@/ ha /'phags pa dkon mchog brtsegs pa chen po chos kyi rnam grangs le'u stong phrag brgya pa las le'u bcu gcig pa ste/ 'od zer kun du bkye ba bstan pa/ bam po dang po/ rgya gar skad du/ Ar+ya rash+mi sa man ta 79.226a muka to nir de sha nA ma mahA yA na sU tra/ bod skad du/ 'phags pa 'od zer kun du bkye pa bstan pa zhes bya ba theg pa chen po'i mdo/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das rgyal po'i khab na bya rgod phung po'i ri la/ dge slong gi dge 'dun chen po thams cad kyang rang dbang chen po thob pa lnga brgya dang / gzhan yang tshe gcig gis thogs pa'i byang chub sems dpa' sems dpa' chen po byams pa la sogs pa khrag khrig phrag brgyad bcu dang / gzhan yang byang chub sems dpa' sems dpa' chen po 'jam dpal gzhon nur gyur pa la sogs pa khrag khrig phrag bzhi bcu dang thabs gcig tu bzhugs te/ de'i tshe 'khor 'dus pa de nyid du zla 'od gzhon nur gyur pa zhes bya ba zhig 'dus par gyur pa de 'dug pa'i stan las langs nas bla gos phrag pa gcig tu gzar te pus mo g.yas pa'i lha nga sa la brtsugs nas/ bcom ldan 'das kyi zhabs la mgo bos phyag byas te/ gus pas thal mo sbyar nas bcom ldan 'das la 'di skad ces gsol to/ /bcom ldan 'das de bzhin gshegs pas sngon phrin las ci zhig mdzad na 'di ltar rnam par nges pa'i 'od zer dang / yongs su sdud pa'i 'od zer dang / kun nas slong ba'i 'od zer dang / rab tu ston pa'i 'od zer dang / kha dog sna tshogs kyi 'od zer dang / kha dog 'dres pa ma mchis pa'i 'od zer dang / rgya chung ngu'i 'od zer dang / rgya chen po'i 'od zer dang / rnam par dag pa'i 'od zer dang / shin du rnam par dag pa'i 'od zer dang / dri ma ma mchis pa'i 'od zer dang / shin du dri ma ma mchis pa'i 'od zer dang / dri ma dang bral ba'i 'od zer dang / rigs kyis 'phel ba'i 'od zer dang / gsal ba'i 'od zer dang / shin du gsal ba'i 'od zer 79.226b dang / mtha' ma mchis pa'i 'od zer dang / shin du mtha' ma mchis pa'i 'od zer dang / tshad ma mchis pa'i 'od zer dang / shin du tshad ma mchis pa'i 'od zer dang / grangs kyi tshad ma mchis pa'i 'od zer dang / shin du grangs kyi tshad ma mchis pa'i 'od zer dang / myur ba'i 'od zer dang / shin du myur ba'i 'od zer dang / gnas pa ma mchis pa'i 'od zer dang / gnas ma mchis pa'i 'od zer dang / rab tu 'bar ba'i 'od zer dang / snang bar bgyid pa'i 'od zer dang / mos par bgyid pa'i 'od zer dang / pha rol du phyin par bgyid pa'i 'od zer dang / thogs pa ma mchis pa'i 'od zer dang / g.yo ba ma mchis pa'i 'od zer dang / drang po'i 'od zer dang / dpag tu ma mchis pa la gnas pa'i 'od zer dang / gzugs kyi mtshan gyi 'od zer dang / gzugs kyi mtshan sna tshogs kyi 'od zer dang / gzugs kyi mtshan tshad ma mchis pa'i 'od zer dang / kha dog sngon po dang / ser po dang / dmar po dang / dkar po'i mtshan nyid kyi 'od zer dang / kha dog le brgan gyi mtshan nyid kyi 'od zer dang / chu shel gyi kha dog gi mtshan nyid kyi 'od zer dang / nam mkha'i kha dog gi mtshan nyid kyi 'od zer dang / 'di lta bu la sogs pa rnam pa sna tshogs kyi 'od zer re re kun kyang kha dog rnam pa lnga'i 'od zer 'dres par gyur pa ston par mdzad pa nas kha dog sngon po dang / ser po dang / dmar po dang / dkar po'i dngos po re re kun kyang 'od zer kha dog rnam pa sna tshogs tshad ma mchis pa dpag tu ma mchis pa dag dang 'dres par gyur pa rab tu ston par mdzad pa'i bar du brnyes par gyur lags/ de nas bcom ldan 'das kyis zla 'od gzhon nur gyur pa la tshigs su bcad de bka' stsal pa/ nga ni bsam gyis mi khyab pa'i/ /dge ba'i las kyi rgyu rkyen gyis/ /rmongs pa rnams ni rab spangs pas/ /'od zer sna tshogs grub pa yin/ / 79.227a gzhan yang spyod pa sna tshogs kyis/ /sangs rgyas lam la rab gnas shing / /stong pa byed med shes rab kyis/ /'dres pa'i 'od zer bstan pa yin/ /ji ltar phyi rol chos dag la/ /mtshan nyid bye brag sna tshogs snang / /de ni stong zhing bdag kyang med/ /byed pa med cing sems yid med/ /gzhan yang ji ltar nang gi lus/ /stong zhing bdag med byed med kyang / /de las rnam pa sna tshogs kyi/ /sgra skad dag ni rab tu ston/ de ltar byed med dbang gis na/ /kha dog dpag med 'od bstan nas/ /mos pa dag ni ji bzhin du/ /re ba dag ni skong bar mdzad/ /res 'ga' 'od zer gcig las ni/ /kha dog rnam pa gnyis bskyed nas/ /so sor rab 'bring tha ma yi/ /bye brag yod pa rab tu ston/ /res 'ga' 'od zer gcig las ni/ /kha dog rnam pa gsum bskyed nas/ /so sor rab 'bring tha ma yi/ /bye brag yod pa rab tu ston/ /res 'ga' 'od zer gcig las ni/ /kha dog rnam pa bzhi bskyed nas/ /so sor rab 'bring tha ma yi/ /bye brag yod pa rab tu ston/ /res 'ga' 'od zer gcig las ni/ /kha dog rnam pa lnga 'byung ba/ /so sor rab 'bring tha ma yang / /las gtsang las ni skyes pa yin/ /res 'ga' 'od zer gcig las ni/ /kha dog rnam pa drug 'byung ba/ /so sor rab 'bring tha ma yang / /thabs mkhas las ni skyes pa yin/ /res 'ga' 'od zer gcig las ni/ /kha dog rnam pa bdun 'byung ba/ /so sor rab 'bring tha ma yang / /las dge las ni skyes pa yin/ /res 'ga' 'od zer gcig las ni/ /kha dog rnam pa brgyad 'byung ba/ /so sor rab 'bring tha ma yang / /dge ba'i chos las skyes pa yin/ /res 'ga' 'od zer gcig las ni/ /kha dog rnam pa dgu 'byung ba/ /so sor rab 'bring tha ma yang / /tshogs dag las ni skyes pa yin/ /res 'ga' 'od zer gcig las ni/ /kha dog rnam pa bcu 'byung ba/ /so sor rab 'bring tha ma yang / /sbyin pa las ni skyes pa yin/ /res 'ga' dngos po gcig las ni/ /kha dog nyi shu gang 'byung ba/ /so sor rab 'bring tha ma yang / / 79.227b tshul khrims bsrungs las skyes pa yin/ /res 'ga' dngos po gcig las ni/ /kha dog sum bcu gang 'byung ba/ /so sor rab 'bring tha ma yang / /bzod pa las ni skyes pa yin/ /res 'ga' dngos po gcig las ni/ /kha dog bzhi bcu gang 'byung ba/ /so sor rab 'bring tha ma yang / /brtson 'grus las ni skyes pa yin/ /res 'ga' dngos po gcig las ni/ /kha dog lnga bcu gang 'byung ba/ /so sor rab 'bring tha ma yang / /bsam gtan las ni skyes pa yin/ /res 'ga' dngos po gcig las ni/ /kha dog drug bcu gang 'byung ba/ /so sor rab 'bring tha ma yang / /shes rab las ni skyes pa yin/ /res 'ga' dngos po gcig las ni/ /kha dog bdun bcu gang 'byung ba/ /so sor rab 'bring tha ma yang / /byams sems las ni skyes pa yin/ /res 'ga' dngos po gcig las ni/ /kha dog brgyad bcu gang 'byung ba/ /so sor rab 'bring tha ma yang / /snying rje'i sems las skyes pa yin/ /res 'ga' dngos po gcig las ni/ /kha dog dgu bcu gang 'byung ba/ /so sor rab 'bring tha ma yang / /dga' ba'i sems las skyes pa yin/ /res 'ga' dngos po gcig las ni/ /kha dog rnam brgya gang 'byung ba/ /so sor rab 'bring tha ma yang / /btang snyoms sems las skyes pa yin/ /res 'ga' dngos po gcig las ni/ /kha dog stong ni gang 'byung ba/ /so sor rab 'bring tha ma yang / /yon tan ston las skyes pa yin/ /res 'ga' dngos po gcig las ni/ /kha dog khri ni gang 'byung ba/ /so sor rab 'bring tha ma yang / /bsod nams tshogs las skyes pa yin/ /res 'ga' dngos po gcig las ni/ /kha dog bye ba gang ston pa/ /so sor rab 'bring tha ma yang / /yid ches pa las skyes pa yin/ /res 'ga' dngos po gcig las ni/ /kha dog bye ba gnyis ston pa/ / 79.228a so sor rab 'bring tha ma yang / /rjes su yi rang las skyes yin/ /res 'ga' dngos po gcig las ni/ /kha dog bye ba gsum ston pa/ /so sor rab 'bring tha ma yang / /shin du sbyangs las skyes pa yin/ /res 'ga' dngos po gcig las ni/ /kha dog bye ba bzhi ston pa/ /so sor rab 'bring tha ma yang / /sangs rgyas gus las skyes pa yin/ /res 'ga' dngos po gcig las ni/ /kha dog bye ba lnga ston pa/ /so sor rab 'bring tha ma yang / /chos la gus las skyes pa yin/ /res 'ga' dngos po gcig las ni/ /kha dog bye ba drug ston pa/ /so sor rab 'bring tha ma yang / /dge 'dun gus las skyes pa yin/ /res 'ga' dngos po gcig las ni/ /kha dog bye ba bdun ston pa/ /so sor rab 'bring tha ma yang / /tshul khrims gus las skyes pa yin/ /res 'ga' dngos po gcig las ni/ /kha dog bye ba brgyad ston pa/ /so sor rab 'bring tha ma yang / /ting 'dzin gus las skyes pa yin/ /res 'ga' dngos po gcig las ni/ /kha dog bye ba dgu ston pa/ /so sor rab 'bring tha ma yang / /kun brtse las ni skyes pa yin/ /res 'ga' dngos po gcig las ni/ /kha dog bye ba bcu ston pa/ /so sor rab 'bring tha ma yang / /bag yod las ni skyes pa yin/ /gzhan yang spu khung gcig las ni/ /'od zer mang po gang ston pa/ /'od zer sna tshogs ming de dag /deng 'dir khyod la bshad par bya/ /nga la 'od zer gcig yod de/ /de ming sprin gtsang snang zhes bya/ /'od zer de ni dge ba'i rtsa/ /dpag med bsags las skyes pa yin/ /'di ltar 'das pa'i dus kyi tshe/ /sems can rnam pa ji snyed pa/ /nad rnams sna tshogs btab pa las/ /snying brtse'i sems ni rab bskyed nas/ /sman ni mang po rab btang zhing / /de dag sos 79.228b par byas pa yi/ /rgyu dang rkyen ni 'di yi phyir/ /de 'dra'i 'od zer thob pa yin/ /nga la 'od zer yang yod de/ /de ming rnam dag mig ces bya/ /mar mes sangs rgyas mchod pas na/ /de phyir de las skyes pa yin/ /nga la 'od zer yang yod de/ /de ming rnam dag rna zhes bya/ /sgra dbyangs dag gis mchod byas pas/ /de phyir de las skyes pa yin/ /nga la 'od zer yang yod de/ /de ming rnam dag sna zhes bya/ /spos chu dag gis mchod byas pas/ /de phyir de las skyes pa yin/ /nga la 'od zer yang yod de/ /de ming rnam dag lce zhes bya/ /ro mchog dag gis mchod byas pas/ /de phyir de las skyes pa yin/ /nga la 'od zer yang yod de/ /de ming rnam dag lus shes bya/ /'di ltar gos kyis mchod byas pas/ /de phyir de las skyes pa yin/ /nga la 'od zer yang yod de/ /de ming rnam dag sems shes bya/ /rtag tu sangs rgyas yid ches pas/ /de phyir de las skyes pa yin/ /nga la 'od zer yang yod de/ /de ming rnam dag gzugs shes bya/ /sangs rgyas gzugs ni bris pas na/ /de phyir de las skyes pa yin/ /nga la 'od zer yang yod de/ /de ming rnam dag sgra zhes bya/ /rtag tu chos la bsngags pas na/ /de phyir de las skyes pa yin/ /nga la 'od zer yang yod de/ /de ming rnam dag dri zhes bya/ /rtag tu dge 'dun gus pas na/ /de phyir de las skyes pa yin/ /nga la 'od zer yang yod de/ /de ming rnam dag ro zhes bya/ /yid bzhin du ni sbyin btang pas/ /de phyir de las skyes pa yin/ /nga la 'od zer yang yod de/ /de ming rnam dag reg ces bya/ /byug spos dag gis mchod pas na/ /de phyir de las skyes pa yin/ /nga la 'od zer yang yod de/ /de ming rnam dag chos shes bya/ /chos rnams yongs su bzung bas na/ /de phyir de las skyes pa yin/ /nga la 'od zer yang yod de/ /de ming rnam dag sa zhes bya/ /sangs rgyas dge 79.229a 'dun sa phyags pas/ /de phyir de las skyes pa yin/ /nga la 'od zer yang yod de/ /de ming rnam dag chu zhes bya/ chu mig khron par mchod pas na/ /de phyir de las skyes pa yin/ /nga la 'od zer yang yod de/ /de ming rnam dag me zhes bya/ /me 'dzin mchod cing sbyin btang pas/ /de phyir de las skyes pa yin/ /nga la 'od zer yang yod de/ /de ming rnam dag rlung zhes bya/ /rlung yab thogs nas mchod pas na/ /de phyir de las skyes pa yin/ /nga la 'od zer yang yod de/ /de ming rnam dag phung zhes bya/ /lus kyis sangs rgyas mchod pas na/ /de phyir de las skyes pa yin/ /nga la 'od zer yang yod de/ /de ming rnam dag khams shes bya/ /rtag tu byams pas sems bsgoms pas/ /de phyir de las skyes pa yin/ /nga la 'od zer yang yod de/ /de ming rnam dag bden zhes bya/ /rtag tu brdzun ni spangs pas na/ /de phyir de las skyes pa yin/ /nga la 'od zer yang yod de/ /de ming rnam dag zhi zhes bya/ /rtag tu sbyin pa btang bas na/ /de phyir de las skyes pa yin/ /nga la 'od zer yang yod de/ /de ming rnam dag sgra zhes bya/ /sangs rgyas rnams kyis bsngags brjod pas/ /de phyir de las skyes pa yin/ /nga la 'od zer yang yod de/ /de ming rnam dag dran zhes bya/ /ting 'dzin bsngags pa brjod pas na/ /de phyir de las skyes pa yin/ /nga la 'od zer yang yod de/ /de ming rnam dag spobs shes bya/ /kun 'dzin bsngags pa brjod pas na/ /de phyir de las skyes pa yin/ /nga la 'od zer yang yod de/ /de ming 'thun zhes bya ba yin/ /rtsod pa dag ni bsdums pas na/ /de phyir de las skyes pa yin/ /nga la 'od zer yang yod de/ /de ming don rab bstan ces bya/ /stong nyid rab tu rtogs pas na/ /de phyir de las skyes pa yin/ /nga la 'od zer yang yod de/ /de ming kha dog sngo 79.229b zhes bya/ /pad ma sngon pos mchod pas na/ /de phyir de las skyes pa yin/ /nga la 'od zer yang yod de/ /de ming kha dog ser zhes bya/ /tsam pa kas ni mchod pas na/ /de phyir de las skyes pa yin/ /nga la 'od zer yang yod de/ /de ming kha dog dmar zhes bya/ /mu tig dag gis mchod pas na/ /de phyir de las skyes pa yin/ /nga la 'od zer yang yod de/ /de ming kha dog dkar zhes bya/ /gser gyi gdugs kyis mchod pas na/ /de phyir de las skyes pa yin/ /nga la 'od zer yang yod de/ /de ming yon tan mchog ces bya/ /tshon sna mang pos brgyan pas na/ /de phyir de las skyes pa yin/ /nga la 'od zer yang yod de/ /de ming klu'i gzi zhes bya/ /klu yi ba dan gyis mchod pas/ /de phyir de las skyes pa yin/ /nga la 'od zer yang yod de/ /de ming glang po'i gzi zhes bya/ /glang po'i ba dan gyis mchod pas/ /de phyir de las skyes pa yin/ /nga la 'od zer yang yod de/ /de ming seng ge rgyal zhes bya/ /seng ge'i ba dan gyis mchod pas/ /de phyir de las skyes pa yin/ /nga la 'od zer yang yod de/ /de ming khyu mchog rgyal zhes bya/ /khyu mchog ba dan gyis mchod pas/ /de phyir de las skyes pa yin/ /nga la 'od zer yang yod de/ /de ming rnam dag zla ba yin/ /sangs rgyas mchod rten phyags pas na/ /de phyir de las skyes pa yin/ /nga la 'od zer yang yod de/ /de ming klu gdul zhes bya'o/ /dar gyi lda ldi phul bas na/ /de phyir de las skyes pa yin/ /nga la 'od zer yang yod de/ /de ming gnod sbyin 'dul zhes bya/ /so sor legs par brtags pas na/ /de phyir de las skyes pa yin/ /nga la 'od zer yang yod de/ /de ming bud med rtogs zhes bya/ /bud med mtshan ma spangs pas na/ / 79.230a de phyir de las skyes pa yin/ /nga la 'od zer yang yod de/ /de ming skyes pa rtogs shes bya/ /skyes pa'i mtshan ma spangs pas na/ /de phyir de las skyes pa yin/ /nga la 'od zer yang yod de/ /de ming rdo rje stobs shes bya/ /las kyi shes pa dag pas na/ /de phyir de las skyes pa yin/ /nga la 'od zer yang yod de/ /de ming stong pa ston zhes bya/ 'jig rten rnam smin ston pas na/ /de phyir de las skyes pa yin/ /nga la 'od zer yang yod de/ /de ming yang dag rtogs shes bya/ /phyin ci log ni spangs pas na/ /de phyir de las skyes pa yin/ /nga la 'od zer yang yod de/ /sangs rgyas gsung ni ston zhes bya/ /chos dbyings bsngags pa brjod pas na/ /de phyir de las skyes pa yin/ /nga la 'od zer yang yod de/ /skyon rnams spangs pa zhes bya'o/ /mos pa'i bsngags pa brjod pas na/ /de phyir de las skyes pa yin/ /nga la 'od zer yang yod de/ /bkod pa kun tu snang zhes bya/ /mar me phul ba'i bsngags brjod pas/ /de phyir de las skyes pa yin/ /nga la 'od zer yang yod de/ /de ming sred pa spangs shes bya/ /ting 'dzin shes rab bsngags brjod pas/ /de phyir de las skyes pa yin/ /nga la 'od zer yang yod de/ /de ming bag chags spangs shes bya/ /sngon mtha'i shes pa spangs pas na/ /de phyir de las skyes pa yin/ /nga la 'od zer yang yod de/ /de ming chags pa spangs shes bya/ /mi skye ye shes bsngags pas na/ /de phyir de las skyes pa yin/ /nga la 'od zer yang yod de/ /'gro ba rnams ni spangs shes bya/ /zag zad ye shes bsngags pas na/ /de phyir de las skyes pa yin/ /nga la 'od zer yang yod de/ /de ming gnas spangs zhes bya ste/ /sdug bsngal shes pa bsngags 79.230b pas na/ /de phyir de las skyes pa yin/ /nga la 'od zer yang yod de/ /sangs rgyas chos 'phrul zhes bya'o/ /rdzu 'phrul mthu yi bsngags brjod pas/ /de phyir de las skyes pa yin/ /nga la 'od zer yang yod de/ /de ming gzugs med ston ces bya/ /rdzu 'phrul rkang gi bsngags brjod pas/ /de phyir de las skyes pa yin/ /nga la 'od zer yang yod de/ /dge ba'i grogs la mos shes bya/ /rtogs pa'i rang bzhin bsngags brjod pas/ /de phyir de las skyes pa yin/ /nga la 'od zer yang yod de/ /mig gi sngon mtha' zhes bya'o/ /mig gi sngon mtha' bsngags brjod pas/ /de phyir de las skyes pa yin/ /nga la 'od zer yang yod de/ /mig gi mtha' zad ces bya'o/ /mig zad bsngags pa brjod pas na/ /de phyir de las skyes pa yin/ /nga la 'od zer yang yod de/ /de ming srid pa'i mtha' zhes bya/ /srid med bsngags pa brjod pas na/ /de phyir de las skyes pa yin/ /nga la 'od zer yang yod de/ /de ming 'jig pa med ces bya/ /'gog pa med kyi bsngags brjod pas/ /de phyir de las skyes pa yin/ /nga la 'od zer yang yod de/ /de ming mtha' med ces bya'o/ /mtha' med bsngags pa brjod pas na/ /de phyir de las skyes pa yin/ /nga la 'od zer yang yod de/ /de ming mtshan ma med ces bya/ /'dus ma byas kyi bsngags brjod pas/ /de phyir de las skyes pa yin/ /nga la 'od zer yang yod de/ /de ming 'gyur ba med ces bya/ /khyad par med pa'i bsngags brjod pas/ /de phyir de las skyes pa yin/ /nga la 'od zer yang yod de/ /de ming 'gyur ba med ces bya/ /zhen pa med pa'i bsngags brjod pas/ /de phyir de las skyes pa yin/ / 79.231a nga la 'od zer yang yod de/ /de ming 'byung ba med ces bya/ /skye ba med pa'i bsngags brjod pas/ /de phyir de las skyes pa yin/ /nga la 'od zer yang yod de/ /de ming skye ba med ces bya/ /'byung ba med pa'i bsngags brjod pas/ /de phyir de las skyes pa yin/ /nga la 'od zer bstan med ces bya yod/ /skye dgu rnams ni yongs su smin par byed/ /nga la 'od zer chos nyid ces bya yod/ /sangs rgyas zhing ni bye ba g.yo bar byed/ /nga la 'od zer bdud 'dul zhes bya yod/ /'od zer de yi gzis ni bdud skrag byed/ /nga la 'od zer bsod nams rgyal mtshan yod/ /de yi ming 'dzin dag ni gnod pa spong / /nga la 'od zer stobs ldan rgyal mtshan yod/ /de yi ming 'dzin dag ni dgra rab spong / /nga la 'od zer rab zhi rgyal mtshan yod/ /de yi ming 'dzin dag ni 'dod chags spong / /nga la 'od zer bsam gtan rgyal mtshan yod/ /de yi ming 'dzin dag ni log spyod spong / /nga la 'od zer grags pa'i rgyal mtshan yod/ /de yi ming 'dzin dag ni grags pa 'thob/ /nga la 'od zer yid dga' rgyal mtshan yod/ /de yi ming 'dzin dag ni mya ngan med/ /nga la 'od zer sdom gtsang rgyal mtshan yod/ /de yi ming 'dzin tshul khrims 'chal pa spong / /nga la 'od zer spos mchog rgyal mtshan yod/ /de yi ming 'dzin mi gtsang med par 'gyur/ /nga la 'od zer chos zab ces bya yod/ /de yi ming 'dzin the tshom med par 'gyur/ /nga la 'od zer gnas pa med pa yod/ /de yi ming 'dzin sred pa spong bar 'gyur/ /nga la 'od zer rtog bral zhes bya yod/ /de yi ming 'dzin 'dzin pa med par 'gyur/ /nga la 'od zer ri rab ces bya yod/ /de yi ming 'dzin g.yo ba med par 'gyur/ /nga la 'od zer gsang ba'i spyod pa yod/ /de yi ming 'dzin mngon par zhen pa med/ / 79.231b nga la 'od zer rnam grol spyod pa yod/ /de yi ming 'dzin 'ching ba med par 'gyur/ /nga la 'od zer legs 'dul zhes bya yod/ /de yi ming 'dzin gnyen nges thob par 'gyur/ /nga la 'od zer mi g.yo zhes bya yod/ /de yi ming 'dzin 'dod chags zhen spong 'gyur/ /nga la 'od zer rab 'dul zhes bya yod/ /de yi ming 'dzin tshul khrims rdzogs par 'gyur/ /nga la 'od zer dge mang spyod pa yod/ /de yi ming 'dzin gos pa med par 'gyur/ /nga la 'od zer phan mang byed pa yod/ /gang gis ming thos nyes pa rnam spong 'gyur/ /nga la 'od zer mchog shes mthong ba yod/ /gang gis ming thos rmongs pa med par 'gyur/ /nga la 'od zer phan tshol zhes bya yod/ /gang gis ming thos zhe sdang med par 'gyur/ /nga la 'od zer sems dga' byed pa yod/ /gang gis ming thos bde ba thob par 'gyur/ /nga la 'od zer gdung ba med pa yod/ /gang gis ming 'dzin stong nyid rtogs par 'gyur/ /nga la 'od zer ngo bo nyid med yod/ /gang gis ming 'dzin spros las 'da' bar 'gyur/ /nga la 'od zer rten pa med pa yod/ /gang gis ming 'dzin g.yo ba med par 'gyur/ /nga la 'od zer rmongs dang bral ba yod/ /gang gis ming 'dzin som nyi med par 'gyur/ /nga la 'od zer gnas med ces bya yod/ /gang gis ming 'dzin gti mug mun pa spong / /nga la 'od zer nang lus skyo ba yod/ /gang gis ming 'dzin de ni len mi 'gyur/ /nga la 'od zer 'dzin med ces bya yod/ /gang gis ming 'dzin yi ge tshig 'bru spong / /nga la 'od zer rmongs pa med pa yod/ /gang gis ming 'dzin brjod dang bral bar 'gyur/ /nga la 'od zer 'gro med ces bya yod/ /gang gis ming 'dzin ma 'ongs shes par 'gyur/ /nga la 'od zer kun mtha' zhes bya yod/ /gang gis ming 'dzin 'das pa shes par 'gyur/ / 79.232a nga la 'od zer mtshungs med ces bya yod/ /gang gis ming 'dzin zag med rtogs par 'gyur/ /nga la 'od zer 'phags thob ces bya yod/ /gang gis ming 'dzin mchog gyur shes par 'gyur/ /nga la 'od zer dri ma med pa yod/ /gang gis ming 'dzin mngon par zhen pa spong / /nga la 'od zer rdul spong zhes bya yod/ /gang gis ming 'dzin mun pa med par 'gyur/ /nga la 'od zer sred pa med pa yod/ /gang gis ming 'dzin rten dag spong bar 'gyur/ /nga la 'od zer mchog rgyal zhes bya yod/ /gang gis ming 'dzin pha rol smra ba gnon/ /nga la 'od zer dar la bab pa yod/ /gang gis ming 'dzin spyod pa drug 'grub 'gyur/ /nga la 'od zer mchog btsun zhes bya yod/ /gang gis ming 'dzin shes pa thogs med 'gyur/ /nga la 'od zer myur ba zhes bya yod/ /gang gis ming 'dzin dge slong mchog 'grub 'gyur/ /nga la 'od zer mtshan ldan zhes bya yod/ /gang gis ming 'dzin chos zab rtogs par 'gyur/ /nga la 'od zer mtshan ma med pa yod/ /gang gis ming 'dzin nga rgyal spong bar 'gyur/ /nga la 'od zer skye med ces bya yod/ /gang gis ming 'dzin 'thob med rnyed par 'gyur/ /nga la 'od zer sangs rgyas dran pa yod/ /de bzhin gshegs pa rnams kyis rab tu bsngags/ /sangs rgyas mang la spyod pa rnams bsgrubs pas/ /'di lta bu yi 'od zer grub pa yin/ /sangs rgyas sku las byung ba'i 'od zer rnams/ /rdul phran grangs ni brgya stong bye snyed mnga'/ /de bzhin zhing ni tshad med bye snyed mnga'/ /de yi grangs ni rgya mtsho'i bye ma snyed/ /rdul de snyed kyi 'od zer rnams kyang ni/ /so so la yang 'khor ni mang po yod/ /'od zer des ni sangs rgyas med zhing du/ /de bzhin gshegs pa'i rnam dag skur sprul nas/ /shin tu zab mo'i chos ni ston mdzad pas/ /sems can bzod la rab tu 'god par 79.232b mdzad/ /nga la 'od zer sangs rgyas zhes bya yod/ /sems can sangs rgyas lam la gnas par mdzad/ /nga la 'od zer chos shes bya ba yod/ /shin du rnam dag gsal byed dri ma med/ /nga la 'od zer dge 'dun zhes bya yod/ /de bzhin gshegs pa rnams kyis rab tu bsngags/ /nga la 'od zer rnam dag ces bya yod/ /'od zer de ni khyad 'phags rnyed par dka'/ /nga la 'od zer pad ma zhes bya yod/ /sems can phan 'dogs yongs su smin par byed/ /nga la 'od zer tshangs pa zhes bya yod/ /kha cig brgya byin yang na lha zhes bya/ /zla ba klu dang gnod sbyin zhes kyang bya/ /lha ma yin dang nam mkha' lding zhes bya/ /kha cig rgyal po bud med zhes kyang bya/ /kha cig bu mo kha cig khye'u zhes bya'o/ /de ltar 'od zer sna tshogs mang po rnams/ /so sor dge chos dag gis skal mtshungs 'dul/ /'khor ni tshad med bye ba snyed dag kyang / /thams cad byang chub yongs su smin par byed/ /nga la 'od zer shes rab ces bya yod/ /kha cig tshul khrims kha cig ming byams pa/ /kha cig snying rje dga' dang sgron zhes bya/ /kha cig byug spos kha cig rol mo sgra/ /'di lta bu la sogs pa'i 'od zer rnams/ /sngon gyi spyod pa'i rjes su 'thun par ni/ /skye dgu'i rnam pa tshad med yongs bsdus pas/ /des na 'od zer 'di dag rdzogs pa yin/ /nga la 'od zer gtso bo zhes bya yod/ /de bzhin gshegs pa rnams kyis rab tu bsngags/ /sangs rgyas bstan pa rnams la rtag gus pas/ /des na 'od zer 'di ni rdzogs pa yin/ /sangs rgyas spyan gyis sems can grangs gzigs nas/ /spu khung kun nas 'od zer sna tshogs gtong / /'od zer mang po de dag re re yang / /so sor 'khor mang dag gis rab tu bskor/ /sems can rnams kyi mos pa ji bzhin du/ /sangs rgyas 79.233a 'od zer gtong zhing smyin par mdzad/ /gang gis 'od zer bstan pa 'di thos nas/ /rab tu dga' zhing mos par gang byed pa/ /de sngon sangs rgyas mang po dag las ni/ /mdo sde 'di ni thos par gyur pa yin/ /nga la 'od zer khyad par 'phags pa yod/ /'khor ni bye ba brgyad bcu grangs snyed yod/ /sngon gyi sangs rgyas dag la tshigs bcad gcig /bsngags pas de phyir 'od zer 'di grub po/ /nga la 'od zer mya ngan med pa yod/ /'khor ni khrag khrig brgyad bcu snyed yod de/ /de bzhin gshegs pa'i bstan pa gcig bzung bas/ /de phyir 'od zer 'di ni grub pa yin/ /nga la 'od zer rnam dag mchog yod de/ /'khor ni bye ba brgyad bcu grangs snyed yod/ /ting 'dzin gcig ni yongs su bzung bas na/ /de phyir 'od zer 'di ni grub pa yin/ /'das pa'i dus kyi sangs rgyas mtshan/ /khyad par 'phags pa zhes bya byung / /sangs rgyas des ni 'jig rten na/ /sku tshe'i tshad ni med par bzhugs/ /dang po mngon par sangs rgyas tshe/ /chos bstan 'khor du 'dus pa yi/ /grangs ni khrag khrig brgyad bcu snyed/ /de nyid du ni 'dus par gyur/ /de yi tshe na 'dzam bu yi/ /gling chen dag ni 'di dag tu/ /yul gyi rgyal po de yi ming / /sgra la mos shes bya ba byung / /rgyal po chen po de la ni/ /bu pho dag ni lnga brgya yod/ /byed bzhin dag ni sdug mdzes pas/ /mthong ba dag ni dga' bar 'gyur/ /de yi tshe na rgyal po'i yab/ /gzi byin rang dbang rab ldan zhing / /dkon mchog dag ni gsum po la/ /shin du dang ba skyes par gyur/ /rgyal po de la bskyed mos tshal/ /mchog tu gyur pa ji snyed pa/ /de dag thams cad gus pas ni/ /bcom ldan de la rab tu phul/ /bskyed mos tshal ni de dag tu/ /'chag sa dag ni ji snyed pa/ /de dag thams cad kun tu ni/ /ljon shing tsam pa ka dag dang / /ljon shing n+ya gro d+ha dag dang / /ljon shing kyen shu ka dang ni/ /ljon shing u dum ba ra dang // 79.233b ljon shing pa la sa tra dang / /ljon shing shi ri sha dag dang / /ljon shing mya ngan tshangs la sogs/ /de dag grangs ni so sor yang / /bye ba phrag ni brgyad bcu yod/ /ljon shing mang po de dag kyang / /dbyar dang dgun ni 'dra bar yang / /me tog 'bras bu yal ga dag /kha dog dag ni gsal zhing rgyas/ /dri mchog dag pa rab 'byung zhing / /de bzhin gshegs pa'i sku la 'thul/ /dge slong dag ni ji snyed pa/ /lus kyi kha dog gser dang 'dra/ /de dag thams cad kun kyang ni/ /ljon shing dag ni de drung du/ /'dug nas rab tu brtson pas na/ /gzungs ni rab tu thob par gyur/ /de tshe de bzhin gshegs pa de/ /rgyal po yab dang sras rnams dang / /gzhan yang 'khor ni mang po la/ /shin du thugs ni brtse ba'i phyir/ /rnam par nges pa'i 'od zer mdo/ /de dag la ni rab tu bstan/ /rgyal po des ni thos gyur nas/ /sems ni rab tu dga' bar gyur/ /tshigs su bcad pa tshad med pas/ /de bzhin gshegs pa'i bsngags pa brjod/ /gzhan yang rgyal po chen po des/ /rin po che yi gdugs dam pa/ /bye ba phrag ni brgyad bcu snyed/ /bcom ldan de la rab tu phul/ /rin chen gdugs ni re re la/ /yid bzhin nor bu'i dra ba dag /mtha' ma 'khor bar rab tu brgyan/ /yid bzhin nor bu rin po che/ /de dag re re'i rin thang yang / /'dzam bu'i gser ni btso ma dag /srang ni bye ba brgyad bcu ri/ /rin chen gdugs ni re re yang / /yid bzhin nor bu rin po che/ /bye ba phrag ni brgyad bcu snyed/ /phreng ba dag tu byas par gyur/ /yid bzhin rin chen de dag kyang / /kha dog dag ni rab gsal bas/ /nyin mtshan dag ni med par yang / /rtag tu 'od zer rab tu gtod/ /'od zer de dag re res kyang / /dpag tshad brgya ni snang bar byed/ /'od zer de dag rab gsal bas/ /nyi zla dag ni zil gyis gnon/ /gzhan yang rin chen gdugs de dag / 79.234a seng ge rin chen chun 'phyang ni/ /bye ba phrag ni brgyad bcu dang / /gser skud rin chen phreng ba yang / /bye ba phrag ni brgyad bcu dag /ngos bzhi dag ni rab tu brgyan/ /gzhan yang rin chen dam pa ni/ /'di ltar rnam pa sna tshogs kyis/ /mu tig rin chen dra ba dag /spel ma dag tu rnam par brgyan/ /'di lta bu yi gdugs dag gis/ /bskyed mos tshal ni kun tu g.yogs/ /de yi steng du gzhan yang ni/ /pad ma su ma na dang ni/ /pad ma a ti mug ta ka /btang bzung zhes ni bya ba dang / /pad ma u dum ba ra dang / /pad ma sngon po la sogs dang / /de bzhin rnam pa sna tshogs kyi/ /pad ma'i gdugs ni tshad med pa/ /re re thams cad kun kyang ni/ /rin chen dra ba 'tsham par byas/ /gzhan yang gser gyi skud pa las/ /byas pa'i gos dag gis kyang ni/ /bla re dag tu rab byas nas/ /de yi steng du khyab par g.yogs/ /gzhan yang tsan dan rin chen khri/ /gser dag las ni rkang byas pa/ /de yi grangs kyang bye ba phrag /brgyad bcu snyed ni rab tu bshams/ /rin chen khri ni de dag la/ /zab dar dag las byas pa yi/ /stan ni bye ba phrag brgyad bcu/ /de yi steng du rab brgyan to/ /de yi tshe na sems can gyi/ /rnam pa dag ni ji snyed pa/ /srid pa'i rtse mo man chad kyang / /thams cad der ni 'dus gyur nas/ /de bzhin gshegs pa de las ni/ /mdo sde 'di ni rab tu mnyan/ /lha dang klu dang gnod sbyin dang / /dri za yi ni rgyal po dang / /lto 'phye chen po lha ma yin/ /de dag mdo sde 'di thos nas/ /rab tu dga' ba'i sems skyes pas/ /tshigs su bcad pa brgyad stong gis/ /de bzhin gshegs pa'i bsngags brjod nas/ /de dag thams cad kun gyis kyang / /byang chub chen por smon lam btab/ /lha dang klu dang lha ma yin/ /de la sogs pa thams cad kyang / /yongs su dang ba'i sems kyis ni/ /me tog man dA ra ba dang / /mu tig rin chen la sogs 79.234b pa'i/ /char phab mchod pa rab tu byas/ /de yi tshe na gzhan yang ni/ /lha chen mthu dang gzi ldan pa/ /bye ba phrag ni brgyad bcu snyed/ /mdo sde 'di ni thos pas na/ /rab tu dga' ba'i sems bskyed nas/ /byang chub chen por