J278

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J278</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J278&coll=lithang">see text in Tibetan script</a></table>67.294b<br><font size=+1>

@#/   /rgya gar skad du/ karma bi b+hang ga / bod skad du/ las rnam par 'byed pa/ bam po dang po/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs te/ der bcom ldan 'das kyis bram ze'i khye'u shu ka la bka' stsal pa/ bram ze'i bu khyod la las rnam par 'byed pa bstan gyis/ de legs par shin tu nyon la yid la zung shig dang ngas bshad kyis/ bcom ldan 'das de ltar bgyi'o zhes nas bram ze'i khye'u shu ka /bcom ldan 'das la phyir nyan pa dang bcom ldan 'das kyis de la 'di skad ces bka' stsal to/ /bram ze'i bu ngas ni sems can rnams bdag gi las las su gyur pa las kyi rgyu las skyes pa las kyi skal ba la spyod pa/ las la rten par gsungs te/ bram ze'i bu las ni 'di lta ste/ sems can rnams rab dang 'bring dang tha mar rnam par 'byed do/ /de ni 'di ltar tshe thung bar 'gyur ba'i las yod de/ de la tshe thung bar 'gyur ba'i las gang zhe na/ de ni srog gcod pa dang srog gcod pa la rjes su dga' ba dang srog gcod pa'i legs pa rjod pa dang mi mdza' ba tshe 'pho bar skul ba dang mi 'dza' ba tshe 'phos na legs par rjod pa dang mngal nas tshe 'pho bar byed pa dang mngal nas tshe 'pho ba'i legs pa rjod pa dang ma he dang ba lang dang phag dang bya la sogs</font><hr>67.295a<br><font size=+1>

pa bsad par 'gyur ba'i rten 'cha' zhing / mchod sbyin de btsugs pas bu tsha dang skye bo gzhan la phan par 'dod pa rnams dang 'jigs pas nyen pa rnams kyi lugs su gyur cing sems can gsod par 'gyur ba ste/ dper na grong khyer kas mar+ya na dge slong dgra bcom pa gcig cig khyim zhig gi sgo na 'dug 'dug na/ khyim de'i thad ka lam po che nas phyugs shig sgra 'byin cing khrid pa dge slong des mthong nas kyi hud e ma ga la srid ces byas pa dang mi dag gis dge slong de la/ slob dpon ci zhig de skad du kyi hud e ma ga la srid ces bya ba'i sgra rjod ces dris na/ des smras pa/ de ni ma dad pa rnams la smra bar yang mi bya ba zhig ste sgos kyis smra'o zhes nas/ des smras pa/ phyugs pha bi ltar sgra 'byin cing khrid pa pha bis sngon tshong pa phyug po zhig tu red pa'i tshe/ rten btsugs te lo dus kyi mchod sbyin byas nas/ des der phyugs mang po dag kyang bsad tshe 'pho kar yang bu la bos te smras pa/ bu khyod nga la byams she na/ phyugs kyi mchod sbyin lo dus su bya ba 'di nga tshe 'phos nas kyang rtag par gyis shig ces bsgo nas/ bus kyang de ltar bgyi'o zhes te de bzhin du mnyan to/ /de nas mi de tshe 'phos pa dang gti mug las byung ba'i srog gcod pa dang ldan pas bdag gi khyim du phyugs su skyes nas de der yang dang yang skyes shing bsad bsad pa las lan 'di dang drug ste da yang khrid pa yin no zhes nas/ dge slong des phyugs de la snying brtse bas 'di skad ces smras so/ /rten kyang khyod bdag gis btsugs/ mchod sbyin yang khyod bdag gis byas/ phyugs mang por yang khyod bdag gis bsad na/ de de skad du don med pa bos pas ci la phan zhes rjod pa lta bu ste/ de lta bu'i rten btsugs pa dang dmag lta bu mi dang rta la sogs pa sems can mang po dngog pa la lta ba dang 'thab mo'i cha byad la dga' ba lta bu ste/ nag po yod pa'i mdo las bcom ldan 'das kyis gsungs pa/ kun dga' bo srog gcod</font><hr>67.295b<br><font size=+1>

pa la bsten cing goms par byas pa dang mang du byas pa ni sems can dmyal bar skye ba'i rgyur 'gyur ro/ /dud 'gro'i skye gnas su skye ba'i rgyur 'gyur ro/ /yi dgas su skye ba'i rgyur 'gyur ro zhes gsungs te/ srog gcod pa ni nyung zhing chung yang rnam par smin pa tshe thung bar 'gyur ro/ /de la tshe ring bar 'gyur ba'i las yod de de gang zhe na/ de ni srog gcod pa spangs pa dang srog gcod pa spangs pa'i legs pa rjod pa dang de la skul ba dang de'i legs pa rjod pa dang gsad par bya ba'i mi dang ba lang dang phag dang bya la sogs pa srog 'byin pa dang sems can 'jigs pas nyen pa rnams la mi 'jigs pa sbyin pa dang / sems can mgon med pa rnams la snying rje'i sems bskyed pa dang / nad pa dang byis pa dang rgan pa rnams la byams pa'i sems bskyed pa dang / de dag la zas kyi sbyin pa byed pa dang slong ba la byams pa'i sems bskyed pa dang dmag la sogs pa sngar smon pa thams cad bzlog ste/ dge ba'i phyogs byas pa dang de bzhin du mchod rten dang gtsug lag khang zhig pa dag bcos legs byas pa ste/ mdo de nyid las/ zhig cing ral ba sus bcos pa/ /de la ye 'grog bdud mi 'byung / /zhes gsungs pa lta bu ste/ las de lta bu ni tshe ring bar 'gyur ba'o/ /de la nad mang bar 'gyur ba'i las yod de/ de gang zhe na de ni khro ba dang khu tshur dang thal mos rdeg pa dang khu tshur dang thal mos rdeg pa la rjes su dga' ba dang khur tshur dang thal mos rdeg pa'i yon tan rjod pa dang de la skul ba dang pha ma'i sems dang lus mi bde bar byas pa dang rab tu byung ba tshul khrims dang ldan pa dag gi sems mi bde bar byas pa dang / mi mdza' ba nad kyis btab pa la dga' bar sems pa dang mi mdza' ba nad sos na mi dga' bar sems pa dang nad pa la sman ma yin pa byin pa dang zas ma zhu bar bstabs pa de las de lta bu ni nad mang bar 'gyur ro/ /de la nad nyung bar 'gyur ba'i las yod de de gang zhe na/ de ni thal mo dang khu tshur gyis rdeg pa dang / thal mo dang khu tshur gyis rdeg pa spong bar skul ba dang</font><hr>67.296a<br><font size=+1>

de'i yon tan rjod pa dang de la rjes su dga' ba dang pha ma na ba'i rim gro byed pa dang khyim pa dang rab tu byung ba dang rgan nam gzhon yang rung ste/ na na rim gro byed pa dang mi mdza' ba na yang mi dga' bar sems pa dang / de'i nad sos na dga' bar sems pa dang sman gyi sbyin pa byed pa dang kha zas zhu nas stobs pa ste/ las de lta bu ni nang nyung bar 'gyur ro/ /de la kha dog mi sdug par 'gyur ba'i las yod de/ de gang zhe na/ de ni khro ba dang 'khon du 'dzin pa dang 'chab pa dang 'tshig pa dang pha ma la ngan du rjod pa dang khyim pa dang rab tu byung ba rgan gzhon la ngan du brjod pa dang / mchod rten dang gtsug lag khang dang mchod rten gyi sa gzhi mi sdug par byas pa dang mchod rten dang sku gzugs kyi mar me bsad pa dang / sems can kha dog mi sdug pa rnams la phyas 'drogs pa dang gtsang sbra chung ba ste/ las de lta bu ni kha dog mi sdug par 'gyur ba'o/ /de la mdzes par 'gyur ba'i las yod de de gang zhe na/ de ni mi khro ba dang 'khon du mi 'dzin pa dang mi 'chab pa dang mi 'tshig pa dang gos kyi sbyin pa byed pa dang mchod rten dang gtsugs lag khang dag la rdo thal gyis rkyang nul byed pa dang snod spyad sdug gu'i sbyin pa byed pa dang / spos dang byug pa dang gos dang rgyan gyi sbyin pa byed pa dang / pha ma'i legs pa rjod pa dang 'phags pa dang tshul khrims dang ldan pa dag gi legs pa rjod pa dang mchod rten gyi gzhi dang gtsug lag khang dang khyim gyi phyag dar rtag tu byed pa dang sems can mi sdug pa rnams la phyas mi byed pa dang / de bzhin du rgan pa 'am gzhon pa gzhan dag la phyas mi byed pa dang gtsang sbra che ba ste las de lta bu ni mdzes par 'gyur ba'o/ /de la mthu chung bar 'gyur ba'i las yod de/ de gang zhe na/ de ni ser sna byed pa dang phrag dog che ba dang gzhan gyis thob na mi dga' ba dang gzhan la mi snyan par rjod na dga' ba dang pha ma la brnyas pa dang 'phags pa dang tshul khrims dang ldan pa la brnyas</font><hr>67.296b<br><font size=+1>

pa dang nad pa dang rgan pa dang gzhon pa la brnyas pa dang chos ngan pa dang mi dge ba'i rtsa ba'i legs pa rjod pa dang byang chub kyi sems las zlog pa ste/ las de lta bu ni mthu chung bar 'gyur ba'o/ /de la mthu che bar 'gyur ba'i las yod de de gang zhe na/ de ni phrag dog med pa dang ser sna med pa dang gzhan gyis thos na dga' ba dang gzhan gyis ma thos na mi dga' ba dang gzhan gyi grags pa dang sgra dang tshigasu su bcad pa snyan pa thos na dga' ba dang gzhan gyi legs pa rjod pa la dga' ba dang / bcom ldan 'das kyi mchod rten dang gtsug lag khang brtsig pa dang chos ngan pa dang mi dge ba'i rtsa ba las zlog pa dang mthu che bar 'gyur ba'i dge ba'i rtsa ba la skul ba dang byang chub tu sems bskyed pa dang dge ba'i rtsa ba thams cad kyis mthu chen por sems bskyed pa ste/ las de lta bu ni mthu che bar 'gyur ba'o/ /de la rigs dma' bar 'gyur ba'i las yod de de gang zhe na/ de ni pho che ba dang nga rgyal byed pa dang phar mi 'dzin pa dang mar mi 'dzin pa dang dge sbyong du mi 'dzin pa dang bram zer mi 'dzin pa dang rigs kyi gtso bo la rim gro mi byed pa dang pha ma la rim gro mi byed pa dang 'phags pa dang tshul khrims dang ldan pa rnams la rim gro mi byed pa dang bla mar gyur pa gzhan dang mkhan po dang slob dpon la rim gro mi byed pa dang sems can rigs dma' ba rnams la brnyas pa ste/ las de lta bu ni rigs dma' bar 'gyur ba'o/ /de la rigs mtho bar 'gyur ba'i las yod de de gang zhe na/ de ni pho chung ba dang nga rgyal med pa dang phar 'dzin pa dang mar 'dzin pa dang dge sbyong du 'dzin pa dang bram zer 'dzin pa dang rigs kyi gtso bo rnams la rim gro byed pa dang pha ma la rim gro byed pa dang 'phags pa dang tshul khrims dang ldan pa rnams la rim gro byed pa dang mkhan po dang slob dpon la rim gro byed pa dang bla mar gyur pa gzhan dag la rim gro byed pa dang sems can rigs dma' ba rnams la mi brnyas pa ste/ dper na</font><hr>67.297a<br><font size=+1>

bcom ldan 'das kyis mdo las gsungs pa/ dge slong dag grong gang du rab tu byung ba tshul khrims dang ldan zhing tshangs par spyod pa/ dge ba'i chos can rnams 'ong ba'i grong der legs pa lnga 'byung bar rig par bya ste lnga gang zhe na/ de ni tshul khrims dang ldan pa 'ongs pa rnams la sems dad par 'gyur ro/ /dge slong dag gzhan yang de'i tshe/ rigs de mtho ris su skye ba'i lam du zhugs pa yin no/ /dge slong dag gzhan yang tshul khrims dang ldan pa dag 'ongs na gus par smra ba dang bsu ba'i las byed de/ de'i tshe rigs de dag rigs mtho bar 'gyur ba'i lam du zhugs pa yin no zhes gsungs pa lta bu ste/ las de lta bu ni rigs mtho bar 'gyur ba'o/ /de la longs spyod chung bar 'gyur ba'i las yod de de gang zhe na/ de ni ma byin par len pa dang ma byin par len par skul ba dang ma byin par len pa'i legs pa brjod pa dang de la rjes su dga' ba dang ma byin par blangs pas dga' ba pha ma'i 'tsho ba 'phrog pa dang 'phags pa dang tshul khrims dang ldan pa'i 'tsho ba 'phrog pa dang rab tu byung ba rnams dang byis pa dang rgan pa dang phongs pa dang nad pa rnams kyi 'tsho ba 'phrog pa dang gzhan gyis ma thob na dga' ba dang / gzhan gyis thob par 'gyur ba la bgegs byed pa dang lo nyes su dga' ba ste/ las de lta bu ni longs spyod chung bar 'gyur ba'o/ /de la longs spyod che bar 'gyur ba'i las yod de de gang zhe na/ de ni ma byin par len pa spangs pa dang gzhan gyis ma byin par len pa spangs na rjes su dga' ba dang pha ma la 'tsho ba 'bul ba dang 'phags pa dang tshul khrims dang ldan pa rnams la 'tsho ba 'bul ba dang nad pa dang byis pa dang rgan pa dang phongs pa gzhan la yang 'tsho ba'i sbyin pa byed pa dang gzhan gyis thob na dga' ba dang lo legs par dga' ba ste/ mdo de nyid las dge slong dag gzhan yang tshul khrims dang ldan pa rnams 'ongs pa dag la sbyin pa byed cing / bsod nams byed pa'i</font><hr>67.297b<br><font size=+1>

