas rab tu 'bab pa'i chu klung dus shin du ring bar rnam par bkra ba'i chu zhes bya ba'i de'i ngos gang gi tshe rab tu dang bar gyur pa na lha gang dag chu klung der dmyal ba nas 'chi 'phos par gyur</font><hr>65.65a<br><font size=+1>

pa chu klung de'i ngos su phyin nas de'i las kyis bskyed pa'i khyad par gyis skye ba gzhan rjes su dran no/ /des de rjes su dran nas kyang mchog tu dga' ba'i 'dod pa'i yon tan lnga phun sum tshogs pa la spyod pa rtag tu rab tu rangs pa'i lha dang lha mo'i tshogs kyis gang bas de ched cher rnam pa du mar rnam par chags par byas nas grangs med pa'i dus kyi bar du longs spyod par byed pa na sdug bsngal rnams dran par gyur nas bde ba de dag thams cad brjed par 'gyur ro/ /slar yang skyo ba dang bcas pa'i yid kyis tshigs su bcad pa brjod pa ji ltar/ rgyu chen sdug bsngal chen po yi/ /dmyal ba'i me dang yang dag ldan/ /bdag gis sdig pa kun byung nas/ /slar yang 'jig rten 'dir 'ongs so/ /legs par byas pa'i 'bras bu bzang / /yon tan du ma dang ldan pa/ /nyes par byas 'bras sdug bsngal ni/ /slu ba med ldan chen po yin/ /bde dang sdug bsngal de dag gis/ /srid pa'i g.yang sar 'khor 'gyur ba/ /rgya mtsho'i rlabs ni ji lta bar/ /las kyi rlung gis kun nas bskor/ /byas pa'i sdig can yid kyis te/ /sdig la dga' ba'i mi dag ni/ /mi dge ba la spyad pa yis/ /de rgyus de ni dmyal bar 'gro/ /de phyir yang ni mi mi 'grol/ /lha yul du ni 'gro 'gyur ba/ /des ni sdug bsngal de bsrings nas/ /slar yang 'dod pa'i dbang rjes 'gro/ /rtsub par 'gyur ba'i sems 'dis ni/ /phyang mo 'phyang min bde min bde/ /yul 'di rnams la yongs 'khyams kyang / /sdug bsngal gyis ni skyo ba med/ /tshu rol pha rol legs ldan pa'i/ /dbang po yongs su bslus pa yis/ /skye dgu 'khor bar 'khor ba ste/ /sred pa'i zhags pa'i dbang rjes 'gro/ /dmyal gnas yi dgas srid par te/ /yi dgas las ni dud 'gro'i skye/ /klu yi srid par dud 'gro las/ /dmyal las phal cher bud med skye/ /de ltar las kyis yongs 'khor</font><hr>65.65b<br><font size=+1>

ba'i/ /'jig rten 'khor ba 'khor lo bzhin/ /skyo dbang du ni mi 'gro yang / /goms pa'i dbang du 'gro phyir ro/ /klu yi srid par dga' 'gyur ba/ /bde ba ji ltar rnam spras pa/ /srid pa na ni spyod pa rnams/ /bde las bde ba yongs nyams 'gyur/ /sdug bsngal pad ma stong dang ni/ /pad ma bye ba brgyar yang ni/ /sdug bsngal yongs su longs spyad kyang / /byis rnams skyo bar yang mi 'gyur/ /bde ba mi dmigs srid gsum na/ /thams cad sdug bsngal gyis yongs bslad/ /skyo ba skye bar mi 'gyur la/ /srog chags sdug bsngal gyis gzir rnams/ /byis pa sdug bsngal gyis dub kyang / /sdug bsngal rgyu la 'jug par byed/ /rgyu ring 'bras bu 'bral min te/ /sa bon brtan dbang 'bras ci bzhin/ /yul rnams kyis ni yongs 'khrul yid/ /yid kyi shugs ni stobs po che/ /sems ni rjes 'brangs bcas 'dul ba/ /lus can rnams ni shis par 'gyur/ /de 'dul byed par myur bar ni/ /khams rnams thams cad spyod pa ste/ /srid gsum thams cad bskor byas kyang / /de nyid rab tu mthong ba 'ang med/ /kun du g.yo byed dbang gis g.yo/ /ji ltar 'khor ba rgya mtsho bzhin/ /sems kyi dbang phyug yang dag ldan/ /'jig rten 'di ni rtag tu 'khor/ /bde sdug dus kyi rjes 'brel ba/ /srog chags srid gsum rjes su 'gro/ /sdug bsngal thams cad spangs pa yi/ /legs pa'i mchog tu 'bab par byed/ /'khor byed rtag tu sdug bsngal gyis/ /de tshe lus can rnams dub 'gyur/ /brjed par gyur nas phyi nas kyang / /rnam par gdung byed sdug bsngal spyod/ /dmyal ba'i gang tshe lus can gyis/ /sdug bsngal dran par gyur na ni/ /de tshe ma lus bde 'di rnams/ /rdul phran tsam du nges par gnas/ /de dus ji srid du rnam par bkra'i rtse mo'i ngos de na nye bar gnas par gyur gyi bar de srid du skye ba gzhan rjes su dran par byed do/ /gang gi tshe btang bar gyur</font><hr>65.66a<br><font size=+1>

pa de'i tshe skye ba gzhan rjes su dran pa thams cad brjed par 'gyur ro/ /de skye ba gzhan la nyams su myong ba'i sdug bsngal gzhan la brjed nas brjed pas kyang pha rol la yul la 'chums pas rnam pa du mar gzhan dang mi 'dra ba dang / sdug pa'i sgra dang / reg bya dang / ro dang / gzugs dang / dri 'dod par gyur pa'i lha'i rdzas kyi yul rnams la lhan cig tu dga' bar byed do/ /de gzhan yang gang na chu klung 'od 'byin zhes bya ba'i ri yod pa der nye bar 'gro'o/ /ri de yang nye 'khor kun du dga' ba'i shing mchog gis shin du gang ba rab tu dang ba'i chu la ngang pa dang / kA ran Da ba dang / ngang ngur gyis yongs su gang ba rnam pa sna tshogs pa'i gser 'bar ba sgra'i mchog gis yid dga' ba'i ca cos gang ba'i chu klung 'bab par 'gyur la chu klung de yang shin du mang ba 'byung bar 'gyur ba ni stong phrag bcus legs par gang ba ste/ tshad dang shugs dang dbyibs rnams mtshungs pa/ shing dang bya'i tshogs kyis dga' bar gyur pa'o/ /rab tu mang ba byung ba de dag rnams las kyang thams cad las ches lhag pa'i chu klung ni bzhi yod pa la 'di lta ste/ mdzes par 'bab pa dang / gser gyi phreng ba dang / bai dUr+ya'i chu dang / bde bar 'bab pa dang bzhi'o/ /de nas lha de rang gi las kyi 'bras bu la spyod pas thams cad kyang rab tu dga' ba'i yid can mchog tu rgya che ba'i rgyan dang cha byad phreng bar 'dzin pa rnams rtse bar gyur pas gang na mdzes par 'bab pa'i chu klung yod pa der nye bar legs par 'gro bar byed do/ /chu klung de'i ngos na yang dkar la ring ba'i me tog gi nags chen po na dga' ba du ma zhes bya ba'i mtsho de na me tog gis khris shing then pa mchog gis rab tu g.yengs pa/ me tog gi bye brag stong phrag rnams kyis rnam par dga' ba/ tshad dang dbyibs du ma dang ldan pa'i bya rnam pa du mas rnam pa sna tshogs pa'i rgyan dang cha byad can gyi byas sgra'i rnam pa rgya che bas legs par gnems pas mchog tu dga' bar gyur pa'o/ /chu klung mdzes par</font><hr>65.66b<br><font size=+1>

'bab pa de'i ngos gnyis pa na yang bung ba rkang drug rjes su rgyu ba zhes bya ba'i pad ma'i rdzing bu nang par gyi nyi ma dang mnyam pa'i 'od mchog tu dri zhim pa'i pad mas rtag tu legs par gang ba'i pad ma'i rdzing bu'i nags de ni rnam pa du mar dga' ba ring du ni dpag tshad lnga brgya'i rgyar gyur pa'i ngo bo ni dpag tshad lnga'o/ /nye 'khor na yang mchog tu dri ma med pa'i chu ni chu skyes dang me tog gzhan gyis kyang yang dag par gang ba kha dog rnam pa sna tshogs pa'i 'dab ma rnams dri gang dag nye 'khor dpag tshad lngar 'gro bas mchog tu dri zhim pa'o/ /de nas de ji ltar 'dod pas kha cig ni nags rnams su/ kha cig ni pad ma'i rdzing bur ji ltar 'dod pa rgyu bas rab tu dga' ba lha dang lha mo'i tshogs kyis gang ba rang gi gzi brjid dang ldan pa las kyis byas shing bsags pas der skye'o/ /de dag rnams dri mchog tu mdzes pa'i dri'i me tog gis mdzes par 'bab pa de mthong na ches yid spro ba'i ngos la rgya chen po'i khor yug na rgyu ba'i lha rnams dga' bar byed la yongs su spyod par yang byed do/ /rnam pa du ma de dag gcig tu chu klung 'od 'byin gyi ri'i rtse mo la rab tu 'babs so/ /gzhan yang 'od 'byung gi ri yod pa la chu klung gzhan legs par 'bab ste/ gser gyi phreng ba zhes bya ba'i chu klung 'od 'byung yin no/ /chu klung de la brten nas chu klung de 'bab pa'o/ /de nyid kyi ming gis chu klung de gser gyi phreng ba zhes brjod do/ /de na dga' ba 'di dag yod de 'di lta ste/ chu de'i skyon rnams 'gags pas btung ba bzhin du 'gyur ro/ /shin du dri zhim pa'i dris ci ltar 'dod pa'i ro dang / kha dog dang / dri dang / reg bya dran par gyur pas rgyags pa skye ba thams cad dang bral ba'o/ /de nas lha de dag gis btung ba'i khyad par de 'thungs nas kyang ches lhag par bag med pas gnas pas gang dag dga' bar byed do/ /lhan cig rgyu ba chen po dang bcas pa'i thams cad tshogs chen pos bskor</font><hr>65.67a<br><font size=+1>

ba yul lnga la rnam par chags pa'i yid can rnga skad yan lag lnga dang ldan par gyur pa mnyam pa dang / snyan pa dang / chags pa'i sgras mchog tu rjes su 'thun pa'i yang rgyan dang / cha byad dang / mchog tu blta na sdug pa rnams zhabs 'bring du gyur pas ci dga' bar 'dod pas byas pa'i rang dbang du 'jug pa lha de dag rnams gser gyi phreng ba'i ngos na tshogs pa'i sgra dang / reg bya dang / ro dang / gzugs dang / dri yis rgyags pas rgyags pa rnams rnam pa du mar rgyu ba des chu klung mchog tu dga' ba mthong na gzugs kyi yul gyis ngoms pa med pa de yang nye bar longs spyad nas/ gzhan yang gar dang ldan pa'i glu'i sgras rna ba'i khung bu 'phrog pa'i yul lnga la mngon par chags pa'i yid kyis dga' bar gyur pas ri dang / ljongs nas ljongs dang / ri'i rtse mo nas ri'i rtse mo dang / chu klung gi ngos nas chu klung gi ngos dang / pad ma'i rdzing bu nas pad ma'i rdzing bu dang / nags nas nags su dang / bang rim nas bang rim dang / shing drung nas shing drung du dga' bar gyur pas rnam pa sna tshogs pa'i bde ba'i rgyags pas myos pa rnams rgyu bar gyur pa na dus gzhan zhig gi tshe bai dUr+ya'i chu zhes bya ba'i chu klung de dang nye bar rab tu dga' ba'i rgyags pas rnam par rgyu zhing 'gro'o/ /chu klung de la yang mdzes pa 'di dag rnams yin la 'di lta ste/ bai dUr+ya'i rang bzhin du gyur pa'i chu klung dri ma med pa'i chu'o/ /rdo ba rnams bai dUr+ya'i rang bzhin no/ /bai dUr+ya'i rang bzhin gyi ljon shing gis legs par gang ba/ bai dUr+ya'i rang bzhin dang mdog mtshungs pa'i ljon shing la bya'i sgras nang na gang ba/ 'bras bu rnams lta bas cher rgod pa ltar gyur pa/ gtsang zhing dri ma med pa'i chu bde bar 'bab pa/ zab cing snyan pa'i sgra legs par byas pa'i las kyis dbang por gyur pa'i bai dUr+ya'i chu zhes bya ba'i chu klung rab tu 'bab pa'o/ /de lha de dag rnams dga' bas rgyu ba'i don du 'gro bar byed do/ /yul la sred pas rnam pa du</font><hr>65.67b<br><font size=+1>

mar rab tu rnam par zhen pas lha de rnams rnam par rgyu'o/ /kha cig ni chu klung gi ngos dag na dga'o/ /kha cig ni chu'i nang na lhan cig spyod pa dang bcas nas so/ /kha cig ni mchog tu 'gying bas bya gzhan rnams kyi rgyab tu de dag mngon par zhon nas rlabs nas rlabs la 'gro'o/ /chu lang kyi li kud 'khor ba nas 'khor ba/ phyi 'khor nas phyi 'khor du/ chu mi mnyam pa nas chu mi mnyam par/ pad ma'i stan nas pad ma'i stan la/ ud pa la'i nags nas ud pa la'i nags su yongs su spyod do/ /brgya phrag dang brgya stong phrag du dpe med pa'i bde ba dang yang dag par ldan pa'i lha de dag rnams la gal te shed na legs par byas pa'i las rnams kyis dang / yul rnams kyang zhi ba dang / de'i tshe bai dUr+ya yang dri ma med pa la mthong ba ni gang dag tshul khrims dang shes rab kyis lhag par gyur pa de dag rnams kyis de la las kyi 'bras bu'i rtags kyi gzugs brnyan mthong bar 'gyur te/ de'i rgyu gang yin pa dang / de'i gleng gzhi dang / de dang ma bral bas dang / rkyen des lha'i ris der skye bar 'gyur ba dang / 'di dag thams cad mngon sum du shes pa dang bcas pa/ dmigs pa dang bcas pa dang / sems bskyed pa'i gleng gzhi dang bcas pa/ zhing la rab tu dang bar gyur pa rnams mngon par mthong nas de rnams dmigs par byas nas skye ba gzhan dran pa'i dbang du byas pa'i blo skye'o/ /kye ma bdag yul gyi shugs kyi lim log can gyi chu'i rlabs skyo ba skye bar 'gyur ba'i shugs dang ldan pa'i sred pa'i chu klung gis bdag ji lta bar rab tu khyer bar gyur pa/ gang gi dbang gis 'byung bar gyur pa log par ltung bar 'gyur ba yang bdag gis ma rtogs te/ gang gi rgyus 'di ji lta ba bzhin du mngon sum du rtogs par 'gyur ba mngon gyi dus dang ldan pa'i lo rgyus de dag rnam pa du mar mngon par bris pa'i rgyu des rnyed pas skye ba gzhan gyi lo rabs rnams bdag</font><hr>65.68a<br><font size=+1>

gis rnyed par 'gyur ro/ /legs par byas pa 'di rnams la longs spyod par yang byed de/ yang gang gi tshe zad par byed pa de'i tshe phyir yang rnam pa du mar log par ltung ba lha'i rigs de las 'byung bar 'gyur ro/ /de ltar phan tshun du brjod par 'gyur ba dang / 'gro ba lnga'i 'jigs pa yang mthong bar gyur pas thams cad so so la brten nas skyes pa'i yid 'byung bas bai dUr+ya'i chu klung gi chu 'gram de nyid na tshigs su bcad pa brjod pa ji ltar/ sngon dge'i las kyis byung ba gang / /legs pa dang ldan che 'byung ba/ /mtho ris 'di de spyod byed dang / /yang dang yang du zad pa dang / /mtho ris legs byas las byung ba/ /de zad pas ni ltung bar mthong / /mtho ris rgyu dang bcas pa ni/ /skad cig pa yi khyad par gyis/ /mi rtag 'byung gnas gtsug lag las/ /thams cad 'jig par 'gyur ba yin/ /dngos gang 'dus byas mi rtag pa/ /de kun rnam par 'jig pa yin/ /skye kun rab tu rnam 'jig pa/ /chos nyid kyis 'di rnam par gnas/ /'dod pa'i ro la chags byed pa/ /byis pa blo dman rnams yin no/ /kim pa ka'i 'bras mtshungs pa'i/ /nyes dmigs go ba ma yin no/ /gzugs la sogs pa'i dgra 'dis kyang / /srid pa'i rang bzhin phyir log skye/ /las ngan 'bras la rmongs pa yi/ /srog chags log pa'i dbang 'gro nyams/ /'dod pa dug gi 'bras 'dra rnams/ /skyes bus ji srid myangs pa yis/ /de dag nyid la ngoms med yin/ /phyir yang dmyal bar ltung ba yin/ /sbyin dang tshul khrims dga' spyod spel/ /rtag tu de la zhugs pa'i yid/ /rtag tu gang la de yod pa/ /skye bo de ni mtho ris 'gro/ /rtag tu tshul khrims bsgoms pa dang / /mi dge ba yang spangs pa ni/ /spyang po 'od ldan brtan po ste/ /skye bo de ni mtho ris 'gro/ /dgra bo rnams la 'ang rtag tu gang / /'khon dang bral ba byams pa'i sems/ /rtag tu rab tu</font><hr>65.68b<br><font size=+1>

zhi ba'i yid/ /skye bo de ni mtho ris 'gro/ /yid kyi sgom pa drag po yis/ /sdom par byed pa'i legs pa gang / /rtag tu sdom brtson gcig la dga'/ /shin du mang ba mi smra ba/ /snying po snying med rnam par shes/ /gang de skye bo mtho ris 'gro/ /'khor bar chags par gyur pa gang / /rga shi dag gis bslus pa yin/ /rtag tu mya ngan 'das mngon dga'/ /'gro 'gyur skye de mtho ris su/ /shing drung 'am ni dur khrod du/ /de bzhin nyid du ri khrod du/ /sgom pa'i yid ldan sems dpa' de/ /mtho ris 'gro ba'i skye bo yin/ /tshod shes yul shes dus shes dang / /sdig pa'i grogs po rnam spangs pa/ /gang la byams pa'i sems yod de/ /skye bo mtho ris 'gro ba yin/ /grong lta ba la mi dga' zhing / /tshal dang srang du mi rgyu ba/ /gcig pu gnas dang zhi ba yi/ /skye bo de ni mtho ris 'gro/ /gang zhig zhi bas rtag tu lus/ /mi gtsang las byung lta byed pa/ /lus dang lus kyi cho ga shes/ /gang de skye bo mtho ris 'gro/ /chos rnams las kyi dra bar ni/ /gang gis rnam mang skye bo mthong / /'khor ba la yang dga' ba med/ /mtho ris 'gro ba'i skye bo de/ /de nyid kyang ni ji bzhin rig /rnam pa du ma las byung ba'i/ /mthong yang dga' ba ma yin no/ /mtho ris 'gro ba'i skye bo de/ /skad cig pa dang sgyu ma bzhin/ /dri za sgyu ma lta bur yang / /gang zhig rtag tu sems 'dul ba/ /skye bo de ni mtho ris 'gro/ /de nyid skad cig la shes dang / /mtshan nyid bral ba shes gang dang / /bde chags kyis ni skyo ba'i yid/ /skye bo de ni mtho ris 'gro/ /bud med gzhan la ma bzhin dang / /pha bzhin du yang lus can kun/ /'jig rten mtshungs par lta byed gang / /mtho ris 'gro ba skye bo de/ /rtag tu phra ma spong byed cing / /sems can rnams la 'ang rtag tu dga'/ /khro med drang por gyur pa'i yid/ /skye bo de ni mtho ris 'gro/ /thams cad shing bzhin rdo bzhin du/ /gzhan gyi</font><hr>65.69a<br><font size=+1>

sems la spyod pa po/ /rang gi sems kyi chog shes pa/ /skye bo de ni mtho ris 'gro/ /nyin dang mtshan du gang dag gi/ /snying la le lo mi 'jug pa/ /rtag tu brtson pas rnam par rgyu/ /gang de skye bo mtho ris 'gro/ /rgod dang rmugs dang gnyid dang ni/ /le lo yang ni khyad par du/ /spong bar byed pa rtag tu bzang / /skye bo de ni mtho ris 'gro/ /sgo lnga las ni tshul khrims 'chal/ /gcig tu yongs su mthol ba dang / /rtag tu spong byed blo ldan pa/ skye bo de ni mtho ris 'gro/ /nye bar len pa rnam bzhi shes/ /bden pa yang ni de bzhin de/ /cho ga shes pas lta ba'i yang / /skye bo de ni mtho ris 'gro/ /sdug bsngal sdug bsngal rnam smin dang / /gang yang sdug bsngal 'gog pa dang / /rtag tu de nyid la lta gang / /skye bo de ni mtho ris 'gro/ /rtag tu sdug bsngal la zhugs pa/ /chos ni rnam par mi 'dor gang / /chos kyi blo ni zhi ba dang / /skye bo de ni mtho ris 'gro/ /ras kyang dkar dang shin tu phra/ /de bzhin du yang phyag dar khrod/ /gtum min yid ni zhi ba dang / /rtag tu bsam gtan gyis gnas pa/ /rtag tu nges 'byung la dga' ba'i/ /skye bo de ni mtho ris 'gro/ /zhim 'am gal te mi zhim pa/ /ji ltar 'dod pa'i tshul gyis 'ongs/ /chog shes dang ni khro min pa'i/ /skye bo de ni mtho ris 'gro/ /gos gang 'jam zhing dkar ba dang / /phyag dar khrod kyang de bzhin te/ /legs sdom byed pa chog shes mchog /skye bo de ni mtho ris 'gro/ /mal stan gzhi dang de bzhin sa/ /khang bzangs rtse 'am de bzhin gzhan/ /dga' ba 'am khro ba med pa yi/ /skye bo de ni mtho ris 'gro/ /gzugs gang mig gi yul du ni/ /gtogs dang gzhan du gyur pa yang / /de kho nar ni rab lta gang / /skye bo de ni mtho ris 'gro/ /snyan pa 'am ni mi snyan pa/ /gang gis thos nas 'khrul bral ba/ /mig dang blo dang ldan pa yi/ /skye bo de ni mtho ris 'gro/ /dbang po drug po thams cad dang / </font><hr>65.69b<br><font size=+1>

yul rnams kyang ni de bzhin du/ /spong bar byed cing mi dga' ba/ /skye bo de ni mtho ris 'gro/ /zhes bya 'di rnams don chen dang / /rtag tu bde ba byed pa yang / /de dag thams cad cho ga bzhin/ /byed pa'i skye de mtho ris 'gro/ /ji ltar las rnams byas pa kun/ /de nyid du ni byed med par/ /lta byed dri bral bzang po'i yi/ /skye bo de ni mtho ris 'gro/ /las rnams kyi yang rnam smin des/ /las rnams smin gyis byas pa'i yang / /sdug bsngal rtag tu rnam par 'byed/ /skye de mtho ris 'gro ba'o/ /de ltar lha de de'i mgrin par byas pa de yang dag par mthong nas mchog tu skrag pa'i yid kyis tshigs su bcad pa smras te/ shin du brjod nas kyang chu klung gi 'gram du lha de dag nyid dang lhan cig tu rang bzhin yin pas slar yang bag med pas rgyu bar byed do/ /gal te gang dag de'i mgrin pa na byas pa yod par gyur du zin yang rkyen med par mi mthong ste/ gang gis rten cing 'brel par 'byung ba'i dngos po'i rkyen med par mi 'gyur la/ lha gang gi yang rang bzhin yin pas slar yang bag med par spyod pas gang na chu klung 'od 'byung gi ri la rin po che 'od 'byin zhes bya ba'i ri de yod pa der 'gro ste/ rgyan dang cha byad du mas rab tu dga' ba'i yid can yul da ltar ba la chags pas kun nas khrid par gyur pas dus chod par gyur pa'i 'jigs pa yang ma rtsis pa dang / dbang po 'gyur ldog can rnams kyis kyang drangs pa dang mtho ris pa de rnams mchog tu yang bde ba'i phyir na phyir zhing yang gar byed par gyur/ rab tu rgod par gyur pas rnam par rgyu bar byed pas chu klung gi 'gram na rnam pa du mar dga' ba'i me tog gi tshogs rnam pa du ma phun sum tshogs pa khri shing shin du 'gyus pas khebs pa'i ngos na rtag tu yang rab tu dga' ba'i tshogs kyis 'khrigs par ro/ /gzhan yang khyad par lta bar 'dod pas rin po che 'od 'byin gyi ri la rin po che'i rnam pa brgyad stong du ma cha shas rnam par bkra ba yod par 'gro'o/ /lta ba la mtshor</font><hr>65.70a<br><font size=+1>

rngams pas des de ring ba nyid nas mthong ste/ 'od 'bar ba nam mkha' brtol bzhin du gnas pa lngar ma mthong ba de yid la smon pas byas pa bzhin du skyon gzhan med pa de'i 'od dpag tshad stong phrag bcur 'gyur te/ sngon po dang ser po dang dmar po dang ljang khu'i kha dog go/ /gzhan yang rnam par 'dres pa'i 'od rnams so/ /gzhan yang ngos de na rin po che'i 'od kyi phreng ba can gyi ri gzhan gang dag yod pa de dag rnams kyang brtol zhing rin po che 'od 'byin gyi ri de'i 'od de dag gis ri de dag rnams thams cad kyi 'od nges par bcom nas gnas so/ /dper na ri'i rgyal po ri rab lhun po'i 'od kyis ni ri rnams thams cad kyi 'od zil gyis gnon no/ /de bzhin du rin po che 'od 'byin de'i 'od mchog tu rgya che ba dga' bar gyur pa mchog tu rangs pa yid 'phrog pa yin no/ /de bzhin du rna ba'i dbang po gcig tshim par byed la rin po che des rna ba'i dbang po gnyis pa yang sgra rnam pa du mas legs pa bsgo bar byed la/ rin po che 'od 'byin gyi ri de nyid na 'di lta ste/ thos na yid 'phrog pa'i sgra dang ldan pa'i chu klung 'bab pas kyang kun du sgra sgrogs pas mchog tu thos na yid 'phrog pa dang / de dag na rnam pa du ma'i bya rnams ni rin po che sna bdun gyis rnam par bkra ba'i sgro dang ldan pa khyad par med pa'i rlung gis rab tu bskyod pa'i dril bu g.yer ka'i rang bzhin gyi ljon shing rnams kyi sgra gang yin pas so/ /de dag gi dpe bya bar mi nus te yid rnams dang 'dra ba yin pa'i phyir ro/ /rin po che 'od 'byin gyi ri chen po 'di las de bzhin du lha de dag rnams kyi rna ba'i dbang po la yang tshim par byed de gzhan yang lha de dag gi dbang po gsum pa ring ba nyid nas ri chen pos tshim par byed pa yang 'di lta ste/ sna la dri du ma rnams kyis me tog gi tshogs mang po las 'byung bar 'gyur ba la chu klung du ma las nye bar skyes pa'i me tog gis legs par bskyed pa'i dri de dag gis lha rnams tshim par byed do/ /gzhan yang ri chen po des lha de dag rnams kyi dbang po bzhi pa kun</font><hr>65.70b<br><font size=+1>

nas tshim par byed de lce yang ro dang mdog dang gzugs dang / dri rnams mchog tu gyur pa'i rnam pa du ma'i 'bras bu rnams kyis kyang kun du tshim par byed do/ /lus la yang reg na dga' bar 'gyur ba'i gos rgyu kun med pa du ma rnams dang / reg na bde ba'i rlung rnams kyis kyang tshim par byed do/ /ri chen po de gang la lha de dag rnams kyi dbang po lnga po rnams rang gi yul bde ba nyams su myong bar byed do/ /des tshim par byed pa po'i ngo bos yid kyang mchog tu tshim par 'gyur ro/ /de ltar rin po che 'od 'byin gyi ri 'dis dbang po lnga'i bde ba rab tu sbyin pas lha de rnams shin du bde ba la gnas so/ /de nas lha de rnams kyis rin po che 'od 'byin gyi ri der sleb nas rin po che du ma 'bar ba'i phreng ba'i rnam pa du mar yang 'od 'bar ba nye bar 'byin no/ /de nas lha de rin po che de la chu klung stong phrag rnam pa du ma dang 'bab chu dang rdzing bu dang pad ma'i rdzing brgya stong gis nye bar mdzes pa gser dang bai dUr+ya dang in dra nI la dang dngul dang 'dab ma rnam par bkra ba 'dren ma stong phrag brgyas mdzes par mngon par mthong nas lha de rang bzhin nyid kyis bde bar rgyu ba brgya 'gyur thob nas ri de la nye bar longs spyod de/ rab tu dga' ba'i 'khor dang bcas nas phan tshun du gnod pa med par gtad pas tshim par byed pa'i yid can rnams de dag de bzhin du ches rab tu dga' ba'i yid kyis rin po che 'od 'byin gyi ri de'i khyad par lta bar 'dod pas phug dang ri khrod la dpyod de pad ma'i rdzing bu nas pad ma'i rdzing bu/ rtse mo nas rtse mo/ chu klung gi ngos nas chu klung gi ngos/ gnas kyi tshogs nas gnas kyi tshogs/ rin po che'i nags nas rin po che'i nags la bya'i tshogs mang po mngon par mthong ba'i rnam pa des mthong ba dang thos pas dga' ba bya'i tshogs gzhan lta bar 'dod pa rnga skad yan lag lnga dang ldan pas lhan cig tu dga' bar byed cing yongs su spyod par yang byed do/ /de rang bzhin gyis mthong ba dang / thos pa dang / sna dang / lce dang / lus kyi yul lnga po rnams dga' ste dbang po de dag rnams</font><hr>65.71a<br><font size=+1>

sgra dang / reg bya dang / ro dang / gzugs dang / dri rnams so so dang gcig la yang dga' bar byed do/ /yul rnams la yang dbang po rnams dang / yul de la dbang po lnga rnam par rol pa'i dbang po'i yid do/ /mchog tu bde ba dpe med pa nye bar longs spyod do/ /rnam pa du ma dang / rnam par rtog pa du mar mthong ba dang / sgra dang sna dang ro dang / chos kyi yul yang zlos pa ma yin pa'i lha'i bde ba nye bar longs spyod do/ /da ltar ba'i bde ba dang sdug bsngal gyis nye bar 'joms par byed do/ /de ltar de yul la rnam par chags pa'i yid kyis de 'dra ba'i bag med par 'gyur ro/ /ji ltar gang las kyi 'bras bu rnam par bkra ba sngon phyogs na mngon par bris pa yod kyang de thams cad mi dran no/ /de rnams kyis gzhan yang des sngon legs par byas pa'i phyir kun du spyod par gyar pa dang rtse bar gyur pas kyang gal te shed na ri chen po la rin po che 'od 'byin pa de nyid kyi rtse mo du ma mchog tu sngo ba dri ma med pa me long gi mthil dri ma med pa zhes bya ba gang yin pa 'di dri ma med pas gang la shing rta'i rdul yang mthong ste/ lha de rnams kyi brtson pa lhag pas gang yang sbom po mchog tu rnam par bkra ba dang / mthong na mchog tu dga' ba dang / lus kyi mdog rnam pa mi 'dra ba'i phan tshun gyi rnam pa las kyis byas pa mngon par bris pa la lta smos ci dgos/ 'gro ba'i ris gang dang gang las 'chi 'pho ba dang rnam pa gang gis byas par gyur pa de yang brang dang mgrin pa'i dbus su bris par 'gyur ro/ /legs par byas pa'i las kyis des de'i nyes dmigs rtogs nas skyo ba skye bar 'gyur ro/ /'dod pa'i ro thob pa'i rgyu des kyang byis pa rnams skyo ba mi skye'o/ /yang gang gi tshe de rnams nyid la 'dod pa rnams kyi nyes dmigs legs par bstan par gyur pa 'am/ rang nyid kyis go bar gyur pa de las kyang 'dod pa'i nyes dmigs nye bar dmigs par 'gyur ro/ /de'i tshe byis pa rmongs pa'i blo can rnams kyis rab tu rtogs te gang</font><hr>65.71b<br><font size=+1>

thob nas de 'dod pa'i ro la chags par mi byed pa dang / nyes dmigs kyang legs par mthong ba yin no/ /de 'dod pa rnams la phyir 'gyod pa'i mes sreg par byed de/ gang gi phyir tha mi dad pa'i lus yongs su 'dor ba'i phyir ro/ /gang yul gyi me mtshon cha dmyal ba'i mthar gtug pa'i rgyu bdag cag rnams so/ /phyi nas 'gyod pa'i mes sreg par byed do/ /gang yang lus bsgoms pa'i yid bsgoms par gyur pa de 'dod pa'i ro la mi dga' ba dang nyes dmigs kyang mthong ba yin no/ /de 'dod pa rnams kyi ro la yang dga' ba ma yin no/ /'dod pa rnams yod kyang zhabs 'bring dang mngon par rtog par byed par mi 'gyur ro/ /de'i tshe 'dod pa rnams kyi kha 'og tu 'du bar mi 'gyur ro/ /gzhan yang 'dod pa rnams kyi gnyen po 'di lta ste/ gang gis gzugs de mthong ba na de rnam par 'jig pa'i chos can des gzugs la gzugs kyi rjes su lta ba dang / ji lta ba bzhin du tshul bzhin nyid yid la byed pas lta ba des 'dun pa'i 'dod chags rnam par 'joms so/ /de ltar yul lnga la ji lta ba bzhin du nyes dmigs mthong ba'i rang bzhin du 'gyur la de dga' ba'i 'dod chags dang ldan pa'i sred pa 'khor ba'i sa bon du gyur pa las phyi rol du gyur pa'o/ /de ltar yang 'dod pa rnams kyi nyes dmigs rtogs shing de dag nyes dmigs shes nas phyis 'gyod par 'gyur ro/ /'dod pa'i yul gyi 'dod chags dang phrad pas mi gnod do/ /sngon gyi 'byung ba las byung bas lha rnams yongs su spyod pas gal te shed na ri de'i rtse mo la mngon par 'khod do/ /mchog tu dri ma med pa'i me long gi mthil ji lta bar lha de rnams kyi yan lag de rnams kyang mthong ngo / /de nas lus bsgoms pa yid bsgoms pa'i lha des mthong bar gyur pa las thams cad kyi 'bras bu dang / 'chi 'pho dang / gleng gzhi dang / skye ba yang dpral ba na bris pa de rnams bdag nyid kyis rab tu mthong bar 'gyur ro/ /ji ltar che ge mo zhig gi lus na gnas che ge mo zhig na che ge mo zhig gi yul na rnam pa che ge mos 'chi</font><hr>65.72a<br><font size=+1>

'pho ba'i rgyu mtshan che ge mos lha che ge mo 'chi 'pho bar 'gyur ro/ /gang dpral bar mngon par bris pa 'di shes par gyur pa de lha'i rigs de las 'chi 'phos nas lan grangs gzhan la myong bar 'gyur ba'i las kyis sam/ skyes nas myong bar 'gyur bas sam/ lus kyi nyes par spyod pas sam/ ngag gi nyes par spyod pas sam/ yid kyi nyes par spyod pa'i rgyus 'chi 'phos nas dmyal bar che ge mo zhig tu skye ba dang / che ge mo zhig yi dgas su skye ba dang / 'dir dud 'gro'i lus su skye bar 'gyur ba dang / de dud 'gro'i rigs de las yongs su grol nas 'dod pa'i bag med pas bslus shing las kyi rlung gis bskor nas slar yang che ge mo zhig tu 'khor bar 'gyur ro/ /de ltar 'dod pa rnams kyi nyes dmigs dang snying po med pa yang dpral ba de nyid la mngon par bris pa mthong ngo / /ji ltar che ge mo zhig gi gnyen po che ge mo zhig gis te/ 'di lta ste/ 'dod pa rnams ni mi rtag pa snying po med par dpral bar mngon par bris pa gang yin pa thams cad mthong ngo / /de mthong nas kyang gang ches bsgoms pa'i lus dang yid bsgoms par gyur pa des 'dod pa rnams yongs su spong ngo / /nyes dmigs dang bcas pa zhes rig nas gang gi phyir dug dang 'dra bar ji ltar phra mo rnams kyang de bzhin du yul rten pa rnams kyang dug bzhin zos nas log par ltung bar 'gyur ro/ /de dag rnams da ltar mthong ba dang / sten pa dang / yul rnams yongs su spong ba po rnams gang yin pa de dag gi yang dpral bar bris pa yin no/ /ngan 'gror skye ba dmyal ba yi dgas dud 'gro'i skye ba blangs nas de zad pa yang legs par byas pa'i las kyis rtag tu yang dag par mngon par mthong nas/ gzhan yang las kyi dbang du byas nas yid ches pa skye ba de ni legs par byas pa'i las kyi mtha' la spyod pa yin te/ ji srid du mya ngan las 'das pa'i sa bon du gyur pa las zad par 'gyur ba'o/ /de nas lha gzhan gang dag blo dman par gyur pa rnams 'dod pa</font><hr>65.72b<br><font size=+1>

sten pa la ched cher byed cing de sngon gyi legs par byas pa'i dbang du gyur pa'i ngo bos kyang mngon par bris pa legs par mthong ste/ ji ltar bdag 'di las 'chi 'phos nas mi rnams su skyes la phyir yang lha rnams su skye ba ste rtag tu 'am/ mngon par mthong yang kun nas skrag pa dang ldan par yang mi 'gyur ro/ /phyir yang yul lnga'i rlabs kyi srid pa'i chu klung du bag med pa bag med pas spyod pas lha khrus byed do/ /de'i thos pa'i shes pa de yang 'gags nas skye bar byas pa gzhan yang rab tu 'byung bar 'gyur te/ 'dod pas bslus nas las zad par byas pa'i dmyal ba dang yi dgas dang / dud 'gror skye'o/ /phyis yang dmyal ba yi dgas dud 'gror skye ba rnam par 'jig go/ /de nas de ltar bag med pa la lta ba'i lha de dag rnams rtogs nas dbang phyug la gnas pa zhes bya ba'i bya bas dge ba'i las kyi dbang gis tshig brjod pa ji ltar/ dge ba yis ni sems khrid cing / /dge ba kho nas rjes su khrid/ /de bzhin mi dge rjes spyad pas/ /mi dge nyid la rgyug pa yin/ /bde legs rgyu ba mi yi sems/ /chu klung nyid dang de dag mtshungs/ /ji lta bar ni rkyen thob nas/ /de bzhin de ni yongs su rgyug /myur bar rab tu rgyug byed sems/ /myur bar yang ni yongs su ldog /myur bar 'bab pa lha rnams dang / /myur bar thabs min sar yang ngo / /gang la sems ni rjes chags pa/ /myur ba myur bar ches 'gyur ro/ /chos rnams thams cad byed po dang / /las rnams thams cad gcod byed yin/ /chos rnams thams cad khrid byed ni/ /sems 'di yin zhes brjod pa yin/ /rtag tu glags ni gcod byed pa'i/ /sems la yid ches mi bya yi/ /gzung bar dka' dang shugs drag dang / /lim log gi ni khyad par gyis/ /des na yud tsam dger 'gyur zhing / /de bzhin mi dger yud tsam des/ /de bzhin lung ma bstan par 'gyur/ /'di la 'gro gnas yod ma yin/ /'ong ba nyid</font><hr>65.73a<br><font size=+1>

kyang mthong ba med/ /med par gyur nas 'byung 'gyur de/ /byung nas kyang ni 'gro bar 'gyur/ /de yis mi byed pa med cing / /bsags pa yang ni yod ma yin/ /de la gzung ba nyid yod min/ /de ni thams cad du lus med/ /rgyu dang rkyen ni tshogs pa las/ /so sor kun nas slar skye'o/ /nor bu ba lci'i rkyen dag gis/ /mi skye ba ni ji bzhin du/ /de bzhin kho nar dbang gzugs sogs/ /gsum las rnam par shes pa 'byung / /'dod rgyal du ni skye min te/ /sems ni tshogs pa las byung ngo / /thams cad du ni spang dka' ba/ /de nyid yul du rig nas ni/ /dam pa'i chos la blo ngos gzhag /'dod pa rnams la nam yang min/ /de ltar lha gang dag lus bsgoms par gyur pa dang / yid bsgoms par gyur pa gnyis ga la yang nges par 'byung ba'i yid can rnams 'dul bar yang dka'o/ /de 'dul ba la gus pas lha nyid las 'chi 'phos nas kyang slar yang lha gzhan las ches khyad du 'phags pa rnams kyi nang du skye'o/ /rgyal por yang 'gyur la rgyal po'i blon po 'am gang yang thar pa'i cha dang 'thun pa'i las byed do/ /gang yang sems brtson pa ni byang chub gsum las gzhan gang rung zhig 'thob pa'i de'i yang na rgyal po 'khor los sgyur bar yang dang yang du 'gyur te/ dge ba'i las bsags pa de'i dge ba'i las kyis so/ /gal te de nyid kyis yang gang dag ser snar gyur pa'i las byas pa nye bar ma brtags par dang / sems bsgrubs par dka' bas dge ba rjes su mi sgrub pas de slar yang dmyal ba yi dgas dud 'gro rnams su skye'o/ /gzhan yang dge slong de shin tu ngo mtshar bar gyur pa'i las rmad du khyer ba'i rnam par smin pa 'di la rjes su dpyod par byed pa na des mthong bar gyur pa ni gang zhig rab tu dad par gyur pas bcom ldan 'das kyi sku bris pa dang / dang ba dang ldan pas rig cing rab tu dang ba'i sems kyis dam pa'i chos kyi po ti bris par gyur pas kyang byang chub 'thob par 'gyur ro/ /rab tu ma dad pa'i</font><hr>65.73b<br><font size=+1>

sems kyis kyang mgrin pa dang / brang gi dbus su thams cad bris pa de mthong nas de dad pa dang ldan par 'gyur ro/ /de yang dpral ba'i yul du mthong nas kyang dad pa dang ldan no/ /rab tu ma dad pa'i sems kyis sam rgyal po'i zhabs 'bring byed pa'i 'jigs pas dang / de las gzhan gyis kyang brtson pa med pas dang / yang de 'tsho ba'i don du yang po ti 'dri bar gyur pa dang / sku gzugs kyang ste mtho ris su skyes pa na yang de'i las mngon par bris pa mngon par mthong nas dad par 'gyur ro/ /slar yang bag med pa mang bar 'gyur zhing de'i dge legs kyi sa bon du gyur pa'i las rnams zad par 'gyur te/ bag med pa dang bral ba'i sems dang bral bar gyur pas kyang ste/ de ltar na las kyis byas pa rgyu med par 'gyur ba ni cung zad kyang yod pa ma yin no/ /de nas gzhan yang lha de gang bag med pa la mngon par dga' ba dang / bag med pa la spyod pas kyang de rdzas kyi yul gyi rgyags pas rtag tu ngoms pa med do/ /gzhan yang de la 'dod pa du ma 'phel bas ni rin po che 'od 'byung gi ri la dus yun ring por 'dod pa'i yon tan lnga la spyad nas/ lhan cig spyod pa'i 'khor dang bcas pa 'gying bar byed pa dang / yongs su spyod par gyur pas 'dod pa'i yon tan lnga dang ldan pa'i gang na 'od 'byin zhes bya ba'i ri gsum pa yod pa der nye bar 'gro ste/ rab tu rangs pa mchog gi yid kyis rnga skad yan lag lnga dang bcas pas de 'gying bar 'gyur/ yongs su spyod par 'gyur ro/ /nye 'khor na mchog tu gyur pa'i dpal dang yang dag par ldan par lha de yang dang yang du rnam pa du ma'i bde ba kun tu rtog pa du mas tshul bzang po dang / cha byad bzang po mchog tu yid 'phrog pa yul mchog tu gyur pa gzhan rnam pa du ma rnams ri de dag la nye bar longs spyad nas chu klung gi ngos der nor bu 'bar ba nyid kyi ri chen po gsum pa nor bu 'od 'byin zhes bya ba'i lam du song ste/ ji lta ji ltar lha rnams dga' bar gyur pa'i yul rnams sten pa de lta de ltar dga' ba'i 'dod</font><hr>65.74a<br><font size=+1>

chags dang ldan pa'i sred pa mngon par 'phel bar 'gyur te/ bsam pa rnam par ma grol bas de 'dod chags kyi mes sreg bzhin ngoms pa med pa'i sgra reg bya ba ro gzugs dri'i yul gyi chu bos mi ngoms pas nya bzhin du nor bu 'od 'byin pa zhes bya ba de'i ri gsum pa yid 'phrog pa de la'o/ /nor bu 'od 'byin pa'i ri de'i ngos gcig ni in dra nI la'i rang bzhin no/ /gzhan ni pad+ma dmar po'i rang bzhin no/ /gzhan ni mu sA la gar ba'i rang bzhin no/ /gzhan ni pad ma dngul gyi rang bzhin no/ /de dag mthong nas kyang lha de dag rnams rab kyi mchog tu rangs pa'i yid kyis ri rab mchog de legs par mthong nas phan tshun du brjod pa/ lha rnams ri 'di rnam pa du mar mdzes pa la ji lta ba bzhin du ltos dang / 'di nor bu las byas pa dpag tshad stong phrag bcu'i nye 'khor khyab nas shin tu gnas so/ /gang gi 'od kyi dkyil na lha rnams nub par nges par kun tu mtshon te/ sngon po dang / ser po dang / dkar po'i 'od 'di yang nye 'khor na rnam pa du mar kun tu gsal lo/ /de de ltar brjod par gyur nas gang na shing 'gying ba yod pa zhes bya ba'i ri der nye bar 'gro ste/ rab tu dga' ba'i lha dang lha mos gang ba rab tu dga' ba'i rol mo'i yab cha dang / glu dang / rab tu dga' ba dang / 'gying ba dang bcas pas rnam pa du ma la lta ba la ched cher byed pa'i nye 'khor rnga skad yan lag lnga pa snyan par gyur pa 'dra ba'i chags pa dga' bar gyur pa lha de shing 'gying ba zhes bya ba'i nags der legs par byas pa la spyod pa rgyan dang cha byad mchog dang ldan pa rnams nye bar legs par 'gro bar byed do/ /de nas lha de dag de ltar spyod par gyur pa rnams bag med pa la spyod pa sred pa'i dbang du song ba rnams su song ba rnams dus yun ring por 'da'o/ /de nas lha des shing 'gying ba'i nags chen por mthong ba ni rin po che bdun gyi rang bzhin gyi shing dbus na chu klung gnyis rgyun mchog gis 'bab pa'i mdog dang ro dang / reg bya can ji ltar 'dod par rnam par smin par 'gyur ba'i 'o mas yongs su gang ba/ mu men gyi rdo la kun tu bag med pas rnam par rgyu ba/ sred pa'i yul rnams kyis gang ba/ ngang ngur gyis kun tu gang ba/ shin tu mchog tu gsil ba'i chu klung dag go/ /de la chu klung gcig ni rnam pa sna tshogs pa</font><hr>65.74b<br><font size=+1>

zhes bya ba'o/ /gzhan ni ji ltar 'dod pa'i chu zhes bya'o/ /de la btung ba la sogs pa rnam pa sna tshogs pa'i chu zhes bya ba'i de rang bzhin nyid kyis bkra ba mchog tu gtsang ba rab tu 'bab ste chu dang btung ba yang rung ste/ skyon dang bral ba kha dog rnam pa sna tshogs pa ste/ rgyu 'di dag gis na rnam pa sna tshogs pa'i chu zhes bya ba'i chu klung gi ming de 'thob pa'o/ /gzhan ji ltar 'dod pa'i chu ni rnam pa du ma'i 'dod pa 'byung ngo / /lha de dag rnams rnam pa de srid nyid du chu de las phun sum tshogs par 'gyur te/ gal te 'dod par gyur te/ gal te 'dod par gyur na ji ltar rnam pa stong phrag gi chu klung rab tu 'bab pa de rnams mchog tu dkar ba'i mdog mchog tu dri zhim par de dag rab tu 'bab pa'o/ /gang yang ji ltar 'dod par ji lta bu'i rtsi rnams 'bab bo/ /de dag rnams ni sna tshogs pa'i mdog dang / ro dang dri dang reg bya phun sum tshogs pa'i rtsi dag rab tu 'bab bo/ /de nas 'di ltar 'gyur te/ ji ltar me tog khra bor snang ba rab tu 'bab pa yin la de dag dang / gzhan yang me tog rnam pa sna tshogs pa'i mdog dang dri rnam pa sna tshogs pa de dag thams cad rab tu 'bab bo/ /bung ba brgya stong legs par 'du ba gang dag gis ming gzung bar yang sla ba ma yin no/ /de bzhin du chu klung gi chu las gzhan ji ltar 'dod pa rnams rab tu 'bab bo/ /ljon shing 'gying ba'i nags de na rnam pa sna tshogs pa'i me tog nye bar 'phel bas mchog tu dga' ba'o/ /de nas lha rnams chu klung de dag gi nang na rab tu 'jug par gyur pas 'gying bar byed de/ sgra dang / reg bya dang / ro dang / gzugs dang / dri 'dod pa rnam pa sna tshogs dang bcas pa la spyod do/ /legs par byas pa'i las kyi mtha' la spyad pa rnams legs par byas pa'i las la longs spyod de/ de nas dga' bar byed rnam pa du mar rtsi yang 'thung ngo / /rna ba'i khung bur</font><hr>65.75a<br><font size=+1>

sil snyan gyis gtad pa'i kun dga' ba rnam pa du mas snying legs par gang ba mya ngan dang / zug rngu dang / phyir rgol ba'i 'jigs pa dang rtag tu bral ba'i yul rnams kyis rtag tu yang yul gyis ngoms pa med pa'o/ /yul rnams kyis ngoms pa med pa ni tshwa chu chen mo bzhin du rnam pa du ma dang / rnam par rtog pa du ma dang / rnam pa sna tshogs pa'i mtho ris la nye bar longs spyod do/ /de ltar gyur pa'i bde bas rnam par rgyu ba'i lha de dag rnams la chu klung la spyod pa'i byas tshigs su bcad pa brjod pa ji ltar/ ji ltar 'di na chu 'gro ba/ /de bzhin bde ba lus la skyes/ /gson pa thams cad skad cig kyang / /byis pa rnams kyis mi rtogs so/ /rga dang na dang 'chi ba dang / /rgud pa'i las su bgrang ba rnams/ /'gyur yin lha rnams de dag kun/ /rtag tu 'dod pa'i rjes spyod rnams/ /gson pa rtag pa yod ma yin/ /khams gsum kun kyang bde ba min/ /rtag tu 'dod pa yis myos pa'i/ /log pa'i dbang gis lhas mi rtogs/ /ji ltar char rgyun nam mkha' las/ /thams cad du ni myur 'bab pa/ /de bzhin bde ba 'di dag kun/ /char gyi rgyun ni ji bzhin no/ /rlung gis rdul rnams ji bzhin du/ /phan tshun du ni yongs bskyod pa'i/ /'khor 'gyur nam mkha' thams cad du/ /de bzhin 'dus pa'i lus 'di yin/ /lha rdzas bde ba rtag yod min/ /mi brtan pa dang rnam par 'jig /sred pa'i dug gis legs 'dres pa/ /dug dang 'dres pa'i zas bzhin no/ /de bde ba dang rtag par mdzes/ /gang la 'chi ba mi dmigs pa/ /sdug pa dang yang rnam mi 'bral/ /nam yang tsha dang grang ba min/ /rtag par go 'phang de mthong nas/ /de la brten zhes mkhas rnams brjod/ /gang la skye dang 'chi ba dang / /sdug bsngal 'byung ba mi dmigs pa/ /gang de bud med g.yos sdug bsngal/ /de dag bde zhes rtog par byed/ /de ni sa bon rgyur mthong ste/ /gang phyir dmyal ba skyed byed phyir/ /sdug bsngal skyed byed bde ba gang / /ji ltar de ni bde bar 'dod/ /de ni yongs smin dbang gis</font><hr>65.75b<br><font size=+1>

na/ /sdug bsngal ches sdug bsngal zhes bya/ /gang la sems can 'di skye ba/ /las kyis kun nas g.yos pa yin/ /chags byed log pa'i dbang de la/ /las kyi dra bas rmongs pa yin/ /rab tu zhi bar rjes rtogs ni/ rgyab kyis phyogs par lhan cig spyod/ /dge dang mi dge'i las rnams ni/ /me tog dri bzhin rjes su 'gro/ /gang longs spyod pa de de ni/ /bde ba de dag dus kyis 'gag /nyin dang lhan cig spyod pa yi/ /'od rnams nyin mo'i mthar thug go/ /de ltar chu la spyod pa'i bya legs par byas pa'i las kyis bskul nas lha de dag rnams la smra bar byed thams cad kyang bag med pas bag med par spyod pa la'o/ /de nas lha gang bag med par gyur pa de dag rnams kyis chu la spyod pa de dag las tshigs su bcad pa de dag thos nas kyang brjod pa/ ji ltar bya de dag gis legs par ngag gis go bar byas te/ ji lta ba nyid du de dag bden par 'byung bar 'gyur na bdag cag rnams bag med pas bag med pa la spyod pas nges par rtogs pa yang ma yin no/ /bdag cag las mchog ma yin pa'i dud 'gro de dag rnams kyis kyang ste/ bdag cag bag med pa bag med pas nges par rtogs pa yang ma yin no/ /gang nges pa kho nar 'byung bar 'gyur ba 'dod pa thams cad rnam par 'joms pa'i sdug bsngal chen po de bdag cag rnams kyis bzlog pa'i don du e ma brtson par bya na/ dus shin tu ring por dge bar gyur pa'i blo 'di dag gis nges par gnas nas 'dod pa rnams rab tu 'joms pa'i ched du rab tu sgrub bo/ /de dus shin tu ring bar yang blo de gcig tu byas nas mdzes par gcig tu spyod pa 'dod pa rnams kyi ro myang ba'i nyes dmigs dang nges par 'byung ba bsams nas slar yang sems 'gyur ldog che bas rab tu g.yo ba dang / 'dod pa la yang dus shin tu ring bar goms pa'i phyir na/ de nas lha de dag rnams slar nyid kyang 'khrid par 'gyur te/ lha de dag rnams yul gyi rnam pa du ma dang / rnam par rtog pa du</font><hr>65.76a<br><font size=+1>

ma dang / du mar bskyar nas kyang 'phrog par byed do/ /de nges par phrogs pas de slar yang rnam pa du mar dga' bar byed pa dang / rtse ba dang / yongs su spyod par yang byed de/ rnam pa sna tshogs par 'dod pa phun sum tshogs pa la bya sna tshogs pa sgra rnam par sgrogs pas dga' ba la dang / nags dang / bskyed mos tshal dang / mtshe'u dga' ba la dang / ri'i rtse mo rin po che bdun gyi rang bzhin la dang / pad ma'i rdzing bu brgya stong dang ldan pa la bung ba stong phrag brgya rnam par sgrogs pas dga' ba la dang / bya rnams dang / zas dang / skom gyi klung dang / shing stong phrag brgya rnam par btags pa'i gel ba'i dra bas khyab pa la me tog phun sum tshogs pa la yang 'khri shing spras pa'i khang bu'i 'khri shing gi khyim na 'od zer gyi phreng ba rang gi 'od dang / gnod pa med pa dag gis rims nad med pa mya ngan dang rnam par bral ba/ rang gis byas pa'i yang las dman pa dang / bar ma dang / khyad par du 'phags pa rnams dang yang phrag dog dang / 'thab rtsod kyi skyon gyis nam yang nyams dma' ba ni ma yin gyi/ gzhan du na phan tshun du gnod pa med pa dang / gnod pa med par byas nas bdag nyid rgyu'o/ /de nas de dag de ltar dga' ba rnam pa du mar dga' ba las rnam pa 'di lta bu'i blos zhugs par gyur te/ ji ltar bdag cag gis thos pa lha 'di dag rnams thams cad kyi yang ji lta ba bzhin lha'i mnga' bdag tu gyur pa mu su lun d+ha zhes bya ba rab tu dga' bas gang legs par gnas pa 'phel bar gyur na/ mthong yang bdag cag rnams dga' bar gyur pas 'thab bral ba'i mnga' bdag de'i srid par legs par 'gro bar bya na ji ltar 'di'i sgra dpag tshad stong phrag lngar legs par thos pa yin te/ snyan pa thos par dga' ba dang ring ba nas kyang zin te sgra rnams rna ba'i rjes su 'thun pa'i glu dang / bya rnams kyi sgras kyang lha'i 'jig rten 'di thams cad ma lus par sgrogs par byed do/ /de dag gis rang bzhin gyi rtsab</font><hr>65.76b<br><font size=+1>

hral can gyi blo yon tan thams cad dang ldan pa des 'phrog par byed do/ /glu'i sgra de des nye bar thos nas slar yang rna ba sgras ngoms pa med pas thams cad du der 'gro ba'i blo skyed do/ /rkyen ji lta bas bdag cag gang na yon tan thams cad phun sum tshogs pa na lha de dag rnams lha'i mnga' bdag mu su lun d+ha dang lhan cig tu dga' bar byed par 'gro bar bya'o/ /lha'i tshogs de dag thams cad 'thun par lhan cig spyod pas yongs su bskor nas rnam pa sna tshogs rgyan dang cha byad can rnam pa sna tshogs pa'i 'bab chu yon tan thams cad phun sum tshogs pa ma btags pa'i gos bgos pa de ni rgya che ba dam pa la song ba dang legs par ldan pa'i lag pa glu la rjes su chags pa'i yid can phan tshun du gnod pa med pas 'dod pa'i snying gis kha cig ni nam mkha' la 'gro'o/ /kha cig ni pad ma'i bzhon pas so/ /kha cig ni ud pa la'i bzhon pas mchog du dri zhim pa bung ba kha nas sgra 'byin pa'i ud pa la nyid la mngon par zhon nas so/ /kha cig ni ku mu d+ha'i 'dab ma ku mu da'i tshogs dkar ba zla ba'i dkyil 'khor dkar po dang 'dra ba la zhon nas 'gro'o/ /lhan cig spyod pas yongs su bskor nas glus rjes su 'brel ba'i snying gis yul lnga la nye bar longs spyod par gyur pas de nyid la sred pa'i yid de la sems rjes su spyod pa rnam par rtog pas sprul pa'i rang gi dge ba'i bzhon pa mchog tu gsal bar gyur pa rang gi las kyis sprul pa dman pa dang / bar ma dang / khyad par du 'phags pa rnams dman pa dang / bar ma'i gzugs dman pa dang / bar ma dang khyad par du 'phags pa'i longs spyod pa dang / dman pa dang bar ma dang mchog gi blo dman pa dang bar ma dang mchog gi tshe thams cad kyang nam mkha'i dkyil gang bar byas nas gang na rtsed mo'i nags zhes bya ba 'dod pa du ma phun sum tshogs pa'i mu su lun d+ha'i gnas der phan tshun lhan cig tu nye bar 'gro'o/ /de dag rnams de ltar rgyu bas phyin pa na dman pa ma yin pa'i gnas</font><hr>65.77a<br><font size=+1>

rtsed mo'i nags na gzhan ni ma rnyed kyi/ ji srid du nam mkha'i phyogs gcig ni mar me bzhin du mthong ngo / /ji srid du phyogs gzhan na in dra nI la dang mtshungs pa'i mdog go/ /ji srid du phyogs gzhan na sngon po dang / ser po dang / dkar po'i mdog go/ / ji srid du phyogs gzhan na me dang mtshungs pa'i mdog go/ /de dag gis de'i tshe na rnam pa de lta bur nam mkha' las mngon par mthong nas mchog tu ngo mtshar ba kun tu skyes te/ kye lha dag de ltar ngo mtshar bar gyur pa'i nam mkha' mthong ste/ kha dog sna tshogs pa'i gos rnams bkram pa'i kha dog du ma de dag rnams ni bdag cag rnams kyis sngar ma mthong na 'di dag ci yin/ de dag thams cad phan tshun du de skad smras nas ngo mtshar bas yid ngoms pa med par gnas pa las/ ji srid du dus mi ring ba zhig na thos pa ji ltar mchog tu snyan par gyur pa'i glu'i sgra du ma rna bar snyan pa de yang des thos nas slar yang ngo mtshar bar gyur pa kun tu skyes pa'i yid kyis slar nyid kyang thams cad na nam mkha'i dkyil bkang nas sa'i gzhi la yang dga' bar gyur pa'i rgyan dang cha byad can gyi lhan cig spyod pa dang bcas pa gnas so/ /lta bar 'dod pa de su zhig 'ong bar 'gyur/ des ring ba nas mthong ba ni tshogs pa rgyu ba na rgyu ba/ rin po che sna tshogs pa'i rgyan dang cha byad dang / rin po che rnam pa sna tshogs pas brgyan pa'i lus can de dag gi dbus na lha shin tu 'thab bral ba rin po che bdun gyi rang bzhin gyi stan chen po la gnas pa rin po che bdun gyi rang bzhin gyi phug gi nang du chud par gnas pa/ sngon po chen po'i rang bzhin gyis rna ba'i gdu bu cig go/ /gzhan ni pad ma rA ga'i rang bzhin gyi rin po che chen po dang yang dag par ldan no/ /rin po che'i rang bzhin 'od mchog dang ldan pa rnam pa du ma'i ba dan nges par bcings pas nye 'khor 'od dang ldan pas dpag tshad brgya phrag bcur 'od kyis 'bar zhing 'thul bar byed pas skya bo bzhin du nam mkha' 'od kyis byed de/ sna tshogs pa'i</font><hr>65.77b<br><font size=+1>

gos bzhin du nam mkha' la 'byung bar byed do/ /de'i 'od 'di dag mngon par mthong nas rgya chen po'i khor yug na rgyu ba'i lha de rnams mchog tu ngo mtshar nas lhag par gnas par 'gyur ro/ /de nas tshogs pa rgyu ba na rnam par rgyu ba de dag rnams gsal bar des mthong nas lha 'di dag rnams gang na mu su lun d+ha'i rtsed mo'i nags gang yod pa der nye bar legs par 'gro ste/ ji ltar bdag cag rnams kyang nye bar legs par 'gro bar bya'o zhes bya ba'i blo la legs par bzhag nas khyad par du 'phags pa'i lha bdag cag thams cad nyid kyang ji lta ba bzhin du 'thun pas dang / phan tshun lhan cig tu mdzes pa dang ldan pas 'gro bar bya zhes de dag gis de ltar blo byas te/ ji srid du yang tshogs pa rgyu ba na rnam par rgyu ba'i lha de dag rnams kyis lha rnams mngon sum du mthong bar gyur nas de bzhin du de dag su yin zhes sngar ngo mtshar ba kun tu skyes pa'i yid dang ldan par gyur pa dang / de nas sems can legs par mthong nas de dag kyang 'di ltar sems par gyur te/ rgya chen po'i khor yug tu rgyu ba'i lha 'di dag nyid ni ji lta bar gang na 'thab bral gyi mnga' bdag gi pho brang du nye bar legs par 'gro bar 'gyur gyi gang chung ngu na bdag cag kyang de dag dang lhan cig tu gang na rtsed mo'i gnas der nye bar 'gro bar bya'o/ /thams cad kyang phan tshun lhan cig tu dang phan tshun du gnod pa med pas gtod pa'i yid kyis/ de nas shin tu 'thab bral gyis mgo byas pa'i tshogs pa rgyu ba na rgyu ba de thams cad dang / yangs pa zlum pa na spyod pa'i rgya chen po'i khor yug na rgyu ba ma lus pa de dag rnams kyis de khyab par byas nas kyang gnas so/ /ba dan dang / rgyal mtshan dang / shing rta dang / bya'i tshogs kyi rgyab du legs par zhon nas rnga skad yan lag lnga dang ldan pas 'dod pa'i yon tan lnga phun sum tshogs pa gang gis bskyed mos tshal gyi ltad mo'i dbang du byas pa de rtsed mo'i nags chen po'i 'dod pa du ma phun sum tshogs pa dpe med pa der nye bar 'gro'o/ /</font><hr>65.78a<br><font size=+1>

mchog tu ngo mtshar bas gdungs pa tshim pa med pa'i 'dod pa'i yon tan lngas mi ngoms pa ngo mtshar bas tshim pa/ yon tan dang nye bar spyod pa thams cad kyis ngoms pa med pa/ phan tshun du 'gro bas ngoms pa med pa tshe rnams dang de dag gis de ltar 'dod pa thams cad kyis ngoms pa med pa'i yid de dge slong gis legs par mthong nas las kyi 'bras bu'i de kho na du ma ston pa'i de ltar tshigs su bcad pa brjod pa ji ltar/ ji ltar char ni 'bab pa'i chu/ /mtsho ni 'phel ba de bzhin du/ /de bzhin shin tu 'dod pa'i char/ /lha rnams kyi ni me 'phel lo/ /nya 'byung ba yi chus kyang ni/ /sred pa rtag du mtshungs pa med/ /de bzhin bde ba 'phel bas kyang / /lha rnams ngoms par 'gyur ma yin/ /ji ltar nam mkha'i mtha' mi dmigs/ /grangs kyang ma yin pa de ltar/ /'dod ldan rnams kyi 'dod mtha' med/ /grangs kyang yod pa ma yin no/ /rgya mtsho rlabs kyi phreng ba can/ /chu yis ngoms par 'gyur ma yin/ /sred ldan 'dod pa rnams kyis kyang / /tshim pa nam yang yod ma yin/ /yul ma thob pas lha rnams ni/ /byis rnams sred dang bral mi 'gyur/ /thob pas kyang ni ngoms pa med/ /bde la sred pa ched cher byed/ /'chi 'pho'i sdug bsngal mi bzad par/ /gyur pa du ma des thob nas/ /yul gzhan gyis ni gdung byed gang / /de phyir 'dod pa zhi ba min/ /skyes bu rnam par 'jig phyir te/ /'dod pa blo gtad 'joms byed yin/ /sdug bsngal byung nas spongs bas kyang / /lha de rgud par 'gyur ba yin/ /ngoms pa med la bde ba med/ /yul rnams kyis kyang rnam mi ngoms/ /gang yang ngoms med byed mthong nas/ /blo ldan gyis ni de yongs spongs/ /gang tshe zhi ba'i gzhi las bde/ /yul ni bde ba min par 'dod/ /de phyir zhi ba rtag tu stan/ /yul rnams la ni chags pa spongs/ /rtag tu nyon mongs spang bar gyis/ /bla med shes pa rtag tu sten/ /mya ngan 'da' byed ye shes yin/ /nyon mongs 'ching bar 'dir brjod</font><hr>65.78b<br><font size=+1>

do gsod dang 'chi dang nad la sogs/ /yul rnams las ni 'jigs pa che/ /'khor ba na yang kun nas 'khor/ /yul nyid las ni skye ba yin/ /'du dang 'bral ba brgya phrag dang / /las de stong phrag du ma ni/ /skye zhing skye ba legs mthong ba/ /bde 'gro de kho na mthong bas/ /bde ba du ma legs thob pa/ /'jigs pa gang 'byung 'jigs pa ni/ /de kun yul nyid kho nas skyed/ /skye ba skye bar rab tu skyed/ /sdug bsngal gang nyid yul yin pa/ /rmongs pa'i sems kyis bzod par byed/ /rmongs pa de nyid slar sten pa/ /long ba'i blo yis byas pa yin/ /dgra yi tshig gis dogs pa las/ /mi yis rtag tu yongs spong ngo / /dgrar gyur pa yi yul rnams kyang / /mi spong ba ni su zhig yod/ /byis pa rnams ni rtag par yang / /yul gyis nges par sreg pa yin/ /kun nas rmongs pas mi spong la/ /rang gi las kyis rmongs pa yin/ /ji ltar kha cig mes 'jigs pa/ /me nyid la ni nye bar sten/ /de bzhin yul gyis rmongs pa yang / /yul nyid la ni sten par byed/ /yul dug longs spyod gang tshe mi/ /bdag nyid bde bar byed ma yin/ /sred pa sten pa de bzhin byis/ /thams cad du ni yongs su rtog /sred pas nyen pa tshwa yis chu/ /ji bzhin ldag byed ngoms pa med/ /yul gyis ldongs pa'i de bzhin mi/ /sred pa nyid kyis tshim pa med/ /ngoms med yul la lha rnams ni/ /'dod chags kyis gdungs bag med pa/ /las kyi rlung gis bskyod nas ni/ /thams cad 'chi bar 'gro ba yin/ /de ltar dge slong skye ba du mar skye ba'i las kyi skye ba gcig nas gcig du brgyud pa'i de kho na shes pas lha de rnams la rjes su brtse'o/ /gzhan yang lta bar byed pa dang / lha de dag phan tshun kun tu 'dre bar gyur nas 'gro bar byed de/ rab tu dga' ba'i yid kyis gang na rtsed mo'i nags mu su lun d+ha'i pho brang der ro/ /de nas de dag shugs kyis 'gro ba na rgyan dang / cha byad du ma dang / bde bas rgyu ba du ma dang / las kyis sprul pa'i</font><hr>65.79a<br><font size=+1>

bde ba la gnas pa du ma dang / skyed mos tshal dang / nags dang / rdzing bu du ma legs par rab tu bsten pa bud med stong phrag brgyas yongs su bskor bar 'gro'o/ /ji srid du lha gzhan rnams kyang khang bu brgya stong du mngon par zhugs nas 'gro ste/ thams cad nam mkha'i khams la 'od kyis rna~M par snang bar gyur pas glu dang gar gyis rgyu ba rnga skad yan lag lnga pa kun tu sgrogs pa la rjes su chags pa'i yid phreng ba dang / phyi ma dang / byug pa rnams 'phyang ba chun po'i phreng ba dang cod pan dag rnam par 'phyang ba me tog gi phreng ba gzhan rnams 'phyang ba/ phyogs gcig na ba dan rlung gis rnam par bskyod pa/ rna gdub kyis mkhur tshos la nges par 'drud pa/ rang gi 'od kyis rnam par snang bar byed pa'i 'od dang ldan pa/ snal ma'i chun po gzhan rnam par 'phyang ba rab tu dga' ba'i pu Din bcings pa'i phreng ba dang / rlung gi shugs kyis thad kar gyur pa la bris pa'i gzhon nu ma lang tsho la bab pa rnams kyis lag pa dang rkang pa la gtad pa'i yid can rnams so/ /lha gzhan ni pi bang gi sgras bskyed pa'i kun tu chags pa de la song ba'i yid kyis gang na rtsed mo'i nags yod pa der dga' bas gnas par bya ba'i phyir nye bar legs par 'gro ba'o/ /de ltar na 'thab bral gyi lha'i 'jig rten pa'i sa na gnas pa de'i lha'i 'jig rten pa de dag rnams gang na 'thab bral gyi bdag po mu su lun d+ha'i pho brang yod pa der nye bar legs par 'gro'o/ /mdor bsdu na las ji lta ba dang 'dra ba'i 'gying bag gis rgyu ba dang / rgyan ni phyogs bcu thams cad khyab par sgrogs pa bzhin du glu snyan pa'i sgra can gyi bud med kyi tshogs kyis yongs su bskor bas phyogs bcur khyab par gyur nas thag nye bar bsnyen te/ lha de dang bdag nye ba yin no snyam nas gnas so/ /de nas lha de dag rnams thams cad kyis kyang 'thab bral gyi mnga' bdag gi gnas ma lus pa lhag par bkang bar 'gyur te/ mu su lun d+ha ni ji ltar las rnams kyis bla lhag pa yin la de bzhin du 'bras bus kyang ste/ rgyu dang</font><hr>65.79b<br><font size=+1>

'bras bu dag gi ci 'dra bar 'gyur ba ni sa bon dang myu gu dag gi dpe 'dis rjes su rtogs pa yin no/ /gnas der song ba de dag ma lus pa rnams zil gyis non par 'gyur te/ 'dod pa thams cad lhag pa yin pa'i phyir ro/ /de la dpe med pa'i dga' ba rnams yod pa yin la phyogs tsam zhig brjod par bya ste/ ji ltar nye 'khor de srid kyi nam mkha' las nags de yongs su bskor nas phyi rol gyi phreng ba sa'i yongs su 'khor ba ni rin po che bdun gyi rang bzhin gyi rin po che brgyus pa'i phreng ba bzung bas mchu la 'phyang ba'o/ /de'i yul phyogs gzhan na dril bu g.yer ka'i sgra de ni rnam pa 'di lta bu'i sgra yin te/ sgra snyan pa gang gis bos pas lha 'ong bar 'gyur la/ de myur ba nyid du kun tu rtog pas rnam par spyod pa dang skor bar byed pa yang bya'i khar bcug nas so/ /bya rnams kyang rin po che bdun gyi rang bzhin gyis rnam par bkra ba'i sgro can nags de'i nye 'khor na de dag rnams rnam pa du mar g.yas skor byed de/ de ltar nags chen po'i de'i phyi rol gyi phreng ba la yongs su 'khor ro/ /de dag na rma bya rnams kyang kha dog du ma rin po che bdun gyi phreng ba mchun 'phyang ba rnams so/ /gzhan yang ngo mtshar bar gyur pa ni thams cad kyi phyi rol gyi rgyab na pad ma'i rdzing bu yod de/ bya rnam pa sna tshogs pa sgra sgrogs pa bung ba brgya stong brjod pa dga' bar gyur pa'i sgra rab tu dang ba zhes bya ba'i chu la bai dUr+ya'i 'dab ma dang / gzhan mtsho skyes rnams ni rin po che bdun gyi rang bzhin gyi 'dab ma'o/ /de bzhin du mtsho skyes gzhan yang mchog du dri zhim pa dang ldan pa gang dag gi dri ni dpag tshad lngar 'gro'o/ /de ltar de dag gi phyi rol gyi rgyab rnams na ni shin tu bar yang rnam par mdzes shing gsal lo/ /gzhan yang ngo mtshar bar gyur pa chen po gzhan na de dag rnams nyid kyi gtsug la yod de/ ze ba la legs par gnas nas pad ma dang / pad ma la lha rnams rtse bar byed do/ /lha mo brgyas yongs su bskor nas mchog tu snyan pa len</font><hr>65.80a<br><font size=+1>

par gyur pas lha mo dang lhan cig tu 'dod pas byas pa'i rnam 'gyur gcam gsag dang yang dag par ldan pas gling bu dang / rdza rnga dang / 'khar rnga dang / dung dang / glu kun nas len pas lhan cig tu rtse ba dang / rang las 'od 'byung ba rgyan dang ldan pa rnams yongs su spyod par yang byed do/ /gzhan yang gtsug de dag nyid kyi phreng ba rnams la ngo mtshar ba chen por gyur pa rang gi las kyis byas pas sprul par gyur pa rnams la 'di lta ste re re'i phyi rol gyi mgo bo la dpag bsam gyi shing legs par skyes par gyur pa/ me tog du mas kun tu gang ba/ mchog tu rnam par bkra ba rin po che bdun gyis rnam par bkra bar byas pa'i sgo dang yang dag par ldan pa'o/ /ljon shing de la yang lha legs par gnas nas bdud rtsi dag 'thung zhing glu yang len la/ gzhan yang lha rdzas kyi bde ba rnams nyams su myong ngo / /gzhan yang de'i mdongs kyi phreng ba nyid la ngo mtshar ba 'di lta ste/ re re'i phyi rol na dpag bsam gyi shing rnam par bkra ba dga' bar gyur pa'i bde bar nye bar gnas nas lha dga' bar byed pa rnams dang yang dag par ldan no/ /phan tshun gnon pas ngal ba med par glu len pa dang lim log byed do/ /lha rdzas kyi bde ba la yang nye bar longs spyod par byed de/ dang po ngo mtshar ba chen po de dag mthong nas rgyan dang cha byad mchog dang ldan pa'i lha de rnams dga' bar 'gyur bas kyang gzhan ngo mtshar che ba rnams su nye bar 'gro'o/ /de nas phreng ba de dag rnams la lha rnams ngo mtshar ba rnam pa du ma'i blo skye bar 'gyur ro/ /gzhan yang ngo mtshar ba gnyis pa mthong ba ni 'di lta ste/ pad ma'i rdzing bu'i phreng ba zhes bya ba pad ma'i rdzing bu stong phrag nyi shu ste/ 'dam med pa rnams gser dang / dngul gyi bye ma rnams kyis 'dam du byas pa dang / yan lag brgyad dang ldan pa'i chus legs par gang ba dang / ngang pa dang / kA raN Da ba dang / ngang ngur rnams kyis yongs su bskor ba/ rgyags pa'i ngang pa dge ba'i las kyis yongs su bskul nas tshigs su bcad pa brjod pa ji ltar/ </font><hr>65.80b<br><font size=+1>

shin tu yun ring kun dga' yang / /lus can rnams la rtag pa med/ /mi rtag pa yi bde de yang / /lha rnams kyis kyang rtogs pa min/ /bde ba yi ni lam 'di yang / /rnam par 'jig par 'gyur ba yin/ /'dod pa yis ni sems bslus pas/ /rnam par 'jig pa rtogs ma yin/ /sdug bsngal gyis 'dres bde rig pa/ /rab tu g.yogs pas mthong ba min/ /pad ma'i phreng bas yongs bkab pa'i/ /dug gis gang bzhin 'dod chags yin/ /'bras can dug gis legs bsres pa/ /ji bzhin du ni 'chi ba'i mtha'/ /de bzhin bde ba 'di dag kun/ /mthar ni dmyal bar 'gyur ba yin/ /rgyus pa yis ni kun sbrel phyugs/ /blta bar dga' ba ji lta bar/ /de bzhin dga' ba'i lus 'di yang / /phyugs yin mchog tu mi bzad pa/ /ji ltar kim pa ka yi brong / /dngar ba'i tshogs chen byung ba ni/ /phyi nas 'jig par 'gyur ba yin/ /de bzhin mi rnams kyi yang bde/ /mar me'i rtse mo ji lta bar/ /phyi leb rmongs pas brgyal bar 'gyur/ /'tshed pa dang ni seg par byed/ /de bzhin bde ba 'di brjod do/ /byis rnams mi shes pas ji ltar/ /dga' ba dogs med bde 'dod pa/ /shi nas 'bar rnams de bzhin du/ /bde ba de rnams 'byung bar 'gyur/ /ri dgas srid la ji ltar ni/ /sred gdungs ri dgas nyer rgyug pa/ /sred pa rnam par choms min te/ /de bzhin 'di yis bde 'di brjod/ /sred pas kyang ni ngoms pa min/ /ngoms pa 'byung bar 'gyur ba 'ang med/ /yul gyi lha rnams thams cad kyang / /de'i phyir 'dod pa zhi nyid min/ /bde ba yi yang rtsa ba'i mchog /zhi ba gcig pur rab tu grags/ /gang gi snying la de med pa/ /de ni sdug bsngal can rab bsgrags/ /gcig tu bde ba tshangs pa'i mchog /gcig tu bzod pa zhi ba'i mchog /rig pa gcig ni pha rol 'gro/ /byams pa gcig pu las bde 'bab/ /'tshe ba med pa rtag tu bzang / /lta ba dam pa mchog tu dge/ /sems drang ba ni rgyun tu mdzes/ /sdig rnams rtag tu spong ba yang / /rgan po sten dang</font><hr>65.81a<br><font size=+1>

mang blo mthun/ /rtag tu chos la gus pa dang / /slob dpon gus nyan bde rnams dang / /las la 'ang dad par ldan pa'o/ /rtag tu dkon mchog gsum mchod dang / /gang phyir dge ba'i blo dri med/ /ma dang pha dag mchod pa yang / /myang 'das grong khyer 'gro ba'o/ /chos rnams thams cad ma lus pa/ /rab tu 'byung ba yin par brjod/ /bde ba kun gyi mchog byed pa'i/ /tshangs par spyod pa spyod pa'i mchog /sbyin pa rnams kyi sbyin pa'i mchog /chos kyi sbyin pa rab tu brjod/ /brtson rnams las kyang bsam gtan rgyun/ /gang gis mya ngan 'das 'gro ba'i/ /sbyin dang tshul khrims dka' thub shes/ /shes rab nyid ni mchog tu brjod/ /thar pa yang ni ye shes las/ /shes dang tshul khrims las bde 'byung / /mig rnams kyis yang yongs mthong ba/ /shin tu dri med ye shes mig /lam rnams las kyang yan brgyad lam/ /shis par de bzhin gshegs pas gsungs/ /bzhi po yang ni bden rnams kyi/ /mchog tu ligs par gsungs pa yin/ /stobs rnams kyi yang legs mthong ba/ /shes rab stobs ni mchog yin no/ /steng 'og bar gyi 'jig rten 'dir/ /du ma yi ni las rnams kyi/ /chos rnams de nyid gzigs pa po/ /mchog gyur de bzhin gshegs pa brjod/ /tshogs rnams las kyang 'phags pa yi/ /dge 'dun mchog dang zhi bar brjod/ /zhing rnams kyi yang rnam gsum skyon/ /yon tan sdug bsngal 'jigs pa de/ /pha ma legs par mchod pa dang / /mkhan po yang ni rtag par te/ /de ni mig btsums gyur pa na/ /chos kyi spyod yul de dbang gis/ /thub pa de nyid gzigs rnams kyis/ /mchog tu de dag rtag tu gzigs/ /bde ba'i yul ni de dag rnams/ /yul ni bde ba min par dran/ /gang zhig de rnams byed pa ni/ /dri med chos kyi lam mthong yin/ /de spong bde ba rtag tu mthong / /sa rnams kun ni bde ba min/ /de ltar de dge ba'i las kyi chos don du gnyer bar dge bas nye bar 'tsho</font><hr>65.81b<br><font size=+1>

ba der skyes pa na sngon gyi dge ba'i las kyi skye ba gzhan rjes su dran par gyur pas tshigs su bcad pa brjod do/ /de lta bas na rab tu dang bas dam pa'i chos ma yengs par bklag par bya'o/ /gang gis rgyus dud 'gro'i skye gnas su skyes pa rnams kyang dam pa'i chos bklags pa'i 'bras bu med par mi 'gyur ba'i phyir ro/ /slar yang lha thams cad nyid gang na 'thab bral gyi pad ma'i rdzing bu der 'gro'o/ /pad ma'i rdzing bu brgya stong phrag nyi shu pa dga' ba'i sgo nas de brtson pa dang ldan par gyur nas rgyu ba rgyan dang cha byad can thams cad so sor gzugs dang cha byad 'dzin pa'i lha'i bu mos yongs su bskor ba mthong ste/ lha'i tshogs pad ma'i rdzing bu'i dbus su song nas rgyan dang cha byad mchog dang ldan pa khri phrag brgya dang / bye brag du ma nyid dang yang dga' bar byed do/ /yongs su rgyu bar yang byed de/ rnga skad yan lag lnga dang ldan pas yul lnga la lha'i bu mo'i tshogs dang lhan cig tu kha cig ni pad ma'i gseb tu 'gro'o/ /kha cig ni dril bu g.yer ka dkrol ba la zad do/ /kha cig ni 'dab ma la zhon no/ /kha cig ni snying po la rnam par gnas nas ji ltar 'dod pas shin tu phra ba dang / rgya che ba'i lus kyis mig btsums nas phye ba'i bar la 'gro ba mgyogs pas dpag tshad stong phrag brgyar phyin nas slar yang phyir 'ong ngo / /mthong ba 'jug pa bzhin du de dag kun nas gnod pa med par 'gyur te/ ji ltar sor mo gcig gi rtse mo la mig brgya'i blta ba 'jug pa na yang mthong ba rnams dog pa yang ma yin pa de bzhin du lha rnams brgya stong yang pad ma'i snying po gcig la so sor nges par gnas so/ /'on kyang dog pa yang ma yin no/ /lha de dag rnams kyi legs par byas pa'i las kyis shin tu phra ba'i dngos po dang du ma'i dngos po'i dngos po mang po'i las byas pa dang yang bar 'gyur ba dang / phra bar gyur pa ste gnod pa yang ma yin no/ /de bzhin du lha rnams kyang gnod pa ma yin pa ni legs par byas pa'i las kyi ste/ lha de dag rnams rang nyid kyi las kyis de lta bu'i gzi brjid dang ldan</font><hr>65.82a<br><font size=+1>

pa'i pad ma'i rdzing bu der rtsed mo la ched cher byed cing lha rnams ji ltar 'dod pa bzhin du dga' bar 'gyur ba ro mchog dang ldan pa'i rtsi rnams kyang 'thung bar byed cing 'gying bar yang shin tu mang ba'i tshogs kyis dang stong phrag rnams kyis kyang byed do/ /de nas de'i tshe lha sa gzhan dag na gnas pa'i lha de dag rnams rtse ba la ched cher mi byed par sa gzhan na gnas pa'i lha de dag rnams kyang phan tshun lhan cig grogs su gyur pas dang / gang kha na ma tho ba med pa'i gzugs rang nyid kyi 'od nyi ma brgya stong gis 'od bas ches lhag pa'i lus 'dod pas rgyags pa'i rang bzhin gyi yul gyi bde bas snying dga' bar byed pa dang / rtsi yang 'thung bar byed la dus shin tu ring bas de la gnas nas slar yang mu su lun d+ha blta 'dod pas 'jug par byed do/ /nags de na gzugs du ma dga' bar gyur pa ji ltar 'dod pas sprul pa dang / ji ltar rang nyid 'dod par gyur pa 'thab bral gyi mnga' bdag mu su lun d+ha'i nags de ltar mthong ste/ gzugs du ma phan tshun du dga' ba rnams ni 'thab bral gyi bdag po de'i mdzes pa snga na med pa yin no/ /de nas lha de snga na med pa'i gzugs mthong ba bzhin du nags de lta zhing 'jug par yang byed de/ lha de dag dga' bar 'gyur ba'i rgyan dang cha byad dga' bar gyur pa/ steng du skyes pa'i lha rdzas kyi tsan dan gyis nye bar byugs pa'i lus can rnams de bzhin du gos mchog bgos pa mtho ris dang rjes su 'thun pa'i rgyan dang cha byad can gyis rnam par bkra ba'i nags de yang des yang dag par mngon par mthong nas de ngo mtshar ba kun tu skye'o/ /las rnam pa sna tshogs pa yang rjes su mthong bar 'gyur la rnam pa sna tshogs pa mthong nas kyang snga na med par dga' ba'i yang nags rnams dal bus nye 'khor bltas nas phyi nas dga' bar byed pa dang / rnam par lta bar byed pa dang / phan tshun du brgyan par gyur pa dang / phan tshun du pad ma'i rdzing bu der 'jug par yang byed de/ shin tu 'das par zhugs nas mang du lta'o/ /ne tso yang tshang gi sgo nas mnyam par rnam pa sna tshogs pa'i rin po che'i phreng ba la sogs</font><hr>65.82b<br><font size=+1>

pa 'dzin par gyur pas nye 'khor na phan tshun du shin tu chags par gyur pas mchu la mu tig gi phreng ba rnams rgyags pas g.yas phyogs nas skor bar byed do/ /nags de dag na tshigs su bcad pa yang brjod pa ji ltar/ rang gi las kyis bskul ba yis/ /'khor lo 'di dag thams cad 'khor/ /'di ni rga shi 'phyang mo yang / /skyo bar 'gyur ba ma yin no/ /'gro ba dang ni 'gro gzhan 'gro/ /lha dang lha min de bzhin mi/ /rang sems yongs su zlog pa yi/ /de nyid mkhyen pa ltos pa med/ /de bzhin 'khor lo 'khor ba min/ /gang 'di kun tu 'khor byed ni/ /las kyi lag pas yongs bskul ba/ /sems can 'khor lo myur ba'ang yin/ /'byung gnas bcu gnyis yan lag ldan/ /rmongs pa dang yang kun nas ldan/ /rten 'brel 'khor lo 'khor ba yang / /'jig rten gyis ni rtogs pa min/ /de ltar ne tso'i kha nas nges par 'byung ba'i tshigs su bcad pa rjod pa lha de dag rnams kyis thos nas shin tu mnyam par bzhag pas rang gi las bdag gir bya ba la rab tu rtog par byed pa dang gus pa mang bar yang 'gyur ro/ /ji ltar ne tso'i mchog de ni las bdag gir bya ba gang yin pa la dpyod par byed pa la/ e ma bdag cag rnams sred pa dang lhan cig tu dga' bar byed pa bdag bde ba dang ldan par yang gyur nas yongs su spyod par yang bdag cag rnams byed pa/ slar yang mu su lun d+ha blta bar 'dod pas gang na de'i 'gying ba'i nags yod pa der nye bar legs par 'gro'o/ /de dag rnams nags de'i nang du legs par song nas mthong ba ni mAn da ra ba'i nags stong phrag brgya kha dog dang me tog gis rgyas par gyur pa rnam pa sna tshogs pa'i bya'i tshogs kyis legs par gang ba nyi ma stong dang 'dra bar lham me bar 'od 'bar bas sreg pa'i skyon dang rnam par bral ba/ snang ba 'ba' zhig byed pa/ shing de mthong nas rab tu dga' ba yang skye bar byed do/ /rtag tu rnam par dben pa'i sgra snyan pa rnams kyis rna bar rab tu dga' ba skyed par byed do/ /sna yang rab tu</font><hr>65.83a<br><font size=+1>

dga' ba rnams skyed par byed do/ /dbang po lnga ka yang me tog shin tu dri zhim pos te/ lce rab tu dga' ba yang skyed par byed pa ni lha rdzas kyi 'bras bu'i ro rab tu dga' ba rnams kyis so/ /lus kyang rab tu dga' ba skyed par byed de/ ma btags pa'i gos mchog 'byung ba rnams kyis so/ /yid kyang rab kyi mchog tu dga' ba skyed par byed do/ /dbang po lnga mchog tu tshim par gyur pa'i phyir ro/ /de dang rab tu 'brel pas kyang yid chos rnams rab tu dpyod par byed do/ /des rnam par shes pa nyams su myong ba'i don du byas pas de dag rnams kyis mAn da ra ba de dag kyang mthong ngo / /mAn da ra zhes bya ba'i ljon shing yod pa la shin tu rab tu dga' bar gyur pa'i lha dang lha mo'i tshogs kyis kun nas gang ba/ snga na med pa'i rgyan dang cha byad can du gyur pas gzhal du med pa'i 'gying bag rnams dang nye bar spyod pa dang ldan pa dang / de ltar sa de na spyod pa'i lha thams cad mthong bar 'gyur ro/ /de nas dpe med pa brgya stong phrag bye ba du ma'i yon tan gyis yongs su gang ba nags de'i nye 'khor rnams bai dUr+yas khyab pa na lha gang dag gis 'thab bral gyi mnga' bdag mu su lun d+ha'i rjes su mi 'brang ba'i lha de'i ni yod pa ma yin te/ rang gi ngos chags pa dang / rjes su yang chags shing mchog tu chos byed du yang rig pa'i phyir ro/ /de nas lha de dag rtag tu yang ji ltar bshad pa'i bzhon pa rnams kyis dang / de'i tshig bla dgas kyi 'bab chu chu klung dang / rdzing bu dang / pad ma'i nags dang / shing phun sum tshogs pas sa'i cha nye bar mdzes pa mnan na nem la bteg na 'phar ba gser gyi gos dang 'dra ba'i sa gzhi rnam par bkra ba mthong bar gyur pa na rnam pa sna tshogs pa'i 'dod pa'i longs spyod rnams kyis so/ /gzhan yang rtse gcig tu lta ba la ched cher byed par gyur pa'i yid can rnams thams cad kyang rjes su spyod pa rnams dang bcas nas gang na 'thab bral gyi mnga' bdag yod pa der nye bar 'gro'o/ /phyin nas</font><hr>65.83b<br><font size=+1>

yang sa de dag las shin tu 'das nas 'jug par byed de/ lha de dag rnams ji skad du bshad pa bzhon pa de dag rnams kyis sngar bzhin nyid du lha de dag rnams 'jug go/ /sa gzhan snga ma bas ches lhag par dga' bar gyur pa'i sa de dag rnams kyang lnga brgya yod de/ rtsed mo'i ri'i bai dUr+ya'i rang bzhin can rnams la pad ma rA ga'i rang bzhin gyi ljon shing la gser btso ma'i rang bzhin 'dab ma rnams dang / dngul gyi rang bzhin rnams kyis kyang brgyan pa'o/ /gzhan dag rnams kyang gser btso ma'i ljon shing ngo / /gzhan dag rnams kyang byi ru'i yin te bya rnams kyis yongs su bskor ba'o/ /yang mdzes pa gzhan rnams la rin po che'i khams du ma rnam par 'dres pas brgyan du byas pa la rnam pa sna tshogs pa'i ri dgas dang bya rnams kyis nye bar mdzes par gyur pa rnams rnam pa sna tshogs pa'i 'bab chu dang / rdzing bu dang / chu klung dang / tshang tshing gis nye bar mdzes pa rnams 'khri shing gi rtse mo yang 'khri shing rnam par 'phyang ba nye bar mdzes pa'i 'khri shing gi khang pa rnams dang / gser gyi mdog can gyi 'bras bu rnams dang / gser gyi 'khri shing rnam par 'phyang ba rnams dang / gzhan yang bai dUr+ya'i dang 'dra ba'i kha dog gi 'bras bu rnams dang / gser gyi 'dab mas nye bar mdzes pa'i 'bras bu rnams la bung ba brgya stong sgra 'don pa rnams kyis rna ba la gtod pa rnam pa sna tshogs pa'i ro dang / dri dang / reg byas kun tu gang ba dang / bza' ba dang / btung ba'i chu klung rab tu phal rnams dang / rin po che bdun gyi rang bzhin gyi bya'i tshogs kyis nye bar mdzes pa rnams dang / mchog tu reg na bde ba'i sa'i cha rnams so/ /gzhan yang lha rnams kyis rtsed mo'i ri de nyid kyis mdzes pa rnams mthong ba ni ri ngos dang / tshang tshing dang / rtse mo rnams dang / phug gi sgo dang / 'khri shing gi khang pa dang / pad ma'i rdzing bu dang / thams cad la yang rab tu dga' ba'i lha dang / lha mo'i tshogs kyis legs par gang ba/ lha de dag rnams las kha cig ni lhan cig spyod pas</font><hr>65.84a<br><font size=+1>

yongs su bskor nas gar byed cing rol cha dang bcas pas glu len par 'gyur ro/ /kha cig ni pad ma'i nags su zhugs nas chu'i rtsed mo lhan cig spyod pa dang lhan cig tu rtse'o/ /kha cig ni rang gi yid mchog tu dga' bas btung ba rnams 'thung ngo / /kha cig ni ri ngos gzhan la me tog rnams spung bar byed do/ /kha cig ni pad ma'i phreng ba mchog gis de la ched du byed pas 'phyang ba ni cod pan gyi phreng ba rnams 'phyang bar byed de/ lhan cig spyod pas yongs su bskor nas mchog gi rgyan dang cha byad can rnams rang nyid kyi 'od kyis rjes su byugs pa'i lus can no/ /kha cig ni nam mkha' la lhan cig spyod pas yongs su bskor nas so/ /lha gzhan dag rnams ni gling bu dang / 'khar rnga dang / rnam pa sna tshogs pa'i rol cha lag na thogs pas glu len par byed pas kyang ri ngos dang tshang tshing du gnas so/ /brgya phrag du ma dang yang ni stong phrag du mar yang lha de dag rnams de ltar 'od sna tshogs kyis lus brgyan cing sngon po dang / ser po dang / dmar po dang / 'dren pa'i 'od lus las 'byung ba rnams yin te/ de ltar cung zad tsam cig dper byas par zad kyi chung ba rnams ni dper na nyi ma las 'od kha dog du ma 'byung ba'o/ /de nas lha de dag rnams kyis rtsed mo'i ri de rnams mngon par mthong ste/ brgya stong phrag du mas mdzes par gyur pas ches lhag par nye bar mdzes pa rnam par bkra ba'i legs par byas pa'i las kyis sprul pa rnam pa du ma mthong nas mchog tu dga' ba skyes so/ /de dag rnams kyis phyir zhing rtsed mo'i ri rnams kyi sa mngon par mthong nas lha rnams kyi mnga' bdag blta bar 'dod pas slar yang nang gzhan du song zhing zhugs nas/ de dag rnams kyis nye 'khor na khang bzangs kyi phreng ba zhes bya ba'i sa gzhan na 'thab bral gyi bdag po de mthong nas lha de dag rnams 'jug par byed de/ rgyan dang cha byad mchog dang ldan pas shin tu 'thab bral gyis mgo byas pa tshogs pa rgyu ba na gnas pa rnams</font><hr>65.84b<br><font size=+1>

dang / rgya chen po'i khor yug na rgyu ba rnams dang / gang yang sa de na gnas pa rnams kyis kyang khang bzangs kyi khor yug rnams kun nas legs par gang ba cha shas rnam par bkra bar gyur pa ni mu su lun d+ha'i legs par byas pa'i las rnam pa du mar byas shing bsags la so sor myong bar 'gyur ba'i rnam pa du ma rnams yin la/ khang bzangs de dag rnams kyang stong phrag bcur rnam pa du mar kha dog du ma sna tshogs par bkra ba/ gser 'bar ba rnams kyis de dag rnam pa sna tshogs par legs par brgyan par gyur pa de rnams kyi dga' bar gyur pa 'di dag rnams kyang 'di lta ste/ brtsig pa gang yin pa rnams ni gser gyi rang bzhin no/ /de dag gi stegs bu rnams ni bai dUr+ya'i rang bzhin no/ /glo skar rnams ni in dra nI la'i rang bzhin no/ /ka ba rnams ni cha shas rnam par bkra ba rnams so/ /gzhan yang khang bzangs gzhan rnams kyi ni bai dUr+ya'i rang bzhin no/ /sgo rnams ni gser 'bar ba'i rang bzhin no/ /bai dUr+ya'i rang bzhin dang / gser btso ma'i rang bzhin gyi sgo glegs kun nas 'dud pas mchog tu cha shas rnam par bkra ba'o/ /gzhan yang ches mchog tu gyur pa'i gnas dga' ba de dag rnams la 'di lta ste/ brtsig pa rnams ni pad ma rA ga'i rang bzhin no/ /dngul gyi rang bzhin gyi ka ba rnams so/ /sgo rnams ni gser gyi'o/ /glo skar rnams ni byi ru'i rang bzhin las so/ /sa rnams kyang rnam par bkra bas rnam par bkra bar gyur pa'i las kyis dga' bar gyur pa'o/ /gzhan yang rnam par bkra bar byas pa'i yul phyogs bla na med pa yod de/ 'di lta ste/ in dra nI la'i rang bzhin gyi brtsig pa rnams so/ /sgo rnams ni gser btso ma'i rang bzhin rnams so/ /dngul gyi rang bzhin du gyur pa'i ka ba dang ri rnams kyang 'od 'bar ba'i phreng bas dkrigs pa'o/ /gzhan yang mdzes pa mchog tu gyur pa yod de/ mu su lun d+ha'i phro brang 'di'i rnam pa sna tshogs pa'i las kyis sprul pa rnams la ji ltar rdo rje pha lam gyi phye mas brtan par gyur pa/ dngul gyi rang bzhin</font><hr>65.85a<br><font size=+1>

mchog tu dri ma med pa rnams dang / gser 'bar ba rnams kyi sgo dang / ka ba dang / glo skar rnams ni pad ma rA ga rnams las so/ /gzhan yang gzhan rnams yod pa ni rin po che sna bdun gyi rang bzhin phan tshun du gsal bar byed pa 'od mchog dang ldan pa'i khang bzangs rnams kyi tshogs rnam pa de lta bu rnam par bkra bar gyur pas 'khril pa'i khang bzangs de dag rnams kyis mdzes pa mthong ngo / /lha de dag rnams phreng ba'i gos rnams 'chang bar gyur pas thams cad du yang mig gi rgyu ba gtod par byed de/ mu su lun d+ha lta ba la ched cher byed do/ /shin tu 'thab bral gyi sa rnam pa du ma sna tshogs pa'i rgyan dang cha byad can phan tshun du sems bstun pa'i bsam pa can de dag rnams de ltar legs par mthong bar gyur nas phyir zhing yang 'jug par byed de/ mu su lun d+ha'i pho brang rnams su lha de dag ji lta ji ltar rab tu 'jug pa de lta de ltar ches dga' bar 'gyur ba rnams mthong ngo / /rnam par bkra ba shin tu lhag pa rnams kyang mthong ngo / /mchog tu ngo mtshar shin tu rmad du gyur pa yon tan du mas rnam par bkra bar byas pa'i khang bzangs de dag gi nye 'khor rnams de dag rnams kyis kun tu bltas nas slar yang 'thab bral gyi bdag po la blta bar 'dod pas gus pa dang bcas pas lha rnams 'jug pa na de dag gis gzhan yang gang la rgyal po de rnam par spyod par byed pa'i lha'i bu mo gzhan rnams mthong ba la lha de ni lus la dkrigs ma stong phrag bdun gyis yongs su bskor ba'i lha mo rnams ni rgyan dang cha byad mchog gis rab tu snang bar byas pa'i lus rnams 'od kyi phung po gos kyi phreng ba 'phyang ba dang cod pan 'phyang ba/ dpung rgyan dang gdub kor legs par bcug pa me tog gi phreng ba rnams lus la btags pa'i lha'i lus kyis rnam par rgyu ba de dag rnams kyis kun nas khyab par 'thab bral ba'i mnga' bdag de yongs su bskor nas legs par gnas pa ni ri</font><hr>65.85b<br><font size=+1>

rnams kyis ri'i rgyal po ri rab lhun po bzhin du dang / mtsho rnams kyis rgya mtsho bzhin du dang / gza' dang / skar ma dang / rgyu skar rnams kyis zla ba bzhin du gyur pas de ltar lha de rnams kyis 'thab bral gyi mnga' bdag yongs su bskor nas shin tu gnas so/ /mdzes par gyur pa de dag rnams thams cad kyi 'od de dag kyang zla ba bzhin du de yang legs par gnas so/ /'od kyi phung po in dra nI la'i rang bzhin gyi mchog tu gyur pa'i stan chen po la gnas so/ /stong phrag brgya'i ka ba rab tu gsal ba'i rin po che bdun gyi rang bzhin ka ba rnam par bkra ba rin po che 'bar ba 'dra bas mdzes pa'i khang bzangs la gnas par byed pa na khang bzangs de'i gzi brjid ni ji lta ji ltar lha gnas pa de lta de ltar yangs par 'gyur te/ khang bzangs 'di rin po che sna tshogs kyis rnam par brgyan pa'i khang bzangs de dag gi yang nang na shing gang dag gi yang nang na shing gang dag yod pa de dag rnams kyi yal ga de dag rnams la rtag tu me tog rab tu rgyas pas dus drug tu ches mchog tu 'dzin pa dang shin tu legs par 'brel pas 'bras bu rnams rtag par rgyun tu 'dzin pa'i mthong na mdzes pa'i brtsig logs rnams ni rin po che bdun gyi tshon gyis rnam par bkra bar byas so/ /de nas lha shin tu 'thab bral la sogs pa lha de dag rnams gang na mu su lun d+ha yod pa de dang nye bar 'gro ste/ gar dang / glu dang / rol mo'i sgra rnams kyang rjes su sgrogs pas dga' ba'i yid brtson pas gcig tu rgya che ba'i las kyi 'bras bu la shin tu longs spyod pa/ 'od du ma'i phung po 'thab bral gyi mnga' bdag mu su lun d+ha de dag rnams thams cad kyis mngon par mchod nas gnas ji lta ba'i stan la gnas par gyur cing kun nas 'dun pa de dag rnams la kun dga' ba dang / legs par dga' ba skyed pa'i gtam yang byas nas lha'i tshogs 'ongs pa thams cad la 'di skad du smras te/ bde ba'i phyir na bag med par 'gyur ba gson pa rnams kyang</font><hr>65.86a<br><font size=+1>

legs par bsrung bar gyis dang / chos kyang legs par bsrungs dang / lha rnams rab tu lhung bar gyur ta re/ de ltar na yang bde ba mchog gi mthar thug pa'i bde ba rnams 'byung bar 'gyur ba yin no/ /bde bas rnam par gnas nas kyang mya ngan las 'das pa'i mthar yang thug pa yin no/ /kye lus zhig nas kyang nam yang sdug bsngal 'byung bar mi 'gyur ro/ /lha rnams bde bar gnas par yang 'gyur ro/ /de nas lha de dag rnams thams cad lhag ma ma lus pa dang yang dag par ldan pa rnams la mnga' bdag gis tshigs su bcad pa brjod pa ji ltar/ sna tshogs khams kyi 'jig rten 'di/ /sna tshogs las kyi dbang rjes 'gro/ /sna tshogs 'gro las 'pho ba'i lha/ gnas 'dir kun nas 'ongs pa yin/ /ji ltar 'ongs pa de ltar slar/ /srid pa gzhan du 'gro bar 'gyur/ /ji srid skye ba 'di kun yod/ /ji srid slo ni ma nyams pa/ /de srid bde legs rab brtson pas/ /bya ba rab tu brtson pa yis/ /ring du longs spyod bde ba'i mchog /nges pa kho nar lhung ba'i 'jigs/ /ltung ba las kyang rtag par ni/ /sdug bsngal 'byung bar the tsom med/ /de bzhin bdag gis khyed rnams la/ /'dir ni chos ldan bshad pa rnams/ /de dag thams cad 'dir nyon la/ /ji skad de bzhin gshegs gsungs kyis/ /de ltar 'thab bral gyi bdag pos lha de dag rnams yo la phan par 'dod pa'i phyir 'di dag brjod do/ /ji ltar bde ba rnams kyi rjes su 'gro ba dang / yul gyis kun nas rmongs pa'i yang phyir lha rnams rnam par ngoms pa med pas ji lta bar yongs su nyams nas lha rnams 'jug par mi 'gyur ro/ /gal te yul 'di dag bde ba rnams yin na ni 'di dag rnams mi rtag pa dang / mi brtan pa dang shis pa ma yin par yang mi 'gyur ba zhig na/ ji lta ba bzhin du rjes su nyon dang / gang dag yin pa 'di dag rnams mthong bar gyur pa rnams la yang dag par rdzogs pa'i sangs rgyas drug po rnams kyi mchod rten drug rin po che rnam pa</font><hr>65.86b<br><font size=+1>

sna tshogs pas nye bar mdzes pa las byas pa rnams so/ /de dag rnams ni de bzhin gshegs pa drug gir byas pa yin la byas pa de dag rnams kyang 'di lta ste/ yang dag par rdzogs pa'i sangs rgyas gtsug tor can dang / yang dag par rdzogs pa'i sangs rgyas rnam par gzigs dang / gser thub dang / yang dag par rdzogs pa'i sangs rgyas thams cad skyob dang / yang dag par rdzogs pa'i sangs rgyas 'khor ba 'jig dang / yang dag par rdzogs pa'i sangs rgyas 'od srungs te sku gdung de dag rnams sngon gyi lha rnams kyis byas par gzhan la bdag cag gis rna bas thos nas kyang mchod par byed de/ bdag cag rnams tshe shin tu thung ba'i rgyu gang gis de bzhin gshegs pa rnams de dag thams cad kyis ma mthong ngo / /'on kyang bcom ldan 'das de rnams 'jig rten la phan pa mdzad pas brtson par gyur pa dang / don bzhed pas lha de rnams la phan pa'i don du lha'i 'jig rten 'dir bzhugs par gyur to/ /de ltar thos pa brgyud pas yin gyi chos 'di rjes su rtogs pa ni ma yin no/ /de la bcom ldan 'das 'khor ba 'jig gcig pus kyang 'thab bral ba la shin du bar yang phan pa mdzad pa 'di lta ste/ sku gdung gcig las kyang rgyu mtshan shin du ngo mtshar che bar gyur pa'i blo'i yul la nges par gnas pa rnams ji ltar gang gi tshe dge sbyong rnams la ma yin zhing bram ze dang skye dgu rnams la yang 'byung bar mi 'gyur ba ste de'i tshe lha'i phyogs rnams yongs su nyams te/ yongs su nyams nas yang sku gdung 'dir sprul pa rnams mngon sum du mthong ba ni lha 'chi 'pho bar 'gyur ba dang / yongs su nyams par gyur nas de rnams kyis bdag rang nyid gcig pur mthong ste/ ji ltar 'joms pa yang bag med pas bag med par rnam par gnas pa rnams la 'gyur la/ 'gyur ba yang yul rnam par chags pa'i phyir mthong ba ma yin la/ de dag bdag nyid la glu'i sgra kun nas bsgrags pas</font><hr>65.87a<br><font size=+1>

phan pa ma yin pa rnams phan par 'dod pa'i phyir na/ ji ltar bag med pa khyed rnams bag med pas rgyu bas kyang dus byed par gyur ta re/ legs par byas pa 'di zad par 'gyur bas de don med par gyur ta re/ ji ltar de'i rgyu mtshan du rtsom pa 'di dag byed pa'i de bzhin gshegs pa drug gi mdo gang dag yin pa lus can rnams la phan pa'i don du gsungs pa de dag rnams thams cad kyang sku gdung de dag rnams nyid la de bzhin gshegs pa rnams kyis rjes su bris pa de las blo dang ldan pa rnams kyis mnyan par gyis dang / lha rnams phyis 'chi ba'i dus na 'gyod par gyur ta re de nas lha de dag rnams kyi gtso bo rnams yid tshim pa med pa dang ldan pa'i gus pas thams cad nyid kyang nges par gnas par gyur la/ gang gi phyir gus pa ni lha'i bdag po la gus pa dang chos 'dul ba la yang gus pas bden pa mthong ba bzhin du de dag rnams gnas te mi g.yo ba'i yid kyis so/ /des de ltar gdul bya rnams legs par mngon par mthong nas thams cad la 'di skad ces smras so/ /khyed rnams ji lta ba bzhin du rab tu zhugs pa rnams kun gyi dang po nyid du de bzhin gshegs pa dang po'i mchod rten gtsug tor can des brtsig ngos la mngon par bris pa ni ji ltar dge slong dag chos brgyad po 'di dag rnams dge ba'o zhes bya ba'i mdos lha rnams la phan pa'i don dang / bde ba dang / don bzhed pa dang / phan par gnang ba'o/ /de nas dang po kho nar lha gang nye bar 'gro ba de gtso bor gyur pa'i mu su lun d+ha de dang lhan cig tu legs par zhugs nas des mthong ba/ bcom ldan 'das gtsug tor can gyi sku gzugs bai dUr+ya'i rang bzhin dang in dra nI la'i yang rang bzhin gyi gdan chen po la nye bar zhugs pa dkyil mo dkrung legs par bcas pa de'i brtsig ngos la yang mdo mngon par bris pa ji ltar brgyad po 'di ni dge slong dag lha dang mi rnams kyi yang dge ba'i chos rnams kyi bar du gcod pa yin te/ de la brgyad po gang zhe na 'di lta ste dge slong dag dang po nyid du bag med pa bag</font><hr>65.87b<br><font size=+1>

med pas nye bar bcom pa'i lha 'am/ mi rnams kyang rung ste gang dge ba rjes su sgrub pa na 'jig rten gyi yang ma yin la 'jig rten las 'das pa'i yang ma yin te/ 'jig rten pa'i ni le los bag med pa bag med par gnas pas las kyi mtha' rnams 'grib par 'gyur te/ gang mdza' bo yin pa de dag rnams la ma bltas pas de dag ni bar mar gnas par 'gyur ro/ /gang yang dgra bo yin pa de dag rnams ni ches mi bzad par gyur nas go skabs dag tshol zhing glags rnams gcod par 'gyur bas bag med pa dang bag med par rgyu ba de dag rnams kyi yang 'jig rten pa'i chos kyi las kyi mtha' rnams de bzhin du 'gyur ro/ /de las kyi mtha' nyams pa dang / dgra bo rnams phal che ba dang / gnyen shes pa rnams yongs su nyams pa dang / dbul po dang gzhan kha drag par yang 'gyur ro/ /kha nyen pa rnams mthar thug pa ni 'di yin te/ 'di ltar dbul po zhes bya ba'o/ /dbul bas dngangs pa'i skyes bu ni grogs bshes dang gnyen bshes dang rtsa lag rnams dbang che bar 'gyur ro/ /brnab sems dang / gnod sems dang / log par lta ba rnams rab tu phal che bar 'gyur ro/ /de mi dge ba spyod pa po zhes zer nas blo gros ngan pa de la lha rnams sdang bar 'gyur te/ lha rnams thams cad kyis mi dge ba spyod pa de yongs su spong bar 'gyur la sems can 'tshe ba po rnams kyis de gtses pas dus byed par 'gyur ro/ /tshong pa yin par gyur na yang bag med pas bag med pa'i spyod pas bar skabs su nor nyams par 'gyur ro/ /'di na bag med pas dge slong ngam gzhan yang rung ste/ dge bsnyen rnams kyang bsam gtan byed pa na brtson pa dang ldan par mi 'gyur ro/ /lung du bstan pa'i bsam gtan gyis zag pa rnams zad par byed pa ni ma yin gyi zas kyi ro rnams 'ba' zhig la chags pas zas kyi dus la shin tu yang lta'o/ /yid dben par 'gyur ba ma yin gyi/ bag med pa bag med par rgyu ba de dag rnams brgya zhig la</font><hr>65.88a<br><font size=+1>

yang sems rab tu dang ba yod pa ma yin no/ /ro la shin tu brkam pa dang ldan pa khwa ta dang sems mtshungs pa dang ngang tshul mtshungs par gyur pa gang gi tshe de dag bag med pa rnams sems pa la rab tu brtson pa dang ldan par 'gyur ro/ /de 'khor rnams 'dus pa'i nang du song ngam mang du thos pa rnams kyi nang du song na shes rab chung bas kha nyan par 'gyur ro/ /sbyin pa po dang sbyin bdag rnams la gzi brjid chung bar yang 'gyur ro/ /mi 'jigs pa rnams kyi mchog ni 'di ltar chos rnams rnam par 'byed pa'o/ /dbang chung ba rnams kyi tha ma ni 'di lta ste/ thos pa nyung ba'o/ /kha nyen pa de bdag nyid kyi nyes pa rnams kyang nges par mi shes so/ /gzhan la yang brnab sems dang gnod sems mang bar 'gyur te/ de yang mang du thos pa rnams la 'am/ bla ma rnams la 'am/ de yang na sbyin pa po dang sbyin bdag sems rab tu dang dbang po rab tu rgyas pa rnams la ste/ blo dman pa de bag med pa'i las mang po rnams byas pas lus zhig pa na thabs ma yin par rnam par lhung nas dmyal ba rnams su skye'o/ /bag med pa bag med pas gnas pa rnams de ltar mi rnams bag med pas 'jig rten dang 'jig rten las 'das pa'i don rnams kyi bar chad byed par 'gyur ro/ /yang dge slong dag ji ltar na lha rnams kyi bag med pas bar chad byed par 'gyur na/ 'di'i rang bzhin nyid kyis lha 'di dag rnams bag med pas bag med par rgyu ba'i lha sgra dang / reg bya dang / ro dang / gzugs dang / dri 'dod pa/ sdug pa yid du 'ong ba de dag gis bag med pas bag med par 'gyur ba rgas pa 'ong bar 'gyur ba mi mthong ngo / /rgud pa yang mi mthong ngo / /legs par byas pa'i las rnams zad pa rnam par mi dran no/ /chos la goms par mi byed do/ /sangs rgyas dang / chos dang / dge 'dun rnams la gus pa dang bcas pa ma yin no/ /de dang bral ba'i yid kyis bag</font><hr>65.88b<br><font size=+1>

med pa bag med par rgyu ba sangs rgyas 'byung ba dang bral bar gyur pa mthong ba bag med pa goms par gyur pa srid pa'i gdung ba'i sdug bsngal chen po nye bar gnas pa rnams la 'chi ba'i ltas byung ba'i 'bral bar 'gyur ba'i sdug bsngal rab tu 'byung bas bud med rnams kyi tshogs kyis yongs su spangs par gyur pa'i 'jigs pa chen po nye bar gnas pa/ 'obs bzhin du rab tu lhung bar gyur pa na gang dag bshad pa'i yul la nye bar spyod pa de dag gi tshogs pa de rnams kyang lan brgyar yang mi mthong bar de 'jig rten gzhan du 'gro bar 'gyur la de dag rnams rjes su 'gro ba ma yin pa dang 'chi ba'i dus na bde ba rnams shes pa yang ma yin no/ /dbugs 'byin par yang mi 'gyur ro/ /yul de dag rnams ni nyams pa yin zhing yul rnams ni skyugs pa dang rnag du gyur pa'o/ /yang srid par kun tu skyed pa dang / de las 'byung bar 'gyur ba gang yin pa de ni bag med pas bag med par gnas pas byas pa'i las des kun nas gnas pas srid pa gzhan du 'gro zhing rjes su 'gro ste/ de yul gyi sred pa'i zug zer gyis bag med pas dus byed par 'gyur ro/ /yongs su btang zhing lha thams cad kyas yangs su btang ba dang / kun nas skrag pa dang / yul gyis kun nas rmongs pas kyang dus byed de/ de dus kyi chos dang ldan pas dmyal ba dang yi dgas dang / dud 'gro rnams su skye'o/ /de lta bas na mi'am lha yang rung ste/ bag med pa mi bya'o/ de nas de'i tshe bcom ldan 'das gtsug tor can des tshigs su bcad pa brjod pa ji ltar/ lha rnams yul gang bde ba yis/ /rtag pa nyid du 'ang sten byed pa/ /de ni nyams dang de nas kyang / /las rnams 'gro zhing rjes su 'gro/ /bde ba rnams la bsags pa med/ /las rnams la ni bsags pa yod/ /bde ba yis ni rmongs pa'i lha/ /las rnams kyi ni dbang gis 'gro/ /da ltar ba yi yul gyi bde/ /de ni dge ba byed min pas/ /yul rnams</font><hr>65.89a<br><font size=+1>

kyis ni legs skom lha/ /de bzhin rnam par g.yeng yid can/ /'khor ba'i nad kyi sman gyur pa/ /bde ba'i las ni rtogs ma yin/ /gling nyid dang ni skyob bzhin dang / /de bzhin du ni skyabs nyid bzhin/ /legs par byas pa skye gzhan du/ /lus can rnams kyi rgyab na gnas/ /de phyir rtag par rab 'bad pas/ /lha rnams kyis ni rtag bsten bya/ /yul rnams spong bar byed pa dang / /bsod nams bsten pa bzang po yin/ /gang yang ma 'ongs pa yi srid/ /blo yis mig gis mthong ba ni/ /de ni mkhas yin rtag tu mdzes/ /lhung ba 'jigs pa'i rtsa ba po/ /rnam par 'phrul skyes 'jigs rtag 'di/ /legs par blo ldan gyis ni mthong / /des ni bral ba'i dman thob nas/ /mi bzad pas ni 'ching ba yin/ /'on kyang rtag tu bla rmongs pas/ /yul nyid kho na sten par byed/ /yul rnams kyis ni rnam rmongs pa/ /phyi nas gdung bas sreg par byed/ /ji srid skye ba 'di kun dang / /ji srid shes pa ma nyams pa/ /de srid du ni bsod nams kyis/ /bsod nams ma byas sdug bsngal yin/ /de ltar mu su lun d+ha de lha de rnams la bcom ldan 'das gtsug tor can gyis gsungs pa'i brtsig logs la bris pa'i tshigs su bcad pa bshad do/ /gzhan yang rab tu ston par byed do/ /gang brtsig logs la chos brgyad po 'di rnams te/ de dag gis bag med pa rab tu brjod nas chos bdun bdag gis bshad par bya ste/ bdun po rnams gang zhe na/ bag med par gyur pa de ni rgyun mi 'chad par rgyags par 'gyur ro/ /bag med pa la spyod pa'i skyes bu rnams ni smyon par 'gyur te/ bag med pa'i lha dang mi rnams ni rtag tu yang 'jig rten pa dang 'jig rten las 'das pa thams cad kyi bar chad byed par 'gyur ro/ /de la ji ltar na 'jig rten pa'i don rnams kyi bar chad byed par 'gyur ba dang / 'jig rten las 'das pa rnams la yang ste/ 'di ni bag</font><hr>65.89b<br><font size=+1>

med pa'i skyes bu rnams ni rnam par g.yeng ba'i blo can du 'gyur ro/ /blo sngon du btang bas kyang don thams cad la legs par 'jug pa yin no/ /de ltar rgyags pa'i skyon rnams kyis rnam pa thams cad du rab tu mdzes pa ma yin no/ /ches mang bar phan pa ma yin pa rnams dang / bde ba ma yin pa rnams dang / don 'ga' zhig dang yang ldan par 'gyur ba ma yin no/ /ji ltar 'jig rten las 'das pa'i chos 'dul ba la rgyags pa nyes dmigs chen po dang ldan par 'gyur ba yin zhing ji ltar gzhan yang rgyags pas 'di na mi rnams kyi bar chad byed par 'gyur na/ de la mi rnams dang rab tu byung ba rnams la yang shin tu bar yang bag med pa rnam pa thams cad du yang rnam par smad par bya bar 'gyur ba yin pa ni 'di lta ste/ 'dir chos 'dul ba 'di la rgyags pa dang bral ba rnam pa thams cad du rnam par mdzes la bag med pa dang kun nas ldan pa ni ma yin no/ /rgyags pa'i skyon dang kun tu ldan pa de bsam gtan mi byed do/ /bya bzhag gi bya bar gyur pa 'gro ba dang 'ong ba'i gnas la legs par spyod pa ma yin no/ /spyod yul la mi brten sbyin bdag dang sbyin pa po rnams rjes su sgrub pa la brtson pa ma yin gyi stan dang mal stan rnams 'ba' zhig la gnas pa'i rang bzhin can du 'gyur ro/ /de tshul bzhin ma yin pa yid la byed pa 'ba' zhig gis khyer bar byed do/ /de lus zhig pa na shi ba'i 'og tu dmyal ba rnams su skye'o/ de ltar mi rnams kyi 'jig rten pa'i lam 'am/ 'jig rten las 'das pa'i lam la yang rab tu mdzes pa ma yin pa'i rgyags pa bdun po 'di dag rnams yin pa la 'di lta ste/ gzugs kyis rgyags pa dang / nor gyis rgyags pa dang / rigs kyis rgyags pa dang / rgyan dang cha byad kyis rgyags pa dang rgyal pos mchod pas rgyags pa dang / bud med dang 'khyud 'phyang gis rgyags pa dang / gzhan gyi bu mo'i dbang du byas nas sems rnam</font><hr>65.90a<br><font size=+1>

par g.yeng bas rgyags pa rnams so/ /rgyags pa de dag ni rgyags pa rnams mdor bsdus pa yin no/ /rgyags pa rnams ni dgra yin no/ /rgyags pa ni lhag ma yin no/ /rgyags pa ni chos rnams thams cad kyi yang bar du gcod par 'gyur ba yin no/ /'di na mi rnams rgyags pa ni tshad dang ldan pa'i longs spyod dang gson pa rnams nyung zad kyi rang bzhin la rnam par spyod kyang rgyags pa yin no/ /yang lha rnams kyi rgyags pa 'di dag ci 'dra bar 'gyur/ de rnams 'dod pa'i sgra dang reg bya dang / ro dang / gzugs dang / dri la spyod pa nyin mtshan du rab tu 'phel ba ni rgyags pa bag med pa'i rang bzhin can de dag rnams tshe'i 'du byed rnams yongs su nyams par 'gyur ba'i blo ni med kyi rgyags pa 'ba' zhig dang / rgyags pa'i lhag ma can dang / rgyags pas chos rnams thams cad kyi bar du gcod par 'gyur ro/ /lus 'jig pa la shes pa rab tu mi 'jug pa dang / tshe'i 'du byed rnams zad pa la yang ste/ de dag dge ba dang mi dge ba'i las rnams kyis dus de srid du rgyags par 'gyur ro/ /sgrub par byed pa yang ma yin no/ /de de dag rnams zad par 'gyur bar phyis nges par ltung bar 'gyur ba na nges par rtogs par 'gyur te/ kye ma yul rnams kyis bdag bslus so/ /kun nas nyon mongs pa rnams kyis rtag tu bslus pa rnams ni lus zhig nas thabs ma yin pas log par ltung ba dmyal ba 'am/ yi dgas kyi lus dang / dud 'gro'i skye gnas rnams su skye bar 'gyur te/ de ltar 'jig rten pa'i las la bag med pa rnams dmad par bya bar 'gyur ro/ /ji ltar yang lha dag 'jig rten las 'das pa'i lam la rgyags pa rnam par smad pa yin zhe na/ lha gang dag yin pa'i lha rnams thams cad kyang 'dod pa dang / sdug pa dang / yid du 'ong bas legs par byas pa'i las kyi rgyu rnams kyis 'thab bral gyi lha 'di rnams kyi nang du skyes la dam pa'i chos 'dul ba la de</font><hr>65.90b<br><font size=+1>

bag med par gyur nas des rang gis byas pa'i las rnams mi rtogs so/ /gang dag ches lhag par rgyags pas gnas par ma gyur pa rnams de yang mi brten pa dang / gang dag rnam pa thams cad du bag med pas rnam par rgyu ba ma yin pa de dag rnams la yang brten par mi byed la sangs rgyas dang / chos dang / dge 'dun rnams la yang lta bar byed pa'i rang bzhin can du mi 'gyur zhing dam pa'i chos 'dul ba rnams la sgrub par mi byed pa dang / ji lta ba bzhin du 'jug par yang mi byed do/ /de ltar de lam rnams la slob pa'i rang bzhin can du mi 'gyur ro/ /rten cing 'brel par 'byung ba rnams la rnam par lta ba la gtso bor byed par mi 'gyur ro/ /bla ma la nye bar brten par mi byed do/ /lha ye shes la goms par byed pa'i rang bzhin can dang nye bar brten par yang ma yin no/ /de ni 'dod pa rnams kyis bslus nas yul gyis rnam par nyams par bya ste/ bdag cag gi lha'i ris nas 'chi 'pho bar 'gyur la 'chi 'pho ba'i dus na yang shin tu rab tu 'gyod par 'gyur ro/ /de'i phyir na me bzhin dang sbrul bzhin du lha dang mi rnams kyi rgyags pa rnams yongs su spang bar bya'o/ /de nas de'i tshe bcom ldan 'das gtsug tor can des tshigs su bcad pa gsungs pa ji ltar/ dang po bag med pas nyer bcom/ /rgyags pa yis kyang rnam par rmongs/ /lha rnams sam ni skyes bu yang / /de ni zhi ba'i thabs ma yin/ /gang zhig rgyags pa mi sgrub pa/ /skyes bu 'chi ba med pa yin/ /rgyags pa'i skyon gyis nges zin pa'i/ /mi rnams thams cad dmyal bar ltung / /dam pa min pa'i lam spyod skyon/ /rgyags pa zhes byar 'dir brjod do/ /rgyags pa yis ni rmongs pa'i blo/ /lha ni dmyal bar 'gro ba yin/ /yang dag min la dga' bar byed/ /yang dag 'gyur ba nam yang min/ /rgyags pa'i mun pas bskor ba yin/ /lha rnams 'dod pas rmongs pa yin/ /'dod pa yis ni lha</font><hr>65.91a<br><font size=+1>

rnams rmongs/ /rgyags pa yis kyang de bzhin te/ /dmus long bzhin du dam pa'i las/ /de nyid rjes su mthong ba min/ /de ltar bcom ldan 'das gtsug tor can gyis bag med pa dang rgyags pa yang 'jig rten pa dang 'jig rten las 'das pa'i tshig rnams kyis bstan nas gzhan 'di'i gsum pa sdom pa ma yin pa'i skyon yang dag par ston pa sku gdung la gnas pa rnams la/ de nas 'thab bral gyi bdag po mu su lun d+has lha de rnams la gang dag lus kyis byas pa mchod rten las ston no/ /'di lta ste sdom pa ma yin pa rnams so/ /sdom pa ma yin pa yang skyon chen po gsum gyis lha rnams dang mi rnams la yang phan par 'gyur ba ma yin no/ /'jig rten pa'i las 'das pa'i las la yang rnam pa thams cad du ma yin no/ /de la sdom pa ma yin pas mi rnams kyi bar du gcod par 'gyur ba gang yin na 'dir 'jig rten pa'i sdom pa rnams blangs nas rang bzhin gyis mchog tu rmongs pas don dang don ma yin pa mi shes la/ gnas dang gnas ma yin pa rnams kyang mi shes so/ /legs par gnas par byas nas kyang rang gi skye bo dang / gnyen 'dun dang lhan cig tu dga' bar byed do/ /rtsi bgrang med par rang gi skye bo dang / gnyen 'bre rnams dang lhan cig du brtan par gnas par byed do/ /byas nas kyang sdom pa yongs su 'dzin par mi 'gyur ro/ /de legs par gnas pa las nyams pas kha nyen par 'gyur ro/ /rang gi skye bo dang gnyen 'brel thams cad kyis skyug bro bar lta bar byed do/ /gang gi ming gis legs par gnas pa sdom pa brtan po rnams ji lta ba bzhin du yod de zhes brjod par yang byed do/ /sngags kyi sdom pa rnams sam/ legs par gnas par bya ba rnams la yang rung ste/ de nyid kyi blos rang gi skye ba rnams mi 'jug go/ /rang gi pha dang rang gi khyim du bya ba dag gis legs par 'dres par byas pa gang yin pas ngal sos par gyur pa zhes gnas so/ /sems stobs yang ba de rgyu de dang / gzhi de las dang / </font><hr>65.91b<br><font size=+1>

de yongs su 'dzin pas gang yang 'di'i grogs por gyur pa de dag rnams thams cad kyang kha phyir phyogs par 'gyur ro/ /gzhan pa rnams las gang dag grogs po ma yin pa de dag rnams ni bzang por gyur pa rjes su rtogs so/ /gang dag bar ma'i tshogs su gnas par gyur pa'i skyes bu de dag rnams ni rtag tu yang phyogs ma yin par 'gyur ro/ /rlung gis nye bar bcom pa'i ljon pa rtsa gtan nas bcad pa bzhin du ltung la/ de ltung bas kyang rdzas rnams dang / phun sum tshogs pa dang / rang gi skye bo rnams dang / gnyen 'brel rnams gtong ngo / /rang bzhin gyis kyang 'gyur ldog can/ tsab hral la gnas pa'i sems mi bsgrungs par 'gyur ro/ /de skye bo thams cad la brnab sems dang gnod sems mang bar 'gyur ro/ /phyin ci log tu dogs pa 'chal ba dang / yongs su rtog pa dang / blo gdug rtsub can du 'gyur ro/ /de sems can thams cad la zhe 'gras pa dang / gnod sems dang / nga rgyal dang / bzhin rnam par 'gyur zhing gdug pa dang / rang gi yid rnam par g.yeng ba dang / dbul bar 'gyur ro/ /de sdom pa ma yin pa'i rgyus de dag rnams kyis lus zhig nas shi ba'i 'og tu thabs ma yin par lhung nas dmyal bar skye bar 'gyur ro/ /de'i phyir na rtag tu phan par 'dod pa'i skyes bus sdom pa 'jig rten pa rnams kyang bsrung bar bya'o/ /sdom pa la gnas pa'i rgyu des yid shin tu brtan par 'gyur ro/ /sems kyi rgyud shin tu bzang bar shes nas kyang grogs po rnams kyis kyang yid ches par 'gyur ro/ /mchog tu gsang bar gyur pa'i rgyal po'i don mchog tu rgya che ba'i rin po che rnams sam/ gser dang rdzas kyi rigs gzhan rnams la yang rung ste/ sdom pa'i sems dang ldan pa la kun gtod par byed do/ /byas nas kyang zhe sdang ba rnams kyis de dag ji lta ba bzhin du sdom par byed pa rnams la gnod pa bya bar yang mi nus so/ /gros blo rnams kyis kyang sdom pa 'jigs par mi byed la/ rang gi skye bo dang / grogs po</font><hr>65.92a<br><font size=+1>

dang / yid mthun pa rnams kyis kyang 'jigs par mi byed kyi legs par gnas pa dang ldan pa de la gnyen bshes kyi skye bo rnams kyis mchod par byed do/ /yid ches pa'i gnas su 'gyur ro/ / slob dpon bzhin du yang slob dpon rnams kyis kyang legs par sgrub par byed do/ /sdom pa bdun 'dzin pa rnams ni rgyal pos kyang mchod par byed do/ /grogs po dang / skye bo dang / gnyen bshes rnams kyis kyang de bzhin te/ de la skye bo thams cad kyis phun sum tshogs par rdzas sgrub par byed do/ /'di la yang don ma yin pa cung zad tsam yang bya bar mi nus so/ /de mchog tu nor dang ldan par 'gyur ro/ /de rdzas rnams phun sum tshogs pas sbyin pa ni gtong bar byed do/ /bsod nams dag ni byed do/ /gcig tu legs par gnas pa'i blo nyams pa med pa'i rgyu de dag dang gleng gzhi de las lus zhig nas shi ba'i 'og tu mtho ris bde 'gro'i 'jig rten lha rnams su skye'o/ /de de ltar rang bzhin gyis kyang ma bsdams par gyur cing gzhan rnams kyis kyang rnam par smad pa rnams ni phal che bar yang 'jig rten las 'das pa'i las blo g.yo ba dang bcas pa'i blo gar yang gnas pa med pa las dang 'bras bu'i rnam par smin pa rnams la ldongs pa rnams ni sdom pa med pa'i khyim rnams su skye bar 'gyur ba 'am de yang na rkyen des sdom pa cig kyang med par gyur la/ ji ltar dge slong gi cha byad 'ba' zhig tsam 'dzin pa dung gi sgra dang mtshungs par kun na spyad pa/ sdom pa la bsnyad nas sbyin pa po dang sbyin bdag rnams slu bar byed do/ /sangs rgyas bcom ldan 'das kyi sdom pa ji lta bar bdag 'dzin pa yin zer la/ de sdom pa 'dzin pa yang ma yin no/ /de'i lus tshul khrims dang yang dag par ldan pa yang ma yin no/ /de ni slu ba po dang / rkun ma lha dang bcas pa'i 'jig rten dang / bdud dang bcas pa'i 'jig rten dang / dge sbyong dang bram zer bcas pa'i</font><hr>65.92b<br><font size=+1>

rigs kyi skye dgu dang / lha dang mi dang / lha ma yin dang bcas pa'i 'jig rten pa rnams slu bar byed pa po yin te gzhan rnams slu ba po ji ltar shes par gyur pa de ltar sgrub par mi byed pa de ni de ltar stong pa/ nang na ci yang med pa/ snying po med pa dbu ba'i phung po dang 'dra bar ji skad du smra ba de ltar mi byed pa'i skye bo thams cad slu ba po/ g.yo che ba'i mchog tu gyur pa/ tshul 'chos 'ba' zhig pa de rab tu phal che ba'i gnas mal dang nad kyi rkyen sman rnams gyis byin pas 'khor bar rtag tu bying zhing nub par 'gyur ro/ /dmyal ba rnams nas dmyal ba rnams su yang sdig pas bgrod pa yin no/ /tshul khrims 'chal pa sdig pa can mi shis pa'i skal ba can de la 'os ma yin par gyur pas gang dag dge 'dun dbang bar gyur pa'i sa gzhi rnams kyis kyang bar chad 'gyur ba ni tshul khrims dang ldan pa'i dge slong rnams kyir sa de dag sbyin pa po sbyin bdag rnams kyis nye bar spel ba'i rgyu gang dag gi phyir te/ sdom pa dang mi ldan pa rnams kyis kyang ma yin na tshul khrims 'chal pa'i sdig pa can de dag rnams kyis ni gom pa 'bor ba dang kun 'dra bar byed pa tsam gyis kyang brgya phrag tu yang bar chad du 'gyur zhing yang lus kyis gnas mal dang / nad kyi rkyen sman dang / longs spyod gzhan rnams lta smos kyang ci dgos/ de nas de'i dus na bcom ldan 'das kyis tshigs su bcad pa gsungs pa ji ltar/ gang 'di dge slong ma bsdams pa/ /rkun ma rnams las 'di rkun mchog /nang nas rnag gi khu ba 'bab/ /chos gos kyis ni phyi rol bsdams/ /snying po thams cad dang bral ba/ /dbu ba'i phung po'i rang bzhin ltar/ /de bzhin 'khor ba chang stong 'di/ /de bzhin log par dge slong smra/ /dge 'dun dkon mchog phyir byas nas/ /tshul 'chal de ni dmyal ba ste/ /lus zhig nas ni dmyal rnams su/ /'khrid pa sems kyis bslus pa yin/ /chos 'dul ba ni bslu byas nas/ /</font><hr>65.93a<br><font size=+1>

ltung bar rang gi las kyis yin/ /dri ma'i mun pa rnam dkrigs nas/ /sdug bsngal skal ba can du 'gyur/ /dge ba'i las kyis gos med pa'i/ /gcer bu la ni bzang skyug bro/ /ji ltar chos ni phyir byas nas/ /dmyal ba 'jigs par 'khrid par byed/ /mdzes pa min pa'i dmyal rnams kyis/ /sdug bsngal sgo ni ma bsdams pa/ /'khor ba'i 'ching ba mi bzad pa/ /tshul 'chal zhes bya 'di la rjod/ /gang gis ma bsdams pa bsregs na/ /de ni me yis shin tu bsregs/ /spyod pa nyams pa de yi ni/ /log par ltung ba rtag par gnas/ /yid rnams bsdam pa med gnas pas/ /de srid du ni spyod sdom pa/ /de ni rmongs pa spyod tshul 'chos/ /dmyal ba rnams su nye bar 'ongs/ /de ni nyin mtshan thams cad du/ /mi dge ba rnams 'phel bar byed/ /gang yang tshul khrims rin chen 'di/ /tshul khrims 'chal pas nges par lhung / /stong pa'i chos la chags pa dang / /mun pas kyang ni kun sgribs pa/ /sna tshogs bsam pas nang rtog pa'i/ /de la skabs ni dmigs ma yin/ /bsdams min rang bzhin zhags pa yis/ /dri ma mkhas pas nam spangs pa/ /tshul khrims 'chal pa sdig pa can/ /tshul khrims spangs pas 'dren par byed/ /bsdam pa med par tshul 'chal ba/ /sdig pa dang ni lhan cig 'grogs/ /'dod pa rnams ni bsten pa yang / /'di dag dmyal ba'i pho nya yin/ /ma bsdams pa dang rmongs pa dang / /tsab hral gyi ni khyad par gyis/ /sdig pa'i las dang mngon ldan pa/ /dmyal ba shin tu ring ba min/ /las rnams ci 'dra'i 'bras yin na/ /ci yi phyir na der mi 'gro/ /bdag nyid 'joms byed kun rmongs pa/ /gang la dga' bas rnam par rmongs/ /sdig pa'i chu bo bzod dka' ba/ /nyin dang mtshan du 'phel ba yin/ /sdug bsngal rlabs phreng rba rlabs can/ /des kyang rang gi skye bo 'phrog /gang dag gis ni chos</font><hr>65.93b<br><font size=+1>

bslus pa'i/ /de rnams yid ni bde ma yin/ /sdam pa med gnas skyes bu ni/ /dge ba'i chos rnams rnam par spangs/ /dge ba'i lam 'di bde legs yin/ /chos gang go 'phang bdag nyid can/ /go 'phang de thob rjes skyes pa/ /'gyur med go 'phang rab tu 'gro/ /rang 'byung bsnyen gnas bsam gtan dang / /gang zhig dam pa'i spyod mngon dga'/ /sdom pa la gnas rtag tu dul/ /de rnams la ni sdug bsngal med/ /sdom min dri ma 'di dag gis/ /dri ma byed pa'i mi gang ni/ /bslab pa'i gzhi las yongs nyams pa/ /de ni dmyal ba'i skal ldan yin/ /de ltar rtogs nas mi rnams kyis/ /sdom pa thams cad rab tu bsgrubs/ /srid pa'i rgya mtsho thams cad du/ /gang phyir sdom de nyams myong 'gyur/ /de ltar mi rnams thams cad la ma bsdams pas 'jig rten las 'das pa'i lam la bar chad byed par 'gyur ro/ /ji ltar sdom pa ma yin pas lha rnams kyi bar chad byed par 'gyur na 'di na las dang 'bras bu'i sa pa'i 'jig rten 'dir tshul khrims rnam pa bdun po rnams kyis nye bar bskyed pa'i bde ba gang yin pa de mtho ris 'dir bag med par gnas pas zad par byed do/ /de dag rnams kyi de zad pa dang slar yang mi 'byung ste/ ji ltar mar me'i snum dang sdong bu zad pas 'od zer zad par 'gyur ro/ /de bzhin du ji ltar sdom pa med pa 'jig rten las 'das pa'i lam gyi bar chad byed par 'gyur na 'di lta ste/ tshul khrims la spyad pa'i skyes bu rnams ni mtho ris su skye bar 'gyur ro/ /der skyes pa na 'di ltar sems par byed de/ ji ltar bdag mi rnams su sdom pa rnam pa bdun gyis 'dir skyes pa lha rnams dang mnyam pa'i nang du skyes par gyur to/ /de la lha de ni sdom pa gang la rtse gcig tu spyod par byed de/ las dang 'bras bu rnams mthong ba dang ston par yang byed do/ /ji ltar 'dir skyes pa thams cad ni sdom pa las rab tu byung ngo zhes bya ba ste/ </font><hr>65.94a<br><font size=+1>

de tsab hral can du gyur pa'i yid dang yul rnams dga' bar gyur pas kyang phrogs pa'i blos thos par mi 'gyur ro/ /rab tu sgrub par mi byed do/ /sdom pa la dad pa skye ba ma yin/ las dang 'bras bu'i rnam par smin pa rnams la 'di ste/ yul rnams la rgod pa dang ldan pa'i blor gyur pas des sdom pa de dag rnams nye bar 'joms pa dang / chos rnams la yang spyod par mi 'gyur ro/ /de dge ba las nyams pas nges par ltung ste/ rnam pa de lta bu'i ngang tshul gyis mtho ris su skye bar mi 'gyur ro/ /'jig rten pa dang 'jig rten las 'das pa yang ma yin no/ /de ltar chos gsum pa sdom pa med pa zhes bya ba bar chad byed par 'gyur ba yin no/ /de la lha rnams kyi chos bzhi pa gang dag gis lha dang mi rnams kyi bar chad byed par 'gyur na 'di lta ste/ le lo'o/ /le lo la mngon par dga' ba rnams kyang de kho na bzhin du mi rnams la thams cad dang / rnam pa thams cad 'jig rten pa'i chos thams cad mi 'byung ngo / /le lo la dga' ba de chos bdun dang yongs su 'bral te/ bdun gang zhe na/ ji ltar kun nas nga rgyal bas le los brtson 'grus mi rtsom mo/ /gang dbang byed pa dang mi ldan pas yongs su nyams so/ /kun nas nga rgyal ba las kyang yongs su nyams par 'gyur ro/ /longs spyod rnams las yongs su nyams par 'gyur ro/ /yul shes pa las yongs su nyams par 'gyur ro/ /'jig rten pa'i thams cad las de nyams par 'gyur ro/ /skyes bu dam pa la brten pa dang 'jig rten pa'i gtam dang 'brel ba las kyang yongs su nyams so/ /de 'jig rten pa'i don thams cad las yongs su nyams pas kun tu rmongs par 'gyur ro/ /don lhag ma du ma chud zos par 'gyur ro/ /de ltar mi rnams kyi 'jig rten pa'i don thams cad kyi bar du gcod par 'gyur ro/ /le lo ji ltar mi rnams kyi 'jig rten las 'das pa'i chos</font><hr>65.94b<br><font size=+1>

rnams kyi bar chad byed par 'gyur na/ 'di na le los le lor gyur pa'i skyes bu rnams ni sha shis khyim gyi las kyis 'jigs pas rab tu 'byung ste/ ji ltar bdag rab tu byung la rab tu mang ba'i gnas mal dang / nad kyi rkyen kyi yo byad rnams la longs spyod par bya'o/ /bdag nub mo yang las bya mi dgos la nyin mo yang ma yin te/ sgyu snyom des rab tu 'byung ngo / /rab tu byung ba de dam par byas te gsol ba 'debs par mi byed/ don dang bya ba mi byed/ bsam gtan la mngon par brtson pa'i rang bzhin can ma yin no/ /mthar thug pa nyid ni ma yin gyi le lo'i skyon gyis nyams smad pa yin no/ /gang gi tshe brgya la rab tu mang ba'i rnyed pa dang bkur sti la nye bar longs spyod do/ /tshul khrims dang shes rab la mngon par dga' bar mi 'gyur ro/ /blo dman pa de skyon des lus zhig pa na thabs ma yin pa log par ltung ba dmyal bar skye'o/ /de nas de'i tshe bcom ldan 'das gtsug tor can des tshigs su bcad pa gsungs pa ji ltar/ le lo las ni skal ba chung / /gti mug gis ni bcom pa'i sems/ /skye bo snyom las can thams cad/ /shis pa'i skye ba yod ma yin/ /sgyu snyom sdig pa can gyi chos/ /rmugs dang gnyid kyang de bzhin te/ /thar pa'i sgo ni rnam 'joms par/ /'gyur ba 'di ni 'bras bu che/ /khrel med ngo tsha med pa dang / /sdig pa'i grogs dang rgod pa ni/ /sdug bsngal gyi ni rgyu de dag /da la chags med mkhas pa yin/ /log pa'i nga rgyal mngon nga rgyal/ /nga snyam nga rgyal nga thams cad/ /sdug bsngal gyi ni ljon shing rgyu/ /de dag rtag tu yongs su spongs/ /le lo yi ni dbang gyur nas/ /lha yi 'gro gang dmyal bar brtsom/ /dbugs rgyu yang ni shi ba yin/ /de dag gson don yang 'bras med/ /le los nye bar bcom pa'i mi/ /gson pa na yang gson pa min/ /ro las kyang ni lhag de dag /'di ni sgyu snyom</font><hr>65.95a<br><font size=+1>

yin par shes/ /le lo'i 'dam du bying ba gang / /de ni sdug bsngal rgya mtshor bying / /gang la brtson 'grus brtsams yod pa/ /srid pa'i rgya mtsho las de rgal/ /le lo brtson 'grus dman pa gang / /zas la rtag tu dga' ba phyugs/ /de ni gson yang shi ba yin/ /shi nas kyang ni dmyal bar 'gro/ /mi gang sdug bsngal skal ldan pa'i/ /mi de phyugs dang mtshungs pa yin/ /gzhan gyi gong bu za ba'i lha/ /de yi rgyu ni le lo yin/ /phal cher le lo can rnams ni/ /gzhan gyi bu mos nye bar 'tsho/ /ro la lhag par chags pa dang / /'khrig pa la yang rtag tu dga'/ /de ni de nyid dpyod bral nas/ /zas 'ba' zhig la ched du byed/ /'chi ba'i dus ni byung ba na/ /rang gi sems ni sreg par byed/ /ji srid tsha grang lhan cig dang / /de bzhin bkres skom lhan cig du/ /de srid lus kyis bya ba gyis/ /gang phyir rtag tu mtshungs gyur pa/ /le lo'i blo ni bya min te/ /le lo snyom pa'i bdag nyid can/ /rtag tu 'khor bar de las gnas/ /sdug bsngal las kyang legs grol min/ /brgya yi nang na kha nyen zhing / /le lo can de 'jig rten 'bring / /tha mar yang ni co 'brur 'gyur/ /legs pa'i blo yang yod ma yin/ /skyon ni de dag rnams dang yang / /gzhan rnams dang yang yang dag ldan/ /'jig rten 'das pa'i lam las ni/ /phyi rol nyid dang bral ba yin/ /le lo can gyi skyes bu ni/ /'jig rten 'das las yongs nyams 'gyur/ /lha rnams ji ltar na 'jig rten pa dang 'jig rten las 'das pa'i chos 'dul ba las nyams par 'gyur zhing / ji ltar lha rnams kyi bar chad du 'gyur na 'di na le lo can 'jig rten pa'i lam gyis gal te na lan grangs gzhan la myong bar 'gyur ba'i las kyis sam/ gal te legs par byas pa rnams la dmigs par gyur pas sam/ gal te de ltar skyes par gyur la de le lo de nyid kyis nye</font><hr>65.95b<br><font size=+1>

bar bcom pas thams cad du 'dod pa'i sgra dang / ro dang / reg bya dang / gzugs dang dri rnams la yang kun dga' bar mi 'gyur ro/ /bskyed mos tshal dga' bar gyur pa rnams dang / rgyug pa dang snyong ba'i rang bzhin can du mi 'gyur ro/ /glu'i sgra'i rang bzhin la mi dga'o/ /glu len par mi byed do/ /nam mkha'i dkyil du 'phags par mi byed do/ /ri'i rtse mo nas ri'i rtse mor mi 'gro'o/ /rlabs kyi phreng ba nas rlabs kyi phreng ba rnams la bya'i rgyab du zhon nas rtse bar mi byed do/ /bde ba de nyid kyis nye bar bcom pa de'i drung du yang 'thab bral gyi bdag po 'gro bar 'gyur la/ des yul thams cad las kyang legs par sbyor bar mi byed do/ /de la yul de dag thams cad dgra'i tshogs su gyur pa'i le lo 'jig rten pa rnams yin no/ /ji ltar 'jig rten las 'das pa'i lam gyi bar chad yin na/ le lo can rnams 'di na lha gzhan gang dag dam pa'i chos nyan pa'i rang bzhin can du gyur pa rnams dang / de dam pa'i chos la dga' bar gyur pa rnams la yang de dag legs par sten par mi byed do/ /de dam pa'i chos la kha phyir phyogs par 'gyur ro/ /des ma thos pa'i chos rnams mi nyan no/ /thos pa rnams kyang 'dzin par mi byed do/ /goms par yang mi byed do/ /bla ma la nye bar brten par mi byed do/ /shes pa dang rnam par shes pa dang ldan pa'i rang bzhin can ma yin no/ /de dam pa'i chos las phyi rol du gyur pa dge ba thams cad dang rnam par bral ba/ 'khor ba na rtag tu yang 'khor bar gyur pa ste/ rtag tu yang sdug bsngal gyi skal ba can du 'gyur ro/ /de ci'i phyir zhe na/ yang dag pa'i lam dang bral ba'i phyir na mi rtogs shing yongs su mi 'grol lo/ /de le los nye bar nyams pas dmyal ba dang / yi dgas dang / dud 'gro dang mi rnams su skye bar 'gyur ro/ /de rga ba dang 'chi ba'i khog tses bcings pas shin tu sdug bsngal bas yongs su</font><hr>65.96a<br><font size=+1>

'khyam mo/ /de la le lo gcig po de nyid kyis don ma yin par byed pa ngan 'gro thams cad kyi rtsa ba 'khor ba thams cad kyi sa bon du gyur pa rab tu 'byung ba yin no/ /de'i phyir na gang dag 'khor ba las ldog par 'dod pa des rab tu brtson pas le lo yongs su spang bar gyis dang / de'i rtsa ba las gyur pa ma yin pa'i ri rgal bar mi nus so/ /skyon cig gis gos pas sdug bsngal gyi rgya mtsho las rgal bar yang mi nus so/ /gzhan yang skyon bzhi pa las shin tu 'das nas gzhan chos lnga pa lha dang mi rnams kyi bar du gcod par 'gyur ba rnams gang zhe na/ 'jig rten pa dang 'jig rten las 'das pa'i lam gyi 'di lta ste/ mi bzad pa'i 'dod pa ni lha dang mi rnams kyi 'jig rten pa dang 'jig rten las 'das pa thams cad kyi bar du gcod par 'gyur ro/ /ji ltar lha dang mi rnams kyi 'jig rten pa'i lam la rnam par dmad par bya ba mi bzad pa'i 'dod pa yin na 'di lta ste/ khyim la gnas nas skyes bu 'dod pas zil gyis gnon par 'gyur te/ de ni chos la nges par mi dga' ba/ rtag tu yang nor la ched cher byed pa yin te/ gzhi des nyin mtshan med par yang nor rnams kyi sred pa snying la 'jug par byed do/ de ji lta ji ltar rdzas rnams 'byung ba de lta de ltar phyir zhing yul gzhan rnams 'dod pa snying la 'jug go/ /de ni 'di ltar 'gyur te/ bdag gis sgyus nye bar 'tsho ba'i rnam grangs gang gis gzhan bslu bar bya zhes te/ rtag tu yang gya gyu'i dpyad ra bar 'gyur ro/ /des gzhan rnams la yang de bzhin du yul de dag la 'dod pa skyed par byed do/ /g.yo sgyu rnams nye bar bsten no/ /chos ma yin pa phal po ches gnas par 'gyur ba'i las kyi bya ba rnams la 'jug par byed do/ /de dag de bzhin du brnab sems mang bar 'gyur ro/ /ji ltar gang dag gzhan gyi rdzas yin pa de rnams nga'i yin par gyur na zhes des de ltar yid kyis bsams nas kyang</font><hr>65.96b<br><font size=+1>

gzhan rnams la yang de bzhin du dga' bar byas nas des gzhan rnams dang yang lhan cig tu g.yo sgyu byas pas gzhan rnams slu bar byed do/ /bslus nas kyang rab tu dga' bar 'gyur ro/ /ji lta bu'i legs pa cig bdag gis bya ste/ yul de'i nyo tshong gis g.yo zol dang ldan pas gzhan rnams kyang bslus nas nor phrogs pas bdag la 'di snyed cig 'phel ba zhes de ltar de ro myang bar byed do/ /sgom par byed do/ /lan mang du byed do/ gzhan rnams kyang des sdug bsngal bar byed par 'gyur ro/ /'dod pa mi bzad pas zil gyis mnan nas de yul ljangs rnams 'joms par byed par 'gyur ro/ /grong khyer rnams dang yul ljongs rnams phung bar byed pa por 'gyur ro/ /skye bo thams cad kyis yongs su spangs pa por 'gyur ro/ /de bzang po rnams thams cad kyis rnam par gshes pa dang yongs su spangs par yang 'gyur te/ yul gyi tsher ma/ grong gi tsher ma/ grong khyer gyi tsher ma/ yul 'joms pa po dang / greng 'joms pa po dang / khyim 'joms pa po dang / rigs 'joms pa po dang yang rtag tu yang dag par ldan pa gzhan rnams la gnod par byed pa po lus zhig pa dang / ngan song log par ltung ba dmyal ba rnams su skye bar 'gyur ro/ /de ltar 'jig rten pa'i yul rnams la 'dod pa dang ldan pas ni mi rnams kyi bar du gcod par gyur to/ /'dod pa mi bzad pa goms par byas pa ni slar yang rab tu 'phel bar 'gyur te/ ji ltar me rnams la shing bsnan pa de lta de ltar rnam par 'phel lo/ /de kho na bzhin mi bzad pa'i 'dod pa ji lta ji ltar rdzas rnams rnyed pa de lta de ltar phyir zhing rab tu 'phel te/ brnab sems par gyur pa dang lhan cig du spyod pa'i phyir ro/ /de'i phyir na skyes bu chos byed pa rnams kyis rab tu brtson pas kyang 'dod pa mi bzad pa rnams rab tu gzhom par bya'o/ /rgyu gang</font><hr>65.97a<br><font size=+1>

gis 'dod pa 'di dri ma rnams kyi mchog yin pa ni 'di lta ste/ nor skyed pa'i dri ma rnams so/ /dri ma de dag gis nye bar bcom pa'i skyes bu rnams kyang dmyal bar nye bar rgyug pa yin no/ /de nas de'i tshe bcom ldan 'das gtsug tor can des tshigs su bcad pa gsungs pa ji ltar/ g.yo skyed pa'i nyo tshong gis/ /gang zhig gzhan gyi nor 'phrog pa/ /de ni brnab sems mang 'gyur nas/ /rtag tu gnod pa bya bar sems/ /nyin mtshan med par de dag gis/ /snying ni bde bar gnas ma yin/ /yid ni 'dod pa'i dbang gyur nas/ /gzhan gyi nor la 'dod byed pa/ /mi bzad rnams kyi rang bzhin ni/ /de dag me dang 'grogs par rung / /mi rnams thams cad rnam 'jigs pa/ /mi bzad dug can sbrul bzhin no/ /'dod gang mi bzad pa 'di yis/ /dbang du bsdus pa'i mi rnams ni/ /de shi nas ni dmyal bar 'gro/ /yi dgas skye gnas de bzhin te/ /de las kyang ni rnam grol nas/ /dmyal ba'i mes ni kun gang bar/ /skye ba lnga brgya rnams su ni/ /gzhan gyi 'dod pa der 'gro'o/ /nyi ma rgya che'i bzhin rnams ni/ /rtag tu sdug bsngal skal ldan yin/ /sems ni 'dod pas nyer bcom par/ /mi rnams thams cad gyur pa yin/ /rgyud gang 'dod pa rab spangs pa/ /rtag tu ye shes la dga' ba/ /rdzu 'phrul dang ldan rtag tu zhi/ /de ni 'gro ba'i mchog tu 'gro/ /mi bzad sbrul gyi bzhin 'dra ba/ /nges par snying la 'dod pas gang / /'dod pa mthong ba dug can sbrul/ /log par ltung la rtag tu gnas/ /'dod pa rtag tu byas gyur na/ /de dag yang dang yang du 'phel/ /shing skam dang ni legs phrad nas/ /me ni rab tu 'phel ba ltar/ /skyes bu nor gyis sred gdungs pa/ /nor skyed pa la ched cher byed/ /nges par 'chi ba'i dus byung na/ /dbang byar med par nor rnams gtong / /gang phyir de 'byung gzhom pa ni/ /'phel bar 'gyur bas</font><hr>65.97b<br><font size=+1>

rnam par 'jig /gang phyir 'dod des bdag bcings pas/ /mi ni dmyal bar khrid ma yin/ /nor de gzhan gyi za ba yin/ /de ni sdig gis gos pa yin/ /don min don gyi gzugs kyi dang / /bde ba'i gzugs kyis bde min yang / /dgra bo grogs po'i gzugs kyis kyang / /'dod pa snying la 'jug pa yin/ /'dod goms ma byed shes rab can/ /'dod pa'i me yis rtag tu sreg /de yis skyes bu rab bsregs pas/ /phyi nas dmyal bar 'gro ba yin/ /'dod pa mtshungs pa gang phyir 'di/ /mi rtag ri yi 'jig pa yin/ /blo gros ngan pas sdig byas pa/ /de dag don ni ga la yod/ /de ltar 'dod pa mi bzad pa rnam pa thams cad du don ma yin zhing dgos pa rnams mi bsgrub pa'o/ /de ltar 'jig rten pa'i mi zad pa'i 'dod pa rnams kyis mi rnams la bar du gcod par 'gyur te/ mi bzad pa'i 'dod pa goms par byas pa'i phyir ro/ /gzhan yang rab tu 'phel ba nyid de/ ji ltar me shing dang phrad pa de lta de ltar rnam par 'phel ba yin la de kho na bzhin du 'dod pa mi bzad pa ji lta ji ltar nor rnams rnyed pa de lta de ltar phyir zhing rab tu 'phel te/ brnab sems dang yang lhan cig du spyod par 'gyur bas na de'i phyir na skyes bu chos byed pa rnams kyi rab tu brtson pa du mas kyang mi bzad pa'i 'dod pa rnams rab tu gzhom par bya'o/ /lha dag 'di na skyes bu gang zhig sbyin pa la mngon par dga' bas tshong par gyur te/ de dag dge sbyong dang bram ze rnams la rin chung dun gyis zas dang skom dag blangs nas/ sbyin pa'i snyad kyi tshong gis yid rab tu drang bas tshong byed do/ /yon tan gyi khyad par gyi gong gis rin thang med pa 'tshong ngo / /de yang bzhi log gam brgyad log tu byed do/ /sngar las lhag par bcu log tu yang byed de/ 'di ni 'dod pa mi bzad pa smad par bya ba rnams las gcig yin no/ /gzhan yang mi bzad pa'i 'dod pa ni 'di lta ste/ chos smra ba po</font><hr>65.98a<br><font size=+1>

rnams kyis chos bstan nas rdzas len no/ /nor de yang dkon mchog gsum la bsngo bar mi byed do/ /gzhan yang rnam par smad par bya ba'i 'dod pa ni gang dag ye shes la goms pa bskyed par gyur nas kyang rig pa lhag pa gsum po rnams 'dzin par byed pa ste/ rab tu byung bar gyur cing re ba med pa dang / kun nas dga' ba med par gyur pa de dag rnams nyid kyi 'dod pa 'di ni rnam par smad par bya ba yin no/ /yang rnam par smad par bya ba'i 'dod pa gzhan ni 'di lta ste/ gang zhig rab tu byung bar gyur nas kyang / sa las byas pa 'am/ ba so las byas pa 'am/ shing las byas pa 'am/ dngul las byas pa'i bcom ldan 'das kyi sku gzugs 'tshong bar byed pa'o/ /de dag rnams kyi 'dod pa 'di ni rnam par smad par bya ba'o/ /nor de yang chos la sngo bar mi byed do/ /de ltar mi rnams kyi yang 'jig rten las 'das pa'i chos rnams thob pa la 'dod pa mi bzad pa rnam par smad par bya ba skyug bro bar gyur pa rtag par rgyun tu mdzes par gyur pa ma yin no/ /ji ltar lha rnams kyi 'dod pa yin na de dag gi rnam pa sna tshogs pa'i bde ba rnams kyis rnam par rgyu ba rnams yin te/ de yang de ltar khyed rnams 'dod pa mi bzad pa mngon sum nyid du gyur pa ni ji ltar gser dang / dngul dang / bai dUr+ya dang / in dra nI la dang / ma hA nI la dang / shel gyi rang bzhin rnams kyi ri gang dag yin pa de dag la rtsed mo nyams su myong bar byed do/ /de la ri gcig las ri gzhan rnams la rtsed mo la 'gro ba rnams phos mos kyi tshogs kyis yongs su bskor ba de dag thams cad ni 'dod pas byas kyi gzhan gyis ni ma byas la/ lha khyed rnams yul gyi sred pa dang lhan cig tu 'dod pa gang yin pa de dag gis bcings nas rnam par lhung ba yang rtogs par mi byed cing ngan 'gro'i 'jigs pa rnams ma yin la/ mi 'dod pa yid du mi 'ong ba yul ljongs dang bral ba'i 'jigs pa yang med pa dang / nad kyis</font><hr>65.98b<br><font size=+1>

byas pa'i 'chi ba'i dus kyi sdug bsngal gyi 'jigs pa rnams kyang rtogs par gyur ta re/ lha khyed rnams kyang 'dod pas zil gyis mnan pa'i yid de dang / spyod pa de dag nyid kyis rab tu bzod dka' ba'i ris rnam par 'joms par 'gyur ro/ /de ltar lha de dag rnams rnam par 'bral ba dang / nad kyi 'jigs pa yang med par 'chi 'pho bar gyur pa na yang 'dod pa rnams kyis yid mi tshim mo/ /de ltar lha rnams kyis 'jig rten pa'i lam la yang mi bzod pa'i 'dod pa rnams kyis bar du gcod par byed par 'gyur ro/ /ji ltar 'jig rten las 'das pa'i lam gyis lha'i 'jig rten pa rnams kyi bar chad byed par 'gyur na/ 'di na 'dod pa'i sgra dang / reg bya dang / ro dang / gzugs dang / dri la rab tu 'jug par byed pa spyod pa dam pa ma yin pa la mngon par dga' bar 'gyur ro/ /'dod pa can gyi lha rnams ni lha gzhan 'dod pa chung bar gyur pa chos 'dul ba la phying ba par rjes su slob pa rnams la thos pas dga' bar byas pa'i yid can ma yin no/ /rtsa ba la chu ldugs pa bzhin du dge ba'i chos rnams thams cad la yang 'di lta ste/ chos kyi rtogs pa'o/ /chos kyi rtogs pa de yang thos pa med par mi 'gyur ro/ /de kho na nyid thos pa yang ji ltar rtogs par mi 'gyur ba dang / bag med pas bag med pa de yang ci'i rtsa ba las yin/ gang gi phyir 'dod pa'i rtsa ba las yin/ gang gi phyir 'dod pa'i rtsa ba'o/ /de'i phyir na 'dod pa spong ba po gang yin pa de thams cad mya ngan las 'das pa'i grong khyer du 'jug pa yin no/ /gang yang 'dod pas btsir ba'i yid can de dag rnams thams cad 'khor ba'i lam la rgyu ba yin no/ /de ltar na lha rnams 'jig rten las 'das pa'i lam la yang lha dang mi rnams kyis bar chad byed par 'gyur ro/ /de'i phyir blo dang ldan par gyur pas rab tu brtson pas 'dod pa mi bzad pa rnams spang</font><hr>65.99a<br><font size=+1>

bar bya'o/ /'di nas thams cad zang zing gi sbyin pa la rab tu brtson pa de'i rgyu 'thun pa'i 'bras bu'o/ /sbyin pa'i lam de dag rnams nyid ni lha rnams kyis bya bar mi nus par 'dod de/ mi gzi brjid che ba rnams kyis byas kyi lhas ni ma yin no/ /lha de mir gyur pa na rab tu rnyed dka' ba'i sbyin pa gang yin pa la mngon par dga' ba de gzhan gyis bslus par gyur pa ste/ rin po che'i gling las nyams pa'i tshong pa ngan pa bzhin te/ 'di ltar yang zang zing gi sbyin pa rnam pa du ma yod do/ /de la mi 'jigs pa'i sbyin pa gang zhe na/ mi 'jigs pa'i sbyin pa rnam pa gsum yin te/ srog yongs su skyob pa dang / nor 'phrog pa rnams yongs su skyob pa dang / de bzhin du gzhan gyi bu dang bu mo 'phrog pa yongs su skyob par byed pa'o/ /de la srog byin pas ni lha dang mi rnams su tshe ring bar 'gyur ro/ /nor 'phrog pa rnams yongs su bskyabs pa las rkun ma las legs par bsrungs par 'gyur ro/ /nor rnams dang yang ldan par yang 'gyur ro/ /rgyal po dang / rkun ma dang / chu la sogs pas 'di'i nam yang rdzas rnams 'phrog par mi 'gyur ro/ /rgyal por 'gyur ba dang / rgyal po'i blon po rnams su 'gyur ba dang / las de'i 'bras bus rdzu 'phrul che bar 'gyur ba dang / dbang che ba dang / skye ba gzhan thams cad du yang nor dang ldan par 'gyur ro/ /bu dang bu mo rnams kyi mi 'jigs pa byin pas ni bu dang bu mo rnams legs par bzung bar 'gyur ro/ /lha dang mi rnams su 'chi 'phro ba'i dus kyi tshe na yang de ltar rnam par mi spong ngo / /lha dag de la chos kyi sbyin pa gang zhe na/ de la rnam pa gnyis te/ 'jig rten pa dang / 'jig rten las 'das pa'o/ /de la 'jig rten pa ni bsam gtan bzhir nye bar 'gro ba'i 'jig rten pa'i shes pa dang yang dag par ldan</font><hr>65.99b<br><font size=+1>

pa byin pas lha dang mi rnams su bde bar 'gyur te/ lha dang mi rnams kyi nang du ste/ gal te log par lta bar ma gyur na'o/ /'jig rten las 'das pa'i chos kyi sbyin pa rnams btang bas rnam par byang ba'i lhar 'dod pa na spyod pa rnams sam/ gzugs na spyod pa rnams su'o/ /de gal te 'dod pa na spyod par skyes na de dgu bcu rtsa brgyad kyi sa la spyod pa'i 'dod pa na spyod pa'i lha'i ris drug ji lta ba'i gtso bo rnams su skye'o/ /gzugs na spyod pa rnams su yang skye ste/ mya ngan las 'das pa rtogs par yang 'gyur ro/ /'bras bu'i khyad par che ba rnams ni blo'i khyad par rnams kyis mya ngan las 'das pa lhag par rtogs par 'gyur ro/ /gnas gtsang ma'i rnams su yang skye'o/ /yongs su bsngo ba'i khyad par gyis rgyal por yang 'gyur te/ 'khor los gling bzhi la sgyur ba gser gyi 'khor lo can rin po che dang nye ba bcu bzhi dang yang yang dag par ldan pa'o/ /yongs su bsngo ba'i khyad par gyis kha dog dang ldan par 'gyur ro/ /yongs su bsngo ba'i khyad par gyis zag pa rnams zad pa dang / rang sangs rgyas dang / brtson 'grus dang ldan par yang sems kyi bsngo ba'i khyad par gyis 'gyur ro/ /sangs rgyas bcom ldan 'das dgra bcom pa/ rig pa dang zhabs su ldan pa/ bde bar gshegs pa/ 'jig rten mkhyen pa/ bla na med pa/ skyes bu 'dul ba kha lo sgyur ba/ lha dang mi rnams kyi ston pa sangs rgyas bcom ldan 'das su yang chos kyi sbyin pa de'i khyad par gyis 'gyur ro/ /de la lha de rnams ni sbyin pa rnam pa gsum po 'di dag rnams dang bral ba yin no/ /de ltar byas pas lha rnams kyi drung na mi rnams lhag pa yin no/ /lha rnams ni rnam par smin pa'i sa pa yin no/ /las kyi sa pa ni mi rnams yin te/ las rgya che ba las 'bras bu rgya che ba</font><hr>65.100a<br><font size=+1>

yin pa'i phyir na lha dang mi de rnams yin no/ /las dang 'bras bu'i khyad par 'dis mi rnams kyi drung na lha rnams chung bar gyur pa yin no/ /gzhan yang las kyi rnam par dbye bas skye bar gyur pa rnams ni gang dag sbyin pa dang bral ba 'ba' zhig la sgrub par byed pa de dag ni yon tan gcig pu zhig dang ldan pas ni 'dod pa'i yon tan lnga shin tu chung bar 'gyur ro/ /de la las kyi rkyen bstan pa 'dis ni mi mchog rnams su 'gyur gyi lha rnams su ni ma yin no/ /de nas de'i tshe na bcom ldan 'das rnam par gzigs des tshigs su bcad pa gsungs pa ji ltar/ mi yi sa la skyes byin 'dis/ /dge ba'i 'gro bas 'gro ba yin/ /lha rnams dga' ba min par 'dod/ /gang phyir 'bras bu'i sa 'dir 'dod/ /las kyi sar ni mi rnams yin/ /'bras bu'i sa ni lha yi gnas/ /'bras kun las kyi lam las yin/ /'bras bu zad pas rgyu med yin/ /skad cig dbang gis myur bar yang / /srog ni bzlog par nus ma yin/ /las rnams kyang ni zad par gyur/ /de phyir yid ni legs par gyis/ /sems kyi shugs ni mtshungs par kun/ /gson pa rnams ni 'god pa yin/ /de phyir gson pa'i don du ni/ /mkhas pas sdig pa ma byed cig /ma 'ongs pa yi sdug bsngal ni/ /skye bo'i tshogs kyis mi rtogs so/ /'di na 'jig rten 'tshed pa rnams/ /gti mug phyugs kyi tshogs rnams yin/ /sbyin dang tshul khrims dka' thub ni/ /rin chen gang dag snying la sten/ /lha 'am yang na mi yang rung / /de ni 'gro ba'i mchog tu 'gro/ /skye dang gnas dang 'jig pa ni/ /'dus byas thams cad yin par brjod/ /'dus byas thams cad bde ba min/ /de dag 'jig pa kho na yin/ /'jig par 'gyur dang rnam nyams dang / /'bral dang skad cig de lta bu/ /gson pa kun gyi</font><hr>65.100b<br><font size=+1>

bde ba yin/ /de phyir de ni spang bar gyis/ /de ltar 'dus byas de dag thams cad mi rtag pa/ sdug bsngal ba/ stong pa/ bdag med pa ste/ skye bo dag sdug bsngal rnam pa du ma'i khur gyis non pa/ 'ching ba lngas bcings kyang skyo bar mi 'gyur bar lha dang mi rnams gti mug gis zum pa'i mig dang / 'dod chags snying la sems pa'i yang dag pa ma yin pa'i 'ching bas bcings pa/ gcig tu na don du kun nas mngon par zhen pa'i yid can ni byis pa so so'i skye bo thams cad yin te/ phan tshun du sred pa brgyud pas bcings pa'i bya bzhin du 'khor bar 'khor ba de rnams la lha 'am mi rnams kyis kyang bde ba rtag pa'i blo ni mi bya'i 'jig rten 'di thams cad ni rnam pa mang po dang / rnam par rtog pa du mas mi rtag par thams cad du 'gyur ro/ /gang yang sbyin pa yon tan bcu gnyis dang ldan pa'i sbyin pa gang yin pa ni lha rnams la mi dmigs te/ 'bras bu 'ba' zhig gis 'tsho ba rnams gang gi tshe 'bras bu zad par 'gyur ba dang / rul par 'gyur ba dang / rnags par gyur pa de'i tshe lha'i ris de rnams las ltung bar 'gyur te/ de dag gang gi tshe bsod nams zad par gyur pa na nges par ltung bar yang 'gyur ro/ /de la yon tan bcu gnyis dang ldan pa'i sbyin pa rnams gang zhe na/ 'di lta ste/ yul phun sum tshogs pa dang / dus phun sum tshogs pa dang / yon tan phun sum tshogs pa dang / dga' ba phun sum tshogs pa gang la dga' bar 'gyur bar de rab tu ster ba dang / zhing phun sum tshogs par gyur pa dang / bkres pa dang / skom pas 'ongs pa rnams la gang dag ster ba dang / dad pa dang gus pas rab tu ster ba dang / nyon mongs pa med pa yon tan phun sum tshogs pa la rab tu ster ba dang / rgya chen pos rab tu bsgrugs pas ster ba dang / gus pas dang gang zag ma yin</font><hr>65.101a<br><font size=+1>

pa'i tshogs la rab tu ster ba dang / phrag dog dang bral bas rab tu ster ba dang / nyams pa med par gus pa'i bkur stis ster ba ste/ de la yon tan bcu gnyis po de dag dang ldan pa'i sbyin pa byin la tshul khrims phun sum tshogs na lha rnams su skye'o/ /lha ni de dag zad nas nges par ltung bar 'gyur ro/ /de'i phyir na lha dag gis bag med par gnas par mi bya'o/ /phyi ma yang dri ma bcu gnyis dang rnam par bral bar byas nas sbyin pa byin par gyur na ni chen po la 'os par 'gyur te/ 'khor los sgyur ba'i rgyal po 'am/ lha rnams sam/ lha gzhan rnams las lhag par yang 'gyur ro/ /dri ma bcu gnyis po rnams ni 'di lta ste/ gcig gi nang du gtogs pa rnams dge 'dun gyi gtogs pa rnams dang / bslab pa mtshungs pa rnams dang / shes rab dang / yon tan phun sum tshogs pa rnams la mnyam por sbyin pa byin pa ni dri ma mi bzad pa'i sbyin pa de dag rnams kyi 'bras bu ni chung bar 'gyur ro/ /'dod chags kyis star bar gyur pa gang la 'dod chags par gyur pa bud med dam skyes par gyur pa la yang rung ste de la ster ba'o/ /de la de dag ni dri ma yin no/ /dge sbyong ngam bram ze gang dag rgyal pos mchod par byed pa de la dang sbyin pa po rab tu mang po can rnams la sbyin pa dang / ji ltar sdug bsngal 'di dag las 'dis yongs su skyong snyam pa dang / sems kyis bsgoms pa yang ma yin pa dang / de la dgos pa de dag rnams kyi rgyu mtshan gyis sbyin pa dri ma can du 'gyur ro/ /gang dag gis de las bzlog par sbyin par bya'o/ /gzhan yang sbyin pa dri ma can rnams yod do/ /de dag gang zhe na/ 'di lta ste/ gti mug gis sbyin pa dang / gya gyu la sogs pas so/ /gzhan yang sbyin pa dri ma can rnams yod do/ /mchod pas kyang mchod pa po zhes bya ba gang gis tshul khrims dang shes rab dang rab tu zhi ba'i</font><hr>65.101b<br><font size=+1>

bsam gtan rnams ni mi sgom gyi gzhan mchod pa 'ba' zhig byed de/ de ni gzhan gyi rkyen gyis 'dir kun mchod par byed de/ de sems pa dang yang bral ba yin no/ /de'i tshe 'di dag yang dri ma can yin no/ /gzhan yang sbyin pa dri ma can rnams yod de/ 'di ltar ngor byas nas ster bar bye ba'o/ /de la 'di dag kyang dri ma can yin no/ /gzhan yang sbyin pa dri ma can rnams yod de/ nor gyi thabs kyi dbang du byas nas ster ba'o/ /ji ltar sbyin pa des bdag gi nor gyi thabs kyis nor nye bar 'dzin te/ 'di yid ches pa bskyed la bdag gis gzhom par bya'o/ /de la 'di yang sbyin pa'i dri ma yin no/ /gzhan yang sbyin pa dri ma can yod de/ 'di lta ste/ byed pa 'i don du ster ba'o/ /ji ltar 'di na bdag gi bud med du byas pas de dang de'i rtsa lag tu sngon gyur pa zhes byas la de gzhom par bya'o snyam pa'o/ /de la 'byed par byed pa de dag rnams ni dri ma'i dbang du gyur par mthong ba yin no/ gzhan yang dri mas nye bar bcom par gyur pa'i sbyin pa yod de/ 'di lta ste/ 'bril pa'i don gyi sbyin pa bud med gang dag skyes pa'i don du 'brel bar byed pas skyes pas skyes pa rnams la sbyin par byed do/ /de la de dag ni dri mas nye bar bcom pa'i sbyin pa yin no/ /gzhan yang dri mas nye bar bcom par gyur pa'i sbyin pa rnams ni dper na gang dag tshong gi rgyu mtshan gyis gzhan du yang zas 'dzin nam/ rgyu mtshan gzhan du yang zas 'dzin nam/ rgyu mtshan gzhan lo lnga par yang rung ste/ zas de dag rnams nyid kyang gong chen pos ster bar byed de/ bsdu ba'i don du'o/ /de dag rnams la nye bar byin nas kyang rdzas kyis khyim byed do/ /de las de dag rnams sog pa'i tshong gi sbyin pa dri mas nye bar bslad pa yin no/ /gzhan yang dri mas nye bar bslad pa'i sbyin pa yod de/ dper na grags pa'i sbyin pa rnams so/ /bu dang / rang gi skye bo dang / gnyen 'brel</font><hr>65.102a<br><font size=+1>

rnams sdug phongs su gyur pa rnams la ste/ de yang 'di dag rnams la sems pa dang bral ba/ dregs pa kho nas sbyin pa gtong bas na grags pa'i sbyin pa de ni dri mas nye bar bcom pa yin no/ /de dag rnams thams cad kyang gal te sems dang bral bar gyur na de dang 'dra bar 'gyur ro/ /gal te sems khyad du 'phags pa las kyang dri ma dang bral bar 'gyur ro/ /dper na gos dri ma can rnams thal bas dri ma med par byed pa de bzhin du sems kyis bsgoms par 'gyur bas so/ /yang de'i tshe bcom ldan 'das rnam par gzigs kyis tshigs su bcad pa gsungs pa ji ltar/ yon tan bcu gnyis yang dag ldan/ /dri ma bcu gnyis dang bral ba/ /sbyin pa yongs su dag par 'gyur/ /de las bzlog pa'i kun rtog pa/ /lha rnams gang dag skyes bu yin/ /sbyin pa'i 'bras bu bla med min/ /sbyin pa dang ni bral sdig gis/ /skyes bu tha chad ltung ba yin/ /'dod pa ser sna'i dri ma dang / /bu dang bu mo'i dbang gis 'gro/ /zas 'ba' zhig la 'dod pa yi/ /mi ni 'chi bar 'gro ba yin/ /'dod pa'i mdud pas grol min dang / /yid kyi ljon shing zad pa yin/ /mun pa'i tshogs ni 'joms byed pa/ /rab sbyin 'dir ni sbyin byed pa/ /mchog la spyod pa sbyin pa dang / /sbyin pa po yang de rjes la/ /sbyin pa legs pa'i lam ston po/ /'jig rten pha rol du 'gro'o/ /sbyin pa'i chu yis bkrus pa'i mi/ /tshul khrims rlabs kyis yongs bsgos pa/ /shes rab rgya chen dri med pa/ /sbyin pas sdug bsngal zad par byed/ /skyes bu phan par 'dod pa yis/ /mar me gsum ni spang bar bya/ /sbyin dang tshul khrims de bzhin shes/ /de dag skyon rnams 'joms byed yin/ /sred pa rgya che'i ngan song ni/ /rnam rtog rlabs kyis kun du gang / /sdug bsngal rgya mtsho'i gzhir</font><hr>65.102b<br><font size=+1>

gyur te/ /shes dang tshul khrims kyis bsrungs yin/ /smyo ba dang ni myur ba yang / /gang dang de la nges par ltung / /sems kyi 'ching ba de dag rnams/ /sbyin tshul gnyis kyis legs par bsrungs/ /nyon mongs nad ni nges 'joms po/ /gsum po 'di ni smad du gnas/ /sbyin dang tshul khrims de bzhin shes/ /de dag rtag tu bde bar 'gro/ /bag med mi bzad pa yi sems/ /kun rtog gya gyu myur 'jug pa/ /shes rab la sogs gsum po 'dis/ /mi yi 'ching ba 'jigs par byed/ /skyon gang mer yang ma mthong bas/ /gang gis 'jig rten 'di bsreg go/ /me de ye shes chu yis ni/ /bcom nas mya ngan 'das par 'gro/ /de ltar bcom ldan 'das rnam par gzigs des mchod rten de la tshigs su bcad pa'i mdo mngon par bris so/ /de la sbyin pa de dag ni lha rnams kyi ma yin gyi mi rnams kyi'o/ /rgyu mtshan 'dis ni ches mchog tu gyur pa ni mi'i yin gyi lha rnams kyis ni ma yin no/ /de la sbyin pa de dag nye bar 'gro bar gyis la thams cad kyis yul thams cad bkyigs te rtag tu thabs med pa'i sems legs par bzung bar bya'o/ /gang gi phyir de bzung bas kyang shing chen po 'di 'gag par 'gyur ro/ /ye shes kyi me rnams kyis sreg par byed do/ /de bsregs pas mchog tu dga' ba'i bag med pa'i 'ching ba med pa mdzad pa med pa'i go 'phang thob par 'gyur gyis/ de'i phyir na bag med pa rab tu brtson pas kyang dgra bo bzhin du rab tu spang bar gyis shig /gzhan yang chos brgyad po lha rnams la spang bar bya ba mchog tu ngo tsha bar byed pa'o/ /'di yang gang zhe na/ 'di lta ste/ las rnams rab tu bstan pas rab tu ston na yang zas kyi dus na yang ngo tsha bar 'gyur ba ste/ las rnams rnam pa gsum po chung ngu dang bar ma dang chen po rnams kyi chung ngu dang bar ma dang chen por 'gyur ro/ /de la gzhan yang chung zad</font><hr>65.103a<br><font size=+1>

kyang sbyin par lha rnams kyis mi nus so/ /las rnams la 'pho ba yang yod pa ma yin no/ /de la gang gi tshe lha rnams zas kyi bya ba'i las byed pa de'i tshe gang gis rnam pa ji lta bu'i sbyin pa dag byin par gyur pa dang / tshul khrims bsrungs par gyur pa de'i rnam pa de lta bu nyid kho na'i zas rab tu 'byung ngo / /des gzhan gyi zas ches lhag pa dri dang / ro dang / reg bya phun sum tshogs pa de mthong nas mchog tu ngo tsha ba snying la 'ong ngo / /gang gi tshe nags dang / nye ba'i nags dang / rdzing bu dang / pad ma'i tshang tshing du rtse bar byed pa de'i tshe bde ba de dag thams cad las ci 'dra bar so sor nye bar gnas so/ /de la lha gzhan rnams lha gzhan rnams kyi ches lhag pa'i bde ba mngon par mthong nas mchog tu ngo tsha ba dang ldan par gyur te/ rang gi lus la zhum par 'gyur ro/ /lha rnams kyi lnga po 'di rnams ni ngo tsha ba'i rgyu yin te/ lnga gang dag ce na/ 'di ni zas kyi dus na lha gzhan dag gi bdud rtsi dri ma med pa rnams mngon par mthong la rang gi yang dri ma can dang dman par yang gyur pa kun nas nye ba na gnas nas za bar byed pa na mchog tu ngo tsha ba lta bu skye'o/ /'di ni lha rnams kyi ngo tsha ba'i rgyu dang po yin no/ /gzugs shin tu bzang ba rgyan dang cha byad mchog tu bzang ba mang ba lha gzugs bzang ba'i lha gzhan nye bar gnas pa de dag mngon par mthong nas/ lha gzhan rnams ngo tsha bar 'gyur ro/ /'di ni ngo tsha ba'i rgyu gnyis pa'o/ /gzhan yang ngo tsha ba'i rgyu gsum pa ni gang gi tshe/ nam mkha' la pad ma'i nags dang / nye ba'i nags dang / ri'i rtse mo gser dang / bai dUr+ya'i rang bzhin rnams la rtsed mo rtse ba'i don du lha rnams gang dag 'gro bar byed pa de'i tsha las kyi khyad par gyis shin tu myur bar 'gro bar 'gyur ro/ /lha gang dag las shin tu chung ba de 'gro ba bul bar 'gyur ro/ /de shugs dang ldan par 'gros kyis rjes su 'gro ba yang ma yin no/ /</font><hr>65.103b<br><font size=+1>

de rang gi gnas kyi lha mo'i tshogs de rnams kyi mdun du ngo tsha bar 'gyur ro/ /gzhan yang ngo tsha ba'i rgyu bzhi pa dper na gang gi tshe lha pad ma'i rdzing bu la sten pa de'i tshe lha gang gis rnam pa ji srid kyi las byas par gyur pa de'i rnam pa de srid kyi pad ma 'byung bar 'gyur ro/ /kha dog dang / dri dang / reg bya shin tu che ba de dag rnams mngon du legs par mthong nas kyang ji ltar 'khor gyi nang du 'jug pa na gtso bor gyur pa'i lha rnams shin tu ngo tsha bar 'gyur ro/ /gzhan yang ngo tsha ba'i rgyu lnga pa ni lha rnams so so la ngo tsha bar 'gyur ba'o/ /gang dag zhe na/ 'di lta ste/ stan rnams ni gang dag gis rnam pa ji lta bu dag gi las byas par gyur pa'i lha de dang de dag gi rnam pa de lta bu rnams su ste/ rnam pa de lta bu kho na'i stan rnams 'byung bar 'gyur ro/ /de la gang gis shin tu legs par byas pa'i las byas par gyur pa de dag rnams la ni bai dUr+ya'i rang bzhin dang / in dra nI la'i rang bzhin nam/ pad ma rA ga'i rang bzhin gyi stan rnams rab tu 'byung bar 'gyur ro/ /stan de dag la lha gzhan gang dag 'dug par byed pa na las rnams nyung ba'i phyir na de'i tshe na stan de yang gser du 'gyur ba 'am/ de yang na dngul gyi rang bzhin du 'gyur ba 'am/ de yang na shel gyi rang bzhin du 'gyur ro/ /de'i tshe stan rnam par gyur pa de mngon par mthong nas las lci mo dang yang mo rnam pa sna tshogs pa yin pa kho nas lha de dag kun nas shin tu ngo tsha bar 'gyur ro/ /de rnams ngo tsha bas shin tu gzi brjid rnams su nyams par 'gyur ro/ /de dag de ltar kun nas nyams pas bzhin gyi mdangs yongs su nyams par 'gyur ba dang / gzhan yang shin tu rab kyi stobs dang ldan pa dang / chos lhag pa'i lha rnams mngon par mthong nas lha las rnams shin tu dman pa'i lha rnams kyi lha de dag lha rnams kyi lha de dag lha mo rnams kyis yongs su spong ngo / /lha mo des lha de dag yongs su spangs nas lha gzhan rnams</font><hr>65.104a<br><font size=+1>

la rten no/ /lugs gcig pu nges pa'i lha mo de dag rnams thams cad kyang lha gzhan dag rnams la kun nas 'phos nas khyad par du 'phags pa'i lha dag dga' bar byed do/ /las dman pa'i lha de rnams mchog tu ngo tsha ba thob par 'gyur ro/ /'di ni lha rnams kyi rgyu lnga pa yin no/ /'khor gyi nang du 'gro ba na ngo tsha bar byed pa yin pa de'i phyir na rnam par 'jig par 'gyur ba'i chos can gyi 'dus byas kyi chos rnams thams cad la shin du myur ba myur bar te/ gang la rnam pa de lta bu kho na'i mngar ba dang 'dres shing bcas pa'i lo ma med pa'i ros kyang sdug bsngal skyed de/ bde bar mngon par nga rgyal ba sdug bsngal dang 'dres pa yin na/ skye ba gzhan rnams su de skyes pa'i sems can dmyal ba dang / yi dgas dang / dud 'gro'i skye ba rnams su so sor nges par sdug bsngal chen po rnam pa du ma rab tu phal che ba skye ba rnams la smos kyang ci dgos/ dper na rgya mtshor rnam pa sna tshogs pa rnam pa du ma'i chu klung rnams 'bab pa'o/ /de bzhin du sems can rnams kyi sems kyi rgyud kyi 'jug ngogs rnams la yang rnam pa sna tshogs pa'i rgyud rnams kyis nye bar bzhag pa'i sdug bsngal du ma rab tu drag pa rnams skye ba'o/ /lha rnams de dag la rjes su dpags pa 'dis ni sdug bsngal gzhan rnams kyang bstan no/ /'di dag thams cad nyid dang thams cad du rnam pa thams cad kyis kyang dus gsum dang ldan par sdug bsngal rnam pa gsum gyis gang bar gyur pa yin no/ /sdug bsngal rnams 'joms par byed pa rnam par 'jig par byed pa po rnams ni shes rab dang / tshul khrims dang / sbyin pa dang gsum yin no/ /de nas de'i dus na bcom ldan 'das des tshigs su bcad pa gsungs pa ji ltar/ sbyin dang shes rab tshul khrims la/ /gang dag blo ni legs mi rten/ /sems can de ni rtag sdug bsngal/ /bde ba de dag rnams la med/ </font><hr>65.104b<br><font size=+1>

rnam pa sna tshogs rgyu rnams kyis/ /gang tshe 'ang gang gang ji ji ltar/ /las rnams byed pa'i skye de dag /'bras bu 'am rnam pa de 'dra yin/ /'di dag thams cad rgyu ldan yin/ /'di la rgyu ni yod min pa'i/ /gang phyir 'dus byas mi 'jig pa'i/ /rgyu ni mthong ba ma yin no/ /thog med dus nas ngo tsha'i bzhin/ /sems kyi skyon gyis bslus pa yin/ /mtho ris blo gros dman gyur pas/ /de phyir sbyin pa mdzes pa yin/ /sbyin pa khyad par 'gro rim ldan/ /ser sna'i dri ma spangs pa rnams/ /rtsed mo'i ched du byed pa'i lha/ /chud zos yid kyis zad byas nas/ /mi gang bgres skom rang bzhin gyi/ /yi dgas rnams su rgyug pa yin/ /ser sna'i 'bras bu de dag kun/ /de nyid gzigs pas gsungs pa yin/ /gang dag bde ba'i don du ste/ /des ni nges par bde bar 'gro/ /gcig tu sbyin pas bde bar 'gyur/ /de phyir sbyin pa bsngags pa yin/ /sbyin pa 'jig rten 'jig rten gzhan/ /'gro zhing rjes su 'gro ba yin/ /de la sbyin pas song nas kyang / /rgyas byed bzhin du lha mchod do/ /slu ba med pa'i gnas de dag /de bzhin gshegs pas gsungs pa yin/ /slu ba med pa yin phyir yang / /rten du sbyin pa ched cher gyis/ /ser sna'i dgra las rnam rgyal dang / /sems kyang legs par sgom par gyis/ /gang zhig rtag tu sbyin pa gtong / /de ni srid pa'i mtsho las rgal/ /yul las kyang ni sbyin rnam gsum/ /rnam gsum blo gsum las skyes dang / /dus dang nam zla nges pa de'i/ /'bras bu gzigs pa spyan gsum pa/ /sbyin 'di dang po rtag tu btang / /tshul khrims rab tu brtson pas bsrungs/ /sred pa ye shes kyis gzhom bya/ /lam 'di rnams las bde ba 'byung / /mi rtag sbyin byed sred pa ni/ /'jig rten phan mi byed pa yin/ /</font><hr>65.105a<br><font size=+1>

mthar thug bla na med pa yi/ /go 'phang mchog kyang 'thob nus min/ /'di yi yid kyi lus kyi ni/ /rtag tu sbyin la dga' bar bya/ /sbyin pa med na bkres skom gyis/ /yi dgas sa la sreg par byed/ /lha dang dri za'i sa rnams la/ /sbyin pas longs spyod ldan par 'gyur/ /sbyin pa yis ni rgyal por 'gyur/ /legs par chos byed 'khor los sgyur/ /sbyin pa'i sa la legs brten nas/ /mkhas pa yis ni tshul khrims srungs/ /tshul khrims ldan pas dus shes shing / /shes rab kyis ni yongs su grol/ /sdug bsngal las ni nges 'byung lam/ /thub pa skyes mchog gis 'di bsngags/ /de ni brtan pas rtag brtson par/ /rgyun du sbyin la dga' bar gyis/ /sbyin pa med par lhar yang ni/ /lha rnams bde ba dman par 'dod/ /mi gang bdag nyid sbyin pa ni/ /bde ba'i skal ldan 'gyur ba yin/ /gang phyir sbyin pa'i 'bras bu de/ /thams cad sems kyis zin pa'i phyir/ /dud 'gro rnams su skyes na yang / /bde ba'i skal ldan 'gyur ba yin/ /sbyin pa las skyes bde de kun/ /mkhas pa yis ni gsungs pa yin/ /yi dgas srid na yi dgas gang / /zas rnams za bar 'gyur ba yin/ /tsher ma med pa'i shing rnams kyi/ /'bras bu de dang 'dra bar 'gyur/ /dmyal bar bkres dang skom rab kyis/ /lus can gang zhig mi sreg pa/ /de dag thams cad sbyin dka' thub/ /'bras bcas gyur pa de 'dra yin/ /sems can rang gi las rnams kyis/ /'gro ba'i 'dam du bying rnams la/ /sbyin pas rtag tu bde 'bab pa/ /pha bzhin dang ni ma bzhin mthong / /sa de rnams kyi gnas skabs su/ /rtag tu sbyin la dga' bar gyis/ /sbyin dang tshul khrims la dga' ba/ /ngam grog kun</font><hr>65.105b<br><font size=+1>

las rtag tu grol/ /de ltar mu su lun d+has bag med pa spyod pa'i lha de dag rnams legs par bstan no/ /de rig nas kyang lha de dag rnams dad pas mngon sum du dmigs nas sbyin pa dang tshul khrims kyi 'bras bu nges par rtogs so/ /gzhan yang lha rnams kyi dbang chung ba'i gnas yod do/ /'di lta ste/ las rnams kyi so sor bstan pa'i ngo tsha bar 'gyur ba'i zas rnams so/ /gang gi nags dang / bskyed mos tshal dang / rdzing bu dang / chu mig dang / pad ma'i nags kyi gseb tu rgyu ba na rab tu mang ba'i bud med kyi tshogs kyis yongs su bskor ba rnams rnga dang rol mo sna tshogs rnams kun tu sgrogs pa'i nags kyi sa rnams la rnam par rgyu ste/ yul rnam pa sna tshogs pa la rnam par chags pa'i yid can rnams mchog tu rgya che ba'i bde ba dpe med pa dag dang yang dag par ldan pas rgyu bar gyur pa las de'i tshe na zas dang skom gyi sa phyogs su nye bar legs par 'gro'o/ /de dag rnams nye bar legs par song ba na yang rgyan dang cha byad mchog dang ldan par gyur pa'i lha mo rnams rjes su song ste/ sna tshogs pa'i gzugs rgyan dang cha byad can de rnams kyis lha dga' bar byas nas bsnyen nas legs par gnas zhing yang gar byed/ rgod par byed/ 'gying bar byed/ glu len par byed de/ rnga skad yan lag lnga dang ldan pa'i chags pas dang / mtshungs pas dang / snyan pa dang bcas pa de ltar na yang lha rnams kyi rna ba'i rnam par shes pa ngoms pa med pa'o/ /sred pa'i yul gyis rnam par rgyu bas mnar ba rnams ngoms par ma gyur pas gzhan yang lha rnams rnam pa sna tshogs pa'i gzugs rnams la lta bar byed par gyur pa rnams la dga' bar gyur pa dang / mthong na sdug pa dang / ji ltar 'dod pas 'gro ba rnams rtag tu yid 'joms par byed pa rnam pa sna tshogs pa dang / </font><hr>65.106a<br><font size=+1>

rgya che ba'i 'od 'bar ba rnams kha dog dang dbyibs du ma can dang / rgyang ring ba dang / thag nye ba na gnas pa rnams te/ de la gal te lha rnams 'di snyam du sems par gyur te/ ji ltar gzugs gang dag yin pa de dag ring ba na gnas pa de dag rnams thag nye bar 'gro bar bya na de'i sems bskyed pa tsam nyid na gzugs mchog tu dga' bar gyur pa de rnams thag nye bar gnas par 'gyur ro/ /bdud rtsir gyur pa la yang ji ltar 'dod pa de ltar 'gyur ro/ /gal te yang nye bar gyur par 'dod na de dag rnams nye bar ro/ /gal te yang ring bar 'dod na yang de yang ring bar 'gyur ro/ /las kyi 'bras bu'i khyad par rnams kyis 'gyur te/ dman pa dang / bar ma dang mchog rnams rgyu dang bcas pa yin no/ /de bzhin du yang sred pa'i sbrul mthong ba dug can gyis bltas pa'i lha rnams la ngoms pa skye ba ma yin no/ /bud shing rnams bcug par gyur pa'i me bzhin du sred pa dang bcas pa rnams dga' bar gyur pa'i yul rnams kyis mthar thug pa skye ba med do/ /de bzhin du lha rnams ni tshul du mar yang ngoms pa med do/ /gzhan yang lha de dag rnams nyid dri la dri'i rnam par shes pa gtod par byed do/ /de dag rnams kyis rnam pa mang por bsgo bar byed pa'i dri rnams la 'di lta ste/ nags dang nags su gyur pa'i me tog rnams so/ /me tog de dag rnams kyang 'khri shing dang tshang tshing las skyes pa dang / shing las skyes pa dang / sa phyogs kyi cha kun las skyes pa'i mdog dang / dbyibs rnam pa du ma rnams dang / rnam pa sna tshogs pa'i cha shas rnam par bkra ba rnams te thams cad kyang dus dus su kha bye ba rnams la lha'i bu mo rnams 'ongs nas sten pa'i don du 'ga' zhig la snom par byed do/ /me tog rnams 'ga' zhig la ni rlung dang nye ba la brten nas dri</font><hr>65.106b<br><font size=+1>

rnams snom par byed do/ /mtshungs par 'dod pa'i yon tan phun sum tshogs pa'i dri ma rnams la yang lha rnams snom par byed do/ /ro dag bsnams nas gzhan yang gang gi tshe lhag mar gyur pa rnams la lus la rnam pa ji srid kyi rgyan du gyur pa las mtho ris dang rjes su 'thun pa'i rna gdub dang dpung rgyan la sogs pa rnams lha 'dod pa de rnams kyi sems bskyed pa tsam nyid na rang 'byung ngo / /lus la gos bgos pa rnams ni kha dog rnam pa sna tshogs par btsos pa rnam pa sna tshogs par dri dang ldan pa'i ma btags pa'i tshad mchog dang ldan pa de dag rnams kyis lha sred pa dang bcas pa rnams ngoms par mi 'gyur ro/ /gzhan yang lha rnams yid kyis don 'di dag dpyod par byed pa na de dang de rang gi las dang 'dra bar phun sum tshogs par 'gyur te/ mchog tu dga' bas ji ltar zas dang btung ba'i sa rnams la song nas lha bdud rtsi za bar byed do/ /de dag gis zos pa de dag rnams ni sbyin pa rnams dang 'dra bar dman pa dang / bar ma dang / mchog tu gyur pa'i zas rnams 'byung ngo / /lha rnams kyang rnam pa sna tshogs pa'i btung ba dag 'thung bar byed pa de dag rnams kyang dman pa dang / bar ma'i btung ba dang / bza' ba rnams kyang 'byung ste/ rang gi las kyi rgya'i rjes dang 'dra ba'i phyir ro/ /ji ltar gang dag gis lus kyi tshad kyi rnam pa ji srid du 'gyur ba'i rnam pa de srid kho nar skyes bu de'i grib ma nyi ma rang bzhin du gnas pa na 'byung bar 'gyur ro/ /de kho na bzhin du lha rnams kyi yang gang gis ji srid kyi rnam pa'i las rnams byas par 'gyur ba de dag gi rnam pa de srid kho na'i zas kyi rigs rnams skye'o/ /de za bar byed pa na yang lha de dag rnams tshogs pa na za bar byed pas de dag mchog tu ngo tsha ba skye'o/ /de la lha rnams rgyu ba'i dus su nye bar gnas pa rnams shin tu rgya che ba'i sdug</font><hr>65.107a<br><font size=+1>

bsngal chen po dang ldan par 'gyur ro/ /khyad par du yang lha mo'i tshogs kyi mdun du ngo tsha bar gyur pa'i sdug bsngal gyi mchog de 'dra ba ni srid pa gzhan na chung zad kyang med do/ /slu ba med pa po'i bde bar gyur pa'i de ltar so sor bstan pa de dag rnams kyis kyang ji ltar gzhan du yang 'khor ba thams cad du des 'gro bar bya dgos so/ /gzhan yang lha rnams kyi tha ma'i dus legs par byas pa zad nas 'chi 'pho ba'i dus na sdug bsngal rnams skye bar 'gyur te/ gang gi tshe bag med par spyod pa'i lha rnams rtag tu 'dod pa la rnam par chags pa las gang gi tshe 'chi 'pho bar 'gyur la/ 'chi 'pho ba de'i tshe yang 'dod pa sdug pa yid du 'ong bar gyur pa gang dag rnams dang bral bar 'gyur ba ni snum zad pa'i dbang gis mar me bzhin du 'gag par gyur pa na 'gro ba gzhan gang yin pa dang 'dra ba'i rtags rnams sngon byung bar gyur pa dang / 'chi 'pho ba'i dus kyi sdug bsngal de dag rnams kyis lus dang yid mngon par bcom par gyur pa'i rnams la sdug bsngal gang dag skye bar gyur pa de ni dper brjod par sla ba yang ma yin no/ /de nas de'i tshe bcom ldan 'das kyis tshigs su bcad pa gsungs pa ji ltar/ sna tshogs bde dang bag med dang / /yul rnams kyis kyang bslus pas kyang / /tshe zad 'chi ba'i dus su ni/ /lhan cig gnas pa yod ma yin/ /sngon chad bag med spyad pa yi/ /sbyin la sogs la mi 'jug go/ /phyi nas 'chi ba'i dus na de/ /rang gi sems ni sreg pa yin/ /dang po bar dang de bzhin mthar/ /legs pa'i yid ni bya ba yin/ /legs par spyod dang rtag tu dul/ /'chi ba'i dus na zhum pa med/ /nges par 'gyur ba 'chi ba ste/ /sdug pa dang yang bral ba yin/ /yul rnams kyis ni rab bcom pas/ /byis pa rnams ni spyod pa 'ang med/ /de ni rim gyis rtogs 'gyur gyi/ /'di ni khong du chud pa</font><hr>65.107b<br><font size=+1>

min/ /yul gyis rnam par nyams pa'i lha/ /'dod pa la ni rnam zhen blo/ /'dus bral sdug bsngal gang skyes pa'i/ /lha gang gang du skye ba yin/ /yud tsam cig kyang de dag la/ /blo ni gnas par mi bya'o/ /mi rtag pa dang 'jigs dang bcas/ /'dod pas rtag tu 'khol byed po/ /de lta na yang rmongs pas byis/ /phyir zhing de nyid sten par byed/ /'dod chags me yis rtag tu sreg /lha ni rnam par rmongs pa yin/ /bsregs par gyur nas phyis kyang de/ /yang dang yang du bsngags par byed/ /yul rnams la ni chags med par/ /rgyu gang de nyid la gzhol ba/ /gang yang de ni rab bsngags pa/ /de dag sdug bsngal rtag par gnas/ /khams gsum 'di dag thams cad ni/ /zo chun khor mo bzhin du 'khor/ /las kyi zhags pas kun bzung yang / /de nyid mthong ba yang ma yin/ /skye ba dang ni 'chi ba rnams/ /skye dang skye bar yang yang ngo / /sems can rnam par rmongs dga' ba/ /rtag tu sdug bsngal skal ldan yin/ /glog dang zo chun 'khor lo dang / /mtshungs par 'dod pa rab tu bsgrags/ /rmi lam dri za'i grong khyer ltar/ /rab tu rnam par 'jig pa yin/ /rnam pa de lta'i 'dod pa rnams/ /khyad par 'jigs dang bcas pa yin/ /mi rtag sdug bsngal stong pa'i phyir/ /bdag gi blo ni mi bya'o/ /rga dang 'chi ba'i 'khor lo 'di/ /rab tu mi bzad bzod mi nus/ /nges par thams cad ltung ba yang / /mig med pas na mthong ba 'ang med/ /'dod pa lnga ni thub mchog gis/ /stong pa'i ngo bor rab tu gsungs/ /'dod chags khyim gyi rang bzhin ni/ /mi rtag pa dang sdug bsngal mang / /gzhan du min par rtogs ldan pas/ /gang gang 'dod pa la mi chags/ /de ni pha rol 'gro rtog zhi/ /mya ngan 'das pa'i mtha' la gnas/ /'chi 'pho 'byung ba'i lha yi ni/ /dbang po brlabs par</font><hr>65.108a<br><font size=+1>

gyur pa'i sems/ /sdug bsngal brjod par sla min gang / /de la 'di na dpe yod min/ /ji lta ji ltar bde chen po/ /sems ni sred pas nyer bcom pa/ /de lta de ltar 'chi 'pho ba'i/ /sdug bsngal chen po bzod par dka'/ /legs byas las ni ma byas dang / /las kyi gnas lugs mi shes pa/ /sdug bsngal chen po kun 'byung bas/ /phyis ni gdung bas sreg par byed/ /ji srid 'chi ba ma 'ongs dang / /ji srid dal 'byor phun sum tshogs/ /de srid rang la phan par mnos/ /lam 'di rnams ni bde ba 'byung / /lha 'i 'jig rten rnams 'chi 'pho/ /'chi ba mi yi sa rnams la/ /rig nas nye bar 'tshe bcas pa'i/ /srid na skyes bu su gnas byed/ /de ltar yang 'chi 'pho bar gyur pa'i lha rnams las kyi thag pas drangs par gyur pa so sor nye bar bstan pas 'jigs pa chen po dang bcas pa rab tu skye'o/ /de'i phyir na lha de dag dud 'gro dang 'dra bar gyur pa yin te/ gang dag yul rnam par 'chums pa'i yid kyis rang nyid la legs par mi byed do/ /de lta bas na bag med par yang ma byed phyi nas 'gyod par 'gyur bar ma byed cig /de ltar lha mu su lun d+has tshogs pa rgyu ba na rnam par rgyu ba'i lha rnams la rnam par gzigs kyis mdzad pa'i mchod rten mthong bar byas nas de la rjes su bsngags par byed do/ /nges par legs pa la sbyor bar byed do/ /'dod pa rnams kyi nyes dmigs rnams kyang rab tu ston par byed do/ /rnam par smad par bya ba'i phyin ci log bzhi yang dag par ston par byed do/ /'chi ba'i dus ma 'ongs pa yang legs par ston par byed do/ /kun tu skrag par byed do/ /de'i phyir 'jigs su rung ba'i 'chi ba las sdug bsngal du mas tshang tshing du gyur pa'i lam lha de dag rnams la bstan par gyur pa na/ des rab tu dang bas yid 'phrog par byed pa'i bde ba skyed par byed pa'i phyir na lha rnams la rjes</font><hr>65.108b<br><font size=+1>

su ston no/ /mdo drug pa las rnam par gzigs kyis mdzad pa'i mdo sde gnyis pa rdzogs so// //'phags pa dam pa'i chos dran pa nye bar gzhag pa/ bam po bzhi bcu rtsa dgu pa/ gzhan yang mu su lun d+ha de nyid kyis lha de dag rnams nyid khrid de tshogs pa rgyu ba'i sa gnas pa'i gang dag sems bsgoms par gyur pa dang / gang yang yid bsgoms par gyur pa dang / rgyud bsgoms par gyur pa de dag rnams khrid nas gzhan la phan par byed pa dang / gzhan la phan pa sbyor ba la brtson pas lha de dag rnams kyi gzhan yang bag med pa de dag gzhom par 'dod pas kyang las dang 'bras bu'i de kho na nyid mthong ba dang dran par yang byas la/ sems kyi rgyud dang bar yang byas shing gzhan yang de dag rnams kyi rgyud shin tu rab kyi mchog la sbyor bas 'dod pa rnams kyi nyes dmigs rnams kyang legs par bstan cing gson pa rnams kyang mi rtag pa nyid kyi rtogs pa 'phangs shing 'khor ba'i rgud pa rnams kyang brjod nas lha de dag rnams la 'di skad ces brjod do/ /lha khyed rnams ltos dang mchod rten gsum pa gang de kho na mthong ba de ni thub pa chen po gzhan 'khor ba 'jig dgra bcom pa yang dag par rdzogs pa'i sangs rgyas/ rig pa dang zhabs su ldan pa/ bla na med pa skyes bu 'dul ba'i kha lo sgyur ba ston pa'i yin te/ rin po che rnams kyis legs par gang ba 'od zer gyi phreng ba gser dang nor bu'i stegs su nam mkha' 'bugs pa bzhin du shin tu mtho bar gnas pa skye bo thams cad rab tu dga' ba 'thab bral kyi 'jig rten 'di dag thams cad zil gyis mnan nas nges par gnas pa mchog tu zhi bar gyur pa dang / mchog tu dga' bar gyur pa sems kyi rgyud rlan pa bzhin du lha rnams thams cad kyi lha'i 'jig rten 'di'i rgyal mtshan du gyur pa/ snying por gyur pa/ bsam gtan dang ldan pa bzhin du rnam par gnas so/ /rnam par bkra ba dge ba rin po che shin tu 'bar ba rin po che'i 'od lham me bar gyur pa dam pa'i </font><hr>65.109a<br><font size=+1>

chos ston par mdzad pa bzhin du mchog tu rgya che ba dga' bar gyur par mthong ba 'di la bdag cag gis khrus gsol bar bya'o/ /bdag cag gis mchod par bya'o/ /tsan dan yang bdag gis dbul bar bya'o/ /me tog dang spos la sogs pa rnams kyis mchod nas rim gyis bdag gis blta bar bya'o/ /ci 'dir drang srong chen por gyur pa de shin tu ngo mtshar bar gyur pa 'dis ci zhig nye bar mtshon pa mdzad na gang gis bdag cag rnams nges par legs pa dang / mthar phyin pa dang / phan pa dang bde bar yang 'gyur ba ste/ rgyu gang gi phyir sems can rnams thams cad la phan par mi 'gyur ba dang bde bar mi 'gyur ba'i bcom ldan 'das kyi mdzad pa ni gang cung zad kyang mi mnga' ba'i phyir te/ bdag nyid la phan pa'i don nyid kyis ni 'di dag tu byon pa yang ma yin no/ /de nas lha de dag rnams kyis lha'i bdag po de'i tshig nye bar bzung nas dge bar byas pa'i yid kyis 'di skad ces smras so/ /mchod pa'i don du bdag cag rnams mchod pa'i don du dang / mchi bar bgyi zhing bdag nyid rjes su gzung ba'i don du dang / bdag nyid la phan pa'i don du bdag rnams 'gro bar bya'o/ /de nas tshogs pa rgyu ba'i sa na gnas pa'i lha de dag rnams kyis lha'i bdag po mu su lun d+ha sngon du byas nas gang na bcom ldan 'das drang srong gi mchog de'i mchod rten yod pa der nye bar legs par 'gro'o/ /song nas kyang bcom ldan 'das 'khor ba 'jig gi mchod rten la gus pa dang bcas pa'i yid kyis phyag 'tshal bar byed de/ g.yas phyogs nas skor bar yang byed do/ /de nas de'i tshe mchod rten gyi nang na rin po che'i 'od shin tu 'bar ba rin po che de dag rnams gang gi khyad par gyis ni nyi ma'i 'od zer yang / srin bu me khyer gyi 'od dang 'dra bar 'gyur ro/ /mchod rten de'i nang na yang gser gyi rang bzhin gyi byang bu la bris nas nam mkha' la 'phyang ba yin te/ rab tu 'bar ba'i yi ger mngon par bris pa'i mdo yin</font><hr>65.109b<br><font size=+1>

no/ /de yang rdzu 'phrul mdzad pa'i cho 'phrul gyis rlag par mi 'gyur zhing nye bar rlag par mi 'gyur te/ de rgyu gang gis lha dang mi rnams la phan pa'i don du mdo sde bstan pa'i phyir ro/ /thub pa bcom ldan 'das 'khor ba 'jig des lha dang mi rnams la chos ston par mdzad pa ni 'di lta ste/ rgyu gang gis lha rnams 'gro ba drug nas dang / mi rnams mi rnams nas 'chi 'pho ba dang / lha rnams lha yul du ste/ de ltar phan tshun du 'gro ba drug po rnams phan tshun du dpung gnyen du gyur pa yin la/ de lta lha dang mi rnams kyang tshul khrims kyis mtho ris su skye ba ni slu ba med pa'i gnas yin no/ /de la tshul khrims de ni rnam pa gnyis yin te/ sdom pa sngar byas pa dang thar bar byas pa'o/ /de la don yod pa zhes bya ba'i tshul khrims gang zhig don yod pa 'ba' zhig kho nas 'jug pa'i rab tu dang bas sems rab tu dang ba'i dbang gis sangs rgyas la sogs pa rnams la rab tu dang bar 'gyur ro/ /lus kyi legs par spyod pa dang / ngag gi legs par spyod pa dang / yid kyi legs par spyod pa rnams byed par 'gyur ro/ /log par lta ba can du yang mi 'gyur ro/ /ji srid 'tsho'i bar du yang las dang 'bras bu rnams la rgyud dad pa dang ldan par 'gyur ro/ /chos dang ldan pa'i longs spyod rnams kyang chos kyis longs spyod par byed kyi/ gzhan rnams gdung bar byed pa ni ma yin no/ /ma dang pha la gus par 'gyur ro/ /dge sbyong dang bram ze rnams nye bar 'ong ba'i rang bzhin can du 'gyur ro/ /dam pa'i chos nyan pa'i rang bzhin du 'gyur ro/ /'thun pas 'gro ba'i rang bzhin can du 'gyur ro/ /yongs su 'dri ba'i rang bzhin can du 'gyur te/ de ltar don dang ldan pa 'ba' zhig pa kho nas rab tu dang ba dang yang dag par ldan par 'gyur ro/ /don dang ldan pa thams cad legs par gang bar spyod pa yin te/ lus kyi legs par spyad pa rnams spyod par byed/ yid kyis legs par spyad pa rnams spyod par byed kyi sdom pa</font><hr>65.110a<br><font size=+1>

'dzin pa ni ma yin yang de lus zhig nas bde 'gro mtho ris kyi 'jig rten du ste/ sems kyi spyod pa nyams su myong ba'i dbang gis dge bas gal te 'thab bral gyi lha rnams su skye'o/ /de lha gzhan rnams kyi khyad par gyis gzugs dang / cha byad dang / rgyan dang / bud med dang / yul ljongs dang / zas dman pa rnams la spyod par 'gyur ro/ /de zas la longs spyod pa'i dus na ngo tsha bar 'gyur ro/ /'di'i 'od rnams shin tu dman par yang 'gyur 'dod pa'i longs spyod phun sum tshogs pa rnams thams cad kyang shin tu dman par 'gyur ro/ /don yod pa de legs par yongs su rdzogs pa'i tshul khrims kyi 'bras bu dang / gzhan sdom pa la gnas pa'i tshul khrims 'dzin pa'i lha rnams kyi khyad par ro/ /gzhan yang don yod par gyur pa'i tshul khrims su gyur pa ni sangs rgyas la sogs pa la rab tu dang ba dang ldan la sdom pa ni nyi ma gcig kyang nges par 'dzin par mi byed de/ lus kyi legs par spyod pa dang yang dag par ldan par 'gyur la/ ngag gi legs par spyod pa dang yang yang dag par ldan par 'gyur ro/ /ma lus pa ma yin par ro/ /gang zhe na/ ma lus pa ma yin pas lus kyi legs par spyod pas srog gcod pa dang / 'dod pa la log par spyod pa gnyis rab tu spong bar byed la/ yang ma byin par len pa rnams ni ma yin no/ /de dag ni ma lus par legs par spyod par byed pas spyod pa ni ma yin no/ /ngag gi legs par spyod pa rnams kyang thams cad du legs par spyad pa spyod pa ma yin te/ brdzun 'ba' zhig tsam smra bar mi byed la ngag gi dri ma rnams ni mi spong ngo / /de yang don yod pa gcig legs par spyad pa spyod do/ /gal te de srid pa tha ma'i sems rab tu dang ba'i dbang gis lan grangs gzhan la myong bar 'gyur ba'i legs par byas pa'i las rnams kyi rkyen gyis 'thab bral ba rnams su skye la shin tu dman par yang mi 'gyur te/ sngar gyi don yod par legs par spyad pa spyod pa de'i drung na tshad dang mdog dang / </font><hr>65.110b<br><font size=+1>

gzugs dang / cha byad rgyan dang / zas dang / spyod pas gnas pa rnams dang / 'dod pa'i bud med dang / yul ljongs rnams la rim gyis sgra reg ro gzugs dri rnams la yang ste/ sdom pa dge ba spyad pa'i khyad par can gyi lha gzhan rnams kyi khyad par gyis ni des rang nyid dman par mngon par mthong nas ngo tsha bar 'gyur ro/ /gzhan yang don yod par gyur pa'i tshul khrims dang yang dag par ldan pa yod de/ yang dag pa'i lta ba can du gyur pa dang / thos pa'i rigs dang ldan pa dang / sangs rgyas la sogs pa la gus pa'i rigs can du 'gyur ba'o/ /sdom pa ni gcig kyang 'dzin pa yang ma yin no/ /'on kyang tshul khrims 'chal pa'i tha snyad kyis 'jigs nas ma byin par len par mi byed do/ /sangs rgyas nyid kyis gsungs pa'i rgyu 'thun pa'i 'bras bus dbul po sgrub par byed pa dang / ma byin par len pas dmyal ba rnams su yang skye bar 'gyur ba thos pas kyang ste/ 'dod pa can yin yang 'jigs pa la sogs pas lus kyis rtag tu ma byin par len pa mi len to/ /ngag gi las kyang phra ma byed pa'i rang bzhin can ma yin no/ /phan tshun du 'byed par mi byed pa dang / bye ba'i sems can rnams kyang 'byed par mi byed do/ /legs par 'dzin par yang byed de/ ngang tshul ngan pa'i 'jigs pa dang / sangs rgyas dang sangs rgyas ma yin pa'i gsung yang nyan par byed do/ /ji ltar phra ma'i rgyu 'thun pa'i 'bras bu ni grogs po dang bran pho dang bran mo dang chung ma rnams dang 'bye bar 'gyur ro/ /lus zhig nas kyang ngan song log par ltung bar dmyal bar skye bar 'gyur zhes sangs rgyas dang sangs rgyas ma yin pa rnams kyi tshig thos pa dang / rgyu gnyis po 'di dag gis de phra ma byed pa'i ngang tshul can ma yin no/ /de lus zhig nas sems tha ma'i dbang gis dang / las lan grangs gzhan la legs par byas pa'i dbang gis kyang rung gal te brgya lan zhing la rab tu dang ba med par yang brgya lan</font><hr>65.111a<br><font size=+1>

'thab bral gyi lha rnams kyi nang du skyes na de ches dman pa'i tshad dang / kha dog dang / dbyibs su 'gyur ro/ /bud med dang / yul ljongs dang / zas dman pa rnams la spyod par 'gyur ro/ /sgra dang / reg bya dang / gzugs dang / ro dang / dri rnams dman par 'gyur ro/ /tshe shin du dman par 'gyur ro/ /'od dman par 'gyur ro/ /lha gzhan rnams kyi drung du shin tu yang ngo tsha ba 'byung bar 'gyur ro/ /don yod pa de dag gi rab tu dang ba'i dbang gis lha'i skye ba gsum du 'gyur te/ sangs rgyas la sogs pa la rab tu dang ba 'ba' zhig gis dang / de ltar sems kyi yon tan gyi khyad par rnams kyis sam/ sems 'jam por gyur pa'i khyad par gyis sam/ yang dag pa'i lta ba la rab tu dang ba'i khyad par gyis sam/ bsam pa nye bar skyes pa'i sems kyi khyad par rnams kyang 'di lta ste/ ma dang pha la shin tu gus pa dang / legs par nyan pa 'am/ yon tan gyi khyad par dag gis sam/ smon lam gyi khyad par dag gis kyang ste/ ji ltar de'i sems kyi rgyud dang / zhing la rab tu dang ba'i dbang gi sems kyi yon tan dman pa dang / bar ma dang / khyad par 'phags pa'i las kyi khyad par gyis rnam pa de lta bu nyid du skye bar 'gyur ro/ /gang gi phyir don dang ldan pa'i tshul khrims slu ba med pa'i 'bras bu yang las rnams dang 'dra ba yin na sdom pa 'dzin pa bzung bas mya ngan las 'das pa'i mthar thug par 'gyur ba de'i de ltar 'dir skye bar 'gyur ba la lta smos kyang ci dgos/ sdom pa'i tshul khrims de dag kyang rnam pa du zhig yod pa yin zhe na/ de la mdor bsdu na 'khor bzhi'i sdom pa'o/ /de der gtogs pa'i bzhi ni dge sbyong dang / dge sbyong ma dang / dge bsnyen dang / dge bsnyen ma'i ste/ de dag ni 'khor rnam pa bzhi yin no/ /de la yang de dag gi sdom pa ni gang yin/ rnam pa ni du zhig yod/ de dag gi sdom pa rnams tha dad par ni ji ltar 'gyur ba yin na/ de la dge bsnyen mdor bsdu na rnam pa bzhi'o/ /bzhi po rnams gang zhe na/ </font><hr>65.111b<br><font size=+1>

phyogs gcig la spyod par gyur pa dang / mthar thug par spyod pa dang / thams cad la spyod pa dang / bslab pa'i gzhi rnams las sdom pa gcig blangs pa'o/ /mthar thug par spyod pa ni bslab pa'i gzhi sdom pa blangs pa la spyod pa 'am phal cher la gnas nas spyod pa ste/ sdom pa'i gzhi de yang yang dag par 'dzin to/ /thams cad la spyod pa ni bslab pa'i gzhi lnga yang dag par 'dzin pa'o/ /gzhan yang rnam pa bzhi ste/ snga phyir bslab pa'i gzhi la spyod pa dang / kun tu nyams pa med par spyod pa dang / 'gyod nas spyod pa dang / thams cad kun tu nyams par spyod pa'o/ /de la dge bsnyen bslab pa'i gzhi la snga phyir spyod pa ni gang bslab pa'i gzhi rgya mtsho la snga phyir bgrod par byed pas snga phyir bgrod par byed do/ /de dang po kho nar gsum la skyabs su 'gro ba'i dge bsnyen du 'gyur ro/ /phyi nas dus snga phyir sems kyis bsgoms nas yon tan legs pa dang ldan par byas te/ bslab pa'i gzhi gcig legs par 'dzin no/ /de yang ma nyams pa/ ma chad pa/ ma zags par 'dzin par byed do/ /de la ma nyams pa'i rnam pa 'di lta bu gang yin/ ma chad pa'i rnam pa 'di lta bu gang yin/ ma zags pa'i rnam pa de lta bu gang yin na/ ma nyams pa zhes bya ba ji srid 'tsho'i bar du bdag nyid kyis 'dzin pa ste/ sems kyis kyang sdom pa las 'da' bar 'gyur ba sems par mi byed do/ /gzhan byed pa na yang rjes su yi rang bar mi byed do/ /byed pa yang 'gog par byed do/ /de dag rnams chos la yang 'god par byed do/ /'di ni ma nyams pa zhes brjod do/ /de la ma chad pa gang zhe na/ de nyid kyis 'dir brgya la na bslab pa'i gzhi rnams gtong bar byed do/ /gal te na 'dzin par byed do/ /yang dang yang du btang nas slar yang len par byed do/ /rnam pa 'di lta bu ni chad pa yin no/ /de la 'dis ni chad pa dang bral bar byas shing 'dzin par byed do/ /ji ltar na ma zags pa 'dzin pa yin zhing zags pa yang ji ltar yin na/ 'di ni bslab pa'i gzhi la dang po nyid du rab tu dang ba'i</font><hr>65.112a<br><font size=+1>

sems kyis dge ba'i bshes gnyen gyi drung nas bzung ba las de phyi nas 'gyod pa dang bcas par gyur nas mi 'dzin no/ /rnam par rtog pa'i chu bos khyer ro/ /de sems rnyog pa dang bcas pas spyod par byed do/ /sems la stobs med par 'gyur ro/ /de phyi nas 'gyod pa'i mes sreg par byed la/ bsregs par gyur nas kyang yongs su gtong ngo / /yongs su btang nas kyang phyir mi 'dzin to/ /'di ni zags pa zhes brjod do/ /des 'di ni de bzhin du mi 'dzin to/ /gzhan yang snga phyi bar spyod pa'i dge bsnyen de nyid ma nyams pa dang / ma chad pa dang / ma zags par bslab pa'i gzhi rnams 'dzin par byed pa la/ ji ltar ma nyams pa yin na/ 'dir sems la dri ma med pa rko trog ma yin pa'i dge bar gyur nas kyang mi dge bar 'gyur ro/ /chu shing gi lo ma dang glog dang 'dra bar de rab tu rngam par gyur pa'i sems kyis dge ba'i sems su gyur nas sdom pa 'di 'dzin par byed la/ de rab tu dang ba dang / gus pa dang bcas par yang gyur nas/ de phyis gal te shed na mu stegs pa'i gnas nas thos na 'gyod par gyur te rnyog pa'i bdag nyid du gyur nas gtong ngo / /phyis yang dam pa'i chos thos nas 'dzin par byed do/ /'di ni nyams pa yin no/ /gzhan yang chad pa ji ltar chad par 'gyur ba yin/ 'di ni dge bsnyen dag gya gyus bslab pa'i gzhi 'dzin pas gal te na lha rnams mchod par byed pa na gal te ji ltar sangs rgyas kyis gsungs pa'i chos des dga' bar 'gyur ba 'am/ yang na lha de'i tshig gis bdag la bde 'gror 'byung bar 'gyur ro/ /de lta bu des dogs par byas nas chos spyod par byed de 'di ni chad pa zhes brjod do/ /gzhan yang zags pa gang zhe na/ 'di na nang stong par gyur pa rnams phyi rol na sems dge ba bzhin du gzhan rnams la mtshon par byed do/ /de yang na rul bar gyur kyang yid ches pa bskyed pa'i don du bslab pa'i gzhi rnams 'dzin par byed do/ /'di ni nang stong pa yin no/ /snga phyir bslab pa'i gzhi</font><hr>65.112b<br><font size=+1>

la spyod pa'i dge bsnyen des 'di spong bar byed pa yin no/ /de la ji ltar na thun tshags su spyod pa'i dge bsnyen yin na 'di la bslab pa'i gzhi gcig blangs nas dus bar chod par gyur pa na de rnam par dpyod pa por gyur nas bslab pa'i gzhi gzhan 'dzin par byed do/ /de ltar snga phyi rim pas de'i dus kyi sems bskyed pa gcig gis bla ma gcig ma yin pa'i drung nas de ltar thun tshags su gyur pa'i bslab pa'i gzhi rnams snga phyi'i dus su 'dzin no/ /'di ni snga phyir bslab pa spyod pa'i dge bsnyen zhes bya'o/ /gzhan yang dge bsnyen gnyis pa yod de/ phyed nyams par spyod pa zhes bya'o/ /phyed nyams par spyod pa gang zhe na/ 'di na bslab pa'i gzhi rnams dus gcig tu ni mi 'dzin la ci ste na gnyis ni sngar ro/ /dus bar du chod par gyur pas gsum ni phyi nas so/ /ji ste na gsum ni sngar ro/ /phyi nas gnyis 'dzin no/ /len par yang byed do/ /'di la ni phyed nyams pa spyod pa zhes bya ste/ bslab pa'i gzhi phyed nyams par gyur pa'i rgyu gang yin pas so/ /phyed nyams pa rnam par yang 'dzin to/ /'di la ni phyed nyams par spyod pa'i dge bsnyen zhes brjod de gnyis pa'o/ /'gyod pa dang bcas nas 'dzin par 'gyur ba'i dge bsnyen gsum pa gang zhe na/ sngar bslab pa'i gzhi 'dzin par mi byed la don yod pa'i rab tu dang ba 'ba' zhig gis sangs rgyas la sogs pa la rab tu dang bar 'gyur ro/ /de gal te shed na dge slong rnams kyi drung nas sdom pa'i 'bras bu mya ngan las 'das pa'i mthar thug par 'gyur ba thos par 'gyur la 'bras bu de thos nas kyang 'gyod pa'i mes sreg par gyur pas gus pa dang bcas par gyur nas ji srid 'tsho'i bar du bslab pa'i gzhi rnams 'dzin par byed do/ /'gyod pa dang bcas pa'i dge bsnyen zhes bya ba ni 'di la brjod pa yin no/ /gzhan yang dge bsnyen bzhi pa yod de/ thams cad kun nas tshogs par spyod pa'o/ /thams cad kun nas</font><hr>65.113a<br><font size=+1>

tshogs par spyod par gyur pa'i dge bsnyen gang zhe na/ 'di ni dam pa'i chos rnams la thos pa dang ldan par gyur nas tshig du gyur pa rnams dang / gnas rnams dang / mdo dang mdo rnams las rten cing 'brel bar 'byung ba'i chos rnams kyang rtogs nas sems 'jog par byed cing dad pa dang ldan par gyur pa dang / dbang po dul bas sdom pa thams cad 'dzin par byed de/ dus 'dir bslab pa'i gzhi lnga ka yongs su rdzogs par 'dzin par byed do/ /legs par 'dzin par byed do/ /ma nyams pa dang / ma chad pa dang / ma zags par ji srid 'tsho'i bar du 'dzin par byed do/ /de la sngar bshad pa'i dge bsnyen bzhi po de dag rnams dang phyis kyi bzhi po rnams te/ de las de dag rnams kyi dman pa dang / bar ma dang / khyad par du 'phags pa ni rim pa ji lta ba bzhin du sngar gyi mchog dang / 'dir ni kun nas tshogs par spyod pa yin no/ /thams cad las nyung ba ni snga phyir bslab pa'i gzhi la spyod pa'o/ /thams cad las nyung bar gyur pa'i dge bsnyen skad cig tsam sdom pa 'dzin par byed pa de'i yang gzhal du med pa yin pas na gzhan lha rnams dang bdud la sogs pa dang / dbang po rnams kyis kyang mtshungs par 'gyur ba ni ma yin no/ /de ci'i phyir zhe na/ mya ngan las 'das pas yongs su bsdus pa'i ngo bo yin pa'i phyir ro/ /lha de dag rnams thams cad kyang mya ngan las 'das pa'i grong khyer du 'gro ba ma yin pa'i phyir ro/ /sdom pa sngon du 'dzin pa ni sa'i gnod sbyin gyis sngon la legs par mngon par mthong nas mchod par byed do/ /phyag 'tshal bar byed do/ /bar snang la rgyu ba'i gnod sbyin gyis mngon par mthong nas mchod par byed do/ /phyag 'tshal bar byed do/ /chos dang ldan pa'i bsam pas kyang 'di la lhan cig zhabs 'bring byed cing 'gro'o/ /lha rnams la yang go bar byed do/ /mthong ba'i chos kyi 'bras bu yang rgyal po dang rgyal po'i blon po rnams yul gyi bdag po</font><hr>65.113b<br><font size=+1>

dag gis kyang mchod par byed do/ /de dag rnams kyis yang legs par sbyor bar byed do/ /gang yang 'di phyi bzhin du lha rnams nye bar gnas par gyur pas de rdzu 'phrul che bar 'gyur ba dang / stobs che bar 'gyur ro/ /gnod sbyin chos byed pa ma yin pa gzhan rnams kyis kyang mtho brtsam par mi nus so/ /gang gi tshe sems khral mang po sna tshogs pa yod par gyur pa de dag rnams kyang 'dis bde bar 'grub par 'gyur ro/ /'di'i las kyi mtha' rnams kyang tshegs med par 'grub par 'gyur ro/ /nad rnams kyis kyang shin du bar nyon mongs par mi 'gyur ro/ /'di'i bzhin gyi mdangs kyang gsal bar 'gyur ro/ /bde bar gnyid log nas sad par 'gyur ro/ /bu dang / bran pho dang / bran mo dang las byed pa rnams dang / zho shas 'tsho ba rnams kyang legs par 'dzin par 'gyur ro/ /lus zhig nas kyang mtho ris bde 'gro lha'i 'jig rten rnams su skye'o/ /lha rnams kyi nang na yang tshad dang / mdog dang / dbyibs rnams ji ltar sdom pa bzung ba de ches gtso bor 'gyur ro/ /de ltar sdom pa bzung ba'i las kyi dbang gis 'bras bu shin du che bar gyur pa gang dag gis dge ba nye bar bskyed nas kyang bag med par gyur pas 'thab bral du zad par byed pa rnams ni sems las kyi dra bas kun nas nye bar bcings pa'i sems can rnams las kyi dbang gis dmyal ba dang / yi dgas dang / dud 'gro rnams su skye'o/ /de'i phyir de nyid la ji srid du 'phags pa'i phyag rgyar rgyud ma chud kyi bar du bsam par bya'o/ /gang yang sems kyi dbang gis bag med par bsten pa'i lha rnams ni 'chi 'pho'i dus na shin tu 'gyod par 'gyur ro/ /dge ba'i las rnams yongs su zad nas dmyal ba dang / yi dgas dang / dud 'gro'i rnams su 'gro'o/ /de'i phyir ni rings pa rings par bag med pa nyid du ma byed cig /dge bsnyen rnams mthong ba'i chos la skyo ba bskyed pa'i sdug bsngal ni bzhi pa'o/ /gang yang bya ba rnams la spro bar gyur pa de ni mya ngan las</font><hr>65.114a<br><font size=+1>

'das pa'i mthar thug par 'gyur ro/ /de ltar 'khor rnam pa gcig yin te sangs rgyas rnams kyi dge bsnyen gyi 'khor ro/ /dge bsnyen ma'i 'khor ro/ /dge bsnyen ma'i 'khor rnams ni gang yin/ dge bsnyen ma'i 'khor yang rnam pa ni du yin na/ sangs rgyas rnams kyi dge bsnyen ma ni rnam pa bzhi ste/ de ni dad pa can dang / rigs su rim gyis skyes pa dang / btul ba dang / gnas lhan cig tu byas pa dang rnams so/ /de la dad pa dang ldan pa'i dge bsnyen ma de gang zhe na/ de skye ba gzhan du legs par bsgos pa'i rgyud dang / bsgos pa'i sems dang / 'jam por sems bsgos pa dang / legs par bsgos pa'i rgyud dang ldan pas sangs rgyas kyi gsung rab cung zad tsam yang thos nas legs par rtogs so/ /yongs su rig par 'gyur ro/ /ro myang bar byed do/ /'jug par yang byed do/ /de'i sems chos 'dul ba de la shin du legs par gnas par byas nas sdom pa len la 'dzin par yang byed do/ /bud med kyi sems kyis kyang mi 'phrog go/ /gzhan mu stegs can gyi tshig nye bar rnyed pas kyang sems mi 'phrogs so/ /gzhan mu stegs can rnams dang lhan cig tu gleng slangs kyang mi byed do/ /sangs rgyas la sogs pa 'ba' zhig la sems shin du rab tu dang bar 'gyur ro/ /bslab pa'i gzhi lnga ka yang dus gcig nyid dus pus mo btsugs nas len no/ /dge bsnyen ma 'di ni dad pa can zhes bya'o/ /de la dge bsnyen ma rigs su rim gyis skyes pa gang zhe na/ 'di na rigs su gyur pa ni bzang po chos byed/ chos skyabs gnas su byed pa/ chos skyob par byed pa/ chos dpung gnyen du byed pa/ chos kyi rigs rgyud can/ chos la snying por byed pa/ nem nur med par spyod pa/ rgol ba gzhan rnams kyis nam yang nye bar 'joms par mi 'gyur ba/ rtag tu dge bsnyen gyi khyim du 'gyur ba dang / sangs rgyas la sogs pa rnams la yang shin du bar rab tu dang bar 'gyur ro/ /de dag gi rigs su bu mo gang skyes pa de</font><hr>65.114b<br><font size=+1>

rigs su rim gyis skyes pa nas de sangs rgyas kyi gsung rnams nyan no/ /nyan pa las rnyed nas de'i don du gcig tu de la nyan no/ /de rtag tu lus bsgoms par gyur pa'i rgyud can rgyud yongs su bsgoms par gyur pa'i dge bsnyen ma'o/ /de la btul ba zhes bya ba'i dge bsnyen ma gang zhe na/ gang dang po nyid nas dad pa dang ldan par gyur pa la sangs rgyas la sogs pa la ni rab tu dad par ma gyur pa'o/ /de gal te dge ba'i bshes gnyen dang bsten pas dad pa skyed par byed la des de la bsten pas byas pa'i yon tan gyis sdom pa yang yongs su rdzogs pa 'am/ phyogs gcig pa 'am/ sna 'ga' spyod pa rnams kyang 'dzin par byed do/ /dge bsnyen ma btul ba zhes bya ba ni de yin no/ /de la dge bsnyen ma gnas lhan cig tu byas pa zhes bya ba de gang yin na/ 'di na gang yang gzhan mu stegs can dang lhan cig tu brjod par gyur la de dag dang yang lhan cig tu gnas par byed la de dag gi spyod lam rnams kyang nye bar 'dzin par byed do/ /nye bar bzung nas kyang gal te dge sbyong nye bar 'ongs par gyur na de de dag rnams kyi spyod lam yang nye bar 'dzin par byed do/ /de yang khyad par du gyur pa kho na'i dbyibs su gyur pa dang / zas la spyod pa/ chos gos gyon pa dang / 'gro ba dang 'ong ba'i yon tan rnams rab tu zhi ba'i spyod lam mthong nas skyabs su 'gro ba'i rim gyis gzhan mu stegs can rnams dang / dge sbyong rnams las khyad par du 'phags pa legs par gyur pa sangs rgyas la sogs pa la rab tu dang ba dang des gdul ba yang yin la sdom pa yang 'dzin par byed do/ /'di ni gnas lhan cig tu byas pa zhes bya ba'i dge bsnyen ma yin no/ /de rnams kyang bzhi bzhi dge bsnyen dang / dge bsnyen ma rnams yin la dge bsnyen ma bzhi mdor bsdus nas ni rnam par gzhag pa yin la/ gal te shed na mos pa'i dbang dang mos pa'i dbang gis dang / sems kyi rgyud kyi</font><hr>65.115a<br><font size=+1>

dbang gis dang / rkyen gyi dbang gis kyang gang kho na sngar brjod pa'i dge bsnyen gyi rnams rkyen gyis dge bsnyen ma la yang 'gyur ro/ /chos 'dul ba'i rkyen gyis dge bsnyen ma la yin pa ni sngar bshad pa'i dge bsnyen la yang 'jug pa yin no/ /sems kyi rgyud kyi dbang gis de yang 'dren mar spyod pa zhes bya'o/ /dge bsnyen dang dge bsnyen ma de dag thams cad kyang dge ba'i skal ba can/ yang dag pa'i lta ba can/ yang dag pa'i lta ba sngon du btang ba rnams dman pa dang / bar ma dang / khyad par du 'phags pa'i sems kyis rgyud kyis lus zhig pa na mtho ris bde 'gro lha'i ris rnams kyi 'jig rten dman pa dang / bar ma dang / khyad par du 'phags pa rnams su skye'o/ /de la 'ga' zhig ni 'thab bral gyi lha rnams gang dag gi nang du skye ste/ de ji ltar tshul khrims kun tu spyad cing nye bar bsags par gyur pa'i rnam pa de lta bur 'gyur ro/ /de bzhin du lha rnams kyi ris gzhan du yang tshul khrims dge bar gyur pa gang dag kho nas nye bar bskyed par gyur nas lha rnams bag med par spyod par 'gyur te/ ci srid tha mar 'phags pa'i phyag rgya thob par gyur pa de srid na phyir yang spyod pa ni ma yin no/ /de dag rnams bsod nams zad nas phyis yang dmyal ba dang / yi dgas dang / dud 'gro rnams su skye'o/ /bsod nams zad par gyur pa yang bag med pa'i skyon gyis yin la gang yang bag med pas bag med par spyod pa ma yin pa de ni bde ba nas bde ba'i go 'phang du 'gro ste/ de'i tshul khrims de legs par bsgoms pa dang shin tu rnam par dag par gyur pa'i gzi brjid kyis yin no/ /de'i phyir na bag med pas cung zad kyang ma gnas shig /bag med pa rnams ni dug dang 'dra ba'o/ /byis pa'i skye bo thams cad rab tu 'joms par byed pa don thams cad rlag par byed pa 'khor ba thams cad du 'ching bar byed pa yin no/ /de lta bas na bag med pa rnams ni</font><hr>65.115b<br><font size=+1>

lha 'am mi rnams kyis kyang mi bya'o/ /gang yang lha dang mi rnams kyang rung ste/ rnam pa de lta bu'i tshul khrims kyis mdzes par gyur nas skye bo rnams bag med pa'i skyon gyis 'da' bar byed pa de ni shin tu bslus pa'i rnyed pa can du 'gyur nas ngan 'gror gyur pa'i 'khor bar yang dus yun ring du yang 'khor bar yongs su 'khyam par 'gyur ro/ /de ltar mu su lun d+ha 'dis lha de dag rnams la ston par byed do/ /gang sems can rnams la thugs brtse ba po bcom ldan 'das des lha dang mi rnams la phan pa'i don du rdzu 'phrul mdzad nas sprul pa'i mchod rten ni byang bu la bris pa de thos nas kyang lha rnams shin du yid byung bar gyur pas kyang 'khor ba la skyo ba skye'o/ /bag med pa rnams kyang dug bzhin du spong ngo / /dge bsnyen dang dge bsnyen ma'i rnam grangs rnams ni bshad nas dge sbyong gi 'khor rnams ni gang dag yin/ rnam pa ni du yod/ yon tan ni ci yin/ cis gnas pa yin/ sdom pa ji lta bu yin/ dge sbyong rnams kyi sdom pa skye ba'i rnam pa rnams ni du zhig yod ce na/ bcom ldan 'das kyi dge sbyong ma dang / dge sbyong gang dag kyang mya ngan las 'das pa'i don du spyod par byed pa nyin dang mtshan du bsam gtan byed pa dang / brtson 'grus rtsom pas bdud kyi 'khor rnams rnam par skrag par byed par gyur pa de dag rnams la dge sbyong ma rnam pa du yod na mkhas pa gsal ba dul ba/ 'jigs pa med pa mya ngan las 'das pa'i grong khyer du 'gro ba po de kho na nyid la rjes su dpyod par gyur pa rnams kyis kyang tshul khrims dang ldan par gyur nas rjes su dpyod par gyur na ni mya ngan las 'das pa'i grong khyer du 'jug par nus pa yang yin no/ /'di na bud med yon tan ji lta bu rnams dang ldan pa yin na sbyor ba rnams thams cad nyid la mchog tu gyur pa thams cad du mun pa rnams so/ /de bzhin du gyur pa las</font><hr>65.116a<br><font size=+1>

dang po kho na thams cad nyid nas de kho na nyid la so sor rtog par byed de/ skyes pa dang bdag nyid kyi lus la yang ste des skyes pa na so mnyam pa rnams dang / mnyam pa bas lhag pa rnams mthong nas spun dang bu'i 'du shes kyis sgom par byed do/ /de la de dag rnams ni dge sbyong gi rtsa ba rnam pa gsum yin pa la 'di lta ste/ sbyor ba las bar du gcod par byed pa'i blo'o/ /nyin mo dang mtshan mor ram/ gnyid log pa dang sad pa rnams sam/ don gzhan la rab tu chags pa'i byis pa rnams sam/ gzhon nu rnams sam/ rgan po rnams sam/ mnyam par gnas pa rnams sam/ mi mnyam par gnas pa rnams sam/ skyid par gyur pa rnams snyam/ nad med pa rnams sam/ nad pa rnams sam/ 'bad pa dang bcas pa rnams sam/ brtson 'grus dman pa rnams sam/ bsrung pa rnams sam/ rigs la legs par gnas pa rnams sam/ bsrungs pa dang rigs mnyam pa rnams dang / gzugs bzang ba rnams dang / gzugs ngan pa rnams dang / lam na gnas pa rnams dang / khyim na gnas pa rnams dang / yul ljongs gang ba'i gseb tu song ba rnams dang / khang pa stong pa na gnas pa rnams sam/ cha byad bzang ba rnams sam/ cha byad ngan pa rnams sam/ bag yangs su gnas pa rnams sam/ btson khang na bcings pa rnams sam/ bdag por bskyangs pa rnams sam/ byis pa nas bskyangs pa rnams sam/ bla ma dang nye ba 'am 'og ma rnams dang nye ba yang rung de bzhin du na tshod mnyam pas rjes su 'thun pa rnams dang nye ba 'am nad kyis lhag par gzir ba rnams kyang rung ste/ de dag rnams nyid thams cad la yang bud med rnams nyid rtag tu bdag nyid thams cad kyis dang / dus thams cad dang / gnas skabs</font><hr>65.116b<br><font size=+1>

thams cad du rtag pa kho nar 'dod chags snying la kun tu bcings pas rjes su 'jug par byed do/ /dper na nyi ma ni 'od dang ldan la mes ni sreg /sa gzhi ni sra/ rlung ni yang zhing g.yo ba nyid/ chu ni rlan zhing gsher bar gyur pa rnams la yang ji ltar 'byung ba chen po bzhi'i rang gi mtshan nyid mthar thug pa'i blo 'byung bar 'gyur ro/ /de ltar bud med rnams thams cad du yang dus thams cad du rtag par 'dod chags rjes su 'brel pa 'dod chags phyi bzhin rjes su 'brang ba yin no/ /de nyid las dri ma gzhan gnyis 'byung ste/ 'di ltar phrag dog dang ser sna'o/ /de dag gnyis las rjes su 'brang ba ni dri ma lhan cig skyes pa gcig yin te/ 'di lta ste/ g.yo'o/ /de'i rjes su 'gro ba dri ma gzhan 'di lta ste/ slu bar byed pa'o/ /de'i rjes su 'brang ba'i dri ma gzhan rnams ni 'di lta ste/ srid pa las mi 'bral ba'o/ /de'i rjes su 'brang ba dri ma gzhan rnams ni dbyibs legs pa la rjes su chags par 'gyur zhing mi mnyam par gnas pa rnams spong ba'o/ /de'i rjes su 'brang ba dri ma gzhan rnams ni tsab hral can no/ /de'i rjes su 'gro ba dri ma gzhan rnams ni rtag tu rang gi skye bo dang rtsa lag rnams dang lhan cig tu 'thab rtsod byed pa'o/ /de'i rjes su 'gro ba dri ma gzhan rnams ni rtag tu 'byed pa'i spyod pa la nges par spro ba'o/ /de'i rjes su 'brang ba dri ma gzhan rnams ni rgyab kyi sha za bar byed pa'o/ /de'i rjes su 'grogs pa'i dri ma rnams ni bgrod par bya ba ma yin pa bgrod pa'o/ /de'i rjes su 'brang ba dri ma gzhan rnams ni yid ches pa mi skye ba'o/ /de'i rjes su 'brang ba dri ma gzhan rnams ni bud med gzhan rnams la dbye ba'i spyod pa slob par byed pa'o/ /de'i rjes su song ba'i dri ma gzhan rnams ni gang la yang dga' ba med pa'o/ /de'i rjes su 'jug pa'i dri ma</font><hr>65.117a<br><font size=+1>

gzhan rnams ni gsus pa skyod par byed pa'o/ /de'i rjes su 'jug pa'i dri ma gzhan rnams ni yul ljongs rnams 'jig par byed pa'o/ /de'i rjes su 'jug pa'i dri ma gzhan rnams ni mun pa nas mun pa'i khrod du gyur pa dmyal ba rnams kho nar 'gro ba yin pa'i phyir na 'ching ba dang / dug dang / mtshon dang / g.yang sa dang / ngam grog dang / sbrul la sogs pa dang 'dra ba ni bud med rnams yin no/ /gal te shed na dkon mchog gsum mthong ba dang / bsnyad pa dang / sangs rgyas kyi chos bsgrags pas kyang sems 'jam por byas par gyur na de'i gnyen po rnams ni 'dir shin du ngo mtshar ba yin te/ rnam pa de lta bur ma bgrungs pa'i skye bo rnams kyang gang gi phyir thabs kyi rim pa rnams kyis rang gi rgyud sbyong bar 'gyur zhing gzhan rnams kyi rgyud kyang sbyong bar byed par 'gyur ro/ /dad pas rab tu byung bas legs par sbrel bar gyur pas dge ba bsgoms pa'i rgyud kyi ngo bor gyur pa 'am/ de yang na dge ba'i bshes gnyen rnams la bsten pas kyang rung ste/ de ji skad bshad pa'i skyon gyi mun pa'i tshogs rnams thog ma med pa'i dus nas sems kyi rjes su 'brel pa rnams rnam par 'jig par 'gyur ba ni ji ltar nyi ma shar bar gyur pa na ri'i phug dang gseb rnams su zhugs pa'i mun pa'i tshogs gnas du ma rnams na gnas pa rnams 'joms par 'gyur ro/ /de bzhin du dam pa'i chos kyi nyi ma'i gtam rnams gleng slangs par gyur na skyon gyi ri bor rnams nges par rnam par 'jig par 'gyur ro/ /de'i phyir na rnam pa de lta bu rnams rab tu 'byung bar 'dod pa dang / dge sbyong ma rnams kyis dang po kho nar skyes bu dam pa ma yin pa rnams la bsten par mi bya'o/ /gang ji skad du bstan pa'i yang dag pa'i gnyen por gyur pa de dag rnams ni dge ba'i bshes gnyen des ston pa yin pa'i rgyu'i phyir ro/ /lam dam par rab tu 'jog par yang</font><hr>65.117b<br><font size=+1>

byed do/ /sdug bsngal rnams las rnam par grol bar byas nas bde ba la 'jog par byed do/ /legs pa'i lam yang rab tu ston par byed do/ /thog ma med pa'i dus nas 'jug pa can gyi mun pa rnams kyang 'joms par byed do/ /dge ba'i lam srang rnams kyang nye bar 'doms par byed do/ /dus ring po nas rang nyid dam par zug pa'i 'dod chags la sogs pa'i zug rngu rnams gtan nas 'don no/ /sred pa'i ngam grog tu song ba rnams las yongs su skyob par byed do/ /rtag par rga ba med pa 'chi ba med pa'i grong khyer gyi bde ba'i go 'phang yang legs par ston no/ /de'i phyir na dri ma de dag rnams las go bzlog pa'i tshig de rnams bdag gis bstan par bya'o/ /snga phyi'i rim pa ji lta ba bzhin du yongs su bsgrags pa rnams go rims ji lta ba bzhin du dri ma rnams de las bzlog pa rnams kyis rab tu 'joms par 'gyur ro/ /'di dag rnams thams cad ni de kho na bzhin du bud med rnams la yin gyi skyes pa rnams la phal cher ma yin na/ bud med rnams la ni phrag dog dang ser sna dag phal che ba yin no/ /de dag rnams la ni lugs dang 'thun pa la lugs las bzlog pas gnyen por 'gyur ba dang / 'khor ba la nges par 'byin par yang 'gyur ro/ /'dod chags lhag pa'i bud med de rnams la mi sdug pa'i gnyen pos yang dag pa ji lta ba bzhin du lus la lta ba ni nad kyi gnas mi gtsang ba rnams kyi phung po thams cad kyang bshang ba'i gnas kyi phung por gyur pa de la lus de nyid la re shig rang gi lam gzhan gyi yang rung ste/ lus kyi rang gi mtshan nyid la rab tu dpyod par byed de/ lus 'di lus 'di ci las byung bar 'gyur na khu chu dang khrag gnyis kyi mi gtsang ba'i phung po las bskyed cing yongs su gyur pa gnyis kyis bdag gi lus bskyed pa yin par des mthong ngo / /des kyang lus gzugs ngan pa</font><hr>65.118a<br><font size=+1>

dang mi gtsang ba ste/ des yang lus de nyid la so sor rtog par byed do/ /gson pa'i lus 'di ni mi gtsang ba yin na gal te bdag cag gi lus de la gtsang mar gyur pa cung tsam cig yod dam bya bar ro/ /gzhan yang des de kho na nyid tshol zhing lta bar byed pa na lus 'di ni rma dgu nas mi gtsang ba rnams yongs su 'dzag pa yin no/ /bud med rnams dang skyes pa rnams la yang dgu yin no/ /dgu po rnams kyang gang zhe na/ nye bar 'byung ba lhag par gyur pa ni bud med rnams yin pa 'di lta ste/ nye bar gnas pa'i nu ma gnyis po las so/ /bshang ba dang gci ba dang sna'i bu ga dag las snabs yongs su 'bab bo/ /mig gnyis las ni mchi ma'o/ /rna ba gnyis las ni dri ma'o/ /kha nas ni khrag dang rnag go /dri ngan pa dang ldan pa rlung dang / mkhris pa dang / bad kan dang / khrag dang / bshang ba rnams dang de lta bu la sogs pa mi gtsang ba gzhan yang brgya phrag lus las yongs su 'bab pa rnams de kho na nyid bsgoms pas yang dag pa ji lta ba bzhin du mthong ngo / /bdag cag gis lus la gtsang mar gyur pa ni cung zad dam bag tsam yang mi 'bab na de la su zhig lus 'di legs par 'dzin par byed/ gang yang rten 'di dang phrad nas gtsang ma de dag rnams kyang lus 'di mi gtsang ba'i dbang gis gzhan nyid kho nar 'gyur bar des yang dag par so sor rtog par byed pa na gang dag rnams kho na lus 'di dang 'brel par gyur pa gtsang ma rnams thams cad kyang de kho na bzhin du mi gtsang bar 'gyur bar mthong ngo / /dper na gal te 'dis zas dang skom bsod pa rnams thams cad med par gyur la/ lus de dang 'grogs pas phyi sar 'byung bar 'gyur ro/ /de bzhin du zos pa rnams kyang de ltar nang du thams cad du mi gtsang bar byed pa yin no/ /phyi rol du yang lus 'di dang sprad pa las gtsang</font><hr>65.118b<br><font size=+1>

ba de rnams 'dis mi gtsang bar byed de/ dper na dris bsgo bar byed pa'i dri rnams thams cad kyang lus dang brten pa na rngul gyi skyon gyis dri mi zhim par 'gyur ro/ /de bzhin du dri zhim po'i me tog rnams thams cad kyang lus dang brten pas rnyings pa dang dri mi zhim par yang 'gyur ro/ /dge slong ma de de ltar gzhan yang de kho na ltar lus la so sor rtog par byed pa gang gis lus 'di nges par 'dzin pa ma'i tha snyad kyis kyang lus 'di gtsang ngam/ ci ste mi gtsang ba zhig yin/ de nas dge slong ma so sor dpyad par gyur pa na rigs rgyud rnams kyi ma gang yin pa de yang lus spyir mi gtsang ba yin par mthong ngo / /gzhan yang dge slong ma des gang la yang lus 'di gnas pa 'am 'dug pa'i sa phyogs rnams dang yul phyogs dag ci gtsang bar 'gyur ram/ mi gtsang ba yin zhes lus de nyid la so sor rtog par byed do/ /des yang de ltar so sor brtags par gyur pa na mchog tu gtsang ba shin tu khyad par du 'phags pa'i yul phyogs gang dag la lus 'di shi ba 'am/ gson pa yang rung ste bzhag par gyur pa na srin bu dang / dri ma dang / skra dang / rus pa dang bcas pa yin pas yul phyogs thams cad kyang dri mi zhim par lus dang 'brel pas 'gyur bar yang dag pa ji lta ba bzhin du mthong / gzhan yang lus de nyid la dge slong ma des 'dod chags spang bar bya ba'i ched du so sor rtog par byed de/ lus 'di gang gis za bar byed de/ bya ba rnam pa de lta bu dag gis de so sor rtog par gyur pa las srin po dang sha za la sogs pa mi gtsang bar gyur pa rnams nyid las gzhan rnams gang zhig gis 'di za bar byed/ ngang pa dang / kA raN Da ba dang / ngang ngur pad ma gtsang ma la brten pa rnams gyis ni ma yin no zhes yang dag pa ji lta ba bzhin du mthong ngo / /de yang lus 'di nyid la yang dag pa ji lta ba bzhin du so sor brtags pa na mthong ba 'di ni yang dag pa ma yin par 'dzin pa 'ba' zhig pa phyin ci log tu gyur pa'i rtog pa tshul bzhin ma</font><hr>65.119a<br><font size=+1>

yin pa yid la byed pas long bar 'gyur zhing skyes pa dang bud med zhes bya ba'i ming tsam 'di las kyang de bden pa yin par snying la skye bar mthong ngo / /des de ltar nges par rtogs nas tshul bzhin yid la byed pas so sor rtog par byed do/ /de'i tshe 'di'i 'dod chags thams cad kyang spong bar 'gyur ro/ /chung bar 'gyur ro/ /rtsa ba nas rlag par 'gyur te/ gang gi phyir 'di thams cad kyi rtsa ba yang 'di lta ste/ bud med kyi 'dod chags zhes bya ba yin la/ dri ma gzhan rnams de las 'byung ba spong ba yang de spangs pa gnyen por gyur pas spong ba yin no/ /nyi ma 'di gnas par gyur pa'i dus na mi rnams kyi 'jig rten gyi 'od rnams kyang nub par 'gyur la/ de bzhin du 'di yang shin tu lhag par gyur pa'i rtsa ba yin te/ dri ma de bcom pa las kyang dri ma gzhan rnams kyang rab tu bcom par 'gyur ro/ /de la gang yang dge slong ma 'dis lam 'di nas 'dod chags rab tu 'joms par byed do/ /de'i tshe 'di'i de rab tu bcom pa las gzhan lhan cig skyes pa rnams rab tu bcom pa gang zhe na/ 'di lta ste/ phrag dog dang ser sna'o/ /phrag dog dang ser sna ni 'dod chags can la 'byung ba yin no/ /skyes pa 'am bud med kyang rung ste/ 'dod chags kyi rtsa ba las chos de dag gnyis so/ /de yang 'dod chags rab tu spangs pa 'am bsrabs par byas pas kyang de dag gnyis kyang bsrabs par 'gyur ro/ /de dag gnyis las kyang dri ma gzhan phyi bzhin kho nar rjes su 'brel pa 'di yang gang zhe na/ 'di lta ste/ g.yo'o/ /g.yo ni phrag dog dang ser sna gnyis kyi rgyu dag gis bskyed pa yin te/ de dag med par gyur na de yang med par 'gyur ro/ /g.yo'i steng du dri ma gzhan 'di lta ste/ slu bar byed pa'o/ /phrag dog dang ser sna med par gyur na slu bar mi byed par 'gyur ro/ /slu ba'i phyi bzhin du dri ma gzhan yod pa ni 'di lta ste/ </font><hr>65.119b<br><font size=+1>

srid par gnas pa'o/ /de bcom par gyur na mi 'byung ste/ de las sred par gnas pa nyid mi 'byung ngo / /de med par gyur pas mnyam par gnas pa rnams 'dod chags par byed pa dang / mi mnyam par gnas pa rnams spong bar byed pa mi 'byung ngo / /de med pas gang gi phyi bzhin 'brang ba'i dri ma gzhan de yang mi 'byung ngo / /'di lta ste/ tsab hral du gyur pa'o/ /tsab hral med par gyur pa ni 'di lta ste/ rtsod pa dang rnam par 'byed pa rnams te/ bud med rnams ni phal cher yang dbyen bya ba'i bsam pa can rnams yin no/ /bud med rnams kyi de med pas dri ma gzhan phyi bzhin rjes su 'brang ba yang med par 'gyur ro/ /gang zhe na/ 'di lta ste/ rgyab kyi sha za ba'o/ /bud med rnams phyi bzhin rnam par dbye ba'i bsam pa can yin pa gang gi phyir de dag rnams thams cad kyis kyang rgyab kyi sha za bar byed do/ /gang gi tshe rnam par 'byed pa de spangs par gyur pa de'i tshe rgyab kyi sha za ba spangs par 'gyur ro/ /de med par gyur pas gzhan phyi'i bzhin rjes su 'brel ba yang med par 'gyur ro/ /gang zhe na/ 'di lta ste/ gsus pa skyod par byed pa'o/ /bud med rnams ni gsus pa 'gengs pa dang / gnyis sbyor ba la ched du byed par 'gyur ro/ /'di lta ste/ gsus pa 'gengs pa'i dri ma rab tu zhi bar gyur pa na de'i tshe bgrod par bya ba ma yin pa bgrod pa'i dri ma rab tu spangs par 'gyur ro/ /gang gi phyir gsus pa 'gengs pa'i skyon gyis bud med dag bgrod par bya ba ma yin pa'i skyes pa rnams la yang bgrod par byed do/ /'di lta ste/ gsus pa 'gengs pa'i 'dod chags dang rab tu bral na/ de'i tshe bgrod par bya ba ma yin pa'i dri ma de yang rab tu zhi bar 'gyur ro/ /de med pas kyang dri ma gzhan yang med par 'gyur ba ni 'di lta ste/ yid ches pa'i gnas ma yin pa'o/ /bgrod par bya ba ma yin pa bgrod pa gang gi phyir na bud med de dag rnams la</font><hr>65.120a<br><font size=+1>

ni skye bo thams cad dogs pa skye bar 'gyur te/ skye bo thams cad kyang dga' bar 'dzin pa dang bral bar 'gyur ro/ /bgrod par bya ba ma yin pa de'i rjes su 'brel pa'i dri ma lhan cig skyes par phyi bzhin rjes su sbrel ba gzhan ni spyod pa 'byed pa'o/ /spyod pa 'byed pa yang gzhan med pas med par 'gyur ro/ /gang zhe na 'di lta ste/ rtsod pa la dga' bas so/ /rtsod pa la dga' ba med pas de'i rjes su 'brang ba'i dri ma gzhan rnams kyang med par 'gyur ba ni 'di lta ste/ yul ljongs 'joms pa'o/ /rtsod pa la dga' ba dang bral bas yul ljongs 'jig pa rnams kyang de med pas med par 'gyur ro/ /gang yang phan tshun du zhe 'gras pas mtshon chas gtub pa la dga' ba dang / skyes pa rnams phan tshun du rnam pa sna tshogs par gyur pa de dag rnams kyang gang gi phyir phal cher ni bud med kyi rgyu las yin pa'i phyir te/ rgyu gzhan rnams kyis ni ma yin no/ /de'i phyir des de ltar 'dod chags rab tu bcom pa'i phyir gcig gi steng na gcig gnas pa'i dri ma de dag rnams thams cad kyang med par 'gyur ro/ /de dang rab tu 'brel pa dang / des gang bar gyur pa de lta bu'i rang bzhin can gyi bud med rnams kyi sems ni dge ba'i bshes gnyen gyi kha nas thos pa'i sangs rgyas kyi bka' ma gtogs pa gzhan rnams kyis ni 'jam por bya bar nus pa yang ma yin te/ gzhan du ni bud med gang dag de bzhin du mi 'gyur ro/ /de'i tshe khyim gyi gnas shin tu spang bar dka' ba spangs nas dad pas khyim nas khyim med par rab tu 'byung ste/ gang gi tshe zag pa rnams zad par bya mi nus pa yang de'i tshe legs par bsgom pa'i tshul las dge slong gcig pu lam du 'gro bar mi bya'o// de ci'i phyi zhen/ dge slong gcig pu zhig ljongs rgyur 'gro ba na 'phya bar 'gyur ro/ /rang dgar yang 'gyur ro/ /rang dgar gyur pas kyang bslab pa'i gzhi rnams las 'da' bar byed do/ /grong dang / grong khyer dang / </font><hr>65.120b<br><font size=+1>

grong rdal dang / yul ljongs su yang 'dod rgyal du sdom pa gtong bar byed pa ste/ dge slong gzhan la 'jigs pa med pa'i phyir ro/ /des yul ljongs kyi bud med dag mngon du mthong nas reg dogs kyi sems g.yo bar gyur pa'i rang bzhin gyis mig gtod par byed do/ /de'i mig gis bltas par gyur pas mngon par mthong nas khyim pa dang yul ljongs pa rnams kyis dge slong de rmongs par byed do/ /de la smad par gyur pa na kun tu zhe sdang bskye'o/ /de las dge slong 'di'i snying la skyon gnyis pa kun tu skye ste zhe sdang ngo / /de 'dod chags dang zhe sdang gi dbang du gyur pas gti mug gis shin tu bar rmongs par 'gyur ro/ /de ltar dge slong gcig pu zhig ljongs rgyu bar byed pas rgyu ba na skyon gsum rab tu 'phel ba yin no/ /de'i phyir na gcig pu zhig gis ljongs rgyu bar mi bya'o/ /'di ni rnam pa gcig yin no/ /rnam pa gzhan yang dge slong rnams kyis rgal bar mi bya ba 'di lta ste/ lus dran pa'i rnam pa'o/ /'di na dge slong lam du 'gro ba na lus su gtogs pa la 'gro ba'i dus su dran pa bskyed par bya ste/ dper na bdag gi rkang pa 'degs pa la sems dang sems las byung bas kun du rtog cing yid la byed pas de rkang pa nas lus ma lus pa la dpyod par byed do/ /de la rkang pa g.yas pa dang g.yon pa bteg pa'i g.yas pa dang g.yon pa de dag rgyus pa'i dra bas kun nas sbrel ba/ rus pa la tshil dang lpags pas g.yogs pa tshigs pa rgyus pa'i 'brel pas sbrel bar gyur pa las kyi rlung gis rgyu ba'i sems kyi bya ba'i rjes su 'jug pa dang / bteg cing 'dor ba na 'khum pa ltar 'gyur ba/ gzhi la bzhag pa na rnam par dbye bar 'gyur ba/ chu rgyus kyi stobs kyis sbrel ba'i rkang pa de sor mo lnga po thams cad kun du sbrel ba/ sen mo dang nye ba'i sen mo rnams nye bar skyes pa mngon par mthong nas pus mo la so</font><hr>65.121a<br><font size=+1>

sor rtog par byed de/ gzhong pa ring po dang 'dra bar gyur pa sha'i 'dam dang sha'i 'dam rnams kyis de kun du byugs pa/ rgyus pas kun nas sbrel ba/ rus pa'i sbubs dang bcas pa/ chu rgyus ring pas kun nas sbrel ba/ sngon byas pa'i rgyu rkyen gyis bskyed pa/ ba spu'i khung bus yongs su khyab pa'i phyi rol na sbrang bu rnams 'bab pa/ lpags pa mthug pos g.yogs pa gang yin pa'i pus mo gcig des yang dag pa ji lta bar so sor legs par rig par byed do/ /des lus 'di 'chag par gyur pa na rab tu g.yo bar gyur pa de dag rnams rim pa so sor rtog par byed de/ pus mo dang / brla dang / byin par gtogs pa'i chu rgyus dang / khrag dang / sha dang / tshil dang / rus pa la yang so sor rtog par byed do/ /sems dang sems las byung ba rnams las kyi rlung gis bskyod nas 'gro bar byed pa yin no/ /gzhan yang lus de nyid kyi 'du shes can gyis ji srid du steng nas dmyal ba'i bar du so sor rtog par byed de/ sha dang chu rgyus phan tshun du sbrel bar gyur pa sha'i byug pas kun tu byugs pas ches sbom par gyur pa chu ser kun nas 'dzag pa/ khrag dang / tshil rnams kyis gang ba/ mdangs 'ba' zhig tsam gyis yid 'phrog pa rnams des rnam par dpyod par gyur pas rtsa sbubs gcig la yang dag pa ji lta bar so sor rtog par byed do/ /bteg par gyur pa na gzhan yang de kho na ltar so sor nges te/ de ltar yang srog gcod pa dang / ma byin par len pa dang / mi tshangs par spyod pa dang / brdzun dang / tshig rtsub dang / phra ma dang / kun tu 'brel pa med pa rnams rnam par spangs shing legs par bsgoms la yang dang yang du bstan cing bsgoms la lan mang du byas pa'i bud med rnams ni lus zhig nas mtho ris bde 'gro'i 'jig rten gyi lha rnams su skye'o/ /</font><hr>65.121b<br><font size=+1>

gang dag 'dod pa rnams la 'dod chags dang bral ba'i lam ma thob pa rnams ni las dang sems kyi dbang gis 'dod pa na spyod pa rnams las 'thab bral ba rnams kyi nang gi tshogs pa rgyu ba na rnam par spyod pa gang yin pa'i sar skye'o/ /gang gi tshe skyes pa nyid 'ongs par gyur na de rnam pa de lta bu mchog tu legs pa'i tshul khrims kyis ma'i tshul du rjes su gnas so/ /de rnam pa de lta bu'i skye ba thob pa'i lha gang yin pa de yang bag med pas bag med par spyod par 'gyur ro/ /de de dag rnams zad nas slar yang dmyal ba 'am/ yi dgas sam/ dud 'gro rnams su skye'o/ /gzhan yang lha'i tshogs rnams su gong nas gong du 'jug par byed pas bud med kyi srid pa sgrub par byed do/ /de nas de'i tshe bcom ldan 'das des tshigs su bcad pa gsungs pa ji ltar/ 'dod chags phrag dog g.yo rnams kyi/ /sa gzhi'i sems ni zo chun glog /lcags bsregs nga rgyal skye gnas rnams/ /blo gtad nam yang yod ma yin/ /mtshon cha me dang mtshungs par rno ba rnams/ /gzugs kyi zhags pas bdag dang gzhan rnams kyis/ /dong dang g.yang sa mi bzad pa rnams dang / /zab par mtshungs pa'i sems dang ldan pa yi/ /dang po nyid nas gzhan la dgra ni byed pa yin/ /sgyu ma mig 'phrul de la song ba'i sems/ /dus min 'chi bdag dang ni rdo rje me/ /dus kyi ri bo dang mtshungs bdag nyid rnams/ /sems ni rnam pa du ma dag gis kyang / /skyon rnams du ma kun tu spyod byed pa/ /gal te bud med rnams ni 'ga' zhig gis/ /tshul khrims yud tsam yid la sgom byed pa/ /de ni sangs rgyas nyi ma'i gsung rnams kyi/ /'od zer rnams kyis rnam par mdzes pa yin/ /de ltar mu su lun d+ha des lha de dag rnams la lha khyed rnams mi'i bud med du</font><hr>65.122a<br><font size=+1>

gyur pa na spyad pas 'dis skyes pa yin no zhes de ltar skye ba gzhan du spyad pa'i tshul khrims de rab tu ston par byed do/ /de gal te bud med kyi dngos por gyur pas bskyed pa'i tshul khrims gal te mer gyur pa 'am/ lhar gyur pa na yang bag med pas zad par byed pa'i lha de rnams ni shin du bslus par gyur pa yin no/ /des na rings pa rings par bag med par ma byed ces bcom ldan 'das des lha rnams la phan par bzhed pas de ltar rjes su gdams par 'gyur ro/ /yang dag par rdzogs pa'i sangs rgyas rnams thams cad kyi yang 'khor rnam pa bzhir 'gyur ba de nyid kyis ni sring mo'i 'khor rnams kyi gting de la dge slong gi 'khor rnams yin no/ /de la snga phyi rim pas dge slong gi sdom pa rnams la zhugs pa mchog tu rgya che ba'i dge bas bsgos pa'i rgyud rang la yang sdug bsngal 'byung bas 'jigs par lta ba 'jig rten gzhan du 'gro bas skrag pa 'khor ba thams cad la yid 'byung bas kha na ma tho ba phra rab tsam la yang 'jigs par lta ba gnya' shing gang tsam tu lta ba snying las chung ba mchog tu zab pa rgya che ba'i dge ba tshul khrims dang sbyin pa la rgyud goms pa/ 'phags pa'i bden pa bzhi la spyod pa la ched cher byed pa'i dge slong de ni rnam pa du yod pa dang / rnam pa yang du yod na gang dge slong rnams kyis 'da' bar mi bya ba ni rnam pa bzhi'o/ /bzhi po gang zhe na/ de ltar gcig pu rgyu bar byed pa'i rnam pa rab tu rig par byed do/ /bskum pa dang brkyang bar gyur pa na yang ji lta bu'i rang bzhin gyi rtsa phra bar gyur pa rnam pa du ma la kun du lta bar byed do/ /rab tu g.yo bar byed pa dang / 'gro bar gyur pa yang rnam pa du mar gyur pa'i rlung gis kun nas g.yo ba dang de'i 'brel pa steng du gzhir gyur pa pho ba'i tha snyad du bya ba bshang ba dang gci ba'i gnas de rnam pa thams cad tu mi gtsang ba'i sngar gyi gzhi la rgyu bas rgyu ba'i cha shas rnams rab tu 'byung bar gyur pa na yang dag</font><hr>65.122b<br><font size=+1>

pa kho nar lus kyi rjes su song ba'i dran pa dge slong gis ches steng nyid du rab tu g.yo bar gyur pa'i rang gi lus 'gro ba nye bar rtogs par byed do/ /ji ltar zhe na/ bdag lam du 'gro bar gyur pa na bdag gi rgyu ma dang gnye ma dag rab tu g.yo bar gyur pa rnams la des lta ba ni rkang pa bteg pa na dbugs rngub pa dang lhan cig tu 'grogs pa rab tu g.yo ba'o/ /bdag gis rgyu ma rab tu g.yo ba de dag thams cad g.yon logs nas g.yas logs su rab tu g.yo bar 'gyur la g.yas nas kyang g.yon du'o/ /rgyu ma de dag rnams rlung dang / mkhris pa dang / bad kan dang / bshang ba dang / gci ba dang srin bus rab tu gang ba rnams g.yo bar mngon par mthong nas ji lta ba bzhin du rjes su lta bar byed do/ /lus de'i rgyu ma dang gnye ma dang bcas pa rnams dge slong gis yang dag par mngon par mthong nas gzhan yang shin tu mtho bar gyur pa'i lus dag la rnam par lta bar byed de/ long kar gyur pa la rgyus pa'i 'khrul 'khor gyis kun nas sbrel ba ji ltar mthong ba'i logs la rgyus pa'i dra bas kun nas sbrel ba nang na zas kyi ro rnams rul ba ni de ma thag tu skyug pa lta bu'i bad kan rnams dang ldan pas nad rnams gang bar gyur pa shin du 'jigs su rung ba'i shin du dri mi zhim pa rnams kyis mgrin pa dang / mig mchu rgyus pa dang / gnad dang / rus pa kun du bkang zhing kun nas 'dzin pa ni las kyis bskyed pa'i rlung 'ba' zhig gis sems dang sems las byung ba rnams lhan cig tu 'dzin par gyur pa dang / 'gro bar gyur pa na yang lus la so sor rtog par byed do/ /gzhan yang lus de nyid rab tu g.yo bar gyur pa na yang so sor rtog par byed do/ /dge slong des ji lta bar kha dang / 'gram rus dang / glad phor gyi tshogs 'dus pa dang / mig phor gnyis dang gcig lhag pa 'dzums pa dang / 'byed pa dang / 'bras gnyis dang / </font><hr>65.123a<br><font size=+1>

bdag gi de dag rnams shing gi 'khrul 'khor gyi bud med bzhin du rgyus pa'i 'khrul 'khor gyis kun tu sbrel ba/ skad cig dang skad cig la skye bar 'gyur zhing 'chi bar 'gyur la 'pho bar 'gyur bas grong dang / grong khyer dang / grong chung rnams su bdag 'gro bar byed pa/ lus kyi gong bu'i khog tse sbrul dug can gyi khog pa nyid gces par 'dzin pa yin pas rgyags pas rgyu bar ma byed/ zas kyi don du kun du 'chums par mi bya ba dang / bdag gis rab tu bgad par yang mi bya'o/ /'gro ba'i dbang du byas nas des de ltar bgrod par byed pa'i dge slong ni rnam pa gnyis pa rgal bar mi 'gyur ro/ /grong dang / grong khyer dang / grong chung rnams su bsod snyoms la zhugs par gyur pa la ji lta ba bzhin du bdag nyid kyi lus las so sor dpyod par byed de/ de ltar de lus legs par bsgoms pa dang / brtson 'grus brtsams par gyur pas bud med rnams nyid dang / skyes pa rnams thams cad la yang de de ltar 'dod chags la sogs pa'i dri ma rnams snying la mi 'jug go/ /rnam pa de lta bu rnams las ni des srog gi dbang po'i phyir yang rgal bar mi bya ste/ rnam pa 'di rnams ni dge slong nges par legs par 'dod pa rnams kyis rgal bar mi bya'o/ /gzhan yang rnam pa gsum pa dge slong gis rgal bar mi bya'o/ /'di lta ste/ dge slong rnams kyi ni rtag pa nyid du dran pa nye bar gnas par bya'o/ /dran pa nye bar gnas pa las kyang dge slong shes bzhin dang ldan par 'gyur ro/ /dge ba'i bshes gnyen gyis dge ba'i yid can blo rnam par mi g.yeng ba de lta bur gyur pa'i dge slong de la ni rtag par yang lha rnams phyi bzhin nye bar gnas par 'gyur ro/ /de la bdud kyi ris kyi lha dag gis kyang mtho brtsam par mi nus so/ /ji ltar na dran pa nye bar gnas pa yin zhe na/ 'dun pa sngon du 'gro bas</font><hr>65.123b<br><font size=+1>

sems dang sems las byung ba'i chos rnams 'jug pa yin te/ skyes pa dang ma skyes par gyur pa dang / ma skyes pa rnams bag dang ldan pa'i blo shes bzhin dang ldan par gyur pas yang dmigs pa las sems dang sems las byung ba'i chos 'di dag rnams nyid skye bar 'gyur te/ dge ba dang / mi dge ba dang / lung du ma bstan pa rnams so/ /rkyen gyi khyad par gyis bdag la dge ba'i chos phan pa dang / bde ba dang / mya ngan las 'das pa'i mthar thug par 'gyur ba rnams skyes pa dang / de nyams pa na chos gzhan sems dang sems las byung ba'i rkyen gyi khyad par las skyes pa mi dge ba dang / mnyam par ma bzhag pa dang / bde ba ma yin pa 'byung bar 'gyur ba rnams te/ des dge ba 'di dag rnams kyang yang dag pa ji lta ba bzhin du rab tu shes so/ /so sor legs par rig par byed do/ /sems kyis rnam par dran par byed do/ /de bzhin du yid du mi 'ong ba'i chos rnams la cha shas so sor byed do/ /dran pa lnga'i ro rnams kyang myang bar mi byed do/ /sems kyis kun du rtog par mi byed do/ /da ltar ba rnams spong bar byed do/ /dran pa lnga gang zhe na/ 'di lta ste/ gzugs gang yid du 'ong ba mig gi yul nyams su myong bar gyur pa la 'du shes sngon du song bas thag nye ba dang / thag ring ba dang / mdog bzang po 'am/ mdog ngan pa 'am/ rid par gnas pa 'am/ dus ches snga ma na nyams su myong ba 'am/ rang nyid la gyur pa rnams sam/ gzhan gyis nye bar longs spyod pa'i gzugs rnam pa sna tshogs pa de dag rnams la yang dge slong 'dis ro myong bar mi byed do/ /dpyod par mi byed do/ /rkyen gyi dbang gis 'ongs pa rnams kyang yongs su spong bar byed do/ /ji ltar 'ga' zhig sreg par byed pa'i skyon gyi 'jigs pas 'jigs nas me spong bar byed pa</font><hr>65.124a<br><font size=+1>

de bzhin du dge slong 'di yang 'dod chags gyis sreg pa'i 'jigs pas 'jigs nas 'das pa'i nyon mongs pa'i me dga' ba'i 'dod chags sdug bsngal mang po'i mthar thug pa 'byung bar 'gyur ba'i gzugs nyams su myong ba de dag dran par mi byed do/ /sems gnas par mi byed do/ /de ltar gang dag 'das pa nyams su myong ba rang dang gzhan rnams kyis nye bar spyad par gyur pa sna tshogs pa rnams la de lta de ltar kun tu rtog par mi byed do/ /don du gnyer bar mi byed do/ /gzhan yang lhan cig 'grogs pa rnams dang nye gnas rnams kyang myang bar byed pa na 'gog par byed do/ /rjes su yi rang bar mi byed do/ /lam la rab tu 'god par byed do/ /'gyur ba med pa'i dge slong mi brkam par 'dod pa la 'chums pa ma yin pa dran pa nye bar gnas pa kun nas nyon mongs pa'i chos rnams dang mi ldan pa legs par sdom par byed pa'i mig gi rnam par shes pa gzugs rnams kyis khrid par mi byed do/ /gzhan yang dran pa gnyis pas legs par bzung bar gyur pa ni rna ba gang dag gis sgra rnams thos pas yid 'phrog par byed pa gang glu dang / rol mo'i sgra dang / gad mo rnams dang / rtsed mo dang / sngon nye bar longs spyad pa de dag rnams 'dis dran par mi byed/ sems kyis sems par mi byed/ kun tu rtog par mi byed do/ /rkyen las byung ba gzhal du med pa rnams kyang rkyen las spong bar byed do/ /ji ltar 'ga' zhig sreg pa'i rkyen gyis 'jigs pas 'jigs nas me yongs su spong bar byed pa de bzhin du dge slong 'di yang rkyen rnams kyis yongs su spong bar byed do/ /gzhan rnams kyang rna ba'i rnam par shes pas sgra nyan par byed par gyur pas nye gnas sam/ lhan cig 'grogs pa rnams lam la rab tu 'god par byed do/ /rjes su yi rang bar mi byed do/ /mchog tu dge</font><hr>65.124b<br><font size=+1>

ba'i las kyi mtha' la spyod pa'i dge slong de'i 'dod pa rnams la dad che ba ma yin zhing sgra la brkam pas mi 'khrid do/ /de'i dran pa ni brten par 'gyur ro/ /sgra rnams kyis 'phrogs pa ma yin no/ /dran pa gnyis pa dang ldan pa'i dge slong rnams ni brtson 'grus yang dag par brtsams par 'gyur ro/ /shes bzhin dang ldan pa tshangs par spyod pa la goms pa'i tshul khrims la rab tu gnas pa yin no/ /gzhan yang dge slong dran pa dang ldan pas sgom par mi byed/ ro myang bar mi byed/ sems kyis rab tu rtogs par mi byed pa rnams ni gang dag 'dis sngon bsnams par gyur pa dri rnams dri zhim pa dang / dri nga ba dang / dman pa dang / mchog dang / yul thag nye ba na gnas pa de dag rnams kyang 'dis kun du dran par mi byed do/ /sems la rab tu 'jog par mi byed do/ /rkyen gyis nang gi bdag nyid du son pa rnams kyang yongs su spong bar byed do/ /gzhan yang nye bar gnas sam/ lhan cig rgyu ba rnams la yang sna'i rnam par shes pa dri snom du mi 'jug sems kyis rab tu dpyod par mi byed/ gang dang po nyid nas 'dis yid rab tu zlog par byed do/ /rjes su yi rang bar mi byed do/ /dge slong de bdag dang gzhan dge ba la spyod par byed pa/ dge ba'i chos dang ldan pa/ dran pa nye bar gnas pa/ zhen pa med par shes bzhin dang ldan pa yin no/ /'chums par gyur pas sna 'phrogs par mi 'gyur ro/ /dge slong de ni sdig pa rnams sbyangs par gyur pa yin zhing legs pa'i tshul khrims dang ldan pa dran pa nye bar gzhag pa'o/ /gzhan yang dran pas dran par mi byed pa ni gang 'dis sngon myangs par gyur pa de dag rnams te/ yid du 'ong ba rnams dus rab tu chod pa na myangs pa 'am/ dus nye ba na myangs par gyur pa yang rung ste/ de dag rnams 'dis</font><hr>65.125a<br><font size=+1>

myang bar mi byed do/ /kun tu rtog par mi byed do/ /rkyen gyis 'ongs pa rnams kyang me bzhin du yongs su spong ngo / /gzhan yang ros khrid par gyur pa'i nye gnas dang lhan cig 'grogs pa rnams ro la 'chums pas kun du drangs par gyur pa rnams kyang rab tu 'gog par byed do/ /rjes su yi rang bar mi byed do/ /'di ni dge slong zhen pa med pa/ dran pa nye bar gnas pa/ shes bzhin dang ldan pa/ sdig pa bcom pa/ dge ba'i tshul khrims can/ bdag dang gzhan la phan pa la zhugs pa zhes brjod do/ /gzhan yang dge slong gis dran pa ngan pa rnams sgom par mi byed cing sems rab tu gnas par mi byed pa ni gang reg par bya ba de la reg par mi byed do/ /kun nas nyon mongs pa can gyi bde ba yin pa'i phyir mthug pa dang / srab pa dang / 'jam par gyur pa'i dngos po 'di'i chos de rnams yang 'dis ro myong bar yang mi byed do/ /kun du rtog par yang mi byed do/ /rkyen gyis byung ba rnams kyang me bzhin du spong bar byed do/ /gzhan rnams la yang de bzhin du spong du 'jug go/ /lus su gtogs pa'i reg byar gyur pa la brkam pas drang bar gyur pa rnams la rjes su yi rang bar mi byed do/ /gang 'di la dge slong ro dang reg bya rnams spangs pa shes bzhin dang ldan pa tshul khrims dag pa dang / gtsang ma la spyod pa dge ba'i chos la legs par kun nas gnas pa mya ngan las 'das pa'i mthar thug pa zhes brjod do/ /yang dran pa lnga po 'di dag rnams dge slong gis rtag tu bsgom par bya zhing yid la bya'o/ /lnga gang zhe na/ 'di lta ste/ dus dran pa dang / na tshod rnams dran pa dang / mya ngan las 'das pa dang / 'gro ba dang gnas pa'o/ /de la ji ltar dge slong gis dus dran pa bsgom par bya na/ 'di na dge slong rtag pa kho nar lus dran pa nye bar gzhag pa sgom par gyur pas</font><hr>65.125b<br><font size=+1>

mi rmongs shing yul gyis mi 'jogs so/ /rnam par nyams par mi byed de/ dge slong dag gis shes par bya ste/ 'di na nyin dang mtshan du yang de bzhin du dge ba rnams so sor rig par bya ste/ mi nyal bar dbugs 'jug pa dang 'byung ba la mngon par brtson pa dang ldan pa zhes bya ba gang gi phyir dbugs 'byung ba dang 'jug pa skad cig pa rkyen gyis nges par myong bar 'gyur ba dma' ba dang mtho bar byed pa po 'dis de ltar bdag gis gsus pa rgyas par byed pa khams dang / skye mched rnams 'thob pa skad cig la steng du 'gor ba med par byed par gyur ba'i 'dus byas kyi chos 'di dag rnams thams cad ni khams dang / phung po dang / skye mched rnams kyis nges par bsdus pa mig btsums pa dang / 'byed par byed pa dang / dbugs 'byung ba zhes bya ba'i tha snyad du bya ba'i rlung rnams gang dag yin pa 'dus byas su gyur pa de dag rnams ni 'gag pa 'jig pa rul bar gyur pa yin no/ /gzhan yang de'i rjes su thogs la rkyen gzhan las rab tu 'byung bar 'gyur la skad cig tu yang mi 'gor bar lhan cig tu dbugs rngub par byed pa'i de ltar dge slong 'di dus kyi rjes su zhugs pa'i dran pa dang ldan pa des rab tu bsgral bar gyur pa'i yid la byed pa'i bya ba dang ldan par gyur pas bdag nyid kyis so sor rig par byed do/ /khams dang skye mched kyi tshom bur gyur pa'i lus 'di ni skad cig gi khog tse las nye bar 'tshe ba dang bcas pa lus 'di thams cad kyis stong pa lta bur gyur pa la ni byed pa po dang / tshor ba po rnams ni yod pa ma yin gyi/ rgyu dang rkyen phan tshun gyi dbang gis tha snyad kyi lus 'di kun nas bskyed pas rab tu 'jug par 'gyur ba yin no/ /skad cig dang skad cig la skye zhing 'chi la/ tshor ba po rnams ni yod pa ma yin / rgas par gyur zhing 'chi 'pho</font><hr>65.126a<br><font size=+1>

dang skye ba'i phung po 'ba' zhig tu gyur pa ni 'khor ba'i phung po thams cad yin no/ /de ltar sgom pa'i dge slong dus rnams 'bras bu med pa ma yin par byed pa de ni rab tu dang ba bzhi dang legs par ldan par sems kyis sems rab tu dang bas 'di'i bzhin gyi kha dog rab tu dang bar 'gyur ro/ /'di'i dge ba dang mi dge ba'i las rnams kyang rab tu dang bar 'gyur ro/ /'jig rten pha rol tu phan par byed pa po nyid dang / mya ngan las 'das pa'i yang mthar thug pa'i dge slong 'di'i tshul khrims la rnam par dpyad nas sbyin pa po dang sbyin bdag gang yin pa rnams kyang mchog gi rab tu rangs pas yid rab tu dang bar 'gyur ro/ /tshul khrims dang ldan pa mchog tu dge ba yang dag pa'i don la spyod pa po dge slong rnams ni bzhi po de dag rnams rab tu dang bar 'gyur ro/ /thams cad tu shin tu rab tu dang bas bde bar nyal lo/ /de nyal ba na chos dang ldan zhing chos dang rab tu 'brel pa'i rmi lam bzang po mthong bar 'gyur ro/ /de bzhin du de rgyags pa ma yin pa bag dang ldan par rgyu bas chos bdun 'phel bar 'gyur te/ bdun gang zhe na/ 'di lta ste/ dge ba'i chos rnams dpyod pa'i dbang du byas pa'i chos kyi spobs pa dang / de dge ba'i las kyi mtha' rnams la spyod pa'i dga' ba dang ldan par 'gyur ro/ /de'i dga' ba yang mngon par 'phel bar 'gyur ro/ /dga' ba rgya che bar gyur pa gang gi phyir ming dang gzugs dag phan tshun gyi dbang gis 'phel bar 'gyur ro/ /'phel zhing rgyas pa'i rgyu 'dis lus kyi nad med pa'i lus dang sems dag kyang phan tshun gyi dbang gis bde legs su gyur pas yid gzhungs par gyur te/ yid gzhungs pa'i ming ni sngon byas pa'i dge ba'i chos rnams rjes su dran pa yin te/ 'di'i yid gzhungs pa de yang 'phel lo/ /dge ba'i chos rnams la rtag tu</font><hr>65.126b<br><font size=+1>

yang dran pa 'phel lo/ /dge ba'i chos rjes su dran pa rnams 'phel ba bsams nas kyang 'di'i bde ba rnams kyang 'phel lo/ /bde bar gyur pa rnams kyi yang stobs 'phel bar 'gyur ro/ /chos bdun 'phel ba rnams ni bde bas mtshan mo 'da' bar byed la nyal ba na yang mtshan mo lus sgom pa dang / sems kyang sgom par 'gyur ro/ /de ltar dus rnams dran pa yin no/ /ji ltar na dge slong nyin mo dang mtshan mo dus dran pa dang yang dag par ldan pa yin zhe na/ dge slong dag 'di na dge slong gis mig btsums pa dang phye ba rtogs par byed de skad cig pa'i mig btsums pa dang / lhan cig tu bdag gis dus su gyur pa gang zhig legs par rab tu thob pa dang de dang lhan cig 'grogs pa'i sems dang sems las byung ba'i ngo bo de rnams ni dus mi ring ba na zhig cing rul bar 'gyur ba'o/ /de la dus 'di gang dag rim gyis 'gag pa dang skye ba yang yin zhe na/ rab tu skye ba rnams la yang tshe zad pa sgrub pa yin pa gang gi phyir bdag gi lang tsho rnams ni rgas pas zad par 'gyur ro/ /gang skye bo thams cad kyis kyang bzlog par bya ba'i thabs med pa'i 'chi bdag gson pa thams cad rab tu 'joms par byed pas shin tu myur zhing mgyogs par 'bab pas srid pa gzhan du bdag 'gag par 'gyur ro/ /bdag bag chags su gyur pa thams cad kyi gson pa 'di ni shin tu myur bar 'jug pa'i phyir na rgyu med par mchi ma 'byung ngo / /dper na mar me gnas par gyur pa'i mes snum rnams 'thung bar byed do/ /de kho na bzhin du zhen pa'i rang bzhin du gyur pa'i bdag rnams kyis kyang snum 'dra ba'i tshe 'thung bar byed pa 'di dge slong dag gis bsam par bya'o/ /nges par legs pa la rab tu brtson par bya'o/ /de ltar yang nang gi bdag nyid dngos po 'di rnams ni rab tu nyams par byed</font><hr>65.127a<br><font size=+1>

pa'i chos bzhis zad par byed pa yin pa de bzhin du phyi rol gyi 'dus byas kyi dngos po rnams thams cad kyang bzhis 'joms par byed de/ ri dang / nags dang / chu klung dang / grong khyer dang / grong dang / grong rdal dang / sman gyi ljongs dang / bskyed mos tshal rnams mi'i 'gro bas bsdus pa rnams dang / lha'i 'jig rten gyi yang ste/ 'jom zhing zad par 'gyur ro/ /nags dang / nye ba'i nags dang / rdzing bu dang / ljon shing gi nags rnams kyang lha rnams thams cad bag med par spyod pas nyams shing nyams par yang 'gyur ro/ /de dag rnams thams cad med pas yang dang yang du dmyal ba dang / yi dgas dang / dud 'gro rnams su skye'o/ /'jig rten 'di dag thams cad rang gi las la longs spyod pa rnam pa du mar kun du gnas pa med pa rnams la g.yeng ba med pa'i blos lta bar byed do/ /gcig tu nges pa'i blos dran pa brtan pa rnam par ma g.yengs pa'i dran pa dang ldan pa cig tu de kho na nyid la blta bar gyur pas rtogs nas gzhan yang dus de nyid la so sor dran pa dang shes bzhin dang ldan pa yin te/ dge slong de ni ci lta bu'i spyod lam gyis gnas pa'i rab tu byas pa dang / sdom pa la gnas pa'i dbang du byas pa dang / ji lta ba bzhin du dri ma las ldang ba'i dus ni 'di yin no/ /bsam gtan gyi gnas pas nye bar 'phel bar bya ba'i dus ni 'di yin no/ /nye bar bcag pa'i dbang du byas pa'i dus ni 'di yin no/ /bla ma'i dus ni 'di yin no/ /bdag gi zas kyi dus ni 'di yin no/ /bdag gi chos gos bsdu zhing byi dor bya ba'i dus ni 'di yin no/ /bdag sbyin pa po dang sbyin bdag rnams kyi drung du song la chos bstan pa'i dbang du bya ba'i dus ni 'di yin no/ /de las bdag phyir 'gro</font><hr>65.127b<br><font size=+1>

bar bya ba'i dus ni 'di yin no/ /dge slong des dus thams cad nyid du dus kyi rjes su rtogs pa'i dran pa yin no/ /de ltar na dge slong dus kyi rjes su zhugs pa'i dran pa can yin no/ /gzhan yang ji ltar na tshod dran pa yin na ni 'di na dge slong dag dge slong bdag nyid kyi ji srid mngal nas bzung nas na tshod kyi rjes su 'brel ba rnams dran par byed do/ /lus kyi na tshod rnams kyang gang gi phyir skad cig pa nyid yin te/ nur nur po dang / ltar ltar po dang / mkhrang 'gyur dang / gor gor po dang / gong po dang / yan lag dang nying lag 'gyus pa rnams dang / byis pa dang / gzhon nu dang / bar ma dang / rgas par gyur pa la sogs pa lus kyi na tshod snga phyi'i rim pa rnams shin tu myur zhing gar yang gnas pa med pa'i lus skad cig pa 'di la lta bar byed do/ /byis pa'i skye bo bag med pas nye bar bcom pa rnam par rtog pa'i rgyas bcus pa srid pa'i chu bos khyer ba 'di dag rnams kyis ni so sor rig pa yang ma yin la skal ba 'thun pa'i rigs gzhan rnams nas 'chi 'phos nas las kyi lcags sgrog gis rgyud kun tu bcings shing slar yang skye ba gzhan gang yang rung ba gcig du skye bar 'gyur ro/ /gzhan yang de rang gi las kyis nye bar 'gro bar gyur pas lus dang sems kyi rgyud kyi rjes su 'brel ba'i nur nur po dang / ltar ltar po dang / mkhrang 'gyur dang / gor gor po dang / sha'i gong bu dang yan lag dang nying lag dang ldan par mi'i 'gro bar skye bar 'gyur bas byis pa dang / gzhon nu bdo ba dang / bar ma na gnas pa'i gnas skabs de dag nyid rim gyis 'chi ba'i mthar thug par 'gyur ro/ /gcig ji ltar de bzhin du 'dod pa'i khams pa rnams thams cad kyang so so so sor sngon gyi las kyis kun nas sbrel bas ji ltar rjes su 'thun pa'i lus kyis bsdus</font><hr>65.128a<br><font size=+1>

pa dang / lus dang lhan cig 'grogs pa'i las rnams kyis na tshod dang rjes su 'thun pa'i lugs rnams ni ci nas kyang sems can rnams thams cad la 'gyur ba yin no/ /de lta bu la ni na tshod rnams dran pa'i dge slong zhes brjod do/ /gzhan yang dran pa gsum pa dge slong gis bsten par bya zhing bsgom par bya la mthar thug par yang bya'o/ /gang dag ce na/ 'di lta ste/ 'chi 'pho dang skye ba'o/ /mtshan mo yang bsgom par bya ste/ sems can 'di dag thams cad ni mthar 'chi bar gyur pa ste/ gson pa rnams kyi mtha' ni 'chi bas mthar thug par byed do/ /khams gsum du skyes pa'i sems can rnams thams cad kyang mi rtag pa dang / skye ba dang / 'gag pa'i chos can kun nas 'dus byas pa/ nye bar 'tshe ba dang bcas pa 'dus pa mthar 'bral bar 'gyur bas na lha rnams nas 'chi 'phos nas dmyal ba rnams su skye bar 'gyur ro/ /dmyal ba rnams nas 'chi 'phos nas kyang dmyal ba rnams su skye bar 'gyur ba dang / dmyal ba rnams nas 'chi 'phos nas kyang lhar skye ba dang / mi rnams nas shi nas dmyal ba dang / yi dgas dang / dud 'gro dang / lha dang / mi rnams su yang skye'o/ /yi dgas rnams nas shi nas dmyal ba dang / yi dgas dang / dud 'gro dang / lha dang / mi rnams su skye'o/ /de ltar na 'og dang / thad ka dang / steng gi 'khor ba 'di dag rnams su las kyi rlung gis yongs su 'khor ro/ /rang gi las rnams la longs spyod pas yongs su 'khyam mo/ /'khor ba'i rgya mtsho chen po na yongs su 'khor ro/ /de bzhin du des nam nangs pa dang / nub pa dang / nyin mo dang / mtshan mo yang gcig tu 'chi 'pho dang skye ba dran pa gang yin pa sgom par byed do/ /de'i dge slong 'di'i gang dag gson pa'i rgyags par gyur pa gcig tu</font><hr>65.128b<br><font size=+1>

chags par byed pa'i log par yongs su zhen pas byas pa de bsnyungs par gyur pa 'am/ rnam pa thams cad du yang med par 'gyur ro/ /dran pa rnams kyi nang na mchog ni 'di yin te/ 'di ltar 'chi 'pho dang skye ba dran pa'o/ /de'i phyir mya ngan las 'das pa'i grong khyer du 'jug par 'dod pa rnams kyis 'di bsten par bya'o/ /yid la bya'o/ /rgyu gang gis sems can 'di dag rnams drin med par 'gyur ba ni rtag pa'i go 'phang tshol bar byed pa don med do/ /gang gi phyir sred pa'i zhags pas kun du bcings nas 'khor ba na yongs su 'khyam pa rnams kyis rtag pa'i go 'phang 'thob par 'gyur ram/ de nas de'i tshe tshigs su bcad pa gsungs pa ji ltar/ srid pa'i 'jigs las rnam grol zhing / /thams cad la yang chags med pas/ /'dod dang bral ba'i brtan pa ni/ /go 'phang mya ngan 'das la gnas/ /srid pa'i skyon du bying ba la/ /dka' thub spyod pas dga' ba yi/ /de yi yid rnams ngal sos kyang / /zhi bar 'gyur ba yin nam ci/ /gang gi yid kyang rnam 'khrul bas/ /lus rnams la ni rab tu rgyugs/ /de ni chos kyi lam nor bas/ /dmyal bar skye bar 'gyur ba yin/ /bag med pas ni sems dkrugs pas/ /de nyid rjes su mthong ba min/ /bag med pa yang me dang 'dra/ /de phyir 'bad pas yongs su spongs/ /bag med pas ni rnam 'joms pa'i/ /skyes bu las kyi skye gnas skyes/ /lam yang rnam brgyad des legs pa/ /thams cad nyid du mi mthong ngo / /bag med yul ni brten pa yis/ /chos bcu rnam par nyams pa yin/ /de ni rtag tu bag med pas/ /bsam gtan yang ni rab tu nyams/ /bag med sems can thams cad kyi/ /'ching ba rnams kyi mchog yin no/ /bde ba'i</font><hr>65.129a<br><font size=+1>

go 'phang rtag par yang / /bag yod par ni rab rjod do/ /'khor ba'i 'jigs pa ston pa las/ /gang gi blo ni rmongs med pa/ /de ni ngan song 'jigs grol nas/ /rab zhi legs par gnas zhes brjod/ /de ltar 'chi 'pho dang skye ba dran pa ces kyang bsgom par bya'o/ /de bsgoms pa'i phyir rtag tu dga' bar 'gyur ro/ /de 'dus byas kyi dngos po rnams thams cad la 'chi 'pho dang skye ba legs par mngon par mthong nas 'khor ba'i sdug bsngal mang po rnams la so sor rtog par byed do/ /gang zhig 'jig rten 'dir rnam pa du mar sgrub par byed pa'i bag med pa de dag rnams kyang ji lta ba bzhin du spong bar byed pa'i dge slong de rtag tu yang mi rtag pa la rjes su lta zhing gnas so/ /zad cing 'god pa rjes su lta ba blo dang ldan pa dran pa nye bar gzhag cing yid la byed pa dang ldan pa des ni sdug bsngal rnams mthar byed par nus so/ /gzhan yang dge slong gis dran pa bzhi pa yid la bya ba ni 'di lta ste/ phun sum tshogs pa dang rgud pa rnams dran pa yid la byed pa'o/ /'di ltar phun sum tshogs pa dang rgud pa dran pas phun sum tshogs pa dang rgud pa yid la byed pa'i dge slong rnams ni rnyed pa dang bkur sti la mngon par dga' bar mi 'gyur ro/ /'dod pa'i dbang du gyur pas sbyin pa po dang sbyin bdag rnams la brten par mi byed do/ /des rgyal po 'am rgyal po'i blon po gang yin pa rnams mthong zhing de'i bde ba de dag rnams kyang yang dag par mngon par mthong bar gyur pa de'i tshe yang bde bar sems kyis kun tu 'dzin par mi byed do/ /srid pas mi 'ching ngo / /nyin mor kun tu rtog par mi byed cing mtshan mor yang ma yin no/ /shin tu legs par brtag par bya ba'i longs spyod gzhan rnams kyang bdag gir mi byed do/ /gzhan rnams la yang 'thun pa'i sems kyis kun tu lta bar byed do/ /</font><hr>65.129b<br><font size=+1>