smon lam btab/ /ma 'ongs pa yi dus kyi tshe/ /'od zer 'di 'dra thob par shog /de bzhin gshegs pas de yi tshe/ /de yi bsam pa thugs chud pas/ /ma 'ongs sangs rgyas 'grub 'gyur zhes/ /byang chub tu ni lung yang bstan/ /de yi tshe na gzhan yang ni/ /brgya byin lha yi dbang po dang / /tshangs pa 'khor dang bcas pa yang / /bye ba phrag ni brgyad bcu snyed/ /'od zer rab tu ston pa yi/ /mdo sde 'di ni thos pas na/ /rab tu dga' ba'i sems bskyed nas/ /byang chub tu ni sems kyang bskyed/ /ma 'ongs sangs rgyas 'grub 'gyur zhes/ /byang chub tu ni lung yang bstan/ /de yi tshe na gzhan yang ni/ /klu ni bye ba khrag khrig phrag /brgyad bcu snyed ni 'dus pa dag /mdo sde 'di ni thos pas na/ /byang chub tu ni sems bskyed pas/ /lung bstan pa yang thob par gyur/ /de yi tshe na gzhan yang ni/ /gser 'dab rgyal po bye ba phrag /brgyad bcu snyed ni 'dus pa dag /mdo sde 'di ni thos pas na/ /sdom pa lnga ni rab bsrungs te/ /lung bstan pa yang thob par gyur/ /de yi tshe na gzhan yang ni/ dri za'i rgyal po bye ba phrag /brgyad bcu snyed ni 'dus pa dag /mdo sde 'di ni thos pas na/ /rol mo brgya stong rnams byas te/ /sgra snyan dag ni rab phyung nas/ /bcom ldan de la mchod byas pas/ /lung bstan pa yang thob par gyur/ /de yi tshe na gzhan yang ni/ /gnod sbyin rgyal po khrag khrig snyed/ /mdo sde 'di ni thos pas na/ /sangs rgyas ye shes dag las ni/ /shin du dad pa skyes par gyur/ /de dag thams cad kun gyis kyang // 79.235a byang chub lung bstan thob par gyur/ /zla 'od 'di ltar shes par gyis/ /de tshe rgyal po sgra mos pas/ /mchod pa rnam pa sna tshogs kyis/ /bcom ldan de la mchod byas pa/ /gzhan yin snyam du mi blta ste/ /de ni khyod bdag nyid yin no/ /khyod ni sngon 'das dus kyi tshe/ /mdo sde 'di ni thos pa'i rgyus/ /de lta bas na deng 'dir yang / /'di nyid slar yang zhus pa yin/ /nga ni mya ngan 'das pa'i 'og /gang yang rung ba su zhig gis/ /dam pa'i chos kyi 'khor lo dag /rnam par 'jig pa'i dus kyi tshe/ /chos kyi bstan pa 'di dag ni/ /dang ba'i sems ni gang bskyed pa/ /'di lta bu yi mdo sde dag /rgya cher yang dag ston par nus/ /ma 'ongs mdo sde 'di ni gang ston pa/ /des ni nga yi chos 'dzin srung bar byed/ /de ni 'dron mang ded pa'i ded dpon 'dra/ /rin chen gter 'dzin srung ba zhes kyang bya/ /ma 'ongs dus tshe mdo 'di gang thos nas/ /skad cig tsam du mos pa skyed byed pa/ /de ni sangs rgyas byin gyis brlabs pa yin/ /'jam dpal byin gyis brlabs par rig par bya/ /des ni sangs rgyas mang po mthong 'gyur bas/ /gsang ba'i chos gtad shes rab rno bar 'gyur/ /sems can gang dag sems drang mnyen des shing / /rtag tu sangs rgyas rim gro byed la brtson/ /bdag med sgom zhing byams dang bzod skyed pa/ /des ni mdo sde 'di la mos par 'gyur/ /gang zhig rtag tu mi dge'i sems 'chang zhing / /rnyed la gdu zhing chog mi shes pa dang / /rab dben rnams la mos par mi 'gyur ba/ /des ni mdo sde 'di la mos mi 'gyur/ /gang zhig de bzhin gshegs pa rnams mchod dang / /dam chos zab mo legs par rtogs pa dang / /sangs rgyas yang dag ye shes yid ches pa/ /des ni mdo sde 'di la mos par 'gyur/ /gang zhig sems g.yeng dang ba'i sems med cing / /rtag 79.235b tu srog gcod gdul bar rab dka' dang / /'dod pa'i yul rnams kun gyi bran byed pa/ /des ni mdo sde'i 'di la mos mi 'gyur/ /gang zhig rtag tu dgon gnas rab mos shing / /gcig pu dben par 'dug cing sems zhi dang / /rnyed dang gnyen la mngon par zhen med pa/ /des ni mdo sde 'di la mos par 'gyur/ /gang zhig grogs ngan dag gi rjes 'brang zhing / /bdag dang gzhan gyi dge ba 'jig byed dang / /tshul khrims ting 'dzin dag ni cher nyams pa/ /des ni mdo sde 'di la mos mi 'gyur/ /gang zhig yid mos shin du rnam dag cing / /rtag tu shes rab chos rnams rab 'byed dang / /dge ba'i bshes gnyen dag gis rab bsrungs pa/ /des ni mdo sde 'di la mos par 'gyur/ /gang zhig gnyen gyi khyim la rab chags shing / /me tog 'bras bu byin nas dga' byed dang / /sems la drang po med cing sgyu 'chang ba/ /des ni mdo sde 'di la mos mi 'gyur/ /gang zhig rtag tu sangs rgyas drin dran zhing / /dge ba'i rtsa ba mchog la mos pa dang / /byang chub bsngo zhing g.yo sgyu med gyur pa/ /des ni mdo sde 'di la mos par 'gyur/ /gang zhig chung ma bu mo sred chags shing / /gos mchog sna tshogs dag gis rab brgyan nas/ /rtag tu de dang lhan cig rtse smon pa/ /des ni mdo sde 'di la mos mi 'gyur/ /gang zhig sems zab gnas pa med gyur cing / /'dod pa'i yul gyis gos pa med pa dang / /zas skom dag gis g.yo sgyu mi skyed pa/ /des ni mdo sde 'di la mos par 'gyur/ /gang zhig skye dgu rnams la 'di skad du/ /'dod chags spyad kyang nyes med gang zer ba/ /dus gsum sangs rgyas rnams la skur ba yin/ /des ni mdo sde 'di la mos mi 'gyur/ /gang zhig yid ches rtag tu rab brtan zhing / /nan tan bskyed nas chos rnams tshol ba la/ /skyo ba med cing brnyas par mi 79.236a byed pa/ /des ni mdo sde 'di la mos par 'gyur/ /gang zhig chung ma bu mo mngon zhen cing / /rtag tu 'dod pa'i yul ni rjes dran dang / /shes rab mi sgom rgya cher phan mi 'dogs/ /des ni mdo sde 'di la mos mi 'gyur/ /gang zhig ri dang nags khrod rab gnas shing / /shes rab bsgoms nas shin du dag 'gyur dang / /'tsho ba'i yo byad dag la 'dod med pa/ /des ni mdo sde 'di la mos par 'gyur/ /gang zhig mig gi sngon dang phyi ma'i mtha'/ /rtag tu rmongs dang mi rtogs gang yin pa/ /de ni gti mug bdud kyis bcings pas na/ /des ni mdo sde 'di la mos mi 'gyur/ /gang zhig mig gi sngon dang phyi ma'i mtha'/ /rtag tu rtogs shing rmongs pa med gyur pa/ /de ni bdud kyis bcings las grol bas na/ /des ni mdo sde 'di la mos par 'gyur/ /gang zhig mig mtha' yod dang med pa la/ /rtag tu rmongs nas khong du ma chud pa/ /de ni gti mug bdud kyis bcings pas na/ /des ni mdo sde 'di la mos mi 'gyur/ /gang zhig mig mtha' yod dang med pa dag /rtag tu rtogs shing rmongs pa med gyur pa/ /de ni bdud kyis bcings las grol bas na/ /des ni mdo sde 'di la mos par 'gyur/ /gang zhig mi gnas 'jig pa'i mtshan nyid la/ /rtag tu rmongs shing khong du mi chud pa/ /de ni gti mug bdud kyis bcings pas na/ /des ni mdo sde 'di la mos mi 'gyur/ /gang zhig mi gnas 'jig pa'i mtshan nyid dag /rtag tu khong du chud cing rmongs med pa/ /de ni bdud kyis bcings las grol bas na/ /des ni mdo sde 'di la mos par 'gyur/ /rna ba sna dang lce lus yid dag dang / /gzugs sgra dri ro reg bya chos rnams dang / /sa chu me rlung ngo bo nyid dag dang / /dngos po sems can sdug bsngal phung po dang / /khams dang 79.236b 'jig rten skye sgra mi bden dang / /'dod chags zhe sdang gti mug nga rgyal srid/ /'chab rgyags ser sna phrag dog g.yo sgyu dang / /khro sogs par yang de bzhin rig par gyis/ /gzhan zhig mi zad mtha' ni de dag la/ /rtag tu rmongs shing khong du mi chud pa/ /de ni skye bo'i spyod par lhung bas na/ /de ni mdo sde 'di la mos mi 'gyur/ /gang zhig mi zad mtha' ni de dag la/ /rtag par khong du chud cing rmongs med pa/ /de ni skye bo'i spyod dang bral bas na/ /des ni mdo sde 'di la mos par 'gyur/ /gang zhig mig gi 'jig pa de dag la/ /rtag tu rmongs shing khong du ma chud pa/ /de ni skye bo'i spyod par lhung bas na/ /des ni mdo sde 'di la mos mi 'gyur/ /gang zhig mig gi 'jig pa de dag la/ /rtag par khong du chud cing rmongs med pa/ /de ni skye bo'i spyod dang bral bas na/ /de ni mdo sde 'di la mos par 'gyur/ /gang zhig mig gi rab dben de dag la/ /rtag tu rmongs shing khong du ma chud pa/ /de ni skye bo'i spyod par lhung bas na/ /des ni mdo sde 'di la mos mi 'gyur/ /gang zhig mig gi rab dben de dag la/ /rtag par khong du chud cing rmongs med pa/ /de ni skye bo'i spyod dang bral bas na/ /des ni mdo sde 'di la mos par 'gyur/ /gang zhig mig gi 'gro 'ong med pa la/ /rtag tu rmongs shing khong du ma chud pa/ /de ni skye bo'i spyod par lhung bas na/ /des ni mdo sde 'di la mos mi 'gyur/ /gang zhig mig gi 'gro 'ong med pa dag /rtag tu khong du chud cing rmongs med pa/ /de ni skye bo'i spyod dang bral bas na/ /des ni mdo sde 'di la mos par 'gyur/ /gang zhig mig la bdag med ma rtogs nas/ /mi zad ngo bo nyid la rtag rmongs pa/ /de ni skye bo'i spyod par lhung bas na/ /des ni mdo sde 'di la mos mi 'gyur/ /gang zhig mig la bdag med rab rtogs nas/ /mi zad ngo bo rtag tu rtogs gyur pa/ /de ni skye bo'i spyod dang 79.237a bral bas na/ /des ni mdo sde 'di la mos par 'gyur/ /gang zhig mig la bdag med ma rtogs nas/ /bzod pa'i gnas la rtag tu rmongs gyur pa/ /de ni skye bo'i spyod par lhung bas na/ /des ni mdo sde 'di la mos mi 'gyur/ /gang zhig mig la bdag med rab rtogs nas/ /bzod pa'i gnas ni rtag tu rtogs gyur pa/ /de ni skye bo'i spyod dang bral bas na/ /des ni mdo sde 'di la mos par 'gyur/ /gang zhig mig zad ngo bo ma rtogs pa/ /de ni mi gnas tshul khrims bsgrub mi nus/ /mi gnas tshul khrims mngon par mi bsgrub pas/ /des ni mdo sde 'di la mos mi 'gyur/ /gang zhig mig zad ngo bo rab rtogs pa/ /des ni mi gnas tshul khrims bsgrub par nus/ /mi gnas tshul khrims mngon par bsgrub pas na/ /des ni mdo sde 'di la mos par 'gyur/ /gang zhig mig zad ngo bo ma rtogs pa/ /des ni zag med tshul khrims bsgrub mi nus/ /zag med tshul khrims mngon par mi bsgrub pas/ /des ni mdo sde 'di la mos mi 'gyur/ /gang zhig mig zad ngo bo rab rtogs pa/ /des ni zag med tshul khrims bsgrub par nus/ /zag med tshul khrims mngon par bsgrubs pas na/ /des ni mdo sde 'di la mos par 'gyur/ /gang zhig mig zad ngo bo ma rtogs pa/ /des ni zag med shes rab bsgrub mi nus/ /zag med shes rab mngon par mi bsgrub pas/ /des ni mdo sde 'di la mos mi 'gyur/ /gang zhig mig zad ngo bo rab rtogs pa/ /des ni zag med shes rab bsgrub par nus/ /zag med shes rab mngon par bsgrubs pas na/ /des ni mdo sde 'di la mos mi 'gyur/ /gang zhig mig zad ngo bo ma rtogs pa/ /mig sod nyid la rtag tu rmongs par 'gyur/ /des ni kun 'dzin ye shes mi skyed pas/ /mdo sde 'di la rab tu mos min 'gyur/ /gang zhig mig zad ngo bo rab rtogs pa/ / 79.237b mig stong nyid ni rtag par rtogs par 'gyur/ /des ni kun 'dzin ye shes rab bskyed pas/ /mdo sde 'di la rab tu mos par 'gyur/ /gang zhig mig zad ngo bo nyid rtogs pa/ /des ni kun 'dzin ye shes bsgrub pa na/ /bla med ma chags ye shes rab bsgrubs pas/ /mdo sde 'di la rab tu mos par 'gyur/ /gang zhig mdo sde 'di la ma mos pa/ /mig zad ngo bo nyid la rtag tu rmongs/ /de ni ting 'dzin rnams las nyams pas na/ /bla med ye shes thob par shin tu dka'/ /gang zhig mdo sde 'di la rab mos shing / /mig zad ngo bo nyid ni mngon rtogs pa/ /des ni ting 'dzin mngon par bsgrubs pas na/ /bla med ye shes mngon byed dka' ba med/ /gang zhig mig zad ngo bo nyid rtogs shing / /bdag med pa yi mtshan nyid rab shes pa/ /des ni rtag tu chos 'di thos pas na/ /mngon par yid ches the tsom med pa 'thob/ /gang zhig mig zad ngo bo nyid sems shing / /nyin mtshan rab brtson le lo med gyur pa/ /des ni kun 'dzin spobs pa mngon bsgrubs nas/ /mdo sde 'di ni rtag tu ston par 'gyur/ /gang zhig mdo sde 'di ni sems byed pa/ /'od zer 'byin pa'i ye shes rdzogs par 'gyur/ /des ni de bzhin gshegs pa rab ston cing / /mig stong nyid ni rab tu rtogs par 'gyur/ /gang zhig mchod rten brgya stong rab byas shing / /sangs rgyas thams cad mchod pa byas pa bas/ /gang zhig mdo sde 'di ni sems byed na/ /'di yi yon tan de bas khyad par 'phags/ /gang gis rol mo brgya stong rab byas nas/ /de bzhin gshegs pa'i ring srel mchod pa byas/ /gang zhig mdo sde 'di ni thos gyur na/ /'di yi yon tan de bas khyad par 'phags/ /sangs rgyas spyan gyis gzigs pa'i sems can rnams/ /bskal pa dag ni bye ba tshad med par/ /de bzhin gshegs dang 79.238a tshungs par mchod pa pas/ /mdo sde 'di bzung bsod nams khyad par 'phags/ /gang zhig mdo sde 'di la tshig bzhi pa'i/ /tshigs bcad gcig tsam 'dzin cing ston byed na/ /de la rgyal ba thugs rjes chen po yi/ /gtso ltar gus pa rab tu bskyed par bya/ /nga ni 'das pa'i bskal pa brgya stong du/ /srid pa gsum du 'khor bar gyur pa'i tshe/ /sangs rgyas dag ni tshad med pa rnams la/ /mdo sde 'di yi phyir ni rim gro byas/ /res 'ga' mar me brgya stong tshad med pa/ /snying po re re'i tshad kyang dpag tshad tsam/ /spar nas mdo sde 'di la rang dbang dag /'thob par bya phyir 'dren pa rnams la mchod/ /res 'ga' me tog tsam pa ka dang ni/ /su ma na dang mya ngan med pa yi/ /phreng ba rgyal mtshan gdugs ni sna tshogs kyis/ /de bzhin gshegs pa'i mchod rten mchod pa byas/ /nga sngon 'khor ba'i 'khor bar gyur pa'i tshe/ /slong du 'ongs pa dag la sbyin btang ste/ /res 'ga' me tog 'bras bu dag kyang btang / /res 'ga' zag pa khron pa chu mi btang / /res 'ga' glang po che dang bzhon pa btang / /res 'ga' rin chen rta dang chung ma btang / /res 'ga' gser gyi khri dang rin chen gur/ /res 'ga' se mo do dang phreng ba btang / /de bzhin bskal pa brgya stong rdzogs par ni/ /mdo sde 'di phyir sems la ser sna med// // bam po gnyis pa/ nga sngon mdo sde 'di yi phyir/ /tshul khrims yongs su dag par bsrungs/ /ting 'dzin shes rab rtag tu bsgoms/ /sems can rnams la sbyin pa btang / /nga sngon mdo sde 'di yi phyir/ /gtum po dag gis brgyad bkag kyang / /de tshe da ni snying brtse bas/ /de la gnod pa yong ma byas/ /nga sngon mdo sde 'di yi phyir/ /slong du 'ongs pa dag la ni/ /ji ltar mos bzhin rab gtang bas/ /thams cad rab tu 79.238b dga' bar byas/ /nga sngon mdo sde 'di yi phyir/ /gzhal med khang chen rnams la ni/ /rin chen dra bas rab brgyan nas/ /sangs rgyas rnams la yongs su phul/ /nga sngon mdo sde 'di yi phyir/ /rin chen rnam pa sna tshogs dang / /yid bzhin nor bu rin po ches/ /sangs rgyas rnams la mchod pa byas/ /nga sngon mdo sde 'di yi phyir/ /drin yod rnams la rtag dran pas/ /tha na tshigs bcad gcig mnyan pa/ /de la yang ni bkur sti byas/ /nga sngon mdo sde 'di yi phyir/ /tshul khrims ldan la rab bkur bas/ /tha na 'chag pa'i tshe na yang / /de la rtag tu gus pa bskyed/ /nga sngon mdo sde 'di yi phyir/ /'khor ba dag na 'khor ba'i tshe/ /drin ni cung zad yod pa la 'ang / /de la rtag tu drin du gzos/ /nga sngon mdo sde 'di yi phyir/ /rnyed pa ma btsal chos ma skur/ /nye bshes sems can rnams la ni/ /snying brtse dag ni rab tu bskyed/ /nga sngon mdo sde 'di yi phyir/ /mang thos legs bshad ldan pas na/ /chos la mngon par zhen byed cing / /bshes pa'i khyim la ser sna med/ /nga sngon mdo sde 'di yi phyir/ /mi dge'i sems ni skyes gyur na/ /myur ba nyid du rab bshags pas/ /'phel bar yang ni yod ma byas/ /nga sngon mdo sde 'di yi phyir/ /rgyal po'i bur ni gyur ba na/ /rin po che dang byug spos dang / /spos kyi phye ma ji snyed pa/ /dad pa'i sems ni ngas bskyed nas/ /sangs rgyas rnams la bsngos shing phul/ /nga sngon mdo sde 'di yi phyir/ /khri mon btson la snying brtse bas/ /sdug bsngal sna tshogs gang myong ba/ /lus kyi skyin par dang du blangs/ /nga sngon mdo sde 'di yi phyir/ /'dod pa'i yon tan lnga spangs nas/ /rtag tu dus drug dag gi tshe/ /sdom pa dag ni rab tu blangs/ /nga sngon mdo sde 'di yi phyir/ /rtag tu bzod 79.239a pa rab bsgoms pas/ /tha na chung ma dag la yang / /'dod pa'i ser sna yong ma bskyed/ /nga sngon mdo sde 'di yi phyir/ /dbul phongs dag ni thams cad kun/ /bde ba dag ni thob bya'i phyir/ /nor dag gis ni phyug por byas/ /nga sngon mdo sde 'di yi phyir/ /dge sbyong dang ni bram ze dang / /skye dgu rnam pa sna tshogs kun/ /thams cad dag ni rab tu bsdus/ /nga sngon mdo sde 'di yi phyir/ /thams cad kun la phan gdags phyir/ /rtag tu sbyin bdag cher byas nas/ /slong ba dag la yongs su btang / /res 'ga' me tog 'bras bu dag /gzhan dag gcod du mi gzhug par/ /sems can rnams la yongs btang zhing / /yid bzhin du ni tshim par byas/ /nga sngon sbyin pa btang ba'i tshe/ /sems ni rtag tu snyoms pas na/ /tshul khrims yon tan ldan pa dang / /tshul khrims 'chal dang ngo tsha med/ /rdzu 'phrul chen po thob pa nas/ /so so'i skye bo'i bar dag la/ /ngo mtshar snyam pa'i sems bskyed nas/ /gus pas kun la sbyin pa btang / /nga sngon sbyin pa gtong ba'i tshe/ /sems la mtho dma' med pas na/ /sdug bsngal 'gro ba mi tshol zhing / /mdo sde 'di la rtse gcig mos/ /res 'ga' yul khams dag tu ni/ /phyir rgol thams cad med byas shing / /klu rnams kun ni rab btul nas/ /dus bzhin char ni rab tu phab/ /zla 'od khyod kyis shes par gyis/ /ngas ni tshe rabs dpag med nas/ /mdo sde 'di ni gnyer ba'i phyir/ /dka' ba rnams ni rab tu spyad/ /bskal pa brgya stong snyed du ni/ /brjod kyang mthar thug mi 'gyur ro/ /yid ches pa la khyod gnas nas/ /ma 'ongs tha ma dus kyi tshe/ /yang dag dran pa'i sems skyed la/ /mdo sde 'di ni bshad par gyis/ /ngas ni sangs rgyas spyan dag gis/ /ma 'ongs dus ni gsal gzigs 79.239b pas/ /spyod pa sna tshogs ji lta ba/ /thams cad rab tu mkhyen pa yin/ /dge slong dag ni gang zhig gis/ /bla med ye shes btsal ba'i phyir/ /shin du dang ba'i sems kyis ni/ /mdo sde 'di ni gang ston pa/ /gang zag de dang phyogs rnams kyang / /thams cad ma lus thugs su chud/ /ma 'ongs tha ma dus kyi tshe/ /mdo 'di thos nas gang mos pa/ /bsam pa dang ni thabs rnams kyang / /thams cad ma lus thugs su chud/ /dman pa dag ni gang zhig gis/ /mdo sde 'di ni ma thos pas/ /chos bstan pa la skur 'debs pa/ /thams cad ma lus thugs su chud/ /dge slong rnams ni gang zhig dang / /dge slong ma ni gang zhig gis/ /mdo sde 'di ni thos gyur nas/ /shin du gdung bas du byed pa/ /de kun ngas ni lung bstan nas/ /rgyal ba gtso bo mthong bar 'gyur/ /zla 'od khyod kyis shes par gyis/ /sangs rgyas rdzu 'phrul stobs kyis ni/ /gang dag yid ni dag pa dang / /gang dag gi ni ma dag dang / /tha na mos pa gang yin pa/ /thams cad ma lus thugs su chud/ /sems can dag ni gang zhig gis/ /rab zhi dben la rtag mos shing / /ting 'dzin rnams la rab gnas nas/ /'khor ba dag la ma chags pas/ /tha na bag chags rnams kyang ni/ /gtan nas rab tu gang spangs dang / /de la sogs pa'i yon tan rnams/ /sems can dag ni gang zhig gis/ /mi bden chos la zhen pa dang / /sems can dag ni gang zhig gis/ /sangs rgyas la ni rab mos pa/ /ma 'ongs dngos po 'di lta bu/ /thams cad ma lus thugs su chud/ /sems can dag ni gang zhig gis/ /'jig rten bde la rab chags pas/ /sangs rgyas byang chub sa bon dag /legs pa nyid du mi skyed pa/ /rgyu dang rkyen ni de yi phyir/ /sbyor ba rnams ni nyams par 'gyur/ /su yang rung ba gang 79.240a zhig gis/ /byang chub sa bon rtogs gyur na/ /gang zag de yis nges par ni/ /rnam dag 'od zer dpag med thob/ /zla 'od khyod kyis 'di lta bur/ /'od zer 'di la sogs pa yi/ /rgyu dang rkyen ni re re kun/ /so so tha dad nyid du ltos/ /khyod kyis shes rab stobs kyis ni/ /thams cad de ltar rig par gyis/ /gang zhig mi dge grogs spangs te/ /dge ba'i bshes gnyen la bsten byas/ /tshul khrims rnam dag gang srung ba/ /sangs rgyas 'od zer sgrub par 'gyur/ /khyod kyis dbang po rab bsrungs la/ /ngo tsha khrel med rab tu spongs/ /dge ba'i chos ni rab sgoms la/ /sems can rnams ni bsrung bar gyis/ /khyod kyis rtsod pa rab spongs la/ /stong nyid dag ni rtogs par gyis/ /rnyed pa dag la ma gdu bar/ /mang thos legs bshad ldan par gyis/ /khyod kyis rnyed pa dag la ni/ /mi gtsang lta bur blta bar gyis/ /rnyed pa'i dri ma dag gis ni/ /rnam dag sems ni spags ma byed/ /rnam par grol ba btsal bar byos/ /bla med rnyed pa thob par 'gyur/ /khyod kyis sangs rgyas lam bsgrubs la/ /sangs rgyas chos nyid 'dra bar ltos/ /chos kyi sgron chen rtag sbar la/ /'jig rten kun ni snang bar gyis/ /khyod kyi sems ni ri rgyal ltar/ /mi g.yo nyid du rab tu byos/ /kha ngan dang ni brdegs pa yang / /thams cad bzod pa dang du long / /khyod ni sems can rnams kyi phyir/ /dge bshes yang dag rab tu byos/ /dman pa'i sems ni yongs spongs la/ /rnam dag las ni rtag tu bsgrubs/ /khyod kyi sems ni brtan byos la/ /bla med chos ni rab tu ston/ /mdo sde dam pa 'di lta bu/ /brtse ba can la sbyin par gyis/ /bla med ye shes gang tshol ba/ /'khor ba dag la 'jigs ma byed/ /des ni sdig pa rnam spangs nas/ /phan yon mchog ni thob par 'gyur/ /dper na blo dang ldan pa dag /me la spyod par mkhas pa gang / / 79.240b ro rnams sna tshogs sbyin byed kyang / /mes ni sreg par yod mi 'gyur/ /gang zhig blo dang mi ldan pa/ /thabs dag la ni mi mkhas pas/ /me khyer lag mthil gang bzhag pa/ /mes ni rab tu sreg par 'gyur/ /ji ltar mi zhig dug dag gis/ /sems ni 'khrugs nas myos pa gang / /me la rab tu bsros na ni/ /de yi rgyu yis sos par 'gyur/ zla 'od khyod kyis shes par gyis/ /blo dang ldan pa'ang de bzhin du/ /yid brten yid ni stong par rig /de phyir 'khor bar gnas kyang ni/ /mig brten mig ni stong rig pas/ /mig la mngon par zhen pa med/ /gal te de ltar rab shes na/ /mig la gnas kyang nyon mongs med/ /gal te mig nyid stong rig na/ /yang dag ye shes sgrub par 'gyur/ /yang dag ye shes thob pa'i phyir/ /'od zer dag ni 'byung bar 'gyur/ /gal te mig nyid stong rig na/ /'dod chags dag ni gtan nas spong / /'dod chags dag ni med pa'i phyir/ /'od zer dag ni 'byung bar 'gyur/ /de bzhin zhe sdang gti mug dang / /ngar 'dzin 'chab dang khro ba dang / /ser sna phrag dog ngo tsha med/ /mi bzod sems ni mtho ba dang / /rgyags dang mngon pa'i nga rgyal dang / /g.yo sgyu dang ni bag med dang / /gya gyu la sogs par du yang / /thams cad 'dod chags bzhin du bshad/ /yang dag ye shes thob gyur na/ /mig ni zhi ba nyid du rtogs/ /zhi ba nyid du rtogs pa'i phyir/ /'od zer dag ni 'byung bar 'gyur/ /yang dag ye shes thob gyur na/ /sangs rgyas tshul la rab tu gnas/ /tshul la rab tu gnas pa'i phyir/ /'od zer dag ni 'byung bar 'gyur/ /yang dag ye shes thob gyur na/ /sangs rgyas thabs la gnas par 'gyur/ /thabs la rab tu gnas pa'i phyir/ /'od zer dag ni 'byung bar 'gyur/ /yang dag ye shes ma bsgrubs par/ /sgrib pa dag ni gtan spong zhing / /'od 79.241a zer 'byung ba sgrub par ni/ /ngas sngon ma thos ma mthong ngo / /yang dag ye shes rab bsgrubs nas/ /sgrib pa'i gnod pa gtan spong zhing / /spyod pa 'di rjes gang 'brang ba/ /'od zer 'gyed pa thob par 'gyur/ /rgyal ba'i spyod pa yongs tshol zhing / /mdo sde 'di la bslab byas nas/ /de bzhin gshegs la gang mchod pa/ /yang dag ye shes thabs thob 'gyur/ /yang dag ye shes gang bsgrubs pa/ /sangs rgyas rnams la mchod par gyis/ /'od zer 'gyed pa rdzogs par 'gyur/ /lag mthil 'bras bu ji bzhin no/ /mig la bdag med gang rmongs pa/ /dge sbyong chos ni nyams par 'gyur/ /gang zag de yis de lta bu'i/ /'od zer 'gyed pa thob mi 'gyur/ /mig la bdag med gang rtogs pa/ /dge slong chos ni sgrub par 'gyur/ /gang zag de yis de lta bu'i/ /'od zer 'gyed pa thob par 'gyur/ /mig gi mtha' zad gang rtogs pa/ /rna ba skye ba'i mtha' yang rtogs/ /rna ba skye ba'i mtha' rtogs pas/ /dge sbyong chen po'i chos shes bya/ /gal te mig gi ngo bo nyid/ /mtha' ni yongs su ma shes na/ /mig ni skye ba'i mtha' dag kyang / /yongs su shes par mi 'gyur bas/ /gang zag de yis de lta bu'i/ /'od zer 'gyed pa thob mi 'gyur/ /gal te mig gi ngo bo nyid/ /mtha' ni yongs su shes gyur na/ /mig ni skye ba'i mtha' dag kyang / /yongs su shes pa nyid du 'gyur/ /gang zag de yis de lta bu'i/ /'od zer 'gyed pa thob par 'gyur/ /gal te mig gi ngo bo nyid/ /mtha' ni legs par ma shes na/ /mig ni skye ba'i mtha' dag kyang / /legs pa nyid du mi shes pas/ /gang zag de yis de lta bu'i/ /'od zer 'gyed pa thob mi 'gyur/ /gal te mig gi ngo bo nyid/ /mtha' ni legs par shes gyur na/ /mig ni skye ba'i mtha' dag 79.241b kyang / /legs pa nyid du shes 'gyur bas/ /gang zag de yis de lta bu'i/ /'od zer 'gyed pa thob par 'gyur/ /gal te mig gi ngo bo nyid/ /mtha' ni mngon sum ma shes na/ /mig ni skye ba'i mtha' dag kyang / /mngon sum nyid du mi shes pas/ /gang zag de yis de lta bu'i/ /'od zer 'gyed pa thob mi 'gyur/ /gal te mig gi ngo bo nyid/ /mtha' ni mngon sum shes gyur na/ /mig ni skye ba'i mtha' dag kyang / /mngon sum nyid du rab shes pas/ /gang zag de yis de lta bu'i/ /'od zer 'gyed pa thob par 'gyur/ /gal te mig gi ngo bo nyid/ /mtha' ni legs par ma shes na/ /mig ni skye ba'i mtha' dag kyang / /yongs su shes par mi 'gyur bas/ /gang zag de yis de lta bu'i/ /'od zer 'gyed pa thob mi 'gyur/ gal te mig gi ngo bo nyid/ /mtha' ni legs par shes gyur na/ /mig ni skye ba'i mtha' dag kyang / /mngon sum nyid du shes 'gyur bas/ /gang zag de yis de lta bu'i/ /'od zer 'gyed pa thob par 'gyur/ /gal te mig gi ngo bo nyid/ /rnam dag legs par ma shes na/ /rna ba'i ngo bo rnam dag pa/ /legs pa nyid du mi shes bas// gang zag de yis de lta bu'i/ /'od zer 'gyed pa thob mi 'gyur/ /gal te mig gi ngo bo nyid/ /rnam dag legs par shes gyur na/ /rna ba'i ngo bo rnam dag pa/ /legs pa nyid du rtogs 'gyur bas/ /gang zag de yis de lta bu'i/ /'od zer 'gyed pa thob par 'gyur/ /de bzhin sna dang lce dang lus/ /yid dang gzugs sgra dri ro dang / /reg bya chos dang sa chu dang / /me rlung dag gi dngos po dang / /'jig rten sdug bsngal phung po dang / khams dang 'jig rten skye ba dang / /sgra dang ming la sogs pa yang / /thams cad de bzhin rig par gyis/ /de nas bcom ldan 'das kyis zla 'od gzhon nur gyur pa la 'di skad ces bka' stsal to/ /rigs kyi bu 79.242a sems can gang theg pa chen po la yang dag par gzhol zhing 'od zer 'gyed pa de lta bu yongs su rdzogs par bya bar 'dod pa des dge ba'i rtsa ba'i tshogs rnam pa brgyad bcu po 'di dag mngon par bsgrub par bya'o/ /rnam pa brgyad bcu gang zhe na/ 'di lta ste/ sems can yongs su srung zhing rjes su dran pa dang / gnod sems med pa dang / tshul khrims yongs su dag pa srung zhing nyams par mi byed pa dang / sems shin tu mnyam pa dang / g.yo rgyu med pa dang / ser sna med pa dang / phrag dog med pa dang / 'dod chags kyi bsam pa med pa dang / bslu ba'i bsam pa med pa dang / theg pa chen po'i mdo sde dam pa dag la mngon par yid ches pa dang / dbang phyugs dang / rgyags pa la zhen cing sred pa med pa dang / bzod pa'i stobs phun sum tshogs pa dang / smon lam las phyir mi ldog pa dang / bsam pa shin tu rnam par dang par gyur pa dang / dgon pa na gnas pa dang / 'khor rnams la mi rten pa dang / rnyed pa la mi rten pa dang / grags pa la mi rten pa dang / bsam gtan rnams la rab tu gnas pa dang / 'od zer gyi ting nge 'dzin rab tu ston pa dang / tshul khrims dang ldan pa dag la sgyu med par rim gro byed pa dang / tshangs pa mtshungs par spyod pa dag la mchog gi bsam pa skyed pa dang / chos la gus pa'i phyir mkhan po dang slob dpon dag la shin tu bkur ba dang / mdo sde'i don rab tu rtogs pa dang / yang dag par bstan pa la rab tu mkhas pa dang / tshig smras pa dag la mi bden pa med pa dang / yang dag pa'i bsam pa la gnas pa dang / dge ba'i rtsa ba bskyed pa dang / brtson pa dang / rtag tu sbyin pa gtong ba dang / bdud kyi las rab tu rtogs pa dang / dbang po rnams dam du srung ba dang / tshig rab tu brtags pa dang / don dam pa'i 79.242b bden pa la mkhas pa dang / sa rnams kyi rang gi mtshan nyid rab tu rtogs pa dang / gzungs zad mi shes pa yongs su tshol ba dang / lus dang srog la phangs pa med pa dang / 'khor bzhi po dag la rjes su ston par byed pa dang / 'jig rten pa'i bsam pa yongs su bcad pa dang / 'jig rten phyi ma'i chos med do zhes zer ba'i log par lta ba rnams spangs pa dang / da dung ma bslabs pa dag la gya gyu'i mtshan ma mi ston pa dang / gang bslab par 'dod pa dag la ci nus kyis rnam par phye nas rab tu ston pa dang / glu dang rol mo'i sgra dag gi bsngags pa mi brjod pa dang / rgyan dang yo byad kyi bsngags pa mi brjod pa dang / bden pa rnams la yang dag par zhugs pa dang / mang du thos pa phun sum tshogs pa dang / gnyid rab tu spangs pa dang / yang dag pa'i chos yongs su tshol ba la rab tu brtson pa dang / sangs rgyas la gus pa dang / byang chub tu sems bskyed pa dang / 'jig rten pa'i las yongs su spangs pa dang / bslab pa'i gnas rnams la yang dag par brtson pa dang / chos la sred pa'i phyir grogs khyad par can la rten par byed pa dang / dge ba'i rtsa ba rnams yongs su tshol ba la skyo ba med pa dang / rab tu 'byung ba la shin du mos pa dang / sangs rgyas kyi chos srung zhing yongs su 'dzin par byed pa dang / sdig pa'i las mi slong ba dang / bstan pa rnams la the tshom med pa dang / dpes ston pa la rab tu mkhas pa dang / gsang ba rnams rnam par phye nas ston par byed pa dang / byang chub chen po yongs su tshol ba la ngal ba med pa dang / mdo sde yang dag par bzung ba rnams brjed par mi byed pa dang / rang gi bslab pa mi spong ba dang / pha rol gyi smra ba rnams tshar gcod pa dang / nges par 'byung ba'i lam yongs su tshol ba dang / spyod pa tshad med pa rnams 79.243a mngon par sgrub pa dang / chos kyi ye shes de dag la sems nges par gyur pa dang / rgyu dang 'bras bu gsal bar mthong zhing 'khor ba'i rgyun mi gcod pa dang / srid pa gsum po dag la chags pa med pa dang / mngon pa'i nga rgyal spangs pa dang / mngon par yid ches pa dag la mnyen po rnam par gzhag pa dag ston par byed pa dang / ma 'ongs pa'i 'bras bu rnam par smin pa'i bye brag rtogs par khong du chud pa dang / sngon gyi mtha' yongs su legs par shes pa dang / gzhan gyi dring la mi ltos pa dang / yongs su spong ba'i spyod pa dag la brtson 'grus kyis grub par byed pa dang / sangs rgyas kyi mtshan dang dpe byad kyi bkod pa dag phun sum tshogs par byed pa gang yin pa 'di ni rnam pa brgyad bcu zhes bya'o/ /gzhan yang zla 'od gzhon nu chos brgyad bcu po 'di dag ni chos lnga'i nang du 'jug par 