J307

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J307</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J307&coll=lithang">see text in Tibetan script</a></table>79.161b<br><font size=+1>

//'phags pa dkon mchog brtsegs pa chen po'i</font><hr>79.162a<br><font size=+1>

chos kyi rnam grangs le'u stong phrag brgya pa las le'u brgyad pa ste/ chos kyi dbyings kyi rang bzhin dbyer med pa bstan pa/ / bam po dang po/ / rgya gar skad du/ Ar+ya d+harmA d+hA tu pra kr-i ti a sam b+he da nir de sha nA ma ma hA yA na sU tra/ bod skad du/ 'phags pa chos kyi dbyings kyi rang bzhin dbyer med pa bstan pa zhes bya ba theg pa chen po'i mdo'o/ /sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na dge slong brgyad stong gi dge slong gi dge 'dun chen po dang / byang chub sems dpa' sangs rgyas kyi zhing sna tshogs tha dad pa nas 'dus pa khri nyis stong dang / lha'i bu thams cad kyang bla na med pa yang dag par rdzogs pa'i byang chub la yang dag par zhugs pa sum khri nyis stong dang thabs gcig tu bzhugs so/ /de'i tshe na 'jam dpal gzhon nur gyur ba dang / lha'i bu rin chen mchog ces bya ba yang 'khor de nyid du 'dus te 'dug par gyur to/ /de nas lha'i bu rin chen mchog 'di snyam du sems te/ 'di ltar bcom ldan 'das kyis 'jam dpal gzhon nur gyur ba la chos ston par bskul ba mdzad de/ bskul nas kyang bshad la ci nas kyang bdud kyi gnas thams cad spa bkong bar 'gyur ba dang / bdud sdig can yi chad par 'gyur ba dang / phas kyi rgol ba thams cad shin du tshar bcad par 'gyur ba dang / mngon pa'i nga rgyal can thams cad nga rgyal med cing shes pa brda sprod par 'gyur ba dang / rnal 'byor spyod pa dag 'bras bu thob par 'gyur ba dang / 'bras bu</font><hr>79.162b<br><font size=+1>

'thob pa dag kyang khyad par du 'gro bar 'gyur ba dang / sangs rgyas dang / chos dang / dge 'dun gyi gdung rgyun mi bcad pa'i phyir skye bo mang po dag kyang byang chub tu sems bskyed par 'gyur ba dang / de bzhin gshegs pas bskal pa grangs med par yang dag par bsgrubs pa'i byang chub 'di yang yun ring du gnas pa dang / rgyas par 'gyur ba dang / de bzhin gshegs pa bzhugs sam yongs su mya ngan las 'das kyang rung ste/ chos bstan pa de gang dag gis thos par gyur ba de dag theg pa gang la mos pas myur du yongs su mya ngan las 'da' bar 'gyur ba de lta bu'i chos ston na ci ma rung snyam mo/ /de nas bcom ldan 'das kyis lha'i bu rin chen mchog gi sems kyi yongs su rtog pa thugs kyis mkhyen nas 'jam dpal gzhon nur gyur ba la bka' stsal pa/ 'jam dpal 'khor 'di khyod las chos mnyan pa thos par 'dod kyis 'khor 'di dag la gtam gyi rgyud 'ga' zhig la khyod spobs par gyis shig /'jam dpal gzhon nur gyur pas gsol pa/ bcom ldan 'das ci las brtsams te spobs par bgyi lags/ bcom ldan 'das kyis bka' stsal pa/ 'jam dpal chos kyi dbyings kyi rang bzhin la sogs la khyod spobs par gyis shig 'jam dpal gyis gsol pa/ bcom ldan 'das chos thams cad kyang chos kyi dbyings kyi rang bzhin legs pas bcom ldan 'das chos kyi dbyings kyi rang bzhin ni brjod pa 'am mnyan par cung zad kyang rngo mi thog lags na/ bcom ldan 'das ji ltar chos kyi dbyings kyi rang bzhin las brtsams te bstan par bgyi lags/ bcom ldan 'das kyis bka' stsal pa/ </font><hr>79.163a<br><font size=+1>

'jam dpal chos bstan pa 'di thos na gang zag mngon pa'i nga rgyal can dag ni skrag par 'gyur ro/ /'jam dpal gyis gsol pa/ bcom ldan 'das gang dag skrag par 'gyur ba de dag kyang chos kyi dbyings kyi rang bzhin can lags pas chos kyi dbyings kyi rang bzhin ni skrag par mi 'gyur lags so/ /de nas tshe dang ldan pa shA ra dwa ti'i bus 'jam dpal gzhon nur gyur ba la 'di skad ces smras so/ /'jam dpal gal te chos thams cad chos kyi dbyings kyi rang bzhin yin na chos kyi dbyings kyi rang bzhin la ni kun nas nyon mongs par 'gyur ba yang med la/ rnam par byang bar 'gyur ba yang med na sems can rnams gyis kun nas nyon mongs pa 'am rnam par byang ba ci las 'byung bar 'gyur/ 'jam dpal gyis smras pa/ btsun pa shA ra dwa ti'i bu byis pa so so'i skye bo 'jig tshogs la lta ba'i phyin ci log gis bslad cing ngar 'dzin pa dang / nga yir 'dzin pa la gnas pa rnams la ni bdag dang gzhan gyi 'du shes 'byung ngo / /bdag dang gzhan gyi 'du shes pa la gnas pa de dag la ni dge ba dang mi dge ba'i sems dang sems las byung ba dag 'byung te sems dang sems las byung ba'i chos de dag gis dge ba dang mi dge ba'i las mngon par 'du bya ba dag mngon par 'du byed cing de dag la rgyu de dang rkyen de dag dang ngo bo nyid de'i rnam par smin pa nyid mngon par 'grub par 'gyur ro/ /btsun pa shA ra dwa ti'i bu de dag gis ji tsam du srid pa'i 'gro bar skye ba yongs su bzung ba de tsam du kun nas nyon mongs pa zhes bya'o/ /btsun pa shA ra dwa ti'i bu kun nas nyon mongs pa de yang chos kyi dbyings kyi rang bzhin nyid yin pas kun nas nyon mongs pa nyid chos kyi dbyings kyi rang bzhin du yongs su shes pa gang yin pa de nyid</font><hr>79.163b<br><font size=+1>

rnam par byang ba zhes bya ste/ don dam par ni de la kun nas nyon mongs par 'gyur ba 'am/ rnam par byang bar 'gyur ba 'am/ gang kun nas nyon mongs par 'gyur ba ci yang med do/ /'jam dpal gzhon nur gyur pas bstan pa 'di bshad pa na dge slong lhag pa'i nga rgyal can brgya len pa med par zag pa rnams las sems rnam par grol lo/ /de nas tshe dang ldan pa shA ra dwa ti'i bus 'jam dpal gzhon nur gyur ba la 'di skad ces smras so/ /'jam dpal khyod kyis bstan pa 'di bshad pa na dge slong lhag pa'i nga rgyal can rgya len pa med par zag pa rnams las sems rnam par grol te/ 'jam dpal chos kyi dbyings ni khyod las phyad par 'byung ngo / /'jam dpal gyis smras pa/ btsun pa shA ra dwa ti'i bu ci chos kyi dbyings kyi rang bzhin sngon bcings par gyur la dgrol ba zhig yin snyam 'am/ /smras pa 'jam dpal chos kyi dbyings kyi rang bzhin ni sngon bcings par gyur ba yang ma yin la/ dgrol ba yang ma yin no/ /smras pa/ btsun pa shA ra dwa ti'i bu 'o na dge slong de dag gis sems ci zhig las rnam par grol/ smras pa/ 'jam dpal de bzhin gshegs pas nyan thos mang po btul te/ de dag gis sems ni len pa med par zag pa rnams las rnam par grol to/ /'jam dpal gyis smras pa/ btsun pa shA ra dwa ti'i bu ci khyod bcom ldan 'das kyi nyan thos yin nam/ smras pa/ 'jam dpal de de bzhin te/ kho bo ni bcom ldan 'das kyi nyan thos yin no/ /smras pa/ btsun pa shA ra dwa ti'i bu ci khyod kyis sems len pa med par zag pa rnams las rnam par grol lam/ smras pa/ 'jam dpal rnam par grol lo/ /smras pa/ btsun pa shA ra dwa ti'i bu ci khyod kyi sems</font><hr>79.164a<br><font size=+1>

'das pa rnam par grol lam/ 'on te ma 'ongs pa dang da ltar byung ba rnam par grol/ btsun pa shA ra dwa ti'i bu sems 'das pa ni zad pa'i mtshan nyid yin la/ sems ma 'ongs pa ni ma thob pa'i mtshan nyid yin/ sems da ltar byung ba ni mi gnas pa'i mtshan nyid yin na/ btsun pa shA ra dwa ti'i bu khyod kyi sems rnam par grol ba de gang yin/ tshe dang ldan pa shA ra dwa ti'i bus smras pa/ 'jam dpal sems 'das pa yang rnam par grol ba ma yin la/ ma 'ongs pa dang / da ltar byung ba yang ma yin no/ /'jam dpal gyis smras pa/ btsun pa shA ra dwa ti'i bu 'o na khyod kyi sems rnam par grol ba de gang yin/ smras pa/ 'jam dpal kun rdzob rnam par gzhag pas sems rnam par grol bar bstan par zad kyi/ don dam par ni 'di la gang bcing ba 'am/ dgrol ba'i sems dmigs su med do/ /'jam dpal gyis smras pa/ btsun pa shA ra dwa ti'i bu khyod chos kyi dbyings kyi rang bzhin la kun rdzob dang / don dam pa yod par 'dod dam/ smras pa/ 'jam dpal chos kyi dbyings kyi rang bzhin la ni kun rdzob dang / don dam pa dmigs su med do/ /'jam dpal gyis smras pa/ btsun pa shA ra dwa ti'i bu 'o na ji ltar kun rdzob rnam par gzhag pas sems rnam par grol bar ston/ smras pa/ 'jam dpal nam yang sems rnam par grol ba ci yang med dam/ 'jam dpal gyis smras pa btsun pa shA ra dwa ti'i bu gal te sems shig nang ngam/ phyi rol lam/ gnyis ga'i bar na dmigs su yod na ni sems rnam par grol bar yang 'gyur ba zhig na/ btsun pa shA ra dwa ti'i bu sems ni nang ngam/ phyi rol lam/ gnyis ga med par yang dmigs su med pas/ </font><hr>79.164b<br><font size=+1>

de la bcings pa 'am/ rnam par grol ba ci yang med do/ /de nas 'khor de las dge slong nyis brgyas 'jam dpal gzhon nur gyur pas bstan pa 'di thos pa dang / stan las langs te dong nas tshig 'di skad ces kyang smras te/ gal te 'di la su yang rnam par grol ba med cing su yang rnam par mi grol na/ 'o bu cag gi rab tu 'byung zhing bsnyen par rdzogs pa dge slong gi dngos po la don ci zhig yod/ gal te nges par 'byung ba ci yang med na lam sgom pa la don ci yod ces de ltar dge slong de dag smod cing yi chad nas 'khor de nas dong ngo / /de nas 'jam dpal gzhon nur gyur pas dge slong de dag 'dul ba'i dbang rig nas lam gang nas dge slong de dag dong ba'i lam de'i mdun du sprul pa'i dge slong zhig sprul to/ /de nas dge slong de dag sprul pa'i dge slong de dag ga la ba der dong ste lhags nas sprul ba'i dge slong de la 'di skad ces smras so/ /tshe dang ldan pa khyod ga las 'ongs/ de nas sprul pa'i dge slong des dge slong de dag la 'di skad ces smras so/ /tshe dang ldan pa dag kho bo ni 'jam dpal gzhon nur gyur pa'i chos bstan pa la ma zhugs/ ma shes/ ma mos/ yid ma ches nas kho bo 'khor de nas song ngo / /de nas dge slong nyis brgya po de dag gis kyang 'di skad ces smras so/ /kho bo cag kyang 'jam dpal gzhon nur gyur pa'i chos bstan pa la ma zhugs/ ma shes/ ma mos/ yid ma ches nas kho bo cag de nas dong ngo / /de nas sprul pa'i dge slong des dge slong nyis brgya po de dag la 'di skad ces smras so/ /tshe dang ldan pa dag gis 'jam dpal gzhon nur gyur pa'i chos bstan pa la mi mthun pa ci zhig</font><hr>79.165a<br><font size=+1>

thos na khyed cag 'khor de nas dong / de dag gis smras pa/ tshe dang ldan pa 'jam dpal gzhon nur gyur ba ni 'di la su la yang thob pa med/ mngon par rtogs pa med/ rnam par grol ba med par ston pas kho bo cag 'di snyam du sems te/ gal te 'di la su la yang thob pa med/ mngon par rtogs pa med/ rnam par grol ba med na 'o bu cag gi rab tu 'byung zhing bsnyen par rdzogs pa dge slong gi dngos po la don ci yod/ 'o bu cag gi tshangs par spyod pa la gnas pa la don ci yod/ gal te 'di la nges par 'byung ba ci yang med na lam sgom pa la don ci yod snyam du bsams nas kho bo cag 'khor de nas dong ngo / /de nas sprul ba'i dge slong des dge slong de dag la 'di skad ces smras so/ /tshe dang ldan pa dag ci khyed cag ma mos nas dong bar zad dam/ 'on te spangs shing mi snyan par brjod nas dong / de dag gis smras pa/ kho bo cag ni ma mos nas dong bar zad kyi/ kho bo cag gis spangs pa yang med la mi snyan par brjod pa yang med do/ /de nas sprul pa'i dge slong des dge slong de dag la legs so zhes bya ba byin nas 'di skad ces kyang smras so/ /tshe dang ldan pa dag rtsod pa med pa ni dge sbyong gi chos kyi mchog yin pas mi snyan par brjod par mi bya/ brtsad par mi bya'i re shig je bgro bar bya'o/ /tshe dang ldan pa dag ci sems 'di sngon po zhes bya ba zhig gam/ ser po zhes bya ba zhig gam/ dmar po zhes bya ba zhig gam/ dkar po zhes bya ba zhig gam/ btsod ka zhes bya ba zhig gam/ shel gyi kha dog lta bu zhes bya ba zhig gam/ yang dag pa zhes bya ba zhig gam/ yang dag pa ma yin pa zhes bya ba zhig gam/ rtag pa zhes bya ba zhig gam/ </font><hr>79.165b<br><font size=+1>

