J232

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J232</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J232&coll=lithang">see text in Tibetan script</a></table>66.278b<br><font size=+1>

@#/   /rgya gar skad du/ ma hA shU n+ya tA nA ma ma hA sU tram/  bod skad du/ mdo chen po stong pa nyid chen po zhes bya ba/  dkon mchog gsum la phyag 'tshal lo/ /'di skad bdag gis thos pa dus gcig na/ bcom lan</font><hr>66.279a<br><font size=+1>

'das ser skya'i gnas na shing n+ya gro d+ha'i kun dga' ra ba na bzhugs so/ /de nas bcom ldan 'das snga dro sham thabs dang chos gos gsol te/ lhung bzed bsnams nas bsod snyoms kyi phyir ser skya'i gnas su zhugs so/ /ser skya'i gnas nas bsod snyoms bzhes te/ zhal zas kyi bya ba mdzad cing / zas phyis len pa'i zhal zas spangs nas/ lhung bzed dang chos gos bzhag ste/ zhabs bsil nas shAkya dus bde'i gtsug lag khang ga la ba der gshegs so/ /de'i tshe na dge slong rab tu mang po dag gis shAkya dus bde'i gtsug lag khang du bla gab med par stan rab tu mang po dag bting ste dong ngo / /de nas bcom ldan 'das gtsug lag khang gi phyi rol du zhabs bsil nas nang du yang dag 'jog gi slad du gtsug lag khang du bzhugs so/ /de nas bcom ldan 'das phyem red nang du yang dag 'jog las bzhengs nas shAkya ltag pa ri'i gtsug lag khang ga la ba der gshegs so/ /de'i tshe na tshe dang ldan pa kun dga' bo dge slong rab tu mang po dag dang lhan cig tu shAkya ltag pa'i ri'i gtsug lag khang du 'di lta ste/ chos gos kyi las la 'dus te 'dug par gyur to/ /tshe dang ldan pa kun dga' bas rgyang ring po nas bcom ldan 'das mthong ngo / /mthong nas kyang stan las langs te bcom ldan 'das kyi gdan bshams nas 'di skad ces kyang gsol to/ /bcom ldan 'das tshur gshegs su gsol/ bcom ldan 'das legs par gshegs lags so/ /bcom ldan 'das gdan bshams pa 'di la bzhugs su gsol/ /bcom ldan 'das gdan la bzhugs nas tshe dang ldan pa kun dga' bo la bka' stsal pa/ kun dga' bo dge slong rab tu mang po dag gis shAkya dus bde'i gtsug lag khang du bla gab med par stan rab tu mang po dag bting ste dong ngo / /gsol pa/ bcom ldan 'das chos gos stsal ba'i dus lags so/ /bde bar gshegs pa chos gos stsal</font><hr>66.279b<br><font size=+1>

ba'i dus lags so/ /bka' stsal pa/ kun dga' bo dge slong bre mo gtam la dga' ba dang / bre mo gtam la kun du dga' ba dang / bre mo gtam la kun du dga' ba nyad la brtson pa'i rjes su sbyor ba dang / tshogs la dga' ba dang / tshogs la kun du dga' ba dang / tshogs la kun du dga' ba nyid la brtson pa'i rjes su sbyor ba la gnas pa ni mi mdzes te/ kun dga' bo dge slong bre mo gtam la dga' ba dang / bre mo gtam la kun du dga' ba dang / bre mo gtam la kun du dga' ba nyid la brtson pa'i rjes su sbyor ba dang / tshogs la dga' ba dang / tshogs la kun du dga' ba dang / tshogs la kun du dga' ba nyid la brtson pa'i rjes su sbyor ba la gnas shing / tshogs las gcig pu logs shig na mi gnas pa des ni re shig 'phags pa'i bde ba dang / nges par 'byung ba'i bde ba dang / rab tu dben pa'i bde ba dang / nye bar zhi ba'i bde ba dang / rdzogs par byang chub pa'i bde ba dang / de lta bu'i bde ba gang yin pa de dag ci 'dod pa bzhin 'thob pa dang / /dka' ba med par 'thob par 'gyur ba de ni gnas med do/ /kun dga' bo dge slong bre mo gtam la mi dga' ba dang / bre mo gtam la kun du mi dga' ba dang / bre mo gtam la kun du dga' ba nyid la brtson pa'i rjes su mi sbyor ba dang / tshogs la mi dga' ba dang / tshogs la kun du mi dga' ba dang / tshogs la kun du dga' ba nyid la brtson pa'i rjes su mi sbyor ba la gnas shing / tshogs las gcig pu logs shig na gnas pa des ni re shig 'phags pa'i bde ba dang / nges par 'byung ba'i bde ba dang / rab tu dben pa'i bde ba dang / nye bar zhi ba'i bde ba dang / rdzogs par byang chub pa'i bde ba dang / de lta bu'i bde ba gang yin pa de dag ci 'dod pa bzhin 'thob pa dang / dka' ba med par 'thob par 'gyur ba de ni gnas yod do/ /kun dga' bo dge slong bre mo gtam la dga' ba dang / bre mo</font><hr>66.280a<br><font size=+1>