'gyur ro/ /chos lnga gang zhe na/ 'di lta ste/ 'khor ba shes pa dang / mya ngan las 'das pa shes pa dang / nyon mongs pa zad pa shes pa dang / mchog tu gyur pa shes pa dang / bsod nams kyi 'bras bu shes pa gang yin pa'o/ /gzhan yang zla 'od gzhon nu chos lnga po de dag ni chos gnyis kyi nang du 'jug par 'gyur ro/ /gnyis gang zhe na/ 'di lta ste/ sems yongs su dag pas rab tu brgyan pa dang / gzugs yongs su dag pas rab tu brgyan pa gang yin pa'o/ /gzhan yang zla 'od gzhon nu chos gnyis po de dag ni chos gcig gi nang du 'jug par 'gyur ro/ /gcig gang zhe na/ 'di lta ste/ de bzhin gshegs pa rnams kyi thogs pa mi mnga' ba'i rnam par grol ba mngon par grub pa gang yin pa'o/ /gzhan yang zla 'od gzhon nu yang chos rnam pa brgyad bcu yod de/ de dag gis de bzhin gshegs pa rnams kyi thogs pa mi mnga' ba'i 79.243b rnam par grol ba legs par yongs su rdzogs par byed pa'o/ /rnam par brgyad bcu gang zhe na/ 'di lta ste/ sbyin pa'i tshogs dang / shes rab rgya chen por gyur pa dang / tshul khrims rnam par dag pa yongs su sgrub pa dang / nyon mongs pa'i gdung ba dang bral ba dang / nga rgyal rab tu bcom pa dang / tshig mnyen pa dang / dngos po sna tshogs rab tu shes pa dang / dge ba'i grogs po yongs su shes pa dang / theg pa chen po la yang dag par gzhol ba dang / brtson 'grus kyi go cha bgos pa dang / spyod lam gyis sems can 'dul ba dang / nyon mongs par ltung ba rnams kyi the tshom rab tu gcod pa dang / mi dge ba rnams la smod cing chos dkar po rnams mngon par bsgrub pa dang / mi dge ba'i grogs po dang mi 'grogs pa dang / dge ba'i rtsa ba rnams bskyed pa la yongs su skyo ba med pa dang / byang chub tu sems bskyed pa dang / brtson 'grus rab tu rtsom pa dang / bdud kyi dngos po rab tu rtogs pa dang / bden pa rnams mngon du gyur pa dang / yang dag pa kho nar mchod pa byed pa dang / the tshom yongs su gcod pa dang / sems kyis rtag tu sems can yongs su bzla bar sems pa dang / srid pa rnams la mngon par zhen pa med pa dang / sems rgya chen po yongs su bskyed pa dang / sems can mi dge ba rnams la nyes dmigs yang dag par ston pa dang / 'dod chags dang / zhe sdang dang / gti mug rab tu spong ba dang / 'dod pa'i phan pa yongs su mi tshol ba dang / sems can yongs su smin par byed pa dang / de bzhin gshegs pa'i mchod rten 'chos pa dang / 'phags pa rnams la gus pa skyed pa dang / theg pa chen po la gnas pa dag la rten cing rim gro byed pa dang / theg pa dman pa dag gi bsngags pa mi brjod pa dang / nyan thos kyi theg 79.244a pa pa dag thag ring du spong ba dang / phyir rgol ba rnams tshar gcod pa dang / sangs rgyas bcom ldan rnams la mchod pa rgya chen po bshams nas khyad par du 'phags pa'i sems kyis dbul bar byed pa dang / thogs pa med pa'i ye shes thob pa dang / spobs pa phun sum tshogs pa dang / dpe sna tshogs kyis yang dag pa'i chos rab tu ston par byed pa dang / ston pa'i ngo bo nyid dang 'gal bar mi byed pa dang / chos yongs su tshol ba la le lo med pa dang / don zab mo yang dag par ston pa dang / gzungs chen po dang ldan pa dang / chos yang dag par ston par byed kyang mngon par zhen pa med pa dang / chos rgya cher spel bar byed pa dang / yongs su 'dren pa la chog shes pa med pa dang / spyod pa rnams yongs su rdzogs pa dang / gzi byin chen po dang ldan pa dang / spobs pa thogs pa med pa dang / mang du thos pa phun sum tshogs pa dang / mi dge ba rnams kyi bsngags pa mi rjod pa dang / dge ba'i las yang dag par sgrub pa dang / phung po rnams khong du chud pa dang / lta ba rnams rab tu spangs pa dang / rgyu'i ngo bo nyid rab tu rtogs pa dang / spyod yul las yang dag par 'das pa dang / spyod yul ma yin pa yongs su spangs pa dang / yongs su dang ba skyed pa dang / yang dag pa'i lam la gnas pa dang / theg pa chen po la rab tu dga' ba dang / mnyam pa nyid du yongs su sdud par byed pa dang / bdag med pa la mngon par ma chags pa dang / 'khor ba la yongs su skyo ba med pa dang / mya ngan las 'das pa yongs su tshol ba la mos pa dang / 'dod pa chung ba'i phyir dgon pa la gnas pa dang / rtag tu bsod snyoms slong zhing le lo med par gyur pa dang / ji tsam rnyed pa de nyid kyis chog par 'dzin pa dang / ngo tsha med pa dang / 79.244b khrel med pa spangs pa dang / sangs rgyas rnams la bsnyen par byed pa dang / dge ba'i grogs po dang lhan cig gnas pa dang / bdag gi zla ma yin pa rnams rab tu spong ba dang / so so'i skye bo rnams la snying brtse ba dang / sems can gyi spyod pa dang mthun par byed pa dang / sangs rgyas la shin du dang ba dang / snod ma yin pa yongs su spong ba dang / mi mthun pa rnams la tshig sbyin par mi byed pa dang / gsol ba mi 'debs pa dag la yang dag par ston par mi byed pa dang / gsol ba 'debs pa zhig 'ongs nas ci rigs par ston par byed pa dang / zas la snyoms par gyur pa dang / rtag tu gtong zhing mnyam pa nyid du gtong ba dang / sgo chen po phye nas gtong bar byed pa gang yin pa de dag ni gzhon nu chos rnam pa brgyad bcu zhes bya ste/ 'di dag gis de bzhin gshegs pa rnams kyi thogs pa mi mnga' ba'i rnam par grol ba thob par byed do/ /de'i tshe zla 'od gzhon nur gyur pas chos de lta bu thos pas rab tu dga' bar gyur nas bcom ldan 'das kyi spyan sngar tshigs su bcad de mngon par bstod pa/ de bzhin gshegs pa mi zad mtha' mkhyen pas/ /de slad rnam dag ye shes ston mdzad lags/ /rnam dag ye shes ston par mdzad pas na/ rnam dag 'od zer phun sum tshogs pa lags/ de bzhin gshegs pas mig bdag med mkhyen pas/ de slad rnam dag dbyangs ni ston mdzad lags/ /rnam dag dbyangs ni ston par mdzad pas na/ /tshangs dbyangs mtshan nyid phun sum tshogs pa lags/ /bcom ldan sngon ni sems can phan btags pas/ /de slad rnam dag gsung ni rdzogs pa lags/ /rnam dag gsung ni yongs su rdzogs pas na/ /'jig rten tshad med rnams la phan 'dogs mdzad/ /de bzhin gshegs pas mig 79.245a nyid stong mkhyen pas/ /de slad kun 'dzin mkhyen pa rdzogs pa lags/ /kun 'dzin mkhyen pa yongs su rdzogs pas na/ /de bzhin gshegs pa'i 'od zer dpag med ston/ /de bzhin gshegs pas mig gi khyad par mkhyen/ /mig gi khyad par dag kyang mtha' ma mchis/ /mkhyen pa'i ming ni dpag tu ma mchis pas/ /de bzhin gshegs pa'i 'od zer dpag med ston/ /sangs rgyas yi ge khyad par sgo mkhyen pas/ /mig stong yi ge bral bar rab tu mkhyen/ /mig ston yi ge bral bar mkhyen pas na/ /de bzhin gshegs pa'i 'od zer dpag med ston/ /gang zhig mig la bdag med rab sems pa/ /sangs rgyas gsung ni bden pa nyid du rtogs/ /de bzhin gshegs pa'i 'od zer nges pa ston/ /bcom ldan rdzu 'phrul mchog ni yongs rdzogs pas/ /mig gi 'jig pa dpag med thugs su chud/ /mig gis 'jig pa rab tu mkhyen pas na/ /'jig rten thams cad la ni phan 'dogs mdzad/ /thugs rje chen po rkang gnyis mchog gyur pa/ /mig gi skye ba dpag med rab tu mkhyen/ /ji ltar bcom ldan mig gi skye mkhyen pa/ /bdag kyang ring por mi thogs de bzhin shog /de bzhin rna ba sna dang lce lus yid/ /gzugs sgra dri ro reg bya dag dang chos/ /'jig rten skye dang sgra dang ming la sogs/ /thams cad la yang de bzhin rab tu mkhyen/ thugs rje chen po rkang gnyis mchog gyur pa/ /sbyin pa'i pha rol byon pa phun sum tshogs/ /ji ltar bcom ldan sbyin pa'i pha rol byon/ /bdag kyang ring por mi thogs de bzhin shog /thugs rje chen po rkang gnyis mchog gyur pa/ /tshul khrims rnam dag pha rol byon dang ldan/ /ji ltar bcom ldan tshul khrims pha rol byon/ /bdag kyang ring 79.245b por mi thogs de bzhin shog /thugs rje chen po rkang gnyis mchog gyur pa/ /bzod pa'i pha rol byon pa phun sum tshogs/ /ji ltar bcom ldan bzod pa'i pha rol byon/ /bdag kyang ring por mi thogs de bzhin shog /thugs rje chen po rkang gnyis mchog gyur pa/ /brtson 'grus pha rol byon pa phun sum tshogs/ ji ltar bcom ldan brtson 'grus pha rol byon/ /bdag kyang ring por mi thogs de bzhin shog /thugs rje chen po rkang gnyis mchog gyur pa/ /bsam gtan pha rol byon pa phun sum tshogs/ /ji ltar bcom ldan bsam gtan pha rol byon/ /bdag kyang ring por mi thogs de bzhin shog /thugs rje chen po rkang gnyis mchog gyur pa/ /shes rab pha rol byon pa phun sum tshogs/ /ji ltar bcom ldan shes rab pha rol byon/ /bdag kyang ring por mi thogs de bzhin shog /thugs rje chen po rkang gnyis mchog gyur pa/ /chos sku'i pha rol byon pa phun sum tshogs/ /ji ltar bcom ldan chos sku'i pha rol byon/ /bdag kyang ring por mi thogs de bzhin shog /thugs rje chen po rkang gnyis mchog gyur pa/ /rnam dag gzugs ni dpag med phun sum tshogs/ /ji ltar bcom ldan rnam dag gzugs ldan pa/ /bdag kyang ring por mi thogs de bzhin shog /thugs rje chen po rkang gnyis mchog gyur pa/ /rnam dag yid ni dpag med phun sum tshogs/ /ji ltar bcom ldan rnam dag yid ldan pa/ /bdag kyang ring por mi thogs de bzhin shog /thugs rje chen po rkang gnyis mchog gyur pa/ /yon tan mchog ni dpag med phun sum tshogs/ /ji ltar bcom ldan yon tan mchog ldan pa/ /bdag kyang ring por mi thogs de bzhin shog / 79.246a thugs rje chen po rkang gnyis mchog gyur pa/ /gzugs kyi mtshan ni dpag med phun sum tshogs/ /ji ltar bcom ldan gzugs kyi mtshan ldan pa/ /bdag kyang ring por mi thogs de bzhin shog /thugs rje chen po rkang gnyis mchog gyur pa/ /rnam dag sgra ni dpag med phun sum tshogs/ /ji ltar bcom ldan rnam dag sgra ldan pa/ /bdag kyang ring por mi thogs de bzhin shog /thugs rje chen po rkang gnyis mchog gyur pa/ /rdzu 'phrul chen po dpag med phun sum tshogs/ /ji ltar bcom ldan rdzu 'phrul mchog ldan pa/ /bdag kyang ring por mi thogs de bzhin shog /thugs rje chen po rkang gnyis mchog gyur pa/ /sems can gdul slad srid pa gsum na bzhugs/ /ji ltar bcom ldan sems can gdul mdzad pa/ /bdag kyang ring por mi thogs de bzhin shog /thugs rje chen po rkang gnyis mchog gyur pa/ /'khor ba'i spyod pa dpag med dag las 'das/ ji ltar bcom ldan 'khor ba'i spyod 'das pa/ /bdag kyang ring por mi thogs de bzhin shog /thugs rje chen po rkang gnyis mchog gyur pa/ /'dod chags spyod pa dpag med dag las 'das/ /ji ltar bcom ldan 'dod chags spyod 'das pa/ /bdag kyang ring por mi thogs de bzhin shog /thugs rje chen po rkang gnyis mchog gyur pa/ /zhe sdang spyod pa dpag med dag las 'das/ /ji ltar bcom ldan zhe sdang spyod 'das pa/ /bdag kyang ring por mi thogs de bzhin shog /thugs rje chen po rkang gnyis mchog gyur pa/ /gti mug spyod pa dpag med dag las 'das/ /ji ltar bcom ldan gti mug spyod 'das pa/ /bdag kyang ring por mi thogs de bzhin shog / 79.246b thugs rje chen po rkang gnyis mchog gyur pa/ /'dod chags zhe sdang spyod pa dpag med 'das/ /ji ltar bcom ldan 'dod sdang spyod 'das pa/ /bdag kyang ring por mi thogs de bzhin shog /thugs rje chen po rkang gnyis mchog gyur pa/ /zhe sdang gti mug spyod pa dpag med 'das/ /ji ltar bcom ldan sdang rmongs spyod 'das pa/ /bdag kyang ring por mi thogs de bzhin shog /thugs rje chen po rkang gnyis mchog gyur pa/ /'dod chags gti mug spyod pa dpag med 'das/ /ji ltar bcom ldan 'dod rmongs spyod 'das pa/ /bdag kyang ring por mi thogs de bzhin shog /thugs rje chen po rkang gnyis mchog gyur pa/ /cha mnyam spyod pa dpag med yang dag 'das/ /ji ltar bcom ldan cha mnyam spyod 'das pa/ /bdag kyang ring por mi thogs de bzhin shog /'dren pa 'dod chags dag las yongs 'das pas/ /'jig rten kun la shin tu phan 'dogs mdzad/ /ji ltar bcom ldan 'jig rten phan 'dogs pa/ /bdag kyang de 'dra'i ye shes grub par shog /'dren pa zhe sdang dag las yongs 'das pas/ /'jig rten kun la shin du phan 'dogs mdzad/ /ji ltar bcom ldan 'jig rten phan 'dogs pa/ /bdag kyang de 'dra'i ye shes grub par shog /'dren pa gti mug spyod las yongs 'das pas/ /'jig rten kun la shin du phan 'dogs mdzad/ /ji ltar bcom ldan 'jig rten phan 'dogs pa/ /bdag kyang de 'dra'i ye shes grub par shog /'dren pa 'dod chags zhe sdang spyod 'das pas/ /'jig rten kun la shin du phan 'dogs mdzad/ /ji ltar bcom ldan 'jig rten phan 'dogs pa/ /bdag kyang de 'dra'i ye shes grub par shog /'dren pa zhe sdang gti mug spyod 'das pas/ /'jig rten kun las shin tu phan 79.247a 'dogs mdzad/ /ji ltar bcom ldan 'jig rten phan 'dogs pa/ /bdag kyang de 'dra'i ye shes grub par shog /'dren pa 'dod chags gti mug spyod 'das pas/ /'jig rten kun las shin du phan 'dogs mdzad/ /ji ltar bcom ldan 'jig rten phan 'dogs pa/ /bdag kyang de 'dra'i ye shes grub par shog /'dren pa chags sdang gti mug spyod 'das pas/ /'jig rten kun las shin du phan 'dogs mdzad/ /ji ltar bcom ldan 'jig rten phan 'dogs pa/ /bdag kyang de 'dra'i ye shes grub par shog /de bzhin gshegs pa mkhyen pa mchog ldan pas/ /lha tshogs mang po thams cad 'dul bar mdzad/ /bdag kyang de 'dra'i ye shes grub gyur nas/ /lha mi kha lo sgyur ba'i ston par shog /de bzhin gshegs pa mkhyen pa mchog ldan pas/ /klu tshogs mang po thams cad 'dul bar mdzad/ /bdag kyang de 'dra'i ye shes grub gyur nas/ /lha mi kha lo sgyur ba'i ston par shog /de bzhin gshegs pa mkhyen pa mchog ldan pas/ /gnod sbyin mang po thams cad 'dul bar mdzad/ /bdag kyang de 'dra'i ye shes grub gyur nas/ /lha mi kha lo sgyur ba'i ston par shog /de bzhin gshegs pa mkhyen pa mchog ldan pas/ /dri za thams cad rab tu 'dul mdzad cing / /de bzhin grul bum dpag tu ma mchis pa/ /'khor bcas ji snyed rab tu 'dul bar mdzad/ /bdag kyang de 'dra'i ye shes grub gyur nas/ /lha mi kha lo sgyur ba'i ston par shog /de bzhin gshegs pa mkhyen pa mchog ldan pas/ /chos rnams yang dag don ni rab tu mkhyen/ /bdag kyang de 'dra'i ye shes grub gyur nas/ /yang dag de la the tshom ma mchis shog /de bzhin gshegs pa sdug bsngal 79.247b zad mtha' mkhyen/ /skye dgu thams cad la ni phan 'dogs mdzad/ /bdag kyang de 'dra'i ye shes grub gyur nas/ /sdug bsngal zad la the tshom ma mchis shog /de bzhin gshegs pas rgyu zad mtha' mkhyen pas/ /skye dgu thams cad la ni phan 'dogs mdzad/ /bdag kyang de 'dra'i grub gyur nas/ /rgyu zad de la the tshom ma mchis shog /de bzhin gshegs pa mkhyen pa mchog ldan pas/ /'jig rten spyod pa dag ni rab tu mkhyen/ /bdag kyang de 'dra'i ye shes grub gyur nas/ /'jig rten spyod la the tshom ma mchis shog /de bzhin gshegs pa mkhyen pa mchog ldan pas/ /'jig rten gnas dang gnas med rab tu mkhyen/ bdag kyang de 'dra'i ye shes grub gyur nas/ /'jig rten thams cad la ni phan bgyid shog /de bzhin gshegs pa mkhyen pa mchog ldan pas/ /'jig rten las dang 'bras bu rab tu mkhyen/ /bdag kyang de 'dra'i ye shes grub gyur nas/ /'jig rten thams cad la ni phan bgyid shog /de bzhin gshegs pa mkhyen pa mchog ldan pas/ /'jig rten rang bzhin sna tshogs rab tu mkhyen/ /bdag kyang de 'dra'i ye shes grub gyur nas/ /'jig rten thams cad la ni phan bgyid shog /de bzhin gshegs pa mkhyen pa mchog ldan pas/ /thams cad kun du 'gro ba'i spyod pa mkhyen/ /bdag kyang de 'dra'i ye shes grub gyur nas/ /'jig rten thams cad la ni phan bgyid shog /de bzhin gshegs pa mkhyen pa mchog ldan pas/ /'jig rten mos pa sna tshogs rab tu mkhyen/ /bdag kyang de 'dra'i ye shes grub gyur nas/ /'jig rten thams cad la ni phan bgyid shog /de bzhin gshegs pa mkhyen pa mchog ldan pas/ /dbang po rnams kyi rang bzhin thams cad mkhyen/ /bdag 79.248a kyang de 'dra'i ye shes grub gyur nas/ /'jig rten thams cad la ni phan bgyid shog /de bzhin gshegs pa mkhyen pa mchog ldan pas/ /bsam gtan spyod pa dag ni rab tu mkhyen/ /bdag kyang de 'dra'i ye shes grub gyur nas/ /'jig rten thams cad la ni phan bgyid shog /de bzhin gshegs pa mkhyen pa mchog ldan pas/ /rnam par thar pa'i spyod pa rab tu mkhyen/ /bdag kyang de 'dra'i ye shes grub gyur nas/ /'jig rten thams cad la ni phan bgyid shog /de bzhin gshegs pa mkhyen pa mchog ldan pas/ /cha mnyam spyod pa dag ni rab tu mkhyen/ /bdag kyang de 'dra'i ye shes grub gyur nas/ /'jig rten thams cad la ni phan bgyid shog /de bzhin gshegs pa mkhyen pa mchog ldan pas/ /snyoms 'jug spyod pa dag ni rab tu mkhyen/ /bdag kyang de 'dra'i ye shes grub gyur nas/ /'jig rten thams cad la ni phan bgyid shog /de bzhin gshegs pa 'khor ba rab mkhyen pas/ /'khor ba nyon mongs rgyu las skyes par mkhyen/ /bdag kyang de 'dra'i ye shes grub gyur nas/ /'jig rten thams cad la ni phan bgyid shog /de bzhin gshegs pa thams cad rab mkhyen pas/ /'jig rten phan 'dogs dpe zla yongs ma mchis/ /bdag kyang de 'dra'i ye shes grub gyur nas/ /'jig rten thams cad la ni phan bgyid shog /de bzhin gshegs pa ting 'dzin rab gnas pas/ /khyad par thabs kyi ye shes skyed par mdzad/ /bdag kyang de 'dra'i ye shes grub gyur nas/ /'jig rten thams cad la ni phan bgyid shog /de bzhin gshegs pa mkhyen pa mchog ldan pas/ /sngon gyi gnas kyi spyod pa dpag med mkhyen/ /bdag kyang 79.248b de 'dra'i ye shes grub gyur nas/ /'jig rten thams cad la ni phan bgyid shog /de bzhin gshegs pa mkhyen pa mchog ldan pas/ /'chi 'pho skye ba dpag med rab tu mkhyen/ /bdag kyang de 'dra'i ye shes grub gyur nas/ /'jig rten thams cad la ni phan bgyid shog /de bzhin gshegs pa mkhyen pa mchog ldan pas/ /nyon mongs zad pa thams cad rab tu mkhyen/ /bdag kyang de 'dra'i ye shes grub gyur nas/ /'jig rten thams cad la ni phan bgyid shog /de bzhin gshegs pa mkhyen pa mchog ldan pas/ /bla med byang chub yang dag mngon sangs rgyas/ /bdag kyang de 'dra'i ye shes grub gyur nas/ /'jig rten thams cad la ni phan bgyid shog /de bzhin gshegs pa mkhyen pa mchog ldan pas/ /nyon mongs bag chags dag ni rab tu spangs/ /bdag kyang de 'dra'i ye shes grub gyur nas/ /'jig rten thams cad la ni phan bgyid shog /de bzhin gshegs pa mkhyen pa mchog ldan pas/ /'khor ba nges 'byung chos ni rab tu mkhyen/ /bdag kyang de 'dra'i ye shes grub gyur nas/ /'jig rten thams cad la ni phan bgyid shog /de bzhin gshegs pa chos don rab mkhyen pas/ /sems can dpag med rnams ni go bar mdzad/ /bdag kyang de 'dra'i ye shes grub gyur nas/ /'jig rten thams cad la ni phan bgyid shog /de bzhin gshegs pas chos nyid sgyu ma dang / /rmi lam smig rgyu lta bur rab tu mkhyen/ /bdag kyang de 'dra'i ye shes grub gyur nas/ /'jig rten thams cad la ni phan bgyid shog /de bzhin gshegs pas 'jig rten thams cad kyi/ /yi ge dag dang brjod pa rab tu mkhyen/ /bdag kyang de 'dra'i ye shes grub gyur nas/ /'jig rten thams cad 79.249a la ni phan bgyid shog /de bzhin gshegs pa spobs pa mchog ldan pas/ /dam chos zab mo dag ni ston par mdzad/ /bdag kyang de 'dra'i ye shes grub gyur nas/ /'jig rten thams cad la ni phan bgyid shog /de bzhin gshegs pa sku gsung thugs dul bas/ /thams cad ye shes rjes su 'brang bar mdzad/ /bdag kyang de 'dra'i ye shes grub gyur nas/ /'jig rten thams cad la ni phan bgyid shog /de bzhin gshegs pas dus gsum rab mkhyen pas/ /'dzin dang chags pa mi mnga' thogs mi mnga'/ /bdag kyang de 'dra'i ye shes grub gyur nas/ /'jig rten thams cad la ni phan bgyid shog /de bzhin gshegs pas tshul khrims ting 'dzin dang / /shes rab bsgrubs pas de la ldog mi 'gyur/ /bdag kyang de 'dra'i ye shes grub gyur nas/ /khams gsum thugs rje chen po'i gtsor gyur cig /de bzhin gshegs pas rnam grol rab bsgrubs pas/ /rnam grol mkhyen dang gzigs pa ldog mi mnga'/ /bdag kyang de 'dra'i ye shes grub gyur nas/ /khams gsum thugs rje chen po'i gtsor gyur cig /de bzhin gshegs pas zhi gnas lhag mthong bsgrubs/ /lha mi 'jig rten dag na mtshungs ma mchis/ /bdag kyang de 'dra'i ye shes grub gyur nas/ /khams gsum thugs rje chen po'i gtsor gyur cig /de bzhin gshegs pa mkhyen pa mchog ldan pas/ /'jig rten chos rnams la ni zhen mi mnga'/ /bdag kyang de 'dra'i ye shes grub gyur nas/ /khams gsum thugs rje chen po'i gtsor gyur cig /de bzhin gshegs pas 'jig rten mkhyen ldan pas/ /'gro ba sna tshogs dag ni gsal bar gzigs/ /bdag kyang de 'dra'i ye shes grub 79.249b gyur nas/ /'gro ba de la the tshom ma mchis shog /de bzhin gshegs pa skye zad mtha' mkhyen pas/ /de slad de la rmongs pa yong mi mnga'/ /bdag kyang de 'dra'i ye shes grub gyur nas/ /skye zad nyid la the tshom ma mchis shog /de bzhin gshegs pas rab zhi mtha' mkhyen pas/ /de slad de la rmongs pa yong mi mnga'/ /bdag kyang de 'dra'i ye shes grub gyur nas/ /rab zhi de la the tshom ma mchis shog /de bzhin gshegs pa 'khor ba'i mtha' mkhyen pas/ /de slad de la rmongs pa yong mi mnga'/ /bdag kyang de 'dra'i ye shes grub gyur nas/ /'khor ba de la the tshom ma mchis shog /de bzhin gshegs pas sngon dang phyi mtha' mkhyen/ /de slad slob dpon ma mchis mkhyen dang ldan/ /bdag kyang de 'dra'i ye shes grub gyur nas/ /snga phyi'i mtha' la the tshom ma mchis shog /de bzhin gshegs pas skyon zlog mtha' rab mkhyen/ /de slad slob dpon ma mchis mkhyen dang ldan/ /bdag kyang de 'dra'i ye shes grub gyur nas/ /skyon zlog de la the tshom ma mchis shog /de bzhin gshegs pas sngon dang phyi mtha' mkhyen/ /mig gi rtag chad dag la 'dzin mi mnga'/ /bdag kyang de 'dra'i ye shes grub gyur nas/ /snga phyi mtha' la the tshom ma mchis shog /de bzhin gshegs pas skye zad mtha' mkhyen pas/ /mig gi rtag chad dag las 'dzin mi mnga'/ /bdag kyang de 'dra'i ye shes grub gyur nas/ /skye zad nyid la the tshom ma mchis shog /gang zhig sngon dang phyi mtha' ma rtogs pas/ /des ni 'dod pa dag la zhen pa skyed/ /de bzhin gshegs pas de ni rab mkhyen pas/ /de slad 'dod pa dag la zhen mi mnga'/ /gang zhig yod med mtha' ni ma rtogs pa/ /des ni 'dod pa dag la zhen pa skyed/ /de bzhin 79.250a gshegs pas de ni rab mkhyen pas/ /de slad 'dod pa dag la zhen mi mnga'/ /gang zhig zad dang mi zad ma rtogs pa/ /des ni 'dod pa dag la zhen pa skyed/ /de bzhin gshegs pas de ni rab mkhyen pas/ /de slad 'dod pa dag la zhen mi mnga'/ /gang zhig 'jug dang mi 'jug ma rtogs pa/ /des ni 'dod pa dag la zhen pa skyed/ /de bzhin gshegs pas de ni rab mkhyen pas/ /de slad 'dod pa dag la zhen mi mnga'/ /zhe sdang gti mug khong khro 'chab pa dang / /g.yo sgyu phrag dog nga rgyal khengs pa dang / sbyin dang tshul khrims bzod dang brtson 'grus dang / /bsam gtan shes rab dag kyang de bzhin no/ /de nas bcom ldan 'das kyis zla 'od gzhon nur gyur pa'i sems kyi rtog pa thugs kyis mkhyen nas 'dzum pa mdzad de/ 'od zer gser gyi kha dog lta bu rab tu bkye'o/ /'od zer des kyang sangs rgyas kyi zhing tshad med dpag tu med pa rnams snang bar byas te/ 'jig rten gyi khams de dag tu phan pa dag byas nas/ bcom ldan 'das la lan gsum bskor ba byas te/ de bzhin gshegs pa'i gtsug tor nyid du thim par gyur to/ /de nas de'i tshe byang chub sems dpa' byams pa 'dug pa'i stan las langs nas/ bla gos phrag pa gcig tu gzar te/ pus mo g.yas pa'i lha nga sa la btsugs nas/ bcom ldan 'das kyi zhabs la mgo bos phyag byas te/ gus pas thal mo sbyar nas/ tshigs su bcad pa 'di dag gis mngon par bstod de/ bcom ldan 'das la zhu ba zhus pa/ 'brug dang seng ge'i sgra sgrogs shing / /ka la ping ka'i sgra phyung bas/ /chos rnga chen po'i sgra 'byin pa/ /ci yi slad du 'dzum pa mdzad/ /nyi ma stong bas khyad par 'phags/ /rnam par sgra rab dag dang ldan/ / 79.250b yon tan ngo mtshar rab mnga' ba/ /ci slad 'od zer bkye ba mdzad/ /sbyin dang tshul khrims bzod brtson 'grus/ /bsam gtan shes rab rab brgyan pas/ /thams cad dag ni yongs rdzogs pas/ /ci slad 'od zer bkye ba mdzad/ /de bzhin gshegs pa dbyangs mnyen pas/ /ngag rtsub rnams ni rtag tu spangs/ /sems can nad ni legs gso ba/ /ci slad 'od zer bkye bar mdzad/ /thugs rje chen po rkang gnyis gtso/ /mig ni rtag tu stong dben mkhyen/ /rnam dag tshangs pa'i dbyangs mnga' bas/ /sems can rnams la chos ston mdzad/ /rna ba sna lce lus dang yid/ /sgra dang ming la sogs pa nas/ /kun 'byung 'gog pa lam dag dang / /ye shes bzod pa'i bar de bzhin/ /thugs rje chen po rkang gnyis gtso/ /mig zad skye ba'i mtha' dag dang / /rab zhi dag ni 'khor ba dag /thams cad stong dben nyid du mkhyen/ /rna ba sna lce lus dang yid/ /gzugs sgra dri ro reg bya nas/ /sgra dang ming la sogs pa'i bar/ /thams cad kyang ni de bzhin no/ /gzhan yang rten cing 'brel 'byung chos/ /chad dang rtag pa yongs bral nas/ /bdag dang gzhan gyis byas min pas/ /rkyen med las byung nyid du gsung / /res 'ga' rnam grangs sna tshogs kyis/ /sdug bsngal gzhi ni ston par mdzad/ /res 'ga' don ni sna tshogs kyis/ /sangs rgyas 'od zer bsngags par mdzad/ /res 'ga' tshig ni tshad med kyis/ /rab dben chos ni ston mdzad cing / /gang zag srog dang bdag med dang / sems can med pa nyid du ston/ /'das pa'i sangs rgyas tshad med kyang / /bsam gyis mi khyab pa dag gis/ /tshigs su bcad pa brgya stong gis/ /de 'dra'i chos ni ston par mdzad/ /de bzhin gshegs pas 79.251a yon tan chos/ /yang dag nyid ni ston mdzad kyang / /rjod dang brjod bya mi mnga' bas/ /brjod mdzad chos kyang yong mi mnga'/ /bcom ldan yang dag chos srung zhing / /skye dgu rnams ni go mdzad pas/ /lha rnams dang ni gnod sbyin dag /gang thos de dag rtogs par 'gyur/ /lha ma yin ni thams cad kyang / /mos pa dag ni rnam par dag /mi ni mang po tshad med kyang / /the tshom dra ba chad par gyur/ /'dod chags rang bzhin rab tu rtogs/ /zhe sdang gti mug rnam par bshig /sred dang nga rgyal ma rig dang / /g.yo sgyu phrag dog spros pa nas/ /sdug bsngal phung po la sogs par/ /thams cad kyang ni yongs su spangs/ /'di la sogs pa'i tshig gi don/ /mthar ni kun kyang rnam par dag /de bzhin gshegs pas chos gcig la/ /sna tshogs ming ni rab mkhyen pas/ /grangs ni brgya stong mang po rnams/ /bsam gyis mi khyab rab tu ston/ /sangs rgyas tshad med mang po las/ /de 'dra'i chos ni legs bslabs pas/ /chos kyi dngos po gcig la yang / /brjod pa thug pa med pa ston/ /de bzhin gshegs pas chos rnams kyi/ /rnam grangs sna tshogs rab mkhyen pas/ /ming tshig dang po bar ma dang / /tha ma rnam 'byed rab tu mkhyen/ /tha dad tshig ni sna tshogs dag /thams cad rab tu bslabs pas na/ /don mchog dag ni gya nom pa/ /ston pa dag ni rab tu mkhyen/ /de 'dra'i dbyangs ni rnam dag pa/ /rgyu rkyen tshogs pa las byung bas/ /lce 'ba' zhig la rten pa nas/ /lus sems par la rten pa'ang min/ /sa ni rnam pa drug tu g.yos/ /phyogs bcu'i 'khor ni yongs 'dus nas/ /thal sbyar bcom ldan zhal lta na/ /the tshom dag ni bsal du gsol/ /de bzhin gshegs pas mi bzad dang / / 79.251b skye mtha' dag ni rang bzhin gyis/ /rtag tu stong zhing dben pa dang / /'gro 'ong med par rab tu mkhyen/ /bzhugs dang gnas ni mi mnga' bas/ /yang dag mtha' la rab tu bzhugs/ /bcom ldan spyan ni thogs mi mnga'/ /de slad deng bdag zhu ba lags/ /de bzhin gshegs pas mig nyid kyi/ /sngon dang phyi ma'i mtha' dag dang / /zad dang ma zad 'khor ba ni/ /rang bzhin stong dben rab mkhyen pas/ /chos kyi don rnams rab phye nas/ /'jig rten rnams ni dga' bar mdzad/ /thub pa dbyangs snyan rab mnga' bas/ /ci slad 'dzum pa stan par mdzad/ /bcom ldan sngon dang phyi mtha' dang / /mig nyid stong dben rab mkhyen cing / /rnam rtog tshig dang bral lags na/ /ci slad 'dzum pa ston par mdzad/ /bcom ldan mig ni dpag med dang / /brjod pa sna tshogs rang bzhin gyis/ /rtag tu stong dben mkhyen lags na/ /ci slad 'dzum pa ston par mdzad/ /bcom ldan zad dang skye mtha' dang / /mig nyid stong dben rab mkhyen cing / /nyon mongs rnams ni yongs spangs pas/ /sangs rgyas byang chub mkhyen pa brnyes/ /grags pa mchog ni phun sum tshogs/ /ci slad 'dzum pa ston par mdzad/ /bcom ldan yun ring bsgom bslabs pas/ /bsam gyis mi khyab ston par mdzad/ /mig nyid stong pa nyid du mkhyen/ /dri bral rtag tu rnam par dag /sems kyi spyod pa tshad med rnams/ /dgongs pa gcig gis thams cad mkhyen/ /'od zer 'jig rten snang mdzad pa/ /'di ni gang gi snga rtags lags/ /drang srong chen po mngon sangs rgyas/ /rkang gnyis gtso bo khyad par 'phags/ /nyon mongs dag ni rab bsal bas/ /thugs ni rtag tu zhi zhing dben/ /de bzhin gshegs pa mkhyen mchog gis/ /mig zad mtha' ni rab tu rtogs/ / 79.252a rgyu dang rkyen ni gang ni slad/ /deng 'dir 'dzum pa ston par mdzad/ /rna ba sna lce lus dang yid/ /yul drug dang ni 'byung chen bzhi/ /sgra dang ming la sogs pa'i bar/ /thams cad kyang ni de bzhin no/ /bcom ldan mig la bdag med mkhyen/ /rna ba mi rtag nyid du rtogs/ /sna nyid stong par rab mkhyen na/ /ci slad 'dzum pa ston par mdzad/ /bcom ldan lce la bdag med mkhyen/ /lus kyang mi rtag nyid du rtogs/ /sems yid stong par rab mkhyen na/ /ci slad 'dzum pa ston par mdzad/ /bcom ldan gzugs la bdag med mkhyen/ /sgra yang mi rtag nyid du rtog /dri nyid stong par rab mkhyen na/ /ci slad 'dzum pa ston par mdzad/ /bcom ldan ro la bdag med mkhyen/ /reg bya mi rtag nyid du rtogs/ /chos nyid stong par rab mkhyen na/ /ci slad 'dzum pa ston par mdzad/ /bcom ldan sa la bdag med mkhyen/ /chu yang mi rtag nyid du rtogs/ /me nyid stong par rab mkhyen na/ /ci slad 'dzum pa ston par mdzad/ /bcom ldan rlung la bdag med mkhyen/ /ngo bo mi rtag nyid du rtogs/ /dngos nyid stong par rab mkhyen na/ /ci slad 'dzum pa ston par mdzad/ /bcom ldan 'jig rten bdag med mkhyen/ /sdug bsngal mi rtag nyid du rtogs/ /phung po stong par rab mkhyen na/ /ci slad 'dzum pa ston par mdzad/ /bcom ldan khams la bdag med mkhyen/ /'jig rten mi rtag nyid du rtogs/ /skye nyid stong par rab mkhyen na/ /ci slad 'dzum pa ston par mdzad/ /bcom ldan sgra la bdag med mkhyen/ /ming yang mi rtag nyid du rtogs/ /lam nyid stong par rab mkhyen na/ /ci slad 'dzum pa ston par mdzad/ /bcom ldan ye shes bdag med mkhyen/ /rab dben mi rtag nyid du rtogs/ /sems can stong par rab mkhyen na/ / 79.252b ci slad 'dzum pa ston par mdzad/ /bcom ldan rang bzhin