mi rtag pa zhes bya ba zhig gam/ gzugs can zhes bya ba zhig gam/ gzugs can ma yin pa zhes bya ba zhig gam/ zhes rtogs shig de dag gis smras pa/ tshe dang ldan pa sems ni gzugs can ma yin pa/ bstan du med pa/ snang ba med pa/ thogs pa med pa/ gnas med pa/ rnam par rig byed ma yin pa'o/ /de nas sprul ba'i dge slong des dge slong de dag la 'di skad ces smras so/ /tshe dang ldan pa dag ci gzugs can ma yin pa/ bstan du med pa/ snang ba med pa/ thogs pa med pa/ gnas med pa/ rnam par rig byed ma yin pa'i sems de nang na gnas so/ /zhes bya ba'am/ phyi rol na gnas so zhes bya ba 'am/ gnyis ga'i bar na gnas so zhes bya bar dmigs su yod snyam 'am/ smras pa de ni ma yin no/ /smras pa/ tshe dang ldan pa dag gal te sems de gzugs can ma yin/ bstan du med/ snang ba med/ thogs pa med/ /gnas med/ rnam par rig byed ma yin/ nang na yang med/ phyi rol na yang med/ gnyis ga med par yang dmigs su med na ci de la yang dag par yongs su grub pa yod snyam 'am/ de dag gis smras pa/ de ni ma yin no/ /smras pa/ tshe dang ldan pa dag gang yang dag pa ma yin zhing yongs su grub pa ma yin pa de la ci rnam par grol ba yod snyam 'am/ de dag gis smras pa/ de ni ma yin no/ /smras pa/ tshe dang ldan pa dag de las bsams nas/ 'jam dpal gzhon nur gyur pas 'di skad du chos kyi dbyings kyi rang bzhin la ni kun nas nyon mongs par 'gyur ba yang med la rnam par byang bar 'gyur ba yang med do/ /zhes bstan to/ /tshe dang ldan pa dag yang byis pa so so'i skye bo phyin ci log gis bslad pa rnams la ni ngar 'dzin pa dang / nga yir 'dzin pa yongs su 'dzin pa 'byung ngo / /ngar 'dzin pa dang / ngar yir 'dzin</font><hr>79.166a<br><font size=+1>

pa la gnas te/ rtag tu yul rnams la spyod cing gnas pa de dag la ni dmigs pa las byung ba'i sems 'byung ste/ dmigs pa zad na zad par 'gyur la byung nas zhig cing zhu ste gnas pa med do/ /sems kyi dmigs pa gang gis rab tu 'byung zhing bsnyen par rdzogs pa dge slong gi dngos por 'gyur ba dang / lam sgom par byed pa'i sems de ni rang bzhin gyis med pa dang / yang dag pa ma yin pa dang byung ba ma yin pa'o/ /med pa dang / yang dag pa ma yin pa dang / byung ba ma yin pa gang yin pa de la ni skye ba yang med/ 'jig pa yang med/ gnas pa yang med do/ /gang la skye ba med pa dang / 'jig pa med pa dang /  gnas pa med pa de la ni bcings pa yang med/ rnam par grol ba yang med do/ /de la ni thob pa yang med/ mngon par rtogs pa yang med de/ tshe dang ldan pa dag de las bsams nas 'jam dpal gzhon nur gyur pas 'di skad du chos kyi dbyings kyi rang bzhin la ni kun nas nyon mongs par 'gyur ba yang med/ rnam par byang bar 'gyur ba yang med de/ 'di la ni su la yang thob pa med/ mngon par rtogs pa med/ rnam par grol ba med do zhes smras so/ /de nas sprul pa'i dge slong des bstan pa 'di bshad pa na dge slong de dag len pa med par zag pa rnams las sems rnam par grol lo/ /de dag sems rnam par grol nas 'jam dpal gzhon nur gyur ba ga la ba der dong ste phyin pa dang / rang rang gi bla gos 'jam dpal gzhon nur gyur ba la mngon par bkab nas tshig 'di skad ces kyang smras so/ /'jam dpal khyod kyis ni kho bo cag yongs su bskyabs so/ /'di ltar kho bo cag kyang dam pa'i chos spong bar ma zhugs pas da phyin cad chos 'dul ba zab mo la 'jug pa las phyi rol tu gyur ba ma yin no/ /de nas tshe</font><hr>79.166b<br><font size=+1>

dang ldan pa rab 'byor gyis dge slong de dag la 'di skad ces smras so/ /tshe dang ldan pa dag gis ci zhig thob cing ci zhig mngon par rtogs na rang rang gi bla gos 'jam dpal gzhon nur gyur ba la mngon par bkab/ de dag gis smras pa/ btsun pa rab 'byor kho bo cag gis ni ci yang thob pa med cing mngon par rtogs pa med pas de'i phyir kho bo cag gis rang rang gi bla gos 'jam dpal gzhon nur gyur ba la mngon par bkab bo/ /btsun pa rab 'byor gang gi tshe kho bo cag thob pa'i 'du shes yod par gyur ba de'i tshe ni kho bo cag stan las langs te 'khor te 'khor de nas dong ngo / /gang gi tshe kho bo cag thob pa'i 'du shes de dang bral bar gyur ba de'i tshe slar lhags so/ /rab 'byor gyis smras pa/ tshe dang ldan pa dag khyed ci las bsams te de skad smra/ de dag gis smras pa/ btsun pa rab 'byor thob pa zhes bya ba de ni g.yo ba yin no/ /de ni rlom sems yin te/ gang la g.yo ba yod pa dang / rlom sems yod pa de la ni thob pa yang med cing mngon par rtogs pa med do/ /btsun pa rab 'byor gang la thob pa med cing mngon par rtogs pa med de ni rlom sems thams cad yang dag par bcom pa yin no/ /tshe dang ldan pa rab 'byor gyis smras pa/ tshe dang ldan pa dag khyed cag sus btul/ de dag gis smras pa/ btsun pa rab 'byor gang thob pa med pa dang / mngon par rtogs pa med pa dang / gang skye ba med pa dang / /yongs su mya ngan las 'da' ba med pa dang / gang mnyam par bzhag pa med pa dang / sems rnam par g.yengs pa med pa des rab tu btul to/ /smras pa/ tshe dang ldan pa dag ci khyed cag btul ba yin nam/ /de dag gis smras pa/ 'jam dpal gzhon nur gyur ba la dris shig /de nas tshe dang ldan pa kun dga' bos 'jam dpal gzhon nur gyur ba la 'di skad ces smras so/ /'jam dpal dge slong de dag</font><hr>79.167a<br><font size=+1>

sus btul/ 'jam dpal gyis smras pa/ btsun pa kun dga' bo gang la phung po rnams med pa dang / khams rnams med pa dang / skye mched rnams med pa dang / gang so so'i skye bo ma yin pa dang / slob pa ma yin pa dang / mi slob pa ma yin pa dang / nyan thos ma yin pa dang / byang chub sems dpa' ma yin pa dang / de bzhin gshegs pa ma yin pa dang / gang lus dang ldan pa ma yin pa dang / ngag dang ldan pa ma yin pa dang / sems dang ldan pa ma yin pa dang / mtshungs par ldan pa ma yin pa dang / bral ba ma yin pa des btul to/ /smras pa/ 'jam dpal de ston pa su zhig /'jam dpal gyis smras pa/ btsun pa kun dga' bo 'di ji snyam du sems/ de bzhin gshegs pas sprul pa zhig sprul na de mtshungs par ldan pa yin snyam 'am/ smras pa/ 'jam dpal de ni chos gang dang yang dag par ldan pa yang ma yin/ bral ba yang ma yin no/ /'jam dpal gyis smras pa/ btsun pa kun dga' bo ci chos thams cad sprul pa'i ngo bo nyid yin nam/ smras pa/ 'jam dpal de de bzhin no/ /'jam dpal gyis smras pa/ btsun pa kun dga' bo dge slong 'di dag ni sprul pas btul ba yin te/ sprul pa'i 'dul ba ci 'dra bar nyan thos thams cad kyi 'dul ba yang de 'dra'o/ /btsun pa kun dga' bo gang dag de ltar btul ba de dag ni yang dag par btul ba yin no/ /gang dag chos 'dul ba 'di la mos par mi byed pa de dag ni lhag pa'i nga rgyal can du rig par bya'o/ /de nas tshe dang ldan pa kun dga' bos 'jam dpal gzhon nur gyur ba la 'di skad ces smras so/ /'jam dpal ji ltar na dge slong lhag pa'i nga rgyal can du rig par bya/ 'jam dpal gyis smras pa/ btsun pa kun dga' bo 'di la dge slong tshul khrims kyi phung po yongs su dag pas yongs su dag par rlom sems su byed pa ni lhag</font><hr>79.167b<br><font size=+1>

pa'i nga rgyal can du shes par bya'o/ /ting nge 'dzin dang / shes rab dang / rnam par grol ba dang rnam par grol ba'i ye shes mthong ba'i phung po yongs su dag par yongs su rlom sems su byed pa ni lhag pa'i nga rgyal can du shes par bya'o/ /bdag gis thob bo/ bdag gis mngon sum du byas so snyam du sems shing rlom sems su byed pa dang / yongs su rtog par byed pa de ni lhag pa'i nga rgyal can du shes par bya'o/ /'jig tshogs la lta bas skrag cing bgrod pa gcig pa'i lam gyi ro myang bar byed pa ni lhag pa'i nga rgyal can du shes par bya'o/ /de ci'i phyir zhe na/ stong pa nyid gang gis 'jig tshogs la lta ba stong pa'i stong pa nyid des bgrod pa gcig pa'i lam yang stong pa'i phyir te/ stong pa de lta bu la stong pa nyid kyis yang dag par mi 'jug pa ni lhag pa'i nga rgyal can du shes par bya'o/ /btsun pa kun dga' bo gzhan yang dge slong gang 'jig tshogs la lta ba'i stong pa nyid gang yin pa dang / bgrod pa gcig pa'i lam gyi stong pa nyid gang yin pa'i stong pa nyid de la stong pa nyid kyis mnyam par byed pa ni lhag pa'i nga rgyal can du shes par bya'o/ /de ci'i phyir zhe na/ btsun pa kun dga' bo stong pa nyid kyang gzhan ma yin la 'jig tshogs la lta ba yang gzhan ma yin te/ 'jig tshogs la lta ba nyid stong pa nyid yin pa dang / stong pa nyid kyang gzhan ma yin la lam yang gzhan ma yin te/ lam nyid stong pa nyid yin pa'i phyir ro/ /btsun pa kun dga' bo gzhan yang dge slong gang ma rig pa dang / srid pa'i sred pas 'jigs shing ma rig pa las rnam par grol ba'i ro myang bar byed pa ni lhag pa'i nga rgyal can du shes par bya'o/ /de ci 'i phyir zhe na/ gang la gnyis su 'du shes 'jug pa de ni rnam par grol ba ma yin pa'i phyir ro/ /btsun pa kun dga' bo gzhan</font><hr>79.168a<br><font size=+1>

yang dge slong gang 'dod chags dang / zhe sdang dang / gti mug rnams kyis skrag cing rnam par thar pa'i sgo gsum po dag gi ro myang bar byed pa dang / phyin ci log bzhis skrag cing 'du shes bzhi'i ro myang bar byed pa dang / sgrib pa lngas skrag cing dbang po lnga'i ro myang bar byed pa dang / skye mched drug gis skrag cing mngon par shes pa drug gi ro myang bar byed pa dang / rnam par shes pa'i gnas bdun gyis skrag cing byang chub kyi yan lag bdun gyi ro myang bar byed pa dang / log pa nyid brgyad kyis skrag cing 'phags pa'i lam yan lag brgyad pa'i ro myang bar byed pa dang / 'dus byas kyi dngos po dgus skrag cing mthar gyis gnas pa'i snyoms par 'jug pa dgu'i ro myang bar byed pa dang / mi dge ba bcu'i las kyi lam gyis skrag cing mi slob pa'i chos bcu'i ro myang bar byed pa dang / 'dus byas kyi khams kyis skrag cing 'dus ma byas kyi khams dag gis ro myang bar byed pa ni lhag pa'i nga rgyal can du shes par bya'o/ /de ci'i phyir zhe na/ btsun pa kun dga' bo de dag thams cad ni g.yo ba dang / rlom sems dang / spros pa yin te/ btsun pa kun dga' bo ji tsam du g.yo ba dang / rlom sems dang / spros pa dang / sems mtho ba dang / dma' ba dang / 'dzin pa dang / spong ba dang / yongs su rtog pa dang / rten pa dang / lhag par zhen pa dang / sgro 'dogs pa yod pa de tsam du lhag par byed pa dang ldan pa'i lhag pa'i nga rgyal yin pa'i phyir te/ btsun pa kun dga' bo de lta bu'i dge slong ni lhag pa'i nga rgyal can du shes par bya'o/ /de ci'i phyir zhe na/ btsun pa kun dga' bo 'dus byas kyi khams kyi stong pa nyid gang yin pa dang / 'du ma byas kyi khams kyi stong pa nyid gang yin</font><hr>79.168b<br><font size=+1>

pa'i stong pa dang / stong pa nyid la mnyam nyid du mi 'jug pa ni lhag pa'i nga rgyal can du shes par bya ba yin pa'i phyir ro/ /de nas tshe dang ldan pa kun dga' bos 'jam dpal gzhon nur gyur ba la 'di skad ces smras so/ /'jam dpal ji ltar na dge slong lhag pa'i nga rgyal med pa yin/ 'jam dpal gyis smras pa/ btsun pa kun dga' bo gang gi tshe dge slong nad nye bar zhi bas yul thams cad kyang nye bar zhi bar mthong zhing mnyam pa zhes bya ba 'am/ mi mnyam pa zhes bya ba 'am/ rig pa zhes bya ba 'am/ ma rig pa zhes bya ba 'am/ dmigs pa zhes bya ba 'am/ mi dmigs pa zhes bya ba 'am/ 'dus byas shes bya ba 'am/ 'dus ma byas shes bya bar rlom sems su mi byed/ rtog pa mi byed/ rnam par rtog par mi byed/ gnyis su 'byed par mi byed/ gcig tu sdud par mi byed/ len par mi byed/ 'dor bar mi byed/ 'phro bar mi byed/ mngon par zhen par mi byed cing chos thams cad yang dag pa'i mtha' dang mnyam par yang dag par rjes su mthong la mnyam pa med pa dang / mi mnyam pa med par mnyam pa nyid kyis mnyam par bya ba 'am/ mi mnyam par bya ba'i chos gang yang med de/ mnyam pa nyid gang yin pa de yang yang dag par rjes su mi mthong zhing rlom sems su mi byed/ rtog par mi byed/ rnam par rtog par mi byed/ mngon par zhen par yang mi byed na/ thob pa 'am/ mngon par rtogs pa 'am/ mngon sum bya bas rlom sems su byed pa lta ci smos te de ni gnas med do/ /btsun pa kun dga' bo de ltar na dge slong lhag pa'i nga rgyal med cing gnyen po med pa dang / phyogs med pa dang / rang gi phyogs dang / gzhan gyi phyogs dang bral ba dang / tshor ba thams cad rgyun bcad pa dang / tshor ba dang / tshor ba med pa thams</font><hr>79.169a<br><font size=+1>