gtam la kun du dga' ba dang / bre mo gtam la kun du dga' ba nyid la brtson pa'i rjes su sbyor ba dang / tshogs la dga' ba dang / tshogs la kun du dga' ba dang / tshogs la kun du dga' ba nyid la brtson pa'i rjes su sbyor ba la gnas shing / tshogs las gcig pu logs shig na mi gnas pa des ni re shig dus dang sbyor zhing srung ba'i sems rnam par grol ba 'am/ dus dang mi sbyor zhing mi nyams pa lus kyis mngon sum du byas nas bsgrubs te gnas par 'gyur ba de ni gnas med do/ /kun dga' bo dge slong bre mo gtam la mi dga' ba dang / bre mo gtam la kun du mi dga' ba dang / bre mo gtam la kun du dga' ba nyid la brtson pa'i rjes su mi sbyor ba dang / tshogs la mi dga' ba dang / tshogs la kun du mi dga' ba dang / tshogs la kun du dga' ba nyid la brtson pa'i rjes su mi sbyor ba la gnas shing / tshogs las gcig pu logs shig na gnas pa des ni re shig dus dang sbyor zhing sems rnam par grol ba 'am/ dus dang mi sbyor zhing mi nyams pa lus kyis mngon sum du byas nas bsgrubs te gnas par 'gyur ba de ni gnas yod do/ /kun dga' bo ngas gang la kun du dga' ba dang / mngon par dga' ba'i gzugs de'i rnam par 'gyur ba dang gzhan du 'gyur ba las mya ngan dang / smri sngags 'don pa dang / sdug bsngal ba dang / yid mi bde ba dang / 'khrug pa dag 'byung bar mi 'gyur ba'i gzugs ni gcig kyang yang dag par rjes su ma mthong ngo / /kun dga' bo de lta bas na nga'i gnas pa ni 'di lta ste/ rnam pa thams cad du gzugs kyi 'du shes las yang dag par 'das nas phyi stong pa nyid skus mngon sum du mdzad nas bsgrubs te bzhugs pa 'di yang rjes su rtogs shing rab tu rtogs so/ /nga gnas pa 'dis gnas pa na mchog tu dga' ba skyes te/ nga mchog tu dga' ba des</font><hr>66.280b<br><font size=+1>

lus kyi thams cad yang dag par myong zhing dran pa dang shes bzhin gyis lan mang du gnas so/ /nga gnas pa 'dis gnas pa na dga' ba dang / shin du sbyangs pa dang / bde ba dang / ting nge 'dzin skyes te/ nga ting nge 'dzin des lus kyi thams cad yang dag par myong zhing dran pa dang shes bzhin gyis lan mang du gnas so/ /nga gnas pa 'dis gnas pa na dge slong dang / dge slong ma dang / dge bsnyen dang / dge bsnyen ma dag nye bar lhags par gyur nas/ nga de la gzhol ba dang / de la 'bab pa dang / de la bab pa'i sems kyis de dag la 'di lta ste/ brtson 'grus su rung bar bya ba'i phyir phan tshun kun dga' bar gtam 'dre bar smra/ phebs par smra zhing chos kyi gtam yang zer ro/ /kun dga' bo de lta bas na dge slong yang kye ma bdag phyi stong pa nyid lus kyis mngon sum du byas nas bsgrubs te gnas par bya'o zhes 'dod par gyur na/ kun dga' bo dge slong des sems nang kho nar bzhag par bya/ yang dag par bzhag par bya/ bsdus te bzhag par bya/ nye bar bzhag par bya/ dul bar bya/ zhi bar bya/ nye bar zhi bar bya/ rgyud gcig tu bya zhing ting nge 'dzin du bya'o/ /kun dga' bo dge slong gang 'di skad ces/ bdag gis sems nang kho nar ma bzhag /yang dag par ma bzhag /bsdus te ma bzhag /nye bar ma bzhag /dul bar ma byas/ zhi bar ma byas/ nye bar ma byas/ nye bar zhi bar ma byas/ rgyud gcig tu ma byas shing / ting nge 'dzin du ma byas par phyi stong pa nyid lus kyis mngon sum du byas nas bsgrubs te gnas par bya'o zhe zer na/ kun dga' bo de ni rnam par 'khrul pa yin par rig par bya'o/ /de ci'i phyir zhe na/ kun dga' bo de ni gnas ma yin zhing skabs ma yin te/ gang sems nang kho nar ma bzhag /yang dag par ma bzhag /bsdus te ma bzhag /nye bar ma bzhag /dul bar ma byas/ zhi bar ma byas/ nye bar zhi bar ma byas/ rgyud gcig tu</font><hr>66.281a<br><font size=+1>