rang bzhin med/ /bdag dang bdag med pa yang mkhyen/ /mos pa stong par rab mkhyen na/ /ci slad 'dzum pa ston par mdzad/ /'khor ba bdag med nyid du gzigs/ /rtag dang mi rtag pa yang mkhyen/ /mya ngan 'das pa stong mkhyen na/ /ci slad 'dzum pa ston par mdzad/ /de bzhin gshegs pa thugs rnam grol/ /grags pa khams gsum kun du gang / /brgya byin mi yi dbang po dang / /klu rnams la sogs kun gyis mchod/ /de bzhin gshegs pas mig zad dang / /skye mtha' rab dben mkhyen lags na/ /ci slad 'dzum pa ston par mdzad/ /sangs rgyas sras ni tshad med pa/ /'khor 'dir thams cad rab tu 'dus/ /sangs rgyas gsung las skyes pa dang / /chos las sprul te gang byung ba/ /thams cad bcom ldan spyan sngar mchis/ /gus pas thal mo rab sbyar lags/ /'khor 'dus de dag slad du ni/ /'od zer rgyu rkyen 'di zhu lags/ /de bzhin gshegs pas mig nyid ni/ /stong zhing bdag med mkhyen pas na/ /khyim na gnas pa'i rnal 'byor pa/ /thams cad las ni yang dag 'das/ /de bzhin gshegs pas chos rnams ni/ /bye brag med cing mnyam mkhyen pas/ /bcom ldan dgongs pa rab mkhyen gyi/ /rdzu 'phrul dag gis gzigs ma lags/ /bcom ldan mig la bdag med mkhyen/ /ngo bo nyid stong 'gro 'ong med/ /rnam dag mkhyen pa tshad ma mchis/ /ci slad 'dzum pa ston par mdzad// // bam po gsum pa// de bzhin gshegs pa skye mtha' rab zad pa/ /thugs rje chen pos 'jig rten kun skyob mdzad/ /chos rje mchog gyur mi yi gtsor gyur pa/ /ci slad 'dzum pa stan mdzad bshad du gsol/ /byang chub sems 79.253a dpa' chen po tshad ma mchis/ /gzhan yang lha tshogs gzi byin che ba rnams/ /mkha' la gdugs ni dam pa dag kyang thogs/ /sa chen 'di ni rab tu g.yos par gyur/ /gang zhig sngon ni de bzhin gshegs pa las/ /yun ring dge ba'i chos ni gang bsgrubs pa/ /mnyam par dga' mdzad thugs rje chen po'i gtso/ /ci slad 'dzum pa bstan mdzad bshad du gsol/ /gang zhig sngon ni sangs rgyas rab mchod nas/ /chos 'di thos nas dga' ba rab skyes pas/ /'dren pa rab mchog mi yi gtsor gyur pa/ /ci slad 'dzum pa bstan mdzad bshad du gsol/ /bcom ldan gsung ni mang po dga' mdzad pas/ /bya rgyal dad pa shin du dbyangs rab snyan/ /sgra snyan tshad med rang gi ngang gis 'byung / /ci slad 'od zer 'di bkye bshad du gsol/ /tshigs bcad bye ba tshad ma mchis pa yis/ /rjes 'thun gsung gi bsngags pa brjod gyur cing / /ku tsi ra yi sgra skad mchog ldan pa/ /ci slad 'od zer bkye ba bshad du gsol/ /'brug sgra zab mos chos ni bstan pa'i sgra/ /'jig rten brgya stong dpag med grags gyur pa/ /thugs rjes tshig rtsub yang na 'jam ston pa/ /ci slad 'od zer gser gyi kha dog bkye/ /skye dang mi skye zad dang mi zad mkhyen/ /mig nyid bral zhing 'gro 'ong med par rtogs/ /'jig rten snang mdzad bdud rtsi'i mchog gyur pa/ /ci slad 'od zer gser gyi kha dog bkye/ /mig gi byung ba rtag tu stong dben dang / /'gro 'ong ma mchis gnas pa ma mchis dang / /smig rgyu chu bur lta bur rab mkhyen pa/ /rgyu rkyen gang gi slad du 'dzum bstan lags/ /de bzhin rna ba sna lce lus dang yid/ /gzugs sgra dri ro reg bya chos rnams nas/ /sgra dang ming la sogs pa'i bar du yang / /thams cad de 79.253b bzhin du ni rig par bgyi/ /rdo rje rtag pa'i sku dang mi 'jig sku/ /mtshan mchog brgya stong dag ni phun sum tshogs/ /sku la 'khrul 'khor mi mnga' g.yo mdzad pa/ /rgyu rkyen gang slad 'dzum pa bshad du gsol/ /byin pa zlum zhing zhabs kyi rting pa ring / /phyal gyi mtshan ma mi gda' seng ge 'dra/ /lte ba shin du zab cing rked rgyas pa/ /rgyu rkyen gang slad 'dzum mdzad bshad du gsol/ /gser sku rnam dag rdul dang dri ma spangs/ /ba spu re re kha dog mthon mthing ldan/ /g.yas su 'khyil cing spos kyi ngad ldang ba/ /rgyu rkyen gang slad 'dzum mdzad bshad du gsol/ /sku mchog dam pa yongs rdzogs rtag gnas pa/ /dper na n+ya gro d+ha yi shing rgyal bzhin/ /yon tan thams cad kyis ni rab tu brgyan/ /gsung dbyangs dag gis 'khor ni dga' bar mdzad/ /dpung pa zlum zhing phrag pa stug la mdzes/ /gtsug tor yongs rdzogs g.yas su 'khyil bar gda'/ /zhing ni brgya stong dpag med rgyu bar mdzad/ /sems can log dang yang dag lam ston mdzad/ /tshems dkar dri mi mnga' bas dung dang 'dra/ /ljags mtshan srid rid zhal ni kun du khebs/ /'gram pa seng ge 'dra zhing shangs ni mtho/ /thams cad thabs dang rnam dag thugs las skyes/ /ud pa la yi bsung ni zhal nas 'byung / /tsan dan dri dag sku ni kun du khyab/ /sngon ni byams pa rgya cher bsgoms pas na/ /rnam dag mos pa rtag tu rgyun mi 'chad/ /de bzhin gshegs pas zhabs mthil shin du mnyam/ /sa la reg kyang rdul ni gos mi 'gyur/ /gom pa seng ge glang po che 'dra bas/ /'jig rten thams cad la ni yang dag 'das/ /'khor lo rtsibs stong mtshan gyis mdzes par brgyan/ /khyad 'phags 'od zer dag ni rab tu gsal/ /dge ba dag gis skye dgu phan 'dogs pas/ /gang gis mthong ba dang ba rab tu skye/ /sor gcig 79.254a 'od zer brgya stong rab bkye nas/ /sangs rgyas zhing ni dpag med snang bar mdzad/ /sngon ni dge sbyong mang po rab bsgrubs pas/ /mtshan gyi bkod pa sna tshogs 'di brnyes lags/ /gzugs sku yongs rdzogs dpe zla yong ma mchis/ /zhal mtshan rab mdzes shin du khyad par 'phags/ /rdzu 'phrul dag gis 'jig rten phan 'dogs pa/ /ci slad 'dzum pa bstan mdzad bshad du gsol/ /byin pa ri dgas e na ya dang 'dra/ /sku dbyibs mi rgu seng ge ji lta bzhin/ /'jig rten byung nas 'jig rten snang mdzad pa/ /ci slad 'dzum pa bstan mdzad bshad du gsol/ /cang shes bzhin du mtshan sbas rdul mi mnga'/ /phyag mthil mnyam rgyas phyag ni pus mo 'das/ /mi yi seng ge ngo mtshar khyad par 'phags/ /ci slad 'dzum pa bstan mdzad bshad du gsol/ /sku las 'od zer dpag med rab 'gyed cing / /kha dog gya nom rab zhi rtag gsal ba/ /rnam dag thugs ni rtag tu rgyun mi 'chad/ /mdo sde tshad med pa dag ston par mdzad/ /rtag dang chad pa dag la gnas pa yis/ /de 'dra'i chos ni sgrub par 'gyur ma lags/ /gang gis mthar lta rnams ni rab spangs na/ /bcom ldan rnam dag sku ni myur thob 'gyur/ /lha rnga 'brug sgra gsung ni kun grags shing / /ka lan 'da' ka'i dbyangs snyan rab tu gsal/ /lha yi glu sgra brgya stong mang ldan pa/ /ci slad 'od zer bkye ba bshad du gsol/ /'dren pas gsung gcig tu ni chos bstan pas/ /'chal ba'i tshul khrims can dag rgyun yang bcad/ /de bzhin gshegs pas dbyangs rab gang gsungs pa/ /de kun zab cing ngo mtshar chos lags so/ /khyu mchog smin mtshams 'od zer rab bkye bas/ /sangs rgyas zhing ni brgya stong gsal bar mdzad/ /spyan mchog dag ni kha dog mthon mthing 'dra/ /gtsug tor mtshan ni mkha' yi lhas mi mthong / /tshems dkar gtams 79.254b pa bzhi bcu dag dang ldan/ /dper na rin chen chu shel dag dang mtshungs/ /dge ba'i phrin las tshad med dag las skyes/ /ci slad 'dzum pa bstan mdzad bshad du gsol/ /de bzhin gshegs pa yon tan rdzogs pa'i sku/ /kha dog dam pa dpag med phun tshogs shing / /'od zer rnam dag ngo mtshar rab bkye ba/ /ci slad 'dzum pa bstan mdzad bshad du gsol/ /thugs rje chen po mchog rgyal rkang gnyis gtso/ /sems can yang dag bsam pa thugs su chud/ /thogs pa ma mchis spobs pa mchog brnyes pa/ /ci slad 'dzum pa bstan mdzad bshad du gsol/ /de bzhin gshegs pas pha rol rab byon pas/ /rig pa gsum dang mngon shes drug phun tshogs/ /rnam dag 'od zer dpag med ston mdzad pa/ /ci slad 'dzum pa bstan mdzad bshad du gsol/ /bcom ldan sngon ni bskal pa dpag med snyed/ /bcom ldan brgya stong snyed 'i mchod pa mdzad/ /de 'dra'i rgyu 'bras chab ni mi 'tshal ba/ /ci slad 'dzum pa bstan mdzad bshad du gsol/ /bcom ldan sngon ni bskal pa dpag med snyed/ /ting 'dzin mchog rnams la ni rab bzhugs pas/ /mig gi skye mtha' zad pa'i mtha' mkhyen na/ /ci slad 'dzum pa bstan mdzad bshad du gsol/ /'das pa dang ni ma 'ongs da ltar dus/ /'dren pas de dag kun ni rab tu mkhyen/ /rnam dag mkhyen pa thogs med bsam mi khyab/ /ci slad 'dzum pa bstan mdzad bshad du gsol/ /de nas bcom ldan 'das kyis 'khor mang po'i mdun du phyag gser gyi kha dog lta bu brkyang ste/ zla 'od gzhon nur gyur pa'i spyi bo la bzhag nas tshigs su bcad de bka' stsal pa/ gzhon nu shin du legs par nyon/ /ngas ni deng 'dir byang chub chos/ /'od zer rab tu ston pa'i mdo/ /khyod la shin du yongs gtad kyis/ /ma 'ongs tha ma dus ngan tshe/ /chos ni rnam par 'jig pa na/ /khyod kyis sems can 79.255a rnams la ni/ /rab tu phyi nas bshad par gyis/ /ngas ni sangs rgyas spyan dag gis/ /ma 'ongs tha ma dus kyi tshe/ /shin du zab cing gya nom pa'i/ /mdo sde dam pa 'di dag la/ /gang mos gang ni mi mos pa/ /thams cad kun kyang gzigs shing mkhyen/ /sems can dag ni gang zhig gis/ /byang chub lam ni rab tshol ba/ /rtag tu sangs rgyas rjes dran zhing / /mdo sde 'di ni gzung bar gyis/ /gang zhig dad pa rab 'jig cing / /'du 'dzi la ni mos 'gyur dang / /nyin mtshan gnyid la gang dga' ba/ /mdo sde 'di la mos mi 'gyur/ /nga yi bstan pa dag las ni/ /rab tu byung bar gyur nas kyang / /mya ngan 'das pa'i chos dag la/ /mos pa dag ni mi skye ba/ /skyes bu blun po de dag ni/ /dad pas byin pa chud gzon 'gyur/ /'dus byas rnams kyi chos dag la/ /nyes dmigs mang bar thos kyang ni/ /'jig rten dag la mngon zhen nas/ /'jigs pa dag ni mi skye ba/ /skyes bu blun po de dag ni/ /mkhas pa rnams kyis smod par 'gyur/ /chos gos dag ni bgos gyur kyang / /de la shes rab ci yang med/ /thub pas legs par gsungs pa yi/ /yang dag bka' ni gang yin pa/ /shes pa med pas thos gyur na/ /yid ches len par mi 'gyur te/ /skyes bu blun po de dag dang / /lhan cig gnas par mi bya'o/ /khyad par 'phags pa'i chos 'di dag /gal te thos par gyur nas kyang / /rab tu dga' zhing mos pa yi/ /sems kyang skye bar mi 'gyur pa/ /de 'dra'i gang zag dag la ni/ /das ni rab tu smod par byed/ /mi lus thob par gyur mod kyang / /de ni don med chud zos yin/ gal te shin du zab pa'i chos/ /'di dag thos par gyur nas ni/ /rab tu dga' zhing mos pa yi/ /sems ni rab tu skye 'gyur pa/ /de 'dra'i gang zag de dag ni/ /sngon chad sangs rgyas phrad pas na/ /gdon mi za ba 79.255b kho nar ni/ /bla med byang chub thob par 'gyur/ /skyes bu blun po gang dag cig /lta ba ngan pas rab smas nas/ /shes rab srog ni gcod byed pa/ /byang chub yongs su spong bar 'gyur/ /de lta bas na mi dge ba'i/ /bshes gnyen dag ni rab spangs nas/ /blo ldan mkhas pa dag la ni/ /bsten cing gus pa bskyed par bya/ /'jig rten dag ni thams cad na/ /nyes dmigs tshad med gang yod dang / /sems can ngan song gsum por ni/ /rtag tu bying bar gang byed pa/ /thams cad gti mug rmongs pa yi/ /rgyu dang rkyen las byung bas na/ /nyon mongs rjes su 'jug byed cing / /rang dbang dag ni 'thob mi 'gyur/ /yang dag chos ni spong byed cing / /chos ma yin pa spyod par byed/ /de lta bas na rmongs pa yi/ /skyes bu dman pa spang bar bya/ /ji ltar kha lo sgyur pa yis/ /rang gi srog shing bcag pa bzhin/ /mi dge las ni byas pas na/ /sems can dmyal bar skye bar 'gyur/ /kha nas tshig ngan phyung nas ni/ /rtag tu bdag la gnod byed pa/ /ji ltar sta re rno thogs nas/ /rang gi lus ni gcod byed 'dra/ /chos rnams rgyu dang rkyen dag gis/ /byas pa'i las kyi rjes su ni/ /rnam smin myong ba skyabs med par/ /de ltar khong du ma chud pas/ /'jig rten drang srong la bsten nas/ /dge ba'i grogs po yin snyam sems/ /de nas rang nyid 'di snyam du/ /stong pa nyid ni gang bsgom pa/ /'dus ma byas ni rtogs snyam nas/ /chad par lta ba skyed par byed/ /lus ni snod chag pa dang 'dra/ /sems kyang rjes su 'gag gyur zhes/ /phal cher kyal ba'i tshig dag la/ /mos pa nyid du rab 'gyur zhing / /'di la mngon par zhen pas na/ /phan pa'i don ni ci yang med/ /gal te sbrul ni gdug pa yis/ /gnod pa dag ni rab byas kyang / /nam yang skye dgu mang po rnams/ /ngan 'gro dag tu ltung mi byed/ /blun po gang 79.256a zhig chos ston pa/ /dge ba'i rtsa ba 'jig byed pas/ /skye dgu mang po tshad med snyed/ /sems can dmyal bar ltung bar byed/ /khyed la sogs pa 'khor 'dus pa/ /'di lta bur ni lta bar gyis/ /deng 'dir nga yi spyan sngar ni/ /zla 'od gzhon nu gang 'dug pa/ /'dis ni sngon chad 'das pa yi/ /sangs rgyas dag ni bcom ldan 'das/ /tshad med gang gA'i klung bye snyed/ /mchod pa rim gro rab byas shing / /shin du bstan par yongs bsgoms nas/ /bla med ye shes btsal bas na/ /srid pa dag ni thams cad la/ /sems kyis gnas pa ci yang med/ /mig gi skye mtha' gtan du ni/ /rnam par dag par shes pas na/ /spros pa dag ni yongs spangs nas/ /mngon par zhen pa ci yang med/ /sems can dag ni tshad med la/ /phan pa dag ni bya ba'i phyir/ /bla med 'od zer ston pa yi/ /mdo sde dag ni ston par byed/ /skyes bu blun po gang yin pa/ /chos 'di slob par mi nus pas/ /rnal 'byor bsgom pa dag la ni/ /skyon nyid du yang lta bar byed/ /de lta bas na blun po dag /thag ring por ni yongs spangs nas/ /de dag la ni bsten mi bya/ /de yi chos kyang mi bslab bo/ /skyes bu blun po gang yin pa/ /rtsod pa'i smra la mos pas na/ /rtsod smra med pa'i spyod pa la/ /nan tan bsgrub par mi nus pas/ /skyes bu de dag rnams la ni/ /tshul bzhin sems ni ci yang med/ /de lta bas na de dag la/ /bsnyen bkur mi bya bsngags mi brjod/ /skyes bu blun po gang yin pa/ /le lo snyoms las la gnas pas/ /rtag tu lus dang ngag yid kyi/ /mi dge las ni spyod pas na/ /de la tshul khrims dag pa dang / /shes rab mang thos ci yang med/ /rtag tu 'dod pa'i yul sems shing / /'du 'dzi dag la mos par byed/ /khyed kyis 'di ltar blun po de/ / 79.256b rigs dang rus dang lus kyang ni/ /dman pa yin par rab tu ltos/ /khong khro bka' blo mi bde zhing / /byad bzhin dag ni mi sdug la/ /gang te dge ba'i gnas skyes kyang / /lus ni rtag tu ma rabs 'gyur/ /bdag tu 'du shes la zhen pas/ /yang dag don la rmongs par 'gyur/ /blo gros dag dang mi ldan pas/ /tshig gi bye brag 'byed mi nus/ /rang bzhin stong pa'i chos thos kyang / /de la mos pa skyed mi 'gyur/ /de bzhin gshegs pa bcom ldan 'das/ /yun ring po nas 'jig rten pa'i/ /tshig gi spros pa gang yin pa/ /thams cad rab tu spangs pa yin/ /so so'i skye bos 'di dag la/ /shin du zhen cing chags pas na/ /ji srid 'tsho ba'i bar du yang / /rtogs shing khong du chud mi 'gyur/ /tshul khrims bsngags pa rjod byed kyang / /tshangs par spyod pa sgrub mi byed/ /kha nas chos ni ston byed kyang / /lus kyis chos min spyod par byed/ /rang gis 'dul ba ston byed kyang / /rtag tu 'dul min spyod par byed/ /sangs rgyas slob ma dag la ni/ /kha dog sgyur ba'i gos gyon gsungs/ /'chal ba'i tshul khrims can dag gis/ /gos 'di rab tu bgos gyur kyang / /nga rgyal dang ni bag med pa'i/ /sems ni rab tu 'phel bar byed/ /dad pas byin pa ci zos pa/ /thu lum 'bar ba med pa 'dra/ /de ltar khyim gyi gnas spangs nas/ /'dod pa lnga yi bde ba'ang med/ /gzhan yang sangs rgyas chos dag la/ /mchog gi bde ba ma thob nas/ /spyod pa 'dren ma mos byed pas/ /mtha' gnyis dag ni spong mi 'gyur/ /yid kyi mos pa ji snyed pa/ /thams cad kyang ni dag mi 'gyur/ /de 'dra'i gang zag blun po ni/ /'khor mang nang du gnas gyur kyang / /dper na ji ltar wa skyes dag /seng ge'i khyur ni zhugs pa bzhin/ /de ltar rab tu zhi ba yi/ /chos ni yang dag bstan 79.257a byas kyang / /de bzhin nyid dang stong pa'i don/ /rtogs shing khong du ma chud pas/ /'khor mang dag la bstan bsngags kyang / /khengs pa'i sems ni skyed par byed/ /ston pa chen po mi dran pas/ /ngo tsha dman pa'i sems kyang med/ /mi gtsang dngos po len byed kyang / /yid bzhin nor bu thob pa bzhin/ /shin du dga' bas 'dzin byed pas/ /sems kyis chung zad stong mi byed/ /'di lta bu yi ma rabs dag /khyim nas rab tu byung nas ni/ /spyod lam dag kyang srung ba dang / /chos gos lhung bzed 'dzin byed kyang / /cha byad tsam dang ldan pas na/ /yang dag shes rab ci yang med/ /kha spu dag ni bregs gyur kyang / sdig pa'i sems ni mi spong zhing / /dge sbyong ma yin pa yi chos/ /log lta dag tu lhung gyur na/ /rab dben mya ngan 'das pa'i lam/ /de dag rab tu nyams par 'gyur/ /dge sbyong sngon du bya ba yi/ /'bras bu dag kyang 'thob mi 'gyur/ /ma rig nyon mongs rnams kyang ni/ /rdul tsam nyams par mi 'gyur ro/ /grong khyer dag tu rnam rgyu zhing / /rang nyid dben pa'i bsngags brjod kyang / /skyes bu blon po blo med pas/ /yang dag bgrod pa shes mi 'gyur/ /sems kyi 'dun pa ci yod pa/ /de dag thams cad mi dge yin/ /rnyed pa 'dod pa'i rgyu yi phyir/ /dgon pa dag na gnas byed kyi/ /mya ngan 'das pa'i yang dag rgyu/ /bsgrub pa'i phyir ni ma yin no/ /rmugs dang gnyid la rab tu dga'/ /lus ni ji ltar bde snyam nas/ /rtag tu de lta'i dngos po dag /sgrub pa la ni mos par byed/ /dgon pa'i gnas ni de dag tu/ /lo ni mang por gnas byed kyang / /phyin log lta bar gyur pa'i phyir/ /mya ngan 'das lam stong bas na/ /nams kyang dge sbyong lam dag gi /'bras bu dag ni thob mi 'gyur/ /yang dag lta ba rab nyams shing / / 79.257b tshul khrims dag dang 'gal byas pas/ /gos bzang dag gis lus brgyan pa/ /de la shin du sred par 'gyur/ /'dod pa'i bde ba rnams la ni/ /rtag tu sred pa skyed par byed/ /gal te grong khyer zhugs na yang / /nga rgyal mtshan ma ston byed cing / /lus kyi las ni mi srung bas/ /spyod lam dag la gnas mi byed/ /res 'ga' grong khyer zhugs nas ni/ /rgyu tshe rang nyid 'di skad du/ /dgon pa'i gnas ni de dag na/ /ri phug dag ni gang yod pa/ /khyed rnams 'di ltar shes par gyis/ /de ni bdag gi gnas yin te/ /mtho dma' ran par lta ba dang / /'gro gom tshul la gnas so zhes/ /tha dad mtshan ma'i tshig brjod de/ /dgra bcom pa yi rtags bstan pas/ /khyim pa dag ni ji snyed pa/ /phan tshun du ni 'di skad du/ /dgon pa'i dge slong gang yin pa/ /yang dag 'phags pa yin zhes zer/ /res 'ga' dgon pa de dag na/ /gnas par gyur pa de yi tshe/ /gal te gzhan dag 'ongs gyur na/ /'di lta bur ni ston par byed/ /bdag ni dgon gnas 'di dag tu/ /nyin mtshan 'chag par byed ce 'am/ /yang na rtswa 'jam bting nas ni/ /'dir ni 'dug par byed ces zer/ /res 'ga' grong khyer zhugs gyur nas/ /khyim pa'i der ni phyin pa'i tshe/ /g.yo sgyus nan tan 'di skad du/ /bde 'am zhes ni 'dri bar byed/ /'jig rten pa yi 'du 'dzi'i gtam/ /rgyal po chos rkun la sogs pa'i/ /sna tshogs dag ni rjod par byed/ /res 'ga' chags pa'i sems dag gis/ /bud med rnams kyi mdun dag tu/ /thabs ni rnam pa sna tshogs kyis/ /rang gi yon tan rjod par byed/ /bdag ni 'jig rten thams cad kyi/ /bsod nams zhing ni chen po byed/ /bdag ni rgyal thabs rab spangs nas/ /rab tu byung nas lam sgom yin/ /btsun mo dang ni slas rnams kyang / /mtho ris skyes par gyur ces zer/ /de dag de skad thos nas ni/ /shin du gus pa rab bskyed de/ /gos zas dang ni btung bdag / 79.258a sna tshogs sbyar nas mchod par byed/ /btsun pas thugs rjer rab dgongs shing / /bdag cag thad du yang gshegs zer/ /ro zhim dag la zhen chags shing / /nyes dmigs rnams ni mi shes pas/ /bdud kyis glags kyang rnyed 'gyur te/ /ru sbal rgya mos zin pa 'dra/ /dgon par gnas pa dag la yang / /rnyed pa dag gis snyems par byed/ /dge slong brtson 'grus can dag la/ /brnyas shing skur pa 'debs par byed/ /rnyed dang grags pas sems rmongs pas/ /yang nas yang du zhen pa skyed/ /lus ni yongs su gso ba'i phyir/ /rtag tu g.yo sgyu spyod pas na/ /lus dang ngag gi mi dge las/ /yang nas yang du 'phel bar byed/ /gal te sbyin dag dad pa yis/ /dang ba'i sems kyis mchod na yang / /le lo snyoms las dbang gis ni/ /de yi bsod nams 'bri bar byed/ /skyes bu blun po de dag ni/ /rtag tu mi dge 'dod bskyed pas/ /stong pa nyid kyi chos 'di la/ /rjes 'thun bzod sems 'thob mi 'gyur/ /gang dag nga yi bstan pa las/ /nyes dmigs de dag rab spangs nas/ /nan tan bag yod sgrub byed na/ /chos 'di thos par dka' mi 'gyur/ /rnyed pa dang ni mi rnyed dang / /bstod smad sdug bsngal bde la sogs/ /'jig rten chos kyis mi g.yos pa/ /chos 'di thob par dka' mi 'gyur/ /lus la mi gtsang 'du shes dang / /phung po rma yi 'du shes dang / /zas ni rma bskus 'du shes pa/ /chos 'di thob par dka' mi 'gyur/ /gos bzangs dag ni thob gyur kyang / /dregs pa dag ni mi skyed cing / /ngo tsha dgab pa'i phyir gyon pa/ /chos 'di thob par dka' mi 'gyur/ /gzugs dang stobs ni mi snyems shing / /zas la chags pa med pa dang / /srog gnas phyir ni gang za ba/ /chos 'di thob par dka' mi 'gyur/ /sred pa rnams ni stong shes nas/ /'dod pa dag la blang dor med/ /rtag tu stong dben gang spyod pa/ /chos 'di thob par dka' mi 'gyur/ /dpag tshad gcig 'das ri khrod du/ /gcig pu 'dug gnas mnyam bzhag 79.258b cing / /'dus byas bdag med gang rtogs pa/ /chos 'di thob par dka' mi 'gyur/ /mi zad skye ba'i mtha' dag dang / mig 'jug mtshan nyid rtogs byed cing / /mig gtsang lam ni rab sgrub pa/ /chos 'di thob par dka' mi 'gyur/ /rna ba sna lce lus dang yid/ /gzugs sgra dri ro reg bya nas/ /sgra dang ming gi bar du yang / /thams cad kun kyang de bzhin no/ /de bzhin ma 'ongs dus kyi tshe/ /dge slong dag ni tshad med snyed/ /brtson pa dang ni le lo can/ /thams cad de bzhin shes par gyis/ /dge dang mi dge'i grogs po dag /sgrub pa dang ni mi sgrub pa/ /yid ches pa dang yid mi ches/ /thams cad de bzhin shes par gyis/ /dge dang mi dge'i grogs po dag /mig zad lam ni gang yin pa/ /sgrub pa dang ni mi sgrub pa/ /thams cad de bzhin shes par gyis/ /gang zhig byang chub rab mos shing / /zla gcig gnyis gsum 'das nas ni/ /dus gzhan phyir ni gang ldog pa/ /thams cad de bzhin shes par gyis/ /gang zhig chos 'di thos gyur nas/ /mos pa'i sems ni gang rnyed pa/ /gal te nyams par gyur na yang / /slar ni dang ba thob par 'gyur/ /gang zhig chos 'di thos gyur nas/ /bag med spong bar mi byed pa/ /mdo 'di sangs rgyas bka' ma yin/ /de snyam du ni sems par 'gyur/ /gang zhig chos 'di thos gyur nas/ /bdud kyis yongs su gang bzung ba/ /dang po dad pa skyes gyur kyang / /phyis ni rab tu spong bar 'gyur/ /gang zhig chos la ma mos pa/ /mi bden grags dang rnyed pa tshol/ /grong khyer grong rdal rab rgyu zhing / /gzungs rnams dang ni ting 'dzin dang / /kun 'dzin 'od zer bsngags brjod kyang / /de yis yang dag rtogs mi 'gyur/ /'dod pa lnga pos bcings pa dang / /'jig rten las ni 'dod tshol ba/ /brjod pa dag ni rtogs byed pas/ /stong nyid sgom la skur pa 'debs/ /dran dang shes rab sems med pas/ /tshe tshad rab tu don med 'das/ /blun po stong pa'i chos spong ba/ /de ni tshul khrims bgegs byas pas/ /mnar med dag tu ltung bar 79.259a 'gyur/ /nam yang mtho ris yong mi skye/ /gang gis skad cig gcig la ni/ /mchod rten stong ni byas pa bas/ /gang gis mdo sde 'di thos nas/ /tshig bzhi tshigs bcad gcig 'dzin 'phags/ /me tog phreng ba brgya stong dag /sangs rgyas mchod rten mchod pa bas/ /gang gis mdo sde 'di thos nas/ /tshig bzhi tshigs bcad sems pa 'phags/ /gang gis rin chen mchod rten dag /gang gA'i bye snyed byas pa bas/ /gang gis tha na skad cig tsam/ /mdo sde 'di sems khyad par 'phags/ /sangs rgyas zhing ni 'bum phrag brgya/ /me tog gtor nas mchod pa bas/ /gang gis tha na skad cig tsam/ /mdo sde 'di sems khyad par 'phags/ /chos gos 'bum phrag brgya mang po/ /sangs rgyas rnams la phul ba las/ /gang gis tha na skad cig tsam/ /mdo sde 'di sems khyad par 'phags/ /sangs rgyas spyan ni rnam dag 'phags/ /mi mkhyen mi gzigs gang yang med/ /gang gis mdo sde 'di mos na/ /sangs rgyas spyan ni thob par 'gyur/ /'das pa'i bskal pa grangs med tshe/ /sangs rgyas mar me mdzad pa byung / /nga ni bram ze'i khye 'ur gyur/ /me tog thogs nas mchod pa byas/ /shAg kya thub pa zhes bya ba/ /byang chub snying po la 'dug nas/ /mdo sde 'di ni ston 'gyur zhes/ /nga la byang chub lung yang bstan/ /khyod ni de tshe gzhon nur gyur/ /nga lung bstan pa thos gyur nas/ /dga' zhing dad pa'i sems bskyed de/ /thal mo sbyar nas 'di skad du/ /gal te bram ze'i khye'u 'di ni/ /mngon par rdzogs par sangs rgyas tshe/ /bdag ni de yi grogs gyur nas/ /mya ngan 'das pa'i 'og tu yang / /chos kyi sde snod rab 'dzin cing / /srung bar shog ces smon lam btab/ /sangs rgyas mar me mdzad de yis/ /'od zer ston pa'i mdo 'di ni/ /ji skad gsungs bzhin de yi tshe/ /bram ze'i khye'u dang gzhon nu gnyis/ /legs par mnyan cing yongs su bzung / /nga sngon 'das pa'i dus kyi tshe/ /me tog ud pa la dag gis/ /sangs rgyas de la mchod pa byas/ / 79.259b de tshe khyod kyang der 'dug ste/ /'di skad du ni smon lam btab/ /nga yi bstan pa tha ma la/ /mdo sde 'di ni rab bzung nas/ /rgya cher ston par shog ces smras/ /gang gis chos 'di thos gyur nas/ /zhe sdang sems ni mi skyed par/ /gzung 'dzin klog cing gang 'don pa/ /de ni skyes bu dam pa yin/ /khyod kyis ma 'ongs dus kyi tshe/ /thos dka'i chos 'di rab bzung nas/ /sems can dag la don gyi tshul/ /rgya cher dbye zhing bstan par bya/ /ngas kyang 'das pa'i dus kyi tshe/ /yang dag chos ni nub pa na/ /'od zer ston pa'i mdo 'di ni/ /sems can dag la rgya cher bstan/ /blun pos nan tan mi sgrub pas/ /'di la skur ba 'debs par byed/ /ngas ni de skad thos gyur kyang / /zhe sdang dag ni skyed mi byed/ /ngas ni rtag tu bzod sgoms nas/ /'jig rten rnams la phan 'dogs byed/ /bzod pa'i stobs ni rdzogs pas na/ /mtshan dang dpe byad dag gis brgyan/ /gzhon nu khyod kyis sangs rgyas sku/ /gya nom yongs su rdzogs gyur cing / /gser gyi kha dog rnam dag 'phags/ /bzod pa'i stobs las byung bar ltos/ /nga yi zhabs ni sa reg nas/ /zhing ni tshad med g.yo byed kyang / /sems can rnams ni mi ltung ba/ /thams cad bzod pa'i stobs las skyes/ /nga yi spu khung gcig nas ni/ /'od zer brgya stong rab bkye nas/ /thams cad gsal bar gang byed pa/ /thams cad bzod mchog stobs las byung / /srin po bzhin du 'jigs pa'i gzugs/ /srog chags gzi byin 'phrog byed pa/ /nga la rtag tu gus pa yang / /thams cad bzod mchog stobs las byung / /nga yi 'khor ni ji snyed pa/ /sems ni rab tu dul gyur nas/ /de bzhin gshegs la gus pa yang / /thams cad bzod mchog stobs las byung / /rol mo'i sgra ni brgya stong dag /'khor 'dus chen po'i nang dag tu/ /sangs rgyas yon tan bsngags brjod pa/ /thams cad bzod mchog stobs las byung / /klu yi rgyal po brgya stong dag /rab tu gdug cing 79.260a 'jigs rung ba/ /sangs rgyas mthong na dga' ba yang / /thams cad bzod mchog stobs las byung / /srin po gnod sbyin la sogs pas/ /me tog phreng ba brgya stong thogs/ /'ongs nas nga la mchod byed pa/ /thams cad bzod mchog stobs las byung / /zhing ni brgya stong tshad med par/ /bzhugs pa'i de bzhin gshegs pa rnams/ /nga yi yon tan bsngags pa yang / /thams cad bzod mchog stobs las byung / /lto 'phye dang ni lus srul po/ /brgya stong dag ni 'dus gyur nas/ /me tog gtor nas nga mchod pa/ /thams cad bzod mchog stobs las byung / /gnod sbyin rgyal po la sogs pa/ /bye ba brgya phrag drug bcu rnams/ /'ongs nas nga la gang mchod pa/ /thams cad bzod mchog stobs las byung / /gzhan yang klu yi rgyal po ni/ /ma na pa ga la sogs pas/ /mu tig dmar pos nga mchod pa/ /thams cad bzod mchog stobs las byung / /du mu ru dang shi khyi ba'i/ /brgya stong snyed ni 'dus gyur nas/ /rol mo dag gis nga mchod pa/ /thams cad bzod mchog stobs las byung / /lto 'phye dang ni lus srul po/ /brgya stong snyed ni 'dus gyur nas/ /me tog spos kyis nga mchod pa/ /thams cad bzod mchog stobs las byung / /sa chen 'dzin pa klu yi rgyal/ /lus phyed dag ni rab bstan nas/ /thal sbyar nga la gus pa yang / /thams cad bzod mchog stobs las byung / /lus med sgra gcan zin la sogs/ /bye ba phrag ni brgya stong rnams/ /dang ba'i sems kyis nga mchod pa/ /thams cad bzod mchog stobs las byung / /gzhon nu khyod kyis 'di ltar ltos/ /sangs rgyas 'od zer gang reg pa/ /sdug bsngal bral nas bde thob pa/ /thams cad bzod mchog stobs las byung / /sa mu ta dang rlung gi lha/ /brgya stong nam mkha' gang bar ni/ /spos kyi char phab nga mchod pa/ /thams cad bzod mchog stobs las byung / lha yi 'khor ni brgya stong dag /lha yi me tog gtor 79.260b mchod de/ /sred spangs sangs rgyas sten byed pa/ /thams cad bzod mchog stobs las byung / /khyed kyis sangs rgyas rdzu 'phrul dang / /sbyin dang tshul khrims sgra bsgrags nas/ /thams cad kun du thos mdzad pa/ /bzod mchog stobs las byung bar ltos/ /phung po khams kyi sgra dag dang / /bden pa bzhi yi sgra dag gis/ /thams cad kun ni go mdzad pa/ /thams cad bzod mchog stobs las byung / /nga yi rdzu 'phrul stobs kyis ni/ /mkha' las mig zad mtha' dag dang / /rab zhi'i sgra ni thos gyur te/ /skye ba'i mtha' yang de bzhin no/ /nga yi rdzu 'phrul stobs kyis ni/ /mkha' las mig ni rgyu dang rkyen/ /de las skye yang 'gro 'ong med/ /de skad du ni thos par 'gyur/ /nga yi rdzu 'phrul stobs kyis ni/ /mkha' las mig zhi rtogs byed na/ /sangs rgyas rnams kyang de las skyes/ /de skad du ni thos par 'gyur/ /nga yi rdzu 'phrul stobs kyis ni/ /mkha' las mig zad mtha' zhi bas/ /sangs rgyas rnams ni de las skyes/ /de skad du ni thos par 'gyur/ /nga yi rdzu 'phrul stobs kyis ni/ /mkha' las mig mtha' rab zhi bas/ /sangs rgyas rnams ni de las skyes/ /de skad du ni thos par 'gyur/ /nga yi rdzu 'phrul stobs kyis ni/ /mkha' las mig skye mtha' zhi bas/ /sangs rgyas rnams ni de las skyes/ /de skad du ni thos par 'gyur/ /nga yi rdzu 'phrul stobs kyis ni/ /mkha' las mig 'jug rab zhi na/ /sangs rgyas rnams ni de las skyes/ /de skad du ni thos par 'gyur/ /nga yi rdzu 'phrul stobs kyis ni/ /mkha' las mig ni skye zhi bas/ /sangs rgyas rnams ni de las skyes/ /de skad du ni thos par 'gyur/ /nga yi rdzu 'phrul stobs kyis ni/ /mkha' las mig dben rab zhi bas/ /sangs rgyas rnams ni de las skyes/ /de skad du ni thos par 'gyur/ /rna ba sna lce lus dang yid/ /gzugs sgra dri ro reg bya nas/ /sgra dang ming la sogs