'di ltar yang yid kyis sgom par byed de/ ji ltar sems can 'di dag rnams ni rgud pa mthar thug pa 'byung bar 'gyur te/ gang gi phyir phun sum tshogs pa thams cad kyang rgud pa'i mthar thug pa yin pa'i phyir ro/ /ji lta ji ltar phun sum tshogs pa shin tu ches lhag par gyur pa de lta de ltar sred pa rnams stobs ches shin tu lhag par 'gyur ba yin no/ /de rnams rab tu nyams par gyur pa las kyang de la mngon par zhen pas phyis yang rnam par bral bar byas pa'i rnam pa du ma dang rnam par rtog pa du ma ji snyed kyi yid kyi sdug bsngal rnams skye bar 'gyur te/ de'i dpe rnams kyang bya bar sla ba ma yin no/ /de de ltar gang gi tshe phun sum tshogs pa dang rgud pa rnams la legs par mngon par lta bar byed pa de'i tshe lha'i rgyal po rnams kyang 'dod par mi byed na ci yang mi'i rgyal po rnams sam/ 'khor los sgyur ba'i rgyal po rnams 'dod par 'gyur ram/ de ci'i phyir zhe na/ de dag rnams la rgud pa'i sdug bsngal rnam pa du ma kun nas mngon par mthong ba'i phyir te/ gzhan yang rgyal po 'am/ rgyal po'i blon po rnams sam/ khyim bdag rnams sam/ rgyal rigs rnams dang shin tu stobs dang ldan pa gzhan kyi mchog tu phun sum tshogs pa rnams kyang rung ste/ skyes nas lan cig dang lan cig ma yin par rgud par byed par 'gyur ba yin no/ /bu dang / bran po dang / bran mo rnams dang / las byed pa rnams dang / zho shas 'tsho ba rnams dang bral bar 'gyur ro/ /rgud pa'i brel dog tu ltung ba rnams la ni gzhan rnams sngang bar 'gyur ro/ /gzhan rnams kyis bsngangs par gyur pa ni lam srang rnams dang bzhi mdo rnams kyi sgo rnams na lag pa dang rkang pa zad nas khrag 'thig par gyur pa gos ral bar gyur pa bkres pa dang / sgom pas gdungs pas skams pa</font><hr>65.130a<br><font size=+1>

skad chad par gyur pas grong khyer nas grong khyer dang / grong nas grong dang / ri nas ri/ yul chung nas yul chung rnams gang dag yin par rnam pa du mar mchog du mi bzad pa'i sdug bsngal gang yin pa rnams la nye bar longs spyod par byed do/ /de'i tshe dge slong 'dis legs par mngon par mthong nas yid la byed par gyur pa na shin tu yang yul gyi ngam grog rnam pa du mar lhung ba'i 'khor ba la skyo ba skye'o/ /gzhan yang dge slong 'dis mi rnams kyi phun sum tshogs pa rnams rgud pa la lta bar byed pa de'i tshe lha rnams la yang rjes su dpag pa de nyid kyis rjes su dpog par byed do/ /de la re shig mi rnams gang yin pa rnams gzhan gyi dbang du gyur pa dang / me dang chu dang / chom rkun dang / rgyal po'i sgo dag nas kyang nye bar 'tshe bar byed pas rgud pa'i gnas skabs rnams na sdug bsngal ba'i 'jigs pa du mar 'gyur ba rnams la lta brjod du yang ci yod nas lha rnams sha dang / rus pa dang / chu ser dang bral ba lha'i bde ba phun sum tshogs pa lha rdzas kyi pad ma'i phreng bas kun tu dkris pa lha brgya stong du mas yongs su bskor ba dpe med pa'i yon tan rnams phun sum tshogs pa'i bud med kyi 'gro ba rnams kyis yongs su bskor nas rgod pa dang / 'gying ba rtse ba'i bde ba rnams dang ldan pa rnams la lha rdzas kyi bskyed mos tshal dang / rdzing bu dang / ri'i rtse mo rin po che sna bdun gyis shin tu 'bar bas nye bar gsal ba rnams la rnga skad yan lag lnga dang ldan pa rtag tu nye bar bsgrags pa dang ldan pas bde bar rgyu ba rnams rin po che bdun dang / ldan pa'i khang bu na 'od kyis gsal ba'i lus can rnams shin tu rnam pa du mar dpe med pa'i yul gyi bde ba rnams la rtag par brten par gyur pa rnams phan tshun du gnod pa med cing 'thab pa dang rtsod pa rnam par spangs pa rnams la ni gang dag</font><hr>65.130b<br><font size=+1>

kho na yid kyis bsams pa de dag kho na 'thob par 'gyur ba rnams rnga skad yan lag lnga pas rtag tu bsgrags par gyur pa'i yid bde ba'i lha rnams la yang gang gi tshe rgud pas byas pa'i rgud pa'i sdug bsngal rnams 'byung bar 'gyur te/ las zad pa na slar yang dmyal ba dang / yid dgas dang / dud 'gro'i skye ba rnams su skye bar 'gyur ba la mngon du phyogs pa rnams kyis phyir nyid skye ba gzhan du skye bar 'gyur bas byas pa'i rnam pa du ma skye ba gzhan so so tha dad pa rnam pa sna tshogs par 'pho bar 'gyur ba rnams gang gi tshe 'chi 'pho ba na mthong ngo / /de la gang gi phyir dmyal ba rnams su skye bar 'gyur na ni de'i tshe dmyal ba rnams na rab kyi shugs kyis 'bar bas 'khrigs pa dang / bkres pa dang skom pas byas pa'i sdug bsngal rnams la dpe med pa'i zer zug dang ldan pa'i dmyal ba yang sos dang / thig nag dang / bsdus 'joms dang ngu 'bod dang / ngu 'bod chen po dang / tsha ba dang / rab tu tsha ba dang ste/ mnar med pa spangs pa'i dmyal ba chen po bdun po rnams su ji ltar las byas pa bzhin bdag nyid rab tu ltung bar 'gyur ba mthong ngo / /de'i tshe rnam par 'bral bas byas pa gang yin pa'i sdug bsngal chen po de dag rnams mngon par mthong nas/ lus dang yid gang yin pa'i sdug bsngal skye bar 'gyur ro/ /'di bshad par sla ba yang ma yin no/ /dran pa 'di dag rnams ni 'dir dge slong gis lan cig ma yin zhing lan cig ma yin par dang nyin dang mtshan du yang bsgom par bya'o/ /gzhan yang dge slong de lha dang mi rnams kyi phun sum tshogs pa de nyid kyis byas pa'i dran pa rjes su sgom par byed de/ 'gro ba gsum po rnams la ni rgud pa kho na yin gyi/ dmyal ba rnams dang / yi dgas rnams dang / dud 'gro'i 'gro ba rnams la gang la phun sum chags pa 'byung bar 'gyur/ lha dang mi</font><hr>65.131a<br><font size=+1>

rnams la ni bde ba'i rjes su 'thun pa'i tha snyad du bya ba cung zad tsam yod kyang 'thag pa'i snal ma 'chugs dang 'dra bar rang dbang med pa phun sum tshogs pa rgud par byed pa yin no/ /mi rnams kyi lnga gang zhe na/ 'di lta ste/ gang gi tshe mig gis gzugs yid du 'ong ba 'thun pa sdug pa mngon par mthong nas zhen par lta'o/ /de'i tshe ro myang bar byed do/ /'dod par byed do/ /bde ba'i skal ba can du 'gyur ro/ /yang gang gi tshe de las bzlog pa gzhan mi phan pa mi mthun pa yid du mi 'ong ba rnams mthong na de'i tshe de nyid la 'dod chags dang bral lo/ /sdug bsngal bar 'gyur te/ de dag rnams dbang po gcig gi dbang du byas pa'i phun sum tshogs pa dang rgud pa yin no/ /gzhan yang dge slong de nyid rgud pa dang phun sum tshogs pa gzhan dran pa la rjes su 'brel bar byed de/ gang zhe na/ 'di lta ste/ rna bas dga' ba 'thun pa yid du 'ong ba rjes su 'thun pa rab tu dga' bar byed pa'i sgra rnams rna bas thos na yid rab tu rangs pa skyed par byed pa de ni 'di'i phun sum tshogs pa yin no/ /yang gang gi tshe tha dad par gyur pa'i rkyen gzhan gyis sgra de nyid nyan par byed pa na mi 'dod pa mi sdug pa yid du mi 'ong bar gyur pa de'i tshe 'di'i yid mi bde ba skyed par 'gyur te/ rjes su mi mthun pa sems la mi phan pa de ni 'di'i rgud pa yin no/ /gzhan yang dge slong de gang gi tshe me tog gi tshogs rnams dang phye ma'i sbyor bar byas pa'i dri rnams dang gzhan yang rnam pa sna tshogs pa'i dri yid kyi rjes su 'thun pa'i dri rnams snoM par byed do/ /de'i tshe rgyu de dag rnams kyis 'di la dga' ba dang lhan cig 'grogs pa'i yid bde ba skye bar 'gyur ro/ /gzhan yang gang gi tshe dge slong de nyid gang shin tu bstan pa'i dran pa de dag kho nas rjes su 'brel par byed de/ gzhan yang ji ltar gang gi tshe mi de dag rnams nyid sna de nyid kyis dri rnam pa du</font><hr>65.131b<br><font size=+1>

ma snom par byed de/ brnags pa rnams dang / yid kyi rjes su mi mthun pa mi gtsang ba'i rigs mang por gyur pa'i dri mi zhim pa rnams snom par byed pa na/ de'i tshe 'di yid mi bde ba skye bar 'gyur ro/ /de ni 'di'i rgud pa yin no/ /gzhan yang dge slong de nyid rnam pa gzhan gyis kyang mi'i 'jig rten de nyid kyi phun sum tshogs pa dang rgud pa la dran pa rjes su 'brel par byed de/ gang gi tshe mi'i 'jig rten pa rnams lces ro rnams ji ltar myang bar byed pa yin na/ /'thun pa'i yid du 'ong ba bsams pa'i rjes su 'thun pa'i tshim par byas pas yongs su smin pa na bde bar byed pa tshe dang / stobs dang / mdog dang / bde ba rnams sna tshogs par rab tu rgyas pas byed pa de'i tshe yid bde ba 'byung bar 'gyur ro/ /de ni 'di'i phun sum tshogs pa yin no/ /de bzhin du gang gi tshe lus kyis kyang reg bya rnams la reg par byed pa ni 'thun pa yid du 'ong ba grang ba'i dus su dro ba rnams la yang rgud pa dran pa rjes su 'brel bar byed la dro ba'i dus rnams su ni bsil ba ste/ ji ltar yid kyi rjes su 'thun par byed pa de ni mi rnams su gyur pa'i mi'i 'jig rten pa rnams kyi phun sum tshogs pa yin no/ /yang gzhan gang dag gi tshe na rgyu gzhan dag dang rkyen gzhan rnams kyis lus de nyid la yang re bya de nyid kyang mi 'dod par 'gyur te/ yul gzhan rnams kyi dbang gis kyang mi 'dod par 'gyur ro/ /gzhan yang yul rnams dang dbang po dang phrad pa las skyes pa de'i rnam par rtog pa brtan pos byas pa lan cig ma yin zhing phogs cig ma yin par rab tu 'phel bar gyur pas sred pa'i mes bsregs par gyur pa rnams gang yin pa ni rang bzhin gyis 'jig rten pa rnams thams cad chags pa yin no/ /ji lta bu'i bde ba rnams dang ldan pa'i 'jig rten pa yul rnams la sred pas chags pa'i blo can de dag rnams kyi rgud pa dang rjes su 'brel</font><hr>65.132a<br><font size=+1>

pa'i dran pas rnam par dpyod pa byed do/ /mchog tu dge bar gyur pa'i dge slong des 'dod pa na spyod pa'i lha drug po rnams kyi rgud pa rnams mthong ste/ de la rgyal chen bzhi'i rigs kyi lha rnams la ni rgud pa rnam pa bcu gnyis yin no/ /'di lta ste/ lha dang lha ma yin rnams kyis 'tha' mo'i dus na bang nyams pa dang lha ma yin gyis brgyab pas lhan cig kho nar 'gyel ba dang / rgya mtshor lhung ba dang / go cha rnams lhung ba dang / chags pa rnams dang lhan cig kho nar 'byed pa dang chags shing tsha ba rnams dang lhan cig du mgo rgyan lhung ba dang / sgra gcan mthong bas brgyal ba dang 'chi 'pho ba'i dus na tshad dang dbyibs dang rgyan rnams dang ldan pa'i lha'i bu mo de dag rnams phyir gsar du skyes pa'i drung du song nas rtsod mo chen po rtsed mo tshad med pa byed par gyur nas yongs su spangs pa dang / rtsed mo'i dus na de rang gi las dang 'thun pa'i dman par 'gyur ba dang / rtsed mo'i dus na dud 'gror skyes pa'i las byas kyang smod par byed pa dang / pad ma rnams la bsdad pa dang reg pa kho nas nyams te rang gi las dang 'thun par 'gyur ba dang / rgyan rnams dang gzhan ches gtso bor gyur pa dag gi rgyan rnams mngon par mthong nas ngo tsha ba dang ste/ rgud pa rnam pa bcu gnyis po de dag ni rgyal chen bzhi'i ris kyi lha rnams kyi yin no/ /dge legs su rjes su spyod pa'i dge slong 'dis mtho ris kyi bde ba la ma 'chums pa dri ma med pa'i blos de dag rnams la kun nas lta bar byed do/ /des mthong nas kyang gshe zhing mtho ris kyi bde ba rnams la smod par yang byed de/ gang dag mtho ris 'dod pas tshangs par spyod pa de dag rnams kyi tshangs par spyod pa ni mi tshangs par spyod pa'i don du spyod pa yin no/ /de rnams la yang 'phya bar byed cing skyug bro bar lta'o/ /de ci'i phyir zhe na/ rang dbang med pa yin pa'i phyir ro/ /gzhan yang dge slong de nyid sum bcu rtsa gsum</font><hr>65.132b<br><font size=+1>

pa'i lha rnams kyi rgud pa la kun tu lta bar byed do/ /des sum bcu rtsa gsum pa'i lha rnams kyi rgud pa brgyad po mthong ba la 'di lta ste/ lha dang lha ma yin rnams kyi rtsod pas go cha rnams med par 'gyur ba dang / gang gi tshe rabs brtan gyi gshul nas ltung ba dang / mi gtsang bas rjes su 'brel ba'i dus su 'jug ngos rnams mi mthong ba dang / mthong bas sems stobs 'chor ba dang / zas dang rtsed mo dag la 'jug pa'i dus su kha dog dang gzugs dang stobs kyi ngo bo rnams zhan pa dang / sgra dang reg bya dang ro dang gzugs dang dri rnams la yang mi mnyam par brgya byin yongs su shes pa dang / 'chi 'pho ba'i dus na bud med rnams 'phos par 'gyur ba dang / rtsed mo'i ltad mo khang bu rnams kyi bang bul bar gyur pa rnams so/ /rgud pa brgyad po 'di dag rnams ni sum cu rtsa gsum pa rnams kyi yin no/ /'thab bral ba rnams kyi rgud pa rnams ni 'di lta ste/ bud med rnams kyis shes par 'gyur bas zas kyi dus na ngo tsha bar 'gyur ro/ /de'i las rnams nyung ba yin pa'i phyir na lha 'di la lha gzhan rnams kyis g.yog gi bya ba mi byed de/ dper na lha gzhan la lha gzhan dag rnams kyis spyod par byed cing rgyal por yang byed par 'gyur ro/ /mu su lun d+ha'i chos ston pa'i dus na shin tu 'jigs par 'gyur ba ni mthar thug pa'i rgud pa yin no/ /las rnams dman pa yin pa'i phyir na 'od rnams 'joms par 'gyur te/ lha gzhan dge ba'i las kyi mtha' la spyod pa rnams kyi 'od kyis 'di zil kyis gnon par 'gyur te/ de 'joms pa yang mi'i 'jig rten na nyi mas gza' dang skar ma dang rgyu skar rnams bzhin no/ /las dman pa yin pa'i phyir na stan la nye bar 'dug pa'i rin po che rnams gzhan nyid du nye bar 'gyur te/ gang gi tshe dge ba'i las kyi mtha' la spyad pa'i</font><hr>65.133a<br><font size=+1>

lha rnams 'dug par 'gyur ba na/ de'i tshe lha de'i stan rnams dngul gyi rang bzhin du gyur pa ni las rnams sna tshogs pa'i phyir ro/ /de dag rnams ni 'di'i rgud pa yin te 'di'i tshad kyang chung bar 'gyur ro/ /rgud pa drug po de dag rnams ni 'thab bral ba'i yin no/ /dga' ldan pa rnams la ni rgud pa bzhi yod de/ 'di ltar ngang pa'i sgra kun nas sgrogs pa mnyan par 'os pa'i dam pa'i chos sgrogs pa nyan par byed pa'i rgyus dga' ldan pa rnams kyis thos na mi dga' ba med pa nam mkha' la 'gro ba'i rgyal po ngang pas rang gi gzugs 'dod pa bzhin du bsgyur bas rin po che bdun gyis shin du 'bar ba'i cha byad kyis gzugs dpe med pa 'dzin pa'i gzugs kyis dpag tshad lnga stong du rang gi lus rnam par bsrings pa'i 'od kha dog sna tshogs pa rnams kyis dga' ldan kun tu snang bar byas par gyur zhing mchog du ngo mtshar bar gyur pa'i skad kyis lha de dag rnams la nyi ma re re bzhin du 'gro bar byed pas nam mkha' la bgrod pa'i rgyal po ngang pa byang chub sems dpa' des tshigs su bcad pa brjod pa ji ltar/ gang phyir bsod nams rnams ni zad/ /tshe yang myur bar 'gro ba yin/ /dga' ldan gyi ni dbang phyug gis/ /chos legs bsdu la 'bad par gyis/ /gang yang chos ni yongs btang nas/ /rgyags pas mchog tu nyer bcom pa/ /bsod nams sogs pa ma yin te/ de ni phyi nas gdung bar 'gyur/ /ji srid du ni rgas dang nad/ /'chi bdag bcas te ma 'ongs pa/ /de srid du ni bsod nams kyis/ /phyi nas 'gyod par gyur ta re/ /bsod nams kun nas ma bsdus dang / /bag med pas kyang nyer bcom pa/ /dmyal ba'i rgyu yi sdug bsngal la/ /bag med pa ni bzhad gad byed/ /gson pa'i don des ci zhig bya/ /longs spyod kyis ci gnyen gyis ci/ /dbang po tshang ba de rnyed nas/ /gang zhig</font><hr>65.133b<br><font size=+1>

chos la rtag mi dga'/ /chos ni legs par bsdu ba'i yid/ /nyi ma re re bzhin du bya/ /sdig pa rnams ni rnam spangs dang / /bzang po rnams dang phrad par bya/ /ye shes mtshon cha rnon po yis/ /rgyan rgyun gdul dka' bcad par gyis/ /skyon gyi phung po gzhom bya zhing / /skyon gyi lam ni bcad par gyis/ /shes dang tshul khrims dka' thub spel/ /'dod pa dang bral spro ba spangs/ /de nyid lam ni rnam ston po/ /zhi ba rtag tu bsten par bya/ /tshul khrims gang gis lha skye ba/ /'thob pa'i 'bras la rmongs pa yis/ /bsod nams sog par mi byed cing / /srid pa'i mtha' ni zlog mi byed/ /ye shes rtsol la mngon dga' gang / /tshul khrims rin po che yis brgyan/ /'dod chags kyis ni gang 'jigs pa/ /lha rnams lhar ni 'dod pa yin/ /gang zhig rtag tu chos la dga'/ /lha rnams rtag tu de phyag 'tshal/ /gang yang de las phyin ci log /de dag thams cad nyams par 'gyur/ /chos kyi zab pa 'di rnyed nas/ /pha rol mchog tu sgrol ba che/ /gang zhig legs par zam mi rgal/ /de ni srid pa las mi grol/ /nyon mongs shing ni ma lus pa/ /ye shes me yis mi sreg pa/ /ci'i don nyon mongs yul gyi ni/ /dra bas mi rnams bsdams phyir ro/ /mthug po'i rang bzhin mig sprin tshogs/ /rab tu ye shes mig sbyong zhing / /de las sgrol ba rdzogs sangs rgyas/ /gsung gi rang bzhin sman gyi zas/ /dam chos dmag gi dpon gyis ni/ /'dod chags dmag ni nges par 'joms/ /dge mnga' shin tu bsgrags pas te/ /de ni rab tu 'bad pas mnyan/ /phyin ci log ni rnam pa bzhi/ /des kyang de srid nyi du glu/ /de bzhin 'jig rten chos brgyad kyang / /skye dgu ma lus 'joms par byed/ /srid dra mi bzad chu bo ni/ /rnam rtog brgya phrag rgal bar dka'/ /shes pa'i zam pa</font><hr>65.134a<br><font size=+1>

legs zhon nas/ /thub rnams zhi bar rgal ba yin/ /'dod pas kun tu rmongs pa'i yid/ /lha gang 'dod pa sten pa rnams/ /rtag par yang ni gnas lnga ru/ /de dag rnams la grol ba med/ /lan cig min par thob nyams pa'i/ /kim pa ka dang dug dang mtshon/ /me dang mtshungs pa'i sdug bsngal rgyu/ /'dod pa glog 'dra ci zhig bya/ /ji lta ji ltar bsten byas pa/ /de lta de ltar rab tu 'phel/ /ngoms med byed phyir de dag ni/ /sreg pa'i rgyu yi me bzhin no/ /sreg skyon 'jigs pas nges brgyal ba'i/ /lha gang bde ba 'dod pa rnams/ /'di las bde ba kun 'byung gis/ /'dod pa mi dge rnam spang gyis/ /skye bo rmongs pa chags gyur zhing / /'ching ba 'ang dam por bsdams nas ni/ /tsab hral can ni gzhan du 'gro/ /'dod pa glog gi yon tan bzhin/ /gang zhig 'dod chags sred pa yis/ /gong nas gong du 'dod pa sten/ /de ni 'dod chags mes bsregs nas/ /bsregs bzhin bsregs pa 'thob par 'gyur/ /lha gang 'dod pa sten byed rnams/ /de dag gang phyir shin du rmongs/ /med par bya phyir 'jug byed pa/ /gang de bde nas bde ba yin/ /myang 'das 'dod ldan rnams la med/ /grol med bde ba ci la yod/ /de phyir 'dod pa bsten mi bya/ /'dod dang sdug bsngal mnyam du byung / /yul gyi chags pa sten pa rnams/ /dbang po rnams kyang ngoms pa med/ /thams cad du ni legs 'phel ba'i/ /ngoms med bde ba 'ang ga la yod/ /de phyir yid byung 'jigs bcas pa'i/ /'khor ba'i sdug bsngal rgya mtsho las/ /'dod pa'i sred pa mi bzad pa/ /yongs su spongs shig sdig can de/ /ri yi tshogs ni de dag gi/ /dga' ba'i ljon shing rnam sna tshogs/ /de dag la yang yongs brten nas/ /'dod rnams skye 'jig sgom par byed/ /shes pa'i bdon pa bzhi po ni/ /</font><hr>65.134b<br><font size=+1>

de dag mkhas pas rab legs mthong / /bsam pa med ldan skye dang rga ba'i 'jigs pa las/ /rab tu grol ba mchog tu zhi ba dang ldan pa/ /bsam pa med ldan gang yang rnam par rmongs pa'i blo/ /'dod pa la chags srid pa'i longs spyod dag gis bcings/ /de ni 'dod pa'i rang bzhin 'ching rnams las ma grol/ /skye dang rga ba'i 'jigs pa rnams las 'grol ba min/ /gang gi sdug bsngal rgya che 'di ni rnam bsams nas/ /srid pa'i rgya mtsho las ni skyo bar mi 'gyur ba/ /de ni 'dod pa'i dug gi mda' yi shugs kyis rmongs/ /sdug bsngal gyi ni gnas skabs dmyal ba 'thob par 'gyur/ /thog ma tha ma'i 'dod pa'i bde ba rnams kyang spongs/ /byis rnams ci phyir 'dod pa'i longs spyod rnams la dga'/ /shin tu mi bzad 'jigs pa de dag rnams kyang ni/ /'chi bdag 'bar bas gsal bar ma 'ongs mi shes pa/ /gson pa 'di dag 'dis ni 'joms par byed pa yi/ /ji srid 'chi bdag 'jig rten thams cad mi 'joms pa/ /de srid du ni phan dang skyid dang bde ba dang / /mya ngan med kyis de dag skyes bu rnams kyis byos/ /chud gzon kun gdung byed pa po/ /'dod pa'i skye gnas kun thob pa/ /rnam dur rmongs pas de lta na 'ang / /'dod pa'i spyod pa tshim par byed/ /de ltar nam mkha' lding gi rgyal po ngang pas 'gro bar yang byed pa dang / rjes su ston par yang byed do/ /lha gang dag bag med par gyur pas chos sgrogs pa rnams la ched char byas nas nyan par mi byed pa dang / gang yang dam pa'i chos nyan pa las ched cher byed pa de dag rnams nyid la lhan cig tu ngang pa des rjes su bstan pa'i tshigs su bcad pa de dag rnams sgrogs pa yin te/ de rnams dam pa'i chos nyan pa la gus pa legs par skyes nas rangs par gyur pas gang na thos na mi</font><hr>65.135a<br><font size=+1>

dga' ba med pa zhes bya ba'i sa yod pa der nye bar legs par 'gro bar byed la/ dam pa'i chos nyan pa la gus pa skyed pa'i yid can gyi lha de dag rnams rgyug par byed pa na/ khang bu'i phyi bzhin gyis lam rnams su yon tan stong phrag brgyas yang de dag rnams kyi 'od zer rnams rab tu dang bar 'gyur ro/ /rgyug pa de dag rnams las gzhan pa'i lha bag med pas rnam par rgyu ba de dag rnams kyi gzi brjid rnams ni dman par 'gyur ro/ /'di rnams ni nye bar bcom par 'gyur ro/ /de'i mthu stobs rnams kyang nye bar bcom par 'gyur ro/ /de la 'di dag rnams ni lha gang dag gi mthong ba'i chos kyi 'bras bu yin no/ /'dod pa la mngon par dga' ba'i lha gang dag yin pa de dag rnams yang mdog dang / gzugs dang / cha byad dang / rgyan dman par 'gyur ro/ /de dag ni dga' ldan pa 'di rnams kyi rgud pa dang po yin no/ /gzhan yang dga' ldan gyi lha rnams kyi rgud pa gnyis pa yod de nye bar longs spyod pas bsdus pa dang / dam pa'i chos nyan pa'i dbang du byas nas brgya stong bye ba phrag du ma'i 'khor rnams byang chub sems dpa' lnga brgyas rnam par brgyan pa la gang yang dga' ldan gyi mnga' bdag nye bar zhi bas dam pa'i chos ston par byed do/ /'di lta ste/ ma rig pa'i rkyen gyis 'du byed rnams zhes bya ba rgyas par ro/ /dam pa'i chos de dag thos nas kyang lha gang dag yid legs par gtod pa dang rab tu dang ba'i yid kyis nyan par byed pa de dag rnams kyi gzi brjid dang / cha byad dang / rgyan dang / gzugs de dag rnams brgya stong 'gyur du shin du lhag par 'phel bar 'gyur ro/ /gang yang sems kyis rko trog tu gyur pa glog dang zo chun ltar kun du 'khor ba de dag rnams ni sred pa'i yul gyi dbang gis kun du khrid par gyur pa de dag rnams kyi gzi brjid de</font><hr>65.135b<br><font size=+1>

dag dang / cha byad dang / rgyan dang / gzugs kyang zil gyis gnon par 'gyur te/ 'di ni rgud pa gnyis pa yin no/ /rtsed mo byed pa'i lha rnams kyi gzhan yang ltung ba gsum pa yod de/ lha de dag rnams nyid las lha gang dag nyan pa la gus pa'i yid can rnams kyis chos kyi mtshan nyid rnams ji lta ba bzhin du rtogs par 'gyur ba de'i dus na yid de la song bar gyur pa de dag rnams kyi 'od kun tu gang ba dang phyir zhing ches lhag par gyur pas mngon par zil gyis gnon par byed do/ /lhag ma rnams kyis ni de bzhin du mngon par rgyas par mi 'gyur ro/ /ci ltar lha de dag rnams chos kyi mtshan nyid rtogs par byed pa'i dus de dag du cha byad dang / rgyan rnams dang / gzugs kyang mngon par rgyas par mi 'gyur ro/ /'di ni lha de dag rnams kyi rgud pa gsum pa'o/ /gzhan yang lha rnams kyi rgud pa bzhi pa ni de'i tshe nyid la lha gang dag dam pa'i chos nyan pa la gus pa legs par skyes par gyur cing rna ba'i khung bu shin tu phyogs pa yid rtse gcig tu gyur pas chos kyi mtshan nyid kun shes par byed pa la ched cher byed pa chos de dag rnams 'dzin par byed do/ /yid la rab tu 'jog par byed do/ /de kho na bzhin du rjes su 'jog go/ /dus yun ring du yid la kun tu bzung nas rab tu sgrub par byed do/ /chos la ji lta ba bzhin du gus pa skyes pa de dag rnams chos nyan pa'i mthu stobs kyis phyir zhing shin tu lhag pa nyid du gzi brjid dang / cha byad dang / rgyan 'gyur te/ thams cad kyang brgya log tu 'gyur ro/ /de dag rnams kyi gzi brjid de dag mngon par 'phel bar gyur pa rnams yang dag par mngon par mthong nas lha gang dag shin tu yang lhag par mos pa dman pa'i yid can de dag rnams ngo tsha bar 'gyur ro/ /de ni dga' ldan gyi lha de dag rnams kyi rgud pa bzhi yin no/ /de ltar dge slong des</font><hr>65.136a<br><font size=+1>

dga' ldan pa'i lha rnams kyi rgud pa rnam pa bzhi so sor rab tu rig par byas nas 'phrul dga'i lha rnams kyang so sor rab tu rig par byed do/ /de srid du bde bar gyur pa 'di dag 'phrul dga'i lha rnams la yang rgud pa rnam pa bzhi yod pa rnams des mthong ba ni ji ltar legs par byas pa'i las rnams zad pa na nges par rkang pa dag la grib ma 'bab pa'o/ /lus thams cad las ni 'od nges par 'byung bar 'gyur la rkang pa dag gi ni yongs su nyams par 'gyur ba'i rgyu 'dis na rkang pa la grib ma 'ong ngo / /thams cad nas 'od kyi phreng ba dang ldan pa'i lha gzhan gang dag gis grib ma de dag rnams mthong bar 'gyur ro/ /de dag gis grib mas mngon par nyams pa'i lha dman pa de dag mngon par mthong nas kyang yongs su spong bar byed cing bzhad gad du yang byed de/ lha 'di dag la yongs su co dris par gyur to/ /legs par byas pa'i lam rnams yongs su zad pa nges pa 'byung ngo / /ji ltar legs par byas pa'i las yongs su zad pa kun nas 'byung ba'i dbang du 'di gyur pa rkang pa la tsha yas mnar ba'i lha de dag rnams kyis de ltar de skad thos nas shin du ngo tsha ba'i rnyed pa dang ldan par 'gyur ro/ /legs par byas pa'i las rnams yongs su zad par bdag la ji lta ba bzhin du skyes par gyur to/ /phun sum tshogs pa thams cad kyi mtha' ni mthar rgud par 'gyur ro/ /dper na gang gi phyir mi rnams kyi mi'i 'jig rten na gang la nyin mo yod pa de la cis kyang mtshan mo nges pa kho nar 'byung ngo / /de bzhin du phun sum tshogs pa thams cad kyi mtha' la ni rgud pa yin te/ yang ji ltar gang 'ga' zhig gson pa yin pa de dag rnams la nges pa kho nar 'chi bar 'gyur ro/ /de bzhin du phun sum tshogs pa thams cad kyang rgud pa'i mthar thug par 'gyur ba yin te/ </font><hr>65.136b<br><font size=+1>

phun sum tshogs pa rnams ni 'ga' zhig kyang rgud par mi 'gyur ba gang yin pa ni yod pa ma yin no/ /de lta bu rnams ni rgud par gyur pa dang po yin no/ /'phrul dga' ba'i lha de dag rnams kyi gzhan yang rgud pa gnyis pa yod de/ ji lta ji ltar lha de dag rnams nyid kyi mi'i 'jig rten na ras bal gyi dang glong stan nang tshangs can gang rnams mnan na nem la bteg na 'phar bar yin pa de bzhin du lha'i 'jig rten pa 'phrul dga' ba rnams kyi mnan na nem la/ bteg na 'phar bar 'gyur ro/ /de la lha gang dag legs par byas pa'i las rnams shin tu zad par gyur pa de'i sa gzhi 'di dag gi rnams mnan na nem la bteg na 'phar ba zad par 'gyur ro/ /de rkang pa bzhag pa na dma' bar 'gyur la 'phar bar ni mi 'gyur ro/ /de bzhin du bteg pa na ste de dag de ltar mngon par mthong nas lha gzhan rnams kyis rnam par shes pa yin te/ ji ltar lha de dag gi legs par byas pa'i las kyi mtha' la spyad pa rnams ni gdon mi za ba kho nar zad par byung ngo zhes kyang kha cig zer ro/ /'di'i legs par byas pa'i las rnams ni yongs su zad par gyur la yongs su ltung bar 'gyur bar 'gyur ba ni 'ongs pa yin no zhes ni gzhan dag rnams rjod par byed do/ /de la de dag rnams ni 'phrul dga'i lha rnams kyi rgud pa'i gnas su gyur pa gzhan gnyis pa yin no/ /gzhan yang lha de dag gi rgud pa'i gnas 'di lta bu dag yin te lha de dag yang shing gang dag nyid kho na'i drung du nye bar 'gro bar byed pa na dang / lha de dag rnams yongs su rtse bar gyur pa na dang / nags dang nye ba'i nag rnams su rtse bar gyur pa'i lha de dag rnams nyid la shing de dag rnams nyid kyis me tog gi char mngon par 'bebs par 'gyur ro/ /lha gang dag legs par byas pa'i las kyi mtha' la spyad pa zad par gyur pa de</font><hr>65.137a<br><font size=+1>

dag rnams la de bzhin du shing rnams kyis me tog gi char gyis mngon par 'gengs par mi byed do/ /nyid rtse bar gyur pa na/ lha gang legs par byas pa'i las kyi mtha' la spyad pa zad par gyur pa'i lha de la shing me tog gis mngon par gang bar mi byed do/ /lha de dag rnams la lha gzhan dag rnams kyis de ltar me tog gis char gyis stong par mngon par mthong bar gyur nas/ kye ma lha 'di dag rnams ni legs par byas pa'i las kyi mtha' la spyad pa rnams ni ci lta ba bzhin du zad la ltung bar 'gyur ba ni 'ongs so/ /de'i de dag rnams thos par gyur pa dang lha de shin tu ngo tsha ba dang ldan par 'gyur ro/ /mthong bas byas pa 'di dag rnams ni 'phrul dga' ba rnams kyi rgud pa gsum pa yin no/ /gnas de dag rnams ni slu ba med pa yin te/ phun sum tshogs pa'i mtha' thams cad ni rgud par 'gyur ba yin no/ /gzhan yang 'phrul dga'i lha de dag rnams nyid kyi rgud par 'gyur ba rnams gang zhe na/ 'di lta ste/ re re zhing rin po che'i sa gzhi la nye bar 'gro bar byed pa ni rin po che'i rang bzhin de dag rnams kyi sa gzhi dri ma med pa rnams dang / brtsig pa la me long bzhin du gzugs kyi gzugs brnyan rnam pa sna tshogs pa'i grib ma rnams kyi gzugs dang / cha byad dang / rgyan sna tshogs pa rnams mthong bar 'gyur te/ ji ltar mi rnams kyi mi'i 'jig rten na nyi ma'i dkyil 'khor gcig nyid mtsho dang / rdzing bu dang / pad ma'i rdzing bu du mar yang brgya stong du mar mthong ngo / /de bzhin du lha rnams las gcig gi gzugs brnyan yang brgya stong du ma rnams su rin po che'i rang bzhin gyi sa gzhi de dag rnams la shin du yongs su gsal bar mthong ngo / /de la lha gang dag legs par byas pa'i las rnams zad par gyur pa rnams kyi ni de'i gzugs brnyan</font><hr>65.137b<br><font size=+1>

gcig kho na rin po che'i sa gzhi gcig kho na la mthong gi gzhan du ni ma yin no/ /lha gang dag yid ches rab tu gsal bar gyur pa rnams kyis rnam pa de lta bu'i rgud pa rnams ji lta ba bzhin du mngon par mthong nas legs par byas pa'i las rnams yongs su zad pa ni lha 'di dag la nges par 'byung ngo / /'di dag gi rgud pa rnams ni 'ongs par gyur to zhes rjod par byed do/ /de la 'di dag ni 'phrul dga' ba'i lha rnams kyi rgud pa bzhi pa yin no/ /de nas de'i tshe bcom ldan 'das des tshigs su bcad pa gsungs pa ji ltar/ 'jig rten phun sum tshogs rgyu ba/ /rgud pa rtogs pa ma yin no/ /ji ltar nyin mo mthar ni mdzad/ /phun tshogs mtha' ni rgud pa yin/ /ji lta ji ltar phun tshogs pa/ /de ltar rgud pa 'ang sdig pa can/ /'dod pa'i las ni ngoms pa med/ /ngoms pa med pas yongs su sreg /gang zhig rtag tu phun tshogs 'dod/ /bde ba rtag par 'dod byed pa/ /de ni sred pas bcom nas kyang / /gang phyir de la bde blag 'bab/ /'dod pa spyad pas tshim med pa'i/ /lha gang dmyal bar ltung ba ni/ /thams cad me yis bskor yin par/ /de ni de bzhin gshegs pas gsungs/ /mi gang dmyal bar rab tu 'gro/ /de bzhin brgya phrag du yang ste/ /de ni rnam yangs sdig can gyi/ /bya bar mkhas pas shes par gyis/ /de ltar 'phrul dga' ba'i lha rnams kyi rgud pa bzhi pa yin no/ /gzhan yang gzhan 'phrul dbang byed kyi lha rnams kyi rgud pa yang bzhi kho na yod de/ ji ltar gang gi tshe lha rnams kyi legs par byas pa zad par gyur pa na de de la goms par gyur pas 'chi 'pho ba'i dus de'i tshe na yang de rnams la phreng ba rnams kyis khyab pa rab tu 'byung bar 'gyur ro/ /'di lta ste/ rnam pa sna tshogs pa'i me tog gi phreng ba dang ldan par 'gyur</font><hr>65.138a<br><font size=+1>

te/ lha rnams lha rdzas kyi ma rnyings pa'i me tog rnams kyis nye bar brgyan par gyur to/ /mchog tu dri zhim pa rnams gang dag gi dper bya bar sla ba yang ma yin pa'i me tog gi phreng bas kha dog sna tshogs pa'i 'od kyis shin tu gsal bar byas par gyur pa rnams gang gi khyad par gyis nyi ma'i dkyil 'khor gyis kyang bcu drug char yang mi phod do/ /phreng ba de dag rnams la yang rin po che bdun gyis spras par gyur pa'i bya rnams dang bung bas rtag tu sgra 'byin pa rnams kyis khyab par gyur pa'o/ /de la gang gi tshe gzhan 'phrul dbang byed kyi lha rnams la rgud pa 'byung ba'i dus su gyur pa na de'i tshe rnam pa sna tshogs pa'i me tog gi phreng ba mchog tu dri zhim po de dag rnams bung ba de dag gis yongs su btang nas gzhan dag du 'gro bar byed do/ /yid 'byung ba'i sgra rnams kyang 'don to/ /de'i rgud pa de dag rnams yid rab tu gsal bar gyur pa'i lha gzhan dag rnams kyis legs par mngon par mthong nas de dag la bgro bar byed de bsod nams zad par gyur pa'i lha'i bar du gcod par byed pa rnams ci lta ba bzhin du 'dir 'ongs so/ de ni bag med pa rnams bag med par spyod pa'i rgud pa dang po ste/ de bung ba rnams kyis yongs su spangs nas gzhan du song bar gyur pa de yang thos nas bsod nams zad par gyur pa'i lha de dag rang nyid so sor rab tu rig par byed do/ /dpe med pa'i yul gyi bde ba rnams mthong nas bdag nyid la yongs su gdung ba chen po dang ldan par 'gyur te/ yid gdung bar byed pa gang dag gi khyad par rnams kyis dmyal ba rnams kyi me dang yang 'dra bar 'gyur ro/ /'di ni gzhan 'phrul dbang byed kyi lha rnams kyi rgud pa'i gnas dang po'o/ /gzhan yang thag nye bar gyur pa gzhan gnyis pa 'byung bar 'gyur ba</font><hr>65.138b<br><font size=+1>

de dag ni lha rnams 'chi 'pho bar 'gyur ba'i dus na 'di lta ste/ mchog tu 'jam zhing dkar por gyur pa'i 'od kyi phreng bar gyur pa'i lha gang dag gi khyad par gyis nyi ma ni srin bu me khyer tsam du snang bar gyur la/ lha de dag rnams kyi lus la ni chen por gyur pa nyid kyi blo 'byung ba yin te/ rab tu gsal ba'i ri'i rtse mo rnams dang brtsig pa'i logs rnams la de dag me long bzhin du mthong bar 'gyur ro/ /'di lta ste/ 'chi 'pho ba'i dus su rgud pa rnams dang thag nye bar gyur pa de'i tshe lha rnams kyi lus de dang de dag rnams dang gzugs brnyan yang mthong bar mi 'gyur ro/ /lha gzhan gang dag chos shin tu shes rab rno bar gyur pa rnams kyis de dag rnams mngon par mthong nas des lha de dag la sbron par byed de/ bag med pas bag med par spyod pa rnams la kye ma bar chad 'di dag rnams ji lta ba bzhin du 'ong bar 'gyur te/ do shal rnams dang gzugs de srid pa rnams lus la mthong ste/ ji ltar sngon gyi lha gzhan rnams 'chi 'pho ba'i rgud pa'i rgyu rnams sngar mthong ba de dag rnams kho na bzhin no/ /'di dag rnams ni gzhan 'phrul dbang byed kyi lha rnams kyi rgud pa'i rgyu gnyis pa yin no/ /gzhan yang gzhan 'phrul dbang byed pa'i lha rnams la rgyu gsum pa rnams 'chi 'pho ba dang nye ba na 'byung bar 'gyur ba la 'di lta ste/ lha skal ba yongs su ma zad pa rnams ni rnam pa sna tshogs pa'i rin po che kun tu 'bar ba'i khang bu rnams kyis gnas gsum du mtshungs par 'gro bar byed pa la 'di lta ste/ nam mkha' la 'gro bar byed pa na thang la ji lta bar ro/ /de bzhin du lha'i bu mo rnams kyang nyams pa med pa'i shugs kyis 'gro/ 'on kyang nyams par 'gyur ba yang ma yin te/ 'di ltar lha gzhan dag bsod nams zad pa rnams yin par gyur na de'i tshe de dag rnams shing</font><hr>65.139a<br><font size=+1>

rta las nyams par 'gyur ba dang chur yang 'bying ngo / /rnam pa thams cad du 'gro bar 'gyur ba yang ma yin no/ /de nas lha de dag gi khang bu nub pa de dag rnams mngon par mthong ba dang / ji lta bu'i bar chad bdag cag la nye bar 'ongs par gyur te/ 'chi ba'i dus su gyur pa las gzhan rnams kyang rgud pa'i rgyu 'di nyid kyis 'chi 'phos so zhes rjod par byed pa de yang thos nas bsod nams zad pa'i lha de lha rdzas kyi yul gzhan dag rnams btang bas byas pa'i sems kyi gdung bas kun nas sreg par gyur pa na ji ltar dmyal ba rnams kyi me yin pa de bzhin du lus sreg par byed de/ gzhan 'phrul dbang byed kyi lha rnams kyi rgud pa'i rgyu yin no/ /gzhan yang lha de dag rnams kyi rgud pa'i rgyu yod do/ /'di lta ste/ lha gang legs par byas pa'i las kyi mtha' la spyad pa rnams zad par gyur pa de dag rnams kyi rgyan rnams gang dag yin pa de dag rnams ni yan lag lnga po rnams dang mtshungs par 'gyur zhing 'ong ste/ snyan pa'i rang bzhin dang dga' bar 'gyur ba'i sgra dang yid rab tu rangs par byed pa de dag rnams gzhi dang bcas pa sgrub par byed do/ /sgra 'ga' zhig ni rnam par gyur pa dang ldan pa yin no/ /sgra rnams ni las kyis byas pa yin no/ /sgra rnams kyang de'i legs par byas pa'i las rnams ji ltar bzhin du zad pas rab tu 'jug pa rnams kyis tshim pa med par gang gi phyir las rnams kyis bcings pa'i lus can rnams 'jig rten phyi mar 'gro bar bya dgos so/ /de ltar las kyis byas pa'i rgyan rnams kyi sgra de dag thos nas shin tu yid mi bde bar 'gyur ro/ /yul rnams kyis nye bar bcom pa dang / bdag gi bsod nams rnams kyang zad pas 'di'i rin po che rnam pa sna tshogs pas brgyan pa'i cod pan</font><hr>65.139b<br><font size=+1>

ltung bar 'gyur ro/ /de mngon par mthong nas kyang lha de dag gi yid shin tu skyo ba dang ldan par 'gyur ro/ /de lta bu rnams nyid ni gzhan 'phrul dbang byed kyi lha rnams kyi rgud pa'i gnas bzhi pa yin no/ /gang dag 'dus byas su gyur pa rnams gang zhig 'jig par mi 'gyur ba dang / gang zhig zad par mi 'gyur ba'i gnas de ni khams gsum na yod pa ma yin no/ /de ltar lha drug po rnams kyi rgud pa'i gnas rnams legs par byas pa'i las zad pa na yang nges par ltung bar 'gyur ba yin no/ /rgud par gyur pa'i lha rnams lha'i 'jig rten gyis gdungs nas tshul khrims la spyod pa'i lha de rnams nges pa kho nar de dag rnams zad pa na ltung bar 'gyur bas co dris par mthong ngo / /de ltar tshogs pa rgyu ba na spyod pa'i lha rnams 'thab bral gyi sar skyes pa rnams la 'thab bral ba'i bdag po mu su lun d+ha des bcom ldan 'das 'khor ba 'jig de'i gdung rten la brgyan pa'i byang bu rnam par bkra ba'i tshig de dag gis 'dod pa rnams thams cad ni dmyal ba'i me rnam par smin pa myang bar rtsub pa yin gyis shin tu rings pa rings par bag med pa rnams yongs su spong bar gyis zhes lha de dag rnams la legs par ston par byed do/ /de la de bzhin gshegs pa'i mdo gsum pa de dag rnams thos par gyur pa dang / lha gang dag bag med pas gdungs pa de dag rnams kyi bag med pa rnams 'dir mchog tu zhi bar 'gyur ro/ /stong phrag sum bcu rtsa drug pa'i mdo las 'khor ba 'jig gi mdo sde gsum pa rdzogs s+ho// //de nas 'thab bral gyi bdag po des lha de dag rnams skyo ba dang bcas pa'i yid mngon par mthong bar gyur nas 'thab bral ba rnams kyi bdag po mu su lun d+ha des 'di skad ces brjod de/ ji ltar thos pa'i chos</font><hr>65.140a<br><font size=+1>

'di dag rnams ni drang srong chen po mchog gis bstan pa yin te/ sdug bsngal thams cad zad par byed pa/ bag med pa rnams 'joms par byed pa po/ lha dang mi rnams la phan par mdzad pa/ bkra shis pa mthar thug par gyur pa rnams ni bstan pa yin no/ /de la khyed kyis de dag rnams ni thos par gyur na de la de bzhin gshegs pa gsum pa'i dam pa'i chos 'dul ba de dag nyid nyan par 'dod pa rnams gang yin pa de dag rnams la mtha' yas par shes par 'gyur ba de dag rnams ni khyed kyis mnyan na/ gzhan yang de bzhin gshegs pa gzhan gyi chos nyon dang des phyir zhing kho na chos rnams 'phel ba dang bde legs su byed par yang 'gyur ro/ /de bzhin du dmyal ba dang / yi dgas dang / dud 'gro'i skye gnas rnams su bdag cag gi lha ris nas shi 'phos nas 'gro bar 'gyur ba na yang ste/ de ltar de skad du brjod pa dang / lha de dag rnams thams cad kyis mu su lun d+ha la 'di skad ces brjod pa/ ji ltar bdag cag rnams la phan par 'gyur ba dang / bde bar 'gyur ba de ltar mdzod cig /de nas lha'i bdag pos lha de dag rnams la 'di skad ces brjod do/ /khyed rnams thams cad nyid kyis kyang mchod rten bzhi pa 'di la lta bar gyis dang / rin po che sna tshogs kun du 'bar ba 'od zer brgya stong phrag du mas rnam par snang bar byas pa rin po che 'bar ba rnam pa sna tshogs pa rnams kyis spras pas shin du bar yang mdzes par gyur pa'i yon tan rnams kyis brgyan pa lha'i 'jig rten 'di dag thams cad 'od kyis khyab par byas nas gnas pa yin no/ /de nas lha'i bdag po des yang 'di skad ces smras te/ ji lta ba bzhin du ngas ni mthong ngo / /de nas lha de dag rnams kyis 'di skad ces brjod de/ bdag cag rnams thams cad nyid mchi bar bgyi'o/ /</font><hr>65.140b<br><font size=+1>

mu su lun d+ha thog mar gyur pa'i lha de dag rnams thams cad kyang gang na de bzhin gshegs pa'i mchod rten bzhugs par sngar bzhin du der nye bar song ngo / /nye bar song nas kyang dad pas mgo kun nas btud pas phyag 'tshal bar byed pa yang gcig tu dad pas khyab pa'i yid kyis de la rab tu phyag 'tshal nas langs te/ khyed rnams kyis thams cad skyob pa'i mchod rten sna tshogs pa'i rin po che rnams shin tu 'bar ba la ltos zhes bya ba rnams ni snga ma bzhin no/ /de nas mchod rten de'i brtsig pa'i logs la rin po che 'bar ba mchog gi yi ge rnam pa sna tshogs pa rnams kyi mdo mngon par bris pa yod pa la de dag thams cad kyang mchog tu dge legs su gyur pa/ lha dang mi rnams la phan par gyur pa ni 'di lta ste/ chos bdun dang yang dag par ldan pa'i skyes bu rnams ni lhar skye bar 'gyur ro/ /bdun po rnams gang zhe na/ 'di na rigs kyi bu dag thos pa dang ldan par gyur pa dang / thos pa'i don dang ldan pa dang / thos pa'i chos rnams la spyod par byed pa dang / blo thos pas legs par sbyangs pa dang / thos pa la skyabs su byed pa dang / thos pa la snying por byed pa'i blos gcig tu snying por gyur pa'i thos pa rnams ched du 'dzin pa dang / de dag gis dge ba'i bshes gnyen la dga' ba'i skyes bu rnams ni yon tan bdun dang ldan par 'gyur ro/ /'di lta ste/ ji skad smras pa de ltar byed pa dang / ji skad smras pa brtan por 'dzin pa dang / de brtan por 'dzin pa de snying por byed pa dang / so sor rnam par dpyod pa'i blo gros dang / de kho na nyid la mngon par 'jug pa dang / blo gros brtan pas mang po rnams chud 'dza' bar mi 'gyur ba dang / gzhan rnams kyang de dang ngang tshal mtshungs na rjes su sten par byed pa yin te/ gzhan gyi chos kyis mi 'phrogs shing de bzhin du yon tan</font><hr>65.141a<br><font size=+1>

bdun dang ldan pa'i grogs po rnams la sten par byed pa'o/ /ji ltar na ji skad smras pa de bzhin byed pa yin zhe na 'di na de bzhin du dge ba'i bshes gnyen dge ba'i rang bzhin can de dag gis gang dang gang dag kho na rig par gyur pa rnams 'dir rjod par byed pa dang / phan pa dang / dus dang ldan par gyur pa dang / yul dang rigs pa rnams brjod pa dang / shin tu myur ba dang bul ba ma yin pa dang / don mang po rnams yi ge nyung ngu na gyis dang / snyan pa dang 'go ba dang / chos kyi sbyin pa dang ldan pa dang / rang dang gzhan rnams la phan pa'i don du nye bar gnas pa rnams dge legs su rjod par byed pa rnams kyis gar gnas pa la phan par smra bar byed do/ /'di lta ste/ ji ltar brjod pa de kho na bzhin du sgrub par byed pa'o/ /gzhan dag de dang lhan cig tu spyod pa rnams la yang de dag rnams sdom du 'jug go/ /rtag par rgyun tu yang lus dang ngag dang / yid rnams legs par spyod par byed do/ /phyi rol dang nang kun nas yongs su dag pa'i gser dang mtshungs par gyur pa ste/ de ltar na ji skad smras pa de bzhin byed pa yin no/ /ji ltar ni ji skad smras pa de brtan por 'dzin pa yin zhe na/ 'di gang dag byed pa de kun nas mchog tu rnam par dag par byed do/ /chos rnam pa gsum po de dag rnams mchog tu rnam par dag par mngon par mthong zhing lha dang mi rnams kyi skye ba skyed pa po tha mar mya ngan las 'das pa'i mthar thug pa yin pa bdag nyid rang gis kyang rtogs pa dang / gzhan rnams las kyang thos nas rnam par smin pa bde ba la brtan pas mngon par 'jug go/ /de brtan por 'dzin par byad de/ de ltar brtan por 'dzin par byed pa yin la/ de ni dge ba'i bshes gnyen la nye bar sten par yang byed do/ /ji ltar gang dag brtan per bzung ba de dag snying por mngon par</font><hr>65.141b<br><font size=+1>

'jug pa yin na/ 'jug pa yang dge ba'i 'bras bu rnams gang gi phyir gtsang ma brtan por 'dzin pa yin no/ /'jig rten gnyis la phan par 'gyur ba'i don du yang mngon par mthong nas rtog mi bzhin du blos rnam par dpyod par byed do/ /de ltar de ni snying po rab tu rnam par dpyod pa'i blo yin no/ /dge ba'i las kyi 'bras bu'i snying po de dag gzhan las thos pa 'am/ de gal te shes na rang nyid kyis kyang rab tu rnam par dpyad nas de kho na nyid la mngon par 'jug go/ /de lta bu ni de kho na nyid la mngon par 'jug pa la spyod pa yin no/ /blo gros brtan pa rnams ni 'dir mang du thos par gyur nas snying po med pas mi khrid do/ /de ltar na blo gros brtan pa yin no/ /'di na yon tan de dag dang mtshungs pa'i bdag nyid can gzhan rnams la yang sten par byed la/ gzhan dag rnams kyi chos su gyur pa chos ltar 'chis pas khrid par mi byed do/ /de ltar yon tan bdun dang ldan pa'i grogs po sten pa'i skyes bu rnams ni bdag cag gi 'jig rten las shi 'phos nas lha'i 'jig rten dag tu skye bar 'gyur ro/ /chos 'di dag ni dang por bsten pa yin no/ /yang lha dag chos gzhan bdun po gang dag gis lha'i 'jig rten rnams 'phel bar byed pa yin zhe na/ 'di lta ste/ dge bshes gnyen sten pa dang / thos pa dang ldan par gyur pa dang / sgrub pa dang ldan par gyur pa dang / le lo med par gyur pa dang / dran pa dang ldan pa dang / gzhan la gdung bar mi byed pa dang / tshul 'chos pa med pa dang ste/ ji ltar bstan pa'i chos bdun po de dag rnams kyis skyes bu lus zhig pa na bde 'gro mtho ris kyi 'jig rten las lha rnams kyi nang du skye'o/ /'di lta ste/ shing rta chen po bdun dang ldan pas ni rgyal po 'am/ rgyal po'i blon po yang rung ste bde bas skyed mos tshal gyi ltad mo la glu dang / rnga sgra dang / phreng ba</font><hr>65.142a<br><font size=+1>

dang bcas pas ji lta ba bzhin 'gro bar byed do/ /de bzhin du chos bdun po de dag dang yang dag par ldan pa'i skyes bu rnams ni lha'i 'jig rten du 'gro bar 'gyur ro/ /rnam pa de lta bur gyur pa'i thos pa de yang gang yin zhe na/ 'di na thos pa dang ldan par gyur pa'i mi ni gang snying por gyur pa nyan pa'o/ /de dag thos nas rgod bag dang ldan par mi 'gyur ro/ /ji lta ji ltar thos pa de lta de ltar ches rab tu chos la rton pas bag dang ldan par 'gyur ro/ /shes pa rnams kyis chog shes par mi byed par 'gyur ro/ /gzhan dag rnams la yang lan cig ma yin zhing lan cig ma yin par 'dri'o/ /rang nyid kyis kyang gzhan rnams la mnyan pa'i don du rab tu brjod do/ /de lta bu'i thos pa dang ldan pa'i skyes bu rnams ni lus zhig nas mtho ris bde 'gro lha'i 'jig rten du skye'o/ /gnyis pa ni chos la bsgrub pa dang ldan pa yin zhe na/ 'dir chos rnams thos nas chos 'dul ba la de kho na bzhin du sgrub par byed do/ /thos pa dang ldan par gyur nas kyang chos 'dul ba la sgrub par mi byed pa de ni thos pa rnams khur 'ba' zhig yin pa kho nar zad do/ /'bras bu la rten par byed pa ma yin/ shes rab dang / dge ba la sbyor ba dang / tshul khrims dang / shes rab rnams yid la 'bab pa yang ma yin no/ /de'i tshe ni 'od dang rnam par bral ba'i ri mo'i mar me'i bzhin du snying po med pa yin no/ /gang yang shes rab dang / tshul khrims la sbyor bar byed pa de ni me'i mar me rnams 'od byed pa bzhin no/ /thos pa de dag rnams ni don yod pa yin no sgrub pa'i chos rnams kyi snying po yin gyi ngag ni snying po ma yin no/ /lus dang ngag gi las kyi mtha' rnams zhi ba de dag ni lus zhig nas mtho ris bde 'gro lha'i 'jig rten du skye'o/ /chos gsum par gyur</font><hr>65.142b<br><font size=+1>

pa le lo ji lta bu yin zhe na/ 'di na snyom las su gyur pas sgrub pa ma yin no/ /sgrub pa zhes bya ba ni ji skad bshad pa'i don rnams byed pa 'am/ gtan la 'bebs pa'o/ /de yang nye bar rtsom pa dang spro bas mi byed de sgyu snyom dang / brtson 'grus dman pa dang / rtsom pa zhan par gyur pa'i skyes bu rnams kyis ni 'jig rten pa'i don thams cad la yang nus pa med par 'gyur ro/ /'jig rten las 'das pa la yang brtson 'grus dman pa rnams dang spro ba med pa rnams kyis ni dgos pa thams cad las yongs su nyams par 'gyur ro/ /'jig rten pa rnams kyis kyang mtho brtsam pa'i gnas su 'gyur ro/ /bdag nyid rang yang skyid par 'gyur ba yang ma yin no/ /le los nye bar bcom pa'i mi rnams ni lus zhig nas kyang ngan song log par ltung ba dmyal bar skye bar 'gyur ro/ /de'i phyir na le lo rnams thams cad nas gnas skabs thams cad du dug dang / me dang / mtshon cha dang / g.yang sa dang 'dra bar yang yongs su spang bar gyis shig /bdag nyid thams cad kyis gnas skabs thams cad du snyom las kyis nye bar bcom pa'i skyes bu brtson 'grus dman pa rnams ni gzi brjid kyang phyugs rnams dang mtshungs par 'gyur ro/ /shes pa dang rnam par shes pa dang / chos dang / chos ma yin pa dang / bgrod par bya ba dang / bgrod par mi bya ba rnams kyang rnam par mi shes so/ /de ci'i phyir zhe na/ dpyad par bya ba le lo'i skyon gyis bstan bcos la blo zum par gyur pa'i skyes bu ni chos thams cad rnam par mi shes so/ /don dang don ma yin pa rnams la yang de kho na bzhin te/ de ltar yang mar me lta bu'i shes rab kyis thams cad rtogs par 'gyur ba yin no/ /shes pa de yang brtson 'grus dman pa rnams dang le lo can rnams la med pa yin no/ /dmus long dang mtshungs par</font><hr>65.143a<br><font size=+1>

gyur pa de lus zhig pa na ngan song log par ltung ba sems can dmyal ba rnams su skye ba'o/ /de bzhin du 'jig rten pa'i don rnams thams cad la yang ste/ don thams cad nyams par byed par 'gyur ro/ /de don rnams thams cad nyams pas mchog tu sdug bsngal bar 'gyur ro/ /gzhan gyi khyim la nye bar sten par byed pa/ gzhan gyi lus nye bar 'dod pa/ gzhan gyi bde ba rnams nye bar rtogs pa la ched cher byed pa/ mchog tu gos hrul ba/ skra rnams kyis mig g.yogs pa/ kha dang mig dang skams par gyur pas bzhi mdo nas bzhi mdo rnams su dang / sum mdo nas sum mdor dang / khyim nas khyim du slongs mos 'tsho bar gyur pa/ shin tu rid pa/ gson pa la yang skye bo rnams thams cad skyug bro bar gyur pa'o/ /rgyu 'di dag gis na skyes bu rnams thams cad kyis kyang gnas skabs thams cad du yang le lo yongs su spang bar bya'o/ /gzhan du ni brtson 'grus brtsams pa'i brtson 'grus dang ldan pa spang ba dang ldan pa rnams ni don thams cad phun sum tshogs par 'gyur ro/ /mya ngan las 'das pa'i mthar thug par yang 'gyur na gzhan 'jig rten pa'i rnams dang / lus zhig nas kyang mtho ris kyi 'jig rten bde 'gro lhar skye bar 'gyur ba la lta smos kyang ci dgos/ de'i phyir lha 'am mi rnams kyis kyang rung ste/ gnas skabs thams cad du le lo yongs su spang bar bya'o/ /de nas de'i tshe bcom ldan 'das thams cad skyob des tshigs su bcad pa gsungs pa ji ltar/ blo ni le lo'i rang bzhin dang / /dregs pa dang ni rtsab pa dang / /shes rab yongs su spangs phyir yang / /log par ltung ba'i sa mi mthong / /dam pa rnams dang 'dir 'grogs shing / /dam pa min pa spang bar bya/ /chud gson rgyur ni rab</font><hr>65.143b<br><font size=+1>

tu bshad/ /log par lta ba nyid kyang ste/ /yul dus legs par rtsom min zhing / /brjod dang ma brjod rnam mi shes/ /phyir zhing don med 'gyur de dag /ngal so ba yang bud med rnams/ /gang dang de yis 'thun 'dzin pa'i/ /zas rnams de dang de la'o/ /de dag yang mor byed pa dang / /bdag nyid zhor 'phyang dang de bzhin/ /brtan pa 'jig dang dran pa nyams/ /sa bdag dang yang 'gal bar byed/ /de dag dus min 'chi ba dang / /de bzhin du ni khro ba'i yid/ /las 'bras de kho na mi shes/ /chos dang chos min phyi rol byas/ /legs pa'i skyes bu rnams kyis spangs/ /kun tu 'gro bas 'gros kyis ngal/ /le lo'i blo ni gnyid dang yang / /de bzhin ro rnams la yang brkam/ /rnam par spangs pas gang la yang / /skye gnas la ni rab sdang brjod/ /'dod chen dang ni mngon nga rgyal/ /ko trog can dang chos spangs po/ /'dod pa la ni legs sten nyid/ lus la yongs su gdung byed yin/ /skyon ni gsum po 'di rnams kyi/ /rtsa ba le lo yin par brjod/ /mi rnams skyon ni rjes 'brel bcas/ /brtson 'grus brtsams pas 'joms pa yin/ /brtson 'grus brtsams pa ci nas kyang / /'bras bu thams cad nyer longs spyod/ /rigs pa de nyid brtsams pa ni/ /chos bzhin du na 'bras bu mthong / /las rnams gsum po 'di la ni/ /'bras bu rnam pa gsum du 'dod/ /phung po gsum dang nges de yang / /gsum rtsas srid gsum rjes su 'gro/ /de ltar bcom ldan 'das thams cad skyob de'i mchod rten de la le lo la rnam par smod pa'i tshigs su bcad pa rnams mngon par bris pa'i rnam pa de srid pa nyid legs par mngon par mthong bas nges par gcig tu le lo spang bar bya'o/ /gang gi phyir ji skad du bshad pa'i le lo gcig pu zhig las kyang yan lag de rnams tsam zhig yin no/ /le lo med</font><hr>65.144a<br><font size=+1>

pa brtson 'grus brtsams par gyur pa'i lha 'am mi rnams yang rung ste/ don rnams thams cad med par mi 'gyur ro/ /thams cad dus thams cad kyi tshe thams cad du yongs su nyams par mi 'gyur ro/ /le lo med par gyur pa'i sems can rnams ni mya ngan las 'das pa'i mthar 'gro ba de kho na'o/ /de la gces par gyur pa'i chos bzhi ni bstan no/ /chos gzhan gang dag mi rnams la gces par gyur pa yin zhe na/ 'di lta ste dran pa'o/ /de ltar yang chos thams cad kyi bar chad byed pa le lo yin pa de bzhin du chos thams cad kyang ste/ mya ngan las 'das pa'i rnam par smin pa can yang dran pa gcig tu bsgoms shing legs par sgoms pa'i rtsa ba las bsgom par bya ba'i don 'thob par 'gyur ro/ /khyim pa 'am rab tu byung ba yang rung ste/ dran pa dang ldan pa rnams ni bag med par mi 'gyur ro/ /bag dang ldan pa yang don brtsams pa rnams chud mi za'o/ /de yang nas yang du yang don gzhan rnams rtsom par byed do/ /rigs pa dang rab tu brtson pa dang mngon par 'dod pas kyang de rtag tu dran pa dang shes bzhin dang ldan pas shes bzhin gyis gnas par 'gyur ro/ /dbang po lnga po rnams yang spyod yul lnga las srung la 'pho ba dang gtong ba yang ma yin te/ rtag tu yang rkyen rnams las mig gis gzugs mthong ba na de'i tshe 'dun pa'i 'dod chags kyis dga' bar mi byed do/ /rang bzhin rnams mthong bar 'gyur ro/ /rkyen gyi rtsa ba can du mthong bar 'gyur ro/ /rgyu las kun 'byung ba'i gzugs rnams mthong ba na rnyog pa can du mi byed do/ /de las skyes pa'i yid la byed pas khrid par mi 'gyur ro/ /dga' ba'i 'dod chags dran pa nyams pas kun nas bcings nas skyes bu 'am/ rab tu byung ba rnams sam/ lha 'am/ lha gzhan dag gang yang rung ba rnams kyang rung ste/ nyon mongs pa bdud kyi spyod yul rnams la dga' bar mi 'gyur ro/ /des skyes pa'i 'jigs pa rnams kyang kun nas shes so/ /skyon las skye bar 'gyur bar gyur pa rnams kyang shes so/ /'gags pa rnams kyang dran pas yongs su shes te/ legs par dran nas ji ltar che ge mo</font><hr>65.144b<br><font size=+1>

zhig gi yul na dmigs pa 'di dag gis dang / rgyu 'dis dang / rkyen 'dis dang / rnam pa de 'dra ba'i yul las kun tu byung ba'i mig gi rnam par shes pa dang lhan cig tu 'grogs pa'i yul gyi rlan gyis kun du bskyed par gyur pa'i dus de'i yid la byed pa'i nyon mongs pa nges par 'joms pa po rang gi ngang gis nus pa dang ldan pas nyon mongs pa nges par 'joms rab tu 'joms par gyur pa/ rgyu dang rkyen rnams las kun du 'byung ba yul des shin du yang chags pa bskyed par byed pas des zhen pa dran par gyur na dran pa nye bar gnas pa'i phyir na slar yang rab tu 'joms par byed do/ /de gzugs dmigs pas zil gyis mnan na dran pas 'jigs pa dang bcas pas rnam pa du mar rab tu spong bar byed do/ /dal bus dal bus las byed pa spyang por gyur pa'i lcags mgar mer bcug nas dros par gyur pa'i lcags kyi snod rdung ba de bzhin du lus dben pa la spro ba rnams yang dal bus dal bus dri ma rnams sbyong bar byed do/ /zhib mor byed cing dri ma med par byed do/ /de bzhin du 'di na mdzes par gyur pa rnams kyis dran pas sems kyi rgyud dal bus dal bus dri ma rnams med do/ /ji ltar mdzes pa'i rdza mkhan brtson 'grus brtsams par gyur pa rgyu rkyen dang goms pa rnams kyis 'jim pa'i gong bu bum par sgyur bar byed de/ gzugs bzang po rtsom pa'i dran pas brtsams pa'i phyir ro/ /de bzhin du dran pa dang ldan pa'i skyes bus 'dir yang 'jim pa'i gong bu lta bur gyur pa'i dmigs pa dang / rgyu rkyen gnyis dang yid kyi dran pa mdzes pa bsten pa nges par rdzogs pa las gang yongs su rdzogs na dran pa brtsams pas tshul bzhin yid la byed pa bum pa bzhin du skyed do/ /lha dag ji ltar bdag cag rnams kyi gos rnams gsar pa gyon par gyur pa'i dus de nyid nas bzung nas de dag</font><hr>65.145a<br><font size=+1>

rnams rim gyis zad par 'gyur ro/ /yang gang gi tshe shes par gyur pa de'i tshe nas skad cig pa rnams shes par 'gyur ro/ /de kho na bzhin du gang kho na'i tshe nas mdzes pa'i dran pa nye bar 'jog par gyur pa de'i dus de nas skyon thams cad zad par 'gyur ro/ /de nyid mngon par rtogs par 'gyur ba yang gang gi tshe 'phags pa'i rgyas btab par gyur pa'i sems kyi rgyud la skyon rnams zad pa mtshon par 'gyur zhing de'i tshe na yongs su shes so/ /de'i phyir na skyes bu dam pa rnams dge ba 'dod pas rtag pa nyid du mig dang phrad pa'i gzugs dmigs par gyur pa na yang ji lta ba'i dran pa'i thag pas yongs su bcings na sems yongs su 'khyam par mi 'gyur ro/ /rta rgod bzhin du bsrings nas 'dzin par byed de 'das pa dran pa dang ldan pa'i skyes bu rnams ni dga' ba'i 'dod chags mi bzad pa rnams dmigs pa spangs nas gnas so/ /dran pas de bzhin du da ltar gyi yul rnams la mig rgyu bar byed pa na sgrub pas zlog par byed do/ /dran pa dang dran pa ma yin pa dag la rjes su sgrub pas ji ltar legs par rtogs par bya zhe na/ 'di lta ste/ skyes par gyur pa'i dga' ba'i 'dod chags la tshul bzhin ma yin pa'i rlung gis kun nas khyer ba na dran pas kun tu 'dzin par byed do/ /'dir gang gi tshe sdug bsngal dang / kun 'byung ba dang / 'gog pa dang / lam gang yin pa'i 'phags pa'i bden pa bzhi po rnams kyis gzugs de nyid la yang dag pa ji lta ba bzhin du rnam pa du ma dang dbyibs du mar rnam par dpyod par byed pa de'i tshe 'dun pa'i 'dod chags 'di thams cad du 'am/ gnas skabs thams cad du yang rab tu nyams par 'gyur ro/ /gal te shed na yang chung ngur 'gyur ro/ /'di ni de'i dge ba'i chos kyi gzi brjid yin te 'di lta ste/ dran pas rjes su sbrel ba'i rtsa ba yin no/ /dge</font><hr>65.145b<br><font size=+1>

ba'i chos rnams thams cad na de'i gzhis rab tu 'jug go/ /de lta bu ni da ltar byung ba'i dran pa yin no/ /ji ltar na ma 'ongs pa'i yul nyams su ma myong ba rgyu mtshan gyi dbang du byas pas yul nye bar dmigs pa'i dran pa yin zhe na/ dran pas ma 'ongs pa rnams la yang legs par dran te/ 'bras bu'i rgyu mtshan dmigs pas ma 'ongs pa rnams yang dran zhing kun tu dran no/ /'di lta ste/ lus dang / ngag dang / yid legs par spyad pa spyod pa'i skyes bu rnams mngon par mthong bar gyur nas lha dang lha tsam du 'byung bar 'gyur ro zhes 'di dag dran no/ /de ltar dam par byas pa'i las rnams mngon par mthong nas legs par dran no/ /nyes par spyad pa'i las kyi mtha' spyad pa rnams las dmyal ba rnams 'byung ba yang kun tu dran no/ /de la dran pa zhes bya ba'i chos lnga pa 'di de ltar lha dang mi rnams la gces par gyur pa yin no/ /gzhan yang chos drug pa lha dang mi rnams la gces par bya ba yod de/ gang zhe na 'di lta ste/ gzhan la gdung bar mi byed pa'o/ /'di na gzhan la nye bar gdung bar mi byed par gyur pa blo shin du rab tu dang ba/ gang zag rnams la rab tu dpyod par yang mi byed la tshangs par spyod pa rnams la rab tu dpyod par yang mi byed pa dang / sems 'dul bar mi byed pa ma yin pa gnas mal dang / nad kyi rkyen sman dang / yo byad rab tu mang po mngon par mthong ba na gzhan la smod par mi byed/ bdag la stod par mi byed do/ /rang gi dbang du byas pa'i tshul khrims bsngags par mi byed cing / gzhan gyi tshul khrims kyang dge ba ma yin par thos nas sbyin pa po dang sbyin bdag rnams la so sor go bar mi byed/ grogs po dang grogs po ma yin pa rnams dang bral bas mtshungs pa'i blor gyur pa/ de'i yid dkon mchog gsum la song bar gyur pa'i don gyis tshul khrims 'chal bar mi byed/ tshul khrims dang bcas pa la skur par mi byed do/ /zhabs 'bring bar</font><hr>65.146a<br><font size=+1>

kun du ston pa ma yin gyi snying rjes sems 'ju bar 'gyur ro/ /'dri bar byed pa'i rang bzhin can ma yin la dgon pa dang ri khrod dang phug rnams su mngon par dga' bar 'gyur ro/ /kun nas 'dre bas nye bar 'gro bar ni tshangs pa mtshungs par spyod pa dag dang / lhan cig tu'o/ shin tu ngo mtshar skye ba'i yon tan de lta bu rnams dang ldan pa'i skyes bu ni gzhan la nye bar gdung bar byed pa ma yin no/ /de'i phyir na gzhan rnams la nye bar gdung bar mi byed pa ni lha dang mi rnams la gces par gyur pa yin no/ /gzhan yang gces par gyur pa'i chos bdun pa lha dang mi rnams kyi bar du gcod par byed pa ni 'di lta ste/ tshul 'chos pas rab tu 'chab par byed pa'i phyir te/ dge bar gyur pa sdig pa rnams bcom pa yid shin tu rnam par dag pa/ lhung bzad dang chos gos kyis chog shes pa/ bslangs nas za ba/ ri khrod dang ri phug dag tu sten pa/ chog shes pa/ dben par gnas par dga' ba/ bstod pa dang / smad pas mtho ba dang dma' ba'i blo med pa/ don dang don ma yin pa rnams la ltos pa med par ljongs rgyu bar byed pas legs par rgyu'o/ /mi rnams kyang srin bu'i gnas yin pa'i phyir dang / lteng ka'i chur gyur pa'i chu tsam la yang 'jigs pas nye bar mi 'gro ste srin bu gsod pa'i skyon gyi 'jigs pas 'jigs pa'i phyir ro/ /ri lu dang ri lu'i phreng ba dang glog 'khyug pa la lta bar mi byed do/ /sa g.yo ba dang zla ba gzas 'dzin pa yang ston par mi byed do/ /rnyed pa dang bkur sti'i don du gcig pu zhig khyim nas khyim du nye bar 'tsho bar byed pa yang ma yin no/ /mgo gcogs pas sa gzhi g.yo ba'i rang bzhin ma yin no/ /shin tu dman pa dang che bar smra ba ma yin no/ /bkra bar byas pa'i mchil lham dang shing leb kyi stan bzang po dang sngas nang tshangs can zlum po 'dzin pa ma yin no/ /tshul khrims dang yon tan mtshungs pa'i</font><hr>65.146b<br><font size=+1>

gong ma dag rnyed kyang nye bar sten pa ma yin no/ /gzhan gyi rjes su 'tsho ba ni ma yin gyi de bzhin du grong dang / grong khyer dang / tshong dus dag tu song nas rnyed pa dang bkur sti'i rgyu dag gi tshul khrims dang yon tan snying por byas te brjod par ni mi byed do/ /blo rnam pa sna tshogs par g.yeng bar byed pa yang ma yin no/ /brkam zhing chags pa yang ma yin no/ /grong dang thag nye bar gnas par byed pas dga' bar 'gyur ba ma yin no/ /sngon gyi gnyen bshes dang mdza' bo rnams dang 'tshog cing blta ba'i don dang / de'i khyim du 'jug pa blo la mang du rgyu bar mi 'gyur ro/ /yod pa ma yin pa'i yon tan rnams rjod par mi byed la yod pa'i yon tan rnams yang rjod par mi byed do/ /yod pa'i yon tan rnams spong bar yang mi byed do/ /yang dag pa ji lta ba bzhin du yon tan dang skyon rnams ston par gyur nas rgyab kyi sha sbyin par byed pa yang ma yin no/ /mthong ba dug can bzhin du rnam pa du mar yang bud med kyi 'gro ba rnams yongs su spong bar byed do/ /de dang lhan cig tu smra gling byed pas gnas pa'i rang bzhin can yang ma yin no/ /ljon shing dang / nags dang / me tog kun tu rgyas pa rnams su rgyu ba'i rang bzhin can ma yin no/ /bdag dga' bar 'gyur ba'i yid don du gnyer bas nye bar bgrod pa ma yin no/ /dga' bar 'gyur ba'i bya'i sgra kun tu sgrogs pa rnams la nyan pa'i 'dod chags kyi skyon gyi 'jigs pas gang gi phyir de'i snying gis sems pa dang rna ba dang yid gtod par byed pa ma yin/ sgra de dag rnams gang yin pa'i skyon gyis 'jigs pas bya rnams kyi sgra dang gzhan gyi sgra rnams kyang nyan par mi byed/ chu klung gi sgras gang ba'i yul phyogs su sgom par mi byed/ sgra'i skyon gyis yid 'phrogs par mi 'gyur ro/ /dri dang ldan pa'i me tog mang ba dang / 'khri shing rnams dang / ljon shing rnams shin du phal che ba dang / nye bar bsam</font><hr>65.147a<br><font size=+1>

gtan byed pa dang / nye bar 'gro ba dang / nye bar 'gro ba yang ma yin te/ yid du 'ong zhing yid du 'ong bar gyur pa'i dri rnams la yang sna phyogs par 'gyur ba'i skyon gyis yid khyer ba'i phyir ro/ /sgro rnams rnam par bkra bar gyur pas dga' ba'i kha dog sna tshogs pa'i bya rnams 'dod chags la chad cher byed par gyur pa'i ngang ngur dang / shang shang te'u dang / rma bya rnams kyang lta bar byed pas rnam par rgyu ba ma yin no/ /gang gi phyir yid 'phrog par byed pa dud 'gro'i skye gnas pa rnams sam/ bud med dag gam/ shing tog nA Di ke ra dang / pa na sa dang / chu shing gi 'bras bu dang / a mra dang / dpal 'bras dang / ka pid tha dang / pa ru Sha dang / khardza ra'i nags rnams su yang bsam gtan byed de/ yid ros 'phrog pa yin pa'i phyir ro/ /de bzhin du dbang po'i don rnams la mthong ba dang bral bar gyur pa'i zhi ba'i nye ba'i nags rnams la brkam chags med pas ma 'dres pa'i bde bar rgyu ba'i dga' tshal la gcig tu phyogs pa'i yid kyis bsam gtan du byed de/ des rtag tu brtson 'grus brtsams pa phyir rgol ba lta bur gyur pa dang / lhan cig tu g.yul 'gyed do/ /skyon chung ngu yang ma yin pa yang bar du gcod par 'gyur ba'i yid kyis rab tu 'bad par byed do/ /tsab hral can rnams kyis thong gshol gyis glogs pa ma yin pa'i sa phyogs kyi phyag dar khrod pa rnams kyang rnam 'gyur bstan pa'i don du mi len no/ /srid pa la sogs pa rnams kyi bzhin bde bar gnas par 'gyur ba ni ma yin no/ /'di ni gtsang ba dang bcas pa'i lhung bzed kyis rgyu ba de yang zas skom rnams mi 'dzin to/ /dngul dang gser la sogs pa rnams kyang yid kyis sems par mi byed do/ /dga' bar 'gyur ba'i lhung bzed 'dzin par 'gyur ro/ /brje bsor can kyi chos gos rnams 'dzin par mi 'gyur ro/ /sgra brda dang bral bas gom pa cig kyang rjes su mi</font><hr>65.147b<br><font size=+1>

'gro'o/ /srog chags 'chi ba'i skyon dogs par byas pa ma gtogs par tshul 'chos sten pa po thams cad du 'gro bar mi byed do/ /lgang bu dang / 'bras so ba dang / rul par gyur pa'i 'bras bu ba da ra dang / shin dzi tA dang / 'bras bu pa ru Sha ka dang / khar dzu ra dang / ka DA pa dang / rgyal po'i 'bras so ba dang / mon sran gre'u rnams ma btags par za bar mi byed de/ srin bu dag 'di dag gi nang na gnas pa yin pa'i phyir ro/ /skra shad pa'i so mangs ma yin/ rngul ba las byung zhing rang gi lus las langs pa'i srin bu rnams spong bar mi byed do/ /chos gos dag la yang gnod pa'i 'jigs pas kyang gom pa gcig tsam dang / stan gcig la 'dug pa dang / gzhan gyi lhung bzed la lta bar yang mi byed do/ /zas la brkam zhing chags pas dang bsod pa'i 'bras so ba la yang lta bar mi byed de/ rang gi don lus kyi ngo bor byed pa kun tu spong ngo / /srin bus kun tu gang bas bslad pa'i sa phyogs su gcin dang gci ba gtong bar mi byed de/ srin bu la gnod pa'i 'jigs pas 'jigs pa'i phyir ro/ /bsod snyoms la 'jug par byed pa na yang gnya' shing gang tsam du lta bar 'gyur ro/ /drang po dang drang po la sten par gyur pa'i dge slong 'dus pa rnams la mi sten pa zhen pa med pa snying las chung bar gyur pa rtag tu bsam gtan gyi dbang du byas te dga' bas brtson 'grus brtsams par gyur pa'o/ /de la 'di nyid ni tshul 'chos pa med pa dang / de nyid tshul khrims rnam par dag pa dang / de nyid 'tsho ba rnam par dag pa dang / gcig tu phan pa gtsang zhing dag par gyur pa yin te/ de nyid ji skad du bshad pa'i bslab pa'i gzhi la gnas pa rnams kyi yin no/ /de ji lta ji ltar bdag nyid kyi 'gro ba 'dod par gyur pa de kho na bzhin du skye bar 'gyur ro/ /thams cad du yang 'tsho ba dag pa 'di'i rnam par</font><hr>65.148a<br><font size=+1>

rtog pa rnams kyang dge ba'i sems kyis kun nas bslang ba rnams skye bar 'gyur ro/ /de nas de'i dus na bcom ldan 'das thams cad skyob des tshigs su bcad pa gsungs par gyur pa ji ltar/ 'tsho ba dag pa rnam dag pa'i/ /lus ngag las ni zhi ba yin/ /rab tu dben pa'i bsam gtan pa'i/ /shin tu mya ngan 'das ring min/ /bag med pas ni gzung dka' ba'i/ /dur khrod dang ni nags rnams sten/ /rtag tu sa gzhi'i mal stan can/ /shin tu mya ngan 'das ring min/ /gos hrul phyag dar khrod kyi mal/ /lhung bzed gog po gcig de dang / /'bras bu rtsa bas chog shes pa/ /de ni bde bar sangs rgyas bzhed/ /'dod pa ldan pa mi rnams kyis/ /chog shes dang ni mngon dga' ba/ /brtan pa legs par dpyod pa po/ /shin tu mya ngan 'das ring min/ /tshul 'chos dri ma dang bral ba'i/ /rdul gyi 'ching ba las skyob pa/ /sems ni nam mkha' dang mtshungs pa'i/ /mya ngan 'das pa ring ba min/ /de ltar bcom ldan 'das des tshul 'chos pa med pa'i dge slong la rab tu bsngags par mdzad do/ /de la chos bdun po de dag rnams dang gang yang dag par ldan pa'i skyes bu de dag ni skyes bu dam pa yin no/ /gang yang 'dod pa rnams sten pas rnam par rgyu bar gyur pa 'khor bar bying ba rnams ni dud 'gro dang mtshungs par gyur pa'i mi'i ming can no/ /de la chos bdun po de dag rnams dang yang dag par ldan pa'i skyes bu de ni rab tu bsngags pa yin no/ /lus zhig nas mtho ris bde 'gro'i 'jig rten gyi lha rnams su skye bar 'gyur ro/ /yongs su lhag par gyur pa rnams kyis kyang mya ngan las 'das pa thob par 'gyur ro/ /mchog tu dge bar gyur pa'i chos bdun po de dag rnams yang 'di lta ste/ dge ba'i bshes gnyen bsten pa dang / thos pa dang ldan pa dang / sgrub pa dang</font><hr>65.148b<br><font size=+1>

ldan pa dang / le lo med pa dang / dran pa dang ldan pa dang / gzhan rnams la gdung bar mi byed pa dang / tshul 'chos pa med pa dang ste/ rin po che chen po de bdun gyi nor rnams kyis lha nyid 'thob par yang 'gyur ro/ /dga' ba rnams thob nas bag med pas zad par byed do/ /de rnams slar yang 'khor ba kho nar kha mngon du phyogs par 'gyur la/ dmyal ba dang / yi dgas dang / dud 'gro rnams nyid du phal cher skye bar 'gyur ro/ /de'i phyir na lhas bag med par bya bar mi 'os te bdag nyid kyis legs par go bar gyis/ srid pa rnams na nam yang bag med pa rnams kyis bde bar 'gyur ba ni 'ga' yang med do/ /de la chos chen po bdun po de rnams kyis mi rnams lhar skye'o/ /rgyu rnam pa gsum gyis lha'i 'jig rten pa rnams las shi 'phos nas dmyal ba dang / yi dgas dang / dud 'gro rnams su skye bar 'gyur te/ gsum po rnams gang zhe na/ 'di lta ste/ dam pa'i chos bsgrags pa na mi nyan pa dang / sdig pa la snyen pa dang / dge ba'i bshes gnyen ma yin par dge ba'i bshes gnyen ltar 'chos pa de dag rnams la dad par byed pa ste/ chos de dag rnams kyis lha'i 'jig rten rnams nas shi 'phos nas dmyal ba yi dgas dud 'gro rnams su skye'o/ /'thab bral ba rnams kyi mnga' bdag mu su lun d+ha des lha des lha de dag rnams la 'di skad ces brjod do/ /gang bcom ldan 'das des gsungs pa de dag thams cad khyed kyis thos sam/ de nas lha de dag rnams thams cad kyis rjod par gyur pa ni ji lta ba bzhin du mdo de dag rnams thos so/ /bcom ldan 'das thugs brtse ba dang ldan pa 'jig rten la phan par mdzad pas bag med pa rnams gdul bar bya ba'i don du mdo 'di bstan pa yin la/ de dag thos nas kyang ji ltar dmyal ba dang / yi dgas dang / dud 'gro rnams su slar yang skye </font><hr>65.149a<br><font size=+1>

bar mi 'gyur ba de ltar gyis shig /nor chen po rnams gang gi rgyus lha'i skye bar gyur pa khyed kyi rtsed mo 'di dag yin gyis de ni bag med pas 'da' bar mi 'os so/ /rab tu lhung bar gyur ta re/ bcom ldan 'das des lha'i mchog rnams la mdo 'di ji lta ba bzhin du bstan pa yin no/ /stong phrag sum bcu rtsa drug pa'i mdo las bcom ldan 'das thams cad skyob kyis gsungs pa ste bzhi pa rdzogs s+ho//               // de nas lha rnams kyi mnga' bdag mu su lun d+has de ltar lha rnams la bstan zhing skyo ba yang nges par skyed nas gzhan yang 'khor ba na sdug bsngal brgya stong du ma rnams kyis yongs su gang bar gyur pa/ sdug pa dang rnam par bral ba rnams dang / mi sdug pa dang phrad pa rnams dang / rga ba dang / 'chi ba dang / mya ngan dang / smre sngags 'don pa du ma rnams kyis kun du gang bar gyur pa dang / phun sum tshogs pa dang / rgud pa'i mi lam log gi sdug bsngal gyi rang bzhin rnams kyis gang bar gyur pa'i phyir na/ de nas yang lha de dag rnams kyi yid las su rung bar gyur pa legs par mngon par mthong bar gyur nas/ gzhan yang phan par byed pas rjes su 'dzin pa'i phyir na 'di skad brjod pa/ sbyin par 'gro bar 'dod pa'i lha rnams bag med pas bag med par gnas pa rnams srid pa gzhan gyi dus kyi gnas skabs steng du gnas par gyur pa na/ 'gyod pa'i dus su phyin pa sdug bsngal chen po skyes par gyur pa kun du nye bar gnas pa rnams la ci yang byar med pa'i dus su song ba na las kyi thag pas kun nas bcings nas gcig pu zhig grogs med par khrid par gyur pa na lha 'am/ mi 'am/ klu 'am/ dmyal ba pa rnams kyang rung ste/ 'chi bdag gi zhags pas khrid par gyur pa la chos ma gtogs pa'i grogs su gyur pa ni 'ga' zhig kyang yod pa ma yin no/ /lha'i bdag po chos rnams ni sems can gyi rgya mtsho thams cad lags so/ /slar yang 'thab</font><hr>65.149b<br><font size=+1>

bral gyi bdag po de nyid kyis 'di skad ces brjod de/ de de bzhin te/ chos dang chos ma yin pa rnams ma gtogs pa 'ga' zhig kyang 'ga' zhig gi grogs su mi 'gyur ro/ /de dag gang yin pa lha dag gis nges par go bar gyis shig /de la gzhan la dad pa'i sa bon 'phel bar bya ba'i rgyu mtshan du dang / bde legs thob par bya zhing thob pa'i don du dang / sdug bsngal mthar thug par gzhom pa'i don du 'dzam bu'i chu bo'i gser gyi rang bzhin gzhan 'di mu tig dra bas g.yogs pa/ rin po che bdun gyi ka bas nye bar mdzes par gyur pa/ rin po che sna tshogs pas rab tu gsal bar byas pa de'i der bdag cag rnams thams cad nyid nye bar legs par 'gro bar bya ste/ bcom ldan 'das gser thub 'di'i mchod rten der 'jug par bya ba dang / ji lta ba bzhin du bdag cag gis blta bar bya'o/ /de dag thams cad ji lta ba bzhin du bdag cag gis byas te/ rang nyid la phan pa dang / 'khor ba las nges par 'byung ba dang / mya ngan las 'das pa thob par bya'o/ /de nas lha de dag rnams kyis 'thab bral gyi bdag po'i tshig nye bar thos pa dang gus pa legs par skyes par gyur pas rgyags pa dang nga rgyal rnams dang rnam par bral ba/ dbang po rab tu gsal bar gyur pas gang na bcom ldan 'das drang srong gi mchog gser thub de'i mchod rten 'di kun du lham me ba bzhugs pa der te sngar bzhin no/ /de nas lha de dag nyid thams cad mu su lun d+ha dang bcas pa rnams gang gi tshe drang srong mchog gi sku gdung de'i drung du nye bar legs par 'gro ba'o/ /nye bar legs par phyin pa de dag rnams la gzhan yang 'thab bral ba'i bdag po des 'di skad ces smras so/ /mchod rten 'di'i nang du yang de bzhin gshegs pa gser thub des 'jig rten pa rnams la phan pa dang / 'jig rten la byams shing rjes su brtse</font><hr>65.150a<br><font size=+1>

bar gyur pas mi rtag pa nyid rnam pa thams cad kyi sgo nas bstan pa yin la/ de mngon sum du legs par mthong nas kyang lha khyod rnams thams cad shin du yid 'byung bar 'gyur ba dang / brtsig pa 'di dag gi logs la gang dag de bzhin gshegs pa des bstan cing sprul pa mdzad pa rnams la rtag par rgyun tu blta bar yang gyis shig /des de skad ces smras nas lha rnams khrid nas mchod rten du zhugs so/ /mchod rten de yang rgyar dpag tshad bcu pa'o/ /mchod rten de'i nang na yang 'dus byas ma lus pa mi rtag pa dang / phun sum tshogs pa rnams rgud par 'gyur ba dang / las bdag gir bya ba dang / rang dbang med pa ste/ so so so sor 'gro ba lnga po rnams yongs su sprul pa rnams shin tu dri ma med pa gzugs brnyan gyi gzugs rnams so sor mthong ba yin te/ mchod rten gyi brtsig logs la gzugs de dag rnams yongs su rdzogs pa dang bcas pa shin tu gsal ba so so so sor gyur pa dang / rnam pa sna tshogs par gyur pa rnams gsal bar mthong ngo / /de dag rnams las yul phyogs gcig na dmyal ba brgyad mthong ba la 'di lta ste/ yang sos dang / thig nag dang / bsdus 'joms dang / ngu 'bod dang / ngu 'bod chen po dang / tsha ba dang / rab tu tsha ba dang / mnar med pa'i dmyal ba rnams su yang rab tu ltung bar 'gyur ba'i lha rnams mngon par mthong ba la rang gi las kyi rlung gis rab tu ltung bar gyur pa mgo bo ni mthur la rkang pa ni gyin la bstan pa/ nye 'khor kun nas rab tu 'bar ba'i lus can rnams thams cad du king shu ka'i shing 'dra bar gyur pa de srid du mthong bar gyur pa/ lha'i ris nas de srid du 'og tu rab tu ltung bar gyur pa/ rnam par khros pa'i yid kyis kun du ngu bar byed pa/ rang gi sems kyis yongs su bslus pa/ legs par byas pa'i las rnams yongs su zad pa/ bag med pas rnam par rgyu bas bslus par gyur pa/ bde ba'i mchog</font><hr>65.150b<br><font size=+1>

rnams la longs spyad nas sdug bsngal gyi mchog la longs spyod pa la gcig pu zhig grogs dang gnyen rnams kyis yongs su spangs nas skyabs med pa'i dmyal bar ltung ngo / /'di la dang po kho nar re shig rgyal chen bzhi'i ris kyi lha rnams rab tu ltung bar gyur pa rnams mngon par mthong ste/ de dag la srog gcod pa yang yod de/ srog gcod pa'i skyon dang ma byin par len pas kyang ngo / /ji ltar srog gcod par byed pa yin na/ rgyal chen ris bzhi'i lha de dag rnams yang lha dang lha ma yin rnams kyi 'khrug pa la srog gcod par byed do/ /rtag tu yang rnam par rgyal bar 'gyur te/ cod pan 'phrog pa dang mtshon rnams 'phen par byed do/ /las du ma'i rkyen rnams kyis kyang ste/ lan grangs gzhan la myong bar 'gyur ba 'am/ las gzhan rnams kyis kyang lha rang gi sems kyis bslus pa rnams ni ci nas kyang ltung bar 'gyur ro/ /gang gi tshe lha rnams 'chi 'pho bar 'gyur ba na phung po rnams 'gag par 'gyur ro/ /de'i tshe na dmigs pa rnams 'jug pa dang / dmyal ba pa rnams kyi srid pa bar ma dor rab tu 'byung bar 'gyur te/ des bde ba las sdug bsngal la mtshams sbyor ba thob par 'gyur na 'khor ba pa gzhan rnams gang dag rnam pa du ma'i sgo nas dmyal bar 'gyur ba'i zug gzer gyi sdug bsngal du gyur pa rnams la smos kyang ci zhig dgos/ de la las chen po 'dis shin tu mnar ba gang yin pa'i sems can rnams lha rnams nas shi 'phos nas dmyal ba rnams su skye'o/ /de ltar lha de dag rnams kyis bcom ldan 'das des sprul pa gang yin pa'i sprul pa rnams mthong ngo / /gzhan yang yul phyogs gzhan na rgyal chen bzhi'i ris kyi lha rnams lha'i 'jig rten nas shi 'phos nas yi dgas su skyes pa rnams mthong ste/ rnam pa de srid kyi zas bde ba de dag rnams las rnam pa de srid kyi bkres pa dang skom pa shin du che ba'i dgon pa rnams su skye bar 'gyur ro/ /rnam</font><hr>65.151a<br><font size=+1>

pa de srid kyi gos rnams kyis bkab par gyur pa'i rnam pa de srid kyi skras gdong mi mngon pa mun par gyur par kun tu skyed do/ /de nags kyi shing da ba tshig pa dang 'dra bar gyur nas kha cig ni kun nas srig la/ kha cig ni rab tu 'bar ba'i lcags bsrigs gcal du bkram pa'i dgon par bkres pa dang skom pa dag gi mya ngan gyis gdungs par gyur kyang 'bab par gyur pa'i rlan gyi tshad tsam gyi chu yang mi rnyed do/ /lha'i 'jig rten la rnam par rgyu bar gyur pa las shi 'phos nas yi dgas kyi sa gzhi rnam pa sum bcu rtsa drug na nye bar 'tshed par 'gyur ba rnams legs par mthong ba na bya rog dang / 'ug pa dang / bya rgod rnams kyis kha gdong dang mig dag kun nas za ba rnams mthong bar 'gyur te/ mnan na nem pa bteg na 'phar bas rab tu ltem pa/ mnyen pa shin tu 'jam par gyur pa'i rnam pa de srid kyi mtho ris kyi sa la spyad nas slar yang yi dgas kyi srid par skye bar gyur nas me ma mur bdun gyis shin tu rtsub pa dang ldan pa/ rdo rje'i mchu rnams kyis rko bar byed par gyur pa/ rtswa dur b+ha'i tsher ma rgya chen po rnams kyis kun nas gang bar gyur pa mthong ngo / /gzhan yang rnam pa de srid kyi dri rnams snams par gyur pa la mAn da ra ba dang / ku she sha ka dang / dri'i 'byung gnas rgya chen por gyur pa rnam pa brgya stong phrag du ma rnams bsnams nas phyis yang mi gtsang ba rnam par sme bar gyur pa'i bshang ci dang mi ro'i dkyil du dur khrod na rgyu ba'i yi dgas su gyur nas rnam pa du ma de srid kyis mi gtsang ba'i dri rnams mnoMpar byed do/ /de dag rnams kyi sna bug na ni rab tu 'bar bar gyur pa'i grog ma rnams kyis kun tu gang bar 'gyur te/ yi dgas de dag rnams yi dgas kyi skye gnas su skyes par gyur pa rnams la yin no/ /de bzhin du yang sngon gyi skye gnas su skyes pa rnams rnam pa sna tshogs pa'i bde ba'i yo byad kyi zas dag 'dod par</font><hr>65.151b<br><font size=+1>

gyur pa'i mdog dang / ro dang / dri dang / bde ba'i reg pa rnams phun sum tshogs par gyur pa las/ yang phyis yi dgas kyi skye gnas su skyes pa rnams la mtho brtsams pa las kyang mtho brtsams par gyur pa'i shin du yang mi gtsang bar gyur pa ro dang dri rnams bla lhag par dman par gyur pa la/ gal te shed na lo brgya phrag du ma'i shin du mi gtsang ba'i bshang ba rnams so/ /yang na lus shin tu rid par gyur pa nyid kyis rtug pa rnams za bar byed pa de bzhin tu mchod rten gyi logs la mthong bar gyur la lus la yang mchog tu 'jam par gyur pa/ mchog tu srab pa/ ma brtags pa/ rin po che du mas nye bar mdzes par gyur pa/ mtho ris kyi rjes su 'thun pa mchog tu dga' bar gyur pa'i gos rnams gyon par gyur pa na yang rlung gis bskyod pa/ me tog sna tshogs pa'i ku su ma'i dri dang yang dag par ldan pa rnams la nye bar bsten par byas pa'i las rnams yongs su zad nas/ phyis yang yi dgas kyi 'jig rten du skyes pa na shin tu yang gcer bur gyur pas langs pa'i lus shin tu mthug cing rtsub pa/ ser po'i skras kun du bkab pa'i lus la srin bu brgya stong gis bskor bar gyur pa dang bcas pas gang bar gyur pa rnams kyis rab rab krum krum za ba byed pas snum khur 'dra bar za bar byed pa'i yi dgas kyi 'jig rten du skyes pa'i bkres pa dang / skom pa'i bsregs pa'i lus can rnams nyi ma re re zhing ngu ba mchi ma 'dzag pas ngu bar byed pa'i bzhin gyis dus ring du rnam pa du mar shin tu rtsub pa'i yi dgas kyi sdug bsngal rnams nye bar longs spyod pa yin te/ bag med pas bslus nas lha'i 'gro ba nas yongs su nyams par gyur pas yi dgas kyi srid par song ba yin no/ /gzhan yang mchod rten gyi brtsig logs kyi yul phyogs gzhan zhig na tshogs pa rgyu ba na rnam par rgyu</font><hr>65.152a<br><font size=+1>

ba'i lha dang / rgyal chen bzhi'i ris kyi lha rnams 'chi 'pho bar gyur pa na dud 'gro'i skye gnas pa rnam pa du mar nye bar skye bar 'gyur ba sna tshogs pa'i yul dang / sa dang / rigs rnams dang gnas gsum du 'gro ba la 'di lta ste/ chu na ni chu la rgyu ba rnams phan tshun za bar gyur pa shin du 'jigs par gyur pa'i grang ba dang tsha bas byas pa'i shin du rtsub par gyur pa'i gnas skabs rnams la nye bar longs spyod par gyur pa'o/ /thang la ni thang la 'gro ba rnams nyi ma'i 'od kyis bsregs par gyur pas yongs su nyam thag par byed pa'i bkres skom gyis lus rnam par bsregs par gyur pa rnams phan tshun du gsod cing 'ching bar byed pa'i 'jigs pa rnams kyis 'jigs par gyur pa/ mchog tu sdug bsngal bar gyur pa rnam pa brgya stong du ma'i gnas skabs nye bar longs spyod par byed pa/ mi dge ba'i las rnams kyis yongs su bskul nas rnam pa de srid du nags dang nye ba'i nags rnams na dud 'gro rnams nye bar longs spyod par byed pa rnams brjod par sla ba yang ma yin no/ /de bzhin du nam mkha'i la yang nam mkha' la 'gro bar gyur pa'i chen po rnams dang / shin du phra ba rnams dang / tshogs par gyur pa dang / tshogs pa ma yin pa rnams kyi lus can gyi bya rnams phan tshun du gnod pa bya bar sems pas bskyed pa'i shin tu sdug bsngal bar gyur pa'i mi bzad pa'i gnas skabs rnams la nye bar longs spyod de/ lha bag med pas yongs su bslus nas dud 'gror skyes par gyur pa rnams yin no/ /de bzhin du gzhan gang dag mngon par bag med pas nye bar bcom pa rnams las khyad par du 'phags pa dge ba'i las can de dag rnams ni lha'i 'jig rten nas rab tu shi 'phos nas mi rnams kyi 'jig rten du skyes par gyur nas legs par byas pa'i las rnams zad pas ji lta ba'i dge ba'i las rnams</font><hr>65.152b<br><font size=+1>

la longs spyod par byed do/ /dge ba dang mi dge ba'i las rnams la longs spyod par byed pas mi'i 'jig rten du skyes pa ni thams cad nyid kyang yongs su tshal ba'i sdug bsngal du bying bar gyur pa dman pa dang / bar ma dang / khyad du 'phags pa rnams 'byor pa ji lta ba bzhin du yul dang dus rnams su chos sgrub pa dang rjes su 'thun par gyur pa'i 'phel ba dang 'grib pa rnams mchod rten gyi brtsig logs la gsal bar mthong bar gyur to/ /de la gal te shed na legs par byas pa'i las de dag rnams bsten cing bsgoms la lan mang du byas par gyur pa'i bsnyen gnas 'phags pa'i lam yan lag brgyad kyi las byas par gyur pa ma chad pa/ ma gol ba/ ma zags pa dang / brtan pa dang / sems kyis shin du legs par sbyangs pa'i las de dag rnams sam/ gzhan yang las rnam pa gsum mchog tu phal che ba'i legs par byas pa'i las kyis 'phangs pa nges par 'dod pa'i rnam par smin pa dkon mchog gsum la skyabs su 'gro bas 'phangs par gyur pa 'am/ sems can rnams la yang mi 'jigs pa'i sbyin pa dang chos kyi sbyin pa dag gis 'phangs par gyur pa 'am/ gzhan yang de dag dang rjes su 'thun par gyur pa rnams kyang rung ste/ rnam pa 'di lta bu dag gis legs par byas pa shin du rnam par dag pa'i sems kyis bsgoms par gyur pa'i yid rab tu dang bas 'phangs par gyur pas sam/ las de dag rnams kyis kyang gcig tu rab tu dang ba'i yid kyis pha dang ma dag la 'am/ sbyin pa dang / tshul khrims dang / shes rab rnams la legs par/ spyad cing legs par byas pa'i las rnams sam/ de yang na nad pa dang / mgon med pa dang / dbul ba rnams dang / nad kyis nye bar gtses pa rnams la sman pa dang / sman dang / g.yog byed pa dang bral ba rnams la dus yun ring</font><hr>65.153a<br><font size=+1>

du nad kyi rkyen sman dag byin pas 'phangs par gyur pa 'am/ yang na des srog gcod pa dang / ma byin par len pa dang / 'dod pa la log par spyod pa dang / chang 'thung ba la sogs pa rnams rnam par spangs pas sam/ yang na des g.yang sa dang dong rnams las 'grog dgon pa rnams su rdzing bu dang chu mig rnams rab tu sbyin pa'i dge ba'i las kyis 'phangs pas sam/ yang na des dkon mchog gsum mchod pa dang / phyag 'tshal ba thal mo sbyor ba'i las legs par byas pas sam/ rgya chen por 'bar ba dang / rkang drug gi 'jigs pa chen po dang bcas pa dgon pa rnams dang / gsod par gyur pa dang / mtshon cha'i 'jigs pas 'jigs par gyur pa rnams la rab tu mi 'jigs pa byin pas sam/ yang na des rang sangs rgyas rnams dang dgra bcom pa rnams la gnas mal dang / nad kyi rkyen sman dang / nye bar mkho ba rnams byin pas sam/ des yang na bu dang bu mo rnams yang dag pa'i bde bas yongs su bskyangs par gyur pas sam/ mu ge'i 'jigs pas gzir ba'i tshogs rnams la yang ste/ mchog tu dga' bar gyur pa mya ngan las 'das pa mthar thug par byed pa'i las de dag rnams ni ji ltar bsngos pa'i 'bras bu rnams 'byung bar 'gyur te/ ji srid du byang chub kyi bar du yang 'gyur na lha'i skye gnas rnams su lta smos kyang ci dgos/ de gal te lha rnams nyid du skye bar gyur na/ de yang lha'i skye gnas las nyams nas skye gnas 'dir yang skye bar mthong ngo / /de ltar song ba'i lha de dag rnams kyis rnam pa sna tshogs pa'i las kyi dra bar rgyu du ma sna tshogs pa'i thag pas steng du bcings par gyur pa/ sems can du ma nye bar bsdus pa'i 'khor bar sems kyi 'khor lo des sems can rnams nges par mnan cing nye bar sbrel bar gyur pa rnams ji lta ba bzhin du mthong ngo / /de nas 'thab</font><hr>65.153b<br><font size=+1>

bral ba'i lha rnams dang / rgyal chen ris bzhi pa'i de dag rnams kyi lha rnams 'chi 'pho ba dang skye ba'i rang bzhin gyi sdug bsngal chen po rnam pa du mar gyur pa de dag rnams mthong ste/ gang bcom ldan 'das gser thub des sprul pa rnams mngon par mthong bar gyur nas sum bcu rtsa gsum pa'i lha rnams kyang de bzhin du lta bar byed de/ de la ci 'dir yang rgyal chen bzhi'i ris kyi sdug bsngal 'di dag rnams ji lta ba kho nar mchod rten gyi logs la mthong ba yin la/ de kho na bzhin du sum bcu rtsa gsum pa rnams kyi yang yin no/ /de nas rab tu blta bar bya ba'i don du lha de dag rnams yul phyogs gzhan du nye bar 'gro bar byed do/ /de nas bcom ldan 'das de nyid kyis yang dag pa ji lta bar 'khor ba'i nyon mongs pa dang / las dang skye ba rgya che bar brgyud mar sbrel ba rnams mthong bar gyur pa la longs spyod rnams gzhan 'phrul dbang byed pa rnams dang / sum bcu rtsa gsum pa'i lha rnams ni ji ltar pad ma rnams la nye bar longs spyod par byed pa/ rang gi las la rnam par spyad pa/ dge ba dang / mi dge ba'i las rnams la nye bar longs spyod par byed do/ /de dag rnams ji ltar las la spyod pa yang bde ba dang bde ba ma yin pa rnams kyi skal ba can du 'gyur te/ dmyal ba dang / yi dgas dang / dud 'gro dang / lha dang / mi rnams kyi skye gnas rnams su las kyi zhags pas kun nas bcings nas so so tha dad pa du mar rnam par rgyu ba yin la sum bcu rtsa gsum pa'i lha rnams kyang las kyi rlung gis bskyod nas 'khor ba na kun du 'khyam pa yin pa'i phyir dang / gang na skye gnas gsum pa rnams na dmyal ba'i las kyi 'bras bu la yongs su longs ma spyad par gyur pa ni 'ga' zhig kyang yod pa ma yin na de dag rnams 'gro ba lngar 'gro bar 'gyur ba rnams mthong ba la lta smos kyang ci dgos/ legs par byas pa'i las kyi zhags pas sbrel</font><hr>65.154a<br><font size=+1>

du zin kyang / de dag rnams yang sos dang / thig nag dang / bsdus 'joms dang / ngu 'bod dang / tsha ba la sogs pa'i mnar med pa ma gtogs pa'i dmyal ba chen po bdun po rnams su skye bar 'gyur ro/ /mnar med pa'i las rnams gang yin pa'i rgyu rnams lha rnams la med pa'i rgyu 'di'i phyir na lha rnams mnar med pa par 'gyur ba ni ma yin no/ /dmyal ba bdun po rnams su ni skye bar 'gyur ba yang yin no/ /sum bcu rtsa gsum pa'i lha rnams yang sos der skye bar mi 'gyur ba yang ma yin te/ lan grangs gzhan la myong bar 'gyur ba'i srog gcod pa'i las rnams kyis sam/ lha dang lha ma yin rnams kyi 'khrug pas gsod pa'i las kyis kyang rung ste/ yul gyi las kyi sa rnams la gnas pa'i lha rnams thams cad la yang srog gcod pa dang ma byin par len pa yod la/ rgyal chen bzhi'i ris kyi lha rnams dang / sum bcu rtsa gsum pa rnams la ni shin tu phal che ba yin la/ de bzhin du lha rnams kyi gnas gzhan bzhi po gzhan rnams na yang yin no/ /de la sum bcu rtsa gsum pa rnams kyi las kyi 'gros phra mo 'di dag rnams yang 'thab bral ba rnams kyis shes par byed la/ sum bcu rtsa gsum pa rnams kyi 'chi 'pho ba dang skye bas byas pa'i las kyi 'bras bu rnams yul phyogs 'dir tshogs pa rgyu ba na spyod pa'i lha rnams kyis mthong ngo / /dga' ba'i tshal dang / yongs 'du dang / rtsub 'gyur dang / shing rta sna tshogs rnams su khang bur rtsed mo rtse ba la ched cher byed par 'gyur zhing yul rnams la yongs su longs spyod pas ngoms pa med pa rnams legs par byas pa'i las zad nas me'i zhags pas nges par bcings nas dmyal ba rnams su ltung ngo / /rgyu gang dag gis rgyal chen ris bzhi pa rnams la 'gyur ba'i zug zer de dag rnams bcu 'gyur gyis sum bcu rtsa gsum pa rnams 'gyur ro/ /rgyu gang gis zhe na/ 'di lta ste/ </font><hr>65.154b<br><font size=+1>

kha na ma tho ba gang dang ldan pas lha yul gyi bde ba rnams phal che bar 'gyur ba de srid du 'bral ba'i sdug bsngal chen po shin du mi bzad par 'gyur ro/ /las rnams ni dpag tu med pa'i phyir dang / shin du yang rnam pa sna tshogs pa'i phyir ro/ /ji ltar lus 'di nyid kyi mig la sogs pa'i gnas gang dag yin pa rnams shin du gzhon sha dang ldan par gyur pa rnams ni ches gzhon sha dang ldan pa'i phyir na gzer zug ches de dag rnams la lhag par 'gyur ro/ /de bzhin du rgyal chen bzhi'i ris kyi lha rnams kyi khyad par gyis sum bcu rtsa gsum pa rnams ches lhag par skyed pa yin zhing de dag rnams yul de yongs su btang bas byas pa'i yid mi bde ba rnams kyang ches lhag par 'gyur ro/ /yid dang lhan cig tu sdug bsngal bar 'gyur ro/ /de la gnyis po 'di dag la ni dpe med pa yin te/ bde ba dang / sdug bsngal dag go/ /lha rnams kyi bde ba dang / dmyal ba pa rnams kyi sdug bsngal lo/ /de de ltar las kyi zhags pas mnar bas mnar bar gyur nas rab tu ltung bar gyur pas rab tu ltung ba rnams rnam pa du mar shin du mi bzad pa'i lhang kyog gi sdug bsngal rnams khyer bar byed pa mchod rten gyi brtsig logs la mthong ngo / /de nas lha de dag rnams kyis sum bcu rtsa gsum pa de dag rnams rab tu lhung bar gyur cing rnam par bcom pa rnams mthong bas mchog tu yid zug zer dang ldan par 'gyur ro/ /gzhan yang sum bcu rtsa gsum pa de dag nyid yul phyogs gzhan zhig na yi dgas kyi skye gnas su skye bar 'gyur ba rnams mthong bar 'gyur te/ dga' tshal dang / rtsub 'gyur dang / shing rta sna tshogs dang / yongs 'du ste/ de dag rnams su khyogs gang dag sten par byed pa lha rdzas kyi bdud rtsis tshim par byed pa/ mchog tu skyid par gyur nas phyis yang de ltar bshang ba dang / mi ro mi</font><hr>65.155a<br><font size=+1>

gtsang ba rnams dang / srin bu'i rigs rnams kyis nyams par gyur pa yid kyis bsam du med pa'i sdug bsngal gyi mchog rnams dang ldan pas lus la khyab par gyur pa de lta bu rnams mthong ngo / /tshogs pa rgyu ba'i sa dag na rnam par rgyu ba'i lha rnams kyis sum bcu rtsa gsum pa rnams kyi log par ltung ba'i gnas skabs su gyur pa'i yi dgas kyi skye gnas de dag rnams la kun du bltas nas dud 'gro'i 'gro ba rnams la kun tu lta bar byed do/ /sum bcu rtsa gsum pa'i lha rnams lhung bar gyur nas rgya mtsho chen por nya rnams dang / chu srin dang / mu tig dang / si su mA ra dang / chu srin na kra la sogs par nye bar skye bar 'gyur ba na phan tshun du gsod pas byas pa'i kun tu bred par 'gyur ba/ bkres pa dang skom pas lus shin du bsregs pa/ zug rngu'i mchog rnam pa du ma kun nas 'bab par 'gyur ro/ /de bzhin du nam mkha' la dud 'gro'i 'gro ba grangs med pa bya la sogs pa phan tshun du gnod par byed pas brgyal bar gyur pa/ gsod pa'i mthar thug pa'i 'jigs pa'i gnas skabs rnams su gyur pa rnams nyams su myong bar byed do/ /de bzhin du gang 'ga' zhig shin du legs par byas pa'i las des kyang grol bar 'gyur ba sngar bzhin te/ rgyal chen ris bzhi'i lha rnams ji lta ba de kho na bzhin du'o/ /gal te mi rnams su skye bar gyur na yang de dag rnams kyi gzhan la myong bar gyur pa'i las rnal ma rnams yin gyi snga na med pa ni ma yin no/ /rigs 'thun par skye bar 'gyur bas byas pa dang / skye ba dang / rab tu 'brel ba'i 'chi bas byas pa rnams dang / lha rnams 'chi 'pho ba'i dus kyi 'bral ba'i sdug bsngal rnam pa du mar gyur pa gang dag yin pa de srid pa de dag rnams nyid kyang brjod par sla ba yang ma yin na gang yang mngal gyi sdug bsngal nye bar spyod pa rnams lta ci smos/ </font><hr>65.155b<br><font size=+1>

mi'i 'jig rten du skyes pa rnams la yang gang dag byis par gyur pa nas rtag tu sdug bsngal bar 'gyur te/ gog par byed pa dang / smin pa dang / kun du 'gro ba dang / ma rig par gyur pa/ rtsod pa byed pa/ don dang don ma yin pa la rnam par zhen pa dang / ngu ba la sogs pa'i sdug bsngal rnams yin no/ /de dag gi yan lag so sor gyis pa rnams ni brjod par sla ba yang ma yin no/ /de ltar gzugs brnyan lta bur gyur pa de dag rnams thams cad nyid kyang tshogs pa rgyu ba'i sar skyes pa'i 'thab bral gyi lha de rnams kyi mchod rten gyi logs la rab tu mthong ngo / /rnam pa du ma rnams su shin du sdug bsngal zhing shin du rnam pa sna tshogs par gyur pa'i 'khor ba'i gar mkhan rnams des mthong bar gyur cing rnam pa sna tshogs pa ches ngo mtshar bar gyur pa rnams mngon par mthong nas lha de dag rnams shin du yid byung bar 'gyur te/ mi rnams ni 'gro ba gzhan dag tu 'gyur ba la 'di lta ste/ lha'i 'gro bar ro/ /lha rnams kyang mi'i 'gro ba rnams su'o/ /de la gang dag bde 'gror skyes pa rnams kyi gnas skabs kyang 'di 'dra bar 'gyur na/ ci yang las kyis mnar nas ngan song du song bar gyur pa rnams kyi gnas skabs ci 'dra bar 'gyur/ gzhan yang tshogs pa rgyu ba'i sar skyes pa'i 'thab bral ba'i lha de dag rnams kyis brtsig pa'i logs de dag nyid la las rnams mthong bar gyur pa ni chos bzangs na gnas pa'i lha rnams 'chi 'pho bar 'gyur ba ste/ ji lta bar las kyi dbang gis 'gro ba rnams 'gro ba lngar skye bar 'gyur ba'o/ /'chi 'pho bar 'gyur ba'i lha de dag rnams kyis gal te shed na gang dag tu gang zhig byas pa'i las rnams kyi rkyen kyis 'gyur ba rnams sngar bshad pa bzhin no/ /gal te lha rnams nyid las shi 'phos nas lha rnams nyid du skyes na/ de na gnas pa nyid na sdug</font><hr>65.156a<br><font size=+1>

bsngal yin no/ /'di lta ste/ 'chi 'pho ba dang skye bas byas pa rnams dang / rnam par bral bar byas pa rnams dang / 'chi 'pho ba'i 'jigs pas rnams kyang ste/ 'chi bas byas pa'i sdug bsngal rnams ni che ba dang / rnam pa yang mang ba yin no/ /de dag rnams bzhin du 'chi 'pho ba'i 'jigs pa rnam pa du ma rnams dang / 'chi 'pho ba rnams kyang yang dag par mngon par mthong nas gzhan yang yul phyogs gzhan rnams su kun tu lta bar byed do/ /ji srid du brtsig pa de nyid kyi logs la brgya byin 'chi 'pho bar gyur pa lha rdzas kyi phreng ba mchog dang ldan pa 'od 'bar bar gyur pa'i rna rgyan bcug pa/ 'dod pa lnga'i phun sum tshogs pa dpe med par gyur pa'i bde ba rnams dang rnam par bral bar gyur pa/ rang gi las kyis dbang gis yang 'gro bar 'gyur ba bag med pa la zhugs par gyur pa'i dbang gis ngan song gi sa rnams khyab par gyur par dmyal ba dang / yi dgas dang / dud 'gro'i skye gnas rnams su ltung bar gyur pa rnams mthong ngo / /rang gis byas pa'i las kyis te/ de la dbang po'i ming ni 'di dag rnams yin te/ de la sum bcu rtsa gsum na gnas pa'i dbang po rnams 'chi 'pho ba'i ming ni 'di dag rnams yin te/ 'di ltar 'od dang ldan pa zhes bya ba'i brgya byin gyis lha yul gyi rgyal po byas nas rang gi las kyi bsod nams zad par gyur nas rgya mtshor chu srin gyi skye gnas su skyes so/ /des kyang mir gyur pa na bya bar gyur te/ srog chags mang po rnams bsad par gyur pa'i phyir dang / sangs rgyas la phyag kyang byas par 'gyur ro/ /de phyag byas par gyur pa de'i rgyus de dbang por gyur to/ /de zad pa'i phyi nas yang srog gcod pa'i sdig pa'i lhag ma rnams kyis slar yang dud 'gror skyes so/ /dbang por gyur pa na des legs</font><hr>65.156b<br><font size=+1>

pa'i las byas pa nad pa rnams dang / mgon med pa rnams dang / dge slong dag la yang bsod snyoms rab tu dang ba'i yid kyis byin pa de'i rgyus sum bcu rtsa gsum gyi dbang por gyur to/ /slar yang de zad nas lan grangs gzhan la myong bar 'gyur ba'i las nyes par byas pas kri ka lA shar skyes so/ /des skye ba gzhan gang yang rung ba zhig tu log par lta bas nyams par gyur pas kri ka lA sha mchod sbyin du bsrags so/ /de rgyu de dang rkyen des dmyal bar skyes so/ /de'i lhag ma rnams kyis slar yang kri ka lA sha'i skye gnas su skyes par gyur to/ /de'i rjes la lha rdzas kyi yul rnams la nye bar longs spyad nas/ rab tu gsal ba zhes bya ba'i dbang po gzhan 'chi 'pho bar gyur nas rab tu ltung bar 'gyur ba mthong ba la des ma dang pha dag nad par gyur pa'i g.yog byas so/ /rgyu des de sum bcu rtsa gsum gyi dbang phyug dang ldan pa'i dbang por legs par skyes so/ /yang las de zad nas yi dgas su skyes so/ /des skye ba gzhan gang yang rung ba dag tu dgon par shin du mi rigs pa chen pos 'bru btsengs nas bslus par gyur pa gang yin pa dang / yid kyis kyang slar yang de bzhin du mu ge drag po bsams par gyur to/ /de rgyu de dag rnams kyis dmyal ba thig nag tu skyes so/ /de'i lhag ma rnams kyis kyang yi dgas khab kyi mgrin pa lta bur skyes so/ /gzhan yang 'thab bral gyi lha de rnams nyid kyis mthong bar gyur pa rnams las gzhan pa rnam pa du mar gyur pa'i 'khor ba'i sdug bsngal rnam pa mang po rnams shin du legs par skyes pa'i yid mthong bar gyur pa las ji srid du 'thun par byed pa zhes bya ba'i brgya byin mtho ris nas 'chi 'phos nas phag mo'i skye gnas su skyes par gyur pa mthong ngo / /de'i legs par byas pa'i las rnams kyang mthong ste/ </font><hr>65.157a<br><font size=+1>

gang brgya byin du skyes par gyur pa des skye ba gzhan gang dag tu shin du nga rgyal can gyi bram ze log par lta ba'i mchog gis nye bar smras par gyur pa la 'thun par smras nas zas dang sman dag byin no/ /srog gcod pa las kyang bslab pa'i gzhi blangs par gyur to/ /rgyu de dag dang / rkyen de dag dang / gzhi de dag las de lus zhig pa na mtho ris bde 'gro sum bcu rtsa gsum pa'i 'jig rten du skyes so/ /de las de dag rnams yongs su zad cing nyams par gyur nas phag gi mngal du skyes so/ /de'i legs par byas pa'i las rnams ni gang dag yin zhing legs par byas pa'i las kyis kyang der skyes pa dang / ming yang cir btags zhe na/ su ma n+yum zhes bya ba'i dbang po des skye ba gzhan gang yang rung ba zhig la gzhan gang yang rung ba zhig seng ge'i lag tu song zhing srog the tsom du gyur pa la snying rje'i snod du gyur pa'i yid kyis rab tu grol bar byas nas dus phal po cher zas dang skom rnams kyis legs par gsos par gyur pa de rgyu dang rkyen des su ma n+yum zhes bya ba'i dbang por gyur to/ /de las kyang 'phos nas rab tu tsha ba'i dmyal bar skyes so/ /des skye ba gzhan zhig la rgyal po'i nang du song bar gyur pa na brdzun du smras pa'i rgyu de dang rkyen de dag rnams kyis dmyal bar skyes so/ /de 'chi 'phos par gyur nas sprul pa'i brgya byin zhes bya ba dbang po gzhan mthong bar gyur to/ /de'i yang legs par byas pa'i las rnams la kun du lta bar byed pa la shes rab can des mi nyam par byas nas mchod sbyin gyi gnas su bla ma rnams la sbyin pa byin no/ /de rgyu des kau shi ka zhes bya ba'i dbang por gyur to/ /gzhan du yang 'dis legs par byas pa'i las rnams mang du byas te/ de las de dag rnams kyi rkyen gyis dbang po 'byung bar 'gyur te rigs gnyis pa'i dbang po'o/ /slar yang bstan pa de nyid la dbang por 'byung bar 'gyur te/ bcom</font><hr>65.157b<br><font size=+1>

ldan 'das shAg kya thub pa'i bstan pa'i mthus de ngan 'gro rnams su 'gro bar 'gyur bar ma mthong ngo / /lha las 'chi 'phos nas mir skye bar 'gyur ro/ /'di ni lan bdun bskor ba yin gyi de'i 'gro ba 'di dag las med pa yin par mchod rten gyi logs de la 'thab bral gyi lha rnams kyis mthong ngo / /de nas de dag rnams mchog tu ngo mtshar ba skyes par gyur pa yin no/ /brgya byin de dag rnams thams cad lhag ma ma lus pa'i 'gro ba mchod rten 'di'i brtsig pa la mthong ba la kau shi ka gcig pu'i ngan 'gro ma dmigs so/ /'di'i rgyu ci zhig yin na/ de nas 'thab bral gyi lha de dag rnams thams cad 'thab bral gyi bdag po mu su lun d+ha de la lta'o/ /ji ltar dbang po de dag rnams thams cad lhag ma ma lus pa rnams kyi yang ngan song du 'gro ba'i 'gro ba gzhan rnams mthong ba la kau shi ka la ni skye ba bdun gyi mthar thug par mthong ngo / /brgyad pa ni yongs su shes pa ma yin no/ /de la 'di'i rgyu ni ci yin/ rkyen ni ci zhig yin/ gleng gzhi ni gang yin/ da nas lha de rnams kyi drung nas nye bar thos par gyur pa dang / 'thab bral gyi mnga' bdag des 'di skad ces smras so/ /kau shi ka 'di'i 'gro ba gang 'byung bar 'gyur ba dang / rgyu 'di dag rnams kyis yin pa de dag rnams nyon cig dang / bdag gis khyed cag rnams thams cad la de bzhin gshegs pa'i mchod rten rab tu bstan par bya zhing dam pa'i chos kyang bshad par bya'o/ /rgyu gang gis de dag thams cad 'byung ba bag med pas bag med par gnas pas lha rdzas kyi 'dod pas kun du rmongs pas dam pa'i chos ngo mtshar ba rnams ji lta ba bzhin du mi nyan no/ /des na bdag gis khyed rnams nyid la phan pa'i don du dang / bdag nyid mchod rten la 'jug pa'i rgyu mtshan du khengs pa la so sor brtag byar bya'o/ /kye bag re dang lam byed/ skye ba skyes pa</font><hr>65.158a<br><font size=+1>

don med par bskyal bar gyur ta re/ phyi nas 'gyod par 'gyur bar ma byed cig /'chi ba'i yul dang dus kun nas nye bar gnas par gyur pa'i rgyu gnyis kyi dngos po gnyis yin par bdag gis thos te/ rgyu gang gis kau shi ka 'di rigs gnyis par skye bar 'gyur ba rab tu mthong ba dang / 'di la log par ltung ba yang 'byung bar mi 'gyur ba dang / mchod rten gyi logs la skye ba brgyad pa yang ma mthong ba ni kau shi ka 'di sngon bag med pas bag med par rgyu bar gyur pa'i bag med pas rgyu ba'i phyir na skye ba thams cad 'das par gyur nas/ legs par byas pa'i las rnams zad pa go bar byed pa'i 'chi 'pho ba'i rtags rnams 'di la nye bar byung nas gnas pa na/ yang dge ba'i bshes gnyen gyis nye bar gnas bzhin pa de dag rnams kyang rig par byas te/ kau shi ka 'chi 'pho ba'i mtshan ma bar du gcod par byed pa de dag 'byung bar 'gyur gyis bde legs la yid zhog cig ces de skad brjod pa dang / kau shi kas 'di skad brjod de/ bdag gi rkang pa pad ma 'di dag las dang bdag gi stan las 'chi 'pho bar mi 'gyur ba'i las ji lta bu yin/ de skad smras pa dang / drang srong gis kau shi ka de la 'di skad brjod de/ ji lta bar nyon dang thabs gang gis kau shi ka khyod bdag cag rang gi stan las 'pho bar mi 'gyur ba ni shAkya thub pa 'di drang srong bu ram shing pa'i rigs las skyes par 'gyur te/ thams cad mkhyen pa/ thams cad gzigs pa/ 'khor ba thams cad kyi las dang 'bras bu'i dbang por gyur pa/ sems can thams cad la lam dam pa nye bar ston pa po/ bla na med pa'i chos kyi rgyal po des gang gis bdag cag gi stan las 'pho bar mi 'gyur ba'i chos de dag rnams des ston par 'gyur ro/ /de nas de'i drung nas kau shi ka rings pa dang bcas par gang na 'dzam</font><hr>65.158b<br><font size=+1>

bu'i gling yod pa der bcom ldan 'das de'i drung du chos nyan 'dod par gyur pas legs par nye bar song ngo / /de nas kau shi ka des bcom ldan 'das mig gcig tu gyur pa lam dam pa ston pa pos chos ston par gyur pa mthong ste/ bde legs su gyur pa/ thabs su gyur pa/ mya ngan las 'das pa'i grong khyer legs par ston pa po/ dang por dge ba/ bar du dge ba/ tha mar dge ba/ don bzang po/ tshig 'bru bzang po/ ma 'dres pa/ yongs su rdzogs pa/ yongs su byang ba'i chos rnams ston par mdzad pa la 'di lta ste/ sdug bsngal dang sdug bsngal gyi rnam par smin pa can sdug bsngal kun du 'gags pa rnam par 'gyur ba'i dbang du byas pa rnams lha rnams kyis kyang thos par 'phags pa'i bden pa bzhi ston par mdzad de/ sdug bsngal dang / kun 'byung ba dang / 'gog pa dang lam mo/ /de nas kau shi ka des bcom ldan 'das shAkya thub pa la dris pa/ kye gau ta mI lags 'dir bdag cag gi bdag la bar chad rab tu 'byung bar 'gyur ba 'chi 'pho ba'i rtags rnams byung bar gyur la/ bdag gi bar chad rnams zhes de skad ces gsol pa dang / bcom ldan 'das des bka' stsal pa/ de de bzhin no/ /de de bzhin te/ kau shi ka ji lta ba bzhin du go bar gyis shig /rgyu mtshan dang rgyu mtshan ma yin pa rnams rab tu 'byung bar 'gyur zhing tshe pha rol de dag rab tu 'byung bar 'gyur ba ni bag med pa bag med par rgyu bas legs par byas pa'i las rnams zad par gyur pa/ lus sred pa'i dbang du song ba da dag rnams ni shin du gzhan du 'gro bar bya dgos pa yin te/ 'khor ba'i dgon pa chen po 'di dag gi pha rol thob par dka' ba dus thams cad du skye bo rnams kyi mnga' bdag tu gyur pa'i skye ba dang / rga ba dang / na ba dang / 'chi ba dang / </font><hr>65.159a<br><font size=+1>

mya ngan dang / smre sngags 'don pa dang / sdug bsngal ba dang / yid mi bde ba rnams dang / mi sdug pa rnams dang phrad pa dang / sdug pa rnams dang bral ba/ gcan zan khro bo dang / seng ge'i 'jigs pa'i nyes pa rnams kyis kun du gang bar gyur pa/ nyi ma'i gdung bas sreg par byed pa/ gti mug gi mu nag gis mun par gyur cing kun la chags pa skye bas nye bar 'tshe bar gyur pa ni byis pa so so'i skye bo rnams yin te/ srid pa'i ri dgas kyis kun nas gang bar gyur pa de'i grogs su gyur pa kun tu rtog pa brgya stong gi shing gis kun nas gang bar gyur pa la dam pa'i chos skyes par gyur pa'i chu dang bral ba/ legs par rnam par 'chad pa'i dge ba'i bshes gnyen lam ston par byed pa rnams dang bral ba/ lta ba ngan pa du ma mu stegs can gyi 'dod pa'i lam sngon gyi mtha' dang / phyi ma'i mtha' rgya che bar gyur pa/ 'gro ba lnga snying po dang bral ba'i mun pa'i sdug bsngal rgya che ba'i 'khor ba'i dgon pa 'di la kau shi ka 'khor ba las khyod yid mi 'byung ngam/ 'dod pas rmongs pa rnams des gzhan du 'gro bar bya dgos pa yin zhing / de'i skye ba de dag dang yang 'bral bar 'gyur ba yin na/ de dag rnams kyi sdom pa dang skye bas kyang ci zhig bya/ de dag rnams kyi dka' thub kyis kyang ci byed par 'gyur na 'dod pa rnams 'chi 'pho ba'i dus na 'ong bar 'gyur ram khyod ni gzhan dag du 'gro bar bya dgos so/ /de skad ces bka' stsal pa dang / kau shi kas bcom ldan 'das de la chos gos phrag pa gcig tu byas te/ cod pan 'dud par gyur pas mgo bos zhabs la phyag 'tshal nas phyogs gcig tu 'dug nas dris so/ /bcom ldan 'das bdag cag gi stan 'di las bdag sdug bsngal bar mi 'gyur ba'i thabs bdag cag la mchis sam/ de ltar</font><hr>65.159b<br><font size=+1>

ngan bu sum bcu rtsa gsum pa rnams kyi rgyal po byed par 'gyur ba rgyu 'di dag khyod kyis gzigs sam bdag gi stan dang / lhag pa'i stan dang / rgyu gzhan rnams kyis kyang byed par 'gyur lags/ de skad ces gsol pa dang / bcom ldan 'das kyis bka' stsal pa/ kau shi ka gang nas shi 'phos par gyur pa slar yang stan de nyid la skye bar 'gyur ba yod de rnam pa de lta bu myong bar nges pa'i las gzhan rnams 'ga' zhig gis kyang mi byed pa'i rgyu gang gis gang gi tshe khyod stan la skye bar 'gyur zhing sum bcu rtsa gsum pa rnams kyi rgyal po byed par 'gyur ro/ /rgyu 'di dag gis ngas mthong ba yin zhing khyod kyi stan dang lhag pa'i stan dang / rgyu gzhan rnams kyang ngas mthong ba yin te/ gal te nga'i chos nyan par byed na ji lta bar khyod nyams par 'gyur ba ma yin no/ /de la de skad ces bka' stsal pa dang / kau shi kas slar yang thal mo sbyar ba byas te 'jig rten mgon po bcom ldan 'das kyis chos de bdag gis mnyan par 'tshal lo/ /de nas de skad ces gsol pa dang / bcom ldan 'das kyis 'dod pa rnams kyi nyes dmigs dang / myang bar ngan pa dang / nges par 'byung bar 'gyur ba'i yang dbang du byas nas gang gis kau shi ka rgyun du zhugs pa'i 'bras bu thob par 'gyur ba de bzhin du mdo rnams rgyas par bstan no/ /de nas kau shi kas 'bras bu thob par gyur pas 'chi 'pho dang / skye ba dang / ngan song gi sgo rnams yang bcad do/ /legs par bskyed pa'i rgyu 'dis lha 'thab bral ba rnams kyis mchod rten gyi logs la kau shi ka'i skye ba brgyad pa gzhan ma mthong ba yin no/ /de ni mya ngan las 'da' bar 'gyur ba yin gyi de'i thams cad kyi pha rol yin pa'i phyir skye ba gzhan brgyad pa ni 'byung bar mi 'gyur ro/ /rgyu de dag rnams kyi phyir na ngas khyed</font><hr>65.160a<br><font size=+1>

rnams la brjod pa yin no/ /de nas de'i dus na mu su lun d+has tshigs su bcad pa rjod pa ji ltar/ 'dod pa las skyes nor mi mthong / /gang phyir 'dod skyes de nor med/ /mthar thug dge legs byed pa po/ /tshul khrims dad pa nor mchog yin/ /'dod pa las skyes nor des kyang / /srid pa'i dgon pa ston byed yin/ /gang yang 'dod pa las rnam grol/ /gter sprul pa zhes brjod pa yin/ /go 'phang las gang legs mi skyob/ /gang las bde ba de 'byung med/ /nor rnams nor chud zos pa ni/ /gcig tu shes chen min par brjod/ /'dod pa rnams ni rab sten pa'i/ /nor de dag ni nor min mthong / /lam ston pa de mchog yin no/ /lam 'chad gang yin shis pa yin/ /lam gang gis ni go 'phang mchog /mkhas pa der ni 'gro ba yin/ /'dod pa gang zhig rab ma chags/ /gang zhig 'dod nas 'dod chen min/ /de ni shes pa'i gnas su zhugs/ /'dod pa'i me rab sten pa min/ /'dod pas rtag tu ngoms pa med/ /'dod pas zhi ba dran pa min/ /srid dang lhan cig yang dag ldan/ /'bar ba lta bur 'bar bar byed/ /de bzhin lha mi chags sbrul gyis/ /ngoms pa med par rnam par 'joms/ /rnam par chud zos de rtag tu/ /chud zos dmyal ba'i me rab lta/ /de ltar mu su lun d+ha des lha de dag rnams la rnam pa du ma brgyar 'dzin par byed do/ /yang dag par yang yongs su skyong bar byed do/ /de nas slar yang lha de dag rnams mchog tu skyo bar gyur pa'i yid kyis shin du yid byung bar gyur nas gzhan yang mu su lun d+ha de la 'di skad ces brjod de/ bdag cag rnams 'gro ba gang zhig tu 'gyur ba lha'i zhal snga nas re shig bdag cag la so sor bstan du gsol/ de bzhin du bya'o zhes brjod nas</font><hr>65.160b<br><font size=+1>

slar yang mchod rten de nyid kyi brtsig logs de nyid la so sor rtog par byed do/ /de nas 'thab bral gyi lha de dag rnams nyid 'chi 'phos par gyur nas yang sos dang / thig nag dang / bsdus 'joms dang / ngu 'bod dang / ngu 'bod chen po dang / tsha ba dang / rab tu tsha ba dang / dmyal ba rnams su skye bar 'gyur ba rnams su rnam pa du mar rab tu ltung ba'i lha mgo bo 'phyang ba rkang pa gyen du bltas pa dang / 'gag par 'gyur ba'i lha'i lus mang po rnams mthong bar gyur to/ /'ga' zhig ni skye bar 'gyur zhing de na 'tshed par byed do/ /kha cig ni rab tu 'bar ba'i lcags bsregs kyi rang bzhin de la bya rgod dang khwa ta rnams kyis kun du gang bar gyur pa/ 'jigs su rung ba'i du ma rnams kyis 'di na gang bar gyur pa/ rab tu 'bar ba'i bye mas 'dir yongs su gang ba/ mgo bo mthur du bstan pa'i lha rnams dmyal ba'i sa gzhi 'di la 'tshed par gyur pa/ shin du rtsub par gyur pa/ shin du mi bzod par gyur pa/ mchog tu gdug pa rnam pa du ma'i tshor ba rnams nyams su myong bar byed do/ /gshin rje'i skyes bu rnams kyis lan cig ma yin par phyir zlog cing rjes su smra bar yang myed do/ /bdag nyid de lta bu rnam pa du mar mthong bar gyur to/ /ji ltar gzhan yang 'thab bral ba rnams kyi bdag por gyur pa gzhan gang yin pa mang po rnams yul phyogs 'di dag nyid na de dag rnams kyang dmyal bar skye bar gyur pa mthong ngo / /shin du khro bar gyur pas rnam pa du mar 'bigs par byed pa'i tshor ba'i zug zer rnams byed cing 'dod pas rnam par g.yeng ba'i yid kyis byas pa gang yin pa dang / yul rnams kyis nye bar bcom par gyur pa nas ji srid du dogs pa dang bcas pa rnams dang / mtshan nyid dang bcas pa rnams dang / mngon du shes pa dang bcas pa de dag</font><hr>65.161a<br><font size=+1>

rnams thams cad dang / yul rnams la dad pa che bar gyur pa khyed rnams kyis gang byas pa de rnams kyi 'bras bu gang dag yin pa rnams la longs spyod cig ces kyang gshin rje'i skyes bus rjod par byed do/ /de la 'thab bral gyi mnga' bdag rnams kyi ming ni 'di dag rnams yin te/ las chen po dang / phun sum tshogs par byed pa'i sde bzang po dang / gzi brjid dang ldan pa dang / dbang du ma gyur pa ma yin pas yid mngon par dga' ba dang / rab tu gtum pa ma yin pa dang / gzugs kun nas mngon par dga' ba'o/ /'thab bral gyi mnga' bdag de dag rnams dmyal ba bdun du lhung nas ji ltar las kyi zhags pas legs par byas pa dang / nyes par byas pa'i las kyi 'bras bu la longs spyod par gyur pa rnams/ de dag yul gyi mchog rnams la nye bar longs spyad nas ngoms pa med pas sred pas nye bar bcom nas lhung ba yin no/ re shig las chen pos ni rang sangs rgyas la sems bag dang ldan zhing bsgoms par gyur pas/ zhal zas nye bar byin pas lus zhig nas mtho ris bde 'gro rnams las 'thab bral gyi mnga' bdag nyid thob par gyur to/ /des de la lha rdzas kyi 'dod pa rnam pa du ma rnams rjes su longs spyad nas yul rnams la sred par gyur pa nyid kyis lha'i ris de nas dmyal ba thig nag tu ma byin par len pas lhung bar gyur te/ des yang skye ba gzhan dag zhig tu sman par gyur nas nad pa la yang dag pa ma yin pas nor blangs par gyur pa las de'i rnam par smin pas thig nag tu skyes par gyur to/ /lha de dag rnams kyis 'thab bral gyi bdag po las chen po'i las byas pa rnams mngon par mthong bar gyur nas phun sum tshogs par byed pa'i sde bzang po'i dge ba dang mi dge ba'i las byas pa rnams la kun du lta bar byed do/ /dge ba'i las gang dag rnams</font><hr>65.161b<br><font size=+1>

kyis de 'thab bral gyi mnga' bdag tu gyur pa yang ji lta bar mthong ba 'das pa'i dus na des dge slong nad pa la rdzas kyi sbyin pa rab tu byin zhing / rab tu ma dang ba'i yid kyis snying la bsgoms par ni ma gyur to/ /rgyu de dang rkyen des lus zhig nas mtho ris bde 'gro 'thab bral gyi mnga' bdag byas par gyur to/ /de ltar yang pa'i yul gyi sred pas chu klung gis khyer bas legs par byas pa'i las rnams zad par gyur nas dmyal ba ngu 'bod du lhung ngo / /de yang bag med par gyur pas ste/ rgyal po'i rgyags pas zin par gyur pas mi'i 'jig rten du skyes pa na 'dron po 'ongs par gyur pa mchog tu skom pas gdungs pa 'ongs pa rnams la dregs pas bur chang blud do/ /des de dad pas bskyed pa'i tshul khrims 'chal bar skyes par rang gi don rnams las nyams par gyur to/ /mi dge ba'i las des lhung bar gyur nas lus zhig pa dang lan grangs gzhan la myong bar gyur pa'i las kyis ngu 'bod kyi dmyal ba chen por skyes so/ /de ltar rtogs par gyur cing gzhan 'thab bral gyi mnga' bdag gnyis pa'i las dang / chos dang / sdig pa dang / ngan song rnams kyang mngon par legs par mthong nas 'khor ba 'di thams cad 'bar bar mthong bar gyur to/ /zhes de ltar yang phan tshun du rjod par byed de/ gang bdag cag rnams la ni pha ma dang mtshungs par gyur pa'i gzhan rnams 'ga' zhig gis kyang ma byas pa de 'thab bral gyi mnga' bdag mu su lun d+ha 'dis byas te/ dmyal ba rnams dang / legs par byas pa dang / nyes par byas pa'i las rnam pa du ma rnams gang yin pa'i 'bras bu rnam par smin pa de dag rnams ji lta ba bzhin du legs par bstan no/ /phan tshun du de skad ces smras nas/ yang gzhan 'thab bral gyi bdag po rnams shi 'phos pa rnams blta bar bya ba'i don du de dag dang thag nye bar 'gro bar</font><hr>65.162a<br><font size=+1>

byed de/ las dang 'bras bu legs par lta ba'i don du mchod rten gyi logs de dag rnams la bcom ldan 'das gser thub des 'thab bral gyi mnga' bdag gzi brjid dang ldan pa'i las dang 'bras bu sprul par gyur pa rnams ji lta ji lta ba bzhin du mthong bar gyur to/ /gzi brjid dang ldan pa de sngon gyi dus na 'thab bral gyi mnga' bdag der gyur pa ni des sngon yid rab tu dang bar gyur pas mchog tu bcom pa'i mtshan mo dam pa'i chos nyan pa rnams dang / sangs rgyas bcom ldan 'das dang / chos dang dge 'dun la yang mar me rab tu sbar ro/ /de rgyu de dag dang / rkyen de dag dang / gzhi de dag gis lus zhig par gyur nas mtho ris bde 'gro'i 'jig rten rnams las 'thab bral ba rnams kyi nang du 'thab bral ba'i mnga' bdag gzi brjid dang ldan pa zhes bya bar gyur to/ /de ring du rgyal po byas te/ ji srid du tshe zad nas lus zhig ste/ gzhan yang rgyal po rigs bzhi'i lhar skyes so/ /de de las shi 'phos nas byang phyogs sgra mi snyan du skyes so/ /de las shi 'phos nas gzhan yang sum bcu rtsa gsum gyi lhar skyes so/ /de las de shi 'phos nas kyang 'dzam bu'i gling gi rgyal po rdzu 'phrul dang ldan pa mthu chen por gyur par skyes so/ /de la skyes par gyur pa des bag med par gyur nas 'dod pa'i dbang gis rmongs pas srog gcod pa dang / ma byin par len pa dang / 'dod pa la log par g.yem pa la sogs pa mi dge bar gyur pa'i mi dge ba rnams bsgoms pa'i sems ko trog tu gyur pa'i phyir na/ de lus zhig par gyur nas rab tu tsha ba'i dmyal ba chen por skyes so/ /de la yang dmyal ba'i las kyis kun nas bslang ba'i sdug bsngal dpe med pa rnam pa du ma dang ldan pa rnam par rtog pa brgya stong du gyur pa rnams nye bar 'byung ngo / /de yang de'i sems dgrar gyur pas bslus pa yin no/ /de nas lha de dag gzhan yang de'i</font><hr>65.162b<br><font size=+1>

phun sum tshogs pa dang rgud pas byas pa'i bde ba dang sdug bsngal du ma rnams mthong bar gyur nas de dag rnams phan tshun 'di bzhin du gtam byed de/ shin du mi bzad snying po'i stobs/ /stobs chen bsran par mi bzod pa/ gang gis byis pa rnams 'tshed pa'i/ /las rnams sems kyis byed pa yin/ /las rnams thams cad sems kyi rgyus/ /srid pa nas ni srid par 'byung / /gang gis byis pa rnam 'tshed pa'i/ /srad rab 'jug byed sdug bsngal ni/ /sna tshogs sdug bsngal rang bzhin gyi/ /drag po bsran dka' stobs po che/ /las kyis 'jig rten 'phel byed kyang / /skyo bar 'gyur ba 'ang ma yin no/ /lha yi 'jig rten nas ni mir/ /mi nas phyis kyang dmyal bar ro/ /dmyal nas dud 'gro'i skye gnas la/ /dud 'gro'i 'gro las yi dgas skyer/ /de ltar las bung 'khor bas phug /skye dgu las ni rlung bskyod nas/ /'khor yang 'gro ba kun rmongs pas/ /'di yang rtogs pa ma yin no/ /de ltar tshogs pa rgyu ba na rnam par rgyu ba'i lha rnams phan tshun du gtam byed do/ /rnam pa du mar rnam pa sna tshogs pa'i las kyis byas pa gang yin pa de dag rnams kyang yang dag pa ji lta ba bzhin du mchod rten de'i logs la bcom ldan 'das gser thub kyis sprul par gyur pa de la las du mas byas pa rnams gsal bar mngon du mthong nas gzhan yang de las gzhan pa'i 'thab bral gyi bdag po'i dge ba dang mi dge bas byas pa'i skye ba rnam pa du ma rnams lta bar rtsom mo/ /gzhan yang brtsig pa'i logs gzhan zhig la kun du blta bar brtsams pa na/ de nas gtum pa ma yin pa'i gzugs zhes bya ba'i 'thab bral gyi mnga' bdag mthong bar gyur to/ /de las gang gis 'thab bral ba rnams kyi mnga' bdag byas par gyur nas/ de dag mthong bar gyur pa ji ltar sngon gyi dus na mi'i 'jig rten</font><hr>65.163a<br><font size=+1>

du mang por bram zer gyur nas yang dag pa'i lta bas tshul khrims bzang po dang ldan par gyur pas btson khang du bcings pa rnams dang / shin du sdug bsngal ba rnams dang / mgon med pa rnams dang / mu ges mnar ba rnams la sems kyis zin par bya/ rab tu dang bar gyur pa'i yid kyis zas bsod par gyur pa rab tu mang po rnams byin la sdom pa yang dus tshigs la bzung ngo / /de rgyu de dang / rkyen de dang / btson ra na bcings pa'i mi rnams bkrol ba'i gzhi de dag rnams kyis de lus zhig nas mtho ris bde 'gro lhar skyes so/ /de ltar sbyin bdag bram ze de lus zhig nas mtho ris bde 'gro'i 'jig rten rnams las 'thab bral ba'i bdag por gyur to/ /rab tu gtum pa ma yin pa'i gzugs zhes bya ba des 'thab bral ba rnams kyi mnga' bdag byas nas las byas par gyur nas rab tu shi 'phos te mir skyes par gyur pa la rdzu 'phrul chen po dang ldan pa mchog tu gzi brjid che ba'i rgyal por gyur to/ /de der rgyal por byas par gyur/ lus zhig pa na phyis yang sum bcu rtsa gsum pa rnams kyi lhar skyes so/ /de de la rnam pa du mar bde ba chen po rnams la nye bar longs spyad nas dus rnams 'das pa dang / rab tu shi 'phos par gyur te/ lha ma yin du skyes par gyur nas rdzu 'phrul che ba dang / stobs chen po dang ldan par gyur to/ /de de las kyang shi 'phos par gyur te slar yang mir skyes nas stobs chen po dang ldan pa'i khyim bdag nor che bar gyur to/ /de las kyang shi 'phos par gyur nas phyis yang ba lang spyod pa rnams kyi gling gi mir skyes so/ /de las kyang shi 'phos par gyur nas slar yang mi rnams las yul chung gi skye bor skyes so/ /des sems yang mor gyur pas srog gcod pa byas te ri dgas shor bar gyur nas ri dgas rnams mtshon cha dang rdzogs kyis rmas shing rmas par byas shing bsad do/ /</font><hr>65.163b<br><font size=+1>

de rgyu de dang / rkyen de dang / gzhi de rnams kyis lus zhig pa na ngan song du ltung bar gyur nas dmyal ba yang sos su skyes te/ me phal chen po rnams kyis sreg par byed do/ /gzer zug rnams kyang rnam pa du mar drag pa dang / rtsub pa dang / tsha ba nyams su myong bar gyur te/ des mi dge ba'i las drag po rnams byas pa'i phyir ro/ /de'i las kyi rnam par smyin pa de dag legs par mngon par mthong nas gzhan yang tshogs pa rgyu ba'i sa na spyod pa'i lha de dag rnams kyis/ bcom ldan 'das gser thub des mdzad pa'i mchod rten de'i nang gang yin par rnam pa du ma dang / rnam par rtog pa du mar las de dag rnams dmigs pa der nye bar phyin nas slar nyid kyang las kyis byas pa de dag rnams lta bar 'dod pas/ de der phyin par gyur pa na shin du ngo mtshar bar gyur pa brtsig pa'i logs la skyes pa rnams rab tu mthong bar gyur pa ni kun nas mngon par dga' ba zhes bya ba'i 'thab bral ba rnams kyi mnga' bdag tu gyur pa'o/ /las kyi rnam par smin pa gang dag gis der skyes par gyur pa yang de nyid la legs par mthong ba ji ltar skye ba gzhan cig la mir gyur pa na dge ba'i sems su gyur pas rtag tu bla ma rnams mngon par brjod pas phyag 'tshal ba dang / mngon du ldang ba dang / thal mo sbyar ba'i las rnams 'jigs shing zhum par 'gyur bas byed pa dang / rtag par yang mchod rten rnams la legs par byi dor dang / byug pa dang / skye ba rnams legs par byas pa dang / rtag tu yang dge sbyong dang bram ze rnams la dad pas ji lta ba bzhin du sbyin pa byin pa dang / rtag par yang 'dis glo bur du 'ongs pa dang / nad pa rnams la sems rab tu dang ba dang / bkur sti dang bcas pas rkyen nye bar gzhag par gyur pa'i las des lus zhig pa na mtho ris bde 'gro rnams las 'thab bral ba'i mnga' bdag tu skyes par gyur te/ kun nas mngon par dga' ba zhes</font><hr>65.164a<br><font size=+1>

bya ba'i rang bzhin no/ /de ltar kun nas mngon par dga' ba de'i lus las kha dog rnam pa sna tshogs pa'i 'od rnams gzugs rnam pa sna tshogs par gyur pas skye bo sna tshogs rab tu tshim par byed pa brgya phrag rnams kyang kun du 'phro'o/ /rin po che rnams thams cad kyang zil kyis mnan cing gzugs dpe med pas lha'i tshogs thams cad zil kyis mnan nas kun du snang bar byed do/ /ji ltar gang gi phyir yang 'dzam bu'i gling gi mi rnams kyi drung na zla bas ni kun nas gsal bar byed do/ /de bzhin du 'thab bral gyi lha rnams thams cad kyi nang na kun nas mngon par dga' ba 'di mdzes par gyur pa yin te/ gzi brjid dang ldan par dus yun ring du 'dod pa'i yon tan lnga dang yang dag par ldan pas bde ba rnams nye bar longs spyad nas shi 'phos so/ /de las de dag nyid kyi lhag ma rnams kyis 'dzam bu'i gling du rgyal por gyur te/ yul ljongs brgya la mnga' bsgyur bar gyur to/ /de der skyes par gyur pa na sems g.yo bar gyur pas ri dgas bshor ro/ /de rgyu de dag gis dmyal ba yang sos su skyes so/ /de las shi 'phos nas kyang bya ngang par skye bar 'gyur ro/ /de dag rnams de'i las kyis byas pa rnams nye bar rtogs nas/ gzhan yang las kyis byas pa'i ngo mtshar bar gyur pa gzhan ci zhig 'byung bar 'gyur snyam nas de dag rnams brtsig logs de nyid kyi yul phyogs gzhan la mngon par rtogs par byed do/ /de nas slar yang lha de dag rnams mchod rten de'i brtsig logs la rjes su song nas lta bar byed pa na/ de la mu su lun d+ha zhes bya ba 'thab bral gyi bdag po chos dang ldan pa chos kyi rjes su kun nas 'jug pa/ 'dod pa rnams kun du sten par mi byed pa/ chos kyi mchog gis sems can rnams thams cad la phan par rjes su 'jug par byed pa mthong bar gyur te/ las</font><hr>65.164b<br><font size=+1>

kyis byas pa rnams kun du rig pa'i phyir na lha rnams kyi bdag por gyur nas kyang bag med pas rnam par rgyu bar mi byed do/ /de'i las kyi rnam par smin pa rnams kyang rjes su mthong bar gyur pa la dad pa dang ldan pas khyim nas khyim med par rab tu byung bar gyur la/ de rab tu byung bar gyur nas kyang phyir zhing nyid du kha na ma tho ba phra rab tsam la yang 'jigs par lta bar gyur nas/ tshangs par spyod pa yongs su rdzogs par spyad pa de'i lus zhig par gyur pa na bde 'gro mtho ris kyi 'jig rten las gzhan 'phrul dbang byed pa rnams kyi rgyal po zil kyis mi non pa zhes bya bar gyur to/ /de de las rab tu shi 'phos par gyur nas kyang gling bzhi pa'i 'khor los sgyur ba'i rgyal por gyur to/ /de las kyang rab tu 'phos par gyur nas gzhan yang rgyal chen ris bzhi'i lhar skyes so/ /de las rab tu shi 'phos par gyur nas gzhan yang skyid pa chen po dang ldan pa nor chen po dang ldan pa'i khyim bdag tu gyur pa dang / dpag tshad stong la dbang ba'i rgyal por gyur to/ /de de las kyang rab tu 'phos nas gzhan yang shar gyi lus 'phags po'i gling gi rgyal por gyur te/ mthu stobs mchog tu che ba dang ldan par gyur to/ /de de las kyang rab tu shi 'phos nas slar yang mchog tu rdzu 'phrul che ba dang / mchog tu stobs dang ldan pa'i lhar skyes par gyur to/ /de las kyang rab tu shi 'phos nas slar yang bde ba che bar gyur pa/ nor che bar gyur pa'i khyim bdag mchog tu sbyin pa dang / tshul khrims dang / shes rab rnams phun sum tshogs par gyur to/ /skye ba gzhan dag rnams gang dang gang dag tu skyes par gyur pa na de de dag rnams su yang sbyin pa dang / tshul khrims dang / shes pa dang ldan par kun du gnas so/ /de nas de las rab tu shi 'phos par gyur nas kyang sbyin pa dang / tshul khrims dang / </font><hr>65.165a<br><font size=+1>

shes rab kyi rgyud de dag nyid kyis rnam par langs par gyur cing lus zhig nas kyang mtho ris bde 'gro'i 'jig rten 'thab bral ba rnams kyi bdag por nye bar skyes par gyur te ming ni mu su lun d+ha yin no/ /de las de dag rnams nyid kyi rgyun rnams legs par bsgoms par gyur cing sems kyis kyang las rnams legs par yongs su sbyang ba byas par gyur pas bag dang ldan par gyur to/ /'dod pa rnams kyis 'phrogs par mi 'gyur ba dang / yul rnams kyis kyang sems nye bar bcom pa ma yin la/ mchog tu bdag dang gzhan la phan par byed par gyur pa de'i dge ba'i las kyi mtha' rnams la spyad par gyur pa 'di'i bka' drin 'di dag gi lha mang po rnams kyang 'dod pa'i dbang du dang / 'dod pas zil kyis gnon par yang mi 'gyur ro/ /de nas de'i tshe lha de dag tshigs su bcad pa brjod pa ji ltar/ dge ba rjes su spyod pa ni/ /dge nas dge bar rtag tu 'gyur/ /bskal pa bye ba stong du yang / /dge ba yongs su chud mi 'dza'/ /tshul khrims rtag tu legs bsdams dang / /shes rab kyang ni rjes su 'phel/ /de ni srid las nges 'byin pa'i/ /sbyin pa yang ni rtag tu byin/ /mi yi sbyin la sogs gsum gyis/ /skyon gsum rab tu 'joms par byed/ /de phyir skyon rnams yongs spong la/ /rab tu brtson pas yon tan sten/ /lha rdzas 'dod pa phun tshogs kyang / /yul gyis gang zhig 'joms min dang / /dmyal bar kun tu skye 'gyur yang / /gang phyir chos las ldog pa min/ /'di ni chos ldan shes par gyis/ /byis pa rnams ni bzlog pa yin/ /chos dang tshul khrims legs par sten/ /rab tu brtson pas shes rab rtsom/ /srid skyes sdug bsngal rnam 'joms par/ /ji bzhin nyi ma'i zhabs bzhed do/ /shin du mthong ba'i chos ldan gang / /</font><hr>65.165b<br><font size=+1>

de la lhas kyang phyag byed do/ /skye ba gzhan ni thob nas kyang / myur du 'ang mya ngan 'da' bar 'gyur/ /de ltar lha yi chos gang gi/ /mtshan nyid de nyid shes gyur gang / /skyes bu de ni srid grol nas/ /pha rol 'gro ba 'gro bar 'gyur/ /bzod dang sman par smras nas ni/ /'byung po thams cad snying rjes 'dzin/ /sbyin pa yang ni gtong ba yi/ /lam de dag ni zhi ba yin/ /rab gtum sdig pa sten pa gang / /le lo shin du sten pa dang / /khron ma chos la rnam zhe sdang / /dmyal bar nye bar 'gro ba yin/ /las kun des kyang mgu mi 'gyur/ /gang dang de la'ang khro bar byed/ /gang dang de la kun du chags/ /rmongs pa zhes ni de la brjod/ /dge ba spangs pa'i mi dge ba/ /sdig pa'i chos kyis rmongs pa yin/ /gang la sdig pas rnam 'tshed pa'i/ /rmongs pa dmyal bar khrid pa yin/ /chos spyod dge ba rjes su tshol/ /rtag tu 'dod pa rnam spong ba/ /mu su lun d+ha 'thab bral srid/ /nyon mongs zad par spyod pa yin/ /de ltar tshogs pa rgyu ba na rnam par spyod pa'i lha de dag rnams phan tshun du gtam byed do/ /yul gyi sred pa'i 'jigs pa 'jigs su rung ba sdug bsngal de dag rnams thams cad mngon sum du gyur par mngon par mthong bar gyur pa dang / gzhan yang mu su lun d+ha de nyid dang bcas pa'i tshogs pa rgyu ba'i sa na rnam par spyod pa'i lha de dag mchod rten de nyid kyi brtsig logs la lta bar rtsom par gyur cing shi 'phos nas kyang 'thab bral gyi mnga' bdag 'di gang du skye bar 'gyur/ 'di'i 'gro ba ni gang du 'gyur snyam pas de dag rnams slar yang brtsig pa'i yul phyogs de la lta bar rtsom mo/ /de nas lha de dag rnams lha'i rigs de las shi 'phos par gyur nas mu su lun d+ha de dang lhan cig tu thams cad kyang byams pa'i gsung rab la 'dzam bu'i</font><hr>65.166a<br><font size=+1>

gling du skye bar 'gyur ba mthong ste/ thams cad kyang dbang po tshang ba dang / thams cad kyang rigs chen por skye ba dang / thams cad kyang phan tshun lhan cig tu yul gcig tu skye ba dang / thams cad kyang phan tshun du mchog tu snying dga' bar 'gyur ba dang yang dag par ldan pa dang khyim chen por legs par skye ba dang / nor chen po'i khyim dang / yon tan chen po dang ldan pa dang / bdag nyid kyi skye ba bzang por gyur par mthong ngo / /mu su lun d+ha ni yul de nyid kyi rgyal rigs shing shA la chen por skye bar 'gyur zhing nor chen po dang ldan pa dang / mthu stobs che bar gyur pa dang / skye bo thams cad kyis mchod pa dang / bye ba phrag brgya stong gi rin po ches gang bar gyur pa der skyes pa'i bu thu bo 'di'i ming yang tshul khrims bzang po'o/ /dus de'i tshe na bcom ldan 'das byams pa'i zhal snga nas chos ston par mdzad de/ thabs su gyur pa'i mya ngan las 'das pa'i grong khyer du 'gro bar byed pa/ 'phags pa'i bden pa bzhi'i yon tan dang ldan pa/ dang por dge ba/ bar du dge ba/ tha mar dge ba/ don bzang po/ tshig 'bru bzang po/ ma 'dres pa dang / yongs su rdzogs pa/ yongs su dag pa/ yongs su byang ba'i chos ston par mdzad pa ni 'di lta ste/ 'di ni gzugs so/ /'di ni gzugs kun 'byung ba'o/ /'di ni gzugs 'gog pa'o/ /'di ni gzugs 'gog par 'gro ba'i lam mo/ /de bzhin du tshor ba dang / 'du shes dang / 'du byed dang / rnam par shes pa rnams la yang rgya cher mtshan nyid ston par mdzad do/ /sems can thams cad bde legs su byed pa/ nyon mongs pa med pa/ mya ngan las 'das pa'i grong khyer du legs par 'dug par byed pa/ 'gro ba thams cad sgrib pa med par mdzad pa'i chos ston par mdzad do/ /de nas tshul khrims bzang pos de</font><hr>65.166b<br><font size=+1>

ltar bcom ldan 'das byams pa chos ston par mdzad pa thos par gyur pa nas snga ma bzhin te/ de dag rnams kyis kyang de dang lhan cig tu de kho na bzhin thos par gyur to/ /de nas de dag rnams sngon goms pa'i dge ba'i las rnams kyis legs par bskul bar gyur pas phan tshun du gtam skad bstun nas/ de dag thams cad kyang gang na tshul khrims bzang po yod pa der nye bar 'ongs par gyur to/ /stong phrag nyi shu po de dag rnams thams cad kyang tshul khrims bzang po la gros byed par 'gyur te/ rgyas par ni snga ma bzhin no/ /de nas de dag rnams kyis gtso bos thos par gyur cing sngon gyi dge ba'i las kyis legs par bskul nas thabs gcig kho nar langs te/ yid rangs par gyur pas legs par gus pa skyes shing dga' bar gyur pas bzhin gyi mdangs rab tu dang ba dang ldan par gyur nas/ thams cad dang yang dag par ldan pa rnams gang na bcom ldan 'das byams pa bzhugs pa der blo rnam par rgyas pa rnams kyis brgya byin yongs su bskor ba bzhin du nye bar legs par 'gro ba'o/ /de nas bcom ldan 'das skyes bu chen po'i mtshan sum bcu rtsa gnyis kyis nye bar mdzes par gyur pa'i sku bya ba ni rgyas par te/ chos ston par mdzad par rgyang ring ba nyid nas mthong ste/ lha dang mir bcas pa'i skye dgu rnams la phan pa/ dge sbyong dang bram zer bcas pa'i tshogs kyi skye dgu rnams kyis yongs su bskor cing mdun du bdar te/ thog ma bar dang tha mar dge ba'i chos ston par mdzad pa ni mtsho bzhin du rab tu dang bar gyur pa/ shin du rnyog pa med pa/ sdug bsngal thams cad zad par byed pa/ 'khor ba thams cad kyi bcing ba rnams gtan nas grol bar byed pa mya ngan las 'das pa'i mthar thug par gyur pa'i chos rnams</font><hr>65.167a<br><font size=+1>

ston par mdzad do/ /'khor 'di dag rnams ni shin du zab par gyur pas rgya mtsho lta bu'o/ /de nas bcom ldan 'das kyis ring ba nyid nas skye bo'i tshogs kyis yongs su bskor ba mngon par gzigs nas 'di skad ces bka' stsal te 'thab bral gyi bdag po mu su lun d+ha mgo bos zhabs dag la legs par phyag 'tshal cig /'khor dang bcas pa rnams kun nas 'ongs pa legs par 'ongs sam/ tshangs par spyod pa legs par spyad dam/ chos la khyod kyi dbang po yongs su smin par gyur tam/ mi dge ba'i las mang po rnams bsrabs par byas shing gtan nas zad par byas sam/ 'dod pa bsten pa rnams yongs su spangs par gyur tam/ nga ni sdug bsngal de dag rnams mthar byed pa'i dus su phyin no/ /des de bzhin du de bzhin gshegs pas bka' stsal pa rnams de ltar thos nas yid rab tu dga' zhing gus pa legs par skyes par gyur to/ /de ltar gyur pas 'khor ba thams cad kyi rgal bar gyur pa'i de bzhin gshegs pa'i gzugs dpe med par gyur pa legs par mngon par mthong nas 'di skad ces gsol te/ mgo bos zhabs la legs par gtugs shing mngon par mthong ba'i mtha' gcig tu 'dug nas 'di skad ces gsol to/ /bcom ldan 'das bdag gi 'khor bar 'jug pa ni zad lags so/ /de nas bcom ldan 'das kyis gang gis stong phrag nye shu po 'di dag rnams zag pa zad par 'khrid par byed pa'i rnam pa des chos bstan te/ gang dag lha'i 'jig rten du de'i lhan cig spyod par gyur pa rnams so/ /de ltar mu su lun d+ha dang bcas pa rnams kyis bcom ldan 'das gser thub kyis yongs su sprul pa'i ma 'ongs pa thams cad ji lta ba</font><hr>65.167b<br><font size=+1>

bzhin du rjes su mthong bar gyur to/ /de nas ngo mtshar bar gyur pa rnam pa du ma legs par mngon par mthong ba de dag rnams ni thams cad mkhyen pa nyid kyis sprul par gyur pa yin gyi/ gzhan dag rnams kyis ni rtogs pa'i yul ma yin pa'i phyir na/ lha dang bcas pa'i 'jig rten rnams dang / bdud dang bcas pa rnams dang / dge sbyong dang bram ze'i rigs dang bcas pa'i skye dgu rnams de bzhin gshegs pa ma gtogs pa gzhan rnams la ni ma dad par 'gyur ro/ /de la skyes bu rnams sten par byed pa'i mchog ni 'khor ba 'di las nges par 'byung bar byed pa 'di lta ste/ dge ba'i bshes gnyen la sten pa'o/ /de nas lha de dag rnams nyid khrid nas yid shin du rangs par gyur pas sangs rgyas la gus pa legs par skyes pa de bzhin du chos dang 'phags pa'i dge 'dun rnams la yang ngo / /gzhan yang lha'i tshogs dang bcas pa rnams kyis zhabs gnyis la mgo bos kun nas phyag byas te/ thams cad kyang mchod rten de las phyir byung bar gyur pa yin no/ /mdo drug pa las gser thub kyi sprul pas 'gro ba'i mdo sde lnga pa rdzogs s+ho//               // de nas gzhan yang mu su lun d+ha rab tu dga' ba'i yid kyis 'dod pa'i 'jigs pa'i skyon ston par byed pas lha de dag rnams nyid dang lhan cig tu tshogs pa rgyu ba na spyod pa'i sa rnams la kun du lta bar byed de/ rab tu dga' bar gyur pas des dpyod par byed pa na sna tshogs pa'i lha'i tshogs rnams kyis gang ba nags dang / bskyed mos tshal dang / mtshe'u dang / rdzing bu dang / nags kyi tshogs dang / chu klung phal po che rnams kyis gang bar gyur pa pad ma'i rdzing bu du ma rnams la rnam pa thams cad du bya nang na gnas pa rnams kyis rnam par brjod pa dga' bar gyur pa sgra 'byin par</font><hr>65.168a<br><font size=+1>

byed pa dang / tshogs pa rgyu ba'i sa rnams na lha'i bu mo brgya stong du mas glu dang gar legs par byed pa dang / rgod pa dang / 'gying ba rnams kyis sten pa/ yon tan du ma dang ldan pa'i lha rdzas smos su rung ba'i rin po che bdun gyi rang bzhin gyi ljon shing rnams la 'bras bus gang ba/ nor bu'i rang bzhin gyi ri rab tu mang ba/ nags rnams kyis mdzes par gyur pa rnams na las kyi 'bras bu dman pa dang / bar ma dang / khyad par du 'phags pa'i las kyis lha'i tshogs rnams gcig tu sred pas sten par byed pas kun du dang ba dang / phan tshun lhan cig tu gnod pa med pas ngal so bas bskyed pa'i lha dang lha mo'i tshogs kyis 'khrigs par gyur pa dang / gtum pa'i chu klung dga' bar gyur pa rnams shin du phal che ba/ gzhan yang rin po che sna tshogs pa'i khang bu'i phreng ba ngo mtshar bar dga' bar gyur pas 'dod pa'i yon tan lngas phun sum tshogs pa/ phan tshun du rin po che'i 'od kyis brgyan pa/ gser shin du 'bar bar gyur pa dang / byi ru dang / mu sa ra gar+b+ha dang / in dra nI la'i ri'i rtse mo phan tshun kun du 'bar bas nye bar mdzes par gyur pa'i tshogs pa rgyu ba na spyod pa'i sa de dag rnams la kun du bltas nas mu su lun d+ha des 'di skad cas smras so/ /khyed rnams lha'i tshogs 'di dag rnams rab tu dga' bas yid ches/ dga' bar gyur pas mthon po rnams nas mthon pa rnams dang / ri'i rtse mo nas ri'i rtse mor rtse bar byed pa/ rab tu rangs pas rnga skad yan lag lnga pa shin du bsgrags par gyur cing / rab tu rgyu bar byed pa rnams la ltos dang / brjod pa lha bdag cag gis mthong lags so/ /lha'i tshogs de dag rnams thams cad nyid ni chu dang bral ba'i mchod rten no/ /de nas gzhan yang lha de dag rnams la 'di skad ces smras te</font><hr>65.168b<br><font size=+1>

lha dag de bzhin gshegs pas 'di dag nges par sdug bsngal du gsung ba ni gnas yin no/ /bag med pas rnam par rgyu ba'i lha rnams ni mngon par rigs par 'gro ba yin te/ skyes bu rnams kyi legs par byas pa'i las rnams kyang zad nas 'chi 'pho ba'i dus su phyin pa dang phyi ma la myur du ltung ngo / /'du byed kyi las sgyu ma lta bu rnams kyang byis pa rnams kyis go bar 'gyur ba yang ma yin no/ /dmyal ba dang / yi dgas dang / dud 'gro'i skye bar log par ltung ba rnams kyang bag med par rgyu ba'i lhas go ba ma yin no/ /gang gi phyir las rnams las yin pa 'di yang sgo gcig gis sdug bsngal bar 'gyur ba'i skye ba ma bzlog pa las yin te/ de ci'i phyir zhe na/ skye ba dang / gnas pa dang / 'jig pa'i mtshan nyid gsum dang ldan pa 'dus byas rnams kyis rab kyi mchog tu gyur pa'i las 'di dag rnams thams cad kyang bsdus pa dang / skyes bu rnams shin du lhan cig tu 'jug pa'i phyir ro/ /de la ni skyon gsum gyis ma rungs par gyur pa/ sdug bsngal du ma phal po che'i gnas su gyur pa/ myang ba'i ro ni 'ga' zhig kyang rtogs pa ma yin no/ /mchog tu skyid par gyur pa'i tshogs bdag cag rnams gang yin pa la yang 'chi ba yang sbyang bar gyur pas skad cig re re zhing snyen par byed do/ /'chi bdag gi khas kyang 'bigs par byed do/ /'du byed 'di dag thams cad kyang skad cig pa/ gson pa 'di thams cad ni myur bar ltung ba/ lang tsho yang gcig tu dga' ba ma yin no/ /phun sum tshogs pa rnams yang myur bar 'jig go /'bral bar 'gyur ba mtha'i sdug bsngal rnam pa mang po mchog tu mi bzad pa'i 'chi bdag gang gi tshe 'di dag rnams nges par rtogs par 'gyur ro/ /de nas lha de dag rnams kyis lha'i bdag po mngon par mthong nas rab tu rangs pa'i yid kyis rings</font><hr>65.169a<br><font size=+1>

pa rings par cod pan rnam par 'phyang ba'i phreng ba dang do shal dag rnam par dpyangs pas 'phyang ba/ rang gi lus kyi 'od 'phro bas 'od dang ldan par gyur pa/ mchog tu rgya che ba'i rgyan dang cha byad can gyi bud med kyi 'gro ba stong gis yongs su bskor nas rnam pa sna tshogs pa'i rnga skad rnams dang / glu dang / gar dang / rgod pa dang / 'gying ba rtse bar byed pas lhan cig tu mchog tu skyid par gyur pa/ rang gis byas pa'i dge ba'i las rnams dang ldan pa rnam pa brgya stong du ma'i gzugs kyi dpal rnams 'dzin par gyur pas gang na lha'i mnga' bdag mu su lun d+ha 'di yod pa de dang der rings pa rings par thag bsnyen par gyur to/ /de nas rgyal por de dag rnams rjes su gzhug pa'i don gang na de dag rnams yod par 'gro'o/ /de dag rnams kyang nye bar 'ongs par gyur to/ /de dag rnams kyi rtsed mo la ltos pa'i phyir ro/ /de nas de dag rnams dang / lha gzhan rnams kyi yang nang du song nas 'thab bral gyi mnga' bdag de mngon par rtse bar byed do/ /rgod par byed do/ /'gying bar byed do/ /yongs su spyod par yang byed do/ /de rnams rjes su gzhug pa'i don du yin gyi rang bzhin ni ma yin no/ /de de dag rnams kyi nang du song nas yud tsam cig rgod cing 'gying ba dang rtsed mo rtse ba dag byas so/ /de dag rnams ni rang bzhin gyis sams tsab hral can yin pas dang / lha rnams ni 'dod pa du ma la rnam par chags pa'i sems yin pas kyang gzhan du ri'i rtse mo rnams la rjes su sten par byed pa rnams dang / byi ru'i rang bzhin gyi ljon shing sna tshogs pa rnams dang ldan pa/ rnam pa brgya stong du ma'i sgra dang / dbyibs dang / 'od zer du mas gsal bar gyur pa/ khams du mas rnam par bkra ba'i ri'i rtse mo rnams la rjes su sten pa rnams ni blo mang bar gyur pa yin no/ /'thab bral gyi bdag</font><hr>65.169b<br><font size=+1>

po 'di dang lha de dag rnams nyid ni phyogs gcig tu ste/ yul du ma rnams la rnam par chags pa'i yid dang ji lta bar bral ba'i lha gang yin pa de dag rnams lhan cig tu gyur pa de dag la 'thab bral gyi mnga' bdag gis 'di skad ces brjod do/ /lha dag bdag cag rnams lha de dag rnams can du 'gro bar bya ste/ rang gi don las ldog par 'gyur ba'i yul rnams kyi don gang yin pa las zlog pa nyid kyis bde legs byas par 'gyur ro/ /'di dag rnams mi 'jug cing chos la rjes su sgrub par ni bdag cag rnams kyis ci nas kyang bya ba yin no/ /bde legs gzhan rnams de ltar nye bar go nas lha de dag rnams nyid dang bcas te/ lha rnams kyi bdag po de yid rab tu zhi bar gyur pas gzhan yang gang na tshogs pa rgyu ba na rnam par spyod pa'i lha de dag rnams kyi sa'i yul phyogs gzhan cig yod pa der nye bar legs par 'gro ste/ 'bab chu dang / rdzing bu dang / pad ma'i tshal sna tshogs pa rnams la bya'i tshogs rnams kyis rnam par brgyan pa/ rnam pa sna tshogs pa'i rtse mo nye bar dud par gyur pa/ rin po che rnams kyi dpal nye 'khor na rab tu 'bar ba lta bur gyur pa de na yod pa'i sa phyogs kyi cha yid 'phrog par byed pa/ rnam pa de srid pa rnams kyis ni 'thab bral gyi bdag pos kyang ngo mtshar bar byed pa/ rin po che thams cad kyi dpal zil kyis mnan nas nam mkha' brtol ba bzhin du mtho bar gnas pa rin po che sna tshogs kyi 'od dang ldan pa dang / nyi ma brgya stong dang ldan pa/ mngon par gsal ba'i gzi brjid dang ldan pa/ mchog tu zhi zhing nye bar gsal bar gyur pa/ mchog tu rnam par dben pa'i sa'i cha shas na gnas pa'i mchod rten mthong ngo / /de nas lha'i bdag pos 'di skad ces smras so/ /rin po che sna tshogs pa rnams</font><hr>65.170a<br><font size=+1>

'bar bar mthong ba 'di ni ci zhig bya ba ste/ snga ma bzhin no/ /de nas lha de dag gi drung nas rnam pa de lta bu'i tshig rnams thos nas 'thab bral gyi bdag po des 'di skad ces brjod de/ khyed rnams nyon dang gang 'dir mthong ba'i rin po che sna tshogs 'bar bar gyur pa zhes bya ba rnams ni snga ma bzhin no/ /'di dag ni bcom ldan 'das drug pa de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bla na med pa/ skyes bu 'dul ba'i kha lo sgyur ba/ lha'i lhar gyur pa/ 'od srungs kyi gdung rten lham me bar gyur pa'o/ /mchod rten gzhan rnams la ni tshangs pas gson pa'i lha rnams nyid kyis brgyus par gyur la/ sngon bsgoms pa'i sems dang ldan pa rnams la phan pa'i don du dang rjes su 'jug par bya ba'i phyir mchod rten 'di'i brtsig logs la byas pa rnams yin no/ /de bzhin gshegs pa dgra bcom pa de dag rnams dang gzhan dag rnams kyi mchod rten de dag la yang nga dang khyed cag rnams kyang sangs rgyas dang chos la gus pa dang / bdag nyid la yang phan par 'dod pas legs par 'gro bar bya'o/ /de skad ces brjod nas 'thab bral ba'i bdag po de lha'i tshogs dang bcas pa rnams gang na drang srong dang mchog gi gdung rten de yod pa yin pa der nye bar song ba na rin po che sna tshogs 'bar bar gyur pa de nyid de dag rnams kyis mthong ba ni snga ma bzhin no/ /de nas lha de dag mchod rten du bzhugs par gyur pa na lha'i tshogs rnams kyis mthong bar gyur pa ni drang srong gi mchog 'od srung gi sku gzugs 'dzam bu'i chu bo'i gser gyi rang bzhin rin po che sna tshogs kun du 'bar ba'i na bza' dang / bai dUr+ya'i rang bzhin gyi seng ge'i khri la bzhugs pa dngos kho na bzhin du chos ston par mdzad pa'i gzugs kyi dngos po</font><hr>65.170b<br><font size=+1>

dpe med par gyur pa'i rnam pa gang gi khyad par gyis ni lha de dag rnams dang / srin bu me khyer dang nyi ma'i khyad par bzhin du de'i dpal rnams la dpe med pa yin no/ /de nas bcom ldan 'das de'i sku de dag gis mngon par mthong bar gyur pa dang / yid ches rab tu bde ba skyes nas gus pa dang / gdung bas kun nas mgo btud de/ cod pan dang phreng ba dang bral ba/ me tog gi phreng ba dang bral ba/ gzugs dang / dbang phyug dang / 'od kyi rgyags pa rnams dang bral ba/ dri dang bral ba/ 'dod pa dang bral bas bcom ldan 'das de'i zhabs gnyis la rab tu btud do/ /gus pas mgo bo btud pas des de bzhin du mngon par phyag 'tshal nas gzhan yang rgyags pa rnams dang bral bas bcom ldan 'das de la phyag 'tshal lo phyag 'tshal nas langs te thams cad kyang yid rtse gcig par gyur cing rang bzhin gyis mi g.yo ba yang ma yin pas rin po che du mas rnam par brgyan pa/ gzugs dpe med pa dang ldan pas bcom ldan 'das kyi sku gzugs kyi mchod rten de'i nang du song nas las kyis byas pa rnams la sems pas lta bar byed do/ /de nas de nyid kyi logs la rdzu 'phrul gyis brtsig pa'i steng du legs par gsal bar gyur pa'i yi ger bris pa'i mdo sde lha dang mi rnams la phan pa'i don dang / 'gro ba thams cad la mchog tu phan pa'i don du 'gyur bar yang mdo shin du gsal ba'i yi ger gyur pa/ tshig dang don bzang por gyur pa/ mya ngan las 'das par 'gro ba ston pa/ byis pa'i blo dang ldan pa'i byis pa'i skye bo rnams thams cad la sgron mar gyur pa yin no/ /de nas mdo 'di'i steng du bris pa yin te/ 'dul bar byed pa/ bde legs su byed pa/ mar me lta bur gyur pa/ gdams ngag tu gyur pa/ mya ngan las 'das pa'i grong khyer legs par ston par byed par gyur pa/ rab tu byung ba rnams thams cad kyi mkhan po lta bur gyur pa bslab pa'i gzhi rnams yin no/ /'di lta</font><hr>65.171a<br><font size=+1>

ste/ chos bcu gsum po 'di dag rnams kyis ni gang dag dge slong yin pa rnams kyi bar chad byed par 'gyur ro/ /bsam gtan la snyoms par 'jug pa dang / mya ngan las 'das par 'gro ba dang / rang gi bya ba rnams kyang yongs su bcom par 'gyur ro/ /chos bcu gsum po 'di dag rnams rjes su sgrub par byed pa'i dge slong de dag ni nad dang / rga ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / ngal dub rnams las de yongs su mi 'grol lo/ /brgya phrag tu yang 'phya bar bya ba'i gnas su 'gyur ro/ /'di'i rab tu byung ba don med pa yin no/ /lus dang / ngag dang / yid kyang bsdams par 'gyur ba ma yin no/ /brtson 'grus ma brtsams pa gang yin pa rnams la ni gnas mal dang / nad kyi gsos sman gyi yo byad rnams las gcig kyang ngas byin du ma gnang ngo / /de dag gis de'i bar du gcod par 'gyur ro/ /'di lta ste/ mdog ngan pa dang / le lo can dang / sdar mar gyur pa dang / mngon par mi shes pa'i skyes bu rnams kyis ni rgyags pa'i shugs kyis zab par gyur pa bzod par dka' ba rnams las rgal bar mi nus so/ /de kho na bzhin du rang bzhin gyis brtson 'grus nyams chung bar gyur pa/ sems bsdams pa ma yin pa/ le lo can bsam gtan la snyoms par 'jug pa na dge ba la 'jigs pa blun par gyur pa dang / rang bzhin gyis ma rig pas g.yogs pa rnams kyis ni chu bo lnga legs par rgal nus pa yang ma yin no/ /yul gyi chu mi bzad pa'i rtse mor gyur pa rnams legs par rgal nus pa yang ma yin no/ /de des kun nas 'khrid pa yin te/ snying yang sred pa'i chu klung gis khyer nas 'khor ba'i rgya mtshor yongs su 'khyam mo/ /chos bcu gsum po de dag rnams gang zhe na/ 'di lta ste/ tshogs pa 'dus pa dang / sman pa dang / ri mo'i las dang / thos</font><hr>65.171b<br><font size=+1>

pa ngan pa snyan dngags sdeb pa dang / rgyu skar bgrang ba dang / rgyu mtshan gyi sems dang / rjes su rnyed pa dang bkur stir khas len pa dang / gser 'gyur la sems rtse cig pa'i sha za dang / rgyal po'i zhabs 'bring byed pa dang / bde bar phe'u btab pa khas len pa dang / mi 'dri ba dang / grogs po mang po dang / 'dre bar gnas pa ste/ chos bcu gsum po de dag rnams kyis dge sbyong dag bsam gtan byed par gyur pa na bar du gcod par byed par 'gyur ro/ /de steng nas lhung nas rang gi don las nyams par 'gyur ro/ /dmyal ba dang / yi dgas dang / dud 'gro rnams su yang skye'o/ /'dis rab tu byung ba ni don med par 'gyur ro/ /de khyim pa ma yin no/ /rab tu byung ba yang ma yin no/ /dge ba'i las rnams yongs su spangs par gyur pa/ grogs tshangs pa mtshungs par spyod pa rnams kyis smad par gyur pa/ dung gi sgra dang mtshungs par spyod pa yin no/ /thos pa med pa dang shes pa med pa'i phyir na 'di'i yid kyis bsams pa'i mya ngan las 'das par 'gro ba yang 'grub par mi 'gyur ro/ /lha rnams kyis kyang spong bar byed do/ /de la 'di dang po kho nar bsam gtan la snyoms par zhugs pa na rnam par sreg par gyur nas mchog tu yang yid rnam par g.yeng bar byed pa/ ltung ba rnams la shin du dga' bar gyur pa/ phyi nas 'gyod par byed pa po rab tu byung ba thams cad kyis rnam par spang bar bya ba 'di lta ste/ tshogs pa 'dus pa la dga' ba'o/ /tshogs pa 'dus pa la dga' ba yang sems ma bsdams pa yin no/ /ma bsdams par spyod pa rnams kyang rang bzhin gyis rgod par 'gyur ba'i phyir na rtag tu yang yid kyis kun brjod par 'gyur ro/ /sems shin du rnam par g.yeng ba rab tu g.yo ba'i rtog pa rab tu g.yo ba'i blo dang rnam pa de lta bu nyid la sten par byed pa dang gang dag la yod pa gang yin pa'i sems rnam par g.yeng bar gyur pa na/ </font><hr>65.172a<br><font size=+1>

gang rtag tu yang gar dang bro la dga' bas kun du ltar 'gro ba la sogs pas de ma bsdams pa kho nar rtag par spyod par 'gyur te/ grong khyer dang / yul chung dang / grong dang / grong rdal du 'gro bar byed do/ /rtag tu yang spo bas lta ba por 'gyur ro/ /tshogs pa 'dus pa rnams la kun du lta ba de dag rnams lhan cig tu 'grogs nas rgyun du yul nas yul du 'gro bar byed do/ /thams cad du 'gro bar byed cing ma bsdams par gyur pas rtag tu yang kha na ma tho ba'i tshig brjod pa la mngon par dga' ba la gcig tu zhugs pa'i blo ni nyin mo dang mtshan mor yang sdod pa ma yin no/ /de ni blo rnam par g.yeng bar gyur pa thos pa dang mi ldan pa yin te/ gzhan grogs tshangs pa mtshungs par spyod pa rnams kyis rnam par smod par byed do/ /de la gshes par gyur pa yang bdag nyid rang gis kun du mi rtogs so/ /de dag tshul khrims dang ldan pa rnams kyi drung na yid kyi bya ba byed do/ /de lus zhig par gyur pa na ngan song log par ltung bar lhung nas dmyal bar skye'o/ /gzhan yang tshogs pa 'dus pa la skyon chen po rnams yod de/ tshogs pa 'dus pa la mngon par dga' ba'i dge slong ngan pa tshul khrims 'chal ba rtag tu tshogs pa 'dus pa la mngon par dga' ba'i sgra rnams nyan par byed pa ni rgod par 'gyur ro/ /ma bsdams pa blo rab tu ma zhi ba de'i blo la ltos nas sbyin bdag dang sbyin pa po rnams dbang che bar 'gyur te/ rnyed pa dang bkur stis zil kyis mnan par gyur pa'i phyir ro/ /gzhan yang rab tu byung bas gzhan dag rnams kha drag pa'i skyon yod do/ /gzhan yang tshogs pa 'dus pa'i skyon rnams gang zhe na/ 'di lta ste/ bdag nyid rang shin du tshogs pa 'dus pa po yin pas rab tu byung ba gzhan dag rnams kyang tshogs pa 'dus pa de la dga' ba kho nar byed do/ /dam pa'i chos las yongs su nyams par byed do/ /</font><hr>65.172b<br><font size=+1>

de la 'dis bdag nyid rang chud gzan nas gzhan rnams yang chud gzon par byed do/ /bdag nyid rang yongs su nyams par 'gyur ba'i bsam pa la sbyor ro/ /rnam pa de lta bu'i sems can de ni dge 'dun thams cad kyis spang bar bya ste/ 'dis ni dge slong tshul khrims dang ldan pa rnams kyang chud gzon par byed do/ /tshul khrims can gyis 'di yongs su spang bar bya ste/ sdig pa'i grogs po'i rang bzhin can 'di ni tshangs pa mtshungs par spyod pa thams cad kyis rnam par dmad pa yin no/ /gzhan yang tshogs pa 'dus pa'i skyon rnams ni gang gi phyir tshogs pa 'dus pa rnams ni rnam pa sna tshogs pa yin no/ /gang gi phyir tshogs pa 'dus pa rnams ni sgra sna tshogs pa yin no/ /rnam par bkra ba sna tshogs pa'i sgra rnams kyis sems dga' bar byed pa yang yin te/ sgra la shin du chags pas de dag la yid brten par gyur nas ches rab tu g.yo bar gyur pa'i yid kyis dga' ba mngon par rdzogs par byed do/ /chags par gyur pa'i blo dad pa med pa de ni don gang la yang dad par mi 'gyur ro/ /gang dag chos ma yin pa'i chos rnams la 'jug par byed do/ /de de la yang dad par mi byed do/ /de bde bas rkyen dang bcas pa'i log par ltung ba kun du spyod par byed pa yin no/ /de de la yang log par smra bar 'gyur ro/ /de lus zhig nas shi bar gyur pa'i 'og tu ngan song du log par lhung nas dmyal ba rnams su skye bar 'gyur te/ tshogs pa 'dus pa 'di'i yal ga gyes pa rnams ni skyon chen po mang bar 'gyur ro/ /de nas de'i dus na bcom ldan 'das 'od srung des tshigs su bcad pa gsungs pa ji ltar/ 'ching ba du ma'i tshig rkang ldan/ /yid ni rnam par g.yeng byed pa/ /tshangs par spyod pa chud gzon pa'o/ /mya ngan 'das 'gro sun 'don pa'o/ /rten cing rtag tu sbyor byed pa/ /rang bzhin gyis ni tshul khrims spangs/ /bsam gtan</font><hr>65.173a<br><font size=+1>

mngon dga' de nyid mthong / /rtag tu de ni yongs su spongs/ /dgod pa'i rtsa ba gcig las ni/ /yid la byed pa rab chud gzon/ /mya ngan 'das pa gsal ston pa'i/ /tshangs par spyod pa chud gzon pa'o/ /sdug bsngal las ni zlog byed pa/ /mtho ris lam las nyams byed pa/ /pho nya yi dgas 'jig rten gyis/ /dud 'gro'i skye gnas su skyur ba/ /'khor ba ma lus kun gyi ma/ /tshogs pa 'dus pa'i ming yang spongs/ /bsam gtan snyoms 'jug yang dag ldan/ /dge slong yid ni dag rnams kyis/ /de ltar bcom ldan 'das 'od srung drang srong gi mchog des tshogs pa 'dus pa'i skyon 'di dag rnams gsungs so/ /gzhan tshogs pa 'dus pa ma yin pa'i yon tan rnams ston par mdzad de/ dge slong gang dag sems shin du mnyam par bzhag par gyur pa dam pa'i chos 'ba' zhig la mngon par dga' ba/ dam pa'i chos 'ba' zhig ston par byed pa/ dam pa'i chos nyid sems par byed pa/ dam pa'i chos rtogs par 'gyur ba/ sangs rgyas la rab tu 'dud par byed pa'i rang bzhin can du gyur pa de dag rnams kyis ni gang blta bar bya ba'i zhabs drung de dag nyid mthong bar 'gyur ro/ /tshogs pa 'dus pa'i srid pa rnams las grol ba/ rtse gcig tu dga' bar gyur pa/ gcig tu 'khor ba'i 'jigs pa rnams kyis skrag pa/ gzhan du na de dag rnams kyi ngag gi ngal ba 'bras bu dang bcas pa ni gang 'phags pa'i bden pa bzhi'o/ /'phags pa'i bden pa bzhi po rnams kyi gtam yang rjod par byed do/ /de dag rnams kyi lus ngal ba don yod pa ni gang sangs rgyas dang / chos dang / dge 'dun rnams la thal mo sbyor ba'i las kyis rab tu btud de lus kyis kyang skyo ba skye ba'o/ /de dag rnams bdag nyid ngal ba'i yid kyi ngal ba 'bras bu dang bcas par gyur pa ni rang gi mtshan nyid dang / sems</font><hr>65.173b<br><font size=+1>

kyi spyi'i mtshan nyid rnams la yid 'byung bar byed pa'o/ /de dag rnams kyi yongs su ngal ba 'bras bu dang bcas pa rnam pa gsum po rnams kyis ji ltar na mya ngan las 'das pa dang nye bar 'jug pa yin zhe na/ gang dag yongs su goms par byed pa'i thabs thams cad kyis tshogs pa 'dus pa la dga' bar mi byed cing sdig pa'i grogs po rnams sten par mi byed pa/ yid legs par sdom par byed pa dang / yid shin du bar yang mnyam par bzhag par yang gsum gyis te/ 'di dag rnams kyis ni ji lta ba bzhin du mya ngan las 'da'i gsum po rnams gang zhe na/ 'di lta ste/ dbugs rngub pa dang 'byung ba dran pa dang / mi sdug pa dang / khams kyi rab tu dbye ba'o/ /de la thams cad nyid kyang lam de dag rnams las sems mnyam par bzhag par 'gyur ro/ /sems mnyam par bzhag pa ma yin pa rnams dang / sems mnyam par 'jog par mi byed pa yang tshogs pa 'dus pa ste/ lam gsum sun 'don par byed pa yang yin no/ /dmyal ba dang / yi dgas dang / dud 'gro rnams su 'gro bar byed pa'i zhags par gyur pa thabs ma yin pas kun nas bcings nas skyes bu dmyal ba rnams su rgyug par byed do/ /yi dgas dang / dud 'gro'i 'gro ba yang ste/ de dag rnams ni tshogs pa 'dus pa la dga' bas bslus pa yin no/ /de'i phyir tshogs pa 'dus pa ni dug dang / mtshon cha dang me dang / gcan zan khro bo dang / g.yang sa rnams bzhin du blo dang ldan pa'i dge slong bsam gtan la snyoms par 'jug pa rnams kyis rtag tu yongs su spang bar bya'o/ /bag med pa'i skyes bu mang po rnams tshogs pa 'dus pa gang yin pas bslus te/ dmyal ba dang / yi dgas dang / dud 'gro rnams su skye bar 'gyur ro/ /de dag rnams bag med par gyur pa yang lan grangs gzhan la myong bar 'gyur ba'i las</font><hr>65.174a<br><font size=+1>

kyis gar dang gar byed pa rnga dz+ha la la ka dang / glu mkhan du gyur pa gzhan gyi khyim gyi sgor bkren par gyur pa'i slongs mo nan dang bral bas srang dang sgor yon tan gyis 'tsho bar 'gyur ba yin pas na tshogs pa 'dus pa ni sbrul mthong ba dug can dang / tshogs pa 'dus pa ni mes sreg pa dang / tshogs pa 'dus pa ni dong du lhung ba dang / tshogs pa 'dus pa ni gti mug gis rnam par rmongs pa dang / tshogs pa 'dus pa ni 'dod chags kyis kun du 'dod chags pa dang / tshogs pa 'dus pa ni zo chun rgyud mo rnam par 'phrul pa dang / tshogs pa 'dus pa ni rnam par rmongs par byed pa dang / tshogs pa 'di ni mun pa'i phung po bzhin du du mar rnam par rgyal ba ma yin par byed pa yin pas 'jigs pa cig po dang / gcig tu srid pas 'jigs par gyur pa rnams dang / gcig tu de kho na la lta ba la mngon par brtson pa rnams kyis de'i phyir 'di ltar bslab par bya ste/ rab tu zhi ba'i dgon pa rnams la dang / sgra'i ca co rnams spangs pas rab tu zhi bar gyur pa rnams su dang / shes bya nyi ma sten par byed pa rnams su dang / ri'i mthongs rnams su dang / shing gi drung rnams su dang / phug gi sgo rnams la dang / bsod nams su gyur cing bsod nams su gyur pa'i sgra med pa rnams su gcig pu zhig dben par song la/ kun nas bcum pa'i yid rtse gcig gis nyon mongs pa'i mchog rnams las kyang nges par rnam par rgyal bar gyis shig /de ltar khyed rnams yid legs par las su rung bar gyis/ yid shin du rab tu zhi bar gyur pa dang / tshogs pa 'dus pa thams cad las rnam par grol ba dang / rang gi skye bo dang / grogs bshes dang / gnyen 'brel rnams 'gro ba dang / 'ong bas kun du phrad pa'i tshogs pa 'dus pa'i zhen pa dang rnam par bral ba dang / spro ba med par gcig pu dga' ba dang / bsam gtan la bsam pa gtan par dang / gnas</font><hr>65.174b<br><font size=+1>

pas phyin ci log bzhi dang bral ba/ dbugs 'byung ba dang rgyu ba rnam pa bcu drug dran pa'i ngang tshul gyis nyin med mtshan med du yang shin du legs par brtsams pas 'khor ba'i 'ching ba las 'bros par byed pa'i phyir yang ste/ de lta bu des go 'phang gi mchog 'thob par gyur pa ni gang shin du snga ba nas kyang mthong ma myong ba'i bde legs su gyur pa yin la/ tshogs pa 'dus pa la mngon par dga' bas kyang ni ma yin no/ /thos pa dang mi ldan pa/ blo brtan po ma yin pa brtan por rgyu ba ma yin pa/ dge sbyong ma yin par dge sbyong du khas 'ches pa/ le lo can du gyur pa rnams de ltar chos gcig po 'di gzhom par gyis dang / 'di lta ste/ tshogs pa 'dus pa zhes bya ba'o/ /gnyis pa yang rab tu spang bar bya zhing spyad par ni mi bya'o/ /'di yang gang zhe na/ 'di lta ste/ sman pa byed pa'o/ /dge slong dag bsam gtan byed par gyur pa na bar tu gcod par 'gyur ro/ /de sman pa byed par gyur pa na gzhan du byed cing gzhan du smra bar 'gyur ro/ de nad pa rnams la sems ster bar mi byed do/ /blo de la song ba yin no/ /de de ltar byed pa na 'dod pa rab stobs dang ldan par 'gyur ro/ /de 'dod pas zil kyis mnan par gyur nas sems kyis spyod par byed pa ste/ ji ltar phyir zhing nyid kyang nad rnam pa du mar stobs dang ldan par gyur na des sems can rnams la zer zug byed do/ /gzhan yang rnam pa mang du nga la rnyed pa dang bkur sti 'ong bar 'gyur ro/ /des bdag gis grong rnams nas grong du dang / grong khyer rnams nas grong khyer du dang / yul chung rnams nas yul gyi ljongs rgyu ba'i sgo nas mang du bsdu bar bya'o zhes de ltar bsams par gyur pas brnab sems 'phel bar 'gyur ro/ /de brnab sems kyis zil kyis mnan par gyur pa'i yid can dri ma rnams shin du dpyod par byed pa po yin gyi bsam gtan la snyoms par 'jug pa sems pa por ni mi 'gyur ro/ /dge ba rnams la spyod par mi 'gyur ro/ /gzhan yang sman pa</font><hr>65.175a<br><font size=+1>

byed pa na skyon chen po rnams yod de/ dge slong ma yin pa dge slong du dam 'cha' ba gang gi tshe rlung la sogs pa'i nad rnams kyis srog chags rnams zil kyis mnan par gyur pa na de'i tshe rdzas lung 'bogs par byed de/ ji ltar myur bar gyur par mar nag la mar nag gi skol sbyor byed do/ /gal te med par gyur na des til kun nas btsir zhing til rnams kun du 'tshir bar byed do/ /til kun du btsir bar gyur pa las kyang srog gcod pa chen po 'byung bar 'gyur te/ srin bu'i tshogs chen po kha btag par 'gyur ro/ /'di ni skyon gzhan yin te/ dge sbyong ngan pa dge sbyong du khas 'ches pa pos nad rnams ma gtogs par sha bka' sgo bar byed do/ /gsal bar gyur pa/ mtshon gyis bsad pa/ shin du tshil can ma yin pa/ shi ba ma yin pa/ nad dang gcong gis shin du bcom pa ma yin pa nad dang gcong gis nye bar nyams pa ma yin pa/ dug gis shi ba ma yin pa/ gcan zan gyis bsad pa ma yin pa/ skam po ma yin pa/ rjud pa ma yin pa de lta bu rnams su bsgo bar byed do/ /bka' bsgo bar byed pa'i don gyis srog gcod pa bdag la 'byung ngo / /gang gis srog gcod pa bka' bsgo bar byed pa dang / gang byed pa dang / de gnyis ka yang las mnyam pa'i phyir na dang / brnab sems dang / gnod sems kyi skyon gyis dmyal ba yang sos su 'gro bar 'gyur ba yin no/ /de ltar yin pas kyang sman pa mi bya'o/ /yang dge sbyong ngan pa dge sbyong du khas 'ches pa gdon du gyur pa/ rkun ma skyes bu sdig can sman pa'i skyon gzhan ni gang nad rnams shin du stobs dang ldan par gyur pa na de'i tshe gang yang grong gzhan dang gzhan so so tha dad pa rnams kyi shing ljon pa dang / 'khri shing dang / shing gel pa rnams kyang des nor gyi don du ste/ sems can gyi gnas kyis kun du bsdus pa/ nang na nye bar gnas pa'i srin bu rnams kyis rten du gyur pa rnams nor gyi don du dang po kho nar rko bar byed pa 'am/ gcod par byed pa yang byed do/ /des brkos</font><hr>65.175b<br><font size=+1>

par gyur pa na sa la gnas par gyur pa'i srog chags shun pa dang rtsa ba la rten pa rnams 'dzin par byed pa dang / tshad rnams kyang rab tu bshig par byed do/ /gcod pas ni de'i nang na gnas pa'i srin bu rnams kyang gsod par byed do/ /de'i tshe rten par gyur pa'i srog chags rnams kyang gsod par 'gyur ro/ /'di ni sman pa byed pa rnams kyi skyon gzhan yin no/ /de de ltar 'tsho ba ngan par gyur pa chos ma yin pa dang / yang dag par ldan pa'i yid can rnams ni bsam gtan la snyoms par 'jug pa la ji ltar dga' bar 'byung bar 'gyur te/ de ni rjes su chags pa'i yid can yin no/ /gzhan yang sems ngan pa la skyon stobs dang ldan par 'gyur te/ de bzhin du bsam pa ngan pa la sems pa'i sdig pa can de yang chos ma yin pa yul 'khor 'joms pa sems par byed do/ /ji ltar sems can rnams yul ljongs rnams 'joms par 'byung bar 'gyur ba de'i tshe/ de las bdag la mchod par 'gyur ba dang / rdzas dang / zas dang / skom dang / stan dang / gnas mal dang / rab tu phal che ba'i rnyed pa dang bkur sti 'byung bar 'gyur ro/ /'dod pas nye bar bcom par gyur pa'i blo de dge ba rnams la sems par mi byed do/ /bsam gtan la snyoms par 'jug pa'i rang bzhin can yang ma yin no/ /bla ma dag la nye bar sten par mi byed do/ /dge ba'i bshes gnyen rnams dang 'grogs par mi byed do/ /sangs rgyas la phyag 'tshal ba'i rang bzhin can ma yin no/ /bya ba ngan pa byed pa de lus zhig nas ngan song ngan 'gro log par ltung ba dmyal ba rnams su skye bar 'gyur ro/ /de de las 'chi 'phos nas gal te lan grangs gzhan la myong bar 'gyur ba'i las legs par byas pa rnams kyis mir skyes na yang sman pa ngan pa de'i las rnams kyi mthus de rtag tu nad pa dbul po dang tshe thung bar yang 'gyur ro/ /sman pa byed pa'i skyon gzhan rnams ni yang rlung dang / mkhris pa dang / bad kan de dag rnams ni gang gi phyir tha mal pa yin</font><hr>65.176a<br><font size=+1>

pa'i phyir na bsgrub par bla ba yin la thog ma med pa'i dus nas 'jug par 'gyur ba lus dang lhan cig tu 'grogs par gyur pa'i ngan song du 'gro ba rnams ni rtogs par yang mi 'gyur ro/ /so so'i skye bo thos pa dang mi ldan pa/ dge sbyong ngan pa dge sbyong du khas 'ches pa de ni 'jigs par 'gyur ba'i lus 'chos par byed kyi/ skra dang kha spu bregs nas gos ngur smig bgos te/ rab tu byung bar gyur pa/ gang gi don du rab tu byung bar gyur nas kun nas spong bas 'dod chags zhe sdang gti mug gis thog ma med pa'i dus nas 'jug pa'i lus srig pa 'chos par mi byed do/ /gang gis kyang 'di dag sreg par 'gyur ba des kyang gang gi phyir lus rnams bsregs pas shin tu sreg par byed pa dang / rnam par chud gzan zhing rnam par chud gzon par byed do/ /phyi bzhin rjes su 'brel nas lam du 'gro ba na 'grogs par byed pa'i skyon chen po gsum po 'dod chags zhe sdang gti mug de dag rnams yongs su btang nas gzhan rnams la kun tu 'pho bar byed pa de'i rab tu byung ba don med par 'gyur ro/ /gso ba ngan pa'i skyes bu rang gi sems kyis yongs su bslus pa skyes bu gti mug can bslus par gyur pa yang yin te/ dper na blo gros dman pa'i skyes bu 'ga' zhig rtsa ba med pa/ grogs med pa/ nor med par stobs dang ldan pa'i dgra zhig 'ongs par gyur na dgra de ni 'dis brtsad par bya ba dag gis bya bar mi nus so/ /stobs kyis kyang bzlog par mi nus te/ dgra bo 'di ni shin du stobs dang ldan pas de brtan pa dang ldan par 'gyur ro/ /thos pa dang mi ldan pa'i byis pa so so'i skye bo de rnams kyis dgra de'i 'jigs pa ma rtsis par dman pa'i skyes bu gzhan dgra 'jigs pas skrag cing lhan cig tu dbang du gyur nas 'grogs par byed do/ /de de ltar dran pa ngan pa shes rab 'chal ba/ le lo can skyes bu bag med par gyur pa/ song zhing 'thungs par byed pa ji srid du gzhan gyi chung ma dang bag</font><hr>65.176b<br><font size=+1>

med pa rnams sten par byed pa 'di dag ni dge slong ngan pa dge slong du khas 'ches pa rang gi dgra rnams bzod par byed do/ /stobs chen pos brtson pa du mas kyang 'jig rten las 'das pa'i phyi bzhin rjes su 'brang bar 'gyur bas zil gyis mnan nas des shin du spro ba'i gnas la 'dris par byed cing rnam par rtog pa dang mnyam par 'jug pa gang ches stobs dang ldan pas rjes su 'brang ba/ 'dod chags zhe sdang gti mug rnams bzod par byas nas gang dag lus rab tu byung bar gyur pa/ rang gi skye bo dang / grogs po dang / bu mo rnams yongs su spangs pas rab tu byung ba'i yid bor te/ rdzas kyi rgyus gzhan dag gi dbang gis lhan cig tu 'gro bar byed do/ /ji ltar nga ni khyed rnams la rlung dang / bad kan dang / mkhris pa rnams dgrar 'dod do/ /de dag rnams bdag cag gis 'di ltar go bar bya ste/ yid rnam par dkrug par byed pa dang / 'chi bdag gi rgyal po yang gsum du 'gro ba'i dgra gsum po 'di dag rnams yin te/ bzlog par dka' ba'i 'dod chags zhe sdang gti mug gang yin pa 'dis 'dod pa'i thag pas bcings nas shin du bag med par 'jig rten pha rol du 'khrid par byed do/ /don gyi mchog la bag med pa nor gyi 'dod pa rab tu stobs che ba rnams kyis blo sdug bsngal bar byed pa yin pa de'i phyir skyon de dag rnams go bar gyis la sman pa ma byed cig /gal te 'ga' zhig 'chos pa'i sman pa byed na gang gzhan dag rnams su de bde bar mi 'gyur ro/ /de nas de'i tshe bcom ldan 'das des tshigs su bcad pa gsungs pa ji ltar/ bad kan la sogs skyon ma yin/ /skyon gzhan 'dod chags la sogs 'dod/ /bad kan sogs kyis ngan song du/ /yid can skye bar 'gyur ma yin/ /sems kyi skyon rnams 'di dag gis/ /ngan song ston par byed pa yin/ /de phyir de dag zhi ba nyid/ /mchog yin bad kan sogs 'dir min/ /thog mthar mchog tu legs par ni/ /chags la kun bstan</font><hr>65.177a<br><font size=+1>

'thob pa min/ /gang sems sman pa de sman pa/ /lus kyi sman pa sman pa min/ /yid 'chos pa na shes par dka'/ /de bzhin min 'dod 'jig rten pa'i/ /de ltar bcom ldan 'das 'od srung kyis rgyu 'dis na rab tu byung bas sman pa ma byed cig ces gsungs so/ /sman pa byed pa la skyon gzhan yang yod pa ni 'di lta ste/ sman pa byed pa na skyon du ma 'phel bar 'gyur te/ 'dod pas zil gyis gnon par byed do/ /phyir rtsod par byed par 'gyur la sman pa gzhan de la smad ra yang smra bar byed do/ /'tsho ba rnams yang nye bar 'joms so/ /de la 'di dag rab tu skye ste/ shin du yang yi dgas su skye ba'i rgyu byed do/ /de ltar dri ma rnams kyis zil kyis gnon par 'gyur ba'i sems g.yo bas gti mug stobs che bar 'gyur ro/ /de gti mug gis zil kyis mnan pas bud med kyi 'gro ba legs par mngon par mthong na tshul bzhin ma yin pa yid la byed pas 'khrid par 'gyur ro/ /blo gros rmongs pa de bud med dag mngon par mthong nas 'dod chags kyis zil gyis gnon no/ /skyon de dag rnams bad kan la sogs pa de dag la med do/ /'dod chags la sogs pa'i skyon rnams la bcos gyis dang / dmyal ba dang / yi dgas dang / dud 'gro'i 'gro ba rnams kyi rgyur gyur pa'i stobs che ba yin gyis/ de yang de ltar gyur pas bud med kyi 'gro ba mthong nas tshul bzhin ma yin pa yid la byed pas 'khrid par 'gyur ro/ /dran pa rmongs pa de bud med dag mthong nas 'dod chags kyi zil gyis gnon par 'gyur ro/ /rab tu byung ba rnams kyis 'dod chags la sogs pa rnams rtag tu rtogs pa la rab tu brtson par bya'i bad kan la sogs pa rnams ni ma yin no/ /'di dag ni chos gzhan gnyis pa yin te/ dge sbyong mya ngan las 'das pa la kha phyogs pas mi bya ste/ bsam gtan la snyoms par zhugs pa na rnam par sreg par byed pa'i phyir ro/ /gzhan yang chos gsum pa yongs su spang</font><hr>65.177b<br><font size=+1>

bar bya'o/ /'di yang gang zhe na/ 'di lta ste/ ri mo'i las byed pa'o/ /ri mo'i las byed pa'i rab tu byung ba rnams ni 'dod chags kyis rab tu 'byung bar bya ba yin te/ kha dog gi 'du shes can gyis 'dod chags gzhan skyed par byed pa yin no/ /las rnam pa sna tshogs pa rnams kyis 'jig rten 'di bor nas kha dog sna tshogs par gyur pa gzhan rnams byed do/ /sems rnam par bkra ba rnams mngon par mi shes par gzhan kha dog rnam pa sna tshogs pa rnams de byed do/ /de la rab tu byung ba rnams kyis rtag pa kho nar las rnam pa sna tshogs pa rnams shes par bya ste/ sems ri mo mkhan gyis don dam pa'i tshon chen po lngas 'gro ba lnga tshon gyis bsgo bar byed do/ /ji ltar sems ri mo mkhan dang / tshon chen po lnga po rnams gang zhe na/ mchog tu rgya che ba'i dad pa la sogs pa dkar po'i las rnams shin du sbyangs pa'i kha nas dang / 'dun pas rab tu sbyin pa mdun du byas pas mchog tu rgya che bar gyur pa dri ma rnams dang / ser sna'i dri ma dang rnam par bral bar gyur pa/ mchog tu dga' ba'i yid kyis tshul khrims kyi ri la legs par langs pa'i tshul khrims kyis lha rnams rnam par bkra bar sems ri mo mkhan gyis bris pa'o/ /gzhan yang dge sbyong gis sems kyi las 'di dag nye bar gzung bar bya'o/ /'di lta ste/ mi rnams ni dman pa dang / bar ma dang / khyad par du 'phags pa'i las rnams kyi tshon mang pos rnam par bkra bar byas so/ /de la gang dag nor rnams dang ldan pa dang / mchog tu tshul khrims dang ldan pa de dag rnams kyang mchog tu dkar ba'i las kyi tshon rnams kyis rnam par bkra bar byas so/ /gang yang mchog tu nor rnams dang ldan pa/ tshul khrims dang ldan pa de dag ni nag po dang dkar po gnyis kyi tshon gyis rnam par bkra bar byas so/ /gang dag nor chung ba tshul khrims dang ldan pa de dag ni dkar po dang dmar ba'i tshon gnyis kyis rnam par bkra bar</font><hr>65.178a<br><font size=+1>

byas so/ /gang dag dbul po tshul khrims 'chal ba de ni nag po'i tshon gyis rnam par bkra bar byas so/ /gang dag brtson 'grus dman pa 'dod chags stobs che ba de ni nag po dang dbul po'i tshon dag gis rnam par bkra bar byas so/ /gang dag gzugs dang ldan pa mchog tu rigs bzang bar gyur pa de rab tu dang ba'i tshon dkar pos mngon par bris so/ /gang dag bar ma'i rigs su skyes pa de dag ni dmar po'i tshon gyis mngon par bris so/ /gang dag nyung bar gyur pa de dag ni nag po'i las rnams kyi tshon gyis sems ri mo mkhan gyis mngon par bris so/ /gang yang rgyal po 'am rgyal po'i blon po legs par byas pa'i las rnams 'das nas mdun du mi dge ba mang po rnams byed par gyur pa de dag rnams kyi dkar po'i mdog 'di dag rnams ni nyams nas kyang nag po nye bar 'phel bar 'gyur ro/ /gang yang dbul por gyur pa rigs shin du dman par skyes pa de'i kha dog nag po'i las byas pa rnams ni nub par gyur nas kyang dkar po'i mdog rnams kyang rab tu 'byung bar 'gyur ro/ /gang yang bar ma'i rigs su gyur pa gzugs phun sum tshogs pa dang / las kyang bar ma rnams byed par gyur pa de dag rnams ni sems ri mo mkhan gyis dkar po dang dmar po dag gis bkra bar byas so/ /de ltar tshon du ma rnams kyis mi'i 'jig rten mchog tu bkra bar gyur pas mchog tu bkra bar mngon par bris so/ /gzhan yang 'gro ba gzhan la rnam par lta bar bya ste/ gang dag ce na/ 'di lta ste/ dmyal ba'i 'o/ /dmyal ba rnams yang sems ri mo mkhan gyis gnyis kyis mngon par bris par gyur pa la 'di lta ste/ ser po dang nag pos kyang ngo / /de la ji ltar ser pos yin na 'di lta ste/ tshon nag pos yang 'di lta ste/ phrag dog go/ /dman pa dang bar mar gyur pa'i dmyal bar skyes pa rnams ni mdog gnyis nyid kho nas rnam par bkra bar</font><hr>65.178b<br><font size=+1>

byas par gyur pa 'di lta ste/ sngon po dang nag po dag gis so/ /de ltar dmyal ba rnams tshon rnams kyis rnam par bkra bar byas pa nges par rtogs par gyur pa dang / yang 'gro ba gzhan la rnam par blta bar bya ste/ gang zhe na/ 'di lta ste/ yi dgas rnams so/ /yi dgas rnams kyang mchog tu sdug bsngal bar gyur pa ste/ phrag dog dang ser sna dag gis rnam par bkra bar gyur pa'o/ /de dag rnams ni nag po'i tshon rnams nyid kyis kyang rnam par bkra bar byas te/ kha dog nag por gyur pa'i mun pa rnams na rgyu zhing spyod par 'gyur ro/ /bkres pa dang skom pas bsregs pa'i yi dgas rnams ni las nag po dang nag po'i lus de dag thams cad nyid kyang las gcig gi tshon gyis rnam par bkra bar byas pa'o/ /gzhan yang dud 'gro rnams kyang las gang dag gi tshon gyis rnam par bkra bar byas pa yin na/ nag po dang dmar po'o/ /de la gang dag mchog tu sdug bsngal bar gyur pa/ phan tshun du 'jigs pas 'jigs par gyur pa de dag rnams ni nag po'i tshon nyid kyis rnam par bkra bar byas so/ /gang yang phan tshun du 'jigs pas 'jigs par gyur pa de na dmar po'i tshon rnams nyid kyis sems ri mo mkhan gyis bkra bar bris so/ /de dag rnams kyang gzhal du med pa'i dud 'gro rnams yin te/ phan tshun du gsod pa dang 'ching bas 'jigs par gyur pa de dag rnams kyang mdor bsdu na nam mkha' la rgyu bar gyur pa rnams las gang dag sha za bar byed pa yang 'di lta ste/ rma bya dang / bye'u lA ba ka dang / ngang pa la sogs pa'o/ /sa gzhi la spyod pa yang ba lang dang / ma he ShA dang / phag pa dang / nags phyugs la sogs pa'o/ /chu la rgyu ba yang nya la sogs pa ste/ de dag rnams ni nag po'i tshon gyis rnam par bkra bar byas so/ /gang dag gsod pa'i 'jigs pa can ma yin pa de dag rnams ni dmar po'i tshon gyis bkra bar byas te/ dper na mtho</font><hr>65.179a<br><font size=+1>

ris kyi bya rnams so/ /de ltar 'gro ba lnga po de dag phal cher tshon sna lngas bkra bar byas so/ /kye ma de nyid dpyod par byed pas nyam thag par chud pa'i mchog tu sdug bsngal ba sdug bsngal sngar nub par gyur pa/ bag med par rjes su tshol bar gyur pas phan tshun du gnod par byed pas/ bkres pa dang skom pas byas pa'i sdug bsngal rnams kyis nye bar bcom par gyur pa'o/ /des de ltar rnam par ngo mtshar ba rnams la ma spyad par snyoms smad pa dang / le lo can du gyur pa bsam gtan sgom pa'i rang bzhin can ma yin la/ sems ri mo mkhan mi shes par rang gi skye ba las gzhan du gyur pa'i ri mo rnams sems par byed do/ /rab tu byed do/ /de la mchog tu yang rnam par bkra bar gyur pa de dag nyid ni 'di lta ste/ 'khor ba'i skye ba dang / rga ba dang / 'chi ba dang / mi sdug pa rnams dang phrad pa dang / sdug pa rnams dang bral ba dang / grang ba dang / tsha ba dang / bkres pa dang / skom pa dang / phan tshun mi dga' bar byed pa dang / dga' bar byed pa'i rtag tu gar byed par gyur pa'i bde ba dang sdug bsngal rnams dmyal ba dang / yi dgas dang / dud 'gro dang / lha dang / mi rnams su sna tshogs pa'i las kyi go 'phang bris par gyur pa'i 'khor ba ngo mtshar ba de don du gnyer ba yang ma yin no/ /yid la mi byed pas skyo ba mi skye'o/ /ji srid du gzhan bsam gtan la snyoms par 'jug pa na rnam par 'tshig par 'gyur ba'i ri mo gzhan byed do/ /dge sbyong rnam par 'tshig par gyur pa'o/ /gzhan yang rim pa gzhan dag gis mchog tu rnam par bkra ba'i 'khor ba la dpyod par byed de/ ji srid tshon gzhan rnams kyis rnam par bkra bar byas pa la dpyod par byed do/ /'di lta ste/ rnam par bkra bar gyur pa'i yul rnams dang nye bar 'brel bar gyur pa gang gis bcings pa'i sems dus yun ring du dmyal ba dang / </font><hr>65.179b<br><font size=+1>

yi dgas dang / dud 'gro'i 'gro ba rnams la yongs su 'khyam mo/ /ji ltar zhe na/ 'di lta ste/ gang gi tshe mig gis gzugs sdug pa yid du 'ong bar gyur pa yul gyi 'dod chags skyed par byed pa rnams mthong bar gyur na de de dag rnams la chags par 'gyur ro/ /de dag ni nag po'i tshon gyis byugs pa yin no/ /dmyal ba dang / yi dgas dang / dud 'gro rnams su skye bar 'gyur ro/ /gang gi tshe gzugs de dag nyid mig gis mngon par mthong bar gyur nas/ 'di ltar sems par byed de/ ji ltar gzugs 'di dag rnams ni mi rtag pa mi brtan pa yongs su mi 'gyur ba'i chos ma yin pas na chos tsam du gyur pa'i 'khor ba 'di la 'dod chags par mi bya'o/ /de'i tshe dkar po'i tshon rnams kyis bskus nas lha dang mir skye bar 'gyur ba dang / gang mya ngan las 'das par 'gro bar yang 'gyur ro/ /de ltar mig gis rnam par shes par bya ba rnams la mi chags so/ /rab tu rtog par mi byed do/ /spro bar mi byed do/ /'dun pa'i 'dod chags su mi byed do/ /mchog tu dkar por gyur pa'i las rnams kyis lha las kyang ches lhar gyur pa rnams dang mi rnams su bde bar 'gyur ro/ /de ltar yang dge sbyong ngan par gyur pa 'dis spyod par mi byed do/ /bsam gtan du mi byed do/ /de bzhin du mig gis rnam par shes par bya ba'i yul rnams la gang gi tshe 'di chags par gyur nas yang dag pa ji lta ba yin par go bar byed par gyur pa de'i tshe nag po'i las rnams byed par 'gyur ro/ /des nag po'i las rnams ma rtogs par blo dman pa de tshon rnams kyis rnam par bkra bar byed do/ /de'i phyir na bsam gtan la snyoms par 'jug pa na rnam par sreg par 'gyur ba'i las rnams mi bya'o/ /byas par gyur pa rnams kyang dge sbyong gis yid la mi bya'o/ /gang dag ce na/ </font><hr>65.180a<br><font size=+1>

'di lta ste/ rna bas rnam par shes par bya ba'i sgra yid du 'ong ba rnams yang ste/ de la yid du 'ong ba rnams la gang gi tshe chags par gyur pa na yang dag pa ji lta ba bzhin kun nas lta bar byed de/ ji ltar sgra 'di dag rnams ni mi brtan pa/ mi rtag pa/ rab tu rnam par nyams par 'gyur ba'i chos can no zhes de ltar rnam par shes pa chags par mi byed do/ /kun tu spro bar mi byed do/ /rab tu rtog par mi byed do/ de'i tshe 'dis dkar po'i mtha' rnams byas par gyur pa yin no/ /mchog tu rgya che ba'i tshon des kyang lha dang mi rnams su skye bar 'gyur bar mchog tu rnam par bkra bar byas par gyur pa yin no/ /de la dge sbyong ngan pa dge sbyong du khas 'chis pa 'dis sgra rnam par bkra ba de la dpyod par mi byed pa nas ji srid du ri mo'i las gzhan rnams byed pas bsam gtan la snyoms par zhugs pa na rab tu sreg par 'gyur ro/ /gzhan yang sgra de nyid thos par gyur nas sman pa blo rab tu dman pa thos pa dang mi ldan pa/ byis pa so so'i skye bo de ltar rab tu 'jug par byed do ji ltar yid du 'ong ba'i sgra tshim pa skyed par byed pa/ yid 'phrog par gyur pa de nyid kyi de tshul bzhin ma yin pa yid la byed pas rab tu rtog par byed do/ /'dun pa skyed par byed do/ /de la chags pa dang ldan pa 'gyur ro/ /de dag ni nag po'i tshon dang ldan pas sems ri mo mkhan gyis dmyal ba dang / yi dgas dang / dud 'gro rnams nye bar bris pa yin no/ /dge sbyong ngan pa 'di las rnam par bkra ba de dag btang nas gzhan dag nyid du ri mo bkra bar byed do/ /bsam gtan la snyoms par 'jug pa na rnam par sreg par 'gyur ro/ gzhan yang 'khor ba rnam par bkra bar gyur pa de ma bsams par dge sbyong ngan pa gzhan nyid du ri mo bkra bar byed do/ /gang zhe na/ 'di ltar dbang po'i yul gyis nye bar kun nas bcings par gyur pa'i 'khor</font><hr>65.180b<br><font size=+1>

ba 'di yid du 'ong bar byed pa'i yid kyis 'joms par byed do/ /ji ltar zhe na/ 'di ltar sna'i rnam par shes pas dri rnams la'o/ /de gang gi tshe skyes bu dam pa rnams ni snas dri zhim po 'am mi zhim pa rnams kyang mi 'dzin no/ /de mi mdzes pa rnams la yang kun du mi chags so/ /tshul bzhin ma yin pa yid la byed pas mi 'phrogs so/ /de bzhin du dri 'di dag rnams ni mi rtag pa/ mi brtan pa/ ther zug ma yin pa/ yongs su 'gyur ba'i chos can dang / chos rnams 'byung bar mi 'gyur ba dang / byung nas kyang phyir ldog par 'gyur ro/ /de ltar gang gi tshe yang dag pa ji lta bar gyur pa na dri rnams snom pas de ltar de chags par mi 'gyur ro/ /kun du spro bar mi byed do/ /de'i tshe dkar po'i chos rnams yang dag par 'phel bar 'gyur ro/ /kha dog gis shin du 'bar bar yang mi 'gyur ro/ /yang dag pa ji lta bas dang yongs su shes par gyur pa de dag gis lha dang mi rnams su ste/ de dge sbyong ngan pa 'dis las rnam par bkra ba de dag bor nas gzhan dag rnams nyid du ri mo'i las rnams byed pas bsam gtan sgom pa na rnam par sreg par byed do/ /gzhan yang dri zhim pa dang mi zhim pa'i dri de dag rnams nyid snom par byed pa na dri de dag rnams nyid la chags par byed do/ /sbyor bar byed do/ /spro bar byed do/ /tshul bzhin ma yin par yid la byed pas 'di 'phrog par 'gyur ro/ /gshe bar bya ba'i gnas su gyur pa de nag po'i las rnams kyis byugs par gyur nas dmyal ba dang / yi dgas dang / dud 'gror 'khor bar byed pa gang yin pa'i las rnam par bkra ba gzhan de dag rnams nyid dge sbyong ngan pa 'dis spangs nas ri mos rnam par bkra ba'i las rnams byed do/ /bsam gtan sgom pa na rnam par sreg par 'gyur ro/ /gzhan yang las rnam par bkra ba rnams la 'di</font><hr>65.181a<br><font size=+1>

lta ste/ lce'i rnam par shes pas ro yid du 'ong bas yid du 'ong bar 'gyur ba'i ro rnams myangs par gyur na yang dga' bar mi byed do/ /khro bar mi byed do/ /'ching bar mi 'gyur ro/ /tshul bzhin du yid la byed pa dang ldan pas ro de nyid rnam par 'byed par byed pa ste/ ji ltar ro 'di dag rnams ni byung nas kyang med par 'gyur ro/ /lag pa'i mthil gyis bcug par gyur pa'i zas 'di dag rnams ni lce la 'babs so/ /de rnams la mngar myos zhes bya ba'i srin rnams kyis kyang reg nas lhan cig tu myang bar byed pa nyid na glad pa las snams zhes bya ba'i blo 'byung ba'i glad pa rnams rab tu zags nas sna'i sbubs nang na mar rab tu 'babs par 'gyur la/ rab tu zags pa'i rnag gi thigs pa de dag rnams dang lhan cig tu lces g.yugs shing 'gram so'i rang thag gi dbus su phye mar btags pa rnams lces myang bar byed pa gang gis byis pa 'di dag rnams 'ching bar byed pa yin no/ /ro de dag rnams nyid yang dag pa ji lta ba bzhin du 'dis sems par byed do/ /des tshul bzhin yid la byed pas rnam par 'byed par yang byed do/ /'di ni dkar po'i kha dog rnams dang yang dag par ldan pas lha dang mi rnams su mchog tu skyid par 'gyur ro/ /dge sbyong ngan pa dge sbyong du khas 'ches pa 'dis de ltar las rnam pa sna tshogs pa rnams kyis 'jig rten 'di rnam par bkra bar byas pa de dag rnams mi rig par bsam gtan bsam par byed pa na bar du gcod pa'i ri mo bkra ba gzhan dag rnams nyid byed pa yin no/ /gzhan yang lce la babs par gyur pa'i ro de dag nyid la srin mngar myos kyis reg par gyur pa rnams la myang bar byed pa na blo gros dman pa'i phyir na/ kye ma zas 'di dag ni shin du dga' bar gyur pa/ mchog tu bsod pa/ mchog tu mdzes pa/ mchog tu rgya che ba'i mdog dang / ro dang dri dang ldan</font><hr>65.181b<br><font size=+1>

par gyur pa/ mchog tu gtsang bar gyur pa zhes zas de'i rgyags pas rgyags nas/ lus dang / ngag dang / yid kyis nyes par spyad pa rnams spyod pa 'di dag rnams ni tshon nag pos rnam pa sna tshogs par byas nas dud 'gror skye bar 'gyur ro/ /tshul bzhin ma yin pa yid la byed par kun nas 'khrid par byed do/ /de dge sbyong ngan pa dge sbyong du khas 'ches pa 'dis las rnam pa sna tshogs pa de dag rnams bor nas bsam gtan sgom pa na bar chad byed par 'gyur ba'i tha mal pa'i las gzhan rnams nyid byed do/ /gzhan yang rnam par bkra bar byed do/ las gang dag gis 'jig rten 'di dag rnams rnam par bkra bar byas pa yin no/ /dper na 'jig rten dbang po btul po rnams ni yul rnams kyis 'khrid par byed do/ /'di lta ste/ lus kyi rnam par shes par bya ba reg bya'o/ /de la gang dag yang dag pa ji lta ba kho nar tshul bzhin yid la byed pas 'khrid par byed de/ ji ltar yang reg bya zhes bya ba'i don 'di yang reg bya ni gsum 'dus pas kun du skyes pa yin te/ 'di ni rtag pa ma yin/ brtan pa ma yin/ ther zug ma yin/ byed pa po ma yin gyi/ 'di ni mdog tsam 'ba' zhig gis yid dga' bar gyur pa dang / lus 'di ni dbang po'i rjes su 'thun pa tsam 'ba' zhig tu gtsang ba yin gyi rtag pa ma yin no/ /bde ba ma yin/ bdag dang bcas pa yang ma yin gyi/ 'di ni tshogs pa 'dus pa tsam 'ba' zhig yin te/ 'byung ba chen po bzhi las byung ba'i za ma tog tu gyur pa'o/ /zug rngur gyur pa rtag tu nye bar 'tshe bar byed pa/ rtag pa kho nar yang nad kyis nye bar 'tshe bar byed pa/ nye bar 'tshe ba thams cad kyis 'khrid par byed pa yin no/ /de gang dag kho nas yang dag pa ji lta bar lus de nyid dang reg bya la yang so sor rtog par byed do/ /de'i tshe 'di reg byas 'di 'khrid par mi 'gyur ro/ /reg bya 'di ni gzhan ma yin gyi reg bya 'di ni blo bur</font><hr>65.182a<br><font size=+1>

'ba' zhig go/ /'di ni nye bar 'tshe ba dang bcas pa'o/ /rang dbang med pa yin no zhes gang dag de bzhin du tshul bzhin yid la byed pas dpyod par byed do/ /de dag rnams ni dkar po'i tshon gyis rnam par bkra bar byas nas lha dang mir skye bar 'gyur ba de dge sbyong ngan pa dge sbyong du khas 'ches pa 'dis dpyod par mi byed do/ /sems ri mo mkhan gyis 'jig rten pa 'di'i las rnams rnam par bkra bar byas par gyur pa de 'dis btang nas bsam gtan la snyoms par 'jug pa na bar chad byed pa'i tha mal pa'i tshon rnams kyis ri mos bkra ba'i las gzhan rnams nyid byed do/ /gzhan yang reg bya de nyid la thos pa dang mi ldan pa'i byis pa so se skye bo blo gros dman pa rnams kyis reg bya de gzhan nyid du rnam par rtog par byed do/ /tshul bzhin ma yin pa'i yid la byed par gyur pas ji ltar bdag gi reg bya 'di dag ni mchog tu bde bar gyur pa/ mchog tu lus rgyas pa'i rgyu 'dis bdag tshim par byas pa dag gis bdag bde bar gnas par bya'o/ /de bzhin du thos pa dang mi ldan pa'i byis pa so so'i skye bo gang yin pa de dag rnams kyis reg bya la tshul bzhin ma yin pa'i yid la byed pas dpyod par byed do/ /'di dag rnams ni tshon nag po dang kun nas ldan par gyur pas dmyal ba dang / yi dgas dang / dud 'gro rnams su skye bar 'gyur ro/ /de ni tshon nag pos rnam par bkra bar byas pa yin no/ /de dge sbyong ngan pa dge sbyong du khas 'ches pa 'dis dpyod par mi byed cing las rnam par bkra ba de dag spangs nas bsam gtan sgom pa na bar chad byed par 'gyur ba'i rnam par bkra ba gzhan nyid du gyur pa 'jig rten pa'i tshon gzhan nyid kyis rnam par bkra bar byed do/ /gzhan yang dge sbyong du khas 'ches pa 'jig rtan pa'i las rnams la mngon par dga' bar gyur pas yid kyis dam pa'i chos rnams</font><hr>65.182b<br><font size=+1>

sems par mi byed do/ /'phags pa'i bden pa bzhir 'gog pa dang lam rnam pa bcu drug dbugs 'byung ba dang rngub pa dran pa dang / bsam gtan bzhi dang / tshangs pa'i gnas pa bzhi dang / 'bras bu bzhi dang / chos de dag rnams spangs nas rang bzhin gyis mi shes par gyur pa/ chags pas bdag gi sems kun nas bsgo bar byed pa 'ba' zhig tu gyur pa gzhan nyid byed de/ bsam gtan sgom pa na bar du gcod par byed par gyur pa gzhan du na kun nas nyon mongs par gyur pa shes pa ma yin pa'i rnam par bkra ba'i las gzhan rnams nyid byed do/ /gang gi rgyus tshul bzhin ma yin pa'i yid la byed pa rnams 'phen par gyur pas lus zhig par gyur pa dang ngan song log par ltung ba dmyal ba rnams su skye bar 'gyur ro/ /gzhan yang skyon chen por gyur pa gang gi tshe bud med rnams mngon par 'drid par byed pa ni dmyal bar 'gro bar 'gyur ba'i rgyu yin te/ mdzes par gyur pa/ rgyan dang cha byed sna tshogs pa dang ldan pa mthong na sdug par gyur pa'i gzugs byis pa'i skye bo rnams yid 'phrog par byed pa'i lus mngon par mthong nas kyang de dag rnams yid 'phrog par 'gyur ba dang / yid 'dod chags su chud par yang 'gyur na gang dag 'dir bud med dngos su yod pa rnams la lta ci smos/ gzhan dag rnams dang bdag nyid kyang kun du 'dod chags par byed pa po'i lus zhig par gyur pa na ngan song log par ltung ba dmyal ba rnams su skye'o/ /de nas de'i tshe bcom ldan 'das 'od srung des tshigs su bcad pa gsungs pa ji ltar/ las kyis bkra ba ma bsams par/ /gang zhig ri mo la 'jug pa/ /ri mo'i las kyis de bsregs nas/ /dmyal ba'i rjes su rgyug pa yin/ /gang zhig bde legs mi sems par/ /zag bcas la ni nyer chags pa/ /snying la chags can rmongs pa de/ /g.yang sa'i rjes su rgyug pa yin/ /yod pa la brten skyes bu gang / /bsam gtan sgom par byed pa na/ /rang nyid bkra ba de btang nas/ /</font><hr>65.183a<br><font size=+1>

de la byis rnams rab tu chags/ /ri mo'i las la rnam spyod pa'i/ /ri mo'i zhags pas byis pa de/ /ri mo'i las kyis rmongs pa yis/ /dbang med par ni dmyal bar khrid/ /tshon gyi ri mo bkrar gyur yang / /sems kyi ri mo'i dper mi phod/ /char gyis ri mo de rab 'jig /las kyi ri mo 'di 'jig min/ /shin du bkra ba'i ri mo gang / /ri mo dam par de mi 'dod/ /las kyi ri mo'i ri mo che/ /khams gsum go 'phang bkra bar byas/ /sna tshogs ri mo'i gzugs kyis gang / /sems can 'gro ba lnga na 'khyam/ /las rnams sna tshogs de dag kun/ /ri mo mkhan gyis rnam par bris/ /ri mo mkhan gyi sems 'dis ni/ /las kyi dra ba rnam bkrar byas/ /gang 'di dra bas bcings nas ni/ /'gro ba 'khrul ba rnam par rmongs/ /char chad rdul dang du ba yis/ /tshon skyes ri mo 'jig pa yin/ /bskal pa bye ba stong du yang / /sems kyi ri mo 'jig mi 'gyur/ /sa gzhi rnams na 'jig 'gyur zhing / /rgya mtsho yang ni skam 'gyur yang / /sems kyis byas pa'i ri mo gang / /de ni nyams su myong bar gnas/ /rang gi las kyi ri mo yang / /rnam par rmongs pas ma mthong ngo / /ji srid du ni nor 'dod pas/ /ri mo gzhan ni rab tu byed/ /de'i phyir na bsam gtan sgom par byed pa na bar du gcod par gyur pa skyon du ma kun du rtogs par 'gyur ba ma gus par 'gyur ba la sten par byed pa'i ri mo'i las rnams dge slong gis mi bya'o/ / de dag la rnam par g.yeng bar gyur pa'i yid kyis bde legs thob par mi 'gyur ro/ /dge ba'i las rnams las gcig kyang yid la byas te/ sgom par mi byed do/ /de'i phyir na bde legs lag tu 'ong bar 'dod pa rnams dang / las kyi 'jigs pas 'jigs par gyur pa rnams kyis 'di ltar bslab par bya ste/ tshon gyis bsgo bar mi byed pa'o/ /rjes su gzung ba ste/ 'di ni bdag cag rnams la rjes su gdams pa'o/ /skyon de dag rnams rig par byas la chos gsum pa</font><hr>65.183b<br><font size=+1>

'di dge sbyong gis mi bya'o/ /gzhan yang chos bzhi pa dge sbyong gis mi bya ste/ 'di yang gang zhe na/ thos pa ngan pa snyan dngags sdeb pa'o/ /'di na dge slong gang dag bu dang / bu mo dang / rang gi skye bo rnams dang / spun dang / pha dang / gnyen bshes rnams kyang spangs nas rab tu byung ste/ nyon mongs pa spang ba'i don du bsam gtan sgom par byed par gyur zhing nyon mongs pa rnams kyang yid rtse gcig pas gzhom par bya ba yin gyi/ rnam par g.yeng ba'i yid kyis ni ma yin no/ /gang dag snyan dngags byed par gyur pa de dag rnams ni sna tshogs pa rnams la brten nas blo rnam par g.yeng bar 'gyur ro/ /de'i yid rnam par g.yeng bar gyur pas ni dge ba'i chos rnams kyi bar du gcod par byed par 'gyur ro/ /bsam gtan sgom par mi byed do/ /bsam gtan du mi byed do/ /bla ma la sten par mi byed do/ /dam pa'i chos nyan pa la mngon par dga' bar mi 'gyur ro/ /dkon mchog gsum mchod pa la mngon par dga' bar mi 'gyur ro/ /nges par 'byung ba'i lam la mngon par dga' ba'i rang bzhin can du mi 'gyur ro/ /rtag par rgyun tu yang snyan dngags sdeb pa la mngon par dga' bar 'gyur ro/ /de snyan dngags de'i rten gyi don du thos pa ngan pa rnam pa sna tshogs pa rnams nyan par byed do/ /gang dag chos nyid las 'das par gyur pa nyan pa la dga' bar 'gyur ba tsam 'ba' zhig pa tshul bzhin ma yin pa'i yid la byed pa kun du skyed par byed pa 'brel pa med pa rnams rjod par byed pa dang ldan par gyur pa de dag la yang dge sbyong ngan pa 'di dad par byed do/ /de yang dang yang du nyan par byed pas thos pa ngan pa'i lam de nyid kyis 'khrid par byed do/ /des khrid par gyur pas slar nyid kyang khyim par 'gyur ro/ /de yang dam pa'i chos las kyang yongs su nyams par 'gyur ro/ /de ni snyan dngags la mngon par dga' ba nyid kyis dga' bar gyur pa de sdebs byed par</font><hr>65.184a<br><font size=+1>

gyur gyi/ de bsam gtan sgom pa la ni le lo can du 'gyur zhing dge 'dun gyi nang du 'jug pa dang ldan pa yang ma yin no/ /zas dang gnas la longs spyod pa rnams thams cad kyis kyang de'i bar du gcod par 'gyur ro/ /gang dag le lo can du gyur pa rnams dang po kho nar tshul khrims 'chal bas ni dge 'dun gyi nang du 'jug par mi bya na gnas mal rnams dang / nad gyi rkyen sman gyi tshad du gyur pa dang / gzhan rnams lta brjod kyang ci dgos nas/ gsong por smras pa dang / phyag byas pas kyang le lo can gyi bar chad byed par 'gyur ro/ /bsam gtan du bya ba las snyan dngags gang bsdebs par gyur pa la ched cher byed pas brtsam par 'os pa'i snyan ngags de dag byed la de dag 'ba' zhig tu ni ma zad kyi/ yang dang yang du de la 'gro ba kho na dang / de'i tshe de la rten pa la sems mngon par dga' ba dang / rnam pa sna tshogs pa'i thabs rnams kyi blo rnam pa sna tshogs pa dang / rnam par rtog pa du ma rnams kyis kun nas bcom pa dang / rnam pa sna tshogs pa'i ro rnams skyed par byed pa'i snyan dngags byed do/ /des de'i yid rnam par dkrugs par gyur pas tshe'i 'du byed rnams ni zad par gyur la 'chi bdag gi rgyal po ni nye bar 'ongs par gyur pas bya ba rnams ma byas par yang grogs med cing 'jig rten 'das pa'i lam dang rnam par bral ba gang yin pa'i phyogs su 'gro bar bya dgos so/ /de yang snyan dngags kun tu sdeb pa de la blo song bar gyur pa yin no/ /skyes bu 'di ni des rmongs par gyur nas bar du gcod pa chen po rnams kyis bslus pa'i mchog thob par 'gyur ro/ /gya rgud kyis mi theb par gyur cing dbang po rnams tshang ba dang / rab tu byung bar gyur pa dang / mchog tu dga' ba de dag thob nas kyang ci'i phyir snyan dngags sdeb pas bslus nas dus byed par 'gyur ba ni rang gi don las nyams pa yin no/ /snyan</font><hr>65.184b<br><font size=+1>

dngags byed par gyur pa na skyon gzhan yang yod de/ de yang phal cher rnam par rtog pas nye bar bcom pa'i sems dri ma can dri ma can gyi kun tu spyod pa dag gis snyan dngags byed do/ /rnam par rtog pa de nyid las gzhan rnam par rtog pa de lta bu'i rnam pa ni 'ga' yang mi 'byung ngo / /ji ltar bud med kyi rnam par rtog pa rnams ni dge slong gis mi bya'o/ /rnam par rtog pa des kyang rang nyid sreg par byed do/ /me ji lta bar rang gi rnam par rtog pas sreg par 'gyur ro/ /de ltar bud med kyi rnam par rtog pa rnams kyang byis pa'i skye bo'i tshogs rnams thams cad nyid la skye ba gzhan brgya stong gi bar du yang mthong ba yin no/ /snyen dngags rnams kyang dang po kho na bud med rnams la ci nas kyang 'bab pa yin no/ /de bud med kyi rnam par rtog pas nye bar bcom par gyur pas ji srid du rkang pa nas mgo bo'i bar rnams la de srid du rnam pa du ma'i tshul bzhin ma yin pa yid la byed pa skyed par 'gyur ba byis pa'i skye bo rnams thams cad kyi yid 'phrog par byed par snyan dngags kyis bud med kyi lus kyi cha rnams des rab tu bsngags par byed do/ /mchod par byed do/ /yid la 'ang rab tu 'jog par byed do/ /gtsang ma yin par rab tu ston no/ /de bdag nyid thams cad kyis tshul bzhin ma yin pa yid la byed pas 'khrid par 'gyur la gzhan dag rnams kyang tshul bzhin ma yin pa yid la byed pa de la rab tu 'god par byed do/ /rang dang gzhan yongs su nyams par byed pa po de ni shi bar gyur nas lus zhig pa'i 'og tu ngan song log par ltung ba thabs ma yin pas kun du bcom pa'i dmyal bar skye'o/ /thos pa ngan pa snyan dngags sdeb par byed pa de'i skyon ni 'di yin no/ /gzhan yang thos pa ngan pa snyan dngags rnams sdeb par byed pa'i skyon chen po ni 'di lta ste/ dge sbyong ngan pa de snyan dngags sdeb par byed pas rgyags shing mun par gyur te/ blo shin du long bar gyur pa'i phyir thos pa ma yin/ </font><hr>65.185a<br><font size=+1>

mthong ba ma yin gzhan dag rnams kyi drung na nyan pa yang ma yin no/ /de la 'di snyan dngags sdeb par byed par 'dod pas kyang nges par 'ching bar 'gyur ro/ /rab tu gnas par byed do/ /gzhan dag rnams kyang rnam pa sna tshogs pa'i tshig gi rkang pa rjod pa rnams kyis nye bar 'brel bar byed do/ /ji ltar skye bar 'gyur ba de bzhin du de nyid kyis don de dag rnams dngos mthong bar gyur nas de dag gis skyes bu ngan pa de de bzhin du 'joms par 'gyur ro/ /rang gi sems kyis kun nas slong bas yongs su brdebs pa'i brdzun de dag rnams kyi skyon des lus zhig nas shi ba'i 'og tu thabs min pa'i log par ltung ba dmyal ba rnams su skye bar 'gyur ro/ /snyan dngags sdeb par byed pa'i skyon gyis gzhan yang skyon chen por 'gyur ro/ /thos pa ngan pa snyan dngags sdeb par byed pa rnams kyi ni 'di lta ste/ thos pa ngan pa snyan dngags sdeb pa la mngon par dga' bar gyur pas snyan dngags gzhan dag rnams rnyed pa yang nyan par byed do/ /des de dag rnams thos nas kyang rang gi rnams sgrub pa'i don du rab tu zhe sdang bar byed pa dang / sngon gyi snyan dngags pa rnams la 'phya bar byed do/ /mdzes par gyur pa'i snyan dngags la rab tu zhe sdang bar byed pa'i dge sbyong ngan pa de ni de ltar bsam gtan sgom pas stong par gyur nas gnod sems mngon par 'phel bar 'gyur ro/ /dri ma can gyis las rnams ni kun nas rab tu bsags par 'gyur la/ 'di'i dkar po'i chos rnams ni zad par 'gyur bas 'jig rten pha rol tu bde bar byed pa'i grogs tshangs pa mtshungs par spyod pa rnams de ltar gshe bar byed do/ /thos pa ngan pa snyan dngags sdeb par byed pa rtag tu bag med pa la sems pa rnams la ni gzhan yang skyon chen po yod de/ thos pa ngan pa snyan dngags rnams sdeb pa la ched char byed pa rnams ni nyin med mtshan med du de la blo bzod glags med par gyur nas snyan dngags sdeb pa la shin du ched che bar </font><hr>65.185b<br><font size=+1>

'gyur ro/ /de dam pa'i chos sems par byed pa nyid ma yin no/ /sgom par mi byed do/ /nyon mongs pa rab tu zhi bar bya ba'i ched du mi 'jug go/ /de nyan pa la blo zhugs par gyur na yang dam pa'i chos 'byung bar don med de phyir log nas 'gro'o/ /gang bskal pa stong phrag brgyar yang rnyed par mi 'gyur ba gang yin pa de dag rnams dge sbyong ngan pa dge sbyong du khas 'ches pa 'dis de ltar nyams par byed do/ /thos pa ngan pa snyan dngags sdeb par byed pa la ni gzhan yang skyon chen po yod de/ skyes bu ngan pa de snyan dngags kyi 'dod pa dang / thos pa ngan pa dag gi bstod pas kyang phyin ci log tu smra bar byed do/ /de kun du spyod par gyur pa rnams la rten par byed do/ /smyon pa bzhin du gnas rnams thams cad la rab tu g.yo ba'i blo dang ldan par 'gyur ro/ /log par rjod par byed pa rnams kyis bcings par gyur pa'i bstod pa bsdebs pa rnams la ni don med pa yin no/ /'du byed thams cad yongs su zad par 'gyur ba yin pa'i phyir yang 'di la don med pa yin no/ /snyan dngags kyi rgyags pas zin par gyur pa de dag rnams ni ha cang thal ches par shin tu nyams par gyur nas chang gi btung ba sten par byed do/ /de la sten par gyur pa'i blo rnam par g.yeng bas kyang phan tshun du don byed do/ /chang gis kun nas g.yengs par gyur pa'i blos don chung zad cig byed par 'gyur ba yang ma yin no/ /sems kyang rnam par g.yeng bar byed par 'gyur ba yin pa'i phyir dang / don ma yin pa rnams la 'jug pa po ngan song gi sgor gyur pa'i chang sten par byed pa yin no/ /de chang gis zin pas mi dge ba rnams thams cad byed do/ /bud med dag mngon par mthong nas tshul bzhin ma yin pa'i yid la byed pas 'khrid par 'gyur ro/ /de nye bar khrid par gyur nas dge sbyong ngan pa mi tshangs par spyod par byed do/ /de ni rgyud tshig par gyur pa/ nang rul bar gyur pa/ thos pa dang mi ldan pa/ sred pa'i</font><hr>65.186a<br><font size=+1>

rigs su gyur pa/ bi du la'i me tog bzhin du 'bras bu med pa'o/ /bris pa'i mar me bzhin du 'od med pa bris pa'i zla ba bzhin du gyur pa/ grang ba bzhin du rnam par smad par bya ba de ni de dag rnams kho na bzhin du gyur pas 'di ni gos kyis g.yogs pa tsam 'ba' zhig yin no/ /dge sbyong gi gzugs dge sbyong ma yin no/ /thos pa ngan pa snyan dngags bsdebs par gyur pa'i skyon gyi rtsa ba de las lus zhig par gyur nas ngan song log par ltung ba dmyal bar skye'o/ /de'i phyir gang dag dge sbyong yin par gyur pa de dag rnams kyis thos pa ngan pa snyan dngags sdeb par mi bya'o/ /gal te byed par gyur na yang des dam pa'i chos gsal bar byed par 'gyur ba rnams gang yin pa dang / ci ste yang dam pa'i chos rnams yongs su rtogs par 'gyur ba sangs rgyas kyi bstod pa bya'o/ /dkon mchog gsum la bstod par bya'o/ /dam pa'i chos shin tu bsal bar byed pa'i snyan dngags bya'o/ /de las mya ngan las 'das pa'i mthar thug par 'gyur ro/ /ngal ba 'bras bu dang bcas par 'gyur ro/ /de dag gis de rab tu bsngags par yang 'gyur ro/ /lus zhig par gyur nas shi ba'i 'og tu lha rnams su skye bar 'gyur ro/ /yang dag pa'i snyan dngags bsdebs par gyur pa dang / /dam pa'i chos gsal bar 'gyur ba bsdebs pa dag gis te/ des kyang de ltar bya ba yin gyi gzhan du na bar chad byed par 'gyur ro/ /gzhan yang chos lnga pa dge sbyong dag bsam gtan bsgom pa na bar du gcod par byed pa yin te/ 'di dag rnams kyang gang zhe na/ 'di lta ste/ rgyu skar bgrang ba dang sems par byed pa'o/ /dge sbyong dag dge sbyong du khas 'ches pa rnams kyis gnas skabs thams cad du yang rgyu skar bgrang ba dang bsam par yang mi bya'o/ /de las kyang dge sbyong la 'jig rten pa rnams kyis rnam par smod par 'gyur ro/ /bsam gtan sgom par byed pa na bar du gcod</font><hr>65.186b<br><font size=+1>

par 'gyur ro/ /de bsams pas kyang bsod nams dang tshe'i 'du byed rnams nub par 'gyur ro/ /bde legs rnams kyang 'thob par mi 'gyur ro/ /tshe zad par gyur pa de bya ba ma yin pa byed pa'i phyir nad las dang / rga ba las dang / mya ngan dang / smre sngags 'don pa dang / sdug bsngal ba dang / yid mi bde ba dang / ngal ba rnams las yongs su grol bar mi 'gyur ro/ /dus yun ring por 'khor bar yongs su 'khyam par 'gyur ro/ /'di la rgyu skar bgrangs pa rnams kyis kyang cung zad kyang mi byed do/ /bdag la ma yin zhing gzhan rnams la yang skyob pa ni rgyu skar rnams ma yin no/ /de ci'i phyir zhe na/ las kyis de dag rnams 'jug par byed pa yin gyi rgyu skar rnams ni skyabs ma yin no/ /de ci'i phyir zhe na/ rgyu skar gcig nyid la yang bde ba can rnams dang / sdug bsngal can rnams dang / skye ba gzugs ngan pa dang / gzugs bzang ba dang / rigs dang ldan pa dang / rigs dman pa dang / chos pa dang / chos ma yin pa dang / dbul po dang / phyug po dang / rkun ma dang / rgyal po dang / chom rkun dang / mkhas pa dang / rmongs pa dang / bud med dang / skyes pa dang / tshul khrims dang ldan pa dang / tshul khrims 'chal pa dang / brtson 'grus brtsams pa dang / la lo can dang / 'jig rten pa sdug par 'dzin pa dang / de dag la sogs pa gzhan rnams kyang rgyu skar gcig la skye'o/ /gal te yang rgyu skar rnams rgyu mtshan yin par gyur na/ de la gang dag rgyu skar gcig la skyes par gyur pa de dag rnams thams cad kyang mtshungs par 'gyur ro/ /skyes bu rnams kyis ji skad bshad pa'i rgyu skar rnams ni bgrang bar mi bya ste/ sngon gyi skyon dang yon tan dang bcas pa rnams mngon par mi shes pa'i phyir ro/ /dge ba dang mi dge bar gyur pa'i dus rnams su skar mar gyur pa'i rgyu skar rnams bgrang bar byed do/ /gzhan yang</font><hr>65.187a<br><font size=+1>

rgyu skar 'di dag rnams bgrang ba dang dpyod par byed pa ni 'di lta ste/ rgyu skar rnams ma shar ba dang / gang gi phyir mdun du byas par gyur pas rnam par dag pa rnams kyang nyung ba dang / lhag par 'gyur ba dang / mngon par gsar ba yin pa dang / rgyu skar gyis rgyu skar gzhan rnams zil gyis kyang gnon no/ /gzhan yang gza' skar de nyid kyang dus gzhan na zil gyis gnon par 'gyur ro/ /de dag rnams las rgyu skar mi mdzes pa dang mdzes pa ma yin pa rnams dpyod par byed pa yin no/ /gang sems par byed pa dang bgrang bar byed pa'i rgyu skar rnams kyi dbang gis bde ba dang sdug bsngal ba yin na/ gang gis ji ltar bdag nyid la stobs dang ldan par 'gyur zhing bde ba dang / sdug bsngal gyi dbang du byas nas gang gis zil gyis gnon par 'gyur/ ji ltar na gzhan rnams kyis sdug bsngal dang bde ba byed par 'gyur ba yin/ de'i phyir las rnams nyid kho na las dge legs dang dge legs ma yin pa'i 'bras bu rnams yin no/ /rgyu skar rnams dang gza' rnams kyang gang gi tshe gza' gzhan dang 'khrugs par gyur pa na de'i tshe de dag rnams la yang gang zer zug 'byung ngo / /ji ltar nyi ma dang zla ba dag kyang gza' sgra gcan 'dzin gyis sdug bsngal bar byed do/ /de la gang dag bdag nyid kyi la nus pa med pa de ji ltar gzhan rnams kyi la nus pa 'byung bar 'gyur/ de'i phyir gza' dgu po rnams kyi dpyad ra ni dge sbyong gis mi bya'o/ /dge sbyong du khas 'ches pa rnams kyis mi bya'o/ /'dzin par byed pa gza' chen po rnams ni gsum po 'di dag rnams yin no/ /'di lta ste/ rga ba dang / na ba dang / 'chi ba rnams yin te/ gang zhig rtag tu 'jig rten pa rnams la gnas par gyur pa tha mar 'dzin par byed pa'i gza' chen po gsum po rnams sems par mi byed par ni ji srid du dge sbyong ngan pa dge sbyong du dam bca' bas gza' gzhan 'jig rten pa rnams nyid dpyod par byed do/ /blo gros</font><hr>65.187b<br><font size=+1>

med pa thos pa dang mi ldan pa'i byis par gyur pas skyon dang bcas par gyur pa'i 'jig rten pa'i rgyu skar nyi shu rtsa brgyad po rnams dpyod par byed do/ /gang zhig rnam par dpyad par 'gyur zhing yang dag pa ji lta ba bzhin du so sor brtags par gyur na mya ngan las 'das pa'i grong khyer du legs par 'jug par byed pa'i 'jig rten las 'das pa'i rgyu skar nyi shu rtsa brgyad po rnams ni dpyod par mi byed do/ /de dag rnams kyang gang zhe na/ 'di lta ste/ phung po lnga po rnams dang / nye bar len pa'i phung po lnga po rnams dang / khams bcwa brgyad po rnams so/ /de dag rnams dpyod par gyur pas ni mya ngan las 'da' bar 'gyur ro/ /yang dag pa ji lta bar 'dod chags 'gog par byed pa dang / kun nas sdom pa dang / 'dul bar byed pas kyang mya ngan las 'da' ba yin no/ /dge slong rgyu skar sems par byed pa rnams ni yang rim pa gzhan gyis dge sbyong ngan pa dge sbyong du khas 'ches pa rnams kyis zla bcu gnyis bgrang bar byed do/ /de dag rnams bgrangs pa las kyang don ma yin par 'gyur ro/ /nyon mongs pa rnams spong bar mi byed pa dang / mya ngan las 'da' bar yang mi 'gyur ro/ /'khor ba'i skye mched bcu gnyis 'grang bar byed pa rnams kyis gang dag legs par sdom pa dang / yang dag pa'i don yongs su shes par byed pa dang / 'dod chags dang bral ba dang / legs par kun nas sdom par gyur pa rnams kyis kyang mya ngan las 'da' ba yin no/ /dge sbyong ngan pa dge sbyong du khas 'ches pas de dag rnams ma rtses par kun nas nyon mongs par gyur pa gzhan rnams dpyod par byed do/ /yang gang zhig dpyad par gyur nas nad dang / rgas pa dang / 'chi ba rnams las yongs su 'grol bar mi 'gyur ba'i rim pa gzhan gyis ngan pa rnams sems par byed pa'i dge sbyong ngan pa dge sbyong du khas 'ches pa kun nas nyon mongs pa can du gyur pa'i dus drug po rnams dpyod par byed do/ /gang dag rnams</font><hr>65.188a<br><font size=+1>

dpyad par gyur cing yang dag pa ji lta bar so sor rnam par dpyad cing rnam par gnas par gyur nas de dag rnams mya ngan las 'da' bar 'gyur ba'i dgos pa dang bcas pas kun nas nyon mongs pa can nye bar 'tshe ba dang bcas par gyur pa'i sum bcu rtsa drug gis lus dpyod par mi byed do/ /yang rim pa gzhan gyis dge sbyong ngan pa dge sbyong du khas 'ches pa rnams 'jig rten pa'i dus kyis byas pa'i ltas su gyur pa rnams la dpyod par byed de/ /ji ltar dkar po'i dus kyi ltas rnams ni mdzes pa'o/ /dkar po ma yin pa ni mi mdzes pa'o/ /che ge mo zhig gi dus na ltas 'di dag rnams 'byung bar che ge mo gcig gi dus na ni ma yin no/ /rnam pa de lta bur gyur pa'i bsam khral ngan pa rnams sems par byed kyi gang dag shes par gyur pa rnams dang pha rol tu bde bar gyur pa rnams dang / mya ngan las 'da' bar 'gyur ba dang / mya ngan las 'da' ba'i mthar thug par 'gyur ba sems kyi dmigs pa'i mtshan nyid du gyur pa'i dge ba dang / mi dge ba dang / lung du ma bstan par gyur pa'i ltas dang ltas ma yin pa rnams kyi dpyad ra dpyod par mi byed do/ /ji ltar dge ba'i sems dang ldan par gyur pa'i dge ba dmigs pa'i ltas las mdzes par gyur pa'i bde bar 'gro ba'i 'gro ba bdag la 'byung bar 'gyur ro/ /mya ngan las 'da' bar 'gro bar 'gyur ba'i dge ba'i sems che ge mo cig la dmigs pa bdag la skyas so/ /mi dge ba kun nas nyon mongs pa can des ni bde ba ma yin zhing shes pa ma yin no/ /bdag bde 'gror 'gro bar yang mi 'gyur ro/ /lung du ma bstan pa la dmigs pa'i bdag gi sems che ge mo cig skyes par gyur te/ de ni rnam par smin pa lung du ma bstan pa yin no/ /gzhan yang dge sbyong ngan pa dge sbyong gi gzugs brnyan de 'jig rten pa'i lam gyis skad cig dang / thang cig dang / yud tsam dang / nyi ma dang / zla ba</font><hr>65.188b<br><font size=+1>

phyed dang / zla ba dang yang dag par ldan pa'i dge ba dang / mi dge ba'i dus kyi mi rnams kyi tshe'i dus rnams sems par byed kyi bdag gi tshe'i 'du byed rnams ni skad cig pa yin te/ ji ltar 'di dag rnams ni skad cig pa/ thang cig dang / yud tsam dang / nyi ma dang / zla ba dang / zla ba phyed par 'gor ba med par zad par 'gyur bas cis kyang bzlog du med pa stobs chen po dang ldan pa'i 'chi ba'i dus su gyur pa'i 'du byed rnams mdzad par 'gyur ba'i dus la ni dpyod par mi 'gyur ro/ /bsam gtan byed pa na bar du gcod par gyur pa 'jig rten pa'i rim pa gzhan kun nas nyon mongs pa can rnams kyis kyang rgyu skar gyi dpyad ra rnams dpyod par byed do/ sgom par byed do/ /lan mang du byed do/ /sems kyis rab tu sgom par byed do/ /rab tu 'jog par byed do/ /gzhan dag rnams la yang sbyin par sten no/ /ji ltar rgyu skar che ge mo gza' che ge mos nye bar gzir bar gyur nas mnar bar byed do/ /'dod par gyur pa'i kun tu sbyor ba'i rgyu skar gzir bar byed do/ /de bsams par gyur na nad dang / mya ngan dang / smre sngags 'don pa dang / sdug bsngal ba dang / yid mi bde ba rnams las sgrol bar byed pa po 'khor ba las 'dren par byed pa po rnams ni de ltar dpyod par ni mi byed na/ rgyu skar la ji lta ba bzhin du de nyid ni chos kyi gzar gyur pa'i chos gzhan rnams kyis zil kyis gnon par 'gyur ro/ /'di lta ste/ skye ba'i rgyu skar rnams ni 'chi ba'i gza' rnams kyis nye bar 'dzin no/ /nad med pa'i rgyu skar rnams ni nad kyi gza' rnams gyis nye bar 'dzin no/ /lang tsho'i rgyu skar rnams ni rgas pa'i gza' rnams kyis nye bar 'dzin no/ /'thun pa dang kun tu phrad pa'i rgyu skar rnams ni 'thun pa dang bral ba'i gza' rnams kyis nye bar zin no/ /lha'i 'jig rten du skyes pa'i rgyu skar rnams ni 'chi 'pho ba'i gza' rnams kyis nye bar zin no/ /mir skyes pa'i rgyu skar rnams ni tshol</font><hr>65.189a<br><font size=+1>

khro'i sdug bsngal gyi gza' rnams kyis nye bar zin no/ /bde ba'i tshor ba'i rgyu skar rnams ni sdug bsngal gyi tshor ba'i gza' rnams kyis nye bar zin no/ /dge ba'i sems bskyed pa'i rgyu skar rnams ni mi dge ba'i sems bskyed pa'i gza' rnams kyis nye bar zin no/ /mi sdug pa'i rgyu skar rnams ni zhe sdang gi gza' rnams kyis nye bar zin no/ /shes pa'i rgyu skar rnams ni gti mug gi gza' rnams kyis nye bar zin no/ /dge sbyong ngan pa dge sbyong du khas 'ches par gyur pa de rang nyid kyi bsam khral rnams sems par mi byed do/ /'jig rten las 'das pa'i yongs su dpyad par bya ba'i dpyod pa rnams sems par mi byed do/ /'jig rten pa'i de dag rnams dang 'jig rten las 'das pa'i yang ji skad du bshad pa'i rgyu skar dpyad par bya ste/ snga ma bzhin no/ /tshul bzhin yid la byed pas yang dag pa ji lta ba bzhin so sor brtag par bya'o/ /de skad du bshad pa'i gza' rnams kyang sngar bzhin du yang dag pa ji lta bar gza' rnams bsam par bya'o/ /bsgom par bya'o/ /yang dag pa ji lta ba bzhin du gyur pa shes pa'i lam yan lag brgyad kyis so sor brtag na ni gza' dang rgyu skar gyi dpyad ra rnams 'bras bu dang bcas par 'gyur ro/ /mya ngan las 'da' bar yang 'gyur ba dang / shis par 'gyur ba dang / bde bar 'gyur ba yang yin no/ /tha mal pa'i 'jig rten pa'i gza' rnams dpyad pa dang / rgyu skar rnams kyang dpyad par gyur pa'i skyes bu ni brgya stong du ma rnams su 'gros nor nas dmyal ba dang / yid dgas dang / dud 'gro rnams su skye bar 'gyur ro/ /'jig rten pa de dag rnams ni 'khor bar kun nas 'jug par byed pa/ 'dod chags zha sdang gti mug rnams kun nas skyed par byed pa yin no/ /gang yang dus dang / gza' dang / rgyu skar de dag rnams 'jig rten las 'das pa'i lam gyis</font><hr>65.189b<br><font size=+1>

bsam par bya bar bshad pa de dag rnams rnal 'byor dpyod pas bsams shing bsgom te/ yang dag pa ji lta ba bzhin du so sor brtags pas rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba stong phrag brgya las rnam par grol ba'i go 'phang 'thob par 'gyur te/ rtag tu rgas pa med pa dang / 'chi ba med pa dang / zag pa med pa'i mya ngan las 'das pa'i mchog de lta bu de dag rnams la bslab par bya'o/ /dge sbyong rnams dang / dge sbyong du dam bcas pa rnams dang / sdug bsngal zad par 'dod pa rnams kyis 'khor ba'i sdug bsngal zad par 'gyur ba'i rgyu skar rnams la dpyad pa bsgom par bya'o/ /dus dpyod pa yang rang bzhin ji lta bu ma yin pa'i kun nas nyon mongs pa can gyi shes pa rnams dang bde ba'i mthar thug par 'gyur ba ma yin no/ /shes par 'gyur ba ma yin/ mya ngan las 'das pa'i mthar thug par 'gyur ba yang ma yin gyi dge slong des bsam gtan sgom par gyur pa na rnam par sreg par byed pa 'ba' zhig tu gyur pa dang / rgyu skar bgrang ba dang sems par byed pa na dge slong la rnam par gshe bar byed par yang 'gyur ro/ /gzhan yang chos drug par gyur pa bsam gtan sgom pa na bar du gcod par byed pa rnams ni dge slong dang dge slong du khas 'ches pa rnams kyis bsam par yang mi bya'o/ /'di yang gang zhe na/ 'di lta ste/ rgyu mtshan sems pa dge sbyong gis mi bya'o/ /'jig rten pa kun nas nyon mongs pa 'dod chags dang / zhe sdang dang / gti mug rnams kun tu gsal bar byed par gyur pa dge ba'i chos rnams kyi bar du gcod par byed pa rnams kun tu 'phel bar byed pa ni rgyu mtshan sems pa las yin te/ de la sa g.yo ba 'byung ba rnams nyin mo dang / mtshan mor yang dge sbyong ngan pa dge sbyong du khas 'ches pa rnams ni kun nas nyon mongs pa'i sa gzhi las kyi rgyu mtshan nye</font><hr>65.190a<br><font size=+1>

bar mtshon par byed do/ /ji lta bar rgyu mtshan 'di dag rnams 'byung bar 'gyur te/ 'di ltar chu kun tu gnas pa'i rdzing bu dag rlung gis dkrugs par byed la/ ji srid du rab tu g.yos par gyur pas rnyag pa can du 'gyur ro/ /lha'i char 'bab na grog ma rnams zer zug gi phyir 'byung bar 'gyur ro/ /zla ba gzas 'dzin par 'gyur na chur mar nag 'bring bar 'gyur ro/ /bya rnams dma' ba nas 'gro na yang nam mkha' la nyi ma gzas 'dzin par 'gyur ro/ /phyogs rnams la 'dod chags dang bral bar nye bar dmigs par 'gyur ro/ /dge ba la ni 'di dag rnams 'byung bar 'gyur te/ ji ltar 'jam por gyur pa'i rlung rnams rab tu rgyu bar 'gyur ro/ /phyogs rnams shin tu dri ma med par gyur pa dang / mdzes pa'i bya dag g.yas phyogs nas bskor bar kun tu mthong bar 'gyur ro/ /mi dge ba 'byung bar gyur na dmar rengs dang phyogs kyi mdog rnams rtsub par mthong ngo / /rlung rtsub mo dag rab tu rgyu bar 'gyur ro/ /skya rengs dmar po khrag gi mdog tu 'gyur ba dang / kun nas de'i cha byad kyis nyi ma nam mkha' la shar nas gnas so/ /de ltar dge sbyong ngan pa dge sbyong du khas 'ches par byed pa 'dis bsam gtan sgom pa'i bar du gcod par byed pa'i rgyu mtshan rnams mtshon par byed do/ /rgyal po dag la yang ston par byed do/ /rnyed pa dang bkur sti'i don du rgyal ba dang 'pham par 'gyur ba rnam par dpyod par byed do/ /des de bzhin du rgyal po rgyal ba dang 'pham pa 'dod par gyur pas 'dod chags dang / zhe sdang dang / gti mug rnams yid la kun tu skye ste/ de dag gi rtsa ba las ni gti mug yin pas skyon gsum po 'dis g.yogs par gyur pa de ni dge sbyong ma yin la khyim pa yang ma yin no/ /de'i phyir dge sbyong dang dge sbyong du dam bcas par gyur pa rnams kyi rgyu mtshan gyi dpyad ra mi bya'o/ /'di dag ni kun nas nyon mongs pa yin no/ /yang rim pa gzhan</font><hr>65.190b<br><font size=+1>

gyis ma rungs pa'i rgyu mtshan 'di dpyod par gyur pa la/ ji ltar gang 'ga' zhig rgyu mtshan can yin par gyur pa de rgyal pos ci nas kyang ltad mo'i dus na ltad mo 'dzugs par 'gyur ro/ /rgyal po dag phan tshun du kun tu 'joms par gyur pa/ skye bo thams cad 'khrug par byed pa'i 'khrug pa'i ltad mo las sems can brgya stong du ma rnam par nyams par 'gyur ro/ /gsod par byed pa dang / 'dzin par byed pas kyang yul ljongs dang / yul 'khor dang / grong chung rnams phan tshun du stongs par byed do/ /srog chags brgya stong du ma rnams kyang sdug bsngal bar 'gyur ro/ /de'i tshe rgyal po dag phan tshun du 'bras par gyur pa ste/ de la mdor bsdu na skye bo'i tshogs chen po 'di dag rnams kyi ni dge sbyong ngan pa dge sbyong du khas 'ches pas ltad mo btsugs pa yin no/ /rgyal po gcig rnam par rgyal bar gyur pas rgyal po gzhan la dbang che ba'i rgyu mtshan nye bar mtshon par byas nas de 'di snyam du nye bar sems te/ gal te rgyal po 'di rnam par rgyal bar gyur na de las bdag chen por 'gyur ba dang / rgyal po'i spyan snga nas rnyed pa dang bkur sti yang bdag la chen po 'byung bar 'gyur ro/ /dge sbyong ngan pa dge sbyong du khas 'ches pa de nyid kyi dge ba gang yin pa'i chos de nub par 'gyur ro/ /bsam gtan la snyoms par zhugs pa na yang dge ba mngon par mi 'phel lo/ /rgyal ba dang mi rgyal ba rnams kun tu rtogs par byed pa po zhi bar gyur pa'i chos rnams kyang ma bsams pas lus zhig par gyur pa na shi ba'i 'og tu ngan song log par ltung ba dmyal bar skye'o/ /rgyu mtshan 'di dag gi phyir na dge sbyong rnams dang dge sbyong du khas 'ches pas rgyu mtshan gyi dpyad ra 'jig rten pa mi bya'o/ /'jig rten pa'i dpyad ra gang yin pa 'di ni skyon gsum skyed par byed pa yang 'di yin te/ dge ba'i chos rnams kyi bar du gcod par byed pa yin no/ /</font><hr>65.191a<br><font size=+1>

de la skyon gsum po de dag rnams la rim gyis nges par rnam par grol bar 'gyur ba'i 'jig rten las 'das pa'i sgrub pa dpyad par bya'o/ /gang zhe na 'di lta ste/ ji ltar 'dis sa gzhi g.yo ba nye bar mtshon par byed pa/ nyin mo dang mtshan mor yang ji ltar sa g.yo ba 'byung bar 'gyur ro zhes de kho na ltar ni nam yang dpyod par mi byed de/ nyin dang mtshan du yang sems kyi sa gzhi g.yo ba 'byung bar 'gyur ba'i phyir ro/ /dper na sa gzhi 'di kun nas g.yo bar gyur na nags dang / nye ba'i nags dang / ri dang / chu rlung dang / shing dang / grong dang / tshong 'dus su bcas pa'i 'jig rten 'di dag rnams 'jig pa 'byung bar 'gyur ro/ /de kho na bzhin du sems kyi sa gzhi 'di rab tu g.yos par gyur na/ de la brten pa de dag rnams thams cad las 'jig rten las 'das pa sgrub par byed pa'i chos dge ba'i sa chen po dang bcas pa rnams ma gtogs pa gzhan dag rnams ni rab tu g.yo bar 'gyur ro/ /de'i phyir dang po kho nar dge sbyong dge sbyong du dam bcas pa rnams kyis sa gzhi bzhin du sems kyi sa gzhi g.yo ba rnams la so sor brtag par bya'o/ /gang gi phyir 'khor bar byed pa dang / sems kyi sa gzhi rab tu g.yo bar yang byed do/ /gsum gyis sems kyi sa gzhi rnams rab tu g.yo bar yang byed do/ /'di lta ste/ 'dod chags dang / zhe sdang dang / gti mug gis rab tu g.yo bar byed de/ ji ltar yang sa gzhi dag g.yo ba 'byung bar 'gyur ba na chu mnyam pa dang ldan pa rnams rlung gis dkrugs par byed do/ /so so'i skye bo'i sems kyang de kho na bzhin du 'byung bar 'gyur te/ 'dod chags sam/ zhe sdang ngam/ gti mug kyang skyes par gyur pa na snyoms par gnas pa las snying dang bzhin gyi mdangs kyang dmar ba 'am/ bzhin gyi mdangs mi gsal ba 'byung bar 'gyur ro/ /de'i phyir dge sbyong rnams dang / dge sbyong du khas 'ches pa mya ngan las 'das pa la mngon du phyogs pa rnams</font><hr>65.191b<br><font size=+1>

dang / dge sbyong du khas 'ches pa rnams kyi rgyu mtshan de dag rnams nye bar gzung bar bya'o/ /rgyu mtshan de dag rnams kyi rgyu mtshan gyis nye bar rtog pa rnams ni nam yang sdug bsngal bar mi 'gyur ro/ /sems kyi sa gzhi'i rgyu mtshan du gyur pa 'di dag rnams ni 'jig rten las 'das pa yin no/ /gzhan yang gal te tha mal pa'i rgyu mtshan 'di dag gis nye bar mtshon par byed de/ ji ltar grog ma rnams tshang nas phyir 'byung bar 'gyur ba de bzhin du lha'i char 'bab par 'gyur la/ de kho na bzhin du dge sbyong dge sbyong du khas 'ches pa rnams kyis 'jig rten las 'das pa 'di dag brtag par bya ste/ ji ltar grong dang / grong khyer dang / tshong 'dus dag las sbyin pa po dang / sbyin bdag rnams dang / dge sbyong dang / bram ze rnams kyis dang / khyim bdag rnams kyis khyim yang bshig nas gang na sangs rgyas bzhugs pa der 'ong ngo / /de'i tshe yang dag pa'i rgyu mtshan du gyur pa ston par mdzad pa'i rgyu mtshan rnams kyang dge sbyong dang bram ze rnams kyis 'di ltar nye bar mtshon par 'gyur ro/ /ji ltar chung du na 'dir sangs rgyas bcom ldan 'das kyi legs par bstan pa'i gsung gis dam pa'i chos dag gi char 'bebs par 'gyur te/ sbyin pa po dang / sbyin bdag rnams dang / dge sbyong dang / bram ze dang / khyim bdag rnams gang dag yin pa de dag rnams gang na bcom ldan 'das sprin dang ldan par gyur pas char mngon par 'bebs par mdzad pa der nye bar legs par 'gro bar byed do zhes pa'i rgyu mtshan 'di dag ni mchog yin gyi tha mal pa'i char 'bab par 'gyur ba'i rgyu mtshan ni ma yin no/ /gzhan yang dge sbyong ngan pa dge sbyong du khas 'ches pa 'di dag gis zla ba gzas 'dzin pa'i rgyu mtshan nye bar rtog par byed do/ /ma tha la zla ba gzas 'dzin pa 'byung bar 'gyur te/ ji ltar chur mar nag nub par 'gyur ro/ /rgyu mtshan de dag rnams ni mdzes pa ma yin zhing zhi bar 'gyur ba yang ma yin no/ /dge sbyong gis gang mdzes par gyur pa'i rgyu</font><hr>65.192a<br><font size=+1>

mtshan 'jig rten las 'das pa 'di du ma rnams dpyad par bya'o/ /chung du na dus tha mar gyur pa rtsod ldan gyi dus na dam pa'i chos zla ba gzas 'dzin pa 'byung bar 'gyur te/ ji ltar dam pa'i chos kyi mar nag 'di dag rnams log par lta ba'i skye bo rnams kyi snying la nub par 'gyur ro/ /'byin par mi byed do/ /rgyu mtshan 'di dag rnams mchog yin gyi 'jig rten pa'i zla ba gzas 'dzin pa'i rgyu mtshan ni ma yin no/ /gzhan yang gal te dge sbyong ngan pa dge sbyong du khas 'ches pa 'di 'jig rten pa'i zla ba gzas 'dzin pa mchog yin pa'i rgyu mtshan rnams nye bar mtshon par byed do/ /ji ltar zla ba gzas 'dzin par 'gyur te/ ji ltar bya 'di dag rnams kyang nam mkha' la dma' ba nas 'phur ro zhes nye bar 'dzin pa'i rgyu mtshan 'di ni mdzes pa ma yin no/ /dge sbyong rnams dang dge sbyong du khas 'ches pa rnams kyis mdzes par gyur pa 'jig rten las 'das pa'i rgyu mtshan 'di dag nye bar brtag par bya ste/ ji ltar dus kyis dam pa'i chos kyi zla ba gzas 'dzin pa ji lta bar 'byung bar 'gyur ba na ji ltar dam pa'i chos kyi lam du zhugs par gyur pa mchog tu dge ba dang ldan pa'i dge sbyong rnams dma' bar 'gro bar 'gyur ro/ /bya bzhin du dma' ba nas kun du spyod par byed pa'i log par lta ba can rnams kyi sgo nam mkha' lta bur gyur pa nas dman pa dman pa'i tshig rnams brjod par 'gyur ro/ /dus kyi skyon du gyur pa rgyu mtshan gyi mchog 'di dag rnams nye bar gzung bar bya'o/ /dge sbyong dge sbyong du khas 'ches pa rnams kyis tha mal pa'i zla ba gzas 'dzin pa ni ma yin no/ /gzhan yang rgyu mtshan gang gi phyir dge sbyong ngan pa dge sbyong du khas 'ches pa 'di nyi ma gzas 'dzin pa'i rgyu mtshan nye bar rtog par byed de/ 'jig rten pa'i ji ltar 'byung bar 'gyur ba rnams la nyi ma gzas bzung bar gyur pa</font><hr>65.192b<br><font size=+1>

na phyogs rnams le'u rgan gyi mdog tu rtogs par gyur na 'dir dge ba dag 'byung bar 'gyur ro/ /rlung 'jam po rnams rab tu 'byung bar 'gyur ro/ /phyogs rnams dngas pa dang ldan pa dang mdzes pa dag gis g.yas phyogs nas bskor bar 'gyur ba mthong ngo / /bsam gtan sgom pa la bar du gcod par 'gyur bas dge sbyong dge sbyong du khas 'ches pa rnams kyi rgyu mtshan 'di dag ni mdzes pa ma yin no/ /'jig rten pa 'di dag rnams ni 'dir shes pa ma yin no/ /bde bar gyur pa yang ma yin no/ /de kho na bzhin du dge sbyong dge sbyong du khas 'chas pa rnams kyis shis par byed pa'i rgyu mtshan gzhan rnams bzung bas 'jig rten las 'das pa rnams nye bar mtshon par bya'o/ /ji ltar chung du na byang chub sems dpa'i nyi ma la thams cad mkhyen pa nyid du byang chub pa'i gzas 'dzin par 'gyur ba 'byung ste/ bskal pa gcig gam/ bskal pa gnyis sam/ bskal pa gsum nyid kyis kyang ste/ byang chub sems dpa' 'byung ba 'di ni dge sbyong dag 'jig rten las 'das pa'i rgyu mtshan yin no/ /ji ltar 'di'i brtson 'grus dang / sbyin pa dang / thos pa dang / ye shes rnams la chags pa chags par gyur pa'i mdog gis sems can thams cad la snying rje dang byams pas chags pa dang ldan pa'i lus kyi phyogs rnams kyis mtshon par gyur pa na dge ba 'di dag rnams 'byung bar 'gyur ro/ /gal te yon tan rab kyi phul dang ldan pa'i byang chub sems dpa' 'di 'byung bar gyur pa na ma 'ongs pa na bya'i ltas su gyur pa'i nyan thos dang / rang sangs rgyas dang / dgra bcom par gyur pa'i bya rnams 'jug par 'gyur ba'i rtags rnams kyang mthong bar 'gyur ro/ /g.yas phyogs nas bskor ba ni yang dag pa'i go 'phang yid la byed pa g.yas nas bskor ba de'i tshig bla dgas yin no/ /gzhan yang 'di'i ji lta ba nyid du 'jig rten pa'i rgyu</font><hr>65.193a<br><font size=+1>

mtshan rnams la rab tu lta bar byed de/ ji lta bar dge bar 'byung bar mi 'gyur ba ni skya rengs dmar po dang phyogs rnams kyang rtsub par rab tu mthong ngo / /rlung rtsub mor gyur pas rlung rnams rab tu rgyu'o/ /skya rengs dmar po de'i kun tu cha byad kyis nyi ma nam mkha' la shar nas gnas par 'gyur ro/ /ji ltar dge sbyong ngan pa 'di bsam gtan sgom pa na bar chad byed par 'gyur ba'i 'jig rten pa'i rgyu mtshan nye bar rtog par byed do/ /de bzhin du yang dge sbyong bzang pos 'jig rten las 'das pa'i rgyu mtshan dad pa can thams cad la kun tu ston par byed par 'gyur te/ ji ltar mi mdzes par gyur pa rnams 'byung bar 'gyur na/ de la ci zhig mi mdzes par 'byung bar 'gyur ba 'di lta ste/ dam pa'i chos rnams nub par 'gyur ba'o/ /ji ltar rgyu mtshan 'di dag rnams mthong ba yin te/ phyogs kyi kha dog rtsub pa zhes bya ba ni dam pa'i chos nub par 'gyur ba'i tshig rtsub dang / brdzun du smra ba dang / phra ma byed pa dang / srog gcod pa dang / ma byin par len par 'gyur ba rnams la dga' ba'i skyes bu dag phyogs su 'byung bar 'gyur ro/ /rlung rtsub mo rnams rab tu rgyu ba zhes bya ba ni mi snyan pa'i tshig bla dgas yin no/ /gang gi tshe dam pa'i chos rnams nub par gyur pa na sems can chos dang ldan pa ma yin pa rnams 'byung bar 'gyur ro/ /de'i tshe mi snyan par gyur pa'i rlung rnams phyogs dag tu 'byung bar 'gyur ro/ /ji ltar sems can 'di dag rnams mdzes pa ma yin par gyur pa'i sdig pa rnams byed par gyur pa de ltar mi snyan pa'i rlung rnams rgyu bar 'gyur ro/ /gzhan yang de kho na ltar 'jig rten pa'i rgyu mtshan du gyur pa dmar rengs kyi mdog gi kun tu cha byad kyis nyi ma nam mkha' la shar nas gnas par rab tu mthong bar gyur pa de bzhin du 'jig rten las 'das pa'i rgyu mtshan 'di dag rnams kyang phyis kyi rgyu mtshan du mthong ba yin te/ </font><hr>65.193b<br><font size=+1>

dmar rengs kyi mdog ni dge sbyong ngan pa dang bram ze ngan pa'i 'khor rnams kyi kun du cha byad can gyi thams cad mkhyen pa ma yin par thams cad mkhyen par mngon par nga rgyal ba'i log par lta ba can rnams kyi nyi ma ngan pa yin la/ thams cad mkhyen pa ma yin par thams cad mkhyen par khas 'ches pa rigs ngan pa'i rigs su gyur pa rnams nam mkha' la shar nas gnas pa yin no/ /de la rnam pa 'di lta bu'i log par lta ba'i nyi ma shar bar gyur pas rtsa dang / nags dang / nags tshang tshing dang / sman rnams thams cad skam par 'gyur ro/ /'dis ni skyes bu rnams kyi dge ba thams cad dang yang dag pa'i lta ba sman rnams rtswa bzhin du skems par 'gyur ro/ /de bzhin du 'di yang 'jig rten las 'das pa'i bsam gtan sgom pa na kun tu gsal bar byed pa/ don dam pa'i de kho na nyid gsal bar byed pa/ mchog tu gyur pa'i blo gros 'jig rten las 'das pa'i rgyu mtshan mtshon par byed do/ /nye bar mtshon nas kyang ston par byed do/ /de dag tu gyur pa gang yin pa rnams kyang gang dag ce na/ dad pa can gyi bram ze dang khyim bdag de dag rnams la ston par byed do/ /ji srid du dam pa'i chos kyi nyi ma shar bar gyur pa de srid du bde ba'i las rnams la rab tu 'bad par bya'o/ /phyi nas chos thams cad nub par gyur nas log par lta ba'i nyi ma shar bar gyur pa na dge sbyong dge sbyong du khas 'ches pa rnams dang / bram ze bram zer khas 'ches pa rnams thams cad mkhyen pa dang thams cad mkhyen par khas 'ches pa'i dge sbyong ngan pa dang bram ze'i cha byad can rnams kyis sdug bsngal bar byas par gyur ta re blo mchog rgya che bar gyur pa rnams kyi de kho na nyid kyi rgyu mtshan rnams ni thams cad mkhyen pa'i bstan pa'i mchog 'di yin no zhes de dag gis de ltar ston par byed do/ /de bzhin du rgyu mtshan</font><hr>65.194a<br><font size=+1>

gyi sems rnams ni bar du gcod par byed pa yin no/ /bsam gtan sgom par gyur pa na 'di dag rnams dang gzhan yang 'jig rten pa rnams kyis ni bar chad byed par 'gyur ro/ /de la 'jig rten pa'i bar chad 'di yin te/ 'jig rten las 'das pa'i lam 'di las 'khor bar mngon par 'jug par byed pa ni 'jig rten pa'o/ /'jig rten las 'das pas ni mya ngan las 'das pa'i mthor thug par byed pa yin no/ /de nas de'i tshe bcom ldan 'das 'od srung des tshigs su bcad pa gsungs pa ji ltar/ bsam gtan sgom dang rnam par bral/ /rgyu mtshan la ni rtag tu dga'/ /dge ba'i chos ni rnam par sangs/ /ngan 'gror 'gro bar rings pa yin/ /de ni rang gi chos spangs nas/ /gzhan gyi chos la dga' bar byed/ /de ni chos gnyis las nyams nas/ /log par ltung ba'i 'os yin no/ /rang gi khyim ni yongs spangs nas/ /gzhan gyi khyim ni srung ba yin/ /de ni rgod dang yang mor 'gyur/ /nor med par yang myur du 'gyur/ /ji ltar blo ngan rmongs pa gang / /rgyal 'dod mkhas pa'i nga rgyal can/ /rang gi chos ni rnam spangs nas/ /gzhan gyi chos kyis 'phel bar byed/ /chos min pa dang snyan min pa'i/ /gzhan gyi rtags kyis nye bar 'tsho/ /rtswa bzhin 'gro ba'i 'jig rten yang / /phyi mar ngan 'gror 'tshed pa yin/ /gang zhig zhi ba'i yul la gnas/ sdig pa'i las las ldog byed pa/ /sdug bsngal tshogs ni des mi mthong / /zhi ba'i mtha' la 'jug pa ni/ /spro med zhe sdang spangs pa dang / /'dod pa spyod las shin du 'das/ /brtson 'grus brtsams dang chog shes dang / /bsam gtan pa 'dir dge slong brjod/ /'dod las grol min chags can gang / /rtag tu zas la spyod ldan pa/ /lus ngag bsdams pa'i rkun ma 'di/ /'dir ni dge sbyong min par brjod/ </font><hr>65.194b<br><font size=+1>

rgyu mtshan ston pa'i sbyin pa dang / /rgyu skar bgrang ba'i sems bral can/ /rgyal po sten dang bag med dang / /'dir ni 'di la nags 'os min/ /sman pa ri mo'i las byed dang / /de bzhin thos ngan snyan dngags sdeb/ /'dres par gnas dang zhabs 'bring byed/ /dge slong rab tu nyams par 'gyur/ /bsam gtan bsgom la zhe sdang zhing / /tshogs pa 'dus la dga' ba dang / /rnyed dang bkur sti la chags par/ /byed pa'i dge slong rab chud 'ja'/ /gser gyi khams dang yang dag ldan/ /grogs mang la yang dga' ba gang / /gzhan gyi rnyed la chags pas kyang / /dge slong bstan pa las ltung ngo / /gang yang tshogs pa rnam spangs shing / /sdig pa'i tshogs pa mi sten par/ /phye dang chus kyang chog shes pa/ /dge slong de ni nad med yin/ /'bar ba lta bu'i yul rnams ni/ /'ongs pa thams cad spong bar byed/ /nor bu bzhin du skyon rnams dag /dge slong 'di ni dge slong brjod/ /nang yang rnam par dag pa dang / /ye shes snang bas mngon par brgyan/ /de ni tshul khrims gos kyis g.yogs/ /spyod ldan dge slong yin par brjod/ /'jig rten chos las rnam 'das gang / /brtan pas ri rab bzhin mi g.yo/ /zhi ba 'jig rten thams cad byams/ /mchog 'gro dge slong yin par brjod/ /grong khyer ram ni tshong 'dus su/ /mtshan mo gsum gnas gcig pu gnas/ /ri phug sten par byed pa yang / /rnam grol dge slong yin par brjod/ /sdig pas 'jigs dang 'du 'dzi med/ /shin tu mnyam bzhag legs par bsdams/ /ye shes sten dang rgyud brtan pa/ /gcig pa dge slong yin par brjod/ /mi g.yo snyan par smra ba dang / /sdig pa'i grogs po rnam spangs pa/ /bya ba kun la chags med pa'i/ /grol ba dge slong yin zhes brjod/ /de la dge slong 'di ni srid pa'i skyon las grol/ /mchog dang mchog min rnam shes</font><hr>65.195a<br><font size=+1>

ting 'dzin la chags med/ /ye shes de la mngon dga' dge ba rnam par dag /skye rga'i 'jigs pa las ni rnam par grol ba yin/ /de ltar de dag ni dge slong du 'os pa yin no/ /bzlog pa rnams ni ming tsam dge slong du gyur pa yin te/ bar du gcod par byed pa nyid kyis bdag nyid rab tu ltung bas rab tu ltung bar gyur pa yin no/ /bsam gtan byed pa na bar gcod par byed pa'i chos drug pa 'di ni 'dir dge sbyong gis mi bya'o/ /gzhan yang dge sbyong dang dge sbyong du dam bcas pa rnams kyis chos bdun pa mi bya'o/ /'di dag gang zhe na/ 'di lta ste/ 'jig rten pa gzhan rnams kyi rnyed bkur dang du len pa'o/ /'di ni brnab sems dang / gnod sems mang bar gyur pa bsam gtan bsgom pa rnams thams cad dang bral bar gyur pa stan 'ba' zhig med par byed pa/ dge slong gi rtags tsam gyis dge 'dun gyi mal stan dang / nad kyi rkyen sman dang / yo byad rnams la longs spyad pa/ khyim gyi las rnams kyi 'jigs pas 'jigs par gyur pa/ le lo can zas 'ba' zhig la mngon par dga' ba gzhan rnams kyi dga' ba lta ba la ched cher byed pa/ yul la ched cher byed par gyur pa'i dge slong la de srid cig na 'byung bar 'gyur ba ni 'chi bdag 'ong bar 'gyur te/ bsam gtan bsgom par bya ba las de ltar dge slong 'chi bar ni tshul khrims las yongs su nyams pa bzhin du lus rnam par 'jig pa'i 'chi ba yang khyad par ma yin no/ /tshul khrims 'chal pa des ni dge ba'i chos rnams thams cad yongs su btang bar gyur nas stan 'ba' zhig nyed par byed pa/ dge slong gi rtags 'ba' zhig 'dzin par gyur pa/ sdom pa dang rnam par bral bar gyur pa yin no/ /sdom pa bya ba yang yid kyis legs par sdom pa'o/ /de yang 'dis bya bar mi nus so/ /de la sdom pa ni rnam pa bdun no/ /</font><hr>65.195b<br><font size=+1>