ma byas shing / ting nge 'dzin du ma byas par phyi stong pa nyid lus kyis mngon sum du byas nas bsgrubs te gnas par 'gyur ba de ni gnas med pa'i phyir ro/ /kun dga' bo dge slong gang 'di skad ces/ bdag gis sems nang kho nar bzhag /yang dag par bzhag /bsdus te bzhag /nye bar bzhag /dul bar byas/ zhi bar byas/ nye bar zhi bar byas/ rgyud gcig tu byas shing ting nge 'dzin du byas te/ phyi stong pa nyid lus kyis mngon sum du byas nas bsgrubs te gnas par bya'o zhes zer na/ kun dga' bo de'i tshig ni legs pa yin no/ /de ci'i phyir zhe na/ kun dga' bo de ni gnas yin zhing skabs yin te/ gang sems nang kho nar bzhag /yang dag par bzhag /bsdus te bzhag /nye bar bzhag /dul bar byas/ zhi bar byas/ nye bar zhi bar byas/ rgyud gcig tu byas shing / ting nge 'dzin du byas te/ phyi stong pa nyid lus kyis mngon sum du byas nas bsgrubs te gnas par 'gyur ba de ni gnas yod pa'i phyir ro/ /kun dga' bo ji ltar na dge slong sems nang kho nar 'jog par byed/ yang dag par 'jog par byed/ bsdus te 'jog par byed/ nye bar 'jog par byed/ dul bar byed/ zhi bar byed/ nye bar zhi bar byed/ rgyud gcig tu byed cing / ting nge 'dzin du byed ce na/ 'di la dge slong dben pa las skyes pa'i dga' ba dang bde bas lus de nyid mngon par rlan par byed/ yongs su rlan par byed/ yongs su tshim par byed cing / yongs su khyab par byed de/ de'i lus thams cad la 'di lta ste/ dben pa las skyes pa'i dga' ba dang bde bas khyab par ma gyur pa dang / khyab par ma byas pa chung zad kyang med do/ 'di lta ste/ dper na khrus mkhan nam/ khrus mkhan gyi slob ma mkhas pa zhig gis/ khrus chal zhib mo dag khar phor ram/ gzhong bu 'am/ nya phyis su blugs te/ chus btab cing mnyes na/ de khrus chal gyi ril</font><hr>66.281b<br><font size=+1>

lu rlan pa rlan dang ldan pa/ rlan gyis kun du gang ba/ phyi nang bcas par rlan gyis khyab par 'gyur zhing / phyir yang mi 'jig la zag par yang mi 'gyur ro/ /de bzhin du dge slong yang dben pa las skyes pa'i dga' ba dang bde bas lus de nyid mngon par rlan par byed/ yongs su rlan par byed/ yongs su tshim par byed cing / yongs su khyab par byed de/ de'i lus thams cad la 'di lta ste/ dben pa las skyes pa'i dga' ba dang bde bas khyab par ma gyur pa dang / khyab par bya ba chung zad kyang med do/ /kun dga' bo de ltar na dge slong sems nang kho nar 'jog par byed/ yang dag par 'jog par byed/ bsdus te 'jog par byed/ nye bar 'jog par byed/ dul bar byed/ zhi bar byed/ nye bar zhi bar byed/ rgyud gcig tu byed cing / ting nge 'dzin du byed pa yin te/ kun dga' bo dge slong des ni sems nang kho nar bzhag /yang dag par bzhag /bsdus te bzhag /nye bar bzhag /dul bar byas/ zhi bar byas/ nye bar zhi bar byas/ rgyud gcig tu byas shing / ting nge 'dzin du byas te/ phyi stong pa nyid yid la bya'o/ /kun dga' bo dge slong de phyi stong pa nyid yid la byed pas sems rnam par g.yo bar 'gyur zhing / 'di lta ste/ phyi stong pa nyid la de'i sems 'jug par mi 'gyur/ dang bar mi 'gyur/ gnas par mi 'gyur/ mos par mi 'gyur/ kun dga' bo gal te dge slong de de ltar so sor rtog pa'i tshe bdag phyi stong pa nyid yid la byed pa na sems rnam par g.yo bar 'gyur zhing / 'di lta ste/ phyi stong pa nyid la sems 'jug par mi 'gyur/ dang bar mi 'gyur/ gnas par mi 'gyur/ mos par mi 'gyur bar shes par gyur na/ kun dga' bo dge slong des nang stong pa nyid yid la bya'o/ /kun dga' bo dge slong de nang stong pa nyid yid la byed pa na yang sems rnam par g.yo bar 'gyur zhing 'di lta ste/ nang stong pa nyid la sems 'jug par</font><hr>66.282a<br><font size=+1>

mi 'gyur dang bar mi 'gyur/ gnas par mi 'gyur mos par mi 'gyur la/ kun dga' bo gal te dge slong de de ltar so sor rtog pa'i tshe bdag nang stong pa nyid yid la byed pa na yang sems rnam par g.yo bar 'gyur zhing / 'di lta ste/ nang stong pa nyid la sems 'jug par mi 'gyur/ dang bar mi 'gyur/ gnas par mi 'gyur/ mos par mi 'gyur bar shes par gyur na/ kun dga' bo dge slong des phyi nang stong pa nyid yid la bya'o/ /kun dga' bo dge slong de phyi nang stong pa nyid yid la byed pa na yang sems rnam par g.yo bar 'gyur zhing / 'di lta ste/ phyi nang stong pa nyid la sems 'jug par mi 'gyur/ dang bar mi 'gyur/ gnas par mi 'gyur/ mos par mi 'gyur la/ kun dga' bo gal te dge slong de de ltar so sor rtog pa'i tshe bdag phyi nang stong pa nyid la byed na yang sems rnam par g.yo bar 'gyur zhing / 'di lta ste/ phyi nang stong nyid la sems 'jug par mi 'gyur/ dang bar mi 'gyur/ gnas par mi 'gyur/ mos par mi 'gyur bar shes par gyur na/ kun dga' bo dge slong des mi g.yo ba yid la bya'o/ /kun dga' bo dge slong de mi g.yo ba yid la byed pa na yang sems rnam par g.yo bar 'gyur zhing / 'di lta ste/ mi g.yo ba la sems 'jug par mi 'gyur/ dang bar mi 'gyur/ gnas par mi 'gyur/ mos par mi 'gyur la/ kun dga' bo gal te dge slong de de ltar so sor rtog pa'i tshe bdag mi g.yo ba yid la byed pa na yang sems rnam par g.yo bar 'gyur zhing / 'di lta ste/ mi g.yo ba la sems 'jug par mi 'gyur/ dang bar mi 'gyur/ gnas par mi 'gyur mos par mi 'gyur bar shes par gyur na/ kun dga' bo dge slong des sems de ting nge 'dzin de dang de dag la gzhol bar bya/ dul bar bya/ zhi bar bya/ las su bya/ bsro bar bya/ yang dag par bsro bar bya/ yongs su</font><hr>66.282b<br><font size=+1>

