J309

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J309</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J309&coll=lithang">see text in Tibetan script</a></table>79.213b<br><font size=+1>

'phags pa dkon mchog brtsegs pa chen po'i chos kyis rnam grangs le'u stong phrag brgya pa las le'u bcu pa ste kun nas sgo'i le'u bstan pa/ / bam po gcig pa/ rgya gar skad du/ Ar+ya sa man ta mu ga pa ri brta nA ma ma hA yA na sU tra/ bod skad du/ 'phags pa kun nas sgo'i le'u zhes bya ba theg pa chen po'i mdo/ / sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa'i dus gcig na/ bcom ldan 'das rgyal po'i khab na bya rgod kyi phung po'i ri la dge slong brgyad brgya'i dge slong gi dge 'dun chen po dang / byang chub sems dpa' bzhi khri nyis stong dang thabs gcig tu bzhugs te/ de'i tshe byang chub sems dpa' sems dpa' chen po dri ma med pa'i snying po zhes bya ba byang chub sems dpa' dgu khri nyis stong dang lhan cig tu de bzhin gshegs pa dgra bcom pa yang dag par rdzogs pa'i sangs rgyas me tog kun du rgyas pa'i sangs rgyas kyi zhing 'jig rten gyi khams spyod pa yongs su dag pa dang ldan pa nas 'jig rten gyi khams mi mjed 'di'i bya rgod kyi phung po'i ri ga la ba dang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa ga la ba der song ngo / /byang chub sems dpa' sems dpa' chen po dri ma med pa'i snying po byang chub sems dpa'i tshogs chen pos yongs su bskor cing / byang chub sems dpa'i tshogs kyis mdun du bdar nas nam mkha' las 'ong bar bcom ldan 'das kyis gzigs so/ /gzigs nas kyang bcom ldan 'das 'di snyam du dgongs te/ byang chub sems dpa' sems dpa' chen po dri ma med pa'i snying po 'di de bzhin gshegs</font><hr>79.214a<br><font size=+1>

pa dgra bcom pa yang dag par rdzogs pa'i sangs rgyas me tog kun du rgyas pas kun nas sgo'i le'u yi chos kyi rnam grangs 'di yang dag par yongs su gzung ba'i phyir 'dir 'ong bar gnang ste btang gis/ ngas kyang byang chub sems dpa' dag bsdu bar bya bar nges so snyam du dgongs so/ /de nas bcom ldan 'das kyis dgongs pa de lta bu dgongs nas des 'jig rten gyi khams mtha' yas mu med pa dag na byang chub sems dpa' sems dpa' chen po gang dag 'khod pa de dag 'jig rten gyi khams mi mjed 'di'i bya rgod kyi phung po'i ri ga la ba dang / bcom ldan 'das ga la ba der lhags so/ /lhags nas kyang bcom ldan 'das kyi zhabs la mgo bos phyag 'tshal te phyogs gcig tu 'khod do/ /byang chub sems dpa' sems dpa' chen po gang dag bya rgod kyi phung po'i ri la nang du yang dag 'jog la zhugs pa de dag thams cad kyang 'dus so/ /de nas byang chub sems dpa' sems chen po dri ma med pa'i snying po rin po che sna bdun las byas pa'i pad ma 'dab ma stong dang ldan pa thogs nas de bzhin gshegs pa dgra bcom pa yang dag par rdzogs pa'i sangs rgyas shAkya thub pa ga la ba der song ste phyin pa dang / bcom ldan 'das kyi zhabs la mgo bos phyag 'tshal te/ pad ma 'dab ma stong dang ldan pa de phul nas/ bcom ldan 'das la 'di skad ces gsol to/ /bcom ldan 'das 'jig rten gyi khams spyod pa/ yongs su dag pa dang ldan pa nas de bzhin gshegs pa dgra bcom pa yang dag par rdzogs pa'i sangs rgyas me tog kun du rgyas pa bcom ldan 'das la snyun gsol te/ gnod pa chung ngam/ nyam nga ba nyung ngam/ bskyod pa yang ngam/ 'tsho 'am/ stobs dang ldan par</font><hr>79.214b<br><font size=+1>

bde ba la reg par gnas sam/ bcom ldan 'das la snyun mi mnga' 'am/ gnod pa chung ngam zhes snyun gsol zhing 'di skad ces bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa kun nas sgo'i le'u bsam gyis mi khyab pa la 'jug pa'i chos kyi rnam grangs byang chub sems dpa' sems dpa' chen po rnams la ston tam zhes kyang gsung ngo / /de nas byang chub sems dpa' sems dpa' chen po dri ma med pa'i snying pos bcom ldan 'das la rnam pa de dag gsol nas byang chub sems dpa' de dag dang lhan cig tu 'khor dang bcas te nam mkha' la skyil mo dkrung bcas nas 'dug go/ yang de'i tshe na 'jam dpa' gzhon nur gyur pa 'khor de nyid du 'dus par gyur te 'dug go/ de nas 'jam dpal gzhon nur gyur pa stan las langs te/ bla gos phrag pa gcig tu gzar nas pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas bcom ldan 'das la 'di skad ces gsol to/ /byang chub sems dpa' rnams rjes su bzung ba'i slad du bcom ldan 'das de bzhin gshegs pas kun nas sgo'i le'u bsam gyis mi khyab pa la 'jug pa'i chos kyi rnam grangs legs par bshad du gsol/ bcom ldan 'das bdag gis mngon par 'tshal te/ 'das pa'i dus na de bzhin gshegs pa dgra bcom pa yang dag par rdzogs pa'i sangs rgyas kun du snang ba'i sgron ma las chos kyi rnam grangs 'di thos nas ting nge 'dzin bye ba khrag khrig brgya stong phrag brgyad bcu rtsa bzhi bskyed par gyur/ gzungs sgrub pa'i sgo bye ba khrag khrig brgya stong phrag bdun bcu rtsa bdun yang rtogs par gyur to/ /de lta lags</font><hr>79.215a<br><font size=+1>