cad dang / dmigs pa dang / rnam par rtog pa dang / yid la byed pa thams cad dang bral ba dang / 'ching ba med pa dang / nye bar len pa med pa dang / zhi ba dang / rab tu zhi ba dang / nye bar zhi ba yin te/ de ni ngar 'dzin pa dang / nga yir 'dzin pa dang bral bas chos gang la yang spang ba'am/ mngon par rtogs pa 'am/ mngon sum du bya ba yod pa'i chos de yang yang dag par rjes su mi mthong ste/ de ltar zhugs pa'i dge slong ni lhag pa'i nga rgyal med pa yin no/ /des ni nam mkha'i khams mnyam pa nyid kyis chos thams cad mnyam pa nyid du rtogs pas na chos gang la yang dge ba zhes bya ba 'am/ mi dge ba zhes bya ba 'am/ kha na ma tho ba dang bcas pa zhes bya ba 'am/ kha na ma tho ba med pa zhes bya ba 'am/ zag pa dang bcas pa zhes bya ba 'am/ zag pa med pa zhes bya ba'am/ 'jig rten pa zhes bya ba 'am/ /'jig rten las 'das pa zhes bya ba 'am/ 'dus byas shes bya ba 'am/ 'dus ma byas shes bya bar sgro 'dogs par mi byed do/ /de ni sgro 'dogs par mi byed pa nyid kyis kyang rlom sems su mi byed/ rtog par mi byed/ rnam par rtog par mi byed de/ yang dag par rjes su mi mthong ngo / /des ni chos thams cad sgro btags pa med par mnyam pa nyid kyis mnyam zhing nam mkha' ltar mnyam pa nyid du rtogs pa yin no/ /btsun pa kun dga' bo gang de ltar mos pa'i dge slong ni yang dag par shin du rnam par grol ba zhes bya ste/ de ltar na lhag pa'i nga rgyal med pa yin no/ /de las dgongs nas bcom ldan 'das kyis 'di skad du ji ltar nam mkha' lag mthil la mi chags pa ltar dge slong gi chos kyang de bzhin no zhes gsungs so/ /bstan pa 'di bshad pa na dge slong nyis brgya len pa med par</font><hr>79.169b<br><font size=+1>

zag pa rnams las sems rnam par grol lo/ /de nas lha'i bu rin chen mchog gis 'jam dpal gzhon nur gyur ba la 'di skad ces smras so/ /'jam dpal ji ltar na byang chub sems dpa' lhag pa'i nga rgyal med pa yang dag pa'i shes pa brda sprod par byed pa yin/ 'jam dpal gyis smras pa/ lha'i bu gang gi tshe byang chub sems dpa' thams cad mkhyen pa nyid kyi sems mi mnyam pa dang mnyam pa'i sems 'jig rten gsum po thams cad las khyad par du 'phags pa'i sems nyan thos dang rang sangs rgyas thams cad las yang dag par 'das pa'i sems de nang na gnas par yang mi mthong / phyi rol na yang ma yin/ gnyis ga med par yang ma yin/ phyi rol gyi yul la rgyu zhing gnas par yang mi mthong la dge ba'i rtsa ba bsags par bya ba dang / sems can yongs su smin par bya ba dang / dam pa'i chos yongs su gzung ba'i phyir yang rgyu zhing thams cad mkhyen pa nyid kyi sems de yang sems can gzhan rnams dang / gang zag gzhan dag la rjod par byed la sems de yang yang dag pa'i mtha' ngo bo nyid du rtogs par gyur te/ dris na sems kyi ngo bo nyid kyis sems can thams cad kyi ngo bo nyid rtogs shing sems can thams cad kyi ngo bo nyid kyis chos thams cad kyi ngo bo nyid rtogs la chos thams cad kyi ngo bo nyid kyis dge ba'i rtsa ba thams cad kyi ngo bo nyid rtogs shing dge ba'i rtsa ba thams cad kyi ngo bo nyid kyis byang chub sems dpa'i ngo bo nyid brda sprod par byed pa de ni lha'i bu byang chub sems dpa'i yang dag pa'i shes pa brda sprod pa yin no/ /lha'i bu gzhan yang gang gi tshe byang chub sems dpa' sbyin pa sbyin pa na gang gtong bar byed pa dang / gang gis gtong bar byed pa dang / gang la gtong bar byed pa dang / gang du gtong bar byed pa dang / </font><hr>79.170a<br><font size=+1>

gang du yongs su bsngo bar byed pa de dag shin du gtong bas gtong bar byed cing rten par mi byed/ gnas par mi byed/ mngon par zhen par mi byed/ reg par mi byed/ dmigs par mi byed la/ yang dag par rjes su mi mthong bas dris na shin du gtong ba nyid dang / shin du mi dmigs pa nyid dang / shin du stong pa nyid gang yin pa de dag nyid gtong ba'i ngo bo nyid du rtogs shing / gtong ba'i ngo bo nyid kyis yang dag pa'i mtha'i ngo bo nyid rtogs la/ yang dag pa'i mtha'i ngo bo nyid kyis chos thams cad kyi ngo bo nyid rtogs te/ chos thams cad kyi ngo bo nyid kyis sems can thams cad kyi ngo bo nyid rtogs shing sems can thams cad kyi ngo bo nyid kyis byang chub sems dpa'i ngo bo nyid brda sprod par byed de/ lha'i bu de ni byang chub sems dpa'i yang dag pa'i shes pa brda sprod pa sbyin pas yongs su dag pa yin no/ /lha'i bu gzhan yang gang gi tshe byang chub sems dpa' lus nye bar zhi bas tshul khrims nye bar zhi bar rtogs te/ ngag nye bar zhi ba dang / sems nye bar zhi bas tshul khrims nye bar zhi bar rtogs shing / lus dang / ngag dang / sems nye bar zhi bas byang chub nye bar zhi bar rtogs la/ byang chub nye bar zhi bas sems can nye bar zhi bar rtogs te/ sems can nye bar zhi bas chos thams cad nye bar zhi bar rtogs shing / chos thams cad nye bar zhi bas yang dag pa'i mtha' nye bar zhi ba zhes bya bar rtogs la/ de yang dag pa'i mtha' nye bar zhi bas zhi ba dang / rab tu zhi ba dang / nye bar zhi bar gyur bas dris na chos thams cad nye bar zhi ba nyid du brda sprod par byed de/ lha'i bu de ni byang chab sems dpa'i yang dag pa'i shes pa brda sprod pa tshul khrims kyis yongs su dag pa yin no/ /lha'i bu gzhan yang gang gi tshe byang chub sems dpa' shin tu zad pa'i chos nyid dang / shin du skad cig pa'i chos nyid dang / </font><hr>79.170b<br><font size=+1>

shin du ya ma rla'i chos nyid du rig nas sems can thams cad kyi nyes par byas pa yang bzod cing / gang gi tshe phyi nang gi sems kun nas mi slong bar bzod pa dang / gang gis khong khro bar 'gyur ba'i yid la byed pa'i phyi rol du mi gtong zhing sems can thams cad kyi nyes par spyad pa bzod pa dang / sems can de dag gis ngo bo nyid gang yin pa de ni bzod pa'i ngo bo nyid yin pa dang / bzod pa'i ngo bo nyid gang yin pa de ni byang chub kyi ngo bo nyid yin pa dang / byang chub kyi ngo bo nyid gang yin pa de ni chos thams cad kyi ngo bo nyid yin par rtogs shing / chos thams cad kyang yang dag pa'i mtha'i ngo bo nyid du rtogs te/ dris na shin du zad pa'i chos nyid dang / shin du skad cig pa'i chos nyid dang / shin du ya ma rla'i chos nyid du rtogs pas rgyu ba med pa nyid kyis bzod pa brda sprod par byed de/ lha'i bu de ni byang chub sems dpa'i yang dag pa'i shes pa brda sprod pa bzod pas yongs su dag pa yin no/ /lha'i bu gzhan yang gang gis tshe byang chub sems dpa' yid la byed pa thams cad kyis dben pa'i chos rtogs shing sgro 'dogs pa med la btang snyoms dang ldan pa'i brtson 'grus dang ldan pas brtsam pa gang rtsom pa de dben pa nyid du yang dag par rjes su mthong ba dang / de nang dben pas phyi rol du rgyu ba med par sems can rnams yongs su smin par bya ba'i phyir rgyu zhing / brtson 'grus dben pas sems can dben par rtogs la/ sems can dben pas byang chub dben par rtogs pa dang / byang chub dben pas chos thams cad dben par rtogs pa dang / chos thams cad dben pas yang dag pa'i mtha' dben par rtogs pas dris na brtson 'grus de dag nyid kyi rang bzhin dben pa ji lta ba bzhin du dben par brda sprod par byed de/ lha'i bu de ni byang chub sems dpa'i yang dag pa'i shes pa brda sprod pa brtson 'grus kyis yongs su</font><hr>79.171a<br><font size=+1>

dag pa yin no/ /lha'i bu gzhan yang gang gi tshe byang chub sems dpa' chos thams cad mnyam zhing bye brag med par gyur par bsam gtan byed de/ bsam gtan de la sems gnas par 'jog cing gnas de la yang rnam par shes pa gnas par mi byed pa dang / des rnam par shes pa mi gnas shing sems mnyam pa nyid kyis bsam gtan mnyam pa nyid du rtogs pa dang / bsam gtan mnyam pa nyid kyis byang chub mnyam pa nyid du rtogs pa dang / byang chub mnyam pa nyid kyis sems can thams cad mnyam pa nyid du rtogs pa dang / sems can thams cad mnyam pa nyid kyis chos thams cad mnyam pa nyid du rjes su rtogs pas de ltar chos thams cad mnyam pa zhes bya bar rig la dris na rang bzhin ji lta ba bzhin du mnyam pa nyid kyis chos thams cad mnyam pa nyid du brda sprod par byed do/ /lha'i bu de ni byang chub sems dpa'i yang dag pa'i shes pa brda sprod pa bsam gtan gyis yongs su dag pa yin no/ /lha'i bu gzhan yang gang gi tshe byang chub sems dpa' shes rab kyi mig gis rnam par sbyangs pa'i ye shes kyis chos thams cad mthong ste/ ji ltar chos gang yang yang dag par rjes su mi mthong ba de ltar mthong zhing gang gis tshe chos gang yang yang dag par rjes su mi mthong ba de'i tshe ci yang ma yin par 'gyur ro/ /de ci yang ma yin pa'i shes pa thob pas mi rgyu/ rab tu mi rgyu/ rnam par mi rgyu'o/ /des rgyu ba dang / rab tu rgyu ba dang / rnam par rgyu ba dang / rnam par rgyu ba thams cad yang dag par rgyun bcad pas mi 'khor ro/ /rnam par mi 'khor ro/ /de ci'i phyir zhe na/ des gang gis 'khor bar 'gyur ba'i rab tu rgyu ba de 'di lta ste/ 'dod pa dang / chags pa dang / </font><hr>79.171b<br><font size=+1>

smon pa'i rgyun bcad pa'i phyir te/ de 'dod pa'i don du gnyer ba thams cad med par sems can yongs su smin par bya ba dang / byang chub kyi phyogs kyi chos yang dag par bsdu ba dang / dam pa'i chos yongs su bzung ba dang / dkon mchog gsum gyi gdung rgyud mi bcad pa'i phyir bsam bzhin du skye ba rnams su rgyu bar byed de/ de ni rgyu ba med pa nyid kyis rgyu bar byed cing chos rnams kyi rang bzhin rnam par dag pa'i mtshan nyid kyang rnam par 'khrug par mi byed de/ de ni de'i shes rab yin pas de shes rab kyi rang bzhin gyis byang chub rab tu shes pa dang / byang chub kyi rang bzhin gyis sems can gyi rang bzhin dang / sems can gyi rang bzhin gyis chos thams cad kyi rang bzhin rtogs shing / chos thams cad kyang yang dag pa'i mtha'i rang bzhin rab tu shes te/ dris na chos kyi dbyings kyi rang bzhin dbyer med pa de nyid brda sprod par byed de/ lha'i bu de ni byang chub sems dpa'i yang dag pa'i shes pa brda sprod pa shes rab kyi mig gis yongs su dag pa yin no/ /lha'i bu gzhan yang gang gis tshe byang chub sems dpa'i lus la lus kyi rjes su lta zhing dran pa nye bar gzhag pas gnas pa na des sngon gyi mtha'i lus ni ma skyes par rab tu shes so/ /phyi ma'i mtha'i lus ni 'pho ba med par rab tu shes so/ /da ltar byung ba'i lus la ni rtswa dang / shing dang / brtsig pa dang / bong ba dang / mig yor gyi ngo bo nyid lta bur so sor rtog par byed de/ de de ltar lus la lus kyi rjes su lta zhing gnas pas lus kyi rang bzhin skye ba med par rig nas lus kyi rnam par rig pa dang ldan pa'i yid la byed pa kun nas slong bar mi byed do/ /yid la byed pa kun nas slong bar mi byed pa gang yin pa de ni lhag par byed pa la mi gnas pa yin te/ de lhag par byed pa dang bral zhing rnam par shes pa mi gnas pas lus la</font><hr>79.172a<br><font size=+1>

lus kyi rjes su lta ba'i dran pa nye bar gzhag pa sgom yang chos gang la yang sgom par mi byed/ rnam par 'jig par mi byed do/ /des chos thams cad dngos po med par rig nas lus la lus kyi rjes su lta zhing gnas pa na/ sems gang gis de ltar lus la lus kyi rjes su lta zhing gnas pa'i sems de yang sgyu ma'i chos nyid dang / brag cha'i chos nyid lta bur rab tu shes so/ /de ltar rab tu shes pas bde ba'i tshor ba la yang rjes su chags pa med pa sdug bsngal gyi tshor ba la yang khong khro ba med cing / sdug bsngal yang ma yin/ bde ba yang ma yin pa'i tshor ba la yang rmongs pa med pas ma rig pa bag la nyal bar mi 'gyur te/ gang gi tshe tshor ba rnams kyis mi 'phrogs pa de ni de'i tshor ba rnams la tshor ba'i rjes su lta ba'i dran pa nye bar gzhag pa yin no/ /de de ltar tshor ba'i rjes su lta zhing gnas pa na chos thams cad la tshor ba'i rgyu ba dag gi sems mi rgyu bas de chos thams cad la sems mi gnas pa'i phyir byang chub kyi sems spong bar mi byed/ 'dor bar mi byed/ yongs su gtong bar mi byed de/ de ni de'i sems la sems kyi rjes su lta ba'i dran pa nye bar gzhag pa yin no/ /chos shes pa mngon sum du gyur pas chos rnams la chos kyi rjes su lta zhing gnas pa na dran pa med cing yid la byed pa med pas chos nyid la 'jug byed cing / lus dang / tshor ba dang / sems dang / chos rnams la 'du shes dang / yid la byed pa dang / lta ba dang / kun nas dkris pa dag gis gnas par mi byed do/ /de ni de'i chos la chos kyi rjes su lta ba'i dran pa nye bar gzhag pa yin no/ /des chos thams cad rang bzhin gyis ma byung zhing</font><hr>79.172b<br><font size=+1>