bsro bar bya/ drang por bya zhing las su rung ba dang / gnas pa dang / bcos su rung ba dang / btub par bya'o/ /kun dga' bo dge slong des sems de ting nge 'dzin de dang de dag la gzhol bar byas/ dul bar byas/ zhi bar byas/ las su byas/ bsro bar byas/ yang dag par bsro bar byas/ yongs su bsro bar byas/ drang por byas shing / las su rung ba dang / gnas pa dang / bcos su rung ba dang / btub par byas te/ phyi stong pa nyid yid la bya'o/ /kun dga' bo dge slong de phyi stong pa nyid yid la byed pa na sems rnam par g.yo bar mi 'gyur zhing 'di lta ste/ phyi stong pa nyid la sems 'jug pa dang / drang ba dang / gnas pa dang / mos par gyur la/ kun dga' bo gal te dge slong de de ltar so sor rtog pa'i tshe bdag phyi stong pa nyid yid la byed pa na sems rnam par g.yo bar mi 'gyur zhing / 'di lta ste/ phyi stong pa nyid la sems 'jug pa dang / dang ba dang / gnas pa dang / mos par gyur par shes na/ kun dga' bo dge slong des nang stong pa nyid yid la bya'o/ /kun dga' bo dge slong de nang stong pa nyid yid la byed pa na yang sems rnam par g.yo bar mi 'gyur zhing / 'di lta ste/ nang stong pa nyid la sems 'jug pa dang / dang ba dang / gnas pa dang / mos par gyur la/ kun dga' bo gal te dge slong de de ltar so sor rtog pa'i tshe bdag nang stong pa nyid yid la byed pa na yang sems rnam par g.yo bar mi 'gyur na/ 'di lta ste/ nang stong pa nyid la sems 'jug pa dang / dang ba dang / gnas pa dang / mos par gyur par shes na/ kun dga' bo dge slong des phyi nang stong pa nyid yid la bya'o/ /kun dga' bo dge slong de phyi nang stong pa nyid yid la byed pa na yang sems rnam par g.yo bar mi 'gyur zhing / 'di lta ste/ phyi nang stong pa nyid la sems 'jug pa dang / dang ba dang / gnas pa dang / mos par gyur la/ kun dga' bo gal te dge slong de de ltar so sor rtog pa'i tshe bdag phyi nang stong pa nyid yid la byed pa na</font><hr>66.283a<br><font size=+1>

yang sems rnam par g.yo bar mi 'gyur zhing / 'di lta ste/ phyi nang stong pa nyid la sems 'jug pa dang / dang ba dang / gnas pa dang / mos par gyur par shes na/ kun dga' bo dge slong des mi g.yo ba yid la bya'o/ /kun dga' bo dge slong de mi g.yo ba yid la byed pa na yang sems rnam par g.yo bar mi 'gyur zhing / 'di lta ste/ mi g.yo ba la sems 'jug pa dang / dang ba dang / gnas pa dang / mos par gyur la/ kun dga' bo gal te dge slong de de ltar so sor rtog pa'i tshe bdag mi g.yo ba yid la byed pa na yang sems rnam par g.yo bar mi 'gyur zhing / 'di lta ste/ mi g.yo ba la sems 'jug pa dang / dang ba dang / gnas pa dang / mos par gyur par shes na/ de de la dran pa dang shes bzhin can du 'gyur ro/ /kun dga' bo dge slong de gnas pa 'dis gnas pa na/ gal te 'chag pa la sems 'jug par gyur na/ kun dga' bo dge slong des gtsug lag khang gi phyi rol bla gab med pa'i 'chag sar dbang po rnams nang du bsdus shing yid phyi rol du ma song bar snga phyi'i 'du shes kyis bcag par bya'o/ /de de ltar 'chag pa na 'jig rten la brnab sems dang / yid mi bde ba dang / sdig pa mi dge ba'i chos rnams sems kyi rjes su mi 'brang zhing / de de la dran pa dang shes bzhin can du 'gyur ro/ /kun dga' bo dge slong de gnas pa 'dis gnas pa na/ gal te 'dug pa la sems 'jug par gyur na/ kun dga' bo dge slong des gtsug lag khang gi phyi rol du rkang pa bkrus te gtsug lag khang gi nang du zhugs la skyil mo dkrung bcas te lus drang por bsrang la dran pa mngon du bzhag ste 'dug par bya'o/ /de de ltar 'dug pa na 'jig rten la brnab sems dang / yid mi bde ba dang / sdig pa mi dge ba'i chos rnams sems kyi rjes su mi 'brang zhing / de de la dran pa dang shes bzhin can du 'gyur ro/ /kun dga' bo dge slong de gnas</font><hr>66.283b<br><font size=+1>