rigs de dag de'i tshe longs spyod che bar 'gyur ba'i lam du zhugs pa yin no zhes gsungs pa lta bu ste/ las de lta bu ni longs spyod che bar 'gyur ba'o/ /de la shes rab chung bar 'gyur ba'i las yod de/ de gang zhe na/ de ni 'di la la la zhig dge sbyong ngam bram ze gzhan dag la chos ni gang yin/ bdag gis ci zhig byas na legs par 'gyur zhes mi 'dri'i/ shes rab 'chal pa la sten cing mkhas pa rnams spong ba dang dam pa'i chos ma yin pa yongs su ston cing chos smra ba rnams kyis legs par rjod par shes kyang 'jungs pa'i sems yod pas legs so zhes mi rjod cing / dam pa'i chos ma yin pa smra ba rnams la legs so zhes rjod cing log par lta ba'i bsngags pa rjod pa dang yang dag pa'i lta ba la nyes par smod pa dang glegs bam 'dri ba dang klog pa la ngan du rjod pa dang de dag gi 'tsho ba 'phrog pa ste/ las de lta bu ni shes rab chung bar 'gyur ba'o/ /de la shes rab che bar 'gyur ba'i las yod de de gang zhe na/ de ni 'di la yongs su 'dri phod pa'i ngang tshul can la la zhig gis dge sbyong dang bram ze mkhas pa la 'dri ba dang / shes rab 'chal pa yongs su spong ba dang / dam pa'i chos ston cing gsal bar byed pa dang / dam pa'i chos ma yin pa la rnam par smod pa dang / chos smra ba rnams la mi 'jigs pa nye bar sgrub pa dang / rigs pa la legs so zhes zer ba dang / mi rigs pa yongs su spong ba dang / yang dag par lta ba'i legs pa rjod pa dang / log par lta ba la nyes par dmod pa dang / glegs bam dang snag tsa dang smyug gu la sogs pa'i sbyin pa byed pa dang chang mi 'thung ba ste/ dper na dga' bo'i mdo las/ chang gi nyes pa sum bcu rtsa lnga gsungs pa dge ba'i phyogs su sbyar ba lta bu ste/ las de lta bu ni shes rab che bar 'gyur ba'o/ /de la sems can dmyal bar skye bar 'gyur ba'i las yod de de gang zhe na/ de ni shin du zhe sdang ba'i sems kyis lus dang ngag dang yid kyi nyes pa cher byas pa dang chad par lta ba dang rtag par lta ba dang</font><hr>67.298a<br><font size=+1>

med par lta ba dang ser sna che ba dang drin du mi gzo ba dang mtshams med pa'i las byed pa dang 'phags pa dang tshul khrims dang ldan pa rnams la skur pa 'debs pa ste/ las de lta bu ni sems can dmyal bar skye bar 'gyur ro/ /de la dud 'gro'i skye gnas su skye bar 'gyur ba'i las yod de/ de gang zhe na/ lus dang ngag dang yid kyis nyes pa 'bring du byas pa dang / 'dod chags las byung ba'i las sna tshogs dang / zhe sdang las byung ba'i las sna tshogs dang / gti mug las byung ba'i las sna tshogs dang / pha ma dang rab tu byung ba rnams la tshul dang mi 'dra ba'i sbyin pa byed pa dang / dud 'gro'i skye gnas su skyes pa'i sems can rnams la phyas byed pa dang de ltar smon pa ste/ dper na ba lang gi brtul zhugs can dang / bya'i brtul zhugs can la sogs pa de ltar skye bar shog cig ces smon pa rnams dang / byang chub sems dpa'i ched du brjod pa seng ge'i skyes pa'i rabs las byung ba dang / bram ze char 'bebs spre'ur skyes par gyur pa ste/ dper na bram ze char 'bebs kyis gnas brtan 'od srung chen po bya rgod 'phungs pa'i ri la/ rgyal po'i khab kyi steng nas nam mkha' la 'gro ba mthong nas/ lhas byin dang ma skyes dgra'i sten las zhe sdang ba'i sems su gyur te/ dge slong 'di ni ri las rir/ nam mkha' las nam mkhar/ spre'u shing las shing gi steng du 'dzeg pa dang 'dra bar 'gro'o zhes mi snyan pa'i tshig tu brjod pa de bcom ldan 'das la gsol to/ /bram ze char 'bebs pa 'dis khros pa'i sems kyis mi snyan pa de skad du brjod na/ btsun pa bcom ldan 'das de'i rnam par smin pa cir 'gyur zhes zhus pa dang / bcom ldan 'das kyis bka' stsal pa/ ngan du brjod pa de'i rnam par smin pas bram ze char 'bebs 'di/ tshe rabs lnga brgya'i bar du spre'ur 'gyur ro zhes bka' stsal pa dang / de mi dga'</font><hr>67.298b<br><font size=+1>

ba'i sems kyis dad pa'i sems bskyed de/ des bcom ldan 'das mya ngan las 'da' kar/ bcom ldan 'das sug las de gang du bas par 'gyur zhes zhus pa dang / bcom ldan 'das kyis bka' stsal pa/ tshe rabs lnga brgya po de dag gis zad par 'gyur bar zad de/ chung zad du na 'dzam bu'i gling gi shing 'dzam bu zhes bya ba shing tog lnga brgya tsam yod pa/ shing tog de dag kyang sbrang rtsi ltar mngar zhing gtang mi bra bar zhim pa dang ldan pa de'i drung du skyes te/ de nas rgyal po khab tu skyes nas tshe 'phos te thar pa dang mtho ris su skye bar 'gyur ro zhes gsungs pa lta bu dang / dper na zhe sdang gi sems kyis seng ge'i nang du skyes nas de'i don du bcom ldan 'das kyis tshigs su bcad pa gsungs pa/ mel tshe byed na nam yang ring / /ngal ba dag la dpag tshad ring / /dam pa'i chos ni shes gyur kyang / /byis pa rnams la 'khar ba ring / /zhes gsungs pa lta bu ste/ las de lta bu ni dud 'gro'i skye gnas su skye bar 'gyur ba'o/ /de la gshin rje'i 'jig rten du skye bar 'gyur ba'i las yod de gang zhe na/ de ni khro zhing zhe sdang ba'i sems kyis lus dang ngag dang yid kyis ngan du spyad pa dang / 'dod chags dang mi rigs par 'dod pas log par 'tsho ba dang bkres shing skom pa dang khros bzhin du tshe 'phos pa dang nor la mngon par chags pa'i sems kyis tshe 'phos pa ste/ dper na brgya bsdus pa'i mdo las/ bcom ldan 'das kyis kun dga' bo la bka' stsal pa/ kun dga' bo gang zag la la tshe rabs snga ma la byas pa'i las nye bar gnas par gyur tam/ tshe 'pho ba'i tshe log par lta bar gyur pa btsan no zhes gsungs pa lta bu ste/ las de lta bu ni gshin rje'i 'jig rten du skye bar 'gyur ba'o/ /de la lha ma yin gyi 'jig rten du skye bar 'gyur ba'i las yod de de gang zhe na/ de ni lus dang ngag dang yid kyis nyes pa chung ngu spyad pa dang nga rgyal dang mngon pa'i nga rgyal dang nga'o zhes pa'i</font><hr>67.299a<br><font size=+1>

nga rgyal dang chung ba'i nga rgyal dang legs pa spyad pa'i dge ba'i rtsa ba der bsngos pa dang / shes rab kyi sgo nas 'dod chags kun gyi rab las byung ba'i tshul khrims ngan pa spyad pa ste/ las de lta bu ni lha ma yin gyi 'jig rten du skye bar 'gyur ba'o/ /de la mir skye bar 'gyur ba'i las yod de de gang zhe na/ de ni dge ba bcu'i las kyi lam goms par byas pa ste bcu gang zhe na/ srog gcod pa dang ma byin par len pa dang 'dod pas log par g.yem pa ste lus kyi las gsum dang / brdzun du smra ba dang phra ma dang ngag rtsub pa dang tshig kyal pa ste ngag gi las bzhi dang / gzhan gyi nor la chags su byed pa dang gnod sems dang log par lta ba ste yid kyi las gsum dang mi dge ba'i las bcu po de dag spong ba ste/ las de lta bu ni mir skye bar 'gyur ba'o/ /de la 'dod pa'i khams na spyod pa'i lhar skye bar 'gyur ba'i las yod de de gang zhe na/ de ni dge ba bcu'i las kyi lam yongs su rdzogs shing legs par sbyangs pa ste/ las de lta bu ni 'dod pa'i khams na spyod pa'i lhar skye bar 'gyur ba'o/ /de la gzugs kyi khams na spyod pa'i lhar skye bar 'gyur ba'i las yod de de gang zhe na/ dge ba bcu'i las kyi lam rnams legs par sbyangs shing shin tu mnyam par bzhag pa dang khyad par du shin tu 'phags pa dang yongs su rdzogs par byas pa ste/ las de lta bu ni gzugs kyi khams na spyod pa'i lhar skye bar 'gyur ba'o/ /de la gzugs med pa'i khams na spyod pa'i lhar skye bar 'gyur ba'i las yod de de gang zhe na/ gzugs med pa'i snyoms par 'jug pa bzhi ste/ gzugs kyi 'du shes rnams las rnam pa thams cad du yang dag par 'das te/ thogs pa'i 'du shes rnams med par gyur cing sna tshogs kyi 'du shes rnams yid la mi byed pas nam mkha' mtha' yas so snyam nas nam mkha' mtha' yas skye mched rdzogs par byas te gnas pa dang / rnam pa thams cad du nam</font><hr>67.299b<br><font size=+1>

mkha' mtha' yas skye mched las yang dag par 'das te/ rnam par shes pa mtha' yas so snyam nas rnam shes mtha' yas skye mched rdzogs par byas te gnas pa dang / rnam pa thams cad du rnam shes mtha' yas skye mched las yang dag par 'das te/ ci yang med do snyam nas ci yang med pa'i skye mched rdzogs par byas te gnas pa dang / rnam pa thams cad du ci yang med pa'i skye mched las yang dag par 'das te/ 'du shes med 'du shes med min skye mched rdzogs par byas te gnas pa ste/ las de lta bu ni gzugs med pa'i khams la spyod pa'i lhar skye bar 'gyur ba'o/ /de la byas la ma bsags pa'i las yod de de gang zhe na/ byas nas ngo tsha bar 'dzin pa dang 'gyod pa dang smod pa dang 'chags pa dang 'thol ba dang spongs ba dang phyin cad mi byed par sdom pa ste/ las de lta bu ni byas pa ma bsags pa'o/ /de la bsags la ma byas pa'i las yod de de gang zhe na/ las gang lus kyis yongs su rdzogs par byas pa de/ sems kyis yongs su rdzogs par byas shing tshig tu yang las 'di bya'o zhes smras la de ma byas pa ste/ las de lta bu ni bsags la ma byas pa'o/ /de la byas kyang byas la bsags kyang bsags pa'i las yod de de gang zhe na/ las gang byas nas mi 'dzem pa dang mi ldog pa dang mi 'gyod pa dang mi smod pa dang mi 'chags pa dang mi 'thol ba dang mi 'dor ba dang / mi spong ba dang phyin cad mi sdom par byed pa ste/ las de lta bu ni byas kyang byas la bsags kyang bsags so/ /de la byas kyang ma byas la bsags kyang ma bsags pa'i las yod de de gang zhe na/ las gang ched du ma bsags par byas pa/ rmi lam na byas pa 'am byed du bcug pa lta bu ste/ las de lta bu ni byas kyang ma byas la bsags kyang ma bsags pa'o/ /las gang dang ldan na gang zag sems can dmyal bar skyes nas sems can dmyal</font><hr>67.300a<br><font size=+1>

ba'i tshe yongs su rdzogs par zad par byas nas tshe 'pho bar 'gyur ba'i las yod de de gang zhe na/ 'di ni la la zhig gis sems can dmyal ba'i las byas shing bsags kyang las de byas pas ngo tshar mi 'dzin mi 'gyod mi smod pa dang mi 'chags mi 'thol zhing phyin cad mi sdom la phyir zhing dga' ba dang nyams bde ba skyed pa ste/ dper na lhas sbyin dang / dus min la sogs pa lta bu ste/ las de lta bu dang ldan na gang zag de sems can dmyal ba'i tshe yongs su rdzogs nas tshe 'pho bar 'gyur ba'o/ /de la las gang dang ldan na gang zag sems can dmyal bar skyes nas/ sems can dmyal ba'i tshe phyed zad de tshe 'pho bar 'gyur ba'i las yod de de gang zhe na/ de ni 'di la la las sems can dmyal bar 'gyur ba'i las byas nas 'dzem pa dang 'dog pa dang smod pa dang 'chags pa dang 'thol ba dang 'dor ba dang spong ba dang phyin cad sdom par byed pa ste/ 'di ni las gang dang ldan na gang zag sems can dmyal bar skye ste/ sems can dmyal ba'i tshe phyed zad par byas nas tshe 'pho bar 'gyur ba'o/ /de la las gang dang ldan na gang zag sems can dmyal bar skyes ma thag tu tshe 'pho bar 'gyur ba'i las yod de de gang zhe na de ni 'di la gang zag la las sems can dmyal ba'i las byas shing bsags par na/ las de byas pas ngo tsha bar 'dzin la 'gyod cing smod pa dang 'chags shing mthol na phyin cad mi bya'o zhes sdom par byed pas/ brgya la sems can dmyal bar skyes na yang skyes ma thag tu tshe 'pho bar 'gyur ba ste/ dper na rgyal po ma skyes dgras/ mtshams med pa'i las pha bsad pa dang / dge 'dun phye ba dang / glang po che bkye ba dang / rdo'i 'khor lo 'phangs pa lta bu ste/ las des mnar med pa'i sems can dmyal bar 'gro bar thos nas/ de mi dga' ste/ sems mos par byas pa dang dge sbyong gi 'bras bu'i mdo las sdig gshags te/ dge ba'i rtsa ba bsags pa dang tshe 'pho kar rus pa yan</font><hr>67.300b<br><font size=+1>