dngos po med pa dang / nam mkha'i ngo bo nyid lta bur rtogs pas dris na dran pa med pa dang / mngon par 'du bya ba med pas dran pa nye bar gzhag pa brda sprod par byed de/ lha'i bu de ni byang chub sems dpa'i yang dag pa'i shes pa brda sprod pa dran pa nye bar gzhag pas yongs su dag pa yin no/ /lha'i bu gzhan yang byang chub sems dpa'i yang dag pa'i shes pa ni gang thams cad mkhyen pa nyid kyi sems de la kun shes par byed/ rnam par rig par byed/ gnas par byed/ mi spong bar byed/ rnam par mi g.yeng bar byed/ mi rjed par byed pa dang / dang por dge ba'i rtsa ba rnams kyi thog mar 'gro ba dang / ser sna'i sems la mi 'jug pa dang / bdog pa thams cad yongs su gtong ba'i rjes su 'jug pa dang 'chal pa'i tshul khrims kyi sems spong ba dang / tshul khrims kyi phung po la gnas pa med pa dang / sems can thams cad la gnod sems med cing rtsod pa med pa dang / lus dang / ngag dang / sems kyis rma mi 'byin pa dang / nyan thos dang / rang sangs rgyas kyi brtson 'grus mi rtsom pa dang / theg pa chen po'i brtson 'grus rtsom pa dang / mi dge ba'i chos rnams yid la mi byed cing mi dran pa dang / bsam gtan dang / snyoms par 'jug pa thams cad la mi gnas par sgom pa dang / lta ba'i rnam pa thams cad la mi rgyu ba dang / chos thams cad 'phro bar mi byed pa dang / chos thams cad la rnam pa med par 'jug pa dang / sems can rnams kyi bsam pa'i rnam pa la 'jug pa dang / yul rnams la mi rgyu ba dang / 'phags pa'i skye bo rnams kyi rjes su 'jug pa dang / 'phags pa ma yin pa'i skye bo rnams dang ma 'dres pa dang / lus dang / ngag dang / yid kyi las ma smad pa dang / bag yod pa lhur len cing sangs rgyas kyi chos yongs su tshol ba dang / </font><hr>79.173a<br><font size=+1>

bstang mi dgos par dgos pa thams cad nyams 'og tu chud par byed pa dang / 'dod chags dang / zhe sdang dang / gti mug spangs pas rnam par dag pa dang / tshul khrims la skyon med pa'i phyir yongs su gdung ba med pa dang / log par zhugs pa rnams dang ma 'brel ba dang / nang shin du dag pas tshul 'chos pa med pa dang / ngag gi las yongs su dag pas kha gsag med pa dang / rang gi rnyed pas chog shes pas tshol ba med pa dang / 'tsho ba ngan pa rnam par spangs pas thob kyis 'jal bar med pa dang / ngan ngon tsam gyis chog shes pas rnam par g.yo ba med pa dang / khams gsum la 'dun pa dang bral bas 'dod pa chung ba dang / sdig pa 'dod pa dang bral bas chog shes pa dang / chos thams cad dben par mos pas dben pa dang / 'jig rten pa'i spyod pa spangs pas don nyung ba dang / spros pa thams cad yang dag par bcad pas spros pa med pa dang / 'dun pa dang / zhe sdang dang / 'jigs pa dang / gti mug dang bral bas 'gro ba med pa dang / nga rgyal nges par bcom pas chos la dga' ba dang / sems shin du dul bas cang shes pa dang / tshul khrims kyi phung pos kun du srung ba dang / ting nge 'dzin gyi phung pos sems gnas pa med pa dang / shes rab kyis phung pos sems rnam par grol ba dang / 'phags pa'i rigs mi 'dor ba dang / byang chub kyi sems la dam bcas pa ma nyams pa dang / rnyed pa dang / bkur sti thams cad don du mi gnyer ba dang / sems can pha rol dag gis ngor byed pa med pa dang / gzhan kun du bsrung ba'i phyir bdag rjes su srung ba dang / rang gis sems la nges par sems pas gzhan gyi 'khrul pa rnams mi tshol ba dang / tshul khrims legs par bsdams pas 'jigs pa thams cad dang bral ba dang</font><hr>79.173b<br><font size=+1>

slob dpon gyi dpe mkhyud med pas chos kyi bgo bsha' byed pa dang / sems can thams cad kyi sems kyi spyod pa rnams rjes su srung ba dang / dang por dge ba'i chos thams cad la thog mar 'gro ba dang / chos thams cad ro gcig pas spyod pa tha dad pa med pa dang / rlom sems thams cad yang dag par bcom pas rlom sems med pa dang / skye ba med par so sor rtog la sems can yongs su smin par bya ba'i phyir bsams bzhin du skye ba yang yongs su 'dzin pa dang chos thams cad la gzod ma nas stong pa nyid du so sor rtog la lta ba thams cad gdul ba'i phyir sems can yongs su smin par yang byed pa dang / mtshan ma med pa yongs su 'dris par yang byed la mtshan ma la spyod pa'i sems can rnams la yang lta ba dang / smon pa'i shes pa yang med la thams cad mkhyen pa nyid kyi ye shes kyi phyir smon lam thams cad kyang yongs su rdzogs par byed pa dang / mngon par 'du byed pa med par yang so sor rtog la dge ba'i rtsa ba mngon par 'du bya bas kyang ngoms mi myong ba dang / dngos po ni dngos po med par snang bas dngos po dang dngos po med pa la rtog pa dang / lhag par byed pa dang dbral ba'i phyir yid la byed pa med pa dang / sems can bdag med pa la sbyor bas bdag la bdag med pa dang / nyon mongs pa yongs su btang ba dang / sems can yongs su ma btang bas btang ba dang ma btag pa dang / thabs dang shes rab bsgoms pas ma zhi zhing zhi la nye bar zhi ba dang / nyan thos dang / rang sangs rgyas thams cad dang ma 'dres pas 'gro ba ma yin par 'gro ba dang / bdud kyi lam las yang dag par 'das pas lam ma yin pa'i lam dang / byis pa so so skye bo thams cad dang ma 'dres pa spyod pa ma yin</font><hr>79.174a<br><font size=+1>

pa spyod pa dang / chos thams cad la rtog pas 'deg pa med cing gzhag pa med pa mnyam pa nyid dang / gzhan la lhag par rlom sems su mi byed pas bdag mi sgrogs pa dang / sangs rgyas kyi chos rnams yongs su rdzogs pas shes pa mi mnyam pa dang mnyam pa dang / chos thams cad ma skyes pa dang ma 'gags par bzod pas mi skye ba'i chos la bzod pa ste/ lha'i bu de ni byang chub sems dpa'i shes pa yin no/ /lha'i bu mi skye ba dang mi 'byung ba ni byang chub sems dpa'i shes pa ma yin gyi/ skye ba'i 'khor ba yongs su 'dzin pa ni byang chub sems dpa'i shes pa yin te/ sangs rgyas kyi chos yongs su rdzogs par 'gyur ro/ /skyo zhing 'dod chags dang bral ba ni byang chub sems dpa'i shes pa ma yin gyi/ sangs rgyas kyi chos thams cad yang dag par rig par bya ba la dga' zhing mchog tu dga' ba ni byang chub sems dpa'i shes pa yin no/ /mtshams sbyor ba med pa ni byang chub sems dpa'i shes pa ma yin gyi/ skye bar mtshams sbyor ba'i shes pa ni byang chub sems dpa'i shes pa yin no/ /yongs su gcod pa ni byang chub sems dpa'i shes pa ma yin gyi/ dge ba'i rtsa ba rgyun chags pa ni byang chub sems dpa'i shes pa yin no/ /dge ba'i rtsa ba dang zhe 'gras pa ni byang chub sems dpa'i shes pa ma yin gyi/ dge ba'i rtsa bas ngoms mi myong ba ni byang chub sems dpa'i shes pa yin no/ /khams gsum du mtshams sbyor bar mi byed pa ni byang chub sems dpa'i shes pa ma yin gyi/ sems can rnams yongs su smin par bya ba'i phyir bsams bzhin du skye ba yongs su 'dzin pa ni byang chub sems dpa'i shes pa yin no/ /rang gi nyon mongs pa spong ba ni byang chub sems dpa'i</font><hr>79.174b<br><font size=+1>

shes pa ma yin gyi/ sems can thams cad kyi nyon mongs pa spang ba'i phyir brtson pa ni byang chub sems dpa'i shes pa yin no/ /bdag gi phyir byed pa ni byang chub sems dpa'i shes pa ma yin gyi/ sems can thams cad kyi sdug bsngal zhi bar bya ba'i phyir byed pa ni byang chub sems dpa'i shes pa yin no/ /yal bar 'dor ba ni byang chub sems dpa'i shes pa ma yin gyi/ sems can yongs su smin par bya bar sbyor ba ni/ byang chub sems dpa'i shes pa yin no/ /'dod chags dang / zhe sdang dang / gti mug dang / nyon mongs pa zad par byed pa ni byang chub sems dpa'i shes pa ma yin gyi/ 'dod chags dang / zhe sdang dang / gti mug dang / nyon mongs pa yongs su shes pa ni byang chub sems dpa'i shes pa yin no/ /'gog pa'i chos mngon sum du byed pa ni byang chub sems dpa'i shes pa ma yin gyi/ 'gog pa yongs su 'dris par byed pa ni byang chub sems dpa'i shes pa yin no/ /zag pa zad par byed pa ni byang chub sems dpa'i shes pa ma yin gyi/ dge ba'i rtsa bas zag pa dbri bar byed pa ni byang chub sems dpa'i shes pa yin no/ /rnam par thar pa gsum mngon sum du byed pa ni byang chub sems dpa'i shes pa ma yin gyi/ rnam par thar pa gsum la yongs su 'dris par byed pa ni byang chub sems dpa'i shes pa yin no/ /phung po lnga'i khur 'dor ba ni byang chub sems dpa'i shes pa ma yin gyi/ sems can thams cad kyi khur 'dor bar byed pa ni byang chub sems dpa'i shes pa yin no/ /dbang po drug 'gog par byed pa ni byang chub sems dpa'i shes pa ma yin gyi/ sems can gyi dbang po mchog dang mchog ma yin pa shes pa ni byang chub sems dpa'i shes pa yin no/ /skye ba zad par byed pa ni byang chub sems dpa'i shes pa ma yin gyi/ skye ba'i mtshams sbyor bar byed pa ni byang chub sems dpa'i shes pa</font><hr>79.175a<br><font size=+1>

yin no/ /nyan thos dang / rang sangs rgyas kyi rnam par grol ba'i 'bras bu thob par byed pa ni byang chub sems dpa'i shes pa ma yin gyi/ byang chub kyi snying por rnam par grol ba'i 'bras bus sems can thams cad nye bar 'tsho bar byed pa ni byang chub sems dpa'i shes pa yin no/ /yang dag pa'i shes pa brda sprod pa'i le'u bstan pa 'di bshad pa na 'khor de las srog chags khris bla na med pa yang dag par rdzogs pa'i byang chub tu sems bskyed do/ /bcom ldan 'das kyis kyang 'jam dpal gzhon nur gyur pa la legs so zhes bya ba byin te/ 'jam dpal legs so legs so/ /khyod kyis byang chub sems dpa' rnams kyi shes pa brda sprod pa de legs par smras so/ /'jam dpal byang chub sems dpa' gang dag shes pa brda sprod pa bstan pa 'di thos na mos par 'gyur zhing mi skrag /mi dngang la dngang bar mi 'gyur ba de dag ni bla na med pa yang dag par rdzogs pa'i byang chub mngon par rdzogs par sangs rgyas nas de bzhin gshegs pa rnams kyis yang dag pa'i shes pa brda sprod par 'gyur ro// // bam po gnyis pa/ /de nas lha'i bu rin chen mchog gis 'jam dpal gzhon nur gyur pa la 'di skad ces smras so/ /'jam dpal ci khyod shes pa brda sprod par byed dam/ 'jam dpal gyis smras pa/ lha'i bu gal te kho bos chos 'ga' zhig thob bam spangs par gyur na ni kho bos shes pa brda sprod par yang 'gyur ba zhig na/ lha'i bu kho bos ni chos 'ga' yang thob pa med cing spangs pa med pas na kho bos ci zhig shes pa brda sprod par bya/ /lha'i bu smras pa/ 'jam dpal khyod kyis sangs rgyas bcom ldan 'das gang gA'i klung gis bye ma snyed po de dag las thob pa dang / mngon par rtogs pa med dam 'jam dpal gyis smras pa/ </font><hr>79.175b<br><font size=+1>

lha'i bu sangs rgyas bcom ldan 'das rnams ni 'thob pa 'am mngon par rtogs pa'i phyir chos ston par mi mdzad do/ /smras pa/ 'jam dpal 'o na sangs rgyas bcom ldan 'das rnams ji ltar chos ston par mdzad/ 'jam dpal gyis smras pa/ lha'i bu sangs rgyas bcom ldan 'das rnams ni chos kyi dbyings kyi rang bzhin dbyer med pa nyid kyis chos ston par mdzad kyis/ skye ba med pa dang / 'gag pa med pa dang / gdeg pa med pa dang / gzhag pa med pa dang / 'ong ba med pa dang / 'gro ba med pa dang / sems can med pa dang / sems can dang bral ba dang / kun nas nyon mongs pa dang / rnam par byang ba dang / 'khor ba dang / yongs su mya ngan las 'da' ba'i phyir chos ston par mi mdzad de/ lha'i bu sangs rgyas bcom ldan 'das rnams ni de ltar chos ston par mdzad do/ /lha'i bus smras pa/ 'jam dpal gal te sangs rgyas bcom ldan 'das rnams yongs su mya ngan las 'da' ba'i phyir chos ston par mi mdzad na/ 'o na gang gi don du sangs rgyas 'byung bar 'gyur/ 'jam dpal gyis smras pa/ /lha'i bu sangs rgyas ni 'jigs tshogs la lta ba'i rang bzhin gyi ngo bo nyid rtogs par bya ba'i don du 'byung ngo / /lha'i bu sangs rgyas ni ma rig pa dang / srid pa'i sred pa'i rang bzhin gyi ngo bo nyid yang dag par bstan pa'i don du 'byung ngo / /lha'i bu sangs rgyas ni 'dod chags dang / zhe sdang dang / gti mug gi rang bzhin gyi ngo bo nyid rtogs par bya ba'i don du 'byung ngo / /lha'i bu sangs rgyas ni phyin ci log gi rang bzhin mnyam pa nyid du bstan pa'i don du 'byung ngo / /lha'i bu sangs rgyas ni lta ba'i rnam pa thams cad rtogs par bya ba'i don du 'byung ngo / /lha'i bu sangs rgyas ni phung po dang / khams dang / </font><hr>79.176a<br><font size=+1>

skye mched dang / chos kyi dbyings kyi rang bzhin gyi ngo bo nyid yang dag par bstan pa'i don du 'byung ngo / /lha'i bu sangs rgyas 'byung ba zhes bya ba de ni chos thams cad skye ba med pa'i tshig bla dgas yin te/ gang la chos gang yang skye ba med pa de la ni 'khor ba yang med la yongs su mya ngan las 'da' ba yang med do/ /lha'i bus smras pa/ 'jam dpal de lta na sems can gang dag gis bla na med pa yang dag par rdzogs pa'i byang chub kyi phyir go cha dgos pa de dag gi go cha ni dgos pa med pa yin no/ /de ci'i phyir zhe na/ sangs rgyas 'byung ba ni phan pa med pa'i phyir ro/ /'jam dpal gyis smras pa/ lha'i bu 'di ji snyam du sems/ phan pa gang gis rab tu phye ba yin snyam 'am/ smras pa/ 'jam dpal phan pa ni mngon par 'du byed pas rab tu phye ba yin no/ /'jam dpal gyis smras pa/ lha'i bu khyod de bzhin gshegs pa la mngon par 'du mdzad pa yod par 'dod dam/ smras pa/ 'jam dpal de ni ma yin te/ de bzhin gshegs pa ni mngon par 'du mdzad pa mi mnga' ba yin pas de ni 'dus ma byas pa brnyes pa dang / 'dus ma byas shing mngon par 'du mdzad pa ni mi mnga' ba yin no/ /'jam dpal gyis smras pa/ lha'i bu khyod kyis dam bcas pa de nyid kyis na mngon par 'dus ma byas pa la ni phan pa dang / gnod pa dmigs su med do/ /lha'i bus smras pa/ 'jam dpal chos bstan pa 'di ni las dang po pa rnams kyi mdun du bshad par mi bya'o/ /de ci'i phyir zhe na/ thos nas skrag par 'gyur ba dang / skrag nas kyang phyir ldog par 'gyur du 'ong ba'i phyir ro/ /'jam dpal gyis smras pa/ lha'i bu las dang po pa'i byang chub sems dpa' skrag pa dang / phyir ldog pa gang yin pa de ni phyir mi ldog pa nyid la yang dag par gnas pa yin no/ /lha'i bus smras pa/ </font><hr>79.176b<br><font size=+1>