pas bcom ldan 'das kyis kyang byang chub sems dpa' rnams rjes su gzung ba'i slad du legs par bshad du gsol/ de skad ces gsol pa dang / bcom ldan 'das kyis 'jam dpa' gzhon nur gyur pa la 'di skad ces bka' stsal to/ /de'i phyir 'jam dpal khyod legs par rab tu nyon la yid la zung shig dang bshad do/ /'jam dpal gzhon nur gyur pas bcom ldan 'das de bzhin no zhes gsol te/ bcom ldan 'das kyi ltar nyan pa dang / bcom ldan 'das kyis de la 'di skad ces bka' stsal to/ /'jam dpal 'di la byang chub sems dpa' sems dpa' chen pos gzugs ting nge 'dzin du rtogs par bya'o/ /sgra ting nge 'dzin du rtogs par bya'o/ /dri ting nge 'dzin du rtogs par bya'o/ /ro ting nge 'dzin du rtogs par bya'o/ /reg bya ting nge 'dzin du rtogs par bya'o/ /yid kyi khams ting nge 'dzin du rtogs par bya'o/ /bud med ting nge 'dzin du rtogs par bya'o/ /skyes pa ting nge 'dzin du rtogs par bya'o/ /khye'u'i gzugs ting nge 'dzin du rtogs par bya'o/ /bu mo'i gzugs ting nge 'dzin du rtogs par bya'o/ /lha'i gzugs ting nge 'dzin du rtogs par bya'o/ /klu'i gzugs ting nge 'dzin du rtogs par bya'o/ /gnod sbyin gyi gzugs ting nge 'dzin du rtogs par bya'o/ /dri za'i gzugs ting nge 'dzin du rtogs par bya'o/ /lha ma yin gyi gzugs ting nge 'dzin du rtogs par bya'o/ /nam mkha' lding gi gzugs ting nge 'dzin du rtogs par bya'o/ /mi 'am ci'i gzugs ting nge 'dzin du rtogs par bya'o/ /lto 'phye chen po'i gzugs ting nge 'dzin du rtogs par bya'o/ /sems can dmyal ba'i gzugs ting nge 'dzin du rtogs par bya'o/ /dud 'gro'i skye gnas kyi gzugs</font><hr>79.215b<br><font size=+1>

ting nge 'dzin du rtogs par bya'o/ /gshin rje'i 'jig rten gyi gzugs ting nge 'dzin du rtogs par bya'o/ /'dod chags ting nge 'dzin du rtogs par bya'o/ /zhe sdang ting nge 'dzin du rtogs par bya'o/ /gti mug ting nge 'dzin du rtogs par bya'o/ /dge ba thams cad ting nge 'dzin du rtogs par bya'o/ /mi dge ba thams cad ting nge 'dzin du rtogs par bya'o/ /'dus byas thams cad ting nge 'dzin du rtogs par bya'o/ /'dus ma byas thams cad ting nge 'dzin du rtogs par bya'o/ /de ltar chos thams cad ting nge 'dzin du rtogs par bya ste/ 'jam dpal de lta bu'i ting nge 'dzin thams cad dang ldan pa'i byang chub sems dpa' sems dpa' chen po ni thams cad du 'gro ba'i blo dang ldan pa yin la kun nas sgo'i le'u'i chos kyi rnam grangs 'di nyid la yang bslabs pa yin no/ /'jam dpal de la ji ltar na byang chub sems dpas gzugs ting nge 'dzin du rtogs par bya zhe na/ gzugs ni dbu ba lta bur gsungs/ de la snying po mi rnyed do/ /snying po med phyir gzung med phyir/ /des na ting nge 'dzin ces bstan/ /'jam dpal de ltar na gzugs ting nge 'dzin du rtogs par bya'o/ /'jam dpal de la ji ltar na byang chub sems dpas sgra ting nge 'dzin du rtogs par bya zhe na/ sgra ni brag cha lta bu ste/ de la dngos po yod ma yin/ /tha dad dbye ba med shes shing / /mtshan nyid med par bye brag med/ /mtshan nyid med cing byung ba med/ /ya ma rla dang 'dus ma byas/ /brag cha lta bur shes pa na/ /des na ting nge 'dzin ces bstan/ 'jam dpal de ltar na sgra ting nge 'dzin du rtogs par bya'o/ /'jam dpal de la ji ltar na byang chub sems dpas dri ting nge 'dzin du rtogs par bya zhe na/ ji ltar rgya mtsho'i gting dag ni/ /nam yang cis kyang gang med ltar/ /bskal pa bye</font><hr>79.216a<br><font size=+1>

bar bsnam byas kyang / /sna ni tshim par 'gyur ba med/ /sna yi rnam rig gzung med de/ /slu ba'i chos de yod ma yin/ /gal te yang dag yin gyur na/ /de las myur du tshim par 'gyur/ /gzung ba med cing yang dag min/ /sna yang yod min gsog tu shes/ /gsob dang stong par shes pas na/ /des na ting nge 'dzin ces bstan/ /'jam dpal de ltar na dri ting nge 'dzin du rtogs par bya'o/ /'jam dpal de la ji ltar na byang chub sems dpas ro ting nge 'dzin du rtogs par bya zhe na/ lce ni tshwa dang kha ba'ang min/ /skyur dang lan tshwa 'ang ma yin te/ /ci 'dra'i rkyen dag ldan pa las/ /lce yang de dang 'dra bar 'gyur/ /ro 'di rgyu las byung ba dang / /rkyen las rag las shes gyur cing / /bsam gyis mi khyab shes pas na/ /des na ting nge 'dzin ces bstan/ /'jam dpal de ltar na ro ting nge 'dzin du rtogs par bya'o/ /'jam dpal de la ji ltar na byang chub sems dpas reg bya ting nge 'dzin du rtogs par bya zhe na/ rnam rig las byung reg bya ni/ /ngo bo nyid kyis yod ma yin/ /'jam pa dang ni rtsub pa nyid/ /rkyen rnams las ni byung ba yin/ /reg bya gnas pa med pa ste/ /bdag med nye bar gnas pa yin/ /tshogs rnams sbyor bar shes pas na/ /des na ting nge 'dzin ces bstan/ /'jam dpal de ltar na reg bya ting nge 'dzin du rtogs par bya'o/ /'jam dpal de la ji ltar na byang chub sems dpas yid kyi khams ting nge 'dzin du rtogs par bya zhe na/ gang dag stong gsum sems can rnams/ /de dag gnas gcig gnas gyur te/ /yid khams rnam par shes byed kyang / /de yi dngos po rnyed mi 'gyur/ /bsags pa dang ni gong bu yang / /rnam par rig la gnas pa med/ /kha dog sna tshogs rnams ston kyang / /phyi dang nang na gnas ma yin//</font><hr>79.216b<br><font size=+1>

