J293

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J293</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J293&coll=lithang">see text in Tibetan script</a></table>71.204a<br><font size=+1>

@#/ /bod skad du/  'phags pa legs nyes kyi rgyu dang 'bras bu bstan pa zhes bya ba theg pa chen po'i mdo/  sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das rgyal bu rgyal byed kyi tshal mgon med zas sbyin gyi kun dga' ra ba na bzhugs te/ de'i tshe bcom ldan 'das byang chub sems dpa' tshad med pa dang / lha dang mi'i 'khor mang pos yongs su bskor cing sems rtse gcig tu chos nyan pa dag la chos ston par mdzad do/ /de nas tshe dang ldan pa kun dga' bos sems can rnams kyi ched du bcom ldan 'das la 'di skad ces gsol to/ /bcom ldan 'das da ltar 'jig rten na rnam pa gcig tu mir skyes par mtshungs pa la/ kha cig ni sdug cing kha cig ni byad bzhin mi sdug pa dang / kha cig ni dpa' zhing kha cig ni zhan pa dang / kha cig ni dbul zhing kha cig ni phyug pa dang / kha cig ni sdug bsngal zhing kha cig ni bde ba dang ldan pa dang / kha cig ni ya rabs su gyur cing kha cig ni ma rabs su gyur te/ sgra dbyangs mi mtshungs shing skad tha dad par gyur pa dang / kha cig ni lo brgya lon kyang 'chi bar mi 'gyur la kha cig ni lo sum bcu lon nas sngar 'gum pa dang / kha cig ni lo bcwa lnga lon nas glo bur du 'chi ba dang / kha cig ni ma'i mngal nyid du 'gum pa dang / kha cig ni byad bzhin sdug cing mdzes pa dang / kha cig ni dbul zhing ma rabs su gyur la byad bzhin mi sdug pa dang / kha cig ni phyug cing ya rabs su skye ba dang / kha cig ni dpa' zhing dman par gyur la/ kha cig ni zhan cing rigs mthon por skyes pa dang / kha cig ni sdug bsngal zhing tshe ring la kha cig ni bde zhing tshe thung ba dang / kha cig ni dge ba spyad kyang nongs skyon dang bcas par gyur la/ kha cig ni sdig pa bgyis kyang bsod nams kyi phan yon thob</font><hr>71.204b<br><font size=+1>

pa dang / kha cig ni tsho zhing dkar yang mig ya yor gyur cing mi gsal la/ kha cig ni sngo zhing gnag kyang mngal byad dang ldan pa dang / kha cig ni thung zhing bong chung yang sems rtsal dang ldan pa dang / kha cig ni ring zhing bong che yang gzhan dag gi g.yog bgyid pa dang / kha cig ni bu tsha mang la kha cig ni gcig pu gnas pa dang / kha cig ni slad rol du rgyu zhing bkres pa dang / grang ba dag gis nyen par 'gyur la/ kha cig ni khyim na gnas kyang gos zas dag la dga' 'byor pa dang / kha cig ni gzhon pa'i tshe dbul zhing phongs la rgas pa'i tshe gdod phyug por 'gyur ba dang / kha cig ni yus ma mchis bzhin du yang nongs pa ma mchis par nan gyis go rar stsal ba dang / kha cig ni pha ma yang snying rje dang ldan la bu yang sri zhu che zhing mdo sde dang gtsug lag gi don gleng bar bgyid la/ kha cig ni phu bo nu bo so sor phye nas 'thab cing rtsod par bgyid pa dang / kha cig ni khang khyim dag brtsigs nas 'byor pa sna tshogs dang ldan la/ kha cig ni khang khyim ma mchis pas gzhan dag la brten pa dang / kha cig ni bya mdab chags bzhin du shing dang thang la gnas pa dang / kha cig ni gcan zan gyi rnam pa dang mtshungs shing spu'i gos dang ldan pa zas su rtswa 'tshal zhing khrag 'thung ba dang / kha cig ni yi ge ma 'tshal ba dang / kha cig ni ci yang ma bgyis par bde ba'i rnam par smin pa myong bar 'gyur la kha cig ni sla ba bgyid pa'i gnas kyang mi rnyed pa dang / kha cig ni dbang po gsal bas shes pa dang ldan la/ kha cig ni dbang po mi gsal bas shes pa dang mi ldan pa dang / kha cig ni btsal na gdod thob par 'gyur la/ kha cig ni ma btsal bar yang rnyed par 'gyur ba dang / kha cig ni phyug kyang ser sna che la/ kha cig ni dbul por gyur kyang gtong ba la dga' ba dang / kha cig ni tshig smras pa rnams mnyen zhing</font><hr>71.205a<br><font size=+1>

des la/ kha cig ni tshig smras pa rnams gtum zhing brlang ba dang / kha cig ni mang po kun gyis bkur zhing snying du sdug par 'gyur la/ kha cig ni mang po kun gyis thag ring du spong bar bgyid pa dang / kha cig ni byams pa'i sems kyis srog chags gso bar bgyid la/ kha cig ni srog chags dpag tu ma mchis pa dag gsod par bgyid pa dang / kha cig ni yangs pa mang po kun gyis yid du mchi bar 'gyur la/ kha cig ni gzhan dag gis spong bar bgyid pa dang / kha cig ni chung ma dang gyos sgyug la sogs pas sdang bar 'gyur la/ kha cig ni gnyen bshes kun dga' bar 'gyur ba dang / kha cig ni chos kyi tshig mnyan par dga' ba dang / kha cig ni mdo sde thos nas gnyid log bgyid pa dang / kha cig ni dpa' zhing rtsal dang ldan yang zhes ma mchis la kha cig ni tshig 'bru dang don dag la slob par mos pa dang / kha cig ni dud 'gro'i dbyibs tha dad pa sna tshogs bgyis pa dag gda' na/ bcom ldan 'das de dag gis 'bras bu gang lags pa rgya cher bkas bshad du gsol/ 'khor mang po rnams kyis thos shing rtogs par 'gyur la sems rtse gcig tu dge ba la gzhol bar 'gyur ba lags so/ /bcom ldan 'das kyis bka' stsal pa/ kun dga' bo khyod kyis ji ltar dris pa de de bzhin te/ rnam par smin pa myong bar mi mtshungs par gyur pa de dag thams cad ni tshe rabs snga ma dag las kyi spyod pa mi mnyam pa'i dbang gis na tha dad pa'i bye brag brgya stong mang po myong bar gyur pa yin te/ tshe 'di la byad bzhin sdug pa gang yin pa de ni bzod pa dang du blangs pa las 'ongs pa yin no/ /byad bzhin mi sdug pa gang yin pa de ni khong khro ba las 'ongs pa yin no/ /mir gyur kyang dbul por gyur pa gang yin pa de ni ser sna byas pa las 'ongs pa yin no/ /mir gyur kyang phyug por gyur pa gang yin pa de ni sbyin pa btang ba las 'ongs pa yin no/ /</font><hr>71.205b<br><font size=+1>