'jam dpal khyod ci las bsams te/ de skad smra/ 'jam dpal gyis smras pa/ lha'i bu las dang po pa'i byang chub sems dpa' gang nyan thos dang / rang sangs rgyas kyi sas skrag cing ser sna dang / 'chal pa'i tshul khrims dang / gnod sems dang / le lo dang / rnam par g.yeng ba dang / 'chal pa'i shes rab dag las phyir ldog pa de ni phyir mi ldog pa nyid la yang dag par gnas pa yin no/ /smras pa/ 'jam dpal ji ltar gnas na yang dag par gnas pa yin/ smras pa/ lha'i bu mnyam par gnas shing mi mnyam par gnas pa ma yin na de'i phyir yang dag par gnas pa zhes bya'o/ /smras pa/ 'jam dpal las dang po pa'i byang chub sems dpa' ji ltar gnas pa yin/ smras pa/ lha'i bu gang gi tshe las dang po pa'i byang chub sems dpa' chos kyi dbyings mnyam pa nyid la mi gnas pa'i tshul gyis mnyam pa nyid du gnas pa de lta bu ni las dang po pa'i byang chub sems dpa'i gnas pa yin no/ /smras pa/ 'jam dpal ji tsam gyis na byang chub sems dpa' las dang po pa yin/ smras pa/ lha'i bu gang gi tshe byang chub sems dpa' dang po nyid nas stong pa nyid dang / mtshan ma med pa dang / smon pa med pa dang / skye ba med pa dang / 'byung ba med pa'i chos la mos pa de'i phyir las dang po pa zhes bya'o/ /smras pa/ 'jam dpal ji ltar na byang chub sems dpa' yun ring po nas spyad pa yin/ smras pa/ lha'i bu byis pa so so skye bo thams cad ni yun ring po nas spyad pa yin te/ de dag gi 'khor ba'i sngon gyi mtha' mi mngon pa'i phyir ro/ /smras pa/ 'jam dpal ji ltar na byang chub sems dpa' spyad pa srung ba yin/ smras pa/ lha'i bu gang gi tshe byang chub sems dpa' 'dod chags la spyod pa yongs su smin par bya ba'i phyir 'dod chags kyi spyad pa la spyod kyang 'dod chags kyi</font><hr>79.177a<br><font size=+1>

spyod pa dang lhan cig mi gnas pa de lta bu ni byang chub sems dpa' spyad pa srung ba yin no/ /zhe sdang la spyod pa yongs su smin par bya ba'i phyir zhe sdang gi spyad pa la spyod kyang zhe sdang gi spyod pa dang / lhan cig mi gnas pa dang / gti mug la spyod pa yongs su smin par bya ba'i phyir gti mug gi spyad pa la spyod kyang gti mug gi spyod pa dang lhan cig mi gnas pa dang / cha mnyam pa la spyod pa yongs su smin par bya ba'i phyir cha mnyam pa'i spyad pa la spyod kyang / nyon mongs pa thams cad dang lhan cig mi gnas pa de lta bu ni byang chub sems dpa' spyad pa srung ba yin no/ /lha'i bu byang chub sems dpa' gang sems can yongs su smin par bya ba'i phyir sems can thams cad kyi spyod pa'i mtshan nyid kyi rjes su 'jug kyang chos kyi dbyings kyi rang bzhin gyi mtshan nyid kyang rnam par 'khrug par mi byed na de tsam gyis na byang chub sems dpa' spyad pa srung ba yin no/ /smras pa/ 'jam dpal ji ltar na byang chub sems dpa' phyir mi sdog pa yin/ 'jam dpal gyis smras pa/ lha'i bu gang gi tshe byang chub sems dpa' chos gang yang 'jig par mi byed/ chags par yang mi byed la chos kyi dbyings ni rang bzhin 'jig pa med cing chags pa med par rtogs pa de lta bu ni byang chub sems dpa' phyir mi ldog pa yin no/ /lha'i bu gzhan yang gang gis tshe byang chub sems dpa' ldog pa dang / 'jug par byed pa de'i tshe byang chub sems dpa' phyir mi ldog pa yin no/ /de ci'i phyir zhe na/ 'dod pa'i khams su yang ldog la bsam gtan rnams la yang 'jug par byed pa'i phyir ro/ /lha'i bu gzhan yang gang gi tshe byang chub sems dpa' ma rtogs pa rtogs shing mi rtsod pa lhur len pa de'i tshe byang chub sems dpa' phyir mi ldog pa yin no/ /de ci'i phyir zhe na/ sems can gyi khams dang / </font><hr>79.177b<br><font size=+1>

chos kyi khams dang / bdag gi khams ma rtogs pa de mngon sum du gyur pas chos thams cad la yang phyir ldog pa med pa'i phyir te/ de'i phyir phyir mi ldog pa zhes bya ste/ de ni sangs rgyas kyi chos rnams la gzhan gyi dring mi 'jog cing nem nur med la the tshom med cing som nyi dang bral ba'i phyir gzod ma nas dag cing dri ma med la nyon mongs pa med cing shes rab kyi snang ba gsal bar gyur pas chos thams cad la dbang sgyur zhing sangs rgyas kyi chos thams cad mngon sum du gyur pa de'i phyir phyir mi ldog pa zhes bya'o/ /smras pa/ 'jam dpal ji ltar na byang chub sems dpa' sems dpa' chen po skye ba gcig gis thogs pa yin/ 'jam dpal gyis smras pa/ lha'i bu gang gi tshe byang chub sems dpa' skye ba thams cad skye ba med par shes shing / sems can thams cad kyi 'chi 'pho dang / skye ba yang rab tu shes la/ sems can yongs su smin par bya ba'i phyir/ skye ba thams cad du skye ba ston cing len pa med par skye ba yongs su/ 'dzin par byed pa dang / skye ba dang / tshe rabs thams cad du len pa dang bral ba dang / skye ba las yang dag par 'das pa dang / chos thams cad kyi mnyam pa nyid las kyang mi 'da' zhing yang dag par mi 'da' ba dang / rgyu dang rkyen tshogs pa'i don rtogs pa dang / /sems can thams cad dang lus mnyam pa dang / sems can thams cad dang / sems mnyam pa dang / sems can thams cad dang ngag mnyam pa dang / sems can thams cad dang yul mnyam pa dang / sangs rgyas kyi yul la rab tu gnas pa dang / chos kyi dbyings kyi yul rtogs pa dang / chos kyi dbyings mnyam pa nyid kyis mnyam pa dang / sems can gyi</font><hr>79.178a<br><font size=+1>

bsam pa'i bya ba shes pa dang / dus la lta ba dang / byang chub kyi snying po'i mthar thug pa de ni skye ba gcig gis thogs pa zhes bya ste/ lha'i bu de ltar na byang chub sems dpa' skye ba gcig gis thogs pa yin no/ /de nas lha'i bu rin chen mchog gis 'jam dpal gzhon nur gyur pa la 'di skad ces smras so/ /'jam dpal ji ltar na byang chub sems dpa' kha na ma tho ba med cing thams cad du dpyas med pa yin/ 'jam dpal gyis smras pa/ lha'i bu gang gi tshe byang chub sems dpa' ye shes kyis byas pa'i lam rnams byed pa dang / nga rgyal gyis byas pa dag mi byed pa de'i tshe byang chub sems dpa' kha na ma tho ba med cing thams cad du dpyas med pa yin no/ /lha'i bu gzhan yang gang gi tshe byang chub sems dpa' byang chub kyi sems kyi lhag pa'i bsam pas bdog pa thams cad yongs su gtong ba de lta bu ni kha na ma tho ba med pa yin no/ /gang yang ser sna dang lhan cig mi gnas pa de lta bu ni dpyas med pa yin no/ /gang gi tshe sbyangs pa'i yon tan dang / bslab pa dang / tshul khrims dang / yi dam thams cad dang ldan pa de lta bu ni kha na ma tho ba med pa yin no/ /gang yang 'chal pa'i tshul khrims dang lhan cig mi gnas pa de lta bu ni dpyas med pa yin no/ /gang gi tshe sems can thams cad la khong khro ba'i sems med pa de lta bu ni kha na ma tho ba med pa yin no/ /gang yang brnab sems dang / gnod sems kyi bag la nyal dang lhan cig mi gnas pa de lta bu ni dpyas med pa yin no/ /gang gi tshe dge ba'i rtsa ba thams cad rtsom pa'i brtson 'grus la yang dag par snang ba de lta bu ni kha na ma tho ba med pa yin no/ /gang yang le lo dang lhan cig mi gnas pa de lta bu ni dpyas med pa yin no/ /gang gi tshe bsam gtan can dang / snyoms par</font><hr>79.178b<br><font size=+1>

'jug pa la snyoms par 'jug pa de lta bu ni kha na ma tho ba med pa yin no/ /gang yang bsam gtan gyi bde ba'i ro myang bar mi byed pa de lta bu ni dpyas med pa yin no/ /gang gi tshe shes rab kyi rtsa ba'i thos pa yongs su tshol ba la brtson pa de lta bu ni kha na ma tho ba med pa yin no/ /gang yang 'chal pa'i shes rab dang lhan cig mi gnas pa de lta bu ni dpyas med pa yin no/ /gang gi tshe rma phyung yang rma mi 'byin pa de lta bu ni kha na ma tho ba med pa yin no/ /gang yang rma phyung yang rma mi phyin pa de lta bu ni dpyas med pa yin no/ /gang gi tshe ji lta ba bzhin du smra ba de lta bu ni kha na ma tho ba med pa yin no/ /gang yang de bzhin du byed pa de lta bu ni dpyas med pa yin no/ /gang gi tshe nye bar zhi ba de lta bu ni kha na ma tho ba med pa yin no/ /gang yang phyi rol gyi yul rnams kyis mi gos pa de lta bu ni dpyas med pa yin no/ /gang gi tshe thams cad mkhyen pa nyid kyi sems la bsam pa tha dad pa med pa de lta bu ni kha na ma tho ba med pa yin no/ /gang yang theg pa dman pa la 'dod pa med pa de lta bu ni dpyas med pa yin no/ /gang gi tshe bdud kyi las rnams rtogs pa de lta bu ni kha na ma tho ba med pa yin no/ /gang yang bdud kyi las rnams zlog pa de lta bu ni dpyas med pa yin no/ /gang gi tshe 'jig rten na snang ba thob pa de lta bu ni kha na ma tho ba med pa yin no/ /gang yang 'jig rten gyi chos rnams kyis mi gos pa de lta bu ni dpyas med pa yin no/ /gang gi tshe bya ba dang 'gal bar mi byed pa de lta bu ni kha na ma tho ba med pa yin no/ /gang yang bya ba ma yin par mi ltung ba de lta bu ni dpyas med pa yin no/ /gang gi tshe nga rgyal dang / rgyags pa dang / snyems pa thams cad dang bral ba de lta bu ni kha na ma tho ba med pa yin no/ /gang yang ye shes dang / rnam par shes pa phun sum tshogs shing 'phags pa'i bde ba dang ldan pa de lta bu ni</font><hr>79.179a<br><font size=+1>

dpyas med pa yin no/ /gang gi tshe dam bcas pa brtan pa de lta bu ni kha na ma tho ba med pa yin no/ /gang yang dam bcas pa nyams 'og tu chud par byed pa de lta bu ni dpyas med pa yin no/ /gang gi tshe rten cing 'brel bar 'byung ba lugs dang 'thun par byed pa de lta bu ni kha na ma tho ba med pa yin no/ /gang yang rten cing 'brel bar 'byung ba'i chos rnams la mngon par zhen pa med pa de lta bu ni dpyas med pa yin no/ /gang gi tshe shes rab dang ye shes kyis chos thams cad rang bzhin gyis stong par rab tu shes pa de lta bu ni kha na ma tho ba med pa yin no/ /gang yang thabs shes pas dge ba'i rtsa ba thams cad yang dag par sdud pa de lta bu ni dpyas med pa yin no/ /gang yang brtson pa thams cad la snying rje chen pos 'jug pa de lta bu ni kha na ma tho ba med pa yin no/ /gang yang chos thams cad la rnam par thar par gnas pa de lta bu ni dpyas med pa yin no/ /gang yang chos thams cad mi dmigs pa de lta bu ni kha na ma tho ba med pa yin no/ /gang yang dmigs pa'i lta ba spang ba'i phyir chos ston pa de lta bu ni dpyas med pa yin no/ /gang yang tshul khrims la rab tu sbyor zhing chos gang yang yang dag par rjes su mi mthong ba de lta bu ni kha na ma tho ba med pa yin no/ /gang yang 'bras bu thob pa mngon sum du byed pa de lta bu ni dpyas med pa yin no/ /gang gi tshe chos kyi dbyings stong pa zhes bya bar so sor rtog pa de lta bu ni kha na ma tho ba med pa yin no/ /gang yang sems can thams cad yongs su mi gtong ba de lta bu ni dpyas med pa yin no/ /gang gi tshe khams gsum dang lhan cig mi gnas pa de lta bu ni kha na ma tho ba med pa yin no/ /gang yang sems can thams cad la lta ba'i phyir yongs su mya ngan las mi 'da' ba de lta bu ni dpyas med pa yin no/ /lha'i bu gzhan yang ji tsam du tshig 'jug pa dang / tshig gis</font><hr>79.179b<br><font size=+1>