cad kyang sangs rgyas la skyabs su mchi'o zhes gsol ba lta bu ste/ de skad du/ shin du mi bzad las rnams byas pa ni/ /bdag la smod dang rab tu bshags pa dang / /sdom par byed pas de dag srabs 'gyur gyis/ shin du rtsa nas phyin ces mi smra'o/ /zhes gsungs pa lta bu ste/ las de lta bu dang ldan na gang zag sems can dmyal bar skyes ma thag tu tshe 'pho bar 'gyur ba'o/ /de la nges par skye bar 'gyur ba'i las yod de de gang zhe na/ de ni las byas nas che ge mo shig tu skye bar shog cig ces yongs su bsngos pas der skyes par 'gyur ba ste/ dper na bcom ldan 'das kyis dkar sham gyi skyes pa'i rabs la smon lam gyi dbang gis skye bar gsungs pa lta bu ste/ las de lta bu ni nges par skye bar 'gyur ba'o/ /de la ma nges par skye bar 'gyur ba'i las yod de de gang zhe na/ de ni las byas nas che ge mo zhig tu shog cig ces yongs su mi bsngo ba ste/ las de lta bu ni ma nges par skye bar 'gyur ba'o/ /de la yul gzhan du rnam par smin par 'gyur ba'i las yod de de gang zhe na/ de ni tshe 'di nyid dam tshe gzhan la yul gzhan du bde ba'am ma bde ba rnam par smin pa ste/ dper na bcom ldan 'das kyis bka' stsal pa/ dge slong dag sngon 'das pa'i dus na 'dzam bu'i gling gi mi'i tshe dpag tu med de/ rgyal po man da ta ltar gyur pa'i tshe/ grong khyer gcig cig na ded dpon gyi bu byams pa mchod sbyin zhes bya ba zhig yod pa grogs lnga brgya tsam gyis bskor te/ bza' shing gi ra bar phyin pa dang grogs po de dag gis smras pa/ grong 'di na khyod kyi pha la sogs pa tshong pa rnams rgya mtsho las rgyu zhing / gser gnas la sogs pa yul gzhan dag tu yang 'dong / gling gzhan dag kyang lta zhing nor la sogs pa yang byed na/ khyod la sogs pa bdag cag kyang rgya mtsho las rgyus te nor bsag par bya'o zhes smras pa dang / des de ltar bya'o zhes mnyan te rgongs ma'i gan du song nas/ ma gser gnas su 'gro'o zhes ma la dris pa dang / </font><hr>67.301a<br><font size=+1>

de'i mas smras pa/ bu nor lta zhig khyim na dpag tu med pa yod kyis ma 'gro shig ces smras pa dang / des ma'i ngag mnyan te/ mi 'gro bar byas nas de'i 'og tu bza' shing gi ra bar phyin pa dang / grogs po rnams kyis don de nyid la da dung yang gsol ba 'debs so zhes smras pa dang / des de ltar bya'o zhes nas de dag gi ngag mnyan te/ yang song nas ma la dris pa dang mas rkang pa nas bzung ste 'dug par gyur nas/ de ltar lan gsum byas pa'i 'og tu bza' shing gi ra ba der phyin pa dang / grogs po rnams kyis nges par mi 'dong du mi rung ngo zhes bsgo nas/ des yang ma la yul gzhan du 'gro'o zhes zhus pa dang / mas bdog pa thams cad bsogs nas rkang pa yan can nas bzung ste mi 'gro bar byas pa las/ dus gzhan zhig na khye'u de bza' shing gi ra ba der phyin pa dang grogs po dag gis smras pa/ khyod kyis nyes pas bdag cag kyang da dung ma dong ste da ni tshes bcu gsum la 'dong ngo zhes smras pa dang / des ma la ma byas par rgya rdzas thams cad phyir bton nas de lam du 'jug par byas pa dang / de'i mas sgo khar bsdad de rkang pa nas bzung ba dang bu ma 'gro shig ces byas pa dang / de khros nas ma'i mgo la 'goms te song nas rgya mtsho'i ngogs su phyin pa dang des grogs po rnams la bsgo ba/ rgya mtshor 'jug par ni bya na 'tsho 'am mi 'tshor yang gtol med kyis/ bdag cag kun kyis khrims brgyad mnod par bya'o zhes smras nas/ de dag gis kyang de'i ngag mnyan te khrims mnos so/ /de ltar de dag rgya mtshor zhugs te dong dong ba las dbus su phyin pa dang rlung chen po langs nas gru bub ste/ gzhan thams cad ni tshe 'phos/ byams pa mchod sbyin ni zangs kyi ral chen kha skya 'dar kyis bcad pa zhig la/ 'ju 'ju nas rgya mtsho 'thar phyin te 'phyan cing song song na/ grong khyer gser gyi ra ba can bza' shing gi ra ba dang ldan pa rdzing bu</font><hr>67.301b<br><font size=+1>

dang ldan pa bdug spos kyis bdugs/ me tog sil mas gtor ba dar gyi lda ldi mang po bres pa zhig mthong nas/ de'i nang na lha mo bzhi zhig 'thon te de dag gis lag nas bzung ste nang du khrid do/ /de nas de dag dang lo mang po lo brgya phrag mang po lo stong phrag mang po lo brgya stong phrag mang por rtse rtse nas lha mo de dag gis bsgo ba/ 'phags pa'i bu 'di ni sngan cad khyod la med pa'i yul yin gyis 'di nas phyi rol du byung ta re/ brgya la 'byung na yang kha byang phyogs su ltas te byung shig ces smras so/ /de dus gzhan zhig na de nas phyi rol du byung ste yang 'phyan cing song song ba dang / grong khyer dngul gyi ra ba can bza' shing gi ra ba dang ldan pa rdzing bu dang ldan pa bdug spos kyis bdugs pa me tog sil mas gtor ba dar gyi lda ldi mang po bres pa zhig mthong ngo / /de'i nang nas lha mo brgyad 'thon te/ snga ma bzhin du rtse rtse nas de nas kyang dus gzhan zhig na phyir byung ste 'khyam 'khyam pa las grong khyer bai dUr+ya'i ra ba can nas/ dar gyi lda ldi mang po bres pa snga ma bzhin du mthong nas/ /de'i nang nas lha mo bcu drug 'thon de dag gis kyang de'i lag nas bzung ste nang du khrid do/ /de dag dang yang lo brgya phrag mang por rtse rtse nas/ de nas kyang dus gzhan zhig nas/ phyir byung ste 'khyam 'khyam pa las/ grong khyer shel gyi ra ba can nas dar gyi lda ldi mang po bres pa'i bar du snga ma bzhin du mthong nas/ de'i nang nas lha mo sum bcu rtsa gnyis 'thon te de dag gis kyang lag nas bzung ste nang du khrid do/ /de dag dang yang snga ma bzhin du rtse rtse ba las de dag gis bsgo ba/ 'phags pa'i bu 'di ni khyod la med pa'i sa phyogs yin gyis/ gnas 'di nas phyi rol tu byung da re/ brgya la 'byung na yang kha byang phyogs su ltos te byung shig ces smras pa'i 'og tu/ de khang pa de nas byung ste kha byang phyogs su bltas nas song song ba las/ tsher ma'i nags tshal zhig tu phyin pa dang grong khyer lcags kyi ra ba nag po can zhig</font><hr>67.302a<br><font size=+1>

mthong ste/ der song song ba dang nang du phyin ma thag tu grong khyer gyi sgo 'gags nas/ ra ba'i gong du bltas na yang mtho bar gyur te mthar sgra 'jigs pa zhig kyang thos nas/ de na gnas bzhin du 'di ci zhig snyam du bsams pa dang / ral gri 'khor lo mgo la 'khor zhing gcod pa'i mi zhig mthong nas dngangs te/ kye mi 'di ci zhig ces dris pa dang / sems can dmyal ba pa'i mi des 'di ni nyi tshe ba'i sems can dmyal ba'o zhes smra ba dang / byams pa mchod sbyin gyis/ khyod kyis sdig pa'i las ci zhig byas zhes smras so/ /des smras pa/ 'dzam bu'i gling na grong khyer ko sa li zhes bya ba zhig yod de/ bdag kyang de na ded dpon gyi bu zhig tu gyur cing 'dug 'dug pa las/ bdag grogs lnga brgyas bskor te bza' shing gi ra ba chen por phyin pa dang / grogs po de dag gis smras pa/ khyod kyi pha ni ded dpon yin te/ de dag la sogs pa bdag cig gi pha rnams yul gzhan du dong zhing nor la sogs pa yang byed/ gser gnas dang / sing g+ha la'i gling la sogs pa gling gzhan dag kyang lta na/ bdag cag kyang khyod kyis gtso bo byas te yul gzhan du 'dong ngo zhes smras pa dang / de dag gis mnyan te khyim du phyin nas ma la bdag grur zhugs te yul gzhan du 'gro'o zhes dris pa dang / bdag gi mas smras pa/ bu khyod kyi pha yang rgya mtsho las grur zhugs te yul gzhan du song song ba las tshe 'phos te/ bu yang khyod gcig pur zad la/ khyim yang nor gyis gang bar yod kyis ma 'gro shig ces nas/ bdag gis kyang mi 'gro'o zhes ma'i ngag mnyan te/ de ltar lan gsum 'am bzhir mas rkang pa nas bzung ste bsgo nas 'dug 'dug pa nas/ dus gzhan zhig na bdag bza' shing gi ra bar phyin pa dang grogs po rnams kyis nges par 'dong ngo / /zhes smras nas/ 'o na 'dong bar bya'o zhes bdag gis khas blangs te 'gro bar byas pa dang / bdag gi mas sgo kar rkang pa nas bzung ste bu nga dor ba'i mi rigs so zhes smras pa dang / bdag gi ma'i mgo la 'goms te song</font><hr>67.302b<br><font size=+1>

nas grogs po lnga brgya dang bdag cag rgya mtsho'i ngogs su phyin te/ khrims brgyad mnos nas rgya mtshor zhugs te/ gser gnas su dong dong ba las rlung chen po langs nas gru bub ste grogs po de dag ni tshe 'phos par gyur/ bdag ni nyi ma du ma zhig na rgya mtsho'i mthar phyin te/ 'khyam zhing song song ba las/ grong khyer gser gyi ra ba can/ bza' shing gi ra ba dang ldan pa rdzing bu dang ldan pa/ bdug spos kyis bdugs pa/ me tog sil mas gtor ba/ dar gyi lda ldi mang po bres pa zhig mthong ngo / /de'i nang nas lha mo bzhi zhig 'thon pa nas/ lha mo sum bcu rtsa gnyis 'thon pa dang / grong khyer lcags kyi ra bas bskor ba zhig mthong ba'i bar du snga ma bzhin te/ bdag de'i nang du phyin pa dang / de ma thag tu sgo yang 'gags/ de ni mi zhig kyang ral gri 'khor lo mgo la 'khor zhing 'dug pa mthong nas/ bdag 'di na 'dug 'dug pa'i mgo la 'khor lo 'phos par gyur to/ /bdag ma'i tshig gis lam bzhi phyir log pa dang / khrims brgyad mnos pa'i las kyi rnam par smin pas/ grong khyer bzhir nyi tshe ba'i mtho ris nyams su myong bar gyur to/ /bdag gis ma'i mgo la 'goms te song ba'i las kyi rnam par smin pas ni/ ral gri 'khor lo mgo la 'khor zhing gcod pa 'di yin no zhes byas pa dang / byams pa mchod sbyin gyis bsams pa/ bdag gis kyang sngon las de kho na dang 'dra bar byas kyis/ bdag gi las rnam par smin pa yang nye bar gnas par gyur pa lta'o snyam pa dang / sems can dmyal ba'i mi des byams pa mchod sbyin khyod gang nas 'ongs shes smras pa dang / byams pa mchod sbyin gyis 'dzam bu'i gling na grong khyer ta ma li ba ti zhes bya ba zhig yod de/ bdag ni de nas 'ongs te/ bdag gis kyang las de dag thams cad byas so/ /sems can dmyal ba pa'i mi des smras pa/ de bden pa lta ste/ bdag gis kyang bar snang las sgra thos nas/ khyod kyi las kyi rnam par smin pa zad de/ ded dpon gyi bu byams pa mchod sbyin zhes bya ba/ las de dang 'dra bar byas pa zhig 'ong ngo zhes</font><hr>67.303a<br><font size=+1>