ya rabs mthon por gyur pa gang yin pa de ni gzhan dag la gus par phyag byas pa las 'ongs pa yin no/ /ma rabs su gyur pa gang yin pa de ni nga rgyal byas pa las 'ongs pa yin no/ /mir gyur kyang lus ring zhing bong che ba gang yin pa de ni gus pas bkur sti byas pa las 'ongs pa yin no/ /lus thung ngu gang yin pa de ni chos la brnyas pa las 'ongs pa yin no/ /mir gyur kyang bka' blo mi bde ba gang yin pa de ni sngon lug byas pa las 'ongs pa yin no/ /mir gyur kyang gnag cing rid pa gang yin pa de ni de bzhin gshegs pa'i snang ba bsgribs pa las 'ongs pa yin no/ /mir gyur kyang mchu mi sdug pa gang yin pa de ni mchod rten gyi zas myangs pa las 'ongs pa yin no/ /mir gyur kyang mig dmar ba gang yin pa de ni me'i ser sna byas pa las 'ongs pa yin no/ /mir gyur kyang mig mi gsal ba gang yin pa de ni khra'i mig brus pa las 'ongs pa yin no/ /mir gyur kyang lkugs pa gang yin pa de ni chos la skur pa btab pa las 'ongs pa yin no/ /mir gyur kyang 'on par gyur pa gang yin pa de ni chos thos par mi dga' ba las 'ongs pa yin no/ /mir gyur kyang so rnon por gyur pa gang yin pa de ni rus pa 'cha' zhing sha za bar mngon par dga' ba las 'ongs pa yin no/ /mir gyur kyang sna dgye bor gyur pa gang yin pa de ni dri mi zhim pa dag gis de bzhin gshegs pa la mchod pa byas pa las 'ongs pa yin no/ /mir gyur kyang mchu sho rer gyur pa gang yin pa de ni nya'i 'gram pa phug pa las gyur pa yin no/ /mir gyur kyang skra ser por gyur pa gang yin pa de ni phag gi spu btogs pa las 'ongs pa yin no/ /mir gyur kyang rna ba ral bar gyur pa gang yin pa de ni gzhan dag gi rna ba phug pa las gyur pa yin no/ /mir gyur kyang lus kyi sha brur lta bur gyur pa gang yin</font><hr>71.206a<br><font size=+1>

pa de ni gos yang zhing srab pa dag bgos nas de bzhin gshegs pa'i sku gzugs kyi spyan sngar 'ongs pa las gyur pa yin no/ /mir gyur kyang mdog gnag pa gang yin pa de ni de bzhin gshegs pa'i sku gzugs khyams dag gi 'og tu bzhag nas dud pas bdugs pa las gyur pa yin no/ /mir gyur kyang rkang lag zha bor gyur pa gang yin pa de ni mkhan po dang bla ma rnams mthong yang ldang ba med pa las gyur pa yin no/ /mir gyur kyang sgur por gyur pa gang yin pa de ni gos yang zhing srab pa dag bgos nas phan tshun du 'gro ba'i tshe de bzhin gshegs pa'i sku gzugs la rgyab kyis phyogs pa las gyur pa yin no/ /mir gyur kyang 'phral ba mi sdug pa gang yin pa de ni de bzhin gshegs pa mthong ba'i tshe phyag kyang mi byed la/ lag pas 'phral bar brdabs pa las gyur pa yin no/ /mir gyur kyang gnya' ba thung ba gang yin pa de ni bla ma dag mthong nas mgo sbas te bros nas byol ba las gyur pa yin no/ /mir gyur kyang rtag par snying na ba gang yin pa de ni sems can gyi lus kyi yan lag bcad cing gtubs pa las gyur pa yin no/ /mir gyur kyang mdze can du gyur pa gang yin pa de ni nyes pa med par gzhan dag gi nor blangs pa las gyur pa yin no/ /mir gyur kyang dbugs thung ba gang yin pa de ni dgun grang ba'i dus kyi tshe gzhan dag la zas grang mo dag byin pa las gyur pa yin no/ /mir gyur kyang bu khye'u dang bu mo med par gyur pa gang yin pa de ni bya mang po rnams kyi phru gu bsad pa las gyur pa yin no/ /mir gyur nas bu tsha mang ba gang yin pa de ni sems can gso bar dga' ba las 'ongs pa yin no/ /mir gyur nas tshe ring ba gang yin pa de ni byams pa'i sems dang ldan pa las 'ongs pa yin no/ /mir gyur nas tshe thung ba gang yin pa de ni srog chags mang po bsad pa las gyur pa yin no/ /mir gyur nas phyug por gyur pa gang yin pa de ni sbyin pa btang ba</font><hr>71.206b<br><font size=+1>

las gyur pa yin no/ /mir gyur nas rta dang shing rta dang ldan pa gang yin pa de ni dkon mchog gsum la rta dang shing rta phul ba las gyur pa yin no/ /mir gyur nas dbang po gsal ba gang yin pa de ni mdo sde 'dri zhing kha ton 'don pa las gyur pa yin no/ /mir gyur kyang dbang po mi gsal ba gang yin pa de ni dud 'gro'i gnas nas 'ongs pa yin no/ /mir gyur kyang gzhan gyi bran dang bran mo byed pa gang yin pa de ni bu lon chags pa las 'ongs pa yin no/ /mir gyur kyang mi brtan zhing yang ba gang yin pa de ni sngon spre'u byas pa las 'ongs pa yin no/ /mir gyur kyang mdze nad kyis btab pa gang yin pa de ni dkon mchog gsum rnam par bshig pa las gyur pa yin no/ /mir gyur kyang rkang lag 'jam 'grus su gyur pa gang yin pa de ni sems can gyi rkang lag dam du bcings pa las 'ongs pa yin no/ /mir gyur kyang lus la rma dang shu ba 'byung zhing yun ring por sman dang dpyad byas kyang sos su mi btub pa gang yin pa de ni sems can la brdeg btsog byas pa las gyur pa yin no/ /mir gyur kyang rang bzhin mi srun pa gang yin pa de ni sdig sbrul byas pa las 'ongs pa yin no/ /mir gyur nas dbang po drug tshang ba gang yin pa de ni tshul khrims srungs pa las 'ongs pa yin no/ /mir gyur kyang dbang po rnams ma tshang ba gang yin pa de ni tshul khrims 'chal pa las 'ongs pa yin no/ /mir gyur kyang gtsang sbra med pa gang yin pa de ni phag byas pa las 'ongs pa yin no/ /mir gyur nas glu gar la dga' ba gang yin pa de ni rol mo mkhan byas pa las 'ongs pa yin no/ /mir gyur kyang 'dod chen che ba gang yin pa de ni khyi byas pa las 'ongs pa yin no/ /mir gyur nas gnya' bar lba ba yod pa gang yin pa de ni gcig pu bsnogs pa las 'ongs pa yin no/ /mir gyur nas kha'i dri mnam pa gang yin pa de ni tshig ngan gyis gzhan la spyos pa</font><hr>71.207a<br><font size=+1>