'di lta ste/ ga sdom par gyur pa ste/ dge slong dus gcig tu bdag gis dge slong gzhan dang ngam/ khyim pa dang yang rung ste/ lhan cig tu gleng brjod par mi bya'o/ /bud med kyi skye ba rnams dang rnam pa thams cad du dge slong gis mngon par brjod pas mngon par brjod pa spang bar bya'o/ /bsod snyoms pa rnams kyis kyang gzhan sbyin par byed pa rnams dang bral bar gyur nas yang de dag la ma 'am sring mo zhes bya ste/ rang gi rkang rtse gnyis la mig phab ste'o/ /de'i bde ba 'am cha byad du gtogs pa rnams sam/ rgyan rnams kyang rung ste/ dge slong gis bud med de dag rnams la lta bar yang mi bya'o/ /de nas de'i dus na bcom ldan 'das 'od srung des tshigs su bcad pa gsungs pa ji ltar/ rlung gis spar la legs brten nas/ /dus ring zhig nas me yis sreg /bud med lta bas kun bslang ba'i/ /me 'dis myur bar sreg par byed/ /de'i phyir 'dod chags kyi me bsreg par 'gyur ba'i skyon gyis 'jigs pa rnams kyis 'jigs pa'i dge slong gis bud med kyi skye bo rnams dang mngon par ma smra zhig 'di ni sdom pa gcig yin no/ /gzhan yang sdom pa gnyis par gyur pa ni 'di lta ste/ sdig pa'i grogs po dang 'grogs pa'o/ /gnas gcig tu dus ring ba dang ldan par mngon par dga' bar bya ba ma yin pa rnyed pa dang bkur sti phal che bar gyur pa rnams spang bar bya ba dang / nad pa rnams yongs su mi gtong ba dang / bu dang bu mo rnams blta ba dang / gang na shin tu yang rtsis che bar byed pa'i sa de spang ba dang / 'dre bar 'gyur ba'i 'jigs pa'i don du tshul khrims 'chal pa rnams dang lhan cig gnas par sten pa dang phrad par byed pa yang rab tu dgag par bya ba yin no/ /de sdom pa rnam pa bdun po rnams spangs nas gcig tu zas la ched du byed par gyur pa pha rol gzhan rnams kyi rnyed pa dang bkur sti mthong bar gyur nas sam/ de thos nas kyang mchog tu yid mi bde ba skye bar 'gyur ro/ /de'i thabs</font><hr>65.196a<br><font size=+1>

rnams kyang sems par byed de/ gang zhig 'di'i rnyed pa dang bkur stir gyur pa de dag rnams ngas thabs gang zhig byas pas nga de dag rnams kyi skal ba can du 'gyur na zhes de ltar sems kyis sems par byed cing rnam par rtog par byed pas de'i sems kun nas rnyog pa can du 'gyur ro/ /rtsom pa de dag gis brnab sems mang ba rnam par rgyu bar 'gyur ro/ /dge sbyong ngan pa de'i thos pa thams cad kyang ngan pas nyin mo bde bar gnas pa ma yin zhing mtshan mo yang ma yin no/ /dge slong tshul khrims dang ldan par yang sbyin pa po dang sbyin bdag rnams kyi khyim du song nas tshul 'chos pa'i cha byad 'dzin par 'gyur te/ dal bus smra bar byed/ khad kyis 'gro bar byed/ nang na ma zhi bar yang phyi rol zhi bar rang nyid kyis rab tu ston no/ /gos su tshem ber gyon par byed/ /lhan cig skyes pa'i tshul khrims kyis yongs su khyab par gyur/ dung gi sgra dang mtshungs par spyod pa'i sdig pa'i chos can de dag dang lhan cig tu de khyim dag tu song nas bdag nyid kyi tshul khrims rab tu ston no/ /ji lta ji ltar kun du 'gro bar byed pas de la sbyin pa po dang / sbyin bdag rnams kyis kye ma dge slong 'di ni mchog tu tshul khrims dang ldan pa zhes bya ba de ltar bdag nyid rab tu gnas par byed pas spyod pa de dag dang / de'i rjes su spyod pa rnams dang / lhan cig tu yang dang yang du khyim de nyid du legs par 'gro'o/ /gal te gang zhig nas phyin nas dam pa'i chos kyi tshig thos par gyur na sbyin bdag dang sbyin pa po de dag rnams kyi 'khor g.yog dang bcas pa la de 'chad do/ /ji lta ji ltar bdag gi 'di dag rnams kyis dge slong gang de'i rnyed pa dang bkur sti de rnams bdag la 'gyur ro/ /sdig pa 'di dag gis de ni dge slong gi gzugs kyi rkun ma gzhan gyi rnyed pa dang bkur sti rjes su 'phrog pas khyim rnams su 'gro bar byed pa gzhan rnams la gnod</font><hr>65.196b<br><font size=+1>

par byed pa la mngon par dga' ba de nyid kyi gang bar chad byed par mi 'gyur ba ni mig phye ba dang btsums pa tsam yang yod pa ma yin no/ /gal te med pas kyang thang cig ma yin pa dang / yud tsam du ma yin pa dang / mtshan mor ma yin pa dang / nyin mo ma yin pa yang tshul khrims 'chal pa gang yin pa'i bsam gtan bsgom pa spangs pa'i dge slong ngan pa de dag dmyal bar yang ma yin pa 'am/ yi dgas su mi skye ba 'am/ dud 'gro'i skye gnas rnams su mi 'gro bar 'gyur ba ni ma yin no/ /gzhan yang dge slong 'di lhan cig pa'i skye ba'i skye bo kun dang bcas nas kyang sngon dge slong tshul khrims dang ldan pa gzhan des nye bar phyin pa'i khyim der 'khor rnams la rjod par byed pa 'am/ yang na des 'di'i tshul khrims sun 'don par byed do/ /yang na des 'di spyo ba ste/ de ltar yang 'dis dge slong gang khyed cag gi khyim 'dir zhugs par gyur pa de ni tshul khrims 'chal par gyur pa/ le lo can shin tu dman par gyur pa/ bya bzhin du rmongs pa blo gros dman par gyur pa'o zhes de ltar shin du spyod par byed pa la mngon par dga' bar gyur cing rtag tu brtson pa dang ldan pa rnams rnam pa de lta bur gyur pa'i chos kyi spyod yul can rnams la ji ltar na bsam gtan bsgom pa la 'jug par 'gyur ba de ni gsog tu gyur pa/ gsob/ snying po med pa yin pa gang gi phyir de'i lus zhig nas shi ba'i 'og tu ngan song ngan 'gro log par ltung ba dmyal ba rnams su skye bar 'gyur ro/ /de nas de'i tshe bcom ldan 'das 'od srung des tshigs su bcad pa gsungs pa ji ltar/ skyes bu yang dag min brjod pa/ /sems can thams cad nyer 'joms po/ /mun pa'i tshogs dang 'dra ba ste/ /gson dag tu yang shi dang mtshungs/ /ji ltar ltung min lce la ni/ /ngag gis mtshon ni byed pa po/ /gang zhig brdzun du smra byed pas/ /yang dag yon tan 'jig byed po/ /kha ni gcan zan nye ba dang / /kha ni gri la nye ba yin/ /</font><hr>65.197a<br><font size=+1>

gang zhig brdzun du smra byed pa/ /kha nas me ni rab tu 'bar/ /ngag dug 'dir ni dug tu brjod/ /zhing dang 'gro ba dug ma yin/ /ngag dug gis bcom sems can rnams/ /dmyal ba'i mchog tu 'gro ba yin/ /rang gi kha nas rnag ltung ba/ /lce yi las kyis dbyug pa yin/ /gang zhig rdzun du smra byed pa/ /phyi sa dang ni yang na med/ /de dag legs sdebs zhags pa yis/ /dmyal ba'i pho nya'i mchog yin no/ /chos kyi zam pa gcod pa la 'ang / /brdzun gyi tshig ni rab tu 'jug /de la ma med pha yang med/ /sangs rgyas rnams dang sdom pa 'ang med/ /sdig pa'i las kyis gang lhung nas/ /brdzun du smra ba'i tshig brjod pa/ /skabs min bar ni yang mor 'gro/ /dam pa yang ni yongs su spong / /gang dag brdzun gyi tshig smra ba/ /lha rnams kyis kyang spong ba yin/ /ngag rnams yongs su 'dzin med dang / /myur bar yang ni khro ba dang / /mi brtan pa dang skal ba chung / /sdug bsngal mtha' ni yas par gnas/ /sems can thams cad nyer 'joms pa'i/ /gzhan gyi bde la su zhes sdang / /gzhan gyi sdug bsngal skabs tshol ba'i/ /skyes bu dmyal bar 'gro ba yin/ /de ltar bcom ldan 'das 'od srung 'dis bsam gtan sgom pa na bar chad byed par 'gyur ba'i chos bdun pa bstan no/ /gang gi tshe sdig pa can gyi skyes bu de gzhan tshul khrims dang ldan pa de'i rnyed pa dang bkur sti rnams dang du blang ba'i don du nye bar 'joms par byad par gyur pa de'i tshe lha dag gis yongs su spong ngo / /gang zhig gzhan gyi yang dag pa'i yon tan rnams chud gzan nas yang dag pa ma yin skyon gyi tshig rnams bdag nyid kyi phyir rjod par byed pa de dag rnams kyi kha nas ni spu gri nges par 'byung ba yin no/ /rnyed pa dang bkur sti rnams bdag rang la 'ong bar byed pa'i rgyus de de ltar sems par byed pa'i dge sbyong ngan pa dge sbyong du khas 'ches pa gang brdzun smra ba'i bsam pa de yin no/ /de ni sdig pa can gyi spyod pa yin par gyur kyang sdig pa'i spyod pa yin par ma go zhing</font><hr>65.197b<br><font size=+1>

chos ma mthong bar sbyin pa po dang sbyin bdag rnams kyi khyim du myur bar 'gro'o/ /de'i phyir na dge slong rnams kyis chos bdun po 'di spang bar bya'o/ /'di lta ste/ gzhan gyi rnyed pa dang bkur sti dang du len pa'o/ /gzhan yang dge slong rnams bsam gtan bsgom par gyur pa na bar du gcod par byed pa'i chos brgyad pa yod de/ 'di dag kyang gang zhe na/ 'di lta ste/ gser 'gyur gyi sha za zhes bya ba'o/ /'di na dge slong dag gis skra dang kha spu rnams bregs nas gos ngur smrig dgos te/ yang dag pa kho na'i dad pas kyang khyim nas khyim med par rab tu byung bar gyur pa ni 'khor ba'i 'jigs pa rnams kyis 'jigs par gyur pa'i phyir yin la/ de la 'khor ba rnams na ni sdug bsngal mang bar gyur pa las mdor bsdu na sdug bsngal gnyis yin te/ phung po khams dang skye mched la rten pa'i khams gsum pa yin no/ /rgyas par bya na ni 'gro ba lnga po rnams su yin no/ /gzhan yang rgyas par bya na ni dmyal ba brgyad po rnams dang / yi dgas rnams dang / dud 'gro'i 'gro ba rnams dang / 'dod pa na spyod pa'i lha'i ris drug po rnams dang ste/ 'dod pa'i khams pa rnams la yang de ltar rnam pa du mar bsran par mi nus pa'i rab tu dbye ba yod do/ /gzugs kyi khams rnams kyang sdug bsngal ba yin te/ 'chi 'pho ba'i dus na yid sdug bsngal bar 'gyur ro/ /'chi 'pho bar 'gyur ba'i dus kyi tshe na ting nge 'dzin rnam par 'khrug par 'gyur ba'i phyir na gzugs med pa'i khams pa rnams kyang yin no/ /de lta bu'i yid kyis rnam pa mang por dang rnam par rtog pa du mar yang bsran par mi nus pa'i sdug bsngal kun nas mthong bas ngal bar gyur nas rigs kyi bu dag skra dang kha spu bregs nas yang dag pa'i dad pas khyim nas khyim med par rab tu byung ngo / /de ltar gyur pa ni phyogs gcig gis 'jigs pa yin no/ /gzhan yang sdug bsngal rnams mthong bar gyur pas dge sbyong gi dngos por 'gyur ba rnams</font><hr>65.198a<br><font size=+1>

gang dag ce na/ de bzhin du 'di lta ste/ lus kyang 'dod pa'i khams dang / gzugs kyi khams dang gnyis na yod pa yin la gang gi phyir gang na lus yod pa de ni tshor ba'o/ / de la kun nas slong ba po'i tshor ba ji ltar gzugs kyi khams na yod na sdug bsngal ni gang gi tshe bsam gtan gyis dub par gyur pa na de'i tshe skyo bas ldang bar 'gyur te/ lus kyang nyon mongs par 'gyur ro/ /'chi 'pho ba'i dus na yang lus kyi 'od rnams yongs su nyams par 'gyur ro/ /rlung dag gis kyang nang du kun nas reg par 'gyur ro/ /des reg par gyur pas kyang sngon med pa'i tshor ba rnams 'di'i lus la skye bar 'gyur te/ mig gi 'dus te reg pa'i rkyen kyis tshor ba ni ma gtogs te/ bde ba lung du bstan pa de bzhin du sgrub par byed pa yin no/ /tshor ba gzugs las kun 'byung ba yin par rigs kyi bu des thos par gyur nas 'khor ba 'di mtha' dag sdug bsngal gyi rang bzhin du gyur pa'i khams dang / skye mched dang / phung po dang kun tu ldan pa'i sdug bsngal mang po rnams kyi rtag par zil gyis mnan par gyur pa'i 'khor ba'i sdug bsngal rnams kun tu mthong nas rab tu 'byung ngo / /rab tu byung ba de la gal te shed na skyes bu dam pa rnams dang 'grogs par byed do/ /gal te na dam pa ma yin pa dang ste/ de dang 'grogs pas kyang de'i rang bzhin du gyur nas khams rnams bskyed pa la brtson par 'gyur ro/ /khams gzhan gang dag gi 'jigs pa rnams thos nas des rab tu byung ba la khams gzhan rnams 'byung ba thos par gyur nas te/ de yang gser gyi khams rnams dang dag pa'i dngul gyi khams rnams sam/ de yang rin po che'i khams rnams kun tu rko bar gyur pa de dag rnams des de ltar thos nas 'dod pa che bar gyur cing 'dod pa'i mes sreg par byed do/ /de bsreg par gyur pas sdig pa'i grogs po de dang lhan cig tu ri rnams nas ri rnams dang / ri bor rtse mo nas rtse mo dang / ring ba rnams nas ring bar 'gro'o/ /'dod pa'i me dag</font><hr>65.198b<br><font size=+1>

gis de bsregs par gyur pas nyin mo bde ba rnyed par mi 'gyur la mtshan mor yang ma yin no/ /de'i sems brgya la zhig na 'di ltar 'gyur te/ khams 'di dag rnams ni dpyad par mi bya'o zhes so/ /gang dag gi don du rab tu byung ba'i khams de dag rnams ni bor bar gyur nas kyang khams gzhan dag rnams dpyod par byed do/ /'di lta ste/ lus kyi khams rnams la sems par byed de sngon bzhin no/ /de ni 'di ltar sems legs par ma bsdams pa dang / rnam par g.yeng ba'i sems su gyur pas bsam gtan sgom par byed pa las yongs su nyams par 'gyur ro/ /dge ba'i chos rnams las kyang yongs su nyams par 'gyur ro/ /de ni dge sbyong ma yin no/ /khyim pa yang ma yin te/ mya ngan las 'das pa thob par bya ba las rab tu byung ba de sha za'i 'dod pas khrid par gyur cing 'dod pa'i zhags pas bcings nas 'dod pas dmyal bar 'gro'o/ /de nas de'i dus na bcom ldan 'das kyis tshigs su bcad pa gsungs pa ji ltar/ khams rnams 'byung gnas 'di thams cad/ /lus yin pa ni spong bar byed/ /lus kyi khams kyi tshogs ni 'di/ /de bsgral ba las thar ba yin/ /lus kyi khams rnams spang byas nas/ /khams gzhan la ni dga' byed pa/ /khams la sems can de rmongs nas/ /shin tu sdug bsngal las 'grol min/ /dbyig gi khams ni de bzhin du/ /sdug bsngal 'joms par 'jug pa yin/ /lus khams de nyid ji bzhin shes/ /sdug bsngal las ni rab tu 'grol/ /sdug bsngal sdug bsngal 'byung ba kun/ /sdug bsngal las ni yongs su 'grol/ /rdzas la rgyal po chom rkun chu/ /me 'jigs thams cad kyis nyer 'tshe/ /de phyir don min ldan rtag tu/ /ring du de ni yongs su spongs/ /bde las mi bzad kun sten pa/ /skyes bu sdug bsngal ldan par brjod/ /lus khams de nyid shes pa ni/ /khams kyi mtshan nyid de nyid shes/ /bsam gtan sgom dang legs ldan pa/ /nyon</font><hr>65.199a<br><font size=+1>

mongs ri bos sreg par byed/ /de phyir lus skyes pa yi khams/ /mkhas pa yis ni so sor rtogs/ /de dag rang mtshan shes nas ni/ /lus can rnams ni grol bar 'gyur/ /de kho na bzhin du khams de dag rnams rab tu brtson pas rig par bya ste/ mkhas pa rnams kyis dbyig dang / dngul dang / rin po che'i khams rnams 'byung ba'i don du dga' bar ni mi bya ste/ gang gi rtsa ba las sdug bsngal thams cad 'byung bar 'gyur ba'i phyir ro/ /rab tu byung ba brtson pa med pa rnams la yin na ni khyim pa rnams la lta ci smos/ de'i phyir na de la rab tu 'brel bar gyur pa las 'jigs pa thams cad byed par 'gyur ro/ /ji ltar don ma yin pa'i bya ba rnams byed par 'gyur ba yin no/ /ji ltar tha mal pa'i don 'dis ni bde ba thams cad rab tu 'byung bar 'gyur ba rnams kyang don med par byed pa yin na gser 'gyur gyi nor rjes su tshol bar byed pa rnams la lta smos kyang ci dgos/ 'di la chags par gyur pa gang yin pa rnams ni bsam gtan dang 'don pa rtse gcig pa dag la rab tu brtson par mi byed do/ /de lus zhig par gyur nas ngan song log par ltung ba dmyal ba rnams su skye bar 'gyur ro/ /de'i phyir rab tu byung ba rnams kyis bsam gtan bsgom par bya'i nor bsgrub par mi bya'o/ /de'i tshe rgya chen po'i sred pa 'phel bar 'gyur ba'i phyir ro/ /de'i phyir nor la chog shes par gyis dang / nor rnams kyi mchog yin gyis sems can rnams ni rdzas kyi nor rnams kyis don med par 'gyur ba yin no/ /bsam gtan sgom pa na bar du gcod par byed pa'i chos brgyad pa gzhan 'di ni dge sbyong gis yongs su spang bar bya'o/ /gzhan yang bsam gtan la bsam gtan du byed pa na bar du gcod pa'i chos dgu pa yongs su spang bar bya'o/ /'di gang zhe na/ 'di lta ste/ dge sbyong gis rgyal po'i zhabs 'bring ni gnas skabs thams cad du mi bya'o/ /de ci'i phyir zhe na rgyal po la sten par gyur na yul ljongs pa rnams thams</font><hr>65.199b<br><font size=+1>

cad kyis mchod par mi 'gyur ro/ /rgyal po la rten pa dang yang dag par ldan pa'i dge sbyong ngan pas nags kyi rigs rnams sam/ grong khyer ram/ grong ngam/ tshong 'dus sam/ gzhan yang rnam pa de lta bu rnams des gal te des don du gnyer bar byed pa yin na gzhan ci zhig tshol bar mi byed/ de ltar na yang dge slong 'dod pa che bar mi 'gyur ram/ gal te tshol bar mi byed na yang spyad pa rnams don med par nyon mongs par 'gyur ro/ /bsam gtan la bsam gtan du byed pa las kyang yongs su nyams par 'gyur ro/ /de'i thar pa'i/ lam la yang dag par gnas pa las 'ching ba'i lam rnams la rjes su 'gro'o/ /de ltar na dge slong rnams kyis rgyal po la brten par mi bya'o/ /yang ji ltar brten par mi bya zhe na/ de la rten par mi byed pa la rnams kyis kyang yang dag pa ma yin pa'i 'du 'dzi rnams yongs su spang bar bya'o/ /'du 'dzi rnams yongs su spang ba yang gang dag tu bya zhe na/ 'di lta ste/ sdig pa'i grogs po dang / kun nas nyon mongs pa'i yul lnga po sgra dang / reg bya dang / ro dang / dri dang / gzugs rnams la tshul bzhin ma yin par yid la byed pa dang / gnyid dang / rmugs pa dang / mtha' 'khob kyi grong du gnas pa bsten par mi bya'o/ /le lo can dang lhan cig gnas par mi bya'o/ /tshul 'chos can rnams dang 'grogs par mi bya'o/ /stan bzang po can dang ldan cig gnas par mi bya'o/ /tshong pa dang lhan cig 'dri rmed kyang mi bya'o/ /gzhan sdug bsngal bar byas pas 'tsho ba rnams dang ma yin/ rang bzhin gyis dri ma can dang ma yin/ lta ba log pa dang ma yin/ rko trog can dang ma yin/ nga rgyal can dang ma yin/ khengs pa dang ma yin/ lhung bar gyur nas langs pa dang ma yin/ rgyan pos 'tsho ba dang ma yin/ chang 'tshong ba dang ma yin/ 'thab krol can dang ma yin/ bud med la dad che ba dang ma yin/ nyo tshong gis nye bar 'tsho ba dang ma yin/ dud pa'i mig can dang ma yin/ skyes bu nyul ma dang ma yin/ bya ba dang ma yin/ spros pa can rnams</font><hr>65.200a<br><font size=+1>

dang ma yin/ mu stegs can zhugs pa dang ma yin/ skye bo thams cad dang zhe 'gras pa rnams dang ma yin te/ lhan cig tu 'grogs pa dang / ngag brjod pa 'am/ lam du 'grogs pa yang dge slong gis mi bya'o/ /de ci'i phyir zhe na/ rnam par dag pa'i skyes bu la yang gang gi phyir gzhan gyi skyon rnams srid par 'gyur bar skye bo mang po dogs te/ ji ltar chung du na 'di yang de lta bu'i rang bzhin can rnams dang sten pa 'am/ 'grogs par byed do zhes de gzhan gyi skyon des nye bar gos par 'gyur ro/ /de'i phyir de nyid kyis de dag rnams mi bya'o/ /rgyal po sten pa des kyang ci zhig bya/ rnam pa thams cad du gshe bar bya ba yin no/ /de nas dus de'i tshe bcom ldan 'das 'od srung des tshigs su bcad pa gsungs pa ji ltar/ dge slong nags na gnas rnams la/ /rgyal po sten pas gshe ba yin/ /ngur smrig ci yin gsod gsal ci/ /mi gtsang bas 'tshe spangs bar gyis/ /lha dang lha mos yang sten gang / /dge slong zhabs 'bring 'os ma yin/ /dad pa ro dang 'grogs min te/ /mi gtsang sten la 'phya bar 'gyur/ /nga yi med dang snying po med/ /spro ba'ang med pa'i lus can rnams/ /'khor ba'i 'jigs pa skrag pa yis/ /rgyal po sten pa mdzes ma yin/ /nags dang dgon pa dur khrod dang / /rtswa yi ban bun sa phyogs ring / /gnas pa'i dge slong rab tu mdzes/ /rgyal po'i khyim sgo sten pa min/ /rgyal po sten pa ni de ltar thabs du mas smad pa yin la/ grogs tshangs pa mtshungs par spyod pa rnams thams cad kyis kyang rnam par gshe'o/ /gal te na dge slong rnams kyis byed na ye shes kyi rgyal po la bsten par bya'o/ /de bsten pas ni shes pa mthar thug par 'gyur ba yin no/ /gang dag ye shes sten par 'gyur ba 'dis ni bde legs kyi mchog thob par 'gyur ba yin no/ /de bsten pa ni thabs su 'gyur ba yang yin te/ 'di ltar brtson 'grus brtan par 'gyur ba dang / las gzhan mi byed pa nyid dang / </font><hr>65.200b<br><font size=+1>

bla ma la sten par byed pa dang / chog shas par 'gyur ba dang / de la rab du rten pa dang / rtag tu sems 'dod pa la sred pa med pa dang / de las kyang de bla ma la 'dri ba la rab tu sten pa dang / 'dzin pa dang / legs par bgrang ba dang / snying las chung ba dang / grogs tshangs pa mtshungs par spyod pa dang / sten par byed pa ste/ dge slong ye shes kyi rgyal po sten pa rnams kyi thabs de snyed cig tu 'gyur ro/ /de nas de'i tshe bcom ldan 'das 'od srungs kyis tshigs su bcad pa gsungs pa ji ltar/ goms pa bla ma las legs nyan/ /de bzhin sdom pa rgya chen yin/ /ye shes rgyal po bsten pas ni/ /bran bzhin du ni tshul khrims sten/ /lha dang bcas pa'i 'jig rten gyi/ /rgyal gang bde legs ston pa po/ /tha mal rgyal min shes bya ste/ /sred pa'i 'ching ba'i sdug bsngal can/ /gang la sdug bsngal mi dmigs pa/ /de ni 'dir ni rgyal po yin/ /gang yang sdug bsngal gyis g.yogs de/ /rgyal sgra ji ltar 'dir 'os yin/ /de ltar ye shes kyi rgyal po dge slong gis bsten par bya'i tha mal pa ni ma yin no/ /kun tu sten par byed pa las bsam gtan sgom pa na yongs su nyams par 'gyur ro/ /de yongs su nyams par gyur pas slar yang dmyal ba dang / yi dgas dang / dud 'gror skye bar 'gyur ro/ /gang la rgyal po de las gyur pa'i yul gyi skyon de dag sems can rnams la yin pa gang gi phyir dge slong gis gnas skabs thams cad du rgyal po la bsten par mi bya'o/ /nags na gnas pa 'di dag rnams la rnam par gshe ba'i phyir ro/ /de'i phyir chos dgu pa 'di rnam par smad par bya ba bsam gtan sems pa na bar chad byed pa yin no/ /gzhan yang chos bcu pa rnam par smad pa bsam gtan sgom pa na bar du gcod par byed pa 'di yang gang zhe na/ 'di lta ste/ bde bar phe'u 'debs pa zhes bya ba ro rnams byed pa po yin no/ /gal te dus ring ba nas yul la 'gro bas rab tu rgyu ba spangs par gyur pa rnams ljongs rgyu bas</font><hr>65.201a<br><font size=+1>

nye bar 'gro bar byed pa na dga' bar 'gyur ba'i nags sam/ gnas kyang kun tu btang nas yul dag tu rgyun mi 'chad par nye bar kun tu 'gro'o/ /de de dag rnams kun tu 'gro ba na bag med pa'i spyod pas sten par byed pas de khyim nas khyim rnams su dang / grong nas grong dang / tshong 'dus nas tshong 'dus/ grong chung nas grong chung / grong khyer nas grong khyer rnams su kun tu 'gro bar byed de/ ji ltar yul ljongs rnams su tshogs pa 'du bar byed pa po rang gi skye bo rnams lta ba la dga' bar gyur pa/ gtam rnams la dga' ba/ /de pha dang / gnyen dang / grogs bshes dang / rang gi skye bo rnams kyis phe'u 'debs so/ /de ro la sred par gyur pas gang dag rnams la gang dang ci yang rung ste/ ro la sred par gyur pas za bar byed do/ /nags kyi bde ba rnams des brjed par gyur cing bsam gtan bsgom pa dang yang rnam par bral bar gyur nas bag med pa po bag med par gyur pas/ zas la rnam par rgyu bar byed pa la co 'dri bar gyur nas lha rnams kyis sten par mi byed do/ /gson pa'i zhing sa rnams zad par 'gyur yang bde bar phe'u 'debs par byed pa de dag rnams la zhen par gyur pa gang gi tshe yang dge slong de ma bsdams par rgyu bas spyod pa yin no/ /dge slong de yang mig gi gzugs rnams mngon par mthong bar gyur nas chags par 'gyur zhing 'dun pa skyed par yang byed do/ /gnod sems skyed par byed do/ /de nyid la phyir zhing nyid kyang chags par 'gyur ro/ /de rgyun tu ljongs rgyu bar byed pas rgyu bar gyur pa na rang gi don las yongs su nyams par 'gyur ro/ /bsam gtan bsgom pa las yongs su nyams par 'gyur ro/ /yongs su nyams pa de mchog tu ro la zhen par 'gyur ro/ /gzhan gyi khyim rnams su yang lan cig ma yin phogs cig ma yin par nye bar 'gro bar byed do/ /de'i mig gis gzugs rnams mngon par mthong bar gyur nas 'dun pa skyed par byed do/ /gnod sems skyed par byed do/ /de kho na bzhin du rna bas sgra rnams thos par gyur</font><hr>65.201b<br><font size=+1>

pa na 'dun pa skyed par 'gyur/ gnod sems skyed par 'gyur ro/ /de bzhin du snas dri rnams mnams par gyur pa na 'dun pa skyed par 'gyur/ gnod sems skyed par 'gyur ro/ /de ni yul rnams thams cad la rab tu 'jug par gyur pas 'ching ba thams cad kyis bcings pa/ zhags pa'i 'ching ba thams cad kyis bcings par gyur pa de 'dod pa thams cad kyi rjes su 'brang bas khyim par 'gyur gyi rab tu byung ba ni ma yin no/ /de lus zhig par gyur nas shi ba'i 'og tu ngan song ngan 'gro lag par ltung ba dmyal ba rnams su skye bar 'gyur te/ bde bar phe'u 'debs par gyur pa'i skyon dang pos so/ /de'i phyir skyon 'di mngon mthong bar byas la dge slong gis lan cig ma yin zhing 'or cig ma yin par ljongs rgyu bar mi bya'o/ /des yul ljongs rnams chud gzon par 'gyur ro/ /gal te yang rgyu na de 'dod pa'i yon tan lnga la rgyu'o/ /'di lta ste/ nad kyi rkyen sman dang / yo byad rnams dang / de bzhin du bla ma'i don du ljongs yul rgyu bas rgyu bar bya'o/ /de bzhin du gal te mchod rten gyir ram/ dge slong rnams kyis gos hrul bar gyur pa de'i 'og tu yang yul ljongs su rgyu bar bya la rag go/ /de bzhin du dge 'dun gyi dbang du byas nas ljongs rgyu ba rnams kyis rgyu bar bya ste/ gang dag gis dge 'dun la phan par 'gyur ba rnams so/ /de bzhin du gal te rgyu bar gzhan dag gi yul 'khor rnams 'joms par byed pa 'am/ ljongs bcom par gyur pa na rgyal po'i drung du ljongs rgyu bas 'gro bar bya'o/ /de lta bu rnams ni 'bras bu dang bcas par 'gyur gyi gzhan du gal te rgyal po gyur na de don med par rgyu bar byed pa yin no/ /bsam gtan sgom pa dang bral bar gyur nas rgyu'o/ /de rgyu bar gyur pas nad dang / rga ba dang / 'ching ba dang / mya ngan dang / smre sngags 'don pa dang / sdug bsngal ba dang / yid mi bde ba rnams las yongs su mi 'grol lo/ /dge sbyong ngan pa dge sbyong du khas 'ches par gyur pa 'di'i rab tu byung ba ni don med pa yin no/ /de'i phyir gang dag sred</font><hr>65.202a<br><font size=+1>

pa'i 'dun pa rnams zhi bar 'gyur bar rtsom par 'dod na de la des yid mnyam par bzhag par 'gyur zhing dbang po rnams rab tu dang bar gyur pas dkon mchog gsum po de la yid btang bar gyur na/ de dag gi rtsa ba las gyur pa'i nyon mongs pa rnams bag la nyal dang bcas nas rtsa ba nas bcad nas 'don par bya'o/ /de nas de'i tshe bcom ldan 'das 'od srung des tshigs su bcad pa gsungs pa ji ltar/ bsam gtan sgom pa rnam par spangs/ /zas 'ba' zhig gi blo dang ldan/ /dge slong 'di ni 'dir shes bya/ /sha za dang ni mtshungs pa'i yid/ /bsam gtan las ni sbyin bde min/ /zhes ni mkhas pas rab tu gsungs/ /bsam gtan bde ba las gzhan na/ /bde ba nam yang yod ma yin/ /bsam gtan bde ba bla smed gang / /skye bo tha shal de spangs nas/ /byis pa ro la dga' byed pa/ /rmongs pa de ni rnam par bcom/ /yul la kun nas 'khyam pa yi/ /'di yid rtag tu de la song / /'jig rten pha rol 'dren byed pa'i/ /mi dge'i chos ni 'phel bar byed/ /bsam gtan bsgom dang nges par bral/ /sbyin dang tshul khrims rnam spangs pa/ /rgod bag rtsub dang rmongs pa ni/ /gson pa na yang shi dang mtshungs/ /'jig rten 'dir ni gson pa na 'ang / /chos gzhan la ni rjes su 'jug /chos spangs rtag tu rmongs pa ni/ /gson pa na yang shi dang mtshungs/ /mi yi lpags pas g.yogs pa yi/ /byis pa rnams ni phyugs yin no/ /gang gi ye shes mar me yis/ /snying ni gsal bar ma byas pa'i/ /skyes bu 'di srid du yin te/ /gang zhig tshul khrims rjes 'jug pa'o/ /tshul khrims kyis dga' skyes pa kun/ /rang dang mtshungs par pha rol gnon/ /skyes bu sbyin nyams 'dod ldan dang / /sdig las kyang ni dbang rgyal min/ /'di ni mi min shes bya ste/ /'di ni yi dgas lus dang ldan/ /shes dang tshul khrims rnam bral zhing / /sbyin pa rin chen rnam par spangs/ /</font><hr>65.202b<br><font size=+1>

skyes bu gson pa nyid na yang / /shi ba yin par mngon par brjod/ /sbyin dang tshul khrims dka' bsam gtan/ /brtan dang dran pa ting 'dzin ldan/ /skyes bu'i skyes bur gyur pa ste/ /lha rnams kyis kyang phyag byed do/ /yon tan ldan pa skyes bu yin/ /yon tan med pa phyugs dang mtshungs/ /yon tan yod med rnam pa shes/ /gang de lha yin zhes brjod do/ /de bzhin yon tan yon tan mi rnams shes/ /skyes bu thams cad du ni bde bar 'gyur/ /gang yang rtag tu blo dang rnam bral ba/ /'dir ni sdug bsngal can du 'gyur ba yin/ /de'i phyir yon tan de dag rnams mnyan la dge slong gis brkam zhing chags par mi bya'o/ /de ltar bsam gtan bsgom pa na bar du gcod par byed pa'i chos bcu po 'di rnams gal te de dge sbyong 'khor ba'i 'jigs pas 'jigs par gyur na yongs su spang bar bya'o/ /gzhan yang chos bcu gcig pas ni bsam gtan bsgom pa na bar du gcod par byed pa dang / dge slong rnams kyang shin tu sdug bsngal bar 'gyur ba yin no/ /'di gang zhe na/ 'di lta ste/ 'dri bar mi byed pa'o/ /'dis 'dir blo dman pa rnams la bar du gcod par 'gyur ro/ /kha zum pa ma yin pa'i blo gros can du yang bdag nyid phyi rol tu ston par byed la de bzhin du yang bdag ni bstan bcos thams cad 'dzin pa yin pa dang / nga ni rjod par byed pa nyid dang / don rnams kyis dang / nga dang mtshungs pa ni 'ga' yang yod pa ma yin no/ /nga ni ma lus par shes pa'i tshogs rnams kha ton du byed pa yin no zhes don chen po brgya stong phrag du ma rnams kyis lhan cig tu 'grogs pa rnams dang nye bar gnas rnams la yang nges par ston par byed do/ /de bzhin du gzhan dag rnams la yang 'gro bar byed do/ /nges par rtogs par 'gyur bar byed do/ /sems la rab tu gnas par byed de/ de ni shes pa'i mngon pa'i nga rgyal 'ba' zhig tu zad par gyur pa/ sems can rnams thams cad la rang gi yon tan rig par byed pa/ skye bo thams cad</font><hr>65.203a<br><font size=+1>

kyis legs par go bar 'gyur ba de kho na bzhin du 'di shes pa thams cad las pha rol du son pa de dang bgrang bar mtshungs pa rnams 'ga' yang yod pa ma yin pa de ltar 'jig rten pa rnams la rjod par byed do/ /de yang shin tu thos pa chung bar gyur pa/ nang rnams ni stong par gyur pa dang / gsog tu gyur pa/ gsob tu gyur pa/ snod stong pa rnams dang mtshungs shing 'dra bar gyur pa/ ston ka'i sprin dag dang 'dra ba/ bsam gtan la bsam gtan du byed pa phyi rol tu byas pa/ mi thams cad kyis mchod pa de na gang gi tshe bsam gtan bsgom pa'i rang bzhin spangs pa yin no/ /brtson 'grus brtsams par gyur pa dmigs pa'i rang bzhin can thos pa rgya chen por gyur pa/ rig pa rab tu rten pa shin tu sbyangs pa'i rgyan gyis brgyan pa/ /sangs rgyas kyi bstan pa la shin tu gces par 'dzin pa/ spro ba ldog pa med par gyur pa/ shes rab chen po'i dris rgyud bsgos par gyur pas dga' bar gnas pa'i dge sbyong gzhan de dag rnams la yang nang stong par gyur pa gsog dang gsob tu gyur pa 'di snyam du sems te/ gal te bdag dge slong de dag dang smras par gyur na 'di dag gis ji lta bar nye bar bstan pas bdag zil kyis gnon par 'gyur ro/ /gang yang sbyin pa po dang sbyin bdag de rnams kyis bdag la mchod par byed pa las de dag drung nas de dag rnams kyang 'byung bar mi 'gyur ro/ /bdag la dbang che bar byed par yang 'gyur ro/ /sbyin pa po dang sbyin bdag rnams ni bdag nga rgyal gyis bzung bas rang nyid kyi shes rab kyis don rnams go bar mi 'gyur ro/ /gzhan gyis zil kyis mnan par 'gyur ba'i 'jigs pas 'dri bar mi byed do/ /gal te yin mod 'di dag rnams kha cig ni sangs rgyas bcom ldan 'das rang nyid la thos pa yin pa 'am/ ma yin pa 'am zhes de ni de dag rnams kyis nang stong par gyur pa/ gzhan gyi zil gyis gnon pas 'jigs pa ste/ de rang nyid pham par 'gyur ba'i 'jigs pas skrag pa'i</font><hr>65.203b<br><font size=+1>

phyir 'dri bar mi byed do/ /de de ltar log par smra bar byed pas bslab pa'i gzhi lnga las 'das par 'gyur te/ 'di lta ste/ brdzun du smra bar 'gyur ba ni de la shes nyen gyi rtogs pa yang yod pa ma yin la/ 'on kyang smra bar yang byed pa'i phyir na bslab pa'i gzhi dang po las 'das so/ /yang bslab pa'i gzhi gzhan las 'das pa gang zhe na/ 'di lta ste/ ma byin par len pa'o/ /gang shes rab dang ldan pa zhes byas nas sbyin pa po dang sbyin bdag rnams kyis byed pa'i mchod par 'os pa yang ma yin no/ /nye 'khor na nyan pa rnams las des len par byed pas ni blo dman pa de la bar du gcod par byed par 'gyur ro/ /ma byin par len pa 'dis ni bslab pa'i gzhi gzhan rnam par 'das pa'o/ /gzhan yang bslab pa'i gzhi las 'das pa 'di gang zhe na/ 'di lta ste/ gang gi tshe dge slong rab tu byung bar gyur pa de'i tshe/ bslab pa'i gzhi yongs su bzung bar gyur pa rnams ji ltar tshul khrims la kun nas brten zhing tshul khrims rab tu gnas par bya ba dang tshul khrims dmigs par byas nas ngas khyim gyi gnas yongs su gtang bar bya'o zhes byas pa'i yang dag pa'i tshul khrims gang yin pa rnams kyang des thos pa yod pa yang ma yin no/ /ngas thos pa yin no zhes gzhan dag rnams la yang go bar byed do/ /'di ni bslab pa'i gzhi las shin tu 'das pa gzhan yin no/ /gzhan yang bslab pa'i gzhi las 'das par gyur pa ni 'di lta ste/ gzhan gyis dri ba dang / phyir zhing 'dri bas 'phags par gyur pa'i zil kyis gnon par 'gyur ba'i 'jigs pas 'jigs nas ji srid du chos gzhan rnams rjod par byed do/ /chos 'di ni mchog tu sdug bsngal bar gyur pa dang / 'di ni shin tu sdig pa can no/ /gzhan yang bslab pa'i gzhi las rnam par 'das par gyur pa mchog tu dka' blas tsha ba 'di gang zhe na/ 'di lta ste/ gang gi tshe dam pa'i chos mi shes par gyur pa des gzhan dag dam pa'i chos la dpyad par gyur pa rnams la rjod par byed pa</font><hr>65.204a<br><font size=+1>

ni de'i don rnams zab pa yin pas yang dag pa ji lta ba bzhin du sangs rgyas kyi gsung gi tshig rnams khyod kyis thos pa ma yin no zhes des dge 'dun la brnyas par byed de/ nga kho nas 'di'i tshig rnams ji lta ba bzhin du shes pa yin gyi/ btsun pa rnams kyis ni ma yin no zhes dge 'dun la skur ba 'debs par byed do/ /kha zhan par 'gyur ba'i 'jigs pas skrag nas chos kyang 'chad par byed do/ /ji ltar chos 'di ni dam pa'i chos yin te/ dam pa'i chos kyi yon tan rnams 'jig par byed pa po brdzun mchog tu smra ba ni lus zhig nas ngan song log par ltung ba dmyal ba rnams su skye bar 'gyur ro/ /'dri bar mi byed pa las gzhan yang skyon mchog tu che ba yod do/ /'dri bar mi byed pa 'di nyid la 'di ltar gal te ji ltar nga rgyal de kho na nyid kyis zil gyis gnon par 'gyur ba'i 'jigs pas 'jigs nas nags su 'jug par byed do/ /lam dam pa'i gdams ngag ston par byed pa po rnams la ma dris par yang 'dir lam ji ltar 'byung bar 'gyur/ dmigs pa yang ji lta bur yid la bya ba yin/ rnam pa gang dag gis dmigs pa las nyams par 'gyur ba yin/ phyir yang yid 'jog par ni byed de/ /nga rgyal gyi skyon gyis de lta na yang gzhan rnams la mi 'dri'o/ /des de ltar lam rnyed par ma gyur pas yid shin tu skyo bar 'gyur ro/ /de slar yang dkyil mo dkrung las ldang bar gyur nas 'di snyam du sems te/ ji ltar bdag gis khengs par byas pa de dag rnams ni don med do zhes skyo ba skye bar gyur nas 'di ni lam med do/ /bsam gtan med do/ /snyoms par 'jug pa med do zhes de bsam gtan gyi 'bras bu dang / ting nge 'dzin gyi 'bras bu rnams la nga rgyal gyi skyon gyis dang zil kyis gnon pa'i 'jigs pas skrag pas skur pa 'debs par byed de yongs su ma dris pa'i phyir ro/ /log par</font><hr>65.204b<br><font size=+1>

lta ba can de lus zhig par gyur nas shi ba'i 'og tu ngan song log par ltung ba dmyal ba rnams su skye bar 'gyur ro/ /de nas de'i tshe bcom ldan 'das 'od srung des tshigs su bcad pa gsungs pa ji ltar/ bdag nyid shes shing nga rgyal bral/ /de bzhin bla ma la 'dri ba/ /dge slong shin tu brtsom ldan pa/ /mya ngan 'das pa rtogs pa yin/ /de ltar ji tsam thos gyur pa/ /de tsam zhig ni 'chad par byed/ /bdag nyid shes dang nga rgyal bral/ /de nyid rig pa'i dge slong yin/ /nga rgyal shin tu nga rgyal bral/ /gang dag ye shes lam la mkhas/ /rang gzhan bdag nyid thabs shes pas/ /chog shes gang yin dge slong brjod/ /nga rgyal can dang khro ba'i yid/ /rko trog can dang blo chung ba/ /rnyed dang bkur sti yid can la/ /ci phyir zhi ba 'byung bar 'gyur/ /'dri bar mi byed pa nyid kyi nga rgyal can khro ba'i yid du gyur pa bsam gtan sgom par mi byed pa rnams ni gzhan gyi zas za bar byed pa rnams bu lon du 'gyur ro/ /cha byad 'ba' zhig tsam 'dzin par gyur pa rnams kyis dge slong gi bdag nyid ci zhig 'thob par 'gyur nas lus zhig par gyur cing shi ba'i 'og tu nga rgyal gyi skyon dang 'dri bar mi byed pa'i phyir na ngan song log par ltung ba dmyal bar skye bar 'gyur ro/ /de'i phyir na 'di ltar bslab par bya ste/ ji srid 'tsho'i bar du yongs su 'dri ba'i rang bzhin can gyi dge slong rnams ni bde ba dang yid bde bar 'gyur ro/ /lus zhig par gyur nas shi ba'i 'og tu yang bde 'gro mtho ris lha rnams kyi nang du skye bar 'gyur ro/ /nga rgyal de bcom par gyur pa'i yon tan gyis de las phyi mar yang mya ngan las 'das pa 'byung bar 'gyur ro/ /gzhan yang chos bcu gnyis pa bsam gtan sgom pa na bar du gcod par byed pa 'di yang gang zhe na/ 'di lta ste/ grogs po mang bar gyur pa zhes bya bas don ma yin pa thams cad byed par 'gyur ro/ /dge slong rnams nges par sreg pa 'ba' zhig la 'jug par byed pa yin no/ /</font><hr>65.205a<br><font size=+1>

gang gi tshe grogs po mang po yod par gyur pa de'i tshe/ dge slong rnam par g.yeng ba mang bar 'gyur la bya ba mang bas rnam par g.yeng bar 'gyur ba'i blo la yang bsam gtan med cing bsam gtan du bya ba yang med par 'gyur ro/ /khyim gyi gnas nas nges par byung bar gyur pa rnams kyi grogs po dang / dgra bo ma yin pa rab tu spangs pa rnams kyis re shig grogs po gcig nyid kyang bya ba ma yin na grogs po mang po rnams la lta smos kyang ci dgos te/ gang gi tshe le lo can ming tsam gyi dge slong du gyur nas gzhan gyi khyim rnams su rjes su rgyu bar byed pa yin te/ de'i tshe na 'dis mthong ba tsam nyid kyis blo rnam par g.yeng bar 'gyur ro/ /mig gis gzugs rnams mthong bar gyur pas gzhan du 'gyur ro/ /mig gi rnam par shes pa zhi bar mi 'gyur ro/ /dmigs pa la zhi bar mi 'gyur ro/ /yid la byed pa nye bar gnas pa ma yin no/ /mnyam par bzhag pa ma yin no/ /dus rnams thung bar byed pa ma yin no/ /grogs po rnams la lta ba la ched che ba yin no/ /de bzhin du sgra rnams thos nas kyang mnyam par bzhag par mi 'gyur te/ mi dmigs par mi byed do/ /de yid la byed pa gzhan rnams la zhugs pa na zhi bar mi 'gyur ro/ /ma zhi ba'i yid la byed pa rnams la dmigs pa ni zad cing ltung bar 'gyur la/ gang gi tshe grogs po de dag la lta bar byed pa des ni dmigs pa'i bar du gcod par byed par 'gyur ro/ /de'i phyir dge sbyong gis grogs po gcig kyang mi bya na grogs po mang po ni dang por ma yin no/ /grogs po la 'chel bar gyur pa'i dge slong yul ljongs rnams nas yul ljongs su rgyu bar gyur pas nye bar 'gro bar byed pa na tshe'i 'du byed rnams ni zad par 'gyur ba dang / dge phyogs yongs su nyams par 'gyur te/ dge ba'i phyogs nyams par gyur pa rnams kyis kyang 'gro ba'i mchog 'thob pa ma yin no/ /skad cig tsam yang bsam gtan dang</font><hr>65.205b<br><font size=+1>

'dod pa rtse gcig pa gnyis yid la bya bar nus pa yang ma yin no/ /de'i phyir 'di ltar bslab par bya ste/ dge slong gis kun nas nyon mongs pa can gyi srid pa rnams 'phel bar byed pa po'i khyim pa'i grogs po mi bya'o/ /'di dang pha rol tu mya ngan las 'das pa'i las la ston par byed pa dang / mya ngan las 'das pa'i lam nye bar ston par byed pa dang / bsam gtan gyi grogs byed par 'gyur ba'i dge ba'i grogs po bya bar bya'o/ /gang dang lhan cig tu gyur pas nyon mongs pa rnams zad par byas nas mya ngan las 'das pa'i grong khyer du 'jug par byed pa de dag ni grogs po'i mchog yin no/ /gzhan du na ni grogs po'i gzugs brnyan gyi dgra bo yin te/ gang dag don dam pa ma yin pa de dag gis ni grogs por 'gyur ba ma yin no/ /gang dang phrad nas kun brjod pa dang gnas pa'i las su gyur pas gang yang 'jig rten pha rol gyir 'gyur ba de ni grogs po yin te/ gang yang tshangs pa mtshungs par spyod pa rnams kyis nye bar ston pa dang / byed du 'jug pa 'am/ 'jig rten pha rol gyi 'jigs pa ston par byed pa 'am/ dmyal ba dang / yi dgas dang / dud 'gro'i 'gro bar skye ba'i 'jigs pa legs par ston pa rnams kyang rung ste/ ji ltar lus dang / ngag dang / yid kyis nyes par spyod pa rnams kyis ngan song du 'jug par 'gyur ba rnams mi bya'o/ /de nas de'i tshe bcom ldan 'das 'od srung des tshigs su bcad pa gsungs pa ji ltar/ grogs gang 'jig rten pha rol gyi/ /grogs po de ni grogs por brjod/ /gang zhig sdig las zlog pa dang / /'chi 'pho las kyang srung byed pa/ /pha rol du ni gang phan pa'i/ /phan pa rtag tu rab tu brjod/ /mi rnams grogs ni de yin te/ /grogs gang gis ni 'dod pa 'thob/ /de ni grogs po rnams kyi mchog yin te/ gang gis rnam pa du ma dang / rnam par rtog pa du mas kyang / chos nye bar ston par</font><hr>65.206a<br><font size=+1>

byed pa'o/ /'on kyang gang dag zas phal po che rnams mngon par rjod par byed pa dang / khyim rnams su 'jug par byed pa dang / sdug pa'i sgra dang / reg bya dang / ro dang / gzugs dang / dri rnams sten pa nye bar ston par byed pa rnams ni ma yin te/ rnam pa de srid kyi grogs po 'di dag ni gcig kyang grogs por bya ba ma yin na skyon du ma rnams skyed par byed pa'i grogs po mang po mi bya ba lta ci smos/ gang dag gis 'jigs pa dang bcas par 'gyur ba 'jig rten pha rol du phan pa ma yin pa byed par 'gyur ba de dag rnams ni grogs po'i gzugs kyi dgra bo rnams yin no/ /dge slong gang dag rab tu chags par gyur pa rnams ni rang gi bya ba las yongs su nyams par byed pa dang / dge sbyong bsam gtan sgom par byed pa na bar du gcod par byed par 'gyur ba yin no/ /gzhan yang chos bcu gsum pa bsam gtan sgom par byed pa na nyams par byed pa yin no/ /'di yang gang dag yin zhe na/ 'di lta ste/ kun du 'dre bar gnas pa'o/ /dge slong rnams thams cad kyang bsam gtan bsgom pa na nyams par byed par 'gyur ba'o/ /kun du 'dre bar gnas de yang rnam pa lnga yin no/ /'di gang dag yin zhe na/ 'di lta ste/ tshul khrims dang ldan pa mchog tu dge ba'i chos can drang por gyur pa drang po'i rang bzhin can rnams mchog tu tshul khrims 'chal pa rnams dang lhan cig tu gnas par 'gyur ba ste/ gzhan gyi dbang du gyur pa'i skyon 'di ni kun du 'dre bar gnas pa gcig yin no/ /gzhan yang 'dre bar gnas pa'i skyon gnyis pa yod do/ /'di lta ste/ gzhan gyi dbang du gyur pa'i skyon gyis sam/ rang 'dod par gyur pas kyang log par lta ba can rnams dang lhan cig tu grong dang / grong khyer dang / grong rdal dang / tshongs 'dus rnams su gnas par byed pa 'di ni kun du 'dre bar gnas pa gnyis pa yin no/ /gzhan yang kun du 'dre bar gnas</font><hr>65.206b<br><font size=+1>

pa gsum pa yod do/ /'di lta ste/ gnyen bshes dang / grogs po dang / rang gi skye bo rnams dang / phrad par 'dod par gyur cing lta ba la sred par gyur pas nye bar 'gro'o/ /des de dang lhan cig tu sngon gyi khyim la goms pas slar yang de kho na bzhin du gnas par byed do/ /'di ni kun du 'dre bar gnas pa gsum pa yin no/ /gzhan yang kun tu 'dre bar gnas pa bzhi pa yod pa ni 'di lta ste/ kun du dga' bar gyur pas phan tshun du bstan bcos kyis kun du brjod pa dag gis dga' bar gyur pas rgyal po'i khyim du chud par dge slong gnas par byed de/ gzhan zil gyis mnan par bya ba'i bsam pas so/ /'di ni kun du 'dre bar gnas pa bzhi pa yin no/ /gzhan yang kun du 'dre bar gnas pa lnga pa yod de/ 'di lta ste/ blo rnam par g.yeng bar gyur pa'i dge slong spyod pa kun du ma bsdams pa sngon gang dag zos pa dang / 'thungs pa dang / grong pa'i chos bsten par gyur pa 'am/ sgra dang / reg bya dang / ro dang / gzugs dang / dris byas par gyur pa de dag rnams kyang rjes su dran par byed do/ /de dag rnams la rnam par rtog par byed do/ /de rnam par rtog pas nye bar bcom par gyur pas mchog tu kun du 'dres par gyur nas shin tu rtsub par gyur pa rnams kyis shin tu sdug bsngal bar gyur pa dang lhan cig pa'i yul mi 'dod pa mi sdug pa yid du mi 'ong ba rnams dang lhan cig tu gnas par byed do/ /'di ni kun tu 'dre bar gnas pa lnga pa yin te/ yul gyi rnam par rtog pa rnams kyis nye bar bcom par gyur nas kun du 'dre bar gnas pa yin no/ /kun du 'dre bar gnas pa rnams thams cad yongs su spang bar nus kyi yid kyi rnam par rtog pa rnams ni yongs su spang bar mi nus so/ /yul dang kun nas 'dre bar gyur pa ni bsam gtan sgom par byed pa rnams thams cad la shin du bar tu gcod par byed pa yin no/ /</font><hr>65.207a<br><font size=+1>

gang gi phyir kun du 'dres par gnas pa thams cad ni yongs su spang bar nus la/ yul gyi nye bar longs spyod pa la rang gi sems tsab hral can gyis bslang ba'i kun tu rtog pa rnams kyis kun tu 'dre bar gnas pa rnams ni spang bar mi nus te/ bsam gtan dang / snyoms par 'jug pa dang / shin tu sbyangs pa dang / legs par sdom pa dang / tshul bzhin du yid la byed pa rnams kyis rjes su dran par byed pa rnams kyis ni ma gtogs pa'o/ /de nas de'i tshe bcom ldan 'das 'od srung des tshigs su bcad pa gsungs pa ji ltar/ tshul bzhin ma yin yid byed pas/ /me gang kun tu spar gyur pa/ /tshul bzhin ma yin yid byed de'i/ /char gyis rab tu 'joms par byed/ /mun pa yun ring gis bslang gang / /ma rig las byung mi rnams kyi/ /de ni cung zad tu skyes pa'i/ /shes rab mar mes 'jig par byed/ /blo gros rmongs pa dmyal bar ni/ /chags dang rmongs pas sreg par byed/ /shes rab can ni 'joms min te/ /mya ngan 'das pa'i lam du 'gro/ /shes rab snang bas lus can gyi/ /bcu gsum po rnams 'joms par byed/ /de phyir skyon gzhom rjes su btsal/ /shes dang tshul khrims rtag bsgoms pas/ /lus can rnams kyi bcu gsum po/ /rtsa ba med par kun rab 'joms/ /ye shes mes ni nyon mongs pa'i/ /bud shing chen po cher 'bar byed/ /de ltar kun du 'dre bar gnas pa rnams ni thams thabs cad kyis gnas skabs thams cad du mi bya'o/ /khyim gyi gnas las nges par byung ba gcig pu rgyu bar gyur pa'i dge sbyong rnams kyis kun tu rtog pa'i rang bzhin can du mi bya'o/ /le lo can du mi bya'o/ /grong dang / grong khyer dang / grong chung dang / tshongs 'dus rnams nyams su myong bar byed pa'i rnam par rtog pa'i rang bzhin can du mi bya'o/ /spro ba chen por gyur pas lhan cig tu</font><hr>65.207b<br><font size=+1>

gnas pa dang / lta ba la ched cher mi bya/ slob ma sdud pa la ched cher mi bya'o/ /sdig pa'i grogs po dang 'grogs pa'i rang bzhin can du mi bya'o/ /sgra dang / reg bya dang / ro dang / gzugs dang / dri rnams la ched che bar gyur nas mngon par zhen pas kun tu chags par gyur pa'i sems su mi bya'o/ /'gro ba dang spyod pa rnams kun du ma bsdams par mi bya'o/ /sems shin tu myur bar brkam par mi bya'o/ /bsod snyoms dang / mal cha dang / stan dang / nad kyi rkyen sman dang / yo byad rnams la mngon par dga' bar mi bya'o/ /chos gos bkra ba dang / 'jo sgeg dang / khrus dang / mnye bsug dang / sgeg chos su brjod pa'i rang bzhin can du mi bya'o/ /thog ma med pa'i dus nas mun pa'i tshogs su gyur pa'i nyon mongs pa'i tshogs 'di dag rnams bsreg par bya nus pa ma yin na/ kye ma shin tu sdug bsngal bar 'gyur ba'i 'khor ba gang yin pa 'dir 'gro ba lnga'i sgor yul drug gi 'od zer gyi rnam par rtog pas sdug bsngal 'byung bar 'gyur bas de dag rnams dmyal ba dang / yi dgas dang / dud 'gro rnams su nyi ma re re zhing byis pa'i skye bo 'di dag thams cad 'tshed par byed/ sreg par byed/ rnam par rlag par byed pas sdug bsngal gyi rgya mtsho rnams su lhung bar gyur cing yang dang yang du de ltar 'jug par 'gyur yang skyo ba skye bar 'gyur ba yang ma yin no/ /de la rnam pa de lta bu'i tshul khrims rnams yongs su spangs nas gang lhar skyes par gyur pa rnams ni mchog tu bag med par rgyu bar 'gyur ro/ /de yang lha'i 'jig rten rnams las nyams nas ded dpon gyi mchog las de bzhin du ded dpon dmyal ba dang / yi dgas dang / dud 'gro'i 'gro ba rnams su skye bar 'gyur bas shin du sdug bsngal bar gyur pa'i 'gyod pa'i mes sreg par byed do/ /'di la skyob par byed pa rnams kyang 'ga' zhig kyang med do/ /bag med par gyur pa brgya'i bag</font><hr>65.208a<br><font size=+1>

med pa rnams kyis nye bar bcom par gyur pas 'gyod pa'i mes bsregs par gyur nas dmyal ba dang / yi dgas kyi sa gzhir skye bar 'gyur ro/ /de'i phyir ji srid du 'chi 'pho ba'i dus kyi snang ba ma 'ongs par ma gyur pa de srid du dam pa'i chos yid la bya ba'i steng du yang sangs rgyas dgra bcom pa rnams thams cad kyi bstan pa gang yin pa 'di la de dag rnams thams cad nyi ma re re zhing lan cig ma yin/ phyogs cig ma yin par bya ba kho na'o/ /bag med pas mchog tu bag med par gyur pa gang yin pa'i lha de dag rnams lhar skyes par gyur pa ni mir gyur pa thams cad kyis kyang tshul khrims legs par bsgoms shing legs par las su byas pa dang / sems bzang por byas par gyur pas de shi nas/ skyes bu lus zhig par gyur te/ shi ba'i 'og tu lha rnams su skye'o/ /ci bdag cag rnams las chung ngun gyis skyes pa zhig yin nam zhes de lha rnams kyis shes pa ma yin pa de dag bstan par bya ba'i don du chos bcu gsum po 'di gsungs pa yin no/ /mi'i 'jig rten pa'i skyes bu rnams dang lha rnams phan tshun du rgyur gyur pa yin te/ lha rnams dang skyes bu rnams kyang tshul khrims dang ldan pa ni shi nas lhar skye'o/ /lha'i bag med pa rnams shi 'phos nas mi rnams su skye'o/ /de la rgyu 'di dag rnams kyis lha dang mi rnams la phan pa dang / bde ba dang / mthar mya ngan las 'da' bar 'gyur ba dang / 'jig rten pa'i phan pa rnams kyang mdzad pa'i bcom ldan 'das 'od srung des mdo 'di dag gsungs pa yin no/ /de nas mu su lun d+ha la sogs pa'i lha de dag rnams 'dod pa la mchog tu yid byung bar gyur pas 'dod pa rnams ma yin zhing 'dod pa'i mtha' la yang mi 'jug go/ /bcom ldan 'das dang bcom ldan 'das kyi mchod rten de la yang rab tu dang ba'i yid dang ldan pa'i mgo bos phyag 'tshal nas thams cad ji ltar 'ongs</font><hr>65.208b<br><font size=+1>

pa de ltar phyir song ngo / /bcom ldan 'das 'od srung gi mdo rdzogs s+ho// //mdo drug pa dang tshogs pa rgyu ba na rnam par rgyu ba'i sa yang rdzogs s+ho//        // de nas lha de dag rnams bcom ldan 'das 'od srung gi mchod rten de las phyir 'ongs par gyur pa gang gi tshe de mu su lun d+ha la 'dri'o/ /lha ji ltar rnam pa gang gis khyod kyis mchod rten de mthong / de nas lha de rnams kyi drung nas thos par gyur nas mu su lun d+ha des 'di skad ces smras te/ ngas rnam pa gang dag dang / rgyu mtshan dang bcas pas mchod rten de dag mthong bar gyur pa ji lta ba bzhin du mnyan par gyis shig /de la sngon lha'i 'jig rten du nga sngon skyes nas bag med pa spyod pa yul la ched cher byed pa 'dod pa lnga'i zhags pas kun nas bcings par gyur pas ngas 'thab bral de dag rnams thams cad phyir zhing lta bar byed de/ rtse bar gyur cing 'dod pa'i yon tan lnga dang bcas shing yang dag par ldan pas rtse ba dang kun tu spyod par byed de/ nags nas nags dang / ri bo'i ngos nas ri bo'i ngos rnams dang pad ma'i rdzing bu nas pad ma'i rdzing bu dang / bung ba rgya che ba nas bung ba rgya che bar lha mo brgya stong du mas yongs su bskor ba de bzhin du rgyan dang cha byed dang ldan pa'i lha brgya stong gis kun du gang bar gyur pas mdun na gar byed par gyur/ glu len par gyur/ rgod par byed par gyur/ 'gying bar byed par gyur pas yongs su bskor bas lha'i 'jig rten 'di thams cad du bdag cag 'gro ste/ yul rnams la dad che bar gyur pa/ 'dod pa'i yon tan lnga la dga' ba'i sred pas 'khrid par gyur pa ste/ de la bdag ngoms pa med par gyur nas 'gro ba dang / spyod par byed pa'i 'gros thogs pa med par gyur pa la 'di lta ste/ chu la ngang pa'i rgyab nas ngang pa'i rgyab dang / ka raN Da ba'i rgyab nas ka raN Da ba'i rgyab dang / bal la'i ni'i rgyab nas bal li ni'i rgyab dang / pad ma'i nang nas pad ma'i nang dang / rlabs nas rlabs gzhan rnams la yang nga rtse bar</font><hr>65.209a<br><font size=+1>

byed de/ ji ltar 'dod par 'dod pa rnams la spyod pa thams cad du 'bying ba med par 'gro ba thams cad du 'gying ba dang / rgod pa dang bcas pa mchog tu dga' ba'i yid kyis bdag rgyu'o/ /de bzhin du yang bdag gal te/ dga' ba brgyas rtse ba'i dbang du byas nas bdag nyid rang thang gi gshong na legs par gnas par gyur pa la lha brgya stong gis yongs su bskor nas bdag rtse ste/ ri nas ri/ ri bo'i rtse nas ri bo'i rtse/ phug nas phug tu/ skyed mos tshal nas bskyed mos tshal/ ri khrod nas ri khrod du'o/ /de kho na bzhin du nga thams cad du thogs pa med par 'gro bas rnam par spyod pa yin no/ /de bzhin du nam mkha' la yang khang pa brgya stong gis yongs su bskor bar gyur nas lha brgya stong gis gang bas rol mo'i sgra dang / gar dang / glu dang / dgod pa dang / 'gying ba dang / lhan cig tu lha'i 'jig rten 'di ma lus par rtse bar gyur pas mthong ste/ yul gyi cha dpe med par gyur pa rin po che bdun dang ldan pa de'i 'od kyis nye bar mdzes par gyur pa'i yul gyi cha dang / de bzhin du ri'i rtse mo rnams las gzhan du yang mthong ba pad ma brgya stong du ma skyes pa'i klung rnams kyis legs par rnam par phye ba'i phyogs kyi cha dang / de kho na bzhin du ngas yang mthong ba lha'i tshogs kyis yongs su bskor bar gyur nas nam mkha'i dkyil na legs par gnas pa/ 'dod pa'i yon tan thams cad dang ldan pa/ lha'i 'jig rten 'di rgya chen por khang bu brgya stong gis yongs su bskor bar gyur nas thams cad la kun tu thogs pa med par nga 'gro bar byed de/ chu dang thang dang / de bzhin du nam mkha' dang gsum la yang de ltar rtse bar gyur pa na 'ga' zhig na bdag gis ring ba nas mthong bar gyur pa la 'od zer de dag rnams thams cad zil gyis gnon par byed pa'i 'od zer drug gi rang bzhin gyi re re gyur pa/ nam mkha'i dkyil brtol bar gyur nas rab tu 'bar bar byed de/ de las nga'i ngo mtshar ba</font><hr>65.209b<br><font size=+1>

'phangs pa'i yid mnyam par ma bzhag par gyur pas 'di snyam du sems par gyur te/ rmad du byung ba gzhan 'di dag rnams ci zhig mthong bar gyur na nga rang khang bu'i phreng ba rnams kyis yongs su bskor bar gyur pas rings pa nyid du nam mkha' las gang nas 'od zer drug po de dag mthong bar gyur pa dang phyin par 'gyur ro/ /phyin par gyur nas kyang 'od de dag rnams kyi drung du bdag cag khang pa thams cad dang bcas pa rnams lhan cig tu nam mkha'i dbyings las lhung bar gyur nas sa gzhi la rab tu lhung ngo / /'od kyang nyams par gyur nas de la nga 'di snyam du sems par gyur te/ 'di ci zhig yin par gyur na/ ci rang nyid kyi gzi brjid yin par 'gyur ram/ gang gis bdag cag lha'i tshogs rnams thams cad dang bcas pa nam mkha'i dkyil nas lhung bar gyur cing 'od kyang kun nas nyams par byas par gyur to/ /de la bdag gis de ltar bsams pa dang / 'dul bar gyur pa yang rnam par yangs pa zhes bya ba'i ming can gyi lha shin du snga ba na skyes par gyur pa de la yang don 'di dag rnams dris so/ /des brjod par gyur pa 'di dag ni lha'i zhal snga nas kyang ma yin la 'di dag ni yul gyi skyon yang ma yin zhing bar chad rnams 'byung bar 'gyur ba yang ma yin gyi/ gang gis khyod lha'i tshogs rnams thams cad kyis yongs su bskor ba rnams nam mkha'i dkyil nas lhung bar gyur pa gang yin pa de dag gi rgyu mtshan rnams nyon mdzod dang / gzhan yang sngon lha rnams kyi bdag por gyur pa gang yin pa de dag rnams kyang gnas 'dir chud zos par gyur te/ shin tu yang nam mkha'i dkyil nas lhung bar gyur to/ /khyod kyang thos pa dang mi ldan pa'i rgyus khyod kyis mi shes pas yul phyogs 'di dag tu 'od zer de dag rnams las rgyal bar mi nus pas lhung bar gyur pa yin no/ /de nyid kyi rgyu mtshan de dag rnams bdag gis mngon par brjod par bya'o/ /de dag rnams kyi rgyu gang yin pa dang gnas de dag ni dgra bcom pa yang dag par rdzogs pa'i sangs</font><hr>65.210a<br><font size=+1>

rgyas rig pa dang zhabs su ldan pa gang dag lha rnams kyi yang lhar gyur pa 'jig rten thams cad kyi de kho na rig par gyur pa de dag rnams kyis tshogs pa rgyu ba na/ rnam par rgyu ba'i lha rnams kyis 'dir lha dang mi rnams la phan par 'gyur ba'i mchod rten drug mdzad pa yin la/ mchod rten dge sbyong rnams kyis bsgrub par mi nus pa de dag rnams kyi rim pa bsgrub pa de dag ni rgyu gang gi phyir de dag rnams kyi drung na ches khyad par du 'phags par gyur pa gzhan ni 'ga' zhig kyang med pa'i phyir na/ de dag rnams kyi mchod rten 'di dag rnams ni bgong bar bya mi nus so/ /rgyu 'dis na khyod kyang lhung bar 'gyur ba yin zhes nga la rab tu rnam par yangs pa des brjod do/ /de na ci zhig kun tu gnas par gyur pa yin/ des nga la yang brjod pa de dag rnams dang mtshungs par gyur pa'i dka' thub ni 'khor ba na 'ga' zhig kyang yod pa ma yin te/ de dag rnams ni thams cad mkhyen pa thams cad gzigs par gyur pa de dag gis 'dod pa rnams kyi nyes dmigs mngon par mkhyen cing / 'khor ba'i sdug bsngal rnams kyang mkhyen par gyur nas bskal pa grangs med pa gsum du pha rol tu phyin pa drug po rnams la dka' thub spyod pas/ thams cad mkhyen pa thob par gyur nas yongs su mya ngan las 'das par gyur pa ni shin tu mdor bsdus pa yin no/ /gal te khyed rnams nyan par 'dod na tshogs pa rgyu ba na rgyu ba'i sa na gnas pa'i mchod rten de dag la blta bar gyis/ de nas rnam par yangs pa de'i drung nas tshig 'di dag rnams thos par gyur nas nga ngo mtshar bas chad che bar gyur pa la ma mthong ba dang / zil kyis mnan par yang gyur nas rnam par yangs pa de dang lhan cig tu dang / lha gzhan rnams dang yang mchod rten de dag rnams su rab tu brgyus par gyur cing gang gis bdag cag 'khor ba las sgrol ba'i chos kyang thos so/ /thabs 'di dag rnams kyi mchod rten 'di mthong bar gyur pa dang / gang bcom ldan 'das de dag gis bstan pa'i lha dang mi</font><hr>65.210b<br><font size=+1>

rnams la phan par gyur pa 'di dag rnams kyang thos so/ /de nas lha de dag rnams kyis 'thab bral ba'i mnga' bdag de'i tshig rnams thos par gyur nas gang yang sa gzhan dag pa rnams ni de dag rnams su legs par nye bar song ngo / /mu su lun d+ha yang rang gi sa la rab tu zhugs par gyur to/ /mchod rten rtogs pa rdzogs s+ho//          // gzhan yang dge slong las kyi 'bras bu rnam par smin pa shes pa des 'thab bral ba rnams kyi las la kun tu lta bar byed do/ /des 'thab bral ba rnams kyi sa rab tu rnam par 'dres pa'i khor yug na rgyu ba zhes bya ba ji lta ba bzhin du yod pa thos pa las byung ba'i shes rab kyis mthong bar gyur te der las gang dag gis sems can rnams skye bar 'gyur ba yang des thos pa las byung ba'i shes rab kyis mthong ba ji ltar gang dag gis shes rab kyis dge ba rnams la spyod pa dge zhing bde legs su gyur pas srog gcod pa dang ma byin par len pa yang spangs par gyur pa rnams ni sngar bzhin te/ 'dod pa las log par g.yem pa yang rnam pa thams cad du yongs su spangs par gyur pa la 'di lta ste/ nags su song bar gyur pa na yang gang gi tshe bya rnams 'dod pa gsal bar byed pa snyan par 'grogs pa po sgra snyan pa dang ldan pa rnams mthong bar gyur la/ de yang mchog tu 'dod pa skyed par byed pa'i tshig rnams 'don par byed pa dang phyi bzhin 'brang bar yang ngang mo dag rnam par rgyu'o/ /rnam pa sna tshogs pa'i kha dog gi sgro dang ldan pa skye bo thams cad kyi yid 'phrog par gyur pa'i 'dod pa skyed par byed pa de dag rnams kun tu mthong bar gyur nas kyang yid la bsgom par mi byed do/ /rnam par rtog par mi byed do/ /de rnam pa de srid du tshul khrims rnam par dag par gyur pa yin na/ 'dod pa la log par g.yem pa nyid ci'i phyir na byed par 'gyur/ 'dod pa la log par g.yem pa rnams rnam par spong bar byed pa po yongs su dag pa'i tshul khrims rnams dang ldan pa rnams ni lus zhig</font><hr>65.211a<br><font size=+1>

nas shi ba'i 'og tu mtho ris bde 'gro'i 'jig rten rnam par 'dres pa'i khor yug na rgyu ba'i sa 'dir skye'o/ /der skyes pa yang 'dod pa'i yon tan thams cad kyis ches stob par gyur pa bde ba'i chu bo rgya chen po rnams 'jug par gyur pa gang yang dga' bar 'gyur ba'i gser dang rin po che bai dUr+ya dang in dra nI la dang / pad ma dmar po'i ljon shing gis nye bar mdzes pa/ 'bab chu dang chu klung dang rdzing bu sna tshogs pas kun tu gang bar gyur pa gang gis legs par byas pa'i las kyi mtha' la spyad pa rnams 'di bsten par byed pa/ nags dmar po zhes bya ba'i nags yin te nags gang la lha rnams rab tu dga' bar 'gyur ba'o/ /de'i tshe ljon shing de dag rnams kyi 'od kyis sna tshogs pa'i kha dog du gyur cing rin po che sna tshogs pa rnams kyi 'od kyis brgyan pa dang cha byad sna tshogs 'dzin par yang gyur nas gang gi tshe nags de na rab tu dga' bar 'gyur ro/ /shing de dag rnams kyi 'od de dag gis kyang nye 'khor du rin po che mchog rnams dang ldan par 'gyur ro/ /nags de yang pad ma rA ga'i nags dang kar ke ta'i nags su gyur pa kha dog dang reg bya yang bde bar gyur pa dang kha dog de dag dang ldan pa'i shing de dag rnams la dril bu g.yer kha'i sgra sgrogs pa dang mu tig gi dra bas g.yogs par gyur pa shing de dag rnams la ji ltar 'dod pa'i 'bras bu dang ldan pa ji ltar 'dod pa'i btung ba 'bab pa ji ltar 'dod pas 'gro bar 'gyur ro/ /gang la lha de dag rnams dga' bar 'gyur ba de la sems bskyed pa dang lhan cig nyid du shing de dag rnams nyid las 'byung bar 'gyur te sna tshogs pa'i rnga dang rol mo'i sgra kun tu sgrogs pa'i yal ga rnams la 'gro'o/ /nye 'khor kun tu snang bar byed pa'i 'dab ma dang yal ga dang lo ma dang chi'u pa rnams la lha'i bu mo'i tshogs kyis yongs su bskor bar gyur nas de dag rnams nam mkha' la nye bar 'phags pa'i shing de dag rnams nyi ma mang po rnams bzhin du nam mkha' thams</font><hr>65.211b<br><font size=+1>

cad de dag gis rnam par snang bar byed do/ /gzhan yang mdog dmar por gyur pa'i shing de dag rnams nyid las bzhon pa 'bab pa'i char rnams kyis de dag char bzhin du nam mkha'i yul ma lus pa rnam par mdzes par byed do/ /dril bu g.yer kha'i sgra sgrogs pa dang mtho ris kyi bya yang rgyu zhing sgra 'don par gyur pa rnams dang 'jo sgeg pa'i rma bya'i sgras nye bar bsgos pa rnams kyis legs par rtogs pa bzhin du nam mkha' ma lus pa rnams rnam par mdzes par byed do/ /de nas lha de dag rnams shing de dag rnams mngon du byas pa la legs par brten par gyur nas mngon du legs par mthong ba sna tshogs kyis yongs su bskor ba phan tshun du grogs kyi bya ba dang ldan pa rgyags pa la don gcig par gyur pa ji ltar phan par 'gyur ba'i las rnams la longs spyod par byed do/ /rgyags par gyur pa'i bu mo brgya stong du ma'i tshogs kyis yongs su bskor nas glu dang rnga sgra dang rol cha dang lhan cig rang dbang du lha de nam mkha'i dkyil du 'phags par gyur pa na/ de dag gi sngon na ljon shing de dag rnams lam ston par byed pa po bzhin du 'gro'o/ /de nas lha de dag 'di snyam du sems te ljon shing de dag rnams gang la yang bdag gis zhon par ni ma gyur to/ /sems skyes par gyur pa tsam nyid na ljon shing de dag rnams lha rnams zhon pa'i dbang du byas nas ljon shing de dag rnams sdod par gyur to/ /de nas lha de dag rnams ljon shing de dag rnams la zhon par byed de kha cig ni yal ga la legs par gnas nas dga' bar byed la de dag ji ltar 'dod pa bzhin du 'gyur ro/ /ji ltar yang yal ga dag la pad ma'i rdzing bu rab tu 'byung bar 'gyur te de dag sems bskyed pa tsam nyid na pad ma'i rdzing bu de dag rnams rab tu 'gyung bar 'gyur ba gang la lha de dag rnams 'khor dang bcas pa dga' bar byed pa dang kun tu spyod par yang byed do/ /de dag 'khor dang bcas pa rnams rgyags shing 'dod pa thams cad kyis bde bar gyur pas lha rnams</font><hr>65.212a<br><font size=+1>

yal ga song bar gyur nas nags dmar po na dga' bar byed do/ /gzhan yang lha gang dag gang la gseb tu song bar gyur pa de dag rnams kyang gang de kho na bzhin du 'gyur ro/ /de bzhin du kha dog de dag rnams la khyim dang khang bu 'di dag rab tu 'byung bar gyur to/ /des sems bskyed pa tsam nyid na khyim de dag du rab tu 'byung ba yin te/ rin po che sna tshogs pa rnams kyis rnam par bkra bar gyur pa'i cha shas dga' bar gyur pa'i dril bu g.yer kha'i dra ba rnams kyis khyab par gyur pa thams cad du yang pad ma'i rdzing bu rnams kyis nye bar mdzes par gyur pa mu tig gi dra ba rnams kyis mthongs g.yogs pa dang nor bu'i rta babs kyis mdzes par gyur pa dang rin po che sna tshogs pa rnams kyi sgos mdzes par gyur pa rnam pa sna tshogs pa'i stan rnams dang nang gi nye bar mkho ba rnams kyis nye bar mdzes pa khyim gyi nang rnams sems gang la mdzes par gyur pa de dag la lha rnams dga' bar byed pa dang phan tshun g.yog tu gyur pas rtse bar yang byed do/ /phan tshun gnon pa med par gyur pa'i lha rnams nyid kyi phung po 'di lta ste mdza' bo'i phung po nyid dang kha cig ni 'ga' zhig dang mdza' bo ma yin par 'gyur ba 'am bar mar gnas par yang 'gyur te las rnams shin tu ngan pa'i phyir ro/ /las chen po dag rnams nyid ni med la legs par byas pa'i las kyi 'bras bu 'di lta ste thams cad du mang ba zhes bya ba'o/ /des na lha de dag phan tshun du phung po gcig tu gyur nas dga' bar byed do/ /nags dmar por rtse bar byed do/ /las rnams mchog tu rgya che bar gyur pas 'dod pa thams cad phun sum tshogs pa la rang ji ltar 'dod par spyod par gyur pas nam mkha'i dkyil kun tu rgyu bar gyur pa na bde ba mang po du ma rnams kyis mngon par dga' ba de de ltar gnod pa med par gyur pa rnams nam mkha'i dkyil du mngon par dga'o/ /gzhan yang gang dag nam mkha'i phyogs gcig tu 'ongs par gyur nas de nyid gzhan</font><hr>65.212b<br><font size=+1>

yang gnas de nyid du 'gro bar byed do/ /'bab chu dang rdzing bu sna tshogs pas kun tu gang bar gyur pa de bzhin du lha'i bu mo'i tshogs rnams kyis yongs su bskor ba'o/ /gzhan yang dga' bar gyur pas gang na ljon shing kun tu 'khris ba'i nags zhes bya ba gzhan der 'gro bar byed do/ /nags de'i nye 'khor rnams na yang mchog tu dga' bar gyur pa'i 'bab chu dang 'o ma'i klung rnams kyis nye bar mdzes par gyur pa'o/ /'o ma de'i yang gzi brjid 'di dag yin te lha gang dag gal te shed na 'thung bar byed pa rnams des skye ba gzhan dran par 'gyur ro/ /ji ltar bdag cag skye ba gzhan dag nas shi 'phos par gyur nas de dag la skyes pa de gal te bag med par gyur na de'i sdug bsngal rnams kyang rnam pa du mar 'gyur bar thos nas mchog tu nyam nga bar 'gyur ro/ /de nyam nga bar gyur pas bag med pa rnams spangs nas chos rjes su sgrub par byed par 'gyur te/ 'o ma de myangs par gyur pa las de dag rnams kyi don chen po rdzogs par 'gyur ro/ /de ltar 'o ma de 'thungs nas slar yang shing 'khril ba'i nags de nyid du 'jug pa na/ 'bab chu dang rdzing bu rnams dang pad ma'i tshal sna tshogs pa phun sum tshogs pa bya'i tshogs du mas yongs su gang bar gyur pa me tog gi tshogs rnams dang nye bar dud par gyur pa'i 'khril shing rnams kyis nye bar mdzes pa dang bung ba rnams kyang rin po che sna bdun gyis rang bzhin dang ldan pa'i mchog tu gyur pa rnams phan tshun gyi nye 'khor rnams kyi pad ma'i tshal nas pad ma'i tshal rnams dang ljon shing gi gseb du'o/ /shing de dag rnams kyang mchog tu legs par gnas par gyur pa bai dUr+ya'i sdong bu dang pad ma rA ga'i 'dab ma 'bras bu rnams ni gser btso ma'i mdog dang mtshungs par gyur pa ro rnams kyang rnam pa de srid nyid de/ 'bras bu de dag rnams kyi ro gang yin pa ni gzhan rnams thams cad kyi drung na bla</font><hr>65.213a<br><font size=+1>

lhag par gyur pa yin no/ /ro rnams ji ltar 'dod pa bzhin du yang 'bras bu de dag rnams las 'byung ngo / /ro gang dang gang la sred par gyur pa de kho na bzhin du rnam pa de srid du ro rnams 'byung bar 'gyur ro/ /de dag mid par gyur nas slar yang de dag gar byed par 'gyur zhing mchog tu dga' bar gyur pa'i yid kyis gang na btung ba'i nags zhes bya ba'i nags yod pa der kun tu 'gro'o/ /shing de dag rnams las kyang lha rdzas kyi ro dang dri dang kha dog mchog tu yid du 'ong zhing mchog tu phan par gyur pa gang brjod pa de dag rnams yongs su 'bab par 'gyur ro/ /ji ltar gang dang gang dag la char rnams yongs su smin par byed pa de bzhin du btung ba rnams kyang shing de dag las 'bab pa'o/ /btung ba de 'thungs nas slar yang rab tu rangs pa ches lhag pa'i yid du 'gyur ro/ /btung bas rgyags par gyur pa'i lha sna tshogs pa'i rnga dang glu sgrogs par byed do/ /gzhan dang rang nyid kyi 'od dang ldan pa 'od dang cha byed du ma rnams kyis brgyan du byas pa'i lus can gyi lha'i bu mo dag gis phyi bzhin 'brang bar gyur pas 'gying bar gyur pa rgod par gyur na gang na pad ma rA ga'i nags yod pa der nye bar legs par 'gro'o/ /nags de yang dpag tshad lnga brgyar rin po che lnga rnam pa sna tshogs pa'i rang bzhin gyi dri shin tu zhim pa'i pad mas nye bar mdzes par gyur pa/ pad ma glang po'i nags de na yang gzhan ni cung zad kyang yod pa ma yin gyi pad ma de dag rnams las ma gtogs pa ste/ de dag rnams las sems shin tu chags par gyur pa'i glang po rnams pad ma za bar gyur pa de dag rnams phan tshun du lhan cig par glang mo rnams kyis yongs su bskor nas shin tu gtsang bar gyur pa'i chu yang yon tan bdun dang ldan pa chu bal gyi skyon rnams dang bral ba 'dam gyi dri ma'i skyon rnams dang bral ba ring ba dang thung ba'i skyon dang bral ba dang bar gyur pa reg na bde bar gyur pa ste/ ji lta ji ltar glang po de dag 'dod par 'gyur</font><hr>65.213b<br><font size=+1>

ba'i rnam pa de lta bu'i reg byar 'gyur ro/ /gang la glang po de dag rnams de ltar glang mo rnams dang bcas nas rtse bar gyur pa na lha dang lha mo 'di dag rnams kyis kyang rtse bar gyur pa'i glang po de dag rnams mngon par mthong nas/ gzhan yang lha de dag rnams rab tu rangs par gyur pa'i yid kyis nam mkha'i dkyil nas glang po'i nags dang pad ma'i nags su yang 'jug go/ /pad ma'i nags de na lha mo rnams kyi glu dang lha de dag rnams kyi glu'i sgra rnams kyang rnam par sun 'don par byed pa'i sgra glang po rnams kyi nang na ngar ba skyim pa lta bur gyur pa'i sgras nye 'khor kun na legs par glu len pa bzhin du mtho ris nye bar rnyed par gyur te ri dang tshang tshing rnams las kyang sgra brnyan gyi sgra rnams thos par gyur nas lha de dag rnams yang gang na pad ma'i nags zhes bya ba'i nags yod pa der rnam pa sna tshogs pa'i rgyan gyis rnam par 'bar bar gyur pa'i lus can rnams nye bar 'gro'o/ /lha'i bu mo'i tshogs rnams kyis yongs su bskor nas de kho na bzhin du lha de dag rnams pad ma'i nags su rtse bar byed do/ /gang yang gzhan dag ri'i phug dang tshang tshing rnams las 'ongs pa de dag rnams thams cad phan tshun du mngon par mthong nas rab tu ches dga' bar gyur pa'i yid can rnams lha dang lha mo'i tshogs kyis gang bar gyur pa rnams glang po che rnams dang lhan cig tu chu'i rtsed mo la dga' bar byed do/ /de dag de ltar dga' bar gyur pa'i lha dang lha mo'i tshogs kyis gang ba rnams dus yun ring bar dga' bar byed cing gar yang byed do/ /de ltar de dag rnams bag med par gyur pas legs par byas pa'i las rnams zad par 'gyur ro/ /shin du myur bar tshe zad par 'gyur ba'i ji ltar gang dag lha 'am lha mo yang legs par byas pa'i bsod nams rnams shin du zad par gyur pa na de gang gi tshe pad ma la zhon par byed pa de'i tshe pad ma'i nags de chur 'bying bar 'gyur zhing 'chag par yang 'gyur ba ni lha</font><hr>65.214a<br><font size=+1>

'am lha mo yid bsod nams zad pa'i mtshan nyid gcig yin no/ /lha 'am lha mo yang rung ste bsod nams zad par gyur pa'i mtshan nyid gzhan yang yod de gang zhe na de 'di lta ste lha 'am lha mo yang rung ste gar byed par gyur pa'i glang po che'i rgyab du zhon par byed do/ /de'i tshe glang po che des mi bzod par 'gyur ba 'am de'i rgyab las lhung bar 'gyur ro/ /de dag ni lha dang lha mo rnams kyang rung ste bsod nams zad pa'i rgyu mtshan gzhan yin no/ /de la lha 'am lha mo yang rung ste bsod nams zad pa'i rgyu mtshan byung bar gyur cing de la bag med pa'i rgyu mtshan gyi skyon gyis glang po che rnams 'gror mi nyan no/ /de nas gang dag ches bag med par gyur pa de dag gi yid lha rnams kyis rtogs par gyur to/ /rgyu mtshan dag byung bar gyur nas tshigs su bcad pa brjod pa ji ltar/ rab tu ltung ngo dus chen po/ /gson pa yang ni rnam par bzlog /tshe yang yongs su zad byed pa/ /byis pas kyang ni go ba min/ /yul rnams sgrub par byed pa la/ /yid ni ngoms pa ma yin no/ /dbang po yang min yul gyis ni/ /'dod pa'i 'ching bas gdung bar byed/ /dbang po lnga ni rnam par chags/ /sems ni 'dod pas nye bar bcom/ /bsod nams yongs su zad pa yang / /byis pas go ba ma yin no/ /mi rnams gson pa'i bar chad ni/ /rjes tshol dus 'khor chen po yin/ /de 'dir rings par 'gro ba yang / /byis pas shes pa ma yin no/ /las kyi rlung gis kun sbyar ba'i/ /'chi ba'i me 'di sdug bsngal yin/ /gang gi tshe na srog 'joms 'dis/ /byis pas shin tu ma go'o/ /'khor ba na ni sems ldan pa'i/ /'chi bdag phyir rgol 'jigs sogs kyis/ /zhags pa gal te rnam</font><hr>65.214b<br><font size=+1>

grol bar/ /byed nus skyes bu 'ga' yod min/ /ji srid 'chi ba ma byung zhing / /ji srid me ni ma bcom pa/ /bag med pa ni spang byas te/ /de srid bde legs mchog tu soms/ /mi rnams gson pa'i bar gcod pa'i/ /'chi bdag dbyug pa 'di ring min/ /gson pa rnams ni 'joms byed pa'i/ /shugs kyis nye bar gnas par 'gyur/ /dmus long yul gyis kun rmongs pa/ /chos kyi mar me rnam par spangs/ /'chi bdag sgron chen mi bzad pa/ /'di min par ni ci zhig shes/ /gang 'di 'jigs gang 'chi bdag dus/ /shes par gyis dang byis pa gang / /yul rnams kyis ni drangs pa'i yid/ /mun pa ma lus pa yis rmongs/ /'chi 'phos 'chi 'phos skye ba yin/ /'gro gzhan 'gro gzhan yang dang yang / /rang gi las 'bras spyod pa la/ /srog chags rnams ni rmongs pas bcom/ /rab gtum shin du myur ba yis/ /'jig rten thams cad 'phrog pa po/ /'chi bdag dus ni thams cad kyi/ /ci phyir skye bos rnam mi phyed/ /tha na snying gis yang mi rig /sems kyis kyang ni mi dmigs so/ /kun rmongs gang zhig mi rtogs pa/ /'chi bdag dus kyi 'jigs pas 'jigs/ /'chi 'pho'i yang ni rgyu mtshan rnams/ /ji lta bar ni rtag tu mthong / /nges par dus ni thung ngu na/ /lha yi gnas nas ltung bar 'gyur/ /de ltar 'chi 'pho'i rgyu mtshan mngon par legs par mthong bar gyur nas lha de/ 'chi 'pho bar 'gyur ba'i rgyu mtshan gyi de nyid rig pa'i yid yongs su skyo ba skye bar 'gyur ro/ /'dis cung zad rtogs par 'gyur ba yang ma yin te ji ltar bag med par rgyu ba de dag yul lnga la rnam par chags pa rnams kyis mi rtogs so/ /ji ltar 'chi 'pho bar 'gyur ba la dad pa dang ldan par 'gyur ba yang ma yin te/ de ci'i phyir zhe na/ bag med par gyur pas yul la</font><hr>65.215a<br><font size=+1>

kun tu rmongs pa'i phyir dang byis pa'i blo yin pa'i yang phyir te/ de la de dag rnams kyi so sor bstan par bya ba yang brjod par mi bya'o/ /de nas lha dang bcas pa rnams nyid kyi yid kyis shes par gyur nas cang mi smra bar gyur te pad ma'i nags de las phyir song ngo / /lha de dag rnams kyang slar yang yul gyi bde ba rnams la don dam du byed pas phan tshun du rtse bar byed de shin du mi bzad pa mchog tu 'jigs par gyur pa de dag rnams 'byung bar 'gyur ba ni de rmongs pa'i phyir de dag gis rtogs pa yang ma yin no/ /ji srid dus rtsis su yang 'jug par mi byed par rmongs par 'gyur ba'i phyir na 'jigs pa dang bral bas dga' bar bya ste glang po'i gseb du song nas lhan cig spyod pa dang bcas pa de dag rnams yul der dus shin du ring bar rtse bar gyur nas/ gzhan yang de kho na bzhin du gzugs brgya stong du mar gyur pa'i lha rdzas kyi gser dang bai dUr+ya dang dngul dang pad ma rA ga rnams kyis legs par rnam par phye bar gyur pa'i cha shas dang rta babs dang khang bu brgya stong dang ldan pa pad ma brgya stong gis nye bar mdzes par gyur pa rgya chen po'i bde ba la dmigs pa zhes bya ba'i ri la 'dzeg par byed do/ /ri thams cad la yang mchog tu bde bar gyur pa'i 'dod pa rnams kyis yongs su khyab pa rnga skad brgya stong sgrogs par gyur pas gang ba sgra 'byin pa'i sgra rnam pa sna tshogs pa rnams dang kha dog sna tshogs pa nang du reg byar snang ba'i gzi brjid can de dag gis stod g.yogs bsgos par gyur pa phan tshun du bzhin kun tu lta ba la ched cher byed pa/ sgra dang / reg bya dang / ro dang / gzugs dang / dri'i yul rnams ji ltar 'dod pa bzhin du rjes su myong bar byed pa rang 'dod pa bzhin du 'gro zhing rab tu rnam par rgyu bar byed pa dpe med pa'i bde ba rnams la chags par gyur pas/ spyod pa rnam pa sna tshogs pa'i chu</font><hr>65.215b<br><font size=+1>

klung dang 'bab chu dang nags dang nye ba'i nags rnams legs par lta bar byed cing bde bar gyur pas/ kha cig ni khogs kyi khang bu'i steng nas kha cig ni ngang pa'i rgyab nas kha cig ni pad ma'i nang du zhugs nas/ kha cig la ni snying po la lha mo rnams dang bcas par nye bar gnas nas kha cig ni me tog ku pra kha ya'i 'dab ma'i nang du song nas dga' bar byed cing / glu len par gyur pas mchog tu snyan pa'i rnga skad yan lag lnga pa rnams kyis bde bar nye bar gnas par gyur nas/ nam mkha'i dkyil nas 'gro bar byed pa la spro bar gyur pas bde ba'i phreng ba rgya che ba'i ri la 'khod par gyur nas lha yul gyi gnas dpe med par gyur pa rnams la lta bar byed de/ mchog tu dga' bar gyur pa'i mtho ris kyi yul phyogs kha cig ni rab tu 'bar ba bzhin du 'bar bar gyur pa/ gser mdog bzang po dang pad ma rA ga'i 'od dang ldan pa dang / yul phyogs kha cig ni ud pa la'i 'dab ma sngon po'i grib ma snum par gyur pas mchog tu yid 'phrog par byed pa'i bai dUr+ya dang in dra nI la'i 'od dang ldan pa'o/ /yul phyogs kha cig ni dngul dang shel dang mu tig gi 'od rnams kyi mchog tu yid du 'ong bar gyur pa de dag rnams kyi 'od kyis shin tu dga' bar snang ngo / /ri'i rtse mo rnams dang 'bab chu rnams kyang mchog tu gtsang ba dri ma med par gyur pa yon tan bdun dang ldan pa'i chu grang mo rnams rab tu 'bab par byed pa rnams mthong ngo / /rtse mo mu tig gi tshogs dang ldan par gyur pa de bzhin du yul phyogs de na mngon par mthong ngo / /gzhan yang lha de dag rnams nam mkha'i dkyil na legs par gnas par gyur nas lta bar byed pa rin po che bdun gyis nye bar mdzes par gyur pa'i pad ma'i rdzing bu rnams la bung ba'i tshogs rnams kyis nye bar bsgrags par gyur pas mchog tu yid 'phrog par gyur pa'i sgra rab tu snyan pa rnams kyi glus pad ma'i tshal du nye bar mtshon par byed do/ /</font><hr>65.216a<br><font size=+1>

phal che bar gyur pa nyid du yang nye bar rtogs par byed do/ /shin tu ring bar ma yin pa nas bung ba'i tshogs de dag mngon par mthong nas/ yul phyogs gzhan dang gzhan rnams nye bar mtshon par byed de nags dang nye ba'i nagase dang rdzing bu dag dga' bar gyur pa rnams so/ /de la dga' bar gyur pa'i nags de dag rnams la ri dgas dang bya rnams rab tu mthong bar gyur pa/ 'di lta ste rnam pa sna tshogs pa'i ri dgas kyi tshogs kha dog mi 'dra bar gyur pa rnams la 'ga' zhig ni blta bar sdug pa'i dngul gyi rang bzhin gyi mdog la rwa dang mig dag ni pad ma rA ga'o/ /kha cig ni rgyab gser gyi rang bzhin du gyur pa la logs dag dngul lo/ /rin po che kar ke ta na'i rwa shel gyi rang bzhin gyi mdog gi rmig pa'o/ /kha cig gi gzhung ni legs par rnam par phye bar gyur pa la 'phongs dang rkang pa rnams rin po che bdun gyi rang bzhin mdog dang ldan pa'i tshogs rnams 'jigs pa dang ngal dub dang bral bar gyur pa'i tshogs rnams la dga' bar byed do/ /kha cig ni mchog tu mdzes par gyur pa mchog gi las byas pa'i zas rnams nye bar za bar byed do/ /gzhan yang nags dang nye ba'i nags de dag rnams mthong bar gyur nas phyogs kyi cha gzhan dag rnams su nges par song nas rab tu mthong bar gyur pa las rma bya dang shang shang te'u dang ni tA na tA dang pra ban dzu Da dang mig drug dang ldan pa dang / rab tu ba yo ga'i sgros can gyi bya'i tshogs kyis khyab pa rnams ri'i rtse mo dang nags dang nye ba'i nags dag las 'byung ba rnams mthong ste/ bde ba'i phreng ba rgya chen po'i ri la lha rnams 'khod par gyur pa ni ri de'i yang ngos gcig ni in dra nI la'i rang bzhin yin no/ /gzhan ni pad ma rA ga'i rang bzhin no/ /gzhan ni gser btso ma'i rang bzhin no/ /gzhan ni dngul gyi rang bzhin no/ /de la gcig in dra nI la'i rang bzhin gang yin pa'i</font><hr>65.216b<br><font size=+1>

logs de la grib ma med pa zhes bya ba'i nags yod do/ /nags de na bai dUr+ya'i rang bzhin gyi ljon shing rnams la me tog gi tshan ka rnams kyis rgu bar gyur nas rnam par bkod pas nye bar mdzes par gyur pa 'bab chu dang chu klung dang rdzing bu rnams brgya stong dang ldan pa/ pad ma'i nags brgya phrag rnams na nags na rgyu ba'i bya rnams kyi gsong gsal gyi sgra rnams rnam pa sna tshogs pa dang nye 'khor kun nas mngon par dga' ba rnams na lha dag gis gang bar pas nye bar mdzes pa yin no/ /logs gnyis pa ni pad ma rA ga'i rang bzhin te/ logs de la ni rab tu dgod par gyur pa'i nags yod do/ /nags gang dag gi dngul gyi rang bzhin gyi ljon shing rnams la gser btso ma'i rang bzhin gyi 'khril shing gis yongs su 'khril ba bung ba brgya'i tshogs kyis yongs su bskor ba bya'i tshogs kun nas sgrogs par byed pa/ me tog dri zhim pa rnams rlung 'jam pos skyod par byed pa nye 'khor rnams na yang 'bab chu brgya stong dang ldan par gyur pa de ni rab tu dgod par gyur pa'i nags yin no/ /gang yang de'i ngos gsum pa gser btso ma'i rang bzhin yin pa la/ logs de na yang bde ba rin po che'i rang bzhin zhes bya ba'i nags yod de/ shel gyi rang bzhin gyi ljon shing rnams kyis mdzes par gyur pa 'khris shing gi dra bas kun nas sbrel ba nye 'khor kun nas gser 'bar ba'i 'khris shing gis yongs su gang ba/ bya brgya stong gis de na rtse bar gyur cing sgra sgrogs par gyur pa 'bab chu dang chu klung dang pad ma'i nags rnams kyis nye bar mdzes pa/ nye 'khor na yang rab tu dga' ba'i lha dang lha mo'i tshogs rnams kyis gang bas rab tu glu len par gyur pa 'dod pa thams cad phun sum tshogs pa rnams kyis nye bar mdzes par gyur pa'o/ /logs bzhi pa ni dngul gyi rang bzhin yin te/ de la ni pad ma rA ga'i mdog gi ljon shing</font><hr>65.217a<br><font size=+1>

rnams la in dra ni la'i kha dog gi 'khris shing gis nye bar mdzes par gyur pa/ skad dbyangs sna tshogs pa gdang zhing snyan pa'i sgra yis kun tu sgrogs pa'i rigs rnams kyis nges par sgrogs par gyur pa'i nags rnams na/ lha dang lha mo'i tshogs kyis gang ba pad ma'i nags brgya stong gis mdzes par byas pa rnam par rtog pa du ma rnams dang blta na dga' ba du ma de dag rnams dang ljon shing de dag dang chu klung de dag dang 'khris shing de dag dang mtsho dang ri dgas dang bya'i tshogs de dag rnams dang dri dang dbyibs sna tshogs par gyur pa'i me tog de dag rnams kyis bde ba'i phreng ba rgya chen por gyur pa'i ri'i nye 'khor rnams na rab tu 'bar bar gyur pas gsal bar snang ngo / /de ltar lha de dag rnams nam mkha'i dkyil na kun tu gnas par gyur zhing bde ba'i phreng ba rgya chen po'i ri la gnas par gyur nas lta bar byed do/ /nye 'khor rnams thams cad las kyang kun tu rtogs pa shin tu lhag par gyur pa'i rnam par bkra ba rnams kun du gsal bar byed do/ /smig rgyu ba sgyur ba dang ldan pas lha de dag rnams de ltar nges par rtog par byed do/ /nye 'khor kun tu yang de kho na bzhin du mngon par 'khor bar gyur cing ri'i mchog de la gnas par byed de lhan cig spyod pa'i 'khor dang bcas pa rnams rnga skad yan lag lnga dang ldan pa nye bar bsgrags par gyur pas/ 'dod pa'i yon tan lnga la longs spyod pa dang ldan pa ni legs par byas pa rnams bsten cing bsgoms la lan mang du byas pa/ 'dod pa sdug pa yid du 'ong ba'i tshul khrims 'phags pa'i skye bo rnams kyis bsten pa'i rnam par smin pa'i 'bras bu rnams nye bar longs spyod par gyur pas ri bde ba'i phreng ba de la 'khod par byed do/ /de dag rnams 'khod par gyur pa dang de ni bden pa la 'jug pa zhes bya ba'i bya des tshigs su bcad pa brjod pa ji ltar/ legs par byas 'bras tshor bar btsas/ /myur bar 'gro</font><hr>65.217b<br><font size=+1>

zhing rab tu 'gro/ /yul rnams kyis ni rab bcom pa'i/ /kun tu rmongs pas go ba'ang yin/ /dus gang nyid ni ltung gyur pa/ /de nyid 'chi ba'i mtha' yin no/ /bde la rmongs pa'i rgyags pa yis/ /lha rnams kyis ni de mi go/ /gson par myur bar 'gro ba yang / /rnam par rmongs pas mi go'o/ /legs byas rnams ni mthong ba'ang yin/ /sred pa rnam par 'joms pa'ang min/ /srid nas srid par lus can gyi/ /sred pa phyi bzhin 'brang ba yin/ /sems can rnam par rmongs pa yis/ /dge dang mi dge de mi rig /dge ba'i 'bras nyid yid 'ong ba/ /gang gis sngon du nyer longs spyod/ /mi dge ba 'ang de bzhin mthong / /mi dge log par ltung bar skye/ /dge dang mi dge rab tu bral/ /gang gis 'du 'dzi'i skyon rnams spangs/ /rga shi spangs par gyur pa de/ /de ni nags kyi mchog tu song / /de ni rnam grol bde bar 'gro/ /'dod las bde ba srid ma yin/ /lha gang de bzhin gzhan yang rung / /las zad pas ni grol bar 'gyur/ /mi rtag 'gyur bar de dag kyang / /rtag pa mdzes par 'gyur ba yin/ /sred pa mngon zhen las skyes bde/ /log par ltung mthas dmad pa yin/ /de ltar bden par smra bar byed pa'i bya de dag gis 'khod par gyur pa'i lha de dag rnams la rjod par byed do/ /de dag gi drung nas thos par gyur nas kyang lha gang dag shin tu bag med pas rgyu ba ma yin pa de dag rnams kyis ni thos par 'gyur ro/ /gang yang bag med par rgyu ba de dag rnams ni bag med pa'i skyon gyis thos par mi 'gyur ba nyid do/ /lha de dag rnams kyi yid/ yul gyis nye bar 'phrogs par gyur pa'i phyir ni phan par gyur pa dang de kho na nyid du gyur pa'i bya rnams kyis brjod pa de dag rnams thams cad la rtsis bgrang du mi byed par slar yang de kho na bzhin</font><hr>65.218a<br><font size=+1>

du ches rab tu dga' bar gyur pas/ gang na ri'i mchog de'i rtse mo mtho ba yod pa des mthong ba la legs par brten nas khang bu'i phreng ba la zhon te snga ma bzhin no/ /ri de'i rtse mo la yang kun nas mthong na dga' ba zhes bya ba'i ri yod de/ gang gi phyir stong phrag du ma'i ri 'di dag thams cad kyi nang na nye 'khor kun las kyang ches mtho ba ni ri'i rtse mo de yin par 'dod de kun las legs par mthong ngo / /lhan cig spyod pa'i 'khor dang bcas pa'i lha rnams kyis sna tshogs pa'i glu dang rol mo'i sgra dang gar dang bcas pa de la 'khod par gyur to/ /lha dang lha mo'i tshogs rnams ri de'i rtse mo la 'khod pas kyang mthong bar gyur pa rnams la/ legs par byas pa'i las du ma rnams kyis sprul par gyur pa che zhing kha dog du ma dang ldan pa'i mtsho gsal bar snang ba zhes bya ba'i mtsho de gsal bar gyur pas mchog tu dga' bar gyur pa/ rab tu dang bar gyur cing gtsang ba'i chu na gser gyi nya rnams kyis gang bar gyur pa rlabs kyi 'gram na mchog tu yid 'phrog pa'i ngang pa dang / ka raN Da ba dang ngang ngur gyi tshogs kyis kun tu gang ba bya'i skad rnam pa sna tshogs pa rnams thos par brel ba'i sgra snyan pas gang ba pad ma dang ud pa la dang ku mu da dang ni na da dang pad ma dmar po'i me tog gi dbyibs legs pa rnam pa sna tshogs pa'i bung ba'i tshogs rnams kyis sber bar byed pa'i sgra yid 'phrog par gyur pa rnams dang man d+da ra ba'i shing gis yongs su khyab pa gser dang nor bu'i stegs bu rnams kyis yongs su gang bar gyur pa ste/ rnam pa de ltar gyur pa'i rab tu dang ba'i chu mchog tu dga' bar gyur pa de dag na mtsho'i dbu ba zhes bya ba'i pad ma 'dab ma stong phrag brgya dang ldan pa 'dab ma de dag rnams kyang kha dog du ma ste/ kha cig ni in</font><hr>65.218b<br><font size=+1>

dra nI la dang mtshungs pa'i kha dog go/ /kha cig ni shel dang mtshungs pa'i kha dog go/ /kha cig ni gser gyi'o/ /kha cig ni dngul gyi rang bzhin no/ /kha cig ni mu sA ra'i rang bzhin no/ /kha cig ni kar ke ta na'i rang bzhin no/ /kha cig ni rdo rje'i rang bzhin no/ /'dab ma de dag rnams ni mchog gi dri dang yang ldan no/ /mdog du mar gyur pa'i 'dab ma de dag rnams kyi dbus kyi snying po ni nyi ma dmar po dang mtshungs pa'i kha dog du rnam par snang ngo / /de yang rnam pa sna tshogs pa nyid kyis rnam pa sna tshogs pa'i kha dog gis snying po'i gong bu la khyab pa'o/ /'di lta ste sngon po dang ser po dang dmar po dang dkar po dang skya bo dang nag po dang skya rengs kyi mdog rnams so/ /ze 'bru'i dbus kyi snying po la ni yid du 'ong bar gyur pa'i dri rnams kyis legs par gang ba yin no/ /de nas lha de dag rnams nam mkha'i dkyil du mngon par 'phags nas mtsho gsal bar der 'jug go/ /zhugs nas kyang de dag rnams las kha cig ni gser gyi steng du sdod do/ /kha cig ni pad ma la 'dug par gyur nas lha mo dang bcas pas yongs su bskor nas rtse bar byed do/ /kha cig ni ud pa la la lhag par gnas te lha mo'i tshogs rnams dang bcas pas rtse bar byed do/ /kha cig ni ud pa la la gnas par gyur nas chu de nyid kyi nang du rtse bar byed do/ /kha cig ni ngang pa'i rgyab du zhon nas chu'i rlabs rnams la rtse bar byed do/ /kha cig ni thang la gnas pa'i phug mchog rnams su song nas rjes su spyod pa dang bcas pa 'dod pa'i yon tan lnga phun sum tshogs pa rnams la glu dang rgod pa dang 'gying bar gyur pas khang bu rnams su dga' bar byed do/ /kha cig ni yul phyogs gzhan du lha mo'i tshogs rnams kyis yongs su bskor nas ra ro ba'i skyon dang bral ba'i btung ba phal po che rnams</font><hr>65.219a<br><font size=+1>

'thung bar byed de/ rgyags pa'i yon tan rnams rab tu nye bar gnas pa'i mdog dang ro dang reg bya phun sum tshogs pa'o/ /kha cig ni nor bu'i rang bzhin gyi snod rnams su 'thung bar byed pa la 'di lta ste/ in dra nI la dang dngul dang gser dang / bai dUr+ya dang / pad ma rA ga dang / shel gyi rang bzhin rnams su'o/ /kha cig ni yang 'khor gzhan rnams kyis yongs su bskor nas pad ma'i 'dab mar gser gyi rang bzhin gyi rtse 'thung ngo / /kha cig ni ud pa la kha zum par gyur pa rnams phan tshun du legs par brten nas 'dab ma ma rdol ba rnams su rtse 'thung ste/ glu len par gyur cing rol mo'i sgra rnams kyis kyang rab tu dga' ba'i yid can no/ /kha cig ni yang gzhan dag dang bdud rtsi'i rang bzhin gyi zas rnams med par byed de/ de rang gi skye bo'i tshogs dang bcas pas mdog dang dri dang ro dang reg bya phun sum tshogs pa la'o/ /kha cig ni gzhan na rnga skad yan lag lnga dang ldan pas lhan cig rjes su 'grogs par gyur pa'i lha mo'i tshogs dang bcas pas dga' bar byed pa dang / rtse bar yang byed glu yang len par byed cing gar yang byed de gsal bar byed pa'i mtsho de yongs su bskor nas so/ /kha cig ni mtsho de nyid la lhan cig spyod pa rnams dang bcas nas chu'i rtsed mo byed do/ /chu de la yang ji ltar 'dod pa rnams 'byung ngo / /gang dag lha rnams 'dod par gyur na/ ji lta bar chu 'di de ltar mdog dang ro dang dri dang reg bya dang ldan par 'gyur ro/ /ji ltar 'dod pa bzhin du bsil ba dang dro ba'i reg bya de'i sems bskyed pa dang dus gcig nyid du chu de lta bu nyid rab tu gsal bar byed par 'gyur ba ni las kyi rang bzhin gyis yin te/ legs par byas pa rnams kyang rung ste las rnams kyis</font><hr>65.219b<br><font size=+1>

mi byed pas de dag rnams kyang de ltar 'gyur ro/ /gzhan yang ji ltar chu 'di myos byed nyid du gyur par bdag cag rnams kyis mthong na rung ngo / /de dag gi sems bskyed pa dang lhan cig nyid du mdog dang ro dang reg bya dang dri dang ldan par 'gyur te myos par byed pa'i skyon dang bral ba dang yid shin tu rab tu dga' ba dang bde ba yang rgya chen po byed par 'gyur ro/ /gzhan yang legs par byas pa'i las rnams kyis lha rnams rab tu dga' bar byed par 'gyur ro/ /rang legs par byas pa'i las kyis rnam par sprul pa la de ltar lha dga' ba dang rtse bar yang byed do/ /legs par byas pa de dag rnams thams cad kyang legs par byas pa'i las la long spyod par byed kyi ma byas pa ni nye bar longs spyod par mi byed do/ /legs par byas pa'i las rnams la ni rnam par chud za ba yang yod pa ma yin no/ /las kyi 'khrul 'khor phung po khams/ /sbyin pa mi 'grin khams gsum 'di/ /ma lus thams cad 'thung bar byed/ /'on kyang 'jig rten gyis ma rig /lha de de bzhin 'dod yon lnga'i/ /kun tu bde bar 'byung bar 'gyur ba/ /bde bar gnas pa rnams mthong bar gyur nas bya de kho na nyid brjod pas slar nyid tshigs su bcad pa brjod pa ji ltar/ mar nag 'jug pa rab 'jigs pas ji ltar mar me rtag 'jig pa/ /de bzhin las zad dbang gis ni/ /lha yi gnas nas log par ltung / /brtsig pa zhig pa'i dbang gis ni/ /ji ltar ri mo rtag gnas 'jig /de bzhin las zhig bde ba yang / /nges par log par ltung ba yin/ /lha gnas lha ni thams cad kyang / /bsod nams zad nas rgud pa'i mtha'/ /sems can de dag ltung ba po/ /de dag thams</font><hr>65.220a<br><font size=+1>

cad mi rtag go/ /mi rtag mi brtan thams cad kyang / /gson pa yud kyis 'gro ba yin/ /bdud kyi stobs ni chen po 'di/ /'jig rten 'dis kyang go ba min/ /de ltar gzhan yang bya de kho na nyid smra ba des lha de dag rnams nyid la phan par 'dod pas legs par byas pa'i las kyang bskul la/ de dag de ltar rtag tu brjod kyang lha gang dag shin tu bag med pa ma yin pa de dag rnams nyan par byed cing nye bar 'dzin par yang byed do/ /yud tsam zhig kyang yid shin tu mnyam par bzhag par yang 'gyur ro/ /gang yang bag med par spyod pa de dag rnams kyis ni mi thos pa ste rnam par g.yeng bar gyur pa'i yid kyis de dus yun ring du mtsho der rtsed mo byed par 'gyur la/ yul gyi bde ba la sred pa' tshwas ngoms pa med par gyur nas rnam par rgyu bar gyur pas/ slar yang gang na ri de la sngar bzhin du de kho na ltar bzhon pa la mngon par zhon te nam mkha' la slar yang 'phags so/ /thams cad dang bcas pa'i lhan cig spyod pa'i 'khor rnams dang bcas par gyur pas bar snang gi nam mkha' la 'phags nas kyang lha de dag rnams kyis ri gzhan mthong bar gyur pa la rnam pa du ma'i nor bu'i rang bzhin du mar gyur pa'i dbyings du mar nam mkha'i dbyings nas 'phyar ba de dag thams cad kyi sting na de dag thams cad las lhag par gyur pa'i bde ba'i phreng ba rgya chen po 'di dag kun tu brtsigs pa dang nye 'khor mthong na dga' ba rnams lta bar byed do/ /de gsum ni 'thab bral gyi ri rnams kyi tshad las kyang ches lhag pa yin no/ /de bzhin du lha rnams ri de dag kun tu lta bar byed do/ /ri gang dag gi 'od zer gyis yan lag nye bar rgyas pa bzhin du nam mkha' thams cad rnam par snang bar byed pas ches lhag par yang dga' bar gyur pa rnams mthong</font><hr>65.220b<br><font size=+1>

bar gyur cing gzhan rnams su de ltar kun tu bltas par gyur nas bde ba'i phreng ba rgya chen po'i ri'i rgyab du ngang pa las 'khod par gyur to/ /rnam par 'khod par gyur pa/ de'i rjes la lha de dag rnams kyis mthong bar gyur pa rnams la ri de'i steng ni rnam par bkra ba'i cha shas rnam pa sna tshogs pa'i rin po che'i 'od rnams kyis kun nas brgyan pa la bai dUr+ya'i rang bzhin la gser gyi rang bzhin gyi lo ma dang ldan pa'i ljon shing rnams kyis nye bar mdzes par byas pa/ de bzhin du gser gyi rang bzhin dang bai dUr+ya'i rang bzhin la gser gyi rang bzhin gyi 'dab mas nye bar mdzes par byas pa de bzhin du sdong po'i shing gzhan rnams gyis nye bar mdzes par gyur pa ste/ ri de'i rgyab na sdong bu'i shing zhes bya ba gang dag gi rtsa ba dang sdong po dang yal ga dang lo ma dang rtse mo rnams sdong bu dang sdong bur gyur pa rnams kyang rin po che chen po bdun gyis rab tu rnam par phye bas kun tu brgyan par gyur pa dang rtsa ba la sogs pa rnams kyang de dag gi rang bzhin du gyur pa'i sdong bu yin no/ /shing de dag rnams kyi sdong bu gcig ni bai dUr+ya'i'o/ /gzhan ni pad ma'i rA ga'o/ /gzhan ni gser gyi'o/ /gzhan ni shel gyi'o/ /gzhan ni mu sA ra'i 'o/ /gzhan ni kar ke ta na'i ste/ de ltar shing de dag rnams ni sdong bu dang sdong bur cha shas rnam par phye bas mdzes pa yin no/ /rtsa ba nas bzung nas ji srid du yal ga dang lo ma dang rtse mo de dag rnams dang 'dab ma yang de kho na bzhin du rin po che bdun gyi rang bzhin gyis rnam par gsal bar gyur pa'o/ /sdong bu'i shing de dag rnams mngon par legs par mthong bar gyur pa dang lha de dag rnams rtse bar gyur pas 'jug par byed do/ /shing de dag las ha cang mi ring ba na khang bu'i phreng ba yod pa ni mi'i 'jig rten na nyi mas kun du gsal bar byed pa</font><hr>65.221a<br><font size=+1>

dang kha dog mtshungs pa'o/ /de nas lha de dag rnams gang na khang bu'i phreng ba mod pa der nye bar byed do/ /khang bu de dag rnams kyi grangs ni 'bum phrag du brjod pa yin no/ /ji ltar 'dod pas 'gro bar gyur pa rnams kyi ji ltar 'dod pa'i tshad dang ji ltar 'dod par 'gyur ba yin no/ /khang bu de dag rnams kyis lha de dag rnams la 'dod pa rnams ji ltar 'dod pa bzhin du byed par 'gyur ro/ /pad ma'i rdzing bu rnams kyang de kho na bzhin du sdong bu can gyi pad ma rnams rin po ches nye bar brgyan pa'i pad ma'i rdzing bu rnams rnam par gsal bar byed do/ /de kho na bzhin du sdong bu can gyi rang bzhin dang de kho na bzhin du rin po che bdun gyis nye bar mdzes par gyur pa'i lus can gyi bung ba rnams dang bya rnams kyang rnam pa gsum du yon tan dang ldan par rnam par rgyu ba ni 'di lta ste/ chu la rgyu ba ngang pa dang ka raN Da dang ngang ngur dang ni lun tan dang / ma ku la dang ha shun da la sogs pa rnams ni chu la rgyu ba'o/ /thang la rgyu ba la bya de dag rnams kyang ri de'i rgyab na rtse bar byed pa rnams la 'di lta ste/ bi shA kha dang kun dga' bar brjod pa dang / bya thams cad dang lhan cig tu kun sgrogs pa dang dus thams cad du dga' bar 'jug pa dang / rnam pa de lta bu rnams ni thang la rgyu bar gyur pa'i bya mtho ris su skyes pa rnams kun tu sgra 'byin par byed do/ /rma bya yang sgra snyan par 'byin par byed do/ /nags na rgyu ba'i bya mtho ris na yod pa rnams kyang 'di lta ste/ shang shang te'u dang rma bya dang yaSh+Ti dang kun tu mig dang mig mi 'dzums pa dang nye 'khor na rgyu ba dang / de kho na nyid brjod pa dang dus kun tu brjod pa la sogs pa rnams mi dang mtho ris 'dras par gyur pa'i bya dag sgra kun tu 'don par byed do/ /mnyan par 'os pa'i rnam pa du ma dang nags na rgyu ba'i bya rnams rtse bar yang byed do/ /de bzhin du ri'i ri bya rnams</font><hr>65.221b<br><font size=+1>

kyis kyang mchog tu mdzes par rjod par byed do/ /gzhan yang bde ba'i phreng ba'i rgya chen po'i ri'i rtse mo'i nam mkha' la rnam par rgyu ba'i bya rnams kyis/ rin po che bdun gyi rang bzhin rnam pa sna tshogs pa'i tshig gis rnam par rtog pa rab tu bcom pa'i lha rnams la rjod par byed de/ ji ltar rnam par rtog pas nyer bcom dang / /'di ni yul gyis bslus pa 'ang yin/ /sred pa yis ni rmongs 'di dag /'chi bdag rgyal po shin tu gnas/ /'dod longs spyod la kun tu chags/ /lam dang lam mi rig pa yi/ /'dod pa'i ming can yul rnams kyis/ /skye bo rnam par rmongs thams cad/ /sna tshogs 'gro kun du 'gyur ba/ /sna tshogs las kyi rjes su 'gro/ /sna tshogs sems kyi dbang gis ni/ /sems can 'gro ba lnga na khyam/ /de ltar bya des mchog tu bag med pa'i lha rnams mthong nas rjes su 'doms par byed de snga ma bzhin no/ /de nas lha de dag gis de ma rtsis par slar yang de kho na bzhin du yul rnams la bag med par gyur cing 'dod pa lngas yid 'phrog pas de kho na bzhin du dga' bar byed pa dang rtse bar yang byed do/ /dus de srid du ste/ ji srid du dge ba'i las rnams byas shing bsags pa zad par ma gyur gyi bar du'o/ /de'i gting la nam zhig na lha'i 'jig rten nas 'chi 'pho bar 'gyur ro/ /shi 'phos nas kyang ji ltar las rnams kyis nye bar 'gro bar gyur pa'i dmyal ba dang yi dgas dang dud 'gro'i 'gro bar skye bar 'gyur ro/ /gal te mi rnams dang skal ba mthun par mir skye bar gyur na yang lan grangs gzhan la myong bar 'gyur ba'i las rnams kyis de mchog tu skyid pa dang mchog tu blo rgya che bar 'gyur ro/ /mchog tu rab tu dga' ba'i yid kyis rtse ba la ched che bar byed pa 'am rab tu dga' bar gyur pa'i lha rnams su 'am/ de yang na gser gling du 'am de yang na sing ha la'i gling du</font><hr>65.222a<br><font size=+1>

longs spyod dang ldan par 'gyur ro/ /khyim bdag du yang las de'i rgyu mthun par 'gyur ro/ /rnam par 'dres pa'i khor yug na rgyu ba'i lha rnams kyi sa ste lnga pa rjogs s+ho//         //gzhan yang dge slong las dang 'bras bu'i rnam par smin pa shes pa de 'thab bral ba rnams kyi sa la kun tu lta bar byed do/ /des thos pa las byung ba'i shes rab kyis 'thab bral ba'i lha rnams kyi sa yang dag par ldan pa zhes bya ba mthong ngo / /der las gang gis sems can rnams skye bar 'gyur ba yang / des mthong ba gang tshul khrims dag cing shin tu rnam par dag pa dge ba'i bsam pa dang ldan pa'i sems can du gyur nas srog gcod pa dang ma byin par len pa yongs su spangs par gyur pa rnams ni snga ma bzhin no/ /'dod pa la log par g.yem pa yang yongs su spangs par gyur pa yang / ji ltar sngon gyi bud med kyi skye bo rnams lta ba rjes su dran par mi byed do/ /de ni dge ba dang ldan pa'i skyes bu tshul khrims dang ldan pa yongs su dag pa'i blo yongs su bsgoms pa'i sems dang ldan pa rnams lus zhig pa na mtho ris bde 'gro'i 'jig rten pa 'thab bral gyi lha rnams kyi nang nas 'gro ba dang yang dag par ldan pa zhes bya ba'i sar skye bar 'gyur ro/ /de la 'di skyes par gyur pa na yang rang nyid kyis legs par byas pa'i las dang 'dra ba'i 'bras bur 'gyur te/ 'di lta ste nags dang nye ba'i nags dang rdzing bu dang pad ma'i nags rnams la bya sna tshogs pa rnams rtse bar gyur pa'i sgra gdangs snyan pa kun nas sgrogs pa rnams ni/ gzugs dang rgyan dang cha byed mchog dang ldan pa rnams kyis yongs su bskor ba'i lha rdzas kyi bde ba dang ldan pas rnga skad yan lag lnga dang ldan par gyur nas/ rtsed mo rtse bar 'gyur zhing dga' bar 'gyur ba dpe med pa'i sgra dang reg bya dang ro dang gzugs dang dis rgyags pa la/ 'di lta ste/ </font><hr>65.222b<br><font size=+1>

lnga 'byung bar 'gyur ba'i sbubs mtsho'i bu gar mngon par zhugs pa las bar chad med par chu lngar 'jig cing ltung ngo / /de bzhin du dbang po lnga las sred pa dang ldan pa rnams kyi sred pa lnga po rnams nyi ma re re zhing logs par ltung bar 'gyur ro/ /'on kyang dbang po lnga po 'di dag rnams la tshim pa skye ba yang ma yin no/ /yang 'di lta ste me lnga 'bar ba la rlung gis bskyod par gyur pas ri rab du 'bar bar byed pas mchog tu sreg par byed pa'i shugs dang ldan pa la shing skam po ci lta ci ltar rab tu bcug pa de lta de ltar me ches phal che bar 'gyur te bud shing rnams sreg par 'gyur ba'i phyir ro/ /de bzhin du dbang po 'di dag rnams kyang rtag tu sred pa dang ldan pa rnams ni me dang mtshungs pa yin la rnam par rtog pa'i rlung gis bskyod par gyur cing / tshul bzhin ma yin pa yid la byed pa'i ri'i rtse mo rnams su yul gyi bud shing rnams rab tu 'bar bar gyur pas/ dbang po lnga'i 'dod pa'i me rnams rab tu 'bar bar 'gyur ro/ /de dbang po 'di dag rnams kyi yul gyi shing rnams dang phrad par gyur na/ de lta de ltar me bzhin du rab tu 'bar bar 'gyur ro/ /ji lta ji ltar yang me dang mar mer phye ma leb rab tu ltung bar 'gyur na de lta de ltar sreg par byed do/ /de kho na bzhin du sred pa dang ldan pa rnams yul gyi mes rab tu ltung bar gyur pas kyang 'chi bar 'gyur ba yin no/ /de'i phyir na phye ma leb lta bur gyur pa ni sred pa dang ldan pa rnams thams cad yin no/ /de'i bdag nyid du gyur pa de go bar gyur pa yang ma yin no/ /phye ma leb lta bur gyur pa'i lha de dag rnams rab tu sreg par gyur pas yul lnga'i mer rab tu lhung bar gyur nas nags dang nye ba'i nags rnams su yang 'gro bar byed de/ lha'i bu mo'i tshogs dang bcas pas bskor bar gyur nas pad ma'i tshal nas pad ma'i tshal</font><hr>65.223a<br><font size=+1>

rnams dang / de bzhin du bdud rtsi'i yul phyogs nas gzhan bdud rtsi'i yul phyogs rnams su dang / de bzhin du btung ba'i bum pa nas yul phyogs gzhan btung ba'i bum pa rnams su dang / mar gyis kun tu btab par gyur pa'i me bzhin du yul gyi me rnams kyis/ de bzhin du de kho na ltar rab tu 'bar bar 'gyur ro/ /lha de skyes pa nas yul phyogs de rin po che bdun gyis rnam par brgyan par gyur pa gang yin pa rnams rnam pa du mar shin du yid 'phrog par byed pa'i lha dang lha mo'i tshogs brgya stong du mas gang ba mthong ngo / /rab tu dga' bar gyur pa'i rgyan dang cha byad du ma'i gzugs 'dzin pa gang yin pa gang yin pa rnams kyis yongs su gang bar ma gyur pa ni/ yul phyogs 'di na yod pa ni ma yin no/ /yul phyogs de yang gang rgyun mi 'chad par lha'i tshogs dang ldan par mi 'gyur ba yang ni ma yin te/ de ltar phan tshun lhan cig tu dga' bar byed pa dang rtse bar yang byed do/ /rab tu 'dres par gyur pa sna tshogs pa'i rgyan dang cha byad dang ldan par rgyan dang mngon par dga' ba yang yin no/ /lha rnams lha'i gnas rnams nas rnga skad yan lag lnga dang ldan pas nye bar bsgrags par gyur pa'i lha gang yin pa 'di dag rnams las/ shin du nyung ba'i las gang yin pa la ni rgyan dang cha byed thams cad 'dzin par gyur pas lha'i rjes su 'brang bar byed pa'i 'khor stong phrag bcur 'gyur ro/ /de lta bu'i rim pas kha cig la ni stong phrag sum bcu gnyis so/ /de bzhin du ji srid du stong phrag bzhi bcu dang / de bzhin du ji srid du stong phrag lnga bcu dang / de bzhin du rjes su 'jug pa'i rim pas lha rnams kyi 'khor ji srid du stong phrag brgyar 'gyur ro/ /gal te de'i 'khor de dag rnams kyang yongs su skyo bar yang mi 'gyur te/ lha de de dag rnams dang lhan cig kun</font><hr>65.223b<br><font size=+1>

tu sbyor bar byed pa na lha mo rnams thams cad kyang 'di ltar sems thams cad kyang 'di ltar sems par 'gyur te/ lha dang nga gcig pu kho nar kun dga' bar bya'o gzhan rnams dang ni lhan cig du ma yin no/ /de ltar ngoms pa med pa'i lha rnams 'dod pa'i sred pa dang ldan bzhin dus byed do/ /de dag la ngoms pa skye ba yang ma yin no/ /'di dag ni gcugs par gyur bzhin du 'bar bar gyur pa yin no/ /de nas de ltar bag med par gyur pa rnams rnam par 'phyo bar byed pas nags dang nye ba'i nags dang rdzing bu dang shing dang tshang tshing dang chu klu dang rdzing bu rnams su lhan cig dga' bar byed de/ lha mo med par lha'i tshogs kyis ni ma yin no/ /de ltar rgyu bar gyur pa las de dag rnams gal te shed can ngang pa'i nags zhes bya ba'i nags rjes su sleb par 'gyur ro/ /de na yang de srid kho nar lha mo dang bcas nas te/ nags de ni dga' ba chen po dang ldan pas lha rnams kyang ngo mtshar bar gyur pa'i dga' ba yin no/ /de'i dga' ba rnams ni 'di lta bur gyur pa yin te/ 'di ltar nags de'i nye 'khor rnams na ngang pa de dag gis rnam par gsal bar byed do/ /kun tu gnas par gyur pa rnams kyang kha cig ni dngul gyi rang bzhin gyi sgro dang gser 'bab pa'i rang bzhin gyi sgro dang pad ma rA ga'i mdog gi rkang pa dang pad ma rA ga dang mdog mtshungs pa'i kha dog dang gsus pa shin tu bkra ba 'bar ba gang yin pa rnams so/ /kha cig gser 'bar ba'i rang bzhin gyi rgyab dngul gyi mdog dang ldan pa'i logs kar ke ta na'i rkang pa ste phug rnams kyang de bzhin no/ /kha cig ni shel gyi rang bzhin gyi rgyab mu sA ra'i rang bzhin gyi logs gser btso ma'i mig de dang 'dra ba'i mchu in dra nI la'i rang bzhin gyi rkang pa'o/ /kha cig ni rnam par 'dres pa'i cha shas kyi sgro rnam par bkra bar</font><hr>65.224a<br><font size=+1>

'gyur ba'i rin po che bdun gyi rang bzhin rnam par bkra ba'o/ /kha dog gcig pa rnams ni 'di lta ste dngul gyi mdog dang shel gyi mdog dang gser 'bar ba'i kha dog dang mu sA ra'i kha dog dang kar ke ta na'i kha dog rnams te/ ji lta bu'i las sems dang sems kyis rnam par bkra bar gyur pa rnams dga' bar byed pa dang / rnam par dpyod par yang byed do/ /de dag rnams kyang ji ltar rjes su mthun par mchog tu rnam par bkra bar byas pa'i sgro'i cha shas rnam par bkra bar gyur pa'i ngang mo rnams dang lhan cig tu rtse bar byed do/ /mtsho dag dang rdzing bu rnams dang ji ltar pad ma'i nags rnams la yang ngo legs par 'bab pa'i ri chu klung gi rlabs rnams la dang de bzhin du pad ma'i tshal rnams la dang de bzhin du yang 'jam pa mnan na nems pa'i sa gzhi cha gun la dang me tog dang ldan pa rnams la yang dga' bar byed do/ /yongs su spyod par byed do ngang pa rnams kyang lha bzhin du lhan cig spyod pa rnam pa du ma dang ldan pa yin no/ /de nas sna tshogs pa'i lha mo'i tshogs rnams kyis yongs su skor ba'i lha de dag dang de dag gi nags der zhugs par gyur pa nyid na ngang pa de dag rnams mngon par mthong bar gyur nas slar nyid kyang ngo mtshar bar gyur cing yid ches rab tu dga' bar gyur te mig gi rgyu ba g.yo ba dang ldan pas nags de'i yul phyogs kyi nye 'khor kun la rnam par lta bar byed de/ de dag rnams kyis kyang lha mo de dag rnams kyi yid kyi rjes su 'thun par gyur nas yid ches rab tu dga' bar gyur pas 'di ltar rtog par byed de ji ltar lha rnams 'di na ngang pa'i nags zhes bya ba'i ngang pa rnams kyi nags mchog tu dga' bar gyur pa ji lta ba kho na bzhin du rnam par mdzes par gyur pa rnams la ji ltar 'di na lha'i ngang pa'i nags zhes bya ba nags chen po mchog tu dga' bar gyur pa ji lta ba bzhin du de dag gis rab tu mdzes te/ rnam pa sna tshogs pa'i ljon shing gi tshogs rnams kyis de dag yangs su khyab par gyur pa rin po che khams du ma rnams kyi 'byung khungs dang</font><hr>65.224b<br><font size=+1>

ldan pa de dag ni shin tu bar yang yon tan rnams phun sum tshogs pa/ rnam pa sna tshogs pa'i pad ma'i rdzing bu dang ldan pa'i ri'i rtse mo nye bar dud par gyur pa rnam pa brgya stong du mar ming btags par gyur kyang gang dag rnams kyi ming yang shes par mi 'gyur ba'i me tog rnams dang nye bar ldan pa pad ma'i 'byung gnas brgya stong du ma rnams dang ldan pa yin te/ nags de na ni ngang pa'i rgyal po dus bzang zhes bya ba gnas so/ /de ni ji ltar bdag cag 'thab bral ba rnams kyi mnga' bdag mu su lun d+ha yin de bzhin du ngang pa rnams thams cad kyi yang dus bzangs 'di yin te/ shin tu yangs pa zhes bya ba'i pad ma'i rdzing bu de na 'di rtse bar byed pa dang dga' bar byed pa dang kun tu spyod par yang byed do/ /drung du yang 'thab bral gyi mnga' bdag mu su lun d+ha 'ong ngo / /de dang lhan cig tu bya chen po dga' bar byed kun tu spyod par yang byed pa ni ji ltar lha'i tshogs gzhan dag rnams kyis de yongs su shes par 'gyur ba yang ma yin pa de ltar dga' bar byed do/ /dus bzangs gang yin pa de dang 'thab bral ba'i bdag po lhan cig tu dga' bar byed pa'i rgyu de ci yin pa'i rgyu de yang lha'i tshogs rnams thams cad kyis kyang mi shes so/ /de la rgyu mtshan de dag rnams yid la gyis la lha khyod nyid kyang bdag cag rnams kyis yongs su bskor nas 'gro bar gyis dang / de la tshig de dag rnams lhag ma ma lus par mthong bar 'gyur gyis lha de dag dang bya'i rgyal po yang ji lta ba bzhin du thos par gyur nas lha gsar du skyes pa des lha de dag rnams kyi nang nas zhabs 'bring byed pa la 'di skad ces brjod de/ gang na ngang pa'i rgyal po de dang 'thab bral gyi bdag po mu su lun d+ha yang yod pa der bdag cag rnams ji lta ba bzhin du 'gro bar bya'o/ /de nas de bzhin du lha mo de dag rnams dang lha de dag rnams dang nags de'i nang na yod pa der nye bar legs par phyin no/ / </font><hr>65.225a<br><font size=+1>

zhugs par gyur pa na mthong ba rnams la ljon shing gi tshal rnam pa sna tshogs pa rnam pa du ma dang rnam pa sna tshogs pa'i ri dgas rnams dang bya rnams kyis kun tu gang bar gyur cing ri dgas kyi khyu rnams kun tu rgyu ba rnams la kha dog rnam pa du ma rnams dang rigs sna tshogs pa rnams lhan cig spyod pa rnams dang bcas nas de dag la spyod par byed do/ /spyad par 'os pa'i zas rnams lhan cig tu za bar byed cing lha rdzas kyi nags rnams kyi rtsa ba'i zas kyang ste/ rin po che bdun gyis spras pa'i lus can rnams nags rnams kyi nang du dang nags kyi tshang tshing rnams su dang chu klung gi ngogs rnams su dang pad ma'i tshal gyi 'gram rnams la dang mtshe'u gzhan rnams la dang sman ljongs rnams su dang ri'i khong seng rnams la yang khyu rnams dga' bar byed cing kun rjod par yang byed do/ /de dag rnams mngon tu legs par mthong bas kyang lha rnams kyi mig dang yid mchog tu 'phrog par 'gyur zhing rnam pa du mar yang rab kyi mchog tu dga' bar gyur nas/ gzhan yang ngo mtshar bas mig kun tu bskyod par 'gyur zhing de dang de dag rnams mig btod par byed cing lha'i bu mo'i tshogs rnams kyis yongs su bskor bar gyur nas kyang nye bar len par byed cing slar yang ngang pa'i nags de nyid du rab tu 'jug go/ /rab tu zhugs par gyur pa nyid na kun tu lta bar byed do/ /brgya phrag du mar gyur pa'i rma bya'i khyu rnams kyang ljon shing gi tshang tshing dang nye bar gyur pa rnams na nye bar rtog ste/ kha cig ni mgrin pa nas dbyangs sgrogs pa'o/ /kha cig ni phan tshun du mdongs phyi rol tu byas nas kyang rtse bar byed pas lhan cig spyod pa rnams kyi sngon du gar byed do/ /kha cig ni gcig pu zhig tu gyur nas shing mthug po rnams kyi nang du nor bu bdun gyis spras pa'i thig les rnam par bkra ba rnams ljon shing gi 'dab ma rnams dang lhan cig tu rtse bar byed do/ /</font><hr>65.225b<br><font size=+1>

lhan cig spyod pa rnams kyis rjes su 'brang bar gyur pas nags de'i phyi rol na yang mtho ris kyi rjes su 'thun pa rnam pa du ma dang ldan par mthong ba nyid do/ /ngang pa'i nags der dga' bar gyur pa'i lha brgya stong bye ba rnams de ltar legs par 'jug par byed do/ /gzhan yang lha rnams kyi nags gzhan dag rnams lha gsar du skyes pa des mthong bar gyur pa'i nags de dag rnams kyi dga' bar gyur pa ni 'di lta ste/ chu klung mchog tu dang bar gyur pa shis pa'i chu bo'i ngos gnyi ga'i nye 'khor na lha rnams kyis yongs su bskor bar gyur pas rnam par gsal ba dang / chu klung de dag rnams kyang yon tan bdun dang ldan pa'i 'o mas yongs su gang ba rnams kyi ming du gyur pa la 'di lta ste/ 'dod pa'i chu dang shis pa'i chu dang kun dga' bar 'bab pa dang myos pa med pa zhes bya ba'i chu dang mngar gyur pa dang 'dod pa thams cad kyi chu dang bya dang ldan pas mngon par dga' ba'o/ /rnam pa de lta bur gyur pa'i chu klung rnams 'bab pa'o/ /dga' bar gyur pa'i nags chen po de'i chung klung de dag rnams la yang chu la rgyu bar gyur pa'i bya rnams grang mor gyur pa'i chu 'thung bar byed do/ /'thungs nas kyang tshigs su bcad pa brjod par byed pa ji ltar/ legs par sngon gyi thar ba yi/ /lam rtogs nas ni gsar pa yang / /rma bya zad na skye ba ni/ /lha yi 'jig rten du 'bab 'gyur/ /gyis dang gang yang gsar pa'i las/ /rnom gsum rnam pa gsum 'byung ba/ /rnying bcas gsar pa rjes su tshol/ /'thab bral dag tu skye bar 'gyur/ /ma 'ongs pa yi 'jig shes dang / /da ltar ba la 'chums med gang / /'das pa la yang chags pa med/ /ring min pa na de chags bral/ /bde dang sdug bsngal dag gis kyang / /gang gi yid ni rnam mi 'gyur/ /blo gros bzang ldan lha yi ni/ /'jig rtan bdag cag 'bab pa bde/ /gang yang rnying pa zos nas ni/ /</font><hr>65.226a<br><font size=+1>

gsar pa yang ni mi byed pa/ /sngon gyi legs byas zad pa ni/ /'chi ba'i dus su rnam par rig /yul rnams gyis ni 'khrid byed pa/ /lha gang sems ni rmongs pa yin/ /gang gi blo ni yon tan ldan/ /'dod pa'i dbang rjes de mi 'gro/ /da ltar ba yi 'dod pa la/ /khyad par du ni skyon can la/ /gang zhig bde bas mi rmongs pa/ /de ni brtan pa zhes brjod do/ /skyon gyis 'jigs pas brkam chags med/ /'dod rnams dbang du 'di mi 'gro/ /des ni sdig kyang rnam 'jig byed/ /de ni brtan pa zhes brjod do/ /bde ba yis ni 'phangs pa'i yid/ /sdig pa'i 'jigs pa ma mthong ba/ /dga' ba shin tu des sten pa/ /rmongs pa gang ni rab tu 'joms/ /dga' ba rnyed nus thob gyur nas/ /ci phyir 'dod pas nyams par byed/ /rten pa de dag shis pa min/ /ngan song shin tu chen por 'gyur/ /'jig rten glog dang smig rgyu bzhin/ /dri za'i grong khyer dang mtshungs par/ /thams cad slu ba'i bdag nyid can/ /'dod pa mi zad par rab brjod/ /de ltar ngos na spyod pa'i byas/ shin tu bag med par gyur pa'i lha gsar du skyes pa de mngon par mthong nas tshigs su bcad pa de dag brjod do/ /gsar pa de yang yul gyis kun nas phrogs par gyur pa'i phyir na bya de dag gis ci brjod ces zer nas go bar mi 'gyur ro/ /de nas phan pa de dag rnams ma bgrangs par slar yang de kho na bzhin du ngang pa'i nags kyi ches nang du zhugs par gyur pa na/ yul gzhan mang po rnams las 'dod pa'i rgyags pas zin pa rnams kyis ngang pa'i nags su ches mchog tu dga' bar gyur pa'i khyad par gyi dngos po phal che ba nyid las dang por 'khris shing gi dra bas g.yogs par gyur pa rnams rtogs so/ /de lta de ltar mchog tu bla na med pa rnams dang legs par ldan pa las des rgyang ring ba nyid nas nor bu'i nags zhes</font><hr>65.226b<br><font size=+1>

bya ba mthong ste/ ngang pa'i nags de nyid kyi 'od zer gyi phreng ba brgya stong dang ldan pa'i nor bu rnams gang yin pa'i khyad par gyis lha rnams nyid kyis nges par blta bar nus pa yang ma yin te/ 'og gi sa na gnas par gyur pa'i lha sum bcu rtsa gsum pa 'am rgyal chen ris bzhi pa rnams kyang rung ste gzhan 'ga' zhig na yang rnam pa de srid kyi gzi brjid can ni yod pa ma yin no/ /nor bu de dag rnams ji ltar 'dod pa'i dbang gis 'gro bar gyur pa gang yin pa'i lha rnams 'dod par gyur na des nor bu de dag rnams khang bur g+hur nas nam mkha' la 'phags par byed de/ khong seng can du gyur cing de dag gi yang nang du song nas kyang lha rnams rab tu rtse bar 'dod pas nam mkha' la 'phag par byed la/ nor bu de dag rnams kyang sems bskyed pa dang lhan cig nyid du khang bur gyur nas nam mkha' la 'phag par gyur to/ /legs par byas pa'i las rnams kyis nor bu de dag rnams kyi nang du yang chu klung dang 'bab chu dang rdzing bu dang nags dang skyed mos tshal dang pad ma'i rdzing bu dang ljon shing gi tshogs dang nags tshang tshing dang sa gzhi cha shas rnams dang ldan pa dang ri'i rtse mo rnams dang bya'i sgra dga' ba rnams dang ldan par gyur pa yin no/ /ji ltar yang bde bar gyur pas lha de dag rnams nam mkha' la bde bar rab tu rgyu ba rnga skad yin lag lnga dang ldan pa dang 'dod pa'i yon tan drug dang ldan pas dga' bar byed do/ /ji ltar gzhan yang lha de dag rnams nyid 'dod par 'gyur na/ ji ltar lha'i 'jig rten de dag rnams nyid kho nar rtag tu bdag cag rnams 'khod par bya na zhes de dag rnams kyi sems bskyed pa tsam nyid na nor bu de dag rnams nyid 'thab bral ba'i lha'i ris de dag rnams nyid du 'gyur ro/ /slar nyid kyang de dag rnams nyid yid gzhan du gyur nas 'od zer gyi phung po rnams rab tu 'bar bar</font><hr>65.227a<br><font size=+1>

byed do/ /rang gi 'od zer rnams nyid lha mo de dag gis lha gsar du skyes pa de la rjod par byed do/ /de nas de dag rnams mchog tu dga' bar gyur pa'i ngang pa'i nags de las kyang 'dod pa'i zhags pas gzhan rnams kyis kun nas drangs par gyur to/ /slar yang yul gyis drangs par gyur nas nor bu'i nags der glu nye bar len par gyur cing rab tu brten nas de dag rnams kyis ha cang mi ring ba nas lta bar byed do/ /sngon po dang ser po dang dmar po dang dkar po dag gi 'od zer brgya stong gis bskor nas nags dang bcas pa'i yul gyi nor bu'i nags de dang ha cang mi ring ba'i ngang pa'i nags kyi nye 'khor kun tu snang bar byed do/ /de nas lha de dag lha de dag rnams kyi drung nas nags de dag nye bar bskor bar gyur nas/ nor bu'i khang bur gnas te/ gang na nor bu'i nags de yod par gyur pa der nye bar 'gro'o/ /lha mo de dag nyid dang lhan cig du der nye bar legs par phyin nas/ nor bu du ma rnams 'bar ba'i phreng ba dang rnam par snang bar gyur pa'i nor bu'i 'od rnams la yang lta bar byed do/ /de nas lha de dag rnams 'di snyam du sems so/ /ci ste yang bdag cag rnams lha'i nor bu gzhan rnams gang yin pa'i nang du ji lta bar song la nam mkha'i dkyil du 'khod nas rnam par rgyu bar bya ste mtho ris la blta ba'i don du de bzhin du bdag nye bar 'gro bar bya'o/ /de nas lha gsar du skyes pa de'i sems bskyed pa dang lhan cig tu gang yid la bsams pa'i nor bu 'di lha de khang bur der gyur to/ /gyur nas kyang nam mkha'i khams su 'phags so de 'phags par gyur pa yang legs par mngon par mthong nas lha de lhan cig spyod pa'i 'khor de dag rnams nyid kun nas nor bu'i rang bzhin gyi khang bu der mngon par zhugs pa de dag gis mthong bar gyur te/ ji ltar rang gis byas</font><hr>65.227b<br><font size=+1>

pa'i las dang 'dra bar dga' ba de'i nang de na 'di dag yod de/ chu klung dang 'bab chu dang rdzing bu dang nags skyed mos tshal dang pad ma'i tshal dang dga' tshal dang ri dang ri'i rtse mo dang tshang tshing dag gis legs par gang bar gyur pa mthong na dga' ba du ma rnams phyogs gzhan dang gzhan na mthong bar gyur pa rnams la/ bya rnams dga' bar 'gyur ba'i kra kri'i sgra rjod par byed pa dang / kha dog dang dbyibs sna tshogs pa'i sa'i cha rnams dang dri dang ldan par gyur pa'i me tog gis kun tu khebs pas chags par byed do/ /de bzhin du yul gzhan rnams na yang mthong bar gyur pa la ri dgas dang bya rnams chu klung mnyam pa dang mi mnyam pa'i dga' bar gyur pa'o/ /gzhan yang lhas yul phyogs gzhan rnams su mthong bar gyur pa la gang dag ji ltar 'dod pa bzhin du lha dang lha mo'i tshogs rnams kyis legs par gang bas rgod pa dang 'gying ba dang rtse 'jo bas rnam pa sna tshogs pa'i bde ba blta bar dga' ba rnams so/ /ji skad du bshad pa'i yul phyogs de dag rnams thams cad la gsar du skyes pa'i lha des dang po mthong ba yin pas lha mo de dag rnams dang lhan cig tu rtse bar byed cing bag med par rgyu bar byed do/ /gzhan yang yul phyogs gzhan dag rnams su yang mi ngoms pa'i 'dod pa'i sred pa rnams kyis nye bar 'gro ste/ gang na bdud rtsi'i rang bzhin gyi sa phyogs yod pa der zas don du gnyer bar 'gro bar byed do/ /de der ji ltar legs par byas pa'i las dang 'dra bar za bar byed do/ /de nye bar zos nas kyang yul gyi mes bsregs par gyur pas gang na btung ba'i chu klung yod pa der lhan cig spyod pa'i 'khor dang bcas nas nye bar 'gro'o/ /de'i 'khor de dag rnams nyid dang rgya chen po'i sred pa'i rlabs rnams kyis khyer bar gyur pa na bdud rtsi 'di dag rnams dang phrad par</font><hr>65.228a<br><font size=+1>

gyur te/ de nas de dag btung ba'i sa gzhir song nas rnam pa sna tshogs pa'i nor bu'i snod rnams su myos byed de dag 'thung bar byed do/ /de phyir zhing nyid kyang myos byed kyis rangs par gyur pa ni mar kun tu blugs par gyur pa nyid kyi me 'gran zla med par gyur pa bzhin du 'di'i yul gyi sred pa rnams kyang rab tu 'bar bar 'gyur ro/ /de yang yul de dag rnams kyis kun tu rmongs par gyur nas phyir zhing nyid kyang lha'i bu mo de dag nyid dang lhan cig tu gar dang rab tu dga' bar yang byed do/ /de dag de bzhin du gnas der rtsed mo rnams byas nas/ slar yang gang na pad ma'i rdzing bu yod par gyur pa der nye bar 'gro bar byed do/ /chu la rtse bar bya bar 'dod pa'i dbang du byas nas thams cad la yang rig par byas te/ gang na pad ma'i rdzing bu de yod pa der kun tu nye bar 'gro'o/ /gzhan yang de yul rnams kyis rgyags par gyur nas de dag rnams dang lhan cig tu chu'i rtsed mo byed par 'gyur ro/ /lha'i bu mo de dag rnams nyid dang lha'i bde ba mchog tu dpe med pa rnams mngon sum du nye bar longs spyod pa byed do/ /de gzhan yang de kho na bzhin du rgyags pas rgyags par gyur nas rna ba tshim par bya 'dod pas 'gran gyi do med pa'i yul gyis kun tu khrid pa'i phyir rnga skad yan lag lnga pa nyan par 'dod do/ /de nas gzhan yang de dag rnams nyid kyi dkyil du song nas lha de cig pu glu len no/ /glu nyan par mang byed do/ /rnga skad yan lag lnga dang ldan pa thams cad kyi rna ba dang yid 'phrog par byed pa gang yin pa ni dngos po gzhan rnams kyi dpe bya bar yang sla ba ma yin no/ /de de ltar 'dod pa'i yon tan lnga la nye bar longs spyod par 'gyur bas kyang ngoms par 'gyur ba yang ma yin no/ /srid pas rnam</font><hr>65.228b<br><font size=+1>

par gdungs par gyur pa'i bsam pa can rnams ni srid pas rnam par ngoms par 'gyur ba yang ma yin te/ ji ltar me ni bud shing rnams kyis ngoms par mi 'gyur la de bzhin du 'dod pa dang bcas pas 'dod pa dang ldan pa rnams rnam par ngoms pa mi skye'o/ /de de na rnam pa du ma dang rnam par rtog pa du ma'i bde ba rnams nye bar longs spyod par gyur pas dus ring du rtse 'jo byas nas/ gzhan yang nor bu'i rang bzhin gyi khang bu de nyid kyis ngang pa'i nags de nyid du slar yang rab tu 'jug par byed de/ phyir bzhin 'brang bar gyur pa'i 'khor rnams thams cad dang de song nas phyir zhing nyid kyang snga na ma mthong ba'i yul phyogs gzhan rnams su 'jug par byed do/ /nags de'i dga' bar gyur pa yang 'di dag yin te/ ji ltar bltas par gyur pa de ltar nags de ni ches dga' bar gyur pa yin no/ /dbang po rnams kyang yul rnams kyis ngoms par yang med do/ /de ltar byas pas nags da dag ni blta bar nus pa yang ma yin no/ /de bzhin du 'bab chu dang rdzing bu dang nags dang nye ba'i nags dang shing gi tshogs rnams dang lha dang lha mo'i tshogs rnam pa du ma rnams kyang de na mthong ngo / /de kho na bzhin du rnga skad yan lag lnga dang ldan pas rtse bar gyur pas gzhan yang mkha' lding gi rgyal po dus bzangs de rnam par yangs pa'i pad ma'i rdzing bu gang na gnas par gyur pa der lha'i bu mo'i tshogs kyis yongs su bskor ba dang bcas nas de dag rnams legs par 'gro byed do/ /de ltar des mang du mthong ngo / /de ltar des lha'i tshogs brgya stong du ma rnams glu len par gyur pa dang / lha rdzas kyi rim pas bde ba dang / yang dag par ldan par gyur pa rnams mthong bar 'gyur ro/ /gang dag la dpes gzhal bar bya ba</font><hr>65.229a<br><font size=+1>

rnams ni cung zad kyang yod pa ma yin la/ gang gis dper byed par gyur pa'i 'jig rten kun tu gsal bar byed pa'i nyi ma yang gang dag gis khyad par gyis srin bu me khyer tsam du yang ma yin no/ /'od zer gyi dbang du byas nas de las gzhan pa rnams gang dag gis dper byed pa yin/ de ltar lha rnams ni dpe med pa'i yul rnams kyis nye bar 'tsho ba yin no/ /ro rnams kyi yang dpe bya bar nus pa ma yin te/ mi rnams kyi yang gang gi phyir ro'i mchog tu gyur pa rnams la 'di lta ste/ sbrang rtsi dang bcos pa'i chang dang bu ram shing dang sha'i rigs su gyur pa rnams dang ste/ shin tu lags par sbyar ba'i ro de rnams thams cad dang yang dag par ldan pas kyang / bdud rtsi'i dmar po dag gi khyad par gyis bim pa'i 'bras bu tsam dang yang 'dra ba ma yin no/ /mi rnams kyi ro thams cad dang yang dag par ldan pa de gang gis dper byed par 'gyur/ ro'i dbang du byas nas lha rnams kyi bcu drug char yang mi phod do/ /dri rnams kyi yang dper bya ba nus pa ma yin te/ 'di na mi rnams kyi dri zhim par gyur pa rnams thams cad la 'di lta ste/ tsan dan dang / a ga ru dang / phye ma dang byug pa dang ni khu sti dang tsam pa ka dang / ke ta ka dang yid bde ba'i me tog dang 'dza' ti'i dri dang dbyar gyi dus pa dang / ud pa la dang / ku su mA dang ni tsu la la sogs pa'i'o/ /de dag rnams bsdoms nas gcig tu byas pas kyang lha rnams kyi me tog thams cad kyi tha mar gyur pa nim pa'i lo ma'i bcu drug gi char yang mi chog go/ /de ltar byas nas dri rnams kyi dper bya bar yang mi nus so/ /lha rnams kyi reg bya ni dpe med pa dang yang dag par ldan pa yin te lha rnams kyi gang yin pa la ni mi rnams kyis rtogs pa'i</font><hr>65.229b<br><font size=+1>

yul ma yin no/ /mi rnams kyi reg bya rnams thams cad kyi mchog tu gyur pa rnams kyang 'di lta ste/ srin bal dang mon dar dang du gu la dang bal dang ras bal la sogs pa dang gzhan yang mi rnams kyi gang dag rnam pa de lta bur gyur pa de dag thams cad bsdoms par gyur pas kyang / lha rnams kyi rig bya thams cad las tha mar gyur pa 'di lta ste/ lha rdzas kyi rdo rjer gyur pa'i srid pa'i sdug bsngal byed pa rnams kyi yang bcu drug char phye ba tsam du yang mi chog par 'dod do/ /rgyu des na lha rnams kyi reg bya yang dpe med pa yin la de dag la yang dpe bya bar nus pa ma yin no/ /sgra rnams kyang dpe med pa dang yang dag par ldan pas lha rnams rgyu ba yin no/ /'di na mi rnams kyi mchog tu gyur pa'i sgra ni 'di lta ste/ pi bang dang sa kA sha dang gling bu dang rdza rnga dang glu la sogs pa rnams yin no/ /chags par gyur pa de dag rnams thams cad bsdoms pas kyang lha rnams kyi rgyan gyi mchog gi bcu drug char yang mi chog par 'dod de/ lha rnams kyi sgra rnams kyang dpe med pa dang yang dag par ldan pa yin no/ /dper bya ba ni 'di dag rnams yin te/ rgyal chen ris bzhi'i lha rnams dang mi'o/ /sum bcu rtsa gsum pa rnams kyis ni 'thab bral ba la ma yin no/ /de'i khyad par yang mi rnams kyi 'dod pa dang rgyal chen ris bzhi'o/ /de'i khyad par gyis sum bcu rtsa gsum pa dang rgyal chen ris bzhi'o/ /rgyal chen ris bzhi'i yul dang sum bcu rtsa gsum pa'i khyad par gang yin pa'i khyad par 'di dag gis kyang / sum bcu rtsa gsum pa rnams kyi 'dod pa'i rim pa rnams dang las kyi khyad par rnams kyis 'dod pa na spyod pa'i lha drug po rnams kyi yang lha rdzas kyi yul rnams kyi yon tan khyad par du 'phags pa yin no/ /de'i phyir yang lha rnams ni bde ba</font><hr>65.230a<br><font size=+1>

dpe med pa du ma rnams dang yang dag par ldan pa yin no/ /lha de dag ngang pa'i nags de na rtsed mo rtse bar gyur pa las bar snang la 'gro ba'i rgyal po de dang nye bar phyin par gyur te/ gang la 'di rtse bar gyur pa rnam par yangs pa'i pad ma'i rdzing bur lhan cig rjes su spyod pa rnams kyis yongs su bskor zhing pad ma'i nags la legs par gnas te nye 'khor na lha'i tshogs kyis yongs su bskor to/ /de dag rnams gang yin pa de'i pad ma cig po gang la 'di rtse bar byed pa de ni tshad dpag tshad tsam mo/ /rin po che sna bdun gyi dper bya bar gyur pa/ rdo rje'i ze'u 'bru rnams kyis reg na bzod par gyur pa bla na med pa'i dri dang kha dog rnams dang ldan pa dpe med par gyur pa 'od zer du ma rnams kyis rnam par snang bar byas pa 'dab ma stong phrag brgya pa gang yin pa 'di'i dbus su gnas par gyur nas pad ma'i rdzing bur mu su lun d+ha la sogs pa rnams la chos ston par byed do/ /de yang smon lam gyi dbang gis 'thab bral ba'i lha rnams kyi nang du skye bo rnams la phan pa'i don dang bde legs su 'gyur ba'i don du ste phan par 'dod pa dag gis der skyes so/ /de dag rnams la chos ston par byed de/ bag med pa spang ba'i don du'o/ /lha gsar du skyes pa de mthar gyis rnam par yangs pa'i pad ma'i rdzing der slebs par gyur to/ /de mngon par mthong nas kyang dus bzang des tshigs su bcad pa rjod par byed pa ji ltar/ 'dod pas ngoms pa med pa dang / sred pas kyang ni gdungs pa yi/ /sems dang dbang po g.yo ba yi/ /dus 'di yongs su 'da' ba yin/ /'ching ba lnga yis bcings 'gyur zhing / /drug gis rnam par rmongs pa yang / /dus gsum la yang rnam rmongs pa'i/ /dus 'di yongs su 'da' ba yin/ /'gro ba'i btson rar bcings na yang / /skyo ba'i dbang du 'gro min pa/ /bag med yul gyis rmongs pas kyang / /dus 'di yongs su skyel ba yin/ /</font><hr>65.230b<br><font size=+1>

rgod dang khrel med chags pa dang / /lus kyi mdzes pa la dga' zhing / /'dod pas yid ni ngoms med pa'i/ /dus 'di kun ni 'gag pa yin/ /mi rtag bsgrub par mi nus pa'i/ /bde la chags pa'i lus can rnams/ /bud med mthong bas brgyal ba yi/ /dus 'di yongs su 'da' ba yin/ /skye dang 'chi ba'i dbang nyid dang / /sred pas kyang ni rmongs pa yi/ /byis pa'i skye bo rnams kyi yang / /dus 'di yongs su 'da' ba yin/ /gti mug mun par bying ba dang / /kun nas 'dod chags kyis phrogs pa'i/ /sred pas ngoms pa med pa yi/ /zhe sdang 'ching bas bcings nas ni/ /dus 'di yongs su 'da' bar byed/ /log par ltung ba mngon mi shes/ /rnam par rtog pas nyer bcom pa'i/ /skye bo chags pa'i yid can rnams/ /dus 'di yongs su 'gag pa yin/ /dus de tsam du dga' 'gyur yang / /yongs su smin nas phan min pa'i/ /'dod pa la ni chags pa'i yid/ /dus 'di yongs su skyel ba yin/ /sngon gyi sdug bsngal mngon mi shes/ /lha yi bde la dga' ba yang / /rnam bral de ni mi shes par/ /dus 'di yongs su 'da' ba yin/ /las kyi dra bas kun nas bcings/ /bkren pa nyid kyi byed pa yis/ /dam pa'i lam las yongs nyams nas/ /dus 'di yongs su 'da' bar byed/ /rnam rmongs sems dang bral bas ni/ /srid pa'i skyon ni shes pa min/ /gti mug mun par nub pa yis/ /dus 'di yongs su 'da' bar byed/ /las zhags cig gis bcings nas ni/ /grogs med gcig pu'i lus can rnams/ /lha mo'i tshogs kyis rnam rmongs pas/ /dus 'di yongs su 'gag par byed/ /dbang po rnams kyis khrid pa dang / /dam pa'i lam la 'khrul bas kyang / /bud med de ni shes min pas/ /dus 'di yongs su 'da' bar byed/ /sdom dang sdom</font><hr>65.231a<br><font size=+1>

min shes min dang / /gnod sems mang por gyur pa dang / /legs par bsdams pa'i lam zhig pa/ /dus 'di yongs su skyel bar byed/ /phan dang phan min phyi rol dang / /don dang don min la rmongs pa'i/ /rtsed mos byis pa dang mtshungs pa'i/ /dus 'di yongs su 'da' bar 'gyur/ /chu klung 'bab chu lteng ka dang / /nags dang skyed tshal sa gzhi la/ /rtse dga' la ni ched che 'di'i/ /dus 'di yongs su zad pa yin/ /khang bu dang ni ri steng dang / /pad ma'i tshal gyi rdzing bur yang / /dga' bar 'dod pa'i longs spyod la/ /dus 'di yongs su 'da' bar byed/ /las dang las kyi rnam smin la/ /snang ba med pa'i lus can rnams/ /zas la chags pa 'ba' zhig gis/ /dus 'di yongs su zad par byed/ /khams gsum 'di na rtag tu yang / /las kyi rlung gis yongs su bskor/ /'khrul 'khor bzhin du rtag tu 'khor/ /byis pa rnams kyis go ba'ang min/ /mthon po'i rang bzhin 'phyang mo zhon/ /skyes bu log par ltung ba yin/ /rnam par rmongs pas skyon rnams ni/ /bzlog la rab tu 'bad mi byed/ /de dag dang ni de las gzhan/ /'dod pa'i bde ba yongs spong ba/ /'dod dang bral ba brtan pa yi/ /skyob pa mya ngan 'das pa yi/ /de ni thog ma bar tha mar/ /dge ba'i bde legs bla na med/ /gang zhig thob nas thub pa rnams/ /yams dang bral ba'i zhi bar rgyu/ /'dod skyes srid bde dam pa ni/ /de ni log ltung nang du chud/ /sdug bsngal rnam smin skyes min pa'i/ /'dod pa'i khyad par 'ga' zhig med/ /de phyir 'dod pa zhes bya'i blo/ /nam yang bskyed par mi bya'o/ /de yang sdug bsngal rnam 'khor ba'i/ /rgyur gyur shin tu mi bzad pa'o/ /de ltar ngang pa des lha gsar du skyes pa de mngon par legs par mthong nas tshigs su bcad pa brjod la/ yul rnams la smad ra yang byas so/ /des de lta bu rnams kho na bshad par</font><hr>65.231b<br><font size=+1>

gyur pa na lha de mtha' ma nyid thob par 'gyur ro/ /lha des legs par bshad pa de dag rnams la brtsi bgrang ma byas pas de bzhin du yul gyis kun tu rmongs par gyur nas slar yang de nyid kyi mdun du rtse ba dang dga' ba dang yongs su spyod par yang byed cing / chu la rtse bar byed do/ /pad ma'i rdzing bur zhugs par gyur nas pad ma dag bcad de lha'i bu mo de dag dang lhan cig tu rtsed mo yang rtse bar byed de lha rdzas kyi bde ba dang ldan pa'i yul gyis rnam par rmongs pa'i phyir ro/ /phan pa'i tshig de dag rnams nye bar thos par gyur nas kyang dga' bar byed pa nyid ni 'dod pa'i dbang du song ba'i phyir ro/ /de nas yang nam mkha' lding gi rgyal po de mun pa'i snod kyi lha de dag rnams la gzhan yang rjod par byed pa/ ji ltar yul 'di dag gis rnam par rmongs par gyur pa des na phan pa'i tshig 'di dag rnams mi thos so/ /ma thos par gyur yang song dang de shes par byed pa 'byung bar 'gyur gyis/ de ltar nam mkha' lding gi rgyal po des rjod pa dang / lha rdzas kyi ches gtso bor gyur pa mchog tu yang rna ba dang yid 'phrog par byed pa'i sgra dag ring ba nas thos par gyur to/ /legs par byas pa'i las ches lhag par gyur pa'i sgra gang yin pa des pa Ta ha dang gling bu dang pi bang dang rnga mu ra ba'i tshogs dang chags par 'gyur ba'i glu dang rol mo'i sgra thams cad nyams par byed do/ /de nas lha gang dag rnam par yangs pa'i pad ma'i rdzing bu na rtsed mo rtse bar byed pa de dag las de rnams thams cad kyang gang nas sgra thos par gyur pa der kha phyogs te gnas so/ /de nas ring ba nyid nas 'ongs par gyur pa ni khang bu brgya stong gis yongs su bskor cing lha rdzas kyi glu mkhan gyi sgras chags pa skyed par byed pa'i sgra rnams nye bar bsgrags par gyur pa ste ji ltar gza' dang skar ma dang rgyun skar rnams kyis yongs su bskor ba'i zla ba rnam par mdzes pa bzhin du/ de ltar rnam par mdzes shing gsal ba yin</font><hr>65.232a<br><font size=+1>

no/ /de ltar yang khang bu'i phreng ba brgya stong gis yongs su bskor bar gyur pa dang de'i lus las kun nas 'phro ba'i 'od zer gyi phreng ba rnams kyis lha'i tshogs thams cad kyi yid 'phrog par gyur pas/ mchog tu gsal bar byed pa dang lha mo brgya stong gis kyang nye bar glu len par gyur pas shin du 'thab bral ba rnams kyi bdag po 'ongs par gyur te/ 'dab ma stong phrag brgya pa rin po che sna bdun gyis nye bar snang bar byed pa mchog tu mdzes par gyur cing / dga' ba'i pad ma'i dbus kyi snying po gang yin pa de la nye bar gnas shing chos nyan par 'dod pas lhan cig spyod pas yongs su bskor nas gang nas byang chub sems dpa' dus bzangs nam mkha' lding gi rgyal po yod pa der 'ongs pa yin no/ /de nas nam mkha' lding gi rgyal po byang chub sems dpa' des de dag nye bar mthong bar gyur nas rtsom pa chen pos de rings par 'gro bar byed de de yang ngang mo gzhan dag rnams kyis yongs su bskor cing / ngang pa yang rin po che bdun gyi nor bu'i thig le rnams kyis rnam par bkra bar gyur pa brgya stong du mas yongs su bskor nas nam mkha'i dkyil du 'phags par gyur nas/ gang na 'thab bral gyi mnga' bdag yod pa der nye bar phyin to/ /ngang pa de dag gis kyang dga' ba'i dbyangs dag kyang nye bar bsgrags so/ /de bzhin du lha dang bya'i rgyal po dag phan tshun du gus pa dang bcas pa dang rab tu 'dud pas phyag byas nas/ smon lam gyi dbang gis 'thab bral gyi lha rnams kyi bag med pa gdul ba'i don du skyes par gyur pa'i byang chub sems dpa' dus bzangs des lha rnams kyi mnga' bdag de la brjod pa/ rnam par yangs pa'i pad ma'i rdzing bu gang yin pa 'dir 'thab bral gyi bdag po dus shin du ring ba nas ci la 'ongs pa lags/ ngas kyang lha gzhan gyi drung nas thos pa yang ji ltar/ mu su lun d+ha ni bag med pas bag med par mi rgyu ba dang tshogs pa rgyu ba rnam par rgyu ba'i sa dag tu de bzhin gshegs pa</font><hr>65.232b<br><font size=+1>

drug gi mchod rten de dag rnams la 'dis phyag byas shing lha'i tshogs dang bcas pa rnams kyis gang rdzu 'phrul gyi stobs kyis mngon par bris par gyur pa'i mdo de dag kyang bklags shing lha rnams la yang nye bar bstan no/ /lha rnams kyang nges par bden pa yin pa'i rgyu 'dis nga khyed kyi drung du ma 'ongs so/ /ngas rnam par yangs pa'i pad ma'i rdzing du 'ongs nas rtsed mo rtse bar byed pa'i lha gzhan dag rnams la chos bstan te/ don dam par gyur pa nye bar 'phel bar byed pa dge bar gyur pa bag med pa dang bral bar byed pa po thams cad la mthar thug par phan par byed par gyur pa'o/ /de la rgyu 'di dag gis kyang nga lha khyod nyid kyi tsar nga ma 'ongs pa yin par shes par gyis la mi dga' bar mi bya ba dang rjes su mthun par bya ba dang chos la gus par bya ba rnams bya'o/ /de nas de'i tshig 'di dag rnams thos nas mu su lun d+has 'di skad ces smras so/ /dam pa khyod kyi yon tan 'di dag kyang shes lags kyi 'jigs par ma mdzad cig /khyod nyid ni 'thab bral na gnas pa'i lha 'di rnams thams cad kyi nye bar gnas pa'i dge ba'i bshes gnyen bcom ldan 'das lags kyis mkha' lding la mnga' mdzad pa'i rgyal po gshegs mdzod gang na rnam par yangs pa'i rdzing bu yod pa der bdag cag gshegs so/ /'dir de skad ces phan tshun du brjod nas mkha' lding gi rgyal po de yang 'thab bral gyi bdag po dang lha brgya stong du mas khang bu rnams dang ngang pa du ma rnams kyis kyang yongs su bskor bar gyur nas gang na rnam par yangs pa'i pad ma'i rdzing bu der nye bar legs par 'gro ste nam mkha'i dkyil nas rol mo'i sgra dang rnga sgra dang glu dang bcas pas mchog tu dge bar gyur pa'i sems kyis kun nas bde bar gtogs pa'i yid dri ma med par gyur pas/ bag dang ldan par rgyu ba dang / de bzhin du rnam pa de srid kyi bag med</font><hr>65.233a<br><font size=+1>

pa'i sa rnams la 'jug par 'gyur ba'i 'od zer gyi mchog dang ldan par gyur pa rnams rnga sgra dang ldan par song nas rnam par yangs pa'i ming can gyi rdzing 'dir zhugs par gyur to/ /de nas phyin par gyur pa dang lha gzhan ches rab tu dga' ba'i yid kyis pad ma'i rdzing bu der rtsed mo rtse ba rnams kun nas legs par mthong bar gyur pas rtsed mo rab tu rtse bar rtsom mo/ /rtse bar gyur pa'i lha de dag rnams thams cad kyis kyang sgra 'thug po'i sgra kun nas sgrogs par byed pa bzhin du nam mkha'i dkyil de dag rnams thams cad nas thos par gyur te/ thos nas yid 'phrog par byed pa dang des khro ba med par byed pa dang rna ba dang yid 'phrog par byed pa rnams so/ /de nas phyin par gyur pa de dag rnams thams cad pad ma'i rdzing bu'i bde ba 'dod pa dang yang yud tsam cig nye bar bral zhing de dag rnams thams cad sgra yang med par gyur pa dang / rnam pa de srid kyi lha rdzas kyi yul rnams kyis kyang khrid par ma gyur cing g.yo bar gyur pa'i sems kyang chos la gus pas kun tu gnas pas g.yo ba med pa'i sems su gyur cing / chu'i rtsed mo la rnam par dga' ba dang pad ma'i rtse mo la rnam par dga' ba rnams dang yang bral bar gyur pa dang byas par gyur pa'i las rnams chud mi 'dza' ba la kun tu bltas nas nam mkha' la 'gro ba'i rgyal po de la 'thab bral gyi bdag po des 'di skad ces smras so/ /ji ltar dus bzangs legs par chos bstan par bya ba'i dus 'di yang bzang po yin te/ lha 'di dag rnams rgyags pa dang bral bar gyur pas 'dir lha dang bcas pa 'di dag rnams la chos bstan par bya ba'i dus 'di ni bzang po lags so/ /de nas mkha' lding gi rgyal po skye ba gzhan dran par gyur pa des bcom ldan 'das 'khor ba 'jig gang yin pa de'i spyan sngar thos par gyur pa'i mdo de bstan pa'i don du dmigs shing / yud</font><hr>65.233b<br><font size=+1>

tsam cig sgra med par byas te/ de nas de ltar mdo ston par rtsom mo/ /lha rnams nyon dang chos lnga po 'di dag rnams ni rnam par smad par bya ba yin te bag med par sten par byed pa gang yin pa'i lha rnams sam mi yang rung ste/ mi rigs par gyur pa'i skyon yin no/ /lnga gang zhe na 'di lta ste/ bag med par gyur pas bag med par spyod pa/ rnam par g.yeng ba'i yid kyis gzhan nyid bsam pa na gzhan nyid rjod par byed do/ /de yang snying po med pa don med par byed pa po snga ma dang phyi ma 'gal ba ye ye'o gzhan rnams la yang sems 'dzin par 'gyur ba ma yin no/ /de ci'i phyir zhe na/ bag med pas rnam par g.yengs par gyur pa'i blos rig pa ma yin no/ /bdag gis gtam 'di ci smras pa dang rnam pa ji lta bu cig kyang bdag gis smras bya ba dang bdag gis gang la smra bar bya ba yang ste/ de'i blo rnam par g.yengs par 'gyur zhing rnam par mi gnas pas gang rung ba la de smra bar byed do/ /de de ltar yang mor 'gyur ro/ /yongs las kha nyen par 'gyur ro/ /yid du mi 'ong bar 'gyur ro/ /gzhan dag rnams kyis kyang rnam par gshe bar byed do/ /de thams cad la rtswa bzhin du bdag nyid 'dud par byed do/ /'di dag ni skyon dang po yin te/ bag med pas kun tu bcings pa'i skyon rnams kyis kyang log par ltung ba rnams su skye bar 'gyur ba ni 'gro ba gsum po rnams phan tshun du gang yang rung ba rnams su'o/ /'di ni bag med pa rnams kyi skyon gyi dang po yin no/ /gzhan yang bag med pa rnams la skyon gnyis pa yod de/ gang zhe na 'di lta ste/ dgos pa dang dgos pa ma yin pa rnams kyang mi shes pa'o/ /bag med pas nyams par gyur pa'i blos rtogs par mi 'gyur te/ bdag gi legs par byas pa'i don rnams ni ci yin/ ci ni bya ba ma yin pa yin/ de'i las de dag</font><hr>65.234a<br><font size=+1>

rnams kyi 'bras bu ni rnam pa ci 'dra ba cig tu 'gyur/ de ji ltar las rnams shes pa ma yin pa de de ltar rnam par smin pa rnams yang mi shes so/ /de las dang 'bras bu rnams la rnam par rmongs par gyur cing rmongs pa ni lus zhig par gyur nas bag med pa de'i skyon gyis ngan song log par ltung bar gyur pa dmyal ba rnams su skye bar 'gyur ro/ /gzhan yang skyon gsum pa bag med pa la yod de/ bag med pa la kun tu 'khrid par gyur pa'i lha 'am mi rnams kyang rung ste grogs po dam pa ma yin pa sten par byed la/ dkon mchog gsum la bsnyen par mi byed pa dang / shes rab dang tshul khrims la yang ma yin/ bla ma rnams la yang sten par mi byed do/ /skyon dang yon tan gyi khyad par rnams kyang kun tu mi shes so/ /'khor ba'i sdug bsngal rnams kyang shes par mi 'gyur ro/ /las rnam pa sna tshogs pa rnams kyang kun tu mi rtogs so/ /srod dang tho ras mi nyal bar brtson par gnas pa'i rang bzhin can ma yin no/ /de shi bar gyur pa'i 'og tu bag med pa de'i skyon gyis ngan song log par ltung ba dmyal bar skye'o/ /gzhan yang skyon bzhi pa bag med pa la yod de/ de gang zhe na/ 'di lta ste/ de kho nar skyes par gyur pa'i skyes bu rnams dang lha rnams kyang de kho na bzhin du tshe'i 'du byed rnams zad par 'gyur zhing legs par byas pa'i las rnams zad par gyur nas ni 'chi bdag gi rgyal po 'ong bar 'gyur la/ gang dang lhan cig tu skyes par gyur pa'i bag med pa sten par byed pa rnams la de dang lhan cig tu rnam par 'bral ba 'byung bar 'gyur ro/ /bzhi po 'di dag rnams gang yin pa dang ni nges pa kho nar lhan cig tu 'bral bar 'byung bar 'gyur ro/ /bzhi gang zhe na/ 'di lta ste lang tsho dang nad med pa dang srog dang phun sum tshogs pa rnams so/ /bzhi po 'di dag rnams dang</font><hr>65.234b<br><font size=+1>

ni nges pa kho nar lhan cig tu 'bral bar bya dgos so/ /de dag rnams la yang mkhas pa rnams kyis skabs dbye bar mi bya ba dang bag med pa de yang 'dir brten par mi bya'o/ /ji ltar bag med pa des kyang 'dir dgra bzhin du 'byung bar 'gyur bas/ 'di ni bsten par mi bya'o/ /bag med pas zil gyis mnan par gyur pa rnams ni lha 'am mi rnams kyang rung ste brlag par 'gyur ro/ /de'i phyir na 'di yongs su spang bar bya'o/ /gzhan yang bag med par gyur pa rnams kyi skyon lnga pa'o/ /'di gang zhe na/ 'di lta ste/ gang la 'jigs pa'i gnas su gyur pa de dag kho na la yid ches par byed de/ 'jigs pa'i gnas su gyur cing yid mi ches pa ji ltar bud med rnams dang mtshungs pa gzhan nyid ni yod pa ma yin no/ /bag med pa'i dbang du gyur pa'i skyes bu ngan pa rnams ni de dag rnams nyid la yid ches pa skyed par byed cing gang 'ga' zhig la yid ches par mi byed pa rnams kyang de ji srid shi bar ma gyur gyi bar du snying la 'gebs par byed de ci ltar me'i lhan cig skyes pa tsha ba yin pa de bzhin du bud med rnams kyi yang g.yo dang 'dod pa can dang sgyu dang phrag dog dang / mngon par 'khu bar 'gyur ba dang / nga rgyal dang mi snyan par byed pa dang log par bsgrub pa dang kun tu 'dres pa'i sems dang skyon de rnams bud med dang lhan cig skyes pa yin te/ bag med pas kun nas 'khrid par gyur pa'i skyes bu ngan pa de tshig tsam 'ba' zhig gis rab tu rnam par bcom par gyur nas de dag nyid la yid ches par byed do/ /de dag nyid kyis kun nas 'chums par gyur cing blo rab tu sad par byed do/ /de ltar mdor bsdus par gyur na bag med pa rjes su 'brang ba dang bcas pa rnams la skyon chen po lnga yod do/ /rab tu dbye ba las ni tshad med par 'gyur ro/ /de'i phyir lha 'am mi rnams kyis kyang rung ste rab tu</font><hr>65.235a<br><font size=+1>

brtson pa mchog gis bag med pa yongs su spang bar gyis shig de dag ni mya ngan las 'das pa'i sgo gtan yin no/ /'di lta ste/ bag med pa sten cing bsgoms la lan mang du byas pas ni dmyal bar 'gyur ro/ /bag med pa sten pa rnams ni yi dgas sam dud 'gro rnams su yang skye bar 'gyur ro/ /bag yod pas gnas pa rnams la ni yon tan lnga po 'di dag rnams yod de/ bag yod pa rnams kyi bsngags pa'o/ /lnga gang zhe na/ 'di lta ste/ spyod pa kun nas bsdams par 'gyur ba dang / blo kun tu legs par gnas pa dang / bya ba byed pa dang blo mnyam par bzhag pa dang gcig tu phan pa byed pa dang / dug rnams bzhin du bag med pa yongs su spong bar byed do/ /des rnam pa gsum kun tu rig go/ /'di ni bag yod pa la mngon par dga' bar gyur pa rnams kyi yon tan dang po'o/ /gzhan yang bag yod pa la mngon par dga' bar gyur pa'i yon tan gnyis pa yod pa la/ 'di gang zhe na/ 'di lta ste/ las rnams kyi lci ba nyid kun tu shes pa'o/ /de skyes bu dam pa la rten par gyur pas las dang bcas pa'i 'bras bu rig nas bya ba dag byed do/ /skyes bu dam pa ma yin pa la mi rten no/ /dman pa'i las rnams mi byed do/ /gang la yang rtag tu rnam par smod par 'gyur ba dang gang las skyon mthong ba de dag rnams yongs su spong bar byed do/ /gang la yon tan mthong bar gyur pa de dag la nye bar bsten no/ /yon tan dang ldan pa dang yon tan shes par gyur pa'i blo gros bzang po rnams la sdig pa mi 'byung ngo / /gzhan yang bag med pa spangs par gyur pa dang bag yod pa sten par byed pa'i yon tan gsum pa yod de/ gang zhe na/ de bzhin du srog gi mthar thug par gyur kyang bud med rnams kyi dbang du 'gro ba ma yin no/ /tshig rnams la</font><hr>65.235b<br><font size=+1>

yang dad par mi byed do/ /rtag tu de'i rang bzhin la rjes su rtog go/ /'jig rten gnyis su 'ching bar byed pa yang gang gi phyir bud med dag yin par gyur pa de bzhin du yang rig la gzugs kyi 'khrul bar yang mi 'gyur ro/ /tshig la yang dad par mi byed do/ /de de bzhin du yang dag pa ji lta ba kho na bzhin du so sor rtog par byed do/ /de'i gar dang glu dang rgod pa dang 'gying bag dang rgyan chas kyang kun nas 'khrid par mi byed do/ /bag yod pa dang bag yod par gyur pa'i skyes bu de rnams kyis kyang gzhan rnam pa de lta bu'i bag med pa'i gnas rnams mi byed do/ /de'i 'khor yang bsrabs par 'gyur te/ gang dag bud med kyi bag med pas kun tu khrid par mi 'gyur ba rnams so/ /de yang des spong du 'jug la bag yod pa yang rjod par byed do/ /gzhan yang bag yod pa'i yon tan bzhi pa yod de/ 'di yang gang zhe na/ 'di lta ste/ bag yod pa ni longs spyod rnams la ma yin/ 'dod pa rnams la ma yin no/ /brgya la na dbugs 'byin par byed kyi/ rtag tu blo la mi byed do/ /sems kyis rab tu rtog par mi byed do/ /ci ltar 'dod pa de dag rnams ni rtag pa dang brtan pa dang yid ches pa'i sa yang ma yin la 'di dag rnams ni rgud pa'i mthar thug par 'gyur ba dang shin du myur bar rab tu 'jig par 'gyur ba'i chos can no/ /de bzhin du nad med pa la yang bag yod pa rnams kyis nam yang yid ches pa bskyed par ni mi byed de/ nad med pa rnams thams cad kyang nad kyis zil gyis gnon no/ /de bzhin du lang tsho la nam yang yid ches pa bskyed par mi byed de/ lang tsho 'di dag rnams thams cad kyang rga bas nye bar zil gyis gnon par 'gyur bas de lang tshos sgrub par mi byed do/ /khengs par mi 'gyur ro/ /ji ltar gson pas kyang sgrub par mi</font><hr>65.236a<br><font size=+1>

byed do/ /rangs par mi byed do/ /dka' las rnams kyang mi byed do/ /de ci'i phyir zhe na/ nams kyang 'chi bdag gi rgyal pos 'phrog par byed par 'gyur ba'i phyir ro/ /de ltar bag yod par spyod pa rnams yid ches par mi byed do/ /'dus byas kyi chos rnams la bag med par spyod par gyur ta re/ bag yod par 'gyur bas bag yod pa spyad pa la yon tan gzhan yang lnga pa yod pa ni/ 'di lta ste/ thos pa dang ldan par 'gyur ro/ /'phags pa rnams la rjes su sten par byed do/ /ye shes la mngon par dga' bar 'gyur ro/ /dkon mchog gsum khyad par du byed pa'i rang bzhin can du 'gyur ro/ /ma thos pa dang ldan pa'i don rnams rnam par dpyad pa la mkhas par 'gyur ro/ /des 'chi bdag gi dus kun tu shes so/ /sdug bsngal dang 'chi ba'i rgyu mtshan rnams rnam par shes so/ /de la lha rnams kyi 'chi 'pho ba'i rgyu mtshan rnams ni thos pa'i don gyis shes so/ /skyes bu 'chi ba'i rgyu mtshan dang de ngan song du 'gro ba'i rgyu mtshan rab tu 'ong ba rnams kyang shes te/ ji ltar bdag ngan song du 'gro bar 'gyur ro/ /de'i rab tu bya ba rnams kyang kun tu rig go/ /de la yang sems rab tu dang ngo / /de'i sems bskyed par gyur pa tsam gyis ngan song du 'gro ba'i rgyu mtshan de dag nub par 'gyur ro/ /bde 'gro'i rgyu mtshan yang rab tu 'byung bar 'gyur ro/ /mchog tu gyur pa'i 'bras bu de dag rnams ni bag yod pa yin no/ /mchog tu sdug bsngal bar gyur pa'i 'ching ba rnams thams cad kyi drung na yang lhag par gyur pa'i 'bras bu yin no/ /de dag ni bag med pa'i skyon lnga dang bag yod pa'i yon tan lnga yin no/ /de nas de'i tshe dus bzangs des/ </font><hr>65.236b<br><font size=+1>

'khor ba 'jig gis gsungs pa'i bcad pa rjod par byed pa/ 'dod pa rnam par spangs pa yi/ /bag yod sangs rgyas bsngags par mdzad/ /rga dang 'chi ba'i khog rtse yi/ /bag med pa ni btsog pa yin/ /bag yod skye bo grol ba yin/ /bag med sdug bsngal skal ldan yin/ /bag med 'chi ba de dag gi/ /blo dman rnams ni gcod par byed/ /bag yod pas ni dge rnams kyi/ /lha rnams kyi ni gnas su 'gro/ /de phyir gang zhig bag med pa/ /rjes sten slar yang ltung ba yin/ /bag med skyes bu thams cad ni/ /de ltar 'khor ba las sgrol min/ /gang gis lus can rnam bsdams pa'i/ /bag med zhags pas nyer 'gro rnams/ /don min don dang 'dra ba dang / /don yang rtag tu don min bzhin/ /bag med pa yi skyes bu ni/ /thams cad phyin ci log tu mthong / /'jig rten don yang med pa la/ /nges par legs pa ga la yod/ /mkhas pa blo yi pha rol 'gros/ /bag med kun tu rab mi bsngags/ /de phyir bag med pa ni mi yis sten mi bya/ /de ni ngan song rnams kyi dang po'i rtse mo yin/ /skye gnas stong du 'gro bar byed pa'i sdug bsngal de brtan pa srid pa'i pha rol mchog tu 'gro bas spongs/ /de ltar dus bzangs 'dis lha brgya stong du ma rnams kyis yongs su bskor bar gyur pa'i mu su lun d+ha de'i mdun du chos bshad par gyur te/ gzhan yang phan pa la rab tu zhugs par gyur cing lha dang mi rnams la phan par 'dod pa'i phyir ro/ /gzhan yang mkha' lding gi rgyal po de nyid kyis mu su lun d+ha la chos kyi mchog rnams ston par byed do/ /ji ltar lnga po 'di dag rnams ni bag med pa skyes pa'i gnyen por gyur pa la 'di lta ste/ 'di na bag med pa'i skyes bu rnams ni thams cad las khyad par du sdug bsngal bar 'gyur ro/ /de bag med pa'i skyon rnams gang dang gang gis sdug</font><hr>65.237a<br><font size=+1>

bsngal dang ldan par 'gyur ro/ /de skyon dang bcas pa yin par shes par gyur nas yongs su spong bar ste/ yon tan dang skyon dag shes par gyur cing yon tan dang skyon dag mthong bar gyur pa rnams kyis de yongs su spangs par gyur pa las ni 'di dag don ma yin par mi 'gyur ro/ /sdug bsngal bar yang mi 'gyur ro/ /mi dge ba mngon par 'phel bar yang mi 'gyur ro/ /shes bzhin du yang rgyu bar 'gyur ro/ /'di ni bag med pa'i gnyen por gyur pa gcig yin no/ /gzhan yang bag med pa'i gnyen por gyur pa gnyis pa gang zhe na/ yang dag pa ji lta ba'i don mthong ba'o/ /yang dag pa mthong bar gyur pas kyang skyes bu rnams kyis thams cad nges par legs par rtogs par 'gyur te de kho na nyid bzhin kho nar mthong bar 'gyur ro/ /de kho na nyid rig pa de ni bag med pa'i skyon rnams shes par gyur nas bag med pas kun tu bkri bar mi nus so/ /gzhan yang bag med pa'i gnyen po gsum par gyur pa rnams 'di lta ste/ bag yod pa sten par byed pa gang yin pa de dag rnams la sten par byed do/ /de dag rnams kyi drung nas tshul khrims srung bar byed do/ /spyod pa rnams rnam par bgrang bar byed do/ /lus ngag gi bya ba rnams kyang slob par byed do/ /tshul khrims de dang mnyam pa yod pa rnams dang lhan cig tu gnas par byed do/ /bag med pa de dag nyid kyi skyon rnams shes par gyur nas yongs su spong bar byed pa rnams kyi ni mthar 'bral bar 'gyur ro/ /gzhan yang bag med pa'i gnyen por gyur pa bzhi pa 'di dag kyang gang zhe na 'di lta ste/ ye shes dang tshul khrims dang ldan par gyur pa'i skyes bu rnams ni rtag tu yang de nyid la mngon par dga' bar gyur pas bag med pa rab tu 'joms so/ /bag yod pa rab tu sten par byed do/ /</font><hr>65.237b<br><font size=+1>

bag med pa rab tu bcom par gyur pa de'i bde ba rnams nye bar 'gyur ro/ /sdug bsngal ring du byas par 'gyur ro/ /gzhan yang des bag med pa'i skyon rnams mthong bar gyur cing de de kho na bzhin du bag med pa rnams spong bar byed do/ /'di ni bag med pa'i gnyen po bzhi pa yin no/ /gzhan yang bag med pa'i gnyen po lnga pa 'di lta ste/ skyes bu bag med pa'i nyes dmigs can rnams la rgyal po 'am rgyal po'i blon po rnams kyis kyang rung ste chad pas gcod par byed pa rnams ji lta ba bzhin du mthong ba'o/ /de'i srog gi chad pa 'am de'i rang gi thams cad 'phrog par byed pa'i chad pa 'am de'i lus sgyur bar byed pa 'am de'i lag pa gcod par byed pa 'am rnam pa de lta bu'i chad pa rnams bag med pa las 'byung bar gyur pa gang gi tshe mthong ba de'i tshe de las gzhan pa'i bag med pa rnams la yang 'jigs par 'gyur ro/ /de 'jigs pa dang bcas par gyur pa nyid kyis dri ma can bag med pa rnams yongs su spong bar byed do/ /de bzhin du bag med pa rnams rab tu 'joms par yang byed do/ /bag yod pa yang kun nas sten par byed do/ /de las rjes su dpags nas de sdig pa rnams mi byed de bdag dmyal bar skye bar ma gyur cig snyam du bsams pa'i phyir ro/ /bag med pa sten par gyur pa'i lha de dag rnams ni sdig pa byed do/ /'di ni bag med pa'i gnyen po lnga pa'o/ /de ltar bag med pa de dag rnams ni lha rnams la mdzes pa ma yin la mi rnams la yang ma yin no/ /mdo de dag thos nas kyang lha mang po rnams mchog tu yid byung bar gyur nas bag med pa yongs su spong bar byed do/ /mu su lun d+has kyang mkha' lding gi rgyal po des bshad pa de rnams la mngon par dga' zhing rjes su yi rang bar yang gyur nas slar yang lha'i tshogs de dag rnams nyid dang ji ltar 'ongs par</font><hr>65.238a<br><font size=+1>

gyur pa ltar nam mkha' la 'phags te dong ngo / /de dag rnams las kyang gzhan du gyur pa'i lha lhag ma rnams kha cig ni rnam par yangs pa de nyid kyi nang na rtsed mo rtse bar byed do/ /kha cig ni ji ltar 'ongs par gyur pa de bzhin du slar yang nags dang nye ba'i nags rnams su zhugs par gyur cing lha dag rab tu rtse bar yang byed ste/ de srid du 'dod pa sdug pa yid du 'ong ba byas shing bsags par gyur pa'i legs par byas pa'i las rnams zad par ma gyur pa'i dus de srid du lha'i rigs der rtse bar byed cing dga' bar byed do/ /de de dag rnams zad par gyur cing lha'i rigs de las shi 'phos par gyur nas kyang ji ltar las kyis nye bar 'gro ba dmyal ba dang yi dgas dang dud 'gro rnams su skye bar 'gyur ro/ /gal te na 'ga' zhig mi rnams dang skal ba mthun par gyur pa mir skyes na/ de mchog tu skyid pa nyid du 'gyur te las de'i rgyu mthun pas yid gzhungs pa dang shes rab kyis 'tsho ba dang rgyal po mngon par 'dod pa dang shin du phun sum tshogs par 'gyur ro/ /'gro ba dang yang dag par ldan pa'i sa rdzogs so// //gzhan yang dge slong las kyi 'bras bu rnam par smin pa shes pa de 'thab bral ba'i lha rnams kyi sa la kun tu lta bar byed do/ /ji ltar yod pa'i 'thab bral ba rnams kyis 'od zer 'phro ba zhes bya ba des thos pa las byung ba'i shes rab kyis mthong ngo / /der las gang gis sems can rnams skye bar 'gyur ba yang des mthong bar gyur pa ni skyes bu dam pa gang gis thos pa'i don dang ldan zhing tshul khrims dang ldan par 'gyur te/ mchog tu gyur pa'i yang dag pa'i lta ba dang ldan pa gang gis pha rol la yid gdung bar mi byed pa dang drang po dang yid drang por gyur pas srog gcod pa dang ma byin par len pa yang spangs par gyur</font><hr>65.238b<br><font size=+1>

pa rnams ni sngar bzhin no/ /'dod pa la log par g.yem pa yang rnam par spangs par gyur pa'o/ /de ltar yang chung zad cig kyang bud med dag la tshul bzhin ma yin pa yid la byed par gyur pas lta bar mi byed de/ 'dod pa la log par g.yem par gyur pa'i 'jigs pa rnams kyis 'jigs pa'i phyir ro/ /shin du rnam par dag pa'i las shin du rnam par dag pa'i 'tsho ba las kyi mtha' rnams shin tu rnam par dag par gyur pa/ de lus zhig nas mtho ris bde 'gro'i 'jig rten 'od zer 'phro ba can gyi sar skye bar 'gyur ro/ /de la skyes par gyur pa ni lha rdzas kyi yul rnams la longs spyod par gyur pa'i bud med brgya stong gis yongs su bskor ba las kyi mtha' rnams yongs su dag pa/ 'dod pa'i yon tan lnga'i rgyags pas dbang po drug gi dbang du song bar gyur nas de nags dang nye ba'i nags kun du blta ba la bag med pa rnams ji lta ji ltar lha des lha rdzas kyi sred pa du ma rnams rnam pa du mar mthong bar gyur pa de ltar bag med par rgyu bar 'gyur ro/ /'di ltar gyur pa yin te lha de lha rdzas kyi yul de dag rnams nyid sgrub pa la ched che ba yongs su sgrub pa lhag par 'gyur ro/ /de dga' bar gyur pa'i sa gzhi mnyam pa mnan na nem pa bteg na 'phar ba 'jam por gyur pa rin po che bdun dang ldan pas shin du rnam par phye ba'i sa gzhi cha mchog tu dga' bar gyur pa la rab tu 'jug par byed do/ /sa gzhi de ni rnam pa de lta bu rnams yin te/ shing gang dag la zhon par gyur pa de dag rnams kyang de kho na bzhin du rig par bzod par 'gyur ro/ /mchog tu mnyen par gyur pa sbyangs pa 'jam po'i gser gyi 'dab ma dang 'bras bu rnams ji ltar 'dod par gyur pa'i ro dang dri dang kha dog dang ldan pas shin du yang lha rnams kyi zas kyi rgyur 'gyur ro/ /de ltar lha de dag rnams nyid</font><hr>65.239a<br><font size=+1>

'di ltar 'gyur te/ gang gi tshe bdag cag rnams 'bras bu 'di dag rnams las mchog tu ro dang dri dang kha dog dang reg bya rnams phun sum tshogs pa'i btung ba 'bras bu de dag las 'bab par gyur mod/ de nas sems bskyed pa tsam nyid na lha de rnams nyid kyi drung du 'bras bu bzang po de dag las btung ba snga na med pa ro dang kha dog gi yon tan dang ldan pa rab tu 'bab pa'o/ /de yang lhas nor bu'i rang bzhin gyi snod legs par bzhag nas lha mo dang bcas pa rnams 'thung bar byed do/ /de dag rnams kyi btung ba de yang dman pa dang bar ma dang mchog tu gyur pa'i kha dog dang ro dang drir 'gyur te/ las du ma rnams dang 'dra ba yin pas ji ltar legs par byas par gyur pa'i las rnams ni ros kyang so sor ston par byed pa lta bur 'gyur ro/ /de nas lha de dag rnams btung ba de 'thungs par gyur nas gzhan yang rgyags pa du mas rgyu bar byed cing bag med par rgyu bas bsregs nas nags dang nye ba'i nags rnams lta ba'i g.yo 'gul gyis bsregs pas rab tu gar byed pa dang glu dang gar dang rgod pa dang phan tshun du lhan cig tu bskyod par byed pas gang na nags dang nye ba'i nags rnams yod pa der nye bar 'gro bar byed de blta bar bya ba'i don tu'o/ /de gang kho na nas ji ltar 'gro bar byed pa des de de kho na nas rnam pa du mar dpe med pa'i lha rdzas kyi gzugs rnams mthong bar 'gyur ro/ /so sor ston par byed pa lta bur gyur pa'i ro yang myang bar byed do/ /de la des rnam pa du ma dang rnam par rtog pa du mar gyur pa'i ro rnams myang bar byed do/ /de bzhin du yid 'phrog par byed pa gang yin pa kho na'i dri rnams snom par byed do/ /de la des rnam pa du ma dang rnam par rtog pa du mar gyur pa rnams snom par byed do/ /yid kyi rjes su 'thun pa'i reg bya 'dod par gyur pa rnams gang dag kho na yin pa lha rnams kyis reg bya reg par</font><hr>65.239b<br><font size=+1>

'dod pa de nyid rnam pa du ma dang mchog tu bde ba'i rjes su mthun pa rnams la rig par byed do/ /lha sgra gang dang gang dag nyan par 'dod pa de nyid rnam par rtog pa du ma dang mnyam par dga' ba'i sgra du ma rnams kyis yid kyi rjes su mthun par gyur pa'i rnam par rtog pa du mas nyan par byed do/ /lha mchog tu dge ba'i tshul khrims kyi 'bras bu la nye bar longs spyod par gyur pas/ yon tan rnams phun sum tshogs par gyur pa'i yul lnga po rnams la rnam par spyod do/ /de dag de ltar rnam par rgyu zhing rtsed mo rtse ba la blos lhung bar gyur pas dus yun ring por yul gyi bde bas ngoms pa med pa rnams kyis/ de nas mngon par dga' ba'i nags zhes bya ba'i nags mthong bar gyur pa la shing ljon pa brgya stong du ma dang ldan pa nye 'khor na yang nye ba'i nags kyis kun du brgyan pa'o/ /mngon par dga' ba'i nags de na yang dga' ba 'di dag rnams yod de/ de dag rnams ni ji ltar so so tha dad par rtsa ba dang yal ga dang yal ga phra mo dag dang ldan par gyur pa yin la de la ngos cig gi nye 'khor kun nas mchog tu dkar ba dang / mchog tu dkar bar snang bar 'gyur bas gangs kyi mdog dang zhad 'dra ba'i nags ni dngul gyi ljon shing gi nags zhes bya ba yin te/ nye 'khor de ni de bzhin du kun tu snang bar byed do/ /ji ltar 'dzam bu'i gling du zla ba rgyas par gyur pa de bzhin du 'od zer rnams yin no/ /nags der gtogs pa'i shing re re'i 'od kyang de bzhin du 'gyur te/ yul thams cad las kyang mchog tu dga' bar gyur pa des mig sngar dga' bar gyur pa'i 'od kyis sdug par 'dzin pa skyed pa'o/ /gzhan yang logs gzhan ni kar ke ta na bzhin du nye bar mdzes par gyur pa ste/ mchog tu dmar ba'i tshogs su gyur pa 'od dmar po rnams kyis rnam par brgyan pa 'dab</font><hr>65.240a<br><font size=+1>

ma dmar po rnams la bya dmar po'i tshogs kyis kun tu brjod par gyur pas mngon par dga' zhing rnam par snang ste rnam par rtog pa du mar gyur pa rnams thams cad las mchog tu dmar bar snang bas dmar bar gyur pa'i nags des nam mkha' rnam par gsal bar byed do/ /rtag tu mngon par dga' ba'i logs gzhan gsum pa de'i logs kyi nye 'khor na nye ba'i nags dag dang ldan pa kha dog cig tu gyur pas kyang shin du khyad par du 'bar bar byed par gyur pa ni mthing ka rab tu dang ba'i mdog dang ldan pas nye 'khor kun du 'od zer gyis snang bar byed do/ /de'i 'od rnams kyis kyang de las gzhan pa'i nam mkha'i dkyil rnams kyang de bzhin du sngon pos shin du bar yang mdzes so/ /'dzam bu gling pa'i nam mkhar ji lta ba bzhin du bai dUr+ya de'i 'od rnams kyis de dag rnams mdzes par byed do/ /rtag tu mngon par dga' ba'i nags de na phal che ba nyid du gzhan yod pa ni ma yin gyi nye ba'i nags shel gyi rang bzhin du gyur pa nye 'khor na mchog tu dang bar gyur pa'i 'od rnams kyis rnam par snang bar byed do/ /rtsa ba dang 'dab ma dang yal ga dang yal ga phra mo dang ldan pas chen por gyur pa chu glung dang 'bab chu dang rdzing bu phun sum tshogs pa du ma dang ldan par gyur pa'o/ /nags chen po de nyid kyi logs gzhan la yang nags rnam par snang bar byed pa ni in dra nI la'i ljon shing gi nags yin te/ rtsa ba dang yal ga dang 'dab ma dang ze ba dang ldan par gyur pa nye 'khor rnams ni mchog tu sngo ba dang ldan pas yid 'phrog par gyur pa'i 'khris shing gi shing rnams dang ldan pa la rnam pa sna tshogs par yid 'phrog par byed pa'i bde ba'i sgra dang ldan par gyur pa'i bya rnams kyis gang ba/ pad ma'i rdzing bu rnam pa du ma</font><hr>65.240b<br><font size=+1>

dag gis kyang nye bar mdzes par gyur pa'i nye ba'i nags rnams kyi rnam par snang bar byed do/ /de na 'od zer 'phro ba'i lha de rang gis las rnam par 'phro ba'i 'od kyis kun nas brgyan pa'i lus can rnams gang na rtag tu mngon par dga' ba'i nags yod pa der nye bar legs par 'gro bar byed la/ blta bar 'dod pas dang rtse bar 'dod pa'i phyir te/ nags dang nye ba'i nags de dag rnams su rtsed mos rgyu bar 'dod pa rnams sred pa'i rgyan rgyun gyis kun nas bcings shing 'dod pa'i yon tan lngas ngoms pa med pas kun nas drangs nas lha de slar yang kun tu dga' bar gyur pa dang rtse bar gyur pas gang na rtag tu mngon par dga' ba'i nags zhes bya ba'i ming can der de nye bar 'gro bar byed do/ /nags de'i nang na yang thams cad rnam par bkra bar gyur pa ste/ rnam pa sna tshogs pa'i kha dog gi me tog du ma rnams dang ldan pa dang 'bras bus gang bar gyur pa'i nags de yang ljon shing mchog tu dri zhim pa dang ldan pa rnams kyis khyab par gyur pa'o/ /bung ba rnams 'bab par gyur pas kyang me tog gi 'khris shing rnams mngon par khyab pa dang rtag tu yid 'phrog par byed pa'i bya'i tshogs dag gis kyang bsten par gyur pa'i 'khris shing kun nas dud pa rnams kyis nye bar mdzes pa dang 'od zer gyi phreng ba kun tu 'dres par gyur pa 'bab chu dang chu gshor dang rdzing bu dang khang bu dang chu tshang tshing dang shing gi tshang tshing dang 'khris shing gi khang pa dang me tog gi 'byung gnas rnams kyis nye bar mdzes par gyur pa ste/ rnam par rtog pa du mas nags kyi rgyal po rnam par bkra ba 'khris shing kun nas 'khris pas dga' ba'i sa gzhi shin du dga' bar gyur pas shin du bar rnam par snang ngo / /lha'i tshogs gzhan dag brgya phrag rnams kyis</font><hr>65.241a<br><font size=+1>

kyang lan cig ma yin par bsten par gyur pa 'khris shing gi khang pa dang pad ma'i rdzing bu dang chu klung gi ngos dang 'bab chu dang smen dang ljongs dang ljon shing gi tshang tshing rnams sten par gyur pas ches dga' bar gyur pa glu dang gar dang rgod pa dang 'gying ba dang rgyan cha'i sgras yid 'phrog par gyur pas rab tu glu len pa bzhin du nags de nye bar rnam par snang ngo / /bde ba'i don du nags kyi me tog rnams rab tu g.yo bar gyur pa ni rlung legs par rab tu g.yo bas me tog gi rgyan rgyun rnams 'phyang zhing rab tu bskyod par byed par gyur pa rnams ni rab tu gar byed pa bzhin du nags de dag rnams thams cad ches lhag par rnam par snang bar gyur pas lhaM me'o/ /de nas lha de dag rnams nags der zhugs par gyur pa dang yid shin du ngo mtshar zhing yid ches rab tu rangs par yang gyur nas phyir zhing nyid kyang kun du rtsom pa lta bur gyur pa'i yid kyis phan tshun grogs byas par gyur nas rgyags pa la don gcig pa rnams gar byed do/ /rgod par byed do/ /glu len par byed do/ /rtag tu yang yul rnams la phyogs par gyur pa'i yid dang bag med pa la 'gro bar byed pa'i yid kyis nags kyi gseb rnams su rtag tu lha mo rnams dang rtse bar byed do/ /de de ltar rtse bar gyur pas nags nas nags rnams su dga' bar gyur pa las gal te shed na mun da ra ba'i tshal du phyin te/ rin po che bdun gyis nye bar spras par gyur pa'i bcud du gyur cing snying por gyur pa nags de'i rgyal po lta bur gyur pa/ nyi ma brgya bas lhag pa'i 'od zer rnams kyis rnam par mdzes par gyur pa'i pad ma'i rdzing bu'i dbus su 'gro bar byed de/ de nas yang mAn da ra ba'i shing ljon pa la rnam par bkra ba zhes bya ba'i rma bya'i rgyal po rab tu gnas so/ /thig le bdun gyis rnam par bkra bar gyur pa'i sgro mgrin pa'i dbyangs</font><hr>65.241b<br><font size=+1>

shin tu snyan pa dang ldan pas nags ma lus pa rnams gang bar byed de/ bag med pa'i lha rnams kyi bag med pa gdul bar bya ba'i don du smon lam gyi dbang gis byang chub sems dpa' der skyes pa yin te/ lha de dag rnams ni yul lnga'i me rnams kyi dbus su song ba'i phyir na 'dod chags kyi mes 'di na sreg par gyur pa rnams kun tu mngon par mthong nas/ ljon shing gi yal ga'i bar du song nas rab tu brtan pa'i 'gros kyis rjes su thugs brtse bar gyur pas lha de dag la 'di skad ces smras so/ /lha 'di dag rnams ni nges pa kho nar shin du bag med pa rnams kyi yang mchog tu gyur pas ltung bar 'gyur ba ni shin du ma go ba yin no/ /de dag rnams kyis bde ba 'di dag rnams las shin du 'da' bar 'gyur te 'di dag rnams skad cig pa yin zhing brtan pa ma yin pa'i lha rnams kyi bde ba thams cad ni rab tu ltung bar 'gyur te ri gzar po'i chu'i bang dang 'dra bar shin du 'jug par 'gyur ba yin no/ /de dag rnams rnam pa thams cad du yang mi go bar bag med pa'i phyir na ches lhag par sred pa rnams don du gnyer bar byed do/ /de nas de'i tshe rnam par bkra ba'i rma bya'i rgyal po des tshigs su bcad pa brjod pa ji ltar/ rnam pa sna tshogs rmi lam don/ /chu yi chu bur dang 'dra ba/ /dri za'i grong khyer dang mtshungs pa'i/ /las la lha rnams ltung ba yin/ /sred pa skyed byed ltar gyur pa/ /mthar ni rnam par 'jom byed dang / /'od byed rnam par yangs pa yin/ /'dod pa la ni lha ltung ngo / /shin du myur bar brag bar chu/ /shugs kyis 'bab par gyur lta bu'i/ /ngan song rnam pa lnga por yang / /lha ni 'dod pas sgyur ba yin/ /shin du g.yo ba'i rlung shugs kyis/ /g.yo ba'i rlabs kyi chu zla dang / /zo chun</font><hr>65.242a<br><font size=+1>

'khor mo'i lim log lta'i/ /'dod pa la ni lha rnams ltung / /glog dang zo chun 'khor lo mtshungs/ /smig rgyu dang yang mtshungs pa dang / /dbu ba bzhin yang snying po med/ /'dod pa la ni lha rnams ltung / /glang chen rna ba g.yo ba dang / /chu shing lo ma mtshungs pa yi/ /'phags min skye bo kun dga' ba'i/ /rnga sgra la ni lha rnams ltung / /kim pa ka yi 'bras bu mtshungs/ /nya mchil zas kyi rigs can dang / /sgyu ma bzhin dang mi rtag pa'i/ /'dod pa la ni lha rnams zhugs/ /dga' bar gyur pa'i bud med kyang / /'jigs bcas nye bar 'tshe ba dang / /lnga rnams shin du stong pa dang / /g.yo bar byed pa'i khyad par can/ /btung ba mngar po de dag gi/ /'dod pa la ni lha rnams ltung / /srid pa'i 'ching ba'i rgyur gyur pa'i/ /bag med cig pu'i ro shes pa'i/ /ngan song myur dang mi bzad pa'i/ /'dod pa la ni lha rnams ltung / /dga' bar gyur pa'i bud med ni/ /'jigs bcas nye bar 'tshe ba dang / /dug dang me dang mtshon 'dra ba'i/ /'dod pa la ni lha rnams ltung / /de rtag tu mngon par dga' ba'i nags su zhugs par gyur pa'i lha de dag rnams la des rjes su ston par byed do/ /rnam par bkra ba'i rma bya'i rgyal po da mchog tu dge ba'i kun du rtog pa dang yang dag par ldan par gyur pa'i smon lam gyi dbang gis lha'i ris de nyid du skyes par gyur la/ des de dag rnams mir gyur pa gang yin pa na de dag gis mthong ba'i dngos po 'dra ba de rnams kyi dpes 'jal bar byed kyi/ lha rdzas rnams kyis ni ma yin te/ rgyu gang gis lha de dag rnams kyis cung zad thos par gyur pas skye ba gzhan rnams rjes su dran par gyur cing / de las kyi 'bras bu de dag rnams rjes su dran par</font><hr>65.242b<br><font size=+1>

gyur nas rtag tu sgom par byed pa dang / de shin tu lhag par yang 'dod pa rnams la sgrub par mi byed pa dang / de ltar byas pas kyang mi bzhin du rtag tu so sor 'gyod pa dang ldan pa dang / 'dod pa'i nyes dmigs rnams kyang ste/ legs par bshad pa rnams lha de dag kha cig gis thos par gyur nas skye ba gzhan dag dran pa dang ldan par gyur to/ /de las des las rnams kyi 'bras bu rjes su dran par gyur nas yud tsam zhig 'dod pa rnams la bag med pa dang ldan par mi byed do/ /dge ba rjes su dran pa yang kun tu skyes par 'gyur ro de dag rnams kyis 'dir yud tsam cig phan par 'gyur ba dang bde bar 'gyur ba dang skye ba gzhan brgya stong 'phen par byed pa rnams kyang kun tu byung bar gyur pa ni gzhan la phan pa la rab tu zhugs pa'i byang chub sems dpa' rnam par bkra ba des tshigs su bcad pa de dag rnams bshad pa'i rgyus byas pa yin no/ /de nas slar yang dbang po de nyid kyis kun nas khrid par gyur nas nags de nyid kun tu lta bar rtsom par byed de/ de dag rnams kyi mgo bo la pad ma'i phreng ba can rang gi 'od dang ldan pa lha rdzas kyi rgyan gyis kun nas brgyan pa rnga skad yan lag lnga dang ldan pas kun nas bsgrags pa'i sgra'i rgyags pas rgyags pa rnams so/ /nags de na ni rab tu phal che bar gyur pa'i shing ljon pa dang / 'bras bu dang chu klung dang 'bab chu dang rdzing bu dang chu mig rnams phun sum tshogs par gyur pa rnams shin tu khyad par du 'phags par yid dga' bar gyur pa rnams mthong ngo / /lha rnams bag med par gyur pa la ro gcig tu byas nas skye ba dang rga ba dang 'chi ba'i 'jigs pa dang rnam par bral bar gyur pas/ de dag rnams de ltar gar byed par gyur cing / me tog gi phreng ba'i nags zhes bya</font><hr>65.243a<br><font size=+1>

ba'i nags gzhan du legs par rjes su phyin par gyur to/ /nags de na yang shing shA li'i 'khris shing brgya stong du ma dang ldan pa shing dang me tog du ma kun tu 'byung bar 'gyur ba rnams kyi mdog dang dri dang dbyibs dang 'dab ma dang myu gu dang ze'u 'brur gyur pa'i me tog rnams kyis nye bar mdzes par byas pa/ me tog de dag rnams thams cad ni khris shing la legs par rab tu brgyus pa rnams yin no/ /de dag rnams kyi nags dag cig na yod pa rnams ni rin po che bdun gyi rang bzhin du gyur pa'i rnam par bkra ba'i gzugs dang sgra mchog tu snyan par gyur pa'i dbyangs rnam pa du ma dang ldan pa'i bung ba rnams kyis nye bar mdzes pa dang / me tog gi phreng ba'i nags de na rnam par 'gyur ba du ma'i me tog gi phreng ba rnams kyis lha de dag rnams rnam pa sna tshogs pa'i rtsed mo rtse bar byed do/ /de de ltar mdzes par gyur pa las kyang slar yang bcu 'gyur bas kyang ches lhag par mtshungs pa'i lha mo rnams kyis mdzes par gyur to/ /lha mo rnams kyang me tog gi phreng ba'i nags na ched cher gyur pas phan tshun du gnod pa dang bral bar gyur nas don cig tu gyur pa'i nags dang nye ba'i nags kyi 'od kyi rang bzhin sgron ma'i shing gi gseb rnams kyi me tog 'thog par byed do/ /rnam pa du mar gyur pa'i me tog rnams kyis gang 'ga' zhig gi dri ni dpag tshad lngar 'gro'o/ /kha cig gi bcur 'gyur ro/ /kha cig gi ni nyi shur ro/ /kha cig gi ni dpag tshad sum bcu rtsa gnyis su dri rab tu rgyu'o/ /de ltar nags de na mchog tu dri phun sum tshogs par gyur pa'i rnam pa du ma'i me tog rnams dang yang nye bar ldan pas lha mo dang lha dag rgyags pas thams cad rtse bar gyur cing rgod par gyur pas gang na bag med pa'i chu zhes bya ba'i chu klung der 'gro'o/ /</font><hr>65.243b<br><font size=+1>

btung ba de yang sgra dang reg bya dang ro dang gzugs phun sum tshogs par 'bab bo/ /de mthong bar gyur nas lha de dag rab tu dga' ba'i yid kyis 'thung bar 'dod par gyur nas chu klung gi 'gram du 'khod do/ /skom par gyur nas kyang de dag rnams kyis 'thungs par yang gyur to/ /rtag par rgyags pa zhes bya ba'i bya bag med pa'i chu klung de nyid kyi 'gram na rab tu gnas so/ /des tshigs su bcad pa brjod pa ji ltar/ bag med chu bor kun tu nub/ /yul rnams kyis ni kun tu khrid/ /yid ni rnam par rmongs byed pa/ /myos byed btung bas yang ci bya/ /yul gyi me yis bsregs pa yis/ /don dang don min mi shes phyir/ nags dang nye nags su rkam pa/ /myos byed btung bas kyang ci byas/ /de ltar rtag par rgyags pa'i bya des mchog tu myos byed kyi btung ba la kun tu chags par gyur pa rnams mngon par mthong ba nas rjes su 'doms par byed pa'i tshigs su bcad pa brjod de/ de dag rnams kyis mthong nas slar yang myos byed de nyid 'thung bar byed do/ /mchog tu rangs pa'i yid can 'od kyi phreng ba mchog dang ldan pa rnams de me tog gi phreng ba'i nags der yang dus ring du rnam pa du ma rnams dang gzhan dang mi 'dra ba rnams kyi myos byed kyi bya ba dag byas nas/ slar nyid kyang yul gyis ngoms pa med pas 'dod pa'i yon tan lnga po des kyang bag med par gyur nas rnga skad yan lag lnga dang ldan pas lhan cig tu gar byed par gyur cing / gang na me tog gi khang pa zhes bya ba yod pa der nye bar legs par 'gro bar byed de/ bro gar dang glu dang rol mo'i sgra dang bcas nas rgyags pas rnam par rgyu ba rnams 'gying bag gis 'gro bar byed do/ /de nas me tog chen po phun sum tshogs pa'i nags de kun nas lhag par byed de/ lha rnams snga na med pa pi lta bas gdungs</font><hr>65.244a<br><font size=+1>

pa'i phyir ro/ /lha de dag rnams kyang de ltar dga' ba'i nags dang nye ba'i nags dang pad ma'i tshal dang rin po che bdun gyi ri'i rtse mo dang ldan pa'i lha'i ris de dag rnams mngon par mthong nas mchog tu ngo mtshar ba skyes par gyur te ca co dang mig kyang rig rig por gyur cing nye 'khor kun tu mig sgyur bar byed pas kyang ngoms par 'gyur ba ni ma yin no/ /lha de dag dang lha mo rnams kyang de kho na bzhin du snga na med pa mthong bas g.yo zhing zhen pas de rim gyis rnam par rtog pa brgya stong du mas me tog dang nye bar ldan pa'i me tog gi khang pa kun tu mngon par mthong bar gyur pa des slar nyid kyang yid ches pa rtsom pa dang ldan pa bzhin du gar byed pa dang rgod par byed pa dang glu len par yang byed de/ de dag rnams de kho na bzhin du bag med pas mchog tu sdug par gyur pas 'khris shing gi khang bu rnams su zhugs so/ /khyim de dag rnams kyang 'khris shing gi shing ljon pa rnams nye bar dud par gyur pa 'dab ma rnam par bkra bar mdzes par gyur pa'i rin po che'i rang bzhin rnam pa sna tshogs pa'i 'khris shing gis nye bar sgrub pa rnams la 'di lta ste bai dUr+ya'i 'khris shing gi khang bu gang yin pa de la ni gser 'bar ba'i mdog gi 'dab mas kun tu khyab par gyur pa'o/ /gang yang gser gyi 'khris shing nye bar sgu ba'i khang bu gang yin pa de dag rnams la ni bai dUr+ya'i 'dab ma rnams kyis gang bar gyur cing kar ke ta ma'i mdog gi 'bras bus nye bar mdzes par byas pa'o/ /in dra nI la'i rang bzhin gyi 'khris shing gis mdzes par byas pa'i 'khris shing gi khyim gang yin pa de la ni dngul gyi rang bzhin gyi 'dab ma rnams kyis phubs su gyur par byas shing / shel gyi rang bzhin can rnams la ni gser gyi 'bras bu dang ldan pa'o/ /kar ke ta na'i shing 'khril ba rnams gang yin pa de</font><hr>65.244b<br><font size=+1>

la ni in dra nI la'i rang bzhin gyi 'dab ma rnams kyis nye bar mdzes par gyur cing gser gyi rang bzhin gyi 'bras bus mdzes par byas pa'o/ /shel gyi 'khris shing rnam par brgyangs pa nye bar phub par gyur pa'i 'khris shing gi khang pa gang yin pa de'i tshe ni de la gser gyi 'dab ma rnams kyis nye bar mdzes par gyur pa dang / sngon po chen po'i kha dog gi 'bras bus mdzes par gyur pa'o/ /de na yang rnam par rtag par mdzes pa'i bung ba'i tshogs rnams kyis yid 'phrog par byed pa'i sgra'i mchog rnams nye bar sgrogs par byed pa me tog chen po'i khang pa zhes bya ba'i nags de na ni nang rnams kyang de ltar mchog tu dga' bar gyur pa yin te/ gang na lha dag myos pa la don cig pas dga' bar byed pa'o/ /nags de'i phyi rol rnams na yang mchog tu dga' bar gyur pa rnams yod pa la 'di lta ste/ pad ma'i rdzing bu dag na gser gyi 'dab ma rnams dang bai dUr+ya sngon po rnams dang in dra nI la'i ze'u 'bru dang / dngul gyi rang bzhin gyi snying po can gyi nye 'khor rnams khyab par gyur pa dang / bung ba'i tshogs rnams kyis kyang nags de nye bar mdzes par byas pa ngang pa dang ka raN Da ba dang ngang ngur dang ka dam pa'i sgra kun tu sgrogs par byed pas sgra yid 'phrog par gyur pa rnams kyis nye bar mdzes par gyur cing yongs su bskor nas nags de ches lhag par rnam par mdzes so/ /me tog gi phreng ba rnams nyid kyi pad ma'i nags de'i nye 'khor kun nas 'khor bar gyur pa la des kyang me tog gi khang pa'i nags yongs su bskor nas mdzes so/ /pad ma'i phreng ba de dag rnams kyi phyi rol gyi shing gi nags gang dag la ri dgas dang bya'i tshogs rnams mchog gi rab tu dga' bar gyur pas kha cig ni shing gi rtsa ba nas byung nas sdod do/ /kha cig ni pad ma dang nye ba na za bar byed de/ lha rdzas kyi nags kyi 'bras bu dang me tog dang rtsa ba rnams</font><hr>65.245a<br><font size=+1>

mchog tu dri zhim pa'i mdog dang ro dang dri dang yang dag par ldan pa rnams la ste/ lhan cig spyod pa'i 'khor dang bcas pa rnams song nas lha'i mchog de dag dga' bar byed do/ /ri dgas dang bya de dag rnams kha cig ni mchog tu dga' bar gyur pa'i lha rdzas kyi sgra thos pas yid 'phrog par 'gyur zhing chags pa dang mtshungs pa dang dpe med pa'i lha rdzas kyi glu rnams nyan par byed do/ /rna ba dang mig gdangs pa ngo mtshar zhing rgyags pa'i ri dgas rnams dga' bar byed do/ /kha cig ni gzhan ri dgas mo dang phan tshun lhan cig mngon du phyogs pa nyid kyis shing gi rtsa bar byung zhing gnas nas skyugs ldad byed par gyur pas mnan na nem pa bteg na 'phar ba'i sa gzhi dga' bar gyur pa rnams su nye bar gnas nas phan tshun du lta bar byed do/ /kun rjod par yang byed do/ /ri dgas ri dgas mo dang lhan cig tu rin po che sna bdun gyis rnam par bkra zhing nye bar 'bar bar gyur pa'i thig les nye bar bkra bar byas pa'i lus can kyi nags kyi nang rnams su dga' bar byed do/ /bya rnams dang ri dgas rnams kyang rnam pa sna tshogs pa'i kha dog dang dbyibs dang rigs rnams so/ /mchog tu zhi bar gyur pa rnam par rtog pa sna tshogs pa rnams kyis dga' bar byed pa rnams la 'di lta ste/ kha cig ni pad ma khas blangs nas glu'i sgra rnams nyan no/ /yongs su 'cham par byed de 'khor lo'i 'gros kyis rtsed mo rtse bar byed pa'i gros can rnams lhan cig spyod pa dang bcas nas bzhad gad byed pa yin no/ /kha cig ni khyur gyur par nye bar gnas nas sgro dag kun tu gyon pas lus gong bur byas shing kun blo 'thun par gyur pas de dag rnams song ste/ nags kyi gseb la brten nas sgra nyan par byed do/ /kha cig ni rin po che gzhan dag rnams kha na bzung nas 'od zer gyi phreng ba dang ldan pa'i yul phyogs gzhan dang gzhan rnams su nye bar 'dre</font><hr>65.245b<br><font size=+1>

bar byed do/ /kha cig ni gzhan ri rnams kyi rtse mo rin po che bdun gyi 'od kyis snang bar byas pa la bsnyeng zhing sprugs te sgro'i phreng ba steng du rnam par brkyang nas glu len par gyur pa des thos pas kun tu khrid de/ gang na glu'i sgra de yod par gyur pa'i me tog gi khang pa der 'gro ste/ nam mkha' la mdzes par gyur pa'i sgro'i sgra rnams kyis mchog tu yid rab tu dga' bar gyur par ro/ /ljon pa'i nags kyi nags gzhan rnams nas kyang sna tshogs pa'i sgro rnam par bkra ba'i lus can gyi bya gang dag gis/ me tog rab tu rgyas pa'i 'khris shing dag kha nas khyer nas gang na de me tog gi khang pa'i nags yod pa der bsnyen te 'ong bar byed do/ /gzhan yang phyogs kyi cha gzhan rnams nas kyang glu len pa de mngon par thos par gyur nas/ ngang pa dang ngang mo rnams phan tshun du phan par gyur pa dang phan tshun du kha nas rin po che'i phreng ba rnams yongs su khyer ba/ kha dog sna tshogs pa'i 'od kyis rgyan du byas pa rnams gang na me tog gi khang pa yod par nam mkha'i dkyil na mdzes par gyur pas der 'babs par byed do/ /de ltar na nang dang phyi rol rnams na rnam pa du mar gyur pa'i ri dgas dang bya sna tshogs pa'i gzugs dang cha byad dang dbyibs mchog tu mdzes pa dang yang dag par ldan pa'o/ /nags de na yang rnam pa de srid kyi lha'i rigs de dag rnams kyis kyang mdzes par byed par 'gyur ro/ /de nas lha de dag rnga skad yan lag lnga dang ldan pas nags der zhen par byas nas slar yang de'i sred pas bsregs par gyur pa dang rnam par ngoms pa med par gyur pas kyang gang na de bya'i sgra mngon par dga' ba zhes bya ba'i nags der nye bar 'gro bar byed de/ lhan cig spyod pa du mas yongs su bskor bar gyur nas de de kho na bzhin du gar byed par gyur cing ngo / /kha cig ni nam mkha'i khams gzhan du grogs med par 'gro bar byed do/ /</font><hr>65.246a<br><font size=+1>

gzhan dag rnams ni ngang pa rnams kyi rgyab tu kun nas zhon nas so/ /gzhan dag rnams ni rma bya dag gi rgyab tu zhon nas so/ /gzhan dag rnams ni pad ma'i nang nyid kyi snying po la nye bar gnas par gyur cing nam mkha'i dkyil du 'phags nas so/ /gzhan dag rnams ni rin po che bdun gyi rang bzhin gyi bya'i rgyab du legs par zhon par gyur nas nam mkha'i dbyings na mdzes par gyur pas gang na bya'i nags yod pa der nye bar legs par 'gro'o/ /de ltar rnam par 'gyur ba du mar gyur pa'i rnam par rtog pa'i don du mdzes pa dang yang dag par ldan pas legs par 'ongs pa'i lha de dag rnams la ji lta ba bzhin du de kho na nyid brjod pa zhes bya ba'i bya de dag gis tshigs su bcad pa brjod pa ji ltar/ las kyi rang bzhin bzhon pa las/ /bzhon pas khyad par byed gzhan med/ /las kyi bzhon pas skyes bu rnams/ /khams gsum du ni rnam par rgyu/ /gang gis gang la ji lta bzhin/ /mdzes pa byas par gyur pas ni/ /de yi de la de bzhin las/ /lus can rnams la smin par 'gyur/ /las kyi blo yi ri mo ni/ /sems kyi rgyu yis rab tu bcug /dus ring bar yang zhugs rnams kyi/ /bsgrub bya cung zad dmigs pa min/ /las kyi rgyu yis kun bslang ba'i/ /bde ba rnam pa sna tshogs rnams/ /bde ba 'ang rnam pa sna tshogs kyang / /las zad pa yis rab tu 'jig /de phyir las kyi bde ba ni/ /ji srid zad pa ma mthong ba/ /de srid bde ba'i skal ldan pa'i/ /las gzhan dag ni khyed kyis gyis/ /le lo dang ni ldan pa'i yid/ /bag med pas ni rnam par brgyal/ /slu ba med pa'i zhabs kyis ni/ /rab tu ltung bar rab nyams 'gyur/ /'das pa'i bde rnams thams cad bral/ /sdug bsngal chen po'i 'byung gnas rnams/ /khams dang phung po 'gag pa la/ /'chi bdag</font><hr>65.246b<br><font size=+1>

zhes ni de la brjod/ /de 'dir myur du 'ong 'gyur te/ /gson pa'i bar chad cher byed do/ /'di yang legs par mthong min te/ /yul gyis shin du rmongs pas so/ /de ltar bya de legs par byas pa'i las dang rab tu 'brel pa lha de dag rnams la rjes su 'doms so/ /de nas de dag la ma dpyad pa dang de kho na'i tshig kyang spangs par gyur te/ slar yang yul gyi sred pas gdungs par gyur nas nags dang nye ba'i nags rnams su rnam par rgyu ba rnams rab kyi mchog tu rangs par gyur pa'i yid can/ phyir yang bya'i sgras mngon par dga' bar gyur pa'i nags de nyid du rab tu zhugs par 'dod par gyur cing thams cad kyang lta ba la mchog tu byed pas nags de rab tu lta'o/ /de nas zhugs par gyur pa na nags de'i rang bzhin nyid kyis bya'i kun nas brjod pa rnams kyis mngon par dga' ba/ ljon shing thams cad gser gyi rang bzhin dang bai dUr+ya'i rang bzhin dang dngul gyi rang bzhin dang shel gyi rang bzhin dang / in dra nI la'i rang bzhin dang pad ma'i sdong po'i rang bzhin gyi shing rnams kyis mar me dang 'dra bar thams cad rnam pa sna tshogs par mdzes par gyur pa dang ldan pa'i kha dog dang dbyibs du ma can gyi bya'i sgro rnam par bkra bar byas pa rnams la gang dag gi mdog dang dbyibs brjod par sla ba yang ma yin pa rnams so/ /de ci'i phyir zhe na/ las du ma sna tshogs pa rnams kyis rnam par bkra bar byas pa'i rnam par bkra ba yang rnam pa sna tshogs pa'i las kyis byas pa yin la/ las de'i 'bras bu rnams rnam pa du mar rnam par bkra ba yin no/ /de dag rnams ni brjod par sla ba ma yin no/ /sems yang mor yongs su 'jug pa'i rgyur 'gyur ba'i rgyu 'dis de 'dir rnam par bkra ba nyid brjod par bya bar yang mi nus so/ /mtho ris kyi srid pa rnams thams cad du cung zad cig rjes su dpags par gyur pas kyang las dang 'bras</font><hr>65.247a<br><font size=+1>

bu rnams kun tu bstan pa'i don du 'di dag brjod par zad do/ /ji ltar mchog tu bag med pas nags dang nye ba'i nags dang 'bab chu dang rdzing bu dang ri dang ri bo'i rtse mo dang / pad ma'i tshal dang bya dang rin po che la sogs pa'i tshogs dang bud med kyi tshogs yid 'phrog pa'i yul rnams la legs par byas pa'i las rnams kyis byas pa'i 'bras bu nye bar sprul pa'i lha'i 'jig rten de yin pa'i rgyu 'dis na dga' bar brjod do/ /ji ltar legs par byas pa'i las rnams kyi 'bras bu rnam par smin pa rab tu ma bstan na/ byas pa'i 'bras bu rnam par smin pa rnams kyang thob pa ma yin par 'gyur ro/ /'di ni 'dir bde ba ston par byed pa'i rgyu gzhan gnyis pa yin no/ /slar yang de kho na bzhin du lha de dag rnams sna tshogs pa'i me tog gi phreng ba dang / phye ma dang byug pas byugs pa'i lus can rang las 'od 'byung bas gtad pas mchog tu dga' ba'i yid kyis lha de bya'i sgras mngon par dga' ba'i nags lta bar byed do/ /ji ltar bltas par gyur pa na rin po che bdun gyi rang bzhin gyis rnam par brgyan par gyur pa'i shing ljon pa'i 'od 'bar ba dang 'dra ba'i nags de'i nye 'khor rnams na rnam pa sna tshogs pa'i bya dang ldan pa la bya de dag rnams kyi byas kun tu bsgrags pa sdug pa dang ldan pa'i rnam pa rnams thos so/ /lha des gal te shes na thos pa gang yin pa de dag ni de srid kyi snyan pa mnyam pa'i cha shas rgya che ba nyams pa med pa gyur pa thos na yid 'phrog par byed pa rnam par rtog pa du ma dang ldan pa slu bar mi byed pa lha'i tshogs thams cad rab tu tshim par byed pa'i bya de shing rnams kyi gseb du 'gro ba dang / pad ma'i rdzing bu'i gseb du 'gro ba dang / me tog gi nags rnams kyi nang du 'gro ba dang / rdzing bu'i gseb rnams su yang song bar gyur nas kyang lhan cig tu glu len no/ /rnam pa sna tshogs pa'i sgra rnams</font><hr>65.247b<br><font size=+1>

thos pas yid 'phrog par byed pa gang yang des lha mo de dag gi glu len par byed pa rnams bor nas langs te bya de'i rnam par legs pa rnams nyan par byed do/ /glu len par byed pa de ni rnam pa de srid du yid 'phrog par byed pa yin te/ gang gis ri'i rtse mo rnams thams cad kun tu bsgrags par gyur pa des kun tu gang bar byed pa bzhin du'o/ /de thos nas ri gzhan dag rnams kyi rtse mo'i ri dgas de dag rnams ni rang bzhin kho nas glu la dga' bas des glu de thos par gyur nas brgya phrag rnams dang gal te na stong phrag rnams su yang ngo / /'ongs par gyur nas kyang de las kha cig ni 'ongs pa dang rna ba dang mig mi g.yo bar nyan no/ /kha cig ni shing gzhan gyi gseb du song nas nyan no/ /rnam par bsgrags pa des kha cig ni legs par byed pa'i pad ma du ma rnams yongs su btang na glu de la nyan par byed do/ /bya rnams kyi sgra de ltar dga' ba de ni bya'i sgras mngon par dga' ba'i nags na yin no/ /sna'i blo 'phrog par byed pa yang nags de na rnam pa sna tshogs pa'i me tog gi nye bar mkho ba rnams mthong bas rnam par mdzes so/ /nags de gzugs rnam par bkra bar gyur pa rnams dang / dri yang rnam pa sna tshogs pa'i rnam par rtog pa dang lhan cig tu sgra'i tshogs kyis rnam par brjod pas te/ de ltar yang nags de mdzes par gyur pa'i dri dang gzugs dang sgra rnams kyang ste/ gling bu dang rdza rnga dang pi bang gi sgra dang glu snyan pa'i sgra dang bya rnams kyi yang sgra dang sgra rgya chen por gyur pa yid 'phrog pa rnams so/ /dbang po cig gi yul rnams kyis kyang nags de ni shin tu rnam par mdzes pa yin no/ /gzhan yang dbang po gzhan rnams kyi don rnams dang yang dag par ldan pas kyang nags de shin tu rnam par mdzes par byed pa la 'di lta ste/ rnam pa sna tshogs pa'i ro mngon par 'dod par gyur pa rnams la yang dper na 'bras</font><hr>65.248a<br><font size=+1>

bu'i ro dang btung ba'i ro dang lha rdzas kyi sman gyi ro rnams kyis kyang ji ltar 'dod pa nyid kyi lha rdzas kyi ro rnams dang yang dag par ldan no/ /dga' ba du ma dang ldan pa'i nags de ni ches lhag par gyur pa'i gzi brjid dang ldan pas dga'o/ /gzhan yang de nyid na rnam pa gzhan gyi ches lhag par mngon par snang bar byed do/ /'di lta ste rtsed mo'i ri dag la 'khris shing gi dra ba rnams kyis kun nas 'dud pa dang / nye 'khor kun na yang rin po che bdun gyi khang bzangs rnam pa du ma rnams kun nas 'bar bar gyur pa'i brtsig logs la yon tan du ma bris pa rnams kyis spras pas legs par gang bar gyur pas gnyis gar sdug par gyur pa rnams kyis kun nas brgyan pa thams cad du yang rab tu dgod par gyur pa bzhin du ches lhag pa'i dpal rnam pa sna tshogs pas nags de na lham me bar gyur to/ /gzhan yang nags dang nye ba'i nags rnams dang ldan par gyur pa yin la/ de la yon tan rnams kyis yon tan phun sum tshogs par gyur pa ni brjod zin no/ /ri de'i dga' bar gyur pa ni 'di dag rnams yin te/ bai dUr+ya'i 'byung gnas rnams dang ldan par gyur pa la/ 'di lta ste yon tan chen po rnams phun sum tshogs par gyur pa'i yon tan bdun dang ldan pa'i sgra dang reg bya dang ro rnams 'dod par gyur pa kun tu rtog pa'i yon tan rnams phun sum tshogs pa rnams dang sgra'i yon tan phun sum tshogs pa rnams kyang kun tu mthong ngo / /shin du yid du 'ong ba'i ri de'i yon tan de dag rnams skye bo dag gti mug gis lhan cig tu zin par gyur pas kyang lha de dag gis mthong ba yin no/ /de ltar lha de dag rnams la ma dang pha dang mtshungs par gyur pa'i bya de dag rnams kyis de kho na dang phan par 'gyur ba yang mthong nas brtags par gyur pa'i tshig rnams ston par byed do/ /lha de dag rnams yul gyis khrid par gyur</font><hr>65.248b<br><font size=+1>

pas kun tu rtog par 'gyur ba yang ma yin no/ /de ltar de yul rnams kyis rnam par rmongs par gyur nas des de dag rnams ma rtsis par slar yang yul gyi dga' ba rnams su bying bar gyur pas sred pa'i dgon pa rgal bar mi nus pa gzhan rnams rjes su thob par gyur nas mtshon cha rnams kyis bsregs par gyur cing / dga' ba'i 'dod chags kyi dgra bo brgya phrag lngas rab tu rnam par nyams par 'gyur ba/ dam pa'i lam rnams las nyams pa bde ba dang rjes su mi mthun par gyur pa'i bde ba gang yin pa rnams 'ba' zhig gis kyang kun du 'khrid par gyur pa rnams kyis kun nas rig pa yang ma yin no/ /de la phan par gyur pa rnam pa du ma rnams brjod par gyur kyang / de slar yang gnas gsum du gtogs pa'i bya gzhan dag rnams kyi shin tu snyan par gyur pa'i glu de dag rnams nyan par byed do/ /'di lta ste/ chu la ni chu la rgyu ba rnams lha rdzas kyi mdog dang dbyibs ldan pa rnams rin po che bdun gyis spras par gyur pa'i lus thig le bkra bas byas pa rnams la ngang pa dang ka raN Da ba dang / ngang ngur la sogs pa rnams lhan cig tu chu la sgra kun nas gcod par gyur pas 'dres pa rnams nyan par byed do/ /mchog tu snyan pa'i glu'i sgras rtag tu gar byed par gyur cing dus thams cad du rgyags pa'i bde ba shin du rgya chen po dang ldan pas thams cad nyid las kying dga' bar gyur par mthong ba rnams kyi bya 'di dag dang de dag dang gzhan dag rnams kyi snyan pa kun nas brjod pa'i rnar snyan pa'i glu rnams nyan par byed do/ /de bzhin du nags kyi nang na rgyu ba rnams la rmi bya dang pA rA ba da dang shing gi rgyan dang ri khrod kyi gseb dang tshang tshing na gnas pa rnams kyang shin du snyan par gyur pa'i gre bar bya rnams thams cad kyang 'dra bar gyur pa'i sgra'i sprin tshogs rnams tshang tshing dang ri'i rgyan dang rin po</font><hr>65.249a<br><font size=+1>

che bdun gyis rnam par bkra bar byas pa'i lus mthong na shin du tshad med par lha rnams kyi yid du 'ong ba thos na shin tu dga' bar 'gyur ba'i sgra rgyan gyi 'od zer gyi rgyun rnams skyed par byed pa so sor mdzes pa rnams skyed par byed pas mthong na dga' bar gyur pa'i rtag par rgyags pa la sogs pa'i mthong bar gyur pa dang thos par gyur pa las mchog tu dga' bar 'gyur ba rgyan gsar pa rnams kyis brgyan pa rnams las/ ji ltar gtso bor gyur pa'i bya rnams dag gi sgra 'ga' zhig tsam nyan par byed do/ /kha cig ni ca co 'don no/ /kha cig ni glu len no/ /kha cig ni gnas par byed do/ /kha cig ni sgra'i sprin rnams nyid de/ de ltar rnam pa du ma dang rnam par rtog pa du ma dang ldan par rtag tu rgyun mi 'chad par yang brjod pa dang dbyangs dang ldan pas kun tu rjod par byed do/ /bya de dag rnams kyis mchog tu dga' bar gyur pa'i brjod pa rnams 'byin par byed do/ lha de dag chags pa'i sems kyis thams cad nyan par byed do/ /lha dag gis yongs su bskor bar gyur nas ches rab tu dga' bar gyur pa'i yid kyis te/ de rnams kyis de ltar thos nas dus shin du ring bar yang ches phal che bar gyur pa'i sred pa rnams kyis non par gyur pas rtsi dag 'thung ba rtsom par byed do/ /ro dang dri mchog tu phun sum tshogs par gyur pa lha'i 'jig rten dang 'dra bar gyur pa ri khrod kyi phug gi gseb nas 'bab pa rnams la bung ba'i tshogs kyis nye bar mdzes par gyur pa rnams 'thung bar rtsom mo/ /lha de dag phan tshun du rgyags pa la don cig du gyur pas pad ma'i bdud rtsi'i nags gzhan rnams su nye bar 'gro bar byed do/ /pad ma'i kha zum pa nyid las kun tu byung bar gyur pa'i bdud rtsi gang dag ni mchog tu lha rdzas kyi ro dang dri dang reg bya phun sum tshogs pa zad pa med pa ji tsam 'dod par gyur pa'i ro</font><hr>65.249b<br><font size=+1>

rnams yod de/ de ltar lha de lha mo'i tshogs kyis yongs su bskor nas dga' bar byed pa dang glu yang len par byed/ rgod par yang byed do/ /'gying bar yang byed do/ /tshogs pa phan tshun grogs byed par gyur nas rgyags pa la don cig pas de de ltar de nyid kho na'i gzhis nags rnams na rab tu rgyu zhing rnam pa sna tshogs pa'i rtsed mo rnams byas nas/ slar yang yul de nyid kyis ngoms pa med pas gang na bai dUr+ya dang ldan par gyur pa'i ri der nye bar 'gro bar byed do/ /ri de yang rin po che rnams dang ldan par gyur pa nye 'khor kun na sngon po rab tu dang ba'i mdog tu gyur pa nags dang nye ba'i nags rnams kyang nye 'khor du dpag tshad stong phrag bcur grib ma rnams kyi kha dog sngon por rab tu byed do/ /nye 'khor dpag tshad sum brgyar 'phang du mtho ba'o/ /nags dang nye ba'i nags rdzing bu dang 'bab chu rab tu gang bar gyur pa rnams thams cad kyang mthong na shin du yid 'phrog par byed pa'o/ /bya rnams kyi gnas mchog tu dga' bar gyur pa rnams la ri'i bang rim dang ri khrod dang phug dang ri rong dang tshang tshing dang mdzes pa'i nags dang mtsho dang pad ma'i tshal dang me tog gi thang phun sum tshogs pa rnams la rnam pa gsum gyi ngang pa kun nas sgra 'byin par byed pa'i ngos rnams la/ 'di lta ste/ rin po che shel dang / mtshungs pa'i mdog rin po che bdun gyi thig les spras par gyur pa rnams rang bzhin gyis kyang dkar bar gyur pa'i ngang pa'i rigs de dag gis brgyan pa dang / bai dUr+ya'i mdog dang ldan pa'i ri'i nye 'khor rnams na rab tu 'bab par gyur pas rab tu 'bab pa'i 'bab chu rnams la nor bu'i 'od 'byung bar gyur pas khyab par gyur cing yongs su bskor ba dang / rab tu kha bye bar gyur pa'i me tog dri mchog dang ldan pa</font><hr>65.250a<br><font size=+1>

rnams kyis kyang thams cad nas yongs su bskor nas gsal bar snang ngo / /bye brgya phrag stong rnams kyis rtse bar byed pa sgra 'khrol bar gyur pa gser gyi mdog dang ldan pa pad ma'i nags rnams kyis kyang nye bar mdzes par gyur pa rnams su mchog tu rnam par rgyu ba na ngo mtshar ba skye bar byed pa gong nas gong du dga' bar gyur pa mchog gi gzugs rnams dang ldan par gyur cing ldan pa las kyang rnam par snang bar byed do/ /sgra dang ro dang gzugs dang dri rnams kyang dngos po du ma rnams dang ldan par gyur pas rnam par gsal bar snang ngo / /dbang po drug gi bde ba rnams dang nye 'khor na ldan pas ri'i mchog de rnam par gsal bar gyur to/ /lha de dga' ba'i 'dod sred gyis gdungs par gyur nas de dag tu nye bar legs par 'gro'o/ /nye 'khor kun du yang glu dang gar dang ldan par gyur pa pad ma'i phreng bas kun du bcings pas ches lhag par dga' bar gyur pa rtag tu rgyags par gyur pa rtag par yang rab tu rangs pa yul lnga la rnam par chags pas 'dod pa rnams la dga' bar gyur pas/ me lnga bzhin du sreg par gyur pas rnam par rgyu bar byad pa/ sred pa'i rdul rnams kyis kun nas bcings par gyur nas gang na ri de'i mtho ba po yod pa der nye bar 'gro'o/ /yul la 'chums par gyur pas lta ba la ched cher byed pa'i yid kyis kyang ri de mthong bar gyur to/ /kun du rtog pa rnam pa sna tshogs rnam pa du mar dga' bar gyur pa'i ri de'i cung zad mtho ba la kun du 'dzegs par gyur nas lta bar byed do/ /tho 'khor kun na yang bai dUr+ya'i rang bzhin gyi phug mchog tu dga' bar gyur pa rnams so/ /de dag gi grangs ni 'di yin te/ 'di ltar stong phrag bcu'o/ /'od sngon po rnams kyis brgyan par gyur pa nye 'khor rnams</font><hr>65.250b<br><font size=+1>

na bde ba mchog gi sgron ma rnams ni mchod pa lta bur gyur pa'i 'od rnams mchog tu dga' bar gyur pa ni phug de dag rnams na'o/ /gang na ri'i mchog de la kun du gnas pa'i lha de dag phug de dag tu zhugs nas dga' bar byed do/ /ji lta ji ltar lha de dag rab tu zhugs pa de lta de ltar yang phug de dag g.yo bar 'gyur ro/ /ji ltar yang lha de dag yid kyis sgom par byed par gyur pa de bzhin du bsam pa de dag thams cad phug de dag rnams nyid las thob par 'gyur ro/ /phug de dag yang gang 'dod par gyur pa rnams byed pa yin no/ /de dag rnams kyi ming gis kyang lha de dag 'dod pa'i yon tan gyis ngoms pa med par dga' bar byed par 'gyur te lhan cig spyod pa dang bcas pa rnams dga' ba'i rgyan dang cha byad kyi mchog 'dzin par gyur pa la gcig tu dge ba'i las kyis kha cig ni shin du bar yang yid 'phrog par byed pa'i rgyan dang cha byad dang lang tsho dang 'gying ba dang rgod pa dang glu dang gar rnams kyis rnam par chags par gyur pas lhan cig tu dga' bar byed do/ /ji srid du dga' bar gyur pa'i phug de dag rnams thams cad kyi sgo na yang lha rnams la phan par 'dod pas 'thab bral ba rnams kyi mnga' bdag mu su lun d+has gtsug lag gi tshigs su bcad pa mngon par bris pa ji ltar/ 'chi bdag gis ni byung ba 'thung / /rga ba yis ni lang tsho 'thung / /nad rnams kyis ni nad med 'thung / /'jig rten pas kyang mi go'o/ /skyes pa yang ni du ma rnams/ /lhung ba yang ni du ma yin/ /'di nyid skye 'byung rgan 'gyur dang / /'chi 'pho dang ni skye bar 'gyur/ /skyes bu thams cad bstan pa yang / /'jig rten gyis ni mi go'o/ /brje bsor ji lta ba yi yang / /skad cig yud tsam skabs yod min/ /ngag gis grol ba der mnar ba/ /'jig rten gyis ni go ba</font><hr>65.251a<br><font size=+1>

'ang min/ /skye ba yang ni rnam mang po/ /lha ni yul gyis rnam rmongs pa/ /'jig rten gyis ni mi go'o/ /srid pa'i 'khor lo'i khog tse 'di/ /sred pa yis ni sngon du bcug /dga' ba'i 'dod chags kyis yongs bskor/ /'on kyang 'jig rten pas mi go/ /rnam rtog mkha' lding gis gang ba'i/ /skyon rnams ches 'jug shes par gyis/ /srid pa'i chu klung rnam yangs 'di/ /'jig rten pas kyang go ba min/ /de ltar phug gi sgo de dag rnams la lha rnams la phan par 'dod pa'i phyir na de bzhin du bris par gyur to/ /de la lha kha cig gis mngon par brjod nas sngon gyi skye ba dran par byas par gyur nas yid byung bas yud tsam cig tu bag med pas rnam par mi rgyu bar 'gyur ro/ /legs par byas pa'i las kyis legs par bsgos par gyur pa'i sems yud tsam des kyang skye ba gzhan brgya stong du bde bar gyur pa'i skal ba can du 'gyur ro/ /gang gi phyir stobs dang ldan pa rnams ni dkar po'i phyogs yin la/ stobs chung ba ni nag po'i phyogs yin no/ /de dag gi de ltar yud tsam des kyang skye ba gzhan brgya stong rnams chud gzan par ma gyur to/ /phug gang dag gi sgo la tshigs su bcad pa mthong zhing yid byung bar gyur nas bag med pas rnam par mi rgyu bar gyur pa rnams dang / lha gang dag gis na de ma mthong ba nyid du zhugs par yang gyur te/ de nas gang dag gis tshigs su bcad pa de mthong ba rnams dang yang gang dag gis ma mthong ba de dag rnams thams cad kyang sgo de nas zhugs te/ nang du gyur pa'i dga' ba'i yan lag rnams phyir zhing nyid kyang bag med pas zin par gyur nas rab tu lta bar byed do/ /rnam pa ji lta bu'i nor bu'i phung po rnams la 'di lta ste/ rdo rje'i phung po dang in dra nI la'i phung po dang nI la chen po'i phung po dang nor bu'i phung</font><hr>65.251b<br><font size=+1>

po rnams dang rnam pa du mar nye 'khor na kun tu snang bar byed do/ /rnam pa de dag rnams kyis rnam pa du mar yang phug de dag rang bzhin nyid kyis gzi brjid dang ldan par gyur pa las phyir zhing nyid kyang de dag shin du yang 'bar bar 'gyur ba yin no/ /'od gsum par gyur pa na lha rnams rang nyid kyi lus las kun du byung ba'i 'od zer rnams kyis te/ de ltar phug de ches dga' bar gyur pa yin no/ /de dag la yang lha de dag rnams rangs par gyur nas dga' bar byed cing gar byed do/ /rgod par byed do/ /pha rol rgya chen pos zin par gyur pa'i 'jigs pa dang mya ngan dang bral ba/ lha rnams kyi 'dod pa'i yon tan lnga dang bcas shing yang dag par ldan par gyur nas de dga' bar byed de lhan cig spyod pa'i 'khor dang bcas pa rnams zer zug dang rnam par bral rims nad med pa mya ngan med pa rang gi las kyi bgo skal la spyod pa rnams rnam pa du mar dga' bar byed de/ des rin po che'i sa gzhi de nyid mngon par mthong nas rab tu rangs pa mchog gi yid kyis rab tu gar byed pa dang glu dang ca co'i sgra dang rnga sgra rnams kyis bsnyes par gyur pa'i yid kyis slar yang phug de dag nyid kyi nang du zhugs par gyur to/ /zhugs nas kyang mthong bar gyur pa rnams la chu klung shing du dri zhim pa reg byas yongs su gang ba myos byed kyis yongs su gang bar gyur pa de la sten par byed pa'i byas nye bar mdzes pa'o/ /de la bya'i rigs ni 'di dag rnams yod de rab tu dga' ba po de rtag tu myos pa dang kun tu dga' ba dang gzhan du ma yin pa dang ro la dga' bar byed pa dang rang bzhin gyis nga rgyal can dang gzhan la mi dga' ba dang dri'i btung bas myos pa ste/ de dag dang bya gzhan dag rnams kyang mchog tu rab tu rangs par gyur nas myos byed kyi chu klung der dga' bar byed cing de legs par byas pa'i las</font><hr>65.252a<br><font size=+1>

kyis kyang bskul nas tshigs su bcad pa rnams rjod par byed pa ji ltar/ ro yis mdzes pa'i myos byed ni/ /yongs su smin nas shin du gdug /yongs su smin pa'i sdig pa yis/ /dmyal bar skye bar 'gyur ba yin/ /'thungs pas rmongs pa skyed par byed/ /rmongs pas sdig la dga' bar 'gyur/ /snying la kun nas chags ldan pa'i/ /byis rnams dmyal ba'i rjes su rgyug /dang por rab tu dga' ba skyed/ /rnam smin bkren pa bla na med/ /sred pas dang por 'khol bar byed/ /phyi nas mi bzad par ni sreg /dang por ngag dang blo nyams byed/ /phyi nas bde ba nyams par byed/ /de phyir skyes bu brtan ldan pa/ /gang zhig myos byed bsten mi bya/ /skyes bu myos byed sten rnams ni/ /mkha' lding dang ni mtshungs 'phyo ba'i/ /mtshungs par rnam par rmongs skyed pa/ /chang ni spongs dang dug chen po/ /gang gis chang ni dug mtshungs mthong / /des ni bla med go 'phang mthong / /gang yang de ni rnam chags 'thung / /zangs zhu'i khu ba dmar po 'thungs/ /gcig las sdig pa thams cad pa/ /gcig po chang 'thung ba 'di yin/ /de yis sems ni sun 'byin byed/ /sdom pas sems kyi rtsa ba can/ /gang phyir sems ni rtse gcig min/ /chos rnams dpyod byed pa yang min/ /dge slong chang ni sten pa na/ /dgon par dga' bar 'gyur ma yin/ /chang gis yid ni g.yeng bar byed/ /snying yang rgod bag dang bcas 'gyur/ /chos la'ang dga' bar 'gyur ma yin/ /'jig rten 'di med pha rol med/ /spyod lam shes pa ma yin la/ /ston pa'i dus kyang shes ma yin/ /dam pa'i chos nyid dang 'gal zhing / /ston pas kyang ni ci zhig bshad/ /</font><hr>65.252b<br><font size=+1>

re shig rang gis mi shes na/ /bdag gis 'dir ni ci zhig smra/ /mdzes min ngag gi spu gri'i mtshon/ /gzhan gyis ji ltar yongs su shes/ /'jig rten don la yang 'gyur zhing / /chos las kyang ni yongs su nyams/ /'bar ba'i chang ni bsten pa na/ /skyes bu nor med mthong ba yin/ /'das pa'i don kun dran min dang / /da ltar ba la rmongs par 'gyur/ /ma 'ongs bsam pa ci la yod/ /chang gis dus gsum chud gzon byed/ /sna tshogs gzugs kyang rnam par 'joms/ /lus can rnams kyis sems kyang 'joms/ /skyes pa'i skyon ni skyed byed pa'i/ /chang gis chos ni rab sun 'don/ /de ltar phug gi nang na gnas par gyur pa'i bya de dag rnams rtag par rab tu dga' ba dang ldan zhing ston par byed pa'i rtsa bar gyur pa las dam pa rnams kyis legs par bskul bas lha rnams la 'chod do/ /de thos nas kyang lha gang dag legs par byas pa'i las rnams ches lhag par gyur pa de dag rnams kyis skye ba gzhan rjes su dran par 'gyur ba dang / chang gi skyon rnams kyang shes so/ /rgyu des kyang chang mi 'thung ngo / /de dag rnams 'dir bag med par yang mi 'gyur ro/ /de lta de ltar myos byed 'thung bar byed pa de dag rnams slar yang lha de dag rab tu dga' ba'i yid kyis rab tu rtse bar byed de rnga skad yan lag lnga dang ldan pa shin du chags pa dang shin du snyan pa dang rgyun tu dga' bar gyur pa dag gis dga' bar byed do/ /de dag rnams dus yun ring po phug de dag du lha rdzas kyi mchog rnams sna tshogs pa yid 'phrog par byed pa rnams kyis rtsed mo rtses par gyur nas gang kho nas ji ltar zhugs par gyur pa de kho na bzhin du phyir 'gro'o/ /phyir song nas kyang gzhan yang yul rnams la sred par gyur pas bag med par</font><hr>65.253a<br><font size=+1>

rnam par rgyu ba rnams nags dang nye ba'i nags dag lta ba la dga' ba'i yid kyis lhan cig spyod pa dang bcas pas pad ma'i tshal gyi nang dang chu klung dang tshang tshing dag du dga' bar byed do/ /lha de dag legs par byas pa'i las kyi 'bras bu la longs spyod pas de dag rnam pa de srid kyi dpe med pa'i lha rdzas kyi bde ba rnams phun sum tshogs par 'gyur ba rnams la yul gyis ngoms pa skye ba med de/ rnam par yangs pa'i skyon kyis rnam par yangs pa'i mun pa'i rang bzhin kho nas te/ de dag gis rang bzhin ni nam yang kun nas 'khum par mi 'gyur ro/ /yul gyi bde ba rnams kyis ngoms par 'gyur ba 'am rnam par yangs par gyur pa'i ngo bos kyang dbang po rnams ni nam yang sred pa dang bral bar mi 'gyur ro/ /lha rnams lha rdzas kyi 'dod pa'i yon tan lnga yis nyi ma re re zhing rab tu 'phel bar gyur pa'i snga phyi rim pas ngo mtshar ba rnams skyed par byed pa dang yid kyi rjes su mthun par byed pa dang dpe med pa dang yon tan dang ldan par gyur pas kyang des de dag nam yang ngoms pa skye ba ma yin no/ /ji ltar chu rnams kyis ni rgya mtsho ngoms pa yod pa ma yin no/ /de bzhin du lha rnams kyang ste de dag dus de srid du rigs de nyid la dga' bar yang byed cing rnam pa sna tshogs pa'i bde ba rnams kyis rgyu ba rgyags pas nags dang nye ba'i nags rnams la rnam par rgyu bar byed pas 'dod pa'i chu bos kun nas khyer bar gyur pa rnams lhan cig spyod pa dang bcas nas dga' bar byed de/ ji srid du 'dod pa sdug pa'i las byas shing bsags par gyur pa de dag rnams zad par ma gyur gyi bar du'o/ /de zad nas lha'i rigs de las 'chi 'pho bar 'gyur ro/ /'phos nas kyang ji ltar las kyis nye bar 'gro bar byed pa ji ltar las kyi thag pa dag gis kun nas lha de bcings par gyur cing rnam pa de lta bu'i bde ba las kyang yongs su nyams nas slar</font><hr>65.253b<br><font size=+1>

yang dmyal ba dang yi dgas dang dud 'gro rnams su skye'o/ / de dag gi gal te legs par byas pa'i las su gyur pa lan grangs gzhan la myong bar 'gyur ba'i las kyis mi rnams su skyes nas de 'dzam bu'i gling du mchog tu skyid de bar 'gyur te shin du mtho ba'i rigs su gar dang glu dang rgod pa dang 'gying bag dang bcas par skye'o/ /mchog tu skyid de bar 'gyur te/ skyes bu yang me tog phreng dang pi bang dang rgyan dang cha byad bzang po dang mchog tu 'phags pa'i gzugs dang ldan pa phun sum tshogs pa mchog dang ldan pa yul ljongs kyi mchog dag tu nye bar skye bar 'gyur te rgyal po 'am rgyal po'i blon po yang rung ste yul kA shi 'am kau sha la 'am gling phran dag tu yang las de'i rgyu 'thun pa'i 'bras bu dag gis so/ /'od zer 'phro ba can gyi lha rnams kyi lha'i rigs ji srid pa rnams yongs su bsdus pa ste sa bdun pa rdzogs s+ho//             //yang dge slong las kyi 'bras bu rnam par smin pa shes pa des 'thab bral ba'i lha rnams kyi sa gzhan la kun tu lta bar byed do/ /de thos pa las byung ba'i shes rab kyis 'thab bral ba'i lha rnams kyi sa ji ltar yod pa bsdams par rgyu ba zhes bya ba mthong ngo / /sa de la las gang gis sems can rnams skye bar 'gyur ba des mthong ba mchog tu rnam par dag par gyur pa'i rnam par smin pa dkar ba bde ba skyed par byed pa'i las de'i 'bras bu la slu ba med pa/ 'phags pa'i dgyes pa'i sbyin pa dang shes rab lhag pa des 'dod pa sdug pa yid du 'ong ba'i 'bras bur 'gyur ba la 'di lta ste/ lhar skye bar byed pa'o/ /rnam pa ji lta bu'i 'dod pa sdug pa yid du 'ong bas lhar skye ba'i 'bras bu yin na 'di lta ste/ gang gis mchog tu dge ba'i sems su gyur nas shin du rnam par dag par spyod par gyur te/ gus pa legs par skyes pa'i yid</font><hr>65.254a<br><font size=+1>

zhu bar gyur pas srog gcod pa dang ma byin par len pa dag rnam par spangs par gyur pa ni snga ma bzhin te/ 'dod pa la log par g.yem pa yang rnam par spong bar byed pa la 'di lta ste/ gang gis sngon skye ba gzhan du nyams su myong bar gyur pa'i 'khrig pa thos nas chags par byed pa dang / 'dod chags la spyod pa'i yid kyis kyang rab tu nyams par gyur nas yul gyi sred pas 'khrid par gyur pa'i 'dod pa rnams kyang myang bar mi byed do/ /de dag rnams la sems par yang mi byed do/ /rab tu rtog par mi byed do/ /gzhan rnams kun du rtog par byed pa na rab tu 'gog par byed do/ /de ltar yongs su dag pa'i las byed pa de lus zhig par gyur pa na mtho ris bde 'gro'i 'jig rten 'thab bral ba rnams kyis bsdams par rgyu ba'i sar skye'o/ /dge ba'i las de dag gi 'bras bus de las skyes par gyur pa na yang 'di'i rnam pa sna tshogs pa'i dri dang ro dang reg bya rnams dang de yul du ma rnams la dga' bar gyur pas nags kyi nang rnams su rgyu bar byed cing lha rdzas kyi lto can rnams 'gying bar gyur pa lha mo brgya stong gis nye bar bsgyur zlog byed pas nags dang nye ba'i nags dang rdzing bu dang 'bab chu dag la sten par byed pa yud tsam cig kyang gnas cig na dga' bar mi byed par de snga na ma mthong ba'i bde ba dpe med pa rnams la longs spyod par gyur pa/ bde ba du ma pa du ma rnams kyis de'i dbang po rnams dang yid kyang ngoms pa med par de yang nags dang nye ba'i nags su yid la smon pa'i lha mo'i tshogs kyis yongs su bskor bar gyur nas lha gzhan dag rnams nags rnams kyi nang du rtse bar gyur pa rnams mngon par mthong la de dag rnams kyis kyang lha gsar du skyes pa de mngon par mthong bar gyur te 'dod chags kyis gzir ba'i rgyags</font><hr>65.254b<br><font size=+1>

pas rtse ba'i 'gros dang ldan pa lha rdzas kyi phreng ba'i rgyan can de dag rnams la gsar du skyes par gyur pa la nye bar rten par byed do/ /des kyang de dag rnams mngon par mthong bar gyur nas yon tan dang ldan pa'i 'dod pa lngas rnam par zin par gyur pas de dag rnams nyid kyang thag nye bar gyur par legs par nye bar bsnyen nas 'gro bar byed do/ /lha mo de dag rnams dang lha gsar du skyes par gyur pa de yang phan tshun du lhan cig du rgyags pa la don cig par gyur pas de thams cad gar byed par gyur pa dang rgod par gyur pa las de dag rnams 'di bzhin du sems par gyur te 'di dag ni bdag cag rgyas par byed par byed pa po'o zhes de bzhin du bsams nas ji ltar de dag dang bdag tu 'dzin par gyur pas de dag rnams phan tshun du mngon par chags shing zhen pas ngal sos pa skyed par byed pa phan tshun du gnon pa med par gyur nas rgod pa dang bskyod pa dang rtse dga' ba la don dam du byed par gyur pas nags nas nags gzhan rnams su dang ri'i rtse mo nas ri'i rtse mo rnams su dang rdzing bu nas rdzing bu rnams dang pad ma'i rdzing bu nas pad ma'i rdzing bu rnams dang 'khris shing gi khang pa nas 'khris shing gi khang par dang shing ljon pa'i tshal nas shing ljon pa'i tshal dag dang mtsho gzhan nas mtsho gzhan rnams su ste de dag na rnam pa du mar gyur pa'i bai dUr+ya sngon po dang 'dra bar gyur pa'i ngang pa dang ngang ngur gzhal du med pa'i bya du mas sgra kun nas bsgrags par gyur pas rna bar snyan par byed pa kun bsams pas 'dod pa rnams 'byung ba'i chu yin te ji ltar lha de dag rnams kyi sems mngon par rgyan par byed pa'i rnam pa de srid du 'gyur ro/ /de ltar gyur pa'i chu gang yin pa ni rnam pa du mar ro dang dri dang ldan pa yin no/ /de mtsho de dag tu rtsed mo byas nas slar nyid kyang gang na lha gzhan dag</font><hr>65.255a<br><font size=+1>

rnams mchog tu dga' ba'i yid kyis 'gro bar byed pa der lha gsar du skyes pa de lha mo'i tshogs de dag rnams kyis yongs su bskor nas gar dang glu dang rol mo'i sgra dang bcas nas 'gro bar byed do/ /lha de dag gis kyang lha gsar du skyes pa de kun nas mngon par mthong nas tshigs su bcad pa brjod pa ji ltar/ gsar du skyes pa'i brag rnams dang / /rdzing bu'i pad ma'i tshal dang ni/ /khang bzangs rtse mo dga' ba las/ /rang 'khor lha dang bcas nas dga'/ /gser las gyur pa'i brag dang ni/ /bai dUr+ya yi rtse mo la/ /nags kyi tshal dang gzhan rnams yang / /rang gi lha 'khor bcas te dga'/ dga' ba'i dpag bsam shing dag dang / /chu klung dang ni 'bab chu dang / /mtsho bran yang ni rnam spangs pa/ /lha rang 'khor dang bcas te dga'/ /rin chen bdun gyis rnam bkra ba'i/ /ri rnams dag dang chu klung dang / /ri logs dang ni cher 'os la/ /dga' bo rang bcas lha rnams dang / /mAn da ra shing chang ching dang / /ud pal sngon po'i tshal rnams la/ /bya yi dbyangs snyan dga' ba na/ /rang 'khor lha dang bcas nas dga'/ /sa gzhi'i cha ni gzhan dag dang / /rin chen 'byung gnas tshal rnams dang / /khyogs kyi khang bu dga' bar ni/ /lha ni rang 'khor bcas te dga'/ /yid ni mnyen zhing rlan byed pa'i/ /rnga skad yan lag lnga pa yis/ /gar dang ldan pa rtag bde bas/ /lha ni rang 'khor bcas te dga'/ /de ltar lha de dag gis lha gsar du skyes pa'i lha de la 'gro bar byed do/ /de dag gi tshigs su bcad pa rnams kun tu zhi bar gyur nas/ de kho na nyid rjod par byed pa'i bya de dag rnams kyis kyang tshigs su bcad pa'i dbyangs dang zhad 'dra ba'i kun brjod pa dag bsnyad pa ji ltar/ </font><hr>65.255b<br><font size=+1>

nags dang nye ba'i nags rnams dang / /pad ma'i 'byung gnas nags rnams la/ /byis pa sred pas rnam par 'khrul/ /rang gi lha 'khor bcas te ltung / /gser las gyur pa'i brag rnams kyi/ /rtse mo bai dUr+ya rnams la/ /dge ba'i las kyis 'phangs pa de/ /rang gi 'khor gyi lhar bcas ltung / /dpag bsam shing ni dgar 'gyur dang / /chu klung dang ni 'bab chu la/ /spyod pa de yis dge zad nas/ /rang 'khor lha dang bcas nas ltung / /sa gzhi'i cha ni gzhan dag dang / /rin chen 'byung gnas nags la yang / /rtag tu dge min zhugs pa la/ /rang 'khor lha dang bcas pa ltung / yid ni kun nas tshim byed pa'i/ /rnga skad yan lag lnga pa yis/ /phrogs pas de yi dus 'das nas/ /rang 'khor lha dang bcas rnams 'bab/ /de ltar yang bya de dag gis phan par 'gyur ba dang kun tu skyo bar byed pa dang 'dra ba'i tshigs su bcad pa ji lta bar brjod do/ /rab tu bshad pa'i rjes la rna ba la lam byung bar gyur nas bag med pas kun tu khrid pa'i phyir lha skyes nas yun ring du lon pa rnams kyis kyang tshigs su bcad pa'i ming tsam yang thos par mi 'gyur na/ gang dag skyes par gyur nas dus thung du lon pa shin du bag med pas rnam par rgyu bar byed pa'i lha de dag rnams kyis de brtsi bgrang mi byed pa la lta ci smos/ ches bag med pas rnam par rgyu ba'i lha de dag rnams kyis de la brtsi bgrang ma byas par bag med pa'i dug gi shugs kyis kun tu rmongs par gyur nas nye 'khor kun na rab tu gar byed par gyur pa dang ches rab tu dga' bar gyur pa'i yid kyis nags gzhan dag gi sa gzhi rnams la rab tu gar dang glu dang rnga sgra lhan cig tu yul rnams kyis rgyags pas rgyags par gyur pa'i yid can rnams rang gi 'od dang ldan pa thams cad</font><hr>65.256a<br><font size=+1>

kyang dga' bar gyur nas lha rdzas kyi bde ba la longs spyod pa gang na ri'i phreng ba zhes bya ba'i ri bo der nye bar legs par 'gro'o/ /ri'i phreng ba zhes bya ba'i ri bo de yang khams du ma dang ldan par rnam pa sna tshogs pa'i rin po che'i 'byung khungs rnams kyis rnam par brgyan par gyur pas nye 'khor kun tu shin du mdzes par byed do/ /nyi ma dmar ser dang 'dra ba'i pad ma brgya stong gis nye bar mdzes par gyur pa'o/ /'bab chu brgya stong bye ba rnams kyis kyang nye bar mdzes par gyur pa ste/ dga' bar gyur pa'i ri bo ri'i phreng ba de'i logs bzhi la gnas pa bzhi yod do/ /'di lta ste mtsho brgya rab tu 'bab pa dang rab tu dang bar snang ba chen po dang ri mdzes pa dang / ri'i nye 'khor zhes bya ba dang nags chen po bzhi po de dag rnams ri'i phreng ba ri bo'i mchog de la yod do/ /mtsho brgya 'bab pa ni dpag bsam gyi shing rnams kyis nye bar mdzes par gyur pa'i mtsho bran brgya stong yod de/ gser dang dngul dang in dra nI la dang kar ke ta na rnams dang mdog mtshungs pa'i nor bus nye 'khor kun tu khyab par gyur pas mtsho de dag rnams rab tu gsal bar gyur pa dang rab tu dang bar gyur pa dang chu grangs bar gyur pa dang ji ltar 'dod pa'i chu yang mtsho de dag 'gyur ba yin no/ /mchog tu mdzes par gyur pa'i nags dang nye ba'i nags rnams kyi tshogs pa dang legs par ldan pa sngo zhing rab tu dang ba'i chu la ngang pa dang ngang ngur dang ka ran Da ba dang ka dam pa rnams kyi sgra thos na dga' bar 'gyur ba yin te/ byis pa thams cad rab tu dga' bar byed pa'i byas kyang lha de dag kun tu mngon par mthong nas tshigs su bcad pa brjod pa ji ltar/ gson tshe thams cad rtag pa min/ /lang tsho yang ni 'gor ba min/ /'jig rten thams cad mi rtag pa/ /'jig rten</font><hr>65.256b<br><font size=+1>

'di yis go ba min/ /las kyi skud pas sbrel byas pa'i/ /dngos po skad cig tsam 'gor ba/ /snga ma'i rim gyis 'jig 'gyur ba/ /'jig rten pas kyang go ba min/ /nags dang nye nags sten pa yi/ /lha rnams bye ba phrag stong yang / /mig btsums tsam gyi dus yin pa/ /'jig rten pas kyang mi rtogs so/ /'dod na spyod pa'i lha ris drug /bag med longs spyod sred pa yis/ /thams cad rlag par 'gro ba yang / /'jig rten pas ni mi go'o/ /dbu ba rdos pa dang 'dra ba'i/ /bde ba rmi lam rdzas dang mtshungs/ /myur du zad par 'gyur ba ste/ /'jig rten pas kyang mi rtogs so/ /de ltar ri'i mchog de la mdzes par gyur pa'i lha de dag rnams la phan pa byed par gyur pa'i bya des legs par byas pa'i las kyis bskul bar gyur nas rjod par byed do/ /gzhan du na lha yul rnams la ched cher byed par gyur pas de blo la byed par mi 'gyur ro/ /dam pa'i lam rnams la dmus long bzhin du gyur pa dang de kho na nyid kyang mi mthong ngo / /de nas gzhan yang nags chen po gnyis par gyur pa rab tu dang bar snang ba chen po zhes bya ba'i nags su lha de dag rnams rtsed mo dang bcas nas so/ /rab tu dang bar snang ba chen po'i nags de dag ni rnam pa 'di lta bu yin te/ nyi ma brgya dang yang dag par ldan pa rnams pas kyang ches lhag par gyur pa dpag bsam gyi shing rnams dang rin po che rnams dang de dag rnams kyi 'od zer gyi 'od rnams kyis kyang nags der shin tu lhag par yang yon tan rnams phun sum tshogs par gyur cing rab tu 'bar bar gyur nas rnam par snang ngo / /rab tu dang ba chen po snang ba'i nags kyi nye 'khor rnams ni 'od zer rnam pa gsum gyis shin du gsal zhing rnam par mdzes so/ /</font><hr>65.257a<br><font size=+1>

de na rnam pa de srid kyi thams cad las kyang mngon par dga' bar gyur pa'i chu klung dang 'bab chu dang mtsho bran rnams kyis rnam par brgyan par gyur pa dang dpag bsam gyi shing rnams dang ldan par gyur pa'i rnam pa de srid rnams kyi nags kyi mchog der lha de dag rnams 'dus pa rnams dang ji ste na phung po rnams dang tshogs pa rnams kyis sgra dang rol mo'i sgra dang gar dang glu dang bcas pas dga' bar byed pa dang rtsed mo rtse bar yang byed par gyur pas ni legs par byas pa'i las rnams kyang zad par 'gyur ro/ /ri bo'i mchog de nyid kyi sa'i cha rnams la yul gyi rgyags pas myos par gyur pa glang po chen po bzhin du de dag rnams nags de na dus ring du rtsed mo rtses nas/ gzhan yang rang bzhin gyis yid tsab hral can du gyur pas ri'i phreng ba'i ri bo de nyid kyi nags gzhan ri mdzes pa zhes bya ba'i nags gang yin pa der nye bar 'gro'o/ /yul lnga'i rgyags pas rgyags par gyur pa rnams bag med pa'i dgras shin du rmongs par byas pa'i lha rnams kyis ni bzlog par mi nus pa'i 'jigs pa chen por gyur pa'i 'chi 'pho ba'i 'jigs pa kun tu go bar 'gyur ba ma yin gyi/ dga' ba rgya chen po'i sgra dang reg bya dang ro dang gzugs dang dri rnams 'ba' zhig gis bag med par gyur nas gang dang des kyang kun tu 'khrid par byed do/ /sred par yongs su chud par gyur pa'i yid can des de na nags gzhan dag mthong bar gyur pa la nye 'khor na pad ma'i tshal gyis bskor bar gyur pa dpag bsam gyi shing rnams kyis rnam par bkra ba me tog brgya stong gis nye bar mdzes par gyur ljon shing dri dang ldan par gyur pa'i shing gzhan rnams kyis kyang nye bar mdzes pa/ chu klung dang 'bab chus rnam par brgyan pa ljon shing gi nags du mas nye bar rgyas pa rnams la ri dgas dang bya'i tshogs rnam pa sna tshogs</font><hr>65.257b<br><font size=+1>

pa rnam par bkra bar gyur pas spras pa'i rin po che bdun gyi rang bzhin gyi shing 'khyil pa brgyangs pa'i khang pa rnams kyis nye bar mdzes par gyur pa/ ku ha ra dang skad snyan pa dang bya'i tshogs gzhan rnams kyi skad rnams kyis kyang thos na dga' bar 'gyur ba dang rin po che'i bzhon pas kyang chu klung brgyan par gyur pa ste des rnam pa de lta bu'i nags legs par rjes su thob nas/ lha de dag ri de la lan brgya phrag rnams dang gal te na lan stong phrag du yang gar byed par gyur pa dang glu len par gyur pa phan tshun lhan cig tu de dag gis nags der mthar gyis sleb par gyur nas dus yun ring por dga' bar byed do/ /lhan cig spyod pa dang bcas pa dang phan tshun g.yog byed par gyur pas kyang yul rnams kyi 'dod pa las phyir zhing ngoms pa med par gyur nas lha de dag rnams ri'i phreng ba'i ri bo de nyid la lan grangs du mar rnam par spyod par byed do/ /bag med par gyur pas de dag gi gzhan yang mthong bar gyur pa/ mchog tu dga' bar gyur pa'i ri bo de nyid kyi nags ri'i nye 'khor zhes bya ba'o/ /nags de na dri zhim po 'di dag rnams yod de/ shing 'khril pa dud pa rnams kyi me tog dang gser gyi shing 'khril pa rnam par brgyangs pa las kun tu byung ba dang pad ma'i bzhon pa rnams dang mchog tu dri zhim pa rnams dang mAn da ra ba'i ljon shing rnams dang lha rdzas kyi me tog gzhan rnams kyang ste dri rnams ni nye 'khor khor yug tu dpag tshad brgyar rlung gis 'debs so/ /lha rnams kyang ngo mtshar bar byed pa'i dri bla na med pa rnams dang mchog tu dri zhim par gyur pa yang rnam pa du ma rnams so/ /de dag rnams smon par byed pas lha de dag nags der rab tu 'jug par byed de/ mchog tu mdzes par gyur pa rnams phan tshun lhan cig du rgyags pa la don gcig pa</font><hr>65.258a<br><font size=+1>

yul gyi bde bas ngoms pa med par gyur pas yongs su skor bar byed do/ /rnam grangs du mar de dag rnams de ltar rnam par rgyu bar gyur pa dang rtse bar gyur pas gang na ri'i phreng ba'i ri bo de nyid kyi mgo bo yod pa de la nye bar 'gro bar byed do/ /lan brgya dang yang na lan stong phrag du de dag de'i steng du lta bar byed pa na shin du chen por gyur pa'i gnas par bya ba'i gzhi rnams te/ rgyar ni dpag tshad lnga brgya pa nye 'khor kun na khang bzangs kyis yongs su gang bar gyur pa la gser gyi rang bzhin gyi khang pa dang / dngul gyi rang bzhin gyi khang pa dang / bai dUr+ya'i rang bzhin gyi khang pa dang gser btso ma'i rang bzhin gyi khang pa dang mu sa ri'i rang bzhin gyi khang pa dang de na rnam pa de lta bu'i mchog tu dga' bar gyur pa'i khang pa rnams kyis nye bar mdzes par byas pa dang de'i lam srang dang bcas pa'i bzhi mdo'i steng khang gi cha shas rnam par mdzes pa dang rab tu rnam par phye ba'i cha shas dang ldan pa'i khang pa'i rta babs dga' bar gyur pa dang / nye 'khor na yang pad ma'i tshal gyis yongs su bskor ba ste/ rnam pa de lta bu'i grong khyer de la lha rnams rab tu zhugs nas shin du rab tu dga' bar gyur pa'i yid kyis rnam pa sna tshogs pa'i 'dod pa'i yon tan rnams phun sum tshogs pa'i phug dang nye ba'i nags dang rdzing bu dang ldan pa shing 'khril pa kun du dud pa'i khang pa dang me tog gi nags dang pad ma'i nags dang sa gzhi'i rnam par mdzes pa'i cha shas dang me tog gi tshal gyi sa gzhi dang phug dang ri'i khrod dang tshang tshing dang ri'i khong seng rnams la dga' bar byed do/ /de ltar ri de'i grong khyer gang yin pa de dag ni nags su gyur pa yin no/ /de'i rgyab la rnam pa du mar yongs su bskor nas lha rnams dga' bar byed do/ /rnga skad yan lag lnga dang ldan pas yongs su bskor cing rnga skad yan</font><hr>65.258b<br><font size=+1>

lag lnga dang ldan pa thos par gyur nas sgra yon tan phun sum tshogs pa de dang lhan cig tu dga' bar byed do/ /khyim la mngon par dga' bar gyur pa de dag rnams la byas tshigs su bcad pa brjod pa ji ltar/ gang tshe lha rnams dge ba ni/ /yongs su zad par 'gyur ba na/ /de tshe bag med pa yi 'bras/ /rtsub mo sten pa shes par 'gyur/ /'dod la kun tu chags pa'i yid/ /de tsam gyi ni bde bsten pa/ /bde las nyams pa 'byung 'gyur te/ /log par ltung ba'i 'jigs chen po/ /yul gyi bde la bde don gnyer/ /rtag tu bsam pa song bdag rnams/ /bud med lta bas myos pa rnams/ /log par ltung bar 'byung 'gyur gyi/ /log par ltung byas sdug bsngal ni/ /de tshe rig 'gyur mi bzad pa/ /gang dang lhan cig bsten byas pa/ /bag med 'dod chags bsten pa rnams/ /bud med de dag thams cad kyis/ /'chi ba'i dus na yongs su 'dor/ /'chi 'gyur lha rnams thams cad la/ /'ga' zhig rjes su 'gro ba min/ /las rnams nyid ni rgyab nas kyang / /'gro zhing rjes su 'gro bar 'gyur/ /legs byas rtag tu sten par gyis/ /spang bar gyis dang nyes byas rnams/ /bag med rtag tu bsal ba dang / /bag yod la yang dga' bar gyis/ /sid pa'i rtsa ba bag med 'di/ /bag yod pas ni zhi bar 'gyur/ /bag med pa dang bag yod pa'i/ /'dis ni rang gi mtshan nyid brjod/ /rtag tu bstan pas de rnams so/ /bde ba legs par spyad pa spyod/ /chos la spyod pa'i skyes bu ni/ /sdug bsngal nam yang 'byung ba min/ /de ltar bya des lha rnams la rtag par rgyun tu yang phan par gyur pa bshad de/ ji ltar bag med par gyur pas rnam par phrogs nas lha rnams kyis mi thos par gzhan yang yul</font><hr>65.259a<br><font size=+1>

gyi dmus long du gyur pas nags dang nye ba'i nags rnams nyid la snyen par byed do/ /grong khyer gyi mchog de la dga' bar byed do/ /ri'i phreng ba de la dus yun ring du rtsed mo byas nas/ gzhan yang gang na ri'i rtse mo stong yod pa der nye bar 'gro bar byed do/ /lta bar 'dod pa'i phyir dang lha rdzas kyi yul rnams la dga' bar gyur pa dang lha rdzas kyi las rnams byas pa'i rgyus bde ba la nye bar longs spyod par gyur pas/ 'dod pa thams cad phun sum tshogs pa dus thams cad du me tog dang 'bras bu dang 'bab chu dang chu klung dang rdzing bu dang pad ma'i nags phun sum tshogs par gyur pa'i ri de'i dga' ba'i khyad par gong ma gong ma rnams la de ltar bar byed do/ /dga' bar gyur pa du ma la lta bar byed pas rnam par rgyu ba'i lha de dag rnams thams cad kyang ngo mtshar bar byed pa'i ri bla na med pa mthong bar gyur to/ /ri'i phreng bar gyur pa'i ri chen po de ni gang gi phyir rang bzhin kho nas ri'i phreng ba pa'i nye 'khor kun na/ rin po che sna tshogs pa'i rang bzhin gyi ri rnams la sna tshogs pa'i nags dang nye ba'i nags dang rdzing bu dang / pad ma'i nags dang chu klung dang btung ba'i klung dang btung ba la dga' bar gyur pa rnams yod pa yin no/ /rin po che'i rang bzhin gyi rtse mo rnams la bya'i tshogs rnams kyi sgras kun nas bsgrags par gyur pa dang / sna tshogs pa'i sgra dang cha byad dang dbyibs 'dzin pa'i mchog tu yid 'phrog par byed pa'i byas nye bar mdzes par byas pa'i ri de dag rnams kyi nye 'khor kun na rin po che'i 'od brgya stong gi 'od zer rnams kyis kyang rnam par snang bar byed cing mchog tu gsal bar 'bar bar gyur pas lham mo bar gyur to/ /rin po che sna tshogs pa'i rang bzhin gyi ri de dag rnams kyi dkyil na yang ri chen po nyid rnam par gsal ba yin te/ nam mkha' brtol zhing bris pa bzhin du</font><hr>65.259b<br><font size=+1>

de ltar rnam par snang ngo / /'od zer gyis rnam par gsal bar gyur pa'i dpal dang ldan pa'i ri de'i gzhi la lha rnams gnas par gyur nas rtse bas rgyu'o/ /mchog tu skyid par gyur pa dal bus rtse bar byed pa'i 'gro ba dang ldan pa rnams phan tshun lhan cig tu rgyags pa la don gcig par gyur cing / rnga skad yan lag lnga dang ldan pa'i rgyags pas smyos par dga' bar byed de/ lha mo dag kyang lha dang lhan cig tu rgyags pas rab tu dga' ba'i yid kyis de la 'khod par byed do/ /ji ltar 'dod pas 'gro bar byed pa rnams kha cig ni nam mkha' las so/ /kha cig ni bud med kyi 'khor nang gi btsun mo'i 'khor gyis yongs su bskor cing / yid de la song bar gyur pas yul lnga la rnam par chags pa'i sems ngan par gyur pa rnams sred pa'i chu klung gis khyer bar gyur pa na/ yud tsam cig kyang bzlog par 'gyur ba ni ma yin no/ snyoms par bde ba dang cig tu bde bar gyur pa gang yin pa de yang 'jig rten pha rol tu 'gro ba na bde bar 'gyur ba dang phan pa'i don du 'gyur ba yin no/ /de yang des yongs su spangs nas/ bde ba gzhan nyid la kun tu chags pa'i yid can ni sbrang rtsi dang 'dres pa'i dug dang 'dra ba rnams la kun tu chags pa yin te/ ltung bar byed pa bzang po'i bde ba'i gzugs brnyan du gyur pa'i bde ba rnams la/ kun nas 'dod chags par gyur pas dga' bar byed pa ste/ rnga skad yan lag lnga dang ldan par lhan cig tu rtse bar gyur pas de la 'khod do/ /ji lta ji ltar 'khor bar gyur pa de lta de ltar dga' ba lhag par gyur par ri'i mchog de mthong ngo / /nye 'khor kun na yang mchog tu dga' bar gyur pa'i ljon shing dang chu klung dang bya dang mtsho dang nags dang nye ba'i nags dang rdzing bu rnams kyis yongs su gang ba dang nags</font><hr>65.260a<br><font size=+1>

brgya stang du ma rnams dang ldan pa rin po che bdun gyis rab tu kun nas gsal bar byas pa'i phreng ba'i 'od kyi phreng bas kyang khyab par byas pa/ de'i nye 'khor na lha de dag lha mo'i tshogs dang lhan cig tu dga' bar gyur cing rtse bar byed pas 'gro bar byed do/ /rgyan dang cha byad sna tshogs pa dang phreng ba 'dzin par gyur pas bsam pa gzhan med par bag med pas brel bar gyur pa'i yid can bag med pa ma spangs pa'i sems rang gi 'od dang ldan zhing rang gi 'od kyis rgyan dang cha byad du ma dang ldan pa'i bud med kyi mchog rnams kyis yongs su bskor nas dal bu dal bus ji lta ji ltar 'dod par 'dod pa'i yid kyis ri mchog de la gnas par byed do/ /rang gis byas par gyur pa'i legs par byas pa'i las thun mong ma yin pa'i tshul khrims kyi rnam par smin par gyur pa nges par myong bar 'gyur bas kha bsgyur bas dga' bar byed cing rtse bar yang byed de/ nags dang nye ba'i nags dang rdzing bu dang chu klung dang 'bab chu rnams kyang rnam pa du mar sten par byed do/ /de ltar ri'i phreng ba'i ri bo'i rtse mo de la 'khod par gyur nas/ ri'i mchog de la rnam par rgyu bar byed pa na mchog tu sred pas gdungs pas rnga skad yan lag lnga pa nyan par gyur cing nad rnams dang bral ba dang 'jigs pa rnams dang bral ba mchog tu rgyags pas yid kun nas bcings par gyur pas lha dag rtse bar byed do/ /de dag rnams de ltar rgyu bar gyur pa na de dag gis lan mang du ri'i mchog la kun tu bltas nas/ so so so sor rang gi 'dun pas rgyu bar gyur pa dang rang gi 'dun pas 'gro bar byed pa rnams gang du 'dod par lus ngag gi spyod pa ngal so bar gyur pas rnam par rgyu zhing gnas par byed do/ /de nas rin po che'i 'od kyi dpal thams cad las rab tu rgod par gyur pa'i ri'i phreng ba'i ri bo'i mchog de na lha rnams bsam par byed</font><hr>65.260b<br><font size=+1>

cing de ltar bag med par gyur pa rnams/ kun nas mngon par mthong bar gyur pas legs par byas pa'i las rnams kyi lhag ma ni myur du 'god pa'i gson pa'i tha mar gyur pa'i 'jigs pa'i dus rab tu rgod par gyur pa na lha'i tshogs thams cad phan pa la rab tu zhugs pa'i byang chub sems dpa' dge legs mchog dang ldan zhing dge ba'i las kyi mtha' la spyod pa de ri bo'i rtse mo la gnas nas brtan zhing rgya che la gsal bar gyur pa dang / lha'i tshogs thams cad kyi yid 'phrog par gyur pa'i yid kyi mun pa rnams shin du 'phrog par byed pas ri'i rtse mo'i sgra de dag rnams thams cad nye bar bcom nas/ bag med pa'i snying can gyi lha rnams kyi bag med pa spang bar bya ba'i don du ngang pa dus bzangs des tshigs su bcad pa brjod pa ji ltar/ snying ni 'dod la kun tu chags/ /rtag tu yul la don dmu du/ /gang zhig mthar thug phan gyur pa'i/ /phan pa'i lha yis mi shes so/ /bsod nams lhag ma 'di cung zad/ /'chi 'pho kun du nye bar gnas/ /rang gi las 'bras spyad nas ni/ /lha ni gzhan du 'gro ba yin/ /skye ba gzhan dang stong phrag ni/ /thig 'debs lam gyi 'khrul 'khor 'di/ /lus can rtag tu las bcings pa/ /phan pa'i zas za shes par gyis/ /gang zhig bde la rtag kun chags/ /dge ba'i las kyang rtag tu byed/ /mi mthun pa yi rgyu de dag /rmongs pa rnams kyi snying la 'jug /skye bo 'dod pas rmongs de dag /longs spyod 'chi bdag rab tu lta/ /gang dag tshul khrims dka' thub shes/ /bden dang sbyin la mi phyogs pa/ /spyad nas 'chi bdag gis rtogs pa'i/ /skye bo de ni 'dod pas rmongs/ /las kyi rnam smin mi shes gang / /skyon yang 'gog la mi dga' ba/ /longs spyod nas ni</font><hr>65.261a<br><font size=+1>