thos so/ /byams pa mchod sbyin gyis zas su ci za zhes smras pa dang / des mgo 'di nyid kyi sha rlil ba las/ sha dang khrag 'ong ba za'o zhes nas/ mi de yang der tshe 'phos par gyur to/ /byams pa mchod sbyin 'jigs shing mi dga' bas/ ma'i don du smon lam btab ste/ 'di skad ces smras so/ /'jig rten bgrang du med pa thams cad kyi/ /srid rtse man cad mnar med yan cad na/ /lha dang lha min lto 'phye chen po'i tshogs/ /bde bar gyur cig sdug bsngal bdag gis blang / /de skad ces smras nas/ bsam pa thag pas pha ma la phyag 'tshal te smon lam btab bo/ /gar skyes gar skyes kyang pha ma'i rim gro bya'o/ /nyi tshe ba'i sems can dmyal ba 'dir skye bar 'gyur ba de dag gi don du bdag 'di na gnas so/ /'jig rten na rigs pa dang ldan pa dang / grol bar gyur pa su bzhugs pa de dag la phyag 'tshal lo/ /de dag gis kyang bdag bskyab tu gsol zhes smras nas/ sems can dmyal ba pa 'dug 'dug pa der 'dug nas/ yang pha ma'i don du smon lam btab pa/ sems can dmyal ba mnar med mtha' nas srid rtse man chad/ sems can tshe 'pho'i rnam pa 'ching bas ji snyed bcings pa dag /thams cad ma lus chos dang ldan zhing bde bar 'tsho 'gyur te/ /rgan med tshe 'pho med pa'i mya ngan 'das pa thob gyur cig /de skad ces brjod de bsdad pa dang / 'khor lo de mgo la ma reg par steng gi nam mkha' la 'khor bar gyur to/ /de'i mas kyang gal te bdag gi sbyin pa 'am tshul khrims sam bdag gis khyim thab kyi brtul zhugs byas pa'i bsod nams kyi 'bras bu zhig yod na/ bsod nams kyi 'bras bu des/ bdag gi bu gang dang gang na gnas kyang bde bar gyur cig ces rtag par smon lam btab pas de ltar zhi bar gyur to/ /de yang nyi tshe ba'i sems can dmyal ba de na 'dug 'dug nas/ lo drug bcu yang ma lon par tshe 'phos par gyur te/ dper na rgyal po ma skyes dgra sems can dmyal ba'i tshe yongs su ma rdzogs par tshe 'phos pa lta bu ste/ las kyi 'bras bu chud za ba med pa'i</font><hr>67.303b<br><font size=+1>

phyir bar bar glad pa na bar gyur to/ /de nas skabs su bab nas/ bcom ldan 'das kyis dge slong rnams la bka' stsal pa/ dge slong dag de'i tshe de'i dus na ded dpon gyi bu byams pa mchod sbyin zhes bya ba de gzhan zhig yin par sems na de ni de ltar mi lta ste/ nga nyid de'i tshe de'i dus na ded dpon gyi bu byams pa mchod sbyin zhes bya bar gyur to/ /dge slong dag de lta bas na nga'i tshig la yid ches par byas te sangs rgyas bcom ldan 'das la rim gro yod par bya'o/ /chos dang dge 'dun la rim gro yod par bya'o/ /pha ma dang mkhan po dang slob dpon la rim gro yod par bya'o/ /dge slong dag khyed kyis 'di ltar shes par bya ste/ gang yul gzhan du song zhing bde ba dang sdug bsngal nyams su myong ba yod de/ dper na byams pa mchod sbyin yul gzhan du song nas tshe de nyid la nyi tshe ba'i mtho ris dang / nyi tshe ba'i sems can dmyal ba myong bar gyur pa lta bu ste/ de ltar yul gzhan du bde ba dang sdug bsngal nyams su myong bar gyur pa'i las de lta bu ni yul gzhan du rnam par smin par 'gyur ba'o/ /de la yang bcom ldan 'das kyis de skad ces gsungs te/ nga la ci byas pa dang pha ma dang mkhan po dang slob dpon la ci byas pa de dag ni bye brag med cing mtshungs te tshe 'di dang phyi ma la yang rnam par smin pa mi mnyam pa med do/ /ji ltar na tshe 'di 'di la rnam par smin pa mtshungs shing mnyam pa yin zhe na/ dper na mnyan du yod pa na bcom ldan 'das dang nyan thos kyi dge 'dun bshos gsol ba mi 'phongs pa gcig cig gis mthong nas sems mos par byas pas des bsod nams kyi tshogs chen po yang bsags par gyur/ rgyal por 'gyur ba'i las kyang byas/ de nyid thar pa'i sa bon du gyur pa de thugs su chud nas/ bcom ldan 'das kyis tshigs su bcad de gsungs pa/ de la rjes su yi rang su byed pa dang / de'i las ni nyams su su len pa/ zhes bya ba la sogs pa gsungs pa dang / chos rnams sngon du yid 'gro ste/ /yid kyis chos 'gyur yid kyis 'gro/ /</font><hr>67.304a<br><font size=+1>

yid ni legs par mos 'gyur na/ /smra ba 'am byed pa kun du 'gyur/ /grib ma rjes su 'brang ba bzhin/ /de las bde ba 'thob par 'gyur/ /zhes gsungs pa dang / de nas tshe 'phos pa'i 'og tu lhar skyes pa lta bu dang / dper na grong khyer gtsug phud zhes bya ba'i rang sangs rgyas lta bu ste/ de la lo nyes pa zhig gi tshe mi dbul po zhig gis bsod snyoms zhig phul bas/ de de nyid kyi tshe rgyal por dbang bskur nas/ dus gzhan zhig na rang sangs rgyas su gyur pa lta bu'o/ /de yang mdo sde dag las gsungs pa/ grong khyer gtsug phud ces bya ba de dang 'dra bar sems mos pa'i 'bras bu tshe 'di nyid la rnam par smin par 'gyur ro zhes gsungs pa dang / pha ma la rim gro byas na/ ded dpon gyi bu byams pa mchod sbyin gyis ma'i ngag mnyan te lan bzhi phyir log pas grong khyer chen po bzhir nyi tshe ba'i mtho ris myong bar gyur cing de'i thar pa'i sa bon du gyur pa ltar/ tshe 'di la 'bras bu rnam par smin par 'gyur ro zhes gsungs pa lta bu'o/ /ji ltar na bcom ldan 'das dang pha ma la zhe sdang bar byas pa'i sems kyis/ sems can dmyal bar 'gro bar 'gyur zhe na/ de ni dper na lhas sbyin gyis bcom ldan 'das la zhe sdang ba'i sems bskyed nas tshe 'phos pa'i 'og tu mnar med pa'i sems can dmyal bar lhung ba lta bu dang / dper na yul sin du na 'o dod can zhes bya ba'i grong khyer zhig yod par rgyal po'i bu u tra ka zhes bya bas pha bsad de sems can dmyal bar lhung ba lta bu ste/ de ltar na bcom ldan 'das dang pha ma la zhe sdang bar byas pa'i sems kyis sems can dmyal bar 'gro bar 'gyur ro/ /de dag la bye brag med pa yin nam zhe na bye brag med pa 'ang ma yin te/ bcom ldan 'das ni bskal pa brgya stong du mar dge ba'i rtsa ba bskyed pa tshogs bsags pa lam ma skyes pa rnams la chos ston cing byang chub tu stobs pa ste/ de la myos pa bskyed na/ 'bras bu rnam par smin pa tshad med par 'gyur te/ de mya ngan las 'da' ba'i tshe yang yab yum thar</font><hr>67.304b<br><font size=+1>

pa'i lam la bkod do/ /de lta yin yang pha ma'i tshig ni thams cad mnyan par bya ba ma yin no/ /de ci'i phyir zhe na/ lo la log par lta ba dang ldan pa dag bu la 'di skad ces zer te/ bu nged kha 'tsho ba'i gnas su khrid cig dang / khyod la phan pa dang bde bar 'gyur ro zhes zer ba dang / nged g.yang du thong shig mer chug shig ces zer yang de lta bu ni mi bya'o/ /de ci'i phyir zhe na/ pha ma bsad pas ni gdon mi za bar sems can dmyal bar 'gro'o/ /de lta bas na bcom ldan 'das kyis kyang pha ma gsod pa ni rab tu 'byung bar mi bya ste/ de la rab tu 'byung ba'i rgyu med bsnyen pa rdzogs par bya ba'i rgyu med de/ de lta bas na de dag spang bar bya'o zhes gsungs so/ /ji ltar na pha ma dang mkhan po dang slob dpon dag tu mnyam zhing mtshungs pa yin zhe na/ de ni bcom ldan 'das kyis pha ma bu la byams pa ni rkang dang rus pa'i khong nas byams so zhes gsungs te/ de lta bas na pha mas ma gnang na rab tu mi 'byung ngo / /de yang dper na 'phags pa pho brang 'khor skyong la sogs pa pha mas ma bkye na bcom ldan 'das kyis kyang rab tu ma phyung ba lta bu ste/ dper na bcom ldan 'das rab tu byung ba la/ rgyal po zas gtsang ma sras kyi mya ngan gyis mig rub par gyur pa'i lta bu'o/ /pha ma ni bu 'di bdag cag gis bskyed bskyed kyis/ skyes rna rim gror byed par 'gyur ro/ /bdag cag gi dgos pa bsgrub par 'gyur ro/ /tshe 'phos na yang gtor ma byed par 'gyur ro/ /rigs kyi rgyud 'tshob par 'gyur ro zhes gnas lnga po de dag la re zhing pha ma bu 'dod do/ /mkhan po dang slob dpon ni snying rje'i sems sngon du btang zhing ji ltar na thog ma med pa nas 'khyam 'khyam pa 'di/ da dung pha mas ma gnang na rab tu mi 'byung kyi bar tu phyin par bya snyam sems te/ dper na bcom ldan 'das kyis 'dul ba las gsungs pa/ mkhan po ni slob ma la bu'i 'du shes 'jog go/ /slob ma ni mkhan po la pha'i 'du</font><hr>67.305a<br><font size=+1>

shes 'jog go/ /de bzhin du phan tshun pha ma dang bu'i 'du shes 'jog go zhes gsungs pa lta bu ste/ de ltar na mkhan po dang slob dpon ni pha ma dang mtshungs shing mnyam mo/ /de yang bcom ldan 'das kyis 'khor los sgyur ba'i mdo las gsungs pa/ las kyi rnam par smin pa gang gis 'khor lo sgyur ba'i rgyal po glang po rin po che dang rta rin po che 'thob ce na/ de ni pha ma khur du khyer khyer ba dang / glang po dang rta dang shing rta la sogs pa la bskyon pa dang / mkhan po dang slob dpon bdag gis bkur ba dang / gzhan la bskyon pa'i las kyi rnam par smin pas/ 'khor los sgyur ba'i rgyal po glang po dang rta rin po che 'thob bo zhes gsungs pa lta bu ste/ rgyu des kyang pha ma dang mkhan po dang slob dpon dag tu mtshungs shing mnyam mo/ /de la'ang khyim pa dag la ni pha ma mchod pa'i gnas yin no/ /rab tu byung ba rnams la ni mkhan po dang slob dpon mchod pa'i gnas yin no/ /de ltar na mkhan po dang slob dpon dang pha mar mtshungs shing mnyam pa yin no zhes gsungs pa lta bu'o/ /dper na bcom ldan 'das kyis dge slong dag la bka' stsal pa/ dge slong dag la la zhig gis pha ma phrag pa la blangs te 'dzam bu'i gling bskor ba dang 'tsho ba thams cad sbyar ba dang gling bzhi thams cad nor dbyig dang gser gyis bkang ste byin yang pha ma la phan pa'i lan lon par mi 'gyur gyi/ la la zhig gis sangs rgyas la dad pa bskyed pa dang / chos dang dge 'dun la dad pa bskyed pa dang / bslab pa lnga la gzhag pa dang / 'phags pas bsngags pa'i lam la skyabs su gtong ba'i gang zag de la ni/ gus par smras pa dang bsu ba dang thal mo sbyar ba dang btud pa dang chos gos dang bsod snyoms dang mal cha dang / na ba'i sman byin pa tsam gyis phan pa'i lan lon par mi nus so zhes gsungs pa lta bu ste/ de ltar na pha ma bas kyang mkhan po dang slob dpon khyad par du 'phags so/ /mdor na bcom ldan 'das</font><hr>67.305b<br><font size=+1>