las 'ongs pa yin no/ /mir gyur kyang pho mtshan dang mi ldan pa de ni khyi dang phag rnams kyi rlig pa bcad pa las gyur pa yin no/ /mir gyur nas lce thung ba gang yin pa de ni dben pa dag tu bla ma dag la tshig mi snyan pa brjod pa las 'ongs pa yin no/ /mir gyur nas gzhan gyi chung ma la g.yem par mngon par dga' ba de ni shi 'phos nas bya ngang pa dag tu ltung bar 'gyur ro/ /mir gyur kyang bdag dang nye zhing gnyen du 'brel pa dag la g.yem par mngon par dga' ba gang yin pa de ni shi 'phos nas bye'u mchil pa dag tu ltung bar 'gyur ro/ /mir gyur nas mdo sde dang bstan bcos dag la ser sna byed cing shes kyang sbas nas gzhan dag la mi ston pa gang yin pa de ni shi 'phos nas shing srin dag tu skye bar 'gyur ro/ /mir gyur nas mda' gzhu thogs shing gzhom pa la mngon par dga' ba gang yin pa de ni shi 'phos nas kla klo can du ltung bar 'gyur ro/ /rngon pa byed cing srog chags gsod pa la mngon par dga' ba gang yin pa de ni shi 'phos nas 'phar spyang dag tu ltung bar 'gyur ro/ /mgo rgyan dang me tog thogs pa la mngon par dga' ba gang yin pa de ni shi 'phos nas gcin rtug gi srin bu byed par 'gyur ro/ /gos ring po gyon par dga' ba de ni shi 'phos nas srin bu mjug rings byed par 'gyur ro/ /nyal zhing za bar mngon par dga' ba de ni shi 'phos nas phag tu skye bar 'gyur ro/ /gos tshon can gyon par mngon par dga' ba de ni shi 'phos nas bye'u khre'u byed par 'gyur ro/ /gzhan gyi tshig zlos shing ku re byed par mngon par dga' ba de ni shi 'phos nas bya ne tso byed par 'gyur ro/ /phra ma byed pa la mngon par dga' ba gang yin pa de ni shi 'phos nas sbrul lus po che dag tu skye bar 'gyur ro/ /nyes pa med par dgra la rnam par 'tshe ba gang yin pa de ni shi 'phos nas srin bu 'khon du 'dzin pa'i sems dang bcas pa dag tu skye bar 'gyur ro/ /gzhan</font><hr>71.207b<br><font size=+1>

gyi dbyen byed par dga' ba gang yin pa de ni shi 'phos nas srin bya dag tu skye bar 'gyur ro/ /dmod mo'i tshig smra ba la mngon par dga' ba gang yin pa de ni shi 'phos nas wa dag tu skye bar 'gyur ro/ /gzhan dag skrag cing dngang bar mngon par dga' ba gang yin pa de ni shi 'phos nas ri dgas sha ba'i rigs su skye bar 'gyur ro/ /tshe snga ma la shing gi lham bgos nas dri gtsang khang du zhugs pa gang yin pa de ni tshe 'di la rta'i rigs su skye bar 'gyur ro/ /tshe snga ma la 'phyen gtong ba la mngon par dga' ba gang yin pa de ni srin bu mnam po'i rigs su skye bar 'gyur ro/ /tshe snga ma la dge 'dun gyi gtun dang rang thag yongs su spyod pa gang yin pa de ni tshe 'di la srog chags srin bu mgo rdebs pa dag tu skye bar 'gyur ro/ /tshe snga ma la gzhan dag gi zas kyi gegs byas na tshe 'di la shing srin byed par 'gyur ro/ /dge 'dun gyi chu brkus nas yongs su spyad pa gang yin pa de ni tshe 'di la nya dang chu srin dag tu skye bar 'gyur ro/ /dge 'dun gyi sa gzhi dag la mi gtsang ba 'dor ba gang yin pa de ni bshang gci'i nang du srin bu dag tu skye bar 'gyur ro/ /dge 'dun gyi shing tog brkus pa gang yin pa de ni 'jim rdzab za ba'i srin bu byed par 'gyur ro/ /dge 'dun gyi dkor brkus pa gang yin pa de ni rang thag 'dren pa'i glang dang bong bu byed par 'gyur ro/ /dge 'dun gyi dkor la nan gyis slong zhing snga skyin byed na phu ron dkar po byed par 'gyur ro/ /dge 'dun la 'phya zhing dmod par byed na glang gi gnya' ba'i srin bur skye bar 'gyur ro/ /dge 'dun gyi tshod ldum zos na tshod ma'i srin bur skye bar 'gyur ro/ /dge 'dun gyi khri stan la 'dug na sa'i srin bu mjug rings su skye bar 'gyur ro/ /dge 'dun gyi yo byad sna tshogs dag la yongs su spyod par byed na phye ma leb du skye bar 'gyur ro/ /rus pa dag thogs nas gtsug lag khang du 'jug par byed na bya mchu rings su skye bar 'gyur ro/ /dmar rtsi dang dkar rtsi</font><hr>71.208a<br><font size=+1>

dag mchu la bskus nas gtsug lag khang du 'jug par byed na bya mchu dmar ba dag tu skye bar 'gyur ro/ /gos tshon can bgos te/ gtsug lag khang du 'gro bar byed na bya kha dog ser po dag tu skye bar 'gyur ro/ /khyo shug gtsug lag khang du gnas nas nyal po byas na bya mgo sngon dag tu skye bar 'gyur ro/ /de bzhin gshegs pa'i mchod rten la brdzis na rnga mo'i lus byed par 'gyur ro/ /lham bgos te de bzhin gshegs pa'i dri gtsang khang du 'gro bar byed na sbal par skye bar 'gyur ro/ /chos nyan pa'i tshe klag cor zer na ni bya lce brgya pa dag tu skye bar 'gyur ro/ /dge slong ma gtsang ma sun par byed na shi 'phos nas sems can dmyal ba'i gnas lcags kyi brag phug tu ltung zhing ral gri'i 'khor lo brgya stong du ma dus gcig tu babs nas lus gcod par 'gyur ro/ /de nas bcom ldan 'das la tshe dang ldan pa kun dga' bos 'di skad ces gsol to/ /bcom ldan 'das kyis 'di skad gsungs pa ltar dge 'dun gyi rdzas yongs su spyod pa gang lags pa de dag la yang dag par shin du lci ba zhig lags par gyur na sbyin bdag bzhi po ji ltar gtsug lag khang du mchi zhing bkur sti dang phyag 'tshal bar bgyid pa lags/ bcom ldan 'das kyis bka' stsal pa/ dge 'dun gyi gtsug lag khang du 'gro ba la sems rnam pa gnyis yod de/ dge ba'i sems dang mi dge ba'i sems gang yin pa'o/ /dge ba'i sems shes bya ba ji lta bu zhe na/ gang gis gtsug lag khang du phyin nas de bzhin gshegs pa mthong na phyag byed pa dang / dge 'dun mthong na gus par bkur sti byas nas mdo sde'i don 'dri bar byed pa dang / sdom pa yang dag par blangs nas nyes pa 'chags par byed pa dang / nor rdzas dag yongs su btang nas dkon mchog gsum gyi zhal ta byed pa dang / lus dang srog la phangs</font><hr>71.208b<br><font size=+1>