gnas pa med cing gnas kyang med/ /sgyu ma lta bur dngos po med/ /med cing ya ma rlar shes pas/ /des na ting nge 'dzin ces bstan/ /'jam dpal de ltar na yid kyi khams ting nge 'dzin du rtogs par bya'o/ /'jam dpal de la ji ltar na byang chub sems dpas bud med kyi gzugs ting nge 'dzin du rtogs par bya zhe na/ 'byung ba chen po bzhi po dag /de la bud med yod min yang / /byis pa rnams ni rmongs pa'i blos/ /'dod pa'i gsog la spyod par byed/ /sgyu ma'i bud med mtshan med kyang / /bud med gzugs su snang ba lags/ /gang dag mun pas bsgribs pa'i mi/ /de la kun du chags pa skyed/ /ji ltar sgyu ma'i bud med la/ /'dod chags ldan pa'i sems bskyed kyang / /de la bud med yod ma yin/ /phyin ci log gi sems kyis ni/ /bskal pa bye ba grangs med du/ /blo gros chung rnams 'khor bar byed/ /de nas dngos po med shes na/ /bud med thams cad mtshan nyid med/ /ting 'dzin zhi ba rjod pa ni/ /bud med gzugs kyis rab tu bstan/ /'jam dpal de ltar na bud med kyi gzugs ting nge 'dzin du rtogs par bya'o/ /'jam dpal de la ji ltar na byang chub sems dpas skyes pa'i gzugs ting nge 'dzin du rtogs par bya zhe na/ 'di ni bud med bdag skyes par/ /ji ltar skyes pas brjod pa las/ /de yi tshe na de yi sems/ /'dod chags ldan pa brdzun pa 'byung / /sems ni gzugs med gzung ba med/ /bud med skyes par bstan pa med/ /kun du rtog pas sgro btags nas/ /skyes pa'i 'du shes 'byung bar 'gyur/ /'di ni bud med bdag dpa' zhes/ /'du shes gang gis rnam brtags pa/ /de ngas smig rgyu 'drar gsungs te/ /de la skyes pa yod ma yin/ /skyes pa nyid ni brdzun pas na/ /de ni med las byung ba yin/ /ting 'dzin zhi ba brjod pa ni/ /dpa' bo'i gzugs kyis</font><hr>79.217a<br><font size=+1>

rab tu bstan/ /'jam dpal de ltar na skyes pa'i gzugs ting nge 'dzin du rtogs par bya'o/ /'jam dpal de la ji ltar na byang chub sems dpas khye'u'i gzugs ting nge 'dzin du rtogs par bya zhe na/ ljon pa'i myu gu yod min na/ /me tog 'byung bar ga la 'gyur/ /me tog yod pa ma yin na/ /'bras bu 'thob pa'ang med pa ltar/ /bud med yod pa ma yin pas/ /khye'u yang dmigs par mi 'gyur te/ /brtags pa'i dbang du song rnams kyis/ khye'u zhes bya bar btags pa yin/ /bud med skye ba med shes na/ /khye'u yang 'byung ba yod min te/ /dngos po thams cad med rtogs pas/ /des na khye'u ni ting 'dzin bstan/ /'jam dpal de ltar na khye'u yi gzugs ting nge 'dzin du rtogs par bya'o/ /'jam dpal de la ji ltar na byang chub sems dpas bu mo'i gzugs ting nge 'dzin du rtogs par bya zhe na/ ji ltar ta la'i mgo bcad pa/ /de ni nam yang mi skye ste/ /mkhas pas shes nas de la ni/ /'bras bu thob par 'dod pa med/ /de bzhin mkhas pas bud med kyang / /rnam kun skye ba med shes pas/ /brtan pa bu mo skyes so zhes/ /phyin cad rtog par mi byed do/ /sa bon skams par gyur pa la/ /rnam kun skye ba med shes pas/ /ting 'dzin zhi ba brjod pa ni/ /bu mo'i gzugs kyis rab tu bstan/ /'jam dpal de ltar na bu mo'i gzugs ting nge 'dzin du rtogs par bya'o/ /'jam dpal de la ji ltar na byang chub sems dpas lha'i gzugs ting nge 'dzin du rtogs par bya zhe na/ rnam rtog dge las byung ba yi/ /las dge'i 'bras bu lha rnams te/ rab tu dang ba'i yid kyis ni/ /mdzes pa'i lha rnams mngon par grub/ /gzhal med khang pa nyam dga' ba/ /de dag gzhan sus byas pa min/ /me tog man dA ra ba yang / /de dag gzhan sus bskyed pa min/ /</font><hr>79.217b<br><font size=+1>

sgyu ma'i las las kun byung bas/ /byung ba rnams kyang bsam du med/ /bzang por snang ba'i bai dU r+ya/ /log pas grub pa rnams kyang rdzun/ /yang dag min pas kun bskyed pas/ /lha rnams brdzun par shes pas na/ /ting 'dzin zhi ba brjod pa ni/ /lha yi gzugs kyis bstan pa yin/ /'jam dpal de ltar na lha'i gzugs ting nge 'dzin du rtogs par bya'o/ /'jam dpal de la ji ltar na byang chub sems dpas klu'i gzugs ting nge 'dzin du rtogs par bya zhe na/ mi bzod bskyed pa byas nas ni/ /yod min sprin gyi gzugs bstan cing / /char pa'i rgyun dag rab 'bebs pa/ /de dag nang na mi gnas kyang / /'dzam bu'i gling 'dir rgya mtsho dang / /klung dang dug can yongs su 'gengs/ /sngon gyi mtha' 'am phyi ma'i mthar/ /chu ni 'byung ba yod ma yin/ /de dang mtshungs pa'i sems can kun/ /rtsom pa sna tshogs bslabs pa rnams/ /las rnams sna tshogs ston byed kyang / /las de 'byung ba yod ma yin/ /mkhas pas byis pa rmongs byed pa'i/ /sgyu 'di ma byung shes pas na/ /bden pa ma yin bden snang bas/ /klu ni ting nge 'dzin du bstan/ /'jam dpal de ltar na klu'i gzugs ting nge 'dzin du rtogs par bya'o/ /'jam dpal de la ji ltar na byang chub sems dpas gnod sbyin gyi gzugs ting nge 'dzin du rtogs par bya zhe na/ sems ni rnam par gyur pa las/ /'jigs pa'i gzugs ni mngon grub pa/ /lus kyi bong tshod che ba yang / /sems gcig gis ni kun du bskyed/ /sems la 'jigs pa yod min te/ /tshogs pa dag las 'jigs pa skye/ /yod pa min pa'i las rnams las/ /mi sdug rnam pa bsam yas ltos/ /mi sdug rnam pa bsam yas pa/ shin tu stong par shes pas na/ /ting 'dzin zhi ba brjod pa ni/ /</font><hr>79.218a<br><font size=+1>