rlom sems su byed pa dang / tshig gis rtogs par byed pa dang / tshig la mngon par zhen par byed pa de tsam du skyon yin no/ /lha'i bu ji tsam du chos thams cad la bsnyad du med pa nyid dang / 'jug pa med pa nyid dang / rlom sems med pa nyid dang / rtog pa med pa nyid dang / 'phro ba med pa nyid dang / brjod du med pa nyid dang / sems can yongs su mi gtang ba'i phyir gtan du yongs su mya ngan las mi 'da' ba nyid yin pa de tsam du kha na ma tho ba med cing dpyas med pa yin no/ /lha'i bu gang la kha na ma tho ba med cing dpyas med pa de ni yi ge med pa yin no/ /gang la yi ge med pa de ni brjod du med pa yin te/ brjod du med pa'i don la ni kha na ma tho ba med cing dpyas med do/ /lha'i bu de lta bas na brjod du med pa'i don la rton pa'i byang chub sems dpa' ni rang gi sems gtso bor byed pas kha na ma tho ba med cing 'phags pa rnams kyis dpyas byar med pa yin no/ /bstan pa 'di bshad pa na bcom ldan 'das kyis 'jam dpal gzhon nur gyur pa la legs so zhes bya ba byin te/ 'jam dpal legs so legs so/ /khyod kyis byang chub sems dpa' rnams kyis kha na ma tho ba med pa dang / /dpyas med pa de legs par smras so/ /'jam dpal gang gi tshe byang chub sems dpa' de ltar kha na ma tho ba med cing dpyas med par gyur pa de'i tshe sangs rgyas bcom ldan 'das rnams kyis bla na med pa yang dag par rdzogs pa'i byang chub tu lung bstan to/ /bstan pa 'di thos nas 'khor de las byang chub sems dpa' lnga brgyas mi skye ba'i chos la bzod pa thob par gyur nas de dag thams cad kyang bcom ldan 'das kyis sangs rgyas kyi zhing gzhan dang / gzhan dag tu ming tha dad pa'i de bzhin gshegs pa dag tu 'gyur ro zhes bla na med pa yang dag par rdzogs pa'i byang chub lung bstan to/ /de nas 'khor de las</font><hr>79.180a<br><font size=+1>

lha'i bu kha cig 'di snyam du sems te/ lha'i bu rin chen mchog 'di yun ring po ji srid cig na bla na med pa yang dag par rdzogs pa'i byang chub mngon par rdzogs par 'tshang rgya bar 'gyur/ 'di'i sangs rgyas kyi zhing ni ci 'dra ba zhig tu 'gyur/ byang chub thob pa'i ming ni ji skad ces bya bar 'gyur snyam mo/ /de nas sangs rgyas kyi mthus bcom ldan 'das la tshe dang ldan pa kun dga' bos 'di skad ces gsol to/ /bcom ldan 'das lha'i bu rin chen mchog 'di yun ji srid cig na bla na med pa yang dag par rdzogs pa'i byang chub mngon par rdzogs par 'tshang rgya bar 'gyur/ 'di'i sangs rgyas kyi zhing ni ci 'dra ba zhig tu 'gyur/ byang chub thob pa'i ming ni ji skad ces bgyi bar 'gyur lags/ de skad ces gsol pa dang / bcom ldan 'das kyis tshe dang ldan pa kun dga' bo la 'di skad ces bka' stsal to/ /kun dga' bo lha'i bu rin chen mchog 'di ni bskal pa 'bum 'das pa'i 'og tu bskal pa rin chen 'byung gnas shes bya ba la shar phyogs su 'jig rten gyi khams dga' ba bkod pa zhes bya bar bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ de bzhin gshegs pa dgra bcom pa yang dag par rdzogs pa'i sangs rgyas rin chen bkod pa zhes bya bar 'jig rten du 'byung bar 'gyur ro/ /kun dga' bo 'jig rten gyi khams dga' ba bkod pa de yang 'byor pa dang / rgyas pa dang / bde ba dang / lo legs pa dang / lha dang / mi rnams kyis kun du gang ba dang / mi khom pa dang / ngan song thams cad dang bral bar 'gyur ro/ /kun dga' bo 'jig rten gyi khams de ni rdo ba dang / gseg ma dang / gyo mo med cing lag mthil ltar mnyam la rin po che sna gsum 'di lta ste/ bai dUr+ya dang / shel dang / </font><hr>79.180b<br><font size=+1>

'dzam bu chu bo'i gser gyi spras shing blta na sdug la gser gyi dra bas kun nas bkab par 'gyur ro/ /kun dga' bo 'di lta ste/ dper na 'phrul dga'i lha rnams kyi longs spyod dang / nye bar spyod pa ci 'dra ba de bzhin du mi de dag gi longs spyod dang / nye bar spyod pa yang de dang 'dra bar 'gyur te/ 'jig rten gyi khams der ni bza' ba dang / btung ba dag kyang yid la bsams pa tsam gyis 'byor par 'gyur ro/ /'jig rten gyi khams der ni nyan thos dang / rang sangs rgyas dag gi ming yang 'byung bar mi 'gyur ro/ /byang chub sems dpa' de dag kyang chos kyi dga' ba sna tshogs dag gis chos kyi rnam par grol ba sna tshogs dang / bsam gtan dang / ting nge 'dzin dang / snyoms par 'jug pa sna tshogs dang / rdzu 'phrul gyi rnam par 'phrul ba'i bkod pa sna tshogs dag gis dga' mgur spyod par 'gyur te/ chos kyi rab tu dga' ba dang / mchog tu dga' ba dang / dga' ba dag gis dga' bar 'gyur ba ma gtogs par tshor ba gzhan dag myong bar mi 'gyur bas de'i phyir 'jig rten gyi khams de dga' ba bkod pa zhes bya bar 'gyur ro/ /de bzhin gshegs pa de'i tshe'i tshad ni lo bye ba phrag drug bcur 'gyur ro/ /de'i byang chub sems dpa'i dge 'dun byang chub sems dpa' rab tu byung ba ni byang chub sems dpa' bye ba phrag drug bcur 'gyur ro/ /de'i byang chub sems dpa' khyim na gnas pa ni dpag tu med par 'gyur ro/ /de bzhin gshegs pa rin chen bkod pa de gang gi tshe byang chub sems dpa' de dag la chos ston par 'gyur ba de'i tshe steng gi bar snang la ta la bye ba phrag brgyad bcu tsam du nam mkha' la mngon par 'phags te/ steng gi 'jig rten gyi khams skyil mo dkrung gcig gis khyab par byas nas 'od zer brgya stong dag gis sangs rgyas kyi zhing der snang bas khyab</font><hr>79.181a<br><font size=+1>

par byas shing lha'i me tog dang / spos dang / phye ma'i char dag mngon par rab tu phab nas lha'i sil snyan dang / pheg rdob pa dang / glu dbyangs brgya stong dag gis sgra phyung ste/ thams cad dang ldan pa'i sangs rgyas kyi zhing de sgras go bar byas nas byang chub sems dpa' de dag la 'di lta ste/ mi zad pa'i sgo zhes bya ba'i gzungs kyi sgo'i chos ston par 'gyur ro/ /de la mi zad pa'i sgo'i gzungs kyi sgo gang zhe na/ 'di lta ste/ lus dang / sems dben pa nyid du ston par byed pa chos thams cad kyi dben pa'i sgo dang / chos rnams kyi nges par rtog pa nyid ston par byed pa chos thams cad la so sor rtog pa'i sgo dang / chos rnams kyi nye bar zhi bar ston par byed pa chos thams cad kyi tshul bzhin la rab tu sbyor ba'i sgo dang / chos rnams kyi kha na ma tho ba med pa ston par byed pa chos thams cad kyi yang dag pa'i nan tan gyi sgo dang / chos rnams kyi shes pa'i snang ba ston par byed pa chos thams cad kyi snang ba'i sgo dang / chos rnams kyi bye brag med pa nyid ston par byed pa chos thams cad kyi mnyam pa nyid kyi sgo dang / chos rnams kyi rnam par g.yeng ba med pa nyid ston par byed pa chos thams cad kyi zhi gnas kyi sgo dang / chos rnams kyi 'gal ba med pa nyid ston par byed pa chos thams cad kyi lhag mthong gi sgo dang / chos rnams kyi 'khrug pa med pa nyid ston par byed pa chos thams cad kyi nges par sems dpa'i sgo dang / chos rnams kyi mi brjed pa nyid ston par byed pa chos thams cad kyi dran pa'i sgo dang / chos rnams kyi don rtogs pa ston par byed pa chos thams cad kyi rtogs pa'i sgo dang / chos rnams kyi yid rnam par dag pa ston par byed pa chos thams cad kyi blo gros kyi sgo dang / //chos rnams kyi lta ba'i</font><hr>79.181b<br><font size=+1>

rnam pa thams cad yang dag par 'joms pa ston par byed pa chos thams cad kyi stong pa nyid kyi sgo dang / chos rnams kyi zhi ba nyid ston par byed pa chos thams cad kyi mtshan ma med pa'i sgo dang / chos rnams kyi 'gro ba thams cad yang dag par gcod pa ston par byed pa chos thams cad kyi smon pa med pa'i sgo dang / chos rnams kyi mngon par 'du byed pa dang bral ba ston par byed pa chos thams kyi mngon par 'du byed pa med pa'i sgo dang / chos rnams kyi mngon par 'grub pa med par ston par byed pa chos thams cad kyi skye ba med pa'i sgo dang / chos rnams kyi gnyis su med pa'i chos nyid ston par byed pa chos thams cad kyi 'byung ba med pa'i sgo dang / chos rnams kyi rtog pa med pa nyid ston par byed pa chos thams cad kyi 'dod chags dang bral ba'i sgo dang / chos rnams kyi mngon sum gyi shes pa nyid ston par byed pa chos thams cad kyi spros pa med pa'i sgo dang / chos rnams kyi gnyis dang bral ba ston par byed pa chos thams cad kyi gnyis su med pa nyid kyi sgo dang / chos rnams kyi g.yo ba med pa nyid ston par byed pa chos thams kyi rten pa med pa'i sgo dang / chos rnams kyi sems can mnyam pa nyid ston par byed pa chos thams cad kyi sems can med pa nyid kyi sgo dang / chos rnams kyi 'gyur ba med pa ston par byed pa chos thams cad kyi byed pa med pa'i sgo dang / chos rnams kyi spyod pa med pa nyid ston par byed pa chos thams cad kyi gzung ba med pa'i sgo dang / chos rnams kyi gzhi yang dag par 'joms par ston par byed pa chos thams cad kyi lhag par byed pa med pa nyid ston par byed pa chos thams cad kyi nges pa'i sgo dang / chos rnams kyi 'bras bu 'grub par ston par byed pa</font><hr>79.182a<br><font size=+1>

chos thams cad kyi rgyu'i sgo dang / chos rnams kyi mi brjod pa nyid ston par byed pa chos thams cad kyi mngon par brtson pa'i sgo dang / chos rnams kyi kun nas ldang ba med pa nyid ston par byed pa chos thams cad kyi nges par 'byung ba'i sgo dang / chos rnams kyi ma nor ba de bzhin nyid ston par byed pa chos thams cad kyi de bzhin nyid kyi sgo dang / chos rnams kyi dbyer med pa nyid ston par byed pa chos thams cad kyi yang dag pa'i mtha'i sgo dang / chos rnams kyi ro gcig pa nyid ston par byed pa chos thams cad kyi dbyings kyi sgo dang / chos rnams kyi dus gsum mnyam pa nyid ston par byed pa chos thams cad kyi yang dag pa ji lta ba bzhin gyi sgo dang / chos rnams kyi sgra dbyangs dang / tshig gi lam gyis brjod pa thams cad la mngon par zhen pa med pa nyid ston par byed pa chos thams cad kyi brjod du med pa'i don gyi sgo dang / chos rnams kyi nye bar zhi ba nyid ston par byed pa chos thams cad kyi bsam gtan gyi sgo dang / chos rnams kyi gang zag med pa nyid ston par byed pa chos thams cad kyi chos nyid gyi sgo dang / chos rnams kyi chos mnyam pa nyid rtogs pa ston par byed pa chos thams cad kyi byang chub kyi sgo ste/ kun dga' bo de ltar de bzhin gshegs pa rin chen bkod pa de nam mkha'i dkyil de nyid las ma bzhengs par byang chub sems dpa' de dag la mi zad pa'i sgo'i gzungs kyi sgo de dag rgya cher yang dag par rab tu ston par 'gyur te/ de yang byang chub sems dpa' dpag tu med grangs med pa dag gis bzod pa thob par 'gyur ro/ /de nas bcom ldan 'das la tshe dang ldan pa kun dga' bos 'di skad ces gsol to/ /bcom ldan 'das gang la de bzhin gshegs pa rnams lhun gyis grub cing mngon par 'du mdzad pa mi mnga' bas 'das pa dang / ma 'ongs pa dang / </font><hr>79.182b<br><font size=+1>

da ltar byung ba'i chos rnams la thogs pa mi mnga' ba'i ye shes gzigs pa 'jug pa ni ngo mtshar lags so/ /bcom ldan 'das kyis bka' stsal pa/ kun dga' bo gang de bzhin gshegs pa rnams lhun gyis grub cing mngon par 'du mdzad pa mi mnga' bas 'das pa dang / ma 'ongs pa dang / da ltar byung ba'i chos rnams la thog pa mi mnga' ba'i ye shes gzigs pa la 'jug pa de ni ma 'dres pa yin no/ /de nas tshe dang ldan pa kun dga' bos lha'i bu rin chen mchog la 'di skad ces smras so/ /lha'i bu khyod de bzhin gshegs pas bla na med pa yang dag par rdzogs pa'i byang chub tu lung bstan pa ni khyod kyi rnyed pa legs par rnyed do/ /lha'i bus smras pa/ btsun pa kun dga' bo 'di la ni gang lung bstan pa'i chos gang yang dmigs su med do/ /de ci'i phyir zhe na/ gzugs byang chub sems dpa' ma yin pas gzugs lung bstan du med la/ tshor ba dang / 'du shes dang / 'du byed rnams dang / rnam par shes pa byang chub sems dpa' ma yin pas rnam par shes pa yang lung bstan du med pa dang / sa'i khams byang chub sems dpa' ma yin pas sa'i khams kyang lung bstan du med pa dang / chu'i khams dang / me'i khams dang / rlung gi khams byang chub sems dpa' ma yin pas rlung gi khams kyang lung bstan du med pa dang / mig byang chub sems dpa' ma yin pas mig kyang lung bstan du med pa dang / rna ba dang / sna dang / lce dang / lus dang / yid byang chub sems dpa' ma yin pas yid kyang lung bstan du med pa dang / ming dang gzugs byang chub sems dpa' ma yin pas ming dang gzugs kyang lung bstan du med pa dang / 'das pa dang / ma 'ongs pa dang / da ltar byung ba byang chub sems dpa' ma yin</font><hr>79.183a<br><font size=+1>