pa 'dis gnas pa na/ gal te rnam par rtog pa dag la sems 'jug par gyur na/ kun dga' bo dge slong des mi dge ba/ sdug bsngal ba/ 'phags pa ma yin pa/ gnod pa dang ldan pa'i rnam par rtog pa 'di lta ste/ 'dod pa'i rnam par rtog pa dang / gnod sems kyi rnam par rtog pa dang / rnam par 'tshe ba'i rnam par rtog pa dang / de lta bu'i rnam par rtog pa gang dag yin pa de dag mngon par spangs la/ dge ba bde ba 'phags pa gnod pa med pa dang ldan pa'i rnam par rtog pa 'di lta ste/ nges par 'byung ba'i rnam par rtog pa dang / gnod sems med pa'i rnam par rtog pa dang / rnam par mi 'tshe ba'i rnam par rtog pa dang / de lta bu'i rnam par rtog pa gang dag yin pa de dag la rnam par brtag par bya'o/ /de de ltar rnam par rtog pa na 'jig rten la brnab sems dang / yid mi bde ba dang / sdig pa mi dge ba'i chos rnams sems kyi rjes su mi 'brang zhing / de de la dran pa dang shes bzhin can du 'gyur ro/ /kun dga' bo dge slong de gnas pa 'dis gnas pa na/ gal te gtam la sems 'jug par gyur na/ kun dga' bo dge slong des mi dge ba 'phags pa ma yin pa gnod pa dang ldan pa'i gtam 'di lta ste/ rgyal po'i gtam dang / rkun po'i gtam dang / 'thab mo'i gtam dang / zas kyi gtam dang / skom gyi gtam dang / gos kyi gtam dang / lam srang gi gtam dang / smad 'tshong ma'i gtam dang / 'jig rten gyi gtam rgyud kyi gtam dang / lam ngan pa'i gtam rgyud kyi gtam dang / rgya mtsho'i gtam rgyud kyi gtam dang / yul gyi mi dang / sna chen po la gtogs pa'i gtam rgyud gyi gtam dang / de lta bu'i gtam gang dag yin pa de dag mngon par spangs la/ 'phags pa'i yo byad bsnyungs pa sems kyi sgrib pa med pa dang 'thun par 'gyur ba'i gtam 'di lta ste/ tshul khrims kyi gtam dang / ting nge 'dzin gyi</font><hr>66.284a<br><font size=+1>

gtam dang / shes rab kyi gtam dang / rnam par grol ba'i gtam dang / rnam par grol ba'i ye shes mthong ba'i gtam dang / 'dod pa chung ba'i gtam dang / chog shes pa'i gtam dang / mi sogs pa'i gtam dang / yo byad bsnyungs pa'i gtam dang / 'du 'dzi med pa'i gtam dang / spong ba'i gtam dang / 'dod chags dang bral ba'i gtam dang / 'gog pa'i gtam dang / stong pa nyid kyi gtam dang / rkyen 'di nyid kyi rten cing 'brel par 'byung ba'i gtam dang / de lta bu'i gtam gang dag yin pa de dag gi gtam bya'o/ /de de ltar gtam zer ba na 'jig rten la brnab sems dang / yid mi bde ba dang / sdig pa mi dge ba'i chos rnams sems kyi rjes su mi 'brang zhing de de ltar dran pa dang shes bzhin can du 'gyur ro/ /kun dga' bo 'phags pa nyan thos kyis ma la bdag gis sems 'dod pa'i yon tan lnga po 'di dag las 'dod pa'i yon tan gang yang rung ba la brten nas kun du 'byung ba yod dam/ 'on te bdag gi sems 'dod pa'i yon tan lnga po 'di dag las 'dod pa'i yon tan gang yang rung ba la brten nas kun du 'byung ba med ces yang dang yang du 'dod pa'i yon tan lnga po 'di dag la rang gi sems so sor brtag par bya ste/ kun dga' bo nga ni 'dod pa'i yon tan lnga po dag las gzhan pa la sems kun du 'byung bar mi smra'o/ /kun dga' bo gal te dge slong de de ltar so sor rtog pa'i tshe bdag gi sems 'dod pa'i yon tan lnga po 'di dag las 'dod pa'i yon tan gang yang rung ba la brten nas kun du 'byung ba yod par shes par gyur na/ kun dga' bo dge slong des 'dod pa'i yon tan de dang de dag la mi rtag par rjes su blta zhing gnas par bya/ zad par rjes su blta ba dang / 'dod chags dang bral bar rjes su blta ba dang / 'gog par rjes su blta ba dang / nges par 'byung bar rjes su blta zhing gnas par bya'o/ /</font><hr>66.284b<br><font size=+1>