mya ngan las 'das phyin cad dge slong ma 'am/ dge bsnyen nam dge bsnyen ma ji snyed cig mngon par mos pa dang dul bar gyur pa de dag thams cad kyang / mkhan po dang slob dpon gyis mngon par mos shing dul bar byas so/ /de'i phyir bcom ldan 'das kyis gsungs pa/ dge slong dag nga'i tshig la yid ches pa rnams kyis sangs rgyas bcom ldan 'das la dad pa mchog bskyed par bya'o/ /chos dang dge 'dun dang / pha ma dang mkhan po dang slob dpon la dad pa mchog bskyed par bya'o/ /de ni khyod la yun ring por phan pa dang bde ba'i rgyur 'gyur ro zhes gsungs pa lta bu ste/ las de lta bu ni yul gzhan du rnam par smin par 'gyur ro/ /de la las gang dang ldan na gang zag sngar bde bar gyur la/ phyis sdug bsngal bar 'gyur ba'i las yod de/ de gang zhe na bshad par bya ste/ 'di la la la zhig sbyin pa bslangs na rab tu dga' ste/ khas len cing rab tu dga' bas byin la/ byin nas de'i 'og tu 'gyod pa yin te/ de nas mir skyes na yang phyug cing longs spyod che ba'i rigs su skye ste/ longs spyod de dag phyis zad cing dengs par 'gyur ro/ /de phyis dbul por 'gyur ba ni khye'u grags pa zhes bya ba bzhin te/ des yang dag par rdzogs pa'i sangs rgyas log par dad sel dang / dge slong gi dge 'dun la ba bzhon gcig phul nas/ de phyis gzhan dag gis gyod btab pa dang / de ltar byin pa ni ma legs pa zhig byas so snyam nas/ de sems la 'gyod pa skyes pas de gar skyes kyang thog ma phyug por ni gyur na/ phyis sems 'gyod pa skyes pa des tha mar dbul por gyur to/ /de phyis rgyal po'i khab tu skyes te/ skye ba na de tshe 'phos par gyur pa dang / 'di skyes pas ma yang tshe 'phos te/ 'di ni skar ma snums las skyes pas rigs phung bar byed par 'gyur te/ 'di ni bkra mi shis so zhes nas ma dang lhan cig tu dur khrod du bor ro/ /de na yang de'i bsod nams kyi mthus ma'i nu ma ya cig nas 'o ma byung ste/ des gsos</font><hr>67.306a<br><font size=+1>

nas cher skyes pa dang / bcom ldan 'das kyi gan du song ste rab tu byung ngo / /de ltar des sngar dad pa skyes te ba bzhon phul la phyis 'gyod par gyur pas las de'i 'bras bus sngar sems dad pas phul bas ni de nyid de'i thar pa'i sa bon du gyur to/ /phyis 'gyod pas ni tha ma dbul por gyur pa lta bu ste/ 'di ni las gang dang ldan na gang zag sngar bde la phyis sdug bsngal bar 'gyur ba'o/ /de la las gang dang ldan na gang zag sngar sdug bsngal la phyis bde bar 'gyur ba'i las yod de/ de gang zhe na/ bshad par bya ste/ 'di la kha cig sbyin pa byed du bcug na kha sra ba las khas len cing / /kha sra bzhin du sbyin pa byed la/ sbyin pa byin pa'i 'og tu sems dga' ba skyed do/ /de ni mi'i nang du skyes na dbul po'i rigs su skyes te phyis longs spyod de dag 'phel bar 'gyur ro/ /de bslangs na kha sra bar khas len pa dang / kha sra bzhin du sbyin pa byed nas/ phyis dga' bar gyur pa de'i rgyus/ sngon dbul par gyur la phyis nor mang por gyur pa yin no/ /'di ni gang zag las gang dang ldan na/ sngar sdug bsngal bar gyur la phyis bde ba yin no/ /de la gang zag las gang dang ldan na/ sngar yang bde la phyis kyang bde bar 'gyur ba'i las yod de/ de gang zhe na/ kha cig bslangs ma thag tu dga' zhing khas len/ dga' bzhin du sbyin pa byin nas kyang dga' bar 'gyur ro/ /de nas mi'i nang du skyes na phyug cing longs spyod che ba'i rigs su skye'o/ /'di ni gang zag las gang dang ldan na sngar yang bde la phyis kyang bde bar 'gyur ba'o/ /de la las gang dang ldan na/ gang zag sngar yang sdug bsngal bar gyur la phyis kyang sdug bsngal bar 'gyur ba'i las yod de/ de gang zhe na/ 'di la gang zag la la dge ba'i bshes gnyen dang bral bar gyur te/ de sus kyang sbyin pa byed du ma bcug des kyang sbyin pa ci yang ma byin/ des sdig pa'i las kyang ci yang ma byas shing ma bsags pa yin te/ gang zag</font><hr>67.306b<br><font size=+1>

de gang gi tshe mi rnams kyi nang du skyes na/ dbul po bza' ba dang btung ba nyung ba sdug bsngal bas 'tsho ba'i rigs su skye bar gyur te/ de der skyes nas tshegs chen pos bza' ba dang bgo ba rnyed par 'gyur la/ de'i longs spyod de dag phyis kyang ma 'phel ba ste/ 'di la gang zag las gang dang ldan na sngar yang sdug bsngal la phyis kyang sdug bsngal bar 'gyur ba'o/ /de la gang zag las gang dang ldan na/ phyug cing ser sna can du 'gyur ba'i las yod de/ de gang zhe na/ 'di gang zag la las tshul khrims dang ldan pa sbyin gnas su gyur pa dag la sbyin pa cung zad tsam yang byin pa yin te yang sbyin pa la sems goms pa ni ma yin no/ /de nam mi'i nang du skye ba na/ sbyin pa de'i mthus phyug cing longs spyod che ba'i rigs su skye ste/ yang gtong ba la sems goms pa ma yin pa ste/ las des phyug la ser sna can du 'gyur ro/ /gang zag 'di ni las gang dang ldan na phyug cing ser sna can du 'gyur ba'o/ /de la gang zag las gang dang ldan na dbul zhing gtong phod par 'gyur ba'i las yod de de gang zhe na/ 'di la gang zag kha cig dud 'gro dang mi log pa'i ngang tshul can la sbyin pa mang du byin pa yin te/ de nam mi'i nang du skyes na yang dbul zhing gtong phod par 'gyur ba ni sngon sbyin pa la goms pas dbul yang gtong phod par 'gyur ro/ /'di ni gang zag las gang dang ldan na dbul zhing gtong phod par 'gyur ba'o/ /de la gang zag las gang dang ldan na/ phyug cing gtong phod par 'gyur ba'i las yod de/ de gang zhe na/ 'di la gang zag kha cig gis tshul khrims dang ldan pa sbyin gnas su gyur pa dag la sbyin pa mang du byas pa yin/ sbyin pa la sems goms pa yin te/ de las des mi'i nang du skyes na yang phyug cing longs spyod che bar 'gyur te/ dper na khyim bdag mgon med pa la zas byin pa lta bu'o/ /des yang dag par rdzogs pa'i sangs rgyas log par dad sel la rgyal bu rgyal byed kyi tshal phul/ gtsug lag khang brtsigs/ de bzhin</font><hr>67.307a<br><font size=+1>

du yang dag par rdzogs pa'i sangs rgyas gser thub dang 'od srung dang don thams cad grub pa dang byams pa la gser gyi yag mag bting ba phul ba lta bu ste/ 'di ni gang zag las gang dang ldan pa phyug cing gtong phod par 'gyur ba'o/ /de la gang zag la la tshe zad la las ma zad pa yod de/ de gang zhe na/ gang zag gang sems can dmyal ba las tshe 'phos te sems can dmyal ba nyid du skye ba dang / dud 'gro las tshe 'phos te dud 'gro nyid du skye ba dang / gshin rje'i 'jig rten las tshe 'phos te gshin rje'i 'jig rten nyid du skye ba dang / lha las tshe 'phos te lha nyid du skye ba dang / bram ze be sh+ya ka ra yang dang yang tshe 'phos shing spre'ur skyes pa dang / sngar smos pa'i khyim bdag yang dang yang phyugs su skyes pa bzhin no/ /mnyan du yod pa na khyim bdag dbul po gcig tshe 'phos pa nas/ de'i khyim sgo na glang sgal pa can zhig yod do/ /khyim bdag de sems khyim la chags pas tshe 'phos nas glang de'i sgal pa'i srin bur skyes te/ skyes ma thag tu bya rog gis zos pa dang yang de nyid du srin bur skyes so/ /de ltar de nyid du nyin gcig la lan bdun tshe 'phos shing skyes pa lta bu dang / 'phags pa maud gal gyi bu chen po yul ma ga d+hAr bsod snyoms la song song ba las khyim zhig gi sgo'i nang du phyin pa dang / khyim de na khyim bdag bud med dang bcas pa zhig pang na bu thogs te/ nya sha'i bya na bcas pa'i kha zas za zhing mdun na khyi nag mo zhig 'dug pa de la nya'i rus pa 'dor ro/ /de nas khyim bdag des maud gal gyi bu chen po mthong nas/ 'phags pa 'di na slong ba la sbyin pa su yang ma mchis kyis slar bzhud cig ces smras te slar log pa dang / khyim de'i sgo na yul gzhan nas 'ongs pa'i skyes bu mkhas pa zhig snga na 'dug 'dug pa des des de mthong nas ngo mtshar du gyur te/ kye ma btsun pa 'di ni rdzu 'phrul can gyi mchog ste/ klu'i rgyal po dga' bo dang nyer dga' bo ni btul/ lha'i pho brang rnam par rgyal ba yang phyag g.yon pa'i mthe bos bsgul te</font><hr>67.307b<br><font size=+1>

brgya byin yang ngo mtshar du gyur/ stong gsum gyi stong chen po'i 'jig rten gyi khams kyang mig btsums pa tsam gyis bskor ba lags na/ bsod snyoms ma gsol bar slar btang ba ni ngo mtshar che'o zhes byas pa dang / de nas gnas brtan gyis de dag skyo bar bya ba'i phyir smras pa/ khye'u ngo mtshar mi che'o/ /mi des smras pa 'o na ngo mtshar chen po ci mchis/ des smras pa 'di na khyim bdag nya sha'i byan dang bcas pa'i kha zas za ba de/ nya de ni khyim bdag de'i pha yin te/ 'di ni khyim gyi rgyab na rdzing nya mang po zhig yod pa nas nya rnams bcus shing bcus shing zos te/ mi de tshe 'phos pa dang nya de dag nyid kyi nang du skyes so/ /de'i bu 'dis kyang lan brgya phrag du mar nya de bcus shing bcus shing zos te/ 'di nyid du yang dang yang du lan du mar skyes so/ /khyi mo 'di ni khyim bdag de'i ma yin te/ 'di yang chags pa'i zil gyis non pas su la yang sbyin pa yang ma byin/ tshul khrims kyang ma bsrungs par gyi nar rigs dang rgyud kyi don du rdzas rnams bsrungs te/ de yang khyim 'di nyid la sems chags bzhin du tshe 'phos nas khyi mo der skyes te/ de nas tshe 'phos nas kyang yang dang yang du 'di nyid du skyes te/ khyim 'dir mi gzhan zhugs su dogs nas mtshan thog thag kyang khyim phyi skor ro/ /mi de'i pang na 'dug pa'i bu de yang de'i chung ma'i byi bo yin te/ khyim bdag 'dis chung ma mi gzhan dang nyal bar thos nas/ khyim bdag de grong gzhan du 'gro ba ltar byas te khyim nas phyir byung ba dang / bud med de yang mi gzhan dang nyal ba la khyim bdag 'di slar ldog ste mi de bsad do/ /de yang bud med de la chags shing sdug pa'i rgyus bud med 'di'i rum du skyes so/ /khye'u ltos/ pha gang yin pa de'i sha ni za/ ma gang yin pa de la ni nya'i rus pa dang gra ma 'dor/ byi bo byed byed pa'i dgra bo khros pas bsad pa gang yin pa de ni pang du blangs so/ /de lta bas na 'khor ba'i nyes pa 'di la skyo bar bya ba'i rigs te ngo mtshar ni 'di che'o/ /de nas dge slong maud gal gyi bu des phyi ma'i</font><hr>67.308a<br><font size=+1>

skye bo phal po che rnams skyo bar bya ba'i phyir don 'di nyid tshigs su bcad pas bstan pa/ de yi pha yi sha za zhing / /ma la rus pa gra ma 'dor/ /chung ma'i byi bo gso byed pa/ /gti mug dang ni chags pas bsgribs/ /gang zag 'di ni tshe zad la las ma zad pa'o/ /de la gang zag la la las zad la tshe ma zad pa yod de/ de gang zhe na/ gang zag sngar bde bar gyur la phyis sdug bsngal bar gyur pa dang / sngar sdug bsngal bar gyur la phyis bde bar gyur pa ste/ gang zag de ni las zad la tshe ma zad pa'o/ /de la gang zag las kyang zad la tshe yang zad pa yod de/ de gang zhe na/ gang zag gang sems can dmyal ba nas tshe 'phos te dud 'gror skyes pa dang / dud 'gro las tshe 'phos te yi dgas su skye ba dang / yi dgas las tshe 'phos te lha ma yin du skye ba dang / lha ma yin las tshe 'phos te mi'i nang du skye ba dang / mi las tshe 'phos te lha'i nang du skye ba lta bu ste/ gang zag de ni tshe yang zad la las kyang zad pa'o/ /de la gang zag gang tshe yang ma zad cing las kyang ma zad la/ de'i nyon mongs pa zad pa yod de/ de gang zhe na/ rgyun du zhugs pa dang lan cig phyir 'ong ba dang phyir mi 'ong ba dang dgra bcom pa lta bu ste/ gang zag de ni tshe yang ma zad cing las kyang ma zad la de'i nyon mongs pa zad pa yin no/ /de la gang zag lus bde la sems mi bde ba yod de/ de gang zhe na/ so so'i skye bo phal pa bsod nams byas pa ni lus bde la sems mi bde ste/ dper na yul ma ga d+hA'i bram ze dang khyim bdag dang rgyal po man ta la sogs pa lta bu ste/ gang zag 'di ni lus bde la sems mi bde ba'o/ /de la gang zag la la sems bde la lus mi bde ba yod de/ de gang zhe na/ dper na dgra bcom pa ka ra ma sha lta bu ni/ sems bde la lus mi bde ba yin no/ /'di lta ste 'phags pa sho no ta ras tshe rabs snga ma la rang sangs rgyas khrus byed pa la ba lang gi lci ba dang ka pi ta su ka ra bkru ba'i phyir byin pas de'i las kyi rnam par smin pas lus mdzes gang bar mthong ngo / /</font><hr>67.308b<br><font size=+1>