gnod sbyin gzugs kyis bstan pa yin/ /'jam dpal de ltar na gnod sbyin gyi gzugs ting nge 'dzin du rtogs par bya'o/ /'jam dpal de la ji ltar na byang chub sems dpas dri za'i gzugs ting nge 'dzin du rtogs par bya zhe na/ chos de shin du 'gro med kyang / /'gro ba'i sgrar ni brjod pas na/ /'gro bas 'gro ba med shes pas/ /dri zas ting 'dzin bstan pa yin/ /'jam dpal de ltar na dri za'i gzugs ting nge 'dzin du rtogs par bya'o/ /'jam dpal de la ji ltar na byang chub sems dpas lha ma yin gyi gzugs ting nge 'dzin du rtogs par bya zhe na/ a yi rgyas btab lha min te/ /skye ba med las yang dag byung / /'gag med 'byung ba yod min pas/ /lha ma yin gyi ting 'dzin bstan/ /'jam dpal de ltar na lha ma yin gyi gzugs ting nge 'dzin du rtogs par bya'o/ /'jam dpal de la ji ltar na byang chub sems dpas nam mkha' lding gi gzugs ting nge 'dzin du rtogs par bya zhe na/ 'dzin pa med la 'dzin byas nas/ /brjod pas ming du btags pas na/ /ming dang gzugs ni yod min pas/ /nam mkha' lding gis ting 'dzin bstan/ /'jam dpal de ltar na nam mkha' lding gi gzugs ting nge 'dzin du rtogs par bya'o/ /'jam dpal de la ji ltar na byang chub sems dpas mi 'am ci'i gzugs ting nge 'dzin du rtogs par bya zhe na/ byas min byas pa'i las rnams kyis/ /mi 'am ci nyid kun du bskyed/ /'di dag skye ba med shes pas/ /mi 'am ci yis ting 'dzin bstan/ /'jam dpal de ltar na mi 'am ci'i gzugs ting nge 'dzin du rtogs par bya'o/ /'jam dpal de la ji ltar na byang chub sems dpas lto 'phye chen po'i gzugs ting nge 'dzin du rtogs par bya zhe na/ ming gang gis ni chos 'di dag /</font><hr>79.218b<br><font size=+1>

'jig rten dag tu sna tshogs bzhag /chos de 'di la yod ma yin/ /med las thams can kun du brtags/ /kun du brtags par kun shes na/ /ngo bo nyid kyis kun rtog med/ /ting 'dzin zhi ba brjod pa ni/ /lto 'phye chen po'i gzugs kyis bstan/ /'jam dpal de ltar na lto phye chen po'i gzugs ting nge 'dzin du rtogs par bya'o/ /'jam dpal de la ji ltar na byang chub sems dpas sems can dmyal ba'i gzugs ting nge 'dzin du rtogs par bya zhe na/ rdul dang bral zhing rdul med gsog /de la byed po 'ga' yang med/ /rang gi rtog pas kun bskyed de/ /rtog pa de yang yod ma yin/ /dmyal ba dri med dri bral zhing / /dag dang yang dag 'od gsal dang / /mtshan nyid med cing mtshan med par/ /byang chub snying por ngas shes te/ /mtshan nyid med cing byung med de/ /nam mkha' 'dra bar shes pas na/ /ting 'dzin zhi ba brjod pa ni/ /sems can dmyal ba'i gzugs kyis bstan/ /'jam dpal de ltar na sems can dmyal ba'i gzugs ting nge 'dzin du rtogs par bya'o/ /'jam dpal de la ji ltar na byang chub sems dpas dud 'gro'i skye gnas kyi gzugs ting nge 'dzin du rtogs par bya zhe na/ dper na ji ltar sprin gyi gzugs/ /kha dog sna tshogs byung ba dag /de la kha dog yod min yang / /mi mkhas pa dag rmongs par byed/ /de bzhin sems kyang med pa'i phyir/ /sprin gyi gzugs dang mtshungs 'dra yang / /dud 'gro'i skye gnas rnams su ni/ /rnam pa sna tshogs lus kyang ston/ las ni sgyu ma'i rang bzhin dang / /byung med mtshan nyid med par shes/ /ting 'dzin zhi ba brjod pa ni/ /dud 'gro'i gzugs kyis bsnyan pa yin/ /'jam dpal de ltar na dud 'gro'i skye gnas kyi gzugs ting nge 'dzin du rtogs par bya'o/ /'jam dpal de la ji ltar na byang chub sems dpas gshin rje'i 'jig rten</font><hr>79.219a<br><font size=+1>

gyi gzugs ting nge 'dzin du rtogs par bya zhe na/ nag po dang ni dkar po yi/ /sdig dang kha na ma tho dang / /kha na ma tho med pa'i las/ /rab 'bring tha ma 'dres byas pas/ /gshin rje'i 'jig rten sdug bsngal zhing / /tshol bar kun du 'khor ba yin/ /de la gshin rje'i 'jig rten med/ /de ni ngo bo nyid kyis stong / /rmi lam na ni myong ba bzhin/ /'jug pa med cing grub pa med/ /gshin rje'i 'jig rten yod min pas/ /des na ting nge 'dzin du bstan/ /'jam dpal de ltar na gshin rje'i 'jig rten gyi gzugs ting nge 'dzin du rtogs par bya'o/ /'jam dpal de la ji ltar na byang chub sems dpas 'dod chags ting nge 'dzin du rtogs par bya zhe na/ yongs su rtog las 'dod chags 'byung / /rtog pa de yang 'byung ba med/ /'byung ba med la gnas pa med/ /de yi gnas kyang rnyed mi 'gyur/ /gnas med gnas pa yod min pas/ /'dod chags nam mkha' 'dra ba yin/ /byis pa bslad par gyur rnams kyis/ /kun nas nyon mongs yongs su brtags/ /kun nas nyon mongs med chos de/ /'dod chags zhes bya'i ming gis brjod/ /phyogs bcu dag tu btsal byas kyang / /de yi dngos po rnyed mi 'gyur/ /'dod chags dngos po med pa la/ /byis pa rmongs pa 'jigs byed de/ /'jigs med 'jigs pa'i 'du shes can/ /de dag la ni bde ba med/ /ji ltar skyes bu la la dag /mkha' la 'jigs par 'du shes nas/ /skrag cing bdag gis nam mkha' ni/ /mi mthong bya zhes 'bros byed kyang / /nam mkhas kun du khyab pas na/ /su yang de las mi thar te/ /byis pa bslad par gyur rnams kyis/ /phyin ci log tu rnam par brtags/ /de ltar chos rnams mkha' 'dra bar/ /shes par ma gyur byis pa rnams/ /dngos po med pa'i 'dod chags la/ /yongs su spang bar mngon par 'dod/ /'dod chags nam mkha' 'dra bas na/ /su yang de las grol ba med/ /grol zhing</font><hr>79.219b<br><font size=+1>