'chi bdag dpyod/ /skye bo de ni 'dod pas rmongs/ /'bral bas byas pa'i sdug bsngal ni/ /mi bzad pa gang ma mthong ba/ /zos nas 'chi bdag gis rtogs te/ /skye bo de ni 'dod pas rmongs/ /snying ni bud med 'gro la chags/ /yang srid pa ni shes min pa'i/ /zos nas 'chi bdag gis rtogs pa'i/ /skye bo de ni 'dod pas rmongs/ /rgud dang mya ngan nad rnams la/ /nam yang skyo ba skye min pa'i/ /zos nas 'chi bdag gis rtog pa/ /skye bo de ni 'dod pas rmongs/ /gang zhig sdig pa'i grogs po dang / /sten pa'i 'jigs pa che byed pa/ /spyad nas 'chi bdag gis rtogs pa'i/ /skye bo de ni 'dod pas rmongs/ /gang gi sems ni sgom min dang / /de nyid don la mi sems pa/ /longs spyad nas ni 'chi bdag spyod/ /skye bo de ni 'dod pas rmongs/ /gang zhig gnas skabs thams cad du/ /'khor ba'i 'jigs pas 'jigs min pa/ /spyad nas 'chi bdag gis lta ba'i/ /skye bo de ni 'dod pas rmongs/ /don dang don min la rtag tu/ /sems kyis sems par sems min pa/ /longs spyad nas ni 'chi bdag dpyod/ /skye bo de ni 'dod pas rmongs/ /gang zhig de nyid blo dang rtag par ni/ /'byung po kun la phan par dga' min pa/ /longs spyad nas ni 'chi bdag rab rtog pa'i/ /skye bo de ni 'dod pas rmongs pa yin/ /gang zhig lus bde'i don tu ni/ /rmongs pa yis ni chos nyams byed/ /yid ni rtag tu rtse gcig pas/ /rab tu brtson pas dge ba gyis/ /mi dge ba yang rtag tu spongs/ /de dag mkhas pa'i mtshan nyid yin/ /sbyin dang tshul khrims dka' thub bral/ /las la ched cher byed pa med/ /bag med pas ni yongs bslus pa/ /ring po min par log par ltung / /de ni phyi nas dus ring yid/ /dus kyi dbang gis kun 'gro ba'i/ /phyi nas bzlog du med pa yi/ /gdung</font><hr>65.261b<br><font size=+1>

ba'i rang bzhin me yis sreg /mi bzad bzlog par byar med pa/ /nges par myong ba'i lus can rnams/ /'chi ba'i dus kyi dbang du 'gro/ /de rig gyis la legs par spyod/ /de ltar ngang pa des ring ba mi dman zhing rgya che ba'i rang bzhin gyis mchog tu snyan par gyur pas lha de dag rnams la ston par byed de/ byang chub sems dpa' de ni dbyangs snyan pa yin la lha de dag rnams thams cad la des rnam pa mang po dang ldan pa'i dbyangs du ma rnams brjod pa dang ldan pa'i lha rdzas kyi sgra rnams nye bar bcom nas rnam par gsal zhing mdzes par byed pa yin te/ snyan par gyur pa dang phal che bar gyur pa dang / brtan par gyur pa dang rgya che bar gyur pa'i phyir yang ste/ ri bo de la thos par gyur nas lha'i tshogs du ma rnams kyis yongs su bskor ba dus thams cad du me tog dang 'bras bu rnams phun sum tshogs pa pad ma'i tshal du mas kun du khyab par gyur pa lha'i bu mo'i tshogs phal po ches rab tu dga' bar gyur pa'i glu legs par len pa rin po che'i phreng ba'i 'od kyis nye bar mdzes par gyur pa rin po che sna bdun gyis rnam par bkra bar byas pa'i cha shas kyis mdzes pa rin po che sna bdun gyi nags dang nye ba'i nags dang rdzing bu dga' ba rgyal mtshan gyi 'dug pa'i stegs bu rnams kyis rnam par brgyan pa na lha dang lha mo brgya stong gis nye bar dbyangs sgrogs par gyur pa rnams ni snyan pa dang mnyan par 'os pa'i rnga skad yan lag lnga pa kun du sgrogs par gyur pa thos na dga' ba bai dUr+ya dang in dri nI la dang dngul dang gser gyi ka ba brgya stong gis nye bar mdzes par gyur pa chen po la 'os pa'i seng ge'i khris nye bar mdzes pa nam mkha' la rgyu bar byed pa'i gzhal yas khang dpe med pa la gnas nas 'thab bral gyi mnga' bdag rnam par mdzes par gyur cing bla na med pa'i dpal dang ldan</font><hr>65.262a<br><font size=+1>

par lha brgya stong gis kyang glu nye bar blangs par gyur cing thal mo sbyar ba stong phrag brgyas mchod par gyur pa dang bstod par yang gyur pas rnam par brtol ba bzhin du nam mkha' las gang na ri'i phreng ba'i ri bo der nye bar legs par 'ongs te/ mchog tu rangs par gyur pas ngang pa'i rgyal po dus bzangs blta bar 'dod pa'i phyir ro/ /smon lam gyi dbang gis dang lha rnams la yang phan par 'dod pas kyang der skyes pa yin la skye ba dran pa'i dbang du byas nas kyang gus pa legs par skyes par gyur pas de lha 'thab bral gyi mnga' bdag legs par nye bar 'ong ngo / /ji ltar 'os pa bzhin du 'di'i drung nas ngas dam pa'i chos mnyan par byed de/ lha rnams dang bdag nyid la phan pa dang bde ba'i don du dang / bag med pas log par ltung bar 'gyur ba rnams rnam par zhi bar bya ba'i don du yang ngo / /de nas ri'i phreng ba'i ri bo gang yin pa de'i rnam pa sna tshogs pa'i gnas dang kun dga' ra ba dang skyed mos tshal dang nags dang nye ba'i nags dang ri logs dang sman ljongs dang / pad ma'i tshal dang mtsho bran dang thog gi rtse mo dang khang bu'i rgyab dang rin po che'i khang bu dang / ri'i rtse mo dang chu klung dang tshang tshing dang ri'i rgyab dang me tog gi nags dang 'bras bu'i nags dang skyed mos tshal dang dpag bsam gyi shing dang dngul dang bai dUr+ya'i rang bzhin dang gser btso ma'i rang bzhin gyi rnam pa du mar mthong na dga' bar gyur pa ljon shing rnams la yang lhan cig spyod pa rnams dang bcas pa'i lha de rnams dga' bar byed cing rtse bar yang byed pa las/ yul ljongs mang pos kun du gang bar gyur pa'i lha'i tshogs de dag thams cad rab tu rings pa dang bcas pas ches rab tu dga' ba'i yid kyis gar byed par 'gyur/ bskyod par gyur rgod pa dang ches rab tu rgod pa'i yid kyis khang bzangs kyi</font><hr>65.262b<br><font size=+1>

mchog na bzhugs par gyur pa'i lha'i mnga' bdag de kun du legs par mthong bar gyur te/ lha rdzas kyi dpe med pa'i bde ba rnams dang yang dag par ldan par gyur pa mngon par mthong zhing thams cad kyis kyang bdag nyid thams cad kyis mu su lun d+ha de nyid mngon par mthong bar gyur nas rab tu dga' bas lta ba la ched cher gyur pa'i yid kyis de nyid mthong bar gyur pa na/ brjod par gyur pa ji ltar 'thab bral ba'i mnga' bdag mu su lun d+ha yin la/ dam pa'i chos nyan 'dod pa yin te ngang pa'i mnga' bdag dus bzangs kyi drung du dam pa'i chos nyan 'dod pa yin na ngang pa'i rgyal po dus bzangs ma mthong bas de'i drung du bdag cag rnams kyis mngon par blta bar bya ba dang mchod pa yang don du gnyer bar byed do/ /lha de dag rnams kyis de ltar rig par gyur nas 'dod pa'i yon tan lnga dang ldan pa'i bde ba yang dag par ldan pa lha rdzas kyi phreng ba'i rgyan dang ldan pa rnams thams cad kyis lha'i mnga' bdag la rab tu bsnyen par gyur to/ /de nas gang yang mu su lun d+ha dang lhan cig tu nam mkha'i dkyil nas 'ongs pa'i lha de dag thams cad dang gang yang ri'i phreng ba'i rtse mo stong pa na dga' zhing rtse bar byed pa'i lha rdzas kyi phreng ba'i rgyan dang yang dag par ldan pa de dag rnams thams cad kyis kyang 'thab bral gyi bdag po'i drung du mchod pa byas nas rab tu dga' ba'i yid kyis mdun du gar byed par gyur cing glu len par yang byed do/ /thams cad dang yang dag par ldan par gyur pa de dag rnams 'thab bral gyi bdag po dang lhan cig tu gyur pas gang na byang chub sems dpa' mchog tu rno ba'i shes rab dang ldan pa smon lam gyi dbang gis lha rnams kyi bag med pa bsal bar bya ba'i don du 'thab bral du skyes par gyur pa der thams cad nyid nye bar legs par song ngo / /de nas ring ba nyid nas 'thab bral gyi bdag po mthong</font><hr>65.263a<br><font size=+1>

ba'i chos la gus pas gus pa legs par skyes pa dang khang bzangs de las babs nas de lha'i tshogs dang lhan cig tu chos chen po rab tu 'chad pa po'i chos la sgra 'byin pa'i mngon sum du der bsnyen pa'i ngang pa'i gzi brjid kyis lha rnams thams cad kyi drung na ches lhag par chos kyi dpal rnam par mdzes so/ /de nas de ring ba nyid nas mthong bar gyur pas 'thab bral gyi mnga' bdag gus pa shin du legs par skyes par gyur cing chos la yang gus par gyur pas khang bzangs de las kun nas babs par gyur te/ lha'i tshogs de dag rnams dang bcas pa rnams chos rab tu smra bar byed pa chos kyi sgra sgrogs par byed pa de la kha mngon du phyogs par byed pa la nye bar rten par gyur to/ /ngang pa de yang chos kyi gzi brjid de dag gis lha rnams thams cad kyi drung na chos kyi dpal gyis shin du bla lhag par mdzes par gyur to/ /de nas mu su lun d+ha mngon par mthong nas byang chub sems dpa' ngang pa des legs par 'ongs sam gyi tshig gis mngon par mchod de/ 'thab bral gyi bdag po gang dang de dag de ltar bde bar 'ongs sam/ de ltar bag med pas khyod bag med par ma gyur ram/ bde ba'i sa gzhi rnams kyi mchog 'di thob par gyur nas kyang gang zhig phrogs par mi 'gyur ba de ni shin tu ngo mtshar to/ /phyir zhing kho na lha rnams kyi mnga' bdag byed par gyur pa gang gi phyir lha rnams las kyang brgya 'gyur du bde ba rnams la nye bar longs spyod par gyur pa'i rnam pa de lta bu'i bde ba gang yin pa rnams kyis kyang 'khrid par mi byed pa de dag ni shin du ngo mtshar ba gzhan yin no/ /gang gi phyir legs par byed pa'i rkyen rnams dang sdug bsngal gyi rkyen gyi shugs rnams kyis kyang 'dzin par byed pa yin no/ /de ltar skye ba gzhan rjes su dran par byed de/ sangs rgyas gtsug tor can gang gi spyan snga nas des chos 'dul</font><hr>65.263b<br><font size=+1>

ba thos par gyur pa'i mdo sde dran par byas nas mu su lun d+ha de la 'chad do/ /ngang pa rnams kyi mnga' bdag dus bzangs 'dis mu su lun d+ha de la 'di skad ces smras so/ /ji ltar mu su lun d+ha khyod ni rnyed pa dang ldan te gang bag med par gyur pas khyod ni rgyu ba dang nga'i yang chos kyi sgra thos par gyur nas 'dir 'ongs pa de dag ni 'dir ngo mtshar che ba yin no/ /de ltar yin pa de'i phyir 'thab bral gyi bdag po mnyan par gyis dang / bcom ldan 'das gtsug tor can des nga mir gyur pa'i rgyal por gyur pa na bstan pa rgyal po chos la spyod pa zhes bya ba'i chos kyi rnam grangs kyi mdo gang yin pa de legs par rab tu yid la gyis la nyon cig dang bshad par bya'o/ /rgyal rigs rgyal por spyi bo nas dbang bskur bas yang dag par skye dgu rnams skyong bar byed pa gang gis phan pa dang bde ba la sbyar bar 'gyur ro/ /de yang des rab tu bsngags par 'gyur ro/ /lus zhig nas kyang mtho ris bde 'gro'i 'jig rten 'thab bral gyi lha rnams kyi mnga' bdag du 'gyur ro/ /chos gang dag dang yang dag par ldan par gyur pa'i rgyal rigs rgyal por spyi bo nas dbang bskur bas skye dgu rnams skyong bar byed pa yin zhe na/ mthong ba'i chos nyid la yang de des rab tu bsngags par 'gyur ro/ /lus zhig nas kyang mtho ris bde 'gro'i 'jig rten 'thab bral ba rnams kyi mnga' bdag tu 'gyur te/ rdzu 'phrul che ba dang stobs che ba dang nor che bar yang 'gyur ro/ /'di na rgyal po chos sum bcu rtsa lnga dang yang dag par ldan pa'i rgyal pos skye dgu rnams skyong bar byed la/ skyong bar byed par gyur pas kyang nor chen por 'gyur ro/ /stobs che ba dang phas kyi rgol ba'i dpung thams cad kyis mi thub par 'gyur ro/ /lus zhig nas kyang mtho ris bde 'gro 'thab bral ba rnams kyi mnga' bdag tu 'gyur ro/ /sum bcu rtsa lnga po gang dag zhe na 'di lta ste/ </font><hr>65.264a<br><font size=+1>

'di'i rang gi skye bo gtsang bar gyur pa dang dpya rnams nges par byas nas za bar byed pa dang bzod pa dang ldan pa dang lugs las phyogs 'dzin med pa dang bla ma mchod par byed pa dang sngar nyid ster bar byed pa yin sngar byin par gyur nas phyis kyang ster bar byed pa yin chos ma yin pa 'dzin par mi byed pa yin/ sdig pa'i grogs po dang sten par byed pa ma yin bud med kyi dbang du 'gro ba ma yin thams cad kyi tshig la dad par byed pa ma yin snyan par grags pa la 'dod pa skyed pa yin gyi nor la 'dod pa can ma yin no/ /log par lta ba dang ldan pa ma yin gtong ba can yin 'thun par byed pa dang ngag snyan par 'gyur ba yin bden par smra ba yin nor gzhis rnams 'phel ba dang 'grib par glo bur du mi byed pa yin mi'i khyad par shes pa yin dus nges par lags par ston par byed pa po yin/ gnyid che ba ma yin le lo med pa yin grogs po brtan pa yin mi phan pa rjes su sten par byed pa ma yin/ khro ba'i shugs dang dga' ba ya ya bo sdom par byed pa yin zas dang skom la shin du kun nas chags pa'i rang bzhin can ma yin/ legs par bsam par bya ba rnams sems pa po yin don dus ring du sgor bar byed pa ma yin chos la skye dgu rab tu 'god par byed pa yin dge ba bcu'i las kyi lam gyi dge ba rnams byed par 'gyur ba yin/ rgyu dang rkyen legs par ston par byed pa yin/ lha dag mchod par byed pa yin/ bu dang bu mo yang dag par bde bar yongs su skyong bar byed pa yin/ rtag par yang shes rab goms par byed pa'i rang bzhin can yin yul gyis dkri bar 'gyur ba ma yin rigs pa dang ldan pa'i rang bzhin rnams kyi rigs kyi sa gzhi sbyin par gtong ngo / /de lta bu'i chos sum bcu rtsa lnga dang yang dag par ldan pa'i rgyal rigs rgyal po spyi bo nas dbang bskur ba de des rab tu bsngags par 'gyur ro/ /shin du nor che ba dang rab tu phal che ba'i</font><hr>65.264b<br><font size=+1>

dkor dang nye bar mkho ba dang ldan par 'gyur ro/ /lus zhig nas kyang mtho ris bde 'gro'i 'jig rten 'thab bral ba rnams kyi lha'i mnga' bdag tu 'gyur te legs par byas par gyur pa de'i rgyu las so/ /de la gtsang ba'i rang gi skye bo dang yang dag par ldan pa'i rgyal po nyung zad kyi rang bzhin can ma yin par 'gyur ba'i rnam pa ci lta bus skye bo de gtsang ba la sbyor bas gzhan la phan pa la rab tu zhugs pa yin zhe na/ chos lugs rnam par gzhag pa la shin du bar yang sa 'tshams srung bar 'gyur ro/ /dam tshig srung bar 'gyur ba dang tsab hral can du ma gyur pa dang / rjed dpon la phan pa ma yin pa rab tu 'gogs par byed par 'gyur ro/ /'dis phan par gyur pa dag la kun tu sbyor bar byed pa dang / rgyal srid kyang chos kyis legs par srung ngo / /phan pa dang grogs su 'gyur ba rnams smra bar byed pa dang / dus su nye bar gnas pa dang drang po'i rang bzhin can gzhan la bzhad bgad du byed pa ma yin pa dang / zhabs 'bring byed pa'i dbang gis phan pa ma yin pa rnams rje bo la byed par mi 'gyur ba dang / 'dod pa dang nga rgyal dag gis kyang 'khrid par 'gyur ba ma yin pa dang / gnas skabs thams cad du chos rnams las nyams par gyur pa yod pa ma yin pa dang / 'jig rten pha rol gyi don kun nas gleng slong bar byed pa dang ldan pa'o/ /'khor ba la 'jigs par 'gyur ba dang / las kyi 'bras bu rnam par smyin pa la skur ba mi 'debs pa dang / nyes par spyod pa rnam pa gsum yang yongs su spong bar byed do/ /goms par yang mi byed do/ /chad pa la dga' ba ma yin no/ /blo gzhan dang ldan pa ma yin pa dang ste/ de rnam pa de lta bu dag gis skye bo gzhan dang bdag nyid kyang legs par 'jug par byed de rgyas par yang byed do/ /'jig rten gnyis su phan pa byed par gyur pa'i skye</font><hr>65.265a<br><font size=+1>

bo rnam pa de lta bu de dag gi skye bo dang ldan pa'i rgyal pos rgyal khams kyang skyong bar byed cing rang dang gzhan yang 'dzin par byed pa rnams ni lus zhig nas mtho ris bde 'gro'i 'jig rten 'thab bral gyi lha rnams kyi mnga' bdag tu 'gyur ro/ /yang chos gzhan dang yang dag par ldan par gyur pa'i rgyal pos rgyal khams legs par skyong bar byed pa ni/ lus zhig nas kyang mtho ris bde 'gro'i 'thab bral gyi lha rnams gyi mnga' bdag tu 'gyur ro/ /gang dag zhe na/ 'di lta ste/ nges pa dang ldan pas 'bras bu rnams za bar 'gyur ba'o/ /nges pa med pa zhes bya ba ni de'i yul lam grong khyer ram grong ngam tshong dus rnams kyang rung ste/ dus thams cad dang gnas skabs thams cad du nges par byas pa'i dpya rnams yod par gyur pa las de dag rnams de kho na bzhin du rgyal po 'dis nyams par ma gyur pa yang dus kyi skyon gyis sam/ mnar bar gyur nas rim gyis 'phel bar gyur pa'i rang gi dngos po rnams rigs pa ma yin pas 'phrog par byed na/ 'jal byed la 'jel bar mi byed pa dang / g.yos bden par 'gyur ba yod dam ci/ de ltar rgyal po nges pa'i 'bras bu za bar byed pa yin no/ /des skye dgu rnams 'tshe bar mi byed do/ /yul 'khor yang yongs su srung bar byed do/ /skye bo thams cad la rjes su brtse ba po de lus zhig par gyur nas mtho ris bde 'gro'i 'jig rten 'thab bral ba rnams kyi bdag por 'gyur ro/ /yang chos gzhan dang yang dag par ldan pa'i rgyal pos yul 'khor yongs su skyong bar byed do/ /skye dgu kun tu dga' bar yang byed do/ /gang dag zhe na/ 'di lta ste bzod pa dang ldan par gyur pa'o/ /'di la rkyen gyi dbang gis khro ba 'byung bar gyur na yang yongs su spong bar byed do/ /rjed dpon yin par gyur nas kyang gnang la sgo bar mi byed do/ /</font><hr>65.265b<br><font size=+1>

gzhan gyi 'byor pas mi bzod par mi byed do/ /grong khyer nyes pa can rnams la yang gtse ba skyed par yang mi byed do/ /grogs po'i drung du tshig rtsub mo rnams smra bar yang mi byed do/ /khro ba skyes par gyur na yang bzod pas rab tu zhi bar byed do/ /'dis snyan pa rjod par byed do/ /brjod par gyur pa na/ yang ji ltar 'dis grong khyer pa 'di rnams mi bde bar gyur cing 'khrug par byed pa ma yin no/ /de ltar gnas skabs thams cad dang rnam pa thams cad dang dus thams cad du snying rje dang ldan par 'gyur te/ rang bzhin gyis yin gyi dgos pa rnams kyi rgyu gang las kyang ni ma yin no/ /rgyal po de bzod pa dang ldan par gyur pa'i rgyu de dag dang rkyen de dag gis lus zhig nas mtho ris bde 'gro'i 'jig rten 'thab bral ba'i lha rnams kyi mnga' bdag tu 'gyur ro/ /rgyal rigs rgyal por spyi bo nas dbang bskur bar gyur pa 'jig rten 'di dang pha rol du yang phan par 'gyur ba'i phyogs 'dzin med par lugs legs par skyong bar byed pa 'di yang gang zhe na/ bla na med pa'i dge ba'i bsam pa mtshungs pas rgyal po yul ljongs pa rnams thams cad kyi ma dang pha dang 'dra bar 'gyur ro/ gcig tu nor gyi rgyus dang phan 'dogs pa'i rgyus dang rang gi skye bo yin pa'i rgyus dang sngon phan btags pa'i rgyus dang / 'brel bar gyur pa'i rgyus dang skye dgu'i bdag por gyur pa dang dmag gi dpon po yin pa'i rgyus kyang ma yin te/ gnas skabs thams cad du yang phyogs 'dzin par mi byed do/ /de lugs rnam par gzhag pa byed pa'i dus na grogs po dang grogs po ma yin pa la blo mnyam par 'gyur ro/ /de dag rnams byed par gyur pa na rgyal po de'i yul ljongs yongs su nyams par mi 'gyur ro/ /snyan grags kyang yongs su nyams par mi 'gyur ro/ /rgyal po med pa'i grong khyer du mi 'gyur ro/ /gzhan gyi dpung gis</font><hr>65.266a<br><font size=+1>

'jigs par mi 'gyur ro/ /rgyal po gzhan kha drag par mi 'gyur ro/ /de dus yun ring du rgyal po byed par 'gyur ro/ /lus zhig par gyur nas kyang mtho ris bde 'gro'i 'jig rten 'thab bral gyi lha rnams kyi mnga' bdag tu 'gyur ro/ /gzhan yang rgyal rigs rgyal por spyi bo nas dbang bskur ba la gces par 'gyur ba'i chos yod pa ni/ 'jig rten gnyis la phan pa dang mya ngan las 'das pa'i mthar thug par yang byed do/ /'di yang gang zhe na/ 'di lta ste/ bla ma mchod par byed pa'o/ /bla ma zhes bya ba yang ji lta ba bzhin du de kho na ston par byed pa'o/ /de yang tshul khrims dang shes rab dang dka' thub dang ldan zhing sems can rnams la phan pa la legs par zhugs par gyur pa gcig tu nges par dge ba byed pa po lus dang ngag gis las kyi mtha' rab tu zhi ba dri ma rnams dang bral bar gyur pa de gzhan rjes su 'dzin pa la zhugs pa de la rjes su rten par byed do/ /de dag gi drung nas ngag 'dzin par byed do/ /de ji ltar spyod par byed pa de ltar de yang spyod par byed do/ /rgyal rigs rgyal por spyi bo nas dbang bskur ba dag de mchod par byed pas 'di la rtag tu phan par 'gyur ba dang / lus zhig nas kyang mtho ris bde 'gro'i 'jig rten 'thab bral ba'i mnga' bdag tu 'gyur te/ dge ba'i las de'i rkyen rnams dang dge ba de dag gi rgyu las so/ /gzhan yang rgyal rigs rgyal por spyi bo nas dbang bskur ba la gces par 'gyur ba'i chos su gyur pa dag gis 'jig rten gnyis su phan par gyur pa ni 'di lta ste/ sngar byin nas phyis kyang ster bar gyur pa'o/ /gang yang phas sam mes pos sam yang mes pos sam gzhan gyis sam de dag dang de las gzhan pa rnams kyis kyang rung ste rtag tu gang byin par gyur pa las gzhi 'am dbyig la sogs pa rnams 'dren ma dang</font><hr>65.266b<br><font size=+1>

rnyog ma can du gyur pa'i sems ma yin pas dang phan pa dang mchog tu dang bas de dag la rjes su yid rang bar byed cing de dag nyid la dga' ba dang / slar nyid yang sbyin pa bsngags par byed do/ /gzhan yang sbyin pa rjes su gtong ba la rab tu 'jug par byed do/ /de nyid kyang de bzhin du rab tu gnas pa dang rab tu 'jug par byed pa gang yin pa'i rgyal rigs rgyal por spyi bo nas dbang bskur ba 'di'i lus zhig nas las de dag rnams kyi rgyu dang / rkyen de dag gis kyang mtho ris bde 'gro'i 'jig rten 'thab bral ba'i mnga' bdag tu skye bar 'gyur ro/ /chos gzhan yang rgyal rigs spyi bo nas dbang bskur ba'i 'jig rten gnyis su don dang / phan pa dang / bde bar 'gyur ba 'di yang gang zhe na/ 'di lta ste/ sbyin pa'o/ /sbyin pa zhes bya ba yang gnas skabs thams cad dang / thams cad nyid la dang / rnam pa thams cad du dang / dus thams cad du dang / blo gros thams cad la yang phan par 'gyur ba dang / bde bar 'gyur ba dang / thams cad nas 'gro ba thams cad du yang dmyal ba dang / yi dgas dang / dud 'gror skyes pa rnams la yang bkres pa rnam par 'joms pa dang / skom pa rnam par 'joms par byed pa yin na lha dang mi rnams la 'byung bar 'gyur ba la lta smos kyang ci dgos/ gtong ba can gyi rgyal po ni mthong ba'i tshe 'bras bu dang yang ldan pa yin no/ /gang dag zhe na/ 'di lta ste/ grags pas rjes su dga' bar gyur nas grong khyer dang yul ljongs phun sum tshogs par 'gyur ba dang / de dag rnams kyis yongs su spong bar yang mi 'gyur ro/ /des yul ljongs gzhan gyi mchod pa yang bla na med pa 'thob bo/ /de nyid mngon par kun du mthong nas kyang phas kyi dpung rnams kyis kyang zil kyis mi non no/ /'di la dgra rnams kyis bar du gcod pa phra mo tsam yang bya bar glags mi thod do/ /de yul dang grong khyer gyi mchog</font><hr>65.267a<br><font size=+1>

rnams dang ldan par 'gyur ba ni goms par ma gyur pa rnams la yang mthong ba'i chos kyi sbyin pa'i 'bras bu yin no/ /gang yang zhing dang / dngos po dang / bsam pa phun sum tshogs pas sbyin pa byin par gyur pa rnams la lta ci smos/ des ni gcig tu dga' bar gyur pa dang / gcig tu ngan song gi sgo rnam par sdom pa dang / gcig tu rnam par smin pa bde bar 'gyur ro/ /de la sbyin pa sbyin par bya ba rnams ni rnam pa du ma yod do/ /rnam pa du ma de yang gang zhe na/ 'di lta ste/ zang zing gi sbyin pa dang / mi 'jigs pa'i sbyin pa dang / chos kyi sbyin pa'o/ /rnam pa de lta bu'i sbyin pa rnams gang gi tshe rgyal po des dge sbyong dang bram ze rnams la gtong bar byed pa de yang lus zhig nas mtho ris bde 'gro'i 'jig rten 'thab bral ba'i lha rnams kyi bdag por las de'i rgyu dang rkyen rnams kyis 'gyur ro/ /gzhan yang rgyal po rgyal rigs spyi bo nas dbang bskur ba la gces par 'gyur ba'i chos 'jig rten gnyis la phan par byed pa yod de/ 'di yang gang zhe na/ chos byed pa ma yin pa rnams mi 'dzin pa'o/ /rgyal po rgyal rigs rnams kyang gang gi phyir chos dang ldan pa dang / chos kyi rjes su 'jug pa yin no/ /chos byed pa ma yin pa'i skye bo rnams nges par 'gegs par mi byed pa dang / 'dzin par byed pa dang / chos byed pa ma yin pa rnams kyis mgrin pa mi gtsang bar byed pa po log par lta bas ri dgas kyi 'khor ba 'grol bar byed pa/ mchod sbyin dang phyugs gsod par byed pa/ skyes bu phyin ci log 'dzin pa/ pha ma la gus pa med pa dang rnam pa de lta bur gyur pa rnams yul du 'dzin par mi byed do/ /de dang bsten 'grogs byas par gyur pa'i skyon gyis skyes bu gzhan dag dge ba'i sems dang ldan pa rnams kyang rab tu chud gzon par byed do/ /de dag rnams la bsten pa'i skyon gyis de dag chud gzan pas 'di'i mnga' byed</font><hr>65.267b<br><font size=+1>

pa rnams yongs su nyams par 'gyur ro/ /dus ma yin par char 'bab par 'gyur ro/ /dus ma yin par lhas shin du tsha bar byed do/ /dus ma yin par lo tog rdzogs par byed do/ /yul ljongs brlag par yang 'gyur te/ sdig pa byed pa po de rnams kyi nyes dmigs chen pos so/ /rgyu des na chos byed pa rnams 'dzin pa yin no/ /skyes bu chos byed pa kun du bzung bas kyang lhas dus su char 'bebs so/ /dus su rlung rgyu'o/ /dus su lo tog rdzogs par byed do/ /yul ljongs brlag par yang mi 'gyur ro/ /'jigs pa dang / mya ngan dang / ya nga ba dang skye dgu rnams bral bar 'gyur ro/ /skyes bu chos byed de dag mnga' byed par gyur pas 'du byed rnams thams cad kyi sdug bsngal rnam par chad par byed do/ /skyes bu chos byed legs par 'dzin cing sten par byed pa 'di'i snying po'i mchog ni tshangs par spyod pa'o/ /'di lta ste/ skyes bu chos byed rnams sten pa 'am legs par 'dzin par byed pa'o/ /de'i phyir na blo dang ldan par gyur pa'i rgyal rigs rgyal por spyi bo nas dbang bskur bas skyes bu chos byed pa la kun du bsten par bya'o/ /de las kyang 'jig rten gnyis su phan par 'gyur ro/ /lus zhig par gyur nas kyang mtho ris bde 'gro'i 'jig rten 'thab bral gyi lha rnams kyi mnga' bdag tu 'gyur te/ las de'i rgyu dang rkyen kyis so/ /gang gis sdig pa'i grogs po dang sten par mi 'gyur ba la sdig pa'i grogs po yang rnam pa brgyad spang bar bya ste/ 'di lta ste/ med par smra bar gyur pa gang gis sbyin sreg med do/ /sbyin pa med do/ /'jig rten 'di med do/ /pha rol med do zhes zer ba 'di ni sdig pa'i grogs po gcig yin no/ /sdig pa'i grogs po gnyis pa yod de/ 'di ltar bgrod par bya ba ma yin pa yod pa ni ma yin no/ /tshangs par spyod pa med do/ /nam</font><hr>65.268a<br><font size=+1>

zla dang dus kyis bud med dag la thams cad kyis bgrod par bya ba'o/ /skyes bu gsum pa sdig pa'i grogs por gyur pa ni 'di lta ste/ ji ltar gang dag sems can rnams la byin pa dang mer bcug pa de dag rnams kyi bcug par gyur pa ni ma bcug pa yin no/ /sdig pa'i grogs po bzhi pa ni 'di na ji srid 'tsho ba'i bar de srid cig kho nar skyes bu dag 'gyur gyi de shi bar gyur na/ de'i phyir de'i legs par byas pa dang nyes par byas pa de dag rnams thams cad kyang ji ltar sprin dang khug rna rnams rnam par nyams nas slar yang mi 'jug pa de bzhin du/ lus can de dag rnams kyi bsod nams dang sdig pa yang yin no/ /sdig pa'i grogs po lnga par gyur pa ni pha dang ma'i rtsa nas 'byed par byed do/ /gus pa dang rnam par 'bral bar byed do/ /sdig pa'i grogs po drug pa yod do/ /'di lta ste/ srog gcod pa bya bar byas te rgan po dang / long ba dang / mgon med pa dang / bkren pa rnams so/ /de dag kyang shi nas 'jig rten gzhan du bde bar 'gyur ro/ /sdig pa'i grogs po bdun pa ni 'di lta ste/ gang dag rlung gis sam de'i tshe mes sreg pa dang / rlung za ba dang / gdung ba lngas dus byed pa ni de dag gi 'jig rten zad par 'gyur te/ gzhan dag tu rje bar 'gyur bas so/ /sdig pa'i grogs po brgyad pa ni 'di dag thams cad ni lhas byas kyi las dang 'bras bu'i mtshan nyid ni ma yin no/ /sdig pa'i grogs po brgyad po de dag rnams legs par yongs su spang bar bya'o/ /kun spang bar bya'o/ /yul du 'jog par mi byed do/ /phrad par yang mi byed do/ /gang dag gis rgyu dang 'bras bu yang dag pa ji lta bar brjod pa de dag rjes su 'dzin par byed do/ /de dag rnams kyi drung nas dam pa'i chos rjes su 'dzin par byed do/ /'jig rten gnyis la phan pa la rab tu zhugs</font><hr>65.268b<br><font size=+1>

pa'i rgyal po 'di ni lus zhig nas shi ba'i 'og du 'thab bral ba'i lha rnams kyi mnga' bdag tu 'gyur ro/ /gzhan yang rgyal pos chos rab tu gzhol bar bya ba 'di yang gang zhe na/ 'di lta ste/ bud med kyi dbang du 'gro bar mi 'gyur ba'o/ /skyes bu tha mal pa rnams bud med kyi dbang du 'gro ba thams cad la yang 'jig rten pa rnams thams cad kyis gshe bar 'gyur ro/ /ci yang mchog tu rgya che ba'i rigs rgyud du legs par skyes pa'i rgyal po lta ci smos/ bud med thams cad ni rnam par 'byed pa'i rang bzhin can yin no/ /des yul 'khor dang / yul ljongs rgya chen po rnams thams cad las rgyal po rnam par 'byed par byed do/ /'dod pas zil kyis mnan par gyur pas lhan cig tu 'grogs pa rnams sun 'don par 'gyur ro/ /nor gyi chos kyi rjes su 'jug par byed la sbyin pa 'gogs par byed do/ /'dod pas zil gyis mnan par gyur pa gang gi phyir le lo can rnams thams cad kyang bud med 'dzin par byed do/ /'dod chags kyi bsam pas glor kun nas skor bar byed do/ /skyes bu rang gi don rnams las yongs su nyams par byed do/ /skyes pa chos kyi bsam pa yang dag par byung ba yang bud med thams cad kyis rnam par 'byed par byed pa dang / phra ma'i bsam pa dang / nga rgyal dang / phrag dog gi skye gnas can de dag rnams kyis skyes pa rnams rang bzhin mtshungs par byed do/ /bud med kyis 'tsho bar gyur pa de dag ni sbrul nag po mthong ba dug can de dag gis yongs su nyams par byed do/ /de'i phyir bud med kyis 'tsho bar gyur pa'i rgyal po zhe ldog go/ /de dag gi gzhi yang 'di lta ste/ bud med ces bya ba'o/ /gzhi des 'tsho bar gyur pas de ches bcog par 'gyur ro/ /kun gyi lam du gyur pa chos kyi dus las lhung nas</font><hr>65.269a<br><font size=+1>

yongs su nyams par 'gyur ro/ / skyes bu bud med la gtsor byed pa rnams ni sdug bsngal dang lang tsho dag kyang kun du 'jug par 'gyur ro/ /'dod chags la mchog tu 'dzin pa'i skyon gyis rtag tu yang thams cad kyis de yongs su spong bar 'gyur ro/ /de yang bud med de nyid rang gis slu bar byed de/ dkrig ma 'di dag rnams thams cad ni rang bzhin kho nas 'di lta ste/ gsar pa la zhon par byed pa dang / byas pa chud gzon pa dang / sdug bsngal bar gyur na yongs su spong ba la mkhas pa dang / 'dod pa dang phrag dog phal che bar gnas pas kyang de dag rnams ni skyes pa la ngal sos par 'gyur ba med do/ /gang yang bud med kyi dbang gis 'gro bar gyur pa ni grong dang / grong khyer dang / grong rdal dang / ljongs dang / tshong 'dus rnams thams cad du yang 'di la skye bo dag gis shin du bar yang gshe bar 'gyur ro/ /khyad par du yang rgyal po la'o/ /de'i phyir bud med bsgrub par mi bya'o/ /bud med kyis 'jigs shing skyon du lta ba de ni lus zhig nas mtho ris bde 'gro'i 'jig rten 'thab bral gyi lha rnams kyi mnga' bdag tu 'gyur ro/ /yang chos gzhan rgyal pos mi bya'o/ /'di yang gang zhe na/ 'di lta ste/ thams cad kyi tshig la dad par mi bya'o/ /gson pa'i 'jig rten pa 'di dag thams cad ni rgyus tha dad par gnas pa phal cher yang phan tshun du sems kun nas tha dad pa dang / rang bzhin rnam par tha dad pa dang / dgos pa rnams rnam par tha dad pa dang / rgyu rnam par tha dad pa dang / rang bzhin gyi gshis kyis dri ma'i dngos po rnams rnam par tha dad pa/ rtag tu 'thab pa dang / rtsod pa dang / rgyu 'thun pa'i sems tha dad pa dang / sten grogs rnam par tha dad pa dang / rang bzhin rnam par tha dad pa dang / yul ljongs la skyon byed pa rnam par tha dad pa rkyin dang bcas pa'i sems yang mor gyur pas kyang phan tshun du</font><hr>65.269b<br><font size=+1>

rgyab kyi sha za bar byed do/ /phan tshun mngon sum du thul 'og tu 'jug go/ /de dag rnams thams cad kyi tshig la rgyal pos tha dad par mi bya ste/ de ltar gang dag rigs pa dang / rnam par tha dad par gyur pa dang / snga phyi rnam par 'gal ba dang / bsam pa phan tshun ma rungs par song bar gyur pa dang / phyogs cha 'dzin par gyur pas kyang smras par gyur pa dang / nye bar bskyed 'dod pa'i dngos pos smras par gyur pa dang / sngon phan par byas pa dang / gnod par byas par gyur pas smra bar 'gyur ba dang / phan tshun du nor dang dbral bar 'dod pas rgyal po la rjod par byed pa de dag sngar brjod par gyur pa'i rgyus phan tshun du rab tu sdang bar zhugs pas rjod par byed do/ /de dag la rgyal pos dad par mi bya'o/ /de ltar na 'di'i yul ljongs rnams 'jig par mi 'gyur ro/ /rang bzhin gyis kyang mi skye la gnas ma yin pa la yang khro bar mi byed do/ /'byed par byed pa rnams la dad par byed pa yang ma yin no/ /rgyal po de ni yon tan dang ldan par gyur pa gzhan gyi rkyen gyis mi 'gro bar rang gi 'dun par gyur pa/ 'jug par gyur pa/ khro ba shas chung ba skye bo rnams thams cad dang lha rnams kyang blo 'thun pa ste/ legs par dpyad nas byed pa po chos byed drang por gyur pa grong khyer la gces shing 'dod pa ni lus zhig pa na mtho ris 'thab bral ba'i lha rnams kyi nang du skye'o/ /gzhan yang chos gzhan dang yang dag par ldan pa'i rgyal rigs rgyal po spyi bo nas dbang bskur ba lus zhig nas mtho ris bde 'gro'i 'jig rten 'thab bral ba'i lha rnams kyi mnga' bdag tu 'gyur ro/ /'di yang gang zhe na/ 'di lta ste/ snyan grags la sred pa skyed par byed pa'o/ /rgyal po gang rdzas kyis ni ma yin la brkam chags can du gyur pa yang ma yin te/ lag pa bar du 'khums pa ni ma yin la bzhin rnam par bsdus par 'gyur ba yang ma</font><hr>65.270a<br><font size=+1>

yin zhing mig chung ba yang ma yin no/ /gdong chung ba ma yin no/ /glo bur du khro ba ma yin pa dang / glo bur du dang bar 'gyur ba yang ma yin pa dang / shin du brtan pa'i blor gyur pa dang / de ni snyan grags dang yang dag par ldan par 'gyur la/ nor rdzas rnams dang yang ldan par 'gyur ro/ /'on kyang de bzhin du nor la 'dod pa mi skyed de ji ltar skye dgu rnams la snyan grags su 'gyur bar rgyal po des sgyur bar byed do/ /dgra rnams kyis kyang mi thub pa dang 'ju bar yang 'gyur ro/ /rgyu bcus snyan grags can 'thob par 'gyur te/ bcu po gang zhe na/ 'di lta ste/ tshig snyan par gyur pa dang / rgyal po yang kun 'gyed pa'i rang bzhin can dang / ko trog can ma yin pa dang / shin du ring du rtogs par gyur pa'i bde bar sten pa dang / dus su rab tu sbyin pa gtong ba dang / bran dang nor bla ma dang / skye bo bzang po dang mgon med pa rnams la cha shas 'god par byed pa dang / gtsang ma'i rab tu spyod pa dang ldan pa dang / gnod par mi byed pa dang / log lta can ma yin pa dang / rgyu bcu po des snyan pa thob par 'gyur ro/ /rgyu de dag thams cad 'dis rab tu byed par 'gyur zhing gzhan yang byed du 'jug pa dang / des rgyu de dag byed par gyur pa na snyan pa yang 'thob bo/ /rgyal 'bangs kyang yang dag par skyong bar byed do/ /chos byed du yang 'gyur ro/ /gzhan gyis kyang gdul bar mi nus so/ /bde bar sten par yang 'gyur ro/ /mi'i 'jig rten du dus shin du ring bar rgyal po byas nas rgyu de dang rkyen des lus zhig par gyur pa na mtho ris bde 'gro'i 'jig rten 'thab bral gyi lha rnams kyi mnga' bdag du 'gyur ro/ /chos gzhan yang rab tu spangs par gyur pa na/ rgyal po rgyal rigs spyi bo nas dbang bskur ba yang dag par skye dgu skyong bar 'gyur la/ de bzhin du mthong ba'i chos la rtag par rab tu bsngags par</font><hr>65.270b<br><font size=+1>

yang 'gyur ro/ /lus zhig nas kyang shi ba'i 'og tu mtho ris kyi 'jig rten 'thab bral ba'i lha rnams kyi mnga' bdag tu 'gyur ro/ /chos 'di yang gang zhe na/ 'di lta ste/ log par lta ba'o/ /log par lta ba zhes bya ba nyes pa thams cad kyi gzhir gyur pa yang dag pa ma yin pa phyin ci log gi lta ba rgyu dang rkyen thams cad la gshe bar byed pa/ mi dad par byed pa'o/ /de gzhi de la rab tu gnas par mi byed pa dang / de la rab tu zhe sdang bar byed pa dang / de la rnam par gshe bar byed pa dang / de yongs su spong bar 'gyur ro/ /log par lta ba dang ldan par gyur pa'i rgyal po ni skye bo thams cad kyi rjes su mi mthun par 'gyur ro/ /ma mthun pas dus thams cad du yul ljongs pa rnams thams cad kyis yongs su spong bar byed de 'di mi bzod do/ /chos dang ldan pa'i lha dag gis kyang yongs su spong bar 'gyur ro/ /yongs su spangs par gyur pa de nus pa mang po dang mi ldan par 'gyur ro/ /de'i phyir rgyal po log par lta ba can ma yin pa yang dag par lta ba can gyi rgyal po ni yang dag par skye dgu la phan par gnas par 'gyur ro/ /yul ba rnams thams cad kyis mchod par 'gyur ro/ /lha chos pa dag gis kyang yongs su mi gtong ngo / /yul ljongs thams cad kyi rjes su mi mthun pa ma yin par 'gyur ro/ /'dis kun du brtags pa thams cad kyang phun sum tshogs par 'gyur ro/ /'di'i yid la bsams pa thams cad kyang phun sum tshogs par 'gyur ro/ /rang bzhin gyis kyang phyis 'gyod pa can du mi 'gyur ro/ /de dus ring bar nyes pa med pa'i rgyal srid byas par gyur nas lus zhig ste/ mtho ris bde 'gro'i 'jig rten 'thab bral ba'i lha rnams kyi mnga' bdag tu rgyu de dag dang rkyen des 'gyur ro/ /yang gzhan rgyal po rgyal rigs spyi bo</font><hr>65.271a<br><font size=+1>

nas dbang bskur bas bya bar bya ste/ 'di yang gang zhe na/ 'di lta ste/ gtong ba can du gyur pa'o/ /rgyal po 'di'i mchog tu khrel yod pa'i rtsa ba de ni gang sbyin pa zhes bya ba des 'jig rten pa'i phan pa'i lam rab tu sgrub bo/ /'jig rten las 'das pa dang 'jig rten pa yang re shig sbyin pa las yin te/ gtong bar byed pa na rgyal po 'am rgyal po'i blon po la yang rung ste/ ster ba'i skye bo de la yul ljongs pa thams cad rang bzhin gyis mchog tu dga' bar 'gyur ro/ /yongs su spong bar mi byed do/ /gshe ba dang / smod par yang mi byed do/ yul 'khor gzhan du nye bar 'phos nas mi 'gro'o/ /gang yul gzhan nas song bar gyur pa de dag yang gtong ba can gyi rgyal po zhes byas nas 'ong bar 'gyur ro/ /da'i yul ljongs kyi tshogs kun tu 'phel phar 'gyur ro/ /yul ljongs kyi tshogs des kyang rgyal po bsrungs par gyur pas gzhan gyis mi thub par 'gyur ro/ /gang rang bzhin gyis kyang 'di rnam par 'phel ba dang ldan par 'gyur ro/ /de rang bzhin gyis rnam par 'phel bar gyur pas 'dzin pa dang / so sor skyob pa la nus pa mchog dang ldan par 'gyur ro/ /de ltar 'jig rten pa'i don la yang sbyin pa rab tu bsngags so/ /sbyin pa ni 'jig rten las 'das pa'i don la yang rab tu bsngags te/ de ltar sbyin pa po dang sbyin bdag gi sbyin pa gtong bar gyur pa na lha rnams kyis yongs su 'dzin no/ /gzi brjid che bar 'gyur ro/ /btsun phyug chen po dang ldan pa dang / mthu stobs che bar 'gyur ro/ /dge sbyong dang / bram ze dang / nyon mongs par gyur pa dang long ba dag rnams la sbyin pa dag gtong bas 'jig rten pha rol du khyad bur du byad par 'gyur la mthong ba'i tshe la yang kha dog dang ldan par 'gyur ro/ /de ci'i phyir zha na/ gang gi phyir sems rab tu dad pa dang ldan</font><hr>65.271b<br><font size=+1>

par gyur pas 'gro ba yang rab du dang bar 'gyur ro/ /rjes su rab tu dang bas kyang bzhin gyi kha dog rab tu dang bar 'gyur ro/ /de rab tu dang bar gyur pas de'i gzugs shin du bzang ba nyid dang ldan par 'gyur ro/ /sbyin bdag rnams kyis sbyin pa gtong bar byed pa na 'di ni gzi brjid gcig yin no/ /yang mthong ba'i chos la sbyin pa las byung ba'i chos gzhan yod do/ /'di yang gang zhe na/ 'di lta ste/ sbyin pa gtong ba na nga rgyal rab tu 'joms par byed do/ /'dod sred rab tu 'joms so/ /phrag dog rab tu 'joms so/ /ma rig pa rab tu 'joms par byed do/ /rgyu dang rkyen dag la dad pa dang ldan par 'gyur ro/ /rnam par smin pa la yid ches pa can du 'gyur ro/ /'jig rten pha rol la skur pa mi 'debs so/ /bla ma rnams mchod par byed do/ /sems 'jam por 'gyur ro/ /blo gros mnyam par bzhag par 'gyur ro/ /sems kyis kun du sgom par byed do/ /dngos po rnams yongs su gtong bar byed do/ /longs spyod chen por 'gyur ba'i rgyu rnams kun du 'phen par byed do/ /ser sna rnams rab tu 'joms par byed do/ /zhing rnam pa gsum po yon tan dang / tshul khrims dang / gnyis ga srid pa rnams la sbyin pa'i sa bon chang bas 'debs par byed do/ /de de ltar legs par bsgoms par gyur pa'i yid can mchog tu rnam par dag pa'i yid dang ldan pa ni dus ring du mnga' bdag byed par 'gyur ro/ /dus ring du 'tshe ba med pa dang skyon med par gyur pa'i longs spyod rnams dang ldan zhing 'jigs pa dang mya ngan dang rnam par bral ba dang lus zhig par gyur nas shi ba'i 'og tu yang mtho ris bde 'gro'i 'jig rten 'thab bral ba rnams kyi mnga' bdag tu 'gyur te/ des sngon byas par gyur pa'i las rnams kyi rgyu dang rkyen gyis so/ /chos gzhan yang rgyal pos rab tu brtson par bya'o/ /</font><hr>65.272a<br><font size=+1>

'di yang gang zhe na/ 'di lta ste/ 'thun par byed pa dang snyan pa'i ngag go/ /rgyal po 'thun par snyan par smra ba ni/ gang gi phyir chos lugs legs pa dang ldan par 'gyur ro/ /rang bzhin gyis thams cad kyang shin du sdug par 'dzin par 'gyur ro/ /gang 'thun par 'dzin pa'i snyan pa'i ngag gis byed pa ltar ni yo byad kyis kyang bya bar nus pa ma yin no/ /ji ltar snyan pa'i tshig gis yul ljongs pa de dag rnams thams cad dga' bar 'gyur ba ltar rnam pa de lta bur rab tu dga' bar byed pa dang / yul ljongs kyi skye bo rnams thams cad shin du myur bar yid rab tu tshim par byed pa ni yod pa ma yin no/ /rgyu mtshan 'di dag gi phyir na snyan pa'i tshig de bya'o/ /yang na 'thun par smra ba sngon du btang bas ni sems rab tu dang bar gyur nas skye bo rnams kyis gzhan rnams la go bar byed par 'gyur ro/ /snyan par smra ba'i tshig gi rgyu des de la dga' bar 'gyur ro/ /snyan par smra ba'i rgyu de dang yang dag par ldan pa'i rgyal rigs rgyal por spyi bo nas dbang bskur ba gzhan gyi mdun du rnam par rgyal bar 'gyur ro/ /rang bzhin gyis kyang dga' bar 'gyur ba la/ bden pa dang sbyin pa dang bsres pa'i snyan pa'i tshig gis phyir yang dga' bar byed do/ /snyan par smra bar byed pa'i rang bzhin can gyi rgyal po la ni dgra rnams kyang grogs par 'dud par byed na bar mar gnas pa dang / grogs po rnams lta smos kyang ci dgos/ de ltar snyan par smra bar gyur pa'i rang bzhin can de la tshoms cig tu 'gyur ro/ /'di lta ste grogs po nyid kyi tshoms su 'gyur gyi/ bar mar gnas pa ni ma yin te rang bzhin gyis skye bo thams cad dga' ba dang mchog tu mchod pa dang / dus ring du yang rgyal po byed par 'gyur ro/ /snyan par smras pa'i rgyu dang rkyen gyis lus zhig par gyur nas shi ba'i 'og tu 'thab bral gyi lha rnams</font><hr>65.272b<br><font size=+1>

kyi mnga' bdag tu 'gyur ro/ /chos gzhan yang rgyal pos rab tu brtson pa mang pos chos rnams shin du bsten par bya'o/ /'di yang gang zhe na/ 'di lta ste/ bden par smra ba zhes bya ba 'khor ba na kun nas bcings pa'i skye bo rnams thams cad nges par 'byin pa'i rgyu nges par 'byung ba'i rgyur gyur pa nyo ba'i rin thang byar med pa'i zad pa med pa'i nor gter du brdungs nas bskyed pa thun mong ma yin pa'i nor snying gi rgyur gyur par gnas pa/ mchog tu lta bar mdzes pa'i rin po che chen po dam pa'i skye bo thams cad kyis bsten pa'i 'jig rten pha rol dang 'jig rten 'dir yang skyabs su gyur pa mya ngan las 'das pa la brtson pa dang ldan pa rnams kyi sgo gnyer bar gyur pa yon tan dang kun tu 'brel ba rnams zad par mi 'gro ba rkyen rnams 'jigs par byed pa po yid ches pa skyed par byed po dbul ba 'jig par byed pa po bden par smra ba ni/ gzugs thams cad dang bral ba yin yang gzugs dang ldan pa thams cad las lhag pa yin te/ bden pa'i 'od zer gyis kun nas snang bar byas pa'i phyir ro/ /rigs thams cad las dman pa yin na yang rigs rgyud thams cad kyi gtso bor gyur pa rnams kyi drung na lhag par 'gyur te/ bden pa'i dge ba des kun nas gsal bar byas pa'i rigs can rnams la ni yul ljongs thams cad kyi rjes su 'jug par 'gyur ba yin no/ /skye bo thams cad kyis gnyen bzhin du mthong bar 'gyur ro/ /gang dang gang du 'gro ba de dang de nyid du rgyal po bzhin dang ma bzhin du mchod pa byed do/ /ngam grog thams cad du rab tu zhugs na mchog tu skyid par 'gyur ro/ /rgyal pos kyang sa gzhir mchog gis phan par byed pa bzhin du mchod par byed do/ /grong dang grong khyer dang grong rdal dang tshong 'dus dag tu song na yang grong pa dang grong khyer</font><hr>65.273a<br><font size=+1>

dag gis mchod pa byed do/ /grong chung ba dag gis mchog tu yang mchod par byed do/ /ma mthong ba dag tu yang lha dag gis snyan grags rab tu sgrogs par byed do/ /ji ltar yul 'dir rgyal po dang rgyal po'i blon po yang rung ste bden par smra ba dge ba byed par gyur pa de'i snyan pa'i ba dan yul rnams su dam par byas nas 'dzin par byed do/ /dge ba byed pa po la ni lha dag gis kyang rtag tu phyi bzhin rjes su 'brang zhing mchod par byed do/ /rmi lam ngan pa yang 'jig par byed do/ /lha rnams kyi gtso bor gyur pa rnams kyis kyang lha bzhin du mchod par byed do/ /bden par smra ba de nyid kyi gnas skabs der yang mchog tu rjes su 'jug pa dang slar yang legs par langs nas 'gro'o/ /'di'i yid la bsams pa thams cad phun sum tshogs par 'gyur ro/ /dal bus kyang rims nad de dag rnams legs par zhi ba skyed par 'gyur te/ bden pa'i bcud kyi len gyis dbang po rnams tshim par yang byed par 'gyur ro/ /rdzu 'phrul che bar yang 'gyur ro/ /mthu stobs che ba dang tshe ring ba kun tu 'phel bar byed pa'i las rnams kyang 'phen par byed do/ /skye bo rnams thams cad kyis kyang chos lugs rnam par gzhag pa la gcig tu tshad mar byed do/ /rnam par ma gtses pa'i skyes bu rnams kyis kyang nor chen po'i sbas dang sbas pa yang rgyal po la ston par byed do/ /bden par smra ba zhes zer nas thams cad las mi g.yo bzhin du'o/ /thams cad las kyang g.yo ba med par 'gyur ro/ /grogs pos 'khrid par mi byed do/ /grogs po ma yin pas 'khrid par mi byed do/ /rnam par g.yo bar mi byed do/ /gang bden par smra ba'i mgrin pa rab tu rtse dga' bar gyur te bden pa'i tshig gis blo de tshim par byas pa lta bur gyur nas dga' bar 'gyur ro/ /bden pa'i nor de la dga' bar gyur pa'i rgyus yang dang yang du bsam par byed pa na yid khro ba dang</font><hr>65.273b<br><font size=+1>

dga' ba ya ya pos mi khrid do/ /drang srong gi mchog 'jig rten gnyis su phan par byed pa rnams kyi bcud du gyur pa'i bden pa'i 'tshams de las nam yang 'da' bar mi 'gyur ro/ /chu med par yang bden pa'i rang bzhin gyis mchog tu gtsang ba'i bden pa'i 'jug ngos su 'khru ba rnams ni mchog tu gtsang bar 'gyur ro/ /gos med par gyur yang mchog tu dkar ba ma btags pa bden pa'i gos mchog tu rgya che ba skad cig ma yin par rtag tu legs par gyon par 'gyur ro/ /dri med par gyur na yang 'di'i snyan pa'i tshul khrims kyi dris phyogs dang phyogs mtshams rnams su rab tu 'gro'o/ /'di ma mthong bar gyur pa'i skye bo thams cad kyang grogs po nyid du 'gyur ro/ /mthong ba rnams ni dang por yin no/ /ri rab lhun po'i rtse mo yang 'dis nges par rgal nas 'gro bar 'gyur te/ ji ltar 'od zer mchog gis brtol zhing phug par 'gyur ba bzhin du rab tu 'phro bar 'gyur ro/ /rgan po rnams kyis pha bzhin du mchod par byed de bden pas rgan par gyur pa zhes byas so/ /tshe ring bar gyur 'phen par byed pa'i las rnams kyang 'phen par byed do/ /ji srid du bla na med pa yang dag par rdzogs pa'i sangs rgyas kyi ye shes kyi las 'phen par byed na 'thab bral gyi mnga' bdag la lta smos kyang ci dgos/ bden par smra ba dang ldan pa'i rgyal rigs spyi bo nas dbang bskur ba de lus zhig par gyur nas shi ba'i 'og tu mtho ris bde 'gro 'thab bral ba rnams kyi mnga' bdag tu 'gyur ro/ /yang chos gzhan dang ldan pa rgyal rigs spyi bo nas dbang bskur ba de 'thab bral ba'i lha rnams kyi mnga' bdag tu 'gyur ro/ /gang dag zhe na/ 'di lta ste/ nor gzhis rnams glo bur du 'phel 'grib mi byed pa'o/ /rgyal po 'di ni blo brtan par gyur pa ste/ des de bzhin gyur nas ngang tshul dang chos lugs</font><hr>65.274a<br><font size=+1>

rnam par gzhag pa yang blo gles ngal sos pa dang ldan par 'gyur ro/ /shin tu rnam par dpyad nas byed pa rnams ni rgyal por 'gyur ro/ /ma brtags par byed pa ni ma yin no/ /gang yang rgyal pos rnam par spyad nas nor gzhis rnams 'phel ba dang 'grib par byed pa'i rgyal po de ni rgyal por mi 'gyur ro/ /gal te gyur na yang de yang yun ring por mi 'gyur ro/ /rgyal po'i ming tsam du 'gyur ro/ /legs par rab tu brtags nas byed pa ma yin no/ /blo chung zhing tsab hral can du gyur pa dang blo rnam par gnas pa med pa'i yang mor 'gyur ro/ /gang yang snga rabs dag gis brjod pa na de la yang dad par mi byed do/ /ci dga' ba'i rgyal po rdzun du smra ba de la 'dod chags dang bral bar gyur nas kyang rgyal po gzhan yang nye bar 'jog par byed do/ /de'i phyir skyon de dag rnams go bar byas la rdzun du smra bar mi bya'o/ /rdzun du smra ba ni 'jig rten 'dir phan pa ma yin la 'jig rten pha rol tu yang ma yin no/ /de'i phyir na mthong ba'i tshe la yang skyon gyi rnam pa mang po de dag rnams go bar byas la rdzun du smra bar mi bya'o/ /thams cad las kyang dang po kho nar ji lta ji ltar rgyal po chos la rab tu gzhol bar gyur pa'i rgyu gang gis de lta de ltar skye dgu 'phel bar 'gyur ro/ /skye dgu rnams la ni rgyal po gtso bor gyur pa'i phyir ro/ /gang yang rgyal po gcig tu rtag pa kho nar bden pa smra bar gyur pa des ni skye dgu bsgos nas nges par gyur pa'i rgyal po'i brgyud pa dag gis yang dag pa'i bde bas yongs su skyong bar byed do/ /bden pa'i rtsa ba las chos yin no/ /de yang gang gi tshe bden par smra bar mi byed pa de'i tshe des glo bur du nor gzhis rnams la 'phel ba dang 'grib pa byed par 'gyur ro/ /gang yang bden par smra ba rtag tu dul bar gyur pa de ni nam yang nor gzhis rnams la glo bur du</font><hr>65.274b<br><font size=+1>

'phel ba dang 'grib par mi byed do/ /gnas rnams g.yo bar mi byed pa de'i drung nas nam yang gzhan dag tu 'gro bar mi 'gyur ro/ /mi dga' bar mi 'gyur ro/ /de 'di ma dang 'dra ba dang pha dang 'dra bar yang rjes su chags par 'gyur ro/ /rtag tu yang yid bde ba dang ldan pa dang rtag tu yang bde skyid can du 'gyur ro/ /rgyal po de yang blo brtan par 'gyur ba dang 'gyur ba med pa'i blo dang blo cig tu nges pa dang bde ba ster bar byed pas lus zhig nas mtho ris bde 'gro'i 'jig rten 'thab bral ba'i lha rnams kyi mnga' bdag tu rgyu 'di dang rkyen 'dis 'gyur ro/ /chos gzhan yang gang lan cig dang lan cig ma yin par rnam pa du mar rgyal pos rab tu brtson pa shes par bya zhing bya bar yang bya'o/ /'di yang gang zhe na/ 'di lta ste/ mi'i khyad par shes par bya ba'o/ /mi'i khyad par shes par bya bar gyur pa de yang shes pa chen po yin te/ gang yang rgyal po mi'i khyad par rig par gyur pa de ni sa gzhi thams cad kyi snod du 'gyur ro/ /gzhan rnams kyis mi thub par yang 'gyur ro/ /las rnams kyang ji ltar rig pa la 'jug par byed do/ /'di'i las kyi mtha' dag yang yongs su nyams par mi 'gyur ro/ /nor las kyang yongs su mi nyams so/ /rtag par yang chos gong nas gong du byed par 'gyur ro/ /mi'i khyad par shes par gyur pa'i rgyal po yang skyes bu chos byed ma yin pa rnams mi 'dzin to/ /las dang dga' ba'i rang bzhin can ma yin stan la dad che ba ma yin/ byas pa chud gzon pa ma yin 'jig rten pa la zhe sdang ba ma yin log par lta ba can ma yin g.yo sgyu can dang ma yin gzhan gyi yon tan dang kun du so sor 'brel bas don byed pa dang ma yin te/ de ni rgyal po gzhan gyis nye bar 'tsho bar 'gyur ro/ /'dra ba ma yin pa ma yin yul dus mi shes pa ma yin bsgrub par dka' ba ma yin rtag tu sdig</font><hr>65.275a<br><font size=+1>

pa drag po byed pa ma yin yul gyis rab tu dkrugs pa rnams kyang ma yin g.yo sgyu'i rgyu smra ba yang ma yin/ ngo bo nyid kyi bshes kyis chog shes pa ma yin 'jig rten la mi phan pa ma yin gzhan du sdig pa byas pa ma yin mngon pa'i nga rgyal can ma yin dgra bo ma yin sdug bsngal can ma yin ngag tsab hral can ma yin yid tsab hral can ma yin pa ste/ rnam pa de lta bu'i skyes bu ngan pa 'dzin par mi byed do/ /rgyal pos rnam pa ji lta ba rnams 'dzin par byed na 'di lta ste/ chos pa dang tshul 'chos can ma yin pa dang nga rgyal can ma yin pa dang bden par smra ba dang shes rab can dang yid gzhungs pa dang brtan pa dang gzhan la gdung bar mi byed pa dang drang po dang g.yo rnams spangs pa dang ches mchog tu dkon mchog gsum mchod par byed pa dang / sems chog shes pa thob pa dang dbang du gyur pa dang rgyun du las kyi rang bzhin can dang 'jig rten pa rnams blo mthun pa dang snying rje dang ldan pa dang mi rnams kyis bsngags pa la rjes su chags par 'gyur ba dang yang dag pa'i lta ba can dang shes gnyen can dang dul ba dang skyes pa nas bzung nas lus dang ngag dang yid dag par byed pa po med par smra ba ma yin pa dang rgyu rkyen la shin du bar yang rten pa dang las kyi 'bras bu rnam par smin pa shes pa dang bag med pa ma yin pa dang gnyid kyi dbang du song ba'i rang bzhin can ma yin pa dang / dge ba'i bshes gnyen la sten par byed pa po dang gtong ba can dang tshul khrims dang ldan pa dang shes rab dang ldan pa dang / rnam pa de lta bu'i skyes bu rnams rtag pa kho nar rgyal po gang dag gis 'dzin par byed pa de dag ni khyad par shes pa yin no/ /gang las gang la nges par sbyor bar byed pa'i rgyal po de ni gzhan dag gis rgyal srid las nyams par bya bar mi nus so/ /gdul bar mi thub par yang 'gyur ro/ /nor dang ldan par yang 'gyur ro/ /de nor dang</font><hr>65.275b<br><font size=+1>

ldan par 'gyur zhing chos pa chos kyi rjes su 'jug par gyur nas sbyin pa dag gtong bar byed do/ /bsod nams dag byed do/ /dkon mchog gsum mchod par byed do/ /de'i lus zhig par gyur nas kyang mtho ris bde 'gro'i 'jig rten 'thab bral gyi lha rnams kyi mnga' bdag tu 'gyur te/ las de dag gi rgyu dang rkyen gyis so/ /yang chos gzhan rgyal po thams cad kyis bya bar bya ba 'di yang gang zhe na/ 'di lta ste/ dus nges par legs par ston par gyur pa'o/ /rgyal po gang dag dus nges par ston par byed pa de ni dus yun ring du rgyal srid byed par 'gyur ro/ /'di'i rang bzhin la skyo ba skye bar mi 'gyur ro/ /des mi'i khyad par rig par 'gyur ro/ /'di chos ma yin pa rnams la mi 'jug go/ /yul ji srid du stobs dang ldan par gyur nas rgud pa zil gyis gnon par byed do/ /de de'i rgyur lta ba la ched cher byed pa'i rgyal po rdzas dang ldan par 'gyur ro/ /nor gyi thabs kyis phun sum tshogs par 'gyur ro/ /de tshul dang nor dang ldan par gyur nas gzhan rnams kyi dbang du 'gyur ba ma yin no/ /chos par yang 'gyur ro/ /chos kyi rjes su 'jug par byed pa dang dge sbyong dang bram ze rnams mchod par byed do/ /de dag rnams kyi drung nas chos nyan par byed pas de lta de ltar ches lhag par chos byed du 'gyur ro/ /nges par legs par ston par byed pas de ji lta ji ltar chos byed du 'gyur ba de lta de ltar longs spyod chen po dang ldan par 'gyur ro/ /de longs spyod chen po dang ldan par gyur nas phyir zhing nyid du sbyin pa dag gtong bar byed do/ /bsod nams dag byed do/ /tshul khrims dang ldan par 'gyur ro/ /gang gis kyang gdul bar mi nus par 'gyur ro/ /de la yon tan de dag rnams srid par 'gyur ro/ /de'i phyir rgyal pos rtag tu nges par legs par ston par bya'o/ /nges par legs</font><hr>65.276a<br><font size=+1>

par ston par byed pa'i rgyal po chos pa gang gis phyir lus zhig par gyur nas shi ba'i 'og tu mtho ris bde 'gro'i 'jig rten 'thab bral ba'i lha rnams kyi mnga' bdag tu las de'i rgyu dang rkyen gyis 'gyur ro/ /yang chos gzhan rgyal pos cis kyang bsten par bya ba la 'di lta ste/ gnyid la dga' bar mi bya ba'o/ /gnyid kyi dbang du mi 'gro ba'i rgyal po ni legs par bsam par bya ba rnams sems par 'gyur ro/ /blo shin du rnam par chags pa dang ldan par mi 'gyur ro/ /kun tu rmongs pa'i blor yang mi 'gyur ro/ /dgra bos brgal bar mi nus so/ /blo rtse gcig par 'gyur ro/ /don nges par ldan pa dang don nges pa dang ldan par gyur nas legs par rnam par dpyad pa'i don dag byed par 'gyur ro/ /de la legs par rnam par dpyad nas byed pa po 'di'i legs par don rnams smin par 'gyur ro/ /legs par 'grub par dus yun ring po ma yin pa na 'gyur zhing dus snga bar rdzogs par 'gyur ba yin no/ /bag dang ldan par 'gyur ro/ /bag yod pas rgyu ba dang de'i tshe ring bar 'gyur ro/ /legs par bsam pa rnams sems par gyur pas legs par sems pa po de'i rang bzhin gyis yid byung bar mi 'gyur ro/ /de skye bo rnams dang grong khyer rnams dang blon po dag gis yongs su bskor bar 'gyur ro/ /nor dang ldan par yang 'gyur ro/ /skye bo mang po la yang rgyal po'i nor gnas pa nyid kyis nor dang ldan pa'i dpal kun tu gnas pas dpal dang ldan par gyur nas sbyin pa gtong bar yang byed do/ /tshul khrims kyang srung bar byed do/ /de lus zhig par gyur nas shi ba'i 'og tu de'i rgyu dang rkyen gyis mtho ris bde 'gro'i 'jig rten 'thab bral ba'i lha rnams kyi mnga' bdag tu 'gyur ro/ /chos gzhan yang rgyal pos rab tu brtson pas bya bar bya'o/ /'di yang gang zhe na/ 'di lta ste/ le lo med pa'o/ /</font><hr>65.276b<br><font size=+1>

le lo med par gyur pa'i rgyal po ni brtson 'grus brtan par gyur pa'i rigs pas brtsams pa'i phyir na las thams cad kyang rgyas par byed do/ /nges par rdzogs par byed cing sgrub par byed do/ /dbang du 'gyur bar byed do/ /thub par mi nus par 'gyur ba dang thams cad du rang bzhin gyis dga' zhing rjes su dga' zhing rjes su chags pa dang gces pa'i blor 'gyur ro/ /'di'i yul 'khor dang grong khyer dang grong dang grong rdal dang tshong 'dus rnams kyang shin du phun sum tshogs par 'gyur ro/ /le lo med par gyur pa'i rgyal po yang brtson 'grus brtan pa dang ldan zhing pha rol gnon par gyur pa ni las rnams gang kho na rtsom par byed pa de dag nyid thams cad sgrub par byed do/ /de ci'i phyir zhe na/ le lo med par gyur pa dag ni rigs pas yul dang dus rnams la legs par 'dre bar gnas pa'i phyir na le lo med pa dag ni 'jig rten pa dang 'jig rten las 'das pa'i ji srid du mya ngan las 'das pa'i mthar thug par dgos pa rnams thams cad phun sum tshogs par 'gyur ro/ /gal te yang des brtsams par gyur pa'i don gzhan yul dang dus gnyis ga la chags pa dang bral bar byed par gyur pa rnams lta ci smos/ des thams cad kyang gzhan rnams dang thun mong ma yin par 'grub par 'gyur ro/ /de ji ltar 'jig rten pa'i don byed par 'gyur ba'i don de yang phun sum tshogs par 'gyur ba dang / de bzhin du shes rab dang lhan cig tu gang gis 'jig rten las 'das pa yang byed pa yin te/ sbyin pa dang tshul khrims dang shes rab rnams so/ /'di de dag gi dri tsam gyis kyang lus zhig par gyur nas shi ba'i 'og tu mtho ris bde 'gro'i 'thab bral gyi lha rnams kyi mnga' bdag tu 'gyur te/ rgyu de dang rkyen des so/ /chos gzhan yang rgyal pos bya'o/ /'di yang gang zhe na/ 'di lta ste/ </font><hr>65.277a<br><font size=+1>

grogs po brtan pa'o/ /rgyal po grogs po brtan por gyur pa ni shin tu legs par mthong bar byed pas rgyal srid dus ring du longs spyod par byed do/ /gos pa med pa dang gzhan gyis mi rdzi ba yin te/ shing bzhin du gang dag ches mang du legs par rab tu gnas pas g.yo bar mi 'gyur zhing ngan pa rnams kyis kyang mi g.yo ba/ rlung gis kyang nags kyi tshal 'di la ji lta ba de bzhin du rgyal po 'di'i grogs po ni shin du brtan po yin no/ /rang bzhin shin du bzang bar gyur pas skye bo thams cad kyis mngon par bgrod par bya bar gyur pa mchog tu dga' bar gyur pa yin no/ /shin tu grogs po brtan par gyur pa'i yon tan dang ldan pa la yang 'jig rten pa'i yon tan bcu gsum dang ldan par 'gyur ba rnams 'di lta ste/ gang du 'di la bug rdol byung bar gyur pa na de'i tshe 'dis rab tu 'gebs par byed pa yin te/ dka' bar spyad pa thams cad dang mchog tu rgud pa'i don dag la'o/ /de ci'i phyir byed pa yin zhe na/ grogs po gang yin pa'i grogs po gzhan yang de'i grogs por 'gyur te des kyang nga'i grogs po 'di'i grogs po yin zhes byas nas de dang lhan cig tu mdza' bar 'gyur ro/ /khyim na nor gyi rigs gang dag yod pa 'di la shes par byed do/ /gang dang gang yang phan pa'i lhag ma gzhan du gyur pa yang / de dag rnams 'dis bdag nyid thams cad kyis byed de/ rnam pa thams cad dang bdag nyid thams cad kyis kyang sten par byed do/ /gal te yang 'di gang dag gis dka' bar gyur pa thams cad du gyur pa dang srog 'chad par gyur kyang des brgya la yang yongs su mi gtong ngo / /'di yang ji lta ji ltar don gyi rigs rnams la bzod par 'gyur ba de ltar byed do/ /gang yang 'di'i khyim na cung zad yod pa de rnams thams cad sngo bar byed do/ /gang gi tshe 'di phun sum tshogs</font><hr>65.277b<br><font size=+1>

par gyur pa de'i tshe shin du dga' bar 'gyur ro/ /gang gi tshe 'di la sdug bsngal dag byung bar gyur pa de'i tshe mnyam por sdug bsngal bar 'gyur ro/ /thams cad nas khros pa skyes par gyur kyang rnam par 'gyur bar mi 'gyur ro/ /de dang yang gang lhan cig tu gyur pa de dag bza' za bas kyang de dang lhan cig tu dga' bar 'gyur ro/ /gang 'di'i khyim na yod par gyur pa de dag kyang dbang po la gnod pa med par don du gnyer bar byed pa dang / gang yang bdag rang gi khyim na yod par de thams cad skyo ba med par yang 'di la ster bar byed do/ /gang yang cung zad khyim na yod pa de thams cad grogs po la rjod par byed do/ /rang gi gtam rnams dag kyang rang gis rjod par byed do/ /rnam pa bcu gsum po de dag rnams dang ldan pa ni grogs po yin no/ /'jig rten pa'i grogs po yon tan rnam pa de lta bu dang ldan pa dang rgyal po yang dag par ldan pas ni gcig gis kyang stobs dang ldan pa dang yang dag par ldan pa'i rgyal po ni stobs chen po dang ldan par 'gyur ro/ /ci yang mang po dang ldan par gyur pa mi rdzi ba la lta ci smos/ de'i phyir rab tu brtson pas rgyal pos smyug ma'i grogs po bya'o/ /'jig rten las 'das pa'i lam dga' bar gyur pas don sgrub par byed pa'o/ /de grogs po'i yon tan mdor bsdu na bcu yin no/ /'di lta ste gang gis chos ma yin pa byed par 'gyur ba na/ de 'gog par byed pa dang sbyin pa gtong du 'jug pa dang tshul khrims la goms par byed du 'jug go/ /grogs po ngan pa las rab tu zlog par byed do/ /las kyi 'bras bu rnam par smin pa legs par ston par byed do/ /lam ngan par zhugs par gyur pa lam la rab tu 'god par byed do/ /gang yang 'di las tshul khrims 'chal pa chung zad yod pa de dang bral bar byed do/ /</font><hr>65.278a<br><font size=+1>

pha dang ma dag gi ngag nyan par byed du 'jug go/ /dus thams cad bar rab tu brtson pas nges par legs pa la kun nas sbyor bar byed do/ /byed du 'jug pa dang rnam pa de lta bu'i grogs po ni 'jig rten las 'das pa'i yin no/ /thabs ma yin pa thams cad las kyang skyob par 'gyur ro/ /pha dang ma dang 'dra bar 'gyur ro/ /brtan po kho nar grogs po 'di dag rnams ni thams cad kho nar yang sdig pa zad par byed par 'gyur ro/ /de dang nye ba las nyes pa 'byung bar yang mi 'gyur ro/ /pha rol gyi grogs po'i mchog yin gyi 'di'i ni ma yin no/ /de'i phyir rgyal pos grogs po brtan po brtan po bya'o/ gang dag dge ba'i bshes gnyen la nye bar sten par byed cing dge ba'i rnams kyang byed pa de ni lus zhig nas shi bar gyur pa'i 'og tu mtho ris bde 'gro'i 'jig rten 'thab bral gyi lha rnams kyi mnga' bdag tu 'gyur ro/ /gzhan yang grogs po ma yin pa bde legs su 'gyur bar mi byed pa kun tu bsten par mi byed do/ /dper na skye bo thams cad slu bar byed pa 'ba' zhig pa shin tu lam log pa ston par byed pa dang bsam pa ngan pa sems par byed pa nye bar sten par byed pa yang des ni don ma yin pa chen po dang kun tu sbyor ro/ /rlag par byed pa'i rtsa ba de yang rnam pa gnyis yin te/ rab tu 'gebs par byed pa dang nges par sbed par byed pa'o/ /de la rab tu 'gebs par byed pa zhes bya ba ni 'jig rten pa slu bar byed pa rab tu dang ba ma yin par gyur pa tshul 'chos pa'i rtags 'dzin par byed pa las ci yang med pa zong bcos ma dang 'dra ba'i mu stegs kyi tsher mas rang gzhan slu bar byed pa 'jig rten pha rol spangs pa bzang po'i cha byad ches 'dzin par byed pa don ma yin pa rnams byed par 'gyur ba po rkun ma de dag rnams la legs par phrad par bya ba dang kun brjod par yang sla bar sbyin par</font><hr>65.278b<br><font size=+1>

mi bya na/ lhan cig tu 'grogs par bya ba lta smos kyang ci dgos/ de dag dang lhan cig par gyur pa ni des shin du bar yang spang bar bya'o/ /de dag la ni bdag nyid la yang yod pa ma yin na gzhan dag la ci la 'byung bar 'gyur/ gang sdig pa'i grogs po spong bar gyur pa rnams kyis ni/ sgyu can la rjes su bsten par mi bya'o/ /tshul 'chos par byed pa dang yang ma yin la de dag dang grogs po mi byed pas yang dag pa'i legs par gzigs nas byed par 'gyur ro/ /des grogs po tsab hral can la bsten par mi bya'o/ /de de nyid kyis bag chags kyis bsgos par gyur pa ni lus zhig nas kyang mtho ris bde 'gro'i 'jig rten du 'thab bral gyi lha rnams kyi mnga' bdag rgyu rkyen des byed par 'gyur ro/ /gzhan yang chos gnyis rgyal pos ci nas kyang spang bar bya ste/ gnyis po gang zhe na/ 'di lta ste/ khro ba dang rgod pa ches sdom par byed pa'o/ /khro ba dang dgod pa yang gang dag shugs sdom par byed pa'i rgyal po de ni rgyal srid brtan par 'gyur zhing rang bzhin bsgo bar byed pa yin pas phan tshun gyis kyang mngon par gdul bar mi nus so/ /'di la 'ga' zhig gis kyang glags mi rnyed do/ /khro ba sdom par byed pa'i rgyal po de dag ni ma bsams par bya ba rnams byed par mi 'gyur ro/ /glo bur du gnas nas 'pho bar mi byed do/ /bran la glo bur du rdeg par mi byed do/ /gsang bar bya ba rnams ni phyi rol du mi byed do/ /glo bur du 'phel ba dang 'grib pa dag skyed par mi byed do/ /dga' ba'i gnas su 'phar bar mi 'gyur ro/ /'di'i sems dma' bar gyur pas kyang don dag par 'gyur ba ni ma yin no/ /skyes bu dam pa ma yin pa dag rjes su 'dzin par mi byed do/ /de ni blo brtan par 'gyur ro/ /de ltar rgyal po de khro ba dang rgod pa'i tshan ka sdom par byed pa nyid ni 'jig rten pa'i don la yang rab</font><hr>65.279a<br><font size=+1>

tu bsngags par 'gyur ro/ /ji ltar 'jig rten las 'das pa'i lam la smod pa'i shugs sdom pa dang gang khro ba sdom par byed pa dag 'dir bsngags pa yin zhe na/ khro ba sdom par byed pa des ni/ 'khor ba'i dri ma gcig bsdams pa yin no/ /gang gis yang rgod pa'i shugs mdzes pas rnam par sdom par byed par gyur pa des ni 'dod chags kyi shugs rnam par bsdams pa yin no/ /gang gis shugs dang ldan pa'i dri ma gnyis po dag bsdams par byed pa nyid du 'gyur ba des gti mug gi shugs bsdams par 'gyur ro/ /dri ma gsum gyi shugs sdom par byed pa po de ni shes pa dang ldan pa dang bzod pa dang ldan pa dang blo gros brtan pa dang gcig tu nges par gyur pa'i blo gros can dag ni sngon gyi rgyu rkyen de dag gis rnam par smin pas lus zhig par gyur pa na mtho ris bde 'gro'i 'jig rten 'thab bral gyi lha rnams kyi mnga' bdag tu 'gyur ro/ /gzhan yang chos gnyis shin du yang dgag par bya'o/ /gnyis po gang dag zhe na/ 'di lta ste rgyal po shin tu yang zas dang skom rnams la sred pa'i rang bzhin can du mi bya'o/ /de ci'i phyir zhe na/ rgyal po shin tu zas skom gyi rang bzhin can ni 'chums nas g.yeng bar 'gyur ro/ /gsum pa 'gengs par byed pa la shin du phyogs par 'gyur ro/ /de rang bzhin gyis nye bar chags par gyur nas phyugs bzhin du blo gcig tu 'gyur ro/ /zas dang skom gnyis las ma gtogs pa don gzhan rnams la de'i blo 'jug par mi 'gyur ro/ /de ltar kun du chags par gyur pa'i blo dang spyod pa dang ldan pa blo de la song bar gyur pas chos dang chos ma yin pa dpyod par mi byed do/ /yul 'khor rjes su sgrub par mi byed do/ /yul ljongs kyi don dag dpyod par mi byed do/ /rang bzhin legs par bsgo bar mi byed do/ /bka' blon pa rnams khur</font><hr>65.279b<br><font size=+1>

la sbyor bar mi byed do/ /don dag lci mo dang yang mo rnams rtogs pa ma yin no/ /de rtag par yang don rnams las nyams par 'gyur ro/ /de yongs su nyams pa las kyang 'byor ba dman par 'gyur la des kyang zas dang skom ming med par 'gyur ro/ /de de las yongs su nyams par gyur pas kyang 'jig rten pa rnams thams cad kyi skyug bro ba'i gnas su gyur pa mchog tu dbul bar 'gyur ro/ /sred pa'i rnam par g.yeng ba des 'jig rten pa'i don rnams kyi yang bar du gcod par byed par 'gyur ba yin pa dang / zas dang skom nye bar sten par gyur pas ji ltar 'jig rten las 'das pa rnams la yang rnam par gshe bar gyur pa yin no/ /'di lta ste shin du kho na yang zas skom la sred par gyur pa'i rang bzhin dang ldan pa de la yid song bar gyur pa de'i ngang tshul can dag ni rtag par yang ro'i sred pas kun tu khrid par byed pas yid mnyam par bzhag pa ma yin par 'gyur ro/ /lus su gtogs pa'i dran pa dag med par 'gyur ro/ /tshor bar gtogs pa yang med do/ /sems su gtogs pa dag kyang med do/ /chos su gtogs pa dag kyang med do/ /sdug bsngal dang kun 'byung dang 'gog pa dang lam gyis bsdus pa rnams kyang med do/ /zas dang skom la gus par 'gyur ba las ma gtogs pa 'di dag don gzhan rnams 'ga' zhig la yang blo las su rung bar mi 'gyur ro/ /de ni dud 'gro dang rang bzhin mtshungs par 'gyur ba yin no/ /de zas dang skom gyi spyod yul rnams las zas la rnam par spyod pa'i brtson pa de dag las grol ba ni lus ngag gi spyod pas bsdus pa dang dbang po rnams kyang yang dag par yongs su smin par 'gyur ro/ /yang dag pa'i lam rnams spyod par byed do/ /de'i sems las su rung bar 'gyur ro/ /lus dang sems dang tshor ba dang chos rnams</font><hr>65.280a<br><font size=+1>

dang sdug bsngal dang kun 'byung dang 'gog pa dang lam rnams ma lus pa shes pa dang ldan par 'gyur ro/ /de'i yid shin du mnyam par 'gyur ba dang sems dang dbang po rnams kyang rab tu dang bar 'gyur ro/ /zas dang skom dang ldan pa'i lus ni yang dag par 'gyur te/ lus rang bzhin du gnas pa dang sems rang bzhin du gnas pa dang / sems rang bzhin du gnas par gyur pa yin pa gang gi phyir yang dge ba'i chos rnams bsam par nus pa yin no/ /de'i phyir na ro la sred la ched cher 'gyur bar mi bya'o/ /gal te zas sam skom 'am lus la 'jug par byed pa de'i tshe grangs pa tsam dang phan pa tsam zhig goms par byas pas de ltar 'di'i yid las su rung ba dang sems mnyam par bzhag par yang 'gyur ro/ /sems shin du mnyam par bzhag par gyur pa rnams ni dge ba'i las la dpyod par byed do/ /dge ba'i las rnams kyi mtha' la spyod pa ni lus zhig par gyur nas shi ba'i 'og tu las de dang de dag gi dri tsam gyis kyang 'thab bral ba'i lha rnams kyi mnga' bdag tu 'gyur te las de'i rgyu dang rkyen gyis so/ /chos gzhan yang rgyal pos byas par bya'o/ /'di yang gang zhe na/ 'di lta ste legs par spyod par bya ba rnams sems par byed pa'o/ /legs par bsam par bya ba rnams sems par byed pa yang gang gi phyir 'jig rten 'di dang phyi ma ma yin yang sems can rnams kyi don sgrub par byed do/ /de ci'i phyir zhe na/ sems kyi yon tan yin pa'i phyir te/ gang dag gi sa 'di dang pha rol du yang legs par bsam par bya ba rnams sems pa po ni mchog tu bde bar 'gyur ro/ /'on kyang skyon rnams rab tu gzhom par bya zhing des legs par bsam par bya ba rnams bsam par bya'o/ /yid la yang gzhag par bya'o/ /'dod chags la sogs pa'i dri ma rnams kyang rtag par ngan song du rnam par 'jug par byed pa yin</font><hr>65.280b<br><font size=+1>

par brjod par bya'o/ /'dod chags la ni mi sdug pas so/ /zhe sdang la ni byams pas so/ /gti mug la ni shes rab kyis so/ /de la dri ma rnam pa gsum po de dag rnams ni legs par bsam pa sems pa zad par bya bar nus so/ /ngan par bsam pa sems par byed pa de dag rnams kyis ni ma yin no/ /'jig rten gyi chos rnams kyang de kho na bzhin du legs par bsam par sems par byed pa rnams kyis 'grub par 'gyur ro/ /ngan par bsam pa sems par byed pas ni ma yin no/ /de'i phyir thams cad kyis gnas skabs thams cad du don thams cad legs par bsams la bya'o/ /de las 'di'i don kun 'grub par 'gyur ba dang / chos pa'i lus zhig par gyur nas kyang mtho ris bde 'gro'i 'jig rten 'thab bral gyi lha rnams kyi bdag por 'gyur te/ las bzang po de'i rgyu dang rkyen rnams kyis so/ /chos gzhan yang rgyal pos mi bya'o/ /'di yang gang zhe na/ 'di lta ste/ don thag ring bar gyur pa zhes bya ba 'jig rten pa'i don rnams bsgrub pa dang / 'jig rten las 'das pa'i yang ste phan pa'i don gang byed par gyur pa dang / gzhan dag rnams kyang byed par gyur pa na dus ring pos kyang bya bar mi nus pa'o/ /de dag la mi bzod par 'gyur ro/ /'di lta ste nas gyis kyang myur bar kun tu bcom par gyur pa na/ don thag ring bar gyur pa'i skyon kyis bsgrub byar gyur pa rnams yang bsgrub bya ma yin par byas nas chud gzon par byed do/ /de bzhin du don gzhan dag du ma rnams kyang myur bar ma byas pas dus gzhan du shin du yang bzod par mi nus par 'gyur ro/ /de ltar nges par legs pa'i lam cung zad tsam yang med de/ nad lta bur gyur pa'i nyon mongs pas rjes su bcom par gyur pas ngan song du 'gro bar 'gyur te/ don thag ring bar 'gyur ba'i skyon gyis</font><hr>65.281a<br><font size=+1>

yin te/ de'i tshe 'jig rten las 'das pa'i lam cung zad tsam yang med do/ /lam rnams rjes su nye bar 'joms par 'gyur bas dug gi myug gu dang cha 'dra bar gyur pa rnam par 'phel bar gyur nas dus gzhan du rab tu 'phel bar zhugs nas rgyud ma rungs par sreg par byed de/ gang gis srog chags rnams dmyal ba dang yi dgas dang dud 'gro'i skye bar 'gyur bar byed do/ /de'i phyir don thag ring ba ni rgyal po 'am de ma yin pa dge slong rnams sam/ nor can rnams sam 'ga' zhig la yang snyan pa ma yin no/ /thams cad la shin du bar yang bsngags pa ma yin no/ /gang yang don thag ring bar gyur pa ma yin pa de dag ni skyon skyes par gyur pa dag skad cig gi dus der sgyur bar byed do/ /gtong bar byed do/ /kun nas 'joms par byed do/ /rab tu 'joms par byed do/ /rtsa ba nas rlag par byed do/ /des skyon de dag rnams kun nas bcom par gyur pas mthar thug par bde bar 'gyur ro/ /skyes bu 'jig rten pa 'am 'jig rten las 'das pa'i lam la yang gnas nas kun tu skyes pa'i skyon rnams 'joms par byed do/ /dug gi myug gu dang 'dra ba'i skyon yang dus gzhan du 'phel nas skyon mang por 'gyur ro/ /de'i phyir gang dag gis skad cig de la skyon rnams gzhom par byas la rings par byas te yang bde legs kyi gnas la legs par sbyar bar bya'o/ /mngon sum du 'gyur ba'i lus zhig nas shi ba'i 'og tu mtho ris bde 'gro'i 'jig rten 'thab bral ba rnams la dbang bar 'gyur ba yin te/ des sngon byas pa'i legs par byas pa'i las de nyid kyi rgyu dang rkyen rnams las yin no/ /chos gzhan yang rgyal pos bya bar bya'o/ /'di yang gang dag zhe na/ 'di lta ste chos kyis skye dgu rnams bskyang bar bya'o/ /gang gi phyir rgyal po gang dag chos kyis skye dgu rnams bskyang bar bya'i chos ma yin pas ni</font><hr>65.281b<br><font size=+1>

ma yin no/ /chos kyis lhag pa'i rgyal po'i yang bdag dang gzhin la phan par byed par 'gyur ro/ /bdag la phan pa ma yin pa mi byed do/ /ji srid du tshul khrims dang ldan par 'gyur ro/ /tshul khrims dang ldan par gyur pa rnams ni chos ma yin pas nam yang skye dgu skyong bar mi byed do/ /de ltar bdag la phan pa byed do/ /ji ltar yang gzhan la phan pa byed pa yin na/ srog chags su gyur pa gang dag yang chos pa ma yin zhing chos kyi rjes su yongs su 'jug pa yang ma yin pa/ de dag rnams 'dis bde legs la rab tu sbyor bar byed do/ /de ltar yang dag par skye dgu skyong bar byed pa nyid du 'gyur ro/ /bskyangs par gyur pa las kyang chos dang don dang snyan pa rnams dang yang dag par ldan par 'gyur ro/ /re shig dang por chos kyis ni mchog tu nges par legs pa la yang dag par sbyor bar gyur pa yin na ji ltar na chos ma yin pa dang kun nas ldan par gyur/ rgyal po don dang yang dag par ldan par 'gyur te/ ji lta bu'i don gyis zhe na/ 'di lta ste/ gang gi tshe 'bras bu nges par byas nas za ba'i rgyal por gyur pa na drug cha len par byed pa yin la de'i tshe skye dgu rnams phun sum tshogs par byed par 'gyur ro/ /legs par yongs su bskyangs pas ste skye dgu phun sum tshogs pa de yang rgyal po'i sems dga' ba'i dbang gis rjes su chags par gyur nas sgrol bar byed pa yin no/ /de las yon tan gnyis pa dang yang dag par ldan pa phun sum tshogs par 'gyur ba ni rgyal po snyan grags dang yang dag par ldan par 'gyur ro/ /rgyal pos yang dag par skye dgu bskyangs par gyur pa na grong khyer pa gang dag rjes su chags par gyur pa des phyogs thams cad du snyan pa sgrogs par byed par 'gyur ro/ /de ltar chos dang don dang snyan pa rnams dang yang legs par ldan par 'gyur ro/ /rgyal po legs par skye</font><hr>65.282a<br><font size=+1>

dgu rnams bskyangs par gyur pa las lus zhig par gyur nas shi ba'i 'og tu mtho ris bde 'gro'i 'jig rten 'thab bral gyi lha rnams kyi bdag por 'gyur ro/ /des sngon byas pa'i rgyu las kyi rnam par smin pa las yin no/ /yang chos gzhan rgyal po 'am gzhan gyis kyang rab tu brtson pa mang po rnams kyis bya bar bya ste/ 'di yang gang zhe na/ 'di lta ste dge ba bcu'i las kyi lam rnams bya ba'o/ /de ma lus pa rnams kyis kyang mchog tu bde ba'i rnam par smin pa dang ldan par 'gyur ro/ /de la dge ba'i las kyi lam de nyid kyang rnam pa gsum ste/ lus kyi dang ngag gi dang yid kyi'o/ /lus kyi rnams ni srog gcod pa dang ma byin par len pa dang 'dod pa log par g.yem pa spong ba'o/ /ngag gi rnams ni rdzun dang phra ma dang tshig rtsub po dang 'brel ba med par brjod pa spong ba'o/ /yid kyi rnams ni brnab sems dang gnod sems dang log par lta ba rnams so/ /de la de dag ni ji ltar las kyi lam sna tshogs pa rnams su gyur pa'i mi dge ba bcu po de dag rnams ni mi dge ba'i las kyi lam zhe bya'o/ /shes rab ji ltar phyin ci ma log par gyur pa'i yang dag pa'i dge ba'i lam zhes bya ba'i ming ni shes rab de la brjod pa yin no/ /shes rab de dag gang yin pa de dag gis kyang ji lta ba bzhin du mya ngan las 'das pa'i mthar thug par 'gyur ba yin no/ /mi dang lha rnams 'byung bar 'gyur ba gang dag ji ltar 'dod pa bzhin 'gyur te/ de dag rgyal po 'di rang nyid kyis 'dzin par nus pa dang / grong khyer ba rnams la yang rgyal po des pha dang ma dang 'dra bar 'gyur zhing mya ngan las 'das pa rab tu 'thob par byed pa dang mtho ris rab tu 'thob par byed pa yin no/ /de'i bsam pa rnams thams cad mngon par 'grub par 'gyur ro/ /lha rnams kyis kyang 'di dag la srung bar 'gyur ro/ /'di la</font><hr>65.282b<br><font size=+1>

mtshon cha dang mu ges byas pa'i 'jigs pa rnams dang yul 'jig par 'gyur ba nam yang 'byung bar mi 'gyur ro/ /'di'i yul du dus su lo tog rnams phun sum tshogs par 'gyur ro/ /'di'i yul du yang dus su zla ba dang nyi ma dag rab tu 'od 'byin par byed pa dang / dgos pa thams cad phun sum tshogs par 'gyur ba dang yul ljongs rnams phun sum tshogs par yang 'gyur ro/ /rgyal po de legs par skye dgu rnams bskyangs par gyur nas dus rnams yongs su smin par gyur te/ mi rtag pa'i rang bzhin yin pas gal te rnam par bral bar gyur na gang gi tshe lha rnams kyi nang du skye bar 'gyur ba de'i tshe dge ba'i las kyi rnam par smin pa gang gis bde ba gang dag la nye bar longs spyod par 'gyur ba yin na/ de la mdor bsdu na 'thab bral gyi lhar skye bar 'gyur ba rnams las/ srog gcod pa rnam par spangs pas ni dman pa dang bar ma dang khyad par du 'phags pa'i lha rnams tshe ring bar 'gyur ro/ /gzhan yang de kho na bzhin du lha'i ris drug du ma byin par len pa rnam par spangs pas ni nor brtan par 'gyur te/ rin po che bdun gyi rang bzhin phun sum tshogs par 'gyur ba'i nags dang nye ba'i nags dang ri'i rtse mo sna tshogs par dga' bar gyur pa rnams la'o/ /'dod pas log par g.yem pa rnam par spangs pas ni ji srid du 'di shi 'phos par ma gyur gyi bar gyi dus de srid du lha mo rnams lha'i bu gzhan dag rnams la 'pho bar mi 'gyur ro/ /gson bzhin du yang lha'i bu gzhan dag rnams la nam yang kun tu 'pho bar mi 'gyur zhing khyud 'phyang yang mi byed kyi de nyid kho na la gzugs bzang ba thams cad kyis gzi brjid thams cad kyis kyang lta bar byed do/ /gang yang 'dod pa log par g.yem pa legs par bsrungs pa ma yin pa de dag rnams kyi lha mo rnams ni gzhan dag la 'pho bar 'gyur</font><hr>65.283a<br><font size=+1>

te/ so so dang so sor las kyi rnam par smin pa rnams rab tu ster bar byed pa yin no/ /de ltar lus kyis legs par spyod pa rnams bsrungs shing bsten la bsgoms la lan mang du byas pas ni lha rnams kyi nang du skye bar 'gyur ba yin no/ /rnam par smin pa bde ba dang ldan pa gnyis par gyur pa ngag gi rnam pa bzhis bsten cing bsgoms la lan mang du byas pas lha rnams kyi nang du skye'o/ /las gang gi rnam par smin pas lha rnams kyi nang du skyes nas bde ba gang la longs spyod pa yin na/ ngag legs par bsdams pa rnams kyang bzhi'o/ /de la rdzun rnam par spangs pas ni gsal zhing snyan la zur thon pa'i ngag tu 'gyur ro/ /rtag tu yang legs par sbyar ba'i mchog gi smra ba por 'gyur te/ gang dang gang nyid smra bar byed pa na bde bas de dang de kho na 'dis lhan cig tu rjod par byed pa ni lha 'di dag la nye bar gnas pa yin te/ de dag gis rdzun legs par spangs pa yin pa'i phyir ro/ /phra ma rnam par spangs pas ni yul ljongs rnams 'jig par mi 'gyur ro/ /rtag tu yang tshig rtsub po de dang de nyid rnam par spangs pas ni rtag tu snyan pa'i glu dang gar dang rgod pa dang 'gying bag gi sgra mchog tu rna ba dang yid 'phrog par byed pa rnams thos so/ /'brel ba med par brjod pa rnam par spangs pas ni rtag tu lce gzhal zhing ljags phyin par 'gyur ro/ /lha rnams thams cad kyi yid du 'ong bar 'gyur ro/ /de ltar ngag gi legs par spyad pa'i 'bras bu rnams la longs spyod par byed do/ /lha rnams su lha rnams kyi yid kyi rnams kyang gang dag gis 'bras bu rnams gang dag la longs spyod par byed na/ brnab sems rnam par spangs pas ni 'di'i 'dod pa rnams thams cad sems bskyed pa tsam nyid na nye bar 'du bar 'gyur ro/ /des thob pa rnams kyang nges par nyams par mi 'gyur ro/ /lha gzhan</font><hr>65.283b<br><font size=+1>

'ga' zhig gis kyang dang du len par byed par 'dod pa yang ma yin te/ des na brnab sems rnam par spangs pa de dag rnams kyi de ltar 'gyur ba yin gyi rnam par smin pa 'di gzhan rnams kyi ni ma yin no/ /gnod sems rnam par spangs pa rnams kyi yang gnod sems spangs pas ni lha'i skye bo rnams thams cad dang 'thun par 'gyur ro/ /gzugs mchog dang yang ldan par 'gyur ro/ /log par lta ba rnam par spangs pas ni 'di la cung zad cig kyang gzhan mu stegs pa rnams kyis rtsod pa don du gnyer bar mi byed do/ /ji lta ba nyid du rab tu sems pa de kho na bzhin du phun sum tshogs par 'gyur ro/ /gzhan du 'gyur ba ni med do/ /'dod bzhin du yang 'dod pa rnams kyis stong par ni nam yang cung zad cig kyang mi 'gyur ro/ /de la mdor bsdus nas de ltar dge ba bcu'i las kyi lam rnams kyis rnam par smin pa rnams so sor bshad pa yin no/ /sbyin pa'i khyad par gyis ni longs spyod kyi khyad par rnams 'byung bar 'gyur ro/ /shes rab kyi khyad par gyis ni thams cad kyang ches khyad par du 'phags par 'gyur te/ gang gi phyir bde ba rnams thams cad ni shes rab kyi rtsa ba las yin no/ /bde ba ma yin pa rnams ni srid pa'i rmongs pa sngon du 'gro ba can yin no/ /sems kyi dbang gis dang dus kyi dbang gis dang dngos po'i dbang gis dang lhag par mos pa'i dbang gis kyang rung ste/ dge ba'i las kyi lam rnams las gal te shed na gcig gis kyang lhar skye bar 'gyur ro/ /mya ngan las 'das pa yang 'phen par byed na sems can rnams lha rnams su skye bar 'gyur ba la lta ci smos/ de la de ltar las kyi rnam par smin pa 'di ni mchog tu phra bar gyur pa yin te/ de gang gis mi shes pa de dag rnams ni las rnam par smin pa rnams la yang kun tu rmongs par 'gyur la/ de kun tu</font><hr>65.284a<br><font size=+1>

rmongs pas kyang dmyal bar nye bar rgyug par 'gyur ro/ /de la ji skad du bshad pa'i dge ba bcu'i las kyi lam de dag rnams la/ rgyal po gang zhig gis ji skad bshad pa bzhin du spyod par byed pa ni/ 'di'i yul 'khor rnams dang grong khyer rnams des dbang du byed par 'gyur ba yin no/ /rgyal po de lus zhig nas shi ba'i 'og tu yang las de dag rnams kyi rnam par smin pas mtho ris bde 'gro'i 'jig rten 'thab bral ba'i lha rnams kyi mnga' bdag tu 'gyur ro/ /chos gzhan yang rgyal pos rjes su bsgrub par bya'o/ /'di yang gang zhe na/ 'di lta ste/ rgyu dang 'bras bu la legs par blta'o/ /rgyu dang 'bras bu rnams la legs par lta bar byed pa'i rgyal po'i blon po rnams kyang rung ste/ kun tu rmongs par mi 'gyur ro/ /las rnams dang las kyi rnam par smin pa rnams la yang rtag tu mnyam par bzhag pa'i blor 'gyur zhing / yul rnams la bag med pas 'jug par yang mi 'gyur ro/ /de la rgyu bya ba'i ming ni 'bras bu'i sa bon no/ /rkyen ni nam zla'i dus tshod dang sa gzhi tshogs pa'o/ /de gal te de rgyu rnams la skur pa mi 'debs pa dang rkyen rnams la skur pa mi 'debs pa de ni rgyu dang 'bras bu dag gi de kho na nyid mthong ba/ sdig pa'i las rnams la spyod par mi byed do/ /ji lta ba kho nas sa bon dang / myug gu dag rgyu rkyen du gtogs pa gang yin pa de kho na bzhin du las dang las kyi 'bras bu rnam par smin pa rnams la yang kun du rmongs par mi 'gyur ro/ /de la skye ba'i lam du gyur pa'i dge ba dang mi dge ba'i las rnams kyis ni rnam pa sna tshogs pa'i bde ba dang sdug bsngal rnams 'khor ba nas 'khor bar rab tu 'bab par 'gyur ba yin te/ srog chags rnams kyi rgyud des bsdus pa nas bzung nas dmyal ba dang yi dgas dang dud 'gro'i 'gro ba rnams dang lha dang mi rnams su khams</font><hr>65.284b<br><font size=+1>

gsum du gtogs pa rnams kyi 'du byed du 'gyur ba rnam pa gsum po dge ba rnams dang mi dge ba rnams dang mi g.yo ba rnams kyis so/ /de yang dge ba'i las kyi 'du byed kyi rgyu rnams kyis ni lha rnams dang mi rnams su'o/ /mi dge ba las ni dmyal ba rnams su'o/ /mi g.yo ba rnams kyis ni gzugs dang gzugs med pa'i khams dag tu'o/ /khams rnam pa gsum du gtogs pa de dag rnams la yang rgyal po gang zhig rgyu tsam de kho na nyid du mthong ba de ni 'khor ba'i 'brog dgon pa rnams su rmongs par mi 'gyur ro/ /de ltar re shig 'dus byas 'di dag rnams thams cad mdor bsdus pa ni 'di lta ste rgyu dang 'bras bu'o/ /rgyu dang 'bras bu kun nas mthong ba'i rgyal po ni skyon rnams kyis mi 'joms so/ /nyes pa'i 'jigs pa rnams kyis 'jigs pas mi dge ba'i las dag mi byed do/ /dge ba yang rtag tu byed par 'gyur ro/ /de ni lus zhig par gyur nas mtho ris bde 'gro'i 'jig rten pa rnams kyi lhar skye bar 'gyur ro/ /de la yid la 'jug par byed pa rnams thams cad kyi mchog ni 'di lta ste/ rkyen legs par mthong ba zhes bya ba'o/ /de'i phyir na chos 'di dag rab tu brtson pas rgyal pos gzung bar bya ba yin no/ /'di lta ste rgyu dang rkyen rnams la legs par blta ba'o/ /chos gzhan yang rab tu brtson pa du mas rgyal pos bya'o/ /'di yang gang zhe na/ 'di lta ste lha dag mchod par bya'o/ /'dir legs par byas pa'i las kyi mtha' la spyad pa'i lha rnams ni legs par bya ba'i las rnams la grogs su rang dbang du 'gro bar 'gyur ro/ /dge ba'i chos rnams la yang bar chad byed par mi 'gyur ro/ /nyin mo dang mtshan mor yang 'di dag mchod pas mchod par byed pa rnams la ni/ las rnams thams cad la yang lhan cig rang dbang du 'gyur ro/ /</font><hr>65.285a<br><font size=+1>

rmi lam yang bzang po dang ngan pa myong bar 'gyur ba rnams nges par legs par ston par 'gyur ro/ / yul ljongs 'jig par 'gyur ba yang 'di dag gis srung bar byed do/ /dge ba'i las rnams rtag tu skul bar byed do/ /'di lta ste/ dge ba dag la so sor nges par 'jug par byed pa na 'di dag gis nyin mo dang mtshan mor yang srung bar byed do/ /pha dang ma bzhin du thabs du mas dge bar byed pa'i lha mchod par bya bar 'as pa yang yin no/ /de'i phyir na rgyal pos rtag tu lha dag mchod par bya ba yin te/ chos dang ldan pa'i cho ga dag gis dang mngon par 'dod pa rnams dang dam tshig gis dang sdig pa'i las rnams dang rnam par bral bas deng 'tshe ba med pa dang log par lta ba can gyi yi dam gyis ma yin pa dang / 'gro ba thams cad kyi las dang sdug bsngal byed pa por gyur pa'i rgyu de dang blo de dag dang ji lta bar bral bar gyur pa de ltar lha dag mchod par bya'o/ /grogs byed pa'i yon tan rnams kyis de ltar mchod par byed pa'i rgyal po ni don dag las yongs su nyams par mi 'gyur ro/ /rgyu dang 'bras bu la skur pa mi 'debs so/ /log par lta ba dang ldan par mi 'gyur ro/ /rtag tu yang mchod par bya bar 'gyur ro/ /lus zhig nas kyang las de'i rgyu dang rkyen dag gis bde 'gro mtho ris kyi 'jig rten gyi lha rnams las 'thab bral gyi nang du skyes nas 'thab bral gyi lha rnams kyi rgyal por 'gyur ro/ /chos gzhan yang rgyal pos bya bar bya'o/ /'di yang gang zhe na 'di lta ste/ legs par skye dgu rnams bskyang bar bya'o/ /rgyal pos yang dag par skye dgu skyong bar byed pa ni chos byed chos kyi rjes su 'jug par gyur pa ma dang pha dang mtshungs par mi 'jigs pa sbyin par byed pa yin no/ /'jigs pa rnams thams cad las des mi 'jigs pa sbyin par byed pas</font><hr>65.285b<br><font size=+1>

nyin dang mtshan du yang dge ba'i chos rnams kyi chu klung rab tu 'jug par 'gyur ba'i phyir rab tu rgyas par 'gyur ro/ /'di la grong khyer pa rnams thams cad rjes su chags par 'gyur ba dang rjes su chags pa'i yid can de dag rnams las der nor rnams rnyed par 'gyur ba dang snyan pa la yang sbyor bar byed do/ /nyin dang mtshan du yang 'di'i bde ba sems par byed do/ /de de ltar zhugs par gyur pa'i rgyal po na sems can rnams thams cad la phan par rab tu zhugs pas na dbang sgyur ba yang rab tu 'phel bar 'gyur te/ mnga' thang 'phel bar gyur pa gang yin pa de dag gis yang dag pa ji lta ba bzhin du lo tog rnams skye bar 'gyur ro/ /legs pa nyid du skye dgu rnams kyang 'phel bar 'gyur ro/ /grong khyer de 'phel bar gyur pas kyang phyir zhing yang rgyal po de nyid mngon par 'phel bar byed do/ /de ltar rgyal po des skye dgu rnams bskyangs par gyur pa na chos dang nor dang snyan grags dang yang rtag tu yang dag par ldan par 'gyur ro/ /legs par ldan pas phyir zhing yang rgyal 'bangs rnams skyong bar byed do/ /de rtag tu skye dgu rnams la phan par 'dod pa dang / gnod sems pa dang / brnab sems med par 'gyur bas kyang lus zhig nas mtho ris bde 'gro'i 'jig rten pa rnams las 'thab bral gyi lha rnams kyi mnga' bdag tu 'gyur ba yin te/ des sngon byas pa'i rgyu dang rkyen rnams kyis so/ /rgyal po chos byed chos kyi rjes su kun nas 'jug pas chos gzhan yang bya bar bya'o/ /'di yang gang zhe na/ 'di lta ste/ bu dang bu mo yang dag pa ji lta ba'i bde bas 'dzin pa'o/ /bu dang bu mo yang yang dag pa'i bde bas 'dzin par byed par 'gyur ba'i rgyal po 'am rgyal po'i blon po la yang rung ste/ rnam pa du ma'i bsod nams chen po rgyun mi 'chad par rab tu 'phel bar 'gyur ro/ /gang</font><hr>65.286a<br><font size=+1>

'di la gyur pa rnams de dag la 'gyur bar byed pa dang / rnam pa gang dag gis yin pa dang / yod pa rnams kyang ji srid kyi bar du dang / dus gang gi tshe na yod pa de dag rnams kyang de bzhin du des de la thams cad nas ster bar byed pa ste/ rdzas dang zas dang skom dang gos dang yongs su 'khyud pa dang snyan par smra ba dang yid ches par bya ba dang dga' bar bya ba dang mi 'jigs pa sbyin pa rnams kyang shugs bton nas rab tu sbyin par bya'o/ /bu rnams dang bu mo rnams las gang dag bsod nams chen po 'byung bar 'gyur te/ rnam pa du mar bsod nams chen por khyim nas kun tu 'byung bar 'gyur ba 'di ni bu dang bu mo legs par 'dzin pa zhes bya ba gang yin pa/ bkren pas zil gyis mnan par ma gyur pa dang / 'dod pas gzir bar ma yin pas kyang bu dang bu mo rnams la snying rje dang ldan par gyur pa'o/ /de'i rdzas byin par gyur nas gsod pa las bsrungs pa rnams kyi drung na yang ches lhag par 'gyur ro/ /de'i phyir na gang dag dad pas rab tu 'byung bar mi nus pa de dag rnams kyis bu dang bu mo rnams yang dag par bden pas gzung bar bya'o/ /gang yang nus pa dang ldan par gyur kyang bkren par gyur pas nus pa ji lta ba bzhin du bu dang bu mo rnams 'dzin par mi byed pa de ni khyim pa yang ma yin la dge slong yang ma yin no/ /de'i phyir na zang zing gi sbyan pas sbyin pa la legs par sbyar bar bya ba dang / tshul khrims la kun nas goms par bya bas kyang rgyal po dang rgyal po'i blon po rnams kyis kyang rung ste/ bu dang bu mo tshul khrims la rab tu dgod par bya'o/ /sbyin pa dag gtong du gzhug par bya'o/ /shes rab la goms par byed du gzhug go/ /yang dag pa'i bde bas yongs su bskyang bar bya ba dang / rjes su bskyangs pa'i dbang du byas nas lhag ma rnams kyis rim kyis nus pa ji lta ba bzhin du ste/ de ltar byed par gyur pa'i rgyal po 'am rgyal po'i blon po de dag rnams kyang rung ste/ shin du ring du bde bar</font><hr>65.286b<br><font size=+1>

'tsho'o/ /lus zhig par gyur nas kyang mtho ris bde 'gro'i 'jig rten pa rnams las 'thab bral gyi lha rnams kyi mnga' bdag tu 'gyur te/ bde ba'i las de dag gi rgyu dang rkyen rnams kyis so/ /chos gzhan yang rgyal pos rab tu brtson pa du mar bya ba rnams la 'di lta ste/ shes rab la ci nas kyang goms par bya ba'i rang bzhin can nyid do/ /shes rab la goms par bya ba zhes bya ba ni sdug bsngal thams cad kun nas 'joms par byed pa 'khor ba thams cad las nges par 'byung ba'i rgyur gyur pa'i phyir na/ de la ci nas kyang rgyal pos goms par bya ba yin/ shes rab zhes bya ba yin te/ gang gi phyir mun pa chen por kun nas ltung ba'i sdug bsngal du ma'i mun par 'thoms par gyur pa rnams la rab tu gsal bar byed pa'i mar me 'khor ba' dbul po rnams kyi nor mig med par gyur pa rnams kyi mig stobs med pa rnams kyi stobs dang grogs med pa rnams kyi grogs dang skyob pa dang mi ldan pa rnams kyi skyob par byed pa dang / nad kyis shin du gzir ba'i srog chags 'di dag rnams kyi ni sman no/ /lam med pa la rab tu gnas pa rnams kyi ni lam ston par byed pa'o/ /'khor ba'i dgon par rab tu zhugs par gyur pas sred pas kun nas gdungs pa rnams kyi ni shin du bar yang bsal bar gyur pa'i chu rnam pa du ma rnams so/ /'khor ba'i btson rar kun nas bsdams pa rnams kyi nges par 'byin pa'i rgyur gyur pa'o/ /gnyen bshes med pa rnams kyi phan par byed pa'i gnyen no/ /mig ldongs pa rnams kyi rab rib dang rnam par bral bar byed pa'i mig go/ /gsod par byed pa'i yul dang dus rnams su stobs dang ldan pa'i grogs po'o/ /gshin rje'i pho nya rnams nye bar gnas pa'i 'chi ba'i dus na stobs dang ldan pa'i grogs po rnams gang gis ngan 'gro'i 'jigs pa rnams thams cad las kun tu 'dren par byed pa'o/ /bgrod dka' ba rnams dang ngam grog rnams dang g.yang sa rnams las lag pas 'don par byed pa'i stobs dang ldan</font><hr>65.287a<br><font size=+1>

pa'i grogs po rnams gang gis bde ba rnams thams cad 'thob par byed pa'o/ /kun nas tshig par gyur pa'i skyes bu rnams kyi rin thang med pa'i gos rnams so/ /tshul khrims 'chal pa'i me'i 'jigs pa'i tsha bas gdungs pa rnams kyi shin du che ba'i yal ga du ma rnams kyis kun nas khyab par gyur pa'i bsil ba'i grib ma 'jigs pa med pa dang ldan pa la yal ga du ma stug por gyur pa yal ga phre'u dang / chi'u gzhon nu dang 'dab ma dang ze ba dang ldan pa'i ljon shing skye bo rnams thams cad kyi mig dang reg pa na shin du dga' bar 'gyur ba yin no/ /de'i phyir na yang shes rab ni ches shin du lhag par gyur pa yin no/ /kye ho 'jig rten pha rol dang 'di dang gzhan la yang rung ste/ skye dgu rnams la thog ma mad pa'i dus nas rab tu 'jug par gyur pa'i rgyur gyur pa rnam pa de lta bu gzhan ni yod pa ma yin no/ /shes rab kyis ni ji lta ba bzhin du gcig tu yon tan dang ldan pa dang de yongs su shes par bya ba'i tshul ji lta bar goms par bya ba las lam dam pa rtogs par 'gyur zhing / legs par rnam par spyad nas sems la rab tu bzhag ste/ mtha' mar lhan cig kun du bskyod pa dang / gcig tu nges pa dang da rnam pa du mar rnam par shes par bya ba yin pa dang / dang po dang bar dang tha mar ches mdzes par gyur pa bris pa/ ngo bo nyid kyi lam legs par ston par byed pa'o/ /de dag nyid ni mngon par 'dod pa'i don thams cad la gcig tu chogs pa med par mya ngan las 'das pa'i grong khyer legs par ston pa po de ni rtag tu goms par bya'o/ /de ni yun ring du rgyal srid la longs spyod par gyur pa dang grong khyer pa rnams kyang 'di la rjes su dga' bar 'gyur ro/ /yul gzhan rnams kyi rgyal pos kyang gzhom par mi nus so/ /dus yun ring du 'tsho bar 'gyur ba dang sdug</font><hr>65.287b<br><font size=+1>

bsngal yang 'byung bar mi 'gyur ro/ /bde ba rnams la yang dus ring du nye bar longs spyod par byed pa des bde ba nas bde ba 'thob par 'gyur ro/ /lus kyang zhig par gyur nas shi ba'i 'og tu yang mtho ris bde 'gro'i 'jig rten las 'thab bral gyi lha rnams kyi mnga' bdag tu 'gyur te/ des sngon byas pa'i las rnams kyi rgyu'i rnam par smin pa'i rkyen gyis so/ /yang chos gzhan dag rgyal pos rab tu brtson pa thams cad kyis bya bar bya'o/ /'di yang gang zhe na/ 'di lta ste/ yul gyis 'khrid par 'gyur ba de ltar mi bya'o/ /rgyal po gang zhig yul rnams mchog tu byed par gyur pa rnam pa thams cad du dge legs su 'os pa'i sgra dang reg bya dang ro dang gzugs dang dri rnams kyis kun tu phrogs pa'i rgyal po ni thabs rnams thams cad kyis kyang dge bar bya mi nus so/ /rnam pa de lta bu dag gis yul rnams kyang dag pa'i bde bas yongs su skyongs bar mi 'gyur ro/ /bdag nyid kyang yul de dag rnams la mchog tu byed par yang mi 'gyur zhing blo de la song bar gyur pas kyang chos dang nor dang snyan pa rnams las kyang yongs su nyams par 'gyur ro/ /yongs su nyams pa las ni mi mthun pa'i rgyal po gzhan gyis mngon par 'tshe bar byed do/ /de des mngon par gtses pa las ni de'i grong khyer ba rnams dga' ba dang rnam par bral bar gyur nas rgyal srid 'chor bar 'gyur ro/ /sdug bsngal chen po rnams su yang lhung nas srog kyang ngam brgya la na ste med par 'gyur ro/ /de'i phyir na yul rnams la chad cher 'gyur bar mi bya'o/ /gang yang rgyal po yul rnams la ched cher byed pa ma yin pa dang rang gi chos yongs su skyong bar byed pa dang / sems kyang shin du mnyam par bzhag pa dag ni sgra dang reg bya dang ro dang gzugs dang dri rnams kyis kun nas 'khrid par mi 'gyur ro/ /de ltar rgyal po des skye dgu rnams</font><hr>65.288a<br><font size=+1>

bskyangs par gyur pa na chos dang nor dang snyan grags dang yang rtag tu yang dag par ldan par 'gyur ro/ /legs par ldan pas phyir zhings brgyal 'bangs rnams skyong bar byed do/ /de rtag tu skye dgu rnams la phan par 'dod pa dang / gnod sems med pa dang brnab sems med par gyur pas kyang lus zhig nas mtho ris bde 'gro'i 'jig rten pa rnams las 'thab bral gyi lha rnams kyi mnga' bdag tu 'gyur ba yin te des sngon byas pa'i rgyu dang rkyen rnams kyis so/ /yang chos gzhan yang rgyal pos mi bya bar gyur pa 'di yang gang zhe na/ 'di lta ste gdul dka' ba rnams yul du 'dzin par mi byed pa'o/ /gang yang rgyal por gyur nas gdul dka' ba'i sdig pa'i las can tshul khrims 'chal pa rnams yul 'dzin par byed pa na de ni dus mi ring ba nyid na des byas par gyur pa'i skyon chen po kun tu ltung bar 'gyur ro/ /rkyen chen po de dag rnams kyis kyang yul ljongs 'jigs par 'gyur ba dang / mnga' byed rnams las yang yongs su nyams par 'gyur ro/ /lo tog rnams kyang smin par mi 'gyur ro/ /las kyi mtha' dag med par 'gyur ro/ /legs par skye dgu rnams skyong bar yang mi byed do/ /de la skye dgu 'dod chags dang bral bar 'gyur ro/ /gdul dka' ba rnams yul du 'dzin par byed pa yin pa'i phyir na yul na gnas pa'i lha dag kyang rjes su brtse bar mi 'gyur ro/ /gdul dka' ba rnams kyis ni gang gi phyir skye bo mchog tu dul ba rnams kyang gdul dka' bar byed pa yin te/ thams cad kyang bsten grogs kyi dbang gis yin pa'i phyir na yon tan dang ldan par gyur pa rnams thams cad dang gzhan dang sten grogs byas par gyur pa las chud 'dza' bar 'gyur ro/ /de'i phyir na rgyal pos gdul dka' ba rnams kun tu gzung bar mi bya'o/ /gang yang skyes bu ngan pa gdul bar dka' ba sdig pa kun tu spyod pa 'dzin</font><hr>65.288b<br><font size=+1>

par mi byed pa de dag la ni skyon ji ltar bshad pa de dag rnams mi 'byung ngo / /yang dag par skye dgu rnams skyong bar byed do/ /skyes bu chos byed ma yin pa rnams ni 'di'i yul na gnas par yang mi byed do/ /de skyes bu chos pa rnams dang ldan pas chos ma yin pa rnams la dga' bar yang mi byed do/ /chos pa chos kyi rjes su 'jug par de'i yid la bsams pa 'di dag rnams thams cad phun sum tshogs par 'gyur ro/ /'di'i yul yang 'jig par mi 'gyur ro/ /don ma yin pa gzhan yang 'byung bar mi 'gyur ro/ /rgyal po de chos kho na'i skyabs dang chos kho na'i grogs dang gzhi de nyid kyis lus zhig par gyur nas kyang mtho ris bde 'gro'i 'jig rten 'thab bral gyi lha rnams kyi mnga' bdag tu las de'i rgyu dang rkyen rnams kyis 'gyur ro/ /chos gzhan yang rgyal pos rab tu brtson par gyur pas byed pa na chos dang legs par ldan pas yin gyi 'di la yang rang bzhin chags pa dang ldan pas ni ma yin no/ /'di yang gang zhe na 'di lta ste/ bran rnams la rang gi khyim du longs spyod par byed pa da ltar gyur pa'i sa gzhi dang nor sbyin par sbyin pa rnams rgyal po gang gis bran gang la 'di'i khyim du rigs pa yin pa rnams des de rang la ster bar byed do/ /de la rang bzhin gyis mi dga' bar mi byed do/ /bran rnams dang phan tshun du dga' rangs par byed pa yang ma yin no/ /'di dag rnams la yid 'byung bar mi byed do/ /bgo bsha' byed pa'i dbang du byas nas gnas nas g.yo bar yang mi 'gyur ro/ /rtog par yang mi byed pa'i rgyal po ni shin du legs par gnas pa rnams kyis kyang gnas pa yin no/ /'di ni nyo tshong gi bya ba'i yul rnams la yang 'jug par mi byed do/ /stobs dang ldan par gyur na yang stobs chung ba rnams ci nas kyang 'tshe bar mi byed do/ /chos rnams la 'dod pa can yang ma yin no/ /chog</font><hr>65.289a<br><font size=+1>

shes can yin pa yang ji ltar rang gi las kyis byas pa rnams kyis chog shes so/ /yul ljongs rnams su yang dus ma yin par lhas char mi 'bebs so/ /dus ma yin par nyi ma rab tu tsha bar mi 'gyur ro/ /mu ge 'byung bar mi 'gyur ro/ /mtshon cha 'khrug par mi 'gyur ro/ /klu rnams kun nas 'khrug par mi 'gyur ro/ /lha dag gis yul de yongs su spangs par gyur nas yul gzhan rnams su nye bar 'gro bar mi 'gyur ro/ /yul de yang lha gzhan dag gis stongs par byas nas rlag par mi byed do/ /mi rnams dang lha rnams kyang mi rnams kyi stobs kyis 'phel bar byed pa yin no/ /de la de ltar skyon dag rjes su rtogs par byas la rgyal pos mi sdig can rnams gzung bar mi bya'o/ /gang yang dge ba spyod par byed pa spyod pa rnams kyi mchog chos byed kyi mchog tu gyur pa rnams yul du 'dzin par byed pa'i yul de dag rnams thams cad ni lhas yongs su skyong bar byed do/ /'dzin par byed do/ /'dzin par byed pa'i rgyu mtshan gyis kyang lha'i tshogs dang nye ba'i yul la lha gzhan rnams kyis der bar chad bya bar mi nus so/ /yul de la yang srung bar 'gyur ro/ /rgyal po de yang rgyas par 'gyur ba de'i phyir yul du sbyin pa dag ni gtong bar byed la/ bsod nams dag kyang byed do/ /tshul khrims srung bar byed do/ /shes pa dang ldan par 'gyur ro/ /de de ltar shin tu legs pa dang yang dag par ldan par gyur pa'i rgyal po chos byed kyi mchog ni 'jig rten 'dir yang mchog tu mdzes par 'gyur la lus zhig nas shi ba'i 'og tu yang mtho ris bde 'gro'i 'jig rten las 'thab bral ba'i lha rnams kyi mnga' bdag tu 'gyur ro/ /rgyal po gang dag chos sum bcu rtsa lnga po de dag rnams 'dzin par byed pa ni/ de dag gis kyang legs par gzung bar 'gyur ro/ /de ni yon tan rnams</font><hr>65.289b<br><font size=+1>

thams cad phun sum tshogs par 'gyur ro/ /de la 'di ni bde ba nas kyang ches bde ba'i gnas su 'gyur ro/ /de nas de'i tshe nam mkha' lding gi rgyal po dus bzangs de gtsug tor can gyis gsungs pa'i tshigs su gcad pa rnams brjod pa ni ji ltar/ gang gi skye bo gtsang ma'i 'khor/ /chos la spyod pa dbang po thul/ /rgyal po chos byed blo ldan de/ /mtho ris 'jig rten skye ba yin/ /dus ni nges par byed pa gang / /chos kyis yongs su longs spyod cing / /'dod pa las grol rgyal po de/ /'thab bral rnams las lhag par 'gyur/ /bzod ldan snyan pa'i ngag can gang / /khro dang rgod pa 'ang rnam sdom pa/ /des ni sa chen bskyang byas nas/ /lha 'di rnams kyi gtso bor 'gyur/ /dag pa phyogs su lhung min pa/ /grogs dang grogs min gyis mi 'joms/ /rgyal po shin du mnyam rgyal phyir/ /lha yi 'jig rten dgu du rung / rgan po lha la spro ba che/ /bla ma mchod pa po nyid dang / /brkam chags med dang brtan po'i blo/ /lha rnams nang na lhang nge'o/ /pa yis sngon ni byin pa dang / /de nyid slar yang ster ba gang / /'byung po rnams kyang mi 'tshe ba/ /de ni lhar ni skye bar 'gyur/ /sbyin dang tshul khrims rtag tu bsgrin/ /chos smra ba dang dbang po thul/ /rgyal des sa 'di legs gzung nas/ /lha yi 'jig rten sa bdag 'gyur/ /chos pa min pa 'dzin mi byed/ /chos pa la yang dga' bar byed/ /de ni chos tshul kun dag pas/ /lha rnams kyi ni mnga' bdag 'gyur/ /rgyal po bud med dbang mi 'gro/ /rtag tu 'ang bzang po rnams kyi dbang / /dri med blo gros sbyangs pa ste/ /lha yi 'jig rten dag tu skye/ /thams cad tshig ni 'dzin mi byed/ /'dzin byed bzang po rnams kyi tshig /bdud rtsi de nyid legs mthong ba/ /lha yi rgyab du gnas pa po/ /snyan grags la ni 'dod byed cing / /</font><hr>65.290a<br><font size=+1>

rdzas nyid la ni 'dod ldan man/ /'dod pa'i dri ma las grol te/ /'thab bral rnams kyi mnga' bdag 'gyur/ /log par lta ba'i blo min zhing / /de nyid kun du lta la dga'/ /shin du lta dag mi g.yo ba/ /'thab bral rnams las lhag par 'gyur/ /sbyin dang tshul khrims rtag tu ldan/ /shes rab kyis kyang rtag de 'gro/ /ma lus sa chen rnam rgyal de/ /phyi mar lha yi mnga' bdag 'gyur/ /rna ba spro ba byed pa'i mchog /ngag ni snyan par gyur pa yis/ /rab tu tshim byed sa bdag ni/ /tha mar lha rnams dag tu skye/ /ngag gi slu ba med pa gang / /lhun po bzhin du mi g.yo ba/ /bden pa'i them skas la 'dzegs nas/ /tha mar de ni lha rnams nang / /gzhis rnams la ni 'phel 'grib tu/ /glo bur du ni mi byed gang / /mchog tu bsgo byed rgyal po de/ /nges par lha yi 'jig rtan gnas/ /mi yi khyad par de nyid shes/ /stobs dang stobs min shes pa gang / /de ni blo stobs legs ldan pas/ /'thab bral rnams kyi bdag por 'gyur/ /gang yang khams gsum pha rol gyur/ /'dir ni dkon mchog gsum zhes brjod/ /mi bdag gang gis de mchod pa/ /de ni lha yi nang du skye/ /dus nges pa ni legs par ston/ /skye dgu rnams la phan par dga'/ /rgyags dang nyam nga bral ba yi/ /de ni lha rnams bdag por dran/ /gnyid kyi dri ma las rnams gol/ /'du 'dzi'i skyon ni yongs su spangs/ /shes rab spyod yul yang dag ldan/ /nges pa kho nar lha nyid yin/ /le lo'i skyon dang bral ba dang / /rtag tu brtan pa pha rol gnon/ /des ni nyes pa'i tshogs bcom nas/ /pha rol du de mtho ris 'gro/ /gang zhig grogs po brtan pa dang / /rtag tu las ni byed rnams kyi/ /dam pa'i grogs kyis legs yongs bskor/ /rgyal po lha yi bdag por 'gyur/ /gang gis g.yo sgyu can</font><hr>65.290b<br><font size=+1>

mi sten/ /g.yo sgyu can ni spangs pas kyang / /de ni bsgrub bya'i yul las grol/ /lha rnams las ni lhag par 'gyur/ /khro dang rgod bag rnam par spangs/ /gang yang sdig la dga' mi 'gyur/ /des ni sdig rdzab legs bkrus nas/ /rtag tu lha yi bdag por 'gyur/ /zas dang skom la chags pa min/ /dge ba rnams la rtag tu chags/ /dam pa chos legs mthong ba de/ /blo rab rgyal nas lhag par mdzes/ legs par bsams pa sems par byed/ /dam pa'i chos la 'jug par byed/ /dam pa'i chos kyi gdam ngag gis/ /ji bzhin lha yi nang du 'gro/ /don skor min dang myur bar yang / /gang zhig chos kyi rjes su 'jug /sdug las de ni myur grol nas/ /lha yi 'jig rten du nyer 'gro/ /mi bdag gang yang chos kyis ni/ /rtag tu skye dgu yongs skyong ba/ /rab tu bsngags pa'i chos byed bdag /lha yi 'jig rten sa bdag 'gyur/ /dge ba'i chos bcu bdag gis ni/ /gang bshad de nyid mthong ba yis/ /gang de byed pa'i blo ldan ni/ /lha las lhag par mdzes pa yin/ /rgyu dang rkyen ni legs par mthong / /lam dang lam min de bzhin te/ /de ni lta ba'i dri bral nas/ /de blo lhag par khyad par 'gro/ /ji ltar 'os par sa bdag gi/ /lha gang dag ni mchod byed pa/ /lha rnams mchod pas de ltar yang / /lha rnams las ni lhag par 'gyur/ /rnyog pa med pa'i yid kyis ni/ /bu dang bu mo 'dzin byed pa/ /rang gi chung mas chog shes de/ /lha rnams kyi ni bdag por 'gyur/ /byis pa thams cad 'phrog byed pa'i/ /yul rnams gyis ni 'phrog mi 'gyur/ /rtag tu tshul khrims kyis bsrungs pa'i/ /tshul khrims ldan de lha yul 'gro/ /gdul bar mi nus rtag tu spangs/ /sten pa gang yang chos byed la/ /dam pa'i chos sems gtsang ma ni/ /lhar 'os pa'i</font><hr>65.291a<br><font size=+1>

phun tshogs ldan/ /rigs pas brtsams pa'i chos kyis 'di/ /sa skyong ba yi bdag po 'di/ /sa gzhi ma lus kun bsngags nas/ /'thab bral gyi yang bdag por 'gyur/ /de ltar 'thab bral gyi mnga' bdag de mngon par mthong nas ngang pa'i rgyal pos dus bzangs kyis skye ba gzhan dran par gyur pas dang smon lam gyis kyang der skyes pas na/ gtsug tor can gyis gsungs pa rnams mu su lun d+ha de kun tu dga' bar bya ba'i don du bstan pa yin no/ /gnas 'di ni de ltar rnyed pa ma yin gyi chos chen po'i khyad par gyis gnas 'di 'thob par 'gyur ba yin no/ /de thob nas kyang gang dag bag med pas mi phrogs pa de ni phyis 'gyod pas gdung bar mi 'gyur ro/ /'chi ba'i dus na yang dmyal ba'i pho nya bzhin rnam par sgyur bar byed pa rnams 'di'i sngun na nges par gnas par mi 'gyur ro/ /de 'thab bral gyi bdag po khyod ni bag med pa ma yin zhing bag med pas rgyu ba ma yin pas khyod nga'i sgra gang thos par gyur nas yul rnams thams cad yongs su spangs te/ chos nyan 'dod pas gdungs nas 'dir 'ongs so/ /gang dag sdug bsngal bas chos la spyod pa de dag ni bde bar sgrub pa yin la/ gang dag bag med pas yongs su phrogs pas na/ lha'i yul rnams la longs spyod par byed pa de dag ni sdug bsngal ba yin no/ /de la mu su lun d+ha khyod 'dod pa'i dbang gis mi 'gro ba gang yin pa de ni 'dir bde ba yin la/ lha gzhan yang gang dag khyod la mthun pas rjes su 'brel ba rnams ni mu su lun d+ha de dag rnams kyang skye ba 'di la dge ba'i bshes gnyen bsten pa las na rtag tu bde bar 'gyur ba yin no/ /sdig pa'i grogs po rnams bsten par mi byed pa yang ste/ de la mu su lun d+ha khyod ni de dag nyid byed pa yin pas lha 'di dag rnams la gces par bya ba yin no/ /</font><hr>65.291b<br><font size=+1>

des de dag rnams gnyis ga yang ji lta ba bzhin du mya ngan las 'das pa'i mthar thug pa'i bde ba rnams 'byung bar 'gyur ro/ /gang gi phyir khyed rnams thams cad kyang rang gi sa la 'gro bar gyis shig /kho bo yang lha gzhan gang dag bag med par 'gyur ba de dag rnams kyi bag med pa gdul ba'i don du bdag gis brtson pa gang dag bya'o/ /de skad ces brjod nas ri'i phreng ba de'i nam mkha' la 'phags par gyur to/ /mu su lun d+ha yang des bshad pa la mngon par dga' bar gyur nas/ lha rdzas kyi khang bzangs de nyid la mngon par zhon zhing / lha de dag rnams kyis de yongs su bskor nas nam mkha'i dkyil du 'phags so/ /lha gzhan de dag rnams kyang lhan cig rjes su spyod pa'i lha de dag rnams nyid kyis yongs su bskor nas rtse mo stong pa'i ri'i phreng ba'i ri gang yin pa'i ri la rtse bar byed de/ de dag kho na bzhin du bag med pa'i dug gis kun tu rmongs par gyur cing / yul sred pas nye bar bcom pas nags dang nye ba'i nags dang rdzing bu dang pad ma'i nags dang mtsho chen po rnams dang de yang dpag bsams gyi shing gi nags rnams la yang de kho na bzhin du phan tshun du grogs kyi bya ba dang ldan pas dga' bar byed do/ /rtse bar yang byed pa ni lha rdzas rnga skad yan lag lnga dang ldan pa dpe med pas zas skom gyi chu klung rnams la dga' bar byed do/ /lha rnams rtse ba yang dus thams cad kyi me tog dang / 'bras bu dang bya dag sgra kun nas sgrogs pa phun sum tshogs pa rnams la rang gi las kyis sprul pa'i bde ba mchog la nye bar longs spyod par byed de/ yid du 'ong bar 'gyur ba byas shing bsags pa'i las rnams ji srid du zad par ma gyur gyi bar gyi dus de srid du'o/ /gang gi tshe zad par gyur pa de'i tsha ji ltar byas pa'i rang gi las rnams kyis dmyal ba dang yi dgas dang dud 'gror skye bar 'gyur ro/ /gang yang mi rnams dang skal ba mthun</font><hr>65.292a<br><font size=+1>

par gyur pa mi rnams kyi nang du skyes na/ de mchog tu skyid de bar 'gyur ro/ /rgya mtsho'i ngos rnams su 'am 'bab chu rnams kyi 'am tshong pa 'am sems stobs dang ldan pa dang rgyal po rnams thams cad kyis kyang rgya mtsho'i ngos de nyid la rab tu rgyu bar mi byed pa dang longs spyod che ba'i mchog dang ldan pa dang skye bo thams cad phun sum tshogs par 'gyur zhing mthun pa dang yid du 'ong ba dang ldan par las de'i rgyu mthun pas 'gyur ro/ /gzhan yang dge slong las kyi 'bras bu rnam par smin pa shes pa de/ 'thab bral ba'i lha rnams kyi sa la kun du lta bar byed pa na/ 'thab bral gyi lha rnams kyi sa rtag tu bde ba zhes bya ba ji lta ba bzhin du yod pa des thos pa las byung ba'i shes rab kyis shes so/ /der las gang gis sems can rnams skye bar 'gyur ba yang des mthong ba ni/ gang gis srog gcod pa dang ma byin par len pa dag byed par ma gyur pa ni snga ma bzhin te/ 'dod pa la log par g.yem pa yang thams cad du spangs par gyur pas cung zad cig kyang bud med kyi gzugs la mngon du lta ba dang sems par mi byed do/ /yid kyis kun du rtog par mi byed do/ /kye gzugs 'di ni ji ltar 'dod chags dang bcas pa rnams la mchog tu sdug pa yin zhing / bud med che ge mo ni mchog tu bsten par mdzes par gyur pa ste/ gzugs 'di ni mchog tu dga' ba yin zhes pa 'di ni tshul bzhin ma yin pa yid la byed pas rab tu rnam par rtog par byed pa yin pa dang yid 'dod chags dang lhan cig tu 'grogs par gyur pas dang / sems kun du bcom pas dang lam der zhugs pa yin pa'i yid la byed pa de lta bu rnams kyi 'dod chags dang lhan cig 'grogs pa'i sdug bsngal yang yongs su spong bar byed do/ /bdag nyid kyi rnams kyang yongs su spong bar byed pa skyug bro ba yin par lta bar byed do/ /dga' ba bskyed par mi byed do/ /sa rnams skyed par mi byed pa'i blo sed par</font><hr>65.292b<br><font size=+1>

byed do/ /gzhan dag rnams la yang de ltar 'dod pa log par g.yem pa nye bar ston par byed do/ /lam la rab tu 'god par byed do/ /'dod pa rnams kyi nyes dmigs rab tu ston par byed do/ /sred pa rnams la yang kun tu 'dod chags par mi byed do/ /de ltar 'dod pa la log par g.yem pa rnam par spong bar byed pa de ni lus kyi las kyi mtha' rnams mchog tu dag pa yang dag pa'i lta ba can brkam chags med par 'gyur ba de'i lus zhig nas shi ba'i 'og tu yang mtho ris bde 'gro'i 'jig rten pa 'thab bral gyi lha rnams kyi sa rtag tu bde bar skye'o/ /de la skyes par gyur pa de yang srid pa bar ma do nas bzung nas dbang po lnga po rnams sgra dang reg bya dang ro dang gzugs dang dri phun sum tshogs pas tshim par byed de/ dge ba'i las rgya chen po dang las rgyun mi 'chad par byas pas legs par skye ba yin no/ de'i rjes thogs la 'di skye ba'i gnas rnams kyang gsum du skye bar 'gyur ba yin te rdzus te skye ba la 'di lta ste/ pad ma'i snying po la yang skye bar 'gyur ba dang ud pa la'i ze ba'i dbus su dang mAn da ra'i me tog dag gi yang dbus su'o/ /de la gang yang ud pa la'i ze ba'i dbus su 'am/ mAn da ra ba'i me tog gi dbus su yang skyes par gyur pa rnams ni de dag gi gzi brjid kyis de dag gi kha dog rnams de dag dang / zhad 'dra bar 'gyur ba yin pa la gal te na le brgan no/ /gal te na sngon po'i 'od dang ldan par 'gyur ba yin no/ /de bzhin du kha dog sna tshogs pa rnams su 'gyur ro/ /ud pa la de ji lta ba kho na bzhin du rin po che bdun gyis rnam par bkra bar gyur pa'i lus su'o/ /de la ji ltar na rin po che bdun gyis rnam par bkra bar gyur pa yin na/ gang dag ni bai dUr+ya'i mdog gi spu dang de bzhin du mig 'bras dag kyang ngo / /dngul gyi mdog gi sen mo dang dmar po dang ldan pa'i mdog can mu tig gi so dang 'dzam bu</font><hr>65.293a<br><font size=+1>

chu bo dag pa'i gser gyi mdog gi lus dang / in dra nI la'i mdog dang mtshungs par gyur pa'i spu'i phreng ba dang sa ra ka 'dra ba'i byug pa dang ldan par rnam pa du mar 'di lus rnam par bkra bar byas pa ni las gang yin pa des pad ma'i snying po las skye'o/ /de la de dag rnams phal cher ni de dag dang mtshungs pa'i kha dog 'dzam bu'i chu bo'i gser sbyangs pa yin no/ /skra rnams ni in dra nI la dang mtshungs pa'i mdog dang pad ma rA ga dang cha 'dra ba'i mchu dang mu sa ra dang 'dra ba'i mig 'bras dang / pad ma rA ga dang zhad 'dra ba'i sen mo dang mchog tu gnag pa'i spu'i phreng bar gyur pa mu sa ra dang 'dra ba rnams so/ /de la cung zad kyang ma mthong ba rnams dpes gzhal ba yin no/ /gzhan gang dag mAn da ra ba'i me tog gi nang du skye bar 'gyur ba de dag rnams ni sna tshogs pa'i gzugs dang cha byad dag gis rnam par bkra bar byas par gyur pa yang de dag la bsten pa'i dbang gis so/ /dper na cung zad tsam zhig 'dra bar gyur pa ni gang zhig mngon du ji lta ba bzhin gyi rnam pas srin bu dag ji ltar snying por brjod pa las skye bar 'gyur ba na de lta bu nyid kyi kha dog tu 'gyur ro/ /'di'i yon tan yang bsten grogs kyis byas pa kho na yin la/ bsten grogs kyang dge ba dang mi dge bar yin no/ /de'i phyir thams cad du bsten grogs byas pa las thams cad 'gyur ro/ /de las skyes pa'i lha de dag rnams mi bde ba rgya chen po rnams kyis yongs su gang ba'i mtho ris kyi bde bas 'phel bar 'gyur ba na/ rab tu rgya che bar gyur pa'i lha rdzas phal che ba rnams kyis yud tsam yud tsam la yang du mar shin du mang ba'i lha rdzas kyi bye brag rnams kyi de dag rnams kyi bde ba rnams ni rnam pa thams cad kyi thams cad du phyogs cig kyang rtogs par byed pa'i dpes gzhal bar bya ba dang bral ba yin no/ /de dag rnams las cung zad cig mngon</font><hr>65.293b<br><font size=+1>

par brjod pa yin no/ /de yang dper na rgya mtsho'i chu rnams las thigs pa gcig nyid yin pa de bzhin du 'di yang yin no/ /gang dag gis legs par byas pa'i las rnams byas par gyur pa rnams dge ba'i las rnams la de rtag pa kho nar rab tu spro bar 'gyur ba'i rgyu gang gis legs par byas pa'i las dang 'bras bu dag rtogs par 'gyur ba yin no/ /nye bar longs spyad par bya ba rnams la mngon par zhen pas kyang legs par byas pa'i las rnams byed pa yin no/ /de bzhin du thar pa la yang brtson pa'i blo yang yin te/ srid pa rnams na sdug bsngal du mas mngon par bcom pa rnams dang bred pa'i yul dag gis nye bar bcom pa rnams la srid pa na bde ba cung zad cig tsam yang yod pa yin nam/ de la rgyu 'di dag gis legs par byas pa'i las rnams kyi 'bras bu bstan pa yin gyi/ 'dir srid pa la mngon par zhen par gyur pa 'di las ni lha rnams kyi bde ba mngon par bsngags pa ma yin no/ /de nas lha'i sa de dag tu skyes pa'i lha rnams ni rtag pa nyid du lha rdzas kyi 'dod pa'i yon tan lngas rtse bar gyur pa dang / lha mo'i 'gro ba pa brgya stong rnams kyis glu nye bar blangs par gyur pa rnams ni lha rdzas kyi nags dang nye ba'i nags dang mtsho dang mtsho bran dag du yang nye bar len par byed do/ /phan tshun du grogs su gyur pa rnams rang gi las la longs spyod pa dang ldan pas ri ngos rnams dang ri bo dang / mtsho bran dang pad ma'i rdzing bu dang nags de dag rnams kyi bde ba rgya chen po rnams la longs spyod par byed pas lha dang lha mo'i tshogs kyi bde ba dang nye bar ldan pa/ rang gi 'od dang ldan pa'i lha dang lha mo'i tshogs kyis yongs su bskor ba de dag rnams dang dga' bar byed do/ /yul nas yul dang nye ba'i nags nas nye ba'i nags dang ches dga' bar gyur pa nas ches dga' bar gyur pa dag dang rin po</font><hr>65.294a<br><font size=+1>

che bdun gyi rang bzhin gyi rtse mo rnams nas rin po che bdun gyi rang bzhin gyi rtse mo rnams su 'dod pa'i sred pa rnam par ngoms pa med pa rnams kyis rnam par rgyu bar byed do/ /de dag gis snga na med pa'i pad ma'i rdzing bu mdzes pa rnams rtag tu legs par mthong ba dang glu'i sgra rnams la yang shin du chags pa dang / lha rdzas kyi ro la myang bar byed pa dang lha rdzas kyi gos dang smad g.yogs dag gis khyab par byas pa dang / lha rdzas kyi dri yid kyi rjes su 'thun pa rnams snom par byed pas kyang dus yun ring ba las kyang ring bar 'gro bar byed do/ /'dod pa kun nas sad pa de dag rnams ni phan tshun du snying kun nas chags pa rnams yin no/ /phan tshun du snying kun nas chags pa de dag rnams la 'dod pa las legs par sad par byed pa zhes bya dag gis tshigs su bcad pa brjod pa ni ji ltar/ thams cad thams cad 'byung thams cad/ /phung po gsum du nges par 'gyur/ /byis pa rnams kyang 'khor ba la/ /kun nas skyo ba skye ba 'ang min/ /thams cad thams cad du thams cad/ /du ma'i thabs kyis rab brtson pas/ /'chi bdag dus ni mi zad pa/ /byung ba la ni skyabs yod min/ /rgyun chad bde ba thams cad rnams/ /sdug bsngal 'byung gnas chen po rnams/ /'brel ba thams cad 'bral byed pa/ /'chi bdag zhes ni mngon par brjod/ /'byung gnas 'jigs par nyer khrid pa'i/ /sdug bsngal rnams ni rgya mtsho mtshungs/ /blo rnams rnam par rmongs byed pa/ /'chi bdag ces ni 'di la brjod/ /srog dang re thag kun nas gcod/ /dbang po rnams kyang 'jigs byed pa/ /sems can kun gyis bzlog mi nus/ /'chi bdag ces ni mngon par brjod/ /'byung po kun gyis thub min dang / /las rnams kun</font><hr>65.294b<br><font size=+1>

gyis rgyal min pas/ /sems can thams cad rnam 'joms pa/ /'chi bdag ces ni 'di la brjod/ /nges pa kho nar myong 'gyur dang / /lus can thams cad ltung ba'i mtha'/ /rigs mthun 'jig par byed pa 'di/ /'chi bdag ces ni mngon par brjod/ /lhar bcas gnod sbyin dri za dang / /sha za klu dang srin po yang / /dus kyi 'khor los rnams 'joms pa/ /'chi bdag ces ni brjod pa yin/ /ma bsdams pa dang bag med pa/ /lus can kun la me dang 'dra/ /khro ba yang ni phyir mi zlog /'chi bdag ces ni 'di la brjod/ /phung po skye mched 'jig pa dang / /tshe dang drod dang ci sta sems/ /dus kyi chos ni shugs po che/ /'chi bdag ces ni brjod pa yin/ /de la 'di dag myur rgyug pas/ /lus can rnams ni log par 'khrid/ /dge legs dag ni 'bad par gyis/ /yid ni bag med par ma byed/ /de ltar dus su legs par 'bod pa zhes bya ba'i byas bag med pa bag med par spyod par byed pa'i lha de dag rnams la 'chi bdag gi 'jigs pa bden pa gyur pa nges par myong bar bya ba rnams ston par byed do/ /de dag rnams de ltar thos par gyur yang lha bag med par spyod pa de dag rnams ji ltar ma thos pa kho na bzhin du skyo bar yang mi 'gyur te rang bzhin gyis kyang dbang po rnams ni g.yo ba yin la/ khyad par du yang gang dag bde skyid can de dag rnams ni ches kyang g.yo 'gyur can yin pa'i phyir dang / khyad par du yang lha rnams ni rtag tu bde bas rgyu ba yin pa'i phyir ro/ /de la rgyu 'di dag gis na lha de rnams la yang dag pa dang / de kho na dang phan pa dang snying po dang ji lta ba'i don rnams brjod par gyur pa na yang kun du rtogs pa ma yin no/ /de dag rnams las nges par rtogs pa de dag rnams kyang mi 'dzin te/ yul gyi sred pa'i dug gis rnam par 'khrul bar byas pa'i phyir ro/ /</font><hr>65.295a<br><font size=+1>

de la rgyu 'dis kyang lha dag yang dag par gyur pa rnams mi 'dzin to/ /de ltar rtsis btab ma byas par slar yang de kho na bzhin du rgya chen po mngar mo'i yul gyi bde ba rnams la dga' bar byed de/ rnam pa sna tshogs pa'i bde ba'i chu bo rnams la rgyu bas de de bzhin du slar yang rnga skad yan lag lnga dang ldan pa'i 'gying bas rgod la glu dang rol mo'i sgra rnams kyis rab tu dga' bas nags dang nye ba'i nags kyi sa gzhi rnams la dang rdzing bu dang tshang tshing gi nags rnams la lha dang bcas nas dga' bar byed do/ /legs par byas pa'i las rnams kyis kyang 'dir dga' bar byed do/ /de dag rnams rin po che rnams kyi yul du ma rnams la dang ri'i rgyab rin po che bdun gyis rnam par brgyan pa rnams la dang rtag tu khyad par du dga' ba'i bde bas rnam par rgyu ba rnams la dang 'dod pa thams cad phun sum tshogs pas bskyed pa rnams la dang / mchog tu skyid pa rnams la yang rnam pa sna tshogs par rnam par bkra bar byas pa'i sa gzhi'i cha dga' bar gyur pa rnams la dang sa gzhi'i cha rnams la yang rtag tu skyed mos tshal du rab tu dga' ba'i yid dang ldan pa yin no/ /lha mo'i tshogs rnams kyis yongs su bskor nas lha de dag rnams kyang zas dang skom gyi sa rnams su dga' bar byed par 'gyur ro/ /'dod pa thams cad phun sum tshogs pa de de kho na bzhin du rnam par rol bar gyur pa na/ skyed mos tshal gyi ltad mo'i dbang du byas nas phan tshun lhan cig tu gyur nas/ gnod pa med par don gcig pa rnams rtag tu yang phan tshun gyi rjes su 'thun par byed pa de la song ba'i yid can rnams rnga skad yan lag lnga dang legs par ldan par gyur nas/ kun dga' bar byed do/ /de dag dga' bar gyur pa las nam zhig na rnam par rgyas pa zhes bya ba'i mjug ngos su nye bar 'gro bar byed</font><hr>65.295b<br><font size=+1>

de/ mjug ngos de'i yang nye 'khor ni dpag tshad brgya pa'o/ /de dag thams cad kyang rin po che bdun gyi rang bzhin gyi rnam par bkra ba'i cha shas kyis rnam par bkra bas reg par bzod pa'i bai dUr+ya'i yu ba zhes rdo rje shin du phra ba rnams kyi ze 'bru can gyi rab tu kha bye ba'i pad ma chen po rnams kyis kun du khyab par gyur pa ste/ de yang snga na ma mthong ba des mngon par mthong nas lhas mchog tu ngo mtshar bar gyur pa'i ches dga' ba'i mtho ris de dag la lha de dag gis snga na ma mthong bar mngon par mthong zhing de las gzhan pa'i ngo mtshar ba rnams dang mthong na mchog tu dga' ba rnams kyang mngon par mthong nas lha de phyir zhing nyid du brgya 'gyur gyis kyang ches rab tu dga' ba'i yid kyis phan tshun du mngon par lta bar byid cing g.yog yang byed pa na/ yul cig na dga' bar gyur pa dang / rnam par dga' bar gyur pa shin du kha bye bar gyur pa'i pad ma chen po de dag rnams kyis mthong bar gyur nas phan tshun du brjod par yang byed de/ lha dag ji lta ba bzhin du 'di la lta bar gyis dang mtho ris ma lus pa rnams la 'di ngo mtshar bar gyur pa dang mchog tu dga' bar gyur pa yang yin la/ gang dag sngar nam yang mthong ma myong ba rnams kyi rnam pa de srid du mthong na ngo mtshar bar gyur pa 'od kyi mchog dang ldan pa de na/ bung ba rnam pa du ma'i rin po che bdun gyis rnam par bkra ba'i lus can rnams kyis nye bar mdzes par byas pa'o/ /kha bye bar gyur pa'i pad ma chen po de la yang phan tshun du blta bar sdug pas na pad ma chen po la rtsed mo rtse bar byed do/ /mtsho de'i nye 'khor rnams na rab tu khyab pa ni ji ltar cung zad tsam pa rnams kyang dge legs su gyur pa rnams yin te/ rnam par rgyas pa'i mtsho chen po de'i chur ni cung zad cig mthong ngo / /'gram gyi nye 'khor rnams na yang mu tig gi rang bzhin gyis kha'i 'tshams rnams bsgron pa dang / in dra</font><hr>65.296a<br><font size=+1>

nI la dang pad ma rA ga dang dngul gyi rang bzhin gyi kha khyer dang kha khyer rnams kyi cha shas rab tu rnam par phye ba shin du blta bar sdug pa dang ldan pa yin no/ /'di dag gi dbus na yang pad ma chen po gang yin pa'i snying po dang bcas pa'i 'phangs su ni dpag tshad lnga'o/ /rgyar ni dpag tshad bcu yin la legs par byas pa'i las byas pa'i lha rnams kyi ji lta ba 'dod pa bzhin du rgya che bar 'gyur ba ni ma gtogs te/ rgya che ba'i dbang du byas nas ni ji ltar 'dod par lha de dag rtse bar 'gyur ba de bzhin du yang pad ma chen po de kha dbye ba dang 'khum par yang 'gyur ro/ /lha rnams kyis kyang ji ltar kun tu rtog par byed pa dang / gang yang kun du rtog par byed pa dang rnam pa gang dag gis kyang kun tu rtog par byed pa na de dag rnams thams cad kyang mtsho chen po de dag pad ma chen po dag las rnyed par 'gyur ro/ /de ltar na yang mtsho chen po de ni kun brtags par dga' ba zhes bya ba yin pa dang pad ma de yang kun brtags pa'i pad ma zhes bya ba yin te/ de dag gnyis kyi ming yin no/ /des na lha de dag rnams gang dang po nyid kho nar mtsho de dang pad ma 'di zhes de dag gnyis ga'i ming du byed pa yin no/ /de nas lha de dag rnams thog ma nyid kho nar mtsho de gang yin pa de mthong bar gyur nas/ de brgya 'gyur gyis lhag par ches rab tu dga' bar 'gyur ba'i yid kyis mtsho de'i 'gram du gar byed pa dang 'gying bag kyang byed do/ /glu yang len par byed do/ /phan tshun g.yog byed par gyur cing rnga skad yan lag lnga dang ldan pas de ltar lha rdzas kyi 'dod pa rnams la nye bar longs spyod par byed do/ /rang gi legs par byas pa'i las byas pa de dag rnams mtsho la dus de snyed du rtsed mo byas nas phyis nyid kyang myos pa'i skyon rnams dang bral ba dang myos pa'i yon tan rnams dang ldan pa'i btung ba dag 'thung bar byed pa rnams la</font><hr>65.296b<br><font size=+1>

ji ltar 'dod pa bzhin du bsil ba dang ji ltar 'dod pa'i dri rnams dang / ji ltar 'dod pa'i kha dog rnams dang ji ltar 'dod pa bzhin gyi snod kyi dbyibs dang rin po che'i rang bzhin gyi yon tan rab kyi mchog gis kun nas gang ba'i btung ba'i mtsho chen po de nyid kyi drung nas byung nas/ ma lus pa rnams la 'gro bar byed pa dang gang dag yin pa'i lha de dag rnams 'thung bar byed do/ /gzhan yang thag nye ba na gnas pa'i lha gzhan dag rnams kyang mtsho chen po de nyid du song nas gar byed par gyur pa na/ bdud rtsi'i khu ba dag lha rdzas kyi dri dang ro dang reg bya dang kha dog mchog dang ldan pa rnams de dag gis mthong bar gyur nas/ de dag rnams la dga' ba'i yid kyis rtse bar byed de/ zas bza' bar 'dod pas de de dag rnams kyi drung du nye bar phyin nas bdud rtsi de dag mid par byed do/ /de yang lag tu blangs nas sam snod du bcug nas kyang rung ste/ ji ltar las kyi rjes su mthun pa'i cha 'dra ba rnams yin no/ /de dag mid par gyur nas slar yang gang kho na mtsho de nyid yin pa der nye bar legs par phyin pa na/ des mthong ba ni pad ma chen po de'i 'od zer rnams dang ldan pa yang nyi ma brgya stong rnams pas ches lhag par 'bar bar gyur pa gang la mtho ris kyi rin po che'i 'od rnams thams cad kyis bcu drug char yang mi phod pa yin no/ /de nas lha de dag gis pad ma chen po de kun nas mngon par mthong bas/ mchog gi rab tu dga' ba'i yid kyis lha'i tshogs rnams kyis yongs su bskor nas rnga skad yin lag lnga dang ldan pas gar byed par gyur cing mtsho chen po rnam par rgyas pa de'i nye 'khor rnams kun du yongs su 'chag go/ /de dag rnams ji lta ji ltar yongs su 'chag par byed pa de lta de ltar phyir zhing nyid kyang mchog tu blta na sdug pa rmad du byung ba'i khyad par gzhan rnam pa sna tshogs pa rnams mtsho</font><hr>65.297a<br><font size=+1>

de dag tu legs par mthong ngo / /pad ma chen po de'i rnam pa de lta bu rnams gang zhe na/ 'di lta ste dga' bar gyur pa dang / ngo mtshar bar gyur pa rnams la/ kha cig ni pad ma chen po 'di'i steng na mdog dang dbyibs sna tshogs pa'i bung ba rnams te/ rin po che bdun gyi rang bzhin gyi gshog pa can gyi bung ba dang bung ba mo dag lhan cig tu dga' bar spyod do/ /de kho na bzhin du rin po che bdun gyi rang bzhin gyi bung ba mo de dag dang bung ba de dag rnams lhan cig tu me tog gi rtsi dpe med pa'i rang bzhin gyi pad ma'i rtsi rnams 'thungs par gyur pa na de tshigs su bcad pa brjod pa ji ltar/ rnam pa sna tshogs las bskyed pa'i/ /sna tshogs 'bras dang yang dag ldan/ /gang 'di bkra bar 'gro ba yi/ /sems kyis ji ltar legs 'dod bzhin/ /thams cad sems kyis bkra bar byas/ /rnam par bkra bar rten par byed/ /las zhig nas ni rnam 'jigs pa/ /ring po min par 'byung bar 'gyur/ /dpe med pa yi bde ba 'di/ /gal te lha rnams kyis mthong ba/ /mi rtag thabs 'og nyid du ni/ /ring po min par 'tshud par 'gyur/ /dbu ba dang ni chu'i chu bur/ /'di ni smig rgyu'i mdog mtshungs pa'o/ /rab tu rnam 'jig bde ba kun/ /log ltung mthar ni 'gro bar 'dod/ /bzlog thabs med dang mi bzad pa'i/ /'byung po thams cad 'jig byed pa/ /bzlog par mi nus shugs can 'dir/ /'chi bdag rgyal po rgyug par byed/ /bde ba thams cad 'joms pa dang / /gson pa yang ni bcom nas ni/ /kun rtog las kyis bcings pa yi/ /'jig rten gzhan du 'khrid par 'gyur/ /mi rnams kyi ni 'das de gang / /de ni bde bar rtog pa med/ /gang yang bde ba 'dod gyur pa/ /de yang cung zad 'grang mi byed/ /sred pa'i dug dang 'dres pa yi/ /de lta ba yi</font><hr>65.297b<br><font size=+1>

bde ba gang / /de kun log par ltung ba'i mthas/ /'dus byas mi rtag g.yo ba yin/ /'jig rten gsum gyi bde ba gang / /de nyid gzigs pas bsngags mi mdzad/ /de yis ji ltar lha rgyags 'gyur/ /don med pa dang bral bar gyis/ /lus 'di ring min na nyams par/ /'di ni myur bar rgyug par 'gyur/ /shing skam la ni me bzhin du/ /lha gang gis ni chos sreg pa/ /bde ba thams cad shin du ltung / /dge legs yid ni bya bar gyis/ /'chi bdag dus ni byung gyur na/ /phyi nas 'gyod par ma byed cig /skye ba gzhan yang stong phrag la/ /las kyis bde ba gang byung ba/ /de dag gang du song lam bzhin/ /bdag cag 'jig pa'i mtha' min nam/ /shing skam me ni ji lta bar/ /bya rnams bde bas tshim pa min/ /de phyir bde la chags pa yis/ /bde ba mthar thug 'gyur ma yin/ /skom pa'i skyon la chags pa ni/ /'dod pa'i skyon rnams rjes su 'dren/ /bsam gtan pa yang bag yod pa'i/ /de yi bde gang rnyog pa med/ /de thob shin du bder 'gyur gyi/ /srid pa las skyes bder mi 'dod/ /sbrang rtsi dang bsres sred ji ltar/ /de ltar bde ba srid bde yin/ /de phyir bde la chags pa dang / /rtag tu 'dod pa bcal mi bya/ /bde ba shin du mthar thug yin/ /de phyir 'dod pa zhi ba min zhes bya'o/ /de ltar bung ba de dag rnams kyis mngon du phyogs nas legs par gnas pa'i lha de dag rnams la legs par byas pa'i las kyis kun nas bskul ba brjod pa yin no/ /lha de dag rnams kyis de dag gis bshad pa de la rtsis bgrang ma byas par slar yang mtsho de lta bar byed pa la shin du spro ba dang / de la song ba'i yid kyis lhan cig spyod pa'i 'khor rnams dang bcas nas dga' bar gyur pa dang rtse dga' bar gyur pa dang rgod par gyur pa dang glu len par gyur pas kyang yongs su spyod par byed do/ /de dag rnams</font><hr>65.298a<br><font size=+1>

kyis de'i tshe dus ring du rtsed mo rtses nas/ gzhan yang mtsho de lta bar byed pa la kun nas mngon du phyogs pas phan tshun grogs su gyur pas/ mtsho de rgal bar byed do/ /pad ma chen po de gtsang mar gyur pa dang / 'byung ba chen po yang ba'i dbang gis dang las rnams kyi mthus kyang yongs su rnam par rgyu ba yin no/ /rang gi las kyis 'gro bar byed pa de dag rnams pad ma'i 'dab ma 'chel zhing chags par gyur pa'i kha dog du ma rnam par bkra ba'i cha shas du mas rnam par bkra bar byas pa rnams la zhen par gyur cing lha rnams dga' bar byed de/ lhan cig spyod pa rnams dang bcas pas pad ma'i 'dab ma gzhan dag gi nags rnams su yang lhan cig rtse bar byed do/ /kun du 'chel ba'i lha de dag rnams nyid dang 'dab ma rnams la kun tu 'dzeg par byed pa'i lha de dag rnams dang lha de dag rnams ji lta ba bzhin du de ltar yang pad ma'i 'dab ma de dag kha 'bye bar 'gyur ro/ /dge ba'i las rnams kyi rkyen gyis pad ma chen po de yang de kho na bzhin du kha 'bye'o/ /snying po yang de bzhin du ji srid dpag tshad nyis brgyar 'gyur ba dang / de bzhin du gsum dang de bzhin du bzhi dang de bzhin du lnga dang de bzhin du drug du yang 'gyur te/ de bzhin du dgu dang de ltar ji srid du dpag tshad stong gi bar du yang lha de dag rnams kyi legs par byas pa'i las kyis 'gyur ro/ /snying po de yang de kho na bzhin du kha 'bye ste/ ji srid du dpag tshad brgya'i bar du kha 'bye'o/ /mthu stobs 'di dag ni pad ma chen po de'i yin no/ /'di la lhan cig spyod pa dang bcas pa'i lha de dag rnams thams cad so so so sor 'dab ma gzhan la song nas dga' bar byed pa dang byed pa na de dag rnams kyang kha 'bye'o/ /de nas rtse bar byed pa'i lha de dag rnams nyid 'di snyam du sems te/ bdag cag rnams rtse bar byed pas 'di ltar rnam par rgyu ba nyid la gzhan yang gnas 'di nyid na bza' ba'i klung dang btung ba'i klung ro bzang po dang ldan pa rnams 'byung bar 'gyur mod/ </font><hr>65.298b<br><font size=+1>

de nas sems bskyed pa tsam nyid na de dag rnams nyid gnas pa'i sar bza' ba'i klung dang btung ba'i klung de dag kyang pad ma'i nang gi 'dab ma de nyid la rab tu 'byung bar 'gyur ro/ /de dag nyid 'di snyam du sems par gyur te/ bdag cag gi btung ba dang kha zas 'di dag la ltos dang zer nas de dag lha dag dang lhan cig tu bdud rtsi za bar byed do/ /de nas lha de dag rnams dus ring du 'da' bar byed do/ /'das nas ni 'di nyid du rnam par gnas pa'i bdag cag rnams la yang 'dab ma'i bar rnams nyid las rtsed mo'i nags 'di dag rnams kyang legs par 'byung bar gyur cig /de nas sems bskyed pa tsam nyid na legs par byas pa'i las rnams kyi nags de dag rab tu 'byung bar gyur pa ni/ rin po che bdun gyis rnam par spras pa'i ljon shing rnams la sna tshogs pa'i bya rnams kyis sgra'i khyad par brjod pas dga' bar gyur pa 'khris shing kun nas dud pa'i khang pa rnam par rgyas pa dang / me tog dang 'bras bu dang lo tog rnams phun sum tshogs pas dus dang nam zla thams cad du dga' bar gyur pa dang / khyad par du rnam pa sna tshogs pa dga' bar gyur pa'i chu klung dang 'bab chu dang / shin du blta bar mdzes pa'i chu tshag tshig dang rnam pa sna tshogs pa'i 'bab chu dang chu gshal dag gi sgra 'ur 'ur zer ba rnams ches dga' bar gyur pa rnams dang / shin du rnam par phye ba'i sa gzhi'i cha shas rnams la rnam pa du ma sna tshogs pa'i dri dang tshad dang dbyibs dang ldan pa'i me tog rnams nye bar skyes par gyur pa la/ 'di lta ste chu las gyur pa'i me tog der skyes pa na/ 'di lta ste/ ud pa la sngon po dang ku mu da dang / a ma lA nA dang nI tA na dang legs par spras pa dang 'dab ma brgya pa dang g.yo ba med pa dang phun sum tshogs pa dang / la ba la dang khor yug dang 'dra ba dang 'od snang ba dang bung ba'i mig dang mtshungs pa rtag par rnam par bkra ba dang / in dra nI la'i mdog dang me tog rnams thams cad thams cad du skyes pa de lta bu rnams la</font><hr>65.299a<br><font size=+1>

sogs pa'i chu las skyes par gyur pa'i lha rdzas kyi me tog rnams kyis nye bar mdzes par byas pa'i nags rnams rab tu 'byung ngo / /de bzhin du thang las skyes par gyur pa'i me tog rnams mdog dang dbyibs sna tshogs par dga' bar gyur pa'i me tog gis nye bar mdzes par byas pa rnams pad ma chen po'i 'dab ma'i gseb du zhugs pa'i lha rnams la/ pad ma chen po nyid kyi nags las legs par skyes pa'i me tog rnams kha cig ni 'di lta ste bde ba'i 'od zer 'thab bral ba rnams kyis/ bos par gyur pa na 'ong ba gang gi tshe bos pa nyid na lha mo rnams kyi drung du 'am/ lha rnams la yang rtag par rab tu drangs pas kha bye bar gyur pa'i mdog gis 'ong bar gyur te/ dpag tshad brgyar dri 'byung bar blta na sdug cing dga' bar gyur pa/ kha dog sna tshogs pa rnams legs par kha bye ba dus thams cad du rab tu rangs shing gang bar rgyas pa/ 'dab ma dang ze ba rnams 'jam pas reg na shin du bde ba 'od zer thams cad kyis rnam par brgyan pa/ sa gzhi la blta bas ngoms pa med pa 'dod pa bzhin du dga' ba rnam pa de lta bu'i thang las skyes pa'i me tog rnams rab tu 'byung ngo / /yang nags rnams ljon shing las gyur pa'i me tog rnams ni/ 'di lta ste mAn da ra ba'i me tog kyang btog par sla ba dang reg bya dang ro dang dri dang kha dog kyang dga' bar gyur pa dang ke ta kA dang tsam pa ka'i me tog dang klu gzhon nu'i lce dang rnying pa dang gsar pa'i ma li ka dang yid bde ba dang yod pa dang / dris tshim par byad pa dang thams cad las dga' bar gyur pa'i ri'i phreng ba dang rtse mo dga' bar gyur pa rnams las/ rnam pa de lta bu'i me tog dang shing ljon pa dang 'khris shing dang shing gel pa rnams las rab tu skyes shing legs par byung bar gyur pa ni/ pad ma'i nang gi 'dab ma rnams la zhugs nas rtse bar gyur pa'i lha de dag rnams kyi legs par byas pa'i las kyi mthu</font><hr>65.299b<br><font size=+1>

las yin no/ /de nas lha de dag lhan cig spyod pa'i 'khor dang bcas pa rnams nags de dag rnams dang pad ma'i tshal gyi 'dab ma'i nang du song nas de ltar dga' bar byed pa dang rtse bar yang byed pa'i mthu stobs 'di ni/ pad ma chen po'i nags de dang pad ma'i nags de dang rnam par rgyas pa'i mtsho de'i yang yin te/ kun brtag par rnam par kha bye ba de'i yin no/ /de ltar lha de dag rnams pad ma chen po'i 'dab ma'i nang du song nas dus ring du dga' bar byed pa dang lha rdzas kyi 'dod pa'i yon tan lnga dang nye bar ldan pas rtse bar yang byed do/ /de nas de ltar rtse bar byed pa de dag rnams de ltar pad ma chen po'i 'dab ma'i nang du song ba rnams 'di snyam du sems te/ gang ma thang yang bdag cag 'di na gnas nas rtsed mos rgyu ba rnams la ri dag 'byung bar 'gyur na rung ste/ rin po che sna tshogs pa'i rtse mo can 'od zer gyis snang bar byas pa dang bya'i tshogs kyi sgra rnam par brjod pas mngon par dga' ba dang ri phug dang khrod dang chu klung dang ngos dang ljongs dag gis dga' bar gyur pa'i sa gzhi cha shas rnams legs par rnam par phye ba thams cad nas rtsed mo rtse bar 'os pa lha bdag cag rnams la bdag cag lha rnams kyi yang lha bdag cag pad ma chen po'i 'dab ma'i gseb du zhugs pa rnams la de lta bu'i ri dag legs par 'byung bar gyur na rung ngo / /de nas sems bskyed pa dang lhan cig kho nar lha de dag rnams la 'byung bar 'gyur te/ lha de dag gi legs par byas pa'i las kyi rkyen gyi dbang dang rkyen gyi dbang gis rab tu phal che bar gyur pa'i nags dang nye ba'i nags dang rdzing bu dang ri'i rtse mo dang khong gseng gi gseb dang dga' bar gyur pa'i ri ngos rnams dang tshang tshing dang phug dga' bar gyur pa rin po che bdun gyis rnam par spras pas kun tu 'bar ba 'od zer dang ldan pas dga' bar byed pa de 'khris shing kun nas 'phyang ba dang sman ljongs dang ri khrod rnams yid kyi rjes su 'thun pa rtag tu mthong ba na dga'</font><hr>65.300a<br><font size=+1>

bar 'gyur ba'i ri brgya phrag rab tu byung bar gyur pa rnams la lha rdzas kyi me tog dang 'bras bu dang 'khris shing kun tu 'phyang bas legs par 'khril ba rnams kyis dga' bar gyur pa'i phug dang ngos dang ljongs brgya stong dang ldan pa rnams 'byung bar gyur to/ / de nas lha de dag rnams 'dab ma'i gang bu de yongs su spangs nas/ de kho na bzhin du lha brgya stong gis yongs su bskor bas lha rdzas kyi mdog dang dri dang reg bya dang ldan pa rnams kyi rnying pa med pa'i me tog gi phreng ba rnams kyis nye bar khyab pa/ lha'i glu mkhan gyi skad snyan pa rnams dang bcas pa'i dal zhing brgyud pas yid 'phrog pa'i sgra mdzes pa rnams kyis ring du yang rna ba'i bu ga tshim pa med par lha rdzas kyi 'dod pa'i yon tan lnga dang ldan pa'i ri de la dal bus dal bus 'grim par byed do/ /tho phyi kun tu rgya bskyed nas mig legs par bsgyur zhing lta bar byed pa'i mig snga na mngon par dga' ba rnams lha de dag rnams dga' bar byed cing g.yog gi bya ba rnams kyang byed do/ /zas dang skom gyi klung rnams la yang btung ba dang bza' ba dga' bar gyur pa dag la za ba dang 'thung bar byed do/ /de rnam pa sna tshogs pa rnam pa du ma dang ldan pa'i btung ba dang bza' ba'i bya ba rnams byas nas ri khrod kyi gseb rnams su mAn da ra ba dang pad ma ku she Sha yA mchog gis rang gi lus la yang bcings pa dang / de bzhin tu lha mo rnams kyis kyang lha rdzas kyi phreng ba mchog gis byas nas gar byed pa dang / glu len pas kyang dus ring du/ lha rdzas nyid kyi 'dod pa'i yon tan lnga dang bcas shing yang dag par ldan par gyur pas/ slar yang de kho na bzhin du yul rnams la chags pa'i yid kyis thams cad nyid du ngoms par ma gyur nas/ sred pa'i gtsang pos nges par khyer bar gyur pas/ gzugs dang rgyan dang cha lugs sna tshogs pa can gyi lha de dag rnams lha mo'i tshogs kyis yongs su bskor nas lan brgya phrag rnams su dang / yang na lan stong</font><hr>65.300b<br><font size=+1>

phrag rnams su slar nyid kyang gang na rnam par rgyas pa'i mtsho chen po la pad ma chen pos legs par rgyas pa der nye bar 'gro'o/ /phyir zhing yang mtsho chen po de nyid du kun nas nye bar 'jug par byed pa dang kun tu nye bar bgrod par yang byed la/ slar yang de kho na bzhin du de kho na nyid kyi pad ma'i 'dab ma rnams la de bzhin nyid du so so so sor ches dga' bar gyur pa'i rtsed mo rnams nyams su myong bar byed de/ rang gi las rnams dang cha 'dra ba rgyas btab pa'i rjes 'dod pa bzhin no/ /de nas gzhan yang lha de dag rnams nyid 'di snyam du sems te/ tha mar na yang bdag cag rnams kyi ri sul sna tshogs pa rnams nas rnam pa du ma rnam pa sna tshogs pa'i bya gzugs dang / cha byad dang rtsed 'jo dang dbyibs dang zas dang gnas dang spyod lam rnams mthong na dga' ba snyan par gyur pa'i sgra du ma rnams kyis rtse sgrogs pas lhag par dga' bar gyur pa/ rin po che bdun gyi thig les rnam par spras pa'i rin po che bdun rnam par bkra ba'i thig le rnams skyes pa'i lus rgya chen po thams cad du thogs pa med pa'i 'gros kyis legs par spyod pa/ chu dang thang dang bar snang rnams la yang bde ba'i 'gros kyis 'gro bar byed pa gang dag gis bdag cag rnams nus par 'gyur ba blta na sdug pa'i bya de dag rnams byung na rung na/ nged rang rnams kyis kyang nam mkha'i dkyil du 'gro bar ni nus na/ 'on kyang bdag cag rnams 'dod pa na tha mar na yang bdag cag bya de dag rnams kyi rgyab du zhon la lha mo'i tshogs rnams thams cad kyis yongs su bskor nas shin du bde bas nam mkha'i dkyil du rab tu bgrod pas bde ba rgya chen po'i sa ma lus pa 'di dag rnams kun nas gnod pa med pa'i 'gros kyis kun du blta bar bya'o/ /nye 'khor kun la rnam par bltas shing rnam par bltas nas slar nyid kyang ches lhag par lhan cig spyod pa'i 'khor dang bcas nas rtsed mo byed par gyur pa na/ de ltar lha de dag</font><hr>65.301a<br><font size=+1>

rnams kyi sems bskyed pa dang lhan cig kho nar sna tshogs pa'i ri'i khrod dang phug dang 'khris shing 'phyang ba rnams dang ri'i rtse mo rnams dang rnam pa sna tshogs pa'i tshang tshing dang ri sul dang ljon shing rnams la gnas pa'i bya rnams legs pa'i las kyis bos par gyur pa na 'ong bar 'gyur ba ni/ sna tshogs pa'i gzugs dang cha byad dang sna tshogs pa'i mdog dang skad kyi dbyangs rnams dang ldan pa dang / rin po che bdun gyi thig le rnams kyis spras pas rnam par bkra ba/ lha mo rnams thams cad kyang ngo mtshar bskyed pa dang / yid mngon par dga' ba dang nam mkha'i dkyil ma lus pa de dag rnams kun nas khyab par gyur pa dang / rtse sgrogs pas kyang gang bar byas nas pad ma chen po'i 'dab ma'i gong bu rnams gang na lha de dag rnams rtse ba der kun kyang 'ong bar 'gyur ro/ /de dag rnams ni nam mkha' la 'gro ba yin pas nam mkha' ma lus pa rnams thams cad du khyab par byed do/ /de nas lha de dag gis bya de dag mngon par mthong nas lha mo dang bcas pa rnams slar nyid kyang ches rab tu rangs par gyur pa'i yid kyis lhan cig spyod pa dang bcas pa rnams nam mkha'i dkyil du 'phags par 'dod par gyur to/ /de nas bya de dag rnams gang gi tshe nye bar 'ongs pa de'i tshe lhan cig spyod pa rnams dang bcas pa de dag nyid kyi rgyab tu nges par zhon te/ nam mkha'i dbyings kun tu 'phags par gyur nas nye 'khor du yang de dag gis khyab par byas so/ /de nas glu len par gyur pas lag na pi bang dang gser gyi dgu po rgyud mangs dang / gling bu dang rnga mu ra ba dang lha rdzas kyi rol mo mkhan dga' bar gyur pa rnams kyis rna ba'i bu gar gtad par gyur pa phan tshun lhan cig tu bde ba'i sa de dag rnams la kun du lta bar byed do/ /dga' ba rnams la nye bar longs spyod par byed do/ /lha de dag rnams bde ba'i 'dod chags kyis chags par gyur pa dga'</font><hr>65.301b<br><font size=+1>

ba'i 'dod chags kyis rab tu rnam par nyams pa'i yid can rnams kyis pha rol tu yang log par ltung bar 'gyur ba na mthong ba ma yin no/ /de nas de'i dus na legs par byas pa'i las rnams kyis legs par bskul bas/ de kho na nyid brjod pa zhes bya ba'i byas lha bag med pa de dag rnams la rjes su 'doms par byed pa'i tshigs su bcad pa bshad pa ji ltar/ ji ltar lus can rnams kyi ni/ /srog ni shin du myur 'gro ba/ /bya rnams 'gros dang rlung po yang / /de bzhin myur du 'gro ba min/ /rlung de las ni phyir zlogs shing / /bya de rnams kyang phyir la zlogs/ /'gag par 'gyur ba'i srog kyang ni/ /de ni slar yang 'ongs pa med/ /las ni myur bar zad pa dang / tha ma yang ni myur bar 'byung / /cis kyang 'byung ba'i 'du 'bral ba/ /lha rnams kyis kyang go ba min/ /bzlog par mi nus shugs chen po/ /gtum po thams cad brlag par nus/ /nges par myong ba'i stobs ldan pa/ /'chi bdag 'di yang ma rig go/ /shin du bag med pa yi lha/ /bde bas yongs su bslus pa yin/ /gang zhig nges par 'byung ba yi/ /sdug bsngal chen po ma rig go/ /'dus byas kyang ni thams cad kyang / /'jigs dang bcas pa'i khyad par gyis/ /'di ni rnam par 'jig par 'gyur/ /srid nas srid par chos nyid kyang / /'di ni rga bas lang tsho 'joms/ /srog ni 'chi ba'i tha ma ste/ /rgud par gyur pa'i 'jigs byed kyis/ /gnas pa rnams ni 'jig pa'i rgyu/ /'jigs chen rnam pa de lta bu/ /sdug bsngal gyis kyang 'jigs pa che/ /bag med pa yi lha gang yang / /bsam pa de dag cung zad med/ /gang yang blo yi mig gis ni/ /ma 'ongs pa'i 'jigs pa mthong / /de ni mkhas pa yin zhes bya/ /byis pa rnams ni bzlog pa yin/ /rnam rmongs yid can thams cad ni/ /rang gi sems ni bslus pa yin/ /</font><hr>65.302a<br><font size=+1>

mar me'i snum ni zad lta bu'i/ /las zad pa ni ma mthong ngo / /dga' ba'i yul ni du ma rnams/ /bde ba bla na med pa 'di/ /longs spyod nas ni las zad pas/ /slar yang log par ltung bar 'gyur/ /de ltar bya des legs par byas pa'i las kyi tshig gis lha de dag rnams la rjes su ston par byed do/ /bag med pa'i yul gyis kun nas rmongs pa'i lha de dag rnams kyis go bar mi 'gyur zhing / brjod pa de dag rnams la yang rtsis btab ma byas par phyir nyid kyang bde ba rgya chen po'i sa gzhi ma lus pa de dag rnams kun tu lta bar byed de/ thams cad las mngon par dga' bar gyur pa'i ri rnams dang chu klung dang / sman ljongs dang 'bab chu dang rdzing bu dang ljon shing dang nags dang nye ba'i nags dang legs par 'brel pa rnams dang / de lta de ltar pad ma'i tshal rnams dang ri bo'i mchog rnams kyis yongs su gang ba rnams na lha'i tshogs rtse dga' ba rnams kyis legs par 'brel ba rnams dang yang gzhan rnams la bya rnams kyis brjod pa'i khyad par dga' bar 'gyur ba rab tu glu blangs pa lta bur thams cad nas rna bas dang du len par byed pa'i sgra rnams dang / gzhan yang de ma yin pa rnams mthong bar gyur pa la/ lha dang lha mo'i tshogs kyis yongs su bskor nas/ pad ma'i bar mtshams rnams nas rin po che'i rtsi dag 'thung bar byed do/ /dpag bsam gyi shing gi nags rnams la yang rnga skad yan lag lnga dang ldan pas lhan cig tu dga' bar byed do/ /gzhan yang gzhan dag rnams su rgyu bar gyur pa na/ khang bu nam mkha'i dkyil dang 'dra ba rnams la zhon pa'i lha dang lha mo rnams lhan cig tu lha rdzas kyi me tog gi phreng ba'i rgyan dang lha rdzas kyi yul lnga po rnams nyid lha rdzas kyi rnga rnams nyid kyis rtse bar gyur pa rnams mthong ngo / /lha dang lha mo de dag rnams nyid kyis kyang mthong nas phan tshun lhan cig tu tshogs par gyur te rtse</font><hr>65.302b<br><font size=+1>

bar byed do/ /rin po che bdun dang rin po che ma ra ka ta yis rnam par bkra zhing 'tsher bag dang ldan par nam mkha'i dkyil nas 'ongs pa'i bya de dag rnams kyi rgyab du legs par zhon pa rnams dang lha gzhan gang dag dga' ba'i tshal na kun du gnas pa'i dag rnams khang bu'i steng du legs par zhon pa rnams dang de dag thams cad dang yang dag par ldan par gyur nas nam mkha' nyid la rtse dga' bar byed pa dang / phan tshun du grogs kyi bya ba dang ldan pas dga' bar yang byed do/ /dus shin du ring bar 'dod pa'i mchog rnams la de dag rnams kyis lhan cig tu rtse dga' bar byas nas slar yang ri'i rtse mo dag la 'khod par byed do/ /nags dang nye ba'i nags rnams la de dag rnams kyis rnam pa sna tshogs pa'i rtsed 'jo rnams byas nas slar yang rnam par rgyas pa'i mtsho chen po der 'gro'o/ /bya de dag rnams nyid kyi rgyab du legs par zhon nas nam mkha' bzhin du khyab par byas pas/ lha rdzas kyi rol mo rnams la chags par gyur pa'i yid kyis nags dang nye ba'i nags rnams las slar yang rnam par rgyas pa'i mtsho chen po de nyid du legs par 'gro bar byed do/ /gzhan yang rnam par rgyas pa'i mtsho de nyid thams cad las dga' bar gyur par go nas/ gzhan yang de dag rnams bya de dag gi rgyab dag las mu tig gi stan rnams la legs par babs so/ /de nas yang thams cad dang ldan par gyur pa rnams phyir zhing nyid du de dag rnams pad ma'i 'dab ma la rab tu 'dug nas dga' bar byed pa rnams ni snga ma bzhin no/ /de nas pad ma'i 'dab ma de la dus ring du dga' bar gyur nas/ dus gzhan na 'di lta bu'i blo skyes par gyur te/ gang bdag cag rnams 'di kho na ltar gnas bzhin du ma thang yang 'khris shing gi khang bu rnams la rgyags pa'i khu byug gi sgra dga' bar gyur pa rnams dang / me tog gi tshar kun du 'phyang ba rnams dang rin po che sna tshogs pa rnam par bkra ba ches rab tu</font><hr>65.303a<br><font size=+1>

phal che ba sna tshogs pa'i lo ma dang 'dab ma chags par 'gyur ba rnams dang yang dag par ldan pas nye bar bkod pa'i 'khris shing gi khang bu dag bdag cag rnams kyi rtsed mo'i don du rab tu 'byung bar gyur mod/ de nas sems bskyed pa dang lhan cig nyid du lha de dag rnams kyi legs par byas pa'i las kyis de dag gi 'khris shing gi khang bu rnams rin po che sna tshogs pa'i 'od dang ldan pa/ me tog gi mchog gis kun tu spud pa gser bzang po'i rang bzhin dang dngul gyi rang bzhin dang bai dUr+ya'i rang bzhin dang sngon po chen po'i rang bzhen dang / pad ma rA ga'i rang bzhin dang de bzhin du shel gyi rang bzhin dang de bzhin du gser btso ma'i rang bzhin gyi mchog tu mthong nas dga' bar 'gyur ba rnams dang / de bzhin du rnam par 'dras pa po'i rnam par bkra ba'i 'khris shing gi khang pa de rang 'byung bar 'gyur te/ legs par byas pa'i las rnams kyis dus mi ring ba nyid na 'byung bar 'gyur ba yin no/ /de nas lha de dag rnams kyis 'khris shing gi khang pa de dag mngon par kun nas legs par mthong bas mchog tu rab tu dga' ba'i yid kyis slar yang de kho na bzhin du rtse bar byed cing dga' bar yang byed de/ /lha mo'i tshogs rnams thams cad kyis yongs su bskor ba dang bcas nas/ lha rdzas kyi phreng bas brgyan pa 'dod pa thams cad phun sum tshogs pa gnod pa med pa dang ldan pa'i yid kyis phrag dog dang ser sna dang bral ba/ 'thab mo dang yid mi bde ba'i skyon rnams dang bral ba/ bde legs su rnam par rgyu ba legs par byas pa'i las rnams kyis de dag rnams la dga' bar byed pa'i rnga skad yan lag lnga dang ldan pa rnams la ma nyams pa dang snyan pa dang / dal zhing rgyun chags pa'i dbyangs kyis brgyan du byas pa 'khris shing gi khang bu de dag rnams su lhan cig spyod pa de dag nyid dang ngoms pa med pa'i yid kyis lhan cig tu dga' bar byed pa rnams thams cad kyang sred pa'i dug gis bsregs par gyur pas 'dod pa'i yon tan lnga mtshungs pa med pa rnams kyis rnam</font><hr>65.303b<br><font size=+1>

par ngoms pa med par gyur pa/ mi rtag pa dang cha 'dra ba'i dpe med pa'i 'khris shing gi khang par dga' bar gyur pas ches lhag par chags pas bsgos par gyur pa'i dga' ba rnams nyams su myong bar byed do/ /'khris shing gi khang pa de dag kun yang rnam pa sna tshogs pa'i 'khris shing 'phyang bas dga' bar gyur pa rnams la/ 'di lta ste bai dUr+ya'i rang bzhin gyi 'khris shing rnams la ni gser gyi 'dab ma rnams dang pad ma rA ga dang mtshungs pa'i mdog gi 'bras bu rnams so/ /in dra nI la'i 'khris shing rnams la ni dngul gyi rang bzhin gyi kha dog gi 'dab ma rnams dang shel dang kha dog mtshungs pa'i 'bras bu rnams so/ /gser gyi 'khris shing rnams la ni in dra nI la dang mdog mtshungs pa'i lo ma rnams dang / pad ma rA ga dang mdog mnyam pa'i 'bras bu rnams so/ /rin po che bdun rnam par 'dres pa'i 'khris shing rnams la ni 'dab ma dang 'bras bu rnams kyang rnam par 'dres pa'o/ /gser gyi 'khris shing rnams la ni dngul gyi rang bzhin gyi 'dab ma dang / dngul gyi kha dog gi 'bras bu rnams so/ /rnam pa de srid kyi 'dab ma rnams nyid yin te/ gser de dang mtshungs pa'i kha dog rnams la de dang mtshungs pa'i 'dab ma dang de dang mtshungs pa'i 'bras bu'o/ /de ltar lha de dag rnams kyi 'khris shing gi khang pa rnams de dag rnams kyi legs par byas pa'i las kyis sems bskyed pa dang lhan cig nyid du 'byung bar 'gyur ro/ /de nas lha de dag rab tu dga' ba'i bde bas 'khris shing gi khang bu de dag tu legs par zhugs nas lha mo rnams dang lhan cig tu rtse bar byed pa dang / dga' bar yang byed cing g.yog gi bya ba rnams kyang byed do/ rnam pa sna tshogs pa'i lha yul gyi bde ba rnams kyis myos shing ngoms pa yang med la bde bas chu la nya bzhin du'o/ /de de ltar lha de dag rnams nyid kyang shin du ngo mtshar bar skyed par byed pa'i rgyur gyur pa'i 'khris shing gi rnam par 'phyang bas kun nas</font><hr>65.304a<br><font size=+1>

g.yogs pa rnams su legs par zhugs nas dga' bar byed cing glu yang len par byed la rnga skad yan lag lnga pas de ltar yang dga' bar gyur pa na/ 'di ltar sems par byed de/ ji ltar chung ngu na 'khris shing gi khang bu 'di nyid du rab tu bde bar zhugs pa'i bdag cag 'di dag rnams nyid la rab kyi mchog gi mdog dang dri dang / ro dang bde ba'i reg bya phun sum tshogs pa'i chu klung gang zhig 'dab ma'i gseb dag nas bab par gyur na ci ma rung / zhu gsol byed pa'i lhan cig rjes su spyod pa dang bcas pa rnams phyir zhing ches lhag pa nyid du zhu bar bya ba'i don du de bzhin du sems par byed do/ /de dag rnams sems bskyed pa tsam nyid na/ chu klung de dag ro dang dri dang reg bya rab kyi mchog dang ldan par yang legs par byas pa'i las rnams kyis byung bar gyur pa rnams ni 'dab ma'i gseb dag nas rgyun 'bab par gyur pas/ rab tu rdol bar gyur pa na/ de de ltar lhan cig rjes su spyod pa rnams dang bcas pa rmad du gyur pas rgyags shing myos nas 'dod pa'i sred pa rnams kyis rnam par ngoms pa med pas dus yun ring du glu len pa'i rgyags pas rgyags pa'i sems kyis dga' bar byed pa dang rtse 'jo bar yang byed de/ bag med pa'i sa rnams su skyes par gyur pa de dag rnams ni rang bzhin gyis legs par byas pa'i las rnams zad par byed pa yin la 'chi 'pho ba'i dus na ni legs par mthong bar 'gyur ro/ /yul gyi sred pa rnams kyis ngoms pa med par de ltar rtse rab tu 'jo bar byed pa rnams ni 'di ltar 'gyur ba yin te/ gang chung ngu na bdag cag rnams la dri dang ro dang mdog dang reg bya rab kyi mchog dang ldan pa'i bdud rtsi dag 'dab ma'i gseb rnams nas bar tu gzags par gyur mod/ de nas lha de dag rnams kyi legs par byas pa'i las dag gis sems bskyed pa tsam nyid kyis ro dang mdog dang dri dang reg bya mchog gi rab tu gyur pa'i bdud</font><hr>65.304b<br><font size=+1>

rtsi de dag ji ltar las dang mkhos 'dra zhing / rjes su 'thun pa rnams rab tu bab par gyur pa na/ de ltar de dag rnams nyid dus yun ring por mid par byed do/ /de nas lha de dag rnams 'di ltar yang sems par byed de/ gang mthong yang bdag cag rnams la do shal dang cod pan nor bus spras pa rnams dang / dpung rgyan dang me tog gi phreng ba dang lha rdzas rnams ji ltar mtho ris kyi rjes su mthun pa ches lhag par dga' bar gyur pa rnams 'khris shing gi gseb dag nas rnyed na ci ma rung snyam na/ de ltar lha de dag rnams kyi sems bskyed pa dang dus gcig nyid du legs par byas pa'i las rnams kyis mtho ris kyi rjes su 'thun par dga' bar gyur pa'i rgyan de dag rnams rab tu byung bar gyur to/ /de nas lha de dag rgyan de dag rnams kyis brgyan du byas nas/ 'dod pa'i bde ba rnams kyis dus ring du yang ngoms pa med par lha mo'i tshogs rnams kyis yongs su bskor ba dang bcas pas dus ring por dga' bar byas kyang / yul gyi sred pa rnams kyis rnam par ngoms pa ni med pa yin no/ /de dag de ltar rnam par gnas pa rnams 'di ltar sems par 'gyur te/ gang chung ngu na rol mo mkhan rnams las kyang lhag pa'i dbyangs gzhan du gyur pa rnam pa sna tshogs pa'i me tog gi dri rnams dang yang dag par ldan pa'i yon tan de lta bu dang ldan par 'dab ma rlung gis bskyod par byed na rung ngo snyam na/ de nas lha de dag rnams kyi legs par byas pa'i las dag gis/ sems bskyed pa tsam nyid na rnam pa de tsam nyid kyi rlung rnams kyi khams legs pa dal bus 'byung ba rtsom ste/ gang gis de dag rnams la rab tu bskyod cing phan tshun du dkrol bas byas pa'i rnam pa de lta bu'i dbyangs 'di dag rab tu 'byung ba'i khyad par gang gis/ glu mkhan gyi glu de dag ni bcu drug char yang chog pa ma yin no/ /de nas lha de dag rnams lha mo de dag dang stabs cig tu dus yun ring por dga' bar byed pa dang / </font><hr>65.305a<br><font size=+1>

'gying bar yang byed la glu len pa dang rgod par yang byed de/ 'on kyang 'dod pa rnams kyis ni ngoms par 'gyur ba lta ga la yod/ de dag rnams ni gzhan yang 'di snyam du sems par byed do/ /gang chung ngu na yang bdag cag rnam par gnas pa rnams nyid la rnam pa sna tshogs pa'i kha dog can rin po che sna bdun gyis rnam par spras pa 'dod pa thams cad phun sum tshogs par gyur pa'i khang bu dag rab tu byung bar gyur na rung ste/ gang gis slar yang bdag cag rnams mtsho chen po 'di'i nye 'khor rnams su yongs su bskor nas nam mkha' la gnas pas de ltar rtsed 'jo dag byed par 'gyur ba dang / bdag cag rnams yongs su spyod par yang bya ba dang rgod par 'gyur ba dang 'gying bar 'gyur ba dang glu len par gyur par yang ngo snyam na/ de ltar de dag gis sems bskyed pa tsam nyid na lha rnams kyi drung du khang bu dag rab tu 'byung bar 'gyur ba rnams la/ rin po che bdun gyi rang bzhin las rnam pa sna tshogs pa'i rin po che'i cha shas rnams kyis rnam par bkra bar gyur pa/ mu tig gi phreng ba dang bcas pa lan kan dga' bar gyur pa rnams ches mchog tu mthong na dga' bar gyur pa yin te/ kha cig ni ngang pas 'dren pa dang kha cig rma byas 'dren pa/ kha cig ni shang shang rte'u yis 'dren pa dang / la la ni rnam par bkra ba'i bya rnams thams cad kyis 'dren pa yin zhing / lha de dag rnams kyi mdun nyid na ji ltar 'dod pa'i gzhon pa de dag rnams yin par de ltar legs par shes so/ /de dag rnams mthong bar gyur nas gzhan yang lha de dag kho na bzhin du mnyam por zhon par gyur nas de kho na bzhin du 'gying bar yang gyur pa dang / rtse bar gyur pas kyang de dag thams cad gang na rnam par rgyas pa'i mtsho yod pa der legs par 'gro bar byed do/ /de dag rnams kyis mtsho de mtha' dag dang / pad ma chen po de yang mthong bar gyur nas de dag rnams rgyu bar byed pa na/ pad ma chen po de ma lus pa mthong na shin du ngo mtshar bar gyur pa yin te/ de yang</font><hr>65.305b<br><font size=+1>

rnam pa sna tshogs pa'i rin po che'i rang bzhin gyi 'dab ma rnams rnam par bkra ba'i 'od zer 'phro bar gyur pas rnam par gsal bar byas pa de'i kha dog sna tshogs pa rnams la 'di lta ste/ rdo rje dang in dra nI la dang ma rA ka ta dang pad ma ra ga dang bai dUr+ya dang sngon po chen po dang / dngul dang gser dang mtshungs pa'i kha dog rnams dang de dag rnams kyi 'od kyis kun nas gsal bar byed pa dang 'dab ma rnams mtshungs pa dang / mchog tu blta na sdug par gyur pa dag mthong ngo / /nam mkha'i dkyil na khang bu rnams la legs par gnas pa'i lha de dag rnams dang / pad ma'i 'dab ma de dag la lha gzhan dag lhan cig spyod pa'i 'khor dang bcas pa gnas pa rnams rtse bar byed pa dang / phan tshun grogs su gyur pas myos pa la don gcig pa rnams mtsho de'i pad ma'i 'dab ma rnams kyi gseb du song nas/ glu len pa dang gar yang byed do/ /de nas nam mkha'i dkyil na rgyu bar byed pa'i lha de dag rnams dang gang yang pad ma chen po'i 'dab ma'i nang na gnas pa de dag dang de dag rnams thams cad kyang rnam pa du mar rtse dga' ba chen po nyid kyis rnam par rgyu zhing rtsed 'jos rnam par rgyu bar byed pa gang yin pa la ni dpe rnams kyis nye bar 'jal bar bya bar sla ba yang ma yin no/ /de dag rnams de ltar rtse bar gyur pa'i glu dang rol mo'i sgra dbyangs rnams ni dpag tshad lnga brgyar rnam par gnas par gyur pa dang / de dag ni 'dod pa'i yon tan lnga phun sum tshogs par gyur pa'i rnga skad yan lag lnga dang ldan pa'i chen po rnams rnam pa du mar nye bar longs spyod par byed do/ /de dag rnams ni rang gi las kyi khyad par gang yin pa rnams spyad cing byas la yongs su bsags pa de skyel bar byed la/ 'on kyang dran par 'gyur ba yang ma yin no/ /ji ltar na las rnams zad par 'gyur ba yin pa dang legs par byas pa rnams ni gtugs par 'gyur ba yin pa dang / 'chi 'pho ba'i dus na gang du 'gro bar bya dgos pa yin pa dang / 'gro ba gang rjes su bsgrub pa 'byung ba</font><hr>65.306a<br><font size=+1>

yin pa dang rnam pa ji lta bu'i bde ba dang sdug bsngal rnams la nye bar longs spyad par bya ba 'byung ba dang 'byung bar mi 'gyur ba ni gang yin pa dang legs par byas pa dang nyes par byas pa'i las rnams kyi lam legs par ston pa po dmyal ba dang yi dgas dang dud 'gro dang mi'i gnas rnams su 'jigs pa dang bcas pa dang 'jigs pa med par sgrub pa'i 'jigs pa med pa'i dbang du byas nas skye ba gzhan gyi gnas rnams la de ltar kun tu go bar ma yin te/ mun par byed pa'i bag med par nub par gyur pa de'i tshe go ba ma yin no/ /gang gi tshe legs par byas pa'i las rnams yongs su zad par gyur nas/ mi rtag pa nyid kyi rlung gis nges par ltung bar byed pa de'i tshe/ bag med pa de bsten cing bsgoms la lan mang du byas par gyur pa rnams grogs po ma yin pa grogs po'i gzugs can dang / phan pa ma yin par phan pa'i gzugs 'dzin pa rnams kyis/ rim pa phyin ci log tu byed pa'i 'bras bu nye bar rig par 'gyur ro/ /gang bdag cag gis bag med pa rnams kun nas bsten cing bsgoms la lan mang tu byas pa gang yin pa rnams ni/ legs par bsgrubs pa yang ma yin par de ltar 'bras bu rnams shes par 'gyur na/ bag med pa'i dgra bos ji ltar byas pa de dag rnams la rtsis bgrang med par lha de dag rnams phyir zhing nyid kyang dga' bar byed cing / glu len par byed la mtsho de yang legs par byas pa'i las rnams thams cad kyi snying po dang 'dra bas ches dga' bar gyur par pad ma'i rgyal po'i 'dab ma rnams la rtse dga' bar byed pa de dag rnams dang gang yang nam mkha'i dkyil na khang bu rnams kyis 'gro ba dag gi mtsho de mtshungs par mthong ngo / /de nas de ltar bag med pa rnams la chu'i rlabs la rtse ba zhes bya ba'i byas lha de dag rnams kyi legs par byas pa'i las kyis tshigs su bcad pa rjod par byed pa rnams la ji ltar/ lus can rnams kyi gson pa ni/ /chu yi rlabs ltar g.yo ba yin/ /snying</font><hr>65.306b<br><font size=+1>

po med pa'i chu'i chu bur/ /lha rnams kyis ni go ba 'ang min/ /dbu ba'i phung po ring gnas kyi/ /tshe 'di yang ni mdor sdud pa'i/ /lha yi yun ring gnas min te/ /mi rtag pa yis skal ba spangs/ /ji ltar mar me rnam zhig pas/ /'od rnams zhig par 'dod pa yin/ /de bzhin las ni rnam zad pas/ /lha rnams kyi ni bde ba 'jig /byas pa'i las gang mi 'jig pa/ /cung zad yod pa ma yin no/ /de ltar na yang rmongs pa'i rnab/ /skye 'di rnams ni rtag nyid min/ /dngos gang 'ga' zhig skye ba ni/ /de yi 'jig pa rtag par gnas/ /'dus byas kyang ni thams cad kyi/ /chos nyid 'dir ni rnam par gnas/ /gal te 'khor ba'i srog chags rnams/ /rang gi las kyis 'khor byed na/ /'jig rten 'di ci'i don du rmongs/ /bag med pas ni rnam par bcom/ /bag med pas ni bde legs 'joms/ /bag med pas ni 'ching ba'i mchog /bag med log par ltung ba dang / /bag med pas ni dmyal bar 'tshed/ /sdug bsngal 'di yi rgyu gcig pu/ /bag med yin par yongs su bsgrags/ /de phyir bde don gnyer skyes bus/ /bag med yongs su spang bar gyis/ /gang gis bag med yongs spangs pa/ /de yis go 'phang 'pho med 'thob/ /gang yang bag yod la dga' ba/ /de ni mya ngan 'das mtha' nyid/ /bag yod go 'phang de dag kyang / /mya ngan 'das mchog 'gro ba yin/ /bag med log par ltung ba yi/ /rgyu de dag tu rab tu bsgrags/ /skyes bu bag med thams cad ni/ /de ni smyon pa bzhin du snang / /'jig rten 'dir ni slang sla zhing / /phyi ma la ni sdig pas 'tshed/ /bag med pa yi skyes bu kun/ /phyin ci log la 'jug par byed/ /rgyu rnams las kyi rnam smin dang / /'chi 'pho skye ba de bzhin te/ /bag med me ni gdug pa 'das/ /dmyal bar rjes su 'khrid par byed/ /de phyir dmyal las grol don du/ /bag med rnam par spang bar gyis/ /gang gis bag med nges rnam rgyal/ /rtag tu shes rab la dga'i</font><hr>65.307a<br><font size=+1>

mi/ /de ni nyon mongs 'ching bcad nas/ /bde ba'i go 'phang 'char bar 'gro/ /sgo lnga nas ni dri ma gsum/ /skye bas khams gsum rtag 'jug pa/ /bag med las ni rnam rgyal ba'i/ /sangs rgyas rnams kyis bag med gsungs/ /bag med mun pa'i skye gnas yin/ /bag yod pa ni bde ba yin/ /de phyir bde don gnyer skyes bus/ /bag med rnam par spang bar gyis/ /de ltar chu'i rlabs la rtsed mo rtse ba zhes bya ba'i byas lha bag med par gyur pa de dag rnams kyi bag med pa kun du zhi bar bya ba'i don du rjes su ston pa'i tshigs su bcad pa rnams bshad do/ /lha de dag rnams kyang kun du rmongs par gyur pa'i phyir na ji ltar de kho na nyid de dag rnams brjod par gyur pa na/ de ltar kun tu mi rtogs so/ /slar yang de kho na bzhin du gang dag nam mkha'i dkyil du song ba rnams dang / mtsho chen po rnam par rgyas pa'i pad ma'i 'dab ma rnams la lta ba gang yin pa de dag rnams phan tshun kun tu lta ba la ched cher byed pas/ rtse 'jo bar byed cing dga' bar yang byed de/ mchog tu snyan par gyur pa'i lha rdzas kyi rnga skad yan lag lnga pa rnams kyis so/ /yul gzhan rnams kyi gzugs dang dris kyang phan tshun du yid 'phrog par gyur pa'i bde ba rnams kyis kyang rnam par ngoms pa med pa'i yul rnams ni lan tshwa'i chu bzhin du lan cig ma yin pa dang lan cig ma yin par yang nags rnams nyid du rnam par ngoms pa med par 'gyur te/ lha de dag rnams de kho na bzhin du rnam pa du mar dga' bar byed cing bde ba yang nyams su myong bar byed do/ /de nas dus shin du ring bar lha de dag gis nam mkha'i dkyil du rtsed sgrogs dag byas nas/ slar yang gang na rnam par rgyas pa'i mtsho de dang pad ma chen po'i nags yod pa der legs par 'babs par byed do/ /lha gang yang pad ma chen po de'i 'dab ma rnams la lhan cig rjes su spyod pa dang bcas nas/ rnga skad yan lag lnga dang ldan pas glu len</font><hr>65.307b<br><font size=+1>

par byed pa dang dga' bar byed pa dang / kun du g.yog byed pa de dag rnams ni phan tshun du g.yog gi bya bas bgrod cing mthun par 'jug pas rgyags pa la don gcig pa 'dod pa drug la rnam par chags pa'i yid kyis/ dus ring du glu len par byed pa dang mchog tu rtsed mo rtse bar yang byed de/ de dag rnams rnam pa du ma dang rnam par rtog pa du mas bde ba rnams nyams su myong bar byed do/ /de dag gi bde ba de dag rnams kyang sems bskyed pa dang / lhan cig tu skye ba dang / kun tu rtog pa tsam gyis rab tu 'grub par 'gyur ba ni/ dge ba'i las rnams kyis de ltar yang phun sum tshogs par 'gyur ro/ /lha da dag de ltar kun du rtog pa'i chu'i shugs la rnam par rtog pa'i rlabs kyi phreng ba dang ldan pa'i chu klung chen pos kun du khyer bar gyur pa de dag rnams ni/ mchog tu bag med pa'i yid kyis dus ring du 'da' bar byed do/ /mtsho chen po de'i pad ma'i 'dab ma rnams la song ba'i lha rnams la ni/ lha rdzas kyi bde ba rnam pa du ma rnams dang rnam par 'dres pa du ma rnams nyams su myong bar byed do/ /de dag de ltar rnam par 'phyan pas bag med par spyod pa de dag rnams la rjes su brtse ba'i don dang / bag med pa kun du spang bar bya ba'i don du yang 'thab bral gyi bdag po mu su lun d+ha des/ des sprul pa 'di dag rnams byed pa yin te/ gzugs dang lang tsho'i rgyags pa rnams kun du zhi bar bya ba'i don du yang yin no/ /de bzhin du yang mtsho chen po rnam par rgyas pa de'i drung de na grib ma sngon po zhes bya ba'i ri thams cad nas kyang shin du rab tu dang ba'i bai dUr+ya'i rang bzhin la gser dang dngul gyi khams kyi 'byung khung rnams dang ldan pa thams cad du bkra zhing bkra bar gyur pa'i nags 'bar ba'i phreng ba rnams dang ldan pa/ 'bab chu stong phrag brgya gser shin du bsil ba dang rin po che'i 'od kyis kun du snang bar gyur pa'i rtse mo thams cad la yang ljon shing gi tshal dang ldan</font><hr>65.308a<br><font size=+1>

pa dang pad ma'i rdzing bu rnams kyis nye bar mdzes pa dang / me tog gi 'byung gnas rnam pa du ma sna tshogs pa rnams kyis nye bar mdzes pa/ 'khris shing gi khang pa stong gis rnam par brgyan pa/ nye 'khor rnam pa de ltar bur rnam par mdzes pa'i ri'i mchog de la/ 'thab bral ba'i mnga' bdag des bde ba rgya chen po'i sa na gnas pa'i lha rnams dang / lha gzhan rnams la yang phan par bya ba'i don du rdzu 'phrul byas pa rnams ni lha rdzas kyi bsam gyis mi khyab pa'i ngo bo'i sprul pa rnams yin te/ bde ba rgya chen po'i sa la gnas pa'i lha de dag rnams las/ thabs thams cad nas bcu 'gyur gyis gzugs dang lang tsho dang mdangs dang mgyogs pa dang spro ba dang gar dang glu dang rgod pa dang 'gying bag dang rtsed 'jo la spro ba la sogs pa rnams kyis ches lhag pa'i lha rdzas kyi yul gyi rnam pa de srid pa rnams sprul pa gang yin pa 'di dag gi khyad par gyis lha gzhan de dag rnams ni bcur byas pa'i cha tsam du yang 'gyur ba ma yin no/ /rim pa thams cad kyis gzugs dang lang tsho dang tshad dang mdog dang dbyibs dang rgod pa dang 'gying bag dang glu dang gar dang rtsed mo'i yang rim pa rnams kyi rim pa rnams thams cad kyis kyang cung zad mdzes pa ma yin no/ /rnam pa de srid du sprul pa de dag rnams phal cher ni grib ma ston po'i ri sel ste/ nye 'khor kun nas bai dUr+ya'i rang bzhin yin pa rnams ni snga ma bzhin no/ /de nas ri'i mchog gang yin pa de'i rtse mo dang / thams cad mchog tu gyur pa de dag rnams las sprul pa'i lha de dag rnams dang / lha mo dag kyang glu len par gyur pas yan lag lnga dang ldan par gyur pa'i rol mo rnams kyang mnyam pa dang chags par byed pa dang / snyan par gyur pa rnams byed cing gang na rang bzhin gyi lha de dag rnams gar byed pa dang / 'gying bar byed pas skyed mos tshal gyi ltad mo byed pa der lha mo de dag rnams dang lha de dag rnams rim gyis 'jug go/ /de nas lha de dag</font><hr>65.308b<br><font size=+1>

rnams kyis sprul de dag gi glu'i sgra rnams thos par gyur pa dang / bcu 'gyur gyis shin tu snyan par gyur pa ni/ snga ma bzhin te rang bzhin gyi lha de dag rnams rtse dga' ba la mchog tu yang zhugs pa dang / lha mo de dag rnams kyis kyang de kho na bzhin du rtses par gyur to/ /de nas sprul pa'i lha de dag rnams kyis dal bus dal bus legs par babs te/ de nas phan tshun du gang gi tshe khyad par zhugs par mthong bar gyur pa de'i tshe rang bzhin gyi lha de dag rnams ni sprul pa de dag rnams kyi khyad par gyis tshul thams cad kyis mi mdzes so/ /gzugs lhag pas ni gzugs kyi rgyags pa nye bar bcom mo/ /de dag rnams kyis byas pa'i cha byad du byas pa rnams bcom mo/ /'od rnams kyis ni rang gi lus las kun du 'byung ba'i 'od rnams bcom mo/ /sprul pa'i glu'i dbyangs rnams kyis ni ngo bo nyid kyi glu'i gdangs rnams nye bar bcom mo/ /dri rnams kyis ni dri rnams bcom mo/ /sprul pa'i tshad dang kha dog dang dbyibs rnams kyis ni lha de dag rnams lha mo dang lhan cig tu bcas pa rnams kyi tshad dang kha dog dang dbyibs rnams nye bar bcom mo/ /de bzhin du yan lag lnga dang ldan pa'i yul gyi bde ba rnams kyis ni yan lag lnga dang ldan pa'i yul gyi bde ba rnams nye bar bcom mo/ /ji lta ji ltar ngo bo nyid kyi lha rnams kyi rgyags pa chen po thams cad chung ngun du byas par 'gyur te/ thabs rnams thams cad kyis gang gi tshe lha de dag dang ngo bo nyid kyi lha de dag rnams rnam par 'dre bar 'gyur ba de'i tshe na'o/ /de ltar de dag rnams kyis ngo bo nyid kyi lha rnams kyi gzi brjid de dag de bzhin du zil gyis gnon te/ ji ltar 'dzam bu'i gling du nyi ma shar bar gyur na/ gza' dang skar ma dang rgyu skar rnams kyi gzi brjid nyams par byed do/ /de bzhin du sprul pa'i lha de dag rnams kyis lha rnams thams cad kyi 'od zer zil gyis gnon no/ /ji ltar lha rdzas kyi rol mo rnams kyis mi </font><hr>65.309a<br><font size=+1>

rnams zil gyis gnon par byed pa de bzhin du rol mo rnams kyang mngon par zil gyis gnon no/ /glu rnams kyang de bzhin du zil gyis gnon no/ /tshad dang mdog dang dbyibs rnams kyang de bzhin du zil gyis gnon te/ ji ltar 'thab bral bas mi rnams zil gyis gnon pa bzhin no/ /de nas ngo bo nyid kyi lha de dag rnams ngo tsha ba dang bcas pas gang na de mtsho chen po de yod pa'i 'gram der nye bar 'gro bar byed de/ ngo tsha ba dang ngo mtshar bar gyur pa dang bcas pa'i yid kyis so/ /de nas sprul pa'i lha de dag rnams mtsho de'i gang na pad ma chen po yod pa yin pa de dang nye bar mngon par gnas nas glu len par byed par gyur/ gar byed par gyur rgod par gyur pas kyang lha rdzas kyi 'dod pa'i yon tan lnga phun sum tshogs par gyur pa'i bde ba rnams dang yang dag par ldan pas mtsho de'i steng gi pad ma chen po'i 'dab ma rnams kyi bar du song nas gar byed pa dang / rgod par byed pa dang / 'gying bar byed pa dang / phan tshun grogs byed pas kyang rgyags pa la don gcig pa rnams yin te/ 'thab bral ba rnams las ches lhag pa'i lus can de dag rnams kyis rang bzhin gyi lha rnams la phan par bya ba'i don du de'i tshe/ tshigs su bcad pa mngon par bsnyad pa/ /glu dang legs par 'dres pa rnams bshad pa/ ji ltar lha yi bde ba thams cad ni/ /las dang cha 'dra mthong ba yin/ /gson pa dang ni bde ba yang / /las zad pas ni 'jig pa yin/ /de phyir rnam pa du ma'i bde/ /ji srid zad par ma gyur pa/ /de srid du ni bsod nams gyis/ /bsod nams ma byas las sdug bsngal/ /gson tshe myur ba nyid du 'gro/ /lang tsho myur bar 'gro ba yin/ /'chi bdag myur ba nyid 'ong gis/ /bag med pa la dga' ma byed/ /lus can kun gyi bde ba</font><hr>65.309b<br><font size=+1>

kun/ /'jig pa'i rgud par 'gyur ba yin/ /gson pa yang ni mthar 'joms na/ /bag med la ni dga' ma byed/ /dbang po rnams kyi spyod yul la/ /mi skye bar ni bya mi nus/ /dbang rnams rang gi spyod yul las/ /gang phyir shes pas zlog par byed/ /de phyir rtag tu shes pa bsten/ /shes pa yongs su spong ba dang / /skyon rnams rtag tu spong mi 'gyur/ /de ni don min myu gu yin/ /bag med pa las 'dod chags skye/ /'dod chags las ni sdug bsngal 'byung / /sdug bsngal gyis bsgrubs skye ba 'di/ /de dag 'khor ba'i lam yin no/ /bag med yongs su spangs pa gang / /yul 'di sten par mi byed pa/ /de la skyon ni mi dmigs la/ /skyon gyi dngos po grol ba yin/ /sdug bsngal ljon shing rtsa bar ni/ /bag med 'di gcig rnam par gnas/ /bag med pa la mchog gyur pas/ /skye 'di lam ni thams cad 'joms/ /gzugs ni rtag pa mthong ba med/ /mnyam du 'gro ba'i bde ba med/ /srid nas srid par dngos po 'di'i/ /kun thob pa yang rnam 'jig 'gyur/ /yul ni 'ching ba rnams kyi rgyu/ /ji lta ji ltar bsten byas pa/ /de lta de ltar rnam 'phel te/ /bud shing las ni me ji bzhin/ /ngoms pa med pa'i sdug bsngal 'di/ /'di ni bde bar 'dir mi brjod/ /'khor ba las ni kha log pa'i/ /gang zhig sred bral de bde yin/ /de phyir gang zhig mthar thug bde/ /bde ba de ni bde bar brjod/ /'dod pa 'byung min bde ba ni/ /mthar thug pa yi bde ba yin/ /de ltar bag med pa rnams kyis shin tu bcom par ma gyur pa'i mu su lun d+ha yis sprul pa'i lha de dag rnams kyis lha de dag rnams la glu la bsnyad nas mchog tu snyan pa/ snga na ma thos pa'i glu rnams len par byed la/ ji ltar bstan pa dang kun tu bsres pa'i sprul pa'i de kho na nyid rnams ngo bo nyid kyi lha dag gis thos nas nyan par byed do/ /de nas lha de</font><hr>65.310a<br><font size=+1>

dag gis tshigs su bcad pa'i dbyangs kyis bsnyad pa thos nas/ srid pa snga ma la goms par byas par gyur pa yongs su dag pa'i rgyud gang yin pa ji ltar lha de dag gis ches gtso bor gyur pa rnams kyis glu dbyangs kyi don kun du rtogs nas skyo ba skye bar 'gyur ro/ /de nas yang bdag cag rnams kyi drung na rim pa rnams thams cad kyis khyad par du 'phags par gyur pa de dag gang gis tshigs su bcad pa'i dbyangs 'di dag rnams legs par bshad pa yin yang de dag rnams gang yin pa'i drung na/ bdag cag rnams ci'i phyir thams cad du shin du dman par gyur zhes/ de ltar thabs de dag rnams kyis 'thab bral gyi bdag pos snying la legs par go bar byas te/ bag med pa rnams dang bral bar yang byas so/ /thabs gzhan rnams kyis kyang phan par byas pa yin la/ de ltar lha de dag rnams gzugs la sogs pa'i bde ba'i rgyags pa dag gis rgyags par gyur nas log par ltung bar 'gyur ba rab tu ma mthong ba de/ phyis 'chi 'pho ba'i dus na 'gyod pa'i mes bsregs nas phyi nas yang dmyal ba'i mes sreg par 'gyur ba yin no/ /de la thabs 'di dag gis rang bzhin pa'i lha de dag rnams la phan par 'dod pas mu su lun d+ha des kun skyo ba skyed do/ /de nas lha de dag rnams yid byung bar gyur pa rtogs nas/ yang sprul pa gzhan yang shin du yid 'byung ba'i rgyur gyur pa'i sprul pa rnams byed de/ ji ltar pad ma'i 'dab ma rnams nyid la rnam grangs du ma rnams kyis dga' bar byed pa dang yongs su glu len par byed pa dang rnam grangs du mar 'gying bar yang byed pa de ltar byed do/ /ji ltar rang bzhin gyi lha de dag rnams kyis nam yang 'ga' zhig tu yang mthong ma myong ba'i rtsed mo de dag rnams de ltar rnam pa du ma rnams su dang rnam par rtog pa du ma rnams su dang ches dga' ba du ma rnams su ngo bo nyid kyi lha de dag rnams kyi bag med pa dang nges par bral bar bya ba'i don du dang / </font><hr>65.310b<br><font size=+1>

ji ltar de dag rnams kyi rgyags pa kun nas spangs par 'gyur bar ro/ /ngo bo nyid kyi lha de dag rnams kyis sprul pa'i lha de dag rnams kyi glu shin tu snyan par gyur pa rnams ji lta ba bzhin du thos pas ngo tsha bar gyur nas/ glu len par mi byed pa dang gar yang mi byed 'gying bar yang mi byed dga' bar yang mi byed kun tu spyod par yang ni mi byed kyi sprul pa de dag rnams kyi la lta bar 'dod pa'i yid rtse gcig pas thams cad nyid gnas par gyur to/ /de dag rnams kyis kyang rnam pa du mar gar dang glu dang rgod pa dang 'gying bag dang rnam par rtog pa du mar dang / dga' bar 'gyur ba du mar gzhan rnams dang 'dra ba ma yin pa'i rnam pa du ma rnams kyang pad ma'i 'dab ma rnams la song nas lha de dag rnams glu len par byed pa dang gar yang byed do/ /de nas gang gi tshe rang bzhin gyi lha de dag rnams kyis yid las su rung bar byas par go nas/ mu su lun d+ha des sprul pa gnyis pa byed pa rnams ni ji ltar pad ma'i 'dab ma rnams la gnas nas glu len par byed pa'i lha de dag rnams nyid kyi pad ma'i 'dab ma gcig sprul pa'i lha rnams kyis legs par gang ba rab tu lhung ngo / /de de nas mtsho de la lha de dag rnams las kha cig ni nub par gyur to/ /kha cig ni byung nas yang nub bo/ /la la dag ni lus rnams chu la brten nas rkyal bar byed do/ /kha cig ni phan tshun kun du 'khyud par byed pa dang nub par yang gyur nas/ ji lta ba bzhin du skyobs dang bskyab par gyis dang zhes de ltar phan tshun du 'bod par byed cing / 'bod par byed pas kyang phan tshun du rten par byed pa dang / ngu bar yang byed pa dang lhung ba dang bying bar yang gyur pa'i nyam nga ba chen po dang 'jigs pa chen po dang sdug bsngal chen po rnam pa du ma de dag rnams mtsho chen po de'i 'gram du song bar gyur pa'i lha de dag rnams kyis khyad par du mthong ngo / </font><hr>65.311a<br><font size=+1>

de nas 'dab ma gcig de dag tu zags pa dang mnyam pa thabs kyi rjes thogs su 'dab ma gzhan sprul pa'i lha rnams kyis kun du gang bar gyur pa'i 'dab ma de dang de dag rnams zags shing zags shing rnam par rgyas pa'i mtsho chen por lhung la/ sprul pa'i lha de dag gang yin pa de dag rnams thams cad kyang 'jigs pa chen po rnams su lhung bar gyur te kha cig ni chur nub bo/ /kha cig 'gyur ldog byas shing smad par gyur nas rnam par khro bar byed do/ /kha cig ni de na gar song ba mthong bar gyur pa nyid kyang ma yin no/ /kha cig ni chur 'gyur ldog byas pas shi bar gyur to/ /kha cig ni rnam par khro 'tshig go/ /de bzhin du lha'i bu mo rnams kyang shin du rnam par nyams par gyur cing rnam par khros/ 'khrugs pa dang bying bar gyur pas lha de dag rnams la 'jus 'phyangs nas nub par 'gyur ro/ /ji ltar gang gi tshe gru zhig par gyur na de'i tshe gang dag der zhugs pa de dag rnams med pa dang bying bar 'gyur ro/ /de bzhin du mi dge ba'i chu rnams kun du rgal bar byed pa na/ sprul pa'i lha de dag rnams kyang 'dab ma rnams las lhung bas nges par nub par 'gyur ro/ /de'i rjes la rnam par rgyas pa'i mtsho chen por pad ma'i 'dab ma gsum pa lhung bar gyur pas de na yang lha gang dag gnas pa de dag rnams thams cad kyang / rdo ba bzhin du 'og tu bying zhing nub nas thams cad kyang ma mthong bar song ngo / /de'i rjes thogs la sprul pa'i lhas kun nas gang ba'i 'dab ma gzhan dag kyang rab tu lhung bar gyur te/ de dag na yang de'i lha gang dag de la kun tu 'dus shing legs par tshogs pa de dag rnams kyang mtsho rnam par rgyas pa de dag tu nges par lhung bar gyur to/ /lhung bar gyur nas kyang phan tshun kun du chags par gyur cing rnam par khros pas kyang phan tshun du 'bod par byed cing kun du 'bying bar gyur pas kyang / dus ring du rnam par brjod par byed cing</font><hr>65.311b<br><font size=+1>

rnam par brjod pas kyang mtsho de'i nang du lhung bar 'gyur ba ni/ de ltar lan brgya phrag rnams su dang ji ste na lan stong phrag rnams su yang bye brag mang du rnam par brjod cing / mtsho de'i nang du nges par lhung zhing nges par bying ba ni rdo ba bzhin te/ lan du mar yang 'og gi yang srid pa rnams su 'gro bar 'gyur ro/ /de'i rjes thogs la lha rnams nyid kyis kun nas gang ba'i pad ma'i mdab ma gzhan rnams kun du lhung bar gyur to/ /de dag rnams lhung bar gyur pa de'i rtsa ba las kyang sgra chen po rnam pa du mar kun du byung bar gyur pa rnams ni/ dper na ri'i rtse mo kun tu nyil ba 'am sa gzhi g.yos pa 'am rgya mtsho 'khyoms par gyur pa rnams kyang kun du 'byung bar gyur te/ de ltar 'dir tug com gyi sgra de dag rnams rab tu byung bar gyur to/ /sgra de dag rnams thos nas kyang gang dag rang bzhin du gnas pa'i lha de dag rtsa ba nas 'gyel zhing gnas par gyur te/ rnam pa du mar khyad par du mi rigs pa de dag rnams de dag gis mthong bar gyur nas/ shin du yi mug cing 'jigs pa dang mchog tu skyo ba'i yid du gyur to/ /gzhan yang gang na mtshor song ba'i sprul pa'i lha de dag rnams rab tu lhung bar gyur pa'i de dag 'khor rnams kyis yongs su bskor nas shin du sdug bsngal ba'i yid kyi gnas pas gnas te/ snga na ma mthong ba 'di rnams ci yin lha rnams thams cad kyis kyang sngar nam yang de ltar nyams su myong bar ma gyur pa/ shin du mi bzad pa'i sdug bsngal ba'i go 'phang lha rnams kyis nyams su myong ba yin no zhes rnam pa de lta bu'i mchog tu 'jigs par gyur pa'i shin du mi rigs pa rnams de skad du brjod par yang byed do/ /de ltar de dag rnams sems par byed pa nyid dang phan tshun du gleng bar yang byed pa dang mchog tu skyo ba'i yid du yang 'gyur ro/ /'dab ma gzhan nyid kyang rab tu lhung bar gyur pas lha mo rnams thams cad kyang</font><hr>65.312a<br><font size=+1>

shin du nyams smas par gyur nas phan tshun du rnam par khro bar byed pa dang / hA yongs su skyobs dang zhes bya ba de ltar phan tshun du brjod par yang byed do/ /ji ltar gang dag bag med par gyur pas bag med par rgyu bar byed pa de dag rnams kyi ni gnas skabs 'di yin la/ rnam par lhung ba'i rnam pa rnams kyang 'di 'dra ba yin no/ /de ltar phan tshun rnam par khro ba rnams las rang bzhin pa'i lha de dag rnams kyi yid las su rung bar byas te/ bag med pa nyams dma' bar gyur pa rnams ni mya ngan las 'das pa'i chos rnams bsgrub pa la las su rung ba yin par mthong nas/ mchog tu gzhan la phan pa la rab tu zhugs pa'i mu su lun d+ha des de dag rnams la yang phan pa'i don du yang lha de dag dang bcas pa'i pad ma'i snying po de nyid mi mthong bar bsgyur ro/ /de yis 'gro ba'i tshogs chen po bag med pas na bag med par rnam par spyod par byed pa gang yin pa de dag rnams kyi yid dge legs dang ldan par gyur to/ /de ltar legs par skyes par gyur nas dus 'di nyid du ni 'di dag rnams dam pa'i chos bsgrags pa rab tu 'dzin par 'gyur te dam pa'i chos bsgrag par bya'o/ /de nas der de ltar rig nas mtsho der 'jigs pa chen po'i rim pa du ma gzhan nyid kyang sprul par byed pa yin te/ 'dab ma brgya yang 'jig pa dang sprul pa'i lha rnams kyang 'jigs pa chen po rnam pa du ma dang / phung nyes rnams dang mtsho la yang 'bying bar 'gyur ba dang / de bzhin du rnam pa du mar kun tu brjod par byed pa dang yid nyams smas pa kun du 'byung ba dang / 'chi bar 'gyur ba du ma yang sprul par gyur to/ /de dus ring du rtogs par byed de/ de dag gis kyang rang bzhin gyis lha de dag gi 'gos bcom zhing / ji lta ba bzhin du yid nyams smad nas gzhan du 'gro bar byed pa na yang de ltar byung ba'i 'gros bcom nas ji ltar de dag gis mthong bar 'gyur</font><hr>65.312b<br><font size=+1>

bar byed do/ /mthong ba'i rjes thogs nyid la yid shin du nyams dmas shing skyo ba skye ba 'byung bar 'gyur ro/ /de ltar thams cad byas nas pad ma'i nang gi snying po la rjes su zhugs te/ bag med pa'i lha de dag rnams nyid dang lhan cig tu lta bar byed pa dang lhan cig tu spyod par yang gyur pa na yang / shar bar gyur pa legs par mngon par mthong ba dang gzhan la phan pa dang rjes su 'dzin pa la rab tu zhugs pa dang / mchog tu snying rje che ba dang gzhan rnams la phan pa dang rab tu ldan pas legs par zhugs pas kyang lha de dag rnams kyis rjes su 'brang ba dang bcas pas pad ma'i snying po de kun du btang bar gyur to/ /sprul pa de dag rnams kyang mi snang bar byas nas dbugs 'byin par byed do/ /ji ltar shin du bar yang 'jigs pa'i gnas rnams su lha dag 'gro bar byed pa/ shin du 'jigs par gyur pa'i gnas rnams su rab tu 'gro ba na bag med pas 'jigs pa'i gnas rnams su 'gro bar ma byed cig /bag med pas rnam par rgyu ba rnams kyi gnas skabs ni 'di dag yin no/ /bag med pas rgyu bar byed pa rnams ni bag med pa'i rtsa ba las shin du 'jigs par 'gyur ba yin te/ bag med pa la sdug bsngal rnams mi 'byung ba ni 'ga' yang med do/ /de nas dus de dag tu mu su lun d+has tshigs su bcad pa'i dbyangs rnams brjod pa ji ltar/ bag med la ni mngon dga'i byis/ /rtag tu sdug bsngal skal ldan yin/ /gang yang bag med rnam par spangs/ /rtag tu bde ba'i skal ldan de/ /sdug bsngal ljon shing thams cad kyi/ /rtsa ba bag med par brjod do/ /de phyir sdug bsngal yongs spong bas/ /bag med pa ni rnam par spongs/ /de nas lha rang bzhin pa de dag gis kyang mu su lun d+ha de mngon par mthong nas/ de dag rnams yid rnal du phebs pa dang ches rab tu dga' bar gyur nas/ gang na 'thab bral gyi mnga' bdag de yod pa der thams cad nyid nye bar brgyugs so/ /</font><hr>65.313a<br><font size=+1>

ji ltar lha bdag cag rnams kyi mgon po de bdag cag rnams kyi mgon po bdag cag 'thab bral ba rnams kyi mnga' bdag de ni pad ma'i snying po la lha'i tshogs rnams thams cad kyis yongs su bskor nas legs par gnas te/ bdag cag rnams rjes su 'dzin par byed pa'i rgyu mtshan du 'dir byon no/ /de ltar phan tshun du rig par gyur nas gang na pad ma'i snying po yod pa der thams cad nyid nye bar 'gro bar byed/ de nas nye bar song ba dang pad ma'i snying po la rang nyid legs par gnas pa gang yin pa 'di ni mu su lun d+ha kun du gnas pa yin no/ /pad ma'i snying po'i seng ge'i khri la kha dog mtshungs pa'i gzugs dang ldan pa rnams kyi lha gzhan gyis zhabs 'bring byas nas nye bar 'gro ba na lha de dag gis mu su lun d+ha de la 'di skad ces brjod de/ lha lags lha 'di dag rnams gang yin pa la de ltar mtho mtsham par byed pa 'di dag ci lags/ 'ching bar byed pa dang kun du skor bar byed pa dang / chu rnams la yang kun du nub par byed par gyur pa dang rnam par khro bar yang byed pa dang rnam pa mang po'i gnas skabs rnams kyang byed du 'jug lags na/ de nas mu su lun d+ha des lha de dag rnams la 'di skad ces brjod de/ ji ltar srog chags su gyur pa rnams thams cad kyis ni ci nas kyang myong bar bya ba gang yin pa ni bag med pa'i skyon 'di dag rnams/ yin par khyed rnams kyis legs par ma go'o/ /de nas de'i dus na mu su lun d+has/ tshigs su bcad pa'i dbyangs kyis bsnyad pa ji ltar/ 'byung po thams cad kyis mi mthong / /las rnams kun gyis rgyal ba min/ /'jig rten thams cad rnam 'jig pa/ /'chi bdag ces ni mngon par brjod/ /de yis skye bo 'di dag 'joms/ /phung po skye mched 'joms byed po/ /'jig rten 'di</font><hr>65.313b<br><font size=+1>

nas pha rol tu/ /'chi bdag rgyal pos kun tu 'khrid/ /'di yis 'khrid par gyur pa na/ /de 'ga' zhig la'ang stobs mi dmigs/ /chos ma gtogs pa de yi phyir/ /chos ni skyob pa'i mchog tu brjod/ /gson pa yang ni myur bar 'gro/ /myur bar lang tsho 'gro ba yin/ /'chi bdag myur bar 'ong ba yin/ /bag med pa yis dga' ma byed/ /lus can rnams kyi bder gyur pa/ /thams cad 'jig pa'i rgud pa yin/ /gson pa yang ni mthar 'joms kyi/ /bag med pa la dga' ma byed/ /dmyal ba yi dgas dud 'gror ni/ /las kun zad nas 'gro dgos kyi/ /shes kyis sdug bsngal mi bzad 'di/ /dga' bar ma byed bag med la/ /srid gsum ngam grog srid 'di gang / /mi rtag pa yi thabs 'og yin/ /skye zhing 'chi ba de lta la/ /bag med pa la dga' ma byed/ /'chi bdag gis ni lus 'joms la/ /rgas pa yis ni gzhon pa 'joms/ /so gsod pa ni nad kyis 'joms/ /bag med pas ni dga' ma byed/ /las kyi thag pas rnam bcings nas/ /sems kyi 'phyang mo la legs rten/ /sems can srid pa gsum na 'khyam/ /dga' bar ma byed bag med la/ /skyid de ba yang sdug bsngal 'gyur/ /sdug bsngal can yang rnal phebs gnas/ /rje dpon yang ni bran 'gyur gyi/ /bag med pa la dga' ma byed/ /ma yang chung mar 'gyur ba dang / /chung ma yang ni dgra 'di nyid/ /'gyur ldog chen po 'di 'dra la/ /bag med pa la dga' ma byed/ /nags dang nye nags brag rnams la/ /lha yi tshogs kyis brgyan pa yi/ /'jig rten 'di ni med 'gyur gyi/ /bag med pa la dga' ma byed/ /lus can rnams kyi bde ba ni/ /g.yo zhing 'tshe dang bcas pa yin/ /yid ches med dang stong pa la/ /bag med pa la dga' ma byed/ /sdug bsngal gyis gzir skye 'di yang / /rga dang nad kyi snod yin no/ /skye ba nges par 'chi ba yang / /gang gis thams cad du nus min/ /skye ba thams</font><hr>65.314a<br><font size=+1>

cad 'chi ba'i mtha'/ /de bzhin lang tsho rgas pa'i mtha'/ /rmi lam lta bu'i 'dod pa la/ /bag med pas ni dga' mi bya/ /chu shing lo ma dang mtshungs dang / /glog rnams dang yang rab tu mtshungs/ /slu bar byed pa thams cad la/ /bag med pas ni dga' ma byed/ /yul gyi spyod yul can dbang po/ /rgyal bar bya bar nus ma yin/ /dbang po rnams kyi rang yul las/ /gang phyir shes pas zlog par byed/ /de ltar mu su lun d+ha des lha de dag rnams kyi yid skyo bar gyur pa la gzhan la phan pa'i don du tshigs su bcad pa rnams ji lta bar rjod do/ /gzhan yang 'thab bral ba'i bdag po de nyid kyis lha rnams kyi bag med pa la rnam par gshe'o/ ji ltar bag med pa'i mun par 'og tu nub pa de dag ma mthong ba rnams ni sdug bsngal chen por gyur pa dang rgas pa dang 'chi ba rnams 'byung bar gyur to/ /ji ltar lha de dag ni khyed rnams nyid dang mtshungs pa yin te/ phyin ci log rnams la ji lta bar zhugs nas bag med pa la mngon par dga' ba rnams yin te/ phyin ci log nyid la zhugs pa rnams thams cad la yongs su skyob par byed pa ni 'ga' yang med do/ /gang khyed rnams kyi khyad par las tshul thams cad kyis khyad par du 'phags pa rnams bag med pas brlag par gyur nas/ tshad dang mdog dang dbyibs dang nye bar longs spyod pa dang khang bu dang 'od zer dang lha mo dang skye bo rnams kyis yongs su spangs pa de dag rnams khyed rnams kyis mngon sum du 'gyur ba yin na/ ji ltar na yongs su spyad par 'gyur ba yin/ ji ltar ni 'khor rnams dang bcas pa yin phyin ci log la zhugs pa de'i tshe/ de dag ni bag med pa'i skyon gyis yin par mngon par mthong ba'i phyir na/ thams cad la dus thams cad du thabs rnams thams cad kyis bag med pa yongs su spang bar bya'o/ /gang cung zad cig mcho ba 'di</font><hr>65.314b<br><font size=+1>

'dzin pa dang bcas pa'i bag med pa'i 'tsho ba de dag rnams ni dug gis zin pa rnams las kyang shin du khyad par du 'phags pa yin no/ /gang 'ga' zhig me rlung dang bcas par gyur pa de dag rnams kyi drung na bag med pa'i me kun du rtog pa'i rlung dang bcas pa ni shin du bar yang lhag pa yin no/ /gang cung zad cig mun pa dus ring du 'thibs pa rnams las bag med pa'i rang bzhin gyi mun pa ni de dag rnams las zla med par khyad par du gyur pa yin te/ thog ma med pa'i dus nas kun la ring du 'byung ba yin pa'i phyir ro/ /gang 'ga' zhig dgra bo glags gcod par byed pa rnams kyi nang nas/ bag med pa'i dgra ni de dag rnams kyi drung na khyad par du 'phags pa yin te yul gyi grogs rnams kyis kun nas glags gcod pa yin pa'i phyir ro/ /gang cung zad mtshon char brjod par bya ba so rnon po de dag rnams kyi nang nas bag med pa'i mtshon gyi so rnams ni lhag par rno ba yin te ngan song du log par ltung ba'i rtse mo rnon po rnams yod pa'i phyir ro/ /gang 'ga' zhig sbrul dug can du gyur pa de dag rnams kyi drung nas bag med pa'i sbrul gyi dug gis sems can thams cad kyi srog nges par 'phrog par byed pa'i dug chen po de ni khyad par du 'phags pa yin te byis pa'i skye bo rnams thams cad kyi sems stobs nges par 'joms pa'i phyir ro/ /gang cung zad grogs po'i gzugs can grogs po ma yin pa rnams las bag med pa ni de dag rnams kyi nang na bla lhag pa yin te dga' ba'i 'dod chags dang kun du 'dres pa'i phyir ro/ /gang cung zad 'ching bar gyur pa lcags sgrog gam shing gdos sam/ thag pa las byas pa de dag rnams kyi nang nas bag med pa ni bla lhag pa yin te zhe sdang 'thug po dang kun du 'dres pa'i phyir ro/ /gang 'ga' zhig pas bla lhag par gyur pa ni dgon par rnam par 'khyams par gyur pa rnams la chu dag dang / shing ljon pa</font><hr>65.315a<br><font size=+1>

dang 'bras bu dang grib ma dang bzhon pa yang med pas sems can rnams thams cad sdug bsngal bar byed pa po de dag rnams kyi nang nas bag med pa'i dgon pa ni shin du bla lhag pa yin te/ bde ba'i chu dag dang skyes bu dam pa rnams kyi tshul khrims kyi ljon shing gi grib ma rnams las tha mar sems can rnams thams cad sdug bsngal bar byed pa'i phyir ro/ / gang 'ga' zhig rnam par slu bar byed pa po'i ngo bo don med par gyur pa mthong ba rnams las/ 'di dag gi ji lta ba'i don ni 'di lta ste/ zo chun 'khor mo dang dri za'i grong khyer dang smig rgyu rnams so/ /de dag rnams kyi drung na yang bag med pa ni shin du lhag pa yin te/ yul gyi nye bar longs spyod pa rnams ni g.yo bar gyur pa ji lta ba'i don dang bral bas na zo chun 'khor mo dang / dri za'i grong khyer dang smig rgyu rnams las kyang bla lhag par stong pa yin no/ /gzhan yang cung zad rab tu ltung bar byed pa gang yin pa'i yul du gyur pa rnams cung zad yod pa'i ngam grog dang g.yang sa dang 'dra ba de dag rnams kyi drung na yang bag med pa shin du lhag pa yin te ngan song du log par ltung ba rnams nges par yang nyams su myong bar byed pa'i phyir ro/ /de ltar bag med pa 'dis ni lha rnams dang srog chags su gyur pa'i rnams thams cad dang 'gro ba lngar skyes par gyur pa rnams dang khams gsum du gtogs pa rnams kyang log par ltung bar byed pa'i phyir ro/ /de'i phyir thams cad kyis thams cad kyang rab tu brtson pa thams cad kyis/ gnas skabs thams cad du sdug bsngal gyi 'jigs pa rnams dang bde ba 'dod pa rnams kyis kyang sdug bsngal rnams kyi rtsa ba 'di yongs su spang bar gyis dang 'di lta ste bag med pa'o/ /de nas yang de'i tshe na mu su lun d+ha des tshigs su bcad pa brjod pa/ bag yod pa ni dga' bar brjod/ /bag med sdug bsngal skal ldan yin/ /bag yod bag med pa dag gi/ </font><hr>65.315b<br><font size=+1>

'di ni rang gi mtshan nyid brjod/ /de ltar lha rnams kyi mnga' bdag dam pa'i lam ji lta ba bzhin du ston par byed pa po des lha de dag rnams la rjes su 'doms par byed do/ /de la lha de dag rnams thams cad kyang yid las su rung bar byas pa dang dbang po rnams rgyas pa dang dbang po rnams rab tu dang ba dang yid rtse gcig tu gyur pas nyan par byed cing / mu su lun d+ha pad ma'i snying po la seng ge'i khri la gnas pa de la 'di ltar yang rjod par byed de/ bdag cag rnams la shin du phan par gyur pa dang mthar thug par bde ba gang yin pa de dag kyang 'dir brjod lags na/ bdag cag rnams la phan pa dang bde ba rnams kyang khyed nyid kyis bka' stsal tu gsol/ bdag cag rnams kyis ci bgyi ba yang lha nyid kyi zhal snga nas bka' stsal tu gsol/ ji ltar tshig 'di dag rnams brjod pa dang 'thab bral gyi bdag po des 'di skad ces brjod do/ /ji ltar bcom ldan 'das gang yin pa 'di ni thar pa'i spyod pa rnams rig cing rtogs la mkhyen pa skyon rnams thams cad las rnam par grol ba/ yon tan rnams thams cad dang ldan pa sems can rnams thams cad kyi yang gtso bor gyur pa'i sangs rgyas de la skyabs su song dang / sdug bsngal rnams thams cad dang bral bar 'gyur gyis/ de ni bag med pa rnams dang bral ba yin pas de la skyabs su song na gong na med pa'i 'khor ba'i 'jigs pa rnams thams cad las yongs su skyob par 'gyur ro/ /de nas yang nges par mu su lun d+ha'i drung nas lha de dag rnams kyis tshig 'di dag thos pa dang / thams cad nyid kyis pus mo rnams gzhi la btsugs te/ 'khor dang bcas pa rnams gus pa legs par skyes pa dang don la dbang po rnams rgyas shing / sangs rgyas bcom ldan 'das la legs par gus pa skyes pas mgo bo kun tu btud par gyur pas rab tu phyag 'tshal te/ gsum</font><hr>65.316a<br><font size=+1>

la skyabs su 'gra bar byed pas kyang skyabs su song ngo / /thams cad kyang sangs rgyas dang chos dang dge 'dun rnams la yang legs par skyabs su 'gro bar byed do/ /yid shin du rab tu dang ba dang / bag med pa rnams la yang rnam par smod par byed cing bshags par byed de/ gang dag bag med pa'i lha de dag rnams kyis bzod par mi nus pa rnam pa mang por mi bzad pa rnam pa du ma rnams thams cad kyis shin du sdug bsngal ba rnams mthong ba'i phyir ro/ /de nas mu su lun d+ha yang lha de dag rnams kyi yid kun du skyo bar gyur pa de dag rnams legs par mthong nas/ slar nyid kyang cho 'phrul rnam pa du ma rnams byed de/ yud tsam cig la yang rnam pa du mar gcig tu gyur nas brgyar 'gyur ro/ /stong du 'gyur ro/ /stong phrag brgyar yang 'gyur ro/ /yud tsam la yang cha byad du ma dag tu byas pa'i dbyibs rnams su 'gyur ro/ /yud tsam cig la rnam pa du ma'i cha byad dag gis mtshungs par byas pa'i dbyibs rnams su 'gyur ro/ /yud tsam nyid la nam mkha'i dkyil du 'phags nas rin po che'i khang bu sna tshogs pa rnams kyis kun tu gang ba rnams na gzugs dang cha byad sna tshogs pa rnams 'dzin par byed par 'gyur ro/ /yud tsam la yang chur 'bying bar 'gyur ro/ /mgo bo stong du gyur nas kyang rin po che sna tshogs pa'i dbu rgyan dang dpung rgyan 'bar ba rnams kyis brgyan pa dang nyi ma stong bas lhag pa'i gzi brjid can lha'i tshogs rnams thams cad kyis yongs su bskor nas/ nye ba'i nags rnams thams cad du legs par mthong ngo / /stong phrag brgyar gsal bar byed pa'i gzi brjid dang ldan pa'i lha rnams kyi tshogs thams cad kyis yongs su bskor nas/ pad ma chen po de nyid kyi steng du 'byung bar byed pa dang / rang gi gzi brjid rnams kyis lam mer gyur par lha de dag rnams kyis lus shin du blta bar dka' ba yin no/ /gzhan yang</font><hr>65.316b<br><font size=+1>

mu su lun d+ha de nyid kyis rdzu 'phrul gzhan yang byed par gyur pa ni/ lha de dag rnams nyid kyi bag med pa kun nas bsnyungs par bya ba'i don du 'di lta ste/ kha nas lha brgya stong kun du 'byung bar byed do/ /kha cig ni khang bu'i steng du zhon nas rin po che sna tshogs pa'i 'od rnams kyis lus shin du gsal bar gyur pa rnams so/ /kha cig ni rnam pa sna tshogs pa'i cha byad 'dzin par gyur pas glu'i rol mo rnams nye bar len par byed pa rnams lha rdzas kyi rgyan dang cha byad dang / mchog tu lang tsho la bab pa'i lha mo rnams kyis yongs su bskor nas glu nye bar len pas mu su lun d+ha'i kha nas byung nas 'gra'o/ /kha cig ni rin po che bdun gyi rang bzhin gyi pad ma gzhan dag rnams la nang du zhen nas snyan pa'i glu rnams len par byed pa dang / rtsi yang lha rdzas kyi ro dang dri dang yang dag par ldan pa dag 'thung bar byed de/ lhan cig spyod pa rnams kyis yongs su bskor nas lan brgya phrag rnams su dang gal te na lan stong phrag tu yang mdzes par gyur pa dang ldan pa'i lha rdzas kyi phreng ba'i mchog rnams kyis brgyan pa/ rang gi 'od kyi dpal 'bar ba dang ldan pa rnams yin no/ /gzhan yang lha gzhan dag rnams rnam pa gzhan gyis mu su lun d+ha de'i kha nas kun tu byung nas 'gro na/ rdzu 'phrul gyis sprul pa rnams la 'di lta ste/ bya'i rgyab tu zhon pa rnams ni rin po che bdun gyi rang bzhin gyi bya rnams la mngon par zhon nas dga' bar byed pa dang / glu yang len par byed pa dang lhan cig spyod pa rnams kyis yongs su bskor nas/ rab kyi mchog tu rangs pa'i yid kyis rnga skad yan lag lnga dang ldan pa nyan par byed cing / bag med pas nye bar 'tsho ba rnams mu su lun d+ha'i kha nas kun tu 'gro'o/ /lha ngo mtshar bar gyur pa mtshungs pa med pa'i gzugs gsal zhing / sdug pa'i yon tan dang ldan pa gzhan yang rnam pa gzhan gyis lha rnams sprul par byed pa na/ ji ltar mu su lun d+ha'i kha nas de dag nyid 'gro ba ni ud pa la'i ze</font><hr>65.317a<br><font size=+1>

ba'i nang du zhon zhing rgyan bar 'brel pa'i dbus su song nas/ lha rdzas kyi rnga skad yan lag lnga pa nyan par byed cing lha mo'i tshogs rnams kyis yongs su bskor nas lha rdzas kyi btung ba dag 'thung bar byed do/ /glu yang len par byed la lhan cig spyod pa'i 'khor rnams kyis yongs su bskor nas lan brgya phrag dang / ci ste lan stong phrag dang lan bye ba phrag rnams su yang gzugs dang kha dog dang dbyibs dpe med pa'i lha'i bu mo mchog rnams kyis yongs su bskor nas dga' bar byed pa lha rdzas kyi nags dang nye ba'i nags su thabs du mas rab tu sgrub par byed do/ /nam mkha'i dkyil du mngon par 'phags nas sa gzhi dag bzhin du 'gro bar byed la/ rang bzhin pa'i lha de dag kyang glu de dag rnams nyan par byed do/ /de dag gi drung na yon tan brgyas lhag par snyan par gyur pa/ de dag gi glu dang de dag gi gzugs dang de dag gi bde ba yang rnam pa sna tshogs pa'i yon tan dang ldan pa yin no/ /de nas rang bzhin du gnas pa'i lha de dag snga na ma mthong ba'i ngo mtshar che ba de dag rnams kun tu mngon par mthong nas/ kha cig ni ngo mtshar ba'i mchog dang ldan par gyur to/ /kha cig ni rab tu dga' bar gyur la/ kha cig ni rmad du byung bar gyur nas ci'i phyir lha de dag rnams ji ltar na 'thab bral gyi bdag po mu su lun ng+ha'i kha nas 'gro bar 'gyur/ 'di dag ni shin du yang yang mtshan che'o/ /de ltar rang bzhin gyi lha de dag rnams sems par byed pa dang phan tshun rjod par yang byed de/ de ltar yang rang bzhin gyi lha de dag rnams byed do/ /gzhan yang mu su lun d+has mchog tu gyur pa'i rdzu 'phrul gzhan dag byed pa ni 'di lta ste/ kha nas byung ba'i lha de dag las sna tshogs pa'i cha byad 'dzin pa ral pa ring po dang cod pan dang ldan pa shing shun gyi gos can lag na ril ba spyi blugs thogs pa/ lha rdzas kyi phreng ba'i rgyan can/ gzi brjid kyi dpal 'bar ba'i ri dgas</font><hr>65.317b<br><font size=+1>

kyi lpags pa 'dzin pa'i rnam pa sna tshogs pa'i drang srong dag kun du 'byung sto/ brgya phrag rnams dang de nas lan stong phrag kyang kun du byung nas/ nam mkha'i dkyil du 'khod nas tshigs su bcad pa rnams kyang bag med pa rnams dang kun nas bral bar bya ba'i don tu rjod par byed pa ji ltar/ sgyu ma lta bu'i srid pa las/ /g.yo ba'i sems can 'di dag kyang / /thams cad 'chi ba'i mtha' can gyi/ /dngos pos bag med par ma byed/ /sred pa kun nas 'phel ba yi/ /dga' bar 'gyur ba thams cad la/ /tha mar smad pa'i gnas kyi ni/ /dngos pos bag med par ma byed/ /gang zhig skyes pa mi 'jig pa'i/ /gnas ni yod pa ma yin no/ /gang phyir bde kun 'jig bcas kyis/ /bag med ma byed dngos rnams la/ /gal te yon tan ldan pa yi/ /dga' bar mthong ba 'di thams cad/ /thams cad rmi lam 'dra ba yi/ /srid pas bag med par ma byed/ /bag med dgra bo sdig can 'di/ /dga' ba'i 'dod chags gdul dka' ba/ /dmyal bar myur du 'bab 'gyur ba'i/ /dngos pos bag med par ma byed/ /bde ba 'di ni yang dang yang / /yongs su nyams pa kun du 'byung / /yang ni thams cad 'jig 'gyur ba'i/ /srid pas bag med par ma byed/ /'og tu bar gyi bskal par ni/ /skye dgu skyon gyis nye bar bcom/ /las kyi lcags sgrog gis bcings nas/ /ji ltar mchil pas nya bzhin du/ /thabs kyi rnam pa tha dad kyis/ /lcags sgrog gcod par nus mod kyi/ /lha dang lha min thams cad kyis/ /las kyi sgrog ni gcod mi nus/ /mthong ba med dang shin du ring / /skyes pa rgya che ba yi sgrog /sred pa'i rgyud ni dam po 'dis/ /gang yang 'ching ba byis pa rnams/ /bdag cag lha rnams thams cad dang / /mi dang de bzhin lha min med/ /mi rtag nyid las rnam grol min/ /mig med pas kyang mthong ba min/ /las rgya chen po'i rgyun rnams ni/ /shin du ring bar rab tu 'jug /ji srid shes</font><hr>65.318a<br><font size=+1>

pas rnam ma bcom/ /de srid du ni sred pa yin/ /lnga yi gtsub shing las gyur pa'i/ /sred pa'i bud shing las byung ba/ /rnam rtog rlung ni stobs po ches/ /dus kyi mes ni shin du sreg /byis pa blo gros chung rtag tu/ /sdug bsngal des kyang kun du ldan/ /phyin ci log gis yongs 'khrul pas/ /de ni 'gro ba lngar 'khor ro/ /longs spyod rnam pa sna tshogs dang / /chung ma bu la kun tu chags/ /mi lus nad kyis rnam bcom nas/ /'chi bdag rgyal pos kun du 'dren/ /spyang khus ji ltar ri dgas kun/ /rab dang min pas mngon par 'joms/ /de bzhin 'chi bdag dpung tshogs kyis/ /dang ba min pas mi rnams 'joms/ /mnyam pa med dang khyad 'phags pa'i/ /sdug bsngal srid dang srid par mthong / /gti mug gis ni yongs bslus pas/ /'jig rten 'di ni skyo ba'ang med/ /shin tu bdag la byams pa gang / /de kun sdig la rten pa'i mi/ /gang dag bdag la byams min pa/ /de la 'jig rten su mi byams/ /de ltar lha de dag rnams kyi bag med pa kun nas zhi bar bya ba'i don du mu su lun d+ha'i kha nas 'byung bzhin pa'i drang srong rnams rdzu 'phrul gyis sprul nas rang bzhin gyi lha rnams la ston par byed de/ de dag ni mthar thug par phan pa rnams yin no/ /gzhan yang 'thab bral ba'i mnga' bdag des phan pa gzhan gyi sprul pa gzhan rnams byed pa ni 'di lta ste/ brang du ches mchog tu dga' bar gyur pa'i ngang pa dang ka raN Da ba dang ngang ngur dag gis nye bar mdzes par gyur pa yan lag brgyad dang ldan pa rab tu dang ba mchog gi chu dang yang dag par ldan pa'i pad ma'i rdzing bu sprul par byed do/ /de'i pad ma'i rdzing bu de na brgya stong bye ba'i pad ma rnams legs par skyes pa 'di dag rnams ni mtsho chen por gyur pa rnams yin te/ rin po che bdun gyi rang bzhin du gyur pa dang dpag tshad brgyar dri zhim po rnams 'byung ba yin no/ /pad ma</font><hr>65.318b<br><font size=+1>

de dag rnams kyi nang du son pa'i snying po rnams la/ cod pan dang ldan pa'i mgo bo rnams rnam pa sna tshogs pa'i 'dab ma rnams kyi 'od kyis rab tu snang bar byas pa/ rin po che rab kyi mchog gis rgyan du byas pa'i dpung rgyan can rnams 'dug pa la/ rnam pa du mar sna tshogs par rab kyi mchog tu lang tsho la bab par mang po rnams kyis nye bar glu len par byed cing / seng ge'i khri la nye bar gnas pa la rnga yab dkar po nye bar g.yob par byed pa dang mgo bo la me tog gi mchog rnams dang ldan pa'i rjes su spyod pa gzhan rnams kyis mngon par bstod par byed par gyur pas rgyal bar gyur cig rgyal bar gyur cig ces kun nas dga' ba 'phel bar byed pa rnams kyis mngon par bstod par gyur pa na/ brgya byin la rab tu 'gran par byed pa'i rgyal po brgya stong sprul par byed do/ /gzhan la phan pa la rab tu zhugs par gyur pa'i 'thab bral gyi mnga' bdag des rang bzhin pa'i lha rnams la go bar bya ba'i don du 'khor los sgyur ba brgya phrag la 'gran par byed pa'i rgyal po brgya phrag stong yang yongs su sprul par byed do/ /gzhan yang gzhan la phan pa rnams la zhugs pas rdzu 'phrul gzhan byed pa ni/ mu su lun d+ha des rang gi lus rnams la sprul par byed pa rnams la dpag tshad brgya pa'i pad ma de dag rnams ni brgya stong bye ba'i 'dab ma dang ldan pa/ rin po che bdun gyi rang bzhin gyis rnam par bkra ba'i 'dab ma rnams la lha'i bung ba rnams glu nye bar len par gyur pa'i sgra rnams kun du brjod pa/ dga' bar gyur cing mnyan par 'os pa mthong na ches dga' bar gyur pa lha rnams kyi pad ma chen po de'i sgra dag ni dpag tshad lnga brgyar 'gro ba yin no/ /yu ba rnams sprul par byed pa ni bai dUr+ya'i rang bzhin rdo rjes legs par gnas pa/ in dra nI la'i rin po che dang ldan pa mdzes pas 'ja' tshon rnams pas kyang ches lhag par dga' ba yin no/ /pad ma chen po de'i nang du zhugs pa na mi'i rgyan</font><hr>65.319a<br><font size=+1>

dang cha byad sna tshogs pas/ rnam pa du mar brgyan pa'i lus mchog tu skyid pa rnams thong gshol gyis zhing las kyang byed cing / zhing gi rnang la tshigs su bcad pa'i dbyangs brjod pa ji ltar/ 'bras 'dod mi rnams thams cad kyis/ /sa gzhi 'di la zhing las byed/ /'dod la chags pa'i mkhas min rnams/ /'chi ba legs par mthong ba min/ /skad cig skad cig la 'grib pa/ /skye ba 'dod pa'i bsam pas rmongs/ /skad cig skad cig la zad pa'i/ /'du byed go ba yang ma yin/ /mi rnams lang tsho mthar byed pa'i/ /rgas pa'i dbyug pa 'di 'byung ngo / /nad med lo thog 'joms pa yi/ /nad kyi dbyug pa 'di 'byung ngo / /'jigs pa'i dbyug pa 'di gsum gyis/ /lhar bcas lha min 'joms byed pa/ /byis pa'i 'jig rten blun po 'dis/ /'ong ba mthong ba yang ma yin/ /lha dang lha min dri za dang / /sha za klu dang srin po la'ang / /gson pa mthar ni byed pa'i mchog /dus kyi dbyug pa 'di 'byung 'gyur/ /skye bo gzhan yang rab bcom nas/ /rang gi skye la chags shing 'chums/ /srid gzhan 'gro bas skye gtong yang / /rmongs pas bcings pa'i skye bo rnams/ /bu dang tsha bo yang tsha dang / /mi gang de yi rigs gnas pa/ /de dag thams cad med gyur kyang / /khyod ni chags pas 'ching bar byed/ /de ltar sprul pa de dag gis gzhan la phan pa bsgrub pa'i phyir don du tshigs su bcad pa brjod pa yin no/ /rang bzhin gyi lha rnams kyis kyang thos shing thos par gyur nas kyang yid kyis 'thung bar byed do/ /yul rnams la yang shin du bag med par yang mi 'gyur ro/ /de nas gzhan yang rdzu 'phrul gzhan shin du dka' ba rnams gzhan la phan pa la rab tu zhugs pa'i 'thab bral gyi mnga' bdag des sprul par byed pa rnams ni 'di lta ste/ yan lag dang nying lag rnams thams cad las rgyan dang cha byad sna tshogs pa dang / rnam pa sna tshogs pa'i dbu rgyan gyis brgyan pa rnams ni kha cig yin no/ /</font><hr>65.319b<br><font size=+1>

kha cig ni kha dog du ma rnams dang dbyibs du ma rnams dang 'gro ba du ma rnams dang ldan pa'i lha dang dri za dang mi dang klu dang lha ma yin dang gzhan dag rnams kyang ste/ rang gi skye ba gnyug mar gnas par gyur pa'i rgyan dang cha byad can rnams kun du 'byung ste/ 'thab bral gyi mnga' bdag de'i ba spu'i khung bu rnams thams cad las dang / lus kyi mtha' rnams ma lus pa nas 'byung ba ni ji ltar rjes su mthun pa dang gnas skabs ji lta ba dang / de dag gi rigs rnams dang rjes su spyod pa rnams ji lta ba'i 'khor gyis glu len par byed pa dang gar byed pa dang rgod par byed pa yin no/ /mi rnams ni mi rnams dang rjes su 'tsham par gyur pa'i longs spyod mchog tu yid 'phrog par byed pa rnams dang / yang dag par ldan pas gar byed pa dang rgod par byed pas kyang mi rnams kyi rgyal po bde ba rnams la nye bar longs spyod par byed pa yin no/ /de bzhin du rnam pa sna tshogs pa'i rgyan dang cha byad can gyi klu rnams kyang kha cig ni mgo gcig pa/ kha cig ni mgo gnyis pa kha cig ni mgo gsum pa kha cig ni mgo bzhi pa kha cig ni mgo lnga pa kha cig ni mgo drug pa kha cig ni mgo bdun pa rnams yin te/ mdog dang dbyibs sna tshogs pa'i cod pan bcings pa'i mgo bo rnams yin no/ /rin po che sna tshogs pa'i 'od zer gyis mchog tu gsal bar byas pa'i mgo bo can rnams sna tshogs pa'i rol mo'i sgra dang glu dang rgod pa dang 'gying ba dang rtse dga' bas rjes su chags pa'i yid kyis bde ba rnams la nye bar longs spyod par byed do/ /de bzhin du lha ma yin yang brtan pa la sogs pa sgra gcan 'dzin gyi mthar thug pa sa gzhir gtogs pa rnams sprul par byed do/ /'thab bral gyi bdag po des bskal pa gzhan gyi brgya byin gyi rtsa lag lhan cig rjes su spyod pa rnams kyi rjes su 'brang bar gyur pa/ mchog tu gzugs dang rgyan dang cha byad dang rab tu dang ba'i lha ma yin gyi bu mos rjes su 'brang bar gyur pas/ </font><hr>65.320a<br><font size=+1>

rnga skad yan lag lnga pa rnams thos nas dga' bar 'gyur bas yid ches su 'brel bas mchog tu skyid pa rnams dang / lha ma yin gyi mnga' bdag rnams kyang khang bu na legs par gnas nas mu su lun d+ha'i lus dang kha nas kun tu 'byung ste/ sprul pa rnams thams cad kyang rtse bar byed bzhin pas mchog tu yang dpe med pa'i bde ba rnams la nye bar longs spyod par byed do/ /de bzhin du byang phyogs sgra mi snyan pa'i mi rnams kyang sprul par byed de/ sprin dang 'dres pa la sogs pa'i rin po che bcu la so sor gnas pa rnams/ sum bcu rtsa gsum pa'i lha rnams las nye bar longs spyod par bya ba rnams cung zad kyis chung bar gyur pa'i nags dang nye ba'i nags dang rdzing bu dang pad ma'i tshal rnams dang rnam pa sna tshogs pa'i bza' ba'i klung dang btung ba rnams dang / rnam pa sna tshogs pa'i bde ba rnam pa du ma rnams nyams su myong bar gyur pas rtse bar byed pa dang gar byed pa rnams kyang mu su lun d+ha'i lus po nyid las kun du 'byung ngo / /de bzhin du ba lang spyod pa rnams kyi mi rnams kyang rang gi bde ba dag dang yang dag par ldan par gyur pas mchog gi rab tu dga' ba'i yid kyis gar byed par gyur pa dang / glu len par gyur pa dang rgod par gyur pas mu su lun d+ha'i lus nyid las kun du 'byung ngo / /de bzhin du shar phyogs lus 'phags pa'i mi rnams kyi rang gi bde ba dang yang dag par ldan pa dang / rab kyi mchog tu rangs pa'i yid kyis rtse bar gyur pa rnams kyang rang bzhin gyi lha rnams kyis mthong ngo / /cho 'phrul gyi mchog rnams dang yang dag par ldan par gyur pa'i 'thab bral ba rnams kyi bdag po des/ de ltar rnam pa du ma dang rnam par rtog pa du mas bag med pa rnams kun nas zhi bar bya ba'i don dang / gzhan rnams la phan par bya ba'i don du yang sprul pa de dag rnams byed do/ /bag med pas rnam par rgyu bar byed pa'i lha de dag rnams ji ltar na mi</font><hr>65.320b<br><font size=+1>

rtag pa mngon sum du gyur pas sems kyi rgyud 'jam por 'gyur ba yin zhes/ rgyu 'di'i phyir na phun sum tshogs pa rnams ston par byed de/ 'dod pa rnams kyi kun nas ro myang ba'i don dang phyi nas ni nyes dmigs rnams bstan par bya'o/ /rnam pa ji srid kyis 'dod pa rnams las nges par 'byung ba yin pa'i rgyu 'di dag gis lha rnams sprul pa byas so/ /de la kun nas ro myang bar gyur pa rnams ni ji ltar thos par gyur pa bzhin du rnam pa sna tshogs pa'i 'dod pa'i longs spyod pa rnams kyi gar dang / rgod pa dang 'gying ba dang gar dang glu dang gos rnams dang nye bar longs spyod par bya ba'i bza' ba dang btung ba rnams mid par byed pa dang bud med rnams kyis yongs su bsnyen bkur ba dang 'khyud 'phyang byed pa rnams te/ dbang po lnga ka'i nye bar longs spyod pa rnams thams cad ji ltar 'dod pa bzhin du mngon par chags pa phun sum tshogs pa 'di ni 'dod pa rnams kyi ro myong ba zhes brjod do/ de la nyes dmigs rnams gang dag zhe na/ thob par gyur pa'i 'dod pa gang dag yin pa rnams mngon par 'chums pa sngon du 'gro bas don du gnyer bar byed pa na nyams par 'gyur ba dang / thun mong ba rnams kyis dbang byas nas rlag par gyur pa'i bral bas bskyed pa'i sdug bsngal rnam pa du ma rnams dang / gzhan dag gis phrogs par gyur pa 'am/ rdzas dang ldan pa las 'jig pa lngas nges par 'joms pa rnams kyang 'di lta ste/ rgyal po dang chu dang chom rkun pa dang me la sogs pa rnams so/ /sdug bsngal gzhan dag rnams kyi yang gzhi por 'gyur ba yin te/ rtag tu yang dgra rnams kyis mngon par 'tshe bar 'gyur ba dang / rlag gis dogs pa bsrung ba'i 'jigs pa rgyun mi 'chad pa rnams kyis 'jigs par yang 'gyur ro/ /mngon par zhen pa sngon du song bas gang dag gi yid kyang mya ngan gyis rtag tu theg zug dang ldan par 'gyur ro/ /de ni lus dang yid kyi 'dod</font><hr>65.321a<br><font size=+1>

pa'i nyes dmigs rnams yin no/ /'dod pa rnams kyi nyes dmigs des ni 'chi ba'i mthar thug pa na yang byis pa blo dman pa rnams la yi mug pas bskyed pa'i sdug bsngal ba du ma rnams skye bar byed de/ zug zer 'di dag rnams kyang 'dod pa rnams kyi nyes dmigs yin la/ gzhan yang 'dod pa rnams kyi nyes dmigs yod do/ /'di yang gang dag zhe na/ 'di lta ste ma dang bu dag kyang lhan cig tu 'thab cing rtsod par byed do/ /dka' slas kyis 'tsho bar 'gyur ro/ /'dod pa de'i rgyus gang dag la spun dang spun rnams lhan cig tu 'thab rtsod byed do/ /gsod pa dang 'ching ba rnams kyang phul du phyin par byed do/ /de dag kyang 'dod pa'i rgyu las yin la/ 'dod pa rnams kyi don gyis de bzhin du rgyal po dang rgyal po yang lhan cig tu 'thab cing rtsod par byed do/ /g.yul 'gyed par byed do/ /yul ljongs rnams 'joms par byed do/ /phan tshun du gsod pa dang 'ching ba'i sdug bsngal rnam pa sna tshogs pa rnams kyi rtse mor phyin par byed do/ /de la de dag nyid thams cad kyang 'dod pa rnams kyi don du yin pas na/ 'dod pa rnams kyi nyes dmigs 'di dag rnams kyang so sor shes par bya'o/ /gang gi phyir 'khor ba rnams thams cad kyi 'ching ba yin pa'i phyir 'dod pa 'di dag rnams bye brag tu rtogs par bya ba yin no/ /de la rgyu 'di dag gis ni 'thab bral ba rnams kyi bdag po des lha de dag rnams la rnam pa du ma dang / rnam par rtog pa du mas kyang rdzu 'phrul de dag rnams byas so/ /de lta bu dag ni mi rnams kyi 'dod pa'i nyes dmigs rnams yin te/ gang gzhan dag rnams lta phar zhog gi rgyal po yang rnam pa du ma dang bcas pa'i thabs rnams byed do/ /gang yang mi gzhan dag 'dod pa'i don du rgya mtshor 'jug par byed pa dang 'khrug pa la lhan cig tu 'jug par byed pa dang 'ching ba dang mya ngan dang ngal dub dang sems khral dang / 'thab rtsod dang 'jig pa la</font><hr>65.321b<br><font size=+1>

sogs pa'i don med pa rnams kun bzod par byed do/ /de dag rnams thams cad kyang 'dod pa'i don tu yin la/ de ltar mi rnams thams cad 'dod pa rnams kyi don du nyes dmigs rnams kun nas bzod par byed do/ /ji ltar na yang lha rnams 'dod pa'i don du nyes dmigs rnams kun kyang bzod par byed pa yin na 'di lta ste/ gang dag lha ma yin rnams dang lhan cig tu g.yul 'gyed par byed pa dang / rtsod par byed pa dang de dag gi de dag rnams thams cad kyang 'dod pa rnams kyi don du yin no/ /de bzhin du lha ma yin rnams kyang lha rnams dang lhan cig tu rtsod par byed pa dang g.yul 'gyed par byed pa gang yin pa 'di dag yang 'dod pa rnams kyi nyes dmigs yin no/ /dngos po rnams kho na'i rgyags pa gang yin pa de dag rnams ni 'dod pa rnams kyi nyes dmigs yin no/ /de la rgyu 'di rnams kyis kyang sprul pa rnams byas so/ /gang yang klu rnams klu rnams dang lhan cig g.yul 'gyed par byed cing yul gzhan dag rnams kyang 'jig par byed pa dang / glog dang thog la sogs pa yang gtong bar byed pa gang yin pa de dag rnams thams cad kyang 'dod pa rnams kyi don du yin no/ /yang gang dag dud 'gro rnams kyang phan tshun du za bar byed pa dang gsod pa dang 'ching ba la sogs par byed pa rnams dang / 'thab par yang byed pa de dag rnams thams cad kyang 'dod pa rnams kyi don du yin te/ 'di yang 'dod pa'i nyes dmigs yin no/ /de bzhin du yi dgas rnams kyang zas kyi rgyu mtshan gyis sam/ 'khrig pa'i rgyu mtshan gyis kyang phan tshun du ral gris gcod par byed pa dang de dag rnams thams cad kyang 'dod pa rnams kyi don du yin no/ /gang yang 'dod pa rnams kyis nyes dmigs de dag rnams yin pa'i rgyu mtshan 'di dag gis ni 'thab bral gyi mnga' bdag des bag med pa dang bral bar bya ba'i don du lha rnams la sprul par byed do/ /de bzhin du dmyal ba rnams kyang phan tshun du mngon par 'joms par byed de/ nyes</font><hr>65.322a<br><font size=+1>

par byed pa'i las rnams kyis skyes pa gzhan rnams su gang dag dang zhe 'gras par gyur pa de dag rnams rjes su dran par 'gyur la/ rjes su dran nas kyang 'khon de dag rnams ni ral gri rnams kyis phan tshun du las byed par 'gyur ba kho na nye bar gnas pas bdag nyid dang gzhan dag rnams kyang gshog par byed do/ /de ltar yang dmyal ba rnams kyi 'dod pa rnams kyi nyes dmigs yin no/ /de la rgyu mtshan 'di dag gis kyang 'dod pa rnams yongs su spong ba'i rgyur 'thab bral ba rnams kyi mnga' bdag de sprul pa gzhan rnams byed pa yin no/ /'gro ba lnga po 'di dag rnams thams cad na ni 'dod pa rnams kyi nyes dmigs yod pa yin no/ /gang yang 'khor ba las kha phyir phyogs par gyur pa de dag rnams thams cad ni gnas skabs thams cad du 'dod pa rnams las nges par 'byung bar ston par byed pa dang 'chad par yang byed do/ /de la 'thab bral gyi bdag po des 'dod pa rnams kyi ro myang ba rnams bstan pa yin zhing / nyes dmigs rnams kyang pad ma'i 'dab ma brgya po dang lha rnams rab tu lhung bar gyur pa rang bzhin pa'i lha rnams la cung zad cig bstan pa yin no/ /rgyas par yang lha dang mi rnams kyi nyes dmigs gzhan dag kyang bdag gis bstan par bya yis/ nyes dmigs rnams legs par bstan nas nges par 'byung ba yang bdag gis bshad par bya ste/ thar pa'i sa bon gyi rgyur gyur pa rang bzhin gyi lha rnams la phan pa'i don du dang bde ba'i don du'o/ /gzhan yang lha de dag rnams la phan pa'i don du mu su lun d+ha des 'dod pa rnams kyi nyes dmigs rnams mngon sum du byed de/ 'dod pa rnams kyi nyes dmigs rnams gzhan rnams su mthong bar gyur pa dang / gzhan du yang thos par gyur pa'i rgyu mtshan gyis kyang 'khor ba la yid 'byung bar 'gyur ba yin no/ /de la rgyu mtshan 'dis lha de dag rnams la 'dod pa rnams kyi nyes dmigs</font><hr>65.322b<br><font size=+1>

rnams so sor sprul par byed do/ /de nas lha de dag dang lha ma yin dang klu rnams kyi 'dod pa rnams la ro myang bar byed pa de dag rnams bstan nas nyes dmigs kun du ston par byed de/ lha dang mi dang klu dang lha ma yin de dag rnams nyid kyang dus rnams mdor bsdu ba ji lta ba bzhin du yin pas so/ /de la lha rnams ni rnam pa sna tshogs pa'i 'dod pa rnam pa du ma rnams la longs spyod nas/ 'chi 'pho ba'i dus byung bar gyur pa na de dag rnams ji ltar yin pa de bzhin du ston par byed de/ rnam pa du ma sna tshogs pa'i tshul gyis 'chi 'pho bar 'gyur ba rnams la 'di lta ste/ ri'i drung dag nas rnam pa du mar gyur pa byi la dang gung dang gzig dang ser ba cag cag dang lce spyang dang / ri bong dang seng ge dang phag pa dang klu dang dom dang stag dang srin bya dang rta dang sto ma ra dang glang po dang khwa ta dang su su ka dang chu srin dang rusbal dang rnga mo rnams kyi gdong gcig pa dang gdong gnyis pa dang gdong gsum pa dang gdong mang por gyur pa de dag rnams/ kha cig gi lag na ni thal ba dang sol me thogs pa'o/ /kha cig gi ni thams cad rab tu 'bar bar gyur pa'o/ /kha cig gis ni me'i char 'bebs par byed pa dang rdo rje dang bcas pa'i ral gri kun nas 'phen par byed do/ /tho 'khor kun nas 'jigs su rung ba'i sgra mang po rnams mngon par 'don par gyur pa ni ri dang thog 'bab pa dang mtshungs pa'i 'jigs pa chen po rnam pa du ma rnams yin te/ char 'byung ba'i sprin mthing rag dang mdog 'dra bar 'jigs pa chen por gyur pa'i gzugs dang ldan pa de'i mgo bo ni ri dang mnyam par skra rnams dang / lus rab tu 'bar bar gyur pa brgya phrag mang po rnams dang de bzhin du stong phrag mang po rnams kyis kun nas bskor nas lag na zhags pa thogs pa dang / ral gri dang mdung dang rdo rje dang rdzogs lag na thogs pa 'jigs byed chen po'i gzugs su ston par byed pa rnams ri de dag gi khrod rnams nas byung ba nas</font><hr>65.323a<br><font size=+1>

nges par 'ong bar byed do/ /gang na sprul pa'i lha de dag rnams yod pa der nye bar rgyug par byed do/ /khros pas bzhin dmar po rnam par rol ba nye bar sgyur bar byed pas sngon po dang ser po dang dmar po rnams kyi mdog gi me 'bar ba rnam pa du mar char 'byung ba'i sprin mthing nag gi gseb rnams las bzhin du glog rnam par 'byin pas nges par rgyug par byed do/ /sprul pa gzhan rnams kha cig ni 'chi bdag lta bur gyur pas mchog tu 'jigs su rung ba'i gzugs rnams kyis gang na sprul pa de dag rnams yod par rgyug par byed pa ni sna tshogs pa'i zhags pa dang lag cha thogs pa rnams la 'di lta ste/ lcags kyi rang bzhin lag pa gyen du rab tu 'bar bar gyur pa 'brug bzhin du sgra kun nas sgrog par byed pa lus rab tu 'bar bar gyur pa dpag tshad bcu'i tshad tsam gyi gzugs can rnams so/ /kha cig ni mig brgya pa rnams so/ /kha cig ni mig bzhi brgya pa rnams so/ /de bzhin du lnga pa dang drug dang bdun dang brgyad dang dgu dang mig brgya phrag bcu pa rnams te/ mig rab tu 'bar bar gyur pa rgyang grags kyi tshad tsam pa rnams rab tu 'ong bar byed do/ /kha dog sngon po dang ser po dang dmar po dang sngo skya rnams dang dbyibs rnam pa sna tshogs par gyur pa/ 'byung po rnams thams cad 'jigs par byed pa/ ha ha zhes sgrogs par byed pas kyang de dag thams cad ri'i rtse mo 'dud pa'i sgra dang 'dra bar so sor gsus pa 'phyang ba dang gsus pa gzhan dag rnams ni ri dang mtshungs par gyur pa'i gsus pa dang ri dang mtshungs pa'i mgo bo can rnams yin no/ /mgo bo thung ngu dang ldan pa dang gzhan rnams ni ring bar rab tu 'bar bar gyur pa'i skra dang lag pa ring por gyur pa dang sen mo rnams rab tu 'bar ba dang de bzhin du lus la skyes pa'i ba spu rnams kyang ste/ nye 'khor kun nas rab tu 'bar bar gyur pa'i ri dang mnyam pa rnams dus kyi ri chen po de las sprul pa byas pa rnams nges par 'ong ba yin </font><hr>65.323b<br><font size=+1>

te/ rdo rje'i thog 'bab par byed pa nye 'khor kun nas 'bebs par byed pa yin no/ /yang rnam pa gzhan dag rnams kyis de bzhin du 'chi bdag gi pho nya nye bar rgyug par byed pa rnams ni nye 'khor rnams na bya rgod dang khwa ta dang kang ka dang lce spyang dang rnga mo'i gdong can rnams lus po khrag gis rnam par byugs pa dang / grog ma 'phungs pa'i lus can gyi lha de dag rnams mngon par mi dga' ba rnams nges par yod par byed pa yin no/ /dus kyi ri chen po de dag las sprul pa byas pa de dag rnams thams cad kyang gang na lha sprul pa'i lha de rnams yod par der rlung gi shugs chen pos btab pa bzhin du sprin nag po glog dang bcas pas myur bar rgyug par byed do/ /de nas 'chi bdag lta bur byed par gyur pa de dag rnams kyis lha de dag rnams dang nye bar 'ongs par gyur nas sprul pa'i lha de dag rnams mngon par 'dzin par byed do/ /de'i gting la kha cig ni rab tu 'bar bar gyur pa'i lcags kyi thag pa rnams kyis dpung pa bcings nas 'dren par byed do/ /de bzhin du sprul pa'i lha gzhan de dag rnams kyis de dag rnams nyid 'khrad par gyur pa mngon par mthong nas/ shin du 'jigs par gyur pas phan tshun kun du rgyug par byed do/ /de dag rnams kyang 'dzin par byed de/ 'chi bdag gi pho nya ni mgo la mngon par dmigs nas/ de dag nam mkha' la mngon par 'phags te 'jigs par byed pa'i nga ro dag kun du bton pas mig gi yul nges par mchong bar byed do/ /kha cig ni lha gzhan ma de dag rnams nyid bzung nas lcags kyi rang bzhin gyi rab tu 'bar ba'i thag pa rnams kyis mgrin pa bcings shing khyer/ sa gzhi'i gseb tu rjes su thim nas mi mthong bar 'gro bar byed do/ /'chi bdag gi pho nya sprul pa byas pa gzhan de dag rnams kha cig gis kyang sprul pa'i lha rnams khyer nas chur spying bar byed de/ rab tu khros par gyur pas nang du nub par gyur to/ /de ltar rnam pa du ma dang rnam par</font><hr>65.324a<br><font size=+1>

rtog pa du ma rnams su sprul pa de dag rnams ni 'jigs pa chen po rnams yin no/ /rang bzhin gyi lha de dag rnams kyis kyang de dag rnams thams cad rmi lam gyi snang ba bzhin du mthong bar gyur te/ 'di dang 'di dag rnams ni ci yin zhes go bar 'gyur ba yin no/ /de nas de dag gang gi tshe sprul par gyur pa'i lha rnams la dmigs pa na de'i tshe/ sprul pa'i skyes bu de dag rnams kyis rjes su gdams par byed pa'i tshigs su bcad pa brjod pa rnams ni ji ltar/ longs spyod rgyags pas rgyags pa yi/ /bag med dbang gis 'jug pa rnams/ /rmongs pa rnams kyi dus song nas/ /'chi bdag dus su 'ongs pa yin/ /nags kyi dus 'di mtha' yas pa/ /dug gis gang ba ji bzhin nags/ /sred pa'i myu gu rnam spangs pa/ /dge ba don gnyer kun nas spangs/ /mdzes pa'i las ni ma byas par/ /bag med pas kyang bag med 'gyur/ /'chi bdag 'jigs pa'i dus byung na/ /blo gros ngan pa cir byar yod/ /sred pa'i chur ni nub pa gang / /sdug bsngal pha rol tu phyin min/ /rga dang 'chi bar bying ba gang / /bde ba de dag rnams la med/ /skyes pa tsam gyis thams cad kyi/ /rgyab na 'chi bdag nges par gnas/ /ci yi don du 'jig rten 'di/ /bag med pas ni bag med byed/ /nyams pa med dang rnam mi shes/ /rtag tu glags gcod stobs po che/ /'chi bdag dmag dpung shugs po che/ /'jig rten pas kyang go ba min/ /rtag tu rnam par 'gal 'gyur dang / /bzlog thabs med pa nyid kyang yin/ /sems can thams cad 'chi ba yang / /bag med pas ni ma go 'o/ /'chi bdag gir gyur 'jig rten gsum/ /nye 'khor kun du rnam par dpyod/ /rga dang na dang rgud pa yang / /byis pa rnams kyis rig pa min/ /de ltar sprul pa'i 'chi bdag gi pho nyar gyur pa de dag gis sprul pa'i lha de dag rnams la rjesu gdams par byed pa'i tshigs su bcad pa rnams brjod nas/ lan brgya</font><hr>65.324b<br><font size=+1>

phrag rnams su dang lan stong phrag rnams su yang srid pa rnams su 'khrid par byed cing de bzhin du 'dren par byed do/ /sdug bsngal chen po de dag rnams mthong bar gyur pas kyang rang bzhin gyi lha de dag gis bag med pa las shin du sdug bsngal bar 'gyur ba spangs nas/ yid 'byung bar 'gyur zhing thams cad kyang rab tu dang ba'i yid kyis dkon mchog gsum la skyabs su song bar gyur to/ /de dag rtogs nas gzhan yang 'thab bral gyi bdag po des lha de dag rnams kyi yid gzhan yang ji lta ba bzhin du las su rung ba bya ba'i phyir slar nyid kyang sprul pa gzhan rnams sprul par byed pa ni/ lha de dag rnams nyid kyi phyir zhing nyid kyang khyad par du rtogs nas dga' bar 'gyur ba rnams la/ 'di lta ste dbu rgyan gyis brgyan pa 'dod pa rnams thams cad phun sum tshogs pa'i rgyal po gang yin pa de dag rnams mu su lun d+ha'i lus las nges par 'byung ste/ lhan cig spyod par byed pa'i mchog tu lang tsho la bab pa rnams kyis phyi bzhin 'brang bar gyur pa rnams ni sngar kho na bzhin no/ /de dag thams cad kyang rnam pa de srid kyi gzugs dang phun sum tshogs pa rnams kyis kyang phun sum tshogs par gyur nas phyi nas yang rgyal po rnams lus gog por song ba/ mgo bo kun skra dkar rnams kyis g.yogs par gyur pa/ lus po rnams kun nas 'khums pa/ lus la gnyer ma dang skra dkar rnams kyis kun du gang ba lus dbyug pa la kun nas rten pa mchog tu rjud par gyur pa'i lus po can rnams las rnam pa thams cad la nus pa med par gyur pa/ gzhan la kun nas rten nas 'gro bar byed pa/ skye bo rnams thams cad bzhad gad du gyur pa sgra ngar ngar por gyur pa'i dbugs phyir 'byung ba lus kun la bsnye bas nyams par byas pa/ dbang po rnams shin tu rnyings par gyur pa thams cad la yang spro ba med pa skye bo rnams thams cad skyug zlog par byed pa/ 'khyor</font><hr>65.325a<br><font size=+1>

zhing 'gro bar gyur pa dus shin du nye bar gyur pa de dag rnams mtsho 'di nyid na rgyu bar byed de/ stobs shin du yang chung bar gyur pa gzhan dag gi lag pa la 'phyangs nas gom pa rnams 'bor bar byed pa shin du yang 'jigs su rung ba'i gzugs dang ldan pa rnams yin no/ /de dang de ltar rgyu bar byed pa rnams kyi lus rnams la dus gzhan 'ga' zhig gi tshe na/ gzugs mang po rnam pa sna tshogs pa'i nad rnams kun du skye ba ni/ rims tsha ba dang ha cang thal ches par 'khru ba dang glo lu ba dang dbugs mi bde ba dang skyigs bu dang skrang glo dang mdze sngon du 'gro bar gyur pa rnams kyis shin du mi bzad par gyur pa/ nye bar 'tshe ba rnams dang bcas pa 'chi ba'i mthar thug par byed pa/ shin du skyug bro bar gyur pa'i nad khyad par du drag po de dag rnams kun du 'byung bar gyur pa'i stobs kyis/ gso dpyad med pa dang mi 'dod pa rnams mthar thug par byas pas rgyal po de dag rnams thams cad nyid khrid par gyur nas shin du sdug bsngal ba kho nar 'chi bar byed do/ /shi ba de dag rnams kyi lus de dag rnams zags shing dri mi zhim par gyur pa la srin bu brgya stong gis khyab par gyur pas za bar byed bzhin pa'i lus de dag rnams rang bzhin pa'i lha de dag rnams kyis mthong bar gyur to/ /de nas gang dag gis de dag gi lus rnams 'dzin par byed pa'i sprul pa'i bya rnams kyang kun du 'ongs par gyur nas kha cig gis ni za bar byed do/ /kha cig gis ni bzung bar gyur pa mthong nas 'bros par byed de/ de dag rnams kyang mchog tu skyo ba skye bar 'gyur ba'i gnas su legs par mthong bas lha rang bzhin pa de dag rnams shin du legs par mnyam par bzhag pa'i yid du 'gyur ro/ /gzhan yang lha de dag rnams nyid la phan par bya ba'i don du 'thab bral gyi bdag po brtan pas mgo drangs pa'i lha ma yin gyi rgyal po gang yin pa de dag rnams sgra gcan 'dzin gyi mthar thug par gyur pa'i sa 'og na gnas pa de dag</font><hr>65.325b<br><font size=+1>

rnams gang gi tshe mu su lun d+ha las mi ring ba na kun nas gnas par gyur la/ de'i tshe rnam par khros par gyur pas kyang thams cad kyi skad chen po kun du bton zhing phan tshun du yang bos par gyur nas sa gzhi la kun nas 'gyel ba ni sta res shing kar Ni kA ra sta res rtsa ba nas bcad pa bzhin du sa gzhi la 'gyel bar gyur to/ /'gyel nas kyang shi bar gyur pas thams cad shing dang rdo ba rnams bzhin du rnam par 'gyur ro/ /de dag rnams mngon par mthong nas lha ma yin gyi bu mo de dag rnams shin du sdug bsngal gyis gzir nas kyang rnam par khro bar byed pa dang ngu bar yang byed do/ /yongs su bskor bar gyur nas de dag rnams thams cad kyang de ltar ngu bar byed pa rnams la bya dag kun du 'ong bar gyur nas de dag gis de dag rnams kyi lus shing skam dang rdo ba dang shing bu dang mtshungs par byed pa med pa rnams kun nas 'dren par byed do/ /snying rje rnam par 'khrugs par gyur pa'i lha ma yin gyi bu mo de dag rnams de nas de ltar rnam par 'khrugs pa'i rting thogs nyid la de dag rnams thams cad kyang shi bar gyur to/ /de dag rnams kyi ro de dag rnams kyang bya rnams nyid kyis 'dzin par byed do/ /bzung bar gyur nas kyang khwa ta dang 'ug pa dang bya rgod rnams nam mkha' la 'phur bar 'gyur te/ mthong ba'i yul las 'das nas 'gro bar byed do/ /de ltar yang 'thab bral ba rnams kyi bdag po des rang bzhin gyi lha rnams la phan par bya ba'i don du sprul pa gzhan rnams kyang phul du phyin par byas so/ /de'i rjes thogs la sprul pa gzhan dag byed pa rnams la ji ltar gang de klu'i rgyal po rnams gang yin pa de dag gi sprul pa rnams ni snga ma bzhin no/ /yang de dag rnams kyi mi rtag pa 'di dag ston par byed pa las de ltar yang klu rnams kha cig ni bye tshan dag gis sreg par byed do/ /sol ba'i me tsha ba rnams kun du 'bab par 'gyur zhing de dag rnams bab par gyur pas</font><hr>65.326a<br><font size=+1>

kyang de ltar sreg par byed do/ /ji ltar seng ldeng gi me shin du chen po rnams su rtswa 'jag skam po cig lhung ba sreg par byed pa de bzhin du lhung bar gyur pa tsam nyid na klu de dag rnams bye tshan gyis sreg par byed do/ /de dag rnams las gzhan pa'i klu rnams kyang 'chi bdag gis 'khrid par 'gyur te/ lhan cig spyod par byed pa rnams kyi nang na gnas pa las rnam par gyur khros par gyur bzhin du de dag rnams dus kyi 'khor los sdud par byed do/ /gzhan rnams kha cig ni phan tshun du 'gyed par gyur pas phan tshun du bcings nas snying phan tshun du 'joms par byed do/ /de ltar 'chi bdag rnams kyis kun du khrid par gyur pa'i sprul pa'i klu de dag rnams kyang rang bzhin gyi lha de dag rnams kyis mthong bar gyur to/ /mthong nas kyang phyir zhing kho na shin du nges par yid 'byung bar 'gyur ro/ /gzhan yang 'thab bral ba rnams kyi bdag po de nyid kyis sprul pa gzhan dag byed pa ni ji ltar shar gyi lus 'phags po rnams dang ba glang spyod pa rnams kyi mi rnams kyang rgas pa rnam pa sna tshogs pa rnams kyis zil gyis gnon par byed do/ /lhan cig rjes su spyod pa'i 'khor dang bcas pa rnams lan brgya dang stong du yang byed do/ /shi ba de dag rnams nyid kyi lus de dag rnams las srin bu rnams kyis gang bar gyur par shin du 'jigs su rung bar sa gzhi la 'gyel bar gyur pa dag rang bzhin gyi lha de dag rnams kyis mthong bar gyur to/ /rnam pa du ma dang rnam par rtog pa du mar yang srid pa'i skyon phul du phyin pa'i sdug bsngal gyis 'chi ba mngon par mthong nas/ rang bzhin gyi lha de dag mchog tu yid byung ba dang ldan par gyur nas/ 'chi ba'i sdug bsngal 'di ni nges par bslang ba yin te/ de ltar yang srog chags su gyur pa gang yin pa 'di dag rnams thams cad kyang rga ba dang nad dang 'chi ba rnams kyis mthar thug par byed pa yin pa rab tu mi shes na/ de dag</font><hr>65.326b<br><font size=+1>

rnams kyang gang du song gang gis khrid par gyur pa yin/ phun sum tshogs pa rnams thams cad ni mi rtag pa yin pa dang bde ba rnams thams cad kyang srid pa'i skyon dang kun du 'dres pa'i 'dus byas zhes bya ba g.yo ba mthar 'jig par 'gyur ba 'di la blo dang ldan pa'i skyes bu rnams kyis yid ches par mi bya'o/ /rab tu rnam par 'jig par 'gyur ba'i chos can 'di dag rnams thams cad la 'di dang srid pa gzhan du yang bde ba yod pa ma yin no/ /mchog tu skyo ba skyes pa'i yid dang ldan pa'i legs par skyo ba skyes pa'i blo dang ldan pa'i rang bzhin gyi lha de dag rnams de ltar phan tshun du rjod par byed do/ /de nas 'thab bral gyi bdag po des de dag rnams kyi sems dang sems las byung ba de dag rig par gyur nas sprul pa gzhan yang byed par gyur pa las/ de nas skyes bu gang dag nga med pa nga'i ba med par gyur pa/ nges par gong du 'gro ba de dag rnams ni/ 'di lta ste gang byang phyogs sgra mi snyan pa gang yin pa rnams te/ de dag rnams ni lha rnams kyi drung na cung zad pa cig gis chung ba'i mchog tu skyid par gyur pa'o/ /de dag rnams kyang rgas pa dang nad kyis gzir bar gyur nas 'chi bdag gi zhags pas 'dren par byed do/ /shin du 'jigs su rung ba'i lus rnams la srin bu brgya stong gis kun nas g.yogs par gyur pa/ lus po 'di dag la skye bo rnams thams cad kyis blta bar rjes su mi mthun pa/ bshang ba'i phung po rnams kyis kun du gang bar gyur pa'i byang phyogs sgra mi snyan pa 'di dag rnams so/ /de ltar bde ba rgya chen po'i sa na gnas pa'i 'thab bral ba'i lha rnams la phan par bya ba'i don du lha dang mi dang lha ma yin rnams kyi mi rtag pa nyid 'thab bral gyi bdag po 'dis bston pa yin no/ /de'i rjes thogs la gang dag rang bzhin gyi lha de dag rnams kyis mthong bar sprul pa gzhan dag rnams byed pa ni 'di lta ste/ </font><hr>65.327a<br><font size=+1>

srid pa bar ma do pa'i tshogs rnam pa du ma rnams so/ /ji ltar shi bar gyur nas sems can rnams las sna tshogs pa rnams kyi dbang gis dmyal ba dang yi dgas dang dud 'gro dang lha dang mi rnams su skye ba de bzhin du srid pa bar ma do pa rnams sprul pa byed de/ ji ltar 'gro ba lnga po rnams kun tu rgyu bar byed pa rnams lha rang bzhin pas mngon sum nyid du mthong bar 'gyur ro/ /de la las du ma rnams las sems kyi tha ma'i bsam pa'i dbang gis skye bar 'gyur ro/ /de las rang bzhin gyi lha de dag rnams nyid nges par skyo bar bya ba'i don du rnam pa du mar lan brgya stong du skye dgu rnams 'gro ba lngar skye ba sprul par byed do/ /mtsho de nyid du bsam gyis mi khyab pa shin du ngo mtshar ba gzhan rnams dang mi 'dra ba de dag rnams mngon par mthong zhing rang bzhin gyis lha de dag gis mngon sum kho nar mthong bar 'gyur ro/ /de la yang 'gro ba lngar kun du rgyu bar byed pa'i 'byung po rnams thams cad las dang nyon mongs pa rnams kyi dbang gis drangs par gyur pas 'gro ba gzhan nas 'gro ba gzhan rnams su dmyal ba dang yi dgas dang dud 'gro dang lha dang mi'i 'gro ba rnams la yongs su 'khyam par gyur pa la ni skyabs med pa dang grogs med par gyur pas srid pa gzhan rnams brje gsor byed pa/ dmyal ba dang yi dgas dang dud 'gro dang lha dang mi rnams kyi nang du brje gsor byed pa rnams mthong ngo / /de la srid pa bar ma do pa rnams kyi ya mtshan che bar gyur pa shin du 'jigs su rung ba/ kun nas shin du 'jigs par byed pa mchog tu skyo ba skye bar byed pa thams cad la rab tu 'jigs par byed par gyur pa de dag rnams rang bzhin gyi lha rnams kyis mthong bar 'gyur ro/ /de la lha rnams nyid kyi de lta bu'i srid pa bar ma do pa mthong ba las/ 'thab bral ba'i lha'i rigs rnams las las zad par gyur nas</font><hr>65.327b<br><font size=+1>

rab tu lhung bar gyur pa na/ 'gyod pa'i mes sreg par byed pa bag med pa rnams kyis de de ltar shin du bslus nas mgo bo mthur la dpyangs pas rab tu lhung bar 'gyur ro/ /de dag 'chi 'pho bar gyur pa na lha gang yin pa'i rgyud des yongs su bzung ba'i phung po de dag rnams ni nye bar nub par 'gyur ro/ /rgya'i rjes dang cha 'dra bar srid pa bar ma do pa de'i 'gro ba rnams kyi phung po rab tu 'byung bar 'gyur ro/ /dmyal ba rnams kyi las byas par gyur pa de dang 'khor bas byas pa'i las kyi rnam par smin pa kun nas slong ba'i 'jigs pa chen po dang gzer zug chen por yang gyur pa rnams mngon par mthong nas/ 'thab bral gyi rang bzhin pa de dag rnams mchog tu skyo ba dang ldan par 'gyur ro/ /de ltar dmyal ba pa rnams kyi srid pa bar ma do ni mthong bar 'gyur la/ skye ba'i srid pa rnams ni mu su lun d+ha 'dis legs par ston par mi byed do/ /rgyu gang gi phyir na lha de dag rnams kyis bzod par mi nus pa'i phyir te/ sems shin du 'jam pa yin pas skad cig nyid la dus byed par 'gyur ba'i phyir ro/ /lha de dag gis dpe med pa'i sdug bsngal 'di rnams mngon par mthong bar byed pa yin no/ /rgyu 'di dag gis sprul pa byas pas 'thab bral gyi bdag po de legs par ston par byed do/ /de ltar lha de dag rnams dmyal bar rab tu lhung bar gyur pa lha gzhan rang bzhin pa de dag rnams kyis rnam par lta bar byed do/ /gzhan yang mu su lun d+ha des ngo mtshar rmad du byung ba'i sprul pa 'di dag rnams byas pas srid pa bar ma do pa rnams ston par byed pa ni ji ltar bag med pa gang kho na'i skyon gyis/ nye bar bcom pa'i 'thab bral ba rnams las zad nas 'chi 'pho ba ni yi dgas rnams su skye'o/ /da dag gi srid pa bar ma de dag rnams ni las byas pa de dag dang 'dra ba'i gzugs brnyan du 'gyur te/ las kyis thag pa ring po</font><hr>65.328a<br><font size=+1>

rnams kyis drangs par gyur pas mgo mthur du dpyangs nas ltung bar 'gyur bas gang la des byas pa'i las kyis 'tshed par byed pa de la de dag kun nas 'khrid do/ /rang bzhin gyi lha de dag rnams kyis de ltar srid pa bar ma do pa gnyis pa rnams mthong ngo / /gzhan yang sprul pa pa'i srid pa bar ma do pa gsum pa rnams mthong ba ni ji lta ba kho nar 'thab bral ba rnams gzhan yang las zad pa nyid bag med pas nye bar bcom nas mgo mthur du ltas shing rab tu lhung bar gyur pa dang / shin du nyam nyes pa dang kun nas bcings pas kyang dud 'gro rnams su skye'o/ /de dag gi srid pa bar ma do pa rnams ni de dag gi 'gro ba'i rgya'i rjes dang cha 'dra ba nyid du skye bar gyur pa yin te/ dud 'gro rnams kyi rnam pa mtha' yas pa dang rnam pa du mar gyur pa de dag rnams dang 'dra ba'i srid pa bar ma do pa rnams su 'gyur ro/ /rgya'i rjes dang cha 'dra bar gyur pa de yang 'gro ba gsum pa rnams kyis kun nas bsdus pa'i srid pa bar ma do pa shin du skrag par byed pa de dag rnams mngon par mthong nas/ slar yang lha de dag rnams ches phal che bar skyo bar gyur cing mchog tu kun nas skrag par gyur pas nye 'khor kun na 'jigs pa des khong dngangs par gyur pa'i bzhin gyis phan tshun rnams su mngon par mthong nas tshigs su bcad pa brjod pa ji ltar/ rnam par shes dka' shin tu phra/ /thams cad du ni rgyug pa po/ /sems can las kyi dbang 'gro ba/ /thams cad du ni yongs su rgyug /gang dag 'phags pa la skur 'debs/ /gang yang las 'bras la sdang ba/ /de dag shi nas dmyal bar 'gro/ /gang yang log par 'dul ba po/ /gang zhig nang du sdig sbas nas/ /gang yang chos gzhan gyis slu ba/ /shin du sdig can 'jig rten de/ /dmyal ba'i rtse mo'i skal ldan yin/ /bde ba</font><hr>65.328b<br><font size=+1>

kun chags gzhan gang dang / /skye bo rtag tu sdig dga' ba/ /rang gi sems kyis bslus nas ni/ /de ni bde nas sdug bsngal 'gro/ /gang zhig mthar thug bder mthong ba/ /bde de mtshon char brjod pa yin/ /gang yang sdug bsngal rnam smin 'gyur/ /bde de sdug bsngal kho na nyid/ /bag med pa yi lha rnams ni/ /'thab bral srid pa nas 'chi 'pho/ /de phyir chos srog gang gi phyir/ /mkhas pas rab tu bsngags par byed/ /khang bu skyed mos tshal dga' zhing / /ched cher bud med rnams la lta/ /'dod pa'i yul gyis ngoms med par/ /lha ni sa la ltung ba yin/ /ji ltar bde ba 'phel ba ni/ /skom pa 'phel ba de bzhin no/ /skom pa las ni mchog tu ni/ /mkhas pa las ni rab tu brjod/ /'jig rten skye dang 'chi mthong nas/ /mchog tu skyo ba mi skye ba/ /de la bde legs skyabs gang yod/ /gang yang skyob par mi 'gyur ro/ /de ltar rang bzhin gyi lha de dag rnams kyis rnam pa du ma'i srid pa bar ma do pa de dag rnams mngon par mthong bar gyur pa dang rab tu skyo ba'i yid kun du skyes so/ /de dag rnams kyi sems de dag mngon par mthong nas 'thab bral gyi mnga' bdag mu su lun d+ha des sprul pa'i lha de dag rnams thams cad kyis snang bar byas nas/ legs par phrad par byed do/ /zhi ba rgyas pa'i cha byad de mngon par mthong nas lha de dag rnams dbugs phyin cing yid phebs par gyur nas/ 'thab bral ba rnams kyi mnga' bdag mgon po de gang na yod pa der yongs su bskor nas kun du gnas te/ gus pa legs par skyes pas khyab par tshim pa'i yid kyis thams cad nyid de na gnas so/ /skyo ba'i yid kyis bdag nyid mgon dang bcas pa de bzhin du de dag rnams kyis rtogs so/ /de la rnam pa du ma dang rnam par rtog pa du mar mthong na ngo mtshar bar gyur pa rnams rang gis mthong bas tshim pa med pa'i yid</font><hr>65.329a<br><font size=+1>

kyis kun dga' ba mthong ba lta bur gyur pa de yongs su bskor nas rang bzhin gyi lha de dag rnams gnas so/ /de nas 'thab bral gyi bdag po des lha de dag rnams la 'di skad ces brjod de/ khyed cag rnams nags dang nye ba'i nags dang pad ma'i rdzing bu dang rin po che'i khams rnams dang ldan pas rnam par brgyan pa'i ri'i rtse mo rnams nyid la yang gar gyis shig ces nyams su blang bar bya ba'i don du rjod par byed kyang / ci yang lha de dag rnams skyo bar gyur pa'i yid legs par skyes pa'i phyir dang bag med pa rnams bsnyungs par bya ba'i yid can rnams byed pa yin nam de nas rang bzhin gyi lha de dag rnams kyi 'thab bral gyi bdag po'i drung nas tshig de dag thos nas rang bzhin gyi lha de dag sems rab tu skyo bar gyur pas 'di skad ces brjod de/ lha lags nags dang nye ba'i nags dang rin po che'i khams dang ldan pas brgyan pa rnams la bdag cag ji ltar ci'i phyir dga' bar 'gyur/ lha rnams mtshor bying ba bzhin du bdag gis 'khor ba'i brel tog rnams rnam par rtog pa du mas kyang bsran par mi tshugs pa rnams rang gi mig sngar mthong ste/ 'dod pa rnams thams cad ni mi rtag pa/ sdug bsngal gyi mthar gtugs par byed pa bdag cag rnams rtag pa ma yin brtan pa ma yin ther zug ma yin te/ de dag rnams la snying po cung zad kyang med do/ /de nas 'thab bral gyi bdag po des lha de dag rnams kyi drung nas tshig gi cha 'di dag rnams thos nas 'di skad ces brjod do/ /bcom ldan 'das kyis ji lta bar 'di dag rnams thams cad sdug bsngal gyi mthar thug pa yin par gsungs so/ /de nas lha de dag thams cad kyis kyang 'di skad ces brjod de/ bdag cag rnams thams cad ni ji lta ba bzhin du de la yid song ba lags na/ ji ltar shin du sdug bsngal ba rnams lha'i zhal snga nas shes par 'tshal lo/ /de nas de dag gi drung nas 'thab bral ba rnams</font><hr>65.329b<br><font size=+1>

kyi mnga' bdag des tshig de dag rnams thos nas 'di skad ces brjod de/ ji ltar 'khor ba'i sdug bsngal ma lus pa de dag rnams ngas brjod par nus mod kyis kyang re shig ngas khyed rnams la phyogs gcig tsam mngon par brjod par bya ste/ 'khor ba rnams su ji lta bar bag med pa'i dbang gis 'gro bar ma gyur na ni/ bskal pa bye ba stong phrag du ma rnams na/ kye ma dka' slas kyis bde 'gro'i 'gro bar 'byung bar 'gyur ba yin te/ 'gro ba gnyis po lha dang mi dang rnyed pa ni shin du dka' ba yin zhing / gang dag bag med pa'i dbang du 'gro bar mi 'gyur ba de dag rnams ni mkhas pa yin no/ /rkyen gyi dbang gis byung ba rnams kyang yongs su spong bar byed do/ de dag gi dbang du 'gro bar mi 'gyur ro/ /dmyal ba dang yi dgas dang byol song rnams su de dag skye'o/ /de la kye ho lha rnams 'gro ba gsum po rnams ngan song zhes mngon par brjod do/ /lha dang mi'i 'gro ba gnyis po ni bde 'gro zhes mngon par brjod do/ /de dag rnams nyid re shig ji ltar rab tu stobs che bar gyur pa'i sdug bsngal dag mngon par brjod par mi nus so/ /rgyas par ni ston pas mngon par brjod par spyod do/ /mdor bsdu bar gyur na lha dang mi rnams kyi sdug bsngal rnams ni rnam pa bcu drug go/ /yang lha dang mi rnams kyi de yang gang dag yin na/ bde 'gro'i 'gro bas bsdus pa'i sdug bsngal du gyur pa rnams la/ 'di lta ste srid pa bar ma do'i sdug bsngal dang mngal na gnas pa'i ya nga ba'i sdug bsngal dang mngal nas kun du 'byung ba'i sdug bsngal dang zas kyi sdug bsngal dang 'dod pa'i sdug bsngal dang mi mthun pa rnams dang kun du phrad pa'i sdug bsngal dang sdug pa rnams dang bral ba'i sdug bsngal dang grang ba dang tsha ba la sogs pas bcings pa'i sdug bsngal dang nad kyi sdug bsngal dang gzhan gyi dbang du gyur pa'i sdug bsngal dang tshol khro'i sdug bsngal dang sdig pa'i grogs po dang</font><hr>65.330a<br><font size=+1>