pa'i bar/ /thams cad kun kyang de bzhin no/ / 79.261a 'dod sdang gti mug khong khro dang / /'chab dang phrag dog g.yo sgyu dang / /khengs dang nga rgyal la sogs pa/ /rgya cher bshad pa 'ang de bzhin no/ /de nas zla 'od gzhon nur gyur pas de lta bu'i chos khyad par du 'phags pa thos pas rab tu dga' bar gyur nas thal mo sbyar te/ bcom ldan 'das la 'di skad ces gsol to/ /bcom ldan 'das sang gi gdugs la bdag de bzhin gshegs pa dang / /'khor mang po dang bcas par gdugs tshod la spyan 'dren na/ thugs brtse bar dgongs te bdag gis sbyar ba'i gdugs tshod gsol bar ci gnang / /de skad ces gsol pa dang / de nas bcom ldan 'das kyis gzhon nu de'i bsam pa rnam par dag pa dang / sems can tshad med pa rnams la yang phan pa mdzad par 'gyur bar thugs kyis mkhyen nas thugs brtse bar dgongs te cang mi gsung bas gnang ngo / /de nas zla 'od gzhon nur gyur pa stan las langs nas/ bcom ldan 'das kyi zhabs la mgo bos phyag byas te/ lan gsum bskor ba byas nas/ rab tu dga' bas rang gi khyim du song ste/ rang gi 'khor dang bcas pa dang / lha dang / klu dang / gnod sbyin dang / srin po dang / lto 'phye chen po la sogs pas rgyal po'i khab kyi grong khyer chen po'i bzhi mdor dar gyi lding khang bres te lding khang de yang shin du mtho zhing rgya che la thams cad kun du khyab pa/ gser gyi tsong tsong dra bar bres pa/ /nor bu rin po che'i phreng ba spyangs pa/ seng ge'i ba dan dang / gser gyi phreng ba lu gu rgyud can 'bum phrag brgya stong sna tshogs kyis brgyan pa/ gzhan yang rin po che'i me tog kha dog khyad par du 'phags pa'i phreng ba'i phung po dag gcal du bkram mo/ /me tog tsam pa ka dang a ti mug ta la sogs pa rnam pa sna tshogs kyi phreng ba tshad med grangs med pa yang rin po che'i lding khang gi nang thams cad dang / 'khor 'dus pa thams cad kun du 79.261b khyab par spyangs shing rgyan du bris so/ /gzhan yang de'i nang du khri stan rnams bshams nas/ rin po che'i spos byi li ka dang / du ma tsa dang / tsan dan dang / gur gum rnam par dag cing yid dga' bar byed pa sna tshogs bsregs so/ /de bzhin du sbyar spos mchog dam pa sna tshogs kyang mchod pa'i yo byad du sbyar to/ /gzhan yang spos kyi chus lam srang rnams kun du khyab par chag chag btab bo/ /sa bzhi kun du me tog sna tshogs bcal du bkram mo/ /de'i tshe lha'i bu mo dang / lha ma yin gyi bu mo dang / sgra gcan zin gyi bu mo grangs med tshad med pa yang rab tu dga' ba'i sems bskyed nas/ byang chub kyi rgyu mngon par bsgrub par 'dod pa'i phyir der 'ongs nas grong khyer chen po khyad par du 'phags pa de rab tu brgyan to/ /de nas zla 'od gzhon nur gyur pa grong khyer de kun du khyab par brgyan cing yongs su dag pa dang gdugs tshod la bab par rig nas bcom ldan 'das la 'di skad ces gsol to/ /bcom ldan 'das sems can rnams la sman par mdzad pa'i slad du grong khyer chen por gshegs su gsol/ /de nas bcom ldan 'das 'khor mang po dang thabs gcig tu grong khyer du gshegs nas sgo'i them pa la zhabs bzhag ma thog tu grong khyer chen po de'i sa chen po yang rab tu g.yos par gyur/ phyogs bcu'i 'jig rten gyi khams 'bum phrag brgya stong tshad med pa yang rab tu g.yos par gyur te/ de'i tshe long ba dag ni gzugs mthong bar gyur/ sdug bsngal ba rnams ni bde ba thob par gyur/ 'on pa rnams ni sgra thos par gyur/ byad bzhin mi sdug pa rnams ni byad bzhin bzang po thob par gyur/ /nor med pa rnams ni nor dang ldan par gyur/ bu med pa rnams ni bu yod par gyur/ gos med pa rnams ni gos thob par gyur/ rin po che med pa rnams ni rin po che thob par gyur/ nye bshes 79.262a med pa rnams ni nye bshes dang ldan par gyur/ lus kyi rgyan thams cad kyis phongs pa rnams ni lus kyi rgyan thams cad dang ldan par gyur to/ /gzhan yang ngang pa dang / khrung khrung dang / ne tso dang / rma bya dang / ka ri ka la sogs pa bya'i tshogs mang po rnams de bzhin gshegs pa mthong ba dang / rab tu dga' ba'i sems bskyed nas sgra snyan cing yid du 'ong ba mchog dam pa phyung ste/ gang gis sgra de dag thos pa yang yid shin du bde bar gyur to/ /gzhan yang de bzhin gshegs pas rdzu 'phrul gyi stobs kyis tsam pa ka'i ljon shing tshad med pa snyed mngon par sprul pas/ sems can brgya stong mang po rnams me tog yongs su dag pa de dag dang / gzhan yang spos mchog dam pa thogs nas bcom ldan 'das la mngon par gtor te mchod pa byas so/ /gzhan yang lha ma yin gyi bu mo dbang phyug thob pa brgya stong du ma mu tig dmar po dang / tsan dan gyi phye ma thogs nas de bzhin gshegs pa la rab tu dga' bas mngon par gtor to/ /lha ma yin mang po dang / gzhan yang lha mang po rnams rin po che'i gdugs gser dang / dngul gyis rab tu brgyan pa thogs nas bar snang la 'dug ste/ de bzhin gshegs pa'i steng du khebs par g.yogs so/ /gzhan yang bcom ldan 'das kyi rdzu 'phrul gyi stobs kyis tsan dan gyi ljon shing dang / rin po che'i snod dang / gos la sogs pa'i ljon shing brgya stong tshad med dpag tu med pa rin po che rnams kyis brgyan pa/ me tog dang / lo ma phun sum tshogs shing rgyas pa/ sems can tshad med pa'i bsod nams kyi rnam par smin pa'i 'bras bu thun mong du mngon par grub pa/ rlung gi ngad langs pa tsam gyis spos mchog dam pa'i dris sangs rgyas kyi zhing tshad med pa rnams kun du khyab par gang ba mngon par sprul to/ /sems can brgya stong tshad med pa rnams kyis kyang dus 79.262b gcig tu me tog thogs nas bcom ldan 'das la mngon par gtor to/ /de bzhin du sems can ma yin pa tshad med pa rnams kyang de bzhin gshegs pa'i rdzu 'phrul gyi stobs kyis mngon par sprul pa sha stag go /gang dag ci dang ci smon pa de dag kyang rdzu 'phrul gyi dbang gis de dag gi bsam pa ji lta ba bzhin du re ba yongs su rdzogs par gyur to/ /bcom ldan 'das grong khyer du gshegs pa'i tshe 'khor 'dus pa thams cad nam mkha' la khyad par du 'phags pa'i sgras bsam gyis mi khyab par yang dag par ston pa'i sgra thos par gyur kyang de gang nas byung ba shes par yang ma gyur la tshigs su bcad pa brgya stong du mas kyang chos rnams yang dag par bstan par gyur to/ /bcom ldan 'das ni grong khyer zhugs pa'i tshe/ /mkha' las sgra ni 'di skad grags par gyur/ /'dod chags zad mtha' stong dben gang rtogs pa/ /yang dag nyid rtogs byang chub thob par 'gyur/ /bcom ldan 'das ni grong khyer zhugs pa'i tshe/ /mkha' las sgra ni 'di skad grags par gyur/ /'dod chags skye mtha' stong dben gang rtogs pa/ /yang dag nyid rtogs byang chub thob par 'gyur/ /bcom ldan 'das ni grong khyer zhugs pa'i tshe/ /mkha' las sgra ni 'di skad grags par gyur/ /'dod chags mtha' ni stong dben gang rtogs pa/ /yang dag nyid rtogs byang chub thob par 'gyur/ /bcom ldan 'das ni grong khyer zhugs pa'i tshe/ /mkha' las sgra ni 'di skad grags par gyur/ /'dod chags rab zhi stong dben gang rtogs pa/ /yang dag nyid rtogs byang chub thob par 'gyur/ /bcom ldan 'das ni grong khyer zhugs pa'i tshe/ /mkha' las sgra ni 'di skad grags par gyur/ /'dod chags 'jug pa stong dben gang rtogs pa/ /yang dag nyid rtogs byang chub thob par 'gyur/ /bcom ldan 'das ni grong khyer zhugs 79.263a pa'i tshe/ /mkha' las sgra ni 'di skad grags par gyur/ /'dod chags med cing stong dben gang rtogs pa/ /yang dag nyid rtogs byang chub thob par 'gyur/ /bcom ldan 'das ni grong khyer zhugs pa'i tshe/ /mkha' las sgra ni 'di skad grags par gyur/ /'dod chags skye med stong dben gang rtogs pa/ /yang dag nyid rtogs byang chub thob par 'gyur/ /bcom ldan 'das ni grong khyer zhugs pa'i tshe/ /mkha' las sgra ni 'di skad grags par gyur/ /'dod chags rab 'gog stong dben gang rtogs pa/ /yang dag nyid rtogs byang chub thob par 'gyur/ /zhe sdang gti mug khong khro 'chab ser sna/ /g.yo sgyu khengs dang nga rgyal mya ngan dang / sdug bsngal kun 'byung 'gog pa lam sems can/ /khye'u dang bu mo bud med dag dang ni/ /skyes bu gso ba dag dang dbang po drug /yul drug 'byung chen bzhi yi dngos po dang / /'jig rten sdug bsngal phung po khams dag dang / /'jig rten skye sgra ming sogs kyang de bzhin/ /chos rje dam pa'i chos ni bstan pas na/ /sems can thams cad rab tu dga' bar 'gyur/ /lha yi 'jig rten kun kyang thos gyur nas/ /de bzhin gshegs pa'i theg la gnas par mos/ /bcom ldan 'das ni grong khyer zhugs pa'i tshe/ /mkha' las sgra ni 'di skad grags par gyur/ /bcom ldan sbyin stobs dag la rab mos pas/ /sbyin pa'i stobs kyis byang chub brnyes par gyur/ /bcom ldan 'das ni grong khyer zhugs pa'i tshe/ /mkha' las sgra ni 'di skad grags par gyur/ /bcom ldan tshul khrims rnam dag rab mos pas/ /tshul khrims rnam dag stobs kyis byang chub brnyes/ /bcom ldan 'das ni grong khyer zhugs pa'i tshe/ /mkha' las sgra ni 'di skad grags par gyur/ /bcom ldan bzod pa dag la rab mos pas/ /bzod pa'i stobs kyis byang chub brnyes par gyur/ /bcom ldan 79.263b 'das ni grong khyer zhugs pa'i tshe/ /mkha' las sgra ni 'di skad grags par gyur/ /bcom ldan brtson 'grus dag la rab mos pas/ /brtson 'grus stobs kyis byang chub brnyes par gyur/ /bcom ldan 'das ni grong khyer zhugs pa'i tshe/ /mkha' las sgra ni 'di skad grags par gyur/ /bcom ldan bsam gtan dag la rab mos pas/ /bsam gtan stobs kyis byang chub brnyes par gyur/ /bcom ldan 'das ni grong khyer zhugs pa'i tshe/ /mkha' las sgra ni 'di skad grags par gyur/ /bcom ldan shes rab dag la rab mos pas/ /shes rab stobs kyis byang chub brnyes par gyur/ /rdzu 'phrul mngon shes yon tan gnas shes stobs/ /thabs dang gzungs kyi stobs dang grags pa'i stobs/ /las dang rten 'byung yan lag dad dang thos/ /stong dang 'thun pa'i stobs dang rab zhi stobs/ /rab dul yang dag mtha' dang dben mkhas stobs/ /'jigs dang dga' dang phan 'dogs la mos dang / /byams dang snying rje dga' snyoms bzod 'tshe med/ /stong dang mtshan ma med sogs kyang de bzhin/ /stobs bcu 'phags pa'i mnga' bdag lha yi gtso/ /yon tan grags pa dpe zla ma mchis pa/ /grong khyer mchog gshegs zhabs ni bzhag pa'i tshe/ /sems can rnams la rgya cher phan pa mdzad/ /sngon chad srid gsum las dge rab bsgrubs pas/ /lha yi dge ba sna tshogs 'phel bar mdzad/ /'jig rten thams cad kyis ni rab tu bkur/ /nga yi bstan pa 'di thos thams cad dga'/ /bcom ldan grong khyer gshegs nas zhabs bzhag tshe/ /grong khyer sa chen dag ni rab tu g.yos/ /bcom ldan rnam dag 'od zer mthong bas na/ /ngo mtshar mi 'dzin mi dga' gang yang med/ /bcom ldan grong gshegs phan pa cher mdzad pas/ /lha mi'i 'khor rnams sems ni dga' 79.264a bar 'gyur/ /sa dang mkha' 'gro dag gis srid gsum na/ /bcom ldan shin du bde zhes bsngags par gyur/ /bcom ldan zhabs kyi 'khor lo sa bzhag tshe/ /rnam dag 'od zer kun gsal ngo mtshar gyur/ /rta ni cang shes grong khyer sgra snyan phyung / /bya tshogs dag kyang mkha' las rab tu dga'/ /gzhan yang rab dang bud med mang po yi/ /lag dang rkang dang gdub 'khor phreng ba dang / /de bzhin rin chen rgyan ni sna tshogs las/ /ma dkrol pa yang rang las sgra snyan byung / /so sor phan tshun dga' ba'i gtam brjod cing / /skad mang bkra shis mchog gis bsngags pa brjod/ /'on long dbang po ma tshang dbang po thob/ /thams cad bcom ldan khyad 'phags 'bras bu dbang / /bcom ldan grong khyer gshegs tshe kun dga' bas/ /lha mis me tog mngon par mchod pa byas/ /mkha' las kun du sgra snyan byung bas na/ /lha tshogs tshad med rab tu dga' bar gyur/ /gzhan yang sems can dran pa nyams pa dag /smyos 'khrugs rab zhi phan tshun gtam snyan brjod/ /bud med gang sbrum mya ngan 'jigs gyur pa/ /'od zer byin gyis bde ba thobs par gyur/ /skyes pa bud med ngo tsha khrel bcas la/ /dri ma spangs pa'i chos dag rab bshad pas/ /thams cad dga' nas dag pa'i sems bskyed de/ /thub mchog zhabs la spyi btud phyag byas nas/ /kha cig bcom ldan bla med lam rab tshol/ /kha cig byang chub sems dpa' nyan thos tshol/ /bcom ldan grong khyer mchog tu gshegs pas na/ /bcom ldan zhal du lta zhing rang nyid dga'/ /bcom ldan mkhyen pas sa yi spyod rtogs pas/ /'jig rten rjes mthun phan pa rab tu mdzad/ /chos kyi nor mchog byang chub sems dpa' byin/ /rin chen mchog ni sems can rnams la btang / /bcom ldan grong 79.264b khyer gshegs pa'i tshe/ /mkha' las sgra ni 'di skad byung / /gang zhig mig zad mtha' sred pa/ /sangs rgyas la ni gus pa yin/ /bcom ldan grong khyer gshegs pa'i tshe/ /mkha' las sgra ni 'di skad byung / /gang zhig mig skye mtha' sred pa/ /sangs rgyas la ni gus pa yin/ /gang zhig mig zad mtha' sred pa/ /sangs rgyas yid ches mi 'jigs 'thob/ /mig zad mtha' ni lta bas na/ /shin du dad pa rgyun mi 'chad/ /gang zhig mig zad mtha' sred pa/ /chos la yid ches mi 'jigs 'thob/ /mig zad mthar ni lta bas na/ /shin du dang ba rgyun mi 'chad/ /gang zhig mig zad mtha' sred pa/ /dge 'dun yid ches mi 'jigs 'thob/ /mig zad mtha' ni lta bas na/ /shin du dang ba rgyun mi 'chad/ /gang zhig mig zad mtha' sred pa/ /tshul khrims 'dzin med thob par 'gyur/ /mig zad mthar ni lta bas na/ /shin du dang ba rgyun mi 'chad/ /gang zhig mig zad mtha' sred pa/ /ngan 'gro'i 'dod chags spong bar 'gyur/ /mig zad mthar ni lta bas na/ /'dod chags rgyun ni spong bar byed/ /gang zhig mig zad mthar sred pa/ /ngan 'gro'i zhe sdang spong bar 'gyur/ /mig zad mthar ni lta bas na/ /zhe sdang rgyun ni spong bar byed/ /gang zhig mig zad mthar sred pa/ /ngan 'gro'i gti mug spong bar 'gyur/ /mig zad mthar ni lta bas na/ /gti mug rgyun ni spong bar byed/ /gang zhig mig zad mthar sred pa/ /byang chub ye shes dag la gnas/ /mig zad mthar ni lta bas na/ /byang chub ye shes rgyun mi 'chad/ /mig skye mtha' dang mig gi mtha'/ /'jug pa dang ni rab dben dang / /yod pa nyid du mi 'gyur dang / /mi skye rab tu zhi ba dang / /'di la sogs pa'i sgo rnams kyang / /thams cad mig zad 'dra bar bstan/ /gang zhig mig zad mthar sred pa/ /de ni rtag tu the tshom med/ / 79.265a de ltar the tshom med pa'i phyir/ /sangs rgyas rdzu 'phrul thob par 'gyur/ /gang zhig mig skye mtha' sred pa/ /de ni rtag tu the tshom med/ /de ltar the tshom med pa'i phyir/ /sangs rgyas rdzu 'phrul 'thob par 'gyur/ /gang zhig mig gi mtha' srid pa/ /de ni rtag tu the tshom med/ /de ltar the tshom med pa'i phyir/ /sangs rgyas rdzu 'phrul 'thob par 'gyur/ /gang zhig mig gi 'jug sred pa/ /de ni rtag tu the tshom med/ /de ltar the tshom med pa'i phyir/ /sangs rgyas rdzu 'phrul 'thob par 'gyur/ /gang zhig mi dben rab sred pa/ /de ni rtag tu the tshom med/ /de ltar the tshom med pa'i phyir/ /sangs rgyas rdzu 'phrul 'thob par 'gyur/ /gang zhig mig mi skye sred pa/ /de ni rtag tu the tshom med/ /de ltar the tshom med pa'i phyir/ /sangs rgyas rdzu 'phrul 'thob par 'gyur/ /gang zhig mig med la sred pa/ /de ni rtag tu the tshom med/ /de ltar the tshom med pa'i phyir/ /sangs rgyas rdzu 'phrul 'thob par 'gyur/ /gang zhig mig zhi la sred pa/ /de ni rtag tu the tshom med/ /de ltar the tshom med pa'i phyir/ /sangs rgyas rdzu 'phrul 'thob par 'gyur/ /rna ba sna lce lus dang yid/ /gzugs sgra dri ro reg bya nas/ /sgra dang ming gi bar du yang / /thams cad de bzhin sbyar bar bya/ /mig skye dpag med gang skyed pa/ /ye shes dpag med skyed par byed/ /ye shes dpag tu med pa'i phyir/ /chos 'di bstan pa 'ang de bzhin no/ /mig zad dpag med gang shes pa/ /mig la sgrib pa med par 'gyur/ /de ltar sgrib pa med pa'i phyir/ /sangs rgyas mkhyen pa thogs med 'thob/ /rna ba sna lce lus dang yid/ /gzugs sgra dri ro reg bya nas/ /sgra dang ming gi bar du yang / /thams cad de bzhin sbyar bar bya/ /bcom 79.265b ldan grong khyer gshegs pa'i tshe/ /sems can dag ni brgya stong snyed/ /mkha' las chos bshad sgra thos pas/ /sangs rgyas yon tan the tshom med/ /kha cig 'dod chags sems byung yang / /sangs rgyas ye shes 'jigs mi byed/ /gang zhig 'dod chags sems byung yang / /sangs rgyas yon tan stor ma gyur/ /kha cig 'dod chags sems byung yang / /bla med ye shes tshol byed cing / /ma 'dres chos ni bsgrub pa dang / /nyan thos theg pa mos mi byed/ /byis pa bsam gtan sgom byed kyang / /bsam gtan bde la mos pas na/ /mngon pa'i nga rgyal rab bskyed nas/ /dge sbyong 'bras bu thob snyam sems/ /byis pa bsam gtan sgom byed kyang / /mi zad mtha' yi shes med na/ /bskal pa brgya stong sgom byed kyang / /de la rnam grol ci yang med/ /skye ba len pa thams cad ni/ /de la zhen chags skyed par byed/ /gal te skye nyid stong rig na/ /mthong ba rnams ni rnam dag 'gyur/ /gang zhig bsam gtan bzhi bsgrubs kyang / /mig zad mtha' shes med gyur na/ /bskal pa brgya stong lon yang ni/ /bsam gtan yongs su dag mi 'gyur/ /gang zhig nyer bsngogs thob gyur kyang / /zad mtha' shes pa 'thob mi 'gyur/ /zad pa thos pa ma shes phyir/ /zag pa thob la rtag tu spyod/ /gang zhig 'du shes zhen byed pa/ /'du shes zad mtha'i shes pa med/ /'du shes zad pa ma shes phyir/ /rtag tu 'du shes zag la spyod/ /gang zhig 'jig rten zhen chags pa/ /'jig rten zad mtha' shes pa med/ /'jig rten zad mtha' ma shes phyir/ /rtag tu 'jig rten zag la spyod/ /gang zhig zag bcas sems la gnas/ /sems zad mtha' yi shes pa med/ /sems zad pa ni ma shes phyir/ /rtag tu sems ni zag la spyod/ /gang zhig zag bcas chos la gnas/ /chos zad mtha' yi shes pa med/ / 79.266a chos zad pa ni ma shes phyir/ /rtag tu zag bcas chos la spyod/ /sbyangs pa'i chos la gnas gyur kyang / /mig zad mtha' yi shes med na/ /mig zad pa ni ma shes phyir/ /yang dag sbyangs la gnas pa min/ /kha dog sgyur ba'i gos bgos kyang / /mig zad mtha' yi shes med na/ /mig zad pa ni ma shes phyir/ /yang dag chos gos bgos ma yin/ /ya rabs rigs su skyes gyur kyang / /mig zad mtha' yi shes med na/ /mig zad pa ni ma shes phyir/ /de ni dag pa'i rigs ma yin/ /'khor mang dag ni bdog gyur kyang / /mig zad mtha' yi shes med na/ /myur du ngan 'gror ltung 'gyur te/ /'khor dag gis ni skyob mi nus/ /sgra yi rig pa mkhas gyur kyang / /mig zad mtha' yi shes med na/ /mig zad pa ni ma shes phyir/ /sgra yi rig pa rtogs ma yin/ /bzo rnams la ni mkhas gyur kyang / /mig zad mtha' yi shes med na/ /mig zad pa ni ma shes phyir/ /de ni bzo la mkhas ma yin/ /'dri ba mang la mkhas gyur cing / /yi ge gcig gis rnam 'byed kyang / /mig zad mtha' yi shes med na/ /de ni don 'thun bshad ma yin/ /mkhas pa'i rjes su slob byed kyang / /gsang dang gsang min mi shes shing / /mig zad mtha' yi shes med na/ /chos 'di rtogs par mi 'gyur ro/ /rjod pa sna tshogs rgyang pan dang / /chos rnams rab tu shes gyur kyang / /mig zad mtha' yi shes med na/ /'khri shing stug por lhung ba 'dra/ /sgra yi rig pa mkhas gyur cing / /dge dang mi dge'i rtags ston dang / /tshig 'bru yi ge sgra skad dang / /klog dang 'don pa'i mthar thug kyang / /mig zad mtha' ni ma shes na/ /de dag rnams ni shes med yin/ /bud med dag gi mtshan ma dang / /tshig mkhan rmongs par byed pa dang / /lus mnyes ngal sos chos rnams dang / /mkhyud dpyad dag la mkhas gyur kyang / /mig zad mtha' ni ma shes na/ /de dag rnams ni shes med yin/ /gzhung lugs brgya mang ston byed cing / /yi ge 'bru gcig 79.266b mi brjed kyang / /mig zad mtha' ni ma shes na/ /bshad pa de ni don med yin/ /de bzhin mig skye mtha' dag dang / /mig mtha' dang ni 'jug pa nas/ /rab tu zhi ba'i bar du yang / /de bzhin du ni rig par gyis/ /rna ba sna lce lus dang yid/ /gzugs sgra dri ro reg bya nas/ /sgra dang ming gi bar du yang / /thams cad de bzhin sbyar bar bya/ sgra yi rig pa klog 'don cing / /de yi don ni rtogs gyur kyang / /mig zad mtha' ni ma shes na/ /de ni nam yang dman pa yin/ /smrang bzhi dag ni 'don byed cing / /gsang sngags dag ni rtogs gyur kyang / /mig zad mtha' ni ma shes na/ /de ni nam yang dman pa yin/ /de bzhin mig skye mtha' dag dang / /mig gi mtha' dang 'jug pa nas/ /rab tu zhi ba'i bar du yang / /de bzhin du ni rig par gyis/ /rna ba sna lce lus dang yid/ /gzugs sgra dri ro reg bya nas/ /sgra dang ming gi bar du yang / /thams cad de bzhin sbyar bar bya// // bam po bzhi pa/ bcom ldan grong khyer gshegs pa'i tshe/ /sems can dag ni tshad med snyed/ /mkha' las chos bstan sgra thos pas/ /mig zad mtha' yi shes pa thob/ /bcom ldan grong khyer gshegs pa'i tshe/ /sems can dag ni tshad med snyed/ /mkha' las chos bstan sgra thos pas/ /mig mi rang bzhin rtogs par gyur/ /stong dang bdag med rab rtogs pas/ /thams cad rnam dag mig thob 'gyur/ /rna ba sna lce lus dang yid/ /gzugs sgra dri ro reg bya nas/ /sgra dang ming gi bar du yang / /thams cad de bzhin sbyar bar bya/ /'dod sdang gti mug khong khro dang / /nga rgyal khengs dang g.yo sgyu nas/ /bag med pa yi bar du yang / /de bzhin du ni rig par gyis/ /bcom ldan grong khyer gshegs pa'i tshe/ /sems can dag ni tshad med snyed/ /steng gi nam mkha' dag las ni/ /sangs rgyas mtshan ni sna tshogs thos/ /kha cig 'dod chags 'jigs pa yi/ /dpe zla med pa ming yang thos/ /kha cig zhe sdang 'jigs byed cing / /'jig rten 79.267a phan 'dogs ming dag thos/ /kha cig gti mug rab rtogs shing / /nga rgyal 'dul ba'i ming dag thos/ /kha cig 'jig rten dag la ni/ /rab zhi ston pa'i 'dren ming thos/ /kha cig shes rab dag bstan nas/ /'jig rten phan 'dogs ming dag thos/ /kha cig thabs dag rab bstan nas/ /sems can phan 'dogs ming dag thos/ /kha cig bdud ni rab btul kyang / /'khon 'dzin med pa'i ming dag thos/ /kha cig gsung rab chos dag gis/ /rnam grol bstan pa'i ming dag thos/ /kha cig sems can sdug bsngal ba/ /rgya cher sgrol ba'i ming dag thos/ /kha cig mi yi gtso bo yis/ /'jig rten sgrol ba'i ming dag thos/ /ming ni de dag thos gyur na/ /thams cad rnam dag mig thob gyur/ /nam mkha' dang ni rgya mtsho'i chu/ /ri rab lhun po'i bar du yang / /thams cad gzhal du rung srid kyi/ /sangs rgyas mkhyen pa thub mi 'gyur/ /gang zhig mi bzad nges pa thob gyur na/ /chos sku mngon par 'grub pa dka' mi 'gyur/ /gang zhig chos sku mchog ni grub gyur na/ /kun 'dzin ye shes dpag med thob par 'gyur/ /gang zhig kun 'dzin ye shes dpag med thob/ /des ni mdo sde dpag med go bar 'gyur/ /gang zhig mdo sde dpag med go gyur pas/ /sangs rgyas rdzu 'phrul 'thob pa dka' mi 'gyur/ /gang zhig mig skye nges pa thob gyur na/ /chos sku mngon par 'grub pa dka' mi 'gyur/ /gang zhig chos sku mchog ni grub gyur na/ /kun 'dzin ye shes dpag med 'thob par 'gyur/ /gang zhig kun 'dzin ye shes dpag med thob/ /des ni mdo sde dpag med go bar 'gyur/ /gang zhig mdo sde dpag med go gyur bas/ /sangs rgyas rdzu 'phrul thob pa dka' mi 'gyur/ /de bzhin rna ba sna lce lus dang yid/ /gzugs sgra dri ro reg bya chos dag nas/ /sgra rnams dang ni ming gi bar du yang / /thams cad de bzhin du ni sbyar bar bya/ /de tshe sa chen dag ni rab tu g.yos/ /rgya mtsho ri rnams kyang ni de bzhin no/ /lha ma yin dang lha ni mang 79.267b po rnams/ /thams cad rab tu dga' ba skyes par gyur/ /bdud dang bdud dpung g.yo sgyu rab bcom nas/ /thams cad sangs rgyas bkod pa bsgrub par mos/ /lha rnams so sor gzhal med khang zhugs nas/ /phan tshun dga' ba'i gtam ni 'di skad smras/ /'dren pa deng ni 'jig rten byung bas na/ /lha mi thams cad la ni phan pa mdzad/ /sa bla'i lha 'khor gzhal med khang gnas nas/ /dang ba'i sems kyis dga' nas 'di skad du/ /'dren pa 'jig rten deng byung shin du legs/ /'jig rten kun bde rgyu ni rab tu mdzad/ /mkha' la spyod pa'i lha rnams de thos nas/ /thams cad dga' nas rab tu dang ba skyes/ /khyad 'phags sgra snyan sangs rgyas bsngags brjod nas/ /'dren pa byung bas 'jig rten phan mdzad zer/ /rgyal chen rigs bzhi'i lha rnams de thos nas/ /thams cad dga' nas shin du dang ba skyes/ /khyad 'phags sgra snyan sangs rgyas bsngags brjod nas/ /'dren pa byung bas 'jig rten phan mdzad zer/ /sum bcu rtsa gsum lhas ni de thos nas/ /thams cad dga' nas shin du dang ba skyes/ /khyad 'phags sgra snyan sangs rgyas bsngags brjod nas/ /'dren pa byung bas 'jig rten phan mdzad zer/ /'thab bral lha dag de skad thos nas ni/ /thams cad dga' nas shin du dang ba skyes/ /khyad 'phags sgra snyan sangs rgyas bsngags brjod nas/ /'dren pa byung nas 'jig rten phan mdzad zer/ /bdag cag byang chub sems ni rab bskyed nas/ /bcom ldan bla med mkhyen pa nye bar bgyi/ /lha mi'i gtso mchog la ni brten nas su/ /sems can thams cad sgrol bar bgyid ces zer/ /dga' ldan lha rnams de skad thos nas kyang / /thams cad dga' nas shin du dang ba skyes/ /khyad 'phags sgra snyan sangs rgyas bsngags brjod nas/ /'dren pa byung bas 'jig rten phan mdzad zer/ /bcom ldan 'das kyis bskal pa bye bar ni/ /spyod mchog khyad 'phags med mngon bsgrubs nas ni/ /sems can sdug bsngal ba la bde lam bstan/ /'khor ba bsgral nas mya ngan 'das la bkod/ /'phrul dga'i lha rnams de skad thos nas ni/ /thams cad dga' nas shin du dang ba skyes/ /khyad 'phags 79.268a sgra snyan sangs rgyas bsngags brjod nas/ /'dren pa byung bas 'jig rten phan mdzad zer/ /gzhan 'phrul dbang byed lhas ni de thos nas/ /thams cad dga' nas shin du dang ba skyes/ /khyad 'phags sgra snyan sangs rgyas bsngags brjod nas/ /'dren pa byung nas 'jig rten phan mdzad zer/ /de bzhin gshegs pa skye shi 'das pas na/ /bdud dang mu stegs mang po pham par mdzad/ /bla med byang chub dag ni yongs rdzogs nas/ /skye dgu drangs nas pha rol 'jog ces zer/ /tshangs ris lha rnams de skad thos nas kyang / /thams cad dga' nas shin du dang ba skyes/ /khyad 'phags sgra snyan sangs rgyas bsngags brjod nas/ /'dren pa byung bas 'jig rten phan mdzad zer/ /de bzhin gcig nas gcig tu sgra thos pas/ /tshangs pa'i 'khor rnams dga' nas 'di skad du/ /'dren pa byung bas 'jig rten phan pa mdzad/ /bdud dpung 'jigs skrag mya ngan byed ces zer/ /srid pa'i rtse mo'i lha yi bar du yang / /sangs rgyas byung nas 'jig rten phan mdzad thos/ /de bzhin sgra ni kun du grags pas na/ /lha ma yin dag 'gribs shing lha rnams 'phel/ /bdud kyi khang pa dag ni yongs stongs shing / /lha rnams 'khor ni rab tu rgyas par gyur/ /mi 'jigs stobs kyis log pa rab btul nas/ /byang chub chen po mchog ni myur du brnyes/ /de bzhin skad cig yud tsam lha rnams kyis/ /bcom ldan byung nas phan mdzad thos gyur nas/ /'jig rten 'dren par mdzad pa shin du legs/ /rnam dag mig ni sems can sbyin zhes zer/ /bcom ldan grong khyer gshegs pa'i tshe/ /'dod pas yongs su gdungs pa rnams/ /mi gtsang bsgom pa bshad thos pas/ /'dod chags zhi ste ma lus spangs/ /bcom ldan grong khyer gshegs pa'i tshe/ /zhe sdang dag gis gdungs ba rnams/ /byams pa bstan pa'i chos thos pas/ /zhe sdang zhi ste ma lus spangs/ /bcom ldan grong khyer gshegs pa'i tshe/ /gti mug dag gi gdungs pa rnams/ /shes rab chos ni bstan thos pas/ /gti mug zhi ste ma lus spangs/ / 79.268b bcom ldan grong khyer gshegs pa'i tshe/ /nga rgyal dag gis gdungs pa rnams/ /nga rgyal spangs pa'i chos thos pas/ /nga rgyal zhi ste ma lus spangs/ /bcom ldan grong khyer gshegs pa'i tshe/ /phrag dog dag gis gdungs pa rnams/ /phrag dog spangs pa'i chos thos pas/ /phrag dog zhi ste ma lus spangs/ /bcom ldan grong khyer gshegs pa'i tshe/ /khong khro dag gis gdungs pa rnams/ /khong khro spangs pa'i chos thos pas/ /khong khro zhi ste ma lus spangs/ /bcom ldan grong khyer gshegs pa'i tshe/ /ser sna dag gis gdungs pa rnams/ /ser sna spangs pa'i chos thos pas/ /ser sna zhi ste ma lus spangs/ /gang zhig dul ba'i spyod grub pa/ /dpag med chos ni 'di thos pas/ /mang du thos pa'i mtshor zhugs nas/ /kun 'dzin sgo ni sgrub par byed/ /gzhan yang mkha' las sgra thos pas/ /me tog dag gis sangs rgyas mchod/ /yon tan khyad par 'phags sgrub cing / /snying rje chen po'i rdzu 'phrul ston/ /gzhan yang mkha' las sgra thos pas/ /bcom ldan sku dang skye gnas dang / /gdud rgyud dang ni gsung sgra rnams/ /khyad par 'phags pa'i bsngags pa brjod/ /sems can 'gro ba ji lta bar/ /rdzu 'phrul dag kyang ci rigs bshad/ /mig dang rna ba sna lce lus/ /gzugs dang sgra la sogs pa dang / /bskum pa dang ni bkyang ba bdag /ston par mdzad pa khyad par 'phags/ /bcom ldan 'jig rten 'das pas na/ /'jig rten sgron ma rab mdzad cing / /gzugs ni mang po ston pa yang / /thams cad sangs rgyas rdzu 'phrul yin/ /snod dang snod min de rjes su/ /mi mthun chos ni ston mdzad pas/ /sems can tshe rabs tshad med nas/ /sangs rgyas mchod pa ma byas shing / /dmu rgod gdul bar dka' ba la/ /sems can dmyal bar bshad pas mdzad/ /gang zhig las lam rmongs gyur cing / /lta la brten nas spros dga' ba/ bcom ldan de dag lta ba dang / spros pa zhi ba'i sgra thos mdzad/ /gzhan yang mkha' las ngo bo nyid/ /nges pa nyid du stong ba dang / /'gro 'ong med 79.269a cing mtshan med dang / /ci yang med pa'i sgra yang thos/ /gzhan yang sems can brgya stong dag /mkha' las sha dang shes rab spyan/ /de bzhin chos kyi spyan par du/ /yang dag ston pa'i sgra yang thos/ /bcom ldan rdzu 'phrul stobs kyis ni/ /tshul khrims ting 'dzin shes rab sgra/ /rnam grol rnam grol mthong ba'i sgra/ /ston pa dag kyang thos par gyur/ /sems can dag ni ji snyed la/ /ji bzhin rdzu 'phrul rab bstan nas/ /ji ltar rjes 'thun sgra skad kyis/ /yang dag chos ni bstan par mdzad/ /sems can la la gang zhig ni/ /sbyin dang tshul khrims bzod bsgrub mos/ /rdzu 'phrul mos pa ji lta bzhin/ /sbyin dang tshul khrims bzod sgra ston/ /bcom ldan rdzu 'phrul stobs kyis ni/ /sems can dbang po ji lta bzhin/ /rgya cher yang dag 'byed mdzad pas/ /len 'dzin ston la dgod par mdzad/ /bcom ldan rdzu 'phrul stobs kyis ni/ /phung po khams dang skye mched kyi/ /bcings dang grol dang nye ring dang / /sa yi gnas skabs bye brag gi/ /mtshan nyid ston pa thos par gyur/ /gzhan yang sa dang ye shes kyi/ /'od zer tshad