rnam grol phun sum tshogs/ /chos rnams mya ngan 'das dang 'dra/ /sangs rgyas gang dag 'das pa dang / /'dren pa gang dag bzhugs pa dang / /gang dag 'byung 'gyur rdzogs sangs rgyas/ /de kun spyod yul 'dod chags yin/ /'dod chags stong par shes gyur na/ /chags las grol ba gang yang med/ /gang dag chags la 'jigs 'du shes/ /de dag chags las grol byar sems/ /ci yang med pa'i mtha' 'di ni/ /'dod chags mtha' ste 'od gsal zhing / /mtshan ma med la rtag mnyam par/ /byang chub snying por nga yis mthong / /dngos por 'du shes sems can gang / /de dag 'dod chags 'bri bar 'gyur/ /yod pa min pa yongs brtags pas/ /de dag gis ni spong ba brtags/ /bdag gis 'dod chags spang bya zhes/ /de 'dra'i 'du shes skyes nas ni/ /de la spangs shes brjod par bya/ /'gro ba 'di dag 'du shes tsam/ /'dod chags mtha' ni bsam yas te/ /mtha' de 'jig pa med pas na/ /yang dag mtha' dang de mnyam pas/ /de las grol bar ma gtogs shig /gal te chags las grol gyur na/ /stong pa nyid las grol bar 'gyur/ /'dod chags dang ni stong pa nyid/ /de gnyis gnyis su yod ma yin/ /'di ltar skye ba med pa la/ /de dag skye bar rnam brtags pas/ /byis pa gnyis su shes rnams la/ /ngas ni spong ba rab tu bstan/ /'dod chags de ni skye med na/ 'dod chags shes bya'i ming du brjod/ /ming rnams kun du chags med pas/ /ming la su yang chags pa med/ /'dod chags chags pa med shes shing / /mtha' las 'das pa'i stong mthong na/ /'dod chags rnam par gzhig pa'i phyir/ /thar pa mkhas pas mi mthong ngo / /'dod chags sangs rgyas chos mtshungs shing / /mya ngan 'das pa 'drar shes nas/ /rdul dang bral ba'i ting nge 'dzin/ /'dod chags sgras ni ngas bstan to/ /zhi ba'i dbyings la</font><hr>79.220a<br><font size=+1>

rten pa yi/ /'dod chags rab tu zhi shes nas/ /mkhas pa rnams la nga yis ni/ /ting 'dzin 'dod chags sgrar bstan to/ /'jam dpal de ltar na byang chub sems dpas 'dod chags ting nge 'dzin du rtogs par bya'o/ /'jam dpal de la ji ltar na byang chub sems dpas zhe sdang ting nge 'dzin du rtogs par bya zhe na/ spong las zhe sdang kun du 'byung / /nyon mongs pa yang rkyen las skye/ /bdag med pa las byung ba'i bdag /mang po'i tshogs las skyes pa yin/ /rtsub po'i sgra las zhe sdang ni/ /dug rnon lta bu kun du 'byung / /sgra ni nga ro'i rang bzhin pas/ /shin du yod pa ma yin no/ /ji ltar tshogs pas gtsub shing dang / /gtsub stan las ni me byung ste/ /tshogs dang bral bar gyur na ni/ /de na me yang yod min ltar/ /de bzhin yid du mi 'ong ba'i/ /sgra las zhe sdang gsog 'byung zhing / /srog gi sgra las yongs brtags na/ /de la zhe sdang rnyed mi 'gyur/ /zhe sdang sgra las ma byung zhing / /nang na'ang gnas pa ma yin la/ /zhe sdang phyi rol ma 'ongs te/ /byung ba med pas gsog yin no/ /rgyu rnams phan tshun 'dus pa las/ /zhe sdang kun du byung ba yin/ /phan tshun bral bar gyur na ni/ /de la zhe sdang rnyed mi 'gyur/ /ji ltar zho dang 'o ma la/ /skyes bus btsal te srub shing gis/ /bsrub pa byas pas rkyen rnams las/ /mar ni kun du byung ba ltar/ /de bzhin yid du mi 'thad pa'i/ /sgra la zhe sdang gsog 'byung zhing / /yongs su brtags pas de gnas la/ /mi mkhas pa dag rab tu 'bar/ /kun du brtags pas zhe sdang ni/ /shin du dngos med shes pas na/ /ting 'dzin zhi ba brjod pa ni/ /zhe sdang sgra yis rab tu bstan/ /zhe sdang yang dag mtha' dang mnyam/ /de bzhin nyid la rten pa yin/ /chos kyi dbyings dang 'drar shes pas/ /de na ting nge 'dzin ces bstan/ /'jam dpal de</font><hr>79.220b<br><font size=+1>

ltar na zhe sdang ting nge 'dzin du rtogs par bya'o/ /'jam dpal de la ji ltar na byang chub sems dpas gti mug ting nge 'dzin du rtogs par bya zhe na/ ma rig pa las gti mug byung / /ma rig pa yang yod ma yin/ /gang na gti mug yod min pa/ /de na gang yang rmongs pa med/ /rmongs med sems can rmongs gyur cing / /chags med chags par 'du shes pa/ /ji ltar byis pas nam mkha' la/ /mdud pa bor bas gsog bzhin no/ /yod pa ma yin chos rnams la/ /kun nas nyon mongs rnam brtags pa/ /byis pa rnams kyis 'di mtshar te/ /mchog tu shin du bya bar dka'/ /ji ltar skyes bu la la zhig /nam mkha' la ni mjal byed cing / /bskal pa bye bar gzhal byas kyang / /de la phung po mi rnyed ltar/ /de bzhin rmongs pas byis pa yi/ /sngon gyi mtha' ni bsam mi khyab/ /gti mug phung por 'byung med de/ /des ni ci yang bkang ba med/ /ji ltar nam mkha' gzhal byas kyang / /de la sngon gyi mtha' med cing / /de na ci yang bkang ba med/ /gzhal bar nus pa med pa ltar/ /de bzhin bskal pa stong rnams su/ /kun du rmongs par dgang byas kyang / /de la bkang ba ci yang med/ /ngoms pa'ang cung zad yod ma yin/ /ji ltar skyes bu la la yis/ /sbud pa stong pa bud byas shing / /bzhag nas sbud pa rnyongs pa na/ /de yi nang na rnyed min ltar/ /de bzhin 'dod pa sbud 'dra ba/ /kun du rmongs pas spyod par byed/ /de ni ngoms par mi 'gyur te/ /phyir zhing 'dod pa tshol bar byed/ /gti mug yod pa min zhes brjod/ /rtsa ba chad cing dngos po med/ /rtsa ba med cing gnas kyang med/ /des na gti mug zad pa med/ /'di ltar gti mug mi zad pas/ /de yi mtha' ma rnyed mi 'gyur/ /de phyir sems can thams cad la/ /zad par bya bar ngas mi nus/ /gal te dpe tsam brjod bya na/ /bskal</font><hr>79.221a<br><font size=+1>