'dre bar byed pa'i sdug bsngal dang bu dang bu mo dang gnyen 'dun rnams kyi brel tog gi sdug bsngal dang bkres pa dang skom pa'i sdug bsngal dang dbang chung ba'i sdug bsngal dang rga ba'i sdug bsngal dang lhag par gyur pa'i sdug bsngal shin du sdug bsngal bas shin du sdug bsngal ba ni 'chi ba'i sdug bsngal lo/ / ji ltar rab tu stobs che ba'i sdug bsngal chen po bcu drug po de dag rnams ni mi'i 'jig rten pa rnams kyi yin te 'chi ba'i mthar thug pa rnams mi'i 'jig rten du skyes pa rnams kyi yin no/ /gang sems can gzhan dag rnams la ni rnam pa sna tshogs pa'i sdug bsngal gzhan dag rnams 'byung bar 'gyur ba yin te/ shin du yang bsran par mi bzod pa rnams yin no/ /gang yang mthar thug pa kho nar zad par mi 'gyur ba'i chos can dang rab tu 'jig par mi 'gyur ba'i chos can gyi bde ba ni 'di dang srid pa gzhan rnams na yang med do/ /de la re shig dang po kho nar srid pa bar ma dor skyes pa'i dri za srid pa bar ma do pa'i tha snyad can rnams kyi rnam pa ji lta bu'i sdug bsngal yin na 'di lta ste/ las kyi rlung gis btab par gyur pa rnams sha'i mig gis mngon sum du blta bar byar med par lha'i mig gis mthong bar gyur pa dang / thogs pa med par gyur pa'i rang bzhin can de yang gang gi tshe mir skye bar 'gyur ba yin pa de'i tshe/ ji lta bu'i rnam par 'di skye bar 'gyur ba rnams dang rnam pa ji lta bu'i khyim du 'di skye bar 'gyur ba rnams kyang ste/ dman pa dang bar ma dang khyad par du 'phags pa'i khyim rnams su sbyin pa dang tshul khrims dang shes rab kyi 'bras bu can rnams la skye bar 'gyur ba na/ dri za de yang rnam pa de lta bur 'gyur ba yin no/ /srid pa bar ma do pa 'di'i zas kyi rigs su gyur pa rnams ni/ gal te dbul po'i khyim rnams su skye bar 'gyur na de'i zas rnams hrud hrud po dang / mdog ngan pa dang dri dang ro dang reg dang tshad rnams kyang dman par 'gyur</font><hr>65.330b<br><font size=+1>

te/ sbyin pa'i mthu chung bar gyur pa'i phyir na skye ba na yang 'thob par mi 'gyur ro/ /de la 'di ni mir skye bar gyur pa rnams kyi sdug bsngal gyi dang po yin no/ /de nas skyes par gyur nas las dang nyon mongs pa'i dbang gis mngal na gnas par gyur te/ dbul po'i khyim du skye bar 'gyur na ma'i zas ngan pa dang / gyong po dang skyur mo'i zas rnams dang zas chungs par gyur na yang sha ma la rab tu brten pas lte ba'i sbubs nas rab tu spel bar byed pa'i srog chags mngal na gnas pa kha dog ngan pa dang lus rid par 'gyur ba yin no/ /ma'i lus g.yo bar gyur pa'i skyon gyis shin du sdug bsngal bar gyur pas gsus pa'i gseb na rgyug par byed do/ /zas su gyur pa grang ba dang dro ba dag gis byas pas kyang ste/ de ltar gzir bar byed pa mnar ba'i mchog tu phyin pa la yang go skabs ye med pa skabs med pa rnam par khro bar byed pa na yang spungs med pa/ gcin dang rtug pa'i phung po chen po'i nang du bying bar gyur pa rnams kyi sdug bsngal chen po rnam pa du ma rnams yin no/ /de la 'di ni gzhan gnyis pa yin te/ bde 'gro ba rnams kyang de 'dra na dmyal ba dang yi dgas dang dud 'gro rnams lta smos kyang ci dgos/ gzhan yang sdug bsngal gsum pa yod de/ de'i rjes thogs la gal te mngal nas 'byung bar 'gyur ba na ma'i skye gnas kyi bug pa'i zor ma mig nas gzir bar gyur pa ni/ ji ltar bu ram gyi shing 'khrul mig gi bu gu nas 'byung ba na btsir bar gyur pas 'byung bar 'gyur ba de bzhin du mngal gyi de yang ma'i skye gnas kyi bu ga nas kun du 'byung ba yin no/ /de la 'di ni mngal nas skye ba ste sdug bsngal gzhan yin no/ /de dag gi rjes thogs la sdug bsngal bzhi pa yod de/ mar sar pa dang chu shing gi lo ma ltar shin du 'jam par gyur pa'i lus rab tu smin pa gzhon sha can gyi dper gyur pa'i lus dang ldan pa rnams gang gi tshe btsas pa na ma mas rtsub pa dang rod rod po dang rdol ba dang mdog ngan pa dang las su me rung ba</font><hr>65.331a<br><font size=+1>

dang rid pa dang / bar mig can 'thug pa dang rtse mo dang sgra mi snyan pa dag gi lag pa gnyis kyis len par byed pa de'i tshe ji ltar mes sreg par byed pa 'am/ ral gris gtub par byed pa de bzhin du shin du 'jam pa'i phyir na 'di la yang zug zer skyed do/ /de'i lus shin du 'jam por gyur pa 'di gal te dang por gos 'jam po rnams bskon par gyur kyang de dag rnams ni ji ltar bslangs pa dang 'thug pa dang rtsub pa dang rdol ba dang rab tu rnyings pa dang btsems pa dang bskums pa rnams kyi nang du lus bcug pa bzhin du 'gyur ro/ /grang ba'i dus su 'di yang shin du grang bar 'gyur te/ btsas pa na khyim gang yin par ni grang bas shin du yang nyen par 'gyur ro/ /de bzhin du tshad pa'i dus su tshad pa shin du stobs che bar 'gyur te/ gang gis shin du sreg par byed pa sbyin pa dman pa nyid kyi phyir na mnar bar 'gyur ro/ /nang du yang bsregs nas sdug bsngal gyis ma'i skye gnas nas 'byung bar 'gyur ro/ /'di'i sbyin pa dman pa yin pa'i phyir na de'i rjes thogs la zas kyis sdug bsngal bar 'gyur te/ nu ma dag gi dang zas za bar byed pa na yang sdug bsngal bar 'gyur ro/ /re shig nu ma dag ni ma zas nyung bar gyur pas de'i nu zho rnams kyang nyung bar 'gyur te/ gang gis shin du rid pa dang mdog nyams pa dang mdog ngan pa dang rjud par gyur pa dang rgyus pa dang rus pa dang lpags pa rnams kyi lhag ma tsam du gyur pa'i lus bkres par gyur pa nad rnams 'dren par byed pa'i lus su 'gyur ro/ /rtag tu bsten du mi bzod pa'i lus su 'gyur ro/ /de nas dus gzhan na zas dang skom bag tsam yod par gyur na yang / de de kho na bzhin du yongs su 'dzin par byed pa'i rnam par rtog pas yongs su bcom pa'i phyir dri dang ro dang reg bya rnams chung zhing dman pa dang gzhan rnams kyi zas kyis te/ gal te shed na srog kun nas gtong ba 'am shin du rid pas</font><hr>65.331b<br><font size=+1>

'dzin par 'gyur ro/ /de ltar yin pas yang gal te na nu ma zas su za bar 'gyur te/ ji lta bar mdzes pa ni lus ltad mor che bas srog 'dzin par byed pa yin no/ /de ltar 'di'i sbyin pa ngan pa yin pa'i phyir na 'di'i ma lus pa kun yang rab tu zad par 'gyur ba yin no/ /des na yang zas bsod par 'gyur ba rnams kyis 'di'i gsus pa legs par tshim par gyur pa yin na yang / de ltar na yang zas kyis byas pa'i sdug bsngal chen por 'byung bar 'gyur ro/ /de'i rjes thogs la 'di'i sdug bsngal lnga pa yod pa rnams ni 'di lta ste/ 'dod pas byas pa rnams so/ /de de ltar zas kyis byas pa'i sdug bsngal rnams kyis gzir bar gyur pa na 'di la rnam pa sna tshogs pa rnams su rgyu bar bya ba'i 'dod pa 'byung bar 'gyur te/ lto bkres pas nye bar bcom pa yin pa'i phyir ro/ /de des gzir bar gyur pa'i phyir gal te na rku bar byed do/ /gal te na phan pa ma yin pa'i las gzhan cung zad tsam yang byed par 'gyur te/ lhan cig tu gnas pa de gsod par byed pas 'chi ba 'am 'chi ba la thug pa'i sdug bsngal lhag par 'byung bar 'gyur ro/ /sdug bsngal 'di dag rnams thams cad kyi yang rtse mor phyin par sdug bsngal ni 'di lta ste/ bkres pa dang skom pas byas pa'i sdug bsngal lo/ /de la dus de'i tshe na mu su lun d+ha des 'thab bral ba de dag rnams la tshigs su bcad pa brjod pa ji ltar/ phal cher 'khor ba'i sdug bsngal la/ /bkres pa'i sdug dang mtshungs med pa/ /gang gis sems can 'di dag gzir/ /mi dge'i bdag nyid byas pa las/ /rang gi lus las langs pa'i me/ /bkres pa zhes ni mngon par brjod/ /rnam rtog mes ni ljon shing bzhin/ /'jig rten gsum gyi lhag ma sreg /'jig rten gzhan du me 'di ni/ /'gro zhing rjes su 'gro bar 'gyur/ /bskal pa brgya yi bar du yang / /'chi bar gyur pa mthong ba med/ /</font><hr>65.332a<br><font size=+1>

gang yang byis rnams mi dge byed/ /gang yang 'gro ba ngan song du/ /de ni zas rnams dag gi ni/ /gzhi las yin par mkhas rnams brjod/ /ltogs pa'i 'bras bu ji bzhin du/ /mi ni rang don la brtson min/ /khams gsum ma lus 'di dag rnams/ /zas kyi dbang gis 'jug pa yin/ /de dag gang phyir rnam sna tshogs/ /'jig rten 'di bkra mi las byung / /srid gsum chu bo de thams cad/ /zas don gnyer ba byed las yin/ /de ltar mu su lun d+ha des rang bzhin gyi lha de dag rnams la rjod par byed do/ /gzhan yang lha dag mi'i 'jig rten du mi rnams kyi sdug bsngal gang dag ce na/ 'di lta ste mi sdug pa dang phrad pa zhes bya ba'o/ /de la drug po 'di dag rnams ni mi sdug pa dang kun du phrad pa yin no/ /de la de dag rnams kyang gang zhe na/ 'di lta ste mig gis gzugs rnams gang dag mthong ba nas mdza' bo ma yin pa la sogs pa de dag rnams ni 'dod pa ma yin pa dang sdug pa ma yin pa rnams mthong ba yin no/ /gzugs 'di mthong bar gyur pa las kyang yid kyi rjes su mi mthun zhing dang ba ma yin par 'gyur ro/ /sems dang sems las byung ba rnams rnyog pa can du byas pa las kyang 'jigs pa dang bcas par 'gyur ba dang / nye bar 'tshe ba dang bcas pa'i sdug bsngal rnams sems dang sems las byung ba rnams la skyed par byed do/ /de la gzugs kyi tshogs de dag rnams kun la dang por 'di 'jug par 'gyur ba ni/ 'di lta ste dgra bo dang phrad pa 'am sdig pa'i grogs po'i skyes bu dang phrad pa'o/ /de bzhin du rna bas kyang sgra rnams thos pa na mi phan pa dang mi sdug pa dang yid du mi 'ong zhing rjes su mi mthun pa rnams 'di la skyed par byed pa dang / yid kyi rgyun kyang rnyog pa can du byed pa 'di ni mi sdug pa dang phrad pa'i sdug bsngal gzhan yin no/ /de la mi mthun pa'i sgra rnams kyi phul du phyin</font><hr>65.332b<br><font size=+1>

pa ni 'di yin te/ 'di ltar dam pa ma yin pa'i chos sgrogs pa na yang de nyan par byed pa'o/ /'di thos nas lus zhig pa na yang ngan song log par ltung ba dmyal ba rnams su skye bar 'gyur ro/ /gang yang gzhan cung zad sgra mi phan pa dang mi sdug pa dang mi mthun pa dang kun nas nyon mongs pa can rnams gang dag thos nas 'di dag rnams kyi yid mi bde ba skyed par byed pa dang / sems kyi rgyud kyang rnyog pa can du byed par 'gyur ba dang / mi 'dod pa mi sdug pa yid du mi 'ong ba 'di ni mi'i 'jig rten pa'i mi rnams kyi mi sdug pa dang phrad pa las skyes pa'i sdug bsngal zhes brjod do/ /lha dag gang mi rnams kyi mi'i 'jig rten du mi 'thun pa dang phrad pa las skyes pa'i sdug bsngal gsum pa gzhan gang zhe na/ 'di lta ste snas ji srid du dri rnams snom par byed pa na mi 'dod pa mi sdug pa yid du mi 'ong ba rnams dang / gang yang 'dis mnams par gyur pas sems kyi rgyud rnyog pa can du skyed par byed pa dang / yang yid kyi rjes su mi mthun par gyur pa gang gis 'di kun nas nyon mongs pa can gyi sdug bsngal rnams skyed par byed pa'o/ /kye ho lha dag de la 'di ni mi rnams kyi mi'i 'jig rten na mi sdug pa dang phrad pa rnams kyi phul du phyin pa yin te/ dge legs su gyur pa'i skyes bu gzhan dag gang yang rung ba rnams kyis chos la mchod par bya ba'i rgyu mtshan du 'am dge 'dun la yang rung ste/ bdug spos phul bar gyur pa las blo gros dman par gyur pa dang yid mong rtul bar gyur pa gang dag gis ji ltar 'gro bar gyur pa na 'am 'dug par gyur pa na yang rung ste/ 'dun pa'i 'dod chags sngon du 'gro bas dang mngon par gtse ba sngon du 'gro bas dang / gus pa med pa sngon du btang bas dang thul 'og tu 'jug pa sngon du btang bas kyang rung ste/ kun nas chags pa sna phyogs su btang bas</font><hr>65.333a<br><font size=+1>

de yang snom par byed do/ /de'i rgyu las lus zhig par gyur nas ngan song log par ltung bar dmyal bar skye'o/ /skyes bu ngan pa rnams sna'i rgyu dang sna dang kun du 'brel pa las mi dge ba'i blo dang ldan pa rnams ni lus zhig par gyur pa dang ngan song log par ltung ba dmyal ba rnams su skye'o/ /kye lha dag 'di ni mi rnams kyi mi'i 'jig rten na mi sdug pa rnams dang phrad pa las kun du skyes pa'i sdug bsngal zhes brjod do/ /gzhan yang mi sdug pa dang phrad pa las skyes pa'i shin du sdug bsngal ba rnams yod do/ /de yang gang zhe na/ 'di lta ste mi rnams kyi mi'i 'jig rten na blo gros ngan pa dang ldan pa'i skyes bu ngan pa rnams ro'i don du nyes pa byed pa'i las rnams byed pa rnams yin la/ gang dag gi rgyus lus zhig pa na ngan song log par ltung ba sems can dmyal ba rnams la skye bar 'gyur ro/ /gang yang dge sbyong ma yin par dge sbyong gi cha byad 'dzin pa nang rul par gyur pa thos pa dang mi ldan pa dung gi sgra dang mtshungs par spyod pa rnams/ dge 'dun gyi nang du zhugs par gyur pa 'am sbyin bdag gi khyim du song bar gyur pa na yang rung ste/ lce dang rab tu 'brel ba dang de la song ba'i blos dge slong gi cha byad 'dzin pas ro dag myang bar byed pa ni/ rgyu de dang rkyen de dag gis lus zhig pa nas ngan song log par ltung ba dmyal ba rnams su skye'o/ /gang yang le lo can gyi dge slong gzhan rnams ni bsam gtan gyis bsam gtan du byed pa'i bya ba yongs su btang nas/ yid de la song ba dang rang gi 'dun pa'i 'dod chags sngon du 'gro bas zas kyi don du gnas na gnas rnams su nye bar 'gro bar byed do/ /rgyu de las le lo can de lus zhig pa na ngan song log par ltung ba dmyal bar skye bar 'gyur ro/ /kye ye'i lha dag de la 'di ni mi'i 'jig rten du mi rnams la lce ro dang kun tu 'brel pa'i mi sdug pa dang phrad pa las byung ba'i</font><hr>65.333b<br><font size=+1>

sdug bsngal yin no/ /gzhan yang kye lha dag mi rnams phan pa 'dod pas byas pa'i mi'i 'jig rten du mi sdug pa dang phrad pa las byung ba'i sdug bsngal gang zhe na/ de 'di lta ste lus kyis reg bya la reg par byed de/ de dang rab tu 'brel ba'i blor gyur pa dge ba rnams sems par mi byed do/ /chos kyis lam du nges par 'jug par mi byed do/ /blo mnyam par bzhag par mi 'gyur ro/ /'di ni skyes bu ngan pa yul ngan pa dang rab tu 'brel ba'i blo dang ldan pa zhes brjod de/ lus zhig par gyur nas ngan song log par ltung ba dmyal ba rnams su skye'o/ /kye lha dag 'di ni mi rnams la mi'i 'jig rten du mi sdug pa dang kun nas phrad pa'i sdug bsngal zhes brjod do/ /kye ye'i lha dag gzhan yang mi rnams la mi'i 'jig rten du mi sdug pa dang kun nas phrad pa las skyes pa'i sdug bsngal rnams gang zhe na/ 'di lta ste gang 'ga' zhig blo g.yo ba dang blo rnam par gnas pa med pa dang gcig tu ma nges pa'i blo dang blo rnam par g.yengs par gyur pas rtag tu yang chos ngan pa yid kyis sems par byed pa yin no/ /gal te chos la dga' ba dang dge ba sten par byed pa dang bdag la phan par byed pa ma yin pa de dag ni/ gang dag gi rgyus lus zhig par gyur nas ngan song log par ltung ba dmyal bar skye bar 'gyur ro/ /kwa'i lha dag 'di ni mi rnams kyi mi'i 'jig rten na mi sdug pa dang kun du phrad pa las skyes pa'i sdug bsngal zhes brjod do/ /rigs du ma dang tshul lugs du mar rnam pa sna tshogs pa'i sdug bsngal gzhan dang gzhan rnams kyang nyams su myong bar 'gyur ro/ /de la rnam pa gsum po 'di ni nges par mi sdug pa dang phrad pa yin te/ 'di ltar srog gcod par byed pa mig gi tsher mar gyur pa rtag tu mi mthun pa'i dgra rnams dang lhan cig kun du phrad pa 'di ni mi sdug pa dang kun du phrad pa gcig yin no/ /gzhan</font><hr>65.334a<br><font size=+1>

yang mi sdug pa dang kun du phrad par gyur pa la 'di lta ste/ sdig pa'i grogs po dang las lhan cig spyod par byed pa'o/ /nges par 'dir mi sdug pa dang phrad pa gsum pa 'di lta ste 'gras par gyur pa nang du sbas nas dus kun nas 'joms par byed pa'o/ /'di dag rnams ni nges par mi sdug pa dang phrad pa gzhan rnam pa gsum zhes brjod do/ /kye'i lha dag de dag rnams ni mi'i 'jig rten pa'i mi rnams kyi sdug bsngal chen po rnam pa du ma gzhan rnams yin no/ /gzhan yang mu su lun d+ha des sdug bsngal las lha de dag rnams kyi yid skyo ba skyed par bya ba'i don du ston par byed pa las/ 'di lta ste sdug pa dang bral ba'o/ /sdug pa zhes bya ba'i ming yang gang dag gis 'jig rten gnyis su phan par byed pa yin no/ /rtag tu phan par 'dod pa'i dge ba'i grogs po de dang lhan cig tu bral bar gyur pa'o/ /de la 'di ni sdug bsngal chen po yin no/ /yang de ma dang pha dang spun dang sring mo dang bu dang bu mo dang 'brel pa rnams dang gzhan yang sred pa'i gnas su gyur pa rnams kye ma gnod par byed pa tsha ba rtsub pa/ mtshon cha dang mer lhung ba las lhag par sems skrag pa skye bar 'gyur ro/ 'di dag ni sdug pa rnams dang bral ba las gyur pa'i sdug bsngal zhes brjod do/ /gzhan yang 'thab bral ba'i mnga' bdag des lha de dag rnams la phan par bya ba'i don du chos ston par byed pa ni/ 'di lta ste grang ba dang tsha ba gnyis po dag gis sdug bsngal lo/ /gzhan yang 'thab bral gyi bdag po des lha de dag rnams nyid la mngon par brjod pa/ lha dag mi rnams kyi mi'i 'jig rten 'di na sdug bsngal de dag rnams gang dag zhe na/ 'di lta ste grang ba dang tsha ba la sogs pa gnyis dag gis sdug bsngal lo/ /de la shin du sten pas kyang ste/ lha dag grang ba ha cang sten par byed pa'i mi rnams ni mi'i 'jig rten du sdug bsngal de la yang longs spyad nas gang yang</font><hr>65.334b<br><font size=+1>

tsha ba rnams la sten par byed pas/ mi'i 'jig rten pa rnams de las kyang sdug bsngal bar 'gyur ro/ /de bzhin du kha zas ha cang bsten pas kyang sdug bsngal bar 'gyur ro/ /dus yun ring du 'dug pa sten pas kyang sdug bsngal lo/ /dus ring du langs pa dang 'gro ba yang sdug bsngal nyid do/ /de bzhin du btung ba shin du bsten pa'i sdug bsngal dang / rmi lam gyi sdug bsngal nyid dang mtshan mo mal stan la gzhogs ngos gcig gis stan la nyal bas kyang shin du sdug bsngal bar 'gyur ro/ /de bzhin du gzhogs gnyis pas kyang shin du dus ring du nyal bar gyur na shin du sdug bsngal ba skye bar 'gyur ro/ /gnyis gnyis las skyes pa'i bde ba ltar snang ba rnams kyis mi rnams mi'i 'jig rten du bslus pa'i phyir na sems can rnams legs par byas pa'i las rnams mi byed do/ /bde bas shin du rnam par bcom pa des dmyal bar rgyug par 'gyur ro/ /lha dag mi rnams kyi mi'i 'jig rten na shin du sdug bsngal ba de yang bde ba'i gzugs brnyan gyi sdug bsngal ba rnams yin no/ /lha rnams de bzhan du ma gyur cig ces phan par bya ba'i don du de ltar mu su lun d+ha des 'thab bral gyi lha rnams la chos ston par byed de mi'i 'jig rten de la skyes pa rnams kyi bde ba ji lta ba bzhin du bdag cag rnams kyi bde ba yang 'gyur ba de dgag par bya ba'i don dang / de dag la skyo ba bskyed par bya ba'i don du 'khor ba las kha phyir phyogs par 'gyur ba'i chos ston par byed do/ /'thab bral gyi bdag po de 'khor ba las kha phyir phyogs pas phan par bya ba'i don du bag med pas bag med pa rnams 'dul bar bya ba'i phyir ro/ /gzhan yang 'thab bral gyi bdag po de lha de dag rnams nyid la mi rnams kyi sdug bsngal gzhan dag ston par byed do/ /ji ltar mi rnams kyi mi'i 'jig rten du nad rnams 'byung bar 'gyur ba de la/ rnam pa du ma dang rnam par</font><hr>65.335a<br><font size=+1>

rtog pa mang po dang kun nas slong ba du ma rnams kyis rims nad dang shin du 'khru ba dang dbugs mi bde ba dang glo lu ba la sogs pa'i nad rnams te/ nad bzhi brgya rtsa bzhir 'gyur ba yin no/ /gnyis gnyis kyi sdug bsngal gang dag gis mngon par bcom par gyur pa'i sems can rnams ni phyi nas yang nad kyis nye bar 'joms par 'gyur ro/ /de nas gzhan yang gang dag de'i rjes thogs la mi rnams mi'i 'jig rten du gang gis 'joms par byed pa de la yang 'di ni lus kyi nad ces brjod do/ /mi rnams kyang phal cher mya ngan dang yid mi bde ba la sogs pa rnams ni mi rnams kyi nad yin te/ 'jig rten pas kyang de skad ces brjod do/ /gzhan yang mu su lun d+ha des lha de dag rnams nyid la phan par bya ba'i don du chos ston par byed pa ni/ 'khor ba bri bar bya ba'i don du dang mi'i 'jig rten rnams sdug bsngal gyis kun du 'bar bar ston par byed pa la/ 'di lta ste gzhan gyi dbang du gyur pa nyid ces bya ba ni mi'i 'jig rten na mi rnams kyi sdug bsngal yin no/ /kwa'i lha rnams mi'i 'jig rten 'di na skye ba mnyam par gyur cing rigs mtshungs pa dang dbang po rnams mtshungs pa dang na tshod mtshungs pa dang dpa' brten mtshungs par gyur pa rnams kyang las dman par gyur pas gzhan gyi dbang nyid du nye bar 'gyur ro/ /de nyin mo dang mtshan mo med par rang dbang du 'gyur ba ma yin no/ /rtag par yang shin du sdug bsngal gyi khur khyer bar byed do/ /'di ni gzhan gyi dbang gis sdug bsngal ba yin no/ /gzhan yang ches bzod par dka' ba gzhan gyi dbang du gyur pa'i sdug bsngal rnams ni rigs dang gzugs dang brtson 'grus dang spro ba rnams dang rig pa dang shes pa dang rnam par shes pa rnams kyang phun sum tshogs par gyur pa gang zhig dbul bar gyur pas zil gyis mnan pa'i phyir na rim pa rnams thams cad kyis dman pa rnams kyi bran gyi dngos por 'gyur ro/ /gzhan yang mu su lun d+ha des</font><hr>65.335b<br><font size=+1>

lha de dag rnams kyi las dman pa yin pa'i phyir dang / sbyin pa spangs pa yin pa'i phyir yang ste/ 'thab bral na spyod pa rnams na thul 'og tu gzhug pa'i glags thod pa yin la/ nyin mo dang mtshan mo rang dbang can du ni 'gyur ro/ /sbyin pa'i stobs dman par gyur pa rnams ni rtag tu yang sdug phongs su gyur nas lag pa dang rkang pa dag rnam par rdol ba zad cing rdol la rnying pa dri ma can gyi gos gyon pa rtag par yang ltogs pa dang skom pas nye bar bcom pa grang ba dang tsha ba'i sdug bsngal gyi khur khyer ba byed do/ /de la rnam pa du mar bzod dka' ba 'di dag rnams ni gzhan gyi dbang du gyur pa'i sdug bsngal yin te/ nyin mo dang mtshan mo med par yang nye bar dga' ba ma yin no/ /de bzhin du gzhan dag rigs dang gzugs dang na tshod dang spro ba dang pha rol gnon pa la sogs pa rnams dman pa la tshul thams cad kyis kyang rigs dang gzugs dang shes pa dang rnam par shes pa ches lhag pa rnams rjes su sten par byed do/ /de thams cad du ngang tshul thams cad kyis kyang zil gyis gnon te/ dbul ba dang las kyis mtho brtsams pa'i phyir na sdug bsngal gyi mchog rnams khyer bar byed do/ /de la 'di dag ni lha dang mi rnams kyi sdug bsngal gyi mchog gzhan yin no/ /gzhan yang gzhan gyi dbang du gyur pa'i sdug bsngal rnams ni ji ltar dbul phongs kyis mngon par gtses pa'i skyes bu chos byed pa rnams kyang sdig pa byed pa la nye bar rten par byed do/ /de zhabs 'bring gi don du de dang sten grogs byas pas de kho na bzhin du 'gyur te/ mi 'dod pa mi sdug pa yid du mi 'ong ba'i sdig pa rnams rje dpon gyi dbang gis de kho na bzhin du las rnams byed do/ /de dag ni lus zhig par gyur nas ngan song log par ltung ba dmyal ba rnams su skye'o/ /de la yang 'jig rten gnyis slu bar byed pa shin du yang mi dge bar gyur pa ni</font><hr>65.336a<br><font size=+1>

gzhan gyi dbang du gyur pa'i sdug bsngal yin no/ /kwa'i lha dag gzhan yang mi rnams la mi'i 'jig rten rnams su shin du bzod par dka' ba'i ches sdug bsngal bar gyur pa rnams ni 'di lta ste/ tshol khro'i sdug bsngal rnams so/ /kun du tshol ba zhes bya ba'i sdug bsngal de rnam pa du ma rnams yod pa la 'di lta ste/ rdzas rnams kyi don du rgya mtsho dang g.yang sa dang g.yul 'gyed pa rnams la 'jug par byed pa dang / dgos pa dang rgyu mtshan gyi dbang gis gzhan rnams dang kun nas 'brel byed pa dang / dman pa rnams kyi zhabs 'bring byed pa dang zhing gi las dang tshong byed pa dang ba lang gi 'tsho skyong dang byes na gnas pa dang gzhan gyi dbang du 'gyur ba dang / ri'i mchog la kun du 'dzeg pa dang byes su 'gro ba dang 'gro ba na g.yog byed pa la sogs pa kun du dub pa rnams/ gang zhig 'di dag rnams byed pa de dag gi tshol khro 'di dag rnams thams cad phal cher ni nor rdzas dang bza' rgyu dang gos rnams kyi don du yin te/ dbul zhing phongs pas dngos su mnar ba'i phyir dang / sred pas zil gyis mnan par gyur pa'i mi rnams kyis byas so/ /dang po skyes par gyur pa nas bzung nas ji srid du 'chi bdag gi sred pa'i zhags pas zil gyis ma mnan gyi bar du bya ba ma yin pa gzhan rnams kyang byed do/ /de gzhan gyi bsam pa rjes su tshol ba dang mngon par 'tshe ba dang 'jal ba la g.yo byed pa dang khyim la g.yo byed pa dang / chang 'tshong ba dang til 'tshong ba dang mi rigs pa'i sbyor ba rnams kyi snyed pa yul 'khor 'jig par byed pa dang rgyal srid brlag par byed pa'i yul rnams 'joms par byed pa dang / yul ljongs rnams 'joms pa dang 'di dag dang gzhan yang gang dag rnam pa sna tshogs pa'i bya ba ma yin pa rnams mi'i 'jig rten pa'i mi rnams kyis byed pa ni bu dang bu mo dang bgo bar bya ba dang bza' bar bya ba dang skom rnams kyi don du yin no/ /'di ni yongs su tshol ba'i sdug bsngal zhes</font><hr>65.336b<br><font size=+1>

brjod do/ /gang dag brgya phrag stong du gyur pa'i rnam pa du ma rnams su yang lo stong gis kyang brjod par yang sla ba ma yin no/ /lha dag de la de dag rnams mi rnams kyi sdug bsngal gyi phul du phyin pa yin no/ /de ltar 'thab bral gyi bdag po de lha de dag rnams la phan par bya ba'i don du srid pa la nges par skyo bar byed pa dang nges par 'byung bar 'gyur ba'i chos ston par byed do/ /ji ltar lha 'di dag rnams ni mi dag 'dod pa'i blo skye bar 'gyur te/ des na srid pa la mngon par srid pa'i blo can rnams la phan par bya ba gang gi phyir mngon par 'jug par byed pa yin no/ /de la rgyu mtshan 'di dag gis mi rnams kyi nye bar 'tsho ba thams cad ston par byed pa yin te/ ji ltar de la de dag rnams su skye bar ma byed cig /de dag rnams ni sdig pa'i tshol khros zil gyis mnan pa rnams yin gyi/ de gcig pu mngon par dga' ba'i yid ni 'byung bar mi 'gyur ro/ /rgyu de dag gis dmyal ba rnams dang yi dgas kyi yul rnams dang / dud 'gro rnams su yang skye bar 'gyur ro/ /de la skyes pa na yang rnam pa sna tshogs pa'i sdug bsngal rnams myong bar 'gyur ro/ /gzhan yang 'thab bral gyi bdag po de nyid kyis lha de dag rnams nyid la sdug bsngal gzhan dag 'chad pa byed pa ni/ 'di lta ste kye ho lha dag mi rnams kyi mi'i 'jig rten na sdug bsngal gzhan rnams las sdug bsngal du gyur pa'o/ /'di lta ste sdig pa'i grogs po la sten pa zhes bya ba skyes bu ngan pa rnams kyis byas pa/ don ma yin pa rnams thams cad byed par 'gyur ba dang sdug bsngal rnams thams cad kyi rgyu yang yin te/ sdig pa'i grogs po la sten pa'i skyes bu rnams ni bdag nyid la don ma yin pa rnams cung zad kyang mi bsgrub pa ma yin gyi sdig pa rnams ni thams cad byed do/ /lus dang ngag dang yid kyis nye bar spyod pa rnams byed par 'gyur ro/ /de dag rgyu de dang rkyen de dag gis lus</font><hr>65.337a<br><font size=+1>

zhig nas shi ba'i 'og tu ngan song ngan 'gro log par ltung ba rnams las dmyal ba rnams su skye'o/ /gzhan dag dang gsum gar yang mang po kho nar rnam pa du ma'i sdug bsngal rnams kun du khyer bar byed de/ yi dgas dang dud 'gro'i 'gro ba rnams su yang 'gyur ro/ /lha rnams gzhi de dag las skyon chen po 'di dag rnams mi'i 'jig rten pa rnams la 'byung ngo / /lha rnams ni yi dgas dang dud 'gro rnams su ma yin no/ /skyon rnams mngon par mthong ba de'i rjes la mi rnams kyi srid pa la mngon par dga' ba rab tu 'gag par byed de/ mya ngan las 'das pa gcig pu zhi ba yin pa'i go 'phang nye bar bstan par bya ba'i don gyi phyir ro/ /gzhan yang 'thab bral gyi bdag po des lha de dag nyid la phan par bya ba'i don du chos ston par byed do/ /mi rnams kyi sdug bsngal gang dag ce na/ 'di lta ste bu dang bu mo dang rang gi skye bo dang gnyen bshes rnams kyi sdug bsngal lo/ /kye lha dag mi'i 'jig rten na mi rnams shin du yang sdug bsngal ba rnams ni 'di lta ste bu dang rang gi skye bo la sogs pa rnams kyi ste/ mi rnams kyi mi'i 'jig rten na rang gi skye bo rnams sam bu dang bu mo rnams kyang rung ste/ gsod pa dang 'ching ba la sogs pa rnams kyis byas pa 'am/ bkres pa dang skom pa dang dbul ba la sogs pa rnams kyis byas pa'i zug gzer rnams 'byung ngo / /de'i tshe de dag rnams kyi zug gzer gyi rgyu mtshan gyis gang dag la de dag dga' ba dang rjes su mthun par gyur pa'i phyir na de'i tshe de la yang zug gzer shin du che bar 'gyur ro/ /de la mthun par byas pas byis pa 'di yang gzhan gyi brel tog gis byas pa'i sdug bsngal gzhan yin no/ /mi rnams nyid la yin gyi bde 'gro gzhan rnams la ni ma yin no/ /de la bu dang bu mo dang rang gi skye bo rnams gyis byas pa'i sdug bsngal de dag rnams kyis/ myur bar</font><hr>65.337b<br><font size=+1>

mi rnams su skye bar byed pa'i blos byas par gyur ta re/ gang gi phyir rig pa rnams thams cad kyang las bya dgos pa'i mthar thug pa dang / yang gang du 'chi bar 'gyur ba de dag rnams thams cad kyang legs pa ma yin no/ /'khor ba na yang sdug bsngal che ba rnams kyi phul du phyin pa ni 'di dag yin te/ 'di ltar skye ba dang rga ba dang 'chi ba rnams so/ /de yang thams cad mi'i 'jig rten rnams na dmigs so/ /lha rnams de'i phyir bzod par dka' ba de dag rnams go bar gyis la mi rnams kyi blo ma byed cig /de ltar rnam pa du ma rnams su shis pa'i lam du gyur pa bla na med pa'i don de nyid legs par ston par byed do/ /gang la yang nye bar len pa med par mi'i 'jig rten 'dir don gyi dra ba rnam pa sna tshogs pa rnams 'byung ngo / /yang de la ci zhig yod pa yin zhe na/ ngan song gsum gyi sa gzhi zhes bya bar brgya stong bye ba phrag du ma rnams dang bye ba las 'das pa rnams su yang sdug bsngal dpe med pa rnams sngon du song bar gyur pa'i mi'i 'jig rten pa rnams so/ /yang 'grang bar byed ji ltar bde 'gro lha'i go 'phang las 'chi 'pho bar gyur pa na de la lha 'ga' zhig bag med pa shas chung bar gyur pa rnams la de bzhin du 'gro bar byed de/ kye he lha dag bde 'gro las kyi sa pa mi rnams su ji ltar 'gyur ba de ltar 'gro bar gyis dang / gang gi tshe mi rnams nas yang dus byed par gyur pa de'i tshe gnyen bshes dang grogs po'i tshan pa rnams kyis shis pa brjod pa legs par sbyin par byed de/ bde 'gro lha rnams kyi 'jig rten du song shig ces byas so/ /de ltar na gnyis ga ltar yang bde 'gror 'gyur ba yin no/ /de dag ni 'gro ba gnyis yin no/ /gzhan ma 'gro ba gsum po rnams kyang mtshungs par yang sdug bsngal ba yin no/ /de ltar 'di ni phan pa rnams rjes su tshol bar byed pa gzhan rjes su 'dzin</font><hr>65.338a<br><font size=+1>

par byed pa la rab tu zhugs par gyur pa rtag tu yang bag yod pas rnam par rgyu ba'i 'thab bral ba rnams kyi bdag pos rnam pa du ma rnams dang rnam par rtog pa mang po rnams dang / thabs du ma rnams kyis kyang rnam pa sna tshogs pa rnams dang mthar thug pa dang bla na med par gyur pa'i chos ston par byed do/ /des bu dang bu mo'i sdug bsngal 'di dag rnams bstan nas/ gzhan yang lha de dag rnams nyid la mi'i sdug bsngal rnams ston par byed do/ /gang dag zhe na de ni 'di lta ste/ bkres pa dang skom pas byas pa zhes bya ba sdug bsngal ba rnams kyi phul du phyin pa yin no/ /de la yang mi rnams kyis mi rigs pa rnam pa du ma gang dag yin pa de dag rnams thams cad kyang bkres pa dang skom pa'i rang bzhin gyi sdug bsngal rnams kyis mnar bas yin no/ /gzhan ni de lta bur rnam pa sna tshogs pa'i sdug bsngal de bzhin gshegs pa mi gsung ngo / /sdug bsngal ji ltar bkres pa dang skom pas byas pa zhes bya ba des 'jigs pas kyang mi rnams rnam pa sna tshogs pa'i ya nga ba rnams sgrub par byed do/ /'di lta ste gang zhig dman par gyur pa rnams la chen po'i rigs su legs par skyes pa rnams kyang / bkren par gyur pas thal mo sbyor bar byed cing mig gi mchi mas gdong pa kun du g.yogs pa shugs nar nar ba'i sgra 'byin par 'gyur ro/ /yang gang dag rdzun du smra bar byed pa de dag rnams thams cad kyang dbul bas zil gyis mnan par gyur pas bkres pa dang skom pa'i mi'i 'jigs pa rnams kyis gzir ba rnams kyis yin no/ /gang yang gzhan du ni gson pa la yang the tshom za bar 'gyur ba rnams kyang skyes bu dag gis bgrang bar mi byed de/ mtshon cha'i tshogs rnams kun du 'khrug pa dang glang po che'i mche ba'i dkrigs ka ya nga ba'i sa rnams su g.yul 'gyed pa la 'jug par byed pa de dag rnams kyi/ </font><hr>65.338b<br><font size=+1>

de thams cad kyang bkres pa dang skom pa'i 'jigs pas mnar ba rnams yin no/ /de yang gzhan dag rnams su dpag tshad brgya stong phrag du ma rnams kyi chu srin ti mi ti ming ga dang / chu srin na kra dang chu srin ma ka ra dang ri ra Sho dang rlabs kyi ngam grog rnams su srog dang 'bral ba dang / mtshungs pa du ma rnams la yang zhugs nas skyes bu dag rgya mtshor rab tu 'jug par byed do/ /de dag rnams thams cad kyang bkres pa dang skom pas byas pa'i sdug bsngal gyis yin no/ /gang yang gzhan dag rnams la yang rnam pa sna tshogs pa dang rnam par rtog pa du ma rnams kyis kyang gang dag brjod par mi nus pa'i rnam pa de srid kyi sdug bsngal rnams la mi dag rab tu 'jug par byed pa yin no/ /de dag rnams thams cad kyang gsod pa'i don du ste/ gsod du khrid par gyur pa rnams gsod pa'i rnga pa Ta ha brdungs par gyur cing me tog ka ra bi ra'i phreng bas mgo la btags nas gsal shing gi mdun du khrid par gyur pa'i sdug bsngal gyi 'jigs pa rnams kyis sems dngas par gyur pa'i bzhin can rnams srog gi tha mar gyur pa'i 'jig rten du 'khrid par byed pa rnams las gzhan la ni rnam pa de lta bu'i sdug bsngal rnams yod pa ma yin no/ /ji ltar bkres pa dang skom pas byas pa las gzhan rnams ni rnam pa de lta bu'i sdug bsngal nyid yod pa ma yin no/ /de'i phyir so sor gzhom par bya ba'i don du sbyin pa sbyin par bya ste/ sems dang zhing dang dngos po rnams phun sum tshogs pa dang / dus su rigs pa dang yul du mkho ba rnams kyang rab tu brtson pa dang rnam par 'gyur ba med par byas la gtang bar bya'o/ /'khor ba'i 'jigs pa rnams kyis 'jigs pa dang rnam par rtog pa'i sdug bsngal gang yin pa de dag lha rnams la yang yod mod kyi 'khor ba na zas kyis byas pa rnams ni shin du nyung zad</font><hr>65.339a<br><font size=+1>

cig yin no/ /bkres pa dang skom pa dang kun nas bral bar bya ba'i don du sbyin pa dag ni btang bar gyis shig /kye he lha dag de la 'di ni mi rnams kyi mi'i 'jig rten gyi bkres pa dang skom pa'i rang bzhin gyi rnam par rtog pa du ma'i sdug bsngal gzhan rnams yin te/ gang yang de dag rnams ni shin du 'jam par gyur pa'i lha rdzas kyi bde ba shin du chung bas kyang zil gyis mnon/ phal che bar gyur pa'i lha rdzas kyi zas dang skom gyi dngos po rnyed par sla bar gyur pa rnams kyang lha dag gis rig pa yang ma yin no/ /'dod pa'i khams 'di ni nye 'khor rnams thams cad na yang bkres pa dang skom par gyur pa'i rang bzhin gyi 'jigs pa rnams kyi sdug bsngal gyi rlung gis btab pas kun du 'bar bar gyur pa yin gyis de la lha dag rings pa rings pas mi rnams su skye bar ma byed cig /phyir zhing nyid kyang yid la byas par gyur ta re/ mi'i 'jig rten pa rnams ni skye ba dang rga ba dang nad rnams kyis phal che bar gnas pa yin no/ /gzhan yang 'thab bral gyi bdag po mu su lun d+ha de nyid kyis lha de dag rnams nyid kyi yid de dag la kun du bltas nas phyir zhing nyid kyang shin du las su rung ba dang 'jam por gyur pas byed pa gzhan yang mi de dag rnams nyid kyi sdug bsngal rjod par byed de/ rab tu brtson pa du mas gzhan rnams la phan par byed pa yin la bdag la phan par byed pa ni sla ba yin la gzhan la phan par byed pa ni dka' ba yin no/ /de yang gzhan gyi don 'dzin pa ni phan tshun du phan par byed pas yang dang yang du dang rnam pa du mar yang 'thab bral gyi lha rnams la chos ston par byed do/ /gzhan yang mu su lun d+ha des nyams pa med par gzhan gyi la spro bar gyur cing 'dod</font><hr>65.339b<br><font size=+1>

pa'i 'jigs pas 'jigs pa'i lha de dag rnams la mi'i sdug bsngal gzhan rnams kyang ston par byed pa la 'di lta ste/ kye he lha dag mchog tu mi'i 'jig rten gyi mi rnams ches sdug bsngal bar gyur pa de dag rnams kyang 'di lta ste/ kha nyen pa'i sdug bsngal la mi rnams la mi'i 'jig rten du yid kyis bsran par dka' ba yid stobs med par byed pa gzhan po de dag rnams la yang dbang chung ba'i sdug bsngal 'chad par byed pa yin no/ /'di lta ste kye he lha dag mi rnams ni rnam pa sna tshogs pa dang rnam par rtog pa sna tshogs pa dang shin du gzer zug che bar gyur pa de dang de rnams la phal cher ni dbul por gyur pa rnams kha nyen pa'i sdug bsngal 'byung bar 'gyur te/ gnyen bshes dang rang gi skye bo rnams dang grogs po dang rtsa 'brel phun sum tshogs par gyur pa rnams kyi drung na dbang chung ba'i skyon gyis g.yog por 'gyur ro/ /phun sum tshogs pa dag gi drung na kha nyen pa'i skyon gnyis pa rnams ni dbul bar gyur pa nyid kyis gzhan rnams kyi khyim du zas la rtag tu mngon par dga' ba'o/ /gsum pa ni kun nas 'brel ba med pa rnams rab tu mang bar smra bar byed pa'o/ /bzhi pa ni rmongs pa ste gnyen bshes rnams kyi mdun du shin du rdzun par smras pa'i skyon gyis dang ji lta ba bzhin ma yin pa don rnams smras pas dang 'dug pa dang / zas ngan pa dri ma can rnams kyis zil gyis mnan pa'i phyir dang / 'di dag rnams ni spro bar 'gyur ba'i rkang rgyan dang bcas nas ma 'ongs pa'i skyon gyis yin te/ kye he lha dag mi rnams la mi'i 'jig rten du de lta bu la sogs pa mang po rnams kyi kha nyen pa'i sdug bsngal dang 'brel ba dag ni me snying la gnas pa yin te/ mi rnams la mi'i 'jig rten du 'di lta ste ches gzhan kha drag</font><hr>65.340a<br><font size=+1>

par gyur pa'i me phal po che rang gi skye bo dang grogs po dang 'brel pa gdung ba rnams kyi nang bcu 'gyur gyi skyon gyi cha dang ldan na yang des ni lus thams cad sreg par byed pa yin/ yan lag thams cad sreg par byed pa yin pa dang / 'jigs pa chen po dang 'jigs su rung bar gyur pa lus skems par byed cing sreg par byed pa'i me yin gyis dbugs rngub pa'i du ba de la kwa'i lha dag rings pa rings pas mir skyes par gyur ta re/ mi rnams ni sdug bsngal mang ba dang mnog chung ba dang nye bar 'tshe ba dang bcas pa dang / tshe thung ba dang kha nyen par gyur pa'i skyon rnams kyis dri ma can yang yin te/ kha drag pa yang mir skyes pa'i skyes bu rnams nyid 'ba' zhig la bla lhag tu yin gyi de bzhin du 'gro ba gzhan bzhi po rnams na ni ma mthong ngo / /de la 'di ni bla lhag tu mi rnams kyi mi'i 'jig rten pa rnams la yin no/ /gzhan dag las byung ba'i nga rgyal dang kun tu nga rgyal lus rnams thams cad la nad mi bzad pa dang 'dra bar gyur pa'i kun tu nga rgyal ba rnams la kha drag pa ni sdug bsngal yin te/ gang gi phyir sngar mnyam par thob par gyur pa las de'i gting nyid la don phyin ci log tu gyur pa bcu char 'gyur te/ de ltar sngar ma byung ba'i kha nyen pa rnams 'byung bar 'gyur ro/ /de la gang dag lan cig rnyed par gyur pa de yang kun nga rgyal bas thung ngun gyi dus su 'gyur ro/ /sngon gyi nyid yang dang yang du rab tu spel nas ring po'i dus na thob pa yang sngar gyi nyid du 'gyur ro/ /yongs su kha drag par byed pa de ni 'chi bar gyur pa bas kyang shin du sdug bsngal ba yin te/ rigs kyi bu rnams sems kyi rgyud brgyal bar 'gyur ba yin pa'i phyir ro/ /kye he lha rnams de dag rnams mi'i 'jig rten du mi rnams kyi bzod</font><hr>65.340b<br><font size=+1>

par mi nus pa gzhan yin te/ sdug bsngal rnams rnam pa du mar bshad pa yin no/ /bdag gis khyed rnams la gzhan yang bshad par bya ste/ khyed cag rnams gang dag zhe na 'di lta ste/ rgas pa'i sdug bsngal lo/ /rgas pa zhes bya ba yang 'du byed rnams thams cad stobs nyams par 'gyur ba'o/ /des ni dbang po rnams yongs su rnyings par byed pa lang tsho la bab pa rnams kyi 'gran zlar gyur pa/ dbyug pa la btud nas lhag par gnas pa/ 'gro bar byed mi nus pa ming dang gzugs dag stobs nyams par byed pa po kha drag pa'i skyes gnas lus kyi rgyab kyi sgal tshigs sgu bar byed pa skra rnams gzugs mi 'dra bar byed pa 'chi bar 'gyur ba'i dang po'i pho nya bkren pa'i skyes gnas lus dang dbang po dang yid rnams rgud par byed pa ste/ mi rnams gson pa nyid na de dag gis skye ba gzhan nyid du khrid par byed pa yin no/ /kye lha dag de la 'di ni mi'i 'jig rten du mi rnams la ming dang gzugs gnyis la co 'dri bar byed par gyur pa yin te/ nges par myong bar 'gyur ba yin gyis dus ring du khyed kyis yongs su gzhigs dang / khyed cag gis rtogs par gyur nas sdug bsngal bar mi 'gyur ba de dag rnams ni nges par sems med pa yin te/ shing dang rdo ba dang mtshungs pa yid dang bral bar gyur pa dang mi'i gzugs brnyan gyi dud 'gro rnams yin no/ /kye he lha dag de las gzhan mi rnams kyi mi'i 'jig rten na sdug bsngal chen por gyur pa ni skye ba'i sdug bsngal zhes bya ba yin te/ skye ba nyid las rgas par 'gyur ba'i sdug bsngal 'di yin par rig par gyis la khyed rnams srid pa la mngon par zhen par ma byed dang / kye he lha dag gzhan yang rnam pa mang po rnams su dang bzod par</font><hr>65.341a<br><font size=+1>

dka' ba du ma rnams su yang shin du sdug bsngal skye ba nas skye ba rnams su 'gyur ro/ /de dag kyang gang zhe na 'di lta ste/ 'chi ba'i sdug bsngal zhes bya ba skye ba de dag tu slar mi ldog pa/ lus dang dbang po dang skye mched rnams 'gag par byed pa srog gi dbang po dang skye mched rnams rnam par 'jig pa rang gi skye bo dang grogs po dang gnyen 'brel rnams dang phyis mi 'phrad par 'gyur ba skal ba mthun pa rnams rlag par byed pa/ skye ba gzhan du 'gro bar gyur pas rang gi las kyi 'bras bu'i lam rnams za bar byed pa'i skyes bu tshe mthar thug pa na lus gtong ba ni sems can rnams kyis nges par myong bar gyur pa yin no/ /de'i rjes thogs la srid pa bar ma do bar skye bar 'gyur ba 'di ni 'chi ba zhes brjod de/ kye lha dag de la de dag ni ci nas kyang nyams su myong bar 'gyur ba ni skye ba yin pa gang gi phyir thams cad la 'chi ba nges par 'byung ba yin no/ /gal te shed na mthar thug par gyur nas 'chi bar 'gyur ba dang shi nas kyang mir skye bar 'gyur ba dang / skyes pa yang mi 'chi bar 'gyur ba de dag rnams ni gnas med do/ /de'i phyir myur zhing rings pas kyang mir skye bar 'gyur ba'i yid byas par gyur ta re/ de nas yang de'i dus na 'thab bral ba rnams kyi bdag po mu su lun d+ha des tshigs su bcad pa'i dbyangs rnams brjod pa ji ltar/ ji skad bshad pa'i mi'i sdug bsngal/ /srid pa bar ma dor yang ni/ /skyes pa rnams ni phyi nas kyang / /nges par 'chi bar 'gyur ba yin/ /srid pa bar mar kun gnas nas/ /las rnams kyis ni drangs gyur pa/ /lam ring 'gro ba'i sdug bsngal gang / /de ni brjod par mi bzod do/ /bshang dang gci bar nub gyur pa'i/ /tsha bas kyang ni mnar</font><hr>65.341b<br><font size=+1>

gyur pa'i/ /mngal na gnas pa'i sdug bsngal gang / /smra bar bzod pa ma yin no/ /zas kyi ro la brkam pa dang / /rtag tu de la sod pa'i sems/ /ro la sred pa'i sdug bsngal gang / /de ni brjod par mi bzod do/ /yid ni 'dod pas bsregs pa dang / /'dod pa la ni sred pa'i sems/ /gang gis sdug bsngal lhag gyur pa/ /de ni brjod par mi bzod do/ /mi rnams dug dang me 'dra ba'i/ /mi sdug pa dang lhan cig phrad/ /de las sdug bsngal skye 'gyur gang / /de ni smra bar bzod ma yin/ /sdug pa dang bral sdug bsngal gang / /ches che mi rnams la skye ba/ /bzod par dka' dang shin du drag /de ni brjod par bzod ma yin/ /tsha grangs la sogs 'jigs chen po/ /chen po rnam pa du ma rnams/ /sdug bsngal drag po kun tu skye/ /de dag brjod par bzod pa min/ /nad skyes srog ni gcod byed po/ /dus kyi pho nya lta bu gzhan/ /gang sdug srog chags rnams mthong nas/ /de brjod par ni bzod ma yin/ /rang dbang med par bkren pa yi/ /rtag tu gzhan gyi dbang 'gro rnams/ /phan pa rab nyams sdug bsngal gang / /de ni brjod par bzod ma yin/ /rtag tu tshol khros byas pa yi/ /sred pa'i dug gis bsregs pa yi/ /lha rnams gang gi sdug bsngal ni/ /de brjod bya bar bzod pa min/ /rgyun mi 'chad par rnam mang du/ /sdig grogs bskyed pa'i sdug bsngal gang / /ngan song skyed par byed pa gang / /de ni brjod par bzod ma yin/ /brel tog bu dang bu mo yi/ /snying la ji lta bur skye ba/ /dmyal ba rnams kyi rtsed mo 'di/ /brjod par bzod pa de ma yin/ /bkres dang skom pa'i me dag gis/ /shin du bsregs dang bsreg 'gyur ba'i/ /chud zos yid kyi sdug bsngal gang / /de ni brjod par bzod pa min/ /</font><hr>65.342a<br><font size=+1>

rtag pa nyid du kha drag pa/ /gnyen grogs skye bo snying byams pa'i/ /mya ngan las skyes sdug bsngal gang / /de ni smra bar bzod ma yin/ /'khar ba la brten sgur bar 'gro/ /sems dang dbang po stobs chung ba'i/ /lus rnyings pa'i sdug bsngal gang / /de ni brjod par bzod ma yin/ /yid dga'i 'jig rten 'di nas ni/ /'chi bdag gis ni khrid gyur pa'i/ /'gro la sdug bsngal gang skye ba/ de brjod par ni bzod ma yin/ /'byung po kun gyis mi mthong zhing / /las rnams kun gyis rgyal min par/ /sems can thams cad rnam 'joms pa/ /'chi bdag ces ni brjod pa yin/ /bzod par dka' ba'i stobs po che/ /sems stobs gtum pas kun rgyu ba/ /so so'i 'jigs chen du ma ni/ /'chi bdag ces ni brjod pa yin/ /bzlog thabs med pa'i dus kyi me/ /sems can rnams kyi nges myong ba/ /mi rnams gson pa'i bar chad byed/ /'chi bdag ces 'di brjod pa yin/ /ji bzhin dus kyis rab 'joms pa/ /gson pa yang ni rnam par 'joms/ /phung po khams rnams legs 'dzad pa/ /'di ni 'chi bdag tu brjod do/ /skyes nas yod pa yang rtag par/ /gnyen bshes grogs dang 'bral ba yin/ /slar yang de dag dang phrad med/ /'di ni 'chi bdag ces brjod do/ /bsran par mi bzod mi bzod pa'i/ /'chi ba ji srid ma byung ba/ /de srid chos ni yid la gyis/ /des ni snying po lha yi gnas/ /legs par gson pa de yin te/ /gang gi yid la chos gnas pa'o/ /chos dang rnam par bral ba yi/ /gson pa gson par 'dod pa min/ /gang gis yid la sangs rgyas gnas/ /de ni legs par gson pa yin/ /sangs rgyas dang ni rnam bral ba'i/ /gson pa gson pa min par 'dod/ /gang gi yid</font><hr>65.342b<br><font size=+1>

la chos gnas pa/ /de ni legs par gson pa yin/ /chos dang rnam par bral ba yi/ /gson pa gson pa min par 'dod/ /gang gi yid la dge 'dun gnas/ /de ni legs par gson pa yin/ /dge 'dun rnam par spangs pa yi/ /gson pa gson pa min par 'dod/ /gang zhig bden pa la gnas yid/ /de ni legs par gson pa yin/ /bden pa rnam par spangs pa yi/ /gson pa gson pa min par 'dod/ /gang zhig yid ni lam la gnas/ /de ni bde bar 'tsho ba yin/ /lam ni rnam par spangs pa yi/ /gson pa gson pa min par 'dod/ /mya ngan 'das par 'gro ba la/ /gang gi blo ni rtag tu gnas/ /de ni lha yi lha zhes brjod/ /'di na gang rtse lha ma yin/ /rtag tu sems ni rtse gcig pas/ /bsam gtan byed pas rtse 'gyur gang / /de ni bde ldan chags byed pa'i/ /srid pa'i rtsed mo rtsed mo min/ /rmongs chags mang du nyer rtse ba'i/ /srid skyon 'di rnams go gyis la/ /mya ngan 'das la brtson par gyis/ /de dag snying po dam par 'dod/ /de ltar 'thab bral gyi bdag po des rnam pa du mar gzhan rnams la phan pa sgrub par byed de/ lha de dag rnams kyi yid de dag rlan par byed do/ /ji ltar 'thab bral gyi lha de dag rnams ngan song du 'gro bar mi 'gyur bar byed do/ /de nas 'thab bral gyi lha de dag rnams kyis mu su lun d+ha la 'di skad ces brjod do/ /kye 'thab bral ba rnams kyi bdag po ji lta ba bzhin go lags kyis/ ji ltar khyod kyis bshad pa de dag rnams thams cad ni bden pa lags te/ bdag cag gis 'dir mngon sum du bgyis so/ /ji ltar bdag cag rnams kyi drung na rim pa rnams thams cad kyis glags par gyur pa'i lha rnams bzod par dka' ba'i shin du sdug bsngal bar gyur to/ /</font><hr>65.343a<br><font size=+1>

de dag rnams kyi tshad dang mdog dang dbyibs dang rgya che bar gyur pa'i rim pa gang dag gi khyad par rnams ni bdag cag rnams kyis bcu'i cha yang / cung zad tsam du yang mi chog pa de dag rnams thams cad kyang bar du gcod pa 'byung bar 'gyur na/ ci'i phyir na bdag cag rnams la 'byung bar mi 'gyur lags/ de dag rnams kyi drung du 'thab bral gyi bdag po de tshig rnams rjod par byed pa/ ji ltar lha de dag rnams kyi sdug bsngal khyed kyis mthong ba de rnams ni cung zad tsam yin la/ khyed rnams la ni de las brgya 'gyur 'byung bar 'gyur te/ bag med pas kun nas khrid par gyur nas gal te chos ma yin pa'i rjes su 'jug par gyur te/ dmyal ba dang yi dgas dang dud 'gror skyes par gyur na'o/ /ci ste chos kyi rjes su 'jug par gyur na ni/ de'i tshe ngan song gi sgo rnams ni bkag par gyur cing lha dang mi rnams kyi rnam pa sna tshogs pa'i bde ba rnams la nye bar longs spyad nas/ phyi nas ni de rgas pa med par 'gyur ba dang / gzhan yang mya ngan med par gyur pa'i rtag pa'i go 'phang kun nas 'thob par 'gyur te/ gang la ji skad du bshad pa'i sdug bsngal de dag rnams 'byung bar mi 'gyur ba yin no/ /de la rgyu de dag gi phyir na bag med pa rnams la kun du 'jug par ma byed dang / 'dod pa de dag rnams ni bde ba ma yin no/ /rtag pa yang ma yin te 'di dag gis ni zag pa med pa'i ye shes kyi bsam gtan gyi bde ba bla na med pa rnams kyi bcu drug gi char yang mi phod do/ /de nas de dag gi drung nas 'thab bral ba rnams kyi bdag po des tshig de dag rnams thos nas/ gzhan yang lha de dag rnams nyid kyi mngon sum du nyes dmig rnams byed do/ /yang gzhan brjod pa ji ltar khyod kyi bdag cag rnams la ston par bgyid pa de dag rnams ni phan par 'dod pa lags pas de ltar bdag cag rnams kyis bgyi lags so/ /lha lags</font><hr>65.343b<br><font size=+1>

gzhan yang ji ltar na bdag cag rnams kyis kun du 'dod chags pas byas pa'i sdug bsngal de dag gis bdag cag gis 'thob par mi 'gyur ba lags/ de nas dus de'i tshe na mu su lun d+ha des tshigs su bcad pa'i dbyangs brjod pa ji ltar/ bdag nyid bdag gi mgon po yin/ /gzhan gang rjes su mgon por gyur/ /gang phyir bdag nyid legs btul bas/ /rtag pa'i go 'phang 'thob par 'gyur/ /legs pa'i las byas mdzes 'gyur ltar/ /mgon po gzhan ni ma yin no/ /skye ba gzhan ni stong du yang / /de la de dag rjes su 'jug /rga dang 'chi ba spangs pa yi/ /gnas kyi mchog tu 'bab par byed/ /shin du dge ba'i rang las 'di/ /bsams pa yis ni lha yi mchog /legs pa'i las la spyod par gyis/ /phan cher zas ni de las za/ /de ltar mu su lun d+ha des lha de dag rnams la bstan nas/ gzhan yang brjod pa/ song la nags dang nye ba'i nags rnams su brgyus nas 'dod par gyur pa'i sgra dang ro dang gzugs dang dri rnams kyis khrid par gyur yang / gang gi phyir khyed rnams ji lta ba bzhin du bag yod par gyis/ de nas de ltar gyur pa dang / de nas lha de dag gis tshig de dag rnams thos par gyur pa dang 'di skad ces brjod do/ /ji lta ba bzhin du bdag cag rnams kyis smon lam gdab par bya ste/ ji ltar ma 'ongs pa'i dus na 'di 'byung bar 'gyur ba yang dag par rdzogs pa'i sangs rgyas bla na med pa'i skyes bu 'dul ba/ kha lo sgyur ba mtshan byams pa zhes bya ba de'i gsung rab la bdag cag rnams mi'i 'jig rten du gyur cig /ji ltar 'di ma 'ongs pa'i dus na 'byung bar 'gyur ba'i 'dus pa dang po de bdag cag rnams byed pa dang / chos rnams mnyan nas zag pa zad par byed par yang bdag cag gyur cig /de ltar kha cig gis ni bla na med pa yang dag par rdzogs pa'i byang chub tu smon lam btab par gyur to/ /smon lam btab nas kyang sangs rgyas dang chos dang dge 'dun rnams la nye bar skyangs</font><hr>65.344a<br><font size=+1>

su yang song bar gyur to/ /de dag rnams ni nges par yang byams pa'i gsung rab la mi'i 'jig rten du skye bar 'gyur ro/ /lha gzhan stong phrag bdun bcu po rnams ni lhan cig tu dam pa'i chos thos nas zag pa rnams ni zad par byed do/ /gang yang gzhan de dag rnams kyis ni de bzhin gshegs pa de'i sku gdung ni mthong bar 'gyur la sngon dang por de dag rnams kyis gya nom pa'i bla na med pa yang dag par rdzogs pa'i byang chub tu smon lam btab pa yin no/ /gzhan yang lha brgya phrag gis rang sangs rgyas kyis sems su yongs su bsngos so/ /de dag rnams thams cad kyi yang smon lam rnams 'bras bu dang bcas par 'gyur ba yin no/ /de nas 'thab bral ba rnams kyi bdag po des yid kyis rtogs par gyur nas bdag gis gzhan la phan pa shin du mang ba byas te/ de dag rnams slar yang bag med pas phrogs par mi 'gyur bar 'thab bral gyi bdag po des rjes su gnang ngo / /lha de dag rnams yid las su rung bar byas pa dang / yid legs par dul bar byas pas/ mu su lun d+ha de la g.yas phyogs nas bskor ba byas nas mtsho de'i drung du song bar gyur to/ /mu su lun d+ha yang gzhan la phan pa de dag rnams byas nas/ phyir yang sa gzhan rnams kyi lha gzhan rnams la phan par bya ba'i don du legs par song bar gyur to/ /'thab bral gyi lha rnams kyi sa las rtag tu bde ba'i sa ste brgyad pa rdzogs s+ho// //mu su lun d+ha'i rdzu 'phrul chen po zhes bya ba yang rdzogs s+ho// // #</font><hr>66.1a<br><font size=+1>

(sha) @#/ ! /mdo sde sna tshogs kyi skor bzhugs so/ /[(黃) 經藏第二十七部]</font><hr>66.1b<br><font size=+1>

gzhan yang las dang 'bras bu rnam par smin pa shes pa'i dge slong de mtshe ma rnams la phan pa'i don du lha rnams kyi sa la lta bar byed pa na/ des thos pa las byung ba'i rang bzhin gyi shes rab kyis lha rnams kyi sa bde ba rab tu 'phel ba dang ldan pa zhes bya ba ji ltar yod pa mthong bar gyur to/ /sa der yang las gang gis sems can skye bar 'gyur ba yang des mthong ste/ skyes bu dam pa gang gis dge legs su gyur pa'i sems kyis tshul khrims dang ldan par gyur pas srog gcod pa dang / ma byin par len rnams spangs par gyur pa ni snga ma bzhin no/ /'dod pa la log par g.yem pa rnams kyang shin du phra ba yang spong bar byed de dper na yud tsam cig kyang bud med skyes pa dang bcas par mngon par</font><hr>66.2a<br><font size=+1>

bris pa rnams la yang tshul bzhin ma yin pas yid la byed pas skyed par gyur pas de la 'di rtog par mi byed/ brnab sems su mi byed do/ /ro myang bar mi byed cing tshul bzhin ma yin pa yid la byed pa'i sems rnyog pa can du byed pa nyon mongs par byed pa 'jigs pa dang bcas par gyur pa tshangs par spyod pa kun du sun 'byin par byed pa rnams kyi sa dang / gang yang gzhan dag rab tu rtog par byed pa'am/ lta bar byed pa yang rung ste/ tshul bzhin ma yin pa yid la byed pas sems kun nas sun 'don par byed pa de dag rnams 'dis rab tu 'gog par byed do/ /phyir la zlog par byed do/ /lus kyi 'bras bu rnams kyang ston par byed pa yin te/ ji ltar mi 'dod pa dang mi dga' ba dang yid du mi 'ong bar 'gyur ba ni 'dod pa la log par g.yem pa sten pa 'di'i 'bras bu yin pas des na de ltar mi bya'o/ /'di dag ni zhi bar 'gyur ba'i lam ma yin no/ /dga' ba ma yin/ yid du 'ong ba ma yin/ dam pa rnams kyis mngon par 'dod pa ma yin no/ /shin du phra ba'i 'bras bu rnams ston par byed pa/ tshul khrims dang ldan pa tshangs par spyod pa rnam par dag pa kha na ma tho ba phra rab tsam la yang 'jigs par lta ba de dag ni lus zhig nas shi ba'i 'og tu bde 'gro mtho ris mtshe ma'i lha rnams kyi bde ba rab tu 'phel ba dang ldan pa'i sa 'di la skye bar 'gyur ro/ /de la skyes pa rnams ni legs par byas pa'i las kyi mtha' rnams la spyad pas de dag dga' ba'i las kyi 'bras bu rnams la spyod par byed do/ /'di lta ste nags rnams dang nye ba'i nags rnams dang khrus kyi rdzing bu rnams dang / gser gyi ri'i rtse mo rnams dang 'bab chu dang rin po che'i rang bzhin gyi 'bab chu rnams la blta bar sdug pa'i bya rnams kyis kun nas sgra 'don pa dang / gzhal yas khang gi rtse mo rnams kyang rin po che bdun gyi rang bzhin</font><hr>66.2b<br><font size=+1>

la nor bus cha shas rnams rnam par bkra bar byas pa dang / pad ma'i rdzing bu rnams kyi bai dUr+ya dang in dra nI la dang gser gyi rang bzhin rnams kyi cha shas rnam pa sna tshogs pa la gzugs dang sgra dang kha dog dang dbyibs rnam pa sna tshogs pa la lta bar dga' ba'i bung ba'i tshogs rnams kyi sgra bde ba skyed pa kun tu sgrogs pa dang ldan pa rnams la mngon par byed do/ /rig pa dang las rnams thams cad kyi bde ba rab tu 'phel ba dang ldan pa'i nags tshang tshing rnams dang gzhan yang rdo rje dang bai dUr+ya dang in dra nI la dang shel gyi rang bzhin gyi brag rnams cha shas dang cha shas su phye ba'i 'od zer rnams kyis rnam par bkra bar gyur pa rnams la dga' bar byed do/ /'bab chu sna tshogs pa'i sgra bde ba skye bar byed pa'i sgra snyan pa dang ldan pa rnams la dga' bar byed do/ /ji ltar 'dod pa bzhin du byed pa rang dbang can rnams dpe med par gyur pa'i lha rdzas kyi 'dod pa rnams la sten par byed do/ /lha'i bu mo'i tshogs brgya stong phrag du ma rnams kyis yongs su bskor nas ches 'phags par gyur pa'i bde ba rnams 'phel ba dang ldan pa'i 'dod pa rnams la nye bar longs spyod pa yin te/ de yang rnam par rtag pa du ma rnams su dpe med par gyur pa'i lha rdzas kyi bde ba rnams la longs spyod par byed do/ /ri dang rtse mo rnams gser gyi rang bzhin dang bai dUr+ya'i rang bzhin rnams la de dag nam mkha' la lan brgya phrag du mar 'gro bar byed pa/ rnam pa sna tshogs pa'i gzugs dang cha byad dang rgyan rnams phun sum tshogs pa/ sgrin po rnams kyi rgod pa dang glu dang gar gyis kun nas brgyan par gyur pa'i zhabs 'bring rnams kyis rnam par brgyan cing rol pa'i gzugs dpe med pa dang ldan pa'i lha'i bu mo'i tshogs rnams kyis yongs su bskor nas/ nye ba'i khor kun nas rtse dga' bar gyur pas rnam par rgyu bar byed/ rang gi 'od dang ldan pa'i lha'i bu mo rnams kyis</font><hr>66.3a<br><font size=+1>

yongs su bskor nas/ de lha rdzas kyi 'dod pa'i yon tan gyi yul lnga la rnam par chags pas/ gzugs gang dang gang nyid mthong bar gyur pa de dang de nyid kyang rnam par rtog pa du ma dang ldan pa'i lha rdzas snying 'gul bar byed pa dpe med pa'i bde ba rnams legs par ston par byed pa mthong ngo / /ji ltar 'dod pa bzhin du spyod par byed pa de ltar mig gis gzugs rnams mthong bar 'gyur ro/ /de bzhin du rna bas sgra rnams thos par gyur pa yang / thos nas bde bar 'gyur ba dang ji ltar 'dod pa bzhin du rnam pa du mar rnam pa sna tshogs par gyur pa dang kun du rtog pa rnams skyed par byed pa dang mchog tu gyur pa'i lha'i bu mo rnams kyis legs par bskyed pa'i rgod pa dang 'gying bag dang rtsed mo rtse bar byed pa rnams so/ /de bzhin du snas kyang lha rdzas kyi dpe med pa dang ldan pa'i dri rnams mnoM par byed de/ rnam par rtog pa du mar dpe med par gyur pa rnams la 'di lta ste/ pad ma'i rdzing bu rnams kyi dri shin du zhim par gyur pa'i dri rnams mngon par 'dod pa'i rlung gis legs par btab pa rnams la dang / dri gzhan yang de kho na bzhin du dri shin tu zhim pa dpe med par gyur pa'i lha rdzas rnam pa du ma rnams mngon par 'dod pa'i rlung gis ri dang sman ljongs rnams dang bang rim rnams dang / ri khrod rnams dang nags kyi nang rnams nas btab par gyur pa'i shin du dri zhim pa dang ldan pa'i me tog du ma dri bla lhag par gyur pa rnams snom par byed do/ /de bzhin du lces kyang ro rnams myong bar byed do/ /de ni 'dod pa'i bde ba rnams thams cad phun sum tshogs pa yin te/ lha rdzas kyi ro rnam pa du mar gyur pa skyur ba dang / lan tshwa dang tsha ba dang kha ba dang bska ba dang rtsub pa rnams dang rnam pa du ma rnams dang dpe med par gyur pa rnams dang / rdzas du ma rnams las skyes pa dang ji lta ba nyid du ji ltar 'dod pa'i dus su</font><hr>66.3b<br><font size=+1>

mkho ba rnams de dag gis za bar byed do/ /de ltar lces ro rnams myong bar byed do/ /de bzhin du lus kyis kyang reg bya rnam pa du ma rnams la reg par byed pa ni/ bde ba'i reg par bya ba brgyad dang ldan par gyur pa rnams la bsil bar gyur pa dang / dro ba dang dro bar gyur pa dang bsil ba'i reg bya rnams dang ldan pa dang de bzhin du 'jam pa dang phra ba dang / tshags dam pa dang ma btags pa dang rnams te kha dog du ma dang ldan pa'i gos rnams so/ /de bzhin du mtho ris kyi rjes su mthun pa'i rgyan gyis rnam pa rnams kyang ste/ rin po che du ma'i 'od zer snang ba byed pa dang ldan pa rnams la dpag tshad bcu dang nyi shu dang sum bcu dang bzhi bcu dang lnga bcu dang drug bcu dang de bzhin du dpag tshad brgya'i bar du 'od dang ldan pa'i nor bu rnams kyi reg bya rnams kyang nye bar longs spyod par byed do/ /de bzhin du rgyan gyi rnam par gyur pa'i me tog bde ba'i reg bya dang dri dang legs par 'brel pas bsgos par gyur pa rnam pa sna tshogs pa rnams lha rdzas kyi nags kyi gseb nas rlung gis bdas pa'i bde ba'i reg bya dang ldan pa rnams kyi reg bya la rjes su longs spyod par byed pa ste/ lus kyi legs par byas pa'i las kyi mtha' rnams la spyad par gyur pa/ rang gis legs par byas pa'i las rnams kyis 'dod pa sdug pa yid du 'ong ba 'phags pa dgyes pa yin gyi/ ma byas pa rnams kun du 'ong bar 'gyur ba ni ma yin no/ /'dod rgyal ba rnams ni ma yin no/ /byas pa chud za bar 'gyur ba ni ma yin no/ /rgyu med pa ni ma yin no/ /gzhan bag med pa rnams kyis byas pa ni ma yin no/ /las dang 'bras bu rnams dang cha mi 'dra bar gyur pa'i rgyu rkyen rnams kun du tshogs pa ni yin no/ /'di dag ni 'bras bu dang bcas par smin par legs par mthong ba rnams dang cha 'dra ba'i las rnams kyi 'bras bu la nye bar longs spyod pa yin no/ /</font><hr>66.4a<br><font size=+1>

tshul khrims la spyod par gyur pa de de bzhin du yid kyis kyang gang 'dod pa'i 'dod pa rnams la ste/ 'dod pa'i yid du 'ong ba'i lha rdzas kyi gzugs mang zhing rgya chen por gyur pa rnams dang / phra ba rnams dang bar ma rnams dang kun nas 'phel bar 'gyur ba'i dus su byung ba rnams dang / de bzhin du mar 'bri ba'i dus su dang bar ma'i dus su thob pa rnams longs spyod par byed pa na/ de ltar yang sems bskyed pa nyid kyis mngon par 'dod par gyur pa'i nye bar longs spyad par bya ba rnam pa du ma'i bde ba'i chos rnams la mngon par 'tshal bas nye bar longs spyod par byed do/ /tshul khrims la spyad pa'i skyes bu de dag rnams de ltar khyad par du yang lha rnams ni yul drug gi me la rnam par chags par gyur cing / 'dod pa'i chu bo rnams kyis khyer bar gyur pas de dag nags nas nags rnams dang ri'i rtse mo nas ri'i rtse mo rnams lha rdzas kyi rin po che'i khams rnams kyi 'byung khungs dang ldan pa rnams nas rin po che'i khams rnams kyi 'byung khungs dang ldan pa rnams su kun du nye bar 'gro bar byed cing / nags dang nye ba'i nags kyi tshal rnams dang / 'bab chu'i sgra rnams kun nas lags par grag pa dang kha dog dang dbyibs dang rigs dang / sde tshan mi 'dra ba brgya phrag gi bya rnams kyi sgra snyan par 'byin pas yid dga' bar gyur pa rna gtad pas dbyangs kyis kun nas 'khrid pa dang rgyan dang legs par ldan pa'i dga' bas yid 'phrog par gyur pa rnams de ltar de legs par byas pa'i las kyi mtha' la spyad pa rnams de legs par nye bar 'gro'o/ /mang po rnams nyid kyang gzugs dang cha byad dang / rgyan dang legs par gnas pa rnams kyi yon tan du ma rnams dang ldan pa'i cha byad can rnams bsgrin pa dang 'gying bas 'dod pa'i me rnams legs par skyed pa'i byed pa rnams kyis yongs su bskor nas gnas rnam pa du ma rnams nye bar ston par</font><hr>66.4b<br><font size=+1>

byed do/ /lha rdzas kyi phreng ba mchog rnams kyis brgyan pa dang / me tog gi phreng ba dang phye ma dang byug pa rnams kyis rnam par brgyan pas gser gyi rang bzhin dang bai dUr+ya dang gser 'bar ba'i rang bzhin gyi rtse mo rnams la sten par byed do/ sems bskyed pa dang lhan cig nyid du 'dod pa du ma rnams nye bar bsten nas/ lhan cig spyod pa rnams dang bcas pas/ gal te shed na nye ba'i nags gzhan rnams nye bar sten par byed do/ /mnyam pa dang mi mnyam pa'i sa'i cha shas rnams dga' bar gyur pa'i gser dang bai dUr+ya'i rang bzhin dang gser bzang po'i rang bzhin dang dngul dang in dra nI la dang mu sa ra'i rang bzhin rnams la dril bu g.yer ga sgra sgrogs pa'i dra ba'i skad phun sum tshogs pas rnam par brgyan pa'i sgra rnams dang / bya'i tshogs rnam pa sna tshogs pa rnams kyis rnam par brgyan pa rnams la/ lan brgya phrag rnams su rnam par rgyu bar byed pa gang gi tshe/ bag med pas bag med par rnam par spyod par byed pa de'i tshe/ de dag rnams mngon par kun du mthong nas bag yod pa zhes bya ba'i bya rjes su 'doms par byed pa'i tshigs su bcad pa 'chad pa ji ltar/ gsar pa'i las kyang zad 'gyur la/ /rnyings pa yongs su spyod pa yin/ /de zad pas ni rtag tu lhung / /mtho ris lha yi chos 'di dag /rtag tu las kyis lhung ba yin/ /de bzhin 'tsho ba skad cig ste/ /'chi bdag myur bar 'ong ba yang / /byas pa rnams kyis rig pa 'ang min/ /khyod kyis 'di min 'di yang khyod/ /min yang chags pas ma shes so/ /dus 'gro rtag par shin du myur/ / lhung 'gyur de yang nye bar 'ong / /thob pa dang ni 'jig pa'i rgyu/ /yul du ma la chags pa yin/ /gnod dang bcas pa de la khyod/ /blo ngan rtag tu ci ste 'gro/ /gang phyir legs par byas pa'i las/ /de ltar khyod kyis bde longs spyad/ /yang ni ci phyir legs byas pa'i/ /las rnams dag ni cis mi byed/ /yul rnams la ni gang chags pa/ /de ni srid pa'i rgya mtshor nub/ /</font><hr>66.5a<br><font size=+1>

gang yang des las rnam grol ba/ /de ni sdug bsngal mtsho las grol/ /yul gyi rlabs kyi shugs po che/ /srid pa'i chu klung las kun byung / /myang 'das grong khyer 'gro ba yin/ /dpa' bos de ni spang bar gyis/ /brtan pa de nyid tshol rnams kyis/ /yul rnams nges par bzlog par gyis/ /des bskyed yul gyi srid pa rnams/ /srid pa gsum du 'jug cing 'gro/ /yul rnams nges par zlog par gyis/ /bdag cag de yid byas la re/ /kim pa ka dang 'dra ba dang / /phyi nas rnam smin rtsub pa yin/ /mi sems bde la kun du chags/ /yul rnams la ni rgyug par byed/ /des ni mi dge las rnams sog /blo gros ngan pas gang rgyug pa'i/ /yo ba mi bzad rtsub pa las/ /de phyir sems ni rtag tu srungs/ /rtag tu yul la kun chags pa/ /srid pa'i yul gyis g.yogs pa yi/ /yul rnams la ni rgyug byed pa/ /brel phongs de dag ma go'o/ /phyi nas brel phongs thob pas kyang / /las kyi 'bras bu rig par gyur/ /shes nas kyang ni las 'di dang / /rtag tu yul rnams skyon de dang / /'gro ba ma lus bcings gyur pa'i/ /skyon gzhan yang ni rtag tu spongs/ /de ltar bag yod pa'i bya des bag med pas bag med par rnam par rgyu ba'i lha de dag rnams la legs par sgrogs so/ / de gtan tshigs kyis brjod kyang de dag rnams kun nas rtogs pa yang ma yin te/ yul la kun du 'chums par gyur pas des de dag la rtsis bgrang med par slar yang de kho na bzhin du yul rnams la rnam par chags par gyur pa'i blos 'khor ba'i dgon pa lta bur gyur pa dang / shin du sdug bsngal skyed par byed pa'i rgyur byed pa de ltar sems dang 'gro ba dang rab tu spyod par byed pa/ rtag tu yang yul gyi gnas skabs rnams la 'gros byed par mtshungs pa'i gnas skabs rnams rjes su chags par byed pa gnas pa med pa'i 'gros dang / rab tu rgyu bas kun du gnas par byed pa/ rtag tu yang</font><hr>66.5b<br><font size=+1>

skyes pa gcig cig tshol ba la zhugs pa dag dang / mtshon cha dang me dang g.yang sa rnams dang / yid mtshungs pa mi rnams thams cad sreg par byed pa'i nags kyi mer gyur pa sdug bsngal rnams thams cad kyi rgyu mtshan du gyur pa'i lha'i bu mo de dag rnams nyid dang de lhan cig tu rtse dga' bar byed do/ /gang zhig bde ba rnams thams cad 'dod pa dang blo dang ldan pa dang bde ba rnams rjes su tshol bar byed pa dang 'khor ba'i 'jigs pa rnams kyis 'jigs pa rnams ni 'di dag rnams kyi drung na gnas pa ni 'jigs pa yin par bya'o/ /thams cad kyis kyang brtson par bros par bya'o/ /de dag nyid la kun du rmongs pa'i yid can rnams 'dod chags kyis dmus long du byas pa'i yid can rnams ni de dag rnams kyi mthu stobs las byung ba'i sdug bsngal rnams shes kyang de dag rnams nyid dang lhan cig tu dga' bar byed do/ /byis pa rnams thams cad ni 'khor ba'i 'dam rdzab du gyur pa'i mtshan nyid kyis long ba 'dod chags zhe sdang gti mug rnams kyis long bar gyur pa'i 'chi bdag rnams thams cad dang rtse dga'o/ /de ltar de dag rnams dang de yang lhan cig tu spyod par byed pa la yang de bzhin du yang mi rtse'o/ /gang rnam pa du mas phan par gyur pa de kho na nyid dang / ngan song las zlog par byed pa'i tshig yin yang de kho na bzhin du de'i sems yongs su bslus pas/ de kho na nyid de mngon par ma shes pas nags dang nye ba'i nags de dag rnams su dga'o/ /sred pa'i zhags pa legs par bskyed pa de dag rnams nyid dang lhan cig tu ste/ 'phags pa ma yin pa rnams dang lhan cig tu dga' bar byed do/ /de gser dang bai dUr+ya dang in dra nI la dang nI la chen po dang mu sA ra galba ba la sogs pa'i rin po che rnams kyis yongs su gang ba rnams legs par rnam par phye ba'i sa gzhi'i cha shas rnam pa du</font><hr>66.6a<br><font size=+1>

ma rnams kun la rnam par rgyu bar gyur pa na/ brgya la zhig na chen por gyur pa'i skad kyi gdangs thos na bde zhing yid dga' bar byed pa/ lha rdzas kyi yon tan rnams dang ldan pa thos par 'gyur ro/ /des thos nas 'di snyam du sems te/ sgra 'di dag gang gi yin snyam nas/ de ngo mtshar bar gyur pa'i yid kyis lhan cig rjes su spyod pa'i 'khor dang bcas nas gang na sgra 'di yod pa der legs par nye bar 'gro'o/ /de nas 'gro bar byed pa nyid na gang na shin du ngar che bar gyur pa yi ge rnams gsal bar gyur pa glu'i sgra de dang de dag rnams nyid shin du snyan pa'i mchog tu phyin pa yan lag lnga dang ldan pa'i rnga sgra rnams kyis phun sum tshogs pa de dag rnams ni shin du bar yang yon tan rnams phun sum tshogs pa dpe med par gyur pa'i sngar thos ma myong ba'i sgra 'di dag de dag tu thos par gyur to/ /lha gsar du skyes pa de lhan cig spyod pa rnams dang bcas nas nags der nye bar rgyug ste/ rin po che'i rang bzhin gyi shing rnam pa du ma rnams phun sum tshogs pa/ dga' ba chen po'i nags tshal zhes bya ba rgya khyon du dpag tshad brgya pa zheng du dpag tshad nyi shu pa nags de na ni nags chen por gyur pas/ shing rnams phun sum tshogs pa yon tan chen po dang ldan pa brgya phrag du ma rnams dang stong phrag du ma rnams kyi lha'i tshogs rnams gnas pa yang glu len par byed pa dang / rtse dga' bar byed pa dang gar yang byed do/ /de nas lha gsar du skyes pa des nags de mthong bar gyur nas zhugs par gyur pa dang / nags rnams thams cad gser gyi rang bzhin gyi shing bai dUr+ya'i rang bzhin gyi lo ma lha'i rdzas las rab tu byung ba dri dang me tog rnams so/ /de dag dang 'dra ba'i yon tan gyi bde ba rnams dang / mdog dang dbyibs rnam pa du mar gyur pa de dag rnams des yang dag par mthong nas gzhan yang gzhan rnams la lta bar byed de/ </font><hr>66.6b<br><font size=+1>

shing bai dUr+ya'i rang bzhin la in dra nI la'i yal ga rnams dang gser gyi rang bzhin gyi 'dab ma rnams dang dngul gyi kha dog gi 'bras bu rab tu smin par gyur pa rnams lha rdzas kyi ro'i yon tan rnams phun sum tshogs pa'o/ /in dra nI la'i mdog gi yal ga rnams kyis mngon par bskor ba la rnam pa sna tshogs pa'i kha dog dang ldan pa'i me tog rnams kyis mngon par bskor ba rnams dang / shing gzhan dag rnams kyang mthong ba la 'di lta ste/ in dra nI la'i rtsa ba gser gyi mdog gi yal ga bai dUr+ya'i rang bzhin gyi 'dab ma dang ldan pa rnams la mdog dang dbyibs rnam pa du ma rnams dang ldan pa'i bung ba'i tshogs rnams kyis nye bar mdzes par gyur pa/ shin du snyan pa'i sgra rnams kyis mig 'phrog par byed pa rnams so/ /de bzhin du lha gsar du skyes pa des gzhan dag rnams kyang mthong ba la lha rdzas kyi me tog kha bye ba dang mig zum pa rnams kyang mthong na dga' bar 'gyur ba' rin po che bdun gyi rang bzhin rnam par 'dres pa'i cha shas rab tu rnam par phye ba mchog tu ngo mtshar bar gyur pa/ sgra'i rnam pa thos par dga' ba rnams kyis yid mngon par dga' bar byed pa rnams so/ /da bzhin du gzhan dag 'khris shing gi khang pa rnams gser gyi 'khris shing rnams kyi lo ma 'gul ba rnams la 'dab ma rnams legs par khyab par gyur pa bung ba'i tshogs kyi khyad par brgya stong rnams kyi sgra'i bye brag snyan par dga' ba rnams mthong ngo / /de bzhin du 'khris shing gi khang pa gzhan dag kyang bai dUr+ya'i rang bzhin gyi yal ga rnams kyis rnam par brgyan pa/ in dra nI la chen po'i 'dab ma rnams kyis legs par g.yogs pa rab kyi mchog gi nor bu mdog rnam par bkra ba rnams kyis brgyan pa la bya rnams kyis kun du sten par byed pa rnams nags de 'jam pa mnan na nem la btag na 'phar ba'i sa gzhi'i cha shas legs</font><hr>66.7a<br><font size=+1>

par phye ba rnams dang / lha rdzas kyi dri rnams kyis bsgos pa lha'i bu mo'i tshogs rnams dang bcas pa mthong bar gyur to/ /de bzhin du gnas gzhan dag rnams kyang mthong bar gyur pa la lha gsar du skyes pa des/ gang 'ga' zhig sngar ma mthong ba sa'i rnam pa'i cha kun yang yongs su tshogs pa bzhin du lha rdzas kyi kha dog gi rin po che bdun gyi rang bzhin rnams kyis legs par rnam par g.yogs pa/ shin du dga' ba dang legs par mnyam pa'i sa phyogs kyi mchog du dga' ba rnams phyi bzhin rjes su 'brang ba'i 'khor dang bcas pa rnams mchog tu ngo mtshar bas rnam par g.yengs pa'i mig gis mthong bar 'gyur ro/ /nags der lha des gang dag kho na mthong bar gyur pa de dag kho na 'dod pa sdug pa yid du 'ong ba mthong bar 'gyur ro/ /gang dag kho na thos pa de dag nyid 'dod pa sdug pa yid du 'ong ba yid mngon par dga' ba rnams thos par 'gyur ro/ /des gang dang gang nyid snoM par byed pa na de dang de nyid 'dod pa dga' ba yid du 'ong ba rnams snoM par byed do/ /rnam pa du ma de dag rnams las des gang kho na sems par byed pa de dag nyid 'dod pa dga' ba yid du 'ong ba rnams myang bar byed pa yin no/ /rab kyi phul gyi lha rdzas kyi ro'i ro gcig phun sum tshogs pa las kyang / de gang kho na nyan par byed pa de dang de nyid rnam pa du mar dga' ba yid du 'ong ba rnams thos par 'gyur ro/ /de gang dang gang la reg par byed pa 'am gang dang gang nyid sems par byed pa de dang de nyid 'dod pa dga' ba yid du 'ong ba rnams 'di'i sems bskyed pa dang dus gcig kho nar 'di la phun sum tshogs par 'gyur ro/ /de ltar 'di 'dod pa rnams thams cad kyi 'ching bas bcings nas rab tu rgya che ba'i bde ba dang ldan pa ni/ de la phyi bzhin rjes su 'gro ba'i 'khor rnams dang bcas nas rnam pa du ma dang rnam par rtog pa du ma'i sa'i cha rnams</font><hr>66.7b<br><font size=+1>

la lha yul gyi bya'i tshogs kyis khyad par gyi sgra 'don pa'i nags tshal chen po de la zhugs par gyur to/ /de zhugs par gyur pa na pad ma'i rdzing bu rnam pa sna tshogs par mdzes pa rnams dang / sa gzhi'i cha shas legs par rnam par phye ba rnams dang de las shin du ches lhag par bstar ba'i sa phyogs kyi cha gzhan rnams nyid kyang rab tu mthong ngo / /pad ma'i rdzing bu de dag rnams kyi mdzes par gyur pa rnams ni/ 'di lta ste pad ma la la ni bai dUr+ya'i yu ba gser gyi 'dab ma rdo rje'i rang bzhin gyi ze 'bru de bzhin du in dra nI la'i rang bzhin gyi lte ba rnams yin te shin du 'jam pa rnams yin no/ /de bzhin du gzhan dag rnams kyang bai dUr+ya'i 'dab ma dang / gser gyi rang bzhin gyi yu ba dang dngul gyi rang bzhin gyi snying po dang / pad ma rA ga'i ze ba dang ldan pa rnams la rnam pa sna tshogs pa'i bung ba'i tshogs rnams kyi rnam par brjod pa'i sgra 'byin par nyan par 'os par snyan pas dga' bar gyur pa rnams dang / 'dab ma rnam par bkra bar gyur pa'i pad ma'i 'dab ma rnams ni rin po che bdun gyis rnam par spras pa dang / gser gyi 'dab ma rnams kyang legs par rnam par phye ba dang / lte ba rnams kyang de kho na bzhin du sna tshogs par legs par phye ba rnams kyang 'di lta ste/ in dra nI la dang pad ma rA ga dang / bai dUr+ya dang gser dang mu sA ra galba dang / shel dang ma hA nI la rnams kyi kha dog sna tshogs pa'i kha dog de dag rnams dang cha 'dra ba'i 'od zer gyis nye bar gsal bar byas pa'i bdag nyid can rnams yin no/ /de la snying po rnams kyang 'di lta ste gcig ji lta ba bzhin du ma rnams kyang de bzhin du rnam pa sna tshogs pa'i kha dog dang dbyibs dang ldan pa'i kha dog can rnams yin no/ /des pad ma'i rdzing bu de dag rnams mthong ba dang / gzugs de dag rnams mthong ba de lta bar byed pa nyid kyis ngoms</font><hr>66.8a<br><font size=+1>

par mi 'gyur ro/ /des ji lta ji ltar yul de dag rnams mngon par mthong bar gyur pa de lta de ltar 'di'i sred pa rnam par 'phel bar 'gyur te/ ma ra ta ba par gyur pa'i mi bzhin du ngoms pa skye bar 'gyur ba ma yin no/ /tshim pa med pa rnams la yang bde ba ga la yod/ bde ba dang bral ba rnams la yang zhi ba ga la yod/ sred pa dang bcas pa rnams la ni gar yang zhi ba skye bar mi 'gyur ro/ /de ji lta ji ltar bde ba rnams thob par gyur pa de lta de ltar 'di'i sred pa rnams rnam par 'phel bar 'gyur ba yin zhing / de lta de ltar sred pa rnams gong du khyad par du 'gyur ro/ /ji lta ji ltar yang tshim pa med par gyur pa de lta de ltar rnam par ngoms pa med pas khyad par du sdug bsngal bar 'gyur ro/ /de sdug bsngal ba la bde bar mngon par nga rgyal ba'i 'dod pa'i me rnams kyis bsregs par gyur pas/ phyir yang nags de nyid du 'jug par byed pa na nags tshal gyi nang na tshang tshing gi khyad par rab tu mang po rnams des mthong bar gyur pa la rnam par 'dres pa'i 'od zer kun nas 'bar bar gyur pa rnams so/ /kha cig ni lha'i kha cig ni me tog gi 'od kyis kun tu gsal bar byed pa ste/ kha dog rnams mngon par mthong nas nye 'khor kun du mig rgyang bsrings pas de yul lnga'i me tog rnams kyi nang du 'gro bar byed do/ /'dod pa'i bde ba rnams kyis tshim pa med par slar yang nags de nyid du 'jug par byed pa na/ des nor bu'i rang bzhin gyi gcal rnams dang gser dang shel gyi rang bzhin gyi mdog dang 'jam pa chu ba dang rnam par bral ba'i mdog dang 'jam pa shin du 'jam par gyur pa'i myu gu lnga 'byung bar 'gyur ba'i chu klung na rnam pa sna tshogs pa zab pa rnams mthong bar gyur to/ /gzhan yang yul phyogs gzhan dag rnams la yang mthong ste/ mtsho rab tu dang bar gyur pa dngul gyi rang bzhin nyid kyi chus</font><hr>66.8b<br><font size=+1>

yongs su gang bar gyur pa rin po che'i rang bzhin gyi gcal rnams legs par bkram pa 'od zer rnams kyang rtag tu 'byin par gyur pas nye bar mdzes par byas pa de na ngang pa dang kA raN+Da ba dang tsakra bA ka rnams kyis nye bar mdzes par byas pa dang / nye 'khor rnams na yang pad ma'i rdzing bu rnams kyis nye bar mdzes pa/ 'gram du skyes pa'i ljon shing rnams kyis kyang nye 'khor rnams rab tu khyab par gyur pa yang nags kyi gseb rnams rnam par rgyu bar byed pa'i rnam pa sna tshogs pa'i rab kyi phul du phyin pa sgra rnams dang ldan pa'i bya rnams kyis nye bar mdzes par byas pas kyang mtsho 'di ni mdzes par gyur pa yin no/ /mdzes par gyur pa de dag rnams mngon sum du mthong bar gyur nas/ gzhan yang rab tu zhugs par gyur pa na lha gsar du skyes pas nags de na mthong ba rnams la ud pa la'i tshal rnams lha'i bung bas nye bar mdzes par gyur pa rnams dang / rin po che bdun gyi rang bzhin gyi sgro rnam par bkra ba chu la rnam bar sna tshogs pa'i bya rnams kyis bsten par byas pa legs par rab tu brtson pa rnams kyis 'dam dang nges par bral ba'i chu yan lag bdun gyi yon tan phun sum tshogs pa dang tsakra bA ka'i yon tan phun sum tshogs pa dang tsakra bA ka'i tshogs rnams zung du gyur pa rnams kyis yongs su gang ba dang / nye 'khor na yang klung du skyes par gyur pa mchog tu dri zhim pa dbyibs sna tshogs rnams su skyes pa'i 'dab ma'i shing gis nye bar mdzes pa ste/ de dag rnams kyis ud pa la'i tshul 'di dag rnams mang por lhang nger gyur pa yin no/ /gzhan yang lha gsar du skyes pa de nags de nyid du zhugs par gyur pa na lha rdzas kyi bdud rtsis rab tu gang ba'i chu bo nye 'khor na legs par 'bab pa mthong bar gyur te/ gzhan yang zhugs par gyur pa na lha gsar du skyes pas de dag nyid las gzhan pa rnams mthong ba la/ </font><hr>66.9a<br><font size=+1>

de bzhin du rnam pa sna tshogs pa'i kha dog gi bdud rtsi de dag rnams 'dam gyis shin du gtsang ba sgra si li li sgrogs pa'i btung ba'i chu bo brgya phrag rnams dang ci ste na stong phrag rnams kyang nye 'khor dag na rab tu 'bab pa dang / btung ba myos par 'gyur ba rnams la kun tu chags pa'i bya rnams kyis nye bar mdzes pa rnams yin no/ /gzhan yang rab tu zhugs par gyur pa nyid na lha gsar du skyes pa de ma yin pa rnams rab tu mthong ba ni/ thang la skyes par gyur pa rnam pa sna tshogs pa gzugs dang dbyibs dang 'dab ma dang snying po dang dri dang kha dog rnams dang ldan pa bung ba rnams kyis nye bar mdzes par byas pa'i me tog gis nags chen po'i khyad par du brgyan pa lta bur gyur pa yin no/ /nags de dag ni rang bzhin gyis kyang shin du dri zhim pa yin pa de dag rnams kyi dris phyir zhing shin du lhag par yang dri mchog tu zhim par byed do/ /gzhan yang lha gsar du skyes pa de lhan cig spyod pa rnams dang bcas pa rnams kyis rab tu mthong bar gyur pa dag la/ nags kyi nang dag na mthon por gyur pa ri'i rtse mo rnams rin po che sna tshogs pa rnams kyi 'byung khungs rnams kyis rnam par bkra ba 'bab chu brgya stong phrag legs par 'byung ba rnams kyis snang bar byed pa dang ldan pas ri'i rtse mo rnams rtag par yang mdzes par gyur pa dang shing gel pa rnams kun nas dud pas rnam par gsal zhing 'bar bar byed do/ /khu byug gi sgra dga' bar 'gyur ba rnams dang rnam pa sna tshogs pa'i rin po che mchog tu 'bar ba kun du snang bar byed pa'i 'od zer dang ldan pa'i bya brgya stong phrag du ma rnams blta bar sdug cing rnam par brjod pa'i sgra mnyan par 'os pa rnams dang / de bzhin du dri dang ldan pa'i me tog brgya stong phrag du ma rnams dang ldan pa'i ri'i khrod rnams kyis kyang ji ltar 'dzam bu'i gling na rang</font><hr>66.9b<br><font size=+1>

gi 'od zer kyi gzi brjid kyis nam mkha'i dkyil brtol ba bzhin du langs nas gnas pa'i nyi ma dang zla ba 'di dag gis rnam par mdzes par byed pa de bzhin du kun du gsal bar byed de/ 'od zer rnams thams cad kyang du mar rnam par bkra ba'i 'od zer rnams yin pas 'thab bral ba'i sa rnams las 'od zer gong du 'phel ba'i khyad par gyis phyir zhing nyid du shin du ches lhag par gsal bar byed do/ /rnam par bkra ba'i 'od zer du ma rnams cha shas su rnam par phye ba de dag rnams kyang lha gsar du skyes pa des legs par mthong zhing / ri'i rtse mo de dag rnams kyang legs par mthong nas phyir nyid kyang lhan cig spyod pa rnams dang bcas te mang du rnam par bkra ba'i nags der 'jug par byed do/ /de nags der ji lta ji ltar rab tu 'jug par byed pa de lta de ltar ches dga' bar 'gyur ba rnams mthong bar 'gyur ro/ /de na yang de las gzhan pa'i yon tan gyi tshogs du ma rnams phun sum tshogs pa la/ sgra 'phang mtho bar rung ba dang snyan zhing 'jam la 'khyim pa dang mi thon pa ltar brgyal ba la sogs pa'i sgra dbyangs mang po phun sum tshogs pa rnams so/ /ji ltar sgra 'di dag rnams dang nye bar gyur cing des sgra de dag rnams thos par gyur pas shin du lhag par yid ches rab tu dga' bar gyur pas rings pa nyid du legs par zhugs pa na/ lha'i tshogs sngar ma mthong ba rnams kyi ca co 'i sgras mig rab tu rnam par gdangs nas/ de gang gi tshe nye 'khor rnams su legs par zhugs pa de'i tshe na shin du lhag par gyur pa'i nags tshal gyi phreng ba mdzes pa rnams mthong ba ni rab tu rnam par gyes pa'i bai dUr+ya'i ljon shing mchog tu 'bar ba rnams kyis nye bar mdzes pa dang / de bzhin du in dra nI la'i shing gi tshogs rnams kyis nye bar mdzes par byas pa rnams kyis kyang ri'i tshogs rnams rnam par mdzes par byed</font><hr>66.10a<br><font size=+1>

pa yin no/ /gzhan yang lha de nyid kyis legs par mthong ba rnams rin po che bdun gyis rnam par bkra bar byas pa pad ma'i rdzing bu rnams kyis nye bar mdzes pa'i nags kyi rgyal po rnam par mdzes pa rnams so/ /de dag rnams thams cad na yang rtag par rgyun mi 'chad par kun du rtog pa rnam pa sna tshogs pa'i ches lhag pa rnams kyi rgyan dang cha byad rnams dang ldan pa dpe med par gzugs dang lang tsho la bab cing rgyan dang cha byad rnams dang ldan pa'i lha dang lha mo'i tshogs brgya stong gis yongs su gang bas rnam par mdzes pa'i tshogs pa rnams la lha rnams 'ga' zhig ni kun nas gnas te myos byed kyi skyon dang rnam par bral bar gyur pa'i lha rdzas kyi ro dang dri dang reg bya'i bde ba rnams skyed par byed pa'i myos byed de dag rnams mthung bar byed cing rgyags pa la don cig par gyur pa'i lhan cig spyod pa'i 'khor rnams dang bcas nas kha dog rnam pa sna tshogs par gyur pa'i nags kyi phreng ba mdzes pa rnams la rtse dga' bar byed do/ /tshogs pa gzhan rnams nyid ni rnam par 'dres pa'i 'od zer gyis legs par gsal bar byas pa'i nags mdzes pa cha shas rnam par bkra ba rnams la 'tsher bag dang ldan pa'i lus can rnams rtse dga' bar byed do/ /lha gzhan dag rnams kyang de kho na bzhin du lhan cig spyod pa rnams dang bcas pas rang dang gzhan rnams la yang mchog tu dga' bar 'gyur ba'i ljon shing gis rab tu gang ba'i nags kyi phreng ba mdzes pa rnams la rol mo'i cha byad rnams dang gar dang rnga sgra dang bcas pa'i lha rdzas kyi 'dod pa'i yon tan lnga rnams kyi lha rdzas rnams dang nye bar ldan no/ /de bzhin du rin po che bdun gyi rang bzhin gyi ljon shing gzhan dag rnams kyi tshang tshing rnams dang bar rnams su song bar gyur nas de kho na bzhin du dga' bar byed de/ rnga skad yan lag lnga dang ldan pa rnams kyis de dag</font><hr>66.10b<br><font size=+1>

rnams la yid song ba de dag rnams rjes su chags shing rjes su 'gro ba dpe med pa'i lha rdzas kyi bde ba rnams la kun nas chags par gyur pa lhan cig rgyu bar byed pa'i 'khor rnams dang bcas pas rnga skad yan lag lnga dang ldan pa glu dang sprugs pa'i rol mo la yid kun nas chags par gyur pa/ bde bas snying kun du gang ba nyid kyis rtse dga' bar byed pas kyang tshim pa med pa'i 'bras bu'i sred pa rnams la rnam par chags pa'i yid can rnams mthun pas snying kun du rgyas par rtse dga' bar byed pa'i 'dod pa rnams nyid kyis kyang ngoms pa med pa/ sred pas rnam par 'chel ba'i yid can rnams sgo lnga la rab tu rten par byed pa gang yin pa'i 'dod pa'i chu bo rnams su nub pa yin no/ /de bzhin du pad ma'i nags gzhan rnams la lhan cig tu skyes par gyur pa'i pad ma'i 'dab ma'i ldebs rnams su legs par gnas par byas nas myos byed 'thung bar byed de/ 'on kyang myos byed kyi nyes pa rnams kyis kyang kun du gos par ni mi 'gyur ro/ /dri zhim po dang reg bya dang kha dog rnams dpe med par gyur pa'i btung ba de dag rnams kyis yid legs par chags pas bsgos pa yin no/ /yang gzhan dag rnams ni sna tshogs pa'i 'bab chu rnams kyi ngos gnyis su lha de dag rnams phan tshun du grogs su gyur pas dpe med pa'i lha rdzas kyi bde ba rnam pa du ma rnams la nye bar longs spyod par byed do/ /gzhan yang lha gsar du skyes pa des mthong bar gyur pa rnams la/ gser dang bai dUr+ya'i rang bzhin rnams la nor bu'i stegs bu rnams su dang / khang bu'i phreng ba rnams la yang dga' bar byed do/ /dga' bar byed pa yang phan tshun du grogs su gyur pa ste/ 'dod pa rnams la don gcig pa legs par byas pa'i las rnams kyis dman pa dang bar ma dang khyad par du 'phags par gyur pa'i gzugs dang lang tsho dang bde ba rnams la las rnams dbang por gyur pas mchog tu</font><hr>66.11a<br><font size=+1>

legs par zhugs pa rnams khyad par mtshungs pa med pa'i yan lag lnga pa'i bde ba rnams kyis nye bar 'tsho bar byed do/ /de nas lha des sngar mthong ma myong ba'i rnam pa du mar dga' bar gyur pa de dag rnams ni sngar bzhin no/ /yang lha de nye 'khor rnams na rtse bar gyur pa las mi mnyan pa'i bde ba phun sum tshogs pa rnams dang ldan pa'i lha rnams gang yin pa de'i tshogs der rab tu dga' bar gyur pa'i yid kyis lhan cig spyod pa rnams dang bcas pa myur bar 'gro bar byed do/ /lha rnams kyis kyang phul du byung ba'i rgyan dang cha lugs dang gzugs phun sum tshogs par gyur pa'i snga na ma mthong ba de la ngo mtshar bar gyur pas mig shin du khyad par du har har por byed do/ /lha de yang lha de dag rnams la nye bar brten nas yid ches rab tu dga' bar 'gyur ro/ /de dag rnams kyis kyang phan tshun du nye bar rten par byed de/ phan tshun du nges par gnon pa med par nye bar 'gro ba'i yid dang / lhan cig rjes su spyod pa dang bcas pa rnams kyang rjes su chags par gyur pa'i yid kyis/ rnam par mdzes pa'i nags kyi rgyal po rnams nas rnam par mdzes pa'i nags kyi rgyal po rnams dang / nags las nags rnams su dang gser gyi rang bzhin gyi ri dang ri bo'i rtse mo rnams la ri dang ri bo'i rtse mo rnams su dang pad ma'i tshal rnams nas pad ma'i tshal rnams su dang zas kyi chu bo rnams nas zas kyi chu bo rnams la dang de bzhin du 'bab chu rnams nas 'bab chu rnams la chu bo dag tu yang kun nas nye bar 'gro bar byed de/ gzhan dang 'dra ba ma yin pa rnams dpe rnams kyis ji lta ba bzhin du brjod par sla ba yang ma yin no/ /de ltar lha'i tshogs de dag rnams thams cad kyang dga' rangs par byed do/ /de ltar de dag tu dus shin du ring bar rtses par gyur nas gang na thams cad kyi snying po zhes bya ba'i ri yod pa der kun yang nye bar 'gro bar byed do/ /ri de yang ri thams cad nas gser gyi khams dang ldan pa 'bab</font><hr>66.11b<br><font size=+1>

chu dang pad ma'i tshal dang khrus kyi rdzing bu rnam pa du ma rnams phun sum tshogs pa nags dang nye ba'i nags rnams dang lha dang lha mo'i tshogs rnams kyis yongs su bskor nas rtag tu yang rol mo dang rnga sgra dang glu rnams kun brjod pa'i sgra sgrogs pa dang thams cad las kyang yid mngon par dga' ba'i ri la chu klung brgya stong phrag du ma rnams kyis yongs su gang ba/ khang pa'i phreng ba brgya stong phrag du ma rnams kyis mngon par dga' ba dang / nye 'khor kun nas yang pad ma'i tshal rnams dang legs par ldan pa dang 'jug ngogs brgya stong gis brgyan pa/ rab tu gsal bar byed pa'i ljon shing rnams bzhin du nye 'khor rnams na dpag bsam gyi ljon shing rnams kyis nye bar mdzes pa skyed pa rnams kyang de lta bu'i rnam pa 'di dag rnams mthong na dga' bar 'gyur ba dang nye 'khor rnams na yang lha rnams kyi mthong na shin du ngo mtshar ba skye ba'i nags dang nye ba'i nags rnams phun sum tshogs pa yin no/ /de'i ngos gcig ni bai dUr+ya'i rang bzhin no/ /gzhan cig ni gser gyi rang bzhin no/ /gzhan cig ni in dra nI la'i rang bzhin no/ /gzhan cig ni nI la chen po'i rang bzhin no/ /rin po che'i rang bzhin gyi logs cha shas legs par rnam par phye ba'i ri'i mchog de'i nye 'khor rnams na chen po rnams la 'os par gyur pa'i bang rim rnams dang ri'i phug dang sman ljongs dang nags kyi phreng ba phun sum tshogs pa rnams la reg par bya ba'i don du dang rtsed mo la rnam par rgyu bas dang / de kho nar dga' bar bya ba'i ched du kun nas 'dzeg par byed de/ lan brgya phrag dang ci ste na stong phrag su yang phyi bzhin rjes su spyod pa'i 'khor dang bcas pas lha rdzas kyi rnga skad yan lag lnga dang ldan pa rab tu chags pa mtshungs pa dang rjes su chags par byed pa dang snyan pa dang rnam pa du ma rnams yang dag par ldan pas dga' bar byed cing rtse bar yang byed de/ phal che ba'i 'dus pa rnams nags dang nye ba'i nags rnams</font><hr>66.12a<br><font size=+1>

dang khrus kyi rdzing bu dang 'bab chu rnams su'o/ /de nas lha de dag rnams ji lta ji ltar mngon par 'dzeg par byed pa de lta de ltar ches dga' ba rnams mthong bar 'gyur te/ thams cad las kyang 'dod pa thams cad kyi bdag nyid kyi lha rdzas kyi shing brgya stong gis nye bar mdzes par gyur pa/ 'od zer rnams mchog tu 'bar ba'i rin po che'i rang bzhin gyis 'od zer dang ldan pa'i pad ma'i tshal rnams mchog tu 'bar ba dang pad ma'i tshal gyi phreng bas nye bar mdzes par gyur pa rnams yin no/ /sngar ji skad du bshad pa de dag rnams bzhin du lha de dag rnams rtse bar dga' ba dang gar dang glu len par byed do/ /glu len par byed pa dang gar byed par gyur pas kyang dal gyis dal gyis ri de la kun nas bgrod par byed de/ phan tshun du grogs su gyur pa dang rang gis byas pa'i las rnams grogs su gyur pa de'i lam nas 'gro bar byed pa dang / des legs par byas pa'i las rnams kyis rang nyid 'od dang ldan pa dang / sha dang rus pa dang chu ser rnams nges par med pa dang phan tshun du gnod pa med par zas kyi klung rnams la dang btung ba'i klung rnams la dang bdud rtsi'i klung la yang rang gis byas pa rnams dang cha 'dra bar mdog dang ro dang dri dang reg bya phun sum tshogs pa rnams snod bzang po phun sum tshogs pa rnams kyis 'os su gyur pa rnams la nye bar longs spyod par byed cing yul lnga rnam par chags par gyur pa'i yid can rnams yin te/ phan tshun rnams kyis kyang kun nas chags pa skyed par byed pa dang yid kyang de la song bar gyur pa dang rtag par rgyun tu yang bzhin rab tu dang bar gyur pas kyang rtse dga' bar byed do/ /'dod pa rnams thams cad rtag tu yang phun sum tshogs par gyur pa/ snga na med pa rnams dang mnyam pa med pa rnams dang rnam pa du ma rnams kyi bde ba rnams kyis nye bar 'bad par byed do/ /ri de la kun du 'dzeg par gyur pa de dag rnams ni shin du ngo mtshar bar gyur pa'i dga' ba</font><hr>66.12b<br><font size=+1>

rgya chen po rnams kyis de dag rnams yongs su rgyas par gyur pa na lus kyi khyad par rnams mthong bar gyur pa'i lha'i tshogs rab tu chags shing bde bar gyur pa rnams kyis nye 'khor rnams kun na yang mtshungs pa med pa rnams mthong bar gyur pa'i ri bo'i mchog de'i rgyab de dag rnams su kun nas gnas par gyur nas/ rtsed mo'i ri bo zhes bya ba'i ri de yang shin du yang dga' bar gyur pa yin te/ rin po che'i rang bzhin rnam pa du ma sna tshogs pa'i rtsed mo'i ri la mthong ba rnams ni ljon shing dang chu klung dang pad ma'i tshal dang ud pa la'i tshal rnams kyis kun tu gang ba yin no/ /de'i rgyab na dpal rnams kun gyis yongs su gang bar gnas pa yid la 'dod pa rnams thams cad phun sum tshogs pa yin te/ der gang dang gang kho na sems par byed pa de dang de dag rnams nyid phun sum tshogs par 'gyur te rnam pa du mar 'dod pa dga' ba yid du 'ong ba dang gzhan rnams dang thun mong ma yin pa rnams 'byung ba yin no/ /yid kyi rjes su 'thun pa rnams kyang rnam pa du ma nye bar gnas so/ /yon tan lhag ma rnams nyid ni brjod zin to/ /bde ba la lha rnams dus shin du ring du rtse bar byed do/ /de ltar de dag rnams rtse bar gyur cing dga' bar yang gyur la ri de dag rnams kyang so so dang so sor kun du lta bar byed pa na/ gal te nam zhig na 'khris shing legs par 'khril ba rnams kyis kun nas g.yengs par gyur pa/ rin po che rnams kyi rang bzhin gyi 'od zer gyis kun nas gsal bar byed pa'i ri legs par langs pa rnams kyis nye 'khor rnams kun nas yongs su bskor ba/ sa gzhi rnams rin po che bdun gyi rang bzhin gyi rab kyi phul du gyur pa zhi bar gyur pa'i bya rnams kyi brjod pa'i khyad par ches dga' bar 'gyur ba'i sgra rnams dang ldan pa/ rab tu zhi ba'i mchog tu gyur pa'i phug rnams kyis kyang nye bar 'khor ba rnams nas yongs su bskor bar gyur pa'i mtsho rab tu zhi ba'i spyod</font><hr>66.13a<br><font size=+1>

pas rgyu ba rnams kyi gnas zhes bya ba'i ri'i khrod na gnas pa yin no/ /mtsho der yang gang dag gis rab tu zhi ba skye ba gzhan du spyod par gyur pa dang 'on kyang tshul khrims rnams yo la yang spyad pa ma yin pa dang / snying la chos legs par 'dzin par byed pa'i bdag nyid can ni yin pa dang khro bar gyur pa dang / ji skad smras pa de ltar mi byed pa dang gar mkhan dang chos mtshungs par gyur pa'i chos smra ba de dag rnams dmyal ba dang yi dgas rnams nas dka' bas shi 'phos pa rnams yin no/ /gal te zhig de dag rnams lan grangs gzhan la myong bar gyur pa'i las kyi rgyas bcus pa'i sred pas mtsho der skye bar 'gyur la rab tu zhi ba skye ba gzhan dang gzhan la spyad pa'i dbang gis mtsho de'i yang ngang pa rnams su phal cher skye bar 'gyur te/ bya de dag rnams ni rin po che bdun gyi rang bzhin gyi sgro dag dang ldan par 'gyur ba dang / skye ba nyid kyi mthu stobs kyis sgra snyan par 'gyur ba dang lha rdzas kyi pad ma'i zas dang ldan par lhan cig spyod pa rnams dang bcas pa rtse dga' bar yang byed do/ /ngang pa'i rgyal po byang chub sems dpa' dus bzang zhes bya ba yang phal cher mtsho de na gnas te/ phug de dag na 'thab bral ba rnams kyi bdag po mu su lun d+ha dang chos dang ldan pa'i gtam byed do/ /bya'i tshogs de dag rnams chos kyi gtam de dag nyan par byed do/ /de nas lha de dag rnams rtse dga' zhing dga' dgur spyod par byed pa las gal te shed na tshoms gnyis su 'gyur te/ gang dag legs par byas pa'i las rnams kyis bskul bar gyur cing skye ba gzhan la yang legs par byas pa rnams spyad pa de rnams ni gang na mtsho de yod par gyur pa der 'gro bar byed do/ /gang dag gis ma spyad pa de dag rnams ni gang na bag med pa rnams spyod pa zhes bya ba'i nags der song nas rtse dga' bar gnas par 'gyur ro/ /ji ltar skye ba</font><hr>66.13b<br><font size=+1>

gzhan rnams su rab tu zhi ba spyad pa de dag rnams ni mtsho'i gnas su song bar gyur nas de dag rnams dang kun nas 'dre bar gyur pa nyid na kun brjod pa dang ldan pa zhes bya ba'i ngang pa de dag gis tshigs su bcad pa rnams brjod pa ji ltar/ gang gis ji skad smras pa'i mis/ /de tshe de ltar mi byed pa/ /de ni rmongs pa stong pa smra/ /sdug bsngal rnams ni mthor byed min/ /gang zhig gzhan la chos smra zhing / /chos la yang ni mi 'jug pa/ /tshig gi snying po'i skyes bu de/ /rtag tu sems ni stong par 'dod/ /bag med las ni 'dod chags skye/ /'dod chags kyis ni zhe sdang sgrub/ /dang po skyon de dang ldan pas/ /dmyal ba'i rjes su nye bar rgyug /'das pa'i bde ba gang yin der/ /de la khyod ni kun 'jug min/ /ma 'ongs pa yi bde gang yang / /des ni da ltar bde ba min/ /dus gcig la ni bag med gang / /kun rmongs longs spyod la 'chums pa/ /rang gi las kyis bslus pe yis/ /lha de dmyal bar 'gro ba yin/ /sred pas dus gsum slu byed cing / /rtag tu mthun par mi byed pas/ /blo ldan de la yid ma rton/ /de ni 'khor ba'i 'ching ba yin/ /dgra ni gnyen bzhin byis pas mthong / /dgra bzhin du yang gcod par byed/ /shes ldan de la yid ma brtan/ /de ni 'jig rten 'ching ba yin/ /lcags dang shing gi 'ching ba ni/ /bcad par nus pa de bzhin du/ /rtag tu 'dod pa la zhen pa'i/ /sred pa'i 'ching ba bcad mi nus/ /bde ba zad med 'dod pa gang / /gang zhig 'ching ba gzhig 'dod 'di/ /de ni srad pa'i yul las grol/ /shes rab yul du 'gro ba yin/ /ye shes snang ba bde ba'i 'od/ /sdug bsngal sred pa'i mun par brjod/ /de phyir snang ba la gnos la/ /mkhas pas mun pa rjes su sol/ /shes rab mtshon cha rnon po yis/ /sred pa'i shing gcod de bzhin du/ /rtsad nas shing gcod skyes bus ni/ /bde ba bla na med pa 'thob/ /rtag tu 'bab chu'i klung gang ba'i/ /</font><hr>66.14a<br><font size=+1>

skyon gyi nags ni bcad par gyis/ /skyon gyi nags de bcad pa las/ /mkhas pas srid pa las grol 'gyur/ /sred pa'i chu bo lam gsum 'gro/ /bag med spyod pas rgal bar dka'/ /shes rab gru la brten nas kun/ /skyon gyi pha rol 'gro bar 'gyur/ /shes rab ri yi rtser song nas/ /tshul khrims phug ni mdzes pa las/ /srid pa'i skyon ni 'di dag kun/ /gzhal du med pa'i mig gis mthong / /skyes bu chos spangs pa de ni/ /phyi dang nang yang stong pa yin/ /gang dag chos ni mi 'dod pa/ /dbu ba bzhin du snying po med/ /phyi dang nang yang snying po de/ /skyes bu rdo rje ltar brtan pa/ /gang dag zhi ba'i chos spyod pa/ /sems can gzhan la phan pa yin/ /bag med 'dam du bying ba yi/ /mi gang yul la spyod pa ni/ /rmongs pa de ni srin bus zos/ /bde ba mchog gi skal ldan min/ /de phyir bde don gnyer skyes bus/ /bag med rjes su bsten mi bya/ /bag med 'jigs pa dang bral bar/ /gnas pa'i bde ba dpag tu med/ /dpyod pa pos ni bag med la/ /rjes su yid brtan ma byed cig /des bltas pa yi mi rnams ni/ /'gro ba lngar ni 'khor ba yin/ /de ltar de dag gis lha de dag rnams la rjes su gdams par byed pa'i tshigs su bcad pa rnams kyis rjes su 'doms par byed do/ /de ltar rtogs par byed par gyur na yang kun du rig pa yang ma yin te/ de dag 'dod pa'i bde ba rnams kyis kun du mi rtogs so/ /de dag rnams kyis de dag rnams la rtsis bgrangs ma byas pas phyir yang de kho na ltar gar byed par gyur cing 'dod pa'i dga' ba rnams la rnam par chags par gyur to/ /de nas blo rtag tu mnyam par bzhag pa sems can rnams thams cad la gcig tu phan pa byed pa/ phan pa byed pa gcig pu la blo mnyam par bzhag pa'i byang chub sems dpa' dus bzang de ngang pa de dag gi nang du song bar gyur to/ /de gal te na skal ba mthun par gyur pa nyid kyi phyir bya de dag gi dbus su dga' bar</font><hr>66.14b<br><font size=+1>

byed do/ /gal te na phug bzang po der rang nyid gcig pu zhig bla legs par mnyam par bzhag pas chos sems par byed do/ /de ltar bya'i rgyal po dus bzang 'di rtse dga' bar byed pa nyid dang lhan cig rjes su spyod pa'i ngang pa gzhan rnams chos kyi gtam rnams kyang byed do/ /bya'i tshogs de dag rnams kyi nang du 'ongs par gyur pa'i lha de dag rnams rab tu dga' ba'i yid kyis phan tshun grogs su gyur pas dga' bar bya 'dod nas 'ongs pa rnams kyis mtsho de mngon par mthong bar gyur pa na thams cad las kyang mngon par dga' bar gyur pa mchog tu yang mig dang yid 'phrog par byed pa kun nas 'phel bar byed pa'i ljon shing dang 'bras bu rnams kyis nye bar mdzes par gyur pa ste/ de dag rnams mngon par mthong nas lha de dag rab tu dga' bar gyur pa'i yid kyis nye 'khor de dag rnams kyang lhan cig rjes su spyod pa'i 'khor dang bcas pas yongs su bzung zhing gar dang glu dang rgod pa dang 'gying bag gi bya ba rnams bcu 'gyur las kyang lhag par byed par rtsom mo/ /de ltar mtsho de lha de dag rnams dga' bar byed cing rtse bar yang byed do/ /de nas de dag rnams kun du mthong nas byang chub sems dpa' mchog tu yongs su smin pa'i blo dang ldan pa des tshigs su bcad pa 'di dag 'chad par byed pa ji ltar/ bag med pa ni bag yod pas/ /gang tshe mkhas pas spang bar gyis/ /shes rab khang bzangs rtser byung ba/ /bde legs thob pa bla na med/ /gang zhig bag med rnams spong ba'i/ /lam 'di dag ni zhi ba mchog /lam 'di yis ni mya ngan 'das/ /chen por mkhas par 'gro ba yin/ /lam gyi gegs ni mi bzad pa/ /sems rgyud sun 'byin byed pa po/ /chos kyi zam rnams gcod pa ni/ /bag med par ni yongs su bsgrags/ /dran pa sun 'byin ma bgrungs pa/ /thar pa'i lam ni 'jig pa po/ /pha rol ngan song rnams su khrid/ /bag med pas ni kun du 'jug /'di yis yid dkrugs pa yis ni/ /bdag gis phan pa mi shes so/ /shi ba</font><hr>66.15a<br><font size=+1>

yi ni ro bzhin du/ /tshig min don yang rig pa min/ /de phyir 'di ni phyugs mtshungs pa'i/ /lha yi lus ni 'dzin pa yin/ /bag med pas ni nyer bcom pa'i/ /rmongs pa gar dang rgod pa yang / /skye dang 'chi 'pho ba gzhan gyis/ /'jig 'gyur ba dang dngangs par byed/ /gang zhig bag med rjes su rgyug /srid gsum 'byung po thams cad rnams/ /skyon rnams thams cad skyed byed pa/ /'ching dang sdig pa'i las rnams dang / /chos kun dran pa nyams byed par/ /bag med dgra ni rab tu 'jug /nang gi bdag nyid las rnams dang / /phyi rol ji ltar yang min te/ /bag med nyer bcom skye bo rnams/ /chud zos yid ni skyed par byed/ /gang yang 'di ni sus 'don las/ /de ni bag med pas 'gogs so/ /khrims bral ngo tsha med pa yi/ /mig ni bag med pas nyer bcom/ /rtsed mo yis ni yid brel bas/ /gar rol glu bstan pa yis g.yengs/ /lha rdzas yul gyis ngoms pa med/ /mtho ris gnas nas nyams par 'gyur/ /'jigs pa'i gnas la dga' ba de/ /bag med pas ni rnam rmongs so/ /lam la lam du mi rig pa'i/ /mi ni dmus long dang mtshungs so/ /de ltar gzhan la phan pa byed pa'i dus bzang des lha de dag rnams mngon par mthong nas/ kun nas brjod pa dang ldan pa'i bya de dag rnams kyi dbus su song zhing mchog tu mig dang yid 'phrog par byed pa'i ngang pa de dag rnams kyi nang du phyin par gyur nas kyang rjes su 'doms par byed pa'i tshigs su bcad pa 'di rnams ji lta bar brjod kyang 'gags pa'i yid bzhin du lha de dag rnams kyis thos par yang mi 'gyur ro/ /de ltar rtsis bgrang yang mi byed par gar dang rgod pa dang bcas nas rnga skad yan lag lnga dang ldan pa mtshungs pa dang snyan pa dang thams cad kyi sems dang yid 'phrog par byed pa rnams kyis kun nas 'khrid par 'gyur te/ yul gzhan lnga po rnams</font><hr>66.15b<br><font size=+1>

la yang yid shin du rnam par chags pa'i phyir na thos par mi 'gyur ro/ /de ltar yang mtsho de kun du bskor nas gnas par byed do/ /de kho na bzhin du yul rnams la rnam par chags pa'i yid can rnams bag med par gnas pa'i 'thab bral ba'i lha rnams la chos ston par byed pa ni dge ba chen po rnams dang ldan pa'i sems can gsum po 'di dag rnams yin pas na/ 'di lta ste mu su lun d+ha de dang ngang pa'i rgyal po dus bzang dang rma bya'i rgyal po rnam par bkra ba gsum po de dag rnams ni gzhan rjes su 'dzin pa la rab tu zhugs pas chos ston par byed pa yin te/ kha cig ni rang sangs rgyas kyi byang chub la kha cig ni nyan thos kyi byang chub la rab tu 'god par byed pa yin no/ /de ltar nges par gnas pa rnams ni de dag dge legs dang ldan pa rnams yin te/ bdud kyi yul las bros par 'dod pa rnams yin no/ /de nas bdud sdig can de nyid 'di snyam du sems te/ ji ltar bdag gnas pa'i yul stongs par byed pa rnams ni mi'i 'jig rten na dge sbyong gis so/ /rgyal chen ris bzhi ni rgyal po bzhi yin no/ /sum bcu rtsa gsum na ni kau shi ka yin no/ /mtshe ma na ni mu su lun d+ha dang dus bzang dang rnam par bkra ba rnams yin no/ /dga' ldan na ni rab tu zhi ba yin no/ /lhan cig spyod pa'i 'khor de dag rnams gang yin pa thams cad kyis kyang thos par mi 'gyur ba yul rnams dang bdag gi lha dang mi rnams kyang gti mug gis rmongs par bya'o/ /'phrul dga' ba zhes bya ba gang yin pa rnams ni ma gtogs pa rnams kyis mi thos par bya'o/ /bdag gi sa pa'i shin du stobs dang ldan pa des kyang bdag gis phyir bzlog pa'i bkod pa bya ba nus kyis/ tha mar gyur na yang ngas gang na 'thab bral ba'i lha rnams yod pa der shes rab dang pha rol gnon pas mtshungs par gyur pa'i 'khor btsal gtang bar bya'o/ /</font><hr>66.16a<br><font size=+1>

de nas de ltar bdud sdig can des rig nas blon po dang lhan cig tu 'gros nas/ mu su lun d+ha de dang dus bzang de dang rnam par bkra ba de dang yang brtsad par bya ba'i don du pho nya btang ba rnams blo gros mkhas pa dang sprul pa la mkhas pa dang gzi brjid che ba rnams 'di lta ste/ dga' ba dang bag med pa dang rnam par rmongs par byed pa rnams so/ /kye khyed rnams mtshe ma'i lha rnams kyi nang du song la mu su lun d+ha dang dus bzang dang rnam par bkra ba rnams chos ston pa'i bar chad gyis shig /de nas de'i tshig thos par gyur nas gang na 'thab bral ba'i lha'i rigs yod pa der nges par babs par 'gyur ro/ /zhugs par gyur nas kyang gang na bya'i rgyal po dus bzang yod pa der kun nas nye bar song ngo / /kun nas nye bar 'ongs pa yang mthong bar gyur nas/ lha de dag rnams la brtan pa dang rnam par gsal ba dang rgya che bar gyur pa'i rjes su bsngags par byed pa'i tshigs su bcad pa rnams bshad pa 'di lta ste/ bag med pa yi dus 'di min/ /dga' ba'i dus ni nam yang min/ /rnam rmongs skyed pa 'di dag kyang / /'chi bdag stobs po che yi dus/ /dga' ba du ba bag med mes/ /lha rnams kun ni sreg pa yin/ /yul la gti mug gis rmongs pa/ /mig med pas kyang ma rig go/ /lus can rnams kyi 'du byed ni/ /rnam par chad pa med par mthong / /de ltar yul las kun rmongs pas/ /gang phan pa ni rtogs pa min/ / de yis de'i tshig rnams thos nas 'thab bral ba'i lha rnams nyid dang 'dra bar byas nas bag med pas smras pa/ kun dga' mchog gi mtha' yas pa/ /bag med dga' ba skyed byed pa/ /bde kun rab tu 'phel byed pa/ /de khyod ci yi phyir mi 'chad/ /dus bzangs kyis rab tu brjod pa/ kun dga' bag med pa 'dis ni/ /bde ba thams cad 'joms par byed/ /bag med sdug bsngal</font><hr>66.16b<br><font size=+1>

skyed pa po/ /de phyir rtag tu de khyod 'chad/ /bag med pas smras pa/ bde ba yi ni yul rnams dang / /bag med lha yi bu mo dang / /de bzhin du ni glu rnams kyang / /bag med bde ba yin par bshad/ /dus bzang gis brjod pa/ mi rnams yul ni gang skyes pa/ /sdug bsngal ba ni skyes pa yin/ /de yi rtsa ba gcod byed pa/ /gang gis mi ni 'og tu 'gro/ /bag med pas smras pa/ nags dang nye ba'i nags dang brag /khrus kyi rdzing bu pad ma'i tshal/ /khang bzangs rtse dang kun dga' tshal/ /bdag ni bag med pa yis dus/ /dus bzang gis smras pa/ dgon pa dang ni zhi ba'i tshal/ /ri dang nags kyi nang du yang / /bag yod dga' ba zhi ba yis/ /bcings las thar par 'gro ba yin/ /sems rmongs pa yi mi gang dag /bag med pas ni dmyal bar 'gro/ /de bzhin du ni dud 'gror yang / /yi dgas su yang skye 'gyur te/ /de ltar dus bzang gis brjod pa yin te/ bdud kyi phyogs kyi bag med pa dang dri ba dang phyir lan 'debs pa rnams brjod nas/ ji srid du rin po che'i 'od kyis nye bar gsal ba'i phug gang yin pa de'i nang du zhugs pa'i bar du ste/ de ni yang phal cher ni mu su lun d+ha de bag med pa spang bar bya ba sgom par byed do/ /gang yang lha gzhan dag de'i lhan cig spyod par gyur pa de dag rnams ni rgyu mtshan de dag gis lha nyid kyang brgya stong phrag du ma rnams kyis yongs su bskor cing gar dang glu dang rol mo rnams kyi sgra dang ldan pas nam mkha'i dkyil ma lus pa rnams kun du gang bar gyur pas mtsho chen po der 'ongs par gyur te/ /gang yang lha gzhan dag rnams ni de dag gi rjes su 'gro bar gyur nas de dag rnams de na bag med pa byed do/ /gang yang sems mnyam par bzhag pa de dag rnams kyang shin du myur bar 'ong bar gyur te/ ji srid du bya'i rgyal po dus bzang dang bdud kyi phyogs kyi bag med pa dag dri ba dang lan byas zin par ma gyur kyi bar du'o/ /de na mu su lun d+ha des de dag</font><hr>66.17a<br><font size=+1>

rnams thams cad dus bzang las thos par gyur te snga ma bzhin no/ /de nas mu su lun d+ha de'i yid kyis reg par gyur nas bag med pa la 'di skad brjod do/ /khyod ni gdon mi za bar bdud sdig to can gyi phyogs su gyur pa'i bag med pa 'di yin te 'ong gis de'i yang phyogs byed pa'i 'khor gsum yin par bdag cag gis lha gzhan dag gi drung nas thos so/ /'di lta ste bag med pa dang rgod pa dang rnam par rmongs pa'o/ /'jig rten rmongs pa rnams phyir zhing nyid du ches lhag par rmongs par byed do/ /gang chungs kyang bdag gis 'di dag dang rgod pa dang ma bsdams pa la sogs pa rnams kyi lan dri ba dang phyir zhing dri ba dang lan gyi chos kyi rnam grangs chen po bcu gcig pa zhes bya ba chos dang ldan pas brtsad par bya'o/ /de nas 'thab bral ba rnams kyi mnga' bdag gis de ltar rig nas dus bzang de dang yang lhan cig tu 'gro bar byas par gyur te/ nam mkha'i dkyil du 'phags nas pad ma'i snying po la nye bar gnas te bag med pa la mngon par dga'i lha brgya phrag mang po rnams kyis yongs su bskor nas 'di skad ces brjod do/ /dri ba dang phyir zhing dri ba dang lan zhes bya ba'i chos kyi rnam grangs bcu gcig pa zhes bya ba'i chos bshad par bya yis mnyan par gyis shig /bag med pa gang bcom ldan 'das 'od srung gis gsungs pa rnams bag yod pa la mngon par dga' ba bkra shis zhes bya ba'i sngon gyi lha la bdag gis thos pa'i chos kyi rnam grangs gang yin pa de legs par rab tu yid la byas te nyon cig /lha rnams thams cad dang dus bzang thog mar gyur pa'i kun nas brjod pa dang ldan pa'i bya rnams thams cad dang bag med par nyan no/ /bdud kyi phyogs rnams kyang nyan te/ phyin ci log tu smra ba 'jig rten pa rnams la phan pa ma yin pa byed pa bdud kyi phyogs rnams kun du gnas so/ /dri ba dang phyir zhing dri ba dang lam gyi chos kyi rnam grangs bcu</font><hr>66.17b<br><font size=+1>

gcig pa de dag rnams kyang gang zhe na 'di lta ste/ chos bcu gcig po 'di dag rnams ni chos bcu gcig gis rab tu spang bar bya ste/ yang dag pa ji lta ba bzhin du 'dod pa dang mya ngan las 'da' bar 'gro bar byed pa dang / bdud kyi yul rnams la gnas par mi 'dod pa dang / 'khor ba'i 'ching ba rnams kyi 'jigs pas dang / dgon pa zhi ba rnams su gnas pas dang / gcig tu dga' ba rnams kyis dang / yang dag pa ji lta ba la re bar gyur pa dang / gti mug gzhom par 'dod pa de dag rnams kyis yin no/ /bcu gcig po rnams kyis rab tu spong bar byed pa dang chos bcu gcig po de dag rnams gang yin pa yang gang dag zhe na/ 'di lta ste rgod pa ni 'dul bas so/ /ma bsdams pa ni sems rtse gcig pas so/ /tshul khrims 'chal pa ni skyes bu dam pa la rten pas so/ /le lo ni brtson 'grus brtsams pas so/ /grong dang grong khyer rnams su rab tu 'jug pa'i spyod pa la dga' ba ni gcig pu dgon par gnas pas so/ /'dod chen po ni chog shes pas so/ /gnyen 'dun lta ba la mngon par dga' ba rnams ni 'gron por yun ring du gnas pa la mngon par dga' bas so/ /don med par smra ba ni ngag yang dag par bsdams pas so/ /tsab hral nyid ni brtan pas so/ /dbul po rnams kyang sbyin pas so/ /mi shes pa ni shes pas so/ /chos bcu gcig po de dag rnams ni kun nas nyon mongs pa rnams kyi dri ma dang kun nas nyon mongs pa can gyi 'ching bar gyur pa bag med par gyur pa'i ljon shing rnams kyi yal ga rgyas par gyur pa yin pas bdud kyi yul las 'da' bar 'dod pa rnams dang 'khor ba'i 'jigs pas skrag pa rnams dang bag med pa pham par bya 'dod pa rnams kyis spang bar bya'o/ /'khor ba rnams thams cad ni bag med pa'i rtsa ba las yin no/ /bag yod pa'i rtsa ba las ni thar pa yin no/ /'khor ba las 'bros par 'dod pa</font><hr>66.18a<br><font size=+1>

rnams thams cad la 'di nyid bcom ldan 'das kyis gsungs pa yin no/ /de la 'dul ba la mngon par dga' ba rnams dang 'dul ba 'dod pa rnams dang sems can rnams thams cad sdug pa dang mthun pa dang yid du 'ong bar gyur pa de dag rnams thams cad kyis kyang zhe ldog par lta ba'i chos rgod pa zhes bya ba gang dag zhe na/ 'dul ba la mngon par dga' ba de dag dang de dag rnams kyis kyang sdig pa'i chos 'di dag rab tu spang bar bya'o/ /de la rgod pa yang rnam pa lnga yin no/ /'di lta ste grong dang grong khyer du 'jug pa rnams la 'gyogs par lam du 'gro ba dang / 'gro bar byed pa na yang kun nas ma bsdams pa dang / kha cig ni lam du 'gro ba na gos tshags lhod pa dang / kha cig ni lam na gos rnam par 'phyar byed pa dang / 'khrul pa yang dang yang du 'byung ba 'am sems mnyam par ma bzhag pa'o/ /rnam pa de lta bu de dag rnams gzhan gyis mthong bar gyur na/ de ma thag tu rnam par sdang bar 'gyur ro/ /de ltar 'gro ba byed pa rnams kyi kun nas ma bsdams pa'i 'gros 'di yang gang las yin na/ chung ngu na 'di ni rgyags pa 'am yid la byed pa dang bral ba yin te/ de bzhin du rgod pa rnams ni rnam pa du ma las yin no/ /de dag rnams kyang kun nas bsdams pa'i spyod lam gyi 'gros gyis dang / gnya' shing gang tsam du lta zhing 'gro ba dang / gos rnams kyi tshags bsdams pa dang / mi 'phyar bas kyang ste pus mo las sor bzhi tsam gyis lhag par bla gos rung ba yin pa dang / dpung pa gnyis mi bskyod pas lha'i 'jig rten gyi bag med pa rnams ni bag yod pas 'joms par 'gyur ro/ /dge slong ngam de lta bu'i rigs can rnams kyis rab tu gzhom par bya ba'i bag med pa bzhin lhag par gyur pa yang gang zhe na/ gang cung zad cig smra bar gyur pa na yang legs par ma brtags par byed pa yin no/ /gang gi tshod kar gyur</font><hr>66.18b<br><font size=+1>

pa de'i tshod ka rnams kyang kun nas rig par mi 'gyur ro/ /de sbyin pa po dang sbyin bdag gi khyim du sgras legs par 'jug par byed pa rnams ni sdom par byed pa yin te/ se gol gyi sgra ma byas par 'jug par byed pa yin no/ /stan yang ngan par 'dzin par byed do/ /bsdams pa med pa du ma rnams smra ba yin gyi/ smra ba dang mi smra ba rnams kyi tshod rig par 'gyur ba ni ma yin no/ /'dug pa nyid na skad 'phang mthon pos smra bar 'gyur ba yin no/ /bud med rnams la rtog dpyod 'jug par byed do/ /bab chol du rgod par byed do/ /bab chol du khro bar byed do/ /'khor rnams la yang snga phyir lta bar mi byed do/ /de ltar rgod bag tu spyod pa kun nas ma bsdams par 'jug par byed pa'i dge slong rnams ni mi sdug pa dang yid du mi 'ong bar 'gyur zhing 'di dag rnams las gzhan pa rab tu zhi ba'i cha byad dang spyod tshul can yod dam zhes brjod par yang byed do/ /ji ltar skyes pa rnams sam de las gzhan de'i rigs can rnams kyang rung ste/ kye ma dge slong 'di dag ni rgod bag can yin no/ /yang gang gi tshe ngag kun nas legs par bsdams par gyur pa na snga phyi tshig rnams kun legs par 'brel par rjod par byed do/ /skyes su gzhan dag rnams mthong bar gyur pa 'am de nyid mthong bar gyur kyang rung / sbyin pa po dang sbyin bdag rnams sa~M de'i rigs can gzhan dag rnams kyang rung ste/ yul dang dus su rigs pa dang 'gal ba med par dal bus smra bar byed do/ /zhi ba dang go bar gyur pa dang chos nyid dang mi 'gal ba'i ngag rnams ji ltar rjod par byed pa de bzhin du sgrub par yang byed do/ /bud med rnams la rtog dpyod mi byed do/ /se gol gyi sgra byas legs par 'jug par yang byed do/ /dus kyang rig par 'gyur ro/ /phyir 'byung bar 'gyur ba'i ngo bo yang shes par 'gyur ba dang zur gyis go bar yang 'gyur ro/ /chos gos rnams kyang rnam par 'phyar</font><hr>66.19a<br><font size=+1>

bar mi byed do/ /dpung pa dag bskyod par yang mi byed do/ /glo drag por lu bar yang mi byed do/ /ngag gis 'phya bar yang mi byed do/ /dris pa dang gzhan dag gus par gyur pas phyi nas tshig rjod par byed do/ /dal ba dang snyan pa dang chos dang ldan pa rnams kyis kyang rung / de ltar rgod bag ni 'dul bas 'joms par byed do/ /gzhal yang 'dul bas rgod pa kun nas 'joms par byed do/ /'di yang gang dag yin zhe na 'di lta ste khyim rnams su de 'jug par byed pa na de na glu dang gar dang rol mo'i sgra rnams dang gad mo dang 'gying bag dang yongs su spyod pa dang gzhan dag gis rjod pa dang phan tshun du dgod pa rnams la nyan par mi byed do ro myang bar yang mi byed do/ de dag rnams la sems rab tu smon par mi byed do/ /tshogs pa 'dus pa la mngon par dga' bar mi 'gyur ro/ /khyim gzhan dag rnams kyi spyod tshul gzhan dag tu brjod par mi byed do/ /shin tu myur bar 'gro ba dang 'ong ba dang rab tu 'jug pa mang ba ma yin no/ /ha cang slong bar byed pa'i rang bzhin can ma yin no/ /de lta bur yang dge slong de gzhan gyi khyim du 'jug ste/ sbyin pa po dang sbyin bdag dang gzhan yang de lta bu'i rigs can rnams kyi khyim du 'jug pa ni rgod bag rnams ni 'dul bas kun nas 'joms so/ /'jig par byed do rnams par byed do/ /gzhan yang gal te khyim rnams su zhugs par gyur nas dge slong gis sbyin pa po dang sbyin bdag rnams dang gtam la zhugs par gyur pa na/ chos dang ldan pa'i gtam rnams bzhag nas 'dod pa rnams kyi gtam byed do/ /yul ljongs kyi gtam rnams byed do/ /mtho ris kyi gtam byed do/ /gar mkhan dang gar dang rol mo bstan pa'i glu'i gtam rnams byed do/ /grong khyer rnams sam gzhan gyi yang rung ste kun nas nyon mongs pa can gyi gtam rnams byed do/ /bud med rnams dang kun nas 'dre bar gnas par byed cing rnam par bkra</font><hr>66.19b<br><font size=+1>

bar byas pa'i cha byad kyis kyang khyim rnams su rgyu bar byed do/ /dge slong rnams sam gzhan yang de'i rigs can rnams la rgod bag de lta bu dag kyang 'byung ba yin no/ /rgod bag de lta bus rab tu zhugs par gyur pa rnams 'dul ba ji lta rnams kyis nye bar spong ba yin na/ 'di lta ste dge slong ngam gzhan dag de'i rigs can rnams kyang rung ste/ khyim du legs pas nye bar zhugs par gyur pa na legs pa la rten pa'i gtam rnams byed par 'gyur ba yin no/ /dper bya na sbyin pa'i gtam dang tshul khrims kyi gtam dang ye shes rab tu bsngags par bya ba'i gtam rnams dang log par ltung ba'i gtam dang rgas pa'i gtam dang nad kyi gtam dang rnam par 'bral bar 'gyur ba'i gtam dang las bdag gir bya ba'i gtam dang rgud par 'gyur ba'i gtam dang 'chi ba'i gtam rnams dang yang dag par mgu bar bya ba'i gtam dang legs pa la brten par bya ba'i gtam dang sdug bsngal gyi gtam dang kun 'byung ba'i gtam dang 'gog pa'i gtam dang lam gyi gtam rnams dang sa rnams kun du bgrod par bya ba'i gtam rnams dang / tshul khrims rab tu bsngags pa dang dang po byung ba'i gtam rnams dang 'dod chags dang bral ba'i gtam rnams dang ser sna yongs su gzhig par bya ba'i gtam rnams dang / gzugs kyi rgyags pas myos pa rnams la gzugs tshad med pa brjod pa'i gtam rnams dang / bslu bar gyur pa'i gtam rnams dang lang tsho la bab pa la sogs pa rnams kyang rga bas nges par slu bar byed pa'i gtam rnams te sbyin pa po dang sbyin bdag rnams kyi bsam pa kun du rig par byas la de kho na bzhin du gtam bya'o/ /de ltar na dge slong gis rgod bag rnams 'dul bas nye bar spong ba yin no/ /gzhan yang rgod pa rnams ni 'dul bas nye bar 'joms par byed de/ gang la zas dang skom mang bar gyur pa de dag gis phe'u btab par gyur la</font><hr>66.20a<br><font size=+1>

der yang legs par nye bar phyin pa yin no/ /gzhan yang gang dag 'dod pa che bar gyur pa rnams kyang ro la mngon par dga' ba'i phyir na phal che ba rnams su rab tu 'jug par byed de/ bsten grogs pa de dag tu nye bar 'gro bar byed la/ bsten grogs bya ba'i don du yang gang dag gis nye bar sgrub par byed do/ /rnam pa gang dag gis nye bar sgrub par byed pa dang ji srid du nye bar sgrub par byed pa de srid du chos gos dang bsod snyoms dang gnas mal dang nad kyi rkyen sman dang yo byad rnams kyis kun nas dga' bar byed do/ /gang gis 'di'i bde ba rnams la kun du dran par mi byed cing ro myang bar yang mi byed do/ /rnam par rtog par yang mi byed de yang de ltar gcig tu rnam par rgyu ba dang legs pa la brten nas rnam par rgyu ba dang kun nas bsdams nas rnam par rgyu ba ni 'dul ba dang ldan pa yin no/ /dge slong ngam de'i rigs can gzhan dag rnams kyang rung ste/ de ltar rgod pa rnams 'dul bas nye bar 'joms pa yin no/ /rgod pa rnams thams cad kyang bag med pa las rab tu 'phel bar 'gyur ba yin no/ /don ma yin pa'i tshogs rnams thams cad kyang bag med pa'i rtsa ba las yin no/ /de'i phyir na mya ngan las 'das pa tshol bar byed pa rnams thams cad kyis bag med pa kho na gzhom par bya ba yin no/ /de ltar mu su lun d+ha 'dis sngon gyi lha'i drung du thos pa gang yin pa'i chos de dag dang ngang pa'i rgyal po dus bzang de dang bdud kyi phyogs su gyur pa'i bag med pa de dag gi mdun du ston par byed do/ /bcom ldan 'das 'od srung gis gsungs pa dri ba bcu gcig pa'i mdo las dri ba gcig rdzogs so//             // ji ltar dri ba gnyis pa yin na/ 'di lta ste ma bsdams pa rnams ni sems rtse gcig pa nyid kyis te ma bsdams pa rnams kyang rnam pa gnyis yin te/ 'jig rten pa dang 'jig rten las 'das pa'o/ /bsdams pa yang mdor bsdu na sems rtse gcig pas 'dzin par byed pa'o/ /de la sdom pa yang rnam pa du</font><hr>66.20b<br><font size=+1>

ma yin no/ /mdor bsdu na ni rnam pa gnyis yin te rang bzhin gyi kha na ma tho ba dang bcas pa'i kha na ma tho ba'o/ /de la rang bzhin gyi kha na ma tho ba nyams pa rnams ni dge slong ma yin zhing 'od srung ba yang ma yin te/ srog gcod pa dang mi tshangs par spyod pa dang ma byin par len pa yang yongs su rdzogs pa ni kAr Sha pa Na gsum gyi blor gyur pas chos dang ldan na yang rung ste phrogs nas yongs su longs spyod na ni/ yul gyis dang gnyen 'brel gyi ma yin pa dang gnad la bsgo bas kyang rung ste/ dge slong ma yin zhing 'od srungs ba'i ma yin no/ /rul par gyur pa ma rungs pa rdzun pa rtags 'ba' zhig 'dzin par byed pa yin no/ /de ltar rang bzhin gyi kha na ma tho ba tshul khrims 'chal par gyur pa de yang bag med pas byas pa yin no/ /de'i phyir na 'od srung rab tu brtson pa rnams kyis kyang bag med pa yongs su spang bar gyis shig /de ltar 'thab bral ba rnams kyi mnga' bdag mu su lun d+ha 'od srung kyis gsungs pa'i mdo/ byang chub sems dpa' dus bzang dang smra ba por gyur pa'i ngang pa rnams dang bdud kyi phyogs kyi bag med pa rnams la chos ston par byed cing pad ma'i snying po la yang dag par gnas nas bshad do/ /gzhan yang bcas pa'i kha na ma tho ba rnams ni mdor bsdu na rnam pa dgu yin no/ /mi gtsang ba rnam pa dgu po rnams kyang gang zhe na/ gcig spyod pa dang bshags pas ldang ba spyod pa dang bag med pas bag med pa spyod pa dang phyed spyod pa dang phal cher spyod pa dang bshags pa dang ldang ba yang bar spyod pa dang lam ston par byed pa dang bsgrags pas spyod pa dang rlag par spyod pa dang thams cad spyod pa'o/ /de ltar dge sbyong rnams sam gzhan dag de'i rigs can rnams kyang rung ste bag med pa'i dbang gis byis pa'i skye bo rnams thams cad blo nyams par gyur pa dang ji srid du chos 'dul ba ma bslabs pa rnams kyi mdor bsdu na</font><hr>66.21a<br><font size=+1>

kha na ma tho ba rnam pa dgu yin no/ /kha cig spyod pa ji lta bu yin zhing ji ltar na bcas pa'i kha na ma tho ba yin na/ 'di na bslab pa gang dag yang mor gyur pa rnams dang ldang ba yang bar gyur pa de dag rnams 'dis khyad du bsad par gyur nas bag med pa'i dbang gis rgal bar byed de/ ji ltar bdag gis 'di dag las rgal bar byas la phyi nas ni bdag gis kun nas ldang bar bya'o snyam pa'o/ /dper na sa rko bar byed pa dang rtswa gcod par byed pa'o/ /'di ni gcig spyod pa zhes brjod de/ dge sbyong ngam gzhan yang de'i rigs can rnams kyang rung ngo / /yang ji ltar na bag med pa spyod pa rnams bshags pas ldang ba spyod pa yin na/ 'di na dge sbyong dag bslab pa'i gzhi gcig gam bslab pa'i gzhi gnyis sam gsum la spyod pa las 'da' bar byed do/ /ji ltar de snyed cig las 'das par byed cing / 'da' bar byas nas kyang kho bos phyis yang ldang bar bya'o zhes pa ste/ de rim pa de nyid kyis dang de khyad du gsod par byed pas kyang rtag tu bcas pa'i kha na ma tho ba rnams byed do/ /de dag ni chos la gus par spyod pa nyid kyang ma yin no/ /bag dang ldan pa yang ma yin no/ /rtag tu yang rnam par g.yengs pa dang bcas pa'i sems su 'gyur ro/ /'di la ni bshags pas ldang bar spyod pa zhes bya'o/ /ji ltar na bag med pas bag med pa yongs su 'phel bar spyod pa yin na/ 'di na sems yang bar 'gyur zhing sems stobs kyang yang ba rnams kyis bslab pa'i gzhi rnams kyi bshags par bya ba rnams kyang mngon par shes par 'gyur ba ma yin no/ /snying po dang snying po med pa rnams bshags par bya ba dang / ldang ba yang mngon par mi shes pa yin no/ /de la ni bslab pa'i gzhi bcas pa'i kha na ma tho ba rnams gang yin pa rnams shin du yang mang bar 'gyur ro/ /de dag</font><hr>66.21b<br><font size=+1>

rnams kyang 'dzin par byed cing yang gang dag dus shin du ring ba na dka' slas chen pos ldang bar 'gyur te/ de dag kyang 'dzin par byed pa yin no/ /yang gang dag kha na ma tho ba chung bar gyur pa de dag ni legs par 'dzin pa yang ma yin no/ /chos la gus par gnas pa'i rang bzhin can ma yin no/ /dge sbyong rnams sam rnam pa de lta bu gzhan dag rnams kyang rung ste/ 'di dag ni bag med pas bag med pa rab tu 'phel bar spyod par brjod pa yin no/ /yang ji ltar na phyed la spyod pa yin no/ /'di la bslab pa'i gzhi gang dag yang ba rnams sam lci bar gyur pa rnams kyang rung ste/ dge slong gis kun nas ldang ba 'ba' zhig byed du 'gro bar 'am gal te na 'dzin par byed pa 'am/ gal te na shin du bsrabs par gyur te ldang bar 'gyur ba yid la byas nas/ rigs mthun pa'i cha rnams ma lus pa kho na phyir zlog par byed de/ 'di ni phyed la spyod pa zhes brjod do/ /gang gi phyir phyed la ni spyod par byed la phyed la ni spyod par byed pa nyid kyang ma yin te rim pa 'di dag gis na phyed la spyod pa bya ba yin no/ /bag med pa rnams kyis bag med par rnam par rgyu ba bag med pa'i dbang gis 'gro ba bag med pa'i yul la gnas pa 'di ni dge sbyong dang rnam pa de lta bu gzhan dag rnams kyang rung ste/ che phal cher spyod par byed pa yin no/ /bslab pa'i gzhi rnams yongs su rdzogs par 'dzin par byed pa dge sbyong ma dang dge tshul dang dge bsnyen rnams kyang rung ste/ shin du myur bar mya ngan las 'das par 'gro bar 'gyur ba 'di dag dang rnam pa de lta bu rnams dang tshul mi mthun pa de dang de dag la rgyab kyis phyogs par gyur pa'i phal cher spyod pa rnams ji lta bu zhe na/ 'di ni bcas pa'i kha na ma tho ba'i bslab pa'i gzhi rnams shin du phal cher 'dzin par byed pa rnams ma nyams pa dang ma ral ba dang ma zags pa dang mi brtan pa dang snying po med pa dang gcig tu lhag ma med pa ma yin par gal te </font><hr>66.22a<br><font size=+1>

shed na 'dzin par byed do/ /gal te shed na mi 'dzin par byed do/ /dge sbyong dang rnam pa de lta bu gzhan dag rnams kyang rung ste 'di ni phal cher spyod pa zhes brjod do/ /yang ji ltar na bshags pa dang ldang ba yang bar spyod pa yin na/ 'di na bag med pa'i dbang gis sam sdig pa'i grogs po la rten pa'i dbang gis kyang gal te na bslab pa'i gzhi rnams nyams par byed do/ /de myur bar so sor rig nas 'gyod par 'gyur ba dang sems rab tu dang bar gyur pas sam dmyal ba'i 'jigs pas 'jigs par gyur pas kyang rung ste/ bshags par byed dge 'dun la yang mthol bar byed do/ /ji ltar na bdag gi bslab pa'i gzhi nyams par byas pa ni bdag gis mdzes pa ma byas kyis dge 'dun rnams kyis de las ldang bar mdzad du gsol zhes bshags pa la 'khod par bya ba dang gnyen pos kyang mthol zhing bshags par byed pa dang ldang bar byed pa zhes bya bas kyang 'jigs pa yin no/ /de'i phyir dge slong 'di ni bshags pa dang ldang ba yang bar spyod pa zhes brjod pa yin no/ /ji ltar na dge slong lam ston par byed pa dang bsgrags pas spyod pa yin na/ 'di na dge slong ngam rnam pa de lta bu gzhan dag rnams kyang rung ste/ brgya la zhig na bag med pa'i dbang gis kha na ma tho ba mang por gyur pa sdug bsngal gyi rtsa ba gcod par byed pa'i bslab pa'i gzhi rnams las 'da' bar byed pa 'am/ nyams dmas par byas par gyur na yang de dag bla ma rnams la rjod par byed do/ /dge 'dun rnams la yang gso sbyong gi dus kyi tshe na'o/ /de la dge 'dun rnams kyis lam 'doms par mdzad cing dka' slas rnams kyang nye bar ston par mdzad la ldang ba'i 'jigs pa rnams kyang 'gro bar byed do/ /de dag rnams kyang thos shing go bar byas te langs pa yin no zhe nas/ phyi nas yang ni bslab pa'i gzhi rnams las 'da' bar mi byed de/ dmyal ba dang</font><hr>66.22b<br><font size=+1>

yi dgas dang dud 'gro rnams kyis 'jigs pa'i phyir ro/ /dus bzang 'di ni lam ston par byed pa dang bsgrags pas spyod pa zhes brjod do/ /yang ji ltar na brlag par spyod pa yin na/ rga ba dang 'chi ba'i dbang du song nas 'di na chos 'dul ba rnams bsrabs par gyur pa bsam gtan gyis bsam gtan du mi byed par bya ba dang byed pa rnams la mngon par dga' bar gyur nas/ rtag tu yang khyim nas khyim rnams su dang gnas nas gnas rnams su dang sbyin bdag gi khyim rnams nas sbyin bdag gi khyim rnams su zas dang gos kyi don kho nar rgyu bar byed do/ /legs par 'gro la zhabs 'bring yang byed do/ /khyim pa rnams nyid nye bar sten par byed do/ /'di ni rlag par spyod pa zhes brjod do/ /rkun ma de ni shi ba'i 'og tu dmyal ba'i mthar thug par 'gyur ro/ /dus bzang yang ji ltar na thams cad spyod pa yin na/ chos 'dul ba rnams thams cad la dad par byed do/ /rjod do/ /byed par 'gyur ro/ /gal te shed na bslab pa'i gzhi gcig gam gnyis kyi yang rung ste kha na ma tho ba cung zad cig byung na yang goms pa med pa dang chos la gus pa'i dbang gis 'dzin par byed mi nus par gyur nas/ de dag las ldang bar byed pa yin no/ /dus bzang 'di ni thams cad bshags shing spyod pa zhes brjod do/ /dge slong ngam rnam pa de lta bu gzhan dag rnams kyang rung kha na ma tho ba nyung ba rnams kyang phyi nas 'di dag bslab pa'i gzhi gang dag las 'da' bar byed pa 'di dag kyang bag med pa'i nyes pa yin no/ /de ltar 'thab bral ba rnams kyi mnga' bdag de pad ma'i snying po la legs par gnas nas/ smra ba po'i ngang pa de dag rnams dang bdud kyi rigs kyi bag med pa de la yang chos bston to/ /de nas de'i dus na mu su lun d+ha de tshigs su bcad pa brjod pa ji ltar/ skyes bu bag med pas long ba/ /bag med dug ni sten pa po/ /bag med zhags pas bzung nas ni/ /dmyal bar rjes su</font><hr>66.23a<br><font size=+1>

nye bar 'khrid/ /bag med skyes bu 'jig rten pa'i/ /gshe ba thams cad thob par 'gyur/ /ngag rnams don med 'gyur ba dang / /dmyal bar yang ni 'dre bar byed/ /rmongs pa nyin med mtshan med dang / /mal du 'gro dang brjod pa na 'ang / /bag med skyes bu skad cig kyang / /bde ba'i skal ba yod ma yin/ /'khor lo bzhin du 'gro ba lngar/ /gang dag 'dod pa'i khams na 'khor/ /gang yang bsam gtan las ltung ba de yang bag med pas byas so/ /gzugs med pa yi gnas bzhi yang / /'jig rten pa ni gang thob pa/ /srid na 'phyang nyug 'khor ba ni/ /de yang bag med pas byas so/ /khams gsum 'di dag ma lus pa/ /bag med 'ching bas bcings pa yi/ /sred pa'i zhags pas bsdam byas pa/ /blo med pas kyang mi rig go/ /de ltar mu su lun d+ha des sngon gyi lha rnams kyi drung nas bcom ldan 'das 'od srungs kyis gsungs pa'i mdo bshad par bya ba'i gnas skabs su bab pas/ ngang pa'i rgyal po dus bzang de dang smra ba por gyur pa'i ngang pa de dag rnams dang bag med pa dang rgod pa dang rgyags pa dang bcas pa'i bdud kyi rigs de dag rnams la chos bcu gcig po rnams las gsum pa bstan to/ /de rnams gang dag zhe na/ 'di lta ste rgod pa na 'dul bas rab tu 'joms par byed do/ /ma bsdams pa ni sems rtse gcig pas yin la tshul khrims 'chal pa rnam pa sna tshogs pa rnams las rang bzhin gyi kha na ma tho ba ni skyes bu dam pa la bsten nas phyi nas dge ba'i rtsa ba rnams kyis te/ tshul khrims 'chal par brjod par bya ba'i rang bzhin gyi kha na ma tho ba rnams kyang skyes bu dam pa la legs par bsten grogs byas pas 'khor ba las grol bar 'gyur na/ bcas pa'i kha na ma tho ba rnams lta smos kyang ci dgos/ des na rab tu brtson pas kyang skyes bu dam pa la bsten par bya ba yin no/ /spang bar bya ba gang dag zhe na 'di lta ste le lo ni brtson 'grus bskyed pas so/ /le lo rnams thams cad</font><hr>66.23b<br><font size=+1>

kyang brtson 'grus bskyed pas spong bar 'gyur te/ yang ji ltar bag med pa ni don ma yin pa rnams thams cad kyi dang dge ba'i bshes gnyen sten pa ni chos 'dul ba rnams kyi phul du phyin pa'i rtsa ba yin no/ /gzhan yang chos bzhi pa chos bzhi pas nges par 'joms shing spong la spang bar bya ba rnams gang zhe na/ de ni 'di lta ste/ le lo ni brtson 'grus bskyed pas te/ le lo rnams ni thams cad kyang brtson 'grus bskyed pas 'joms par 'gyur ro/ /dper na snang bas mun pa 'joms par byed pa de bzhin du le lo rnams thams cad kyang brtson 'grus bskyed pas spong ba yin no/ /de la le los chos rnams thams cad kyi bar chad byed pa po yin te/ dper na ji ltar byas pa de lta de ltar mngon par 'phel ba yin zhing 'jig rten pa dang 'jig rten las 'das pa'i chos rnams kyi bar chad byed par 'gyur ro/ /'jig rten 'di dang 'jig rten pha rol rnams su yang bde bar 'gyur ba ma yin pa mang po de dag rnams kyi ming yang gzung bar sla ba ma yin no/ /le lo can zhes bya ba ni brtson 'grus zhan pa ste/ gzhan gyis nye bar 'joms par byed do/ /gzhan rnams kyi zhe zlogs par 'gyur ro/ /gzhan gyis pham par byed cing tshar gcod par 'gyur te/ le lo can rnams ni shin du nye bar 'joms pas shin du dbul bar 'gyur ro/ /las kyi mtha' rnams la sgrub par mi byed do/ /khe spogs rnams mi byed do/ /zhing las mi byed do/ /khyim gyi gzhi'i bya ba gzhan rnams kyang mi byed do/ /skyes bu la sten par mi byed kyi snyom las kyi bsam gtan gyis bzung ba yin no/ /skye bo rnams thams cad kyis mtshon par 'gyur ro/ /ye shes la sbyor bar mi byed do/ /de ni mkhas pa ma yin no/ /mkhas pa'i rang bzhin can rnams kyang ma yin no/ /yul dang dus shes pa ma yin no/ /bdag dang gzhan rnams kyi khyad</font><hr>66.24a<br><font size=+1>

par shes pa ma yin no/ /rang gi stobs rnams dang gzhan gyi stobs rnams kyi khyad par shes pa ma yin no/ /dus su legs par dgos pa rnams sgrub pa ma yin te/ de'i bya ba rnams thams cad la bar chad 'byung bar 'gyur ro/ /gang gi tshe 'jig rten 'di dang 'jig rten phyi ma rnams kyi yang le lo de dag rnams nyid brtson 'grus bskyed pas bcom par gyur pa de'i tshe 'di la 'jig rten pa rnams kyis mngon par bgrod par bya bar 'gyur ro/ /snga bar langs par byed pa dang ngal dub las brgyal ba dang gnyid las brgyal zhing legs par sad pa dang / dus su langs pa dang dus su skyo ba skye ba dang ltos pa dang bral bas bya ba rnams rtsom par byed do/ /de lus kyi brtson 'grus brtan pa dang ldan pas le lo'i dri ma de dag rnams dag par bkrus pa'i brtson 'grus legs par rtsom pa de ni don rnams thams cad dri ma dang kun nas bral bar sgrub par byed do/ /don rnams la bgegs byung bar gyur na yang skrag par mi 'gyur la skyo ba skye bar mi 'gyur ro/ /gzhan rnams kyis bar chad byed pa yang ma yin no/ /rab tu brtan pas bya ba rnams kyang rtsom par byed do/ /brtson 'grus dang ldan pas gang dag sgrub par byed pa rnams ni kun nas nyams par yang mi 'gyur ro/ /gzhan gyi dbang gis bya ba rnams kun du rtsom pa yang ma yin no/ /mi rnams kyi khyad par yang shes par 'gyur ro/ /bdag gi dpung dang gzhan gyi dpung rnams kyi khyad par shes par 'gyur ro/ /de de dag rnams kyis kyang bsngags par 'gyur ro/ /skye bo'i tshogs chen po rnams kyis mchod par yang 'gyur ro/ /rgyal po dang rgyal po'i blon po dag gis kyang mchod par byed do/ /rtag tu nor dang ldan par yang 'gyur ro/ /sems stobs dang stobs rnams kyang nyams pa med par 'gyur ro/ /gang dag dang lhan cig tu 'gal bar gyur pa de dag rnam par pham par 'gyur ro/ / gang gi phyir brtson 'grus</font><hr>66.24b<br><font size=+1>

dang ldan pa rnams dang ni lhan cig tu 'gal bar bya bar mi nus so/ /mdzA bo dag kyang rjes su sgrub par byed la/ des kyang 'di'i mdza' bo rnams mngon par 'phel bar 'gyur ro/ /de grogs po mang ba dang mchog tu bde ba dang mchog tu stobs dang ldan par yang 'gyur ro/ /grong khyer gzhan dag na yang mngon par dga'o/ /byes na yang skye bo mang po rnams kyis mngon par shes par 'gyur ro/ /de de'i phyir gang dag dang sten grogs byed par gyur pa de dag rnams kyis mchod par byed do/ /'jig rten dag na yang 'di kun gyis shes par 'gyur ro/ /le lo rtsa ba nas rnam par spangs pa'i skyes bu rnams kyis ni yon tan du ma thob par 'gyur ro/ /de nas bdag nyid chen po de nyid kyis kyang go cha brtan po de lta bu rnams dang / rnyog pa dang rnam par bral bas bdud kyi dpung rnams nges par 'joms par byed do/ /'khor ba phyir zlog pa'i g.yul shom pa skye bo dam pa rnams thams cad dga' ba dang brtson 'grus rtsom pa dang bcas pa gang gis/ 'jig rten las 'das pa zag pa med pa kha na ma tho ba med pa mya ngan las 'das pa'i nam mkha' legs par 'thob pa'i dgos pa kun nas rtsom par byed do/ /de dang po kho nar re shig shin tu brtan pas mchog tu dka' bar gyur pa/ khyad par du ro'i gnas dman pa rnams dka' bas 'grol ba 'di ni 'khor ba pa rnams thams cad kyi 'ching ba yin te/ khyim na gnas pa bu dang chung ma dang sring mo dang bran pho dang bran mo dang zhing dang 'bru dang bang mdzod rnams kyis gang ba'i sred pa'i chu bo/ /brtson 'grus brtsams pa'i grogs dang ldan pa gang dag gis 'khor ba'i 'jigs pa rab tu 'joms pa de dag gis ni/ rnam pa de lta bu'i khyim gyi gnas rnams btang nas gos rnams ngur smrig tu bgos te/ brtson 'grus dang ldan pa gang yin pa de khyim gyi gnas nas nges par byung ngo / /</font><hr>66.25a<br><font size=+1>

khyim gyi gnas kyi 'ching ba rnams las grol bas/ thar pa mthar phyin pa'i lam thob nas bsam gtan dang kha ton dag la brtson pa dang ldan pa/ brtson 'grus pha rol gnon pa rnams mos pa ji lta ba bzhin du thar pa la 'jug par byed do/ /de la legs par ston pa brtson 'grus dang ldan pa dus rab tu shes pa lus dang ngag gi de kho na nyid kyi mtshan nyid dang skye ba dang 'jig pa'i de kho na nyid shes pa/ rang gi mtshan nyid kyi de kho na nyid shes pa/ phung po rnams kyi skye ba dang 'jig pa'i de kho na nyid shes pa/ nyin dang mtshan du yang brtson pa mi 'dor ba des rab tu brtson pas kyang slob dpon la legs par brten pas dang ye shes mang du spel bas kyang kun nas rtsom par byed do/ /brtun par byed/ rab tu 'bad par byed/ lam goms par byed/ skyon spong bar byed de thog ma med pa'i dus nas zhugs par gyur pa 'khor ba'i 'ching bar gyur pa don med pa rnams thams cad byed pa/ mun par byed pa'i 'os su gyur pa don ma yin pa rnams thams cad kyi rgyur gyur pa srog chags rnams la shin du 'thas par gyur pa/ de dag rnams kun nas brtsams pa'i brtson 'grus kyis spong bar byed do/ /de ji lta ji ltar lam rnams thob par gyur pa de lta de ltar phyir zhing nyid kyang spro ba skye bar byed pa yin no/ /brtson 'grus shin du brtsams pas bral ba'i 'bras bu rnams ci nas kyang 'byung bar byed do/ /kun nas nyon mongs pa'i chos 'ching bar gyur pa/ byis pa'i skye bo rnams thams cad kyi yid kun nas 'phrog par byed pa'i yul rnams la chags par mi byed do/ /'di lta ste 'dod pa'i rjes su mthun par gyur pa sgra dang reg bya dang ro dang gzugs dang dri rnams kyis dge ba'i rdzas gang yin pa rnams rku ba'i drid pa'i chos can rnam par slu ba'i chos can don ma yin pa rnams thams cad byed pa mi 'dod pa'i rnam par smin par 'gyur ba mi 'dod pa'i 'ching ba'i chos su gyur pa'i byis pa so so'i skye</font><hr>66.25b<br><font size=+1>

bo yongs su ma spangs pa rnams thams cad kyi sems rnam par g.yeng bar byed pa dang rnam par rmongs par byed pa'i yul gyi dgra de dag rnams thams cad spong bar byed do/ /ro myang bar mi byed pa'i thar pa'i lam sgom par byed do/ sems dri ma med par byed do/ /de ji lta ji ltar dri ma rnams med pa'i byed pa de lta de ltar brtson 'grus dang ldan pa dang dran pa dang ldan pa dang ngo mtshar bar gyur pa shes bzhin can dgra rab tu bcom par 'gyur ro/ /gzhan yang brtson 'grus de nyid kyis spro ba dang bcas pa gang yin pas 'dod chags zhe sdang gti mug rnams rab tu 'joms par byed do/ /rnam par bral bar byed do/ /rgyal bar byed do/ /yang srid pa mi 'byung ngo / /dgra rnams las rgyal ba mi mthun pa rnams las rgyal ba de ni dri ma med pa'i nam mkha' bzhin du dang rab tu dang ba'i chu bzhin du dang sprin gyi tshogs rnams dang bral bar gyur pas dri ma med pa'i zla ba bzhin du dang na bun dang bral ba'i 'dzam bu'i gling gi nyi ma bzhin du ste de lta de ltar rnam par snang ngo / /ji lta ji ltar nad pa nad rnams las grol ba bzhin du dang / dbul po rnams kyis bar du nor rnyed pa bzhin du dang / mig med pa rnams lam stor nas nags khrod du zhugs pa las lam du bgrod par byed pa de dag rnams bzhin du 'dis mthar thug pa'i tshul khrims shis pa gang yin pa nye bar thob pa'i dbang du byas nas bsnyen par rdzogs par byas te gnas so/ /ji ltar bdag gi skye ba rnams ni zad do/ /tshangs par spyod pa ni spyad do/ /bdag gi 'di las srid pa gzhan ni mi shes so/ /de ltar 'di'i sdig pa rnams rnam par bral ba/ 'ching ba'i zhags pa rnams thams cad las grol ba/ chu klung gi pha rol tu phyin par gyur nas rnam par rgyal zhing mdzes so/ /brtson 'grus brtsams pa dang ldan pa gang gis brtan pa rnams kyi de dag rnams thams cad yin no/ /de'i phyir na thams cad kyis kyang rab tu 'bad pas brtson 'grus brtsam par bya'o/ /'khor ba'i 'ching bar</font><hr>66.26a<br><font size=+1>

gyur pa'i le lo dang bag med pa rnams kyang spang bar gyis shig /de nas de'i tshe na mu su lun d+ha bcom ldan 'das 'od srungs kyis gsungs pa'i tshigs su bcad pa brjod pa ji ltar/ brtson 'grus brtsams pa dran ldan pa/ /de tshe gcig tu mngon par dga'/ /sdig pa'i chos las rnam par grol/ /mkhas pas thar pa thob par 'gyur/ /brtson 'grus rtsom pa dang ldan pa/ /gang gis le lo'i dri ma spong / /ngam grog 'jigs las rnam par grol/ /skye bo de ni mtho ris 'gro/ /le lo chos rnams thams cad kyi/ /bar chad byed pa yin par 'dod/ /skyon des nye bar bcom pa yi/ /mi ni sdug bsngal skal ldan yin/ /'di dang pha rol bde don gnyer/ /de yis de ni spang bar gyis/ /de phyir des zin skyes bu de/ /bkra shis dang yang de mtshungs 'dod/ /de ltar 'thab bral ba rnams kyi mnga' bdag des smra ba po'i ngang pa de dag rnams dang ngang pa'i rgyal po dus bzang de dang bdud kyi rigs kyi bag med pa de dag rnams la bcom ldan 'das 'od srungs kyis gsungs pa'i mdo gang yin pa sngon gyi lha las des thos pa rnams ston pa yin no/ /gzhan yang nyon mongs pa dri ma can gyi chos rnams dkar po'i chos kyis rab tu gzhom par bya'o/ /'di yang gang zhe na/ 'di lta ste grong dang grong khyer du 'jug pa la dga' ba'i spyod pa rnams spong ba ni thams cad gcig tu dgon pa na gnas pas so/ /grong dang grong khyer na spyod pa la dga' bar byed pa gcig tu goms par gyur pa ni/ dge slong la gcig tu bar chad byed par 'gyur ro/ /ji ltar gyur pas zhe na/ dge slong gi bya ba nyid du gyur pa bsam gtan dang kha dog yongs su spangs nas grong ngam grong khyer du 'jug par byed cing gnas par yang byed do/ /khyim de dang de dag rnams la blo shin du lhag par chags par gyur nas/ bud med rnams dang ngam skyes pa dang bcas pa dang yang rung ste/ rgyun mi 'chad par 'du</font><hr>66.26b<br><font size=+1>

'tshog yang byed par 'gyur ro/ /de gal te bud med dang lhan cig tu 'ching bar 'gyur ba rnams thams cad byed do/ /don thams cad las yongs su nyams par 'gyur zhing / yid 'dod chags kyi dbang du 'gyur bar kun nas skyed par byed do/ /rgyu gang gis bud med ni me dang 'dra ba yin te/ ji ltar gang me la nye ba nyid du gnas pa de ni nye bar sreg par 'gyur ro/ /de bzhin du yang gang bud med rnams dang nye bar gnas par byed pa de'i sems rnam par 'khrul bar 'gyur ro/ /rgyu mtshan de'i phyir na dge slong gis grong dang grong khyer rnams su 'jug par mi bya'o/ /gal te skyes pa dag dang lhan cig tu 'du 'tshog pa 'am gzhan rnams dang yang kun rjod par byed pa de dag ni bya ba rnams thams cad las yongs su nyams par 'gyur ro/ /'di'i sems zag pa med pa'i chos rnams la yang dag par rab tu dang bar 'gyur ba yang ma yin no/ /dge slong grong dang grong khyer rnams su 'jug pa la dga' ba'i spyod pa'i dbang gis bar chad chen por gyur pa gzhan rnams nyid kyang 'byung bar 'gyur te/ de las 'di dag rnams kyang gang zhe na/ 'di lta ste khyim nas khyim rnams su 'jug pa'i dge slong ni sems rnam par g.yos par 'gyur ro/ /khyim rnams kyi nye bar spyod par bya ba rnams yongs su rtogs shing zas dang skom gyi longs spyod dag mngon par mthong nas spangs kyang de nam zhig na slar yang mi mnyam pa rnams la 'jug par rtsom ste/ nags kyi nang nas ci nas kyang khyim par 'gyur ro/ /nags na gnas pa las yongs su nyams par gyur nas/ de phyir yang khyim gyi gnas kyi 'ching ba'i skyon de nyid kyis kun nas bcings par gyur nas 'dod chags dang zhe sdang dang gti mug rnams la spyod do/ /de nyes pa de dag rnams kyi skyon gyis phyir yang dmyal ba dang yi dgas dang dud 'gro rnams su skye ba yin no/ /</font><hr>66.27a<br><font size=+1>

sdug bsngal de dag rnams kyi rtsa ba yang grong dang grong khyer du 'jug pa'i spyod pa la dga' ba yin no/ /de'i phyir yang dag pa'i dge slong yin par 'dod pas de dag rnams yongs su spongs shig /rnam pa de lta bu'i skyon de dag rnams kyang gang gis spong na/ cig tu dgon pa na gnas pas so/ /dgon pa na gnas pa de yang mthar thug pa'i yon tan rnams thams cad kyi rten du gyur pa mchog tu bzang ba yin no/ /gcig pu dgon pa na gnas par dga' ba'i dge slong ni dbang po rnams zhi ba dang sems shin du rab tu dang ba dang / blo legs par btul ba'i gser dang mtshungs pa dang / mchog tu zhi ba dang dbang po rnams mchog tu bsdams pa dang 'jigs pa'i dri ma rnams dang rnam par bral ba dang / mchog tu gtsang bar gyur pa'i zag pa med pa'i bde ba rnams gang yin pa 'thob par byed do/ /bde ba de'i khyad par rnams kyis na 'dod pa na spyod pa'i lha'i rigs drug po 'di dag rnams thams cad kyis kyang yang dag pa'i legs pa dang ldan par gyur cing kun gyis kyang gang sngon las rnams cig tu byas par gyur la/ de yang 'dod pa sdug pa yid du 'ong ba mchog tu mtshungs pa med pa'i lha gcig gi rnam par smin pa'i 'bras bur gyur cig 'dod pa na spyod pa 'di dag rnams kyi bde ba rnams dang kun nas ldan par gyur pa gang yin pa des kyang / zag pa zad pa'i bde ba cig gi char yang mi phod cing dper yang mi bzod do/ /dpyad par gyur pa na thams cad du dper yang mi chog go/ /de'i phyir gang 'ga' zhig don dam pa'i bde ba 'dod pa des grong dang grong khyer du 'jug pa la dga' ba'i bde ba de dag rnams thong la bsam gtan dang snyoms par 'jug pa'i bde ba rnams don du gnyer zhing rtag tu gcig pu nyid mngon par dga' bas ri khrod dang ri'i phug dang dgon pa rnams su rtswa sog gi stan la gcig tu gnas par 'gyur bar</font><hr>66.27b<br><font size=+1>

gyis shig /zag pa med pa'i bde ba la mngon par dga' bas gnas pa'i dge slong rnams ni grogs po dang gnyen 'brel dang rang gi skye bo rnams lta bar byed pas rnam par rgyu ba sten par 'gyur ba ni ma yin no/ /de rang gi skye bo dang grogs po dang gnyen 'brel rnams la lta bas rnam par rgyu ba bsten par gyur na/ de rang gi skye bo dang grogs po dang gnyen 'brel rnams dang 'phrad pa las byung ba'i bde ba rnams ni 'jig pa dang mi brtan pa dang mi rtag pa dang mthar rnam par 'bral ba de dag rnams ni mchog tu mthar phyin pa ma yin no/ /nyon mongs pa rnams dang bcas pa dang de ni dri ma dang skyon dang gnod pa dang bcas pa dang gcig tu nges pa ma yin pa 'jigs pa dang bcas par gcig tu nges pa dpe med pa rnams las rnam par ma grol ba yin no/ /de'i phyir na blo gros dman par gyur pa gang 'ga' zhig gis don dam pa'i bde ba rnams kun nas dor nas zag pa dang bcas pa'i bde ba tshul dang mthun pa ma yin pa sdug bsngal rnams tshol bar byed do/ /de ni 'od bor bar gyur nas mun pa tshol bar byed pa yin no/ /de las kyang 'khyam par gyur te/ blo dang mi ldan zhing yon tan dang yon tan ma yin pa dang skyon gyi mtshan nyid la blo gros ldongs pa'i phyir ro/ /de'i phyir grong dang grong khyer du 'jug par dga' ba'i spyod pa rnams spongs la/ rtag par gcig pu dgon pa na gnas pa la mngon par dga' bar 'gyur bar gyis shig /de ltar na kun nas nyon mongs pa rnams spangs pa shin du mthar phyin pa'i bde ba rnams 'thob pa yin no/ /chos lnga pa dri ma dang bcas pa 'di ni dri ma med pa'i chos kyis rab tu gzhom par bya'o/ /bde ba 'dod pa rnams dang bdud kyi yul la mngon par mi dga' ba rnams dang de'i sa la 'dug par mi 'dod pa nyid kyis de ltar dri ma dang bcas pa'i chos de dri ma med pa'i chos kyis rab tu gzhom par bya'o/ /de ltar mu su lun d+ha 'dis kun nas brjod pa dang</font><hr>66.28a<br><font size=+1>

lda na pa'i ngang pa de dag rnams kyi blo yang rtogs pas dang dge ba'i mtha' dang ldan pa mchog tu/ /rgya che ba'i blo gros can gyi byang chub sems dpa' dus bzang gzhan la phan pa la rab tu zhugs pa de dang / bdud kyi phyogs su gyur pa'i bag med pa de 'khor rgyags pa dang smyo ba dang bcas pa dang / de dag rnams kyi bsam pa rig nas bcom ldan 'das 'od srungs kyis gsungs pa'i mdo 'di yul dang dus su rigs par bstan no/ /de la chos bcu gcig po rnams las chos lnga pa bstan pa yin no/ /lhag ma drug pa de yang yul dang dus su 'os par ngas bstan par bya yis khyed rnams yid rtse gcig pa dang yang dag par ldan par gyis shig /gang gi phyir dal 'byor phun sum tshogs pa thob par gyur nas/ gang dag chos ston par mi byed pa dang gang yang nyan par mi byed pa de dag ni shin du mi khom pa thob pa yin no/ /de'i phyir na ji srid du dal 'byor phun sum tshogs pa dang dbang po kun tshang bar gyur pa de srid du chos bstan par bya'o/ /gang gi phyir ngan song gi sa gsum po dmyal ba dang yi dgas dang dud 'gro rnams ni shin du sdug bsngal ba'i phyir ro/ /dmyal ba ni ji ltar chos nyan par 'gyur/ de bzhin du yi dgas dang dud 'gro rnams na ji ltar chos 'dul ba rnams yod/ phan tshun du gsod par byed pa dang skom pa dang ltogs pa'i skyon dang ldan pa'i phyir ro/ /lha dang mi rnams kho na chos sgrogs pa yod pa yin te/ gang dag bag med pa ma yin zhing bag med par rgyu ba ma yin pa rnams kyis so/ /de la bdag gis bag med pa spangs la/ khyed dad pa'i mos pa dang ldan pa dge ba'i bsam pa can rnams nyid la ngas chos bstan par bya yis de khyed rnams kyis rab tu gus par gyis la mnyan par gyis shig /de ltar chos 'dul ba ni shin du dkon pa dang dal 'byor phun sum tshogs pa yang</font><hr>66.28b<br><font size=+1>

shin du rnyed par dka' ba yin no/ /gzhan yang chos dri ma can mi gtsang ba dang bcas pa gzhan rnams slu bar byed pa yang gang zhe na/ 'di lta ste 'dod pa che ba'o/ /chos de yang mchog dri ma can du gyur pa 'dod pa che bas byin gyis brlabs pa gang gis gzhom par bya na/ 'di lta ste chog shes pas so/ /'dod pa che ba zhes bya ba ni khyim pa rnams dang rab tu byung ba rnams kyang bde bar rgyu ba ma yin te/ gang gi phyir 'dod pa che bar gyur pa rnams ni khyim pa 'am rab tu byung ba yang rung ste/ nyin mo dang mtshan mor yang de dag rnams bde bar mi 'gyur ro/ /rdzas rnams thob par gyur pas kyang zhi ba thob par mi 'gyur ro/ /nor gang rnyed par gyur yang des mthar thug pa'i tshim pa 'byung bar mi 'gyur ro/ /'dod pa che bar gyur pa de yang khyim gyi gnas nas nges par 'byung ba'i rab tu byung ba rnams la ji lta bar/ de ltar khyim pa rnams kyi bar chad byed par ni mi 'gyur ro/ /gang gi phyir rab tu byung ba 'dod pa che bar gyur pa gang yin pa de ni khyim pa yin gyi rab tu byung ba ni ma yin no/ /rab tu byung ba zhes bya ba ni rgyags pa dang nga rgyal dang 'gying ba dang rmongs pa dang phrag dog rnams bcom pa dang 'dod pa che ba dang yang rnam par bral ba yin no/ /spyir skyon de dag rnams nyid las kyang dge slong 'dod pa che ba'i ming can rnams la ni gzhan thams cad 'phya bar 'gyur ro/ /gang yang 'dod pa che ba'i blo can gyi dge slong ni/ rtag tu blo nor la song bar gyur pas nyin mtshan med par de'i sems dge ba'i chos rnams la legs par rab tu dang bar mi 'gyur ro/ /de'i blo rab tu ma dang ba dang dbang po rab tu ma dang ba dang bya ba rnams rab tu ma dang ba gang yin pa'i gom pa 'bor bar gyur pa 'am dge 'dun gyi sa la 'chag par byed kyang der dmyal bar nye bar 'gyur na/ gnas mal der nad kyi rkyen sman dang yo byad rnams kyis ni dang po</font><hr>66.29a<br><font size=+1>

kho nar bar chad byed pa 'byung bar 'gyur ba yin no/ /de dmyal ba 'ba' shig tu 'tshed par byed de/ gang tshul khrims 'chal bar gyur pa 'dod pa che ba sdig pa'i chos can/ dge sbyong ma yin par dge sbyong du khas 'ches pa/ seng ge'i lpags pa kun nas gyon pa'i lce spyang sgyu ma'i zong dang mtshungs pa/ dung gi sgra dang mtshungs par spyod pa mchog tu stong pa shin du slu ba shin du chad par gyur pa yin no/ /gang 'ga' zhig 'dod pa che bar gyur pa ji ltar nga ni dge slong yin te 'od srung ba yin no/ /'od srungs kyi chos 'dul ba la rab tu byung ba yin no zhes de ltar dam 'cha' brjod par byed pa na/ 'dod pa che bar gyur pa de ltar mes ni mi sreg go // ji ltar 'dod pa che bas blo gros chung ba rnams na bar byed pa de ltar dug gis lhang kyog mi byed do/ /ji ltar 'dod pa che ba'i rgas pas rgas par byed pa de ltar rga bas rgas par mi byed do/ /ji ltar dge ba'i ljon shing rnams 'dod pa che ba'i mtshon gyis rtsa ba nas gcod par byed pa de ltar mtshon gyis ni rtsa ba nas mi gcod do/ /ji ltar 'dod pa che ba'i nad rnams kyis nye bar 'joms par byed pa de ltar nad rnams kyis ni nye bar 'joms par mi byed do/ /ji ltar 'dod pa che ba'i dgras nang du gseb tu nye bar song nas snying la kun du gnas te srog 'jig par byed pa de ltar dgra bo glags tshol ba rnams nang gi gseb du zhugs te/ rtag tu nye bar glags skabs tshol ba rnams kyang srog gcod par mi byed do/ /de'i phyir skyon de dag rtogs par gyis la gnyis 'jig par byed pa'i skyon can dge slong 'dod pa che ba rnams kyis 'jig rten gnyis ga 'jig par byed pa dang / dri ma rnams dang ldan pa dang sdig pa'i rtse mor gyur pa yin pas rnam par spang bar gyis shig /de spyad par gyur pa na yang nyin mo 'am mtshan mo yang rung ste 'ga' zhig kyang bde bar mi 'gyur ro/ /de nas de'i tshe na 'thab bral ba rnams</font><hr>66.29b<br><font size=+1>

kyi mnga' bdag mu su lun d+ha des bcom ldan 'das 'od srungs kyis gsungs pa'i tshigs su bcad par brjod pa ji ltar/ 'dod pa che ba'i mtshon chen ni/ /gang gis gtub pa byis pa rnams/ /de phyir mtshon cha bzhin de spongs/ /mig med pa ni des bcings nas/ /'dod chen rma ni mi bzad pa/ /gang gi snying la skye bar 'gyur/ /nyin dang mtshan mo med par yang / /'dod ldan de ni bder mi 'gyur/ /kun rtog bud shing las byung ba'i/ /sred pa'i rlung gis kun tu spar/ /'dod chen rang bzhin me yis ni/ /mi rnams snying ni sreg par byed/ /'dod pa yis ni bskor ba'i yid/ /sems ni yang mo'i skyes bu ni/ /nor la sred par gyur pa yis/ /gson pa'i snying po 'joms par byed/ /gang yang sdig pa'i las rnams ni/ /skyes bu tha shal gyis byed do/ /de kun nor sred las yin par/ /mkhas pas rab tu brjod pa yin/ /'bar ba gang du rnam par 'jug /gang gis mi rigs par byed pa/ /de kun 'dod pa'i skyon gyis ni/ /bdag la phan min byed pa yin/ /'khrug pa rnam pa sna tshogs dang / /mtshon cha'i sdug bsngal shin du yang / /bsten pa'i skyes bu rmongs pa gang / /de yi rgyu yang 'di yin no/ /'dod pa'i skyon las kun byung ba'i/ /nyer 'tshe 'di dag go bar gyis/ /de bsten phan pa byed min par/ /lam rig pas ni yongs su gsungs/ /de ltar mu su lun d+ha des smra ba po'i ngang pa de dag dang ngang pa'i rgyal po dus bzang de dang bag med pas mgo drangs pa'i bdud kyi rigs su gyur pa gsum po rgyags pa dang smyo ba dang de dag rnams la bshed do/ /rnam pa de lta bu'i skyon chen po rnams dge ba'i chos gang dag gis rab tu gzhom par bya ba yin na/ 'di lta ste 'dod pa chung ba zhes bya bas so/ /'dod pa chung ba zhes bya ba ni 'di lta ste/ bde ba rnams thams cad 'byung ba'o/ /de gang la yod pa'i skyes bu de ni</font><hr>66.30a<br><font size=+1>

rtag tu bde ba'i mchog rnams dang ldan pa yin la/ de la me dang rgyal po dang chom rkun dang chu la sogs pa rnams kyi 'jigs pa med do/ /'di nor gyi sred pa rnams kyis rnam par bsregs nas khyim nas khyim dag tu bsten par bya ba'i don du smra bar mi byed do/ /sten grogs rnams ni rkun ma'i sten grogs yin no/ /dman pa'i gnas rnams khyim sgor gnas pa yin no/ /brdzun gyis bsten grogs kyi tshig dag kyang smra bar mi byed do/ /gar dang rgod pa dang 'gying bag rnams zhabs 'bring gi don du byed pa yang ma yin no/ /tshig rnams smra bar mi byed cing don dag kyang mi byed do/ /nor gyi 'dod pa'i me rnams kyis mi sreg go/ /gzhan dag dang mnyam du 'grogs pa la spro bar gyur pa rnams kyi dbugs 'byin pa med pa'i sdug bsngal mang por mi 'gyur ro/ /nor gyi 'dod pas sdig pa'i grogs po rnams bsten par mi byed do/ /rtag tu dogs pa dang bcas par mi 'gyur zhing lam du 'gro bar gyur pa na chom rkun pa'i 'jigs pa med do/ /grogs po ma yin pa rnams mang bar mi 'gyur zhing / skye bo rnams thams cad kyis rtog dpyod byed par mi 'gyur ro/ /chad pa'i 'jigs pas kyang rnam par mi 'jigs so/ /de ltar khyim par gyur kyang 'jigs pa rnams med par 'gyur ro/ /skyon gyi 'jigs pa rnams kun du 'gags pa dang thams cad du so gsod par gnas pa dang gang yang khyim pa rnams kyang skyon las kun du rgal ba yin na nags na gnas pa rnams la lta ci smos/ de nyid slar yang 'dod pa che bar byed na ni de skyugs pa za ba dang mtshungs par 'gyur ro/ /dge sbyong gi mchod pa'i mchog rnams ni 'di lta ste/ 'dod pa chung ba zhes bya ba yin no/ /'dod pa chung zhing chog shes pa'i dge slong rnams ni gang gi phyir shin du yang mdzes shing gsal la rnam par snang ngo / /</font><hr>66.30b<br><font size=+1>

gdan gcig pa 'ba' zhig dang / phyag dar khrod pa 'ba' zhig dang gcig pu kho na rgyu ba dang ri'i khrod dang phug dag dang rtswa'i phung po dang dur khrod 'ba' zhig du gnas pa dang gsus pa'i sum cha 'ba' zhig gis chog shes pa dang / sus yang mi shes pa 'ba' zhig gis yul ljongs rgyu bar byed pa dang / gnyen bshes dang grogs po dang rang gi skye bo rnams la yang bsod snyoms 'ba' zhig pa dang / lhung bzed gog po cig 'ba' zhig 'chang bar byed pa dang / shes rab kyis phyin ci log 'ba' zhig yongs su spong bar byed pa dang / yul gang na mchod par byed pa'i yul de yongs su spong bar byed pa dang / lam 'ba' zhig la legs par lta ba dang / gnya' shing gang tsam du lta ba dang / gzhan du mig mi g.yeng ba dang / ro zhim po 'ba' zhig za ba la sten pa spong ba dang / chu zhag du ma bsgrangs pa 'ba' zhig gi btung ba 'thung ba dang / yul ljongs dang grong dag tu zhag gsum dang zhag bdun 'ba' zhig gnas par byed pa dang / gser dang 'khar ba dang dngul gyis mdzes par byas pa'i nyal khri 'dzin par mi byed pa kho na dang / sngon gyi khyim dang grogs po dang gnyen bshes kyi lam kun du lta bar byed pa spong ba 'ba' zhig dang / mchog tu gyur pa'i rgyal po'i bsod snyoms dang mal stan dang rgyal po'i sgor bsten par byed pa rnams spong ba kho nar spyod pa dang rigs kyi mchog las rab tu byung bar kun nas sgrogs pa rnams spong ba kho nar byed pa dang / de dang rang bzhin mtshungs pa 'ba' zhig dang brjod pa dang gsod gsal dang kun rjod par byed pa yin no/ /rnam pa de lta bur gyur pa'i dge slong gi sdom pa dang dka' thub ni rnyog pa rnam par spangs pa mchog tu chog shes pa/ mchog tu 'dod pa chung bas ni bdud kyi 'ching ba rnams gcod par nus so/ /'dod pa che ba rnams ni sdug bsngal gyi tshul khrims dang ldan pa dge slong gi cha byad 'dzin pa nad</font><hr>66.31a<br><font size=+1>

'dra ba rkun ma yin te/ lha dang bcas pa'i mi'i tshogs kyi skye dgu rnams nye bar mgu bar mi byed pa'i sdig pa can yin no/ /dge slong rnams kyang chog shes pa dang ldan pa dang 'dod pa chung ba'i dge slong ni dge slong yin no/ /sgra dang reg bya dang ro dang gzugs dang dri dang yul rnams la de'i dbang po rnams rgyu bar mi byed do/ /phyi khyams dag tu nyal ba dang sems can thams cad la phan par gnas pa'i lus dang chos dang tshor ba dang sems rnams la dran pa nye bar gzhag pa rjes su rtogs pa dang / kun nas mchog tu blo rnam par bsdus pa dang / 'khor ba'i tshogs rnams las dbang po gcig tu bsdams pa dang / chog shes pa ni dge slong du brjed pa yin te/ ji srid du 'dod pa chung bar gyur pa de dag rnams ni khyim pa 'am rab tu byung ba yin yang rung ste bag med par mi 'gyur ro/ /de nas de'i tshe na 'thab bral gyi bdag po des tshigs su bcad pa'i dbyangs brjod pa ji ltar/ bag yod 'bras bu thar pa yin/ /dmyal bar mi rnams bag med pas/ /bag yod bag med pa dag gi/ /'dis ni khyad par brjod pa yin/ /gang yang bcings dang thar pa yi/ /khyad par gang ni zla dang mun/ /bag yod bag med de dag gi/ /khyad par 'di nyid kho na yin/ /bde ba 'dod pa chung la mthong / /sdug bsngal 'dod chen mi rnams yin/ /bde sdug mtshan nyid 'di yin par/ /yongs su rtog par byed pas bshad/ /rtag tu 'dod chen mi rnams kyi/ /me ni snying gnas rang bzhin yin/ /gang du 'dod med khrus byed pa'i/ /'dod pa chung ba bsil ba'i mtsho/ /ji ltar me ni bud shing gis/ /rab tu zhi bar 'gyur ma yin/ /de bzhin 'dod chen mi rnams ni/ /nor gyis gang bar 'gyur ma yin/ /'dod pa can la nyin dang ni/ /mtshan mo med par bde mi 'gyur/ /skyes bu 'dod pa che ba gang / /sred pa'i zug rngus rnam par gnas/ /rgyal po nor gyis ngoms med par/ /</font><hr>66.31b<br><font size=+1>

bye ba phrag tu shi zhing song / /gzhan yang mang por 'gro bar 'gyur/ /de phyir 'dod pa chung ba bde/ /de ltar 'thab bral gyi mnga' bdag de pad ma'i snying po la legs par gnas te/ dus bzang de dang smra ba po'i ngang pa de dag rnams la 'chad par byed do/ /gzhan yang 'thab bral gyi bdag po de nyid kyis bag med pa de'i skyon rnams gzung bar bya ba'i don du smra ba po'i bya de dag rnams kyi mdun du dang dus bzang de'i sngon du yang / bcom ldan 'das 'od srungs kyis gsungs pa'i mdo sngon gyi lha'i drung nas thos pa rnams 'chad pa ni ji ltar chos dri ma can rnams bstan pa gang yin pa de ni dkar po'i chos rnams kyis rab tu gzhom par bya'o/ /de la dri ma can gyi chos bdun pa bstan par bya ba rnams dang / dkar po'i chos rnams kyis gzhom par bya ba dang / 'di dag kyang gang dag zhe na/ 'di lta ste gnyen bshes blta ba la mngon par dga' ba ni byes su yun ring por gnas pas so/ /de ltar yang gnyen bshes dang grogs po dang rang gi skye bo rnams dang phrad pa la mngon par dga' ba'i dge slong ni/ blo de la song bar gyur pa dang de rjes su sgrub par byed pa dang de las rab tu 'byams par gyur pa dang des brel tog tu gyur nas/ nyin mo dang mtshan mo med par yang bsam gtan blo la byed pa yang ma yin no/ /kha ton yang mi byed cing bla ma la legs par bsten pa'i dbang gis gnas pa yang ma yin no/ /dkon mchog gsum la mchod pa rjes su sgrub par mi byed do/ /'jig rten pha rol gyi lus gyi las su bya ba rnams rjes su dran par byed pa dang gzhan la ston pa dang / ngag gi las dang yid kyi las dang rnam pa gsum byed pa ma yin gyi/ blo de la song ba 'ba' zhig tu zad do/ ji lta ba bzhin du nga dang nga'i gnyen bshes rnams dang grogs po dang rang gi skye bo rnams ma mthong na/ de dag rnams kyi khyim gyi bya ba ni ci dang ci ltar gyur ram yang de dag gi gson pa rnams kyang ji ltar gyur ram zhes/ de de ltar</font><hr>66.32a<br><font size=+1>

yid la byas nas mya ngan gyis gzir bar 'gyur te/ gang gi don du de lta bu rnams las nges par grol bar bya ba'i don du nags su gnas par gyur pa las de nyid la rjes su 'jug par byed do/ /blo gros ngan par gyur pa mi g.yo ba'i mi mya ngan can skye ba dang rga ba dang na ba dang 'chi bas byas pa'i rang gi mya ngan rnams yongs su btang nas/ gzhan gyi mya ngan gyis mya ngan du byed pa dang / de mi mnyam pa dang mnyam pa'i rang gi skye bo rnams dang gnyen bshes rnams dang phrad pa'i dra ba 'dir nges par 'jug par byed do/ /de nas yang des gnyen bshes de rnams mngon par mthong nas gdung bas gdungs shing gzhan gyi zas bsod pa rnams za bas/ khyim nas khyim rnams su phe'u 'debs pa'i ston mo rnams la mngon par dga' bar 'gyur ro/ /khyim de dang 'brel par gyur pa'i don dag ni byed la nyan par yang byed do/ /des de dag rnams yid la byas nas de dag rnams las gzhan yang byed do/ /de khyim gyi 'tsho chis rnams byed pas rang gi don rnams las yongs su nyams par 'gyur ro/ /'jig rten pha rol tu gyur pa rnams kyi 'jigs pa dag sems par mi byed do/ /dmyal ba dang yi dgas dang dud 'gro'i 'gro ba pa rnams su 'chi 'pho ba dang skye ba rnams sems par mi byed do/ /'di pa'i 'jigs pa rnams kyang sems per mi byed de/ rga ba dang na ba dang 'chi ba dang sdug pa rnams dang bral ba dang mi sdug pa rnams dang phrad pa dang / sdug pa dang yid du 'ong ba rnams thams cad kyang tha dad du 'gyur ba med par 'gyur ba rnam par 'bral ba so sor gnas pa rnams sems par mi byed do/ /de srid pa de srid du gnyen dang grogs po rnams kun tu sten par byed do/ /gnyen bshes dang grogs po rnams lta bar byed pa mngon par 'dod pa 'thun par byed pa gzhan gyi zas za ba gzhan gyi khyim sgo ston par byed pa gang yin pa rnams ni lus zhig nas/ ngan song dang ngan 'gro log par ltung ba dmyal ba rnams</font><hr>66.32b<br><font size=+1>

su skye bar 'gyur ro/ /yi dgas kyi yul rnams dang dud 'gro'i skye gnas rnams su yang ngal dub dang bcas pa'i 'gros bla lhag par gyur pas de srid du yongs su 'khyim mo/ /dmyal ba rnams su skyes pa na yang tshor ba drag po rnams kyis zil gyis mnan pa rnams la grogs pos ma yin zhing gnyen bshes rnams kyis kyang bsil bar gyur pa'i dngos po rnams ni cung zad kyang mi byed do/ /de'i phyir na dge slong rnams thams cad kyis tshul rnams thams cad nas dmyal ba dang yi dgas dang dud 'gro'i 'gro ba pa'i 'jigs pas 'jigs pa rnams kyis kyang gnyen bshes dang grogs po rnams dang phrad par 'dod par mi bya'o/ /de dag rnams dang 'du 'tshog byas pas kyang ni don ma yin pa drag po rnams byed par 'gyur ro/ /de la dmigs par phyed pa dang / don des kyang gang gi phyir sred pa rnams zad par bya ba'i don du rab tu byung ba las sred pa de nyid la sred pas sten par byed pa na/ de ni mchog tu yang byis par gyur pa rnams kyis bsten pa yin no/ /gang dag kho na bcom nas rab tu byung ba yang dra ba de nyid du blo 'jug pa ni blo gros dman pa yin te/ yang 'ga' zhig ji ltar me'i 'jigs pa spangs pa las me de nyid du nye bar bsten par byed do/ /de bzhin du khyim gyi gnas rnams 'jigs nas spangs pa yang 'jigs pa de nyid du nye bar 'jug par byed do/ /de bzhin du gang 'ga' zhig gnyen bshes rnams kyi klung chen por nye bar 'gro zhing / slar yang de dag rnams nyid la nye bar sten par byed pa de dag rnams ni mig med pa dang blo gros bkab pa dang dbang po rnams kun nas ma bsdams pa yin no/ /de ltar kun nas nyon mongs pa can gyi chos 'di dag chos gang gis rab tu gzhom par bya na/ 'di lta ste gang shes rab can rnams kyis kyang spang ba dang gzung bar yang nus pa ma yin te/ de yun ring du byes na gnas pa la mngon par dga' ba rnams kyis ni rab tu</font><hr>66.33a<br><font size=+1>

gzhom pa dang gzung bar yang nus pa yin no/ /ring du 'gro na lam la gnas pa yang 'di lta ste blo gros zhan pa rnams dang gnyen po gzhan gyis kyang gnyen bshes dang grogs po dang rang gi skye bo rnams la gdung sems so sor bzlog par bya bar mi nus kyis/ de yang yun ring du 'gron du 'gro bar gyur pas tha mar ni gdung sems de dag rnams rab tu 'joms te/ brtse ba'i sems ni gnas skabs rnams thams cad dang du ma phrad pas rab tu 'joms pa je dang par ni gdung sems de nyid kyi gnyen po rnams gnas skabs thams cad du rig par 'gyur ba 'di ni 'di lta ste/ 'dus pa rnams thams cad kyi mtha' ni 'bral ba ste/ 'chi ba'i yul dang dus rnams su 'ga' zhig gis kyang 'ga' zhig dmigs par 'gyur ba 'am yongs su skyob par 'gyur ba yang ma yin no/ /'chi ba'i yul dang dus rnams su ni las nyid kho na gnas skabs rnams thams cad du yongs su skyob par byed pa yin no/ /skye ba gzhan dag brgya stong du ma rnams su yang las nyid skyabs su 'gyur te/ rnam pa thams cad kyi thams cad du gnyen bshes rnams bzhin du 'gyur ro/ /gnyen bshes rnams kyis ma yin zhing rtsad 'brel rnams sam gzhan dag rnams kyis kyang ma yin no/ /gnyen gshes rnams gang 'ga' zhig gis kyang skyob par byed pa ma yin pas gcig tu mngon par dga' zhing / gnyen bshes kyi dbang du bya ba 'am rang gi skye bo rnams kyi dbang du byas nas de ltar dpyod par byed do/ /de'i phyir na kun nas nyon mongs pa can gyi chos gzhan 'di ni gcig pu mngon par dga' ba'i dge slong gis rab tu gzhom par bya ba yin no/ /'chi ba'i yul dang dus rnams sam na ba'i dus dang rgas pa'i dus na yang 'ga' zhig kyang 'ga' zhig la cung zad kyang mi byed do/ /yongs su skyob par byed pa ni su dag kyang ma yin no zhes de ltar sems par byed do/ /dge slong 'di'i rang gi skye bo rnams kyis byas pa'i brtse gdung gang yin pa 'di las de</font><hr>66.33b<br><font size=+1>

dag rnams thams cad du nyams par 'gyur ba 'am mgo smad par 'gyur ro/ /de ltar dge slong gnyen bshes la phrad pa'i brtse gdung rnams ni byes su 'gro bas rab tu 'bral bar 'gyur ro/ /gzhan yang kun nas nyon mongs pa can gyi chos nges par 'byung bas rab tu gzhom par bya'o/ /'di yang gang zhe na/ 'di lta ste don med par smra ba ste/ khyim pa yin yang rung gang dang gang skye bo thams cad kyang rtswa dang 'dra ba kho nar 'gyur ro/ /'di lta ste gang gi phyir ngag gi tshig rnams ni nor yin gyi nor gzhan ni tha ma yin no/ /skyes bu rnams ni ngag gis snying po can du 'gyur ro/ /de dang rnam par bral ba ni snying po med pa dang nor dang kun nas bral bar 'gyur te/ gsog gsob snying po med pa phyugs rnams dang mtshungs par 'gyur ro/ /ngag gi nor rnams dang bral ba ngag dang bral ba'i skyes bu rnams ni skyes bu'i ming can gyi phyugs rnams yin no/ /mkhas pa'i skye bo rnams thams cad kyis spangs pa dang / gtsog par gyur pa dang shin du yang tha shal yin no/ /rnam pa de lta bu byed pa'i chos rnams chos gang dag gis rab tu gzhom par bya/ don med par smra ba'i chos de yang rab tu gzhom par bya'o/ /chos gang dag gis zhe na/ 'di lta ste ngag bsdams pas so/ /ngag bsdam pa yang rnam pa gnyis yin te/ 'di lta ste gang yang cang mi smra ba 'am sdom pa rnam pa bzhi dag pa'o/ /gang dag zhe na/ 'di lta ste rdzun gyi rang bzhin dang phra ma dang tshig rtsub po dang 'brel pa med par smra bar byed pa rnams rnam par spangs pas ngag kun nas bsdam par bya'o/ /de ltar na yang yang mor mi 'gyur ro/ /dge slong ngam gzhan yang de'i rigs can rnams kyang rung ste/ rgyu drug gis skyes bu rnams skad cig la yang mo dang rnam par zhe sdang bar yang 'gyur ro/ /gang dag zhe na 'di lta ste/ don med par smra bar byed pas dang ji ltar rab tu zhugs par byed pa dang yang dang yang du zas la dga' ba dang rgan po'i stan chen po la nye bar gnas pa dang gsong</font><hr>66.34a<br><font size=+1>

gsal rjod pa dang lab lob byed pa dang rgyu de dag gis/ de ltar mi rnams thams cad kyang dar cig la yang mor 'gyur zhing rab tu dga' bar yang myur bar 'gyur ro/ /de'i phyir na dge slong ngam khyim pa rnams kyis kyang chos de rnam par spang bar bya'o/ /yang chos gzhan yang shin du dri ma can du gyur pa kun nas nyon mongs pa can rnams dkar po'i chos kyis rab tu gzhom par bya'o/ /'di dag kyang gang zhe na/ 'di lta ste rko trog ni bstan pas so/ gang gi phyir rko trog gi chos rnams ni rab tu gzhom par bya ste/ rko trog gis kyang chos rnams thams cad kyi bar du gcod par 'gyur ba'i phyir ro/ /rang bzhin gyis kyang sems tsab hral can du gyur pa de slar yang ches g.yo bar son pa'i phyir na chos 'di dag rnams thams cad la yang de kun nas yid ches pa ma yin no/ /so sor rtogs pa med do/ /brtan par 'dzin pa med do/ /rab tu dgag par bya ba yang med do/ /spyod pa bsdam par bya ba yang myed do/ /mngon par brjod par bya ba med do/ /sdom pa 'thob pa ma yin no/ /mngon par rtogs pa dang 'jig rten pa rnams kyang med do/ /'jig rten pa'i lam rnams thams cad bkra bar byed pa la so sor rtogs pa med do/ las su rung ba ma yin no/ /tsab hral can ni bag med pa yin pa de'i phyir tsab hral de skyon dang bcas par go bar byas la/ don rnams thams cad chud gzon par byed pa po 'di dang phyi mar yang phan pa ma yin par byed pa'i mchog yin pas/ dge slong ngam gzhan yang de'i rigs can rnams kyis kyang rab tu gzhom par bya'o/ /gang gis de rab tu spong zhe na/ 'di ltar dge ba'i chos gang yin pas te 'di ltar brtan par gyur pas so/ /brtan par gyur pa ni dge slong ngam de'i rigs can gzhan dag rnams kyang rung ste/ skye bo rnams thams cad kyis mchog tu yang mchod par 'gyur ro/ /brtan pa'i tshul khrims dang brtan pa'i shes rab dang</font><hr>66.34b<br><font size=+1>

blo gros brtan pa dang blo bsdams pa dang gcig tu rgyu ba rnams kyis ni bdud kyi yul rnams rab tu 'joms par byed do/ /mya ngan las 'das pa'i grong khyer du phyin par byed pa 'di'i dge ba'i chos rnams phun sum tshogs par 'gyur ro/ /'jig rten pa'i don rnams la yang brtan par gyur pa'i skyes bu ni mkhas pa rnams kyis rab tu bsngags par byed do/ /des kyang 'jig rten pa'i don de dag rnams bsgrub par nus pa yang yin no/ /thams cad du yang skye bo rnams thams cad kyis shin du yang mchod par 'gyur ro/ /rab tu bstod par yang 'gyur ro/ /ming rnam par thos pas kyang thams cad du yang bde ba dang ldan par 'gyur ro/ /don gang dang gang rtsom par byed pa de dang de dag 'grub par 'gyur ro/ /de'i phyir blo cig tu nges pa dang blo kun nas bsdams pa dang blo gros brtan pa dang ldan par gyur pa'i skyes bu de dag ni 'jig rten pa la yang rab tu bsngags pa yin no/ /de lta bas na skyes bu rnams sam dge slong gis kyang rung ste tsab hral spangs la blo gros brtan pa dang dpa' ba dang shes rab dang ldan par bya'o/ /gzhan yang mu su lun d+ha de nyid kyis smra ba po'i ngang pa de dag rnams dang ngang pa'i rgyal po dus bzang de dang / bdud kyi rigs kyi bag med pa dang smyo ba de la yang / bcom ldan 'das 'od srungs kyi mdo 'di sngon gyi lha'i drung nas thob par gyur pa phan pa'i don du ston par byed pa las/ 'di lta ste smre bar gyur pa'i chos gzhan dri ma can mkhas pa'i skye bo thams cad kyis spangs pa dag rab tu gzhom par bya'o/ /'di yang gang zhe na/ 'di lta ste dbul po'o/ / dbul por gyur pa zhes bya ba yang rnam pa gnyis te/ shes rab kyis dbul ba dang tshul khrims kyis dbul ba'o/ /gzhan yang rnam pa gnyis te/ sbyin pas dbul ba dang blo gros kyis dbul ba'o/ /gzhan yang rnam pa gnyis te/ rigs kyis dbul ba dang lta bas dbul ba'o/ /gzhan yang</font><hr>66.35a<br><font size=+1>

rnam pa gnyis te/ sdom pa la brtson pas dbul ba dang bla mas dbul ba'o/ /gnyen bshes dang rang gi skye bo rnams kyis dbul ba'o/ /de la dbul po de dag rnams thams cad kyang mchog tu zhe zlog pa yin te/ rigs kyi bu 'am rigs kyi bu mo 'am rigs kyi bu'i nye gnas kyis kyang ma lus pa rnams spang bar bya'o/ /gang gis 'di dag thams cad rab tu 'joms par byed ce na/ 'di lta ste sbyin pas so/ /sbyin pa nyid gcig pu zhig gis dbul ba rnams thams cad 'joms par 'gyur ro/ /dper na mar me rnams thams cad kyis kyang mun pa rnams thams cad rab tu bsal bar byed par 'gyur ro/ /shes rab rnams thams cad kyis kyang mi shes pa rnams kun du 'joms par 'gyur ro/ /lta ba rnams thams cad ni yang dag pa'i lta bas nye bar 'joms par byed do/ /de la mchog tu mdzes par gyur pa'i chos mchog tu rgya che ba dang ldan pa mkhas pa'i skye bo rnams thams cad kyis yongs su bzung ba/ ngan 'gro thams cad spong bar byed pa/ bdag cag gi 'jig rten nas 'jig rten pha rol tu legs par sgrol bar byed pa'i chos kyi mchog 'dis 'joms par byed do/ /gang dag gis 'joms zhe na/ 'di lta ste sbyin pas so/ /sbyin pa yang rnam pa mang du yod do/ /'di lta ste shes pa'i sbyin pa dang tshul khrims kyi sbyin pa dang chos kyi sbyin pa dang blo bsro ba'i sbyin pa dang lam nye bar ston pa'i sbyin pa dang lam gyis nyon mongs pa rnams la khrus kyi rdzing bu 'i sbyin pa dang bya ba'i sbyin pa dang srog gi sbyin pa dang zang zing gi sbyin pa dang mi 'jigs pa'i sbyin pa dang bden pa'i sbyin pa dang the tshom gcod pa'i sbyin pa dang sbyin pa lnga la nyon mongs pa med pa'i sbyin pa dang rab tu dbyung ba'i sbyin pa dang de bsnyen par rdzogs pa'i sbyin pa dang nad pa la sman gyi sbyin pa dang mig gi sbyin pa ste/ rnam pa de lta bu'i sbyin pa rnams ni 'jig rten pha rol legs par sgrol bar byed pa sbyin bdag thams cad la rtag tu ma dang</font><hr>66.35b<br><font size=+1>

pha dang 'dra ba yin no/ /de yang sems rnams kyis dang sems kyis legs par bsgoms nas byin par gyur pas dbul ba rnams thams cad btsom zhing ngan 'gro rnams thams cad kyang bcad nas/ lha dang mi gnyis kyi bde ba la nye bar longs spyad par gyur nas/ tha mar ji srid du mya ngan las 'das pa thob par 'gyur te/ skyes du des rtag tu de lta bu'i las bya'o/ /de bas na dbul ba zhes bya ba'i chos gzhan 'di mchog tu dge ba rnams dang mkhas pa'i skye bo rnams la mchog tu dga' ba dag gis rab tu gzhom par bya'o/ /'di lta ste sbyin pa dang sems dang dngos po dang zhing rnams phun sum tshogs pas so/ /gzhan yang chos thams cad 'khor ba thams cad kyi 'ching ba'i rab tu gyur pa chos rnams thams cad kyi mun pa lta bur gyur pa'o/ /'di yang gang zhe na/ 'di lta ste mi shes pa'o/ /de la ji srid du ma rig pa'i mun pa yin pa'i bar du mi shes pa rnam pa du ma yin te/ 'khor ba thams cad kyi 'ching bas mun pa thams cad kyi tshogs su gyur pa'i mun nag gi zhen pa'i rdul du gyur pa'i 'ching ba dang / shin du 'ching bar byed pas mtshon cha dang dug dang me dang mtshungs pa'i mi shes pa rnams thams cad ni ma rig pa dang 'dra ba thams cad ma rig pas kun nas bslang ba/ dmyal ba dang yi dgas dang dud 'gro rnams thams cad du yongs su 'khyam pa/ 'ching ba gang kho nas nges par bcings nas sems can 'di dag rnams 'obs na yongs su 'khor ro/ /rnam pa de lta bu'i dgrar gyur pa'i dri ma 'di dag rnams rnam pa ci lta bu dag gis rab tu 'joms par 'gyur na/ 'di lta ste sgron mar rung ba skyabs su gyur pa skyob par gyur pa yongs su 'dren par gyur pa/ sems can rnams thams cad kyi yang ma dang pha lta bur gyur pa dang sman pa dang sman lta bur gyur pa'i zag pa med pa'i ye shes su gyur pas 'ching ba rnams thams cad gcod par byed par gyur pa'i ye shes kyis</font><hr>66.36a<br><font size=+1>

rab tu 'joms par 'gyur ro/ /ma rig pa rab tu spangs pa rnams ni slar nyid kyang rab tu 'byung bar 'gyur ba ni ma yin te/ dper na ljon shing rtsa ba nas bton pa rnams ni slar yang rab tu skye bar 'gyur ba ni ma yin no/ /ji ltar mes tshig par gyur pa'i shing rnams ni slar yang legs par skye bar mi 'gyur ro/ /ji ltar chu glung gi chu song ba rnams slar yang phyir log nas 'ong ba ni med do/ /de bzhin du zag pa med pa'i ye shes kyis bsrabs pa rnams yang phyir 'byung bar mi 'gyur ro/ /de'i phyir na rab tu brtson pa kho nas thams cad kyis gnas skabs thams cad dang dus thams cad du mi shes pa thams cad kyang ye shes thams cad kyis rab tu gzhom par bya'o/ /chos bcu gcig pa de dag rnams thams cad kyang / bag med pa'i rtsa ba can dang bag med pa'i gnas skabs dang bag med pa'i rigs can yin no/ /de'i phyir na gnas skabs rnams thams cad du dang rnam pa rnams thams cad kyis bag med pa nyid re shig yongs su spang bar bya ba yin no/ /bag med pa rnams kyi rtsa ba las kyang thams cad gnas skabs thams cad du don ma yin par 'gyur te/ de yod pa'i las 'byung ba yin no/ /de med pa las ni mi 'gyur ro/ /dper na sa gzhis ni sman rnams thams cad dang rtswa dang nags tshal dang chu dang 'bru dang chu klung dang ri dang mtsho'i mchog dang / grong khyer gyi mchog dang grong dang nags dang nye ba'i nags dang ri rab lhun po yang kun tu 'dzin par byed pa yin no/ /de bzhin du dmyal ba dang yi dgas dang dud 'gro'i 'gro ba'i rigs rnams kyi sdug bsngal thams cad kyi rtsa ba gcig pa ni bag med pa yin no/ /de'i phyir na skyes bu dam pa rnams kyis de nyid re shig spang bar bya'o/ /de nas de'i tshe 'thab bral ba rnams kyi bdag po mu su lun d+ha des tshigs su bcad pa rnams brjod pa ji ltar/ rgas pas mnan nas gnyer mas gang / /rjud pa dbyug pa lag na thogs/ /gang zhig mchog tu chos mi spel/ /de ni</font><hr>66.36b<br><font size=+1>

bag med byed pas yin/ /lus rnams nad kyis zhig pa dang / /mal stan spyod la ched cher byed/ /shin du skyo bar mi 'gyur ba/ /de dag gti mug 'di yi 'bras/ /bkres pa'i sred pas 'jigs mthong bar/ /gang de'i 'og gi gnas su 'gro/ /slar yang skyo ba mi skye ba/ /bag med byed pas de byas so/ /mi rnams sdug pa dang bral ba'i/ /snying la sdug bsngal gang skye ba/ /de ni bag med sten pa las/ /yin par de bzhin gshegs pas gsungs/ /sdug bsngal gang dag 'gro ba lngar/ /du ma rnams ni longs spyod pa/ /bag med pa yi srog chags kyi/ /rtag tu de dag rmongs pas byas/ / kye ma kyi hud skyo ba skye/ /las kyi 'khor lo chen po yis/ /'khor bar 'gyur ba yang dang yang / /rnyog pa med par gang brtags pa'i/ /bde de srid pa gsum na med/ /de lta na yang kun rmongs pas/ /nges par byis rnams skyo mi 'gyur/ /yul dga' ba la zhen pa yi/ /rmi lam bzhin du 'di dag g.yo/ /'gro 'di thams cad sdug bsngal ba/ /mig med pas kyang ma mthong ngo / /gang la phyir bcos thabs med pa'i/ /'chi bdag 'jigs par sred pas 'gyur/ /de lta na yang kun rmongs pas/ /bag med pas ni mi rnams bcom/ /tshul bzhin ma yin yid byed pas/ /sems ni rnam par g.yeng byas pa'i/ /'chi bdag rgyal pos 'dren pa na/ /'jig rten pas kyang go ba min/ /nor rnams dang ni bu dag dang / /shin du sdig pa'i srog kyang ni/ /gson pa de ni 'phrog byed pas/ /'chi bdag rgyal po 'di yis 'dren/ /bag med myu gu las byung ba'i/ /gang gis skye dgu 'di 'joms pa'i/ /'jig rten don min yang gsum ste/ /nad dang rga dang 'chi ba'o/ /tshol khros mi rnams nye bar bcom/ /lha rnams bag med pas nyer bcom/ /yi dgas bkres skom dag gis g.yengs/ /tshor ba drag pos dmyal ba rnams/ /phan tshun kun du gsod btsog pa/ /dud</font><hr>66.37a<br><font size=+1>

'gro gti mug dpung gnyen yin/ /de ltar 'jig rten rnam du mar/ /brel tog de dang des dkrugs so/ /bag med pas ni rmongs pa yis/ /'on kyang chos la dga' ba min/ /sman dang rtswa sogs thams cad kyang / /ji ltar sa gzhi las rab skyed/ /de bzhin bag med las nyon mongs/ /rnam pa tha dad rab 'phel byed/ /de ni bdud kyi dmag tshogs kyi/ /rje dpon dbang phyug mchog 'di yin/ /nyi ma'i 'od kyis mun pa ltar/ /ye shes rdo rjes gzhom par bya/ /skyon yon yongs shes de dag ni/ /re shig dang por bstan pa yin/ /bag med pa rnams rtag sdug bsngal/ /bag yod 'bras bu bde ba yin/ /de ltar 'thab bral ba rnams kyi bdag po mu su lun d+ha des rnam pa du ma rnams su dang rnam par rtog pa du ma rnams kyis kyang bag med pa de'i skyon rnams dang / bag yod pa'i yon tan rnams kyang mngon par brjod do/ /'chi bdag nad dang rga sdug bsngal/ /mi mthun pa dang phrad pa dang / /gzhan yang sdug bsngal drag po dang / /'khor ba 'di ni ldan pa yin/ /ma 'ongs sdug bsngal 'chos pa ni/ /phan pa dang ni bde ba yin/ /sdug bsngal sdig pa'i rgyu las skye/ /sdig med byed pa bde yin no/ /nyon mongs zad las bde ba'i mchog /yin par mkhas pas gsungs pa yin/ /'di ni mya ngan 'das 'gro'i lam/ /yin par de nyid gzigs pas gsungs/ /kun nas bsdams dang bag yod dang / /zhi ba dang ni nags na rgyu/ /'dod la brkam min brtan pa yi/ /mya ngan 'das pa ring ba min/ /grogs dang grogs min dang rab bral/ /srid pa'i 'dod chags rnam par spangs/ /yul rnams la yang bag yod pa'i/ /shin du mya ngan 'das ring min/ /dge dang sdig la chags pa med/ /byams dang snying rje sgom pa po/ /'khor ba'i 'jigs pas 'jig pa ni/ /shin du mya ngan 'das ring min/ /nyon mongs zad pa'i thabs shes dang / /ye shes btung bas tshim pa dang / /le lo'i dri ma dang bral ba'i/ /shin du mya ngan</font><hr>66.37b<br><font size=+1>

'das ring min/ /lhag par theg pa che la mos/ /sems can thams cad la phan dang / /stong nyid don ni rab rtogs pa'i/ /shin du mya ngan 'das ring min/ /de ni skyon gsum 'gog pa yi/ /'phags pa'i bden pa bzhi bsten pa/ /dbang gyur dbang po zhi ba yi/ /mya ngan 'das pa shin ring min/ /dbugs dang dbugs 'byung rnam pa shes/ /mtshan nyid 'gag pa bsten pa dang / /shes dang shes bya'i rnam pa shes/ /shin du mya ngan 'das ring min/ /rtag tu blo dang ldan pa dang / /nyon mongs rnams kyis sems mi 'tshe/ /skyon bcas 'jigs pa las grol ba'i/ /thub pa pha rol phyin par brjod/ /de ltar 'thab bral gyi mnga' bdag des smra ba po de dag rnams dang ngang pa'i rgyal po dus bzang de la chos bstan te/ bcom ldan 'das 'od srungs kyis gsungs pa'i mdo bag med pa la rnam par gshe bar byed pa rnams bstan to/ /de ltar rnam pa du mar bcom ldan 'das kyis gsungs pa'i dam pa'i chos 'dul ba de dbyangs snyan pa dang dul ba'i blo rgya chen pos ston par byed do/ /ji ltar gcig tu dam pa'i chos kyi ror gyur pa'i tshig 'di dag rnams thos nas/ bdud kyi rigs kyi bag med pa de 'di snyam du sems te/ ji ltar rnam grangs 'ga' zhig gi sgo nas kyang bdag gis 'thab bral ba rnams kyi bdag po 'di dam pa'i chos 'dul ba de dag las g.yo bar bya bar mi nus te/ de ltar dam pa'i chos la blo yongs su mthar thug pa yin no/ /de ltar rtogs nas bag med pa bskyed pa la bgro bar byed de/ ji ltar mu su lun d+ha 'di ni byang chub sems dpa' sems dpa' chen po yin pas bdag cag gi chos kyi lam la bdag cag rnams kyis gom pa bsgul bar yang mi nus so/ /de nas thams cad kyang yid gcig tu gyur cing pha rol gnon pa'i stobs chen po dang yid la smon pa dang gzi brjid rnams nye bar bcom par gyur to/ /yid kyi rgyal srid phab par byas pa dang / nam mkha'i dkyil du 'phags nas de myur du 'gro ba yin pas dus mi ring ba dang / gang na gzhan 'phrul</font><hr>66.38a<br><font size=+1>

dbang byed na 'dod pa'i khams pa rnams kyi dbang phyug bdud sdig can yod pa der thams cad kyis phyin no/ /de nas bdud kyis de dag la 'di skad ces brjod de/ bdud rnams bya ba 'ga' zhig byas sam/ yid la re ba de dag nyid thams cad yongs su rdzogs nas nga'i drung du khyed kyis sleb pa yin nam/ de ltar thos nas des bdud de'i drung du 'di skad ces brjod de/ lha lags phar la gnon pa'i stobs rnams ni ji lta ba bzhin du nyams nas bdag cag lha'i rigs 'dir rjes su sleb par gyur to/ /'thab bral gyi bdag po de gom pa gcig kyang bskyod par bdag cag gis bdag cag la ma nus te/ de bzhin du 'di dam pa'i chos la nges par dga' ba'i blo dang ldan pa'i lhan cig spyod pa de la bdag cag gis ci byar yod/ bdud sdig can gyis de ltar thos par gyur nas de 'di snyam du sems te/ gang bag med pa'i lha chos thams cad la rab tu zhugs pa rnams ngas 'dod pa'i spyod pa rnams la rab tu dgod par bya'o/ /de la yang bag yod pa de dag rnams kyi dbang gis 'di rnams nyid thams cad kyi pha rol gnon pa'i stobs rnams nye bar bcom nas nga'i drung du nye bar 'ongs pa yin no/ /de nas 'di dag rnams go nas 'di skad ces brjod de/ dus 'das nas byed pa'i tshig rnams ji ltar dus gzhan du bdag cag gis bag med par nus kyi 'thab bral gyi bdag po mu su lun d+ha de la so so'i thabs rnams bdag gis bya'o/ /de'i phyir na khyed ma rings cig bdag cag thams cad kyis dus gzhan na/ phyir bzlog par bya'o zhes de ltar sdig can des dus gzhan 'phen par byed pa'i tshig rnams brjod nas rnam par gnas te/ mtshungs pa med pa'i lha rdzas kyi 'dod pa rnams la rab tu chags par gyur pas bde bar gnas so/ /bag med pa'i sa rnams las slar yang rab tu spel bar mi 'gyur ba'i phyir na rnam pa du mar rgyu ba'i lha rnams dang / 'thab bral ba rnams kyi bdag po dang dus bzang de dang smra ba po'i ngang pa</font><hr>66.38b<br><font size=+1>

pa de dag rnams dang gzhan nyid kyang chos kyi gtam rnam pa du ma rnams byed do/ /de dag rnams na ji ltar bdud kyi rigs rnams kun nas bral ba dang don med pa rnams thams cad kyi rtsa bar gyur pa bag med pa de kun nas song lha rnams dang bya de dag rnams bya ba byas pa bzhin du rnam par gnas so/ /de nas de lta de ltar brjod nas de dag las lha gang dag rtsed mos yid brel bar gyur pa de dag rnams ni rab tu dga' bas rtse bar byed de/ skyed mos tshal dang khang bzangs dang kun dga' ra ba dang nags dang nye ba'i nags kyi yul de dag rnams su nye bar song nas rtse bar 'gyur ro/ /gang 'thab bral ba rnams kyi bdag po de dus bzang dang lhan cig du brjod pa dang ldan pa'i ngang pa rnams dang rgyu bar byed do/ /de nas 'thab bral ba rnams kyi bdag po de lha de dag rnams mngon par mthong nas dus bzang la smras pa/ ji ltar nye bar gnas pa'i lha gang yin pa 'di dag rnams ni rtsed mo'i gzhan dbang du song nas bag med pa yin pas bdag cag kyang gang na nags dang nye ba'i nags rab tu zhi bar yod par 'gro bar bya'o/ /de ltar rig nas nam mkha'i khams su 'phags par gyur to/ /lha bag med par spyod pa de dag kyang 'dod pa'i yon tan lnga dang yang dag par ldan pa'i nags dang nye ba'i nags dang rdzing bu rnams la ji srid du 'dod pa sdug pa yid du 'ong ba'i las byas shing bsags pa'i las zad par ma gyur pa de srid du rtse dga' bar byed do/ /gang gi tshe zad par gyur pa de'i tshe rang gis byas pa'i zas bzang po rnams zos nas slar nyid kyang dmyal ba dang yi dgas dang dud 'gro rnams su skye'o/ /gang yang mi rnams dang skal ba mthun par gyur pa min skyes par gyur na/ de mchog tu phun sum tshogs pa dang / mchog tu rgya chi bar yang 'gyur te/ rgyal po rnams sam rgyal po'i blon po rnams su gyur nas/ skye bo thams cad dga' ba dang mchog tu skyid pa dang las</font><hr>66.39a<br><font size=+1>

de'i rgyu mthun pas yul gyi mi rnams thams cad byams par 'gyur ro/ /gzhan yang dge slong las kyi 'bras bu rnam par smin pa shes pa de 'thab bral ba'i lha rnams kyi sa rnams la kun du lta bar byed do/ des thos pa las byung ba'i shes rab bam lha'i mig gis ji ltar yod pa'i 'thab bral ba rnams kyi lha'i sa gcig tu dga' ba zhes bya ba mthong ngo / /der las gang gis sems can rnams skye bar 'gyur ba yang / des thos pa las byung ba'i shes rab bam lha'i mig gis mthong na/ ji ltar skyes bu dam pa gang gis bya bar gyur pa'i don byas pa tshul khrims dang ldan par gyur nas/ srog gcod pa dang ma byin par len pa dag spangs par gyur pa ni snga ma bzhin no/ /'dod pa la log par g.yem pa yang mchog tu spang bar dka' ba dang khyad par du dor bar dka' ba rnams kyang rab tu 'gog par byed pa yin te/ ji ltar bya dang bya dag lhan cig tu spyod par gyur pa rnams dang / ri mo la phan tshun du gyur pa rnams dang / de bzhin du phan tshun du gyur pa mthong ba de dag rnams kyang yongs su spong bar byed do/ /yid kyis kyang kun tu rtog par mi byed do/ /nye bar bsgom par mi byed de/ 'dod pa la log par g.yem pa'i rnam par smin pa'i phyir rgol ba rnams kyi 'jigs pas thams cad kyang gnas skabs rnams thams cad du spong bar byed do/ /gzhan dag rnams byed par gyur pa na yang rab tu 'gog par byed do/ /chos 'dul ba la rab tu 'god par byed cing 'dod pa la log par g.yem pa'i las kyi 'bras bu rnam par smin pa rnams ston par byed do/ /rnam pa du mar yang log par ltung bar gyur pa'i chos rnams ston par byed de/ ji ltar 'dod pa la log par g.yem pas ni thams cad du yang mi 'dod pa mi sdug pa yid du mi 'ong ba dmyal ba kun nas 'phel bar byed pa'i 'bras bu rnam par smin pa can du 'gyur ro/ /de bdag nyid kyis kyang mi</font><hr>66.39b<br><font size=+1>

byed do/ /gzhan dag rnams byed pa na yang rab tu 'gog par byed do/ /rang dang gzhan la phan pa'i yon la rab tu zhugs par gyur pa dge legs dang ldan pa'i sems can de ni lus zhig par gyur nas shi ba'i 'og tu bde 'gro'i mtho ris kyi 'jig rten las 'thab bral ba rnams kyi sa gcig tu dga' ba la skye bar 'gyur ro/ /der skyes pa na yang 'dis legs par byas pa'i las kyi mtha' rnams la spyad pas/ bde ba rgya chen po la sogs pa bde ba du ma rab tu 'phel bar gyur pa'i sa der skyes pa rnams ni nags dang nye ba'i nags rnams na lhag par gnas pa/ 'dod pa rnams thams cad 'dod pa bzhin gyi yon tan dang ldan pa'i bde ba rnams la nye bar longs spyod pas nags dang nye ba'i nags dag sten par byed do/ /de rgyu ba'i dus na nags 'di dag rnams yin te/ 'di lta ste 'od zer mngon par dga' ba zhes bya ba dang / 'bab chu rnams kyis mngon par dga' ba zhes bya ba dang / gzhal yas khang gi ri bo zhes bya ba dang / rnam par bkra ba'i chu'i pad ma'i rdzing bu rnams zhes bya ba dang / dri 'thul ba zhes bya ba'o/ /nags dang nye ba'i nags dang rdzing bu rnams dang gzhan dag kyang rir gyur pa rnams kyi lha rdzas kyi yon tan gyi phun sum tshogs pa rnams ni grangs kyang mi dmigs so/ /de la nags gang dag dang mtsho gang dag ni mchog tu dga' bar gyur pa yin no/ /gang dag la 'di dag rnams dga' bar byed pa 'di dag rnams ni byings che ba dang ldan pa yin no/ /'di lta ste nor bu'i stegs bu zhes bya ba'i mtsho na bya phal po che rnams kyis mngon par dga' ba dang / rtag par yang shin du rangs pa'i lha rnams kyis sten par gyur pa dogs pa med par gyur pas mthong bar 'gyur ba yin no/ /mtsho de dag gi nye 'khor rnams na lha rdzas kyi sgra dang mdog dang tshad dang mchog tu ldan pa'i bya dag gis yongs su gang bar gyur pa dang / ngos gnyis ga na yang dpag bsam gyi shing rnams kyis yongs su gang bar gyur</font><hr>66.40a<br><font size=+1>

pa yin no/ / yon tan du ma dang ldan pa de dag rnams la legs par byas pa'i las kyi mtha' la spyod pa ni 'dod pa'i yon tan lnga rnams la lha'i bu mo du ma rnams kyis kyang yongs su bskor nas dga' bar byed de/ lha rdzas kyi gzugs dang ldan pa rnams dang de'i 'dun pa'i rjes su 'jug par byed pa dang / rtag tu rgyun mi 'chad par bde ba la ched cher byed pa dang mchog tu bde ba la rab tu chags pa dang / lha rdzas kyi bde ba gzhan dang gzhan rnam pa du ma rnams kyis de dag rnams mtsho der legs par brten nas phyir zhing nyid kyang 'dod pa'i yon tan lnga'i nye bar longs spyad pa rnams kyis ngoms pa med pas sred pa'i zug rngu rnams kyis rab tu 'brel bar gyur nas/ slar yang rjes su 'brang ba de dag rnams nyid kyis yongs su bskor ba rnams nor bu'i cha shas rnams kyis rnam par bkra ba zhes bya ba'i mtsho dang pad ma'i rdzing bu dag gis nye bar mdzes par byas pa'i ri de la 'khod par byed de/ skyed mos tshal gyi ltad mo'i dbang du byas nas lha rdzas kyi bdud rtsi'i pad ma'i yu ba dag gis nye bar mdzes par gyur pa dang / lha rdzas kyi gos rnams gyon pa dang lha rdzas kyi yul lnga po rnams sten par byed pas kyang / nor bu'i cha shas sna tshogs pas bkra ba mthong na/ mchog tu yid 'phrog par byed pa'i ri de la rtse dga' bar 'dod pas mnyam par 'khod par byed do/ /de nas de'i rtse mo gzhan la ri'i khrod dga' ba zhes bya ba de na dga' ldan gyi lha'i rigs su gyur pa'i lha gzhan lha rdzas kyi phreng ba dang gos dang ldan pa gser gyi rang bzhin rnam pa du mar dga' ba'i nags su brgya phrag dang de nas stong phrag dang thams cad nyid babs nas rtsed mo'i mchog rnams byed do/ /lha de dag rnams mngon par mthong bar gyur nas lha gsar du skyes pa de lhan cig spyod pa rnams la brjod pa/ ji ltar gang dag lhan cig spyod pa rnams kyis yongs su bskor nas rtse zhing 'gro bar 'gyur ba'i lha de dag rnams dang / ma tha yang gang bdag kyang de dag dang</font><hr>66.40b<br><font size=+1>

nye bar gyur mod/ de nas de dag rnams thams cad kyis kyang de'i drung nas tshig de nye bar thos nas 'di skad ces brjod do/ /lha de ji ltar mngon par 'dod par gyur pa de ltar bdag cag rnams kyis de bzhin du bya'o/ /de nas de ltar rig nas lha gsar du skyes pa de lhan cig spyod par byed pa rnams kyis yongs su bskor nas/ lha rdzas kyi rnga skad yan lag lnga dang ldan pa rnams nye bar bsgrags par gyur pas/ gang na lha de dag rnams yod pa de dang nye bar gyur to/ /de nas phan tshun du 'dres par gyur pa'i lha de dag rnams phan tshun du rnam par 'dres pas rab tu chags par gyur pa'i snying ngoms pa med pa rnams la/ ri'i gtsug na nor bu zhes bya ba'i byas tshigs su bcad pa'i dbyangs brjod pa ji ltar/ las kyi snying po'i 'jig rten dang / /lha ni las kyi snying po can/ /'dus byas lha yi 'jig rten pa/ /las zad nas ni ltung ba yin/ /'thun par 'grogs pa'i 'jig rten ni/ /'bral bas rtag tu 'thun pa min/ /'dus pa'i mtha' ni 'bral ba yin/ /de bzhin gshegs kyis chos nyid 'di/ /bde la kun tu chags pa'i yid/ /yul gyis bdag nyid bslus pa yin/ /yid shugs dang mtshungs rnams kyi ni/ /lha rnams tshe ni zad par 'gyur/ /rga dang na dang smad pa dang / /'bral bas lus can thams cad la/ /'byung ba yang ni kun rmongs pas/ /yul gyis khrid nas rig pa min/ /rga ba'i chad pa sngun bsar nas/ /'chi bdag gis ni kun tu sre/ /nad kyi dpung gis 'di rnams 'bral/ /blo gros med pas mthong ba 'ang min/ /drug gis 'jig rten rnam par 'joms/ /phyugs bzhin du yang 'joms par byed/ / gom pa'i lam du zhugs pa ni/ /'khris shing bzhin du yongs su bskor/ /gang 'di'i blo ni rtag par yang / /rgyu dang 'bras lo legs par gnas/ /de ni rgyu 'bras legs lta bas/ /phyi nas gdung bas mi 'joms so/ /yul rnams kyis ni 'joms min te/ /drang por lta ba brkam</font><hr>66.41a<br><font size=+1>

chags med/ /des ni shin du mi bzad pa'i/ /dga' ba'i yul kun myur du 'dor/ /skyon las rnam grol ngam grog dang / /dri ma'i 'jigs pa las rnam grol/ /bag med me gang des rtogs nas/ /thams cad du ni yongs su spangs/ /'jigs pa lnga po 'di yis gang / /dang por 'jig rten 'di gsod pa/ /rga dang na dang 'chi ba dang / /rnam par 'bral dang rang gi las/ /de ltar ri'i gtsug na nor bu zhes bya ba'i bya ni rnam par bkra ba/ gtsang ba dag gi rma bya'i rgyal po byang chub sems dpa'i lhan cig tu spyod pa dang gnyis ka'i yang smon lam gyi dbang gis rma bya'i skye gnas su skyes par gyur pa yin no/ /de dag kyang rma bya rnams dang 'thab bral gyi lha rnams la bag med pa dang bral ba'i don du chos ston par byed do/ /de nas lha des snga na med pa'i lha de dag mngon par mthong bar gyur pas/ slar nyid kyang ches mchog tu dga' bar gyur pa'i yid kyis legs par bshad pa de dag rnams la rtsis bgrang ma byas par bag med pa'i dbang gis/ rab tu rtse bar byed pa dang gar byed pa dang rgod par yang byed cing rnga skad yan lag lnga dang ldan pa rnams kyis rnam pa du mar dga' bar byed de/ dpe med pa'i nags dang nye ba'i nags rnams dang ri dang ri'i ljongs rin po che kun tu 'bar ba'i 'od zer gsal bar snang ba rnams dang dpag bsam gyi shing gi nags rnams dang ldan pa rnams dang dga' ba'i bya dang ldan pa rnams dang ri'i chu klung brgya phrag dang ldan pa rnams dang pad ma'i nags dang ldan pa rnams la lhan cig spyod pa rnams dang bcas cing 'dod pa rnams thams cad phun sum tshogs pa lha rdzas kyi bde ba rnams dang ldan pas rnam pa du mar lha rnams rtse dga' bar byed do/ /de ltar rtse bar gyur pa'i lha de rnams rim gyis nor bu'i cha shas rnam par bkra ba zhes bya ba'i ri de la 'khod do/ /ri de la yang dpag bsam gyi shing gi nags rin po che bdun gyi rang bzhin gyi shing rnams kyis nye bar mdzes par gyur pa ste/ dpag tshad lnga brgya yod pa yin no/ /nags chen po</font><hr>66.41b<br><font size=+1>

de ni shin tu bkra bas rnam par bkra bar gyur pa'i bya'i rgyal po rab tu gnas pas/ bag med pa dang bral bar bya ba'i don du lha rnams la chos ston par byed do/ /lha rnams kyang chos la rjes su 'jug par bya ba'i don du yang ston par ched cher byed do/ /nags dang nye ba'i nags rnams dang pad ma'i rdzing bu rnam pa sna tshogs pa rnams dang chu klung dang 'bab chu rnam pa sna tshogs pa rnams dang rin po che'i khams rnams dang ldan pa'i rtse mo rnam par bkra ba rnams dang / bya brgya stong phrag ngos na sgra kun du sgrogs pas dga' bar gyur pa rnams dang lha'i tshogs rnams kyis nye bar mdzes pa dang lha mo'i tshogs rnams kyis rnam pa sna tshogs par ches dga' bar gyur pa la lha de dag phan tshun grogs su gyur pas dga' bar byed do/ /rnam pa sna tshogs pa'i 'dod pa'i bde ba'i rgyags pas myos pa dang / rang gis byas pa'i las kyi 'bras bu rnams la longs spyod pas thams cad nyid dga' bar byed pa dang rnam pa du ma dang rnam par rtog pa du mas kyang lha rdzas kyi dpe med pa rnams la rtsed mo dag kyang rtse bar byed do/ /de nas lha de dag rnams kyis bag med pa'i bde ba de dag nye bar rnyed nas/ nor bu'i cha shas rnam par bkra ba'i ri de nas dga' bas rtse bar 'gyur ba rnams la/ rma bya'i rgyal po des tshigs su bcad pa'i dbyangs bsnyad pa ji ltar/ gzugs la sogs pa'i yul rnams kyis/ /tshim par ma gyur 'gyur ba min/ /sol me'i me yis bsregs pa rnams/ /slar yang yul la 'dod pa rnams/ /yang dang yang du lha'i 'jig rten/ /'chi 'pho dang ni skye bar 'gyur/ /las kyi nya rgyas bzung nas ni/ /slar yang dmyal bar 'gro ba yin/ /dmyal dang yi dgas dud 'gro ni/ /sdug bsngal mang gnas skal ba can/ /rgyu dang 'bras kyi skal ldan pas/ /sems can 'gro ba lnga na 'khyam/ /lus can rnams kyi las rnams ni/ /sna tshogs mang po 'dir byas nas/ /</font><hr>66.42a<br><font size=+1>

'bras bu sna tshogs de dag nyid/ /du ma'i sgo nas lha rnams spyod/ /byung zhing 'dzad pa'i chos can ni/ /zad nas kyang ni rtag tu ltung / /de nyid bzhin du mkhas pa yis/ /lha rnams kyi ni 'chi 'pho mthong / /'chi bdag 'di ni kun 'byung bas/ /mi rnams gson pa'i bar chad byed/ /thams cad yul gyis bag med pas/ /rmongs pa yis kyang rig pa min/ /bdag nyid tshol bar byed pa'i ngag /du ma rjes su bsngags par 'gyur/ lha rnams bde bas rmongs pa yis/ /'dod pa rnams ni rnam mi spong / /chos ldan dge ba'i ngag gis ni/ /'di dang phyi mar bde ba 'byung / /rmongs dag gang zhig mi 'dzin pa/ /de ni phyi nas gdung bar 'gyur/ /mang po rjes su gdams gyur pa'i/ /de nyid don ni gsal byed pa/ /bag med pas phrogs lha yis ni/ /gang phan pa ni mi rtogs so/ /srog gi bar chad byed pa'i dgra/ /bsran par mi bzod stobs po che/ /'gor ba med par shugs po che/ /'dir ni 'chi bdag khyed la 'byung / /lha klu dri za sha za dang / /lto 'phye dang ni srin pos kyang / /de yi stobs ni gzhig nus pa'i/ /de stobs rnam pa de 'dra med/ /stobs dang stobs med rnam par shes/ /las rnams de nyid mthong ba po/ /sdig pa'i chos kyis mi gos shing / /de ni ngan 'gror 'gro mi 'gyur/ /dge ba gyis dang mi dge'i dug /de ni spangs pa nyid du yang / /byas na 'di yi tshe la ni/ /sdug bsngal rjes su rgyug pa min/ /chos rjes 'brang dang dad pa ni/ /brtson 'grus kyis ni yongs su spel/ /theg chen stobs la brtson dang ldan/ /ma bzhin du ni phan par byed/ /de ni skyes bu thams cad kyis/ /'gro ba lngar ni dbugs 'byin 'gyur/ /de la pha dang ma med par/ /'gro zhing rjes su 'gro ba min/ /chos rjes 'brang dang dad pa can/ /ji ltar bde ba 'byung bar 'gro/ /ngan song las ni kun 'dzin pa'i/ /sdug bsngal stobs ni che ba yi/ /mun pa'i de yang mar me rung / /nad pa rnams kyi</font><hr>66.42b<br><font size=+1>

'di ni sman/ /dmus long rnams kyi mig gyur dang / /de ni dbul po'i nor chen yin/ /srid pa'i chu bos khyer rnams kyi/ /rkyal bar gyur pa'i bde ba 'khyer/ /bag med rgyags pas rgyags rnams kyi/ /de ni bag med 'joms pa po/ /'chi bdag dus ni nyer byung la/ /srid pa'i chu bo 'joms byed de/ /gang yang go 'phang zhi gang de/ /sngon gyi thub pas rnam 'dzin pa/ /yang dag lta bas sngon 'gro ba/ /de ni ngal ba med par 'thob/ /bag yod de bzhin dad pa dang / /brtson 'grus rtsom pa de bzhin 'dzin/ /ye shes goms pa dam pa bsten/ /thar pa yi ni skye mched drug /sbyin dang tshul khrims dul dang bzod/ /byams par gyur pas 'tshe ba med/ /snying rje dga' ba btang snyoms ni/ /zhi ba legs 'thob rgyu rnams yin/ /tsab hral can dang sdig la 'dre/ /khron ma de bzhin min pa'i tshig /log lta dang ni bag med kyang / /dmyal ba'i rgyu yi rtse mo rnams/ /ser sna dang ni phrag dog ngag rtsub bag med pa/ /bsten pa la ni mngon par dga' dang mi dge dang / /sems can 'tshe la mngon par dga' ba'i yid dang ni/ /'di dag yi dgas lam du 'phags pa dag gis gsungs/ /blo gros blun po dang ni rmongs pa sten pa dang / /dam pa'i chos la rgod dang 'khrig pa la yang dga'/ /zas la chags pa dang ni gnyid la phan che ba/ /dud 'gro rnams su skye ba'i rgyu rnams yin par smra/ /lus dang ngag dang yid rnams kyis/ /mi dge rnam pa gsum cher byas/ /skyes bu blo gros dman pa ni/ /dmyal bar skye bar 'gyur ba yin/ /rgyu rnams ci 'dra ba yi ni/ /'bras bu de dang 'dra ba mthong / /'brus 'bras 'bru dang 'dra ba dang / /de med par yang 'byung ma yin/ /'khor bar sdug bsngal rgyu mang po/ /mang po legs par mthong ba yin/ /de lta na yang des rmongs pas/ /lha rnams kyis ni mi go'o/ /dang po bag med bde dang ldan/ /phyi nas sdug bsngal ldan par 'gyur/ /phyis gang sdug bsngal rgyur gyur pa/ /de ni mkhas pas</font><hr>66.43a<br><font size=+1>

spong bar byed/ /ji srid mya ngan 'das mi gzhol/ /de srid bde ba thob mi 'gyur/ /rnam grol skyes bu thams cad ni/ /rtag tu bde dang ldan par 'gyur/ /bde gang brtan pa min pa dang / /de ni bde bar rab ma bsgrags/ /gang yang brtan pa de la ni/ /de 'di bde ba zhes brjod do/ /gong nas gong du legs 'brel ba'i/ /las rnams legs par ston par byed/ /'bras bu rnams kyang legs 'brel ba/ /de ni gong nas gong nyid do/ /de phyir las 'bras 'go ba dang / /bag med pa yang rnam par spongs/ /bde legs kyi ni blo gyis dang / /de dag bde ba bla na med/ /de ltar rma bya rnams kyi mnga' bdag des de dag rnams la bag med pa dang bral bar bya ba'i don du rnam pa du mar chos ston par byed de/ brtan zhing gsal la snyan pa rgya che ba'i skad rnam pa de lta bu dag gis gang lha de dag rnams kyi glu de dag rnams thams cad nye bar bcom nas dge ba'i chos kyis dpag tshad stong phrag nyi shur sgra dbyangs bzang po rnams kyis kun du bsgrags so/ /thos pa'i bde ba dang chos yongs su smin pa'i bde ba rnams dang yang ldan pa yin no/ /de nas lha gang dag dga' ldan gyi lha'i ris nas 'bab par byed pa de dag rnams ni nam mkha'i dkyil nas rgyu bar 'gyur te/ ji ltar rgyal chen ris bzhi'i lha rnams rgyu bar byed pa de ltar de dag rnams kyang rgyu ba yin no/ /gal te shed na de dag rnams kyis rnam par rtog pa du mar gyur pa'i dbyangs snyan pa de thos par 'gyur ro/ /de nas thos par gyur pa dang lha nyid stong phrag bcus te/ dam pa'i chos la gus pa dang bag med pa yang shas chung bar gyur pas gang na 'thab bral rnams kyi lha'i sa yod pa'i gang la rma bya'i rgyal po rnam par bkra ba 'di'i legs par bkra ba dang bcas nas chos ston par byed par babs par gyur to/ /de nas dga' ldan gyi lha rnams babs par rig nas rma bya'i rgyal po de ches rab tu dga' bar gyur pa'i yid kyis rjod</font><hr>66.43b<br><font size=+1>

par byed pa ji lta ba bzhin du bde bar 'ongs sam/ kye ye yang dag pa'i lha rnams/ 'dir 'ongs pa rnams ni bag med pa rnams chung bas rnam par rgyu ba dang / 'di dang pha rol rjes su dpyod par byed pa dang chos rnam pa du ma nyan pas babs par gyur pa yin mod kyi/ khyed rnams ji lta bar bdag cag gi chos nyon dang de bzhin du bdag gis bstan par bya'o/ /shis pa thabs su gyur pa mya ngan las 'das pa'i grong khyer legs par 'thob par byed pa thams cad kyis sngar ma mthong ba gang bdag skye ba gzhan zhig tu mir gyur pa na/ bcom ldan 'das 'khor ba 'jig gi spyan snga nas thos pa de skye ba gzhan rjes su dran pa dang smon lam gyi dbang gis ngas da rung dran zhing / gzhan dag rnams la yang nye bar ston par byed do/ /de nas dga' ldan gyi lha de dag rnams kyis rma bya'i rgyal po de'i drung nas tshig dag nye bar thos nas nam mkha'i dkyil nas babs te/ dam pa'i chos la gus pas tshim par gyur pa'i yid kyis thams cad kyang ri de'i rtse mo 'bab chu dang rdzing bu phal che ba dang nags dang nye ba'i nags rnams phun sum tshogs pa dang pad ma'i rdzing bu dang rin po che'i khams rnams dang yang dag par ldan pa dang bya brgya stong du mas rnam par rjod par byed pas mngon par dga' ba dang / rin po che'i khams kyi 'byung khung rnams dang ldan pa'i nor bu'i cha shas kyis rnam par bkra ba'i ri'i rtse mo de la lha de dag gis rma bya'i rgyal po de yongs su bskor nas kun tu gnas so/ /gzugs dang brtan pa dang rgya chen por gyur pa phun sum tshogs pa'i ngo bo rnams thams cad las 'di lhag par gyur pas 'thab bral gyi lha de dag gi drung na ches lhag par gyur pa ni/ ji ltar 'dzam bu'i gling gi mi rnams kyi khyad par gyis 'thab bral ba rnams thabs thams cad kyis bla lhag pa yin no/ /de bzhin du dga' ldan gyi lha de dag rnams 'thab bral ba'i drung na bla lhag par gyur pa yin no/ /de nas 'thab bral ba de dag gis dga' ldan pa de dag</font><hr>66.44a<br><font size=+1>

rnams mngon par mthong nas gzugs kyi rgyags pa dang dbang phyug dang rgya chen po nye bar bcom par gyur pas/ gang na rma bya'i mnga' bdag yod par gyur pa der nye bar 'gro'o/ /'ga' zhig dang 'ga' zhig ni rtse ba la dga' bar gyur pas nags dang nye ba'i nags dag tu zhugs so/ /ji ltar 'dzam bu'i gling gi mi rnams kyi khyad par gyis 'thab bral ba rnams tshul thams cad kyis khyad par du 'phags pa yin la/ de ltar dga' ldan gyi lha de dag rnams 'thab bral ba de dag gi drung na yang bla lhag pa yin no/ /kha cig ni ma mthong ba'i phyir dang ngo mtshar bar gyur pa'i phyir yang dga' ldan gyi lha de dag rnams nyid la kun nas mngon par lta zhing gnas par gyur to/ /kha cig ni slar nyid kyang ri'i rtse mo de dag nyid la rtse ba'i don du mngon par 'khod par byed do/ /de nas dga' ldan pa de dag dang 'thab bral ba de dag rnams kyis rma bya'i rgyal po de la yongs su bskor nas de na gnas so/ /de nas byang chub sems dpa' des de dag la 'di skad ces smras so/ /lha dag ji ltar chos la gus pa la goms pa'i dbang gis lha dang mi rnams la phan pa'i don gang yin pa dang mchog tu bde ba dang sems can rnams thams cad la phan pa dang sems can thams cad lha dang mi rnams la yang dag par 'god pa ni 'di lta ste/ chos nyi shu rtsa gnyis po 'di dag rnams kyis ni lha dang mi rnams 'jig rten 'di dang pha rol tu yang phan pa dang bde ba dang sdug pa dang yid du 'ong ba gang yin par 'gyur ro/ /chos nyi shu rtsa gnyis po gang gis bag med pa rnams kun nas 'dor ba dang / chud gson par byed pa dang med par byed pa dang de dang bral bas kyang bde ba mtha' yas par gyur pa lha dang mi rnams mya ngan las 'das pa'i mthar thug par byed pa dang / ji ltar mas ma yin zhing phas kyang ma yin pa rnams chos kyis de bzhin du phan par 'gyur ba de</font><hr>66.44b<br><font size=+1>

dag gang zhe na 'di lta ste/ 'gyod pa dang ngan song gi 'jigs pa dang bzod pa dang brtson 'grus dang / chos ston pa dang snying rje dang sems rab tu 'dul ba dang rab tu rten pa dang las la dad pa dang ldan pa dang / grags pa ma yin pas 'jigs pa dang mngon par zhen pa med pa dang gcig pur dga' ba dang sems rnam par ma g.yengs pa dang 'chi ba rjes su dran pa dang gzugs dang dbang phyug dang rigs dang nad med pa'i rgyags pa dang bral ba dang mi gnas pas nye bar bcom pa dang brtan po dang ngag 'jam po dang sems can thams cad la mnyam pa nyid dang chog shes pa dang yul rnams la 'jigs par lta ba dang sems la yid ches par mi bya ba'o/ /de la chos nyi shu rtsa gnyis po de dag rnams ji lta ba bzhin du bsten par gyur pa na lha 'am mi rnams kyang rung ste ngan song gi sa rnams la skye bar mi 'gyur ro/ /mya ngan las 'das par yang myur bar thob par byed do/ /de la ji ltar 'gyod par byed par bya ba yin zhing / ji ltar na thams cad kyang bde legs la legs par spyod pa yin na/ yid la gcags pa rnams rnam pa thams cad du byas par gyur na ni/ dge ba'i chos rnams kun nas 'joms par byed do/ /de la 'di ji ltar byas par gyur nas yin na/ gal te yang 'di na gzhan 'ga' zhig mi dge ba rnams lus dang ngag dang yid kyis kyang byed par gyur pa na ni/ des dge slong 'di skyug bro bar blta bar bya ba dang / rnam par smod par byed pa dang gang yid la gcags par gyur pa byed la de dang lhan cig tu gnas par yang mi byed do/ /de nas yang gal te bdag nyid kyis ji zhig ltar rkyen gyi dbang gis byas par gyur tam sems la yang rnam par rtog pa kun tu skyes par gyur na/ de skyes par gyur pa tsam nyid na yang rab tu 'joms so/ /phyir nyid kyang ro myang bar mi byed do/ /gang dag gis phrogs par gyur na yang gzhan dag gi drung du</font><hr>66.45a<br><font size=+1>

mthol bar byed do/ /'di 'byung bar mi 'gyur ba la yang kun nas 'bad par byed cing sems kyis 'bad par byed do/ /de kho na bzhin du phyir zhing dang de dag nyid la slar yang dang sems rab tu gnas par mi byed do/ /des mi dge ba'i chos rnam par rtog pa de ltar smre bar byed de/ dper na rtug pa dang / khyi'i ro mgul par bcings pa 'am mi gtsang ba rnams 'ga' zhig tu bcug par gyur na/ mi gtsang ba de dag rnams dang khyi'i ro de dag la yang gtsang ma 'dod pa'i skyes bu rnams skyug log par byed do/ /de ltar dge slong mi dge ba'i chos yid la byed pa la skyug bro bar byed do/ /rnam par gshe'o 'gyod par yang byed pa yin no/ /dper na yang skyes bu gzhan 'ga' zhig gtsang ma 'dod pa gtsang ma la bsten pa gtsang ma rnams la so sor skyabs su song ba dag brgya la zhig na bshang ba za bar byed pa yin te/ gal te shed na mi shes pas sam byis par gyur pas gzhan grogs po ma yin pa dag gis zar bcug par gyur kyang rung ste/ des mi gtsang ba de rnam par smod par byed cing smre bar byed la phyis kyang kun nas za bar mi byed par des kyang 'gyod par byed do/ /de kho na bzhin du dge slong ngam de'i rigs can gzhan dag rnams kyang rung ste gang 'ga' zhig dge ba rjes su tshol ba rnams la ci zhig ltar mi dge ba'i yid la byed pa'i rnam par rtog pa dag skyes par gyur na yang rnam par smod par byed do/ /smre bar byed do/ /gang dag gis khrid par gyur pa na de dag yang mi skye bar bya ba'i don du sems skyed par byed cing dge ba la yang spyod par byed do/ /'di ni bag med pa rnam par 'joms pa dang / bag med pa rlag par byed pa dang bag med pa rnams 'jig par byed pa'i lha dang mi rnams kyi chos dang po yin no/ /de'i phyir skyes bu dam pa de kho na nyid tshol ba rnams dang / 'khor ba'i 'jigs pas 'jigs pa gang yin pa rnams kyis 'di ltar bslab par bya ste/ mi dge ba'i rnam par rtog</font><hr>66.45b<br><font size=+1>

pa phra ba'i phra ba yid la skyes par gyur na yang 'gyod par bya'o/ /'dir ni bag yod par bya ba yin te/ skad cig kyang bag med par ni mi bya'o/ /de lta bas na mi dge ba'i chos rnams kyi rtsa ba gcig pur gyur pa ni 'di lta ste/ ro myang bar byed pa dang yid la gcags par byed pa ste chos dang po yin no/ /chos gzhan yang dge ba kun du 'phel ba byed pa dag yod de/ 'di ltar ngan song gis 'jigs pa'o/ /ngan song gis 'jigs pa zhes bya ba ni theg pa chen po'i chos yin te/ 'dir ngan song gis 'jigs pa'i lha dang mi rnams thams cad kyi yang bag med pa rnams rlag par byed pa dang bag med pa rnam par 'joms par byed pa yin pas/ dge slong dag gam de dag dang mtshungs par gyur pa gzhan rnams kyang rung ste/ thabs ma yin pa la 'jigs pa rnams ni mi dge ba rtsom par mi byed do/ /gzhan dag rnams byed pa na yang rjes su yi rang bar mi byed do/ /mi dge ba'i las 'di dag rnams kyis ni ji lta ba bzhin du dmyal ba dang yi dgas dang dud 'gro rnams su sems can rnams skye ba yin no zhes shes pa yang yin pas/ bdag gis mi dge ba'i chos de byas pa ma yin te/ gang gi phyir sdig pa'i 'bras bu des kyang thabs ma yin pa rnams su ltung bar 'gyur ro/ /mi dge ba chung ngu yang bsten cing bsgoms la lan mang du byas par gyur pa'i rgyu gang gis srog chags rnams dmyal ba dang yi dgas dang dud 'gro rnams su skye bar 'gyur ro/ /de'i phyir na dge sbyong dang bram ze dang gzhan yang de'i rigs can rnams kyis 'di ltar bslab par bya ste/ ngan song rnams kyis 'jigs pa rnams kyis rtag tu yang mi dge ba'i chos rnams la 'jigs par bya'o/ /gang gi phyir mi dge ba'i las mtha' dag gi 'bras bu rnam par smin pa rnams ni dmyal ba dang yi dgas dang dud 'gro rnams su nye bar longs spyod par byed pa yin pas/ bag med pa rnams bag med par rgyu bar byed pa'i lha blo dman pa rnams kyis de ltar ngan song la 'jigs par bya'o/ /ngan </font><hr>66.46a<br><font size=+1>

song rnams la 'jigs pa'i phyir bag med pa kun du bsten par mi byed do/ /lus dang ngag dang yid kyi mi dge ba'i las rnam pa gsum po rnams mi byed do/ /de nyin gcig bzhin du rtag par yang dag pa rnams ni byed pa 'ang yin la mi dge ba yang spong bar byed do/ /de de ltar na ngan song gis 'jigs pa rnams kyis rnam par 'jigs pa yin no/ /ji ltar skyes bu 'ga' zhig rang gi stobs dang gzhan gyi stobs rnams kyi de kho na nyid mthong ba/ dug dang gcan zan dang me dang mtshon cha dang g.yang sa dag dang srog gi bar chad byed par 'gyur ba rnams las rnam par gzhig par byed pa yin no/ /de bzhin du thabs ma yin pa rnams kyis 'jigs pa'i phyir ni 'byung bar 'gyur ba'i chos rnams las rnam par gzhig par byed do/ /rtag tu yongs su spong bar byed pa dang / mi dge ba rnams las phra mo tsam yang mi byed do/ /bag med pa dag la yang mi bsten no/ /de yongs su spangs par gyur pa las kyang lha dang mi rnams su longs spyod rnams la rjes su spyad cing mya ngan las 'das pa'i grong khyer rjes su btsal nas 'di yang mya ngan las 'das par ci nas kyang 'gro bar 'gyur ro/ /dri ma med pa mi g.yo ba zag pa med pa'i bde ba'i mchog rnams thob par byed do/ /de'i phyir na rtag tu yang ngan song gis 'jigs par bya'o/ /de ltar byas par gyur na dge sbyong ngam bram ze 'am de dang 'dra ba rnams kyang rung ste/ go 'phang gi mchog thob par 'gyur ro/ /'di la yang tshigs su bcad pa'i dbyangs kyis bsnyad pa/ skyes bu thabs min pas 'jigs pa/ /bag med stobs ni spong ba po/ /dge ba spyod cing yon tan tshol/ /mya ngan 'das pa rtogs par 'gyur/ /gang zhig thabs min pas 'jigs pa/ /de yi sems ni rnal tu gnas/ /mnyam par bzhag pa'i sems kyis ni/ /bde ba nas ni bde ba 'thob/ /gang la ngan song 'jigs pa med/ /de ni sdig pa'i mes bsregs nas/ /phyi nas dmyal ba thob par 'gyur/ /me stag shin du phra bas kyang / /</font><hr>66.46b<br><font size=+1>

ji ltar rung bar sreg pa yin/ /de bzhin sdig pa chung ngus kyang / /sdig pa'i blo med dmyal bar 'gro/ /de phyir bde ba 'dod pa yis/ /ngan song gis ni 'jigs par bya/ /des kyang mi rnams kun du skyob/ /sdig las bde ba 'byung ba min/ /de ltar chos gzhan 'di bya ste lha dang mi rnams sam dge sbyong dang bram ze 'am de dag dang 'dra ba gzhan rnams kyis kyang rung ste chos gzhan po 'di dag rnams bya'o/ /gang dag 'jigs par gyur pa rnams ni de'i yid las skyes par gyur pa'i sdig pa chung ngu ni rnams kyang dus de nyid du bshags par byed do/ /rjes su yi rang ba mi byed cing phyis yang myi byed do/ /sems par yang mi byed do/ de'i 'bras bu dmyal ba dang yi dgas dang dud 'gro'i sdug bsngal rnams yid la byas shing rtogs pa yin no/ /de ltar ngan song gis 'jigs pa rnam pa gsum po de dag rnams bcur phye bas ni mi dge ba bcu'o/ /rnam par spong bar byed cing byed pa yang ma yin no/ /rjes su yi rang bar mi byed do/ /de byed pa rnams dang lhan cig tu 'dre bar mi byed do/ /de ni sdig pa rnams thams cad rnam par spangs pa'i skyes bu dam pa dge bar spyod pa rnam par dag par spyod pa dri ma med pa bag med pa rnam par spangs pa/ sdig pa rnams kyis byas pa'i srid pa'i brje bsor mi dge ba'i las rnams thams cad nas so sor spangs pa skyon thams cad las yongs su grol ba yin nam skyon thams cad las yongs su grol ba rnams dang nyon mongs pa rnams thams cad las rnam par grol ba rnams dang rnal du gnas pa'i rnon po rnams ni srid pa'i chu bo'i pha rol tu 'gro bar 'gyur ro/ /de'i phyir 'di ltar bslab par bya ste/ rtag tu ngan song gis 'jigs pa rnams go bar bya'o/ /chos gzhan 'di ni 'dod pa sdug pa yid du 'ong ba sems can rnams thams cad kyang mya ngan las 'das pa'i mthar thug par byed pa yin no/ /gzhan yang</font><hr>66.47a<br><font size=+1>

bcom ldan 'das de nyid kyis lha dang mi rnams la phan pa dang bde ba'i don du bag med pa rab tu gzhom par bya ba dang mya ngan las 'das pa thob par bya ba'i don du yang chos bstan pa bdag mir gyur pa na thos pa gang yin pa de dag ngas dran pa dang rjes su 'brel pa rnams lha rnams la bstan par bya ba'o/ /'di yang gang zhe na/ 'di lta ste bzod pa'o/ /bzod pa zhes bya ba'i chos rnams mi mchog tu dge ba dang / shin du bde legs su gyur pa dang / mchog tu sangs rgyas kyis bsngags pa yin no/ /bzod pa de yang rnam pa gnyis yin te/ gang yang chos mnyam pa nyid kyi lam du 'gro ba'i bsam gtan pa rnams kyi dkar po'i chos rnams la nges par brtan pa'i phyir chos nyid la brtan par gyur pa rnams bsam gtan gyi lam gyi dge ba'i khyad par gyis kyang bzod pa byed pa'i bzod pa ni/ de ltar 'dir yang brag dang nags tshang tshing du ma dang bcas pa'i 'jig rten ma lus pa 'di dag rnams sa gzhi'i steng na gnas par gyur yang bzod par byed do/ /'bying bar yang mi 'gyur ro/ /de bzhin du bzod pas kyang mya ngan las 'das pa'i chos rnams thob par byed pa'i chos rnams thams cad la brtan pa dang snying po dang chos nyid dang khyad par du dang / gtso bo dang dkar po'i chos rnams dang mya ngan las 'das pa'i lam thob par 'gyur ba rnams kyis kyang bzod par byed do/ /bzod pa 'di dag nyid brtan pa dang ldan pa'i lam mdun du bsar ba'i 'jig rten las 'das pa yin pa gang gi phyir mya ngan las 'das pa thob par byed pa yin no/ /gzhan yang bzod pa gnyis pa yod do/ /'di lta ste gang 'ga' zhig dge sbyong ngam bram ze 'am rnam pa de lta bu gzhan dag rnams kyang khro ba skyes par gyur pa'i dug 'joms par byed do/ /khro ba'i 'bras bu rig par gyur nas khro ba de'i go skabs 'byed par mi byed do/ /de la khro ba nyid skyes par gyur na de srid du skyes bu rang nyid kyi rten sreg par byed do/ /bzhin 'gyur bar byed do/ /khrag rnams ngor ldog</font><hr>66.47b<br><font size=+1>

par byed do/ /gzhan la bag med pa go bar byed do/ /'jig rten pa 'jigs pa skyed par byed do/ /yul ljongs pa rnams thams cad dang yang mi mthun pa dang yid du mi 'ong ba dang sge bar yang byed par 'gyur ro/ /phyi nas lus zhig par gyur nas kyang ngan song log par ltung ba dmyal ba rnams su skye ba'o/ /gang dag khro bas zil gyis mnan pa'i skyes bu rnams kun du spyod par byed pa las bya ba ma yin pa gzhan de ni yod pa ma yin zhing byed pa yang ma yin no/ /de'i phyir khro ba 'di dag me bzhin du brtan pa dag gis yongs su spang bar gyis shig /phan pa byed pa'i skyes bu de dag rnams kyis ni rnam pa de ltar skyon gyi 'bras bu rnams rtogs nas rang la phan pa dang gzhan rnams la phan pa la rab tu zhugs pas bzod pa byed cing 'jil bar byed de/ ji ltar skyes bu 'ga' zhig gi khyim la me shor bar gyur na me zhi bar byed pa ltar/ ye shes kyi chu dag gis blo dang ldan pa rnams khro ba kun nas zhi bar byed pa'i bzod pa phun sum tshogs pa mchog tu dge ba'i yid can dang / bzod pa dang ldan pa khro ba rnam par spangs pa'i skyes bu la skye bo rnams thams cad dang mthun par 'gyur ro/ /yid du 'ong ba dang mthong na dga' bar yang 'gyur ro/ /mchog tu yid ches pa'i sa dang bzhin gyi mdangs rab tu dang ba dang sems rab tu dang bar yang 'gyur ro/ /sems shin du legs par gnas pa dang mchog tu dge ba'i bsam pa dang ldan par 'gyur ro/ /lus kyi nyes pa dang bral ba dang ngag gi skyon dang bral ba dang yid kyi gdung ba dang bral ba dang ngan 'gro'i 'jigs pa dang bral ba dang zhe 'gras pa'i skye bo rnams dang bral ba dang dgra rnams dang bral ba dang mi snyan pa'i dri ma rnams dang bral ba dang gnod sems dang bral ba dang snying la kun tu gcags pa dang bral ba dang rgyal po'i chad pa'i 'jigs pa rnams dang bral ba dang ma bsrungs pa'i tshig ngan pa rnams brjod pa'i 'jigs pa dang bral ba dang kun nas 'gyed pa'i 'jigs pa dang bral ba dang / kun nas</font><hr>66.48a<br><font size=+1>

brjod pa'i 'jigs pa dang bral ba dang rnyed pa'i 'jigs pa dang bral ba dang sdug bsngal gyi 'jigs pa dang bral ba dang rgyags pa'i 'jigs pa rnams dang bral ba'i skyes bu yon tan thams cad dang ldan par 'gyur ro/ /'gro ba thams cad du 'di snyan grags dang yang mi 'bral bar 'gyur ro/ /'jig rten 'di dang pha rol gnyis kar song ba na yang skyid par yang 'gyur ro/ /skye bo rnams thams cad kyi yang ma dang pha dag tu rung bar 'gyur ro/ /kun kyis 'drul 'jug bya bar yang 'gyur ro/ /skyes bu dam pa bzod pa dang ldan par yang 'gyur ro/ /de'i phyir khro ba gzhan 'di ni btsan dug dang mtshon cha dang rlung tshub dang mtshungs pa'i khro ba gang yin pa rnams bzod pas zhi bar byed do/ /mthol bar byed pa dang bzod par byed pa dang sdom par yang byed do/ /bzod pa de yang skyes bu dam pa dge bar 'dod pa rnams kyis yid la bya ste/ rin po che bzhin du yongs su skyongs shig /de yang pha rol khro bas rnam par bsregs pa rnams dang khro ba'i mun pa na kun nas gnas pa de dag rnams la/ dam pa'i chos kyi sgron ma rab tu spor bar byed pa dang / dmus long rnams kyi ni mig tu gyur pa'o/ /dam pa'i chos kyis phongs pa rnams la ni chos kyi rdzas so/ /log pa'i lta bas dbul ba rnams ni 'joms par byed pa yin no/ /ma dang phas spangs pa rnams la ni ma dang phar gyur pa yin no/ /khro ba'i chur rab tu bying bar gyur pa rnams kyi rkyal bar gyur pas rtag tu phan 'dogs par byed pa yin no/ /ngan song du rab tu ltung ba rnams la ni lag pa brkyang bas shin du brtan pos legs par 'dren par byed pa'o/ /sems can khro bas zin pas dmyal ba'i me mdag tu rab tu lhung bar gyur pa rnams la ni chu'i bya ba byed pa yin no/ /yi dgas kyi 'jig rten tu rab tu rgyugs par gyur pa'i skyes bu phrag dog dang ldan pa rnams bkres pa dang skom pa'i sdug bsngal gyis rnam par bcom pa rnams la ni zas dang skom bzhin du byed pa yin no/ /dud 'gro'i</font><hr>66.48b<br><font size=+1>

'gro ba dang rab tu 'brel ba dang ldan pa'i sems can rnams phan tshun du gsod par mngon par dga' ba rnams la ni gson pa legs par sbyin par byed pa rnams bzod pa bsten cing bsgoms la lan du mang byas pa las yin pas/ de'i phyir ngan song gi 'jigs pas 'jigs par gyur pa'i skyes bu dge ba rnams kyis rab tu brtson pa mchog gis yid la bya'o/ /de nas dus de'i tshe na rma bya'i bdag po de gtsug lag gi tshigs su bcad pa brjod pa ji ltar/ bzod pas brgyan pa'i skyes bu la/ /nor gyis brgyan pas bsgrun du med/ /nor rnams 'phrog par byed na yang / /bzod pa nyid ni nam yang min/ /bzod pa dang ldan skyes bu la/ /lus can thams cad dga' bar 'gyur/ /phyi nas bde legs la sbyor ro/ /de phyir bzod pa dka' thub mchog /bzod dang ldan pa'i skyes bu ni/ /khro ba'i skyon rnams thams cad spangs/ /skye ba 'di dang gzhan du yang / /dge legs la ni rab tu sbyor/ /bzod pa'i nor dang tshul khrims nor/ /shes rab kyang ni nor nyid yin/ /nor de rnams ni bsngags pa yin/ /dbyig la sogs pa nam yang min/ /bzod dang ldan pa'i skyes bu ni/ /rtag tu dam pas mchod par byed/ /snyan grags la yang sbyor bar 'gyur/ /de phyir kun nas bzod pa mchog /khro ba'i dug gi sman mchog tu/ /bzod pa 'di ni 'dod pa yin/ /khro ba bzod pas nges bcom pa/ /slar yang skye bar mi 'gyur ro/ /mun pas rab tu zil mnan pa'i/ /byis pa rnams la khyad par du/ /bzod pa'i lam ni rab ston pa'i/ /sgron ma'i bya ba byed pa yin/ /dam chos nor dang bral ba rnams/ /'gro ba lngar ni 'khyam pa yin/ /gang dag bzod pa 'di yi rdzas/ /de dag 'jig rten nor ldan dran/ /khro ba yi ni mun pa'i tshogs/ /rgal dka' ba yi 'brog dgon par/ /bzod pa'i lam zas za mthong ba/ /yid can rnams ni nges par sgrol/ /dam chos lam ni ston rnams la/ /bsten par byed pa bzod pa mchog /ngan song 'jigs pas 'jigs</font><hr>66.49a<br><font size=+1>

rnams la/ /'jigs pa med pa bzod par brjod/ /sdug bsngal rnam par 'joms pa dang / /mi rnams bde ba rtag tu 'byung / /rtag tu bde legs kun thob pa/ /bde legs min spangs bde legs yin/ /de la dam pa rnams rtag dga'/ /yid ches yon tan byed pa yi/ /dge ba bzang po 'byung byed dang / /mi dge ba rnams rnam par spong / /skyes bu'i thar pa legs ston dang / /'khor ba'i 'jigs pas 'jigs par byed/ /mtho ris them skas gyur pa des/ /dmyal ba'i me ni rnam par 'joms/ /yi dgas 'jig rten la skyob dang / /dud 'gro'i skye gnas des de bzhin/ /yon tan tshogs kyis rtag gang ba'i/ /lus can de rnams shis par 'gyur/ /rab bsngags bde ba des thob pa/ /bzod pa rab tu brtson pas thob/ /de ltar bzod pa zhes bya ba'i/ /chos gzhan 'dir ni bsten par gyis/ /mchog tu bde ba 'byung bar 'gyur ba dang lus zhig par gyur nas kyang mtho ris bde 'gro'i 'jig rten lha rnams su skye bar 'gyur ro/ /mya ngan las 'das pa yang thob pa yin no/ /de'i phyir bag med pa dang bral bar bya ba'i don du dang lha dang mi'i 'gro ba rnams su skye bar byed pa rnams kyis bzod par bya'o/ /gzhan yang dge legs kyi chos bag med pa'i dug rnam par 'joms par byed pa rnams dge sbyong ngam bram ze 'am de dag dang 'dra bar gyur pa gzhan dag rnams kyis kyang bya'o/ /'di yang gang zhe na/ 'di lta ste brtson 'grus so/ /brtson 'grus ni mchog tu dge legs kyi chos dge ba dang yang dag par ldan pa yin te/ thar pa'i lam du 'khrid pa'i brtson 'grus yang dag par byas nas/ yul dang dus su rigs par byas par gyur pa rnams kyis ni shis par 'gyur ro/ /'jig rten dang 'jig rten las 'das pa rnams la yang rigs pa dang 'gal ba med pa dang mthar thug par ston par gyur pa'i dge sbyong dang bram ze rnams 'jig rten dang 'jig rten las</font><hr>66.49b<br><font size=+1>

'das pa'i chos rnams la yang dag par brtson pa dang ldan pas shes par 'gyur ro/ /dus su ldang ba dang dus su ngan so bar byed pa'i gang yul dang dus kyi thabs shes pa gang yin pa de dag ni dge legs kyi skal ba dang ldan par 'gyur ro/ /brtson 'grus kyang snyom las rnams thams cad nye bar bcom nas nges par gnas so/ /nyon mongs pa gzhom pa la brtson pa dang ldan pa'i dge sbyong dang bram ze de dag rnams ni/ mnyan bya dang reg bya dang ro dang bsnam pa dang lta bar bya ba de dag rnams brtson 'grus dang ldan par gyur nas yid nges par zlog par byed do/ /de rkyen rnams las skyes par gyur na yang yid kyi rnam par dpyod par byed cing sdom par byed do/ /grogs gnyis pa brtson 'grus dang ldan par gyur pas/ yul rnams thams cad las sems nges par zlog par byed do/ /ches shin du myur bar sems kyi shugs 'byung zhing 'byung bar gyur pa rnams dge ba'i brtson 'grus kyis so sor rnam par spong bar byed do/ /kun du sdud par byed cing rab tu 'gog par byed do/ /nges par sdom par byed do/ /gang gi phyir brtson 'grus ni chos rnams thams cad kyi rtse mor gyur pa'i chos yin no/ /de dang 'grogs pa'i dge ba'i chos gang yin pa rnams ni shin du brtan pa dang nyams pa med pa dang / 'bras bu dang bcas par 'gyur ro/ /brtson 'grus mdun du bdar ba'i dge ba'i sems kyi yon tan ni yang dag par rdzogs pa'i byang chub kyi mthar thug par 'gyur ro/ /des na yon tan rnams rtogs par byas la theg pa chen po la yang dag par gnas nas myur du bla na med pa yang dag par rdzogs pa'i byang chub tu mngon par rdzogs par byang chub par 'dod pa'i dge sbyong ngam bram ze de dag rnams kyis kyang de rjes su 'thun pa'i brtson 'grus la goms par bya'o/ /'jig rten dang 'jig rten las 'das pa'i don rnams la yang brtson 'grus nyid lhag par 'gyur ro/ /</font><hr>66.50a<br><font size=+1>

skyes bu 'jig rten pa'i don gang dag rtsom par byed pa na yang de dag rnams thams cad kyang shin du brtan pa'i brtson 'grus kyis brtsams par byas nas ni 'bras bu med par mi 'gyur ro/ /dus ring du gnas pa dang gzhan rnams kyis nye bar mi choms pa dang 'chi ba'i mthar thug par byed pa'i 'jig rten pa'i 'jigs pa chen po dang bcas pa ma lus pa rnams byung du zin kyang brtson 'grus dang ldan pa'i skyes bu rnams ni sems smas par mi 'gyur ro/ /g.yos par mi byed cing na tsha med do/ /rang dang gzhan gyi don rnam par nyams pa chen po rnams byung bar gyur na yang yi mug par mi 'gyur zhing yang dang yang du don de nyid rtsom par byed do/ /rgyags par byed do/ /dgra bo rnams kyis kyang gdul dka' bar 'gyur ro/ /'di dag gi don 'ga' zhig grub pa la 'joms par mi 'gyur ro/ /don gang dang gang brtsams pa de dag rnams rgyas par 'gyur ro/ /de ltar re shig 'jig rten pa'i don rnams la yang de shes par gyur pa'i mkhas pa rnams kyis bsngags par byed na/ 'jig rten las 'das pa'i don yang dag pa'i shes pa sngon du byed pa rnams la brtson 'grus gtso bor gyur pa la lta ci smos/ de'i phyir thams cad la gnas skabs thams cad dang dus thams cad du yang shes pa sngon du btang bas yul dang dus su 'tsham pa dang rigs pa dang ldan pas brtson 'grus brtsam par bya'o/ /de las mthar thug pa'i bde ba rnams 'byung bar 'gyur ro/ /bzlog pa las ni bde ba ma yin pa 'byung ba dang don ma yin pa du ma rnams su 'gyur ro/ /de'i phyir na log pa'i shes pa sngon du btang ba'i brtson 'grus rnams ni brtson 'grus ma yin par rig par bya'o/ /de nas de'i tshe rma bya'i mnga' bdag des gtsug lag gi tshigs su bcad pa'i dbyangs kyis bsnyad pa ji ltar/ yul dang dus su rig pa yi/ /bya ba 'ang rab tu brtson ldan pa/ /brtson 'grus</font><hr>66.50b<br><font size=+1>

rigs pas brtsams gyur pa'i/ /'bras bu 'bras dang bcas par 'gyur/ /rigs pa yul dang bya ba bral/ /chos kyis yongs su spangs pa yi/ /bya ba byed pa nyams par 'gyur/ /brtson 'grus kyis ni yongs spangs pas/ rigs pas brtson 'grus rtsom pa ni/ /mkhas pa thar par 'gro ba yin/ /nam mkha' la ni mda' 'phangs bzhin/ /lha yi 'jig rten du yang 'gro/ /stobs dang skyes bu brtson 'grus can/ /dgos pa gang dag brtsam gyur pa/ /de dag de ni rab 'grub cing / /rnam byang bar yang 'gyur ba yin/ /'jig rten 'das pa'i don 'ga' zhig /lha yi 'jig rten las 'dod pa/ /de ni brtson 'grus kyis rab 'grub/ /brtson 'grus bral bas nam yang min/ /snying las chung zhing brtson 'grus bral/ /chos kyang yongs su spangs pa yi/ /mi la dpal ni rgyas min te/ /zhim por za zhing zas kyi bzhin/ /'phags pa'i lam ni yan lag brgyad/ /shes pa legs par yongs su bskyangs/ /brtson 'grus ldan pa spro ba che/ /'gro ba'i mchog tu 'gro bar 'gyur/ /brtson 'grus kyis kyang byang chub 'thob/ /brtson pas de bzhin mtho ris dang / /sangs rgyas nyid kyang brtson ldan pas/ /brtson 'grus dang mtshungs 'gro ba med/ /de phyir yon tan de rtogs la/ /brtson 'grus ldan pas dbang po khrid/ /brtson 'grus brtsams pa'i blo gyis dang / /brtson 'grus mtshungs pa'i nor yod min/ /de ltar rnam par bkra ba zhes bya ba'i rma bya'i rgyal po des dga' ldan pa'i lha de dag rnams dang 'thab bral gyi lha de dag rnams la skye ba gzhan rjes su dran par gyur pas gtsug lag gi chos rnams ston par byed do/ /lha de dag nyid thams cad kyang gtsug lag gi chos de dag rnams thos par gyur pa dang / bag med pa rnams dang bral ba dang rna ba kun nas lhags shing yid kyang rtse gcig tu gyur pas rnal du phebs pa'i lha de dag rnams kyi yid rnams rtogs nas/ rma bya'i mnga' bdag de gzhan yang shin du legs par brtsams</font><hr>66.51a<br><font size=+1>

pa'i blo dang ldan pas shin du rab tu rangs par gyur pas chos gzhan ston par byed pa ni/ thabs su gyur pa dang legs pa dang shis pa dang mya ngan las 'das par 'gro bar 'gyur ba rnams lha de dag rnams la phan pa'i don dang bde ba'i don du ste/ gzhan la phan pa la rab tu zhugs pa'i byang chub sems dpa' gzhan yang chos chen po gzhan lnga pa lha dang mi rnams kyi don dang phan pa dang bde bar 'gyur ba'o/ /'di yang gang zhe na/ 'di lta ste chos ston pa'o/ /chos ston pa ni gang gi phyir sbyin pa thams cad kyi nang nas bla lhag pa yin te/ rgod pa 'di dag thams cad 'joms par byed pa ni/ 'di lta ste chos ston par byed pa'o/ /chos ston pa dang nyan pa dang chos ston pa la gus pa dang chos ston pa la dang ba dang / chos ston pa la gces par byed pa dang chos ston pa la sgrub pa dang chos ston pa rgyun mi 'chad par byed pa dang de bzhin gshegs pas kyang chos bla mar mdzad pa yin na gzhan nyan thos dang rang sangs rgyas rnams la lta smos kyang ci dgos/ gang gi phyir yon tan bcu gcig dang ldan par gyur pa'i chos ston pa ni gces par 'gyur ba yin no/ /yon tan bcu gcig gang zhe na/ 'di lta ste yul dang dus su rigs pa dang go bar 'gyur ba dang 'gal ba med pa dang gsal ba dang rnyed pa dang bkur bsti'i rtsa bas ma yin pa dang / gdul bya'i sems kyi rjes su 'thun par chos ston pa dang / sbyin pa'i 'bras bu slu ba med par ston pa dang theg pa chen po dang yang dag par ldan pa dang 'khor ba'i nyes dmigs kyi chos ston pa dang mtho ris su 'bab par 'gyur ba'i chos ston pa dang / las dang 'bras bu kun du ston par byed pas ston pa ste/ de ltar rnam pa bcu gcig gis chos ston par byed pa ni nyan pa po rnams dang rab tu smra bar byed pa rnams la yang gces par 'gyur ba'i chos rnams yin no/ /don du byed pa dang yon tan du byed pa dang bde bar byed pa dang mya ngan las</font><hr>66.51b<br><font size=+1>