med ston pa dang / /nyon mongs bag chags spangs pa dang / /spangs min ston pa thos par gyur/ /bcom ldan rdzu 'phrul stobs kyis ni/ /lha dang mi yi ngo bo nyid/ /las dang 'bras bu mi mtshungs mi/ /skye len tha dad thos par gyur/ /res 'ga' bud med mdun dag tu/ /bud med brgyan pa'i lus sprul nas/ /mkha' las skyo ston sgra bsgrags pas/ /gang thos 'dod chags sel bar mdzad/ /shA ri'i bu ni ji lta bzhin/ /shin tu dang ba skyes gyur pa/ /thugs rjes mos pa ji bzhin du/ /bla med chos ni ston par mdzad/ /maung gal bu dang 'od srung dang / /ka pi na dang kun dga' dang / /'od srung chen po dag dang ni/ /kun shes kaudi n+ya la sogs/ /de dag mos pa ji bzhin du/ /nyan thos chos ston thos par gyur/ /lha rnams dang ni lha ma yin/ /gnod sbyin dag ni mang po dang / /be ro ka ni 'khor bcas dang / /grul bum dag ni tshad med rnams/ /bcom ldan rdzu 'phrul stobs kyis ni/ /gzungs sngags sgra ni thos par gyur/ /i di si/ bi di si/ ir su 79.269b i ra/ au na si/ /ma ni si/ u khyi/ a no khyi/ A khi tsa la mang naM ye/ nga ra ni sh+tha ni mi/ ta ka ni/ e mi man tra/ ni ha ra/ a bu re/ b+hUd d+he/ ni re/ a khi tsha ra/ bi ya ki ri ya te/ a khi tshar bar mI te/ ka lA ba hi ni/ sarbo bid shi nir d+he paun/ pa ra shas da te/ sha sA ta/ b+ha ra sha sad ta/ ta ra sad ta/ b+hU mi/ A ma b+ha ra/ li la b+han/ shi tsi tsid ta/ bi ba ma ti/ tsid ta a nan ta/ o be ra ha ba mI ta b+hU mi/ na nam kA ni/ a ka ni bi b+hi mid ta/ sha ri be sh+tha/ a ma la ni ma lA/ bU li te na ra shi tsa/ ha ha ri/ ma ma lI/ b+ha ra ni tish+tha/ tsak+Shu ni ha ra/ U d+ha ri ta pa tsi/ An ta ri/ ke tu su ke tu su pa ri ni/ ka ri ni/ su su ma ni yai/ ka ka ri/ ka khA ri/ u pa la mU ri/ tish+thad ri na/ na ga nir ha re/ par b+had te/ A te pa ra ya te/ An ta ra b+han d+he/ An ta ra ta b+ha ti shi tsa/ ha sI ri ma kha lI/ I ni sam b+ha re/ tish+tha sit+ta ra ni/ ku b+hu lo tsa te/ gzhan yang rgyal po rnam thos bu/ /yul 'khor srung ni la sogs pas/ /khyad 'phags sgra ni grangs med kyis/ /bden pa'i sngags tshigs rab tu smras/ /tshad med sgra ni de dag kyang / /bde gshegs rdzu 'phrul dbang gis byung / /rdzu 'phrul dag ni tshad med pas/ /bstan pa dag kyang tshad med pas/ /res 'ga' sangs rgyas med zhing du/ /rdzu 'phrul rol pa'i stobs dag gis/ /'khor bskor sangs rgyas sku ston pa/ /da ltar mthong ba ji bzhin no/ /bsam gyis mi khyab zhing dag tu/ /sprul pa tshad med ston mdzad pas/ /bltam nas gom pa bdun gshegs dang / /rgyal srid spangs nas rab byung dang / /byang chub snying por sangs rgyas nas/ /brnyes pa'i chos dag rab dgongs te/ /chos kyi 'khor lo bskor mdzad dang / /mya ngan 'das pa ston par mdzad/ /rdzu 'phrul gyi ni stobs dag gis/ /sna tshogs chos ni ston mdzad pas/ /sems can dag ni tshad med rnams/ /khyad 'phags ye shes grub par mdzad/ /de tshe thugs rje chen po yin/ /tshangs pa'i 'khor gyis yongs bskor nas/ /byams chos bsgom pa bshad bstan pas/ /byams pa'i sems ni 'phel bar mdzad/ /de tshe thugs rje chen po yis/ /lha rnams kyis ni yongs bskor nas/ /bsdu ba'i dngos bzhi bstan mdzad pas/ /bsdu ba'i 79.270a spyod bzhi 'phel bar mdzad/ /de tshe thugs rje chen po yis/ /klu rnams kyis ni yongs bskor nas/ /zhe sdang nyes dmigs bshad bstan pas/ /zhe sdang sems ni spangs par gyur/ /de tshe thugs rje chen po yis/ /gnod sbyin rnams kyis yongs bskor nas/ /rnam 'tshe nyes dmigs bshad bstan pas/ /rnam 'tshe sems ni spangs bar gyur/ /de tshe thugs rje chen po yis/ /lha ma yin gyis yongs bskor nas/ /'thab pa'i nyes dmigs bshad bstan te/ bzod pa bsgoms pa'i bsngags pa brjod/ /de tshe thugs rje chen po yis/ /nam mkha' lding gis yongs bskor nas/ /'gal byas nyes dmigs bshad bstan te/ /'dum pa'i sems kyis bsngags pa mdzad/ /de tshe thugs rje chen po yis/ /dri za'i 'khor gyis yongs bskor nas/ /dga' ba'i tshig ni dpag med kyis/ de bzhin gshegs pa'i bsngags brjod bstan/ /de tshe thugs rje chen po yis/ lto 'phye 'khor gyis yongs bskor nas/ /mu stegs chos la smod mdzad cing / /bcom ldan gsung rab bsngags brjod bstan/ /de tshe thugs rje chen po yis/ /'dre srin 'khor gyis yongs bskor nas/ /de bzhin gshegs pa'i yon tan mchog /rgya cher bsngags pa bstan par mdzad/ /thugs rje chen pos 'phrul bstan pas/ /sems can dag ni brgya stong snyed/ /mi bzad mtha' bstan thos pas na/ /mthar phyin don ni rtogs par gyur/ /thugs rje chen po 'phrul bstan pas/ /sems can dag ni brgya stong snyed/ /mig skye mtha' ni bstan thos pas/ /mthar phyin don ni rtogs par gyur/ /thugs rje chen pos 'phrul bstan pas/ /sems can dag ni brgya stong snyed/ /mig gi mtha' ni bstan thos pas/ /mthar phyin don ni rtogs par gyur/ /thugs rje chen pos 'phrul bstan pas/ /sems can dag ni brgya stong snyed/ /mig 'jug bstan pa thos gyur nas/ /mthar phyin don ni rtogs par gyur/ /thugs rje chen pos 'phrul bstan pas/ /sems can dag ni brgya stong snyed/ /mig dben bstan pa thos pas na/ / 79.270b mthar phyin don ni rtogs par gyur/ /thugs rje chen pos 'phrul bstan pas/ /sems can dag ni brgya stong snyed/ /mig la skye med bstan thos pas/ /mthar phyin don ni rtogs par gyur/ /thugs rje chen pos 'phrul bstan pas/ /sems can dag ni brgya stong snyed/ /mig med bstan pa thos pas na/ /mthar phyin don ni rtogs par gyur/ /thugs rje chen pos 'phrul bstan pas/ /sems can dag ni brgya stong snyed/ /mig ni nyer zhi bstan thos pas/ /mthar phyin don ni rtogs par gyur/ /thugs rje chen pos 'phrul bstan pas/ /sems can dag ni brgya stong snyed/ /mig la bdag med bstan thos pas/ /mthar phyin don ni rtogs par gyur/ /thugs rje chen pos 'phrul bstan pas/ /sems can dag ni brgya stong snyed/ /mig la gang zag med thos pas/ /mthar phyin don ni rtogs par gyur/ /thugs rje chen pos 'phrul bstan pas/ /sems can dag ni brgya stong snyed/ /mig la sems can med thos pas/ /mthar phyin don ni rtogs par gyur/ /thugs rje chen pos 'phrul bstan pas/ /sems can dag ni brgya stong snyed/ /mig la srog med thos pas na/ /mthar phyin don ni rtogs par gyur/ /thugs rje chen pos 'phrul bstan pas/ /sems can dag ni brgya stong snyed/ /mig la gso ba med thos pas/ /mthar phyin don ni rtogs par gyur/ /thugs rje chen pos 'phrul bstan pas/ /sems can rnams la rgya cher ni/ /'jig rten zhen pa rab smad de/ /zhen pa mi skyed nyid du mdzad/ /thugs rje chen pos 'phrul bstan pas/ /sems can rnams la rgya cher ni/ /'jig rten rnyed pa rab smad de/ /'dus ma byas kyi bsngags brjod mdzad/ /thugs rje chen pos 'phrul bstan pas/ /sems can rnams la rgya cher ni/ /zag bcas shes pa rab smad de/ /zag med shes rab bsngags par mdzad/ /thugs rje chen pos 'phrul bstan pas/ /sems can rnams la rgya cher ni/ /'jig rten bsam gtan rab smad de/ /'jig rten 'das pa'i ting 'dzin bsngags/ /thugs rje chen po 'phrul bstan pas/ sems can rnams la brgya cher ni/ /zag 79.271a bcas tshul khrims rab smad de/ /zag med bslab gnas bsngags par mdzad/ /thugs rje chen pos 'phrul bstan pas/ /sems can rnams la rgya cher ni/ /sems rgya chung ngu'i skyon brjod de/ /sems rgya chen po'i yon tan bsngags/ /thugs rje chen pos 'phrul bstan nas/ /lus kyi tshul khrims sems shes rab/ /zag med rten pa med pa yi/ /bsngags pa dag ni brjod par mdzad/ /thugs rje chen pos 'phrul bstan nas/ /sdug bsngal 'gog pa'i lam bsngags shing / /spros la dga' zhing zhen pa dag /sangs rgyas smad par rab tu bstan/ /thugs rje chen pos 'phrul bstan nas/ /sems can rnams la rgya cher ni/ /mi bzad skyon ni rab 'byed cing / /rab zhi mtshan nyid bstan par mdzad/ /rna ba sna lce lus dang yid/ /gzugs sgra dri ro reg bya nas/ /sgra dang ming gis bar du yang / /thams cad de bzhin sbyar bar bya/ /thugs rje chen pos 'phrul bstan nas/ /sems can rnams la rgya cher ni/ /dar la bab cing gzhon pa la/ /nyes dmigs dpag med yod par bstan/ /thugs rje chen pos 'phrul bstan nas/ /sems can rnams la rgya cher ni/ /cho rigs dag ni snyems pa la/ /nyes dmigs dpag med yod par bstan/ /thugs rje chen pos 'phrul bstan nas/ /sems can rnams la rgya cher ni/ /longs spyod bag med gyur pa la/ /nyes dmigs dpag med yod par bstan/ /thugs rje chen pos 'phrul bstan nas/ /sems can rnams la rgya cher ni/ /rang dbang bag med gyur pa la/ /nyes dmigs dpag med yod par bstan/ /thugs rje chen pos 'phrul bstan nas/ /sems can rnams la rgya cher ni/ /gzugs kyis bag med gyur pa la/ /nyes dmigs dpag med yod par bstan/ /thugs rje chen pos 'phrul bstan nas/ /sems can rnams la rgya 79.271b cher ni/ /bud med bag med gyur pa la/ /nyes dmigs dpag med yod par bstan/ /thugs rje chen pos 'phrul bstan nas/ /sems can rnams la rgya cher ni/ /gos kyis bag med gyur pa la/ /nyes dmigs dpag med yod par bstan/ /thug rje chen po 'phrul bstan nas/ /sems can rnams la rgya cher ni/ /chang gis bag med gyur pa la/ /nyes dmigs dpag med yod par bstan/ /thug rje chen po 'phrul bstan nas/ /sems can rnams la rgya cher ni/ /rgyal po bag med gyur pa la/ /nyes dmigs dpag med yod par bstan/ /thug rje chen po 'phrul bstan nas/ /sems can rnams la rgya cher ni/ /tshul khrims snyems par gyur pa la/ /nyes dmigs dpag med yod par bstan/ /thug rje chen po 'phrul bstan nas/ /sems can rnams la rgya cher ni/ /shes rab snyems par gyur pa la/ /nyes dmigs dpag med yod par bstan/ /de bzhin rtogs dang rdzu 'phrul dang / /bsam gtan mkhas pa'i nga rgyal dang / /nor dang bshad dang rigs dang 'khor/ /rol mo glu dang lce rgyang dang / /grags pa phun tshogs bsngags pa dang / /bkur sti dang ni rnyed pa dang / /mdzes dang g.yo sgyu nga rgyal dang / /ngo tsha med dang khrel med dang / /khengs dang phun tshogs nga rgyal dang / /bag med 'dod chags de bzhin no/ /thugs rje chen pos 'phrul bstan nas/ /sems can gang zhig sems dang yid/ /dman par gyur pa de dag la/ /khyad par 'phags pa'i 'du shes bstan/ /thugs rje chen pos 'phrul bstan nas/ /sems can gang zhig rab zhum zhing / /rtsol bar mi byed de dag la/ /brtson 'grul stobs ni ston par mdzad/ /thugs rje chen pos 'phrul bstan nas/ /sems can gang zhig nor rnams la/ /chags par gyur pa de dag la/ /chog shes chos ni ston par mdzad/ /gzhan yang 79.272a spos kyi dri gtsang khang / /me tog dag ni gzhal med khang / /khang pa brtsegs ma mchog sprul nas/ /sprul pa'i sangs rgyas bzhugs par bstan/ /gzhan yang lha yi bu mo rnams/ /me tog tsam pa khang pa na/ /gnas pa'i lus phyed mngon sprul nas/ /me tog phreng thogs mchod byed bstan/ /gzhan yang lha min bu mo dag /me tog ma li khang pa na/ /gnas pa lus phyed bstan sprul nas/ /me tog phreng thogs mchod byed bstan/ /gzhan yang lha yi bu rnams dag /pad ma sngon po'i khang pa na/ /gnas pa lus phyed bstan sprul nas/ /sangs rgyas yon tan bsngags pa bstan/ /gzhan yang tshangs pa rnams kyi lha/ /gser gyi gzhal med khang pa na/ /gnas pa lus kun bstan sprul nas/ /sgra snyan sangs rgyas bsngags pa bstan/ /gzhan yang lha yi bu mo dag /sna tshogs rgyan gyis lus brgyan cing / /rgyan ni phan tshun reg pa las/ /sgra snyan dag ni rab byung nas/ /'dus byas rnams kyi chos dag ni/ /'gyur zhing mi brtan yin na yang / /byis pa mi bden rtog pa yis/ /yang dag ji bzhin mi shes zer/ /rgyan gyi sgra ni de dag kyang / /lus dang sems las byung ma yin/ /'gro ba med cing 'ong ba med/ /phyogs kyang yod pa ma yin te/ /gzugs dang sems kyi bar du yang / /thams cad de bzhin sbyar bar bya/ /byis pa rnams ni mi shes pas/ /'di la the tshom skye bar 'gyur/ /rgyan gyi rnams pa de dag las/ /sgra snyan byung ba de yis ni/ /sangs rgyas zhing kun grags pas na/ /sems can tshad med grol bar gyur/ /de lta bas na khyod rnams kyis/ /'dren pa'i rang byung ye shes dang / /yon tan dpag med sku dag ni/ /sred pa'i spros las 'das pa dang / /rab dben skyon ni med pa dang / /lta bral sems ni rab sbyangs dang / / 79.272b mtshan dang dpe byed brgyan pa dang / /sku dang thugs ni dag par ltos/ /khyed kyis bcom ldan grong gshegs tshe/ /gom pa dag ni seng ge 'dra/ /gshegs stabs ngang pa glang chen 'dra/ /sems can re ba bskong bar mdzad/ /bsod nams khyad 'phags yongs su rdzogs/ /yang dag mtshan gyis rab tu brgyan/ /sems can dag ni thams cad kun/ /lta bas mi ngoms nyid du ltos/ /khyod kyis rkang gnyis gtso yi mchog /thugs rje chen po lta bas na/ /dngos po chung ngus mchod byas kyang / /yon tan tshad med 'thob mdzad pas/ /sems can dag ni mang po rnams/ /bskal pa brgya stong mang por ni/ /mya ngan 'das pa 'thob par du/ /rnams smin thug pa med par ltos/ /khyed kyis rkang gnyis gtso mchog ni/ /zag med tshul khrims rdzogs pas na/ /sems can dag ni mang po rnams/ /gus pas spyi bos phyag byed dang / /lha yi 'khor ni mang po rnams/ /so so'i gzhal med khang spangs nas /rtse ba dag la chags med par/ /'dren pa la ni sten byed ltos/ /khyed gyis bdud dang bdud kyi 'khor/ /bcom ldan 'das la dad skyes nas/ /gser gyi rlung yab dag thogs te/ /g.yas g.yon du ni 'khod pa dang / /bdud kyi bu ni lnga brgya yis/ /lha yi me tog yid 'ong bas/ /de bzhin gshegs la mngon gtor nas/ /bla med ye shes tshol la ltos/ /'das pa'i sangs rgyas rnams la ni/ /bsngags pa brjod cing mchod pas na/ /deng ni bcom ldan phrad gyur nas/ /so sor dga' bar gyur pa yin/ /spobs pa dag ni tshad med kyis/ /de bzhin gshegs pa'i bsngags pa brjod/ /de yi tshe na bdud kyi bu/ /sred pa spangs pa zhes bya ba/ /thog mar bcom ldan bsngags brjod nas/ / 79.273a mig zad mtha' ni shes par gyur/ /mig gi skye mtha' shes pa nas/ /rab zhi mtshan nyid bar du rtogs/ /gzhan yang mig zad la sogs pa'i/ /mig don dag ni dpag med rtogs/ /des na tshig mkhas dag gis ni/ /sems can rnams la yang dag bstan/ /ming dang don rnams la yang ni/ /zhen dang the tshom med pas na/ /'gro 'ong med par rab rtogs shing / /blang dor med pa nyid du gyur/ /rang bzhin dag ni stong dben pas/ /yi ge rnams ni spangs pa dang / /len dang 'dzin dang klog pa dang / /kha ton 'don cing bsgrub med rtogs/ /'das pa'i de bzhin gshegs rnams kyis/ /sngon yang rab tu phye ste bstan/ /btags pa'i ming tsam yin pas na/ /yang dag brjod du ci yang med/ /rang bzhin stong pa de dag ni/ /phung po khams dang skye mched 'das/ /brdzun pa med cing bden pa'ang med/ /gnas dang gnas pa yod pa min/ /tshigs gis smra ba'i lam chad ci/ /sems kyi spyod pa'ang rab tu zhi/ /skye bo'i mtshan ma zhen pa'i phyir/ /bcom ldan grong khyer gshegs par mthong / /bcom ldan mtshan ma yongs spangs kyang / /byis pa yang dag ma yin rtog /bcom ldan grong khyer gshegs pa'i tshe/ /gang zhig dga' ba skye 'gyur ba/ /de yi mtshan mar rtog pa ste/ /mya ngan gdung dang bcas par 'gyur/ /gang gis mtshan ma'i rtog spangs pa/ /grong khyer gshegs pa mthong mi 'gyur/ /gshegs shing bskyod pa'i mtshan ma la/ /rnam rtog med pa shes rab 'thob/ /gang gis mtshan mar sangs rgyas mthong / /des ni grong khyer gshegs pa mthong / /skye zhing 'khor ba'i chos dag la/ /rnam par rtog pa skyed par byed/ /gang gis sangs rgyas mtshan mar mthong / /dga' ba dag ni skye 'gyur ba/ /de ni bdud kyi spyod la gnas/ /bdud kyi spyod yul snang 79.273b ba yin/ /gang gis mtshan mar sangs rgyas mthong / /de ni 'gyur ba mthong ba yin/ /de ni mya ngan gdungs bcas pas/ /mkhas pas snying brtser bya ba yin/ /chos la thob par gang lta ba/ /de la chos stor mya ngan yod/ /sangs rgyas mthong ba skyes pa la/ /mya ngan 'das pa'i sdug bsngal yod/ /bskal pa mang po gang bsgoms pas/ /mtshan ma thams cad rtogs pas na/ /grong khyer gshegs par mi rtog cing / /mya ngan 'da' ba'i 'du shes med/ /sems kyi mtshan nyid stong rtogs pa/ /sangs rgyas spyod la gnas pas na/ /grong khyer gshegs par mi rtog cing / /mya ngan 'das pa'i 'du shes med/ /gang gis de ltar rab shes pa/ /sangs rgyas rnams ni mthong 'gyur zhing / /ngo bo nyid kyang stong rtogs pas/ /mthar ni skye 'gag ci yang med/ /bcom ldan bskal pa dpag med nas/ /dka' ba rnams ni rab spyad nas/ /ngo bo nyid ni stong mkhyen na/ /byis pa rnams kyi kyis mi rtogs so/ /bcom ldan grong khyer gshegs pa'i tshe/ /'khor ni brgya stong mang gis bskor/ /mi dang mi ma yin la sogs/ /dang ba'i sems kyis mchod pa bas/ /gang gis skad cig tsam du ni/ /mig zad mtha' ni rab sems shing / /mtshan ma rnams ni stong rtogs na/ /'di yi bsod nams de bas 'phags/ /bgrang ba dang ni grangs kyi cha/ /rgyu tsam du yang mi bzod do/ /de bzhin mig gi skye mtha' dang / /mig gi mtha' dang 'jug pa nas/ /rab tu zhi ba'i bar du yang / /de bzhin du ni rig par bya/ /rna ba sna lce lus dang yid/ /gzugs sgra dri ro reg bya nas/ /sgra dang ming gi bar du yang / /thams cad de bzhin sbyar bar bya/ /de nas de tshe bcom ldan 'das/ /grong khyer du ni gshegs pa'i tshe/ /zhabs ni sa la reg tsam gyis/ /sa ni kun tu rab tu g.yos/ /ri rnams gang yin de dag kyang / /thams cad bcom ldan 'das la phyogs/ / 79.274a lha dang mi ni chos kyi phyir/ /thams cad 'ongs nas gus mchod byas/ /de nas de tshe bcom ldan 'das/ /grong khyer du ni gshegs pa'i tshe/ /lha yi dbang po mi yi rgyal/ /lha ma yin ni mang po dang / /gnod sbyin dag ni mang po rnams/ /rang gi grong khyer spangs nas ni/ /bcom ldan spyan sngar 'dus gyur te/ /rab tu dga' bas mchod pa byas/ /de nas de tshe bcom ldan 'das/ /grong khyer du ni gshegs pa'i tshe/ /gzhan yang rnam pa tha dad pa'i/ /bya yi tshogs ni tshad med pa/ /ne tso dang ni rma bya dang / /ka la ping ka bya yi rnams/ /bcom ldan de bzhin gshegs pa yi/ /yon tan mchog ni mthong bas na/ /thams cad nam mkha' dag la ni/ /rab tu dga' bas rnam par rtse/ /thams cad rnam pa sna tshogs kyi/ /sgra snyan dag ni rab tu phyung / /de nas de tshe bcom ldan 'das/ /grong khyer du ni gshegs pa'i tshe/ /bcom ldan 'das kyi yon tan dang / /rdzu 'phrul gyi ni stobs dag gis/ /sems can tshad med brgya stong snyed/ /ldongs ba dag ni mthong bar 'gyur/ /'on pa rnams ni thos par gyur/ /dbang po ma tshang gang yin pa/ /thams cad dbang po tshang bar gyur/ /sdug bsngal la ni gnas pa dag /thams cad bde ba thob par gyur/ /de nas de tshe bcom ldan 'das/ /grong khyer du ni gshegs pa'i tshe/ /nam mkha' bar snang dag las ni/ /'di skad smra ba thos par gyur/ /gang gis mtshan ma rnams kyis ni/ /de bzhin gshegs pa rtogs byed pa/ /de yis bcom ldan 'das la ni/ /mchod pa byas shes brjod mi bya/ /mig zad mtha' yi ngo bo nyid/ /rtogs par yang ni mi 'gyur ro/ /mtshan ma rnams ni gang spangs pa/ /yon tan bzhi ni bsags pas na/ /mig zad mtha' yi ngo bo nyid/ /rab tu rtogs par yang 'gyur ro/ /'di ltar mig ni zad pa'i mtha'/ / 79.274b rab tu rtogs par gyur pa'i phyir/ /sangs rgyas rnams kyi yon tan yang / /rab tu rtogs par khong du chud/ /mig ni zad pa'i mtha' dag la/ /mi 'dzin sbed pa med pa dang / /mig ni skye ba'i mtha' dag la/ /rten cing gnas pa med pa dang / /mig ni rab tu dben pa la/ /g.yo ba'i bsam pa med gyur pa/ /des ni de bzhin gshegs pa rnams/ /mthong ba nyid du gyur pa yin/ /mig ni skye ba'i mtha' dag la/ /rnam par rtog pa med pa dang / /mig gi mtha' ni gang yin pa/ /de la yid kyi rtog med dang / /mig ni rnam par 'jig pa la/ /bstan par bya ba med gyur pa/ /des ni de bzhin gshegs pa rnams/ /mthong ba nyid du gyur pa yin/ /mig ni med par gyur pa la/ /mngon par zhen pa med pa dang / /mig ni skye ba med pa la/ /yongs su sdud pa med pa dang / /mig ni rab tu zhi ba la/ /'dzin pa dag ni med gyur pa/ /des ni de bzhin gshegs pa rnams/ /mthong ba nyid du gyur pa yin/ /mig ni zad par shes pa'i phyir/ /mtshan rnams mngon par bsgrub pa dang / /mig gi mtha' ni shes pa'i phyir/ /dbang po dag ni nges gyur dang / /mig ni skye ba shes pa'i phyir/ /dbang po rang dbang thob gyur pa/ /des ni de bzhin gshegs pa rnams/ /mthong ba nyid du gyur pa yin/ /mig ni med par rtogs gyur nas/ /gzugs ni khong du chud pa dang / /mig ni 'jig par rab shes nas/ /chos la so sor rtog pa dang / /mig ni skye med shes gyur nas/ /lam ni sgrub par gang byed pa/ /des ni de bzhin gshegs pa rnams/ /mthong ba nyid du gyur pa yin/ /mig zad mtha' ni gang yin pa/ /yang dag ji bzhin rtogs pa'i phyir/ /las kyi bye brag tha dad pa/ /de yang rab tu rtogs par 'gyur/ /las kyi bye brag tha dad pa/ /rab tu rtogs par gyur pa'i 79.275a phyir/ /des ni de bzhin gshegs pa rnams/ /mthong ba nyid du gyur pa yin/ /mig skye mtha' ni gang yin pa/ /yang dag ji bzhin rtogs pa'i phyir/ /sdug bsngal bye brag tha dad pa/ /de yang rab tu rtogs par 'gyur/ /sdug bsngal bye brag tha dad pa/ /rab tu rtogs par gyur pa'i phyir/ /des ni de bzhin gshegs pa rnams/ /mthong ba nyid du gyur pa yin/ /mig gis 'jig pa gang yin pa/ /yang dag ji bzhin rtogs pa'i phyir/ /sdug bsngal 'jig pa gang yin pa/ /de yang rab tu rtogs par 'gyur/ /sdug bsngal 'jig pa gang yin pa/ /rab tu rtogs par gyur pa yi/ /des ni de bzhin gshegs pa rnams/ /mthong ba nyid du gyur pa yin/ /mig gi med pa gang yin pa/ /yang dag ji bzhin rtogs pa'i phyir/ /mtshan ma spangs pa gang yin pa/ /de yang rab tu rtogs pa 'gyur/ /mtshan ma spangs pa gang yin pa/ /rab tu rtogs par gyur pa'i phyir/ /des ni de bzhin gshegs pa rnams/ /mthong ba nyid du gyur pa yin/ /mig gi skye med gang yin pa/ /yang dag ji bzhin rtogs pa'i phyir/ /bag chags spangs pa gang yin pa/ /de yang rab tu rtogs par 'gyur/ /bag chags spangs pa gang yin pa/ /rab tu rtogs par gyur pa'i phyir/ /des ni de bzhin gshegs pa rnams/ /mthong ba nyid du gyur pa yin/ /gzhan yang mig gi mi rtog nyid/ /yang dag ji bzhin rtogs pa'i phyir/ /sgrib pa spangs pa gang yin pa/ /de yang rab tu rtogs par 'gyur/ /sgrib pa spangs pa gang yin pa/ /rab tu rtogs par gyur pa'i phyir/ /des ni de bzhin gshegs pa rnams/ /mthong ba nyid du gyur pa yin/ /gzhan yang mig la yi ge med/ /yang dag ji bzhin rtogs pa'i phyir/ /sangs rgyas ye shes stobs dag kyang / /rab tu rtogs par gyur pa yin/ /sangs rgyas ye shes stobs 79.275b dag ni/ /rab tu rtogs par gyur pa'i phyir/ /des ni de bzhin gshegs pa rnams/ /mthong ba nyid du gyur pa yin/ /gzhan yang mig gi mi 'ong nyid/ /yang dag ji bzhin rtogs pa'i phyir/ /'dod rnams spangs pa gang yin pa/ /de yang rab tu rtogs par 'gyur/ /'dod rnams spangs pa gang yin pa/ /rab tu rtogs par gyur pa'i phyir/ /des ni de bzhin gshegs pa rnams/ /mthong ba nyid du gyur pa yin/ /gzhan yang bsam gtan bsgom pa dag /yang dag ji bzhin rtogs pa'i phyir/ /nyon mongs spangs pa gang yin pa/ /de yang rab tu rtogs par 'gyur/ /nyon mongs spangs pa gang yin pa/ /rab tu rtogs par gyur pa'i phyir/ /des ni de bzhin gshegs pa rnams/ /mthong ba nyid du gyur pa yin/ /gang zag des ni de bzhin du/ /mig gis sngon mtha' shes pa dang / /mig gi mi gnas shes pa dang / /mig gi skye ba shes pa dang / /sangs rgyas rdzu 'phrul shes pa dang / /mig gi dman pa shes pa dang / /mig gi khyad par 'phags shes dang / /ye shes dman pa shes pa dang / /rnam dag ye shes shes pa dang / /tshul khrims rnam dag shes pa dang / /lus kyi sdom pa'i shes pa dang / /rnam dag sgra yi shes pa dang / /ngag gi sdom pa'i shes pa dang / /rnam dag sems kyi shes pa dang / /gnas kyi bye brag shes pa dang / /sems kyi chos kyi shes pa dang / /sems skyon shes pa'i shes pa dang / /rnam dag las ni shes pa dang / /sems kyi sdom pa'i shes pa dang / /nyes dmigs shes pa'i shes pa dang / /rnam dag sgra yi shes pa dang / /phung po'i bye brag shes pa dang / /phung po'i rgyu rkyen shes pa dang / /mig ni yongs shes shes pa dang / /sdug bsngal 'byung gnas shes pa dang / / 79.276a zag med tshul khrims shes pa dang / /tshul khrims rgyu rkyen shes pa dang / /sdug bsngal rgyu rkyen shes pa dang / /sdug bsngal zad pa'i rgyu shes dang / /'dus byas rnams kyi shes pa dang / /zag pa zad pa'i shes pa dag /yongs su rdzogs par byed pa yin/ /gzhan yang rgyu rkyen bcu gnyis kyi/ /spyod dang bcas pa'i shes pa dang / /spyod pa med pa'i shes pa dang / /mtshan ma bcas dang mtshan ma med/ /'dus byas dang ni 'dus ma byas/ /rnam par gzhag dang yongs sdud dang / /bdag dang gzhan gyi sems shes pa/ /yang dag ji bzhin shes pa yin/ /gzhan yang mig zad skye mtha' dang / /mig gi mtha' dang rab dben dang / /'jug pa dang ni med pa dang / /mi skye ba dang nyer zhi nyid/ /yang dag ji bzhin shes pas na/ /sems can dag ni mang po rnams/ /rnam par dag pa'i ye shes dang / /mthu dang bcas pa'i ye shes dang / /brtson 'grus ye shes 'thob par byed/ /gzhan yang gcig dang tha dad shes/ /sems can dag ni thams cad kyi/ /mos pa'i shes pa gang yin pa/ /yang dag ji bzhin shes pa yin/ /gzhan yang sems can thams cad kyi/ /mos pa khyad par 'phags pa dang / /rnam dag sems kyi shes pa dang / /las dang rnam smin shes pa dang / /dbang po khams kyi shes pa dang / /sems kyi 'gyur ba shes pa dang / /shes rab mos pa'i shes pa dang / /shin tu rnam grol shes pa dang / /spobs pa mchog gi shes pa dag /yang dag ji bzhin shes pa yin/ /gzhan yang sems can ma rungs dang / /chos la mos pa med gyur pa/ /yang dag ji bzhin shes pas na/ /mos pa'i shes pa skyed par byed/ /gzhan yang don gyi tshul dag ni/ /yang dag ji bzhin shes pas na/ /le lo med pa'i shes pa dag /dus shes sgrub par byed pa yin/ /gzhan yang rdzu 'phrul stobs dag gis/ / 79.276b chos rnams rab tu 'byed pa dang / thogs pa med pa'i ye shes dag /yang dag ji bzhin shes pa yin/ /gzhan yang rgya chen don dag dang / /tshig gis bstan pa gang yin pa/ /rjes su shes pa'i shes pa dag /yang dag ji bzhin shes pa yin/ /gzhan yang grogs bzang 'thun gnas dang / /gos dang zas dang btung ba dag /tshod shes pa yi shes pa rnams/ /yang dag ji bzhin shes pa yin/ /gzhan yang bya ba med pa yi/ /gzugs kyi chos ni gang yin pa/ /nan tan bsgrub pa'i shes pa dag /yang dag ji bzhin shes pa yin/ /gzhan yang lus sems skyon med cing / /sgro 'dogs skur 'debs yongs spangs nas/ /bla med ye shes gang tshol ba/ /yang dag ji bzhin shes pa yin/ /gzhan yang rdzu 'phrul stobs dag gis/ /nam mkha' bar snang dag las ni/ /sprul pa'i sku ni rab bstan nas/ /sems can dag ni brgya stong snyed/ /yongs su smin par mdzad pas na/ /thams cad rab tu dga' gyur nas/ /dad pa skyes pa'i shes pa dang / /de bzhin gshegs pa rnams la yang / /mos shing gus pa'i shes pa dang / /'dod chags spangs pa'i chos dag la/ /rab mos bsgrub pa'i shes pa dang / /'phags pa'i dge 'dun tshogs la yang / /mchod par mos pa'i shes pa dang / /byang chub chen po dag la yang / /rab mos bsngo ba'i shes pa dang / /gzungs rnams kyi ni sgo dag la/ /rab mos ston pa'i shes pa dang / /mos pa rnams ni gang yin pa/ /so sor rab rtogs shes pa dang / 'phags pa'i ting 'dzin gang yin pa/ /legs par rtogs pa'i shes pa dang / /bsrung dang rjes su dran rnams la/ /nges par byed pa'i shes pa dang / /dpag tu med pa'i sems dag la/ /legs par 'jug pa'i 79.277a shes pa dang / /tshigs su bcad pa tshad med rnams/ /yang dag ston pa'i shes pa dang / /'dod pa'i mtshams sbyor gang yin pa/ /rtogs shing go ba'i shes pa dang / /'gro ba dman pa de dag tu/ /ltung bar mi 'gyur shes pa dang / /mi dge bshes gnyen gang yin pa/ /yongs su spong byed shes pa dang / /dge ba'i bshes gnyen gang yin pa/ /sten par byed pa'i shes pa dang / /'dri zhing lan ldon gang yin pa/ /rab tu rnam 'byed shes pa dang / /gnas dang gnas min gang yin pa/ /legs par rtogs pa'i shes pa dang / /sa dang sa min gang yin pa/ /legs par rtogs pa'i shes pa dang / /rab 'bring tha ma gang yin pa/ /rnam par 'byed pa'i shes pa dang / /'dus byas shes pa gang yin dang / /'dus ma byas kyi shes pa dang / /dngos po dang ni rdzas kyi shes/ /dngos dang rdzas min shes pa dang / /yongs su sdud byed shes pa dang / /yongs su sdud min shes pa dang / /mngon par sgrub pa'i shes pa dang / /yang dag sgrub min shes pa dang / /mig dang mig min shes pa dang / /mig dang lhan cig shes pa dang / /mig gi bye brag shes pa dang / /mig gi rang bzhin shes pa dang / /yang dag ji bzhin shes pa yin/ /rna ba sna lce lus nas ni/ /sgra dang ming la sogs pa'i bar/ /chos ni rnam pa nyi shu lnga/ /thams cad de bzhin sbyar bar bya/ /gang zhig mig gi rgyu rkyen nyid/ /yang dag stong zhing dben pa dang / /mthar ni bdag yod ma yin par/ /sems par byed pa gang yin pa/ /gang zag des ni bzhin du/ /yang dag nges pa kho nar ni/ /sems kyi ting 'dzin gang yin pa/ /yongs su rdzogs par byed par 'gyur/ /gang zhig mig gi rten 'brel dang / /mig mi rtag 79.277b pa'i mtshan nyid dag /des pa nyid du rtogs gyur nas/ /sems par byed pa gang yin pa/ /gang zag des ni de bzhin du/ /mig gi rgyu rkyen gang yin dang / /mthar ni yod pa ma yin pa/ /yang dag ji bzhin rtogs par 'gyur/ /rna ba sna lce lus nas ni/ /sgra dang ming la sogs pa'i bar/ /chos ni rnam pa nyi shu lnga/ /thams cad de bzhin sbyar bar bya/ /de yi tshe na bcom ldan 'das/ /grong khyer du ni gshegs pa'i tshe/ /zhabs ni sa la reg tsam gyis/ /dngos po ngo mtshar rab bstan pa/ /deng 'dir bdag gi mdor bsdus nas/ /yon tan phyogs ni cung zad cig /sems can dga' ba bskyed pa'i phyir/ /yang dag par ni stan par bya/ /de tshe lha mi 'dren pa yis/ /spu yi khung bu gcig nas ni/ /'od zer brgya stong tshad med snyed/ /rab tu bkye bar gyur pas na/ /'od zer dag ni re res kyang / /zhing ni tshad med gsal mdzad nas/ /sems can mang po kun gyi phyir/ /sangs rgyas mdzad pa rab tu mdzad/ /gang zhig 'das pa'i dus su ni/ /sangs rgyas rnams la mchod pa dang / /yun ring sbyin dang tshul khrims dag /mngon par bsgrubs pa gang yin pa/ /de lta bu yi gang zag dag /des ni ji skad bstan pa yi/ /rdzu 'phrul dngos po thos gyur na/ /rab tu dga' zhing mos par 'gyur/ /gang zhig sangs rgyas rdzu 