pa med par chos chen po yongs su bsrung zhing yang dag par 'dzin par byed pa'i gang zag de lta bu dag ni gom pa gcig 'dor bar byed na yang lha'i gzhal med khang drung du 'ong zhing / ma 'ongs pa na khyim bdag shug de ka bzhin du rnam par smin pa'i 'bras bu myong bar 'gyur ba gang yin pa de ni skyes bu mchog tu dge ba zhes bya'o/ /mi dge ba'i sems dang ldan pa ji lta bu zhe na/ sems can gang la la zhig gtsug lag khang du 'jug pa'i tshe dge 'dun la slongs mo dang / g.yar po dang / snga skyin 'ba' shig bya bar sems pa dang / dge 'dun gyi skyon tshol zhing rtse gcig tu rnam par bshig pa 'ba' shig tu 'dod pa dang / dge slong gi dge 'dun gyi zas zos na yang sems la gnod pa ci yang med cing khur ba dang / shing tog dang / ldam ldum dag khyer nas rang gi khyim du 'gro bar byed pa'i gang zag de lta bu dag shi 'phos ma thag tu lcags kyi thu lum za ba'i sems can dmyal bar ltung zhing zangs kyi nang du btso ba dang / sbar ba'i mes bsregs pa dang / ral gri lta bu'i ri lo ma can gyi ljon shing la 'dzeg pa la sogs pa'i sdug bsngal gang yang mi myong ba med par 'gyur te/ 'di ni skyes bu mchog tu mi dge ba zhes bya'o/ /bcom ldan 'das kyis bka' stsal pa/ kun dga' bo 'di ni ngas ma 'ongs pa'i dus kyi slob ma dag la rjes su bstan pa yin gyis bag yod par bsgrims te/ dkon mchog gsum po dag la nyes pa mi byed pa dang / nur ba'i sems skye ba med par de bzhin gshegs pa'i bka' stsal pa bzhin byed na/ de bzhin gshegs pa byams pa 'jig rten du byung ba'i tshe yongs su mya ngan las 'da' bar 'gyur bar the tsom med do/ /bcom ldan 'das kyis bka' stsal pa/ tshe 'di la gzhan gyi lus las gos bshus te 'phrog par byed na shi 'phos nas grang ba'i sems can dmyal bar ltung ba dang / gzhan yang dar</font><hr>71.209a<br><font size=+1>

gyi srin bur skyes nas 'tshed par 'gyur ro/ /tshe 'di la sku gzugs dang mdo sde'i spyan sngar mar me sbar bar mngon par mi dga' na shi 'phos nas ri khor yug gi bar na sems can dmyal ba'i gnas mun nag yod pa dag tu ltung bar 'gyur ro/ /tshe 'di la sems can gyi srog bcad pas dmyal zhing gtub par byed na shi 'phos nas sems can dmyal ba mtshon ltar rab tu rno ba'i ri la ral gri lo ma can gyi ljon shing 'dzeg pa dag tu ltung bar 'gyur ro/ /tshe 'di la kha cig sdig gtong zhing rngon pa byed par mngon par dga' ba de dag ni shi 'phos nas sog les 'dral ba'i sems can dmyal bar ltung bar 'gyur ro/ /tshe 'di la mang du 'dod pas log par g.yem pa gang yin pa de ni shi 'phos nas zangs kyi ka ba rab tu 'bar ba la 'ju ba dang / lcags kyi khri rab tu tsha ba la nyal ba'i sems can dmyal bar ltung bar 'gyur ro/ /tshe 'di la chung ma mang po 'chang ba gang yin pa de ni lcags kyi rang thag tu 'thag pa'i sems can dmyal bar ltung bar 'gyur ro/ /tshe 'di la khyim thab mang po bdog pa gang yin pa de ni shi 'phos nas sbrul gdug pa dang ldan pa'i sems can dmyal bar ltung bar 'gyur ro/ /tshe 'di la sgo nga bsregs pa gang yin pa de ni shi 'phos nas me ma mur rab tu tsha ba dang ldan pa'i sems can dmyal bar ltung bar 'gyur ro/ /tshe 'di la phag dang bya rnams bshu shing 'thog pa gang yin pa de ni shi 'phos nas zangs dag tu 'tshed pa'i sems can dmyal ba dag tu ltung bar 'gyur ro/ /tshe 'di la phag dang khyi'i rlig pa 'byin pa gang yin pa de ni shi 'phos nas rdo zur dang ldan pa'i sems can dmyal bar ltung bar 'gyur ro/ /tshe 'di la chang 'thungs nas myos par byas pa gang yin pa de ni shi 'phos nas lcags khu 'thung ba'i sems can dmyal bar ltung bar 'gyur ro/ /tshe 'di la sems can gyi lus kyi yan lag</font><hr>71.209b<br><font size=+1>

bcad cing gtub pa gang yin pa de ni shi 'phos nas lcags kyi 'khor lo dang ldan pa'i sems can dmyal bar ltung bar 'gyur ro/ /tshe 'di la dge 'dun gyi shing tog brkus pa gang yin pa de ni shi 'phos nas lcags kyi thu lum za ba'i sems can dmyal bar ltung bar 'gyur ro/ /tshe 'di la phag gi rgyu ma dang sha zos pa gang yin pa de ni shi 'phos nas ljan ljin gyis gang ba'i sems can dmyal bar ltung bar 'gyur ro/ /tshe 'di la nya gson por zos pa gang yin pa de ni shi 'phos nas mtshon cha dang / dbyig pa dang / ral gri'i so can gyi ljon shing dang ldan pa'i sems can dmyal bar ltung bar 'gyur ro/ /tshe 'di la ma yar mor gyur nas chung ma snga ma'i bu dag la ner pa byas pa gang yin pa de ni shi 'phos nas me rab tu 'bar ba'i shing rta dang ldan pa'i sems can dmyal bar ltung bar 'gyur ro/ /tshe 'di la phra ma byas nas dkrugs ma byas pa gang yin pa de ni shi 'phos nas lcags kyi thong gshol gyis rmo ba'i sems can dmyal bar ltung bar 'gyur ro/ /tshe 'di la mi snyan pas gzhan dag la spyos pa gang yin pa de ni shi 'phos nas lce rab tu 'byin pa'i sems can dmyal bar ltung bar 'gyur ro/ /tshe 'di la brdzun mang du smras pa gang yin pa de ni shi 'phos nas lce lcags kyi gzer gyis 'debs pa'i sems can dmyal bar ltung bar 'gyur ro/ /tshe 'di la srog bcad nas log pa'i lha la mchod sbyin byas pa gang yin pa de ni shi 'phos nas lcags kyi gtun gyis brdungs pa'i sems can dmyal bar ltung bar 'gyur ro/ /tshe 'di la bon mo byas nas 'dre gdon gyi tshig 'don cing gzhan dag bslus te nor blangs pa gang yin pa de ni shi 'phos nas sha'i ri lta bu'i sems can dmyal bar ltung bar 'gyur ro/ /tshe 'di la bon mo byas nas mig btsums te/ sa la nyal nas gzhan dag la mtho ris su skye bar 'gyur ro zhes drang po ma yin pa'i 'dre gdon dag gi len pa</font><hr>71.210a<br><font size=+1>