pa bye ba bsam yas su/ /nga yi tshe ni gnas gyur la/ /nyin gcig bzhin du nyin re la/ /stong gsum sems can ji snyed pa/ /thams cad mya ngan bzla byas zhing / /thams cad de ltar byas kyang ni/ /sems can khams la zad pa med/ /gti mug gis ni bskyed pa'i khams/ /sems can khams la mtshan nyid med/ /gti mug de ni sgyu ma 'dra/ /des na de yi mtha' mi rnyed/ /sangs rgyas gti mug mnyam pas na/ /de dag gnyis su med par bstan/ /rmongs gyur byis pa de dag gis/ /'dir ni sangs rgyas rnam par brtags/ /thams cad mkhyen nyid gti mug mnyam/ /gti mug thams cad yod ma yin/ /gti mug sems can kun dang mnyam/ /sems can kun kyang bsam mi khyab/ /bsam mi khyab dang gti mug ni/ /sems bskyed pa yis rnam par brtags/ /sems kun bsam gyis mi khyab ste/ /de yi tshad ni yod ma yin/ /gti mug de la tshad med pas/ /de yi 'byung ba rnyed mi 'gyur/ /'byung ba yod pa ma yin na/ /skye ba yod par ga la 'gyur/ /gti mug skyes pa ma yin na/ /de yi rmongs byed ci 'dra zhig /de yi rmongs byed ci 'dra ba/ /sangs rgyas kun kyang de dang 'dra/ /tha dad dbye ba med shes na/ /chos rnams thams cad gnyis su med/ /ting 'dzin zhi ba brjod pa ni/ /gti mug sgra yis rab tu bstan/ /gang tshe nga yis mnyam nyid shes/ /de ni de dang gti mug mnyam/ /de dag thams cad mnyam shes nas/ /ting 'dzin de ltar shes par gyis/ /'jam dpal de ltar na gti mug ting nge 'dzin du rtogs par bya'o/ /'jam dpal de la ji ltar na byang chub sems dpas mi dge ba thams cad ting nge 'dzin du rtogs par bya zhe na/ 'dod chags spyod pa'i rtags gang dang / /zhe sdang spyod pa'i g.yo ba dang / /gti mug spyod pa gang yin pa/ /thams cad ting 'dzin shes par gyis/ /nyon</font><hr>79.221b<br><font size=+1>

mongs kun gyi sgrub pa ni/ /ting 'dzin yin par mos par gyis/ /brdzun dang yang dag ma yin par/ /thams cad de bzhin bsgom par gyis/ /'jam dpal de ltar na mi dge ba thams cad ting nge 'dzin du rtogs par bya'o/ /'jam dpal de la ji ltar na byang chub sems dpas dge ba thams cad ting nge 'dzin du rtogs par bya zhe na/ sems can rnams kyi ji snyed dge /sems dang spyod pa ci 'dra ba/ /spyod pa thams cad spyod gcig ste/ /de ltar ting 'dzin shes par gyis/ /sems can kun gyi spyod pa dag /bsgrub pa gcig tu shes pas na/ /ting 'dzin zhi ba brjod pa ni/ /kun gyi sgra yis bstan pa yin/ /'jam dpal de ltar na/ dge ba thams cad ting nge 'dzin du rtogs par bya'o/ /'jam dpal de la ji ltar na byang chub sems dpas 'dus byas thams cad ting nge 'dzin du rtogs par bya zhe na/ 'du byed thams cad 'du byed min/ /de dag bgrang bas gzhal byas na/ /gzhal du med cing dpag tu med/ /de ltar ting 'dzin shes par gyis/ /dpag tu med par shes na ni/ /lus med dngos po yod min pas/ /ting 'dzin zhi ba brjod pa ni/ /'du byed kun gyis bstan pa yin/ /'jam dpal de ltar na 'dus byas thams cad ting nge 'dzin du rtogs par bya'o/ /'jam dpal de la ji ltar na byang chub sems dpas 'dus ma byas thams cad ting nge 'dzin du rtogs par bya zhe na/ chos 'di rang bzhin zhi bas na/ /de la grangs ni yod ma yin/ /ma rig pa yis bsgrub zhi ba/ /ting nge 'dzin gyis bsgrub par bstan/ /'dus byas kun la brjod med cing / /bsgrub pa med par shes nas ni/ /sems can gang dag brjod la chags/ /de dag rnams la de ltar bstan/ /'jam dpal de ltar na 'dus ma byas</font><hr>79.222a<br><font size=+1>

thams cad ting nge 'dzin du rtogs par bya'o/ /tshigs su bcad pa mngon par bsgrubs pa'i sgra bsam gyis mi khyab pa bstan pa 'di bshad pa na byang chub sems dpa' dgu khri nyis stong gis mi skye ba'i chos la bzod pa thob bo/ /lha bye ba khrag khrig brgya stong phrag bdun bcu rtsa gnyis kyis bla na med pa yang dag par rdzogs pa'i byang chub tu sems bskyed do/ /dge slong sum khri drug stong ni len pa med par zag pa rnams las sems rnam par grol lo/ /dge slong ma drug stong nyis brgyas kyang bla na med pa yang dag par rdzogs pa'i byang chub tu sems bskyed do/ /dge bsnyen sa ya brgyad 'bum gyis kyang bla na med pa yang dag par rdzogs pa'i byang chub tu sems bskyed do/ /dge bsnyen ma sa ya phrag bzhi dang nyis 'bum gyis kyang bla na med pa yang dag par rdzogs pa'i byang chub tu sems bskyed do/ /de nas bcom ldan 'das la 'jam dpal gzhon nur gyur pas 'di skad ces gsol to/ /byang chub sems dpa' dbang po rnon po gang dag 'byung ba de dag gis ting nge 'dzin rnams kyi ming thos na chos thams cad la snang ba 'thob par 'gyur ba dang / bdud kyi ris kyi lha'i bu thams cad dang / gang zag dmigs pa'i lta ba can rnams kyis thul bar dka' ba dang / yi ge gcig gis yi ge thams cad rtogs par 'gyur ba dang / yi ge thams cad kyis yi ge gcig rtogs par 'gyur ba dang / thogs pa ma mchis pa'i spobs pas sems can thams cad la chos ston pa la mkhas par 'gyur ba dang / chos zab mo la bzod par 'gyur ba dang / spyod pa thams cad la mtshan nyid gcig tu rtogs shing so so yang dag par rig pa bzhis mun pa ma mchis par 'thob par 'gyur ba'i</font><hr>79.222b<br><font size=+1>

ting nge 'dzin rnams kyi ming bcom ldan 'das kyis bstan du gsol/ /de skad ces gsol pa dang / /bcom ldan 'das kyis 'jam dpal gzhon nur gyur pa la 'di skad ces bka' stsal to/ /'jam dpal de'i phyir legs par rab tu nyon la yid la zung shig dang bshad do/ /'jam dpal gzhon nur gyur pas bcom ldan 'das de bzhin no zhes gsol te/ bcom ldan 'das kyi ltar nyan pa dang / bcom ldan 'das kyis de la 'di skad ces bka' stsal to/ /'jam dpal mtha' yas dri med ces bya ba'i ting nge 'dzin yod de/ ting nge'i 'dzin de thob na byang chub sems dpa' gzugs thams cad yongs su dag par ston to/ /'jam dpal mgyogs par 'gro ba zhes bya ba'i ting nge 'dzin yod de/ ting nge 'dzin de thob na byang chub sems dpa' nyi ma dang / zla ba'i 'od zil gyis gnon par byed do/ /'jam dpal 'od zer 'byung ba zhes bya ba'i ting nge 'dzin yod de/ ting nge 'dzin de thob na byang chub sems dpa' brgya byin dang / tshangs pa dag gi gzi brjid zil gyis gnon par byed do/ /'jam dpal yul ston pa zhes bya ba'i ting nge 'dzin yod de/ ting nge 'dzin de thob na byang chub sems dpa' 'khor 'dus pa thams cad kyi 'dod chags dang / zhe sdang dang / gti mug zhi bar byed do/ /'jam dpal 'od zer thogs pa med pa zhes bya ba'i ting nge 'dzin yod de/ ting nge 'dzin de thob na byang chub sems dpa' sangs rgyas kyi zhing thams cad 'od zer gyis snang bar byed do/ /'jam dpal chos thams cad mi brjed pa zhes bya ba'i ting nge 'dzin yod de/ ting nge 'dzin de thob na byang chub sems dpa' sangs rgyas kyi chos bstan pa thams cad 'dzin cing gzhan la yang ston par byed do/ /'jam dpal seng ge'i sgra mngon par bsgrags pa'i</font><hr>79.223a<br><font size=+1>