'phrul rnams/ /nyan thos dang ni rang rgyal gyi/ /spyod yul min par rab shes nas/ /de lta bu yi gang zag ni/ /des ni ji skad bstan pa yi/ /rdzu 'phrul dag ni thos gyur na/ /mos pa dag ni skye 'gyur zhing / /ngo mtshar 'dzin pa'i sems kyang skyed/ /lha dang mi ni 'dren pa yin/ /bsam gyis mi khyab mthu dag gis/ /de lta bu la sogs pa yi/ /rdzu 'phrul sna tshogs rab bstan pas/ /sems can dag ni brgya stong dang / /tshad med grangs med pa 79.278a rnams kyis/ /de bzhin gshegs pa rnams la ni/ /bsten cing rim gro mchod pa byas/ /lha dang mi ni 'dren pa yis/ /bsam gyis mi khyab mthu dag gis/ /mdo sde dag ni brgya stong dang / /tshad med grangs med rab bshad pas/ /sems can dag ni mang po rnams/ /bstan pa de ni thos pas na/ /thams cad dang bas rab blangs te/ /sems ni rab tu dga' bar gyur/ /de yi tshe na bcom ldan 'das/ /grongs khyer du ni gshegs pa'i tshe/ /rdzu 'phrul gyi ni mthu dag gis/ /nam mkha' las ni 'di skad du/ /mig zad mtha' ni shes pa nas/ /mig ni nye bar zhi ba dang / /mig nyid rgyu yi bar du yang / /'gro ba med cing 'ong med dang / /mthar ni stong dben shes par gyis/ /de skad du ni thos par gyur/ /rna ba sna lce lus nas ni/ /sgra dang ming la sogs pa'i bar/ /chos ni rnam pa nyi shu lnga/ /thams cad de bzhin sbyar bar bya/ /de yi tshe na bcom ldan 'das/ /grong khyer du ni gshegs pa'i tshe/ /nam mkha' bar snang dag las ni/ /sgra snyan dam pa mchog byung nas/ /de bzhin gshegs pa'i mtshan sna tshogs/ /bsngags pa brjod par gyur pas na/ /'khor ni 'dus pa chen po rnams/ /thams cad dad mos sems kyang skyes/ /da ltar 'jig rten bzhugs pa yi/ /mi yi seng ge gang yin pa/ /mtshan ni bdud dang bdud dpung dag /pham mdzad chos kyi rgyal zhes bya/ /gang gis 'di lta bu yi mtshan/ /thos par gyur pa de dag ni/ /log par lta ba'i tshogs thams cad/ /rab tu 'dul bar nus shes zer/ /da ltar 'jig rten bzhugs pa yi/ /mi yi seng ge gang yin pa/ /mtshan ni 'dod chags gzhom pa dang / zhi mdzad chos kyi rgyal zhes bya/ /gang gis 'di lta bu yi 79.278b mtshan/ /thos par gyur ba de dag ni/ /'dod pa'i 'dod chags gang yin pa/ /thams cad spong bar 'gyur zhes zer/ /da ltar 'jig rten bzhugs pa yi/ /mi yi seng ge gang yin pa/ /mtshan ni zhe sdang gzhom pa dang / /zhi mdzad chos kyi rgyal zhes bya/ /gang gis 'di lta bu yi mtshan/ /thos par gyur pa de dag ni/ /zhe sdang dag ni gang yin pa/ /thams cad spong bar 'gyur zhes zer/ /da ltar 'jig rten bzhugs pa yi/ /mi yi seng ge gang yin pa/ /mtshan ni gti mug gzhom pa dang / /zhi mdzad chos kyi rgyal zhes bya/ /gang gis 'di lta bu yi mtshan/ /thos par gyur pa de dag ni/ /gti mug dag ni gang yin pa/ /thams cad spong bar 'gyur zhes zer/ /da ltar 'jig rten bzhugs pa yi/ /mi yi seng ge gang yin pa/ /mtshan ni nga rgyal gzhom pa dang / /zhi mdzad chos kyi rgyal zhes bya/ /gang gis 'di lta bu yi mtshan/ /thos par gyur pa de dag ni/ /nga rgyal dag ni gang yin pa/ /thams cad spong bar 'gyur zhes zer/ /da ltar 'jig rten bzhugs pa yi/ /mi yi seng ge gang yin pa/ /mtshan ni khong khro gzhom pa dang / /zhi mdzad chos kyi rgyal zhes bya/ /gang gis 'di lta bu yi mtshan/ /thos par gyur pa de dag ni/ /khong khro dag ni gang yin pa/ /thams cad spong bar 'gyur zhes zer/ /da ltar 'jig rten bzhugs pa yi/ /mi yi seng ge gang yin pa/ /mtshan ni phrag dog gzhom pa dang / /zhi mdzad chos kyi rgyal zhes bya/ /gang gis 'di lta bu yi mtshan/ /thos par gyur pa de dag ni/ /phrag dog dag ni gang yin pa/ /thams cad spong bar 'gyur zhes zer/ /da ltar 'jig rten bzhugs pa yi/ /mi yi seng ge gang yin pa/ /mtshan ni mi bden gzhom pa dang / /zhi mdzad chos kyi rgyal zhes bya/ /gang gis 'di lta bu yi mtshan/ / 79.279a thos par gyur pa de dag ni/ /mi bden dag ni gang yin pa/ /thams cad spong bar 'gyur zhes zer/ /da ltar 'jig rten bzhugs pa yi/ /mi yi seng ge gang yin pa/ /mtshan ni lta rnams gzhom pa dang / /zhi mdzad chos kyi rgyal zhes bya/ /gang gis 'di lta bu yi mtshan/ /thos par gyur pa de dag ni/ /lta ba dag ni gang yin pa/ /thams cad spong bar 'gyur zhes zer/ /da ltar 'jig rten bzhugs pa yi/ /mi yi seng ge gang yin pa/ /mtshan ni spros pa gzhom pa dang / /zhi mdzad chos kyi rgyal zhes bya/ /gang gis 'di lta bu yi mtshan/ /thos par gyur pa de dag ni/ /spros pa dag ni gang yin pa/ /thams cad spong bar 'gyur zhes zer/ /da ltar 'jig rten bzhugs pa yi/ /mi yi seng ge gang yin pa/ /mtshan ni yang dag pa yi chos/ /rnam dag chos kyi rgyal zhes bya/ /gang gis 'di lta bu yi mtshan/ /thos par gyur pa de dag ni/ /rnam dag chos ni gang yin pa/ /rab tu rtogs par 'gyur zhes zer/ /da ltar 'jig rten bzhugs pa yi/ /mi yi seng ge gang yin pa/ /mtshan ni las rnams rtogs pa yi/ /chos kyi rgyal zhes bya ba yin/ /gang gis 'di lta bu yi mtshan/ /thos par gyur pa de dag ni/ /las rnams thams cad gang yin pa/ /rab tu rtogs par 'gyur zhes zer/ /da ltar 'jig rten bzhugs pa yi/ /mi yi seng ge gang yin pa/ /mtshan ni rdzu 'phrul phun tshogs pa'i/ /chos kyi rgyal zhes bya ba yin/ /gang gis 'di lta bu yi mtshan/ /thos par gyur pa de dag ni/ /rdzu 'phrul yon tan gang yin pa/ /yongs su rdzogs par 'gyur zhes zer/ /da ltar 'jig rten bzhugs pa yi/ /mi yi seng ge gang yin pa/ /mtshan ni pha rol phyin pa rnams/ /phun tshogs chos kyi rgyal zhes bya/ /gang gis 'di lta bu 79.279b yi mtshan/ /thos par gyur pa de dag ni/ /pha rol phyin drug gang yin pa/ /yongs su rdzogs par 'gyur zhes zer/ /da ltar 'jig rten bzhugs pa yi/ /mi yi seng ge gang yin pa/ /mtshan ni 'du byed gang yin pa/ /rab rtogs chos kyi rgyal zhes bya/ /gang gis 'di lta bu yi mtshan/ /'dzin par byed pa de dag ni/ /'du byed dag ni thams cad kun/ /rab tu rtogs par 'gyur zhes zer/ /da ltar 'jig rten bzhugs pa yi/ /mi yi seng ge gang yin pa/ /mtshan ni rnam par dag pa yi/ /'od zer kun 'dzin skyed ces bya/ /gang gis 'di lta bu yi mtshan/ /thos par gyur pa de dag ni/ /khyad par 'phags pa'i skye len dag /yongs su rdzogs par 'gyur zhes zer/ /da ltar 'jig rten bzhugs pa yi/ /mi yi seng ge gang yin pa/ /mtshan ni kha dog dag pa yi/ /'od zer kun 'dzin zhes kyang bya/ /gang gis 'di lta bu yi mtshan/ /thos par gyur pa de dag ni/ /khyad par 'phags pa'i gzugs dam pa/ /yongs su rdzogs par 'gyur zhes zer/ /da ltar 'jig rten bzhugs pa yi/ /mi yi seng ge gang yin pa/ /mtshan ni sku nyid dag pa yi/ /'od zer kun 'dzin zhes kyang bya/ /gang gis 'di lta bu yi mtshan/ /thos par gyur pa de dag ni/ /khyad par 'phags pa'i gzugs sku dag /yongs su rdzogs par 'gyur zhes zer/ /da ltar 'jig rten bzhugs pa yi/ /mi yi seng ge gang yin pa/ /mtshan ni gdung nyid dag pa yi/ /'od zer kun 'dzin zhes kyang bya/ /gang gis 'di lta bu yi mtshan/ /thos par gyur pa de dag ni/ /khyad par 'phags pa'i rus rigs rnams/ /yongs su rdzogs par 'gyur zhes zer/ /da ltar 'jig rten bzhugs pa yi/ /mi yi seng ge gang yin pa/ /mtshan ni rgya cher grags 79.280a pa yi/ /'od zer kun 'dzin zhes kyang bya/ /gang gis 'di lta bu yi mtshan/ /thos par gyur pa de dag ni/ /rgya cher grags pa'i grags pa rnams/ /yongs su rdzogs par 'gyur zhes zer/ /da ltar 'jig rten bzhugs pa yi/ /mi yi seng ge gang yin pa/ /mtshan ni sbyin pa gtong ba dang / /tshul khrims can dang bzod bsgoms dang / /brtson 'grus brtsams dang bsam gtan dang / /shes rab kun 'dzin zhes kyang bya/ /gang gis 'di lta bu yi mtshan/ /thos par gyur pa de dag ni/ /sbyin pa dang ni tshul khrims nas/ /shes rab pha rol phyin pa dang / /gzungs kyi sgo ni gang yin pa/ /yongs su rdzogs par 'gyur zhes zer/ /da ltar 'jig rten bzhugs pa yi/ /mi yi seng ge gang yin pa/ /mtshan ni stong nyid rdzogs pa yi/ /chos kyi rje zhes bya ba yin/ /gang gis 'di lta bu yi mtshan/ /'dzin par byed pa de dag ni/ /chos rnams stong pa'i don dag kyang / /yang dag ston par 'gyur zhes zer/ /da ltar 'jig rten bzhugs pa yi/ /mi yi seng ge gang yin pa/ /mtshan ni bdag med rdzogs pa yi/ /chos kyi rje zhes bya ba yin/ /gang gis 'di lta bu yi mtshan/ /'dzin par byed pa de dag ni/ /skye 'gag med don gang yin pa/ /yang dag ston par 'gyur zhes zer/ /da ltar 'jig rten bzhugs pa yi/ /mi yi seng ge gang yin pa/ /mtshan ni spyan nyid dag pa yi/ /kun 'dzin chos kyi rje zhes bya/ /gang gis 'di lta bu yi mtshan/ /'dzin par byed pa de dag ni/ /mig zad mtha' don gang yin pa/ /yang dag ston par 'gyur zhes zer/ /rna ba sna lce lus nas ni/ /sgra dang ming la sogs pa'i bar/ /chos ni nyi shu rtsa lnga dang / /me tog phreng ba spos dag dang / /mar me gdug dang gos 79.280b rnams kyang / /thams cad de bzhin sbyar bar bya/ // // bam po lnga pa ste tha ma// de yi tshe na bcom ldan 'das/ /grong khyer du ni gshegs pa'i tshe/ /bsam gyis mi khyab pa dag ni/ /rdzu 'phrul gyi ni stobs rnams kyis/ /nam mkha' bar snang dag las ni/ /sgra snyan dam pa rab byung ste/ /gzugs kyi spyod pa sna tshogs dag /yang dag par ni bstan pas na/ /'khor ni 'dus pa chen po rnams/ /'di lta bu yi tshig thos te/ /gzungs ni gang yin 'di dag gis/ /mig gi zad mtha' gang yin dang / /skye mtha' dang ni mtha' rnams dang / /rab dben dang ni 'jug pa nas/ /nye bar zhi ba'i bar rnams kyi/ /chos rnams gang yin de dag gis/ /mthar phyin gnas ni gang yin pa/ /thams cad rab tu rtogs par byed/ /sbyin pa'i stobs ni gang dag gis/ /mthar ni gang dag sdud pa dang / /tshul khrims stobs ni gang dag gis/ /mthar ni gang dag 'grub pa dang / /bzod pa'i stobs ni gang dag gis/ /mthar ni gang dag bkod pa dang / /brtson 'grus stobs ni gang dag gis/ /mthar ni gang dag slong ba dang / /shes rab stobs ni gang dag gis/ /mthar ni gang dag ston pa dang / /yi ge rnams dang brjod pa dang / /sgra skad rnams ni spangs pa nas/ /gzugs dang sems kyi bar du yang / /mthar ni rnam dag nyid du rtogs/ /zag dang bcas dang zag med dang / /don rnams dang ni phan pa dag /thams cad stong zhing dben pa dang / /mthar ni rnam dag nyid du rtogs/ /srid pa dag ni thams cad la/ /rten cing gnas par mi byed dang / /gzugs dang ting 'dzin dag la ni/ /rab tu dben par gnas par byed/ /'gro ba med cing 'ong med dang / /dge ba ma yin mi dge min/ /lung du mi ston pa yang min/ /bdag dang gzhan la phan 'dogs pa'i// 79.281a de lta bu yi mtshan ma rnams/ /thams cad yongs su dag pas na/ /dbang phyug yon tan dag la yang / /gnas par yang ni mi byed do/ /nyan thos dang ni skye bo dang / /sangs rgyas rnams kyi chos la yang / /gnas par yang ni mi byed do/ /mig ni zad pa'i mtha' dag dang / /skye mtha' dang ni mtha' rnams nas/ /nye bar zhi ba'i bar rnams kyi/ /spyod pa dag ni gang yin pa/ /thams cad yongs su zhi bar byed/ /skye ba dang ni mi skye dang / /sdug bsngal dang ni bde ba dang / /bstod pa dag ni smad pa dag /thams cad yongs su spong zhes zer/ /mthar phyin snang ba gang yin dang / /stong pa'i gzungs ni gang yin pa/ /thams cad rab tu gang rtogs pa/ /'di nyid sangs rgyas spyod yul la/ /rab tu gnas par byed pa yin/ /'di nyid sangs rgyas rol pa yi/ /gnas la rab tu gnas pa yin/ /'di nyid sangs rgyas rdzu 'phrul la/ /rab tu gnas par gyur pa yin/ /'di nyid sangs rgyas mkhyen pa la/ /rab tu gnas par gyur pa yin/ /mig zad mtha' yi stobs dag la/ /de bzhin du ni gnas pa dang / /mig skye mtha' yi stobs dag la/ /de bzhin du ni gnas pa dang / /mig gi mtha' yi stobs dag la/ /de bzhin du ni gnas pa nas/ /nye bar zhi ba'i stobs kyi bar/ /de la rab tu gnas pa dang / /rna ba sna lce lus nas ni/ /sgra dang ming la sogs pa'i bar/ /chos ni rnams pa nyi shu lnga/ /thams cad de bzhin sbyar zhes zer/ /gzungs ni gang yin 'di dag gis/ /de bzhin gshegs pa rnams kyi stobs/ /khyad par 'phags pa gang yin pa/ /yongs su rdzogs par byed ces zer/ /gzungs ni gang yin 'di dag gis/ /gzi byin mthu stobs de lta bu/ /yongs su rdzogs par byas nas ni/ /de bzhin gshegs 79.281b pa thams cad kyi/ gnas kun la ni 'jug pa dang / /de bzhin gshegs pa thams cad kyi/ /spyod yul kun la gnas 'gyur bas/ 'jig rten pa ni thams cad kun/ /lha ma yin gyi tshogs dag la/ /brtan par 'dzin pa'i sems spangs nas/ /tshangs pa'i spyod la gnas par byed/ /gnod sbyin brgya stong tshad med dang / /grul bum dag ni tshad med rnams/ /de dag thams cad kun kyang ni/ /rab tu dga' ba skyed par byed/ /dri za'i 'khor ni gang yin dang / /srin po'i 'khor ni gang yin pa/ /tshad med grangs med de dag kyang / /rab tu dul la dga' bar byed/ /gal te tshangs pa'i 'khor rnams kyis/ /sgra snyan dag ni dam pa yis/ /tshigs dang don ni rjod byed kyang / /yang dag bstan par mi nus te/ /sems las byung ba'i chos rnams kyis/ /dpag par bya ba ma yin dang / /sems las byung ba'i chos rnams kyis/ /gzungs bar bya ba min zhes zer/ /gzungs ni gang yin 'di dag ni/ /mig gis dmigs par bya ba min/ /gzungs ni gang yin 'di dag ni/ /lus kyi bar gyis dmigs bya min/ /gzungs ni gang yin 'di dag ni/ /mig gis dmigs par bya ba min/ /mig gi spyod yul bar gyis kyang / /dmigs par bya ba ma yin te/ /rna ba sna lce lus nas ni/ /sgra dang ming la sogs pa'i bar/ /chos ni rnam pa nyi shu lnga/ /thams cad de bzhin sbyar zhes zer/ /gzhan yang mig gis zad mtha' dang / /mig rnams kyi ni skye mtha' dang / /mig gi mtha' dang 'jug pa nas/ /nye bar zhi ba'i bar dag la/ /bdag dang skyes bu med pa dang / /sems dang srog ni med pa dang / /de bzhin gang zag med pa dang / /mtshan ma med cing byed med dang / /'gro ba med cing 'ong med dang / /'di lta bu la sogs pa'i mtshan/ /thams cad rtogs par 'gyur zhes zer/ /gzhan yang 'di skad chos nyid kyi/ /mig ni rtogs par 'gyur zhes zer/ /gzhan yang 'di skad chos 79.282a rnams las/ /grub pa'i mig ni gang yin dang / /ye shes mig dang shes rab mig /tshangs pa'i mig dang lha mig dang / /tshangs pa'i skyes nas thob mig dang / /lhar ni skyes nas thog mig dang / /tshangs pa'i rnam smin mig dag dang / /lha yi rnam smin mig dag dang / /tshangs pa'i rgyu las skyes mig dang / /lha yi rgyu las skyes pa'i mig /lha yi rdzu 'phrul mi dag dang / /lha yi brtson 'grus dag gi mig /dman par skyes pa'i mig dag dang / /khyad 'phags skyes pa'i mig dag dang / /gshin rje'i 'jig rten gang yin pa/ /yongs su spangs pa'i mi dag dang / /klu dang gnod sbyin mi dag dang / /grul bum gyi ni mi dag dang / /yongs su gdung bcas mig dag dang / /yongs su gdung min mig dag dang / /rnam par dag pa'i mig dag dang / /rnam par dag min mig dag dang / /chur ring zhing thung mig dag dang / /nyan thos theg pa'i mig dag dang / /bsam gtan pa yi mig dag dang / ting nge 'dzin gyi mig dag dang / /spyod yul las byung mig dag dang / /'du shes las byung mig dag dang / 'dod chags las byung mig dag dang / /'dod chags bral ba'i mig dag dang / /rgyu las byung ba'i mig dag dang / /rgyu min las byung mig dag dang / /mtshungs par ldan pa'i mig dag dang / /mtshungs par ldan min mig dag dang / /bsgo brten las byung mig dag dang / /bsgo las byung min mig dag dang / /rgyu rkyen las byung mig dag dang / /sha las grub min mig dag dang / /ye shes rnam par dag mig dang / /yod pa min pa'i mig dag dang / /dmigs med mig ni gang yin pa/ /thams cad rtogs par byed ces zer/ /rna ba sna lce lus nas ni/ /sgra dang ming la sogs pa'i bar/ /chos ni rnam par nyi shu lnga/ thams cad de bzhin sbyar zhes zer/ /de yi tshe na bcom ldan 'das/ /nam mkha' bar snang dag las ni/ /gzhan yang dpag tu med pa'i sgra/ /sgra snyan dam pa 79.282b mchog byung nas/ /khyad par 'phags pa gzungs kyi chos/ /'di skad du ni bka' stsal te/ /'di yang de bzhin gshegs pa yis/ /rdzu 'phrul dag gis sprul pa yin/ /'di lta ste/ si le/ ma le ma le/ sid d+he ai ni/ si Ne ku lu ni yu/ ku lu ne yu/ ku le ma le/ ku no te/ a la shi a si le/ si si le te/ su si le/ si le si le/ khyi pi le/ A pI le su Te tsa na/ d+ha ni ma ni/ ka ni/ ka le te/ su ka le/ pra ya/ /sha nang ni/ a nu lo si kyi/ bi lo mi/ su b+ha ni re sh+he/ a shi ri le/ sar ma pa ra phan te/ pa ri b+ha he/ d+ha ra ni/ d+he shu tsi ha/ su d+he/ a tsa na/ b+hu po ga gnang / kur ba no/ b+ha sa b+ha nang / pan ri d+hu ri ya/ ni pa ri ka no ni/ ma na b+ha/ su ru tsi Ta/ ba na A tsa ra/ A b+hA+e la bir+ya pra Ti sh+tha ha/ d+ha ri ni/ a si Ta/ lo Ni b+hi/ //gzungs rnams gang yin 'di dag ni/ /sangs rgyas rnams kyis rab tu brnyes/ /mthu chen dag ni phun sum tshogs/ /shes rab dag ni tshad kyang med/ /'dzin pa dag ni yongs su spong / /dran pa dag ni dag par byed/ /gzungs med 'gro dang 'ong ba med/ /phyogs dang phyogs mtshams yod pa min/ mtshan ma med cing brjod dang bral/ /spros pa dag las yang dag 'das/ /byang chub sems dpas sgrub byed na/ /mthar ni gsil ba 'thob par 'gyur/ /tshigs su bcad pa bye ba phrag /brgya stod mang po dag gi ni/ /tshigs cig tsam ni rab bstan kyang / /mtha' ni dmigs par yod mi nus/ /'phags pa mang pos rab tu bsngags/ /rnam par dag cing zhen pa med/ /'khor 'dus mang po thams cad kyis/ /shin tu gus pa skyed par byed/ /gzungs ni gang yin 'di dag gi/ /dge ba'i chos kyi mthu stobs kyis/ /nyon mongs rab bcom nyer zhi nas/ /khyad 'phags phan yon thos par byed/ /yon tan dang ni shes rab dag / 79.283a shin tu rgya che rgya mtsho 'dra/ /bzod pa dag ni sgrub par byed/ /sems ni rab bde g.yo med 'gyur/ /byang chub sems dpas rtag tu bsgoms/ /mkhas pa dag gis rab tu bsngags/ /dbul phongs dag ni spong byed cing / /nor dang rin chen 'thob par byed/ /gzungs ni gang yin 'di dag gis/ /yon tan rnams ni 'phel bar byed/ /rtag tu stong nyid la sogs pa'i/ /bden tshig dag gis rab tu brgyan/ /yi ge dag ni spangs pas na/ /stong pa'i ngo bo nyid ces bya/ /sems dang rnam shes spangs pas na/ chos kyi ngo bo nyid ces bya/ /gzungs ni gang yin 'di dag gis/ /dri bral rtag tu rnam dag byed/ /yang dag ye shes la gnas nas/ /phan pa sna tshogs ston par byed/ /sems can dag ni mang po rnams/ /dga' zhing dang ba skyed par byed/ /gnod sbyin 'khor ni tshad med dang / /grul bum 'khor ni gang yin pa/ /'di la sogs pa yi dgas rgyal/ /dga' ba chen po skyed ces zer/ /gzungs sngags gang yin 'di dag ni/ /rab tu zhi zhing spros pa med/ /sems can dag la byams pas na/ /kun la bde ba sbyin par byed/ /bskal ba mang po brgya stong du/ /'gro ba rnams su rtags gnas shing / /phan pa tshad med pa byed kyang / /rnam par dag cing gos pa med/ tshigs su bcad pa brgya stong gis/ /bdud rtsi'i chos ni rab bstan nas/ /sems can dag ni tshad med rnams/ /dga' ba chen po skyed par byed/ /sngon gyi sangs rgyas tshad med rnams/ /shin tu rnam dag mos pa yis/ /gzungs 'di la ni brten nas su/ /rtag tu chos nyid dgongs par mdzad/ /tshangs dang brgya byin lha rnams dang / /klu yi rgyal po lha ma yin/ /gzungs 'di thos par gyur nas kyang / /sems kyis dga' ba skyed ces zer/ /gzungs sngags gang yin 'di dag rnams/ / 79.283b gang du gnas pa'i yul der ni/ /rtag tu gnod dang 'khrugs pa dang / /nad dang sdug bsngal mya ngan med/ /sems can dag ni thams cad kun/ /so sor dga' ba'i sems bskyed nas/ /gzungs 'di rtag tu bdag cag gi /sems la gnas par smon lam 'debs/ gzungs sngags gang yin 'di dag ni/ lus dang sems dang rkan dag dang / /kha mchu dag la gnas gyur na/ /yon tan dpag med skyed par byed/ /gal te rtag tu 'dzin byed na/ /yon tan tshad med thob gyur nas/ /sems can mang la phan 'dogs shing / /thams cad dga' ba thob ces zer/ /gzungs sngags gang yin 'di dag gis/ /sdig pa rnams ni rab spong zhing / /dam chos dag ni ston byed pas/ /thug pa med pa'i spobs pa 'thob/ /sems can dag ni rgya stong rnams/ /the tshom dag ni rab bsal nas/ /nga rgyal rnams ni rab bcom ste/ /yon tan dpag med 'thob ces zer/ /shin tu zab cing gsang ba'i chos/ /gzungs sngags gang yin 'di dag ni/ mkhas pas rtag tu sems byed cing / /nan tan gyis ni sgrub par byed/ /shes rab go cha rab bgos nas/ /nyon mongs rab tu 'joms par byed/ /yon tan sems ni 'phel byed pas/ /rab tu mos shing skyo ba med/ /gzungs sngags gang yin 'di dag ni/ /grags pa chen po phun tshogs pas/ /zad pa dang ni mi zad dang / /skye dang mi skye mtha' rab rtogs/ /'di 'dra'i shes rab sna tshogs kyis/ /bdag nyid rab tu brgyan pas na/ /de bzhin gshegs pa brgya stong rnams/ /shin tu gus shing mched pa mdzad/ /de 'dra'i gzungs ni gang yin pa/ /rig pa dag gis rkang gnyis byed/ /ting 'dzin mchog la rab gnas nas/ /byang chub lam la gzhol bar byed/ /zhi gnas lhag mthong rjes 'brang zhing / / 79.284a zag med shes rab rtogs par byed/ /rab dang dbang po stobs kyis ni/ /lag gnyis yongs su grub par byed/ /brtson 'grus dang ni bzod pa yis/ /nu ma gnyis ni grub par byed/ /shes rab pha rol phyin pas ni/ /spyi gtsug mtshan nyid rab tu byed/ /mdo sde dag gis skur byas nas/ /so sor rig bzhi phreng bar rgyus/ /sngon ni mngon par bsgrubs pa yi/ /yon tan rnam pa sna tshogs dang / /dpe ni tshad med ji snyed pa/ /thams cad rab tu brgyan ces zer/ /gzungs sngags gang yin 'di dag ni/ /yon tan tshad med phun tshogs pas/ /mig gi sngon dang phyi mtha' dang / /zad dang mi zad mtha' dag dang / /skye ba dang ni mi skye dang / /mtha' dang mtha' min gang yin dang / dben pa dang ni mi dben dang / /'jug pa dang ni 'jug min dang / /ci yang med dang mi 'byung dang / /nyer zhi dang ni bdag med dang / /gang zag med dang srog med dang / /sems can med pa'i bar dag dang / /'di la sogs pa'i tshad med sgo/ /thams cad rab tu rtogs par 'gyur/ /rna ba sna lce lus dang yid/ /yul drug dang ni 'byung chen bzhi/ /'jig rten skye ba'i ming bar du/ /thams cad de bzhin sbyar zhes zer/ /gong du bsngags pa brjod pa yi/ /gzungs mchog dam pa gang yin pa/ /rab dben yon tan mchog ldan zhing / /sangs rgyas spyod yul yin pas na/ /gzungs don yang dag gang yin pa/ /yi ges brjod bya ma yin yang / /'jig rten pa yi rjes su ni/ /btags pa'i ming gis brjod pa yin/ /de nas bcom ldan 'das 'khor mang po dang thabs gcig tu zla 'od gzhon nu'i khyim du byon pa dang / gdan shams pa la rab tu bzhugs so/ /de yi tshe zla 'od gzhon nur gyur pas bcom ldan 'das gdan la bzhugs par rig 79.284b ste/ bdag nyid mchod pa'i yo byad mchog dam pa thogs nas/ de bzhin gshegs pa dang 'khor 'dus pa chen po rnams la rab tu phul te mchod pa de yang bsam gtan dang / /ting nge 'dzin dang / bsam gtan gyi yon tan khyad par du 'phags pa'i dge ba'i rtsa ba dang bsam gyis mi khyab pa'i mthu las mngon par grub pa sha stag go /de ltar mchod pa phul ba yang bdag 'ba' shig gi phyir ma yin gyi sems can tshad med pa thams cad bla na med pa'i byang chub la gzhol zhing phan yon chen po 'thob par bya ba'i phyir mchod cing phul bas na mchod pa des kun du khyab cing thams cad rab tu tshim par gyur to/ /de nas bcom ldan 'das gdugs chod gsol ba'i 'og tu 'khor 'dus pa mang po'i mdun du zla 'od gzhon nur gyur pa la 'di skad ces bka' stsal to/ /gzhon nu rigs kyi bu'am/ rigs kyi bu mo gang la la zhig theg pa chen po la gnas nas sbyin pa'i tshogs mngon par sgrub par byed na yon tan khyad par du 'phags pa rnam pa brgyad bcu dang ldan par 'gyur ro/ /rnam pa brgyad bcu gang zhe na/ 'di lta ste/ sems can yongs su smin par byed cing tshig snyan pas yongs su sdud par byed pa dang / mtshan gya nom pa yongs su rdzogs pa dang / dbang po rnams ma tshang ba med pa dang / 'khor ba spangs nas mya ngan 'das pa mngon du byed pa dang / nyon mongs pa rnams zad nas dbang phyug mchog 'thob pa dang / yon tan phun sum tshogs shing sangs rgyas kyi zhing rab tu brgyan pa dang / 'khor rnam par dag pa dang / gzi byin chen po dang ldan pa dang / shes rab phun sum tshogs pa dang / spyod pa khyad par du 'phags pa mchog mngon par grub pa dang / spyod pa bla na med cing mtshungs pa med pa yongs su rdzogs pa dang / bag chags yang dag par bcom nas de bzhin gshegs pa'i thams cad mkhyen pa'i spyod pa 'phel bar byed pa dang / lus dang ring bsrel 'jig rten thams cad dang / nyan thos dang / rang sangs rgyas rnams kyis mchod par 'gyur ba dang / ma rungs pa rnams rab tu btul bas mi'i rgyal po dang / lha dang / klu dang / gnod sbyin dang / lha ma yin dang / nam mkha' lding gi rgyal po dang / tshangs 79.285a pa'i rgyal po rnams yongs su dang ba skye bar 'gyur ba dang / mthu chen po dang ldan pa dang / mdo'i sde dang / tshigs su bcad pa dang / lung du bstan pa dang / ched du brjod pa dang / dbyangs kyis bsnyad pa dang / rtogs pa brjod pa dang / gleng gzhi dang / de lta bu byung ba dang / skyes pa'i rabs dang / shin tu rgyas pa dang / rmad du byung ba dang / gtan la phab par bstan pa'i sde'i bar du len pa dang / 'dzin pa dang / yang dag par ston par 'gyur ba dang / sems la le lo med pa dang / chos la ser sna med pa dang / sangs rgyas kyi lam la yang dag par gnas pa dang / 'jig rten na mchog tu gyur cing ming dang gzugs yongs su dag par 'gyur ba dang / chos kyi sku mngon du byed par 'gyur ba dang / mi 'jigs pa thob par 'gyur ba dang / bsod nams phun sum tshogs par 'gyur ba dang / mu stegs can rnams zil gyis gnon pa dang / skyes bu dam pa'i chos phun sum tshogs pa dang / sdig pa can gyi spyod pa spong bar 'gyur ba dang / bsod nams dang ye shes kyi rgyu la mngon par yid ches pa dang / sangs rgyas kyi chos sdud par byed pa dang / bdud mang po pham par byed pa dang / sangs rgyas kyis gsungs pa'i chos bden pa dag la the tshom dang / nem nur med pa dang / 'dod pa ngan pa rnams rab tu bcom pa dang / gzi byin chen po dang ldan pa dang / byang chub sems dpa'i spyod pa mngon par bsgrubs pas rdzu 'phrul khyad par du 'phags pa 'thob par 'gyur ba dang / skye shi spong bar 'gyur ba dang / sems can yongs su smin par byed pa dang / spyod pa dpag tu med pa'i bsngags pa brjod pa dang / yon tan rnams yongs su sdud par 'gyur ba dang / sems can rnams la spro ba bskyed pa dang / chos kyi dga' ba la yongs su spyod par 'gyur ba dang / sbyin pa gtong ba mngon par sgrub par 'gyur ba dang / ye shes chen po'i sgor 'jug par 79.285b 'gyur ba dang / bro bar gyur ba'i chos la gnas par 'gyur ba dang / rigs nges pa nyid du 'gyur ba dang / chos kyi bzod pa bsgrub par 'gyur ba dang / sangs rgyas kyi lam la bde bar gnas pa gang yin pa'o/ /gzhon nu rigs kyi bu'am/ rigs kyi bu mo gang la la zhig sbyin pa'i tshogs mngon par sgrub par byed na yon tan khyad par du 'phags pa rnam pa brgyad bcu po 'di dag phun sum tshogs shing yongs su rdzogs par 'gyur ro/ /de nas de'i tshe bcom ldan 'das kyis tshigs su bcad de bka' stsal pa/ byang chub sems dpa' blo chen gang / /sbyin pa'i tshogs dang ldan pa la/ /phan yon mchog ni brgyad bcu yod/ /ngas mdor bsdus te bstan pa yin/ /gzhan yang dpag med bsam bka' yi/ /yon tan dag ni gang yin pa/ thams cad sbyin pa las skyes ste/ /deng 'dir cung zad bstan par bya/ /khyod kyis 'khor 'dus mang po la/ /mnyam pa'i sems kyis gang mchod pa/ /sbyin pa'i tshogs ni de dag la/ /mkhas pa rnams kyis bsgrub par bya/ /sbyin pa 'di yis bsags pa yi/ /bsod nams phung po bsam mi khyab/ /mtshan dang dpe byad lus brgyan pa/ /thams cad yongs su rdzogs par 'gyur/ /skye gnas dang ni rus rigs dang / /yul rnams dang ni khyim dag dang / grags pa dang ni gzugs dang sems/ /thams cad yongs su dag par 'gyur/ /lha rnams rdzu 'phrul dngos po dang / /gzhal med khang dang lha mo dang / /rnam dag thog med spobs pa yang / /sbyin pa las ni byung ba yin/ /sbyin pa'i tshogs mchog gang yin pa/ /sangs rgyas rnams kyis 'di skad du/ /'di ni dang por byang chub rnams/ /gnas pa'i gzhi zhes bsngags par mdzad/ /byang chub sems dpa' brtson 'grus can/ /sbyin la the tshom med pa dag /nges pa'i 79.286a sems la rab gnas nas/ /sbyin pa nan tan bsgrub par gyis/ /sbyin pa'i sems ni gang dag gis/ /bsod nams tshogs ni rdzogs byed pa/ /byang chub sems dpas sgrub byed na/ /sangs rgyas byang chub 'thob par 'gyur/ /sbyin pa'i mthu yi stobs kyis ni/ /rdzu 'phrul mchog ni rdzogs byed pas/ /zhing ni bye ba bsgul byas kyang / /sems can rnams la gnod mi 'gyur/ /sbyin pa gtang ba'i dbang gis na/ /rnam dag tshul khrims mang thos dang / /yang dag yid ches brtson 'grus dang / /ting 'dzin zag med shes rab 'dren/ /sbyin pa gtang ba'i dbang gis na/ /dbang po stobs dang yang dag lam/ /yang dag spong dang rdzu 'phrul rkang / /bag chags spong ba 'dren par byed/ /sbyin pa gtang ba'i dbang gis na/ /rnam dag sgra snyan dag gis ni/ /zhing ni bye ba brgya phrag tu/ /dpag med chos ston 'dren par byed/ / yongs su dang bas sbyin gtang bas/ /rdzu 'phrul rnams ni myur du 'thob/ /rdzu 'phrul yongs su rdzogs bya'i phyir/ /nan tan sbyin pa gtang bar gyis/ /lha ni mang po tshad med rnams/ /lha ma yin dang klu rnams dang / /gnod sbyin brgya stong mang po dang / /'khor rnams kyis ni yongs bskor nas/ /gzhal med khang mchog rab zhugs te/ rang dbang dag gis rtse byed pa/ /'di la sogs pa'i rgyal po rnams/ /sbyin la brtson pa mthong gyur na/ thams cad langs nas bsu nas ni/ /stan bting mchod pa dag kyang byed/ /sbyin gtong gang zag gang yin pa/ /gzi byin chen po phun tshogs shing / /rdzu 'phrul stobs la dbang thob pas/ /lha rgyal rnams ni sdud par byed/ /grul bum dang ni gnod sbyin rnams/ /thams cad skyabs su 'gro bar 'gyur/ /dri za 'khor bcas rnams kyis kyang / /rol mo dag gis mchod par byed/ /chom rkun dag ni byams 79.286b sems bskyed/ /ma rungs pa rnams ring du 'gro/ /nor rnams nyams par mi gyur te/ /bang mdzod dag ni gang bar 'gyur/ /sbyin pa yongs su btang ba'i phyir/ /tshogs mchog dag ni rdzogs par 'gyur/ /sangs rgyas ye shes thug par mu stegs chos ni spyod mi byed/ /de la na ba yod med de/ /gzungs rnams yongs su srung bar byed/ /khyad par 'phags pa'i stobs