gang yin pa de ni shi 'phos nas rked pa gtub pa'i sems can dmyal bar ltung bar 'gyur ro/ /tshe 'di la bon mo byas nas gzhan dag gi srog bcad de/ lha 'dre dang lam lnga'i sa'i bdag po dang srin mo la sogs pa la mchod pa byed du bcug pa gang yin pa 'di lta bu la sogs pa de dag thams cad ni skyes bu blun po rnams 'drid pa yin pas shi 'phos nas sta res gcod pa'i sems can dmyal bar ltung bar 'gyur ro/ /sems can dmyal bar bsrungs ma rnams kyis yan lag bcad cing gtub pa dang / bya lcags kyi mchu can rnams kyis mig gi 'bras bu gnyis la 'thog par 'gyur ro/ /tshe 'di la bon mo byas nas mi shi ba'i ro rnams sbed pa dang / khang khyim rnams kyi bzang ngan dang / rigs lnga po rnams kyis khe 'thob pa dang / mi 'thob pa lta ba dang / klu rnams bde bar 'god pa dang / dar gyi srin bu dag la gtang rag gtong ba dang / srin mnan nas skyes bu blun po dag bslus te/ nor mang por blangs pa dang / brdzun tshig gis bzang ngan ston pa gang yin pa de dag ni shi 'phos nas lcags kyi dra ba can gyi sems can dmyal bar ltung bar 'gyur bas bya 'dab chags ma rungs pa tshad med pa snyed de'i lus la 'dus te/ sha rnams ma lus par zos nas rus pa dang rgyus pa rnams kyang 'thog par byed pas sdug bsngal dpag tu med pa dag myong bar 'gyur ro/ /tshe 'di la sman pa byas te/ nad gso bar mi nus bzhin du gzhan dag la bslus te nor blangs pa gang yin pa de ni shi 'phos nas gtar ba dang / me btsas bsregs pa'i sems can dmyal bar ltung bar 'gyur bas lus kun tu me rab tu 'bar bar 'gyur ro/ /tshe 'di la mchod rten dang / gtsug lag khang bshig pa dang / mkhan po dang / slob dpon gyis bsgo ba ma nyan pa dang / pha ma la sri zhu med pa gang yin pa de dag ni shi 'phos nas mnar med pa'i sems</font><hr>71.210b<br><font size=+1>

can dmyal ba chen po dang / sems can dmyal ba chen po brgyad po dag tu sdug bsngal sna tshogs myong ba dang / gzhan yang sems can dmyal ba chung ngu brgya sum bcu rtsa drug po kun du 'jug cing bskal pa gcig gam/ bskal pa gnyis sam/ bskal pa lnga'i bar du sdug bsngal myong nas de'i 'og tu gdod thar bar gyur te/ dge ba'i bshes gnyen dang phrad na ni byang chub tu sems skyed par 'gyur la/ gal te phrad par ma gyur na ni slar yang sems can dmyal bar ltung bar 'gyur ro/ /bcom ldan 'das kyis bka' stsal pa/ mir gyur kyang lus kyi bong che zhing shin tu mnam pa dang / khro skyen zhing dgrol dka' ba gang yin pa de ni sngon gyi rnga mo byas pa las 'ongs pa yin no/ /mir gyur kyang 'gro ba la dga' zhing zan za ba 'grus pa dang / nyam nga ba dag la 'byol ba med pa gang yin pa de ni sngon rta byas pa las 'ongs pa yin no/ /mir gyur kyang grang ba dang / tsha ba dag bzod cing sems la 'dzin pa med pa gang yin pa de ni sngon glang byas pa las 'ongs pa yin no/ /mir gyur kyang sgra skad che ba dang / ngo tsha med cing khrel med pa dang / sred pa dang / drang ba mang zhing legs nyes kyi bye brag mi phyed pa gang yin pa de ni sngon bong bu byas pa las 'ongs pa yin no/ /mir gyur kyang rtag par sha la brkam zhing bya ba dag la 'jigs pa med pa gang yin pa de ni sngon seng ge byas pa las 'ongs pa yin no/ /mir gyur kyang lus ring zhing mig zlum pa dang 'brog dgon pa na mang du rgyu ba dang / bu dang chung ma la sdang ba gang yin pa de ni sngon stag byas pa las 'ongs pa yin no/ /mir gyur kyang spun zhing mig chung ba dang / gnas gcig tu gnas par mos pa med pa gang yin pa de ni sngon bya 'dab chags byas pa las 'ongs pa yin no/ /mir gyur kyang rang bzhin mi brtan zhing srog chags phra mo gsod pa la dga' ba gang yin pa de ni sngon gyi wa</font><hr>71.211a<br><font size=+1>

byas pa las 'ongs pa yin no/ /mir gyur kyang dpa' zhing bshor ba dang / 'dod chags chung zhing chung ma la sred pa med pa gang yin pa de ni sngon spyang ki byas pa las 'ongs pa yin no/ /mir gyur kyang gos bzang po la mi dga' ba dang / ma yin pa byas pa dag la rtog pa dang / gnyid chung zhing zhe sdang mang ba gang yin pa de ni sngon khyi byas pa las 'ongs pa yin no/ /mir gyur kyang g.yem pa la dga' zhing skye bo mang po'i yid du 'ong ba'i gtam brjod pa la mngon par dga' ba gang yin pa de ni sngon ne tso byas pa las 'ongs pa yin no/ /mir gyur kyang lus kyi bong chung zhing g.yem pa la dga' ba dang / sems rtse gcig tu mi gnas pa dang / gzugs mthong ma thag tu mngon par zhen pa'i sems 'byung ba gang yin pa de ni sngon bye'u mchil pa byas pa las 'ongs pa yin no/ /mir gyur kyang mig dmar zhing so thung ba dang / smra ba'i tshe lbu ba 'byung zhing nyal na gos kyis lus dkri bar byed pa gang yin pa de ni sngon sbrul dang rtsangs pa byas pa las 'ongs pa yin no/ /mir gyur kyang smras ma thag tu khong khro zhing pha rol gyi don la so sor mi rtog par ngag gi gdug pa 'byin pa gang yin pa de ni sngon sdig pa byas pa las 'ongs pa yin no/ /mir gyur kyang gcig pu dben par gnas shing zas la brkam pa dang / mtshan mo gnyid chung ba gang yin pa de ni sngon byi la byas pa las 'ongs pa yin no/ /mir gyur kyang rtsig pa phug nas rkun po byed pa dang / nor la brkam zhing 'khon 'byung sla ba dang / nye ring gi mtshan ma med pa gang yin pa de ni sngon byi ba byas pa las 'ongs pa yin no/ /bcom ldan 'das kyis bka' stsal pa/ mir gyur kyang mchod rten dang / gtsug lag khang bshig pa dang / dkon mchog gsum gyi dkor sbas nas bdag nyid kyir yongs su spyod pa gang yin pa de ni shi 'phos nas sems can dmyal</font><hr>71.211b<br><font size=+1>