'di ltar tshigs su bcad pas smras pa/ las ni shin tu stobs che ste/ /rdo rje lta bu'i las rnams las/ /gang la bdag gi dbang byas kyang / /sdug bsngal ba'i las rnams myong / /zhes bya ba lta bu dang / 'dzang ga ka shas/ rang sangs rgyas shig yul bA ra Na sIr byon pa la/ zan spyad de sbyin no snyam nas/ de la ring shig lon te dus yol bar zas ma byin no/ /de yang las des tshe phyi ma la 'phags par gyur kyang snga dro bsod snyoms bslangs na/ dus yol la thug na zan rnyed pa lta bu ste/ gang zag de lta bu ni sems bde la lus mi bde ba'o/ /gang zag la la lus kyang bde la sems kyang bde ba yod de/ de gang zhe na/ 'di la dgra bcom pa zag pa zad pa bsod nams byas pa yin te/ 'di lta ste/ dper na rgyal po chos grags kyi bu ba ku la lta bu seng ge'i sgra sgrog na/ da ni rab tu byung nas lo brgyad bcu lon te/ nam yang chung ngu na glad pa na ba tsam yang ma myong ngo zhes zer ba lta bu ste/ de yang sngon yul bA ra Na sIr spos 'tshong zhig tu gyur na/ sangs rgyas log par dad sel nyan thos kyi dge 'dun dang bcas pa la na ba'i gsos sman phul ba dang dgra bcom pa la a ru ra phul ba'i las kyi rnam par smin pa des nad med cing bde ba'i mchog thob bo zhes gsungs pa lta bu ste/ gang zag de ni lus kyang bde la sems kyang bde ba'o/ /las gang dang ldan na/ gang zag lus kyang mi bde la sems kyang mi bde ba yod de/ 'di la so so'i skye bo bsod nams ma byas pa dag rigs dang rgyud kyi gos dang zas skom dang bral ba gzhan gyi khyim rgyu ba dag yod de/ 'di lta ste nad mdze dang lud pa dang rims dang shu ba dang g.yan pa la sogs pa'i nad rnams kyis yongs su gzir cing rkang lag med pa mig dang bral ba dag yod de/ gang zag 'di ni lus kyang mi bde la sems kyang mi bde ba yin no/ /de la gang zag las gang dang ldan na ngan song rnams su skyes kyang gzugs bzang zhing mdzes la lus snum zhing mdog 'tsher la mig tu sdug cing blta na dga' bar 'gyur ba'i las yod de/ de gang zhe na/ gang</font><hr>67.309a<br><font size=+1>

zag gang 'dod chags las byung ba'i ngang tshul ngan pa dang ldan pa de ni ngan song rnams su skye ste/ dper na rma bya dang ne tso dang bya sha ri ka dang bya ka ran 'da' ba dang / ngur pa la sogs pa lta bu ste/ 'di ni gang zag las gang dang ldan na/ ngan song rnams su skyes kyang gzugs bzang zhing mdzes la lus snum zhing mdog 'tsher ba mig tu sdug cing blta na dga' bar 'gyur ba'o/ /de la gang zag las gang dang ldan na/ ngan song du skyes la mdog mi bzang zhing lus rtsub pa blta na mi sdug par 'gyur ba'i las yod de/ de gang zhe na/ gang zag de ni zhe sdang las byung ba'i ngang tshul ngan pa dang ldan pas ngan song rnams su skyes pa ste/ 'di lta ste seng ge dang stag dang bya rog dang wa dang dred mo dang sbrul nag po dang yi dgas dang sha za la sogs pa lta bu'o/ /'di ni gang zag las gang dang ldan na/ ngan song rnams su skyes nas mdog mi bzang zhing lus rtsub la blta na mi sdug pa'i las yin no/ /gang zag las gang dang ldan na/ ngan song rnams su skyes nas lce'i dbang po dri nga bar 'gyur ba yod de/ de gang zhe na/ gang zag de ni gti mug las byung ba'i ngang tshul ngan pa dang ldan pas ngan song rnams su skyes pa ste/ 'di lta ste srog chags tshu tshun da ri dang srin bu dang sbrul dang shig dang / sbrang ma dang mang kun la sogs pa dang / lus la srin bu'i rigs nyi shu yod pa lta bu ste/ 'di ni gang zag las gang dang ldan na/ ngan song rnams su skyes nas lce'i dbang po dri nga zhing dbang po mi gsal bar 'gyur ba'i las so/ /mi dge ba'i las kyi lam bcu ste/ bcu gang zhe na/ lus kyi las rnam gsum dang / ngag gi las rnam bzhi dang / yid kyi las rnam gsum ste/ mi dge ba'i las kyi lam bcu po 'di dag gi rnam par smin pas phyi rol gyi dngos po bcu rgud par 'gyur te/ srog gcod pa mi dge ba'i las kyi rnam par smin pas sa'i mdangs dang gzi byin nub par 'gyur ro/ /las de nyid kyi rnam par smin pas tshe thung bar 'gyur ro/ /ma byin par len pa mi dge ba'i las kyi rnam par smin pas/ sa gser</font><hr>67.309b<br><font size=+1>

ba dang bya dang ba lang dang byi ba dang srin bu la sogs pa lo thog la za ba rnams 'byung ngo / /las de nyid kyi rnam par smin pas las longs spyod 'khyam par 'gyur ro/ /'dod pa la log par g.yem pa mi dge ba'i las kyi rnam par smin pas/ sa la rtswa dri nga ba dang nags tshal dri nga ba dag skye bar 'gyur ro/ /las de nyid kyi rnam par smin pas lo legs pa'i khyim na gnas pa'i rtog pa brjod pa/ ka shi rgyal po dga' bas lha 'ongs pa la/ nag po 'char ldan gyis tshe rabs snga ma'i rtogs pa brjod pa smos pa rnams bya'o/ /brdzun smra ba'i mi dge ba'i las kyi rnam par smin pas kha na ba dang lkog ma na ba dang kha mnam pa la sogs par 'gyur ro/ /las de nyid kyi rnam par smin pas/ mi bden pas bslus par 'gyur ba'o/ /phra ma zer ba'i mi dge ba'i las kyi rnam par smin pas/ sa la gseg ma dang gyo mo la sogs pa reg na mi bde ba rnams 'byung ngo / /las de nyid kyi rnam par smin pas/ g.yog 'khor dbyer rung bar 'gyur ro/ /tshig rtsub po mi dge ba'i las kyi rnam par smin pas/ sa la rdul dang nyal nyil gyi rlung ldang zhing char chen po la sogs pa 'bab bo/ /las de nyid kyi rnam par smin pas/ yid du mi 'ong ba'i sgra thos pa dang yid du mi 'ong ba mthong bar 'gyur ro/ /tshig kyal par smra ba mi dge ba'i las kyi rnam par smin pas/ sa mtho dman dang sman ljongs dang / ngam grog dang g.yang sa la sogs pa 'byung ngo / /las de nyid kyi rnams par smin pas/ tshig mi btsun par 'gyur ro/ /chags sems mi dge ba'i las kyi rnam par smin pas/ 'bras dang nas dang gro la sogs pa'i 'bras bu nyung zhing gra ma dang spun pa la sogs pa'i skyon mang bar 'gyur ro/ /las de nyid kyi rnam par smin pas/ longs spyod gzhan gyis khyer bar 'gyur ro/ /gnod sems mi dge ba'i las kyi rnam par smin pas/ lo tog dang 'bras bu dang sa bon tsha ba dang kha ba 'byung bar 'gyur ro/ /las de nyid kyi rnam par smin pas/ mthong na mi sdug par 'gyur</font><hr>67.310a<br><font size=+1>

ro/ /log par lta ba mi dge ba'i las kyi rnam par smin pas/ 'bras bu med pa dang chung ba dang dug dang rku ba la sogs pa 'byung bar 'gyur ro/ /las de nyid kyi rnam par smin pas/ med par smra ba dang chad par lta zhing 'jig rten rgyang pan pa'i gtsug lag la sogs pa la dad par 'gyur ro/ /mi dge ba'i las kyi lam 'di bcu ji lta ji ltar bsgoms pa de lta de ltar rab tu 'phel bar 'gyur te/ de'i phyir rnam par 'jig pa'i tshe/ til yod kyang til mar mi 'byung bu ram shing yod kyang bu ram mi 'byung / bu ram yod kyang hwags dang kha ra mi 'byung / ba yod kyang 'o ma mi 'byung / 'o ma yod kyang mar mi 'byung / de ltar mi dge ba bcu'i las kyi rnam par smin pas/ phyi rol gyi dngos po rnams rgud par 'gyur ro/ /dge ba bcu'i las kyi lam rnams yang dag par blangs pa'i rgyus/ phyi rol gyi dngos po rnams phun sum tshogs par 'gyur te/ bcu gang zhe na/ srog gcod pa spangs pa'i rnam par smin pas ni sa'i mthu dang gzi byin med par mi 'gyur ro/ /ma byin par len pa spangs pa'i rnam par smin pas ni ser ba dang byi ba dang srin dang mu ge la sogs pa 'byung bar mi 'gyur ro/ /'dod pa la log par g.yem pa spangs pa'i rnam par smin pas ni ba tshwa dang sa 'bab pa dang rdul dang rlung dang char drag po 'bab par mi 'gyur ro/ /brdzun du smra ba spangs pa'i rnam par smin pas ni dri mi zhim pa 'byung bar mi 'gyur ro/ /phra ma spangs pa'i rnam par smin pas ni ngam grog dang g.yang sa dang 'dam rdzab dang ngan skyugs kyi ljan ljon dang / dong la sogs par 'byung bar mi 'gyur ro/ /ngag rtsub po spangs pa'i rnam par smin pas ni gseg ma dang gyo mo dang gyo dum gyis reg pa 'byung bar mi 'gyur ro/ /tshig kyal pa spangs pa'i rnam par smin pas ni rtswa tshang tshing dang nags thibs po dang tsher ma tshang tshing rnams 'byung bar mi 'gyur ro/ /chags sems spangs pa'i rnam par smin pas ni lo thog la sogs pa 'bras bu dang bcas pa 'byung bar 'gyur ro/ /gnod sems</font><hr>67.310b<br><font size=+1>

spangs pa'i rnam par smin pas ni/ lo legs pa dang 'bras bu dang sa bon mi kha ba dang mi tsha ba rnams 'byung bar 'gyur ro/ /log par lta ba spangs pa'i rnam par smin pas ni 'gras bu med pa dang 'bras bu chung ba ma yin pa'i sa bon rnams 'byung bar 'gyur te/ dge ba bcu'i las kyi lam bcu po 'di dag yang dag par blangs pa'i rgyus phyi rol gyi dngos po bcu phun sum tshogs par 'gyur ro/ /de la srog gcod pa la nyes dmigs bcu po 'di dag 'byung bar rig par bya ste/ bcu gang zhe na/ dgra mang ba dang mthong na yid du mi 'ong ba dang sdig pa rnams sems pa dang des sems can rnams 'jig par 'gyur ba dang mi bde zhing nyal zhing mi bde bzhin sad pa dang sdig pa can gyi rmi lam rmi ba dang rmugs te tshe 'pho ba'i dus byed pa dang 'gyod par 'gyur ba dang tshe thung bar 'gyur ba'i las byed cing bsogs pa dang lus zhig ste tshe 'phos pa'i 'og tu ngan song ngan 'gro log par ltung ba sems can dmyal ba rnams su skye bar 'gyur ro/ /ma byin par len pa la nyes dmigs bcur rig par bya ste/ bcu gang zhe na/ 'khon gcugs su 'gyur ba dang dogs par 'gyur ba dang dus ma yin par rgyu ba dang mtshan mo rgyu ba dang sdig pa'i grogs pos yongs su zin pa dang dge ba'i bshes gnyen gyis rnam par spangs pa dang tshul khrims 'chal par 'gyur ba dang rgyal po'i gnod pa dang chad pa'i gnod pa 'byung ba dang longs spyod kyis phongs par 'gyur ba'i las byed cing sog pa dang lus zhig nas tshe 'phos pa'i 'og tu ngan song ngan 'gro log par ltung ba sems can dmyal ba rnams su skye bar 'gyur ba'o/ /'dod pa la log par g.yem pa la nyes dmigs bcur rig par bya ste/ bcu gang zhe na/ gang dag gi chung ma la nyal po byed pa de dag de la glags tshol bar 'gyur ba dang de chung ma dang rtsod par 'gyur ba dang de la mi dge ba'i chos 'phel bar 'gyur ba dang de'i dge ba'i chos yongs su 'grib cing yongs su zad par 'gyur ba dang </font><hr>67.311a<br><font size=+1>