rnams kyang / /sbyin pa las ni byung ba yin/ /de ltar sbyin pa gang gtong ba/ /byang chub lam ni sgrub par byed/ /mi dge bshes gnyen phrad mi 'gyur/ spyod mthun grogs po 'thob par 'gyur/ /gzhan yang byang chub sems dpa' rnams/ /sbyin pa'i tshogs ni sogs byed pa/ /bsam gyis mi khyab gzungs dag dang / /shes rab yongs su rdzogs byed pas/ /tshigs su bcad pa tshad med kyis/ /kun 'dzin yang dag ston par byed/ thams cad la ni thogs med pas/ /ngo bo nyid don stor mi 'gyur/ /byang chub sems ni rgya che la/ /mos pa'i sems ni brtan par 'gyur/ /tshul khrims dag pa phun tshogs shing / /bdud kyi las rnams spong bar byed/ /'dod pa lnga la zhen med cing / /rtse gcig yang dag dran pa tshol/ /sems la rtag tu rmongs med pas/ /'dod pa dag la sred mi skyed/ /zhe sdang nyon mongs gang yin pa/ /yang dag ji bzhin rab tu rtogs/ /spyod yul dag ni thams cad la/ /zhen pa med cing rmongs pa med/ /gang zag des ni nyon mongs rnams/ /legs pa nyid du rtogs par 'gyur/ /rgyu dang rkyen ni 'dus pa la/ /nyes dmigs rnams ni skye ba nas/ /sangs rgyas chos kyi bar dag gi/ /rgyu dang rgyu yi rgyu nyid dang / /de bzhin rgyu yi bya ba rnams/ /thams cad rab tu rtogs par 'gyur/ /des ni mig zad mtha' yi rgyu/ /gang yin rab tu rtogs pas na/ /rmongs pa rnams ni yongs spangs nas/ /mig la mngon par zhen mi 'gyur/ /des 79.287a ni mig gi skye mtha' dang / mtha' dang rab tu dben pa dang / /'jug pa dang ni med pa dang / /mi skye ba nas nyer zhi'i bar/ /'di la sogs pa'i rgyu nyid kyang / /rab tu rtogs par gyur bas na/ /rmongs pa rnams ni yongs spangs nas/ /mig la mngon par zhen mi 'gyur/ /des ni mig gi sngon mtha' yi/ /brjod pa 'jig rten rjes su ni/ /btags pa yin pas de la ni/ /yang dag ci yang med par rtogs/ /des ni mig gi phyi mtha' yi/ /brjod pa 'jig rten rjes su ni/ /yang dag ci yang med par rtogs/ /des ni mig gi skye mtha' dang / /mtha' dang rab dben 'jug pa dang / /ci yang med dang skye med nas/ /nye bar zhi ba'i bar dag dang / /'di la sogs pa'i brjod pa rnams/ /'jig rten rjes su btags pas na/ /de la yang dag med par ni/ /rab tu rtogs par 'gyur ba yin/ /des ni mig gi sngon mtha' yi/ /brjod pa rgyu rkyen 'dus pa las/ /byung ba nyid du rtogs pas na/ /de la zhen pa ci yang med/ /des ni mig gi phyi mtha' yi/ /brjod pa rgyu rkyen 'dus pa las/ /byung ba nyid du rtogs pas na/ /de la zhen pa ci yang med/ /des ni mig gi skye mtha' dang / /mtha' dang rab dben 'jug pa dang / /ci yang med dang skye med nas/ /nye bar zhi ba'i bar dag dang / /'di la sogs pa'i brjod pa rnams/ /rgyu dang rkyen ni 'dus pa las/ /byung ba nyid du rtogs pas na/ /de la zhen pa ci yang med/ /des ni mig gi sngon mtha' yi/ /brjod pa'i rang bzhin bstan med par/ /rab tu rtogs par gyur pas na/ /de la zhen pa ci yang med/ des ni mig gi phyi mtha' yi/ /brjod pa rang bzhin bstan med par/ /rab tu rtogs par gyur pas na/ /de la zhen pa ci yang med/ /des ni mig gi skye mtha' dang / /mtha' dang rab dben 'jug pa dang / /ci yang med dang skye 79.287b med nas/ /nye bar zhi ba'i bar dag dang / 'di la sogs pa'i brjod pa rnams/ /rang bzhin gyis ni bstan med par/ /rab tu rtogs par gyur pas na/ /de la zhen pa ci yang med/ /rna ba sna lce lus dang yid/ /yul drug dang ni 'byung chen bzhi/ /'jig rten skye ba'i ming gi bar/ /thams cad de bzhin sbyar bar bya/ /des ni 'dod chags sangs rgyas lam/ /rang bzhin dbyer med yin par ni/ /rab tu rtogs par gyur pas na/ /'dod chags la ni zhen pa med/ /sangs rgyas lam ni thams cad kun/ /nyon mongs las ni btsal bar bya/ /rang bzhin dbyer med rab shes na/ /kun 'dzin sgor ni zhugs pa yin/ /'dod chags kun 'dzin yin pa dang / /kun 'dzin 'dod chags yin ston cing / /rang bzhin dbyer med rab shes na/ /kun 'dzin sgor ni slob pa yin/ /de bzhin 'dod chags gang mchod pa/ /de ni sangs rgyas mchod pa yin/ /sangs rgyas la ni mchod pa'i phyir/ /kun 'dzin sgor ni rdzogs par 'gyur/ /des ni zhe sdang sangs rgyas lam/ /rang bzhin dbyer med yin par ni/ /rab tu rtogs par gyur bas na/ /zhe sdang la ni zhen pa med/ /zhe sdang kun 'dzin yin pa dang / /kun 'dzin zhe sdang yin ston cing / /rang bzhin dbyer med rab shes na/ /kun 'dzin sgo ni slob pa yin/ /de bzhin zhe sdang gang mchod pa/ /de ni sangs rgyas mchod pa yin/ /sangs rgyas la ni mchod pa'i phyir/ /kun 'dzin sgo ni rdzogs par 'gyur/ /des ni gti mug sangs rgyas lam/ /rang bzhin dbyer med yin par ni/ /rab tu rtogs par gyur pas na/ /gti mug la ni zhen pa med/ /gal te gti mug nyid kyi mtha'/ /yang dag ji bzhin rtogs gyur na/ /des ni sangs rgyas lam bsgrubs pas/ /kun 'dzin sgo ni rdzogs par 'gyur/ /gti mug kun 'dzin yin pa dang / /kun 'dzin 79.288a gti mug yin ston cing / /rang bzhin dbyer med rab shes na/ /kun 'dzin sgo ni slob pa yin/ /de bzhin gti mug gang mchod pa/ /de ni sangs rgyas mchod pa yin/ /sangs rgyas la ni mchod pa'i phyir/ /kun 'dzin sgo ni rdzogs par 'gyur/ /de bzhin gti mug gang mchod pa/ /de ni chos la mchod pa yin/ /chos la mchod pa byas pa'i phyir/ /kun 'dzin sgo ni rdzogs par 'gyur/ /de bzhin gti mug gang mchod pa/ /de ni dge 'dun mchod pa yin/ /dge 'dun la ni mchod pa'i phyir/ /kun 'dzin sgo ni rdzogs par 'gyur/ /de bzhin gti mug gang mchod pa/ /de ni tshul khrims mchod pa yin/ /tshul khrims la ni mchod pa'i phyir/ /kun 'dzin sgo ni rdzogs par 'gyur/ /de bzhin gti mug gang mchod pa/ /brtson 'grus la ni mchod pa yin/ /brtson 'grus la ni mchod pa'i phyir/ /kun 'dzin sgo ni rdzogs par 'gyur/ /de bzhin gti mug gang mchod pa/ /bsngags pa brjod cing mchod pa yin/ bsngags pa brjod cing mchod pa'i phyir/ /kun 'dzin sgo ni rdzogs par 'gyur/ /de bzhin gti mug gang mchod pa/ /sangs rgyas chos la mchod pa'i phyir/ /kun 'dzin sgo ni rdzogs par 'gyur/ de bzhin gti mug gang mchod pa/ /chos nyid la ni mchod pa yin/ chos nyid la ni mchod pa'i phyir/ /kun 'dzin sgo ni rdzogs par 'gyur/ /de bzhin gti mug gang mchod pa/ /de bzhin nyid la mchod pa yin/ /de bzhin nyid la mchod pa'i phyir/ /kun 'dzin sgo ni rdzogs par 'gyur/ /de bzhin gti mug gang mchod pa/ /skye ba med la mchod pa yin/ /skye ba med la mchod pa'i phyir/ /kun 'dzin sgo ni rdzogs par 'gyur/ /de bzhin gti mug gang mchod pa/ /'gag pa med la mchod pa yin /'gag pa med la mchod pa'i phyir/ /kun 'dzin sgo ni rdzogs par 'gyur/ /de 79.288b bzhin gti mug gang mchod pa/ /zag pa med la mchod pa yin/ /zag pa med la mchod pa'i phyir/ /kun 'dzin sgo ni rdzogs par 'gyur/ /de bzhin gti mug gang mchod pa/ /ci yang med la mchod pa yin/ /ci yang med la mchod pa'i phyir/ /kun 'dzin sgo ni rdzogs par 'gyur/ /de bzhin gti mug gang mchod pa/ /dpag tu med la mchod pa yin/ /dpag tu med la mchod pa'i phyir/ /kun 'dzin sgo ni rdzogs par 'gyur/ /de bzhin gti mug gang mchod pa/ /srid pa gsum la mchod pa yin/ /srid pa gsum la mchod pa'i phyir/ /kun 'dzin sgo ni rdzogs par 'gyur/ /de bzhin gti mug gang mchod pa/ /rab dben la ni mchod pa yin/ /rab dben la ni mchod pa'i phyir/ /kun 'dzin sgo ni rdzogs par 'gyur/ /de bzhin gti mug gang mchod pa/ /'khor bar 'jug la mchod pa yin/ /'khor bar 'jug la mchod pa'i phyir/ /kun 'dzin sgo ni rdzogs par 'gyur/ /de bzhin gti mug gang mchod pa/ /'jug pa med la mchod pa yin/ /'jug pa med la mchod pa'i phyir/ /kun 'dzin sgo ni rdzogs par 'gyur/ /de bzhin gti mug gang mchod pa/ /yod pa min la mchod pa yin/ /yod pa min la mchod pa'i phyir/ /kun 'dzin sgo ni rdzogs par 'gyur/ /de bzhin gti mug gang mchod pa/ /byung ba med la mchod pa yin/ /byung ba med la mchod pa'i phyir/ /kun 'dzin sgo ni rdzogs par 'gyur/ /de bzhin gti mug gang mchod pa/ /nye bar zhi la mchod pa yin/ /nye bar zhi la mchod pa'i phyir/ /kun 'dzin sgo ni rdzogs par 'gyur/ /de bzhin gti mug gang mchod pa/ 'ong ba med la mchod pa yin/ /'ong ba med la mchod pa'i phyir/ /kun 'dzin sgo ni rdzogs par 'gyur/ /de bzhin gti mug gang mchod pa/ /'gro ba med la mchod pa yin/ /'gro ba med la mchod pa'i phyir/ /kun 'dzin sgo ni rdzogs par 79.289a 'gyur/ /de bzhin gti mug gang mchod pa/ /'dus byas la ni mchod pa yin/ /'dus byas la ni mchod pa'i phyir/ /kun 'dzin sgo ni rdzogs par 'gyur/ /de bzhin gti mug gang mchod pa/ /sdug bsngal la sogs mchod pa yin/ /sdug bsngal la sogs mchod pa'i phyir/ /kun 'dzin sgo ni rdzogs par 'gyur/ /de bzhin gti mug gang mchod pa/ /sdug bsngal shes la mchod pa yin/ /sdug bsngal shes la mchod pa'i phyir/ /kun 'dzin sgo ni rdzogs par 'gyur/ /de bzhin gti mug gang mchod pa/ /kun 'byung shes la mchod pa yin/ /kun 'byung shes la mchod pa'i phyir/ /kun 'dzin sgo ni rdzogs par 'gyur/ /de bzhin gti mug gang mchod pa/ /'gog pa shes la mchod pa yin/ /'gog pa shes la mchod pa'i phyir/ /kun 'dzin sgo ni rdzogs par 'gyur/ /de bzhin gti mug gang mchod pa/ /lam shes la ni mchod pa yin/ /lam shes la ni mchod pa'i phyir/ /kun 'dzin sgo ni rdzogs par 'gyur/ /de bzhin gti mug gang mchod pa/ /chos shes la ni mchod pa yin/ /chos shes la ni mchod pa'i phyir/ /kun 'dzin sgo ni rdzogs par 'gyur/ /de bzhin gti mug gang mchod pa/ /rjes la shes la mchod pa yin/ /rjes la shes la mchod pa'i phyir/ /kun 'dzin sgo ni rdzogs par 'gyur/ /de bzhin gti mug gang mchod pa/ /skye med ye shes mchod pa yin/ /skye med ye shes mchod pa'i phyir/ /kun 'dzin sgo ni rdzogs par 'gyur/ /de bzhin gti mug gang mchod pa/ /zad pa'i ye shes mchod pa yin/ /zad pa'i ye shes mchod pa'i phyir/ /kun 'dzin sgo ni rdzogs par 'gyur/ /de bzhin yang dag spong ba dang / /dran pa nyer gzhag rdzu 'phrul rkang / /dbang po lnga dang stobs lnga dang / /byang chub yan lag bdun po dang / /yan lag brgyad pa'i 79.289b lam dag dang / /zhi gnas lhag mthong la sogs pa/ /chos ni rnam par dgu po rnams/ /thams cad de bzhin sbyar par bya/ /de nas bcom ldan 'das kyis zla 'od gzhon nur gyur pa la bka' stsal pa/ rigs kyi bu sems can gang la la zhig theg pa la gnas nas/ gong du ji skad bstan pa'i gzungs mngon par bsgrub par 'dod pas gang zag rnam pa brgyad bcu yongs su sdang bar bya'o/ /rnam pa brgyad bcu gang zhe na/ 'di lta ste/ pha bsad pa dang / ma bsad pa dang / dgra bcom ba bsad pa dang / gnod sems kyis de bzhin gshegs pa'i sku la mtshal phyung ba dang / dge 'dun 'thun pa gshig pa dang / rkun bur rab tu byung ba dang / dbang po ma tshang ba dang / dbang po gnyis dang ldan pa dang / log par lta ba dang / log par sems pa dang / log par smra ba dang / log pa'i lam can dang / log par 'tsho ba dang / log par brtson pa dang / /log pa'i dran pa can dang / log pa'i ting nge 'dzin la gnas pa dang / gnas mi shes pa dang / /dus mi shes pa dang / tshod mi shes pa dang / lam mi shes pa dang / tshad mi shes pa dang / bdag dang gzhan mi shes pa dang / sangs rgyas dang / chos dang / dge 'dun dang / bslab pa'i gnas rnams la gus pa med pa dang / bag yod pa dang spyod yul khyad par du 'phags pa dag la btsun par mi 'dzin pa dang / chos mi shes pa dang / 'dul ba mi shes pa dang / bslab pa'i gnas mi shes pa dang / kha na ma tho ba dang lci ba dang yang ba mi shes pa dang / tshul khrims nyams pa dang ral ba mi shes pa dang / gzhan yang spyod pa shin tu phra ba dang rags pa mi shes pa dang / las ma 'ongs pa dang da ltar byung ba mi shes pa dang / dngos po dman pa rnams mi shes pa dang / nyan thos kyi theg pa'i bsngags pa brjod cing de bzhin gshegs pa'i chos la skur pa 'debs pa dang / rang sangs rgyas kyi theg pa sgrub par bskul ba dang / 79.290a bla na med pa'i lam yang dag pa la skyo zhing spong bar byed pa dang / tshul khrims nyams pa dang / lta ba nyams pa dang / spyod lam nyams pa dang / lam ma yin pa spyod pa dang / bdag yod par smra ba dang / sems can yod par smra ba dang / srog yod par smra ba dang / gang zag yod par smra ba dang / bsam pa shin du dman zhing 'dod chags dang / zhe sdang dang / gti mug skyed par byed pa dang / chad par lta ba dang / rtag par lta ba dang / stong zhing rgyu med par lta ba dang / yod pa mi mthong ba dang / med pa mi mthong ba dang / las mi mthong ba dang / brtson 'grus mi mthong ba dang / las mi shes pa dang / las kyi rgyu mi shes pa dang / rnam par smin pa mi shes pa dang / rnam par smin pa'i rgyu mi shes pa dang / dbang po rnams mi shes pa dang / dbang po rnams kyi rgyu mi shes pa dang / khams mi shes pa dang / khams kyi rgyu mi shes pa dang / rnam par grol ba mi shes pa dang / rnam par grol ba'i rgyu mi shes pa dang / lam mi shes pa dang / lam gyi rgyu mi shes pa dang / nyon mongs pa mi shes pa dang / nyon mongs pa'i rgyu mi shes pa dang / gtong ba mi shes pa dang / gtong ba'i rgyu mi shes pa dang / sngon gyi mtha' dang phyi ma'i mtha' mi shes pa dang / sngon gyi mtha' dang phyi ma'i mtha'i rgyu mi shes pa dang / skye shi mi shes pa dang / skye shi'i rgyu mi shes pa dang / zag pa dang bcas pa mi shes pa dang / zag pa dang bcas pa'i rgyu mi shes pa dang / zad pa dang zad pa ma yin pa mi shes pa dang / yod pa dang yod pa ma yin pa mi shes pa dang / mtha' dang mtha' ma yin pa mi shes pa dang / dben pa dang dben pa ma yin pa mi shes pa dang / 'jug pa dang 'jug pa ma yin pa mi shes pa dang / ngo bo nyid dang ngo bo nyid ma yin pa mi shes pa dang / skye ba dang skye ba ma yin pa mi 79.290b shes pa dang / 'gag pa dang 'gag pa ma yin pa mi shes pa gang yin pa ste/ gzhon nu rigs kyi bu'am/ rigs kyi bu mo gang la la zhig gong du ji skad du bstan pa'i gzungs mngon par bsgrub par 'dod pas chos ma yin pa spyod pa'i gang zag brgyad bcu po 'di dag yongs su spang bar bya'o/ /de nas bcom ldan 'das kyis yang tshigs su bcad de bka' stsal pa/ gang zhig mig gi skye mtha' dang / /zad mtha' dag ni mi rtogs pa/ /de ni kun 'dzin la rmongs pas/ /mkhas pas yongs su spang bar bya/ /gang zhig mig la bdag med dang / /sems can med par rtogs gyur pa/ /des ni kun 'dzin la gnas pas/ /mkhas pas yongs su bsten par bya/ /gang zhig mig ni skye zad dang / /yi ge spangs par rtogs gyur pa/ /de ni kun 'dzin la gnas pas/ /mkhas pas yongs su bsten par bya/ /gang zhig mig gi dben pa dang / /gnas pa med par rtogs gyur pa/ /de ni kun 'dzin la gnas pas/ /mkhas pas yongs su bsten par bya/ /gang zhig mig gi rang bzhin nyid/ /gnas pa med par rtogs gyur pas/ /de ni kun 'dzin la gnas pas/ /mkhas pas yongs su bsten par bya/ /gang zhig mig la 'jug med dang / /gzugs kyi mtshan nyid med rtogs pa/ /de ni kun 'dzin la gnas pas/ /mkhas pa yongs su bsten par bya/ /gang zhig mig la skye med dang / /rang bzhin zhi bar rtogs gyur pa/ /de ni kun 'dzin la gnas pas/ /mkhas pas yongs su bsten par bya/ /gang zhig mig ni rang bzhin gyis/ /mig gi mtshan nyid spangs pas na/ /sangs rgyas rnams kyi bsngags pa dang / /bstan du med par rtogs gyur pa/ /de ni kun 'dzin la gnas pas/ /mkhas pas yongs su bsten par bya/ /gang zhig mig ni rang bzhin gyis/ /mig gi mtshan nyid spangs pas na/ /su yang sems shing 'dzin pa dang / /bshad du med par rtogs gyur pa/ /de ni kun 'dzin la gnas pas/ /mkhas pas yongs su bsten par bya/ /de bzhin gzungs kyi ngo bo nyid/ /yi ges brjod bya ma yin pas/ /phyogs kyang yod pa ma yin la/ /sems kyis kyang ni phyin mi 'gyur/ / 79.291a chos de la ni dga' ba med/ /zhe sdang la yang gnas pa min/ /ri rgyal bzhin du mi g.yo bas/ /rjod par byed kyang dmigs su med/ /kun 'dzin yang dag yod ma yin/ /bdag kyang yod pa ma yin te/ /gal te bdag ni rang bzhin stong / /kun 'dzin yang ni yod mi 'gyur/ /kun 'dzin rang bzhin stong yin na/ /byis pas yod par rab tu brtags/ /yang dag ma yin brtags pas na/ /ma thos par yang mya ngan skyed/ /gang zhig 'dod dang kun 'dzin dag /stong pa nyid du rnam rtog pa/ /rtog pa gnyis po de dag kyang / /mthar ni gang yang dmigs mi 'gyur/ /gal te stong nyid stong rtogs na/ /kun 'dzin dag kyang yod mi 'gyur/ /byang chub yan lag bar dag dang / /ting 'dzin dag kyang stong pa yin/ /gang zhig kun 'dzin stong nyid dang / /ting 'dzin dag gi bar dag kyang / /rab tu rtogs par gyur na ni/ /mig kyang rab tu rtogs par 'gyur/ /gang zhig mig ni zad pa'i mtha'/ /yang dag ji bzhin rab rtogs na/ /kun 'dzin sgo ni gang yin pa/ /mthar ni yongs su rdzogs par byed/ /gang zhig mig ni skye ba'i mtha'/ /yang dag ji bzhin rab rtogs na/ /kun 'dzin sgo ni gang yin pa/ /mthar ni yongs su rtogs par byed/ /gang zhig mig gi mtha' yi rnams/ /yang dag ji bzhin rab rtogs na/ /kun 'dzin sgo ni gang yin pa/ /mthar ni yongs su rdzogs par byed/ /gang zhig mig ni rab dben pa/ /yang dag ji bzhin rab rtogs na/ /kun 'dzin sgo ni gang yin pa/ /mthar ni yongs su rdzogs par byed/ /gang zhig mig gi 'jug pa dag /yang dag ji bzhin rab rtogs na/ /kun 'dzin sgo ni gang yin pa/ /mthar ni yongs su rdzogs par byed/ /gang zhig mig ni yod min pa/ /yang dag ji bzhin rab rtogs na/ /kun 'dzin sgo ni gang yin pa/ /mthar ni yongs su rdzogs par byed/ /gang zhig mig 79.291b ni nyer zhi ba/ /yang dag ji bzhin rab rtogs na/ /kun 'dzin sgo ni gang yin pa/ /mthar ni yongs su rdzogs par byed/ /gang zhig mig ni 'gyur ba yi/ /zad mtha' yang dag bzhin rtogs na/ /kun 'dzin sgo ni gang yin pa/ /mthar ni yongs su rdzogs par byed/ /gang zhig mig gi 'gyur ba yi/ /skye mtha' yang dag bzhin rtogs na/ /kun 'dzin sgo ni gang yin pa/ /mthar ni yongs su rdzogs par byed/ /gang zhig mig gi 'gyur ba yi/ /mthar ni yang dag bzhin rtogs na/ /kun 'dzin sgo ni gang yin pa/ /mthar ni yongs su rdzogs par byed/ /gang zhig mig gi 'gyur ba yi/ /rab dben yang dag bzhin rtogs na/ /kun 'dzin sgo ni gang yin pa/ /mthar ni yongs su rdzogs par byed/ /gang zhig mig gi 'gyur ba yi/ /'jug pa yang dag bzhin rtogs na/ /kun 'dzin sgo ni gang yin pa/ /mthar ni yongs su rdzogs par byed/ /gang zhig mig gi 'gyur ba yi/ /med pa yang dag bzhin rtogs na/ /kun 'dzin sgo ni gang yin pa/ /mthar ni yongs su rdzogs par byed/ /gang zhig mig gi 'gyur ba yi/ /skye med yang dag bzhin rtogs na/ /kun 'dzin sgo ni gang yin pa/ /mthar ni yongs su rdzogs par byed/ gang zhig mig gi 'gyur ba yi/ /nyer zhi yang dag bzhin rtogs na/ /kun 'dzin sgo ni gang yin pa/ /mthar ni yongs su rdzogs par byed/ /rna ba sna lce lus dang yid/ /yul drug dang ni 'byung chen bzhi/ /'jig rten skye ba'i ming gi bar/ /thams cad de bzhin sbyar bar bya/ /gang zhig mig gi sngon mtha' la/ /'gyur dang tha dang mtshan nyid med/ /len dang rnam rtog med gyur pa/ /kun 'dzin sgo la gnas pa yin/ /gang zhig mig gi zad mtha' la/ /'gyur dang tha dad mtshan nyid med/ /len dang rnam rtog med 'gyur pa/ /kun 'dzin sgo la gnas pa yin/ /gang zhig mig gi skye mtha' la/ /'gyur 79.292a dang tha dad mtshan nyid med/ /len dang rnam rtog med gyur pa/ /kun 'dzin sgo la gnas pa yin/ /gang zhig mig gi mtha' dag la/ /'gyur dang tha dad mtshan nyid med/ /len dang rnam rtog med gyur pa/ /kun 'dzin sgo la gnas pa yin/ /gang zhig mig gi nyer zhi la/ /'gyur dang tha dad mtshan nyid med/ /len dang rnam rtog med gyur pa/ /kun 'dzin sgo la gnas pa yin/ /gang zhig mig gi 'jug pa la/ /'gyur dang tha dad mtshan nyid med/ /len dang rnam rtog med gyur pa/ kun 'dzin sgo la gnas pa yin/ /gang zhig mig gi med pa la/ /'gyur dang tha dad mtshan nyid med/ /len dang rnam rtog med gyur pa/ /kun 'dzin sgo la gnas pa yin/ /gang zhig mig gi skye med la/ /'gyur dang tha dad mtshan nyid med/ /len dang rnam rtog med gyur pa/ /kun 'dzin sgo la gnas pa yin/ /gang zhig mig gi nyer zhi la/ /'gyur dang tha dad mtshan nyid med/ /len dang rnam rtog med gyur pa/ /kun 'dzin sgo la gnas pa yin/ /rna ba sna lce lus dang yid/ /yul drug dang ni 'byung chen bzhi/ 'jig rten skye ba'i ming gi bar/ /thams cad de bzhin sbyar bar bya/ /'dod sdang gti mug nga rgyal che/ /phrag dog ser sna sgyu mya ngan/ /nyes dmigs dri ma zug rngu dang / /chu bo dkar nag las rnams dang / /skye ba med dang 'gag med dang / /'gro ba med dang 'ong med dang / /mi g.yo tha dad mi 'gyur dang / /byas min spyod pa ma yin dang / /snang min mun pa ma yin dang / /'jug min chu bo spangs pa dang / /zag pa med dang gnas med dang / /'gro min mi 'gro ma yin dang / /yi ge ma yin dmigs min dang / /'byung ba ma yin 'jug min dang / /yang dag ma yin rnam rtog sogs/ /sgo ni drug bcu rtsa gnyis rnams/ /so so'i don dang ci rigs par/ /thams cad de bzhin sbyar bar bya/ /gang zhig mig gi sngon mtha' yi/ /rab dang tha ma'i bar shes shing / /len dang 79.292b rnam rtog med gyur pa/ /kun 'dzin sgo la gnas pa yin/ /gang zhig mig gi zad mtha' yi/ /rab dang tha ma'i bar shes shing / /len dang rnam rtog med gyur pa/ /kun 'dzin sgo la gnas pa yin/ /gang zhig mig gi skye mtha' yi/ /rab dang tha ma'i bar shes shing / /len dang rnam rtog med gyur pa/ /kun 'dzin sgo la gnas pa yin/ /gang zhig mig gi mtha' dag gi/ /rab dang tha ma'i bar shes shing / /len dang rnam rtog med gyur pa/ /kun 'dzin sgo la gnas pa yin/ /gang zhig mig gi rab dben pa'i/ /rab dang tha ma'i bar shes shing / /len dang rnam rtog med gyur pa/ /kun 'dzin sgo la gnas pa yin/ /gang zhig mig gi 'jug pa yi/ /rab dang tha ma'i bar shes shing / /len dang rnam rtog med gyur pa/ /kun 'dzin sgo la gnas pa yin/ /gang zhig mig ni med pa yi/ rab dang tha ma'i bar shes shing / /len dang rnam rtog med gyur pa/ /kun 'dzin sgo la gnas pa yin/ /gang zhig mig ni mi skye ba'i/ /rab dang tha ma'i bar shes shing / len dang rnam rtog med gyur pa/ /kun 'dzin sgo la gnas pa yin/ /gang zhig mig gi nyer zhi ba'i/ /rab dang tha ma'i rab shes shing / /len dang rnam rtog med gyur pa/ /kun 'dzin sgo la gnas pa yin/ /rna ba sna lce lus dang yid/ /yul drug dang ni 'byung chen bzhi/ /'jig rten skye ba'i ming gi bar/ thams cad de bzhin sbyar bar bya/ /sa la 'gyur ba med pa dang / /len dang rnam rtog med par ni/ /de ltar gang zhig rtog gyur pa/ /kun 'dzin sgo ni rdzogs par byed/ /sa ni mi skye 'du shes shing / /len dang rnam rtog med par ni/ /de ltar gang zhig rtogs gyur pa/ /kun 'dzin sgo ni rdzogs par byed/ /sa ni 'gag med 'du shes shing / /len dang rnam rtog med par ni/ /de ltar gang zhig rtogs gyur pa/ /kun 'dzin sgo ni rdzogs par byed/ /sa la 'jug par 'du shes shing / /len dang rnam rtog med par ni/ /de ltar gang 79.293a zhig rtogs gyur pa/ /kun 'dzin sgo ni rdzogs par byed/ /sa la nges 'byung 'du shes shing / /len dang rnam rtog med par ni/ /de ltar gang zhig rtogs gyur pa/ /kun 'dzin sgo ni rdzogs par byed/ /sa la smon med 'du shes shing / /len dang rnam rtog med par ni/ /de ltar gang zhig rtogs gyur pa/ /kun 'dzin sgo ni rdzogs par byed/ /sa la gnas med 'du shes shing / /'gro ba med dang 'ong med dang / /mtha' med dang ni zad med dang / /mtshungs par ldan dang mtshungs mi ldan/ /ming dang yi ge brtags bral dang / /so sor brtags dang 'jug pa dang / /gnyen po mi 'thun phyogs med dang / /brjod du med cing bstan med dang / /rab dben gnas pa med pa dang / /dran pa nye gzhag yang dag spong / /rdzu 'phrul rkang dang dbang po stobs/ /byang chub yan lag mi 'jigs lam/ /de ltar sa'i chos rnams la/ /len dang rnam rtog med par ni/ /de ltar gang zhig rtogs gyur pa/ /kun 'dzin sgo ni rdzogs par byed/ /gal te bdag la 'jug med pas/ /len dang rnam rtog med par ni/ /de ltar gang zhig rtogs gyur pa/ /kun 'dzin sgo ni rdzogs par byed/ /gal te bdag la 'byung med pas/ /len dang rnam rtog med par ni/ /de ltar gang zhig rtogs gyur pa/ /kun 'dzin sgo ni rdzogs par byed/ /gal te bdag la mtshan med pas/ /len dang rnam rtog med par ni/ /de ltar gang zhig rtogs gyur pa/ /kun 'dzin sgo ni rdzogs par byed/ /gal te bdag la smon med pas/ /len dang rnam rtog med par ni/ /de ltar gang zhig rtogs gyur pa/ /kun 'dzin sgo ni rdzogs par byed/ /gal te bdag la gnas med pas/ /len dang rnam rtog med par ni/ /de ltar gang zhig rtogs gyur pa/ /kun 'dzin sgo ni rdzogs par byed/ /gal te bdag la skye med pas/ /len dang rnam rtog med par ni/ /de ltar gang zhig rtogs gyur pa/ /kun 'dzin sgo ni rdzogs 79.293b par byed/ /gal te bdag la 'gag med pas/ /len dang rnam rtog med par ni/ /de ltar gang zhig rtogs gyur pa/ /kun 'dzin sgo ni rdzogs par byed/ /gal te bdag la yig med pas/ /len dang rnam rtog med par ni/ /de ltar gang zhig rtogs gyur pa/ /kun 'dzin sgo ni rdzogs par byed/ /gal te bdag ni yig bral bas/ /len dang rnam rtog med par ni/ /de ltar gang zhig rtogs gyur pa/ /kun 'dzin sgo ni rdzogs par byed/ /mig gi sngon dang phyi mtha' dag /rtag chad dag ni spangs pa dang / /rgyu rkyen rang bzhin stong par ni/ /'dren pas thabs kyis bstan rig byos/ /gal te chos ni ston pa'i tshe/ /mig gi mtshan nyid rtogs byed na/ de ni mi bden rtog yin pas/ /yang dag chos bstan zhes mi bya/ /gal te chos ni sems pa'i tshe/ /mig gi mtshan nyid rtog byed na/ de ni mi bden rtog yin pas/ /chos sems pa zhes mi bya'o/ /gal te chos ni sgom pa'i tshe/ /mig gi mtshan nyid rtogs byed na/ /de ni mi bden rtog yin pas/ /chos sgom pa zhes mi bya'o/ /gang zhig mig gi stong nyid rtogs/ /byang chub gzhol bar mi byed na/ /sangs rgyas gang zag de dag la/ /rtag tu mngon sum chos ston mdzad/ /gal te mig ni ma rtogs na/ /gzugs kyang rtogs par mi 'gyur la/ /gal te mig ni rtogs gyur na/ /gzugs kyang rab tu rtogs par 'gyur/ /gal te mig ni rtog gyur na/ /gzugs kyang rab tu rtogs 'gyur la/ /gal te gzugs ni rtogs gyur na/ /mig kyang rab tu rtogs par 'gyur/ /rna ba sna lce lus dang yid/ yul drug dang ni 'byung chen bzhi/ /'jig rten skyed pa'i ming gi bar/ /thams cad de bzhin sbyar bar bya/ /gal te chos ni ston pa'i tshe/ /rgyu yi mtshan nyid rtogs byed na/ /de ni mi bden rtog yin pas/ /chos ston pa zhes mi bya'o/ /gal te chos ni ston pa'i tshe/ /'bras bu'i mtshan 79.294a nyid rtogs byed na/ /de ni mi bden rtog yin pas/ /chos ston pa zhes mi bya'o/ /gal te chos ni ston pa'i tshe/ /lam gyi mtshan nyid rtogs byed na/ /de ni mi bden rtog yin pas/ /chos ston pa zhes mi bya'o/ /gal te chos ni ston pa'i tshe/ /stong pa'i mtshan nyid rtogs byed na/ /de ni mi bden rtog yin pas/ /chos ston pa zhes mi bya'o/ /gal te chos ni ston pa'i tshe/ /bsags pa dag tu rtogs byed na/ /de ni mi bden rtog yin pas/ /chos ston pa zhes mi bya'o/ /gal te chos ni ston pa'i tshe/ /rdzas kyi dngos por rtogs byed na/ /de ni mi bden rtog yin pas/ /chos ston pa zhes mi bya'o/ /gal te chos ni ston pa'i tshe/ /mig gi 'dzin par rtogs byed na/ /de ni mi bden rtog yin pas/ /chos ston pa zhes mi bya'o/ /mig ni shes par ma gyur na/ /'dod chags dag ni skye bar 'gyur/ /gal te mig ni shes gyur na/ /'dod chags dag ni skye mi 'gyur/ /rna ba sna lce lus dang yid/ /yul drug dang ni 'byung chen bzhi/ /'jig rten skye ba'i ming gi bar/ /thams cad de bzhin sbyar bar bya/ /gal te chos ni ston pa'i tshe/ /khams ni sna tshogs rtogs byed na/ /de ni mi bden rtog yin pas/ /chos ston pa zhes mi bya'o/ /yi dam dag ni mi nyams shing / ngo bo nyid stong rtogs pa dang / /ting 'dzin sgo rnams thob gyur pa/ /des ni chos legs ston par 'gyur/ /yi dam dag ni mi nyams shing / /mig la rtog pa spangs pa ni/ /rnam rtog med par gyur pa'i phyir/ /des ni chos legs ston par 'gyur/ /mig nyid stong par ma shes na/ /mig gi rang bzhin dag la rmongs/ /'di ltar khong du ma chud phyir/ /des ni chos rnams bstan mi bya/ /gal te mig nyid stong shes na/ /mig gi rang bzhin shes par 'gyur/ /'di ltar rab tu shes pa'i phyir/ /des ni chos rab bstan 79.294b par bya/ /mig nyid stong par ma shes na/ /mig gi rang bzhin dag la rmongs/ /'di ltar khong du ma chud phyir/ /des ni chos rnams bstan mi bya/ /gal te mig nyid stong shes na/ /tshig gi rang bzhin shes par 'gyur/ /'di ltar rab tu shes pa'i phyir/ /des ni chos rab bstan par bya/ /mig nyid stong par ma shes na/ /mig gi rang bzhin dag la rmongs/ /'di ltar khong du ma chud phyir/ /des ni chos rnams bstan mi bya/ /gal te mig nyid stong shes na/ /mig gi rang bzhin shes par 'gyur/ /'di ltar rab tu shes pa'i phyir/ /des ni chos rab bstan par bya/ /mig nyid stong par ma shes na/ /gzugs kyi rang bzhin dag la rmongs/ /'di ltar khong du ma chud phyir/ /des ni chos rnams bstan mi bya/ /gal te mig nyid stong shes na/ /gzugs kyi rang bzhin shes par 'gyur/ /'di ltar rab tu shes pa'i phyir/ /des ni chos rab bstan par bya/ /mig nyid stong par ma shes na/ /'jig rten mtshan gnas rtog byed pas/ /rjes su 'thun pa kho nar ni/ /sems can rnams ni gdul mi nus/ /mig gi yod med ma rtogs par/ /'khor gyi nang du chos ston pa/ /de ni rnying la gdu bas na/ /thams cad yid ches len mi byed/ /mig gi yod med rtogs gyur na/ /'khor gyi nang du chos ston pas/ /des ni mngon zhen med pas na/ /thams cad yid ches len par byed/ /mig nyid stong par ma rtogs par/ /chos kyi stan la 'dug nas ni/ /dpe mang dag gis rab bstan kyang / /thams cad yid ches len mi byed/ /gal te mig nyid stong shes na/ /chos kyi stan la 'dug nas ni/ /dpe rnams kyis ni ston byed na/ /thams cad yid ches len par byed/ /rna ba sna lce lus dang yid/ /yul drug dang ni 'byung chen bzhi/ /'jig rten skyed pa'i ming gi bar/ /thams cad de bzhin sbyar bar bya/ /bcom ldan 'das kyis de skad ces bka' stsal nas/ zla 'od gzhon 79.295a nur gyur pa dang / lha dang / mi dang / lha ma yin dang / dri zar bcas pa'i 'jig rten 'khor 'dus pa chen po thams cad yi rangs te/ bcom ldan 'das kyis gsungs pa la mngon par bstod do/ /'phags pa dkon mchog brtsegs pa chen po'i chos kyi rnam grangs le'u stong phrag brgya pa las 'od zer kun tu bkye ba'i le'u ste bcu gcig pa rdzogs so// gsum zhus rgya/ |