'das pa'i mthar thug par byed pa rnams ji lta ji ltar yongs su bsngo bar byed pa de lta de ltar 'gyur ba yin no/ /chos smra ba ni gang gi phyir rnam pa sna tshogs pa'i sbyin pa 'di dag rnams thams cad kyi drung na yang dam pa'i chos ston pa'i sbyin pa ni shin du lhag pa yin no/ /lus can rnams thams cad la yang mya ngan las 'das pa'i mthar thug pa'i bde ba rnams dang ldan par 'gyur ro/ /dam pa'i chos ston par byed pa dang nyan pa'i yon tan gzhan yang yod de/ gang 'ga' zhig chos sgrogs pa la dad pa dang rab tu dad pa dang ldan pa dbang po kha phye ba blo gtsang ba gcig tu dkon mchog gsum la rab tu dang ba'i blos khyim pa 'am rab tu byung ba yang rung ste/ dam pa'i chos nyan par 'dod pas khyim nas byung nas lha khang ngam kun dga' ra bar 'gro bar byed pa na/ de gom pa 'bor ba dang gom pa 'bor ba la tshangs pa'i bsod nams 'byung bar 'gyur ro/ /yang gang dag chos dang chos smra ba la nor dag gis mchod par byed pa des ni dngos su sangs rgyas la mchod par 'gyur ro/ /de ji lta ji ltar mchod pa de dag yongs su bsngo bar byed pa na/ de lta de ltar yongs su smin par 'gyur ro/ /de ji srid du bla na med pa yang dag par rdzogs pa'i byang chub kyi bar du 'gyur ba yin no/ /chos ston pa po mchod par byed pa gang yin pa ste/ de ci'i phyir zhe na/ chos bsgrags pa las sems las su rung bar 'gyur ba'i phyir ro/ /de las su rung bar byas pa las kyang thog ma med pa'i dus nas zhugs par gyur pa'i mun pa rnams 'joms par byed pa'i phyir ro/ /de las gzhan 'ga' zhig gis kyang sems las su rung bar byed pa ni ma yin te/ chos smra ba rnams ji lta ba bzhi po rnams kyi yang phan pa la lan gyis glan par sla ba ma yin no/ /bzhi po gang dag zhe na 'di lta ste/ ma dang pha dang sangs rgyas dang chos ston pa po'o/ /de dag rnams la byin pa ni gzhal du myed par 'gyur ro/ /rgyu dang 'bras bu la kun du rmongs pa rnams ni chos bstan pa thos</font><hr>66.52a<br><font size=+1>

nas rgyu dang 'bras bu la dad pa dang ldan par 'gyur ro/ /log pa'i lta ba la sems kun du zhugs pa rnams ni yang dag pa'i lta ba dang ldan par 'gyur ro/ /srog gcod pa dang ma byin par len pa dang mi tshangs par spyod pa la dga' ba rnams ni chos bstan pa dag thos nas de dag rnams spong bar 'gyur ro/ /de dag rnams la chos bstan pa des kyang las su rung bar byas nas/ mya ngan las 'das pa'i mthar thug par 'gyur ro/ /de la rgyu de dag gis na chos ston par byed pa pos phan btags pa la lan glan 'di sla ba ma yin no/ /lus sbyin par byed pa po'i ma dang pha dag la yang lan glan par bya mi nus te/ gso bskyed byed pa po de dag chos la rab tu bkod par gyur pa ni ma gtogs te gang gi tshe bus ma dang pha dag chos la rab tu 'god par byed par gyur pa de ltar na cung zad cig phan btags par 'gyur ro/ /de bzhin gshegs pa dgra bcom pa yang dag par rdzogs pa'i sangs rgyas khams gsum na ches khyad par du 'phags pa 'khor ba las nges par thar pa'i 'phags pa la yang lan glan par bya bar mi nus pa ste/ de rtogs shing bsgrub pa la kun du dga' ba'i rgyus lan glon pa rnams ni ma gtogs so/ /de bzhin gshegs pa la yang bya ba byas par 'gyur la bdag nyid kyang bde legs la sbyar bar 'gyur ro/ /de nas dus de'i tshe rma bya'i mnga' bdag des gtsug lag gi tshigs su bcad pa'i dbyangs brjod pa ji ltar/ bde legs mya ngan 'das 'gro ba'i/ /gang yang chos ni ston byed pa/ /de ni 'brel ba kun gcod pa'i/ /lus can rnams kyi bla ma yin/ /gti mug rag bzhin zhags bcad nas/ /shis pa gzhan ni ston par byed/ /chos rnams rab tu ston pa dang / /lam ston par ni de rab brjod/ /chos gang gis ni mi rnams kyang / /srid pa'i rgya mtsho las grol ba/ /dam chos mchog rab yin par brjod/ /gang yang 'jig rten chos ma yin gang yang lus can rnams la ni zhing ni bzhi</font><hr>66.52b<br><font size=+1>

po 'di rnams yin/ /theg pa mchog tu bla med dang / /dbang po tshang ba de rnyed pa/ /de yi skye 'di 'bras bcas par/ /lam ston mdzad pas gsungs pa yin/ /mi gang chos la mi dga' ba/ /de ni phyi nas 'gyod par 'gyur/ /rtag tu rnam par chags pa'i yid/ /rtag tu 'dod pa rjes su tshal/ /bu dang chung ma la rab chags/ /lus can rnams la mthar byed 'byung / /kun nas nyon mongs rtag tu 'thug /skyon ni de dang de yis gang ngan song la ni sems 'bab cing / /lus can rnams ni sems kyis bcings/ /gdul bar dka' dang dbyug pa gsum/ /rtag tu yang ni glags gcod pa/ /de yang mi rnams dgrar gyur pa'i/ /sems kyi dbang du ma 'gro dang / /dgra bo shin tu mig rno des/ /rnam pa du mar sgom par byed/ /rmu rgod rta ni ji ltar bar/ /sems de chos kyis yang dag byos/ /de ltar mchog tu zab par gyur pa'i zhing gi yon tan rnams rab tu bsngags te/ shes pas lha de dag rnams la phan par 'dod pa'i byang chub sems dpa' de smon lam gyi dbang gis der skyes nas gzhan la phan pa la rab tu zhugs pas/ rnam pa du mar chos bstan par gyur cing chos kyi yon tan rnams kyang rab tu bsgrags par gyur to chos 'dul ba de dag thos par gyur nas kyang lha de dag yid ches par rab tu dang ba dang thams cad kyang yid rtse gcig tu gyur pas nyan par byed pa dang gtam rjod par yang byed do/ /ji ltar 'gal ba med par chos 'di dag ston par byed do/ /gang bya'i rgyal po 'dis bdag cag dga' ldan pa rnams la ston pa de ni/ dga' ldan gyi mnga' bdag nye bar zhi ba'i chos de dang 'di la yang 'gal bar cung zad kyang med cing tha dad du bya ba yang cung zad kyang med do so so dang khyad par du bya ba yang cung zad kyang med do/ /chos 'dul ba 'di thams cad nas yongs su brtags par gyur pa ni/ thog ma dang bar dang tha mar dge ba dang mchog tu rab tu dang ba dang mchog tu dge legs su gyur pa dang mchog tu bde legs kun du</font><hr>66.53a<br><font size=+1>

'thob pa dang lha dang mi rnams thams cad la phan par byed pa dang shis par byed pa yin no/ /de nas lha de dag gis de skad ces brjod nas slar nyid kyang ji ltar bdag cag rnams thams cad la phan pa dang bde ba dang mya ngan las 'das pa'i mthar thug par 'gyur bar nyi shu rtsa gnyis par gyur pa'i chos kyi rnam grangs 'di rma bya'i mnga' bdag gis bshad du gsol/ lha de dag gi drung nas thos pa dang / phyir zhing nyid kyang ches rab tu rangs par gyur pa'i yid kyis te/ sems rab tu dang ba dang sems can rnams thams cad la snying rjes brlan pa'i blo dang ldan pa dang gzhan la phan pa la rab tu zhugs par gyur pas slar nyid kyang nyi shu rtsa gnyis par gyur pa'i chos kyi rnam grangs mchog zab pa'i theg pa chen po/ mchog tu rgya che ba'i bde legs kun nas thob par byed pa la ston par byed pa la 'di lta ste/ chos gzhan 'di ni mchog tu thar par byed pa yin te mchog tu rgya che ba dang / skye bo rnams thams cad dga' bar byed pa ni 'di lta ste snying rje ba'o/ /snying rjes zhes bya ba'i chos ni skye bo rnams thams cad kyi yid du 'ong ba dang skye bo rnams thams cad kyis yid ches par byed pa dang / 'khor ba'i 'jigs pas 'jigs pa rnams kyi yid ches pa'i sa gzhi dang / legs par bsdams pa'i yid can rnams kyi mya ngan las 'das pa dang / skyob pa med pa rnams kyi skyabs kyi sa yin no/ /gang la snying rje yod pa de la mya ngan las 'das pa ha cang ring ba ma yin no/ /g.yo yang yod pa nyid ma yin te/ khro ba'i sems las mngon par 'das pa dang khro ba dang rna rnam par bral ba'i snying la snying rjes zhu ba'i sems dang ldan pa'i skyes bu rnams ni snying rje zhes bya ba'i rgyan chen po rnams kyis brgyan pa yin no/ /snying rje zhes bya ba yang gang gi phyir gnod sems kyi nyes pa rnam par 'joms par byed pa'i chos kyi snying rje 'gro bar lngar skyes par gyur pa'i sems can rnams la bya bar bya'o/ /de la</font><hr>66.53b<br><font size=+1>

re shig theg pa chen po la rab tu gnas pa'i byang chub sems dpas dmyal ba pa rnams kyi dbang du byas pa'i snying rje bsgom par bya'o/ /ji ltar zhe na sems can de dag rnams ni rang gi las kyis co dris pa dang sems dgrar gyur pas yongs su bslus pa dang / dpe med par gyur pa rnam pa du ma'i phur pa dang 'gyur byed dang tho ba dang zangs kyi khu ba dmar po dang gtun shing dang chu klung rab med du bya rgod dang bya rog gis 'dred par byed pa dang / nags tshal ral gri lo mar 'jug par byed pa dang / 'gyur byed kyi chu klung la sogs pa'i tshor ba drag po rtsub pa dpe med pa rnams kyis/ yang sos dang thig nag dang bsdus 'joms dang ngu 'bod dang ngu 'bod chen po dang tshad dang rab tu tsha ba dang mnar med pa'i mthar thug pa'i nye 'khor gyi dmyal ba rnams dang / dmyal ba brgya sum bcu rtsa drug gi brgya phrag rnams la 'tshed par byed gshag par byed 'byed par byed 'chur bar byed de/ rang gi las kyis bslus pa las kyi zhags pas gzung bar gyur pa sred pa'i mes yongs su gang ba'i phyir/ skyob par byed pa rjes su tshol ba dang skyabs rtsad gcod par gyur pas thams cad du kun nas rgyug par byed pa rnams la 'di ltar sems bskyed par bya ste/ cis 'di dag rnams bde bar 'gyur/ ji ltar na skyabs su 'gyur ba yin na/ gang gi tshe 'di dag rnams kyi mchog tu rtsub pa'i sdug bsngal gyi rgya mtsho chen po las bdag gis sgrol bar byed par 'gyur te sems can de dag la de ltar snying rje bar byed do/ /snying rje dang ldan pa de yang gang gi tshe shi bar gyur pa de'i tshe lha rnams kyi mnga' bdag du 'gyur ro/ /mi rnams kyi yang ste 'khor lo sgyur ba'i rgyal por 'gyur ro/ /sems can rnams thams cad la yang 'dod pa dang sdug pa yid du 'ong ba dang dge ba'i chos rnams la rjes su dga' bar yang 'gyur ro/ /de ltar dmyal bar gyur pa'i sems can rnams kyi gzer zug de dang de dag rnams dmigs te snying rje bskyed par bya'o/ /de ltar na mang du chen por gyur pa dang rnam</font><hr>66.54a<br><font size=+1>

pa du ma rnams su yang tshangs pa'i bsod nams mngon par 'phel bar 'gyur ro/ /gzhan yang theg pa chen po la rab tu gnas pa'i byang chub sems dpar gyur pa dge sbyong ngam bram ze 'am blo de dag dang mtshungs par gyur pa gzhan yang rung ste/ bskul ba'i blos sems can rnams la phan pa la gcig tu mngon par dga' bas/ yi dgas kyi dbang du byas la snying rje bskyed par bya'o/ /sems kyang 'di ltar bskyed par bya ste/ ji ltar yi dgas 'di dag rnams ni/ yi dgas kyi skye gnas su skyes par gyur pa/ rnam pa sna tshogs pa'i bkres pa dang skom pas bsregs par gyur pa'i lus can/ nags tshig pa dang 'dra ba'i lus dang ldan pa rnams/ phan tshun du kha mngon du phyogs par gyur nas mngon par rgyug par byed de/ 'bar ba'i phreng bas rab tu 'bar bar gyur pa'i lus can rnams/ thams cad du skyabs rtsad gcod par byed pas phyogs bcur rgyug kyang de dag rnams kyi skyabs ni 'ga' zhig kyang med do/ /sdug bsngal de dag rnams las dgrol bar bya na/ kye ma 'di dag rnams bkres pa dang / skom pa'i rang bzhin gyi sdug bsngal rnam pa sna tshogs de dag rnams las nam zhig thar ba 'byung bar 'gyur/ de ltar yang yi dgas kyi 'jig rten du skyes pa'i sems can rnams kyi dbang du byas nas snying rje skyed par byed do/ /gzhan yang theg pa chen po la legs par rab tu gnas pa de nyid kyis byang chub kyi sems mngon du byed pas/ dud 'gro rnams mthong nas kyang snying rje bskyed par byed do/ /yi dgas rnams ni sdug bsngal rnam pa du ma dang ldan pas phan tshun ches lhag par lhang kyog gis gsod pa la mngon par dga' bar gyur pa yin la/ dud 'gro yang gnas gsum du song ba rnams la 'di lta ste/ bar snang dang chu dang sa gzhi la rgyu ba'o/ /phan tshun du za bar byed pa'i dbang du byas nas de dag rnams kyi srog gtong bar byed pa'i tshul ni rnam pa du ma yin no/ /kye ma gang gi tshe de dag rnams sdug bsngal rnam pa du ma de dag las grol bar</font><hr>66.54b<br><font size=+1>

'gyur zhes/ de ltar dud 'gror skyes pa'i sems can rnams kyi dbang du byas nas snying rje bskyed par byed do/ /sems bskyed pa dang lhan cig nyid du tshangs pa'i bsod nams 'phel bar 'gyur ro/ /byang chub sems dpa' sems dpa' chen po mchog tu dge bar gyur pa'i sems dang ldan pa/ sems can thams cad la snying rje dang ldan pas dud 'gro rnams la snying rje skyed par gyur cing / shin du nyes par spyad pa'i las kyi 'bras bu'i sa pa rnams mchog tu sdug bsngal ba mchog tu rtsub par gyur pa'i 'gro ba gsum po rnams la snying rje bskyed nas 'dod pa na spyod pa'i lha drug po rnams kyi dbang du byas nas snying rje bskyed par bya'o/ /lha rnams kyis kyang ri dang sman ljongs rnams la dang nags dang nye ba'i nags rnams la yang dpe med pa'i mtho ris bde ba rnam pa du ma rnams nye bar longs spyod cing pad ma'i rdzing bu dang nags rnams la bud med dang lhan cig tu rtse dga' brgya stong nye bar longs spyad nas zas zad par gyur pa na 'chi 'pho ba'i sdug bsngal 'byung ngo / /de'i rjes thogs la dmyal ba dang yi dgas dang dud 'gro rnams su skye bar 'gyur ro/ /de'i phyir na 'khor ba 'dir shin du mtho brtsams par gyur pa dag srog chags rnams kyis nye bar longs spyod par byed de/ sred pa'i 'ching ba rnams kyis shin du dam par bcings nas sngon gyi mtha' dang phyi ma'i mtha' rnams su kun du rgyug par byed kyang / 'di dag gis lam dam pa tshol bar byed pa yang ma yin no/ /de ltar lha rnams la yang 'chi 'pho ba'i sdug bsngal rnams la nye bar dmigs nas snying rje skyed par byed do/ /de bzhin du mi rnams la yang snying rje ste/ rnam pa sna tshogs pa'i lam gyi 'bras bur skyes pa rnams dman pa dang bar ma dang khyad par du 'phags pa'i bde ba dang sdug bsngal gyi 'bras bu dag nye bar longs spyod par byed pa rnams dman pa dang bar ma dang khyad par du 'phags pa'i las la nye bar</font><hr>66.55a<br><font size=+1>

zhugs pa rnams spyod pa dang rab tu rgyu bar sna tshogs pa dang bsam pa dang mos pa sna tshogs pa dang dbul bas gzir ba rnams/ skyabs med pa rnams gzhan gyis zil gyis mnan pas shin du yang gzir bar gyur pa rnams yongs su tshol ba'i sdug bsngal gyi mchog tu yongs su longs spyod par byed pa'i mi'i 'jig rten de mngon par mthong nas snying rje bskyed par byed do/ /'di yang mchog tu dga' bar gyur pa dang mya ngan las 'das pa'i thar bar 'gyur ba'i chos yin no/ /de la de ltar 'gro ba lnga'i sems can rnams la sdug bsngal lnga nye bar dmigs pas na/ theg pa chen po la kun nas rab tu gnas pa gang yin pa'i dge sbyong ngam bram ze dag gis kyang snying rje skyed par byed pa rnams ni thams cad du yang bde legs su gyur pa'i mya ngan las 'das pa 'thob par 'gyur ro/ /de nas de'i dus 'dir rma bya'i rgyal po des 'khor ba 'jig gi tshigs su bcad pa'i dbyangs brjod pa ji ltar/ kwa ye theg chen la rtag tu/ /gang gi sems ni legs gnas pa/ /de yi snying rje rjes 'brel ba/ /ma la bu ni ji bzhin no/ /gang gis sems kyang myong min pa'i/ /snying rje yis ni rnam brgyan pa/ /de yi grogs por 'jig rten 'dir/ /'gyur ro snyan pas kun tu khyab/ /snying rjes brlan dang skyon dang bral/ /dbang po legs par gtad pa dang / /yang dag lta ba rab ldan pa'i/ /shin du mya ngan 'das mi ring / /gang zhig snying rjes rnam brgyan dang / / mi yi 'jig rten na de lha/ /snying rje yis ni gang dbul ba/ /de ni shin du dbul por 'dod/ /gang yang bsam pa 'jam pa ni/ /mi bzang gser dang 'dra ba yin/ /snying rje rin po che 'di ni/ /gang dag yid la 'jug gyur pa/ /sems can gang yang rtag rtsod ldan/ /rtag tu chos la gzhol gyur pa/ /de dag snying rje'i sgron ma yis/ /snying ni legs par rab gsal bya/ /gang dag dam chos chu bo ni/ /nyin mtshan med par ldog pa med/ /de dag gnas skabs thams cad du/ /</font><hr>66.55b<br><font size=+1>

snying rjes mngon par dga' ba'i yid/ /snying rjes bsil bar gyur pa yin/ /sems can kun la phan dga' bas/ /bde ba dpe med longs spyad nas/ /phyi nas mya ngan 'das par 'gro/ /snying rje thub pas bsngags pa yin/ /snying rje dri med snying po yin/ /snying rje skyon rnams 'joms pa po/ /snying rje zad pa med pa'i gter/ /yon tan rgyan rnams kyi yang mchog /skyon rnams thams cad rnam 'joms so/ /snying rjes brlan phyir thub rnams kyis/ go 'phang bla na med par 'gro/ /snying rje'i bzhon ma gang la yod/ /de ni mchog gi 'o ma ldan/ /khro bas sreg dang mi ldan par/ /snying la legs par rab tu 'jug /theg chen rkyal pa la zhon pa'i/ /brtse ba'i snying rje legs gnas nas/ /skyon gsum rlabs ni shugs po che'i/ /srid pa'i rgya mtsho la sgrol byed/ /yon tan rgya chen rnams kyi gtso/ /nor ni ma yin pa yi rgyan/ /bzang po rnams kyis rtag brtse ba/ /'dir ni snying rjer brjod pa yin/ /de ltar des lha de dag rnams la chos ston par byed do/ /thog ma dang bar dang tha mar dge bar gyur pa dang / thams cad du 'gal ba med pa dang rab tu bsngags pa dang shis pa dang lha rnams thams cad nye bar 'phel bar byed par 'gyur ro/ /gzhan yang bcom ldan 'das des bstan par gyur pa'i chos gzhan gang dag yin zhing / theg pa chen po la rab tu gnas pa'i byang chub sems dpa' sems dpa' chen po rnams chos gang dang yang dag par ldan pas skyes bu myur du bla na med pa yang dag par rdzogs pa'i byang chub tu mngon par rdzogs par sangs rgyas par 'gyur ba 'di yang gang dag zhe na/ 'di lta ste dul ba'o/ /dul ba'i chos kyang gang gi phyir yang bar gyur pa'i skyon rnams yongs su spangs pa dang yon tan rnams 'dzin par byed pa yin no/ /bsam pa 'jam po dang ldan pa'i skyes bu la yang dri ma rnams thams cad yongs su spangs pa'i mya ngan las 'das pa lag tu 'ong bar</font><hr>66.56a<br><font size=+1>

'gyur ro/ /bsam pa 'jam po'i skyes bu yang gcig tu dge ba byed par gyur pa dang skye bo rnams thams cad yid ches par byed par 'gyur ro/ /snying rtsub par gyur pa'i skyes bu ni rdo rje dang rdo ba dang mtshungs pa mkhregs pa'i 'khon dam po rnams blo la bsdams pa dang kun nas ma bsdams par rgyu ba skye bo rnams thams cad dang mi mthun par 'gyur ro/ /mi sdug pa dang yid du mi 'ong bar 'gyur te/ gang dang gang dag bzung bar gyur pa de dag 'di'i snying las yongs su mi 'pho'o/ /gcig tu dga' bar mi 'gyur zhing / bsam gtan gyis kun dga' ra ba na rgyu bar mi 'gyur ro/ /dam pa dang kun du 'dre bar 'gro ba ma yin no/ /de la chos 'dul ba rnams legs par 'dod par mi byed de/ ji ltar gzhan gyi sa bon bzhin dang / ji ltar bye ma rnams las 'bru mar mi 'byung ba bzhin du/ de ltar skyes bu khron ma'i rang bzhin can sems rtsub pa de la chos rnams de ltar mi 'byung ngo / /ji ltar ba lang gi rwa las 'o ma dang zla ba dro ba dang mo sham la bu dang nam mkha' la me tog yod pa ma yin no/ /de bzhin du khron ma'i rang bzhin can dang / khro ba'i las can mchog tu g.yo dang ldan pa dang g.yo can gyi rigs su gyur pa/ blo gros dman pa/ bdag nyid ngal bar byed pa/ gzhan dag slu bar byed pa srid pa'i 'dam du bying ba mi dge ba rnams sten par byed pa/ dkon mchog gsum spangs par gyur pa/ theg pa chen po las kha phyir phyogs pa/ dmus long du gyur pa dam pa'i chos kyi nyi ma mig gis ma mthong ba/ mchog tu mya ngan byed par gyur pa'i skye ba dang rga ba dang 'chi ba dang mya ngan dang smre sngags 'don pa dang sdug bsngal ba dang yid mi bde ba'i dgon par 'khyams pa/ mtha' yas pa'i sdug bsngal rnams 'joms par byed pa'i bdud rtsi spangs pa'i skyes bu ngan pa sdug bsngal gyi chu bor bying bar gyur pa la ni/ mya ngan</font><hr>66.56b<br><font size=+1>

las 'das pa nyid yod par mi 'gyur ro/ /de ci'i phyir zhe na/ gang gi phyir 'dis mya ngan las 'das pa rtogs par 'gyur ba legs par 'thob par byed pa'i lam gyi rgyu la yang mi 'jug pa'i phyir ro/ /de'i phyir 'di bde ba'i skal ba can du mi 'gyur ro/ /gang yang 'dul ba dang ldan par gyur pa 'jam po'i yid can de dag rnams thams cad ni mya ngan las 'das pa 'thob pa'i skal ba can du gyur pa rnams ni de dag yin no/ /dper na til las ni til mar ro/ /nyi ma las ni 'od zer ro/ /zla ba las ni bsil ba'o/ /me las ni dro ba'o/ /sa gzhi la ni brtan pa yin no/ /rgya mtsho las ni ha cang mi g.yo ba'i chu'o/ /btung chu ni bsil ba'o/ /'byung ba chen po bzhi po rnams ni blo kun du gnas par 'gyur ba yin no/ /sems 'jam po rnams kyang de kho na bzhin du yin te/ sems las su rung ba dang dad pa dang ldan pa dang rab tu brtson pa dang ldan pa dang phyin ci ma log par ston par byed pa dang rgyu dang 'bras bu la dad pa dang ldan pa la ni mya ngan las 'das pa mdun nyid na gnas so/ /de nas dus der rma bya'i rgyal po des gtsug lag gi tshigs su bcad pa'i dbyangs kyis bsnyad pa ji ltar/ gang gi snying ni btul byas pa/ /zhu bar gyur pa'i gser bzhin no/ /de nas nges par phan dge ba'i/ /sdug bsngal las ni myur du 'gro/ /kun nas yongs su btul ba yis/ /gang gi sems ni snod du byas/ /de la bde legs skye 'gyur te/ /zhing rnang gyi ni sA lu bzhin/ /sems kyi khyim gyi gter ldan pa/ /lus can kun la de mi bzad/ /mi rnams g.yo sgyu chen po yis/ /dbul ba kun nas 'joms par byed/ /dbang po rno zhing zhi ba dang / /rtag tu bsam gtan gyis gnas shing / /yul rnams la yang bag dang ldan/ /sdug bsngal dag gis gnod pa 'ang med/ /de ltar rma bya'i mnga' bdag des tshigs su bcad pa</font><hr>66.57a<br><font size=+1>

brjod pa la 'thab bral ba'i lha dang dga' ldan pa'i lha de dag rnams kyang ngoms pa med pas/ slar yang chos 'dul ba de nyid nyan par 'dod pas thal mo kha sbyar te/ dam pa'i chos la gus par 'gyur zhing / slar yang chos nyan par 'dod pas rab tu smras pa/ 'phags pas bshad du gsol/ rma bya'i mnga' bdag gis bstan du gsol/ sems dpa' chen po bdag cag rnams slar nyid kyang gnyis kyis lhag pa'i chos kyi rnam grangs nyi shu pa 'di dag gang thos par gyur nas bdag cag rnams mchog tu bde legs rnams thob par 'gyur ba lags so/ /de nas rma bya'i mnga' bdag rnam par bkra ba de nyid slar nyid kyang lha de dag rnams nyid la chos kyi rnam grangs gnyis kyis lhag pa'i nyi shu pa de nyid 'chad par byed do/ /'di lta ste chos gzhan 'di yang theg pa chen po la legs par rab tu gnas pa'i dge sbyong ngam bram ze 'am de dag dang 'dra ba rnams kyis kyang yid la bya'o/ /'di yang gang zhe na/ 'di lta ste rab tu rten pa'o/ /rab tu rten pa zhes bya ba'i chos ni thams cad nas thams cad la mdzes so/ /de dang yang dag par ldan pa'i dge sbyong ngam bram ze 'am de dag dang rang bzhin mtshungs par gyur pa gzhan rnams thams cad dang / khyim pa 'am rab tu byung ba 'am gzhan dag kyang byis pa 'am rgan po yang rung ste/ de dag dang yang dag par ldan par gyur cing / des rab tu g.yogs pa rnams ni mdzes pa yin no/ /de dang mi ldan pa'i skyes bu rnams ni lce spyang dang khwa ta dang mtshungs pa rnam par gyur pa 'dra ba ma yin pa rnams yin no/ /re shig rab tu rten pa 'di yang rab tu byung ba'i ji ltar bya zhe na/ re shig dang po kho nar rab tu byung ba rnams kyis rab tu brten par bya'o/ /de ni rnam pa bdun te/ rnam pa bdun po 'di dag kyang gang zhe na/ 'di lta ste yul gyi rjes su 'thun par gyur pa'i phyag dar khrod yul gang dang gang na ji lta bu'i gos dang khyim pa rnams gyon par byed pa de ched du bor bar gyur pa dang / dur khrod na gnas pa de dag</font><hr>66.57b<br><font size=+1>

kyang rab tu byung bas blang bar bya'o/ /de'i phyir gang yang dri ma can dang hrul po dang sbom pa de dag blang bar bya'o/ /'di ni chos gos kyi rab kyi rten yin no/ /gzhan yang lta ba la rab tu rten pa ni mig rab tu lta bar byed pa rnam pa ji lta bu yin na/ 'di na gang dge slong dag gnya' shing gang tsam du lam du lta bar byed pa dang / sbyin pa po dang sbyin bdag rnams kyi khyim du rjes su zhugs pa na yang sa la lta bar byed do/ /de yang na sangs rgyas kyi sku gzugs la gcig tu dran pa nye bar gnas par byed do/ /dbang po gcig tu bsdams pa dang / lus thams cad shin du legs par bsdams pa dang / dbugs dbyung ba dang rngub pa bgrang bar gyur pas lus kyi dbang du byas nas kyang dran pa dang ldan pas rgyu bar byed kyi/ sbyin bdag gi khyim du rnam pa thams cad du yang nye bar mkho ba'i snod spyad rnams yongs su spyad nas lta bar mi byed do/ /mig rig rig por mi byed cing bud med dag la rab tu rtog par mi byed do/ byis pa la 'khyud par mi byed cing yang dang yang du rkang pa dag bskuM par mi byed do/ /lag pa dag rnam par bskyod par mi byed do/ /stan las rab tu bskyod par mi byed pa dang / lag pa la rang gi mgo bo byi byad mi byed la yang dang yang du chos gos dag bskyod par mi byed do/ /lag pas lag pa gnon par mi byed cing sor mo bskyod par mi byed do/ /'di ni rab tu rten pa gnyis pa yin te/ rnam pa de lta bu'i dge slong ni lta bar byed pa la rten pa rab yin no/ /gzhan yang rab tu rten pa gsum pa yod de/ dge slong sbyin pa po dang khyim bdag gi khyim du zhugs par gyur nas/ rkang pa gnyis bkrus la lag pa gtsang mar byas te lhung bzed byi dor bya'o/ /byi dor byas nas kyang dman zhing dman pa'i sems kyis stan la 'dug par bya'o/ /bsdad nas kyang yang yang rkang pa gnyis kyi bar tsam gyi mdun du lhung bzed lcug kor la lhung bzed gzhag par bya'o/ /lag pa g.yas pas kyang lhung bzed bsrings la legs par bya ste</font><hr>66.58a<br><font size=+1>

bsod snyoms byin len bya'o/ /blangs nas kyang de'i rjes la sman bzhin du dang kham yang ha cang che bar mi bya'o/ /de yang kha ha cang gdangs nas khar gzhug par mi bya'o/ /sgra che bas bza' bar mi bya zhing mchu ha cang bskyod par mi bya'o/ /gsus pa'i sum cha tsam gyis chog shes par gyur par bya'o/ /gzhan dag gi lhung bzed la kun du blta bar mi bya'o/ /zas gang la brkam chags bskyed par gyur pa de yang bza' bar mi bya'o/ /de zos pa gang gis bag med pa gzhan rnams byed par mi 'gyur ba rnams so/ /ston mo'i yul dang dus nges par rdzogs pa dang gang gis dbang po rab tu dang bar gyur pa dang shin tu mnyam par bzhag par gyur pa'i yid kyis chos bstan par bya ste/ blo mnyam par bzhag pas dang shin du myur bar ma yin pa dang bul ba ma yin pa dang drang ba ma yin pa dang skyog po ma yin pa dang dong ba ma yin pa dang yul dang dus mngon par bltas te/ sbyin bdag gi sems rjes su bsrungs par 'gyur bar bya'o/ ji ltar 'di bag med pa rnams kyis 'jigs par mi 'gyur bar bya'o/ /'di ni rab tu rten pa gsum pa yin no/ /gal te yang zas thob par gyur pa 'dis cung zad cig mthong bar gyur pa grong ngam grong khyer ram tshong 'dus rnams la des de yid la mi bya'o/ /'dod par yang mi bya'o/ /de la sems spro ba bskyed par yang mi bya'o/ /sa 'tshams rigs pa ma yin par kun du go bar byed pa'i gnas mal rnams la brtags te 'dug par mi bya ba 'di nyid ni rab tu brten pa bzhi pa yin no/ /gzhan yang nges par chags pa med pa rab kyi rten yod de/ don rnams thams cad la lus dang srog gnyis la yang ltos pa med par gyur pa'o/ /yod byad dang snod spyad mang po rnams thogs shing khyer bar gyur pa ni dge slong ma yin pa dang / kun tu rtsom pas yul ljongs rgyu ba la mngon par dga' ba ma yin pa'i dge slong du gyur pa dang / gzhan gyi rtags dang cha byad 'dzin pa ma yin pa dang / phe'u btab pa la ched cher byed pa ma yin pa dang / khyim</font><hr>66.58b<br><font size=+1>

gcig tu rab tu 'jug pa la mngon par dga' bar gyur pa ma yin pa dang / 'di ni rab tu rten pa lnga pa yin no/ /gzhan yang nges par chags pa med pa'i rab tu rten pa yod pa ni shing dang rtswa dang sa gcod par gyur pa ma yin/ lham khra bo dang gos khra bo gyon par 'gyur ba ma yin/ shin du tshul khrims 'chal pa rnams la yang gshe bar byed pa ma yin/ rgyal po'i bsod snyoms la ltos pa mchog tu byed pa ma yin/ kun du rtsod pas gzir ba dang ldan pa'i dge slong la rjes su sten par byed pa ma yin pa 'di ni rab tu rten pa drug pa yin no/ /gzhan yang rab tu rten pa dag yod pa la ji ltar dge slong gang sems mnyam pa la rten pa de ni/ rab kyi rten de dang des rjes su bsten pas phan pa bzhin du gyur pa/ bdud kyi yul las 'bros pa la brtson pa la ched cher byed pa dang / zhi ba dang dbang po dul ba rnams kyis rjes su sten par byed pa ni/ ri khrod dang ri'i phug dang bla gab med pa dag du rgyu ba dang / rtag tu yang stong pa nyid dang mtshan ma med pa dang smon pa med pa la gnas par gyur pa 'di ni rab tu rten pa bdun pa yin no/ /de ltar na dge slong gis rnam par 'joms pa dang / 'ching ba rnams thams cad las rnam par grol bar yang 'gyur ro/ /de nas de'i dus 'dir rma bya'i mnga' bdag gis tshigs su bcad pa gzhan dag bsnyad pa ji ltar/ ji bzhin rab tu rten spyod ldan/ /ye shes spyod yul rten pa po/ /'khor ba'i skyon gyis 'jigs pa yi/ /rab tu byung ba 'bras bcas 'dod/ /bslab pa'i gzhi ni nyams med dang / /sngon bde ba la yang spro med/ /phung po'i rgyun gyis 'jigs pa yi/ /nags su bsten pa 'bras dang ldan/ /ngag 'jam pa dang zhi ba dang / /mya ngan 'das la 'ang kha phyogs pa/ /lus ni tshul khrims kyis brgyan pa'i/ /rab tu byung ba 'bras bcas 'dod/ /bdag gi dngos dang gzhan dngos la/ /gang gi blo ni rmongs med pa/ /las kyi rnam par smin pas min/ /lam dang lam min de bzhin</font><hr>66.59a<br><font size=+1>

nyid/ /bde dang sdug bsngal 'jigs pa dang / /sgrib pa dang yang mi ldan la/ /khyim gyi zhags pa rnam grol bas/ /sdug bsngal nyid na gnas pa min/ /de ltar rab tu rten pa'i yon tan rnam pa du ma rnams su rma bya'i mnga' bdag 'dis lha de dag rnams la brjod de lha de dag rnams slar yang dad pa skyed par byed pa'i phyir ro/ /de'i tshe lha de dag rnams thams cad kyang chos 'dul ba rnam pa du mar brjod par gyur pa na mnyam par bzhag pa'i rna ba'i bug pas nyan par byed do/ /de nas gzhan yang rma bya'i mnga' bdag de spro ba ldog pa med par gyur pas slar yang chos de nyid ston par byed de/ 'thab bral gyi lha de dag rnams dang kun du lhags par gyur pa'i dga' ldan gyi lha de dag rnams la dam pa'i chos sgrogs pa la gus pas phyir yang rma bya'i bdag po de nyid kyis chos ston par byed do/ /theg pa chen po la rab tu gnas pa'i dge sbyong ngam bram ze la yang ji ltar gces par bya bar gyur pa'i chos gzhan de yang gang zhe na/ 'di lta ste las la dad pa dang ldan pa'o/ /las dang 'bras bu la dad pa dang ldan pa zhes bya ba'i chos ni chen por gyur pa yin no/ /gang yang dge sbyong ngam bram ze 'am de dag dang mtshungs par gyur pa rnams kyang rung ste/ las dang 'bras bu la dad pa dang ldan par gyur pa'i yid can des ni lus kyi nyes pa spyod par byed pa na shes par byed de ji ltar/ lus kyi nyes par spyad pa 'di bsten cing bsgoms la lan mang du byas pas ni/ mi 'dod pa mi sdug pa yid du mi 'ong ba'i rnam par smin pa rnams bdag la 'byung bar 'gyur ba yin te/ dmyal ba dang yi dgas dang dud 'gro'i 'gro ba'i yul rnams la 'bras bu mi 'dod pa mi sdug pa yid du mi 'ong ba'i sdug bsngal rnams so sor myong bar 'gyur la re/ de bzhin du rang nyid ngag gi nyes par spyod pa rnams spyod pa na yang 'di ltar yid la byed do/ /ji ltar bdag gi ngag gi nyes par spyod pa 'di</font><hr>66.59b<br><font size=+1>

nyid bsten cing bsgoms la lan mang du byas pas ni/ mi 'dod pa mi sdug pa yid du mi 'ong ba'i 'bras bu rnam par smin pa 'byung bar 'gyur te/ dmyal ba dang yi dgas dang dud 'gro'i 'gro ba rnams su mi dge ba'i las kyis skye ba rab tu myong bar 'gyur ro/ /de bzhin du yid kyis nyes par spyod pa yang byed pa dang bsten cing bsgoms la lan mang du byas par gyur pas ni mi sdug cing yid du mi 'ong la mi 'dod pa mi sdug pa yid du mi 'ong pa'i 'bras bu dmyal ba dang yi dgas dang dud 'gro'i yul rnams su 'byung bar 'gyur te/ dge sbyong ngam bram ze 'am de dag dang mtshungs par gyur pa gzhan rnams sam/ gang yang de dag dang 'dra bar gyur pa rnams kyis gang sngon gyi dus na sdig pa'i las byas par gyur pa rnams dran par byas nas bshags par byed do/ /'gyod par yang byed do/ /sangs rgyas la rjes su sten par byed do/ /ji ltar bdag cag gi las kyi 'bras bu nyes par byas pa rnams las grol bar 'gyur zhes/ de dag rnams ni yongs su 'dri ba'i rang bzhin can du 'gyur ro/ /de nas de rgan po shes nyen dang ldan pa dul ba la spro bar byas nas ltung ba 'di dag bshags par byed do/ /'di las langs pas de srid kyi sdig pa'i las rnams zad par 'gyur ro/ /de ltar re shig gang sngon gyi dus na las byas par 'gyur ba dam pa ma yin pa'i las nye bar byas pa de dag phyis yang mi byed do/ /ldang bar la yang spyod par byed do/ /des mi dge ba'i las 'di dag thams cad nas thams cad du rab tu bral bar 'gyur ba 'am/ de dag mgo smod par 'gyur ro/ /de bzhin du da ltar ba'i dus su nyes par byas pa'i las byas par gyur pa lus kyi dang ngag gi dang yid kyis kyang ste/ rnam pa gsum po sems yang mor yongs su 'jug pas gal te byas par gyur na yang / dus 'jug pa yun thung ngus de ma thag du gang dag sems kyis yongs su btang nas</font><hr>66.60a<br><font size=+1>

bshags par byed do/ / 'gyod pa skyed par byed cing phyis yang mi byed do/ /de de bzhin du rab tu 'gyod par byed par gyur pa yin na/ gang la las de'i phyi bzhin lta bar byed par mi 'gyur/ sdig pa'i las rnams yod pa ma yin ldan pa ma yin no/ /de thams cad nas thams cad du med par 'gyur ba 'am zad par byed pa 'am nyams smod par yang 'gyur ro/ /ji ltar las kyi 'bras bu rnam par smin pa shes pa'i dge sbyong ngam bram ze 'am gzhan yang de dang 'dra ba rnams dpyod par byed de/ ji ltar gal te bdag gis lus kyis nyes par spyod pa 'am ngag gis nyes par spyod pa 'di dag rnams byas shing goms par byas par gyur na/ des bdag dmyal ba dang yi dgas dang dud 'gro'i 'gro ba'i yul rnams su 'bras bu rtsub po 'byung bar 'gyur bas na/ de mi dge ba'i las kyi 'bras bu ma skyes pa de rnams mi skye bar bya ba'i don du 'bad cing rtsol la brtson 'grus rtsom par byed do/ /de lta de ltar 'das pa'i dus kyi las kyi 'bras bu rnams la dad pa'i stobs dang ldan pa'i dge sbyong ngam bram ze rnams kyis kyang rung ste/ de dag rnams kyi dmyal ba myong bar 'gyur ba'i las dus ring du kun tu myong bar gyur pa ches 'jigs par gyur pa'i tshor ba gang yin pa de yang dus thung ba dang shin du zhan pa'i tshor bar gyur pa 'am/ thams cad kyi thams cad du yang med par 'gyur ro/ /de de ltar gzhan yang spyod par byed 'bad par byed/ brtson 'grus rtsom par byed pas ni gang de yi dgas su skye bar byed pa'i las ngan pa rnams dus ring du myong bar 'gyur ba dang / bkres pa dang skom pa'i rang bzhin gyis ches drag pa yod pa de dag rnams dman par 'gyur ro/ /dus thung bar 'gyur ba 'am thams cad kyi thams cad du yang med par 'gyur ro/ /de de bzhin du dge sbyong ngam bram ze rnams dang gang yang de dag dang 'dra bar las dang 'bras bu la dad pa dang ldan pa rnams gang yin pa rnams de dag gis dud 'gror skye bar 'gyur ba'i las</font><hr>66.60b<br><font size=+1>

ches 'jigs pa rnams byas pas de dag phan tshan du za bar byed pa dus ring bar myong bar 'gyur ba de dag rnams kyang shin du chung ba dang / phan tshun du za ba mi myong bar 'gyur ba dang / dus thung ba dang thams cad nas thams cad du yang med par 'gyur ro/ /gang byas shing bsags la nges pa kho nar so sor myong bar 'gyur ba'i las kyi 'bras bu gang dang gang la 'phen par byed pa'i dmyal ba dang yi dgas dang dud 'gro'i 'gro ba'i lus rnams ni ma gtogs so/ /gzhan yang las kyi 'bras bu de nyid la dad pa dang ldan pa yin te/ 'di ltar las de ni shin du rtogs par dka' ba dang mchog tu phra bar gyur pa'i las kyi 'bras bu rnams la dpyod par byed do/ /de la mi dge ba'i las rnam pa gsum po de dag byas par gyur pa rnams de so sor bshags par byed pa dang kha na ma tho ba de dag rnams rab tu spangs par byed pa de la/ gang kho na nges par myong bar 'gyur ba rnams las dud 'gro'i 'gro ba myong bar 'gyur ba de dag 'di ltar sems kyis legs par bsgoms shing yongs su dag pas de spong bar byed do/ /de la gang dmyal ba myong bar 'gyur ba dang dud 'gro'i 'gro ba myong bar 'gyur ba dang lan grangs gzhan la myong bar 'gyur ba rnams sems kyis rnam par 'gyod par byed pa dang / gnyen po dkar po'i chos rnams kyis nye bar bcom pa'i dbang gis kyang rnam pa thams cad du mi 'gyur ba 'am/ nyams smod par byed pa 'am las de nyid kyis gang ches sdug bsngal ba'i dud 'gro'i skye gnas so sor rab tu myong bar 'gyur ba yang rung ste/ nyes par byas pa de bshags pa las langs pas sam chos shin du dkar bar gyur pa'i legs par byas pa'i las rnams kyis kyang / gang dud 'gror tshe ring por 'tshed par byed pa rnams nye bar bcom pas de tshe thung ngu dang sdug bsngal chung bar yongs su 'tshed pa rnams thams cad du med par byed do/ /de la rgyu ba 'di dang mtshan ma 'di dag gis las dang 'bras bu la dad pa dang ldan pa nyid du bya'o/ </font><hr>66.61a<br><font size=+1>

dge sbyong ngam bram ze 'am de dag dang 'dra bar gyur pa gzhan rnams kyang rung ste/ gang yang las dang 'bras bu la dad pa dang ldan pa de ni/ chu klung gi ngos dang bcas nas tshad yod par 'khor ba na 'khor ba yin no/ /de ci'i phyir zhe na/ gang 'gro ba lnga na dge ba dang mi dge ba'i las rnams kyis ma bskyed pa'i 'bras bur gyur pa gang yin pa'i skye ba ni cung zad cig kyang yod pa ma yin no/ /de'i phyir de kho na bzhin du skyes bu'i snying po ni gang las dang 'bras bu la dad pa dang ldan pa zhes bya ba yin te/ srog chags rnams ni thams cad kyang las rnams thams cad kyi 'bras bu'i bgo skal la spyod pa yin no/ /de'i phyir na bud med dam skyes pa rnams kyis kyang rung ste/ thams cad kyis kyang rab tu brtson pas nyin mo dang mtshan mor yang bdag nyid thams cad kyis las dang 'bras bu la dad pa'i stobs bskyed par bya'o/ /'dir re shig 'khor ba'i srog chags rnams la de dag snying por gyur pa'o/ /chos gzhan yang dge sbyong ngam bram ze 'am gzhan yang de dang rang bzhin mtshungs pa rnams kyis yid la bya'o/ /'di yang gang zhe na/ 'di lta ste mi gnas pas nye bar bcom pa nyid do/ /mi gnas pas nye bar bcom pa ni gang gi phyir dge sbyong ngam bram ze rnams gang dag yin yang rung ste/ de dag rnams ni blo gros dman pa rnams yin no/ /me gnas pas nye bar bcom par gyur pa'i skyon des sems chags par byed do/ /mi gnas pa de nyid kyis kun du 'khor bar byed de/ dge 'dun gyi kun dga' ra ba dang gtsug lag khang dang grong dang yul dang grong khyer dang gzhan dag tu yang rung ste/ rtag tu yang le lo can du 'gyur ro/ /de dang de nyid la dga' bar 'gyur ro/ /de zhi ba'i dgon pa rnams dang zhi ba'i gnas gzhan dag rnams su yang mngon par dga' bar mi 'gyur ro/ /legs par 'gro ba'i rang bzhin can ma yin te/ 'gron lam du 'gro ba'i dbang du byas pa na yang de ni rab tu byung ba yang ma yin la khyim pa yang ma yin no/ /de thams</font><hr>66.61b<br><font size=+1>

cad du rigs mtshungs par 'gyur ro/ /yul phyogs gcig po de nyid la gnas pas kyang dus 'da' bar byed do/ /de gang gi don du rab tu byung bar gyur pa'i bsam gtan gyis bde bar gnas par bya ba de nyid ni mi byed/ kun du gnas pa'i skyon gyis nye bar bcom pa'i phyir ro/ /gang yang mi tshugs pa'i skyon de rig par gyur nas dge sbyong ngam bram ze 'am gzhan yang de dang rang bzhin 'dra ba dag la sbyin pa po dang sbyin bdag rnams kha drag par 'gyur ro/ /'di dang phrad pa'i don du thams cad du nye bar 'ong bar yang mi 'gyur ro/ /'di la gang sbyin pa po dang sbyin bdag rnams dbang du mi 'gyur bar dbang chen por 'gyur ro/ /'di dag gi tshig nyan par mi 'gyur zhing / de gtso bor byas nas sbyin pa rnams gtong bar mi byed do/ /shin du sems stobs yang bar gyur pa 'dug pa'i sa mi zin pas nye bar bcom pa rtag tu 'phrad par byed pa rtag tu zhabs 'bring byed pa yin no/ /de kun du gnas pas nye bar bcom pa'i skyon kyis nye bar bcom par gyur pa la bzhad gad du byed do/ /khyim pa dag phan tshun du gleng brjod kyang byed do/ ji ltar dge sbyong ngam bram ze che ge mo zhes bya ba gar yang mi chags nye bar bcom pas de dang de nyid la dga'o/ /dgon pa zhi ba rnams su ni ma yin gyi/ rtag tu tshol sog byed pa'i rang bzhin can rtag tu khyim pa rnams lta bar 'dod pa dang / zhabs 'bring gi dngos por yang 'gro ba dang bran bzhin du khyim pa rnams kyi g.yog byed do/ /g.yog byed par gyur pas de dag gis kha nyen par byed de/ /de nyid kyis khyim pa kun chub par mi 'gyur la/ rab tu byung bar yang mi 'gyur te mi gnas pa'i skyon gyis nye bar bcom pa'i phyir ro/ /gang la yang skyon 'di dag rnams med pa de ni skye bo rnams thams cad kyis 'byor bar byed do/ /gang kun du gnas pas nye bar bcom pa'i skyon gyis sbyin pa po dang sbyin bdag rnams kha mi drag par mi 'gyur ba ni 'ga' yang yod pa ma</font><hr>66.62a<br><font size=+1>

yin no/ /gnas pa med par kun du lta bar byed pa'i skyon gyis yang mor 'gyur zhing dge sbyong dang bram ze gang 'ga' zhig kun du gnas pa nye bar bcom par gyur pa rnams la ni ji srid du rnam pa de lta bu dang skyon gzhan dag rnams kyang 'byung bar 'gyur ro/ /de'i phyir dge sbyong dang bram ze rnams dang de dag dang mtshungs pa gzhan rnams kyis kyang gcig bya bar bya ste/ rtag tu chags pa med pa'i blo dang / rtag tu gcig pu mngon par dga' ba dang shing drung pa dang dur khrod pa dang phug gi nang du bsam gtan byed pa dang ri khrod sten pa dang gcig tu rnam par rgyu bas gnas skabs thams cad du ji srid 'tsho ba'i bar du mi gnas pas nye bar bcom pa nyid yongs su spang bar bya'o/ /gcig pu zhig 'ga' zhig dang yang mngon par chags par mi bya'o/ /chags pa rnams thams cad yongs su spang bar bya'o/ /chags pa rnams thams cad yongs su spangs pa las thar pa thob par 'gyur ro/ /de ni mi gnas pas nye bar bcom pa yin no/ /de nas dus de'i tshe rma bya'i mnga' bdag des tshigs su bcad pa'i dbyangs kyis bsnyad pa ji ltar/ kun nas nyer bcom dge slong ni/ /mi rnams kyi ni bran bzhin mthong / /rtswa bzhin du ni yang mor 'gyur/ /rang don las kyang nyams par 'gyur/ /gnas kyis nyer bcom dge slong ni/ /khyim pa ma yin nags gnas min/ /bsam gtan bsgom par bya ba la/ /yid ches nyid ni rab mi 'jug /mi gnas nyer bcom dge slong ni/ /rtag tu tshol sog la brtson no/ /tshol sog la ni brel ba'i yid/ /tshe yang yongs su nyams par 'gyur/ /skad cig shin du myur 'jug pa'i/ /gson pa go ba nyid ma yin/ /bde ba gzhan du longs spyad pa/ /gang byas pa ni rig pa 'ang min/ /gnas kyis nye bar bcom dge slong / /skye bo la lta ched cher byed/ /rtag tu sdig pas 'gro ba yin/ / des kyang ngan song gnas su 'gro/ /yid ni mngon par zhen pa med/ /chags pa med pa'i lus can rnams/ /chags pa</font><hr>66.62b<br><font size=+1>

kun las rnam grol ba/ /dge sbyong 'bras dang bcas par 'dod/ /ri yi khrod dang shing gi drung / /rtag tu bsam gtan gyis gnas pa/ /dge ba rab tu dad pa dang / /ye shes skyon de yongs su spangs/ /chags pa kun las nges rnam grol/ /yul rnams kyis kyang bslus min pa'i/ /skam po'i shing la me bzhin du/ /dge slong de yis nyon mongs sreg /gcig pu dga' bas dgar gyur pa'i/ /dge slong dbang po lnga bsdams pa/ /lus kyi mtshan nyid de nyid shes/ /mya ngan 'das pa rtogs par 'gyur/ /brtson 'grus ldan zhing dran dang ldan/ /rtag par skyon rnams rnam par spangs/ /'gying bag don gyi skyed tshal bzhin/ /mya ngan 'das pa lhag par 'gro/ /mya ngan 'das la rtag mngon dga'/ /srid gsum chu bos kyang 'jigs pa/ /kun gnas kyis ni ma bslus pa'i/ / dag pa'i bdag nyid dge slong yin/ /de ltar mi gnas pas nye bar bcom pa'i skyon rnams dang ldan pas dge slong gang dag shin du yang so sor rgyug par byed do/ /de'i phyir gcig pu nyid snying por byed pa rnams kyis mi gnas par nye bar bcom pa dge slong rnams yongs su spang bar bya'o/ /khyim pa rnams kyis shin du chung bar nye bar bcom pa rnams dang / dge slong gnas kyi nye bar bcom pa las re shig khyim pa la yang skyon de dag rnams su 'gyur na/ khyim gyi gnas nas nges par byung ba'i dge slong la skyon rnams thams cad kyi skal ba can du 'gyur ba la lta smos kyang ci dgos/ 'di lta ste/ brtan pas ni dge ba'i chos rnams thams cad 'thob par 'gyur ro/ /de'i phyir kun du mi gnas pas nye bar bcom pa rab tu brtson pas kyang spang bar bya'o/ /gzhan yang dga' ldan pa de dag rnams dang 'thab bral ba'i lha de dag rnams la/ rma bya'i mnga' bdag des bcom ldan 'das de nyid kyi mdo 'chad par byed pa la/ ji ltar chos gzhan yang 'dod pa sdug pa yid du 'ong ba mya ngan las 'das pa thob par 'gyur ba yod do/ /de yang gang zhe na/ 'di lta ste/ </font><hr>66.63a<br><font size=+1>

brtan pa dang ldan pa'i dge slong rnams ni rigs kyi dge ba'i chos kyi khur khyer bar 'gyur ro/ /'jig rten pa rnams kyis shin du yang rab tu bsngags par 'gyur ro/ /brtan pa ni 'jig rten pa dang 'jig rten las 'das pa'i lam rnams la yang rgyan du gyur pa yin no/ /skyon rnams thams cad las kyang rnam par 'grol lo/ /brtan pa skyon thams cad las nges par rnam par 'grol ba yang gang gi phyir 'di ni thog ma med pa'i dus nas rab tu 'jug pa'i skyon gyi dra ba rnam pa du ma rnams rab tu 'phro ba dam zhing shin du brtan por sems kyi rjes su 'brel ba de dag rnams dus cung zad tsam dang / brtson 'grus chung ngu dang ting nge 'dzin dang brtan pa yang cung zad tsam gyis gzhom par mi nus shing / sems kyi sa gzhi la rnam par zhen nas gnas pa'i skyon gyi dra ba de dag rnams ni dge slong gis 'khor ba las bgrol bar byed pa'i brtan pa ma gtogs pa gzhan rnams kyis ni chod pa ma yin no/ /de dang yang dag par ldan pa'i rnal 'byor spyod pa rnams kyis ni rkyen rnams las nye bar skyes pa'i zhen pa mi dge ba rnams blo gros brtan po dag gis yongs su spongs bar byed pa'i phyir ro/ /de la kun tu chags par yang mi byed de/ bdag nyid thams cad kyis kyang brtson 'grus brtan por byas nas/ mi dge ba'i chos rnams kyi 'jigs pas 'jigs pa'i phyir yongs su spong bar byed do/ /'dod chags skyes par gyur na yang dge slong dag brtan pa'i blos mi sdug pa sgom par byed do/ /de de yang dag par ldan zhing dpung gnyen du gyur pas ni mun par gyur pa'i 'dod chags gyi rkyen kyis skye bar gyur pa'i mi dge ba'i sems rnams yongs su spong bar byed do/ /des kun du 'khrid par mi 'gyur ro/ /de bzhin du zhe sdang dang lhan cig 'grogs par gyur pa'i sems skyes par gyur na yang des 'phrogs par mi 'gyur te/ brtan pa dang ldan par gnas pa'i byams pa'i gnyen po grogs su gyur pa'i phyir ro/ /</font><hr>66.63b<br><font size=+1>

de bzhin du gti mug dang ldan pa'i sems kun du skyes pa rnams la yang rten cing 'brel bar 'gyur ba'i gnyen pos sgrub par byed do/ /de nas dus 'dir rma bya'i mnga' bdag des tshigs su bcad pa brjod pa ji ltar/ kun gnas pas kyang gang chags pa/ /de ni sred pas rtag tu chags/ /sred pa'i 'ching las grol min rnams/ /'jig rten 'dir min pha rol min/ /de ltar rma bya'i mnga' bdag des dga' ldan gyi lha de dag dang 'thab bral ba rtag tu gcig tu dga' ba rnams la kun du gnas pa'i skyon rnam pa du ma ston par byed do/ /de nas lha de dag 'jig rten gnyis la phan pa'i chos de dag rnams rnam pa du mar nyan par gyur kyang rnam pa thams cad du ngoms pa med pas/ slar yang rma bya'i mnga' bdag la brjod pa/ ji ltar khyod kyis bdag cag la mchog tu ngo mtshar bar gyur pa mchog tu zab pa'i chos de dag rnams bstan pa gang yin pa ni thog ma dang bar dang tha mar dge ba mya ngan las 'das pa'i mthar thug pa rnam par rtog pa du mar 'khor ba la skyo bar byed pa'i lam gyi mchog de slar nyid kyang bdag cag rnams la rjes su brjod pa'i rim pas chos bstan du gsol/ bdag cag thams cad kyang sems rtse gcig pas mnyan par bgyi'o/ /rang dang gzhan la phan pa la rab tu zhugs pa'i chos kyi lam de dag rnams lha de dag gi drung nas thos par gyur nas/ slar nyid kyang rma bya'i bdag po des lha de dag rnams thams cad nyid kyang sems rtse gcig tu gyur pas ji lta ba bzhin du chos nyan par byed pa'i lha de dag rnams kyi yid de dag kyang kun du rtogs pas/ bdag gis phyir zhing nyid kyang ches rab tu rangs par gyur pa'i yid du gyur pas slar nyid kyang de dag rnams la bstan par bya'o/ /de nas phyir yang sems rtogs nas slar yang chos de nyid rnam pa du ma rnams su sgra dbyangs brtan zhing rgya che ba dang mchog tu snyan par gyur pa dang / gzhan la phan pa la rab tu zhugs pa'i</font><hr>66.64a<br><font size=+1>

snyan pas ston par byed de/ kye he lha dag gzhan yang theg pa chen po la rab tu gnas pa'i dge sbyong ngam bram ze 'am de dag dang 'dra ba rnams kyis chos yid la bya bar bya zhing / de la rab tu brtson pas kyang 'jigs par bya'o/ /'di yang gang zhe na/ 'di lta ste grags pa ma yin pas 'jigs pa nyid do/ /grags pa ma yin pas 'jigs pa'i dge slong ni gcig tu nges pa'i blor 'gyur ro/ /de skyon 'di dag rnams grags pa ma yin pa la 'jigs pas spong bar byed de/ ji ltar tsab hral can gyi bud med kyi skyon gyi dri ma phal che bar gyur pa'i khyim du 'jug par mi byed cing 'dre bar yang mi byed do/ /chang 'tshong dang lhan cig kun brjod par mi byed cing mi skrun pa rnams dang ma yin no/ /rkun ma dang yang ma yin la sdig pa byed pa rnams dang ma yin no/ /rgod bag can dang ma yin zhing kun du 'gyod pa rnams dang yang ma yin no/ /rtags gzhan pa rnams dang rtags gzhan pa la so sor 'brang ba rnams dang ma yin no/ /cho lo ba rnams dang ma yin zhing rtog mi rnams dang yang ma yin no/ /byis pa dang ma yin zhing bud med kyis 'tsho ba dang yang ma yin no/ /rko trog can rnams dang ma zhing kha mi 'tsham pa rnams dang ma yin no/ /shin du brkam chags can rnams dang ma yin zhing 'jal ba la sgyu byed pas slu ba rnams dang yang ma yin no/ /'jig rten pa rnams dang 'gal bar gyur pa'i tshong pa dang ma yin zhing chu klung gi ngos la bcom nas sgro ba rnams dang ma yin no/ /ma ning rnams dang ma yin zhing lam du bud med dang gom pa gcig kyang lhan cig tu 'gro bar byed pa ma yin no/ /glang po che 'dul ba rnams dang ma yin no/ /mi 'dul ba rnams dang ma yin no/ /stag 'dul ba rnams dang ma yin no/ /med par smra ba rnams dang ma yin no/ /dkon mchog gsum la kha phyir phyogs pa rnams dang ma yin no/ /theg pa chen po la zhe sdang bar gyur pa rnams dang ma yin no/ /sdom pa ma yin pa la gnas pa rnams dang ma </font><hr>66.64b<br><font size=+1>

yin no/ /rigs ngan pa rnams dang ma yin te/ rnam pa de lta bu'i sdig pa'i las can rnams dang lhan cig tu dge slong gnas par mi byed do/ /de ci'i phyir zhe na/ lhan cig tu gnas pa'i byed pa gang gi phyir dge slong chud za bar 'gyur la de bzhin du 'jig rten pas kyang go bar 'gyur ro/ /ji ltar 'di'i dri ma can gyi las yin pa de kho na ltar dge slong la yang rtog par byed do/ /gang yang yid can rnams thams cad rnam pa ci lta bu dang lhan cig tu 'dre bar byed pa na/ de dag rnam pa de kho na bzhin du skye bo rnams kyis yang rtogs par 'gyur ro/ /de'i phyir grags pa ma yin pas 'jigs pa rnams kyis dri ma can gyi las can rnams dang lhan cig tu gom pa gcig kyang 'grogs par mi bya'o/ /de nas de'i dus 'dir rma bya'i mnga' bdag des bcom ldan 'das kyis gsungs pa'i tshigs su bcad pa brjod par byed pa ji ltar/ ma rnags rnag dang 'dre byed pa/ /rnag nyid nye bar skye bar 'gyur/ /de phyir rnag dang 'dre ma byed/ /rnag med bya bar 'os pa yin/ /skyes bu ci 'dra ba dag la/ /mtshungs par rten grogs rtag byas nas/ /dge dang gal te mi dge yang / /de dang 'dre las de 'drar mthong / /skyes bu bde don gnyer kun gyis/ /dge ba kho na rjes su bsten/ /des 'dir bde ba 'thob 'gyur gyi/ /dge bas sdug bsngal byed pa min/ /kun 'dres yon tan skye bar mthong / /'dre las skyon skye de bzhin te/ /yon tan skyon gyi mdor bsdus pa'i/ /mtshan nyid 'dir ni brjod pa yin/ /rtag tu bzang po dang 'grogs pa'i/ /dge slong snyan grags dang legs ldan/ /ngan pa dang ni 'grogs pa ni/ /skyes bu ngan par myur tu 'gro/ /gang dag ngan pa rnam spong ba'i/ /de dag snying po rtag tu gyis/ /legs rtags lhan cig gnas pa dang / /ma rungs pa yang spang bar gyis/ /de ltar rma bya'i bdag po 'dis lha de dag rnams la chos ston par byed do/ /grags pa ma yin pas 'jigs par gyur pa'i dge slong rnams kyang</font><hr>66.65a<br><font size=+1>

yon tan bdun dang yang dag par ldan par 'gyur ba la/ 'di lta ste sdig pa can gyi skye bo rnams la mi sten no/ /rnyed pa dang bkur sti rnams la mngon par dga' bar mi 'gyur ro/ /chog shes pa dang ldan pa rnams la sbyin pa po dang sbyin bdag rnams rab tu dang bar 'gyur ro/ /ri'i khrod rnams su sten par 'gyur ro/ /de dag ni dge legs kyi skal ba can du 'gyur ro/ /mang du kun brjod par mi 'gyur ro/ /grong du rgyu bar mi 'gyur zhing / 'thung ba dag gi khang par yang mi 'jug go/ /nyo ba dang 'tshong bar yang mi byed do/ /de de lta bu'i yon tan rnams dang yang dag par ldan pa legs par rgyu ba'i dge slong ni chud 'dza' bar mi 'gyur ro/ /skye bo'i tshogs mang po rnams kyang gus pa dang bcas par 'gyur ro/ /de'i phyir bag med pa'i rgyu'i rtse mo ni 'di yin te/ 'di ltar dge slong grags pa ma yin pa rnams kyis 'jigs pa med pa'o/ /gang yang dge slong grags pa ma yin nas 'jigs pa med pa de khyim pa rnams kyi drung na yang shin du lhag pa yin te/ skyon rnams las de ci dga' bar spyod par byed pa dang / ci rung bar smra ba dang ngo tsha med pa dang khrel med pa dang / tshul khrims 'chal pa mang du byed par 'gyur ro/ /de lus zhig par gyur nas ngan song log par ltung ba dmyal ba rnams su skye'o/ /grags pa ma yin pas 'jigs pa ni gcig pu rgyu bar 'gyur ba dang khyim rnams su sten par mi byed do/ /de dag ni rtag tu yang ri dang dgon par gnas par 'gyur zhing chog shes par yang 'gyur ro/ /'dod pa dang brnab sems la sten par mi byed do/ /yul ljongs kyi skyon rnams thams cad spong bar byed do/ /kha na ma tho ba cung zad tsam la yang 'jigs par lta bar 'gyur ro/ /de ltar 'jig rten na grags pa ma yin pa rnams kyis 'jigs par gyur pa gang yin pa de ni dge</font><hr>66.65b<br><font size=+1>

slong yin no/ /de ni dge ba'i skal ba can yin no/ /gzhan yang theg pa chen po la rab tu gnas pa'i dge slong rnams la gces par gyur pa'i chos yod do/ /'di yang gang zhe na/ 'di lta ste mngon par zhen pa med pa'o/ /mngon par zhen pa med pa zhes bya ba'i chos ni mchog tu dga' bar gyur pa yin no/ /'di ni dge slong dag mngon par zhen pa med pa ni dag pa dang 'ba' zhig pa dang kun du chags pa med pa'i blo dang ldan pa dang / gcig tu nges par rgyu ba dang blo legs par gnas par gyur pa dang / 'tsho ba dag pa rnams mchog tu mya ngan dang bral bar 'gyur ba yin no/ /mchog tu rnal du phebs pa'i yid 'dzin pa yin no/ /de sdug bsngal bas zhum par mi 'gyur ro/ /khro ba dang 'khrug pa 'byung bar mi 'gyur ro/ /dga' ba ya ya bo'i gnas rnams la dga' bar yang mi 'gyur ro/ /'jigs pa'i gnas rnams la yang rnam par mi 'jigs so/ /gnyen bshes rnams la snying nye bar chags par gyur nas rang gi don rnams las yongs su nyams pa ma yin no/ /grong khyer pa rnams kyis brgad pa dang 'gying bag byas pa dang rtses pa dang yongs su spyad pa rnams la yang mngon par zhen par mi byed do/ /nye bar 'gro ba'i rang bzhin can ma yin no/ /grong nas grong dang grong khyer nas grong khyer dang / tshong 'dus nas tshong 'dus rnams dang khyim nas khyim kun du chags pa med pa'i blos gcig tu bde bar nyal ba dang rab tu sad par yang 'gyur ro/ /de'i blos mngon par chags pa med pa dang rnam par dag pa yin no/ /kun du spyod pa rnam par dag pa de ni bdud dam sgra dang reg bya dang / ro dang gzugs dang dri dang de dag gis kyang phrogs par mi 'gyur ro/ /rnyed pa dang bkur sti rnams la mngon par dga' bar mi 'gyur ro/ /des thob pa rnams sam gzhan yang ji ltar skyes pa'i yid kyi rnam par rtog pa rnams 'joms par byed do/ /yongs su spong bar byed do/ /mi dge ba'i</font><hr>66.66a<br><font size=+1>

rnam par rtog pa de dag mi skye bar bya ba'i don du rab tu 'bad par byed cing brtson 'grus rtsom par byed do/ /ji ltar lam 'di dag bskyed pas ni mi dge ba yid la byed pa'i rnam par rtog pa de rnams ji ltar phyi nas yang bdag gi sems rnam par dkrug pa'i ngo bor mi byed pa de ltar bdag gis gzhom par bya'o zhes de re shig rnam par rtog pa'i rkyen gyis skyes pa'i mi dge ba gcig po de nyid mi skyed par bya ba'i don du 'bad rtsol brtson 'grus rtsom par byed pa yin na/ mngon par zhen pa'i chos rags par gyur pa 'jig rten pa rnams mi byed pa la lta ci smos/ gang dag rnal 'byor spyod par gyur pa rnams kyis chos gsum po 'di dag ni bya ba yin no/ /gsum gang zhe na 'di lta ste/ sems kyi rgyun rab tu sun 'byin par byed pa skyes par gyur pa'i mi dge ba'i chos rnams rnam pa thams cad du mi skye bar bya ba'i don du dang / ma skyes pa rnams mi bskyed par bya ba'i don du dang / de bzhin du 'das pa'i chos mi dge ba rnams dran par byas la rab tu brtson par bya ste/ dge slong yid shin du mnyam par bzhag pa dang spyod pa rnam par dag pa rnams dang rnam pa thams cad du blo mngon par zhen pa med pa rnams dang / rnam par dag par spyod par byed pa rnams dang gcig tu sred pa zad par 'dod pa rnams dang 'dod chags dang bral bar 'dod pa rnams dang / bde ba 'dod pa rnams kyis kyang mngon par zhen pa med pa'i blo bskyed par bya'o/ /yang dge slong gang dag blo mngon par chags pa med par gyur pa rnams ni/ mchog tu bde ba dang ldan pa ches bde ba'i go 'phang 'thob pa yin no/ /de nas dus 'dir rma bya'i mnga' bdag des 'khor ba 'jig gis gsungs pa'i tshigs su bcad pa brjod pa ji ltar/ rtag par kun du chags med blo/ /bsam gtan gyis ni rtag tu gnas/ /yid ni rtag tu rnam par dag /rtse gcig yid la mngon par dga'/ /sems gang shin tu</font><hr>66.66b<br><font size=+1>

rtse gcig pa/ /de ni skyon gyis 'ching ba med/ /skyon bcas 'jigs las nges grol ba/ /'di la rang bzhin gnas zhes brjod/ /rtse gcig la ni mngon dga'i sems/ /rnam rtog nyid kyis bsgrub pa min/ /rnam par rtog las rnam grol de/ /mdzes par rang bzhin gnas par 'gyur/ /gang gi sems ni rtag tu zhi/ /rgyun du mya ngan 'das mngon dga'/ /de ni mi dge ba'i rgyu rnams kyi/ /dbang skyes skyon ni 'gyur ma yin/ /gang yang bsam gtan gyis byas bde/ /gang yang ting 'dzin las skyes bde/ /de kun rtse gcig blo yi ni/ /rtag tu lus can rnams la 'gyur/ /rtse gcig dga' ba'i sdom brtson gyi/ /bde gang snying la skye ba ni/ /de 'dir bde bar rnam shes gyis/ 'jig rten pa yi bden min 'dod/ /rtse gcig sems la mngon par dga'/ /rnam par dag pa byas nyid de/ /skyon dri las ni rnam grol ba'i/ /des ni zhi ba rtogs par 'gyur/ /rtag tu yid ni gcig tu nges/ /dbang po lnga rnams kun du bsdus/ /sred pa'i mes sreg mi bzad pa/ /blo yi ye shes chu yis 'joms/ /sred pa dang ni ldan min te/ /rnam par dag pa'i bde 'dod pa/ /zad med 'grib pa med nyid kyi/ /go 'phang mdun na gnas dang 'dra/ /rnam par rtog pa gya gyu'i sems/ /gang dang gang la skye 'gyur ba/ /gcig la dmigs pa dang ldan pa'i/ /ting 'dzin de yis 'dzin par byed/ /de phyir chos de dag gi mchog /mya ngan 'das grong 'gro ba yi/ /gang ni rtse gcig yid byas la/ /bdud kyi sgrub byed gzhom par gyis/ /rab brtan ye shes 'od zer gyis/ /yid kyi rta ni brtul bzung nas/ /mya ngan nyon mongs bcom pa yi/ /mchog gi gnas su 'gror 'gyur te/ /snying po de ni brtan rnams kyis/ /rnal 'byor mchog tu 'gro rnams kyis/ /rtse gcig yid ni gang byas pas/ /go 'phang 'pho ba med par 'gro/ /de ltar rma bya'i bdag po des rnam pa du mar chos ston par byed pa ni lha de dag</font><hr>66.67a<br><font size=+1>

rnams la bde ba'i don du dang phan par bya ba'i don du yin no/ /de nas rma bya rnams kyi mnga' bdag des 'thab bral ba de dang dga' ldan pa de dag rnams la slar yang chos de nyid ston par byed de/ ma skyes pa na dga' bar byed pa dge ba dang mya ngan las 'das par 'gro ba'o/ /yang chos gzhan yang ston par byed de/ kye'i lha dag ji ltar chos gzhan dag nyon dang ji ltar dge ba'i chos rnams thams cad kyi nying khu ni 'di yin te/ 'di ltar gcig pu dga' ba'o/ /dge slong gcig pu la dga' ba yang shin du kun nas bsdams par rgyu ba dang shin du kun nas bsdams par spyod pa dang legs par bsdams par rnam par gnas pa dang mchog tu zhi ba dang mchog tu gtsang bar 'gyur ro/ /'di lta ste gcig pu dga' bas mngon par dga' ba'i dge slong rnams ni/ gcig tu kun nas bsdams par legs par spyod pa dang / zhi ba dul ba shin du brtan pas gcig pu dga' bas dga' ba rnams ni thams cad du dga' bar 'gyur te/ zhi ba'i gnas su gyur pa'i ri khrod dag dang ri'i phug dang dur khrod dang sog ma'i phung po rnams dang thams cad la yang mtshungs par blo kun bsdams par 'gyur ro/ /gcig pu rnam par rgyu ba gcig pu dga' ba'i dge slong la yang chos bdun gces par byed par 'gyur ba yin te/ gang zhe na/ 'di lta ste rtag tu yid rab tu bde bar 'gyur ro/ /rtag tu yang sems rab tu dang bar 'gyur ro/ /'jig rten pa rnams kyis kyang 'di mnyan par byed cing / lha dag gis kyang 'di mngon par srung bar byed do/ /dri ma rnams dang yong yongs su bral bar 'gyur ro/ /dge ba'i chos rnams kyang mngon par 'phel lo/ /de'i sems shin du mnyam par bzhag pa'i mchog tu 'gyur zhing / rab tu dang ba'i lus dang ngag dang yid kyi las kyi mtha' rnams kyis thar pa'i lam mngon sum du byed par 'gyur ro/ /dri ma rnams kyang 'dis ring du byed par 'gyur ro/ /tha mar</font><hr>66.67b<br><font size=+1>

yang 'di'i dkar po'i chos rnams kyi tha snyad kyis 'jig rten pa rnams dang lhan cig tu mngon par dga' bar 'gyur ro/ /rnam pa du ma rnams su thog ma med pa'i dus nas mang du 'jug pa'i nyon mongs pa'i dgra rnams kun nas 'joms par byed do/ /de'i phyir gcig pu mngon par dga' ba'i dge slong ni shin du legs par bsdams pas rgyu ba dang / nyon mongs pa rnams kyis 'jigs pas kha na ma tho ba phra rab tsam rnams la yang 'jigs par lta ba dang rtag tu brtson pa dang ldan pa dang nges par grol ba dang kun du spyod pa rnams shin du dri ma med pa dang rab tu zhi ba la dga' bar 'gyur ro/ /de nas dus de'i tshe rma bya'i mnga' bdag des lha rnams la phan par bya ba'i don du tshigs su bcad pa brjod pa ji ltar/ mi bzad pa dang g.yo dang drag /bzod par dka' dang stobs po che/ /brtan gang sems las nges rgyal ba/ /'jig rten pa de bde ldan 'dod/ /gang gis 'jig rten 'di sreg pa'i/ /skyon ni rnam pa gsum po spangs/ /me de rnams ni ye shes chus/ /zhi bar byas pas bde bar 'gyur/ /gang dag chos ni mi 'dod pa'i/ /mi de rnams ni mi ma yin/ /grong khyer mya ngan 'das 'gro ba yi/ /de nyid lam la gnas pa min/ /chen por gyur pa'i bde legs gnas/ /mi yis gang phyir thob par 'gyur/ /theg chen rkyal pa la zhon pas/ /srid pa'i mtsho las sgrol bar 'gyur/ /glog dang zo chun rgyun mo 'dra/ /dri za'i grong khyer dang mtshungs par/ /shin du sdug pa rtag myur ba/ /lus can kun gyi gson pa yin/ /lus zhes bya ba'i myu gu ni/ /rtag tu skad cig 'jig pa yin/ /shin du g.yo zhing snying po med/ /rga shi 'jigs pa'i chen po yis/ /nad kyis grong khyer 'di dag rnams/ /mya ngan khor yug chen po ste/ /dge mi dge yi zhing la yang / /lus su mngon par brjod pa yin/ /sbyin dang tshul khrims yid kyis gang / /rtag tu</font><hr>66.68a<br><font size=+1>

lus ni rnam rgyan pa/ /sems can de ni snying po gcig /lus ni 'bras bu dang bcas 'dod/ /gang la snying po bdun yod pa/ /sangs rgyas yin par de yongs bsgrags/ /brtson 'grus sbyin pa de bzhin khrims/ /ye shes byams pa bzod dang dul/ /gang yang grangs med 'gyur ba yi/ /theg chen dang yang yang dag ldan/ /pha rol phyin drug las rgal ba'i/ /de ni sangs rgyas yin par bsgrags/ /'dod pa yongs su spong ba gang / /de dag sa gsum snying po yin/ /'dod pa thams cad yongs btang ba/ /rtag tu bde zhes 'dir brjod do/ /'dod pa rnams la chags yod gang / /de yi sdug bsngal 'di mdun gnas/ /de dag nyes dmigs shes byas la/ /de phyir de dag yongs su spongs/ /de ltar rma bya rnams kyi mnga' bdag des dga' ldan pa de dag rnams dang 'thab bral gyi lha de dag rnams la chos ston par byed do/ /gzhan yang rma bya'i mnga' bdag des lha de dag rnams la chos ston par byed de/ ji ltar chos gzhan yang theg pa chen po la rab tu gnas pa'i dge sbyong dang bram ze rnams la gces par gyur pa yod do/ /'di dag kyang gang zhe na/ 'di lta ste/ sems rnam par g.yeng ba med pa'o/ /sems rnam par mi g.yeng ba'i dge slong yang blo shin du mnyam par bzhag pa dang / gcig tu nges par rgyu bar byed pa dang rtag tu tshangs par spyod pa la mngon par dga' ba dang rtag tu brtson pa dang ldan par yang 'gyur ro/ /bde legs rnams thob par 'gyur ro/ /ngan song gi 'jigs pa rnams thams cad las kyang grol bar 'gyur ro/ /gcig pu dga' ba'i dge slong ni dbang po drug legs par bsdams pa dang yul rnams thams cad yongs su spangs pa dang / 'khor ba'i 'jigs pa rnams kyis skrag par gyur pas dge slong chos rnams thams cad yongs su spong bar</font><hr>66.68b<br><font size=+1>

mi byed pa dang / mi dge ba rnams thams cad yongs su spong bar byed pa dang / rtag pa nyid du yang bde bar rgyu bar 'gyur ro/ /gang dag gi blo rnam par g.yeng bar ma gyur pa rnams ni sgra dang reg bya dang ro dang gzugs dang dri rnams la rtag pa kho nar yang de'i sems mnyam par bzhag par 'gyur ro/ /de'i sems mnyam par bzhag pa'i phyir na dge ba'i chos rnams mngon par 'phel bar 'gyur ro/ /de dag rnams nyid la dga' bar 'gyur ro/ /'khor ba la ni dga' bar 'gyur ba ma yin no/ /rtag tu brtson pa dang ldan par gyur pas/ ting nge 'dzin la mnyam par bzhag pa'i yid de la lam rab tu skye bar 'gyur ro/ /rtag tu lam la bsten par byed cing sgom par yang byed do/ /lan mang du byed do/ /de ni lam de dag bsten cing bsgroms la lan mang du byas par gyur pa las lam mngon du 'gyur ro/ /rtag par rgyun du yang lam de nyid sgom par byed pa yin no/ /de lam gyi rjes su rtogs pa'i blo bsten par byed cing / de sten par gyur pa las kyang kun du sbyor ba rnams dang bral bar 'gyur ro/ /bag la nyal rnams ni 'drul bar 'gyur ro/ /'di'i kun du sbyor ba gang dag dang yongs su bral bar gyur na/ 'di lta ste rjes su chags pa'i kun du sbyor ba dang khong khro ba'i kun du sbyor ba dang ma rig pa'i kun du sbyor ba dang nga rgyal gyi kun du sbyor ba dang phrag dog gis kun du sbyor ba dang ser sna'i kun du sbyor ba ste de'i kun du sbyor ba de dag rnams dang rab tu bral ba yin no/ /'di ni bag la nyal rnams gang dag rul bar gyur pa yin na 'di lta ste/ 'dod pa'i 'dod chags kyi bag la nyal ba dang khong khro ba'i bag la nyal dang srid pa'i 'dod chags kyi bag la nyal dang ma rig pa'i bag la nyal dang nga rgyal gyi bag la nyal dang lta ba'i bag la nyal dang the tshom gyi bag la nyal dang rnams rul cing myags par 'gyur ro/ /de la 'gro ba rnams thams cad du brje bsor byed</font><hr>66.69a<br><font size=+1>

pa por gyur pa khams gsum gyis bsdus pa'i stobs po che de dag rnams ni/ rnam par g.yeng ba med pa'i sems kyis ni mi nus pa yin te/ mthong ba dang sgom pa'i lam dag gis so/ /de ltar na sems rtse gcig tu byed par gyur pa ni dge sbyong dang bram ze rnams la gces pa yin te/ gang gi phyir gal te na dge bar gyur pa rnams sam gal te na mi dge bar gyur pa rnams kyang rung ste/ chos thams cad ni sems kyi rtsa ba las yin pa'i phyir ro/ /de'i phyir srid pa'i 'jigs pa'i skyon 'di dag rnams kyis 'jigs pas de ltar rab tu brtson pas lam sten par byed pa rnams thams cad kyis kyang rab tu 'bad pas sems rtse gcig tu bya'o/ /de ltar na nyon mongs pa rnams zad par bya bar nus pa yin gyi/ gzhan du na thog ma med pa'i dus nas 'jug pa'i nyon mongs pa'i tshogs gang yin pa rnams gzhom par nus pa yang ma yin no/ /de nas dus der rma bya'i mnga' bdag gis tshigs su bcad pa thams cad mkhyen pas gsungs pa 'chad pa ji ltar/ yid ni rtse gcig gyur pa yi/ /skyon gyis 'jigs pa'i rnal 'byor pa/ /yid nyid kyi ni pad ma bzhin/ /yid la zag med chos rnams skye/ /rtse gcig gyur pa'i yid kyis ni/ /dge ba'i lam ni sgom par byed/ /nyi ma shar bas mun bsal ltar/ /mi dge'i chos rnams 'joms par byed/ /gang gi yid ni rtse gcig pa/ /rtag tu zhi zhing mnyam bzhag pas/ /dug la bya khyung ji lta bar/ /skyon rnams la ni de 'jigs min/ /g.yo bar gyur pa'i sems 'di ni/ /rlung chen shugs dang 'dra ba yin/ /'dul mkhan ji bzhin 'dzin pa yis/ /ji ltar bar ni brtan pas 'dul/ /ye shes tshul khrims ting 'dzin gyis/ /skyon gyi nags ni gtan nas sreg /rung dang bcas pa gang gis ni/ / nags skams pa la me bzhin no/ /de phyir shes pa rtag tu sten/ /</font><hr>66.69b<br><font size=+1>

mi shes pa yang yongs su spongs/ /skye dang 'chi ba spangs pa yi/ /bla na med pa'i gnas su 'gro/ /sems gang rtse gcig 'gyur ba yi/ /de ni rab tu brtson par gyis/ /de ni dul ba'i dbang gyur pas/ /skyon skyed byed pa min par 'dod/ /rtag tu g.yo ba'i yul rnams ni/ /brtan par yongs su bsdus gyur na/ /lag na rten pa'i dug 'dra ba'i/ /chags sogs kyis ni gnod mi 'gyur/ /de phyir brtson dang gtan sogs pa'i/ /yon tan gyis ni yid myur khrid/ /sred chu lam gsum 'gro ba las/ /'gor ba med par rgal bar gyis/ /de ltar rma bya rnams kyi mnga' bdag des gcig tu spyod pa'i dga' ldan gyi lha de dag rnams dang 'thab bral ba de dag rnams la rnam pa du ma rnams su phan par gyur pa'i don du yang chos de ston par byed do/ /lha de dag rnams kyang yid shin du legs par bsdams pa dang / yid shin du mnyam par bzhag pas bde ba'i yul de dag rnams thams cad yongs su spangs nas chos de nyid kho na nyan par byed de/ 'khor bas 'jigs par gyur pa de dag rnams kyi yid de dag rtogs nas/ slar nyid kyang chos de dag nyid ston par byed pa ni ji ltar 'dod pa sdug pa yid du 'ong ba/ bag med pa rnams thams cad kyi lcags kyu lta bur gyur pa'i chos gzhan yang theg pa chen po la legs par gnas pa rnams kyis yid la bya'o/ /'di dag kyang gang zhe na/ 'di lta ste 'chi ba rjes su dran pa'o/ /gang gi yid la 'chi ba rjes su dran pa yod par gyur zhing / rtag tu yang bsten cing bsgoms la lan mang du byas par gyur na/ ji ltar sdug bsngal 'di dag ni lus can rnams thams cad la so sor mtshungs pa yin te/ phyir bzlog du myed pa skyes pa rnams thams cad la ni ci nas kyang 'byung bar 'gyur ba/ bden nges par 'byung ba rnams ni 'dun zhing yid du 'ong ba thams cad kyang tha dad du 'gyur ba med par 'gyur ba rnam par 'gyes pa rnam par bral ba</font><hr>66.70a<br><font size=+1>

rnam par bye bar 'gyur ba yin no/ /bdag cag ni 'jig rten 'di nas shi 'phos par gyur nas gzhan rnams su skye bar 'gyur ba yin la/ gal te shed na bde ba dang sdug bsngal rnams kun du 'thob par 'gyur te/ las la zhon par gyur pa'i sems can de dag rnams rang gi las kyi 'bras bu rnams kyi lam gyi zas za bar byed pas dmyal ba dang yi dgas dang dud 'gro rnams su skye bar 'gyur ro/ /'di ni skye ba dang 'chi ba'i dus byung bar gyur pa na 'ga' zhig la yang 'ga' zhig gi yang grogs med do/ /de la dge ba dang mi dge ba'i las de dag rnams gang gi phyir dus de ni grogs su gyur pa yin no/ /gang gi phyir legs par byas pa rnams kyis ni ma dang pha lta bur gyur pa yin no/ /nyes par byas pa rnams kyis ni dgra bo lta bur gyur pas dmyal ba dang yi dgas dang dud 'gro rnams su skye bar byed par 'gyur ro/ /de'i phyir legs par spyad pa rnams ni rtag tu gyis dang / nyes par spyad pa rnams ni spang bar bya ba yin no/ /des 'chi ba rjes su dran pa gang yin pa de de ltar bshad pa na/ de'i tshe na 'di'i yid skyo bar gyur pas yul rnams la thog rdungs su 'jug pa ma yin no/ /'dod chags dang zhe sdang dang gti mug rnams kyis kyang 'phrogs par mi 'gyur ro/ /bu dang chung ma dang rang gi skye bo rnams kyi don du mi dge ba'i las rnams mi byed do/ /'chi ba'i 'jigs pas skrag par gyur pa'i khyim pa rnams thams cad kyang yid rab tu zhi bar 'gyur na/ rab tu byung ba rnams lta smos kyang ci dgos/ rab tu byung ba yang 'chi ba rjes su dran par byed pa las brgya la zhig la yang tshul khrims 'chal bar mi 'gyur ro/ /yul rnams la dga' bar mi 'gyur ro/ /yul ljongs rnams su rgyu bar mi byed do/ /ljongs rnams rgyu bar byed pas kyang sems rnam par g.yeng bar byed pa yin pa</font><hr>66.70b<br><font size=+1>

dang / 'du 'dzi de dag rnams thams cad kyi rtsa bar gyur pa yang bud med kyi 'gro ba rnams yin pa dang / thams cad kyi yang skye mchod du gyur pa de ni dge slong 'dis spong bar byed do/ /'chi ba rjes su dran pa de ltar sems par byed do/ /ji ltar ljongs rgyu ba la mngon par dga' ba rnams yang dge ba'i chos rnams las 'ga' zhig kyang sems la med la/ 'chi ba'i yul dang dus su yang de dag rnams thams cad bdag la phan pa ma yin pa dang bde ba ma yin par 'gyur ro/ /gang gi tshe bdag la grog ma dang khab la sogs pa'i klung rnams kyis 'chi ba'i yul dang dus su rab tu 'debs par byed pa de'i tshe na bdag la skyabs sam skyob pa gang zhig 'byung bar 'gyur / rang rang gi las kyi zhags pas kun du bcings nas 'di nas 'jig rten pha rol tu 'khrid par byed pa na/ 'di ni ma 'am pha 'am spun zla 'am rang gi skye bo 'am grogs po dang gnyen bshes kyi tshan par gyur pa'i skyabs mchi ba'i yul dang dus byung bar gyur pa ni med do/ /des 'chi ba rjes su dran pa yang de ltar sgom par byed do/ /de'i tshe sbyin pa dang tshul khrims dang shes rab rnams la mngon par dga' bar 'gyur ro/ /de ltar legs par byed par gyur pa de rnams kyi dge ba'i las mngon par 'phel bar 'gyur ro/ /mi dge ba'i las rnams dang yongs su 'bral bar 'gyur ro/ /de las de dag rnams kyis lha dang mi rnams su bde ba la longs spyad nas phyi nas mya ngan las 'das pa thob par 'gyur ro/ /de'i phyir na yon tan de dag rnams go bar byas la bud med dam skyes pa 'am/ khyim pa 'am rab tu byung ba 'am dge sbyong ngam bram ze rnams kyis kyang rtag par 'chi ba rjes su dran pa bsgom par gyis shig /rjes su dran par gyur na ni 'chi bdag gi 'jigs pas 'jigs pa'i skyes bu ni mi dge ba'i las rnams thams cad mi byed do/ /yid kyis kyang sgom par byed pa la de bzhin du/ </font><hr>66.71a<br><font size=+1>

sems can thams cad 'chi bar 'gyur te/ lha dang mi dang dmyal ba dang yi dgas kyi yul dang dud 'gro rnams na yang gang dag 'chi bdag gi dbang du mi 'gro ba'i gnas de ni yod pa ma yin no/ /de de ltar sgom par byed pa na 'jig rten pha rol gyi 'jigs pas 'jigs pa'i sems sgra dang reg bya dang ro dang gzugs dang dri la rab tu rgyug par mi 'gyur ro/ /rtag pa dang brtan pa dang ther zug gi blor yang mi 'gyur ro/ /de mi rtag pa dang sdug bsngal ba dang stong pa nyid dang bdag med pa rnams kyi yang blor 'gyur ro/ /de gang gi tshe 'chi ba rjes su dran par gyur pa de la ni skyon rnams thams cad kyis gnod par mi 'gyur zhing / rtag par rgyun mi 'chad par yang dge ba la sems par 'gyur ro/ /yid la byed pa rnams kyang mngon par 'phel bar 'gyur ro/ /'chi ba rjes su dran pa rtag par rgyun du bsten cing bsgoms la lan mang du byed par gyur pa de la ni yid la byed pa'i dmigs pa rtag tu skye bar 'gyur ro/ /ji ltar 'og dang thad ka rnams na yang gang dag ma zhig pa dang ma lhung ba dang / bye bar ma gyur pa dang rnam par 'gyur ba'i chos su ma gyur pa ni 'di ni gnas yod pa ma yin te/ ri'i khrod dga' bar gyur pa brgya stong rnams las/ je thog mar ri thams cad kyi rgyal po ri rab lhun po yang bskal pa'i mes nye bar bcom nas med par 'gyur na/ e ma'o bdag gi lus gnas par 'gyur ram ci/ mtha' yas pa'i rgya mtsho chu klung rnams thams cad kyi bdag por gyur pa klu rnams thams cad kyi gnas dang lha ma yin rnams yang ste/ nyi ma bdun gyis nges pa kho nar nye bar skams par 'gyur ba yin na/ bdag gi lus la lta smos kyang ci dgos mdor bsdu na 'dod pa'i khams dang gzugs kyi khams dang gzugs med pa'i khams dang khams gsum po de dag rnams thams cad kyang mi rtag pa dang mi brtan pa dang ther zug ma yin pa dang yongs su rnam par 'gyur ba'i</font><hr>66.71b<br><font size=+1>

chos can yin na/ bdag gi lus dang srog ni mi rtag pa dang mi brtan pa dang ther zug ma yin pa dang rnam par 'gyur ba'i chos can du 'byung bar 'gyur ba lta smos kyang ci dgos/ de gang gi tshe de ltar rtag par rgyun du shin du mnyam par bzhag pa'i yid kyis gcig tu nges par dge ba yid la byed par gyur pa'i blos de dag sgom par byed pa de'i tshe 'di 'ga' zhig la yang mngon par zhen par mi 'gyur ro/ /kun du chags pa med par gyur pa'i blos ni 'dod chags rnams 'ga' zhig gam zhe sdang gis kyang 'ching bar mi 'gyur ro/ /de'i 'dod chags dang zhe sdang dag rtag par rab tu bcom pas gti mug kyang med par 'gyur ro/ /de rnams skyon ma lus pa las grol bar gyur pas mchog tu 'chi ba med pa dang rga ba med pa dang zad pa med pa'i go 'phang thob par 'gyur ro/ /de'i phyir na 'chi ba rjes su dran pa de dag la dmigs par bya'o/ /de'i phyir dran pa rnams thams cad kyi mchog tu gyur pa 'di ni 'di lta ste 'chi ba rjes su dran pa'o/ /'chi ba rjes su dran pa sgom par byed pa rnams la yon tan gzhan yang yod do/ /dge sbyong ngam bram ze yang rung ste/ gang gi tshe de nyid sgom par byed pa de'i tshe/ lus po sdug bsngal gyi sgrom bu lta bur gyur pa la so sor rtog par byed do/ /ji ltar sdug bsngal rnams rig par gyur pa yin na/ ji ltar bdag gi lus 'di dag la lus ni nad rnams kyis dang 'chi bdag nye bar 'ongs pas kyang yid nye bar 'joms par 'gyur ro/ /'chi bdag gi zhags pa des bdag nyid kun du bcings par gyur pas ngas ci zhig byar yod/ sbyin pa dang tshul khrims dang shes rab kyang bdag gis bsgom par ni mi nus so/ /de'i phyir na ji srid du 'chi bdag de yid la 'ongs par ma gyur pa de srid du sbyin pa dang tshul khrims dang shes rab rnams bsgom par bya'o/ /sems can rnams thams cad</font><hr>66.72a<br><font size=+1>

kyi srog 'joms par byed pa po'i 'chi bdag ring po mi thogs par 'ong bar 'gyur ro/ /dge sbyong dang bram ze de dag gang kho na 'chi ba rjes su dran pa gcig tu sems la byed pa rnams la ni/ de las 'di'i yid la byed pa rnams 'bras bu yod pa dang mya ngan las 'da' ba'i mthar thug par yang 'gyur ro/ /gzhan yang rnam pa gzhan gyi sgo nas kyang 'chi ba de nyid rjes su dran par byed de/ gang zhe na 'di lta ste/ gzugs kyi phung po 'di ni stong pa nyid do/ /lus 'di ni stong pa mi rtag pa'o/ /'dus byas kyi chos 'di dag rnams thams cad kyang mi rtag pa dang sdug bsngal ba dang stong pa dang bdag med pa yin te/ skad cig myur bar 'jug pas shin du g.yo ba rab tu nyams par 'gyur ba'i chos can med pa chad pa stong pa snying po med pa zo chun 'khor ba dang dri za'i grong khyer dang 'dra bar gyur pa'o/ /kye ma ji ltar 'dus byas kyi chos 'di dag rnams thams cad pa de dag dang lus 'di dag srog kyang dbu ba dang chu'i chu bur dang 'dra bar snying po med pa dri za'i grong khyer dang 'dra ba yin no/ /gnas skabs rnams thams cad kyi thams cad du yang bdag 'chi bar 'gyur ba'i 'jigs pa'i gnas chen por de dag rnams 'byung ngo / /de'i phyir na snying po blang bar gyis dang dge ba ni rnam pa gsum mo/ /mi dge ba yang rnam pa gsum nyid ni yongs su spang bar bya'o/ /de bzhin du yang 'chi ba rjes su dran par bya'o/ /de ni dge sbyong ngam bram ze rnams la gces par gyur pa yin no/ /rang gi sems la bsgoms pas yid la bya'o/ /de nas de'i dus 'dir rma bya'i mnga' bdag des tshigs su bcad pa brjod pa ji ltar/ gang gis 'jig rten 'dir 'joms pa'i/ /'jigs pa chen po'i dgra bo drug /rga dang na dang 'chi bdag dang / /'dod chags la sogs dri ma gsum/ /dge ba'i rdzas ni 'phrog</font><hr>66.72b<br><font size=+1>

pa yi/ /rkun ma yang ni yul lnga yin/ /dgra rnams grogs po'i gzugs kyis ni/ /srid pa'i ngam grog dag na rgyu/ /bag med pas ni gang ba'i sems/ /yul rnams kyis ni 'phel bar byed/ /skyes bu myur du gzhom pa ni/ /dmyal dang yi dgas rigs rnams la/ /sdug bsngal la sogs bden pa yang / /gang tshe shes pas rtogs pa yi/ /de tshe skyes bu bla med gyis/ /bde legs shis pa'i gnas thob 'gyur/ /skyon rnams rtsad nas gdon pa dang / /yon tan spel la kun du spyod/ /sdig pa'i grogs po mi bya zhing / /le lo can kha phyir phyogs gyis/ /brtson 'grus brtsams shing dran dang ldan/ /dge sbyong shes rab dpung gnyen can/ /rga dang 'chi ba spangs pa yi/ /bla na med pa'i gnas su 'gro/ /dbang po dang ni dbang don yang / /gang tshe de nyid kho na rig /de tshe shes rab la brten nas/ /srid pa'i rgya mtsho las rgal lo/ /nga rgyal can dang le lo can/ /thams cad la ni rtogs dgos can/ /khengs dang sdig blo can rnams ni/ /mkhas pas grogs po bya ba min/ /shin du brtson ldan rang bzhin 'jam/ /chos la gnas dang skyon spangs pa/ /yang dag lta dang tsab hral med/ /grogs por bsten gyis mdzes pa yin/ /sdig can grogs po'i snod ma yin/ /snod ni bla med skyes bu yin/ /bla med snod du byas pa na/ /skyon rnams kyis ni 'jigs pa med/ /skad cig thang cig yud tsam dang / /nyin dang mtshan mo de bzhin dus/ /'chi ba sems dang brtan pa yis/ /de las bzlog thabs med pa yin/ /gang 'di 'chi ba 'byung ba ni/ /dran pa'i mchog tu rab tu bsngags/ /de bsten pa ni zhi ba'i mchog /rnyog dang bral bar 'gro ba yin/ /'chi bdag 'jigs pa dran nas ni/ /skyon la ji ltar yid rgyug 'gyur/ /skyon med pas kyang dri ma rnams/ /thams cad rtag tu zhi bar 'gyur/ /bag yod go 'phang 'di mchog tu/ /</font><hr>66.73a<br><font size=+1>

de bzhin gshegs pa rnams kyis gsungs/ /gang yang 'chi bdag rtag dran dang / /mi dge rnams kyang spang bar gyis/ /zhes bya'o/ /de ltar rma bya rnams kyi mnga' bdag des dga' ldan gyi lha de dag rnams dang 'thab bral ba de dag rnams dang chos ston par byed do/ /chos gzhan yang theg pa chen po la rab tu gnas pa'i dge sbyong dang bram ze rnams la gces par gyur pa yod do/ /'di yang gang zhe na/ 'di lta ste gzugs dang rigs dang dbang phyug gi rgyags pa dang kun du bral bar byed pa'o/ /gzugs dang rigs dang btsan phyug gi rgyags pa la chags pas kyang byis pa rnams lus kyis nyes par spyad pa rnams spyod do/ /lus ji lta ba de bzhin du ngag dang yid kyis kyang spyod par byed do/ /rgyu de dang rkyen des kyang lus zhig par gyur nas ngan song log par ltung ba dmyal ba rnams su skye bar 'gyur ro/ /dud 'gro'i skye gnas dang de bzhin du yi dgas kyi yul rnams la yang ste/ de dang de dag rnams la de'i skye ba brje bsor byed par gyur pa na/ rnam par rtog pa du mar sdug bsngal rnam pa mang po rnams skye bar 'gyur ba de dag rnams gang yin pa'i ming tsam yang shes par sla ba ma yin no/ /de'i phyir skyon gyi 'jigs pa 'di dag rnams shes par gyis la gzugs dang rigs dang dbang phyug gi rgyags pa dang bral bar 'gyur zhing gyur pa gang yin pa de ni lus dang ngag dang yid kyi nyes par spyod par mi byed do/ /yang dag pa ji lta ba bzhin du gyur pas/ lta bar byed pa ni mi rtag pa dang sdug bsngal ba dang stong pa dang bdag med pa'i rnam pa rnams su dang / gsog gsob snying po med pa dang mi gtsang ba rnams kyi snod du gyur pa skra dang spu dang sen mo dang so dang khrag dang lpags pa'i tshogs la sogs par gyur pa rus pa'i 'khrul 'khor du ma dang / rgyus pa dang zhag dang gcin dang rtug pa rnams kyis kun du gang bar gyur pa'i</font><hr>66.73b<br><font size=+1>

bdag gi gzugs 'di dang por gtsang ba ma yin/ bar du ma yin/ tha mar ma yin te/ las dang nyon mongs pa du ma rnams kyis kun du skyes pa 'di ni snying por gyur pa ni cung zad kyang yod pa ma yin no/ /rtag pa yang ma yin zhing bdag dang bcas pa yang ma yin no/ /bdag 'chi bar gyur pa'i yul dang dus kun tu byung ba na lus 'di gom pa gang yang 'gro ba dang rjes su 'gro bar 'gyur ba yang ma yin no/ /dur khrod du yang mes sreg par byed pa 'byung bar 'gyur zhing / kun du drangs nas bya rgod dang 'ug pa dang lce spyang dang khwa ta la sogs pa rnams kyis kyang za bar byed par 'gyur gyis zhes de ltar sgom par byed pa'i skyes bu dam pa de'i gzugs dang btsan phyug gi rgyags pa gang yin pa 'di dag des thams cad nas thams cad du bral bar 'gyur ba 'am mgo gnon par 'gyur ro/ /gzhan yang gang gi tshe ji lta nga ni bzang po'i rigs su skyes pa yin no zhes dge sbyong dang bram ze 'di dag rnams la rigs kyi rgyags pa skyes par gyur na/ de'i tshe gal te na gang kho na rigs yin pa yang dag pa ji lta ba kho na bzhin du so sor rtog par byed de/ don dam par na rigs ni yod pa ma yin gyi/ kun du brtags pa 'ba' zhig tsam kho na la byis pa rnams kyis 'di dag tu go bar zad do/ /ji ltar rigs 'di dag rnams ni rigs med pa yin te rgyu med pa'i phyir ro/ /de bzhin du rus kyang med pa yin no/ /dge ba'i rgyu rnams kyis gzhan nyid kho na rigs yin no/ /gang dag zhe na/ 'di lta ste/ gang la bden pa dang tshul khrims dang sbyin pa dang shes rab dang rab tu zhi ba dang dul ba'i yon tan rnams yin no/ /gang dag rigs ngan par gyur na yang chen po'i rigs su legs par skyes pa yin no/ /rgyu gang gi phyir yon tan rigs yin pa'i phyir dang skye ba ni rgyu mtshan ma yin pa'i phyir ro/ /de lta bas na dge sbyong ngam bram ze 'am de'i rigs can gzhan dag rnams</font><hr>66.74a<br><font size=+1>

kyis kyang de ltar skye ba dang rigs dang btsan phyug gis rgyags par mi bya'o/ /gzhan yang de'i tshe na dge sbyong ngam bram ze 'am de dag gi rigs can gzhan rnams kyis kyang gzugs gang yin pa de kho na yang dag pa ji lta bar rnam pa gzhan gyi sgo nas so sor rtog par byed do/ /ji ltar bdag gi gzugs 'di ni ji lta bu'i rnam par bdag byis pa phyis rgan na nyal bar gyur pa'i rnam pa de lta bu ni gog 'gros byed par gyur pa na ma yin la/ gog 'gros byed pa'i rnam pa de lta bu ni ji srid gtsug pud bzhag pa na ma yin te/ gtsug pud kyi de ltar ni ji srid du lang tsho la bab pa'i bdag gi gzugs 'byung bar mi 'gyur ro/ /bar ma'i na tshod kyi rnam pa ji lta bu'i rnam pa de lta bur ni bdag glo bur du 'chi ba'i dus ma yin no/ /rnam pa de lta bu'i ni yun ring ba ni 'chi ba na yang ma yin no/ /bdag gi gzugs 'di ror gyur nas sbrang ma la sogs pa dag gis za bar byed pa 'byung bar 'gyur ro/ /de las kun tu byung ba'i 'bu gzhan dag gis kyang za bar byed la de lta bu rnams 'byung bar 'gyur ro/ /rlung dang nyi ma dang char pas kyang thams cad nas thams cad du nyams par 'gyur bar 'byung ba yin no/ /de yang phyogs bcu rnams su cha shas tha dad par 'byung bar 'gyur ro/ /gzhan dag rnams kyis bdag dur khrod du kun nas drangs shing lus 'di rnam pa du mar cha shas tha dad par byed par 'gyur ro/ /gzhan dag gis rus pa rnams drangs nas khyer bar byed do/ /gzhan dag gis ni mgo'i thod pa'o/ /gzhan dag gis ni 'jing pa'i rus pa'o/ /gzhan dag gis ni sna'i ste/ gzhan dag gis ni lag pa'i gru mo/ gzhan dag gis lus kyi dpung pa/ gzhan dag rnams kyis ni sor mo'i thur ma/ gzhan dag rnams kyis ni sen mo'o/ /gzhan dag rnams kyis ni rtsib logs/ gzhan dag rnams kyis ni rgyab kyi rus pa/ gzhan dag gis ni on tong ba'i rus</font><hr>66.74b<br><font size=+1>

pa'o/ /gzhan dag gis ni brla/ gzhan dag gis ni rkang pa'i rus pa/ gzhan dag gis ni rkang pa'i sor mo rnams kyi tshogs so/ /de ltar bdag nyid kyi gzugs de yang dag pa ji lta bar so sor rtog par byed pa rnams ni gzugs kyis rgyags par mi 'gyur ro/ /ji ltar na dbang phyug gi rgyags pa rnams la yang dag pa ji lta ba nyid du lta bar byed pa dang / shes par byed na med par 'gyur ba yin zhe na/ gang gi tshe skye dgu de dag rnams thams cad kyang yang dag pa ji lta ba bzhin du rtogs te/ ji ltar 'di dag rnams thams cad ni gzhan gyi dbang du gyur pa dang rang dbang med pa yin no/ /skye dgu rnams ni rnam pa du mar yang gzhan gyi dbang du gyur pa yin na/ de la ji ltar na 'di rang dbang can du 'gyur ba yin/ gzhan gyi dbang du gyur pa'i 'dus byas kyi chos 'di dag rnams ni gzhan gyi skye mched kyis rab tu 'jug pa yin te/ rgyu dang rkyen rnams las kun du byung ba yin no/ /ji ltar khang pa la yang rnam pa du ma rnams su bskor ba la sogs pa'i tshogs pa rnams phan tshun gyi dbang gis dang phan tshun la kun du brten nas khang pa zhes bya ba'i tha snyad du 'gyur la/ de bzhin du lus kyi tha snyad can gyi gzugs phung 'di yang lpags pa dang sha dang rus pa dang tshil dag gi tshogs su gyur pa dbang phyug med pa byed pa po rnams dang rnam par bral ba'i gzugs phung la gzugs kyi tha snyad yin no/ /de la 'di ltar ji ltar dge sbyong ngam bram ze 'am gzhan yang de'i rigs can dag gis de ltar rjes su 'jal ba la brten nas gang dag gzugs yang dag pa ji lta bar rnam par phye ba 'di dag rnams ni gzugs dang rigs dang dbang phyug gi rgyags pa de thams cad dang rab tu bral bar 'gyur ba 'am mgo smad par 'gyur ro/ /gzhan yang ji ltar bdag ni mngon par mtho ba'i rigs su skyes so zhes de ltar gang gi tshe 'di'i rigs kyis rgyags par</font><hr>66.75a<br><font size=+1>

gyur pa ni yang dag pa ji lta ba bzhin du mthong ba ma yin la/ phyi nas ni yang dag pa kho nar mthong ba yin te/ ji ltar rigs zhes bya ba ni kun du brtags pa 'ba' zhig tsam kho na la mig med pa rnams kyis 'di dag yongs su rtogs par byed pa yin no/ /shes rab dang tshul khrims dang sbyin pa rnams ni mthong ba yin te/ de lta bu rnams ni rnam par dag pa'i rigs dang legs par ldan pa yin no/ /med pa la byis pa rnams kyis nga rgyal du byas pa 'ba' zhig la 'di dag du rtogs pa kho na yin no/ /dper na dge sbyong ngam bram ze 'am de'i rigs can gzhan dag rnams kyang rung ste/ yang dag pa ji lta ba bzhin du de ltar rigs rnams rtogs pa ni/ de'i tshe 'di'i rigs kyi rgyags pa gang yin pa de dag rnams thams cad kyi thams cad du rab tu 'bral bar 'gyur ro/ /mgo smad par 'gyur/ de nas de'i tshe rma bya'i rgyal po des tshigs su bcad pa'i dbyangs kyis bsnyad pa ji ltar/ gzugs dang btsan phyug rigs rgyags pa/ /lus can gang la dmigs pa ni/ /de myos glang chen smyon pa 'dra/ /rab tu ltung zhing mthong ba min/ /rgod pa'i skyes bu thams cad ni/ /bag med pas ni dbang po dkrugs/ /yang mor 'jig rten 'dir song nas/ /phyi mar ngan song dag tu 'tshed/ /gzugs dang dbang phyug rgyags pa yis/ /long ba'i mig gang sdig byed pa/ /de dag bde ba legs rnyed min/ /phyi mar ngan song rnams su mthong / /gzugs dang dbang phyug rigs kyis dris/ /gang de de nyid skal ldan min/ /de nyid rtogs min byis pa rnams/ /srid pa'i mtsho las rgal mi 'gyur/ /gang yang rigs dang phun tshogs dang / /gzhan yang bde bar 'dod pa gang / /de dag thams cad mi rtag pas/ /de phyir 'di la blo ma btad/ /shes rab tshul khrims nges bral ba'i/ /</font><hr>66.75b<br><font size=+1>

rigs ni mkhas pas bsngags pa min/ /gang dag shes rab dang tshul khrims/ /de ni chen po'i rigs la gnas/ /shes rab dang bral dbang phyug min/ /rigs min legs pa'i srol yang min/ /de phyir shes rab 'di rigs yin/ /shes rab dang bral rigs med yin/ /spyod pa dri med gang dag gi/ /tshul khrims bsil ba'i mtshe'u bzhin no/ /de ni chen po'i rigs su skye/ /dri ma can gzhan rigs min no/ /tshul khrims dka' thub bsam gtan sbyin/ /bden dang brtan dang pha rol gnon/ /rigs gang yang dag ldan pa de'i/ /chos gang rnam par spangs pa yi/ /skra bregs dge sbyong min par mthong / /skye rigs nyid las bram ze min/ /shes rab tshul khrims rang bzhin gang / /dge sbyong bram ze yang de yin/ /rga bas gzugs ni 'joms par byed/ /'chi bdag mi rnams srog mthar byed/ /rgud pas nor ni 'joms byed pas/ /rtag pa nyid du rnam par gnas/ /nad kyang nad med 'joms par ni/ /lus can rnams la rab tu 'jug /mkhas pa'i skyes bus thams cad du/ /btsan phyug rgyags pas 'dir ma ltung / /'khor ba'i nyer 'tshe go gyis la/ /skyes bu rgyags ldan ma byed cig /de phyir 'dir ni sgrin po yis/ /gzugs rgyags dbang phyug la ma lta/ /legs par spyad pas chos la spyod/ /de ltar sdug bsngal gyis mi 'joms/ /de ltar rma bya rnams kyi mnga' bdag 'dis lha de dag rnams la chos ston par byed do/ /chos gzhan yang dge sbyong dang bram ze theg pa chen po la yang dag par rab tu gnas pa rnams kyis bya bar bya'o/ /'di yang gang zhe na/ 'di lta ste sems can thams cad la mnyam pa nyid do/ /sems can thams cad la mnyam pa nyid ces bya ba'i chos ni sems can du gyur pa rnams thams cad la ste/ dge sbyong dang bram ze dang de'i rigs can gzhan dag rnams kyang mchog tu bde ba dang ldan par 'gyur ro/ /</font><hr>66.76a<br><font size=+1>

sems can rnams thams cad kyi mthun par byed par yang 'gyur ro/ /lus zhig par gyur nas kyang shi ba'i 'og tu yang mtho ris kyi 'jig rten du skye'o/ /dge sbyong dang bram ze dag gis ji ltar na sems can rnams thams cad la mnyam pa nyid du bsgom par bya na/ gang yang dge sbyong dang bram ze dag kun tu rtsod par byed pa rnams yongs su spong bar byed do/ /gang 'ga' zhig dang yang kun du rtsod par mi byed do/ /kun du rtsod pa rnam par spangs pa de ni sems can rnams thams cad la yang yid mnyam pa nyid du 'gyur ro/ /de'i phyir re shig dang po kho nar thams cad kyis gnas skabs thams cad du thams cad kyis kyang dge sbyong dang bram ze rnams kyis kun du rtsod par byed pa rnams yongs su spang bar bya'o/ /de ltar na sems can rnams thams cad la yang mnyam pa nyid du 'gyur ro/ /yang gnyen po gzhan dag gis kyang dge sbyong dang bram ze rnams sems can thams cad la mnyam pa nyid kyi blor 'gyur ro/ /ji lta ba bzhin du sems can rnams thams cad kyi sdug bsngal la rtog par byed pa ni/ grogs po rnams la yang ji lta ba de kho na bzhin du grogs po ma yin pa rnams la yang ste/ 'khor bar kun du chud par gyur pa'i srog chags 'di rnams thams cad kyang skye ba'i rigs kyi chos rnams ni rigs kyi chos nyid kyis bral ba yin la/ de dag gi skye ba rnams bden pas ni rga ba dang nad dang 'chi ba dang mya ngan dang smre sngags 'don pa dang sdug bsngal ba dang yid mi bde ba dang ngal dub du 'gyur ba yin no/ /grang ba dang tsha ba dang bkres pa dang skom pa dang gsod pa dang 'ching ba dag gis skye ba yin no/ /mi sdug pa rnams dang phrad pa dang sdug pa dang bral ba'i sdug bsngal gyi khyad par rnams 'byung bar 'gyur ro/ /de de lta bu nyid du grogs po'i sdug bsngal rnams kyang la 'ur lta bar byed do/ /de kho na bzhin du grogs po ma yin pa yang ngo / /</font><hr>66.76b<br><font size=+1>

de de ltar sgom par byed pa na dge sbyong ngam bram ze rnams kyang sems can thams cad la mnyam pa nyid kyi blor 'gyur ro/ /gzhan yang dge sbyong ngam bram ze dag gis 'di ltar sems par byed de/ kye ma sems can 'di dag rnams ni sdug bsngal shin du banems pa'i sdug bsngal myong bar 'gyur ro/ /de gang dag zhe na/ 'di lta ste nad ces bya ba'o/ /sems can rnams thams cad ni nad kyis 'joms par 'gyur ro/ /de dag gi lus dang yid kyang nad kyis gzir bar gyur pa rnams shin du sdug bsngal bar 'gyur ro/ /de ji lta ba bzhin du grogs po la sems par byed pa kho na bzhin du dgra bo rnams la yang sems par byed do/ /de de ltar mnyam pa nyid du gyur pa'i blos sems rab tu dang bar 'gyur ro/ /de'i sems rab tu dang bar gyur pa las brjod pa rnams kyang rab tu dang bar 'gyur ro/ /khrag kyang rab tu dang bas bzhin gyi mdog kyang rab tu dang ngo / /de'i dbang po rnams thams cad kyang rtag par rgyun du kun nas rab tu dang bar 'gyur ro/ /'di ni de'i mthong ba'i chos kyi 'bras bu yin zhing / skye bo rnams thams cad kyi yang 'dod pa sdug pa yid du 'ong bar 'gyur ro/ /de ltar yang sems can rnams thams cad la byams par gyur pa de ni lus zhig par gyur nas shi ba'i 'og tu mthong ris bde 'gro'i 'jig rten pa lha rnams su skye bar 'gyur ro/ /yang rnam pa gzhan gyis kyang dge sbyong ngam bram ze rnams sems can thams cad la blo mnyam pa nyid du 'gyur ba ni/ 'di lta ste grogs po rnams kyi la sems par byed cing de kho na bzhin du dgra bo rnams kyi la yang ste/ ji ltar srog chags 'di dag rnams thams cad ni 'chi ba'i chos can 'chi ba'i chos nyid las rnam par ma grol ba yin no/ /skye ba dang bcas par gyur pa 'di dag rnams thams cad kyang 'ching bar gyur ba yin no/ /rang rang gi las rnams kyis sems can 'di dag rnams dmyal ba dang yi dgas dang dud 'gror</font><hr>66.77a<br><font size=+1>

skye bas sems can 'di dag ni/ kye ma ring bar 'gyur ro/ /de de ltar sgom par byed pa dang sems can rnams thams cad la yang phan par 'dod pa de ni mchog tu khrag rab tu dang bar 'gyur ro/ /khrag rab tu dang bar gyur pas bzhin gyi mdog dang ngo / /de'i bzhin gyi mdog rab tu dang bas blta na mdzes par 'gyur ro/ /des sems can rnams thams cad dga' bar 'gyur te mthong ba'i chos la yin no/ /rnam par smin pas ni lus zhig par gyur nas kyang mtho ris bde 'gro'i 'jig rten gyi lha rnams su skye bar 'gyur ro/ /de ltar yang dge slong rnams sems can thams cad la mnyam pa nyid kyi dbang du byas nas dge ba'i las chen po rnams byed par 'gyur ro/ /yang rim pa gzhan gyis kyang dge sbyong ngam bram ze 'am gzhan yang de'i rigs can rnams kyis sems can thams cad la mnyam pa nyid sgom par byed de/ ji ltar sems can 'di dag rnams thams cad ni las bsgo skal la spyod pa/ las kyi skye gnas pa las bdag gir byed par gyur pas ji ltar las byas par gyur pa dge ba 'am sdig pa can yang rung ste las de dang de'i skal ba can du 'gyur ba yin no/ legs par byas pa rnams kyis ni lha dang mi rnams kyi nang du'o/ /nyes par byas pa rnams kyis ni dmyal ba dang yi dgas dang dud 'gro rnams su skye bar 'gyur ro/ /dge sbyong dang bram ze 'am gzhan yang de'i rigs can de dag rnams kyis de ltar sgom par byed pa na/ de'i tshe 'di'i sems can gyi dbang du byas pa'i sems rab tu dang bar gyur pas bzhin gyi kha dog rab tu dang bar 'gyur ro/ /bzhin gyi mdog rab tu dang bar gyur pas kyang sems can rnams thams cad kyi 'dod pa sdug pa yid du 'ong bar 'gyur ro/ /lus zhig nas kyang mtho ris bde 'gro'i 'jig rten pa lha rnams su skye bar 'gyur la/ tha mar yang yongs su mya ngan las 'da' ba yin no/ /de'i</font><hr>66.77b<br><font size=+1>

sems rab tu dang bar gyur pa dang sems can rnams thams cad la mnyam pa nyid du gyur pa'i dge sbyong dang bram ze dag rnams kyi yang 'bras bu de lta bur 'gyur ba yin no/ /yang rim pa gzhan gyis dge sbyong ngam bram ze rnams kyang sems can rnams thams cad la mnyam pa nyid sgom par byed do/ /gang zhe na 'di lta ste sems can rnams thams cad la yang sems can rnams thams cad ni sdug pa dang yid du 'ong ba rnams dang tha dad du 'bral bar 'gyur ro/ /med par 'gyur ro/ /rnam par 'thor bar 'gyur ro/ /rnam par 'bral bar 'gyur ro/ /so sor 'byung bar 'gyur ro/ /'khor bar gtogs pa'i sems can rnams thams cad la yang sdug pa yid du 'ong ba 'dod pa rnams thams cad dang yang lhan cig tu bral bar ma gyur cing 'bral bar mi 'gyur ba rnams ni 'di na 'ga' zhig kyang yod pa ma yin no/ /sdug pa rnams dang rab tu rnam par bral ba ni shin du yang sdug bsngal ba yin no/ /de de ltar sgom par byed pas sems rab tu dang bar 'gyur zhing sems kun nas rab tu dang bas gdong gi mdangs gsal bar 'gyur ro/ /de'i bzhin gyi mdangs gsal bar gyur pas kyang mngon par dga' ba'i gzugs su 'gyur ro/ /de'i gzugs bzang bas skye bo rnams thams cad rab tu dang bar 'gyur ro/ /'dod pa dang sdug pa dang yid du 'ong bar yang 'gyur ro/ /de sems can rnams thams cad la mnyam pa nyid kyi mthu stobs kyi mthong ba'i chos kyi 'bras bu ni 'di dag yin no/ /lus zhig par gyur nas kyang mtho ris bde 'gro'i 'jig rten du lha rnams su skye bar 'gyur ro/ /las kyi lhag ma rnams kyis kyang yongs su mya ngan las 'da' bar 'gyur ro/ /yang rnam grangs gzhan gyis kyang dge sbyong ngam bram ze rnams kyis sems can thams cad la mnyam pa nyid kyi sems bsgom par bya ba yin no/ /gang dag zhe na</font><hr>66.78a<br><font size=+1>

'di lta ste/ gang gi phyir yang mor myur du 'jug pa'i phyir na sems ni kun du gnas pa med pa yin pas dge sbyong dang bram ze de dag rnams yang gal te 'dod chags dang bcas par gyur pa'i sems skyes par gyur na des mi sdug pa sgom par byed do/ /gal te zhe sdang dang bcas par gyur na des byams pa sgom par byed do/ /gal te gti mug dang bcas pa'i sems skyes par gyur na/ des rten cing 'brel par 'byung ba rnams sgom par byed do/ /de de ltar sems kyi gnyen por gyur pa'i gnyen po gsum po rnams sems par byed pas sems can thams cad la mnyam pa nyid du 'gyur ro/ /de ni grogs po dang dgra bo rnams dang rab tu bral ba dang mnyam pa dang yang ba dang rab tu dang ba'i blo gros can thams cad du dogs pa med par 'gro zhing rnam par rgyu ba dang / mchog tu rnam par dag pa bde bar gnas pa yin no/ /bde bar mtshan mo nyal bar 'gyur ba dang / bde bar yang nyin mo rab tu sad par 'gyur la/ lha rnams kyis kyang 'di dag la mngon par srung bar byed do/ /de ni dbang che bar yang 'gyur ro/ /mthu stobs che bar yang 'gyur ro/ /de de ltar rab tu yid rab tu dang bas khrag rab tu dang bar 'gyur ro/ /khrag rab tu dang bas bzhin gyi mdog rab tu dang ngo / /de'i mdog rab tu dang bas blta na mdzes pa'i gzugs su 'gyur ro/ /rab tu mdzes pa dang skye bo rnams thams cad la 'dod pa dang sdug pa dang 'thun pa dang yid du 'ong bar yang 'gyur ro/ /de sems can thams cad la mnyam pa nyid du gyur pa'i las kyi 'bras bu rnam par smin pas lus zhig par gyur nas shi ba'i 'og tu yang bde 'gro mtho ris kyi 'jig rten lha rnams su skye bar 'gyur ro/ /kun du lhag par gyur pa'i las kyis kyang ji ltar mos pa bzhin du yongs su mya ngan las 'da' bar 'gyur ro/ /de nas de'i tshe rma</font><hr>66.78b<br><font size=+1>

bya'i rgyal po des tshigs su bcad pa'i dbyangs kyis bsnyad pa ji ltar/ grogs dang grogs min thams cad la/ /gang blo kun tu chags med par/ /phyogs 'dzin med par chos shes pa'i/ /shes ldan thub par brjod pa yin/ /skyon gyi 'dam gyis yid gang la/ /nam yang gos pa med pa dang / /gcig pur rgyu bar dga' ba dang / /gang dag chags bral thub par brjod/ /nga yir med dang spyod dri med/ /rnyog pa'i dri ma kun dang bral/ /yul rnams nyon mongs thams cad kyis/ /kun du phrogs med thub par brjod/ /mi rtag la sogs bden pa ni/ /ji lta bzhin du rjes su mthong / /'jig rten 'jig rten mun nyid kyang / /brtan pa de ni thub par brjod/ /'jig rten chos kyis nam yang ni/ /rjes su skyo bar 'gyur ma yin/ /bde sdug mtshungs pa'i shes rab ni/ /dri med thub par brjod pa yin/ /rtag tu kun dga' mchog gis ni/ /rtag tu 'dod pa rnam par spangs/ /sred pa med dang nyung ngus 'tsho/ /gtsang ba 'di ni thub par brjod/ /gang dag de dang 'grogs pa yis/ /gang la de la rjes 'gro min/ /gcig pu rgyu zhing blo gros brtan/ / bsrung 'tshams dang ldan thub par brjod/ /'jigs dang rga ba las rnam grol/ /sred pa'i shugs kyis 'joms min gang / /rab tu zhi ba'i dbang dag sems/ /ro la zhen med thub par brjod/ /sems can rnams la mnyam nyid gang / /mi mnyam pa la rtag tu mnyam/ /thams cad la ni mnyam pa nyid/ /shes rab ldan pa thub par brjod/ /dge mi dge rnams thams cad kyi/ /las dang 'bras bu'i de nyid rig /dge dang mi dge yongs spangs pa'i/ /'jig rten 'di ni thub par brjod/ /shin du skyon rnams 'joms la brtson/ /rtag tu lus gtogs pa yi dran/ /tshor ba la sogs de nyid shes/ /shes rab ldan pa thub par brjod/ /yul dus bya bar rtsom pa dang / /rigs pa smra zhing dbang po dul/ /'khor ba'i</font><hr>66.79a<br><font size=+1>

'jigs pas 'jigs pa yi/ /rab zhi gang yin thub par brjod/ /de ltar rma bya'i mnga' bdag des dga' ldan pa de dag rnams dang 'thab bral ba de dag rnams la rnam pa du mar chos ston par byed do/ /de la de dag rnams thams cad kyang yid shin du mnyam par bzhag pa yin te/ thams cad du yul gyi bde ba de dag rnams thob kyang gcig tu dge ba'i chos kyi btung bas yid ngoms par gyur pa yin no/ /de nas lha de dag rnams kyi yid zhu bar gyur pa nye bar rnyed pa dang / gzhan yang rma bya'i rgyal po de gtsug lag gi chos nyid ston par byed pa la ji ltar chos gzhan yang theg pa chen po la rab tu gnas par gyur pa'i dge sbyong ngam bram ze 'am de lta bu'i rigs can gzhan rnams kyis kyang yid la bya'o/ /byas nas kyang kun tu spyad par bya'o/ /'di dag kyang gang zhe na/ 'di lta ste chog shes pa'o/ /chog shes pa zhes bya ba'i chos ni mchog tu gces par bya ba yin te bde bar byed pa yang yin no/ /lus dang sems thams cad tshim par yang 'gyur ro/ /chog shes pa'i grogs po dang ldan pa dang chog shes pa'i dpung gnyen dang ldan pa'i dge sbyong dang bram ze rnams ni mchog tu gyur pa'i bde ba rnams la longs spyod do/ /thams cad du yang thams cad kyis chog shes pa de dag rnams thams cad ni bde ba'i mchog rnams la nye bar longs spyod par byed pa yin no/ /'dod pa sdug pa yid du 'ong ba'i gzugs du ma rnams la mig gis mngon par zhen par mi byed do/ /don du gnyer bar yang mi byed cing kun du rtog par yang mi byed do/ /mig gi yul du gyur pa'i gzugs de dag rnams la kun du rtog par mi byed do/ /sems kyis bsam te smon par mi byed do/ /phyir zhing don du gnyer bar mi byed do/ /'dod pa sdug pa dang yid du 'ong bar gyur pa'i 'das pa'i gzugs de dag rnams la kun du rtog par mi byed do/ /des byas pa'i</font><hr>66.79b<br><font size=+1>

'dun pa'i 'dod chags skyed par mi byed do/ /de nyid la dran par byas nas smon par mi byed do/ /rnam par 'phel bar 'chel bar mi byed do/ /bdag nyid rang gis bdag nyid mchog tu dga' bar byed pa'i dge sbyong ngam bram ze rnams ni rtag pa nyid du yang skyid par 'gyur ro/ /de bzhin du rna bas 'dod pa sdug pa yid du 'ong ba'i sgra rnams thos par gyur pa na kun du rtog par mi byed do/ /yid kyis rab tu smon par mi byed do/ /'das pa'i yul de dag rnams la 'dun pa'i 'dod chags skyed par mi 'gyur ro/ /kun du rtog par mi byed do/ /yang dag pa ji lta ba bzhin du gyur pas sgra rnams la so sor rtog par yang byed do/ /sgra 'di dag ni rtag pa ma yin/ bde ba ma yin/ bdag dang bcas pa ma yin gyi/ kun du rtog pa 'ba' zhig gis bcom par gyur pa'i byis pa'i srog chags rnams kyis ji ltar bde bar kun nas sgyur bar byed pa por de ltar yongs su brtags shing zhen pa rnams la sgra rnams rna ba'i yul du 'gyur bas sems kun nas dkrug par byed pa yin no/ /de la ji lta ba bzhin du rnam pa du mar tshul bzhin yid la byed pas yang dag pa ji lta ba bzhin du mthong bas 'dis ji lta ba bzhin du kun dga' bar byed pa na/ sgra de dag nyid yang dag pa ji lta ba bzhin du so sor rtog par byed do/ ji ltar sgra 'di ni chang ba stong pa dang rgyun 'chad pa dang snying po med pa yin te/ 'di ni snying po cung zad cig kyang yod pa ni ma yin gyi/ 'khor bar rtog pa 'ba' zhig gis kun du phrogs pa'i byis pa so so'i skye bo rnams yin no/ /de gang gi tshe sgra de nyid la kun du lta bar byed pa na/ de'i tshe thams cad kyang snyan pa 'dod pa sdug pa yid du 'ong bar gyur pa'i khyad par thams cad dang ldan pa'i sgra rnams thams cad kyis kyang phrogs par mi 'gyur ro/ /chog shes pa des ni bde ba'i mchog rnams thob par 'gyur ro/ /gzhan yang dge sbyong ngam bram ze rnams dang de'i rigs can gzhan rnams</font><hr>66.80a<br><font size=+1>

kyis kyang snas dri ni bsnoM par mi byed cing kun du rtog par yang mi byed do/ /yid kyis kyang tshul bzhin ma yin pa yid la byed pas sems par mi byed do/ /yang dag pa ji lta ba bzhin du snas dri 'di dag rnams bsnoM par byed pa rnams kyis ni yang dag pa ji lta bar mthong bar byed pa yin te/ ji ltar dri 'di dag rnams ni rtag pa 'am brtan pa 'am/ ther zug gam rnam par mi 'gyur ba'i chos can ni ma yin gyi dri gang la kun tu chags par byed pa dang des rmongs par byed pa dang tshul bzhin ma yin pa'i yid la byed pas sems kyi rgyun dkrugs pa dri la chags pa gang yin pa rnams ni/ mi rtag pa dang 'di dag ni snying po med pa dang gsog dang gsob yin no/ /de ltar chog shes par gyur pa'i dge sbyong ngam bram ze 'am gzhan yang de'i rigs can rnams ni shin du chog shes par gyur pa yin no/ /de ni sna'i sred pa de dag gis kun du mi phrogs so/ /de ji lta ji ltar rjes su lta bar byed pa de lta de ltar ches bde bar 'gyur te/ chog shes pa de mchog tu rnam par dag par gyur pa bsten cing bsgoms la/ lan mang du byas pa'i phyir mchog tu bde bar 'gyur ro/ /gzhan yang dge sbyong de nyid dam bram ze 'am gzhan yang de'i rigs can rnams kyis lces ro myangs par gyur nas kun tu chags par mi 'gyur ro/ /kun du rtog par yang mi byed do/ /sngon gyi dus su myangs par gyur pa'i ro snga ma dag rjes su dran par mi byed do/ /tshul bzhin ma yin pa yid la byed pas kyang sems par mi byed do/ /phyir zhing yang dang yang du ro de nyid myang ba la don du gnyer bar mi byed do/ /chog shes pa nyid kyis kun du bde bar 'gyur ro/ /chog mi shes pa nyid kyis kun du 'khrid par mi 'gyur ro/ /de la nang du mngon par zhen par mi byed do/ /yang dag pa ji lta bar yang ro de yid kyis rtog par byed de/ ji ltar ro 'di dag rang bzhin gyis snying po 'am brtan pa 'am ther zug gam rnam par mi 'gyur</font><hr>66.80b<br><font size=+1>

ba'i chos can ni ma yin gyi/ 'di ni kun du rtog pa'i 'dod chags kyis phrogs pa 'ba' zhig gi sems can rnams kyis/ ji ltar ro ni mdzes pa kho na'o zhes rtogs par zad de/ gang gi tshe yang dag pa ji lta ba bzhin tu ro de dag la so sor rtog par byed pa na/ de'i tshe ro de rnams la chags par mi 'gyur ro/ /rnyog pa can du mi 'gyur zhing 'di'i yid kyis ro'i sred pa las byung bas ro rnams la myang bar mi byed do/ /chog shes pa nyid kyis dga' bar 'gyur ro/ /de ni ros kun du 'khrid par 'gyur ba nyid kyang ma yin no/ /gzhan yang dge sbyong ngam bram ze rnams kyis kyang reg bya la reg par gyur pa na kun dga' bas chog shes pa dran pa dang ldan pa rnams reg bya la reg par gyur nas yang dag pa ji lta ba bzhin du kun du lta bar byed pa na/ ji ltar reg bya 'di dag rnams rang bzhin nyid kyis rtag pa 'am brtan pa 'am ther zug gam yongs su mi 'gyur ba'i chos can ni ma yin gyi/ 'di dag rnams ni gsog gsob snying po med pa yin te/ reg bya 'di dag ni byung nas med par 'gyur ba dang / byung nas kyang phyir ldog par 'gyur ba yin no/ /des yang dag pa ji lta ba bzhin du reg bya 'di dag rnams la lta bar byed do/ /rnam par rtog par mi byed do/ /'das pa'i reg bya rnams la dran pas rjes su 'brel bar mi byed do/ /sred pa rnams skyed par mi byed cing reg bya de dag rnams la chags par yang mi byed do/ /phyir zhing yang dang yang du reg bya gzhan rnams don du gnyer bar mi byed do/ /ci yang rung ba'i reg bya de dag gis kyang chog shes par yang 'gyur ro/ /ji lta ba bzhin du 'dun pa'i 'dod chags dang rnam par bral ba'i reg bya dag gis chog shes par byed do/ /'di ni reg byas chog shes pa zhes bya bar yang brjod do/ /gzhan yang dge sbyong ngam bram ze 'am de dag gi rigs can gzhan rnams kyis kyang yid kyis chos 'dod pa rnams dang mi 'dod pa rnams dpyad par gyur nas yang</font><hr>66.81a<br><font size=+1>

dag pa ji lta ba bzhin du rjes su lta'o/ /chos 'di dag ni rtag pa 'am brtan pa 'am ther zug gam yongs su mi 'gyur ba'i chos can ni ma yin gyi/ 'di dag rnams ni stong pa dang med pa dang snying po med pa yin no/ /'di dag ni mi rtag pa dang sdug bsngal ba dang stong pa dang bdag med pa yin te/ med par gyur nas kyang 'byung bar 'gyur la/ byung nas kyang phyir ldog par 'gyur ba yin no/ /de dag rnams thams cad kyang rnam par nyams par 'gyur ba'i chos can gyi 'dod pa dang mi 'dod pa'i chos de dag rnams bsams nas kun du dga' ba'i mchog tu gyur pas mi 'dod pa rnams kyis rnam par nyams par mi 'gyur zhing / 'dod pa rnams la chags par yang mi 'gyur ro/ /'das pa rnams la yang dran par gyur nas rjes su 'brel bar mi byed do/ /'das pa rnams kyi ro myang bar yang mi byed do/ /de ltar yid kyis chos rnams la tshul bzhin du yid la byed pas mngon par zhen par mi byed do/ /chos rnams thams cad kyang yid kyis ro myang bar mi byed do/ /sred pa rnams kyis kyang phrogs par mi 'gyur ro/ /de ltar sred pa drug gi tshogs rnams las kun nas rnam par grol ba'i dge sbyong ngam bram ze 'am de dag dang rigs 'dra bar gyur pa rnams kyang chog shes pa yin no/ /de nas dus de'i tshe rma bya'i mnga' bdag des tshigs su bcad pa'i dbyangs kyis bsnyad pa ji ltar/ srid pa drug gi yul grol ba'i/ /chog shes pa yang skyob pa yin/ /spro med ro la zhen med pa'i/ /mthar thug pa yi bde bar 'dod/ /de ltar gyur pa'i gzugs la ni/ /gang gis mnyam par bzhag lta ba/ gzugs kyi rang bzhin sred pa rnams/ /de yi sems la rab 'jug min/ /rna bas sgra rnams la reg nas/ /yid ni rab tu sbyor mi byed/ /de yi rna ba'i rang bzhin gyis/ /'dod chags snying nyid la rgyug min/ </font><hr>66.81b<br><font size=+1>

sna ni yul dang yang dag ldan/ /gang phyir de kho nar rig pa/ /gang phyir de yi yid kyang ni/ /sna yang skyon gyis 'ching ba min/ /brtan par ro rnams myangs nas kyang / /yang dag par de rjes su rtogs/ /de yi yid kyi khang par ni/ /ro skyes skyon gyis nyams mi byed/ /rnam pa sna tshogs reg bya rnams/ /lus kyis reg nas rmongs mi 'gyur/ /reg bya'i thabs blag shes pa de'i/ /bde ba mtha' ni yas par 'gyur/ /'thun dang mi 'thun yid gang la/ /'ga' zhig chos rnams la bzod pa/ /rab tu brtan pa brag 'dra bar/ /de yi yid ni yongs su bsgrags/ /shes bya ba'o/ /de ltar dge sbyong dang bram ze yang sred pa dang kun nas rnam par grol ba de dag rnams ni chog shes par yongs su bsgrags pa yin no/ /de lta de ltar rma bya'i mnga' bdag de nyid kyis 'thab bral ba de dag dang dga' ldan pa de rnams la gtsug lag gi chos rnams ston par byed do/ /chos gzhan yang theg pa chen po la rab tu gnas pa'i dge sbyong ngam bram ze rnams kyis kyang yid la bya'o/ /'di dag kyang gang zhe na/ 'di lta ste yul rnams la 'jigs par lta ba zhes bya ba'o/ /bde ba'i mchog rnams 'byung bar byed pa'o/ /dge sbyong ngam bram ze rnams yul gang yin pa las kyang bzhin gzhan du lta bar byed do/ /gang gi tshe mig gis gzugs rnams rjes su mthong bar gyur na/ de'i tshe mig gi rnam par shes pa skyes pa la yid kyi rnam par shes pas nyams su myong bar gyur pa na rnam par 'byed par byed do/ ji ltar 'dir 'ongs pa'i yul 'di la ni 'dun pa'i 'dod chags kyang spang bar bya'o/ /bdag rab tu 'ching bar byed pa po'i yul 'di la 'dun pa'i 'dod chags las kun du skyes pa'i 'jigs pa rnams 'byung bar 'gyur bas/ 'dun pa'i 'dod chags rab tu gzhom par bya'o/ /sred pa rnams ni bskam par bya'o/ /tshul bzhin</font><hr>66.82a<br><font size=+1>

ma yin pa'i yid la yang spang bar bya'o/ /yul mthong ba dang lhan cig nyid du ji ltar kun du rtog pa skyes par gyur pas de ltar yang rnam par shes pa skye ba yin no/ /de yang 'dod chags dang lhan cig 'grogs par gyur pa 'am/ de yang zhe sdang dang lhan cig tu 'grogs pa de dag 'dis yang dag pa ji lta ba bzhin du rab tu shes so/ /nyon mongs pa can gyi mthar thug pa'i yid la byed pa 'di dag bdag la skyes la/ de dag gis kyang bdag la phan pa ma yin pa rnams 'byung bar 'gyur ro/ /'jig rten 'di dang pha rol du yang bde bar mi 'gyur la/ nyon mongs pas ni bdag gi don du mi 'gyur zhing bde bar yang mi 'gyur ro/ /'di dag rnams ni sems can thams cad kyi 'ching bar gyur pa yin te/ de yang gang gi tshe dge sbyong ngam bram ze rnams kyis yul rnams de ltar yongs su rtog par byed pa de'i tshe 'di'i snying la 'dun pa'i 'dod chags kun du skyes par gyur pa gang yin pa de dag rnams thams cad kyi thams cad du rab tu bral bar 'gyur ba 'am bskyungs par 'gyur ro/ /de ji lta ba kho nar mig gis gzugs rnams yang dag pa ji lta bar so sor rtog par byed pa de kho na bzhin du rna ba'i sgra rnams skyes pa yang so sor rtog par byed do/ rna ba'i rnam par shes pa 'di skyes pa ni rna ba'i rkyen dang de skyed pa yid la byed pa'i rkyen gyis bde bar kun du tshor ba 'am sdug bsngal gyi tshor ba 'am/ de las skyes pa'i rnam par shes pa'i dbang du byas pa rnam pa de lta bu'i yid la byed pa rnams bdag las skyes so/ /'dod chags lhag par gyur pa 'am/ zhe sdang lhag par gyur pa 'am/ gti mug lhag par gyur pa yang rung ste/ rnam par shes pa de mar me'i 'od bzhin du 'dra bar gyur pa rgyud dang kun du 'brel ba'i rnam par shes pa gzhan gyis de rnam par shes par byed pa ni/ ji ltar bdag la mi dge ba'i yid la byed pa 'di</font><hr>66.82b<br><font size=+1>

skyes so zhes des yid la byed pa mi dge ba de de nyid du mngon par shes so/ /de ji lta ba bzhin du so sor shes shing rkyen kyis byung ba'i mi dge ba rnams spong bar byed do/ /de gang gi tshe mi dge ba'i chos rnams yongs su spong bar byed pa de'i tshe na dge ba'i chos gzhan rnams kyis kyang yongs su gang bar yang 'gyur ro/ /'dir yang dag pa ji lta ba bzhin du yul rnams lta bar byed pa na yang tshul bzhin yid la byed pa rnams ni rab tu stobs dang ldan par 'gyur la/ tshul bzhin ma yin pa yid la byed pa rnams ni mi 'byung bar 'gyur ro/ /dga' ba'i 'dod chags dang lhan cig 'grogs par gyur pa 'di'i srad pa'i yang 'byung ba can gyi sred pa dang ldan par mi 'gyur ro/ /de de zad par gyur pas rnam par dag par 'gyur ro/ /nyon mongs pa'i rnyog pa rnams dang bral ba dang / de mi dge ba'i dri ma rnams dang bral bar 'gyur zhing thams cad du yang bde bar 'gyur ro/ /de dag gi phyir na yang dge sbyong ngam bram ze 'am gzhan dag rnams kyis kyang dang po kho nar yul rnams la 'dun pa'i 'dod chags skyes par gyur pa'i mi dge ba rnams rab tu gzhom par bya'o/ /dge ba rnams kyang rtag par mang du so sor dpyad par bya'o/ /sdig pa mi dge bar gyur pa'i chos rnams thams cad kyang rab tu gzhom par bya'o/ /de bzhin du rna bas kyang sgra rnams thos nas yang dag pa ji lta ba kho nar dge ba'i rnam par shes pa rnams so sor bskyed par bya'o/ /gzhan yang dge sbyong ngam bram ze dang de dag nyid dang de'i rigs can rnams kyis kyang snas dri rnams bsnams nas ji ltar shes par byed pa yin na/ 'di ni sna'i rkyen dang dri'i rkyen las kyang sna'i rnam par shes pa skye bar 'gyur la/ de skyes pa'i yid la byed pa'i rkyen kyis kyang gang gi tshe mi dge ba'i yid la byed pa skyes par gyur pa de'i tshe/ dge sbyong ngam bram ze 'di dag</font><hr>66.83a<br><font size=+1>

gis rnam par shes pa yin te/ ji ltar mi dge ba'i chos sdig pa can 'di dag skyes par gyur to/ /des kyang bdag la don ma yin pa rnams 'byung bar 'gyur ro/ /bde ba ma yin pa 'di dag bdag gis yongs su spang bar bya'o/ /de gang gi tshe mi dge ba'i yid la byed pa de dag rnams yongs su spong bar byed pa de'i tshe/ 'di yang dag pa ji lta ba bzhin du so sor rtog par byed do/ /de'i tshe 'di la tshul bzhin yid la byed pa rnams legs par skye bar 'gyur ro/ /de tshul dang mthun pa'i yid la byed pa de dang yang dag par ldan pas dga' ba'i 'dod chags dang ldan pa'i sred pa rnams rab tu 'joms par byed do/ /de slar yang dri de nyid la so sor rtog par byed de/ de ltar so sor rtogs par gyur pa na de thams cad du dri rnams thams cad la mngon par chags par mi 'gyur ro/ /de rab tu bcom pa las kyang skyid par 'gyur ro/ /de ji lta ji ltar yang dag par ji lta bar yul rnams mngon par shes par gyur pa de lta de ltar shin du mthar thug pa mchog gi bde legs rnams 'thob par 'gyur ro/ /de ltar snas kyang dri rnams bsnams nas yang dag pa ji lta ba bzhin du lta bas dri de dag rnams la kun du chags par mi 'gyur ro/ /gzhan yang dge sbyong dang bram ze de dag rnams nyid kyi lces ro rnams myangs par byas pa na yang / gang de la mi dge ba'i 'dun pa'i 'dod chags skyes par gyur pa de dag rnams kyang 'dis yang dag pa ji lta ba bzhin du rab tu shes te/ ji ltar lce'i rkyen gyis dang ro'i rkyen gyis kyang lce'i rnam par shes pa skye bar 'gyur zhing / de skyed pa'i yid la byed pa'i rkyen las kyang lce'i rnam par shes pa skye ba yin no/ /rnam pa de lta bu rnams kyi mtshan nyid las skyes pa'i lce'i rnam par shes pa la de mngon par zhen par mi byed do/ /de la kun du chags par yang mi</font><hr>66.83b<br><font size=+1>

byed do/ /yang dag pa ji lta ba bzhin du yang lce'i rnam par shes pa de shes so/ /de gang gi tshe yang dag par shes pa de'i tshe ro la dmigs pa'i rnam par shes pa dga' ba'i 'dod chags dang kun du ldan pa'i sred pas mi 'ching ngo / /de de las grol bas mchog tu bde ba dang ldan par 'gyur ro/ /ji lta ji ltar yul rnams yang dag pa ji lta ba bzhin du mngon par shes par gyur pa na yang / de lta de ltar dri ma'i rnyog ma rnams dang rnam par bral ba'i mthar phyin pa'i bde ba rnams 'thob pa'o/ /de ltar dga' ba'i 'dod chags dang kun du ldan pa'i sred pa rnams kyis mi 'ching ngo / /yang dag pa ji lta ba bzhin du des lce'i ro rnams thams cad dang / gnas skabs thams cad du ji lta ba bzhin du rtogs nas/ lus kyi reg bya'i yul rnams la kun du lta bar byed de/ de la lus kyi rkyen dang reg bya'i rkyen dang de skyed pa'i yid la byed pa'i rkyen las kyang reg bya'i rnam par shes pa skye bar 'gyur ro/ /gsum po rnams 'dus pa las ni reg bya'o/ /reg bya dang lhan cig 'grogs nas tshor ba dang 'du shes dang sems pa'o/ /de yang dge sbyong dang bram ze 'di dag gis yang dag pa ji lta bar reg bya de nyid la kun du lta bar byed de/ reg bya 'di dag ni rtag pa dang brtan pa dang ther zug pa ma yin no/ /gang 'di la bdag gis tshul bzhin ma yin pa yid la bskyed par gyur na/ tshul bzhin ma yin par yid la byed pa des bdag la don ma yin pa rnams 'byung bar 'gyur ro/ /bde bar mi 'gyur zhing phan par yang mi 'gyur ro/ /de gang gi tshe reg bya de yang ji lta ba bzhin du kun nas rtogs par 'gyur zhing tshul bzhin du yid la byed pas so sor rtog par byed pa na/ de'i tshe 'di dga' ba'i 'dod chags dang ldan par gyur pa'i sred pas gnod par mi 'gyur ro/ /yul gyi stobs kyis kyang kun du sbyor bar mi byed do/ /thabs rnams thams</font><hr>66.84a<br><font size=+1>

cad kyis lus kyi reg bya rnams ji lta ba bzhin du kun du brtags par gyur nas yid kyis kyang chos la kun du lta bar byed do/ ji ltar yid kyi chos rnams yin na/ 'di na yid kyi rkyen dang chos kyi rkyen las kyang yid kyi rnam par shes pa dge ba 'am mi dge ba 'am lung du ma bstan pa yang skye bar 'gyur ro/ /de la gang gi tshe mi dge ba la dmigs par gyur pa'i yid kyi rnam par shes pa tshul bzhin ma yin pa 'byung bar 'gyur ba de'i tshe/ rig par 'gyur te ji ltar bdag las skyes pa 'di ni mi dge ba'i chos kyi dbang du byas pa'i yid kyi rnam par shes pa skyes pa yin la/ dga' ba'i 'dod chags dang kun du ldan pa'i sred pa yid la byung bas ni bdag don med par 'gyur ro/ /phan par mi 'gyur zhing bde bar yang mi 'gyur ro/ /gang de kho na ltar chos rnams kyi 'byung ba dpyod par byed cing / de ltar chos rnams la chos kyis rjes su lta bas gnas par gyur pa ni/ chos rnams thams thams cad kyi yang rang gi mtshan nyid dang spyi'i mtshan nyid la ji lta ba bzhin du rjes su lta bas dga' ba'i 'dod chags dang lhan cig mtshungs par ldan pa'i srid pa yang 'byung ba can gyi sred pa rnams kyis 'ching bar mi 'gyur ro/ /de dga' ba'i 'dod chags kyis byas pa'i sred pa de dag rnams las grol bas mchog tu bde ba dang ldan par 'gyur ro/ /chos rnams kyi yang 'phel ba dang 'grib pa shes par 'gyur ro/ /de ltar gang gi tshe ji lta ba bzhin du yul rnams thams cad la yang so sor rtog par byed pa de'i tshe 'di la yang dag pa'i shes pa skye bar 'gyur ro/ /de'i yang dag pa'i shes pa des nyon mongs pa rnams zad par byed do/ /de nyon mongs pa zad pas kyang zag pa med pa'i ye shes skye bar 'gyur ro/ /de de dang yang dag par ldan pas go 'phang gi mchog 'thob par 'gyur ro/ /de ltar dge sbyong ngam bram ze 'am gzhan yang de'i rigs can rnams kyis rtag pa nyid du yul rnams la yid</font><hr>66.84b<br><font size=+1>

ches par mi bya'o/ /dgra lta bur gyur pa yin pa gang gi phyir yul rnams ni btang snyoms su gzhag par bya ste/ srog chags rnams thams cad thul 'og du 'jug par byed pa yin no/ /de'i phyir ji srid du zag pa med pa'i ye shes skyes par ma gyur pa de srid du yul rnams la nam yang 'ga' zhig la yang yid ches par mi bya'o/ /rko trog can de dag ni grogs po'i gzugs su 'chos pa'i dgra rnams yin zhing / 'khor ba'i 'ching ba rnams thams cad kyang de dag rnams yin no/ /de nas de'i dus der rma bya'i mnga' bdag des tshigs su bcad pa brjod pa ji ltar/ yul gyi de nyid mthong ba yis/ /ye shes lcags kyus 'dzin par byed/ /des ma bzung bas mi bzad g.yo/ /don min thams cad byed par 'dod/ /yul gyi bsam pa rmongs pa rnams/ /kun du rtog pa snying la sems/ /'tsho ba'i bsam pa kun sdom pa'i/ /'chi bdag zhags pa 'dir 'ong 'gyur/ /yang mo'i sems kyi srog chags rnams/ /yul rnams kyis ni yongs su drangs/ /gti mug gis ni yongs bslus pas/ /kun rmongs kyis kyang shes pa min/ /g.yo bas yul rnams thams cad ni/ /dri za'i grong khyer 'dra ba yin/ /sdug bsngal kun du spel byed de/ /dmyal ba yi yang rgyu rnams yin/ /'dod pas rnam rmongs byis pa rnams/ /yul rnams me yis sreg par byed/ /sreg bzhin du yang mi go bar/ /de nyid la ni yongs su 'jug /kun rtog las ni 'dod chags skye/ /chags las khong khro rab tu 'jug /khro bas gzir ba'i skyes bu ni/ /dmyal ba'i rjes su rgyug par 'gyur/ /de phyir 'dod pa yongs su spongs/ /mkhas pas khro ba zhi bar gyis/ /gti mug myur du yongs spangs nas/ /mya ngan 'das pa mngon du 'gyur/ /dgra bo bzhin du yul shes bya/ /grogs po dang 'dra mya ngan 'das/ /myang 'das yul can brtan pa ni/ /mya ngan 'das pa rtogs par 'gyur/ /de ltar rma bya rnams kyi bdag po des lha de dag rnams la gtsug lag gi mdo de dag ston par</font><hr>66.85a<br><font size=+1>

byed do/ /chos gzhan yang legs par bsrung bar bya ba gces pa yod do/ /'di yang gang zhe na/ 'di lta ste/ sems la yid ches par mi bya'o/ /'di na dge sbyong ngam bram ze 'am gzhan yang de'i rigs can rnams kyis kyang ji srid 'tsho'i bar du de ltar sems la yid ches pas bgrod par mi bya'o/ /de dag kyang gang gi phyir kun du g.yo bar gyur pa bzlog tu med pa'i rang bzhin gya gyus rnam par gnas pa med pa yul rnams la brkam par gyur pa yongs su skyes par byed pa 'dis kyang byis pa so so'i skye bo rnams thams cad dmyal ba dang yi dgas dang dud 'gro rnams kyi 'gro ba la rnam pa du mar yongs su 'khyam par byed do/ /nam zhig kyang 'di dag dang yongs su 'dris par 'byung bar mi 'gyur te/ yul 'gyur zlog can 'di dag rnams kyis kun du rmongs par gyur pas/ byis pa so so'i skye bo rnams thams cad kyang dmyal ba dang yi dgas dang dud 'gro rnams su lan cig dang phogs cig ma yin par yongs su 'khor bar byed do/ /de lta na yang skyo ba skye bar yang mi 'gyur ro/ /de ltar de dag ni thams cad 'jig par byed pa'i drag cing rtsub par gyur pa'i sdug bsngal can ni 'khor ba yin no/ /de'i phyir shin du mi bzad cing mchog tu drag par gyur pa'i sems 'di la ji srid dang ji srid du 'phags pa'i rgyas ma btab pa de srid du yid ches par mi bya'o/ /ji srid du rgyun du zhugs pa'i 'bras bu thob par ma gyur gyi bar du ste/ phyi nas ni ngan song gi sgo bcad par 'gyur ro/ /gzhan du na ni 'gro ba rnams thams cad du rgyu ba dang sdug bsngal rnams thams cad dang bcas par 'gyur ro/ /'ching ba rnams thams cad kyis bcings par gyur pa rjes su 'brel pa rnams thams cad dang kun nas ldan pa mchog tu bsgrub par dka' ba mchog tu gdul bar dka' bar gyur pa yin no/ /de'i phyir theg pa chen po la rab tu gnas pa'i dge sbyong ngam bram ze 'am</font><hr>66.85b<br><font size=+1>

gzhan yang de'i rigs can rnams kyis kyang rung ste/ brgya la nam zhig kyang yid ches par mi bya'o/ /de nas de'i tshe rma bya rnams kyi mnga' bdag des tshigs su bcad pa'i dbyangs kyis bsnyad pa ji ltar/ rgal dka' myur du dri bral dang / /sems can kun la 'gyur ba che/ /sems ni skye dgu thams cad la/ /rgyal po bzhin du rab tu 'jug /mthong ba med dang 'jigs bcas pa'i/ /las kyis dmyal ba g.yo ba 'di/ /gang gi sems 'dzin de shes rab/ /de ni 'gro ba'i mchog tu 'gro/ /de bzhin bde ba'i gnas su gzhol/ /des ni ngan 'gro dag tu 'bab/ /de nyid btul bas dri med pa'i/ /mya ngan 'das pa rtogs par 'gyur/ /bde dang sdug bsngal byed pa sems/ /de btul ba las bde ba 'bab/ /las rnams rnam pa sna tshogs pa/ /sems kyi 'phen pa'i rjes su 'jug /de phyir sems ni rtag tu srungs/ /de brtul bas kyang bde ba 'byung / /gang gi yid ni rab zhi ba/ /dbang po spyod yul las rab zhi/ /skye dang mya ngan bral ba'i de/ /go 'phang nad med dag tu song / /de ltar rma bya rnams kyi mnga' bdag des 'thab bral gyi lha de dag rnams dang / dga' ldan pa rnams la bcom ldan 'das 'khor ba 'jig gis gsungs pa'i gtsug lag gi mdo de bshad do/ /de nas lha de dag nyid thams cad kyis kyang de yongs su bskor nas kun du gnas nas ches rab tu rangs par gyur pa'i yid kyis de la 'di skad ces brjod do/ /legs so legs so skal ba chen po chos 'di ni mdzes pa lags so/ /thog ma dang bar dang tha mar mdzes par gyur pa mya ngan las 'das pa'i mthar thug par gyur pa khyod nyid kyis bdag cag la bshad do/ /de nas lha de dag rnams la slar yang rma bya'i rgyal po des brjod pa ji ltar/ gang bdag nyid kyis lhag pa'i</font><hr>66.86a<br><font size=+1>

chos nyi shu'i chos kyi rnam grangs bcom ldan 'das kyi spyan snga nas thos pa de dag bdag gis khyed la bstan pa yin te/ don dang ldan pa dang phan pa'i don du dang bde ba'i don du dang mya ngan las 'das pa'i mthar thug par 'gyur bar bdag gis mchog tu phan par 'gyur ba'i chos 'dul ba 'di khyed rnams la bstan pa yin no/ /de nas lha de dag rnams thams cad kyis kyang bshad pa de la mngon par bstod nas/ rma bya'i rgyal po de mchod cing mngon par phyag 'tshal bar gyur nas yang / gang dag 'thab bral ba de dag rnams ni nags dang nye ba'i nags dang rdzing bu dang pad ma'i rdzing bu rnams su rtsed mo'i don du rab tu zhugs par gyur to/ /dga' ldan gyi lha gang yin pa de dag rnams kyang nam mkha'i dbyings nas gang na dga' ldan gyi lha rnams yod pa der de dag rnams phyir song ngo / /chos kyi rnam grangs nyi shu rtsa gnyis par gyur pa rdzogs so// //de nas 'thab bral gyi lha de dag rnams nags dang nye ba'i nags de dag la ji srid du 'dod pa sdug pa yid du 'ong ba nges par myong bar 'gyur ba'i las rnams zad par ma gyur gyi bar de srid du dga' bar byed rtse bar byed do/ /de nas rang gis byas pa'i las la longs spyod pas dmyal ba dang yi dgas dang dud 'gro rnams su skye bar 'gyur ro/ /yang gal te lan grangs gzhan la myong bar 'gyur ba'i las kyis mi rnams su skyes par gyur na/ de rtag tu chos la gnas par 'gyur zhing chen po'i rigs dang mdangs dang dbang phyug gi yon tan rnams phun sum tshogs par gyur pa'i yul bzang po rnams su rgyal po 'am rgyal po'i blon por yang legs par byas pa'i las de'i rgyu mthun pas 'gyur ro/ /gzhan yang dge slong las kyi 'bras bu rnam par smin pa shes pa des 'thab bral ba'i lha rnams kyi sa la kun du lta bar byed do/ /des thos pa las byung ba'i shes pas sam lha'i mig gis ji ltar yod pa'i 'thab</font><hr>66.86b<br><font size=+1>

bral ba rnams kyi sa mthong bar gyur pa ni ra dza ni na rgyu ba zhes bya ba'o/ /sa de la las gang dag gis sems can rnams skye bar 'gyur ba yang des mthong ba ni/ sems can chen po skyes bu dam pa dge legs su spyod pa drang po drang po'i rigs can gang dag gis rtag tu yang tshul khrims dang ldan par gyur pas srog gcod pa dang ma byin par len pa yongs su spangs par gyur pa ni snga ma bzhin te/ 'dod pa la log par g.yem pa yang yongs su spangs par gyur pa ni bud med kyi yul rnams la brtsig pa las gyur pa yang rung ste/ rnam pa thams cad du bag tsam cig kyang tshul bzhin ma yin pa'i yid la byed par gyur pa 'dod chags dang lhan cig 'grogs pas kun tu lta bar mi byed do/ /gzhan dag byed par gyur pa rnams kyang rab tu 'gog par byed do/ /tshul khrims la rab tu 'god par byed do/ /chos rnams kyang lan gcig dang lan gcig ma yin par ston par byed do/ /de dag la yang rab tu 'god par byed do/ /sems can rnams thams cad la yang 'dod pa la log par g.yem pa'i skyon rjod par byed do/ /las kyi 'bras bu rnam par smin pa ston par byed do/ /ji ltar gang 'ga' zhig 'dod pa la log par g.yem par gyur pa'i sems can dman pa de dag ni lus zhig nas ngan song log par ltung ba dmyal ba rnams su skye bar 'gyur ro/ /de'i phyir na dmyal ba'i las kyi rnam par smin pa mchog tu rtsub pa shin du sdug bsngal ba rnams yid la gyis la/ 'dod pa log par g.yem par ma byed cig phyi nas 'gyod par ma byed cig /sdug bsngal rnams kyang ni drag pa dang rtsub pa dang tsha bar gyur pa yin no zhes de ltar 'dod pa la log par g.yem pa'i rnam par smin pa rnams gzhan dag la yang ston par byed do/ /de dag la yang so sor kun du 'jug par byed de/ ngan 'gro rnams su 'gro bar 'gyur ba'i 'jigs pa rnams kyis skrag par byed do/ /dge legs su gyur pa'i</font><hr>66.87a<br><font size=+1>

sems can de rang dang gzhan la phan pa la rab tu zhugs pa/ tshul khrims dang ldan pa tshul khrims la rab tu gnas pa tshul khrims de nyid la kun du brten nas ji srid 'tsho'i bar du ma nyams pa dang rgyun ma chad pa dang ma rdol bar 'dzin par byed pa de ni lus zhig nas shi ba'i 'og tu mtho ris bde 'gro'i 'jig rten 'thab bral gyi lha rnams kyi nang gi bar rA dza ni na rgyu ba'i sar skye bar 'gyur ro/ /der nye bar skyes pa na yang 'di'i bde ba mnyam pa med pa rnams phun sum tshogs shing mtshungs pa med pa'i longs spyod rnams dang yang dag par ldan pa la bde ba 'di dag rnams yin te/ ra dza ni na zhes bya ba'i rdzing bu dpag tshad lnga brgya par gyur pa/ bsil ba'i chu rab tu dang ba ltem par gyur pa'i chu'i 'od kyis yul 'ga' zhig du yang gsal bar byas pa/ nye 'khor dag na yang gser dang bai dUr+ya'i rang bzhin la gser btso ma'i 'dab ma dang in dra nI la'i rang bzhin gyi yal gas yongs su gang ba'i shing ljon pa rnams kyis nye 'khor yongs su gang ba/ dpag tshad lnga brgyar gyur pa'i rdzing bu pad ma rnams kyis yang nye 'khor kun tu gang ba rnams la bai dUr+ya'i yu ba can rnams la ni gser gyi 'dab ma rnams so/ /gser gyi yu ba can rnams la ni bai dUr+ya'i ze ba rnams so/ /pad ma gzhan 'ga' zhig ni rin po che bdun gyi rang bzhin yin te/ rnam pa sna tshogs shing rnam par bkra ba'i pad ma rnams kyis kyang thams cad nas yongs su khyab par gyur pa'o/ /rdzing bu de'i nye 'khor rnams nas yang bya kha dog rnam pa sna tshogs pa dang ldan par gyur pa/ rin po che bdun dang cha 'dra ba'i kha dog gi lus can gyi bya rnams kyis kun nas nye bar mdzes pa mchog tu snyan par 'gyur ba'i dbyangs kyis kun du gang ba yin te/ ra dza ni na'i rdzing bu de yang lha brgya stong gis yongs su bskor bar gyur pa yin te/ 'di gang yin pa la lha nyid brgya phrag du ma rnams kyis</font><hr>66.87b<br><font size=+1>

kyang yongs su ma bskor ba'i lha rnams ni med do/ /lha mo de dag rnams dang lha de dag rnams kyang lhan cig tu rnga skad yan lag lnga dang legs par ldan pas rdzing bu de na dga' mgur spyod cing rtse bar byed pas rang gi las kyi 'bras du rnams za bar byed do/ /gzhan yang rdzing bu de nyid kyi 'gram na yongs su bskor ba'i nye 'khor rnams na mchog tu dga' bar gyur pa'i rin po che bdun gyi rang bzhin gyi ljon shing rnams kyis yongs su bskor nas yid dga' ba zhes bya ba'i nags kun du gnas so/ /de na yang dga' bar gyur pa'i bya'i tshogs rnams kyis mngon par dga' bar gyur pa'i 'bab chu brgya stong phrag du mas kun du brgyan pa/ rin po che'i khams rnams kyis rnam par brgyan par gzhan dag lhan cig spyod pa rnams kyis yongs su bskor nas dpe med pa'i lha rdzas kyi dbang po lnga mngon par dga' ba'i yul rnams dang yang dag par ldan pas yid dga' ba'i nags de na lha rnams dga' bar byed do/ /lha de dag rnams kyang rA dza ni na'i rdzing bur yang rtsed mo sna tshogs pa rnams kyis lhan cig tu rtse bar byed do/ /de nas lha gang dag legs par byas pa'i las kyis der skyes pa de dag rnams 'di ltar 'gyur te/ snga na med pa'i glu'i sgra de dag thos pa'i dpe med pa de dag gis drangs par gyur pas klung du skyes pa'i shing rin po che bdun gyi rang bzhin gyi ljon shing rnams kyi nags de dag gi nang gang na yod pa der legs par nye bar 'gro bar byed do/ /de nas lha gzhan gang dag lha'i rigs de nas 'chi 'phos par gyur nas ra dza ni na'i rgyu ba'i sa der skyes par gyur pa'i lha gsar du skyes pa de dag lha rdzas kyi phreng bas kun du brgyan pa'i lha'i bu mo gang yin pa de dag rnams kyis mngon par mthong zhing / rje dpon de mngon par mthong bar gyur nas kyang mngon par rgyug go/ /lha'i rigs der las kyi 'bras bu rnam par smin pa 'di dag ni ji ltar srog gcod pa</font><hr>66.88a<br><font size=+1>

dang ma byin par len pa dang 'dod pa log par g.yem pa rnam par spangs pas de la skye bar 'gyur ba yin no/ /'dod pa la log par g.yem pa rnam par spangs pas de dag rnams kyi lha mo ni gzhan la me 'pho'o/ /ma spangs pa de dag rnams kyi ni lha mo rnams ni gzhan la kun du nye bar 'pho bar 'gyur ro/ /rgyal chen bzhi'i ris kyi lha dang sum bcu rtsa gsum pa rnams ni lha gang dag gis 'dod pa la log par g.yem pa yongs su ma spangs par gyur pa rnams ni/ de las 'chi 'pho bar gyur pa na lha gzhan de dag lha mo rnams kyi nang du skye'o/ /de dag rnams kyis kyang 'od nyams par gyur pa'i mar me dang 'dra ba'i tshe 'gag par 'gyur ba spangs nas gsar du skyes pa'i lha de dag la sten par byed do/ /de dang lhan cig tu rtse bar byed dga' bar byed yongs su spyod par byed do/ /de nas 'chi 'pho bar gyur pa'i lha gang yin pa 'di la 'chi 'pho bar 'gyur bas byas pa'i phrag dog gis de la sdug bsngal skye bar 'gyur ro/ /'di ni dmyal ba'i yang sdug bsngal chen po yin te/ sems kyi skyon phul du phyin pa des dmyal bar skye bar 'gyur ro/ /lha de 'chi 'pho ba de'i 'bras bu rnam par smin pa 'di ni 'thab bral ba'i lha rnams la med pa yin te/ de dag ni phal cher 'dod pa la log par g.yem pa rnams ma spangs pa rnams de dag tu skye bar 'gyur ro/ /rgyu mtshan des na lha gsar du skyes pa de sngun gyi lha med par lha mo de dag rnams kyis lha gsar du skyes pa de la nye bar snyen par byed do/ /nye bar 'dres nas kyang kun nas de yongs su bskor cing gang na nags chen po yod pa der nye bar 'gro bar byed do/ /rgyags pa la don gcig pas bde bar rgyu bas de dag rnams thams cad kyang gang na lha'i tshogs de dag yod pa der legs par nye bar 'gro'o/ /de nas lha'i tshogs de dag rnams kyis lha gsar du skyes pa de mngon par mthong nas ches</font><hr>66.88b<br><font size=+1>

rab tu dga' bar gyur pa'i yid kyis lhan cig spyod pa'i 'khor rnams dang bcas nas rdzing bu de nyid du phyin par 'gyur to/ /brgya phrag dang de nas stong phrag rnams su yang ste nags dang nye ba'i nags rnams dang ldan pa dang dpag bsam gyi shing rnams dang ldan pa la bya'i tshogs rnam pa du mas yongs su gang ba rnams dang pad ma'i rdzing bu brgya stong gis rab tu brgyan pa rnams dang rgyags pa'i kar Na Da ba dang ngang ngur dag gis nye bar mdzes pa rnams dang yon tan du ma brgya stong 'di dag rnams kyis brgyan pas dga' bar 'gyur ba'i rdzing chen po der de dag rnams dus ring du ste/ rnga skad yan lag lnga pa dang lha rdzas kyi 'dod pa'i yon tan lngas dus shin du ring bar yul rnams la rjes su longs spyad nas slar yang yul de dag nyid kyis ngoms par ma gyur pas nags de nyid du rnam par rgyu bar byed pa las/ gang na nye 'khor kun du snang bar byed pa zhes bya ba'i ri bo yod pa der legs par nye bar 'gro'o/ /bde bar rgyu ba'i don gyis gar byed par gyur pa dang rgod par gyur pas pad ma'i rdzing bu nas pad ma'i rdzing bu rnams dang nags nas nags rnams su dang nye ba'i nags nas nye ba'i nags rnams su dang / 'bab chu nas 'bab chu rnams su dang / ri'i mtho sa nas ri'i mtho sa rnams su dang / ri'i bang rim nas ri'i bang rim rnams la dang / ri'i gseb nas ri'i gseb rnams su dang / 'khri shing gi tshang tshing nas 'khri shing gi tshang tshing rnams la dang / me tog gi nags nas me tog gi nags rnams su dang / 'bab chu nas 'bab chu rnams su dang / chu klung dang tshang tshing nas chu klung dang tshang tshing rnams su dang / dpag bsam gyi shing gi nags nas dpag bsam gyi shing gi nags rnams su dang / 'khri shing gi khang pa nas 'khri shing gi khang pa rnams dang / rin po che'i khams sna tshogs pa rnams dang ldan</font><hr>66.89a<br><font size=+1>

pa'i ri'i gseb nas ri'i gseb rnams su rtsed mo rtse bar gyur pas thams cad kyang rnga skad yan lag lnga dang ldan zhing dpe med par gyur pa'i 'dod pa'i yon tan lnga po rnams kyang rang gi las kyi 'bras bu rnams dang 'dra bar yang dag par ldan pas thams cad kyang nye 'khor kun nas snang ba zhes bya ba'i ri bo 'di gang na yod pa der nye bar 'gro bar byed do/ /glu'i sgra de dag thos nas ngo mtshar ba kun du skyes pa'i yid kyis lha de dag rnams myur bar ri bo de gang na yod par 'khod de/ de kun du lta ba la ched cher gyur pa'i phyir ro/ /de nas ri'i mchog de la 'khod par gyur pa'i lha de dag rnams gang yin pa rnams kyis nye 'khor rnams las kun du snang bar byed pa'i ri'i mchog de la legs par gnas nas lha de dag gis mngon par mthong bar gyur to/ /mchog tu dga' bar gyur pas slar yang bya bzhin du nam mkha'i dkyil du 'phags te rgyan dang cha byad du ma rnams dang rang gi 'od kyis 'bar bar gyur pas phan tshun du lta ba la ched cher byed par 'gyur zhing 'dres par gyur pas de dag thams cad kyang ri bo'i mchog de na dga' bar gyur pa'i chu klung dang 'bab chu dang rdzing bu dang pad ma'i tshal dang 'khril shing gi khang pa dang dpag bsam gyi shing rnams rin po che bdun rab tu 'bar ba'i 'od dang ldan pa de dang de na lha rnams thams cad rA dza ni na rgyu ba na dga' bar byed pa dang rtse bar byed de/ kha cig ni pad ma'i tshul du'o/ /kha cig ni chu klung dang tshang tshing du'o/ /kha cig ni ud pa la'i tshul du'o/ /kha cig ni dpag bsam gyi shing gi nags su'o/ /kha cig ni ri'i khong pa na'o/ /kha cig ni nam mkha'i dkyil du kun nas 'phags nas gang na lha gzhan rnams yod pa der 'gro bar byed do/ /kha cig ni glu mkhan dang bcas pas rgyags pa la don gcig pa'i bud med</font><hr>66.89b<br><font size=+1>

rnams kyis yongs su bskor nas myos byed kyi btung ba kun du sten par byed de/ myos pa'i skyon rnams dang bral bar gyur pa rab tu dga' ba'i lha rnams phyir zhing phyir zhing de nyid kyis rab tu dga' ba kun tu skyed par byed pa 'ba' zhig yin no/ /yon tan de lta bu rnams dang ldan pa'i yul gyis rab tu dga' ba'i du ba dang mes slar yang nyis 'gyur du sreg par byed do/ /de nas de ltar kun du gnas pa'i lha de dag rnams la/ de kho na nyid rig pa zhes bya ba'i byas tshigs su bcad pa 'don par byed pa la ji ltar/ 'bar ba lnga la rab chags pa'i/ /sred pa'i rlung gis bdas pa yi/ /bag med me yis lha rnams ni/ /'dod pas rmongs nas sreg par byed/ /snga ma'i las ni zad par 'gyur/ /gsar pa nyid kyang nyer mi spel/ /de zad nas ni ltung bar yang / /lha rnams thams cad mthong ba yin/ /'chi ba'i dus ni nyer byung na/ /sdug bsngal gyis ni sems nyer bcom/ /gang yang dge ba ma gtogs pa/ /skyabs gzhan rnams ni ngas ma mthong / /bud med ched cher lta ba dang / /rnyed dang longs spyod la rab chags/ /rang gi sems kyis bslus pa yi/ /tha ma'i gnas su myur 'gro 'gyur/ /gson pa 'chi ba'i mtha' yin pa/ /de dag rnams kyis go 'am ci/ /'dod pa rnams ni rab 'jig cing / /rtag pa la yang 'thad pa med/ /yul gyis rnam par bshig pa dang / /rang las kyis kyang bslus pa yin/ /sred pas nye bar bcom pa'i sems/ /lha rnams tshe ni 'gro ba yin/ /brtsig pa zhig pa ji bzhin du/ /ri mo'i las kun rab tu 'jig /las rnams zad pas de bzhin du/ /lha rnams 'jig par 'gyur ba yin/ /dbang po rnams kyang yul rnams kyis/ /ngoms pa nam yang yod ma yin/ /mar sar blugs par gyur pa yi/ /'bar ba'i rim pa ji bzhin no/ /de ltar bya des lha de dag rnams kyi bag med pa'i yid 'joms pa chos dang ldan pas kun du rtogs par byed pa'i tshigs su bcad pa</font><hr>66.90a<br><font size=+1>

rnams byas pa yin no/ /de nas lha de dag rnams kyis de dag thams cad rtsis btab ma byas par bag med pas rnam par rmongs pa'i phyir/ lha mo de dag nyid kyis yongs su bskor nas rab tu dga' ba'i yid kyis sde tshan du gyur pa'i tshogs rnams kyis ni kha cig go/ /kha cig ni rang gi 'khor rnams dang ngo / /kha cig ni nam mkha'i dkyil du 'phags par gyur nas ri de la 'khod par byed do/ /de dag rnams 'khod par gyur pa ni nyi ma brgya stong bas ches lhag par gyur pa'i gzi brjid kyi 'od dang ldan pa'i ri de'i nye 'khor rnams na rin po che'i 'od zer gyis kun nas snang bar byas pa'i rtse mo rnams ni ches mchog tu yang 'od kyis kun nas rab tu gsal bar byed do/ /ri de la nags du ma rnams yod pa yang rin po che sna tshogs pa'i rang bzhin gyi shing ljon pas nye bar mdzes par gyur pa de dag rnams kyis kyang shin du ches bla lhag par lha de dag gi 'od zer rnams bcu 'gyur du skyed par byed do/ /yang lha gzhan gang dag nags rnams dang pad ma'i tshal rnams dang 'khris shing gi khang pa rnams dang rin po che sna tshogs pa'i 'od zer gyis gsal bar gyur pa/ de dag rnams la rtse bar byed cing dga' mgur kun du spyod par byed pa na/ des kyang 'od de dag mthong nas mchog tu ngo mtshar ba dang ldan par gyur te/ de na ri bo'i mchog 'di ji lta ba bzhin du mdzes par gyur pa'i phyir ro/ /de nas nags dang nye ba'i nags de dag rnams na rtse bar byed pa gang yin pa de dag rnams kyang 'di dag rnams nas 'ongs nas rA dza ni'i rdzing chen po de'i ri'i mchog gi ri bo de la rtse bar 'dod pa yin te/ /de dag thams cad mnyam du 'grogs nas phan tshun du grogs su gyur cing phan tshun du rdzi ba med par snying la bde ba rnams legs par skyes pas phan tshun du bde ba bskyed pa nye bar 'byin pas mthun par gyur pas rin po che bdun gyi 'od phreng bas kun tu snang bar byas pa'i ri de la dal bu dal bus kun du 'khod par byed de/ </font><hr>66.90b<br><font size=+1>

rol mo sna tshogs pa rnams dang glu dang gar dang rgod pa dang 'gying ba dang rtse ba dang bcas par 'gyur zhing / nad kyi 'jigs pa dang mya ngan gyi 'jigs pa dang lkog tu gyur pa'i skyon rnams dang bral ba dang rang ji ltar 'dod pa bzhin du 'gro ba dang rgyu bar byed pa mchog tu bde ba dang ldan par gyur pa rnams rnga skad yan lag lnga dang ldan pas gar byed par gyur pas ri chen po de la ji ltar 'dod pa'i kha zas rtsi dag 'thung bar byed do/ /bdud rtsi yang mid par gyur pas ni mchog tu dga' ba dang ldan pa skyes par gyur nas dge bar byed de rang gi las dang 'dra ba'i bde ba rnams dang yang dag par ldan par gyur pas de de ltar dga' bar gyur nas de kho na bzhin du bde ba la longs spyod par gyur pa las dus nam zhig na gang na mthong na kun dga' ba zhes bya ba'i pad ma'i rdzing bu der nye bar 'gro bar byed do/ /pad ma'i rdzing bu de yang dpag tshad bcur yangs pa dpag tshad lngar rgya che bar gyur pa mchog tu nye 'khor kun nas dga' ba rnams la pad ma'i rdzing bu 'di'i dga' ba de nyid ni ngang pa dang ka raN Da ba dang ngang ngur rnams kyis nye bar mdzes pa 'di'i nye 'khor rnams na yang gser btso ma'i mdog gi pad mas nye bar mdzes par gyur pa/ 'di'i nye 'khor rnams kun nas yang dga' bar gyur pa'i gser rnams dang bai dUr+ya dang sngon po dang sngon po chen po dang pad ma rA ga'i rang bzhin du gyur pa'i sdug pa dag gis nye bar mdzes par spras pas shin du yang mdzes par gyur pa klung du skyes pa'i shing ljon pa rnams kyis kyang nye 'khor kun nas mdzes pa rdzing bu de yongs su bskor nas kun du gnas pa la 'di lta ste/ gser gyi rang bzhin la dngul gyi 'dab ma dang dngul gyi rang bzhin gyi yal ga rnams la ni gser gyi 'dab ma 'o/ /in dra nI la'i yal ga rnams la ni pad ma rA ga'i 'dab ma'o/ /shel gyi rang bzhin gyi yal ga rnams la ni bai dUr+ya dang gser dang in dra nI la'i rang bzhin gyi 'dab ma rnams so/ /bai dUr+ya'i sdong bu can rnams</font><hr>66.91a<br><font size=+1>

la ni gser dang dngul dang in dra nI la'i rang bzhin gyi 'dab ma'o/ /sngon po chen po'i rang bzhin gyi sdong bu rnams la ni shel dang in dra nI la'i yal ga rnams la gser btso ma'i rang bzhin gyi lo ma'o/ /gser gyi sdong bu dang sdong bu phyed bai dUr+ya rnams la ni/ sngon po chen po'i yal ga rnams la'o/ /gser btso ma dang mu sa ri'i 'dab ma'o/ /kha cig ni thams cad du gser gyi sdong bu dang gser gyi 'dab ma dang gser gyi yal ga dang ldan pa nyi ma bas lhag par gzi brjid kun du snang bar byed do/ /shing ljon pa gzhan kha cig la ni bai dUr+ya'i yal ga dang bai dUr+ya'i 'dab ma dang ldan pa yin te/ sprin gyi phung po dang 'dra bar tho 'khor kun nas rnam par mdzes par byed do/ /kha cig ni gser btso ma'i rang bzhin gyi sdong bu dang gser btso ma'i rang bzhin gyi yal ga dang gser btso ma'i rang bzhin gyi 'dab ma spel ba'i me'i phung po'i mdog dang mtshungs par kun nas snang bar byed do/ /kha cig ni dngul gyi 'dab ma dang dngul gyi yal ga dang dngul gyi sdong bu rnams kyis zla ba dang 'dra bar kun du snang bar byed do/ /kha cig ni in dra nI la'i rang bzhin gyi sdong bu dang in dra nI la'i rang bzhin gyi 'dab ma la a ga ru nag po'i du ba'i mdog tu kun nas snang bar byed do/ /ljon shing gzhan kha cig ni 'khris shing sna tshogs pa rnams kyis yongs su bskor ba yin te/ gang dag gser btso ma'i rang bzhin yin pa de dag ni sngon po mchog tu gsal ba'i kha dog dang ldan pa'i in dra nI la'i rang bzhin gyi 'khris shing gis nye bar btud nas lam me snang bar byed do/ /ljon shing gzhan kha cig ni gser dang dngul gyi rang bzhin du gyur pa rnams so/ /ljon shing gzhan kha cig ni me tog phun sum tshogs pa rnams kyi kha dog sna tshogs pa'i me tog rnams kyis nye bar mdzes par gyur pa'o/ /ljon shing gzhan kha cig ni man</font><hr>66.91b<br><font size=+1>

dA ra ba'i rang bzhin no/ /gzhan dag rnams kha cig la ni pad ma ku she sha ya'i 'dab ma kun du snang bar gyur to/ /ljon shing gzhan dag rnams kha cig la ni dril bu g.yer ga'i dra bas kun nas spel ba rnams gyi sgra 'khrol bar gyur pa gser dang dngul gyi rang bzhin gyi 'khrel shing gis nye bar phub par gyur pa'o/ /ljon shing gzhan dag rnams kha cig la ni shel gyi rang bzhin dang gser dmar po'i rang bzhin gyi 'khris shing gis phub par gyur pa'o/ /ljon shing gzhan dag rnams kha cig la ni pad ma rA ga'i rang bzhin dang dngul gyi rang bzhin gyi 'khris shing dag gis yongs su bskor nas gnas pa'o/ /ljon shing gzhan dag rnams kha cig la yang dril bu g.yer kha'i dra ba brgyangs pa'i sgra 'khrol ba'o/ /ljon shing gzhan dag rnams kha cig la ni shing thog rnams smin par 'gyur ba la 'di lta ste khu ba'i 'bras bu rnams las ni 'bras bu de dag rnams las rnam pa de lta bu'i khu ba dag rab tu 'bab par 'gyur ba gang yin pa'i khyad par gyis lha rdzas kyi myos byed de dag rnams kyi ro yang cung zad kyang ma yin no/ /ljon shing gzhan dag 'ga' zhig ni me tog gi shing yin te/ gang dag gi dri rnams ji srid du dpag tshad brgyar yang rlung gis rab tu 'debs par byed do/ /ljon shing gzhan dag rnams kha cig ni sgra'i shing yin te/ gang dag rlung 'jam pos rab tu bskyod par gyur pa rnams rnam pa de lta bu'i 'dab ma kun du bskyod pa las skyes pa'i mchog tu snyan par gyur pa glu mkhan gyi las ches lhag par gyur pa'i sgrar 'gyur ro/ /ljon shing gzhan 'ga' zhig ni gcig tu lta ba mngon par dga' ba yin no/ /gang dag rnam pa de lta bu'i gzugs dag yin te/ gang dag gi khyad par gyis kha dog sna tshogs pa rnams kyis rnam par bkra ba'i nags kyi rgyal po dag gis kyang bcu drug kho na'i cha 'ba' zhig tu chog pa yang</font><hr>66.92a<br><font size=+1>

ma yin no/ /bdug pa'i shing ljon pa gzhan kha cig ni rnam pa sna tshogs pa'i bdug pa'i dri rnams gang dag gis 'thul bar byed pa ste/ mchog tu dri zhim par gyur pa'i dri gang gis bsnams pa na lha rnams kyang dga' bar byed pa yin no/ /rnam pa de lta bu'i shing ljon pa yon tan mtshungs pa med pa gzhan dag rnams kyis kyang pad ma'i rdzing bu mthong na kun dga' ba zhes bya ba yongs su khyab par gyur pa yin no/ /de nas lha de dag rnams kyis rnam pa de srid mngon par mthong bar gyur te/ ngo mtshar ba rnams mthong zhing mtshungs pa med par nye bar longs spyod par bya ba rnams mngon du legs par mthong nas/ rA dza ni na rgyu ba'i lha de dag rnams kha cig ni 'bras bu rnams za ba yin no/ /kha cig ni 'bras bu'i khu ba rnams 'thung ngo / /kha cig ni lhan cig spyod pa rnams dang bcas nas me tog gi rtsed mo byed do/ /kha cig ni nags kyi nang gi sa dag la nye bar gnas nas rnam pa sna tshogs pa'i myos byed rnams 'thung zhing glu yang len par byed do/ /kha cig ni lhan cig spyod pa rnams dang bcas nas glu dbyangs dag len par byed do/ /kha cig ni gar byed do/ /kha cig ni pad ma'i rdzing bu la 'bog par byed do/ /kha cig ni bdud rtsi mid par byed do/ /kha cig ni lhan cig spyod pa rnams kyis yongs su bskor nas nam mkha'i dkyil du 'phags so/ /gzhan dag kha cig ni rin po che bdun gyi rang bzhin gyi khang bur zhugs nas lha'i bu mo'i tshogs rnams kyis kun nas yongs su bskor nas rnam pa sna tshogs pa'i 'dod pa'i longs spyod la rjes su spyod par byed do/ /de ltar lha de dag rnams pad ma'i rdzing bu de na dga' bar byed do/ /'dod pa'i yon tan lnga dang yang dag par ldan pas dga' bar byed pa dang rtse bar byed kyang yul rnams kyis nye bar longs spyod pas ngoms par yang mi 'gyur ro/ /sred pa dang ldan pa</font><hr>66.92b<br><font size=+1>

rnams ni ngoms par 'gyur ba nam yang yod pa ma yin te/ dper na mar gyis legs par btab par gyur pa'i shing rnams kyis me la ngoms pa'i mthar thug pa med do/ /de bzhin du sred pa dang ldan pa'i me rnams kyang yul rnams kyis yin no/ /de nas rdzing bu de'i pad ma'i ngos kyi dbus kyi pad ma'i nags mchog tu dga' ba dang mchog tu bde ba dang mchog tu rgya che bar gyur pa sna tshogs pa'i bya'i tshogs rnams kyis kun du gang bar gyur pa na/ rang gi smon lam gyis skyes pa'i byang chub sems dpa' dus bzang zhes bya ba'i ngang pa'i rgyal po ngang pa brgya stong gis yongs su bskor bar gyur pa ni/ ji ltar 'dzam bu'i gling gi gza' dang skar ma rnams kyis zla ba la bzhin no/ /de bzhin du yang nye 'khor rnams kun du smang bar byed do/ /pad ma'i tshal rnams kyang bung ba'i tshogs rnams kyis kun nas nye bar mdzes par gyur pa'o/ /nye 'khor kun nas yongs su bskor ba'i lha de dag rnams legs par mngon par mthong nas gzhan la phan pa la rab tu zhugs pas tshigs su bcad pa brjod pa ji ltar/ 'gro ba dang ni gnas nyid dang / /rtse ba dang ni rgod pa yang / /bzod par mi nus shugs po che/ /mi bzad pa yi 'chi bdag 'byung / /gang la 'di yis mi sgrub pa'i/ /'di dang phyi mar gnas de med/ /de lta na yang kun rmongs pas/ /'gro ba 'di dag gis mi rtogs/ /dbul po dang ni dbul min dang / /gzhon pa dang ni gnas brtan dang / /khyim pa dang ni khyim pa min/ /gang yang 'di yis mi 'joms med/ /skyid den pa dang sdug phongs dang / /yon tan can dang de las gzhan/ /spongs la gnas dang spong gnas min/ /gang yang 'di yis mi 'khrid med/ /tshul khrims 'chal dang tshul khrims ldan/ /shes rab can dang rmongs pa dang / /rgyal po dang ni de las gzhan/ /gang dag 'dis ni mi</font><hr>66.93a<br><font size=+1>

'khrid med/ /lha rnams dang ni dmyal ba 'am/ /yi dgas dud 'gro skyes de bzhin/ /bag med pa dang bag yod dang / /gang dag 'di yis mi 'khrid med/ /'dod pa'i khams su skyes pa 'am/ /gzugs kyi khams kyang de bzhin de/ /gzugs med par yang skyes pa 'am/ /gang dag 'di yis mi 'khyer med/ /las kyi zhags pas rga ba'i chad/ /nad kyi lus so stobs po che/ /srin po lta bu'i 'chi bdag 'dis/ /sems can blangs nas 'gro ba yin/ /de ltar 'jigs su rung ba yi/ /'chi bdag mchog tu mi bzad pa/ /'dod pas rnam par rmongs pa'i lha/ /ngu bar 'os la dga' bar byed/ /ji lta ji ltar bsten byas pa/ /'dod pa sdug bsngal rgyu rnams ni/ /de lta de ltar rnam 'phel ba/ /mar blugs pa yi me ji bzhin/ /mi dge de dag slu byed yin/ /byas pa chud gzon sdug bsngal rgyu/ /dang por mngar bar 'dod pa ni/ /yongs su smin nas mi bzad pa/ /'dod pas dang por bde legs dang / /bar dang tha mar byed pa 'ang min/ /zhi yid rjes su thob par min/ /nyams dang zhi ba'i rgyu rnams ni/ /dbang po dang ni dbang don la/ /rmongs nas rnam pa tha dad par/ /byis pa'i yid 'phrog 'dod pa 'dis/ /dmyal bar 'gro bar byed pa yin/ /gang dang lhan cig byis pa dga'/ /de nyid 'di ni mi bzad mchog /dgra bo grogs po'i gzugs kyis ni/ /khyad par gyis ni rab tu rgyu/ /de ltar dus bzang des bag med pa bag med par spyod pa rnams mngon par mthong nas tshigs su bcad pa brjod do/ /de nas lha de dag 'dod pa de dag gis rnam par rmongs pa'i phyir phan par 'gyur ba gang yin pa de brjod pa na kun du mi rtogs so/ /de nas slar nyid kyang pad ma'i rdzing bu de nyid kyi 'gram du/ rA dza ni na rgyu ba'i lha de dag rnams nags dang nye ba'i nags rnams dang pad ma'i rdzing bu</font><hr>66.93b<br><font size=+1>

dag dang 'khris shing 'phyar bar legs par kun du g.yogs pa'i mchog tu dri zhim pa'i 'khris shing gi khang pa rnams la bung ba brgya stong du ma skad snyan pa rnams 'don pas rna bar snyan pa rnams la/ lha de dag rnams lha'i bu mo'i tshogs rnams kyis yongs su bskor nas dga' bar byed cing rtse bar byed de/ rnga skad yan lag lnga dang ldan pas shin du snyan pa dang brgyud mar dma' zhing snyan pa dang mthon por 'jam zhing snyan pa'i sgra dang yang dag par ldan par dpe med pa rnams kyis dga' bar byed do/ /gzhan dag ni khang bu'i steng na kun du gnas te mchog tu dga' ba'i pad ma'i rdzing bu de nyid la kun du lta bar byed do/ / rA dza ni na rgyu ba'i lha de dag rang gi las la spyod pas rjes su 'brang ba rnams dang bcas pas nye 'khor kun du lta bar byed do/ /de nas kun du lta bar byed pa de dag rnams la gzhan yang dus bzang de 'di snyam du sems te/ lha de dag rnams kyi yid la ci zhig yod par gyur na/ nges par nyams su myong bar 'gyur ba'i sdug bsngal 'byung bar 'gyur ba rnams gang yin pa gang dag gis go bar mi 'gyur ba/ lha rnams 'chi ba'i dus na 'jigs pa ni lnga yod de/ lnga po rnams gang zhe na/ 'dod pa sdug pa mthun pa yid du 'ong ba'i bud med rnams thams cad dang lha'i rigs kyi skal ba mthun pa de nyid du slar yang kun du mi phrad pa ste/ de la 'di ni rnam par 'bral bas byas pa'i sdug bsngal chen po dang po yin no/ /gzhan yang lha rnams 'chi 'pho bar gyur pa'i dus na sdug bsngal gnyis pa 'di lta ste/ 'dod pa sdug pa yid du 'ong ba'i lha rdzas kyi yul rnams dang phyi nas yang mi phrad pa zhes bya ba 'di ni lha rnams 'chi 'pho ba'i dus na sdug bsngal chen po gnyis pa yin no/ /gzhan yang lha rnams la sdug bsngal gsum pa yod de/ lha gzhan gang dag dang rtse bar byed pa na de dag gis 'di'i</font><hr>66.94a<br><font size=+1>

mngon sum du gyur pa gang gi tshe/ snum zad pa'i mar me 'chi ba bzhin du mthong bar 'gyur ro/ /de'i tshe de la sdug bsngal gang dag skye bar 'gyur ba de dag 'di ltar 'byung ba yin te/ nges pa'i las kyi rlung gis bdag nges par brlag par 'gyur ba yin no zhes de la rnam par 'bral bar byas pa'i sdug bsngal skye ba gang yin pa de dmyal ba'i sdug bsngal gyis kyang char mi bzod do/ /gzhan yang lha rnams kyi sdug bsngal bzhir yod de/ gang gi tshe 'chi 'pho bar gyur pa dang nye bar gyur pa na/ 'gro ba gang nas skye bar 'gyur ba dang gang la 'di skye ba 'byung bar 'gyur ba dmyal ba dang yi dgas dang dud 'gro rnams kyi 'gro ba de des ji lta ba bzhin du mthong bar gyur pa na/ de'i tshe 'di 'gyod par gyur pas byas pa'i mer 'os pa rnam pa du ma'i sdug bsngal 'byung bar 'gyur ro/ /gzhan yang lha rnams la sdug bsngal chen po lnga pa yod de/ gang dag dge ba'i bshes gnyen du gyur pa rnams kyis chos bstan par gyur pa na de yang nyan par mi byed pa dang / dam pa'i chos rjes su sgrub par mi byed par bag med pas bag med par rgyu ba yul gyis kun nas phrogs par gyur pa'i sems kyis te/ 'chi 'pho bar 'gyur ba'i dus de'i tshe de yang rjes su dran nas/ hA mi bzad pa'i sdug bsngal ngas ci zhig byas na/ chos gang yin pa ni ma mnyan no/ /tshul khrims la yang rjes su ma bsgrubs pas shes rab kyang goms par ma byas pa de'i sems dang po kho nar rnam par 'gyod par 'gyur ba'i mes sreg par byed do/ /rang las kyi zhags pa des dbang med par nges par bcings nas bag med pa'i dgras bslus pa yin te/ lha rnams la sdug bsngal chen po lnga po 'di rnams yod do/ /sdug bsngal de dag rnams kyis mi shes te/ bag med pa'i dgra rnams kyis co dris</font><hr>66.94b<br><font size=+1>

pa'i phyir dang bslus pa'i phyir dang rnam par nyams par byas pa'i phyir ro/ /de nas de ltar rig nas ngang pa rnams kyi mnga' bdag de gcig tu nges pa'i blo dang lhan cig tu nges par blo bzhag par gyur nas thabs rnams gang yin pa dpyod par byed de/ gang gis 'di dag legs par byed par 'gyur ba'i thabs gang dag gis lha 'di dag rnams la bdag gis chos bstan par bya/ de nas de ltar dus ring ba ni rtogs nas ngang pa rnams kyi bdag po de gzhan la phan pa la rab tu zhugs pas/ sems can de dag rnams la phan par bya ba'i don du tshigs su bcad pa brjod pa ji ltar/ rtag tu sbyin dang tshul khrims ldan/ /sems can thams cad la rjes brtse/ /kun du bsams pa thams cad 'grub/ /de phyir tshul khrims mchog yin no/ /byams dang snying rje dang ldan zhing / /'dod pa zad pa'i lus can rnams/ /gzhan dag rjes su 'dzin ldan pa'i/ /lus 'grub pa ni rtag tu gnas/ /chog shes pa dang bag yod pa'i/ /sems can kun la phan par 'dod/ /'dod chags zhe sdang las rnams grol/ /lus 'grub pa ni rtag tu gnas/ /grogs dang dgra dang bral ba dang / /lus can rnams la snyoms pa'i sems/ /ngan song 'gro bas 'jigs pa yi/ /lus 'grub pa ni rtag tu gnas/ /bslu ba med dang brtan pa dang / /chos sbyin pa la dga' ba dang / /ser sna phrag dog rnam grol ba'i/ /lus 'grub pa ni rtag tu gnas/ /sdom la gnas dang zhi ba dang / /bla ma mchod la dga' ba dang / /don dang don min thabs blag shes/ /don grub pa ni rtag tu gnas/ /g.yo med shin du mkhas pa dang / /rtag par yang ni snyan pa'i ngag /mgon med rnams la sdom brtson ldan/ /don grub pa ni rtag tu gnas/ /yul dus rnam par shes pa yi/ /bsgrub dang sgrub min</font><hr>66.95a<br><font size=+1>

rnam par shes/ /sdig pa'i sbyang thabs shes nus pa'i/ /lus 'grub pa ni rtag tu gnas/ /de ltar ngang pa rnams kyi mnga' bdag des rig par gyur nas/ ji ltar 'di dag rnams chos byed du 'gyur ba dang chos ston par 'gyur bar yang byed de/ gzhan dag rjes su 'dzin par byed pa la sbyor ba gang yin pa de dag rnams ni/ kun du bsams pa rnams thams cad 'grub par des rig pa'i phyir ro/ /de nas lha de dag rnams bag med pa bag med par rgyu bas rnam par rgyu bar byed pa yin na/ de la gang gis 'di dag rnams kyi bag med pa dang 'bral bar 'gyur bar ji ltar bdag gis de dag rnams la chos bstan par bya/ de nas ye shes stobs po ches legs par spyad pa rnams rig cing skye ba gzhan dran pa dang dran par gyur na/ ji ltar sngon bdag mir gyur nas 'dzam bu'i gling du skyes pa na/ bcom ldan 'das gser thub kyi spyan sngar chos thos par gyur pa de'i dus ni chung ngu na yang nges par 'di yin la/ bcom ldan 'das des ni dus 'di dag mkhyen nas bdag la chos bstan pa yin te/ ji ltar tshong dpon gtso bo'i bu ud pa la sbyin zhes bya ba 'di shi bar gyur nas 'thab bral ba'i lha rnams kyi sa rA dza ni na rgyu bar ngang par skye ba gzhan la skye bar 'gyur ro/ /des bdag gi chos 'di dag rnams bag med pas bag med par rnam par rgyu bar byed pa'i lha de dag rnams la ston par byed do zhes bya ba/ chos de'i dus de ni de ring 'dir byung ba yin pas/ ci nas kyang bdag gis chos de dag bstan par bya ba yin no/ /ngang pa rnams kyi mnga' bdag des de ltar rig nas/ gzhan la phan pa la rab tu zhugs pa snying rje dang ldan par gyur cing / byams pa dang snying rje mang pos bla na med pa yang dag par rdzogs pa'i byang chub yid la byas nas/ gang na</font><hr>66.95b<br><font size=+1>

rnga skad yan lag lnga dang ldan pas lha de dag rnams rtse bar byed pa der nye bar 'gro'o/ /ngang pa'i tshogs chen po rnams kyis yongs su bskor nas nye bar phyin par gyur nas mthong ba ni/ lha de dag rnams kha cig ni nags tshal gyi gseb la rtse bar byed do/ /kha cig ni pad ma'i rdzing bu rnams la'o/ /kha cig ni 'khris shing gi khaM pa rnams su'o/ /kha cig ni nam mkha'i dkyil na khang bu la legs par kun du gnas nas rtse bar byed do/ /kha cig ni lhan cig spyod pa rnams dang bcas nas bdud rtsi za bar byed do/ /de nas dus bzang 'di snyam du sems te/ ji ltar bag med pas bag med par rgyu ba 'di dag rnams nyid la chos bstan pa'i dbang du byas pa'i dus ni 'di yin te/ gang tha mar gyur yang bdag gis rnam pa ji lta bu'i dbyangs snyan pa'i dbyangs rnams kyis chos kyi tshigs su bcad pa'i dbyangs kyis 'di dag la bsnyad par bya ste/ bdag gis dbyangs kyi gdangs shin du snyan pa gang yin pas lha de dag rnams kyi dang lha mo de dag rnams kyi snyan pa dang ldan pa'i glu dbyangs de dag thams cad nye bar bcom nas/ nga'i dbyangs de la kun du gnas pa kho nas lha de dag rnams dbyangs kyis kun du phrogs pas rna ba'i rnam par shes pa gtad nas nyan par 'gyur ro/ /gzhan du na 'dod pa'i longs spyod rnams kyis bag med pas nyan par mi 'gyur ro/ /de nas de dag la blo kun nas gnas par byas nas/ ngang pa'i rgyal po des tshangs pa'i dbyangs de yid la byas shing / sangs rgyas kyi yon tan de dag rnams kyang rjes su dran par byas te/ byams pa dang snying rje'i blo mang du bskyed par gyur nas/ rin po che bdun gyis rnam par brgyan pa'i ri'i rtse mo la mngon par gnas te ngang pa de dag rnams nyid dang lhan cig tu</font><hr>66.96a<br><font size=+1>

dpag tshad brgya stong phrag bcur khyab par gyur pa dang / mtshungs pa med pa'i dbyangs snyan pa rnams kyis tshigs su bcad pa bshad pa ji ltar/ gson pa re ba rnam 'jig pa'i/ /'chi ba ji srid ma byung ba/ /phyi nas 'gyod par mi 'gyur bar/ /de srid du ni bsod nams kyis/ /rtag tu bag med sten pa gang / /'di ni 'chi bdag go 'phang yin/ /bag yod pa ni nges bsten pas/ /'chi ba med pa'i go 'phang mchog /gang dag bag med pas rmongs pa'i/ /lam 'di shis par rab brjod min/ /bag yod pa la mnyam rten nas/ /mkhas pa mya ngan 'das par 'gro/ /gnas de dag ni chud gzon pa'i/ /bag med pa la dga' ma byed/ /zhi min go 'phang blangs nas ni/ /dmyal bar rjes su rgyug la re/ /rab zhig rab tu chud zos gang / /lus can rab tu chud 'dzar 'gyur/ /de dag bag med skyon yin par/ /de bzhin gshegs pa gsung bar mdzad/ /de phyir thams cad kyis thams cad/ /brtson pa kun gyis thams cad kyi/ /bag med yongs su spong ba yi/ /lha rnams 'dir ni zhi bar brjod/ /de ltar ngang pa rnams kyi mnga' bdag de ri'i rtse mo de la lhag par gnas nas rnam pa de lta bu'i dbyangs kyis rjod par byed do/ /de lta bur snyan pa dang de lta bur gsal ba dang de lta bur yid 'phrog pa'i dbyangs gang gi khyad par gyis ni lha de rnams kyi glu'i dbyangs de dag gis thams cad du skyo ba skye bar 'gyur ro/ /de nas lha de dag rnams thams cad kyang sgra des drangs par gyur nas gang na ni ri'i rtse mo yod pa der nye bar 'gro bar byed de/ mchog tu snyan pa shin du rgya che bar gyur pa'i rnam pa ji lta bu'i dbyangs de lha rnams kyis nam yang</font><hr>66.96b<br><font size=+1>

sngar ma thos pa'i blo lha de dag rnams la skye ste/ ji ltar glu'i sgra 'di dag rnams 'dod par gyur pas de dag kun du drangs pa yin gyi chos la gus pa ni ma yin no/ /de nas ri'i rtse mo de la 'khod nas mthong bar gyur pa ngang pa'i rgyal po dus bzang des tshigs su bcad pa rjod par byed pa ni ji ltar sngar bzhin no/ /de nas lha de dag dang lha mo de dag rnams thams cad kyang snyan pa dang rgya che bar gyur pa mchog gi dbyangs des bkug pa'i phyir thams cad kyis kyang dus bzang de yongs su bskor nas gnas te/ rab tu dang ba rtse gcig pa'i yid kyis dbyangs de 'ba' zhig nyan par byed do/ /tshigs su bcad pa 'di dag rnams las snyan par gyur pa'i tshig rnams nye bar 'dzin par byed do/ /de nas lha de dag rnams kyi yid rtse gcig tu gyur pa ngang pa'i rgyal po des rig nas/ de mir gyur pa ni ji ltar gtso bor gyur pa'i bu'i ming yang ud pa la sbyin du gyur cing / gyur pa na bcom ldan 'das gser thub kyi spyan sngar thos pa'i chos de gang yin pa 'di las brtsams nas snyan zhing mchog tu rgya che bar gyur pa'i dbyangs de nyid kyis yid rtse gcig tu gyur pa rnams nyid la rang dang 'dra bar ston par byed pa yin te/ de ltar lha mo'i tshogs rnams kyis yongs su bskor ba'i lha de dag rnams la/ ji ltar bag med pas bag med par rnam par mi rgyu bar lha dag gis gnas par bya ba dang / chos kyang bag yod pas nyan par bya ba dang / skyes bu dam pa phan par byed pa rnams kyi drung du dam pa'i chos nyan par gyur pa na/ dam pa'i chos sgrogs pa la gus pa dang ldan pa'i skyes bu dam pa rnams ni mya ngan las 'das pa'i mthar thug par 'gyur ro/ /dga' ba dang yid bde ba mang bar 'gyur ro/ /zag pa rnams zad par 'gyur ro/ /'jig rten gnyis po 'di dag tu skyes bu dam pas tshangs pa'i bsod nams skyed par 'gyur ro/ </font><hr>66.97a<br><font size=+1>

tshul bzhin du gyur pas kyang 'dzin par byed do/ /zag pa dag zad par byed do/ /de la gang yang dam par byas te chos ston par byed pa dang gang yang dam pa'i chos te nyan par byed pa gang gis de la de dag ma dang pha gnyis dang mtshungs par 'gyur ba yin na/ gang dag 'khor ba nges par 'byung bar 'gyur bar chos ston par byed pas te/ mthar thug pa dang dge ba'i chos rnams 'phel bar 'gyur ba'i chos ston pa po de ni chos nye bar 'phel ba de yis ma dang pha dang mtshungs par 'gyur ro/ /de la dam pa'i chos ston par byed pa ni chos ston pa po sbyin pa po/ chos kyi sbyin bdag du gyur pa/ nyan pa po rnams la chos sgrogs pas nyan par byed du 'jug pa ste chos sgrogs par byed pa po yin no/ /de la chos bsgrags pa nyan pa rnams kyis ni rab tu brtson pa dang ldan pa dang sems drang po'i rang bzhin du gyur pa dang dam pa'i chos la gus pa dang ldan pas chos sgrogs pa rnams las chos nyan par 'dod pa ni yon tan sum bcu tham pa dang yang dag par ldan no/ /sum bcu tham pa po gang dag rnams dang ldan zhe na/ chos sgrogs pa po chos smra ba po gcig tu chos kyi sbyin bdag tu gyur pa ma dang pha dang mtshungs pa 'khor ba'i rgyu ma yin pa'i drung nas ni/ 'di lta ste ma thos pa'i chos rnams thos par 'gyur ba dang / thos pa rnams so sor rig par byed pa dang / so sor rig par byas pas kyang rnam par dpyod par byed pa dang / rnam par dpyad nas kyang rab tu sgrub par byed pa dang / rab tu zhugs par gyur nas bdag nyid rab tu gnas par byed do/ /rab tu gnas par gyur nas gzhan dag rnams kyang rab tu 'god par byed do/ /de dang lhan cig tu chos nyan par gyur pa las rnam par dpyod par byed do/ /rgud par gyur pas kyang kun nas rab tu g.yo bar mi 'gyur ro/ </font><hr>66.97b<br><font size=+1>

dge ba'i rtsa ba ma bskyed pa rnams la skyed par byed pa dang gong du rnam par smin par byed do/ /yongs su smin pa rnams ni thar bar byed do/ /log par lta ba can rnams yang dag pa'i lta ba can du byed do/ / skyes par gyur pa'i mi dge ba'i rnam par rtog pa rnams so sor 'joms par byed do/ /dge ba'i sems kun du skyes pa rnams legs par 'phel bar byed do/ /rkyen kyis byung ba'i mi dge ba rnams yongs su spong bar byed do/ /bag dang ldan par 'gyur ro/ /skyes bu dam pa rnams la rjes su sten par byed do/ /g.yo dang ser sna rnams dang bral bar byed do/ /ma dang pha la gus pa dang ldan par 'gyur ro/ /las dang 'bras bu rnams kun du shes so/ /'dis ni tshe ring ba 'phel bar byed pa'i las rnams yang mngon par 'phel bar byed do/ /'jig rten pa rnams kyis kyang bsngags par 'gyur ro/ /lha rnams kyis kyang 'di dag mngon par srung bar byed do/ 'dis kun du bsams pa rnams kyang phun sum tshogs par 'gyur ro/ /chos dang ldan pa'i longs spyod dag thob par 'gyur ro/ /le lo med par yang 'gyur ro/ /brtson 'grus brtsams pa dang byas pa shes par yang 'gyur ro/ /rtag par rgyun du yang 'chi ba rjes su dran pa sgom par byed do/ /'chi ba'i dus na 'gyod pa med par yang 'gyur ro/ /mthar yang yongs su mya ngan las 'das par 'gyur ro/ /de lta bu'i yon tan sum bcu tham pa yin te/ chos dang ldan pa'i 'chad pa po ma dang pha dang mtshungs par gyur pa'i chos kyi sbyin bdag chos sgrogs pa po'i drung nas chos thos pa las yin no/ /de ni mthar thug pa dang mtha' yas pa'i phan pa byed pa'i phyir pha yin te/ gang gis rnyog pa med pa dang yid rab tu rnam par dang bar gyur pa dang phan byed pa dang nges par rtogs par byed pas kyang chos ston par byed</font><hr>66.98a<br><font size=+1>

pa de ni/ don de las sangs rgyas dang chos dang dge 'dun gyi bya ba byed pa yin no/ /'khor ba las sgrol bar byed do/ /'di na chos sgrogs pa po chos brjod pa'i drung nas gang gi tshe chos nyan par byed pa na/ dang po nyid du de 'khor ba thog ma med pa'i dus nas 'jug pa las/ gal te shed na 'ga' zhig las chos thos par 'gyur te/ de chos sgrogs pa de'i drung nas ma thos pa'i chos rnams thos par gyur nas ngo mtshar ba skye bar 'gyur ro/ /ji ltar skyes pa nas long bar gyur pa'i mig gi nyes pa rnams sman pa chen pos gang gi tshe kun nas bsal bar gyur pa na/ des du ma sna tshogs par gyur pa'i sa gzhi 'di mthong nas mchog tu dga' zhing rangs par 'gyur ro/ / snga na med pa dang sngar ma thos pa rnam pa sna tshogs pa'i dga' bar gyur pa gzugs mngon par mthong bar 'gyur ro/ /de bzhin du 'di'i thog ma med pa'i dus nas rab tu zhugs pa rnams kyang dam pa'i chos sgrogs pa rnams 'dzin pa'i don gyis gang gi tshe byang chub kyi yan lag gi sa gzhi sna tshogs pa'i dge ba'i snying po dga' bar gyur pa snga na med pa'i mdo'i don rnams rjod par byed pas gsal bar gyur pa mthong bar 'gyur ro/ /de'i tshe shin tu bar yang rab tu yangs par 'gyur te/ dmus long bzhin du gzugs rnams mngon par mthong nas rab tu dga' bar 'gyur ro/ 'di ni yon tan dang po yin no/ /dam pa'i chos sgrogs par byed pa rnams las des thos nas chos de dag rnams rab tu rig par 'gyur ro/ /dam pa'i chos nyan par byed pas chos de dag thos par gyur nas yid kyis rab tu rtogs par byed do/ /bshad pa de'i don ci zhig yin pa yang gang gi tshe bdag nyid kyis kun nas ma rig pa na de gzhan dag rnams la yongs su 'dri bar byed do/ /bshad pa de dag gi don ci yin zhes</font><hr>66.98b<br><font size=+1>

bya bar de dag dang gzhan dag rnams kyi drung nas kyang de thos nas yid kyis rab tu rig par byed do/ /sems par byed do/ /sgom par byed do/ /lan mang du byed do/ /snga ma dang phyi ma'i don dag dang bshad pa de dag sbyor bar byed do/ /yid la byed do/ /yid la byas nas kyang yang dang yang du don rnams la kun du lta bar yang byed do/ /kun du bltas pas kyang dga' ba thob par 'gyur ro/ /ji lta ji ltar kun du lta bar byed pa na yang / de lta de ltar don zab mo rnams kyang yid kyis so sor rnam par phyed par 'gyur ro/ /'di ni chos sgrogs pa la nyan pa rnams kyis ma thos pa dag legs par bshad pa yid la byas pa'i yon tan gnyis pa yin no/ /gzhan yang yon tan gsum pa yod pa ni/ chos sgrogs pa rnams kyang so sor rig par byas nas rnam par dpyod par byed do/ /'di'i don ni 'di yin no/ /'di'i don ni 'di yin te/ dgongs pa 'di dag gis bshad pa yin no/ /de dag gis spyi'i don ni 'di dag tu rigs pa yin te/ gdul bya rnams kyi dbang gis don 'di bcom ldan 'das kyis gsungs pa yin no/ /don de dag rnams thos nas dpyod par byed do/ /'di dag dang lhan cig tu bcas nas gang dag gis sems par byed pa yin no/ /snga phyi des rnam par spyod par byed pa ni gces par gyur pa yin no/ /mya ngan las 'das pa'i mthar thug par yang byed do/ /'di ni dam pa'i chos sgrogs par byed pa la nyan pa'i yon tan gsum pa yin no/ /gzhan yang yon tan bzhi pa yod pa ni/ dam pa'i chos bsgrags pa rnams rnam par dpyod par gyur pa na bshad pa de'i snga ma dang phyi ma'i don de dag rnams phyi nas rig par gyur nas sgrub par byed do/ /bsgrub pa zhes bya ba yang ji ltar bshad pa de'i don yin pa las/ ji ltar lus dang ngag dang yid kyi las</font><hr>66.99a<br><font size=+1>

gyis rab tu sgrub par byed pa yin te/ dge ba rnam pa gsum byed pa yin no/ /sgom par byed do/ /lan mang du byed do/ /bshad pa de la rab tu sgrub par byed do/ /blo rab tu dang bar gyur pas tshig nas tshig rnams dang dbang skal nas dbang skal rnams dang / 'brel ba nas 'brel ba rnams su rnam par dpyod par byed do/ /des ji lta ji ltar rnam par dpyad par 'gyur ba de lta de ltar don las mi nyung bar 'gyur ro/ /des snga na med pa'i don rnams rnyed par 'gyur ba'i phyir nyon mongs pa rnams la 'bad par byed do/ /de kun du sbyor ba rnams dang rjes su 'brel ba rnams la yang 'bad par byed pa dang / yon tan du ma rnams dang tshul khrims dang shes rab dang sbyin pa la de lta de ltar rjes su sgrub par yang byed do/ /gal te na bsam pa'i khyad par gyis dang / sbyin pa dang tshul khrims dang shes rab rnams la ste/ 'di ni dam pa'i chos sgrogs pa bsten cing bsgoms la lan mang du byas pa'i yon tan bzhi pa yin no/ /gzhan yang dam pa'i chos sgrogs pa la legs par nyan cing legs par rab tu zhugs par gyur pa'i yon tan lnga pa yod de/ las rnam pa gsum po rnams kyis phyi nas bdag nyid shin du brtan par byed pa yin no/ /chos 'dul ba de la rab tu 'god par byed do/ ji ltar yang dge sbyong ngam bram ze 'am khyim pa rnams kyis kyang 'di ltar rjod par byed de ji ltar rigs kyi bu che ge mo zhig chos 'dul ba la legs par gnas par gyur te/ de ni ji skad brjod pa de ltar byed pa yin no bya ba'o/ /de ltar bdag nyid dang gzhan dag kyang chos 'dul ba de la rab tu gnas par byed do/ /des ji lta ji ltar rab tu 'god par byed pa de lta de ltar 'khor ba'i skye ba brgya stong</font><hr>66.99b<br><font size=+1>

phrag bye ba khrag khrig dang / bskal pa brgya stong phrag bye ba nas bye ba rnams 'joms par byed do/ /'jig par byed do/ /skye ba gzhan gang dag brgya stong rnams su dmyal ba dang yi dgas rnams su skye bar 'gyur ba rnams 'gog par byed do/ /'di yang dam pa'i chos bsgrags pa nyan cing bsten pa la bsgoms shing rnam par dpyad pa rnams kyi yon tan chen po gzhan yin no/ /chos nyan par byed pa rnams la dam pa'i chos sgrogs pa rnams ni shin du gces par gyur pa yin no/ /mya ngan las 'das pa nye bar ston par byed pa'i phyir na don gyis na sangs rgyas yin no/ /gang gis chos kyi dbang du byas nas rab tu 'god par byed pa'i dam pa'i chos smra ba po de la bla lhag tu mthun par 'dzin pa dang gus pa chen po dang rab tu dang bar gyur pa rnams g.yo med pas ston pa bzhin du bya'o/ 'di ni dam pa'i chos nyan pa'i yon tan lnga pa yin no/ /gzhan yang dam pa'i chos sgrogs pa'i yon tan drug pa 'di dag kyang gang zhe na/ 'di lta ste rang rab tu gnas par gyur nas gzhan yang rab tu gnas par byed cing / gzhan dag rnams kyang rab tu dad par byed do/ /gang dag gi skye ba gzhan brgya stong du dmyal ba dang yi dgas su skyes par gyur pa'i sdug bsngal du ma rnams bcom nas snod du byed do/ /'khor ba las skyo ba skyed par byed do/ /bde legs yang dag par ston par byed do/ /sdug bsngal dang kun 'byung ba dang 'gog pa dang lam gyi gtam byed do/ /de gnyis ka'i rgyud las bsod nams rab tu 'byung bar byed do/ /de rang gi rgyud la yang ste/ de ni bdag gzhan la phan par byed pa yin pas bsod nams chen po rab tu 'byung bar 'gyur ro/ /ji lta ji ltar</font><hr>66.100a<br><font size=+1>

dam pa'i chos sgrogs pa nyan par byed pa de lta de ltar shes rab mngon par 'phel bar 'gyur ro/ / de lta de ltar nyon mongs pa rnams zad par byed do/ /de nyon mongs pa rnams zad pas yongs su mya ngan las 'da' bar 'gyur ro/ /dam pa'i chos sgrogs pa'i yon tan ni de dag rnams yin no/ /gzhan yang dam pa'i chos sgrogs pa bsten cing bsgoms la lan mang du byas pa'i yon tan bdun pa yod do/ /'di yang gang zhe na/ 'di lta ste rgud pas sems zhum par mi 'gyur ro/ /las kyi 'bras bu rnam par smin pa rnams thos nas rgud pas zhum par mi 'gyur ro/ /bya ba ma yin pa rnams mi byed do/ /brjod par bya ba ma yin pa rnams rjod par yang mi byed do/ /bsam par bya ba ma yin pa'i bsam khral rnams sems par mi byed do/ /'di'i sems kyi dpa' rab tu nyams par yang mi 'gyur ro/ /'di ni dam pa'i chos bsgrags pa'i yon tan bdun pa yin no/ /gzhan yang dam pa'i chos bsgrags pa'i yon tan brgyad pa ni/ yang gzhan dag la shes pa 'am thos pa 'am tshul khrims sam shes rab bam lung gis lhag pa mthong bar gyur nas nga rgyal dang ldan par mi byed par de dag dang lhan cig tu chos kyis mtshan nyid la rnam par dpyod par byed do/ /bshad pa de dang de dag gi don rnam par 'dres par 'gyur ba rnams kyang gsal bar byed do/ /'di ni dam pa'i chos bsgrags pa'i yon tan brgyad pa yin no/ /dge ba'i rtsa ba ma skyes pa rnams skyed par byed de/ gang gi phyir dam pa'i chos bsgrags pa thos par gyur nas dge ba'i rtsa ba ma bskrun pa rnams bskrun par byed do/ /dam pa'i chos sgrogs pa rnams 'dod pas dge ba'i rtsa ba rnams</font><hr>66.100b<br><font size=+1>

skyed par byed pa ni 'di lta ste zhing gi rnang la sa bon kun nas so sor btab par gyur pas myu gu rnams rab tu skye bar nus par 'gyur ro/ /de kho na bzhin du brtson 'grus drag pa rnams kyi dge ba'i rtsa ba yang chos nyan pa po rnams kyis chos sgrogs par phyin cing chos smra ba'i drung nas dge ba'i rtsa ba'i sa bon rnams rna ba'i bu ga nas zhugs nas yid kyi zhing rnang la legs par skye'o/ /chos kyi sa bon rna ba'i zhing rnang la rjes su zhugs pa de dus gzhan du 'bras bu rnam par rgyas par gyur pas dmyal ba dang yi dgas dang dud 'gro'i 'gro ba'i sdug bsngal gyi mu ge'i 'jigs pa rnams las yongs su skyob par byed do/ /de'i phyir de dag rnams las yongs su bskyab par byas shing sdug bsngal de dag rnams thams cad kyang rab tu gzhom par byas la/ ngam grog rnams thams cad kyang bcad cing 'jigs pa rnams thams cad las grol bar byas nas/ zhi ba'i go 'phang bla na med par gyur pa'i bar du 'jug par byed do/ /de nas ni mya ngan las 'das par zhugs par 'gyur ba yin no/ /dam pa'i chos sgrogs par byed pa de ni don de dag gi phyir na sangs rgyas kyi mdzad pa byas pa yin no/ /de'i phyir dam pa'i chos sgrogs par byed pa de'i yon tan gzhan 'di dag yin te/ gang dam pa'i chos rtag tu sgrogs pa la 'gro ba dang bsnyen bkur byed pa dang sgrub par byed pa de dag rnams ni skyabs yin zhing 'khor ba las nges par 'byung bar byed pa'i sgo yin no/ /dam pa'i chos sgrogs par byed pa rnams la ni yon tan gzhan dag kyang yod do/ /'di dag kyang gang zhe na/ 'di lta ste gong du skyong bar byed pa'o/ /dge ba'i rtsa ba rnams rgya chen por gong du yongs su smin par byed do/ /gang 'ga' zhig chos sgrogs pa</font><hr>66.101a<br><font size=+1>

la rtag tu nyan du 'gro bar byed pa'i brtson 'grus drag po dang ldan pa de'i dge ba'i rtsa ba rnams ni phyi nas yongs su smin par 'gyur ro/ /dper na zhing gi rnang la sa bon rab tu btab par gyur pa las dus phyis nyi ma'i 'od zer gyis dang dus kyi 'gyur ba las yongs su smin par 'gro'o/ /de bzhin du phyi nas dge ba'i rtsa ba rnams shes rab kyi nyi mas yongs su smin par byed do/ /de'i phyir rtag par rgyun mi 'chad par dam pa'i chos bsgrags par 'gyur ro/ /mnyan par yang bya'o/ /dam pa'i chos sgrogs pa la yon tan gzhan yang yod do/ /'di yang gang dag zhe na/ 'di lta ste yongs su smin nges par grol bar byed do/ /gang gi tshe sems la dge ba'i rtsa ba rnams yongs su smin par gyur pa de'i tshe/ 'di kho na la rtag tu 'gro ba dang 'dzin pa dang rnam par dpyod pa dang sgrub par byed pa'i rgyus sems kyi rgyud de yongs su sbyang ba byas pa'i phyir nyon mongs pa rnams 'joms par byed do/ /nyon mongs pa rnams zad pas yongs su 'grol bar 'gyur ro/ /nges par rnam par grol ba rnams ni chags pa med par 'gyur bas/ de 'di snyam du sems te bdag gi skye ba rnams ni zad do/ /tshangs par spyod pa ni spyad do/ /bya ba rnams ni byas so/ /bdag gi srid pa gzhan rnams ni rab tu mi shes so/ /de la yon tan de dag rnams thams cad kyang dam pa'i chos bsgrags pa las yin no/ /de'i phyir na rgyun mi 'chad par chos mnyan par bya'o/ /yang thabs gzhan gyis nges par grol bar byed pa'i rgyu'i yon tan gzhan yod do/ /'di dag kyang gang zhe na/ 'di lta ste log pa'i lta ba can rnams yang dag pa'i lta ba can du byed do/ /gang yang thog ma med pa'i dus nas 'khor ba'i bya ba ngan pa</font><hr>66.101b<br><font size=+1>

rnams kyis phyin ci log la rab tu zhugs pa'i 'gro ba rnams thos pa ngan pa rnams la kun du 'jug par 'gyur ba yin no/ /thos pa ngan pas kyang dmyal ba dang yi dgas dang dud 'gro'i 'gro ba rnams su skye bar 'gyur ba yin no/ /gang gi tshe dam pa'i chos nyan par byed pa dang dam pa'i chos sgrogs pa bsten cing bsgoms la lan mang du byas par gyur pa na/ de'i tshe log par lta ba de dag sten cing sgom la lan grangs mang du byed par yang mi 'gyur ro/ /de'i tshe 'di la bde ba rnams kyi mchog tu gyur pa dang / slu ba med pa'i yang dag pa'i ye shes 'char bar 'gyur ro/ /de'i phyir na dam pa'i chos bsten cing bsgoms la lan mang du byas par gyur pa'i yon tan gzhan yang 'di dag yod do/ /'di yang gzhan gang dag zhe na/ 'di lta ste skyes par gyur pa'i mi dge ba'i rtsa ba'i rnam par rtog pa rnams so sor 'joms par byed do/ /yang dam pa'i chos bsgrags pa bsten cing bsgoms la lan mang du byas pa'i yon tan 'di dag ni gzhan yin no/ /'di yang gang zhe na/ 'di lta ste/ mi dge ba'i rnam par rtog pa nyung ngu tsam zhig yid la skyes par gyur kyang / de'i tshe mi dge ba gnyen pos nges par 'joms par byed pa la 'di lta ste/ gang gi tshe 'dod chags kyi rnam par rtog pa skyes par gyur na ni/ de'i tshe mi sdug pa'i gnyen pos nges par 'joms par byed do/ /gang gi tshe zhe sdang gi rnam par rtog pa skyes par gyur na/ de'i tshe byams pa'i rnam par rtog pas 'joms par byed do/ /gal te gti mug gi rnam par rtog pa skyes par gyur na ni/ de'i tshe rten cing 'brel bar 'byung ba'i gnyen pos 'joms par byed do/ /de la gnyen po de dag rnams ni dam pa'i chos sgrogs pa la nyan pa las yin no/ /de la ma thos pa rnams kyis ni re shig mi dge ba'i rtsa ba gsum po rnams kyi rnam par rtog pa yang rnam par 'joms par</font><hr>66.102a<br><font size=+1>

byed pa ma yin no/ /gang dag phra bar gyur pa nye ba'i nyon mongs pa gzhan de dag rnams kyi so sor 'joms par 'byung bar mi 'gyur ba la lta smos su ci zhig yod nas/ de'i phyir dam pa'i chos sgrogs pa'i yon tan 'di yang gzhan yin no/ /dam pa'i chos kyis kyang mi dge ba'i rnam par rtog pa rnams so sor 'joms par byed do/ /gang gi tshe nyi mas mun pa rnams 'joms par byed pa yin la/ de bzhin du shes rab kyis kyang nyon mongs pa'i mun pa rnams thams cad 'joms par byed pa yin te/ dam pa'i chos kyi phyogs ni stobs dang ldan pa yin la/ nyon mongs pa'i phyogs ni stobs zhan pa yin pa'i phyir ro/ /de yang dam pa'i chos sgrogs pa ma gtogs pa'i gzhan rnams kyis ni gzhom par mi nus so/ /'di ni dam pa'i chos sgrogs pa'i yon tan gzhan yin no/ /dam pa'i chos sgrogs pa la yon tan gzhan yang yod do/ /'di yang gang zhe na 'di lta ste/ dge ba'i sems skyes pa rnams 'phel bar byed pa'o/ /'di ni dam pa'i chos sgrogs pa'i yon tan gzhan yin te/ mi dge ba rnams rab tu 'joms par byed pa 'ba' zhig ni ma yin gyi/ dge ba'i rnam par rtog pa skyes pa rnams 'phel bar byed do/ /gang gi tshe 'di la dge ba'i rnam par rtog pa rnams skyes par gyur pa de'i tshe 'phel bar byed pa ni 'di ltar shes rab kyis yin no/ /dper na me chungu tsam zhig skyes par gyur pa la/ gang gi tshe rtswa dang shing la sogs pa rnams dang rlung dang bcas par gyur cing lhan cig du 'dus shing tshogs par gyur pa de'i tshe 'phel bar 'gyur ro/ /de bzhin du dge ba'i rtsa ba chung ngu skyes par gyur pa yang shes rab kyis kun du 'phel bar byed de/ dam pa'i chos bsgrags pa las gang dag thos pa'i don dang ldan par gyur pa'i dge ba'i sems bskyed pa gcig kyang bskal pa brgya stong du ma rnams su yang chud za</font><hr>66.102b<br><font size=+1>

bar mi 'gyur ro/ /mi skye bar bya ba'i don yang byed do/ /de'i phyir yon tan de dag go bar gyis la rab tu brtson pas kyang chos nyan par bya'o/ /chos las skyob par byed pa gzhan ni med do/ /chos thos pa las sbyin pa btang bar gyur pas sbyin bdag tu 'gyur ba yin no/ /chos rnams thos nas chos bsrungs pa las mkhas par 'gyur ba yin no/ /chos thos nas shes rab dang ldan par 'gyur ro/ /de'i phyir yon tan de dag rnams thos shing legs par mthong bar gyur nas 'khor ba thams cad las nges par 'byung ba'i rgyur gyur pa'i chos la rab tu brtson pas kyang ji srid 'tsho'i bar du rab tu brtson pas mnyan par bya'o/ /de dag ni skyob pa rnams kyi mchog yin zhing / dam pa'i chos sgrogs pa gang yin pas ni srid pa'i sdug bsngal rnams las nges par 'byung bar byed pa'i phyir de dag ni mchog tu gyur pa yin no/ /yang dam pa'i chos sgrogs pa la ni yon tan gzhan yod do 'di yang gang zhe na 'di lta ste/ mi dge ba rnams yongs su spong ba'o/ /rkyen kyi mi dge ba rnams 'ongs par gyur na yongs su spong bar byed do/ /gang gi tshe mi dge ba'i rkyen kyis skyes par gyur pa na/ de'i tshe ngan song gi 'jigs pa rnams kun nas mthong bar gyur nas yongs su 'dor bar byed do/ /yongs su spyod par byed pa po 'khor ba'i 'jigs pa rnams kyis 'jigs par gyur pa de kho na nyid yongs su rtog pa pos rkyen kyis mi dge ba skyes pa rnams kyang yongs su spong bar byed do/ /de la 'jug par mi byed do/ /de mi skyed par bya ba'i don du de dag la tshul khrims dang ldan pa dang shes rab dang ldan par 'gyur ro/ /gang gi tshe rnyed pa dang bkur sti la dad pa che bar gyur pa na/ de sbyin pas rab tu 'joms par byed do/ /ser sna'i dri ma rnams ni 'dod pa med pas rab tu 'joms so/ /kun du mi shes pa ni shes rab kyis so/ /rnam par rtog pa rnams ni yang dag pa ji lta ba'i</font><hr>66.103a<br><font size=+1>

don mthong bas so/ /mu stegs pa'i ngag rnams ni rigs pa dang ldan pa'i ngag gis so/ /yang dag pa ma yin pa'i rnam par rtog pa rnams ni yang dag pa'i rnam par rtog pas so/ /bde ba'i rnam par rtog pa rnams ni sdug bsngal gyi rnam par rtog pas so/ /stong pa ma yin pa'i rnam par rtog pa rnams ni stong pa'i rnam par rtog pas so/ /bdag gi rnam par rtog pa rnams ni bdag med pa'i rnam par rtog pas so/ /de ltar yang dag par gyur pa'i gnyen por gyur pa rnams kyi gnyen po'i rnam par rtog par 'gyur ba de rnams kyis yongs su spong bar byed do/ /rkyen las byung ba'i yang shin du phra ba 'am rags pa 'am bar ma yang yongs su spong bar byed do/ /de thams cad la gnas skabs thams cad du mi dge ba'i rkyen rnams dam pa'i chos thos nas spong bar byed kyi ma thos par ni ma yin no/ /dam pa'i chos bsgrags pa ni bde legs rnams thams cad kyi gzhir gyur pa lta bu yin no/ /yang dam pa'i chos bsgrags pa la yon tan gzhan yod do/ /'di yang gang zhe na/ 'di lta ste/ bag yod par gyur pa'o/ /gang gi tshe rnam par rtog pa rnams yongs su spong bar byed pa de'i tshe bag yod par 'gyur ro/ /des ni bde legs rnams thams cad 'thob par 'gyur ro bag med pa de yang gang gis med par 'gyur ba yin na/ dam pa'i chos bsgrags pa 'ba' zhig gis yin te/ gang gi phyir bag med pa'i skyon rnams thos nas yongs su spong bar byed do/ /dam pa'i chos bsgrags pa las gyur pas bag yod pa de'i dbang po lnga po rnams dbang du 'gyur ro/ /dbang po lnga kun du bsdus pa de'i blo ni tshul bzhin ma yin pa yid la byed pas gnod par mi 'gyur ro/ /rtag par rgyun tu yang tshul bzhin yid la byed pa sten par byed do/ /des tshul bzhin yid la byed pa de mgu bar byas par gyur na mchog tu bde bar gyur pa rnams 'thob par 'gyur ro/ /gang gi</font><hr>66.103b<br><font size=+1>

phyir bag med pa'i rtsa ba las nyon mongs pa'i tshogs rnams thams cad yin no/ /de bzhin du bag yod pa'i gzhi las kyang rnam par byang ba'i phyogs rnams yod do/ /de'i phyir bag med pa rnams kyi gnyen por gyur pa yin pas dam pa'i chos ci nas kyang bsgrags par bya ba kho na yin no/ /yang dang yang du bsgom par bya'o/ /lan mang du bya'o/ /gzhan yang dam pa'i chos sgrogs pa la yon tan yod do/ /'di yang gang dag zhe na/ 'di lta ste/ skyes bu dam pa la nye bar sten par byed pa'o/ /dam pa'i chos thos nas kyang skyes bu dam pa nyid la sten par byed do/ /dga' bar yang skyes bu dam pa dang byed do/ /skyes bu dam pa rnams dang lhan cig du'o/ /dga' bar gyur pa rnams kyi ni mchog 'di lta ste/ sems mnyam pa nyid do/ /yon tan gyi mchog rnams skyes bu dam pa dang bsten pa las 'byung bar 'gyur ro/ /skyes bu dam pa dang sten pa ni yon tan rnams kyi mchog yin no/ /de bzhin du skyon rnams kyi yang rtse mo ni skyes bu dam pa ma yin pa dang 'grogs pa yin no/ /skyes bu dam pa la sten par byed pa de yang dam pa'i chos la sten pa ma gtogs pa gzhan du ni ma yin no/ /de'i phyir 'di ni tshangs par spyod pa'i mchog yin te/ 'di ltar skyes bu dam pa la sten par byed pa'o/ /gzhan yang dam pa'i chos sgrogs pa la yon tan yod do/ /'di yang gang zhe na 'di lta ste/ g.yo dang ser sna rab tu 'joms par byed pa'o/ /skyes bu dam pa bsten par byed pa rnams kyi yon tan gang dag 'thob par 'gyur ba yin na/ gal te yang skyes bu dam pa la bsten pas yon tan du ma rnams yod pa yin gyis kyang / yon tan 'di ni rab tu khyad par du 'phags pa yin te/ 'di lta ste chos rnams kyi 'bras bu rnam par smin pa thos par gyur nas g.yo dang ser sna rab tu 'joms par byed pa'o/ /'di'i g.yo dang ser</font><hr>66.104a<br><font size=+1>

sna dag gis ji ltar 'gyur ba yin na/ de'i lus zhig par gyur nas shi ba'i 'og tu ngan song log par lhung nas yi dgas sam dmyal ba rnams su skye bar 'gyur ro/ /des gal te dam pa'i chos bsgrags pa las las rnams kyi 'bras bu thos par gyur nas g.yo dang ser sna mang bar gyur pa yin na des rab tu 'joms par byed do/ /smre bar byed do/ /gal te tha mal pa yin par gyur na smod par byed cing smre bar blta'o/ /bshags par byed do/ /gzhan dag g.yo dang ser sna dang ldan par gyur na yang rab tu 'gogs par byed do/ /smod par byed do/ /bshags su 'jug go/ /dge zhing legs pa'i lam dam par 'god par byed do/ /de la yon tan de dag rnams ni dam pa'i chos bsgrags pa dang nyan pa las yin no/ /de'i phyir na mi rnams kyi snying po ni gang dam pa'i chos sgrogs par byed pa de dag yin no/ /gzhan yang dam pa'i chos sgrogs pa la yon tan yod do/ /'di yang gang dag zhe na/ 'di lta ste/ ma dang pha la gus pa dang ldan par gyur pa'o/ /dam pa'i chos thos par gyur pa gang gi phyir las rnams kyi rnam par smin pa dang zhing gi yon tan rnams kun du rig par 'gyur te/ ji ltar mchog tu gyur pa'i zhing de dag ni/ 'di lta ste ma dang pha dag yin no/ /de gang gi tshe las kyi 'bras bu la yid ches pa mngon par skyes par gyur na de'i tshe sems la bsgoms nas ma dang pha dag la mchod par byed do/ /rab tu phal che bar gyur pa'i nad kyi rkyen sman dang yo byad rnams kyis legs par sbyor bar byed do/ /de ji lta ji ltar ma dang pha dag la mchod par byed par gyur pa de lta de ltar tshangs pa'i bsod nams 'byung bar 'gyur ro/ /de dag gis mya ngan las 'das pa thob par 'gyur ro/ /dam pa'i chos bsgrags pa las ma dang pha la mchod pa byed par gyur na yon tan gzhan 'di yang yod de/ skye bo rnams thams cad kyis bsngags par 'gyur</font><hr>66.104b<br><font size=+1>

ba'o/ /mthong ba'i chos nyid la ma dang pha las bsngags par gyur la/ lus zhig par gyur nas shi ba'i 'og tu mtho ris bde 'gro lha'i 'jig rten du skye bar 'gyur ro/ /rgyu de nyid dang rkyen de dag gis kyang mthar yongs su mya ngan las 'da' bar 'gyur ro/ /de'i phyir yon tan de dag mngon par mthong bar gyur pa'i skyes bu mkhas pa rnams ni ji srid 'tsho'i bar du ma dang pha dag la gus par 'gyur ro/ /blo gzhan ma yin pa dang spyod pa gzhan ma yin pa dang blo gros mnyam par bzhag par gyur pas spyod pa rnams kyang bsdams par 'gyur ro/ /gzhan yang dam pa'i chos sgrogs pa la yon tan gzhan yang yod do/ /'di yang gang zhe na/ 'di lta ste las kyi 'bras bu kun tu reg pa'o/ /las dang 'bras bu'i de kho na nyid gang zag gis mthong bar 'gyur ba ni dam pa'i chos sgrogs pa ma gtogs pa gzhan gyis ma yin no/ /de la gang gi tshe mi dge ba'i sems dang ldan pa'i mi dge ba la dmigs par gyur na de'i tshe mi dge ba'o/ /zhes so sor mngon par shes so/ /gang gi tshe dge ba'i sems kun du skyes par gyur pa na/ de'i tshe dge ba'o zhes so sor rab tu shes par 'gyur ro/ /des ji lta ba bzhin du las kyi 'bras bu rnams kun du shes so/ /ji lta ba nyid du mi dge ba'i sems bdag la skyes par gyur pa'i mi dge ba'i sems de dag gis ni phyi nas mi 'dod pa mi sdug pa'i 'bras bu rnam par smin pa dmyal ba dang yi dgas dang dud 'gro rnams su bdag la 'byung bar 'gyur ro/ /gang gi tshe ngag gi nyes par spyod pa rnams byas par gyur pa de'i tshe 'di snyam du sems par 'gyur te/ ji ltar mi dge ba'i las skyes pa 'di dag rnams kyis bdag la mi 'dod pa dang / mi sdug pa dang yid du mi 'ong ba dang dmyal ba dang yi dgas dang dud 'gro rnams 'byung bar 'gyur ro/ /gang gi tshe lus kyi nyes par spyod par byed</font><hr>66.105a<br><font size=+1>

pa rnams byed par gyur pa de'i tshe 'di snyam du sems te/ ji ltar mi dge ba'i las skyes pa dang byas pa 'di dag gis ni dmyal ba dang yi dgas dang dud 'gro rnams su bdag la rnam par smin pa mi 'dod pa rnams 'byung bar 'gyur ro/ /de la las kyi rnam par smin pa rnam pa gsum po 'di dag rnams kyang dam pa'i chos sgrogs pa ma gtogs pa gzhan gyis ni shes par 'gyur ba ma yin no/ /de'i phyir na skyes bu dam pa rnams kyis ji srid 'tsho'i bar du dam pa'i chos sgrogs pa dang mnyan par yang bya'o/ /gang gi tshe dam pa'i chos sgrogs pa rnams rjes su nyan par byed pa de ni legs par spyod par byed pa yin no/ /nyes par spyod pa rnams ni yongs su spong bar byed do/ /gzhan yang dam pa'i chos sgrogs par byed pa la yon tan yod do/ /'di yang gang zhe na/ 'di lta ste tshe ring po kun du 'phel bar byed pa'i las rnams kyang 'di la mngon par 'phel bar 'gyur te/ de gang gi tshe dam pa'i chos sgrogs par byed pa la ched cher gyur pa na/ de'i tshe las kyi 'bras bu'i de kho na nyid mthong bar gyur nas srog gcod pa la sogs pa'i mi dge ba'i las rnams mi byed do/ /rgyun du yang dge ba'i las rnams bsten cing bsgoms la lan mang du byed par yang 'gyur ro/ /de dge ba'i las de dag gi rnam par smin pas lha dang mi rnams su tshe ring bar 'gyur te/ des de ltar dam pa'i chos bsten cing bsgoms la lan mang du byas pa'i phyir ro/ /de'i phyir dam pa'i chos bsgrags pa'i yon tan 'di ni gzhan yin te/ 'di lta ste tshe ring por 'gyur ba'i las 'dis kun du spel bar byed pa'o/ /dam pa'i chos bsgrags pa'i yon tan gyi rgyu 'dis/ de dag thos nas kyang lha dang mi rnams su skye bar 'gyur ro/ /mi'i 'jig rten du skyes par gyur nas kyang de gal te lha rnams kyi nang du skye bar 'gyur na tshe ring ba'i lha rnams kyi nang du skye bar</font><hr>66.105b<br><font size=+1>

'gyur ro/ /khyad par du yang mdog dang gzugs dang 'od dang rtsed mos rnam par rgyu ba dang ldan par 'gyur ro/ /dam pa'i chos bsgrags pa des gal te mi rnams su skyes par gyur na yang / de'i rigs dang gzugs dang phun sum tshogs pa dang yon tan dang tshe yang ring bar 'gyur ro/ /yul ljongs bzang por yang 'di skye bar 'gyur ro/ /de yang dag pa'i lta ba can du yang 'gyur ro/ /dam pa'i chos de bsten cing bsgoms la lan mang du byas pa 'di ni sdug bsngal las nges par 'byung ba gzhan yin te/ 'di lta ste rab tu dang ba'i yid kyis dam pa'i chos bsgrags pa la gom pa 'dor bas tshangs pa'i bsod nams rab tu 'byung ngo / /dam pa'i chos sgrogs pa las gang dag gis dam par byas te 'gro bar byed pa na/ de dag ni lus kyi legs par spyod pa rnams la yang dag par sbyor ba yin no/ /gang dag gis thos pa'i blo des de ngag gis legs par spyod pa dang yang dag par ldan par 'gyur ro/ /gang thos par gyur nas yid rab tu dad pa skyes par gyur pas ni/ des yid kyis legs par spyod pa rnams dang yang dag par ldan par 'gyur ro/ /de ltar chos bsgrags pa rnams legs par spyod pa gsum dang yang dag par ldan par gang gi tshe gyur pa na/ de'i tshe lha dang mi rnams kyi nang du skyes par gyur nas mchog tu skyid par 'gyur ro/ /tshe ring ba dang ldan par yang 'gyur ro/ /de yongs su mya ngan las 'da' bar yang 'gyur ro/ /yon tan rnams thams cad ni chos bsgrags pas 'thob par 'gyur gyi gzhan rnams kyis ni ma yin no/ /de'i phyir bde legs rnams kyi rtse mo rnams su 'gyur ba ni gang dam pa'i chos bsgrugs pa las yin no/ /gzhan yang dam pa'i chos bsgrags pa'i yon tan yod do/ /'di yang gang zhe na 'di lta ste/ 'jig rten pa rnams kyis rab tu bsngags par 'gyur ba yin no/ /thams cad kyang chos bsgrags pa</font><hr>66.106a<br><font size=+1>

las yin te/ tshul khrims dang ldan pa dang yon tan dang ldan pa dang mang du thos pa dang rnam par dul ba dang blo gros rgya chen por gyur pa dang skye bo rnams thams cad kyis kyang mngon par brjod par bya ba dang / phyag 'tshal ba dang snyan par smra ba'i rang bzhin du 'gyur ba dang drang po dang drang po'i rang bzhin can du 'gyur ba dang thams cad kyang chos sgrogs pa las yin no/ /de yon tan de lta bu rnams dang ldan pa ni kha na ma tho ba phra rab tsam la yang 'jigs par lta ba'i phyir skye bo rnams thams cad kyang grogs por 'gyur ro/ /thams cad kyis kyang 'di rab tu bsngags par byed do/ /'di la 'jigs pa 'am sdug bsngal byung ba rnams thams cad kyis kyang grogs byed par 'gyur ro/ /de ltar dam pa'i chos sgrogs par byed pa rnams 'jig rten pas rab tu bsngags par 'gyur ro/ /de ltar dam pa'i chos sgrogs par byed pa de dag rnams la yon tan gzhan yang yod do/ /'di yang gang zhe na/ 'di lta ste lha rnams kyis 'di dag la mngon par srung bar byed pa yin no/ /de la yon tan de lta bu dang ldan par gyur pa'i chos sgrogs pa po ni lus kyis legs par spyod pa rnams dang yang dag par ldan pa'i phyir na lha rnams kyis mngon par srung bar byed do/ /ji ltar 'di yon tan dang ldan par gyur pa dang 'di dag rnams kyis mngon par bsrungs pas skye bo'i tshogs chen po rnams kyis kyang yon tan byed par 'gyur ro/ /skye bo'i tshogs chen po rnams kyis 'di'i bar du gcod pa yang nub par 'gyur la/ de bdud kyi phyogs rnams kyis mi 'dzin la gzung du med par yang 'gyur ro/ dam pa'i chos kyi phyogs rnams ni shin du mthong bar 'gyur ba yin no/ /rgyu 'di dang yang dag par ldan pa mngon par mthong nas kyang 'di dag lha rnams kyis bsrung bar 'gyur te/ nyin mo dang mtshan mo dang sgrogs pa na</font><hr>66.106b<br><font size=+1>

yang phyi bzhin kun du rjes su 'brang bar 'gyur ro/ /dgos pa gang 'ga' zhig rjes su rtsom par byed pa na ni 'di'i de dang de dag kyang phun sum tshogs par 'gyur te/ lha de dag rnams rab tu dad par gyur pas dang legs par byas pa'i las rnams kyis kyang ngo / /phan tshun rgyur gyur pa'i phyir na gang gi tshe de'i don rnams grub par gyur pa na de'i tshe shin du phyir zhing ches dge bar byed do/ /de lta de ltar yang 'di'i legs par byas pa'i las rnams kyis thams cad du 'grub par 'gyur ro/ /ji lta ji ltar mngon par 'grub par gyur pa de lta de ltar rab tu phal che bar gyur pa'i legs par spyod pa rnams byed do/ /de ltar 'di bde ba brgyud pas 'jig rten gnyis su phan pa rnams su byed par 'gyur ro/ /sa gzhi lta bur gyur pa'i dam pa'i chos bsgrags pa 'di'i yon tan rnams ni de lta bu yin no/ /de'i phyir bde legs kyi mchog tu gyur pa'i gter de dag ni 'di lta ste dam pa'i chos sgrogs pa yin no/ /dam pa'i chos sgrogs pa la yon tan gzhan yang yod do 'di dag kyang gang zhe na 'di lta ste/ 'di'i kun du bsams pa yang phun sum tshogs par 'gyur ro/ /de lta de lta bur gyur pa'i chos dang ldan zhing chos la rab tu rjes su zhugs pa shes pa dang ldan pa dang tshul khrims dang ldan pa dang sbyin pa dang ldan par gyur pa ni mthong ba'i chos kyi kun tu bsams pa rnams thams cad phun sum tshogs par 'gyur ro/ /'di'i rtsom pa rnams thams cad phun sum tshogs par mi 'gyur ba gang dag 'di'i brlag par 'gyur ba'i don de dag rnams thams cad kyang de'i rab tu brtson pa nyid kyis rab tu 'grub par 'gyur ro/ /nyon mongs par ma yin zhing chos dang ldan par yang 'gyur la/ don la rjes su chags pa'i 'jigs pa lnga yongs su spangs pa dang yang dag par nye</font><hr>66.107a<br><font size=+1>

bar 'tsho ba dang thun mong ma yin par 'gyur ba dang / lus zhig par gyur nas shi ba'i 'og tu yang bde 'gro lhar skye bar 'gyur ro/ /dam pa'i chos bsgrags pa 'di'i yon tan gzhan yin te/ 'di yang gang dag zhe na 'di lta ste/ 'di yang chos dang ldan pa'i longs spyod can du 'gyur ba'o/ /de lta de lta bu'i yon tan dang ldan pa'i chos sgrogs pa skye bo gang tshul khrims dang bcas pa de la nye bar sten par byed do/ /de tshul khrims kyis phan tshun du cha skal sbyin par byed do/ /de dag kyang gzhan rjes su bcom pa ma yin zhing gzhan rnams ngo mtshar bar byas pa ma yin par chos pa rnams kyi drung nas rnyed pa'i skal ba de chos pa dag la rab tu sbyin par byed pas de dag rnams gong nas gong du khyad par du 'phel bar 'gyur ro/ /'jig rten gnyis la phan pa dang 'jig rten gnyis su bde bar yang 'gyur ro/ /'di ni dam pa'i chos bsgrags pa'i yon tan gzhan yin la/ dam pa'i chos bsgrags pa'i yon tan gzhan yang yod do/ /'di yang gang zhe na 'di lta ste/ le lo med par gyur pa'o/ /mkhas pa'i rang bzhin gyi skyes bu dag gang gi tshe chos bsgrags pa nyan par byed pa de'i tshe le lo'i skyon kyis nyan par byed na/ gang gi tshe gang 'jig rten pa dang 'jig rten las 'das pa'i don mi 'grub pa'o/ /de dag thams cad kyang le lo'i skyon gyis yin la/ le lo'i skyon thos par gyur nas yongs su spong bar byed do/ /brtson 'grus brtsams pa dang dran pa dang ldan par 'gyur ba dang shes bzhin dang ldan pa dang don rnams thams cad la yang le lo dang rnam par bral bas myur bar byed pa dang dus su byed par 'gyur ba dang sdig pa med par byed pa dang 'dor ba med par byed pa ni don rnams thams cad phun sum tshogs par 'gyur ro/ /'jig rten gnyis la phan par byed pa po le lo</font><hr>66.107b<br><font size=+1>

dang bral ba po rtag tu grims par gyur pa/ brtson 'grus brtsams pa rnams ni don rnams thams cad kyi pha rol tu phyin par 'gyur ro/ /rtsom pa thams cad kyang yang dag par 'dzin par byed do/ /gal te yang 'di la brgya zhig la le los snying la zhugs par gyur na dam pa'i chos bsgrags pa gang yin pa de des thos nas/ le lo'i skyon de dag rnams des dran pas rtag tu yon tan 'dzin par 'gyur zhing skyon rnams la rnam par sdang bas le lo me bzhin du spong bar byed do/ /mtshon cha bzhin du yang yongs su spong bar byed do/ /yang ji ltar 'ga' zhig gi don rnams nyams pa nye bar 'byung na yang thams cad le lo'i skyon gyis yin no/ /le lo med pa de'i thos pa'i don dang thos pa'i don rnams 'grub pa'o/ /'di ni dam pa'i chos bsgrags pa'i yon tan gzhan yin no/ /dam pa'i chos bsgrags pa'i yon tan gzhan yang yod do/ /'di yang gang zhe na 'di lta ste/ byas pa shes par gyur pa'o/ /chos gzhan yang gzhan rnams thos par gyur nas byas pa rig pa dang de kho na nyid shes pa dang byas pa shes pa'i yang yon tan rnams thos nas chos sgrogs pa las rtag pa nyid du byas pa shes par 'gyur ro/ /byas pa shes pa byas pa rig par gyur pa de'i grogs po thams cad shin tu brtan par 'gyur ro/ /skyes bu gang dag gis 'di la yang grogs por khams ma blangs par gyur pa de dag rnams thams cad kyang grogs po nyid du 'gyur ro/ /yon tan dang ldan pa 'di zhes byas nas gang dag la 'di la phan pa chung ngus byas par gyur pa de yang dran par byed do/ /de byas pa shes pa de dang ldan par gyur pas yon tan chen po rnams thob par 'gyur te thams cad mkhyen pa nyid do/ /dam pa'i chos bsgrags pa la yon tan gzhan yang yod do/ /'di yang gang dag</font><hr>66.108a<br><font size=+1>

zhe na 'di lta ste/ rtag tu 'chi ba rjes su dran par byed pa'o/ /rjes su dran pa de dag rnams kyi mchog tu gyur pa ni 'di lta ste/ 'chi ba rjes su dran pa'o/ /'chi ba dpyad pas zil kyis mnan pas ni sems can rnams thams cad 'jigs pa dang bcas par 'gyur ro/ /'jigs pa dang bcas par gyur nas ni don ma yin pa rnams ni mi byed do/ /mig gis gzugs rnams mthong nas kun du chags par mi byed do/ /kun tu rtog par yang mi byed do/ /rna bas sgra rnams thos par gyur nas kun du chags par mi byed do/ /kun du rtog par yang mi byed do/ /lces ro rnams myangs par gyur nas kun du chags par mi 'gyur zhing kun du rtog par yang mi byed do/ /lus kyis reg bya rnams la reg par gyur nas kun du chags par mi 'gyur zhing kun du rtog par yang mi byed do/ /yid kyis chos rnams rig par gyur nas kun du chags par mi byed la kun du rtog par yang mi byed do/ /de ltar srid pa'i dra ba 'di dag rnams thams cad kyang kun du gcod par byed do/ /skyes bu 'chi ba'i 'jigs pas 'jigs par 'gyur ba des 'jigs na 'di dag rnams thams cad la yang snying po thams cad med par mthong ngo / /thams cad kyang sdug bsngal du mthong ngo / /thams cad bdag med par mthong ngo / /thams cad stong par mthong ngo / /yang dag pa ji lta ba bzhin du mthong ba des 'ga' zhig la yang chags pa med pas lha'i 'jig rten rnams la chags pa dang mi ldan no/ /mi'i 'jig rten rnams la yang chags par mi 'gyur ro/ /ci'i phyir dmyal ba dang yi dgas dang dud 'gro rnams la 'byung / de ni 'gro ba lnga las chags pa rnams las rnam par grol ba yin no/ /thams cad las nges par byung ba thams cad la 'jigs pa 'chi 'pho dang skye bas byas pa'i sdug bsngal rnams kyis yid 'byung bar 'gyur ro/ /'dod chags dang rnam par bral ba de rnam par grol bar 'gyur ro/ /rnam</font><hr>66.108b<br><font size=+1>

par grol ba las kyang rnam par grol ba'i ye shes nyid 'byung ba yin te/ ji ltar nga'i tshangs par spyod pa ni spyad do bya ba ni byas so/ /bdag gi srid pa gzhan ni rab tu mi shes so/ /de ltar bstan pa'i yon tan de dag rnams ji ltar nga'i tshangs par spyod pa ni spyad/ bya ba rnams ni dam pa'i chos nyan pa dang dge ba'i bshes gnyen bsten par byed pa ma gtogs par gzhan gyis ni ma yin no/ /de'i phyir thams cad kyis rab tu brtson pa thams cad kyis gnas skabs thams cad du dam pa'i chos sgrogs pa mnyan par bya'o/ /'khor ba na 'jig rten gnyis su phan pa de dag rnams thams cad ni 'di lta ste dam pa'i chos sgrogs pa rnams dang dge ba'i bshes gnyen bsten pa yin la/ 'di dag gnyis srid pa gnyis su bde legs rnams 'thob par 'gyur ro/ /dam pa'i chos sgrogs pa la yon tan gzhan yang yod do/ /'di yang gang dag zhe na 'di lta ste/ 'chi ba'i dus na yang 'gyod pa med par 'gyur ba'o/ /dam pa'i chos sgrogs pa thos pa'i don gyis skyes bu dam pa rnams thams cad kyang 'chi ba rjes su dran pa sgom par byed do/ /skyon gang dag gis sems can rnams skye bar 'gyur ba'i skyon de yongs su spong bar bya ba 'dod chags dang zhe sdang dang gti mug dang dri ma gsum po de dag kyang 'khor ba'i rgyu rnams yin no/ /de dag rnams yongs su bcad par gyur na ni slar yang mi skye'o/ /'chi bar byed do/ /'chi 'pho bar mi 'gyur ro/ / nges par skye bar mi 'gyur ro/ / de la yon tan de dag rnams ni dam pa'i chos nyan pa las ma gtogs par gzhan dag las ni ma yin no/ /de'i phyir yang mchog tu bde legs kyi rtsa ba kho nar gyur pa dus bzangs 'dis bcom ldan 'das gser thub kyis gsungs pa'i mdo lha de dag rnams la bshad do/ /dam pa'i chos sgrogs pa dang ldan pa la dam</font><hr>66.109a<br><font size=+1>

pa'i chos sgrogs pa la yon tan gzhan yang yod do/ /'di yang gang zhe na 'di lta ste/ 'chi ba'i dus su mi 'gyod pa'o/ /gang yang dam pa'i chos bsgrags pa thog ma'i don dang ldan pa dang de byed pa dang de dag kyang 'chi ba'i dus na 'gyod par mi 'gyur ro/ /gang 'ga' zhig gis legs par bya ba byas par gyur pa de dag ni 'chi ba'i dus na rab tu rnam par 'gyod par mi 'gyur ro/ /gang dang gang gis dam pa'i chos bsgrags pa 'di'i don 'di thos par gyur pa de yang gang gi tshe 'di la mngon du 'gyur ro/ /de'i tshe mngon sum du mthong bar gyur pa de dag mngon par mthong nas/ sangs rgyas dang chos dang dge 'dun rnams la phyir zhing nyid kyang shin du lhag par kun nas rab tu dang bar 'gyur ro/ /de la 'di'i sems rab tu dang bar gyur pas mchog tu khrag kun nas rab tu dang bar 'gyur ro/ /de rab tu dang bar gyur pas bzhin gyi mdog rab tu dang bar 'gyur ro/ /de'i sems rab tu dang bar gyur pas lus kyang rab tu dang bar mthong ngo / /gang dag snang ba kho nar mthong ba de dag ni dkar po nas dkar po snang ba dga' bar 'gyur ba'i lha'i 'jig rten du skye bar 'gyur ro/ /des de dag rnams mngon par mthong nas phyir nyid kyang shin du lhag par ji lta bar rab tu dang bar 'gyur te/ ji lta ji ltar sangs rgyas dang chos dang dge 'dun rnams la rab tu dang bar gyur pa de lta de ltar ches lhag pa'i lha'i rigs rnams su skye bar 'gyur ro/ /gang te rgyal chen bzhir skye ba kun du 'phen par 'gyur ba'i las byas par gyur na/ de'i sems rab tu dang bar gyur pa nyid las sum bcu rtsa gsum pa rnams su skye bar 'gyur ro/ /sum cu rtsa gsum pa rnams su skye bar 'gyur ba'i las byas par gyur na/ de 'thab bral ba rnams su skye bar 'gyur ro/ /de bzhin du gal te dga' ldan du</font><hr>66.109b<br><font size=+1>

skye bar 'gyur ba'i las byas par gyur na de 'phrul dga' ba'i lha rnams kyi nang du skye bar 'gyur ro/ /de bzhin du ji srid du gzhan 'phrul dbang byed pa rnams kyi nang du skye bar 'gyur ro/ /de ltar sems kyi 'phen pa dang rab tu dang bar gyur pa'i dbang gis ji srid du des shis pa'i gnas 'di dag rnams 'thob par 'gyur ro/ /de dag rnams thams cad kyang thos pa las yin gyi ma thos pas ni ma yin no/ /thos pa de yang dam pa'i chos bsgrags pa las yin gyi/ gzhan rnams las ni ma yin no/ /'di ni yon tan gzhan yin te/ dam pa'i chos sgrogs pa ni 'chi ba'i dus na skyob par gyur pa dang skyabs su gyur pa dang nges par 'byung bar 'gyur ba rnams ni dam pa'i chos sgrogs pa las yin no/ /dam pa'i chos sgrogs pa la yon tan gzhan yang yod do/ /'di yang gang zhe na 'di lta ste/ mthar yang yongs su mya ngan las 'da' bar byed pa'o/ /yon tan gzhan rnams thams cad kyi steng du 'phags pa yin no/ /'di yang gang zhe na 'di lta ste/ yongs su mya ngan las 'da' ba'o/ /chos thos pa de nyid bsten cing bsgoms la lan mang du byas pas ji skad brjod pa de bzhin du byed par 'gyur bas legs par rang bzhin du gnas par gyur pa'i skyes bu dam pa rnams kyis nges pa kho nar nyon mongs pa rnams zad par byas nas mya ngan las 'das pa kun du thob par 'gyur ro/ /de ltar ngang pa rnams kyi mnga' bdag dus bzangs 'dis bag med pa rnams kyis bag med par rgyu ba'i lha de dag rnams kyang ngo mtshar bar byed pa'i dbyangs mtshungs pa med par gyur pas gtsug lag gi chos ston par byed do/ /de nas lha de dag rnams kyis gtsug lag gi chos de thos par gyur nas/ rab tu rnam par dang bar gyur pa'i yid thams cad la skyes nas de la de dag rnams kyis 'di skad ces brjod de/ yang</font><hr>66.110a<br><font size=+1>

ji ltar khyod kho na 'di na lha yin te/ gang la yang rnam pa 'di 'dra ba'i blo dang sgrub pa med pa'i phyir ro/ /bdag cag rnams ni dud 'gro yin te bag med pas rnam par bcom pa dang yul rnams la dpung gnyen du byed pas rtag tu yang sred pas nye bar bcom pa'i sems gang la yang rnam pa de lta bu nyid ni med de/ bdag cag rnams thams cad kyis gus pa thams cad kyis glu blangs par gyur kyang rnam pa ji srid par gyur pa'i dbyangs de dag rnams ni mi 'byung ngo / /de nas de'i dus 'dir ngang pa rnams kyi mnga' bdag des tshigs su bcad pa'i dbyangs kyis bsnyad pa ji ltar/ dam chos byin brlabs dang ldan pa/ /chos bsgrags gnas pa'i dbang ji bzhin/ /dam chos bsgrags pa thos nas ni/ /sdig pa rnam spong skyes bu de/ /dga' bas legs par rab tu bsgrub/ /rtag par yang ni skyed par byed/ /dam chos bsgrags pa thos nas ni/ /yid ni tshim par 'gyur ba yin/ /dge ba 'ang shin du chen po ni/ /rgyud la kun nas rab tu 'jog /thos nas chos ni 'dzin par 'gyur/ /thos nas sdig pa mi byed do/ /thos nas las dang 'bras bu shes/ /de ni mya ngan 'das par 'gro/ /thos nas chos la rtogs pa dang / /thos nas sangs rgyas la rab dang / /thos nas sdug bsngal rnam grol ba'i/ /mi gang de ni mkhas pa yin/ /chos bsgrags de nyid shes pa ni/ /thos pas yid can rnams la 'gyur/ /de phyir rab 'bad thos pa'i blo/ /rab tu brtson pas bya bar gyis/ /thos nas 'khor ba las kha phyir/ /gtam ni bde bar gshegs pas gsungs/ /srid pa rnam pa gsum bcom nas/ /go 'phang nyams pa med par 'gro/ /rab tu brtson pa rnam bzhi yis/ /skye 'gag med pa'i chos rnams ni/ /thos nas sa bon</font><hr>66.110b<br><font size=+1>

thams cad pa/ /de thos skyes bus rnam par bsgom/ /phung po skye mched khams rnams kyi/ /gang phyir mtshan nyid de gnyis dag /thos nas kyang ni thams cad shes/ /de phyir shes rab mchog yin no/ /gang yang 'khor bar kun 'ching ba'i/ /rab kyi stobs ldan skyon de dag /dam chos thos pa rnams kyis ni/ /de ni lhag ma med par 'joms/ /skad cig ma lus par rab 'jug /lhag ma ma lus par yang ldog /thos dang ldan pas rab tu shes/ /de phyir thos pa bla na med/ /'chi ba'i dus su phyin pa yi/ /tshor bas gzir ba'i lus can rnams/ /ji ltar thos pa la dmigs te/ /cung zad snying la skyes pa yin/ /thos pa'i me yis ma lus kun/ /nyon mongs shing ni gang bsregs pa'i/ /de dag slar yang 'byung ba ni/ /nam yang dmigs pa ma yin no/ /bag yod pa yis bsregs pa'i yang / /bde las bde ba thams cad 'byung / /thos pa'i gzhi las bde legs yin/ /de phyir thos pa mchog yin no/ /dam chos bsgrags pa mnyan nas ni/ /spel la nyer bsten mkhas pa yang / /rga dang 'chi ba spangs pa yi/ /bla na med pa'i gnas su 'gro/ /thos pas sdig pa mi byed cing / /thos pas chos la 'jug par byed/ /thos nas sdug bsngal las rnam grol/ /de phyir thos pa gtso bo yin/ /lus ngag yid gsum dag pa ni/ /lus can rnams kyis thos pas yin/ /de phyir legs par dag 'dod gang / /des ni gus par mnyan par bya/ /thos pa'i gru la legs brten nas/ /brtson 'grus brtan pos pha rol gnon/ /rnam pa sna tshogs che rgyas par/ /skyes bu myur du sgrol bar 'gyur/ /thos pas phyug pa'i skyes bu ni/ /nor rnams kun du ldan par brjod/ /thos med don gyi nor ldan pa/ /de dbul rab tu sangs rgyas gsung / /dam chos nor ni nyams pa dang / /bla ma</font><hr>66.111a<br><font size=+1>

yang na spangs pa yi/ /gson pa'i 'bras bu med pa dang / /sdig pas kyang ni bcom par 'dod/ /bag med pa dang le lo can/ /sdig pa'i grogs kyi lus can rnams/ /gson pa 'bras med mig gi ni/ /'bras bu gzhan gyis bton pa bzhin/ /thos pa'i mig dang rnam bral ba/ /dmus long zhes ni mngon par brjod/ /gang yang chos ni yong bor nas/ /chos min pa la rjes gnas pa/ /de ni sman rnams yongs bor nas/ /nad nyid nye bar sten pa yin/ /bsten pa nyid dang skyes bu des/ /chos ni rnam pa du mar spel/ /char rnams dang ni tshogs pa las/ /chu klung rab tu 'jug pa ltar/ /chos la spyod par bzhi'i bdag /dus su ldang dang mnyam par bzhag /nges par bde ba'i skal ldan 'gyur/ /bag med pas kyang bslus pa min/ /de phyir shes rab yon tan du/ /shes kyis mkhas pas shes rab sten/ /shes min yang dag legs ldan pa'i/ /bde ba'i skal ldan skye 'gag med/ /de ltar dus bzang des lha de dag rnams kyi dge ba'i rtsa ba de snying la legs par 'jug par byed do/ /rab tu 'god par byed do/ /lan cig dang phyogs cig ma yin par yang phan par gyur pa rnams nye bar sdug par byed la/ mi phan pa rnams dang bral bar byed do/ /rdzogs pa'i sangs rgyas kyis gsungs pa'i gtsug lag gi chos rnams ston par byed do/ /de nas lha de dag gis de'i drung nas chos de dag thos par gyur nas gus pa legs par skyes pas tshim par gyur pa'i yid kyis slar nyid kyang bag med pa zhan par gyur pa'i lus lhan cig pa'i skyon gyis rtsed mo rtse 'dod pa pas gzhan du 'gro bar byed do/ /dus bzang kyang bcom ldan 'das gser thub kyis gsungs pa'i dam pa'i chos sgrogs pa'i snying po zhes bya ba'i mdo yon tan du ma dang ldan pa de bshad nas yul gzhan la</font><hr>66.111b<br><font size=+1>

chos kho na sems par byed pas kun tu gnas so/ /bcom ldan 'das gser thub kyis gsungs pa'i mdo yon tan sum bcu dang yang dag par ldan pa'i dam pa'i chos sgrogs pa'i snying po zhes bya ba rdzogs so//           // 'thab bral ba rnams kyis sa rA dza ni de na rgyu bar byed pa'i lha de dag rnams kyang ji srid du 'dod pa sdug pa yid du 'ong ba byas shing bsags par gyur pa'i las de zad par ma gyur gyi bar de srid du rnga skad yan lag lnga dang ldan pa dang lha rdzas kyi 'dod pa'i yon tan lngas dga' bar byed do/ /gang gi tshe de dag zad par gyur pa de'i tshe nyes par byas pa'i las rnams kyis slar nyid kyang dmyal ba dang yi dgas dang dud 'gro rnams su skye bar 'gyur ro/ /gang yang mi rnams dang skal ba mthun par gyur pa lan grangs gzhan la myong bar 'gyur ba'i las kyis mir skyes par gyur na/ de phun sum tshogs par gyur la mchog tu skyid pa'i skal ba can dang / mchog tu bde bar gyur pa dang rgyun du dam pa'i chos rnams mnyan par 'dod pa dang / chos pa'i mchog tu gyur pa dang yid gzhungs pa dang yang dag pa'i lta ba can dang / rgyal po 'am rgyal po'i blon por yang las de'i rgyu mthun pas 'gyur ro/ /ra dza ni na rgyu ba zhes bya ba'i sa rdzogs so// //gzhan yang dge slong las kyi 'bras bu rnam par smin pa shes pa de 'thab bral ba'i lha rnams kyi sa la kun du lta bar byed de/ des thos pa las byung ba'i rang bzhin gyi shes rab kyis 'thab bral ba'i lha rnams kyi sa rnam pa sna tshogs par rnam par bkra ba zhes bya ba ji ltar yod pa de mthong ngo / /sa der yang las gang gis sems can rnams skye bar 'gyur ba yang / des ji lta ba bzhin du mthong ba skyes bu dam pa gang gis dge legs byed par gyur</font><hr>66.112a<br><font size=+1>

pas lus dang ngag dang yid kyi las rnams dge ba la rab tu zhugs pa tshul khrims dang ldan par gyur pa dang gzhan gyis dkri bar mi 'gyur ba dang yang dag pa'i lta ba dang yang dag pa'i 'tsho ba dang ldan pas nye 'khor kun nas mchog tu dri ma med par spyod par gyur cing drang po dang drang po'i rang bzhin can du gyur pas sems can rnams la mngon par zhen par gyur pa'i blor gyur pas/ srog gcod pa dang ma byin par len pa rnams ni spangs par gyur cing / 'dod pa la log par g.yem pa yang spangs par gyur pa la 'di lta ste/ rmi lam na yang bud med mthong bar gyur nas mngon par zhen par mi byed do/ /de dang lhan cig tu bgrod par yang mi byed do/ /nyin mo yang gzhan rnams dang yid kun tu rnyog pa dang bcas pas yongs su rnam par rtog par mi byed do/ /ji lta bar bdag gis 'dod pa rnams la log par g.yem pa dag de ltar yongs su spang bar byas par gyur na/ ji ltar mchog tu rnam par dag pa'i 'bras bu rnams bdag la 'byung bar 'gyur te/ nga nyid kyis 'dod pa log par g.yem pa 'di rnam par spangs pa'i rgyus bdag lhar yang 'gyur la lha gzhan dag rnams su yang rung ste/ des lha'i bu mo'i tshogs rnams kyis yongs su bskor bar bdag 'byung bar 'gyur zhing / lha'i yang bud med kyi mchog rnams la bdag nye bar longs spyod par 'gyur gyi mi'i ni ma yin no/ /de lha'i bu mo rnams gang yin pa kho na'i bsam pas de ni rnyog pa dang bcas pa'i tshangs par spyod pa spyod par 'gyur ro/ /ji ltar bdag la lha de nyid kyis kyang bya ba med kyi/ gal te 'dir bdag gis 'dod pa la log par g.yem pa rnam par spangs par ma gyur pa ni/ ji ltar gang dag gis bud med rnams dang sngon yang lhan cig du brgad cing bsgyings la rtses pa dang yongs su spyod pa de</font><hr>66.112b<br><font size=+1>

dag rnams ni yang dag pa'i 'gro bar skye bar 'gyur ba'i legs pa ma yin no/ /de gang gi tshe sngon bud med rnams dang nye bar longs spyad par gyur pa'i lhan cig tu brgad pa dang bsgyings pa dang rtses pa de yang yid kyis ro myang bar mi byed do/ /kun du rtog par yang mi byed do/ /'dun pa'i 'dod chags yid la skyes par gyur na yang 'gog pa la brtson par byed do/ /de'i tshe 'bad par byed de/ brgad pa dang bsgyings pa dang yongs su spyod par gyur pa'i rnam par rtog pa rnying pa gang yin pa bdag la skyes pa rnams dang / so sor nye bar longs spyad pa'i bud med rnying pa rnams la yang rnam par rtog pas rtog par mi byed de/ skyes pa rnams la yang nges par brtson par byed do/ /skyes bu dam pa de las de dag gis lus zhig par gyur nas shi ba'i 'og tu mtho ris bde 'gro'i 'jig rten 'thab bral gyi lha rnams kyi rnam pa sna tshogs pa rnam par bkra ba'i sa la skye bar 'gyur ro/ /der skyes pa 'di yang legs par byas pa'i las kyi mtha' la spyod par gyur pa'i legs par smin pa'i dge ba'i las rnams kyi 'bras bu la nye bar longs spyod pas/ 'dod pa'i yon tan lnga dang yang dag par ldan pa ji ltar gang kho nar lha de skyes par gyur pa rnams las/ re shig dang po kho nar thams cad nas rin po che'i 'od zer gyis thams cad rnam par bkra bar gyur pa de'i mtho ris kyi yul de dag yin no/ /de la lha de'i legs par byas pa'i las kyis gsar du rin po che 'di dag rnams rab tu 'byung ba yin no/ /'di lta ste nye 'khor rnams na rdo rje rnam pa du ma dang / ri'i rtse mo la rnam pa sna tshogs pa'i 'od zer gyi phreng ba dang ldan pa rnams la/ ji ltar bai dUr+ya dang sngon po dang sngon po chen po dang shel dang mu sA ra galba</font><hr>66.113a<br><font size=+1>

pa dang pad ma rA ga ta mchu ltung ba rnams dang / de bzhin du gzhan dag kyang lha rdzas kyi las kyi khyad par rnams kyis khyad par du skyes par gyur pa'i rin po che'i rnams pa brgya stong phrag rnams kyi 'od kyis gnas der shin du yang khyab par gyur to/ /de re shig dang po nyid kho nar kha dog sna tshogs pa'i 'od rnam par rgyas pa rnams yang dag par mngon par mthong nas mig gi rnam par shes pa kun du 'jug par byed do/ /gang dag des sngon nam yang ma mthong ba de la de'i mig gi rnam par shes pa shin du 'phen par byed do/ /de'i rjes thogs la rnam pa sna tshogs par gyur pa mtshungs pa med pa'i lha rdzas rnams kyi glu dang rnga dang rol mo'i sgra rnams kyi sgra snyan par byed do/ /de'i rjes thogs la 'di lha rdzas kyi dri ma rnam pa sna tshogs pa dpe med pa'i rnam pa rnams la sna kun du 'jug par yang byed do/ /dang por skyes pa de gsum gyis thog ma kho nar kun du g.yeng bar shes par bya ste/ snga na ma mthong ba dang mtshungs pa med pa rnams kyis bag med pa'i sa la kun nas 'jug par byed do/ /de dag rnams mngon par mthong nas gang dag lha nyid du gyur pa de dag ni skal ba dang ldan pa yin pas legs par byas pa'i las kyis rtse mor gyur pa de dag ni nags kyi nang gi gseb dag nas kun du 'ong bar byed do/ /nags de yang 'od snang ba zhes bya ba ste nye 'khor kun na 'od zer rnam pa sna tshogs pa mtshungs pa med pa rnams rab tu snang bar byed do/ /nags de la lha de dag gis kun nas bgrod nas gang na lha gsar du skyes pa yod pa der nye bar rgyugs par byed pa rnams ni/ cha byad sna tshogs pa 'chang ba gzugs sna tshogs pa dang ldan pa rnam pa sna tshogs pa'i glu dang rnga sgra dang rol mo'i sgra snyan pa rnams dang glu kun du sgrogs par byed pa dang glu dbyangs snyan pa dpe med pa dga' bar gyur pa rnams nye bar byung nas skad rnams kun du 'don no/ /de nas lha de</font><hr>66.113b<br><font size=+1>

yang de dag rnams mngon par mthong ba dang thog ma med pa'i dus nas goms par gyur pa'i 'dod chags kyi blos kun nas 'phangs pas/ gang na lha de dag yod pa der rab tu dga' ba'i yid kyis 'dre bar byed do/ /de dag rnams kyang gang na lha 'di yod pa der nye bar rgyu ste/ kha cig ni nam mkha'i dkyil du shin tu 'phags par gyur nas pi bang lag na thogs pas glu len par gyur pas so/ /gzhan dag kha cig ni khang bu'i sting na ches rab tu rgod par byed pa'i mig gis me tog kun tu sbrel bas mtshungs pa med pa rnams kyi dri snom par byed do/ /lha gzhan dag rnams kha cig ni sa gzhi nyid la tshogs pa 'dus pa rnams kyis sna tshogs pa'i rol mo dang lag na me tog thogs par gyur pas gang na lha 'di yod pa der rgyug par byed do/ /lha gzhan dag kha cig ni lag na me tog rnams thogs pas gang na lha'i bu 'di yod pa der nye bar rgyug par byed do/ /lha gzhan dag kha cig gis ni sna tshogs pa'i kha dog dang ro dang dri phun sum tshogs par gyur pa'i myos byed myos pa'i skyon dang bral ba dag thogs nas gang na lha 'di yod pa der nye bar rgyug par byed do/ /de nas lha gang dag gis myos byed de bzung nas rgyug par byed de bzung nas rgyug par byed pa de dag gi lag pa dag la des kun du 'jus nas lha 'di myos byed de dag blangs nas lha'i kha dog dang ro phun sum tshogs par gyur pa rnams 'thung bar byed do/ /de nas 'thungs par gyur nas de bcu 'gyur gyi bla lhag par rab tu dga' ba 'thob par 'gyur ro/ /de yul bzhi pas kyang rnam par g.yengs pa yin te/ sngar ni gzugs dang sgra dang dri rnams kyis yin la phyi nas ni ros kyang kun nas g.yengs par gyur to/ /lus kyis kyang rnam pa sna tshogs par gyur pa'i mchog tu bde ba dang ldan pa'i yid kyi rjes su mthun par byed pa'i reg bya rnams la reg par byed/ yid kyis kyang gang kho na kun du rtog par byed pa de kho na</font><hr>66.114a<br><font size=+1>