ba chen po mnar med par lhung bar 'gyur ro/ /sems can dmyal ba las thar bar gyur na yang dud 'gro'i skye gnas kyi lus 'di lta ste/ phug ron dang / mchil pa dang / ngur pa dang / ne tso dang / bye'u sngon po dang / nya dang / rus sbal dang / spre'u dang / ri dgas kyi lus len par 'gyur ro/ /brgya lam na mi'i lus thob par gyur na yang ma ning dang / bud med dang / mtshan gnyis pa dang / dbang po med pa dang / smad 'tshong ma dag tu 'gyur ro/ /mir gyur kyang khong khro ba dag la mngon par dga' ba de ni shi 'phos nas sbrul gdug pa dang / stag dang / seng ge dang / dom dang / dred dang / byi la dang / bya khra'i rnam pa dag tu ltung bar 'gyur ro/ /brgya la brgya lam na mi'i lus thob par gyur na yang khyim bya dang / phag gsod pa dang / shan pa dang / rngon pa byed pa dang / bya shor ba dang / btson bsrungs byed pa la mngon par dga' bar 'gyur ro/ /mir gyur kyang glen zhing gti mug pa dang / rigs pa'i tshul gang yin pa mi shes pa de ni shi 'phos nas glang po che dang / phag dang / ba lang dang / chu glang dang / sro shig dang / sbrang ma dang / sbrang bu mchu rings dang / grog ma la sogs pa'i lus len par 'gyur te/ gal te mi'i lus thob par gyur na yang 'on pa dang / long ba dang / lkug pa dang / lus kyi yan lag ma tshang ba dang / rgyab sgur ba dang / dbang po ma tshang ba dag tu 'gyur ro/ /mir gyur kyang khengs shing nga rgyal che ba gang yin pa de ni shi 'phos nas mi gtsang ba'i gnas kyi srin bu dang / rnga mo dang / bong bu dang / stag dang / khyi dag tu ltung bar 'gyur te/ gal te mir skyes na yang bran mo'i lus len cing dbul phongs pas slongs mo byed pa dang / mang po kun gyis brnyas shing smad pa dag tu ltung bar 'gyur ro/ /mir gyur kyang bla ma'i mthu bsnyems pa'i rgyus gzhan gyi nor len pa gang yin pa de ni shi 'phos</font><hr>71.212a<br><font size=+1>

nas sha'i ri lta bu'i sems can dmyal bar ltung bar 'gyur zhing skye bo brgya stong mang pos lus kyi sha bcad nas za bar 'gyur ro/ /tshe 'di la gzhan dag bgrang du gzhug pa la mngon par dga' ba gang yin pa de ni tshe 'phos nas glang po che dag tu skye zhing rkang lag drang bas nyal du med pa dag tu ltung bar 'gyur ro/ /tshe 'di la mchod ston dral nas nub mo zan zos pa gang yin pa de ni tshe 'phos nas yi dgas 'dre bkren dag tu ltung bas lo brgya phrag mang por bza' ba dang / btung ba mang po thob par mi 'gyur ro/ /'gro ba'i tshe lhu tshigs kun tu me rab tu 'bar bar 'gyur ro/ /tshe 'di la sgren mor 'dug pa la mngon par dga' ba gang yin pa de ni tshe 'phos nas grang bas sbrebs pa'i srin bu dag tu skye bar 'gyur ro/ /tshe 'di la mchod ston gyi zas lhag ma khyer ba gang yin pa de ni shi 'phos nas sa gzhi rab tu tsha ba'i sems can dmyal bar ltung bar 'gyur ro/ /brgya la mir skyes par gyur na yang lkog ma nad kyis btab pa dang / tshe thung bar 'gyur ro/ /tshe 'di la de bzhin gshegs pa'i sku gzugs la phyag byed na yang mgo bo sa la mi gtug pa gang yin pa de ni shi 'phos nas mgo mthur tu dpyang ba'i sems can dmyal bar ltung bar 'gyur to/ /brgya lam na mi'i nang du skyes na yang gzhan dag gis mang du slu bar 'gyur ro/ /tshe 'di la de bzhin gshegs pa'i sku gzugs la phyag byas pa na thal mo mi sbyor bar byed pa gang yin pa de ni shi 'phos nas yul mtha' 'khob dag tu skye bar 'gyur zhing 'bad pa mang pos btsal yang ci yang 'thob par mi 'gyur ro/ /tshe 'di la dril chen gyi sgra thos kyang mi ldang ba gang yin pa de ni shi 'phos nas sbrul lus chen po dag tu ltung bar 'gyur zhing lus ring la che bas srog chags phra mo mang po rnams kyis bza' bar 'gyur ro/ /tshe 'di la lag pa rgyab tu bstan te/ de bzhin</font><hr>71.212b<br><font size=+1>

gshegs pa la phyag byas pa gang yin pa de ni shi 'phos nas phyin ka log tu bcings pa'i sems can dmyal bar ltung bar 'gyur te/ gal te mir skyes par gyur na yang nyes pa med par gyod 'byung bar 'gyur ro/ /tshe 'di la thal mo sbyar nas yan lag lngas sa la gtugs te/ phyag byas pa gang yin pa de ni rtag par cho rigs btsun par 'gyur zhing rgyun du bde ba myong bar 'gyur ro/ /tshe 'di la khro skyen zhing lto la 'khong ba gang yin pa de ni sngon smyon pa byas pa las 'ongs pa yin no/ /tshe 'di la mig ya yor gyur pa gang yin pa de ni sngon log pa'i sems kyis gzhan gyi chung ma la bltas pa las gyur pa yin no/ /tshe 'di la chung ma'i non byas nas pha ma la spyos pa gang yin pa de ni shi 'phos nas lce thong gshol gyis rmed pa'i sems can dmyal bar ltung bar 'gyur ro/ /tshe 'di la chang gi nang du bsnan te/ gzhan dag la byin pa gang yin pa de ni shi 'phos nas chu'i nang du srin bu dag tu skye bar 'gyur te/ brgya la mi'i nang du skyes par gyur na yang lus skrang zhing dbugs thung bas 'chi ba'i dus byed par 'gyur ro/ /bcom ldan 'das kyis bka' stsal pa/ ji skad du bstan pa'i sdug bsngal sna tshogs mang po de dag thams cad ni sdig pa mi dge ba'i las rnam pa bcu'i dbang las gyur pa yin pas rab gang yin pa de ni sems can dmyal ba'i rgyu dang rkyen byed par 'gyur ro/ /'bring gang yin pa de ni dud 'gro'i skye gnas kyi rgyu dang rkyen byed par 'gyur ro/ /tha ma gang yin pa de ni yi dgas kyi rgyu dang rkyen byed par 'gyur ro/ /srog gcod pa'i kha na ma tho ba des ni sems can dmyal ba dang / dud 'gro'i skye gnas dang / gshin rje'i 'jig rten dag tu ltung bar 'gyur ro/ /gal te mir skyes par gyur na yang rnam par smin pa'i 'bras bu rnam pa gnyis 'thob par 'gyur te/ tshe thung ba dang / nad mang ba gang yin pa'o/ /ma byin par</font><hr>71.213a<br><font size=+1>

