@##/ /tsan+d+ra sU tra/[ "/> ]zla ba'i mdo/ dkon mchog gsum la phyag 'tshal lo/ /'di skad bdag gis thos pa dus gcig na/ bcom ldan 'das yul tsam pa can na 'gro ba po'i rdzing bu'i 'gram na bzhugs te/ de'i tshe lha ma yin gyi dbang po sgra gcan gyis zla ba'i dkyil 'khor thams cad 'od kyis bkab par gyur to/ /de nas zla ba'i dkyil 'khor na gnas pa'i lha gang yin pa de skrag cing dngangs la mi dga' bar gyur nas bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te phyogs gcig tu 'dug go/ /phyogs gcig tu 'dug nas lha des de'i tshe tshigs su bcad de gsol pa/ kun las rnam par rab grol ba'i/ /sangs rgyas dpa' bo khyod phyag 'tshal/ /gnod pa dag dang phrad gyur pa/ /bdag gi skyabs ni mdzad par gsol/ /'jig rten dgra bcom bde gshegs la/ /zla ba skyabs su mchi lags kyis/ /sangs rgyas 'jig rten thugs brtse rnams/ /zla ba thar mdzod sgra gcan las/ /bcom ldan 'das kyis bka' stsal pa/ /sgra gcan zla ba mun sel ba/ /nam mkha' dag la 'od byed cing / /lam mer 'dug la dkar ba dang / 67.277a rnam par dag pa'i 'od ldan pa/ /bar snang dag la ma bzung bar/ /skye dgu'i sgron de myur du thong / /de nas rings bzhin sgra gcan de/ /lus kyang rngul cing skrag gyur la/ /nad pa bzhin du brtad pa yis/ /zla ba rnam par gtong bar byed/ /de nas rnam par snang byed kyi bu chen pos lha ma yin gyi dbang po sgra gcan rings pa bas kyang rings par zla ba'i dkyil 'khor btong ba mthong ngo / /mthong nas kyang de'i tshe tshigs su bcad de smras pa/ ci yi phyir na sgra gcan khyod/ /lus kyang rngul cing skrag gyur la/ /nad pa bzhin du brtad pa yis/ /rings par zla ba gtong bar byed/ /sgra gcan gyis smras pa/ sangs rgyas tshigs bcad 'di brjod pas/ /gal te zla ba ma btang na/ /bdag gi mgo bo tshal bdun 'gas/ /gson yang bde bar mi 'gyur ro/ /rnam par snang byed kyi bu chen pos smras pa/ kye ma bden pa gzigs pa yi/ /sangs rgyas rnams ni 'byung ba rmad/ /de dag gis ni tshigs su bcad/ /brjod na sgra gcan zla ba gtong / /zla ba'i mdo rdzogs so// // |