'bad pa med cing ngal ba med pa'i phun sum tshogs par lhan cig nyid du 'byung bar 'gyur ro/ /de ltar lha gsar du skyes pa de sred pa'i tshogs drug gis rnam par 'byed par byed do/ /de nas lha gsar du skyes pa lha de dag rnams dang lhan cig tu/ gang na lha gzhan dag 'dod pa'i yon tan lnga dang bcas shing yang dag par ldan par gyur pas dga' bar byed pa 'dod pa rnams thams cad rjes su mthun pa'i nags zhes bya ba'i nags der lha 'di nye bar 'dre bar byed do/ /de nas lha gsar du skyes par gyur pa de lha de dag gis yongs su bskor ba nyid kyis rnam pa sna tshogs pa'i rtsed mo rnams kyis rtse bar gyur pa'i lha de dag rnams nyid mthong ba la/ kha cig ni pad ma'i rdzing bu rnams na rtse bar byed do/ /kha cig ni 'khris shing gi gseb du song nas rtse bar byed do/ /kha cig ni ri'i rtse mo rnams kyi gseb du song nas rnga skad yan lag lnga dang ldan pa rnams kyis rtse bar byed do/ /lha gzhan kha cig ni sred pa drug gi tshogs rnams kyis rnam par 'byed do/ /de nas lha gsar du skyes par gyur pa de lha de dag rnams dang lhan cig tu gyur pas/ gang na lha gzhan dag lha mo'i tshogs rnams kyis yongs su bskor cing nam mkha'i dkyil na khang bu'i rgyab tu song nas sna tshogs pa'i rin po che rnams kyis rnam par brgyan pa'i lus can rnams rtse bar byed pa dang / lha gzhan dag kha cig ni ljon shing gi yal ga la kun du babs nas lha mo'i tshogs rnams kyis yongs su bskor te gar dag byed pa dang rgod par yang byed pa dang rnga skad yan lag lnga 'gying bar yang byed do/ /de nas lha gsar du skyes pa des lha de dag rnams mngon par mthong bar gyur nas rab tu ches dga' bar gyur pa'i yid kyis/ lha de dag rnams nyid kho nas yongs su bskor nas rnam par 'dre bar 'gyur ro/ /lha de rnams dang lha de dag kyang</font><hr>66.114b<br><font size=+1>

phan tshun du lhan cig tu gyur cing lha de dag rnams dang lhan cig tu gyur pa gang yin pa'i lha de dag rnams dang lha gsar du skyes pa de dang bcas pa rnams nags der rjes su zhugs par gyur to/ /de de la bde bar rnam par rgyu bar gyur pas rnga skad yan lag lnga dang ldan pa dang 'dod pa'i yon tan lnga po rang gi las dang 'dra ba rnams la dus ring du rtse bar byed cing dga' bar yang byed do/ /de nas dus shin du ring du nags de la bgrod par gyur nas 'bab chu rnam pa sna tshogs pa dang ldan pa zhes bya ba'i ri rin po che bdun gyis rnam par bkra bar byas pa la rtse bar gyur pas lhag par 'khod par byed do/ /de ltar phan tshun du myos pa la grogs su gyur pa rnams rang gi las kyi 'bras bu rnams la longs spyod pa rnams de dang de la yang rtse bar byed pa yin te/ ljon shing rnams kyi bar dag tu gyur pa'i 'bab chu rnams la dang / rnam pa sna tshogs pa'i rdo rin po che rnams kyis rnam par brgyan pa rnams dang / rab tu dang zhing bsil bar gyur pa rnams la dang / mchog tu bsil ba'i dri ma med par gyur pa'i ri'i 'bab chu sna tshogs pa dang ldan pa de dag rnams la yang dga' bar byed do/ /de nas lha bag med pa de dag rnams ni mngon par mthong bar gyur nas/ 'bab chu la rgyu ba zhes bya ba lha rnams rtse bar byed pa'i bya dag gis tshigs su bcad pa brjod pa ji ltar/ las rnams gang phyir rnam dag gi /'bras bu bde bar kun nas gnas/ /de zad nas ni slar ltung bar/ /lha yi 'jig rten la 'byung 'gyur/ /bde ba da lta bas rmongs nas/ /mdun gyi 'jigs pa mthong ba min/ /las zad sdug bsngal kun thob pa/ /phyi nas shes par 'gyur ba yin/ /bde min bde ba'i gzugs kyis ni/ /bag med kun nas rab tu 'jug /las zad nas ni rnam ltung ba/ /de ni phyi nas yongs gdung 'gyur/ /las gang chud za bar 'jug pa'i/ /bag med dug</font><hr>66.115a<br><font size=+1>

bzhin du ni spongs/ /bag med pas ni nyer bcom lha/ /phyi nas dmyal ba'i skal ldan yin/ /'du ba la ni blo dga' zhing / /bral ba la yang rjes su gdung / /'dus pa'i mtha' ni 'bral 'gyur bar/ /chos nyid 'di ni rnam par gnas/ /shes gang 'jig par mi 'gyur ba'i/ /gnas de dmigs pa ma yin no/ /rnam par 'jig dang 'byung ba nyid/ /chos rnams byung zhing 'jig pa yin/ /ji lta ji ltar lha rnams kyang / /bde ba rgyu bar mthong ba yang / /de lta de ltar bag med pa'i/ /dug gis rmongs nas rab chud 'dza'/ /bag med lha rnams thams cad kyis/ /sngar ni dga' ba bzhin du mthong / /phyi nas sdug bsngal mthong nas ni/ /mi rnams la ni dgra bzhin skye/ /bud med dang 'dre blo ldan gyis/ /bag med rnams las lhag par brjod/ /de dang 'dre las lha rnams 'jig /lha min lto 'phye chen po yang / /bud med dang 'brel chang 'thung dang / /rtsed mo yul dang lhan cig tu/ /tsab hral de nas le lo dang / /de dag bag med myu gu yin/ /de dag bya des lha de dag rnams mngon par mthong nas rjes su 'doms par byed pa'i tshigs su bcad pa rnams brjod do/ /de nas lha de dag la de ltar phan pa rnams brjod par gyur pa na yang rtogs par mi 'gyur bar/ yul rnams kyis nye bar bcom nas de kho na bzhin du gar byed par gyur cing rgod par gyur pa dang rtse bar yang gyur pas/ slar yang 'khris shing ljon shing gis kun nas khyab pa'i nags 'od snang ba de nyid du rab tu 'jug par byed do/ /nags de na ni mchog tu dga' bar gyur pa rnam pa sna tshogs pa'i shing dang 'khris shing dang ljon shing dang pad ma'i rdzing bu dang khrus kyi rdzing bu dang 'bab chu rnams la dga' ba rnam pa sna tshogs pa'i bya'i tshogs brgya phrag gi sgra 'byin pa rnams dang / me tog brgya phrag kha bye bas dga' bar gyur pa man dA ra ba kun nas 'dud pa'i ljon shing dang myu gu la lha brgya</font><hr>66.115b<br><font size=+1>

phrag gis gang bas dga' ba/ lha rdzas kyi rnga skad yan lag lnga pa'i sgra sgrogs par gyur pa'i sgras lha de dag lha gsar du skyes pa de dang yang dag par ldan pas rtse bar byed cing dga' bar yang byed do/ /de la lha gang dag skyes nas ring du lon pa de dag rnams lan gcig dang lan gcig ma yin par rnam pa du mar nags de dag dang nags kyi bkod pa dag rnams la dang 'jug ngos de dag dang pad ma'i rdzing bu de dag dang sa gzhi'i cha de dag dang 'khris shing gi khang pa de dag dang / nags kyi gseb de dag dang dpag bsam gyi shing de dag dang nags khrod kyi gseb rin po che bdun gyi 'od kun nas 'bar ba'i 'od zer dang ldan pa dang khang bu snga na ma mthong ba de dag rnams kyis de ltar kun du 'khrid par byed do/ /de bzhin du lha gsar du skyes pa 'di yang thams cad du rnam par lta bar gyur pas kun du 'gro bar byed do/ /ngo mtshar bas yid kun du g.yos par gyur pa'i blos lha de dag nyid kyis yongs su bskor nas/ de yul gsar pa rnams kyi sred pas gdungs pa'i 'dod pa'i me dang bag med pa'i dud pas bsregs par gyur pas gyur cing yang dang yang du bsregs par gyur pas lha de dag rnams nyid kyis yongs su bskor nas nags kyi nang gi gseb tu yul rnams kyi sred pa'i shugs du mas bsregs par gyur pas rtag par rgyun du 'gro bar byed do/ /dus ring du rgyu bar gyur pa las de gal te shed na lha de dag gis yongs su bskor nas gang na rnam pa sna tshogs par bkra ba zhes bya ba'i pad ma'i rdzing bu yod pa der kun du 'gro bar byed do/ /rnam pa sna tshogs par bkra ba'i pad ma'i rdzing bu de'i yang mtshungs pa med par gyur pa'i mdzes pa 'di dag yin te/ dper na pad ma de lta bu'i gzugs rnam par bkra bar gyur pa rnams la 'di lta ste/ bai dUr+ya'i 'dab ma dang gser gyi yu ba dang pad ma rA ga dang gser bzang po'i snying po dang / dngul gyi mdog dang mtshungs</font><hr>66.116a<br><font size=+1>

pa'i ze 'bru dang ldan pa rnams la in dra nI la'i rang bzhin gyi bung ba rnams kyis nye bar mdzes par gyur pa dang / pad ma gzhan kha cig ni dngul gyi rang bzhin gyi yu ba dang in dra nI la'i 'dab ma dang / gser gyi ze 'bru la mu sA ra galba dang shel dang gser gyi mdog gi bung ba rnams kyis nye bar mdzes par byas pa'o/ /pad ma gzhan kha cig ni gser gyi yu ba la in dra nI la'i 'dab ma dang pad ma'i ze 'bru dngul gyi snying po la pad ma rA ga dang mdog mtshungs pa'i bung ba rnams kyis nye bar mdzes pa'o/ /pad ma gzhan kha cig ni yu ba dang 'dab ma dang ze 'bru dang snying po rnams thams cad dmar po yin te/ de bzhin du bung ba yang dmar po rnams kyi nye bar mdzes par byas pa'o/ /gzhan yang pad ma gzhan dag ni yu ba dang 'dab ma dang ze 'bru dang snying po rnams thams cad kyang dngul dang mtshungs par gyur pa la bung ba rnams kyang kha dog gcig pa'o/ /pad ma gzhan kha cig ni ud pa la dang cha 'dra ba dang yu ba dang 'dab ma dang ze 'bru dang snying po rnams thams cad nas sngon por gyur pa la bung ba'i tshogs rnam par sgrogs pa rnams kyis nye bar mdzes pa'o/ /gzhan yang pad ma gzhan rnams rnam par mdzes par gyur pa pad ma'i rdzing bu de nyid na kha dog rnam par bkra ba'i pad ma rnams la 'di lta ste/ pad ma cig kyang rin po che bdun gyi rang bzhin gyis rnam par bkra ba dang dbyibs rnam pa sna tshogs pa dang rnam pa sna tshogs par rab tu skyes par gyur pa'i pad ma rnams yin zhing / rnam pa sna tshogs pa'i dri dang ldan pa dang 'dab ma kha dog sna tshogs pas nye bar mdzes par gyur pa rnams la 'di lta ste/ sngon po dang ser po dang dkar po dang dmar po dang nag po dang rnam par 'dres pa'i 'dab mas nye bar mdzes par byas pa'i pad ma'i rdzing bu las skyes pa las bung ba'i tshogs rnams kyis mdzes par gyur pa'o/ /rnam pa de srid pa rnams nyid kyis nye bar</font><hr>66.116b<br><font size=+1>

mdzes par gyur pas pad ma'i gseb rnams rab tu gsal lo/ /rnam pa de lta bur rnam par bkra bar gyur pa'i pad ma'i rdzing bu de na mchog tu dga' bar gyur pa rab tu dang ba'i chu bsil zhing mngar ba'i chu la mchog tu dga' ba'i lha rdzas kyi mdog dang dri dang dbyibs dang ldan pa'i pad mas nye bar mdzes par gyur pa 'di ni/ lha gsar du skyes pa de lha mo'i tshogs rnams kyis yongs su bskor cing lhan cig tu lha rdzas kyi 'dod pa'i yon tan lnga dang ldan par gyur nas rnga skad yan lag lnga pas rtse bar byed cing rgod par byed do/ /rnam pa sna tshogs par rnam par bkra ba'i pad ma'i rdzing bu de'i mtha' ma na yang / lha rdzas kyi 'gram nas skyes par gyur pa'i ljon shing gi rigs yod pa rnams ni gang dag gis pad ma'i rdzing bu de brgya 'gyur du yang rnam par mdzes par byed pa ste/ nam zla thams cad du rab tu kha bye bar gyur pa'i me tog gi tshan ka kun nas dud pa rnams kyis yongs su bskor ba rnams la 'di lta ste/ shing gi tshogs su gyur pa rnams la shing gang dag gi mdzes pa 'di dag yin te/ 'di ltar rtsa ba nas bzung nas sngon po dang ser po dang dkar po dang nag po dang dmar po'i mdog gi me tog rnams kyis nye bar mdzes pa dang ldan pa'i ljon shing rnams yin no/ /pad ma'i rdzing bu de na gang dag yon tan brgya 'gyur du gyur pa'i 'od dang ldan pa'i bya'i tshogs rnams kyis dpag tshad bcur nye bar mdzes shing skad snyan pa rnams kyis nye 'khor kun nas rnam par mdzes par byed do/ /gzhan yang pad ma'i rdzing bu de nyid na shing ljon pa 'gram nas skyes pa gzhan dag khang bu'i shing ljon pa rnams yod pa 'di dag ni lha rnams kyi legs par byas pa'i las kyi gzi brjid yin no/ /gang gi tshe lha de dag pad ma'i rdzing bu de na rtse bar byed pa de'i tshe gal te na shing la rnam par 'dzeg par gyur nas 'di ltar sems par byed do/ /ji ltar khang bu rnams kyang bdag cag la 'dir byung bar</font><hr>66.117a<br><font size=+1>

gyur na rung snyam pa de'i tshe khang bu'i shing de dag rnams la bung ba rnams tshim par byed pa'i me tog rnams dang brjod pa dang de dag rnams thams cad kyang lha de dag gi legs par byas pa'i las kyis te/ rin po che bdun gyi 'od rnams dang ldan pa dang rab tu phal che bar gyur pa'i chu klung dang rdzing bu dang nags dang nye ba'i nags dang ri'i rtse mo rnams dang rin po che bdun gyis nye bar spras pa dang bcas pa rnams gang yin pa de dag khang bu'i nang du phun sum tshogs par 'byung ngo / /de dag khang bur zhugs par gyur cing rnam pa sna tshogs pa'i rgyan dang cha byad can gyi lha mo'i tshogs rnams kyis yongs su bskor nas rtse bar gyur cing rgod par gyur la glu yang len par gyur pas/ nam mkha'i dkyil du 'phags nas 'thab bral ba rnams kyis gzhan la ji ltar 'dod par kun du lta bar byed do/ /yon tan de lta bu rnams dang ldan pa'i 'gram skyes kyi shing zhes bya ba gang dag khang bu'i ljon shing 'di dag rnams kyi mthu yin no/ /gzhan yang pad ma'i rdzing bu de nyid kyi 'gram na yod pa'i shing ljon pa rnams la/ rnam pa sna tshogs par rnam par bkra ba'i me tog dang 'bras bu rnam pa sna tshogs par rnam par bkra ba'i bya rnams kyis nye bar mdzes par gyur pas rnam par gsal bar gyur pa yin no/ /nor bu'i sgra zhes bya ba gang dag gi mthu stobs ni 'di yin te/ gang gi tshe lha de dag rnams pad ma'i rdzing bu de nyid na rtse bar byed pa na de'i tshe shing de dag rlung 'jam po rnams kyis rab tu bskyod par gyur pas phan tshun du 'drud par byed do/ /kun du 'drud par gyur pa de dag rnams kyi phan tshun du snyan par gyur pa dang phan tshun du yid du 'ong ba dang sgra rgya chen po rnam pa sna tshogs pa rnams rab tu 'byung bar 'gyur ro/ /lha rdzas kyi nor bu'i phung po yang mchog tu yang bar gyur pa dag me tog bzhin du rab tu 'bab pa'o/ /gang dag nor bu rnams kyis</font><hr>66.117b<br><font size=+1>

de'i tshe na nam mkha' ma lus par kun du snang bar byed pa rnams la/ dper na nyi ma dang zla ba 'di dag gis 'dzam bu'i gling rab tu snang bar byed pa de bzhin du nor bu de dag rnams kyis rab tu gsal bar byed do/ /de'i tshe nam mkha'i rang bzhin rab tu gsal bar byed pa yang yin no/ /ljon shing gzhan yang pad ma'i rdzing bu de nyid kyi ngos na yod pa rnams la/ 'di lta ste skya bo mi g.yo ba zhes bya ba'i shing ljon pa'o/ /pad ma'i rdzing bu de dag nyid na lha de dag rnams rtse bar byed pa na/ de'i tshe ljon shing de dag las lha de dag rnams nyid kyis legs par byas pa'i las rnams kyi 'bras bu kha dog dkar bar gyur pa'i khu ba'i rtsi lha rdzas kyi dri dang ro dang kha dog dang reg bya can de dag rab tu 'byung ngo / /de'i tshe lha de dag rnams 'thung bar byed do/ /des bcu 'gyur gyis kyang lhag par yid ches rab tu rangs par 'gyur ro/ /myos pa'i skyon rnams dang ni bral ba yin no/ /lhan cig spyod par byed pa de dag rnams kyis yongs su bskor nas gar dang rgod par yang byed do/ /bza' ba yang bdud rtsi'i rang bzhin rnams rab tu za bar byed do/ /de ltar shing de dag rnams nyid las lha de dag rnams kyi las ji lta bu rnams dang 'dra bar 'gyur ro/ /gzhan yang pad ma'i rdzing bu de nyid na rnam pa sna tshogs par rnam par bkra ba'i dri dang kha dog zhes bya ba 'gram na skyes pa'i shing ljon pa gzhan dag yod do/ /gang gi tshe na lha de dag rnams pad ma'i rdzing bu de na rtsed mo rtse bar byed pa na/ de'i tshe lha de dag rnams nyid kyi legs par byas pa'i las kyis bde ba'i reg pa'i rlung 'jam po rab tu 'phyur ro/ /rlung de dag gis kyang ljon shing de dag rnams kyi 'dab ma de dag 'drud par byed do/ /phan tshun kun du 'drud par gyur pa de dag rnams las mchog tu yid du 'ong bar gyur pa'i sgra rab tu 'byung ba rnams la/ 'di lta ste lha de dag</font><hr>66.118a<br><font size=+1>

rnams nyid kyi rol mor gyur pa mnyam pa dang chags par 'gyur ba dang snyan par gyur pa'i rnam pa de lta bu rnams las rab tu 'byung bar 'gyur ro/ /de bzhin du pad ma'i rdzing bu rnam pa sna tshogs par rnam par bkra ba de nyid ni 'gram na skyes pa'i shing ljon pa gzhan dag yod pa ni byas dga' ba zhes bya ba'o/ /de dag gi mthu ni 'di lta bu yin te/ 'di ltar bya gang dag yin pa de dag ljon shing de dag rnams la so sor gnas so/ /ji ltar lha de dag rnams song bar gyur nas pad ma'i rdzing bu de nyid du yun ring du rtsed mo rnams byas shing rnga skad yan lag lnga pas dga' bar byas nas/ ljon shing de dag rnams la lhag par 'khod par byed pa dang / dga' bar gyur pa rnams la lta bar 'dod pa'i phyir bya de dag rnams kyi yang rgyab tu zhon par byed de/ gang gis rnam pa ji lta bu dag gis nam mkha'i dkyil du 'phags nas sa rnams ji lta ba bzhin du kun du blta bar bya 'dod pa'i rnam pa de lta bur bya de dag lha rnams kyi sems bskyed pa tsam gyis 'gyur ro/ /yang na der khang bu dag 'gyur zhing phal che bar gyur pa'i 'bab chu dang rdzing bu dang nags dang nye ba'i nags dang 'khris shing gi khang bu phun sum tshogs pa rnam pa sna tshogs par blta na mdzes par gyur pa'i bzhon pa rnams la zhon nas lha rnams kyi sa la de dag kun du lta bar byed do/ /gzhan yang bya gzhan dag gis tshigs su bcad pa'i dbyangs brjod pa ji ltar/ tshul khrims bsrungs pa'i mi rnams 'chi ba mchog yin gyi/ /khrims 'chal rnams ni yun rings gson pa 'ang 'dir mchog min/ /mi yis yongs su zil gyis mnan nas gnas phyir min/ /'chi 'phos na yang ma yin dmyal ba rnams su gnas/ /snga phyi rim par blo ldan rnams/ /skad cig re re nyung ngun nyung / /mgar ba dang ni khrus mkhan yang / /byi dor 'bras bu'i bdag nyid yin/ /de nas</font><hr>66.118b<br><font size=+1>

yang bcom ldan 'das rgyal po'i khab kyi nA la ti'i bram ze'i grong na bzhugs so/ /de nas bcom ldan 'das kyis dge slong rnams la bka' stsal pa/ dge slong dag lus dran pa nye bar gzhag pa zhes bya ba ngas bshad par bya ste/ dang por dge ba bar du dge ba tha mar dge ba don bzang po tshig 'bru bzang po 'ba' zhig pa yongs su rdzogs pa yongs su dag pa yongs su byang ba tshangs par spyod pa ngas bshad par bya'o/ /'di lta ste lus dran pa nye bar gzhag pa zhes bya ba'i chos kyi rnam grangs so/ /de legs par rab tu yid la byas te nyon cig bshad par bya'o/ /de skad ces bka' stsal pa dang / dge slong de dag bcom ldan 'das kyi ltar nyan to/ /de dag la bcom ldan 'das kyis 'di skad ces bka' stsal to/ /dge slong dag lus dran pa nye bar gzhag pa zhes bya ba'i chos kyi rnam grangs 'di yang gang dag yin zhe na/ 'di lta ste lus la lus kyi rjes su lta zhing gnas pa'i dge slong ni bdud kyi yul la mi gnas so/ /nyon mongs pa rnams kyang spong bar byed do/ /yang dag pa ji lta ba bzhin du lus mthong ngo / /ye shes mngon sum du byas par gyur nas mya ngan las 'das pa yang mthar byed par nga gsung ngo / /'di na dge slong lus la yang dag par lta bar byed pa rnams ni tshul bzhin ma yin pa yid la byed pas mi 'phrogs pa dang / kun nas nyon mongs pa rnams dang yang bral bar 'gyur ro/ /nang gi bdag nyid kyi mig dang rna ba dang sna dang lce dang lus dang yid dang / phyi rol gyi gzugs dang ro dang dri dang reg bya dang sgra dang chos rnams kyang lus yin no/ /nang gi bdag nyid kyis lus la lus kyi rjes su lta zhing gnas par gyur na mthar mya ngan las 'das par 'gyur ro/ /'di na dge slong dag mig gis gzugs rnams mthong na kun du rtog par mi byed cing / dga' ba'i 'dod chags dang mtshungs par ldan pa'i sems kyis</font><hr>66.119a<br><font size=+1>

yang dag pa nyid du lta bar mi byed kyis/ lus 'di la yod pa rnams ni skra dang spu dang sen mo dang so dang rus pa dang lpags pa dang khrag dang zas dang smin pa dang bad kan dang mkhris pa dang rlung dang rgyu ma dang gnye ma dang bshang ba dang gci ba dang glo ba dang mkhal ma dang gzhang dang tshil dang khu chu dang chu ser dang snabs dang glad rgyas dang glad pa rnams so/ /de gang gi tshe de ltar lus la lus kyi rjes su 'brel bar dran par gyur na/ de'i tshe gzugs dang / ro dang dri dang reg bya dang sgra dang chos dang phyi rol gyi chos rnams kyis kyang 'phrogs par mi 'gyur ro/ /mig gis kyang gzugs rnams dang po nyid nas yang dag pa ji lta ba bzhin du mthong ngo / /rnal 'byor spyod pa rnams kyis yang dag pa ji lta ba bzhin du nang gi bdag nyid kyi mig sha'i gong bu 'byung ba chen po bzhi las gyur pa ji ltar mthong ba yin na/ nang gi bdag nyid kyi sha'i gong bu'i mig 'di dag la gang cung zad cig sra zhing mkhrang ba mkhrang bar gyur pa zin par gyur pa de dag nye bar len pa 'di ni/ nang gi bdag nyid kyi sha'i gong bu'i mig gi sa'i khams zhes brjod do/ /de la nang gi bdag nyid kyi sha'i gong bu'i mig 'di dag nyid so so'i bdag nyid la chu dang chu rnams ni de dag rlan zhing rlan par 'bab pa de la brten nas gsher bar gyur pa zin par gyur pa nye bar len pa 'di ni/ nang gi bdag nyid kyi sha'i gong bu'i mig gi chu'i khams zhes brjod do/ /de la nang gi bdag nyid kyi sha'i gong bu'i mig 'di nyid so so'i bdag nyid la mer gyur pa ni dro ba dang dro bar gyur pa zin par gyur pa nye bar len pa 'di ni/ nang gi bdag nyid kyi sha'i gong bu'i mig gi me'i khams zhes brjod do/ /de la nang gi bdag nyid kyi sha'i gong bu'i mig 'di nyid so so'i bdag nyid la rlung dang rlung du gyur pa rnams ni yang 'di kun du g.yo ba nyid du gyur pa 'di ni/ nang gi bdag nyid kyi sha'i gong bu'i mig gi rlung gi</font><hr>66.119b<br><font size=+1>

khams zhes brjod do/ /ji ltar mig la yang dag pa ji lta ba bzhin du so sor rtog par byed pa de ltar na rna ba dang sna dang lce dang lus rnams la yang so sor rtog par byed cing / lus la lus kyi rjes su lta ba'i dge slong ni/ dga' ba'i 'dod chags dang lhan cig gnas pa'i sred pas 'ching bar mi 'gyur ro/ /gzhan yang rnal 'byor spyod pa lus la lus kyi rjes su lta zhing gnas te/ nga'i lus 'di ni skad cig dang skad cig la skye ba dang rgas pa dang 'chi ba dang shi 'pho ba dang skye bar yang 'gyur bas/ 'di ni sgyu ma lta bu dang gsog gsob snying po med pa dbu ba dang chu bur rdos pa lta bur gyur pa sdug bsngal dang / sdug bsngal rnams skyabs gnas su gyur pa dang / sdug bsngal gyi skye gnas kyi lus yin no/ /sdug bsngal ma yin par 'gyur ba 'am/ mi rtag pa ma yin pa dang yongs su 'gyur ba'i chos nyid ma yin pa dang / 'jig pa'i chos nyid ma yin pa dang / mi 'jig pa'i chos nyid ma yin pa gang yin pa'i gnas skabs ni lus 'di las cung zad cig kyang yod pa ma yin no/ /gzhan yang rnal 'byor spyod pa lus la lus kyi rjes su lta zhing gnas te/ skyabs ni gang yin skyob pa ni gang yin 'di na ni ji ltar zhes des yang dag pa ji lta ba bzhin du lus la so sor rtog par byed do/ /de dag ni 'di ltar yin te/ lus 'di ni las kyi rtsa ba las yin zhing las kyi skyabs gnas pa las kyi skyob pa yin pas/ dge ba'i las rnams dang ldan na lha dang mi rnams su'o/ /mi dge ba'i las rnams dang ldan na dmyal ba yi dgas dud 'gro rnams su'o/ /lus 'di la ni rdzas sam gtsang ba 'am snying po 'am rtag pa 'am brtan par gyur pa ni med do zhes des 'di yang dag par so sor rtog par byed pa gang yin pa las dga' ba'i 'dod chags</font><hr>66.120a<br><font size=+1>

dang lhan cig gnas pa'i srid pa yang 'byung ba can gyi sred pa rnams yongs su spong bar 'gyur ro/ /gzhan yang rnal 'byor spyod pa mig de nyid yang dag pa ji lta ba bzhin du so sor rtog par byed de/ ji ltar 'dzam bu'i gling pa rnams kyi mi'i mig gis gzugs rnams snang ba dang nam mkha' dag las rjes su 'thun pa mthong bar 'gyur ba de kho na bzhin du gnas gzhan na gnas pa'i mi'i mig gis gzugs rnams mthong ba yin nam zhes bya bar te/ de nas legs par bsams shing thos pa las byung ba'i shes rab bam lha'i mig gis kyang kun du lta bar byed pa la ji ltar 'dzam bu'i gling pa rnams kyi mig dang gzugs dang snang ba dang nam mkha' dang yid la byed pa'i rkyen de dag rnams las gzugs rnams legs par mthong ba yin no/ /de bzhin du byang phyogs sgra mi snyan pa rnams kyi skyes bu song zhing nam mkha' la gnas nas gzugs rnams mthong ba yin te/ dper na chu na chu la spyod pa'i nya la sogs pa rnams kyi gzugs mthong ba de bzhin du byang phyogs sgra mi snyan pa'i skyes bu ris bsgribs par gyur pa'i gzugs rnams kyang mthong ngo / /gzhan yang rnal 'byor spyod pa bdag nyid 'dzam bu'i gling pa'i lus kyis byang gi sgra mi snyan pa'i lus la so sor rtog par byed de/ ji lta bu kho nar bdag gi rna bas mi 'dod pa'i sgra dang rab tu gsal ba rnams thos la bar chod pa rnams ni ma yin zhing de bzhin du sgra chen po rnams ni bdag cag gis thos pa yin na/ de kho na bzhin du byang phyogs sgra mi snyan pa rnams yin nam ci ste ma yin zhes/ de yang dag pa ji lta ba bzhin du rna bas so sor rtog par byed de/ thag nye ba rnams dang rgyang ring ba rnams dang dman pa rnams dang snyan pa rnams dang mi snyan pa'i sgra rnams kyang chos nyid kyi khyad par gyis byang phyogs sgra mi snyan pa'i skyes bus thos pa yin te/ </font><hr>66.120b<br><font size=+1>

ji ltar nyi mas thag nye ba dang rgyang ring ba dang phal che ba dang gzugs dman pa dang mi gtsang ba rnams kyang gsal bar byed do/ /de bzhin du byang phyogs sgra mi snyan pa'i mi rnams kyis kyang sgra thos so/ /gzhan yang rnal 'byor spyod pa lus la lus kyi rjes su lta zhing gnas te/ ji ltar 'dzam bu'i gling pa'i mi rnams kyi sna'i dbang po de kho na bzhin du byang gi sgra mi snyan pa rnams kyi yang yin nam ci ste ma yin zhes/ des thos pa las byung ba'i shes rab bam lha'i mig gis so sor rtog par byed de/ snas dri zhim po rnams ni bsnoM par byed la dri zhim po ma yin pa rnams mnoM par mi byed de chos nyid kyi khyad par gyis ji ltar 'o ma dang chu dag 'dres par gyur pa la ngang pas chu mi 'thung bar 'o ma 'thung bar byed pa yin no/ /de kho na bzhin du byang phyogs sgra mi snyan pa'i mi rnams kyis dri zhim po bsnom par byed cing dri mi zhim pa rnams ni mi mnom mo/ /gzhan yang rnal 'byor spyod pa lus la lus kyi rjes su lta zhing gnas te/ ji ltar 'dzam bu'i gling pa'i mi rnams ro myang bar byed pa de kho na bzhin du byang phyogs sgra mi snyan pa rnams kyi yin nam ci ste na ma yin zhes/ des thos pa las byung ba'i shes rab bam lha'i mig rnam par dag pas mthong bar gyur pa/ 'dzam bu'i gling pa rnams kyi lus ni rnam pa du ma rnams su dman pa dang bar ma dang khyad par du 'phags pa'i zas yin la/ de kho na bzhin du byang phyogs sgra mi snyan pa'i mi rnams ni ma yin te/ de dag rnams ni nga'i ba med pa dang rtag pa kho nar dge ba'i las rnams spyad pas kyang de dag rnams ni nga'i ba med pa dang ro rnams kyang gcig pa yin gyi/ ji ltar 'dzam bu'i gling pa'i mi rnams kyi ltar ni ma yin no/ /gzhan yang rnal 'byor spyod pa lus la lus kyi rjes su lta zhing gnas te/ ji ltar 'dzam bu'i gling pa'i mi rnams kyi lus kyi gzugs rnam pa du ma yin pa de kho na bzhin du</font><hr>66.121a<br><font size=+1>

byang phyogs sgra mi snyan pa rnams kyi yang yin nam ci ste ma yin zhes/ de thos pa las byung ba'i shes rab bam lha'i mig gis mthong bar gyur pa/ ji ltar 'dzam bu'i gling pa rnams kyi lus ni rnam pa du ma yin gyi/ de ltar byang phyogs sgra mi snyan pa rnams ni ma yin te/ de dag ni gang gi phyir las mtshungs pa rnams kyis lhan cig tu 'ongs pa rnams yin pa'i phyir lus mnyam pa kha dog mnyam pa 'dzam bu chu bo'i gser 'dra ba de dag rnams ni rgya che zhing gyong ba ni ma yin la/ 'jam zhing mdzes pa'i lus can rnams yin no/ /de ltar 'dzam bu'i gling pa'i mi rnams ni ma yin te/ 'di dag rnams ni las gcig gis nye bar 'gro ba ma yin zhing lus gcig kyang ma yin la gzugs gcig gis 'gro ba pa ma yin no/ /de mi'i gnas gnyis kyi lus la lus kyi rjes su blta bar gyur nas/ mi'i gnas gsum par gyur pa shar gyi lus 'phags po zhes bya ba la rnam par lta bar byed do/ /des thos pa las byung ba'i shes rab bam lha'i mig gis mthong bar gyur pa/ ji ltar 'dzam bu'i gling gi mi rnams dang byang gi sgra mi snyan pa'i mi rnams kyi skye mched yin pa de bzhin du shar gyi lus 'phags po rnams kyang ste/ de dag rnams kyi mig gis gzugs mthong ba ni ji ltar 'dzam bu'i gling pa'i snang ba la rgyu ba'i khyi dang stag dang srin bya dang byi la la sogs pa rnams 'jigs pas snang ba med par mthong ba yin la/ de ltar shar gyi lus 'phags po'i skyes bu rnams kyis kyang mun pa la gzugs mthong ba yin te/ phra ba dang rags pa rnams dang ji ltar mig gi yul du 'gro ba rnams so/ /gzhan yang rnal 'byor spyod pa lus la lus kyi rjes su lta zhing gnas te/ ji ltar 'dzam bu'i gling pa'i mi rnams kyis sgra nyan par byed pa ni sngar bzhin te/ de bzhin du shar gyi lus 'phags po rnams kyi yang yin nam ci ste</font><hr>66.121b<br><font size=+1>

ma yin zhes/ des thos pa las byung ba'i shes rab bam lha'i mig gis mthong nas rnam par lta bar byed de/ ji ltar 'dzam bu'i gling pa dang byang gi sgra mi snyan pa'i mi rnams sgra nyan par byed pa de ltar shar gyi lus 'phags po de dag rnams ni ma yin te/ shar gyi lus 'phags po de dag ni mda' ltung ba'i tshad tsam cig tu rna ba'i rnam par shes pas sgra la 'jug gi chos nyid kyi khyad par gyis lhag par sgra 'dzin pa ni ma yin no/ /gzhan yang rnal 'byor spyod pa mi'i gnas gsum gyi lus la lus kyi rjes su lta zhing gnas te/ ji ltar 'dzam bu'i gling pa rnams dang byang gi sgra mi snyan pa'i mi rnams kyis sna'i rnam par shes pa dri la 'jug par 'gyur ba de bzhin du shar gyi lus 'phags po rnams kyi yang yin nam ci ste ma yin zhes/ des thos pa las byung ba'i shes rab kyis sam lha'i mig gis mthong bar gyur pa/ shar gyi lus 'phags po'i mi rnams ni chos nyid kyi khyad par gyis nyin mo sna'i rnam par shes pas dri rnams bsnom par 'gyur ro/ /gzhan yang rnal 'byor spyod pa lus la lus kyi rjes su lta zhing gnas te/ ji ltar 'dzam bu'i gling pa rnams dang byang gi sgra mi snyan pa'i mi rnams kyi lce'i rnam par shes pa kun du 'jug par 'gyur ba de ltar shar gyi lus 'phags po'i mi rnams kyi lce'i rnam par shes pa kun nas 'jug pa yin nam ci/ des thos pa las byung ba'i shes rab kyis sam lha'i mig gis mthong bar gyur pa/ shar gyi lus 'phags po'i mi rnams ni/ sA lu ka'i zas gcig zos pas 'di dag rnams zhag gsum du lus 'tsho bar 'gyur ro/ /chos nyid kyi khyad par gyis de dag rnams la mi 'chi ba'i bar du nad kyang med pa yin la/ dus gang gi tshe nyi ma lnga na 'chi ba 'byung bar 'gyur ba'i dus de'i tshe na nad 'ong ba yin no/ /gzhan yang rnal 'byor spyod pa lus la lus kyi rjes su</font><hr>66.122a<br><font size=+1>

lta zhing gnas te/ ji ltar 'dzam bu gling pa rnams dang byang gi sgra mi snyan pa'i mi rnams kyi lus yin pa de kho na bzhin du shar gyi lus 'phags po'i mi rnams kyi yang yin nam ci/ des thos pa las byung ba'i shes rab kyis sam lha'i mig gis mthong bar gyur pa/ shar gyi lus 'phags po'i mi rnams kyi lus ni n+ya gro d+hA dang cha 'dra ba'i nye 'khor kun nas yongs su 'gribs pa yin no/ /gzhan yang rnal 'byor spyod pa lus la lus kyi rjes su lta zhing gnas te/ mi'i gnas gsum po rnams yang dag par so sor brtags nas/ skyes bu'i gnas bzhi par gyur pa ba lang spyod ces bya ba la so sor kun nas rtog par byed do/ /ji ltar ba lang spyod pa rnams kyi mig 'jug par 'gyur ba yin na/ des thos pa las byung ba'i shes rab kyis sam lha'i mig gis mthong bar gyur pa/ ba lang spyod pa'i mi rnams ni nam mkha' med par yang mig gis rnam par shes pa 'jug pa yin te/ ris kyang sgrib par mi 'gyur te/ ji ltar 'dzam bu'i gling pa'i mi rnams kyis shel gyis bsgribs pa'i gzugs rnams mthong bar 'gyur ba de bzhin du chos nyid kyi khyad par gyis ba lang spyod pa rnams kyis ris bsgribs pa'i gzugs rnams kyang mthong bar 'gyur ro/ /gzhan yang rnal 'byor spyod pa lus la lus kyi rjes su lta zhing gnas te/ ji ltar 'dzam bu'i gling pa rnams dang byang gi sgra mi snyan pa rnams dang shar gyi lus 'phags po rnams kyi so sor rna ba'i rnam par shes pa rab tu 'jug pa de kho na bzhin du ba lang spyod pa'i mi rnams kyi yang yin nam ci/ des thos pa las byung ba'i shes rab kyis sam lha'i mig gis mthong bar gyur pa de ni mig nyid kyis thos pa yin te/ ji ltar 'dzam bu'i gling pa rnams kyi mig gis thos pa sbrul yin pa de bzhin du ba lang spyod pa'i mi rnams kyi mig nyid kyis thos pa yin</font><hr>66.122b<br><font size=+1>

zhing / ji ltar ris bsgribs pa'i gzugs rnams nyid mthong ba de bzhin du sgra ris bsgribs par gyur pa yang thos pa yin te/ chos nyid kyi khyad par gyis yin no/ /gzhan yang rnal 'byor spyod pa lus la lus kyi rjes su lta zhing gnas te/ ji ltar 'dzam bu'i gling pa rnams dang byang gi sgra mi snyan pa rnams dang shar gyi lus 'phags po'i mi rnams kyi sna'i rnam par shes pa 'jug par 'gyur bas mi rnams kyi gnas gsum na mig la sogs pa rnams so sor tha dad par 'jug pa yin pa de kho na bzhin du ba lang spyod pa rnams kyi sna'i rnam par shes pa yang 'jug pa yin nam ci/ des thos pa las byung ba'i shes rab kyis sam lha'i mig gis mthong bar gyur pa/ des na gang dag me tog rnams sam gzhan yang rung te/ dngos po mig gis mthong ba rnams des dri yang 'dzin par byed do/ /'di lta ste chos nyid kyi khyad par gyis mthong ba'i dngos po rnams kyi dri 'dzin par byed pa yin no/ /gzhan yang rnal 'byor spyod pa lus la lus kyi rjes su lta zhing gnas te/ ji ltar ba long spyod pa rnams kyi lce'i rnam par shes pa 'jug pa yin na/ des thos pa las byung ba'i shes rab kyis sam lha'i mig gis mthong bar gyur pa de dag ni sA ma ku'i zas za ba dang ba lang gi 'o ma dang zho dang dar ba rnams kyis rtag tu yang skom gyi bya ba byed de/ ji ltar 'dzam bu'i gling pa rnams bu ram chang dang rgun chang dang mngar chang dang zan chang rnams yin pa de ltar ba lang spyod pa rnams kyi ba lang gi 'o ma dang zho dang dar ba rnams yin no/ /ji ltar 'bras sha li yis tshim par gyur pa de ltar ba lang spyod pa rnams sa ma kA yis tshim pa yin no/ /gzhan yang rnal 'byor spyod pa lus la lus kyi rjes su lta zhing gnas te/ ji ltar ba lang spyod pa rnams kyi lus yin na/ des thos pa las byung ba'i shes rab kyis sam lha'i mig gis mthong bar gyur pa de ni ta la tsam du mtho bar</font><hr>66.123a<br><font size=+1>

gyur pa yin te/ rang gi las kyis yin pas ji ltar las rnams dang 'dra ba'i gzugs yin no/ /gzhan yang rnal 'byor spyod pas skyes bu'i gnas bzhin mtshungs shing 'dra bar gyur pa'i yid dang mtshungs shing 'dra bar gyur pa'i skye ba dang mtshungs shing 'dra bar gyur pa'i rten rnams kyang phan tshun du bltas par gyur pa na/ das thos pa las byung ba'i shes rab kyis sam lha'i mig gis shes pas kyang skyes bu gcig kyang yod par mthong ngo / /skyes bu'i gnas bzhi pa'i rnams na gang dag phan tshun du mtshungs shing 'dra bar gyur pa'i yid dang mtshungs shing 'dra bar gyur pa'i skye ba dang mtshungs shing 'dra bar gyur pa'i rten rnams thams cad 'dra bar gyur pa ma yin pa de ltar lus la lus kyi rjes su lta zhing gnas so/ /gzhan yang rnal 'byor spyod pa lus la lus kyi rjes su lta zhing gnas te/ ci skyes bu'i gnas bzhi po 'di dag rnams na skyes bu gang dag las kyi bgo skal la spyod pa dang las kyi skye gnas pa dang las kyi skyabs gnas pa'i chos su gyur pa ma yin pa phan tshun gyi gnas dang grong rdal rnams na 'ga' zhig yod dam/ las kyi skye gnas pa dang las kyi bgo skal la spyod pa dang / las brtan par byas par gyur pa ma yin pa gang yin pa'i skyes bu de ni gcig kyang ma mthong ngo / /dge ba 'am sdig par gyur pa yang rung ste las gang dag byed par 'gyur ba de dang de dag nyid kyi las rnams kyi bgo skal la spyod par 'gyur ro/ /gang yang mdza' bo dang mdza' bo ma yin pa dang bar ma'i phung po rnams su ma gyur pa ni med do/ /de ltar lus la lus kyi rjes su lta zhing rnal 'byor spyod pa gnas pa yin no/ /legs par byas pa'i las kyi mtha' rnams la spyad pa'i lha rnams kyi lus ni ji lta bu yin zhing / ji ltar na lha rdzas kyi 'dod pa'i yon tan lnga la spyod par gyur cing yang dag par ldan</font><hr>66.123b<br><font size=+1>

pas lha rnams gnas pa yin no/ /des thos pa las byung ba'i shes rab kyis sam lha'i mig gis mthong bar gyur pa/ rgyal po chen po bzhi'i ris kyi lhar skyes pa'i sems can rnams lha rdzas kyi lha'i 'dod pa'i yon tan lnga dang bcas shing yang dag par ldan pa rnams la 'di lta ste/ lha rnams kyi mig lha rdzas kyi gzugs rnams kyis tshim par mi 'gyur ba'i lha rdzas kyi gzugs phra ba dang rags pa rnams thams cad kyang lhan cig skyes pa'i lha'i mig gis dpag tshad stong phrag bcur mthong ngo / /gal te rdzu 'phrul byas nas mig sprul bar gyur na ni des dpag tshad stong phrag rab tu mthong bar 'gyur ro/ /de ltar dge slong gis legs par byas pa'i las kyi mtha' rnams la spyad pa'i mthu stobs dang ldan pa'i lha rnams kyi nang nas/ rgyal chen bzhi'i ris kyi lha rnams kyi gang yin pa mthong ste/ de dag kyang 'dod pa dang dga' ba dang yid du 'ong bar mthong ngo / /gzhan yang rnal 'byor spyod pa lus la lus kyi rjes su lta zhing gnas te/ ji ltar rgyal chen ris bzhi'i lha rnams kyi rna bas sgra thos pa yin na/ des thos pa las byung ba'i shes rab kyis sam/ lha'i mig gis mthong bar gyur pa/ lha rnams kyis sgra gang dang gang dag kho na thos pa de dang de dag rnams ni 'dod pa sdug pa yid du 'ong ba rnams thos pa yin te/ lhan cig skyes par gyur pa'i rna bas ni dpag tshad sum stong gi sgra rnams thos so/ /gal te rdzu 'phrul byas nas rna ba sprul par gyur na ni des dpag tshad stong phrag nyi shur thos par 'gyur te/ gang dag thos par 'gyur ba de dag rnams kyang 'dod pa sdug pa yid du 'ong ba rnams thos par 'gyur ro/ /gzhan yang rnal 'byor spyod pa lus la lus kyi rjes su lta zhing gnas te/ ji ltar rgyal chen ris bzhi'i lha rnams kyi snas dri snom par byed pa yin na/ des thos pa las</font><hr>66.124a<br><font size=+1>

byung ba'i shes rab kyis sam lha'i mig gis mthong bar gyur pa/ rgyal chen ris bzhi'i lha rnams kyi snas ni dri dpag tshad nyis brgyar dri rnams snom par byed do/ /gal te rdzu 'phrul byas te sna sprul par gyur na ni dpag tshad stong phrag brgya'i bar du des dri 'dzin no/ /gzhan yang rnal 'byor spyod pa lus la lus kyi rjes su lta zhing gnas te/ ji ltar lha rnams kyis lce'i dbang po ro tshim par byed pa yin na/ des thos pa las byung ba'i shes rab kyis sam lha'i mig gis mthong bar gyur pa/ rgyal chen ris bzhi'i lha rnams kyi lce'i dbang pos ni mi dman pa dang yid du 'ong zhing yid du 'ong ba'i ro rnams kyi bde ba dang ldan pa yin te/ ro rnams ni ji ltar legs par byas pa'i las byas pa rnams kyis lha rnams ros tshim pa med pa yin no/ /gzhan yang rnal 'byor spyod pa lus la lus kyi rjes su lta zhing gnas te/ phra ba dang rags pa dang myur ba nyid du yang 'gyur ba'i lha rnams kyi bdag nyid kyi dngos po'i lha rnams kyi lus ji lta bu yin na/ des thos pa las byung ba'i shes rab kyis sam lha'i mig gis mthong bar gyur pa de/ pad ma gcig nyid la lha lnga brgya gnas par gyur na yang phan tshun lus kun du thug par 'gyur ba dang / zer zug kyang 'byung bar mi 'gyur ba de srid du lus rnams shin du phra bar gyur pa yin te/ gang gi phyir lha rnams kyi lha rdzas kyi gzi brjid yin pa'i phyir ro/ /dper na khang pa gcig gi nang du mar me lnga brgya legs par sbar bar gyur kyang / 'on kyang mar me'i 'od rnams phan tshun du zug zer du gyur pa ni med pa yin la/ kun du reg par 'gyur ba yang ma yin no/ /de ltar lha rnams kyi gzhal yas khang gi mchog na gnas pa rnams la phan tshun du gnod zug med pa yin zhing thug pa yang med pa yin no/ /gal te yang lha rnams rags pa'i lus sprul par byed na/ des dpag tshad brgya phrag mang po rnams su</font><hr>66.124b<br><font size=+1>

gyur pa'i gzugs byed pa dang / blta na sdug pa 'am blta na mi sdug pa 'am 'jigs par byed pa 'am 'jigs par mi byed pa rnams kyang byed par 'gyur ro/ /gzhan yang rnal 'byor spyod pa lus la lus gyi rjes su lta zhing gnas te/ lha rnams ji ltar na mgyogs par 'gro ba yin na/ des thos pa las byung ba'i shes rab bam lha'i mig gis mthong bar gyur pa lha rnams kyang re shig mgyogs par 'gro ba yin no/ /rdzu 'phrul byas par gyur na gang dag mig btsums pa tsam la yang dpag tshad brgya stong phrag mang po rnams su 'gro bar byed cing slar yang 'ong bar 'gyur ba yin no/ /gang dang gang la lha rnams 'gro bar 'dod par gyur pa de dang de dag rnams nyid la kun du thogs pa med par 'gro bar 'gyur ro/ /lha rnams 'dod pa gang dang gang dag don du gnyer bar gyur pa de dag rnams nyid de bzhin du 'dir phun sum tshogs par 'gyur te/ thob pa rnams ni gzhan gyis phrogs par mi nus pa dang / dbang du gyur pa yang yin no/ /thob par gyur pa'i rang gi don rnams la phyis yang 'di dag rnams gzhan dag 'ga' zhig la 'jigs par 'gyur ba yang ma yin no/ /mtho 'tsham pa mang med do/ /rang gi yul gyi lha rdzas rnams kyis nyin dang mtshan du 'phel bar byed do/ /legs par byas pa'i las byas pa rnams ni 'dod pa'i yon tan lnga 'byor zhing rdzogs pa rab tu ldan par gyur pa yin te/ de dag rnams ni thams cad du 'gyur ba yin no/ /de ltar rnal 'byor spyod pa lus la lus kyi rjes su lta zhing gnas so/ /gzhan yang rnal 'byor spyod pa lus la lus kyi rjes su lta zhing gnas te/ ji ltar sum bcu rtsa gsum pa'i lha rnams kyi lus yin zhing yul rnams la yang ji ltar 'jug pa yin na/ des thos pa las byung ba'i shes rab bam lha'i mig gis mthong bar gyur pa/ </font><hr>66.125a<br><font size=+1>

ji ltar rgyal chen bzhi'i lha rnams kyi yul gyi bde ba de dag rnams las sum bcu rtsa gsum pa'i lha rnams kyi 'dod par gyur pa'i sgra dang reg bya dang ro dang gzugs dang dri rnams ni stong 'gyur du gyur pa yin no/ /de ci'i phyir zhe/ rgyal chen ris bzhi'i lha rnams kyi drung na sum bcu rtsa gsum pa rnams kyis ni shin du 'dod par gyur pa dang shin du phal che ba dang rab tu dga' bar gyur pa dang mchog tu yid du 'ong ba dang khyad par du 'phags pa'i las rnams sum bcu rtsa gsum pa'i lhas byas pa'i phyir ro/ /de ci'i phyir zhe na/ sum bcu rtsa gsum pa'i lha rnams ni legs par byas pa'i phul du byung ba yin pa'i phyir rgyal chen ris bzhi pa rnams kyis ni sum bcu rtsa gsum gyi lha rnams kyi bde ba'i dbang du byas nas mnyam par nus pa yang ma yin no/ /de ltar rnal 'byor spyod pa pa zhib mor lus la lus kyi rjes su lta zhing gnas pa yin no/ /gzhan yang rnal 'byor spyod pa lus la lus kyi rjes su lta zhing gnas te/ ji ltar dmyal ba pa'i skye bo rnams kyi lus yin na/ yang sos dang thig nag dang bsdus 'joms dang ngu 'bod dang ngu 'bod chen po dang tsha ba dang rab tu tsha ba dang mnar med pa dang dmyal ba chen po rnams des thos pa las byung ba'i shes rab kyis sam lha'i mig gis mthong bar gyur pa/ mi 'dod pa dang mi sdug pa dang yid du mi 'ong bar gyur pa'i las rnam pa gsum po lus kyis dang ngag gis dang yid kyis byas shing bsags pas dmyal ba rnams su skye bar 'gyur ro/ /gang gi phyir byas shing bsags pa'i nyes par byas pa'i las rnams ma myong gi bur du 'grol bar 'gyur ba ni med do/ /de ltar rnal 'byor spyod pa lus la lus kyi rjes su lta zhing gnas pa na/ las gang dag gis dmyal ba 'di dag rnams gang du skye bar 'gyur ba yang des thos pa las byung ba'i shes rab bam</font><hr>66.125b<br><font size=+1>

lha'i mig gis mthong bar gyur pa srog gcod pa shin tu bsten cing bsgoms la lan mang du byas par gyur pas ni dmyal ba yang sos su skye bar 'gyur ro/ /srog gcod pa dang ma byin par len pa yang shin du bsten cing bsgoms la lan mang du byas par gyur pa'i nyis 'gyur gyi las kyis thig nag du skye bar 'gyur ro/ /srog gcod pa dang ma byin par len pa dang 'dod pas log par g.yem pa rnams shin du bsten cing bsgoms la lan mang du byas par gyur pas na/ dmyal ba chen po bsdus 'joms su skye bar 'gyur ro/ /srog gcod pa dang ma byin par len pa dang 'dod pa la log par spyod pa dang brdzun du smra ba rnams shin du bsten cing bsgoms la lan mang du byas par gyur pas ni ngu 'bod du skye bar 'gyur ro/ /srog gcod pa dang ma byin par len pa dang 'dod pa log par spyod pa dang brdzun du smra ba dang 'bru dang bcos pa'i chang sdom pa 'dzin pa la skom du byin par gyur na ngu 'bod chen por skye bar 'gyur ro/ /srog gcod pa dang ma byin par len pa dang 'dod pa log par g.yem pa dang / rdzun du smra ba dang 'bru dang bcos pa'i chang sdom pa bzung ba la skom du byin par gyur pa dang log par lta ba can du gyur na tsha ba'i dmyal ba chen por skye bar 'gyur ro/ /srog gcod pa dang ma byin par len pa dang 'dod pa log par spyod pa dang brdzun du smra ba dang 'bru dang bcos pa'i chang sdom pa 'dzin pa la 'thung du bcug pa rnams dang log par lta ba dang sdom pa 'dzin pa'i dge slong dang dge slong ma yang rung ste sun phyung bar gyur pas ni rab tu tsha ba'i dmyal ba chen por skye bar 'gyur ro/ /dmyal ba chen po kun nas 'grub par gyur pa'i las lngas mnar med par skye bar 'gyur ba ni 'di lta ste/ pha dang ma dang dgra bcom pa rnams srog gcod par byed pa dang dge 'dun 'byed par</font><hr>66.126a<br><font size=+1>

byed pa dang sangs rgyas bcom ldan 'das la ngan sems kyi khrag 'byin par byed pa dang las de rnams kyis mnar med pa'i dmyal ba chen por skye bar 'gyur ro/ /des dmyal ba pa rnams kyi las kyi rnam par smin pa rnams la bsams nas sems can rnams la rjes su snying brtse bar byed do/ /gzhan yang rnal 'byor spyod pa lus la lus kyi rjes su lta zhing gnas te/ des yi dgas kyi 'gro bar gtogs pa'i sems can rnams ji ltar mthong ba yin zhe na/ gzhan yang rnal 'byor spyod pa lus la lus kyi rjes su lta zhing gnas pa na/ des thos pa las byung ba'i shes rab kyis sam lha'i mig gis mthong bar gyur pa/ ser sna rnam pa du mas skyes pa'i yi dgas rnams sam dpag tshad lnga brgya'i sa 'og nyid du skyes par gyur pa rnams la rnam pa du mar yang zas med pa shin du smre bar gyur pa phan tshun du zas su gyur pa ltogs pa dang skom pas nyams thag pas shin du sdug bsngal bar gyur pa rnams me'i char 'bab pas sreg par byed pa rnams ni/ las ji lta ba bzhin du nye bar 'gro ba dang las kyi bgo skal la spyod pa dang las kyi skyabs gnas pa rnams yin te/ shin du yang sdug bsngal bar gyur pa'i yi dgas de dag rnams mthong nas/ gzhan yang rnal 'byor spyod pa lus la lus kyi rjes su lta zhing gnas pa na/ des dud 'gro'i 'gro bar gtogs pa rnams la kun du lta bar byed do/ /das thos pa las byung ba'i shes rab kyis sam lha'i mig gis mthong bar gyur pa la/ rnam pa du mar gyur pa rnams mthong ba yin no/ /mdor bsdu na gnas gsum na rgyu ba rnams la 'di lta ste/ chu la rgyu bar byed pa rnams ni nya la sogs pa'o/ /thang la rgyu bar byed pa rnams ni glang po che dang rta dang ba lang dang ma hi Sha dang ri dgas dang phag pa la</font><hr>66.126b<br><font size=+1>

sogs pa rnams so/ /nam mkha' la rgyu ba rnams kyang rnam pa du ma'o/ /gzhan yang rnal 'byor spyod pa lus la lus kyi rjes su lta zhing gnas par byed pa na/ mthong ba dang thos pa las byung ba'i shes rab kyis sam lha'i mig gis ji ltar skye gnas las skye ba'i dud 'gro rnams mthong ba yin zhe na/ des thos pa las byung ba'i shes rab bam lha'i mig gis skye gnas bzhi las skye bar 'gyur ba'i dud 'gro rnams mthong ste/ mngal las skye ba ni phag pa dang ba lang dang ma hi Sha dang glang po che dang rta la sogs pa rnams so/ /sgong nga las skye ba ni sbrul dang ngang pa dang bya ba lA kA dang khyim bya dang bya rog la sogs pa rnams so/ drod gsher las skye ba ni shig dang 'dre shig pa la sogs pa rnams so/ /brdzus te skye ba ni phal cher gdong rings kyi klu la sogs pa rnams so/ /des dud 'gro rnams gang yin pa yang dag pa ji lta ba bzhin du mthong ngo / /de las gnas skabs gsum po thams cad na yang 'dod pa dang yid du 'ong ba rnams tha dad du 'gyur ba dang med par 'gyur ba dang 'bral bar 'gyur ba dang 'gyes par 'gyur ba rnams su gang dag mi 'gyur ba 'am/ gang la srog chags rnams thams cad kyis kyang lhan cig tu mdza' bo dang mi mdza' bo dang bar ma'i phung po rnams thams cad rnam par gzhag pa byas par ma gyur pa 'am/ gang la yang 'chi 'pho ba dang skye bar 'gyur ba rnams byas shing byas par ma gyur pa ni/ dmyal ba'i gnas rnams dang yi dgas kyi gnas rnams dang dud 'gro'i gnas rnams dang / gnas kyis bsdus pa rnams na cung zad kyang med do/ /dge slong dag 'khor ba 'di ni 'dod par bya ba ma yin no/ /ji srid du dga' ba ma yin pa de ltar yid du 'ong ba ma yin te/ de ltar mi mthun pa dang de lta de ltar slu ba dang de ltar rab tu 'jig pa'i chos can dang</font><hr>66.127a<br><font size=+1>

de ltar sems can rnams thams cad ni thun mong ma yin par sdug bsngal bar gyur pa yin no/ /de'i phyir dge slong dag 'khor ba'i gnas la 'dod chags dang bral bar gyis shig /don med pa slu ba rnam par 'jig pa'i chos can mi rtag pa sdug bsngal ba mun nag du byed pa mnog chung ba 'di dag las shin du myur bar rnam par grol bar gyis shig /de ltar nA la ti'i grong gi bram ze dang khyim bdag rnams dang dge slong rnams kyang nang gi bdag nyid kyi lus kyis phyi rol gyi lus kyang yang bdag po nyid du rnal 'byor spyod pas mthong nas/ lus la lus kyi rjes su lta zhing gnas so/ /yang ji ltar na nA la ti'i grong gi bram ze dang / khyim bdag dang dge slong rnams kyang nang gi bdag nyid kyi lus la lus kyi rjes su lta zhing gnas pa yin na/ 'di na yang dag pa ji lta ba bzhin du gyur pa'i nang gi bdag nyid kyi lus las yang gang dag lus kyi nang du zha bar gyur pa'i mi gtsang ba'i yan lag rnams la yang dag pa ji lta ba bzhin du mthong zhing rnam par dpyod la so sor rtog par byed pas lan cig ma yin par mgo bo nas ji srid du rkang pa'i bar du lus la lus kyi rjes su lta zhing gnas par byed do/ /rnal 'byor spyod pa de dang po kho nar so sor rtog par byed pa na/ des thos pa las byung ba'i shes rab bam lha'i mig gis mthong bar gyur pa/ thod pa'i srubs bzhir gyur pa'i rus pa'i mgo bo'i klad phor gyi dum bu bzhi yin zhing de la srin bu kun du rgyu ba yin te/ de'i rigs can du gyur pa rnams zas klad phor la rgyu ba yin la/ gnyis pa klad phor la rgyu ba zhes bya ba'i srin ni klad pa za bar rgyu bar byed pa ste/ de la yang so sor gnas pa dang de'i rigs can dang klad pa za bar byed pa yin no/ /glang klad phor gyi rus pa'i gseb na 'gro ba'i srin rnams ni mgo'i klad phor gyi gseb na so sor gnas so/ </font><hr>66.127b<br><font size=+1>

de'i rigs can dang de'i zas su gyur pa yang yin no/ /skra za ba zhes bya ba'i srin ni klad phor gyi phyi rol na yod de/ de skra lo'i rtsa ba'i zas can de zas phal che bar gyur na ni mgo bo skra rjen du 'gyur ro/ /rna ba la spyod pa zhes bya ba'i srin ni rna ba gnyis kyi nang na so sor gnas te/ de las skyes shing zas kyang yin la de khros par gyur na ni rna ba gzer ba dang nad du 'gyur ro/ /snabs la 'jug pa zhes bya ba'i srin ni sna bug na gnas te/ de las skyes pa dang zas kyang yin la de khros na ni gang dag zos pa dang 'thungs pa dang 'chos pa dang myangs pa rnams za bar byed do/ /de nga'i sna 'di las glad rgyas la 'phos nas za bar byed de/ de'i skyon gyis bdag gi dang ka mi bde bar 'gyur ro/ /tshil gyi nang na spyod pa zhes bya ba'i srin ni nga'i mgo la gnas te/ de las skyes shing de za bar byed pa de khros par gyur na ni mgo la lhang kyog 'ong ngo / /tshigs kyi gseb na rgyu ba zhes bya ba'i srin ni nga'i lus la so sor gnas te/ 'gram pa'i bar na ba dang de las skyes pa dang de za bar yang byed la/ de rna ba'i phyi rol gyi bar rnams la kun du 'gro bar byed de/ de khros nas za bar gyur na ni khab kyis bzhin du 'bigs par byed do/ /lud pa za ba zhes bya ba'i srin ni zas kyi ro rnams 'bab pa'i sbubs dang lce'i rtsa ba na gnas te/ de las skyes pa dang de za bar byed pa dang de khros par gyur na ni bdag gi kha skam par 'gyur ro/ /so rnams kyi rtsa ba na srin so sor gnas te/ so'i rtsa ba za bar byed pa zhes bya ba gang yin pa khros par gyur na ni so gzer bar 'gyur ro/ /de ltar nang gi bdag nyid kyi lus la lus kyi rjes su lta zhing rnal 'byor spyod pa gnas pa yin no/ /bdag gi mgo bo la srin bu'i rigs bcu gnas so/ /gzhan yang rnal 'byor</font><hr>66.128a<br><font size=+1>

spyod pa mgo'i rus pa dang sha dang nang gi bdag nyid so so rnams kyi lus la lus kyi rjes su lta zhing gnas te/ mgo bo'i rus pa dang sha rnams kyang ji tsam cig yod pa yang des thos pa las byung ba'i shes rab bam lha'i mig gis mthong bar gyur pa/ mgo'i glad phor ni dum bu bzhi'o/ /'khur tshos kyi ldang rus pa ni gsum mo/ /og sko'i rus pa ni gcig go/ /so'i rtsa ba'i rus pa rnams ni sum bcu rtsa gnyis so/ /de ltar nga'i rkan gyi rus pa ni gnyis so/ /'jing pa'i rus pa rnams ni bcwa lnga'o/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag gi mgo bo la sha yod pa dang mgo'i sha zas rnams kyis 'phel ba ni ci tsam cig yin na/ des thos pa las byung ba'i shes rab kyis sam lha'i mig gis mthong bar gyur pa/ bdag gi glad phor la ni sha'i dum bu bzhi'o/ /'gram pa la ni gnyis so/ /thod pa dag gi bar na ni gcig go/ /mgrin pa dang sna dang lce rnams la dum bu re re'o/ /mchu gnyis la ni dum bu gnyis so/ /rna ba'i lpags pa'i leb ma'i dum bu gnyis te/ sha'i gong bu de dag rnams dang nye bar ldan zhing bdag gi zas kyi dbang gis nye bar 'phel ba dang phyir zhing rgyas pa dang shin du rgyas par yang 'gyur ro/ /gzhan yang srin gyi rigs bcus mgrin pa rlugs par byed pa rnams ni/ 'di lta ste zas su kha'i ljan ljin rnams za bar byed pa dang / 'chil ma 'byung bar byed pa dang skyug par byed pa ni khu ba 'grim pa'i rtsa bcu'i nang rnams la rgyu bar byed pa yin no/ /mngar myos kyis myos pa dang rab tu myos pa dang ro drug la sred pa dang g+hur g+hur ra ba dang ro la rab tu sdang ba dang nyal ba la shin du dga' ba dang sbom po rnams so/ /de la dge slong dag rnal 'byor spyod pa lus la lus kyi rjes su lta bar byed de/ nga'i srin bu dag gis lus 'di'i yul phyogs gang dag du</font><hr>66.128b<br><font size=+1>

nad du gyur pa 'am nad med par gyur pa'i yang las ci dag byed pa yin na/ des thos pa las byung ba'i shes rab dag gis sam lha'i mig gis mthong bar gyur pa/ kha chu za bar byed pa'i srin bu ni mgrin pa'i yul phyogs dang po na rab tu gnas te/ de bdag gis so'i rang thag gis phye mar brnal nas 'og tu gsus par rab tu ltung bar gyur na skad cig la skyug par byed pa dang 'dra ba'i ljan ljin rnams kyis g.yogs pa yin pas de glad rgyas las rab tu 'babs par 'gyur ro/ /snabs de dang de dag rnams kun du g.yogs par gyur pa'i ljan ljin dang 'dres pa med par byed do/ /des kyang rgyas par gyur nas gal te na shin du sbom par song bar gyur na ni/ des bdag bad kan gyis lu bar byed do/ /snum pa dang mngar ba dang shin du mngar bar gyur pa dang shin du skyur ba ma yin pa dang shin du bsil ba'i zas rnams kyis mgrin pa'i yul phyogs su skye bar 'gyur ro/ /gzhan yang rnal 'byor spyod pa lus la lus kyi rjes su lta zhing gnas te/ mchil ma 'byung bar byed pa'i srin gyis bdag gi lus so gsod par byed pa yin na/ des thos pa las byung ba'i shes rab kyis sam lha'i mig gis mthong bar gyur pa/ mchil ma 'byung bar byed pa'i srin ni nga'i mgrin pa'i gseb na so sor gnas te/ de gal te rang bzhin du gnas par gyur na de'i tshe sngar bshad pa'i nga'i zas rnams skyug rlug tu mi 'gyur ro/ /yang dag par bde bar gyur pas kyang khu ba rgyu ba'i rgyun bcur mngon par 'babs so/ /dper na 'di ni bad kan che bar gyur na nad med par mi 'gyur ro/ /srin gyis bag kan chu skyags sam snying la ldag par byed do/ /gzhan yang rnal 'byor spyod pa lus la lus kyi rjes su lta zhing gnas te/ des thos pa las byung ba'i shes rab kyis sam lha'i mig gis mthong bar</font><hr>66.129a<br><font size=+1>

gyur pa/ skyug byed ces bya ba'i srin bus bdag la rang bzhin du gnas pa 'am rang bzhin du mi gnas par ci zhig byed pa yin zhing / zas kyang ci dag gis nga'i lus la so sor gnas pa yin na/ rab tu skyug byed ni khu ba rgyu ba bcu'i rgyun nang du zhugs par gyur nas mgrin pa'i sbubs kyi yul phyogs su rgyun las skad cig nyid la steng du 'phos nas 'byung bar byed do/ /zos pa na yang rung ste des bdag la skyug par byed pa rnam pa lnga skyed par byed de/ rlung dang mkhris pa dang bad kan dang 'dus pa dang sbrang bus byas pa rnams so/ /ci ste rang gi gnas na gnas par gyur na sngar bshad pa'i gsus pa'i zhabs su babs nas bdag gi zas rnams legs par 'gyur ba dang / de ni mchil ma'i zas can yang yin no/ /rab tu skyug par byed pa'i srin gyis ji ltar rlung gis skyug par byed pa yin na/ des thos pa las byung ba'i shes rab kyis sam lha'i mig gis mthong bar gyur pa/ gal te yang ba dang bsil ba dang rtsub pa dang rgyun cung zad bsdams pa dang / gnyid ma log pa las bdag la 'byung bar 'gyur ro/ /de nga'i mgul pa'i sbu gu la rab tu zhugs pas rlung 'byung ba yin te/ nga'i srin rab tu skyug byed de gnas las 'pho bar 'gyur ba'i skyon gang yin pas bdag la rlung gis skyugs pa 'byung bar 'gyur ro/ /gzhan yang rnal 'byor spyod pa lus la lus kyi rjes su lta zhing gnas te/ ji ltar nga'i srin rab tu skyug byed kyis mkhris pa las skyug par byed pa yin na/ des thos pa las byung ba'i shes rab kyis sam lha'i mig gis mthong bar gyur pa/ tsha ba dang dro ba dang lan tshwa dang 'gyur byed kyi tshwa dang ldan pa'i zas gang gi tshe mang du zos par gyur na/ bdag gi dro ba la sogs pa de dag gi skyon de dag gis skyug byed kyi srin mtho btsams par gyur</font><hr>66.129b<br><font size=+1>

nas gnas las steng du gyur pas/ des bdag mkhris pa'i skyug pa skyed par 'gyur ro/ /gzhan yang rnal 'byor spyod pa lus la lus kyi rjes su lta zhing gnas te/ ji ltar bad kan gyis rab tu skyug par byed pa yin na/ des thos pa las byung ba'i shes rab bam lha'i mig gis mthong bar gyur pa/ mngar bar gyur pa dang bsil ba dang lci ba dang snum pa dang 'jam pa dang nyin mtshan du nyal ba rjes su bsten pa las/ bad kan rab tu 'khrugs par gyur la des nga'i skyug byed kyi srin shin du tsho bar gyur nas/ des nga'i mgrin par nad byed par 'gyur ba dang skyug par yang byed do/ /de las bdag la bad kan gyis skyug pa skyed par 'gyur ro/ /gzhan yang rnal 'byor spyod pa lus la lus kyi rjes su lta zhing gnas te/ ji ltar bdag gi srin rab tu skyug byed kyis 'dus pa'i skyug par byed pa yin na/ des thos pa las byung ba'i shes rab bam lha'i mig gis mthong bar gyur pa yang ba dang bsil ba dang rtsub pa dang tsha ba dang skyur ba dang lan tshwa dang 'jam pa dang grang ba dang mngar mo dang snum pa rnams shin du bsten par gyur pas bdag gi srin rab tu skyug byed kyis mgul pa'i yul du rnam par 'joms par byed do/ /des skyon gsum gyis bdag skyug par byed do/ /gzhan yang rnal 'byor spyod pa lus la lus kyi rjes su lta zhing gnas te/ ji ltar bdag la sbrang bus byas pa'i skyug par gyur pa skyug byed kyi srin gyis byed pa yin na/ des thos pa las byung ba'i shes rab bam lha'i mig gis mthong bar gyur pa/ sbrang bu'i rtug pa'i skyon gyis rab tu skyug byed kyi srin mgul pa'i yul du g.yo bar 'gyur ro/ /de'i skyon gyis bdag la skyug pa skye bar 'gyur ro/ /gzhan yang rnal 'byor spyod pa lus la lus kyi rjes su lta zhing gnas te/ thos pa las byung ba'i shes rab dag gis sam lha'i mig</font><hr>66.130a<br><font size=+1>

gis des mthong bar gyur pa/ nga'i srin mngar myos ni lce'i rtse mo nas bzung nas kun la rgyu bar byed cing ji srid du srog rgyu ba'i rtsa'i nang na kun du rgyu zhing gnas so/ /shin du phra ba dang rkang pa med pa dang sre bar gyur pa yin no/ /gal te bdag 'dod par gyur pa'i zas rnams za bar gyur na bdag 'dod par gyur pa'i zas des srin mngar myos dga' bar 'gyur la mi 'dod pa rnams kyis ni rgud par 'gyur ro/ /de'i zas rnams ni ji ltar me tog gi nang na rgyu bar gyur pa'i bung ba rnams shin du phra bar gyur pa'i rtsi rnams 'thung bar byed pa yin no/ /de bzhin du mngar myos kyi srin yang zas rnams las shin du phra bar gyur pa'i zas rnams kyis rangs pa yin la de dag gis kyang 'di tshim par 'gyur ro/ /yang zas gang dag la mngar myos kyi srin kun du myang bar byed pa de nyid kho na la nga yang myang bar byed pa yin no/ /yang zas gang dag la srin dad par gyur pa'i zas de dang de dag rnams la bdag kyang dad par 'gyur ba yin no/ /gal te yang bdag zas za bar mi byed na nga'i srin mngar myos de nad par 'gyur ro/ /mi dga' bar gyur pa'i rigs can kyi srin mngar myos de la so sor rtog par byed do/ /bdag gi srin rab myos kyis kyang rang bzhin du gnas pa 'am rang bzhin du mi gnas pa ji tsam cig byed pa yin na des thos pa las byung ba'i shes rab kyis sam lha'i mig gis mthong bar gyur pa/ rab myos kyi srin ni mig phor gnyis kyi rtse mo la rab tu gnas so/ /gal te yang ltag tshigs pa la 'gro bar byed na ni des bdag khro ba skye bar 'gyur ba 'am mi dga' bar yang byed do/ /mgul pa la sha skye bar dang mgul pa la yang grog ma bzhin du zhugs nas dbang phyug du yang byed do/ /gal te yang rang gi gnas na gnas par gyur na ni das nad de dag rnams 'byung bar mi 'gyur ro/ /des rab myos kyi srin la so sor brtags par gyur</font><hr>66.130b<br><font size=+1>

nas ro drug la shin du sred par gyur pa'i srin la so sor rtog par byed do/ /gzhan yang rnal 'byor spyod pa lus la lus kyi rjes su lta zhing gnas te skyes bu zhen par byed pa'i srin gyis rang bzhin du gnas pa 'am rang bzhin du mi gnas pa'i ci zhig byed pa yin na/ des thos pa las byung ba'i shes rab bam lha'i mig gis mthong bar gyur pa/ ro drug la zhen cing sred pa zhes bya ba'i srin rnams gang dag kho na la mngon par sred par gyur pa'i ro de dang de dag rnams kho na la bdag kyang dad par 'gyur ba yin no/ /ro gang dang gang gis rang bzhin la ro drug la mngon par sred pa'i srin rnams 'dod par mi 'gyur ba'i ro de dang de dag rnams la bdag kyang mngon par sred par mi 'gyur ro/ /yang gang gi tshe bdag tshad rims kyis btab par gyur na ni de'i tshe bdag gi srin ches snga bar tshad rims gyis zil gyis mnan par 'gyur ro/ /skyon de dag gis bdag zas snying du mi sdug pa nyid du 'gyur ro gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te g+hur g+hur ko zhes pa'i srin nga'i mig phor gnyis kyi 'og tu gyur pa na rab tu gnas pa yin zhing / des thos pa las byung ba'i shes rab bam lha'i mig gis mthong bar gyur pa gal te g+hur g+hur ka rab tu khros par gyur na/ des bdag gi mgo bo gang du gnas par bya ba byed do/ mig phor dang mgul par lhang kyog 'byung ba dang mgrin par 'thog pa dang rlung gis kyang bdag gi mgrin pa'i yul du lhigs par 'gyur ro/ /des bdag la 'chi ba tsam du sdug bsngal skyed par byed do/ / g+hur g+hur ka'i srin dang mgul pa ni gnas pa'i srin rnams thams cad lhan cig tu 'gal bar gyur pa de'i tshe na nad de dag rnams 'byung bar 'gyur ro/ /g+hur g+hur ka'i srin ni rtag tu mchil mas g.yogs par 'gyur ba dang srin 'di dag gi kha dang rkang pa</font><hr>66.131a<br><font size=+1>

thung bar gyur pa yin no/ / gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas pa na/ des thos pa las byung ba'i shes rab kyis sam lha'i mig gis des mthong bar gyur pa la/ ro la rab tu sdang ba zhes bya ba'i srin mgo bo'i mgul pa'i gzhi dang mig phor gnyis la rab tu gnas so/ /des bdag la rang bzhin du gnas pa 'am rang bzhin du mi gnas pa ci zhig byed pa yin na/ ro la rab tu sdang ba zhes byas pa'i srin ni ro gcig 'dod pa yin gyi ro lhag ma rnams la ni rab tu sdang ba yin no/ /de yang na mngar ba 'dod par gyur na ni ro lhag ma rnams la rab tu sdang bar 'gyur ro/ /de yang na skyur ba 'dod na ni ro lhag ma rnams la sdang bar 'gyur ba yin no/ /de yang na tsha ba 'dod par gyur na ni ro lhag ma rnams la rab tu sdang bar 'gyur ro/ /de yang na lan tshwa 'dod par gyur na ni ro lhag ma rnams la rab tu sdang bar 'gyur ro/ /de yang na kha ba 'dod par gyur na ni ro lhag ma rnams la rab tu sdang bar 'gyur ro/ /rab tu sdang bar gyur pa'i srin de ro rnams gang dang gang dag mngon par mi 'dod pa de dag rnams nyid nga yang mi 'dod pa yin no/ /ro rgyu ba zhes bya ba'i bdag gi lce'i rtse mo'i sbubs la ro snang ba'i rjes su mthun pas de 'byung ste/ bdag gi lce'i rtse mo skam par 'gyur ro/ /bdag gi lce yang de khros par gyur na 'brab gzer du byed pa dang lci bar 'gyur ro/ /mgul pa zil gyis gnon par gyur na ni ma khros pa yin no/ /khros par ma gyur na ni ji skad du bshad pa'i nad mi 'byung ngo / /gzhang yang rnal 'byor spyod pa nang gi bdag nyid kyi lus la lus kyi rjes su lta zhing gnas pa na/ des thos pa las byung ba'i shes rab bam lha'i mig gis mthong bar gyur pa ni/ nyal ba la dga' ba zhes bya ba'i nga'i srin ni phra bar gyur pa nyi zer gyi rdul gyi tshad tsam yin no/ /thams cad kyis ma zhugs pa gang yin pa'i</font><hr>66.131b<br><font size=+1>

rgyun rnams su de mngon par rgyug par byed pa yin te/ gnad dang lha ba'i gseb rnams dang sha'i gong bu'i gseb rnams dang mgo bo'i klad phor gyi gseb rnams dang 'gram pa'i rus pa'i gseb rnams dang so'i rtsa ba'i gseb rnams dang mgul pa'i gseb rnams dang mgrin pa'i sbu gu'i gseb rnams dang rna ba'i gseb rnams dang mig gi gseb rnams dang sna'i gseb rnams dang skra dang kha spu'i gseb rnams su rlung bzhin du rgyu bar byed do/ nyal ba la dga' ba'i srin de gang gi tshe nyin mo nad par 'gyur ba dang ngal bar yang 'gyur ro/ /de mtshan mo snying gi rtsa ba la kun du 'byor bar 'gyur ro/ /snying gi pad ma'i dbyibs de ni nyin mo 'byung ba yin no/ /mtshan mo ni 'khum par 'gyur te nyi ma'i 'od zer med pa'i phyir ro/ /de'i tshe na snying la kun du zhum par 'gyur ro/ /de la snying gi pad ma'i dbyibs 'khum par 'gyur ro/ /des kyang bdag sred pa med par 'gyur ro/ /dus gang gi tshe nyal ba la dga' ba'i srin mi brtson par gyur pa na dus de'i tshe/ rang gi yul rnams la dbang po rnams dub par gyur nas ngal so bar byed do/ /des srog chags de dag rnams thams cad gnyid du 'gyur ro/ /gal te yang nyin mo yang chad par 'gyur na'o/ /nyal ba la dga' bar 'gyur ba'i srin 'di yang dag pa ji lta ba bzhin so sor rtog cing gnas so/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas pa na/ des thos pa las byung ba'i shes rab dag gis sam lha'i mig gis mthong bar gyur pa la srin sbom po zhes bya ba nga'i lus la rab tu gnas pa yin te/ mgo bo dang mgrin pa'i yang khrag gi nang du rgyu bar byed pa dang tshil rnams kyi gseb du rgyu bar byed pa yin pas/ de gang dang gang la phra bar gyur nas nga'i khrag rnams 'thung bar byed pa na de dang de dag nyid rnams su lus skrang bar</font><hr>66.132a<br><font size=+1>

'gyur ba dang rko rlog du yang byed de/ nga'i kha'i tho yul lam skra'i tho yul lam ltag tshigs kyi yul lam yul gzhan rnams la yang rung ngo / /gal te yang rgyu bar mi byed na ni rgyus pa'i gseb du gnas par gyur cing / des ji skad du bshad pa'i nad de dang de dag rnams 'byung bar mi 'gyur ro/ /gang yang nA la ti'i grong gi bram ze dang khyim bdag 'di rnams nyid dang rnal 'byor spyod pa'i dge slong rnams kyang rung ste ji srid du lus la nye bar 'jug pa'i srin bu'i rigs su gyur pa rnams mgrin pa la 'jug pa rnams dang lce la zhugs pa rnams dang ltag tshigs la zhugs pa rnams dang ba spu'i khung bu dang bad kan la zhugs pa rnams dang rus pa la zhugs pa rnams dang khrag gi gseb du zhugs pa rnams dang rgyus pa'i gseb du zhugs pa rnams kyang yang dag pa ji lta ba bzhin du mthong ngo / /rnam par shes par 'gyur ro/ /lcer gtogs pa rnams ror gyur pa rnams la 'di 'dod chags dang bral bar 'gyur ro/ /'di'i ro la sred pa yang 'byung ba can gyi sred pa rnams rab tu 'joms par 'gyur ro/ /kun dga' bo 'di ni sred pa'i kun du sbyor ba bcings par gyur pa'i sems can rnams kyi ro'i rgya mtsho yin pas de dag rnams las 'di 'dod chags dang bral bar 'gyur ro/ /de 'dod chags dang bral bar gyur pas/ de zas su gyur pa'i sred pa dag gis mi 'ching ngo / /sbyin pa po dang sbyin bdag rnams kyi khyim dag rnams kyi khyim dag tu rgyu bar mi byed cing zhabs 'bring bar mi 'gyur ro/ /nor dang nye bar mkho ba rnams rab tu phal che ba ma yin no/ /nas sran gyi thug pa tsam gyi zas kyis kyang chog shes par 'gyur ro/ /rnyed pa dang bkur sti'i rgyus gzhan dag rnams la rab tu zhe sdang bar mi byed do/ /tshogs 'dus pa 'du bar byed pa la mngon par dga' ba ma yin no/ /rgyags pa'i gtsug</font><hr>66.132b<br><font size=+1>

lag khang dang kun dga' ra ba rnams ma yin no/ /lus rgyags pas rgyags par mi 'gyur ro/ /gzugs kyi rgyags pas rgyags pa yin no/ /gos kyis rgyags pa ma yin no/ /lhung bzed kyis rgyags pa ma yin no/ /chos gos kyis rgyags pa ma yin no/ /phyi bzhin 'brang ba'i dge slong yongs su 'dzin pas rgyags pa ma yin no/ /grong du 'jug pa'i rgyags pas ma yin no/ /nye 'brel la lta bas rgyags pa ma yin no/ gcig pur gyur pa dang 'dod pa la mi brkam pa dang rnyog pa med pa dang sdig pa rnams bcom par gyur pa ni dge sbyong gi yul la rab tu gnas pa yin no/ /mya ngan las 'das pa'i mtha' la rab tu gnas so/ /de'i phyir na ro'i rgya mtshos gang dag khrid par gyur pa de dag rnams dang gang dag ro'i rgya mtsho la mngon par sred par gyur pa rnams ni bdud kyi drung na rab tu gnas so/ /mya ngan las 'das pa las ring bar gyur nas gnas pa yin no/ /de'i phyir na lus la gnas pa'i srin rnams bsgoms par gyur nas ro rnams las rnal 'byor spyod pa 'dod chags dang 'bral lo/ /'dod chags dang bral ba des zas kyis kun du 'khrid pa ma yin no/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas nas/ rgyab la so sor rtog par byed pa na/ des thos pa las byung ba'i shes rab bam lha'i mig gis yang dag pa'i lta ba bzhin du mthong bar gyur pa/ rgyab du gyur pa'i rus pa rnams ni lnga bcu rtsa bzhi'o/ /brang gi ni bcu bzhi'o/ /'dus pa'i bcu gnyis so/ /logs gcig la ni bcu gnyis so/ /logs gcig la ji tsam pa gnyis pa yang de tsam kho na'o/ / thang ba yang ji tsam pa de tsam ste/ rus pa'i gong bu rnams slar yang rus pa'i phung po'i lus su byas nas nang gi bdag nyid kyi lus la lus kyi rjes su lta zhing gnas so/ /mgrin pa nas bzung</font><hr>66.133a<br><font size=+1>

nas ji srid 'phongs kyi bar du so sor rtog par byed de/ sha'i dum bu ji tsam cig yod pa yin na/ ngos cig la ji tsam pa gnyis pa la yang de tsam yin no/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ de dag rnams rgyus pa ji snyed cig sbrel ba yin na mgrin pa nas bzung nas ji srid 'jug ma'i bar du thos pa las byung ba'i shes rab bam lha'i mig gis mthong bar gyur pa/ bdag gi rgyus pas sbrel ba rnams ni mgrin pa nas bzung nas 'jug ma'i bar du ngos gcig la brgya/ ngos gzhan la yang brgya nyid yin te rgyus pa phra mo rnams ni ma gtogs so/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag gi tshil gyi tshad ji tsam zhig yin zhes mgrin pa la sogs mjug ma'i bar du/ des thos pa las byung ba'i shes rab bam lha'i mig gis mthong ba ni/ zas bsod pa'i dbang gis tshil rnams 'phel bar 'gyur ro/ /'grib pa yang ste bdag gi rnam pa thams cad byas pa la yang ma ga d+hA'i srang lnga yin no/ /gzhan yang rnal 'byor spyod pa lus la lus kyi rjes su lta zhing gnas pa na nga'i lus kyi chu'i tshad ni ci tsam yin zhes des thos pa las byung ba'i shes rab bam lha'i mig gis mthong bar gyur pa/ rang gi snyim pa'i tshad kyi nga'i chu ni snyim pa dag bcu yin no/ /de 'jim par gyur pa'i sgro ni ba spu'i khung bu rnams so/ /rngul du grags pa rnams ni lus kyi ba spu'i sgo nas 'byung ngo / /chu ser du grags pa rnams ni rma'i sgo nas so/ /mya ngan skyes pa'i dus na ni mig dag nas mchi ma 'byung bar 'gyur ro/ /sa gzhi la rgyu ba'i srog chags rnams nyams par 'gyur ro/ /de ni nga'i rlan gyis zas rnams yongs su smin par gyur pa'i khu ba rnams 'phel ba'i rdul phra rab gang dag 'byung ba yin no/ /gzhan yang rnal</font><hr>66.133b<br><font size=+1>

'byor spyod pa nang gi bdag nyid kyi lus la lus kyi rjes su lta zhing gnas te/ nga'i bshang ba'i tshad ni ci tsam yin na/ des thos pa las byung ba'i shes rab bam lha'i mig gis mthong bar gyur pa/ bdag nyid kyi snyim pa bdun ni bshang ba yin la/ drug ni bad kan yin no/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ nga'i 'khris pa dang gcin gyi tshad kyang ji tsam yin na/ des thos pa las byung ba'i shes rab bam lha'i mig gis mthong bar gyur pa/ mkhris pa ni snyim pa lnga yin la bzhi ni gcin yin te 'phel ba dang 'grib par 'gyur ba ni ma gtogs so/ /nad med pa dang nad kyis byas pa yang ma gtogs pa yin no/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ drod dang khu chu dang stobs kyi tshad ji tsam yin na/ des thos pa las byung ba'i shes rab bam lha'i mig gis mthong bar gyur pa/ drod ni snyim pa gnyis so/ /khu chu ni gcig go/ /stobs ni snyim pa gcig go/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te bdag gi rlung gi tshad ni ji tsam cig yin na des thos pa las byung ba'i shes rab bam lha'i mig gis mthong bar gyur pa/ chung ba'i tshad ni snyin pa gsum yin no/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ zos pa dang 'thungs pa dang 'chos pa dang myangs pa rnams yang dag par bde bar smin par gyur nas 'tsho bar byed pa'i rtsa rgyun bdag gi lus la ji tsam cig yod na/ des thos pa las byung ba'i shes rab bam lha'i mig gis mthong bar gyur pa/ rtsa'i rgyun bcu gsum mo/ /yur ba'i chu gang gis zhing rgyas par byed pa ji lta ba de bzhin du lus 'di nyid de dag rnams</font><hr>66.134a<br><font size=+1>

nyid kyis rgyas par byed do/ /'di lta ste srog rgyu ba'i rgyun dang mthar rgyu ba'i rgyun dang / chu rgyu ba'i rgyun dang rngul rgyu ba'i rgyun dang gcin rgyu ba'i rgyun dang rtug pa rgyu ba'i rgyun dang dngas ma rgyu ba'i rgyun dang khrag rgyu ba'i rgyun dang sha rgyu ba'i rgyun dang / tshil rgyu ba'i rgyun dang rus pa rgyu ba'i rgyun dang lha ba rgyu ba'i rgyun dang khu chu rgyu ba'i rgyun no/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ rtsa'i rgyun de dag rnams kyis gzhi ci las lus kyi khams gang dag rgyas par byed cing / srin rnams kyang bdag gi lus kyi yul phyogs dang yul phyogs rnams la kun du rgyu ba rnams kyis kyang 'gal ba 'am 'tsho bar byed pa yin zhe na/ des thos pa las byung ba'i shes rab bam lha'i mig gis mthong bar 'gyur ba/ srog rgyu ba'i rgyun rnams kyis ni snying gi gzhi las so/ /mthar rgyu ba'i rgyun rnams kyis ni rtsib logs kyi gzhi las so/ /chu rgyu ba'i rgyun rnams kyis ni long ka dang glo ba dang bad kan rnams kyi gzhi las so/ /rngul rgyu ba'i rgyun rnams kyis ni spu'i khung bu rnams dang tshil gyi gzhi las so/ /gcin rgyu ba'i rgyun rnams kyis ni lgang pag dang pho mtshan gyi gzhi las so/ /rtug pa rgyu ba'i rgyun rnams kyis ni pho ba dang tshil khra dang gzhang rnams kyi gzhi las so/ /bdag gi dngas ma rgyu ba'i rgyun rnams kyis ni 'jing pa'i rtsa bcu dang mchin pa dang snying rnams kyi gzhi las so/ /khrag rgyu ba'i rgyun rnams kyis ni bdag gi mcher pa dang mchin pa'i gzhi las so/ /sha rgyu ba'i rgyun rnams kyis ni lpags pa dang chu rgyus kyi gzhi las so/ /tshil rgyu ba'i rgyun rnams kyis ni mkhal ma dang zhag rnams kyi gzhi las te/ gzhug rus kyi gzhi las dang bdag gi rus pa rgyu ba'i rgyun rnams kyi gzhi las ni logs dang</font><hr>66.134b<br><font size=+1>

zas kyi gnas dang po dang glo ba rnams las yin la/ lha ba dang khu chu rgyu ba'i rgyun dag gis ni mtshams thams cad dang rus pa rnams kyi gzhi las so/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag gi srin gang dag gis gzhug ma'i yul phyogs nas bzung ba'i thams cad du yang rtsa'i rgyun gang dag la rang bzhin du gnas pa 'am rang bzhin du mi gnas pa'i ci dag byed par 'gyur na/ des thos pa las byung ba'i shes rab kyis sam lha'i mig gis mthong bar gyur pa/ mngal nas skyes par gyur pa'i srin bcu dag gis bdag gi mcher pa dang mchin pa dag gi gnas su song bar gyur nas nad rnams skyed par byed do/ /'di lta ste srin spu za ba dang 'bigs byed dang dzan tu mA d+ha raHdang o'u dum ba raHdang kun du 'dzim pa dang spu'i gling dang khrag la rab tu khro ba dang khrag za ba dang rab rab byed pa am bya kas rnams so/ /srin bu 'di dag rnams ni rkang pa med pa dang rang dgar 'jug pa dang rdul phra rab tsam gyi dbyibs dang shin du phra bar gyur pa dang mig med pa dang za 'phrug gi mtshan nyid dang nad kyi mtshan nyid can yin no/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas pas/ nga'i srin re res kyang las re re byed par 'gyur ba rnams/ des thos pa las byung ba'i shes rab bam lha'i mig gis mthong bar 'gyur ba/ spu za ba zhes bya ba'i srin rab tu khros par gyur na smin ma dang mig gnyis kyi 'am kha spu dang ba spu la sogs pa rnams za bar byed do/ /de'i skyon gyis mdzer 'gyur ro/ /de la 'dir 'bigs byed ces bya ba'i srin rab tu khros par gyur na/ de khrag rgyu ba'i rgyun du song nas lus thams cad 'khrug par byed do/ /'dzan du mA ta ro zhes bya ba'i srin des ni khrag rgyu ba'i rgyun rnams dri ngan par skyed par byed/ kha dang sna bug</font><hr>66.135a<br><font size=+1>

gnyis su o'u dum 'bar zhes bya ba'i srin gyis te/ de ni khrag gi srin yin pas de khrag la rab tu 'khro zhing rnam par sdang bas 'brum bu phra mo dang skel phol tu byed do/ /kun du 'jim byed ces bya ba'i srin de ni khrag gi rgyun du rab tu khros par gyur na mchin pa dang khrag dang mkhris pa skyed do/ /spu'i gling zhes bya ba'i srin de khrag gi rgyun du song bar gyur nas shin du khros pas nad 'di dag rnams phul du byed do/ /'di lta ste g.yan pa dang mig ser dang 'brum bu dang mo d+yA lang rnams so/ /khrag la rab tu khro ba zhes bya ba'i srin de khrag gi rgyun du song bar gyur nas nad 'di dag rnams byed do/ /'di lta ste mdzer gyur pa dang 'dod chags kyi nad gzhan yang bud med la yang khrag gis g.ya' bar grags pa dang khe ma rnams so/ /khrag za ba zhes bya ba'i srin de khrag gi nad 'di dag rnams byed do/ /'di lta ste/ mgo 'khor ba dang ske 'khrul ba dang gzhang smin par byed pa'o/ /rab rab byed pa zhes bya ba'i srin de khrag gi rgyun gyi gseb du song bar gyur nas nad 'di rnams byed do/ /'di lta ste/ ngal ba dang rengs pa dang rgyun drag tu 'byung ba dang ka mi bde ba rnams so/ /gang yang de dag rnams ni khrag la rab tu gnas pa'i srin 'khor dang bcas pa rnams thams cad kyis yin no/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ srin gyi rigs bcu ni sha la gnas pa yin no/ /'di lta ste rmas kun nas slong ba dang tsun tsu ra kaH dang rgyus pa sgul ba dang rtsa sgul ba dang lpags pa za bar byed pa dang drod sgul ba dang 'phel byed dang dri ngan pa dang rngul la rgyu ba dang rnam par sreg byed rnams so/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ nga'i sha la gnas pa'i srin gang dag gis rang bzhin du gnas pa 'am rang bzhin du mi gnas</font><hr>66.135b<br><font size=+1>

pa ci byed pa yin na/ des thos pa las byung ba'i shes rab bam lha'i mig gis mthong bar 'gyur ba/ nga'i srin rmas kun nas bslang ba zhes bya ba ni yul phyogs gang du rma kun tu 'byung bar 'gyur ba de'i yul phyogs su rmas kun nas bslang bar gyur pa'i srin 'khor mang por gyur nas rma rnams za bar byed pa dang za 'phrug dang rma dag kyang bdag la skyed do/ /tsun tsu ra kas zhes bya ba'i nga'i srin gyis kyang rang bzhin du gnas pa 'am rang bzhin du mi gnas pa ci byed pa yin na/ des thos pa las byung ba'i shes rab dag gis sam/ lha'i mig gis mthong bar gyur pa/ tsun tsu ko'i bdag gi srin gal te ltogs par gyur na/ des gnad rnams dang bshang ba dag kyang rab tu 'byed par byed do/ /des mnyam par shin du 'khru bar 'gyur ro/ /nga'i me drod nyams par byed do/ /des bdag gi kha skams par 'gyur ro/ /bdag gi lus rnyings par 'gyur ba dang gzer zug dag 'byung bar byed do/ /bdag gi bshang ba dang chu 'dres par byed de/ nyin mo dang mtshan mor yang gnyid 'byung bar mi 'gyur ro/ /srin tsun tsu ra kas ni rtag tu yang bdag gi smin ma'i gnas su bshang ba tshal bar byed do/ /de bdag gi rtug pa'i gter la brten nas rlung dang rngul dang gcin dang bad kan rnams dang lhan cig 'grogs par gyur pa'i shin du 'khru bar byed do/ /des bdag gi dang ka mi bde ba skyed par 'gyur zhing lkug par yang byed do/ /gal te mya ngan byed par gyur na des nga'i srin tsun tsu ra kaHshin du dga' bar 'gyur ro/ /de shin du yang bdag la stobs dang ldan par 'gyur zhing / mnyam zhing shin du rgya che bar khrag tu gyur pa'i rtsa rnams sun 'byin par byed do/ /des nga shin du yang 'khru bar 'gyur ro/ /bad kan be'u snabs shin du 'khrus pas rlung lhag par 'gyur ro/ /tsun tsu ra ka'i srin la</font><hr>66.136a<br><font size=+1>

so sor brtags pas yang dag pa ji lta ba bzhin du lus rab tu shes so/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas pa na/ des thos pa las byung ba'i shes rab dag gis sam lha'i mig gis mthong bar gyur pa/ nga'i srin rgyus pa sgul ba zhes bya ba rtag tu rgyus pa sbom pa 'am phra ba rnams kyi yang gseb du rgyu bar byed do/ /de bdag la khros par gyur na des nga'i rgyus pa rnams na bar 'gyur ro/ /gal te ltogs par ma gyur na ni des nga'i rgyus par gyur pa rnams na bar mi 'gyur ro/ /bdag gi rgyus pas sbrel bar gyur pa'i rus pa'i sgal tshigs rnams thams cad ma lus pa nas thug du mthong bar gyur pas des bdag gi lus la rgyus pa las gyur pa'i tshor ba rnams skyed par byed do/ /ngas zas dang bral bar gyur pas gal te na nga ltogs par gyur na/ de bdag gi rgyus pa la gnas pa'i khrag rnams 'thung bar byed do/ /des nga'i rtsol ba rab tu nyams par 'gyur ro/ /gal te sha za bar byed na des bad kan smug po nga la skyed do/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas pa/ des thos pa las byung ba'i shes rab bam lha'i mig gis mthong bar gyur pa/ rtsa sgul ba zhes bya ba'i srin de nga'i rtsa kun thams cad kyi mthar rgyu zhing gseb du rgyu bar byed pa phra bar gyur pas shin du thogs pa med par 'gro ba yin no/ /de gal te nga'i zas rnams kyi stobs kyis rtsa rnams 'joms par byed do/ /des bdag gi lus po kun du skam par 'gyur ba 'am yi ka mi bde ba 'byung bar 'gyur ro/ /gal te yang chu rgyu ba'i rtsa rnams la gnod pa byed par gyur na/ des nga'i rkan skams par 'gyur ro/ /gal te yang rngul rgyu ba'i rtsa rnams la gnod pa byed par gyur na des kyang nga'i ba spu'i khung bu rnams nas</font><hr>66.136b<br><font size=+1>

rngul kun du 'byung bar 'gyur ro/ /yang gal te chu ngan rgyu ba'i rtsa rnams kyi gseb du song bar gyur nas sun 'byin par byed na gcin sdom par 'gyur ro/ /khu chu sun 'don par byed na yang shin du sdug bsngal mi zad par 'gyur ro/ /gal te yang rtug pa rgyu ba'i rtsa rnams kyi nang dag tu rgyu bar byed cing khros par gyur na ni des bdag gi rtug pa'i gnas rnams sdom pas 'chi ba tsam gyi sdug bsngal byed do/ /rtsa sgul bar byed pa'i srin de la so sor brtags par gyur na yang dag pa ji lta ba bzhin du so sor shes so/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas pa na/ des thos pa las byung ba'i shes rab kyis sam lha'i mig gis mthong bar gyur pa/ pags pa bskyod par byed pa zhes bya ba'i srin pags pa drug gi gseb na gnas pa rnams gal te nga'i zas kyi skyon gyis khros par gyur na ni/ des bdag gi pags pa rnams kha dog ngan par 'gyur ro/ /rtsub par 'gyur ba 'am g.yan pa 'am pags pa rnams dmar ba nyid dam skya ba nyid dam sngo ba nyid dam rdol bar 'gyur ba 'am sen mo dang skra dang kha spu dang ba spu rnams dang skyi rnams nyil bar 'gyur ro/ /'brum bu thug thug po 'am mdzer 'gyur ba 'am pags pa dang sha dang drod bye bral du 'gyur ro/ /des pags pa skyod par byed pa'i srin rnams la so sor brtags par gyur pas kyang lus la yang dag pa ji lta ba bzhin du so sor rtog par byed do/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas par gyur pa na/ des thos pa las byung ba'i shes rab bam lha'i mig gis mthong ba ni/ tshil rgyu bar gyur pa'i rgyun rnams kyi gseb na gnas pa'i tshil sgul zhes bya ba'i srin bdag gi lus la gnas par gyur pa des mthong bar gyur to/ /</font><hr>66.137a<br><font size=+1>

yang da gal te na nyal ba'i skyon gyis sam zas kyi skyon gyis kyang rung ste rab tu 'khrugs par gyur pa skyes na/ des nga la 'khru skyug gam 'brum bu 'am skya bor snang ba 'am thig le'i rigs su gyur pa rnams skyed par byed do/ /ske la lba bar gyur pa 'am rgyus pa yang rul ba dang stobs zad pa dang lus rjud pa dang bdag zas za bar byed par gyur na rtag tu rngul ba nyid du yang byed do/ /tshil sgul bar byed pa'i srin de la so sor brtags par gyur pas kyang lus yang dag pa ji lta ba bzhin du rab tu rig go/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas pa na/ des thos pa las byung ba'i shes rab bam lha'i mig gis mthong bar gyur pa/ 'phel byed ces bya ba'i srin lus la rab tu gnas pa yin la/ des bdag la rang bzhin du gnas pa 'am rang bzhin du mi gnas par gyur pa ci dag byed pa yang / des thos pa las byung ba'i shes rab kyis sam lha'i mig gis mthong ba ni/ nga'i srin 'phel byed rnam pa gnyis kyis lus la nye bar longs spyod par byed de zin pa dang ma zin pa'o/ /de la zin pa yang lus phyed drod dang khrag dang sha dang rus pa dang lha ba dang mkhris pa dang khu chu'o/ /ma zin pa yang ji ltar lus la skra dang ba spu dang se mo dang kha spu dang so rnams so/ /nye bar 'phel byed kyi srin des kyang bdag gi lus la rnam pa gnyis su 'phel bar byed pa yin te/ gal te yang nga'i zas kyi skyon gyis 'phel byed kyi srin rnams rab tu rgyas par ma gyur na ni des nga spro ba dang rnam par bral bar 'gyur ro/ /'gro ba dang 'ong ba la yang bdag bde bar gnas par 'gyur ro/ /myur zhing brtad par gnyid kyi rgyun 'byung bar 'gyur ro/ /de las kyang bdag gi stobs rab tu 'phel bar 'gyur te/ bdag gi lpags pa dang khrag dang tshil dang lha ba dang rus pa dang khu chu dang stobs rnams skye bar 'gyur ro/ /</font><hr>66.137b<br><font size=+1>

des 'phel byed kyi srin la so sor brtags pas kyang lus yang dag pa ji lta ba bzhin du rig go/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas pa na/ des thos pa las byung ba'i shes rab bam lha'i mig gis mthong bar gyur pa/ nga'i srin dri ngan pa zhes bya ba sha dang bshang ba dang gcin gyi gseb na gnas pa yin la/ gal te zas kyi skyon gyis khros par gyur na nga'i zas de dag gi skyon gyis des phyi sa dang gcin dang mchil ma dang snabs rnams dri mi zhim par 'gyur ro/ /sna'i rnag dang mig gi rnag dag kyang 'byung ngo / /srin rnams dang lhan cig kun du tshogs par 'gyur ba de dang de dag rnams kyang srin gyis dri ngan pa rnams su skyed par byed do/ /gang yang gos sam mal cha dang nam zas kyi rigs su gyur pa rnams kyang rung ste so'i gseb du song bar gyur na/ de dag rnams srin de yis dri ngan pa dang ches dri ngan par 'gyur bar byed do/ /mtshan mo nyal bar gyur pa'i skyon gyis kyang lce'i dri ma de shin du dri mi zhim par 'gyur ro/ /lce'i dri ma rnams shin du skya bar 'gyur ba dang lus dri ngan pa dang dri ma can du yang 'gyur ro/ /des yang dag pa ji lta ba bzhin du dri ngan pa'i srin de la so sor brtags par gyur pas kyang lus yang dag pa ji lta ba bzhin du so sor rab tu rig par 'gyur ro/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas pa na/ des thos pa las byung ba'i shes rab kyis sam lha'i mig gis mthong bar gyur pa/ rngul la rgyu ba zhes bya ba'i srin gshul sha'i gseb na rgyu ba yin te/ de gal te nga'i zas zhu bar gyur na/ des bdag gi rus shing gi yul phyogs kyi rus pa gsum gyi bu gu gang yin par nga'i bshang ba drangs nas 'phongs kyi mdor 'jug go/ /rus pa gzhan gsum gyi bu gu rlan par byas shing bdag gi chu ngan gyis rlan par byas nas rtug</font><hr>66.138a<br><font size=+1>

pa'i dbyibs chen po rnams an tong rus pa'i yul phyogs su byas nas nga'i gcin 'byung bar 'gyur ro/ /des rngul la rgyu ba'i srin la rab tu brtags par gyur pas kyang yang dag pa ji lta ba bzhin du lus rab tu rid par 'gyur ro/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas pa na/ des thos pa las byung ba'i shes rab bam lha'i mig gis mthong bar gyur pa/ srin gyi rigs bcu dag gi mkhris pa la gnas pa de las skyes par gyur pa/ lus thams cad kyi rjes su 'jug par byed pa rnams ni 'di lta ste/ tsu ru baH dang sgul byed dang rdzas kyis rgyas pa dang chen po'i rigs dang nag pa pa dang / zas chen po dang dro ba la rgyu ba dang rnam par sreg byed dang me drod nyams par byed pa dang me chen po dang ste/ srin gyi rigs bcu po de dag rnams ni mkhris pa la rgyu ba dang de las skyes par gyur pa lus thams cad kyi rjes su 'jug pa rnams yin no/ /bdag gi srin gang dag gis nga'i lus la rang bzhin du gnas pa 'am rang bzhin du mi gnas pa ci byed par 'gyur na/ des thos pa las byung ba'i shes rab bam lha'i mig gis mthong ba la/ tsu ra ba zhes bya ba'i srin lus la rab tu gnas so/ /de gal te bdag gi zas kyi skyon gyis khro ba kun nas skyes par gyur na/ des nga'i mig gnyis kyi rdzi ma dag za bar 'gyur ro/ /des nga la 'brum bu dang g.yan pa dag skye bar 'gyur ro/ /gal te rdzi ma gzhan rnams la za bar 'gro na mig las gyur pa'i mchi ma rab tu phal che ba yang rab tu 'byung ngo / /gal te mig la rgyu bar gyur na des bdag gi mig la nad drag po rnams skyed par byed de/ mthong ba rnams par nyams pa 'am mig nye bar sdom par yang 'gyur ro/ /de bdag gi mig gi nang na rgyu zhing sha'i gong bur gyur pa'i mig gi tha</font><hr>66.138b<br><font size=+1>

snyed du byas pa la 'gal bar byas nas/ mig la gnas pa'i nur nur po la gnas par byed do/ /des nga'i mig 'bras su gtogs pa'i g.yogs ma dang dmar por snang ba yang skyed par byed do/ /srin 'dis ni rtag par rgyun du nad chen po rnams byed do/ /des tsu ra bI srin yang dag pa ji lta ba bzhin so sor brtags par gyur pas kyang yang dag pa ji lta ba bzhin lus so sor rig par byed do/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas pa na/ des thos pa las byung ba'i shes rab dag gis sam lha'i mig gis mthong bar gyur pa/ sgul byed zhes bya ba'i srin lus la gnas te/ mkhris pa'i nang na rgyu ba dang lus thams cad la yang thogs pa med par 'gro bar byed pa dang / mkhris pa nyid kyis lus g.yogs pa yin no/ /des gang gis kho bo'i rus pa bsregs par gyur pa shar gtogs pa yang shin du tsha bar 'gyur ba 'am/ bdag gi yan lag rnams kyang dron mor 'gyur ro/ /bdag gi lag pa dang rkang pa gnyis kyang shin du rnam par bsregs par gyur pa ni nyin mo dang mtshan mo yang rab tu zhi bar mi 'gyur ro/ /gal te pags pa la 'gro bar gyur na bdag la rngul 'byung bar 'gyur ro/ /des sgul byed kyi srin la so sor brtags par gyur pas kyang yang dag pa ji lta ba bzhin du lus rab tu shes so/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas pa na/ des thos pa las byung ba'i shes rab dag gis sam/ lha'i mig gis mthong bar gyur pa/ bdag gi srin rdzas kyis rgyas pa zhes bya ba mkhris pa'i nang na rgyu bar gyur pa mchu shin du rno ba rkang pa thung ba me'i lto dang nad chen por gyur pa'o/ /de gal te shed na lus kyi yul phyogs gzhan na gnas par gyur na/ nga'i zas kyi skyon gyis ltogs</font><hr>66.139a<br><font size=+1>

par gyur nas/ yul phyogs de dang de dag tu lus sreg par 'gyur ro/ /khrag 'grim par 'gyur ro/ /khrag skyug par 'gyur ba dang bdag gi lus thams cad kyang rang bzhin du mi gnas par me bzhin du sreg par byed do/ /bdag gi lus kyi pags pa rnams thams cad me'i yul du 'gyur zhing rkang pa dag la yang 'brum bu'i thig le dang lus rnams me dang mtshungs par skyed do/ /rdzas kyis rgyas pa'i srin la so sor brtags par gyur pas kyang yang dag pa ji lta bur lus so sor rig par 'gyur ro/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas pa na/ de'i thos pa las byung ba'i shes rab kyis sam lha'i mig gis mthong bar gyur pa/ rigs chen po zhes bya ba'i srin lus kyi nang na rgyu bar gyur pa mkhris pa'i gseb na rgyu ba yin no/ /de gal te nga'i zas kyi skyon kyis khro ba skyes par gyur na/ des nga rang bzhin du gnas pa 'am rang bzhin du mi gnas pa ci zhig byed pa yin na/ des thos pa las byung ba'i shes rab kyis sam lha'i mig gis mthong bar gyur pa/ rigs chen po'i srin ni nga'i lus kyi nang na rgyu bar gyur pas mgo nas bzung nas ji srid du rkang pa'i bar du thogs pa med par 'gro ba yin te/ de bdag la khros nas lus thams cad la khrag mkhris kyi 'brum thug byed pa dang / 'dis mkhris pa dang khrag dag gis rna ba dang sna bug gi nang dag nas khrag mkhris 'jag par byed pas 'chi ba'i gnas skabs dang 'dra bar byed do/ /sngon por byed cing mig ser du yang byed do/ /des kha kha bar yang byed do/ des rigs chen po'i srin la so sor brtags par gyur pas kyang yang dag pa ji lta ba bzhin du lus so sor rig par 'gyur ro/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas</font><hr>66.139b<br><font size=+1>

pa na/ des thos pa las byung ba'i shes rab kyis sam lha'i mig gis mthong bar gyur pa/ nag pa pa zhes bya ba'i srin mkhris pa skyon can rnams drangs nas lus la kun tu rgyu bar byed do/ /de gal te bdag gi zas kyi skyon gyis khro ba skyes par gyur nas lus kun la snyoms par til 'dra ba'i thig le nag po rnams byed pa dang / sha 'brum par byed pa 'am lus la yang nag po dang ser por 'gyur ba 'am/ dmar po'i dri rlung dang rlung dag dang mtshungs par 'jug par byed pa 'am bdag gi mkhris pa 'am gzhang 'joms par 'gyur ro/ /des nag po'i srin so sor brtags par gyur pas kyang yang dag pa ji lta ba bzhin lus rab tu shes so/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas pa na/ des thos pa las byung ba'i shes rab kyis sam lha'i mig gis mthong bar gyur pa/ zas chen po zhes bya ba'i srin lus la gnas te des lus rang bzhin du gnas pa 'am rang bzhin du mi gnas pa ci byed pa yin na/ des thos pa las byung ba'i shes rab kyis sam lha'i mig gis mthong ba ni zas chen po zhes bya ba'i srin zas kyi skyon gyis gal te khros par gyur na de nga'i mkhris pa'i nang na gnas pas zas zos pa dang de ltar tsha ba skyed par byed do/ /de chen por gyur pas bdag gi lus rlan par 'gyur zhing zhim par gyur nas yan lag dang nying lag rnams thams cad dang mig dang rna ba dang sna dang bdag gi lce'i dbang po rnams kyang nyams par 'gyur ro/ /rang dang rang gi yul rnams la yang lta bar mi nus par 'gyur ba dang / zas kyi skyon gyis bdag gi dbang po lnga po rnams lam ngan pa la rab tu gnas par yang 'gyur ro/ /des zas chen po'i srin la so sor brtags par gyur pas kyang yang dag pa ji lta ba bzhin du lus so sor</font><hr>66.140a<br><font size=+1>

rig par 'gyur ro/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas pa na/ des thos pa las byung ba'i shes rab dag gis sam lha'i mig gis mthong bar gyur pa/ dro ba las rgyu ba zhes bya ba'i srin ni rtag tu zas dro ba la dga' bar gyur pa/ zas grang ba rnams la rab tu sdang ba yin no/ /des bdag la rang bzhin du gnas pa 'am rang bzhin du mi gnas pa ci byed pa yin na/ des thos pa las byung ba'i shes rab kyis sam lha'i mig gis mthong bar gyur pa/ gal te bdag zas su gyur pa dag gam bza' ba dang btung ba dang bca' ba dang myang ba yang rung ste grang mo dag za bar gyur na de nga la khros par gyur nas nga'i kha la ldag par byed pa 'am/ lus rlan pa 'am lci ba 'am nyam chung ba 'am 'gag pa 'am snying la yang ldag pa 'am lus thams cad kyi skyon du gyur pa ste/ des lud pa dmar por byed pa 'am mgrin pa la ldag par yang byed do/ /des dro ba las rgyu ba'i srin la so sor brtags par gyur pas kyang yang dag pa ji lta ba bzhin du lus la so sor brtags pa yin no/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas pa na/ des thos pa las byung ba'i shes rab kyis sam lha'i mig gis mthong bar gyur pa/ rnam par sreg byed ces bya ba'i srin lus kyi mkhris pa'i gnas la rab tu gnas pa yin la/ des nga la rang bzhin du gnas pa 'am rang bzhin du mi gnas pa ci byed pa yin na/ des thos pa las byung ba'i shes rab kyis sam lha'i mig gis mthong bar gyur pa sreg byed kyi srin bdag gi lus la gnas pa las/ gal te ngas zas lci mo gang dag zos par gyur na nga'i zas de dag gi skyon gyis rnams bsreg byed kyi srin gyis mes sreg par byed do/ /stobs lhag pa nyid dang rtse</font><hr>66.140b<br><font size=+1>

'u chung la gnod par 'gyur ba dang zas kyi kham shin du che bas mgrin par mthog par yang 'gyur ro/ /bdag gi bshang ba yang skya bor 'gyur zhing chu ngan yang ji lta bar te/ bdag grang ba la dga' ba nyid du yang mi 'gyur ro/ /zas mngar mo rnams la 'dor bar yang mi 'gyur ro/ /des rnam par sreg byed kyi srin la so sor brtags par gyur pas kyang yang dag pa ji lta ba bzhin du lus rab tu shes so/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas pa ni/ des thos pa las byung ba'i shes rab kyis sam lha'i mig gis mthong bar gyur pa/ me drod nyams par byed pa zhes bya'i srin nga'i lus la mkhris pa dang lhan cig skyes nas gnas te/ de la dga' ba dang de grang ba'i dus na ni dga' bar 'gyur ro/ /dro ba'i dus na ni rgud par 'gyur ro/ /grang ba'i dus na yang rab tu dga' bar gyur nas bdag zas 'dod par byed do/ /dro ba'i dus na ni me drod nyams par byed do/ /grang ba'i dus na yang nga'i mkhris pa legs par sgrub par byed cing dro ba'i dus na ni/ sun 'don pa yin no/ /de'i skyon gyis ni me drod nyams par byed do/ /des me drod nyams par byed pa'i srin la so sor brtags par gyur pas kyang yang dag pa ji lta ba bzhin du lus so sor rig par byed do/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas pa na/ des thos pa las byung ba'i shes rab kyis sam lha'i mig gis mthong bar gyur pa me chen po zhes bya ba'i srin lus la gnas te/ des nga la rang bzhin du gnas pa 'am rang bzhin du mi gnas pa ci byed pa yin na/ des thos pa las byung ba'i shes rab kyis sam lha'i mig gis mthong bar gyur pa ni/ </font><hr>66.141a<br><font size=+1>

nga'i srin me chen po zhes bya ba ni zas 'gal ba zos pa rnams thams cad 'dod par 'gyur ro/ /gal te yang rang ltogs par gyur na ni/ des nga'i lus kyi gseb du gyur pa'i srin rnams za bar byed do/ /srin de'i skyon gyis bdag la 'dir lhang kyog 'byung bar 'gyur ro/ /rgyab du gzer bar 'gyur ba 'am lag pa la zug zer yang rung ste/ yul phyogs gang du srin rnams za bar byed pa'i yul phyogs de dang de dag rnams su gzer zug skye bar 'gyur ro/ /des mkhris pa la gnas pa'i srin la so sor brtags par gyur pas kyang yang dag pa ji lta ba bzhin du lus rab tu rid par 'gyur ro/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas pa na/ des thos pa las byung ba'i shes rab kyis sam lha'i mig gis mthong bar gyur pa/ rus pa las gyur pa'i dang tshil la gnas pa'i srin gyi rigs 'di lta ste/ rus pa la ldag pa dang shin du 'brud byed dang tshigs pa gcod cing rgyu ba dang dri mi zhim pa dang rus pa'i rnag gi rigs dang kha dmar ba dang myang bar byed pa dang lpags pa za ba dang grog ma dang spu gri'i kha dang rnams so/ /de la nga'i rus pa las gyur pa'i srin rnams kyis rang bzhin du gnas pa 'am rang bzhin du mi gnas pa ci byed pa yin na/ des thos pa las byung ba'i shes rab bam lha'i mig gis mthong bar gyur pa/ rus pa la ldag par byed pa zhes bya ba'i srin ni phyi rol gyi rus pa'i rkang rnams la rab tu gnas so/ /'di lta ste dpung pa'i rkang la gnas pa dang / brla'i rkang la gnas pa dang rgyab kyi sgal ba la gnas pa rnams yin te/ rus pa rnams thams cad kyi yang gnad rnams kyi gseb na rgyu ba yin no/ /gal te yang de zas kyi skyon rnams kyis khro ba skyes par gyur na des nga'i rus par gyur</font><hr>66.141b<br><font size=+1>

pa'i lhang kyog rnams dang lus kyi mdog dang reg pa yang ngan par byed do/ /rus pa rnams sam sha rnams kyang rung ste rus pas bsdus pa rnams za bar byed do/ /des nga'i rus pa las gyur pa'i tshor ba chen po mchog tu mi bzad pa rnams bskyed do/ /gal te yang de ltogs par ma gyur na ni de ji skad du bshad pa'i nga'i tshor ba rnams dang 'bral bar 'gyur ro/ / rus pa la ldag par byed pa zhes bya ba'i srin la so sor brtags par gyur pas kyang yang dag pa ji lta ba bzhin du lus rab tu rig par byed do/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas pa na/ des thos pa las byung ba'i shes rab bam lha'i mig gis mthong bar gyur pa/ shin du 'drud byed ces bya ba'i srin rus pa rnams thams cad la gnas pa yin no/ /des gal te shin du rus pa drud par byed na ni/ des bdag gi khams rnams thams cad skam po trog trog du 'gyur ro/ /tshad pa dang skad 'gag pa dang bshang ba 'khru bar byed do/ /de rnams bdag la med na tsib logs kyi nad dang skyug pa dang yi ga mi bde bar 'gyur ro/ /gal te rus pa'i tshigs su gyur pa rnams thams cad kyi yang rus pa rnams mi 'drud na ni/ ji skad du bshad par gyur pa'i nad rnams nga la 'byung bar 'gyur ba ma yin no/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas pa na/ des thos pa las byung ba'i shes rab kyis sam lha'i mig gis mthong bar gyur pa/ tshigs pa gcod cing rgyu ba zhes bya ba'i srin lus la gnas pa yin no/ /des rang bzhin du gnas pa 'am rang bzhin du mi gnas pa ci byed pa yin pa yang / des thos pa las byung ba'i shes rab kyis sam lha'i mig gis mthong bar gyur pa ni/ tshigs gcod cing rgyu ba zhes bya ba'i srin ni gal te yang zas kyi skyon gyis ltogs par gyur na bdag gi</font><hr>66.142a<br><font size=+1>

lag pa 'khum par byed do/ /lus kyi yan lag rnams 'brul bar 'gyur ba 'am snying gi nad du gyur pa 'am grong khyer gnas pa rnams kyang stongs par mthong bar 'gyur ro/ /snabs kyang 'khrug par 'gyur ro/ /rtag tu yang yi mug pa dang reg bya dang gzugs rnams la blo kun du dga' bar mi 'gyur ro/ /de ci'i phyir zhe na/ tshor ba rab tu stobs dang ldan pa'i phyir ro/ /de tshigs pa gcod byed kyi srin la so sor brtags par gyur pas kyang yang dag pa ji lta ba bzhin du lus rab tu rig par byed do/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas pa na/ des thos pa las byung ba'i shes rab kyis sam mig gis mthong bar gyur pa/ dri ngan pa zhes bya ba'i srin lus la gnas pa yin te/ des rang bzhin du gnas pa 'am rang bzhin du mi gnas pa ci zhig byed pa yin na/ des thos pa las byung ba'i shes rab kyis sam lha'i mig gis mthong ba las/ dri ngan pa zhes bya ba'i srin gal te yang zas kyi skyon gyis khro ba skyes par gyur na/ des bdag la rnam par sreg pa dang lci ba dang lus rmar gyur pa myur du sos pa rnams kyang ring zhig 'gor ba dang sha bkra yang bdag gi lus kyi dkyil 'khor la 'byung bar 'gyur ro/ /skya bor gyur pa yang lus la rgya chen por 'gyur ro/ /thams cad du ma byung bar 'gyur na nyal ba ji lta ba bzhin du lus 'gyur ro/ /mdze yang bdag la 'byung ngo / /rnag gi dngos por gyur pa bdag gis lus rnams thams cad la rgyas par 'gyur ro/ /de'i nad de dag rnams rab tu zhi bar mi 'gyur ro/ /des dri ngan pa'i srin la so sor brtags par gyur pas kyang lus yang dag pa ji lta ba bzhin du rab tu rig par byed do/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas pa na/ des thos pa las byung ba'i shes rab kyis sam lha'i mig gis mthong bar gyur pa/ </font><hr>66.142b<br><font size=+1>

rus pa'i rnag gi rigs kyi srin rnams bdag gi lus la gnas pa yin te/ des bdag la rang bzhin du gnas pa 'am rang bzhin du mi gnas pa ci byed pa yin na/ des thos pa las byung ba'i shes rab dag gis sam lha'i mig gis mthong ba ni/ bdag gi srin rus pa'i rnag gi rigs rnams gal te zas kyi skyon gyis khros pa skyes par gyur na/ de gal te lo 'am lo gnyis sam lo mang po na yang rung bdag byis par gyur pa tsam na yang rung ste lus la gal te brgyab cing bsnun pa rab tu zhi zhing sngon sos par gyur pa las de dag bdag gis srin de khros nas slar yang snying la rgyu bar byed de/ ji srid du rgas par gyur gyi bar du yang khros pa skye bar 'gyur ro/ /rus pa'i rnag gi rigs kyi srin 'di ni shing pa la k+Sho dang dub pa ra'i 'bras bu dang 'dra ba'i thig le dri mi zhim pa skyed par byed do/ /de yang g.yan pa mang bar 'gyur zhing mang du 'dzag pa rnams kyang skye bar 'gyur ro/ /smin ma 'dra ba yang skye bar 'gyur zhing tshad sbrang dang sha sbrang rnams kyang 'babs par 'gyur ro/ /des rus pa'i rnag gi rigs kyi srin la so sor brtags par gyur pas kyang lus yang dag pa ji lta ba bzhin du lus rab tu rig par byed do/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas pa na/ de thos pa las byung ba'i shes rab kyis sam lha'i mig gis mthong bar gyur pa/ kha dmar ba zhes bya ba'i srin rus pa la gnas pa yin te/ des bdag la rang bzhin du gnas pa 'am rang bzhin du mi gnas pa ci byed pa yin na/ de thos pa las byung ba'i shes rab dag gis sam lha'i mig gis mthong ba ni/ bdag gi kha dmar ba zhes bya ba'i srin gang gi tshe zas dag gi skyon gyis ltogs par gyur pa na/ des bdag la me sbal 'dra ba'i nad chen po me dang mnyam par 'gyur ba khrag gi mthar thug par 'byung ba chu ser dang rnag mang por gyur</font><hr>66.143a<br><font size=+1>

nas nyin mo dang mtshan mo med par yang rab tu nye bar mi 'gyur ro/ /khong rma zhes bya ba'i nad rab tu byed par 'gyur ro/ /kha dmar ba'i srin la so sor brtags par gyur pas kyang yang dag pa ji lta ba bzhin du lus la so sor rig par byed do/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas par byed na/ des thos pa las byung ba'i shes rab dag gis sam lha'i mig gis mthong bar gyur pa/ myang bar byed pa zhes bya ba'i srin bdag gi rus pa la spyod pa yin te/ des nga la rang bzhin du gnas pa 'am rang bzhin du mi gnas pa ci zhig byed pa yin na/ des thos pa las byung ba'i shes rab kyis sam lha'i mig gis mthong ba ni/ myang bar byed pa zhes bya ba'i srin zas dag gi skyon gyis gal te ltogs par gyur na/ des nga la 'brum bu rnams su byed do/ /lus thams cad kyi yan lag dang nying lag rnams la kun du rgyu bar byed pa yin te/ de lus gang dag nyid kho na la kun tu rgyu bar byed pa de dag nyid kho nar bdag rengs par 'gyur ro/ /snying stob pa dang lus la tshor ba med par yang 'gyur ro/ /sdang ba dang bshang ba 'gag par yang 'gyur ro/ /gnyid med par yang 'gyur ro/ /grog ma dang 'dra bar yan lag dang nying lag rnams la rgyug par yang byed do/ /bdag shin du skom par yang 'gyur ro/ /bdag la mun pa kun du 'byung bar 'gyur ba dang grangs ba'i tshad pa dang skrang bar yang 'gyur ro/ /gal te yang myang bar byed pa'i srin ltogs par ma gyur na ni/ ji skad du bshad pa'i nad de dag rnams rab tu zhi bar 'gyur ro/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas par byed pa na/ des thos pa las byung ba'i shes rab dag gis sam lha'i mig gis mthong bar gyur pa/ lpags pa za ba zhes bya ba'i srin lus la gnas pa yin te/ des rang bzhin</font><hr>66.143b<br><font size=+1>

du gnas pa 'am rang bzhin du mi gnas pa ci zhig byed pa yin pa yang des thos pa las byung ba'i shes rab bam lha'i mig gis mthong ba ni lpags pa za ba zhes bya ba rus pa la gnas pa yin te/ de gal te ltogs par gyur na ni des nga'i mchu skrang bar byed pa 'am kha skrang bar byed pa 'am mig skrang bar byed pa 'am rnag gi thor pa 'am rgyus pa 'khum par gyur pa'i tshor ba dang skom dad che ba dang mgrin pa skams pa dang rna ba skrang ba dang / 'jing pa rengs pa 'am thod pa rko rlog tu gyur pa 'am dus ma yin par skra dkar po rnams 'byung bar 'gyur ba 'am gre ba 'joms pa 'am dus ma yin par gnyid dang mi mthun pa'i zas rnams la dga' ba 'am gnas gcig la mi dga' bar 'gyur ba dang / gnas dang kun dga' ra ba stong pa rnams la dga' ba 'am sems rnam par g.yengs par gyur pa 'am/ gang cung zad kyis mang du smra bar byed pa 'am rtag par rgyun du yan lag dang nying lag rnams la sen mos 'phrug pas kyang bdag gi lus thal tshub dang 'dra bar 'gyur te/ lpags pa za bar byed pa'i srin rnams kyi skyon gyis yin no/ /de gal te ltogs par ma gyur na ni de'i tshe ji skad du bshad pa'i nad rnams 'khrug par mi 'gyur ro/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas par byed pa na des thos pa las byung ba'i shes rab bam lha'i mig gis mthong bar gyur pa ni/ grog ma pa zhes bya ba'i srin bdag gi rus pa'i gseb na rgyu ba yin te/ yang gal te bdag nyid ltogs par gyur na yang rang bzhin du gnas pa 'am rang bzhin du mi gnas pa ci zhig byed pa yin na/ des thos pa las byung ba'i shes rab kyis sam lha'i mig gis mthong bar gyur pa ni/ grog ma pa zhes bya ba'i bdag gi srin yang gal te zas kyi skyon gyis khros par gyur na/ de'i nga'i gnad rnams la sbrul bzhin du kun du skrag</font><hr>66.144a<br><font size=+1>

par byed pa'i yid kyis tshor ba 'byung bar byed do/ /'di lta ste spyi bo dang 'gram pa dag dang snying dang rgyu zhabs dang gzhang dang lag pa dang rkang pa'i mthil dang sen mo'i gseb rnams su song nas khab bzhin du gtur bar byed do/ /rgyun rnams kyang sgul bar byed do/ /sna la snabs rnams chud za bar byed do/ /mig dang kha dang lus rnams kyang sgul bar yang byed do/ /bdag zas rnams la zhe sdang bar gnas par 'gyur ro/ /de yang ltogs par gyur na srin du gyur pa'i srin gzhan gseb na rgyu ba rnams la rtsis med par lus la mtho 'tsham par byed pas nyin mtshan kun du gnas so/ /de'i tshor bas bdag zil gyis mnan pas gnyid 'byung bar mi 'gyur ro/ /gal te de ltogs par ma gyur na ni/ ji skad du bshad pa'i nad de dag rnams 'byung bar mi 'gyur ro/ /grog ma pa'i srin la so sor brtags par gyur pas kyang yang dag pa ji lta ba bzhin du lus so sor rig par byed do/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas pa na/ des thos pa las byung ba'i shes rab kyis sam lha'i mig gis mthong bar gyur pa/ spu gri'i kha zhes bya ba'i srin lus la rab tu gnas pa yin te/ des rang bzhin du gnas pa 'am rang bzhin du mi gnas pa ci zhig byed pa yin na/ des thos pa las byung ba'i shes rab kyis sam lha'i mig gis mthong ba ni/ nga'i srin spu gri'i kha na skye gnas kyi sgo nas 'byung bar 'gyur ba'i dang po nyid du 'byung bar 'gyur te/ chos nyid kyi khyad par gyis de dang lhan cig tu skye bas skyes pa yin no/ /mngal gyi nang du 'byung bar 'gyur ba'i srin rnams ni thams cad nyid tshe'i 'du byed 'gog pa yin la ma'i nu ma dang zas kyi khyad par las bdag skyes par gyur nas ji skad du bshad pa'i srin rnams 'byung ngo / /des spu gri'i kha'i srin so sor brtags</font><hr>66.144b<br><font size=+1>

par gyur pas kyang lus yang dag pa ji lta ba bzhin rab tu shes so/ /rus pa'i gseb na rgyu ba'i srin gyi rigs rnams yang dag pa ji lta ba bzhin du so sor brtags nas des rus par gyur pa'i lus la dran pas yang dag pa ji lta ba bzhin du lus mthong ste/ rab rib med pa'i mig so so skye bo las shin du 'das par gyur pa nyon mongs pa med pa nga'i ba med pa som nyi med pa mya ngan med pa rnam par dag par gyur pa/ gzhan mu stegs can rnams kyi lta ba'i lam nas ma yin pas lus yang dag pa ji lta ba bzhin du khyad par du shes par gyur pa rnams ni mya ngan las 'das pa'i mthar 'gyur ro/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas par byed pa na/ des thos pa las byung ba'i shes rab kyis sam lha'i mig gis mthong bar gyur pa srin gyi rigs bcu bdag gi rtug pa la rgyu bar byed pa rnams ni 'di lta ste/ be 'u snabs pa dang khab kyi kha dang wi spi skyes pa dang rkang pa med pa dang bshang ba rnam par 'thor byed dang skom pas gdung ba dang rgyu ma 'byed byed dang rnam par rings byed dang mdog bzangs dang gzhang smin byed dang / srin gyi rigs bcu bdag gi rtug pa la rgyu ba rnams la so sor rtog par byed de/ bdag gi srin gang dag gis rang bzhin du gnas pa 'am rang bzhin du mi gnas pa ci zhig byed pa yin na/ des thos pa las byung ba'i shes rab bam lha'i mig gis mthong bar gyur pa ni/ be'u snabs pa zhes bya ba'i srin bshang ba la rgyu bar byed pa yin te/ gal te lus 'di'i me drod nyams par gyur na ni des bdag gi lus kyi me drod shin du yang nyams par byed do/ /des sha skyes par byed de bshang ba rnams 'jig pas mdog skya bor 'gyur ro/ /bdag 'dir 'phel bar 'gyur ba yang ma yin no/ /nga'i kha gdong skya bor yang 'gyur ro/ /des be'u snabs pa'i srin la</font><hr>66.145a<br><font size=+1>

so sor brtags par gyur pas kyang lus yang dag pa ji lta ba bzhin du so sor rig par byed do/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas par byed pa na des thos pa las byung ba'i shes rab dag gis sam lha'i mig gis mthong bar gyur pa/ khab kyi kha zhes bya ba'i bdag gi srin yin te/ de ni nga'i bshang ba'i nang na spyod pa dang sbom pa dang ring ba dang pho ba dang long ka dag na rgyu ba yin te/ srin rnams thams cad kyis gzung bar mi nus pa yin no/ /de'i nga'i pho ba dang long ka dag kyang gyen la bzlog nas bad kan dang lhan cig tu khar 'byin par byed do/ /bdag gi snying la yang ldag par byed do/ /lkugs pa 'am me drod nyams par yang byed do/ /yang gang dag lus kyi phyi rol du 'gro bar 'gyur ba rnams ni me tog dang lhan cig tu yud tsam cig 'tsho bar 'gyur ro/ /des khab kyi kha'i srin la so sor brtags par gyur pas kyang yang dag pa ji lta ba bzhin du lus la so sor rtog par byed do/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas par byed pa na/ das thos pa las byung ba'i shes rab kyis sam lha'i mig gis mthong bar gyur pa/ phi spi skyes zhes bya ba'i srin yin te/ bshang ba'i nang na rgyu bar byed pa dang skya bo dang lus thung ba dang 'khor mang bar gyur pa dang rtag par yang ljan ljin gyi khu ba la rgyu ba dang dri ngan pa dang rtag tu yang bro bar gyur pas bshang ba dang lhan cig tu 'byung bar 'gyur ro/ /bdag gi lus las sbrang bu dga' ba'i bshang ba dang mnyam du 'byung bar 'gyur ro/ /bdag gi bshang ba shin du mang ba rnams 'byin par byed do/ /bdag zas yid du mi 'ong bar 'gyur ro/ /des phi spi skyes kyi srin la so sor brtags par gyur nas kyang yang dag pa ji lta ba bzhin du lus so sor rig par byed do/ /gzhan yang rnal</font><hr>66.145b<br><font size=+1>

'byor spyod pa nang gi bdag nyid kyi lus la lus kyi rjes su lta zhing gnas par byed pa na/ des thos pa las byung ba'i shes rab kyis sam lha'i mig gis mthong bar gyur pa/ rkang pa med pa zhes bya ba'i srin nga'i lus la gnas pa yin te/ de rang bzhin du gnas pa 'am rang bzhin du mi gnas pa ci zhig byed pa yin na/ des thos pa las byung ba'i shes rab dag gis sam lha'i mig gis mthong ba ni rkang pa med ces bya ba'i nga'i srin de dag gal te zas kyi skyon gyis ltogs par gyur na/ de rlung gis btab par gyur pas nga'i rgyun rlug par byed do/ /'di lta ste gcin gyi rgyun rlug pa 'am bshang ba'i rgyun rlug pa 'am/ gang gi tshe yang long kar song bar gyur na des sgra'i rgyun rlug par byed do/ /glo lu ba'i rgyun rlug pa dang ltogs pa'i rgyun 'byung bar byed pa dang ngal ba'i dbugs kyi rlung gi rgyun 'byung ba dang skom pa'i rgyun 'byung bar yang byed pa ste/ rgyun 'byung ba de dag rnams kyis bdag la rnam pa sna tshogs par gyur pa'i nad rnams 'khrug par byed pa rab tu skyed do/ /des rkang med kyi srin la so sor brtags par gyur pas kyang yang dag pa ji lta ba bzhin du lus so sor rig par 'gyur ro/ /gzhan yang rnal 'byor spyod pa nang gi bdag nyid kyis lus la lus kyi rjes su lta zhing gnas pa na des thos pa las byung ba'i shes rab kyis sam lha'i mig gis mthong bar gyur pa/ bshang ba rnam par 'thor byed ces bya ba'i srin lus la gnas pa yin te/ de dag gi zas rnams las gang dag nyid kho na zhu bar gyur pa'i bshang ba rgyu ba'i sbubs rnams thams cad du des yan lag dang nying lag rnams bcug par gyur nas bshang ba dang lhan cig tu bdag gi lus thams cad la yang rgyu bar byed pa yin no/ /ji srid du rkang pa la sogs pa'i lus kyi yul thams cad la yang yin te/ gang dag de dag rnams kyis ni bdag gi</font><hr>66.146a<br><font size=+1>

lus gser gyi mdog tu mtshon par byed do/ /de dag rnams ni bshang bas byas pa yin no/ /des bshang ba byed pa po'i srin la so sor brtags par gyur pas kyang yang dag pa ji lta ba bzhin du lus so sor rig par byed do/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas pa na/ des thos pa las byung ba'i shes rab kyis sam lha'i mig gis mthong bar gyur pa/ skom pas gdungs pa zhes bya ba'i srin bdag gi lus la gnas pa yin te/ de gang gis tshe bdag tsha ba skyes par gyur pa des dri ma sun 'byin no/ /bdag gi pho ba yang sun 'don par byed do/ /me shin du myur bar sun 'don no/ dri rnams kyang kun du sun 'don no/ /tshad pa dang kun du tsha bar gyur pa des bdag gi lus dang yan lag rnams la srin rnams kun du rgyug par byed do/ /rngul tshad dang tshan mo de yis kun du gdungs par gyur pas khu ba rnams rgyu ba'i sbubs skam par 'gyur ro/ /de bdag la khros par gyur pas kyang skom pa dang mgo bo'i nad kyang byed do/ /des skom pas gdungs pa'i srin la so sor brtags pas kyang yang dag pa ji lta ba bzhin du lus so sor rig par byed do/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas pa na/ des thos pa las byung ba'i shes rab kyis sam lha'i mig gis mthong bar gyur pa/ rgyu ma 'byed par byed pa zhes bya ba'i srin lus la gnas pa yin te/ des rang bzhin du gnas pa 'am rang bzhin du mi gnas pa ci zhig bdag la byed pa yin na/ des thos pa las byung ba'i shes rab kyis sam lha'i mig gis mthong bar gyur pa gang dang gang dag ngas bza' bar bya ba dang btung bar bya ba dang bca' ba dang myang ba rnams mid par gyur pa na de nang gi gseb du song bar gyur nas kun du mner bar byed do/ / de yis rgyu ma rnams 'byed</font><hr>66.146b<br><font size=+1>

par byed do/ /bdag gi gsus pa 'chang bar byed pa 'am rlung gi gsus par 'gyur ba 'am mkhris pa'i gsus par 'gyur ba 'am bad kan gyi gsus par 'gyur bar skyed par byed do/ /gzhi de las de rang ngam gzer zug gzhan rnams kyang bdag la 'byung ngo / /rgyu ma 'byung bar byed pa'i srin des ni bshang ba rnams sun 'don par byed do/ /des rgyu ma 'byed par byed pa'i srin la so sor brtags par gyur pas kyang yang dag pa ji lta ba bzhin du lus so sor rig par byed do/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas pa na/ des thos pa las byung ba'i shes rab kyis sam lha'i mig gis mthong bar gyur pa/ nga'i srin rnam par rengs byed zhes bya ba lus la rab tu gnas pa yin te/ des rang bzhin du gnas pa 'am rang bzhin du mi gnas pa bdag la ci zhig byed pa yin pa yang / des thos pa las byung ba'i shes rab kyis sam lha'i mig gis mthong bar gyur pa ni/ bdag gi rnam par rengs byed ces bya ba'i srin bshang ba'i nang na rgyu bar byed pa yin te/ gang dag bdag mid par byed pa'i ro de dang de dag rnams mnyam du mid par gyur nas rnam par rengs par byed de chos nyid kyi khyad par gyis yin no/ /des nga'i srog rgyu ba'i sbubs 'byin par yang byed do/ /zas dang lhan cig pa'i me de'i skyon gyis bdag rnam par rengs pa kun du skyed pa dang / rgyu ma rnams kun du 'khum pa 'am na tsha bar 'gyur ba 'am snying gi gzer zug gam pho tshe'i gzer zug yang byed do/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas par byed pa na/ des thos pa las byung ba'i shes rab bam lha'i mig gis mthong bar gyur pa/ mdog bzangs zhes bya ba'i srin bdag gi lus la gnas pa yin te/ des rang bzhin du gnas par gyur pa</font><hr>66.147a<br><font size=+1>

'am rang bzhin du mi gnas par bdag la ci zhig byed pa yin na des thos pa las byung ba'i shes rab bam lha'i mig gis mthong bar gyur pa la/ mdog bzangs kyi srin ni nas thug gam mi bsod pa rnams sam lci ba'i zas bdag la phan pa ma yin pa rnams kyang rung ste gang dag bdag gis za bar byed pa de dag rnams bdag gi srin mdog bzangs kyis yan lag dang nying lag rnams kyi khams la yang phan pa'i zas su byas nas khyab par byed cing bde bar byas nas kyang 'phen par byed do/ /nad rab tu zhi bar gyur pa yang 'phen par byed do/ /stobs rnams kyang 'byung bar byed do/ /skyon rnams dang yang 'bral bar byed do/ /srin 'di ni lus kyi nang na rab tu gnas pa yin no/ /de gal te rab tu stobs che bar gyur na chos nyid kyi khyad par gyis des bdag mdog bzang ba dang stobs dang ldan par 'gyur ro/ /gal te stobs rab tu che bar ma gyur na ni/ des bdag gi lus rid pa nyid du 'gyur ro/ /des mdog bzangs kyi srin la so sor brtags par gyur pas kyang yang dag pa ji lta ba bzhin du lus so sor rig par byed do/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas pa na/ des thos pa las byung ba'i shes rab kyis sam lha'i mig gis mthong bar gyur pa/ gzhang smin par byed pa'i srin nga'i lus la rab tu gnas pa yin to/ des rang bzhin du gnas par gyur pa 'am rang bzhin du mi gnas pa ci zhig byed pa yin na/ des thos pa las byung ba'i shes rab kyis sam lha'i mig gis mthong ba na/ gzhang smin par byed pa zhes bya ba'i srin de gal te ltogs par gyur na/ des bdag la rnam pa sna tshogs par gzhang smin par byed pa'i nad rnams skyed par byed do/ /'di lta ste rlon pa dang skam pa dang lhan cig skyes pa dang sngon gyi dus na skyes pa</font><hr>66.147b<br><font size=+1>

dang rlung las gyur pa dang mkhris pa las gyur pa dang bad kan las gyur pa dang gsum gyi skyon las skyes pa'i 'dus pa las gyur pa'o/ /de gal te ltogs par gyur na nga'i bshang ba rgyu bar gyur pa'i sbubs sun 'don par byed do/ /khrag rgyu bar gyur pa 'am khu ba rgyu bar gyur pa yang rung ste/ bdag gi me drod kyang nyams par byed do/ /bdag gi me drod nyams pa des gzhang smin par byed pa'i srin khro ba rab tu skye bar 'gyur te/ des nga'i gzhang rnam pa sna tshogs pa rnams su smin par byed do/ /des gzhang smin par byed pa'i srin la so sor brtags par gyur pas kyang yang dag pa ji lta ba bzhin du lus la so sor rig par byed do/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas par byed pa na des thos pa las byung ba'i shes rab kyis sam lha'i mig gis mthong bar gyur pa/ srin gyi rigs bcu lha ba la rgyu ba rnams 'di lta ste/ spu la yod pa dang kha nag pa dang spro ba med pa dang lu ba'i gzer zug chen po dang rmongs par byed pa dang me mdog can dang 'og du 'gro ba dang o+oT+Ting gAH dang kun du rtog pa dang dga' ba pa dang rnams so/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas pa na/ des thos pa las byung ba'i shes rab kyis sam lha'i mig gis mthong bar gyur pa/ spu la yod pa zhes bya ba'i lus thams cad kyi spu la gnas pa yin te/ de gal te lha ba ngan par gyur na snyoms par lha ba rnams sun 'don no/ /lam du 'gro bar yang gyur nas yan lag dang nying lag rnams thams cad kyi bdag gi lha ba rnams sun phyung nas za bar byed do/ /de'i skyon gyis bdag mdog ngan pa dang mdze dang rus pa'i gzer ba dang stobs zad par yang 'gyur ro/ /des spu la yod pa'i srin la so sor brtags par gyur pas kyang yang dag pa ji lta ba bzhin du lus</font><hr>66.148a<br><font size=+1>

so sor rig par byed do/ /gzhan yang rnal 'byor spyod pa nang gi bdag nyid kyi lus la lus kyi rjesu lta zhing gnas pa na/ des thos pa las byung ba'i shes rab kyis sam lha'i mig gis mthong bar gyur pa/ kha nag pa zhes bya ba'i srin bdag gi lha ba'i gseb na rgyu bar byed pa dang yan lag dang nying lag rnams thams cad la yang thogs pa med par 'gro ba yin no/ /de gal te ltogs par gyur na des nga'i lha ba bzhu bar byed do/ /des bdag gi rus pa 'byed pa dang mdog ngan pa dang sgal ba 'byung ba dang spungs chung ba dang nye sar bgrod pa dang sgur nas 'gro ba dang rnam par nyams par 'gyur ro/ /kha nag gi srin la so sor brtags par gyur pas kyang lus so sor rig par byed do/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas pa na/ des thos pa las byung ba'i shes rab kyis sam lha'i mig gis mthong bar gyur pa/ spro ba med pa zhes bya ba'i srin nga'i lus la rab tu gnas pa yin te/ des ni lha ba za bar byed pa yin pas gal te lha bas tshim par gyur na/ des bdag spro ba med pa nyid du skyed par byed pa dang rang yang rung ste/ de gal te lha ba la rgyu bar gyur pa'i srin gzhan rnams kyis mtho brtsams par gyur na ni/ des nga la mchog tu mi bzad par gyur pa'i lhang kyog skyed par byed do/ /des spro ba med pa'i srin la rnam par bltas par gyur pas kyang yang dag pa ji lta ba bzhin du lus mthong bar gyur to/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas pa na/ des thos pa las byung ba'i shes rab dag gis sam lha'i mig gis mthong bar gyur pa/ zug zer chen po byed pa zhes bya ba'i srin ni lha ba'i nang na rgyu bar gyur pa rtag tu yang rgyu bar gyur pa/ khams gsum po rnams thams cad zad par byed pa nad rnams thams cad kyi rgyur gyur pa/ mthar thug par gyur na yang</font><hr>66.148b<br><font size=+1>

nga'i chu ser dang gnyid yar bar yang byed do/ /des zug zer chen po'i srin la so sor brtags par gyur pas kyang yang dag pa ji lta ba bzhin du lus so sor rig par byed do/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas pa na/ des thos pa las byung ba'i shes rab kyis sam lha'i mig gis mthong bar gyur pa/ rmongs par byed pa zhes bya ba'i srin nga'i lus la rab tu gnas pa yin te/ de ni bdag gi yid rgyu bar gyur pa'i sbubs la rnam par rgyu bar byed pa dang shin du phra bar yang gyur nas nga'i yid rangs pa'i rgyun gang yin pa de yang dkrugs par byed do/ /de dag rnams bskyod par gyur pas kyang bdag la snying gi nad kun du skyed par byed do/ /des kyang bdag brgyal bar 'gyur ro/ /mdog ngan pa dang snying stongs par yang 'gyur ro/ /dang ka mi bde ba dang tshad pa skye ba dang snying gzer ba dang 'chad par 'gyur ba dang snying 'chir ba dang phyi rol tu srin mthong bar gyur nas kyang bdag yid 'byung bar 'gyur ro/ /des rmongs byed kyi srin mthong bar gyur pas kyang yang dag pa ji lta ba bzhin du lus rab tu rig par byed do/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas pa na/ des thos pa las byung ba'i shes rab kyis sam lha'i mig gis mthong bar gyur pa/ 'og tu 'gro ba zhes bya ba'i srin khu chu la rgyu ba'i rtsa rnams kyi nang na rgyu ba yin te/ gal te phan par gyur pa'i bza' ba dang btung ba dang bca' bas bdag gi khu chu lhag par 'gyur ro/ /de bdag gi gcin gyi sbubs su lhung bar gyur nas gcin dang lhan cig tu 'byung bar 'gyur ro/ /'og tu 'gro ba'i srin de la so sor brtags par gyur pas kyang yang dag pa ji lta bar lus so sor rig par byed do/ /gzhan yang rnal 'byor spyod pa nang gi bdag nyid kyi lus la lus kyi rjes su lta ba na des thos pa las byung ba'i shes rab kyis sam lha'i mig gis mthong bar gyur pa/ </font><hr>66.149a<br><font size=+1>

u T+Ting gA zhes bya ba'i srin lgang pag la rab tu gnas so/ /gang gi tshe gcin gyis bdag gi lgang pag gang bar gyur na de'i tshe dga' bar 'gyur ro/ /dga' bar gyur pas kyang gcin gyi stobs kyis khu chu rgyu ba'i gnas gzhi'i skye mched rnams rtsub mor byed de/ gang la byis pa so so'i skye bo rnams tshul bzhin ma yin pa'i yid la byed pa'i sgo nas so/ /gzhan yang rnal 'byor spyod pa lus la lus kyi rjes su lta zhing gnas pa na/ des thos pa las byung ba'i shes rab bam lha'i mig gis mthong bar gyur pa kun du rtog par dga' ba zhes bya ba'i srin bdag gi lus la gnas pa yin te des rang bzhin du gnas pa 'am rang bzhin du mi gnas pa ci zhig byed pa yin na/ des thos pa las byung ba'i shes rab bam lha'i mig gis mthong ba ni/ kun du rtogs pa la dga' ba zhes bya ba'i bdag gi srin de gal te ltogs par gyur na/ des nga nyal bar gyur pa na dge ba 'am mi dge ba rab tu phal che ba rnams bdag gis mthong bar gyur te/ de ni bdag gi srin gyi skyon gyis yin te bdag gi yid rgyu ba'i sbubs nas rgyu bar gyur pa'i srin gyi stobs kyis bdag nyal ba na yang 'gyur ro/ /de ltar nA la ta'i grong gi bram ze dang khyim bdag rnams dang rnal 'byor spyod pa'i dge sbyong rnams kyis kyang lus las gyur pa'i dran pa nye bar gzhag pas/ lus yang dag pa ji lta ba bzhin du so sor rtog par byed de/ ci lus 'di la rtag pa 'am ther zug gam yongs su mi 'gyur ba'i chos kyi bde ba 'am gtsang ba 'am bdag dang bcas pa 'am byed pa pos byin gyis brlabs par gyur pa yin nam/ des thos pa las byung ba'i shes rab kyis sam lha'i mig gis mthong bar gyur pa/ lus 'di la yang phra ba dang rags par gyur pa'i yang lus kyi rigs su gtogs pa dmigs par 'gyur ba 'am gang yang</font><hr>66.149b<br><font size=+1>

rtag pa dang brtan pa dang ther zug dang yongs su mi 'gyur ba'i chos kyi bde bar 'gyur ba 'am bdag dang bcas par skye ba 'am byed pa po rnams kyis byin gyis rlob par byed pa ni med do/ /dper na nyi ma mun pa la rag las pa dmigs so/ /phra ba yang ma dmigs so/ /de bzhin du lus la yang rtag pa dang bde ba dang gtsang ba dang byed pa po dang shes pa po yang ma dmigs so/ /de ltar rnal 'byor spyod pa des nang gi bdag nyid kyi lus la lus kyi rjes su lta zhing gnas pa ni bdud kyi drung na gnas par mi 'gyur ro/ /mya ngan las 'das pa'i mthar 'gyur ro/ /dga' ba'i 'dod chags dang lhan cig tu gyur pa'i sred pa rnams kyis kyang mi 'ching ngo / /srid pa yang 'byung ba can gyi nyon mongs pas gnod par mi 'gyur ro/ /des de ltar lus la lus kyi rjes su lta zhing gnas nas/ gzhan yang nang gi bdag nyid kyi lus de nyid la rnam pa gzhan gyis so sor rtog par byed de/ lus su gtogs pa rnams kyi rlung du gyur pa rnams kyi bya ba rnams la yang so sor rtog pa byed de/ ji ltar bdag gi lus rlung gis 'dzin par byed pa dang bya ba byed pa dang 'gro bar byed pa dang gnas par byed pa dang bskum par byed pa dang rkyong bar byed pa rnams kyi bya ba thams cad nus par 'gyur ba yin zhing / bral bar yang rlung gi dbang gis 'gyur ba yin zhe na/ des de ltar lus la lus kyi rjes su lta zhing gnas par byed pa na/ des thos pa las byung ba'i shes rab bam lha'i mig gis mthong bar gyur pa/ bdag gi kha la rten par gyur pa'i rlung yin la des bdag la las ci zhig byed par gyur pa yin pa yang des thos pa las byung ba'i shes rab kyis sam lha'i mig gis mthong ba ni bdag gi kha las rten pa'i rlung gi mthu stobs kyis ni rab tu 'phel bar byed de/ lag pa dang rkang pa dag dang sen mo rnams kyang 'phel bar byed par</font><hr>66.150a<br><font size=+1>

'gyur ro/ /rlung de'i mthu stobs kyis rnal 'byor spyod pa pa rnams kyi sems dang po dmigs pa ni sen mo'i rtse mo rnams la yin no/ /rlung 'dis ni lus kyi rnam par thar pa'i bsam gtan gyis gnas pa rnams shin du bde bar yang byed pa yin no/ /de la lhag par gyur pas kyang lpags pa dang sen mo dang lag pa dang rkang pa dag lhag par 'gyur ro/ /shin du myur bar skyen par yang 'gyur ro/ /kha la rten pa'i rlung yang dag pa ji lta ba bzhin du so sor brtags par gyur pas kyang lus yang dag pa ji lta ba bzhin rab tu shes so/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas pa na/ des thos pa las byung ba'i shes rab kyis sam lha'i mig gis lta bar byed de/ bdag gi rkang pa'i logs la rten nas gnas pa'i rlung des las ci zhig byed pa yin zhing / bdag gi rkang pa'i logs la yang ji ltar gnas pa yin na/ des thos pa las byung ba'i shes rab kyis sam lha'i mig gis mthong bar gyur pa/ bdag gi rkang pa'i logs la rten pa'i rlung des ci byed cing ji ltar yang bdag gi rkang pa la gnas na g.yan pa skyed par byed do/ /g.yan pas byas par gyur pa'i 'brum pa can du bdag gi rkang pa gnyis 'gyur ro/ /bdag lam du 'gro bar gyur na yang rlung rdol pa'i sgra 'byung bar 'gyur ro/ /bdag gi rkang pa brtan par gyur pa yang 'gro ba na rus pa 'khrol bar 'gyur ro/ /bdag gi rkang pa'i logs la rten pa'i rlung gis mig la mig gi rgyus pas kun nas sbrel ba'i lam nas grang ba dang dro ba rnams dang lhan cig du 'gyur gyi/ 'di dag bskus par gyur pas kyang bdag gi mig dag tshim par yang byas par yang ni mi 'gyur ro/ /des rkang pa'i logs la gnas pa'i rlung la so sor brtags par gyur pas kyang yang dag pa ji lta ba bzhin du lus rab</font><hr>66.150b<br><font size=+1>

tu rig par byed do/ / gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas pa na/ des thos pa las byung ba'i shes rab kyis sam lha'i mig gis mthong bar gyur pa/ sems med par byed pa zhes bya ba'i bdag gi rlung nga'i pus mor gtogs pa'i lpags par gyur pa la rab rab byed par 'gyur ro/ /de dang 'gal bar gyur pas ni nga'i pus mo gnyis la grog ma bzhin du mched par byed do/ /gang gi tshe zug gzer du ma gyur pa de'i tshe rtsa'i gseb du rgyu bar byed pas rang bzhin du gnas pa yin no/ /bdag la grog ma dang 'dra bar 'phel bar byed do/ /des sems med par gyur pa'i rlung la so sor brtags par gyur pas kyang yang dag pa ji lta ba bzhin du lus so sor yang dag par rig par byed do/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas pa na/ bdag gi rlung gang gis las ci dag byed pa yang / des thos pa las byung ba'i shes rab kyis sam lha'i mig gis mthong bar gyur pa/ rus pa gcog par byed pa zhes bya ba'i rlung yin te/ des las ci zhig byed pa yin na/ des thos pa las byung ba'i shes rab kyis sam lha'i mig gis mthong ba ni/ rus pa gcog par byed pa zhes bya ba'i rlung des bdag nyin mo spyod pa'i sar 'gro ba na 'am kun dga' ra bar 'gro ba na 'am lam du zhugs par gyur pa na 'am ngal dub du gyur pa na 'am gnas par gyur pa na yang rus pa 'bigs par byed do/ /lhang kyog skyed par byed do/ /gnyid yar bar byed do/ /bdag gis bskum pa dang brkyang bar yang byed mi nus par 'gyur ro/ ji srid du rang bzhin du gnas par ma gyur pa de srid kyi bar du'o/ /des rus pa gcog pa zhes bya ba'i rlung la so sor brtags par gyur pas kyang yang dag pa ji lta ba bzhin du lus so sor rig par 'gyur ro/ /gzhan</font><hr>66.151a<br><font size=+1>

yang rnal 'byor spyod pa nang gi bdag nyid kyi lus la lus kyi rjes su lta zhing gnas par byed de/ bdag gi rlung gang dag gis las ci zhig byed pa yin na/ des thos pa las byung ba'i shes rab bam lha'i mig gis mthong bar gyur pa/ 'gro ba 'joms par byed pa zhes bya ba'i rlung las ci zhig byed pa yin na/ des bdag gi lus su gtogs pa'i nad du gyur pa'i nad pa'i lus rnams rnam par dkrug par byed do/ bdag gis 'gro ba dang 'ong bar byed nus par yang mi 'gyur ro/ /'on kyang bdag gi 'gro ba rnam par 'joms par yang mi 'gyur ro/ /des 'gro ba 'joms par byed pa'i rlung la so sor brtags par gyur pas kyang yang dag pa ji lta ba bzhin du lus rab tu rig par byed do/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas pa na/ bdag gi lus la rlung gzhan gang gis las ci zhig byed pa yin na/ des thos pa las byung ba'i shes rab kyis sam lha'i mig gis mthong bar gyur pa/ bdag gi long bu'i tshigs pa 'byed pa zhes bya ba'i rlung yod de/ des bdag la las ci zhig byed pa yin pa yang / des thos pa las byung ba'i shes rab kyis sam lha'i mig gis mthong bar 'gyur te/ long bu'i tshigs pa 'byed pa zhes bya ba'i rlung gal te bad kan dang bcas par gyur na/ des bdag gi rgyus pa dang rus pa dang sha'i gseb na yang song nas ral gri'i lhang kyog ji lta ba bzhin du 'byung ngo / /rang gi gnas su song bar gyur nas brla yang yang du na bar byed do/ /brla ma gtogs pa lus thams cad las kyang ni ma yin no/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas pa na/ bdag gi rlung gzhan rnams kyis lus gyi rjes su gseb du song nas las ci zhig byed pa yin na/ </font><hr>66.151b<br><font size=+1>

des thos pa las byung ba'i shes rab kyis sam lha'i mig gis mthong bar gyur pa ljang ngar 'byed par byed pa zhes pa ba'i bdag gi rlung yod de/ des las ci zhig byed pa yin na/ de bdag gi ljang ngar la brten par gyur nas bshang ba rgyu bar gyur pa'i rtsa de dag rnams thams cad sbom por byed do/ /'khum par byed do/ /phan tshun rnams 'byar bar yang byed do/ /lci bar yang byed do/ /ljang ngar la rtan par gyur pa'i sha la yang gzer zug chen por byed do/ /ljang ngar gnyis po dag phan tshun du mi 'dra bar byed do/ /rgyus pa'i dra bas g.yogs par yang ljang ngar gcig gi yul phyogs su byed do/ /des ljang ngar 'byed par byed pa'i rlung la so sor brtags par gyur pas kyang yang dag pa ji lta ba bzhin du lus la so sor rig par byed do/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas pa na/ bdag gi rlung gzhan dag gis bdag gi lus la las ci zhig byed pa yin na/ des thos pa las byung ba'i shes rab kyis sam lha'i mig gis mthong bar gyur pa/ tshigs pa 'byed par byed pa'i rlung yin te/ des nga'i lus la las ci dag byed pa yin na yang des mthong ba'i srin rnams ni tshig pa rnams kyi gseb du song bar gyur nas tshigs pa la zug zer byed do/ /'di lta ste mgo bo'i bzhi dang 'gram pa'i gnyis kyi tshigs pa gsum pa dang dpral ba'i tshigs pa gnyis na bar byed do/ /bdag gi mgrin pa'i tshigs pa gcig dang og sko'i tshigs pa gcig dang sum bcu ni so gtun khung gi tshigs pa dang rkan gyi tshigs pa gcig dang ma rkan gyi tshigs pa gnyis so/ /ske ba'i tshigs pa bcwa lnga'o/ /tshigs pa gcig la yang tshigs pa gnyis su gyur pa ni brang ngo / /tshigs tshigs ma yin pa la 'brel</font><hr>66.152a<br><font size=+1>

bar gyur pa tshigs ma yin pa'i tshigs la 'brel bar gyur pa ni dpung pa'i tshigs gnyis dang gru mo'i tshigs pa dang bcas pa'i tshigs pa gzhan gnyis so/ /mig rus kyi tshigs pa ni bzhi bzhi'o/ /lag mgul gyi tshigs pa gnyis dang / lag mthil gyi tshigs pa gnyis dang lnga bcu rtsa lnga ni rgyab du gyur pa'i tshigs pa rnams so/ /gzhogs ngos gcig la ni tshigs pa bcu gnyis so/ /de bzhin du gnyis pa la yang ngo / /thang ba'i tshigs pa bcu gnyis so/ /sha'i dum bu'i tshigs pa bcu gnyis so/ /chu so'i tshigs pa gcig go/ /'phongs tshos kyi rus 'bras tshigs pa gnyis so/ /mo mtshan gyi tshigs pa gcig go/ /brla'i tshigs pa gnyis so/ /ljang ngar gyi mthil gyi tshigs pa gnyis so/ /long bu ni tshigs pa gnyis so/ /rkang mthil gyi tshigs pa drug bcu'o/ /rkang pa dang lag pa'i sor mo'i tshigs pa dang sen mo'i tshigs pa rnams ni nyi shu'o/ /'di dag rnams yin te tshigs pa 'byed par byed pa'i rlung de dag rnams la rten pa yin na/ /de dag la gnas par gyur nas gang gi tshe bdag la 'khrug pa skyed par gyur na des 'chi bar yang 'gyur ba 'am/ 'chi ba tsam gyi sdug bsngal yang 'byung bar 'gyur ro/ /des tshigs pa 'byed par byed pa'i rlung la so sor brtags par gyur pas kyang yang dag pa ji lta ba bzhin du lus so sor rig par byed do/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag gi rlung gzhan gang dag gis lus la las ci zhig byed pa yin na/ des thos pa las byung ba'i shes rab kyis sam/ lha'i mig gis mthong bar gyur pa/ byin pa la nyal bar byed pa'i bdag gi rlung yod de/ bdag gi lus la las ci dag</font><hr>66.152b<br><font size=+1>

byed pa yin pa yang / des thos pa las byung ba'i shes rab kyis sam lha'i mig gis mthong bar gyur pa ni/ byin pa la nyal ba po'i bdag gi rlung 'khrugs par gyur na/ de'i tshe bdag gi byin pa 'khums par gyur nas bdag gis rkyong bar mi nus so/ / brkyang bar gyur nas kyang bdag gis bskum par mi nus so/ /shing lta bur bdag gis rig par gyur nas kyang phan tshun kun tu bdag gi 'brel bar yang mi 'gyur ro/ /bdag gis 'gro ba dang 'ong ba yang nus par mi 'gyur te/ rlung de'i skyon gyis yin no/ /des ljang ngar la kun du nyal bar byed pI rlung la so sor brtags par gyur pas kyang yang dag pa ji lta ba bzhin du lus so sor rig par 'gyur ro/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas pa na/ bdag gi lus la gnas pa'i rlung gzhan gang dag gis las ci zhig byed pa yin na/ des thos pa las byung ba'i shes rab kyis sam lha'i mig gis mthong bar gyur pa/ spro bar byed pa zhes bya ba'i rlung bdag gi lus la gnas pa yin te/ de bdag la gang gi tshe bdag la 'khrugs par gyur pa na de'i tshe las ci zhig byed pa yin zhing / yang gang gi tshe 'khrugs par ma gyur pa de'i tshe nad ci dag byed pa yin pa yang / des thos pa las byung ba'i shes rab kyis sam lha'i mig gis mthong ba yin te/ gang dag bdag gi lus kyi bya ba'i khams la gnas par gyur pa rnams kyis ni 'di dag byed pa yin te/ lus thams cad la yang 'gro ba dang bral bar byed pa dang dbugs gyen du 'byung ba dang / zos pa dang 'thungs pa dang 'chos pa dang myangs pa rnams kyis bskyed pa'i lus mdog bzang por byed do/ /bdag gi mig dang rna ba dang sna dang lce dang lus dang yid rnams kyi rang rang gi yul rnams la rab kyi stobs</font><hr>66.153a<br><font size=+1>

dang ldan par 'gyur ro/ /zos pa rnams kyang regs par smin par byed do/ /gang gi tshe 'khrug par 'gyur ba de'i tshe las ci zhig byed pa yin na/ des thos pa las byung ba'i shes rab kyis sam lha'i mig gis mthong bar gyur pa/ lus la gnas par gyur pa'i zos pa dang 'thungs pa dang 'chos pa dang myangs pa rnams thams cad kyang bdag gis bde bar 'ju bar mi 'gyur ro/ /lus kyi mdog kyang bzang bar mi 'gyur ro/ /lto rnam par 'gyur bar byed do/ /spro bar byed pa'i rlung la so sor brtags par gyur pas kyang yang dag pa ji lta ba bzhin du lus so sor rig par byed do/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas par byed pa na des thos pa las byung ba'i shes rab kyis sam lha'i mig gis mthong bar gyur pa/ rgyus pa bskyod par byed pa zhes bya ba'i bdag gi rlung de 'khrugs par gyur pa dang ma 'khrugs pa na yang las ci zhig byed pa yin na/ nyal ba dang sad pa dang dbang po yid gzhan gang dag gi lus la gnas par gyur pa'i bya ba de dag rnams thams cad kyang 'dis byed do/ /rgyus pa dang ldan pa'i rlung gis byin gyis rlob par mi byed na ni bdag gi lus 'khrug par mi 'gyur ro/ /bdag gi lus la tshor bas gzir bar yang mi 'gyur ro/ /zha bor yang mi 'gyur te/ de'i rlung 'khrugs par ma gyur na'o/ /gal te yang rgyus pa bskyod byed kyi rlung 'khrugs par gyur na ni/ nyal ba dang sad pa dang yid gzhan du gyur cing dbang po gzhan la yengs par gyur pa'i bdag gi lus kyi bya ba de dag rnams thams cad ni bdag gis brjod par mi nus te rlung de'i mthu las gyur pa yin no/ /des rgyus pa bskyod byed kyi rlung la so sor brtags par gyur pas kyang yang dag pa ji lta bar lus so</font><hr>66.153b<br><font size=+1>

sor rig par byed do/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag gi lus la gnas par gyur pa'i rlung gzhan gang dag gis las ci zhig byed pa yin na/ des thos pa las byung ba'i shes rab kyis sam lha'i mig gis mthong bar gyur pa/ 'gro ba rnam par zlog par byed pa zhes bya ba'i rlung bdag gi lus la gnas pa yin na/ 'khrugs par gyur pa na 'am 'khrug par ma gyur na bdag la las ci zhig byed pa yang / des thos pa las byung ba'i shes rab bam lha'i mig gis mthong bar gyur pa na/ lus su gyur pa thams cad kyi lus kyi lam gang yin pa de dag rnams la 'dis gegs byed do/ /de rab tu 'khrugs par gyur na bdag gi gcin sdom par 'gyur ro/ /bdag la lgang pag gi nad 'byung bar 'gyur ro/ /bdag la rlig pa'i nad kyang 'byung ngo / /zas mi 'dod par yang 'gyur ro/ /mi gtsang bas gsus pa kun tu rgyas par byas pas bdag sdug bsngal bar byas nas chu ngan gyi lam nas 'byin to/ /bdag gi yan lag dang nying lag rnams thams cad la srin bu rnams kyang 'byung bar 'gyur ro/ / khong pa'i nad kyang 'byung bar 'gyur ro/ /bdag gi yan lag dang nying lag rnams thams cad rgyas par yang 'gyur ro/ /bdag gi rtsa sdom par yang 'gyur ro/ /gal te 'khrugs par ma gyur na ni des ji skad du bshad pa'i bdag gi nad rnams rab tu zhi bar byed par 'gyur ro/ /des 'gro ba rnam par zlog par byed pa'i rlung la so sor brtags par gyur pas kyang lus yang dag pa ji lta ba bzhin du so sor rig par byed do/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag gi rlung gang zhig 'khrugs par gyur na yang las ci dag byed pa yin na</font><hr>66.154a<br><font size=+1>

des thos pa las byung ba'i shes rab kyis sam lha'i mig gis mthong bar gyur pa/ 'gro ba'i 'brel rnam par g.yeng ba zhes bya ba'i rlung bdag gi lus la rab tu gnas te/ de gal te 'khrugs par gyur pa 'am/ 'khrugs par ma gyur pas bdag la nad ci zhig byed pa yang / des thos pa las byung ba'i shes rab kyis sam lha'i mig gis mthong bar gyur pa ni gal te 'brel bar 'gro ba dkrug pa'i rlung 'khrugs par gyur na/ des bdag gi gsus pa la gnas pa'i rlung gi skran byed do/ /rtug pa 'byung bar 'gyur ba'i gegs byas pas bdag mtho brtsams par gyur nas lag pa dag gis drud pas rab tu 'khrug pa skyed do/ /khams 'khrugs par gyur pa yang bdag la 'byung ngo / /bdag la mi bzad pa'i gegs byas par gyur pas mgo'i nad du 'gyur ro/ /bdag gis zos pa dang / 'thungs pa dang / 'chos pa dang / myangs pa rnams yang dag par bde bar smin par yang mi 'gyur ro/ /bdag gi lus la 'brum bu nye bar skye bar yang 'gyur ro/ /bdag la tshad pa yang 'byung ngo / /gal te bdag gi 'gro ba'i 'brel rnam par dkrug par byed pa'i rlung 'khrugs par ma gyur na ni de ji skad du bshad pa'i bdag gi nad rnams bdag la rab tu 'byung bar mi 'gyur ro/ /des 'gro ba'i 'brel rnam par dkrug pa'i rlung la so sor brtags par gyur pas kyang yang dag pa ji lta ba bzhin du lus so sor rig par 'gyur ro/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag gi rlung gzhan gang dag gis lus la las ci zhig byed pa yin na/ des thos pa las byung ba'i shes rab kyis sam lha'i mig gis mthong bar gyur pa/ spu dang / sen mo dang / rtug pa rnams 'byed par byed pa zhes bya ba'i rlung bdag gi lus la rab tu gnas pa yin te/ de gal te bdag la 'khrugs par gyur pa dang / </font><hr>66.154b<br><font size=+1>

'khrugs par ma gyur pa yang las ci zhig byed pa yin na/ gal te bdag gi spu dang / sen mo dang / rtug pa rnams 'byed par byed pa'i rlung bdag gi lus la 'khrugs par gyur na/ des bdag gi dbang po rnams mner bar gyur nas rid pa nyid du byed pa yin no/ /bdag gi kha dang / sna bug dang / rna ba rnams kyi phyed zug zer gyis gzer bar byed do/ /mig la yang rab rib tu 'gyur ro/ /bdag gi snas kyang dri 'dzin par mi 'gyur ro/ /bdag gi kha yang skya bor 'gyur ro/ /bdag rang bzhin du gnas par bsdad kyang skyug par 'gyur ro/ /bdag gi bsam gtan gyi bde ba la yang gnod par 'gyur ro/ /bdag gi sems kyi rgyun gcig tu gnas par yang mi 'gyur ro/ /lus rang bzhin du gyur pa rnams ni sems rang bzhin du gnas par 'gyur ba yin no/ /lus la ni phung po lngar brten pa yin te/ gzugs dang / tshor ba dang / 'du shes dang / 'du byed dang / rnam par shes pa dang rnams so/ /lus kyi rjes su 'gro ba'i 'du byed rnams thams cad rig par gyur nas/ rnal 'byor spyod pa des 'phel ba dang 'grib pa'i chos rnams shes par 'gyur ro/ /des spu dang / sen mo dang / rtug pa rnams 'byed par byed pa'i rlung rig par gyur nas yang dag pa ji lta ba bzhin du lus rig par gyur nas/ gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag gi rlung gzhan gang dag gis lus las gyur pa'i las ci dag byed pa yin na des thos pa las byung ba'i shes rab kyis sam lha'i mig gis mthong bar gyur pa/ khu chu rnam par rlug byed ces bya ba'i rlung lus la rab tu gnas pa yin te/ des bdag la las ci zhig byed pa yin pa yang / des thos pa las byung ba'i shes rab kyis sam lha'i mig gis mthong bar gyur pa la/ chu'i chu bur 'dra bar khu chu</font><hr>66.155a<br><font size=+1>

rnam par rlug byed ces bya ba'i bdag gi rlung yod do/ /des bdag gi gcin gyi lam nas rnam par rtog pa ma byas par gyur du zin kyang gcin dang lhan cig tu khu ba rab tu 'byung bar 'gyur ro/ /'di lta ste/ yungs kar gyi tshad tsam dang / nas tsam du 'thas par byas nas bdag gi lus la 'bab pa'o/ /bshang ba'i gnas kyang des zug gzer du byed par 'gyur ro/ /de ni nad dang mtho 'tsham pa'i rigs can yin te/ bdag gi sems kyi rgyun gcig tu gnas par mi 'gyur ro/ /des khu ba rnam par rlug byed kyi rlung la so sor brtags par gyur pas kyang yang dag pa ji lta ba bzhin du lus rab tu rig par byed do/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag gi lus la gnas par gyur pa'i rlung gzhan gang dag gis 'khrugs par gyur pa dang mi 'khrug pa na las ci dag byed pa yin na/ des thos pa las byung ba'i shes rab kyis sam lha'i mig gis mthong bar gyur pa'i rgan gog tu byed pa zhes bya ba'i rlung bdag gi lus la rab tu gnas pa yin te/ de gang dang gang du bdag la rgyas par 'gyur ba de dang de dag gis bdag gi 'du byed rnams rnyings par 'gyur zhing rgan gog tu 'gyur ro/ /'gro ba dang 'ong ba'i gnas rnams la yang stobs dang ldan par mi 'gyur ro/ /bdag yud tsam cig nye bar bsdad pas kyang nad par 'gyur ro/ /bdag mal stan gyi gnas su phyin na yang nad par 'gyur ro/ /yan lag dang nying lag rnams la yang bdag dbang sgyur nus pa yang mi 'gyur ro/ /bdag nyid mang bar yang 'gyur ro/ /gal te yang bdag gi rgan gog tu byed pa'i rlung 'khrugs par ma gyur na ni ji skad du bshad par gyur pa'i nad de dag rnams rab tu 'byung bar mi 'gyur ro/ /des rgas 'khogs par byed pa'i rlung la so sor</font><hr>66.155b<br><font size=+1>

brtags par gyur pas kyang yang dag pa ji lta ba bzhin du lus so sor rig par byed do/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag gi lus la gnas pa'i rlung gang dag gis 'khrugs pa dang ma 'khrugs pa'i las ci dag byed pa yin na/ des thos pa las byung ba'i shes rab kyis sam lha'i mig gis mthong bar gyur pa/ lgang pag rengs par byed pa zhes bya ba'i rlung bdag gi lus la rab tu gnas pa yin te/ de 'khrugs pa dang ma 'khrugs pa na bdag la las ci zhig byed par gyur pa yin pa yang / des mthong ba ni lgang pag rengs pa zhes bya ba'i rlung de gal te 'khrugs par gyur na/ bdag gi yan lag dang nying lag rnams thams cad la yang 'phro bar byed do/ /dbugs rngub par byed pa dang / snying gi nad dang / lgang pag tu gyur pa yang g.yeng bar byed pa dang / bdag gi rtug pa dang gcin rnams thams cad kyang rengs par byed pa 'am/ rengs par mi byed pa yang rung ste/ bdag gi rtug pa bde bar mi thon no/ /co 'dri bar byed pa dang zug gzer du byed do/ /sems kyi rgyun rnam par g.yeng bar byed par 'gyur ro/ /bdag gi rnam par shes pa stobs dang ldan par yang mi 'gyur ro/ /chos kyi dbang du byas nas sems rab tu dang bar 'gyur ba dang / las la mngon par 'dod pa yang ma yin te/ lus sdug bsngal bar gyur na chos la mngon par 'dod par mi 'gyur ro/ /gal te lgang pag rengs par byed pa'i rlung mi 'khrugs na ni ji skad du bshad par gyur pa'i nad de dag rnams rab tu 'byung bar mi 'gyur ro/ /des lgang pag rengs par byed pa'i rlung la so sor brtags par gyur pas kyang yang dag pa ji lta ba bzhin du lus so sor rig par byed do/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag gi rlung gzhan gang dag gis 'khrugs par</font><hr>66.156a<br><font size=+1>

gyur pa dang / 'khrugs par ma gyur pa na las ci zhig byed pa yin na/ des thos pa las byung ba'i shes rab kyis sam lha'i mig gis mthong bar gyur pa/ bshang ba skam por byed pa zhes bya ba'i rlung bdag gi lus la rab tu gnas te/ de bdag la 'khrugs pa dang / ma 'khrugs pa na las ci zhig byed pa yin pa yang / des thos pa las byung ba'i shes rab kyis sam lha'i mig gis mthong bar gyur pa la/ bdag gi bshang ba kun du skams par byed pa zhes bya ba'i rlung gal te 'khrugs par gyur na/ des bdag gal te rab tu phal che ba'i bza' bar bya ba dang bca' bar bya ba rnams bsod par gyur pa'i 'du shes su byas nas mang du zas skom rnams mid par gyur pa na/ de lus kyi gseb du song bar gyur nas dang / 'gram so'i gseb du song bar gyur nas dang / lus kyi gseb na gnas pa dang / mnan pa'i bar du gnas pa dang / lus thams cad kyi gseb du song bar gyur nas kyang bdag la lhang kyog du byed do/ /nga'i bshang ba yang skam par byed do/ /zhag gnyis sam/ zhag gsum 'am/ zhag bzhir yang bdag gi rtug pa btang bar mi nus so/ gal te bdag gis nus par gyur na yang tshor ba chung ngu bdag la 'byung bar 'gyur ro/ /gal te yang bdag gi bshang ba skams par byed pa'i rlung de 'khrugs par ma gyur na ni ji skad du bshad pa'i nad de dag rnams rab tu 'byung bar mi 'gyur ro/ /bshang ba kun du skam byed kyi rlung la so sor brtags par gyur pas kyang yang dag pa ji lta ba bzhin du lus so sor rig par byed do/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag gi rlung gzhan gang dag gis las ci zhig byed pa yin na/ des thos pa las byung ba'i shes rab kyis sam lha'i mig gis mthong bar gyur pa/ rtsibs logs na bar byed</font><hr>66.156b<br><font size=+1>

pa zhes bya ba'i rlung bdag gi lus la rab tu gnas pa yin te/ des bdag la 'khrugs par gyur pa dang / 'khrugs par ma gyur pa na las ci zhig byed pa yin pa yang / des mthong ba ni rtsib logs na bar byed pa zhes bya ba'i bdag gi rlung de gal te 'khrugs par gyur na/ des bdag gi logs kyi rus pa la gnas nas logs kyi gseb du rgyu bar byed pa logs kyi khrag rnams rab tu skams par byed pas bdag la 'jigs su rung ba dang / rtsub pa dang / mi bzad cing drag por gyur pa'i tshor ba rnams skyed par byed do/ /gal te rlung de bdag la 'khrugs par ma gyur na ni ji skad du bshad pa'i nad de dag rnams rab tu 'byung bar mi 'gyur ro/ /des logs na bar byed pa'i rlung rig par gyur nas yang dag pa ji lta ba bzhin du so sor rig par byed do/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas pa na/ bdag gi rlung gzhan gang dag gis 'khrugs par gyur pa dang 'khrugs par ma gyur pa na las ci zhig byed pa yin na/ des thos pa las byung ba'i shes rab kyis sam lha'i mig gis mthong bar gyur pa/ bu ga dgu'i nad ces bya ba'i rlung bdag gi lus la rab tu gnas pa yin te/ des bdag la 'khrugs pa dang ma 'khrugs pa na las ci zhig byed par gyur pa yang / des thos pa las byung ba'i shes rab kyis sam lha'i mig gis mthong ba las bu ga dgu na bar byed pa zhes bya ba'i bdag gi rlung gal te 'khrugs par gyur na/ des bdag gi bu ga dgu po rnams ma lus par 'chum par byed do/ /bu ga bdun mgo bo la gnas pa dang / gnyis bshang ba dang gci ba'i yin te spyir yo 'am gal te re re yang rlung bkag par gyur na yang des lus mnyam par na bar byed do/ /dbugs rngub pa dang 'byung ba yang 'dis shin tu sdom par byed do/ /sna bug na yod pa'i</font><hr>66.157a<br><font size=+1>

rlung gis ni lus rnams thams cad legs par 'dzin par byed pa dang / bdag gi lus kyi gong bu 'di ni rlung gi dbang du gyur pa yin zhing rlung yang 'khrul 'khor bzhin te/ rlung ni rlung nyid kyis bskyod par byed kyi gzhan dag 'ga' zhig kyang ni ma yin no/ /des bu ga dgu na bar byed pa'i rlung la so sor brtags par gyur pas kyang yang dag pa ji lta ba bzhin du lus so sor rig par byed do/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag gi rlung gzhan gang dag gis las ci zhig byed pa yin na/ des thos pa las byung ba'i shes rab kyis sam lha'i mig gis mthong bar gyur pa/ yan lag dang nying lag thung bar byed pa zhes bya ba'i bdag gi rlung yin na/ de 'khrugs par gyur pa dang 'khrugs par ma gyur pa na bdag la las ci zhig byed pa yang / des thos pa las byung ba'i shes rab kyis sam lha'i mig gis mthong bar gyur pa ni gal te bdag gi yan lag dang nying lag rnams thung bar byed pa'i rlung 'khrugs par gyur na des sor mo rnams 'khum par byed do/ /gnad rnams 'bigs par byed do/ /dman zhing thung bar byed do/ /rkang pa dang lag pa yang kun tu 'khum par byed do/ /steng gis rus pa rnams gzer zug byed do/ /brla'i rgyus pa rnams 'khum par byed do/ /'on kyang rgyu ma la gnas pa rnams sbom por yang mi byed do/ /rkang pa dang lus rnams ngal dub skyed par byed do/ /nad 'di dag rnams ni yan lag dang nying lag thung bar byed pa'i bdag gi rlung gis byed do/ /gal te 'khrugs par ma gyur na ni ji skad du bshad pa'i nad de dag rnams 'byung bar mi 'gyur ro/ /yan lag dang nying lag thung bar byed pa'i rlung la so sor brtags par gyur pas kyang yang dag pa ji lta ba bzhin du lus la so sor rig par byed do/ /gzhan yang rnal 'byor spyod pa nang gi bdag</font><hr>66.157b<br><font size=+1>

nyid kyi lus la lus kyi rjes su lta zhing gnas te/ bdag gi rlung gang dag gis las ci zhig byed pa yin na/ des thos pa las byung ba'i shes rab kyis sam lha'i mig gis mthong bar gyur pa/ me drod kun du sun 'byin pa zhes bya ba'i rlung bdag gi lus la rab tu gnas pa yin te/ des bdag la 'khrugs par gyur pa dang 'khrugs par ma gyur pa na las ci zhig byed pa yang des mthong bar gyur pa/ gal te me drod sun 'byin par byed pa'i rlung lus la 'khrugs par gyur na/ des bdag gi lus la gnas par gyur pa'i me drod rnams rang gi gnas nas 'pho bar byas nas nyams par byed do/ /des bdag me drod nyams par gyur nas zas rnams smin par mi 'gyur ro/ /skom yang bdag gis 'ju bar mi 'gyur ro/ /des lpags par gyur pa rnams kyang mdog ngan par 'gyur ro/ /khrag rnams kyang skam zhing sha dag kyang yongs su nyams par byed do/ /rgyus pa rnams 'khum par 'gyur ba skyed par byed do/ /tshil rnams med par 'gyur ro/ /bdag gi rus pa rnams kyang skam par 'gyur ro/ /lha ba kun kyang srab mor 'gyur ro/ /bdag gi lus thams cad las gyur pa'i khu chu dag dang stobs rnams kyang nyams par byed do/ /snying la brten pa'i rlung gis ni rtogs par mi byed do/ /gal te yang me drod kun tu sun 'byin par byed pa'i rlung 'khrugs par ma gyur na ji skad du bshad pa'i nad de dag rnams 'byung bar mi 'gyur ro/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag gi rlung gang dag gis las ci zhig byed pa yin na/ des thos pa las byung ba'i shes rab kyis sam lha'i mig gis mthong bar gyur pa/ bdag gi lus kyi yan lag dang nying lag rnams thams cad grang bar byed pa zhes bya ba'i rlung yin te/ des 'khrugs par gyur pa 'am 'khrugs par ma gyur pa na las ci zhig</font><hr>66.158a<br><font size=+1>

byed pa yin pa yang / des thos pa las byung ba'i shes rab kyis sam lha'i mig gis mthong ba ni bdag gi lus thams cad grong mor byed pa'i rlung gal te 'khrugs par gyur na/ lus la kha chu skyed pa dang rlan par yang 'gyur ro/ /'di lta ste/ nyal bar gyur pa na rtsub pa dang gyong ba'i kha dog dang 'khum par yang byed do/ /snyoms par lus kyi yan lag dang nying lag rnams hrud hrud por 'gyur ro/ /bdag gi lus kyi ba spu rnams langs par yang lus 'gyur ro/ /lab leb mang zhing mi mnyam par gyur par lus kyi yul 'ga' zhig tu skyed par 'gyur ro/ /'dzad par 'gyur ba skyed pa dang g.yan pa'i ngo bor gyur pa'i chu ser khrag gi rgyal po yang skyed do/ /spu rnams kyang ser por 'gyur ro/ /tshad pas gdungs par yang 'gyur ro/ /sbom pa nyid du gyur cing lus kyi yul rnams mi mnyam par yang 'gyur ro/ /skya bo nyid du yul de dag rnams 'gyur ro/ /bdag gi lus po la yang lpags pa 'thug po kab kob mang du 'gyur ro/ /glang po'i lpags pa dang 'dra bar yang 'gyur ro/ /bdag gi dka' blas kyis bdag gis langs nus par 'gyur ro/ /rnag gi dri rnams kyang bdag gi lus las 'byung bar 'gyur ro/ /ji srid du zas kyang rtsub pa'i rdag rdog can du 'gyur ro/ /bdag gi lus kyi phyogs gcig nas glang po che'i lpags pa dang 'dra bar 'gyur ro/ /'brum 'jur dang snye ba yang bdag gi ngos gcig tu 'gyur ro/ /skyes bu lag pa dang rkang pa dag la rma yang kun tu skye bar byed do/ /bdag 'gro ba dang 'ong bar gyur pa na yang ngal zhing dub par 'gyur ro/ /g.yan pa yang bdag gi lus kyi phyogs gcig tu kun nas skye bar byed do/ /rnam par sreg par byed pa yang rtag du skyed do/ /bdag gi lus reg bya ngan par yang kun tu skye bar byed do/ /rnag gi thum po skyes pa rnams rnam par 'phel bar byed do/ /rnam par rmas par byed do/ /so la yang bdag chags pa dang bral bar 'gyur ro/ /bdag gi sna</font><hr>66.158b<br><font size=+1>

yang zug gzer chen por 'gyur ro/ /bdag gi mig gnyis kyi rdzi ma phra mo rnams 'brul bar 'gyur ro/ /sor mo dang rkang pa'i sor mo rnams kyang rnam par 'brul bar 'gyur ro/ /skad rnams kyang grag yar med par 'gyur ro/ /srin bu yang phyi rol tu rgyu bar gyur par rab tu 'byung bar 'gyur ro/ /bdag gi yan lag dang nying lag rnams thams cad kyi spu rnams nyil bar 'gyur ro/ /skye bo rnams thams cad kyang bdag la skyug ldog par 'gyur ro/ /sbyin pa po dang sbyin bdag gi khyim du yang bdag smod par bya ba'i gnas su 'gyur ro/ /sbrang bu rnams kyang bdag gi lus la rtag tu rgyug par 'gyur ro/ /chos gos kyang bdag gi lus la mi bzod do/ /bdag gi sen mo rnams kyang rnam par nyil bar 'gyur ro/ /bdag nyal bar gyur pa na yang ngar ngar po'i dbugs rnams kun du 'byung ngo / /bdag sdug bsngal bar gyur pas kyang zas la sred par 'gyur ro/ /'on kyang 'ju ba ma yin no/ /bdag gis btung ba rnams 'thungs pas kyang khyad par du tshad pa skyed par byed do/ /bdag gi lce yang rnam par 'gyur ba bskyed do/ /de ltar yan lag dang nying lag rnams thams cad la grang bar byed pa'i rlung dag gis dman par gyur pas lus rnams 'dzag par 'gyur ro/ /gal te yang bdag gi yan lag dang nying lag rnams thams cad la grang bar byed pa'i rlung rab tu rgyas par ma gyur na ni grang ba ma yin pa'i rlung des lus mdog bzang ba dang / mkhregs pa dang / 'jam zhing snum bag can dang / dkar ba dang / mnyen pa dang / skye bo rnams thams cad dga' bar 'gyur ro/ /rngul ba rnams thams cad ni dro bar 'gyur ba la rigs pas yan lag dang nying lag rnams thams cad dang / ba spu'i khung bu rnams nas 'byung bar 'gyur ro/ /ji skad du bshad par gyur pa'i nad rnams kyang rab tu 'byung bar mi 'gyur ro/ /des yan lag dang nying lag rnams thams cad la grang bar byed pa'i rlung la so sor brtags par gyur pas kyang lus yang dag pa ji lta ba bzhin du so sor rig par byed do/ /</font><hr>66.159a<br><font size=+1>

gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag gi rlung gzhan gang dag gis lus la las ci zhig byed pa yin na/ des thos pa las byung ba'i shes rab kyis sam lha'i mig gis mthong bar gyur pa/ brtan pa 'jig par byed pa zhes bya ba'i rlung lus la 'khrugs par gyur na/ des bdag 'jigs pa chung ngu la yang bdag gi snying dngangs par 'gyur ro/ /yan lag dang nying lag rnams thams cad la yang lhang kyog 'byung ngo / /rengs par 'gyur ba dang / dngang bar yang 'gyur ro/ /rmongs par yang 'gyur ro/ /bdag gi dbugs kyang stobs shin du phul du phyin par 'gyur ro/ /'on kyang dbugs kyang phyir rngub par yang mi nus par 'gyur ro/ /bdag gis chos gos kyang mi bzod do/ /bdag la mgo bo'i nad rnams 'byung bar 'gyur ro/ /bsam gtan la gnas par gyur pa na yang sems kyi dmigs pa gcig tu mi 'gyur ro/ /bdag gis rmi lam du yang rnam par 'gyur ba rnams mthong bar 'gyur ro/ /bdag la skyug pa yang 'byung bar 'gyur ro/ /bdag gis zhi bar 'gyur ba'i gzugs rnams kyang drag por gyur par mthong ngo / /thag nye bar gyur pa'i gzugs rnams kyang bdag gis rgyang ring bar mthong bar 'gyur ro/ /bdag gi sred pa yang rab tu che bar 'gyur ro/ /gal te yang brtan pa 'jig par byed pa'i rlung 'khrugs par ma gyur na ni ji skad du bshad pa'i nad de dag rnams 'byung bar mi 'gyur ro/ /des brtan pa 'jig par byed pa'i rlung la so sor brtags par gyur pas kyang yang dag pa ji lta ba bzhin du lus so sor rig par byed do/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag gi rlung gzhan gang dag gis las ci zhig byed pa yin na/ des thos pa las byung ba'i shes rab kyis sam lha'i mig gis mthong bar gyur pa</font><hr>66.159b<br><font size=+1>

lus thams cad la 'phar ba zhes bya ba'i rlung lus la gnas pa yin te/ des bdag la 'khrugs par gyur pa dang 'khrugs par ma gyur pa na las ci zhig byed pa yang / des thos pa las byung ba'i shes rab kyis sam lha'i mig gis mthong bar gyur pa ni gal te bdag gi lus thams cad la 'phar ba zhes bya ba'i rlung lus la 'khrugs par gyur na des bdag 'phar bar byed do/ /rna ba 'ur 'ur byed cing rnam par 'phar bar byed do/ /rlung gis 'phar bar yang byed do/ /yan lag dang nying lag rnams thams cad la yang 'phar bar byed do/ /nang du rgyu bar yang 'gyur ro/ /yul dang yul rnams su sdom par yang byed do/ /'on kyang nad ni mi skyed do/ /gal te lus thams cad la rgyu ba'i rlung de 'khrugs par ma gyur na ji skad du bshad pa'i nad de dag rnams 'byung bar mi 'gyur ro/ /des yan lag thams cad 'phar ba'i rlung la so sor brtags par gyur pas kyang yang dag pa ji lta ba bzhin du lus so sor rtogs par byed do/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag gi rlung gzhan gang dag gis lus la las ci zhig byed pa yin na/ des thos pa las byung ba'i shes rab kyis sam lha'i mig gis mthong bar gyur pa/ sreg par byed pa'i rlung bdag gi lus la gnas pa yin te/ des bdag la 'khrugs par gyur pa dang 'khrugs par ma gyur pa na las ci zhig byed pa yang / des mthong bar gyur pa sreg byed kyi rlung 'khrugs par gyur na ni des bdag gis mid par gyur pa'i zas rnams mgul pa'i sbu gu la rab tu brten par byas nas myur du sreg par byed do/ /zas la gnas par gyur pas bdag gi 'byung ba chen po rnams rgyas par mi 'gyur ro/ /bza' bar bya ba dang bca' bar bya ba zos par gyur pa rnams kyang rnam pa gnyis su 'gyur ba yin te/ rab tu dang bar gyur pa dang / rnyog par gyur pa'o/ /de la rab tu dang bar gyur pa rnams kyis ni 'byung ba chen po rnams rgyas par</font><hr>66.160a<br><font size=+1>

byed do/ /rnyog par gyur pas ni nad rnams rab tu 'byung bar 'gyur ro/ /bdag gi sreg byed kyi rlung de 'khrugs par gyur na phal cher zas kyi rigs rnams rnyog pa can du byed do/ /nyung ngu nyung ngu tsam zhig rab tu dang bar 'gyur ro/ /des bdag gi nad rnams rab tu 'khrugs par byed do/ /gal te yang sreg byed kyi rlung 'khrugs par ma gyur na ni des bdag gi zas rnams rnam pa gnyis su byed do/ /rab tu dang bar gyur pa dang rnyog pa ste/ des kyang nga'i 'byung ba chen po rnams snyoms par 'gyur ro/ /nad rnams dkrug par yang mi 'gyur ro/ /des sreg byed kyi rlung la so sor brtags par gyur pas kyang yang dag pa ji lta bar lus so sor rig par byed do/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ rlung gzhan gang dag bdag gi lus la rab tu gnas pa yin na/ des thos pa las byung ba'i shes rab kyis sam lha'i mig gis mthong bar gyur pa/ srin la kun tu 'jug par byed pa'i rlung bdag gi lus la rab tu gnas pa yin te/ des bdag gi yan lag dang nying lag rnams thams cad la gnas pa'i srin rnams so sor 'dre bar byed do/ /rnam par 'dre bar byed do/ /kun tu 'gal bar byed do/ /rnam par 'gal bar byed do/ /kun tu sgul bar byed do/ /steng 'og tu byed par 'gyur ro/ /mgo bo nas ji srid du rkang pa'i bar du dang / klad pa la rgyu bar byed pa de klad pa la rgyus nas de klad rgyas la rgyu bar gyur nas thod pa la rgyu bar byed cing gseb tu song nas skra za bar byed pa dang / rna ba la rgyu ba dang snabs shin tu 'phel bar byed pa dang / tshil la rgyu bar byed pa dang / tshigs pa rnams dang / 'gram par gyur pa dang / dpral ba za ba dang / so'i rtsa ba rnams za ba dang / skyugs byed kyi srin gyi rigs gzhan bcu mgrin pa dang mgul pa la gnas pa rnams la 'di lta ste/ zas su ngar snabs za ba dang / mchil ma rnams shin tu 'grim par byed pa dang / rab tu skyug byed dang rnams so/ /khu ba rgyu ba</font><hr>66.160b<br><font size=+1>

bcu'i rtsa rnams kyi nang na rgyu ba mngar myos dang / rab myos dang / ro drug la sred pa dang / g+hur g+hur ra ba dang / ro la rab tu sdang ba dang / nyal ba la shin tu mngon par dga' ba dang / sbom po dang rnams so/ /khrag las skyes par gyur pa'i srin gyi rigs bcu sha dang lhan cig gnas pa rnams 'di lta ste/ spu za ba dang / so su ra dang / dza na tu ra dang / o'u dum ba ra ma dang / kun tu 'dzim pa dang / spu'i gling dang / khrag la rab tu khro ba dang / khrag za ba dang / rab rab byed pa dang / skyur po dang rnams te/ rkang pa med pa dang / thung ngu dang / 'phel ba'i dbyibs can dang / khrag las skyes pa'i srin du gyur pa mig med pa dang / g.yan pa'i mtshan nyid dang / 'bigs byed kyi mtshan nyid dang ldan pa rnams yin no/ /sha la gnas pa'i srin gyi rigs bcu po rnams ni 'di lta ste/ rma kun nas slong ba dang / tsun tsu ka ba dang / rgyus pa sgul ba dang / rtsa 'bigs pa dang / pags pa za ba dang / tshil sgul ba dang / 'phel byed dang / dri ngan dang / rngul la rgyu ba dang / sreg byed dang rnams so/ /mkhris pa la gnas par gyur pa'i srin gyi rigs bcu po rnams ni 'di lta ste/ tsu ra tha dang / sgul byed dang / rdzas kyis rgyas pa dang / chen po'i rigs dang / nag pa pa dang / zas chen po dang / dro ba la rgyu ba dang / rnam par sreg byed dang / me drod nyams byed dang / me chen po dang rnams yin no/ /yan lag dang nying lag rnams thams cad la gnas pa'i srin rnams ni 'di lta ste/ rus pa la ldag pa dang / shin tu 'drud byed dang / tshigs pa gcod cing rgyu ba dri mi zhim pa dang / rus pa'i rnag gi rigs dang / kha dmar ba dang / myang bar byed pa dang / pags pa za ba dang / grog ma dang / spu gri'i kha dang rnams so/ /bshang ba la rgyu ba'i srin gyi rigs bcu po rnams ni 'di lta ste/ dngas ma pa dang / khab kyi kha dang / phi sbi skyes pa dang / rkang pa med pa dang / bshang ba rnam par 'thor byed dang / skom pas gdungs pa dang / bshang ba 'byed pa dang / rnam par rengs byed dang / mdog</font><hr>66.161a<br><font size=+1>

bzangs dang / gzhang smin byed dang rnams so/ /lha ba la rgyu bar byed pa'i srin gyi rigs bcu po rnams ni 'di lta ste/ spu la gnas pa dang / spro ba med pa dang / kha nag dang / gzer zug chen por byed pa dang / rmongs par byed pa dang / me mdog can dang / 'og tu 'gro ba dang / o'uT+Ting ga dang / kun du rtog pa dang / dga' ba pa dang rnams so/ /'di dag rnams ni ji ltar 'dod pa bzhin du lus la rgyu bar byed pa yin no/ /khams thams cad la 'jug pa dang / skyon rnams thams cad la 'jug par byed pa'i yan lag dang nying lag rnams thams cad la gnas pa'i srin de dag rnams la/ srin rnams la kun tu 'jug par byed pa'i rlung gis srin rnams thams cad lus kyi nang du rgyu bas ji ltar 'dod pa bzhin du rlung gis 'bebs par byed pa yin te/ bdag gi lus dang po dang srog srin rnams thams cad kyang ngo / /des srin bu rnams la kun tu 'jug par byed pa'i rlung la so sor brtags par gyur pas kyang yang dag pa ji lta ba bzhin du lus so sor rigs par byed do/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ des thos pa las byung ba'i shes rab kyis sam lha'i mig gis mthong bar gyur pa/ steng 'og du byed pa zhes bya ba'i rlung bdag gi lus la rab tu gnas pa yin te/ des 'khrugs par gyur pa dang 'khrugs par ma gyur pa na las ci zhig byed pa yin pa yang / des thos pa pa las byung ba'i shes rab kyis sam lha'i mig gis mthong ba ni steng dang 'og gi rlung gal te bdag la 'khrugs par gyur na/ de rnam pa lngar lam lnga la rjes su rten par 'gyur ro/ /gnas lnga la gnas pa yin no/ /gnas lnga la gnas par gyur nas kyang las gang dag byed pa yin na/ dbugs 'byung ba dang rngub pa rnams kun du rgyu bar byed do/ /de la 'jig rten 'di na srog ces brjod do/ /de mgo bo dang brang la kun du brten nas</font><hr>66.161b<br><font size=+1>

de dag gi nang na rgyu bar byed pa lus thams cad la stobs dang ldan par 'phro bar byed pa yin no/ /de yang gang gi tshe mi bzad par gyur pa na des lus kyi 'khrul 'khor rnam par 'jig par byed do/ /de'i las ni lud pa dang glo lu ba 'og tu song bar gyur nas zas kha'i lam nas steng du byed do/ /de'i las kyis dbugs 'byung ba dang rngub pa 'di dag gi cha gnyis pa brang snying la legs par brten nas shin tu dga' bar byed do/ /gang gi tshe yang steng du rgyu bar gyur na dga' ba dang bral bar yang 'gyur te/ de mgrin pa'i sbu gu'i gseb nas steng du 'byung bar 'gyur zhing mgo bo rab tu brtol bar gyur nas lce'i rtsa bar 'gro'o/ /de lce la brten par gyur na ni de ma thag pa'i yid kyi lhan cig byed pa'i rkyen dang phrad pas yi ge'i brjod pa rnam pa sna tshogs pa rtogs pa dang spyod pa dang ldan pa rnams rjod par byed do/ /cha gsum pas kyang rtag par rgyun tu lus kyi me drod 'phel bar byed do/ /skyon yang des 'dug par byed do/ /bzhi pas ni rang gi lus la khyab par gyur nas nges par gnas so/ /rtag tu mig 'dzums pa dang 'byed par byed pa po de la brten nas rked pa dang / rgyu zhabs dang / brla dang / rlig pa dang / rnams la rten cing bshang ba'i lam la rten par byed do/ /des kyang lto rgyas par byed de bud med rnams ni 'grib par byed do/ /an tong rus pa la brten nas gang gi tshe bud med dag khu chu dang khrag rnams kun tu sbyor bar gyur pa na/ bud med kyi rgyu zhabs kyi gnas su shugs dang ldan par kun du rgyug par gyur nas des khu chu dang khrag kun du 'dre bar byed do/ /sla mo rnams ni yang bar byed do/ /gang gi tshe zas rnam par 'ju bar byed pa na cha gsum pa 'dod pa'i me'i bya bas gsal bar byas nas rnam par 'byed par byed do/ /rnam par rtog pas lus ring ba dang / thung ba dang / zlum po dang / gru bzhi yang byed do/ /</font><hr>66.162a<br><font size=+1>

rlung des ji lta ji ltar lus mngon par gsal ba dang / tshad dang / dbyibs rnams mngon par 'brel bar byed pa de bzhin du rnam par shes pa yang rnam pa sna tshogs pa'i mtshan nyid du 'brel bar 'gyur ro/ /dper na zho ska mo dang chu bud med kyis bum par sdud par byed do/ /bsrubs pas ska mo dbu ba rdos par 'gyur ro/ /dbu ba rdos nas 'thas par 'gyur ro/ /'thas pa las mar sar du 'gyur ro/ /de kho na bzhin du rlung yang lus la nyon mongs pa rnams thams cad dang bcas nas kun du mngon par 'jug go/ /cha lnga pas ni zos pa dang / 'thungs pa dang / 'chos pa dang / myangs par gyur pa rnams gang gi tshe lce'i rtse mo dang sbu gu la rab tu brten par gyur pa'i zas rnams das skra rnams kyi mtha' nas bzung nas ji srid du sen mo rnams la brtson 'grus kyis rnam par 'byed par byed do/ /ro dang / kha dog dang / dri rnams kyang lus thams cad la byed do/ /gang gi tshe yang zas steng du byed par gyur pa'i rlung 'khrugs par gyur na ni des rnam pa lngar chags pa dang bral bar 'gyur ba'i las lnga byed pa yin te/ steng du dbugs 'byung bar 'gyur ba'i dbugs mi 'byung bar byed do/ /des lus kyi khams rnams thams cad la lhang kyog chen po 'byung bar 'gyur ro/ /lhang kyog gis kyang lus yongs su btang nas 'khrugs par gyur pa'i las gsum pa byed do/ /dbang po rnams thams cad dang shes pa rnams thams cad kyang rnam par dkrug par byas nas lus kyang 'dor bar byed do/ /lus yongs su dor bas kyang gsum 'joms par 'gyur te/ srog dang drod dang de nas ni rnam par shes pa'o/ /'di la tshigs su bcad pa/ srog drod de nas rnam par shes/ /gang tshe lus 'di btang ba na/ /ji ltar shing bzhin sa la ni/ /'gyel nas de tshe nyal ba yin/ /'khrugs par gyur pa'i las gnyis pa yang byed do/ /dbugs thung ngu 'byung bar byed kyi dbugs ring po 'byung</font><hr>66.162b<br><font size=+1>

bar ni mi byed de/ de las kyang lus rnams thams cad la rgyug pa'i zug gzer chen po 'byung bar 'gyur ro/ /zug gzer gyis kyang lus yongs su btang bar 'gyur ro/ /'khrugs par 'gyur ba'i las gsum pa rnams byed de/ dbang po rnams thams cad dang shes pa rnams thams cad kyang rnam par g.yeng bar byas pas 'du shes med par yang byas nas lus 'dor bar yang byed do/ /'khrugs par 'gyur ba'i las bzhi pa byed pa yin te/ brgya lam na dbugs 'byung ba stobs dang ldan par gyur pas sam/ gal te shed na dman par gyur pas kyang lus 'dor bar byed pa 'am/ ma yin pa 'am nyal ba'i 'du shes kyi dbugs dang ldan par gyur pas 'tsho ba 'dzin par byed do/ /des steng 'og gi rlung rnams rig par gyur pas kyang yang dag pa ji lta ba bzhin du lus so sor rig par byed do/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag gi rlung gzhan gang dag gis 'khrugs par gyur pa na las ci zhig byed pa yin na/ des thos pa las byung ba'i shes rab kyis sam lha'i mig gis mthong bar gyur pa/ kun rdzogs par byed pa zhes bya ba'i rlung lus la rab tu gnas te cha bar gyur pa dang rjud par yang byed do/ /sems kyi rgyud brtan par yang byed do/ /gal te 'khrugs par gyur na ni des kyang sems kyi rgyun tsab hral can du byed do/ /rnam par shes pa goms par byas pa yang nyams par byed do/ /thos pa rnams kyang gzhan du byed do/ /des mthong bar gyur pa rnams kyang mi mthong bar byed do/ /de bzhin du rna bas kyang sgra rnams mi thos par byed do/ /de bzhin du dri bsnom par mi byed cing de bzhin du ro myang bar mi byed la de bzhin du lus kyi reg bya rnams 'dzin par mi byed do/ /de bzhin du yid kyis chos rnams mi shes so/ /bdag nyid rang dang gzhan rnams shes par mi 'gyur</font><hr>66.163a<br><font size=+1>

ro/ /des kun rdzogs par byed pa'i rlung rig par gyur pas kyang yang dag pa ji lta ba bzhin du lus so sor rig par byed do/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te bdag gi rlung gang dag gis las ci zhig byed pa yin na/ des thos pa las byung ba'i shes rab kyis sam lha'i mig gis mthong bar gyur pa/ sems kyi rgyud kun du sun 'byin pa'i rlung bdag gi lus la rab tu gnas pa yin te/ des 'khrugs par gyur pa 'am 'khrugs par ma gyur na/ bdag la las ci zhig byed pa yang des thos pa las byung ba'i shes rab kyis sam lha'i mig gis mthong ba na/ gal te bdag la sems kyi rgyud kun nas sun 'byin pa'i rlung 'khrugs par gyur na/ de bdag gi sems rgyu bar byed pa'i lam kun du sun 'byin par byed do/ /bskyod par byed do/ /rengs par byed do/ /shin du skams par byed do/ /rnam par g.yeng bar yang byed do/ /kun du rmongs par yang byed do/ /bdag gis zos par gyur pa rnams kyang lam nas yang dag par yongs su bzhu bar mi 'gyur ro/ /des rang gi sems rnam par g.yeng bar 'gyur ro/ /de yis bdag gi sems dge ba'i chos rnams la mngon par dga' bar mi byed do/ /rtag tu yang bdag gi lus las rngul kun du 'byung ngo / /bdag gi kha nas lbu ba yang 'byung bar 'gyur ro/ /grang mor gyur pa'i reg bya rnams kyang bdag gis mi bzod do/ /gang yang bdag gis gzugs rnams mthong bar gyur pa de dag rnams ni mi gsal bar yongs su 'dzin to/ /bdag gi lus po dag lci bar yang 'gyur ro/ /'on kyang bdag la de dag la mthu stobs yang med do/ /bdag gi lus shin du rgud par 'gyur ro/ /des sems sun 'byin par byed pa'i rlung la so sor brtags par gyur pas kyang yang dag pa ji lta ba bzhin du lus so sor rig par byed do/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ </font><hr>66.163b<br><font size=+1>

bdag gi rlung gzhan gang dag gis 'khrugs par gyur pa dang 'khrugs par ma gyur pa na las ci zhig byed pa yin na/ des thos pa las byung ba'i shes rab kyis sam lha'i mig gis mthong bar gyur pa/ 'khrugs par byed pa zhes bya ba'i rlung bdag gi lus la rab tu gnas pa yin te/ de gal te 'khrugs par gyur na/ bdag gis rmi lam na rmi lam gyi bya ba rnams byed par mthong ngo / /bdag nyal bar gyur pa yang rnam par 'khrul bar byed do/ /bdag gi drod rnams thams cad shin du grang ba'i stobs dang ldan par 'gyur ro/ /grong khyer dang khang pa rnams kyang bdag gis shin du stong par mthong ngo / /bdag gi mdog skya bor 'gyur ro/ /bdag gi lus ngag gi byed pa rnams nyung bar 'gyur ro/ /mal sten la bdag gi bde ba rnyed par mi 'gyur ro/ /gang yang bdag gis chos rnams mngon sum du byas pa de dag rnams kyang bdag shin du mngon par 'dod par mi 'gyur ro/ /bdag gi 'byung ba chen po rnams thams cad kyang kun du 'khrugs par byed do/ /zos par gyur pa'i bdag gi 'byung ba chen po rnams thams cad dang / bzod pa rnams kyang bdag gi snying gi phyogs na kun tu gnas par 'gyur ba dang / bdag glo bur du tshor ba med par yang 'gyur ro/ /bdag gis thal ba'i phung po yang glo bur du mthong bar 'gyur ro/ /gal te yang 'khrugs par ma gyur na ni ji skad du bshad pa'i nad de dag rnams 'byung bar mi 'gyur ro/ /des kun du 'khrugs par byed pa'i rlung la so sor brtags par gyur pas kyang yang dag pa ji lta ba bzhin du lus so sor rig par byed do/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag gi rlung gzhan gang dag gis 'khrugs par gyur pa dang 'khrugs par ma gyur pa na las ci zhig byed pa yin na/ des thos pa las byung ba'i shes rab kyis sam lha'i mig gis mthong bar gyur pa/ mig 'byed pa dang 'dzums par byed pa zhes bya ba'i bdag gi</font><hr>66.164a<br><font size=+1>

rlung lus la rab tu gnas pa yin te/ de gal te 'khrugs par gyur na des bdag gi mig 'byed pa dang 'dzums par yang mi byed do/ /de ltar yan lag dang nying lag rnams thams cad la rgyu ba dang / rtsa rnams thams cad la rgyu ba dang / dbang po rnams thams cad rmongs shing zhen par byed pa'i rlung myur ba ni bdag gis gcig kyang ma mthong ngo / /'byed pa dang 'dzums par byed pa'i rlung gal te 'khrugs par gyur na ni/ ji skad du bshad pa'i nad de dag rnams rab tu 'byung bar mi 'gyur ro/ /'byed pa dang 'dzums par byed pa'i rlung la so sor brtags par gyur pas kyang yang dag pa ji lta ba bzhin du lus so sor rtogs par byed do/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te bdag gi rlung gzhan gang dag gis 'khrugs par gyur pa 'am 'khrugs par ma gyur na las ci zhig byed pa yin na/ des thos pa las byung ba'i shes rab kyis sam lha'i mig gis mthong bar gyur pa/ phan tshun kun du dkrug par byed pa'i rlung lnga bdag la 'chi ba'i dus na 'byung bar 'gyur te/ de 'khrugs par gyur pa 'am 'khrugs par ma gyur pa na/ bdag 'chi bar gyur pa'i dus na las ci zhig byed par 'gyur ba yin na/ mig dang / rna ba dang / sna dang / lce dang / lus dang / yid rnams kun du 'gag par byed do/ /rang rang gi yul gzugs dang / sgra dang / dri dang / ro dang / reg bya dang / chos rnams kyang ste gal te 'khrugs par ma gyur na ni des bdag myur bar 'chi bar byed par mi 'gyur ro/ /des phan tshun 'khrugs par byed par lnga'i rlung la so sor brtags par gyur pas kyang yang dag pa ji lta ba bzhin du lus so sor rig par byed do/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag gi rlung gzhan gang dag gis 'khrugs par gyur pa dang 'khrugs par ma gyur pa na las ci zhig byed pa yin na/ des thos</font><hr>66.164b<br><font size=+1>

pa las byung ba'i shes rab kyis sam lha'i mig gis mthong bar gyur pa/ mngal kun du chags par byed pa zhes bya ba'i rlung bdag gi lus la rab tu gnas pa yin te/ des bdag dang po mngal du skye bar gyur pa na/ gal te tha mal pa'i las kyi rkyen kyis bdag nur nur po'i nang du des srog dang 'brel bar byed do/ /nur nur po la gnas par gyur pa na/ gal te yang srog dang bral bar ma gyur na mer mer po la gnas pa na 'bral bar mi byed do/ /nar nar po la gnas par gyur na yang 'bral bar mi byed do/ /des lus kyi cha shas rnams thams cad dod pa na 'bral bar byed do/ /yan lag dang nying lag rnams thams cad 'gyus pa la ni srogs 'phrog par mi byed do/ /des bdag gi dbang po rnams dod par byas nas 'phrog par byed do/ /skye ba gzhan gang yang rung ba rnams la ji lta ji ltar srog gcod pa shin du lci ba rnams byas par gyur na/ de lta de ltar 'di'i mngal nas bzung nas shin du myur bar srog dang bral bar byed do/ /gal te yang 'dis skye ba gzhan gang yang rung ba rnams su srog gcod pa ma byas par gyur na ni 'chi bar 'gyur ba ji skad du bshad pa de dag rnams shin du myur bar 'byung bar mi 'gyur ro/ /des mngal 'phel bar byed pa'i rlung la so sor brtags par gyur pas kyang yang dag pa ji lta ba bzhin du lus so sor rig par byed do/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag gi rlung gzhan gang dag gis 'khrugs par gyur pa dang 'khrugs par ma gyur pa na las ci zhig byed pa yin na/ des thos pa las byung ba'i shes rab kyis sam lha'i mig gis mthong bar gyur pa/ mngal 'jig par byed pa zhes bya ba'i rlung lus la gnas pa yin te de 'khrugs pa 'am ma 'khrugs pa na las ci zhig byed pa yin na/ des thos pa las byung ba'i shes rab kyis sam lha'i mig gis mthong bar gyur pa/ gal te bdag gi mngal</font><hr>66.165a<br><font size=+1>

'jig par byed pa'i rlung 'khrugs par gyur na/ 'dod pas log par g.yem pa'i rkyen dang ldan pas rang bzhin sun 'byin par byed pa yin te/ bdag skyes par gyur nas mngal na gnas pa las des bud med dam ma ning du yang byed do/ /thams cad du yang mngal 'pho bar byed pa yin te/ nyes par byas pa'i las can rnams la'o/ /gal te yang mngal 'jig par byed pa'i rlung sngon nyes par byas pa'i las rnams kyi rkyen dang ldan par gyur pas 'khrugs par ma gyur na ni ji skad du bshad pa'i mngal gyi rnam par 'gyur ba'i nad de dag rnams 'byung bar mi 'gyur ro/ /des mngal 'jig par byed pa'i rlung la so sor brtags par gyur pas kyang yang dag pa ji lta ba bzhin du lus rab tu rig par byed do/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag gi rlung gzhan gang dag gis 'khrugs par gyur pa dang 'khrugs par ma gyur pa na las ci zhig byed pa yin na/ des thos pa las byung ba'i shes rab kyis sam lha'i mig gis mthong bar gyur pa/ gal te bdag 'gro ba dang / 'ong ba dang / rgyug pa dang / mchong bar byed pa'i rlung 'khrugs pa dang ma 'khrugs par gyur pa na ste/ des bdag skyog por 'gyur ro/ /lag pa dag kyang 'khum par 'gyur ro/ /rgur por yang 'gyur ro/ /gnas dang gnas su yang 'gro bar mi nus so/ /bdag gi zas dang gnas dang kun dga' ra ba rnams su yang 'gro bar mi nus so/ /bdag gi lus kyi dbang po'i blo rnams dang yid kyang rab tu dang bar mi 'gyur ro/ /gal te 'khrugs par ma gyur na ni des bdag gi lus 'gro ba dang 'ong ba rnams nus par 'gyur ro/ /bdag gis rgyug pa dang / mchong ba dang / 'dzig pa rnams kyang nus par 'gyur ro/ /des 'gro ba dang / 'ong ba dang / rgyug pa dang / mchong bar byed pa'i rlung la so sor brtags par gyur pas kyang yang dag pa ji lta ba bzhin du lus</font><hr>66.165b<br><font size=+1>

so sor rig par byed do/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag gi rlung gzhan gang dag gis 'khrugs par gyur pa 'am 'khrugs par ma gyur pa na las ci zhig byad pa yin na/ des thos pa las byung ba'i shes rab kyis sam lha'i mig gis mthong bar gyur pa/ bdag gi mig dang / rna ba dang / sna dang / lce dang / lus rnams kyi so sor las byed pa'i rlung lnga po rnams so sor rgyu bar byed do/ /de la rlung gcig ni mig dang lhan cig tu gyur pa'i 'byung ba bzhi las shin du g.yo bar byed pas na rlung yin te/ des na 'di la ni rlung zhes brjod do/ /des gal te bdag gi mig rab tu dang bar byed par gyur na ni gang gis bdag gi 'byung ba chen po rnams rab tu dang bar byas pas gzugs rnams lta bar byed pa la nus pa dang ldan par 'gyur ro/ /rna ba la yang bdag gi rlung gzhan rab tu gnas pa yin te/ des sgra rnams 'dzin par byed pa la bdag nus pa dang ldan par 'gyur ro/ /de bzhin du snas dri rnams 'dzin par byed pa yin te/ de ltar snas nus par 'gyur ba yin no/ /de ltar bdag gi lces kyang ro rnams myang bar byed pa yin no/ /de ltar bdag gi lus kyis kyang reg bya rnams 'dzin par byed pa yin no/ /de ltar yang rlung lnga po rnams yang dag pa ji lta ba bzhin du lus so sor rig par byed do/ /gal te yang rlung de dag rnams kyang 'khrugs par gyur na ni ji skad du bshad par gyur pa'i yul de dag rnams la dbang po rnams nus pa med par 'gyur ro/ /des mig dang / rna ba dang / sna dang / lce dang / lus rnams la gnas par gyur pa'i rlung lnga po rnams shes par gyur pa dag gis kyang yang dag pa ji lta ba bzhin du lus so sor rig par byed do/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag gi rlung gzhan</font><hr>66.166a<br><font size=+1>

gang dag lus la rab tu gnas pa yin la/ de bdag la 'khrugs par gyur pa 'am 'khrugs par ma gyur pa na las ci zhig byed pa yin na/ des thos pa las byung ba'i shes rab kyis sam lha'i mig gis mthong bar gyur pa/ grog ma pa zhes bya ba'i rlung bdag gi lus la rab tu gnas te/ des 'khrugs pa dang ma 'khrugs pa na bdag la las ci zhig byed pa yin pa yang / des thos pa las byung ba'i shes rab kyis sam lha'i mig gis mthong bar gyur pa ni gal te grog ma pa'i rlung bdag 'chi ba'i dus su gyur pa na shin du 'khrugs pa skyes par gyur na ni des bdag gi lpags pa dang / khrag dang / sha dang / tshil dang / rus pa'i 'du shes dang / khu chu yang ste/ khams de dag rnams thams cad kyang skams par byed do/ /kun du sgul bar 'gyur ro/ /'jug par 'gyur ro/ /kun du skams par gyur nas kyang bdag 'chi ba'i dus kyi tshe na de ltar tshor ba rnams byed par 'gyur ro/ /rab tu 'bar bar gyur pa'i lcags kyi rang bzhin gyi grog ma stong phrag rnams gal te lus la bcug par gyur na yang de'i bcu drug gi char yang mi phod do/ /gal te yang bdag 'chi bar gyur pa'i dus na shin du stobs che bar 'khrugs par ma gyur na legs par byas pa'i las rnams kyi rang bzhin gyis des bdag la shin du mi bzad pa'i tshor ba rnams 'byung bar mi 'gyur ro/ /des grog ma par gyur pa'i rlung la so sor brtags par gyur pas kyang yang dag pa ji lta ba bzhin du lus so sor rig par byed do/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag gi rlung gzhan gang dag gis 'khrugs par gyur pa 'am 'khrugs par ma gyur pa na las ci zhig byed pa yin na/ des thos pa las byung ba'i shes rab kyis sam lha'i mig gis mthong bar gyur pa/ khab pa zhes bya ba'i rlung bdag gi lus la</font><hr>66.166b<br><font size=+1>

rab tu gnas pa yin te/ des 'khrugs pa dang ma 'khrugs pa na bdag la las ci zhig byed pa yin pa yang / des thos pa las byung ba'i shes rab dag gis sam lha'i mig gis mthong bar gyur pa ni/ gal te bdag 'chi bar gyur pa'i dus su khab lta bu'i rlung de 'khrugs par gyur na/ des bdag gi lus su gyur pa rnams thams cad dang / tshigs su gyur pa rnams thams cad dang / gnad du gyur pa rnams thams cad dang / rgyus par gyur pa rnams thams cad dang / rgyus pa'i gseb tu gyur pa rnams thams cad dang / khog par gyur pa rnams thams cad dang / spu'i khung bur gyur pa rnams thams cad dang sha'i dum bur gyur pa rnams thams cad dang / lha bar gyur pa rnams thams cad dang / rus par gyur pa rnams thams cad la yang rab tu 'bar bar 'gyur zhing khab dang 'dra bar gyur pa rnams kyis lus thams cad la khyab par byed de des de bzhin du bdag la tshor ba rnams byed par 'gyur ro/ /dper na khab brgya stong phrag mang po rab tu 'bar bar gyur pa rnams lus thams cad la rab tu btsugs par gyur pas kyang bcu drug gi char yang chog par yang mi 'gyur ro/ /gal te yang sngon legs par byas pa'i las rnams kyi gzi brjid kyis bdag 'chi ba'i dus kyi tshe na khab lta bu'i rlung shin du stobs che bar mi 'gyur la/ des ji skad du bshad par gyur pa'i tshor ba rnams mi bzad par mi 'gyur ro/ /des khab lta bu'i rlung la so sor brtags par gyur pas kyang yang dag pa ji lta ba bzhin du lus so sor rig par byed do/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag gi rlung gzhan gang dag gis 'khrugs par gyur pa dang 'khrugs par ma gyur pa na lus la las ci zhig byed pa yin na/ des thos pa las byung ba'i shes rab kyis sam lha'i mig gis mthong bar gyur pa/ mkhris</font><hr>66.167a<br><font size=+1>

pa kun nas sun 'byin pa zhes bya ba'i rlung lus la rab tu gnas te/ des 'khrugs par gyur na yang bdag la las ci zhig byed pa yin na/ des thos pa las byung ba'i shes rab kyis sam lha'i mig gis mthong bar gyur pa ni/ gal te mkhris pa kun nas sun 'byin pa zhes bya ba'i rlung 'khrugs par gyur na/ des bdag gi gsus pa na gnas par gyur pa'i mkhris pa sun phyung nas kha skams par byed pa yin no/ lus thams cad ni ser skyar byed pa dang / sen mo dang / mig dang / kha dang rnams kyang ser por byas nas gsus pa thang bar byed do/ /sngon po dang ser po'i rtsa rnams bdag gi gsus pa'i stod du skye bar byed do/ /bdag spro ba med par yang 'gyur ro/ /zos pa rnams kyang shin du 'ju bar mi 'gyur ba dang / bdag gi kha kha bar yang 'gyur ro/ /bdag gi chu ngan yang ser por 'gyur ro/ /lus thams cad skam por skyed par byed do/ /bdag gis gzugs rnams thams cad kyang sngon po dang ser po dang sngo bsangs su mthong bar 'gyur ro/ /'on kyang bdag gis langs nus par yang mi 'gyur ro/ /rtag tu yang bdag gi gsus pa sgra dang bcas par yang 'gyur ro/ /gal te yang bdag gi mkhris pa kun du sun 'byin par byed pa'i rlung 'khrugs par ma gyur na ni ji skad du bshad pa'i nad de dag rnams rgyas par mi 'gyur ro/ /des mkhris pa kun du sun 'don par byed pa'i rlung la so sor brtags par gyur pas kyang yang dag pa ji lta ba bzhin du lus so sor rtogs par byed do/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag gi rlung gzhan gang dag gis 'khrugs par gyur pa dang 'khrugs par ma gyur pa na las gang zhig byed pa yin na/ des thos pa las byung ba'i shes rab kyis sam lha'i mig gis mthong bar gyur pa/ rgyu ma 'byed pa zhes bya ba'i</font><hr>66.167b<br><font size=+1>

rlung bdag gi lus la rab tu gnas pa yin te/ de 'khrugs par gyur pa dang 'khrugs par ma gyur pa na bdag la las ci zhig byed pa yang / des thos pa las byung ba'i shes rab kyis sam lha'i mig gis mthong bar gyur pa ni gal te rgyu ma 'byed pa zhes bya ba'i rlung bdag gi lus la rab tu gnas pa las/ de gal te 'khrugs par gyur na/ des kyang bdag gis zos par gyur nas lce'i mthar song ba na yang rung ste/ shin du bar yang 'das shing rus pa'i kreng tor ram lus kyi gre ba 'bigs par byed do/ / de yis zas kyi ro rnams lus kyi gseb tu nges par 'gro'o/ /nges par zas kyi ro rgyu ma'i gseb tu song bar gyur pas kyang bdag gi gsus pa 'phel bar yang 'gyur ro/ /des bdag che sbom par byed do/ /bza' ba dang / 'thungs pa dang / 'chos pa dang / myangs pa rab tu phal che bar gyur pa rnams bdag gis nye bar spyad par yang mi nus so/ /bdag zas dang bral bar gyur pa de yis spro ba yongs su nyams par 'gyur ro/ /bdag gi lag pa dang rkang pa dag kyang skrang bar gyur pa kun du skyed par byed do/ /bdag gi gsang ba'i gnas kyang sreg par byed do/ /rnam par sreg pa yang rgyun gyis 'jug par 'gyur ro/ /lus thams cad dang kha yang skam par 'gyur ro/ /bdag gis dga' bar gyur pa'i rmi lam rnams kyang mi mthong ngo / /rlung gis rgyu ma rnams yud tsam yang gnas par mi 'gyur ro/ /gal te yang rgyu ma 'byed par byed pa'i rlung 'khrugs par ma gyur na ji skad bshad pa'i nad rnams de dag rnams kyis rgyas par mi 'gyur ro/ /des rgyu ma 'byed par byed pa'i rlung la so sor brtags par gyur pas kyang yang dag pa ji lta ba bzhin du lus so sor rig par byed do/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag gi rlung gzhan gang dag gis 'khrugs par gyur pa dang 'khrugs par ma gyur pa na las ci zhig byed pa yin na/ des thos pa las byung</font><hr>66.168a<br><font size=+1>

ba'i shes rab kyis sam lha'i mig gis mthong bar gyur pa/ bad kan kun nas sun 'byin pa zhes bya ba'i rlung bdag gi lus la rab tu gnas pa yin te/ de 'khrugs pa dang ma 'khrugs pa na bdag la las ci zhig byed pa yin pa yang / des thos pa las byung ba'i shes rab kyis sam lha'i mig gis mthong bar gyur pa ni gal te bdag gi bad kan sun 'byin pa zhes bya ba'i rlung 'khrugs par gyur na ni des bdag gi kha mngar por byed do/ /snying 'phar ba dang / da dang ka mi bde ba dang / bsam gtan la 'gro bar gyur pa na yang gnyid dang rmugs pa skyed par byed do/ /lce yang lci mor byed pa dang bdag gi mgul pa la yang na tsha skyed par byed do/ /khar blug par gyur pa rnams kyang skad cig la mgrin pa'i spu'i yul phyogs kyi steng du 'ongs par gyur na dri mi zhim zhing tshor ba dang bcas pas kha nas kun du 'byung bar 'gyur ro/ /ltogs pa dang skom pa dag kyang stobs dang ldan par 'gyur ro/ /bdag gi mgrin par yang 'khyig par byed do/ /gal te yang bdag gi bad kan kun du sun 'byin par byed pa'i rlung 'khrugs par ma gyur na ni ji skad du bshad par gyur pa'i nad de dag rnams rab tu rgyas par mi 'gyur ro/ /bad kan kun du sun 'don par byed pa'i rlung la so sor brtags par gyur pas kyang yang dag pa ji lta ba bzhin du lus so sor rig par byed do/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ gzhan bdag gi rlung gang dag 'khrugs par gyur pa dang / 'khrugs par ma gyur pa na las ci zhig byed pa yin na/ des thos pa las byung ba'i shes rab kyis sam lha'i mig gis mthong bar gyur pa/ lha ba kun du sun 'byin pa zhes bya ba'i rlung bdag gi lus la rab tu gnas pa yin te/ de gal te 'khrugs par gyur na des bdag 'dar bar 'gyur ba dang / las cung zad tsam gyis kyang ngal bar 'gyur ro/ /rtag tu bdag nad par 'gyur ro/ /bdag gi ngo bzhin mdzes par yang mi 'gyur zhing bdag gi lus la</font><hr>66.168b<br><font size=+1>

rko rlog byed pa dang / bdag gis mang du smra bar yang mi nus so/ /bdag gi yid kyang brtan pa ma yin par 'gyur ro/ /nyin mtshan med par yang rus pa'i gseb rnams las gyur pa'i bdag gi tshor ba rnams 'ji bar yang 'gyur ro/ /bdag gi lus po rnams la rtag tu ba spu langs par yang 'gyur ro/ /dbang po rnams thams cad kyang nad dang bcas par 'gyur ro/ /bdag gi mgo bo la yang tshor ba rnams rgyun gyis 'jug par yang 'gyur ro/ /bdag gi mgo bo la kun du spyod par byed pa'i srin rnams kyang rtag tu rlung gis mgo bo'i nang du song bar gyur nas rnam par bskyod par byed do/ /de rnam par bskyod par gyur pas kyang khab bzhin du bdag gi mgo bo 'bigs par byed do/ /gal te yang 'khrugs par ma gyur na ni ji skad du bshad pa'i nad de dag rnams rab tu 'byung bar mi 'gyur ro/ /des lta ba kun du sun 'byin pa'i rlung la so sor brtags par gyur pas kyang yang dag pa ji lta ba bzhin du lus so sor rig par byed do/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ gzhan bdag gi rlung 'khrugs par gyur pa dang 'khrugs par ma gyur pa na bdag la las ci zhig byed pa yin na/ des thos pa las byung ba'i shes rab kyis sam lha'i mig gis mthong bar gyur pa/ lpags pa kun du sun 'byin pa zhes bya ba'i rlung bdag gi lus la rab tu gnas pa yin te/ de 'khrugs pa dang ma 'khrugs pa na bdag la las ci zhig byed pa yin pa yang / des thos pa las byung ba'i shes rab kyis sam lha'i mig gis mthong bar gyur pa ni gal te lpags pa kun nas sun 'byin pa'i rlung lus la rab tu gnas pa 'khrugs par gyur na yang de yis bdag gi lpags pa'i mdog rnams dang bral bar 'gyur ro/ /lus thams cad kyang rtsub mo hrud por 'gyur zhing glang po'i lpags pa'i kab kob po rnams dang 'dra bar</font><hr>66.169a<br><font size=+1>

lpags pa'i yul kun la thig le du ma nye bar skyes par 'gyur ro/ /yan lag rnams las thogs pa med cing myur bar rngul yang 'byung bar 'gyur ro/ /nyal bar gyur pa na bdag gi lus rnams rtsub par 'gyur ro/ /bdag gi lus rkyong bar yang mi nus la bskums par gyur pa na yang bdag gis rkyong bar byed mi nus so/ /dong rnams dang g.yang sar gyur pa dang rtsub pa'i mdog rnams rmi lam du yang bdag gis mthong bar 'gyur ro/ /bza' bar bya ba rnams dang bca' bar bya ba rnams dron mor gyur pa mid pa yang thams cad grang mor yang bdag gis rtogs so/ /bdag gi lce yang rdol bar 'gyur zhing / bdag gi zas rnams mid par yang mi nus so/ /gal te yang lpags pa kun nas sun 'byin par byed pa'i rlung 'khrugs par ma gyur na ni ji skad du bshad par gyur pa'i nad de dag rnams 'byung bar mi 'gyur ro/ /des lpags pa kun du 'joms byed kyi rlung la so sor brtags par gyur pas kyang yang dag pa ji lta ba bzhin du lus so sor rig par byed do/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas par gyur pa na/ gzhan dag gi rlung gang dag 'khrugs par gyur pa dang 'khrugs par ma gyur pa na las ci zhig byed pa yin na/ des thos pa las byung ba'i shes rab kyis sam lha'i mig gis mthong bar gyur pa/ khrag kun nas sun 'don pa zhes bya ba'i rlung bdag gi lus la rab tu gnas pa yin te/ de gal te 'khrugs par gyur na des bdag gi mchin pa'i gnas kyi nang gi gseb na rgyu bar gyur pa'i khrag rnams gnyis su rnam par 'byed par byed de/ ma 'grungs pa steng du 'gro ba dang 'og tu 'gro'o/ /de la steng du 'gro ba rnams ni sna bug dang / mig dang / rna ba rnams su rgyu bar byed cing khrag rgyu ba'i rgyun rnams kun du sun 'don no/ /de sun bton par gyur pas kyang nang gi khams rnams thams cad 'khrugs par byed do/ /de yis bdag gi yan lag dang</font><hr>66.169b<br><font size=+1>

nying lag rnams thams cad kyang rtsol ba med par 'gyur ro/ /rna ba las sun mi rung ba dang 'gro ba dang 'ong ba yang bdag gis mi nus par 'gyur ro/ /rtag tu yang bdag gi sna bug gnyis dri mi zhim par 'gyur ro/ /tshangs par spyod par 'gyur ba bdag nyin mo spyod pa'i sar 'gro ba na mngon par spro bar mi 'gyur ba dang kun du 'dre bar yang mi byed do/ /gal te yang 'og tu 'gro bar 'gyur ba'i khrag rnam par 'byed par byed na/ de gzhang dang pho mtshan dag rnam par 'jig par byed de/ des kyang bdag gi khrag rnams mtshan ma nas shin du rab du rgyu bar byed do/ /bdag gi gzhang yang khro gnyer gsum du sun 'byin par byed la/ bshang ba rgyu bar gyur pa'i sbubs kun du sun phyung bar yang gyur cing khu bas kyang bdag la gzhang 'brum bskyed par gyur nas des bdag shin du yang na tsha bar byed do/ /des yang na khrag gis shin du yang 'khru bar byed do/ /des khrag kun du sun 'don par byed pa'i rlung la so sor brtags par gyur pas kyang yang dag pa ji lta ba bzhin du lus so sor rig par byed do/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag gi rlung gzhan gang dag gis 'khrugs par gyur pa dang 'khrugs par ma gyur pa na las ci zhig byed pa yin na/ des thos pa las byung ba'i shes rab kyis sam lha'i mig gis mthong bar gyur pa/ sha kun nas sun 'don pa zhes bya ba'i rlung bdag gi lus la rab tu gnas pa yin te/ de bdag la 'khrugs pa dang ma 'khrugs pa na las ci zhig byed ce na/ gal te sha kun nas sun 'don par byed pa'i rlung bdag la rab tu 'khrugs par gyur na de yis bdag rtsub pa dang / snum bag can ma yin pa dang / mdog ngan pa dang / hrud hrud po dang / nad chen por gyur pa dang / dri mi zhim pa dang / lus su gyur pa rnams thams cad la yang kab kob tu gyur pa'i thig le rnams skyed do/ /kun du skyes par gyur pa rnams kyang</font><hr>66.170a<br><font size=+1>

dri mi zhim par 'gyur ro/ / bdag shin du yang chu ngan mang bar 'gyur ba dang / grang ba rnams bzod pa dang / dro ba rnams dang chu dron gyi gtam tsam yang bzod par mi 'gyur ba dang / ro tsha bar gyur pa rnams mi bzod pa dang / bsil ba dang / mngar ba dang / yang ba rnams bzod par 'gyur ro/ /bdag gi lus thams cad kyi sha yang 'drul ba dang / dri mi zhim pa dang / rnag 'dzag par yang 'gyur ro/ /des sha sun 'don par byed pa'i rlung la so sor rtags pas kyang yang dag pa ji lta bar lus rnams so sor rig par byed do/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas par gyur pa na/ rlung gzhan gang dag bdag gi lus la rab tu gnas pa yin zhe na/ des thos pa las byung ba'i shes rab kyis sam lha'i mig gis mthong bar gyur pa/ tshil kun nas sun 'don pa zhes bya ba'i rlung bdag gi lus la rab tu gnas te/ de bdag la 'khrugs par gyur na nad gang dag skyed par byed pa yin na/ des thos pa las byung ba'i shes rab kyis sam lha'i mig gis mthong bar gyur pa ni gal te bdag gi tshil kun du ma rungs par byed pa'i rlung des bdag gi tshil rnams shin du phul du byung ba skyed par gyur nas bdag gi lus kyi gnas rnams las kha cig ni tshil kyis gnon par byed do/ /la la ni skrang bar byed par 'gyur ro/ /'ga' zhig ni ma rungs pa'i gnas su byed do/ /'ga' zhig ni dma' bar byed do/ /brgya la ni shin du sra bar yang byed do/ /'ga' zhig skya bor yang 'gyur ro/ /'ga' zhig ni rnam pa thams cad du sems med par 'gyur ro/ /gal te 'khrugs par ma gyur na ni ji skad du bshad par gyur pa'i nad de dag rnams 'byung bar mi 'gyur ro/ /des tshil kun du sun 'don par byed pa'i rlung la so sor brtags par gyur pas kyang yang dag pa ji lta ba bzhin du lus so sor rig go/ /gzhan yang rnal 'byor spyod pa nang gi bdag nyid kyi lus la lus</font><hr>66.170b<br><font size=+1>

kyi rjes su lta zhing gnas te/ bdag gi rlung gzhan gang dag gis 'khrugs par gyur pa dang 'khrugs par ma gyur pa na las ci zhig byed pa yin na des thos pa las byung ba'i shes rab kyis sam lha'i mig gis mthong bar gyur pa/ rus pa kun du sun 'don pa zhes bya ba'i rlung lus la rab tu gnas pa yin te/ de 'khrugs pa dang ma 'khrugs pa na bdag la las ci zhig byed pa yin zhe na/ des rus pa'i lhang kyog rnams kun nas skyed par byed do/ /mur 'gram 'byed par yang 'gyur ba dang / gnyid med par yang byed de/ nyin mtshan med par gnyid med par yang 'gyur ro/ /bdag gi rkang mar yang shin du sdug bsngal bar byed cing bdag gi lus thams cad kyang slo slo bor kun du skyed par byed do/ /rgyus pa yang rab tu rgyas par mi 'gyur ba dang sra ba yang ma yin no/ /sngo bar gyur pa dang / rtag par nye bar dga' ba ma yin pa'i tshor ba rnams kyis khyab par byed pas ngal bar gyur pa rnams bzhin du bdag gi lus kyang rtag tu 'gyur ro/ /skad cig tsam yang mig btsum tsam du yang bdag gis bde ba rnyed par mi 'gyur ro/ /des rus pa sun 'don par byed pa'i rlung la so sor brtags par gyur pas kyang yang dag pa ji lta ba bzhin du lus so sor rig par byed do/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag gi rlung gzhan gang dag 'khrugs pa dang 'khrugs par ma gyur pa na las ci zhig byed pa yin na/ des thos pa las byung ba'i shes rab kyis sam lha'i mig gis mthong bar gyur pa/ khu chu kun du skams par byed pa zhes bya ba'i rlung bdag gi lus la rab tu gnas pa yin te/ de 'khrugs pa dang ma 'khrugs pa na bdag la las ci zhig byed pa yin na/ des thos pa las byung ba'i shes rab kyis sam lha'i mig gis mthong bar gyur pa ni gal te khu chu skam byed kyi rlung bdag la 'khrugs par gyur na/ des bdag 'khrul bar byed do/ /mtshan</font><hr>66.171a<br><font size=+1>

mo yang mal na bu mo dag gi rmi lam gyi rnam par 'gyur ba kun du ston par byed do/ /rnam par 'gyur ba ni kun du rnam par rtog pa las gyur pa'i so so skye bo rnams 'dod par gyur pas brdzun pos 'dod pa la spyod par byed pa ste/ rlung des dmigs par gyur pa ni srin po rgyu ba'i bu mo brdzun pa bden pa dang rnam par bral ba zhes bya ba des bdag la co 'dri bar byed 'dod pa yin no/ /bdag gi zas kyang smin par mi 'gyur ro/ /des khu chu kun nas sun 'don pa'i rlung la so sor brtags par gyur pas kyang yang dag pa ji lta bar lus so sor rig par byed do/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag gi rlung gzhan gang dag 'khrugs par gyur pa dang 'khrugs par ma gyur pa na las ci zhig byed pa yin na/ des thos pa las byung ba'i shes rab kyis sam lha'i mig gis mthong bar gyur pa/ mthug kob tu byed pa zhes bya ba'i rlung bdag gi lus la rab tu gnas pa yin te/ de 'khrugs pa dang ma 'khrugs pa na bdag la las ci zhig byed pa yang / des thos pa las byung ba'i shes rab kyis sam lha'i mig gis mthong bar gyur pa ni gal te mthug kob tu byed pa zhes bya ba'i rlung 'khrugs par gyur na des bdag gi rkang pa'i gseb du gyur pa dang / rkang pa'i mthil gyi gseb du gyur pa dang / pus mo'i lha nga'i gseb tu gyur pa dang / mjug ma'i gseb tu gyur pa dang / rgyab kyi gseb tu gyur pa dang / glo ba'i gseb tu gyur pa dang / nu ma'i gseb tu gyur pa dang / ske'i gseb tu gyur pa dang / dpung ba'i gseb tu gyur pa dang / mgo bo'i gseb tu gyur pa dang / rna ba'i gseb tu gyur pa dang / smin ma'i gseb tu gyur pa dang / yan lag dang nying lag rnams thams cad kyi gseb tu gyur pa'i bdag gi lus rnams la mthug po kab kob tu skyed do/ /kun du dkrig par byed cing rab tu 'phel bar byed do/ /kun du</font><hr>66.171b<br><font size=+1>

'khum par byed pa dang 'khrul bar byed do/ /rkang pa dag rdol bar yang byed do/ /gal te yang bdag gis mar sar dang mar nag dag gis byug pa byas par gyur na des bdag gis bskus pa rnams skam par byed do/ /rnyings par byed do/ /des mthug kob tu byed pa'i rlung la so sor brtags par gyur pas kyang yang dag pa ji lta bar lus so sor rig par byed do/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag gi rlung gzhan gang dag gis las ci zhig byed par gyur pa yin na/ des thos pa las byung ba'i shes rab kyis sam lha'i mig gis mthong bar gyur pa ni skra dkar por byed pa zhes bya ba'i rlung bdag gi lus la rab tu gnas pa yin la/ de bdag la 'khrugs par gyur pa dang 'khrugs par ma gyur pa na las ci zhig byed pa yin na/ gal te skra dkar por byed pa'i rlung bdag gi lus 'khrugs pa skyes par gyur na/ des bdag gzhon pa lang tsho la bab pa yin yang skra dkar kun du skyed par byed do/ /gzhon pa lang tsho la bab par gyur pa yang rjud pa nyid du skyed par byed de de ni ji ltar rgan po bzhin no/ /gal te yang byis pa so so'i skye bo gzhan dag rnams la yang zas kyis skyed par byed do/ /de dag kyang bu'i rim pa ji lta bas rgan po rnams su 'gyur ro/ /gzhon pa lang tsho la bab par gyur pa de dag rnams kyang nges par yang kun du 'brel par byed do/ /de dag rnams kyang gzhan gang dag byis pa rnams la yin pa las de dag kyang rgyun gyi rim pas rgas pa dang shin du 'brel par byed do/ /gsar pa lang tsho la bab pa rnams kyang skra dkar por byed pa'i rlung gi mthu stobs kyis gsar pa lang tsho la bab pa rnams kyang rgas pa rab kyi stobs dang ldan par 'gyur ro/ /skra dkar du byed pa'i rlung de yang bzang ldan dus na mi 'byung ngo / /rtsod ldan gyi dus na yang ji ltar chos ma yin pa la phal cher skye dgu rnams gnas par gyur</font><hr>66.172a<br><font size=+1>

pa de lta de ltar skra dkar du byed pa'i rlung rab tu 'phel bar 'gyur ro/ /de ltar yang chos ma yin pa la gnas pa'i sems can rnams phal che bar 'gyur ro/ /des skra dkar du byed pa'i rlung la so sor brtags par gyur pas kyang yang dag pa ji lta ba bzhin du lus so sor rig par byed do/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag gi rlung gzhan gang dag gis las ci zhig byed pa yin na/ des thos pa las byung ba'i shes rab kyis sam lha'i mig gis mthong bar gyur pa/ 'thun pa sun 'don pa zhes bya ba'i rlung bdag gi lus la rab tu gnas pa yin te/ de gal ta bdag la 'khrugs par gyur pa dang 'khrugs par ma gyur pa na des bdag la las ci zhig byed pa yin na/ des thos pa las byung ba'i shes rab kyis sam lha'i mig gis mthong bar gyur pa/ bdag la 'khrugs par gyur pas ni dang ka mi bde bar byed do/ /sdug pa dang 'thun pa rnams la zhe sdang bar 'gyur ro/ /de nyin mo nyal ba na 'khrug par 'gyur te/ zas mngar mo rnams kyang bdag gis mid par mi nus so/ /bdag tsha ba dang skyur ba'i zas rnams 'dod par 'gyur ro/ /rtsub mo de dag rnams kyis kyang bdag gi yid rab tu khro ba skyed par byed do/ /nyin mo spyod pa'i sar ma phyin na yang lus ngal bar 'gyur ro/ /des 'thun pa sun 'don par byed pa'i rlung la so sor brtags par gyur pas kyang yang dag pa ji lta ba bzhin du lus so sor rig par byed do/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ rlung gzhan gang dag bdag gi lus la rab tu gnas pa yin na/ des thos pa las byung ba'i shes rab kyis sam lha'i mig gis mthong bar gyur pa/ gcin lhag ma sun 'don par byed pa zhes bya ba'i rlung bdag gi lus la rab tu</font><hr>66.172b<br><font size=+1>

gnas pa yin te/ de 'khrugs par gyur pa dang 'khrugs par ma gyur pa na bdag la las ci zhig byed pa yin na/ des thos las byung ba'i shes rab kyis sam lha'i mig gis mthong bar gyur pa ni/ gal te bdag gi gcin kun nas sun 'don par byed pa'i rlung rab tu 'khrugs par gyur na/ de yis nyin mo dang mtshan mo med par yang bdag gi pho mtshan la gnas pa'i tshor ba rnams rab tu zhi bar mi 'gyur ro/ /rtag tu yang bdag chu ngan gtong 'dod par 'gyur ro/ /bdag gi chu ngan gtang bar yang mi nus so/ /bdag gi lus kyang rtag par kun du spro ba med par 'gyur ro/ /bdag gi dbugs 'byin pa na rdzogs par yang mi 'gyur ro/ /de rab tu stobs che bar gyur na bdag shin du yang skya bor skyed pa dang / rdzud par yang byed do/ /des gcin lhag ma kun nas sun 'don par byed pa'i rlung la so sor brtags par gyur pas kyang yang dag pa ji lta ba bzhin du lus so sor rig par byed do/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ rlung gzhan gang dag bdag gi lus la rab tu gnas par gyur na/ des thos pa las byung ba'i shes rab kyis sam lha'i mig gis mthong bar gyur pa/ zas dang ldan pa zhes bya ba'i rlung bdag gi lus la rab tu gnas pa yin te/ de bdag la 'khrugs par gyur pa dang 'khrugs par ma gyur pa na las ci zhig byed pa yang / des thos pa las byung ba'i shes rab kyis sam lha'i mig gis mthong bar gyur pa ni gal te zas dang ldan pa'i rlung rab tu 'khrugs par gyur na rang bzhin du gnas par gyur pa'i zas las de yang gang gi tshe zas bzhi 'gyur ram lnga 'gyur du yang za bar byed do/ /de bdag la rab tu 'khrugs par gyur na zas dang bcas par gyur tu zin kyang spro ba 'jig par byed do/ /bdag gis mig 'byed pa dang 'dzums par byed kyang mi</font><hr>66.173a<br><font size=+1>

nus so/ /rlung de stobs dang ldan par gyur pas bdag gi yid la chos rnams srid par yang mi 'gyur ro/ /des zas dang ldan pa'i rlung la so sor brtags par gyur pas kyang yang dag pa ji lta ba bzhin du lus so sor rig par byed do/ /gzhan yang rnal 'byor spyod pa nang gi bdag nyid kyis lus la lus kyi rjes su lta zhing gnas te/ bdag gi rlung gzhan gang dag 'khrugs par gyur pa dang 'khrugs par ma gyur pa na las ci zhig byed pa yin na/ des thos pa las byung ba'i shes rab kyis sam lha'i mig gis mthong bar gyur pa/ steng du 'gro bar byed pa zhes bya ba'i rlung bdag gi lus la rab tu gnas pa yin te/ des bdag la las ci zhig byed pa yin pa yang / des thos pa las byung ba'i shes rab kyis sam lha'i mig gis mthong bar gyur pa ni gal te so 'byed par byed pa'i rlung 'khrugs par gyur na ni des bdag gi so la lhang kyog dang / so 'jig pa dang / so rnams rtsa ba nas 'brul ba dang / so rnams rnyil skrang ba dang kha skrang ba dang / mchu skrang ba dang / rkan yang sngon por byed do/ /des so 'byed par byed pa'i rlung la so sor brtags par gyur pas kyang yang dag pa ji lta ba bzhin du lus so sor rig par byed do/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag gi lus la rlung gzhan gang dag rab tu gnas pa yin na/ des thos pa las byung ba'i shes rab kyis sam lha'i mig gis mthong bar gyur pa/ rtse'u chung dag la rab tu sreg par byed pa zhes bya ba'i rlung lus la rab tu gnas pa yin te/ de 'khrugs par gyur pa dang 'khrugs par ma gyur pa na bdag la las ci zhig byed pa yang / des mthong bar gyur pa ni rtse'u chung la rab tu sreg par byed pa zhes bya ba'i rlung bdag la rab tu 'khrugs par gyur na/ des bdag gi mgrin pa la zug gzer dang / mgrin pa la sha 'bras dang / mgrin pa sbom por yang byed do/ /'ur 'ur zhes kyang byed do/ /des rtse'u chung la sreg par byed pa'i rlung la</font><hr>66.173b<br><font size=+1>

so sor brtags par gyur pas kyang yang dag pa ji lta bar lus so sor rig par byed do/ /gzhan yang rnal 'byor pa nang gi bdag nyid kyi lus la lus kyi rjes su lta zhing gnas te/ bdag gi rlung gzhan gang dag gis 'khrugs par gyur pa dang 'khrugs par ma gyur pa na las ci zhig byed pa yin na/ des thos pa las byung ba'i shes rab kyis sam lha'i mig gis mthong bar gyur pa/ 'og tu 'gro ba zhes bya ba'i rlung lus la rab tu gnas pa yin te/ de bdag la 'khrugs par gyur pa dang 'khrugs par ma gyur pa na las ci zhig byed pa yin na/ 'og tu 'gro bar byed pa'i rlung de 'khrugs par gyur na yang des bdag gi zas rnams las mang du ni sun bton par gyur nas shin du nyung ba zhig dngas par 'gyur ro/ /de la zas rnams dngas par gyur pas ni lpags pa dang / khrag dang / sha dang / tshil dang / rus pa dang / khu chu dang / lha rkang rnams kyang 'phel bar byed do/ /rnyog par gyur pas ni rlung dang / mkhris pa dang / bad kan rnams rab tu 'khrugs par 'gyur ro/ /bdag gi steng dang 'og tu byed pa'i rlung de gal te 'khrugs par gyur na ni des ches mang du zas dang brtson 'grus rnams sun 'byin par byed do/ /shin du nyung ba zhig dang bar byed do/ /des 'og tu 'gro ba'i rlung la so sor brtags par gyur pas kyang yang dag pa ji lta ba bzhin du lus so sor rig par byed do/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag gi rlung gzhan gang dag 'khrugs par gyur pa dang 'khrugs par ma gyur pa na las ci zhig byed pa yin na/ des thos pa las byung ba'i shes rab kyis sam lha'i mig gis mthong bar gyur pa/ steng du 'gro bar byed pa zhes bya ba'i rlung bdag gi lus la rab tu gnas pa yin te/ des 'khrugs par gyur pa dang / 'khrugs par ma gyur pa na bdag la las ci zhig byed pa yin na/ des thos pa las byung ba'i shes rab kyis sam lha'i mig gis mthong bar gyur pa ni/ steng du 'gro bar byed pa'i rlung ni bdag gi spyi bo la brten</font><hr>66.174a<br><font size=+1>

nas spyi bo'i thod pa phug par gyur nas du ba lta bu spyi bo nas byung ste 'gro bar byed do/ /bdag tsha bar gyur pa'i nang na 'gro bar gyur na spyi bo brtol nas du ba nyid du rgyu bar byed do/ /de ni gtsug phud nas mthong bar 'gyur ro/ /nyin mo dang mtshan mo med par yang rgyun mi 'chad par 'gro ba'o/ /so so'i skye bo rnams thams cad kyis mngon sum du yang mthong ngo / /gal te yang rab tu 'khrugs par gyur na de ni spyi bo brtol nas kun du 'gro bar byed de/ de rgyun ma chad pas zhag gsum na nges par 'chi bar 'gyur ro/ /des steng du 'gro bar byed pa'i rlung la so sor brtags par gyur pas kyang yang dag pa ji lta ba bzhin du lus so sor rig par byed do/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas pa na/ bdag gi rlung gzhan gang dag 'khrugs par gyur pa dang 'khrugs par ma gyur pa na las ci zhig byed pa yin na/ des thos pa las byung ba'i shes rab kyis sam lha'i mig gis mthong bar gyur pa/ gal te bdag gi glo na rgyu bar byed pa'i rlung 'khrugs par gyur na/ des bdag gi dbugs dbyung ba dang rngub pa rnams kyang bskyod par byed pa dang / bdag gi rtsa dang rgyus pa rnams thams cad kyang g.yo bar byed do/ /rnam par 'dre bar byed cing 'phyang bar yang byed do/ /kun nas thung bar byed cing ring bar yang byed la/ sna sbubs dag gzhom par byed do/ /shu shu'u ba dag kyang skyed par byed do/ /des kyang bdag 'chi ba la thug pa'i sdug bsngal 'byung bar 'gyur ro/ /des rtsib logs la rgyu bar byed pa'i rlung la so sor brtags par gyur pas kyang yang dag pa ji lta bar lus so sor rig par byed do/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag gi rlung gang dag 'khrugs par gyur pa dang 'khrugs par ma gyur pa na las ci zhig byed pa yin na/ des thos pa las byung ba'i</font><hr>66.174b<br><font size=+1>

shes rab kyis sam lha'i mig gis mthong bar gyur pa/ za ma tog la gnas pa zhes bya ba'i rlung lus la rab tu gnas pa yin te/ de 'khrugs pa dang ma 'khrugs pa na bdag la las ci zhig byed pa yin pa yang / des thos pa las byung ba'i shes rab kyis sam lha'i mig gis mthong bar gyur pa ni za ma tog la gnas pa'i rlung gal te 'khrugs par gyur pa na/ des bdag gi rgyus pa mang po lag pa'i gnad la gnas pa rnams dang / rkang pa la gnas pa'i rgyus pa mang po rnams dang / rgyab la gnas pa'i rgyus pa mang po rnams dang / gsang ba la gnas pa'i rgyus pa mang po rnams dang / lus thams cad la gnas pa'i rgyus pa mang po rnams kun du 'khum par byed do/ /kun nas 'brel par byed do/ /kun du sgo bar byed do/ /sems dang bral bar yang byed do/ /rgyus pa'i tshogs chen po de la yang lus po zhes kyang rjod par byed do/ /des za ma tog la gnas pa'i rlung la so sor brtags par gyur pas kyang yang dag pa ji lta ba bzhin du lus so sor rig par byed do/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ rlung gzhan gang dag bdag gi lus la rab tu gnas pa yin na/ des spu 'byed par byed pa zhes bya ba'i rlung bdag gi lus la rab tu gnas par 'gyur ba mthong bar gyur to/ /de 'khrugs par gyur pa dang 'khrugs par ma gyur pa na bdag la las ci zhig byed pa yin pa yang / des thos pa las byung ba'i shes rab kyis sam lha'i mig gis mthong bar gyur pa ni/ gal te spu 'byed pa zhes bya ba'i rlung bdag gi lus la 'khrugs par gyur na ni des bdag gi yan lag dang nying lag rnams thams cad la gnas pa'i spu rnams 'joms par byed do/ /ser skyar yang byed pa dang / yan lag de'i yul phyogs rnams mdog ngan par yang byed do/ /bdag gi spu rnams</font><hr>66.175a<br><font size=+1>

nyams par 'gyur ro zhes shes par yang 'gyur ba dang / chud 'dza' bar gyur pa rnams ni phyir zhing lhag par khyad par du 'phel bar yang 'gyur ro/ /des spu 'byed pa'i rlung la so sor brtags par gyur pas kyang yang dag pa ji lta ba bzhin du lus so sor rtogs par byed do/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag gi rlung gzhan gang dag 'khrugs par gyur pa dang 'khrugs par ma gyur pa na las ci zhig byed pa yin na/ des thos pa las byung ba'i shes rab kyis sam lha'i mig gis mthong bar gyur pa/ rlung rjes su 'thun pa zhes bya ba ste/ rlung 'khrugs pa 'am ma 'khrugs pa na yang las ci zhig byed pa yang / des thos pa las byung ba'i shes rab kyis sam lha'i mig gis mthong ba ni rjes su 'thun par g.yo ba'i rlung ni skabs dang skabs rnams su ji lta bar rlung gis rjes su 'thun par spro bar byed pa ste/ tha mal pa'i tshad du 'gro ba dang / 'ong ba dang / bskum pa dang / rkyong ba dang / rnams rjes su 'thun par rnam par 'byed par byed pa'o/ /gal te yang lus thams cad du 'gro bar byed pas bskyod nas ni des yid rgyu bar byed pa'i rgyun yang bskyod par byed do/ /de'i rkyen kyis bdag rlung gis smyon par 'gyur ro/ /bdag gi sems mnyam par bzhag par yang mi 'gyur ro/ /des rlung rjes su 'thun pa'i rlung la so sor brtags par gyur pas kyang yang dag pa ji lta ba bzhin du lus so sor rig par byed do/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ rlung gzhan gang dag bdag gi lus la rab tu gnas pa yin la/ de 'khrugs par gyur pa dang 'khrugs par ma gyur pa na bdag la las ci zhig byed pa yang / des thos pa las byung ba'i shes rab kyis sam lha'i mig gis mthong bar gyur pa las/ nyal ba las rnam</font><hr>66.175b<br><font size=+1>

par g.yeng ba ston pa zhes bya ba'i rlung lus la rab tu gnas pa yin te/ de gal te bdag la 'khrugs par gyur na/ des bdag sangs rgyas kyi gsung nyan par gyur pa na ni gnyid skyed par byed do/ /kun nas nyon mongs pa can mi dge bar gyur pa rnams nyan na ni gnyid mi skyed do/ /de sems can gyi rgyun rnam par g.yeng ba nyid du yang byed do/ /mtshan mo yang yid la byed pa yang dag par mi 'gyur ro/ /bdag mang du mngon par brjod par 'gyur ro/ /phyogs su gyur pa rnams na yang bdag gis skra shad 'dzings par mthong bar 'gyur ro/ /des nyal bas rnam par g.yengs pa rnams ston pa'i rlung la so sor brtags par gyur pas kyang yang dag pa ji lta ba bzhin du lus so sor rig par byed do/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas pa na/ rlung gzhan gang dag bdag gi lus la rab tu gnas pa yin/ des las ni ci zhig byed pa yin na/ des thos pa las byung ba'i shes rab kyis sam lha'i mig gis mthong bar gyur pa/ mi bzod pa zhes bya ba'i rlung bdag gi lus la rab tu gnas pa yin te/ de 'khrugs par gyur pa dang 'khrugs par ma gyur pa na bdag la las ci zhig byed pa yang / des thos pa las byung ba'i shes rab kyis sam lha'i mig gis mthong bar gyur pa las gal te bdag gi mi bzod pa'i rlung 'khrugs par gyur na/ des bdag gleng gzhi chung ngu tsam gyis kyang rab tu khro bar byed do/ /des khro ba'i dbang du gyur par yang legs par ston par byed do/ /so so'i skye bo rnams la khro ba skyed par 'gyur ba yang yin no/ /spu rnams kyang langs par byed do/ /snying la gnas pa'i rlan rnams skyed par yang byed do/ /bdag gis nye ba na gnas pa'i gzugs rnams kyang ring ba na gnas pa bzhin du mthong ngo / /bdag gis nyi ma dang zla ba dag gi dkyil 'khor yang phyin ci log tu mthong bar 'gyur ro/ /zla ba yang nyi ma ltar bdag gis mthong bar 'gyur te/ rlung de rab tu</font><hr>66.176a<br><font size=+1>

'khrugs par gyur pa'i skyon gyis yin no/ /des mi bzod pa'i rlung la so sor brtags par gyur pas kyang yang dag pa ji lta ba bzhin du lus so sor rig par byed do/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag gi rlung gzhan gang dag gis 'khrugs par gyur pa dang 'khrugs par ma gyur pa na las ci zhig byed pa yin na/ des thos pa las byung ba'i shes rab kyis sam lha'i mig gis mthong bar gyur pa/ lce la gsal byed dang yi ge rnams byed pa zhes bya ba'i rlung bdag gi lus la rab tu gnas pa yin te/ de 'khrugs pa dang ma 'khrugs pa na las ci zhig byed pa yang / des thos pa las byung ba'i shes rab kyis sam lha'i mig gis mthong bar gyur pa ni bdag gi gsal byed dang yi ge gang yin pa 'di dag rnams ni brjod par bya bar yang mi nus kyi/ de dag ni sems dang sems las byung ba dag gis dmigs pas lce las brjod pa dang yi ge rnams dang bcas par rlung gi mngon par brjod pa yin te/ sems kyis byed pa'i rjes su 'brang bar byed pa'i rlung gis bskyod par gyur pas brjod pa dang yi ge rnams gcig ma yin par byed pa yin zhing / de ltar lce yis brjod pa dang yi ge byed pa'i rlung la brten par gyur nas gsal byed dang yi ge'i kun brjod pa du ma rnams byed pa yin no/ /gal te yang 'khrugs par gyur na ni lce zhan par 'gyur ba 'am/ lce mgyogs par yang byed cing lkugs par yang byed do/ /lce la gsal byed dang yi ge byed pa zhes bya ba'i rlung la so sor brtags par gyur pas kyang yang dag pa ji lta ba bzhin du lus so sor rig par byed do/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag gi rlung gzhan gang dag gis 'khrugs par gyur pa dang / 'khrugs par ma gyur pa na las</font><hr>66.176b<br><font size=+1>

ci zhig byed pa yin na/ des thos pa las byung ba'i shes rab kyis sam lha'i mig gis mthong bar gyur pa/ ro sre bar byed pa zhes bya ba'i rlung lus la rab tu gnas pa yin te/ de bdag la 'khrugs pa 'am ma 'khrugs pa na las ci zhig byed pa yang / des thos pa las byung ba'i shes rab kyis sam lha'i mig gis mthong bar gyur pa ni gal te bdag gi ro sre bar byed pa'i rlung 'khrugs par gyur na/ des bdag gi lce'i rtse mo la srin mngar mos 'dod par byed do/ / de yis bdag thams cad du 'dod par gyur pa dang / thams cad du dga' bar gyur pa dang / thams cad du yid du 'ong bar gyur pa'i zas rnams la bdag dga' bar 'gyur ro/ /bdag gis myid par yang byed mi nus so/ /bdag zas de dang bral bar gyur na lus bsam gtan la mnyam par 'jog par byed mi nus par 'gyur ro/ /dge ba'i chos rnams la yang shin du spro bar yang mi 'gyur ro/ /bdag gi lus kyi skyon gyis yin te/ gzugs ni phan tshun gyi dbang gis kun du gnas pa'i phyir na/ ji ltar dbyug gu gnyis phan tshun du ltos pa'i dbang gis 'dzin par byed pa ni phan tshun gyi stobs kyis yin no/ /de bzhin du ming dang gzugs gnyis phan tshun gyi stobs kyis dang / zas kyi dbang gis kyang 'khor ba'i phung po 'di yin no/ /ji ltar phye dang chu gnyis 'dres par gyur pa dag gi phan tshun gyi stobs kyis gong bur 'gyur ro/ /de bzhin du phan tshun gyi stobs kyis ming dang gzugs dag gnas pa yin no/ /des ro sre bar byed pa'i rlung la so sor brtags par gyur pas kyang yang dag pa ji lta ba bzhin du lus so sor rig par byed do/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag gi rlung gzhan gang dag 'khrugs par gyur pa dang 'khrugs par ma gyur pa na las ci zhig byed pa yin na/ des thos pa las byung ba'i shes rab kyis sam lha'i mig gis mthong bar gyur pa</font><hr>66.177a<br><font size=+1>

gal te bdag gi mchin pa kun du sun 'byin par byed pa'i rlung 'khrugs par gyur na des bdag gi zas rnams mtshan mo 'ju bar byed pa na lhang kyog skyed par byed pa dang / zas rnams kyang skyur por byed do/ /de srid du lhang kyog yod par gyur pa ji srid pa de srid du zas rnams kyang snyoms par mi 'gyur ro/ /bdag gi yan lag dang nying lag rnams thams cad kyang spro ba med par 'gyur ro/ /'brel pa rnams thams cad kyang rgyus pa'i dra ba thams cad du 'brel par byas par 'gyur ro/ /mchin pa kun du sun 'don pa'i rlung la so sor brtags par gyur pas kyang yang dag pa ji lta ba bzhin du lus so sor shes par byed do/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag gi rlung gzhan gang dag gis 'khrugs par gyur pa 'am 'khrugs par ma gyur pa na las ci zhig byed pa yin na/ des thos pa las byung ba'i shes rab kyis sam lha'i mig gis mthong bar gyur pa/ bshang ba steng du byed pa'i bdag gi rlung de 'khrugs pa 'am ma 'khrugs par gyur na ste/ des bdag gi kha dang sna bug dag nas dri ngan pa rnams skyed par byed do/ /bdag gi nang nas byung nas spu'i khung bu rnams thams cad las kyang phyir 'byin par byed do/ /zas kyi gnas dang po'i steng du gyur par bshang ba dang zas kyi gnas tha ma dag 'dren par byed do/ /des kyang bdag shin du drag pa dang tsha ba dang rtsub par gyur pa'i tshor ba lus su gyur pa thams cad la 'byung bar 'gyur ro/ /zas kyang yang dag pa dang bde bar 'ju bar yang mi 'gyur ro/ /bdag bsam gtan gyi bde bas gnas par yang mi 'gyur ro/ /bdag gis nyin mo spyod pa'i sar dge ba'i phyogs la sbyor bar yang mi nus so/ /bshang ba gyen du zlog par byed pa'i rlung la so sor brtags par gyur pas kyang yang dag pa ji lta ba bzhin du lus so sor rig par byed do/ /gzhan yang rnal 'byor spyod</font><hr>66.177b<br><font size=+1>

pa nang gi bdag nyid kyi lus la lus kyi rjes su lta zhing gnas te/ gzhang la kun du rgyu ba zhes bya ba'i rlung lus la gnas te/ bdag gi rlung gzhan gang dag 'khrugs par gyur pa dang 'khrugs par ma gyur pa na las ci zhig byed pa yin na/ des thos pa las byung ba'i shes rab kyis sam lha'i mig gis mthong bar gyur pa/ gzhang la kun du rgyu ba zhes bya ba'i rlung lus la gnas pa yin te/ de 'khrugs pa dang ma 'khrugs pa na bdag la las ci zhig byed pa yang des thos pa las byung ba'i shes rab kyis sam lha'i mig gis mthong ba ni gal te bdag gi gzhang la kun du rgyu ba'i rlung 'khrugs par gyur na/ des bdag gi gzhang la 'brum bu'i rigs lnga dang mthug kob tu gyur pa gsum kun nas skyed par byed do/ /gzhang la kun du brten nas kyang rlung gis rnag rnams 'byin par byed do/ /rnam par sreg par byed pa dang gnyid du yang 'gyur ro/ /rgyus pa dang glad phor dag 'khrugs cing 'khrugs par yang 'gyur ro/ /me dod nyams par yang 'gyur ba dang / bdag gi lce yang ro la sred pa dang bral bar 'gyur ro/ /des bshang ba la rgyu ba'i rlung la so sor brtags par gyur pas kyang yang dag pa ji lta ba bzhin du lus so sor rig par byed do/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag gi lus la rlung gzhan gang dag rab tu gnas pa yin la/ de bdag la 'khrugs par gyur pa 'am 'khrugs par ma gyur pa na las ci zhig byed pa yin na/ des thos pa las byung ba'i shes rab kyis sam lha'i mig gis mthong bar gyur pa/ dran pa kun nas 'joms pa zhes bya ba'i rlung bdag gi lus la rab tu gnas pa yin te/ de 'khrugs pa dang ma 'khrugs pa na bdag la las ci zhig byed pa yang / des thos pa las byung ba'i shes rab kyis sam lha'i mig gis mthong bar gyur pa la/ gal te bdag gi dran pa kun nas sun 'don pa'i rlung 'khrugs par gyur na/ des bdag gi dran pa rnams 'joms</font><hr>66.178a<br><font size=+1>

par byed do/ /bdag gis sngon blags pa rnams ni mi dran no/ /bdag gis dmigs pa med pa bzhin du phyogs rnams mthong ngo / /glo lu bar byed pa dag kyang yang dang yang du 'gyur ro/ /spu rnams thams cad kyang rtsub mor 'gyur ro/ /bdag gi sen mo rnams kyang mdangs khrag med par 'gyur ro/ /bdag la tsha grang dag kyang lhan cig tu 'gyur ro/ /bdag gis zos pa rnams kyang ha cang dran pa yang ma yin no/ /des dran pa sun 'byin pa'i rlung la so sor brtags par gyur pas kyang yang dag pa ji lta ba bzhin du lus so sor rig par byed do/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag gi rlung gzhan gang dag gis 'khrugs par gyur pa dang 'khrugs par ma gyur pa na las ci zhig byed pa yin pa yang / des thos pa las byung ba'i shes rab kyis sam lha'i mig gis mthong bar gyur pa/ gal te spro bar byed pa'i rlung bdag gi lus la rab tu gnas pa yin te/ de 'khrugs pa 'am ma 'khrugs pa na bdag la las ci zhig byed pa yang des thos pa las byung ba'i shes rab kyis sam lha'i mig gis mthong bar gyur pa la/ gal te bdag gi spro bar byed pa'i rlung 'khrugs par gyur na/ des rab tu phal che bar gyur pa'i bza' bar bya ba dang / bca' bar bya ba shin du bsod pa rnams la bdag gis rab tu brtson pa bskyed nas mid par gyur kyang lus la spro ba skye bar 'gyur ba nyid kyang ma yin no/ /bdag gi lus po dug gis bdugs pa bzhin du 'gyur te rlung de rab tu 'khrugs pa'i rkyen kyis so/ /des spro bar byed pa'i rlung la so sor brtags par gyur pas kyang yang dag pa ji lta ba bzhin du lus so sor rig par byed do/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag gi rlung gzhan gang dag gis 'khrugs par gyur pa dang 'khrugs par ma gyur pa na las</font><hr>66.178b<br><font size=+1>

ci zhig byed pa yin na/ des thos pa las byung ba'i shes rab kyis sam lha'i mig gis mthong bar gyur pa/ lus dang sems kyi stobs byed pa zhes bya ba'i rlung lus la rab tu gnas pa yin te/ de 'khrugs pa dang ma 'khrugs pa na bdag la las ci zhig byed pa yang / des thos pa las byung ba'i shes rab kyis sam lha'i mig gis mthong bar gyur pa la/ ji lta ji ltar bdag mngal la sogs pa rnams nas de lta de ltar bdag gi sems kyang 'phel bar byed do/ /rlung de'i mthus bya ba dang bya ba ma yin pa dag la yang bdag gi sems gsal por yang rlung des byed do/ /bdag gis shes par 'gyur zhing dang po dus ring po nas byas pa'i bya ba rnams la yang bdag gis yang dag par dran no/ /bdag gi 'gro ba dang 'ong ba dag yang 'joms par mi 'gyur ro/ /bdag grang ba dang / dro ba dang ltogs pa dang / skom pa dang bcas par 'gyur ro/ /bdag gi lus mkhrang por yang 'gyur zhing skra dkar rnams kyang dus ma yin par mi skye'o/ /des lus dang sems kyi stobs byed pa'i rlung la so sor brtags par gyur pas kyang yang dag pa ji lta ba bzhin du lus so sor rig par byed do/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag gi rlung gzhan gang dag gis 'khrugs par gyur pa dang 'khrugs par ma gyur pa na las ci zhig byed pa yin na/ des thos pa las byung ba'i shes rab kyis sam lha'i mig gis mthong bar gyur pa ni mgrin pa dang ngag rnam par 'joms par byed pa zhes bya ba'i rlung lus la rab tu gnas pa yin te/ de 'khrugs pa dang ma 'khrugs pa na bdag la las ci zhig byed pa yang / des thos pa las byung ba'i shes rab kyis sam lha'i mig gis mthong bar gyur pa ni/ gal te bdag gi mgrin pa dang ngag rnam par 'joms par byed</font><hr>66.179a<br><font size=+1>

pa zhes bya ba'i rlung 'khrugs par gyur na/ des bdag gi lus rang bzhin du gnas par ni rgyu gzhan gyis 'gyur ro/ /rlung de gzhi des 'khrugs par gyur pas de'i phyir lkugs par byed do/ /des yang na 'on par byed pa 'am/ des yang na lag pa 'khum par byed pa 'am/ des yang na rgur po nyid du byed pa 'am/ des yang na dmus long du byed par 'gyur te rnam pa de lta bu rnams kyi nad rnams kun du skyed do/ /gal te 'khrugs par ma gyur na ni ji skad du bshad par gyur pa'i nad de dag rnams 'byung bar mi 'gyur ro/ /des mgrin pa dang ngag rnam par 'joms par byed pa'i rlung la so sor brtags par gyur pas kyang yang dag pa ji lta ba bzhin du lus so sor rig par byed do/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ rlung gzhan gang dag bdag gi lus la rab tu gnas pa yin na/ des thos pa las byung ba'i shes rab kyis sam lha'i mig gis mthong bar gyur pa/ nyal ba na lu bar byed pa zhes bya ba'i rlung lus la rab tu gnas pa yin te/ de 'khrugs par gyur pa dang 'khrugs par ma gyur pa na las ci zhig byed pa yang des thos pa las byung ba'i shes rab kyis sam lha'i mig gis mthong bar gyur pa ni/ gal te bdag nyal ba na glo lu bar byed pa'i rlung 'khrugs par gyur na ni des bdag gis rnam par 'gyur ba dang bcas pa'i rmi lam rnams mthong bar 'gyur ro/ /rna ba ngan par gnas par gyur pa'i 'khrul pa'i bya ba rnams byis pa rnams thams cad la yang 'byung ba yin te/ bdag gi rus pa'i tshigs rnams kun du 'bigs par byed pa'i tshor ba dag kun du skyed do/ /nyal ba na phyis lus la 'gyur ro/ /des nyal ba na lu bar byed pa'i rlung la so sor brtags par gyur pas kyang lus yang dag pa ji lta ba bzhin du rig par byed do/ /gzhan yang rnal 'byor spyod pa nang</font><hr>66.179b<br><font size=+1>

gi bdag nyid kyi lus la lus kyi rjes su lta zhing gnas te/ rlung gzhan gang dag bdag gi lus la 'khrugs par gyur pa dang 'khrugs par ma gyur pa na las ci zhig byed pa yin na/ des thos pa las byung ba'i shes rab kyis sam lha'i mig gis mthong bar gyur pa/ drod 'dzin pa zhes bya ba'i rlung bdag gi lus la rab tu gnas pa yin te/ srog chags rnams thams cad 'ga' zhig gi lus la yang nyung bar mi byed do/ /de ni srog chags 'di dag rnams thams cad kyi srog ces bya ba ste/ lhan cig tu lus 'dzin par byed pa rnam par shes pa'i rten du gyur pa yin no/ /de gal te 'khrugs par gyur na srog chags rnams thams cad gsod par byed do/ /des drod kun du 'dzin pa'i rlung la so sor brtags par gyur pas kyang yang dag pa ji lta ba bzhin du lus so sor rig par byed do/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ rlung gzhan gang dag bdag gi lus la rab tu gnas pa dang / de 'khrugs par gyur pa dang 'khrugs par ma gyur pa na yang bdag la las ci zhig byed pa yin na/ des thos pa las byung ba'i shes rab kyis sam lha'i mig gis mthong bar gyur pa/ bdag gi rlung lus thams cad 'khyig pa zhes bya ba gal te mngal na gnas pa rnams kyi yang gang la lus rab tu rgyas par gyur pa yod pa rnams kyang des de'i lus ches mi 'phel ba dang / shin du nyams pa dang / lhag par yang 'gyur ro/ /thung ba 'am gog po 'am 'khums par yang 'gyur ro/ /des lus thams cad sdom par byed pa'i rlung la so sor brtags par gyur pas kyang yang dag pa ji lta bar lus so sor rig par byed do/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas pa na/ rlung gzhan gang dag bdag gi lus la rab tu gnas pa yin na/ des thos pa las byung ba'i</font><hr>66.180a<br><font size=+1>

shes rab kyis sam lha'i mig gis mthong bar gyur pa/ lpags pa 'dzin pa zhes bya ba'i rlung lus la rab tu gnas pa yin te/ de phyi rol gyi rlung dang mtshungs par 'grogs pas kun du reg par byed de/ rlung de ni grang ba dang / dro ba dang dman pa dang / gsod pa dang / rab tu stobs che ba dang / dus su ji lta bar rigs pa dang / ji ltar dus su rigs pa rnams yin no/ /des lpags pa 'dzin pa'i rlung la so sor brtags par gyur pas kyang yang dag pa ji lta ba bzhin du lus so sor rig par byed do/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ rlung gzhan gang dag bdag gi lus la rab tu gnas pa yin zhe na/ des thos pa las byung ba'i shes rab kyis sam/ lha'i mig gis kyang rung ste/ nyon mongs pa med pa gzhan gyi skyon gyis mi bkri ba ngam grog rnams las rgal ba ji lta ba bzhin du de kho na nyid mthong bar gyur pa'i lha'i mig gis mthong ba 'di ni rlung gzhan ni yod pa ma yin la/ lus la yang de tsam cig dang ldan pa yin no/ /rlung gi tshogs rnams ni 'di dag yin zhing rlung gi phung po dang / srin gang dag gis khams la dmigs par byed pa'i dbang po las dang nyon mongs pa dang bcas pa'i lus 'dzin par byed pa dang / mtho 'tsham par byed pa rnams ni de dag las med do/ /rnal 'byor spyod pa des tha ma'i rlung la so sor brtags shing lus kyi gong bu 'di mthong bar gyur nas 'dod pa rnams las 'dod chags dang bral bar 'gyur ro/ /dga' ba'i 'dod chags dang lhan cig tu gyur pa'i sred pa rnams kyis mi 'ching ngo / /bdud kyi yul la mi gnas so/ /mya ngan las 'das pa'i mtha' la gnas pa yin no/ /thog ma med pa'i dus nas rab tu zhugs par gyur pa'i 'dod chags dang / zhe sdang dang / gti mug gi mun pa rnams 'joms par byed do/ /ye shes kyi nyi ma'i mthar yang 'byung bar 'gyur ro/ /som nyi med pa dang ngam grog rnams dang rnam</font><hr>66.180b<br><font size=+1>

par bral bar yang 'gyur ro/ /kun nas nyon mongs pa can du gyur pa'i sgra dang / reg bya dang / ro dang / gzugs dang / dri rnams kyis 'khrid pa yang ma yin no/ /yul gyi de kho na nyid ma mthong ba yin par mi 'gyur ro/ /khams gsum ma lus pa rnams mi rtag pa dang / sdug bsngal ba dang / stong pa dang / bdag med par yang ji lta ba bzhin du mthong ngo / /nA la ti'i grong gi bram ze dang / khyim bdag rnams dang / dge sbyong rnal 'byor spyod pa rnams kyis kyang yang dag pa ji lta ba bzhin du lus so sor rig par gyur to/ /lus dran pa nye bar gzhag pa la mngon par dga' bar 'gyur ro/ /skye ba dang 'jig par 'gyur ba'i chos rnams shes pa dang / gzhan rnams kyis 'khrid par mi 'gyur ba dang / lus thams cad la so sor rtog par gyur pa na bcing ba dang thar pa rnams thams cad shes par 'gyur ro/ /gzhan yang rnal 'byor spyod pa lus de nyid la rnam par 'jig pa'i mthar dang / zad pa dang 'grib pa dang / rnam par 'jig pa'i rnam pa gzhan dag rnams kyi rnam pa gzhan rnams kyis so sor rtog par byed de/ ji ltar na lus 'di rnam par 'jig pa yin/ 'chi ba'i dus na med par 'gyur ba yin/ ji ltar na srin rnams rlung rnams kyis kun du bcom nas rlag par byed pa yin/ ji ltar na khams rnams thams cad 'khrugs par 'gyur ba yin/ ji ltar na tha ma'i dus kyi bya bar 'gyur ba yin/ srin rnams rlung gis 'joms par gyur pa na ji ltar na steng 'og tu 'gyur ba yin/ de ltar na nang gi bdag nyid du gyur pa'i lus kyi lus la rtag par rgyun du rnam par lta bar byed do/ /'chi ba'i dus na khams rnams thams cad kyi srin kun du 'khrugs par par gyur pa/ des thos pa las byung ba'i shes rab kyis sam lha'i mig gis mthong bar gyur pa ni sngun du na srin rnams rlung gis 'joms par gyur la/ phyi nas ni bdag 'chi bar 'gyur ba yin no/ /bdag gi 'du</font><hr>66.181a<br><font size=+1>

byed rnams thams cad kyang rnam par 'jig par 'byung bar 'gyur zhing bdag 'chi bar 'gyur ba'i mthar ni mi bzad cing rtsub pa'i tshor ba rnams 'byung bar 'gyur ro/ /des rnam par lta bar byed de/ klad pa la gnas nas rgyu ba'i srin rnams ni sen mo la brten pa'i rlung gis mgo las kun du bgrod nas 'joms par byed do/ /'chi bar byed do/ /mgo bo dang mgul pa la rgyu ba'i srin rnams ni rkang pa'i logs la brten pa'i rlung gis 'joms par byed do/ /thod pa la rgyu ba'i srin rnams ni sems med par byed pa'i rlung gis 'joms par byed do/ /skra za ba'i srin rnams ni rus pa gcog par byed pa'i rlung gis 'joms par byed do/ /rna ba la rgyu ba'i srin rnams ni 'gro ba 'joms par byed pa'i rlung gis 'joms par byed do/ /snabs kyis g.yogs pa'i srin rnams ni long bu'i tshigs pa 'byed pa'i rlung gis 'joms par byed do/ /tshil gyi mtha' na rgyu ba'i srin rnams ni ljang ngar 'byed par byed pa'i rlung gis 'joms par byed do/ /tshigs pa rnams dang / 'gram par gyur pa dang / lud pa za ba'i srin rnams ni tshigs pa 'byed par byed pa'i rlung gis 'joms par byed do/ /so'i rtsa ba nas za ba'i srin rnams ni byin pa rab tu 'byed cing nyal ba'i rlung gis 'joms par byed do/ /bdag gi srin gyi rigs gzhan bcu mgrin pa dang / brang gi gseb na rgyu ba rnams rlung gi snga phyi rim pas 'joms par byed pa rnams ni 'di lta ste/ zas su ngar snabs za ba'i srin rnams ni spro ba 'phel ba'i rlung gis 'joms par byed do/ /rab tu skyug par byed pa'i srin rnams ni khu ba rgyu ba bcu'i rtsa rnams kyi nang na rgyu bar gyur pa de 'dra ba'i 'gro ba rnam par zlog par byed pa'i rlung gis 'joms par byed do/ /mngar myos kyi srin rnams ni tshigs rnam par dkrug pa'i rlung gis 'joms par byed do/ /ro drug la dga' ba'i srin rnams ni spu dang sen mo dang / bshang ba rnams 'byed par byed pa'i rlung gis 'joms par byed do/ /g+hur g+hur ba'i srin rnams ni khu chu</font><hr>66.181b<br><font size=+1>

rnam par rlug byed kyi rlung gis 'joms par byed do/ /ro la rab tu sdang ba'i srin rnams ni rgan gog tu byed pa'i rlung gis 'joms par byed do/ /nyal ba la shin tu mngon par dga' ba'i srin rnams ni lgang pag rings par byed pa'i rlung gis 'joms par byed do/ /khrag las skyes par gyur pa'i srin gyi rigs bcu 'di lta ste/ lus la spu za ba'i srin rnams ni bshang ba kun du skam byed kyi rlung gis 'joms par byed do/ /slubs can gyi srin rnams ni logs na bar byed pa'i rlung gis 'joms par byed do/ /'dzan tu mA ta ra'i srin rnams ni bu ga dgu la gnas pa'i nad ces bya ba'i rlung gis 'joms par byed do/ /o'u dum 'bar ra'i srin rnams ni/ yan lag dang / nying lag dang / nying lag thung bar byed pa'i rlung gis 'joms par byed do/ /'dzan tu mA ta ra dang / kun du 'dzag pa'i srin rnams ni me drod kun du skum 'don pa'i rlung gis 'joms par byed do/ /spu'i gling gi srin rnams ni yan lag dang / nying lag rnams thams cad grang bar byed pa'i rlung gis 'joms par byed do/ /khrag za ba'i srin rnams ni brtan pa 'jig par byed pa'i rlung gis 'joms par byed do/ /skyur po pa'i srin rnams ni sreg par byed pa'i rlung gis 'joms par byed do/ /rkang pa med pa dang / dbyibs thung bar gyur pa dang / khrag las skyes pa'i srin shin du phra ba dang / mig med pa dang / g.yan pa dang / 'bigs byed kyi mtshan nyid do/ /de la de dag rnams ni/ gang gi tshe 'chi ba'i yul dang / dus su gyur pa na/ de'i tshe rlung rnams kyis srin de dag rnams bcom par gyur nas/ khrag kyang skam par byed do/ /de la de dag rnams ni 'chi bar 'gyur ba na</font><hr>66.182a<br><font size=+1>

yin te/ rtsub par gyur pa dang mi bzad par gyur pa'i tshor ba rnams kyis kyang shin tu skems par byed do/ /'chi bar gyur pa'i mtha' na so so'i skye bo rnams rang gi skye bo dang / grogs po dang gnyen 'brel dang / bu dang / chung ma dang / phun sum tshogs pa dang / yongs su spyad par bya ba rnams yongs su gtong bar 'gyur ba'i sred pa dag gis byas pa'i 'chi ba'i 'jigs pa drag po rnams blo dman pa rmongs pa'i kun du sbyor bas bcings pa rnams las 'byung ste/ skyabs med par gyur pa chos dang chos ma yin pa dang han cig tu gcig pu nyid du gyur pa lus dang sems kyi sdug bsngal gyis yan lag dang nying lag rnams thams cad nas khrag kun du tshim par 'gyur ro/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag gi srin gyi rigs gzhan dag rnams ni gang yin zhing rlung gi tshogs rnams kyang gang dag gis srin gang bcom pas bdag la sdug bsngal du byed par 'gyur ba yin zhe na/ des thos pa las byung ba'i shes rab kyis sam lha'i mig gis mthong bar gyur pa srin gyi rigs bcu bdag gi sha la gnas pa rnams ni 'di lta ste/ rma la kun du 'byung ba rnams te de la rma la kun du 'byung ba'i srin rnams ni sbud pa'i rlung gis 'joms par byed do/ /tsun tsu ka'i srin rnams ni steng 'og gi rlung gis 'joms par byed do/ /rgyus pa sgul ba zhes bya ba'i srin rnams ni srog gi rlung gis 'joms par byed do/ /gang gi phyir song bar gyur pa'i skyes bu 'chi bar 'gyur ro/ /rtsa 'bigs par byed pa'i srin rnams ni 'dzums par byed pa'i rlung gis 'joms par byed do/ /lpags pa gtub pa'i srin rnams ni sems sun 'byin par byed pa'i rlung gis 'joms par byed do/ /tshil sgul bar byed pa zhes bya</font><hr>66.182b<br><font size=+1>

ba'i srin rnams ni 'khrug par byed pa'i rlung gis 'joms par byed do/ /'phel byed kyi srin rnams ni mig 'byed pa dang 'dzums par byed pa'i rlung gis 'joms par byed do/ /dri ngan pa'i srin rnams ni phan tshun du dkrug par byed pas 'chi ba'i mthar thug par byed pa'i rlung lngas 'joms par byed do/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ ji ltar bdag 'chi bar gyur pa'i dus na rngul la rgyu ba'i srin rnams rlung gang dag gis 'joms par byed pa yin na des thos pa las byung ba'i shes rab kyis sam lha'i mig gis mthong bar gyur pas/ de bzhin du mkhris pa las rgyu ba'i srin rnams la rnal 'byor spyod pas so sor rtog par byed pa ni 'di lta ste/ tsu ra ba kaH'i srin rnams ni mngal kun du 'phel byed kyi rlung gis 'joms par byed de/ skyes bu'i las rnams dang khyad par du 'phel bar byed do/ /sgul byed kyi srin rnams ni mngal 'jig par byed pa'i rlung gis 'joms par byed do/ /skyes bu'i stobs skam par byed do/ /gur gum gyi mdog 'dra ba'i skyur po gcig kha'i sgo nas kun du 'byung bar yang byed do/ /gal te na yang bud med du 'gyur bar yang byed do/ /ku shi me tog gi srin rnams ni 'gro ba dang / 'ong ba dang / rgyug pa dang / mchong bar byed pa'i rlung gis 'joms par byed do/ /chen po'i rigs kyi srin dang / nag pa pa dang zas chen po dang dro ba la rgyu ba rnams ni mig rna ba sna lce lus rnams rnam par 'joms par byed pa'i rlung lngas 'joms par byed do/ /rim pa ji lta ba bzhin du rnam par sreg byed kyi srin rnams ni grog ma pa'i rlung gis 'joms par byed do/ /me drod nyams byed kyi srin rnams ni khab pa'i rlung gis 'joms par byed do/ /me chen po'i srin rnams ni rgyu ma 'byed pa'i rlung gis 'joms par byed do/ /gzhan yang rnal 'byor spyod pa nang gi bdag nyid kyi lus la lus kyi rjes su</font><hr>66.183a<br><font size=+1>

lta zhing gnas te/ ji ltar bdag 'chi bar gyur pa'i dus na rus pa la gnas pa'i srin rnams rlung gang dag gis 'joms par byed pa yin na/ des thos pa las byung ba'i shes rab kyis sam lha'i mig gis mthong bar gyur pa/ yan lag dang nying lag rnams thams cad la gnas pa'i srin rnams ni 'di lta ste/ rus pa la ldag pa'i srin rnams ni mkhris pa kun du sun 'don par byed pa'i rlung gis 'joms par byed do/ /dro ba la rgyu ba'i srin rnams ni bad kan sun 'don pa'i rlung gis 'joms par byed do/ /tshigs pa gcod cing rgyu ba dang dri mi zhim pa'i srin rnams ni lpags pa kun nas sun 'don pa'i rlung gis 'joms par byed do/ /rus pa'i rnag gi rigs kyi srin rnams ni khrag kun du sun 'don par byed pa'i rlung gis 'joms par byed do/ /kha dmar ba'i srin rnams ni sha sun 'don par byed pa'i rlung gis 'joms par byed do/ lpags pa la spyod cing za ba'i srin rnams ni khrag kun du sun 'don pa'i rlung gis 'joms par byed do/ /grog ma pa'i srin rnams ni khu chu kun nas sun 'don pa'i rlung gis 'joms par byed do/ /spu gri'i kha'i srin ni 'khrul par byed pa'i rlung gis 'joms par byed do/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te bdag 'chi bar gyur pa'i dus na bshang ba la rgyu ba'i srin gang dag rlung gang dag gis 'joms par byed pa yin zhe na/ des thos pa las byung ba'i shes rab kyis sam lha'i mig gis mthong bar gyur pa dngas ma pa'i srin rnams ni stobs byed pa'i rlung gis 'joms par byed do/ /khab kyi kha'i srin rnams ni rngul kun nas sun 'don pa'i rlung gis 'joms par byed do/ /phi spi skyes kyi srin rnams ni gcin lhag par sun 'don par byed pa'i rlung gis 'joms par byed do rkang</font><hr>66.183b<br><font size=+1>

med kyi srin rnams ni tshil kun du sun 'don pa'i rlung gis 'joms par byed do/ /mi spyod pa'i srin rnams ni zas dang ldan pa'i rlung gis 'joms par byed do/ /bshang ba rnam par 'thor byed kyi srin rnams ni so rnam par byed pa'i rlung gis 'joms par byed do/ /bshang ba 'byed pa'i srin rnams ni rtse'u chung sdud par byed pa'i rlung gis 'joms par byed do/ /rgyu ma 'byed pa'i srin rnams ni 'og du 'gro ba'i rlung gis 'joms par byed do/ /zas smin pa rnams so sor rengs par byed pa'i srin rnams ni steng du 'gro ba'i rlung gis so sor 'joms par byed do/ /mdog bzangs kyi srin rnams ni logs la rgyu ba'i rlung gis 'joms par byed do/ /gzhang smin par byed pa'i srin rnams ni za ma tog la gnas pa'i rlung gis 'joms par byed do/ /srin rnams dang rlung de dag rnams kyis kyang bshang ba rnams thams cad kyang nges par skams par 'gyur zhing khams rnams thams cad kyang khyad par du skams nas phan tshun gyis g.yoms shing kun du drud par gyur pas steng 'og tu gyur par byas nas khams rnams thams cad kyang dkrug par gyur pas gog por gyur pa dang / myags par gyur pa dang rnam par g.yogs par gyur pas kyang bye brag tu byas shing dman par byas pas ni skyes bu rnams sam bdag kyang rlung ste/ 'chi ba'i mthar gyur pa na rtsub pa gzhan rnams dang mi 'dra ba'i tshor ba rnams nges par myong bar 'gyur bar skye bo rnams thams cad la nges par myong bar 'gyur bar byed do/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag gi srin gang dag 'chi ba'i mthar thug par gyur pa na rlung gang dag gis 'joms par byed pa yin zhe na des thos pa las byung ba'i shes rab kyis sam lha'i mig gis mthong bar gyur pa/ bdag gi rkang mar la rgyu bar gyur pa'i srin gyi rigs bcu la 'di lta ste spu la</font><hr>66.184a<br><font size=+1>

gnas pa'i srin rnams ni spu kun nas sun 'don pa'i rlung gis 'joms par byed do/ /kha nag pa'i srin rnams ni rjes su 'thun par byed pa'i rlung gis 'joms par byed do/ /spro ba med pa'i srin rnams ni nyal ba na rnam par g.yeng bar ston pa'i rlung gis 'joms par byed do/ /gzer zug chen por byed pa'i srin rnams ni mi bzod pa'i rlung gis 'joms par byed do/ /rmongs par byed pa'i srin rnams ni lce la gsal byed dang yi ge byed pa'i rlung gis 'joms par byed do/ /me'i mdog gi srin rnams ni ro rnams 'dre bar byed pa'i rlung gis 'joms par byed do/ /'greng ba'i srin rnams ni mchin pa kun nas sun 'don pa'i rlung gis 'joms par byed do/ /'og tu rgyu ba'i srin rnams ni bshang ba gyen du byed pa'i rlung gis 'joms par byed do/ / uT+Ting ga'i srin rnams ni gzhang la rgyu ba'i rlung gis 'joms par byed do/ /kun du rtogs pas dga' ba'i srin rnams ni dran pa kun nas sun 'don pa'i rlung gis 'joms par byed do/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te rtag par kun du mthong ba ma yin/ gtsang mar mthong ba ma yin/ bdag tu mthong ba ma yin no/ /sngon gyi srin cig ni mkhal ma sun 'don par byed pa'i rlung gis 'joms par byed do/ /srin 'di dag rnams ni 'chi ba'i dus su rlung rnams kyis 'joms par byed do/ /de de ltar na nang gi bdag nyid kyi lus la lus kyi rjes su lta zhing gnas par byed pa yin te/ dge slong gis thog ma med pa'i dus nas rab tu bzhugs par gyur pa'i mun pa rnams lhag ma lus pa med par 'joms par 'gyur ro/ /zag pa med pa shin du mthar thug par gyur pa gzhan rnams dang mi 'dra bar gyur pa 'jig rten las 'das pa'i snang ba rnams kyang 'di la rab tu 'byung bar 'gyur ro/ /rjes su dran pa rnams kyang rnam pa bdun du gyur pa las 'chi ba rjes su dran pa ni mchog tu bstan pa yin no/ /'di lta ste/ sangs rgyas rjes su dran pa dang / chos rjes su dran pa dang / </font><hr>66.184b<br><font size=+1>

dge 'dun rjes su dran pa dang / lha rjes su dran pa dang / mi rtags pa rjas su dran pa'o/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ chos rnams thams cad la rgud pa 'byung bar byed pa'i 'chi ba rnam pa du zhig yod ce na/ des thos pa las byung ba'i shes rab kyis sam lha'i mig gis mthong bar gyur pa/ 'chi ba ni rnam pa bzhi yin no/ /'di lta ste/ sa'i khams ma snyoms pas bskyed pa dang / chu'i khams ma snyoms pas bskyed pa dang / me'i khams ma snyams pas bskyed pa dang / rlung gi khams ma snyoms pas bskyed pa'o/ /de la ji ltar na sa'i khams ma snyoms pas bskyed pa'i 'chi bas 'chi bar 'gyur ba yin zhe na/ gang gi tshe sa'i khams rnams 'khrugs par gyur pa na phyir zhing rlung gis kyang sa'i khams rnams kyang sra zhing mkhrang bar gyur nas yan lag dang nying lag rnams thams cad kun du g.yos shing kun du mnan pas myags par byed do/ /phan tshun du 'joms par byed cing kun du 'tshir bar byed do/ /dper na rdo rje'i rang bzhin gyi ri gnyis su gyur pa de dag gi bar du mar sar pa'i gong bu gcig bcug par gyur la de dag kyang phan tshun du dus kyis rlung gi tshad du gyur pa'i rlung gi shugs kyis legs par drud par gyur na/ de la ji ltar na mar sar gyi gong bu'i snying po nyid du tha snyad gdags par bya/ de kho na bzhin du sa'i khams 'khrugs par gyur pas bdag gi yan lag dang nying lag rnams thams cad dang / khams rnams thams cad dang / rgyus pa'i za ma tog gi lpags pa dang / khrag dang / sha dang / tshil dang / rus pa dang / rkang mar dang / khu chu dang rnams ni thams cad kyang mar sar dang 'dra bar 'gyur ba yin no/ /rtag tu rgyun mi 'chad par kun nas mnan par gyur pa'i nye 'khor rnams ni shin du nyams par mi 'gyur ro/ /des bdag gi khams rnams de ltar mnan par gyur pas sdug bsngal rnams</font><hr>66.185a<br><font size=+1>