len pa'i kha na ma tho ba gang yin pa de ni sems can dmyal ba dang / dud 'gro'i skye gnas dang / gshin rje'i 'jig rten dag tu ltung bar byed do/ /gal te mir skyes par gyur na yang rnam par smin pa'i 'bras bu rnam pa gnyis 'thob par 'gyur te/ dbul zhing phongs pa dang / nor thun mong du 'gyur zhing rang dbang med pa gang yin pa'o/ /log par g.yem pa'i kha na ma tho ba gang yin pa de ni sems can rnams sems can dmyal ba dang / dud 'gro'i skye gnas dang / gshin rje'i 'jig rten dag tu ltung bar byed do/ /gal te mir skyes par gyur na yang rnam par smin pa'i 'bras bu rnam pa gnyis thob par 'gyur te/ chung ma gzhan gyis byi ba byed pa dang / chung ma dang phan tshun rtsod cing bdag gi sems kyis bsams bzhin du mi 'gyur ba gang yin pa'o/ /brdzun du smra ba'i kha na ma tho ba gang yin pa de ni sems can rnams sems can dmyal ba dang / dud 'gro'i skye gnas dang / gshin rje'i 'jig rten dag tu ltung bar byed do/ /gal te mir skyes par gyur na yang rnam par smin pa'i 'bras bu rnam pa gnyis 'thob par 'gyur te/ skur pa mang ba dang / rtag par gzhan gyis mang du bslus par 'gyur ba gang yin pa'o/ /phra ma byas pa'i kha na ma tho ba gang yin pa des ni sems can rnams sems can dmyal ba dang / dud 'gro'i skye gnas dang / gshin rje'i 'jig rten dag tu ltung bar byed do/ /gal te mir skyes par gyur na yang rnam par smin pa'i 'bras bu rnam pa gnyis 'thob par 'gyur te/ rtag par sgra mi snyan pa thos par 'gyur ba dang / gang ci smras kyang rung ste/ rgyun tu rtsod pa can du 'gyur ba gang yin pa'o/ /tshig kyal pa smras pa'i kha na ma tho ba gang yin pa de ni sems can rnams sems can dmyal ba dang / dud 'gro'i skye gnas dang / gshin rje'i 'jig rten dag tu ltung bar byed do/ /</font><hr>71.213b<br><font size=+1>

gal te mir skyes par gyur na yang rnam par smin pa'i 'bras bu rnam pa gnyis 'thob par 'gyur te/ bden pa zhig smras na yang gzhan dag yid ches par mi 'gyur ba dang / tshig smras pa rnams gzhan gyis go bar mi 'gyur ba gang yin pa'o/ /brnab sems bskyed pa'i kha na ma tho ba gang yin pa de ni sems can rnams sems can dmyal ba dang / dud 'gro'i skye gnas dang / gshin rje'i 'jig rten dag tu ltung bar byed do/ /gal te mir skyes na yang rnam par smin pa'i 'bras bu rnam pa gnyis 'thob par 'gyur te/ nor la brkam zhing chog shes pa med pa dang / mang du tshol zhing rtag par yid bzhin du mngon par grub par mi 'gyur ba gang yin pa'o/ /gnod sems kyi kha na ma tho ba gang yin pa des ni sems can rnams sems can dmyal ba dang / dud 'gro'i skye gnas dang / gshin rje'i 'jig rten dag tu ltung bar byed do/ /gal te mir skyes par gyur na yang rnam par smin pa'i 'bras bu rnam pa gnyis myong bar 'gyur te/ rtag par gzhan gyis glags tshol bar 'gyur ba dang / rtag par gzhan gyis gnod pa byed par 'gyur ba gang yin pa'o/ /log par lta ba 'i kha na ma tho ba gang yin pa des ni sems can rnams sems can dmyal ba dang / dud 'gro'i skye gnas dang / gshin rje'i 'jig rten dag tu ltung bar byed do/ /gal te mir skyes par gyur na yang rnam par smin pa'i 'bras bu rnam pa gnyis 'thob par 'gyur te/ rtag par log par lta ba'i khyim dag tu skye bar 'gyur ba dang / sems g.yo sgyu dang bcas par 'gyur ba gang yin pa'o/ /kye sangs rgyas kyi sras rnams de ltar ni sdig pa mi dge ba'i las kyi lam bcu po rnams ni sdug bsngal mang po sna tshogs kyi phung po chen po'i rgyu dang rkyen du gyur pa yin no/ /de nas de'i tshe 'khor 'dus pa chen po de nyid du sdig pa mi dge ba'i las bcu po dag</font><hr>71.214a<br><font size=+1>

byas pa gang yin pa de dag bcom ldan 'das kyis sems can dmyal ba'i sdug bsngal gyi rnam par smin pa bkas bshad pa thos pa dang / de dag thams cad skad cher byung ste ngus nas/ bcom ldan 'das la 'di skad ces gsol to/ /bcom ldan 'das bdag cag dge ba ji lta bu zhig spyad na sdug bsngal 'di dag las thar bar 'gyur lags/ bcom ldan 'das kyis bka' stsal pa/ sems can thams cad bsod nams kyi las la gzud par bya ste/ ji ltar bsod nams mngon par bsgrub par bya zhe na/ sems can gang la la zhig tshe 'di la yongs su bskul ba'i bdag po chen po byas te/ de bzhin gshegs pa'i mchod rten dang dri gtsang khang dang / gtsug lag khang brtsigs na/ ma 'ongs pa na gdon mi za bar rgyal po byed cing skye bo mang po la dbang byed par 'gyur bas gang yang ngag mi nyan pa med par 'gyur ro/ /tshe 'di la grong dang grong gi gtso bor gyur kyang drang rkan che zhing chos bzhin du skyong bar byed pa gang yin pa de ni ma 'ongs pa na gdon mi za bar rgyal po'i blon po byed par 'gyur zhing gos zas dang / rta phun sum tshogs pa dang ci dang ci 'dod pa 'byor bar 'gyur ro/ /tshe 'di la skye bo mang po bsod nams byed par bskul zhing gzung ba gang yin pa de ni ma 'ongs pa na gdon mi za bar cho rigs btsun zhing shin du phyug pa'i khyim bdag tu 'gyur bar skye bo mang po kun gyis bkur ba dang / phyogs bcu po dag tu don gnyer ba rnams kyang 'grub par 'gyur ro/ /tshe 'di la mar me btsugs nas mchod pa byed pa la mngon par dga' ba gang yin pa de ni nyi zla'i lhar skye bar 'gyur bas 'od zer gyis bdag nyid gsal bar byed par 'gyur ro/ /tshe 'di la sbyin pa gtong ba la dga' ba dang / byams pa'i sems kyis srog chags gso bar dga' ba gang yin pa de ni skye ba thams</font><hr>71.214b<br><font size=+1>