pas dus gsum yang lung bstan du med pa dang / rgyu dang lta ba byang chub sems dpa' ma yin pas rgyu dang lta ba yang lung bstan du med pa dang / 'byung ba dang / 'jig pa byang chub sems dpa' ma yin pas 'byung ba dang / 'jig pa yang lung bstan du med pa'i phyir ro/ /btsun pa kun dga' bo byang chub sems dpa' zhes bya ba de ni brda'i gzhi'i tshig bla dgas yin no/ /de ni nye bar zhi ba'i gzhi yin te/ chos gang shin du nye bar zhi ba de la ni lung bstan pa gang yang med do/ /btsun pa kun dga' bo lung bstan pa zhes bya ba de ni chos thams cad gzung du med pa'i tshig bla dgas yin te/ btsun pa kun dga' bo gang gi tshe byang chub sems dpa' nang ngam phyi rol lam/ dge ba 'am/ mi dge ba 'am/ 'dus byas sam/ 'dus ma byas kyi chos gang yang yongs su 'dzin par mi byed na de'i 'og tu lung bstan par 'gyur te/ btsun pa kun dga' bo byang chub sems dpa' rnams kyi lung bstan pa zhes bya ba ni chos thams cad yongs su bzung du med par lung bstan pa yin no/ /lung bstan pa ni chos thams cad rjes su gzung ba med par lung bstan pa yin no/ /lung bstan pa ni chos thams cad gnas med par lung bstan pa yin no/ /lung bstan pa ni chos thams cad skye ba med par lung bstan pa yin no/ /lung bstan pa ni chos thams cad rtog pa med pa dang / rnam par rtog pa med par lung bstan pa yin te/ btsun pa kun dga' bo byang chub sems dpa' rnams kyi lung bstan pa ni de lta bu yin no/ /de nas bcom ldan 'das kyis lha'i bu rin chen mchog la legs so zhes bya ba byin te/ lha'i bu legs so legs so/ /de lta bu'i chos rtogs pa'i byang chub sems dpa' ni</font><hr>79.183b<br><font size=+1>

sangs rgyas bcom ldan 'das rnams kyis bla na med pa yang dag par rdzogs pa'i byang chub tu lung bstan to/ /gtam 'di brjod par gyur pa na bdud sdig can dpung dang / bzhon pa dang bcas/ 'khor dang bcas par bcom ldan 'das ga la ba der song ste phyin nas phyogs gcig tu 'dug go/ /phyogs gcig tu 'dug nas kyang bcom ldan 'das la bdud sdig can gyis 'di skad ces gsol to/ /bcom ldan 'das ci ci'i slad du byang chub sems dpa' lung ston par mdzad cing / nyan thos lung ston par mi mdzad lags/ de skad ces gsol pa dang / bcom ldan 'das kyis bdud sdig can la 'di skad ces bka' stsal to/ /sdig can byang chub sems dpa' ni stong gsum gyi stong chen po'i 'jig rten gyi khams na lha dang / mi rnams kyis legs par rtogs shing rig pa yin pas na de'i phyir byang chub sems dpa' lung ston par mdzad kyi/ nyan thos ni lha dang / mi rnams kyis rig pa ma yin pas de'i phyir nyan thos lung ston par mi mdzad do/ /bdud sdig can byang chub sems dpa' lung bstan na ni sems can mang po dag kyang bla na med pa yang dag par rdzogs pa'i byang chub tu sems bskyed par byed kyi/ nyan thos lung bstan pas ni de lta ma yin la/ theg pa chen po la yang dag par zhugs pa'i sems can rnams kyang / phyir mi ldog par 'gyur bas ni de'i phyir byang chub sems dpa' lung ston par mdzad kyi/ nyan thos lung ston par mi mdzad do/ /de nas 'jam dpal gzhon nur gyur pas bdud sdig can la 'di skad ces smras so/ /sdig can khyod ci'i phyir 'khor 'dir 'ongs/ de skad ces smras pa dang / bdud sdig can gyis 'jam dpal gzhon nur gyur pa la 'di skad ces smras so/ /'jam dpal gang gi tshe</font><hr>79.184a<br><font size=+1>

bcom ldan 'das kyis lha'i bu rin chen mchog 'di de bzhin gshegs pa dgra bcom pa yang dag par rdzogs pa'i sangs rgyas rin chen bkod pa zhes bya bar 'gyur ro zhes bla na med pa yang dag par rdzogs pa'i byang chub tu lung bstan pa'i tshe de ltar lung bstan pa'i sgras bdag gi gnas dang gzhal med khang thams cad dang / skar khung dang / rta babs thams cad dang / rin po che'i shing ljon pa dang / dga' zhing rtse ba'i longs spyod kyi gnas thams cad las 'di skad ces bcom ldan 'das de bzhin gshegs pa shAkya thub pas lha'i bu rin chen mchog ni bla na med pa yang dag par rdzogs pa'i byang chub tu lung bstan zin to/ /byang chub sems dpa' gzhan dag kyang lung bstan du 'ong gis sdig can khyod song shig ces sgra byung ngo / 'jam dpal gyis smras pa/ sdig can khyod byang chub sems dpa' rnams lung bstan pas yi ma rangs par gyur tam/ bdud sdig can gyis smras pa/ 'jam dpal gal te 'dzam bu'i gling na sems can ji snyed pa rnams dgra bcom pa nyid du lung bstan na ni bdag kyang yi rangs par 'gyur gyi/ byang chub sems dpa' ni gcig gcig bla na med pa yang dag par rdzogs pa'i byang chub tu lung bstan kyang de lta ma yin no/ /de ci'i phyir zhe na/ 'jam dpal gang gi tshe byang chub sems dpa' bla na med pa yang dag par rdzogs pa'i byang chub tu lung bstan pa de'i tshe bdag gi gnas thams cad spa bskong pa'i phyir te/ 'di ltar byang chub sems dpa' des ni sems can tshad med grangs med dpag tu med pa dag theg pa gsum po dag gis khams gsum nas nges par 'byin par 'gyur bas 'jam dpal de ltar na bdag gi yid la gcags pa chen por gyur to/ /'jam dpal gyis smras pa/ </font><hr>79.184b<br><font size=+1>

sdig can khyod 'ongs kyang rung / ma 'ongs kyang rung ste/ sdig can khyod kyis ni lhag pa'i bsam pas yang dag par zhugs shing thabs la mkhas pa dang ldan la shes rab kyi pha rol du phyin pas nges par byung ba'i byang chub sems dpa' la bar chad bya bar mi nus so/ /de ci'i phyir zhe na/ lhag pa'i bsam pas yang dag par zhugs pa dang / thabs la mkhas pa dang / shes rab kyi pha rol du phyin pas nges par byung ba'i byang chub sems dpa' ni bdud kyi lam las yang dag par 'das pa'i phyir ro/ /de nas sangs rgyas kyi mthus bdud sdig can gyis 'jam dpal gzhon nur gyur ba la 'di skad ces smras so/ /'jam dpal ji ltar na byang chub sems dpa' lhag pa'i bsam pas yang dag par zhugs pa dang / thabs la mkhas pa dang / shes rab kyi pha rol du phyin pas nges par byung ba yin/ 'jam dpal gyis smras pa/ sdig can gang gi tshe byang chub sems dpa' nyi tshe ba'i spyod pa thams cad la lhag par mi spyod pa de lta bu ni lhag pa'i bsam pas yang dag par zhugs pa yin no/ /gang gi tshe nyon mongs pa thams cad dang / bdud kyi las thams cad bla na med pa yang dag par rdzogs pa'i byang chub la phan par gyur par mthong ba de lta bu ni thabs la mkhas pa yin no/ /gang gi tshe nyon mongs pa thams cad dang lhan cig mi gnas pa de lta bu ni shes rab kyi pha rol du phyin pas nges par byung ba yin no/ /sdig can gzhan yang gang gi tshe byang chub sems dpa' lhag pa'i bsam pas sems can thams cad bsgral ba'i phyir go cha chen po dgos pa de lta bu ni lhag pa'i bsam pas yang dag par zhugs pa yin no/ /gang gi tshe bsdu ba'i dngos po bzhis sems can sdud pa </font><hr>79.185a<br><font size=+1>

de lta bu ni thabs la mkhas pa yin no/ /gang gi tshe sems can thams cad la shin du yongs su mya ngan las 'das pa'i ngo bo nyid du so sor rtog pa de lta bu ni shes rab kyi pha rol du phyin pas nges par byung ba yin no/ /sdig can gzhan yang gang gi tshe byang chub sems dpa' nang dang phyi'i dngos po rnams la mi lta bar gyur cing byang chub kyi sems kyi lhag pa'i bsam pas bdog pa thams cad yongs su gtong ba de lta bu ni lhag pa'i bsam pas yang dag par zhugs pa yin no/ /gang gi tshe sems can thams cad la sbyin gnas su 'du shes skyed par byed pa de lta bu ni thabs la mkhas pa yin no/ /gang gi tshe sbyin pa po dang / len pa po yang dag pa'i mtha' dang mnyam pa nyid du mos pa de lta bu ni shes rab kyi pha rol du phyin pas nges par byung ba yin no/ /sdig can gzhan yang gang gi tshe byang chub sems dpa' dge ba'i rtsa ba brtsams pa dag las phyir mi ldog pa de lta bu ni lhag pa'i bsam pas yang dag par zhugs pa yin no/ /gang gi tshe gzhan gyi don gyis zin cing rang gi don las ldog par byed pa de lta bu ni thabs la mkhas pa yin no/ /gang gi tshe don la rton pa yin gyi/ tshig 'bru la rton pa ma yin pa de lta bu ni shes rab kyi pha rol du phyin pas nges par 'byung ba yin no/ /sdig can gzhan yang gang gi tshe byang chub sems dpa' slong ba po mthong na khong khro ba med cing yi rangs par byed pa de lta bu ni lhag pa'i bsam pas yang dag par zhugs pa yin no/ /gang gi tshe dge ba'i rtsa ba yang dag par sdud cing thams cad mkhyen pa nyid du yongs su bsngo bar byed pa de lta bu ni thabs la mkhas pa yin no/ /gang gi tshe chos thams cad byang chub kyi rang bzhin du rab tu shes pa de lta bu ni shes rab kyi pha rol du phyin</font><hr>79.185b<br><font size=+1>

pas nges par byung ba yin no/ /de nas lha'i bu rin chen mchog gis 'jam dpal gzhon nur gyur pa la 'di skad ces smras so/ /'jam dpal gal te bdud sdig can dpung dang bcas/ bzhon pa dang bcas/ 'khor dang bcas/ gnas dang bcas pa 'di lto ba'i nang du bcug na ni 'di theg pa chen po la yang dag par zhugs pa'i rigs kyi bu dang / rigs kyi bu mo dag la bar chad byed par mi 'gyur ro/ /'jam dpal gyis smras pa/ rigs kyi bu bdud sdig can lto ba'i nang du gzhug par ni byang chub sems dpa'i cha ma yin pas rigs kyi bu kho bos ci nas kyang bdud sdig can 'di sangs rgyas kyi gzugs kyi mtshan gyis legs par brgyan cing bde ba mchog dang ldan pas seng ge'i khri la 'dug ste/ sangs rgyas kyi spobs pas chos ston par 'gyur ba de ltar byin gyis brlab par bya'o/ /de nas bdud sdig can gyis tshig de thos nas mi snang bar bya bar 'dod cing 'bros par 'dod na 'jam dpal gzhon nur gyur pa'i byin gyi brlabs kyi 'khor de nas mi snang bar bya ba dang / 'bros par yang ma nus so/ /de nas de'i tshe 'jam dpal gzhon nur gyur pa bsam pa 'di snyam du bsams te/ bdud sdig can sangs rgyas kyi gzugs kyi mtshan dang ldan zhing seng ge'i khri la 'dug par thams cad dang ldan pa'i 'khor gyis mthong bar bsams nas/ de nas 'jam dpal gzhon nur gyur pas bdud sdig can la 'di skad ces smras so/ /sdig can khyod kyis ni de bzhin gshegs pa rnams kyi byang chub thob ste/ khyod ni sangs rgyas kyi gzugs kyi mtshan dang ldan zhing seng ge'i khri la 'dug go /de nas 'jam dpal gzhon nur gyur pa'i byin gyis brlabs kyis bdud sdig can gyis 'di skad ces smras so/ /'jam dpal bcom ldan 'das nyid</font><hr>79.186a<br><font size=+1>

kyis kyang byang chub ma brnyes na kho bos lta 'thob par 'gyur re skan/ de ci'i phyir zhe na/ byang chub ni 'thob pa'i 'dod chags dang bral ba'i mtshan nyid yin pas na 'dod chags dang bral ba la ni 'thob pa yang med/ mngon par rtogs pa yang med de/ byang chub ni 'dus ma byas pa thob pa yin la de yang 'thob pa med pa nyid kyi mtshan nyid yin pa dang / byang chub ni stong pa nyid rtogs pa'i mtshan nyid yin pas na stong pa nyid kyis stong pa nyid mngon par rdzogs par 'tshang mi rgya ba dang / byang chub ni mtshan ma med pa'i mtshan nyid yin pas na mtshan ma med pas mtshan ma med pa mngon par rdzogs par 'tshang mi rgya ba dang / byang chub ni smon pa med pa'i mtshan nyid yin pas na smon pa med pas smon pa med pa mngon par rdzogs par 'tshang mi rgya ba dang / byang chub ni chos kyi dbyings kyi rang bzhin yin pas na rang bzhin gyis rang bzhin mngon par rdzogs par 'tshang mi rgya ba dang / byang chub ni de bzhin nyid dbyer med pa'i mtshan nyid yin pas na de bzhin nyid kyis de bzhin nyid mngon par rdzogs par 'tshang mi rgya ba dang / byang chub ni yang dag pa'i mtha' la gnas pa yin pas na yang dag pa'i mtha' yang dag pa'i mtha' mngon par rdzogs par 'tshang mi rgya ba dang / byang chub ni bdag med pa dang / sems can med pa dang / srog med pa dang / gso ba med pa dang / skyes bu med pa dang / gang zag med pa'i ngo bo nyid yin pas na de la ni mngon par rdzogs par 'tshang rgya ba gang yang med pa'i phyir ro/ /'jam dpal gzhan yang byang chub sems dpa' gang gis byang chub kyi mtshan nyid bstan pa 'di thos nas chos thams cad kyi ngo bo nyid kyi mtshan nyid rnam par 'khrugs par mi byed pa de ni sangs rgyas nyid yin par brjod par bya'o/ /bdud kyis</font><hr>79.186b<br><font size=+1>