kun dga' bo dge slong de 'dod pa'i yon tan de dang de dag la mi gnas par rjes su lta zhing gnas pa dang / zad par rjes su lta ba dang / 'dod chags dang bral bar rjes su lta ba dang / 'gog par rjes su lta ba dang / nges par 'byung bar rjes su lta zhing gnas pa na/ de'i sems 'dod pa'i yon tan lnga po 'di dag las yon tan gang yang rung ba la brten nas kun du 'byung bar 'gyur ba gang yin pa de kun du 'byung bar mi 'gyur ro/ /kun dga' bo gal te dge slong de de ltar so sor rtog pa'i tshe bdag gi sems 'dod pa'i yon tan lnga po 'di dag las 'dod pa'i yon tan gang yang rung ba la brten nas kun du 'byung bar gyur pa gang yin pa de spang bar shes par gyur na/ de de la dran pa dang shes bzhin can du 'gyur ro/ /kun dga' bo 'phags pa nyan thos kyis ma la bdag gis nye bar len pa'i phung po 'di dag la nga'o snyam pa'i nga rgyal dang / nga'o snyam pa'i 'dun pa dang / nga'o snyam pa'i bag la nyal ma spangs shing yongs su ma shes la ma bkag ma bsal ba yod dam/ 'on te bdag gis nye bar len pa'i phung po lnga po 'di dag la nga'o snyam pa'i nga rgyal dang nga'o snyam pa'i 'dun pa dang / nga'o snyam pa'i bag la nyal ma spangs shing yongs su ma shes la ma bkag ma bsal ba med ces/ de dang yang du nye bar len pa'i phung po lnga po 'di dag la rang gi sems so sor brtag par bya'o/ /kun dga' bo gal te dge slong de de ltar so sor rtog pa'i tshe bdag gis nye bar len pa'i phung po lnga po 'di dag la nga'o snyam pa'i nga rgyal dang / nga'o snyam pa'i 'dun pa dang / nga'o snyam pa'i bag la nyal ma spangs shing yongs su ma shes la ma bkag ma bsal ba yod par shes par gyur na/ kun dga' bo dge slong des nye bar len pa'i phung po lnga po 'di dag la yang dang yang du 'di lta ste/ 'di ni gzugs so/ /'di ni gzugs kyi kun 'byung ba'o/ /'di ni</font><hr>66.285a<br><font size=+1>

gzugs kyi zad pa'o/ /'di lta ste/ 'di ni tshor ba dang / 'du shes dang / 'du byed rnams dang / rnam par shes pa'o/ /'di ni rnam par shes pa'i kun 'byung ba'o/ /'di ni rnam par shes pa'i zad pa'o zhes kun 'byung ba dang zad par rjes su blta zhing gnas par bya'o/ /de nye bar len pa'i phung po lnga po 'di dag la yang dang yang du kun 'byung ba dang zad par rjes su lta zhing gnas pa na/ de la nye bar len pa'i phung po lnga po 'di dag la nga'o snyam pa'i nga rgyal dang / nga'o snyam pa'i 'dun pa dang / nga'o snyam pa'i bag la nyal ma spangs shing yongs su ma shes la ma bkag ma bsal bar gyur pa gang yin pa de med par 'gyur ro/ /kun dga' bo gal te dge slong de de ltar so sor rtog pa'i tshe bdag gis nye bar len pa'i phung po lnga po 'di dag la nga'o snyam pa'i nga rgyal dang / nga'o snyam pa'i 'dun pa dang / nga'o snyam pa'i bag la nyal 'byung bar gyur pa gang yin pa de spangs par shes par gyur na/ de de la dran pa dang shes bzhin can du 'gyur te/ kun dga' bo chos de dag ni gcig tu dgar ba/ gcig tu dge ba/ gcig tu kha na ma tho ba med pa ste/ bdud sdig can gyis 'da' bar bya ba ma yin zhing / sdig pa mi dge ba'i chos kun nas nyon mongs par 'gyur ba dang / yang srid par 'gyur ba gdung ba dang bcas pa/ rnam par smin pa sdug bsngal ba/ phyi ma la skye ba dang / rga ba dang / 'chi bar 'gyur ba rnams kyis mi 'phrogs pa yin no/ /kun dga' bo ji snyam du sems nyan thos dad pa can dag ji srid 'tsho'i bar du phyir bkag kyang ston pa'i phyi bzhin rjes su 'brang bar 'os pa ci'i phyir snyam/ gsol pa/ btsun pa bcom ldan 'das ni chos rnams kyi gzhi bo lags te/ bcom ldan 'das kyis mtshon pa dang / bcom ldan 'das la rten pa lags pas bcom ldan 'das kyis don de dge slong rnams la legs</font><hr>66.285b<br><font size=+1>

par bka' stsal du gsol/ bcom ldan 'das las thos nas dge slong rnams kyang 'dzin par 'gyur lags so/ /bka' stsal pa/ kun dga' bo de'i phyir legs par rab tu nyon la yid la zung shig dang bshad par bya'o/ /kun dga' bo nyan thos dad pa can gang dag 'di lta ste/ mdo'i sde dang / dbyangs kyis bsnyad pa'i sde dang / lung bstan pa'i sde dang / tshigs su bcad pa'i sde dang / ched du brjod pa'i sde dang / gleng gzhi'i sde dang / rtogs pa brjod pa'i sde dang / de lta bu byung ba'i sde dang / skyes pa rabs kyi sde dang / shin du rgyas pa'i sde dang rmad du byung ba'i chos kyi sde dang / gtan la bab par bstan pa'i sde'i chos de dag dang / de lta bu'i chos rnams mnyan pa'i phyir ji srid 'tsho'i bar du phyir bkag kyang ston pa'i phyi bzhin rjes su 'brang ba ni 'os pa ma yin no/ /de ci'i phyir zhe na/ /kun dga' bo chos de dag ni yun ring po nas thos shing bzung la brtan par byas shing kha ton byang ba dang / yid kyis brtags pa dang / mthong bas shin du rtogs par byas zin pa'i phyir ro/ /kun dga' bo nyan thos dad pa can gang dag 'phags pa yo byad bsnyungs pa sems kyis sgrib pa med pa dang 'thun par 'gyur ba'i gtam 'di lta ste/ tshul khrims kyi gtam dang / ting nge 'dzin gyi gtam dang / shes rab kyi gtam dang / rnam par grol ba'i gtam dang / rnam par grol ba'i ye shes mthong ba'i gtam dang / 'dod pa chung ba'i gtam dang / chog shes pa'i gtam dang / mi sogs pa'i gtam dang / yo byad bsnyungs pa'i gtam dang / 'du 'dzi med pa'i gtam dang / spong ba'i gtam dang / 'dod chags dang bral ba'i gtam dang / 'gog pa'i gtam dang / stong pa nyid kyi gtam dang / rkyen 'di pa nyid kyi rten cing 'brel par 'byung ba'i gtam dang / de lta bu'i gtam gang yin pa dag mnyan pa'i phyir ji srid 'tsho'i bar du phyir bkag kyang ston pa'i</font><hr>66.286a<br><font size=+1>