cad phyug por 'gyur bas gos zas dag rang 'byung bar 'gyur ro/ /tshe 'di la skye bo mang po rnams la bza' ba dang btung ba sbyin pa la mngon par dga' ba gang yin pa de ni skye ba thams cad du lha'i zas rang 'byung bar 'gyur ba dang / gzugs dang stobs phun sum tshogs pa dang / dbang po rno zhing spobs pa dang ldan pa dang tshe ring bar 'gyur ro/ /gang gis dud 'gro'i gnas su song ba rnams la sbyin pa yongs su btang na rnam par smin pa'i 'bras bu brgya 'gyur snyed 'thob par 'gyur ro/ /'dod chen pa dag la sbyin pa yongs su btang na rnam par smin pa stong 'gyur snyed 'thob par 'gyur ro/ /tshul khrims dang ldan pa'i dge slong la sbyin pa yongs su btang na rnam par smin pa khri 'gyur snyed 'thob par 'gyur ro/ /gang gis theg pa chen po de bzhin gshegs pa'i gsang ba'i snying po 'khor mang po la yang dag par bsgrags nas sems kyi mig 'byed pa'i chos smra ba gang dag la sbyin pa yongs su btang na rnam par smin pa'i 'bras bu tshad med pa snyed thob par 'gyur ro/ /gang gis sangs rgyas dang / byang chub sems dpa' rnams la sbyin pa yongs su btang na rnam par smin pa'i 'bras bu mthar thug pa med pa snyed la longs spyod par 'gyur ro/ /gzhan yang gang zag rnam pa gsum la sbyin pa yongs su btang na rnam par smin pa'i 'bras bu yongs su gtugs par mi 'gyur te/ de bzhin gshegs pa rnams dang / pha ma dang nad pa rnams so/ /zas za cig tsam yongs su btang bas kyang rnam par smin pa'i 'bras bu tshad med pa snyed thob par 'gyur ro/ /rtag par yongs su btang bas yongs su gtugs par mi 'gyur ba lta smos kyang ci dgos/ tshe 'di la dge 'dun mang po'i sku bsil ba gang yin pa de ni skye ba thams cad du byad bzhin sdug cing mdzes pa dang / rang bzhin gyis gos zas dang ldan pa dang / </font><hr>71.215a<br><font size=+1>

skye bo mang po kun gyis bkur bar 'gyur ro/ /tshe 'di la bsngags pa brjod pa dang / mdo sde'i chos klog cing kha tog du 'don par dga' ba gang yin pa de ni skye ba'i gnas thams cad du sgra dbyangs snyan cing thos pa rnams rab tu dga' bar 'gyur ro/ /tshe 'di la tshul khrims srung bar mngon par dga' ba gang yin pa de ni skye ba thams cad du byad bzhin sdug cing mi'i nang na mchog tu 'gyur ro/ /tshe 'di la lam kar khron pa brkos nas skyed shing btsugs nas grib ma mang po kun la sgrib par mngon par dga' ba gang yin pa de ni skye ba thams cad du mi'i rgyal po byed cing ro brgya dang ldan pa'i bza' ba dang btung ba bsams pa tsam gyis 'byor par 'gyur ro/ /tshe 'di la mdo sde bris te/ gzhan dag la byin nas klog tu bcug pa la mngon par dga' ba gang yin pa de ni skye ba thams cad du bdag gi spobs pa mang po dang ldan pa dang / chos bslab pa la lan cig thos pa tsam gyis go bar 'gyur ba dang / sangs rgyas dang / byang chub sems dpa' rnams kyis byin gyis rlob cing yongs su srung ba dang / rtag par mi'i nang na mchog dam pa gtso bo byed par 'gyur ro/ /tshe 'di la zam pa dang / gru gzings bcas nas skye bo mang po sgrol bar mngon par dga' ba gang yin pa de ni skye ba thams cad du rin po che sna bdun phun sum tshogs pa dang / skye bo mang po kun gyis bkur zhing bsngags pa brjod nas mngon par dga' ba dang / phan tshun 'gro zhing 'ong ba'i tshe mang po kun gyis bsnyen bkur dang rim gro byed par 'gyur ro/ /bcom ldan 'das kyis bka' stsal pa/ kun dga' bo ngas ji skad du mdo sde de dang de dag gi rgyu dang 'bras bu bstan nas sems can mang po rnams klog pa dang / kha ton du 'don pa dang / mngon par bsgrub par bskul nas sdug bsngal gyi bgegs las yongs su bzlas pa de bzhin du 'dir</font><hr>71.215b<br><font size=+1>

yang de ltar bstan pa yin pas/ gang la la zhig gis chos kyi rnam grangs 'di thos nas skur pa 'debs par byed pa de ni tshe 'di nyid la lce'i dbang po ltung bar 'gyur ro/ /de nas bcom ldan 'das la tshe dang ldan pa kun dga' bos 'di skad ces gsol to/ /bcom ldan 'das chos kyi rnam grangs 'di'i ming ci lags/ ji ltar yongs su gzung bar bgyi/ bcom ldan 'das kyis bka' stsal pa/ kun dga' bo chos kyi rnam grangs 'di ni legs nyes kyi rgyu dang 'bras bu bstan pa zhes bya ste/ byang chub sems dpa'i spyod pa mngon par sgrub par smon lam btab pa zhes bya bar yang zung shig /bcom ldan 'das kyis chos kyi rnam grangs 'di bstan pa na/ lha dang mi stong phrag brgyad bcu bla na med pa yang dag par rdzogs pa'i byang chub tu sems bskyed par gyur to/ /bud med brgya stong du ma tshe 'di nyid la bud med kyi dbang po med par gyur nas skyes pa'i lus mngon par grub par gyurd to/ /sdig pa spyod pa'i skye dgu stong nyis brgya ni gdug pa'i sems spangs nas bdag gi tshe rabs dran par gyurd to/ /dge ba spyod pa'i skye bo tshad med pa dag ni mi skye ba'i bzod pa thob nas rtag par bde ba myong bar gyur to/ /tshe 'pho bar 'gyur ba tshad med pa snyed ni sangs rgyas kyi zhing yongs su dag par skyes nas byang chub sems dpa' rnams dang mnyam zhing mtshungs pa'i grogs su gyur to/ /bcom ldan 'das kyis de skad ces bka' stsal nas/ 'khor 'dus pa thams cad rang gi gnas su dong ste/ bsod nams mngon par 'du byed cing rab tu dga' bas dga' bzhin du spyod par gyur to/ /'phags pa legs nyes kyi rgyu dang 'bras bu bstan pa zhes bya ba'i mdo/ rdzogs so// // zhu chen gyi lots+tsha ba ban de chos grub kyis rgya gar dang rgya'i dpe las bsgyur cing zhus te gtan la phab pa/ / </font><hr>

</table>