bstan pa 'di bshad pa na byang chub sems dpa' lnga brgyas mi skye ba'i chos la bzod pa thob par gyur to/ /de nas tshe dang ldan pa shA ra dwa ti'i bus 'jam dpal gzhon nur gyur pa la 'di skad ces smras so/ /'jam dpal khyod kyi byin gyis brlabs kyis bdud sdig can de bzhin gshegs pa'i kha dog dang / gzugs kyi mtshan dang ldan zhing seng ge'i khri la 'dug nas zab mo 'i gnas 'di lta bu 'di dag ston pa ni ngo mtshar to/ /'jam dpal gyis smras pa/ btsun pa shA ra dwa ti'i bu kho bos ni sems med pa'i dngos po shing dang / rtswa dang / nags tshal 'di dag la de lta de ltar byin gyis brlabs na yang 'di dag kyang de lta bu'i mtshan dang ldan zhing sangs rgyas kyi spobs pas chos ston par 'gyur ro/ /kho bos gnas brtan shA ra dwa ti'i bu 'di la de lta de ltar byin gyis brlabs na yang gnas brtan shA ra dwa ti'i bu yang sangs rgyas kyi gzugs dang / sku'i mtshan dang ldan zhing sangs rgyas kyi spobs pas chos ston par 'gyur ro/ /de nas tshe dang ldan pa shA ra dwa ti'i bu 'di snyam du sems te/ bdag kyang 'jam dpal gzhon nur gyur pas sangs rgyas kyi gzugs dang / sku'i mtshan dang ldan par byin gyis brlabs na nyan thos ston pa'i gzugs su gnas pa ni mi mthun pa yin pas bdag 'khor 'di nas mi snang bar bya'o/ /snyam du bsams pa dang / 'jam dpal gzhon nur gyur pa'i byin gyis brlabs kyis des mi snang bar byed ma nus so/ /de nas 'jam dpal gzhon nur gyur pas tshe dang ldan pa shA ra dwa ti'i bu'i sems kyi yongs su rtog pa sems kyis shes nas tshe dang ldan pa shA ra dwa ti'i bu sangs rgyas kyi gzugs dang / sku'i mtshan dang ldan zhing seng ge'i khri la 'dug par thams cad dang ldan pa'i 'khor rnams kyis mthong bar</font><hr>79.187a<br><font size=+1>

byin gyis brlabs so/ /de nas 'jam dpal gzhon nur gyur pas tshe dang ldan pa shA ra dwa ti'i bu la 'di skad ces smras so/ /btsun pa shA ra dwa ti'i bu ji ltar de bzhin gshegs pa chos ston par mdzad pa de bzhin du bdud sdig can dang lhan cig tu ston cig /de nas tshe dang ldan pa shA ra dwa ti'i bu sangs rgyas kyi gzugs dang / sku'i mtshan dang ldan pas bdud sdig can sangs rgyas kyi gzugs dang / sku'i mtshan dang ldan pa la 'di skad ces smras so/ /sdig can de bzhin gshegs pa rnams kyi byang chub ci zhig gis rab tu phye ba yin smras pa/ btsun pa shA ra dwa ti'i bu sangs rgyas bcom ldan 'das rnams kyi byang chub ni chos thams cad mnyam pa nyid du rtogs pas rab tu phye ba yin no/ /chos dang chos ma yin pa gnyis su med par rtogs pas rab tu phye ba yin no/ /thams cad mkhyen pa nyid kyi ye shes kyi dbang bskur bas rab tu phye ba yin no/ /sems can thams cad kyi sems kyi spyod pa rtogs pas rab tu phye ba yin no/ /dngos po dang dngos po med pa thams cad rtogs pas rab tu phye ba yin gyi/ dngos po rnam par 'jig pas rab tu phye ba ma yin no/ /bsgom pa dngos po med pas rab tu phye ba ma yin te/ rab tu phye ba yang ma yin/ rab tu ma phye ba yang ma yin/ rgyu ba med pa rgyu ba dang bral ba rgyu ba thams cad yang dag par chad pa ste/ 'ong med cing 'gro ba med pa yin no/ /de nas bdud sdig can gyis tshe dang ldan pa shA ra dwa ti'i bu la 'di skad ces smras so/ /btsun pa shA ra dwa ti'i bu de bzhin gshegs pa ci zhig la gnas pa yin/ tshe dang ldan pa shA ra dwa ti'i bus smras pa/ sdig can de bzhin gshegs pa ni 'khor ba mnyam pa nyid la gnas pa yin no/ /mya ngan las 'das pas rlom sems med pa la gnas pa yin no/ /lta ba'i rnam pa thams cad kyi ngo bo nyid kyi mtshan nyid la gnas pa yin no/ /nyon mongs pa thams cad kyi gnas la gnas pa yin no/ /</font><hr>79.187b<br><font size=+1>

chos thams cad kyi yang dag pa ji lta ba'i rtsa ba'i gnas la gnas pa yin no/ /'dus byas dang / 'dus ma byas gnyis su med pa'i gnas pa yin no/ /gnas thams cad la mi gnas pa la gnas pa yin te sdig can de bzhin gshegs pa ni de lta bu la gnas pa yin no/ /tshe dang ldan pa shA ra dwa ti'i bus yang bdud sdig can la 'di skad ces smras so/ /sdig can byang chub ga las gtsal bar bya/ bdud sdig can gyi smras pa/ btsun pa shA ra dwa ti'i bu byang chub ni 'jig tshogs la lta ba'i rtsa ba la gnas pa dang / ma rig pa dang / srid pa'i sred pa'i kun du sbyor ba dang / phyin ci log gi kun nas dkris pa dang / sgrib pa dang / chod pa dag las btsal bar bya'o/ /smras pa/ sdig can khyod ci las bsams te de skad ston/ smras pa/ btsun pa shA ra dwa ti'i bu chos de dag yang dag pa ji lta ba bzhin du rtogs pa gang yin pa de nyid byang chub yin pa'i phyir ro/ /bstan pa 'di bshad pa na dge slong brgyad brgya len pa med par zag pa rnams las sems rnam par grol lo/ /shA ra dwa ti'i bu la dad pa'i lha'i bu rnams dang / bdud kyi ris la dad pa'i lha'i bu rnams las srog chags sum khri nyis stong gis ni bla na med pa yang dag par rdzogs pa'i byang chub sems bskyed do/ /lha'i bu de dag gdul ba'i dbang gi phyir 'jam dpal gzhon nur gyur pas bdud sdig can dang / gnas brtan shA ra dwa ti'i bu gnyis sangs rgyas kyi gzugs dang / sku'i mtshan gyis brgyan par byin gyis brlabs so/ /de nas 'jam dpal gzhon nur gyur pas byin gyis brlabs te phyir bsdus so/ /de nas gnas brtan shA ra dwa ti'i bu dang / bdud sdig can yang rang rang gi gzugs kyi mtshan dang ldan par gyur to/ /de nas de'i tshe phyogs bzhi'i sangs rgyas kyi zhing tha dad pa dag nas</font><hr>79.188a<br><font size=+1>

byang chub sems dpa' stong phrag mang po dag lhags shing 'dus te de dag nam mkha' las babs nas bcom ldan 'das ga la bar dong ste phyin pa dang / bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor ba byas nas phyogs gcig tu 'khor gyur to/ /phyogs gcig tu 'khod nas kyang bcom ldan 'das la byang chub sems dpa' de dag gis 'di skad ces gsol to/ /bcom ldan 'das bdag cag ni chos kyi dbyings kyi rang bzhin dbyer ma mchis par bstan pa'i chos kyi rnam grangs 'di thos nas dam pa'i chos yongs su bzung ba'i slad du 'dir mchis lags te/ bcom ldan 'das bdag cag gis chos kyi rnam grangs 'di bzung bar bgyi/ bcang bar bgyi/ bklag par bgyi/ kun chub par bgyi zhing dam pa'i chos yongs su bzung ba'i slad du gzhan dag la yang rgya cher yang dag par rab tu bstan par bgyi'o/ /de nas bcom ldan 'das la tshe dang ldan pa kun dga' bos 'di skad ces gsol to/ /bcom ldan 'das byang chub sems dpa' 'di dag gang nas 'dir mchis lags/ bcom ldan 'das kyis stsal pa/ kun dga' bo byang chub sems dpa' 'di dag ni sangs rgyas kyi zhing tha dad pa dag nas 'dus pa ste 'jam dpal gzhon nur gyur pas yongs su smin par byas shing chos kyi dbyings kyi rang bzhin dbyer med par bstan pa'i chos kyi rnam grangs 'di nyid kyis yongs su smin par byas pa dag yin pas/ 'di dag ni chos kyi rnam grangs 'di la byas pa gzo ba dang / byas pa tshor ba'i phyir de bzhin gshegs pa la blta ba dang / phyag bya ba dang / bsnyen bkur bya ba dang / 'jam dpal gzhon nur gyur pa la yang</font><hr>79.188b<br><font size=+1>

bsnyen bkur bya ba dang chos kyi rnam grangs 'di la rjes su yi rang bar bya ba'i phyir 'dir lhags so/ /kun dga' bo byang chub sems dpa' 'di dag gis ni nga yongs su mya ngan las 'das pa'i 'og tu yang dam pa'i chos yongs su gzung ba'i phyir chos kyi rnam grangs 'di 'dzam bu'i gling du rgyas par byed par 'gyur te/ kun dga' bo byang chub sems dpa' 'di dag ni sangs rgyas 'bum phrag mang po dag gi dam pa'i chos yongs su 'dzin pa la mngon par brtson pa yin no/ /de nas bcom ldan 'das la 'khor de nas brgya byin dang / tshangs pa dang / 'jig rten skyong ba gang ji snyed pa de dag gis 'di skad ces gsol to/ /bcom ldan 'das bdag cag gis kyang dam pa'i chos yongs su 'dzin pa'i skyes bu dam pa dang / rigs kyi bu dang / rigs kyi bu mo 'di dag dang / gzhan dag la yang rim gyis bsnyen bkur bgyi zhing kun bsrung ba dang / sba ba dang / 'tshe ba ma mchis par bgyi ba'i slad du brtson par bgyi lags so/ /de nas bcom ldan 'das kyis brgya byin dang / tshangs pa dang / 'jig rten skyong ba de dag la legs so zhes bya ba byin te/ grogs po dag khyed cag dam pa'i chos yongs su 'dzin pa'i skyes bu dam pa rnams kun du srung ba ni legs so legs so/ /gang dag dam pa'i chos yongs su gzung ba la brtson par byed pa de dag gis ni/ 'das pa dang / ma byon pa dang / da ltar byung ba'i sangs rgyas bcom ldan 'das rnams la yang mchod pa byas pa yin no/ /de nas bcom ldan 'das kyis 'jam dpal gzhon nur gyur pa la bka' stsal pa/ 'jam dpal khyod kyis ci nas kyang chos kyi rnam grangs 'di phyi ma'i tshe phyi ma'i dus 'dzam bu'i gling na rgya cher spyod par 'gyur ba de ltar byin gyis rlobs shig /'jam dpal gyis gsol pa/ bcom ldan 'das 'di lta ste/ dper bgyi na bsreg pa'i bskal</font><hr>79.189a<br><font size=+1>

pa byung bar gyur pa na nam mkha'i khams mi tshig par bgyi ba'i slad du byin gyis brlab par bgyi mi 'tshal ba de bzhin du bcom ldan 'das chos thams cad kyang nam mkha'i khams kyi rang bzhin lags pas de dag la ni skye ba yang mi mngon/ 'gag pa yang mi mngon lags te/ gang la skye ba ma mchis shing 'gag pa ma mchis pa de la ni byin gyis brlabs kyi rang bzhin ci yang ma mchis lags so/ /bcom ldan 'das chos thams cad ni byin gyis brlabs ma mchis lags pas de dag gi ngo bo nyid gang lags pa de nyid byin gyis brlabs lags so/ /bcom ldan 'das 'on du lags kyis kyang gang dag chos la gus shing chos las nges par byung la mdo sde zab mo 'di lta bu 'di nod par 'gyur ba'i rigs kyi bu dang / rigs kyi bu mo dge ba'i rtsa ba skyed pa de dag gi slad du de bzhin gshegs pa nyid kyis chos kyi rnam grangs 'di byin gyis brlab du gsol/ bcom ldan 'das ci nas kyang bdud dang / phyir rgol ba nges par bcom zhing bar chad ma mchis pa dang / ma 'ongs pa'i dus na 'dzam bu'i gling na spyod par 'gyur ba de lta de ltar bcom ldan 'das kyis 'di byin gyis brlab du gsol/ de nas de'i tshe bcom ldan 'das kyis gang gis stong gsum gyi stong chen po'i 'jig rten gyi khams 'di 'od gser gyi kha dog lta bus snang bar 'gyur ba de lta bu'i 'od dag sku las rab tu phyung ngo / /de nas bcom ldan 'das kyis 'jam dpal gzhon nur gyur pa la bka' stsal pa/ 'jam dpal ji ltar de bzhin gshegs pa'i 'od 'di thams cad du rjes su song ba de bzhin du chos kyi rnam grangs 'di yang sangs rgyas kyi chos la shes pa dang / bsam pa ma nyams pa'i rigs kyi bu dang / rigs</font><hr>79.189b<br><font size=+1>

kyi bu mo de dag gi lag tu 'ong bar 'gyur ro/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo khyod kyis chos kyi rnam grangs 'di zung shig / chongs shig /lhogs shig /kun chub par gyis shig /gzhan dag la yang rgya cher rab tu ston cig dang / de lta na khyod kyis 'das pa dang / ma byon pa dang / da ltar byung ba'i sangs rgyas bcom ldan 'das rnams la yang mchod pa byas par 'gyur ro/ /kun dga' bos gsol pa/ bcom ldan 'das chos kyi rnam grangs 'di'i ming ci lags/ 'di ji ltar gzung bar bgyi/ bcom ldan 'das kyis bka' stsal pa/ kun dga' bo de'i phyir khyod kyis chos kyi rnam grangs 'di ni chos kyi dbyings kyi rang bzhin dbyer med par bstan pa zhes bya bar zung shig /lha'i bu rin chen mchog gis zhus pa zhes bya bar yang zung shig /'jam dpal gzhon nur gyur pa'i man ngag ces bya bar yang zung shig /bcom ldan 'das kyis de skad ces bka' stsal nas tshe dang ldan pa kun dga' bo dang / 'jam dpal gzhon nur gyur pa dang / byang chub sems dpa' rin chen mchog dang / sangs rgyas kyi zhing tha dad pa nas 'dus pa'i byang chub sems dpa' de dag dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// //'phags pa dkon mchog brtsegs pa chen po'i chos kyi rnam grangs le'u stong phrag brgya pa las chos kyi dbyings kyi rang bzhin dbyer med pa bstan pa zhes bya ste/ le'u brgyad pa rdzogs so// //rgya gar gyi mkhan po 'dzi na mi tra dang / su ren dra bo d+hi dang / zhu chen gyi lo ts+tsha ba ban de ye shes sdes bsgyur cing zhus te gtan la phab pa// </font><hr>

</table>