phyi bzhin rjes su 'brang ba ni rigs pa yin no/ /kun dga' bo gsum po 'di dag ni gnod pa yin te/ gsum gang zhe na/ slob dpon gyi gnod pa dang / slob ma'i gnod pa dang / tshangs par spyod pa'i gnod pa'o/ /kun dga' bo slob dpon gyi gnod pa gang zhe na/ kun dga' bo 'di la ston pa rtog ge pa dpyod pa can rtog ger gtogs pa'i sa rang gi spobs pa las byung ba/ so so'i skye bo pa dpyod pa'i rjes su spyod pa la gnas pa de 'jig rten du byung na/ de gnas mal dgon pa 'am/ nags 'dab bam/ bas mtha' dag tu gnas par byed do/ /de gnas mal dgon pa 'am/ nags 'dab bam/ bas mtha' dag na gnas pa'i tshe nyan pa po khyim pa dang / rab tu byung ba dag rjes su 'brang bar 'gyur ro/ /de nyan pa po khyim pa dang / rab tu byung ba rjes su lhags pa dag la chums par byed cing brgyal ba skyed par byed la/ mang po bsdu ba'i phyir rjes su 'jug par byed do/ /kun dga' bo de ni slob dpon gyi gnod pa zhes bya'o/ /kun dga' bo slob dpon gyi gnod pas gnod par gyur pa'i slob dpon de ni sdig pa mi dge ba'i chos kun nas nyon mongs par 'gyur ba/ yang srid par 'gyur ba/ gdung ba dang bcas pa/ rnam par smin pa sdug bsngal ba/ phyi ma la skye ba dang / rga ba dang / 'chi bar 'gyur ba rnams kyis gnod par 'gyur ro/ /kun dga' bo slob ma'i gnod pa gang zhe na/ kun dga' bo 'di la nyan pa po dad pa dang ldan pa ston pa de nyid kyi tshig la mngon par dad par gyur pa de ston pa de nyid kyi dben pa'i rjes su slob pa'i tshe gnas mal dgon pa 'am/ nags 'dab bam/ bas mtha' dag tu gnas par byed do/ /de gnas mal dgon pa 'am/ nags 'dab bam/ bas mtha' dag na gnas pa'i tshe nyan pa po khyim pa dang / rab tu byung ba dag rjes su 'brang bar 'gyur ro/ /de nyan pa po khyim pa</font><hr>66.286b<br><font size=+1>

dang rab tu byung ba rjes su lhags pa dag la chums par byed cing brgyal ba skyed par byed la/ mang po bsdu ba'i phyir rjes su 'jug par byed de/ kun dga' bo de ni slob ma'i gnod pa zhes bya'o/ /kun dga' bo slob ma'i gnod pas gnod par gyur pa'i slob ma de ni sdig pa mi dge ba'i chos kun nas nyon mongs par 'gyur ba/ yang srid par 'gyur ba/ gdung ba dang bcas pa/ rnam par smin pa sdug bsngal ba/ phyi ma la skye ba dang / rga ba dang / 'chi bar 'gyur ba rnams kyis gnod par 'gyur ro/ /kun dga' bo tshangs par spyod pa'i gnod pa gang zhe na/ kun dga' bo 'di la ston pa de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das 'jig rten du byung na/ de gnas mal dgon pa 'am/ nags 'dab bam/ bas mtha' dag tu gnas par mdzad do/ /de gnas mal dgon pa 'am/ nags 'dab bam/ bas mtha' dag na bzhugs pa'i tshe nyan pa po khyim pa dang / rab tu byung ba dag rjes su 'brang bar 'gyur ro/ /de nyan pa po khyim pa dang / rab tu byung ba rjes su lhags pa dag la chums par mi mdzad cing brgyal ba skyed par mi mdzad la/ mang po bsdu ba'i phyir rjes su 'jug par mi mdzad kyang / de nyan pa pos kun du gang zhing gnas na lhag pa'i sems las byung ba bzhi po de dag gis tshe 'di la bde bar gnas pa thob pa gang dag yin pa de dag las gang yang rung ba las yongs su nyams par nga smra la/ gcig pu ma 'dres pa dang / bag yod pa dang / rtun pa dang / sems bsdus pa'i bdag nyid de/ de dag gis nyams pa med pa'i sems rnam par grol ba skus mngon sum du mdzad cing gnang</font><hr>66.287a<br><font size=+1>