'byung bar 'gyur ro/ /sangs rgyas rjes su dran pa 'am/ chos rjes su dran pa 'am/ dge 'dun rjes su dran par gyur pa yang rung ste/ srid pa tha ma pa rnams kyis yang dag pa'i blos dmigs pa rgyun ma chad par gyur na so so'i skye bo 'di dag rnams thams cad la yang rgyud la dmigs pa dang cha 'dra ba'i skye ba 'byung bar 'gyur ro/ /rgya'i cha rnams ci 'dra bar gyur pa yin pa'i rgyas btab pa rnams kyang de dang 'dra bar 'gyur ro/ /de bzhin du 'chi ba'i dus kyi srid pa tha ma pa rnams kyi sems kyi rgyun rnam pa ji srid dang 'dra bar gyur pa'i skye ba de dang de 'dra ba'i rnams 'byung ba yin no/ /sems spre'u gyi dbang gis skye ba dang 'chi ba rnams 'byung ba yin no/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ ji ltar na bdag cag gi chu'i khams rnams ma snyoms par gyur pas byis pa so so'i skye bo 'di dag rnams thams cad 'chi ba yin zhe na/ des thos pa las byung ba'i shes rab kyis sam lha'i mig gis mthong bar gyur pa/ gal te bdag gi chu'i khams rnams 'khrugs par gyur na des bdag gi yan lag dang nying lag rnams thams cad kyang rgyus pa'i sbubs rnams thams cad dang / khams rnams thams cad dang / lpags pa dang / khrag dang / sha dang / tshil dang / rus pa dang / rkang mar dang / khu chu dang rnams kun du rku bar byed cing kun nas bzhu bar 'gyur ba ni 'chi ba'i dus na bdag dang so so'i skye bo 'di dag rnams thams cad la yang nges par 'brel par 'gyur ro/ /phan tshun du kun nas dbu bar byed cing bskyod par byed do/ /'di lta ste/ ri gnyis ni sngon bzhin no/ /de la mar sar gyi gong bu rgya mtshor bcug par gyur cing dus kyi rlung gis rnam par bcom par gyur pa la ni gnas pa med do/ /skyob pa med do/ /snying por gyur pa gang yang med cing de la naM brtan pa yang</font><hr>66.185b<br><font size=+1>

yod pa ma yin no/ /bdag chu'i khams kyis mnar bar gyur pa'i sdug bsngal rnams ni de lta bu yin no/ /sangs rgyas rjes su dran pa 'am/ chos rjes su dran pa 'am/ dge 'dun rjes su dran pa yang rung ste/ srid pa tha ma pa rnams kyi yang dag pa'i blos dmigs pa rgyun ma chad par gyur na so so'i skye bo 'di dag rnams thams cad la yang rgyud la dmigs pa'i rgya'i rjes dang cha 'dra ba'i skye ba 'byung bar 'gyur ro/ /rgya'i cha rnams ci 'dra bar gyur pa yin pa'i rnam pa de srid kyi rgyas btab pa'i skye ba 'byung ngo / /dpe de bzhin du 'chi ba'i dus kyi tshe na srid pa tha ma pa rnams kyi sems kyi rgyan rnams ji srid du gyur pa de bzhin du skye ba rnams 'byung bar 'gyur ro/ /gang gi phyir sems spre'u gyi dbang gis rga shi'i dus na skye ba'i gnas yin no/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ ji ltar bdag 'chi bar gyur pa'i dus na me'i khams 'khrugs pas 'chi bar 'gyur ba yin zhe na/ des thos pa las byung ba'i shes rab kyis sam lha'i mig gis mthong bar gyur pa ni/ gal te bdag 'chi bar gyur pa'i dus na me'i khams rnams 'khrugs par gyur na des bdag gi yan lag dang nying lag rnams thams cad rtsa dang rgyus pa'i za ma tog rnams thams cad dang / khams rnams thams cad dang / lpags pa dang / khrag dang / sha dang / tshil dang / rus pa dang / rkang mar dang / khu chu rnams sreg go/ /'tshed do/ /kun du tsha bar byed do/ /kun nas rab tu 'bar bar byed de/ dper na seng ldeng gi me mdag gi phung po chen po ri dang mtshungs par gyur pa dag tu mar sar gyi gong bu bcug par gyur la de sreg par byed/ 'tshed par byed/ kun nas rab tu 'bar bed do/ /kun du skol bar yang byed pa de bzhin du bdag gi lus po rnams thams cad kyang mar sar gyi gong bu dang 'dra bar gyur pa yin na/ da yis bdag 'chi bar gyur pa'i tha ma'i</font><hr>66.186a<br><font size=+1>

lus kun du tsha bar sdug bsngal bar byed do/ /sangs rgyas rjes su dran pa 'am/ chos rjes su dran pa 'am/ dge 'dun rjes su dran par gyur pa yang rung ste/ yang dag pa'i blos tha ma'i sems kyi dmigs pa rgyun ma chad par gyur na so so'i skye bo 'di dag rnams thams cad la yang rgyud la dmigs par gyur pa'i sgrub pa'i rgya dang cha 'dra ba'i skye ba rnams 'byung bar 'gyur ro/ /ji ltar rgya gang dag dang 'dra bar gyur pa'i rnam pa de srid kyi rgya'i rjes kyi skye ba 'byung ba yin no/ /de ltar rnam pa ji srid par gyur pa'i 'chi ba'i dus na srid pa tha ma'i sems 'byung bar gyur pa de ltar skye ba yang 'byung bar 'gyur ro/ /gang gi tshe sems spre'u gyi dbang gis rga shi'i dus su skye ba nye bar gnas pa yin no/ /gzhan yang rnal 'byor spyod pa nang gi bdag nyid kyi lus la lus kyi rjes su lta zhing gnas te/ bdag 'chi bar 'gyur ba'i dus na ji ltar na rlung 'khrugs pas 'chi bar 'gyur ba yin zhe na/ des thos pa las byung ba'i shes rab kyis sam lha'i mig gis mthong bar gyur pa/ gal te bdag 'chi bar gyur pa'i dus su rlung gi khams rnams rab tu 'khrugs par gyur na/ des bdag gi yan lag dang nying lag rnams thams cad dang / rgyus pa'i za ma tog rnams thams cad dang / khams rnams thams cad kyi yang 'di lta ste/ lpags pa dang / khrag dang / sha dang / tshil dang / rus pa dang / rkang mar dang / khu chu rnam par nyams par byed do/ /kun du skems par byed do/ /kun du gyong ba nyid du byed do/ /phan tshun du gshag par byed do/ /rkang pa'i sen mo rnams nas bzung nas ji srid du mgo bo'i bar du bye ma dang 'dra bar phye mar byed do/ /dper na mar sar gyi gong bu dus kyi rlung gis phan tshun du btab par gyur na mar gyi gong bu rnam par nyams par byed do/ /kun du skams par byed do/ /kun nas gyong po nyid du byed do/ /nam mkhar phan tshun</font><hr>66.186b<br><font size=+1>

gyis yan lag rnams bye ma bzhin du phye mar byed do/ /de kho na bzhin du bdag 'chi bar gyur pa'i dus na rlung gi khams rnams rab tu 'khrugs par gyur pas/ de las bdag 'chi bar gyur pa'i tha ma'i lus kun nas mngon par sred pa'i tshor ba'i sdug bsngal rnams 'byung ngo / /sangs rgyas rjes su dran par gyur pa 'am/ chos rjes su dran par gyur pa 'am/ dge 'dun rjes su dran par gyur pa yang rung ste/ yang dag pa'i blos tha ma'i sems kyi dmigs pa rgyun ma chad par gyur na/ so so'i skye bo 'di dag rnams thams cad la yang rgyud la yang dmigs pa so so dang so so'i rgya rnams dang cha 'dra ba'i skye ba rnams 'byung ba yin no/ /ji ltar rgya rnams ji srid kyi rnam pa yin par gyur pa de bzhin du rnam pa ji srid du 'chi ba'i dus kyi srid pa tha ma pa'i sems su gyur pa de ji lta ba bzhin du skye bar 'gyur te/ gang gi phyir lus sems spre'u gyi dbang yin pa'i phyir 'chi ba'i tshe na skye ba'i gnas yin no/ /de ltar na 'byung ba chen po bzhi po rnams rab tu 'khrugs pa'i 'chi ba rnam pa bzhi yin no/ /rnal 'byor spyod pa nang gi bdag nyid kyi lus la lus kyi rjes su lta ba rnams kyis ni mi rtag pa dang / sdug bsngal ba dang / stong pa dang / bdag med par sems can rnams mtshungs par mthong ba yin no/ /de mthong bar gyur pas kyang bdud kyi drung na mi gnas so/ /mya ngan las 'das pa'i mtha' la gnas pa yin no/ /de kun nas nyon mongs pa can du 'gyur ba'i 'dod pa'i sgra dang / reg bya dang / ro dang / gzugs dang / dri rnams kyis 'khrid par byed pa nyid kyang ma yin no/ /dga' ba'i 'dod chags dang lhan cig 'grogs par gyur pa'i sred pa rnams kyis 'ching bar mi byed do/ /nyon mongs pa'i rdul rnams dang rnams bral bar 'gyur ro/ /ngam grog rnams dang rnam par bral ba dang / gzugs dang dris kyang phrogs pa ma yin no/ </font><hr>66.187a<br><font size=+1>

gzugs kyis rgyags pas rgyags par yang mi 'gyur ro/ /lang tsho'i rgyags pas rgyags par yang mi 'gyur ro/ /gson pa'i rgyags par yang mi 'gyur ro/ /tshogs pa 'dus pa la dga' bar yang mi 'gyur ro/ /rtag tu grong khyer rnams su 'jug par yang mi 'gyur ro/ /gang de la mngon par dga' bar yang mi byed do/ /'chi bar 'gyur ba'i 'jigs pas kyang 'jigs par 'gyur ro/ /kha na ma tho ba phra rab tsam rnams la yang 'jigs par lta bar 'gyur ro/ /yang dag pa ji lta ba bzhin du lus so sor rig par 'gyur ro/ /skye ba dang 'jig pa'i chos rnams kyang shes par 'gyur ro/ /de ni kun nas nyon mongs pa can du gyur pa'i 'dod pa rnams thams cad las 'dod chags dang bral bar 'gyur ro/ /snyom las can du mi 'gyur ro/ /dam pa'i chos la yang rgyun du dga' bar 'gyur ro/ /de ltar nA la ti'i grong gi bram ze dang / khyim bdag rnams dang / dge sbyong rnams kyang nang gi bdag nyid kyi lus la lus kyi rjes su lta zhing gnas so/ /rnal 'byor spyod pa rnams ji ltar gnas pa yin zhe na/ dge slong dag 'di na phyi rol gyi chos kyis rnal 'byor spyod pa rnams nang gi bdag nyid kyi lus la so sor rtog par byed do/ /'di lta ste/ phyi rol gyi chos rnams mthong nas nang gi bdag nyid kyi lus la lus kyi rjes su lta zhing gnas pa las dang po sa bon gyi tshogs rnams la so sor rtog par byed de/ sa bon las ni myu gu 'byung ngo / /myu gu las ni sdong bu 'byung ngo / /sdong bu las ni 'dab ma 'byung ngo / /'dab ma rnams las ni me tog 'byung ngo / /me tog las ni 'bras bu 'byung bar 'gyur ro/ /de kho na bzhin du rnal 'byor spyod pa pa rnams kyis nang gi bdag nyid rnams la yang mthong ba yin te/ dang po sa bon du gyur pa'i rnam par shes pa las dang nyon mongs pa rnams dang bcas pa khu chur ltung ba yin no/ /khu chu las ni mer mer por 'gyur ro/ /mer mer po las nur nur por 'gyur ro/ /nur nur po las ni gor gor por 'gyur ro/ /</font><hr>66.187b<br><font size=+1>

gor gor po las ni nar nar por 'gyur ro/ /nar nar po las ni 'bur 'bur lnga 'byung bar 'gyur te/ rkang pa'i 'bur 'bur gnyis dang / lag pa'i 'bur 'bur gnyis dang / mgo'i 'bur 'bur gcig go/ /de ltar 'bur 'bur lnga po rnams las ni dbang po rnams gsal bar skye bar 'gyur ro/ /de ltar snga phyi'i rim pas rga shi'i mthar thug par 'gyur ro/ /gzhan yang rnal 'byor spyod pa phyi rol gyi lus la lus kyi rjes su lta zhing gnas te/ ji ltar sa bon gyi tshogs rnams ni dang po sngon po nyid du 'gyur ro/ /phyi nas ni skya bor 'gyur zhing rings par 'gyur ro/ /thams cad nyid du med par yang 'gyur ro/ /de kho na bzhin du lus 'di yang dang po ni byis par 'gyur ro/ /byis pa las ni dar la bab par 'gyur ro/ /dar la bab pa las ni rgas par 'gyur ro/ /rgas par gyur nas ni rnam pa thams cad du med par 'gyur ro/ /gzhan yang rnal 'byor spyod pa phyi rol gyi lus la lus kyi rjes su lta zhing gnas te/ ji ltar na phyi rol gyi sa bon gyi tshogs rnams 'byung bar 'gyur ba yin zhing ci ltar yang sa gzhi las sman dang nags tshal rnams mngon par 'phel bar 'gyur ba yin na/ des thos pa las byung ba'i shes rab kyis sam lha'i mig gis mthong bar gyur pa/ chos 'di dag rnams thams cad ni phan tshun gyi rgyu can dang phan tshun gyi rkyen can yin zhing / phyi rol du gyur pa dang nang gi bdag nyid du gyur pa'i 'dus byas thams cad ni phan tshun gyi stobs kyis skye bar 'gyur ba yin la chos gsum ni ma gtogs so/ /'di lta ste/ so sor brtags pa'i 'gog pa dang / so sor ma brtags pa'i 'gog pa dang / nam mkha' dang rnams so/ /ji ltar na phan tshun gyi stobs kyis chos rnams rab tu 'jug par 'gyur ba yin zhe na/ 'di lta ste/ ma rig pa'i rkyen kyis ni 'du byed rnams so/ /'du byed kyi rkyen kyis ni rnam par shes pa'o/ /rnam par shes pa'i rkyen kyis ni ming dang gzugs dag go/ /ming dang gzugs kyi rkyen gyis</font><hr>66.188a<br><font size=+1>

ni skye mched drug go/ /skye mched drug gi rkyen kyis ni reg pa'o/ /reg pa'i rkyen kyis ni tshor ba'o/ /tshor ba'i rkyen kyis ni sred pa'o/ /sred pa'i rkyen kyis ni len pa'o/ /len pa'i rkyen kyis ni srid pa'o/ /srid pa'i rkyen kyis ni skye ba'o/ /skye ba'i rkyen kyis ni rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / yongs su ngal ba rnams 'byung bar 'gyur ro/ /de ltar sdug bsngal gyi phung po chen po 'di 'ba' zhig kun tu 'byung bar 'gyur ba yin no/ /yang dge slong dag ma rig pa 'gags par gyur pas kyang 'du byed rnams 'gag go/ /'du byed rnams 'gags par gyur na rnam par shes pa 'gag go/ /rnam par shes pa 'gags par gyur na ming dang gzugs 'gag go/ /ming dang gzugs 'gags par gyur na skye mched drug 'gag go/ /skye mched drug 'gags par gyur na reg pa 'gag go/ /reg pa 'gags par gyur na tshor ba 'gag go/ /tshor ba 'gags par gyur na sred pa 'gag go/ /sred pa 'gags par gyur na len pa 'gag go/ /len pa 'gags par gyur na srid pa 'gag go/ /srid pa 'gags par gyur na skye ba 'gag go/ /skye ba 'gags par gyur na rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / nyam thag pa rnams kun du 'gag par 'gyur ro/ /de ltar sdug bsngal 'ba' zhig gi phung po chen po 'di 'gag par 'gyur ba yin no/ /de ltar chos de dag ni gcig la gcig gi rkyen kyi dbang gis yin te/ phyi rol gyi chos rnams sam nang gi bdag nyid kyi chos rnams kyang rung ste/ phan tshun gyi dbang gis yin no/ /de ltar rnal 'byor spyod pa des ji ltar nang gi bdag nyid yin pa de ltar phyi rol rnams yin zhing ji ltar phyi rol yin pa de ltar nang gi bdag nyid kyi chos rnams yin no zhes nang gi bdag nyid kyi lus la lus kyi rjes su lta</font><hr>66.188b<br><font size=+1>

bar byed pa dang / phyi rol kyis lus rnams la yang dag pa ji lta ba bzhin du lus kyi rjes su lta zhing gnas so/ /de ltar rnal 'byor spyod pa rnams kyi phyi rol dang nang gi bdag nyid kyi chos rnams rab tu shes par byed de/ dang po re shig 'dzam bu'i gling pa rnams kyi chos rnams 'phel bar 'gyur ro/ /de nas ni nang gi bdag nyid rnams ches gsal bar byed pa'i chos gcig so sor shes par byed pa dang / so so ba rnams legs par rab tu shes par byed pa dang / kun du mdzes pa rnams dang / tshor ba rnams dang / so so bar gyur pa'i chos rnams kyang rab tu shes par byed do/ /phyi dang nang gi dbang gis 'byung po'i grong rnams thams cad dang phyi rol gyi dbang gis kyang nang gi bdag nyid kyi sems dang sems las byung ba'i tshogs rnams so/ /gal te yang phyi rol tu gyur pa'i chos rnams kyis nang gi bdag nyid kyi chos rnams 'phel bar 'gyur zhing de las kyang nang gi bdag nyid kyi chos rnams ches gsal bar 'gyur ba dang / gal te yang nang gi bdag nyid kyi chos rnams kyis phyi rol kyi chos rnams 'phel bar 'gyur ba yin zhing / des kyang ches gsal bar 'gyur ba yin zhe na/ de la yang phyi rol kyi chos rnams kyis ji ltar nang gi bdag nyid kyi chos rnams 'phel bar 'gyur ba ni gal te gnas mal dang / nad kyi rkyen sman rnams rab tu phal che ba dang ldan par gyur na/ des dge slong rnams dge ba'i chos rnams la mngon par dga' bar 'gyur ro/ /gal te gnas mal dang / nad kyi rkyen sman dang / yo byad rnams rab tu phal che ba dang ldan par ma gyur na ni de thams cad du yang dge ba'i chos rnams la mngon par dga' bar mi 'gyur ro/ /de ltar chos rnams ni gcig gis gcig skyed par byed pa dang / phan tshun du ltos pa dang / phan tshun du skyed par byed pa dang / phan tshun gyi rgyu can gyi don gzhan du gyur pa'i byed</font><hr>66.189a<br><font size=+1>

pa po dang / rtag pa dang / brtan pa dang / ther zug dang / yongs su mi 'gyur ba'i chos can rnams gang yin pa 'am/ rgyu rnams kyi nang du 'du bar 'gyur ba'i rgyu med pa rnams kyis kyang kun kyang skyed par 'gyur ba la shin du 'bad par byed pa ni 'di na mthong ba ma yin no/ /gzhan yang rnal 'byor spyod pa phyi rol kyi lus la lus kyi rjes su lta zhing gnas te/ ji ltar khams gsum du skyes par gyur pa'i sems can rnams thams cad kyang phyi rol kyis don gcig par gyur pa'i phyi rol gyi las gang gis nang gi bdag nyid kyi chos rnams 'phel bar 'gyur ba yin na/ des thos pa las byung ba'i shes rab kyis sam lha'i mig gis mthong bar gyur pa/ 'du byed par skyes pa'i sems can rnams thams cad kyi chos gcig tu gyur pa ni zas gang dag yin pa rnam pa bzhi po kham gyi zas dang / yid la sems pa dang / reg pa dang / dga' ba dang 'di dag rnams yin no/ /de la 'dod pa'i khams rnams na ni zas 'di dag rnams gang yin pas sa bon gyi tshogs byas nas phyi rol kyi zas de dag gis kyang nang gi bdag nyid kyi bsam gtan la bde bar gnas pa rnams 'phel bar byed do/ /de la dang po nyid du re shig phyi rol kyi chos rnams kyis so sor rtog par byed de/ ci ltar nang gi bdag nyid kyi chos de dag rnams phyi rol kyi chos rnams kyis 'dzin par byed pa yin zhe na/ des thos pa las byung ba'i shes rab kyis sam lha'i mig gis mthong bar gyur pa rgyu gang dang rkyen gang dag dang / gzhi ci las gang gi tshe bzang ldan gyi dus kyi srog chags rnams thams cad kyi zas yin na yan lag brgyad dang ldan pa rnams yin no/ /de la yan lag brgyad po de dag rnams kyang gang dag yin na/ 'di lta ste/ 'dod pa'i sgra dang / reg bya dang / ro dang / gzugs dang / dri dang / 'dod pa sdug pa'i khu ba 'thas pa'i mdog dang dbyibs so/ /de la gal te mal stan dang nad kyi rkyen sman dang yo byad rab tu phal</font><hr>66.189b<br><font size=+1>

che bar gyur pa'i phyi rol kyi chos rnams kyis lus 'phel bar 'gyur na de'i tshe na nang gi bdag nyid kyi dge ba'i chos rnams la yang mngon par dga' bar 'gyur ro/ /de ltar rnal 'byor spyod pa phyi rol kyi lus la lus kyi rjes su lta zhing gnas so/ /phyi rol kyi sbrang bu mchu rnon dang / sha sbrang dang / grog ma phra mo la sogs pa rnams kyis gal te lus la mtho 'tsham par mi byed na de las nang gi bdag nyid kyi chos rnams la yang mngon par 'dod par 'gyur ro/ /gal te yang grang ba dang dro ba dang char pa la sogs pa rnams kyis lus la mtho 'tsham par mi byed na de'i tshe nang gi bdag nyid kyi chos rnams la mngon par spro bar 'gyur ro/ /gal te yang 'dod pa sdug pa yid du 'ong ba rnar snyan par gyur pa'i sgra rnams thos par gyur pa na de'i tshe nang gi bdag nyid kyi chos rnams la mngon par dga' bar 'gyur ro/ /gal te 'dod pa sdug pa yid du 'ong ba'i dri rnams kyi dbang du gyur pa na de'i tshe nang gi bdag nyid kyi chos rnams la mngon par dga' bar 'gyur ro/ /gal te grang ba dang / tsha ba dang / char pa la sogs pa lus la gtso ma dris na de'i tshe nang gi bdag nyid kyi chos rnams la mngon par dga' bar 'gyur ro/ /dbang po lnga po rnams gal te rgyas par byed pa'i phyi rol kyi skye mched lnga po rnams kyis nang gi bdag nyid kyi skye mched lnga 'phel bar gyur pa'o/ /de ltar phyi rol kyi lus la lus kyi rjes su lta zhing gnas te/ theg pa chen po la yang dag par gnas pa'i rigs kyi bu 'am/ 'phags pa nyan thos rnams kyis kyang yang dag pa ji lta ba bzhin du lus so sor rig par byed do/ /gzhan yang rnal 'byor spyod pa phyi rol kyi lus la lus kyi rjes su lta zhing gnas pa na/ ji ltar bdag gi rnam par shes pa'i tshogs drug chos rnams la dga' bar 'gyur ba yin na/ des thos pa las byung ba'i shes rab kyis sam lha'i mig gis mthong bar gyur pa/ gal te phyi rol kyi chos rnams kyis mtho brtsam par ma gyur na de'i</font><hr>66.190a<br><font size=+1>

tshe nang gi bdag nyid kyi chos rnams rang bzhin du gnas pas chos rnams la mngon par dga' bar 'gyur ro/ /rnam par shes pa'i tshogs drug po de dag rnams kyang gang zhe na/ mig gi rnam par shes pa dang / rna ba'i rnam par shes pa dang / sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa rnams so/ /de ltar nang gi bdag nyid kyi chos rnams kyi phyi rol gyi dngos po rnams dang lhan cig phan tshun gyi dbang du gyur pa dang / phan tshun 'grogs pa yin te/ dper na 'di lta ste/ bya nam mkha'i dkyil du song bar gyur nas rab tu rgyu bar byed pa de gang dang gang du ji ltar nam mkha' la 'gro bar 'gyur ba de dang de dag rnams su 'di'i grib ma de kho na bzhin du dbang du gyur nas 'gro'o/ /de kho na bzhin du phyi rol kyi dngos po rnams kyi dbang gis nang gi bdag nyid kyi dngos po rnams thams cad yin no/ /gal te lus thams cad rgyas par gyur na ni de las kyang sems rnam par nyams par mi 'gyur ro/ /des na thams cad kyang phan tshun du ltos nas rkyen gyi dbang gis thams cad 'byung ba yin no/ /de ni de ltar rnal 'byor spyod pa rnams kyis 'dir mthong ba yin la mi rtag pa dang / mi brtan pa dang / ther zug ma yin pa dang / yongs su 'gyur ba'i chos can ma yin pa zhes bya ba'i chos rnams ni gcig kyang skye ba na yod pa ma yin no/ /gzhan yang rnal 'byor spyod pa phyi rol kyi lus kyis lus la rjes su lta zhing gnas te/ ji ltar 'dzam bu'i gling pa'i mi rnams kyi tshe thung ba dang 'phel bar 'gyur ba yin na des thos pa las byung ba'i shes rab kyis sam lha'i mig gis mthong bar gyur pa/ gang gi tshe bzang ldan gyi dus kyi mi rnams thams cad ni 'od bsal gyi lha'i res las babs par gyur pa rnams yin pas sa zhag zas yin te/ dper na sum bcu rtsa gsum gyi lha rnams kyi</font><hr>66.190b<br><font size=+1>

zas ni bdud rtsi yin pa de bzhin du dge ba'i sems dang ldan pa'i bzang ldan gyi dus kyi mi rnams kyis ni sa'i bcud mdog dang / dri dang / gzugs dang / reg bya bzang ba/ skyon rnams thams cad dang bral bar gyur pa'i mi rnams zas rnams kyi dbang gis 'tsho ba yin no/ /de'i stobs kyis tshe'i tshad ni lo stong phrag brgyad bcu rtsa bzhir 'gyur ro/ /nad kyang gsum 'byung bar 'gyur ro/ /'di lta ste/ ltogs pa dang / skom pa dang / 'dod pa la bltos nas de dag rnams thams cad kyang 'tsho ba dang nad med par 'gyur ro/ /de nas gnyis ldan gyi dus na ni sa'i bcud de dag nyes pa dang bcas par 'gyur zhing mi rnams kyang de bzhin du sems dge ba'i sems dang ldan par mi 'gyur ro/ /nad rnams thams cad kyang mi rnams la 'byung bar 'gyur ro/ /'di lta ste/ ltogs pa dang / skom pa dang / dus ma yin par 'chi ba dang / tsha ba skye ba'o/ /de ltar phyi rol gyi zas rnams kyi dbang gis 'dzam bu'i gling gi mi de dag rnams thams cad kyang 'tsho ba dang nad med par yang 'gyur ro/ /gzhan yang rnal 'byor spyod pa phyi rol kyi lus la lus kyi rjes su lta zhing gnas te/ ji ltar na 'dzam bu'i gling pa'i mi rnams thams cad gsum ldan gyi dus na zas kyi dbang gis kha dog dang tshe ji lta bu yin na/ des thos pa las byung ba'i shes rab kyis sam lha'i mig gis mthong bar gyur pa/ gsum ldan gyi dus na ni sa'i bcud de dag de bzhin du nub par 'gyur ro/ /nad du ma rnams kyang 'byung bar 'gyur te/ zas kyi skyon kyis mi rnams la rlung dang mkhris pa dang bad kan rnams rab tu 'khrugs par 'gyur ro/ /rnal 'byor spyod pa de phyi rol kyi zas rnams kyi nang gi bdag nyid kyi skye mched rnams 'phel bar 'gyur ba'i 'du byed kyi tshogs rnams thams cad mthong bar gyur nas yang dag pa ji lta ba bzhin du lus la phyi rol kyi chos rnams kyis kun du lta bar byed do/ /gzhan yang rnal 'byor spyod pa</font><hr>66.191a<br><font size=+1>

phyi rol kyi lus la lus kyi rjes su lta zhing gnas te/ ji ltar na bzhi ldan rtsod pa'i dus kyi 'dzam bu'i gling pa'i ma rnams kyi zas gang yin na/ des thos pa las byung ba'i shes pas mthong bar gyur pa/ rtsod pa'i dus kyi 'dzam bu'i gling gi mi rnams ni khre rgod kyi zas dang / nas thug gi zas dang / nya'i zas dang / rdog gu rtsa ba'i zas rnams yin gyi ro rnams thams cad ni nub par 'gyur ro/ /mi de dag rnams la ni rtag tu nad rnams 'byung bar 'gyur ro/ /dus ma yin par rgas pa yang 'byung bar 'gyur ro/ /rtsod ldan gyi dus kyi mi rnams ni spro ba med par yang 'gyur ro/ /gzhan yang rnal 'byor spyod pa phyi rol kyi lus la lus kyi rjes su lta zhing gnas te/ ji ltar bzhi ldan gyi mi rnams kyi tshe dang tshad rnams 'phel ba dang 'grib pa yin zhe na/ des thos pa las byung ba'i shes rab bam lha'i mig gis mthong bar gyur pa/ bzang ldan gyi dus su 'dzam bu'i gling pa'i mi rnams kyi tshe rab tu ring ba ni lo stong phrag brgyad bcu rtsa bzhi yin no/ /bdag nyid kyi dngos po ni gzhu 'dom brgya phrag bcur 'gyur ro/ /gzhan yang rnal 'byor spyod pa phyi rol kyi lus kyis lus la rjes su lta zhing gnas te/ gnyis ldan gyi dus na 'dzam bu'i gling pa'i mi rnams kyi tshe rab tu ring ba ji lta bu yin na/ des thos pa las byung ba'i shes rab kyis sam lha'i mig gis mthong bar gyur pa/ gnyis ldan gyi dus kyi 'dzam bu'i gling pa'i mi rnams kyi tshe ring ba ni lo stong phrag bzhi bcur 'gyur ro/ /bdag gi dngos por gyur pa'i tshad ni gzhu 'dom nyis brgya yin no/ /gzhan yang rnal 'byor spyod pa phyi rol kyi lus la lus kyi rjes su lta zhing gnas te/ gsum ldan gyi dus na 'dzam bu'i gling pa'i mi rnams kyi tshe ring bar gyur pa ji lta bu yin na/ des thos pa las byung ba'i shes rab kyis sam lha'i mig gis mthong bar gyur pa/ gsum ldan gyi dus kyi 'dzam bu'i</font><hr>66.191b<br><font size=+1>

gling pa'i mi rnams kyi tshe ring bar gyur pa ni lo stong phrag nyi shu yin no/ /bdag nyid kyi dngos po ni gzhu 'dom brgya phrag gcig tu 'gyur ro/ /gzhan yang rnal 'byor spyod pa phyi rol kyi lus la lus kyi rjes su lta zhing gnas te/ rtsod ldan gyi dus kyi 'dzam bu'i gling pa'i mi rnams kyi tshe rab tu ring bar gyur pa dang bdag nyid kyi dngos po'i tshad kyang ji lta bu yin na/ des thos pa las byung ba'i shes rab kyis sam lha'i mig gis mthong bar gyur pa/ rtsod ldan gyi dus na 'dzam bu'i gling pa'i mi rnams kyi tshe shin du ring bar 'gyur ba ni lo brgya'o/ /bdag nyid kyi dngos po yang gzhu 'dom gcig ni yang mtha' yin no/ /rtsod ldan dang rjes su 'brel pa 'jig pa'i dus dman pa dang ldan pa mi rnams dge ba bcu dang bral bar gyur pa'i skye bo'i tshogs thams cad bdag nyid bzang po yin par shes par byed pa rnams kyi tshe shin tu ring bar gyur pa ni gang dag ce na/ des thos pa las byung ba'i shes rab kyis sam lha'i mig gis mthong bar gyur pa/ 'jig par gyur pa'i dus dman pa dang ldan pas ro'i gtso bo rnams thams cad ni nub par 'gyur ro/ /'di lta ste/ tshwa dang / mar dang / zho dang / sha dang / sbrang rtsi dang / ro mngar po dang / bu ram shing dang rnams te/ 'bras sA lu rnams thams cad kyang rnam par 'gyur ba dang bcas par gyur na drug bcu pa la sogs pa rnams yin gyi ji ltar gtso bor gyur pa rnams ni nub par 'gyur ro/ /shA li gzhan rnams kyang dper na 'di lta ste/ 'bras shA li dmar po dang / ros 'phrog pa dang / pa tang ga dang / skya bo dang / lcags kyi stobs dang / rab tu dga' bar byed pa dang / shA ri kaHdang / dung gi mu tig dang / sU rna ka dang / lo ha bA lA zhes ba dang / kun du bi na taHdang / dmar po dzu la kaHdang / phye ma ba dang / ardzu naHdang / ban dza ka dang / skam po ru haHdang / rgya mtsho kun du ru haHdang / gnyis su 'phel ba dang / sam ha saHdang / rab tu tsha ba pa dang / gra ma med</font><hr>66.192a<br><font size=+1>

pa dang / rtsub pa rab tu tsha ba dang / yA ba kaHdang / thams cad du skye ba dang / sing ha NaHdang / sdig pa med pa dang / kha dog chen po dang / thams cad du legs par skye ba dang / ardzu naHdang / rab tu tsha bar byed pa dang / dri ru haHdang / sprul gyi gcod pa dang / ka sa ma ra ya ru haHdang / ri las skye ba dang / rtag tu skye ba dang / tshigs pa med pa dang / thams cad la skye ba dang /[ ]kA ling kaHdang / kA ling ka chen po dang / he ma ston po dang / dung chen po dang / rnyed sla ba dang / bA hi ni ro dang / she khri NI dang / ang gu skyes dang / sen b+ha ba kaHdang / kA la bA haHdang / pra si bu dang / bi g+ha sa dang / rab tu sbyin byed dang / ing ga li kaHdang / tshad ma pa dang / byA bid d+ha dang / mi 'dod pa dang / lhan cig tu rnam par 'dres pa dang / bud d+hi la dang / nyi ma'i dbang dang / dri ma med pa dang / mA ga d+ha'i dang / rgya mtsho lbu ba dang / be la ru ha dang / snyoms par ban tsa kaHdang / sbun pa med pa dang / rab kyi mchog tu gyur pa dang / dron po dang / rgya nag gi dang / gur gum gyi mdog dang / dri ma dang bcas pa dang / rab tu 'brel pa dang / 'dzing ka'i sems dang / stobs can dang / khad ka kha Na Di kaHdang / rnam par 'dres pa dang / bdud rtsi 'gram pa na rgyu ba dang / gro'i mdog rnams so/ /nas rnams ni rnam pa drug ste/ sbun pa dang bcas pa dang / sbun pa med pa dang / rnam par 'dres pa dang / mngar po dang / mdog nag pa dang / mdog skya ba'o/ /nas chung ba ni rnam pa gnyis te/ 'dod rgyal ba dang / sa bon las skyes pa'o/ /shin du dri bzang bar gyur pa'i me tog thams cad kyang shin du sdug bsngal bar gyur pa'i 'jig pa'i dus na nub par 'gyur ro/ /til dang / mon sran sde'u dang / rgya sran leb bu dang / skyes pa dang / btag pa dang / byas pa dang / ma byas pa rnams kyang nye 'khor du thams cad nub par 'gyur ro/ /ba lang dang / ma he ShI khu ba'i bcud dang / dgun 'brum dang / khur ba pa dang / 'dod par gyur pa'i ro rab tu phal che ba rnams dang / </font><hr>66.192b<br><font size=+1>

mngon par 'dod pa'i ro rnams kyang nub par 'gyur ro/ /de dag rnams rab tu zhig par gyur pas kyang 'dzam bu'i gling pa'i mi rnams lpags pa dang / drod dang / rus pa dang / rkang mar rnams kyi grangs tsam du thams cad kyang 'gyur ro/ ro'i zas rnams dang rnam par bral bas 'dir ni thams cad kyang rus pas sbrel ba tsam du 'gyur ro/ /gang gi phyir phyi rol dang nang gi bdag nyid rnams thams cad kyang phan tshun kyi ltos pa'i dbang gis yin pa'i phyir 'du byed rnams thams cad kyang 'jig par 'gyur bar rnal 'byor pas so so rig par byed do/ /yang dag pa ji lta ba bzhin du phyi rol rnams rab tu rig par byed do/ /rtag pa ma yin/ bde ba ma yin/ gtsang ba ma yin/ bdag dang bcas pa ma yin la byed pa pos byin gyis brlabs pa yang ma yin no/ /rgyu med pa ma yin zhing 'dod rgyal ba yang ma yin te/ byed pa po gcig gis byas pa ma yin/ gnyis kyis ma yin/ gsum gyis ma yin/ bzhis ma yin/ lngas ma yin/ lam log pa ston par byed pa'i gzhan mu stegs can rnams kyi rgyu drug pas kyang ma yin no/ /de ltar phyi rol kyi dbang du byas nas rnal 'byor spyod pa lus la lus kyi rjes su lta zhing gnas so/ /gzhan yang rnal 'byor spyod pa des de ltar bzang ldan gyi dus nas 'jig pa'i dus kyi bar du thams cad la rgyas par sngar bzhin du rig par gyur nas yang dag pa ji lta ba bzhin du phyi rol kyis lus kyis lus la rjes su lta zhing gnas so/ /gzhan yang rnal 'byor spyod pa phyi rol kyi lus kyis lus la rjes su lta zhing gnas te/ ji ltar mi'i gnas bzhi po rnams thams cad na ri dang / chu bo dang / thang dang / rgya mtsho rnams dang / ri'i rgyal po ri rab lhun po'i bar du yang re re zhing cher 'phel bar 'gyur ba dang / chung du 'grib pa rnams kyang gang dag zhe na/ skyes bu'i gnas bzhi po rnams 'di lta ste/ 'dzam bu'i gling dang / nub kyi ba lang spyod</font><hr>66.193a<br><font size=+1>

dang byang gi sgra mi snyan dang / shar gyi lus 'phags po dang bcas pa rnams so/ /dmyal ba yang chen po brgyad do/ /yi dgas rnams dang / dud 'gro rnams dang / 'dod pa na spyod pa'i lha'i ris drug go/ /de ltar phyi rol kyi lus kyis lus la rjes su lta zhing gnas so/ /gzhan yang rnal 'byor spyod pa pa 'dzam bu'i gling gi shar phyogs kyi cha de'i ri dang / chu bo dang / yul dang / mtshams la kun du lta bar byed do/ /des thos pa las byung ba'i shes rab kyis sam lha'i mig gis mthong bar gyur pa/ 'dzam bu'i gling gi shar phyogs na yang ming a nU na zhes bya ba'i ri yod do/ /ri a nU na de ni dpag tshad bcu pa yin no/ /gzhan pha rol po a nU na'i ri ni dpag tshad sum bcu pa yin no/ /ri de dag gnyis kyi bar gyi sa la chu bo mtho ris dga' ba 'bab pa'o/ /chu klung kau shi ka /chu klung gzhan ko sha lA dang / yul yang gra ma can zhes bya ba dang / yul gnyis pa'i ming yang rnam par sreg byed ces bya ba'o/ /kau shi ka dang / ko sha lA dang lhan cig tu yongs su gang bar yul ljongs rnams dang 'brel pa yin no/ /de bzhin du ang ga zhes bya ba yul ljongs gnyis pa'o/ /de la rnam par sreg byed ni rgyar dpag tshad brgya yin no/ /gra ma can zhes bya ba'i ri de yang dpag tshad brgya phrag nyi shu yin no/ /kau shi ka'i yul ljongs ni grong stong phrag bcu yin no/ /ljongs gnyis pa'i phyed ko'u ra ba zhes bya ba'i ljongs ni kun nas gang bar gyur pa shing phun sum tshogs pa ste/ nA ga dang / nA Di dang / go'u ra ba pa dang / dza la hi na ta dang / tA la dang / ta lo rnams kyis nye bar brgyan pa dang / kha rdzu'u ra dang / pa na sa dang / nA Di ke ke re'i 'bras bus gang bar gyur pa'i ljongs ko sa lA de rnal 'byor spyod pas mthong bar gyur to/ /rna ba gon pa rnams dang / sha ba na ba 'chad pa dang / kaN+Ni ka dang / dga' ba'i bzhin dang / rnga mo'i bzhin dang rnams</font><hr>66.193b<br><font size=+1>

kyi yul ljongs de dag rnams ni dpag tshad brgya sum bcu yin na/ /yul ljongs de dag rnams la bltas par gyur nas kyang rnal 'byor spyod pa phyi rol kyi lus la lus kyi rjes su lta zhing gnas so/ /yul ljongs de dag rnams kyi mthar thug pa yin nam ni 'on te 'dzam bu'i gling na chu klung du bya ba dang / gzhan dag kyang yod do/ /des thos pa las byung ba'i shes rab kyis sam lha'i mig gis mthong bar gyur pa/ chu bo chen po Sho No zhes bya ba rgyar dpag tshad phyed pa me ga la ti'i ri las 'bab pa yin te ring du ni dpag tshad lnga brgyar gyur pas ji srid du rgya mtsho'i shar du 'bab par 'gyur ro/ /'di'i gzhi yang brag gi gcal gyis rnam par brgyan pa yin no/ /gzhan yang rnal 'byor spyod pa phyi rol kyi lus la lus kyi rjes su lta zhing gnas te/ 'dzam bu'i gling 'di na ri'i rigs su gyur pa 'am chu klung gi tha snyad du bya ba gzhan dag kyang yod dam zhe na/ des thos pa las byung ba'i shes rab bam lha'i mig gis mthong bar gyur pa/ ri'i rigs gzhan dag kyang yod pa yin te/ gcig pu pa zhes bya ba'i ri'i ring du ni dpag tshad brgyar gyur pa 'phang du ni dpag tshad lnga brgya pa yin no/ /ri de las dmar po zhes bya ba'i chu bo 'bab pa yin te/ gzi brjid che ba dang ldan par gyur pa/ rgyar ni dpag tshad phyed yin zhing ring du ni dpag tshad lnga brgya yin te/ ji srid du rgya mtshor 'jug go/ /gzhan yang rnal 'byor spyod pa phyi rol kyi lus kyis lus la rjes su lta zhing gnas te/ rnam pa lta bu'i chu klung gi rigs gzhan 'dzam bu'i gling na yod pa yin nam zhe na/ des thos pa las byung ba'i shes rab kyis sam lha'i mig gis mthong bar gyur pa/ 'dzam bu'i gling na rab tu 'bab par gyur pa'i chu bo chen po kA be rI zhes bya ba me tog chen po rnams kyis nye bar mdzes par byas pa rnams la 'di lta ste/ ke tA ka dang / tsam pa ka dang / ardzu nA dang / ka da mA dang / mA</font><hr>66.194a<br><font size=+1>

li ka gsar pa dang / a ti muk+ta ka dang rnams kyis nye bar mdzes par byas pa'o/ /gnyis pa yang ba lang can zhes bya ba ba lang gi gzhi rnams kun du gang ba yin no/ /chu bo de dag gnyis ga yang zhing du ni dpag tshad phyed yin la ring du ni dpag tshad sum brgya yin no/ /gzhan yang rnal 'byor spyod pa phyi rol kyi lus kyis lus la rjes su lta zhing gnas te/ 'dzam bu'i gling na ri'i rigs su gyur pa 'am chu klung gi rigs su gyur pa gzhan dag kyang yod dam zhe na/ des thos pa las byung ba'i shes rab kyis sam lha'i mig gis mthong bar gyur pa/ 'dzam bu'i gling na ri'i rigs dang chu bo'i rigs gzhan dag kyang yod do/ /de dag kyang 'di lta ste/ Ta ka sho b+ho chen po zhes bya ba'i ri yod pa ni mi thams cad kyis bgrod du rung ba rgya mtshos bskor ba yin no/ /ri de'i tshad ni dpag tshad sum bcu yin no/ /'di la mi rnams gnas pa yang cung zad kin ki ki rA tA zhes bya ba'i mi brtse ba med pa dang / kla klo dang / rna ba gon pa dang rnams so/ /gzhan rnams kyang rab tu gnas par gyur pa ni lo ma gyon pa rnams te/ de dag kyang rgya mtsho'i chu'i nang gi glang po che'i sha rnams za bar byed do/ /goms par gyur pa'i dbang gis zas rnams za ba yin pas mi'i sha rnams kyang za bar byed do/ /gzhan yang rnal 'byor spyod pa phyi rol kyi lus kyis lus la rjes su lta zhing gnas te/ 'dzam bu'i gling las shin du 'das par gyur pa'i rgya mtsho ni ri'i rigs sam gling gi rigs gzhan yang gang dag zhe na/ des thos pa las byung ba'i shes rab kyis sam lha'i mig gis mthong bar gyur pa/ rin po che dang ldan pa zhes bya ba'i rgya mtsho'i nang na dpag tshad stong du gyur pa rin po che rnam pa sna tshogs pa rnams kyis nye bar mdzes par gyur pa rnams la 'di lta ste/ in+d+ra nI la dang / nI la chen po dang / rdo rje dang / bai DUr+ya dang / mu sA ra galba</font><hr>66.194b<br><font size=+1>

dang / arka dang / pad+ma rA ga dang / su ku ma ri kA la sogs pa rnams kyis ri de nye bar mdzes par byas pa yin no/ /de la bzang ldan gyi dus na ni las kyis rjes su 'jug par 'gyur ba'i tshong pa rnams rgya mtsho'i rlung gis bdas nas rab tu 'jug par byed do/ /ri de las shin du 'das pa'i rgya mtshor stong phrag bcur nya chen po dang / chu srin byis pa gsod dang / grib ma'i rtse bya'i srin mo rnams kyis kun du gang ba yin no/ /rgya mtsho de las kyang shin du rgal bar gyur nas gser gyi brtsig pa zhes bya ba'i gling yod pa yin te/ gser gyi sa gzhis yongs su khebs par gyur pa de na mthong na shin du 'jigs par 'gyur ba brtul zhugs che ba'i srin po rnams rab tu gnas pa yin no/ /yul de las shin du 'das nas rgya mtsho dpag tshad nyis stong gi pha rol na d+hi re ko zhes bya ba'i ri yod pa yang rtse mo gsum pa ste 'phangs su dpag tshad bdun/ rgyar ni dpag tshad sum brgya pa la rin po che bdun gyis mdzes par byas pa rnams ni 'di lta ste/ in dra nI la dang / rdo rje dang / bai DUr+ya dang / pad+ma rA ga dang / su ku ma ri dang / nI la chen po dang / mu sA ra dang rnams kyis nye bar mdzes par byas pa'o/ /gzhan yang rnal 'byor spyod pa phyi rol gyi lus kyis lus la rjes su lta zhing gnas te ri de las 'das par gyur nas ri'i rigs sam rgya mtsho'i rigs gzhan dag yod dam zhe na/ des thos pa las byung ba'i shes rab kyis sam lha'i mig gis mthong bar gyur pa/ chu nag po zhes bya ba'i rgya mtsho chen po dpag tshad stong phrag bcur gyur pa/ gang la lha ma yin rnams klu'i bu mo dang lhan cig tu rtse bar byed pa yin no/ /rgya mtsho 'di'i klu rnams kyang mthong na 'jigs su rung ba yin no/ /de la yang grib mi'i rtse la 'byung ba zhes bya ba'i srin mos lha ma yin stobs dman par rgyu bar byed pa</font><hr>66.195a<br><font size=+1>

gang dag bzung nas rgya mtshor 'phen par byed do/ /chu nag po chen po de'i chu'i nang rnams ni ri yis gang bar gyur pa sprin nag po chen po dang mtshungs par gyur pa/ lto 'phye chen po rnams kyis ches gang bar gyur pa rnams kun du mthong bar gyur nas rnal 'byor spyod pas yang dag pa ji lta ba bzhin phyi rol rnams la rnam par lta bar byed do/ /rnal 'byor spyod pa pas chu nag po de las yang dag par 'das nas 'di dag las pha rol na ri'i rigs su gyur pa 'am/ rgya mtsho'i rigs su gyur pa yod dam zhes lta bar byed do/ /des thos pa las byung ba'i shes rab kyis sam lha'i mig gis mthong bar gyur pa/ rin po che rnams kyis kun du gang ba zhes bya ba dang gzhan ni dmar po zhes bya ba ste/ rgya mtsho de dag na ni 'dzam bu zhes bya ba 'di'i shing rnams las lhag pa dpag tshad dgu bcu'i tshad du gyur pa'o/ /de la ni rdo rje'i mchu dang ldan pa'i bya'i rgyal po nam mkha' lding 'di gnas pa yin no/ /ljon shing de las nyung bar gyur na ni dpag tshad brgya na chu sngon po zhes bya ba'i rgya mtsho yod do/ /de la rgyang grags kyi tshad tsam gyi srin mo man de ha zhes bya ba yod do/ /de ni chu'i nang gi ri'i mchog rnams la rgyu bar byed pa yin te/ rgya mtsho'i chu'i nang gang dag na ri bo rnams yod par gyur pa de dag rnams la rnam par rgyu bar byed do/ /de dag las 'das par gyur nas ri'i rigs su gyur pa 'am chu klung gi rigs su gyur pa gzhan dag rgya mtsho na yod dam zhes rnal 'byor spyod pa pa yul rnams la lta bar byed do/ /des thos pa las byung ba'i shes rab kyis sam lha'i mig gis mthong bar gyur pa/ chu rab tu dang ba zhes bya ba'i rgya mtsho dpag tshad lnga brgya pa yod do/ /rgya mtsho de'i nang na 'od zer gyi phreng ba zhes bya ba'i ri 'phangs su dpag tshad brgya pa/ rgyar ni dpag tshad sum brgyar gyur pa yin no/ /ri 'di ni dngul gyi rang bzhin du gyur pa la rin po che rnams</font><hr>66.195b<br><font size=+1>

thams cad kyis kyang mdzes par byas pa dang / gser gyi pad ma rnams kyis nye bar mdzes par byas pa rnams ni 'di lta ste/ stong du mthong ba zhes bya ba'i pad ma'i rdzing bu zabs su ni dpag tshad brgya yod pa ring du dpag tshad sum bcur gyur pa'o/ /de la song nas phreng ba thogs pa'i lha dang / yol go thogs pa rnams kyang dga' bar byed do/ /lha'i ngang pa dang / ka raN Da ba dag gis kyang mdzes par byas par gyur pa yin no/ /gzhan yang rnal 'byor spyod pa phyi rol kyi lus kyis lus la rjes su lta zhing gnas te/ rab tu dang bar gyur pa'i rgya mtsho las kyang gzhan du gyur pa'i ri dang rgya mtsho'i rgyal po'i rigs su gtogs pa rnams sam gling du gyur pa dag yod dam zhe na/ des thos pa las byung ba'i shes rab kyis sam lha'i mig gis mthong bar gyur pa/ rlabs chen po zhes bya ba'i rgya mtsho yod de dpag tshad ni lnga brgyar gyur pa yin no/ /de la sa'i 'og gi chu'i nang du song bar gyur pa'i rlung rnams steng du gyur pa gang yin pas rgya mtsho dang gling de dag rnams thams cad kyang 'khrug par byed de/ sems can rnams kyi las kyi dbang gi phyogs kyis yin no/ /rlabs rnams ni dpag tshad nyis brgyar 'byung ngo / /lhag ma rnams ni 'dzam bu'i gling gi rgya mtsho'i rlabs zhes gang dag rjod par byed do/ /de la ni nya thams cad rta'i gdong can du gyur pa rnams rab tu gnas so/ /gzhan yang rnal 'byor spyod pa phyi rol kyi lus kyis lus la rjes su lta zhing gnas te/ rlabs chen po'i rgya mtsho'i ri las ri'i rigs sam rgya mtsho'i rigs yod dam zhe na/ des thos pa las byung ba'i shes rab kyis sam lha'i mig gis mthong bar gyur pa/ rlabs chen po'i ri'i pha rol byang phyogs ngos na ri ngos gcig pa zhes bya ba dpag tshad brgya phrag bcu bzhir gyur pa'i ri gser 'bar ba dag gis rnam par brgyan pa nyi ma gnyis pa dang 'dra bar gyur pa yin no/ /de la lha'i me tog du gyur pa mAn dA ra ba dang / pad ma ku she sha yA dang / bai dUr+ya'i rang bzhin gyi</font><hr>66.196a<br><font size=+1>

pad ma rnams skye ba yin no/ /lha'i nags dang nye ba'i nags rnams kyang ri 'di la yod pa yin no/ /ngos gcig pa'i ri de las 'das par gyur nas gzhan ri'i rigs su gyur pa dag yod dam zhes rnal 'byor spyod pa kun du lta bar byed pa na/ des thos pa las byung ba'i shes rab kyis sam lha'i mig gis mthong bar gyur pa/ shar gyi phyogs su rgya mtsho dpag tshad sum stong du nges par byung nas song bar gyur pa na gser 'bar ba zhes bya ba ri rab las ha cang mi ring ba na yod do/ /de nas lhun po'i logs la 'char ba zhes bya ba'i ri yod de/ gang gis 'dzam bu'i gling 'di ni des bai dUr+ya'i rang bzhin gyi logs su byed pa dang / gang gis shar gyi lus 'phags po ni des gser gyi mdog tu byed pa yin no/ /ri de'i ngos sngon por snang ba yin pas ri yis 'dzam bu'i gling gi nam mkha' yang sngon por mthong ngo / /gzhan yang rnal 'byor spyod pa phyi rol kyi lus gyis lus la rjes su lta zhing gnas te ri shar ba de dang thag nye bar gyur pa na gzhan dag yod dam zhe na/ des thos pa las byung ba'i shes rab kyis sam lha'i mig gis mthong bar gyur pa/ ri shar ba de las ring du 'das par gyur nas shar gyi lus 'phags su ri rab lhun po de'i rwa gnyis par gyur pa yid bde ba zhes bya ba lha'i 'dzam bu'i chu bo'i gser gyi rang bzhin du gyur pa yangs pa gser gyi pad mas legs par kun tu brgyan pa ste/ rgyar ni dpag tshad bcu pa'o/ /'phang du ni dpag tshad lnga brgya yin no/ /de la ni gser gyi rang bzhin gyi ljon shing dang / ri dgas dang / bya rnams dang / gser sa le sbram gyi rang bzhin gyi ljon shing lo ma rnams dang / lha'i glu mkhan rnams kyis kyang bsten pa yin no/ /de la yang phreng ba thogs par gyur pa'i lha rnams dang / pi bang gsum pa can rnams kyang rtse dga' bar byed do/ /ji ltar las rnams kyis bskyed par gyur pa rnams dman pa dang / bar ma dang / khyad par du 'phags pa'i</font><hr>66.196b<br><font size=+1>

las rnams kyis mngon par sprul pa ste/ rang gi las kyi bgo skal la spyod par byed pa'i lha de dag rnams yid bde ba'i ri de dang ji srid du ri nyi ma dang mtshungs par gyur pa'i shar ba la yang sten par byed do/ /'dzam bu'i gling gi rtse mor gyur pa shin du mtho ba yin te/ de tsam zhig 'dzam bu'i gling gi shar phyogs na yod pa yin no/ /gzhan yang rnal 'byor spyod pa phyi rol kyi lus kyis lus la rjes su lta zhing gnas de/ ji ltar 'dzam bu'i gling gi phyogs na chu bo'i rigs su gyur pa 'am/ ri'i rigs su gyur pa 'am/ rgya mtsho yongs su 'khrugs par gyur pa 'am/ ci tsam gcig gis mthar thug par 'gyur ba yin zhe na/ des thos pa las byung ba'i shes rab kyis sam lha'i mig gis mthong bar gyur pa/ de la 'bigs byed ces bya ba'i ri'i nye 'khor du dpag tshad brgyad yod pa las/ chu klung nar ma dA zhes bya ba zheng du dpag tshad phyed du gyur pa ring du dpag tshad brgya phrag gnyis yod pa ste/ de la yang dug chen po dang ldan pa'i klu rnams rab tu gnas shing chu srin byis pa gsod dang chu srin 'dzin khris kyang gang bar gyur pa yin no/ /chu klung de las gnyis par gyur pa chu klung rlabs ldan zhes bya ba yang 'bigs byed las kun du 'bab pa'o/ /chu klung gsum pa shugs dang ldan pa zhes bya ba ste/ dga' bar gyur pa shing rnams kyis yongs su bskor bar gyur pa yin no/ /chu klung gzhan yang nag po 'khyil pa zhes bya ba zabs su ni dpag tshad gsum du gyur pa/ ring du gyur pa'i dngos por ni dpag tshad sum brgya pa yin te/ ji srid du rgya mtshor 'bab pa yin no/ /chu klung yang ro d+ha chen po zhes bya ba la dug chen po dang ldan pa'i klus gang bar gyur pa yin no/ /ri ma la ya zhes bya ba ni tsan dan gyi rang bzhin du gyur pa mchog tu dga' ba ring bar gyur pa'i ngo bor ni dpag tshad lnga brgya yin la 'phangs su gyur pa ni dpag tshad sum brgya</font><hr>66.197a<br><font size=+1>

yin no/ /rlabs chen zhes bya ba'i chu klung rab tu 'bab pa yin te/ zheng du dpag tshad gcig yin la ring ba'i ngo bor ni dpag tshad brgyar gyur pa ji srid du rgya mtshor 'bab pa yin no/ /be tra can zhes bya ba'i chu klung ni ljon shing sna tshogs pa rnams kyis gang bar gyur pa la bya rnams kyis khyab par gyur pa ste/ rgyar ni dpag tshad gcig yin la ring du ni dpag tshad lnga brgyar gyur pas ji srid du rgya mtshor 'bab pa yin no/ /gzhan yang rnal 'byor spyod pa phyi rol kyi lus kyis lus la rjes su lta zhing gnas te/ 'dzam bu'i gling na gzhan dag ci yin zhe na/ des thos pa las byung ba'i shes rab kyis sam lha'i mig gis mthong bar gyur pa/ yul rnams la 'di lta ste/ me la ko'i ljongs kyi yul phyogs ni rnam pa du ma rnams yin te/ yul de dag ni dpag tshad bzhi bcu yin no/ /tso ka la zhes bya ba'i yul ljongs gnyis pa ni dpag tshad lnga bcu pa yin te/ ljon shing dang / ke ta kA dang / na Di ke ra dang / pa na sa dang / chu shing dang / bi la dang / ka pat+thi dang / ka ru sha ka dang / ba da ra dang / ardzu na dang / tsam+pa ka dang rnams kyis nye bar mdzes par gyur pa'o/ /ljon shing gzhan ni tsha bi ka ling ka zhes bya ba dpag tshad brgya pa ste/ shing gsar pa rnams thams cad dang shA li dag gis nye bar mdzes par byas pa'o/ /de nas chu ldan zhes bya ba'i yul gzhan ni zheng du dpag tshad brgya yin te/ ljon shing dang shA li dag gis nye bar mdzes par byas pa yin no/ /nags na ri dgas dang stag dang / mi bgrungs par gyur pa daN+Da kA ra N+ya ba zhes bya ba ni dpag tshad nyi shu yin no/ /gzhan yang rnal 'byor spyod pa phyi rol kyi lus kyis lus la rjes su lta zhing gnas te/ 'dzam bu'i gling gi lho phyogs na chu klung gi rigs sam/ ri'i rigs gzhan dag yod dam zhe na/ des thos pa las byung ba'i shes rab kyis sam lha'i mig gis mthong bar gyur pa chu klung go dA ba rI zhes pa</font><hr>66.197b<br><font size=+1>

rab tu dang bar gyur pa'i chu yod de/ zheng du ni rgyang grags yin la ring du gyur pa'i ngo bor ni dpag tshad nyis brgya pa'o/ /ljongs kyang tson twa zhes bya ba ste dpag tshad nyi shu yin no/ /ma drA zhes bya ba'i ljongs ni dpag tshad brgya phrag bzhi bcu yin no/ /ke ta ko zhes bya ba'i yul ni dpag tshad lnga bcu pa yin te/ ba lang dang ma he Sha rnams kyis kun nas gang bar gyur pa/ ljon shing dang shA li thams cad phun sum tshogs pa yin no/ /gzhan yang rgya mtsho'i nang na kar ko la'i rang bzhin gyi shing thams cad phun sum tshogs par gyur pa ste/ ring du gyur pa'i dngos por ni dpag tshad sum brgya'o/ /zheng du ni dpag tshad sum brgya yin no/ /kA be ri zhes bya ba'i chu klung ni shing rnams thams cad kyis nye bar mdzes par gyur pa ste/ rab tu dang ba'i chu zheng du ni dpag tshad do/ /ring du gyur pa'i ngo bor ni dpag tshad lnga brgya pa yin no/ /de la ni dga' bar gyur pa kar ko la kA dang / na ra ka dang / ke ta ka dang rnams kyis shin du dga' bar gyur pa'i nags yod do/ /chu klung yang bA sa'i chu zhes bya ba yin no/ /gzhan yang rnal 'byor spyod pa phyi rol gyi lus kyis lus la rjes su lta zhing gnas te/ 'dzam bu'i gling las rgal bar gyur nas rgya mtsho dang ri'i rigs dang gling gi rigs su gyur pa gzhan dag kyang yod dam zhe na/ des thos pa las byung ba'i shes rab kyis sam lha'i mig gis mthong bar gyur pa/ rgya mtsho pu Dis g.yogs pa zhes bya ba dpag tshad stong phrag bcu pa ste/ de na rlung gis rlabs rnams ni mi byed do/ /pad ma'i 'dab ma'i tshogs rnams ldan pa yin no/ /rgya mtsho chen po 'di las 'das par gyur nas rgya mtsho'i gling dpag tshad lnga brgya pa yod do/ /de la ni srin mo rnams rab tu gnas pa yin te/ zas su nya za bar byed pa 'jigs pa'i gzugs can rnams yin no/ /de las rgal bar gyur nas dbang chen gyi ri yin te/ rgyar ni</font><hr>66.198a<br><font size=+1>

dpag tshad bzhi bcu par gyur pa 'phang du dpag tshad bcu pa la tA la dang / shA li'i phreng ba dang ldan par gyur pa'o/ /de la lha ma yin rnams klu'i bu mo dang rtse bar byed de klu dang lhan cig tu 'jug ngogs dang nye ba'i nags su yang ngo / /ri de la gnas par gyur nas rgyal po chen po bzhis 'dzam bu'i gling rnams thams cad brgyad dang bcu bzhi la so sor rtog par byed do/ /skyes bu su dag ni ma la gus pa yin/ chos la spyod par byed pa su dag yin/ chos kyis rjes su phyogs par 'jug pa ni su dag yin/ bsnyen gnas la nye bar gnas pa ni gang dag yin/ sangs rgyas la dad pa ni gang dag yin/ chos la dad par gyur pa ni gang dag yin/ dge 'dun la dad par gyur pa ni gang dag yin/ bdud dang lhan cig g.yul 'gyed par byed pa ni su dag yin/ su ni drang po'i rang bzhin can yin/ su ni sbyin bdag du gyur pa yin/ su ni ser sna med pa yin/ su ni gzhan dag la gnod pa mi byed pa yin/ su ni byas pa khyad du mi gsod pa yin/ su ni med par smra ba ma yin/ dge ba bcu'i las kyi lam rnams la spyod par byed pa ni gang dag yin/ gang dag ni theg pa chen po pa rnams yin/ su ni nyan thos kyi theg pa pa yin/ su ni rang sangs rgyas kyi theg pa pa yin/ su ni grogs po'i dgrar ma gyur pa yin/ gzhan mu stegs can rnams kyi log par lta ba ma yin pa su yin zhes de ltar rgyal po chen po bzhi po de dag gis dbang chen gyi ri la 'dzam bu'i gling rnams thams cad la so sor rtog par byed do/ /gal te 'dzam bu'i gling gi mi rnams chos dang ldan par gyur na ni rgyal po chen po bzhi mgu bar gyur nas brgya byin la kun du rig par byed cing dbang po dang bcas pa'i lha rnams dga' bar 'gyur ro/ /bdud kyi phyogs rnams ni nyams par gyur to/ /lha'i phyogs rnams ni 'phel bar gyur to/ /'dzam bu'i gling gi mi rnams ni thams cad kyang dge ba'i chos la spyod par byed pa dang / </font><hr>66.198b<br><font size=+1>

chos kyi rjes su phyogs par gyur pa de thos nas dbang po dang bcas pa'i lha rnams dga' bar 'gyur ro/ /gal te chos dang mi ldan zhing chos kyi rjes su mi phyogs par 'dzam bu'i gling gi mi rnams gyur na des rgyal po chen po bzhi sdug bsngal bar gyur nas sum bcu rtsa gsum gyi lha rnams la rjod par byed de/ 'dzam bu'i gling gi mi rnams thams cad kyang chos dang ldan pa ma yin zhing chos kyi rjes su 'jug par byed pa yang ma yin no/ /bdud kyi phyogs rnams ni nyams par gyur to zhes des thos nas dbang po dang bcas pa'i lha rnams sdug bsngal bar 'gyur ro/ /gzhan yang rnal 'byor spyod pa phyi rol kyi lus kyis lus la rjes su lta zhing gnas te/ dbang chen gyi ri'i pha rol na ri'i rigs su gyur pa 'am gling gi rigs su gyur pa dag yod pa yin nam zhe na/ des thos pa las byung ba'i shes rab kyis sam lha'i mig gis mthong bar gyur pa/ dbang chen gyi ri de las ring du 'das par gyur pa na yang rgyar dpag tshad brgya par gyur pa'i gling yod do/ /de la rkang pa gcig pa'i mi rnams rab tu gnas pa yin te/ rtsa ba dang 'bras bu dag gi zas dang / tshe lo lnga bcu par gyur pa dang / shing lo gos su gyon pa dang / shing drung na kun du gnas pa rnams yin te/ yul 'di thams cad na yang mi sha za bar byed pa'i gcan zan dang seng ges kun du gang bar gyur pa/ gshog pa can rnams kyang shin du rtsub pa rnams yul de na so sor gnas pa yin no/ /dro ba dang bsil ba dang bcas pas yul 'di yang dga' ba yin zhing de la yang bud med rnams khyi'i gdong can yin zhing skad snyan pa yin no/ /de las rgal bar gyur nas rgya mtsho dpag tshad stong phrag nyi shu pa yod do/ /rgya mtsho de brdol bar gyur nas tA la'i phreng ba zhes bya ba'i ri shel dang / bai dUr+ya dang / dngul gyi rang bzhin du gyur pa la gser gyi bya rnams kyis sten par byed pa me tog man dA ra ba dang / pad ma ku she sha ya rnams phun sum tshogs par</font><hr>66.199a<br><font size=+1>

gyur pas dus drug du rnam par brgyan pa yin no/ /de la lha ma yin rdzu 'phrul dang ldan pa rnams 'dod par gyur pa'i sgra dang / reg bya dang / ro dang / dri rnams kyis dga' zhing rtse bar byed la yongs su spyod par yang byed do/ /ri de'i ring bar gyur pa'i ngo bor ni dpag tshad stong phrag lngar gyur pa yin la/ 'phang du ni dpag tshad brgya pa yin te/ ri 'di la dngul gyi rang bzhin gyi rA yang bcwa lnga yod do/ /de la ni lha'i bu mo rnams rtse dga' bar byed do/ /lha'i bu mo de dag rnams thams cad lha ma yin gyis kun du mtho 'tsham par byed do/ /gzhi de las dang po lha dang lha ma yin gyi 'khrug par 'gyur ro/ /lha dang mi rnams so so'i skye bo rnams thams cad kyang bud med kyi dbang du 'gyur ba yin no/ /gzhan yang rnal 'byor spyod pa phyi rol kyi lus kyis lus la rjes su lta zhing gnas te/ tA la'i phreng ba'i ri de las 'das par gyur nas ri dang rgya mtsho'i rigs sam/ gling gi rigs rnams gzhan gang dag ce na/ des thos pa las byung ba'i shes rab kyis sam lha'i mig gis mthong bar gyur pa/ de las ring du 'das nas dpag tshad lnga stong du rgya mtsho yin no/ /de la dpag tshad stong du nya rnams yod de dpag tshad lnga'i tshad du gyur pa yin zhing glang po che dang / ma he Sha dang / phag pa dang / rnga mo dang / seng ge dang / stag dang / spyang gi dang / gung dang / spre'u dang / mi'i gdong can rnams dang / sems can rnams thams cad kyi bzhin gyi rjes 'dra bar gyur pa rnam pa du ma can rnams yin no/ /rgya mtsho de las 'das par gyur nas nyi ma ldan zhes bya ba'i ri yod do/ /de la ni 'dod pa rnams thams cad dang / lha rdzas kyi pad ma dang / zhag bdun du rgyags pa skyed par byed pa'i 'bras bu rnams kyang phun sum tshogs pa yin no/ /de la yang mi 'am ci dag rab tu gnas pa yin te/ glu dang gar gyis rtag tu gnas par byed pa/ rtag tu yid dga' bar gyur pa rnams rang gi las kyi 'bras bu'i bgo skal la spyod par byed pas dman pa dang / bar ma dang / mchog</font><hr>66.199b<br><font size=+1>

tu gyur pa rnams phan tshun du grogs su gyur pas rtse dga' bar byed do/ /nyi ma ldan gyi ri de las shin du 'das par gyur nas dpag tshad nyis stong gi rgya mtsho yin no/ /de las shin du 'das pa na ni kuny+dza ro zhes bya ba'i ri thams cad du yang dngul gyi rang bzhin dang / lha rdzas kyi bai dUr+ya'i rdo ba dang / dngul gyi glegs bu dang / rdo ba yid du 'ong ba rnams kyis yid nye bar mdzes par byas pa'o/ /de la bu mo'i shing ljon pa zhes bya ba'i ljon shing ri de'i nye 'khor na yod do/ /shing de las skya rengs shar bar gyur pa na byis pa'i skyes bu legs par skye'o/ /nyi ma shar ba na rgur 'gros byed par 'gyur ro/ /snga dro'i dus su ni gtsug phud dang ldan pa'i gzhon nur 'gyur ro/ /nyi ma phyed du phyin pa na lang tsho la bab par 'gyur ro/ /nyi ma'i cha gsum pa la na tshod bar mar 'gyur ro/ /nyi ma 'babs pa'i dus na ni rgas pas non par 'gyur te/ lus dbyug pa la brten par 'gyur ba dang / mgo kha ba'i phung po ltar 'gyur ro/ /nyi ma nub par gyur pa'i dus na ni thams cad dus byed par 'gyur ro/ /las dang bcas par gyur pa dang / las kyi sems can dang / las kyi bgo skal la spyod par byed pa dang / las brtan par byed pa rnams yin te/ ji lta ji ltar las rnams byas par gyur pa de ni las de dag rnams nyid kyi shin du yang skal ba can du 'byung bar 'gyur ro/ /gzhan yang rnal 'byor spyod pa phyi rol kyi lus kyis lus la rjes su lta zhing gnas te/ kuny+dza ra'i ri las 'das par gyur nas ri'i rigs su gyur pa 'am/ rgya mtsho'i rigs su gyur pa 'am/ gling gi rigs su gyur pa gzhan dag gang zhe na/ des thos pa las byung ba'i shes rab kyis sam lha'i mig gis/ mthong bar gyur pa/ dpag tshad lnga brgyar gyur pa'i rgya mtsho'i chu'i nang na rin po che sna tshogs pa'i rang bzhin rnams kyis gang bar gyur pa bai dUr+ya dang / in dra nI la dang / shel dang / nor bu'i stegs bu rnams dang / rin po che bdun gyis nye bar mdzes par</font><hr>66.200a<br><font size=+1>

byas pa/ rang bzhin gyis 'od dang ldan par gyur pa'i nor bu rnams kyis kun du gang bar gyur pa/ gser dang nor bu'i stegs bu rnams dang / khang bzangs dang / gzhal med khang dang / khang pa brtsegs pa dang / khang bu'i phreng ba rnam pa sna tshogs pa rnams dang / nyi ma gnyis pa dang 'dra bar kun du gsal bar byed pa'i gnas yin no/ /de la ni ta k+Sha ko zhes bya ba'i klu'i rgyal po legs par gnas pa yin te/ rang gi las rnams kyi bgo skal la spyod par gyur pa dang / sangs rgyas rjes su dran pa/ chos rjes su dran pa/ dge 'dun rjes su dran par byed pa yin no/ / ta k+Sha ko'i sred pa de las ring du 'das nas rgya mtsho dpag tshad lnga brgyar mthong na 'jigs par 'gyur ba sems can thams cad 'jigs par byed pa/ mchog tu khro bar gyur pa'i klu rnams kyis kun du gang bar gyur pa yin no/ /rgya mtsho de las kyang 'das par gyur nas sems can rnams thams cad kyis mtshungs par gang ba 'bri' b+ho zhes bya ba'i ri yod do/ /de las ni go shAR+Shi zhes bya ba'i tsan dan de dang / ha rish+yA mang zhes bya ba'i tsan dan gnyis pa yang skye ba yin te/ de dag kyang nyi ma dang mtshungs pa'i gzi brjid can yin pas de dag ni tha mal pa rnams kyis lta bar mi nus pa yin no/ /gang dag chos par gyur cing chos kyi rjes su 'jug par byed pa'i 'khor los sgyur ba'i rgyal por gyur pa rnams dang / rnam pa de lta bu'i rgyal po gzhan dag rnams kyi yang tsan dan de dag yin no/ /de la yang dri za'i rjes dpon rnams tsan dan de'i dri de dag gis myos par gyur nas rtag tu gar dang / glu dang / rol mo'i sgra rnams kyis kyang yid bde bar 'gyur ro/ /yul de las kyang shin du 'das nas rgya mtsho'i dpag tshad lnga brgya rnams su dbu ba phreng bar gyur pa rnams rlung gi 'ur sgra dang 'debs pa yin no/ /rgya mtsho de las ring du 'das pa na rA gsum pa zhes bya ba'i ri yod do/ /de'i rA gcig ni gser gyi rang</font><hr>66.200b<br><font size=+1>

bzhin yin no/ /gnyis pa ni dngul gyi rang bzhin yin no/ /gsum pa ni shel gyi rang bzhin yin no/ /de dag na yang dbu ba'i phreng ba zhes bya ba rab tu dang ba'i chu la gser gyi phye ma dang / gram pa dang / lha rdzas kyi pad mas nye bar mdzes par byas pa/ ngang pa dang / kA raN+Da pA rnams kyis gang bar gyur pas nye 'khor rnams na shin du sgra 'don par byed do/ /rA gsum pa'i ri de la rlung gis brdabs par gyur pas rgya mtsho'i rlabs rnams nges par rdebs par byed do/ /da dag la rab tu brdabs par gyur pas ni nya nyam chung ba rnams dus kyi chos dang kun du ldan par 'gyur ro/ /gzhan yang rnal 'byor spyod pa phyi rol kyi lus kyis lus la rjes su lta zhing gnas te/ rgya mtsho na ri'i rigs su gyur pa 'am/ chu klung gi rigs su gyur pa 'am/ gling gi rigs su gyur pa gzhan dag yod dam zhe na/ des thos pa las byung ba'i shes rab kyis sam lha'i mig gis mthong bar gyur pa/ yul de las ring du 'das par gyur nas legs par byas pa dge ba rnams dang mi dge bar gyur pa myong bar nges pa rnams te/ sems can rnams thams cad kyi las kyi 'bras bu'i dbang por gyur pa gshin rje'i 'jig rten yod do/ /de la gshin rje zhes bya ba ni chos kyi rgyal po ste/ chos kyis sems can rnams rjes su ston par byed pa yin no/ /gshin rje'i 'jig rten 'di ni rang gi sems rnam par 'khrul ba dang mun pas kyang 'gribs pa yin no/ /gshin rje'i 'jig rten de las 'das par gyur nas dpag tshad brgyar nam mkha' sgrib pa med pa yin no/ /de las 'das par gyur nas ni dga' bar gyur pa'i gshin rje'i sred pa yin te/ lha rdzas kyi 'dzam bu'i chu bo'i gser dri ma med pa khang pa dang rta babs thams cad kyang rin po che rnams kyis mdzes par byas pa dang / chu bo dang / 'bab chu dang / rdzing bu pad ma'i rdzing bu rnams yongs su khyab</font><hr>66.201a<br><font size=+1>

cing nye bar mdzes par gyur pa ste/ rgyar ni dpag tshad brgya yod pa nyi ma gnyis pa dang mtshungs pa yin no/ /gshin rje'i srid pa de las 'das par gyur nas ni nyi ma dang zla ba'i 'od zer yang nyams par gyur nas thams cad kyang mun pas kun du bsgribs pa yin te/ rgya mtsho la yang nyi ma dang zla ba 'di dag gi 'od med pa yin no/ /srid pa rgya chen por gyur pa'i dmyal ba pa'i skye bo rnams kyi nyes par byas pa'i las rnams kyi rang bzhin gyis rgya mtshor yang mun pas kun du 'gribs par gyur te/ rgya mtshor gyur pa 'am yul phyogs kyang thams cad du gsal por mi dmigs so/ /gzhan yang rnal 'byor spyod pa phyi rol kyi lus kyis lus la rjes su lta zhing gnas te/ shis pa'i yul 'di na ni grong khyer du gyur pa 'am/ ljon shing du gyur pa 'am/ chu bor gyur pa 'am/ rir gyur pa rnams kyang rung / rgya mtshor gyur pa 'am/ lha'i 'jig rten du gyur pa 'am/ dud 'gro'i 'jig rten du gyur pa 'am/ yi dgas kyi 'jig rten du gyur pa rnams sam/ steng du gyur pa 'am/ 'og gam/ phyogs rnams sam/ phyogs mtshams rnams na gang la yang sems can rnams ma skyes pa 'am/ ma shi ba 'am/ 'chi ma 'phos pa 'am/ skyes par ma gyur pa 'am/ 'thun pa dang yid du 'ong ba rnams thams cad kyang med par ma gyur pa 'am/ 'bral bar ma gyur pa 'am/ bslus par ma gyur pa 'am/ brtan pa ma yin pa dang / ther zug ma yin pa dang / yongs su 'gyur ba'i chos can dang / rnam par 'bral ba dang / phan tshun du rnam par 'bral ba dang mi ldan par gyur pa de ni gcig kyang go skabs ma mthong ngo / /gang la 'thun pa dang yid du 'ong ba rnams dang med cing bral bar byas par ma gyur pa 'am/ tha dad du gyur pa 'am/ rnam par gyes pa dang / rnam par bral ba dang / </font><hr>66.201b<br><font size=+1>

kun nas 'bral bar ma byas par gyur pa ni 'gro ba lnga na sen mo'i cha tsam ma dmigs te/ sa phyogs kyi cha gang la yang sems can rnams ma skyes pa 'am/ shi ba dang / 'chi 'phos pa dang / skyes par ma gyur pa ni ma mthong ngo / /de'i phyir na shin du myur bar 'du byed rnams la 'dod chags dang bral bar gyis shig /slu bar 'gyur ba yin pa dang / gnas 'di dag ni g.yo ba dang / nye bar 'tshe ba dang bcas pa dang / mya ngan dang yid mi bde ba mang bar gyur pa dang / myur ba dang bcas pa dang / kun du 'byed par 'gyur ba dang / yongs su thob pa la kun du nyams par 'gyur ba dang / sgyu ma dang 'dra ba dang / rmi lam dang mtshungs pa dang / rnyed pa rnams chud 'dza' ba dang / sred pa'i gnas de dag rnams kyis ni byis pa so so'i skye bo rnams slu bar byed pa yin te/ thog ma med pa'i dus nas rab tu 'jug pa'i 'dod chags zhe sdang gti mug rnams rten du gyur pa yin no/ /'dza' ba ma yin pa'i dga' ba'i 'dod chags kyi gzhi lta bur gyur pa yin pas/ de'i phyir na shin du myur bar 'du byed rnams las 'dod chags dang bral bar gyis/ skyo ba med par gyur ta re/ rnam par g.yeng bar gyur ta re/ kun nas 'bral bar 'gyur ba'i yul rnams kyis khrid par gyur ta re/ byis pa rnams dang lhan cig tu rtse bar ma byed cig /de ltar rnal 'byor spyod pa des lus gzhan du 'jig par 'gyur ba'i phyi rol kyi lus kyis lus la yang dag pa ji lta ba bzhin du rjes su lta zhing gnas so/ /gnas bzhi bcu tham pa'i nang rnams la gang las kyi skyabs gnas pa dang / las kyis rab tu sbrel bar gyur pa dang / las kyi bgo skal la spyod par gyur pa ma yin pa'i sems can du gyur pa gcig tsam yod dam/ dge bar gyur pa 'am sdig pa yang rung ste/ ji ltar las byas par gyur pa de ni de nyid kyi skal ba can du 'gyur zhe na/ gang las kyi bgo skal la spyod pa ma yin pa dang / las kyi skye gnas pa ma yin pa</font><hr>66.202a<br><font size=+1>

dang / las brten par bya ba ma yin pa'i skyes bu de ni gcig kyang ma mthong gi dge bar gyur pa'am sdig pa yang rung ste/ ji ltar las rnams byas pa de ni de nyid kyi skal ba can du 'gyur ba yin no/ /rang nyid kyis las bdag gir bya ba la kun du bltas nas yang dag pa ji lta ba bzhin du lus la lus kyi rjes su lta zhing gnas so/ /'dzam bu'i gling gi nub kyi phyogs na ri'i rigs sam/ chu bo'i rigs sam/ gling gi rigs sam/ yul gyi rigs su gyur pa rnams kyang ji lta bu yin na/ des thos pa las byung ba'i shes rab kyis sam lha'i mig gis mthong bar gyur pa/ pun+nA ga dag gis kun du gang ba dang / pa Ta'i shing mang ba dang / khardzu rwa rnams kyis khyab pa dang / ke ta ka'i me tog gis nye bar mdzes pa dang / NA Di ke ra mang bar gyur pa dang / ta ma la'i ljon shing gis gang bar gyur pa dang / rab tu bsil bar gyur pa'i chu klung rab tu phal che ba dang / ri'i phug rnams dang ldan pa ste/ yul de yang ke kA pi no zhes bya ba'i yul yin la/ sin+d+hu zhes bya ba'i chu bo su bI ro zhes bya ba'i yul shin du dga' bar gyur pa/ shA lu dmar po'i zas dang ldan pa'i mi rnams ni blta bar mdzes pa sa phyogs rnams ri dang 'bab chus gang bar gyur pa yin no/ / bA ra tA zhes bya ba'i yul dpag tshad nyi shu pa ste bal po se'u yi chang mang ba yin no/ /grogs po'i longs spyod ces bya ba'i gnas te/ de nyid kyi nub phyogs kyi yul na chu klung lnga yod do/ /de las 'das par gyur nas ni chu srin 'dzin kri rnam pa sna tshogs pas gang bar gyur pa/ 'jigs pa chen po byed pa'i rgya mtsho yod pa rnal 'byor spyod pas mthong ngo / /rgya mtsho de'i nub phyogs na dpag tshad brgya par gyur pa'i gling kA la ko zhes bya ba yod de/ de la rnam pa sna tshogs pa'i bya rnams dang / nags dang nye ba'i nags rnams kyang yod de shin du dga' ba yin no/ /gling de na yang rig pa 'dzin pa rnams kun du dga' bar byed de/ </font><hr>66.202b<br><font size=+1>

ba ri ta baT+Ta na da zhes bya ba'i rig pa 'dzin pa gnas pa yin no/ /ral pa can gyi dbyibs zhes bya ba'i gnas gnyis pa shin du dga' ba dang dga' bar gyur pa'i yul phyogs yin te/ kA la ke'i gling de na ni khang bzangs dang khyim dang / 'bab chu rab tu phal che ba yin no/ /gling de'i pha rol na ni sin+d+hu dang rgya mtsho gnyis 'dre ba zhes bya ba'i yul phyogs yod de/ sin+d+hu dang rgya mtsho gnyis kyi bar na su kha na zhes bya ba'i ri chu'i nang na gnas pa yin no/ /de la pra bA Da skye ba yin te/ byi ru'i ljon pa bsdoms pas tshong pa dag rgyags par 'gyur ro/ /gzhan yang rnal 'byor spyod pa phyi lus kyis lus la rjes su lta zhing gnas te/ de nub phyogs kyi rgya mtsho la rab tu zhugs par gyur pa na/ ri dang / gling dang / srin mo yang ming ji skad bya ba yin zhe na/ des thos pa las byung ba'i shes rab kyis sam lha'i mig gis mthong bar gyur pa/ rgya mtsho dang ri yang dpag tshad lnga stong du dung dang chu srin dang / nya dang / nya chen pos kun du gang bar gyur pa ste/ thams cad du yang rlung gis rnam par g.yengs par byed do/ /rlung de'i mthus kyang nya rnams steng dang 'og tu byed par 'gyur ro/ /rgya mtsho de las 'das par gyur nas kyang rnal 'byor spyod pas mthong bar gyur pa ni gling nye 'khor kun du dga' bar gyur pa/ seng ges kun nas gang ba zhes bya ba ste/ de la ni gcan zan nam mkha' la rgyu ba rnams yod do/ /lus ni nye 'khor du rgyang grags kyi tshad tsam yin te/ de dag rnams ni chu dang sa la thogs rdugs med pa'i 'gros dang ldan pa yin no/ /de dag rnams kyi tshe'i tshad ni lo stong yin no/ /phan tshun du rtag tu mi mthun par gyur pa dang / rtag tu mngon par rtsod par byed pa de dag las 'das par gyur nas rnal 'byor spyod pas mthong bar gyur pa ni ra ma yo zhes bya ba'i rgya mtsho dpag tshad lnga brgya par gyur pa'o/ /rgya mtsho de na pad ma rnams rtag tu kha bye bar gyur pa'i snying po rgya chen po rnams la bung ba</font><hr>66.203a<br><font size=+1>

dag gis nye bar mdzes par byas pa yin no/ /pad ma de dag gi nang na ku la kA zhes bya ba'i srin mo rab tu gnas pa yin te/ pad ma'i snying po gang yin pa'i zas de dag gis bdag nyid kyi dngos po kun du tshim par byed do/ /dga' bar gyur pa'i rgya mtsho las ring du 'das nas rnal 'byor spyod pas mthong bar gyur pa ni ar d+ha ma ru zhes bya ba'i ri nye 'khor du dpag tshad brgya pa yod do/ /ri de la ni glang po che rnams dang / ka la ping ka rnams legs par gnas so/ /bya de rnams ni shin du skad snyan pa yin te/ gang dag gi rnam pa de srid du snyan par gyur pa rnams ni de bzhin gshegs pa dang / dbang bskur ba rnams thob pa'i byang chub sems dpa' rnams ma gtogs pa ji ltar lha rnams la yang med pa dang / mi rnams la yang med cing mi 'am ci rnams la yang med la lha ma yin rnams la yang med do/ /ar d+ha ma ru zhes bya ba'i ri de las 'das par gyur nas ri'i rigs su gyur pa 'am/ chu bo'i rigs su gyur pa 'am/ rgya mtsho'i rigs su gyur pa 'am/ gzhan ci dag yod pa yin nam zhes rnal 'byor spyod pa lta bar byed do/ /des mthong ste/ thos pa las byung ba'i shes rab kyis sam lha'i mig gis mthong bar gyur pa/ ar d+ha ma ru zhes bya ba'i ri dpag tshad lnga bcur rgya mtsho las langs pa yin te/ de nyid la ni bai dUr+ya rab tu phal che ba yod pa yin no/ /gshog pa dang bcas pa'i seng ge'i rnams rab tu gnas pa yin no/ /bai dUr+ya'i rang bzhin gyi nags de la mA na de hA zhes bya ba dang rA ma zhes bya ba'i srin mos srung bar byed do/ /gzhan yang rnal 'byor spyod pa phyi rol gyi lus kyis lus la rjes su lta zhing gnas te/ 'dzam bu'i gling las ring du gnas pa na ri'i rigs su gyur pa 'am/ rgya mtsho'i rigs su gyur pa gzhan dag kyang yod dam zhe na/ des thos pa las byung ba'i shes rab kyis sam lha'i mig gis lta bar gyur pa na/ de nas nub</font><hr>66.203b<br><font size=+1>

phyogs su gyur pa na dpag tshad stong phrag bcu gnyis pa'i rgya mtsho mthong bar gyur te/ de na ri yang med la 'du 'tshog gi sar gyur pa yang yod pa ma yin gyi glang po che dang phag gi gdong can gyi nya rnams ni ma gtogs so/ /rgya mtsho de las 'das par gyur nas rnal 'byor spyod pa pas ri gser gyi rang bzhin du gyur pa'i ri sA ra zhes bya bar mthong bar gyur te/ ri de'i 'od zer rnams kyis rgya mtsho dang bcas pa gser gyi chur mdzes par byed do/ / sA ra'i ri de yang ni rgyar dpag tshad lnga bcu pa la mtho bar ni dpag tshad sum brgya yod do/ /de la dri za rnams rab tu gnas pa yin te/ rab tu dga' ba'i 'dzam bu'i phreng ba zhes bya ba'o/ /de dag ni lo stong phrag gnyis su 'tsho ba yin te/ bar du 'chi ba'i dus byed pa yang yod do/ /de dag gi dri za rnams ni brgya stong phrag du ma rnams de na rab tu gnas pa yin no/ /lus gser legs par sbyangs pa dang 'dra ba dang / dri za rnams thams cad lha rnams dang 'dra ba yin no/ /de la yod pa'i dri za rnams kyi nags kyi rtsa ba dang 'bras bu rnams thams cad kyang dbrog par dka' ba yin te/ sa 'og na gnas par gyur pa'i lha ma yin rnams thams cad kyis kyang de dag rnams kyi 'bras bu nyung bar bya ba dang / 'ga' zhig gis dbrog par bya ba dang / longs spyad par yang mi nus so/ /gzhan yang rnal 'byor spyod pa phyi rol gyi lus kyis lus la rjes su lta zhing gnas te/ gzhan rgya mtsho na ri'i rigs dag yod dam zhe na/ des thos pa las byung ba'i shes rab kyis sam lha'i mig gis mthong bar gyur pa/ rgya mtsho'i bzhi cha las 'das par gyur pa na tsakra bA Do zhes bya ba'i ri yod de/ rgyar ni dpag tshad lnga brgya yin la 'phang du ni dpag tshad stong du gyur pa'i ri 'di ni rdo rje'i lte ba dang gser gyi ri yin no/ /gser de dag la ni res 'ga' lha ma yin rnams rab tu gnas par byed do/ /res 'ga' ni mi 'am ci rnams so/ /ri de ni mi 'am ci rnams kyi glus dga' bar gyur pa dang / </font><hr>66.204a<br><font size=+1>

'bras bu rnam pa sna tshogs pa rnams kyis gang bar gyur pa ste/ yul 'di na ni spre'u mang ba yin no/ /gser gyi mdog gi chu zhes bya ba'i chu klung yang 'bab pa yin te/ gser gyi mdog gi nya rnams kyis gang bar gyur pa rgyar ni dpag tshad phyed pa'o/ /'khor lo dang ldan pa'i ri de las 'das par gyur nas rnal 'byor spyod pas rgya mtsho dpag tshad stong phrag bcu yod par mthong bar gyur to/ /rgya mtsho de'i dbus na ni rin po che'i gling zhes bya ba'i gling de na rin po che rnam pa sna tshogs pa rnams mthong bar 'gyur gyi/ de na sa las byas par gyur pa 'am/ rdo las byas par gyur pa'i tha mal pa rnams ni chung zad kyang ma mthong ngo / /gling 'di dag thams cad ni rin po che'i rang bzhin yin no/ /yang ri de dang mtsho de las kyang 'das par gyur nas rnal 'byor spyod pas gzhan rgya mtsho'i rigs su gyur pa 'am/ ri'i rigs su gyur pa 'am/ chu bo'i rigs su gyur pa gzhan yod dam zhes lta bar byed do/ /des thos pa las byung ba'i shes rab kyis sam lha'i mig gis mthong bar gyur pa/ brag skya bo rnams la ljon shing skya bo rnams kyis khyab par gyur pa dbu ba kun nas gang bar gyur pa'i rgya mtshos yongs su bskor ba ste/ ri de'i tshad ni rgyar dpag tshad lnga brgya yin la 'phang du ni dpag tshad stong yin no/ /de las 'das par gyur nas rnal 'byor spyod pa pa yul rnams la lta bar byed de/ su me g+ho zhes bya ba'i ri ni rgyar dpag tshad drug cu rtsa bzhi pa la 'phangs su ni dpag tshad brgya pa yin te/ lha ma yin gyi 'jigs pas stong par gyur pa gsang ba pa'i lha rnams de la rab tu gnas pa yin gyi/ mi 'am ci yang med la gnod sbyin yang med do/ /ri de las 'das par gyur nas ri chen po su shI ma zhes bya ba rgyar ni dpag tshad stong yod pa la ring du dpag tshad sum stong yod par gyur pa ste/ shel gyi rang bzhin du gyur pa'i lha rdzas mdzes pa yin zhing chu bo dang / ljon shing dang / 'bras </font><hr>66.204b<br><font size=+1>

bu rnams kyis kyang dga' bar gyur pa yin no/ /de las 'das par gyur nas dpag tshad brgyar chu sngon po'i rgya mtsho yin te dung mang du gnas pa dang / dung mo rnams kyis bgrod dka' bar gyur pa yin no/ /de las 'das par gyur nas prA ga dz+yo ti Sha zhes bya ba'i ri yod de/ de la ni lha ma yin rnams phal cher gnas so/ /dogs pa dang bcas pas lha rnams kyang lha ma yin gyi bu mo lha rdzas kyi rgyan gyis brgyan pa rnams kyis yongs su bskor ba dang / btung ba'i chu klung rnams kyang 'bab pa yin no/ /prA ga dz+yo ti She'i ri de la kim bA ka zhes bya ba'i 'bras bu rnams kyang skye ba yin te/ myang bar bya ba zhim pa yin la zhu bar gyur nas ni gsod par byed do/ /gzhan yang rnal 'byor spyod pa phyi rol kyi lus kyis lus la rjes su lta zhing gnas te/ rgya mtsho na ri'i rigs su gyur pa 'am/ gling gi rigs su gyur pa 'am/ chu bo'i rigs su gyur pa yang rung ste/ gzhan yod dam zhe na/ des thos pa las byung ba'i shes rab kyis sam lha'i mig gis mthong bar gyur pa/ gser gyi ri bo stong phrag drug bcu pa rnams la gser sa le sbram gyi rang bzhin gyi ljon shing gis nye 'khor rnams yongs su khyab par gyur pa dang / ri dgas dang bya rnams kyis kyang kun du gang bar gyur pa'i lha'i me tog rnams kyis kyang kun tu rgyas par gyur pa/ gser gyi pad ma rnams dang pad ma'i rdzing bu rnams kyis kyang rtag par yongs su rdzogs par gang ba'i chu ste/ rang nyid kyi 'od kyi gzi brjid kyis de dag rnams kyi dbus na gnas par gyur pa'i ri de ni ri rab lhun po zhes bya ba phreng ba thogs pa rnams dang / lag na gzhong pa thogs pa rnams dang / pi wang gsum pa rnams dang / rgyal chen ris bzhi pa rnams dang bcas pa'i lha rnams kun gyi gnas yin no/ /de la dpag bsam gyi shing yod pa rnams las ni lha'i 'jig rten pa rnams kyi gang kho na yid kyis brtags par</font><hr>66.205a<br><font size=+1>

gyur pa de dag rnams shing de las 'thob par 'gyur ro/ /bya dang ri dgas rnams thams cad dang / gser gyi me tog rnams dang / man dA rA ba dang / pad ma ku she shA dang rnams kyang rung ste/ ngos bzhi la tshal bzhi po rnams 'di lta ste dga' ba'i tshal dang / shing rta sna tshogs kyi tshal dang / rtsub 'gyur dang / yongs su 'dres pa dang rnams so/ /nags de na ni yongs 'du zhes bya ba shing gi rgyal po yod pa gang gi rtsa bar lha rnams dbyar zla ba bzhir lha'i 'dod pa'i yon tan lngas kun tu tshim zhing yang dag par ldan par gyur pas rtse dga' bar byed do/ /de na rgyal chen ris bzhi'i lha de dag rnams kyis dga' ba rnam pa sna tshogs pa'i rang bzhin gyi phun sum tshogs pa rnams thob nas lha rnams bskyed mos tshal gyi ltad mo nyams su myong bar byed do/ /rtsub 'gyur gyi tshal du ni rnam pa sna tshogs kyi las byas pa'i rang bzhin gyi phun sum tshogs pa rnams thob nas shing rta rnam pa sna tshogs pa rnams kyis bskyed mos tshal gyi ltad mo byed do/ /shing rta sna tshogs su ni yongs su dga' mgu bar gyur nas sdug pa'i sgra dang / ro dang / gzugs dang dri rnams kun du tshim par gyur pas dga' bar byed do/ /de la dga' ba'i tshal gyi logs de na ni lha rnams rtse dga' bar byed de/ 'dzam bu'i gling yod pa'i ri rab lhun po'i logs de ni bai dUr+ya'i rang bzhin no/ /des kun du snang bar byas pas 'dzam bu'i gling gi nam mkha' yang sngon po bzhin du snang ngo / /logs gnyis pa la ni rtsub 'gyur zhes bya ba'i tshal lo/ /de na ni lha dang lha ma yin gyi thab mo'i gros rnams bgro bar byed do/ /ba lang spyod yod pa'i gling gi logs de ni gser gyi rang bzhin yin te/ des kun du snang bar byas pas ba lang spyod pa rnams kyi nam mkha'i mdog ser por snang ba yin no/ /ngos gsum pa la ni shing rta sna tshogs zhes bya ba'i tshal lo/ /tshal de na ni lha rnams mtshon char bya</font><hr>66.205b<br><font size=+1>

ba rnams yod pa yin no/ /shar gyi lus 'phags po zhes bya ba yod pa'i logs de na ni dngul gyi rang bzhin yin te/ dngul gyis kun du snang bar byas pa des shar gyi lus 'phags po'i mi rnams kyi nam mkha' yang skya bor kun nas snang ba yin no/ /logs bzhi pa la ni yongs su 'dres pa zhes bya ba'i tshal lo/ /logs de nas ni byang phyogs sgra mi snyan gyi gling yod de/ logs de ni shel gyi rang bzhin yin no/ /des kun du snang bar byas pas byang gi sgra mi snyan pa'i mi rnams kyi nam mkha' skya bo gtsang mar gyur par kun nas snang ba yin no/ /mi rnams kyi grangs su byas pa'i lo lnga bcu la nyin zhag phrugs gcig tu rtsis pa'i rgyal chen ris bzhi rnams ni lo lnga brgyar 'tsho ba yin te/ bar du 'chi bar gyur pa yang yod do/ /gzhan yang rnal 'byor spyod pa phyi rol gyi lus kyis lus la rjes su lta zhing gnas te/ ri rnams kyi rgyal po ri rab lhun po la lha'i 'jig rten dang bcas par gyur pa 'am lha rdzas rnams dang bcas par gyur pa gzhan dag yod dam zhe na/ des thos pa las byung ba'i shes rab kyis sam lha'i mig gis mthong bar gyur pa/ sum bcu rtsa gsum pa zhes bya ba'i lha rnams ri rab lhun po'i steng na legs par gnas so/ /de dag ni dpe med pa'i lha rdzas dang ldan pa yin te lha rdzas kyi bde ba rnams kyis rnam par gnas pa yin no/ /de na grong khyer blta na sdug ces bya ba yod de/ grong khyer de la ni dpag tshad stong phrag bcu yod pa yin zhing rin po che bdun gyis kyang rnam par brgyan pa ni rdo rje dang / in dra nI la dang / bai dUr+ya dang / mu sa ra galba dang / pad mA rA ga dang / su gu ma ri kI dang rnams kyis rnam par brgyan pa yin no/ /chos bzangs zhes bya ba'i lha'i mdun sa na yang dpag tshad lnga brgya par gyur pa la bai dUr+ya dang nor bu'i stegs bu rnams dang / gser gyi ra ba dang / rin po che rnams thams cad kyis nye bar mdzes par byas pa yin no/ /lha rnams kyi mdun sa</font><hr>66.206a<br><font size=+1>

chos bzang de na yang lha'i dbang po brgya byin rang gi las dang 'dra bar gyur pa'i lha rdzas kyi bde ba rnams kyis rab tu gnas pa yin no/ /mi rnams kyi lo brgya la de dag gi nyin zhag gcig go/ /des bsgres pas lha'i lo stong 'tsho bar 'gyur te bar du dus byed pa yang yod do/ /de la ri'i rgyal po ri rab lhun po de'i rtse mo zhes bya ba'i nub phyogs kyi cha der nub pa gang gi tshe nyi ma 'gro bar gyur pa na de'i tshe 'dzam bu'i gling du nub bo zhes 'dzam bu'i gling gi mi rnams la tha snyad 'byung ngo / /gzhan yang rnal 'byor spyod pa phyi rol gyi lus kyis lus la rjes su lta zhing gnas te/ ri rab lhun po'i tshad ji tsam yin zhe na/ des thos pa las byung ba'i shes rab kyis sam lha'i mig gis mthong bar gyur pa/ steng du ni dpag tshad stong phrag brgyad cu rtsa bzhi yin la 'og tu yang dpag tshad stong phrag brgyad bcu rtsa bzhi yin no/ /de la chu'i nang la gnas pa la ni lha ma yin rnams gnas so/ /steng na ni lha rnams so/ /ri rnams kyi rgyal po ri rab lhun po de la ni rab tu tsha bar gyur pa'i nyi ma dang ldan zhing sems can rnams kyi dbang gis dang las kyi byin gyis brlabs pa'i phyir na/ gang zhig nyi ma'i shing rta mchog dang ldan par gyur pa rta'i rgyal po cher sgrogs pa nyan pa zhes bya ba stobs che ba pha rol dag gnon par byed pas yongs su skor bar byed do/ /gang shing rta mchog dang ldan pa de ni gang shing rta mchog dang ldan pa des 'dren par byed pa yin no/ /rta'i mchog gcig po de nyid kyis kyang bdag nyid rta bdun du ston par byed do/ /shing rta'i mchog de yang 'khor lo gcig pa yin te/ de yang cher sgrogs pa nyan pa'i rta'i rgyal pos mig btsum pa tsam la yang dpag tshad stong phrag bcur 'dren par byed do/ /gang gis sems can rnams kyi tshe 'phel ba shes par 'gyur ba'i nyin mo byed pa'i</font><hr>66.206b<br><font size=+1>

nyi ma'i dkyil 'khor yang dpag brgya yin no/ /gzhan yang rnal 'byor spyod pa phyi rol gyi lus kyis lus la rjes su lta zhing gnas te/ mi'i gnas bzhi po rnams kyi gling bzhi'i tshad ji tsam yin zhe na/ des thos pa las byung ba'i shes rab kyis sam lha'i mig gis mthong bar gyur pa/ 'dzam bu'i gling ni dpag tshad stong phrag bdun yin no/ /ba lang spyod ni dpag tshad stong phrag brgyad yin no/ /shar gyi lus 'phags po ni dpag tshad stong phrag dgu yin no/ /byang gi sgra mi snyan ni dpag tshad stong phrag bcu yin no/ /gling rnams gang dang gang gis dbyibs rnams ji lta ji ltar gyur pa de dang de la gnas pa'i mi rnams kyi kha gdong gi dbyibs kyang de lta de ltar yin no/ /de la shing rta sha ka TA dang mtshungs pa ni 'dzam bu'i gling ste/ de dang 'dra bar 'dzam bu'i gling pa'i mi rnams kyi bzhin ni gru gsum gyi rnam pa yin no/ /shar gyi lus 'phags po'i gling ni zla gam yin te mi rnams kyi bzhin yang de dang cha 'dra ba yin no/ /ba lang spyod kyi gling ni yongs su zlum pa yin te mi rnams kyi bzhin yang de dang 'dra ba yin no/ /byang phyogs sgra mi snyan gyi gling ni gru bzhi pa yin te/ byang phyogs sgra mi snyan pa'i mi rnams kyi bzhin yang de dang 'dra ba yin no/ /de ltar rnal 'byor spyod pa des mi'i gnas bzhi rnams kyi dbyibs rnams mthong bar gyur nas kyang yang dag pa ji lta ba bzhin du phyi rol la kun tu lta bar byed do/ /gzhan yang rnal 'byor spyod pa phyi rol gyi lus kyis lus la rjes su lta zhing gnas te/ 'dzam bu'i gling las ring du 'das nas byang phyogs kyi char gyur pa la ri'i rigs sam/ chu bo'i rigs sam/ yul gyi rigs sam/ gling gi rigs rnams ji lta bu zhe na/ des thos pa las byung ba'i shes rab kyis sam lha'i mig gis mthong bar gyur pa/ byang gi phyogs ni nya zhes bya ba'i yul</font><hr>66.207a<br><font size=+1>

dpag tshad bcu pa yin no/ /yul gnyis pa pu lin do zhes bya ba dpag tshad nyi shu pa yin no/ /yul gsum pa dpa' bo'i sde zhes bya ba'i dpag tshad brgya pa yin no/ /yul bzhi pa sus tha la'i zhes bya ba dpag tshad brgya pa yin no/ /yul lnga pa dar do zhes bya ba bzang por spyod pa dpag tshad brgya pa yin no/ /yul drug pa sgra mi snyan zhes bya ba dpag tshad brgya pa rnams yin no/ /yul bdun pa bzang po pa zhes bya ba dpag tshad lnga bcu pa yin no/ /gan ng+ha ra zhes bya ba'i yul mtha' skor dang bcas pa rnams la dpag tshad brgya yin no/ /sha kA zhes bya ba'i yul dpag tshad brgya yin no/ /bzang po ba ni dpag tshad nyis brgya yin no/ /dar do zhes bya ba'i yul ni ri mang bar gyur pa ste dpag tshad brgya yin no/ /bA hi li ko ni dpag tshad stong yin no/ /pri Shi kA zhes bya ba dpag tshad nyis brgya yin no/ /ma hi Shi kA dpag tshad nyis brgya yin no/ /rgya nag ces bya ba 'khor dang bcas pa rnams la dpag tshad stong yin no/ /rgya nag gzhan zhes bya ba la ni dpag tshad nyis brgya yin no/ /khA rA rnams ni dpag tshad lnga brgya yin no/ /bar ba rA zhes bya ba rnams ni dpag tshad nyis brgya yin no/ / kun ta'i 'bras bu pa rnams ni dpag tshad lnga brgya yin no/ /ku Tu zhes bya ba'i yul dpag tshad lnga bcu pa yin no/ /kam po dzI zhes bya ba'i yul ni dpag tshad brgya pa yin te/ yul phran tshegs rnams ni ma gtogs pa yin no/ /gzhan yang rnal 'byor spyod pa phyi rol kyi lus kyis lus la rjes su lta zhing gnas te/ byang phyogs kyi cha na ri'i rigs gang dag yod ce na/ des thos pa las byung ba'i shes rab kyis sam lha'i mig gis mthong bar gyur pa/ gangs can zhes bya ba'i rtse mo rnam pa sna tshogs pa dang ldan pa dang dpag tshad stong yin te/ shing lo bran dang ldan pa dang / shing shugs pas gang bar gyur pa dang / pad mas kun du gang ba dang / spa mas gang ba dang / sA la dang / tA la dang / ta ma lA dang rnams kyis gang bar gyur pa dang</font><hr>66.207b<br><font size=+1>

mi 'am ci dang gnod sbyin rnams rgyu bar gyur pa dang / sha za dang gnod sbyin dang ldan pa yin zhing ri de ni shin du nyams dga' bar gyur pa yin te/ dka' thub can rnams rgyu ba dang grub pa thob pa rnams kyis kyang gang ba yin no/ /'bab chu dang chu klung mngar ba dang mchog tu mngar ba rnams la klu stobs chen po rnams kyis gang ba dang rigs dman pa'i mi mang ba yin no/ /gzhan yang rnal 'byor spyod pa phyi rol gyi lus kyis lus la rjes su lta zhing gnas te/ 'dzam bu'i gling gi byang phyogs na ri 'am/ chu klung gi rigs sam/ rgya mtsho'i rigs sam ci dag yod pa yin na/ des thos pa las byung ba'i shes rab kyis sam lha'i mig gis mthong bar gyur pa/ gangs can gyi ri nas dpag tshad lnga brgya na shing rnam pa sna tshogs kyis gang bar gyur pa dga' bar gyur pa'i ri dgas dang / bya'i tshogs kyis legs par gang ba shug pa dang / lha shing dang / ta ma ru dang / ku lu ma ka dang / rir Sha ka rnams kyis dga' bar gyur pa'i ri gzhan zangs kyi mdog ces bya ba dpag tshad nyi shu pa ste/ phug stong dang yang dag par ldan pa yin no/ /de las ring du 'das par gyur pa nas bar snang dpag tshad brgya tham par yang chu klung gis yongs su bskor ba yin gyis/ de na rtswa dang / gel pa dang / khri shing yang med la/ sman dang nags tshal rnams ni gcig kyang mi 'phel lo/ /de las ring du 'das pa'i bar na ti rtse zhes bya ba'i ri dpag tshad lnga brgya par gyur pa mdog dkar ba dngul gyi rang bzhin la gser gyi rwas yongs su gang ba yin te/ de la 'phags skyes po zhes bya ba'i rgyal po chen po rab tu gnas so/ /de la pad ma'i mtshe'u yod de mtshe'u rnams las ni chu shin du bsil ba 'bab bo/ /ud pa la sngon po yang rab tu phal che ba yin te/ pad ma'i rdzing bu rnams na yang ngang pa dang / ka raN+Da ba dang / tsakra pA ka dang rnams kyis gang ba yin no/ /de las 'das</font><hr>66.208a<br><font size=+1>

par gyur nas ti rtse'i rwa zhes bya ba'i ri dpag tshad lnga brgya pa yod do/ /de'i shing ljon pa rnams la mi 'am ci rtse dga' bar byed de/ mchog tu glu la mngon par dga' bas rab tu dga' ba yin no/ /de'i rwa lnga yod pa las gser dang / shel dang / gsum ni dngul gyi rang bzhin yin no/ /phyogs bcur lha'i me tog rnams kyis nye bar mdzes par gyur pa ste/ ri de'i nye 'khor rnams su pad mas khyab pas de ni mchog du dri zhim zhing dga' ba yin no/ /ri de'i khrod las ni 'bab chu rab tu 'bab pa yin te/ rab tu dang bar gyur pa'i chu la ngang pa dang / ka raN+Da ba dang / ngang ngur gyi tshogs kyis gang bar gyur pa mchog tu dga' ba yin no/ /chu klung de las 'das par gyur nas me na ko zhes bya ba'i ri yod do/ /dpag tshad lnga brgya pa yin no/ /de la lha ma yin dang po nyid nas rab tu gnas pa yin zhing rta'i gdong pa dang 'dra bar gyur pa'i bud med rnams kyang gnas pa yin te rtag tu glu dbyangs kyis mngon par dga' ba nyid do/ /gzhan yang rnal 'byor spyod pa phyi rol gyi lus kyis lus la rjes su lta zhing gnas te/ 'dzam bu'i gling las ring du 'das nas ri'i rigs su gyur pa gzhan yod dam zhe na/ des thos pa las byung ba'i shes rab kyis sam lha'i mig gis mthong bar gyur pa/ dpag tshad stong phrag bcu'i rgya mtsho rnams klu dang / nya chen po dang / na kra dang / chu srin dang / dung rnams kyis chu'i nang kun du gang ba yin no/ /de las ring du 'das nas mchog tu bzang po'i blo gros bzang po zhes bya ba'i ri yod do/ /ri de la ni mar sar gyi gong bu zhes bya ba'i mtsho shin du nyams dga' bar gyur pa dang / kA raN Da ba dang / bya kA ling ka rnams kyis yongs su gang ba yin no/ /de la ri'i blo gros bzangs po ni dpag tshad lnga bcu yin no/ /mtsho de ni dpag tshad gcig yin no/ /chu klung yang kau shi ka ma zhes bya ba 'bab pa'o/ /ri de</font><hr>66.208b<br><font size=+1>

ni shin du dga' bar gyur pa'i chu la rgyu ba rnams thams cad kyis kyang yongs su gang ba yin no/ /ri de las ring du 'das par gyur nas dpag tshad stong phrag nyi shu'i rgya mtsho rnams mchog tu 'jigs par gyur pa'i tug com byed pa'i klu'i sgra rnams kyis sprin rnams 'du bar byed do/ /de nyid du zhe sdang gis gzir bar gyur pa'i klu rnams phan tshun thab mo byas nas char 'bab par byed do/ /'bab par byed cing glog 'khyugs pas lha ma yin la co 'dri bar byed do/ /dug kun nas spro bar byed de/ khro bas 'khrugs par gyur pas phan tshun du srog gcod par byed do/ /gzhan yang rnal 'byor spyod pa phyi rol kyi lus kyis lus la rjes su lta zhing gnas te/ 'dzam bu'i gling las ring du 'das pa gzhan na ri'i rigs sam chu klung gi rigs yod dam zhe na/ des thos pa las byung ba'i shes rab kyis sam lha'i mig gis mthong bar gyur pa/ klu rnams kyis kun nas gang bar gyur pa'i rgya mtsho'i nye 'khor de las ring du 'das nas zangs can zhes bya ba'i gling dpag tshad brgya pa yod do/ /de la zangs ma can zhes bya ba'i srin mo rab tu gnas pa yin te/ nya'i zas dang ldan pa'i shin du 'jigs par gyur pa yin no/ /de las ring du 'das nas nyi tshe ba'i dmyal ba dmar po zhes bya ba yod de/ gang la nyi tshe ba'i sems can dmyal ba pa rnams 'tshed par byed pa'o/ /de la gzhan kau shi ka zhes bya ba'i chu bo dang / dmar po rnam par zhu zhes bya ba'i chu dang / rdo ba'i nyi tshe ba'i sems can dmyal ba rnams kyang gang la dpag tshad lnga brgyar drag pa dang / tsha ba dang / rtsub pa'i tshor ba rnams nyams su myong bar byed pa yin no/ /nyi tshe ba'i sems can dmyal bar skyes pa de las 'das par gyur nas dpag tshad stong phrag bcur nam mkha' mthing ga dang 'dra</font><hr>66.209a<br><font size=+1>

ba'i smag tu gyur pa yin te/ de la ni klu yang med la/ gnod sbyin yang med/ dri za yang med pa yin no/ /de las 'das par gyur nas rin po che rnams kyis gang bar gyur pa'i rgya mtsho dga' ba'i ri rnams kyis rab tu dga' bar gyur pa chu klung dang / ljon shing dang / lha shing dang / tsan dan dang / shug pa rnams kyis kun du khyab par gyur cing 'dod pa rnams thams cad kyang ljon shing gi drung nas phun sum tshogs pa yin no/ /rgya mtsho de las 'das par gyur nas ud ta ra zhes bya ba man dA raHba'i ri dpag tshad lnga stong pa ke ta ka dang / ni tsu la dang / na li ke ra'i nags kyis nye bar mdzes par gyur pa 'bras bu dang ljon shing dang / 'dod pa rnam pa thams cad phun sum tshogs pa/ chu klung rab tu mang po rnams kyang phun sum tshogs pa la ngang pa dang / tsakra pA ka dang / bya khyung dang / ka dam pa rnams kyis nye bar mdzes pa/ grub pa thob pa rnams rgyu bar byed pa'i tshogs kyis gang bar gyur pa ste/ ri 'di ni mgo bo stong la rin po che rnams sna tshogs kyis mdzes par gyur pa rnam pa sna tshogs pa spa ba'i nags gser gyis nye bar mdzes par gyur pa yin no/ /dri sna tshogs dang ldan pa'i ud ta ra man dA ra'i ri de las rgal bar gyur nas rdo sbyin par byed pa zhes bya ba'i chu bo yod de/ chu der ni rtswa'i rigs su gyur pa 'am/ shing gi rigs su gyur pa 'am/ sems can gyi rigs su gyur pa 'am/ ri dgas dang bya'i rigs su gyur pa rnams kyang rung ste/ gang cung zad lhung bar gyur pa de dag rnams thams cad kyang rdo rje'i rang bzhin du 'gyur ro/ /chu bo de'i ngos gnyis dag na kI tsa kA zhes bya ba'i 'od ma de dag rnams rlung gis btab par gyur nas phan tshun drud pa las me skyad par byed do/ /me des sems can brgya stong phrag du ma chu bo der mchong bar 'gyur ro/ /gzhan yang rnal 'byor spyod pa'i dge slong phyi rol gyi lus kyis lus</font><hr>66.209b<br><font size=+1>

la rjes su lta zhing gnas te/ 'dzam bu'i gling las ring du 'das par gyur nas ri'i rigs sam chu klung gi rigs gzhan dag ci zhe na/ des thos pa las byung ba'i shes rab kyis sam lha'i mig gis mthong bar gyur pa sI tA zhes bya ba'i chu bo yod pa ni rgyar ni dpag tshad bcu yin la ring bar gyur pa'i dngos por ni dpag tshad sum brgya pa yin no/ /de la sems can gyi rigs gang dag lhung bar gyur pa rnams ni rtsub par gyur pa'i chu yin pas de dag rnams thams cad kyang grang ba'i dngos pos rnam par nyigs par 'gyur ro/ /de la ni 'ga' zhig kyang bya bar mi nus so/ /chu klung de las 'das par gyur nas 'dzam bu'i gling gi phreng ba zhes bya ba'i gling yod de/ de la rtag tu rgyags pa zhes bya ba'i dri za rab tu gnas pa yin te/ sbyin pa dang tshul khrims kyis bsgrubs par gyur pa tshul khrims dang yang dag par ldan pas rtag tu dga' ba myur du song ba 'dod pa'i 'bras bu rnams thams cad phun sum tshogs pa yin no/ /gling thams cad kyang ljon shing thams cad kyis nye bar mdzes par byas pa ste/ gser gyi rang bzhin gyi ljon shing rnams so/ /pad ma rnams kyang bai dUr+ya'i sdong bu can gyi pad ma'i rdzing bu rnams kyis nye bar mdzes par byas pa'o/ /gling 'di nas ni ri rab lhun po yang ha cang ring ba ma yin no/ /de'i dbang gis ri dang bya dang chu'i tshogs pa rnams thams cad nyid kyang gser du mthong bar 'gyur ro/ /ud pa la dang ku mu da rnams kyang phun sum tshogs pa yin no/ /gling 'di na ni btung ba'i chu klung rnams kyang thams cad las rab tu 'bab pa'o/ /'bras shA li rnams kyang ma byas par rnyed par 'gyur ro/ /gling de yang dpag tshad nyis stong pa yin no/ /de las 'das par gyur nas ri dang / chu klung dang / shing rnams ni nam mkha' bzhin te/ rgya mtsho dpag tshad sum brgyar</font><hr>66.210a<br><font size=+1>

dbu bas kun du gang ba yin no/ /rgya mtsho de na glog gi phreng ba zhes bya ba dang / rab tu 'bar bar gyur pa'i klu mang po rnams so sor gnas so/ /de las ring du 'das nas mig btsums zhes bya ba'i ri yod do/ /ri de la mchog tu mdzes par gyur pa'i mig btsums pa'i phug ces bya ba yod do/ /phug de la yang nyi ma'i cha la ni de nas rdzus te skye ba'i bud med rnams legs par skye ste/ mchog tu lang tsho phun sum tshogs par gyur pa rgyan rnams thams cad kyis mdzes par byas pa'o/ /de ni nyin zhag gcig 'tsho ba yin te/ gang gi tshe nyi ma 'char bar gyur pa de'i tshe de rnams rgas 'khogs par gyur nas 'chi bar 'gyur te/ srog gcod pa'i rgyu 'thun pa las yin no/ /mig btsums pa'i phug gi ri de las ring du 'das pa na yang zla ba'i ri bo zhes bya ba'i ri gser gyi mdog tu gyur pa dpag tshad lnga brgya pa yin no/ /ri bo ri rab lhun po la 'gran pa zhes bya ba'i ri dpag tshad lnga brgya pa yod pa yin te/ de'i byang phyogs kyi logs la ke ta ka'i nags yod pa/ de la ni rmi lam mthong ba'i bgegs zhes bya ba'i srin mo rab tu gnas pa yin te/ bang shin du mgyogs par gyur pas mig tshum tsam la yang dpag tshad brgya stong phrag mang po rnams su 'gro bar byed de/ des ni skyes bu dag la don med pa dang / mi bde ba dang / mi phan pa rnams byed do/ /gzhan yang rnal 'byor spyod pa pa phyi rol kyi lus kyis lus la rjes su lta zhing gnas te/ gzhan ci byang phyogs sgra mi snyan pa dang / 'dzam bu'i gling pa'i bar na ri'i rigs su gyur pa 'am/ chu klung gi rigs su gyur pa 'am/ rgya mtsho'i rigs su gyur pa ni gzhan gang dag yod cing / gang la yang bdag cag skyes par ma gyur pa 'am/ shi bar ma gyur pa 'am/ 'chi 'phos par ma gyur pa 'am/ skyes par ma gyur pa 'am/ las kyis nye bar 'gro ba ma yin par gyur pa rnams</font><hr>66.210b<br><font size=+1>

sam/ sdug pa dang yid du 'ong ba rnams thams cad dang yang tha dad du gyur pa dang / bye ba dang / bral ba dang / rnam par bral ba dang ldan par ma gyur pa yod dam zhe na/ de ni sen mo'i tshad tsam gyi yul gcig kyang ma mthong ngo / /gang la 'thun pa dang yid du 'ong bar gyur pa rnams thams cad dang tha dad du gyur pa dang / rnam par zhig pa dang / rnam par gyes pa dang / rnam par bral ba dang ldan par ma gyur pa ni med do/ /de'i phyir na rings pa rings par 'du byed thams cad las 'dod chags dang bral bar gyis/ rnam par grol bar gyis/ skyo ba med par gyur ta re/ 'khor ba la kun tu chags par gyur pa skyes par gyur ta re/ sred pa'i zhags pa'i dbang du kun nas 'gro bar ma byed cig /'khor ba la mngon par dga' bar ma byed cig /'khor ba 'di ni rab tu 'bar ba dang / sdug bsngal dang / yid mi bde ba dang / yongs su ngal ba yin no/ /mi mthun par gyur pa rnams dang phrad pa dang / 'thun pa rnams dang bral bar 'gyur ba'i me dag gis dmyal ba dang / yi dgas dang / dud 'gro rnams su'o/ /mi dang lha'i gnas rnams su bde ba nyams su myong bar gyur pa rnams ni g.yo ba yin la bde ba ma yin yang gti mug gis kun nas g.yogs pa yin no/ /de'i phyir na thams cad la yang skyo ba skye bar gyis shig /de 'khor bar ma 'khor bar ma byed dang / bdud kyi yul de la gnas par gyur ta re/ nyon mongs pa rnams dang lhan cig tu rtse bar ma byed dang / phyis 'gyod pa skye bar 'gyur bar ma byed cig ces de ltar rnal 'byor spyod pa pa phyi rol gyi lus kyis lus la rjes su lta zhing gnas pa rnams ni bdud kyi dbang du 'gro bar mi 'gyur ro/ /de kho na nyid ji lta ba bzhin du mthong bar 'gyur ba dang / 'du byed rnams thams cad la yang chags pa dang bral ba dang / nyon mongs pa rnams rnam par spong ba dang / las kyi mtha' rnams bral ba dang / the tshom dang yang rnam par bral</font><hr>66.211a<br><font size=+1>

bar 'gyur ro/ /gzhan yang rnal 'byor spyod pa phyi rol gyi lus kyis lus la rjes su lta zhing gnas te/ sgra mi snyan pa dang 'dzam bu'i gling pa'i byang gi phyogs na ri'i rigs su gyur pa 'am chu bo'i rigs su gyur pa gzhan dag yod dam zhe na/ des thos pa las byung ba'i shes rab kyis sam lha'i mig gis mthong bar gyur pa/ khu byug gis gang ba'i sgra dbyangs dang ldan pa zhes bya ba'i ri 'phangs su ni dpag tshad sum bcu pa ste/ rgyar na dpag tshad bcu pa yin no/ /ri de la ni khu byug brgya phrag mang pos kun du gang bar gyur pa/ shing mya ngan med sngon po dang / mya ngan med dmar po dang / 'dab ma bdun pa dang / ko dA la dang / ka daM pa dang / a sho ka le ba rgan dang / me tog phreng ba gsar pa dang / sau bar+Na yu thI ka dang / su ma nA dang / shAl+ma li dang / shAl+ma pri yaM dang / guM ku Ta skyes dang / tsam+ba ka dang / kun+da dang /[ ]ban+d+ha dzI pa ka dang / dbyar gyi dus pa dang rnams te/ ji ltar nam zla dang dus tshod kyi rjes su 'jug par byed pa'i me tog rnams kyis ri la kun du gang ba yin no/ /phreng ba thogs pa zhes bya ba'i lha res 'ga' rang gi gnas ri rab lhun po gtang nas de la rtse dga' bar byed do/ /ri de ni dga' ba yin pa'i phyir yang glu dang / gar dang / rol mo'i sgra rnams kyis kyang ri de la yid dga' bar byed de/ 'on kyang lha de dag rnams kyi sems kun nas g.yengs pas rnam par g.yengs par yang mi 'gyur ro/ /khu byug gis gang bar gyur pa'i ri de las 'das par gyur nas ngang pa'i nags zhes bya ba rgya mtsho'i yul phyogs na yod de/ ngang pa brgya stong phrag rnams khyus rgyu bar byed do/ /de nye 'khor rnams nyid na pad ma rnams kyis kyang gang ba yin zhing rgya mtsho 'di'i sa phyogs rnams la kA raN+Da ba dang / tsakra pA ka dang / ka dam+pa dang rnams nor bu'i mchu dang yu ba 'jam po'i mgu ba can la sogs pa rnams kyis gang bar gyur pa dang / gser 'bar ba'i mdog lta bu'i pad ma rnams kyis</font><hr>66.211b<br><font size=+1>

kyang gang bar gyur pas dpag tshad stong phrag bcu'i sa phyogs khyab par gyur to/ /nye 'khor gzhan de las 'das par gyur nas ri rab lhun po'i byang gi cha'i rgya mtsho'i khor yug dpag tshad brgya phrag bcur nya dang / nya chen po dang / chu srin na kra dang / chu srin ma ka ra dang / chu srin byis pa gsod dang / rus sbal rnams kyis yongs su gang bar gyur pa yin no/ /nye 'khor kun yang kha dog nam mkha' dang mtshungs par gyur pa'i chu sngon po yin te/ zabs su ni dpag tshad stong phrag bcu yin no/ /de na yang mo dung rnams gnas te/ bdag nyid kyi dngos po'i tshad na rgyang grags tsam yin no/ /stobs chen po dang ldan pa rnams yin te chu'i nang nas gang dag gnas pa'i ri'i rtse mo de dag rnams shugs kyis bsgul nas lhung bar byed do/ /glang po che stong gi stobs re res 'dzin pa yin no/ /de las ring du 'das nas 'o ma'i chu zhes bya ba'i rgya mtsho nye 'khor du dpag tshad stong phrag lnga yod pa ste/ rtag tu rlabs rnams kyis dkrug par byed pa/ rtag tu sprin dang sgra sgrogs par byed pa'i shi+un tu khro bar gyur pa'i klu dug can rnams kyis gang bar gyur pa yin no/ /gzhan yang rnal 'byor spyod pa phyi rol kyi lus kyis lus la rjes su lta zhing gnas te/ 'dzam bu'i gling gi byang phyogs ngos na ri'i rigs sam/ chu bo'i rigs sam/ rgya mtsho'i rigs gzhan gang dag yin na/ des thos pa las byung ba'i shes rab kyis sam lha'i mig gis mthong bar gyur pa/ gser dang / gser dmar po dang / shel gyi rang bzhin gyi ri brgya phrag lnga yod pas byang phyogs sgra mi snyan gyi gling de nang par gyi nyi ma'i mdog dang 'dra ba dang / pad ma dang / pad ma'i rdzing bu dag gis kyang gang bar gyur pa ste/ yul de ni dpag tshad sum stong pa yin no/ /yul de las 'das par gyur nas sgra mi snyan dang 'dzam bu'i gling dag gi byang phyogs ngos la 'o ma dang</font><hr>66.212a<br><font size=+1>

mtshungs par 'jug pa zhes bya ba'i yul rnam par bkra bar gyur pa ri dang / nags dang / nye ba'i nags dang / ri dgas dang / bya yang rnam pa sna tshogs pa rnams kyis kun du gang bar gyur pa dang / rtag tu dga' bar gyur pa'i lha gsang ba pa rnams kyis gang bar gyur pa/ rnam pa sna tshogs pa'i ljon shing dang me tog gi tshogs kyis kun nas dud par gyur pa rnams kyis gang bar gyur pas nye 'khor nyams dga' ba yin no/ /gzhan yang rnal 'byor spyod pa phyi rol gyi lus kyis lus la rjes su lta zhing gnas te/ byang gi sgra mi snyan dang 'dzam bu'i gling gi byang ngos na rI rigs su gyur pa 'am/ chu bo'i rigs su gyur pa gzhan ci dag yod na/ des thos pa las byung ba'i shes rab kyis sam lha'i mig gis mthong bar gyur pa/ gling gnyis po 'di dag gnyis kyi bar na yul phyogs 'ga' zhig kyang yod pa ma yin no/ /byang phyogs sgra mi snyan gyi gling chen po ni ma gtogs te/ rgya khyon du ni dpag tshad stong phrag bcu yin no/ /grong bye ba phrag sum bcu rtsa drug gi rnam pa rnams kyis nye 'khor rnams kun du gang bar gyur pa ste/ mchog tu dga' ba dang skal ba gzhan rnams la yang dga' ba yin no/ /sha dang / rus pa dang / chu ser rnams dang bral bar gyur pa ma gtogs pa rgyal chen bzhi'i ris kyi lha rnams kyi drung na ni 'jigs pa med pa yang yin no/ /lha rnams ni mig mi 'dzums pa yin la/ byang phyogs sgra mi snyan pa rnams ni lpags pa dang / sha dang / rus pa dang / chu ser dang / mig 'dzums par byed pa dang bcas pa yin zhing bdag gi ba med pa dang / nga rgyal can med pa yin te/ shi nas kyang nges par lha rnams su skye bar 'gyur ba yin no/ /sgyu dang / g.yo dang / phrag dog dang / khengs pa rnams dang bral bar gyur pa dang / rtag par rab tu dga' bar gyur pa yin no/ /</font><hr>66.212b<br><font size=+1>

srin mo dang / sha za dang / grul bum dang / seng ge dang / stag dang / gung dang / spyang gi dang / klu dang / lto 'phye dang / sbrul gdengs ka can dang / mu ge dang / tshad pa dang / grang ba dang / ltogs pa dang / skom pa dang / nad dang / lhas char mi 'bebs par gyur pa rnams dang bral ba dang / phan tshun du kun dga' bar byed pa rnams yin no/ /de dag rnams la 'jigs par gyur pa rgyal po dang / chom rkun dang / chu dang / me dang / mtshon cha 'bebs pas 'jigs par byed pa rnams kyang med pa yin no/ /nyin mo dang mtshan mo'i khyad par yang rnyed pa ma yin te/ gser gyi rang bzhin gyi ljon shing rnams kyi 'od zer kun du 'phro ba'i phyir ro/ /de la ljon shing rnams ni ha ri NA'i rang bzhin dang / gser dmar po dang / byi ru dang / dngul gyi rang bzhin rnams yin no/ /bya rnams kyang lus rnam par 'gyur ba rnam pa sna tshogs pa rnams byad pa dang / rtag par kun nas rangs par gyur pa ni rab tu dga' ba'i skyes bu rnams bzhin no/ /shing de dag rnams kyang sems dang ldan pa bzhin no/ /gzhan yang rnal 'byor spyod pa phyi rol gyi lus kyis lus la rjes su lta zhing gnas te/ byang phyogs sgra mi snyan gyi gling na dga' ba yod pa dang / dga' ba las kyang shin du dga' ba yod pa gzhan gang yin na/ das thos pa las byung ba'i shes rab kyis sam lha'i mig gis mthong bar gyur pa/ byang phyogs sgra mi snyan gyi gling na ni ri chen po bcu yod de/ 'di lta sta sang kA she kA zhes bya ba'i ri dang / rwa mnyam pa zhes bya ba'i ri dang / ri dgas kyi dgra dul ba zhes bya ba'i ri dang / sprin dkar po 'dzin pa zhes bya ba'i ri dang / mtho bar brtsegs pa zhes bya ba'i ri dang / phreng ba'i nye 'khor zhes bya ba'i ri dang / dus na dga' ba zhes bya ba'i ri dang / kun dga' ba 'dzin pa zhes bya ba'i ri dang / yid kyi rjes su 'thun pa zhes bya ba'i ri dang / </font><hr>66.213a<br><font size=+1>

pad ma ku she sha ya dang ldan pa zhes bya ba'i ri dang ste/ ri chen po bcu po de dag gis byang phyogs sgra mi snyan gyi gling rgya mtsho'i mthar thug pas yongs su bskor ba yin no/ /dper na 'dzam bu'i gling ri bzhis yongs su bskor ba yin te/ gangs can dang / 'begs byed dang / ma la ya dang / te tse'o/ /de kho na bzhin du ri bcus byang phyogs sgra mi snyan gyi gling yongs su bskor ba yin no/ /gzhan yang rnal 'byor spyod pa phyi rol gyi lus kyis lus la rjes su lta zhing gnas te/ ri de dag rnams la me tog dang 'khri shing gi tshogs 'khril ba dang / mtsho dang / chu klung dang / bya dang / 'bras bu dang / ri dgas kyi rigs ci yod pa rnams des thos pa las byung ba'i shes rab kyis sam lha'i mig gis mthong bar gyur pa/ sang kA she'i ri la sang kA shA zhes bya ba'i ljon shing dus drug tu me tog 'byung bar 'gyur ro/ /ljon shing de dag rnams la nyin mtshan du 'od 'byung bar 'gyur te/ 'dzam bu'i gling gi mtshan mo'i mar me rnams bzhin no/ /dri yang dpag tshad du rab tu 'phyur ba yin te/ ji ltar cung zad cig kyang 'dzam bu'i gling ni cha 'dra ba ni med do/ /saM kA she'i ri de la nags lnga yod pa rnams ni 'di lta ste/ grib ma sngon po zhes bya ba'i nags dang / bya nges par gnas pa zhes bya ba'i nags dang / zab mo zhes bya ba'i nags dang / sprin dkar po zhes bya ba'i nags dang / rnam par 'bab pa zhes bya ba'i nags rnams so/ /de la saM kA she'i ri de las sprin dang 'dra bar gyur pa'i me tog rnams rgyas pa'i phyir na 'di ni nam mkha' dang mtshungs pa yin no/ /des na 'di ni saM kA she'i ri zhes bya'o/ /de la phyogs gcig na grib ma sngon po zhes bya ba'i nags yod do/ /de la gang cung zad dkar por gyur pa'i gzugs song zhing 'gro la so sor 'gro bar 'gyur ba rnams kyang nags de'i 'od kyis kun du snang bar byas pa'i</font><hr>66.213b<br><font size=+1>

stobs kyis bai dUr+ya sngon po'i mdog du 'gyur ro/ /bya rnams kyang sngon po de dag nyid na gnas pa yin no/ /'di lta ste/ yid kyi rjes su 'thun pa zhes bya ba'i bya ni byang phyogs sgra mi snyan pa'i mi rnams grib ma sngon po'i nags su zhugs par gyur nas yid kyi rjes su 'thun pa gang dag spyod par byed na de dag bya de dag rnams kyis rtse bar byed do/ /rtag par rab tu dga' ba zhes bya ba'i bya legs par gnas pas ni de mthong bar gyur pas kyang byang phyogs sgra mi snyan gyi skyes bu rnams phyir zhing ches rab tu dga' bar 'gyur ro/ /grang ba dang dro ba zhes bya ba'i bya de dag mthong bar gyur pas kyang skyes bu grang bas nyen pa rnam grang bar mi 'gyur ro/ /dro bas nyen par gyur pa rnams kyang shin tu tsha bar mi 'gyur te/ bya de dag rnams kyi mthus yin no/ /rlung gi bang yod pa zhes bya ba'i bya rnams kyis ni yud tsam cig la yang dpag tshad stong du 'gro ba yin te/ de mthong bar gyur pas kyang skyes bu rnams gnas gang dang gang du 'gro 'dod pa de dang der bya de dag rnams kyi stobs kyis yud tsam la dpag tshad stong du phyin par 'gyur ro/ /shang shang te'u zhes bya ba'i bya rnams kyis ni gling thams cad kyi skyes bu rnams kyis rjod par byed pa'i brjod pa rnams dang cha 'dra ba'i skad 'byin no/ /mi'i bde ba'i 'khrig pas rtag tu dga' bar byed pa rnams yin no/ /kha dog rnam pa sna tshogs pa'i sgra rnams kyis nye bar mdzes par gyur cing rin po che bdun gyi rang bzhin rnams la 'di lta ste/ in+d+ra nI la dang / mar ka ta dang / rdo rje dang / mu sA ra galba dang / shel dang / pad+ma rA ga dang 'dra bar gyur pa'i byi ru dang rnams so/ /bya de dang de dag rnams mthong bar gyur nas rab tu dga' bar mi 'gyur ba ni 'ga' yang med do/ /des saM kA she'i ri'i grib ma sngon po'i nags la so sor brtags nas yang dag pa ji lta ba bzhin du</font><hr>66.214a<br><font size=+1>

lus so sor rig par byed do/ /gzhan yang rnal 'byor spyod pa phyi rol gyi lus kyis lus la rjes su lta zhing gnas te/ byang phyogs sgra mi snyan pa'i saM kA she'i ri de la grib ma sngon po'i nags rgal bar gyur nas gzhan nags dag yod dam zhe na/ des thos pa las byung ba'i shes rab kyis sam lha'i mig gis mthong bar gyur pa/ saM kA she'i ri la bya nges par gnas pa zhes bya ba'i nags gnyis pa yod do/ /de na gnas par gyur pa'i bya dag ni rtag tu rab tu mgu rangs pa dang pad+ma'i rdzing bu rnams kyang rtag tu gangs bsil mo'i 'khyag pas legs par bsdams pa yin no/ /'dzam bu'i gling na gnas pa gang yin pa chos kyi dus na 'chi 'phos par gyur pa de la ngang pa'i rgyal por 'gyur te/ de de la rab tu gnas par byed pa yin no/ /de bzhin du mtsho ma dros pa'i ngang pa'i rgyal po dang / rnam pa sna tshogs pa'i bya gzhan rnams thams cad rab tu gnas pa yin no/ /'di lta ste/ kA raN+Da bAHdang / hA rI hAHdang / g.yu gu mA na bA dang / bA rA ba tA dang / la chu Sha kA dang / ilba li kA dang / rnga sgra ba dang / saM hra dAH dang /[  ]dris dga' ba dang / saM mrA dz+yaHdang / lus po pa dang / sgras kun du dga' ba dang / dus drug tu rgyu ba dang / zla ba shar bas dga' ba zla ba shar bas dga' la ma shar ba na nyi ma dang mtshungs pa'i mdog go/ /rtag tu phyi rol tu sgras kun nas rangs pa dang / tsakra pA kAHdang / gser dang mtshungs par gyur pa'i mdog dang / ku ra Na gnas pa dang / nyi mas mi reg pa dang / ni tsun lun+dAHdang / gcig pu nyon mongs pas dga' ba dang / bung ba 'du ba rnams ni gang dag gi sgra rnams dpag tshad du snyan par thos pa rnams yin te/ ji ltar 'dzam bu'i gling gi bung ba rnams kyis ba lang la gegs med par ljon shing gi rtsa ba na gnas pa bzhin no/ / kaM kA dang / ri la 'jug par byed pa dang / khor yug rgyu ba dang / sA rA dang / khyim bya dang / ba rastu rA dang / ba rad+dad dang / </font><hr>66.214b<br><font size=+1>

ze'u 'bru lus la gyon nas pad ma'i nang na gnas pa dang / ut+pa la sngon po grol bar gyur pa'i mgrin pa dang / ko yaSh+Ti kA dang / bye'u nag mo dang / b+h+r-ing+ga'i ske dang / pany+dzu la kAHdang / chu la dga' dang / rtag tu dga' ba'i sgra sgrogs pa dang pi wang dang 'dra ba'i sgra dang / sprin la dga' ba dang / dpung 'gyed pa la dga' ba dang / zil pa'i thigs pa dang / 'dab ma'i mtha' na gnas pa rnams te/ de dag dang gzhan dag rnams kyang rnam pa sna tshogs pa rnams te mthong na yid kyi rjes su 'thun pa'i sgra 'don par byed pa/ dga' bar gyur pa'i bya khro ba dang rnam par bral ba rnams bya nges par gnas pa'i nags la byang phyogs sgra mi snyan pa'i skyes bu rnams dang rtag par lhan cig tu rab tu dga' bar gyur pas rtse dga' bar byed do/ /bya nges par gnas pa'i nags la so sor brtags par gyur pas kyang yang dag pa ji lta ba bzhin du phyi rol gyis lus rig par byed do/ /gzhan yang rnal 'byor spyod pa phyi rol gyi lus kyis lus la rjes su lta zhing gnas te/ sang kA she'i ri bo la nags gzhan gsum pa gang yod na/ des thos pa las byung ba'i shes rab kyis sam lha'i mig gis mthong bar gyur pa/ gsum pa ni zab mo zhes bya ba'i nags yod de/ ljon shing phan tshun gyi nye 'khor rnams na ljon shing mthug po'i grib ma rnams kyis mngon par khyab par gyur pa yin no/ /de la yang dro ba dang bsil ba'i grib ma rnams yin pas byang phyogs sgra mi snyan pa'i skyes bu bskyed mos tshal du dga' ba rnams nyid shing gi gseb na rtse dga' bar byed do/ /de la shing gi tshogs 'di dag rnams yod pa yin te/ 'di lta ste/ ti la kA dang / klu'i me tog dang / e d+hA shAl+ma lA dang / ko bi dA rA dang / sAlbA la dang /[ ]'dod par dga' ba rnams dang / bya ngal so ba dang / sA lAHdang / tA lA dang / shA mA dang / niSh+ka'i rnam pa dang / a mra dang / ka ra bI ra kAHdang / shi lin+d+haHdang / ba ku lAHdang / dris rangs pa dang / ma d+ho d+d+hA mA</font><hr>66.215a<br><font size=+1>

dang / hin+tA lA dang / ta mA lAHdang / ko la kAHdang / sin+d+hu tsA rA dang / na ku mA lA dang / mtshungs pa dang / zla ba 'khor ba dang / gza' rgyu ba dang / rtag tu me tog rgyas pa dang / ni tsu lun+d+haHdang / mu ku lun+d+haHdang / a shwat+thAHdang / ke shu kAHdang / sngo bsangs kyi sems dang / ka pit+thAHdang / pi lwa dang /[ ]nA Ta ke rAHdang / pa na sAHdang / mo tsA dang / srid sgrub dang / ka daM pAHdang / sngon po dang / lha shing ru dzA yA na'i 'dab ma dang / chu skyes dang / man+dA rAHdang / pad+ma ku she sha ya dang / ni lA lA dang / gangs kyi mdog dang / dngul gyi mdog dang / bai dUr+ya'i 'dab ma dang / rtse mo ngal bso dang / yul du 'pho ba dang / snyoms par gnas pa klung du skyes pa dang / kA shA ba kA shi dang / phan tshun du mthug pa dang / snum pa dang / phrag par skyes pa dang / it+p+ra Na'i me tog dang / uny+dzu li na dang / saM shA Ta kAHdang / byi ru'i shing dang gur kum gyi snying po dang / nye bar bslad pa dang / rjes su btsugs pa'i skyes pa dang / du ba'i mdog dang / mar me'i 'od dang / rlung gis shin du bsgul ba dang / chu shing dang / kau ki lAHmyos pa dang / me tog gi rdul ma gyon pa dang / mig dang bcas pa btsums pa dang / cha shas su phye ba'i cha dang / 'bras chan dang 'dra ba dang / u dru ma 'khrul ba dang / bung ba 'khor ba dang / rtse mo 'gul ba dang / rlung gis ngal ba dang / mya ngan med pa dang / mig dga' ba dang de dag rnams yin no/ /de dag ni ji ltar shing gi rigs kyi gtso bor gyur pa drug bcu yin te/ gang ma bgrangs pa'i shing gi rigs su gyur pa bar ma dang tha ma rnams ni ma gtogs pa yin no/ /de kho na bzhin du zab mo na rab tu phal che bar gyur pa'i 'bab chu dang / me tog dang / 'bras bu dang bcas pas dga' ba yin te/ byang phyogs sgra mi snyan pa'i mi rnams 'jigs pa dang nad dang gzhan gyi dbang du gyur pa rnams rnam par bral ba dang / rims nad med pa dang / phan tshun du phrag dog dang 'thab rtsod kyi 'jigs pa rnams med par</font><hr>66.215b<br><font size=+1>

gyur nas rtse dga' bar byed do/ /de ltar saM kA she'i ri zab mo'i nags la so sor brtags par gyur pas kyang yang dag pa ji lta ba bzhin du lus so sor rig par byed do/ /gzhan yang rnal 'byor spyod pa phyi rol gyi lus kyis lus la rjes su lta zhing gnas te/ byang phyogs sgra mi snyan gyi gling gi ri dang po saM kA she'i nags bzhi pa la gzhan bsil ba'i chu ci yod/ des thos pa las byung ba'i shes rab kyis sam lha'i mig gis mthong bar gyur pa/ bsil ba'i chu'i chu klung chu rnams ni rab tu phal che ba yod la/ ji skad du brjod pa'i ljon shing dang / me tog dang 'bras bu rnams kyang phun sum tshogs pa yin no/ /chu klung yod pa rnams ni 'di lta ste/ bsil ba'i chu ni rgyar dpag tshad du gyur pa'o/ /chu klung zab mo'i chu dang / rab tu dang ba'i chu dang / gtsang ba'i chu dang / 'o ma'i chu dang / dgun 'gru'i chu dang / zla ba rgyu ba dang / 'o thug gi 'dam dang / gram sag gi chu dang / ngang ngur gyis gang ba dang / ngang pa kun du sgra 'byin pa dang / dbyangs snyan pa dang / me tog rgyu ba dang / sems 'gro ba dang / 'u ru ru'i sgras 'bab pa dang / rlabs 'byung ba dang / bde ba'i chu dang / ka dam+pa 'khod pa nyid dang / nor bu'i mchu can rnams kyis 'dzin pa dang / chu srin kUrma mang ba nyid dang / nya ro hi 'khor ba dang / rusbal gyis gang ba dang / chu srin na kras bskor ba dang / yid bde bar 'bab pa dang / dbu ba'i phreng ba dang / rab tu dga' bar gyur pa'i chu dang rlung mtshungs pa dang / char dang char gyi rjes su 'byung ba'i chu klung dang / dbyangs can gyi mdog tu 'bab pa dang / dus su 'bab pa dang / ring pa dang / rtse mo'i dang / gser gyi chu dang / dngul gyi mdog dang / mu tig gi bye ma dang ldan pa dang / ri bo la rgyu ba dang / sprin 'khor ba dang / mu sA ra galba rgyan du byas pa dang / bi dru ma'i shing dang ldan pa dang / dpyid dga' ba dang / dbyar sprin rab tu</font><hr>66.216a<br><font size=+1>

dang ba'i chu 'bab pa dang / rtse mo la 'jug par dga' ba dang / gangs yod pa dang / nyi ma shar bar gyur pas mi reg pa dang / myur ba'i chu dang / rlabs rab tu 'jug pa dang / a Du pA dang / tsu lun+da 'bab pa dang / dri chu dang ke ta ka'i dris bsgos pa dang / dbyar dga' ba dang / d+hu na d+hu mA rA dang / nye 'khor na khyab pa dang / dpag tu med pa 'bab pa dang / rgyab nas klung kun du gang bar rab tu 'bab pa dang / dma' ba'i chu dang / dga' bas 'jug pa dang / sngon gyi du ba'i stobs dang / sprin gyi 'gros dang / dri za'i dbyangs can dang / rnga'i sgra'i dbyangs can dang / skad kyi dbyangs can dang / klu'i bu mo mngon par dga' ba dang / rig pa 'dzin pa rtse dga' bas gnas pa dang rnams yin no/ /de dag ni ri saM kA she'i nags bzhi pa sprin dkar po la ji ltar 'bab chu'i gtso bor gyur pa bdun bcu yin par rab tu brjod pa yin no/ /bar ma tha ma'i chu klung rnams ni ma gtogs pa yin no/ /gzhal du med pa dga' bar gyur pa'i shing dang / me tog dang / bya rnams kyis yon tan gyis bla na med par gyur pa'i bsil ba'i chu'i nags la so sor brtags par gyur pas kyang yang dag pa ji lta ba bzhin du phyi rol rig par byed do/ /gzhan yang rnal 'byor spyod pa phyi rol gyi lus kyis lus la rjes su lta zhing gnas pa na/ des thos pa las byung ba'i shes rab kyis sam lha'i mig gis mthong bar gyur pa/ saM kA she'i la bi shrA maM zhes bya ba'i nags lnga pa yod pa yin te/ gang la klu mi bzad pa 'di dag rtse dga' bar byed pa'o/ /'di lta ste/ khro ba bral ba dang / bA su ki dang / staSh+ka ko dang / mche ba'i dug dang / glog gi phreng ba dang / sprin gyi nye 'khor chos la dbang ba dang / rnam pa de lta bu'i klu stong phrag bdun rtse dga' bar byed do/ /byang phyogs sgra mi snyan gyi nye 'khor rnams su chos kyi char pa 'bebs par byed do/ /ji ltar sa gzhi dang nam mkha'i nye</font><hr>66.216b<br><font size=+1>

'khor rnams kyang shin du byang phyogs sgra mi snyan pa'i 'jig rten pa rnams dang 'dra ba yin no/ /gzhan yang rnal 'byor spyod pa phyi rol gyi lus kyis lus la rjes su lta zhing gnas te/ ci sang kA she'i ri'i nags rnams ni ji skad du sngar bstan pa bzhin du gyur pa yin la ljon shing re re lo mar gyur pa rnams dang / me tog tu gyur pa rnams dang / 'bras bur gyur pa rnams dang / chu klung du gyur pa rnams dang / rdo'i gseb tu gyur pa rnams dang phyogs kyi char gyur pa rnams dang / rtswa'i gseb tu gyur pa rnams dang / ri'i khrad khrod dang khong gseng du gyur pa rnams dang / 'bab chur gyur pa la yang rung ste/ khab kyis phug pa'i bar tsam gang dag la yang sems can thams cad lan brgya dang / gal te na lan brgya stong du yang ma skyes pa dang / ma shi ba dang / 'chi ma 'phos pa dang / ma skyes par ma gyur pa 'am/ yid du 'ong ba rnams thams cad dang tha dad du ma gyur pa dang / rnam par gyes par ma gyur pa dang / rnam par bral bar ma gyur pa dang / gzhan du ma gyur pa 'am/ dgrar gyur pa'i lus 'di lan brgya dang / de nas lan stong du dang / lan brgya stong du yang skyes par ma gyur pa ni med do/ /gang la sems can rnams thams cad kyang shi ba dang skyes par ma gyur pa de ni khab kyi bug pa tsam yang go skabs ma mthong ngo / /des saM kA she'i ri la so sor brtags par gyur pas kyang yang dag pa ji lta ba bzhin du lus so sor rig par byed do/ /gzhan yang rnal 'byor spyod pa phyi rol gyi lus kyis lus la rjes su lta zhing gnas te/ byang phyogs sgra mi snyan na dga' bar gyur pa'i ri'i rigs gzhan yod dam zhe na/ gzhan yang rnal 'byor spyod pa pas thos pa las byung ba'i shes rab kyis sam lha'i mig gis mthong bar gyur pa mchog tu dga' bar gyur pa'i lha rnams kyi dga' ba'i tshal dang 'dra bar rwa mnyam pa zhes bya ba'i ri gzhan yod do/ /de'i ljon shing dang / 'bras bu dang / chu klung dang / ri'i phug</font><hr>66.217a<br><font size=+1>

rnams kyi dga' ba ni rgyas par sngar saM kA she la ji skad bshad pa bzhin no/ /dga' bar gyur pa'i dus kyi khyad par rnams so sor bye brag tu bya ste/ rwa mnyam par gyur pa'i ri gang la rwa brgya phrag gsum ni gser gyi yin te/ mtshungs pa med pa yin no/ /'od zer rnams nyi ma gnyis pa bzhin du gsal lo/ /rwa brgya phrag lnga ni dngul gyi rang bzhin yin te/ gang la dngul gyi rang bzhin du gyur pa ni gang sngar bshad pa rnams bzhin no/ /yon tan rnams thams cad la yang khyab par yod de/ rwa mnyam pa'i ri de'i nye 'khor rnams na yang byang phyogs sgra mi snyan pa'i skyes bu rnams zla ba rgyas pa'i 'od dang 'dra ba yin no/ /de dag rnams ni 'jigs pa dang bral ba zhes bya ba'i ming dang ldan pa yin no/ /'jigs pa dang bral ba'i skyes bu rnams rwa mnyam pa'i ri la ni ji ltar rgyal chen ris bzhi'i lha rnams dga' ba'i tshal na dbyar zla ba bzhir lha rdzas kyi 'dod pa'i yon tan lngas yongs su tshim pa yang dag par ldan par gyur pa la rtse dga' bar byed pa de bzhin du mngon par dga' bar byed do/ /de lta na yang 'jigs pa dang bral ba'i skyes bu rnams dang rgyal chen bzhi'i ris kyi lha rnams kyi so so'i khyad par gang dag yin zhe na/ lha rnams ni sha dang / rus pa dang / chu ser dang bral ba yin la/ 'jigs pa dang ma bral ba'i skyes bu rnams ni sha dang rus pa dang chu ser dang ma bral bar yod pa yin no/ /lha rnams dang 'jigs pa bral ba'i skyes bu rnams kyi khyad par ni de ltar yin no/ /skyes bu 'jigs pa dang bral ba rnams ni bdag 'dzin med pa dang / nga rgyal med pa dang / nges par gong du 'gro bar 'gyur ba yin no/ /lha rnams ni de ltar yang ma yin no/ /yang 'jigs pa dang bral ba'i skyes bu rnams dang rgyal chen ris bzhi'i lha rnams kyi so so'i khyad par gang dag yin na/ rwa mnyam pa'i ri'i nye 'khor rnams na dpag bsam gyi shing nyi ma gnyis pa</font><hr>66.217b<br><font size=+1>

ltar rab tu gsal bar byed do/ /gang dang gang dag 'jags pa dang bral ba'i skyes bu rnams kyis sems bsams par gyur pa de dag rnams ljon shing de rnams las 'byung bar 'gyur ro/ /thag pas btags pa 'am/ nor bu'i rigs rnams sam/ rgyan gyi rigs rnams dang / zas dang skom gyi chu bo yang brgya phrag dang stong phrag kyang 'bab bo/ /ji skad du bshad par gyur pa'i bya rgyags pa rnams kyang rtse dga' bar byed do/ /gser gyi lo ma rnams kyis brgyan par gyur pa dang / bai DUr+ya sngon po rnams kyi pad ma'i rdzing bu mang po brgya phrag dang / ci ste na stong phrag rnams la ngang pa dang kA raN+Da ba rnams kyis gang ba/ tsakra bA ka rjes su rgyu ba dang / ri dgas kyi tshogs rnams rjes su brten par gyur pa ni gser gyi ri dgas rnams byi ru'i rang bzhin gyi rwa dang / mu sA ra'i mig dang / rA dza paT+Ta'i rmig pa ste/ ri dgas kyi rigs gzhan rnams kyis kyang rjes su rgyu bar byed pa yin no/ /ri de'i nye 'khor rnams na mu tig gi dra bas sbrel bar gyur pI 'khri shing gi tshogs phan tshun du 'khril bas g.yogs pa dang / ra mnyam pa'i ri de la ko ki la dang / rma bya dang / ngang pa dang rnams sgra 'byin par byed pa dang / ri 'di la 'bab chu stong phrag brgyas kyang kun tu gang ba dang / 'di la chu klung du ma rnams dang shing klung du skyes pa rnams kyis gang bar gyur pa yin te/ nye 'khor rnams na yon tan mtha' yas pa dang ldan pa yin no/ /des byang phyogs sgra mi snyan pa'i ri bo gnyis pa rwa mnyam pa la kun tu bltas par gyur pas kyang yang dag pa ji lta ba bzhin du lus so sor rtogs so/ /chu klung gang dang gang dag 'bab par gyur pa de dag rnams ni mtshungs par yon tan brgyad dang ldan pa'i chu yin no/ /'di lta ste/ ro phun sum tshogs pa dang / rab tu dang ba dang / dri zhim pa dang / skom pa sel bar byed pa dang / bsil bar gyur pa dang / 'thungs par gyur pa na lus na bar mi byed pa dang / </font><hr>66.218a<br><font size=+1>

chu bal gyis mi gtsang bar ma byas pa dang / chu srin ma ka ras ma reg pa dang / 'thungs pas lus tshim par byed pa dang rnams so/ /nad kyang skyed par mi byed do/ /mtsho rnams kyang rnam pa du ma yod do/ /'di lta ste/ rgya mtsho chen po'i sA nu dang / bye mas ma bcom pa dang / shing lnga pa dang / kA raN Da ba'i klung dang / ngang pa'i chu dang / kA dam pa'i bya rnams kyis bcom pa dang / bya brgya phrag gis kun du gang ba dang / chen po rab tu 'bab pa dang / pad mas bkab par gyur pa dang / 'od ma skyes pa dang / shing gis g.yogs pa dang / zab mo dang zla ba dga' ba dang / rtag tu zla ba dang 'dres pa'i chu dang / rlabs 'khor bar gyur pa dang / 'od mas khyab par gyur pa dang / rig pa 'dzin pa dga' ba dang / shel 'khor bar byed pa dang / rlabs g.yo ba dang / chu bstan pa dang / nya 'khor ba dang / nya dang kun du 'brel ba dang / rtse mo'i gseb dang / khrus kyi rdzing bu'i phreng ba dang / rlabs rab tu 'jug pa dang / gtsang ba'i chu dang / zla ba'i lus dang / dkyil 'khor dang / dri ma med pa dang / 'od ma'i chu dang / rdzing bu'i phreng ba dang / rngul ba ngal so ba dang / zla ba dga' ba dang / shi la 'jug pa dang / rlabs g.yo ba dang / chu brtan pa dang / rtag pa'i chu dang / lha dga' ba dang / dga' ba'i chu dang / ro bzangs po dang / ji ltar 'dod pa'i ro dang / longs spyod du gyur pa dang / kai Tu b+haHdang / bdud rtsi 'bab pa dang / mtsho'i mchog dang / klu'i be ruHdang / mdzes pa dang / ardzu naHdang zhes bya ste/ de dag rnams ni mtsho bzhi bcu rtsa bdun no/ /ri'i mchog tu gyur pa rwa mnyam pa 'di dag thams cad kyang yon tan brgyad pa'i chu sngar ji skad bshad pa bzhin no/ /rwa mnyam pa'i ri yang mtho bar gyur pa ni nam mkha' 'bigs pa bzhin du gnas pa yin no/ /nags rnams kyang yon tan de dag rnams thams cad dang ldan par gyur pa yin te/ 'di ltar dngul bas reg pa'i</font><hr>66.218b<br><font size=+1>

nags dang zla ba'i mdog dang dngul gyi ljon shing ni dngul gyi rang bzhin gyi ljon shing rnams kyis bskor ba dpag tshad brgya yin no/ /nor bu'i 'od kyi mdog dang nags de'i nye 'khor na mtho bar gyur pa rnams ni nags de la yang pad ma'i rdzing bu 'di dag rnams yin no/ /'di lta ste/ chu bal dang rnam par bral ba dang / bung bas khyab pa dang / dung gi mdog dang / rtag pa'i chu dang / rnam par mthong bas dga' ba dang / kA dam pa'i chu dang / ngang pa'i gshog pas bcom pa dang / rab tu rtse bar byed pa dang / skye bo rnams mngon par dga' ba dang / mgo bo mthong ba dang / bag med pa rnams rtse ba dang / rtag tu mngon par dga' ba dang / rtag tu pad ma rab tu dga' ba dang / chu la spyod pa'i sa gzhi dang de dag rnams ni ji ltar pad ma'i rdzing bu'i gtso bor gyur pa bcu drug yin te/ gang dag gi ming rnams kyang shes par mi 'gyur ba'i bar ma dang tha mar gyur pa brgya phrag rnams dang de nas stong phrag rnams ni ma gtogs so/ /thams cad kyang 'dam bag med pa dang / chu bal gyis nye bar ma bcom pa dang / ngang pa dang / kA raN Da ba dang / ngang ngur rnams sgra 'don par byed pa yin no/ /rtag tu dga' ston gyi nyi mar gyur pa byang phyogs sgra mi snyan pa'i skyes bu rnams bya rtag tu myos pa dang / shang shang te'u dang / bya b+h+ring ga rA dza dang / rma bya rnams nags dang nye ba'i nags rnams na sgra 'don par byed pa ni rwa mnyam pa'i ri yin no/ /rwa mnyam pa'i ri la so sor brtags par gyur pas kyang yang dag pa ji lta ba bzhin du phyi rol gyi lus so sor rig par byed do/ /gzhan yang 'phags pa'i bden pa bzhi la lhag par mos par gyur pa'i rnal 'byor spyod pa phyi rol gyi lus kyis lus la rjes su lta zhing gnas te/ rwa mnyam pa'i ri la rtag pa 'am/ brtan pa 'am/ bde ba 'am/ bdag dang bcas pa 'am/ stong pa ma yin pa'i</font><hr>66.219a<br><font size=+1>

gnas dag yod dam zhe na sngar bzhin no/ /gang la yang 'khor bar rtogs par gyur pa'i sems can rnams thams cad kyang ma skyes pa dang ma shi ba dang rgas par ma gyur pa 'am 'thun pa dang yid du 'ong ba rnams thams cad kyang tha dad du gyur pa dang / rnam par gyes pa dang / rnam par bral ba dang / slu ba dang / kun du ldan par ma gyur pa rnams ni rnal 'byor spyod pa des rwa mnyam pa'i ri de la gnas gcig kyang ma mthong ngo / /gang dag rtag pa 'am/ brtan pa 'am/ bde ba 'am/ bdag dang bcas par gyur pa 'am/ stong pa ma yin pa dang / gang la sems can rnams thams cad kyang ma skyes pa dang / ma rgas pa dang / ma shi ba yang med de/ 'thun par yid du 'ong bar gyur pa rnams ni thams cad kyang med par 'gyur ba dang / tha dad du 'gyur ba dang / 'bral bar 'gyur ba dang / slu bar 'gyur ba dang kun du ldan par 'gyur ba yin no/ /rab tu ldan par gyur pa yin pa nyid kyi phyir 'khor ba 'di thams cad ni mi rtag pa yin no/ /de ltar mi rtag par gyur pa'i gnas rnams thams cad gang la yang sems can rnams thams cad kyang ma skyes pa dang / ma shi ba dang / skyes par ma gyur pa ni khab kyis phug pa tsam gyi yul phyogs kyang med do/ /'phags pa'i bden pa bzhir gyur pa'i dran pa dang ldan pas byang phyogs sgra mi snyan pa rnams kyi ri bo gnyis par gyur pa rwa mnyam par gyur pa thams cad la kun du bltas par gyur pas kyang phyi rol gyis lus lta bar byed do/ /gzhan yang rnal 'byor spyod pa phyi rol gyi lus kyis lus la rjes su lta zhing gnas te/ byang phyogs sgra mi snyan na nags dga' bar gyur pa gzhan dag dmigs sam zhe na/ des thos pa las byung ba'i shes rab kyis sam lha'i mig gis mthong bar gyur pa ri gsum pa yang yod pa yin te/  ri dgas kyi dgra dul ba zhes bya ba'i ri'o/ /de la dga' bar gyur pa khyad par med pa gang dag</font><hr>66.219b<br><font size=+1>

yin pa de dag rnams ni sang kA she'i ri dang rwa mnyam par gyur pa'i ri la yongs su bsgrags par zad do/ /ri dgas kyi dgra dul ba'i ri bo de la ni 'bab chu dang chu bo rnams phun sum tshogs pa dang / chang gi chu klung phun sum tshogs pa dang / gos kyi ljon shing phun sum tshogs par gyur pa rnams dang / 'di dag kyang khyad par yin te/ 'di ltar gser dang dngul gyi ljon shing rnams la rtag par dus drug tu me tog gi phreng ba rnams kyis phyug par gyur nas kun dga' ba dang ldan pa bzhin du rgyas pa yin no/ /shing rnams ni rang gi 'od dang ldan par nyi ma bzhin du rab tu gsal bar yang byed do/ /phan tshun du 'od 'phro bar gyur pas kyang ri dgas kyi dgra dul ba'i ri bo 'di rab tu gsal bar byed do/ /de la nags 'di dag rnams yod do/ /'di lta ste/ gser dang ldan pa dang / dngul mthon por brtsegs pa dang / myos pa sgo nga las skyes pa'i ngos dang / mnan na nem la bteg na 'phar ba dang rnams so/ /de la gser dang ldan pa zhes bya ba'i nags ni dpag tshad brgya pa ste/ gser gyi ljon shing rnams la bung bas legs par khyab par gyur pa yin no/ /dngul mthon por brtsegs pa'i nags dpag tshad sum brgya pa ste/ dngul gyi rang bzhin gyi ljon shing rnams kyis kun du gang bar gyur nas zla ba brgya stong bzhin du rnam par gsal bar byed do/ /seng ge rnams kyis kyang kun du gang ba yin no/ /nags de yang thams cad nas dkar por kun du snang ba yin te/ rtag par rab tu dga' bar gyur pa'i bya rnams kyis kyang kun du gang ba rnams ni ji ltar sngar bshad pa bzhin no/ /ri dgas kyi dgra dul ba'i ri bo'i nags gsum pa ni myos pa'i sgo nga las skyes pa'i ngos zhes bya ba ste/ de la nags de na ni bag med pas rab tu dga' ba'i bya rnams yod do/ /nags de'i nye 'khor rnams na yang skyes bu gang dang gang dag rab tu gnas par gyur pa de dag</font><hr>66.220a<br><font size=+1>

rnams kyang rtag tu dul ba zhes bya ba'i ming du 'gyur ro/ /skyes bu dag rtag tu myos pa sgo nga las skyes pa'i nags na rab tu dga' bar gyur pa yin te/ rang 'dod pa bzhin du gyur pa'i gzi brjid kyis lha'i tshogs rnams dang 'dra ba yin no/ /ri dgas kyi dgra dul ba'i ri la nags bzhi pa ni mnan na nem la bteg na 'phar ba zhes bya ba ste/ nem pa dang 'bar ba'i nags de na ljon shing gang dag gser dang gser rab tu 'bar ba dang / bi dru ma'i rang bzhin yin pa rnams la ni ma bcings pa'i bya rnams kyis rtag tu gang ba yin no/ /nem la 'phar ba'i nags ni dpag tshad lnga yin no/ /nags de'i nye 'khor rnams na skyes bu gang dag rab tu gnas par gyur pa de dag rnams kyi tha snyad ni rab tu phal che bar myos pa zhes bya ba'i yin no/ /rab tu phal che bar myos pa'i skyes bu rnams gal te nem zhing 'phar bar gyur pa'i nags su rtse dga' bar byed na/ sa de dag ni kA shI ltar dkar zhing 'jam pa dang shing bal 'dra bar gzhi mnan na nem la bteg na 'phar ba yin no/ /ji skad du brjod pa'i me tog dang / 'bras bu dang / ljon shing dang / pad ma dang / pad ma'i rdzing bu dang / sgra sgrogs pa'i bung ba'i tshogs kyis gang bar gyur pa rnams ni nem zhing 'phar ba'i nags de la yang sngar gyi bzhin no/ /des byang phyogs sgra mi snyan gyi ri gsum pa na ri dgas kyi sgra dul ba legs par mthong bar gyur pas kyang yang dag pa ji lta bar lus so sor rig par byed de sngar bzhin no/ /gzhan yang rnal 'byor spyod pa phyi rol gyi lus kyis lus la rjes su lta zhing gnas te/ gzhan yang byang phyogs sgra mi snyan na dga' bar gyur pa gzhan ci dmigs na/ des thos pa las byung ba'i shes rab kyis sam lha'i mig gis mthong bar gyur pa/ sprin dkar po rgyu ba zhes bya ba'i ri bo nye 'khor du dpag tshad stong yin no/ /shin du dkar bar gyur pa'i dngul gyi rang bzhin yin te/ ri gang gi 'od zer gyis zla ba'i 'od kyang gsal bar mi 'gyur ro/ /</font><hr>66.220b<br><font size=+1>

dper na 'dzam bu'i gling du zla ba shar bar gyur pa na gza' dang / rgyu skar dang / skar phran gyi 'od kyang med par 'gyur ba de bzhin du sprin dkar po rgyu ba'i ris kyang zla ba'i 'od mi gsal bar byed do/ /sprin dkar po rgyu ba'i ri bo'i drung du yang skyes bu gang dag rab tu gnas par byed pa de dag rnams ni me tog gi phreng ba gyon pa zhes bya ba'i ming du 'gyur ro/ /skyes nas sprin dkar po rgyu ba'i ri bo la rtag tu rtse ba la ched cher byed pa rnams me tog gi ze 'bru gyon par gyur nas rtag tu glus dga' bar gyur pa dang / rgyun du yang pad ma'i tshal rnams na mngon par dga' bar byed do/ /sdug gu dang bcas par gyur pa dang / rab tu g.yo bar byed pa dang / rnam par 'khrul pa dang / rnam par 'khor ba dang / rtag tu kun nas 'ching ba med pa rgyags pa dang / rtag tu mya ngan dang rnam par bral ba rnams yin no/ /gzhan yang sprin dkar po rgyu ba'i ri de la nags 'di dag rnams yod do/ /'di lta ste/ rnga sgra 'byin pa'i sgra dang / ngang ngur rnams kyis rjes su bsgrags par byed pa dang / yid kyi rjes su 'thun pa dang / chu sgra kun nas sgrogs pa dang rnams so/ /rnga sgra kun nas sgrogs pa'i nang du phreng ba thogs pa'i lha rnams kyis rnga sgra dag sgrogs par byed do/ /sgra snyan par gyur pa ni dper na 'dzam bu'i gling gi pi wang dang / gling bu dang / rnga pa Na ba dang / dung gi sgra la chags par 'gyur ba yin la/ de bzhin du rnga sgra kun nas sgrogs pa'i nags na lha rnams rnga sgra sgrogs par byed pa yin no/ /de dag rnams la ni 'dzam bu'i gling gi glu mkhan rnams kyis bcu drug gi char yang mi chog go/ /ji skad du bshad par gyur pa'i ri dgas dang / bya dang / pad ma dang / ljon shing dang / nags dang nye ba'i nags dang / khrus kyi rdzing bu dang / mtshe'u dang / gser dang dngul gyi sa gzhi'i cha rnams dang / 'bab chu dang rnams kyi yon tan rnams ni de lta de ltar gyis rnga sgra sgrogs pa'i nags na yon</font><hr>66.221a<br><font size=+1>

tan rnams thams cad kyang yod pa ni sngar bzhin no/ /phreng ba gyon par gyur pa'i skyes bu rnams ni rnga sgra kun nas sgrogs par byed pa'i gdangs kyis rtag tu 'dod pa rnams la rnam par chags pa yin te/ dper na gzhong pa thogs pa'i lha rnams kyi dga' ba'i tshal gyi nye ba'i nags bzhin du rtag tu 'dod pa'i sgra dang ro dang gzugs dang dri rnams spyod par byed do/ /nags gnyis pa ngang ngur rnams kyis yongs su sgrogs par byed pa zhes bya ba ste/ nags de la ni ngang ngur rnams kyis yongs su sgrogs par byed pa dang pad ma'i rdzing bu rnams kyang brgya phrag rnams de nas stong phrag rnams yod do/ /de dag rnams kyi ni ming yang brjod cing gzung bar mi nus so/ /ngang ngur rnams kyis rjes su sgrogs pa'i nags la ri dgas kyi rigs 'di dag rnams yod pa ni 'di lta ste/ rnam par bkra ba'i bai nAHdang / rin po che sna bdun gyis brgyan pa'i lus 'dul ba zhes bya ba'i ri dgas dang / ku rang gA dang / ma ra kA dang / mar kA 'dod pa dang / shin du dga' ba dang / sam bA bi naHdang / rtse mo g.yo ba rnams 'dzin par byed pa dang / khor yug gi mig dang / kar ke ta'i lte ba dang / gser gyi rwa dang / logs dngul gyi logs dang / rlung gi shugs dang / shing gi rtsa ba na rgyu ba dang / chu'i sgra 'bab par 'gro bar byed pa dang / nags kyi phreng bar bgrang ba dang / bi dru ma'i lus dang / lag+na'i logs dang lto ltir ba dang / bar pA+o tAHdang / shang shA rA NAHdang / lpags pa nags po dang / rtsa ba'i 'od dang / lang tsho la bab pa dang / shin du 'jam pa dang / dkar po'i tshogs dang rnams yin te/ de dag rnams ni ri dgas kyi rigs nyi shu rtsa lnga yin no/ /phreng ba gyon pa'i skyes bu rnams dang lhan cig tu rtse dga' bar byed de/ rang gi las dang 'dra bar gyur pa rnam pa sna tshogs pa rnams nyams su myong bar byed do/ /sprin dkar po rgyu ba'i ri la yid kyi rjes</font><hr>66.221b<br><font size=+1>

su 'thun pa zhes bya ba'i nags yod do/ /nags de nas ni phreng ba gyon pa'i mi rnams kyi yid kyi rjes su 'thun par gyur pa gang dag yin pa de dag rnams nyid ljon shing rnams las 'thob par 'gyur ro/ /nags dang nye ba'i nags rnams gang dag yin pa thams cad kyang dga' ba rnams yin te sngar bzhin no/ /sprin dkar po rgyu ba'i ri bo la nags bzhi pa chu'i sgra kun nas sgrogs pa zhes bya ba yod do/ /de la ni rnam pa sna tshogs pa'i gzugs 'dzin par gyur pa'i rig pa 'dzin pa rnams rtse bar byed do/ /yang gang gi tshe rdul gyis gnod par gyur pa na de'i tshe rang 'dod pa'i cha byad kyis chur 'jug ste/ chu la kun du'aphyo bar byed do/ /de la rig pa 'dzin pa'i rigs 'di dag rnams yod de 'di lta ste/ bde ba la chags pa'i shugs dang / 'gor ba med par 'gro ba dang / nam mkha'i stobs dang / sprin rab tu 'byed par byed pa dang / nyi ma'i lam du legs par rgyu ba dang / ri dgas kyi 'gros dang / bau rwaHdang / shin du dud pa dang / ku shi kAHdang / ri rnams la kun du chags pa dang / rtag tu myos pa'i dri dang / nam mkha' la rgyu bar byed pa dang / mA ShA Da'i nang na gnas pa dang / tsi mi sha'i phug na rgyu ba dang / rtag pa'i shugs dang / ngang pa'i shing rta dang / glang po'i shing rta dang / glog 'khyug par byed pa dang / ma la ya na gnas pa dang / ke ta ka'i phreng ba mchog dang ldan pa dang / bud med la sred pa dang / chang pa rnams kyis btung ba dang / ri rab lhun po la gnas pa dang / kun du khyab pa'i zhen pa dang / rtag tu dga' ba dang / me tog gi phreng ba 'phyang ba dang / sa gzhi la rgyu ba dang / sngags gsang ba pa dang rnams te/ de dag ni rig pa 'dzin pa'i rigs sum bcu rtsa gnyis yin la/ sprin dkar po rgyu ba'i ri'i chu sgra nas sgrogs pa'i nags de nyid la gnas</font><hr>66.222a<br><font size=+1>

nas dga' bar byed do/ /rnam pa sna tshogs pa'i rgyan rnams kyis rab tu brgyan cing rnam pa sna tshogs pa'i rgod pa dang 'gying ba dang rtse ba dang kun du spyod par yang byed de/ de'i las kyi mthus yin no/ /de 'dra bar gyur pa'i bud med dang lhan cig tu zhen par byed do/ /de ltar sprin dkar po 'dzin pa'i nags dang nye ba'i nags dang bcas pa rnams thams cad kyang yang dag pa ji lta ba bzhin du so sor rig par byed de/ sprin dkar po 'dzin pa'i ri bo 'di la gcig tu nges par gyur pa dang / rtag pa dang / brtan pa dang / ther zug dang / mya ngan las 'das par 'gro ba thob pa'i bde ba yod dam zhe na/ des rtag pa dang / brtan pa dang / ther zug dang / yongs su mi 'gyur ba'i chos can du gyur pa'i bde ba ni gcig kyang ma mthong ste ji ltar nyi ma la mun pa bzhin no/ /de ltar 'jig rten pa'i bde ba rnams kyang myang bar mngar ba dang / rnam par smin pa rtsub pa dang / kun nas nyon mongs pa can du gyur pa dang / sred pa las nges par 'byung ba ma yin pa dang / 'bras bu rtsub pa yin te/ kim pa ka'i 'bras bu 'dra ba dug dang mtshon dang me dang mtshungs par gyur pa dang / dus de tsam du dga' bar gyur pa yin no/ /gar mkhan gyi tshon rtsi bzhin du yud tsam cig dga' ba yin no/ /glog dang mtshungs par shin du g.yo ba yin no/ /ri'i 'bab chu'i shugs dang 'dra ba dang / nye bar 'tshe ba dang bcas pa dang / dri za'i grong khyer dang mtshungs par slu bar byed pa dang / skye bo rnams thams cad kyang rnam par 'joms par byed pa dang / shing tog rnams thams cad bzhin du ci nas kyang ltung bar 'gyur bar mtshungs pa dang / dug gi zas dang 'dra bar yongs su smin par 'gyur ba dang / spu gri'i so'i myang ba bzhin du shin du rno ba dang / lan brgya stong du ma rnams su yang slu bar byed pa yin pa dang / chu klung gi 'gram gyi shing bzhin du nges pa</font><hr>66.222b<br><font size=+1>

kho nar ltung bar 'gyur bar mtshungs pa yin no/ /rnam pa de lta bu'i 'dod pa rnams la kun du bltas par gyur nas rnal 'byor spyod pa pa nges par skyo ba skye bar 'gyur ro/ /yang ji lta ba bzhin du mthong bar gyur pa dang / tshul bzhin yid la byed pa mthong ba dang ldan zhing rnam par byang bar gyur pa'i mthong ba dang yang dag par ldan par 'gyur ro/ /gzhan yang rnal 'byor spyod pa phyi rol gyi lus kyis lus la rjes su lta zhing gnas te/ byang phyogs sgra mi snyan na dga' bar gyur pa'i ri dgas kyi rigs yod dam zhe na/ des thos pa las byung ba'i shes rab kyis sam lha'i mig gis mthong bar gyur pa/ mtho bar brtsegs pa zhes bya ba'i ri dpag tshad stong yod pa yin te/ nye 'khor rnams dga' bar gyur pa dang 'od kyi phreng ba dang ldan pa yin no/ /de la shing gi rigs ni 'di dag rnams yod de 'di lta ste/ bai dUr+ya'i 'dab ma dang / gser 'bar ba'i sdong bu dang / byi ru'i 'dab ma can rnams dang / dngul gyi sdong bu dang / gser gyi 'dab ma dang ldan pa mar me'i gong bu rtsa brgyad 'dra ba rnams yin no/ /de rnam pa du ma dang shing gi rigs gzhan dag rnams dang / pad ma'i rigs rnams dang / bskyed mos tshal gyi rigs rnams dang / ri'i rtse mo'i rigs rnam pa du ma rnams kyang sngar bzhin no/ /mtho bar brtsegs pa'i yan lag gi brtsegs pa'i rgyar ni dpag tshad nyis brgya'o/ /de'i brtsegs pa gcig la ri rab lhun po la gnas pa'i phreng ba thogs pa zhes bya ba'i lha dang pi wang gsum pa zhes bya ba'i lha rnams rtse dga' bar byed do/ /pi wang gsum pa'i lhu ni lhan po'i bang rim btang bar gyur nas mtho bar brtsegs pa'i ri la rtse dga' bar byed de/ ri bo de dga' bar gyur pa'i phyir ro/ /mthon po de'i yan lag gi brtsegs pa'i nye 'khor rnams ni rin po che'i rang bzhin yin te/ 'phang</font><hr>66.223a<br><font size=+1>

du ni dpag tshad lnga bcu yin no/ /brtseg ma lnga yod pa'i yan lag gi brtsegs pa'i rgyar ni dpag tshad nyis brgya yin no/ /de la brtseg ma gcig ni gser la nor bu'i khrod yin te/ rin po che rnams thams cad kyang khrod de las skye bar 'gyur ro/ /'di lta ste/ bi dru ma dang / byi ru dang / bai DUr+ya dang / mu sA ra galba dang / shel dang / pad+ma rA ga dang / su ku mA ri kA dang / in+d+ha nI la dang / nI la chen po dang / ma btags pa'i gos kyang 'byung ngo / /gnyis pa ni dngul gyi rang bzhin yin te/ dngul gyi ljon shing rnams phun sum tshogs pa go shIR+Sha zhes bya ba'i tsan dan skye ba yin no/ /lha dang lha ma yin gyi 'khrug pa gang yin pa lha rnams dang lha ma yin rnams lhan cig tu g.yul bkye bar gyur pas mtshon gyis rmas pa rnams dang lhan cig tu 'gyel bar gyur pa rnams nyid kyi lha rnams kyi lus nad med par byed pa yin no/ / go shIR+Sha pa zhes bya ba ni ri de'i lhan cig skyes pa'i ming yin no/ /de'i tsan dan yang go shIR+Sha pa'i ming yin no/ /ri'i rtse mo gsum pa ni lha'i bu mo dga' ba zhes bya ba yin te/ gang la lha'i bu mo rnams rtse dga' bar byed pa/ nags dang nye ba'i nags rnams dang / gser dang dngul dang bai DUr+ya rnams kyis ze 'bru dang gzhi 'jam po rnams la rtag tu rten par byed pa dang / rab tu dga' bar gyur pas dga' ba dang rol pa dang / rtse bar byed pas rnam par gyur pa'i dga' ba rnams la sred pas rnam par bslad par gyur pa'i byis pa so so'i skye bo rnams dam pa'i chos nyan pa la kha phyir phyogs par 'gyur zhing rtag tu 'dod pa la rnam par chags par gyur pas rwa de'i rtse la rtag tu 'khod par byed do/ /rwa bzhi pa ni gang la rgyal po chen po bzhi rgun 'bru'i nags dang nye ba'i nags la rtse dga' bar byed pa yin no/ /de la yang rtag tu myos pa'i ri dgas dang bya dang gsang ba pa'i lha dang rig pa 'dzin pa</font><hr>66.223b<br><font size=+1>

dang mi rnams dang nye 'khor rnams na yang rgun 'bru'i chu klung rnams rab tu 'bab pa yin no/ /kha cig ni sbrang rtsi'i ro yin no/ /kha cig ni bdug pa ma yin pa dang ldan pa'i ro yin no/ /kha cig ni 'dres par gyur pa'i ro ste/ rwa de la ni chu klung gi 'gram rnams las gser sa le sbram skye'o/ /ba lang dang ma he Sha dang / phag pa dang / glang po che dang / lce spyang dang / rnga mo dang / phyugs dang / spyang gu dang / klu dang / gung dang / seng ge dang / dred dang / wa dang bya dang / de dang de dag rnams dang 'dra bar gyur pa'i gzugs rnams dang / kha dog du mar gyur pa'i rin po che'i rang bzhin phal che ba rnams mthong ngo / /gang gi phyir gang la gser sa le sbram rnams skye bar 'gyur ba ni ri'i rtse mo de'i klas gser sa le sbram 'di dag rnams yin no/ /brtseg ma lnga pa gang la gser gyi 'dab ma dang / bai DUr+ya'i yu ba can shin du 'jam par gyur pa'i pad+ma rnams skye'o/ /nye 'khor kun nas yang bai DUr+ya'i ljon shing rnams kyis gang ba yin no/ /de la pad+ma'i rdzing bu 'di dag rnams yod do/ /'di lta ste/ kun dga' ra ba'i rgyas pa dang / pad mas khyab par gyur pa dang / pad ma dus su rgyu ba dang / pad+ma dmar pos kun tu khyab pa dang / nyi ma sten pa dang / gzhi 'jam pa dang / mi g.yo ba dang / ljon shing dang / zab pa dang / me tog dri zhim pa 'byung ba dang / brtan pa'i chu dang ste/ de dag rnams ni pad+ma'i rdzing bu bcu gcig yin no/ /rwa de'i ming yang pad mas kun du khyab pa zhes bya ba yin no/ /chu klung rnams kyang rnam pa sna tshogs pa'i dri dang ros legs par gang bar gyur pa rnams nye 'khor rnams na 'bab ste ro drug dang ldan pa yin no/ /'dod pa'i ljon shing rnams thams cad dang / nye bar skyes pa dang / ljon shing dang / me tog dang / chu bo dang / khrus kyi rdzing bu dang ldan pa rnams ni snga ma bzhin no/ /des rwa lnga pa la kun du bltas par gyur pas kyang yang dag pa ji lta ba bzhin du phyi rol</font><hr>66.224a<br><font size=+1>

gyi lus la kun nas lta bar byed do/ /des byang phyogs sgra mi snyan pa rnams kyi ri lnga pa mtho bar brtsegs pa zhes bya ba la mngon par bltas par gyur pas kyang yang dag pa ji lta ba bzhin du phyi rol gyi lus so sor reg par byed do/ /gzhan yang rnal 'byor spyod pa las dang chos dag gi rnam par smin pa'i dbang du byas nas mthon por brtsegs pa'i ri la kun du lta ste/ sems can 'di dag rnams ni las kyi chos kyi rnam par smin pa can yin te/ rang gi las kyi bgo skal la spyod par byed pa dang / rang gi las rnams brtan par byas pa dang / rang gis legs par byas pa rnams kyis ni 'dir skyes pa yin la/ rang gi las de dag zad par gyur nas nges par ltung bar 'gyur te/ mi dge ba'i las rnams kyis ni dmyal ba dang / yi dgas dang / dud 'gro rnams su 'gyur ro/ /legs par byas pa rnams kyis ni lha dang mi rnams kyi nang du'o/ /mtho bar brtsegs pa'i ri'i nye 'khor na gang dag gnas pa de dag rnams ni bde ba la dga' ba zhes bya ba yin no/ /bde ba la dga' ba'i skyes bu rnams ni rtag tu 'dod pa la mngon par dga' ba rnams yin te/ rtag tu 'dod pa rnams kyis ngoms pa med pa rnams yin no/ /'di ltar tshigs su bcad pa/ me la bud shing rnams dang ni/ /rgya mtsho la ni chu bo ltar/ /sred ldan 'dod pas ngoms pa med/ /de phyir 'dod pa zhi ba min zhes bya ba yin te/ 'di na sems can 'di dag rnams ni nges pa kho nar ngu bar bya ba la dga' bar byed pa yin par rnal 'byor pa des dri ma dang rnam par bral ba'i mig gis mthong ngo / /de dag rnams kyis ni shes pa yang ma yin te/ 'dus byas 'di dag rnams thams cad ni sdug bsngal gyi bdag nyid yin no/ /thams cad kyang 'dzad cing 'gog pa'i chos can yin no/ /snying po med pa dang sgron ma med pa yin no/ /'di dag</font><hr>66.224b<br><font size=+1>

rnams la ni mthar thug pa'i bde ba yod pa ma yin no/ /shis pa ma yin zhing zhi ba yang ma yin no/ /sems can 'di dag rnams thams cad kyi srog dang / lang tsho dang / nad med pa dang / phun sum tshogs pa dang / 'di dag rnams thams cad kyang bde ba ma yin zhing gtsang ba ma yin la mi rtag pa bdag med pa snying po med pa dbu ba rdos pa dang chu'i chu bur lta bu yin te/ gson pa rnams ni thams cad kyang 'chi ba'i mthar thug par 'gyur ba yin la phun sum tshogs pa rnams thams cad kyang rgud pa'i mthar thug par 'gyur ba yin no/ /gnas de dag rnams ni dmyal ba dang / yi dgas dang / dud 'gro dang mi rnams mi slu ba'i yin te/ dper na ji ltar nyi ma shar bar gyur pa de ni nges par nub par 'gyur ro/ /de kho na bzhin du skyes pa rnams ni nges par 'chi bar bya ba yin no/ /yang ji lta ji ltar sa gzhi gzhon zhing lang tsho la bab par gyur na/ ljon shing dang / nags dang / nye ba'i nags dang / ne'u gsing dang bcas par 'gyur ro/ /sa gzhi de rnyings par gyur na ljon shing dang nags dang nye ba'i nags dang / mtshe'u dang / pad ma dang bcas pa rnams kyang de ltar 'gyur ro// de kho na bzhin du sos ka'i dus su lang tsho la bab pa rnams ston ga'i dus su rnyings par 'gyur ba dang / gzhon pa rnams thams cad kyang rgas pa'i mthar thug par 'gyur ba 'di byang phyogs sgra mi snyan pa'i mi rnams kyis go ba yang ma yin no/ /yang ji lta ji ltar mtshan mo char bab par gyur na chu klung rnams phun sum tshogs par 'gyur te char bab pa'i dbang gis ngos gnyis kar yang mang du 'bab par 'gyur ro/ /phun sum tshogs par gyur pa rnams kyang ston ga zad pa dang 'grib pa'i sgo nas chu chung bar 'gyur ro/ /de kho na bzhin du dbyar gyi mtshan mo char 'bab par gyur pa dang mtshungs pa ni phun sum tshogs pa rnams yin no/ </font><hr>66.225a<br><font size=+1>

dbyar gyi char 'gags par gyur nas ston gyi dus na chu klung rnams zad cing 'grib pa'i sgo dang mtshungs pa ni rgud pa rnams yin no/ /'di lta ste/ phyi rol gyi dngos po pad ma rnams kyang sos ka'i dus su rgyas par 'gyur zhing nad med pa dang bung ba rnams kyis kyang sten par byed do/ /dgun gyi dus na ni kha ba dang pad dag gis bung ba rnams kyang na bas mi sten no/ /sos ka'i dus kyi pad ma de kho na bzhin du nad med pa yin no/ /dgun gyi dus dang mtshungs par gyur pa ni nad med pa ma yin pa'o/ /dgun gyi dus na nad med pa ma yin pas bung ba rnams dang mtshungs pa ni phun sum tshogs pa rnams yin no/ /de bzhin du sems can 'di dag rnams kyang sred pas shin du rnam par nyams par gyur nas bdag nyid kyi rgud pa rnams ni gtan rig par mi 'gyur ro/ /des mtho bar brtsegs pa'i ri'i nags dang / nye ba'i nags dang / ljon shing dang / 'bab chu dang / khrus kyi rdzing bu dang / ne'u bsing dang / rig pa 'dzin pa dang / ri dgas dang / bya dang / ri khrod dang / chu gshal dang bcas pa rnams la legs par bltas par gyur pas kyang yang dag par ji lta ba bzhin du phyi rol la yang dag par lta bar byed do/ /gzhan yang rnal 'byor spyod pa phyi rol gyi lus kyis lus la rjes su lta zhing gnas pa na/ des thos pa las byung ba'i shes rab kyis sam lha'i mig gis byang phyogs sgra mi snyan na dga' ba dang / dga' ba'i rigs su gyur pa dang / dga' bar gyur pa ri'i phreng ba 'dzin pa zhes bya ba gzhan yod pa mthong ngo / /ri bo de ni rnam par bkra ba'i phreng ba rnams 'dzin pa yin pas dmar po dang / sngon po dang / dkar po dang / mthing ga dang / ser po dang / rnam pa sna tshogs rnams 'dres pa'i mdog gi kha dog dang yang ldan pa'i ljon shing gi rigs rnams yod do/ /'di lta ste/ sta ba ka'i shing dang / mya ngan med dang / gser gyi lo ma</font><hr>66.225b<br><font size=+1>

dang ldan pa dang / 'khris shing dang / shing gel pas g.yogs par gyur pa rnams so/ /'di lta ste/ shin du grol bar gyur pa'i 'khris shing rnams dang dga' ba'i lo ma dang rlung gi shugs kyis rab tu g.yo ba'i lo ma rnams so/ /'di lta ste/ shing ni tsu la dang / bai DUr+ya'i 'dab ma dang / chu la skyes pa dang rnams so/ /'di lta ste/ brgya la cung zad dang bi dru ma'i 'dab ma dang nyi ma mthong bas dga' bar 'gyur ba rnams so/ /'di lta ste/ ti la kA sa dang zla ba'i 'od kyis dga' ba dang rnams so/ /'di lta ste/ ku mu da'i tshogs dang nyi ma 'pho ba dang rnams so/ /'di lta ste/ dus su 'dod pa dang zla ba phyed pa dang bcas pa na dga' ba rnams so/ /'di lta ste/ ud+dA lA mtshan mo dga' ba'o/ /'di lta ste/ ban+d+ha dzI bi kA dang de'i rjes thogs la 'bras bu 'byung ba dag go/ /'di lta ste/ a mra dang du ba'i dris lhag pas bsgos pa dag go/ /'di lta ste/ mya ngan med sngon po dang reg par bzod pa dag go/ /'di lta ste/ kun+dA dang shin du 'jam pa dang rnams so/ /'di lta ste/ shi rI ShAHdang gom pa bor bar bzod pa dag go/ /'di lta ste/ sems pa dang dro bas dga' bar 'gyur ba'i dri'o/ /'di lta ste/ kun+dAHma dang / ku su mA dang / yul gzhan du rnam par rgyu ba rnams so/ /'di lta ste/ ko bi dA rA dang bzang po mthong ba dag go/ /'di lta ste/ yid bde ba dang lha'i skye bo rnams dga' ba'o/ /'di lta ste/ nI la ut+pa la dang / pad+ma dang / pad+ma mtsho skyes dang / dus thams cad kyi me tog can rnams so/ /'di lta ste/ seng+ge swa brAHdang kA dam+pa dga' ba dag go/ /'di lta ste/ chus dga' bar 'gyur ba dang rkang pa'i mthil gyis brgyab pas me tog 'byung ba'o/ /'di lta ste/ mya ngan med dang rang bzhin gyis dri dang kha dog rnams dga' bar gyur pa'o/ /'di lta ste/ a Da ka dang ste/ de ltar de dag rnams ni ji ltar gtso bor gyur pa'i</font><hr>66.226a<br><font size=+1>

ljon shing me tog gis phyug pa rnams yongs su bsgrags pa yin te/ me tog gi ljon shing gi rigs nyi shu rtsa gnyis yin no/ /phreng ba 'dzin pa'i ri bo'i nye 'khor rnams na phan tshun du bskyad pas lo 'dab rnams 'khril bar 'gyur ba'i ljon shing rnams yin no/ /bung ba'i rigs kyi tshogs rnams kyis nye bar gang ba yin te/ bung ba de dag rnams kyang la la bai DUr+ya'i mdog yin no/ /la la ni gser gyi mdog yin no/ /kha cig ni dngul gyi mdog tu rnam par snang ngo / /kha cig ni gur kum gyi mdog go/ /kha cig ni sngon po'o/ /kha cig ni rnam par 'dres par gyur pa'o/ /kha cig ni mtsho la rgyu ba'o/ /kha cig ni ljon shing la rgyu ba'o/ /kha cig ni shing gel ba la rgyu ba'o/ /kha cig ni thams cad la rgyu ba'o/ /bya rnams kyang kha cig ni gser 'bar ba'i lus la dngul gyi mdog gi sgro'o/ /kha cig ni dngul gyi lus la gser gyi sgro'o/ /kha cig ni bi dru ma'i lus la bai DUr+ya'i sgro'o/ /kha cig ni bai DUr+ya dang 'dra bar gyur pa'i lus la in+d+ra nI la'i sgro rnams so/ /kha cig ni shel gyi mdog gi lu la sgro rnams gser gyi sgro'i rang bzhin no/ /kha cig ni rin po che gsum gyi lus su gyur pa 'di lta ste/ lus ni gser gyi mdog go/ /sgro rnams ni dngul gyi mdog go/ /rgyab ni bai DUr+ya'i mdog go/ /kha cig ni rin po che bdun gyi mdog gi bya rnams la 'di lta ste/ in+d+ra nI la dang / ma ra ka ta dang / shel dang / mu sA ra galba dang / bi dru ma dang / su ku mA ri kA dang / pad+ma ma rA ga'i mdog rnams so/ /de ltar rang gi las gyis rnam par bkra ba'i lus can rnams yin te/ gzugs rnam pa du mar gyur pa'i bung ba rnams dang bya rnams kyang rnam pa sna tshogs pa'i sgro dang ldan pa dang / rjes su 'thun pa rnam pa sna tshogs pa'i skad rjod par byed pa yin no/ /las sna tshogs pa rnams kyi lus rnam par</font><hr>66.226b<br><font size=+1>

bkra bar gyur pa yin no/ /kha dog dang dri dang phreng ba dang ldan pa'i me tog du ma rnams 'byung ba yang 'di lta ste/ gzugs du ma rnams yin no/ /skyes bu rnams kyis rang gis las byas par gyur pa'i rang bzhin ji lta ba bzhin no/ /ljon shing rnams kyang gzugs dang dri sna tshogs pa yin zhing / byang phyogs sgra mi snyan pa rnams kyi dbang gis shing rgyan rgyu dang rdo ba dang chu klung dang khrus kyi rdzing bu rnams kyang rnam pa du mar dga' bar gyur pa dang / yid la smon pa bzhin du rnam par bkra ba yin te/ sngon legs par byas pa'i las rnams kyi rgyu mtshan gyis rin po che rnams dang yang ldan pa dang / zas skom gyi chu bo rnams kyis rnam par brgyan pa dang / ljon shing dga' bar gyur pa dang / sa'i nye 'khor gyi cha dang de dag rnams la byang phyogs sgra mi snyan pa'i skyes bu rnams rtse dga' bar byed do/ /phreng ba 'dzin pa'i ri'i nye 'khor rnams na rab tu gnas pa'i skyes bu gang yin pa de dag rnams la rtag tu 'gying bag can zhes bya ba'i ming 'byung bar 'gyur ro/ /phreng ba 'dzin pa'i nye 'khor rnams la skyes bu gang dag 'gying bag can yin te/ ji ltar yongs 'dus brtol gyi rtsa ba na lha rnams kyi dbyar zla ba bzhi po rnams ma gtogs pa dang / lha rnams la mig 'dzums pa med pa dang / sha dang rus pa dang chu ser dang lpags pa med pa rnams dang 'di dag rnams ma gtogs pa lha rnams dang byang phyogs sgra mi snyan gyi skyes bu rtag tu 'gying bag can rnams ni thams cad kyang mtshungs pa yin no/ /gzhan yang rnal 'byor spyod pa pa las dang chos la yang dag par kun du lta bar byed de/ sems can de dag rnams ni rgyags pa rnam pa gsum gyis rgyags par gyur nas legs par spyod pa rnams spyod par mi byed do/ /'di lta ste/ gzugs kyis rgyags pa dang lang tsho'i rgyags pa dang / </font><hr>66.227a<br><font size=+1>

gson pa'i rgyags pa rnams kyis rgyags par gyur pa'i phyir na/ lus kyis legs par spyad pa rnams mi spyod do/ /ngag gis legs par spyad pa rnams mi spyod do/ /yid kyis legs par spyad pa rnams mi spyod do/ /legs par byas pa'i las kyi lhag ma rnams kyis lha rnams su skye'o/ /lha'i 'jig rten de las shi 'phos par gyur nas dmyal ba dang / yi dgas dang / dud 'gro dang / mi rnams su skye bar 'gyur te/ gang gi phyir sred pa ni dug gi mchog zas dang 'dres pa yin pa'i phyir sems can rnams la mchog tu rtsub pa dang / mchog tu 'ching ba dang / mchog tu nyam nga ba yin no/ /des bcings pa'i phyir na sems can 'di dag rnams kyis ni nges pa kho nar sngon gyi mtha' dang / phyi ma'i mtha' dag kun du mi shes pa yin no/ /mngar ba'i mchog tu gyur pa la 'bras bu rtsub pa'i 'dod pa rnams thams cad ni kim pa ka smin pa dang 'dra ba dang / sa 'og gi zhags pa dang 'dra ba yin pa de dag sems can gyis ma rig go/ /g.yang sa dang 'dra ba dang / thams cad kyang rnam par bral ba dang / 'chi ba'i sdug bsngal dang / sdug bsngal rnams la yang dpe med pa yin no/ /ri chen po'i 'bab chu'i shugs ltar g.yo ba yin pas lang tsho yang 'di na rtag pa ma yin te/ brtan pa dang yongs su mi 'gyur ba'i chos can gyis gnas skabs gcig kyang 'gro ba lnga na yod pa ma yin no/ /'di ltar nyes pa byas pa las kyi 'khor lo'i rlung gis yang dang yang 'khor bar gyur tu zin kyang srog chags 'di dag rnams ni skyo ba yang skye bar mi 'gyur ro/ /phreng ba 'dzin pa'i ri dang nye 'khor gyi skyes bu rtag tu 'gying bag can rnams la yang yang dag par bltas par gyur pas kyang yang dag pa ji lta ba bzhin du phyi rol gyi lus la lta bar byed do/ /gzhan yang rnal 'byor spyod pa phyi rol gyi lus kyis lus la rjes su lta zhing gnas te/ byang phyogs</font><hr>66.227b<br><font size=+1>

sgra mi snyan na ri'i rigs su gyur pa 'am/ chu klung gi rigs su gyur pa 'am/ khrus kyi rdzing bu'i rigs su gyur pa gang yin pa de dag dga' ba dang / shin du dga' ba dang / mchog tu dga' bar gyur pa gzhan gang dag ce na/ des thos pa las byung ba'i shes rab kyis sam lha'i mig gis mthong bar gyur pa/ byang phyogs sgra mi snyan na shin du dga' bar gyur pa'i ri'i rigs gzhan dag kyang yod do/ /'di lta ste/ dus na dga' ba zhes bya ba'i ri bo rgyar dpag tshad stong yod pa mthor dpag tshad sum bcu par gyur pa'o/ /de le yang dus drug po 'di dag rnams nyid rtag tu nye bar gnas pa yin te/ 'di lta ste/ dgun stod dang / dgun smad dang / sos ka dang / dpyid ka dang / ston la sogs pa'o/ /ri de la yul phyogs 'di dag dang / dgun stod ni gang dag yin zhing / de la yang dgun stod skye ba'i ljon shing gi me tog rab tu rgyas pa rnams yin na/ de la dgun stod skye ba'i ljon shing gi rigs rnams ni 'di lta ste/ swa ri shAng+ga na dang / khro ba dang / bad kyis rgas pa dang / bung ba bgrod par byed pa dang / de nges par dri zhim pa dang / myu gu med pa dang / tsakra bA kAs rjes su sgra sgrogs pa dang / mchog tu dga' bar 'gyur ba'i me tog dang / glu phun sum tshogs pa dang / zab mor skyes pa dang / ni tAn+taM dang / mchog tu khro ba dang / nyi ma dang bcas pa dang / me tog bcwa lnga po de dag rnams ni dgun stod kyi dus su ste/ dgun stod skye ba rnams yin no/ /dus na dga' ba'i ri bo'i yul phyogs gnyis pa la ni dgun smad gyi dus su 'byung ba rnams yin no/ /de la me tog gi rigs 'di dag rnams dus su dga' ba'i ri la dgun smad kha 'bye ba yin te/ byang phyogs sgra mi snyan pa'i ri la byang phyogs sgra mi snyan pa rnams kyi dbang gi 'bras bu yin no/ /dus na dga' ba'i ri bo'i yul phyogs gzhan la ni sos ka'i dus su 'byung bar</font><hr>66.228a<br><font size=+1>

'gyur te/ de la me tog gi rigs ni 'di dag rnams yin no/ /'di lta ste/ shin du kha bye ba dang / pad ma dang / ku ra ba kaM dang / dri mang ba dang / bung ba 'khor ba dang / sa ma ma ta dang / mya ngan med dang kiM shu ka dang / mya ngan med sngon po dang / 'grib pa med pa'i dri dang / ku mu Da dang / a mre Da kang dang / klung du skye ba dang ldan pa dang / ni tsi ta dang / la mra dang / bAn+ti ki dang / me tog la bya dga' ba dang / rtag tu me tog kha 'bye ba dang / 'dab ma stong pa dang rnams yin no/ /nyi shu po 'di dag rnams ni sos ka'i dus su yin te/ yu ti ka dang dus su rgyu ba'i me tog gi rigs rnams kyang yin no/ /dus su dga' ba'i ri'i yul phyogs gzhan la ni dpyid kyi me tog gi rigs 'di dag rnams 'byung ngo / /'di lta ste/ tsam+pa ka dang / su ma na saHdang / gser gyi yu ti ka dang / dus na rgyu ba dang / du bas grol ba'i dri dang / pad ma dang / bung ba gnas pa dang / pa sa saM dang / shi ta ti dang / a mra dang / dri mnyam pa dang / dri rtag pa dang / zangs kyi ro dang / rlung gis 'debs pa dang / 'dab ma brgya pa dang / ta ma'i ro dang / nyi ma phyed pa dang / tsu lwa lan dang / ti la'i dngos po'i mdog dang / byis pa'i me tog dang / dza ti lwa dang rnams te/ me tog gi rigs nyi shu po de dag rnams ni dpyid kyi dus na 'byung ste/ byang phyogs sgra mi snyan pa rnams kyi legs par byas pa'i las kyi dbang gi dus na dga' ba'i ri bo la dpyid kyi dus na yin no/ /dus na dga' ba'i ri'i sa phyogs gzhan dag rnams la ni dbyar gyi me tog 'di dag rnams 'byung ste/ 'di ltar yang ke ta ka dang / ku Ta dzang dang / brgya 'gro ba dang sa la 'gying zhing dga' bar gyur pa dang / da ri'i phreng ba dang / rdo las skyes pa dang / kA dam+pa la dga' ba dang / ngang pa 'khor ba dang / me tog dri zhim pos dga' ba dang / zangs kyi ro dang / sa li la dang / tsan+d+rA di kA dang / </font><hr>66.228b<br><font size=+1>

klu du skyes pa dang / rtse mo mthong ba dang rnams te/ ston kyang me tog gi rigs nyi shu po de dag rnams 'byung ba yin no/ /de la dus na dga' ba'i ri bo la de ltar de dag rnams dus drug tu yin zhing nye 'khor rnams na yang dus kyi 'khor lo ste/ de dus de dag rnams kyis de srid du byang phyogs sgra mi snyan rtag pa kho nar dga' bar gyur pa'i me tog dang / 'bras bu dang / dru ma'i 'bras bu dang / ljon shing dang / khrus kyi rdzing bu dang / chu klung gi ngos rnams kyis kyang dus su dga' ba'i ri bo de ltar dga' bar gyur pa yin no/ /de bzhin du gzhan dag rnams kyang dus rnams la de ltar yin pa ni sngar bzhin no/ /dus na dga' ba'i ri'i nye 'khor na gnas par 'gyur ba'i skyes bu de dag rnams ni de ri ring ba zhes bya ba'i ming du 'gyur ro/ /gzhan yang rnal 'byor spyod pa las kyi chos la kun du lta bar byed de/ ji ltar sems can 'di dag rnams sngon legs par byas pa rnams zad par byed pa yin pa dang / gsar pa rnams kyang mi byed pa yin la/ de dag rnams ni so sor mngon par shes pa yang ma yin no/ /ji ltar dus tshod kyi 'khor lo rnams 'khor bar gyur pa'i dus na skyes bu 'di dag rnams kyi tshe kun nas gcod par byed pa yin no/ /dus kyi mes tshe'i shing rnams sreg par byed do/ /dus kyi rdo rjes tshe'i lo tog rnams 'joms par byed do/ /dus kyi seng ges skyes bu ri dgas rnams rab tu bcom nas za bar byed do/ 'chi bdag gi dus ni chu bo dang mtshungs pas skyes bu'i ljon shing rnams mngon par bsdus shing bskyed nas 'joms par byed do/ /dus ni spyang gu dang mtshungs pa dang sbrul dang mtshungs pa'i phyir na/ skyes bu rnams gsod par byed do/ /'chi bdag ni glang po che dang 'dra bas rtswa ka ta pa ta dang mtshungs pa'i kham gyis mid par byed do/ /'chi bdag ni rlung dang mtshungs pas skyes bu'i ljon shing rnams rtsa ba nas sgyel bar byed do/ /</font><hr>66.229a<br><font size=+1>

skye bo rnams thams cad kyis kyang spang bar mi nus pa'i 'chi bdag gi 'jigs pa de dag rnams skyes bu rnams ci'i phyir kun du ma rtogs pa yin no/ /gang gis lang tsho la bab pa rnams thams cad la yang gco 'dri bar byed pa dang / stobs rnams thams cad 'jig par byed pa dang / skye bo rnams thams cad kyis bzhad gad du byed pa'i rgas pa yang mthong ba ma yin na/ rten nyams chung bar byed pa dang mig dang rna ba dang / sna dang / lce dang / lus dang / yid rnams dang nye bar 'gal bar byed pa dang / kha chu rnam par 'dzag par byed pa dang / sgur por byed pa dang / 'gram pa dang / so dang thod pa dang tshigs pa dang / gnad dang rgyus pa rnams nyams par byed pa dang / 'gro ba dang 'ong ba'i gnas rnams la gegs byed pa por gyur pa/ lang tsho la bab pa rnams thams cad la 'gran zlar gyur pa/ lang tsho la bab pa rnams thams cad kyang kha nyen pa'i sar gyur pa/ 'chi bdag rgyal po'i grong khyer du 'jug par byed pa po dga' ba dang / stobs dang spro ba rnams 'jig par byed pa po/ sgyu snyom pa la dga' bar gyur pa'i sa pa/ snabs dang gcin dang rtug pa rnams mang bar gyur pa rtag tu yang mal stan la lhag par snyom las su byed pa por gyur pa/ sems can bag med pa 'di dag rnams kyis ci'i phyir ma mthong / gang gi tshe 'jigs par 'gyur ba'i nad kyi 'jigs pa yang nges par 'jigs par gyur pas shin du nye bar gnas pa yin te/ des ni khams rnams 'khrug par byed pa dang / dbang po rnams thams cad kyang longs spyod par byed pa dang / rgyus pa dang rkang mar dang bcud dang lpags pa dang khrag dang sha dang tshil dang rus pa dang khu chu dang rnams thams cad kyang kun du skams par byed pa dang / khu ba rnams thams cad kyi 'gran nga ba'i dgrar gyur pa dang / langs par bya ba dang legs par 'dug par yang mi</font><hr>66.229b<br><font size=+1>

bzod pa sman dang sman pa la ltos nas bzlog par bya ba bza' ba dang / btung ba dang / bldag pa dang / myang bar bya ba la sogs pa rnams thams cad kyang mi gtsang ba lta bur gyur pa/ rid pa dang nyams chung ba dang gnyid phal che bar 'gyur te/ lpags pa dang / rus pa tsam dang / skye bo thams cad rang gi skye bo dang / grogs po dang / nye 'brel dang / bu dang chung ma dang bcas pa'ichi bdag dang 'dra ba'i sdug bsngal gang yin pa'i nad kyi 'jigs pas bdag nyid bying bar 'gyur bar rtogs pa yin no/ /rnal 'byor spyod pa de skyes bu bag med par gyur pa de dag rnams la rjes su brtse bar 'gyur ro/ /brtse bar gyur pas kyang 'di'i tshangs pa'i gnas kyi spyod yul du gyur pa rnams la 'di lta ste/ byams pa dang / snying rje dang / dga' ba'o/ /de ltar rnal 'byor spyod pa des byang phyogs sgra mi snyan pa'i skyes bu bag med pas gnas par gyur pa'i sems can rnams la rjes su brtse bar byed do/ /'khor ba'i bdag nyid ni shin du dman pa yin par mthong ngo / /dbu ba dang chu'i chu bur lta bur gyur pa'i lus la kun du lta bar byed do/ /sgyu ma lta bur gyur pa'i rnam par shes pa la ye shes kyis kun du lta bar byed do/ /rmi lam gyi nang dang 'dra bar gyur pa'i phun sum tshogs pa rnams la kun du lta bar byed do/ /nges pa kho nar yang yid 'byung bar 'gyur ro/ /gzhan yang rnal 'byor spyod pa phyi rol kyi lus kyis lus la rjes su lta zhing gnas te/ byang phyogs sgra mi snyan na ri'i rigs sam/ chu klung gi rigs sam/ ljon shing gi rigs su gyur pa dga' ba dang / shin du dga' ba dang / mchog tu dga' bar gyur pa gzhan ci zhe na/ des thos pa las byung ba'i shes rab kyis sam lha'i mig gis mthong bar gyur pa/ byang gi sgra mi snyan na ri gzhan kun dga' ba 'dzin pa zhes bya ba dpag tshad stong pa yod do/ /</font><hr>66.230a<br><font size=+1>

ri kun dga' ba 'dzin pa'i nye 'khor na ni rgyu 'thun pa zhes bya ba'i nags dpag tshad lnga brgya pa yod do/ /nags de na ni 'byung khungs rnams thams cad dang ldan no/ /de la 'byung khungs 'di dag rnams yod de 'di lta ste/ gser gyi 'byung khungs dang / dngul gyi 'byung khungs dang / zangs ma'i 'byung khungs dang / chang gi 'byung khungs dang / sbrang rtsi'i 'byung khungs dang / ro drug gi 'byung khungs rnams te/ 'byung khungs de dag dang gzhan dag rnams kyang de dag la yod pa yin no/ /rgyu 'thun pa'i nye 'khor rnams ni dga' bar gyur pa yin te/ gang la bai dUr+ya dang mtshungs par gyur pa'i ljon shing rnams la ni me tog gi 'khri shing rnams kyis yongs su bskor ba dang / gser gyi 'dab ma'i pad ma'i rdzing bu rnams kyi ni dngul gyi yu ba can yin no/ /dngul gyi 'dab ma la ni gser gyi yu ba can yin no/ /gser dang dngul gyi 'dab ma rnams la ni bai DUr+ya'i yu ba can rnams te/ nyi ma shar ma thag thog ltar dmar ba'i pad ma rnams kyis khyab par gyur pa'i pad ma'i rdzing bu de dag rnams la bya sna tshogs pa rnams kyis nye bar mdzes pa'o/ /'di lta ste/ ngang pa dang / khrung khrung dang / be kaiHdang / mtsho'i khrung khrung dang / kA dam+pa dang / ri dgas kyi mgrin pa pa dang / chu bya dang / mad+b+ha ba dang / bla baHdang / tsam bA ka dang / bA lu kA dang / Ad+yaHdang / sA ra sI dang / bi lA lAHdang / dus su rjod par byed pa dang / uSh+Na bI ra baHdang / mtshan mo rgyu ba dang / pad+ma'i rdul la dga' ba dang / sin+du'i rlabs dang / rlabs las skyes pa ste bya'i rigs nyi shu po de dag rnams pad ma'i rdzing bu de na yod do/ /rgyu 'thun pa zhes bya ba'i nags kyi nye 'khor de las shin du 'das nas kun dga' ba 'dzin pa'i ri'i phyed tu gyur pa na dpag tshad brgya yin te/ de la 'od ma'i klung na nges par gnas pa zhes bya ba'i skyes bu rnams yod do/ /gang dag</font><hr>66.230b<br><font size=+1>

gser kyi rang bzhin du gyur pa'i ljon shing gi tshogs na de dag glu len par byed pa na yang nam mkha' la gnas nas lha'i bu mo rnams kyang nyan par byed do/ /chu klung dang mtshe'u dang nye ba'i nags dang bya rnams kyang phun sum tshogs par gyur pa ni yul 'di la yang sngar bzhin no/ /gzhan yang rnal 'byor spyod pa pas sems can rnams kyi las kyi rnam par smin pa rnams yang dag par rjes su mthong ste/ sems can 'di dag rnams ni ngu bar byar yod pa la glu len par byed do/ /ci'i phyir 'di dag rnams ma mthong ba yin/ bag med pas bag med par rnam par rgyu ba'i phyir na dmyal ba pa rnams su ni ngu bar 'gyur ba yin na/ kun du go bar yang ma yin no/ /sred pa'i zhags pa'i 'ching bas bcings par gyur pa'i sems can rnams kyis lus dang ngag dang yid kyis nyes par spyod pa gang yin pa de rnams byed do/ /de'i rnam par smin pa rnams ni rtsub pa yin pas dmyal ba dang / yi dgas dang dud 'gro rnams su skye bar 'gyur ro/ /las rnams ji lta ba bzhin du nye bar 'gro ba yin pas yang sos dang / thig nag dang / bsdus 'joms dang / ngu 'bod dang / ngu 'bod chen po dang / tsha ba dang / rab tu tsha ba'i dmyal ba rnams su ngu ba dang lhang kyog rnam pa sna tshogs pa rnams kyis mngon par 'joms par byed do/ /'dod pa'i sgra dang / reg bya dang / ro dang / gzugs dang / dri'i sred pa rnam pa lngas kun nas nye bar bcings nas sngon gyi mtha' dang phyi ma'i mtha' la sems can gyi rgya mtsho 'khor ba yin no/ /de ltar rnal 'byor spyod pa pas 'od ma'i klung la nges par gnas pa'i skyes bu rnams la kun du bltas par gyur pas kyang yang dag pa ji lta ba bzhin du phyi rol gyi lus la lta bar byed do/ /gzhan yang rnal 'byor spyod pa phyi rol gyi lus kyis lus la rjes su lta zhing gnas te/ byang phyogs sgra mi snyan na dga'</font><hr>66.231a<br><font size=+1>

ba'am ches dga' bar gyur pa gzhan ci zhe na/ des thos pa las byung ba'i shes rab kyis sam/ lha'i mig gis mthong bar gyur pa/ byang phyogs sgra mi snyan na ri gzhan yang yod de/ yid kyi rjes su 'thun pa zhes bya ba'i dpag tshad ni stong du gyur pa yin no/ /ri de'i dga' bar gyur pa rnams ni mi 'am ci mo rnams kyis rtag pa kho nar glu len par byed pa yin te/ ri'i rtse mo rnams dang / nags rnams dang / nye ba'i nags rnams dang / ri ngos rnams dang / ri'i phug rnams dang / rdzing bu rnams dang / shing ke ta ka'i nang rnams dang / klu'i nags kyi nang rnams dang / nA ri ke la'i nang rnams dang / shing pa na sa'i nang rnams dang / a ru ra'i nags rnams dang / A mra'i nags rnams dang / chu shing gi nags rnams dang / gser gyi dpal 'bras kyi shing gi nags rnams dang / ka pit+the'i nags rnams dang / rma bya'i nags rnams dang / khu byug gi nags rnams dang / ne tso'i nags kyi nang rnams dang / chu klung dang / khrus kyi rdzing bu dang / nye ba'i nags rnams dang / pad ma'i tshal rnams dang / ut+pa la'i tshal rnams dang / sin+du bA ra'i nags rnams dang / grub pa'i nags rnams dang / tsU ta'i nags rnams dang / ku ra ra'i nags rnams dang / gson pa gson pa'i nags rnams dang / taN+Da'i nags rnams dang / rdzing bu dga' bar gyur pa rnams la thams cad kyang rin po che'i sgra snyan pa yang dag par ldan pa skye bo rnams thams cad kyi rna bar yang snyan par gyur pa/ sred pa'i zil gyis mnan par gyur pa'i byis pa'i blo can rnams la slar yang brgya 'gyur du sred pa'i me kun du 'bar bar 'gyur bar mi 'am ci mo rnams kyis glu len par byed do/ /de dag gi sgra dbyangs kyis ri dgas rnams kyang sgra 'byin par byed do/ /lhan cig spyod par byed do/ /lhan cig spyod par gyur pa'i bya'i tshogs rnams</font><hr>66.231b<br><font size=+1>

kyang lhan cig tu rtse dga' bar byed do/ /bdud rtsir rtag tu rung ba'i 'bras bu rnams kyang legs par mid par byed do/ /bung ba rnams kyang rtsi dag la 'thung bar byed do/ /rig pa 'dzin pa rnams dang lha'i bu mo rnams kyang nam mkha' la 'dus nas nyan par byed do/ /de ltar yid kyi rjes su 'thun pa'i ri la mi 'am ci mo de dag rnams kyi glu dga' zhing snyan pa yin no/ /ri de'i nye 'khor rnams na yang bai DUr+ya'i rang bzhin dang / gser gyi brag dang / dngul gyi rdo ba dang / bi dru ma'i ljon shing dang / mu tig gi phye ma dang / byi ru'i rkang bu rnams dang / shel gyi rdo ba dang / dung gi rkang bu 'jam po rnams dang / gser gyi pad ma'i rdzing bu rnams la ngang pa rnams kyis nye bar mdzes par byas pa dang / lus rin po che rnam pa sna tshogs pa las grub pa'i ri dgas rnams dang / ko ka li'i sgra dang bcas pa'i nags dang / rma bya dang shang shang te'u gyi sgra snyan pa rnams dang / khrus kyi rdzing bu na bung ba'i sgra snyan par gyur pa rnams te/ de ltar yid kyi rjes su 'thun pa'i ri'i dga' ba yin no/ /skye bo rnams thams cad kyi mig dang rna bar sdug cing snyan pa yin no/ /thams cad tu yang rab tu dga' ba dang / rgod pa dang / rol pa dang / rtse bar byed pa dang / yongs su spyod pa dang / mi pho mo dang / bya'i tshogs rnams kyis kyang yid bde bar byed pa yin no/ /ri rab lhun po gnyis pa lta bur gyur pa dpag tshad nyis stong 'phang du'o/ /mtho ba'i yid kyis rjes su 'thun pa'i ri de'i 'od kyis dpag tshad nyis stong du mdog skya bor byed do/ / bai DUr+ya'i 'od kyi gzi brjid kyis gser gyi mdog dang ljon shing sngon po rnams kyang nye bar bcom nas ri skya bor byed do/ /dper na ri rab lhun po'i gser mdog bzang po'i gzi brjid kyis rtswa rnams thams cad kyang gser bzhin du 'gyur ro/ /'di lta ste/ yid kyi rjes su 'thun pa'i ri'i</font><hr>66.232a<br><font size=+1>

gzi brjid kyis kyang thams cad skya bor 'gyur ro/ /ri dgas dang / bya dang / chu dang / mtshe'u dang / chu klung dang / ljon shing dang / pad ma rnams kyang phun sum tshogs pa ni ri 'di la yang sngar gyi bzhin no/ /ri bo yid kyi rjes su 'thun pa'i nye 'khor na skyes bu gang dag rab tu gnas pa de dag rnams ni skya bor snang ba zhes bya ba'i ming du 'gyur ro/ /skya bor snang ba'i skye bo rnams ni gzi brjid che ba dang / gzugs chen po dang ldan pa dang / mchog tu dga' ba dang / mchog tu mdzes pa dang / me tog gi 'phreng ba dang / phye ma dang / dri dang / byug pa dang / rgod pa dang / 'gying bag dang / gar dang / glu dang / rol mo'i sgra rnams la dga' bar gyur pa dang / phan tshun phrag dog dang ser sna'i dri ma rnams nye bar bcom pa dang / bdag gi ba med cing nga rgyal med pa dang / skya bor snang ba'i skyes bu rnams thams cad nyid kyang phreng ba dang / phye ma dang / dri dang byug pa rnams kyis lus brgyan pa yin no/ /rnam pa sna tshogs pa'i rol mo'i sgra dang glu dang dri za'i sgra rnams kun nas rjod par byed pa'i chos dga' bar 'gyur ba rnams kyis thams cad nyid dga' bar byed do/ /yid la smon pa'i kun du bsams pa rnams kyang gang dang gang dag yid la sems par byed pa de rnams de dag las 'byung bar 'gyur te/ 'di lta ste/ ma btags pa'i gos dang rnam pa sna tshogs pa rnams dang / rnam pa sna tshogs pa'i do shal rnams dang / de la 'os par gyur pa'i rnam pa sna tshogs pa'i rgyan rnams dang / nyal ba 'am rab tu sad par gyur pa na yang thos na dga' bar 'gyur ba yid du 'ong ba las kyang yid du 'ong bar gyur pa'i sgra ma 'dres pa rnams rnam pa sna tshogs pa'i bya brgya stong du ma rnams kyis sgrogs par byed do/ /rigs brgya phrag du ma'i pad ma'i rdzing bu rnams</font><hr>66.232b<br><font size=+1>

kyi dri zhim po rnams kyang rtag tu snom par byed do/ /skya bor snang ba'i skyes bu rnams kyis de ltar bzang po'i las kyi 'bras bu sprul pa'i bde ba rnams nyams su myong bar byed do/ /de bzhin du dman pa dang / bar ma dang / mchog tu legs par byas pa rnams kyang yin no/ /gzhan yang rnal 'byor spyod pa pa las kyi chos kyi rnam par smin pa la rjes su lta bar byed de/ kye ma ji ltar na sems can 'di dag rnams kyis legs par byas pa'i las zad pa rjes su ma mthong ba yin/ 'di dag rnams kyi mngon sum du ma gyur pa yin nam ce na ji ltar skye ba'i sdug bsngal ni dang po nyid du pha ma gnyis kyi khu chu dang khrag de dag gnyis kyis mi stong par gyur pa'i gcin gyi nang du gsus pa'i smad kyi rus pa'i rang bzhin gyi rnam pa zhing gi gdub kor lta bu'i mngal du rnam par shes pa'i sa bon skye'o/ /de yang las kyi rlung gis bu snod bskor bar gyur pas nyi ma bdun pa la mer mer por 'gyur ro/ /srog gcod pa spangs pas mer mer por gyur pa de la gnas pa na yang rnam par shes pa mi 'pho'o/ /nyi ma bdun pa gzhan la ni gor gor por 'gyur ro/ /rnam par shes pa yang las dang nyon mongs pa dang bcas pa'i dbang gis de nyid la rmongs nas gnas so/ /de la gnas pa nyid kyang nyi ma bdun pa yin te/ nyi ma bdun na sha'i gong bur 'gyur ro/ /gcin dang rtug pa'i tshogs rnams kyang ma'i gsus pa'i smad du yin zhing / gang dang gang dag ma'i bya bar gyur pa'i lus rnam par bskyod pa dang zas kyis byas pa rnams kyang rung ste/ de dang de dag rnams nyid kyis 'di'i gzir bar 'gyur/ ji ltar gtun shing gis bu ram shing 'tshir bar byed pa de ltar mngal na gnas pa 'tshir bar byed do/ /gzhan yang las kyi rlung gis sha'i gong bu drangs par gyur pas sbom por 'gyur ro/ /</font><hr>66.233a<br><font size=+1>

de las ni rdog rdog lnga 'byung bar 'gyur te/ rkang pa gnyis kyi dang / lag pa gnyis kyi dang / mgo'i'o/ /gzhan yang las kyi rlung gis bskor bar gyur pas mngal na skye ba ni ma'i gsus par 'byung bar 'gyur la/ de las kyang lte ba'i sbu gu 'byung bar 'gyur ro/ /sbu gu de ni ma'i mkhal ma'i nang nas 'byung bar 'gyur ro/ /gang yang grang ba dang / dro ba dang / ro bzang ba dang / ro ngan pa rnams kyang rung ste/ mas zas zos pa'i ro de yang de la sbu gu de nas 'jug go/ /lte ba nas kyi ro zas kyi gang yin pa des mngal na gnas pa 'di kun du 'tsho bar byed do/ /de ltar mngal gyis byas pa'i shin du sdug bsngal ba dang / khyad par du btsog pa rnams nyams su myong bar 'gyur ro/ /de gal te mngal na gnas pa na dus byed par ma gyur na ni de gcin dang khrag gi gnas skabs na gnas pa'i de la thams cad rdzogs par gyur nas zla ba bcu na zor ma mig gi nang nas 'dren pas bur shing ltar yan lag dang nying lag thams cad 'tshir bar gyur pas ma'i skye gnas nas 'byung ba yin no/ /skyes nas kyang rlung tsha bas reg par gyur pas sdug bsngal gyi mchog rnams nyams su myang bar 'gyur ro/ /skyes par gyur nas kyang mas 'di bor nas gar 'dod pa kun du rgyu bar 'gyur ro/ /de yang bdag nyid kyi mtheb mo nu bar byed do/ /de las 'o ma 'byung bar 'gyur ro/ /des kyang bdag nyid 'tsho bar 'gyur ro/ /de ltar dus de nyid kyi tshe na byis pa yin te/ lhag pas ni lang tsho la reg par 'gyur ro/ /de dag rnams ni dus kyi rlung gis nges par btab pa yin na/ des na sems can de dag rnams las kyi bgo skal la spyod par byed pa dang / las kyi skye gnas par gyur pa dang / las brtan par byas pa rnams yin te/ dge ba 'am mi dge bar gyur pa rnams kyang rung ste/ ji ltar las byas par gyur pa'i las de dang de dag rnams kyi skal</font><hr>66.233b<br><font size=+1>

ba can du 'gyur ba yin no/ /'on kyang skyes bu de dag rnams kyis ni las dang rnam par smin pa rnams mngon sum du mthong ba yang ma yin no/ /kye ma kyi hud bag med par rnam par rgyu ba'i sems can 'di dag ni shin du sdug bsngal ba yin te/ gang gi phyir sdug bsngal gyi mchog tu gyur pa'i ljon shing rnams kyi rtsa ba yang skye ba yin no/ /skye ba yod par gyur nas tsha ba dang / grang ba dang / ltogs pa dang / skom pa dang / ngal ba dang / nyam chung ba dang / mi mthun pa dang / phrad pa dang / 'thun pa dang bral ba dang / rga ba dang / 'chi ba rnams kyang 'byung bar 'gyur ro/ /'khor ba na sdug bsngal phul du byung bar 'gyur ba ni skye ba yin no/ /'khor ba 'di ni phun sum tshogs pa dang rgud pa'i phyang mo nyug pa la zhon pa yin no/ /'khor ba 'di ni mi rtag pa dang / sdug bsngal ba dang / stong pa dang / bdag med pa yin no/ /ji ltar ri rnams dang / nags dang / shang shong dang bcas pa rnams dang / nags dang / nye ba'i nags dang / chu klung dang / ljon shing dang / bya dang / me tog dang / 'bras bu dang / ri'i khrod dang / g.yang kha dang / rin po che dang 'di dag rnams kyang med par 'gyur ba yin na/ byang phyogs sgra mi snyan pa'i skyes bu 'di dag rnams kyis ci'i phyir na ma go/ /mya ngan dang bral bar 'gyur ba dang / dus kyi mtha' la ni thams cad kyang thal bar 'gyur ro/ /byang phyogs sgra mi snyan gyi gling 'di yang stongs par 'gyur ro/ /skyes bu 'di dag rnams thams cad kyang dus byas par gyur nas lha'i 'jig rten du mngon par 'byung bar 'gyur la/ de nas ni dmyal ba dang / yi dgas dang / dud 'gro rnams su skye bar 'gyur te/ rang gi las kyi bgo skal la spyod pa yin pa'i phyir ro/ /de ltar rnal 'byor spyod pa pa des las kyi 'bras bu rnam par smin pa rnams rjes su mthong bar gyur pa na skya bor snang ba'i skyes bu rnams</font><hr>66.234a<br><font size=+1>

la rjes su brtse ba skye bar 'gyur ro/ /'khor ba'i bdag nyid ni ngan pa yin par mthong ngo / /gzhan yang rnal 'byor spyod pa phyi rol gyi lus kyis lus la rjes su lta zhing gnas te/ gzhan byang phyogs sgra mi snyan na dga' ba 'am ches dga' bar gyur pa yod dam zhe na/ des thos pa las byung ba'i shes rab kyis sam lha'i mig gis mthong bar gyur pa pad ma ku she sha ya dang ldan pa zhes bya ba'i ri'i pad ma ku she sha ya dang ldan pa zhes bya ba'i ri dpag tshad stong du gyur pa la/ chu bsil ba dang ldan pa zhes bya ba'i pad ma'i rdzing bu dpag tshad lnga brgya pa yod de/ gser gyi kha dog dang ldan pa'i pad mas khyab par gyur pa 'dam med pa bung ba dang / ngang pa dang / kA raN+da ba dang / tsakra pA rnams kyis nye bar mdzes par byas pa yin no/ /pad ma'i rdzing bu de na yang lha'i me tog pad ma ku she sha ya dang / lha'i mAn dA ra ba dang / ku su ma dang / ljon shing dang / me tog dang / 'bras bu dang / chu klung dang / ri khrod dang / bya dang / nags dang / nye ba'i nags dang / rdzing bu dga' bar gyur pa rnams dang / bsil ba'i chu rnams ni sngar gyi bzhin no/ /pad ma ku she sha ya dang ldan pa'i ri'i phyed du gyur pa dpag tshad lnga brgya la mchog tu dga' bar gyur pa'i gzhal yas khang stong phrag brgyad bcu rtsa bzhi yod do/ /'di lta ste/ gser dang dngul gyi rang bzhin rnams la ni gser gyi stegs bu dang ldan no/ /shel gyi rang bzhin rnams la ni bai dUr+ya'i stegs bu dang ldan no/ /bai dUr+ya'i rang bzhin rnams la ni shel gyi stegs bu dang ldan no/ / in dra nI la'i rang bzhin rnams la ni mu sA ra galba'i stegs bu dang ldan no/ /de bzhin du phan tshun du rnam pa sna tshogs pa'i skyes bu rnams kyis legs par brgyan pa dang / dril bu g.yer ka'i dra bas kun du g.yogs pa dang / klu dang / gar dang / rgod pa dang / </font><hr>66.234b<br><font size=+1>

rnga sgra rab tu sgrogs par byed pa dang / rtag tu rab tu dga' bar gyur pa dang / rgun 'bru'i chu klung rnams kyis yongs su bskor ba dang / nags dang nye ba'i nags rnams kyis legs par khyab par gyur pa yin te/ dper bya na lha rnams kyi grong khyer blta na sdug dang / lha rnams kyi mdun sa chos bzangs kyi gzhal yas khang rnams yin te/ de kho na bzhin du pad ma ku she sha ya dang ldan pa'i ri'i gzhal yas khang stong phrag brgyad bcu rtsa bzhi yin no/ /nags dang / nye ba'i nags dang / rdzing bu dang / ljon shing dang / 'bras bu phun sum tshogs pa rnams ni sngar gyi bzhin no/ /pad ma ku she sha ya dang ldan pa'i ri'i nye 'khor na skyes bu gang dag gnas pa de dag rnams ni rnam par bkra ba zhes bya ba'i ming du 'gyur ro/ /de dag rnams ni rtag tu rgod pa dang / 'gying ba dang / rtse ba dang / gar dang / rol mo'i sgra dang / zas dang / skom dang / 'khrig pa la dga' ba rnams yin no/ /gzhan yang rnal 'byor spyod pa pa las kyi chos kyi rnam par smin pa rnams la rjes su lta bar byed de/ phan tshun rnam par 'bral ba las byung ba'i sdug bsngal sems can 'di dag rnams kyis ci'i phyir mthong na/ sems can 'di dag rnams thams cad kyi sdug pa dang / yid du 'ong ba rnams thams cad kyang tha dad du 'gyur ba dang / med par 'gyur ba dang / rnam par 'gyes pa dang / rnam par 'bral ba dang / gzhan du 'gyur ba yin no/ /sems can 'di dag rnams thams cad ni 'thun pa dang yid du 'ong ba rnams thams cad dang yang tha dad dang / med pa dang / rnam par 'thor ba dang / gzhan du 'gyur ba rnams 'byung bar 'gyur ro/ /las kyis ji lta ba bzhin du nye bar 'gro ba yin te/ dge ba'i las rnams kyis ni lha dang mi'i nang du'o/ /mi dge ba'i las rnams kyis dmyal ba dang / yi dgas dang / dud 'gro rnams su'o/ /</font><hr>66.235a<br><font size=+1>

de la rnam par bkra ba'i gzugs dang ldan pa'i de dag rnams ni bag med par gnas pa yin pas 'dod pa'i sgra dang / reg bya dang / ro dang / gzugs dang / dri rnams kyis kyang ngoms pa med pa dang / sred pas rnam par chags pa dang / sred pa'i dbang du gyur pa dang / sred pa'i chu bos khyer bar gyur pa dang / 'dod chags kyi mes sreg par byed pa/ gti mug gi mun par nub par bying ba'i phyir na zad pa dang / 'grib pa'i bdag nyid rnams mi shes so/ /lang tsho la bab pa rnams gog por byed pa'i phyir na rga ba ni shin du 'jigs pa yin no/ /rang gi skye bo dang grogs po dang gnyen 'brel rnams thams cad dang 'bral bar byed pa'i phyir rgol ba'i 'jigs par gyur pa gson pa'i ljon shing sreg par 'gyur zhing sems can rnams thams cad kyi nags lhag ma ma lus par sreg par 'gyur bas 'chi ba'i me nges par 'ong bar 'gyur ro/ /de dag ni mthong ba yang ma yin no/ /gzhan yang rnal 'byor spyod pa phyi rol gyi lus kyis lus la rjes su lta zhing gnas te/ ri bcus yongs su bskor bar gyur pa'i byang phyogs sgra mi snyan 'di lta ste/ sang kA she dang / rwa mnyam pa dang / ri dgas kyi sgra dul ba dang / sprin dkar po 'dzin pa dang / mtho bar brtsegs pa dang / nye 'khor phreng ba dang ldan pa dang / dus na dga' ba dang / kun dga' ba 'dzin pa dang / yid kyi rjes su 'thun pa dang / pad ma ku she sha ya dang ldan pa 'di dag rnams la nges par sems can 'di dag rnams las gang gis skyes pa yin zhe na/ des thos pa las byung ba'i shes rab kyis sam lha'i mig gis mthong bar gyur pa/ sngar bzhin du sems can de dag rnams ni dge ba'i las rnams las kun du 'byung ba yin no/ /dge ba'i las rnams kyi mtha' la spyad par gyur pa yang / srog gcod pa dang / ma byin par len pa dang / </font><hr>66.235b<br><font size=+1>

'dod pas log par g.yem pa rnams rab tu spangs par gyur cing / chang dang bcos pa'i chang myos par 'gyur ba bag med pa'i gnas rnams kyang rab tu spangs pa dang / 'dir dge ba rnam pa bcu'i las kyi mtha' la spyad pa yin no/ /de dag rnams ni dge ba de'i las rnams kyi rkyen kyis skyes pa yin no/ /gzhan yang rnal 'byor spyod pa pa las dang chos dang rnam par smin pa rnams la rjes su lta bar byed de/ las gang dag gis skyes bu de dag rnams kyi drung dang skyes bu gzhan dag rnams kyi drung na yang gzugs kyi tshad dang stobs dang brtson 'grus dang dbyibs rnams ches khyad par du 'phags pa'i skyes bu gzhan yod dam zhe na/ des thos pa las byung ba'i shes rab kyis sam lha'i mig gis mthong bar gyur pa/ sems can de dag rnams ni yang dag pa'i lta ba mngon du byas pa/ g.yo ba med pa dang / gzhan la gnod par mi byed pa dang / drang po drang po'i rang bzhin can dang / des par gyur pa dang / des pa'i rang bzhin can dang / chos pa dang chos kyi rjes su 'jug pa dang / chos dang ldan pa'i skyes bu rnams lhan cig 'grogs par byed pa rnams ni rgyu de dang rkyen de las lus zhig par gyur nas bde 'gro mtho ris kyi 'jig rten pa lha rnams kyi nang du skye bar 'gyur te/ rgyal chen ris bzhi dang / sum bcu rtsa gsum pa rnams su'o/ /de las shi 'phos par gyur nas kyang 'dir skye bar 'gyur ro/ /'di las shi 'phos par gyur nas kyang der skye bar 'gyur ro/ /gzhan yang rnal 'byor spyod pa pa las kyi chos kyi rnam par smin pa rnams la lta bar byed de/ las gang dag gis sems can de dag rnams ches khyad par du 'phags pa yin zhe na/ des thos pa las byung ba'i shes rab kyis sam lha'i mig gis mthong bar gyur pa de rnams ni thams cad kyis kyang sngon mi 'jigs pa'i sbyin pa rab tu</font><hr>66.236a<br><font size=+1>

byin par gyur pa yin te/ grong khyer gyi lho phyogs kyi sgor khrid par gyur pa'i sems can shin du skrag pa rnams la srog gi sbyin pa byin pa yin la/ rgyab du lag pa dam por bcings shing dur khrod du kha phyogs par gyur nas gsod pa'i rnga pa Ta ha brdungs par gyur cing gshed ma'i mi gtum po phyi bzhin rjes su 'brang bar gyur pa rnams la srog gi sbyin pa byin pa yin no/ /rgyu de dang rkyen de las kyang lus zhig par gyur pa na bde 'gro mtho ris kyi 'jig rten pa lha rnams kyi nang du skye bar 'gyur te/ rgyal chen ris bzhi dang / sum bcu rtsa gsum dang / 'thab bral ba rnams su'o/ /gzhan yang rnal 'byor spyod pa pa phyi rol gyi lus kyis lus la rjes su lta zhing gnas te/ sems can de dag rnams kyis legs par byas pa'i las gang gis sems can de dag rnams ches khyad par du 'phags pa dang / mchog tu khyad par du gyur pa'i dga' ba dang gzugs bzang ba dang / rdzu 'phrul che ba'i mchog tu gyur pa dang / skye bo rnams thams cad kyis mchod par byed pa yin zhe na/ des thos pa las byung ba'i shes rab kyis sam lha'i mig gis mthong bar gyur pa/ sems can de dag rnams ni sngon theg pa chen po la dad pa'i nor dang ldan pa'i ngang tshul can dang / theg pa chen po sgrogs pa la dga' bar gyur pas yin no/ /gzhan yang sangs rgyas kyis gsungs pa'i nyan thos kyi chos 'dul ba dag nyan par byed cing / sangs rgyas kyis gsungs pa'i gtam rgyud rnams kyang 'dzin par byed do/ /brjod par byed do/ /de sangs rgyas kyis gsungs pa'i chos kyi tshig gcig thos par gyur pa'i rgyu de dang rkyen de las kyang rgyal por 'gyur ba yin te/ gling bzhi la longs spyod par byed pa'i 'khor los sgyur bar 'gyur ro/ /de las shi bar gyur nas kyang lha rnams su skye bar 'gyur te/ gcig gnyis gsum</font><hr>66.236b<br><font size=+1>

bzhi lnga drug bdun ldabs shing gling bzhi la longs spyod par yang 'gyur ro/ /de las shi 'phos nas kyang lha rnams su skye bar 'gyur te/ 'dod pa na spyod pa'i lha rnams kyi nang du skye bar 'gyur ro/ /'di lta ste/ rgyal chen ris bzhi dang / sum bcu rtsa gsum pa dang / mtshe ma dang / dga' ldan dang / 'phrul dga' dang / gzhan 'phrul dbang byed do/ /lha'i ris de dag rnams las shi 'phos par gyur nas 'dir skye ba yin te/ 'di na yang byed pa dang ldan pa yid kyi sgra dang / reg bya dang / ro dang / gzugs dang / dri rnams nyams su myong bar byas nas slar yang de dag tu skye bar 'gyur ro/ /phyis yang de nas shi 'phos par gyur pa na theg pa chen po nyan pa'i sa bon de nyid kyis bsam gtan dang po thob par 'gyur te/ de tshangs ris dang / tshangs pa'i mdun na 'don dang / tshangs pa chen po rnams su skye bar 'gyur ro/ /gzhan yang theg pa chen po thos par gyur pa de nyid dang thos nas kyang rjes su spyad par gyur pa des bsam gtan gnyis pa 'thob par 'gyur te/ 'od chung dang / tshad med 'od dang / 'od gsal rnams su skye bar 'gyur ro/ /gzhan yang theg pa chen po thos par gyur pa'i sa bon de nyid dang / thos par gyur nas kyang rjes su spyod cing spyod pa la zhugs pas ni bsam gtan gsum pa 'thob par 'gyur te/ dge chung dang / dge rgyas dang / tshad med dge dang rnams su skye bar 'gyur ro/ /gzhan yang theg pa chen po thos par gyur pa'i sa bon de nyid dang byas shing rjes su spyad la rnam grangs kun chub par byas shing yongs su dri ba byas pas kyang bsam gtan bzhi pa 'thob par 'gyur te/ sprin med pa dang / bsod nams skyes dang / 'bras bu che ba rnams dang / chags pa med pa'i ye shes kyi mes kun nas nyon mongs pa'i ljon shing gi nags rnams sreg par byed pa'i mi che ba dang / mi</font><hr>66.237a<br><font size=+1>

gdung ba dang / gya nom snang dang / shin du mthong dang / 'og min rnams su'o/ /gzhan yang theg pa chen po thos par gyur pa'i sa bon de nyid dang thos par gyur nas kyang rjes su spyad cing spyod pa la zhugs pa dang / yongs su dri ba byas te/ sems can lta ba log pa rnams yang dag pa'i lta ba la bkod la theg pa chen po thos pa'i sa bon de nyid kyis kyang srid pa'i btson ra rnams thams cad zad pa'i rang sangs rgyas su 'gyur ba 'am/ gzhan yang gal te bla na med pa yang dag par rdzogs pa'i byang chub kyi sems su yongs su smin par 'gyur ro/ /yang na gal te sems can rnams thams cad kyi bde ba 'byung bar 'gyur ba'i bla na med pa'i thugs rje chen po'i sems yongs su goms pa'i byang chub sems dpar 'gyur ro/ /theg pa chen po thos pa'i sa bon de nyid kyis de'i tshe byang chub sems dpa' sems dpa' chen po sangs rgyas su 'gyur te/ rig pa dang zhabs su ldan pa/ bde bar gshegs pa/ 'jig rten mkhyen pa/ bla na med pa skyes bu 'dul ba'i kha lo sgyur ba/ lha dang mi rnams kyi ston pa/ sangs rgyas bcom ldan 'das su 'gyur ro/ /gang gi phyir theg pa chen po thos pa'i sa bon gyi rtsa ba yang sbyin pa dang / tshul khrims dang / thos pa rnams yin no/ /de ci'i phyir zhe na/ thos pas kyang theg pa chen po la rab tu gnas par 'gyur te/ rang byang chub tu yongs su bsngo bar byed dam/ nyan thos kyi byang chub tu yongs su bsngo bar byed na yang nyan thos kyi byang chub tu yang 'gyur ro/ /dge slong ngam khyim pa rnams sbyin pa'i 'bras bu thos par gyur nas sbyin pa gtong bar byed do/ /tshul khrims kyi 'bras bu thos par gyur nas tshul khrims spyod par byed do/ /ye shes kyi 'bras bu thos par gyur nas ye shes goms par byed</font><hr>66.237b<br><font size=+1>

do/ /de'i phyir na mtho ris dang thar pa gnyis ga'i sa bon yang theg pa chen po thos pa yin no/ /de'i phyir 'di ni sbyin pa rnams thams cad kyi yang mchog yin te/ mi 'jigs pa dang / zang zing dang / tshul khrims kyi sbyin pa rnams la ni 'di lta ste/ theg pa chen po sgrogs pa'i sbyin pa'o/ tshul khrims rnams kyi yang 'di lta ste/ theg pa chen po nyan pa'i tshul khrims so/ /theg pa chen po ni nyan thos dang rang sangs rgyas rnams thams cad dang / de bzhin gshegs pa rnams kyi yang skyed par byed pa po yin no/ /de'i phyir na theg pa chen po rtag tu mnyan par bya'o/ /gzhan yang rnal 'byor spyod pa pa phyi rol gyi lus la rjes su lta zhing gnas te/ byang phyogs sgra mi snyan gyi gling na ming cir btags pa'i yul ljongs gzhan yang gnas pa yin zhe na/ des thos pa las byung ba'i shes rab kyis sam lha'i mig gis mthong bar gyur pa/ dpag tshad nyis stong pa nye 'khor gyi mig 'jig rten las 'das pa zhes bya ba ste/ de la yul ljongs 'di dag rnams yod do/ /'di lta ste/ nam mkha' ring ba zhes bya ba dpag tshad sum brgya pa yod do/ /de'i nye 'khor rnams na skyes bu gang dag rab tu gnas par gyur pa de dag rnams ni gos kyis gnas pa zhes bya ba yin no/ /ljon shing dang / khrus kyi rdzing bu dang / me tog dang / 'bras bu dang / nye ba'i nags dang / shing gel ba dang / 'khris shing dang / chu klung rnams kyang phun sum tshogs pa ni 'di la yang snga ma bzhin no/ /nam mkha' ring ba las 'das par gyur nas gzhal du med pa zhes bya ba'i chu bo dpag tshad bdun brgya par gyur pa yod de/ chu klung dang / ljon shing dang / nags dang / nye ba'i nags dang / rdzing bu phun sum tshogs pa rnams ni sngar gyi bzhin no/ /gzhal du med pa'i chu bo'i nye 'khor na yul ljongs lnga gnas so/ /</font><hr>66.238a<br><font size=+1>

'di lta ste/ dbu rgyan 'dzin pa dang / pa lA sha yis kun du khyab pa dang / phreng ba gnas pa dang / rma bya'i sgra dang / ka ra na'i mtha' na gnas pa'o/ /dbu rgyan 'dzin ni dpag tshad phyed dang nyis brgya yin no/ /pa la shas kun du khyab pa dang gnyis ni dpag tshad phyed dang nyis brgya yin no/ /rma bya'i sgra ni dpag tshad brgya yin no/ /ka ra na'i mtha' na gnas pa ni dpag tshad brgya yin no/ /gnyis pa yang de la dpag tshad brgya phrag bcu gnas te/ dpag tshad brgya pa dang / dpag tshad brgya phrag bcur gnas pa yin no/ /'di lta ste/ kuD+DaM ga ti na gnas pa dang / dri rgyu ba dang / nags po gsus pa dang / mig la kun du rgyu ba dang / ri'i klung na kun du spyod pa dang / gru gsum pa dang / kun nas zlum par skyes pa dang / gsus pa nyid dang / g.yos pa dang / tshogs pa'o/ /gzhan yang yul ljongs de dag rnams nyid lta bar byed de/ chu klung dang / ljon shing dang / rdzing bu dang / nye ba'i nags rnams kyang phun sum tshogs pa ni snga ma bzhin no/ /gling 'di ni gru bzhi pa yin te/ skyes bu rnams kyi bzhin yang de dang 'dra ba yin no/ /dper na gru gsum du gyur pa'i rnam pa ni 'dzam bu'i gling ngo / /'dzam bu'i gling gi skyes bu rnams kyi bzhin yang de dang 'dra ba yin no/ /de bzhin du byang phyogs sgra mi snyan pa rnams yin no/ /gzhan yang rnal 'byor spyod pa phyi rol gyi lus kyis lus la rjes su lta zhing gnas te/ des brag dang / nags dang / rdzing bu dang / me tog gi nye bar len pa rno ba'i me tog rnams dang / 'bras bu phun sum tshogs pa rnams la bltas par gyur pas kyang yang dag pa ji lta ba bzhin du phyi rol la kun du lta bar byed do/ /gzhan yang rnal 'byor spyod pa phyi rol gyi lus kyis lus la rjes su lta zhing gnas te/ byang phyogs sgra mi snyan dang ba lang spyod gnyis kyi bar na gzhan rgya</font><hr>66.238b<br><font size=+1>

mtsho'i rigs su gyur pa 'am/ ri'i rigs su gyur pa yod dam zhe na/ des thos pa las byung ba'i shes rab kyis sam lha'i mig gis mthong bar gyur pa/ byang phyogs sgra mi snyan dang ba lang spyod dag gi byang phyogs na nye 'khor gyi mig ces bya ba rgya mtsho dpag tshad stong phrag bcu pa yod do/ /nye 'khor du dpag tshad gcig dang / gzhan yang dpag tshad gnyis pa'o/ /gzhan yang sa 'og gi klu mnga' byed pa'i dbang gis chu mig yod do/ /nye 'khor gyi mig gi rgya mtsho de las 'das par gyur nas rtsed mo'i phreng ba zhes bya ba'i ri gzhan dpag tshad stong phrag bcu pa yod de/ klu rnams kyi dbugs kyis bsregs pas rtse mo mig rtse ltar nag pa yin no/ /rtsed mo'i phreng ba'i ri de las 'das par gyur nas dung gi sgra si mi si mi zhes bya ba'i rgya mtsho dpag tshad stong phrag bcu thams cad kyang gang bar nya dang / nya chen po dang / rusbal dang / chu srin na bkra dang / chu srin ma ka ra dang / nya phyis dang rnams kyis kun du gang bar gyur pas mchog tu bgrod dka' ba blta bar 'jigs pa gang la longs spyod dang ldan pa'i klu nges par gnas pa yin te/ khro bas gzir ba kho ba 'byin par byed do/ /dung gi sgra si mi si mi'i rgya mtsho de las ring du 'das nas chus khyab pa zhes bya ba'i rgya mtsho dpag tshad stong phrag bcu pa yod de/ gang gi sa rnams rlung gis dpag tshad bcu 'am/ dpag tshad nyi shu 'am/ dpag tshad sum bcu yang lhag par byed do/ /chus khyab par byed pa'i rgya mtsho de las ring du 'das nas mu tig gi shu ka ti zhes bya ba'i gling mu tig gis kun du gang bar gyur pa yod de/ klu dang nya rnams shi bar gyur pa de la rlung gis chus gyen du btab pas mu tig 'dren no/ /de ni dpag tshad stong pa yin no/ /mu tig gi shu ka ti'i gling de las 'das par gyur nas rin po che'i grogs po zhes bya ba'i ri dpag tshad stong phrag lnga pa yin te/ rin po che sna bdun gyi rtse</font><hr>66.239a<br><font size=+1>

mo dang ldan zhing / bai dUr+ya dang / nor bu mang bar gyur pa ri rab lhun po gnyis pa ji lta ba yin no/ /rin po che'i grogs po'i ri de las 'das par gyur nas dpag tshad nyis stong du de la me tog gi nags dang rnam pa sna tshogs par dga' bar gyur pa rnams yod do/ /de las 'das par gyur nas legs par zos pa zhes bya ba'i ri dpag tshad lnga stong ngo / /de la gser gyi pad ma'i rdzing bu na tsakra ba sgra snyan pa 'byin par byed do/ /king shu ka'i nags de las 'das par gyur nas ri dang / chu klung dang / ljon shing dang / rgya mtsho dpag tshad stong phrag bcur gser dang 'dra ba'i chus gang bar gyur pa yin te/ ri rab lhun po'i 'od kyis gser gyi mdog gi chu zhes bya ba yin no/ /'phangs su dpag tshad lnga brgya'o/ /ba lang spyod ces bya ba'i gling dpag tshad dgu stong pa yin te/ grong 'bum phrag bcu dang grong khyer stong gis gang bar gyur pa'o/ /grong gi mgo bor gyur pa ni bcu gnyis pa yin no/ /grong khyer gyi gtso bor gyur pa yang lnga brgya yin no/ /de la ji ltar 'dzam bu'i gling na pA TA li pu tras mgo drangs par gyur pa'i grong khyer gsum gyis lhag pa'i brgya yin no/ /de bzhin du ba lang spyod na yang a b+h+ra kU TA chen pos mgo drangs par gyur pa'i grong khyer lnga brgya yin no/ /a b+h+ra kU TA'i grong khyer yang dpag tshad bcu gnyis pa ste/ lam srang dang khang bzangs kyi bad kyi rim pa dang / sgo mdo'i khams dang / rta babs kyis legs par gang ba yin no/ /ba lang spyod kyi gling gi dbus kyi grong khyer gyi gtso bo rnams kyang 'di lta ste/ rta babs brgya pa dang / sa gzhi blta bar dga' ba dang / dri ma med par gsal ba dang / gang ka ra dang / de lta bu la sogs pa'i grong rnams yin no/ /dbus kyi grong khyer gyi gtso bo rnams kyang 'di lta ste/ bya ba med pa dang / sems song ba dang / kun du nyams pa'i stobs kyi mtha' dang a Ni ra'o/ /yul ljongs kyi gtso bo rnams la</font><hr>66.239b<br><font size=+1>

'di lta ste/ 'dzam bu'i gling na kA shi dang / ko sha la dang / ma ga d+hA'o/ /de bzhin du ji ltar nub kyi ba lang spyod kyi gling gi gtso bor gyur pa'i yul ljongs rnams 'di lta ste/ mi thi lo zhes bya ba'i yul ljongs dang / ta Na Di zhes bya ba'i yul ljongs dang / tsu tu ro zhes bya ba'i yul ljongs dang / ko raN+Do zhes bya ba'i yul ljongs dang / sems kyi dri ma zhes bya ba'i yul ljongs dang / ri rab tu rgyu ba zhes bya ba'i yul ljongs dang / de dag rnams ni ji ltar yul ljongs kyi gtso bor gyur pa rnams yin no/ /ba lang spyod kyi yul ljongs rnams thams cad bsdus par gyur na ni yul nyi shu rtsa lnga yin no/ /ji ltar 'dzam bu'i gling gi yul ljongs bcwa brgyad bzhin no/ /ba lang spyod kyi gling na chu bo chen po lnga yin no/ /'di lta ste/ yangs pa can dang / tsu na tsum+pa tI dang / zla ba'i shugs dang / chu bzang po dang / kun du 'dres pa'o/ /dper na 'dzam bu'i gling gi chu bo chen po bzhi bzhin te/ 'di lta ste/ gang gA dang / ya mu nA dang / pa k+Shu dang / sI tA'o/ /nub kyi ba lang spyod kyi gling gi ri chen po lnga la 'di lta ste/ nA Do DI na dang / rwa gsum pa dang / nor bu'i rta babs dang / parba brgya pa dang / rtsub pa dang rnams so/ /ji ltar 'dzam bu'i gling na ri chen po rnams la 'di lta ste/ gangs can dang / 'bigs byed dang / ma la ya dang / kai la sa dang rnams bzhin no/ /ba lang spyod kyi gling gi mtsho chen po ni gsum yin no/ /'di lta ste/ gam b+hi ra dza lang dang / bar med pa dang / gam b+hi ro dkar rnams te/ ji ltar 'dzam bu'i gling gi ma dros pa dang / paM pA dang mtsho chen po gnyis bzhin no/ /gzhan yang rnal 'byor spyod pa phyi rol gyi lus kyis lus la rjes su lta zhing gnas te/ nub kyi ba lang spyod pa'i mi rnams ci la nyo tshong du byed na des thos pa las byung ba'i shes rab kyis sam lha'i mig gis</font><hr>66.240a<br><font size=+1>

mthong bar gyur pa de dag rnams ba lang la nyo tshong du byed pa dang / gling 'di'i nye 'khor rnams ni ba lang gis yongs su gang ba yin te/ mi rnams thams cad kyang nu ma gsum pa yin no/ /ji ltar 'dzam bu'i gling gi bud med rnams zla ba bcu na bu skye ba de bzhin du ba lang spyod kyi gling na yang 'o ma rab tu 'bab pa yin la/ chu klung dang / nags dang / nye ba'i nags dang / khrus kyi rdzing bu dang / me tog gis kun du khyab pa dang / 'bras bu rnams ni 'dzam bu'i gling na ji tsam pa de tsam kho na yin no/ /'on kyang 'di dag gi 'bras bu rnams ni 'dzam bu'i gling gi ro'i phyed yin no/ /me tog gi dri rnams kyang 'dzam bu'i gling gi phyed do/ /gzhan yang rnal 'byor spyod pa phyi rol gyi lus kyis lus la rjes su lta zhing gnas te/ las kyi rnam par smin pa gang gis ba lang spyod kyi gling gi mi de dag rnams skyes pa yin zhing / dman pa dang / bar ma dang 'chis dman pa'i cha yin zhe na/ des thos pa las byung ba'i shes rab kyis sam lha'i mig gis mthong bar gyur pa skye ba gzhan dag tu tshul khrims zhan par gyur cing / sbyin pa zhan pa zhan pa dang / las dang chos zhan pa rnams kun du spyad par gyur pa rnams yin no/ /ji ltar tshul khrims zhan pa yin zhe na/ 'dir skyes bu de dag rnams ni skye ba gzhan du dbul por gyur pas de dag rin thang byas pas bsnyen gnas la nye bar gnas pa dang sangs rgyas dang / chos dang / dge 'dun la yang rgyal po'i chad pas spyi bos phyag 'tshal bar byed kyi rab tu dang bar gyur pas ni ma yin no/ /sbyin pa yang ma gtang ngo / /rgyal po'i zhabs 'bring byed pa'i phyir sems bsgoms pa yang ma yin no/ /sangs rgyas kyi bka' ya ma bton to/ /rgyal po'i zhabs tog byed pa'i don gyis sam/ 'dod pa che ba 'am/ log par lta ba can dang zhing ngan pa can la byin pa 'am/ </font><hr>66.240b<br><font size=+1>

dge ba bcu'i las kyi lam rnams rnyog pa med pa dang / dus ring du ma spyad pa de dag rnams 'dzam bu'i gling nas shi 'phos par gyur nas las kyi rkyen kyis 'dir skyes pa yin te/ ro phyed du gyur pa'i zas dang ldan zhing dge ba dang mi dge ba'i las kyi 'bras bu rnams mngon par mi shes pa dang / blo dman par gyur pa dang / rnam par shes pa nyam chung ba dang bud med la brkam zhing chags pa yin te/ sngon gyi las de dag rnams kyi sa bon gyi rkyen gyis yin no/ /sems can 'di dag rnams ni rang gi las nyid kyis 'gro ba yin zhing las kyi bgo skal la spyod pa dang / las brtan par byas pa dang / las kyi skye gnas pa rnams yin no/ /ji ltar las byed par 'gyur ba dge ba 'am sdig pa yang rung ste/ de dang de dag nyid kyi las rnams kyi skal ba can du 'byung bar 'gyur te/ mi dge ba'i las kyi mtha' rnams la spyad par gyur na ni dmyal ba dang / yi dgas dang / dud 'gro rnams su skye bar 'gyur ro/ /sa bon dang 'dra ba'i las rnams dang 'dra ba'i 'bras bu rnams yin te/ dper na ko tra ba'i sa bon las ni ko tra ba'i 'bras bu skye'i khre rgod gyi 'bras bu ni ma yin no/ /nas kyi sa bon rnams la ni nas kyi 'bras bu'o/ /de bzhin du yon tan dman pa dang / zhing dman pa rnams las kyang 'bras bu dman pa rnams skye'o/ /de bzhin du sa bon bzang po rnams las ni 'bras bu bzang po rnams skye'o/ /dper na 'bras shA li dmar po rnams las ni 'bras shA li dmar po rnams so/ /mon sran sde'u rnams las ni mon sran sde'u rnams so/ /bur shing rnams las ni bur shing rnams so/ /zhing dang yon tan gyi khyad par rnams las kyang 'bras bu rnams khyad par du 'byung ngo / /'di lta ste/ yon tan yod pa dang / sdug bsngal yod pa dang / gnyis</font><hr>66.241a<br><font size=+1>

ka yod pa rnams so/ /de la yon tan yod pa nyid ni bar ma yin no/ /yon tan dang sdug bsngal yod pa ni khyad par can no/ /sdug bsngal 'ba' shig yod pa ni chung ngu yin te/ sems kyi yon tan rnams ma gtogs pa yin no/ /'di ltar phyi rol gyi rnams la zhing rnam pa gsum yin/ chu bal gyis ma bcom pa ni bar ma yin no/ /rtswa dang chu bal rab tu phal che bar gyur pa dang / chu dang / chom kun pa'i 'jigs pa dang rnam par bral ba'i ni khyad par du 'phags pa yin no/ /rtswa ldum dang chu bal gyis nyams par byas pa dang / chu'i skyon dang / 'jigs pa dang / chom rkun gyi 'jigs pa dang ldan par brjod pa rnams ni chung ngu yin te/ zhing las pa rnams kyis yongs su sbyang ba byas pa'i las rnams ni ma gtogs so/ /de la nang gi bdag nyid dang phyi rol gyi dngos po de dag rnams kyang las kyi bgo skal la spyod pa dang / las brtan par byas pa dang / las kyi skye gnas pa yin te/ gzhan gyi stobs dang bcas pa yin zhing phan tshun gyi rkyen can du gyur pa dang / phan tshun du skyed par byed pa yin no/ /de la nub kyi ba lang spyod pa'i skyes bu de dag rnams ni rnyog pa dang bcas pa'i las kyi 'bras bu rnams la spyod pa yin te/ rnyog pa dang bcas pa'i las rnams kyis 'dir skyes pa yin no/ /gzhan yang shi 'phos par gyur nas rang gi las kyi rlung gis 'khor bar yongs su 'khor bar 'gyur ro/ /rnal 'byor spyod pa pa des phyi rol gyi las dang chos rnams yang dag pa ji lta ba bzhin du mngon par rtogs nas/ gzhan yang phyi rol gyi lus kyis lus la rjes su lta zhing gnas te/ nub kyi ba lang spyod kyi gling las 'das par gyur nas ri'i rigs sam/ chu bo'i rigs sam/ /rgya mtsho'i rigs su gyur pa gzhan ci yod pa/ des thos pa las byung ba'i shes rab kyis sam lha'i mig gis mthong</font><hr>66.241b<br><font size=+1>

bar gyur pa nub kyi ba lang spyod dang / shar gyi lus 'phags po gnyis kyi gling dag gi bar na yod de/ nub kyi ba lang spyod kyi gling las ni 'das par gyur nas skyo ma ba zhes bya ba'i rgya mtsho dpag tshad stong phrag bcu gnyis pa'o/ /skyo ma dang 'dra ba'i chu gang yin pas gang bar gyur pa ste/ dung dang / nya dang / nya chen po dang / chu srin na kra dang / chu srin ma ka ra dang / rusbal dang / chu srin byis pa gsod kyi yang phung por gyur pa yin no/ /skyo ma'i chu'i rgya mtsho de las 'das par gyur nas bi dru ma 'dra ba zhes bya ba'i ri'i nye 'khor du dpag tshad lnga brgya pa yod do/ /de la dug chen po'i sbrul rnams rab tu gnas so/ /de las 'das par gyur nas chu dron mo zhes bya ba'i rgya mtsho yod de/ sbrul de dag rnams kyi kha rlangs dron mo'i dug gis dron mor 'gyur ro/ /de la ni sems can gyi rigs cung zad kyang yod pa ma yin te/ sbrul dug can de dag gis dbugs 'byung bas dus byed par 'gyur ro/ /dug gi rang bzhin yin pas chu yang dron mor 'gyur ro/ /de las 'das par gyur nas chu dmar po zhes bya ba'i rgya mtsho dpag tshad lnga stong yod do/ /de la klu dang sa 'og na gnas par gyur pa'i lha ma yin rnams phan tshun du zhe sdang bar gyur pas zil gyis mnan nas zas zos par gyur pa dang 'khrug par byed do/ /klung na gnas pa'i klu stobs can de dag gis kyang lha ma yin de dag rnams kyi stobs mi 'phrogs so/ /de las 'das par gyur nas srin mo'i gling dpag tshad nyis stong pa yod de/ ral pa can zhes bya ba'i srin mo de de la rab tu gnas pa yin no/ /dri dang me tog gi phreng ba khar 'jug cing za ba'i zas dang ldan pa/ mig btsum tsam gyi bar la dpag tshad stong du phyin par mgyogs pa/ mi rnams la glags lta bar byed pa dang / yid kyang rtag tu de la song bar gyur pa yin te/ sha dang khrag dang rus pa rnams kyis ni</font><hr>66.242a<br><font size=+1>

gling 'di ni dri mi zhim pa yin no/ /ral pa can gyi gling de las 'das par gyur nas sha za'i gling dpag tshad lnga stong pa yod do/ /de la skras khyab pa zhes bya ba'i sha za rab tu gnas pa yin no/ /de las 'das par gyur nas gling gis legs par gang ba zhes bya ba'i ri dpag tshad lnga stong pa yod do/ /legs par gang ba'i ri la ljon shing rnams kyis legs par gang ba la 'di lta ste/ shing na li ke ra dang / pa na sa dang / mo tsa dang / hin tA la dang / ta mA dang / ra ka mA la dang / ser po dang / seng ldeng dang / ti la kA dang / ardzu na dang / ka dam ba dang / nI ba dang / ni tsu la dang / tsam+pa ka dang / khardzu ra dang / amra dang / pi tsu marda dang / ba da ri dang / ba TA da dang / king shu dang / klu'i me tog dang / ka dam+pa dang / mya ngan med dang / si lin d+ha dang / ke ta ka dang / karni ka ra shin du lhug pa dang / mA li kA gsar pa dang / bA TA lA dang / ka bid tha dang / dpal shing dang / lha shing dang shug pa dang / ka ra pI ra dang / mya ngan med sngon po dang / ku ra ba ka dang / kun da dang rnams te/ phung por skyes pa'i ljon shing rnams kyis legs par gang ba dang / 'bab chu brgya phrag gis dga' bar gyur pa yin no/ /nags kyi khams rnams dang ldan pa'i nang de la ni dri za rnams rtse dga' bar byed do/ /legs par gang ba'i ri de las 'das par gyur nas rgya mtsho dpag tshad lnga stong du 'o ma'i chu zhes bya ba yin no/ /de la ni chu 'o ma dang 'dra bar yod de/ ro 'o ma dang mnyam pa yin no/ /bdag nyid kyi dngos po dpag tshad lnga par gyur pa'i nya 'ga' zhig rgyu bar byed pa yin no/ /'o ma'i chu'i rgya mtsho de las 'das par gyur nas bye ma'i gnas skabs shes bya ba dpag tshad stong du ljon shing gi ngam grog tu gyur pa yin no/ /de las 'das par gyur nas klu'i dug bcom zhes bya ba'i rgya mtsho dpag tshad drug stong par gyur pa gang la stobs shes bya</font><hr>66.242b<br><font size=+1>

ba'i klu rab tu gnas pa yin no/ /phan tshun mi mthun par gyur pa rtag tu ma zhi ba la dga' ba yin no/ /phan tshun gyi klu'i dug bcom zhes bya ba'i rgya mtsho de las ring du 'das nas chu mnyam par gyur pa zhes bya ba'i rgya mtsho yod de/ dpag tshad nyis stong du chu brtan zhing gnas pa dang chu rab tu dang ba dang zab mo yin te/ nya dang chu srin ma ka ra dang / dung dang / chu srin na kra dang / chu srin byis pa gsod rnams kyis kun du gang bar gyur pa yin no/ /gzhan yang las kyi chos kyi rnam par smin pa rnams shes pa'i rnal 'byor spyod pa pa des lta bar byed de/ ji skad du bshad pa'i rgya mtsho dang / chu bo dang / gling dang / nags dang / ri dang / ljon shing rnams dang / gnas de dag rnams gang la yang bdag cag ma skyes pa dang / ma shi ba dang 'chi 'phos par ma gyur pa dang / skyes par ma gyur pa dang / 'thun pa dang yid du 'ong ba rnams thams cad dang yang tha dad du gyur pa dang / med par gyur pa dang / bye bar gyur pa dang / bral bar gyur pa dang / gzhan du gyur pa dang ldan par ma gyur pa dang / gang yang las kyi bgo skal la spyod pa las kyi skye gnas pa/ las brtan par byas pa rang gi las kyi 'bras bu myong bar gyur pas 'chi 'pho ba dang skye bar ma gyur pa de ni rgya mtsho'i yul phyogs sam/ ri'i yul phyogs sam/ ljon shing gi phyogs rnams la yang gcig kyang ma mthong ngo / /lan brgya phrag dang / de nas stong phrag dang / lan stong phrag brgya dang / lan bye ba phrag 'bum du yang gang la bdag cag rnams skyes pa dang shi ba dang / skyes par gyur pa ma yin pa ni khab kyis phug pa tsam yang med do/ /'thun pa dang yid du 'ong bar gyur pa rnams thams cad kyang tha dad du gyur pa dang / med par gyur pa dang / gyes par gyur pa dang / rnam par bral bar gyur pa dang / </font><hr>66.243a<br><font size=+1>

gzhan du gyur par ni lan brgya phrag dang / lan stong phrag dang / lan brgya stong phrag bye bar gyur pa brgya stong phrag tu gyur cing / 'khor ba thog ma med pa nas 'dod chags dang / zhe sdang dang / gti mug gi zhags pas kun nas bcings nas 'khor ba na yang dmyal ba dang / yi dgas dang / dud 'gro'i gnas rnams su skye ba dang / 'chi ba dang / skye bar 'gyur ba yin no/ /de'i phyir na myur ba myur bar 'khor ba las yid 'byung bar gyis shig /'khor ba la brkam zhing chags par 'gyur bar ma byed dang / 'khor ba 'di ni sdug bsngal ba yin no/ /tsha bar gyur pa'i tshor ba dang ldan pa yin zhing / rtsub par gyur pa'i tshor ba dang ldan pa yin te/ sdug bsngal dang lhan cig tu gyur pa'i tshor ba yin no/ /rga ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba mang ba yin no/ /ltung ba'i mtha' dang zad par gyur pa'i sgo yin no/ /'di na ni shin tu phra bar gyur pa'i rtag pa dang bde ba yang yod pa ma yin no/ /dper na nyi ma la mun pa shin tu phra ba yang med do/ /de ltar rnal 'byor spyod pa de phyi rol gyi lus la lus kyi rjes su lta zhing gnas so/ /gzhan yang rnal 'byor spyod pa yang dag pa ji lta ba gzhan du phyi rol gyi lus rnams rig par byed de/ chu mnyam pa'i rgya mtsho de las ring du 'das nas/ chu klung gi rigs su gyur pa 'am/ rgya mtsho'i rigs su gyur pa gzhan yod dam zhe na/ des thos pa las byung ba'i shes rab kyis sam lha'i mig gis mthong bar gyur pa/ shar gyi lus 'phags po zhes bya ba'i gling yod de/ dpag tshad stong phrag brgyad pa nye 'khor yongs su zlum par gyur pa grong dang / grong khyer dang / tshong 'dus rnams phun sum tshogs pa dang / chu klung dang / ljon shing dang / </font><hr>66.243b<br><font size=+1>

nags dang / nye ba'i nags dang / khrus kyi rdzing bu dang / gling dang / ri dang / 'bab chu dang / shing tshang tshing rnams dkrigs pa dang ldan pa'i nags dang bcas pa dang / me tog dang 'bras bu dang / ri dgas dang / bya rnams kyang phun sum tshogs pa yin no/ /de la ri drug po 'di dag rnams ni thams cad la che bar gyur pa yin te/ 'di lta ste/ logs chen po dang / nags kyi phreng ba dang / rma bya'i tshogs dang yi dgas kyi khrod dang / rgya mtsho gyen du 'gro ba dang / mig gi phreng ba dang rnams so/ /ri de dag rnams kyis shar phyogs lus 'phags po'i gling yongs su bskor ba yin te/ 'dzam bu'i gling ri bzhis ji lta bar de sngar bzhin no/ de la logs chen po'i ri rgyar ni dpag tshad sum stong yin te/ ri de la dpag tshad stong stong gi nags gsum yod do/ /'di lta ste/ su be lang gi nags dang / 'bab chu'i sgra dang ldan pa'i nags dang / mA li ka gang+ga ra'i nags so/ /nags na ljon shing rnams phun sum tshogs par gyur pa la 'di lta ste/ lI li ka'i ljon shing dang / ri'i khrod nas skyes pa'i ljon shing dang / yal ga mnyam pa'i ljon shing dang / bgrod dka' bar gyur nas skyes par gyur pa'i ljon shing dang / klung na skyes pa'i ljon shing dang / ut+pal skyes pa'i ljon shing dang / ri brags na skyes pa'i ljon shing dang / 'dzam bu'i gling gi ljon shing rnams ni sngar bzhin no/ /ri chen po'i nye 'khor na skyes bu gang dag gnas pa de dag rnams ni me'i gtsug can zhes bya ba'i ming du 'gyur ro/ /chu klung yang 'di dag rnams yod do/ /'di lta ste/ bye ma 'drim pa dang / sA mA+e DA dang / chu g.yo ba dang / klu'i chu dang / nags nas 'byung ba dang / tsa ra tsa dang rnams so/ /nags kyi phreng ba'i ri de'i tshad ni dpag tshad stong yin no/ /de la nags 'di dag rnams yod do/ /'di lta ste/ kuk+ku DA</font><hr>66.244a<br><font size=+1>

tsI raM dang / lha shing gi nags dang / tsi li ka'i nags dang / du ba pa dang / shin du ma skyes pa dang rnams yin no/ /chu klung yang 'di dag rnams yod do/ /'di lta ste/ 'khri shing gis g.yogs pa dang / rtse mo la 'khor ba dang / chu nag po dang / lo ma shin du 'phyang ba dang / du ba dga' ba dang rnams so/ /ri'i nags kyi phreng ba'i nye 'khor na skyes bu gang dag gnas pa de dag rnams ni gya gyu can zhes bya ba'i ming du 'gyur ro/ /ri gsum pa rma bya'i tshogs la rnal 'byor spyod pa pa des mthong bar gyur pa dpag tshad stong yin no/ /de la nags 'di dag rnams yod do/ /'di lta ste/ sprin gyi nags dang / rtag tu glog 'khyug pa dang / sgra 'phang mthon po dang / lhag pa thung ba dang / maN+Da laM dang rnams so/ /chu klung yang 'di dag rnams yod do/ /'di lta ste/ ni tsu lun+da 'bab pa dang / drang srong dga' ba sngon 'bab pa dang / bzang po dang rnams yin no/ /rma bya'i tshogs kyi nags kyi nye 'khor na skyes bu gang dag gnas pa de dag rnams la mgul pa sngon po zhes bya ba'i ming du 'gyur ro/ /gzhan yang rnal 'byor spyod pa phyi rol gyi lus kyis lus la rjes su lta zhing gnas te/ shar phyogs kyi lus 'phags po'i gling na ri'i rigs sam chu klung gi rigs gzhan dag yod dam zhe na/ des thos pa las byung ba'i shes rab kyis sam lha'i mig gis mthong bar gyur pa/ ri gzhan bzhi pa ri dgas kyi khrod ces bya ba yod do/ /de la nags 'di dag rnams yod do/ /'di lta ste/ ral pa can gyi nags dang / kun dga' ba'i nags dang / rta'i sprin gyi nags dang rnams so/ /ljon shing dang / me tog dang / 'bras bu phun sum tshogs pa rnams ni sngar gyi bzhin no/ /de la chu klung 'di dag rnams yod do/ /'di lta ste/ shin du grol bar gyur pa'i chu dang / nye 'khor na dga' ba dang / tshogs pa rnams yin no/ /ri dgas kyi rigs kyang</font><hr>66.244b<br><font size=+1>

'di dag rnams yin no/ /'di lta ste/ bai ne yA dang / nye 'khor gyi grib ma la dga' ba dang / bltas pas 'bros pa dang / ku rang gA dang / lam bzang po dang / phrag dog klu skyes dang / ba lang gi rna ba dang / glang po 'thung ba dang / byis pa mchog dang / grib ma la dga' ba dang / ri bong lug dang / rnga mo'i lus dang / mjug ma nag po dang / mgo dkar po dang / rma dang bcas pa dang / sbrul gyi lce dang / rang gi so brgya pa dang / sdom pa dang sbubs kyi mkhren pa ste/ ri dgas kyi tshogs de dag rnams kha cig ni 'dzam bu'i gling na yang yod pa ma yin no/ /ri khrod kyi ri la nags dang / nye ba'i nags dang / rdzing bu dang / ljon shing dang / bya dang / me tog dang / phun sum tshogs pa rnams ni sngon gyi bzhin te/ ri dgas kyi khrod kyi ri la 'dzam bu'i gling gi me tog rnams ni thams cad kyang yod do/ /ri dgas kyi khrod kyi ri'i nye 'khor na gang dag gnas pa'i skyes bu de dag rnams la ni shugs sdom pa zhes bya ba'i ming du 'gyur ro/ /shar gyi lus 'phags gling gi ri lnga pa de'i nags nye ba'i nags dang rdzing bu rnams la lta bar byed do/ /rgya mtsho gyen du 'gro ba zhes bya ba'i ri dpag tshad stong dang ldan pa'i nags dang nye ba'i nags dang rdzing bu rnams kyis kun nas gang ba ni sngon gyi bzhin no/ /de la yang nags 'di dag rnams yod do/ /'di lta ste/ thig le gsum pa zhes bya ba'i nags dang / mgrin pa 'gag pa dang / dga' ba'i ri'i nags dang rnams so/ /chu klung yang 'di dag yod do/ /'di lta ste/ rwa gsum pa dang / ca co ba dang / rdo ba 'drim pa dang rnams so/ /rgya mtsho gyen du 'gro ba'i ri'i nye 'khor na skyes bu gang dag gnas pa de dag rnams la ni sgrin po zhes bya ba'i ming du 'gyur ro/ /rgya mtsho gyen du 'gro ba'i ri la bltas par gyur pas kyang yang dag pa ji lta ba bzhin</font><hr>66.245a<br><font size=+1>

du phyi rol la lta bar byed do/ /gzhan yang rnal 'byor spyod pa phyi rol gyi lus kyis lus la rjes su lta zhing gnas te/ shar gyi lus 'phags po'i gling na ri'i rigs su gyur pa gzhan dag yod dam zhe na/ des thos pa las byung ba'i shes rab kyis sam lha'i mig gis mthong bar gyur pa/ mig gi phreng ba zhes bya ba'i ri dpag tshad stong dang ldan pa yod de/ nye 'khor na nags dang / nye ba'i nags dang / rdzing bu dang / 'bab chu phun sum tshogs par gyur pa/ rnam pa sna tshogs pa'i ri dgas dang / bya dang / me tog dag 'bras bu phun sum tshogs pa ni sngar gyi bzhin no/ /mig gi phreng ba zhes bya ba'i ri de las mi mthong ba'i klung zhes bya ba'i chu klung 'bab pa yin te/ dpag tshad du zab pa yin no/ /mig gi phreng ba'i nye 'khor na skyes bu gang dag gnas pa de dag rnams la ni nye 'khor gyi mig ces bya ba'i ming du 'gyur ro/ de ltar shar phyogs lus 'phags po'i gling ni ri drug gis yongs su bskor ba yin no/ /de'i nang na grong khyer chen po gsum la 'di lta ste/ dga' ba bzang po zhes bya ba dang / nags mngon par dga' ba zhes bya ba dang / nye 'khor na rtse dga' ba zhes bya ba'o/ /grong khyer gyi rgyar ni dpag tshad gsum yin no/ /lhag mar gyur pa bar ma dang tha chungs kyi grong khyer rnams ni drug bcu rtsa gsum yin no/ /bar ma'i grong khyer la phung po'i grong khyer zhes bya ba dang / nye 'khor gyi sgra zhes bya ba dang ngo / /grong khyer chung ngu la thams cad 'gro ba zhes bya ba'i grong khyer dang / 'brog tu rnam par chad pa zhes bya ba'i grong khyer chen po dang ste/ de dag ni bar ma dang tha chungs kyi grong khyer rnams ji ltar gtso bor gyur pa rnams yin no/ /grong bye ba phrag gsum dang / grong stong phrag brgya lnga pa dang / grong stong phrag gsum dang / grong lnga brgya dang</font><hr>66.245b<br><font size=+1>

drug gis lhag pa'i lnga bcu dang rnams shar gyi lus 'phags gling na yod do/ /de la 'di dag rnams ni grong gi gtso bo yin te/ 'di ltar nam mkha'i dri ma dang / dbu ba'i tshogs dang / bri k+ShI rang dang / skye bo thams cad pa dang / lo 'dab mang ba dang / b+hI dU raM dang / smin pa'i snod dang / mdor bsdus pa dang / biSh+ka TA dang / gnod pa'i nags dang / phan par 'jug pa'i mig dang / bA dU taM dang / ze'u 'bru'i lus kyi shing dang / dus kyi chu dang rnams te/ de lta bu la sogs pa'i grong rnams yin no/ /gling gi nye 'khor yongs su zlum pa ji lta ba kho nar mi rnams kyi bzhin gyi nye 'khor yang yongs su zlum pa yin no/ /de la 'dzam bu'i gling pa rnams ni rna ba dang / skra la rgyan 'dogs so/ /byang phyogs sgra mi snyan pa rnams ni mig dang dpung pa la rgyan 'dogs so/ /ba lang spyod pa rnams ni gsus pa dang mgrin pa la rgyan 'dogs so/ /shar phyogs lus 'phags po rnams ni brla dang phrag pa la rgyan 'dogs so/ /de la de dag rnams kyang skyes bu'i gnas bzhi po rnams kyi rang rang gi lus la yin no/ /gzhan yang rnal 'byor spyod pa las kyi chos kyi rnam par smin pa rnams la rjes su lta ste/ las gang gis nges par sems can de dag rnams 'dir skyes pa yin zhing khyad par du 'phags pa dang / bar ma dang / tha ma rnams kyang khyad par du 'phags pa dang / bar ma dang / tha ma'i las rnams kyis byas pa yin zhe na/ des thos pa las byung ba'i shes rab kyis sam lha'i mig gis mthong bar gyur pa/ sngon sems can 'di dag rnams las dang chos dang rnam par smin pa rnams mngon par mi shes par gyur to/ /de mi shes par gyur pa'i phyir na zhing ngan pa la sbyin pa ngan pa byin pa yin te/ dper na phan 'dogs pa'i ngor ram/ sems gzhan du gyur pas sam/ zhabs 'bring gi phyir yang sde sngar bzhin no/ /las</font><hr>66.246a<br><font size=+1>

des sems can tha ma rnams 'dir skyes par gyur to/ /bar ma rnams kyang tshul khrims dman pa rnams yin no/ /'di lta ste/ rgyal po'i zhabs 'bring du srog gcod pa spong bar byed pa spangs par gyur kyang rab tu dang ba'i sems kyis ni ma yin no/ /gang de dag rnams ni rgyu de dang rkyen des lus zhig par gyur nas bde 'gro mtho ris kyi lha rnams su skye bar 'gyur ba ni bar ma yin no/ /khyad par du 'phags pa'i rnams ni khyad du 'phags pa'i las rnams kun du bgrod par 'gyur ba yin te/ theg pa chen po nyan par byed pa dang / yongs su rdzogs par byed pa dang / rjes su yi rang bar byed pa dag gis yin no/ /theg pa chen po nyan par byed pa dang / ston par byed pa dang / rjes su yi rang bar byed pa dang / yongs su rdzogs par byed pa me gtogs pa'i 'khor ba'i dgon pa nas nges par 'byung bar byed pa gcig kyang ngas ma mthong ngo / /sbyin pa rnams kyi mchog ni 'di yin no/ /'di lta ste/ theg pa chen po sgrogs par byed pa'i sbyin pa'o/ /shes rab rnams kyi mchog kyang 'di yin te/ 'di ltar theg pa chen po nyan par byed pa'i shes rab bo/ /theg pa chen po sgrogs pa'i yon tan brjod pa rnams ni sngar gyi bzhin no/ /des shar gyi lus 'phags po'i gling gi sems can rnams kyi las dang chos dang rnam par smen pa rnams mthong bar gyur nas yang dag pa ji lta ba bzhin du phyi rol gyi lus kyis lus la rjes su lta ste/ shar gyi lus 'phags po'i gling gi bar rnams ni ri'i rigs sam/ chu klung gi rigs gzhan ci yod ce na/ des thos pa las byung ba'i shes rab kyis sam/ lha'i mig gis mthong bar gyur pa shar phyogs lus 'phags po'i gling dpag tshad stong phrag brgyad pa'i bar las ring du 'das nas/ lcags kyi</font><hr>66.246b<br><font size=+1>

phung po zhes bya ba'i ri dpag tshad sum stong pa yod pa gang las shin du phra bar gyur pa'i lcags kyi phye ma rnams ni dpag tshad stong phrag bcur 'thul ba yin no/ /lcags kyi phung po'i ri de las 'das par gyur nas khor yug gi rnam pa zhes bya ba'i rgya mtsho dpag tshad bdun stong pa yod de/ khor yug gi rnam par byas pa nyid kyi ri lngas yongs su bskor ba yin no/ /'di lta ste/ khab kyi kha dang / lto chen po dang / b+hAN+Da nA dang / sbrul dang / bla lhag pa dang rnams so/ /khor yug gi rnam pa'i rgya mtsho de las 'das par gyur nas khams rnams dang ldan pa zhes bya ba'i gling dpag tshad sum stong pa yod do/ /de la rig pa 'dzin pa dang / gsang ba pa dang / mi 'am ci rnams rab tu gnas so/ /gling 'di ni shin du dga' bar gyur pa yin no/ /chu klung dang rdzing bu dang ljon shing rnams kyang phun sum tshogs pa yin no/ /'dzam bu'i gling dang shar gyi lus 'phags po'i ri dgas dang bya dang ljon shing rnams kyang ste/ gling de las ring du 'das par gyur nas rgyu skar mang po zhes bya ba'i ri'i rtse mo ri rab lhun po las byung nas ha cang mi ring ba na yod do/ /de la gnas nas kyang mnyam pa dang mi mnyam pa'i las rnams kyi dbang gis yin te/ 'dzam bu'i gling gi mi rnams kyi dge ba dang mi dge ba'i las kyi rlung gis de la 'char bar byed pas 'char ba yin no/ /de dag rnams 'dzam bu'i gling du mthong bar gyur nas las dang 'bras bu'i de kho na nyid mi shes pa'i bram ze rtog ge pa rnams kyis gzas byas so/ /skar mas byas so zhes rgyal po dang rgyal po'i blon po la yang kun du rig par byed do/ /de la de dag rnams ni lta ba phyin ci log tu gyur pa'i bram ze rtog ge pa rnams kyis mthong ba yin no/ /dge ba dang mi dge ba'i las rnams ji lta bar gal te gzas dge ba byas pa yin na nyi ma dang zla ba</font><hr>66.247a<br><font size=+1>

'di dag kyang gza' khyad par can yin na/ des byas pas kyang dge ba dang mi dge ba'i dus dag rab tu 'jug pa yin la/ de'i tshe dus thams cad me tog dang 'bras bu rnams yod par 'gyur ro/ /gang gi tshe nyi ma dang zla ba de dag gnyis gza' gzhan gyis bzung bar gyur pa 'di lta ste/ ra hus nyi ma dang zla ba 'di dag dang rgyu skar rnams thams cad kyang phan tshun du yang gzas gnod par byed pa yin no/ /de'i phyir na dge ba dang mi dge ba dag gza' dang rgyu skar gyis ma byas so/ /gzhan yang rnal 'byor spyod pa pa gza' dang rgyu skar gyis byas pa dang / lta bas byas pa dang / las kyi 'bras bu rnams kyi phyi rol gyi lus kyis lus la rjes su lta zhing gnas so/ /de la gzas byas pa dang / rgyu skar mang po'i rgya mtsho'i 'char ba dang / ri rab lhun po dang / 'char ba'i rtse mo rnams la kun du bltas par gyur pas kyang yang dag pa ji lta ba bzhin du phyi rol la lta bar byed do/ /gzhan yang rnal 'byor spyod pa phyi rol gyi lus kyis lus la rjes su lta zhing gnas te/ rgyu skar mang po'i rgya mtsho dpag tshad bdun stong pa de las 'das par gyur nas b+ha ra ta lhag par gnas pa zhes bya ba'i gling yod de/ brag dang chu klung dang ljon shing rnams phun sum tshogs pa yin no/ /'dzam bu'i gling gi ljon shing dang me tog dang 'bras bu thams cad kyang ste/ dpag tshad ni sum stong yin no/ /rig pa 'dzin pa dang gsang ba pa lhag par gnas pa yin te/ de ni 'dod pa'i rang bzhin gyi ljon shing dang me tog dang 'bras bu rnams phun sum tshogs pa yin no/ /de las ring du 'das nas mtshams kyi mtha'i ri zhes bya ba ste/ shar gyi lus 'phags po dang 'dzam bu'i gling pa rnams thams cad kyi yang mtshams su gyur pa yin no/ /rgya mtsho 'di yang chu bsil ba yin no/ /shar gyi lus 'phags po dang / 'dzam</font><hr>66.247b<br><font size=+1>

bu'i gling dag gi bar dpag tshad sum stong du dung dang / nya chen po dang / chu srin na kra dang / chu srin ma ka ra dang / rusbal dang / chu srin byis pa gsod dang / chu srin kur+m+ma dang / nya rnams rab tu gnas so/ /mtshams kyi ri de las 'das par gyur nas dmar po zhes bya ba'i rgya mtsho yod de/ 'dzam bu'i gling gi ngos gzhan zhig na dpag tshad lnga stong du dmar po'i mdog gis kun du gang bar snang ba 'dzam bu'i gling las ha cang mi ring ba na yod do/ /de la yang nya shin du mang ba yin no/ /khrag rab tu phal che ba yin no/ /phan tshun du yang 'tsho bar gyur pa'i srog gcod par byed do/ /bdag nyid kyang za bar byed do/ /khrag rab tu phal che ba de'i phyir na chu de yang dmar po yin no/ /dmar por kun du snang ba'i phyir yang rgya mtsho 'di la dmar po'i tha snyad du 'byung ba yin no/ /de las ring du 'das nas sngon po zhes bya ba'i rgya mtsho dpag tshad bdun stong dang ldan pa ste/ chu klung de thams cad kyang nyas gang ba dang mchog tu zab pa yin no/ /de las 'das par gyur nas rin po che'i gling zhes bya ba'i rgya mtsho dpag tshad sum stong pa yod te/ ri dang rin po che dang ldan pa gser gyi bye ma dang / rdo dang / Sha sh+yA ka dang / mu sA ra galba'i rdo dang / mu tig gi phye ma dang / bi dru ma'i ljon shing dang / su ku mA ri kA mang ba dang / rin po che du ma ldan pa yin no/ /de la mngar ba'i dug sems 'phen par byed pa zhes bya ba ljon shing las skyes pa'i 'bras bu de dag bya 'am mi yang rung ste/ 'dzam bu'i gling par gtogs pa rnams kyis gang gi tshe zos par gyur pa'i nyi ma bdun pa la 'chi bar byed do/ /bya gang dag gis za bar byed pa de dag rnams kyang dus byed do/ /rin po che'i gling de las 'das par gyur nas/ lan tshwa zhes bya ba'i rgya mtsho dpag tshad stong phrag bdun du nya chen po dang / shu ga ti dang / rusbal dang / na kra dang / </font><hr>66.248a<br><font size=+1>

chu srin dang / klu dang / bya rnams kyis gang bar gyur pa'i srin po dang sha za rnams kyis brel tog tu gyur pa/ chu'i nang na skyes pa'i bi dru ma dkar po dang / chu'i nang na nub par gyur pa'i ri yin no/ /'dzam bu'i gling gi 'khor du gyur pa'i gling lnga brgyas yongs su bskor ba yin no/ /'dzam bu'i gling na yod pa'i gtso bor gyur pa rnams dper bya na 'di lta ste/ gser gyi sa gzhi dang ldan pa dang / rin po che'i rdo ba dang ldan pa dang / ke ta ka dang / mA li kA gling dang / dung dang / mu tig dang / me ka la 'byung ba dang / gshol mda' ba dang / dka' thub dang 'brel ba dang / kun du bzang po'i nags rnams dang / rma bya'i nags dang / dri'i phreng ba dang / rwa gsum pa dang / sde dpung bzang po dang / spA nA she tu dang / lang ka'i grong khyer na nges par gnas pa'i srin po dang / ri bcu gnyis la nges par gnas pa'i dang / lhun po'i bi lA kaHdang / ri la nges par gnas pa dang / dung dang / mu tig dmar po dang / kha ba 'khor ba dang / dngul dang bcas pa'i bye mas yongs su bskor ba dang / lam med pa dang / gser la sogs pa'i lcags ri lngas bskor ba dang / shuk+ti'i gnas dang / bu mo'i shing gis bskor ba dang / de dag rnams ni skyes bu rkang pa dang ldan pa rnams kyi ste/ ji ltar khyad par du gyur pa'i gling de dag rnams kyis 'dzam bu'i gling yongs su bskor ba yin zhing / dpag tshad bdun stong du dga' bar gyur pa dang / ri rnams ni sngar gyi bzhin no/ /gzhan yang rnal 'byor spyod pa phyi rol gyi lus kyis lus la rjes su lta zhing gnas te/ nyi ma dang zla ba 'di dag gi 'od kyi tshad ji tsam cig yin zhe na/ des thos pa las byung ba'i shes rab kyis sam lha'i mig gis mthong bar gyur pa/ ri rab lhun po dang skyes bu'i gnas bzhi'i logs bzhi dang / skyes bu'i gnas bzhi po dang / de dag rnams nyi ma dang zla ba 'di</font><hr>66.248b<br><font size=+1>

dag gis rab tu gsal bar byed do/ /rgya mtsho yang ri de'i logs de nas dpag tshad stong phrag brgyad bcu rtsa bzhi yin pa las de'i phyed ni rab tu gsal bar byed do/ /phyed ni mchog tu 'jigs par gyur pa'i mun pas kun du khyab par gyur to/ /pha rol na ni khor yug tu bye ba phrag sum bcu rtsa drug du gyur pa'i shin du bzod par dka' ba'i las kyi me'i rdo rje'i rang bzhin rab tu 'bar bar gyur pa 'khor lo khyud mo zhes bya ba'i ri yod pa gang la rgya mtsho'i chu ring bar gyur na ni 'o mar 'gyur ro/ /de ji srid du nye bar gyur pas ni de dag zhor 'gyur ro/ /zho yang mar sar nyid du 'gyur ro/ /ji srid du kun nas rig par gyur pas ni mar 'di yang zhu ba'i mar du 'gyur ro/ /mar zhu ba de dag dmyal ba'i me de dag rnams kyis 'tshig par byed do/ /de bzhin du chus kyang sa gzhi 'di nub par byed do/ /de kho na bzhin du 'dod pa'i khams 'di yang yin te/ rnal 'byor spyod pa pa 'dis yang dag pa ji lta ba bzhin du rig par 'gyur ro/ /rnal 'byor spyod pa pa des yang dag pa ji lta ba bzhin du shes shing mthong la/ yongs su chub par byed pa'i blos kyang gang zhig rtag pa 'am/ brtan pa 'am/ ther zug du gyur pa 'am/ yongs su mi 'gyur ba'i chos can du gyur pa 'am/ gang la yang bdag cag rnams thog ma dang tha ma med pa'i 'khor ba rnams su las kyi 'bras bu'i bgo skal la spyod pa dang / rang gi las kyi 'bras bus mnar ba dang / lan brgya phrag dang de nas stong phrag rnams su yang shi 'phos pa dang / skyes par ma gyur pa'i gnas gcig dang yang ldan pa'i ni des gcig kyang ma mthong ngo / /yang dag pa ji lta ba bzhin du rtag par rgyun du nang dang gzhan dang / nang dang phyi'i lus rnams la yang lta bar byed pas ni lus la kun du chags par mi 'gyur ro/ /sdug par gyur</font><hr>66.249a<br><font size=+1>

pa'i sgra dang / ro dang gzugs dang / dri dang / reg bya rnams kyis kyang phrogs par mi 'gyur ro/ /de ltar nA la ti'i grong gi bram ze dang khyim bdag rnams dang / lus dran pa nye bar gzhag pa la mngon par brtson pa'i dge slong rnams kyang bdud kyi drung na rab tu mi gnas so/ /de ltar lus dran pa nye bar gzhag pa thos par gyur pas kyang rab tu mang po rnams kyis 'jig tshogs la lta ba'i mig sprin phug nas bla na med pa'i chos rnams la chos kyi mig skyes par gyur to/ /dge slong dag ngas ji skad du lus dran pa nye bar gzhag pa bstan par bya'o zhes brjod pa la bshad pa ni de dag rnams yin no/ /dge slong dag de dag rnams ri dang / ri'i khrod dang / ri'i phug dang / dur khrod dang / bla gab med pa dang rnams su rtswa sogs gi phung po la bsam gtan du gyis shig /bag med pas gnas par ma byed cig /phyi nas 'chi ba'i dus na 'gyod par 'gyur ba ma byed dang / 'di ni khyed rnams la rjes su gdams pa yin no/ /bcom ldan 'das kyis de skad ces bka' stsal pa la/ dge slong de dag rnams kyang yi rangs te/ bcom ldan 'das kyis gsungs pa la mngon par bstod do/ /lus dran pa nye bar gzhag pa'o/ /stong phrag sum bcu rtsa drug pa 'phags pa dam pa'i chos dran pa nye bar gzhag pa zhes bya ba theg pa chen po'i mdo rdzogs so// //chos rnams thams cad rgyu las byung / /rgyu de de bzhin gshegs pas gsungs/ /de yi 'gog pa gang yin pa/ /dge sbyong chen pos de skad gsungs/ /nye bar mkho ba thams cad legs par skrun pa la sogs pa phun sum tshogs pa'i dngos po mtha' dag dang ldan pa sa gzhi'i yon tan dang rig pa'i gnas mtha' dag gi 'byung gnas su gyur pa sbyang zhing sgrin la</font><hr>66.249b<br><font size=+1>

skye bo thams cad blo dang ldan pas 'dzam bu'i gling gi yul rnams kyi mig tu dgongs nas ston pa yang dag par rdzogs pa'i sangs rgyas mngon par rdzogs par sangs rgyas pa ni klung chen po 'bab pa chu bo gang gA'i 'gram gyis bsdus pa ches yangs par gyur pa rgya gar gyi yul lo/ /de'i yang dbus su gtogs pa las shar gyi cha yul chen po shar phyogs ba len+d+ra zhes bya ba'i gtsug lag khang chen po ston pa'i bstan pa'i mig dang / rtsa ba dang / gzhir gyur pa/ dpal dang ldan pa'i rgyal po'i sras phun sum tshogs pa'i dpal gyis gzhan las mtho bas mnga' cher sgyur bI sa'i bdag po ne bai pA la zhes bya bas mtho ris dang thar pa'i them skas mkhas shing btsun la dul ba'i skyes bu dam pa rnams kyi bzhugs gnas su mdzad pa'i gtsug lag khang dza gad+dA la na mkhas pa'i skye dgu paN+Di ta rnams mang du byung zhing mang gis kyang chen po las chen por gyur pa/ lnga brgya pa'i thams cad mkhyen par 'jig rten las sgrogs pa/ sngon gyi slob dpon chen po rnams dang mtshungs pa yin zhes bya ba'i bsngags pas paN+Di ta rnams kyis bsngags par mdzad pa/ 'jig rten gyi phun sum tshogs pas nga rgyal ba'i rgyal po dang blon po rnams kyis lus kyi mgo ltar gnya' bar khur ba mkhas pa'i nga rgyal can paN+Di ta dang / 'jig rten pa rnams kyis gtsug gi nor bu ltar 'dzin pa/ tshe 'di ring du spangs pa'i skye bo thar pa sgrub pa la brtson pa rnams kyis skyon legs par mthong bas lam 'dren pa'i mig dang 'dra bar 'dren par lta ba/ yul gyi mi thams cad kyis bu gcig pa ltar snying du sdug cing 'thun par gyur pas dmu rgod lta bur log par sgrub pa rnams la ches 'thun par 'dzin pas yid 'phrog par mdzad pa/ 'gro ba nyam thag pa rnams gzigs</font><hr>66.250a<br><font size=+1>

nas brtse ba'i zug rngus sems gdungs kyang thugs rje'i phyag brkyang bas skal ba dang 'thun par rjes su 'dzin par mdzad pa/ spyir lung bstan pa'i mdo sde stag rna'i rgyu skar las yon tan du ma dang ldan pa dang rtsom pa po chen po nyid dang / lus brjes nas mtho ris su skye ba bzhes par lung bstan pa/ 'phags pa byams pa dang mjal bar bzhed pa'i sred pa dang / chos kyi sred pa dang / chos kyi sred pa bla lhag pa mnga' ba/ chags sdang la sogs pa thams cad ni shas chung bar gyur pa'i skyes bu de'i bsngags pa spro bar ni sus nus/ mdor bsdu na 'jig rten mi chos kyi mkhyen pa che zhing bzang ba gser gyi sa gzhi dang 'dra ba la/ dam pa'i chos phun sum tshogs pa mkhas pa dang / btsun pa dang / zhi ba dang / dul ba dang / mnyen pa dang / des pa dang / bden par smra ba/ g.yo med pa/ drang po'i rang bzhin can/ sgrub pa la snying por mdzad pa'i dpag bsam gyi ljon shing lo 'dab rgyas pa g.yu'i maN+Dal dang mtshungs par 'khrungs pa las tshe 'di dang / gzhan dang / gnas skabs dang / mthar thug pa'i dge ba'i lo tog phun sum tshogs pa'i me tog dang 'bras bu yongs su rgyas shing rnam par smin pas bdag dang gzhan la phan pa'i pha rol tu byon pas cung zad kyang don med pa ma yin pa/ rig pa'i gnas lnga la thogs pa med pa'i mkhyen pa dang ldan pa'i dpal gyis mdzes pa'i pa N+Di ta chen po shAn+ta A kar 'gup+ta ta'i zhal snga nas dang / mkhas pa chen po skyes bu dam pa 'dul ba 'dzin pa'i yang mchog tu gyur pa pa N+Di ta chen po a b+ha yA kar 'gup+ta ta dang / thos pa 'dzin pas 'jam dpal dang 'dra bar grags pa spobs pa'i shes rab can rnams kyi mchog paN+Di ta chen po shAkya rak+Shi ta dang / paN+Di ta chen po bId+ya A ka ra shAn+ti la sogs pa rnams la rgya dpe lnga dang / gzhan yang yul dbus ma ga d+ha zhes</font><hr>66.250b<br><font size=+1>

bya ba de bzhin gshegs pa'i rten mang du bzhugs shing sangs rgyas pa'i skye bo dkon mchog gsum la dad pas yul gang ba'i ma ga d+hA'i yul smad na/ rgyal po byang chub sems dpa' de ba pA las mdzad pa'i gtsug lag khang chen po bstan pa'i mig tu gyur pa bi kra ma shI la na yang mkhas pa'i skye bo mang du zin kyang shAkya rak+Shi ta de nyid dang / sgra dang / snyan dngags dang / legs par dpyad pa'i skad kyi lugs la mkhas pa'i pa N+Di ta chen po su b+hu ti tsan+d+ra dang / mngon pa la mkhas pa a Di ta tsan+d+ra la sogs pa rnams la rgya dpe gnyis la legs par mnyan cing gus pas thad du bsten nas don dang tshig ma lus par rtogs pa'i bshad pa zhus nas shin du dka' ba'i gnas rnams la ni phyir zhing legs par dpyad pas don dgrol ba'i thabs zhus te/ 'gyur gyi yan lag rgya gar gyi saM skr-i ta dang / 'phral skad gnyis/ bod kyi chos skad dang / 'phral skad gnyis te bzhi la dbang 'byor pa'i shes rab kyi snang ba thob mod kyis kyang / spyir mdo sde la don gyi gnas mang bas tshig don phal cher brling zhing lhag par yang mdo 'di don du ma tshig zur rnams kyis ngag gcig tu 'brel bar ston pa ni tshig mdzes pa'i rgyan gyis don gsal bar mdzad pa snyan dngags kyi dbang phyug 'gran gyi do zla med pa rnams kyis mdzad pa'i rim pa yin pa'i phyir na sbyangs pa zhan pa rnams la sla ba ma yin la/ khyad par du yang gzhung nyung bas don du ma ston pa'i mdo dum bu rnams ni spyi sor bsgyur bar mngon yang / blo'i nor can rnams kyis ni de nyid la don du ma nges nus la/ bye brag tu gsal btab na ni don gcig ston par 'khrul pa'i phyir dang / tshig ji tsam pas brjod pa de tsam du bsgyur bar rigs pa'i yang phyir te/ mdor na rgya bod kyi don thun mong ba brda tha dad pa'i byed pa ma nyams par byas nas sngon gyi bsgyur ba</font><hr>66.251a<br><font size=+1>

la mkhas pa rnams kyis bkas bcad la sogs pa'i lugs dang yang mi 'gal bar byang phyogs pa tshab kyi rgyud du skyes pa'i dge slong tshul khrims rgyal mtshan gyis dam pa'i chos la gus pas rgya gar gyi rgyal po phun sum tshogs pa'i dpal gyi rgyal mtshan gyi dbang phyug gzhan pas ches mtho ba dang ldan pa ra ma pA la'i ring la theg pa chen po'i mdo sde dam pa'i chos dran pa nye bar gzhag pa zhes bya ba'i shas shig 'gyur ba'i 'phro yongs su rdzogs par byas nas bsgyur ba'o//slad kyis zhus thug la ni dge ba'i bshes gnyen zhang bu gcig pazhes rab tu grags shing skye dgu rnams sgrogs pa yang 'jig rten pa ni rang la phan pa'i rgyu mtshan gyis rjod pa de dag rnams kyi gshis yin pa'i phyir te/ skyes bu des ni sems can la bu gcig pa bzhin du dgongs pas sras gcig pa'o/ /des ni thugs rje chen po dang ldan pa mtshon no/ /chos la gnas pa rnams la shes rab 'od ces grags pa yang theg pa'i rim pa dang 'thun par mkhyen cing bden pa gnyis la sogs pa'i sgor bsdu bas mos pa dang / nges pa dang / mngon du rtogs shing shes nas rang dang gzhan gyi nyon mongs pa dang shes bya'i sgrib pa'i mun pa 'joms pa'i 'od mdzad pa'i phyir te/ des ni shes rab chen po dang ldan pa dang / bdag dang gzhan gyi don phun sum tshogs pa bstan to/ /dam pa'i skye bo des grogs mdzad nas dge slong tshul khrims rgyal mtshan nyid kyis dag par byas so/ /de ltar na dang po'i gzhi 'gyur dang / zhu chen dang / tshig don gyi 'brel dpyad pa dang / zhu chung dang / yang 'brel dpyad pa dang lngar zhus shing gtugs te gtan la phab pa'o/ /dam chos mdo sde rin chen theg pa kun gyi gzhi dang rtsa ba bcud du gyur pa'i theg chen dran gzhag 'di legs bsgyur dngos dang de yi grogs byed thams cad dang ni</font><hr>66.251b<br><font size=+1>

nam mkha'i mthas gtugs 'gro kun dge ba dri med kyis/ /srid na bde sbyin skyabs gnas rdzogs pa'i byang chub 'bras ldan sa yi gnas skabs ljon shing lo 'dab phun tshogs shog / //</font><hr>

</table>