dbyangs yid du 'ong ba rjes su sgrogs pa zhes bya ba'i ting nge 'dzin yod de/ ting nge 'dzin de thob na byang chub sems dpa' tshangs pa'i 'jig rten gyi bar du sgras mngon par go bar byed do/ /'jam dpal dga' ba dang / mgu ba dang / tshim pa thams cad yang dag par skyed pa zhes bya ba'i ting nge 'dzin yod de/ ting nge 'dzin de thob na byang chub sems dpa' sems can thams cad kyi sems dang bsam pa sna tshogs yang dag par mgu bar byed do/ /'jam dpal lta bas chog mi shes shing mchog tu dga' ba dang ldan pa zhes bya ba'i ting nge 'dzin yod de/ ting nge 'dzin de thob na byang chub sems dpa' blta ba dang / /mnyan pas chog mi shes par 'gyur ro/ /'jam dpal yon tan bsam gyis mi khyab pa'i 'byung gnas shes rab kyi yul rin po che'i 'byung khung rgyun cig pa nyon mongs pa med pa zhes bya ba'i ting nge 'dzin yod de/ ting nge 'dzin de thob na byang chub sems dpa' rdzu 'phrul bstan pa thams cad ston pa dang / sems can rnams 'dul bar byed do/ /'jam dpal sgra skad thams cad kyi brda zhes bya ba'i ting nge 'dzin yod de/ ting nge 'dzin de thob na byang chub sems dpa' sgra skad dang brjod pa dang / brda thams cad rtogs shing yi ge thams cad kyis yi ge gcig ston pa dang / yi ge gcig gis yi ge thams cad ston par byed do/ /'jam dpal las kyi rnam par smin pa las byung ba'i bsod nams dang / dge ba'i rtsa ba thams cad bsags shing ston par byed pa zhes bya ba'i ting nge 'dzin yod de/ ting nge 'dzin de thob na byang chub sems dpa' cang mi smra bar snyoms par zhugs te/ yi ge gcig tsam yang mi brjod par sems can thams cad kyis sangs rgyas kyi sgra dang / chos kyi sgra dang / dge 'dun gyi sgra dang / nyan thos kyi sgra dang / rang sangs rgyas kyi sgra dang / </font><hr>79.223b<br><font size=+1>

byang chub sems dpa'i sgra dang / pha rol du phyin pa'i sgra thos par byed do/ /'jam dpal gzungs thams cad las mngon par 'phags pa'i rgyal po zhes bya ba'i ting nge 'dzin yod de/ ting nge 'dzin de thob na byang chub sems dpa' gzungs mtha' yas pa bsgrub pa la 'jug pa khong du chud par 'gyur ro/ /'jam dpal chos thams cad la spobs pa bkod pa zhes bya ba'i ting nge 'dzin yod de/ ting nge 'dzin de thob na byang chub sems dpa' yi ge thams cad la spobs shing sgra skad thams cad dang / dbyangs thams cad dang / brjod pa thams cad la yang spobs par 'gyur ro/ /de nas bcom ldan 'das la 'jam dpal gzhon nur gyur pas 'di skad ces gsol to/ /bcom ldan 'das bdag chos kyi rnam grangs 'di'i yon tan brjod pa'i khyad par la spobs lags so/ /bcom ldan 'das kyis bka' stsal pa 'jam dpal khyod spobs par byos shig /'jam dpal gyis gsol pa/ bcom ldan 'das byang chub sems dpa' gang dag nem nur ma mchis pa dang / the chom ma mchis pa'i sems kyis chos kyi rnam grangs 'di ston pa dang / /'chang ba dang / klog pa dang / kun chub par bgyid pa dang / gzhan dag la yang rgya cher yang dag par rab tu ston par bgyid pa de tshe 'di nyid la gdon mi 'tshal bar spobs pa 'thob par re bar bgyi ste/ spobs pa myur ba dang / spobs pa rgya che ba dang / zab mo la spobs pa dang / mi brjed pa'i spobs pa dang / spobs pa sna chogs thob par re bar bgyi'o/ /de ni sems can thams cad la zhe 'gras pa ma mchis pa'i sems su gyur par re bar bgyi'o/ /de ci'i slad du zhe na/ gang ji tsam du chos kyi rnam grangs 'di bsgrub pa de ni spyod pa 'di nyid dang rjes su 'brel pa lags pa'i slad du'o/ /bcom ldan 'das kyi 'jam dpal gzhon nur gyur pa la legs so zhes bya ba byin</font><hr>79.224a<br><font size=+1>

te/ 'jam dpal legs so legs so/ /khyod kyis tshig 'di legs par smras so/ /'jam dpal 'di lta ste/ dper na sbyin pa ni longs spyod chen po 'thob par slu ba med do/ /tshul khrims ni mtho ris su skye bar slu ba med do/ /thos pa ni shes rab chen por 'gyur bar slu ba med do/ /sgom pa ni 'bral bar 'gyur bar slu ba med do/ /'jam dpal de bzhin du chos kyi rnam grangs 'di yang tshe 'di nyid la spobs pa skye bar slu ba med do/ /'jam dpal 'di lta ste/ dper na nyi ma shar bas ni mun pa mun nag thams cad sel bar byed do/ /'jam dpal de bzhin du chos kyi rnam grangs 'di yang bstan ma thag tu spobs pa skye bar re bar bya'o/ /'jam dpal 'di lta ste/ /dper na byang chub kyi snying po la 'dug pa'i byang chub sems dpa' ni nges par bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ /'jam dpal de bzhin du byang chub sems dpa' sems dpa' chen po gang chos kyi rnam grangs 'di rab tu 'don pa de yang the tshom med par nges par tshe 'di nyid la spobs pa thob par 'gyur ro/ /'jam dpal de lta bas na byang chub sems dpa' sems dpa' chen po tshe 'di nyid la spobs pa thob par 'dod pas nem nur med pa dang / the tshom med pa'i sems kyis chos kyi rnam grangs 'di gzung bar bya/ bcang bar bya/ kha ton du bya/ bklag par bya/ kun chub par bya/ gzhan dag la yang rgya cher yang dag par rab tu bstan par bya'o/ /de nas bcom ldan 'das la byang chub sems dpa' sems dpa' chen po dri ma med pa'i snying pos 'di skad ces gsol to/ /bcom ldan 'das bdag gis kyang bcom ldan 'das yongs su mya ngan las 'das nas byang chub sems dpa' gang nem nur ma mchis pa dang / the tshom ma mchis pa'i sems kyis chos kyi rnam grangs 'di 'dzin pa dang / 'chang ba dang / </font><hr>79.224b<br><font size=+1>