bdag ma sbas shing ma bsrungs pa dang de'i bu dang chung ma dang nor rnams ma sbas shing ma bsrungs pa dang dogs par 'gyur ba dang mdza' bshes dang blon po dang nye du dang snag gi gnyen mtshams rnams yid mi rton pa dang byi bo byed pa dang bcas par 'gyur ba'i las byed cing sog pa dang / lus zhig nas tshe 'phos pa'i 'og tu ngan song ngan 'gro log par ltung ba sems can dmyal ba rnams su skye bar 'gyur ba'o/ /brdzun du smra ba la nyes dmyigs bcur rig par bya ste/ bcu gang zhe na/ de kha mnam par 'gyur ba dang de'i lus las lha rnams 'phang ba dang mi ma yin pa rnams kyis de la glags rnyed par 'gyur ba dang bden pa smas kyang de la su yang yid ches par mi 'gyur ba dang brdzun smra bar 'gyur ba dang yid ches par bya ba'i gnas rnams su mkhas pa rnams de la dri bar bya bar mi sems pa dang de'i bden pa ma yin pa bsngags pa dang brjod pa dang sgra dang tshigs su bcad pa ma yin pa 'byung ba dang gzung ba'i tshig tu mi 'gyur ba dang skur pa 'debs pa'i las byed cing sog pa dang / lus zhig nas tshe 'phos pa'i 'og tu ngan song ngan 'gro log par ltung ba sems can dmyal ba rnams su skye ba'o/ /'bru'i chang dang sbyar ba'i chang bag med pa'i gnas la/ nyes dmigs sum bcu rtsa drug tu rig par bya ste/ sum bcu rtsa drug gang zhe na/ tshe 'di la nor zad pa dang nad kyi gzhir 'gyur ba dang 'thab pa dang mtshang 'dru ba dang rtsod pa 'phel ba dang sba ba'i gnas ston pa dang mi snyan pa rnyed pa dang shes rab nyams par byed pa dang ma thob pa'i longs spyod rnams mi 'thob pa dang longs spyod thob pa rnams las yongs su nyams par 'gyur ba dang gsang ba rnams smra ba dang las su bya ba rnams yongs su nyams pa dang mya ngan gyi rtsa bar 'gyur ba dang nyam chung bar 'gyur ba dang mar mi 'dzin par 'gyur ba dang phar mi 'dzin par 'gyur ba dang dge sbyong du mi 'dzin par 'gyur ba dang bram zer mi 'dzin par 'gyur ba dang rigs kyi gtso bo la rim gro med par 'gyur ba dang sangs rgyas</font><hr>67.311b<br><font size=+1>

la gus par mi 'gyur ba dang chos la gus par mi 'gyur ba dang dge 'dun la gus par mi 'gyur ba dang sdig pa'i grogs pos yongs su zin par 'gyur ba dang dge ba'i bshes gnyen gyis rnam par spangs pa dang ngo tsha med par 'gyur ba dang / 'dzem pa med par 'gyur ba dang / dbang po'i sgo ma bsdams par 'gyur ba dang bud med rnams la shin du bag med par 'gyur ba dang skye bo mang po'i yid du mi 'ong bar 'gyur ba dang skye bo mang po dang mi mthun pa dang nye du dang snag gi gnyen mtshams btsun pa rnams kyis smad par 'gyur ba dang dam pa'i chos ma yin pa yongs su 'dzin pa dang dam pa'i chos yongs su spong ba dang mkhas pa rnams de la yid mi 'jog par sems pa dang bag bya ba la g.yel ba dang de mya ngan las 'das pa las ring du 'gyur ba dang myos par 'gyur ba'i las byed cing sog pa dang lus zhig nas tshe 'phos pa'i 'og tu ngan song ngan 'gro sems can dmyal ba rnams su skye ba'o/ /de bzhin gshegs pa'i mchod rten la thal mo sbyor ba'i phan yon ni bcu yod de/ bcu gang zhe na/ rgya chen po'i khyim du skye ba 'thob pa dang rgya che ba'i gzugs dang rgya che ba'i g.yog 'khor dang rgya che ba'i mchod pa dang bkur sti dang nor rgya che ba dang thos pa rgya che ba dang dad pa rgya che ba dang dri ba rgya che ba dang shes rab rgya che ba rtogs pa rgya che ba 'thob pa ste/ bcu po de dag ni de bzhin gshegs pa'i mchod rten la thal mo sbyar ba'i phan yon no/ /de bzhin gshegs pa'i mchod rten la phyag 'tshal ba'i phan yon bcu yod de/ bcu gang zhe na/ gzugs bzang zhing mdog gser gyi kha dog lta bur 'gyur ba dang mdzes shing mig tu sdug par 'gyur ba dang skad snyan cing gzung ba'i tshig tu 'gyur ba dang bag tsha ba med par 'khor gyi nang du 'gro ba dang lha dang mi rnams dga' bar 'gyur ba dang gzi byin chen por 'gyur ba dang gzi byin chen po'i gang zag 'di lta ste/ sangs rgyas bcom ldan 'das rnams dang byang chub sems dpa' rnams dang sangs rgyas kyi nyan thos rnams dang 'grogs</font><hr>67.312a<br><font size=+1>

par 'gyur ba dang longs spyod che bar 'gyur ba dang mtho ris su skye bar 'gyur ba dang myur du yongs su mya ngan las 'da' ba ste/ bcu po de dag ni de bzhin gshegs pa'i mchod rten la phyag 'tshal ba'i phan yon no/ /de bzhin gshegs pa'i mchod rten la phyag dar byas pa'i phan yon bcu yod de/ bcu gang zhe na/ gzugs bzang ba dang blta na sdug pa dang mdzes pa dang skad snyan pa dang de'i 'dod chags dang zhe sdang dang gti mug bsrabs par 'gyur ba dang lam du 'gro na rtswa dang gyo mo dang gseg ma rnams med par 'gyur ba dang btsun pa'i rigs su skye bar 'gyur ba dang longs spyod che bar 'gyur ba dang mtho ris su skye bar 'gyur ba dang myur du yongs su mya ngan las 'da' ba ste/ bcu po de dag ni de bzhin gshegs pa'i mchod rten la phyag dar byas pa'i phan yon no/ /de bzhin gshegs pa'i mchod rten la gdugs dbul ba'i phan yon bcu yod de/ bcu gang zhe na/ 'jig rten na gdugs lta bur 'gyur ba dang lus la tsha bas gdung ba med par 'gyur ba dang sems la gdung ba med par 'gyur ba dang 'jig rten gyi rten du 'gyur ba dang bdag por 'gyur ba'i las byed cing sog pa dang 'khor los sgyur ba'i rgyal srid yang dag par 'thob pa dang dbang che bar grags par 'gyur ba dang longs spyod che bar 'gyur ba dang / mtho ris su skye bar 'gyur ba dang myur du yongs su mya ngan las 'da' ba ste/ bcu po de dag ni de bzhin gshegs pa'i mchod rten la gdugs phul ba'i phan yon no/ /de bzhin gshegs pa'i mchod rten la dril bu dbul ba'i phan yon bcu yod de/ bcu gang zhe na/ gzugs bzang bar 'gyur ba dang skad snyan par 'gyur ba dang yid du 'ong ba smra ba dang ldan par 'gyur ba dang ka la ping ka'i sgra lta bu smra ba dang ldan par 'gyur ba dang gzung ba'i tshig tu 'gyur ba dang rab tu dga' bar 'gyur ba dang kun tu dga' ba rgya chen po'i sgra 'thob pa dang longs spyod che bar 'gyur ba dang mtho ris su skye bar 'gyur ba dang myur du yongs su mya ngan las 'da' ba ste/ bcu po de dag ni de bzhin gshegs</font><hr>67.312b<br><font size=+1>

pa'i mchod rten la dril bu phul ba'i phan yon no/ /de bzhin gshegs pa'i mchod rten la ba dan dbul ba'i phan yon bcu yod de/ bcu gang zhe na/ 'jig rten na rgyal mtshan lta bur 'gyur ba dang 'dza' bshes dang blon po dang nye du dang snag gi gnyen mtshams rnams sti stang byed bla mar byed ri mor byed mchod par byed pa dang / phyogs dang phyogs mtshams rnams su de'i grags pa dang brjod pa dang sgra dang tshigs su bcad pa mngon du 'byung ba dang gzugs bzang zhing blta na sdug la mdzes par 'gyur ba dang skye ba gzhan rnams su tshe ring zhing ring du gnas par 'gyur ba dang dbang che bar grags par 'gyur ba dang rigs btsun par skye bar 'gyur ba dang longs spyod chen por 'gyur ba dang mtho ris su skye bar 'gyur ba dang myur du yongs su mya ngan las 'da' bar 'gyur ba ste bcu po de dag ni de bzhin gshegs pa'i mchod rten la ba dan phul ba'i phan yon no/ /de bzhin gshegs pa'i mchod rten la na bza' dbul ba'i phan yon bcu gnyis yod de/ bcu gnyis gang zhe na/ mdzes shing blta na sdug par 'gyur ba dang lpags pa 'jam pa dang lpags pa snum pa dang lpags pa srab pa dang de'i lus la rdul dang dri ma mi 'chags pa dang de'i gos bzang por 'gyur ba dang gding ba dang bgo ba phra mo rnyed par 'gyur ba dang ngo tsha shes pa dang khrel yod pa phun sum tshogs par 'gyur ba dang mthong na dga' bar 'gyur ba dang longs spyod che bar 'gyur ba dang mtho ris su skye bar 'gyur ba dang yongs su mya ngan las 'da' ba ste/ bcu gnyis po de dag ni de bzhin gshegs pa'i mchod rten la na bza' phul ba'i phan yon no/ /de bzhin gshegs pa'i mchod rten la me tog dbul ba'i phan yon bcu yod de/ bcu gang zhe na/ 'jig rten na me tog lta bur 'gyur ba dang de'i sna'i dbang po nam yang nyams par mi 'gyur ba dang lus la dri nga ba med par 'gyur ba dang lus la dri zhim po 'byung bar 'gyur ba dang phyogs dang phyogs mtshams rnams su de'i tshul khrims</font><hr>67.313a<br><font size=+1>

kyi dri'i ngad ldang bar 'gyur ba dang 'jig rten pa rnams 'khor zhing 'du bar 'gyur ba dang yid du 'ong ba'i chos rnams 'thob par 'gyur ba dang longs spyod che bar 'gyur ba dang mtho ris su skye bar 'gyur ba dang myur du yongs su mya ngan las 'da' ba ste/ chos bcu po de dag ni de bzhin gshegs pa'i mchod rten la me tog phul ba'i phan yon no/ /de bzhin gshegs pa'i mchod rten la phreng ba dbul ba'i phan yon bcu yod de/ bcu gang zhe na/ 'jig rten na phreng ba lta bur 'gyur ba dang lus kyi dri nga ba med par 'gyur ba dang phyogs dang phyogs mtshams rnams su tshul khrims kyi dri zhim po'i ngad ldang ba dang rtag tu dri zhim par 'gyur ba dang brgyan par 'gyur ba dang g.yog 'khor mi phyed par 'gyur ba dang / skyes pa dang bud med rnams kyi yid du 'ong bar 'gyur ba dang longs spyod che bar 'gyur ba dang mtho ris su skye bar 'gyur ba dang myur du yongs su mya ngan las 'da' ba ste/ bcu po de dag ni de bzhin gshegs pa'i mchod rten la phreng phul ba'i phan yon no/ /de bzhin gshegs pa'i mchod rten la mar me dbul ba'i phan yon bcu yod de/ bcu gang zhe na/ 'jig rten na mar me lta bur 'gyur ba dang sha'i mig rnam par dag par 'gyur ba dang lha'i mig 'thob par 'gyur ba dang dge ba dang mi dge ba'i chos rnams la shes rab 'byung bar 'gyur ba dang ma rig pa dang gti mug gi mun pa sel ba dang shes rab kyi snang ba 'thob par 'gyur ba dang de 'khor ba na 'khor ba'i tshe nam yang mun pa na gnas par mi 'gyur ba dang longs spyod che bar 'gyur ba dang mtho ris su skye bar 'gyur ba dang myur du yongs su mya ngan las 'da' ba ste/ bcu po de dag ni de bzhin gshegs pa'i mchod rten la mar me phul ba'i phan yon no/ /de bzhin gshegs pa'i mchod rten la byug spos dbul ba'i phan yon bcu yod de/ bcu gang zhe na/ 'jig rten na byug spos lta bur 'gyur ba dang sna'i dbang po rnam par dag par 'gyur ba dang lus la dri mi zhim pa med par</font><hr>67.313b<br><font size=+1>