ba gang yin pa de la ni rnam grangs gang gis kyang yongs su nyams pa med par nga smra mod kyi/ 'on kyang nyan pa po dang ldan pa ston pa de nyid kyi bka' la mngon par dad par gyur pa de ston pa de nyid kyi dben pa'i rjes su slob pa'i tshe gnas mal dgon pa 'am/ nags 'dab bam/ bas mtha' dag na gnas pa'i tshe/ nyan pa po khyim pa dang / rab tu byung ba dag rjes su 'brang bar 'gyur ro/ /de nyan pa po khyim pa dang / rab tu byung ba rjes su lhags pa de dag la chums par byed cing brgyal ba skyed par byed la/ mang po bsdu ba'i phyir rjes su 'jug par byed de/ kun dga' bo de ni tshangs par spyod pa'i gnod pa zhes bya'o/ /kun dga' bo gnod pa rnams las 'di lta ste/ slob dpon gyi gnod pa dang / slob ma'i gnod pa de dag ni cung zad tsam du zad kyi/ gnod pa rnams las 'di lta ste/ tshangs par spyod pa'i gnod pa de ni tha chad yin no/ /kun dga' bo tshangs par spyod pa'i gnod pas gnod par gyur pa'i tshangs par spyod pa de ni sdig pa mi dge ba'i chos kun nas nyon mongs par 'gyur ba/ yang srid par 'gyur ba/ gdung ba dang bcas pa/ rnam par smin pa sdug bsngal ba/ phyi ma la skye ba dang / rga ba dang / 'chi bar 'gyur ba rnams kyis gnod par 'gyur ro/ /kun dga' bo nga ni mdza' bshes dang ldan pas kun du spyod par byed kyi/ 'gran zla dang ldan pas ni ma yin no/ /kun dga' bo ji ltar na nyan thos rnams ston pa la 'gran zla dang ldan pas kun du spyod cing mdza' bshes dang ldan pas ma yin zhe na/ kun dga' bo 'di la ston pa rjes su thugs brtse ba dang ldan pa/ thugs rje dang ldan pa/ don du bzhed pa phan par bzhed pa/ thugs rje bar gyur pa/ nyan thos rnams la dge slong dag khyed la phan pa 'di dang / bde ba 'di dang / phan pa dang bde ba 'di'i phyir ro zhes chos ston par mdzad pa na/ de'i</font><hr>66.287b<br><font size=+1>

nyan thos de dag gus par nyan par mi byed cing / rna klog par mi byed/ kun shes par bya ba'i sems nye bar 'jog par mi byed/ chos kyi rjes su 'thun pa'i chos sgrub par mi byed la/ ston pa'i bstan pa las rnam par 'das shing gnas par byed na/ kun dga' bo de na nyan thos rnams ston pa la 'gran zla dang ldan pas kun du spyod cing mdza' bshes dang ldan pas ma yin pa yin no/ /kun dga' bo ji ltar na nyan thos rnams ston pa la mdza' bshes dang ldan pas kun du spyod cing 'gran zla dang ldan pas ma yin zhe na/ kun dga' bo 'di la ston pa rjes su thugs brtse ba dang ldan pa/ thugs rje dang ldan pa/ don du bzhed pa/ phan par bzhed pa/ thugs rje bar gyur pa/ nyan thos rnams la dge slong dag khyed la phan pa 'di dang / bde ba 'di dang / phan pa dang bde ba 'di'i phyir ro zhes chos ston par mdzad pa na/ de'i nyan thos de dag gus par nyan par byed cing / rna klog par byed/ kun shes par bya ba'i sems nye bar 'jog par byed/ chos kyi rjes su 'thun pa'i chos sgrub par byed la/ ston pa'i bstan pa yang dag par blangs te gnas par byed na/ kun dga' bo de ni nyan thos rnams ston pa la mdza' bshes dang ldan pas kun du spyod cing 'gran zla dang ldan pas ma yin pa yin no/ /kun dga' bo nga ni khyed cag la tshar bcad cing bcad cing zil gyis mnan cing mnan cing smra ste/ rdza mkhan rdza ma ma tshos pa dag las sra ba gang yin pa de 'jog par byed pa bzhin du khyed la dbyig tu mi 'dzin gyis/ nga'i tshig gi lam rnams la yang bzod par gyis shig /bcom ldan 'das kyis de skad ces bka' stsal nas/ dge slong de dag bcom ldan 'das kyis gsungs pa la mngon par bstod do/ /bar sdom ni/ 'phags pa'i bde dang dus sbyor dang / /gzugs dang mchog dga' dge slong dang / /khrus ril</font><hr>66.288a<br><font size=+1>

phyi stong nyid sogs dang / /ting nge 'dzin la sems gzhol dang / /'chag pa dang ni 'dug pa dang / /rnam rtog gtam dang 'dod yon tan/ /phung po gcig dkar nyan thos dang / /gnod dang mdza' bshes tshar gcod pa'o/ /mdo chen po stong pa nyid chen po zhes bya ba rdzogs s+ho//         // rgya gar gyi mkhan po 'dzi na mi tra dang / pra dz+nyA warma dang / zhu chen gyi lo ts+tsha ba ban de ye shes sde la sogs pas bsgyur cing zhus te gtan la phab pa/ /</font><hr>

</table>