klog pa dang / kun chub par bgyid pa dang / gzhan dag la yang rgya cher yang dag par rab tu ston par 'gyur ba de la spobs pa nye bar bsgrub par bgyi'o/ /de nas bdud sdig can du zhing smre sngags 'don bzhin du bcom ldan 'das ga la ba der song ste phyin nas bcom ldan 'das la 'di skad ces gsol to/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas ni thugs rje dang ldan zhing sems can sdug bsngal ba rnams la bde ba rab tu stsol ba lags na/ bcom ldan 'das kyis bdag gi yid mi bde ba de legs par bsal ba'i slad du chos kyi rnam grangs 'di slar zhing byin gyis mi brlab tu gsol/ /bcom ldan 'das gang gi tshe bcom ldan 'das byang chub kyi snying po la bzhugs pa dang / da ltar chos kyi rnam grangs 'di bstan pa'i tshe bdag 'dir shin du cher sdug bsngal zhing yid mi bde ba dang / mya ngan gyi zug rngus gzir bar gyur lags so/ /bcom ldan 'das tha na chos kyi rnam grangs 'di sems can gang dag gi rna lam du grag par gyur pa de dag thams cad kyang bla na med pa yang dag par rdzogs pa'i byang chub las slar mi ldog par 'gyur lags na/ gang dag gis thos nas 'dzin pa dang / 'chang ba dang / klog pa dang / kun chub par bgyid pa dang / gzhan dag la yang rgya cher yang dag par rab tu ston par bgyid pa de thams cad bla na med pa yang dag par rdzogs pa'i byang chub las slar mi ldog par 'gyur ba lta smos kyang ci 'tshal te/ sems can de dag thams cad ni yongs su mya ngan las 'da' bar 'gyur lags so/ /bcom ldan 'das de'i slad du bdag gi bdud kyi gnas stongs par 'gyur ba lags na de bzhin gshegs pa dgra bcom pa yang dag par rdzogs pa'i sangs rgyas ni thugs rje dang ldan zhing sdug bsngal ba rnams la bde ba stsol ba lags</font><hr>79.225a<br><font size=+1>

na/ bcom ldan 'das bdag dbugs dbyung du gsol/ bde bar gshegs pa bdag dbug dbyung du gsol/ de nas bcom ldan 'das kyis bdud sdig can la 'di skad ces bka' stsal to/ /sdig can ma 'jigs shig /sems sems can thams cad kyang yongs su mya ngan las 'da' bar mi 'gyur la/ /sdig can nga yang chos kyi rnam grangs 'di la byin gyis rlob par mi byed kyis sdig can ma 'jigs shig /de nas bcom ldan 'das kyis dbugs dbyung ba mdzad pas bdud sdig can tshim zhing mgu la yi rangs te/ rab tu dga' zhing dga' ba dang / yid bde ba skyes nas de nyid du mi snang bar gyur to/ /de nas bcom ldan 'das la 'jam dpal gzhon nur gyur pas 'di skad ces gsol to/ /bcom ldan 'das ci las dgongs te de skad du nga chos kyi rnam grangs 'di la byin gyis rlob par mi byed do zhes bdud sdig can la bka' stsal/ bcom ldan 'das kyis bka' stsal pa/ 'jam dpal chos thams cad ni byin gyis brlabs med pas byin gyis brlabs pa yin te/ chos kyi rnam grangs 'di yang byin gyis brlabs med pas byin gyis brlabs pa yin pas/ 'jam dpa' de'i phyir ngas bdud sdig can la 'di skad du nga chos kyi rnam grangs 'di la byin gyis rlob par mi byed do zhes smras so/ /'jam dpal bden pa dang bden pa'i tshig gang gis chos thams cad byin gyis brlabs med pas byin gyis brlabs pa dang tha dad du dbyer med pa dang / brjod du med pa dang / mtshan nyid med pa dang / bsnyad du med pa dang / smrar med pa dang / gnyis su med pa dang / gnyis dang bral ba dang / yang dag pa'i mtha' dang mnyam pa dang / de bzhin nyid du zhugs pa dang / chos kyi dbyings kyi mtshan nyid yin pa'i bden pa dang bden pa'i tshig des chos kyi rnam grangs 'di 'dzam bu'i gling na rab tu spyod par gyur cig /de nas bcom ldan 'das kyis bden pa'i byin gyis brlabs de</font><hr>79.225b<br><font size=+1>

mdzad nas tshe dang ldan pa kun dga' bo la bka' stsal pa/ kun dga' bo chos kyi phung po brgyad khri bzhi stong gang yin pa dang / chos kyi rnam grangs 'di gang yin pa de dag ni mnyam pa'i phyir khyod kyis kun nas sgo'i chos kyi rnam grangs 'di zung shig /chongs shig /lhogs shig /kun chub par gyis shig /gzhan dag la yang rgya cher yang dag par rab tu ston cig /de ci'i phyir zhe na/ kun dga' bo de bzhin gshegs pa ni kun nas sgo'i chos kyi dbyings 'di legs par thugs su chud nas sems can rnams la chos kyi phung po brgyad khri bzhi stong ston par mdzad pa'i phyir ro/ /kun dga' bo de lta bas na chos kyi rnam grangs 'di legs par bsrung ba dang / legs par gzung ba dang / legs par kun chub par gyis shig /bcom ldan 'das kyis de skad ces bka' stsal nas/ byang chub sems dpa' sems dpa' chen po dri ma med pa'i snying po dang / 'jam dpal gzhon nur gyur pa dang / tshe dang ldan pa kun dga' bo dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ /'phags pa dkon mchog brtsegs pa chen po'i chos kyi rnam grangs le'u stong phrag brgya pa las/ kun nas sgo'i le'u zhes bya ba ste le'u bcu pa rdzogs so// //rgya gar gyi mkhan po dzi na mi tra dang / su ren dra bo d+hi dang / zhu chen gyi lo ts+tsha ba ban de ye shes sdes bsgyur cing zhus te gtan la phab pa/ /ye d+harmA he hu pra b+ha bA he tun+he ShA na ta thA ga to h+ya ba da ta/ te ShAny+tsa yo ni ro d+ha e ba~M bA dI ma hA shra mu NaH // </font><hr>

</table>