'gyur ba dang rtag tu dri zhim par 'gyur ba dang gzugs bzang bar 'gyur ba dang 'jig rten pa rnams 'khor zhing 'du bar 'gyur ba dang yid du 'ong ba'i chos rnams thos par 'gyur ba dang longs spyod chen por 'gyur ba dang mtho ris su skye bar 'gyur ba dang myur du yongs su mya ngan las 'da' ba ste/ chos bcu po de dag ni de bzhin gshegs pa'i mchod rten la byug spos phul ba'i phan yon no/ /de bzhin gshegs pa'i mchod rten la rol mo sil snyan dbul ba'i phan yon bcu yod de/ bcu gang zhe na/ gzugs bzang zhing blta na sdug par 'gyur ba dang skad snyan par 'gyur ba dang yid du 'ong ba smra ba dang ldan par 'gyur ba dang grags pa dang ldan par 'gyur ba dang gzung ba'i tshig tu 'gyur ba dang rtag tu dga' bar 'gyur ba dang thams cad dga' ba'i sgra rgya chen po 'thob par 'gyur ba dang longs spyod che bar 'gyur ba dang mtho ris su skye bar 'gyur ba dang yongs su mya ngan las 'da' bar 'gyur ba ste/ bcu po de dag ni de bzhin gshegs pa'i mchod rten la rol mo sil snyan phul ba'i phan yon no/ /de bzhin gshegs pa'i mchod rten byed pa'i phan yon bcwa brgyad yod de/ bcwa brgyad gang zhe na/ rgya chen po'i rigs su skye bar 'gyur ba dang gzugs bzang bar 'gyur ba dang mdzes shing mig tu sdug par 'gyur ba dang dbang che bar grags par 'gyur ba dang g.yog 'khor rgya chen por 'gyur ba dang g.yog 'khor mi phyed par 'gyur ba dang longs spyod che bar 'gyur ba dang 'jig rten pa rnams 'khor zhing 'du bar 'gyur ba dang kun gyi rten du 'gyur ba dang phyogs bcur brjod pa dang sgra dang tshigs su bcad pa rgya chen po mngon du 'byung bar 'gyur ba dang lha dang mis mchod par 'gyur ba dang phyug cing nor mang po dang ldan par 'gyur ba dang 'khor los sgyur ba'i rgyal srid 'thob par 'gyur ba dang tshe ring bar 'gyur ba dang lus rdo rje ltar 'khregs par 'gyur ba dang / lus mtshan dang dpe byad dang ldan par 'gyur ba dang</font><hr>67.314a<br><font size=+1>

mtho ris su skye bar 'gyur ba dang myur du yongs su mya ngan las 'da' ba ste/ bcwa brgyad po de dag ni de bzhin gshegs pa'i mchod rten byed pa'i phan yon no/ /khri stan byin pa'i phan yon bcu yod de/ bcu gang zhe na/ 'jig rten gyi bla ma'i gnas su 'gyur ba dang bsngags par 'gyur ba dang skye bo mang po la grags pa dang brjod pa dang sgra dang tshigs su bcad pa mang po mngon du 'byung bar 'gyur ba dang bde ba dang yid bde ba mang bar 'gyur ba dang bzhon pa dang khri stan dang rim gro byed pa dang ldan par 'gyur ba dang 'jig rten pa rnams 'khor zhing 'du bar 'gyur ba dang longs spyod che bar 'gyur ba dang dbang che bar grags par 'gyur ba dang mtho ris su skye bar 'gyur ba dang myur du yongs su mya ngan las 'da' ba ste/ bcu po de dag ni khri stan byin pa'i phan yon no/ /lham byin pa'i phan yon bcu yod de/ bcu gang zhe na/ de bzhon pa rnams kyis brel bar mi 'gyur ba dang rkang pa legs par gnas par 'gyur ba dang lam du 'gro na stobs dang ldan par 'gyur ba dang de'i lus ngal bar mi 'gyur ba dang de 'gro na tsher ma dang gseg ma dang gyo mo rnams kyis rkang pa snad par mi 'gyur ba dang rdzu 'phrul thob par 'gyur ba dang de la rim gro byed pa dang ldan par 'gyur ba dang longs spyod che bar 'gyur ba dang myur du yongs su mya ngan las 'da' ba ste/ bcu po de dag ni lham byin pa'i phan yon no/ /snod spyad byin pa'i phan yon bcu yod de/ bcu gang zhe na/ 'jig rten gyi yon tan gyi snod lta bur 'gyur ba dang mdog snum par 'gyur ba dang sems kyi rgyud mnyen par 'gyur ba dang skom par mi 'gyur ba dang skom na yang chu 'byung bar 'gyur ba dang yi dgas su skye bar mi 'gyur ba dang lha dang mi rnams dga' bar 'gyur ba dang longs spyod che bar 'gyur ba dang mtho ris su skye bar 'gyur ba dang myur du yongs su mya ngan las 'da' ba ste/ bcu po de dag ni snod spyad byin pa'i phan yon no/ /kha zas sbyin pa'i</font><hr>67.314b<br><font size=+1>

phan yon bcu yod de/ bcu gang zhe na/ tshe ring bar 'gyur ba dang mdog bzang bar 'gyur ba dang stobs dang ldan par 'gyur ba dang dran pa dang ldan zhing spobs pa dang ldan par 'gyur ba dang bag tsha ba med par 'khor gyi nang du 'gro ba dang 'khor 'dun par 'gyur ba dang lha dang mi rnams dga' bar 'gyur ba dang longs spyod che bar 'gyur ba dang mtho ris su skye bar 'gyur ba dang myur du yongs su mya ngan las 'da' ba ste/ bcu po de dag ni kha zas byin pa'i phan yon no/ /bzhon pa byin pa'i phan yon bcu yod de/ bcu gang zhe na/ rkang pa shin du gzhon sha chags par 'gyur ba dang rkang pa shin du gnas par 'gyur ba dang rkang pas 'gro ba na lus ngal bar mi 'gyur ba dang bde bar 'gyur ba dang mi mdza' ba mang bar mi 'gyur ba dang rdzu 'phrul gyi rkang pa rgya chen po 'thob par 'gyur ba dang bzhon pa rnams kyis brel bar mi 'gyur ba dang rim gro byed pa dang ldan par 'gyur ba dang mtho ris su skye bar 'gyur ba dang myur du yongs su mya ngan las 'da' ba ste bcu po de dag ni bzhon pa byin pa'i phan yon no/ /gnas byin pa'i phan yon ni rab tu mang ste/ mang po gang zhe na/ de la 'jigs pa mi 'byung ngo / /gding ba dang bgo ba shin du 'jam po rnyed par 'gyur ro/ /lha dang mi rnams kyi 'dod pa'i yon tan lnga rnyed par 'gyur ro/ /gal te 'dod de rgyal rigs che zhing mtho ba'i rigs su skye bar gyur cig ce 'am/ bram ze'i rigs che zhing mtho ba'i rigs su skye bar gyur cig ce 'am khyim bdag che zhing mtho ba'i rigs su skye bar gyur cig ce na de'i smon pa de 'grub par 'gyur ro/ /gal te 'dod de bdag grong gi gtso bor gyur cig ce 'am grong khyer gyi gtso bor gyur cig ce 'am grong rdal gyi gtso bor gyur cig ce 'am ri brags kyi rgyal por gyur cig ce 'am rgyal phran du gyur cig ce 'am rgyal po btsan par gyur cig ce na de'i smon lam de bzhin du 'grub par 'gyur ro/ /gal te 'dod de gling gcig pa'i rgyal por gyur cig ce 'am gling gnyis kyi rgyal por gyur cig ce 'am gling gsum gyi rgyal por gyur cig ce 'am</font><hr>67.315a<br><font size=+1>

'khor los sgyur ba'i rgyal por gyur cig ce na de'i smon pa de 'grub par 'gyur ro/ /gal te 'dod de/ rgyal chen bzhi'i ris kyi lha rnams dang skal ba mnyam par skye bar gyur cig ce na yang de'i smon pa de 'grub par 'gyur ro/ /sum bcu rtsa gsum dang 'thab bral dang dga' ldan dang 'phrul dga' dang gzhan 'phrul dbang byed kyi lha rnams dang skal ba mnyam par skye bar gyur cig ce na yang de'i smon pa de 'grub par 'gyur ro/ /gal te 'dod de/ bdag tshangs rigs kyi lha rnams dang skal ba mnyam par skye bar gyur cig ce na yang de'i smon pa de 'grub par 'gyur ro/ /tshangs pa'i 'dun na 'don dang tshangs chen dang 'od chung dang tshad med 'od dang 'od gsal dang dge chung dang tshad med dge dang dge rgyas dang sprin med dang bsod nams skyes dang 'bras bu che ba dang mi che ba dang mi gdung ba dang gya nom snang dang shin du mthong dang 'og min gyi lha rnams dang skal ba mnyam par skye bar gyur cig ce na yang de'i smon pa de 'grub par 'gyur ro/ /gal te 'dod de/ nam mkha' mtha' yas skye mched dang rnam shes mtha' yas skye mched dang chung zad med pa'i skye mched dang 'du shes med 'du shes med min gyi skye mched kyi lha rnams dang skal ba mnyam par skye bar gyur cig cig ce na yang de'i smon pa de 'grub par 'gyur ro/ /gal te 'dod de/ rgyun du zhugs pa'i 'bras bu mngon sum du bya'o zhe na yang de'i smon pa de 'grub par 'gyur ro/ /gal te 'dod de/ lan cig phyir 'ong ba'i 'bras bu dang phyir mi 'ong ba'i 'bras bu dang / dgra bcom pa'i 'bras bu dang byang chub mngon du bya'o zhe na yang de'i smon pa de 'grub par 'gyur ro/ /gal te 'dod de/ bla na med pa yang dag par rdzogs pa'i byang chub mngon par rdzogs par byang chub par gyur cig ce na yang de'i smon pa de 'grub par 'gyur te/ mang po de dag ni gnas byin pa'i phan yon no/ /btung ba byin pa'i phan yon bcu yod de/ bcu gang zhe na/ dbang po thams cad yongs su tshang bar 'gyur ba dang dpral ba dag cing 'dzum</font><hr>67.315b<br><font size=+1>

pa'i bzhin du 'gyur ba dang yon tan dang ldan par 'gyur ba dang sems kyi rgyud mnyen par 'gyur ba dang skom par mi 'gyur ba dang skom na yang chu 'byung bar 'gyur ba dang yi dgas su skye bar mi 'gyur ba dang longs spyod che bar 'gyur ba dang mtho ris su skye bar 'gyur ba dang myur du yongs su mya ngan las 'da' ba ste/ bcu po de dag ni btung ba byin pa'i phan yon no/ /rab tu byung ba'i phan yon bcu yod de/ bcu gang zhe na/ de bu dang chung ma dang nor la sred par mi 'gyur ba dang de 'dod pa'i yongs su 'dzin par mi 'gyur ba dang dgon par gnas pa la dga' ba dang sangs rgyas la gus par 'gyur ba dang bdud kyi spyod yul rnam par spong ba dang bde 'gro thob par byed pa'i chos rnams yongs su tshol ba dang ngan 'gro 'thob par byed pa'i chos rnams spong ba dang lha dang mir smon pa med pa dang rtag tu de bzhin gshegs pa'i gsung rab la rab tu 'byung bar 'gyur ba dang mtho ris su skye bar 'gyur ba dang myur du yongs su mya ngan las 'da' ba ste chos bcu po de dag ni rab tu byung ba'i phan yon no/ /dgon pa la gnas pa'i phan yon bcu yod de/ bcu gang zhe na/ 'du 'dzi rnam par spong ba dang rab tu dben pa la sten pa dang de'i sems bsam gtan la dmigs par 'gyur ba dang sangs rgyas bcom ldan 'das rnams la smon pa dang dga' ba dang bde ba dang yid bde ba lus la skyed pa dang de la bar du gcod par mi 'gyur ba dang ji ltar thos pa'i chos rnams kyi don cher shes par 'gyur ba dang zhi gnas 'thob pa dang lhag mthong thob pa ste bcu po de dag ni dgon pa la gnas pa'i phan yon no/ /bsod snyoms len pa'i phan yon bcu yod de/ bcu gang zhe na/ de 'gro ba la goms par 'gyur ba dang de spyod yul la goms par 'gyur ba dang nga rgyal bcag par 'gyur ba dang bdag rnyed pa la sbyor ba dang gzhan dag kyang bsod nams la rab tu 'god pa dang / ston pa'i bstan pa yongs su ston pa dang phyi ma'i skye bo la snang bar byas par 'gyur ba dang tshangs</font><hr>67.316a<br><font size=+1>

pa mtshungs par spyod pa rnams la nyam nga ba med par byas par 'gyur ba dang dma' ba'i sems nye bar gzhag par 'gyur ba dang bsod snyoms kyis yongs su dul ba'i dge sbyong gi phyogs la mun pa med par snang ba'o/ /'jigs pa med pa'i phan yon bcu yod de/ bcu gang zhe na/ 'jigs pa med par grong du 'jug pa dang 'jigs pa med par grong nas 'byung ba dang 'jigs pa med par khyim rnams su 'gro ba dang 'jigs pa med par 'khor rnams la chos ston pa dang 'jigs pa med par dge 'dun gyi nang du 'jug pa dang 'jigs pa med par slob dpon dang mkhan po'i drung du 'gro ba dang 'jigs pa med par byams pa'i sems kyis slob ma'i gan du 'gro ba dang 'jigs pa med par gos dang zas dang mal cha dang na ba'i gsos sman dang yo byad rnams yongs su spyod pa dang 'jigs pa med par kha ton 'don pa dang / 'jigs pa med par tshe 'pho ba'i dus byed pa'o/ /bram ze'i khye'u de ltar na/ sems can rnams ni bdag gi las las gyur pa las kyi rgyu las skyes pa las kyi skal ba la spyod pa las la rten pa yin te sems can rnams ni las kyis rab dang 'bring dang tha mar rnam par phye ba'o zhes ngas gang smras pa de ni 'di las dgongs te smras so/ /chos kyi rnam grangs 'di bshad pa na bram ze'i khye'u shu ka bcom ldan 'das la sems mngon par dad do/ /de nas bram ze'i khye'us/ bcom ldan 'das la 'di skad ces gsol to/ /gau ta ma khyod mnyan du yod par/ dge bsnyen gzhan dag gi khyim du gshegs par dgongs na/ bdag gi pha bram ze to'u da ya'i khyim du yang gshegs par dgongs su gsol/ de ni bram ze to'u de ya'i khyim du yun ring po'i don du bde ba dang phan par 'gyur ro/ /bcom ldan 'das cang mi gsung bas bram ze'i khye'u shu ka la gnang ba mdzad do/ /de nas bram ze'i khye'u shu kas/ bcom ldan 'das cang mi gsung bas gnang bar rig</font><hr>67.316b<br><font size=+1>

nas/ bcom ldan 'das kyis gsungs pa la mngon par dga' ste/ rjes su yi rang nas bcom ldan 'das kyi gan nas song ngo / /las rnam par 'byed pa rdzogs so// // </font><hr>

</table>